བོད་ཡིག

e-texts based on the ACIP/ALL Input

pa'i shes rab kyi dbang po dang stobs la sogs pa yon tan dpag tu med pa dang ldan par 'gyur ro/ /gang zhig nyin re bzhin du lan gsum du bstod pa byed pa de ni ji skad bshad pa'i yon tan de dag dang ldan pas shes rab dang snying rje lam dang sa rnams rim gyis bgrod de/ gong nas gong du ches cher 'phags nas myur du rnam pa thams cad mkhyen pa'i grong khyer du phyin nas 'gro ba ma lus pa 'khor ba las sgrol ba'i ded dpon chen por 'gyur ro/ /dpal ye shes yon tan bzang po zhes bya ba'i bstod pa/ slob dpon rdo rje mtshon chas mdzad pa rdzogs so// //rgya gar gyi paN+Di ta 'bum phrag gsum pa dang / bod kyi rngog lo tsA bas bsgyur ba'o// @##/ /rgya gar skad du/ Ar+ya many+dzu g+hoSha sto tra / bod skad du/ 'phags pa 'jam pa'i dbyangs kyi bstod pa/ 'jam dpal gzhon nu gyur pa la phyag 'tshal lo/ /sdigs mdzub gdong nyid bstan pa yis / /ri rab lhun po du ma g.yos/ /ma lus rgya mtsho chen po'i chu/ / sen mo'i rtse mos gyen du blangs/ /nam mkha' mu med pa yi khams/ /zhabs kyi gom pa gcig gis mnan/ /zad pa'i dus kyi me 'bar ba/ /zhal gyi dbugs kyis btab pas bcil/ /dus mtshungs sku yi cha gcig la/ /chu dang me yi char phab pa/ /la lar zad par sangs rgyas su/ /gyur nas chos kyi 'khor lo bskor/ /la lar nyon mongs ma lus pa/ /nub pas zhi ba'i de nyid ston / /dal bas dbang po bde sogs kyi / /gdong la rnam par gzigs pa'i spyan/ /phyogs kyi 'khor los bkab pa yis / /phyag mthil dmar po nyi ma rmugs/ /la lar lha ma yin gyi dpal/ /mthu gyur dam par gyur pa 'dzin/ / khyim pa dang ni brtul zhugs pa/ /tshangs spyod rtag tu ye shes can/ /byis pa'i gzugs can 'gro ba'i yab/ /'jam pa'i dbyangs la phyag 'tshal lo/ /mi 'jigs pa dang stobs mnga' ba/ /thub pa'i gzugs brnyan dang mtshungs pa/ /phye ma mig sman dang mtshungs 'di / /khyod la skyabs su rab tu mchi / /nyon mongs bud shing ye shes me/ /du ma mtshon pa bgrang ba ltar/ /'khor ba srid pa'i sbyor ba dang / mya ngan 'das la khyod mi gnas/ /mgon po rtag tu dbu ma mchog /yang dag brnyes pa ma lags sam/ /chu dang bcas pa'i snod rnams su/ /zla ba'i gzugs brnyan shar ba ltar/ /gcig tu gdul bya g.yo ba'i yid/ /rnam pa mang po 'dra ba'i mtshan/ /nyid kyi bag chags yid gcig tu/ /ye shes grub pa'i gsal gyur pa/ /bka' drin don gnyer tshul gyis ni/ /chags pas khyod kyi zhabs drung lhung / /khyod kyi 'od zer 'phro ba'i cha/ /phyogs kyi khongs su rnam spros pa/ /zla ba'i 'od zer gang gyur mnyam/ /byis pa'i gzugs can mdzes pa 'di/ /tshes gcig zla ba lta mnyes pa/ /khyod kyi spyod pa bzlog dka' bas/ /bdud kyi mthu rtsal 'joms pas ci/ /khyod kyi mtshan tsam dran pas ni/ /dmyal ba pa yi khrag dang zhag /med par skams pas dmyal ba pa'i/ / 'od 'phro de dag zhi bar 'gyur/ /shes rab bral bas mdun du khyod/ /dran pa'i yul du gyur pas kyang / /mkhas pa rnams kyang the tshom gyi / /mdud pa dam pos 'ching bar byed/ /thams cad lta zhig skad cig tu/ /khyod kyi spyan zur gyis gzigs nas/ /rnga yab g.yob pa'i bzhad gad kyis/ /bsten pa'i dpal ldan nyid bdag gis/ /gdul bya pad+mo'i snod rnams la/ /'od zer dra bas kha 'byed pas/ /mgon po sngon med nyi ma yi/ /rol pas nyin mtshan snang bar mdzad/ /don gsal mdzad pa'i gsungs gis ni/ /gzung dang 'dzin pa rnam par spangs/ /stong pa nyid ni mngon sum star/ /gsung gi dbang phyug ston par mdzad/ /rnam par rtog las ma gtogs pa/ /'khor ba zhes bya ci yang med/ /rnam rtog de dang bral bas na/ /khyod ni rab tu mya ngan 'das/ /khyod kyi yon tan cha brjod las/ /byung bas bsod nams 'phel ba yis / /'gro ba rnams ni khyod brjod pas/ /phun sum tshogs pa la gnas shog /bcom ldan 'das 'jam pa'i dbyangs kyi bstod pa/ rtog ge pa rnams kyi gtsug gi nor bu slob dpon phyogs kyi glang pos mdzad pa rdzogs so// //rgya gar gyi mkhan po shrad+d+hA ka ra warma dang / zhu chen gyi lo tsA ba rin chen bzang pos bsgyur cing zhus te gtan la phab pa'o/ /[ ]@#/ /rgya gar ska du/ a ra pa tsa na sA d+ha na bi d+hiH/ bod skad du/ a ra pa tsa na'i sgrub thabs kyi cho ga/ /'jam dpal gzhon nur gyur pa la phyag 'tshal lo/ /rnal 'byor pas dang por gdong bkru ba la sogs pa byas la/ /bsam gtan/ /