བོད་ཡིག

e-texts based on the ACIP/ALL Input

badzra de ba zhes bya bas mdzad pa rdzogs so/ / //yon tan phul du byung ba dpag tu med pa dang ldan pa bla ma dam pa chos kyi rgyal po dang / mi'i dbang po dpon chen shAkya bzang po'i bka' lung gis/ rgya gar gyi mkhan po snyan ngag mkhan po ma hA paN+Di ta la k+sh+mI ka ra dang / bod kyi lo tsA ba dge slong shong ston gyis bsgyur ba'o/ /[ ]@##/ /rgya gar skad du/ lo ke shwa rA ya sto tra/ bod skad du/ 'jig rten dbang phyug la bstod pa/ 'jig rten dbang phyug la phyag 'tshal lo/ /'jig rten bla mas gsum gyis phyag byas/ /lha dbang tshangs pa mchog gis bstod pa ste/ / thub mchog rgyal po myur du dngos grub stsol/ /spyan ras gzigs mgon mchog la phyag 'tshal lo/ /bde gshegs rang bzhin bdud rtsi'i ngo bo 'chang / /sna tshogs mtshan gyis spras pa'i sku lus mchog /bde gshegs 'od dpag med pa'i dbu rgyan can/ /gser gyi pad+mas g.yon gyi phyag brgyan pa/ /dri med ral pa 'khyil nag cung zad ser/ /zla ba'i dbyibs 'dra gsal zhing rdzogs pa'i zhal/ /pad+ma ltar yangs mchog tu mdzes pa'i spyan/ /mkhur ba gangs kyi dum bu lta bur dkar/ /ri dwags rgyal po'i dga' bzhin zhal sgros dmar/ /nyi ma 'char ka ltar dmar btsod kyi mdog / pad+ma gzhon nu lta bur mchu dmar la/ /ston ka'i sprin tshogs lta bur sgra sgrogs pa/ /dpung gnyis sna tshogs mtshan gyis mdzes pa ste/ /phyag mthil pad+ma gzhon nu lta bur 'jam/ /ri dwags pags pa sku yi stod na man pas/ /snyan gnyis rna rgyan g.yo zhing mdzes pa mnga'/ /phyag ni yangs shing lte ba zab pa ste/ /pad+ma dri ma med pa lta bu lags/ /gser mchog sku rags nor bu'i rgyan ldan pa/ /na bza' mdzes pas sku yi smad brgyan pa/ /rgyal ba ye shes rgya mtsho'i pha rol phyin/ /bsod nams du ma las ni 'khrungs pa'i mgon/ /rims dang nad 'joms bde ba mchog bskyed pa/ /srid pa mthar mdzad mkha' la rgyu ba dang / /kun tu rgyu ba'i sku mchog la bstod pa/ /bdud rigs sna tshogs stobs ni nges par 'joms/ /zhabs mchog rkang gdub mchog gi sgra sgrogs la/ /glang po dregs dang ngang pa'i stabs su gshegs/ /bdud rtsi chen po thugs chud yongs rdzogs brnyes/ /gser bzhin rtag tu dgyes pa'i rgyan mnga' ba/ /ri bo gru 'dzin na ni dgyes par bzhugs/ /'jig rten dbang phyug khyed la rab tu bstod/ /dge slong ma dpal mos mdzad pa rdzogs so//[ ]@##/ /rgya gar skad du/ ma Ni dwI pa ma hA kA ru Ni ka de ba pany+tsa sto tra/ bod skad du/ nor bu gling gi thugs rje chen po lha lnga la bstod pa/ rje btsun spyan ras gzigs la phyag 'tshal lo/ /nor bu'i gling du thugs rje'i sku 'khrungs dpal ldan pad+ma'i rigs/ /ri rgyal po ta la yi rin chen brag phug nyams dga' bar/ /pad zla'i dbus na thugs rje'i sku ni 'gying zhing rol pa'i nyams/ /thugs rje'i sman gyis bdag nad gso ba mgon po thugs rje can/ /ma rig thibs po 'gro ba'i mun sel rje btsun rab rib sel/ /skye rga na 'chi thar dka' yang srid rtsibs drug 'khor lor chud/ /srid pa'i 'khrul 'khor bzlog dka' sems can 'khor ba'i rgya mtshor bying / /mgon po chos kyi 'khor lo bskor mdzad thugs rje'i sku yis sgrol/ /zla ba ltar dkar phyag gnyis pad+ma gdung ba sel ba'i phyag /dpag med cod pan rin chen mdzes brgyan gzhon nu zhi ba'i sku/ /thugs rje bdud rtsi'i rgyun gyis zug rngu'i nad dang sdug bsngal sel/ /thugs rje ri dwags lpags 'dzin srid pa'i bla ma phyag 'tshal lo/ /thugs rje'i thugs gdungs spyan g.yas chab las lha mo thugs rje'i sku/ /yid 'ong sgrol ma ljang ser bde ma rin chen rgyan mdzes sgeg /pad+mo'i sku la phyag mtshan ut+pal kha 'byed phyag gnyis kyis/ /bcud rgyas nu mas gso mdzad 'gro ba'i yum la phyag 'tshal lo/ /sems can sdug bsngal gzigs nas snying rje'i chu las mdzes ma 'khrungs/ /khro gnyer zhi ba ser mo rin chen sku brgyan thugs rjes 'gying / /rje btsun mgon gzigs phyag mtshan gus pa'i phyag rgya dbyug pa bsnams/ /mchog sbyin bum chus 'gro ba'i re skong yum la phyag 'tshal lo/ /thugs rjes phrin las dregs pa tshar gcod dbang mdzad khro rgyal sku/ /sprul brgyan 'od dmar rta gdong ljang gu spyi bor rta skad bzhad/ /mgon po pa ne+e la 'dud pus btsugs rdo rje dbyug pa bsnams/ /pad+ma'i rigs sprul thugs rje'i brlan gyis sgeg khro phyag 'tshal lo/ /phyag na pad+ma'i drung na dam chos