བོད་ཡིག

e-texts based on the ACIP/ALL Input

nur gyur la phyag 'tshal lo/ /mtshan yang dag par brjod pa'i sgo nas dus gsum sangs rgyas la blta ba ni/ /snying ga'i zla ba'i rdo rje las 'od zer kha dog lnga 'ja' tshon lta bu nam mkha'i mthar thug pa thams cad snang bas khyab pas gsal bar byas la blta ba dang / / 'jig rten gyi khams nang la rgya che ba'i sangs rgyas kyi zhing khams na de bzhin gshegs pa dpag tu med pa mdzad pa bcu gnyis mdzad pa dang / /chos kyi 'khor lo bskor ba dang / /mnyam par gzhag pa dang / /de las langs pa dang / /byang chub sems dpas bskor ba dang / /'khor rnam bzhis bskor ba dang / /de bzhin gshegs pa'i mdzad spyod dang / /byang chub sems dpa'i spyad pa spyod pa rnams la sems gtad la blta bar bya'o/ /dus gsum gyi sangs rgyas la blta ba rdzogs so//[ ]@##/ /'phags pa 'jam dpal gzhon nur gyur pa la phyag 'tshal lo/ /dbang po tha mas rjes su dran pa drug bsgom pa ni/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa'o/ /de yang 'di lta ste/ de rnams kyi yon tan dran pa'i sgo nas gus pa bskyed cing bdag gis kyang de'i sgo nas 'jug par bya'o/ /de yang sangs rgyas rjes su dran pa ni de bzhin gshegs pa dgra bcom pa rig pa dang zhabs su ldan pa/ 'jig rten mkhyen pa skyes bu 'dul ba'i kha lo sgyur ba/ yang dag pa'i sangs rgyas bcom ldan 'das so zhes bya'o/ /de lta bu'i sgo nas sangs rgyas kyi yon tan rtogs shing dran pa nyid ni sangs rgyas rjes su dran pa'o/ /chos rjes su dran pa ni bcom ldan 'das kyi chos ni legs par gsungs pa yang dag par mthong ba/ dus tshod mkhyen pa/ 'di mthong ba la nye bar gtod pa/ mkhas pa so sor yang dag par rig pa/ don bzang po tshig 'bru bzang po/ /thog mar dge ba/ bar du dge ba/ tha mar dge ba/ ma 'dres pa yongs su gsal ba'o/ /de lta bu la dmigs shing yon tan dran par bya'o/ /dge 'dun rjes su dran pa ni bcom ldan 'das kyi nyan thos kyi dge 'dun legs par zhugs pa/ drang por zhugs/ rigs par zhugs pa/ mthun par zhugs pa/ kun du sbyin pa'i 'os su gyur pa/ rab tu sbyin pa'i 'os su gyur pa/ sbyor ba'i 'os su gyur pa/ 'jig rten pa'i bsod nams kyi zhing bla na med pa'o/ /de'i yon tan rjes su dran par bya'o/ /gtong ba rjes su dran pa ni kye ma skyes bu ser sna'i dri ma spangs pa'i nang nas ser sna dang bral ba'i sems kyis chos sbyin 'khor mor byed pa/ lag rkyong ba rnams gtong ba la dga' ba/ 'di ni bdag gis legs par rnyed pa yin no/ /de ltar rjes su dran par bya'o/ /tshul khrims rjes su dran pa ni bcom ldan 'das kyi nyan thos kyi dge 'dun ni tshul khrims ma nyams pa/ skyon med pa ma 'dres pa ma gos pa/ rang gtsang yod pa/ mkhas pas bsngags pa/ ting nge 'dzin shes pa'o zhes de lta bur dran par bya'o/ /lha rjes su dran pa ni lha rnams ni che ba'i yon tan dang ldan pa/ lhar skye ba'i rgyur gyur pa/ tshul khrims dang ting nge 'dzin dang / shes rab dang / bdag nyid dang / lha'i yon tan mtshungs par byas nas lha'i yon tan dang sbyar nas rjes su dran par bya'o/ /slob dpon 'jam dpal bshes gnyen gyis mdzad pa'i mtshan yang dag par brjod pa'i rjes su dran pa drug bsgom pa'i man ngag rdzogs so/ /[ ]@##/ /'jam dpal gzhon nur gyur pa la phyag 'tshal lo/ /mtshan yang dag par brjod pa'i sgo nas dbang po 'bring gis/ rten 'brel bcu gnyis bsgom pa ni/ yang dag par rdzogs pa'i sangs rgyas kyis rten 'brel bcu gnyis gsungs te/ phyi rten cing 'brel pa'i 'byung ba sa bon skye bo nad med pas 'bras bu'i bar du yan lag brgyad kyi tshul du 'byung ba 'bras bu ljang bu la gzigs nas/ nang rten cing 'brel par 'byung bas ma rig pa nas rga shi'i bar du yan lag bcu gnyis gsungs te/ nang gi chos rnams ji ltar skye ba'i rgyu dang 'bras bu rnams bstan pa'o/ /de la ma rig pa ni mi shes pa las byung ste/ de kho na nyid la gti mug pa dang / las rgyu dang 'bras bu la gti mug pa'o/ /de'i rkyen gyis ma rig pa 'byung ste/ de la ci'i phyir ma rig pa zhes bya zhe na/ mun pa chen po'i phyir na ma rig pa ste/ dper na mun pas