བོད་ཡིག

e-texts based on the ACIP/ALL Input

mi bya'o/ /dpal ldan bla ma'i man ngag zab mo'i drin/ /gang thob skal ldan ngal ba med par ni/ /gsang sngags sgrub byed lus med shugs can gyi/ /'khrul 'khor 'jig rten mgon nyid las gzhan min/ /gsang sngags myur du grub pa'i cho ga rdzogs so//[ ]@#/ /'phags pa thugs rje chen po dang ldan pa la phyag 'tshal lo/ /gsum la skyabs song sems bskyed ldan/ /'gro la phan 'dod bdag dul ba'i/ /skyes bu dam pa bsam gtan gyi/ /khang bur zhugs la rmi lam bsgom/ /btsun pa spyan ras gzigs kyi sku/ /btso ma gser gyi mdog ldan pa/ / zhal gcig phyag bzhi g.yas dang po/ /'jigs skyob de bzhin g.yon du ni/ /pad+ma dmar po gnyis pa gnyis/ /ting 'dzin mchog gi phyag rgya'o/ /thugs kyi pad+mo kha zum pa'i/ /dbus su sems dngos hrIHbsam bya/ /'di 'dra'i 'phags pa nyid du bdag /skad cig tsam gyis bsgoms nas ni/ /dge dang brtse dang dad pa yis/ /rnal 'byor rgyal po gnyid log bya/ /gang tshe gnyid du nye ba na/ /hrIHyang thig le gnyis la bsdu/ /rim gyis thig le 'og ma yang / /de bzhin thig le gong ma la'o/ /de las sna tshogs snang ba kun/ /rang gi lus la bsdus nas de/ /pad dbus thig le nyag gcig la/ /chu la chu bzhin ji bzhin bzhag /sems ni dri med zung 'jug bdag /dngos med dngos bral rnam par dag /'od gsal chen po nyid la nyid/ /mngon sum mi g.yo brtan par gzung / /tshul 'di rang bzhin mkha' 'dra ste/ /rnam pa thig le bde ba che/ /ngo bo kun du ma 'gags pa'o/ /sbyangs sdom can gyi chos gcig bzhed/ /de ltar rgyu 'dra chos kyi rang bzhin med/ /gzhan la ma rig bdag nyid snying dkyil brtan par gnas/ /rgyal ba rnams kyi gshegs shul gcig yin ma nor ba/ /bsgoms na de rjes rmi lam nyid du'ang de mthong 'gyur/ /gal te sgrib tshogs bud shing tshang tshing gis bsgribs pas/ /yang dag ji bzhin de tshe mngon du ma gyur na'ang / /rnal 'byor rgyal pos re ba chad par mi bya ste/ /goms pa cung zad gcig tu brtson 'grus g.yel mi bya/ /mdun gyi mkha' la sangs rgyas byang chub sems dpa' dang / /nyan thos rang rgyal lha yi tshogs kyis yongs bskor ba'i/ /rgyal ba'i dkyil 'khor sprin gyi phung po ltar mthong 'gyur/ /de tshe de nas ring po mi thogs 'od gsal 'thob/ /rnam dag 'khor lo pad+mo 'dam nas skyes pa bzhin/ /gnyid kyis myos 'gyur ma rig gis bslad blo gros 'di/ /rang gis rang dben mkha' la nyi ltar spros bral du/ /rtsol ba med nyid rang dbang mngon sum 'char bar byed/ /rmi lam skyes bus rmi lam gyi/ /grong du dga' dang mya ngan la/ /bzung ba rlom sems can yin la/ /de tshe de yis shes par 'gyur/ /me long gzugs brnyan gsal ba ni/ /yod dang med dang gnyi ga dang / /gnyis pa ma yin brjod min pa/ /de tshe yid ches mthong bar 'gyur/ /nam mkha'i ngos la dbang po'i gzhu/ /de bzhin ser sprin 'brug sgra can/ /thog mar skyes dang 'gag mi dmigs/ /'od gsal la gnas skyes bus shes/ /ji ltar smig rgyu'i rgyun 'bab pa/ /shar sogs nas ni gang zhig nas/ /ma 'ongs gar yang mi 'gro ba/ /rmi lam mthong ba de yis shes/ /dril bu dang ni pi wang sgra/ /brag ca la sogs 'du byed ni/ /rnam par thar pa gsum gyi sgos/ /zab mo rnam par dben pa yang / /snang dang mun pa thibs po dang / /'od gsal bye brag med gyur pa/ /shin tu sbyangs pa'i gser bzhin du/ /dri bral rnam par dag pa rmad/ /ji srid 'dzin pa mang po la/ /zad dang mi skye bsre ba yin/ /ro gcig nyid du sbyor shes pa/ /rmi lam las gzhan rnal 'byor rmi/ /de ni sad pa nyid na'ang / /yid kyi dbang po tshim pa dang / /'dod pa'i srid pa las blo ldog /chos 'di brjod pa tsam rtogs so/ /de ltar gzung dang 'dzin pa yi/ /dri ma dri ma bral ba dang / /bral ba rang bzhin med pa yang / /yid kyis mngon par 'du mi byed/ /'phags pa'i mig ces bshad pa ste/ / spyan ras gzigs kyi mthu yis so/ /rmi lam dri ma med pa'i bsgom pa rdzogs so//[ ]@#/ /bcom ldan 'das spyan ras gzigs ral gri 'bar ba la phyag 'tshal lo/ /mi gang gnyid kyis log pa na/ /ma 'ongs bkra shis min pa yi/ /ltas gang byung bar gyur pa de/ /dga' ba'i ltas