བོད་ཡིག

e-texts based on the ACIP/ALL Input

@##/ /dpal phyag na rdo rje la phyag 'tshal lo/ /bden pa yang dag pa'i mtshan rtogs par byed pa/ pra se na sgrub par byed pa'i sgrub pa po dam tshig dang ldan pas gnas khang yid dang mthun par maN+Dal la sogs pa sngon du bya ba'i rim pa gong ltar byas la/ rin po che'i bum pa mdzes pa la kha dog dkar por bsgyur te/ de nyid kyi nang du bum pa shis pa'i rdzas rnams kyis btab la/ kha rgyan la sogs pa mdzes pa'i chas dang ldan par bya zhing / rma bya dang me long chag pa dang gas pa la sogs pa'i skyon med pa dang / mda' dkar mo la bya rgod kyi mig g.yas pa dar dkar po'i ldeb tu phur la btags la de dag rnams bum pa'i steng du bzhag la dar dkar po dri ma med pas yol ba bres te/ spos la sogs pa dri zhim pa rnams kyi chag chag gis gnas khang kun du btab ste/ khro bo bdud rtsi 'khyil pa sku mdog ljang gu zhal gcig phyag bzhi pa/ ral gri dang sna tshogs rdo rje dang / me long dang mda' dang gzhu bsnams pa rnam par bsgom par bya'o/ /ye shes bstim pa la sogs pa byas la/ khro bo de nyid kyi snying ga nas 'od 'phros pas sangs rgyas dpag tu med pa spyan drangs te rab tu gnas pa bya'o/ /bud+d+ha re re'i spyan la lha mo dkar mo lag na me long dang bdud rtsi'i bum pa thogs pa dpag tu med pa byung ste/ sgrub pa po bdag nyid kyi mig la bstims pas sangs rgyas de nyid kyi zhing khams dpag tu med pa mthong ba la blo yis mos pa byas pas rdo rje'i mig dang ldan par gyur te/ me long gi nang du yang gang yin pa'i gzugs dang / bden pa'i mtshan nyid ston par 'gyur ba la the tshom med do/ /de la yar ngo'i tshes brgyad kyi tshe snga dro gos gsar pa dri ma med pa gyon la/ 'di ltar sngags 'di lan stong bzlas te/ bum pa'i chus bdag nyid kyi mig g.yas pa la sngags re bzlas shing bkrus na rdo rje'i mig dang ldan par 'gyur ro/ /de'i sngags ni/ oM ka Ta badzra pra mo tra na ya hUM hUM phaT phaT swA hA zhes cho ga rdzogs pa lan bdun byas na/ bden pa'i tshig nyid 'jig rten pa dang 'jig rten las 'das pa'i mtshan nyid phyin ci ma log par mthong bar 'gyur ba la the tshom byar med do/ /'di dag la yang mi rung ba'i sgrub pa chang la sogs pa bdun spangs te/ cho ga la 'bad par bya'o/ /rgyud kyi bden pa'i don nges par sgrub pa/ /rnal 'byor pa pra se na legs par brtag pa slob dpon ye shes rdo rjes mdzad pa rdzogs so/ / @##/ /dpal phyag na rdo rje la phyag 'tshal lo/ /'dod pa'i don nges par bsgrub par 'dod pas sgrub pa po dam tshig dang ldan pas gnas khang yid dang mthun par maN+Dal ser po yid du 'ong ba'i steng du me tog ser po dri ma med pa bkram ste/ bdag nyid kyis sngon du ci rigs pa'i bya ba'i rim pa rdzogs par byas la/ bum pa'i nang du su ser po las byung ba'i lha mo rgyan sna tshogs par brgyan par blta'o/ /hUM las byung ba'i khro bo gtum po mdog ser po klu'i bu rnams kyis brgyan pa rnam par bsgom par bya'o/ /de la ye shes sems dpa' spyan drangs te mchod pa dang bstod pa dang gsol ba gdab pa rnams bya ste/ de nas bdag nyid rdo rje gtum po'i nga rgyal dang ldan pas bdag gam gzhan bsgrub bya'i lus thams cad rdo rje rtse gsum par byin gyis brlabs te/ pha rol gyi lus la gnod par rung ba gang yin pa rnams bcing ba dang bkar ba dang / spa bkong ba'i las nye bar bsgrub par bya ste/ yul 'joms pa'i rdo rje spyi bor rnam par blta bar bya'o/ /de nas de'i rjes la dngos dang dngos ma yin pa'i tshogs bsag pa'i rten spyan drangs te/ tshogs ji ltar 'byor pa bsag par byas la bdag nyid kyis rdo rje rab tu zhi bar byed pa'i lta stangs kyis blta ste/ dbang dang rgyas pa'i gzugs kyis langs la hUM hUM zhes rab tu khros pa'i sems kyis sdang bar bltas la/ hi hi zhes dgyes pa'i gad mos bcu gnyis sam dgu'am bdun bgad pas las thams cad 'grub par 'gyur ba la the tshom med do/ /de yang skar ma rgyal la bab pa'i tshe khro bo gtum po'i nga rgyal dang ldan pas/ oM ma Ta badzra badzra hUM hUM phaT phaT swA hA zhes stong phrag gnyis bzlas te/ bdag nyid kyi lus la mi 'jig cing sra ba'i gos gyon la rdo rje'i lus kyi rnam par 'dug pa la lan bdun nam bcu gcig byas na lus la ye shes