བོད་ཡིག

e-texts based on the ACIP/ALL Input

dper na shing thog smin pa de rgas pa dang 'dra bar skra dkar dang gnyer ma can du gyur te/ lus ni bshang khung bzhin du song / /kha brag phug stong pa dang 'dra/ skra spra ba'i me tog dang 'dra/ dpral ba dras stan rnying pa dang 'dra bar song ba ni rgas pa'o/ /rgas pa'i rkyen gyis 'chi ba 'byung ste/ ci'i phyir zhe na/ 'jig pa'i phyir 'chi ba zhes bya ste/ lus kyi phung po gnas pa'i dus zad de drod dang rnam par shes pas btang ba'i phyir shi ba'o/ /skye ba yong na rga shi 'byung ngo / /skye ba dang rga shi gnyis te gsum ni tshe phyi ma dang sbyar ro/ /rgas pa dang shi ba gnyis ni nyes dmigs kyi yan lag go/ /rten 'brel bcu gnyis dum bu lngas 'chad de/ tshe snga ma'i rgyu'i sgo nas gzhag go/ /da ltar gyi tshe ni rgyu dang 'bras bu gnyis ka'i sgo nas gzhag go/ /de ltar ci'i phyir bstan ce na/ de yang tshe snga ma'i rgyus 'di bskyed/ 'di'i rgyus phyi ma skyed pa'o/ /de ltar yan lag bcu gnyis lugs su 'byung ba ni 'jug rga shi 'byung / ci las byung rtsad bcad pas skye ba las byung / de nas khad kyis gcig gi rkyen gyis gcig bskyed de/ mjug ma rig pa la rtsa ba thug pa dang / ma rig pa de yang med par 'gags pa ma yin te/ ma yin pa'am mi dmigs par 'gags pas 'du byed nas rga shi'i bar du 'gags te/ lugs las bzlog par shes par bsgom par bya'o/ /de ltar bdag gis 'di byas pa rang bzo lta bu ma yin te/ yan lag bcu gnyis srid rtsa bton/ /dag pa rnam pa bcu gnyis 'chang / /zhes gsungs pa la brten nas byas pa'o/ /slob dpon 'jam dpal bshes gnyen gyis mdzad pa/ mtshan yang dag par brjod pa'i sgo nas rten cing 'brel bar 'byung ba'i yan lag bcu gnyis bsgom pa'i man ngag rdzogs so//[ ]@##/ /'jam dpal gzhon nur gyur pa la phyag 'tshal lo/ /mtshan yang dag par brjod pa'i sgo nas dbang po rab kyis de kho na nyid bsgom pa ni/ lhar bskyed pa stong pa nyid bcug nas sems rang bzhin gyis rnam par dag pa 'od gsal ba rgyu gang gis kyang ma bskyed pas/ rkyen gang gis kyang mi 'jig /zhe 'dod thams cad dang bral ba'i stong pa'i rgyas thebs pa'i shes pa de kho na la gnas pa ni chos kyi sku'o/ /shes pa'i ngo bo ma grub cing rig pa rang gsal gyi nyams myong dang ma bral ba ni longs spyod rdzogs pa'i sku'o/ /shes pa gsal ba de nyid snang la rang bzhin med pas sprul pa'i sku'o/ /rgyu'i gnas skabs su sku gsum dbyer med bsgoms pas 'bras bu sku gsum thob ste/ spangs pa dang ye shes phun sum tshogs pa chos kyi sku/ sa bcu'i byang chub sems dpa' la mtshan dang dpe byad du ldan pa longs spyod rdzogs pa'i sku/ rigs drug gi sems can gyi snang ba sprul pa'i sku yin te/ 'bras bu sku gsum thob pa'o/ /dbang po rab kyis de kho na nyid bsgom pa slob dpon 'jam dpal bshes gnyen gyis mdzad pa rdzogs so/ /[ ]@##/ /rgya gar skad du/ many+dzu shrI nA ma sang+gI ti bo d+hi ma hA sha rI raM bi d+hi nA ma/ bod skad du/ 'jam dpal gyi mtshan yang dag par brjod pa'i byang chub chen po'i sku gdung gi cho ga zhes bya ba/ sangs rgyas dang byang chub sems dpa' thams cad dang / 'jam dpal gzhon nur gyur pa la phyag 'tshal lo/ /dad pa can gang zhig gis mchod rten byed par 'dod pas sa chog tshul dang mthun par bya/ srog chags med pa'i sa legs par blangs te/ rin po che'i phye ma yang mang du btab nas/ dri zhim po'i chus bran te/ bdag nyid sangs rgyas kyi nga rgyal dang ldan pas 'jim pa'i gong bu de 'od kyi phung por byas te/ 'od phung de nyid d+hIHser po las dang po'i sangs rgyas zhal lnga phyag brgyad par bsams te/ ye shes sems dpa'i sku'i phreng ba'i sngags la rdo rje bsdu ba dang bcas pas rig sngags kyis sangs rgyas 'khor dang bcas pa bsdus te/ byon pa thams cad dang po'i sangs rgyas kyi zhal lnga po de nyid du thams cad thim par byas te/ de la thugs ka nas sprul pa'i mchod pas yang dag par mchod la/ 'od kha dog lnga'i phung po 'ja' tshon lta bur mos pa byas la/ de la 'bi 'bi bya zhing skol phor chos kyi 'byung gnas su bsams te/ de bzhin gshegs pa thams cad 'grub par byed pa'i ye shes sems dpa'i sku'i phreng ba'i sngags 'di zlos shing gdab bo/ /oM a AH sarba ta thA ga ta hr-i da ya/ ha ra ha ra/ oM hUM hrIHb+ha ga wAn dz+nyA na mUr+t+ti/ wA gI shwa ra ma hA wa tsa/ sarba d+harmA ga ga na/ a ma la