བོད་ཡིག

e-texts based on the ACIP/ALL Input

kyi dkyil 'khor du dbang bskur ba dug las rgyal ba zhes bya ba slob dpon mar me mdzad kyis mdzad pa rdzogs so/ /[ ]@##/ /dpal rdo rje rnam par 'joms pa la phyag 'tshal lo/ /dpal rdo rje rnam par 'joms pa'i khrus kyi cho ga bum pa sgrub par 'dod pa'i sgrub pa po dam tshig dang ldan pas gnas khang yid dang mthun par sa gzhi rnams legs par mnyam ste / byug spos la sogs pa rnams kyis chag chag btab la dkyil 'khor la brten pa dang / maN+Dal la brten pa gnyis gang mos su bya'o/ /dkyil 'khor la brten na dkyil 'khor gyi cho ga dang dbang bskur ba'i cho ga bzhin bya'o/ /maN+Dal la brten na khru gang gi maN+Dal sngon po zlum zhing dbus yid tsam mtho ba la chags legs par bya zhing mnyam pa'i steng du bum pa gser ram dngul lam zangs sam lcags las sgrub pa po 'byor pa'i khyad par gyis bya'o/ / de yang pad+ma dmar po'i mdog ltar dmar zhing byi ru dang / mtshal bzang po'i mdog ltar dmar zhing nag po ra ri med cing shin tu 'jam par bya'o/ /de yang tshad dang ldan par bya ste/ zhabs kyi gdub krol dpangs su sor gcig gi tshad du bya/ stegs la sor gnyis/ lto ba lhung bzed dang 'dra bar bya/ mgrin pa ni dpangs su sor bzhi phyir gyed pa kha khyer gyi 'dab ma la sor gnyis/ mar bcal ba la nas gang dpangs de dang mnyam/ kha'i bu ga ni sor bzhi'i tshad du bya'o/ /lto ba'i tshad ni rab la phul nyi shu rtsa gcig /'bring po rnams su bcu gcig dang / bdun dang bre gang shong bar bya'o/ /tha ma ni phul bzhi dang phul gang khyor bzhi shong bar bya'o/ /de lta bu'i bum pa chag pa dang / zhom pa dang / gas pa dang / nag po ra ri dang / thag thug med pa mtshan nyid dang ldan pa ni dbang bskur 'jug pa'i rkyen dang byin rlabs su nges pa'o/ /de lta bu'i bum pa mtshan nyid dang ldan pa'i nang du/ chu rab tu gtsang ma srog chags med pas bkang ste/ dung dang nor bu dang mu tig mig ma phug pa dang / byi ru dang gser dang rin po che lnga dang / gi ri ga ni dang sing hA dang / bya kr-i dang / sa hA dang / sa ha de ba la sogs te sman lnga dang / nas dang 'bras dang / mon sran gre'u dang / gro dang til te 'bru lnga dang / tsan+dan dang / ga bur dang / gu gul dang / gla rtsi dang / spos sbyar ma ste dri lnga/ ka ra dang / bu ram dang / sbrang rtsi dang / mar dang lan tshwa la sogs te snying po lnga dang / man shel dang rdo rje dang / me tog dmar po rab tu dri zhim pa rnams kyang blugs la/ de nas dri dang ldan pa'i chu la sngags bzlas la bum pa bsangs te/ tsan+dan dmar po la sogs pa'i dri zhim zhing bkra shis pa'i rdzas gang yang rung bas lha rnams kyi mtshan ma legs par bris la ras dmar po dri ma med pas mgul pa bcing ngo / /ku sha dang shug pa la sogs pa'i shing lo ma can me tog dang 'bras bur ldan pas kha rgyan la tshon sna lnga'i ras skud kyis dril te/ mdud pa byas la de'i steng du ba dmar po'i lci bas rgyas btab ste/ rtswa dUr ba nyag ma bdun dang rma bya bdun bzhugs so / / de dag gi steng du rin po che'i snod chung zhing mdzes pa'i nang du yungs kar dang til dkar po dang / a laM ka'i phye ma rnams blugs la gzhag go/ /de dag ma blugs pa'i gong du ni gu gul la bdud rtsi thab sbyor gyi sngags/ oM a mr-i te hUM phaT ces brjod la bdug par bya'o/ /de nas sgrub pa po bdag nyid kyis gos gsar pa gyon te/ /lag pa g.yon pa'i mthil du chu gtsang ma blugs la de nyid a yongs su gyur pa las/ zla ba'i dkyil 'khor du dmigs la/ lag pa g.yas pa'i sor mo gsum rdo rje rtse gsum par dmigs te/ oM sho dan+te oM sha tan ye swA hA zhes brjod pas g.yas dang g.yon dang dbus su gtor la de nas g.yas pa'i srin lag chu nang du bcug la/ de nyid la nyi ma'i dkyil 'khor du dmigs la/ bdag nyid kyis hub gsum btung ngo / /de ltar nye reg dang 'thor 'thung byas la bdag nyid khro bo ti rIn+ti ri'i gzugs kyis langs la hUM hUM zhes brjod pas rkang pa g.yas pa rdo rje g.yon pa phur pa dmigs pa dang / mig g.yas pa zla ba'i dkyil 'khor gyi steng du hUM sngon po 'phred la nyal ba dmigs/ g.yon pa ma las nyi ma'i dkyil 'khor gyi steng du hUM dmigs la rab tu sdang ba'i mig gis bgegs rnams la dbang ldan nas brtsams te/ hUM zhes brjod pas rdo rje'i rtsig pa dang / ra ba dang / dra ba dang / gur dang / sa gzhir dmigs par byas la phur bu dang tho ba thogs pas kyang mtshams gcad par bya'o/ /de nas phur bu'i yungs kar blangs te/ oM ban+d+ha ban+d+ha kro d+ha kI li kI lA ya hUM phaT/ ces brjod pa dang bgegs bskrad/ yang bdud rtsi thab sbyor du dmigs te/ hUM hUM/ dus gsum sangs rgyas thams cad kyi/ /mngag gzhug pho nya'i las mdzad pa/ /khro chen bdud rtsi 'khyil pa yi/ /yungs kar dag la mngon par bsngags / / phyogs rnams kun du gtor byas na/ /bgegs kyi sbyor ba rgyun chod cig /de nas bdud rtsi thab sbyor gyi sngags dang / phyogs mtshams kyi sngags brjod cing gtor la bskrad do / /nad pa la byed na gang gi dkyil 'khor gru bzhi pa dang ldan pa'i sa nyid la dbus su khru do khru phyed pa'i sa 'bru sna tshogs pas bkang la bzhag go/ /de nas sngags pa bdag nyid kyis khrus bya ste/ bum pa'i nang du dkyil 'khor gyi lha tshogs sngags dang phyag rgyas spyan drangs te/ de nas lag pa'i sor mo nang du bsnol te/ khu tshur bcangs la mthe bong dang gung mo dang mthe'u chung rnams gshibs te/ bsgrengs la nas re re las ma reg par byas la/ na mo rat+na tra yA ya/ na maHtsaN+Da badzra pA Na ye/ ma hA yak+Sha se nA pa ta ye badzra bi dA ra NA ya swA hA zhes pas rdo rje rnam 'joms kyi sku mdog phyag mtshan gsal bar dmigs la/ bum pa'i nang du paM yongs su gyur pa las/ bdud rtsi lnga'i chu rgyun dag pa las pad+ma dkar po'i ze 'bru dang / sdong por bcas pa dmigs la de nyid kyi lte ba la nyi ma dang zla ba dang / pad+ma'i gdan la bzhugs par dmigs la/ de nas dkyil 'khor gyi cho ga las 'byung ba bzhin du lha so so'i dam tshig gi phyag rgya dang sngags brjod cing spyan drang ngo / /de nas mchod yon lan bdun nam lan nyi shu rtsa gcig gam sum cu rtsa lnga dbul lo/ /yang lha re re'i dam tshig gi phyag rgyas spyan drangs sngags brjod cing de dag re re la yang mchod pa lnga lnga dbul lo/ /de nas phyogs skyong rnams kyi phyag rgyas spyan drang ba ni/ langs te rkang pa g.yas pa brkyang ba'i tshul gyis lag pa g.yon pa rdo rje'i phyag rgya bstan te/ g.yas pa rdo rje'i phyag rgya sta zur du gzhag par bya/ sngags ni oM ha na ha na b+hi na badzra hUM phaT/ yang g.yas g.yon brkyang ba'i tshul gyis lag pa g.yas pa'i mdzub mo lcags kyu ltar bskyed do/ /g.yas pa brgya byin gyi'o/ /yang me'i phyogs su bltas te/ lag pa g.yas pa brkyang la rkang pa gnyis mnyam par byas la mdzub mo bkug ste/ rtse mo gung mo'i tshigs gsum par gzugs so/ /sngags ni oM badzrA na la ma hA b+hU ta dz+wa la sarba b+hasmi ku ru sarba duSh+TAn hUM phaT/ mthe bong mthil du sbyar te brtan por bzhag la g.yabs pa ni spyan drang ba'o/ /mdzub mo mthe bong btsugs te phyir drag tu brkyang ba ni slar btang ba'o/ /gshin rje'i phyogs su bltas te bsgrengs la bstim pa mdun du bzhag la sor mo phan tshun bsnol te khu tshur dam du bcangs la srin lag gshibs te bsgrengs la snying gar gzhag par bya'o/ /sngags ni oM badzra ka la ban+d+ha ha na ha na hUM phaT/ srin lag gnyis gshibs la g.yas pas nang du bzlog pa ni spyan drang ba'o/ /nang du bzlog pa de las phyir byung ste/ gshibs pa de ni slar btang ba'o/ /bden bral gyi phyogs su bltas te rkang pa mnyam par bzhag la/ lag pa g.yas pa khu tshur bcangs pa las mdzub mo dang gung mo gnyis ral gri 'dra bar gshibs te bsgreng / lag pa g.yon pa yang de lta bu'i tshul gyis shugs 'dra bar sta zur g.yon du gzhag par bya'o/ /sngags ni ri te rak+ShA d+hi pa ta ye swA hA/ g.yon pa'i mdzub mo bkug ste g.yas pas spyan drang ba'o/ /phyir stod de slar bkrol ba gshegs su gsol ba'o/ /chu lha'i phyogs su bltas te rkang pa mnyam par bzhag la/ g.yas pa khu tshur bcangs nas mthe bong dang mdzub mo zhags mig ltar bya/ g.yon kyang de ltar bya ste snying gar bzhag go/ /sngags ni oM na ga badzra A na ya sarba d+ha na d+ha bya badzra hi ra N+ya sarba na ra sma ni muk+ta la ka ra d+hi ni sarba ga ra Na ni/ badzra d+ha ra sa ma ya/ ma nu smA ra/ a kaD+D+h+ya a kaD+D+h+ya / ban+d+ha ban+d+ha/ ha ra ha ra nan ma hA tse ta hUM phaT/ g.yon pa'i mdzub mo'i lcags kyu g.yabs pa ni spyan drang ba'o/ /phyir bskyed de slar bkrol pa ni slar btang ba'o/ /rlung lha'i phyogs su bltas te rkang pa gshibs te bsgrengs la g.yon pa'i khu tshur bcangs la/ gung mo bsgrengs pa'i tshigs dang por mdzub mo bkug pa'i thig thog btsugs la g.yas pa de ltar byas te sta zur g.yas su gzhag go/ /sngags ni oM badzra a ni la ma hA bai ga a na ya sarba duSh+T+wAM hUM phaT/ mdzub mo de nyid spyan drangs pa dang / slar gtang bar bya'o/ /ku be+e ra'i phyogs su bltas to rdo rje bcings pa nang du bzlog nas mthe'u chung gshibs te brkyang ba'i skabs su so so'i srin lag sbyar bar bya'o/ /sngags ni oM ku be+e ra yak+She Di pa ha ye swA hA/ gung mo gnyis rdo rje ltar bkug ste g.yabs pa ni spyan drangs pa'o / /de nyid kyis bskyod pa ni slar gtang pa'o/ /dbang ldan phyogs su bltas te bsgreng la snyim pa bkan la srin lag mthe chung bkug ste/ bsnol la gung mo gnyis gshibs te bsgrengs pa'i rgyab logs su mdzub mo gnyis rdo rje ltar bya mthe bong gnyis bar du gzhibs te gzhag go/ /sngags ni oM d+hi hUM bin+d+ha badzra shU la swA hA/ mdzub mo gnyis sen mo mi sprad par nang du g.yabs pa ni spyan drang ba'o/ /phyir bskyed de bkrol ba ni slar gshegs pa'o/ /'og tu bltas te lag pa gnyis pad+ma ltar bya ste/ spyan drang ba dang / slar btang ba yang nang du g.yabs pa dang phyir bkrol ba'o/ /sngags ni na maH sa man+ta bud+d+hA nAn / oM pri thi bya swA hA/ steng gi snying po lag pa khong stong du sbyar la mthe bong gnyis gshibs te spyi bor gzhag par bya'o/ /spyan drang ba dang slar btang ba dang nang du dang phyir dgrol ba'o/ /sngags ni na maH sa man b+hU ta nan/ he shwa d+ya pra tA dz+h+yo ti ra ma ya swA hA/ de nas me tog dang bdug spos la sogs pa'i mchod pa dbul lo/ /gtor ma ni 'bras chan zho dang sbyar ba dang / dri bsung dang ldan pa'i shing thog khur ba la sogs pas mchod do/ /chang dang sha dang khrag gis ni ma yin no/ /de dag gi 'khor gyi gdon rnams la ni sha chang dang 'byung po'i kha zas su sbyin no/ /de nas tshon sna lnga'i skud pa gsar pa shin tu mnyam pa la dri dang ldan pa'i gu gul la sogs pa gtor bar bya ste/ bum pa'i mgul pa la btags la rdo rje la brtod la gzhag go/ /de nas shug pa la sogs pa'i dri dang ldan pa'i shing la sbyin sreg kyang bya/ de nas bdag nyid kyis khrus bya ste/ gos gsar pa gyon la dpral ba la dri'i thig le byas la sngags pa g.yog bzhi dang ldan pas gzungs thag bzhi phyogs bzhir 'then la rgyud rdzogs par brgya brgya bklags te lnga bcu'i bar du mchod pa lnga dbul/ brgya rdzogs pa la zhi ba'i sbyin sreg bya'o/ /de nas bzlas pa bya ste bum pa'i lha la ye shes sems dpa' bstim ste/ lha so so'i thugs ka nas rdo rje sngon po nas tsam pa kha med pa'i lte ba la sngags rgyas bsdus gang mos kyis 'khor bar dmigs la bdag nyid snying po bsdus pa la bzlas pa byas pas/ de nyid las 'od 'phros pas ye shes sems dpa'i thugs ka'i sa bon las 'od 'phros pas lha 'od du zhu/ de nyid las sngags kyi rang sgra 'byung bas ye shes kyi bdud rtsi babs / gnyis su med par bstim/ bdag gi lce'i steng du yang ye shes kyi rdo rje nas tsam gyi sbubs ma nas/ sngags kyi rang sgra byung bas bdag dang sems can gyi don byas/ phyi rol gyi snang ba rnams kyang sngags kyi rang sgrar byung bas gdug pa'i tshogs rnams tshar gcad par byas pa'o/ /de ltar dmigs pa gsum dang mi 'bral bar byas pas bdag dang sgra'i dngos po thams cad sgra'i bsam gtan dang mi 'bral ba ni don gyi man ngag go/ /yungs kar la sngags bzlas te bum par blugs pas/ lha rnams kyi steng gi rdo rje la ye shes kyi bdud rtsi babs pa dmigs pa dang / yang na me tog rab tu dri zhim pa la sngags bzlas pa bum par blugs la lha rnams kyi spyan lam du mchod pa'i sprin rab tu mdzes shing rgya che bar dmigs pas/ dngos grub thams cad bdag la ster bar dmigs so/ /de ltar snying po bsdus pa la brgya'am stong ngam khri'am 'bum mam rang ji ltar dmigs par bzlas la/ slob ma khrus byas te gos gsar pa dri ma med pa gyon te/ gsum pa skyabs su 'gro ba dang / sems bskyed pa la sogs pa bya ste/ na mo dkon mchog gsum la phyag 'tshal lo/ /dkon mchog gsum la skyabs su mchi/ /dkon mchog gsum la mchod pa 'bul/ /sdig pa thams cad so sor bshags/ / mya ngan mi 'da' gsol ba 'debs / /chos kyi 'khor lo bskor bar bskul/ /don dam kun rdzob rang bzhin gyis/ /sdom pa ma lus bdag gis bzung / /ma bsgral ba rnams bsgral bgyis nas/ /ma brgal ba rnams brgal byas te/ /dbugs ma phyin pa dbugs dbyung ste/ / sems can mya ngan 'das la dgod/ /'gro ba'i dge la rjes yi rang / /kun kyang sems can don du bsngo/ /zhes brjod la rdo rje lag tu byin la dbugs dbyung ste/ dbu rgyan gon la gzengs bstod la dkyil 'khor gyi shar sgo nas spang leb kyi steng nas lam ston la dbus su khrus byas te/ ye shes kyi lha mo bdud rtsi'i bum chu thogs pa mang por sprul la/ nam mkha' nas bdud rtsi'i chu rgyun phab pas phyi lus kyi sdug bsngal dang / nang sems kyi sdug bsngal dang / mi mthun pa'i rmi lam sum cu rtsa gnyis la sogs pa rmis pa dang / mya ngan dang sems las su mi rung ba'i mi bde ba rnam par dag par dmigs pa byas la/ tshigs su bcad pa 'di dag kyang brjod par bya'o/ /e ma ho / khrus mchog 'di ni dpal dang ldan/ /rdo rje'i khrus ni bla na med/ /rdo rje ye shes khrus 'di yis/ /bkra shis bum pa la brten nas/ /sdug bsngal thams cad med par byed/ /bde ba phun sum tshogs par gnas/ /ma grub pa rnams grub par byed/ /'dod pa thams cad rab tu sbyin/ /dpal ldan ye shes mchog gi khrus/ /rgyal mchog dam pa sbyin par bya'o/ /zhes pas kyang khrus bya'o/ /de nas bkra shis kyi rdzas brgyad kyis slob ma bkra shis par bya ba'i phyir yungs kar dang / zho dang / rtswa dUr ba dang / li khri dang / dung dang / bil ba'i 'bras bu dang / me long dang / gi wang rnams rim pas sbyin no/ /brab pa dang / byab pa dang / dril pa dang / skyor ba dang / steg pa la sogs pa yang bya'o/ /de ltar khrus rtag tu byas na rgyal po rnams bsod nams rgyas pa dang / gdon zhi ba dang / pha rol gyi sde rnams dbang du gyur pa dang / rgol ba rnams tshar gcod par 'gyur ba de bzhin du blon po dang / bu 'dod pa dang / byad stems kyis 'jigs pa dang / pha rol gyi dmag gis 'jigs pa dang / gza' dang / rgyu skar dang / nad dang / mu ges 'jigs pa dang / de bzhin 'jigs pa chen po brgyad dang / nor 'grib pa dang / longs spyod 'dod pa dang / 'khor dang tshe ring bar 'dod pa dang / dbang thang rgyas par 'dod pa dang / bkrag dang gzi mdangs 'dod pa dang / stobs dang / nus pa dang / grags pa dang / dpal dang / dbang phyug dang / gzugs 'dod pa dang / nor 'dod pa dang / 'bru 'dod pa dang / zas 'dod pa dang / gos dang / rgyan dang / bzhon pa dang / lha nye bar 'dod pa dang / gdon brlag par 'dod pa dang / sdig pa ma lus pa dag par 'dod pa rnams kyis rtag tu khrus byas na 'dod pa'i don ni ma lus pa ji lta ba bzhin du 'grub par nges so/ /de'i phyir na mi mthun pa'i phyogs mtha' dag las thar bar byed pas na sngon byung du rgyal po la smon pa dang / yang na rgyal po bsod nams che ba'i phyir smos te/ rgyal po rtag tu khrus gyis shig /ces 'gro ba mi'i dpon yin pas smos so/ /de ltar na 'dod pa thams cad rab tu sbyin pa zhes smos so/ / snga ma dang da ltar dang phyi ma'i sdig pa ma lus pa las thar bar byed pa 'phags pa rdo rje rnam par 'joms pa'i khrus kyi cho ga / slob dpon chen po dpal mar me mdzad kyis mdzad pa rdzogs so//[ ]@##/ /dpal rdo rje rnam par 'joms pa la phyag 'tshal lo/ /'phags pa rnam par 'joms pa'i sgo nas rab tu gnas par byed par 'dod pa'i sgrub pa po dam tshig dang ldan