བོད་ཡིག

e-texts based on the ACIP/ALL Input

zhi ba ste/ /bdud dang mu stegs tshogs 'joms pa/ /mi g.yo tshe dpag phyag 'tshal lo/ /'khor ba'i sems can thams cad kyis/ /khyed kyi mtshan tsam 'dzin pa la/ /tshe dang ye shes rgyas mdzad pa/ /tshe dpag med la phyag 'tshal lo/ /byang chub sems dpa' dze tA ri dgra las rnam par rgyal bas mdzad pa'o/ /'di'i brgyud pa ni/ tshe dpag med/ grub pa brnyes pa'i snying po zhabs/ /dze tA ri dgra las rnam par rgyal ba/ /rdo rje gdan pa che chung gnyis/ /ba ri lo tsA ba/ mchims brtson 'grus seng ge/ /rgya nag phug pa/ dbus pa sangs rgyas 'bum/ bla ma dge sdings pa/ bla ma bsam gtan bzang po'o//[ ]@##/ /rgya gar skad du/ Ar+ya A yur+dz+nyA nA pa ri mi ta sA d+ha naM/ bod skad du/ 'phags pa tshe dang ye shes dpag tu med pa'i sgrub thabs/ 'phags pa tshe dang ye shes dpag tu med pa la phyag 'tshal lo/ /'khor ba sems can thams cad kyi/ /'tshe ba la ni srung 'dod pas/ /'phags pa tshe dpag med pa yi/ /sgrub thabs rim pa bri bar bya/ /dbang dang dam tshig sdom ldan pas/ /dben zhing nyams dga'i sa phyogs su/ /maN+Dal mchod dang khrus byas la/ /lus ngag yid gsum dag pa yis/ /bla ma sangs rgyas la sogs la/ /spyan drangs pa la phyag mchod cing / /bstod pa lus ngag dang ba yis/ /sdig pa bshags pa la sogs bya/ /tshad med bzhi bsgom chos rnams kun/ /stong pa nyid du bsgoms byas la/ /sngags kyi don la bsgom par bya/ /oM swa b+hA ba bi shud+d+haHsarba d+harmAHswa b+hA ba bi shud+d+hou0f85haM/ oM shU n+ya tA dz+nyA na badzra swa b+hA ba At+ma kou0f85haM/ stong pa'i ngang las pad+ma dang / /zla ba'i steng du sems nyid hrIH/ /byi ru lta bur bsam byas la/ /'od zer 'phro zhing slar 'dus pas/ /'phags pa rje btsun tshe dpag med/ /sku mdog dmar zhing 'od zer ' khrigs/ /zhal gcig phyag gnyis mnyam par gzhag /skyil krung gis bzhugs 'dzum bcas dang / /'od dpag gis mdzes ye shes bstim/ /dbang bskur rab tu brtan par bya/ /ji srid skyo bar ma gyur par/ /bsgom pa'am yang na sngags 'di bzlas/ /ming gi sngags dang snying po'i sngags/ /ming gis bsgyur na gzungs kyang bzlas/ /gzungs ni 'chi med rnga sgra'o/ /rje su bdag ni tshe ring 'gyur/ /yang na skad cig lhar bsams te/ /sngags gsum ci rigs bzlas pa'am/ /bum pa bdud rtsi'i chu rgyun gyis/ /bdag la yang yang 'khrud par bsam/ /slar yang bstod cing gsol btab pas/ /gtor mas lha rnams mchod par bsam/ /srung 'khor bcing dang tshe bsgrub pas/ /'on kyang 'chi ltas bzlog la sogs/ /bla ma'i man ngag yod par bya/ /de yi bsod nams mthu yis ni/ /'khor ba'i 'gro drug ma lus pas/ /tshe dpag med pa'i sku thob nas/ /gnad gcod la sogs sdug bsngal rnams/ /zhi nas bde ba can 'gyur shog /'phags pa tshe dang ye shes dpag tu med pa'i sgrub thabs/ /slob dpon mkhas pa dzai tA ri dgra las rnam par rgyal bas mdzad pa rdzogs so// //rgya gar gyi paN+Di ta 'jam pa'i dbyangs dang / lo tsA ba lce dga' ba'i dpal gyis bsgyur ba'o/ /ming sngags ni/ oM tad+ya thA a pa ri mi tA yur+dz+nyA na hrIHhUM hUM swA hA/ zhes pa'o//[ ]@##/ /rgya gar skad du/ a pa ri mi tA A yur+dz+nyA na bi d+hi nA ma/ bod skad du/ tshe dang ye shes dpag tu med pa'i cho ga zhes bya ba/ bcom ldan 'das tshe dang ye shes dpag tu med pa la phyag 'tshal lo/ /sngags pa mtshan nyid ldan pa yis/ /sgrub pa'i gnas rab nyer bzung nas/ /sa yi stegs bu chag chag gdab/ /'thas par bcags te spos kyis byug /thig gdab tshon gyis dkyil 'khor bri/ /'dab brgyad sgo la sogs pas brgyan/ /bum pa dgu 'am gnyis la sogs/ /tshad ldan phyi nang bcud kyis brgyan/ /steng du rgyal mtshan gdugs kyis brgyan/ /mchod pa rnam pa lngas brgyan te/ /khyad par shar du 'o ma yis/ /gtor ma byas te lho phyogs su/ /nya sha'i gtor ma dbul bar bya/ /nub tu khrag la byang du chang / /byin gyis brlabs te gzhag par bya/ /lho dang byang du stegs bu la/ /tshe dpag med pa'i mdo gnyis bzhugs/ /de nas rnal 'byor khrus byas te/ /bde ba'i stan la nyer 'dug ste/ /bla ma sangs rgyas mdun byas la/ /phyag