<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
D2512: dpal mchog dang po'i rgya cher bshad pa<br><table><tr><td>
<input type="button" onclick="location.href='tcompletep.php?id=D2512&coll=TD&volcur=2';" value="show page break" />
<td width=150><td>
<input type="button" onclick="location.href='tcompletel.php?id=D2512&coll=TD&volcur=2';" value="show line break" />

<td width=150><td>
<a href="tcompleteu.php?coll=TD&id=D2512&volcur=2" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 3 volumes<br><br><a href="tcomplete.php?id=D2512&coll=TD&volcur=0">volume 1  (rgyud (si))</a> - <a href="tcomplete.php?id=D2512&coll=TD&volcur=1">volume 2  (rgyud (hi))</a> - <span style="color:red;border: 2px solid red;border-radius: 5px;padding:3px;">volume 3 (rgyud (i))</span> - <br><br>de ltar 'dod chags la sogs pa'i gnyen por gyur pa rdo rje sems dpa' dang / de bzhin gshegs pa dang / rdo rje dang / pad+ma dang / nor bu'i rigs rnams bshad nas/
 da ni 'jig rten pa'i lha rnams kyi tshul gyis 'dul ba'i sems can gyi khams nas brtsams te/ de nas rgyal po rdo rje 'dzin/ /zhes bya ba la sogs pas ming po gsum gyi rtogs pa
 gsungs pa yin no/ /de nas zhes bya ba'i sgra ni de ma thag pa ste/ dang po'i sbyor ba'i ting nge 'dzin gyi rjes thogs nyid la'o/ /'dir dang po'i sbyor ba'i ting nge 'dzin ni dpal rdo rje sems
 dpa'i dkyil 'khor chen por bshad pa nyid yin no/ /rgyal po rdo rje 'dzin ces bya ba ni go bar zad do/ /'jig rten gsum po zhes bya ba ni sems can rnams 'dul ba'i phyir sa'i 'jig rten
 dang / bar snang gi 'jig rten dang / mtho ris kyi 'jig rten du ming po gsum gyi tshul gyis bzhugs shing de'i chos nyid yin pas na 'jig rten gsum mo/ /khams gsum pa zhes bya ba
 ni sems can gyi don dang / chos nyid kyis 'dod pa dang gzugs dang gzugs med pa'i tshul gyis bzhugs pa'o/ /bdag po zhes bya ba ni khams gsum pa'i chos kyi rgyal srid kyi dbang
 bskur ba brnyes pas na khams gsum pa'i bdag po'o/ /rgyu ba dang mi rgyu ba dang dngos po thams cad kyi ngo bo yin bas na thams cad do/ /lha chen po la sogs pa 'jig rten pa gsum po la tshar gcod pa dang / phan
 'dogs par mdzad pas na gsum gyi ston pa'o/ /cho ga bzhin du sgom gyur cing / /zhes bya ba ni ming po gsum gyi dkyil 'khor gyi tshul gyis sems can thams cad kyi don bya ba de sgom zhing mngon sum du mdzad pa'o/ /
 sems can don phyir cho gas bzhugs/ /zhes bya ba ni ming po gsum gyi bag chags dang ldan pa'i sems can gyi khams rnams la ming po gsum rtogs pa bskyed par bya ba'i phyir cho ga bzhin du bzhugs pa ni sems
 can gyi don de sgom par mdzad pa'o/ /ji ltar sgom par mdzad ce na/ 'dod chags zhes bya ba gsungs te/ sems can thams cad kyi rgyud la yod pa'i 'dod chags dang / zhe sdang dang gti mug rnams ni rnam pa thams
 cad du gzung ba dang 'dzin pa'i rnam par rtog pa'i ngo bos gnas pas na rnam par gnas zhes bya'o/ /mi mnyam pa'i rten gyur na zhes bya ba ni dngos por 'dzin pa la mngon par zhen pa nyid kyis mngon sum du byas pa'o/ /dug nyid du 'gro zhes bya ba la rgyu ba dang mi rgyu ba'i dug dang
 'dra bar sems can thams cad kyi dge ba'i rtsa ba'i srog 'phrog par byed pas na dug go/ /de'i ngo bo nyid yin pa na dug nyid do/ /nye bar 'gro zhes bya ba ni dug gi rang bzhin ma yin par yang 'di dag dug gi bya ba byed pa'i tha tshig go /bdud rtsi nyid du 'gyur ba yin/ /zhes bya
 ba la bdud ni 'chi ba'o/ /de 'di la med pas na 'chi ba med pa ste mya ngan las 'das pa bdud rtsi'o/ /de'i ngo bo nyid yin pas ni bdud rtsi nyid yin no/ /'ang zhes bya ba'i sgra ni khyad par gyi don to/ /'gyur ba yin zhes bya ba ni 'gro ba'o zhes bya ba'i tha tshig go/ /ji ltar 'gyur zhe na/
 bdud rtsi nyid kyis bsten 'gyur na/ /zhes bya ba gsungs te mya ngan las 'das pa'i don du rang bzhin med pa'i ngo bo nyid kyis mngon sum du byas pas na bdud rtsi nyid du bsten pa yin no/ /'di skad ston pa yin te/ 'dod chags dang / zhe sdang dang gti mug rgyal bar byed
 pa dang / don thams cad grub par byed pa'i tshul du yongs su rtog cing dngos po la mngon par zhen pas bsten na ni ngan song gsum gyi rgyur gyur pa yin la/ rang bzhin gyis rnam par dag par bsgoms pas mngon sum du byas nas thar pa chen po bskyed par gyur pa yin no/ /
 'dod chags tshangs pa 'byin pa'i mchog /ces bya ba ni sems can thams cad kyi rgyud la yod pa'i 'dod chags ni ting nge 'dzin gyis tshangs pa yin zhing 'jig rten thams cad kyi dam pa yin pas mchog yin la skye bas na 'byin pa'o/ /de gdul bya rnams la phan gdags
 par bya ba'i phyir bcom ldan 'das rdo rje sems dpa' tshangs pa yin par gsungs so/ /zhe sdang drag po zhes bya ba ni sems can thams cad kyi rgyud la yod pa'i zhe sdang ni ting nge 'dzin gyis na drag po yin no/ /ting nge 'dzin gyis bya ba ni sgom pa'i stobs kyis so/ /gti mug
 khyab 'jug ces bya ba ni sems can thams cad kyi rgyud la yod pa'i gti mug ni khyab 'jug gi tshul du bskyed pa yin no/ /brtan mdzad nas/ 'jig rten gsum po byin gyis brlabs/ /zhes bya ba ni de ltar 'dod chags dang zhe sdang dang gti mug tshangs pa la
 sogs pa'i tshul du bskyed nas/ de la mos pa'i sems can rnams mgu bar bya ba'i phyir 'khor ba ji srid bar du brtan par mdzad nas de'i rjes la rgyal bar byed pa dang / sbrang rtsir byed pa dang / don thams cad grub par byed pa'i tshul gyis 'dod chags la sogs 'jig rten
 gsum po yang dag par byin gyis brlabs shing skyed par mdzad pa yin no/ /ci'i phyir zhe na/ 'dod chags zhes bya ba la sogs pa gsungs te/ gang gi phyir 'dod chags dang zhe sdang dang gti mug gi rang bzhin 'jig rten gsum po ni rtag par gnas shing rgyun mi 'chad
 pa nyid du gnas pa dang / srid pa gsum ste 'dod pa dang gzugs dang gzugs med pa'i srid pa rnam pa gsum ste/ chos rnam pa gsum gyi tshul gyis bsten cing rang bzhin dag pas mngon du byas nas/ mchog gsum ste rgyal bar bya ba dang / sbrang rtsir bya ba dang / don thams
 cad grub par byed pa'i rang bzhin du 'gyur ro/ /chos min bsten pas ngan song gsum/ /zhes bya ba ni rgyal bar byed pa dang / sbrang rtsir byed pa dang / don thams cad grub par byed pa'i rang bzhin 'dod chags dang zhe sdang dang gti mug dngos por 'dzin pa la mngon par zhen pas
 bsten na dmyal ba dang / yi dwags dang / dud 'gro'i mtshan nyid can gyi ngan song gsum du 'gyur ro/ /'dod chags sbrang rtsir byed par bshad/ /ces bya ba ni 'dod pa'i lha'i gzugs 'dzin pa'i tshangs pa la ni sbrang rtsir byed pa zhes bya'o/ /zhe sdang rgyal bar
 byed ces grags/ /zhes bya ba'i stobs bzangs kyi gzugs 'dzin pa'i drag po ni rgyal bar byed pa zhes bya'o/ /gti mug der ni sgrub byed yin/ /zhes bya ba ni dpyid kyi gzugs 'dzin pa'i khyab 'jug gi don thams cad grub pa zhes bya'o/ /kun du gsang ba'i ming yin
 no/ /zhes bya ba ni skye bo thams cad kyi thun mong ma yin gyi phyogs bcu thams cad du rnal 'byor pa nyid la ming 'di dag grags pa yin no/ /nga ni 'jig rten gcig pu nyid/ /ces bya ba ni sems tsam gyi tshul gyis 'dod chags dang zhe sdang dang gti mug nyid 'jig rten yin no/ /
 'jig rten gsum du rab tu bshad/ ces bya ba ni rnam par dbye ba'i tshul gyis ni 'dod chags ni tshang ba zhe sdang ni drag po gti mug ni khyab 'jug yin no zhes rab tu bshad cing ngas ting nge 'dzin gyi stobs kyis bskyed de bshad pa yin no zhes bcom ldan 'das rdo rje 'chang
 chen pos gsungs so/ /yang de ltar rnam par shes pa tsam du ni gcig tu zad la/ de dbye ba'i tshul gyis ni rnam par gzhag pa ji ltar shes she na/ nga ni 'dod pa gcig pu nyid/ /ces bya ba gsungs te/ gang gi phyir nga ni chos kyi dbyings thog ma dang tha ma med pa'i ngo bo
 nyid kyis ni don dam par gcig pu nyid yin zhing byang chub kyi mtshan ma ming can gyi sems kyi ngo bo yin pas na 'dod pa yin la/ 'di'i rgyu mthun pa las byung ba'i 'dod pa'i lha'i gzugs can gyi tshangs pa yin pas na 'dod pa'o/ /drag po ni stobs bzangs kyi gzugs can no/ /g.yung drung ni
 dpyid kyi gzugs can khyab 'jug go/ /de bas na rgyu gcig gi rgyu mthun las byung ba nyid kyis na 'jig rten gsum po 'di dag gcig pu nyid yin no zhes rdo rje 'chang chen pos rab tu bshad cing gsungs pa yin no/ /de nas zhes bya ba'i sgra ni de ma thag pa ston pa'i tshig yin te/ de ltar
 'jig rten gsum gyi de kho na nyid bshad nas de'i rjes thogs nyid la/ ming po gsum po 'di'i mchog rdo rje 'chang dngos por 'dzin pa la mngon par zhen pa yang spang bas byang chub kyi mtshan can gyi sems rtogs pa ni sbyangs pa ste/ don de'i phyir rdo rje bzang po zhes bya ba stong pa
 nyid kyi rdo rje shin tu rdzogs par mdzad pas na rdo rje bzang po 'dzin pa'o/ /gzugs ni gsum po 'di dag nyid/ /ces bya ba rgyal bar byed pa dang / sbrang rtsir byed pa dang / don thams cad grub par byed pa'i lus gsum po ste de dag skyed par mdzad pa'o/ /nyid ces bya ba
 ni nges par bzung ste/ gzugs gsum po 'di dag kho na'o/ /bdag nyid kho na byung ba yin/ /zhes bya ba ni bdag nyid kyi rang gi rgyud rgyal bar byed pa dang / sbrang rtsir byed pa dang / don thams cad grub pa'i gzugs su bcom ldan 'das rdo rje 'chang
 chen por byin gyis brlabs shing phyung la skyed par mdzad pa yin no/ /ci'i phyir gzugs gsum po der bdag nyid kyis bdag nyid byin gyis rlob par mdzad ce na/ gang phyir 'jig rten 'di dag ni/ /rtag tu yang ni 'di skad smras/ /zhes bya ba gsungs te/ gang gi
 phyir sa 'og sa bla mtho ris pa'i rang bzhin can gyi ming po gsum la 'khor ba thog ma med pa nas rtag par lhag par dad pa 'di dag go / yang zhes bya ba'i sgra ni khyad par du bya ba'i don to/ /de zhin gshegs pa la sogs pa la lhag par mos pa'i sems la ltos pa yin no/ /
 tshangs pa sogs kyis 'dul zhes bya ba ni/ tshangs pa la sogs pa gang yin pa de ni tshangs pa sogs kyis 'dul te/ drag po dang khyab 'jug la sogs pas 'dul zhing de la mos pa'i sems can gang yin pa'o/ /yang dag sangs rgyas byang chub snod ma yin/ /zhes bya
 ba ni gzhan dag gis 'dul ba'i 'jig rten 'di ni yang dag cing phyin ci ma log pa'i sangs rgyas kyi byang chub mngon sum du byed pa'i snod ma yin zhing skal ba med pa yin la de bas na gzugs gsum por bdag nyid byin gyis rlob par mdzad pa yin no/ /de rnams sbyang
 ba'i phyir zhes bya ba'i gzugs gsum por bdag nyid kyis byin gyis brlabs pas sems can de rnams kyi dngos po la mngon par zhen pa'i sems rnam par bsam par mdzad nas sangs rgyas pa thob pa'i phyir bcom ldan 'das rdo rje 'chang chen po rang nyid rgyal bar byed pa dang / sbrang rtsir byed pa dang /
 don thams cad grub par byed pa'i gzugs mdzad par byed pa'i rgyu des gzugs gsum nyid kyis tshangs pa la sogs pa 'dul ba de rnams kyi sems rnam par sbyangs nas bcom ldan 'das ci zhig mdzad ce na/ phyis ni sangs rgyas nyid mi 'gyur/ /
 zhes bya ba gsungs te/ tshangs pa la sogs pa de rnams de bzhin nyid rtogs pas sa brgyad pa'i rang bzhin can gyi sems su skyed par mdzad nas/ phyis nas sangs rgyas nyid du rtag cing mi 'gyur bas skyed par mdzad pa yin no/ /'di skad ston te/ tshangs pa dang / khyab
 'jug dang / dbang phyug chen po dang / de la mos pa'i sems can rnams ming po gsum gyi tshul gyis rang bzhin gyis dag pa'i ting nge 'dzin gyis sangs rgyas nyid la nges par sbyar ba'i phyir bcom ldan 'das rdo rje 'chang ba gzugs gsum par bdag nyid kyis byin gyis
 rlob par mdzad pa yin no/ /de nas sems can de rnams gzugs gsum por 'dzin par mdzad pa'o/ /rdo rje sems dpa' las chos thos nas de bzhin gshegs par 'gyur ba yin no/ /de nas zhes bya ba'i sgra ni de ma thag pa ste/ de ltar bshad ma thag pa'i tshul gyis
 bcom ldan 'das rdo rje 'chang chen pos tshangs pa la sogs pa'i lha rnams sangs rgyas nyid la rab tu gzhag pa'i rjes thogs nyid la'o/ /'jig rten gsum gyi mchog kyang yin la dbang phyug chen po yang yin pas na 'jig rten gsum gyi mchog dbang phyug chen po'o/ /
 dkyil 'khor zhes bya ba ni 'jig rten gsum gyi gsang ba'i dkyil 'khor du'o/ /der zhes bya ba ni dkyil 'khor der ro/ /rang gi zhes bya ba ni bdag nyid kyi'o/ /gsang ba'i snying po zhes bya ba ni gsang ba ston par byed pa'am/ gsang ba skyed par byed pa'i snying po'o/ /rang
 gi rab grub phyir rab phul/ /zhes bya ba ni rang nyid grub par byed pa'i phyir snying po phul ba ste/ ming po gsum gyi tshul gyis gdul bya rnams sangs rgyas kyi byang chub tu grub cing mngon par byang chub pa thob par bya ba'i phyir tshangs pa la sogs pas rang gi snying po phul lo zhes bya ba'i
 tha tshig go/ /de ltar na/ de nas rgyal po rdo rje 'dzin/ /zhes bya ba nas brtsams te/ oM b+hur b+hu ba swaHzhes bya ba'i bshad pas ni ting nge 'dzin gnyis pa gsungs pa yin no/ /bsdu ba sngon du 'gro ba nas brtsams te/ gsum pa yang yin par shes par bya'o/ /de ltar ting nge
 'dzin gsum gsungs nas da ni dam tshig dbang bskur ba thob pa rnams kyis bzlas brjod dang bsgom pa bya'o zhes bya ba bstan pa'i phyir/ zur bzhi pa la sgo bzhi pa/ /zhes bya ba la sogs pas slob dpon gyi las kyi cho ga dang slob ma 'jug pa la sogs pa'i cho ga
 rgyas pa gsungs pa yin no/ /zur bzhi pa la zhes bya ba ni go bar zad do/ /de kho na nyid ni/ snying stobs rdul dang mun pa nyid/ /tshangs pa drag po g.yung drung ste/ /ming po gsum po 'di nyid ni/ /nam yang brnyas par mi bya'o/ /zhes bya ba 'di nyid ni gsang ba yin no/ /gal te
 khyod kyis rtse gsum bcag / snying po snod min la smras pas/ /ji skad smras pa'i chos rnams ni/ /gal te 'di ni ma spyad dam/ /zhes bya ba'i dam tshig byin la slob ma rnams la de kho na nyid gsang ba brjod pa 'di bya zhing / b+hur b+hu ba swaHzhes bya ba 'jug pa'i glu dang zlos shing
 rdo rje shugs kyis 'dir 'jug par bya'o/ /cho ga lhag ma rnams ni sngar ming po gsum gyi nang du bshad zin pas de nyid las khong du chud par bya'o/ /'jig rten gsum 'byin pa'i rgyud kyi bshad pa rdzogs so// //de ltar 'jig rten gsum 'byin pa'i rgyud
 gsungs nas/ da ni de nas zhes bya ba la sogs pa sring mo bzhi 'byin pa'i rgyud gsungs pa yin no/ /de nas zhes bya ba'i sgra ni de ma thag pa ste/ dang po'i sbyor ba'i rjes thogs nyid la'o/ /'dir dang po'i sbyor ba'i ting nge 'dzin ming po gsum gyi dkyil 'khor las bshad
 pa nyid yin no/ /kun du chags dang zhe sdang rmongs/ /brtan par byed pa'i rgyu yin no/ /zhes bya ba ni ming po gsum gyi rnal 'byor ba rnams kyis yang dag par sbyor ba'i sgom pas 'di dag sgrub pa'o/ /de ltar kun du chags pa dang zhe sdang dang gti mug ste ming po gsum gyi
 rang bzhin 'di rnams kyis brtan par byed pa'i rgyu yin no/ /dkyil 'khor zhes bya ba ni go bar zad do/ /gal te gsang zhing ma bsrungs na/ /gang zhig sems can don zhugs dang / /gang yang dkyil 'khor sgrub byed pa/ /de rnams khyed kyis gsang bar 'gyur/ /zhes bya ba
 ni dam tshig go/ /dkyil 'khor 'di'i bshad pa ni sngar bshad zin la 'dir khyad par ni 'di tsam du zad do/ /'di lta ste hri hUM shrI b+h+yo zhes bya ba ni 'jug pa'i glu yin no/ /da ni de nas zhes bya ba la sogs pas glu'i dkyil 'khor gsungs pa yin te/ de nas zhes bya ba'i sgra ni sngar bshad pa
 yin no/ /'dod chags la sogs dug gzhig phyir/ /zhes bya ba'i 'dod chags la sogs pa'i dug bsal ba ni dug gzhig pa ste de'i phyir ro/ /kun nas bdud rtsi nyid bya'i phyir/ /zhes bya ba ni phyogs bcu'i gdul bya rnams kun nas rang bzhin gyis dag par bsgoms pas thar
 pa mngon sum du byas pa ni bdud rtsi'o/ /de'i ngo bo nyid yin pas na bdud rtsi nyid de de'i don du'o/ /zhe sdang las byung glu yis ni/ /dkyil 'khor dam pa phyung bar 'gyur/ /zhes bya ba ni 'di yang sngar bshad pa'i de nyid las shes par bya'o/ /'di'i khyad par ni 'di yin te/ 'di
 lta ste phu phu zhes bya ba 'jug pa'i glu'i mchod pa yin no/ /de ltar glu'i dkyil 'khor gsungs nas da ni/ /de nas ston pa rdo rje 'dzin/ /zhes bya ba la sogs pas bgegs thams cad rnam par gzhom pa'i phyir gdon gyi dkyil 'khor gsungs pa yin no/ /de nas zhes bya
 ba'i sgra ni snga ma bzhin du log 'dren la sogs pa gdon thams cad las byung ba'i sdug bsngal thams cad de/ de rnam par bsal zhing med par mdzad pas na sdug bsngal thams cad bsal ba ste/ bcom ldan 'das rdo rje 'chang ba'o/ /sems can kun ni bde ba'i phyir/ /
 zhes bya ba ni gdon la sogs pa las byung ba'i sdug bsngal dang bral bas sems can thams cad bde ba nyams su myong ba'i phyir ro/ /ni zhes bya ba ni nges par gzung ba ste/ bde ba kho na'i phyir ro/ /gdon gyi dkyil 'khor phyung ba yin/ /zhes bya ba ni rims la sogs pas yongs
 su gang ba'i dkyil 'khor skyed par mdzad pas so/ /de ci'i phyir zhe na/ 'dod chags zhes bya ba la sogs pa gsungs te/ gang gi phyir dmigs pa la spyod pa'i sems can thams cad ni 'dod chags la sogs pa'i dug gis gso ba ma byas pa'i nyes byas kyis dug nyid du gyur
 pa yin zhing sngar bshad pa'i tshul gyis/ /gdon dang rims dang sdig pa dang / /dmyal bar yang ni 'gyur ba yin/ /zhes bya ba yang de nyid yin gyis phyi rol gzhan dag ma yin no/ /de bas na rnam par rtog pa dang bcas pa las byung ba'i srin mo la sogs pa'i gdon gyi
 tshul can sdug bsngal thams cad skyed par byed pa'i rnam par rtog pa de rnams gzhig par bya ba'i phyir/ bcom ldan 'das kyis gdon gyi dkyil 'khor phyung ba yin no/ /de nas zhes bya ba'i sgra ni gnas skabs te/ gdug pa skyed par byed pa yi ge hriM ngo / /de ltar/ de nas ston pa rdo rje
 'dzin/ /zhes bya ba nas brtsams te hriM zhes bya ba'i bar gyis ni ting nge 'dzin gnyis pa gsungs pa yin no/ /de nas bsdu ba sngon du 'gro bas gsum pa yin par shes par bya'o/ /de ltar bsdus pa srin po la sogs pa'i gdon rnams bkug ste/ rdo rje lcags kyus khro bo la sogs
 pa dgug pa dang gzhug pa dang / bcing ba dang / dbang du byas la slob dpon gyis srin po la sogs pa'i gdon gzhom par bya ba'i phyir dkyil 'khor bris la/ srin po la sogs pa'i gdon gzhom par bya'o zhes bya ba'i cho ga 'di bstan par bya ba'i phyir zur bzhi ba zhes bya ba la sogs
 pas gdon gzhom pa'i slob dpon gyi las kyi cho ga gsungs pa yin no/ /zur bzhi pa la zhes bya ba la sogs pa la ni go bar zad do/ /de nas zhes bya ba bshad ma thag pa'i dkyil 'khor de'i dbus dang por zhes bya ba las kyi dkyil 'khor du 'jug pa'i thog mar dkyil 'khor
 du 'byung po dang / yi dags dang / sha za dang / gnod sbyin dang / srin po dang / grul bum dang / klu la sogs pa'i rig pa mchog gi rgyud las gsungs pa'i gdon bco brgyad dang / sogs pa'i zhes bya ba'i sgras rim pa brgyad po skyes bu gcer bu gdong gnag pa skra
 gyen du brdzes pa/ sdig pa zhes bya ba yi dags kyi khyad par rnams dang / mnar med pa la sogs pa'i dmyal ba brgyad dang / nye 'khor ba'i dmyal ba rnams so/ /de rnams kyi cho ga rgyas pa ni yul dang grong dang 'jig rten gyi bkod pa'i dbyibs rnams bri bar bya'o/ /de ltar
 dkyil 'khor de bris pa'i rjes thogs nyid la rdo rje me ltar 'bar ba'i rnal 'byor pas rnal 'byor chen po byas la/ gtsug tor la sogs pa yang rang gi lus la bkod de/ de'i rjes thogs nyid la dkyil 'khor 'dir slob dpon gyi 'jug pa bcom ldan 'das rdo rje sems
 dpas bshad cing gsungs pa yin no/ /ji ltar 'jug par bya zhe na/ myur du zhes bya ba gsungs so/ /myur du ci zhig bya zhe na/ rdo rje 'dzin pa zhugs nas ni/ /khros pas rkang pa g.yon pas mnye/ /zhes bya ba gsungs te/ g.yas pa'i rdo rje khu tshur gyis khro bo'i rdo rje thogs te/
 g.yon pa'i khro bo'i khu tshur sdigs mdzub byed pa la brtson pas dkyil 'khor de rkang pa g.yon pas mnye bar bya'o/ /de nas zhes bya ba la sogs pa ni go bar zad do/ /'dis ni 'di skad ston par 'gyur te/ gang gi tshe rnal 'byor pa log 'dren la sogs pa nye bar 'tshe bar 'gyur
 ba de'i tshe rdo rje me ltar 'bar ba'i sbyor bas rnal 'byor chen por byas pa ni rdo rje gtsug tor la sogs pa nas/ rdo rje shugs kyi bar du rang gi lus la bkod nas/ rdo rje sems dpa'i lha mo'i dkyil 'khor gyi tshul gyis bdag nyid rdo rje sems dpa' rnam par bsgoms la de'i rjes
 thogs nyid la bdag nyid rdo rje me ltar 'bar ba slar yang bsams te/ dkyil 'khor 'di ri rab kyi steng du hUM las sprul pa bsdu bar bya'o/ /de nas rdo rje lcags kyu'i khro bo la sogs pa las kyi phyag rgya bzhis gdon la sogs pa'i cho ga rgyas pas bkug nas bcug ste bcings
 la 'jug pa'i phyag rgyas bcings nas hriM badzra tiSh+Tha maN+Dal ud+tha pa la zhes bya bas dkyil 'khor de bar snang gi phyogs su bzhag la rdo rje me ltar 'bar ba'i dam tshig gi phyag rgya dang / yi ge hUM gis bdag nyid byin gyis brlabs la hUM zlos shing yongs su bskor nas thig
 gdab pa dang tshon dgye ba byas te/ rig pa mchog las gsungs pa'i gdon bco brgyad dang / 'phags pa dpung bzangs las bshad pa'i log 'dren rnams dang / sngar bshad pa'i rims brgyad dang / sdig pa dang dmyal ba rnams yi ge hIM zlos shing bri bar bya'o/ /de nas
 sgo dbye ba dang bsdu ba byas la/ rdo rje lcags kyu'i khro bo la sogs pas de dag dgug pa dang bcing ba byas la/ g.yas pa'i rdo rje khu tshur gyis khro bo'i rdo rje thogs te/ g.yon pa'i khro bo'i khu tshur gyis sdigs mdzub byed pa la brtson pa dang / glu'i tshig
 zlos shing rab tu dgod pa dang / dkyil 'khor der zhugs la khros pa dang / rkang pa g.yon pas mnye bar bya'o/ /de la glu ni 'di yin te/ sarba a g+ha maN+Dal mi dam badzra d+ha ra a kra ma bi ki ra bi ki ra badzro da ya nA sha ya ha na da ha na pa tsa b+ha smi ku ru kru d+ha hUM ka ra ma de na/
 de nas rdo rje gnod sbyin dang / rdo rje khu tshur dang rdo rje gtsug tor gyis bdag nyid bsrung ba byas la rang gi lha'i sbyor bas gnas par bya'o/ /sdug bsngal thams cad las 'don pa'i rgyud kyi bshad pa rdzogs so// //de ltar 'jig rten dang 'jig rten las 'das pa'i
 dkyil 'khor rnams bshad nas/ da ni 'jig rten dang 'jig rten las 'das pa'i lha thams cad kyi dkyil 'khor la lhag par mos pa'i sems can rnams rjes su gzung ba'i phyir/ de nas zhes bya ba la sogs pa bsdus pa'i dkyil 'khor gsungs pa yin no/ /de nas zhes bya ba'i
 sgra ni de ma thag pa ston pa'i tshig yin te/ dang po'i sbyor ba'i rjes thogs nyid la'o/ /'dir dang po'i sbyor ba'i ting nge 'dzin ni dpal rdo rje sems dpa'i dkyil 'khor chen por gsungs pa yin no/ /kun mchog dam pa'i dbang phyug ste/ /zhes bya ba ni kun gyi mchog kyang yin
 la dam pa'i dbang phyug kyang yin pas na kun mchog dbang phyug ste dpal rdo rje sems dpa'o/ /de yang thams cad kyi mchog yin pas na kun mchog go/ /de nyid ni dam pa ste phul du byung ba yin zhing khams gsum pa ma lus pa'i chos kyi rgyal srid la mnga' brnyes pas na dbang
 phyug go/ /sems can don kun rab sgrub byed/ /ces bya ba ni rigs lnga'i lha rnams kyis 'dul ba'i sems can kun yin te/ de rnams kyi rab tu sgrub pa ni rigs lnga rtogs par gyur pa ste de'i don du'o/ /dkyil 'khor thams cad gsungs pa yin/ /zhes bya ba ni bcom
 ldan 'das rdo rje 'chang bas bsdus pa'i dkyil 'khor bka' stsal pa'o/ /gzugs kun gyis zhes bya ba ni 'jig rten dang 'jig rten las 'das pa'i lha rnams kyi gzugs so/ /dus gang gi tshe zhe na/ gang tshe gsang ba chen po lnga'o/ /de nyid kyis ni mi 'dul 'gyur zhes
 bya ba gsungs te/ gsang ba chen po'i de kho na nyid lnga ni rdo rje sems dpa' dang / de bzhin gshegs pa dang / rdo rje dang / pad+ma dang / nor bu'i rigs rnams kyis gang gi tshe 'dul bar ma gyur pa'i sangs rgyas nyid dam rdo rje 'dzin pa nyid la 'jog par mi nus pa de'i tshe sna
 tshogs chen po bsdus pa'i dkyil 'khor gyis 'dul ba'i skye bo skal ba dang ldan pa rnams la dam pa ste/ mchog 'di mdzad pa yin no/ /de ltar na/ de nas rgyal po rdo rje 'dzin/ /zhes bya ba nas brtsams te/ sna tshogs chen po/ 'gro ba 'dul ba'i dam pa yin/ /zhes bya
 ba ni bar gyis bshad pas ni ting nge 'dzin gnyis pa gsungs pa yin no/ /de nas bsdu ba sngon du 'gro ba ni gsum pa yin par shes par bya'o/ /de ltar bsdus pa'i dkyil 'khor gyi ting nge 'dzin gsum gsungs nas/ da ni dam tshig dang dbang bskur ba thob pa rnams kyis
 bzlas brjod dang bsgom par bya'o zhes bya ba'i phyir/ de nas gang gi phyir zhes bya ba la sogs pas slob dpon gyi las kyi cho ga dang slob ma 'jug pa la sogs pa'i cho ga gsungs pa yin no/ /de nas zhes bya ba'i sgra ni de ma thag pa ston par byed pa'i tshig ste/ las kyi cho ga'i ting nge
 'dzin gyi rjes thogs nyid la'o/ /gang gi phyir zhes bya ba ni rgyu ste gang gi phyir bsdus pa'i dkyil 'khor du 'jug par byed pa des 'dul ba'i sems can rnams kyi don du mi 'gyur bas de'i phyir dkyil 'khor chen po ste/ bsdus pa'i dkyil 'khor dam pa ste mchog tu gyur
 pas rab tu phye ste bshad par bya'o zhes pa'o/ /kun mchog ni 'jig rten dang 'jig rten las 'das pa'i tshul yang dag par ston pa yin zhes gang du 'dul ba'i sems can gyi khams rnams las rnam par rgyal ba yin pas na kun mchog rnam rgyal lo/ /lha thams cad kyi
 dkyil 'khor gyis 'dul ba'i sems can skal ba dang ldan pa rnams la 'jig rten dang 'jig rten las 'das pa'i dkyil 'khor gyi lha thams cad kyi gzugs ni sna tshogs so/ /de nyid kyis na bsdus pa'i dkyil 'khor 'di ni kun mchog dam pa'i dbang phyug
 yin no zhes bya ba ni 'jig rten pa'i dkyil 'khor chen po bris nas ni rdo rje sems dpa'i dkyil 'khor chen po bris la/ de'i dbus su zhes bya ba'i dkyil 'khor dbus ma'i lte ba'i phyogs su rdo rje sems dpa'i dkyil 'khor chen po thig btab cing kun du bris la ming de skad
 ces bya ba'i dkyil 'khor de'i lte ba'i phyogs su sngar bshad pa'i tshul gyis rdo rje sems dpa' rab tu gzhag par byas te/ 'di ni cho ga bzhin zhes bya ba'i sgra'i don yin no/ /ci de 'ba' zhig gam zhe na/ rdo rje lha mo zhes bya ba gsungs te/ 'dod chags rdo rje dang / ki li ki
 la dang / rdo rje dran ma dang / rdo rje 'dod pa'i dbang phyug ma ni rdo rje lha mo'o/ /sogs pa'i sgra ni dus kyi mchod pa dang / rdo rje sgeg mo rnams dang / sgo srung rnams gzung ngo / /rdo rje lha mo la sogs pas yongs su gang ba'i dkyil 'khor ram/ des nye bar mtshon pa'i dkyil 'khor
 ni rdo rje lha mo la sogs pa'i dkyil 'khor te der ro/ /de yi ngos ni thams cad du/ /zhes bya ba ni re'u cha dbus mar dpal rdo rje sems dpa'i dkyil 'khor chen po bris pa de'i phyogs bzhir de bzhin gshegs pa dang / rdo rje 'dzin pa dang / 'jig rten dbang phyug dang / nam mkha'i
 snying po kun mchog lhag pa'i sku rnams kyis mtshan pa'i mchog rdo rje dang bcas pa 'khor lo la sogs pa gang yin pa de ni rdo rje mchog bcas mtshan ma rnams rdo rjes mtshan pa'i 'khor lo la sogs pa'o zhes bya ba'i tha tshig go/ /ma zhes bya ba'i sgra ni nges par gzung ba ste rdo rjes
 mtshan pa'i mtshan nyid do/ /sku gzugs la sogs gzhag par bya/ /zhes bya ba ni mi bskyod pa la sogs pa rang gi rigs kyi lha'i tshul gyis yongs su bskor ba ni rang gi rigs kyis bskor ba zhes bya'o/ /rgyal po rdo rje sred med bu'i/ /gzugs 'dzin 'khor lo bsnams
 pa bri/ /zhes bya ba ni bcom ldan 'das rnam par snang mdzad kyi sred med kyi bu'i gzugs 'dzin pa phyag na 'khor lo bsnams pa gzhag par bya'o/ /khyab bdag rdo rje can rdo rje/ /gtum dbang rdo rje gdung bsnams pa/ /zhes pa ni bcom ldan 'das rdo rje me ltar rab tu 'bar
 ba'i rdo rje gtum pa'i dbang phyug gi gzugs 'dzin pa rdo rje gdung bsnams pa bri bar bya'o/ /rdo rje pad 'byung pad+ma can/ /rdo rje 'dzin pa tshangs gzugs ldan/ /zhes bya ba ni 'phags pa spyan ras gzigs dbang phyug gi gzugs 'dzin pa'i rdo rje 'chang rdo rje 'dzin pa ni tshangs
 pa'i gzugs su bri bar bya'o/ /nam mkha'i snying po 'dod gzugs can/ /rdo rje dang bcas me tog mchog/ /ces bya ba ni bcom ldan 'das 'phags pa nam mkha'i snying po ni 'dod pa'i lha'i gzugs 'dzin pa la rdo rjes mtshan pa'i gzhu bsnams te bzhugs pa bri bar bya'o/ /
 gzhi'i dkyil 'khor gyi me'i mtshams su rdo rje dpal mo/ bden bral gyi mtshams su rdo rje dkar mo/ rlung gi mtshams su rdo rje sgrol ma/ /dbang ldan gyi mtshams su nam mkha'i rdo rje ma bri bar bya'o/ /de nas 'di rnams kyis zhes bya ba ni go bar zad do/ /phyi yi dkyil 'khor gnas
 rnams su/ /zhes bya ba ni lha'i snam bu'o/ /rdo rje mtshan ma rang phyogs gnas/ /zhes bya ba ni drag po la sogs pa'i mtshan ma rdo rjes mtshan pa'i tri shU la la sogs pa gang yin pa de ni rdo rje mtshan ma ste/ de shar phyogs la sogs pa'i phyogs su gnas pa ni rang gi phyogs su gnas pa bri
 ba yin no/ /rdo rje'i mtshan ma rang gi phyogs su gnas par bri ba de gang zhig yin zhe na/ lha dbang dang ni ma mo nyid/ /ces bya ba gsungs te/ lha'i dbang po ni drag po la sogs pa nas chu lha'i mthar thug pa'o/ /de rnams kyi chung ma ni ma mo'o/ /de nyid ni lha'i dbang po ma mo dang bcas pa'i
 'jig rten skyong ba rnams yin te de rnams dgod par bya'o/ /tshogs kyi dbang phyug rdo rje yi/ /rol mo'i che bcu rdung byed la/ /phyi yi dkyil 'khor kha khyer dang / /sgo dang mtshams su'ang de bri'o/ /zhes bya ba ni phyi'i dkyil 'khor gyi mtshams bzhir sgeg mo la sogs pa dang / sgo rnams
 su lcags kyu ma la sogs pa bri bar bya'o/ /sgo rnams kun du 'jug pa ni/ /rang gi phyag rgyas rab tu 'jug /ces bya ba ni sngar bshad pa'i 'jug pa'i cho gas rdo rje sems dpa' dang / de bzhin gshegs pa dang / rdo rje dang / pad+ma dang / nor bu'i rigs kyi dkyil
 'khor du 'jug par bya'o/ /dang po'i sbyor bas dkyil 'khor ni/ /dam pa lnga ru zhes bya ba ni gzhi'i dkyil 'khor du dang por dkyil 'khor du 'jug pa'i cho gas 'jug par bya'o/ /de nas dbus su gnas gyur nas/ /dgug pa 'di ni bya ba yin/ /zhes bya ba ni de ltar dkyil
 'khor bris nas rdo rje hUM mdzad kyi sbyor ba byas te ji lta ba bzhin du zhugs te/ de'i rjes thogs nyid la dkyil 'khor gyi dbus su 'dug par bsams pas sgo dbye ba'i phyag rgyas dkyil 'khor gyi sgo rnams phye nas/ de rjes la 'og nas bshad pa'i dgug par bya'o/ /gsang ba'i
 lcags kyu dril bcas pas/ /'dir ni zhes bya ba la sogs pa go bar zad do/ /de dag go rims ji bzhin du/ dkyil 'khor thams cad bsgrub par bya/ /zhes bya ba ni re zhig dang por rdo rje sems dpa'i dkyil 'khor chen po'i lha rnams rang gi dam tshig gi phyag rgya rnams kyis
 de bzhin nyid du bsgrub par bya'o/ /de bzhin gshegs pa dang / rdo rje dang / pad+ma dang / nor bu'i rigs kyi lha rnams bsgrub par bya ste/ 'di ni 'dir go rims ji bzhin bsgrub par bya ba'i sgra'i don yin no/ /sgrub pa dag ni thams cad dang / /dngos grub rnams kyang de bzhin
 no/ /zhes bya ba ni rdo rje sems dpa' dang / de bzhin gshegs pa dang / rdo rje dang / pad+ma dang / nor bu'i rigs kyi dkyil 'khor rnams su lha thams cad kyi sgrub pa gsungs pa dang / lha thams cad kyi dngos grub gsungs pa de thams cad kyi dkyil 'khor thams cad
 bsgrub pa sgrub pa po la 'grub par 'gyur ro/ /ci'i phyir zhe na yang / bde ba thams cad mi 'gyur gnas/ /zhes bya ba la sogs pa gsungs te/ bde ba yang yin la thams cad kyang yin pas bde ba thams cad de/ rdo rje sems dpa' la sogs pa lha thams cad kyi bde ba
 gnyis su med pa sems dang sems las byung ba'i mtshan nyid can no/ /de nyid ni mi 'gyur ba'i gnas te chos kyi dbyings thog ma tha ma med pa'i rang bzhin sems can gyi khams thams cad dang / rdo rje sems dpa' la sogs pa'i bde ba mngon sum du byed pa'i gzhir gyur pa'o/ /
 bde ba chen po zhes bshad do/ /zhes bya ba ni bcom ldan 'das rdo rje 'chang chen pos gsungs pa'o/ /rdo rje 'di ni bsgrub la sogs/ /'di ni tshe 'dir 'grub par 'gyur/ /zhes bya ba ni de bzhin nyid kyi rdo rje'i rang bzhin yin pas bde ba chen po de ni rdo rje yin pa dang / de las byung ba'i
 dkyil 'khor 'di la yang nye bar brtags pas de skad ces bya ste/ sgrub pa 'di la sogs pa'i dkyil 'khor sgrub par byed par bsgrubs nas sgrub pa po/ tshe 'di nyid la mngon par 'dod pa'i dngos grub 'di dag thams cad 'grub par 'gyur ro/ /de ltar bshad pa'i tshul gyis
 'grub par 'gyur bar bshad do zhes sbyar ro/ /sna tshogs pa yang yin la don dam pa yang yin pas sna tshogs pa'i don te/ bsdus pa'i dkyil 'khor du rdo rje sems dpa' la sogs pa'i tshul lo/ /des rnam par sbyang ba ni lha tshogs pa la mos pa'i sems cad kyi khams
 rnams rigs lnga po rtogs pas 'dod chags la sogs pa dang bral ba'o/ /de'i don gyi cho ga ni lhag par gnas pa dang / phyag 'tshal ba dang dkyil 'khor du 'jug pa la sogs pa'o/ /de ltar 'gro ba dpag tu med pa ste/ sems can gyi khams tshad med pa des 'dul
 zhing lam rtogs pa la gzhag pa ni 'gro ba dpag tu med pa kun btul ba ste/ de nyid ni mtha' med pa yang yin la sna tshogs pa yang yin pas na mtha' med pa'i sna tshogs pa ste/ mnyam pa med pa ni mtshungs pa med pa'o/ /gsungs pa ni bshad pa'o/ /phul du gyur pa ni
 mchog tu gyur pa'o/ /ji ltar na phul du byung ba yin zhe na/ gang gi phyir de bzhin gshegs pa la sogs pa'i rigs thams cad 'dzin pas na/ de bzhin gshegs pa thams cad kyi rigs 'dzin pa'o/ /de byed pa yang yin la bde ba'i mchog kyang yin pas na de byed pa'i
 bde ba'i mchog go/ /rgyal ba thams cad de de bzhin gshegs pa thams cad kyis bsdus pa'i dkyil 'khor 'di byin gyis brlabs shing brtan par mdzad pas na srid pa pa'i bde ba'i mchog byed pa ste/ gdul bya rnams kyis mi gnas pa'i mya ngan las 'das
 pa'i bde ba skyed par byed pa nyid yin pa'i phyir ro/ /yang 'di'i don brjod par bya ste/ dpal rdo rje sems dpa'i sbyor bas rdo rje dbyings kyi dkyil 'khor las bshad pa'i rnal 'byor ji lta ba bzhin du byas la 'di las bshad pa'i byin gyis brlabs pa dang / dbang bskur ba
 d ang dngos grub kyi rdo rje brtul zhugs kyang blangs nas 'dod chags rdo rje ma la sogs pa'i phyag rgya'i mchod pa bcu gnyis kyis bdag nyid yang dag par mchod la rnam par sgeg pa'i dga' ba'i rdo rje dang phyag bzhis kyang phyag byas la de kho na nyid dang chos dang dam tshig bzung nas hUM
 zhes lan gsum bzlas la/ dam tshig gsum gyi glu'i mchod pa byas nas rang gi snying ga'i zla bar yid kyis zhugs la/ rdo rje sems dpa'i phyag rgya bcings te hUM a hUM hrIM traM zhes brjod do/ /der bsdus pa'i dkyil 'khor sprul la lha thams cad kyi rang rang gi gnas su
 rang rang gi snying pos lha thams cad rang rang gi gzugs su bkod la/ oM badzra At+ma kou0f85haM zhes bya ba la sogs pa'i snying po gsum bzlas la snga ma bzhin du don gsum bsgoms te/ bdag ni rang nyid bsdus pa'i dkyil 'khor yin no zhes nga rgyal bskyed la bsdus pa'i d
 kyil 'khor gyi snying po zlos shing / dus ji srid kyis bdag nyid bsdus pa'i dkyil 'khor gyi ngo bo nyid du mngon sum ltar mthong bar gyur pa de srid kyi bar du nyin re'i sbyor bas bsgom par bya'o/ /de nas nyin zhag bdun gyi bar du sngar bshad pa'i tshul gyis ting nge 'dzin
 gsum bsgom pa nas brtsams te bsdus pa'i dkyil 'khor brtsam par bya'o/ /de nas ji skad du bshad pa'i dkyil 'khor gyi dbus su snga ma bzhin du cho ga thams cad rjes su spyad la/ slob ma lhag par gnas pa dang / lha lhag par gnas par byas nas nyi ma 'char
 ba'i dus su dkyil 'khor thig gdab par bya'o/ /de la re zhig dang por rdo rje sems dpa'i lha mo'i dkyil 'khor gyi thig gdab par bya'o/ /de la dkyil 'khor dbus kyi re'u cha la yang rdo rje sems dpa'i dkyil 'khor gnyis pa 'dod chags rdo rje ma'i gnas su rnam par
 snang mdzad kyi dkyil 'khor ro/ /ki li ki la'i gnas su rdo rje me ltar 'bar ba'i dkyil 'khor ro/ /rdo rje dran ma'i gnas su 'jig rten dbang phyug gi dkyil 'khor ro/ /rdo rje 'dod pa'i dbang phyug ma'i gnas su 'phags pa nam mkha'i snying po'i dkyil 'khor thig
 gdab par bya'o/ /de nas tshon sna lnga'i phye mas rten dang brten pa'i dkyil 'khor thams cad bris nas bcom ldan 'das rdo rje sems dpa' 'khor dang bcas pa rang gi dkyil 'khor du dgod par bya'o/ /de nas bcom ldan 'das rnam par snang mdzad sku mdog nag po khyab
 'jug gi gzugs can/ phyag bzhi pa phyag g.yas pa gnyis na rdo rje 'khor lo dang dbyug pa bsnams pa/ g.yon gnyis na gcig gis mdung bsnams pa/ gnyis pas gdan la snyems pa'i tshul gyis gnas pa dkyil 'khor gyi dbus nas shar phyogs su gzigs te
 bzhugs par bya'o/ /oM badzra ga d+ha yan tshin+da a pra ti ha ta badzra tsa kre na ho b+ha ga bAn badzra ta thA ga ta dzaHhUM baM hoHbadzra d+ha ra staM/ mi bskyod pa la sogs pa ni sngar bshad pa'i snying pos rang gi gnas su dgod par bya'o/ /bcom ldan 'das rdo rje me ltar 'bar ba gtum pa'i dbang
 phyug gi gzugs 'dzin pa/ sku mdog sngo ba/ spyan gsum pa phyag bzhi pa/ g.yas rdo rje rtse gsum dang rdo rje 'bar ba bsnams pa/ g.yon gyi gcig gis thod pa bsnams pa/ gnyis pas ral gri bsnams pa snying po 'dis dgod par bya'o/ /hUM badzra kro d+ha ma hA
 yo gi nI/ ga Ne shwa ra ma hA badzra shU lo gra bra ne ho b+ha ga bAn badzra tsin+d+ha shwa rA ya ha ha ha ha ho/ /rdo rje mtshon cha ma la sogs pa lhag ma rnams ni snga ma bzhin du bri bar bya'o/ /rdo rje gtsug tor la sogs pa yang thig bdun gyi nang du bya'o/ /de nas 'jig rten dbang phyug tshangs
 pa'i gzugs 'dzin pa/ sku mdog dkar po zhal bzhi pa phyag g.yas pa gnyis na phreng ba dang dbyug pa bsnams pa/ g.yon gnyis na spyi blugs dang pad+ma bsnams pa/ rang gi dkyil 'khor gyi dbus su snying po 'dis dgod par bya'o/ /hrI badzra/
 pad+mod b+ha ga bAn badzra a ba lo ki te shwa rA ya ma hA bra h+ma sid+d+ha oM b+hur b+hu ba swaHri na maHswA hA/ pad+ma'i ting nge 'dzin bzang po la sogs pa snga ma kho na ltar bri bar bya'o/ /de ltar 'jig rten dbang phyug gi dkyil 'khor bris nas/ 'phags pa nam mkha'i snying po rang gi
 dkyil 'khor gyi dbus na 'dod pa'i dbang phyug gi gzugs 'dzin pa sku mdog dmar po phyag mtshan rdo rje me tog dang bcas pa snying po 'dis bri bar bya'o/ /he badzra ku su me a su d+ha sarba karma na me sa dA ya hi b+ha ga bAn badzra A kA sha gar+b+ha ba Da Da trAM/ dbang bskur pa'i rin
 po che la sogs pa gzhan dag ni de bzhin du bri bar bya'o/ /yang gzhi'i dkyil 'khor gyi me'i mtshams su bcom ldan 'das yum chen mo shes rab kyi pha rol tu phyin pa dpal mo'i gzugs 'dzin pa/ sku mdog gser btso ma'i mdog 'dra ba phyag g.yas na 'khor lo
 g.yon pa na pad+ma bsnams pa snying po 'dis bri bar bya'o/ /na mo ye na sa t+ye na b+ha ga wa ti pra dz+nyA pA ra mi ta spu ta tshin+d+ha badzra ni tsa kre na/ te na sa t+ye na ba ba ka na oM d+hI shrI shud+d+hi bi dza ye swA hA/ de nas bden bral gyi mtshams su rdo rje 'dzin ma u ma'i gzugs 'dzin ma gser gyi mdog
 can phyag g.yas na rdo rje rtse gsum bsnams pa/ g.yon na mdung rtse gsum pa bsnams pa'i snying po 'dis bri bar bya'o/ /oM badzra gau rI ma hi ba d+he trai lo kya badzrA ya shwa ri badzra kro d+ha ag+ni sa ma ye badzra d+ha rin ma stu te/ tad+ya thA/ hi li mi li/ le li la lo badzra kA ma ka ye
 swA hA/ rlung gi mtshams su sgrol ma sku mdog ljang gu phyag g.yon gyis pad+ma bsnams pa/ phyag g.yas kyis mchog stsol ba/ snying po 'dis bri bar bya'o/ /na mo ye na sat+ye na ma b+ha ga wa ti bud+d+ha bo d+hi ra nut+ta ra badzra d+harma pra yo ge na te na sa t+ye na si d+d+ha maM oM tA re tu t+tA re tu re
 swA hA/ de nas dbang ldan gyi mtshams su nam mkha' rdo rje ma dga' ba'i gzugs 'dzin pa/ sku mdog dmar po rdo rje dang bcas pas mtshon cha bsnams pa snying po 'dis bri bar bya'o/ /oM karma badzra ni si da si bi shud+d+ha si swA b+hA ba ta/ ga gnod b+ha ba yo ge na sid+d+ha maM pa ra
 ma k+Sha re/ tad+ya thA/ ga ga na bi shud+d+hi sarba a b+hi prA ya pa ri pU ra ni swA hA/ de bzhin du gzhi'i dkyil 'khor phyi'i mtshams bzhir sgeg mo la sogs pa yang dag par bri bar bya'o/ /phyi dang nang gi sgo rnams su rdo rje lcags kyu ma la sogs pa dgod par bya'o/ /phyi'i dkyil
 'khor gyi snam bu la 'dod pa'i lha dang / tshangs pa'i bdag po dang / bde byed la sogs pa chung ma dang bcas pa dum bu dang po'i rdo rje sems dpa'i dkyil 'khor las bshad pa'i tshul du bri bar bya'o/ /de nas phyi'i dkyil 'khor gyi kha khyer la rdo rje tshogs kyi dbang
 phyug ma pi wang len pa la brtson pa bcu/ gling bu len pa la brtson pa bcu/ mu rany+dza len pa bcu/ cha lang 'khrol ba bcu/ rnga bo che brdung ba bcu/ rdza rnga brdung ba'i sbyor bas gnas pa bcu/ glu ring len pas gnas pa bcu/ muny+dza len pas gnas pa bcu/ ti mi
 la len pa bcu ste/ rdo rje tshogs kyi dbang phyug bcu hUM zhes bya bas gnas pa bcu bri bar bya'o/ /de nas ji lta ba bzhin du sgo phye la bsdu ba byas la mtshan brgya rtsa brgyad pas bstod la dkyil 'khor gyi dbus su 'dug ste/ gsang ba'i lcags kyu ma rdo rje dril bu dang bcas pas dkyil
 'khor gyi lha thams cad bkug ste/ snying po 'dis dkyil 'khor du zhugs par bya'o/ /oM ma hA su kha badzra sat+ye ta sid+d+ha hUM sarba ta thA ga ta na sa mA kaR+Sha ya dzaH/ sarba badzra ku la a d+hi paM da ma yi ta pra be sha ya hUM/ sarba lo ke shwa raM/ pra be sha ya sa ma ya ba ra ban+d+ha naH/ sarba rat+na a d+hi
 baM ma ni ro dzam ba shi ku ru ho hUM a hUM hrI trAM/ de nas rdo rje gnod sbyin gyis bgegs bsal ba la sogs pa byas la rdo rje khu tshur gyis sgo rnams bcad de/ rdo rje go chas srung ba thams cad yang dag par bsrungs la bsdus pa'i dkyil 'khor las bshad pa'i snying pos mchod yon phul
 te/ rang gi dam tshig gi phyag rgya rnams kyis rdo rje sems dpa' la sogs pa nas chu lha'i bar du bsgrub par bya'o/ /rdo rje sems dpa' la sogs pa ni rang rang gi dkyil 'khor las bshad pa ltar bsgrub par bya'o/ /'dod pa'i lha dang tshangs pa la sogs pa ni
 hUM dr-i sh+ya sa ma ya s+t+waM sa ma ya ho d+haM dzaHhUM baM hoHzhes lan gsum zlos shing dang po'i rdo rjes bcings la tshogs kyi dbang phyug gi bar du bsgrub par bya'o/ /de nas rdo rje sems dpa' la sogs pa chos dang las dang / phyag rgya chen pos rgyas gdab par bya'o/ /de nas rdo rje sems
 dpa' la sogs pa ni rang gi dbang bskur ba'i phyag rgya rnams kyis dbang bskur ro/ /rdo rje sred med kyi bu la sogs pa bzhi ni rdo rje rin chen gyi phyag rgyas dbang bskur ro/ /de nas slob dpon gyi cho ga thams cad snga ma bzhin du rjes su spyad par bya'o/ /rigs lnga'i dkyil
 'khor du bshad pa las khyad par ni 'di yin te/ ji ltar bzhi'i dkyil 'khor du rdo rje sems dpa'i dkyil 'khor las bshad pa'i cho gas bsdus pa'i dkyil 'khor du 'jug pa'i glu'i mchod pa zlos shing 'jug par bya'o/ /de'i rjes la rdo rje sems dpa' la sogs pa'i
 dkyil 'khor du rang gi cho gas so/ /slob dpon gyi las kyi cho ga rgyas pa'o/ /de nas slob ma bsdus pa'i dkyil 'khor du bshad pa'i klu'i mchod pa bzhi'i dkyil 'khor du bcug la/ de'i 'og tu rdo rje sems dpa' la sogs pa'i dkyil 'khor gyi cho gas rigs
 lnga'i dkyil 'khor du gzhug pa'i cho ga thams cad rjes su spyad par bya'o/ /slob ma 'jug pa la sogs pa'i cho ga rdzogs so/ /bsdus pa'i dkyil 'khor bshad par rdzogs so// //rtog pa yang yin la thams cad kyang yin pas na rtog pa thams cad de/ rdo rje
 sems dpa' la sogs pa'i dkyil 'khor bcu po bshad ma thag pa nyid do/ /de nyid ni rgyud phyi ma yin la de bas na rtsa ba'i rgyud yongs su rdzogs pa yin no/ /de ltar rtog pa thams cad kyi rgyud phyi ma dang / rtsa ba'i rgyud bshad nas da ni de las kyi sgrib pa'i dbang gis rnal 'byor
 pas ma grub na/ gsang ba'i le'u'i dkyil 'khor 'dod pa'i dngos grub thams cad sgrub par byed pa'i khyad par gyi rang bzhin bstan pa'i phyir/ sangs rgyas kun gyi zhes bya ba la sogs pa gsungs te/ sangs rgyas kun ni 'jig rten gyi khams thams cad kyi rdul phra rab dang
 mnyam pa'i rnam par snang mdzad la sogs pa ste/ de rnams kyi gsang ba yang yin la chen po yang de nyid yin pas gsang ba che ste/ skye bo thams cad dang thun mong ma yin pa'i lha mo bzhi dang lhan cig tu bzhugs pa'i bcom ldan 'das rdo rje sems dpa'o/ /dam tshig
 mchog ces bya ba ni de nyid dam tshig kyang yin la mchog kyang yin pas na dam tshig mchog go/ /de'i sgrub pa ni dpal dgyes pa chen po'i gnas te der bzhugs pa'o/ /de gang yin zhe na/ rgyal po mchog ces bya ba dang sbyar ro/ /slar yang gnas kyi khyad par bstan par bya ba'i
 phyir bde ba chen po zhes bya ba la sogs pa gsungs te/ bde ba chen po ni rdo rje sems dpa'o/ /de'i gzhal yas khang pa ni bde ba chen po'i gzhal yas khang pa'o/ /dngos grub kun gyi ni phyag rgya chen po la sogs pa'i dngos grub rnams te/ de dag gis mngon par
 'du byas pa ni rdzogs pa'am/ de'i don du 'jig rten gyi khams thams cad kyi rdul phra rab dang mnyam pa'i rnam par snang mdzad la sogs pa'i de bzhin gshegs pa rnams 'dus te byon pa ni/ de bzhin gshegs mchog chen po'i rin chen rgyal po'o/ /sogs pa'i sgras ni
 gzungs dang / rig pa dang / rdo rje 'chang chen po dang / byams pa la sogs pa'i byang chub sems dpa' rnams kyang gzung bar bya'o/ /de bzhin gshegs mchog chen po yi/ /rin chen rgyal po la sogs pa de rnams kyis brgyan pa de yin no/ /bde ba chen po chags pa
 che/ /zhes bya ba la bde ba chen po yang yin la chags pa chen po yang yin pas na/ bde ba chen po chags pa che ste/ lha mo'i dkyil 'khor gyi dbus na bzhugs pa'i dpal rdo rje sems dpa'o/ /dngos grub kun la rjes chags phyir/ /bcom ldan 'das ni chags pa che/ /dmar
 dang sna tshogs mdzes pa'i 'od/ /dpal rdor sems dpa'i phyag rgya 'di/ /zhes 'og nas gsungs pa'i phyir ro/ /rdo rje sems dpa' de'i glu ni 'og nas 'chad par 'gyur ba'i mtshan nyid can yi ge hUM gi glu dang rol mo ste/ de dag gi rjes su chags pa ni rjes su
 sgrub pa bde ba chen po chags pa chen po'i glu dang rol mo rjes su chags pa gang la yod pa de la 'di skad ces bya'o/ /bla med dga' ba chen po yi/ /mchod pa kun gyis rab tu mchod/ /ces bya ba la bla na med pa'i dga' ba chen po'i yid bde bas 'dod chags rdo rje ma la sogs pa'i
 mchod pa bcu gnyis dang / phyi'i me tog la sogs pa'i mchod pa thams cad kyis rab tu mchod pa gang yin pa der ro/ /dga' ba chen po zhes bya ba la/ chen po ni byang chub kyi mtshan nyid can gyi thugs dang sems can gyi don la chags pas ni dga' ba chen pos rdo rje sems
 dpa'o/ /de'i dpal gyi gnas ni 'dod chags rdo rje ma la sogs pa'i lha mo'i tshogs dang ldan pa'i gzhal yas khang pa'o/ /de lta bu'i gnas kyi mchog de la bcom ldan 'das bzhugs pa yin no/ /rab tu dga' ba'i rgyal po mchog /ces bya ba ni ji ltar bshad
 pa bzhin du'o/ /mi 'gyur mchog ni rtag pa'o/ /de gang zhe na/ rdo rje sems dpa' bdag rang nyid/ /rab tu dga' ba mi 'gyur mchog /kun du bzang po 'khor ba dang / /byang chub sems dpa' de bzhin gshegs/ /zhes bya ba'o/ /dngos grub chen po kun gyi
 mchog / ces bya ba la dngos grub kyang yin la chen po yang yin pas dngos grub chen po ste/ de nyid thams cad kyi mchog yin pas na/ dngos grub kun gyi mchog ni dpal rdo rje sems dpa'i dngos grub po/ /des rdo rje snyems pa ni rdo rje sems dpa'i phyag rgya chen po dang lha
 mo rdo rje snyems ma'i bdag po ni bcom ldan 'das byang chub chen po'i thugs kyi rang bzhin rdo rje 'chang chen po'o/ /de nyid rigs kyi lha mo thams cad byang chub sems las byung ba'i phyir/ de rnams kyi yang bdag po yin no zhes bya ba bdag po'i sgra gnyis pas bstan pa
 yin no/ /de ltar na thams cad ces bya ba nas bdag po'i bdag ces bya ba'i bar du bshad pas ting nge 'dzin dang po bstan pa yin no/ /'jig rten dang 'jig rten las 'das pa'i lha thams cad kyi mchog yin pas na kun mchog go/ /kun mchog kyang yin la chags pa
 chen po yang de nyid yin pas kun mchog chags pa chen po'o/ /de'i dngos grub ni gdul bya'i skye bo'i rgyud la rdzogs pa'o/ /des gdul bya de ma lus shing lus pa med pa'i khams gsum gyi bdag po nyid do/ /de'i rjes su sgrub pa ni rdzogs par mdzad pa'o/ /glu dang rol mo
 zhes bya ba'i yi ge hUM gi glu gsungs pa dang / pi wang la sogs pa'i rol mo ston par byed pa'i hUM ste de nyid rol mo'o/ /de nyid ni don dam par dbus dang mtha' med pa'i thog mtha' med pa ste/ sngar gsungs pa yin yang sbyor ba'i khyad par gyis slar yang gsungs pa yin no/ /
 de gang yin zhe na hUM zhes pa'o/ /de thams cad 'dzin pa zhes bya ba la/ rdo rje sems dpa' dang / chags pa'i rdo rje ma dang / kI li kI la dang / rdo rje dran ma dang / rdo rje 'dod pa'i dbang phyug ma rnams kyi de bzhin nyid dang ro gcig pa'i ye shes rnams ni rdo rje thams cad do/ /de
 rnams dang rgyu mthun pa'i dang po'i rdo rje ni rdo rje thams cad do/ /de 'dzin par mdzad pas na rdo rje 'dzin pas te/ rdo rje thams cad 'dzin pa de yin no/ /ni'i sgra ni nges par gzung ba ste/ rdo rje thams cad 'dzin pa kho na'o zhes bya'o/ /gsang ba lnga yi de nyid
 che/ /zhes bya ba ni byang chub kyi sems dang / de so sor rtog pa dang / mngon du bya ba dang / yongs su mi spang ba dang / thob pa'i mtshan nyid can gyi ye shes rnams so/ /de las byung ba'i dga' ba chen po dpal rdo rje don yod pa'i chags pa'i dam tshig gis 'dod pa'i rdo rje
 mal sogs pa lha mo bzhi pa'o/ /rdo rje mda' la sogs pa nye bar mtshon pa rnams ni gsang ba lnga'i de kho na nyid chen po'i phyag rgya'i lha mo rnams so/ /de dag rdo rje thams cad 'dzin pa'i sku gsung thugs kyi rdo rje rnams las byung ba yin no/ /ji skad du/ rdo rje 'chang ni chen po
 yi/ /sku gsung thugs kyi rdo rje las/ /de nyid phyag rgya byung ba yin/ /zhes 'og nas gsungs pa'i phyir ro/ /rtag pa yang yin la chags pa yang de nyid yin pas rtag tu chags pas te/ de ltar byung ba'i rang bzhin gyis rtag tu bzhugs pa kun mchog
 so sor rtog pa'i lha mo'i gzugs can gyi rdo rje sems dpa'o/ /dngos grub kyang yin la chen po yang de nyid yin pas na dngos grub chen po ste/ byang chub chen po'i mtshan nyid can gyi sems dang sems las byung ba mngon du bya ba'i dngos grub thams cad kyi bde ba dam pa'i
 gzugs can gyi rdo rje sems dpa'o/ /rnam rgyal ni lta ba drug cu rtsa gnyis kyi rang bzhin dag pa'i so sor rtogs nas spang ba'am mi gnas pa'i mya ngan las 'das pas 'chi bdag gi bdud las rnam par rgyal ba ste/ kun mchog rnam par rgyal ba mthong ba'i lha mo'i gzugs
 can sems dpa'o/ /dbang phyug ni 'jig rten dang 'jig rten las 'das pa'i phun sum tshogs pa'i bdag po nyid de/ thams cad kyi dbang phyug mchod pa chen po'i lha mo'i gzugs can bcom ldan 'das yin no/ /rtag tu chags pa dang / dngos grub chen po dang rnam par rgyal
 ba dang dbang phyug ni/ rtag tu chags dang dngos grub che/ /rnam rgyal dbang phyug che rnams so/ /de rnams kyi lhag pa'i lha ni lhag pa'i lha'o/ /de dag gang yin zhe na bzhi po rnams so/ /phyag rgya dam pa zhes bya ba ni phul du byung ba'o/ /phyag rgya dam pa bzhi po de dag ji lta bu yin zhe na/
 sems dpas byin gyis brlabs pa'i sku zhes bya ba smos te/ rdo rje sems dpa' ni rdo rje sems dpa' ste/ des byin gyis brlabs pa ni brtan par bya ba ste/ de'i don du rig pa'i lha mo sku gzugs can yin pas na sems dpas byin gyis brlabs pa'i sku gzugs yin no/ /'dis
 ni 'di ltar bshad par 'gyur te/ 'di rnams dpal rdo rje sems dpa'i yan lag yin no zhes bya'o/ /kun mchog so sor rtog pa dang / /zhes bya ba la thams cad kyi mchog ni kun mchog ste/ thog ma dang tha ma med pa chos kyi dbyings byang chub chen po'i thugs kyi rang bzhin can rdo rje
 sems dpa'o/ /de'i so sor rtog pa ni de'i rang bzhin mngon du byed pa'i gzugs can chos bdag med pa bsgom pa'i rang bzhin can 'dod chags rdo rje ma'o zhes bya ba'i tha tshig go/ /dngos grub kun gyi bde ba'i mchog /ces bya ba la dpal rdo rje sems dpa'i gnyis
 su med pa'i sems dang sems las byung ba'i rnal 'byor pa rnams kyis mngon sum du bya ba gang yin pa de ni dngos grub kun te de nyid bde ba'o/ /gzugs des mchog ni bcom ldan 'das ma kI li kI la'o/ /kun mchog rnam rgyal mthong ba ma/ /zhes bya ba la de
 nyid dpal rdo rje sems dpa'i gnyis su med pa'i sems dang sems las byung ba'i rang bzhin gang rnal 'byor pas rtogs par 'gyur ba de ni kun mchog ste/ 'jig rten dang 'jig rten las 'das pa'i ye shes thams cad las phul du byung ba'i phyir ro/ /des
 rnam par rgyal ba ni 'dod chags la sogs pa'i bag chags dang bcas pa spangs pa dang / 'chi bdag gi bdud las rnam par rgyal ba ste/ de'i mtho ba'i yang mtho ba ste/ de las byung ba'i rgyal ba'i ba dan gyis nye bar mtshon pa/ bcom ldan 'das
 ma rdo rje dran pa'o/ /thams cad dbang phyug mchod pa che/ /zhes bya ba la thams cad kyang yin la dbang phyug kyang de nyid yin pas na thams cad dbang phyug ste/ sangs rgyas sprul pa dang / sems can gyi don mdzad pa la bdag po nyid do/ /de yi mchod pa
 chen po ni/ /thams cad dbang phyug mchod pa che ba ste/ bcom ldan 'das ma rdo rje 'dod pa'i dbang phyug ma'o/ /dngos grub ces bya ba ni 'jig rten dang 'jig rten las 'das pa'i dngos grub thams cad 'dod chags rdo rje ma'i gzugs kyis so/ /bde ba dang yid bde ba nyams
 su myong ba'i rang bzhin can gyi phun sum tshogs pa thams cad ni kI li kI la ma'i gzugs kyis so/ /'dod chags la sogs pa las rnam par rgyal ba las 'dod pa'i 'byung ba'i dga' ba thams cad ni rdo rje dran pa ma'i gzugs kyis so/ /thams cad kyi bdag po nyid kyi rang
 bzhin can gyi bdag po ni rdo rje 'dod pa'i dbang phyug ma'i gzugs kyis so/ /rdo rje lha mo thog mtha' med/ /ces pa ni dbus dang mtha' dang bral ba da ltar byung ba'i rang bzhin gyis rtag tu bzhugs pa ste/ bcom ldan 'das rdo rje sems dpa'i mchog gi sku de rnams
 yin no/ /slar yang de dag gsang ba'i mchog gi mtshan rnams bstan par bya ba'i phyir/ de nas zhes bya ba la sogs pa gsungs te/ dga' ba chen po yang yin la dpal rdo rje don yod kyang de nyid yin pas na dga' ba chen po dpal rdo rje don yod de rdo rje sems dpa'o/ /de la chags
 pa ni dga' ba ste/ de'i dam tshig ni 'dod pa'i rdo rje ma'o/ /rdo rje sems dpa'i thugs kyi dgyes pa skyed par byed pas rgyur gyur pa byang chub sems bsgom pa'i rang bzhin can du thugs gzhan du 'gyur ba med pa bcom ldan 'das ma 'dod chags rdo rje'o/ /dga' ba chen po dpal
 rdo rje don yod pa la chags pa skyed pa'i phyir rgyu'i dam tshig rnam par grol ba'i las kyi rang bzhin can bcom ldan 'das ma rdo rje kI li kI la ste/ bcom ldan 'das dpal rdo rje sems dpa'i yid bde ba dang yid bde bar mi phyed pa'i rang bzhin yin no zhes bya ba'i don to/ /dga' ba chen
 po zhes bya ba la sogs pa ni snga ma bzhin no/ /de'i dga' ba'i dam tshig ni dga' ba'i rgyu ste/ rnam par rgyal ba'i rdo rje ma ste 'dod chags la sogs pa las rnam par rgyal bas mi phyed pa rdo rje dran pa ma'o/ /dga' ba chen po zhes bya ba la sogs pa ni de bzhin no/ /rdo rje 'dod pa
 ni thams cad las su rung ba'i gzugs dang / sgra dang / dri dang / ro dang / reg bya rnams gang dag bcom ldan 'das rdo rje sems dpas sprul pa de rnams kyi dbang phyug ma gang yin pa de ni rdo rje 'dod pa'i dbang phyug ma ste/ dga' ba chen po dpal rdo rje don yod la ni rdo rje sems
 dpa' dang / gdul bya rnams kyi dga' ba skyed pa'i phyir rgyu yin no zhes bya ba'o/ /'di rnams zhes bya ba la sogs pa la 'dod chags rdo rje la sogs pa'i lha mo rnams kyi 'das ma thag tu bshad pa'i mtshan rnams la dad cing lhag par mos nas mtshan gyi don gang zhig bud med
 dam/ skyes pa'am/ khye'u'am/ bu mo'am/ gang zag mkhas pa gang / mtshan gyi don shes pas klog pa de ni de nyid do/ /gzhan ma yin pa'i phyag rgya thams cad ni 'dod chags rdo rje ma la sogs pa'i phyag rgya chen po la sogs pa'i dngos grub kyi bdag po rdo rje sems
 dpar 'gyur ro/ /de ltar na kun mchog chags pa chen po zhes bya ba nas brtsams te/ gsang ba'i mchog ces bya ba ni bar du bstan pas/ ting nge 'dzin gnyis pa bstan to/ /de nas 'dus pa sngon du 'gro bas gsum pa shes par bya'o/ /de ltar ting nge 'dzin gsum bstan nas/
 da ni dam tshig dang dbang bskur ba thob pas bzlas pa dang / bsgom pa bya ba yin no zhes bya ba'i cho ga 'dis rab tu bstan par bya ba'i phyir de nas 'dir ni bsgrub ces bya ba la sogs pas slob dpon gyi las kyi cho ga dang / slob ma gzhug pa la sogs pa'i las kyi cho ga rgyas par
 gsungs pa yin no/ /de nas kyi sgra de ma thag par rjod par byed pa ste/ sngon du bsnyen pa 'das ma thag pa kho na yin no/ /'dir zhes bya ba ni gsang ba'i dkyil 'khor du'o/ /gang gis bsgrub par bya ba de ni sgrub pa ste dkyil 'khor gyi cho ga'o/ /sgrub pa gang gis dpal rdo rje
 sems dpa' nyid rtogs par 'gyur ba de bshad par bya'o/ /dngos grub ces bya ba la sogs pa ni bshad zin to/ /nyin re zhes bya ba ni sngon du bsnyen pa byas pa'i rnal 'byor pas dkyil 'khor bris la nyin re bzhin du ji srid dkyil 'khor sgrub pa de srid sgrub pa bdun gyi bar du
 byas na de nas 'grub par 'gyur ro/ /zla ba re re'am zhes bya ba snga ma bzhin du sngon du bsnyen pa byas kyang gal te dang po'i sgrub pas grub par ma gyur na yang dang yang du zla ba'i bar bsnyen pa byas la nya dang nya la dkyil 'khor 'di bris te/ mtshan thog thag bsgom par bya ste/ de ltar na
 sgrub pa bdun la nges par 'grub par 'gyur ro/ /de bzhin lo ni re re la/ /zhes bya ba la yang lo gcig gi sngon du bsnyen pa bya ste/ gal te dang po la sogs pa'i sgrub pas grub par ma gyur na/ slar yang lo gcig gi bar du bsnyen pa byas te/ de srid sgrub pa byas na/ ji srid
 sgrub pa bdun pa las yongs su rdzogs par 'gyur ro/ /ji srid mngon par 'dod pa bsgrub par bya zhes bya ba la/ phyag rgya chen po la sogs pa'i bsgrub bya'i dngos po rnams kyi nang rnal 'byor pas gang zhig mngon par 'dod pa de nyid bsgrub par bya ba yin no/ /ji snyed
 pa zhes bya ba ni phyi'i phun sum tshogs pa ji ltar 'thob pa ste/ chung ngu'am 'bring ngam/ mang po'i phyi'i phun sum tshogs pas mchod par byas nas bsgrub par bya'o/ /ci bde ba zhes bya ba la dka' thub ma yin pa dang nges pa med pas bsgrub par bya'o/ /ras la bcom ldan 'das bri
 bar bya zhes bya ba ni ras ris la bcom ldan 'das rdo rje sems dpa' bri bar bya'o/ /kun bdag dam tshig dbang phyug go/ /zhes bya ba la/ kun ni brtan pa dang g.yo ba'i dngos po rnams so/ /de'i bdag nyid rang bzhin te/ kun bdag nyid do/ /de yang thog ma dang tha ma med pa'i
 chos kyi dbyings so/ /de'i dam tshig ni rdo rje sems dpa'i phyag rgya chen po'i rang bzhin te de las byung ba'i phyir ro/ /kun bdag dam tshig kyang yin la de nyid dbang phyug kyang yin pa ste/ kun bdag dam tshig dbang phyug go/ /gang zhig ces bya ba la gang zhig bris nas brtag pa
 dang mchog tu 'gyur ba'i thar par 'gyur ro/ /bzhad pa dang bcas pa zhes bya ba la sogs pa ni go sla'o/ /rab tu dga' dang bde ba'i sku/ /zhes bya ba la rab tu dga' ba ni yid bde ba'o/ /bde ba'i lus kyi tshor ba bde ba chen po'i bde ba yang ngo / /rab tu dga' ba
 dang bde ba dag ni rab tu dga' ba dang bde ba dag go/ /de ston par byed pa dang / de las byung ba dang / de thob par byed pa'i sku ni rab tu dga' ba dang bde ba'i sku'o/ /dang po zhes bya ba ni 'dod chags rdo rje ma'o/ /gzhan zhes bya ba ni kI li kI la'o/ /gzhan ni rdo rje dran pa ma'o/ /
 rdo rje snyems pa 'dzin pa ni rdo rje 'dod pa'i dbang phyug ma'o/ /dang po ni 'dod chags rdo rje ma'o/ /gnyis pa ni kI li kI la'o/ /gsum pa ni rdo rje dran pa ma'o/ /bzhi pa ni rdo rje 'dod pa'i dbang phyug ma'o/ /dbus kyi rang lha dgyes pas spro/ /zhes bya ba la dbus kyi rang gi lha ni rdo rje
 sems dpa' ste/ de las 'khyud pa dgyes shing spro ba gang la yod pa de ni dbus kyi rang lha dgyes par spro ba ste rdo rje kI li kI la dgod par bya'o/ /de'i zhes bya ba la sogs pa la rdo rje kI li kI la de'i lho'i logs la rdo rje che ba'i mda' ni gsor ba la brtson pa zhes pa la/
 rdo rje rtse gcig pa'i mde'u can gyi mda' ni rdo rje chen po'i mda' ste/ de gyen du bstod pas gsor bar mdzad cing de la sogs pa gang yin pa de ni rdo rje chen po'i mda' gsor ba la brtson pa ste/ 'dod chags rdo rje ma'o/ /de kI li kI la'i lho phyogs la dgod par bya'o/ /bsnyems pa'i phyag
 gis yongs 'khyud pa'i/ /chu srin rgyal mtshan bsgreng dang bcas/ /zhes bya ba la chu srin gyi rgyal mtshan bsgreng ba dang bcas pa'i sku gang la mnga' ba de ni chu srin gyi rgyal mtshan bsgreng ba'i sku can no/ /bcom ldan 'das rdo rje sems dpa'i bsnyems pa'i phyag gis yongs su 'khyud pa
 gang yin pa de'o/ /bsnyems pa'i phyag gis yongs su 'khyud pa yang de yin la chu srin rgyal mtshan bsgreng ba dang bcas pa yang de yin pas na/ bsnyems pa'i phyag gis yongs su 'khyud pa'i chu srin rgyal mtshan bsgreng ba dang bcas pa ste bcom ldan 'das ma rdo rje dran pa ma'o/ /
 de yi logs la bzhad dang bcas/ /mchod pas bdag po la rdeg pa/ /zhes bya ba la/ rdo rje dran pa ma de'i g.yon gyi logs ni de'i logs te/ de'i logs der bcom ldan 'das ma rdo rje 'dod pa'i dbang phyug ma rdo rje dril bu dang bcas pa'i g.yon pa'i rdo rje khu tshur gyis bsnyen
 pa mdzad cing g.yas pa ni phyag na bsnams pa'i mchod pa'i me tog gi phreng bas bdag po bcom ldan 'das rdo rje sems dpa' la rdeg pa dgod par bya'o/ /sangs rgyas rin chen dbang bskur gyis/ /mtshan ma thams cad ces bya ba la/ 'dod chags rdo rje ma ni de bzhin gshegs
 pa mi bskyod pa dang ldan pa dang / kI li kI la ni de bzhin gshegs pa rin chen 'byung ldan dang / rdo rje dran pa ma ni de bzhin gshegs pa snang ba mtha' yas dang ldan pa dang / rdo rje 'dod pa'i dbang phyug ma ni de bzhin gshegs pa don yod grub pa dang ldan pa'i cod pan gyi dbang
 bskur ba yin no/ /spyan gyis phyag rgya la gzigs pa/ /zhes bya ba 'di rnams rdo rje mda' la sogs pa'i phyag rgya la gzigs pa'i spyan gang la mnga' ba de ni spyan gyis phyag rgya la gzigs pa'o/ /rang bdag la ni thugs gtad pa/ /zhes bya ba la bcom ldan 'das rdo rje
 sems dpa' la thugs gtad pa'o/ /zur du lta zhing bzhugs pa'o/ /zhes bya ba la/ de la mig lta zhing de shin tu chags pa bskyed pa'i phyir lugs su lta zhing bzhugs pa ste/ rang gi phyag rgya la spyan gtad nas bzhugs pa yin no/ /ras ris 'di ni mthong ba yis/ /zhes
 bya ba la sogs pa ni go sla'o/ /de ltar 'das ma thag tu bshad pa'i cho gas ras ris 'di thams cad gzigs pa rnams kyi ras ris 'di mchod pa chen po'i dpal gyis rol bar byed ces sbyar ro/ /mchog ces bya ba la sogs pas de nyid kyi khyad par bstan pa yin te/ mchog
 kyang yin la dga' ba yang de nyid yin pas na mchog gi dga' ba ste/ dpal rdo rje sems dpa'i dga' ba'o/ /de nyid phul du byung ba'i 'dod pa ni kun mchog so sor rtog pa'i mtshan nyid can gyi rdo rje sems dpa' 'dod pa gang la yod pa de ni mchog tu dga' ba phul du byung ba'i 'dod
 pa can no/ /yang na mchog tu dga' bas bskyed pa'i phul du byung ba'i 'dod pa ni kun mchog so sor rtog pa'i rang bzhin can gyi rdo rje sems dpa'i 'dod pa gang la yod pa de ni mchog tu dga' ba phul du byung ba'i 'dod pa can te/ de ston par byed pa nyid kyi phyir ro/ /mchog ni chos kyi
 dbyings dang / sems can yongs su smin pa la chags pas na mchog la chags pa ste/ kI li kI la'i rang bzhin can gyi dpal rdo rje sems dpa'o/ /de'i dga' ba mchog ni bag chags dang bcas pa'i nyon mongs pa'i dri ma bsal ba'o/ /de'i dngos grub ni rdzogs pa ste/ des
 grub pa ni rdzogs par gyur pa'o/ /kI li kI la'i rang bzhin gyi dpal rdo rje sems dpa'i dga' ba mchog gi dngos grub kyi gdul bya rnams la rdzogs pa'o zhes bya ba'i tha tshig go/ /gsal bar ni dngos po thams cad 'dzin pa'i mngon par zhen pa dang bral bas 'dod chags la sogs
 pa'i nyon mongs pa las rnam par rgyal ba dang / 'chi bdag gi bdud las rnam par rgyal ba rdo rje dran pa ma'i rang bzhin gyi ras ris chen po gang la yod pa de ni gsal zhing rnam par rgyal ba'i ras ris chen po'o/ /ras ris 'dis zhes bya ba 'das ma thag tu bshad pa'i mtshan nyid
 can gyi ras ris gtso bor gzung ba nyid kyis bstan pa yin te/ ras ris 'di kho nas rol bar byed pa yin te gzhan ni ma yin no/ /thams cad gzigs pa'i mchod pa chen po'i dpal/ /zhes bya ba la/ thams cad gzigs pas na thams cad gzigs pa ste/ de bzhin
 gshegs pa rnams so/ /de dag rang gi ras ris 'di rol bar byed pa ni sgrub par byed pa'o/ /ci sgrub par byed ce na/ mchod pa chen po'i dpal zhes bya ba la/ mchod pa yang yin la chen po yang de nyid yin pas na mchod pa chen po ste/ brtson 'grus kyi pha rol tu phyin pa so sor
 rtog pa'i rang bzhin can 'dod pa'i dbang phyug ma'i ngo bo bcom ldan 'das rdo rje 'chang ngo / /de'i dpal ni de rnams te phun sum tshogs pa gang yin pa de dag sgrub par byed pa'o/ /lha mo bzhi dang 'dus pa'i sbyor bas bcom ldan 'das gnas gang du ras ris la bri bar bya zhe na/
 'khor lo de ni brtags byas nas/ /zhes bya ba la bcom ldan 'das rdo rje sems dpa'i lha mo'i dkyil 'khor gang bshad pa de nyid ji lta ba bzhin du thig gdab pa yang dag par bris la/ skye bo thams cad kyi thun mong ma yin pa'i gsang ba'i dkyil 'khor mchog tu phul du byung ba gang
 yin pa de brtags nas bcom ldan 'das 'di dbus kyi dkyil 'khor gyi phyogs su lha mo bzhi dang yang dag par 'dus pa'i sbyor bas ras ris la bri bar bya'o/ /'khor lo de yang gnas gang du brtag par bya zhe na/ rnam par dben pa'i khang pa'am/ /zhes bya ba la sogs pa la
 dam tshig mi shes pa la sogs pa'i sems can dang bral ba ni rnam par dben pa ste/ khang pa sum brtsegs kyi khang bzangs der ro/ /yang na skyed mos tshal la sogs su zhes bya ba la skyed mos tshal thog mar gang la yod pa de ni skyed mos tshal la sogs pa'o/ /skyed mos tshal la sogs
 pa dang bcas pa'i sa phyogs gang yin pa de ni skyed mos tshal dang bcas pa'i phyogs so/ /sogs pa'i sgras ni gtsug lag khang dang / kun dga' ra ba dang / ri bo dang / chu'i 'gram dang / rgya mtsho dang / rgyal po'i nags tshal la sogs pa khang pa med pa rnams
 gzung bar bya'o/ /yang gi sgras ni snga ma las khyad par du bstan pa'i don du'o/ /de bzhin gshegs pa la sogs pa ni bshad zin to/ /rdo rje glu zhes bya ba la sogs pa ni de la/ thams cad rjes su chags pa'i bde ba dam pa'i thugs/ /rdo rje sems dpa' khyod ni rab tu byung ba
 yin/ /rab tu dga' ba 'gro ba 'gro ba kun gyi bde chen po/ /brtan mtho de ring bdag la myur grub mngon phyogs mdzod/ /ces bya ba'i rdo rje'i glu rgyud 'di nyid las gsungs pa dang / sangs rgyas thams cad 'dus pa'i rgyud las kyang gsungs pa yin te/ de dag gis mchod
 par bya'o/ /glu ni 'jig rten pa'i glu'o/ /rol mo ni pi wang la sogs pa'i rol mo'o/ /rnam 'phrul ni gar te/ rnam 'phrul gar du rab tu bshad/ /ces bya ba gsungs pa'i phyir ro/ /glu dang rol mo dang rnam par 'phrul pa ni glu dang rol mo rnam par 'phrul pa rnams so/ /
 rdo rje glu'i mchod pa la sogs pa dang / glu dang rol mo dang rnam par 'phrul pa ni rdo rje'i glu'i mchod sogs dang / glu dang rol mo rnam par 'phrul pa rnams so/ /de dag khang bzangs gang la yod pa de la de skad ces bya'o/ /me tog dang spos dag gis phul du byung ba'i
 sbyor ba ni rab tu sbyor ba'o/ /me tog dang spos kyi rab tu sbyor ba de dag gi mchod pa thog mar gang la yod pa de ni me tog dang spos dang / /rab tu sbyor ba la sogs pa mar me'i sbyor ba'o/ /de yis yang dag par mchod pa gang yin pa de ni/ /me tog spos dang rab sbyar sogs/ /
 mar me'i sbyor bas yang dag mchod de/ de lta bu'i dkyil 'khor gyi khang pa sum brtsegs der/ mchog ste phul du byung ba'i gsang ba'i dkyil 'khor mdun du bri bar byas la mtshan thog thag sgom pa'i sbyor bas rab tu bsgrub par bya ba ni rang la rag las par bya'o/ /yang na bdag
 nyid mchog gyur pas/ /rang gi lha nyid bsgom bya zhing / /zhes bya ba la/ yang na zhes bya ba phyogs gzhan bstan pa yin no/ /bdag nyid mchog ni phul du byung ba ste dpal rdo rje sems dpa'o/ /de nyid rang gi lha de 'dod pa'i lha bsgom zhing ji lta ba bzhin du bshad pa'i
 mtshan nyid can gyi khang pa sum brtsegs su gsang ba'i dkyil 'khor rab tu bsgrub par bya'o/ /'dis ni 'di ltar bshad par 'gyur te/ dpal rdo rje sems dpa'i rnal 'byor byas la tshogs kyi dkyil 'khor gyi rab tu sbyor bas sngon du bsnyen pa bya ste/ mtshan ma thob pa'i
 rnal 'byor pas ji ltar bshad pa'i mtshan nyid can gyi khang pa sum brtsegs su gsang ba'i dkyil 'khor bris nas rang nyid kyis lha mo bzhi dang / yang dag par 'dus pa'i sbyor bas rab tu bsgrub pa'i rab myos ma rnams dang lhan cig tu dkyil 'khor gyi dbus su zhugs te/ dus
 kyi mchod pa la sogs pa'i sbyor ba dang ldan pa'i gzungs ma rnams sam/ slob ma'i tshogs rang rang gi gnas su bkod la cho ga thams cad rjes su spyad par bya'o/ /'jug pa'i dus ni rang gi slob dpon rdo rje sems dpa'i gnas su bkod la/ bdag nyid 'jug pa la sogs
 pa'i cho ga rdzogs par byas te/ phyi nas der 'dug la bsgom par bya ba yin no/ /de nas 'khor lo ma zhugs kyang / /rang nyid kyis ni rab zhugs nas/ /zhes bya ba la sogs pa ni bshad zin to/ /mchog tu gsang ba dam pa zhes bya ba la/ mchog ni thog ma med pa'i
 sangs rgyas 'byung ba dam pa la bzhugs pa'i phyir ro/ /gsang ba ni rdo rje lha mo'i tshogs nang bzhugs pa'i bcom ldan 'das kyi sku'o/ /mchog kyang yin la gsang ba yang de nyid yin pas na mchog tu gsang ba ste/ de'i dam pa ni dpal dam tshig gsum gyi gsang ba'i dkyil
 'khor te/ der bcom ldan 'das rdo rje sems dpa' lha mo bzhi'i dbus na bzhugs pa'o/ /de nyid kyi sku gsung thugs kyi rdo rje rnams ni dam tshig ste/ des nye bar mtshon pa'i gsang ba'i dkyil 'khor ni mchog tu gsang ba dam pa'i dam tshig gsum mo/ /der zhugs pa'i
 phyir mchog tu gsang ba ston par byed pa'i rdo rje'i glu'i mchod pa'o/ /de khyad par ji lta bu dang ldan zhe na/ mchog tu grub pa zhes bya ba la/ ji lta ba bzhin du rdo rje bsnyems pas glu len cing 'jug pa'i phyag rgyas me tog rnams blangs la gsang ba'i dkyil 'khor du
 'jug par bya'o/ /bcom ldan bde chen khyod ni rab tu 'jug /ces bya ba la rdo rje sems dpar byas pa'i rang gi rgyud bcom ldan 'das dpal rdo rje sems dpa'i dkyil 'khor du 'jug pa'i bdag nyid la bod pa yin te/ thar pa'i grong khyer gsang ba'i dkyil 'khor du zhugs
 shig pa'o/ /thar pa'i grong khyer de nyid kyi khyad par bstan par bya ba'i phyir/ dngos grub kun gyi bde ba nyams dga' ba/ /zhes bya ba la/ dpal rdo rje sems dpa' la sogs pa'i sku gsung thugs kyi rdo rje rtogs pa ni dngos grub yin no/ /de las byung ba'i bde ba ni dngos grub
 kun gyi bde ba'o/ /des dga' bar byed pas na nyams dga' ba ste yid dang rjes su mthun pa'o/ /mchog tu bde ba dam pa'i dngos grub kyis/ /zhes bya ba la phyi ma'i mtha'i bar du skad cig ma re re la sprul pa'i sprin rnams kyis dpal rdo rje sems dpa' la sogs pa'i sku
 gsung thugs de bzhin gshegs pa thams cad la mchod pa dang / sems can thams cad kyi don du bya ba nan tan sgrub pa'i ye shes mchog tu bde ba dam pa'i dngos grub bsgrub po/ /de nyid rgyur gyur pas der bzhugs shig ces bya'o/ /kun gyi mchog so sor rtog pa'i rang
 bzhin nyid kyis dpal rdo rje sems dpa' la sogs pa'i sku gsung thugs kyi rdo rje rnams mngon du byas na rigs pa yin no/ /kI li kI la'i rang bzhin bde ba chen po'o/ /rdo rje dran pa ma'i rang bzhin gyi dngos grub kun bde ba nyams dga' ba'o/ /rdo rje bsnyems ma'i rang bzhin
 gyi mchog tu bde ba dam pa'i dngos grub bo/ /dzaH hUM baM haMHkhyed kyis rab bsgrub mdzod/ /ces bya ba la 'dod chags rdo rje ma dang / kI li kI la dang / rdo rje dran ma dang / rdo rje 'dod pa'i dbang phyug ma'i rang bzhin rnams kyis dpal rdo rje sems dpa' la sogs pa'i sku
 gsung thugs rdo rje rnams dgug cing bcug la bcings nas dbang du bya ste/ dzaHhUM baM hoHrnams kyis mchog tu grub par gyur pa ni rab tu grub par mdzod cig ces bya'o/ /zhugs te zhes bya ba la sogs pa la der 'das ma thag tu bshad pa'i cho ga ste mgon po rdo rje sems
 dpa' la phyag bya'o/ /g.yon pa'i mig gi rdo rjes so/ /zhes bya ba la/ g.yon pa'i rdo rje lta bas so/ /de khyad par ji lta bu dang ldan pa zhe na/ g.yon pa bsnyems pas zhes bya ba la sogs pa la/ g.yon bsnyems pa ni go sla ste de dang bcas pa'i cung zad bzhad pa
 gang yin pa de dang ldan par bstod cing mdzes pa ste/ sgeg pa dang bcas pa'i mig btsums pa gang la yod pa de ni/ g.yon pa bsnyems pas cung zad bzhad/ /bstod cing mdzes pa'i mig btsums pa'o/ /de dag gang yin zhe na/ g.yon pa'i mig gi rdo rje ste/ lta ba de
 dang ldan pa'i rnal 'byor pas bcom ldan 'das la phyag bya'o/ /ci brjod cing bya ba yin zhe na/ de la 'di zhes bya ba la sogs pa la/ phyag de la bar mchod par 'og nas 'chad par 'gyur ba 'di yin te/ mchog tu gsang ba dam pa'i dpal dam tshig gsum ni gsang
 ba'i dkyil 'khor gyi phyag rgya'o/ /de nyid du me tog gi sil ma gtor ba ni ma brgyus pa'i me tog dor ba'o/ /phyag bya ba dang me tog sil ma dor ba de dag gi mchog ni thog ma dang tha ma med pa'i gsang ba ste/ skye bo gzhan gyi mngon du ma gyur pas rdo rje sems dpa' la
 sogs pa ston par byed pa dang / mi phyed pa'i glu'i mchod pa'o/ /mchog tu grub pa ni thog ma dang tha ma med pa nyid du rdzogs pa yin no zhes bya ba ni tshig gi lhag ma'o zhes bya ba'i sgras ni yongs su bcad pa'o/ /mchog tu bde ba ni byang chub chen po'i mtshan nyid can rdo rje sems
 dpa' la sogs pa'i gnyis su med pa'i sems dang sems las byung ba rnams dang / de dang rgyu mthun pa'i rdo rje sems dpa' la sogs pa'i sku gsung thugs kyi phyag rgya rnams te/ de la sems dpa' ni thob pa'i 'dun pa'o/ /mchog tu bde ba'i bsam des mdzes pa
 dang bcas sgeg pa dang bcas pa'i gar las byung ba'i phyag bya ba de dag gis bcom ldan 'das dpal rdo rje sems dpa' la phyag bya'o/ /dzaHhUM baM hoHzhes bya ba ni bshad zin to/ /hi hi hi hi he zhes bya ba ni yi ge hi bzhi pos brtson 'grus kyi pha rol tu phyin pa'i
 rang bzhin can gyi bcom ldan 'das bstan pa yin no/ /he zhes bya ba rang bzhin gyis 'od gsal ba'i rnam par thar pa'i sgo'i rang bzhin can bdud bzhi las rnam par rgyal ba de nyid bstan pa'o/ /mgon po snyim pa'i me tog bzhes/ /zhes bya ba la 'dir snyim pa'i me tog ni phyag
 bya ba'o/ /me tog dor ba'i dbus ni snyim pa'i me tog kho na me tog gi snyim pa ste/ de bzhes pa ni blang bar mdzod cig pa'o/ /sems can thams cad skyob par mdzad pa rdo rje sems dpa' la sogs pa'i dngos grub stsol bas na mgon po'o/ /de la mchog tu bde ba
 dang hUM zhes bya ba 'dis kI li kI la'i rang bzhin can no/ /sems dpa' zhes bya ba dang dzaHzhes bya bas 'dod chags rdo rje ma'i rang bzhin bstan to/ /mdzes pa dang baM zhes bya bas rdo rje dran ma'i rang bzhin bstan to/ /rnam par rol pa'i phyag gis phyag bya'o zhes bstan pa
 'di dang / hi hi hi hi he zhes bya bas rdo rje 'dod pa'i dbang phyug ma'i rang bzhin nyid du bcom ldan 'das tshig gi zur gyis bstan to/ /de nas zhes bya ba la sogs pa la de ltar sgeg mo dga' ba'i rdo rje mas phyag byas la/ de nyid phyag byas pa'i glu'i mchod pa brjod cing me
 tog dor bar bya'o/ /de nas de dag blangs te rang gi mgo la ji lta ba bzhin du bcings te/ dkyil 'khor bltas la 'jug pa'i phyag rgya rang gi snying gar dgrol bar bya'o/ /de nas chu dang / phyag rgya dang / cod pan dang / rdo rje dang / bdag po dang / ming gi dbang
 bskur ba blang bar bya ba'i phyir dngos grub kyi rdo rje brtul zhugs blang bar bya'o/ /de nas me tog la sogs pa dang / rdo rje mtshon cha ma la sogs pa'i mchod pa'i phyag rgya rnam pa bcu gnyis kyis bdag nyid yang dag par mchod la/ de kho na nyid dang / chos dang / dam
 tshig rnams blangs la/ rang gi snying gar lan gsum bskor bar bya'o/ /de kho na nyid la sogs pa gsum po ni 'og nas gsungs pa yin no/ /rdo rje la sogs thob pa bzung / /zhes bya ba la rdo rje thob pa ni rnyed pa'o/ /sogs pa'i sgras ni dril bu dang phyag rgya bshad pa
 yin no/ /rdo rje la sogs pa thob pa nyid gzung ba yin no/ /rdo rje la sogs pa'i gzung ba des cir 'gyur zhe na/ rdo rje sems dpa' gnyis pa 'dra/ /zhes bya ba ni rnal 'byor pa rdo rje sems dpa' gnyis pa dang 'dra bar 'gyur ro/ /rdo rje thams cad 'dzin pa ni dang po'i rdo rje 'dzin
 pa'o/ /rgyal po zhes bya ba ni de bzhin gshegs pa'i rigs kyi 'khor los sgyur ba dang rigs thams cad kyi 'khor los sgyur ba'o/ /rdo rje can gyis byin brlab 'gyur/ /zhes bya ba la rdo rje can ni rdo rje sems dpa' ste des de ma thag tu byin gyis brlab par 'gyur ro/ /'dis ni
 'di ltar 'chad par 'gyur te/ de kho na nyid dang / chos dang dam tshig thob ma thag tu sku gsung thugs kyi rdo rje rnams kyi rdo rje sems dpa' dang 'dra bar 'gyur ba'i rnal 'byor pa/ bcom ldan 'das rdo rje sems dpar byin gyis brlabs nas brtan par mdzad par
 'gyur ro/ /mchog tu gsang ba dam pa'i dpal dam tshig gsum ni gsang ba'i dkyil 'khor te/ der bdag byin gyis brlab pa ni 'das ma thag tu bshad pa'i rdo rje slob dpon rang nyid rdo rje sems dpa' nyid du bya'o/ /sgrub pa gcig bu zhes bya ba ni slob ma gzhan du
 gzhug pa la sogs pa'i cho ga dang bral ba'o/ /de nyid kyi cho ga ni cho ga'i tshig go/ /mchog tu grub pa ni thog ma dang tha ma med pa ste/ dngos grub kyi rgyu nyid yin pa'i phyir ro/ /de nas kyi sgra ni skabs su bab pa ste/ gsang ba'i dkyil 'khor du bdag la byin gyis brlab pa'i cho ga
 gcig pu'i skabs la'o zhes bya ba'i tha tshig go/ /'dir zhes bya ba ni gsang ba'i dkyil 'khor du'o/ gang gis bsgrub par bya ba ni sgrub pas te bcom ldan 'das kyi mdun du bdag la byin gyis brlab pa la sogs pa gang yin pa de bshad par bya ste brjod par bya'o/ /
 dngos grub shin tu rtag pa yang / /zhes bya ba la dpal rdo rje sems dpa'i gsang ba'i dkyil 'khor gyi dngos grub thog ma dang tha ma med pa bshad par bya'o/ /sgrub pa de khyad par ji lta bu dang ldan zhe na/ gang gi zhes bya ba la sogs pa la bdag la byin
 gyis brlab pa la sogs pa'i rang bzhin gyi sgrub pa gang gis srid pas te skye ba 'di nyid la thog ma dang tha ma med pa'i dpal rdo rje sems dpa' gsang ba'i dkyil 'khor gyi dngos grub shin tu rtag pa thob par 'gyur te/ de ltar gyur pa'i sgrub pa de bshad par bya'o/ /slar
 yang sgrub pa de nyid khyad par du bstan par bya ba'i phyir gang gis zhes bya ba la sogs pa gsungs te/ sgrub pa gang gis dpal rdo rje sems dpas gsungs pa'i dkyil 'khor gyi sgrub pa po/ mchog ni bsod nams dang ldan pa'i sgrub pa bo rnams myur ba kho nar 'grub
 par 'gyur ro/ /sdig chen byed pa rnams kyang ni/ /zhes bya ba ni mtshams med pa lnga dang dam pa'i chos spong bar byed pa la sogs pa rnams so/ /kyang gi sgras ni gang zhig bsod nams dang ldan zhing sdig pa chen po byed pa ma yin pa de rnams ni shin tu yang 'grub par
 'gyur bar bstan pa yin no/ /ni'i sgras ni nges par gzung ba'o/ /ma grub rnams kyang 'grub par 'gyur/ /zhes bya ba la shes rab kyi pha rol tu phyin pa'i dum bu dang / dum bu gnyis pa rtsa ba'i rgyud dang / rgyud phyi ma dang / rtog pa thams cad kyi rtsa ba'i rgyud dang / rgyud phyi
 ma las gsungs pa'i sgrub pa ji lta ba bzhin du bshad pa des gal te grub par ma gyur na de'i tshe ma grub pa'o/ /kyang gi sgra ni sgrub pa ste shin tu grub par 'gyur ro zhes bya ba'o/ /'dis ni 'di skad ston par 'gyur te/ sngar bshad pa'i sgrub pas ni rdo rje sems dpa'
 dang 'dra bar 'gyur te/ gsang ba'i dkyil 'khor gyi sgrub pas ni rdo rje sems dpa' nyid du 'gyur ba yin no zhes bya ba bstan to/ /ji ltar sgrub par 'gyur zhe na/ rdo rje sems dpas gsungs pa bzhin/ /zhes bya ba la ji ltar bcom ldan 'das rdo rje sems
 dpas gsungs pa bzhin du'o/ /lugs ma'am ni brdungs ma'am/ /'dus byas pa'am bris pa'am/ /dang po'i sems dpa' bzhugs gsol nas/ /de yi mdun du cho ga bzhin/ /zhes bya ba la sogs pa'i sgrub pa'o/ /ma grub pa rnams kyang 'dis grub pa yin
 gyi gzhan gyis ni ma yin no/ /da ni sgrub pa rnam par bshad pa'i phyir/ rtag tu rdo rje dril 'chang zhing / /zhes bya ba la sogs pa gsungs te/ 'dir dang po'i rdo rje ni rdo rje ste/ dang po'i rdo rje dang ldan pa'i dril bu ni dril bu'o/ /'di gnyis 'dzin pas na rdo rje dang dril bu
 'chang ba'o/ /rtag tu zhes bya ba ni bdag dang gnas bsrungs pa nas brtsams te lha gshegs su gsol ba la thug gi bar gyi dus su'o/ /gzhan du ni rang gi rigs kyi phyag rgyas mtshan pa 'dzin cing de yis mtshan pa'i dril bu 'dzin pa'i rtag tu'o/ /dngos grub mchog
 ni bsgrub par bya/ /zhes bya ba la rang gi lha'i phyag rgya chen po la sogs pa sgrub pa ni rang la rag las par bya ba yin no/ /byed par 'gyur ba gang dag gis bsgrub par bya zhe na/ thams cad dgug pa bya zhes bya ba la sogs pa la thams cad dgug pa ni thams cad
 'gugs pas te/ 'dod pa'i lha'i rang bzhin can gyi ye shes sems dpa' rang gi lus la gzhug pa'o zhes bya ba'i don to/ /mchod pa che zhes bya ba ni 'dod chags rdo rje ma la sogs pa'i phyag rgya bcu gnyis kyi mchod pa ste mchod pa chen po'o/ /de kho na nyid dang / /
 chos dang / dam tshig rnams kyis bdag la byin gyis brlab pa ni bdag byin gyis brlab pa'o/ /sogs pa'i sgras ni sgrub pa chen po dang / rjes su sgrub pa dang / phyag rgya chen po dang / dam tshig dang / chos dang / las kyi phyag rgya dang / dbang bskur ba dang / dngos
 grub kyi rdo rje brtul zhugs dang / phyag bya ba rnams gzung bar bya'o/ /thams cad dgug pa dang / mchod pa chen po dang / bdag la byin gyis brlab pa ni thams cad dgug pa dang / mchod pa chen po dang / bdag byin gyis brlab pa rnams so/ /de la thog mar
 gang la yod pa de ni/ /thams cad dgug dang mchod pa che/ /bdag byin brlab sogs sgrub pa rnams so/ /de dag gis mchog gi sgrub pa bsgrub par bya'o/ /da ni thams cad dgug pa bstan par bya ba'i phyir de la zhes bya ba la sogs pa gsungs te/
 de la zhes bya ba ni dgar ba'o/ /ji ltar zhes bya ba ni dri ba'o/ /mchog tu gsang ba'i dpal dam tshig gsum ni gsang ba'i dkyil 'khor te/ de'i dngos grub thams cad ni ye shes sems dpa' dgug pa ste spyan drang ba'o/ /de ston par byed pa'i sgra'i tshogs ni rgyu'o/
 de ji ltar shes par bya zhes kha bskang ngo / /rang gi lhag pa'i lha ni 'dod pa'i lha ste/ de'i sku gsung thugs kyi rdo rje bdag nyid can gyi lhag par mos pa ni ji lta ba bzhin du sbyor ba ste rnal 'byor zhes bya ba'i don to/ /thams cad dgug pa'i phyag rgya ni dril bu dang bcas
 pa'i gsang ba'i lcags kyu ste/ thams cad dgug pa'i phyag rgya de rang gi lha'i rnal 'byor gyi spyi bor sgeg pa'i gar bya zhing spyan drang ba'i glu brjod nas ye shes sems dpa' bkug la rang gi lus la gzhug par bya'o/ /de nas kyi sgra ni skabs su bab pa'o/ /de
 bzhin gshegs pa thams cad kyi mchog gi dngos grub kyi don du dgug pa ni spyan drangs pa ste/ de'i don du mchog tu gsang ba ni sku gsung thugs kyi rdo rje ston par byed pas 'da' bar dka' ba dang / mi phyed pa'i glu'i mchod pa 'di yin te/ dzaHmchog dang po
 zhes bya ba nas brtsams te/ ji srid bar du dga' ba khyod bdag mchog dang po zhes bya ba'i bar du'o/ /de la dzaHzhes bya ba ni dpal rdo rje sems dpa' la sogs pa'i kun mchog so sor rtog pa'i mtshan nyid can gyi lam bstan pa yin no/ /mchog ni thog ma dang
 tha ma med pa'o/ /dang po zhes bya ba ni bskal pa bzang po la sogs pa nas sngon du yang da ltar byung ba'i rang bzhin du bzhugs pa'o/ /lam de nyid kyi rang bzhin gyi de bzhin nyid kyi rdo rje 'dzin pas na rdo rje 'chang ngo / /gzung ba dang 'dzin pa'i rnam par rtog pas
 bskyod par mi nus pa'i phyir rdo rje sems dpa'o/ /mchog dang po'i rdo rje 'chang yang de yin la rdo rje sems dpa' yang de nyid yin pas na mchog dang po'i rdo rje 'chang gi rdo rje sems dpa'o/ /bde ba ni kun nas nyon mongs pa med pa thog ma dang tha ma med pa'i chos kyi dbyings
 thams cad las mchog tu gyur pa rab tu rtogs par mdzod cig ces sangs rgyas bcom ldan 'das rdo rje sems dpa' la bod pa'o/ /'dir sangs rgyas ni rdo rje 'chang bstan pa yin te/ 'dir 'dod chags rdo rje'i rang bzhin can gyi rdo rje sems dpa' yin no/ /hUM zhes
 bya ba'i 'dod chags rdo rje ma'i rang bzhin gyi sku mchog so sor rtog pa'i mtshan can gyi lam gyi yul du byas pa'i zag pa med pa'i bde ba dang yid bde ba'i ngo bor rtogs pa'o/ /de nyid mchog ste phul du byung ba'i rdo rje ni 'dod chags rdo rje ma'i rang bzhin can gyi las
 mngon du bya ba'i rang bzhin no/ /de khyad par ji lta bu dang ldan pa yin zhes bya ba bstan pa'i phyir mchog ces bya ba la sogs pa'i khyad par gsungs te/ mchog kyang yin la mi 'gyur ba yang de nyid yin pas na mchog tu mi 'gyur ba ste thog ma dang tha ma med pa'o/ /
 de zag pa med pa'i srid pa rab tu bsgrub pa ni mi gnas pa'i mya ngan las 'das pa grub pa'o/ /zag pa med pa'i srid pa rab tu bsgrub pa de'i don du zag pa med pa'i bde ba'i rang bzhin can gyi dam tshig dang po ni thog ma dang tha ma med pa ste de'i las so/ /de'i phyir
 gsol ba btab pa ni bdag la sgrubs shig ces bya ba ste/ kI li kI la'i rang bzhin gyi rdo rje 'chang bstan to/ /baM zhes bya ba ni mi gnas pa'i mya ngan las 'das pa srid pa phyi ma'i mtha'i mur thug pa'i sems can la ltos pa'i rang bzhin gyi dmigs pa med pa'i
 thugs rje chen po'i bcing bas 'ching bar mdzod cig / pad+ma'i rgyal po skye zhes bya ba dang sbyar ro/ /de nyid khyad par du bstan par bya ba'i phyir mchog tu bdag ces bya ba la sogs pa gsungs te/ dmigs pa med pa'i thugs rje chen po'i mtshan nyid can gyi chos kyi dbyings
 ni mchog tu bdag ste de'i sku ni de las byung ba'i longs spyod rdzogs pa'i sku ste de 'dzin par byed pas na mchog tu bdag gi sku 'dzin pa'o/ /thams cad rnal 'byor ni rdo rje 'chang chen pos te/ de rnam par rgyal ba ni rang bzhin gyis dag pa'i ting nge 'dzin gyis nyon
 mongs pa la sogs pa'i bdud las rnam par rgyal ba'o/ /de bsgreng ba ni rdo rje chu srin gyi rgyal mtshan gyis nye bar mtshan pa'i rdo rje dran pa'i rang bzhin can gyi rdo rje sems dpa'i sku'o/ /mchog tu bdag gi sku 'dzin pa yang de yin la rnal 'byor thams cad rnam par bsgreng ba yang de
 nyid yin pas mchog tu bdag gi sku 'dzin pa'i rnal 'byor thams cad rnam par rgyal ba'i bsgreng ba'o/ /de nyid kyi nyon mongs pa'i dri ma'i bag chags dang bral bas rang bzhin gyis dag pa'i ting nge 'dzin gyi ngo bos rab tu mchog gis dag pa ni rab mchog gis dag pa ste/ des
 bde ba gang la yod pa de ni bde ba dang ldan pa ste/ de ltar gyur pa ni/ khyod ni pad+ma'i rgyal po ste/ /gyur cig ces bya ba ni sgrub par gyur cig ces bod pa'o/ /pad+ma bzhin du 'jig rten gyi chos kyi dri ma rnams kyis ma gos pas mdzes pa ste/ 'dis ni rdo rje dran pa ma'i rang bzhin
 gyi rdo rje 'chang bstan to/ /brtson 'grus kyi pha rol tu phyin pa'i rang bzhin can gyi bsnyems pas sems can gyi don mdzad pa'i ngo bo dang sangs rgyas sprul pa'i mchod pa'i rang bzhin can gyi las dbang du mdzad pas yi ge hoHyin no/ /de nyid khyad par du bstan par bya ba'i phyir
 rab mchog ces bya ba la sogs pa gsungs te/ rab mchog ni phul du byung ba'o/ /rab mchog las kyang phul du byung bas na mchog gi mchog go/ /dngos grub kyang de yin la thams cad kyang de yin pas dngos grub thams cad de/ /sems can gyi don byed pa'i sangs rgyas la mchod pa sangs
 rgyas kyi sprul pa rdzogs pa'i rang bzhin can no/ /des mchog kyang yin la dbang phyug kyang yin pas na dngos grub thams cad kyi dbang phyug go/ /dngos grub thams cad kyi dbang phyug dam pa'i rang bzhin can nam mkha'i snying po kye bdag
 la gyur cig ces bya ba ni bod pa'o/ /nam mkha' ni rang bzhin gyis 'od gsal ba nam mkha' dang mnyam pa'i bya ba nan tan grub pa'i ye shes te de nyid snying po ste/ skye ba'i gnas gang la yod pa de ni nam mkha'i snying po ste/ sprul pa'i sku'i rang bzhin 'dzin pa'i rdo rje 'chang ngo / /
 rtag tu zhes bya ba ni skad cig ma re re nyid du bdag la grub gyur cig pa'o/ /de yang ji ltar zhe na/ dngos grub thams cad kyi dbang phyug dam pa'i gzugs kyis bdag la grub par gyur cig ces bya ba slob dpon gyis bod pa yin te/ 'dis rdo rje 'dod pa'i dbang phyug gi rang bzhin
 rdo rje 'chang bstan to/ /'dor bsdus na 'dod chags rdo rje ma'i rang bzhin dzaHzhes bya ba dang / kI li kI la'i rang bzhin hUM zhes bya ba dang / rdo rje dran pa ma'i rang bzhin baM zhes bya ba dang / rdo rje 'dod pa'i dbang phyug gi rang bzhin can gyi rdo rje 'chang rgyas par bstan pa ste/ mdor
 bsdus na hoHzhes bya ba'o/ /lha mo bzhi'i rang bzhin de nyid 'bab par mdzod cig ces bya ba gsungs te/ hu lu hu lu zhes bya ba dang / sgrubs shig ces bya ba thams cad dgug pa'i grub pas bdag la sgrubs shig ces bya'o/ /de nyid bstan par bya ba'i phyir dam tshig chen
 po rnams kyis yang dag dgug ces bya ba gsungs te/ 'dod chags rdo rje ma la sogs pa'i rang bzhin ston pa'i yi ge rnams ni dam tshig chen po rnams so/ /dam tshig chen po'i de dag gi phyogs bcu nas 'dren cing yang dag par dgug pa ni bcom ldan 'das kye bdag la
 grub par gyur cig ces bya ba la slob dpon gyis gsol ba btab pa yin no/ /bdag rang bzhin ji lta bu dang ldan pa yin zhe na/ de bzhin gshegs pa thams cad kyi dam tshig ces bya ba la byang chub kyi sems dang / sbyin pa'i pha rol tu phyin pa dang / shes rab kyi pha rol tu phyin pa
 dang / brtson 'grus kyi pha rol tu phyin pa'i rang bzhin can gyi sems dang sems las byung ba rnams ni de bzhin gshegs pa thams cad de/ de rnams kyi dam tshig ni rdo rje sems dpa' la sogs pa'i sku'i gsang ba'i rang bzhin can gyi rdo rje 'chang ngo / /rab tu dga' ba khyod
 ni bdag la zhes bya ba zag pa med pa'i bde ba dang yid bde ba las byung ba'i rdo rje sems dpa' la sogs pa'i sku'i gsang ba'i rang bzhin can khyod gang yin pa de nyid bdag yin no zhes bya ba 'dis de dang lhan cig tu gyur pa nyid du bstan pa yin no/ /mchog dang po
 zhes bya bas bcom ldan 'das rdo rje sems dpa' la bod pa'o/ /de ltar thams cad dgug pa bstan nas da ni mchod pa chen po bshad par bya ba'i phyir zhes bya ba la sogs pa gsungs te/ dpal dam tshig gsum gyi gsang ba'i dkyil 'khor du dngos grub thams cad kyi don du
 mchod pa chen po ni 'dod chags rdo rje ma la sogs pa phyag rgya bcu gnyis kyis mchod pa ste/ de'i cho ga ni rnam pa bcu gnyis kyi phyag rgya'i mchod pa la bya'o/ /rang lha'i rnal 'byor ji lta ba bzhin du zhes bya ba la rnal 'byor dang rjes su rnal 'byor dag gis 'dod pa'i lha'i rang
 bzhin can du bdag nyid sgom pa ni 'dir lha'i rnal 'byor ji bzhin du bya'o/ /thams cad kyang yin la mchod pa yang de nyid yin pas na mchod pa thams cad de/ rdo rje mtshon cha ma la sogs pa'i phyag rgya bcu gnyis kyis mchod pa'o/ /de dag gi mchog gi sku ni 'dod
 chags rdo rje ma la sogs pa'i phyag rgya chen po bcu gnyis so/ /de rnams kyis rang gi lha'i rnal 'byor dang ldan pa'i bdag nyid yang dag par mchod la slar yang glu dang rol mo rnam par 'phrul pa ni 'og ma nas 'chad par 'gyur ba'i mtshan nyid can rnams kyis mchod par
 bya'o/ /de nas zhes bya ba la sogs pa la/ de nas kyi sgra ni skabs su bab pa ste mchod pa'i skabs 'di la zhes bya ba'i don to/ /de bzhin gshegs pa thams cad kyi mchog gi dngos grub ni de bzhin gshegs pa thams cad kyi mchog gi dngos grub ste/ de'i don du mchod
 pa chen po ni 'das ma thag tu bshad pa'i phyag rgya'i mchod pa'o/ /de'i mchog ni phyag rgya'i mchod pa'o/ /der mchog tu gsang ba dang / 'da' bar dka' ba dang / mi phyed pa'i glu'i mchod pa zhes bya ba'i don to/ /thams cad kyang yin la rjes su chags pa yang de nyid yin
 pas na thams cad rjes su chags pas rdo rje sems dpa' la sogs pa sgom pa'o/ /de nyid bde bas te rdo rje sems dpa' la mchod pa'i rang bzhin can gyi bde ba mngon du gyur pa'i rgyu nyid yin pa'i phyir des rdo rje sems dpa' nyid la bod pa'o/ /thams cad rjes su chags
 pa'i bde ba de gang yin zhe na/ dam pa'i thugs zhes bya ba ste/ thabs dang shes rab kyi rang bzhin can gyi mchog tu gyur pa'i thugs gang la mnga' ba de ni dam pa'i thugs te de bzhin gshegs pa rnams so/ /de rnams kyi rdo rje sems dpa' khyod ni bdag la gyur cig ces
 bya ba 'dis kun mchog so sor rtog pa'i rang bzhin can la slob dpon gyis gsol ba btab pa yin no/ /rab tu dga' ba zhes bya ba kI li kI la'i rang bzhin can te/ de nyid 'da' bar mi bya ba'i phyir dam tshig go/ /bde ba chen po bdag la gyur cig ces bya ba ni bod pa'o/ /
 brtan mtho zhes bya ba ni mi phyed pa'i sku bdag la gsol bar mdzod cig pa ste/ 'dis mi gnas pa'i mya ngan las 'das pa'i rang bzhin rdo rje dran ma bdag la gsol cig pa'o zhes gsol ba btab pa ste/ brtan pa dang mtho ba la sogs pa la gsol ba mngon par phyogs
 par mdzod cig pa'o/ /brtan pa dang mtho ba la sogs pa'i dngos grub kyis myur du sangs rgyas kyi sprul pas sems can gyi las la rab tu 'dud pa ni mchog tu 'dud par mdzad pa ste/ 'dis rdo rje 'dod pa'i dbang phyug ma'i rang bzhin can gyi dngos grub kyi phyir gsol ba btab
 pa'o/ /de ltar mchod pa chen po bstan nas bdag la byin gyis brlab pa rnam par 'grel bar bya ba'i phyir de la ji ltar zhes bya ba la sogs pa gsungs te/ mchog tu gsang ba dam pa'i dpal dam tshig gsum ni dpal rdo rje sems dpa' la sogs pa'i sku gsung thugs rdo rje
 rnams kyis bdag la byin gyis brlab pa ni dngos grub thams cad kyi byin gyis brlab pa ste/ de ston par byed pa'i sgrub pa chen po'i rgyud ji ltar shes par bya zhe na/ rang lha'i sbyor ba ji bzhin du zhes bya ba la rnal 'byor dang / rjes su rnal 'byor gyi mtshan nyid dang / rnal 'byor
 chen po'i mtshan nyid can no/ /de nyid chos dang las dang dam tshig gi phyag rgya rnams kyis byin gyis brlabs te/ bstan par bya ba gang yin pa de ni phyag rgya kun gyis byin gyis brlab pa'o/ /de nyid chen po'i mchog gis ni/ /rang nyid bsgrubs te snying po bzla/ /
 zhes bya ba la rang gi lha'i sbyor ba ji lta ba bzhin du phyag rgya kun gyis byin gyis brlabs pa'i rang gi bdag nyid gang yin pa de nyid/ de kho na nyid dang / chos dang / dam tshig gi mtshan nyid can gyi mchog gi de kho na nyid chen pos rab tu bsgrubs pa ni yongs su rdzogs shing mthar
 thug par byas nas rang gi lha'i snying po hUM la sogs pa'i rang bzhin gyi bzlas pa ni mngon par bsngags par bya'o/ /de yang / de nyid kyis ni rdo rje gzung / /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs nas snying po bzla/ /zhes bya ba'i don to/ /
 de ltar de kho na nyid dang / chos dang / dam tshig rnams kyis bdag nyid rab tu bsgrubs la dam tshig gsum gyi glu'i mchod pa bya'o zhes bya ba'i cho ga 'di rab tu bstan par bya ba'i phyir/ de nas de bzhin gshegs pa thams cad kyi mchog ces bya ba la sogs pa gsungs te/ de
 bzhin gshegs pa thams cad kyi mchog gi dngos grub rdo rje sems dpa' la sogs pa'i sku gsung thugs kyi rdo rje rdzogs pa'o/ /de'i don du byin gyis brlab pa ni rdo rje sems dpa' la sogs pa'i sku gsung thugs kyi rdo rje'i nus pa bskyed de/ de'i mchog gi de kho na nyid ston
 par byed pa'i mchog gi gsang ba gang yin pa de dam tshig gi rdo rje'i glu'i mchod pa yin no/ /de khyad par ji lta bu dang ldan pa yin zhe na/ mchog tu grub pa zhes bya'o/ /oM zhes bya ba ni 'dod chags rdo rje ma la sogs pa'i mdangs kyi dpal zhes bya ba'i don to/ /nam
 mkha' skye ba mtshan ldan phyir/ /zhes bya ba la sogs pa la/ ji ltar nam mkha' ni rdzas thams cad dang bral ba'i rang bzhin/ rtsig pa la sogs pa'i rdzas zhig pas skye bo zhes 'dogs pa de bzhin du/ de bzhin nyid kyi rdo rje'i rang bzhin gyi rdo rje sems dpa' ni yang dag
 pa ma yin pa'i kun du rtog pa'i dri ma dang bral bas sems can rnams kyi rgyud la skye ba'o zhes 'dogs pa yin te/ des na nam mkha' skye ba'i mtshan ma dang ldan pa'i bcom ldan 'das yin no/ /nam mkha' skye ba'i mtshan nyid dang ldan pa de nyid kyis thog ma dang tha ma med pa'o/ /
 'jig rten la grags pa gzhan dag kyang thog ma dang tha ma med par yongs su brtag pa'i tshul gyis thog ma dang tha ma med pa yin gyi don dam par ni ma yin te/ de'i phyir de rnams las khyad par du bstan pa'i phyir mchog ces bya ba gsungs te/ don dam par thog ma tha ma med pa'i
 mchog / ces bya ba yin no/ /de lta bu gang yin zhe na/ sems dpa'i rdo rje che rang bzhin/ /zhes bya ba de bzhin nyid kyi rdo rje'i rang bzhin can gyi sems dpa' ni sems dpa'i rdo rje chen po'i rang bzhin te/ de bzhin nyid dang ro gcig pa'i sems dang sems las byung ba'i rang bzhin
 can no zhes bya ba bstan pa yin no/ /rdo rje sems dpa' bdag grub mdzod/ /ces bya ba ni sgrub pa pos gsol ba btab po/ /gzhung 'di tsam gyis ni/ thog mtha' med pa'i sems dpa' ni/ /rdo rje sems dpa' zhes bya ba'i don bshad pa yin no/ /da ni dga' ba che zhes bya
 ba'i don bstan par bya ba'i phyir kun mchog ces bya ba la sogs pa gsungs te/ thams cad kyi mchog ni kun mchog ste/ 'jig rten dang 'jig rten las 'das pa thams cad kyi mchog tu gyur pa byang chub chen po'i rang bzhin can gyi dngos grub kun mchog kyang yin la
 dngos grub chen po yang de nyid yin pas na/ kun mchog dngos grub chen po'o/ /bag chags dang bcas pa'i nyon mongs pa dang bral ba nyid kyis gzhan gyi dbang du ma gyur pa de nyid kyi phyir dbang phyug chen po ste/ sku thams cad bstan pas sems can gyi don mdzad
 pa'i phyir gtso bo nyid yin no zhes bya ba'i don to/ /de dang rgyu mthun pa'i lha ni lhag pa'i lha ste/ dpal rdo rje sems dpa'i phyag rgya chen po'i rang bzhin can gyi lhag pa'i lha'o/ /gsang ba lnga'i de kho na nyid chen po'i rang bzhin dang po rdo rje ni rdo rje thams cad de/ de 'dzin pas na
 rdo rje thams cad 'dzin pa'o/ /de yang rigs thams cad kyi bdag po'i tshul gyis thams cad las rgyal bas na rgyal ba'o/ /'dir rgyu la 'bras bu nye bar btags par byas nas phyag rgya chen po'i gzugs su bcom ldan 'das de kho na nyid kyi glus bstan pa
 yin no/ /mi 'gyur mchog tu bdag grub mdzod/ /ces bya ba bod pa'o/ /de ni/ kun du bzang po kun bdag nyid/ /rdo rje bsnyams pa bdag po bdag /ces bya ba 'di'i don dang dran par bya ba'i phyir/ nyes pa mi mnga' zhes bya ba la sogs pa gsungs te/ bag chags dang
 bcas pa'i nyon mongs pa dang bral bas na skyon med pa ste rang bzhin des brtag pa khyod yin no/ /'dis ni kun du bzang po'i don bstan pa yin no/ /tshul gang gis sems can rnams 'dul bar 'gyur ba de nyid kyis 'dul ba'i phyir/ 'dod chags kun gyi rjes chags te/ /
 'dis ni thams cad bdag ces bya ba la sogs pa'i don to/ /chags pa chen po dga' ba che/ /bcom ldan de nyid kyis grub mdzod/ /ces bya bas bod pa dang bcas pa'i dngos grub kyi phyir gsol ba btab pa'i don to/ /de ltar de kho na nyid kyi glu'i mchod pa bstan nas/ da ni
 chos kyi glu'i mchod pa bstan par bya ba'i phyir shin tu zhes bya ba la sogs pa gsungs te/ phyi ma'i mtha'i bar du gzung ba dang 'dzin pa'i rnam par rtog pa'i dri ma dang bral ba'i phyir shin tu dag pa'o/ /nyan thos dang rang sangs rgyas dang byang chub sems dpa' thams cad las mchog
 tu gyur pas na kun mchog go/ /gdod nas grol ba de bzhin gshegs/ /zhes bya ba la thog ma dang tha ma med pa chos kyi dbyings kyi rang bzhin gyis rtag tu 'ching ba thams cad dang bral ba nyid kyi phyir gdod nas grol ba'o/ /dngos po'i rang bzhin ji lta ba bzhin du chos kyi
 dbyings kyi rang bzhin dang thabs kyi rang bzhin du dngos po rnams mkhyen pas na de bzhin gshegs pa'o/ /gzhan yang gzhan dag la de bzhin du gsungs pa rab tu ston par mdzad pas na de bzhin gshegs pa'o/ /kun du bzang po zhes bya ba ni sems can rnams la kun nas
 bzang po'i dga' ba gang las byung ba de ni kun du bzang po'o/ /brtan pa dang g.yo ba'i dngos po thams cad kyi rang bzhin du zhugs pas na kun bdag nyid do/ /byang chub kyi rang bzhin gyi sems dpa' ni byang chub sems dpa'o/ /rab tu bsgrubs zhes bya bas gsol ba btab
 pa yin no/ /de ltar chos kyi glu'i mchod pa bstan nas/ da ni dam tshig gi glu'i mchod pa bstan par bya ba ni kun mchog ces bya ba la sogs pa gsungs te/ kun gyi mchog kyang de yin la dngos grub chen po yang de nyid yin pas na/ kun mchog dngos grub chen po ste/ /
 thabs dang shes rab kyi bdag nyid can rdo rje 'chang chen po rtogs pa'o/ /de nyid dbang phyug chen po ste de yod pas phyag rgya'i mchog gang yin pa de ni/ kun mchog dngos grub chen po yi/ /dbang phyug chen po'i phyag rgya'i mchog ste dpal rdo rje sems dpa'i phyag rgya chen po'o/ /
 de nyid kyis grub par gyur cig pa'o/ /de ji ltar zhe na/ rdo rje cher bstod pa zhes bya ba la ji lta ba bzhin du bshad pa'i dang po'i rdo rje cher bstod pa ni rdo rje cher bstod pa'o/ /lag pa g.yas pa'i sor mo dbus ma'i kha T+wAM ga rang gi snying gar bstod pa'i tshul 'dzin pa ni rdo rje cher
 bstod pa ste/ rdo rje cher bstod pa des sgrubs shig pa ni dpal rdo rje sems dpa'i phyag rgya chen po'i dngos grub kyis rdo rje bsnyems pa'i bdag po kye bdag la sgrubs shig ces bya ba la bod pa dang bcas pas bcom ldan 'das la sgrub pa pos gsol ba btab pa yin no/ /de
 ltar dam tshig gsum gyi glu'i mchod pa bstan nas/ da ni de nyid kyi phan yon bstan par bya ba'i phyir/ dpal mchog dang po zhes bya ba la sogs pa gsungs te/ dpal mchog dang po ni ji lta ba bzhin du bshad pa'i bcom ldan 'das rdo rje sems dpa' ste/ de'i glu ni/
 oM nam mkha' skye med mtshan ldan phyir/ /zhes bya ba la sogs pa'i glu sgrub pa pos bcom ldan 'das kyi yang dag par gyur pa'i yon tan brjod cing / don dam par de kho na nyid dang / chos dang dam tshig gi don la lhag par mos pas glu blangs na de ji ltar 'gyur zhes bya
 ba bshad par bya ba'i phyir/ de ni dngos grub kun mchog 'gyur/ /zhes bya ba gsungs te/ de zhes bya ba ni sgrub pa po'o/ /ni zhes bya ba ni sgra nges par gzung ba la bya ste/ de nyid kho nar gyur pa yin no/ /dpal rdo rje sems dpa'i sku gsung thugs kyi rang
 bzhin gyi dngos grub kun gyi mchog ste/ de'i dbang phyug chen po'i sku thams cad ston par byed pas sems can gyi don to/ /dbang phyug chen po de dang ldan zhing dbang phyug chen po nyid du 'gyur ro zhes bcom ldan 'das rdo rje 'chang chen pos gsungs so/ /
 mchog kyang yin la de kho na nyid kyang de nyid yin pas na mchog gi de nyid de/ rdo rje 'chang chen po'i sku gsung thugs kyi rdo rje rnams so/ /de nyid gsang ba'i mchog ni 'jig rten thams cad dang thun mong ba ma yin no/ /de'i glu chen po ni dam tshig gsum gyi glu'i
 mchod pa'o/ /mchog tu grub pa ni rdo rje sems dpa' ste/ de ston par byed pa nyid kyi phyir 'di yang mchog tu grub pa'o/ /mchog tu grub pa yang mngon du byed pa'i rgyu nyid yin pa'i phyir mchog gi glu 'di yang mchog tu grub pa zhes bya ba yin no/ /dngos grub cho ga 'di yis ni/
 zhes bya ba la dngos grub kyi don gyi cho ga ni dngos grub kyi cho ga ste glu'i mchod pa'o/ /mchog gi dngos grub kyi cho ga 'dis rdo rje sems dpa' yang dag par rjes su rnal 'byor rang gi mtshan nyid can ni dngos grub chen po kun gyi mchog ni rdo rje sems dpa'i dngos grub ste/ des
 dbang phyug chen po ni bag chags dang bcas pa'i nyon mongs pa dang bral bas khams gsum thams cad du gzugs thams cad ston pas sems can byed pa'o/ /yul der rdo rje sems dpa' dang yang dag par 'dus pa'i sgrub pa pos bsgrub par bya ba yin no/ /de bzhin
 du dam tshig gsum gyi glu'i mchod pa 'dis/ kun nas 'od zer ston sogs dang / /zhes bya ba la cho 'phrul brgya rtsa brgyad kyi rnam pa can dang / so sor ston pa'i rmad du byung ba rnams ni ngo mtshar bar gyur pa rnams sgrub pa po'i rdo rje slob dpon gyi rang gi lha dpal rdo rje
 slob dpon gyi rang gi lha dpal rdo rje sems dpa' las mthong bar 'gyur ro/ /rtog pa kun zhes bya ba ni gsang ba'i dkyil 'khor gyi rtog pa sna tshogs chen po'o/ /dngos grub ni gsang ba lnga'i de kho na nyid chen po'i dngos grub po/ /de'i dbang phyug ni ji lta ba bzhin du bshad pa ste/ de las byung ba'i bde ba ni/
 rtog pa kun gyi sna tshogs che/ /dngos grub dbang phyug bde ba rnams/ /ni'i sgra ni nges par gzung bas te/ dam tshig gsum gyi glu'i mchod pa nyid kyis rtog pa thams cad kyi sna tshogs pa'i dngos grub kyi bde ba rnams dpal rdo rje sems dpas legs par byin gyis brlabs
 pas rdo rje slob dpon gyis rtag tu 'thob pa yin no/ /de ltar bdag la byin gyis brlab pa bstan nas/ da ni rnal 'byor chen po sgrub pa'i rang bzhin can sgrub pa chen po'i rgyud bstan par bya ba'i phyir/ de la ji ltar zhes bya ba la sogs pa gsungs te/ thams cad kyang yin la
 bdag la byin gyis brlab pa yang de nyid yin pas na thams cad bdag la byin gyis brlab pa ste/ rang gi rigs kyi lha thams cad sgrub pa po'i lus la dgod pa'o/ /de'i don du lha rnams kyi sgrub pa chen po ni rang gi dam tshig gi phyag rgya rnams kyis rang la rag las
 par bya ba de ni thams cad bdag la byin gyis brlab pa'i lha'i sgrub pa chen po'o/ /de ston par byed pa'i rgyud ji ltar shes par bya zhe na/ rang lha'i rnal 'byor ji bzhin du/ /zhes bya ba la bdag nyid kyi rang gi lha ni 'dod pa'i lha'o/ /rdo rje thal mo dang rdo rje bsdams pa
 bcings nas snying gar dral bar bya'o/ /de nas rdo rje dbab pa bskyed nas rang gi snying gar rdo rje dbab pa'i phyag rgyas dgrol bar byas la/ dam tshig gi rdo rje khu tshur bcings te/ phyag rgya thams cad gdeg par bya'o/ /de nas sdig pa dral ba'i phyag rgyas sdig pa rnams
 dral bar bya'o/ /de nas dpal rdo rje sems dpa'i rnal 'byor pas rang gi snying gar gnas pa'i rdo rje la yi ge hUM yid kyis bris la/ de nyid yid kyis brjod cing chos thams cad rang bzhin gyis 'od gsal ba dang nam mkha' dang mnyam par bsgom par bya'o/ /de
 nas nam mkha'i phyogs su rang gi sems yi ge hUM gi rnam par bsams la dbyangs bcu drug dang bcas pa'i yi ge hUM gis rang gi sems zla ba'i dkyil 'khor gyi rang bzhin du bsam par bya'o/ /de'i steng du ka la sogs pa'i yi ge dang bcas pa'i yi
 ge hUM las zla ba'i dkyil 'khor gnyis pa de nyid yi ge hUM dang bcas pa'i rdo rje ste/ rdo rje'i dbus su yi ge hUM yid kyis bri ste/ gsang ba lnga'i de kho na chen po dang po'i rdo rje zhes bya ba bsgom zhing / rdo rje las 'jig rten gyi khams thams cad kyi rdul phra rab dang mnyam pa'i
 gsang ba'i dkyil 'khor rnams spros te/ de dag gis sems can gyi khams thams cad gsang ba'i dkyil 'khor rtogs pas rdo rje 'chang chen po nyid du byas la de rnams rdo rje la gzhug par bya'o/ /de nas sems dpa' byin gyis brlab pa'i sbyor bas bdag nyid rdo rje
 sems dpar bsgoms la/ ma hA sa ma ya satwa a haM zhes bzla bar bya'o/ /de nas dang po'i rdo rje bcings la slar yang sa ma ya a haM zhes bya ba bzla bar bya'o/ /de nas slar dang po'i rdo rjes snying ga dang / smin mtshams dang / mgrin pa dang / spyi bo rnams su sa ma ya satwa
 a d+hi tiSh+Tha swa maM zhes bya bas byin gyis brlab par bya'o/ /de nas phyag rgya chen po bcing bar bya'o/ /de nas rdo rje sems dpa'i rnal 'byor pa'i rang gi lha'i sbyor ba ji lta ba bzhin yin no/ /gzhan la ni rang gi cho gas rang gi lha'i phyag rgya chen po bcing bar bya ste/ 'dis rang
 gi lha'i sku'i gsang bsgom pa ji lta ba bzhin du sku mdog dang / dbyibs dang / gzugs dang ldan pa'i rang gi lha'i sbyor ba ji lta ba bzhin du bstan pa yin no/ /lha yang yin la kun yang de nyid yin pas na lha kun te rdo rje sems dpa' la sogs pa'o/ /de rnams kyi bdag
 nyid kyi sku ni sku'i gsang ba rnams so/ /rang gi lha'i sbyor ba ji bzhin pa dang / lha kun gyi bdag nyid kyi sku rnams ni rang gi lha'i sbyor ba ji bzhin pa'i lha kun gyi bdag nyid kyi sku rnams te/ de dag gis rang gi lha'i sbyor ba'i bdag nyid can gyi rnal 'byor ba de rang gi lha'i
 dkyil 'khor du bsgrub par bya ba yin te gzhan gyis ni ma yin no zhes bya ba'o/ /'di ltar bshad par 'gyur te/ rang gi lha'i rnal 'byor tsam byas la nam mkha' dang mnyam pa nyid kyi sbyor bas nam mkha' dang mnyam pa'i rang gi snying ga'i zla ba la zhugs te/ yi ge hUM gis
 dang po'i rdo rje bcings nas/ a nu ra ga ya mi hUM zhes bya ba brjod [(]cings [,]cing sa [)]la rab tu bzhag par byas nas dpal rdo rje sems dpa'i gsang ba'i dkyil 'khor snying gar rdzogs par bya'o/ /de nas 'jug pa'i phyag rgya bcings nas der zhugs la dngos grub kyi rdo rje brtul zhugs
 blang ba'i bar du rang gi cho ga rdzogs par bya ste/ sngar bshad pa'i rdo rje sems dpa'i dkyil 'khor chen po las gsungs pa'i rnal 'byor chen po'i gnas rnams su gsang ba'i lcags kyu mas dpal mchog dang po zhes bya ba la sogs pa'i glu brjod cing / rang gi lus
 la rdo rje sems dpa' la sogs pa bcug la dam tshig gi phyag rgya rnams kyis bsgrub par bya'o/ /de nas chos dang las dang phyag rgya chen po rnams kyis rgyas btab la/ de bzhin gshegs pa thams cad rang gi lus dang rdo rje sems dpa' la sogs pa'i sku la snga ma
 bzhin du bcug ste dam tshig gi phyag rgya rnams kyis bsgrub par bya'o/ /de nas chos dang las dang phyag rgya chen po rnams kyis rgyas btab la/ dang po'i rdo rje de bzhin du bdag la byin gyis brlabs te/ brtan par byed pa'i snying pos brtan par byas la dbang bskur ba'i
 phyag rgya rnams kyis dbang bskur te rdo rje dang / bdag po dang / ming gi dbang bskur ba dang / dngos grub kyi rdo rje brtul zhugs blangs la/ 'dod chags rdo rje ma la sogs pa'i mchod pa'i phyag rgya bcu gnyis kyis bdag nyid yang dag par mchod la/ sgeg mo dga'
 ba'i rdo rje ma'i phyag bzhis phyag btsal bar byas nas de kho na nyid dang / chos dang dam tshig rnams la yi ge hUM lan gsum brjod de/ dam tshig gsum gyi mchod pa byas la rdo rje'i bdag nyid dang / rang bzhin dag pa dang / thams cad mnyam pa'i bdag nyid rnam par
 bsgoms la/ ji lta ba bzhin du rang gi snying gar gnas pa'i rdo rje la yi ge hUM yid kyis bris nas rab tu dga' ba'i ngag gis brjod cing bsgom par bya ba yin no/ /de dag thams cad dgug pa dang / mchod pa chen po dang / bdag la byin gyis brlab pa dang /
 sgrub pa chen po rnams bstan nas/ da ni brta dang / be sha khi la la mkhas pa'i rjes su sgrub pa bstan par bya ba'i phyir/ de nas zhes bya ba la sogs pa gsungs te/ de nas kyi sgra ni skabs su bab pa'o/ /gsang ba dam pa'i mchog gi dpal dam tshig gsum ni de bzhin
 gshegs pa thams cad kyi sku gsung thugs kyi rdo rje brtan par byed pa'i gsang ba'i dkyil 'khor der mchog gi dngos grub thams cad kyi dbang phyug ni khams gsum pa'i chos kyi rgyal srid thob pa'o/ /de nyid bdag po nyid dngos grub thams cad kyi las kyi tshogs pa'i gang
 gi dang por yod pa de la de skad ces bya'o/ /dngos grub kyang yin la thams cad kyang de nyid yin pas na dngos grub thams cad de phyag rgya chen po dang / dam tshig dang chos dang las kyi phyag rgya'i dkyil 'khor gyi dngos grub rnams so/ /las rnams kyi tshogs ni las kyi tshogs te
 gsang ba'i dkyil 'khor dang 'brel ba'i 'og nas 'chad par 'gyur ba'i las rgya'i rgyun no/ /mi 'gyur ba yang yin la mchog kyang de nyid yin pas na mi 'gyur mchog ste/ thog ma dang tha ma med pa'o/ /de nyid kyi phyir dam pa ni phul du byung ba'o/ /'di la gong na med pas bla
 na med pa'o/ /dga' ba dang rab tu dga' ba zhes bya ba la dga' ba ni yid bde ba'o/ /rab tu dga' ba ni dga' ba'o/ /bde ba thams cad ni 'jig rten las 'das pa'i'o/ /de yang dam pa dang / bar ma dang / mchog gi dbye bas phye ba yin no/ /yid bde ba yang de bzhin du
 shes par bya'o/ /bla na med pa'i dga' ba dang rab tu dga' ba las khyad par ci yod ce na/ 'di ni dman pa dang / bar ma dang / mchog gi dbye ba rnam pa gsum ste/ de ni bla na med pa kho na yin no zhes bya ba ni 'di'i khyad par yin no/ /mchog gi dngos grub ni rdo rje 'chang chen po
 la sogs pa'i rang bzhin can no/ /ji lta ba bzhin du bshad pa'i dngos grub thams cad dang las kyi tshogs dang / mi 'gyur ba mchog gi dam pa bla na med pa'i dga' ba dang rab tu dga' ba dang / yid bde ba dang mchog gi dngos grub rnams ni ji lta ba bzhin du bshad pa'i
 bdag po nyid la sogs pa'i dngos grub thams cad kyi las kyi tshogs kyis mi 'gyur ba mchog gi dam pa bla na med pa'i dga' ba dang rab tu dga' ba dang / bde ba thams cad dang / yid bde ba mchog gi dngos grub rnams so/ /de dag gi cho ga rgyas pa ni rdo rjes su chags pa
 la sogs pa'i glu dang rol mo'i cho ga rnam pa gsum mo/ /de nyid rjes su sgrub pa ni phyi nas bsgrubs pas na rjes su bsgrub pa ste thams cad dgug pa dang / mchod pa chen po dang / bdag la byin gyis brlab pa dang / sgrub pa chen po las phyis bya ba'i phyir ro/ /de nyid mchog gi
 dngos grub kyi rgyur gyur pa'i phyir mchog tu grub pa yin no/ /ji lta ba bzhin du bshad pa'i rnal 'byor chen po byas la rang gi lha'i dkyil 'khor cho ga bzhin du mdun du bzhag la de nyid bsgom pa ni 'di rang gi lha'i sbyor ba ji lta ba bzhin gang yin pa dang / tshogs kyi dkyil
 'khor bsgom pa'o/ /rdo rje kun ni rdo rje sems dpa' la sogs pa rnams te/ de dag gi mchog gi sku ni mtshan mo'i phyag rgya'o/ /de yang gnyis su med pa'i sems dang sems las byung ba rnams ston par byed pa'i phyir ro/ /rang gi lha'i sbyor ba ji bzhin pa dang rdo rje kun gyi
 mchog gi sku ni rang lha'i sbyor ba ji bzhin dang rdo rje kun gyi mchog sku'o/ /byed par gyur pa de rnams kyis glu dang rol mo'i cho ga gang zhig rnal 'byor pas bya ba de ni de la rdo rje rjes su chags pa yin te/ shin tu rnal 'byor gyi sbyor bas mngon du gyur pa yin no zhes bya ba'i tha tshig
 go/ /'di ltar bshad par 'gyur te ji ltar bshad pa'i cho gas mdun du dkyil 'khor bzhag pa'am/ tshogs kyi dkyil 'khor gyi sbyor bas dbus su 'dug ste/ thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun
 bdag nyid/ /rdo rje bsnyems pa bdag po'i bdag /ces bya ba dpal rdo rje sems dpa'i rnal 'byor pas yi ge hUM gi glu brjod cing bsgom par bya'o/ /dril bu dang bcas pa'i pi wang la sogs pa'i rol mo nyid thog ma dang tha ma med pa'i gzugs can gyi rdo rje
 des rjes su chags par 'gyur ro/ /gzhan gyi rnal 'byor pas ni rang gi lha'i yi ge brjod cing rang gi rigs kyi de kho na nyid bsgom par bya ba yin no/ /de ltar rdo rje'i rjes su sgrub pa bstan nas/ da ni dril bu'i rjes su sgrub pa bstan par bya ba'i phyir/ rang gi lha'i sbyor ba
 ji bzhin du/ dbyangs kyi rtsa ba rnams sad pas/ /zhes bya ba la sogs pa gsungs te/ rang lha'i sbyor ba ni bshad zin to/ /a kA ro mu khaM sarba d+harmA NAM/ Ad+ya nu t+pan+na twA ta ces bya ba ni lhag par mos pa rnams ni dbyangs kyi rtsa ba rnam par sad pa ste/ dbyangs kyi rtsa ba rnam
 par sad pa de dag dang bcas pa'i glu dang rol mo'i cho ga rnal 'byor pas gang byed pa de dag dril bu nyid kyis rjes su blangs te dril bu'i sgra dang lhan cig tu glu len pa'o/ /thams cad nam mkha'i mtshan nyid de/ /nam mkha' dang mnyam sbyor ba yin/ /kun mchog mnyam
 pa nyid du gsal/ /zhes bya ba bstan pa yin te de bsgom par bya'o zhes bya ba'i don to/ /'dis ni 'di ltar sngar bshad par 'gyur te/ snga ma bzhin du rang gi dkyil 'khor mdun du bzhag pa'am/ tshogs kyi dkyil 'khor gyi tshul gyis 'dug ste/ dpal rdo rje sems dpa'i
 rnal 'byor pas/ yi ge hUM brjod cing dril bu dkrol ba la brtson pas sgra'i rjes su 'brang ba'i shes rab bsgom par bya ba dang / pi wang la sogs pa rol mo'i sgra rnams kyis de nyid mngon du bya ba yin no/ /de ltar dril bu'i sgrub pa bstan nas da ni dam tshig gi rjes su sgrub pa
 bstan par bya ba'i phyir rang lha'i zhes bya ba la sogs pa gsungs te/ rang lha'i sbyor ba ji bzhin du/ /zhes bya ba ni snga ma bzhin no/ /sna tshogs ni rdo rje sems dpa' ste phyag rgya ni phyag rgya chen po'o/ /de'i bdag po ni sna tshogs phyag rgya'i bdag po ste phyag rgya chen po'i bdag
 po phyag rgya chen po rdzogs par byed pa'i bdag po zhes bya ba'i don to/ /de gang yin zhe na/ mchog tu rol mo'i cho ga zhes bya ba la/ mchog ni phul du byung ba ste phyag rgya chen po ston par byed pa'i yi ge hUM gi glu dang / rdo rje dril bu dang bcas pa'i pi wang la sogs pa'i rol mo ni
 glu dang rol mo'i cho ga'o/ /de yang slob ma'i tshogs dang bcas pa'i rnal 'byor pas bya ba yin no/ /dam tshig gis ni rjes su bsgrub/ /ces bya ba la de nyid rnal 'byor pas dam tshig gi gzugs brnyan dang 'dra ba'i sku'i gsang ba'i sgom pas rjes su bsgrub par
 bya'o/ /'di ltar bshad par 'gyur te/ de bzhin du mdun du dkyil 'khor yongs su brtag pa'am/ yang na tshogs kyi dkyil 'khor gyi tshul gyis dkyil 'khor gyi dbus su 'dug ste rang gi phyag rgya chen po bcings la yi ge hUM brjod cing chos dbyings kyi rgyu mthun pa
 gzugs brnyan dang mtshungs pa'i phyag rgya chen po thams cad kyi gzugs bsgom pa dang / dril bu'i sgra dang bcas pa'i pi wang la sogs pa'i rol mos don de nyid bstan par bya'o/ /glu dang rol mo'i cho ga nyid kyi mtshan nyid ni 'og nas 'chad par 'gyur ro/ /da ni rjes su
 bsgrub pa'i phan yon bstan par bya ba'i phyir 'dis zhes bya ba la sogs pa gsungs te/ rnam pa gsum gyi rjes su bsgrub pa 'dis rtog pa thams cad ni rigs lnga'i rang bzhin gyi dmigs pa'i rkyen rnams so/ /rdo rje 'bebs pas rab tu sad/ /ces bya ba ni de kho na nyid dang /
 chos dang / dam tshig dang / ye shes rnams kyis bskul zhing mngon du gyur pa'o/ /rang gi lha yi dam tshig ni/ thams cad bzhir 'gyur 'grub par 'gyur/ /zhes bya ba la grub pa ni sgrub pa po la rag las pa yin no/ /de yang dpal rdo rje sems dpa' la sogs pa'i phyag
 rgya'i rang bzhin can gyi dam tshig go/ /rang gi lha ni rdo rje sems dpa' la sogs pa thams cad rnal 'byor bsgrub par bya ba nyid du 'dod pa rnams so/ /rjes su bsgrub pa gang zhig dang bral bas zla ba bzhis 'grub par 'gyur ba des rjes su bsgrub pa de nyid kyis zla ba gcig
 gis 'grub par 'gyur te/ de bas ni mi 'gyur ro zhes bya ba gsungs so/ /mchog tu gsang ba dam pa'i dpal/ /dam tshig gsum gyi dkyil 'khor du glu dang rol mo ste/ ji skad du bshad pa'i mtshan nyid can de bzhin du rdzogs pa ni cho ga ste/ 'dir mchog
 tu gsang ba ni sku gsung thugs kyi rdo rje sgrub par byed pas/ mchog tu gsang ba dam pa'i dpal dam tshig gsum gyi dngos grub kyi rgyu nyid rdzogs pa yin pas na mchog tu grub pa'o/ /de ltar thams cad dgug pa dang / mchod pa chen po dang / bdag la byin gyis brlab pa
 dang / sgrub pa chen po dang / rjes su bsgrub pa rnams kyis bdag nyid dang dkyil 'khor rdzogs par byas la/ nyin re de srid du bsgom par bya ste/ ji srid mngon du gyur pa lta bur nyin re sgom pa'i dus su mthong bar 'gyur ro/ /de nas dkyil 'khor 'di bri bar bya'o zhes bya
 ba'i cho ga 'di rab tu bstan par bya ba'i phyir de nas zhes bya ba la sogs pa gsungs te/ de nas zhes bya ba ni mtshan ma thob ma thag pa kho na'o/ /de zhes bya ba ni ji srid ma thob pa'i gong du ma yin pa'o/ /gsang ba mchog gi dgyes pa na/ /sangs rgyas kun gyis rjes bsten pa'i/ /
 rdo rje sems dpa'i rang gnas su/ /thams cad bdag nyid rtag tu bzhugs/ /zhes bya ba'i gnas 'di 'og nas 'chad par 'gyur ro/ /de lta bu ji bzhin pa'i gnas su ji snyed pa zhes bya ba la sogs pa ni bshad zin to/ /bdag nyid ces bya ba la sogs pa la dpal rdo rje
 sems dpa'i rgyan rnams kyis bdag nyid yang dag par brgyan la/ ji ltar 'dod pa'am ji ltar thob pa'i sna tshogs pa'i gos gyon pa dang / me tog gi phreng ba dang ldan zhing kha dri zhim po bsgos pas lugs ma'am/ brdungs ma la sogs pa'i rang bzhin can gyi bcom ldan
 'das rdo rje sems dpa' 'khor dang bcas pa ji skad bshad pa'i khang pa sum brtsegs su dkyil 'khor bris le de'i dbus su rdo rje bzhag nas de nyid kyi mdun du ji lta ba bzhin bshad pa'i sgrub pa'i cho gas dpal rdo rje sems dpa'i sbyor bas rnal 'byor chen po byas la/ brla gnyis la
 dril bu ste brla gnyis po dpal rdo rje sems dpa'i sku gsung thugs kyi rdo rje 'bebs pa skyed par byed pa'i dril bu'i sgra sgrogs par byed cing / thams cad dgug pa dang / mchod pa chen po dang / bdag la byin gyis brlab pa la sogs pa sngar bshad pa'i mtshan nyid can
 bsgrub par bya'o/ /sngon du zhes bya ba la sogs pa de ltar 'das ma thag tu bshad pa'i tshul gyis bdag nyid dang dkyil 'khor dang por lhan cig tu sgrub pa byas nas bsgoms pas la la de'i rjes la khrus la sogs par rang gi lha'i nga rgyal gyis rdzogs par byas nas/ slar
 yang zhugs te nyin re bzhin du mchod pa thams cad kyis dkyil 'khor yang dag par mchod la de srid du bsgom par bya ste/ ji srid zla ba gcig gi bar du'o/ /mthar nya la mtshan thog thag bsgom par bya ste/ nyi ma 'char ka'i dus su rdo rje 'chang chen po nyid thob par 'gyur ro/ /
 don de nyid bstan par bya ba'i phyir/ /'dis ni 'dod pa kun dbang phyug /'gro dang 'ong dang 'dod na 'phur/ /zhes bya ba la sogs pa gsungs so/ /de ltar zhes bya ba la sogs pa la 'das ma thag tu bshad pa'i sgrub pa'i cho gas/ de ltar mchog tu rjes chags dga' ba
 pad+ma'i ra ba che/ /mchog gi rgyal mtshan bsgreng bas gang zhig rjes su bsten pa ste/ /mchog gi dngos grub dbang phyug chen po nyid des nyams myong ba/ /zhes bya ba dang sbyar ro/ /mchog kyang yin la rjes su chags pa yang de nyid yin pas na mchog tu rjes su chags pa ste/ dpal
 rdo rje sems dpa'i gsang ba'i dkyil 'khor bsgom pa'o/ /'dis ni 'dod chags rdo rje ma'i rang bzhin can gyi dpal rdo rje sems dpa' bstan pa ste/ des bskyed pa'i dga' ba ni mchog tu rjes su chags pa'i dga' ba'o/ /de nyid bag chags dang bcas pa'i nyon mongs pa
 thams cad kyi dri ma dang bral bas pad+ma lta bu yin pas na pad+ma'o/ /des nam mkha'i khams thams cad khyab par byed pa'i nam mkha' dang mnyam pa'i ye shes kyi rin po che'i sa gzhi khyab pas na dga' ba'i pad+ma'i ra ba chen po'o/ /dga' ba'i pad+ma'i ra ba chen po ni dga' ba'i
 pad+ma'i ra ba chen po'o/ /de nyid mchog tu gsang ba grub pa'i bla na med pa yang dag par rdzogs pa'i byang chub kyi dngos grub la chags pas na bla na med pa'i dngos grub la chags pa ste/ kI li kI la'i rang bzhin can gyis rdo rje sems dpa' bstan to/ /mchog gi
 rgyal mtshan bsgreng bas gang zhig rjes su bstan pa ste/ /zhes bya ba la/ de lta bu'i yon tan gyi khyad par dang ldan pa'i sgrub pa rnal 'byor pa gang gis phyin ci ma log par brten pa ni sgom par byed pas te/ mchog kyang yin la rgyal mtshan yang de nyid yin pas na mchog gi rgyal
 mtshan te dpal rdo rje sems dpa'i sku'o/ /de nyid de'i rnal 'byor gyis bsgreng bas te/ mthon pa'i sku gang la yod pa de ni mchog gi rgyal mtshan bsgreng ba rnams te/ 'dis rdo rje dran ma'i rang bzhin can gyi rdo rje sems dpa' tshig gi zur gyis bstan pa yin no/ /rdo rje
 sems dpa'i rnal 'byor gyis ji lta ba bzhin du bshad pa'i sgrub pa mngon du byed pa de rnams cir 'gyur zhe na/ mchog gi dngos grub dbang phyug chen po nyid des nyams myong ba/ /zhes bya ba la so so rang rig pa'i ye shes kyis nyams su myong ba'i rnal 'byor pa rnams kyis
 rig pa yin no/ /mchog kyang yin la dngos grub kyang de nyid yin pas na mchog gi dngos grub ste rdo rje 'chang chen po'i rang bzhin gyi gsang ba'i dkyil 'khor gyi dngos grub po/ /des dbang phyug chen po ni mchog gi dngos grub kyi dbang phyug chen po'o/ /des dngos po ni
 dbang phyug chen po de nyid de de dag gis nyams su myong ba yin no/ /bya ba nan tan grub pa'i ye shes kyis sangs rgyas sprul pa dang sems can gyi don byed pa yin no zhes bya ba'i don te/ 'dis rdo rje 'dod pa'i dbang phyug ma'i rang bzhin can gyi rdo rje sems dpa' bstan to/ /
 dpal mchog dang po zhes bya ba la sogs pa ni go sla'o/ /gnas gang du gsang ba'i dkyil 'khor bri na rnal 'byor pas dngos grub bsgrub pa de bstan pa'i phyir/ gsang ba zhes bya ba la sogs pa gsungs te/ 'dod chags rdo rje ma la sogs pa'i dpal gyi tshogs dang ldan
 pas na gsang ba ste bcom ldan 'das rdo rje sems dpa' rang nyid kyis bzhugs so/ /mchog ni phul du byung ba'o/ /yid dang rjes su mthun par spyad na dgyes pa'o/ /'jig rten gyi khams thams cad kyi rdul phra rab dang mnyam pa'i rnam par snang mdzad la sogs pa'i de bzhin
 gshegs pa rnams kyis bsten pas na sangs rgyas kun gyis bsten pa'o/ /rdo rje sems dpa'i rang gi ye shes las byung ba'i zhugs pa ni rdo rje sems dpa'i rang gi gnas so/ /thams cad ni rigs lnga'i lha rnams kyi bdag nyid ni thams cad kyi bdag nyid de/ byang chub chen po'i
 sems la sogs pa las byung ba nyid kyis byang chub chen po'i sems la sogs pa'i ngo bo nyid 'di yin no zhes bstan par 'gyur ro/ /thams cad bdag nyid der da ltar byung ba'i ngo bos rtag tu ste dus thams cad du bzhugs pas na rtag tu bzhugs pa yin no/ /thog mtha'
 med pa zhes bya ba ni bshad zin to/ /'di zhes bya ba ni ji lta ba bzhin du bshad pa'i mtshan nyid can no/ /rang byung zhes bya ba ni bsgom pa las rang nyid kho na byung ba yin gyi gzhan las ma skyes pa na rang byung ngo / /bdud bzhi bcom pas na bcom ldan 'das so/ /lhag pa'i lha ni
 gcig pu nyid/ /ces bya ba la 'di las mchog tu gyur pa gzhan med pas na lhag pa'i lha'o/ /de bzhin nyid dang ro gcig pa'i sems dang sems las byung ba'i rang bzhin nyid kyis rgyud tha mi dad pas na gcig pu nyid yin no/ /'di ltar 'chad par 'gyur te/ gang gi phyir
 bcom ldan 'das 'di ji ltar bshad pa'i yon tan dang ldan pa ji lta ba bzhin du bshad pa'i gsang ba dang / thams cad kyi bdag nyid rdo rje sems dpa'i rang gi gnas su rtag tu zhugs pa grub par 'gyur ba de'i phyir ji skad du bshad pa'i khang pa sum brtsegs su gsang ba'i dkyil
 'khor bris la/ rnal 'byor pas bcom ldan 'das bsgrub par bya ste gzhan du ma yin no zhes bya ba'o/ /rab tu de ltar mchog tu rjes chags dga' ba pad+ma'i ra ba che/ /mchog tu gsang ba sgrub pa zhes bya ba ni bshad zin to/ /sgrub pa de nyid bla na med pa yang dag par
 rdzogs pa'i byang chub rdzogs pa'i rgyu nyid yin pa'i phyir bla na med pa'i dngos grub ste de nyid bde ba'o/ /gang zhig rjes su brten pa zhes bya ba ni snga ma bzhin no/ /rab tu dga' ba ni rdo rje sems dpa' ste lha mo bzhi phreng gi dbus na bzhugs pa'o/ /de nyid 'dod
 chags kyis 'dod chags spong ba'i phyir rnal 'byor pa rnams kyi rtags su gyur pas na rgyal mtshan te/ de bsgreng ba ni de'i sku gang la yod pa de ni rab tu dga' ba'i rgyal mtshan bsgreng ba'i rnal 'byor pa rnams so/ /dpal rdo rje sems dpa'i lha mo bzhi yang dag par 'dus
 pa'i rnal 'byor las byung ba'i bde ba ni dngos grub mchog gi bde ba chen po ste/ de'i dngos po ni bde ba chen po de nyid do/ /dngos grub mchog gi bde ba chen po de nyid rnal 'byor pa de rnams kyis nyams su myong ba yin no/ /'di ltar 'chad par 'gyur te ji lta ba bzhin du
 bshad pa'i khang pa sum brtsegs su gsang ba'i dkyil 'khor bris la/ cho ga thams cad rjes su spyad nas lha mo bzhi dang kun nas 'dus pa'i rnal 'byor gyis mdun du bcom ldan 'das bzhugs su gsol la/ gsang ba'i dkyil 'khor dbus su de'i rnal 'byor gyis
 de'i rang bzhin can gyi bdag nyid gang gis bsgom pa de ni de'i rang bzhin can du 'gyur ro/ /dga' ba chen po yang yin la rdo rje don yod pa yang de nyid yin pas na dga' ba chen po rdo rje don yod pa ste/ gsang ba'i dkyil 'khor gyi dbus na bzhugs pa'i dpal rdo rje sems
 dpa'o/ /de'i dga' ba gang yin pa des dam tshig can ni rigs la skyed pa'i rgyu'o/ /rnal 'byor yang yin la thams cad kyang de nyid yin pas rnal 'byor thams cad de/ rnal 'byor dang rjes su rnal 'byor dang shin tu rnal 'byor ni rnal 'byor thams cad do/ /de rnams kyi
 dbang phyug ni gtso bos te de skyed par byed pa'i phyir ro/ /dga' ba chen po rdo rje don yod pa'i dga' ba'i dam tshig thams cad kyang de yin la rnal 'byor thams cad kyi dbang phyug kyang de yin pas na dga' ba chen po'o/ /rdo rje don yod pa'i dga' ba'i dam tshig dang / rnal 'byor
 thams cad kyi dbang phyug go/ /de gang zhe na/ de bzhin gshegs pa thams cad kyi dpal rang gi dam tshig gi dkyil 'khor zhes bya ba la/ de bzhin gshegs pa thams cad kyi dpal ni lha mo bzhi phreng gi dbus na bzhugs pa lha mo thams cad kyi tshogs kyis yongs su
 bskor ba'i rdo rje sems dpa'i sku'o/ /de nyid kyi rang gi dam tshig gi dkyil 'khor mchog tu gsang ba yin no/ /de ltar slob dpon gyi las kyi cho ga bstan nas/ da ni slob ma gzhug pa la sogs pa'i cho ga rgyas par bshad par bya ba'i phyir/ de nas zhes bya ba la sogs
 pa gsungs te/ de nas kyi sgra ni de ma thag pa'o/ /'dir yang don 'di bshad pa yin te/ gal te slob ma gzhug pa'i don du rnal 'byor pas dkyil 'khor brtags pa yin la/ dngos grub kyi don du ni ma yin na/ de'i tsho chog pa 'dis rnal 'byor pas slob ma gzhug
 par bya'o zhes bya ba'o/ /de bzhin gshegs pa thams cad kyi dam tshig chen po ni de bzhin gshegs pa thams cad kyi dam tshig chen po ste/ gsang ba'i dkyil 'khor 'di byang chub chen po'i sems kyi rang bzhin nyid kyi phyir dam tshig chen po dang shin tu rnal 'byor ro/ /
 de ltar slob ma rnams gzhug pa la sogs pa'i cho ga ste/ de rgyas pa ni byang chub chen po'i sems bskyed pa la sogs pa'i rgyun te/ de bshad par bya'o zhes bya ba ni bcom ldan 'das rdo rje sems dpas gsungs pa yin no/ /de la dang po kho na zhes bya ba la sogs pa ni go sla'o/ /
 rigs lnga'i mtshan ma rnams ni 'dod pa kun te 'dod pa de rnams la byang chub kyi mtshan can gyi rdo rje grub pa yin te/ dang po'i rdo rje la sogs pa'i rang bzhin gyi rigs kyi slob ma thams cad kyi snying ga'i zla ba'i rnam par bya ba yin no zhes bya ba'i don to/ /rdo rje sems dpa' nyid du 'gyur/ /
 zhes bya ba la dang po'i rdo rje dang de bzhin gshegs pa dang / khro bo'i rdo rje dang / pad+ma'i rdo rje dang / rin po che'i rang bzhin du 'dzin pa yin no/ /gar zhes bya ba ni/ ba dan gsum mchog sbyor ba yis/ /sgeg bcas mtha' ma la sogs bkrol/ /glog 'gyur mchog tu bskor ba ni/ /
 rdo rje gar zhes de bshad do/ /zhes bya ba 'dis rang gi lus la bskor ba'i gar phyogs bzhir phyag bya ba'i thal mo de gang la yod pa de ni gar gyi thal mo rnams so/ /de gnas gang du bya zhe na/ spyi bo zhes bya ste/ gar gyi thal mo sbyar ba de dag rang gi spyi bor bcings ba'i
 rdo rje gar las byung ba'i phyag bya ba'i thal mo rnams so zhes bya ba'i tha tshig go/ /gos kyis gdong ni g.yogs pa rnams/ /zhes bya ba la ji lta ba bzhin du bshad pa'i ras kyis gdong g.yogs pa ste/ de ltar gyur pa de rnams dpal rdo rje sems dpa' la sogs pa'i rigs lnga'i
 dngos grub 'dod pa ji ltar 'dod pa'i dngos grub 'dod pas te/ slob ma de rnams thams cad rang gi cho gas gzhug par bya'o/ /gang gis dpal rdo rje sems dpa' la sogs pa'i dngos grub gang 'dod pa ni 'dir ci 'dod pa ste/ de lta bu'i 'dod pa'i dngos grub slob
 ma'i tshogs la bsam zhing / slob dpon gyis slob ma rnams me tog dor du gzhug par bya'o/ /sangs rgyas rin chen dbang bskur gyis/ /dam tshig gsum ni gsal bar sbyin/ /zhes bya ba la sangs rgyas nyid ni rin po che ste sangs rgyas rin chen no/ /de dag gis dbang
 bskur ba ni sangs rgyas rin chen dbang bskur ba'o/ /sangs rgyas lnga'i phyag rgya'i dbang bskur ba dang / cod pan la sogs pa'i dbang bskur bas sangs rgyas rin chen dbang bskur bas te de dang bcas pa'i de kho na nyid dang / chos dang / dam tshig sku gsung thugs kyi rdo rje ston
 par byed pa rnams thog mtha' med pa zhes bya ba la sogs pa 'og nas 'chad par 'gyur ba'i dam tshig gsum gyi bshad pa'i gzhung gis de dag sbyin par bya'o/ /de ltar dam tshig gsum ni gsal bar sbyin par 'gyur ro/ /'di zhes bya ba la sogs pa la/ 'di ni dmyal
 ba'i chu yin te/ /khyod dam tshig las 'das pa'i rgyus dmyal ba khyod la sreg par byed do/ /de yang zangs 'bar zhing zhu ba'i chur 'gyur ro/ /dam tshig bsrungs na zhes bya ba la dam tshig dang mi shes pa rnams la rdo rje la sogs pa ma bstan pas sku gsung thugs kyi rdo rje dngos
 grub rdzogs pa'i phyir dngos grub rdo rje'i bdud rtsi'i chu ni thar pa chen po'i bdud rtsi'i chu ste/ dam tshig bsrungs na khyod la 'grub pa yin no/ /dam tshig de gang zhig las 'das pas bdag la skyon cir 'gyur zhe na/ rdo rje zhes bya ba la sogs pa la lha thams cad kyi rdo rje phyag mtshan rnams
 ni rdo rje'o/ /rigs thams cad kyi mtshan mas mtshan pa ni dril bu'o/ /chos dang las dang dam tshig dang phyag rgya chen po rnams te/ khyad par du lha thams cad kyi sku'i gsang ba ni phyag rgyar brjod pa yin no/ /dam tshig de gang zhig las 'das pas bdag la skyon cir 'gyur zhe na/
 phyag rgya la sogs pa rnam pa gsum po 'di dag gal te dkyil 'khor du ma zhugs pa la khyod kyis smras sam/ dad pa med pas gzhan bzhad gad byed ces bya ba la/ rdo rje la sogs pa 'dis ci zhig bya/ /sgom pa kho na gtso bor 'gyur ba yin te/ lag pa rnam par 'gyur
 ba la sogs pa ni ma yin no zhes skye bo'i tshogs kyi nang du gnas nas smod pa gang yin pa 'di ni dam tshig las 'das pa'o zhes bya bas mna' bsgag go/ /de ltar dbang bskur ba'i chus chu blud la dam tshig rab tu bstan nas/ phyag rgya'i dbang bskur ba la sogs pa nas
 dngos grub kyi rdo rje brtul zhugs kyi bar du sbyin par bya'o zhes bya bar bstan par bya ba'i phyir/ de nas zhes bya ba la sogs pa gsungs te de yang go sla'o/ /de ltar dbang bskur ba la sogs pa byin nas de kho na nyid dang / chos dang dam tshig rnams sbyin par bya'o zhes bya ba ni cho ga
 'di rab tu bstan par bya ba'i phyir de la 'di zhes bya ba la sogs pa gsungs te/ de la zhes bya ba ni de dag nye bar dgod pa la'o/ /'di zhes bya ba ni de ma thag tu 'og nas 'chad par 'gyur ba thugs la bzhag par mdzad nas 'di ltar gsungs so/ /mchog ni thog ma dang tha
 ma med pa'o/ /gsang bar gyur pas na gsang bas te dmigs pa med pa'i thugs rje chen po las byung ngo zhes bya ba'i don to/ /mchog kyang yin la gsang ba yang de nyid yin pas na mchog tu gsang ba'o/ /de nyid kyi phyir dam pa ste phul du byung ba'o/ /de gang yin zhe na/ dpal dam
 tshig gsum ni sbyin pa zhes bya ba la lha mo bzhi phreng gi dbus na bzhugs pa'i dpal rdo rje sems dpa'i sku gsung thugs kyi gsang ba ni dpal dam tshig gsum ste/ de sbyin pa ni thog mtha' med pa zhes bya ba la sogs pa bshad pa'i tshig gis slob ma'i rgyud la
 gtad pa'o/ /thog ma ni dang po skye ba'o/ /tha ma ni bar mchod pa'i 'jig pa'o/ /thog ma dang tha ma de dag gang la med pa de ni thog ma dang tha ma med pa'o/ /de gang yin zhe na/ sems dpa' zhes bya ba la de bzhin nyid dang ro gcig pa'i sems dang sems las byung ba rnams ni
 sems dpa' ste/ gzung ba dang 'dzin pa'i rnam par rtog pas mi bskyod pa'i phyir ro/ /de nyid bstan par bya ba'i phyir rdo rje sems dpa' zhes bya ba la sogs pa gsungs te/ rdo rje ni de bzhin nyid do/ /de bzhin nyid dang ro gcig pa'i sems dang sems las byung ba rnams ni
 sems dpa'o/ /rdo rje la sems dpas na rdo rje sems dpa'o/ /de nyid dmigs pa med pa'i thugs rje'i rang bzhin nyid kyi sems can gyi don chen po la chags pas na dga' ba chen po'o/ /ji skad du/ rtag tu dri med thugs rje'i shugs las byung / /smon lam grub pa mi
 'gag chos nyid can/ /'gro ba'i don ni yang dag sgrub byed mchog /thugs rje'i bdag nyid rtag tu rnam par mdzes/ /zhes bya ba 'byung ngo / /'dis ni bcom ldan 'das gzhan gyi don gyi thabs kyi rang bzhin can du bstan to/ /dga' ba chen po'i don nyid bstan pa'i phyir
 kun du bzang po zhes bya ba gsungs te/ kun nas bzang po'i dge ba gang las byung ba de ni kun du bzang po'o/ /thams cad kyi bdag nyid yin pas na kun bdag nyid do/ /rigs lnga'i lha rnams kyi rang bzhin gyis 'od gsal ba'i sems dang sems las byung ba'i rang bzhin
 nyid yin pa'i phyir ro/ /dpal rdo rje sems dpa' phyag rgya chen po dang / bcom ldan 'das ma dpal rdo rje sems dpa'i rig pa'i lha mo ni rdo rje bsnyems ma ste/ de'i bdag po ni chos kyi dbyings kyi rang bzhin can gyi dpal rdo rje sems dpa'o/ /bdag ces bya ba ni bdag po'o/ /
 'di ltar 'chad par 'gyur te/ chos kyi dbyings kyi rang bzhin gyi rdo rje sems dpa' ni phyag rgya chen po bskyed pa'i rgyu nyid yin pas bdag po zhes bya'o/ /mchod dang po'i skyes bu bcom ldan 'das zhes bya ba la/ rgyu la 'bras bu nye bar btags pa byas nas chos kyi dbyings
 nyid mchog dang po'i skyes bu bcom ldan 'das rdo rje 'chang chen po nyid du bstan to/ /rdo rje zhes bya ba la dang po'i rdo rje brjod do zhes bya ba dang sbyar ro/ /gang gis brjod par bya zhe na/ mchog gi de kho na nyid kyis zhes bya ba la gang zhig thog mtha' med pa zhes bya ba nas brtsams
 te/ ji srid mchog dang po'i skyes bu bcom ldan 'das so zhes bya ba'i bar gyis bstan pa 'di ni mchog gi de kho na nyid de/ des slob ma rnams la rdo rje sbyin par bya'o/ /ci byas nas she na/ gsang ba lnga'i de kho na nyid bshad nas zhes bya ba la rdo rje sems dpa' dang / 'dod
 chags rdo rje ma dang / rdo rje kI li kI la dang / rdo rje dran ma dang / rdo rje 'dod pa'i dbang phyug ma'i rang bzhin can gyi gsang ba lnga'i de kho na nyid chen po 'di 'og nas 'chad par 'gyur ba'i tshig gis slob ma rnams la yang dag par bstan la/ de nas mchog gi de kho na nyid kyis rdo rje
 sbyin par bya'o/ /de ltar mchog gi de kho na nyid kyis rdo rje byin nas/ chos kyi dril bu slob ma rnams dkrol du gzhug go zhes bya ba'i cho ga 'di rab tu bstan par bya ba'i phyir/ 'di de zhes bya ba la sogs pa gsungs te/ 'das ma thag tu bshad pa'i thog ma dang tha ma med pa
 gang yin pa de ni 'di ste mchog dang po'i skyes bu bcom ldan 'das so/ /mchog gi thog ma dang tha ma med pa'o/ /srid pa'i bdag po zhes bya ba ni khams gsum ma lus pa'i chos kyi rgyal srid thob pa'i phyir ro/ /thams cad kyi mchog kyang yin la dbang phyug dam pa yang de
 nyid yin pas na thams cad kyi mchog gi dbang phyug dam pa'o/ /nyan thos pa dang rang sangs rgyas dang byang chub sems dpa' thams cad las phul du byung bas na/ thams cad las phul du byung ba thams cad kyi mchog go/ /khams gsum pa ma lus pa'i bdag po nyid
 thob pas dbang phyug dam pa'o/ /des ci mdzad ce na/ mchog chos la bka' stsol ba yin no zhes bya ba la mchog kyang yin la chos kyang de nyid yin pas na mchog chos zhes te rigs lnga'i sku gsung thugs kyi rdo rje rnams so/ /de phyogs bcu kun du gdul bya rnams
 la bka' stsal pa ni rtog par mdzad pa'o/ /de yang thog ma med pa chos kyi dbyings so/ /des mchog gi chos ji ltar bka' stsal pa yin zhe na/ de bzhin gshegs pa zhes bya ba la/ gang gi phyir de ni ji ltar rigs thams cad kyi sku gsung thugs kyi rdo rje thams cad dang / chos
 kyi dbyings kyi bdag po nyid du zhugs pa de bzhin du mkhyen cing gzhan dag la yang de bzhin du ston par mdzad pa'i phyir ro/ /phyin ci log gi chos ci'i phyir gsung ba ma yin zhe na/ rang bzhin dag pa zhes bya ba la chos kyi ser sna la sogs pa'i bag chags dang bcas pa'i
 nyon mongs pa dang bral bas na rang bzhin gyis dag pa'o/ /ni'i sgra ni gang gi phyir gyi don to/ /srid pa ni/ ngo bo nyid kyis srid bral byas/ /zhes bya ba la 'dod pa dang gzugs dang gzugs med pa'i srid pa ni srid pa rnams so/ /de dag gi ngo bo nyid rnams ni yang dag pa ma
 yin pa'i kun du rtog pa'i rang bzhin can gyi sems dang sems las byung bas te/ de dag dang bral ba'o/ /de ltar 'chad par 'gyur te/ gang gi phyir mchog dang po'i skyes bu bcom ldan 'das de rang bzhin gyis dag pa dang / srid pa'i rang bzhin rnams dang bral ba de'i
 phyir mchog gi chos bka' stsal pa yin no/ /skyon zad pa ni brdzun gyi tshig brjod pa'i rgyu med pa'i phyir ro/ /mchog dang po'i skyes bu bcom ldan 'das yon tan de lta bu dang ldan pa gang gis srid pa mchog mdzad pa yin zhe na/ rang bzhin dag pa'i sems dpa' mchog/ /
 srid pa mchog ni mdzad pa yin/ /zhes bya ba la don dam par yang dag pa ma yin pa'i kun du rtog pa dang bral ba'i phyir rang bzhin gyis dag pa'i sems dpa' mchog ni byang chub sems dpa' rnams so/ /sems dpa' mchog de dag gis srid pa mchog tu zad pa yin zhes bya'o/ /
 srid pa ni mchog dang po'i skyes bu mi gnas pa'i mya ngan las 'das pa'i rang bzhin du mdzad pa ni rtogs par mdzad pa yin te/ dngos po la mngon par zhen pa'i nyan thos dang rang sangs rgyas rnams kyis ni ma yin no/ /mchog tu gsang ba'i chos nyid 'bebs pa zhes bya ba gang
 yin zhe na dril bu ste/ sgra'i rjes su 'gro ba'i shes rab ston par byed pa'i rdo rje dril bu'o/ /ji skad du/ rdo rje des rtogs shes rab ni/ /dril bu dbyangs kyi rjes 'gror bshad/ /bdag gzhan don ni rab bsgrub pa'i/ /sangs rgyas mchog nyid 'di yin no/ /zhes gsungs so/ /
 de dus gang gi tshe dkrol bar bya zhe na/ de bzhin gshegs pa thams cad ces bya ba la sogs pa rigs lnga'i lha rnams ni de bzhin gshegs pa thams cad de/ de rnams la me tog la sogs pa dang / rdo rje mtshon cha ma la sogs pa phyag rgya bcu gnyis kyis mchod pa rnams
 kyis yang dag par mchod pa'am/ rjes su rnal 'byor gyi sbyor bas rang gi lus la ye shes sems dpa' bcug la dam tshig gi phyag rgyas rab tu bsgrubs te/ ji skad bshad pa'i dbyangs kyi rjes su 'gro ba'i shes rab kyi mtshan nyid can gyi chos kyi dril bu dkrol bar bya
 ste/ slob ma rnams la bstan par bya'o/ /de ltar chos kyi dril bu dkrol bas ci byed ce na/ chos thams cad kyi de kho na nyid sad pa'i 'bebs pa rnams kyis dril bu des rnal 'byor pa'i sgrib pa thams cad rnam par dag par byed pa yin no/ /chos kyang yin la thams
 cad kyang yin pas na chos thams cad de/ rigs thams cad kyi sku gsung thugs kyi rdo rje rnams so/ /de dag gi de kho na nyid ni gsang ba lnga'i de kho na nyid chen po ste/ de thog ma med pa la zhes bya ba la sogs pa 'og nas gsungs pa yin no/ /gdul bya'i skye bo'i rgyud la de
 bzhin nyid du phul du byung bas rab tu sad pa ni gdul bya rnams kyi de'i rang bzhin mngon du byed pa'i phyir 'bebs pa ni ye shes bskyed pa'o/ /byed par 'gyur ba'i 'bebs pa rnams kyi de kho na nyid rtogs pa'i gegs byed pa'i sgrib pa thams cad rnam par dag pa ni dril bu de'i
 sgrub pa po'i sgrib pa spong bar byed pa yin no/ /'di yang ji ltar 'gyur zhe na/ thams cad ces bya ba la sogs pa gang gi phyir de dpal rdo rje sems dpa' la sogs pa'i sku gsung thugs kyi rang bzhin can gyi rdo rje thams cad rnal 'byor pa'i rgyud la 'bebs par byed
 pa'i phyir de nyid du rdo rje thams cad rab tu sgrub par byed pa'o/ /dbang du byed pa ni rang la rag las par byed pa'o/ /rab tu dang bar byed pa ni rdo rje thams cad kyi spyod yul de rnal 'byor pa'i sems dang bar byed pa de nyid yin no zhes bya ba ni sgra ni nges pa la de ltar nges par bskyed nas sgrub
 pa po grub par 'gyur ro/ /de ltar chos kyi dril bu dkrol ba bstan nas/ dam tshig gi phyag rgya chen po byin gyis brlab pa bstan par bya ba'i phyir zhes bya ba'i cho ga 'di rab tu bstan par bya ba'i phyir de nas zhes bya ba la sogs pa gsungs te/ chos kyi dril bu gcig ces bya ba
 bstan nas/ de'i rjes thogs nyid du srid pa rnam par dag pa mi gnas pa'i mya ngan las 'das pa'i mchog gi thabs zhes bya ba ni mchog kyang yin la thabs kyang de nyid yin pas na mchog gi thabs so/ /de ji lta bu zhe na/ rtog pa thams cad ces bya ba ni dpal rdo rje sems
 dpa' la sogs pa thams cad kyi gsang ba chen po'i dam tshig ni/ gsang ba chen po yang yin la dam tshig kyang yin pas na gsang ba chen po'i dam tshig go/ /rtog pa thams cad kyi gsang ba'i dam tshig ni rtog pa thams cad kyi gsang ba chen po'i dam tshig ste/ dpal rdo rje
 sems dpa' la sogs pa'i sku'i gsang ba'i rang bzhin can no/ /de nyid rtag tu rnal 'byor gyi bsgom pas bar mchod par bsten par bya ste/ shin tu mnyam par bzhag pa dang mnyam par ma bzhag pa'i rnal 'byor dag gis mngon du bya'o zhes bya ba slob tu gzhug
 go/ /'di la 'di zhes bya ba ni snga ma bzhin no/ /khyod la zhes bya ba ni khyod kyi dam tshig go zhes bya ba'i tha tshig go/ /de gang yin zhe na/ srid pa zhes bya ba la sogs pa 'byung bas na srid pas te mi gnas pa'i mya ngan las 'das pa'i mtshan nyid can gyi sku'i gsang ba'i rang
 bzhin no/ /shin tu myur ba ni myur ba kho nar dpal rdo rje sems dpa' la sogs pa'i bde ba'i rgyu yin pas na shin tu myur bar bde ba'o/ /ni'i sgra ni nges par gzung ba ste myur ba kho nar bde ba'o/ /sdug bsngal chen po dag par bya ba'i phyir zhes bya ba la sogs pa la gong nas gong du
 rnam pa bcu'i sdug bsngal thog ma med pa'i 'jig rten las byung ba gang yin pa de sgrub pa po'i rgyud la spong ba'i phyir rnam par dag pa'o/ /gang gi phyir shin tu bde ba dam pa ni gnyis su med pa'i ye shes kyi thabs ni rgyu'o/ /de yang dam tshig 'di zhes bya ba ni mi gnas
 pa'i mya ngan las 'das pa'i rang bzhin can gyi srid pa 'di yin te/ de yi phyir 'di rtag tu gzung / /zhes bya ba ni rtag tu rnal 'byor gyi bar mchod pa nyid du sgoms shig pa'o/ /de ji ltar zhe na/ 'dod pa'i longs spyod thams cad ni/ /zhes bya ba la sogs pa la 'dod
 pa'i longs spyod kyang yin la thams cad kyang de nyid yin pas na 'dod pa thams cad la longs spyod pa ste/ 'dod chags rdo rje ma la sogs pa'i mchod pa'i lha mo bcu gnyis dang / dpal rdo rje sems dpa' sgrub pa dang rjes su mthun pa'i rgyan dang / dbyibs dang /
 me tog dang / spos dang / dri la sogs pa'o/ /de la 'dod pa ni rdo rje sems dpa' ste/ mngon par 'dod par bya bas na 'dod pa'o/ /ji skad du/ sems dpa' 'dod pa bcom ldan 'das/ /zhes gsungs so/ /gzhan yang / khams gsum pa ni ma lus pa/ /
 thams cad de yi longs spyod yin/ /zhes gsungs so/ /ci'i 'dod pa ni brten bzhin du/ /zhes bya ba la/ de la dpal rdo rje sems dpa'i rgyan rnams kyis bdag nyid brgyan cing / rnal 'byor dang rjes su mthun pa'i gos la sogs pa la longs spyod pa dang / rang gi
 lha mo'i tshogs la yang shin tu rnal 'byor gyi bsgom pas rol cing bsten pa'o/ /de yang ji ltar bsten par bya zhe na/ ci 'dod pa zhes bya ba la 'dod pa ma lus pa'i longs spyod thams cad bsten pa'am/ phyogs gcig gi nus pa dang rjes su mthun par byed par gyur pa de
 rnams kyis mchod par bya'o zhes bya ba dang sbyar ro/ /rnal 'byor gang gis de rnams la bsten pas/ rang gi lha yi sbyor ba yis/ /zhes bya ba la rang gi lha'i sbyor ba ni rnal 'byor chen po'am/ rnal 'byor gcig gis byas nas de'i rjes la rang gi bdag nyid
 dam gzhan rnams sangs rgyas dang byang chub sems dpa' dang slob ma'i tshogs de dag gis mchod par bya'o/ /'di ltar 'chad par 'gyur te/ rang gi lha'i rnal 'byor gyis ye shes sems dpa' gcig pu rang gi lus la gzhug pa'am/ rnal 'byor chen po byas la rang
 gi rigs kyi dkyil 'khor pa thams cad spyan drangs nas cho ga thams cad rjes su spyad la/ mchod pa thams cad kyis yang dag par mchod de phyag byas nas rang gi lha mo'i tshogs thams cad dang / bdag nyid gzugs brnyan dang mnyam par bsams la de dang rang lhan cig tu
 yang dag par sbyor bar bsgom zhing bdag nyid dang de bzhin gshegs pa la sogs pa rnams so sor rtog pa'i mchod pas mchod par bya'o/ /dam tshig gang gis rang dang gzhan gyi mchod pa bdag gi bya ba'i dam tshig de gang yin zhe na/ de bzhin gshegs pa thams cad ces
 bya ba la sogs pa la de bzhin gshegs pa yang yin la thams cad kyang de nyid yin pas na de bzhin gshegs pa thams cad de/ 'jig rten gyi khams thams cad kyi rdul phra rab dang mnyam pa'i rnam par snang mdzad la sogs pa rnams so/ /de rnams kyi thog ma dang tha ma
 med pa'i shes rab kyi pha rol tu phyin pa'i thabs kyi ye shes byang chub sems dpa'i lam 'bras bu dang bcas pa'i ngo bo nyid ni mchog tu gsang ba bla na med pa'i theg pa chen po'o/ /mchog tu gsang ba yang yin la bla na med pa'i theg pa chen po yang de nyid yin pas na/ mchog
 tu gsang ba bla na med pa'i theg pa chen po'o/ /de las kyang phul du byung bas na theg pa chen po'i yang chen pos te/ de gang gi phyir theg pa chen po des bskal ba grangs med pa gsum gyis sangs rgyas nyid thob po zhes bcom ldan 'das kyis gsungs so/ /rdo rje theg pa 'dis
 ni skye ba 'di nyid la'o zhes bya ba gsungs pa yin no/ /de la yang rigs lnga'i de bzhin ni rdo rje ste/ de ston par byed pa'i rtse lnga pa ni 'dir rdo rje yin no/ /de las byung ba'i rnam par snang mdzad la sogs pa'i theg pa'o/ /de nyid nam mkha'i khams thams cad du rtag tu bzhugs pa'i sku
 gsung thugs kyi rang bzhin dang / de bzhin nyid kyi ngo bo nyid thams cad du 'gro bas na dam tshig chen po'o/ /de'i rnal 'byor ni rgyu mthun pa'i 'bras bus te/ rdo rje dang dril bu 'dzin pa'i bcom ldan 'das rdo rje sems dpa' ji lta ba bzhin du bshad pa'i mtshan nyid dang ldan
 pa'o/ /dam tshig ni thog ma dang tha ma med pa'i chos kyi dbyings las byung ba'i bcom ldan 'das rdo rje sems dpa'i sku'i gsang ba gzugs brnyan dang mtshungs par so sor snang ba tsam dam tshig yin te/ kun gzhi'i rnam par shes pa'i rang bzhin can gyi 'khor ba'i
 ngo bo ni ma yin no/ /de ci'i phyir zhe na zhes bya ba la rgyu gang gi phyir chos kyi dbyings las byung ba'i ngo bo kho na dam tshig yin gyi 'khor ba las byung ba ni ma yin no zhe na/ 'di ltar zhes bya ba la sogs pa la 'di ltar zhes bya ba'i sgra ni gang gi phyir zhes bya ba'i tha tshig go/ /de'i phyir
 'da' bar dka' ba nyid kyi phyir zhes bya ba gsungs so/ /gang gis 'da' bar dka' zhe na/ de bzhin gshegs pa kun gyis kyang / /zhes bya ba la de bzhin gshegs pa yang yin la kun kyang de nyid yin pas na de bzhin gshegs pa kun te/ 'jig rten gyi khams thams cad
 kyi rdul phra rab dang mnyam pa'i rnam par snang mdzad la sogs pa'o/ /de dag gis kyang bcom ldan 'das rdo rje sems dpa'i thog ma dang tha ma med pa chos kyi dbyings las byung ba'i sku'i gsang ba'i phyag rgya ni 'da' bar dka' ba yin no/ /kyang gi sgras ni rdo rje rgyal po la sogs
 pa'i rnal 'byor gyi dbang phyug thams cad gzung ngo / /'dis ni don 'di 'chad par 'gyur te/ gang gi phyir chos kyi dbyings las byung ba'i rdo rje sems dpa' ni de bzhin gshegs pa thams cad kyis kyang 'da' bar dka' ba de'i phyir dam tshig ces bya ba yin no/ /ci'i phyir de bzhin
 gshegs pa rnams kyis kyang de 'da' bar dka' ba yin zhe na/ phyag rgya zhes bya ba la sogs pa la ni'i sgra ni ci'i phyir gyi don du'o/ /gang gi phyir yid kyis gzugs bstan pa nyid kyi phyir phyag rgya kho na dam tshig tu brjod pa de'i phyir/ de bzhin gshegs pa thams cad kyis
 kyang 'da' bar dka' ba yin no/ /de la rang gi phyag rgya chen por bskyed pas dngos po thams cad la rgyas 'debs pa ni rdo rje sems dpa' nyid du mdzad pa'i phyir phyag rgya ste/ dpal rdo rje sems dpa'i sku'i gsang ba'i rang bzhin gyi phyag rgya chen po'o/ /de ltar gzhan du yang shes par
 bya'o/ /dam tshig ni bshad zin to/ /de nyid rab tu brjod pa mthar thug pa'i don bcom ldan 'das rdo rje sems dpas gsungs pa yin no/ /yid ces bya ba ni dmigs pa med pa'i thugs rje chen po'i mtshan nyid can gyi thog ma dang tha ma med pa'i chos kyi dbyings ni 'dir yid do/ /
 de'i gzugs ni rdo rje sems dpa'i phyag rgya chen po ste de ni de las byung ngo / /bstan pa ni sems can dang sems can ma yin pa rnams kyis mi phyed pa nyid de/ yid kyis gzugs bstan pa'i rgyu de nyid kyi phyir ro/ /'dis ni 'di skad 'chad par 'gyur te/ de bzhin gshegs pa thams cad
 dang rigs rnams dmigs pa med pa'i thugs rje chen po las byung bas te/ de'i phyir rdo rje sems dpa'i phyag rgya chen po'i gzugs kyis 'dul bya sems can rnams 'dul bar mdzad pa'i phyir/ nges pa nyid du de bzhin gshegs pa dang / rigs thams cad kyis de'i
 gzugs su gzhug pa yin no/ /de kho na nyid bsgoms pa tsam nyid kyis chos bdag med pa'i ye shes skye ba yin te/ de nyid kyis bag chags dang bcas pa'i nyon mongs pa thams cad kyi bud shing sreg par 'gyur te/ de bas na chos dang dam tshig gi sgom pa don med pa yin no zhes
 rnam par brtag pa de'i lan gdab par bya ba'i phyir de la 'di brjod par bya'o zhes bya ba gsungs so/ /'di ci brjod par bya zhe na/ ji srid 'khor ba'i zhes bya ba la sogs pa gsungs te/ de yang sngar bshad zin to/ /'di ltar 'chad par 'gyur te shes rab kyi pha rol tu phyin pa'i
 sgom pas ni chos thams cad kyi dngos po'i rang bzhin rtogs par 'gyur ba yin te/ des kyang shin tu yongs su mya ngan las 'das par 'gyur ro zhes bya ba'i skyon du 'gyur ba'i phyir gzhan gyi don gyi thabs su 'byung ba dang / mi gnas pa'i mya ngan las 'das pa sgrub par byed
 pa chos dang dam tshig kyang sgom par byed pa yin no/ /byang chub sems dpa' shes rab kyis 'ching ba yin te/ yongs su mya ngan las 'das pa'i mthar thug pa nyid kyi phyir ro/ /'khor bar yongs su mthar thug pa nyid kyi phyir thabs kyis kyang 'ching ba yin te/ byang chub
 sems dpa' ni 'khor ba la gnas par mi bya/ mya ngan las 'das pa la yang gnas par mi bya'o zhes bya bas shes rab dang thabs zung du 'jug par byed de/ lam bsgom par bya'o zhes bya ba dang / 'phags pa 'jig rten las 'das pa'i rdo rje las kyang / kye 'phags
 pa dag stong pa nyid gcig pu'i ting nge 'dzin gyis ni nyan thos dang rang sangs rgyas kyi yongs su mya ngan las 'da' bsgrub par byed cing sdug bsngal mi zad pa skyed par byed la/ sangs rgyas 'byung ba rnyed par dka' bar byed pa yin te/ de bas na shes rab dang thabs zung du
 'jug par byed pa'i lam yin no zhes bya ba'i chos de bzhin gshegs pas gsungs pa yin no/ /de ma rtogs pa'i sems can de rnams kyi chos bstan pa 'di thos nas mi bzad pa'i sdug bsngal de las grol bar 'gyur ba yin no/ /dam tshig 'dis ni mchog bsgrub
 cing / /zhes bya ba la gzugs brnyan dang mtshungs pa'i dpal rdo rje sems dpa' bsgom pa'i mtshan nyid can gyi dam tshig 'di ste 'das ma thag tu bshad pas/ mchog ni phul du byung ba dpal rdo rje sems dpa' sgrub pa ni rang la rag las par bya ba'o/ /ni'i sgra ni nges par
 gzung ba la ste bsgrub par bya ba kho na yin no zhes bya'o/ /ci bde ba ni sdug bsngal dang yid mi bde ba thams cad kyi skabs med pa zhes bya'o/ /de ltar cir 'gyur zhe na/ nyes par spyad pa dang / sdig pa zhes bya ba la sogs pa la mi rigs par yongs su spyod pa ni nyes par spyod
 pa ste ngan par spyod pa'o/ /ji skad du shA ri'i bu khyod kyis nyes par spyad do zhes bya ba gsungs so/ /lus la sogs pa'i nyes par spyod pa ni sdig pa ste de dag thams cad kyis gnod par mi 'gyur ro/ /phyag rgya chen po bsgoms pa'i stobs kyis sdig pa thams
 cad las grol bar 'gyur ro zhes bya ba'i don to/ /byas pa dang byed du bcug pa dang / rjes su yi rang ba'i sdig pa thams cad grol bar 'gyur ba gcig pur ma zad kyi/ 'dod pa chen po grub par 'gyur/ /zhes bya ba la byang chub chen po'i mtshan nyid can gyi dpal rdo rje sems
 dpa' ni 'dod pa chen po ste/ de yang rnal 'byor pas 'grub par 'gyur ro/ /ji lta bu zhe na/ kun bdag dam tshig dbang phyug ces bya ba ni kun bdag nyid kyang yin la dam tshig dbang phyug kyang yin pas kun bdag dam tshig dbang phyug ste/ thog ma dang tha ma med pa'i
 chos kyi dbyings kyi rang bzhin dang phyag rgya thams cad bskyed pa'i rgyu'i dbang phyug gtso bo zhes bya ba'i don to/ /thams cad rdo rje 'dzin rgyal po/ /zhes bya ba ni bshad zin to/ /kun mchog dbang phyug dam pa zhes bya ba ni kun mchog kyang yin la dbang phyug dam pa yang de
 nyid yin pas na kun mchog dbang phyug dam pa ste/ ma lus sgrub pa grub 'gyur te/ /zhes bya ba las kyi tshogs kyi dngos grub kyis te las rgya'i dngos grub kyis grub par 'gyur ro/ /ji ltar zhe na/ bdag gzhan thams cad rgyas btab pas/ /zhes bya ba la 'das ma
 thag tu bshad pa'i dam tshig des rang gi rgyud la rgyas btab pa dang / de bzhin gshegs pa la sogs pa gzhan rnams la rgyas btab pas las kyi tshogs kyi dngos grub rnams kyis bcom ldan 'das sgrub pa po la myur du 'grub par 'gyur ro/ /yang na bsgrub bya kun
 la yang / /zhes bya ba la yid bzhin gyi nor bu dang / bum pa bzang po dang / ral gri dang tri shU la dang 'khor lo dang rdo rje dang / pad+ma dang / bsgrub bya la sogs pa'i bsgrub bya rnams la ji lta ba bzhin du bshad pa'i bcom ldan 'das bsams na bsgrub bya de rnams 'grub
 par 'gyur ro/ /rgyu gang gis de rnams 'grub par 'gyur zhe na/ don yod ces bya ba la sogs pa la gang gi phyir de don yod cing mchog ste thog ma dang tha ma med pa'o/ /grub pa zhes bya ba ni mngon par 'dod pa'i 'bras bu rdzogs bar mdzad pa'i phyir rdzogs pa'o/ /rnal 'byor
 thams cad rjes su sgrub/ /ces bya ba ni rnal 'byor dang rjes su rnal 'byor dang / shin tu rnal 'byor rdzogs par mdzad pa'o/ /dpal ldan zhes bya ba ni brtan pa dang g.yo ba'i dngos po thams cad kyi rang bzhin can gyi dpal rdo rje sems dpa'i phun sum tshogs pa dang ldan
 pa'o/ /sdug bsngal kun 'phrog ces bya ba ni 'ching ba la sogs pa'i sdug bsngal thams cad 'phrog par mdzad pa'o/ /dam tshig 'da' bar dka' ba'o/ /zhes bya ba ni ji lta ba bzhin du bshad pa'i mtshan nyid can gyi dam tshig dngos grub thams cad rdzogs par byed pa la
 'da' bar dka' ba yin no/ /rdo rje la sogs thob pa 'dzin/ /zhes bya ba ji lta ba bzhin du bshad pa'i dam tshig gsum gyi rdo rje la sogs pa thob pa gang yin pa de nyid 'dzin pa ste/ rdo rje la sogs pa thob pa 'dzin pa de nyid las phyag rgya chen po'i dngos grub thams cad las
 byung ba'i bde ba rnams rdo rje slob mas dkyil 'khor du nyams su myong ba yin no/ /ni'i sgras ni nges par gzung ba la brtan pa la sogs pa thob cing gzung ba kho na zhes bya ba'o/ /kun du 'bebs pa zhes bya ba ni kun nas 'bebs pa ni kun nas 'bebs pa ste/ rdo rje sems dpa' la sogs pa'i sku
 gsung thugs kyi rdo rje rnams rdo rje slob ma'i rgyud la 'jug pa'o/ /kun nas 'bebs pa'i rgyud de nyid las dngos grub thams cad kyi bde ba rnams dkyil 'khor du nyams su myong ba ni myong ba yin no/ /ni'i sgra ni gang gi phyir gyi don te/ gang gi phyir rdo rje slob ma rnams kun
 du 'bebs pas dngos grub thams cad kyi bde ba rnams dkyil 'khor du nyams su myong ba de'i phyir/ gzengs bstod pas de bzhin gshegs pa thams cad la lung bstan par bya'o zhes bya ba dang sbyar ro/ /kyang gi sgra ni bsdu ba ste/ dam tshig gsum sbyin par bya ba dang /
 gzengs bstod pa dang lung bstan par bya'o/ /de yang ji ltar bya zhe na/ kun zhes bya ba la sogs pa la rin chen 'byung ldan gyi nga rgyal gyis de bzhin gshegs pa rin chen 'byung ldan gyi las kyi phyag rgya bcings la/ rdo rje ming gi ming dbang bskur ba rnams kyis
 de bzhin gshegs pa rnams la lung bstan par bya'o/ /ni'i sgra ni nges par bzung ba la bya ste/ rdo rje slob ma de rnams de bzhin gshegs pa kho nar lung bstan par bya ste/ de bzhin gshegs pa ma yin par ni ma yin no zhes bya ba'o/ /de la 'di zhes bya ba la sogs pa ni
 go sla'o/ /mchog tu gsang ba'i cho ga ni dkyil 'khor te/ der slob ma gang la slob dpon gyis gzengs bstod pas lung bstan par byas na/ de la rdo rje sems dpa' la sogs pa rnams kyis lung ston par mdzad do zhes bya ba dang sbyar ro/ /rdo rje sems dpa' thog ma gang
 la yod pa de ni rdo rje sems dpa' la sogs pa'o/ /de dag kyang gang yin zhe na/ de bzhin gshegs pa thams cad ces bya ba ni rnam par snang mdzad la sogs pa'o/ /rdo rje 'chang dang bcas pa zhes bya ba la sogs pa la de dang lhan cig pas na rdo rje 'chang dang bcas pa'o/ /
 byang chub sems dpa' chen po'i 'khor gyi dkyil 'khor dang bcas pa'i zhes bya ba ni 'phags pa byams pa dang lhan cig tu bzhugs pas na byang chub sems dpa'i 'khor gyi dkyil 'khor dang bcas pa'o/ /de bzhin gshegs pa thams cad kyi rang gi dam tshig ni
 rigs lnga'i dkyil 'khor rnams te/ de dag gi slob dpon rnams ni de bzhin gshegs pa thams cad kyi rang gi dam tshig gi slob dpon rnams so/ /rdo rje sems dpa' la sogs pa'i de bzhin gshegs pa de rnams ji lta ba bzhin du bshad pa/ rigs thams cad
 kyi dkyil 'khor byed pa'o zhes bya ba'i don to/ /mnyam par zhes bya ba ni dus gcig tu'o/ /de nyid bshad par bya ba'i phyir mgrin gcig tu zhes bya ba gsungs pa yin no/ /ji skad bshad pa'i rdo rje sems dpa' la sogs pa'i de bzhin gshegs pa thams cad kyis
 gcig pa nyid du bla na med pa yang dag par rdzogs pa'i byang chub tu lung ston par mdzad do zhes bya ba dad par bya ba'o zhes bya ba dang sbyar ro/ /gang gi stobs kyis she na ji lta ba bzhin du bshad pa'i gzengs bstod pa dang phyag rgya chen po'i stobs kyis so/ /mchog tu gsang ba
 dam pa'i dngos grub kyis byin gyis brlabs so zhes bya ba la/ mchog tu gsang ba ni ji lta ba bzhin du bshad pa'i dkyil 'khor 'di lta ste/ der dpal rdo rje sems dpa' la sogs pa'i sku gsung thugs slob ma'i rgyud la rdzogs pa gang yin pa de ni dngos grub dam pa ste/
 gzengs bstod pa'i phyag rgya chen po de nyid kyis 'di byin gyis brlabs pa yin te/ byin gyis brlabs pa de'i stobs kyis zhes bya ba dang sbyar ro/ /oM 'di ni ngas khyod lung bstan yin/ /zhes bya ba la sogs pa'i sngags 'di nyid kyis dad par bya ba ni rdo rje slob ma thams cad
 kyis rtogs par bya ba yin no/ /de nas zhes bya ba la 'das ma thag tu gang dag dpal rdo rje sems dpa' la sogs pa'i cho gas ji lta ba bzhin du bzhugs pa de rnams la/ de bzhin gshegs pa thams cad 'dus pa ste de 'jug pa la sogs pa'i thog mar gang yod pa de
 ni de bzhin gshegs pa thams cad kyi 'dus pa la sogs pa ste/ de yang dbugs dbyung ba ni gdul bya rnams la gang gis dga' ba skyed par byed pas na dbugs dbyung ba ste/ de nyid slob ma rnams la slob dpon gyis gsal bar bstan par bya'o zhes bya'o/ /rang
 gi dam tshig ni yi ge hUM ste/ des rjes su chags pa ni dkyil 'khor la mngon du phyogs par byas pa'o/ /de nyid kyi dkyil 'khor gyi phyogs bzhir dgug pa ni drangs pa'o/ /de nyid kyi stobs kyis gsang ba'i dkyil 'khor 'dir de rnams sgo bzhi nas 'jug pa'o/ /
 dbang du byas pa ni de nyid kyi stobs kyis slob dpon gyis rang la rag las par byas pa'o/ /sgrub pa ni dam tshig gi phyag rgya la sogs pas sgrub pa'o/ /rjes su sgrub pa ni glu dang rol mo'i cho gas so/ /rdo rje dbyings thams cad ni dpal rdo rje sems dpa' la sogs pa'i
 sku gsung thugs kyi rdo rje rnams so/ /de rnams kyi bstan pa nyid ni mi phyed pas te/ phyed par bya ba dang phyed par byed pa'i ngo bo nyid med pa des dpal gsang ba'i dkyil 'khor 'dir bstan par gyur pa ste/ de bzhin gshegs pa thams cad kyi sku gsung thugs
 kyi rdo rje'i rang bzhin rnams kyis 'dir mi phyed par 'gyur ba yin no/ /chos kyi dbyings thams cad ces bya ba la/ chos kyi dbyings kyang yin la thams cad kyang de nyid yin pas na chos kyi dbyings thams cad de de nyid do/ /de kun du ste phyogs bcur kun du 'gro zhing bzhugs
 pa'o/ /de'i dngos po ni kun du bzhugs pa nyid de/ de gsang ba'i dkyil 'khor 'dir mtha' yas pa'i sku gsung thugs kyi rdo rje rnams kyis kun nas bzhugs pa ni khyab pa yin no/ /'dis ni 'di ltar 'chad par 'gyur te/ chos bdag med pa'i ye shes dang / de'i
 'bras bu de bzhin gshegs pa thams cad kyi sku gsung thugs kyi rdo rje'i rang bzhin can gang yin pa des ni thams cad du khyab pa yin pas mtha' yas pa'i rgyud las byung ba'i phyir mtha' yas par gyur pa yin no zhes bya ba'o/ /de ltar 'jig rten las 'das pa la rab tu
 grags pa'i chos kyi dbyings kun du bzhugs pa nyid kyis de bzhin gshegs pa rnams kyi tshad med pa nyid bstan nas/ da ni 'jig rten las rab tu grags pa'i mtha' yas pa nyid bstan par bya ba'i phyir nam mkha'i khams thams cad ces bya ba la sogs pa gsungs
 te/ nam mkha'i khams kyang yin la thams cad kyang de yin pas na nam mkha'i khams thams cad de/ 'jig rten la rab tu grags pa'o/ /de'i rgya chen po nyid gang yin pa de ni nam mkha'i khams thams cad kyi rgya chen po nyid de phyogs bcu nam mkha'i mtha' yas
 pa'i dngos po nyid do/ /rgya chen po de nyid kyis gsang ba'i dkyil 'khor 'dir dpag tu med pa'i sku gsung thugs kyi rdo rje rnams kyis bzhugs shing / rab tu bzhugs pa ni shin tu bzhugs pa'o/ /de rnams kyis khyed cag la dbugs dbyung ba mdzad pa yin te/ de la dang
 par bya'o zhes bya ba dang sbyar ro/ /ci mdzad nas she na de bzhin gshegs pa thams cad ces bya ba la sogs pa la de bzhin gshegs pa thams cad kyi rang gi dam tshig ni bshad zin to/ /de ltar slob dpon ni dkyil 'khor gyi slob dpon de la rag las pa ni de'i dbang du gyur pa ste/
 de bzhin gshegs pa thams cad nyid gdul bya rnams la mngon du mdzad nas/ de bzhin gshegs pa thams cad kyi dkyil 'khor gyi slob dpon 'di nyid de bzhin gshegs pa yin no zhes byin gyis brlabs pa ni de bzhin gshegs pa thams cad kyi rang bzhin can gyi dkyil
 'khor bstan par mdzad nas/ de bzhin gshegs pa thams cad kyi dkyil 'khor gyi slob dpon ni rang gi dam tshig gi slob dpon dang mgrin gcig tu 'da' bar dka' ba'i slob dpon gyi zhal gyis khyed rnams la dbugs dbyung bar mdzad pa yin te/ khyed kyis dad par bya ba
 ni the tshom mi bya'o/ /mthong ba zhes bya ba ni rdo rje lcags kyu ma nas rdo rje sems dpa'i bar du kha dog dang dbyibs kyi bdag nyid can gyi rten dang brten pa'i dkyil 'khor blta'o/ /rab tu zhugs pa zhes bya ba ni phyi dang gsang ba'i 'jug pas dpal rdo rje sems dpa'i gsang ba'i
 dkyil 'khor du zhugs par bya'o/ /de gang yin zhe na/ gsang ba dam pa'i dkyil 'khor ro/ /srog gcod pa la sogs pa'i sdig pa thams cad dang bral bas khyed legs par gnas te/ dus 'di nas bzung nas byang chub snying po thob kyi bar du sdug bsngal gyi rgyu
 thams cad dang bral zhing bde ba dang yid bde ba thams cad dang rjes su mthun pa'i lha dang mi'i srid pa la yid dga' bas gnas pas legs par gnas pa'o/ /de ci'i phyir zhe na/ khyed rnams slar yang 'chi ba med/ /ces bya ba la sogs pa la dkyil 'khor mthong ba
 dang de nyid du zhugs pa'i phyir khyed rnams la slar yang shi ba yod pa ma yin no/ /bde chen theg pa 'dir zhugs pas/ /zhes bya ba ni thar pa chen po'i rang bzhin gyi rdo rje theg pa chen po 'di la zhugs pa'i phyir ro/ /de ltar yin pa de'i phyir mi tshugs pa ni theg pa gzhan la
 'dod pa'i bsam pas mi mthun pa'i phyir ro/ /mi sod pa zhes bya ba ni de nyid kyis bde ba chen po'i theg pa 'di las ltung bar mi 'gyur ba'o/ /rol bar gyis zhes bya ba ni rdo rje sems dpa' la sogs pa'i dngos grub bsgrub par gyis shig pa'o/ /cis kyang
 'jigs pa med pa ni srid pa'i sdug bsngal nyid med pa'i phyir ro/ /de ci'i phyir zhe na/ srid pa'i sdug bsngal ldog pa ni/ /zhes bya ba la sogs pa la mthong ba dang zhugs pa 'dis 'dod pa'i srid pa la sogs pa'i sdug bsngal mtha' med pa 'di khyed rnams la ldog
 pa med pa'i phyir ro/ /srid pa shin tu grub pa'i phyir/ /zhes bya ba ni mi gnas pa'i mya ngan las 'das pa grub pa'i phyir ro/ /ston pa mchog tu gyur pa yin/ /zhes bya ba ni de bzhin gshegs pa rnams kyi phul du byung ba byed pa yin no/ /shin tu ni phyi ma'i mthar gnas pa'o/ /
 de gang yin zhe na/ srid pa grub pa zhes bya ba ni mi gnas pa'i mya ngan las 'das pa'i rang bzhin te longs spyod rdzogs pa ni srid pa'i dngos grub rnams so/ /'di ltar 'chad par 'gyur te gsang ba'i dkyil 'khor mthong ba dang zhugs pa dag gis sdig pa thams cad dang bral
 zhing mi gnas pa'i mya ngan las 'das pa thob pa'i snod du gyur pa 'khor ba'i sdug bsngal thams cad dang bral zhing phyir mi ldog par khyed rnams rdzogs pa yin no zhes bya ba'o/ /'di zhes bya ba ni 'chad par 'gyur ba'i dam tshig dang sdom pa thugs la gnas pa gsungs pa
 yin no/ /khyed kyis rtag tu de skad cig ma re re la bsrung ba ni yongs su bskyang ba'o/ /grub pa ni rdo rje sems dpa' la sogs pa'i dngos grub stsol bas ni rdzogs pa'o/ /dam tshig dang sdom pa de yang sangs rgyas kun te ji lta ba bzhin du bshad pa rnams kyis mthun pa ni
 dus gcig tu mgrin gcig gis gsungs te bstan pa yin no/ /bka' ni bka' stsal pa'o/ /mchog tu rtag pa ni nges pa'i don yin gyi drang ba'i don ma yin no/ /'di ltar 'chad par 'gyur te/ byang chub sems ni gtang mi bya/ /zhes bya ba la sogs pa gang zhig de
 bzhin gshegs pa thams cad kyis mchog tu rtag pa'i bka' gsungs pa de nyid dam tshig dang sdom pa khyed la rtag tu grub pas bsrung bar bya ba yin no/ /byang chub ni rang gi sems ji lta ba bzhin du yongs su shes pa'o/ /de nyid bla na med pa yang dag par rdzogs pa'i
 byang chub ste/ de'i rang bzhin can dang de thob pa'i rgyu byang chub kyi sems te smon pa byang chub kyi sems dang / 'jug pa byang chub kyi sems so/ /de spang bar mi bya'o/ /phyag rgya rdo rje gang yin pa'o/ /zhes bya ba ni gang zhig stong pa nyid kyi rdo rje rtse lnga pa'i phyag rgyas yongs su
 brtags nas zla ba'i dkyil 'khor gyi steng du tiSh+Tha badzra zhes bya bas bskyed par bya ba yin no/ /gang zhig bskyed pa tsam gyis ni/ /zhes bya ba la zla ba'i dkyil 'khor gyi steng du yongs su brtags pa tsam gyis phyir mi ldog pa'i bag chags skyed pas dus gsum na bzhugs pa'i de
 bzhin gshegs pa thams cad dang mnyam pa nyid kyis da ltar byung ba'i sangs rgyas nyid du rnal 'byor pas shes par bya'o/ /'di la the tshom mi bya'o zhes bya ba'i tha tshig go/ /de ltar gyur pa'i byang chub kyi sems de rnal 'byor pas spang bar mi bya'o/ /dam pa rnams kyi chos ni dam
 pa'i chos te theg pa gsum du bstan pa'i chos so/ /de smad par mi bya ba ni 'di chos ma yin te/ 'dis ci zhig bya zhes brjod par mi bya'o/ /nam yang spang bar mi bya'o/ /zhes bya ba ni bdag la 'di dgos pa med pas 'di bdag gis spang bar bya zhes pa'i ngag gam yid kyi
 rnam grangs gang gis kyang yongs su spang bar mi bya'o/ /theg pa gsum gyi chos yongs su spang bar mi bya'o zhes bya ba ji ltar shes par 'gyur zhe na/ nyan thos kyi theg pa las gsungs pa'am/ rang sangs rgyas kyi theg pa las gsungs pa'am/ theg pa chen po las
 gsungs pa'i dam pa'i chos sun 'byin na dge ba'i rtsa ba thams cad 'jig par byed cing / pham par gyur cing mnar med pa la sogs pa yin no zhes 'phags pa nam mkha'i snying po'i mdo las gsungs pa'i phyir ro/ /mi shes pa zhes bya ba ni thos pa'i shes pas
 ma nges pa'o/ /rmongs pa ni thos pa dang bsam pa dang sgom pa'i rang bzhin gyi shes rab med pas rten cing 'brel bar 'byung ba'i bdag nyid thams cad yongs su ma shes pas theg pa gsum gyi chos la ji ltar bshad pa'i sgrub pa po des smad par mi
 bya'o/ /rang zhes bya ba la phyi'i dngos po yang rang gi sgras brjod pas de rnam par spyad pa'i phyir bdag nyid ces bya ba gsungs te/ phung po lnga'i rang bzhin gyi bdag nyid lus dang srog la ltos pa med pa nyid kyis bya ba'i rgyud las gsungs pa'i mi zad pa'i dka' thub bco
 brgyad po dang / rlung gi yal ga dang lce ba'i zas dang / rnal 'byor gyi gnyen por gyur pa'i bza' ba la sogs pa'i dka' thub rnams kyis yongs su spangs nas gdung bar mi bya'o/ /'o na bdag nyid ji ltar gzung bar bya zhe na/ ci bde bar bya zhes bya ba la sogs pa la/
 dka' thub dang dka' ba spyod pa med pa ni ci bde ba ste/ des bzung ba'i rnal 'byor pa dang rjes su mthun pa'i mal dang gnas dang / bza' ba dang btung ba la sogs pa rnams kyis bde bar bzung ste yang dag par 'phel bar bya'o/ /'di ni ma byon rdzogs sangs rgyas/ /zhes
 bya ba la 'di ni bcom ldan 'das rnams kyis bdag nyid de ji lta ba bzhin du bshad pa'i rigs pas phyir mi ldog pa nges pa'i phung po la rnam par gnas pa'i phyir ma byon pa'i yang dag par rdzogs pa'i sangs rgyas yin pas yang dag par 'phel bar bya'o/ /byang chub kyi
 sems ston par byed pa'i dang po'i rdo rje'i rang bzhin can gyi phyag mtshan ni rdo rje'o/ /dang po'i rdo rjes mtshan pa'i dril bu shes rab ston par byed pa'i sgra rjes su 'gro ba'i phyag mtshan ni dril bu'o/ /dam tshig dang / chos dang / las dang phyag rgya chen po ni phyag rgya ste/ phyag
 rgya la sogs pa gsum po 'di dag spang bar mi bya'o/ /bsams pa tsam gyis 'di dag thams cad 'grub pa yin te/ phyag rgya la sogs pa 'di dag gis ci zhig bya zhes bya ba 'di yongs su spangs na pham par 'gyur ro zhes gsungs pa'i phyir ro/ /gang gis rnal
 'byor pa dkyil 'khor du 'jug par byed pa'i slob dpon de la khyod tshul khrims 'chal ba dang brtson 'grus zhan pa dang rmongs pa yin no zhes smod par mi bya'o/ /de ci'i phyir zhe na/ de ni sangs rgyas kun dang mnyam/ /zhes bya ba la de bzhin gshegs pa thams cad kyi
 yon tan skyed pa'i rgyu nyid kyi phyir sgrub pa pos ji ltar de bzhin gshegs pa thams cad mnyes par bya ba de bzhin du rang gi dam tshig gi slob dpon yang mnyes par bya ba yin no/ /de ci'i phyir zhe na/ sangs rgyas nyid kyang bcom ldan la/ /tshe 'di nyid la ster bar
 byed/ /ces bya bas de ni sangs rgyas thams cad dang mnyam pa yin no/ /slob dpon la ni gang smod pa/ /zhes bya ba la sogs pa la/ gang gis slob dpon la brnyas par byed pa/ /des ni rtag tu sdug bsngal 'thob/ /ces bya ba 'dis kyang slob dpon la brnyas pa
 gang yin pa de la yang mi bya'o/ /bag med pas gal te byas na de'i tshe slob dpon la zhal zas bstabs la gang dang gang yid du 'ong ba de dang de slob dpon la dbul bar bya'o/ /de ltar na rims la sogs pa'i sdug bsngal rnams de la slar yang 'byung bar mi 'gyur ro/ /
 rtag tu rang gi dam tshig bsrung / /zhes bya ba ni rang gi lhag pa'i lha'i sku gsung thugs kyi rdo rje ni rang gi dam tshig ste/ de rtag tu rnal 'byor pas rang la rag las par bya ba yin no/ /rtag tu de bzhin gshegs pa mchod/ /ces bya ba ni rdo rje mtshon cha ma la sogs pa dang /
 phyi'i me tog la sogs pa rnams kyis nam mkha' khyab par byas pa la tshogs yongs su rdzogs par bya ba'i phyir rdo rje sems dpa' la sogs pa'i de bzhin gshegs pa rnams yang dag par mchod par bya'o/ /tshogs las dngos grub mchog tu 'gyur/ /zhes 'og nas
 gsungs pa'i phyir ro/ /mnyam pa zhes bya ba ni mtshungs pa'o/ /gang dang mnyam zhe na/ dam tshig lha zhes bya ba ni dam tshig kyang yin la lha yang yin pas na dam tshig lha ste rigs lnga'i gsang ba'i phyag rgya'i rang bzhin no/ /dam tshig gi lha de dag dang mnyam pa'o/ /di ring
 skye ba ni dkyil 'khor mthong ba dang der 'jug pa'i dus nas brtsams te rang byung sangs rgyas bcom ldan 'das rnams kyi dam tshig gi lha gang yin pa de dag dang lhan cig tu khyed rnams mnyam par 'gyur ba yin no/ /di ring khyed rnams la gsang ba'i dbang
 bskur bas dbang bskur ba 'dzin pa yin no/ /gang gis she na/ sangs rgyas rdo rje 'dzin bcas pas/ /zhes bya ba ni rdo rje sems dpa' dang / rdo rje 'chang chen po dang bcas pa sangs rgyas thams cad kyis so/ /'dod pa dang / gzugs dang / gzugs med pa'i khams
 kyi rang bzhin gyi khams gsum pa'i rgyal srid chen po thob pa'i phyir rgyal po'i bdag po ste/ 'dod pa'i khams kyi dbang phyug gi rgyal po'i bdag po rnams so/ /brtan pa ni rtag pas te dkyil 'khor 'dir zhugs nas phyir mi ldog pa'i sa bon bskyed pas yang dag
 par rdzogs pa'i byang chub mngon du byed pa'i phyir ro/ /de bas na/ de ni bdud las rnam rgyal te/ /zhes bya ste bdud las rnam par rgyal zhing gsang ba'i dkyil 'khor gyi grong khyer mchog tu rab tu zhugs pas khyed rnams kyis di ring kho na sangs rgyas nyid thob pa yin
 no/ /de bzhin gshegs pa thams cad kyi rang gi dpal dam tshig gi gsang ba'i dkyil 'khor ni 'di nyid do/ /de la slob dpon slob ma'i mchog dag ni slob dpon dang slob ma'i mchog ste/ de dag gi dbugs dbyung ba ni 'di yin te/ oM sarba yo ga tsit+taM u pA da yA mi
 zhes bya ba smon pa byang chub kyi sems skyed pa'i rjes thogs nyid byang chub kyi sems dang lhan cig tu bskyed pa yin no/ /gang dang lhan cig tu zhe na/ byang chub kyi sems bskyed pa'i mtshan nyid can gyi phyir mi ldog pa'i phyag rgya dang lhan cig tu sangs rgyas nyid rtogs par bya
 ba yin no/ /ni'i sgra ni gang gi phyir gyi don to/ /rtogs par bya ba ni shes par bya ba'o/ /de ji lta bu yin zhe na/ mkhas shing mchog tu rtag pa'o/ /zhes bya ba ni bud+d+ha ni rtogs pa la bya ste thabs dang shes rab kyi rang bzhin can gyi byang chub chen po rtogs pa nyid kyi phyir mkhas
 pa'o/ /mchog tu rtag pa zhes bya ba ni thog ma dang tha ma med pa'o/ /de'i rgyu gang yin zhe na zhes bya ba la rgyu gang gis bdag cag gi bdag nyid thams cad byang chub tu sems bskyed pa nyid kyis mchog tu rtag pa'i sangs rgyas nyid du rtogs par bgyi zhes bya ba'o/ /de'i phyir
 khyed rnams kyi phung po lnga'i rang bzhin can gyi bdag nyid thams cad/ oM sarba yo ga tsit+t+waM u pA da yA mi zhes bya ba 'dis de bzhin gshegs pa thams cad kyi byang chub kyi sems bskyed pa tsam gyi mthus bsam pa dang bsgom pa dang bral bar bya ba'i phyir mi ldog par 'gyur ro/ /
 de'i phyir nges pa'i phung po la gnas pas bla na med pa yang dag par rdzogs pa'i byang chub tu nges pa nyid kyis ma byon pa'i sangs rgyas dus gsum gyi de bzhin gshegs pa dang mnyam pa nyid kyis khyed rnams kyis bdag nyid thams cad 'di ltar byung ba'i de bzhin
 gshegs pa nyid du rtogs par bya ba yin no/ /ji ltar byang chub chen po'i sems bskyed pa'i mthus dus gsum gyi de bzhin gshegs pa dang mnyam pa nyid kyis da ltar byung ba'i de bzhin gshegs pa nyid du rjes su rtogs par bya ba de bzhin du/ lha mo bzhi phreng gi
 dbus na bzhugs pa'i dpal rdo rje sems dpa'i bdag nyid bsgrubs pas da ltar byung ba nyid du de bzhin gshegs pa bla na med pa yang dag par rdzogs pa'i byang chub mngon par sangs rgyas nyid du rang gi bdag nyid thams cad khyed rnams kyis rtogs par bya ba yin no/ /
 de bzhin gshegs pa thams cad kyi mchog tu gsang ba bla na med pa'i theg pa chen po yang theg pa chen po ni bshad zin to/ /de nyid dam tshig chen po ste de las byung ba'i dpal rdo rje sems dpa'i gsang ba'i dkyil 'khor gyi lha tshogs rnal 'byor chen po'i dkyil 'khor
 gyi rnal 'byor gyi rang bzhin gyi tshul so sor rtog pa'i ngo bos yang dag par mchod la/ rang gi bdag nyid thams cad bde bar gzung zhing 'phel bar bya ste/ bar ma chod par shin tu rnal 'byor ba bsgoms pa'i stobs kyis rgyun gong nas gong du rang gi rgyud la bya ba yin no/ /
 rang gi dam tshig gi sbyor ba gang gis khyed rnams la sku gsung thugs kyi rdo rje'i rang bzhin can dpal rang gi dam tshig bla na med pa'i dngos grub 'grub par 'gyur te/ dpal rdo rje sems dpa'i gsang ba'i dkyil 'khor las gsungs pa'i lha mo bzhi phreng
 gi dbus na bzhugs pa'i sku gsung thugs kyi rdo rje rdzogs pa'o/ /de ji lta bu yin zhe na/ mchog tu rtag pa zhes bya ba la thog ma dang tha ma med pa'i 'da' bar dka' ba'i dam tshig gang la lha mo bzhi phreng gi dbus na bzhugs pa'i dpal rdo rje sems dpa'i sku gsung thugs
 kyi rdo rje'i phyag rgya bsgom pa'i rnal 'byor gyi rang bzhin can gyi dam tshig gang yin pa de nyid 'da' bar dka' ba yin no/ /de mngon du byas na nges pa nyid du de bzhin gshegs pa thams cad kyi dpal rdo rje sems dpa'i sku gsung thugs kyi rdo rje rdzogs pa'i ngo bos sgrub pa
 po'i rgyud la mngon sum du 'gyur ba yin te/ 'khor ba'i yang dag pa ma yin pa'i kun du rtog pa'i ngo bo ni ma yin no/ /de'i phyir na dam tshig 'di 'da' bar dka' ba zhes bya ba'o/ /de ltar 'das ma thag tu bshad pa'i tshul gyis dkyil 'khor mthong ba dang der zhugs
 pa dang / byang chub kyi sems bskyed pa dang rang gi lha'i rnal 'byor bsgoms pa rnams kyis nges pa kho nar bla na med pa yang dag par rdzogs pa'i byang chub rtogs par 'gyur ro/ /de'i phyir da ltar gyi zhes bya ba gsungs so/ /ci zhig bya zhe na/ yid ni rab dang rdo rje
 z hes bya ba la ma dad pa'i dri ma dang bral ba'i sems de bzhin gshegs pa thams cad kyi sku gsung thugs rdo rje'i rang bzhin can lha mo bzhi phreng gi dbus na bzhugs pa'i dpal rdo rje sems dpa'i dngos grub rdzogs par byed pa'i rang gi yid rnam par rtog pa thams
 cad kyis mi phyed par gyis shig pa'o/ /rang gi dam tshig ni lha mo thams cad kyi tshogs dang bcas pas rdo rje sems dpa'o/ /mi zad bde gsol zhes bya ba ni thog ma dang tha ma med pa'i bde ba gsol ba'o/ /bsten pa ni sgoms shig pa'o/ /'gro ba'i bde ba chung ba ni
 sems can gyi khams la bde ba chung ba'o/ /deng ni de lta kho nar sangs rgyas thams cad mtshungs pas te sangs rgyas thams cad dang 'dra ba'o/ /sangs rgyas thams cad dang mtshungs pa yang de yin la rtag pa yang de yin pas sangs rgyas thams cad dang mtshungs par rtag
 pas te/ de dag gi dngos po ni rtag pa nyid do/ /de khyed rnams kyis thob pa yin no/ /de nas zhes bya ba la sogs pa la ro ni phyi'i ro dang sgeg pa la sogs pa'i nyams rnams so/ /bza' ba ni bza' ba dang btung ba la sogs pa'o/ /spyod pa ni rdo rje gar la sogs pa'i rang
 bzhin can gyi 'dug stangs dang yid las byung ba rnams so/ /glu ni yi ge hUM gi glu la sogs pa'i glu ste/ rdo rje dang dril bu la sogs pa dang bcas pa'o/ /rol mo'i mchod pa ni rol mo'i cha byad bzhi'i mchod pa rdo rje dang dril bu ma gtogs pa rnams so/ /sogs pa'i
 sgras ni phyag rgya'i mchod pa sna tshogs pa gzung bar bya'o/ /ro dang bza' ba dang spyod pa dang glu dang / rol mo'i mchod pa la sogs pa ni ro dang bza' ba dang spyod pa dang glu dang rol mo'i mchod pa la sogs pa de rnams kyis mgon po ste dpal rdo rje sems dpa' yang
 dag par mchod la/ bcom ldan 'das 'khor dang bcas pa la de rnams phul nas rdo rje slob dpon chen po ni/ rdo rje slob dpon gyis rdo rje sems dpa'i nga rgyal la gnas pa'i rang gi bdag nyid dang gzhan te slob ma rnams kyang yang dag par mchod par bya'o/ /myos byed
 ces bya ba la sogs pa ni go sla'o/ /ci bzhin rjes 'gro bzlas pa bzla/ /zhes bya ba ni dpal rdo rje sems dpa' la sogs pa'i bzlas pa'i don bsgom pa'o/ /rgyu gang gis ro dang bza' ba la sogs pas mchod cing bzlas pa bya ba yin zhe na/ rang gsang cho gas
 blangs pa yi/ /zhes bya ba la sogs pa la rang gi gsang ba'i cho gas blangs pa'i glu la sogs pa dang / ji srid 'dod pa'i longs spyod rnams kyis mchod pa byas nas rab tu 'grub par 'gyur ba'i phyir ro/ /da ni rang gi gsang ba'i cho ga'i glu bstan pa yin te/ hUM zhes
 bya ba ni dpal rdo rje sems dpa'i rigs kyi rnal 'byor pa rnams kyi'o/ /a zhes bya ba ni de bzhin gshegs pa'i rigs kyi rnal 'byor pa rnams kyi'o/ /hi zhes bya ba ni rdo rje'i rigs kyi rnal 'byor pa rnams kyi'o/ /oM zhes bya ba ni pad+ma'i rigs kyi rnal 'byor pa
 rnams kyi'o/ /ha zhes bya ba ni nor bu'i rigs kyi rnal 'byor pa rnams kyi ste de dag gis de lta bu'i glu bya ba yin no/ /rnal 'byor gang la la bar ta dang / we sha khi la la mkhas pa'i slob ma'i tshogs sam/ bud med kyi tshogs yod na/ de g.yas pa'i rol mos 'grub par
 'gyur ro/ /ci byas nas 'grub par 'gyur zhe na/ rdo rje dril bu mnyam sogs zhes bya ba la mnyam pa ni dus gcig ste/ rdo rje dril bu la sogs pa dang bcas pas rnam par dben pa'i khang bu sum brtsegs su b+har ti'i mtshan nyid dag pas rnam par dben par dag pa'i pi wang la
 sogs pa'i rang bzhin can gyi rol mo brdung bar bya ste/ byed par gyur pa de rnams kyis yi ge hUM gi glu la sogs pa'i rang bzhin can gyi rol mo brdung bar bya ste/ byed par gyur pa de rnams kyis yi ge hUM gi glu la sogs pa'i rang gi gsang ba'i cho ga'i glu len par byed cing
 g.yas pa'i rol mos rnal 'byor pa grub par 'gyur ro/ /de yang rang gi gsang ba'i cho ga'i glu rang gi dam tshig grub pas so/ /de ltar glu dang rol mo'i mchod pa'i rang bzhin can gyi rjes su grub pa bstan nas/ da ni rdo rje gar gyi rang bzhin can gyi phyag rgya sna tshogs kyis
 mchod pa'i ngo bo so sor rjes su sgrub pa bstan par bya ba'i phyir/ rdo rje gar zhes bya ba la sogs pas b+ha ra ta dang / we sha khi la la mkhas pa'i slob ma'i tshogs dang bcas pa'i rnal 'byor pa gsungs te/ ba dan gsum mchog tshul gyis ni/ /sgeg bcas mtha' ma la
 sogs dkrol/ /glog 'gyu rtse mo bskor ba yis/ /rdo rje gar zhes de bshad do/ /zhes bya ba 'di rdo rje gar gyi mtshan nyid yin no/ /rdo rje gar gyi mtshan nyid 'dir rang gi lha'i rnal 'byor gyis rdo rje gar rab tu bya zhing rab tu mchod par bya zhes bya ba dang sbyar ro/ /'dzin pa
 dang bcas gzung ba che/ /zhes bya ba la rang gi lha'i nga rgyal gyis gar byas shing bsam pa dang / gar gyi nyams dang / lta ba dang / smin ma dang / so dang / dgod pa dang / mchu dang lag pa'i rim pa la sogs pa dang ldan pa'o/ /'dzin pa dang bcas pa'i gzung ba chen
 po gang la yod pa de ni 'dzin pa dang bcas pa'i gzung ba chen po ste/ des yongs su bskor nas rab tu mchod par bya ba yin no/ /ji ltar zhe na/ dkyil 'khor 'dra ba'i gar byas nas/ /zhes bya ba la dkyil 'khor dang 'dra ba'i gar ni man ngag las shes par bya ste/ de
 byas nas yongs su bskor la/ dkyil 'khor la mngon du phyogs par 'gyur bar byas nas lha thams cad kyi phyag rgya rnams bcing bar bya'o/ /de ltar na rdo rje gar gyi mchod pas dkyil 'khor mchod par 'gyur ro/ /tshogs kyi dkyil 'khor gyi sbyor bas phyag rgya sna
 tshogs kyi mchod pa gtam rgyud dang / phyag mtshan dang / phyag rgya dag gis bya zhing / mtshan thog thag bsgrub par bya'o/ /lugs ma'am/ brdungs ma la sogs pa'i rang bzhin can gyi dngos po dang bcas pa'i rang rang gi lha'i dkyil 'khor bri bar bya'o zhes bya ba'i cho
 ga 'di rab tu bstan par bya ba'i phyir/ de nas mchog tu gsang ba'i phyag rgya sna tshogs pa'i mchod pa zhes bya ba gsungs te/ rdo rje sems dpa'i phyag rgya chen po nas brtsams nas/ ji srid lha mo rin chen dril bu ma'i mthar thug pa'i bar gyi rigs thams cad kyi lha mo
 rnams kyi sna tshogs pa'i ngo bo phyag rgya chen po la sogs pa'i sna tshogs pa'i dbye bas phye bar gyur pa'i phyag rgya'i mchod pa ni phyag rgya sna tshogs kyi mchod pa'o/ /rdo rje sems dpa' la sogs lha/ /zhes bya ba la sogs pas 'di nyid rnam par 'grel pa yin te/ rdo rje
 sems dpa' rigs lnga'i rang bzhin can gyi lha rnams kyi thog ma gang la yod pa de ni rdo rje sems dpa' la sogs pa'i lha rnams te/ rdo rje sems dpa'i phyag rgya chen po nas brtsams te/ ji srid lha mo rin chen dril bu ma'i phyag rgya chen po'i bar ro/ /de rnams kyi rtogs
 pa yang yin la thams cad kyang de nyid yin pas na rtogs pa thams cad de/ phyag rgya chen po dang / dam tshig dang / chos dang las kyi phyag rgya rnams so/ /de dag gi rnam par 'phrul pa ni gzugs thams cad ston pas sems can gyi don mdzad pa'o/ /rtogs
 pa thams cad rnam par 'phrul pa de rnams kyis gar byas pa gang yin pa de rol mo zhes bya ba dang sbyar ro/ /byed par gyur pa gang gis de bya zhe na/ gtam rgyud phyag mtshan phyag rgya yis/ /zhes bya ba la de la gtam rgyud ni sngon gyi lo rgyus bstan pa'i rang bzhin can no/ /dang po'i rdo
 rje la sogs pa rang gi lha'i mtshon cha ni phyag mtshan no/ /rang gi lha'i phyag rgya chen po bcings pa'i mthar thug pa'i sngon gyi lo rgyus kyi tshul bstan pa ni phyag rgya'o/ /gtam rgyud de dang phyag mtshan dang / phyag rgya dag gis rang gi lha'i gar gyi nyams dang / bsam pa dang /
 lta ba dang / dgod pa dang / mchu dang / so dang / smin ma dang / gdong dang / dga' ba la sogs pa'i phyag rgya dang bcas pa'i yan lag rnam par 'gyur ba gang yin pa de 'dir rol mo zhes bya bar 'dod pa yin no/ /de yang sangs rgyas kyi byang chub sgrub par byed pa yin te/
 so sor rjes su sgrub pa 'dis rang gi dngos grub bsgrub par bya'o/ /dbyibs gang gis phyag rgya sna tshogs kyis mchod par bya zhe na/ gser zhes bya ba la sogs pa gsungs te/ gang dag gi lha gser gyi kha dog can yin la/ de dag gis rang gi lha'i gser gyi gdong
 brnyan du byas la rang gi gdong g.yogs la phyag rgya sna tshogs kyis mchod par bya ba yin no/ /gang dag gis kha dog dkar po can yin na de dag gis dngul gyi bya ba yin te/ de ltar gzhan dag la yang shes par bya'o/ /yang na rang gi lha'i gdong brnyan shing gi dngos
 po la dkar po la sogs pa'i tshon gyis bsgyur la rang gi gdong la bgos la rang gi lha'i zhal gyi rnam pa can de dag gi dngos grub kyi don du phyag rgya'i gar bya'o/ /dkyil 'khor gang la zhe na/ dkyil 'khor gang dang gang zhes bya ba la rigs lnga'i lha rnams kyi dkyil
 'khor gang dang gang la brten pa ni bsgom pa ste/ phyag rgya sna tshogs kyi mchod pas dkyil 'khor de dang der gtam rgyud dang / phyag mtshan dang phyag rgya dag gi mthar rang gi lha'i snying po bzlas shing slob ma'i tshogs thams cad kyis mchod par bya ba yin no/ /de yang
 dngos grub kyi phyag rgya'i gar gyi dngos po so sor rtog pa'i mchod pa 'dis mchod par bya ba yin no/ /dngos grub ni kun mchog so sor rtog pa'i rang bzhin can no/ /phun sum tshogs pa ni dngos grub thams cad bde ba chen po'i ngo bo'o/ /dga' ba ni kun mchog rnam par
 rgyal ba bsgreng ba'i rang bzhin can no/ /bdag po ni phun sum tshogs pa chen po thams cad kyi dngos po 'dis thob par 'gyur ro/ /de ltar na dpal rdo rje sems dpa' la sogs pa'i sangs rgyas thams cad kyi mchog ste/ kun mchog so sor rtog pa la sogs pa bsdu
 ba'i rang bzhin can gyi rnal 'byor mchog sgrub pa pos thob pas te mngon du bya ba yin no/ /de nas kyi sgra ni skabs su bab pa ste/ phyag rgya sna tshogs kyi mchod pa rdzogs par bya ba 'di la'o/ /rigs thams cad kyi 'dod pa'i lha rnams ni dpal rdo rje sems dpa' la sogs
 pa ste/ so so rang gi dkyil 'khor du zhugs pa'i de dag gi glu'i mchod pa'i cho ga rgyas pa mngon du brjod pa ni mngon par phyogs par blangs nas de'i 'og tu rdo rje slob dpon gyis mdzad pa'am/ sangs rgyas thams cad dang mnyam pa'i sbyor ba la sogs pa'i rgyud las
 gsungs pa'i glu dang / rol mo'i cho ga bdag nyid kyis ji ltar 'dod pa rgyur gyur pa rnams kyis dpal rdo rje sems dpa' la sogs pa'i rtog pa thams cad kyi sna tshogs pa'i dam tshig chen po'i mchod pa ni sna tshogs pa'i phyag rgya'i mchod pa ste mchog tu grub pa yin no/ /
 rtog pa thams cad kyi dkyil 'khor du zhugs pa'i glu'i mchod pa ji lta bu yin phyag rgya sna tshogs kyi mchod pa'i dus su gang mngon par rdzogs nas de'i 'og tu rdo rje slob dpon gyis brtsams pa'am/ rtog pa gzhan las gsungs pa mngon par brjod par bya zhe na/ de la
 re zhig thog ma kho nar zhes bya ba la sogs pa la/ mchog kyang yin la gsang ba yang de nyid yin pas mchog tu gsang ba ste dkyil 'khor ro/ /de nyid dam tshig ste der 'jug pa ni phyi dang gsang ba'i 'jug pa'o/ /de'i don du rdo rje'i glu'i mchod pa
 'di yin no/ /'di ltar bshad par 'gyur te/ rang gi dkyil 'khor du 'jug pa'i glu brjod cing 'jug pa'i phyag rgya bcings la glu de nyid len cing dkyil 'khor du 'jug par bya'o/ /yang glu de nyid brjod nas de'i 'og tu rdo rje slob dpon gyis brtsams pa'o/ /sangs
 rgyas thams cad dang mnyam par sbyor ba la sogs pa'i rgyud las gsungs pa'i glu brjod nas gtam rgyud dang phyag mtshan dang phyag dag gis phyag rgya sna tshogs pa'i mchod pa slob ma'i tshogs dang bcas pa'i slob dpon gyi bya ba yin no/ /thams cad rjes su chags pa ni
 dpal rdo rje sems dpa' la sogs pa sgom pa ste/ de las byung ba'i bde ba ni rnal 'byor gyi bde pa'o/ /de gang yin zhe na/ dam pa'i thugs te de bzhin gshegs pa rnams kyi'o/ /rdo rje sems dpa' las gzhan pa yin nam zhe na/ rdo rje sems dpa' khyod ces bya ste/ gang zhig
 sangs rgyas bcom ldan 'das rnams kyi thams cad rjes su chags pa'i bde ba nyid rdo rje sems dpa' khyod yin gyi gzhan ni ma yin no/ /rab tu dga' ba zhes bya ba ni zag pa med pa'i bde ba dang yid bde ba'i rang bzhin can gyi bla na med pa'i byang chub kyi ngo bo'o/ /de bzhin
 gshegs pa kun gyis kyang / /'da' ba ru ni mi mdzad pas/ /zhes bya ba 'dis kyang de nyid dam tshig yin no/ /bdag gyur cig ces bya ba ni thams cad rjes su chags pa dang / rab tu dga' ba dang / brtan zhing mtho ba dag la gyur cig ces bya ba dang sbyar ro/ /bde
 ba chen po zhes bya ba ni bod pa'o/ /brtan zhing mtho ba ni mi dmigs pa'i mya ngan las 'das pa ste/ de gsol bas na brtan zhing mtho ba gsol ba'o/ /so sor rtog pa ni sems can gyi don mdzad pa sangs rgyas kyi mchod pa la'o/ /sgrubs shig ces bya ba ni 'das
 ma thag tu bshad pa'i dngos grub kyis myur du sgrubs shig pa'o/ /phyag 'tshal ba ni mngon du gyur pa'o/ /de la thams cad rjes su chags pa zhes bya ba ni 'dod chags rdo rje ma'i rang bzhin can gyi bcom ldan 'das bstan to/ /bde ba chen po zhes bya ba la sogs pas/
 kI li kI la'i rang bzhin can bstan to/ /brtan zhing mtho ba zhes bya bas rdo rje dran ma'i rang bzhin can bstan to/ /so sor rtog pas myur du sgrubs shig ces bya ba dang phyag 'tshal bas rdo rje 'dod pa'i dbang phyug ma'i rang bzhin bstan to/ /de ltar rdo rje sems dpa'i dkyil
 'khor chen po la 'jug pa'i glu'i mchod pa bstan nas/ de nas de bzhin gshegs pa'i rigs/ /zhes bya ba la sogs pas de bzhin gshegs pa'i rigs la 'jug pa'i glu'i mchod pa gsungs pa yin te/ rdo rje sems dpa'i bsdus pa ni rdo rje sems dpa' bsdus
 pa ste/ byang chub chen po'i sems bskyed pa'o/ /rdo rje rin chen bla na med/ /ces bya ba ni de la sbyin pa'i pha rol tu phyin pa bskyed par 'gyur ro zhes bya ba lhag ma'o/ /shes rab kyi pha rol tu phyin pa'i rang bzhin can gyi sems dang sems las byung ba ni rdo rje chos te/ de dag
 gi glu blangs pa ni chos thams cad rang bzhin gyis dag pa'o zhes bya ba so sor rtog pa'i ngo bo'o/ /rdo rje chos kyi glu blangs pa/ /de dag gis/ rdo rje las ni byed pa yin/ /zhes bya ba ni brtson 'grus kyi pha rol tu phyin pa'i rang bzhin can gyi las rdzogs par mdzod cig ces
 bya ba sgrub pa po rang gi la bod pa yin no/ /rdo rje sems dpa' bsdus pa la sogs pa'i tshig rnams kyis de bzhin gshegs pa mi bskyod pa dang / rin chen 'byung ldan dang / 'od dpag med dang / don yod grub pa rnams la de'i rigs kyang bstan pa yin no/ /de ltar
 de bzhin gshegs pa'i rigs kyi glu bstan nas/ rdo rje rigs la 'jug pa'i glu bstan par bya ba'i phyir/ de nas zhes bya ba la sogs pa gsungs te rdo rje'i gzhu ni gzhu'o/ /mda' ni go sla'o/ /de dag gis nye bar mtshon pa'i rdo rje gzhu dang mda' dang ldan pa'i
 bcom ldan 'das rdo rje nyi ma me ltar 'bar ba ste/ rdo rje 'dod pa me ltar 'bar ba'i gzugs can no/ /dngos po thams cad thal bar rlog par mdzad pa de la phyag 'tshal ba ni/ hUM badzra karma ka shA ra ya na maH/ bsgom pa'i lam gyi rang bzhin rdo rje 'dod pa
 me ltar 'bar bas yul du byas pa'i rdo rje nyi ma me ltar 'bar ba'i rang bzhin can gyi rdo rje 'dod pa chen po me ltar 'bar ba'i dam tshig gi phyag rgya'i ral gri'i phyag gnyis kyis sku dbus nas gzung ste bstod pa ni dpal rdo rje chags pa ste/ des nye bar mtshon pa'i dam
 tshig ni rdo rje nyi ma me ltar 'bar ba ste/ dpal rdo rje sems dpa'i dam tshig yin te de la phyag 'tshal ba'o/ /rdo rje 'dod pa chen po me ltar 'bar ba thal bar rlog pa'i mtshan dang ldan pa'i lha mo chen mos bcom ldan 'das kyi rdo rje chen pos kha T+wAM ga bzung ba des
 gdug pa can dang drag po rnams sangs rgyas nyid thob par byed pa la gegs su gyur pa gang yin pa dang / dngos po thams cad thal bar mdzad pa ni kha T+wAM ga dang rdo rje glog pa ste/ des nye bar mtshon pa'i bcom ldan 'das kha T+wAM ga dang rdo rje 'jigs pas te de la
 phyag 'tshal ba'o/ /rdo rje 'dod pa chen po me ltar 'bar ba'i thal bar rlog pa'i 'chi ba gso bar mdzad pa'i ming dang lha mo g.yon bsnyems nas phyag g.yas pas rang gi spyi bor rdo rje dril bu dkrol ba la brtson pa ni dpal rdo rje dril bu bskyod pas te/ des nye bar
 mtshon pa'i rdo rje nyi ma me ltar 'bar ba dpal rdo rje dril bu bskyod pas te/ dpal rdo rje dril bu bskyod pa de la phyag 'tshal ba'o/ /de ltar rdo rje'i rigs la 'jug pa'i glu bstan nas da ni pad+ma'i rigs la 'jug pa'i glu bstan par bya ba'i phyir/ de nas zhes bya ba la
 sogs pa gsungs te/ shin tu drag po'i sku zhes bya ba ni zhi ba'i gzugs 'dzin pa'i don yod zhags pa'o/ /skye bo ma rungs pa'i srog 'phrog pa zhes bya ba la gzhan la gnod pa byed pa la brtson pa'o/ /de dag gi srog 'phrog pa'i shin tu drag po'i sku kha cig tu
 mdzad pa de dbang phyug chen po'i gzugs su bdag nyid kyi sku mdzad pa yin no zhes bya ba'i don to/ /'dis ni zhi ba'i gzugs 'dzin pa'i don yod zhags pa'i rang bzhin can gyi 'jig rten dbang phyug bstan pa yin no/ /kha cig tu ni 'gro ba mtha' yas pa 'dul bar
 mdzad pa'i phyir ro/ /shin tu rno ba'i 'khor lo 'dzin pa'i sku zhes bya ba la/ khyab 'jug gi gzugs 'dzin pa'i 'jig rten dbang phyug shin tu rno ba'i 'khor lo 'dzin pa'i sku ste kha cig tu sku de 'dzin par mdzad pa'o/ /de yang khyab 'jug gi gzugs kyis
 'dul ba'i sems can gyi khams mtha' yas pa 'dul bar mdzad pa'i phyir ro/ /'dis ni khyab 'jug gi gzugs 'dzin pa'i 'jig rten dbang phyug bstan pa yin no/ /kha cig tu ni pad+ma'i gdan gyi ni shin tu zhi ba'i sku ste 'gyur ba med pa ster zhes bya ba la/
 tshangs pa'i gzugs 'dzin pa'i 'jig rten dbang phyug zhi ba'i sku ste 'gyur ba med pa'i thar pa gsol ba'o/ /pad+ma'i gdan ni tshangs pa ste/ de'i gzugs 'gyur ba med pa ster ba kha cig tu mdzad pa yin no/ /'dis ni tshangs pa'i gzugs 'dzin pa'i 'jig rten
 dbang phyug bstan to/ /kha cig tu ni shin tu 'bar ba'i 'dod pa'i dam tshig ces bya ba 'dod pa'i khams kyi dbang phyug ma'i gzugs 'dzin pa'i 'jig rten dbang phyug shin tu 'bar ba'i dam tshig gi gzugs te/ kha cig tu ste sems can gyi khams mtha' yas pa 'dul
 bar mdzad pa'i phyir mdzad pa yin no/ /pad+ma'i rgyal po bdag sgrubs shig/ /ces bya ba 'dis bcom ldan 'das 'phags pa spyan ras gzigs dbang phyug la slob dpon gyis bos nas gsol ba btab pa yin no/ /de ltar pad+ma'i rigs kyis 'jug pa'i glu bstan nas
 da ni nor bu'i rigs kyis 'jug pa'i glu bstan par bya ba'i phyir/ de nas nor bu'i rigs zhes bya ba la sogs pa gsungs te/ dbang bskur thams cad dbang phyug dam pa las/ /zhes bya ba las dbang bskur ba yang de nyid yin la thams cad kyang de nyid yin pas na dbang
 bskur ba thams cad de 'jig rten dang 'jig rten las 'das pa'i dbang bskur ba'i lha mo'o/ /de yis dbang phyug kyang yin la dam pa yang de nyid yin pas na dbang phyug dam pa ste/ dbang phyug thams cad kyi dbang phyug dam pa ni nam mkha'i snying po'o/ /
 khams gsum pa'i chos kyi rgyal srid kyi dbang bskur ba thob pas khams gsum pa'i bdag po zhes bya ba'i tha tshig go/ /rgyu de'i phyir/ yang dbang sgrubs shig mi zad gter gyi mchog ces bya ba ni gter gyi lha mo'i gzugs kyis so/ /mchog ni phul du byung ba'o/ /nor
 gyi phung po thams cad mtha' yas pa ni mi zad pa'o/ /kun mchog rgyal mtshan rnam rgyal mtho ba las/ /zhes bya ba las kun mchog rgyal mtshan ni yid bzhin nor bu'i rgyal mtshan no/ /des rnam par rgyal ba'i dbul ba'i sdug bsngal thams cad rnam par spang ba'o/ /
 des nye bar mtshan pa'i sku mtho ba'i sku gang la yod pa de ni kun mchog rgyal mtshan rnam rgyal mtho ba ste rgyal mtshan mchog ma'i gzugs 'dzin pa'i nam mkha'i snying po'o/ /rgyu de nyid kyi phyir/ rdo rje rin chen dpal bdag legs mchod 'gyur/ /zhes bya ba la dbang
 bskur ba la sogs pa'i lha mo'i tshogs kyi mdangs dang ldan pa 'phags pa nam mkha'i snying po'i sku ni dpal rdo rje rin chen te/ bdag gis legs par mchod par gyur cig ces bya ba ni slob dpon gyis bod pa dang bcas pas de la gsol ba btab pa yin no/ /de yang mchod
 pa chen po'i rang bzhin gyi lha mos legs par mchod pa yin te/ bdag la de'i ngo bor gyur cig pa'o zhes bya'o/ /de ltar rin po che'i rigs kyis 'jug pa'i glu bstan nas/ da ni ming po gsum la 'jug pa'i glu bstan par bya ba'i phyir b+hur+b+hu wa swaHzhes bya ba
 gsungs so/ /sring mo rnams kyi glu bstan par bya ba'i phyir hri hUM shrI b+h+yo zhes bya ba gsungs so/ /klu'i dkyil 'khor gyi glu ni phu phu zhes bya bar gsungs so/ /sdig pa thams cad ces bya ba ni sdig pa thams cad las byung ba'i rims la sogs te/ badzra d+ha ra a kra ma
 zhes bya ba ni zung shig pa'o/ /we mar+d+ha zhes bya ba ni tshir cig pa'o/ /bi ki dzi bi ki ra zhes bya ba ni de dang der dor cig pa'o/ /bany+dza zhes bya ba ni kha dog dang dbyibs choms shig pa'o/ /ut+pa da zhes bya ba ni slar yang mi 'byung bar mdzod cig pa'o/ /na sha ya zhes bya ba ni
 dmigs pa med par mdzod cig pa'o/ /ha na zhes bya ba ni tshogs par mdzod cig pa'o/ /da ha zhes bya ba ni khros pa'i mes thal bar mdzod cig pa'o/ /pa tsa zhes bya ba ni 'tshed cig pa'o/ /ji ltar zhe na/ khros pa zhes bya ba ni dpal rdo rje nyi ma me ltar 'bar ba'i khro bos
 snyoms par zhugs pa'i yi ge hUM tsam gyis so/ /de ltar rigs thams cad kyi dkyil 'khor du zhugs pa'i glu bstan nas da ni bsdus pa'i dkyil 'khor du 'jug pa'i glu bstan par bya ba'i phyir/ de nas thams cad kyi mchog ces bya ba gsungs pa yin no/ /la
 lar zhes bya ba la sogs pa/ la lar dri med zla ba'i dkyil 'khor stong gi 'od kyis sku ni rnam par mdzes/ /zhes bya ba ni phyogs la lar dri ma med pa'i zla ba'i dkyil 'khor stong rnams kyi zla ba'i kha dog dang 'dra ba'i mdangs dang ldan pa'i dpal rdo rje sems dpa'i
 sku rnam par mdzes pa ste gsal zhing mdzes pa'o/ /la lar 'jig dus nyi ma 'char kar byed pa'i 'od zer tshogs ni 'jigs chen 'bar/ /zhes bya ba ni 'jig pa'i dus kyi ring por mi thogs par shar ba'i nyi ma bye ba rnams kyi 'od zer tshogs gang yin pa de dang de
 'dra ba 'bar ba sngon po'i ngo bo ni 'jig rten gsum sreg par nus pa dang / rdo rje tri shU la 'dzin pa'i rdo rje nyi ma me ltar 'bar ba'i skus phyogs la lar rnam par mdzes pa yin no/ /phyogs la lar blta bas chog mi shes pa'i sku'i rang bzhin gyi 'od zer dang ldan pa'i 'bar
 ba'i mdangs kyis mdzes pa'i 'khor lo 'dzin pa'i sku 'chang ba/ zag pa med pa'i bde ba ldan pa bag chags dang bcas pa'i nyon mongs pa thams cad zhi ba'i sku rdo rje sems dpa' khyod rnam par mdzes pa yin no zhes bya ba dang sbyar bar bya'o/ /mdzes pa'i gzugs
 'dzin pas na gzugs mdzes pa 'chang ba ste 'dod pa'i lha'o/ /mdzes pa'i gzugs 'chang ba de nyid mchog gi mdangs dang ldan pas te des la lar rnam par mdzes pa yin no/ /la lar rdo rje dang pad+ma las byung ba'i gzugs kyis nam mkha' bzhin du
 thams cad bzhugs pa'o/ /gzugs thams cad bstan nas 'gro ba'i sems can 'dul bar mdzad pa'i brtson 'grus dang ldan pa yin no/ /sems can de rnams kyi nyon mongs pa dang nye ba'i nyon mongs pa thams cad las sems rnam par sbyang ba'i don du bcom ldan
 'das rdo rje sems dpa' khyod bzhugs pa yin pa'i phyir ro/ /bdag kyang sems can gyi khongs su gtogs pas ma lus pa 'dul ba la mkhas pa bde ba dam pa rnams thob par bya ba'i phyir bdag sgrubs zhes bya ba slob dpon gyis bcom ldan 'das la gsol ba
 btab pa yin no/ /de yang sems can gyi khams thams cad 'dul bar mdzad pa la mkhas pa ni/ dpal rdo rje sems dpa' la sogs te/ ma lus pa 'dul ba la mkhas pa de rnams kyi bde ba dam pa ni thog ma dang tha ma med pa'i chos kyi dbyings kyi rang bzhin can gyi
 sems dang sems las byung ba rnams so/ /de rdzogs pa'i don du bcom ldan 'das khyod bdag la sgrubs shig ces bya'o/ /de ltar bsdus pa'i dkyil 'khor gyi glu bstan nas/ da ni glu de nyid kyis ras ris kyi dkyil 'khor 'dir 'jug pa ni thams cad rjes su
 chags pa zhes bya ba la sogs pa nges par gzung ba'i don du slar yang gsang ba'i dkyil 'khor du 'jug pa'i glu bstan par bya ba'i phyir/ de nas mchog tu gsang ba'i cho ga dam pa zhes bya ba la sogs pa gsungs te de yang bshad zin to/ /de ltar rigs thams cad
 kyis dkyil 'khor du 'jug pa'i glu'i mchod pa bstan nas/ da ni dus kyi nges pa bstan par bya ba'i phyir/ dus gang la glu'i mchod pa 'di lta ste/ gtam rgyud phyag mtshan phyag rgya yis/ /zhes bya ba la sogs pa sna tshogs pa'i phyag rgyas mchod par bya ba gang yin pa
 de nyid ni de nas zhes bya ba la sogs pa gsungs te de nas kyi sgra ni skabs su bab bas te/ phyag rgya sna tshogs pa'i mchod pa'i skabs 'dir ro/ /mchog tu gsang ba'i cho ga ni gsang ba'i dkyil 'khor te der mchog tu gsang ba yin la/ bla ma dam pa yang de nyid yin pas
 na mchog tu gsang ba bla ma dam pa'o/ /de yang gang yin zhe na/ dpal rang gi dam tshig ni dpal rdo rje sems dpa'i gsang ba'i dkyil 'khor te/ de bla na med pa mchog tu gsang ba rdo rje glu'i mchod pa de ni bcom ldan 'das bde chen thar pa'i grong khyer du zhes bya ba la
 sogs pas ji lta ba bzhin du gsungs pa'o/ /de yang shin tu mchog tu grub pa zhes bya ba ni thog ma dang tha ma med pa'i dpal rdo rje sems dpa' gsang ba'i dkyil 'khor gyi dngos grub ster ba'i phyir ro/ /glu de blangs la phyag rgya sna tshogs pa'i mchod pa bya ba yin no/ /ci byas nas
 she na/ mchog gi de kho na nyid ces bya ba la sogs pa la mchog gi de kho na nyid dam pa yang de nyid yin la rdo rje glu'i mchod pa yang de nyid yin pas na/ mchog gi de kho na nyid dam pa'i rdo rje glu'i mchod pas te/ oM nam mkha'i skye ba mtshan ldan phyir/ /zhes bya ba la sogs
 pas ji lta ba bzhin du bstan pa'o/ /de dang bcas pa'i ji lta ba bzhin du bshad pa'i glu dang rol mo'i cho ga ni mchog gi de kho na nyid dam pa'i rdo rje'i glu'i mchod pa dang rol mo'i cho ga ste/ sngar bshad pa'i tshul de nyid kyis rjes su bsgrub par byas nas ji lta ba bzhin du rjes su
 bsgrub par bya ste/ de'i 'og tu sngar bshad pa'i dkyil 'khor bskor ba'i gar dang / phyag rgya sna tshogs pa'i mchod pas so sor bsgrub par bya'o/ /'di ltar 'chad par 'gyur te/ ji lta ba bzhin du gsang ba'i dkyil 'khor gyi sgom pas sngon du bsnyen par byas nas
 gsang ba'i dkyil 'khor bris te rab tu 'jug pa la sogs pa'i cho ga rjes su spyad la/ slob ma gzhug pa la sogs pa'i cho ga rdzogs par byas nas slob ma'i tshogs dang bcas pa'i sngon du spyod pa byas nas shin tu brlabs pa'i skyes pa dang bud med kyi tshogs dang bcas
 pas yi ge hUM gi glu'i cho ga dang rol mo'i cho ga de kho na nyid glu dang bcas pas rjes su spyad par bya'o/ /de nas rdo rje glu'i mchod pa dkyil 'khor bskor ba'i gar gyis byas la/ bcom ldan 'das bde chen zhes bya ba la sogs pa'i glu blangs te phyag rgya sna tshogs
 pa'i mchod pa bya ba yin no/ /de bzhin gshegs pa yang yin la thams cad kyang de nyid yin pas na de bzhin gshegs pa thams cad de/ de rnams kyi cho ga ni shin tu gsang ba bla na med pa'i rtogs pa thams cad kyi rdo rje sems dpa'i lha thams cad kyi gzugs thams cad
 ston pa'o/ /rang bzhin can gyi sna tshogs pa'i dam tshig chen po rnams kyi cho ga ni phyag rgya sgrub pa'i cho ga 'di yin no zhes bya ba 'dis dpe tsam du bstan pa yin te/ rigs thams cad kyi dkyil 'khor yang dngos po 'di thun mong yin pa'i phyir ro/ /sna tshogs cho ga 'di yis ni/ /
 zhes bya ba ni phyag rgya sna tshogs pa'i mchod pas so/ /rdo rje sems dpa' bsdus pa yin/ /zhes bya ba ni dpal rdo rje sems dpa'i gsang ba'i dkyil 'khor gyi rnal 'byor ro/ /kun mchog sna tshogs chen po'o/ /rnal 'byor dbang phyug rab bsgrubs pa/ /zhes bya ba la kun
 mchog kyang yin la dbang phyug kyang yin pas na kun mchog sna tshogs chen po'o/ /de'i rnal 'byor ni shin tu rnal 'byor gyi ting nge 'dzin gyi ngo bo ste/ des ni dbang phyug ni gzugs thams cad ston par byed pas sems can gyi don te sgrub par 'gyur ro/ /da ni bsdu ba'i tshigs
 su bcad pas 'das ma thag tu bshad pa'i rtogs pa rgyas pa'i don bstan par bya ba'i phyir/ de ltar zhes bya ba la sogs pa gsungs te/ de ltar 'das ma thag tu bshad pa'i tshul gyis thams cad dgug pa la sogs pa dang / mchod pa chen po la sogs pa'i rang bzhin
 can gyi dpal mchog dang po'i rtogs pa'i cho ga rgyas pa ste/ des sna tshogs pa ni rnam pa sna tshogs pa'i gtam rgyud can no/ /sna tshogs pa'i gtam rgyud can gyi cho ga rgyas pa nyid mchog tu gsang ba'i rol mo ste/ phyag rgya sna tshogs pa'i mchod pa'i rang bzhin can no/ /de nyid
 dpal rdo rje sems dpa'o/ /dngos grub kyi nyams dang ldan pa'o/ /de lta bu de ji lta ba bzhin du bshad pa'i sgrub pa dang / rjes su sgrub pa dang / so sor rjes su sgrub pa rnams kyi rnal 'byor pa gang gis mngon du byed pa ni bsten pa ste/ de dag la dpal rdo rje sems dpa'i bde ba dang
 yid bde ba'i rang bzhin can gyi dngos grub kyi bde ba chen po nyid thob pa yin no zhes bya ba dang sbyar ro/ /de yang ji lta bu zhe na/ sna tshogs pa'i rgyal mtshan mtho ba dang ldan pa zhes bya ba ni dpal rdo rje sems dpa' la sogs pa'i phyag mtshan dang bcas pa'i sna tshogs pa'i sku mtho ba
 dang ldan pa gang yin pa de dag gis mchog gi dngos grub kyi bde ba chen po nyid nyams su myong ba yin no/ /don yod ces bya ba ni don yod pa yin te/ 'dod pa'i 'bras bu sgrub par byed pa'o/ /mchog gi ji lta ba bzhin du bshad pa'i thog ma dang tha ma med pa'o/ /bsod nams
 ldan zhes bya ba ni sdig pa thams cad kyi dri ma sbyong bar byed pa'o/ /de gang zhe na/ cho ga zhes bya ba ni thams cad dgug pa la sogs pa'i ngo bo'o/ /mchog tu rtag pa ni shin tu thog ma dang tha ma med pa'o/ /mchog tu rtag pa de gang gis sgrub par byed pa de dag gis shin tu dam
 pa 'dod pa'i dngos grub dbang phyug ci bder thob ces bya ba dang sbyar ro/ /kun mchog gsang ba chen po zhes bya ba ni gsang ba'i dkyil 'khor ro/ /de nyid dngos grub thams cad myur sgrub ces bya ba ni rdo rje sems dpa' la sogs pa'i dngos grub thams cad myur du sgrub
 par byed pa'o/ /de lta bu'i grong khyer mchog tu zhugs na sgrub pa po gang gis sgrub par byed pa de dag gis thog ma dang tha ma med pa'i dngos grub kyi dbang phyug gi bde ba rnams thob pa yin no/ /ni'i sgra ni nges par gzung ba ste de rnams kho nas thob kyi gzhan gyis ni ma yin no/ /
 sgrub pa po gang la sgrub pa'i cho ga gzhan dag dang sgrub pa bdun gyis kyang 'grub par ma gyur pa dang / dngos grub rdzogs par byed pa'i bsod nams dang mi ldan pa dang / yo byad la sogs pa phun sum tshogs pa yang med pas dpal rdo rje sems dpa'i mchog gi dkyil
 'khor du zhugs kyang grub par ma gyur pa dang / bsod nams med pa dang / phun sum tshogs pa dang mi ldan pa'i sgrub pa po gsang ba'i dkyil 'khor 'dir mngon par 'dod pa'i dngos grub bsgrubs na rab tu 'grub par 'gyur ro/ /de'i phyir ma zhugs kyang
 'grub par 'gyur ro zhes bya ba kyang gi sgras bstan to/ /gal te rdo rje sems dpa' mchog /snying po sogs kyis ma grub na/ /zhes bya ba la gal te bcom ldan 'das rdo rje sems dpa' dang / phyag rgya dang / sngags dang / rig pa rnams kyis mchog ste phul du byung
 ba grub par ma gyur pa dang / a nu ra ga ya mi hUM zhes bya ba nye ba'i snying po dang bcas pa bsgrub par bya ba sgrub pa po la gal te grub par ma gyur na gsang ba'i dkyil 'khor 'dir sgrub pa po zhugs te/ nye ba'i snying po med na yang de 'grub par 'gyur ro/ /dpal mchog dang po'i
 rtsa rgyud du/ /de ltar myur du grub pa min/ /zhes bya ba la sogs pa la/ dpal mchog dang po'i rtsa ba'i rgyud las ji lta ba bzhin du bshad pa'i sgrub pa'i rnam pa rtsa ba'i rgyud las gsungs pa gang yin pa des myur du grub pa ma yin te/ ji ltar dang po'i khang par lha mo bzhi phreng gi
 dbus na bzhugs pa'i dpal rdo rje sems dpa'i gsang ba'i dkyil 'khor gyi sgrub pa po ji ltar grub pa de ltar dpal mchog dang po'i rtsa ba'i rgyud la grub pa ma yin no/ /dkyil 'khor thams cad sgrub pa yis/ /de ltar thams cad grub pa min/ /zhes bya ba la gsang ba'i
 dkyil 'khor ma gtogs pa'i dkyil 'khor thams cad sgrub pa'i dngos grub kyi cho ga gzhan dag gis phyag rgya chen po la sogs pa de ltar grub par 'gyur ba ma yin te/ ji ltar mchog tu gsang ba'i dkyil 'khor gyi khang pa mchog 'di mthong ba nyid kyis so/ /dkyil
 'khor du ma zhugs pa rnams la rdo rje dang dril bu'i phyag rgya bstan pa dang / slob dpon la brnyas pa la sogs pa'i rang bzhin can gyi dam tshig nyams pa'i rgyus spangs pa ni dam tshig nyams pa'o/ /de nyid kyi phyir nyon mongs pa'i sgrib pa la sogs pa smod pa ni sgrib pa
 thams cad kyis smad pa'o/ /bdud sogs gdon gyis reg pa zhes bya ba la/ rig pa mchog las gsungs pa'i gdon bco brgyad kyis reg pa gang yin pa de dag kyang / gal te gsang ba'i dkyil 'khor du zhugs nas sgrub par byed na nges pa kho nar grol bar 'gyur
 ro/ /thog ma dang tha ma med pa'i rtag pa'o/ /dkyil 'khor du ni ma zhugs pa'am/ /zhes bya ba la sogs pa la dkyil 'khor gzhan du ma bsgrubs pa'am/ dkyil 'khor ma grub pa gang yin pa de rnams kyang gsang ba'i dkyil 'khor du zhugs pa ste/ gal te sgrub
 par byed na myur du dngos grub thob par 'gyur ro/ /de rgyu gang gi phyir zhe na/ bsgrub bya min 'dir cung zad med/ /ces bya ba la sogs pa la gang gi phyir gsang ba'i dkyil 'khor 'dir phyag rgya chen po la sogs pa bsgrub par bya ba ma yin pa gang yang med pa'i phyir ro/ /
 las ni rnam pa sna tshogs pa'o/ /bde ba ni 'jig rten dang 'jig rten las 'das pa'i ste bsgrub par bya ba ma yin pa yod pa ma yin no/ /de'i phyir grub pa'i las kyi bde ba rnams/ rtogs pa thams cad las nye bar thob pas na bsgrub par bya'o/ /de ltar sgrub par byed
 pa po la phyag rgya chen po la sogs pa'i dngos grub thams cad bzhi 'gyur 'grub pa yin no/ /de ltar 'chad par 'gyur te/ rtogs pa gzhan rnams la gang zhig phyag rgya chen po'i dngos grub zla ba bzhis 'grub par 'gyur ba de nyid gsang ba'i dkyil 'khor du zhugs na zla
 ba gcig gis 'grub par 'gyur ro/ /slob ma gzhug pa la sogs pa'i las kyi cho ga rgyas pa rdzogs so// //slar yang gsal bar bya ba'i phyir cho ga thams cad brjod par bya ste/ ji lta ba bzhin du bdag bsrung ba dang / gnas bsrung ba dang / khrus dang ji skad
 bshad pa'i gos dang rgyan rnams kyis brgyan par byas la/ rdo rje dang dril bu 'chang bas yid dang rjes su mthun pa'i gnas su bcom ldan 'das rdo rje sems dpa' 'khor dang bcas pa'am/ gcig pu lugs ma'am brdungs ma la sogs pa'i dngos po bzhugs
 su gsol la slar yang bdag bsrung ba byas la/ rdo rje gnod sbyin yongs su bzlas pa'i dri bzangs kyi chu lha'i mchod pa lngas yongs su bsangs la/ rdo rje me lan gsum yongs su bzlas la/ me tog la sogs pa'i rig pa rnams kyis slar yang yongs su
 bzlas te/ ar+g+ha'i phyag rgyas yi ge hUM lan bdun bzlas pa ar+g+ha la sogs pa la yongs su bzlas nas bzhag ste/ rdo rje gnod sbyin yongs su bzlas pa'i dri bzangs kyi chu lha'i khang pa'i sgor yongs su bsang ba'i phyir bzhag ste/ rtag tu rdo rje dril 'chang zhing / /thams
 cad dgug dang mchod pa che/ /bdag byin brlab sogs bsgrub pa yis/ /mchog gi dngos grub bsgrub par bya/ /de la dang po yi ge hUM brjod cing dang po'i rdo rje bcings te sa la bzhag la/ a nu ra ga ya mi hUM zhes bya ba brjod cing gsang ba'i dkyil 'khor rdzogs par byas
 nas/ phun sum tshogs pa yod na me tog la sogs pas yang dag par mchod cing 'tshal te/ sdom pa gzung ba'i bar mthar thug pa'i cho ga rjes su spyad nas dam tshig rdo rje khu tshur gyi phyag rgya bcing ba'i mthar thug pa'i phyag rgya bcing bar byas la/ dkyil 'khor thams
 cad kyi phyag rgya bstod pa snga ma bzhin rjes su spyad la/ ji lta ba bzhin du dpal rdo rje sems dpa'i phyag rgya chen po bcing bar bya'o/ /de nas yid kyis nam mkha' dang mnyam pa'i rang gi snying ga'i zla ba la nam mkha' dang mnyam pa nyid kyi tshul gyis bzhugs te/ dang po'i rdo rjes
 der gsang ba'i dkyil 'khor rdzogs par byas la/ dngos grub kyi rdo rje brtul zhugs kyi mthar thug pa'i cho ga rdzogs nas/ dkyil 'khor de rang gi snying ga na gnas pa zla ba'i dkyil 'khor gyi khongs su chud par bsams la/ rang gi lus la lha thams cad kyi gnas
 skabs su yi ge hrIHlas byung ba'i sna tshogs pad+ma rnams rdzogs par byas te/ brten pa'i lus po'i phyi rol gyi mdun du sna tshogs pad+ma'i gdan gyi steng du dpal rdo rje sems dpa' la sogs pa ji skad bshad pa bzhin du sprul te/ rdo rje lcags kyu la sogs pa'i las kyi
 phyag rgya rnams kyis dgug pa dang gzhug pa dang / bcing ba dang dbang du byas nas/ rang gi dam tshig gi phyag rgya rnams kyis blta bar byas la/ gsang ba'i lcags kyu ma bcings nas/ dzaHdpal mchog dang po rdo rje 'chang / /zhes bya ba'i glus 'khor dang bcas
 pa'i rdo rje sems dpa' rang gi lus la rang gi gnas su bcug la/ rang gi dam tshig gi phyag rgya rnams kyis rab tu bsgrubs la/ chos dang las dang phyag rgya chen po rnams kyis rgyas btab nas snga ma bzhin du de bzhin gshegs pa thams cad brten pa'i lus dang rdo rje
 sems dpa' la sogs pa'i sku la rab tu bcug ste/ phyag rgya bzhis rgyas btab nas dang po'i yi ge rdo rjes snying ga dang / smin mtshams dang / mgrin pa dang spyi bor rang gi bdag nyid de bzhin du byin gyis brlabs nas yi ge brgya pas brtan par byas nas/ dbang
 bskur ba'i phyag rgyas sangs rgyas lnga'i cod pan gyi dbang bskur ba blangs te/ yi ge gnyis kyi go chas bdag nyid go bgos nas de kho na nyid dang / chos dang dam tshig rnams blangs te dam tshig gsum gyi glu'i mchod pa dang / rjes su sgrub pa byas nas rang gi snying gar
 snga ma bzhin du dkyil 'khor rdzogs par byas la lha dgod pa'i cho gas rdo rje sems dpa' la sogs pa rdo rje dril bu ma'i bar rnams rang gi phyag rgya rnams kyis dgod par byas nas de bzhin du/ badzra At+ma ko la sogs pa'i snying po gsum brjod cing de'i don gsum rnam par
 bsgoms la/ de bzhin gshegs pa thams cad kyi dpal dam tshig chen po'i dkyil 'khor bdag yin no zhes bya ba rang nyid kyis brjod cing rdo rje sems dpa' gsang ba'i dkyil 'khor gyi rang bzhin du bdag nyid nges par byas nas lha mo thams cad kyi snying gar gnas pa'i
 rdo rje'i dbus su yi ge hUM rnam par bsams te/ de nyid yid kyis rdo rje'i ngag gam rab tu dga' ba'i rdo rje'i ngag gis brjod cing / ji srid du nyin re lan cig bdag la byin gyis brlab pa la sogs pa sngon du 'gro bas bsgom par bya ste/ ji srid mngon du gyur pa bzhin du nyin re
 bsgom pa'i dus su dkyil 'khor mthong bar 'gyur ro/ /de nas de kho na nyid bsdus pa las gsungs pa'i tshul gyis mngon par shes pa bsgrub par bya ste/ de ltar mchog tu bsnyen pa byas par 'gyur ba yin no/ /yang na ting nge 'dzin gsum gyi sgom pa nas
 brtsams la de ji srid du dkyil 'khor 'di bsgom par byas te ji srid mngon du mthong bar 'gyur pa'o/ /de nas de bzhin du mngon par shes pa bsgrub par bya ba yin no/ /yang na tshogs kyi 'khor lo'i tshul gyis sngon du bsnyen pa byas la mngon par shes pa bsgrub par bya'o/ /de
 nas ji skad bshad pa'i khang pa sum brtsegs su dpal rdo rje sems dpa'i rgyan rnams kyis bdag nyid brgyan par byas la/ sdom pa bzung ba'i mthar thug pa'i cho ga rjes su spyad nas ji lta ba bzhin du rnal 'byor chen po dang / gzhal yas khang pa dang / gdan rnams rdzogs
 par byas la brla gnyis la dril bu gnyis bcings te/ dbus su sems dpa'i skyil mo krung gis nye bar 'dug la bdag nyid spro ba bskyed par bya'o/ /de bzhin du de bzhin gshegs pa thams cad spyan drang bar byas la yan lag gis phyag byas la dkyil 'khor gyi rgyal po mchog
 dang / las kyi rgyal po mchog rnam par bsgom par bya'o/ /de nas phyag rgya chen po bcings la yi ge hUM brjod cing de la brtson pas gsang ba'i dkyil 'khor bsgom par bya'o/ /de nas de bzhin gshegs pa thams cad kyi gsang ba'i dkyil 'khor bri ba'i phyir/ bdag nyid la
 gsol ba gdab par bsam par bya'o/ /'dod chags chen po bde ba che/ /bcom ldan khyod la gsol ba ni/ /snying po 'di yi rtogs pas ni/ /bde ba chen po myur sgrub byed/ /ces bya ba'i tshig 'dis so/ /de nas langs te de bzhin gshegs pa thams cad kyi zhabs la phyag 'tshal
 bar byas nas/ bdag ni rang nyid rdo rje can/ /zhes bya ba la sogs pa nas/ bdag po rdo rje chen po bdag /ces bya ba'i bar du brjod par bya'o/ /de la dang po'i rdo rjes/ hUM badzra tiSh+Tha sarba ta thA ga ta shrI ma hA sa ma ya maN+Dal ud tha pa ya zhes brjod cing gsang ba'i dkyil 'khor bteg la/ nam
 mkha'i phyogs su bzhugs su gsol te snga ma bzhin du dang po'i rdo rjes gnas bzhir yi ge hUM dang rdo rje sems dpa' la sogs pas byin gyis brlabs la/ slar yang phyag rgya chen po bcings te/ badzra tiSh+Tha ma Ta ces bya ba mig gnyis su rnam par bsams la/ phyag rgya la gnas de bzhin
 las/ /kun du rnam par bltas nas ni/ /yi ge hUM ni brjod bya zhing / /bsgyings pa'i tshul gyis yongs su bskor/ /de nas ji lta ba bzhin du bshad pa'i tshul gyis gsang ba'i dngos po'i dkyil 'khor bkug la/ byin gyis brlab pa'i phyag rgyas byin gyis brlabs te/ snga ma bzhin du
 phur bus gdab par bya'o/ /de nas bgegs bskrad pa la sogs pa dang / sgo bcad pa dang / dkyil 'khor gyi srung ba thams cad byas la/ rdo rje gnod sbyin yongs su bzlas pa'i bum pa dkyil 'khor gyi sgo yongs su bsang ba'i don du bzhag la/ rdo rje gnod sbyin
 yongs su bzlas pa'i dri zhim po'i chus dkyil 'khor gyis gzhi byug par bya'o/ /de nas dpal rdo rje sems dpa' la sogs pa'i snying po rnams kyis lan bdun gyis mngon par bsngags pa'i dri'i maN+Dal rnams lha thams cad kyi gnas rnams su bya'o/ /maN+Dal de rnams la
 dpal rdo rje sems dpa' la sogs pa rnams rang rang gi snying po bkod la/ mchod pa lngas yang dag par mchod la phyi rol du gtor ma byin la ji lta ba bzhin du bshad pa'i mtshan nyid can gyi rnam par rgyal ba'i bum pa rdo rje gnod sbyin dang rdo rje me dang / rdo rje sems dpa' rnams so
 sor lan brgya rtsa brgyad bzlas pa de'i cho gas lhag par gnas par byas la dpal rdo rje sems dpa'i mdun du bzhag nas rdo rje gnod sbyin dang / rdo rje sems dpa' dang / sangs rgyas spyan rnams kyi re re zhing yang mar la sogs pa brgya rtsa brgyad kyis sbyin sreg bya'o/ /de nas mtshan
 brgya rtsa brgyad kyis bstod nas rnam pa bcu gnyis kyi phyag rgya'i mchod pas bcom ldan 'das 'khor dang bcas pa mchod cing phyag byas nas/ bcom ldan 'das la mchod yon phul la slob ma rnams lhag par gnas par bya'o/ /de bzhin du lhag par gnas par bya'o/ /slar yang
 bcom ldan 'das la phyag byas nas mtshan brgya rtsa brgyad kyis bstod la/ mchod yon phul ba sngon du 'gro bas yang dag par mchod cing phyag byas te/ zab pa dang rgya chen po'i chos slob ma rnams la bstan par byas la/ slob ma'i tshogs dang bcas pa'i slob dpon gyis
 dkyil 'khor gyis gzhi'i mthar rmi lam brtag par bya'o/ /de nas skya rengs 'char ba'i dus su mal nas langs te snga ma bzhin du rnal 'byor chen po byas la/ nyi ma 'char ka'i dus su rdo rje sems dpa'i dkyil 'khor chen po'i cho gas de bzhin du nam mkha'i phyogs su dkyil 'khor
 bzhag la thig gdab par bya'o/ /de nas de bzhin du rdul tshon bkye bar bya ste/ dkyil 'khor gyi dbus kyi lte ba la lha mo bzhi yang dag par 'dus pa'i sbyor bas bris la/ dpal rdo rje sems dpa'i ras ris de shar phyogs su mngon par phyogs par bzhag la/ oM su ra ta s+t+waM hUM zhes bya
 bzlos shing nam mkha'i phyogs nas phab ste/ dpal rdo rje sems dpa' ras ris de la dgod par bya'o/ /'dod chags rdo rje ma la sogs pa rnams kyang rdo rje sems dpa'i dkyil 'khor chen po las gsungs pa'i snying po rnams kyis so/ /de la g.yas phyogs na bzhugs pa'i kI li
 kI las bcom ldan 'das rdo rje sems dpa' la 'khyud nas spro ba bskyed par 'gyur bar bri bar bya'o/ /kI li kI la'i g.yas phyogs na 'dod chags rdo rje ma ste/ g.yon pa rdo rje khu tshur gyis rdo rje'i gzhu blangs te/ phyag g.yas pas rdo rje rtse gcig pa'i mde'u dang ldan pa'i mda' gsor
 ba la brtson pa'o/ /rdo rje dran ma ni phyag g.yon pas chu srin gyi rgyal mtshan 'chang ba ste/ bcom ldan 'das kyi g.yon logs su bcom ldan 'das kyi bsnyems pa'i phyag gis yongs su 'khyud pa'o/ /rdo rje dran ma'i g.yon logs su rdo rje 'dod pa'i dbang phyug ma ste/ g.yon pa'i rdo rje khu
 tshur rdo rje dril bu dang bcas pas bsnyems pa mdzad nas phyag g.yas pas me tog gi phreng ba blangs te des bcom ldan 'das bsnun par mdzad par bri bar bya'o/ /rdo rje sems dpa'i mtshams rnams su/ /dus kyi mchod pa dgod par bya/ /rab tu dga' ma'i dga' ba dang / /spyan dang
 de bzhin dpal chen mo/ /me tog spos dang mar me che/ /dri rnams steng du ka pu tas/ /lha mo rdo rje rgyal mo rnams/ /de yi phyag rgya bshad par bya'o/ /he badzra ra ti ma hA ra ti badzra ho/ /oM badzra lo tsa ne/ ma hA shrI badzra hA/ sgeg mo bzhad ma glu ma che/ /gar ma lha yi bu mo'i tshogs/ /'di
 dag sgeg ma'i rdo rje ma/ /phyi yi mtshams su dgod par bya/ /he ra ti badzra bi la si na traT/ bi ga ba ti badzra ha sa ha ha/ he ra ti badzra gi te te te/ he ra ti badzra ni ti pe pa pe pa/ rdo rje lcags kyu zhags pa ma/ /rdo rje lcags sgrog dril bu ma/ /sgo srung ma ni bzhi po dag /sgo rnams la ni bzhugs pa
 yin/ /badzra aM ku sha dzaH/ badzra pA sha hUM/ badzra shaM ka le baM/ badzra g+ha N+Te hoHzhes bya ba'o/ /rdo rje sems dpa'i dkyil 'khor las gsungs pa kho na'i phyag rgya chen po rnams kyis bri bar bya ste/ de la dpal rdo rje sems dpa' dang lha mo bzhi po ni rab tu grags pa yin no/ /rab tu
 dga' ma dang / sgeg mo dang / lcags kyu ma rnams ni sku mdog dkar dmar ro/ /dga' ma dang / bzhad ma dang / zhags pa ma la sogs pa rnams ni bla ka sha ltar dkar ba'o/ /spyan ma dang / glu ma dang / lcags sgrog ma rnams ni ut+pal sngon po'i 'dab ma dang mtshungs pa'i
 mdog can no/ /dpal chen mo dang / gar ma dang / dril bu ma'i sku mdog ser mo'o/ /de ltar dkyil 'khor bris la/ rdo rje hUM mdzad kyi rnal 'byor byas la ji lta ba bzhin du zhugs te sgo dbye bar bya ste/ slar yang bcom ldan 'das rdo rje sems dpa'i phyag rgya chen po bcings la
 bdag nyid rdo rje sems dpa' rnam par bsgoms te/ 'dud pa byas nas mtshan brgya rtsas bstod par bya'o/ /de nas bcom ldan 'das rdo rje sems dpa'i mdun du sems dpa'i skyil mo krung gis 'dug ste/ rdo rje dril bu dang bcas pa'i gsang ba'i lcags kyu ma bcings te/ dza mchog
 dang po zhes bya ba la sogs pa'i spyan 'dren pa'i glus bcom ldan 'das 'khor dang bcas pa bkug la dkyil 'khor du bcug ste/ rdo rje gnod sbyin gyis bgegs bskrad pa la sogs pa byas nas rdo rje khu tshur gnyis kyis sgo rnams bcad la/ rdo rje go chas go bkon nas yi ge hUM brjod cing
 bcom ldan 'das 'khor dang bcas pa la mchod yon phul te/ dam tshig gi phyag rgya rnams kyis bcom ldan 'das 'khor dang bcas pa bsgrub par bya'o/ /de nas chos dang las dang phyag rgya chen po rnams kyis rgyas btab la dbang bskur ba'i phyag rgyas dbang bskur te/ de la
 bcom ldan 'das dang / 'dod chags rdo rje ma dang / rab tu dga' ma dang / sgeg mo dang / lcags kyu ma ni de bzhin gshegs pa mi bskyod pa'i cod pan gyi phyag rgyas dbang bskur ba'o/ /kI li kI la dang / dga' ma dang / bzhad ma dang / zhags pa ma ni de bzhin gshegs pa rin
 chen 'byung ldan gyi cod pan gyi phyag rgyas dbang bskur ba'o/ /rdo rje dran ma dang / spyan ma dang / glu ma dang / lcags sgrog ma ni de bzhin gshegs pa 'od dpag med kyi cod pan gyi phyag rgyas dbang bskur ba'o/ /rdo rje 'dod pa'i dbang phyug ma dang / dpal chen mo dang / gar ma dang / rdo
 rje dril bu ma ni de bzhin gshegs pa don yod par grub pa'i cod pan gyi phyag rgyas dbang bskur bar bya'o/ /de nas mchod yon phul ba bum pa gang ba la sogs pa'i mchod pa thams cad kyis bcom ldan 'das 'khor dang bcas pa de bzhin du yang dag par mchod la/ phyi rol du gtor ma
 gtang bar bya'o/ /de nas rdo rje gnod sbyin dang / rdo rje me dang / sangs rgyas spyan rnams kyis de bzhin du sbyin sreg byas te/ thab khung gi dbus su dpal rdo rje sems dpa' 'khor dang bcas pa yi ge hUM la sogs pa brjod cing me tog gi dkyil 'khor gyi tshul du bkod la/ mar la
 sogs pa'i rdzas rnams re re zhing yang yi ge hUM gis brgya rtsa brgyad du sbyin sreg bya'o/ /'dod chags rdo rje ma sogs kyi/ /snying po rnams kyis bdun bdun bsreg /de nas yi ge hUM la sogs pa brjod cing me tog dag kho nas dpal rdo rje sems dpa' la sogs pa rnams bris pa'i
 dkyil 'khor dang gcig tu byas te/ ji lta ba bzhin du rang gi gdong g.yogs bcing ba la sogs pa byas la/ phyag 'tshal ba la sogs pa sngon du 'gro ba'i sdom pa snga ma bzhin du blangs nas/ oM sarba yo gtsi t+ta u pA da yA mi zhes bya bas byang chub chen po'i sems bskyed nas/ g.yas
 pa'i rdo rje khu tshur gyis dang po'i rdo rje blangs te/ rang gi snying gar yi ge hUM gis bkod la 'di ltar brjod par bya ste/ su ra te sa ma ya s+t+waM ho/ /badzra sid+d+he ya thA su khaM zhes bya'o/ /de nas sgo'i phyi rol na gnas pa'i bum pa'i chu g.yas pa'i rdo rje khu tshur gyis blangs pa des yi ge hUM brjod cing bdag nyid
 la dbang bskur te/ ji ltar bshad pa'i mtshan can gyi rdo rje shugs kyis/ rdo rje'i gar gyi sbyor ba yis/ /spyi bor me tog ka su ta/ /rdo rje glu yis gar bya zhing / /grong khyer du ni rab 'jug bya/ /dngos grub kun gyi bde ba nyams dga' ba'i/ /thar pa'i grong du bcom ldan bde chen 'jug /mchog
 tu bde ba dam pa'i dngos grub kyis/ /dzaHhUM baM hoHrab tu grub par mdzod/ /ces bya ba dang / shar gyi sgo nas rdo rje lcags kyu ma'i snying po brjod cing rdo rje lcags kyu mas bdag nyid bkug par bsam par bya'o/ /de nas lho'i sgo nas de bzhin du 'jug pa dang / rdo rje zhags pa ma'i snying
 po yang brjod par bya'o/ /de nas de bzhin du nub kyi sgo nas 'jug pa dang / rdo rje lu gu rgyud ma'i snying po yang brjod par bya'o/ /de nas slar yang byang gi sgo nas de bzhin du 'jug pa dang / rdo rje dril bu ma'i snying po yang brjod par bya'o/ /slar yang shar gyi sgo nas de bzhin du zhugs nas
 'di ltar brjod par bya ste/ ma hA ra su tri ta su tro sha su su kho badzra satwa a d+ya sid+d+ha maM zhes bya ba'o/ /de nas rdo rje gar las byung ba'i bcom ldan 'das kyi phyag rgya chen po bcings la/ g.yon pa'i rdo rje mig gis ni/ /de yi mgon po la phyag bya/ /g.yon bsnyems bzhin pas bstod pa
 yis/ /sgeg ma'i mig ni btsums pa'o/ /oM mchog tu bde ba'i sems ni rol bar ldan/ /sgeg pa'i phyag gis bcom ldan 'das la 'dud/ /dzaHhUM baM hoHhi hi hi hi he/ /mgon po snyim pa'i me tog bzhes su gsol/ /slar yang 'jug pa'i phyag rgya bcings la dkyil 'khor la lan
 gsum bskor ba byas te/ bcom ldan 'das kyi mdun du 'dug la de kho na nyid 'di lan cig brjod par bya ste/ 'dod chags chen po bde ba che/ /rdo rje chen po nor che ba/ /ye shes chen po las chen po/ /rdo rje sems dpa' deng bdag grub/ /ces bya'o/ /'di yang brjod par bya ste/ dzaHhUM
 baM hoH/ pra ti sid+d+hi maM zhes bya'o/ /de nas rdo rje'i chu 'thungs la/ g.yon pa'i khro bo'i khu tshur gyis sems dpa' rdo rje ma'i phyag rgya dral zhing hUM a zhes bya bas lan brgya brjod cing bdag nyid la dbab par bya'o/ /de nas me tog sil ma gtor bar bya ste/ /ka pu ta yi thal
 mo ni/ /spyi bor bzhag ste phab nas kyang / /sgeg bcas mthe bong mthe chung bar/ /bkrol nas rdo rje 'dzin la dbul/ /de nas phyag 'tshal ba'i sngags brjod cing bya'o/ /de nas phreng ba de sngags 'dis rang gi spyi bor bcing bar bya ste/ /'dod pa kun gyi dbang phyug nyid/ /
 sems can kun la bde stsol ba/ /thams cad grub phyir rdor 'dzin gyi/ /de ring khyed la dbang bskur mdzad/ /oM ma hA su kha badzra satwa s+t+waM a b+hi Shiny+tsa su ra ta s+t+waM zhes bya ba'o/ /de nas badzra tsa k+Shu sa ma ya sarbaM su ra ta s+t+waM zhes bya ba 'dis gdong g.yogs dgrol bar bya'o/ /de nas yi ge hUM
 las mig gnyis su rdo rje rnam par bsams la he badzra pA sh+ya zhes brjod cing / rdo rje lcags kyu ma nas brtsams te dpal rdo rje sems dpa'i mthar thug pa'i bar gyi dkyil 'khor la blta bar bya'o/ /de nas tiSh+Tha badzra zhes bya ba la sogs pas rang gi snying gar 'jug pa'i phyag rgya
 bcings te dgrol bar bya'o/ /rdo rje thal mo bskor ba shis par brjod pa sbyin pa'i tshul gyis snying ga'i phyogs su bzung zhing mtshan brgya rtsas bcom ldan 'das la bstod de/ 'dod chags rdo rje ma la sogs pa gsang ba'i mchod pa bzhi dang glu dang gar gyi mchod pas yang dag
 par mchod la/ rang gi bdag nyid rdo rje sems dpar byin gyis brlabs te/ dkyil 'khor gyi lha thams cad rang gi dam tshig gi phyag rgya rnams kyis rang gi lus la gnas ji lta ba bzhin du rnam par bkod nas/ de bzhin gshegs pa thams cad legs so'i sbyor bas de bzhin du
 lus kun la yang dag par bcug la bzhag ste/ phyi'i dkyil 'khor gyi nang du shar gyi sgor mngon par phyogs par sna tshogs pad+ma bris te/ de'i steng du dpal rdo rje sems dpa'i phyag rgya chen pos nye bar 'dug pa'am/ yang na dbang bskur ba'i dkyil 'khor du sna tshogs pad+ma bris
 pa'i ras ris kyis bkab pa'i seng ge'i gdan la 'dug ste/ mchod yon phul la sngon du 'gro ba'i mchod pa lngas bdag nyid yang dag par mchod la/ rnam par rgyal ba'i bum pa las rdo rje khu tshur gyis chu blangs te dbang bskur bar bya zhing / chu de btung bar yang bya'o/ /de yang oM badzra a
 b+hi Shiny+tsa hUM zhes bya ba brjod cing / /'di ni khyod kyi dmyal ba'i chu/ /zhes bya ba la sogs pa mna' bsgag pa'i snying po yang brjod cing bya'o/ /de nas gos dang rgyan rnams kyis bdag nyid brgyan la/ sangs rgyas lnga'i cod pan gyi phyag rgya'i dbang bskur ba dang / phyi'i yang de bzhin gshegs
 pa lnga'i cod pan dang dar dpyangs kyis dbang bskur ba blangs nas/ rdo rje dang bdag po dang / ming gi dbang bskur ba dang / dngos grub kyi rdo rje brtul zhugs kyang gzung bar bya'o/ /de nas phyi'i me tog la sogs pas bdag nyid yang dag par mchod la/ 'dod chags rdo rje ma la
 sogs pa'i phyag rgya'i mchod pa bcu gnyis kyis yang dag par mchod par bya'o/ /de nas de kho na nyid chos dang dam tshig rnams blangs la dril bu dkrol zhing dam tshig gsum gyi glu'i mchod pa bya ba yin no/ /de nas bcom ldan 'das la phyag byas nas snying po dang phyag rgya bzhi'i ye shes
 bcom ldan 'das las blangs la tshigs su bcad pa lngas rjes su gnang ba dang / gzengs bstod pa dang / lung bstan pa blangs te/ slar yang bdag byin gyis brlab pa la sogs pa dang / ji ltar mngon par 'dod pa'i bzlas pa byas te 'byung bar bya'o/ /slob dpon gyi las kyi
 cho ga yongs su rdzogs par bya ba'o/ / //de nas slob ma gzhug pa la sogs pa'i cho ga bya ste/ rdo rje mchod yon bskor zhing gnas/ /snying gar bzhag ste gdong bskyod pa'i/ /spyi bos yang dag phyag byas nas/ /dngos grub thams cad rab grub pa'o/ /bde ba chen po chags pa che/ /
 'gro kun la yang 'grub 'gyur zhes/ /lan gsum bskor ba byas nas ni/ /bstod de dkyil 'khor du gzhug bya/ /de nas dus kyi mchod pa yis/ /bde chen yang dag mchod nas ni/ /rdo rje bzung nas dbang bskur phyir/ /de bzhin slob ma 'jug par bya/ /de la bslab pa'i gzhi
 lnga yongs su gzung ba'am/ dge tshul lam/ dge slong gi sdom pa yongs su bzung ba'i slob ma ji lta ba bzhin du lhag par gnas par byas pas sdom pa gzung bar bya ba yin no/ /des kyang slob dpon la phyag byas nas/ dga' chen khyod bdag ston pa bas/ /slob dpon
 khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig nyid de bdag la stsol/ /sdom pa yang ni bdag la stsol/ /zhes bya'o/ /de nas rdo rje gnod sbyin yongs su bzlas pa'i sna tshogs pa'i gos kyis stod g.yogs byas shing / rdo rje
 lcags kyu ma la sogs pa yongs su bzlas pa'i sna tshogs pa'i gos kyi gdong g.yogs dang ldan zhing / me tog gi phreng ba dang bcas pa'i dri zhim por byas pa'i slob ma phyag bzhi la sogs pa sngon du 'gro bas sdom pa 'dzin du gzhug par bya'o/ /de'i rjes la/ oM sarba yo ga tsit+ta u pA
 da yA mi zhes bya bas byang chub tu sems bskyed du gzhug go/ /de bzhin du de'i snying gar su ra te sa ma ya s+t+waM ho badzra sid+d+hi ya thA su khaM zhes bya bas rdo rje bskyed la/ de rdo rje sems dpar byin gyis brlabs te/ dri dang me tog la sogs pas mchod nas yon gyi mchog blangs la rdo rje shugs kyis rang
 'jug pa'i tshul du bcug nas/ dga' ba chen po ni zhes bya ba brjod du gzhug go/ /de nas de la ji lta ba bzhin du dbab pa bskyed la/ de bzhin du slob ma me tog dor du gzhug go/ /de nas phreng ba'i dbang bskur ba de la byin nas de'i gdong g.yogs dgrol bar byas la dkyil 'khor
 bstan par bya'o/ /de nas slar yang 'jug pa'i phyag rgya bcing du bcug nas de nyid kyi snying gar dgrol bar bya'o/ /de nas de bzhin du de nyid rdo rje sems dpar byin gyis brlabs te/ de'i lus la rdo rje sems dpa' la sogs pa rnams gnas ji lta ba bzhin du dam tshig gi phyag rgya rnams
 kyis bkod la/ de bzhin gshegs pa rnams kyang ji lta ba bzhin du bkod de/ slob dpon dbang bskur ba'i cho gas yon gyi mchog blangs te/ chu'i dbang bskur ba dang / phyag rgya dang / cod pan dang / dar dpyangs dang / rdo rje dang / bdag po dang / ming gi dbang bskur ba rnams kyis
 dbang bskur bar bya'o/ /de nas de la dngos grub kyi rdo rje brtul zhugs sbyin par bya'o/ /de nas me tog la sogs pa dang / 'dod chags rdo rje ma la sogs pas de yang dag par mchod la/ gsang ba lnga'i de kho na nyid chen po'i bshad pa byas la/ de kho na nyid dang / chos dang / dam tshig
 rnams de la sbyin te/ dam tshig gsum gyi rdo rje'i glu'i mchod pa slob tu gzhug go/ /de nas tshigs bcad lngas rjes su gnang ba dang / mna' sngon du song ba'i snying po dang / phyag rgya bzhi'i ye shes byin la/ gzengs bstod pa dang / lung bstan pas lung bstan par bya'o/ /de nas ji ltar
 zhugs pa rnams la de bzhin gshegs pa thams cad la sogs pa'i dbugs dbyung ba dang / sngon du spyod pa byas pa'i slob ma'i cho ga dang bcas pas rjes su bsgrub pa dang / so sor rjes su bsgrub pa byin la/ tshogs kyi dkyil 'khor bris pa'i dkyil 'khor ram/ lugs ma'am/ brdungs
 pa'i lha'i sku dang ldan pa'i dkyil 'khor du zhugs te/ rdo rje dang dril bu gnyis brla gnyis la bcings te/ des de rgyun ma chad par dkrol zhing sku gsung thugs kyi rdo rje'i don bsgom par bya'o/ /slar yang g.yas pa'i rol mo dang bcas pa'i rdo rje dang dril bu dang ldan pa'i bi wang la sogs pa
 dang / de kho na nyid kyi glu dang bcas pa'i yi ge hUM gi glus rjes su bsgrub par byas pa'i snod du gyur pa'i slob ma'i cho gas rjes su bsgrub pa'i rnal 'byor gyis gzhag par byas la/ slob ma'i tshogs dang lhan cig tu dkyil 'khor bskor ba lta bu'i gar byas la/ rdo rje sems dpa' la sogs pa'i
 rnal 'byor pas rdo rje sems dpa' la sogs pa'i gdong brnyan rang gi gdong la bgos la/ rdo rje sems dpa' la sogs pa'i rgyan rnams kyis bdag nyid yang dag par brgyan la/ de'i rnal 'byor dang ldan pa'i phyag rgya sna tshogs kyis mchod par bya ba yin no/ /dang por re zhig rgyal
 mtshan gyi ming can gyi rjes su sgrub pa pos gnas gang du rdo rje sems dpa' bzhugs pa dang / ji lta bu yin/ ci mdzad ces bya ba dri bar bya'o/ /de nas sgrub pa pos/ dngos grub kun gyi bde ba nyams dga' ba'i/ /thar pa'i grong du bcom ldan bde chen 'jug /mchog tu bde ba dam pa'i
 dngos grub kyis/ /dzaHhUM baM hoHrab tu grub par mdzod/ /ces bya ba'i 'jug pa'i glu'i mchod pa dang bcas pas bya ba yin no/ /de nas rdo rje slob dpon gyis brtsams pa dang / rgyud gzhan las gsungs pa'i ji ltar rtogs pa'i phyag rgya sna tshogs pa'i mchod pa dang / rjes
 su mthun pa'i glu'i mchod pa bya'o/ /de nas slob dpon gyis/ sangs rgyas kun gyi gsang ba che/ /dam tshig mchog ni sgrub pa'o/ /zhes bya ba nas/ ji srid gsang ba mchog ces bya ba'i bar gyis gsang ba'i dkyil 'khor gyi gtam bya ba yin no/ /dkyil 'khor gzhan du rab tu 'jug pa'i glu'i
 mchod pa byas la/ dang po sbyor ba dang / dkyil 'khor rgyal po mchog gi ting nge 'dzin ston par byed pa'o/ /de nas dang po'i gnas nyams dga'/ /zhes bya ba la sogs pa'i gtam bya ba yin no/ /rang gi mtshan ma bzung ste/ don gyi tshul gyis lha'i phyag rgya chen po bcings la snying po
 brjod par bya'o/ /de ltar 'dod chags rdo rje ma la sogs pas rang gi lha'i gtam gyis phyag mtshan blangs te don gyi tshul sbyin par bya'o/ /phyi nas rang gi phyag rgya chen po bcings te/ rang gi lha'i snying po bzlas la de nas slob dpon gyis dkyil 'khor bsgom par bya'o/ /de nas bsgoms
 pas ngal na slar yang phyag rgya sna tshogs pa'i mchod pa bya'o/ /de nas dkyil 'khor bsgom par bya'o/ /de nas ngal bsos la yi ge hUM gi glu de nyid de kho na nyid kyi glu dang bcas pa brjod cing / phyag rgya sna tshogs pa'i mchod pa byas na/ nyi ma 'char ba'i dus su rang gi phyag rgya chen
 po'i dngos grub kyis thams cad 'grub par 'gyur ro/ /gal te grub par ma gyur na ngal bso zhing khrus la sogs pa byas la zla ba gcig gi bar du bsgom par bya'o/ /mthar nya la mtshan thog thag ngal bso zhing phyag rgya sna tshogs pa'i mchod pa'i sbyor bas bsgrub par bya'o/ /de
 nas nyi ma 'char ba'i dus su bcom ldan 'das 'khor dang bcas pa byon te tshogs dang bcas pa'i sgrub pa po'i lus dang ngag dang yid kyi rdo rje la zhugs pa yin no/ /de nas dpal rdo rje sems dpa' nyid du 'gyur ba yin no/ /dpal mchog dang po ni bshad zin to/ /de la de bzhin
 gshegs pa thams cad ni byang chub kyi sems la sogs pa'i rang bzhin can te/ de dag gi dpal dam tshig chen po'i dkyil 'khor ni dpal rdo rje sems dpa'i gsang ba'i dkyil 'khor lha mo bzhi dang yang dag par sbyor ba nye bar mtshon pa gang yin pa de'i cho ga ni rtogs pa ste de'i grub
 par bya ba dang / sgrub par byed pa ston pa'i ngo bo yongs su rdzogs pa ni mthar thug pa gsang ba zhes bya'o/ /dpal mchog dang po'i rgya cher 'grel bshes rab kyi pha rol tu phyin pa 'byung ba zhes bya ba las de bzhin gshegs pa thams cad kyi dpal dam tshig chen po'i dkyil 'khor gyi cho
 ga'i bshad pa rdzogs so/ / //de nas 'dod chags kyis 'dod chags spang ba'i phyir dpal rdo rje sems dpa'i ras ris kyi dkyil 'khor chen po'i rang bzhin can gyi de bzhin gshegs pa thams cad kyi dpal chen po'i dkyil 'khor bstan nas/ da ni de bzhin gshegs pa'i rnal 'byor
 pa rnams la myur du dngos grub sgrub par byed pa de'i de bzhin gshegs pa'i gsang ba'i dkyil 'khor bstan par bya ba'i phyir/ de nas zhes bya ba la sogs pa gsungs te/ de nas kyi sgra ni de ma thag pa rjod par byed pa ste/ dang po sbyor ba 'das ma thag pa nyid du'o/ /dpal rdo rje
 sems dpa'i ras ris kyi dkyil 'khor las gsungs pa nyid 'dir dang po'i sbyor ba'i ting nge 'dzin yin no/ /de'i phyir zhes bya ba ni rgyu la'o/ /gang gi phyir mchog tu gsang ba'i cho ga 'dis de bzhin gshegs pa'i zlos pa pos sum 'gyur gyi dngos grub grub par 'gyur ba'i rgyu
 de'i phyir/ mchog ste phul du byung ba yin no/ /de bzhin gshegs pa thams cad ni rnam par snang mdzad la sogs pa rnams te/ de dag gi dam tshig chen po gsum ni nam mkha'i khams thams cad du bzhugs pa'i sku gsung thugs kyi rdo rje sems dpa' dang / 'jig rten dbang
 phyug dang / nam mkha'i snying po'i gzugs kyis byin gyis brlabs pa gang yin pa de'i dngos grub kyi don du gsang ba'i cho gar gyur pa ni de bzhin gshegs pa'i gsang ba'i dkyil 'khor gyi rtogs pa skabs su bab par 'gyur ro zhes bya ba'i don to/ /dam tshig chen po gsum
 gang yin zhe na/ sangs rgyas dang chos dang zhes bya ba la sogs pa la/ de la de bzhin gshegs pa thams cad kyis rtogs par gyur pas na sangs rgyas te/ byang chub chen po'i sems kyi mtshan nyid can gyi rdo rje 'chang ngo / /shes rab kyi pha rol tu phyin pa la zhugs pa'i rang
 bzhin can gyi 'jig rten gyi dbang phyug so so yang dag par rig pa bzhi'i ngo bo nyid ni chos so/ /rang bzhin gyis 'od gsal ba'i brtson 'grus kyi pha rol tu phyin pa bya ba nan tan sgrub pa'i ye shes las byung ba gzugs thams cad ston pa'i sprul pa'i sku'i rang bzhin ni dge 'dun no/ /
 gsum po de dag nam mkha'i khams thams cad la khyab nas bzhugs te/ de'i phyir dam tshig chen po gsum po 'di yin no/ /dkon mchog gsum po 'di dag gzugs gang gis gang du bri bar bya zhe na/ ras zhes bya ba la sogs pa la/ rdo rje sems dpa' la sogs pa'i byang chub
 sems dpa' rnams kyi mchog gi gzugs can gyi dkon mchog gsum po 'di ni ras la bri bar bya'o/ /ji lta bu zhe na/ go cha bcas te go cha dang ldan pa'o/ /rdo rje mchog gi go cha mchog la sogs pa rgyan thams cad kyis rab tu mdzes shing legs par brgyan pa bri bar bya'o/ /de'ang phyag
 mtshan ji lta bu dang ldan pa yin zhe na/ rdo rje mtshon cha bstod pa zhes bya ba la sogs pa la/ rdo rje rtse gcig pa'i mde'u dang ldan pa'i mda' ni rdo rje mtshon cha ste/ de bstod pa ni gyen du 'degs pa'o/ /rdo rje mtshon cha bstod pa dang / pad+ma dam pa dang / rin po che chen po 'chang ba ni/ /rdo rje mtshon
 cha bstod pa dang / pad+ma rin chen 'chang ba'o/ /mchog ni phul du byung ba'o/ /'dir bshad par 'gyur te/ ras kyi dbus su sna tshogs pad+ma'i steng du g.yon pa'i de bzhin gshegs pa'i khu tshur gyis gzhu bzung nas/ phyag g.yas pas mda' bstod pa la sogs pa brtson pa'i rdo
 rje sems dpa'i gzugs can gyi de bzhin gshegs pa bri bar bya'o/ /pad+ma de nyid du rdo rje sems dpa'i g.yas logs su pad+ma kha 'byed pa'i tshul gyis 'phags pa spyan ras gzigs dbang phyug gi gzugs 'dzin pa'i chos bri bar bya'o/ /pad+ma de nyid du rdo rje sems dpa'i g.yon logs su
 rdo rje rin po che 'dzin pa'i nam mkha'i snying po'i gzugs 'dzin pa'i dge 'dun bri bar bya'o/ /de dag thams cad 'od kyi 'khor lo gcig dang / rin po che'i cod pan gyis dbang bskur ba dang ldan pa sems dpa'i skyil mo krung gis bzhugs so/ /gnas gang du ras la dkon mchog gsum 'di bri
 bar bya ba yin zhe na/ 'khor lo de ni brtags nas su/ /gsang ba'i dkyil 'khor dam pa'o/ /zhes bya ba la 'das ma thag tu bshad pa'i dpal rdo rje sems dpa'i gsang ba'i dkyil 'khor dam pa ste phul du byung ba yang dag par bris la/ de'i dbus kyi re'u mig la dkon mchog
 gsum gyi ras ris bri bar bya'i gzhan du ni ma yin no zhes bya ba'o/ /de bris nas de'i rjes la ji ltar bya zhe na/ ci rigs par ni bsgrubs byas na/ /sum 'gyur du ni 'grub par 'gyur/ /zhes bya ba la rdo rje sems dpa'i gsang ba'i dkyil 'khor gyi cho ga ni ci rigs pa ste/ de las mi 'da'
 bar dkon mchog gsum 'di bsgrub par bya ste/ de ltar bsgrubs na sum 'gyur du 'grub pa ste/ rdzogs shing mngon du 'gyur ba yin no/ /de bzhin gshegs pa thams cad kyi sku gsung thugs kyi gsang ba ni sum 'gyur te/ de dang ldan pa'i rdo rje 'chang la sogs pa'i gzugs 'dzin
 pa'i dkon mchog gsum sum 'gyur ro/ /rdo rje sems dpa'i gsang ba'i dkyil 'khor bsgrub pa'i cho ga des rnal 'byor pa la grub par 'gyur ro/ /snying po gang gis de bzhin gshegs pa'i gsang ba'i dkyil 'khor 'di sprul nas bri bar bya zhe na/ de la 'di zhes bya ba la sogs pa
 la de la zhes bya ba'i sgra ni dgra nye bar dgod pa la'o/ /'di zhes bya ba ni thugs ka la gnas pa'o/ /de bzhin gshegs pa thams cad kyi dam tshig chen po gsum rdzogs par byed pa'i nges pa'i shes pa ni dam tshig chen po zhes bya ba'i mchog gi snying po ste/ de ston par byed pa'i sgra yang
 nye bar btags nas de nyid yin no/ /de yang las ji lta bu dang ldan pa yin zhe na/ mchog gi dngos grub ma lus par stsol ba'o zhes bya ba la/ dkon mchog gsum gyi dngos grub bzung bas rigs thams cad kyis dngos grub ster bas nam chog gi dngos grub ma lus par stsol ba'i snying
 po de yin no/ /oM b+hU khaM zhes bya ba la/ yi ge oM ni rdo rje 'chang ngo / /yi ge b+hU ni rdo rje dbang phyug go/ /yi ge khaM ni nam mkha' ste 'phags pa nam mkha'i snying po'o/ /ji skad du/ rdo rje dril bu phyag rgya dang / /dam tshig gsum po mchog yin te/ /oM b+hU khaM du yang dag
 bshad/ /sangs rgyas phyag rgya brda ru byas/ /zhes bya ba gsungs so/ /de ltar na de nas zhes bya ba nas brtsams te ji srid oM b+hU khaM zhes bya ba'i bar du bstan pas ting nge 'dzin gnyis bstan pa yin no/ /de nas 'dus pa sngon du 'gro bas gsum pa shes par bya'o/ /dam tshig dang
 dbang bskur ba thob pas 'dir bzlas pa dang / bsgom pa bya ba yin no zhes cho ga 'di rab tu bstan par bya ba'i phyir/ khyim mam zhes bya ba la sogs pas slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs te/ khyim zhes bya ba ni rab tu
 grags pa'o/ /nags tshal zhes bya ba ni sna tshogs pa'i rigs can gyi shing drung gi tshogs so/ /de dag 'dir dpal rdo rje sems dpa' gsang ba'i dkyil 'khor gyi cho gas nye bar mdzes shing yang dag par brgyan la/ snga ma bzhin du dpal rdo rje sems dpa'i ras ris kyi cho gas
 rang 'jug pa'i cho ga thams cad dang / slob ma gzhug pa'i cho ga rjes su spyad la/ mchog gi mtshon cha'i cho gas thams cad byas nas/ de bzhin gshegs pa thams cad kyis rigs lnga'i bshad pa byas la/ 'di brjod pas te slob ma rnams la bstan par bya'o/ /de nyid ces
 bya ba la sogs pa la de nyid ni dngos po'i rigs pas bdud bzhi las rnam par rgyal ba'i bcom ldan 'das rnams yin no/ /ni'i sgra ni gang gi phyir gyi don du'o/ /byang chub sems dpa' ni rdo rje sems dpa' dang / 'jig rten dbang phyug dang / nam mkha'i snying po rnams te/ sangs
 rgyas bcom ldan 'das de bzhin gshegs pa rnams ni rnam par snang mdzad dang / mi bskyod pa dang / rin chen 'byung ldan dang / snang ba mtha' yas dang / don yod grub pa'i rang bzhin can no/ /'di ltar bshad par 'gyur te/ gang gi phyir de bzhin gshegs pa rnams nyon
 mongs pa dang / lha'i bu dang / phung po dang / 'chi ba dag gi bdud bcom par mdzad na bcom ldan 'das te/ de'i phyir 'chi bdag gi bdud la sogs pa dang bral bas 'khor ba'i phyi ma'i mthar thug gi bar du rtag tu rdo rje 'chang dang / 'jig rten dbang phyug dang / byang chub sems dpa' nam mkha'i snying
 po'i gzugs 'dzin pa yin no zhes bya ba yin no/ /de dag ci mdzad ce na/ lta ngan zhes bya ba la sogs pa la/ 'khor ba la rtag pa'i 'du shes can gang yin pa de ni lta ba ngan pa dang ldan pa'i sems can rnams so/ /de dag gi rtag pa'i 'du shes dang bral bar mdzad pa'i phyir/
 shAkya'i rigs la sogs pa'i skye ba yongs su bzhes pa mdzad nas sprul pa'i sku yongs su mya ngan las 'das pa chen po ston par mdzad do/ /longs spyod rdzogs pa'i skus ni ma yin no/ /rdo rje 'chang la sogs pa'i byang chub sems dpa'i gzugs kyis lta ba ngan pa dang ldan pa rnams
 la phan pa'i don du rdo rje 'chang la sogs pa'i gzugs 'dzin cing mya ngan las 'das pa ston par mdzad pa yin no/ /ma lus pa ni sems can gyi khams thams cad de/ de 'dul ba dang lung dang rtogs pa la rab tu bzhag pa'o/ /de'i don du brtson pa ni spro ba'i brtson 'grus te/ der brtan
 pa'i nges pa ni mi phyed pa'i ye shes te/ des go cha dang bcas pa ni sems can gyi don du go cha dang ldan pa'o/ /shin tu srid pa la gnas pa ni mi gnas pa'i mya ngan las 'das pa ste/ de nyid mchog ste phul du byung ba'i go cha la sogs pa gang yin pa bgos pa de ni shin tu srid pa'i gnas
 mchog gi go cha la sogs pa bgos pa'o/ /sogs pa'i sgra ni cod pan dang / rna rgyan dang / gdu bu dang / dpung rgyan la sogs pa gzung bar bya'o/ /dkon mchog gsum nyid nye bar 'gro ba ni thob pa'o/ /dkon mchog gsum nyid nye bar 'gro bde gang yin zhe na/ sangs rgyas
 chos dang dge 'dun rnams/ /zhes bya ba'o/ /de dag la ji lta bu dang ldan pa yin zhe na/ shin tu zhes bya ba la sogs pa la/ gdul bya'i skye bo'i rgyud la thog ma dang tha ma med pa'i mi gnas pa'i mya ngan las 'das pa bskyed pa ni shin tu srid pa grub pas te/ de nyid rnam par dag pa'i
 dpal ni bag chags dang bcas pa'i nyon mongs pa'i dri ma dang bral ba'i dkon mchog gsum gyi rang bzhin can gyi mdangs gang yin pa de dag gdul bya'i skye bo'i rgyud la rdzogs par byed pa'o/ /rnam par dag pa'i dpal mdzad pa yin no/ /mchog ni phul du byung ba ste rdo rje
 'chang la sogs pa'i rang bzhin can gyi de bzhin gshegs pa de dag yin no zhes bya'o/ /de kho na nyid 'di brjod pa gang yin zhe na/ de bzhin gshegs pa thams cad kyi mchog ni gsang ba'i rdo rje'o zhes bya ba la rnam par snang mdzad dang / mi bskyod pa dang / rin chen 'byung ldan dang /
 'od dpag med dang / don yod grub pa rnams ni de bzhin gshegs pa thams cad de/ de rnams kyi mchog ni phul du byung ba'o/ /thog ma dang tha ma med pa gnyis su med pa'i thugs rang rig pa'i rang bzhin gyi phyir gsang ba'i rdo rje de nyid yin no/ /'dis ni 'di ltar bshad par 'gyur
 ro/ /rdo rje'i don 'di mngon du byas shing de bzhin gshegs pa'i rigs kyi rnal 'byor pas de bzhin gshegs pa'i rdo rje blangs te gzung bar bya'o/ /de ltar de bzhin gshegs pa'i rdo rje de kho na nyid kyis gzung ste/ de bzhin gshegs pa'i dril bu chos kyi dril bu dkrol cig ces bya ba'i
 cho gas 'di rab tu bstan par bya ba'i phyir/ de nas mchog tu gsang ba'i chos nyid kyi dril bu'o zhes bya ba gsungs te/ de nas kyi sgras ni skabs la bab pa'o/ /mchog tu gsang ba'i chos nyid ni sgra'i rjes su 'gro ba'i shes rab po/ /de ston par byed pa'i phyag rgya ni dril bu'o/ /thams
 cad nam mkha'i mtshan nyid can/ /zhes bya ba la 'dus byas dang 'dus ma byas kyi dngos po thams cad don dam par nam mkha'i rang bzhin can no/ /nam mkha'i rang bzhin 'di lta bu dang ldan pa yin zhe na/ nam mkha' yang ni mtshan nyid med/ /ces bya ba la rdzas thams cad med
 pa'i mtshan nyid can ni nam mkha'i mtshan nyid can no/ /ji ltar nam mkha'i mtshan nyid med pa de bzhin du dngos po thams cad kyang mtshan nyid med pa yin no zhes bya ba yang gi sgras ni ston pa yin te/ don dam par chos thams cad gdod ma nas ma skyes pa'i rang bzhin nyid yin pa'i phyir
 ro zhes bya bar dgongs so/ /nam mkha' dang mnyam pa nyid ni de bzhin nyid de/ de'i sbyor ba ni rnal 'byor pa'i sems dang sems las byung ba de bzhin nyid ro gcig pa'o/ /rgyu de nyid kyi phyir rnal 'byor pa des kun mchog mnyam pa nyid ni de bzhin nyid de/ de la gsal ni khyab par gyur
 pa yin no/ /shes rab kyi pha rol tu phyin pa'o zhes bya ba la/ sgra'i rjes su 'gro ba'i shes rab kyis nam mkha'i dang mnyam pa nyid du khyab par rnal 'byor pas thob pa de ni shes rab kyi pha rol tu phyin pa ste/ lhag par mos pa 'dis rnal 'byor pas dril bu dkrol bar bya ba'o/ /'di ltar
 bshad par 'gyur te/ thams cad nam mkha'i mtshan nyid can/ /nam mkha' yang ni mtshan nyid med/ /nam mkha' dang mnyam sbyor ba yis/ /kun mchog mnyam pa nyid du gsal/ /zhes bya ba de lta bu'i sgra ni dril bu sgrogs pa yin no zhes bya bas dril bu dkrol bar bya zhing / /de'i
 sgra la lhag par mos par bya ba yin no/ /de ltar chos kyi dril bu dkrol/ /zhes bya ba bstan nas/ dam tshig gi phyag rgya chen po byin gyis rlobs shig ces bya ba'i cho ga 'di rab tu bstan par bya ba'i phyir/ de nas dam tshig chen po gsum gyi sdom pa zhes bya ba gsungs te/ de nas kyi sgra
 ni snga ma bzhin no/ /chen po yang de yin la dam tshig gsum yang de yin pas na dam tshig chen po gsum ste/ dkon mchog gsum gyi sku'i gsang ba'o/ /de'i rang bzhin gyi bsgom pa ni sdom pas te de brjod par bya'o zhes bya ba'i dam tshig gi lhag ma'o/ /longs spyod kyang yin la
 kun kyang yin pas na longs spyod kun te/ rigs kyi lha thams cad kyi gzugs kyi rang bzhin yin no/ /de rnams longs spyod pa ni de'i rang bzhin la lhag par mos pa'o/ /ni'i sgra ni nges par gzung ba'o/ /longs spyod thams cad la longs spyod par byed par 'gyur ba kho nas
 zhes bya ba'o/ /de dag gis dkon mchog gsum la mchod par bya'o zhes bya ba brjod cing rang nyid mchod par bya'o zhes bya ba dang sbyar ro/ /de dag khyad par ji lta bu dang ldan pa yin zhe na/ bsten pa ste bsgom par bya ba rnams kyis so/ /rang gi bdag nyid las su gyur pa'o/ /bdag
 nyid ni byed par gyur pas so/ /sangs rgyas dang chos dang dge 'dun la mchod pa ni dkon mchog gsum la mchod pa'o/ /mchog ni dam pas te nang du brjod pa'i rnam pas brjod pa ni bsam zhing bsgom pa'i mtshan nyid can gyi so sor rtog pa'i mchod pa 'dis bdag nyid mchod par
 bya'o/ /dam tshig chen po gsum gyi sdom pa 'di las ji lta bu dang ldan pa yin zhe na/ de bzhin gshegs pa'i rnal 'byor bsgrub pa'o zhes bya ba la/ rnam par snang mdzad la sogs pa'i de bzhin gshegs pa rnams kyis phyag rgya chen po ni rnal 'byor te/ de sgrub pa ni rdzogs pa'i rgyu'o/ /'dis
 ni 'di ltar bshad par 'gyur te/ de bzhin gshegs pa'i rnal 'byor pa rang gi de bzhin gshegs pa'i phyag rgya chen po bsgrub par 'dod pas/ ji lta ba bzhin du de kho na nyid kyis rdo rje bzung la/ chos kyi dril bu dkrol bar bya'o/ /de nas rang gi de bzhin gshegs pa'i phyag rgya chen po bcings
 la/ gzugs gang dang gang gis sems can gdul bar 'gyur pa'i gzugs de dang de rnams kyis rnam par sbyar bar bya'o/ /de nas bdag nyid kyis bya ba byas pa lta bu'i de bzhin gshegs par bsams la bzlas pa'am bsgom par bya ba yin no/ /thabs kyi cho ga 'di yis ni/ /zhes
 bya ba la de kho na nyid dang / chos dang / dam tshig gzung ba'i rang bzhin can gyi thabs kyi cho gas 'dod pa'i yon tan lnga ni rnam par snang mdzad dang mi bskyod pa dang / rin chen 'byung ldan dang / 'od dpag tu med pa dang / don yod grub pa rigs dang bcas pa rnams 'dod pa'i yon
 tan lnga gsang ba sra zhing mtho ba'i rgyud du gsungs pa'i 'dod pa'i yon tan lnga la spyad kyang 'grub par 'gyur ro/ /kyang gi sgras ni gcig la yang ngo zhes bstan to/ /bza' min pa yang bza' byas na/ /zhes bya ba la bza' bar bya bas na bza' ba ste/ rnal 'byor pas rang gi
 rigs kyi dkyil 'khor gyi lha'i gzugs kyis nam mkha'i khams gang bar byas la/ de'i sems can gyi khams ma lus par rang rang gi rigs kyi lha'i dkyil 'khor gyi gzugs su byas te/ rang gi rang bzhin du bsgom par bya'o zhes bya ba'i don to/ /bza' bar bya ba ma yin
 pas na bza' bar mi bya ba ste/ rigs gzhan gyi dkyil 'khor gyi lha'i gzugs rnams so/ /bza' bar mi bya ba de rnams kyang bza' zhing rigs lnga'i dkyil 'khor gyi lha'i rang bzhin gyi bdag nyid rnam par bsgom par bya ste/ de bzhin gshegs pa'i dngos grub sangs rgyas nyid
 kyi mtshan nyid can rtag pa ni thog ma dang tha ma med pa ste de rnal 'byor pa rnams kyis thob par 'gyur ro/ /de bzhin gshegs pa thams cad ces bya ba la sogs pa la gang zhig de kho na nyid la sogs pa gsum po 'di ni de bzhin gshegs pa thams cad kyi mchog tu gsang ba'i
 dam tshig chen po gsum ni de yin no zhes bya ba'o/ /de ltar brjod nas zhes bya ba ni slob dpon gyis slob ma rnams la bstan nas/ snying po byin pa de dag phyag rgya chen po bcing ba la sogs pa slob tu bcug nas/ de'i rjes la rdo rje sems dpa'i gsang ba'i dkyil 'khor bsgrub pa'i cho
 gas ji ltar mngon par 'dod pa'i phyag rgya chen po la sogs pa'i dngos grub slob ma'i tshogs dang bcas pa'i slob dpon gyis bsgrub par bya'o/ /de nas zhes bya ba la sogs pa rnams la snying po byin nas phyag rgya bzhi'i ye shes tshigs su bcad pa gzhan nyid de bzhin gshegs pa'i
 rnal 'byor gyis de bzhin gshegs pa'i rdo rje 'chang gi slob dpon te des sbyin par bya'o/ /ji ltar zhe na/ rdo rje mchod pas mchod nas ni/ /zhes bya ba la ro dang bza' ba dang rnam par rol pa dang / glu dang rol mo'i mchod pa la sogs pa rnams kyis dkyil 'khor yang dag par
 byas na'o/ /de nas ji ltar bya zhe na/ ci 'dod spyod pa'i mchod pa yis/ /slob ma thams cad mchod du gzhug /ces bya ba la phyi'i me tog la sogs pa rnams dang / 'dod chags rdo rje ma la sogs pa'i phyag rgya'i mchod pa bcu gnyis slob ma'i tshogs thams cad mchod pa
 byed du gzhug go zhes bya ba'i don to/ /longs spyod kun la longs spyod kyang / /zhes bya ba ni bshad zin to/ /kyang gi sgra ni bsdu pa la'o/ /khyad par ji lta bu dang ldan pas she na/ dkon mchog gsum la phul ba zhes bya ba la/ mdzes pa'i dkon mchog gsum ni dkon mchog
 ste/ sangs rgyas dang / chos dang / dge 'dun gyi rang bzhin no/ /de ci'i phyir zhe na/ dkon mchog gzhan thams cad las phul du byung ba nyid kyi phyir ro/ /de las sprul pa'i longs spyod la longs spyod pa rnams ni phyi'i rin po che la sogs pa thams cad kyi rang gi
 bdag nyid dang / gzhan rnams 'dod pas te/ gal te mngon par 'dod na yang dag par mchod na slob dpon de ji ltar mngon par 'dod pa'i dngos grub sgrub cing grub par 'gyur ro/ /'dis ni 'di ltar bshad par 'gyur te/ snga ma bzhin du sdig pa bral ba'i mthar thug pa'i cho
 gas thams cad rjes su spyad nas/ rang gi snying gar gnas pa'i rdo rje la/ oM b+hU khaM zhes bya ba rnam par bsams la/ rdo rje skyil mo krung gis 'dug ste/ rdo rje bsdams pa kha gyen du blta ba skyil mo krung gi steng du yang dag par bzhag la/ rdo rje'i dbus su bkod pa'i snying po de nyid
 yid kyis brjod cing chos thams cad bdag med pa bsgom par bya ste/ dbyangs bcu drug dang bcas pa'i de nyid las zla ba'i dkyil 'khor gyi bdag nyid can du rang gi sems bsam par bya'o/ /slar yang de'i steng du snying po de nyid kyis mngon par bris la/ yi ge ka la sogs pa dang
 bcas pa'i de las zla ba'i dkyil 'khor gnyis pa ste/ slar yang snying po de dang bcas pa'i de bzhin gshegs pa'i rdo rje ste/ slar yang snying po de rdo rje'i dbus su rnam par bsams la rdo rje'i nga rgyal bsgom zhing de bzhin gshegs pa thams cad kyi sku gsung thugs kyi rdo rje'i khams
 de rnams rdo rje las spros te/ de dag gis sems can gyi don bya ba la slar yang rdo rje'i yid kyis gzhug par bya'o/ /de nas rdo rje de la oM b+hUM khaM zhes bya ba bzlos shing / sangs rgyas dang / chos dang / dge 'dun gyi rang bzhin du bdag nyid bsams la/ ma hA sa ma ya sa twa haM zhes
 brjod par bya'o/ /de nas de bzhin gshegs pa thams cad kyi sku mchog bcings nas sa ma ya haM zhes bya ba brjod par bya'o/ /de nyid kyi snying ga dang / mdzod spu dang / mgrin pa dang / spyi bo rnams su sa ma ya s+t+waM a d+hi tiSh+Tha swa maM zhes bya ba rang gi bdag nyid la byin gyis brlab
 par bya'o/ /de nas sangs rgyas dang / chos dang / dge 'dun gyi phyag rgya chen po/ oM b+hU khaM zhes bya ba bzlas shing bcing par bya'o/ /de nas rang gi snying ga'i zla ba la sangs rgyas dang / chos dang / dge 'dun gyi gsang ba'i dkyil 'khor rdo rje 'khor lo'i phyag rgya bskyed la/ dngos
 grub kyi rdo rje brtul zhugs kyi mthar thug par rang 'jug pa la sogs pa'i cho ga thams cad rjes su spyad la/ de bzhin gshegs pa'i dkyil 'khor chen po las gsungs pa'i rnal 'byor chen po bsgrub par bya'o/ /de nas rdo rje mtshon cha ma la sogs pa'i phyag rgya bcu gnyis kyi
 mchod pa rnams kyis bdag nyid yang dag par mchod la/ de bzhin gshegs pa'i dkyil 'khor chen po las gsungs pa'i phyag 'tshal ba sngon du bya ste/ de kho na nyid dang / chos dang / dam tshig rnams la ting nge 'dzin gsum rnam par bsgom ste/ slar yang 'dus pa la sogs pa'i cho
 ga rjes su spyad la/ gsang ba'i dkyil 'khor 'di nyin re zhing de srid du bsgom par bya ste/ ji srid du nyin re zhing de bzhin du mngon du gyur pa de bzhin du mthong bar 'gyur ro/ /de nas ji lta ba bzhin du rdo rje sems dpa'i dkyil 'khor bris la/ de'i dbus su rdo rje rtse gsum pa'i phreng
 ba'i 'khor lo zlum po ka ba brgyad kyis nye bar mdzes pa bris te/ ras la dbus kyi dkyil 'khor gyi lte bar sna tshogs pa'i pad+ma'i gdan la ji lta ba bzhin du bshad pa'i mtshan nyid can gyi dkon mchog gsum bri bar bya'o/ /de nyid kyi nang gi dkyil 'khor gyi mtshams bzhi ru rdo rje dang /
 rin po che dang / pad+ma dang / sna tshogs rdo rje sngar bshad pa'i snying po bzhis bri bar bya'o/ /phyi'i dkyil 'khor gyi lha'i snam bu'i mtshams bzhi po la snga ma bzhin du sgeg mo la sogs pa bzhi bri bar bya'o/ /sgo rnams su lcags kyu ma la sogs pa bzhi rdo rje sems dpa'i dkyil 'khor
 chen po las gsungs pa'i snying po rnams bri bar bya'o/ /de nas rdo rje sems dpa'i gsang ba'i dkyil 'khor las gsungs pa'i tshul gyis de bzhin gshegs pa thams cad kyi dkyil 'khor chen po las gsungs pa'i 'dus pa dang / mtshan brgya rtsa brgyad dang / dgug pa la
 sogs pa'i cho ga byas la rang 'jug pa'i cho ga dang / slob ma gzhug pa la sogs pa'i cho ga rgyas par bya'o/ /mchog tu gsang ba'i cho ga zhes bya ba la de bzhin gshegs pa thams cad kyi sangs rgyas dang / chos dang / dge 'dun gyi rang bzhin ni mchog tu
 gsang ba'o/ /de'i cho ga ni bsgrub par bya ba dang / sgrub pa'i rtogs pa ste/ de yang yongs su rdzogs pa yin no zhes shes par bya'o/ /dpal mchog dang po'i rgya cher 'grel ba shes rab kyi pha rol tu phyin pa 'byung ba zhes bya ba las dkon mchog gsum gyi gsang ba'i dkyil 'khor gyi
 bshad pa rdzogs so/ / //de ltar myur du dngos grub sgrub par byed pa la/ de bzhin gshegs pa'i ras ris kyi dkyil 'khor bstan nas/ da ni rdo rje rigs kyi rnal 'byor pa la myur du dngos grub sgrub par byed pa'i rdo rje nyi ma me ltar 'bar ba'i gsang ba'i dkyil 'khor bshad par
 bya ba'i phyir/ de nas rdo rje chen po'i khro bo'i rgyal po mchog gi cho ga zhes bya ba gsungs te/ de nas kyi sgra ni 'das ma thag pa ste/ dang po sbyor ba'i rjes thogs kho na la zhes bya ba'o/ /'dir dang po'i sbyor ba'i ting nge 'dzin ni dpal rdo rje sems dpa'i gsang ba'i dkyil 'khor las
 gsungs pa kho na'o/ /chen po yang de yin la khro bo'i rgyal po yang de nyid yin pas na/ rdo rje chen po'i khro bo'i rgyal po ste/ bcom ldan 'das rdo rje nyi ma me ltar 'bar ba'o/ /de'i mchog kyang de yin la gsang ba'i cho ga yang de nyid yin pas na mchog tu gsang ba'i cho ga ste bsgrub
 par bya ba dang / sgrub pa'i ngo bor gsang ba'i dkyil 'khor ro/ /'di ltar bshad par 'gyur te/ yi ge hUM brjod cing gsang ba'i dkyil 'khor 'di rdzogs par byas la/ lha thams cad kyi snying po brjod cing rang rang gi gnas su lha thams cad kyi gzugs dgod cing drangs te/
 'di ni 'dir ting nge 'dzin gnyis pa'o/ /de nas 'dus pa sngon du 'gro bas gsung pa shes par bya'o/ /de ltar ting nge 'dzin gsum bstan nas/ da ni ras la bcom ldan 'das bri bar bya zhes bya ba la sogs pas slob dpon gyi las kyi cho ga dang / slob ma gzhug pa la sogs
 pa'i cho ga bshad par bya ste/ cho ga ji lta ba bzhin du dkyil 'khor bris la dbus kyi dkyil 'khor gyi lte ba'i phyogs su bcom ldan 'das rdo rje nyi ma me ltar 'bar ba ras la bri par bya'o/ /mchog ces bya ba 'di phul du byung ba'o/ /ci'i phyir zhe na/ gang gi phyir gsang ba'i cho ga 'di rgya
 che ba'i 'jigs pas 'jigs pa rnams la mdor bsdus pas rdo rje'i rigs thams cad kyi dngos grub rdzogs par byed pa de'i phyir mchog ste phul du byung ba yin no/ /rdo rje nyi ma me ltar 'bar ba de'i sna tshogs pad+ma'i gdan gcig kho na'i g.yas dang g.yon gyi logs dag la bzhugs
 pa'i rdo rje mkha' 'gro ma rnams de'i 'od kyi dkyil 'khor la brten par bri par bya'o/ /de la rdo rje nyi ma me ltar 'bar ba ni dkyil 'khor chen po las gsungs pa'i phyag rgya chen po bri bar bya'o/ /de'i lha mo dang po ni dmar ba dang dkar ba'o/ /gnyis pa ni thal ba ltar dkar ba'o/ /gsum
 pa ni dkar pa dang ljang ba'o/ /bzhi pa ni gser ltar dri ma med pa'i sku mchog can bri bar bya'o/ /rdo rje gtum pa'i dbang phyug grub/ /ces bya ba la kha T+wAM ga 'dzin pa'i rdo rje gtum pa'i dbang phyug ma ste de grub pa ni rdzogs pa'o/ /de nyid rdo rje kha T+wAM ga bsgreng ba dang bcas pa bri bar bya
 ste/ rdo rje kha T+wAM ga bsgreng ba dang bcas pa'i sku gang la mnga' ba de ni kha T+wAM ga bsgreng ba dang bcas pa'o/ /de ni thal ba ltar sku mdog dkar ba bcom ldan 'das kyi g.yas logs su bri bar bya'o/ /de'i yang g.yas logs su dmar ba dang dkar ba'i sku mdog can mda' 'dzin
 pa rdo rje 'dod pa me 'bar ba zhes bya ba'i ming can/ g.yon pa'i phyag gis gzhu 'dzin cing g.yas pa rdo rje rtse gcig pa'i mde'u dang ldan pa'i mda' bstod pa la brtson pa bri bar bya'o/ /bcom ldan 'das kyi g.yon logs su rdo rje khyab 'jug ma ste/ sku mdog dkar ba dang ljang ba
 dang / phyag g.yon gyi sor mo dbus ma'i rtse mos rdo rje 'khor lo bstod pa la brtson pa/ phyag g.yas pas [(]gden [,]gdan [)]la brten pa dang bcas pas bzhugs pa'o/ /de'i g.yon logs su dri ma med pa'i gser gyi sku mdog can/ rdo rje dril bu'i ba dan zhes bya ba'i lha mo rdo rje dril bu
 dang bcas pa'i g.yon pa'i rdo rje khu tshur gyis bsnyems pas bzhugs pa/ phyag g.yas pas dril bu dang bcas pa'i ba dan 'dzin pa bri bar bya'o/ /de dag thams cad kyang sems dpa'i skyil mo krung gis bzhugs pa'o/ /cung zad mche ba gtsigs pa'o/ /khro dang
 bcas pa'i zhal bzhad pa/ /rang bdag la ni thugs gtad cing / /sku ni zur gyis phyogs par bzhugs/ /gsang ba'i dkyil 'khor 'dir sprul pa la sogs pa'i las thams cad rdzogs par byed pa'i snying po ni yi ge hUM do/ /nye ba'i snying po ni hi ste lha thams cad kyi'o/ /de la yi
 ge hUM gis bsgrub pa ni phra mo'i cho ga gnyis pa las 'og nas 'chad par 'gyur ba de nyid 'dir shes par bya'o/ /nye ba'i snying po'i sgrub pa bshad par bya ba'i phyir mnyam po zhes bya ba la sogs pa gsungs te/ de la mnyam po ni dus gcig tu rdo rje dang bcas pa'i dril bu la sogs
 pa'i rol mo brdungs shing / slob ma'i tshogs mkhas pa dang bcas pas yi ge hUM gi glu dang rol mo bya zhing zur bzhi pa'i glu'i sbyor ba nye bar mtshon pa'i rnal 'byor pa ni zur bzhi pa ste rab tu grub par 'gyur ro/ /de ltar yang rdo rje nyi ma me ltar 'bar ba'i dngos grub kyis te/ rdo rje
 nyi ma me ltar 'bar ba'i gsang ba'i dkyil 'khor 'dir bzlas pa'i cho ga yin no/ /gnas gang du bcom ldan 'das rdo rje nyi ma me ltar 'bar ba ras la bri bar bya ste/ 'khor lo de ni brtags byas nas/ /zhes bya ba la sogs pa bcom ldan 'das rdo rje nyi ma me ltar 'bar ba
 ji lta ba bzhin du bshad pa'i 'bar ba'i 'khor lo de ni gsang ba'i dkyil 'khor ro/ /de nyid dam pa ni phul du byung bas te/ brtags pa ni yang dag par brtags nas gsang ba'i dkyil 'khor bris te/ dkyil 'khor gyi lte ba'i phyogs su bcom ldan 'das bri bar bya'o zhes
 bya ba'i don to/ /'dir dkyil 'khor gyi cho ga ji lta ba bzhin du shes par bya zhe na/ mtshon cha mchog ces bya ba la sogs pa la/ bcom ldan 'das rdo rje sems dpa' gsang ba'i dkyil 'khor gyi cho ga ni mtshon cha dam pa'i cho ga ste/ bsgrub par bya ba dang sgrub pa'i rim pa'i cho ga
 des rdo rje'i rigs dgug pa la sogs pa'i cho ga rgyas pa thams cad 'dir shes par bya'o/ /de ltar rdo rje sems dpa'i gsang ba'i dkyil 'khor las gsungs pa'i tshul gyis rdo rje'i rigs las gsungs pa rang 'jug pa la sogs pa'i cho ga thams cad dang / slob ma gzhug
 pa la sogs pa'i cho ga thams cad rjes su spyad nas de kho na nyid la sogs pa gsum po rdo rje slob dpon gyis slob ma rnams la bshad par bya ba yin no zhes bya ba bstan par bya ba'i phyir/ de nas zhes bya ba la sogs pa gsungs te/ de nas kyi sgra ni de ma thag pa'o/ /de kho na nyid dang /
 chos dang / dam tshig ni de kho na nyid dang chos dang dam tshig rnams so/ /de rnams kyi cho gas sbyin pa ni cho ga rab tu sbyin pas te slob ma rnams la man ngag sbyin pa'o/ /dmigs pa med pa'i thugs rje chen po'i mtshan nyid kyi thog ma dang tha ma med pa'i mtshan nyid can gyi chos kyi dbyings
 ni rtag tu chags pa ste/ de las byung ba ste skye ba gang la yod pa de rtag tu chags pa las byung ba'i khro bo ni rdo rje nyi ma me ltar 'bar ba'o/ /de'i rdo rje me'i phung bo ni rdo rje 'bar ba 'bar ba'i tshogs te/ de'i rang bzhin can gyi sku ni sku rnams nyid de/ de dag gang yin zhe na/ /rdo rje 'bar
 ba zhes bya ba la sogs pa rdo rje nyi ma me ltar 'bar ba'i rdo rje ni rdo rje me ltar 'bar ba ste/ de'i rnal 'byor chen po'i mkha' 'gro ma ni de las byung ba'i rdo rje nyi ma me ltar 'bar ba la sogs pa'i rdo rje'i rigs kyi phyag rgya chen po thams cad phyogs bcu dang nam mkha'i khams la bzhugs
 pa'o/ /'bar ba zhes bya ba ni gdug pa rnams 'dul ba'i gzugs kyis thogs pa med pa'o/ /de ni rdo rje'i rigs zhes bya ba la de ltar rdo rje'i de kho na nyid shes par bya ste/ lhag par mos pa 'dis de gzung bar bya'o zhes bya ba'i don to/ /de ltar de kho na nyid kyis rdo rje gzung
 bar bya'o zhes bstan nas chos kyi dril bu dkrol bar bya'o zhes bya ba'i don to/ /de nas chos zhes bya ba gsungs te/ thams cad nam mkha'i mtshan nyid can/ /nam mkha'i yang ni mtshan nyid med/ /ces bya ba ni bshad zin to/ /nam mkha' dang mnyam pa nyid ni chos thams cad
 dngos po med pa'i ngo bo nyid kyi de bzhin nyid do/ /de bzhin nyid ro gcig pa'i sems dang sems las byung ba rnams ni nam mkha' dang mnyam pa nyid kyi sbyor ba'o/ /de gang la yod pa de ni nam mkha' dang mnyam pa nyid kyi sbyor ba dang ldan pa yin no/ /des thams cad
 ni phyag rgya chen po la sogs pa'o/ /myur ba ni myur ba nyid du sgrub par byed pa'i yin te/ de ltar dril bu sgra bsgom zhing dril bu dkrol bar bya'o/ /de ltar chos kyi dril bu dkrol/ /zhes bya bas bstan nas/ dam tshig gis ni phyag rgya cher byin gyis brlabs zhes bstan par bya ba'i
 phyir/ nam mkha' kun mchog ces bya ba la sogs pa gsungs te/ thams cad kyang de yin la nam mkha' yang de nyid yin pas na thams cad nam mkha' ste/ rdzas thams cad kyi dngos po med pa'i rang bzhin can gyi nam mkha' dang mnyam pa'i rang bzhin gyis 'od gsal ba'i
 sems so/ /de'i rnam pa can gyi ting nge 'dzin ni thams cad nam mkha'i mchog gi sbyor ba'o/ /thams cad nam mkha'i zhes bya ba la thams cad nam mkha'i mchog gi sbyor ba des 'dus byas dang 'dus ma byas kyi dngos po thams cad nam mkha' dang mnyam pa'o zhes bya ba nang du
 brjod pa'i rnam pas mngon du bya zhing / rdo rje nyi ma me ltar 'bar ba la sogs pa'i chos dang / las dang dam tshig dang / phyag rgya chen po'i rdo rje'i rigs kyi rang bzhin gyi rdo rje'i phyag rgya rnams kyis rgyas btab pa ni rang gi rang bzhin du byas pa'i 'jig rten gsum yang sa
 'og sa steng sa bla'i rang bzhin can za ba ni snang bar byed pa yin no/ /yang gi sgras ni phyogs gcig gi dngos po shin tu za bar byed pa yin no/ /rdo rje rnal 'byor gyi mkha' 'gro ma rnams ni rdo rje rigs kyi phyag rgya chen po rnams te/ de dag gi mchog tu gsang ba'i dam tshig ni
 'da' bar dka' ba'i nye par sbyor ba'o/ /'dis ni don 'di 'chad par 'gyur te/ ji lta ba bzhin du de kho na nyid kyis rdo rje bzung la chos kyi dril bu dkrol bar bya'o/ /de nas rdo rje nyi ma me ltar 'bar ba la sogs pa'i phyag rgya chen po bcings nas 'dus byas dang 'dus ma byas
 kyi dngos po thams cad nam mkha' dang mtshungs par rnam par bsams la 'jig rten gyi khams thams cad rdo rje'i rigs kyi rang bzhin can bdag nyid kyi gzugs su bsams te bsgom par bya'o/ /cho ga 'di zhes bya ba ni de kho na nyid dang chos dang / dam tshig gzung ba'i mtshan
 nyid kyi mchog thams cad de/ ma lus pa bsgrub par bya ba ni rdzogs par bya'o/ /shin tu mnyam par gzhag pa ni sems rtse gcig pa'o/ /bsgrub par bya ba de gang yin zhe na/ kun mchog ces bya ba la sogs pa la/ rdo rje rigs kyi chos dang / las dang dam tshig dang / phyag rgya chen
 po'i dngos grub rnams ni kun mchog dngos grub chen po rnams so/ /rdo rje nyi ma me ltar 'bar ba'i las brgya la sogs pa'i rgyun ni las kyi tshogs so/ /kun mchog dngos grub chen po rnams dang / las kyi tshogs ni kun mchog dngos grub chen po'i las kyi tshogs so/ /de yang mi zad
 pa zhes bya ba ni thog ma dang tha ma med par bsgrub par bya'o/ /de nas ji lta ba bzhin du de bzhin gshegs pa'i cho gas rang phyag rgya rnams kyi gong du nye bar bsdu ba'i mchod pa byas nas/ rab tu 'grub par 'gyur zhes bya ba la/ 'dis ni don 'di 'chad par 'gyur te/ snga ma bzhin du sdig pa
 dral ba'i mthar thug pa'i cho ga thams cad rjes su spyad nas rdo rje nyi ma me ltar 'bar ba rnam par bsgoms la/ dam tshig sems dpa' byin gyis brlab pa byas la/ rdo rje nyi ma me ltar 'bar pa'i phyag rgya chen po bcing bar bya'o/ /de nas ji lta ba bzhin du rang gi snying gar rdo rje nyi ma me
 ltar 'bar ba'i gsang ba'i dkyil 'khor rdo rje 'khor lo'i phyag rgya rdzogs par byas nas dngos grub kyi rdo rje brtul zhugs kyi mthar thug pa'i rang 'jug pa'i cho ga snga ma bzhin du byas la/ 'phags pa de kho na nyid bsdus pa'i 'jig rten gsum las rnam par rgyal ba'i dkyil 'khor
 chen po las gsungs pa'i lha rnams kyis rnal 'byor chen po byas la de bzhin gshegs pa thams cad kyi sku rang gi lus la bcug ste/ phyag rgya bzhis rgyas btab par byas la 'jig rten gsum las rnam par rgyal ba'i phyag rgya dang / dang po'i rdo rje sems dpa' la sogs
 pa rnams kyis snga ma bzhin du bdag nyid la byin gyis brlabs te dbang bskur ba thams cad bzung la dngos grub kyi rdo rje brtul zhugs blangs la/ khro bo rdo rje mtshon cha ma la sogs pa'i mchod pa'i phyag rgya bcu gnyis kyis bdag nyid yang dag par mchod la/ phyag bzhi dang rdo rje
 nyi ma me ltar 'bar ba'i dkyil 'khor chen po las gsungs pa'i phyag btsal ba byas nas/ dang po sbyor ba dang / dkyil 'khor rgyal po mchog dang las kyi rgyal po mchog rnam par bsgom par bya'o/ /de nas bsdu ba dang / mtshan brgya rtsa brgyad kyis bstod par byas la rdo rje nyi ma
 me ltar 'bar ba'i dkyil 'khor chen po las gsungs pa'i lcags kyus 'khor dang bcas pa'i bcom ldan 'das dkyil 'khor du bcug ste/ ji lta ba bzhin du phyag rgya bzhis rgyas btab par byas la/ dbang bskur ba'i phyag rgyas dbang bskur te mchod pa'i phyag rgya bcu gnyis kyis
 yang dag par mchod cing phyag 'tshal te/ de ltar nyin re bzhin du bsgom par byas na ji srid dkyil 'khor mthong bar 'gyur ro/ /yi ge hi'am/ yi ge hUM brjod cing / rdo rje dril bu sogs mnyam bcas/ /rnam dben rol mo brdungs pa yis/ /yi ge hi yi glu rol mo/ /bya zhing zur bzhi
 'grub par 'gyur/ /zhes bya ba 'di ni bzlas pa'i cho ga'o/ /de nas ji lta ba bzhin du lhag par gnas par byas la nyi ma 'char ka'i dus su rdo rje sems dpa'i dkyil 'khor chen po'i tshul du phyi'i dkyil 'khor thig btab nas/ de nang du de'i phyed kyi tshad rdo rje rtse gsum pa'i thig zlum
 po 'bar ba dang bcas pa dang / ka ba brgyad dang ldan par thig gdab par bya'o/ /de nas ji lta ba bzhin du yang dag par bris la/ dbus kyi dkyil 'khor gyi lte ba'i phyogs su lha mo bzhi dang yang dag par 'dus pa'i sbyor bas hUM hi zhes bya ba brjod cing / bcom ldan 'das ras ris la
 bri bar bya'o/ /dkyil 'khor chen po las gsungs pa'i snying po bzhi pos lha mo bzhi bri bar bya'o/ /phyi rol gyi dkyil 'khor gyi mtshams bzhi dang sgo bzhi la rdo rje nyi ma me ltar 'bar ba'i dkyil 'khor chen po las gsungs pa'i tshogs khro bo sgeg mo la sogs pa dang khro bo rdo rje lcags kyu ma
 la sogs pa bzhi bri bar bya'o/ /de la rdo rje nyi ma me ltar 'bar ba'i dkyil 'khor chen po las gsungs pa'i phyag rgya dang sngags kyis de bzhin gshegs pa'i gsang ba'i dkyil 'khor gyi cho gas dkyil 'khor bsgrub pa thams cad dang / rang 'jug pa la sogs pa'i cho ga dang slob ma gzhug
 pa la sogs pa'i cho ga thams cad bya'o/ /rdo rje rnal 'byor gyi cho ga'o zhes bya ba la/ lha mo bzhi dang yang dag par 'dus pa'i sbyor bas rdo rje nyi ma me ltar 'bar ba'i sku'i gsang ba gang yin pa de gnas pa ni rdo rje rnal 'byor ro/ /de'i cho ga ni bsgrub par bya ba dang / sgrub pa'i rtog pa bstan
 pa'o/ /dpal mchog dang po'i rgya cher 'grel pa shes rab kyi pha rol tu phyin pa 'byung ba zhes bya ba las rdo rje nyi ma me ltar 'bar ba'i gsang ba'i ras ris kyi dkyil 'khor gyis bshad pa rdzogs so// //de ltar rdo rje nyi ma me ltar 'bar ba'i gsang ba'i ras ris kyi dkyil 'khor gyi cho ga bstan
 nas/ da ni rdo rje nyi ma me ltar 'bar ba'i ras ris kyi dkyil 'khor nyid kyi cho ga gnyis pa bstan par bya ba'i phyir/ de nas zhes bya ba la sogs pa gsungs te/ de nas kyi sgra ni de ma thag pa rjod par byed pa ste/ dang po'i sbyor ba'i rjes thogs nyid du'o/ /'dir dang po'i sbyor ba'i ting nge 'dzin
 ni dpal rdo rje sems dpa'i ras ris kyi dkyil 'khor las gsungs pa nyid do/ /yi ge hUM gis dkyil 'khor sprul te/ gnas ji lta ba bzhin du rang gi snying po rnams kyis lha thams cad dgod par bya ste/ ting nge 'dzin gnyis pa shes par bya'o/ /de nas ji lta ba bzhin du 'dus pa
 sngon du 'gro bas gsum pa shes par bya'o/ /de ltar ting nge 'dzin gsum bstan nas/ da ni dam tshig dang dbang bskur ba thob nas bzlas pa dang bsgom par bya ba yin no zhes bya ba'i cho ga 'di rab tu bstan par bya ba'i phyir shin tu phra ba la sogs pas slob dpon gyi las la sogs pa'i
 cho ga dang / slob ma gzhug pa la sogs pa'i cho ga gsungs te/ 'das ma thag tu bshad pa'i dkyil 'khor phra ba las kyang shin tu phra ba yin no/ /de bshad pa ni bstan par bya'o/ /'di shin tu khro ba sgeg pa ston par byed pas na shin tu gsang ba yin no/ /rdo rje ni rdo rje nyi ma me
 ltar 'bar ba'i rdo rje ste/ de'i gsang ba'i rnal 'byor chen po'i mkha' 'gro ma rnams kyi dkyil 'khor ni nam mkha' thams cad khyab pa'i phyir chen po de nyid yin no/ /ji bzhin zhes bya ba la sogs pa la/ dpal rdo rje sems dpa'i gsang ba'i dkyil 'khor chen
 po las gsungs pa'i cho gas grong khyer sum brtsegs dang skyed mos tshal la sogs pas yang dag par brgyan la/ rdo rje 'chang thams cad kyi slob dpon rdo rje nyi ma me ltar 'bar ba'i gsang ba'i dkyil 'khor las gsungs pa'i tshul gyis rnal 'byor chen po byas la/ de'i rdo rje
 'dzin pas mtshan ma thob nas gsang ba'i dkyil 'khor ji lta ba bzhin du bsgrubs pas yang dag par bris la rdo rje chen po 'dod pa'i me 'bar ba la sogs pa'i gsang ba'i lha mo bzhi'i rnal 'byor dang ldan pa dang / de'i rigs dang rgyan dang ldan pa'i bu mo bzhi dang ldan pa dang / rang
 nyid rdo rje drag po'i rnal 'byor dang ldan pa dang / de'i dbyibs dang rgyan dang ldan pas gar las byung ba'i me tog dang bcas pa'i phyag 'tshal ba'i thal mo rang gi spyi bor bcings la/ hUM rdo rje gzhu dang mda' bcas phyag 'tshal lo/ /zhes bya ba la sogs pa'i 'jug pa'i glu brjod
 cing lha mo bzhi'i phreng ba'i dbus na bzhugs pa'i slob dpon gyis rang gi lha'i me tog gi phreng ba blangs te/ 'jug pa'i glu dang / rang gi lha'i snying po rjod par byed pa'i bu mo de rnams dang bcas par dkyil 'khor du 'jug par bya'o/ /de nas g.yon pa'i kha ni gyen du bstod/ /
 rdo rje drag po bzhad pa chen po'i sgra sgrogs mchog gi ming can gyi phyag rgyas ha ha ha ha/ oM badzra ru lu ru lu laM zhes brjod cing dga' ba chen po'i dbugs kyi rlung gis ru lu ni drug dang ldan par bar ma dag gis bcom ldan 'das la mchod par bya'o/ /'di ni 'dir zhes bya ba
 la sogs pa ni go sla'o/ /de ltar bu mo de rnams dang lhan cig tu bcom ldan 'das la phyag byas nas me tog dor ba'i sngags kyis me tog gi tshogs gtor bar bya'o/ /de nas ji lta ba bzhin du phreng ba'i dbang bskur ba blangs te/ gdong g.yogs dkrol te dkyil 'khor mthong nas 'jug
 pa'i phyag rgya dgrol bar byas nas/ chu'i dbang bskur bas dbang bskur la phyag rgya'i dbang bskur ba la sogs pa nas/ dngos grub kyi rdo rje brtul zhugs kyi mthar thug pa gzung bar bya'o/ /dang po re zhig thod pa'i phreng ba'i cod pan gyis dbang bskur ba'i phyag rgyas so/ /de nas sangs rgyas lnga'i cod
 pan gyis dbang bskur ba'i phyag rgyas so/ /de nas thod pa'i phreng ba de bzhin gshegs pa lnga dang lhan cig pa'i gsang ba'am brdungs pa la sogs pa'i rang bzhin can rdo rje rin po che dang cod pan gyi sngags dag gis yongs su bzlas pa'i phyi'i cod pan gyis kyang dbang bskur bar bya'o/ /de la gtsug
 tor dang mdun dang logs gnyis dang / rgyab tu rdo rje rtse lnga pas mtshan pa'i thod pa rnams te de rnams kyi steng du de bzhin gshegs pa rnams cod pan du bya'o/ /de ltar thod pa'i phreng ba'i dbang bskur gyis bdag nyid la dbang bskur te/ cho ga thams cad rdzogs par byas nas bdag nyid dang bu
 mo rnams la dam tshig gsum sbyin par bya'o zhes bya ba bstan pa'i phyir/ rdo rje pad+ma'i dbang bskur gyis/ /dam tshig 'di ni gsal par sbyin/ /zhes bya ba gsungs te/ gsang ba ni gsal ba'o/ /da ni rdo rje pad+ma'i phyag rgya bstan pa'i phyir/ de la 'di zhes bya ba la sogs pa gsungs te/
 rdo rje bsdams pa nang du byas pa'i sor mo'i rtse mo thams cad phan tshun du yang dag par sbyar ba byas la mthe bong gnyis rtse mo yang dag par sbyar ba'i rtse mo byas te/ des sor mo'i rtse mo rnams dgab par byas te/ 'di rdo rje pad+mas te dbang bskur ba'i phyag rgya'o/ /de nas hUM a b+hi Shiny+tsa maM zhes bya ba
 brjod cing gtsug tor gyi phyag rgya dang / slar yang spyi bo dang / rna ba gnyis kyi steng dang / spyi bo'i rgyab tu dbang bskur bar bya'o/ /'dis dbang bskur ba tsam gyis zhes bya ba la sogs pa la/ rdo rje pad+ma'i dbang bskur ba 'dis sgrub pa po dbang bskur ba tsam gyis rnam par snang mdzad
 la sogs pa'i de bzhin gshegs pa thams cad de/ de de dag gis byin gyis brlab pa dang zhes bya ba sbyar ro/ /sgrub pa po de la ji ltar byin gyis brlab pa mdzad ce na/ shin tu gdug pa dang / drag pa dang / rab tu gtum po dang / ma rungs pa'i sems can rnams thal bar rab tu
 'jig pa'i rgyur gyur pa'i phyir thal bar rab tu rlog pa'o/ /dbang phyug chen po la sogs pa'i 'jig rten gsum las rnam par rgyal bas na thams cad las rnam par rgyal ba'o/ /khams gsum ma lus pa'i rdo rje chen po'i 'khor los sgyur ba zhes bya bar yang byin gyis
 brlab par 'gyur ro/ /de nyid kyis rdo rje zhes bya ba la sogs pa ni go sla'o/ /bud med rnams kyang 'bebs gyur na/ /zhes bya ba la sogs pa la/ dkyil 'khor du zhugs pa'i bu mo rnams gang yin pa de dag kyang 'bebs na/ bdag nyid mda' 'dzin pa la sogs pa'i rang gi lha mo'i rnal 'byor
 gyi sgom pa'i rang bzhin gyis rdo rje 'bebs pas phab ste/ ston pa ni de bzhin gshegs pa rnams kyi rdo rje pad+ma'i dbang bskur bas dbang bskur te/ de kho na nyid dang chos dang / dam tshig blangs la rdo rje mda' la sogs pa'i rdo rjes mtshan pa'i phyag mtshan 'dzin pa'i rnal 'byor
 rnams dbang du 'gyur ro/ /rdo rje 'dod pa'i me la sogs pa'i lha mo'i gzugs su yang dag par 'gyur ro/ /'dis ni 'di ltar 'chad par 'gyur te ji ltar slob dpon gyis rang nyid rdo rje nyi ma me ltar 'bar ba'i rdo rje drag po'i gzugs su byin gyis brlabs nas dbang bskur te/ de kho
 na nyid dang / chos dang / dam tshig blangs nas dkyil 'khor du zhugs te/ khams gsum ma lus pa'i stobs chen po'i 'khor los sgyur bar 'gyur ro/ /de bzhin du bu mo rnams kyang rang gi lha'i rnal 'byor gyis bdag nyid la dbang bskur byas nas de kho na nyid dang / chos dang /
 dam tshig blangs te/ rdo rje 'dod pa'i me la sogs pa'i lha mo'i gzugs su 'gyur ba yin no/ /da ni bu mo dang bcas pa'i slob dpon la rdo rje nyi ma me ltar 'bar ba la sogs pa 'bebs pa bstan par bya ba'i phyir de la zhes bya ba la sogs pa gsungs te/ de la zhes bya ba'i sgra ni dgar ba
 la'o/ /thog ma kho nar zhes bya ba ni shin tu dang po kho na'o/ /re zhig gi sgra ni rim pa la ltos pa'o/ /rdo rje nyi ma me ltar 'bar ba chen po ni nyi ma dang 'dra bas na nyi ma'o/ /gdug pa dang drag po rnams thal bar rab tu 'jig pa'i rgyur gyur pa'i phyir thal bar rab tu rlog go/ /rdo rje nyi ma
 me ltar 'bar ba chen po yang yin la thal bar rab tu rlog pa yang de nyid yin pas na/ rdo rje nyi ma me ltar 'bar ba chen po thal bar rab tu rlog pas te de'i ming dang ldan pa zhes bya ba'o/ /de bzhin gshegs pa thams cad kyi rdo rje chen po'i khro bo thams cad kyi bdag nyid do/ /mchog dang po ni thog ma dang
 tha ma med pa'o/ /yang dag par 'bebs pa'o zhes bya ba ni sgrub pa po'i rgyud la rab tu zhugs pa'o/ /de bzhin gshegs pa thams cad kyi thugs rje chen po ni de bzhin gshegs pa thams cad kyi thugs rje chen po ste/ des thabs kyi ngo bor bskyed pa'i zhe sdang gi khro bo me ltar 'bar ba'i 'od zer gyis nye
 bar mtshon la/ mi phyed pa'i khon du 'dzin pa'i khro bo'i me ltar 'bar ba'i rdo rje ni bcom ldan 'das rdo rje nyi ma me ltar 'bar ba'i khro bo'i rdo rje kha T+wAM ga'i rgyal mtshan dang bcas pas bzhugs pa ni rdo rje kha T+wAM ga'i rgyal mtshan dang bcas pa'o/ /de bzhin gshegs pa thams cad kyi thugs rje
 c hen po'i thabs kyi khon du 'dzin pa'i khro bo'i me 'bar ba'i rdo rje yang de nyid yin la rdo rje kha T+wAM ga'i rgyal mtshan dang bcas pa yang de nyid yin pas na de bzhin gshegs pa thams cad kyi thugs rje chen po'i thabs kyis kho na du 'dzin pa'i khro bo me 'bar ba'i rdo rje'i kha T+wAM ga'i rgyal mtshan dang
 bcas pa'o/ /nges par sbyor ba ni gtso bo nyid du nges par sbyor ba'o/ /ba dan dang bcas pa'i dril bu ni ba dan gyi dril bu ste de 'dzin par mdzad pas na ba dan gyi dril bu 'dzin pa'o/ /rdo rje snyems ma ni ji lta ba bzhin du bshad pa'o/ /de'i bdag po ni rdo rje snyems ma'i bdag po'o/ /'bebs
 pa'i khyad par ji lta bu dang ldan pas 'bebs pa ni shin tu khro bo'i 'bebs pa ste/ bcom ldan 'das de 'bebs par 'gyur ro/ /de lta bu'i phyag rgya gang dang ldan pa yin zhe na/ sgeg pa dang bcas pa zhes bya ba la sogs pa la/ sgeg pa dang khro bo ston par byed pa'i smin
 mtshams kyi dpral ba'i ri mo ni sgeg pa dang bcas pa'i smin mtshams kyi khro gnyer te/ de dang bcas pa'i spyan ser po ni dmar ser te/ 'jigs pa chen pos 'jigs par byed pa'i spyan dmar ser gang la yod pa de la de skad ces bya'o/ /de lta bu'i lta ba dang ldan pa'i
 bcom ldan 'das yang dag par phab nas des ji ltar mdzad ce na/ 'dis zhes bya ba la sogs pa la de ltar gyur pa'i lta ba'i phyag rgya 'dis sgrub pa po'i rgyud la bcom ldan 'das bzhugs nas phyag rgya chen po la sogs pa'i dngos grub thams cad kyi dkyil 'khor du stong
 phrag brgya bzlas pas sgrub pa po la sgrub par mdzad pa yin no/ /dkyil 'khor du stong phrag brgya'i bzlas pas ma grub na de nas dus phyi ma la yi ge hUM lan cig bzlas pas rjes su chags pa la sogs pa sgrub par byed pa yin no zhes bya ba'i don 'di rab tu bstan par bya ba'i phyir/
 de bzhin gshegs pa thams cad rjes su chags pa zhes bya ba la sogs pa gsungs so/ /ting nge 'dzin gang gis yi ge hUM lan cig bzlas pas de bzhin gshegs pa thams cad rjes su chags pa dang / dgug pa dang / gzhug pa dang / bcing ba dang / dbang du byed pa dang / 'bebs
 par nus she na/ thams cad nam mkhar sbyor ba'i ting nge 'dzin gyis zhes bya ba la/ yi ge hUM lan cig brjod pa tsam gyis gdod ma nas ma skyes pa'i rdo rje nyi ma me ltar 'bar ba'i bsgom pa thams cad nam mkha'i sbyor ba'i ting nge 'dzin dang lhan cig brjod pa tsam gyis de bzhin gshegs
 pa thams cad rjes su chags pa la sogs pa'i las byed pa'o zhes bya ba'i don to/ /gang zhig khams gsum pa thams cad kyi khongs su chud pa'i rdo rje'i bdud la sogs pa'i bdud thams cad dang / gang zhig de bzhin gshegs pa thams cad ni de bzhin gshegs pa rnams kyi bstan pa rnams
 shin tu gdug pa dang drag po dang / rab tu gtum pa'i ma rungs pa'i sems can rnams dang / gang zhig sems can nye bar 'tshe ba la rab tu 'jug pa'i mkha' 'gro ma drag po rnams dang / gang zhig nyan thos dang rang sangs rgyas rnams te de dag kyang sgrub pa po'i 'dod pas thal bar
 rab tu 'jig par 'gyur te/ dmyal bar skye ba'i rgyur gyur pa spyod pa ngan pa'i rang bzhin can gyi phan pa ma yin pa la sogs pa gzhan rnams la smos kyang ci dgos/ rnal 'byor 'dis bcom ldan 'das 'di ji lta ba bzhin du ci'i phyir bsgrub pa mdzad pa yin zhe na/ don yod ces bya ba
 la sogs pa la gang gi phyir bcom ldan 'das 'di ji lta ba bzhin du bshad pa'i rnal 'byor gyis don yod pa ni 'bras bu med pa ma yin pa dang / thog ma med pa ni bzlog par mi nus pa dang / ji lta ba bzhin du bshad pa'i dngos grub thams cad kyi las kyi tshogs rnams nye bar sbyor ba ni sgrub pa
 pos mngon par sbyor ba mchog tu sgrub par 'gyur ba'i phyir ro/ /ji lta ba bzhin du bshad pa'i bcom ldan 'das 'di bsgrub pa'i snying po'i bzlas pa bstan par bya ba'i phyir de nas zhes bya ba la sogs pa gsungs so/ /'dis ni 'di ltar 'chad par 'gyur te/ sna'i dbugs phra mo nyid
 kyis thung ngu'i gzugs su yongs su brtags nas sna'i dbugs kyi sbyor ba kho nas bzlas pa byas na ji lta ba bzhin du bshad pa'i dngos grub sgrub par byed pa yin no zhes bya'o/ /de ltar bcom ldan 'das dbab pa'i bsgrub pa bstan nas/ /da ni lha mo bzhi dbab pa'i sgrub pa bstan par bya
 ba'i phyir/ de nas zhes bya ba la sogs pa gsungs te/ rdo rje nyi ma me ltar 'bar ba la sogs pa'i sgom pa'i lam ston par byed pa'i bcom ldan 'das yum mda' 'dzin pas te/ rdo rje chen po 'dod pa'i me 'bar ba zhes bya ba'i lha mo chen mo de yang phyag g.yon pas gzhu 'dzin cing
 phyag g.yas pas ji lta ba bzhin du bshad pa'i mtshan nyid can gyi mda' blangs te stod par mdzad pa/ sgeg pa dang bcas shing g.yon pa'i spyan gyi zur gyis lta ba'i phyag g.yon pa'i ming can gyis lta ba'i phyag rgyas nye bar mtshan pa/ g.yon pa'i spyan bcom ldan 'das ma rdo rje 'dod pa me
 'bar ba'o/ /lta ba'i phyag rgya 'dis de ci mdzad ci na/ thams cad sgrub par mdzad pa zhes bya ba ni gzigs pa tsam gyis thams cad la rgyas gdab pa'o zhes bya ba la sogs pa ni de'i las bstan to/ /snying po gang gis ji lta ba bzhin du bshad pa'i las rnams 'dis sgrub pa mdzad ce na/
 de nas 'di zhes bya ba la sogs pa la 'di ltar 'chad par 'gyur te/ h+Ni zhes bya ba'i phra ba'i rdo rje khro bo'i bzlas pas ji lta ba bzhin du bshad pa'i lta bas 'di las thams cad sgrub par mdzad pa yin no/ /de ltar dang po dbab pa'i sgrub pa bstan nas da ni gnyis pa dbab pa'i sgrub pa bstan
 par bya ba'i phyir gnyis pa zhes bya ba la sogs pa gsungs te/ rdo rje chen po 'dod pa'i me 'bar ba'i mtshan nyid can gyi sgom pa'i lam gyi yul du byas pas don mngon du byed pa ni lha mo chen mo gnyis pa ste/ kI li kI la'i gzugs 'dzin pa rdo rje chen po 'dod pa'i me 'bar ba
 ltar bshad pa'o/ /de nyid dam tshig ni rgyu ste/ rdo rje nyi ma me ltar 'bar ba la sogs pa re re mngon du byed pa'i rang bzhin can gang dang gang gi phyag rgya de ni re re'i dam tshig gi phyag rgya'o/ /de'i ming ston pa mdzad pa'i lha mo chen mo phyag gnyis kyi dbus su rang gi 'dod pa'i lha bcom ldan 'das rdo rje nyi
 ma me ltar 'bar ba bstod nas gang gis 'khyud pa de ni dbus su bstod pa'i rang gi lhag pa'i lha'o/ /'dzum pa ni cung zad bzhad pa dang bcas shing 'dzum pa ste/ cung zad phye ba'i spyan gang la yod pa de ni spyan 'dzum pa'o/ /lta ba'i phyag rgya 'dis rdo rje nyi ma me ltar 'bar ba la sogs
 pa thams cad sgrub par mdzad pa'i bcom ldan 'das yum so so'i dam tshig gi phyag rgya rdo rje kI li kI la'i rang bzhin can no/ /yi ge hUM 'bum bzlas pas 'di'i sbyor ba ma grub na yi ge hUM lan cig tu sgrub pa pos brjod cing yid kyis sam mngon du bsgrub par bya la tsum pa na
 dang 'khyud pa la sogs pa bya zhing / /tsum pa na dang 'khyud pa la sogs pa'i reg bya 'dis rgyas btab pa tsam gyis bsam pa'i dbang gis bsgrub bya rgyas btab pa dang / mkha' 'gro ma la sogs pa thams cad kyi phyag rgya gzhig par mdzad pa dang / bsgrub bya thams cad gsad pa'i
 bsam pa'i dbang gis gsod par mdzad pa dang / 'chi ba bslang ba'i bsam pas 'chi ba thams cad slong bar mdzad pa dang / 'phags pa rdo rje nyi ma me ltar 'bar ba'i las brgya sgrub par mdzad pas na dngos grub thams cad kyi tshogs rnams la nye bar sbyor ba dang / yi ge hUM
 lan cig tu bzlas pas mchog tu sgrub pa'o/ /de nas 'di zhes bya ba la sogs pa ni go sla'o/ /da ni gsum pa bstan par bya ba'i phyir gsum pa zhes bya ba la sogs pa gsungs te/ ji lta ba bzhin du bshad pa'i rdo rje chen po 'dod pa'i me 'bar bsgom pa'i lam gyi
 rang bzhin can gyi khams gsum ma lus par thal bar mdzad par nus pa bskyed pa ni/ rdo rje chen po 'dod pa'i me 'bar ba thal bar rab tu 'jig pa zhes bya ba'i lha mo chen mo gsum pa ste/ bcom ldan 'das rdo rje nyi ma me ltar 'bar ba'i'o/ /de yang rdo rje dang kha T+wAM ga'i rgyal
 mtshan 'dzin pa'o/ /khro zhing sgeg pa dang bcas pa'i 'dzum pa ni sgeg pa dang bcas pa'i 'dzum pa ste/ des smin ma'i dbus su khro ba ston par byed pa'i dpral ba'i ri mo ni khro gnyer te/ sgeg pa dang bcas pa'i 'dzum pa'i smin ma'i khro gnyer de las khro ba'i spyan ni khro ba'i lta
 ba ste/ des nye bar mtshon pa'i bcom ldan 'das ma gang yin pa de ni de bzhin te/ rdo rje chen po 'dod pa'i me 'bar bas thal bar rab tu 'jug par zhes bya ba'o/ /oM badzra ru lu ru lu h+Ni zhes bya ba dkyil 'khor du stong phrag brgya bzlas pas rang gi dngos grub gsol ba yin no/ /
 sgrub pa ma grub na lan cig bzlas pas yid kyi 'dod pa'i las thams cad sgrub par mdzad pa yin no/ /chen po yang yin la rdo rje 'dod pa yang de nyid yin pas na rdo rje 'dod pa chen po yin pas te/ rdo rje nyi ma me ltar 'bar ba la sogs pa'i bsgom pa'i lam gyi rang bzhin gyi byang chub
 chen po'i sems kyi sgom pa'i zhes bya ba'i don to/ /nyon mongs pa'i bud shing sreg pa'i rang bzhin can ni me 'bar ba'o/ /rdo rje chen po 'dod pa yang de yin la me 'bar ba yang de nyid yin pas na rdo rje chen po 'dod pa'i me 'bar ba'o/ /des thal bar rab tu rlog pa ni khams
 gsum pa'i sems can gyi khams dang sems las byung ba rnams mi snang bar mdzad pa'o/ /sreg pa'i bskal ba'i rang bzhin can gyis kyang kun nas nyon mongs pa can gyi sems can gyi khams rnam par sbyong ba'i phyir sreg pa gang yin pa des shi ba'i sems can gyi khams rnam par dag
 pa'i sangs rgyas kyi zhing du skye bar ston pa ni slong ba ste nan tan sgrub pa'i ye shes kyi ngo bo 'dis gang gis bsgrub par 'gyur ba de'i mtshan nyid dang ldan pa bzhi pa ste/ bcom ldan 'das ma rdo rje 'dod pa'i me 'bar ba thal bar rab tu rlog pa 'jigs pa'i 'chi ba slong bar mdzad
 pa zhes bya ba'i lha mo chen mo'o/ /g.yon pa'i rdo rje khu tshur gyis snyems par mdzad nas phyag g.yas pas rdo rje dril bu rang gi spyi bor bskyod par mdzad cing khro ba dang sgeg pa dang bcas pa'i spyan shin tu gdangs pa de'i rnal 'byor dang ldan ma la dbab pa'o/ /de nyid la
 phyag rgya chen po la sogs pa rdzogs par mdzad pas na thams cad sgrub par mdzad pa'o/ /de bzhin du Sh+Nai zhes bya ba dkyil 'khor du stong phrag brgya bzlas pas ma grub na lan cig bzlas pas khu tshur dang thal lcag la sogs pa dang / bzhad gad dang / rdeg pa dang / phyag rgyas
 btab pa tsam gyis 'chi ba thams cad slong bar mdzad pa dang / bsam pa tsam gyis las thams cad kyi tshogs sgrub par mdzad pa'o/ /de la sogs pa zhes bya ba ni rdo rje 'dod pa'i me'i lha mo bzhi po gtso bor gyur pa rnams so/ /mtha' yas mchog ni thog ma dang tha ma med
 pa'o/ /chos kyi dbyings dang mnyam pa ni/ thog ma dang tha ma med pa'i chos kyi dbyings dang mtshungs pa'o/ /mi mnyam pa ni mtshungs pa med pa'o/ /nam mkha'i khams bzhin du tshad med pas na nam mkha'i khams bzhin du grangs med pa ste/ 'jig rten gyi khams
 thams cad kyi rdul phra rab dang mnyam pa'o zhes bya ba'i don to/ /rdo rje nyi ma me ltar 'bar ba las byung bas na/ rdo rje nyi ma las byung ba'o/ /nam mkha' yang de yin la thams cad kyang de yin pas na nam mkha' thams cad de phyogs bcu na gnas pa thams cad dang bral ba'i
 ngo bo ji lta ba bzhin rab tu grags pa'o/ /nam mkha' thams cad bzhin du lha mo thams cad la gnas skabs ster ba'i phyir nam mkha' thams cad gnas skabs ster ba dkyil 'khor 'di yin no/ /nam mkha' thams cad gnas skabs kyi gsang ba'i dkyil 'khor 'di la
 rab tu zhugs pa ni legs par zhugs pa'o/ /kun nas 'bebs pa ni dkyil 'khor du sgom pa la mngon par chags pa'i rgyud la rab tu zhugs pa'o/ /rdo rje mchog gi rnal 'byor gyi dbang phyug ni gtso mo ste/ rdo rje mchog gi rnal 'byor gyi dbang phyug ma'o/ /
 du ma ni sna tshogs pa'i gzugs dang ldan pa'o/ /de nas zhes bya ba ni rnal 'byor bsgom pa'i dus phyis dkyil 'khor sgrub par byed pa rdo rje nyi ma me ltar 'bar ba'i rnal 'byor la dbang thob pa nyid dang / mtshan ma thob pa'i rnal 'byor gyi dbang phyug des/ rnal 'byor mas te lha mo bzhi'i
 rnal 'byor dang ldan pa'i ji lta ba bzhin du zhugs pa'i bu mo de rnams rang gi g.yas pa dang g.yon pa'i logs dag la zla ba tshes pa'i dkyil 'khor gyi rnam pa'i dkyil 'khor gyi rnam pa'i dkyil 'khor ni zla ba phyed pa'i dbyibs can gyi rlung gi dkyil 'khor du dgod par bya'o/ /de nas ji ltar zhe na/ bkod nas
 zhes bya ba la sogs pa la/ de ltar rnal 'byor ma de rnams bkod nas thams cad kyang yin la mchog kyang de nyid yin pas na thams cad mchog ni bcom ldan 'das kyi gsang ba'i dkyil 'khor gyi dngos grub mchog ste sgrub pa ni rdzogs par bya'o/ /byed par gyur pa gang gis she na/
 thams cad dgug dang mchod pa che/ /bdag byin brlab sogs sgrub pa yis/ /zhes bya ji lta ba bzhin du bshad pa'i mtshan nyid can rnams kyis so/ /de ltar 'das ma thag tu bshad pa'i tshul gyis dkyil 'khor de brtag pa dang sgrub par byas nas phyi nas bcom ldan 'das
 kyi rdo rje blang la slob ma thams cad gzhug par bya'o/ /de la zhes bya ba'i sgra ni ngag nye bar dgod pa la'o/ /re zhig gi sgra ni rim pa la ltos pa'o/ /gal te dkyil 'khor 'di tshogs kyi dkyil 'khor gyi tshul du bri bar gyur na/ de'i tshe bud med rnams gzhug ste/ rdo rje
 'dod pa'i me 'bar ba la sogs pa'i lha mo bzhi'i rnal 'byor dang ldan par byas la de kho na nyid dang / chos dang / dam tshig gi mtshan nyid can gyi dam tshig gsum byin gyis brlabs nas rang gi logs gnyis su sngon du bsnyen pa byas pa yang dag par gzhag par bya'o/ /skyes
 pa rnams kyang sngon du bsnyen pa byas pa rdo rje nyi ma me ltar 'bar ba'i rnal 'byor dang ldan pa/ dam tshig gsum gyis byin gyis brlabs pa de rnams lha mo bzhi'i phreng ba'i dbus su bkod pa de'i rnal 'byor sgrub pa yang dag par 'dzin du gzhug par bya'o/ /rdo rje chen po'i
 khro bo'i rgyal po chen po'i dam tshig dang sdom pa dag kyang len du gzhug par bya'o/ /bu mo dang khye'u ni byis pa'i blo'i rang bzhin can rnams dkyil 'khor du bcug ste/ tshogs dang bcas pa'i slob dpon rang nyid kyis yang dag par bsrung bar bya'o/ /dus gzhan
 du de rnams kyang snga ma bzhin du sgrub pa la nges par sbyar bar bya'o/ /de ltar slob dpon gyi las kyi chog rgyas par bstan nas slob ma gzhug pa la sogs pa'i cho ga rgyas par bstan par bya ba'i phyir/ de nas zhes bya ba la sogs pa gsungs te/ byang chub sems ni bla na med
 par bskyed nas zhes bya ba ni go sla'o/ /mi phyed pa zhes bya ba ni srog chags dang srog chags ma thams cad kyis dbye bar mi nus pas na mi phyed pa'o/ /dngos po thams cad kyi de kho na nyid mngon du byed pa'i rang bzhin can yin pas so sor rtogs pa'o/ /'dod chags la sogs
 pa'i nyon mongs pa dang nye ba'i nyon mongs pa rnams dang / phyi rol gyi lha chen po la sogs pa ni gdug pa rnams te/ de dag gnod pas na gdug pa thams cad gnod pa ste de lta bu'i byang chub kyi sems so/ /sbyin ba'i pha rol tu phyin pa dang / shes rab kyi pha rol tu phyin pa dang / brtson
 'grus kyi pha rol tu phyin pa ni sangs rgyas kun te de'i rang bzhin yin pas na sangs rgyas kun dngos so/ /de ni bcom ldan 'das kyi 'bar ba'i rdo rje byang chub kyi mtshan nyid can gyi sems ni smon pa byang chub kyi sems te/ brtan pa ni mi phyed pa ste de nyid yin no/ /rdo rje rtse lnga pa'i
 gzugs su gdul bya rnams kyis yongs su brtag pa de nyid mtshon cha ste/ de rgyal ba de bzhin gshegs pa rnams bde ba chen po'i rdo rje dkyil 'khor la sogs pa'i don du kun du bzang po'i lag tu phyin pa yin no/ /de bzhin gshegs pa thams cad kyis bstan pa ni bka'
 ste/ de'i dngos grub ni dpal rdo rje sems dpa' la sogs pa'i dngos grub bo/ /de'i don du mtshon cha de de bzhin gshegs pa thams cad de'i lag tu phyin pa yin no/ /rdo rjes nye bar mtshan pa'i phyag gang la mnga' ba de ni phyag na rdo rje ste byang chub sems dpa' kun du bzang
 po'o/ /de ltar sgeg pa dang khro bo'i gzugs can rdo rjes rdo rje 'chang ba bstan nas da ni thun mong ma yin pa'i khro bo'i rdo rje bstan par bya ba'i phyir/ de nas zhes bya ba la sogs pa gsungs te/ rtag tu chags pa las byung ba'i khro bo ni bshad zin to/ /de gang yin zhe na/ rdo rje sems dpa'
 zhes bya ba ni rdo rje dang dril bu 'chang ba'i rdo rje sems dpa' nyid khro bor 'gyur ro/ /ci'i phyir zhe na gdul bya'i phyir zhes bya ba ni drag po la sogs pa gdug pa dang / drag po rnams ni khro bos gdul bar 'gyur bas te/ de'i phyir khro bos gdul ba'i rgyu de'i phyir rdo rje sems dpa'
 nyid khro bor 'gyur te/ nyon mongs pa'i dbang gis ni ma yin no/ /khyad par ji lta bu dang ldan pa'i khro bor gyur zhe na/ rdo rje ltar 'bar ba ni zhes bya ba la/ ni'i sgra ni nges par gzung ba la ste/ khro bo rdo rje nyi ma me ltar 'bar ba nyid de gzhan ni ma yin no/ /rdo rje ni byang chub chen
 po'i mtshan nyid can gyi sems te/ de'i 'bar ba ni nam mkha'i khams thams cad la rtag tu bzhugs pa'i sku gsung thugs kyi rdo rje sngon po 'bar ba'i ngo bo sems dpa'i ste 'od kyi 'khor lo dmar po 'bar ba'o/ /de nyid rdo rje nyi ma me ltar 'bar ba ste/ kun nas nyon mongs pa can
 bsregs nas/ sangs rgyas kyi zhing du sangs rgyas kyi rang bzhin mdzad pas na nyi ma dang mtshungs pas nyi ma'o/ /de nyid kyi phyir rab tu 'jigs pa las kyang 'jigs par byed pa'i mchog tu 'jigs pa ni nga yin no/ /de ltar bcom ldan 'das kyis de kho na nyid kyis rdo rje gzung ba
 bstan nas/ da ni lha mo rnams kyi gsungs pa yin te/ rdo rje nyi ma me ltar 'bar ba ni ji lta ba bzhin du bshad pa'o/ /de las byung ba ni skyes pas te de'i 'od kyi 'khor lo las byung ba'o zhes bya ba'i don to/ /grib ma zhes bya ba ni de dang rjes su mthun zhing mtshungs pas te
 de dag de bzhin gshegs pa rnams kyis sprul pa ni skyed par mdzad pa'o/ /las de lta bu dang ldan pa zhe na/ ma lus bdud sogs gdug pa yi/ /khrag gsol bar ni nus pa'o/ /zhes bya ba la lus pa med pa'i bdud la sogs pa'i gdug pa rnams kyi khrag gsol ba'i
 nus pa dang bcas pa'o/ /shin tu nyal du bcug pa ni shin tu gsod pa'o/ /des dag pa ni dag par gyur pas te rjes su brtse bas ni ma yin no zhes bstan to/ /mi'i khrag sngags kyi stobs kyis dgug pa 'grub pa gang yin pa de ni khrag chen po'o/ /lhag ma ni go
 sla'o/ /slar yang 'di'i don bshad par bya ste/ snga ma bzhin du rdo rje me ltar 'bar ba'i rnal 'byor gyis rnal 'byor chen po byas la/ lha mo bzhi'i rnal 'byor dang ldan pa'i bu mo rnams dang lhan cig tu lha mo bzhi dang yang dag par sbyor ba'i rnal 'byor gyis nye bar 'dug la dkyil 'khor
 thams cad ji lta ba bzhin du yongs su rdzogs par byas la/ ji srid mtshan ma thob par 'gyur pa de srid kyi bar du bsgom par bya'o/ /de nas ji lta ba bzhin du slob ma lhag par gnas pa dang / lha lhag par gnas par byas la/ nyi ma 'char ka'i dus su dkyil 'khor la
 thig btab nas phyi'i dkyil 'khor de nyid du bris la de'i phyed kyi tshad kyis nang du rlung gi dkyil 'khor zla ba phyed pa'i dbyibs can de'i steng du 'bar ba'i 'khor lo ka ba brgyad kyis nye bar mdzes pa ste/ lcags kyi phye mas 'bar bar bris la/ nang gi dkyil 'khor gyi lte bar pad+ma'i ras
 ris kyis bkab pa'i gdan la/ lha mo bzhi yang dag par 'dus pa'i rnal 'byor gyis rang gi lha'i rnal 'byor dang ldan pa'i bu mo bzhi dang lhan cig tu slob dpon gyis 'dug par bya'o/ /phyi'i dkyil 'khor gyi mtshams bzhi po la khro bo'i sgeg mo la sogs pa'i rnal 'byor
 ma rnams dgod par bya'o/ /sgo bzhi po la khro mo rdo rje lcags kyu ma la sogs pa'i rnal 'byor ma bzhi'am/ de'i rnal 'byor dang ldan pa'i slob ma rnams dgod par bya'o/ /de ltar sngon du bsnyen pa byas pas tshogs yod na tshogs kyi 'khor lo brtags te/ go cha thams cad rjes su
 spyad par bya'o/ /rang 'jug pa'i dus dang / slob la gzhug pa'i dus su rang gi slob dpon nam de'i yon tan dang ldan pa gzhan dbus su dgod par bya'o/ /gang la tshogs med na de'i dbus kyi dkyil 'khor gyi phyogs su lha mo bzhi phreng gi dbus na bzhugs pa'i bcom ldan 'das
 snying po 'dis ras ris la bri bar bya'o/ /hUM zhes bya ba'o/ /rdo rje chen po'i 'dod pa me ltar 'bar ba'i snying po ni h+Ni zhes bya'o/ /gnyis pa ni hUM zhes bya ba'o/ /gsum pa ni oM badzra ru lu lu laM h+Ni zhes bya ba'o/ bzhi pa ni Sh+Ne zhes bya ba'o/ /khro bo'i sgeg mo la sogs pa'i lha mo rnams ni sngar
 bshad pa'i snying po rnams kyis dgod par bya'o/ /de nas dkyil 'khor gyi sgo bzhi phyi la bsdu bar byas nas mtshan brgyas bstod nas/ rdo rje nyi ma me ltar 'bar ba'i dkyil 'khor chen po las gsungs pa'i spyan drang ba'i phyag rgya dang sngags dag gis bcom ldan 'das 'khor dang bcas
 pa dkyil 'khor du bcug ste bgegs bskrad pa la sogs pa byas nas/ yi ge hUM gis mchod yon phul te/ dam tshig gi phyag rgya rnams kyis bsgrub par bya'o/ /de nas chos dang las dang phyag rgya chen po rnams kyis bcom ldan 'das 'khor dang bcas pa la rgyas btab ste thod
 pa'i phreng ba'i dbang bskur ba'i phyag rgya dang / de bzhin gshegs pa'i sku mchog gi phyag rgyas dbang bskur la/ mchod yon bu la ba sngon du 'gro ba'i mchod pa'i yan lag thams cad kyis mchod pa bya'o/ /de la re zhig pad+ma'i snod du khrag chen dang ga bur dang tsan+dan dmar po yi ge hUM gis
 mngon par bsngags pa/ bcom ldan 'das kyi dam tshig gi phyag rgyas yongs su gzung ba'i rdo rje me tog gi yal ga bcom ldan 'das nyid kyi mdun du bzhag ste/ bum pa dang bum pa gang ba rnams dbul bar bya'o/ /de nas mchod pa thams cad bya'o/ /de nas bcom ldan
 'das kyi rnal 'byor gyis rnal 'byor chen po dang ldan zhing / rdo rje chen po 'dod pa'i me la sogs pa'i lha mo bzhi'i rnal 'byor dang ldan pa dang / sngon du bsnyen pa byas pa'i bu mo bzhi dang lhan cig tu phyag bzhi sngon du 'gro bas gar las byung ba'i phyag 'tshal ba'i thal mo me tog dang
 bcas pa spyi bor bcings te/ de bzhin du me tog gi phreng ba blangs la/ rdo rje shugs kyis rdo rje mda' gzhu can khyod la phyag 'tshal zhes bya ba la sogs pa'i 'jug pa'i glu brjod cing 'jug par bya'o/ /bu mo bzhi pos kyang rang gi lha'i dam tshig gi phyag rgya lag pa gnyis
 kyis 'ching zhing me tog phreng ba blangs te 'jug pa'i glu dang / rang gi lha'i snying po bzla zhing 'jug par bya'o/ /de nas dpal rdo rje sems dpa'i ras ris kyi dkyil 'khor gyi chog dngos grub kyi rdo rje brtul zhugs kyi mthar sa thams cad rjes su sbyangs nas/ me tog
 la sogs pa dang / rdo rje mtshon cha ma la sogs pa phyag rgya'i mchod pa bcu gnyis bu mo bzhi dang bcas pa'i bdag nyid yang dag par mchod nas de kho na nyid dang / chos dang / dam tshig rnams bzung la/ snying po dang / phyag rgya bzhi'i ye shes bcom ldan 'das kyi drung nas blangs te/
 tshigs su bcad pa lnga bos rjes su gnang ba dang / gzengs bstod pa dang / lung bstan pa mnos la/ rdo rje nyi ma me ltar 'bar ba'i rnal 'byor bya'o/ /bu mo bzhi yang rang gi lha'i rnal 'byor dang ldan pas blangs te/ dkyil 'khor gyi dbus su lha mo bzhi dang yang dag par
 sbyor ba'i rnal 'byor gyis zla ba tshes pa'i dkyil 'khor dang lhan cig tu bdag nyid la gzhug par bya'o/ /de nas thams cad dgug dang mchod pa dang / bdag byin gyis brlab pa sogs bsgrub pa'i bdag nyid 'khor dang bcas pa rdzogs par byas nas/ nyin re'i sbyor bas yi ge hUM gi bzlas
 pa 'bum bya'o/ /bu mo rnams kyis kyang rang gi lha mo rnams kyi ba bzlas pa 'bum bya'o/ /de nas khrag chen ga bur bcas/ tsan+dan dmar po dang bcas pa rdo rje 'bar ba dang bcas pa ji lta ba bzhin du bshad pa'i pad+ma'i snod na gnas par sbyar bar bya ste/ srin lag dang mthe bong gi rtse mos
 blangs te bza' bar bya'o/ /bu mo de rnams kyis kyang rang gi lha'i snying pos bza' bar bya'o/ /de nas thams cad mkha' spyod du 'gyur ro/ /rnal 'byor ba ni rdo rje rnal 'byor pa'i dbang phyug dang / bu mo rnams ni rdo rje chen po'i 'dod pa'i me la sogs pa'i gzugs can gyi rnal
 'byor ma rnams su 'gyur ro/ /de nas 'bar ba'i sbyor ba 'di yin te/ pad+ma'i 'dab ma'i dbus su yi ge ha las rlung gi dkyil 'khor te/ de'i steng du thig le dang bcas pa'i yi ge raM las me'i dkyil 'khor de'i steng du me stag 'phro zhing 'bar ba'i yi ge hUM rnam par bsams
 la/ rdzas de des rab tu 'bar bar gyur pa rnam par bsgom par bya'o/ /gang zhig la rab tu 'bar ba'i nus pa med na des bza' bar mi bya'o/ /'on kyang rjes su bsgrub pa dang / so sor rjes su bsgrub pa'i rnal 'byor gyi tshogs dang bcas pas mtshan ma ma lus par bsgrub
 par bya'o/ /de nas nyi ma 'char ka'i dus su phyag rgya chen po ji lta ba bzhin 'dun par 'dod pa'i dngos grub thob par 'gyur ro/ /gal te slob ma rnams gzhug par 'dod na/ de'i tshe bu mo rnams med par 'jug pa gnyis pas 'jug par bya ste/ cho ga thams cad kyang rjes su spyad la rdo rje
 bzung ste de bzhin du nyi ma me ltar 'bar ba'i dkyil 'khor du 'jug pa'i chogs phyag bzhi byed du gzhug go/ /de nas byang chub chen por sems bskyed du gzhug go/ /de nas de rnams rdo rje nyi ma me ltar 'bar ba'i gzugs su byas la yang dag par mchod de/ gar las byung ba'i me tog dang
 bcas pa'i phyag 'tshal ba'i thal mo 'ching du gzhug par bya'o/ /de nyid kyis me tog gi phreng ba 'dzin du bcug nas gzhug ste/ thams cad byas la rdo rje la sogs pa gsum po de rnams la sbyin par bya'o/ /rtag tu 'dod chags las byung khro/ /rdo rje sems pa'i gdul bya'i phyir/ /
 rdo rje nyi ma me ltar 'bar/ /mchog tu rab 'jigs 'di yin no/ /zhes bya ba'i de kho na nyid 'dis gsang ba lnga'i bshad pa byas nas rdo rje sbyin par bya ba ni rdo rje nyi ma me ltar 'bar ba'i rnal 'byor pa la'o/ /rdo rje rnal 'byor ma rnams ni/ /rdo rje nyi ma 'bar 'byung ba'i/ /grib ma 'di dag bdud
 la sogs/ /gdug pa ma lus khrag za nus/ /de bzhin gshegs pa rnams kyis sprul/ /zhes pa'i de kho na nyid 'dis sbyin par bya'o/ /rdo rje kha T+wAM ga nges par sbyor ba'i ba dan dang bcas pa'i rdo rje dril bu chos 'dis dgrol bar bya'o zhes bstan par bya'o/ /de la chos
 ni 'di yin te/ shin tu ma rungs drag po dang / /bdag po grogs po bu rnams dang / /shin tu nyal du bcug nas brtag /rdo rje mchog ni 'dzin pas gsungs/ /zhes bya ba ni mchog tu gsang ba'i chos nyid 'bebs pa'i rdo rje kha T+wAM ga'i rgyal mtshan dang nges
 par sbyar ba'i ba dan dang bcas pa'i dril bu ni thams cad 'bebs par byed pa dang / rab tu sgrub par byed pa dang / thams cad ltung bar byed pa dang / slong bar byed pa'o/ /dam tshig gis ni phyag rgya cher/ /byin gyis rlobs shig ces bya ba yang slob tu gzhug go/ /de la dam tshig ni
 'di yin te/ khrag chen ga bur dang bcas pa/ /tsan+dan dmar pos sbyar byas te/ /tshogs kyi nang du rab zhugs nas/ /rdo rje dang bcas rdor 'dzin nyid/ /srin lag mthe bo'i rtse mo yis/ /nam mkha' thams cad mchog sbyor ldan/ /zla ba'i btung ba bzhin myangs na/ /rtag pa'i
 dngos grub thob par 'gyur/ /'dod pa kun la longs spyod cing / /ci 'dod par ni bsten bzhin du/ /nam mkha' kun mchog sbyor ba yis/ /dngos grub thams cad thob par 'gyur/ /zhes bya ba 'di tshogs kyi 'khor lor shes par bya'o/ /sngon du bsnyen pa'i dus su ni/ /nam mkha'
 kun mchog sbyor ba yis/ /thams cad nam mkha' zhes brjod cing / /rdo rje'i phyag rgyas btab pa yi/ /'jig rten gsum yang bza' bar bya/ /zhes bya ba'i dam tshig 'dis phyag rgya chen por byin gyis brlab par bya'o/ /de nas mna' bsgags la snying po dang phyag rgya bzhi'i
 ye shes bstan par bya'o/ /de yang sgeg pa dang bcas pa'i smin ma'i khro gnyer can spyan dmar ser gyis shin tu 'jigs par byed pa/ /phyag g.yas pas 'bar ba'i rdo rje rtse lnga pa gsor ba la brtson pa/ sngo la 'bar ba'i rang bzhin can 'od kyi dkyil 'khor 'bar zhing 'bar ba/
 g.yon pa'i rdo rje khu tshur rdo rje dril bu dang bcas pas rdo rje bsnyems pa 'dzin pa dku g.yon par mchod phyir thogs kyi tshul du rdo rje kha T+wAM ga'i phyag mtshan dang nges par sbyar ba'i ba dan dang bcas pa'i dril bu 'chang ba/ de bzhin gshegs pa rnam par snang mdzad kyi rang bzhin
 gyis sangs rgyas kyi gtsug gi nor bu dang bcas pa'i thod pa'i phreng ba'i cod pan can/ sna tshogs pad+ma la sems dpa'i skyil mo krung gis bzhugs pa/ rdo rje drag po'i gzugs can gyi rdo rje nyi ma me ltar 'bar ba'i phyag rgya chen po'o/ /lha mo bzhi po ni go sla'o/ /rdo rje nyi ma me ltar
 ba dang / mda' 'dzin pa dang / kha T+wAM ga 'dzin pa dang ba dan sna tshogs 'dzin ma rnams kyi dam tshig gi phyag rgya 'og nas ston par 'gyur pa yin no/ /lha mo gnyis pa'i dam tshig gi phyag rgya ni rab tu dga' ba'i rdo rje khro bo'i dkyil 'khor chen po las gsungs pa'i kI li kI la'i dam tshig
 gi phyag rgya gzung bar bya'o/ /chos kyi phyag rgya rnams ni rang rang gi snying bo kho na'o/ /las kyi phyag rgya ni rdo rje nyi ma me ltar 'bar ba dang / mda' 'dzin ma dang / kI la kI lam dang / kha TI ga 'dzin ma dang / ba dan 'dzin ma rnams kyis shes par bya'o/ /de nas ji lta ba bzhin du
 gzengs bstod pas lung bstan pa byin la/ de bzhin gshegs pa thams cad la sogs pa'i dbugs dbyung ba sbyin par bya'o/ /de'i rjes la cho ga thams cad rjes su spyad par bya'o/ /dpal mchog dang po'i rgya cher 'grel ba shes rab kyi pha rol tu phyin pa 'byung ba zhes bya ba
 las/ rdo rje nyi ma me ltar 'bar ba'i phra mo'i cho ga'i gsang ba'i dkyil 'khor gyi bshad pa rdzogs so// //de ltar bcom ldan 'das nyi ma me ltar 'bar ba gsang ba'i dkyil 'khor gnyis pa bstan nas re zhig bcom ldan 'das 'phags pa spyan ras gzigs kyi bstan par
 bya ba'i phyir/ de nas 'phags pa spyan ras gzigs/ /zhes bya ba la sogs pa gsungs te/ 'dir dang po sbyor ba'i ting nge 'dzin ni dpal rdo rje sems dpa'i ras ris kyi dkyil 'khor las gsungs pa kho na'o/ /snga ma bzhin du tshigs su bcad pa'i sngags kyis ras ris kyi
 dkyil 'khor rdzogs par bya'o/ /de nas gnas ji lta ba bzhin du rang rang gi snying pos dgod par bya ste 'di ni ting nge 'dzin gnyis pa'o/ /de nas gdul ba sngon du 'gro bas ting nge 'dzin gsum pa shes par bya'o/ /de nas kyi sgra ni de ma thag pa rjod par byed pas te ting nge
 'dzin 'das ma thag pa kho na zhes bya'o/ /'phags pa spyan ras gzigs dbang phyug gi mchog kyang de yin la gsang ba yang de nyid yin pas na mchog tu gsang bas te ras ris kyi dkyil 'khor ro/ /sems can gdul bar bya ba'i phyir de'i cho ga ni bsgrub par bya ba dang sgrub pa
 bstan pa yin pa'o/ /ras la bcom ldan 'das bri bar bya zhes bya ba ni ras kho na la bri bar bya'o/ /de gang yin zhe na pad+ma gar gyi dbang phyug gtso/ /zhes bya ba la pad+ma zhi ba'i gzugs don yod rgyal pos te don yod zhags pa'o zhes bya ba'i don to/ /de yang mchog stsol
 bri bar bya'o/ /'jig rten dbang phyug nyid dbang phyug chen po'i gzugs 'chang ba ni 'jig rten dbang phyug chen po'o/ /glog gi 'khor lo zhes bya ba la sogs pa la rnam par 'phrul ba ni sgeg pa'i nyams kyi dngos po ston par byed pa'i bzhin 'dzum pa dang mchu dang so dang / smin ma dang
 mig la sogs pa'i phyag rgya'i rang bzhin can te de dang bcas pas gar mdzad pa'i phyag rgya gang yin pa de la de skad ces bya'o/ /glog 'gyu ba ltar gar mdzad pas 'khor lo bzhin du sku'i phyi rol du bskor ba'i tshul gyis 'gyu ba yang de yin pas yongs su bskor ba yang de nyid yin
 pas na glog gi 'khor lo 'gyu ba ltar bskor ba'o/ /glog gi 'khor lo 'gyu ba ltar yongs su bskor ba yang de dag yin la rnam par 'phrul bas gar mdzad pa yang de nyid yin no zhes bya ba ni slar yang gzhi mthun pa'i bsdu ba'o/ /de'i phyir phyag de dag gi pad+ma la sogs pa'i phyag
 mtshan yang de dag nyid yin pas na pad+ma la sogs pa'i phyag mtshan te de rnams 'chang ba ni 'dzin pa'o/ /phyag rgya ni phyag rgya ste phyag rgya chen po de gang gis 'khor lo ltar mdzad pa de ni phyag rgya 'khor lo ltar mdzad pas te spyan ras gzigs kyi dbang phyug bri bar bya'o/ /'di ltar
 bshad par 'gyur te pad+ma dang / ral gri dang / 'khor lo dang / lce dang sna tshogs rdo rje dang go cha dang mche ba dang khu tshur dang rdo rje lcags kyu dang / mda' dang / legs par sbyin pa dang / rin po che dang / nyi ma dang rgyal mtshan dang / 'dzum pa dang / lcags kyu dang / zhags pa dang /
 lcags sgrog dang / dril bu dang / tri shU la dang / dbyug pa dang / dgra sta dang / mdung dang / gzhu dang / mdung la sogs pa'i phyag mtshan rnams te ji lta ba bzhin du bshad pa'i mtshan nyid can gyi gar gyi tshul gyis phyag rgya 'khor lo ltar mdzad cing sna tshogs pad+ma'i gdan la
 sems dpa'i skyil mo krung gis bzhugs pa zla ba lta bu'i 'od dang ldan pa/ spyan gsum pa sangs rgyas sku'i mchog gis dbu la mtshan pa/ mchog stsol ba'i don yod zhags pa 'jig rten dbang phyug bri bar bya'o/ /de'i zhes bya ba la sogs pa 'jig rten dbang phyug de'i logs thams cad
 de phyogs bzhir khro gnyer ma la sogs pa bri bar bya ste drag mo la sogs pa'i gzugs dang phyag mtshan gang la yod pa de ni drag mo la sogs pa'i gzugs dang phyag mtshan can no/ /pad+ma dang bcas par bzhugs pas na pad+ma dang bcas pa ste pad+ma rigs kyi lha mo rnams pad+ma dang bcas pa
 bri bar bya'o/ /'di ltar 'chad par 'gyur te/ hUM pad+ma tsaN+Di shwa ra hUM phaT ces bya ba'i snying po 'dis ji lta ba bzhin du bshad pa'i sku mdog dang dbyibs dang ldan pa'i don yod zhags pa 'jig rten dbang phyug bri bar bya ste/ de ni pad+ma gcig la bzhugs/ /de yi 'od kyis 'khor
 lor brten/ /drag mo sogs gzugs phyag mtshan ldan/ /khro gnyer ma sogs bri bar bya/ /de la g.yas logs su pad+ma khyab 'jug ma ste phyag g.yas pad+ma 'dzin pa/ g.yon pas 'khor lo 'dzin pa'o/ /de nyid kyi g.yas logs su khro gnyer ma ste phyag g.yas pas pad+ma 'dzin pa/
 g.yon pas rtse gsum 'dzin pa'o/ /slar yang bcom ldan 'das kyi g.yon logs su gos dkar mo ste phyag g.yon pas phreng ba 'dzin pa/ phyag g.yas pas pad+ma 'dzin pa'o/ /de nyid kyi g.yon logs su pad+ma la chags pa ste pad+ma mda' gzhu 'dzin pa ste/ hrIHzhes bya ba'i snying po 'di
 bri bar bya'o/ /gnas gang du ras ris 'di bri bar bya zhe na/ 'khor lo de ni brtan gnas su/ /zhes bya ba la sogs pa la pad+ma'i rigs kyi dkyil 'khor de brtags te bri bar byas nas gsang ba'i dkyil 'khor bri bar bya'o/ /dam pa ni phul du byung ba'o/ /ras ris 'di ni dbus kyi
 dkyil 'khor gyi lte ba'i phyogs su bri bar bya'o/ /de nas pad+ma'i sgeg mo la sogs pa rnams ni 'gro ba 'dul ba'i dkyil 'khor chen po las gsungs pa'i cho gas phyi'i dkyil 'khor gyi mtshams rnams su bri ba'o/ /sgo bzhi la ni lcags kyu ma la sogs pa rnams bri bar bya'o/ /rdo rje
 sems dpa'i ras ris kyi cho ga ni mtshon cha mchog gi go cha ste go cha de thams cad ni rang gi cho ga rgyas pa dang slob ma gzhug pa la sogs pa'i cho ga rgyas pa byas pa de kho na nyid dang / chos dang dam tshig rnams sbyin par bya'o/ /de bzhin nyid ni don dam pa ste de nas sangs
 rgyas bcom ldan 'das ni spyan ras gzigs te de bzhin gshegs pa rnams kyis so sor gzigs pa yin no/ /bag chags dang bcas pa'i nyon mongs pa gzhan gyi dbang du ma gyur pas na de nyid dbang phyug go/ /de nyid kyi phyir na don dam pa'i 'phags pa spyan ras gzigs dbang phyug
 ste sa 'og ma la gnas pa'i byang chub sems dpa' ni ma yin no zhes bya ba'i don to/ /gar mdzad pa zhes bya ba dang sbyar ro/ /khyad par ji lta bu dang ldan pa zhe na 'dul ba'i thabs zhes bya ba la sogs pa la sems can rnams 'dis 'dul ba ste/ 'dul ba yang de yin la thabs kyang
 de nyid yin pas na 'dul ba'i thabs so/ /de gang yin zhe na 'dod chags la sogs pa'i dri ma dang bral ba'i rol pas gar ni rol pa'i gar te 'jig rten dbang phyug gi gzugs 'dzin pa'i sangs rgyas bcom ldan 'das gar mdzad pa yin no/ /mchog kyang yin la rdo rje yang yin pas na rol pa'i rdo
 rje'o/ /gang zhig de kho na nyid de ni mchog gi rdo rje ste nges par 'byin pa'i shes rab ces bya ba'i don to/ /'dis pad+ma'i rigs kyi rnal 'byor pas pad+ma rdo rje blang bar bya'o/ /de ltar de kho na nyid kyis pad+ma blangs te/ chos kyi dril bu dkrol bar bya/ /zhes bya ba'i don 'di bstan par bya ba'i
 phyir/ ji ltar pad+ma dmar po ni/ /zhes bya ba la sogs te ji ltar pad+ma rang gi rang bzhin gyi kha dog dmar pos dmar bas te ji lta ba bzhin du bshad pa'i 'dod chags kyi skyon rnams dang / sna tshogs pa'i gnas kyi nyes pa rnams 'dam dang chu la sogs pa'i skyon rnams kyis gos
 par mi 'gyur ba de bzhin du don dam par gzung ba dang 'dzin pa'i rnam par rtog pa'i dri ma dang bral ba'i khams gsum pa yin no zhes bya ba dril bu'i sgra dkrol ba bskyed cing / chos bdag med pa la chags par byed pas dmar ba dang sems can gyi don mdzad pa la chags pa'i
 byang chub sems dpa' bsgom par bya ba yin no/ /'dis 'di ltar bshad par 'gyur te/ chos bdag med pa'i chags pa la chags pa dang sems can smin pa dang grol ba'i chags pa la chags pa'i byang chub sems dpa' pad+ma ltar srid pa'i skyon gyis gos par mi 'gyur zhes bya ba'o/ /
 da ni/ dam tshig gis ni phyag rgya cher/ /byin gyis brlabs nas snying po bzla/ /zhes bya ba'i don 'di rab tu bstan par bya ba'i phyir/ cho ga gang dang gang dag gis/ /zhes bya ba la gang dang gang gi rang bzhin gyi cho gas 'gro ba sems can kyi khams 'dul bar gyur pa de dang des spyad par
 bya'o zhes bya ba dang sbyar ro/ /chos thams cad rang bzhin gyis dag pa'o zhes bya bar so sor rtog pa ni pad+ma thams cad dag pa'i mchog gi rnal 'byor te de'i bdag nyid ni de'i rang bzhin no/ /gzugs de nyid kyis sku'i phyag rgya'i rang bzhin gyi bcom ldan 'das spyan ras gzigs
 dbang phyug gis 'dir 'gro ba sbyangs te 'dul ba la rab tu 'god par mdzad pa yin no zhes bya ba'i sgom pa rnal 'byor pas bya'o/ /rdo rje thams cad kyi chos kyi dam tshig gi zhes bya ba la thams cad kyang yin la/ rdo rje chos kyang yin pas na thams cad kyi rdo rje chos te pad+ma'i rigs kyi lha rnams
 kyi sku'i gsang ba'i rang bzhin can no/ /de rnams kyi dam tshig ni 'das ma thag tu bshad pa'i sgom pa'o/ /gang gi phyir de ltar yin pa de'i phyir sgom pa ni 'dis pad+ma'i rigs thams cad kyi rnal 'byor pa rnams kyis rang gi lha'i phyag rgya chen pos byin gyis brlab par bya'o zhes bstan
 par 'gyur ro/ /de nas ji lta ba bzhin du pad+ma gar gyi mchod pas zhes bya ba la sogs pa la/ de ltar slob ma gzhug pa la sogs pa'i cho ga rgyas par rjes su spyad nas glu dang rol mo'i cho gas dkyil 'khor yang dag par mchod la dkyil 'khor pa'i gar gyis mchod pa dang / sna
 tshogs pa'i mchod pa'i phyag rgyas mchod la rdo rje sems dpa'i ras ris kyi dkyil 'khor las gsungs pa'i cho ga thams cad rjes su spyad par bya'o/ /dpal mchog dang po'i rgya cher 'grel pa shes rab kyi pha rol tu phyin pa 'byung ba zhes bya ba las 'gro ba 'dul ba'i ras ris kyi
 dkyil 'khor gyi bshad pa rdzogs so/ / //de ltar 'gro ba 'dul ba'i gsang ba'i dkyil 'khor bstan nas da ni 'phags pa nam mkha'i snying po'i don du bstan par bya ba'i phyir/ de nas bcom ldan 'das nam mkha'i snying po'i don thams cad grub pa'i cho ga zhes bya ba gsungs te de
 nas kyi sgra ni 'das ma thag pa la ste dang po'i sbyor ba dang dkyil 'khor rgyal bo mchog dang / las rgyal po mchog gi ting nge 'dzin 'das ma thag pa kho na'o/ /de la dang po sbyor ba'i ting nge 'dzin ni dpal rdo rje sems dpa'i ras ris kyi dkyil 'khor las gsungs pa kho na'o/ /de nas ji lta
 ba bzhin du 'phags pa nam mkha'i snying po'i rnal 'byor gyis bcom ldan 'das kyi ras ris kyi dkyil 'khor sprul te/ rang gi snying po rnams kyis gnas ji lta ba bzhin du dgod par bya ste 'di ni ting nge 'dzin gnyis so/ /de nas 'dus pa sngon du 'gro bas gsum pa shes par
 byas te/ dam tshig dang dbang bskur ba thob pas bzlas pa dang bsgom pa bya ba yin no zhes bya ba'i cho ga rab tu bstan par bya ba'i phyir slob dpon gyi las kyi cho ga slob ma gzhug pa la sogs pa gsungs te/ rdo rje sems dpa' gsang ba'i dkyil 'khor bzhin du phyi'i dkyil 'khor bris
 la/ de'i phyed kyi tshad kyis de'i dbus su nyi ma'i dkyil 'khor bris la de'i steng du cha brgyad pa'i nor bu'i dbyibs can gyi rin po che'i dkyil 'khor de bzhin du bris nas nang gi dkyil 'khor gyi re'u mig gi sa la bcom ldan 'das 'phags pa nam mkha'i snying po sngar bshad pa'i
 phyag rgya chen pos sna tshogs pad+ma'i gdan la sems dpa'i skyil mo krung gis bzhugs pa be+e DUr+ya sngon po dang mtshungs pa/ oM sarba badzrA d+hi pa ti s+t+waM a b+hi shiny+tsA mi b+hur b+hU ba swaHzhes bya ba'i snying po 'dis bri bar bya'o/ /de yi pad+ma gcig la bzhugs/ /de yi 'od kyis dkyil
 'khor brten/ /dbang bskur ba dang gtor ma nyid/ /rgyal mtshan mchog ma mchod chen mo/ /zhes bya ba 'di bri bar bya ste de la de'i g.yas logs su lha mo gter ma/ ma hA badzra ni d+ha ne hUM zhes bya ba snying po 'dis bri bar bya'o/ /de'i yang g.yas logs su lha mo
 dbang bskur ma/ badzra a b+hi Shi ka dzaM zhes bya'o/ /slar yang bcom ldan 'das kyi g.yon logs su rgyal mtshan thogs mchog ma ste/ oM badzra ma ni d+h+wa dzA gra ke yu re baM zhes bya ba'i snying po 'dis so/ /de'i yang g.yon logs su mchod chen ma ste/ ma hA badzra ma hA he he ho zhes
 bya ba'i snying po 'dis bri bar bya'o/ /dbang bskur ba ni rin po che'i cod pan 'dzin pa'o/ /gter gyi lha mo ni gter gyi bum pa 'dzin pa'o/ /rgyal mtshan mchog ma ni rin po che'i rgyal mtshan 'dzin pa'o/ /mchod chen ma ni dra ba dang dra ba phyed pa dang gdu bu dang / rna cha dang / dpung
 rgyan dang / rin po che dang / na bza' la sogs pa'i rgyan thams cad kyis yongs su gang ba'i rin po che'i snod 'dzin ma'o/ /phyi'i dkyil 'khor gyi mtshams rnams la rin po che'i sgreg mo la sogs pa dang / sgo rnams la sngar bshad pa'i snying po rnams kyis lcags kyu ma la
 sogs pa rnams bri bar bya'o/ /de nas dpal rdo rje sems dpa'i dkyil 'khor gyi cho gas rang gi cho ga thams cad dang / slob ma gzhug pa la sogs pa'i cho ga thams cad rjes su spyad la/ slob ma rnams la rdo rje rin po che de kho na nyid sbyin par bya'o/ /de la de kho na nyid ni 'di
 yin te nyi ma 'di ni zhes bya ba la sogs pa la gang zhig sngar bstan pa'i 'phags pa nam mkha'i snying po sems can thams cad kyi bsam pa yongs su rdzogs par mdzad pa yin no/ /'dis ni 'di ltar bshad par 'gyur te/ de bzhin gshegs pa kho na 'phags pa nam mkha'i
 snying po'i gzugs kyis sems can thams cad la 'khor ba ji srid kyi bar du bsam pa yongs su rdzogs par mdzad pa'i phyir bzhugs so zhes bya ba'i don nor bu'i rigs kyi phyag mtshan rdo rje rin po ches bstan pa yin no zhes bya'o/ /da ni chos kyi dril bu dkrol ba zhes bya ba
 bstan par bya ba'i phyir bsam pa kun zhes bya ba la sogs pa gsungs te/ bsam pa grub pa yang de yin la thams cad kyang de nyid yin pas na bsam pa grub pa thams cad de/ nor bu'i rigs dang tha mi dad pa'i dngos grub thams cad do/ /de rnams kyi nang na nor gyi
 bsam ba grub pa gang yin pa de ni mchog ste ser sna'i dri ma bsal bas gnyis su med pa nyid kyi phyir nor bu'i rigs kyi dngos grub bo zhes bya ba'i tha tshig go/ /de zhes bya ba nor bu'i rigs kyi dngos grub de yang 'dod pa rab tu grub par bya ba'i phyir bsgrub par bya ste/ byang
 chub chen po'i sems rdzogs pa'i phyir zhes bya ba'i don to/ /de ci'i phyir 'dod pas rab tu grub pa'i phyir bsgrub par bya zhe na/ 'dod las thar ba zhes bya ba la sogs pa la/ gang gi phyir byang chub chen po'i sems mngon du bya ba'i rang bzhin gyi 'dod pa las thog ma dang tha ma
 med pa'i chos kyi dbyings kyi thar pa mngon du byed par 'gyur ba de'i phyir ro/ /gang zhig thar pa de nyid ni zag pa med pa'i bde ba dang yid bde ba rang gi ngo bo ma spangs pa'i rang bzhin yin no/ /da ni/ dam tshig gis ni phyag rgya cher/ /byin gyis brlab pa zhes bya ba bstan pa'i phyir/
 dman min rnams kyang zhes bya ba la sogs pa gsungs te de la dman ni mi rtag pa dang / sdug bsngal ba dang stong pa dang bdag med pa la sogs pa sgom pa'i rang bzhin te mdo sde pa la rab tu grags pa brjod pa yin no/ /dman ma yin pa ni dman min te yang dag pa'i sbyor ba'i sgom
 pa'i rang bzhin can rnams te/ de'i dngos po las byung ba'i bde ba rnams ni 'dod pa kun gyi bde ba rnams te rdo rje theg pa lam mos pa'i bde ba la rab tu grags pa nyid kyis de rnams 'dod chags spangs pa'i phyir man ngag dang sgom pa dag gis rnal 'byor pa rnams la sbyin par bya'o/ /
 de rnam pa gang dag la sbyin par bya zhe na/ bdag nyid dang ni zhes bya ba la sogs pa la bdag nyid la sgom pa'i dus dang gzhan rnams la sems can gyi khams ma lus pa la nor bu'i rigs grub nas bsam pa thams cad yongs su rdzogs pa'i don du'o/ /'di ltar bshad par 'gyur
 t e nor bu'i rigs kyi rnal 'byor pas rang gi lha'i phyag rgya chen po bcings la 'jig rten gyi khams thams cad kyi rdul phra rab dang mnyam pa'i nor bu'i rigs kyi dkyil 'khor rdzogs par byas nas des 'jig rten gyi khams thams cad kyi rdul phra rab dang mnyam pa'i sems
 can gyi khams yang dag par sbyor ba'i bsgom pas nor bu'i rigs kyi rang bzhin du rdzogs par byas la/ bya ba byas pa ltar de'i rang bzhin can du de dag nyid rnam par bsams te bsgom par bya'o zhes bya ba'o/ /de ltar zhes bya ba de ni de lta bu'o/ /mchog kyang yin la gsang ba yang
 de nyid yin pas na mchog tu gsang bas te nor bu'i rigs kyi gsang ba'i dkyil 'khor ro/ /de'i tshul ni ji lta ba bzhin du bshad pa'i bsgrub par bya ba dang sgrub pa'i cho ga'o/ /mchog ni nam mkha'i snying po ste de'i cho ga rgyas pa ni bsgrub par bya ba dang sgrub pa'i rgyud 'das ma thag tu de
 ltar bshad pa bstan nas/ bcom ldan 'das kyis tshul gyi cho ga rgyas par gsungs pa yin gyi gzhan gyis ni ma yin no zhes bya ba ni tshig gi lhag ma'o/ /ci'i don du zhe na mchog 'di zhes bya ba ni gang gi phyir tshul 'di mchog yin pas na de'i phyir ro/ /'di nyid kyang ci'i phyir
 zhe na/ /de ni zhes bya ba la gang gi phyir sgrub pa po de nor bu'i rigs kyi rtog pa'i mchog tu gyur pa'i dngos grub kyi tshul 'di nyid kyis khyad par du thob par 'gyur ba'i phyir ro/ /rtog pa yang yin la thams cad kyang yin pas na rtog pa thams cad de rdo rje sems dpa' la sogs pa'i
 gsang ba'i dkyil 'khor gyi rang bzhin no/ /de rnams kyi sgrub pa'i cho ga ni slob dpon gyi las dang slob ma gzhug pa la sogs pa'i cho ga rgyas pa'o/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes pa las nor bu'i rigs kyi ras ris kyi
 dkyil 'khor gyi bshad pa rdzogs so/ / //de ltar rtog pa thams cad kyi rgyud phyi ma'i rtsa ba'i rgyud dang / rtog pa thams cad kyi sgrub pa'i cho ga bstan nas da ni bdag byin gyis brlab pa'i rnal 'byor gyi phyag rgya thabs kyi rang bzhin can rnams kyis rtog pa thams cad kyi dngos grub thob
 pa yin no zhes pa'i don 'di bstan par bya ba'i phyir de nas zhes bya ba la sogs pa gsungs te de nas kyi sgra ni skabs su bab pa ste/ bdag byin gyis brlab pa la sogs pa'i rnal 'byor gyi phyag rgya'i skabs su bab pa'o zhes bya ba'i don to/ /dngos grub chen po yang de
 nyid yin la thams cad kyang de nyid yin pas na dngos grub chen po thams cad de/ dpal rdo rje sems dpa' la sogs pa'i phyag rgya chen po la sogs pa rnams thob pa'o/ /de rnams sgrub pa ni phyag rgya chen po la sogs pa bcing ba dang rnal 'byor sgom pa dang / bdag la byin
 gyis brlab pa la sogs pa ste/ des mchog ni 'jig rten dang 'jig rten las 'das pa'i thabs rnams kyi dam pa'o/ /dngos grub thams cad kyis mi 'gyur ba'i bde ba dang ldan pas na bde ba chen po'o/ /rdo rje sems dpa' ni ji lta ba bzhin du bshad pa'i mtshan nyid can no/ /
 nam mkha'i khams thams cad la rtag tu bzhugs pa'i sku gsung thugs kyi rdo rje'i rang bzhin can gyi phyag rgya chen po gang la mnga' ba de ni phyag rgya che'o/ /dpal rdo rje sems dpa' la sogs pa'i phyag rgya chen po dang / dam tshig dang / /chos dang las kyi phyag rgya rnams ni rtog pa
 thams cad de mchog tu gyur pa de rnams kyi dngos grub ni de'i rang bzhin rnal 'byor pa rnams kyis thob pa'i don gyis na/ rtog pa kun mchog grub pa'i phyir/ /phyag rgya de rnams grub par mdzad pa'o zhes bya ba dang sbyar ro/ /rgyu gang gi phyir zhe na snod ma yin pa zhes bya ba la sogs
 la dpal rdo rje sems dpa' la sogs pa ma thob pa'i bag chags dang bcas pa dang bral ba'i sems can rnams ni snod ma yin pa ste snod ma yin pa'i sems can de rnams la'o/ /srog gcod pa dang ma byin par len pa la sogs pa'i mi dge ba'i las kyi lam bcu la rab tu
 zhugs pa ni sdig pa thams cad byed pa'o/ /sdig pa thams cad byed pa de rnams nye bar spyod pa'i mun pas bsgribs pas mun pa la gnas pa'i me long gi dkyil 'khor bzhin du rang gi gzugs brnyan mthong ba la sogs pas dpal rdo rje sems dpa' la sogs pa'i sems
 dpa' chen po rnams phyag rgya chen po la sogs pa'i rang bzhin gyi don mdzad pa ma yin pa'i phyir ro/ /lhag par mos pa'i mig dang bral bas na mi mthong ba ni long ba'o/ /mi mthong ba'i long ba de rnams dang bar byed pas na bsod nams te dpal rdo rje sems dpa' la sogs
 pa'i sgom pa dang byams pa la sogs pa'i sgom pa'o/ /yang dang yang du rnam par sbyong zhing nges par legs par sbyong bar byed pas na bsod nams so zhes bya ba'i don to/ /bsod nams ma yin pa ni bsod nams min pa ste/ mi dge ba'i las kyi lam bcu'o/ /de rnams nyid bar
 mtshams med par bzhugs pas na tshogs te grong khyer gyi chu'i tshogs bzhin no/ /de gang la yod pa de ni bsod nams ma yin pa'i tshogs dang ldan pa'o/ /bsod nams ma yin pa'i tshogs dang ldan pa de rnams la rtag tu dus thams cad du/ rdo rje sems sogs sems
 dpa' mchog / mthong ba thabs kyi rgyur gyur pa/ /zhes bya ba la rdo rje sems dpa' la sogs pa yang de rnams yin la sems dpa' mchog kyang de nyid yin pas na rdo rje sems dpa' la sogs pa'i sems dpa'i mchog ste rigs lnga'i lha rnams kyi sku gsung thugs kyi rang bzhin
 can no/ /de rnams mthong ba ni gdul bya rnams kyis dmigs pa'o/ /de'i thabs kyi rgyu yin pas mthong ba'i thabs kyi rgyu'o/ /rdo rje sems dpa' la sogs pa'i sems dpa' mchog rnams mthong ba'i thabs kyi rgyu'o/ /rdo rje sems sogs sems dpa' mchog /
 mthong ba'i thabs kyi rgyur gyur pa'o/ /rdo rje sems dpa' la sogs pa'i sems dpa' mchog ni ji lta ba bzhin du bshad pa ste/ de rnams kyi sku dang gsung dang thugs kyi rdo rje ni rdo rje ste de nyid sku gsung thugs kyi rdo rje'o/ /sku gsung thugs kyi rdo rje de nyid kyis bcing ba ni phyag rgya bcing ba'o/ /
 dam tshig kyang de yin la mchog kyang de nyid yin pas na dam tshig mchog ste phyag rgya chen po la sogs pa'i dam tshig gi phyag rgya'o/ /ci'i phyir rdo rje sems dpa' la sogs pa'i sku gsung thugs kyi rdo rje 'ching ba dam tshig mchog rnams kyi dam tshig yin zhe na/ 'da' bar dka' ba'o
 zhes bya ba la gang gi phyir rdo rje sems dpa' la sogs pa'i phyag rgya bcing ba 'di ni dam tshig yin no/ /'di ltar 'chad par 'gyur te rdo rje sems dpa' la sogs pa'i sku gsung thugs kyi rdo rje la lhag par mos bas rdo rje sems dpa' la sogs pa'i sku la sogs pa'i phyag
 rgya rnams bcing ba gang yin pa de nyid rdo rje sems dpa' la sogs pa'i sems dpa' mchog mthong ba'i thabs kyi rgyu yin no/ /gsang ba'i dbye bas rgyu rnams zhes gsungs so/ /gang gi phyir de rnams phyag rgya zhes bya ba brjod pa yin zhe na/ rdo rje sems
 dpa' zhes bya ba la sogs pa la ji lta ba bzhin du bshad pa'i rdo rje sems dpa' la sogs pa rnams kyi sku zhes bya ba'i sku gsung thugs kyi rdo rje ste de rnams rdo rje bzhin du mi phyed pas shin tu brtan pa ste/ rgyu de'i phyir sku gsung thugs kyi rdo rje de'i rang bzhin can gyi phyag rgya zhes bya ba kun
 du bshad pa ni bstan pa ste/ lus can rnams kyis phyag rgya chen po la sogs pa thams cad grub pa'i phyir de ltar gyur pa'i phyag rgya de rnams sprul pa ni spro bar mdzad pa yin no/ /slar yang phyag rgya de rnams kyi khyad par bstan par bya ba'i phyir/ gang zhig ces bya ba la sogs pa
 gsungs te/ phyag rgya chen po la sogs pa'i phyag rgya rnams rdo rje sems dpa' la sogs pa'i sku gsung thugs kyi rdo rje la lhag par mos pas bzung ba tsam gyi sgrub pa po rnams kyis bcings nas mngon du byas na rdo rje sems dpa' la sogs pa ni mchog ste phul du byung ba
 rnams bsdus par 'gyur ro/ /mchog ni dam pa'o/ /mthong zhing mngon par mthong ba nyid/ /ces bya ba ni sku gsung thugs kyi rdo rje'i phyag rgya rnams gzugs brnyan gyi tshul du bcings pa tsam nyid kyis de dag bsdus par 'gyur ro/ /ni'i sgra ni gang gi phyir gyi don te gang gi phyir phyag rgya bcings
 pa tsam gyis de dag bsdus par 'gyur ba de'i phyir rdo rje sems dpa' la sogs pa'i sems dpa' rnams sgrub pa po la 'grub par 'gyur ro/ /de ci'i phyir zhe na/ phyag rgya chen po la sogs pa'i dngos grub nyams pas 'jigs pa ni dam tshig nyams pas 'jigs pa'o/ /
 de dag ci'i phyir dam tshig nyams pas 'jigs she na/ ji ltar 'khor los sgyur ba rnams kyi gdu bu'i phyag rgyas rgyas btab pa'i rtags kyi phyag rgya de'i yul na gnas pa rnams kyis 'da' bar dka' bas te/ 'da' bar mi nus pa de bzhin du/ sku gsung thugs
 kyi rdo rje ston par byed pa'i phyag rgya de'i sgom pas rnal 'byor pa rnams kyis bcings pa de bzhin gshegs pa rnams kyis kyang 'da' bar mi spyod do/ /gal te sku gsung thugs kyi rdo rje'i sgom pas phyag rgya chen po la sogs pa bcing ba rgyal ba thams cad kyis kyang 'da' bar mi spyod pa
 de ltar yin pas na sgom pa kho na gtso bor gyur pa yin gyi phyag rgya'i bcing ba ci zhes bya ba'i rnam par rtog pa 'di yin pas sangs rgyas nyid ces bya ba la sogs pa gsungs so/ /gang la ji lta bu'i dngos grub grub par 'gyur zhes bya ba'i rnam par rtog pa 'di ji ltar zhes bya ba la
 sogs pa gsungs te/ 'dod chags la spyod pa'i sems can gang yin pa de ni dpal rdo rje sems dpa'i sgeg pa'i spyod pa gang yin pas 'dul ba de ltar gang zhig ji srid ser snas zil gyis mnan pa de ni 'phags pa nam mkha'i snying pos 'dul ba 'dis 'dul bar mdzad pa'i
 phyir ro/ /de gang la yod pa de ni ji ltar 'jig rten 'dul ba dang ldan pa'o/ /'jig rten ni sems can gyi khams so/ /de ltar dngos grub gsungs pa yin/ /zhes bya ba bcom ldan 'das kyis gsungs pa yin no/ /phyag rgya chen po la sogs pa'i phyag rgya ni dngos
 grub de'i thabs de thob pa'i rgyu'o/ /de yang phyag rgya chen po la sogs pa'i dngos grub sgrub par byed pas na dngos grub thams cad byed pa'o/ /mchog tu phul du byung ba'o/ /phyag rgya chen po la sogs pa'i phyag rgya gang zhig bcings pa tsam gyis bsdus pa ste/ bde ba chen
 po ni gnyis su med pa'i rang bzhin can gyi rdo rje sems dpa' la sogs pa'i sangs rgyas dang byang chub sems dpa' byon te rang gi sku gsung thugs kyi rdo rjer byin gyis brlabs pa brtag pa mdzad pa yin no/ /skad cig mas zhes bya ba skad cig ma nyid du ste yun ring pos ni ma yin no/ /
 de nyid kyi phyir de dag mchog gi thabs yin no/ /de nas 'di gsungs nas bcom ldan 'das kyis mchog gi rgyud phyi ma byin gyis brlab pa mdzad pa yin no zhes bya ba dang sbyar ro/ /de khyad par ji lta bu dang ldan pa yin zhes bya ba de'i khyad par bstan par bya ba'i phyir mchog tu zhes bya
 ba la sogs te mchog ni bshad zin to/ /'dod chags la sogs pa'i nyon mongs pa dang nye ba'i nyon mongs pa 'gog pa la rab tu zhugs pas na mkhas pa'o/ /nyan thos dang rang sangs rgyas thams cad dang 'jig rten pa'i lam rnams kyi spyod yul ma yin pas na phra ba'o/ /
 nam mkha'i khams thams cad du rtag tu bzhugs pa'i sku gsung thugs kyi rdo rje ni rgya che ba'o/ /nges par 'byin pa'i ye shes kyi rang bzhin nyid kyis bsam par mi nus pas na bsam gyis mi khyab pa'o/ /mchog kyang de yin la mkhas shing phra ba yang de nyid yin zhing rgya che ba dang
 zab pa dang / bsam gyis mi khyab pa de yin pas na mchog tu mkhas shing phra la rgya che zhing zab la bsam gyis mi khyab pa'o/ /bag chags dang bcas pa'i nyon mongs pa dang bral bas na mchog tu rnam par dag pa'o/ /thog ma dang tha ma med pa ni bshad zin to/ /thog ma dang
 tha ma med pa nyid kyi phyir mi zad pa'o/ /de nyid mi 'jig pa'o/ /'dod pa'i dngos grub nges par ster bas na gdon mi za ba'o/ /de nyid kyi phyir thogs pa med pa'o/ /de ni de ltar gyur pa gcig pur ma zad kyi shin tu phul du byung bas mchog gi chos kyi dbyings la chags pa nyid do/ /
 ma lus pa ni rigs lnga'i lha rnams kyi bde ba chen po dang yid bde ba thams cad kyi mchog tu rtag pa dang thog ma dang tha ma med pa'o/ /ci mdzad nas bcom ldan 'das kyis byin gyis brlab pa mdzad pa yin zhe na ma lus shing lus pa med pa la sogs pa la/ rdo rje dbab pa rnams kyis
 rab tu sad par mdzad cing zhes bya ba dang sbyar ro/ /ma lus shing lus pa med pa'i sgra ni bshad zin to/ /ma lus shing lus pa med pa yang de yin la sems can gyi khams thams cad kyang de nyid yin pas na ma lus shing lus pa med pa'i sems can gyi khams thams cad do/ /de'i
 mchog tu phul du byung ba ni thams cad kyi dam pa dpal rdo rje sems dpa' la sogs pa'i dngos grub chen po rdzogs pa ste/ de'i dbang phyug chen po nyid ni ma lus shing lus pa med pa'i khams gsum pa'i chos kyi rgyal srid de/ de rdzogs pa'i phyir mchog tu mi 'gyur ba
 ni thog ma dang tha ma med pa'i rigs kyi lha thams cad kyi bde ba dang yid bde ba thams cad kyi rang bzhin can gyi byang chub chen po'i sems dang sbyin pa'i pha rol tu phyin pa dang / brtson 'grus kyi pha rol tu phyin pa dang / shes rab kyi pha rol tu phyin pa'i rang bzhin can gyi mchog gi dngos grub
 thams cad kyi yang mchog ni dam pa'o/ /rdo rje 'bebs pa ni rigs kyi lha thams cad kyi sku gsung thugs kyi rdo rje rnams sgrub pa po'i rgyud la zhugs pa gang yin pa de dag gis de bzhin gshegs pa thams cad la sogs pa'i sems can gyi khams rab tu sad par mdzad cing mchog gi
 rgyud phyi ma byin gyis brlab pa yin no/ /de ming ji lta bu dang ldan pa yin zhe na/ bde ba chen po zhes bya ba la sogs pa la bde ba yang yin la chen po yang de nyid yin pas bde ba chen po ste rigs kyi lha thams cad kyi gnyis su med pa'i ye shes so/ /de las byung ba'i rigs thams cad
 kyi phyag mtshan ni rdo rje'o/ /gdul bya rnams kyis mngon par 'dod pa'i dngos grub nges par rdzogs par mdzad nas de'i phyir don yod pa yin no/ /skye bo thams cad kyi thun mong ma yin pa'i phyir de mchog tu gsang ba yin no/ /bde ba chen po'i rdo rje gsang ba yang de nyid yin
 la mchog tu gsang ba yang de nyid yin pas na bde ba chen po'ang rdo rje gsang ba'i don yod pa mchog tu gsang bas de'i ming dang ldan pa'o/ /mchog tu yang yin la mtshon cha yang de nyid yin pas na mchog gi mtshon cha ste shes rab dang thabs kyi rang bzhin can gyi mtshon cha'o/ /mchog
 tu gsang ba ni 'das ma thag tu bshad pa ste de'i cho ga ni sgrub pa'o/ /mchog kyang yin la rgyud phyi ma yang de nyid yin pas mchog gi rgyud phyi ma ste/ bdag la byin gyis brlab pa la sogs pa'i rgyun gyi rang bzhin can gang yin pa de byin gyis brlab par mdzad pa ni phyi ma'i mu'i
 mthar thug par brtan par mdzad pa yin no zhes bya ba'i don to/ /de nas zhes bya ba la sogs pa la de nas kyi sgra ni skabs su bab pa'o/ /de bzhin gshegs pa thams cad ni gnyis su med pa'i sems dang sems las byung ba rnams so/ /de dag gi dam tshig thams
 cad ni rigs thams cad kyi rang bzhin can gyi sku gsung thugs kyi rdo rje'i phyag rgya'o/ /de rnams kyi bdag nyid kyi byin gyis brlab pa ni sgrub pa'i rgyud la rang gi rigs kyi lha'i sku gsung thugs kyi rdo rje rdzogs par mdzad pa ste de la sgrub pa gcig pu ni rdzogs pa'i rgyu'o/ /de'i cho
 ga ni rjes su spyad par bya ba'i dngos po rab tu bstan pa'o/ /mchog tu gsang ba ni skye bo thams cad la rab tu ma grags pa'o/ /bshad par bya ba ni 'og nas rgyas par bshad par bya ste bcom ldan 'das rdo rje sems dpas de skad gsungs so/ /nyin re zhes bya ba ni zhag re re la'o/ /sngon du
 ni thams cad dgug pa la sogs pa'i thog mar ro/ /lan cig tu ni lan cig kho nar ro/ /phyag rgya chen po ni rang gi lha'i sku'i gsang ba'i rang bzhin can no/ /snying po bzlas zhes bya ba ni rang gi lha'i snying pos mngon par bsngags par bya'o/ /phyag rgya kun gyis rab grub pa/ /zhes bya
 ba la rigs thams cad kyi dam tshig dang / chos dang las dang phyag rgya chen po rnams ni phyag rgya thams cad de/ de dag rab tu grub pa ni shin tu rab tu grub pa'o/ /de gang yin zhe na/ ji lta ba bzhin du bshad pa'i bdag la byin gyis brlab pa'i sgrub pa gcig pu'o/ /de ltar rnal
 'byor tsam byas la dam tshig sems dpa'i byin rlabs sngon du 'gro ba'i phyag rgya chen po 'ching ba'i mtshan nyid can gyi bdag la byin gyis brlab pa gcig pu bstan nas/ da ni rjes su rnal 'byor ston par byed pa'i thams cad dgug pa la sogs pa'i rang bzhin can gyi dam
 tshig gsum blang ba'i mthar thug pa'i bdag la byin gyis brlab pa gcig pu'i sgrub pa gnyis pa bstan par bya ba'i phyir de nas zhes bya ba la sogs pa gsungs te de nas kyi sgra ni snga ma bzhin no/ /mchog kyang yin la gsang ba yang yin pas mchog tu gsang ba ste thams
 cad kyang dgug pa la sogs pa'i rang bzhin can gyis bdag la byin gyis brlab pa'i cho ga ste/ sngar bshad pa'i bdag la byin gyis brlab pa gcig pu'i sgrub pa las kyang 'di mchog tu grub pas na shin tu mchog tu grub pa'o/ /lan cig ni lan cig tu phyi'i dkyil 'khor
 gyi khang pa dang sngags dang phyag rgya dag gis yongs su brtags pa'i rang gi lha'i dkyil 'khor gang yin pa de ni dam tshig gsum gyi shin tu gsang ba'i mchog gi khang pa ste/ mdun du gnas pa de ltar rdo rje sogs thob bzung ba yis/ /rdo rje can rang gi lha'i rang bzhin gyis yang dag par byin
 gyis brlab par 'gyur te rang gis sku gsung thugs kyi rdo rje'i rang bzhin can du mdzad pa yin no zhes bya ba'i don to/ /de ltar rjes su rnal 'byor ston par byed pa'i thams cad dgug pa la sogs pa'i rang bzhin can gyi ye shes sems dpa' gcig pu sgrub par byed pa'i bdag la
 byin gyis brlab pa gcig pu'i sgrub pa gnyis pa bstan nas/ da ni rang gi rigs kyi dkyil 'khor chen po las gsungs pa'i rang gi lhag pa'i lha'i rnal 'byor sngon du 'gro ba'i thams cad kyis ji lta ba bzhin du bshad pa'i rnal 'byor chen po'i mtshan nyid can gyis bdag la
 byin gyis brlab pa gcig pu'i sgrub pa gsum pa bstan par bya ba'i phyir/ de nas mchog tu gsang ba zhes bya ba la sogs pa gsungs te de nas kyi sgra ni snga ma yin no/ /mchog kyang yin la gsang ba yang de nyid yin pas na mchog tu gsang ba ste 'das ma thag tu bshad pa'i bdag la
 byin gyis brlab pa gcig pu'i sgrub pa'i khyad par ro/ /de las kyang 'di dam pa yin pas na shin tu mchog tu gsang ba'i bdag la byin gyis brlab pa gcig pu'i sgrub pa'i cho ga rgyas pa'i khyad par ro/ /de ci'i phyir zhe na/ mchog tu shin tu grub pa zhes bya ba la bdag la byin
 gyis brlab pa'i khyad par snga ma ni mchog tu grub pa ste/ de las kyang 'di mchog tu grub pas na mchog tu shin tu grub pa'i bdag la byin gyis brlab pa gcig pu'i sgrub pa'i khyad par zhes bya ba'o/ /rdo rje dril bu zhes bya ba la sogs pa ni 'gyur zhes bya ba dang sbyar ro/ /
 kun gyi bdag nyid ni kun bdag ste thog ma dang tha ma med pa'i chos kyi dbyings kyi rang bzhin can gyi sems dang sems las byung ba'i rang bzhin can gyi tshogs so/ /de las byung ba'i rang gi rigs kyi dkyil 'khor gyi lha rnams kyi sku gsung thugs kyi rdo rje'i phyag rgya ni kun bdag
 sna tshogs phyag rgya rnams so/ /rdo rje dang dril bu dang bcas pa'i kun bdag sna tshogs phyag rgya ni ye shes sems dpa'i rang bzhin gyi bdag nyid kyi sku ste bdag la byin gyis brlab pa gcig pu sgrub pa dang pos rdzogs pa'i sku rnal 'byor pa gang la yod pa de ni rdo rje dril bu
 dang bcas kun bdag sna tshogs phyag rgya'i skur ldan pa'i rnal 'byor ro/ /ci'i phyir 'di ltar 'gyur zhe na kun bdag ces pa la sogs pa la kun bdag ni bshad zin to/ /de'i phyag rgya ni de las byung ba'i rang gi lha rnams kyi phyag rgya chen po la sogs pa ye shes sems dpa'i rang
 bzhin can gyi phyag rgya rnams so/ /de dag sbyor ba ni yang dag par 'dus pa ste chu dang 'o ma bzhin du rnal 'byor pa dang gcig tu gyur pa'o/ /de nyid kyi bdag nyid ni rang bzhin gang la yod pa de ni kun bdag phyag rgya'i sbyor ba'i bdag nyid dang ldan pa'i rnal 'byor pa'o/ /de'i 'bras
 bu bstan par bya ba'i phyir/ rdo rje sems dpa' nyid du 'gyur/ /zhes gsungs pa yin no/ /'di ltar bshad par 'gyur te gang gi phyir rnal 'byor pas rnal 'byor chen po byas na rdo rje sems dpa' nyid du gyur pa de ni rnal 'byor chen po bya ba yin no/ /bdag la byin gyis
 brlab pa gcig pu sgrub pa 'dis rnal 'byor pa ji ltar rdo rje sems dpa' nyid du 'gyur zhe na/ grub pa'i cho ga 'di yis ni/ /zhes bya ba la sogs pa la 'das ma thag tu bshad pa'i cho ga 'dis rdo rje sems dpa' yang dag par bsdus pa ni rang gi rigs kyi lha'i rnal 'byor chen po kun gyi mchog
 kyang de yin la dngos grub chen po yang de nyid yin pas na/ kun mchog dngos grub chen po ste/ rang gi lha'i phyag rgya chen po la sogs pa'i dngos grub bo/ /des dbang phyug chen po ni khams gsum pa'i chos kyi rgyal srid de der byin gyis brlab pa ni/ gang gi phyir brtan par
 'gyur ba de'i phyir bdag la byin gyis brlab pa 'dis rdo rje sems dpa' nyid du 'gyur ba yin no/ /rab tu ni shin tu'o/ /'bras bu med pa ma yin pa'i phyir don yod pa'o/ /'das ma thag tu bshad pa'i bdag la byin gyis brlab par mdzad pa de nyid kyi mthu rigs
 thams cad las byung ba ste/ rang nyid kyi bdag nyid bcings te grub par 'gyur ba ni sgrub pa po la rag las par 'gyur ba'o/ /de gang yin zhe na/ mdor na phyag rgya thams cad ni/ /zhes bya ba ni rigs thams cad kyi dam tshig dang chos dang las dang phyag rgya chen po rnams mdor
 bsdus pas grub par 'gyur ro/ /byin gyis brlab pa 'di don skyod pa'i phyir/ phyag rgya thams cad rang gis rang bcings te grub par 'gyur ba yin te gcig pur ma zad kyi 'bad pa med par shin tu myur ba nyid du phyag rgya chen po la sogs pa'i rang bzhin can gyi dngos grub rnams kyang
 grub par 'gyur ro/ /sgrub pa gang gis she na las kyi tshogs kyi sgrub pa yis/ /dngos grub myur zhes bya ba la phyag rgya thams cad kyi sgrub pa'i byed par 'gyur ba des ji lta ba bzhin du bshad pa thams cad rjes su chags pa la sogs pa'i las kyi dngos grub rnams de dag gis
 myur du grub par 'gyur ro/ /rgyu gang gi phyir zhe na/ 'di'i zhes bya ba la sogs pa la/ bdag la byin gyis brlab pa gcig pu sgrub pa 'dis bsgrub par bya ba ma yin pa cung zad kyang med do/ /bsgrub par bya ba ma yin pa med pa ma yin pa de dag gang yin zhe na/ dngos
 grub las dang de bzhin bde/ /zhes bya ba la de la rigs thams cad kyi dkyil 'khor la sogs pa'i dngos grub ste de mngon du byed pa'o/ /rigs thams cad kyi las kyi tshogs kyi bya ba dang 'bras bu thob pa ni las te/ dngos grub dang las de dag gis 'jig rten dang 'jig
 rten las 'das pa'i bde ba nyams su myong ba ni bde ba ste/ gsum po 'di dag la bsgrub par bya ba ma yin pa yod pa ma yin no/ /'di dag thams cad mi 'gyur ba ni thog ma dang tha ma med par sgrub par byed pa yin no/ /de gang gi phyir zhe na/ bdag byin brlab kun sgrub
 pa pos/ /zhes bya ba la rigs thams cad kyi sku gsung thugs kyi rdo rje rnams kyis byin gyis brlab pa ni nus pa ste/ mngon par 'dod pa'i 'bras bu rdzogs pa'i rgyu de rnams yin pas na sgrub pa'o/ /byed par 'gyur ba de dag ni 'das ma thag tu bshad pa'i bdag la byin gyis
 brlab pa gcig pu'i sgrub pa'i khyad par gyi dngos grub dang las dang bde ba rtag pa rnams sgrub par byed pa yin no zhes bya ba ni bcom ldan 'das rdo rje sems dpas gsungs so/ /de ltar mngon par 'dod pa'i dngos grub kyi thabs su gyur pa'i bdag la byin gyis brlab pa'i
 sgrub pa gcig pu bstan nas/ da ni mngon par 'dod pa'i dngos grub kyi thabs nyid kyi rnal 'byor bstan par bya ba'i phyir/ de nas mchog tu gsang ba'i rnal 'byor thams cad ces bya ba la sogs pa gsungs te/ de nas kyi sgra ni snga ma bzhin no/ /mchog ni dam pa'o/ /gsang ba ni
 thun mong ma yin pa'o/ /rnal 'byor thams cad kyi cho ga ni sgom pa bstan pa ste de bshad par bya ste bstan par bya'o zhes bya ba ni bcom ldan 'das rdo rje sems dpas gsungs so/ /de la re zhig dang po kho nar zhes bya ba la de la zhes bya ba'i sgra ni ngag nye bar dgod pa la'o/ /dang po ni thog mar
 te rnal 'byor gyi sgra re zhig bsgrub par bya ste/ yo zer ni rnal 'byor las te skad kyi byings so/ /'dis rnal 'byor gyi sgra sgrub pa yin no zhes bya ba ni tshig gi lhag ma'o/ /rnal 'byor sgra de yang rig pa dang 'brel pa la 'jug par mthong ba yin te de rnam par bcad pa'i phyir skad kyi byings kyi
 don 'di yang brtson pa'o zhes bya ba gsungs te/ rnam pa 'di lta bu'i skad kyi don ni brtson pa yin no zhes bya ba'i don to/ /yo zer ni ting nge 'dzin la'o zhes bya ba'i skad kyi byings gzhan 'di'i don ni ting nge 'dzin no/ /gang gis brtson pa zhes bya ba ni yul gang gis brtson pa zhes
 bya ba'i don to/ /'brel pa tsam gsung bar 'dod pa'i phyir rang gi lhag pa'i lha rjes su dran pa'i brtson pa ni rnal 'byor yin no/ /rang gi lhag pa'i lha rjes su dran pa'i yul can gyi sems bskyed pa ni rnal 'byor pa yin no zhes bya ba'i don to/ /'di bshad par 'gyur te phyag rgya
 bteg pa'i mthar thug pa'i cho ga rjes su spyad nas de'i rjes la nam mkha' dang mnyam pa'i zla ba'i dkyil 'khor gyi rnam pa ste/ de'i steng du zla ba'i dkyil 'khor gnyis pa'o/ /slar yang zla ba'i dkyil 'khor gnyis pa de nyid rang gi lha'i snying po dang bcas pa'i rdo rje rtse lnga pa
 gang la yod pa de la'o/ /gzhan la ni rdo rje las byung ba'i rang gi dam tshig gi phyag rgya ste/ de nas phyag rgya'i nga rgyal rnam par bsgoms la sems dpa' byin gyis brlab pa'i sbyor bas bdag nyid rdo rje sems dpar bsgoms nas dam tshig sems dpa' chen po'i nga rgyal rdo rje sems dpa'i
 rnal 'byor pas bsgom par bya'o/ /rdo rje mtshon cha ma la sogs pa'i rnal 'byor pas ni rdo rje sems dpa' las byung ba'i rang gi lha'i rang bzhin can gyi bdag nyid rang gi snying po brjod cing bsgom par bya'o/ /de nas ma hA sa ma ya satwa haM zhes bya ba brjod do/ /de bzhin gshegs
 pa'i rnal 'byor pas kyang de bzhin gshegs pa'i rdo rje las byung ba'i rang gi de bzhin gshegs par bsam par bya'o/ /de nas rdo rje sems dpa' la sogs pa'i rnal 'byor pa thams cad kyis ni rang gi lha'i dam tshig gi phyag rgya bcings nas sam you0f85haM zhes bya ba'i spyi'i snying p
 o brjod cing / rang gi lha'i sku gsung thugs kyi rdo rje'i rang bzhin can gyi nga rgyal bya'o/ /de nas sa ma ya s+t+waM ang+hi tiSh+Tha swa maM zhes bya bas rang gi lha'i dam tshig gi phyag rgyas snying ga dang mdzod spu dang mgrin pa dang spyi bo rnams su bdag nyid la byin gyis brlabs nas phyag rgya chen po bcings te/
 sku gsung thugs kyi rdo rje rnams kyis rang gi lha'i rang bzhin can gyi bdag nyid bsgom par bya ste 'di ni 'dir ye shes sems dpa' gzhug pa dang bral ba'i rang gi lha'i sgom pa'i rang bzhin can gyi rnal 'byor ro/ /de ltar 'khor ba'i bdag nyid kyi gnyen por gyur pa'i rnal 'byor
 b stan nas da ni ye shes sems dpa' bcug nas gcig tu gyur pa lhag par mos pas gser 'gyur rtsi blangs nas zangs ma la sogs pa'i khams dngul la sogs par byed pa bzhin du rdzogs par 'gyur ba yin no zhes bya ba rab tu brtan par bya ba'i phyir rjes su rnal 'byor gsungs
 pa dang / brtan pa dang g.yo ba'i dngos po thams cad kyi rang bzhin gyi gzugs kyi rang gi lha'i bsgom pas kyang shes rab dang thabs kyi ye shes thams cad du thogs pa med par 'gyur ro zhes bya ba rab tu brtan par bya ba'i phyir thams cad kyi rnal 'byor dang rnal 'byor chen po gsungs pa dang /
 shin tu chags pa'i bsgom pas kyang rnal 'byor dang rjes su rnal 'byor dang thams cad rnal 'byor dang / rnal 'byor chen po shin tu rdzogs par 'gyur ba nyid yin no zhes bya ba'i phyir shin tu rnal 'byor yang gsungs pa yin pa ni/ slar yang gzhan zhes bya ba la 'das ma thag tu
 bshad pa'i rnal 'byor las slar yang gzhan ni rnal 'byor gyi rang bzhin can gyi dngos po gzhan te rjes su rnal 'byor dang / thams cad rnal 'byor dang / rnal 'byor chen po dang / shin tu rnal 'byor sgom pa'i rang bzhin can no zhes bya ba'i don to/ /dngos po 'di gang las shes
 par bya zhe na/ yang dag par bsdu ba dang / yang dag par kun du spyod pa dang / yang dag par sbyor ba zhes bya ba'i sgra rnams yod pa ste de rnams las 'dir shes par bya'o zhes bya ba'i don to/ /de la 'das ma thag tu bshad pa'i rnal 'byor byas la ji lta ba bzhin du rang gi lus la ye
 s hes sems dpa' bcug ste sa ma ya s+t+waM zhes bya ba brjod cing 'od kyi dkyil 'khor rdzogs par byas la sa ma ya s+t+waM a haM zhes bya ba dang mthar rang gi lha'i snying po lan gsum zlos shing bcug pa'i ye shes sems dpa' dang chu dang 'o ma bzhin du lhan cig gyur par lhag par mos
 par byas te/ de ni 'di rjes su rnal 'byor gyi mtshan nyid can gyi yang dag par bsdu ba yin no/ /rnal 'byor ram rjes su rnal 'byor ram rnal 'byor chen po byas la thams cad bdag yin no zhes bya ba'i sgom pa ni thams cad rnal 'byor gyi mtshan nyid can gyi yang dag par kun du sbyor
 ba ste des phyogs dang dus thams cad la khyab pa'i phyir ro/ /yang dag par kun du sbyor bas na kun du sbyor ba ste/ 'di ltar sgra sgrub pa'o/ /lha mo thams cad dang yang dag par sbyor ba'i sgom pa dan/ bsgoms pa'i 'bras bu ni shin tu rnal 'byor gyi mtshan nyid can gyi yang
 dag par sbyor ba'o/ /de ltar mdor bstan pa'i tshig rnams kyis rjes su rnal 'byor dang thams cad rnal 'byor dang rnal 'byor chen po dang shin tu rnal 'byor rnams bstan nas/ da ni re zhig rjes su rnal 'byor rgyas par bstan par bya ba'i phyir gang dag sbyor zhe na zhes bya ba gsungs te/
 rjes su rnal 'byor gyi sgom pa 'di lha'i khyad par gang gi yin zhes bya ba'i tha tshig go/ /de ltar rang nyid kyis dris nas slob ma rnams kyi khong du chud par bya ba'i phyir/ gang gi lhag pa'i lha zhes bya ba la sogs pas rgyas par gsungs te bsgrub par bya ba nyid du rang gi 'dod cing byin gyis
 brlab par mdzad pa gang yin pa de ni rang gi lhag pa'i lha'o/ /rjes su dran pa bsgom pa ste de nyid rnal 'byor te ye shes sems dpa' dang gcig tu gyur pa'i lhag par mos pa'o zhes bya ba'i don to/ /rjes su sgrub pa ni/ lhag pa'i lha ni gang gang gi/ /phyag rgya gang dang gang bcings
 pa/ /de dang de yi sbyor ba yis/ /phyag rgya de de nges par sbyar/ /zhes bya ba de ma thag tu 'og nas gsung bar 'gyur ba gang yin pa rjes su sgrub pa de las rang gi lhag pa'i lha dang yang dag par sbyor ba ni rjes su rnal 'byor gyi mtshan nyid can no/ /grub pa ni rdzogs pa'o/ /de ltar rjes
 su rnal 'byor bstan nas da ni yang dag par kun du sbyor ba'i rang bzhin can gyi thams cad rnal 'byor bstan par bya ba'i phyir de la zhes bya ba la sogs pa gsungs te de la zhes bya ba'i sgra ni ngag nye bar dgod pa la'o/ /ji ltar zhes bya ba ni dri ba'o/ /thams cad kyang de yin la rnal 'byor
 yang de yin pas na thams cad rnal 'byor te thams cad kyi thams cad nyid bdag nyid yin no zhes bya ba ni sgom pa'o/ /brtan pa dang g.yo ba'i dngos po thams cad kyang gzugs 'dzin pa'i rang gi lha ni dam tshig ste/ gang phyir phyag rgya dam tshig bshad/ /ces bya ba rgyas par
 bshad pa las gsungs pa'i phyir ro/ /thams cad kyi rang bzhin can gyi kun rdzob kyi bden pa'i ngo bo rang gi lha ni dam tshig ste/ de'i rang bzhin can gyi sgom pa ni dam tshig gi sbyor ba thams cad kyi rnal 'byor zhes bya ba'o/ /rgyu gang gis sgom pa de dam tshig gi sbyor ba yin zhe na/
 de bzhin gshegs pa kun gyis kyang / /'da' bar dka' ba nyid kyi phyir/ /zhes bya ba ni de dag gis kyang 'da' bar mi mdzad pa'i phyir kun rdzob kyi bden pa'i rang bzhin can gyi phyag rgya de gang gi phyir rdo rje 'chang chen pos dam tshig ces bya bar gsungs pa de'i phyir ro/ /ci'i phyir
 brtan pa dang g.yo ba'i dngos po thams cad kyang gzugs 'dzin pa'i rang gi lha'i rang bzhin can gyi phyag rgya de bzhin gshegs pa thams cad kyis kyang 'da' bar mi mdzad ce na/ yid kyi lus ni brtan phyir ro/ /zhes bya ba la yid ni thog ma dang tha ma med pa dmigs
 pa med pa'i thugs rje chen po'i mtshan nyid can gyi chos kyi dbyings so/ /de'i lus ni de bzhin gshegs pa la sogs pa'i sku dang ri bo la sogs pa brtan pa'i gzugs so/ /de nyid rdo rje bzhin du mi phyed pas na de'i dngos po ni brtan pa nyid do/ /yid kyi lus brtan pa nyid kyi rgyu de'i
 phyir/ de bzhin gshegs pa thams cad kyis kyang de 'da' bar mi mdzad pa yin no/ /'di ltar bshad par 'gyur te/ ji lta ba bzhin du bshad pa'i chos kyi dbyings srog chags dang srog chags ma yin pa rnams kyis byed par mi 'gyur te rnam par mi rtog pa'i phyir ro/ /
 bdag nyid de las byung ba'i sems can thams cad kyi don rdzogs par mdzad pa'i sangs rgyas la sogs pa'i gzugs sngon gyi smon lam gyi dbang gis 'jug pa'i phyir de bzhin gshegs pa rnams kyis kyang phyed par mi 'gyur te de dag kyang de'i rang bzhin can nyid kyi phyir ro/ /de'i
 phyir 'da' bar mi mdzad pa zhes bya ba ni dam tshig gi don yin no/ /ji lta ba bzhin du bshad pa'i chos kyi dbyings kyi rgyu mthun pa brtan pa dang g.yo ba'i dngos po thams cad kyi rang bzhin gyi rang gi lha'i gzugs de rjes su sgrub pa ni lhag pa'i lha ni gang gi zhes bya ba la sogs pa ji lta ba bzhin du
 rgyas par bshad pas bstan pa de ni dam tshig gi sbyor ba ste de nyid thams cad kyi rnal 'byor yin no/ /da ni dpes thams cad kyi rnal 'byor gsal bar bstan pa'i phyir/ 'di lta ste zhes bya ba la sogs pa gsungs te dper na ku mu ta dang / ut+pal dang / ru rta la sogs pa'i rdzas
 mang po gcig tu sbyar bas/ 'jig rten na sbyor ba zhes grags pa de bzhin du/ ji lta ba bzhin du bshad pa'i thams cad kyi bdag nyid brtan pa dang g.yo ba'i dngos po thams cad kyi rang bzhin can gyi phyag rgya rnams dang / gcig tu gyur pa'i lhag par mos pa'i rnal 'byor
 gyis phyogs bcur sbyor ba ni yang dag par kun du sbyor ba ste/ yang dag par kun du sbyor ba'i rgyu des ji lta ba bzhin du bshad pa'i thams cad kyi rnal 'byor gyi dam tshig gi sbyor ba zhes bya bar brjod pa yin no/ /da ni thams cad kyi bdag nyid kyi phyag rgya'i sbyor ba'i rang bzhin bstan par
 bya ba'i phyir/ de la ji ltar thams cad kyi bdag nyid kyi phyag rgya'i sbyor ba yin na zhes bya ba gsungs te thams cad kyi bdag nyid ni chos kyi dbyings te/ de'i phyag rgya ni dam tshig dang chos dang las dang phyag rgya chen po'o/ /rigs thams cad kyi phyag rgya de dag dang sbyor bas gcig tu gyur
 par lhag par mos pa'o/ /de nyid bstan par bya ba'i phyir/ sangs rgyas thams cad kyi bdag nyid ces bya ba la sogs pa gsungs te sangs rgyas kyang yin la thams cad kyang de nyid yin pas na sangs rgyas thams cad de lha ma lus pa'i sku gsung thugs kyi rdo rje'i rang bzhin no/ /de
 dang bdag nyid yang dag par sbyor ba ni ye shes sems dpa' rnams dang lhan cig tu gnyis su med par lhag par mos pas gcig tu gyur pa'i rnal 'byor bsgom pa'o/ /de yang khyad par ji lta bu dang ldan pa yin zhe na/ ji lta'i dbyibs dang sku dang ldan/ /zhes bya ba la sangs
 rgyas thams cad la sogs pa de'i dbyibs rgyud las bstan pa gang yin pa dang / sku'i gsang ba gang yin pa de gnyis po gang la yod pa de ni ji lta'i dbyibs dang sku dang ldan pa'i sangs rgyas thams cad kyi bdag nyid kyi sbyor ba'o/ /de ltar gyur pa'i sangs rgyas thams cad kyi
 bdag nyid kyi sbyor ba dang ldan pa ni las su gyur pa'i bdag nyid de rnal 'byor bzhir gyur pa'i bdag nyid la yang dag par bkod de/ phyi nas rjes su bsgrub par bya ba ni rang gi lha'i phyag rgya bcings nas brtan pa dang g.yo ba'i dngos po thams cad kyi rang bzhin gyi rang gi lha'i gzugs
 su bdag nyid bsgom par bya'o/ /ni'i sgra ni nges par gzung ba ste/ bdag nyid kho na'o/ /'di ltar bshad par 'gyur te/ ji lta ba bzhin du bshad pa'i sku mdog dang dbyibs dang gdan dang phyag mtshan la sogs pa dang ldan pa'i rang gi lha'i gzugs su bdag nyid rnal
 'byor tsam gyis de bzhin du nges par byas la phyi nas ye shes sems dpa' rang gi lus la bcug ste/ de dang lhan cig tu gyur par lhag par mos par byas la rang gi lha'i phyag rgya bcings nas dngos po thams cad kyi bdag nyid kyi lha'i gzugs su bdag nyid bsgom par bya'o zhes
 bya ba'o/ /don 'di nyid bstan par bya ba'i phyir rang gi dam tshig gi sbyor ba ni thams cad kyi sbyor ba'o zhes bya pa gsungs te/ rjes su bsgrub par bya zhes bya ba'i 'das ma thag tu bshad pa'i rjes su sgrub pa ste de nyid bstan pa'i phyir/ de la 'di zhes bya ba la sogs pa gsungs te bsgrub par
 bya ba'i 'dod pa'i lha ni lhag pa'i lha ste/ de'i phyag rgya chen po la sogs pa'i phyag rgya dang de lha'i khyad par de dang de'i rnal 'byor ni de'i gzugs la sogs pa'i lhag par mos pas rnal 'byor pas bcings shing phyag rgya chen po la sogs pa'i rang bzhin can gyi phyag rgya de dang de rang gi las
 la rab tu sbyar bar bya ste gzhan gyis ni ma yin no zhes bya'o/ /de ltar thams cad kyi rnal 'byor bstan nas da ni rnal 'byor dang rjes su rnal 'byor dag gis mnyam par gzhag pa dang / mnyam par ma bzhag pa'i rnal 'byor gyi tshul du sgom par bstan par bya ba'i phyir/ de nas mchog
 t u gsang ba'i mchog gi rjes su sgrub pa'i cho ga rgyas pa mchog tu grub pa'o zhes bya ba gsungs te rnal 'byor gyi dus dang rjes su rnal 'byor gyi dus su lus kyi yan lag la sogs pa thams cad yongs su rdzogs pa'i rang gi lha'i bsgom pa'i sgom pa ni mchog tu gsang ba'i mchog gi rjes su
 sgrub pa'i cho ga ste/ de'i mnyam par gzhag pa dang / mnyam par ma bzhag pa'i dbye ba sna tshogs nyid ni rgyas pa'o/ /bdag nyid ces pa ni phung po lnga'i rang bzhin gyi bdag nyid kyi dngos po'o/ /ni'i sgra ni nges par gzung ba ste/ bdag nyid kho na rnam par snang mdzad la sogs
 pa'i de bzhin gshegs pa'i rang bzhin can gyi sangs rgyas thams cad do/ /dpal rdo rje sems dpa' la sogs pa'i byang chub sems dpa'i gzugs ni byang chub sems dpa' nyid do/ /'dod pa'i lha'i rnal 'byor ni rang gi lhag pa'i lha'i rnal 'byor ro/ /rang gi lha'i brtan pa
 dang g.yo ba'i dngos po thams cad kyi bdag nyid kyi gzugs gang yin pa de ni rang gi dam tshig ste/ de dang sbyor ba ni de dang lhan cig tu rnal 'byor pa tha mi dad pa'i rang bzhin can gyis sgom pa gang yin pa de ni rang dam tshig gi sbyor ba ste/ de nyid thams cad kyi sbyor ba yin no zhes bya'o/ /bdag
 nyid ni bdag nyid la 'jug ste/ don dam par bdag nyid las tha dad pa'i sangs rgyas dang byang chub sems dpa' nyid ni mi dmigs pa de'i phyir/ bdag ni sangs rgyas nyid dang ni/ /byang chub sems dpa' nyid kyang yin/ /zhes bya ba bdag nyid kho nas sangs rgyas dang byang chub sems dpa'i
 gzugs su brtag par bya ste phyi'i dngos po ni ma yin no zhes bya ba'o/ /'di ltar 'chad par 'gyur te/ gang gi phyir ji lta ba bzhin du bshad pa'i tshul gyis phyi rol gyi dngos po sangs rgyas kyi gzugs sam byang chub sems dpa'i gzugs su don dam par mi dmigs pa de'i phyir bdag
 nyid kho na'i yan lag thams cad yongs su gang ba'i sangs rgyas kyi gzugs sam byang chub sems dpa'i gzugs su rnal 'byor pas bsgom par bya ba yin no zhes bya ba'o/ /phyag rgya chen po la sogs pa'i rang bzhin gyi rigs thams cad kyi phyag rgya ni phyag rgya thams cad de/ de dag
 gi rang bzhin rnal 'byor yang yin la chen po yang de nyid yin pas phyag rgya thams cad kyi rnal 'byor chen po'o/ /'das ma thag tu bshad pa gang yin pa de nyid mchog tu gsang ba yin no zhes bya ba'o/ /'dis ni 'di ltar bshad par 'gyur te shin tu mnyam par gzhag pa'i sgom
 pas skyon gcig gi rang bzhin kun du 'gro ba'i rang gi lha'i gzugs gsal ba'i dbye bas 'jig rten gyi khams thams cad kyi rdul phra rab dang mnyam par bsgom par bya ste/ de'i phyir phyag rgya thams cad kyi rnal 'byor chen po 'di yin te kun du khyab pa nyid kyi phyir ro zhes
 bya ba'o/ /de ltar rnal 'byor dang rjes su rnal 'byor sgom par byed pa'i mchog tu gsang ba'i rdul phra rab kyi sgrub pa'i cho ga rgyas par bstan nas/ da ni rnal 'byor thams cad sgom par byed pa bstan par bya ba'i phyir de nas zhes bya ba la sogs pa gsungs te/ rnal
 'byor dang rjes su rnal 'byor byas la brtan pa dang g.yo ba'i dngos po thams cad kyi rang bzhin can gyi rang gi lha'i gzugs kyi bdag nyid sgom pa ni mchog tu gsang ba'i mchog gi rjes su sgrub pa'i cho ga rgyas pa'i khyad par 'dir mchog tu grub par shes par bya'o/ /
 rang gi lha'i sbyor ba zhes bya ba ni 'dod pa'i lha'i rnal 'byor te/ rnal 'byor dang rjes su rnal 'byor gyi rang bzhin ni ji lta ba bzhin du bshad pa'i mtshan nyid can no/ /des sna tshogs ni brtan pa dang g.yo ba'i rang bzhin can gyi bdag nyid sku gang la yod pa de ni sna tshogs phyag rgya'i bdag nyid sku dang ldan pa
 ste/ thams cad rnal 'byor dang ldan pa'o zhes bya ba'i don to/ /de lta bu cir 'gyur zhe na kun bdag ces bya ba la sogs pa la kun bdag bshad zin to/ /de'i phyag rgya rnams kyang bshad zin te/ de dang lhan cig tu gcig tu gyur pa'i lhag par mos pa ni rnal 'byor ro/ /
 de nyid kyi bdag nyid ni rang bzhin gang la yod pa de ni kun bdag phyag rgya'i rnal 'byor bdag go/ /mi 'gyur mchog ces bya ba ni thog ma dang tha ma med pa'o/ /grub par gyur pa ni rdzogs par gyur pa'o/ /'di ji lta bur brjod ce na/ thams cad ces bya ba la sogs pa'i rtog pa yang
 yin la/ thams cad kyang de nyid yin pas na rtog pa thams cad ni rdo rje sems dpa' la sogs pa ste brtan pa dang g.yo ba la sogs pa'i dngos po thams cad kyi phyag rgya'i gzugs su bzhugs pa'o/ /thams cad du shes pa'i sna tshogs pa'i dam tshig chen po'o/ /rtog pa
 thams cad kyang de yin la sna tshogs pa'i dam tshig chen po yang de nyid yin pas na rtog pa thams cad kyi sna tshogs pa'i dam tshig chen po'o/ /de dag dang lhan cig tu gyur pa'i lhag par mos pas rnal 'byor pa de'i rang bzhin du rdzogs pa ni mchog gi rnal 'byor te de nyid kyang
 'dir thams cad kyi rnal 'byor ro/ /'dis ni thams cad kyi rnal 'byor sgom ba'i rnal 'byor pa la brtan pa dang g.yo ba'i dngos po thams cad kyi rang bzhin kho na rang dang gzhan gyi don phun sum tshogs pa'i rang bzhin gyi 'bras bu 'thob par 'gyur ro zhes bya ba'i don to/ /
 de ltar thams cad rnal 'byor bstan nas da ni dkyil 'khor la sogs pa sgrub par byed pa'i rnal 'byor chen po yang dag par kun du sbyor ba bstan par bya ba'i phyir de nas slar yang gzhan zhes bya ba la sogs pa gsungs te/ rnal 'byor dang rjes su rnal 'byor dang thams cad kyi
 rnal 'byor rnams las slar yang sgom pa'i rang bzhin gyi dngos po gzhan 'di yin no zhes bya ba'i don to/ /ji lta ba bzhin du bshad pa'i rnal 'byor chen po'i mtshan nyid can ni 'dir mchog tu gsang ba shin tu mchog tu cho ga rgyas pa'i khyad par shin tu mchog tu grub pa las kyang
 gzhan ni rjes su sgrub pa las kyang shin tu mchog tu grub pa ste dngos grub thams cad sgrub par byed pa nyid kyi phyir zhes bya ba'o/ /rdo rje sems dpa' ni rang gi rigs kyi dkyil 'khor gyi bdag po ye shes sems dpa'o/ /ye shes sems dpa' de dang rnal 'byor gyi rang bzhin
 bdag nyid yang dag par sbyor ba ni gcig tu gyur pa ste rdo rje sems dpa'i bdag nyid sbyor ba'o/ /dbyibs ji lta ba bzhin du rdo rje sems dpa'i sku yang ji lta bu gang la yod pa de ni dbyibs dang sku ni ji ltar ldan pa'o/ /rdo rje sems dpa'i bdag nyid kyi sbyor ba yang de yin la
 dbyibs dang sku ji lta bu yang de nyid yin pas na/ /rdo rje sems dpa'i bdag nyid sbyor/ /dbyibs dang sku ni ji ltar ldan pa ste/ /mi 'gyur mchog ni grub par 'gyur/ /zhes bya ba dang sbyar ro/ /de gcig pu yin nam zhe na kun gyi bdag po ni ji lta bu bzhin du bshad pa ste/ de'i
 phyag rgya ni rang gi rigs kyi dkyil 'khor chen po'i lha rnams kyi phyag rgya rnam pa bzhi ste/ de dang lhan cig tu sbyor ba ni kun bdag phyag rgya'i sbyor ba'o/ /de nyid kyi bdag nyid ni rang bzhin gang la yod pa de ni kun bdag phyag rgya'i sbyor ba'i bdag go/ /grub par gyur pa ni rdzogs
 par 'gyur ba'o/ /mi 'gyur mchog ni rtag pa ste thog ma dang tha ma med pa'o/ /'di ci zhes bya ba brjod pa yin zhe na/ /'di ni zhes bya bal sogs pa la thams cad rnal 'byor gyi bdag po zhes bya ba dang sbyor ro/ /'di zhes bya ba ni rnal 'byor chen po'i mtshan nyid
 yin no/ /ni'i sgra ni gang gi phyir gyi don te gang gi phyir sangs rgyas thams cad kyi rang gi bdag nyid dam tshig gsal ba ni rang gi rigs kyi ye shes sems dpa' rnams te de rnams kyi rjes su 'brang bas rang gi dam tshig gi rjes su 'gro ba ste/ rang gi rigs kyi ye shes
 sems dpa' rnams dang lhan cig tu gyur pas song ba'o zhes bya ba'i don to/ /de nyid kyi phyir thams cad kyi rnal 'byor rnams kyi bdag po ni gtso bo ste grub pa ni rdzogs pa'o/ /thams cad kyi rnal 'byor gyi bdag po ni rang bzhin gyis gsal ba'o/ /shin tu grub pa'i rnal
 'byor gzhan las kyang mchog gi mchog yin pas na shin tu grub pa'i mchog go/ /rnal 'byor chen po 'di yang rdzogs pa'i cho ga sngar bshad pa nyid de/ slar yang bshad par mi bya'o/ /ci'i phyir 'di shin tu grub pa mchog yin zhe na/ 'di la zhes bya ba la sogs pa gang
 gi phyir/ rnal 'byor chen po 'dis dkyil 'khor sgrub pa nas brtsams te/ 'jig rten dang 'jig rten las 'das pa'i dngos po bsgrub par bya ba ma yin pa'i dngos po cung zad yod pa ma yin pa'i phyir ro/ /dngos grub las dang de bzhin bde/ /zhes bya ba la sogs pa ni bshad
 zin to/ /de ltar dngos grub thams cad sgrub par byed pa'i rnal 'byor chen po bstan nas da ni shin tu chags pa'i sgom pas thams cad grub par 'gyur ro zhes bya ba'i don 'di bstan par bya ba'i phyir yang dag par sbyor ba'i mtshan nyid can gyi shin tu rnal 'byor gyi sgom pa bstan
 par bya ba'i phyir/ 'dod pa kun la longs spyod pa/ /zhes bya ba la sogs pa gsungs te/ 'dod pa kun ni rdo rje sems dpa' ste bshad zin to/ /de'i longs spyod pa ni brtan pa dang g.yo ba'i dngos po thams cad do/ /'dod pa kun yang yin la de la longs spyod pa yang yin pas na
 'dod pa kun la longs spyod pa'o/ /na'i sgra ni nges par gzung ba ste/ 'dod pa kun la longs spyod par byed par gyur pa de rnams nyid bsten pa ni shin tu rnal 'byor gyi sgom pa nyams su myong ba kho na'o/ /ci 'dod pa zhes bya ba ni rang gi 'dod pa ma lus pa'o/ /kha cig tsam
 dag gis so/ /'di dag gis ci bya zhe na/ rnal 'byor 'di zhes bya ba la sogs pa la/ shin tu rnal 'byor gyi snyom pa'i tshul 'di rang gi bdag nyid la rab tu mchod par bya'o/ /'di ltar bshad par 'gyur te/ rang gi dkyil 'khor gyi tshul du gnas pa'i rnal 'byor pas rdo rje mtshon cha ma la sogs pa'i
 mchod pa'i phyag rgya bcu gnyis kyis yang dag par mchod la/ rang gi rigs kyi dkyil 'khor las gsungs pa'i brtan pa dang g.yo ba'i rang bzhin can gyi mchod pa bcu drug gis kyang mchod nas/ thams cad du khyad par gyi mchod pa'i lha mo thams cad dang lhan cig tu yang dag par sbyor ba bsgom
 par bya'o/ /de yang shin tu rnal 'byor gyi rang bzhin can gyi tshul des so/ /rdo rje sems dpa'i sbyor ba yi/ /mthu nyid kyis ni thams cad du/ /lha mo thams cad bde chen ldan/ /rang nyid so sor rjes sgrub pa'o/ /rdo rje sems dpa'i sbyor ba yi/ /mthu nyid kyis ni thams
 cad du/ /rnal 'byor thams cad dga' ston bde/ /rang nyid so sor rjes sgrub pa'o/ /rdo rje sems dpa'i sbyor ba yi/ /mthu nyid kyis ni thams cad du/ /dngos grub thams cad dga' ston bde/ /rang nyid so sor rjes sgrub pa'o/ /rdo rje sems dpa'i sbyor ba yi/ /mthu
 nyid kyis ni thams cad du/ /dbang phyug kun gyi dga' ston bde/ /rang nyid so sor rjes sgrub pa'o/ /nam mkha'i khams ni mtha' yas pa/ /bud med mchog ni 'byung bar 'gyur/ /dam tshig las byung de dag de'i/ /yid 'ong dam tshig rjes 'gro ba'o/ /shin tu rnal 'byor rnal
 'byor che/ /thams cad bdag nyid dam tshig mchog /gcig nyid dang ni spyod pa gcig /yid 'ong rjes spyod lhan cig spyod/ /sangs rgyas kun dang mnyam sbyor ba'i/ /mkha' 'gro ma rnams mchog tu mdzes/ /kun du sna tshogs rol pa yi/ /phyag rgya thams cad bde
 chen ldan/ /bka' mnyan mchog gi mchod pa kun/ /lha mo mchog tu rtag pa'o/ /rdo rje sems dang sbyor ba yi/ /lha mo thams cad kun bsdus pas/ /kun nas sna tshogs skal bzang po/ /rang nyid so sor rjes sgrub 'gyur/ /phyag rgya 'di ni btab tsam gyis/ /
 rdo rje sems dpa' la sogs lha/ /nam mkha'i khams ltar mtha' yas pa'i/ /lha mo thams cad bde chen ldan/ /rnal 'byor thams cad bde bas myos/ /stobs kyis gnon cing nyes pa med/ /phan tshun rab tu dga' gyur nas/ /skyes bu byad bzhin rol bar 'gyur/
 kun bdag dbang po thams cad las/ /'byung ba'i mchod pa thams cad kyi/ /sprin chen spros pa'i tshogs rnams kyis/ /de dag mchod par mdzad pa yin/ /kye ma bde ba las byung ba'i/ /kun sbyor bde ba'i dbang phyug dang / /rin chen kun gyi rnam pa yis/ /rab tu myos shing bsten
 pa yin/ /zhes bya ba bcom ldan 'das rdo rje sems dpas gsungs so/ /'di zhes bya ba ni 'das ma thag tu bshad pa ste shin tu rnal 'byor gyi mtshan nyid do/ /de yang de bzhin gshegs pa thams cad kyi mchog tu gsang ba'i rnal 'byor gzhan las dam pa ste mchog tu
 shin tu gsang ba'o/ /'di las gong na gzhan med pas na bla na med pa'o/ /shes rab kyi pha rol tu phyin pa'i tshul gyi rang bzhin gyi mdo sde'i spyod pa byang chub sems dpa'i lam 'bras bu dang bcas pa'i rang bzhin can las kyang rdo rje theg pa las chen po'i chen po'o/ /de nyid dam
 tshig chen po ni thog ma dang tha ma med pa'i chos kyi dbyings kyi rang bzhin gyi thams cad du 'gro ba'i phyir ro/ /de'i phyir rnal 'byor ni de las byung ba'i shin tu rnal 'byor te/ de bzhin gshegs pa thams cad lha mo dang yang dag par sbyor ba'i phun sum tshogs pa gsal bar 'bar
 ba bstan pa ni dpal rang gi dam tshig ste de'i sbyor ba ni sbyor ba'o/ /dga' ba chen po'i dpal rdo rje don yod ni rdo rje sems dpa' ste/ de dga' ba'i dam tshig ni thugs bde ba skyed pa'i rgyu'o/ /rnal 'byor thams cad bskyed pa nyid kyi phyir rnal 'byor thams cad do/ /bcud
 kyis len thams cad kyi mchog yin pa'i phyir bla na med pa'i bcud kyis len te gang gi phyir de thob na rnal 'byor pa ni thog ma dang tha ma med par 'gyur ro/ /'jig rten dang 'jig rten las 'das pa'i dngos grub rnams zil gyis mnan nas mdzes pas na mchog gi dngos grub kyi rgyal
 po'o/ /bcom ldan 'das de bzhin gshegs pa dpal rdo rje sems dpa' ni rnal 'byor 'di yin no/ /mchog ni dam pa'o/ /rdo rje sems dpa'i sku tshe ni srog go/ /na tshod gzhon pa ni de nyid kyi'o/ /nad med pa ni go sla'o/ /skyes bu chen po'i mtshan sum cu rtsa gnyis dang dpe byad
 brgyad cu ni gzugs so/ /kha dog ni mdangs so/ /gzi brjid ni 'od zer ro/ /mthu ni nus pa'o/ /stobs ni sku dang ye shes kyi stobs so/ /spro ba ni brtson 'grus so/ /sangs rgyas dang byang chub sems dpa' nyid thob pa ni mchog gi dngos grub chen po thams cad do/ /rdo rje lha mo
 tshogs kyi phun sum tshogs pa ni dpal lo/ /skal ba bzang po ni go sla'o/ /kI li kI la'i rang bzhin can ni dga' ba chen po dang shin tu bde ba dang yid bde ba thams cad do/ /'di rnams la mchog tu grub pa zhes bya ba ni shin tu rnal 'byor gyi mtshan nyid can gyi bcom ldan 'das dpal
 rdo rje sems dpa' zhes bya'o/ /ji srid kyi sgras sa dang pha rol tu phyin pa rnams gzung bar bya'o/ /ma lus shing lus pa med pa'i sgra ni bshad zin to/ /ma lus pa ni lus pa med pa ste/ mchog gi dngos grub chen po thams cad ni sangs rgyas nyid de rdo rje sems dpa' nyid thob pa'o/ /de las
 dbang phyug chen po nyid ni khams gsum pa'i chos kyi rgyal srid thob pa'o/ /de'i bdag po nyid ni gtso bo nyid do/ /de rigs thams cad las gsungs pa'i dngos grub thams cad rab tu sgrub par byed pa'i las kyi tshogs gang gi thog mar yod pa gang yin pa de grub pa ni rdzogs pa'i rgyu
 nyid du grub pa'o/ /rgyu gang gi phyir zhe na rab tu grub par 'gyur zhes gsungs te/ phyag rgya chen po la sogs pa dang bcas pa'i rnal 'byor 'dis gang gi phyir phyag rgyas btab pa tsam gyis skad cig mas grub par 'gyur ro zhes bya ba bcom ldan 'das rdo rje sems dpas gsungs
 so/ /de rgyu gang gi phyir zhes bya ba la rgyu gang gi phyir rnal 'byor dang rjes su rnal 'byor dang thams cad rnal 'byor dang rnal 'byor chen po dang shin tu rnal 'byor phyag rgya dang bcas pa rnams kyis rnal 'byor rnams de bzhin gshegs par 'gyur zhes bya ba'i phyogs snga ma 'di yod pas
 'di lta ste zhes bya ba la sogs pa gsungs te/ gang gi phyir phyag rgya chen po la sogs pa'i phyag rgya rnams kyis bcings pa'i mi gnas pa'i mya ngan las 'das pa'i srid pa'i rang bzhin dang sprul pa'i sku'i gzugs kyis sangs rgyas rnams kyi spyod pa ste/ de'i phyir re zhig
 phyag rgya khas blang bar bya'o/ /gzugs brnyan dang mtshungs pa'i de bzhin gshegs pa thams cad kyi sku gsung thugs kyi rdo rje la lhag par mos nas rnal 'byor pa rnams kyis phyag rgya bcings na/ phyag rgya chen po la sogs pa'i rang bzhin can du 'gyur te/ gzhan du ma yin no/ /
 de'i phyir na phyag rgya ni rnal 'byor la rtag tu 'bras bu'i tshul gyis rab tu gnas pa yin te/ rnal 'byor dang rjes su rnal 'byor dang thams cad rnal 'byor dang shin tu rnal 'byor dang rnal 'byor chen po rnams ni phyag rgya skyed pa'i rgyur gyur pa khas blang bar bya'o/ /rnal 'byor gyi phyag
 rgya 'grub par 'gyur na/ rnal 'byor gang gis 'grub par 'gyur zhe na/ rnal 'byor khyad par can gyis bsgrub par bya zhes bya ba'o/ /gang gi rnal 'byor sgrub par byed pa'i khyad par gang yin zhe na/ rnal 'byor dam tshig gis sgrub byed/ /ces bya ba la dam tshig ni rigs thams cad
 kyi phyag rgya rnam pa bzhi ste de nyid sgrub pa ni grub pa'i gang la yod pa de ni dam tshig gis sgrub par byed pa ste/ phyag rgya rnams kho na rnal 'byor thams cad skyed par byed pa'i rgyu yin no zhes bya ba'i tha tshig go/ /ji ltar rnal 'byor gyi phyag rgya grub par 'gyur ba dang / gzugs mi
 mthun pa'i phyag rgyas kyang rnal 'byor 'grub par 'gyur zhe na/ sems zhes bya ba la sogs pa la/ ji ltar sems ni rnam par shes pa'i sgyu ma lta bu don dam stong pas te de ma grub pa ni skye ba med pa'o/ /lus dang bral ba ni rang rig pa tsam mo/ /lus kyang don dam par rang rig
 pa dang bral ba ste/ rang rig pa dang lus rang gi rang bzhin du mthar thug pa nyid kyi phyir ro/ /de'i phyir lus de rtsig pa dang 'dra ba'o/ /de gal te rtsig pa dang 'dra bar bya ba med cing sems dang bral ba yin na yang ji ltar med na mi 'byung ba de bzhin du phyag rgya dang rnal 'byor
 dag phan tshun tha dad pa'i rang bzhin na yang 'das ma thag tu bshad pa'i ma brtags na nyams dga' ba med na mi 'byung ba'i cho ga 'dis bcom ldan 'das rdo rje 'chang chen pos brjod pa ni gsungs pa yin no/ /ji ltar brjod ce na/ /ji ltar zhes bya ba la sogs pas rgyas par bshad pa gsungs
 te 'das ma thag tu bshad pa'i rigs pas/ lus sems kyis 'grub par 'gyur ba dang / sems kyang lus kho nas 'grub par 'gyur ba de bzhin du phyag rgya ni phyag rgya chen po la sogs pa'i rang bzhin rnams bdag nyid kyi rnal 'byor ni rang gi phyag rgya'i lha'i lhag par mos pas grub
 pa dang / rnal 'byor la lhag par mos pa yang ji lta ba bzhin du bshad pa rnam pa bzhi'i rang bzhin te/ de yang dam tshig sgrub pa yis/ /zhes bya ba ni rang gi lha'i phyag rgya la sogs pa'i rang bzhin can gyi sgrub pa rnams kyis sgrub pa po la 'grub par 'gyur ro/ /dam tshig dang rnal 'byor
 de dag gis rnal 'byor pa rnams la cir 'gyur zhe na de ltar zhes bya ba la sogs pa la/ de ltar sgrub pa po la rnal 'byor gyis phyag rgya skyed par 'gyur ba dang / phyag rgyas kyang rnal 'byor skyed par 'gyur te phan tshun du bsgrub pa'i phyir ro/ /de bas na byed par 'gyur ba'i dam tshig dang / rnal
 'byor dag gi rten cing 'brel par 'byung ba'i chos nyid kyi stobs kyis bdag med pa'i rnal 'byor pa rnams kyang 'grub par 'gyur ro/ /de yang na don dam par med pa'i rang bzhin can rtag pa'i bdag nyid can gyi de bzhin gshegs pa rnams so zhes bya ba'o/ /da ni phyag rgya dang rnal
 'byor dag gi rjes su bstan pa bsgrub pa'i phyir de la zhes bya ba la sogs pa gsungs te/ sku gsung thugs kyi rdo rje rnams kyi sku thams cad du bstan pa yin pa'i phyir phyag rgya ste/ phyag rgya rnam pa bzhi por brjod pa yin no/ /ni'i sgra ni nges par gzung ba la'o/ /sku de yang bde
 ba rnams kyis bstan par 'gyur ba yin no/ /de ci'i phyir zhe na/ sdug bsngal dang ldan pa'i rnal 'byor pa sems g.yeng bar 'gyur zhing g.yo bar 'gyur ro/ /yang na 'khor bas ci zhig bya zhes bya ba'i sdug bsngal gyi zil gyis mnan pas bdag nyid gsod par byed pa'o/ /da ni
 rnal 'byor sems las byung ba zhes bya ba la/ sku brtan par gyur pa gang yin pa de ni rnal 'byor sems las byung ba ste/ rnal 'byor gyi rjes su rnal 'byor las byung ba'o/ /de yang rnal 'byor pa'i yid dga' ba rnams kyis 'grub par 'gyur ro/ /de ci'i phyir zhe na yid mi
 dga' ba zhes bya ba la/ gang gi phyir yid mi dga' ba rnams kyis sems g.yo zhing rnal 'byor pa g.yeng ba thob pa'i phyir ro/ /yang na nyan thos dang rang sangs rgyas kyi phung po lhag ma med pa'i mya ngan las 'das pa thob pa ni mngon du byed pa yin no/ /de bas na nyes pa 'dir mi 'gyur ba'i phyir
 'bad pa thams cad de brtson 'grus kyi phyag rgya dang / rnal 'byor dag rjes su sgrub pa yongs su rdzogs par byed pa'i rnal 'byor pas/ dka' thub med cing nges pa med/ /bde dang dga' bas bsgrub par bya/ /zhes bya ba ni de la bya ba'i rgyud las gsungs pa'i skyil mo krung gi nges pa ni
 dka' thub bo/ /bya ba'i rgyud kho nar gsungs pa'i lo ma dang lci ba las byung ba'i nas dang / slong mo za ba la sogs pa'i nges pa'i rang bzhin can ni nges pa rnams so/ /shin tu rnal 'byor gyi nges pa ni bde ba'o/ /de las byung ba'i yid bde bas sbrul ba la sogs pa ni dga' ba'o/ /bde ba
 bsgrub par bya'o zhes bya ba gang gsungs pa'i bde ba de gang yin pa mi shes pa de bstan pa'i phyir/ 'dod pa kun la longs spyod cing / /zhes bya ba la sogs pa gsungs te de yang bshad zin to/ /'dod pa kun la longs spyod pa ni phyi rol gyi yang yod par rtog pa de bsal bar bya ba'i phyir/
 de bzhin gshegs pa thams cad ces bya ba la sogs pa gsungs te/ de bzhin gshegs pa thams cad kyi mchog tu gsang ba bla na med pa'i theg pa chen po dam tshig chen po'i rnal 'byor ni bshad zin to/ /shin tu rnal 'byor gyi sgom pa'i rang bzhin can ni bcom ldan 'das rdo rje
 sems dpa' ste de nyid mchog tu bde ba zhes bya'o/ /'dis ni 'di ltar bshad par 'gyur te/ shin tu rnal 'byor gyi sgom pa'i rang bzhin can rdo rje sems dpa' ni 'dir 'dod pa kun gyi longs spyod pa la brten pa'o/ /de nyid bde ba'o/ /des phyag rgya dang rnal 'byor dag sgrub pa po'i rgyud la
 rdzogs par 'gyur gyi phyi'i yul gyi bde ba ni ma yin te/ de rnam par g.yeng ba'i rang bzhin can nyid yin pa'i phyir ro/ /de ltar shin tu rnal 'byor sgom pa'i mtshan nyid can bsgom pa'i phyag rgya dang rnal 'byor dag gis rjes su sgrub pa bstan nas/ da ni shin tu rnal 'byor kho na
 las byung ba'i dga' ba dang yid bde ba de dag nyid rjes su sgrub pa bstan pa'i phyir/ de la 'ga' zhig ces bya ba la sogs pa gsungs te/ thams cad kyi dam tshig ni rigs thams cad kyi phyag rgya rnams so/ /rnal 'byor ni ji lta ba bzhin du bshad pa'i rnam pa bzhi'o/ /de dag rjes su
 sgrub pa ni rdzogs pa'i rgyu'o/ /dka' thub la sogs pa rnams kyis rnal 'byor pa'i sems g.yeng bar 'gyur ba dang / ji lta ba bzhin du bshad pa'i rnal 'byor la sbyor bar mi 'gyur ba ni mnyam par gzhag par mi 'gyur ba'o/ /de'i phyir skyil mo krung la sogs pa'i nges pa dang bral bas phyag rgya
 bcings te bdag la byin gyis brlab pa byas nas/ de'i 'og tu ci 'dod pa'i las dang ldan pa dang / kun za ba ni rnal 'byor dang rjes su mthun pa'i zas za ba ste kha na ma tho ba dang bcas pa'i nyan thos la sogs pa ni bza' ba ma yin pa ste/ nges par gzung ba rnams la de dag so sor bkag
 pa'i phyir ro/ /gsang ba sra zhing mtho ba'i thun mong gi ting nge 'dzin gyi le'u las gsung pa'i phyir ro/ /phyag rgya chen po la sogs pa'i sgom pa byed pas na kun byed pa'o/ /ci 'dod bya ba la spyod pa/ /zhes bya ba 'di'i rgyas par bshad pa ni ci 'dod par ni spyod pa'o zhes bya ba'o/ /
 de dag gi phyir spyod pa ni spyod lam du brjod pa'i phyir slar spyod pa de nyid rnam par bshad par bya ba'i phyir/ ldang ba'am zhes bya ba la sogs pa gsungs te/ gang dang der zhes bya bas gnas kyi nges pa med pa bstan to/ /spyod lam gang dang gang gis sgom par byed pa
 'dod pa de dang des bya ba yin pas na ji bzhin de'o/ /thams cad bdag nyid sgrub par byed/ /ces bya ba ni brtan pa dang g.yo ba'i dngos po thams cad do/ /dpal ldan sdug bsngal kun 'phrog pa'i/ /rnal 'byor 'di zhes bya ba ni/ /shin tu rnal 'byor 'di sdug bsngal la sogs
 dang bral ba ste/ shin tu rnal 'byor las byung ba'i yid bde ba thams cad kyi rang bzhin can gyi bcom ldan 'das rdo rje sems dpa' 'di nyid 'dir mchog tu yid bde ba'i yin te shin tu rnal 'byor gyi ting nge 'dzin zhes bya bar brjod do/ /phyi'i bud med la sogs
 pa bsten pa las byung ba'i bde ba ni ma yin te shin tu g.yeng ba'i rang bzhin can yin pa'i phyir ro/ /de ltar phyag rgya dang rnal 'byor dag gi rjes su sgrub pa bstan nas da ni rigs thams cad kyi rnal 'byor tsam 'ching ba ji ltar bya ba de bstan par bya ba'i phyir/ de la rnal 'byor thams cad bcing ba ji ltar yin zhe
 na zhes bya ba gsungs te rnal 'byor kyang yin la thams cad kyang yin pas na rnal 'byor thams cad de ji lta ba bzhin du bshad pa'i rigs kyi rnal 'byor ro/ /de sgrub pa pos ji ltar bcing bar bya zhes bya ba'i don bstan to/ /thams cad byed cing zhes bya ba la shin tu mnyam par gzhag pa'i rnal 'byor gyi
 gnas skabs su phyag rgya chen po la sogs pa bcing ba thams cad byed pa dang mnyam par ma bzhag pa'i rnal 'byor gyi gnas skabs su khrus la sogs pa lha thams cad kyi bya ba dang rang gi lha'i snying po dang / de dang rjes su mthun par brjod pa'i glu blangs pa ste/ mnyam par ma bzhag pa'i rnal
 'byor gyi gnas skabs kho nar gzhan gang rung ba brjod pa'o/ /shin tu mnyam par bzhag pa dang / shin tu mnyam par ma bzhag pa'i gnas skabs su phyag rgya chen po la sogs pa bsam pa'o/ /de bzhin du phyag rgya chen po la sogs pa rdzogs par byed pa'i rnam pa dang des
 phyag rgya chen po la sogs pa sgrub par byed pa'o/ /ye shes tsam la snyoms par 'jug pa zhes bya ba la ye shes dang bral ba'i rang gi lha'i rnam pa rang gi rgyud kyi sems dang sems las byung ba rnams dmigs pa gcig pa'i rang bzhin can ni ye shes tsam la snyoms par zhugs
 pa'o/ /de la snyoms par 'jug pa'i rnal 'byor yang yang mngon du bya ba'o/ /rang bzhin zhes bya ba ni kun gzhi'i rnam par shes pa rnams dang nyon mongs pa can gyi yid dang yid kyi rnam par shes pa dang mig dang rna ba dang sna dang lce dang lus kyi rnam par shes pa rnams so/ /rang bzhin
 'dis ye shes tsam la snyoms par 'jug pas rnal 'byor pas snyoms par zhugs par bya'o/ /'dis ni 'di ltar bshad par 'gyur te rang gi snying gar gnas pa'i sems dpa'i rdo rje la rang gi lha'i snying po rnam par bsams nas de nyid yid kyis brjod cing chos thams cad bdag med par bsgom par bya ste/
 de'i rjes la de nyid dbyangs bcu drug dang bcas pa'i zla ba'i dkyil 'khor gyi rnam pa ste/ slar yang de'i steng du yi ge ka la sogs pa dang ldan pa'i rang gi lha'i snying po las zla ba'i dkyil 'khor gnyis pa'o/ /de las slar yang rang gi lha'i snying po dang bcas pa'i dang po'i rdo rje rtse lnga pa de'i dbus su rang gi
 lha'i snying po de bzhin du bsams la phyag rgya'i nga rgyal bsgom par bya'o/ /phyag rgya'i ngo bo de yang sems dpa'i byin gyis brlab pa'i sbyor bas rdo rje sems dpa'i rnal 'byor pas bdag nyid rdo rje sems dpar bsgom par bya'o/ /gzhan dag gi rnal 'byor pas ni sngar bshad pa'i tshul gyis rang
 gi lha'i gzugs su bsgom par bya ste/ de ltar rang gi rang bzhin so sor rtogs pas rang bzhin gyi ye shes tsam gyis snyoms par 'jug pa la snyoms par zhugs par 'gyur ro/ /de ltar rnal 'byor tsam bcing ba bstan nas/ da ni rjes su rnal 'byor bcing ba dang de'i rang bzhin rgyas par
 bshad pa bstan par bya ba'i phyir/ de la ji ltar rnal 'byor thams cad bcing ba dang lung bstan pa ji ltar yin zhes bya ba gsungs te/ thams cad kyang yin la rnal 'byor yang yin pas na thams cad rnal 'byor te rigs kyi lha thams cad kyi rjes su rnal 'byor ro/ /de'i bcing ba ni sgrub pa pos
 ji ltar bya ba yin zhes bya ba'i don to/ /de'i rang bzhin bstan pa ni lung bstan pa yang ngo / /ji lta ba bzhin du bshad pa'i rjes su rnal 'byor ni rang gi lha'i sbyor ba'o/ /rang gi lha'i sbyor ba de las/ dngos grub thams cad rab sbyor bas/ /zhes bya ba la dngos grub kyang yin la thams cad kyang
 yin pas na dngos grub thams cad de phyag rgya chen po la sogs pa'i rang bzhin sna tshogs pa'i rnam pa can no/ /de rnams rab tu sbyor ba ni rang gi sgrub pa'i cho ga'o/ /dngos grub thams cad rab tu sbyor ba'i rgyu de las/ ye shes tsam las rab sbyor bas/ /zhes bya ba ni rang gi lha'i sgom
 pas te rjes su rnal 'byor gyis bsgom pa 'dir rnal 'byor zhes bya ba brjod pa ni rgyas par bshad cing bstan pa yin no zhes bya ba'i don to/ /rjes su rnal 'byor 'di thams cad dgug pa la sogs pa'i cho ga ni sngar bshad pa yin te slar yang bshad par mi bya'o/ /de ltar rjes
 su rnal 'byor bcing ba dang lung bstan pa bstan nas da ni thams cad rnal 'byor dang rnal 'byor chen po dang / shin tu rnal 'byor rnams kyi bcing ba dang / lung bstan par bya ba'i phyir de nas zhes bya ba la sogs pa gsungs te rdo rje sems dpa' bdag nyid sbyor bas na rdo rje sems dpa' bdag
 nyid sbyor ba ste/ 'dod pa'i lha'i rnal 'byor sngon du 'gro ba'i thams cad rnal 'byor te rnal 'byor chen po dang / shin tu rnal 'byor ro/ /rdo rje sems dpa' bdag nyid sbyor ba de las 'dod chags rdo rje ma la sogs pa'i phyag rgya'i mchod pa bcu gnyis dang / rang gi rigs kyi dkyil 'khor
 las gsungs pa'i mchod pa bcu drug gi phyi nas sbyor ba ni mchod pa kun gyi rjes su sbyor ba'o/ /rjes su sbyor ba des rnal 'byor thams cad rab sbyor ba ni thams cad rnal 'byor dang shin tu rnal 'byor rnams bsgoms pa gang yin pa de ni skabs 'dir rnal 'byor zhes bya bar brjod pa yin no/ /
 'di rnams kyi cho ga rgyas par yang sngar bshad pa yin te de nyid las rtogs par bya'o/ /thams cad rnal 'byor gyi cho ga 'di yang thams cad la sbyin par mi bya'o zhes bya ba bstan par bya ba'i phyir de la 'di ltar brjod par bya'o zhes bya ba gsungs te rnal 'byor ram rjes su rnal 'byor ram kun
 gyi thun mong thams cad rnal 'byor dang / rnal 'byor chen po dang shin tu rnal 'byor ni shin tu gsang ba las kyang mchog yin pas na de'i phyir so so'i skye bo la bstan par mi bya'o/ /ni'i sgra ni nges par gzung ba ste/ so so'i skye bo la bshad par mi bya ba de kho na'o/ /de la de kho na nyid dang
 chos dang dam tshig rnams mi shes shing lhag par mi mos pa ni 'dir so so'i skye bor mngon par 'dod pa'o/ /de ci'i phyir zhe na/ rdo rje slob dpon slob ma mchog /de nyid dad pa'i rjes 'brangs la/ /thams cad rnal 'byor cho ga sbyor/ /gzhan rnams la ni rim gyis so/ /zhes bya
 ba la rdo rje slob dpon dang slob ma mchog ni rdo rje slob dpon dang slob ma mchog ste/ rigs thams cad kyi dkyil 'khor sgrub par byed pa ni rdo rje slob dpon rnams so/ /rgyal bu rgyal tshab gzhon nu ming can gyi phyir sgrub par byed pa ni slob ma mchog go/ /rdo rje slob dpon dang slob ma mchog de
 rnams la thams cad rnal 'byor gyi cho ga sbyar bar bya'o/ /ji lta ba bzhin du bshad pa'i sku gsung thugs kyi gsang ba rdo rje dang dril bu dang dam tshig gi ming dang ldan pa rnams ni de kho na nyid do/ /dad pas de'i rjes su 'brang ba ni sngon du byed pa'i lhag par mos pas na de nyid dad pa'i rjes su
 'brang ba ste/ de nyid dad pa'i rjes su 'brang ba de rnams la ji lta ba bzhin du bshad pa'i thams cad rnal 'byor gyi cho ga sbyar bar bya ba ni bsgom par bya ba'i phyir bstan par bya'o/ /gzhan rnams ni byang chub sems dpa'i ming dang ldan pa mchog dang 'bring dang tha ma'i slob ma rnams la de
 kho na nyid la dad pa'i stobs dang thos pa'i stobs shes nas rim gyis sbyin par bya ste cig car du ni ma yin no zhes bya ba'o/ /thams cad rnal 'byor gyi cho ga 'di de ltar sbyar na cir 'gyur zhe na/ 'di la sgrub min cung zad med/ /ces bya ba la sogs pa la/ gang gi phyir thams cad rnal
 'byor gyi cho ga 'dis rab tu sbyar na bsgrub par bya ba ma yin te/ de'i phyir tshul nyid kyis 'di rab tu sbyor bar bya ba yin te gzhan du dam tshig nyams pas dngos grub nyams par 'gyur ba yin no zhes bya ba'o/ /dngos grub las zhes bya ba ni go sla'o/ /de ltar rnal 'byor gyi mtshan nyid
 bstan nas da ni phyag rgya rnams kyi mtshan nyid bstan par bya ba'i phyir de nas/ rtog pa thams cad don yod pa/ /zhes bya ba la sogs pa gsungs te dpal rdo rje sems dpa' la sogs pa'i rigs kyi lha thams cad ni rtog pa thams cad de/ de rnams kyi phyag rgya'i rgyud bshad par bya'o
 zhes bya ba dang sbyar ro/ /de khyad par ji lta bu dang ldan pa yin zhe na zhes bya ba ni de'i khyad par bstan par bya ba'i phyir/ don yod pa zhes bya ba la sogs pa gsungs te don yod pa ni 'bras bu med pa ma yin no/ /de nyid kyis na thogs pa med pa'o/ /phul du byung bas na
 mchog go/ /dngos grub ma yin pa'i rgyur gyur pa'i nyon mongs pa dang nye ba'i nyon mongs pa thams cad la glags ster ba dang bral bas na mkhas pa'o/ /chos kyi dbyings kyi rang bzhin gyis mthong bar dka' bas na phra ba'o/ /nam mkha' thams cad khyab pas na rgya che ba'o/ /
 rgya mtsho chen po bzhin du tha mal ma'i shes pas rtogs par mi nus pa'i phyir na zab pa'o/ /rang rig pa'i rang bzhin gyis bsam par mi nus pas na bsam gyis mi khyab pa'o/ /nam mkha' thams cad du rtag tu bzhugs pa'i sku gsung thugs kyi rdo rje'i rang bzhin gyis thams cad
 du 'gro bas na shin tu tshad med pa'o/ /phyag rgya chen po la sogs pa'i mchog gi dngos grub thams cad dang bar ma dang tha ma'i dngos grub thams cad khyad par du sgrub par byed pas na ma lus shing lus pa med pa'i mchog gi dngos grub la sogs pa'i dngos grub thams cad rab tu sgrub
 par byed pa'o/ /don yod pa yang de yin la thogs pa med cing mchog tu mkhas pa dang / phra ba dang / rgya che ba dang / zab pa dang / bsam gyis mi khyab pa dang / shin tu tshad med pa dang ma lus shing lus pa med pa'i mchog gi dngos grub la sogs pa'i dngos grub thams cad rab tu
 sgrub par byed pa yang de nyid yin pas na don yod cing thogs pa med pa la sogs pa de yin no/ /skyon thams cad dang bral ba'i phyir thog ma dang tha ma med pa'i rigs thams cad rdzogs par byed pa'i rgyu yin pas na mchog tu grub pa'o/ /de lta bur gyur pa'i phyag rgya chen po la sogs pa'i
 phyag rgya rnams kyi rgyu ni rgyun te bshad par bya ba ni bstan par bya ba yin no zhes bya ba bcom ldan 'das rdo rje sems dpas gsungs so/ /de khyad par ji lta bu dang ldan pa yin zhe na/ thams cad ces bya ba la sogs pa phyag rgya yang yin la thams cad kyang de nyid yin pas na phyag rgya
 thams cad de lha thams cad kyi phyag rgya chen po la sogs pa'i phyag rgya rnams so/ /de dag mkhyen pa'i nges pa ste/ des rdo rje ltar brtan pa ni mi phyed pa'i sems de thugs gang la mnga' ba de la de skad ces bya ste/ rdo rje dang dril bu 'chang ba'i rdo rje sems dpa'o/ /g.yon pa'i pad+ma zhes bya ba la
 sogs pa la dpal rdo rje sems dpa'i rnal 'byor pas snga ma bzhin du dam tshig sems dpa' byin gyis brlab pa la sogs pa mthar thug pa can gyi rang gi cho ga rjes su spyad nas/ rkang pa g.yon pa'i rdo rje'i phyed stan gyi tshul du bzhag nas de'i steng du rkang pa g.yas pa gyen du kha blta bar byas la pad+ma'i
 phyogs su gzung ba bya ste/ de ltar rkang pa g.yon pa la de dgod par 'gyur ro/ /ji ltar bag chags dang bcas pa'i nyon mongs pa dang bral ba'i gnyis su med pa'i ye shes ni thar pa'i bde ba ste/ de bzhin du ci bde bar ni bcom ldan 'das rdo rje sems dpa'i byang chub chen po'i thugs kyi
 rang bzhin ston par byed pa'i skyil krung ni sems dpa'i skyil mo krung ste/ de bcing ba ni gzung ba dang 'dzin pa'i rnam par rtog pa dang bral ba'i byang chub chen po'i thugs kyi rang bzhin mngon du byed pa'o/ /'di ltar bshad par 'gyur te/ gang zhig pang pa g.yon pa la rnam par bzhag
 pa'i zhabs kyi pad+ma gang yin pa de nyid thar pa'i rang bzhin gyi byang chub chen po'i thugs su rnam par bsam par bya ba yin no zhes bya ba'o/ /byang chub chen po'i sems ston par byed pa'i skyil mo krung 'dis kyang rnal 'byor pa'i bdud bzhi bcom pa yang bstan pa yin no/ /ji skad du/ sems
 dpa'i skyil mo krung bcings nas/ /bdud kun rab tu 'joms par byed/ /ces bya ba gsungs so/ /rang nyid lus ni drang por 'dzin/ /zhes bya ba ni go sla'o/ /rdo rje dril bu dang bcas pa'i g.yon pa'i rdo rje khu tshur gyis bsnyems par byas nas/ lag pa g.yas pas dang po'i rdo rje steng du gsor
 zhing gsor te/ gsang ba lnga'i de kho na nyid sngon du byed pa ston par byed pa'i rdo rje gsor ba 'dis bdud bzhi po thams cad las rgyal bas rang gi snying gar bstod pa'i tshul gyis rdo rje 'dzin cing rdo rje sems dpa'i phyag rgya chen po rdzogs pa ni kun mchog grub pa ste/ de'i phyir dpal rdo rje
 sems dpa'i sku'i gsang ba'i nga rgyal mngon du byed pa ni sku'i rdo rje dang / de'i snying po'i zla ba ni gsung gi rdo rje dang / rang gi snying gar gnas pa'i zla ba la dang po'i rdo rje rtse lnga pa bsgom pa ni thugs kyi rdo rje ste byed par gyur pa de dag gis sgrub pa po rdo rje sems dpa' nyid du 'gyur ba
 yin no zhes bya ba 'di ni bcom ldan 'das kyi phyag rgya chen po yin no/ /'di'i 'bras bu bstan par bya ba'i phyir/ 'di yis rdo rje sems dpa' nyid/ /ces bya ba la sogs pa gsungs te/ bcom ldan 'das rdo rje sems dpa'i phyag rgya chen po 'di bcings pas sgom par
 byed cing sgrub pa po rdo rje sems dpa' nyid ni rdo rje sems dpa'i rigs kyi dngos grub dang / sangs rgyas nyid ni de bzhin gshegs pa'i rigs kyi dngos grub dang / byang chub sems dpa' ni rdo rje rigs la sogs pa'i rigs thams cad kyi dngos grub dang / bsdus pa'i dkyil 'khor las
 gsungs pa'i rigs thams cad kyi dngos grub dbang du byed pa ni dngos grub kun gyi dbang phyug nyid do/ /'di dag thams cad bcom ldan 'das kyi phyag rgya chen po 'dis sgrub pa po la tshe 'di nyid la 'grub par 'gyur ro/ /thams cad kyi bdag nyid ni chos kyi dbyings te de bstan pa ni mi phyed
 pa'i bsam pa ste 'gyur ba med pa'i rgyu las byung ba nyid kyi mi phyed pa'i bcom ldan 'das rdo rje dang dril bu 'dzin pa'o zhes bya ba'i tha tshig go/ /dkyil 'khor du ni ma zhugs dang / /zhes bya ba la sogs pa ni go sla'o/ /phyag rgya chen po la sogs pa'i rigs thams cad kyi dngos
 grub ni dngos grub kun te de dag gi chags pa chen po ni rdo rje sems dpa' ste dngos grub thams cad kyi rjes su chags pa'i phyir ro/ /ji skad du/ bcom ldan 'das ni chags chen po/ /dngos grub kun gyi rjes chags phyir/ /rdo rje sems dpa'i phyag rgya 'di/ /dmar zhing sna
 tshogs 'bar ba'i 'od/ /ces bya ba 'og nas gsungs pa'i phyir ro/ /'di ltar bshad par 'gyur te/ dngos grub thams cad sgrub par byed pa'i dpal rdo rje sems dpa'i phyag rgya chen po ni dngos grub kun gyi chags pa chen po zhes bya ba'o/ /chags pa chen po des bde ba
 ni rdo rje sems dpa' la sogs pa'i rang bzhin mngon du byed pa'o/ /bde ba las byung ba'i longs spyod rdzogs pa'i sku'i rang bzhin can phun sum tshogs pa ni phun sum tshogs pa ste/ de yi dbang phyug chen po ni de las byung ba'i sprul pa'i skus skad cig ma re re nyid du phyi ma'i mthar
 thug pa'i bar gyi 'khor ba'i sems can 'dul ba la brtson pa'o/ /de la chags pa chen po zhes bya ba 'dis 'dod chags rdo rje ma'i rang bzhin can gyi rdo rje 'chang bstan to/ /bde ba zhes bya bas kI li kI la'i rang bzhin can no/ /phun sum tshogs pa zhes bya bas rdo rje dran ma'i rang bzhin can no/ /
 dbang phyug chen po zhes bya bas rdo rje 'dod ma'i dbang phyug ma'i rang bzhin can du bstan to/ /de lta bu'i rang bzhin can gyi dbang phyug chen po'i rnal 'byor pa de nyid phyag rgya chen por gyur te phyag rgya chen po gang dag yod pa de ni phyag rgya chen po can te/ rdo rje sems dpa' gzhan lta bu ni rdo rje
 sems dpa' dang 'dra bar 'gyur zhing 'grub par 'gyur ro/ /lha la sogs pa zhes bya ba ni bya ba'i rgyud las gsungs pa'i de bzhin gshegs pa dang / pad+ma dang rdo rje'i rigs kyi dngos grub rnams ni lha la sogs pa'i dngos grub tu brjod pa yin te/ de dag thams cad dang rdo rje
 sems dpa' la sogs pa'i las kyi phyag rgya las gsungs pa'i bde ba gang yin pa'i las thams cad kyi bde ba de rnams kyang dpal rdo rje sems dpa'i phyag rgya chen po'i mdzes pas byin gyis brlabs pa'i rgyus khyad par du rab tu 'jug pa ni 'byung bar 'gyur ro/ /de las sgrub min yod pa min/ /
 zhes bya ba la sogs pa ni go sla'o/ /de ltar dpal rdo rje sems dpa'i phyag rgya chen po phan yon dang bcas pa bstan nas/ da ni lha dgug pa'i phyag rgya bstan par bya ba'i phyir de nas zhes bya ba la sogs pa gsungs te/ de nas kyi sgra ni skabs su bab pa la'o/ /thog ma dang tha ma med pa
 yang de yin la rdo rje sems dpa' la sogs pa'i sems dpa' chen po thams cad kyang de yin pas na thog ma dang tha ma med pa'i rdo rje sems dpa' la sogs pa'i sems dpa' chen po thams cad de rdo rje sems dpa'i dkyil 'khor gyi lha thams cad do/ /de rnams kyi dkyil 'khor thams cad
 ni rdo rje sems dpa'i dkyil 'khor chen po'o/ /dam tshig ni phyag rgya chen po dang dam tshig gi phyag rgya'o/ /chos ni chos kyi phyag rgya'o/ /las ni las kyi phyag rgya'o/ /dkyil 'khor thams cad dang dam tshig dang chos dang las de dag gi don yod pa ni 'bras bu yod pa ma yin
 te/ dgug pa dang / gzhug pa dang / dbab pa dang / rjes su chags pa dang / dbang du byed pa dang / phyag rgya chen po la sogs pa thams cad sgrub pa dang / sangs rgyas nyid dang rdo rje 'chang nyid mchog tu sgrub pa thams cad la dam tshig chen po'i phyag rgya ste byang chub chen po'i sems ston
 par byed pa'i phyag rgya'o/ /de ming ji lta bu dang ldan pa yin zhe na/ bde ba chen po'i rdo rje gsang ba'i dam tshig go zhes bya ba la bde ba chen po'i rdo rje ni dang po'i rdo rje ste/ de'i gsang ba'i dam tshig ni skye bo thams cad la rab tu ma grub pa'i tshul lo/ /de nyid kyi ming gang la yod pa de ni bde ba chen
 po'i rdo rje gsang ba'i dam tshig ces bya ba'i phyag rgya chen po'o/ /de bcings pa 'di yin zhes bya ba la de bcings pa ni mtshan nyid 'di yin zhes bya ba'i don to/ /sor mo thams cad yang dag sbyor ba ni lag pa gnyis kyi kha sbyor gyi thal mo bcings te sor mo dang phan tshun du bcing bar bya'o/ /
 'dis cir 'gyur zhe na/ rdo rje thal mo zhes brjod do/ /zhes bya ba ni yang dag par sbyar ba de las rdo rje thal mo zhes bya ba bcom ldan 'das rdo rje sems dpas gsungs pa yin no/ /rdo rje thal mo de nyid kyi/ /kun mchog nang du bcings pa yis/ /rdo rje bsdams pa yang dag bshad/ /ces bya
 ba yin no/ /'das ma thag tu bshad pa'i rdo rje bsdams pa 'di'i nang gi bu ga'o/ /bu ga de gang yin zhe na mdzub mo zhes bya ba la sogs pa la/ mdzub mo dang mthe bo dag gis skye gnas byas la/ g.yas pa'i mthe bong rtse mo skye gnas de la bcug nas btsir bar bya ste/ 'di ni mda'
 lnga bsdus pa zhes bya ba bcom ldan 'das kyi dam tshig gi phyag rgya ste/ gsang ba lnga'i de kho na nyid chen po'i mda' lnga bsdus pa ston par byed pa yin no/ /mda' lnga bsdus pa 'di bcings nas sor mo dbus ma gnyis kyi rtse mo yang dag par sbyar ba byas nas rdo rje bsdams pa'i
 nang du bzhag nas/ mthe bong gnyis kyi rtse mo dang / mthe'u chung gnyis kyi rtse mo zur du sbyar bar bya ste dpal rdo rje sems dpa'i dang po'i rdo rje 'di 'gyur ba yin no/ /dang po'i rdo rje 'di nyid bcings te nang na gnas pa'i sor mo dbus ma gnyis kyi lcags kyus rang gi snying gar brud
 cing dgug par bya'o zhes bya ba'i don to/ /de ltar byas na cir 'gyur zhe na/ lcags kyu 'di dang dgug pa'i sngags kyis bcom ldan 'das rdo rje sems dpa'i dga' ba chen po myur du byon nas grub par 'gyur ro zhes bya ba dang sbyar ro/ /dges pa ni dga' ba'o/ /de nyid rdo rje ste mi phyed pa'i phyir
 ro/ /dgyes pa'i rdo rje yang de yin la lcags kyu yang de nyid yin pas na dgyes pa'i rdo rje'i lcags kyu ste lcags kyu'i bya ba byed pa'i phyir te des dgug pa'o/ /a nu ra ga ya mi zhes bya ba'i sgra 'di ni nye ba'i snying po ste nye ba'i snying po des sgrub pa ni rag lus par bya ba'o/ /slar yang
 snying gar brud pa ni snying gar dgug pa shin tu drag po'i rjes su chags pa'i me ni sgrub pa pos shin tu chags pa'i sgom pa'i rang bzhin gyis gdung bar 'gyur zhing snying pos 'phrog cing dbang du gyur pas dgyes shing myur bar skad cig ma nyid du byin nas grub par 'gyur ba yin no/ /
 'dis ni 'di ltar bshad par 'gyur te/ snga ma bzhin du ye shes sems dpa' mdun du bzhag la/ rdo rje dril bu dang bcas pa'i gsang ba'i lcags kyu bcings te/ dgug pa'i snying po'am glus ji lta ba bzhin du rang gi lus la ye shes sems dpa' gcig pu'am 'khor dang
 bcas pa gzhug par bya'o/ /dkyil 'khor ram gzugs sku la sogs pa la dgug pa'i sngags glus so/ /de nas rang gi dam tshig gi phyag rgya rnams kyis rab tu bsgrub pa la slar yang gsang ba'i lcags kyu'i bcings te/ a nu ra ga ya hUM zhes bya ba shin tu dga' ba'i sgom
 pa lan gsum bzla bar bya ste/ de ltar na slar yang nye ba'i snying pos 'grub par 'gyur ba yin no/ /gang zhig gsang ba'i lcags kyu sgrub par byed pa des ni cho ga thams cad rjes su spyad la/ de nyid kyis ni rdo rje gzung / /chos kyi dril bu dkrol bar bya/ /de'i 'og tu/ dam tshig gi ni phyag
 rgya cher/ /byin gyis brlabs te snying po bzla bar bya'o/ /de nas dam tshig gsum gyi glu'i mchod pa dang / rjes su sgrub par byas la/ slar yang gsang ba'i lcags kyu bcings te a nu ra ga ya mi hUM zhes bya ba brjod cing de srid du bsgom par bya ste/ ji srid bcom ldan 'das
 byon nas mngon du kho nar grub par 'gyur ro zhes bya ba'i don to/ /de ltar zhes bya ba la sogs pa la ji ltar sgrub pa 'dis bcom ldan 'das byon te mngon du grub par 'gyur ba de bzhin du de bzhin gshegs pa thams cad la sogs pa'i dngos po thams cad ni brtan pa dang g.yo
 ba ste/ de dag rgyas btab pa ni/ rdo rje sems dpa' nyid du byas pas byon te/ myur du 'grub par 'gyur ba yin no/ /phyag rgya 'di ming ji lta bu dang ldan pa yin zhe na/ bde ba chen po zhes bya ba la sogs pa la bde ba chen po'i rdo rje bshad zin to/ /de'i don yod dam tshig ni rdo rje sems dpa'
 ste de ston par byed cing de'i ming dang ldan pa gang yin pa de ni bde ba chen po'i rdo rje don yod pa'i dam tshig ces bya ba nye ba'i snying po rjes su chags pa'i phyag rgya'o/ /rdo rje mchod yon rdo rje chen po rab tu brkyang ba'i thal mo zhes bya ba la/ rdo rje thal mo bcings nas sor mo thams cad bsdams te phan
 tshun du yang dag par sbyar ba gzung bar bya ste brtan pa'i thal mo'i tshul gyis lag pa'i mthil gnyis rab tu brkyang la mthe bong gnyis kyang rang gi mdzub mo'i logs dag las brkyang ste 'di ni rdo rje mchod yon zhes bya ba'i phyag rgya'o/ /'di dang rang gi lha'i snying pos lan gsum mam bdun nam nyi shu rtsa
 gcig mchod yon gyi snod la yongs su bzung ste phyin nas rang gi lha'i snying po kho nas mchod yon dbul bar bya'o/ /med na phyag rgya tsam nyid rang gi lha'i snying bo dang ldan pas mchod yon dbul bar bya'o/ /gang gi phyir rgyud 'dir rang gi lha'i snying po kho na las thams cad par brjod de/ 'dir khyad
 par gyi gnod pa ma yin pa'i phyir ro/ /de nas dang po'i rdo rje'i phyag rgyas zhes bya ba la sogs pa la ji lta ba bzhin du dkyil 'khor bris la lha spyan drang bar bya ste dam tshig gi phyag rgya rnams kyis rab tu bsgrubs te/ chos dang las dang phyag rgya chen po dag gis rgyas btab la/ dbang bskur
 ba'i phyag rgyas dbang bskur nas/ dpal rdo rje sems dpa' la sogs pa rnams la mchod yon phul la/ de ma thag pa nyid du dang po'i rdo rje'i phyag rgya'i dbus ma'i rdo rjes rdo rje me tog gi yal ga blangs te/ rnam par rgyal ba'i bum pa'i sngags kyis lan nyi shu rtsa gcig yongs
 su bzlas te/ dpal rdo rje sems dpa'i mdun du bzhag nas ji lta ba bzhin du bshad pa'i mchod yon thams cad bya'o/ /rnam par rgyal ba'i bum pa'i chu des cir 'gyur zhe na/ des zhes bya ba la sogs pa la rnam par rgyal ba'i bum pa'i chu de rdo rje khu tshur gyis blangs te bdag nyid slob ma
 rnams la dbang bskur bar bya'o/ /chu de yang btung bar byas nas ji lta ba bzhin du bshad pa'i yon tan rnams so sor thob par 'gyur ro zhes bya'o/ /de ltar bum pa'i phyag rgya bstan nas da ni dang po'i dkyil 'khor du 'jug pa'i phyag rgya bstan par bya ba'i phyir/ de nas dang po'i dkyil
 'khor du 'jug pa'i phyag rgya zhes bya ba gsungs te/ dang po'i dkyil 'khor ni rdo rje sems dpa'i dkyil 'khor chen po'o/ /der zhugs pa ni phyi dang gsang ba'i rang bzhin can te de kho na'i don du phyag rgya'o/ /de yang ba dan gsum zhes bya ba la sogs pa la/ lag pa g.yas pas
 ba dan gsum byas la g.yon pas kha T+wAM ga ste ba dan gsum dang kha T+wAM ga bcings nas/ rang gi nus pa dang rjes su mthun pa'i dga' bas rab tu dga' ba ni ci nus par ni rab tu dga' bas te yid bde ba skyed pa zhes bya ba'i tha tshig go/ /sgeg pa dang bcas pas mthe'u chung la sogs pa'i sor
 mo rnams bkrol bas bskor zhing glog 'gyu ba'i tshul gyis mchog tu bskor bas rdo rje gar yang yin pa de nyid bskor ba ste des bkrol ba ni ba dan gsum dang kha T+wAM ga bcing ba bstan pa'o/ /rdo rje gar bskor bkrol bar byed pa'i gyur pa des yongs su bskor ba na dbyibs gzhan du
 gyur pa ste phyag 'tshal ba'i me tog gi thal mo spyi bor bcing ba ni 'dzin pa chen po'o/ /rdo rje gar bkrol nas yongs su bskor ba yang de yin la 'dzin pa chen po yang de nyid yin pas na rdo rje gar bskor bkrol ba'i yongs su bskor ba 'dzin pa chen po'o/ /de gang yin zhe na ka pu ta ni kha sbyor
 zhes bya ba la ka pu ta ni thal mo ste/ ka pu ta'i thal mo yang de yin la kha sbyor yang de nyid yin pas na ka pu ta'i kha sbyor ro/ /ka pu ta'i kha sbyor de spyi bor bzhag la de nyid kyis me tog gi phreng ba blangs te 'jug pa'i glu brjod cing sngar bshad pa'i tshul gyis dkyil 'khor du 'jug
 par bya'o/ /de nas cho ga thams cad rjes su spyad la me tog gtor ba'i dus su spyi bo'i phyogs de las phab la rdo rje can te rdo rje sems dpa' la phul te sbyin par bya'o/ /ji ltar zhe na/ sgeg bcas mdzub mo mthe'u chung la sogs rnam par bkrol ba zhes bya ba la sgeg pa dang bcas pas
 lag pa dang 'brel ba'i mdzub mo la sogs pa dang lag pa g.yon pa dang 'brel ba'i mthe'u chung la sogs pa rnam par bkrol ba ni/ sgeg bcas mdzub mo mthe'u chung la sogs pa rnam par bkrol ba ste/ rnam par bkrol ba de rnams kyis oM mchog tu bde ba'i thugs zhes bya ba la sogs
 pa'i glu brjod cing bcom ldan 'das dpal rdo rje sems dpa' la de dbul bar bya'o/ /'di nyid kyi 'bras bu bstan par bya ba'i phyir/ 'di zhes bya ba la sogs pa gsungs te/ dang po'i dkyil 'khor du 'jug pa'i phyag rgya 'dis 'khor lor ma zhugs pa yang zhes bya ba ste/ rdo rje'i
 dkyil 'khor chen por zhugs par ma gyur na yang rdo rje slob dpon nyid thob par 'gyur ro/ /ji ltar zhe na/ rang nyid zhugs pa tsam gyis ni/ /zhes bya ba la rang nyid dkyil 'khor 'di bris nas zhugs te zhugs pa tsam de nyid kyis byed par gyur pa ste rdo rje gar gyi mchod pas don
 yod pa ni 'bras bu med pa ma yin pa ni dang po'i dkyil 'khor du zhugs pas rdo rje slob dpon nyid grub pa ni rdzogs pa ste don yod pa'o/ /rgyud de'i phyir mchod pa ni don yod par grub par grub pa'i mchod pa ste des rdo rje slob dpon nyid thob par 'gyur ro/ /ji ltar rdo rje gar gyi mchod
 p a dkyil 'khor du zhugs pa'i dngos grub ster bar byed pa de bzhin du me tog la sogs pa'i mchod pa'i dngos grub kyang ster bar byed pa yin no zhes bstan par bya ba'i phyir yongs su rdzogs pa'am ma tshad pa zhes bya ba la sogs pa gsungs te me tog dang spos dang mar me dang dri ste phyi'i mchod
 pa rnams dang ldan pa ni yongs su rdzogs pa'o/ /de dang 'brel pa ni tshang ba'o/ /de rnams phyogs gcig thob pa ji snyed pas te me tog la sogs pas phyogs gcig thob pa'i rang bzhin can ji snyed pa des thun mong dngos grub kun stsol ba'o/ /me tog la sogs mchod mtshan mas/ /
 zhes bya ba la dga' ba dang rab tu dga' ma dang spyan dang / dpal chen mo rnams ni me tog la sogs pa'i mchod par brjod pa yin no/ /de rnams kyi mtshan ma ni me tog la sogs pa'i tshul gyi rang bzhin can gyi las kyi phyag rgya rnams so/ /ni'i sgra ni nges par gzung ba ste me tog la sogs
 pa'i mchod pa'i mtshan ma rnams kho nas rdo rje gar gyi mchod pa thams cad thun mong gi dngos grub ster ba yin gyi gzhan du ni ma yin no zhes bya ba'o/ /da ni rdo rje gar gyi mtshan nyid bstan par bya ba'i phyir/ ba dan gsum mchog ces bya ba sogs pa gsungs te/ lag pa g.yas pas ba dan
 gsum pa byas la g.yon pa kha T+wAM ga ste 'di ni ba dan gsum mchog gi kha T+wAM zhes bya ba'o/ /byed par gyur pa des sgeg pa dang bcas pa'i mthe'u chung la sogs pa'i sor mo thams cad bkrol ba dang bcas pas glog 'gyu ba'i gar byas nas mdun du bskor ba ni lag pa bzhis g.yas su
 bskor ba ste/ de rnams kyi gar zhes bya ba ni mchod pa'i phyag rgyar brjod pa ni bcom ldan 'das rdo rje sems dpas gsungs pa yin no/ /sgeg mo dga' ba'i rdo rje mas phyag 'tshal bar bya'o zhes bya ba gang gsungs pa de'i mtshan nyid bstan par bya ba'i phyir/ sgeg mo dga' ba'i rdo rje ma/ /
 la sogs pa gsungs te/ rdo rje gar gyi mchod pa ni bshad zin te des sgeg pa dang bcas shing bzhin 'dzum pa'i mig gis phyag 'tshal ba'i sgeg pa'i lta ba dang bcas pa'i spyi bos phyag 'tshal ba'o/ /oM mchog tu bde ba'i thugs zhes bya ba la sogs pa'i glu brjod cing rdo rje sems dpa'
 la sogs pa'i dngos po thams cad dang lhan cig tu yid kyis gcig tu gyur te/ phyag btsal ba 'dis rdo rje sems dpa' dang de bzhin gshegs pa rnams kyis rjes su chags par byas nas phyag 'tshal bar mdzad do zhes bya ba'i bsam pa bskyed nas phyag 'tshal bar bya ste/ de ltar de
 rnams byed du bcug nas rdo rje sems dpa' la sogs pa'i dngos po thams cad sgrub pa po la rag lus par 'gyur ro/ /de nas mtshan brgyas bcom ldan 'das la bstod par bya ba gsungs pa'i bstod pa yang phyag rgya bcings nas bya ba yin te/ de'i phyir bstod pa'i phyag rgya'i
 mtshan nyid bstan pa'i phyir/ rdo rje thal mo bskor ba ma lus pa byas nas thams cad bskor ba'i phyag rgya'i zhes bya ba gsungs te/ rang gi snying ga'i phyogs su rdo rje thal mo g.yon du bskor nas shis par brjod pa sbyin pa'i tshul du bzung zhing mtshan brgya la sogs pa'i bstod pa
 thams cad kyis mchod pa bya ste/ 'di ni thams cad kyis bstod pa'i phyag rgya'o/ /de bzhin gshegs pa thams cad kyi sku mchog bcings nas dbang bskur bar bya'o zhes bya ba gsungs pa de'i mtshan nyid bstan par bya ba'i phyir/ de bzhin gshegs pa thams cad kyi sku mchog ces bya
 ba la sogs pa gsungs te/ de bzhin gshegs pa yang yin la thams cad kyang yin pas na de bzhin gshegs pa thams cad de byang chub chen po'i sems la sogs pa'i rang bzhin can gyi sems dang sems las byung ba rnams so/ /de dag gi sku ni de las byung ba'i rnam par snang mdzad
 dang mi bskyod pa dang rin chen 'byung ldan dang snang ba mtha' yas dang don yod grub pa ste/ de bzhin gshegs pa de rnams kyi sku'i gsang ba'o/ /de dag gi mchog ni phul du byung ba gang yin pa de bzhin gshegs pa thams cad kyi sku mchog ste/ de ston par byed pa dang de rdzogs
 par byed pa'i phyag rgya gang yin pa de'i rdo rje bsdams pa mthe bong gnyis kyis bsten pa'i skyil krung ni skyil mo krung ste gang la yod pa de la de skad ces bya'o/ /gnyis kyang yin la mdzub mo yang de nyid yin pas na mdzub mo gnyis so/ /de dag nyid bkug pa lus gang la yod pa de ni mdzub mo
 nyid bkug pa'i lus can no/ /dbus ma yang de nyid yin la mnyam pa yang de nyid yin pas na dbus ma mnyam pa ste dbus mnyam pa de nyid kha 'bus pa ni tshigs gsum pa bkug pa'i mchog gi yan lag gi mgo bo gang la yod pa de ni dbus ma mnyam pa'i kha 'bus pa'i mchog gi yan
 lag can no/ /'di ltar bshad par 'gyur te/ rdo rje bsdams pa bcings nas mthe bong gnyis kyis rdo rje skyil mo krung gi rnam par byas la sor mo gnyis kyi rtse mo yang dag par sbyar te tshigs gsum pa bkug par byas nas/ de'i tshigs dbus ma'i steng du mdzub mo gnyis lcags
 kyu'i rnam par bkug pa yang dag par gzung bar bya ste/ 'di ni de bzhin gshegs pa thams cad kyi sku mchog ces bya ba sangs rgyas lnga'i cod pan gyi dbang bskur ba rdzogs par byed pa'i phyag rgya'o/ /'di spyi bor bzhag la/ oM b+hu khaM zhes bya bas rnam par snang mdzad bsam par bya'o/ /
 dpral ba'i steng du badzra satwa zhes bya bas mi bskyod pa'o/ /rna ba g.yas pa'i steng du badzra rat+na zhes bya bas rin chen 'byung ldan no/ /spyi bo'i rgyab tu badzra d+harma zhes bya bas snang ba mtha' yas so/ /rna ba g.yon pa'i steng du badzra karma zhes bya ba brjod cing de bzhin gshegs pa don yod grub pa bsam
 par bya'o/ /re re'i dbang bskur ba'i glu ni dang por gsungs pa de ni 'di yin te/ oM sangs rgyas kun gyi rin chen mchog tshogs kyis/ /spras pa'i lha yi cod pan khyod la 'dud/ /rab mchog rdo rje can gyis bdag dbang bskur/ /rdo rje sems dpa' khyod bdag dam tshig yin/ /zhes
 b ya ba'o de ltar phyogs thams cad du cod pan bcings la de'i rjes la badzra karma zhes bya ba brjod cing rdo rje khu tshur gnyis kyis mdud pa'i tshul gyis phreng ba 'ching ba'i tshul byas la slar yang spyi bo'i rgyab tu de bzhin du mdud pa'i tshul byas la logs dag la sgeg pa dang bcas pa'i mthe'u chung
 la sogs pa'i sor mo bkrol bas dar dpyangs kyi tshul byas nas mthar mnyam pa'i thal mo dang badzra tuSh+ya ho zhes bya bas mnyes par bya'o/ /de nas bde ba chen po zhes bya ba la sogs pa la/ de nas dkyil 'khor du zhugs nas ji lta ba bzhin du me tog rnams dor la phreng ba'i dbang
 bskur blangs te gdong g.yogs bkrol la dkyil 'khor bltas nas 'jug pa'i phyag rgyas rang gi snying gar bkrol la rang gi lha'i rnal 'byor byas te/ de ma thag kho nar sna tshogs pad+ma bris te de'i steng du phyag rgya chen po bcings la nye bar 'dug ste/ oM badzra a b+hi Shiny+tsa hUM zhes bya ba
 brjod cing rdo rje khu tshur gnyis kyis rnam par rgyal ba'i bum pa las chu blangs te bdag nyid la dbang bskur bar bya'o/ /chu de yang 'thungs na ji lta ba bzhin du bshad pa'i 'bras bu thob par 'gyur te slob ma rnams la yang de bzhin du dbang bskur bar bya'o/ /rdo rje khu tshur gyis zhes bya ba
 la sogs pa la chu'i dbang bskur ba'i rjes la sangs rgyas lnga'i cod pan gyi dbang bskur ba byin nas rdo rje khu tshur gnyis kyis rdo rje rtse lnga pa rtse mo las 'od zer 'bar ba kha dog dmar po'i rdo rje sngar bshad pa'i sngags kyis sbyin par bya'o/ /de la rtse gcig pa'i rdo rje'i rnam pa can gyi
 'od zer gyis de nyid 'bar ba'o/ /des nye bar mtshon pa'i rtse mo gang la yod pa de ni rdo rje'i 'od zer 'bar ba can gyi rtse mo can gyi rdo rje ste de sbyin par bya'o/ /slob mas kyang zhes bya ba la sogs pa la rdo rje slob mas slob dpon la phyag byas nas rdo rje thal mo bskor te me tog la sogs pas dbang bskur
 ba thams cad blang bar bya'o/ /dpal rdo rje sems dpa'i dkyil 'khor du 'jug pa la sogs pa'i cho ga bstan pa de nyid de bzhin gshegs pa la sogs pa'i rigs thams cad kyi dkyil 'khor rnams su dbang du byed pa nyid du 'jug pa yin no zhes bya ba shes par bya ste/ gang du khyad par gyi
 gnod pa ma yin pa'i phyir ro/ /de ltar dkyil 'khor gyi thabs bstan nas/ da ni sgrub pa'i thabs bstan par bya ba'i phyir/ de nas zhes bya ba la sogs pa gsungs te/ de nas kyi sgra ni skabs su bab pa la'o/ /dngos grub kyang yin la thams cad de nyid yin pas na dngos grub thams cad
 de phyag rgya chen po la sogs pa'i dngos grub rnams so/ /de rnams kyi dbang phyug ni gtso bo'o/ /grub pa ni rdzogs pa ste/ sems dpa' byin gyis brlabs pa'i sbyor ba las byung ba'o/ /stong pa nyid dang ro gcig pa'i sems dang sems las byung ba'i rdo rje sems ni rdo rje 'chang chen
 po'o/ /dngos grub thams cad kyi dbang phyug kyang yin la rdo rje 'chang chen po yang de nyid yin pas na dngos grub thams cad kyi dbang phyug grub pa'i rdo rje 'chang chen po'o/ /de nyid dngos po thams cad kyi bdag nyid rang bzhin du mdzes shing gsal bar 'gyur bas na rgyal po'o/ /de sgrub
 pa'i don du phyag rgya ston par byed pa'i rgyu ni 'di zhes bya ba ston pa ni tshig gi lhag ma'o/ /bde ba chen po'i rdo rje gsang ba'i lcags kyu ni ji lta ba bzhin du bshad pa'i mtshan nyid can gyi nye ba'i phyag rgya'o/ /des rdo rje sems dpa' spyan drang ba ni rang gi snying po'i sngags lan cig tu snga dro'i dus su
 bcom ldan 'das yi ge hUM gis bkug la rang gi lus la gzhug par bya ste rjes su rnal 'byor gyi dus su'o zhes bya ba'i don to/ /sems dpa'i skyil mo krung ni bshad zin to/ /de gang la yod pa de ni sems dpa'i skyil mo krung dang ldan pa'o/ /rdo rje gar ni bshad zin to/ /des mchod pa rnams phul
 ba ni me tog dang spos dang / mar me dang dri dbul ba'i tshul te mchod pa dbul ba de dag gis rdo rje mtshon cha ma la sogs pa bsgreng bar byas la phyag btsal bar bya'o zhes bya ba dang sbyar ro/ /rdo rje gar gyis mchod pa dbul bar bya zhe na glog 'gyu ba'i gar gyis zhes bya ba la glog 'gyu ba'i gar ni
 bshad zin to/ /de nyid kyis bya'i gzhan gyis ni ma yin no/ /rdo rje khu tshur yongs su bzung ba zhes bya ba la de ltar glog 'gyu ba'i gar gyis me tog la sogs pa dbul ba byas nas/ de'i rjes la rdo rje khu tshur gnyis bcings te des bsnyems pa dang bcas pa yang de yin la rdo rje bsnyems pa yang de nyid
 yin pas na bsnyems pa dang bcas pa'i rdo rje bsnyems mas te bcom ldan 'das rdo rje sems dpa'i las kyi phyag rgya'o/ /rgyur gyur pa des rdo rje mtshon cha ma la sogs pa bsgreng ba ni 'dod chags rdo rje ma la sogs pa'i las kyi phyag rgya bzhi po bcings la 'dod chags rdo rje ma la sogs pa rang bzhin la lhag
 par mos pa gang yin pa de byas la/ de'i 'og tu ji lta ba bzhin du bshad pa'i mtshan nyid can gyi sgeg mo dga' ba'i rdo rje mas ras ris la sogs par bzhugs pa'i bcom ldan 'das kyi sku la phyag 'tshal bar bya'o/ /mchod pa dang gar gyi mchod pa rnal 'byor pas ji ltar bya zhe na rdo rje glus zhes bya ba la
 sogs pa la/ thams cad rjes su chags pa zhes bya ba la sogs pa'i rdo rje'i glu glur blangs pas so/ /ni'i sgra ni nges par bzung ba ste rdo rje glu kho nas bya ba'o/ /bzlas pa'i don gyis zhes bya ba ni rdo rje'i glu'i bzlas pa ni 'di'i don gang yin pa de lhag par mos pa ni bzlas pa'i don dang dga'
 ma la sogs pa'i snying po'i don to/ /bzlas pa'i don de ci bde bar ni dka' thub med pa la sogs pas rdo rje gar gyi mchod pa ni rdo rje gar gyi rang bzhin can gyi mchod pa dang yang dag par sbyar zhing byas na myur du 'grub par 'gyur ro/ /de la 'di zhes bya ba la sogs pa glu gsungs pa yin te/
 dang po la sogs pa rnams kyis glu blang bar bya'o zhes bya ba drug ldan dang bar ma la sogs pa'i dbyangs rnams dang rol mo rnams kyis glu blang bar bya'o/ /thams cad rjes su chags pa zhes bya ba la sogs pa ni rdo rje'i glu'o/ /rjes su chags pa chen po ni shin tu chags pa'o/ /rab
 tu dga' ba ni zag pa med pa'i bde ba dang bde ba'i rang bzhin can no/ /brtan par 'gyur ba ni de bzhin nyid dang ro gcig pa'i thugs mnga' bas rnam par rtog pa thams cad kyis mi bskyod pa'o/ /'phel bar 'gyur zhes bya ba ni rdzogs par gyur nas mngon du gyur ba yin no zhes bya
 ba'i tha tshig go/ /phyag rgya chen po lan cig tu snying pos bdag nyid la byin gyis brlab par bya'o zhes bya ba la/ ji lta ba bzhin du bshad pa'i rnam pa gsum gyis bdag la byin gyis brlabs pa'i dus su phyag rgya chen po bcings nas yi ge hUM gis bdag nyid lan cig byin gyis
 brlab par bya'o/ /de'i rjes la dam tshig dang chos dang las la sogs pa'i phyag rgya rnams bsgrub par bya'o/ /shin tu g.yo ba ni shin tu g.yo ba nyid do/ /shin tu g.yo ba med pa ni shin tu g.yo ba med pa'o/ /lce'i rtse mo ni lce'i rtse mo'o/ /shin tu g.yo ba med pa'i lce'i rtse mo
 gang la yod pa de ni shin tu g.yo ba med pa'i lce'i rtse mo'o/ /shin tu g.yo ba med pa'i lce'i rtse mo yang de yin la so dang mchu gnyis dang ldan pa yang de nyid yin pas na shin tu g.yo med lce rtse dang mchu dang so gnyis ldan pa'o/ /shin tu'i sgra ni so dang mchu gnyis la rjes su 'jug pa yin no/ /
 de bas na don ni 'di ltar bshad par 'gyur te/ cung zad rtse mo g.yo ba dang / cung zad mchu dang so gnyis yang dag par ldan pa gang yin pa de ni rdo rje'i ngag go/ /dbyangs dang bral ba zhes bya ba ni rna ba'i rnam par shes pas gzung ba'i sgra dang bral ba zhes bya ba'i don to/ /rigs kun
 grub par byed ces bya ba la rdo rje sems dpa'i rigs nas bzung ste de bzhin gshegs pa dang rdo rje dang pad+ma dang nor bu'i rigs rnams kyi dngos grub thams cad rab tu grub par byed pa'o/ /'dis ni ngag 'di'i thun mong yin no zhes bya ba'i don bstan to/ /yi ge hUM gi glu zhes bya ba la sogs
 pa ni bshad zin to/ /ji srid mngon par 'dod pa'i bzlas pas zhes bya ba ni grangs kyi nges pa med par bstan pa yin te/ 'dir sgom pa kho na gtso bo yin pa'i phyir ro/ /bzlas pa'i don gyis kyang yi ge hUM gi glu'i bzlas pa bya ba yin no zhes bya ba'i phyir bzlas pa'i don du nye ba'i snying po shes pa
 yin no zhes bya ba gsungs te/ a nu ra ga ya mi zhes bya ba mngon du bya zhing rnal 'byor pas yi ge hUM gi glu'i bzlas pa bya ba yin te/ 'di ni nye ba'i snying po shes pa'o/ /nye ba'i snying po shes pa 'di dag gang yin zhe na rdo rje sems dpa' sgrub pa'o zhes bya ba'o/ /ci byas nas nye ba'i snying po 'di shes
 pas rdo rje sems dpa' 'di bsgrub par bya ba yin zhe na/ phyag rgya chen por byin gyis brlabs nas zhes bya ba ste byin gyis brlabs pa de yang bshad zin to/ /ci bya zhing bsgrub par bya zhe na/ de bzhin du blta zhing zhes bya ba la sogs pa la/ ji ltar dkyil 'khor chen po sgrub pa la
 bcom ldan 'das rdo rje lta bas blta zhing bsgrub par bya'o zhes bya ba de bzhin du sgrub pa'i thabs kyis bsgrub pa la yang rdo rje lta bas blta zhing bsgrub par bya'o/ /lan cig sgrub pa ni ji lta ba bzhin du mngon par 'dod pa'i bzlas pas so zhes bya ba la/ nyin re thun mtshams snga ma'i dus
 su dpag tu med pa'i bzlas pas sgrub pa lan cig bya'o/ /de zhes bya ba la sogs pa la de ltar shin tu mnyam par gzhag pa'i rnal 'byor gyis ci nus par sgrub pa lan cig tu byas nas/ de'i dus phyi ma la ji ltar mngon par brtson pa ni mnyam par ma bzhag pa dang shin tu mnyam par
 gzhag pa'i rnal 'byor bdag gis so/ /ji ltar 'dod pa ni ji ltar mos pa'o/ /ji ltar mngon par 'dod pa ni ji tsam du sgom par 'dod pa yin no/ /ji ltar byin gyis brlabs pas zhes bya ba ni lha bsgoms pa las byung ba'i ba spu ldang ba la sogs pa'o/ /de ltar ji lta ba bzhin du
 bshad pa'i yi ge hUM gi glu'i bzlas pas dga' ba chen po rdo rje don yod ni rdo rje sems dpa'i dga' ba'i shugs kyis bsgrubs te mngon du bya ba yin no/ /gang yin zhe na/ rdo rje sems dpa' la sogs pa'i dngos po thams cad ces bya ba'o/ /ji lta ba bzhin du 'dod pa zhes bya ba ni ji ltar 'dod
 pa'o/ /'dis ni 'di bshad par 'gyur te/ snga ma bzhin du dam tshig sems dpa'i byin gyis brlab pa mthar thug pa'i cho ga rjes su spyad nas phyag rgya chen po bcing bar bya'o/ /de nas yi ge hrIHlas mdun du sna tshogs pa/ de'i steng du yi ge hUM a zhes brjod pas dang po'i rdo rje'i dbus
 su yi ge hUM rnam par bsams la/ badzra haM zhes bya ba bsgom par bya'o/ /de nas hUM badzra satwa haM zhes bya ba brjod cing rdo rje de rdo rje sems dpar bdag nyid rnam par bsams la/ rdo rje lcags kyu ma la sogs pa'i las kyi phyag rgya bzhi pos bcom ldan 'das de nyid bkug cing bcug ste bcing la dbang du
 byas nas/ dang po'i rdo rje'i phyag rgyas dr-i sh+ya zhes bya bas blta bar byas la/ dril bu dang bcas pa'i gsang ba lcags kyu ma dang yi ge hUM gis rang gi lus la bcug ste slar yang dang po'i rdo rje bcings nas sa ma ya haM zhes bya ba brjod cing 'od kyi dkyil 'khor pham par byas nas/ sa ma ya haM s+t+waM
 a haM dzaHhUM baM hoH/ zhes bya ba lan gsum brjod cing bcom ldan 'das dang lhan cig tu bdag nyid du gyur par bsam pa'o/ /slar yang gsang ba'i lcags kyu ma bcings nas a nu ra ga ya mi hUM zhes bya ba lan gsum du brjod par bya'o/ /de nas chos dang las dang phyag rgya chen po rnams kyis
 rgyas btab la/ dzaHhUM baM hoH/ zhes brjod cing yid kyis legs pa'i sbyor bas sangs rgyas thams cad bcug ste/ dam tshig gi phyag rgya rnams kyis bsgrub par bya'o/ /de nas chos dang las dang phyag rgya chen po rnams kyis de dag la rgyas btab nas snga ma bzhin du dang po'i
 rdo rjes bdag nyid kyi gnas bzhir byin gyis brlabs te/ yi ge brgya pas brtan par byas la sangs rgyas lnga'i cod pan gyi dbang bskur ba'i phyag rgyas dbang bskur te/ rdo rje dang bdag po dang ming gi dbang bskur ba blangs la dngos grub kyi rdo rje brtul zhugs gzung bar bya'o/ /
 de nas thams cad rjes su chags pa zhes bya ba la sogs pa'i rdo rje'i glu brjod cing rdo rje'i gar byas te rab tu dga' ba'i phyag rgya bcings nas de'i snying po brjod cing me tog dbul ba'i tshul byas nas rdo rje khu tshur gnyis bcing bar bya'o/ /de nas yi ge hUM brjod cing rdo rje sems dpa'i las kyi
 phyag rgya bcings nas 'dod chags rdo rje ma'i snying po brjod cing / rdo rje mtshon cha ma'i las kyi phyag rgya bcing bar bya'o/ /de nas de bzhin du gar las byung ba'i dga' ma'i las kyi phyag rgya bcings te/ de'i snying pos spos 'bul ba'i tshul byas la snga ma bzhin du rdo rje sems dpa'i las kyi
 phyag rgya bcing bar bya'o/ /de nas de bzhin du kI li kI la'i las kyi phyag rgya bcing bar bya'o/ /de bzhin du zhes bya ba la slar yang de bzhin du gar byas la spyan gyi las kyi phyag rgya bcing bar bya'o/ /de nas rdo rje sems dpa'i phyag rgya dang / de nas rdo rje dran ma'i las kyi phyag rgya bcing
 bar bya'o/ /slar yang de bzhin du gar byas la dpal chen mo'i las kyi phyag rgya bcing bar bya'o/ /rdo rje sems dpa'i las kyi phyag rgya dang / de nas rdo rje chags pa'i dbang phyug ma'i las kyi phyag rgya de bzhin du bcing bar bya'o 'di ni gsang ba'i mchod pa rnam pa bzhi'o/ /de nas bdag
 nyid yang dag par mchod la sgeg mo dang dga' ba'i rdo rje mas bcom ldan 'das la phyag byas la de kho na nyid dang / chos dang las dang dam tshig rnams blangs te/ dam tshig gsum gyi glu'i mchod pa byas nas/ rang gi snying ga na gnas pa'i rdo rje la yi ge hUM rnam par bsams te/ de bzhin du
 bdag nyid rdo rje sems dpar gyur cig / smon lam byas la a nu ra ga ya mi zhes bya ba bzlas pa'i don du yi ge hUM gi glu'i bzlas pa bya ba yin no/ /de ltar rdo rje sems dpa'i sgrub pa byas nas da ni 'dod chags rdo rje ma la sogs pa'i sgrub pa bstan par bya ba'i phyir de nas phyag rgya chen po la sogs pa
 gsungs te/ de nas kyi sgra ni snga ma bzhin no/ /'dod chags rdo rje ma la sogs pa'i sku'i gsang ba byin gyis rlob par byed pa'i phyag rgya chen po ste de dag gi sku'i gsang ba'i tshul gyis rang bzhin can no/ /sku zhes bya ba ni bshad zin to/ /'di dag gi sgrub pa thams cad ni rdo rje sems
 dpa'i sgrub pa bzhin du shes par bya'o/ /khyad par ni 'di yin te 'dod chags rdo rje ma la sogs pa'i snying po zla ba'i dkyil 'khor dang bcas pa'i dang po'i rdo rje'i rnam par bsams la rnal 'byor gyi rdo rje de nyid de rnams kyi snying po las rang gi phyag mtshan rnam par bsams te/ phyag mtshan
 gyi nga rgyal bskyed la phyag mtshan de nyid sems dpar byin gyis brlab pa'i sbyor bas rdo rje sems dpa' ste/ rdo rje sems dpa' yang 'dod chags rdo rje ma la sogs pa'i snying po brjod cing bdag nyid 'dod chags rdo rje ma la sogs pa'i rang bzhin du mos par bya'o/ /de nas cho ga
 thams cad rjes su spyad nas 'dod chags rdo rje ma la sogs pa'i phyag rgya chen po bcings la/ ji lta ba bzhin du 'dod chags rdo rje ma la sogs pa'i sku mdun du bskyed la/ rdo rje lcags kyu ma la sogs pas 'dod chags rdo rje ma la sogs pa'i lha mo rnams bkug cing bcug la bcings te
 dbang du byas nas/ rang gi dam tshig gi phyag rgya rnams blta bar byas la/ 'dod chags rdo rje ma la sogs pa'i snying po dang gsang ba'i lcags kyu mas rang gi lus la bcug la cho ga thams cad rjes su spyad par bya'o/ /de ltar phyag rgya chen po'i mtshan nyid dang sgrub pa bstan nas/ da ni
 dam tshig gi phyag rgya rnams kyi mtshan nyid bstan par bya ba'i phyir de nas zhes bya ba la sogs pa gsungs te/ de nas kyi sgra ni snga ma bzhin no/ /dam tshig 'dzin par byed pa'i phyag rgya ni dam tshig gi phyag rgya rnams so/ /bde ba chen po'i rdo rje bshad pa'o zhes bya ba la/ bcom ldan 'das
 rdo rje sems dpa' dang po'i rdo rje ni bde ba chen po'i rdo rje ste/ de nyid kyi dam tshig 'dzin pa gang yin pa de bshad zin to/ /rdo rje mda' la sogs pa ni 'di las byung ba'o/ /bde ba chen po rdo rje sems dpa' 'di las 'dod chags rdo rje sems dpa' ma la sogs pa bzhi po dam tshig 'dzin
 pa'i phyag rgya rnams 'byung ngo / /'di lta ste zhes bya ba la sogs pa dang po'i rdo rje bcings te/ mdzub mo gnyis kyi rtse mo yang dag par sbyar bar byas nas mdzub mo gnyis kyi rtse mo ci nus par mda'i tshul du phyi rol du drang bar bya ste 'di ni 'dod chags rdo rje ma'i rdo rje mda' zhes bya ba'i
 dam tshig gi phyag rgya yin no/ /dang po'i rdo rje bcings la rdo rje bsdams pa'i tshul gyis mthe bong gnyis gzung bar bya ste 'di ni kI li kI la ma'o/ /dang po'i rdo rje bcings te mthe bong gnyis bslang ste ma 'byor bar byas la g.yas pa'i mdzub mo lcags kyu'i rnam pa g.yon pa'i dbus ma'i
 tshigs gsum par btsugs la g.yon pa'i mdzub mo de bzhin du g.yas pa'i dbus ma'i tshigs gsum par btsugs te srin lag gnyis yang dag par sbyar ba'i rtse mo dang / mthe'u chung gnyis kyi rtse mo sbyar nas rtse mo 'dis byas pa 'di ni rdo rje dran ma'o/ /dang po'i rdo rje bcings la
 brla g.yas pa dang g.yon pa la gzung bar bya ste 'di ni rdo rje 'dod pa'i dbang phyug ma'i dam tshig gi phyag rgya'o/ /rdo rje thal mo bskor ba rang gi snying ga'i phyogs su bcings la lhag par dad pa'i khyad par gyis sgeg pa dang bcas pa'i mig gis blta zhing spyi bos bcom ldan 'das la phyag
 byas nas spyi bor gzung bar bya ste de nas de las phab nas me tog 'bul ba'i tshul gyis gyen du gtor bar bya ste 'di ni rab tu dga' ba ma'i'o/ /de bzhin du rdo rje thal mo bskor ba bcings la spyi bor bzhag nas phab ste spos 'bul ba'i tshul gyis 'og tu dor bar byas te 'di ni dga' ma'i'o/ /
 de bzhin du rdo rje thal mos skor ba bcings la spyi bor bzhag nas phab ste mar me 'bul ba'i tshul du mthe bong sbyar ba bskor nas gzung bar bya ste spyan gyi'o/ /de bzhin du thams cad byas la rdo rje thal mo spyi bor bzhag nas phab ste rang gi snying ga'i phyogs su brkyang ste dri byug pa'i tshul
 gyis gzung bar bya ste 'dis ni rdo rje dri ma'i'o/ /rdo rje thal mo bcings te des lhag par dad pa'i khyad par rnam par 'phrul ba'i tshul bstan par bya ste 'di ni sgeg ma'i'o/ /rdo rje thal mo bcings te dgod pa'i tshul gyis khar yongs su bskor la spyi bor gzung bar bya ste 'di ni bzhad ma'i'o/ /rdo rje
 thal mo bcings te g.yon pa'i mdzub mo pi wang gi tshul du gzung bar byas la g.yas pa'i mdzub mo bkug pas rdo rje pi wang brdung ba'i rdo rje glu ma'i snying po'i glus mngon par bstod cing rnal 'byor pas phyag rgya bcing bar bya ste 'di ni rdo rje glu ma'i'o/ /rdo rje khu tshur gnyis kyis gar byas
 la spyi bor rdo rje thal mo bcing bar bya ste 'di ni rdo rje gar ma'i'o/ /rdo rje bsdams pa nang du bcings la g.yas pa'i mdzub mo brkyang ste bkug la lcags kyu'i rnam par gzung bar bya ste 'di ni rdo rje lcags kyu ma'i'o/ /rdo rje bsdams pa nang du bcings la mthe bong gnyis phan tshun du
 mdud pa byas la 'di ni rdo rje zhags pa ma'i'o/ /rdo rje bsdams pa nang du bcings la mdzub mo dang mthe bong dag gis lcags kyi lu gu rgyud bcing bar bya ste 'di ni rdo rje lcags sgrog ma'i'o/ /rdo rje bsdams pa nang du bcings la/ rang gi mthe'u chung dang srin lag gi nang du mthe
 bong gnyis gzung bar bya ste/ 'di ni rdo rje dril bu ma'i'o/ /gsang ba'i dam tshig gi phyag rgya bshad zin to/ /gzhan rnams thams cad ji bzhin bshad/ /ces bya ba la shin tu dga' ma la sogs pa'i dam tshig phyag rgya rnams kho na rab tu dga' ma la sogs pa rdo rje dril bu ma'i mthar thug pa'i bar
 gyi gsang ba'i dam tshig gi phyag rgya rnams rab tu sbyor ba'i khyad par gyis 'gyur ba yin no/ /de la sbyor ba'i khyad par ni 'di yin te gang zhig nye ba'i snying po dang bcas pa'i rang gi lha'i snying po bzlas pa zhes bya'o/ /'di ltar bshad par 'gyur te/ a nu ra ga ya mi hUM zhes bya ba nas ji srid du a nu ra ga
 ya mi badzra g+han+d+he hoH/ zhes bya ba'i bar gyis rang gi lha'i gsang ba'i dam tshig gi phyag rgya bcings la nye ba'i snying po dang bcas pas rang gi lha'i snying po bzla bar bya'o/ /dam tshig rdo rje 'bebs pa la/ /zhes bya ba la sogs pa la rdo rje dril bu ma'i dam tshig gi phyag rgya ni dam tshig rdo rje 'bebs pa ste de
 bcings nas mdzub mo gnyis kyi rtse mo rang gi mthe bong gnyis kyi steng du yang dag par sbyar zhing gzung bar bya ba 'di ni rdo rje khu tshur gyi phyag rgya ste rdo rje khu tshur gnyis bskyed pa'i rgyur gyur pa yin no/ /de nas kyi sgra ni de ma thag pa'o/ /ji lta ba bzhin du bshad pa'i mtshan nyid can gyi rdo rje khu tshur gyi
 phyag rgya bcings la/ de ma thag pa nyid du gnyis su byas te phyag mtshan med pa'i rdo rje khu tshur gnyis kyis dpal rdo rje sems dpa' la sogs pa nas rdo rje dril bu ma'i mthar thug pa'i bar gyi dam tshig gi phyag rgya dang las kyi phyag rgya rnams bcing bar bya'o zhes bya ba'i tha tshig go /de
 dag ji ltar bcing bar bya zhe na/ 'di lta ste zhes bya ba sogs pa la/ g.yon pa'i rdo rje khu tshur gyis bsnyems par byas nas g.yas pa'i rdo rje khu tshur bskor ba byas la rang gi snying ga'i phyogs su bstod pa'i tshul du gzung bar bya ste/ 'di ni rdo rje mtshon cha ma zhes bya ba 'dod chags rdo rje
 ma'i'o/ /rdo rje khu tshur gnyis kyi rdo rje gnyis te des bstod pa'i tshul ni gyen du bstod pa'o/ /de bstod par byed pa'i phyag rgya ni rdo rje gnyis bstod pa'i tshul can te/ rdo rje kI li kI la zhes bya ba rdo rje kI li kI la'i las kyi phyag rgya'o/ /'di ltar bshad par 'gyur te rang gi snying gar rdo rje khu tshur
 gnyis kyis rdo rje sems dpa' la 'khyud pa'i tshul gyis 'khyud de bstod pa la sogs pa rdo rje khu tshur gnyis gzung bar bya'o zhes bya ba'o/ /rdo rje khu tshur gnyis kyis rgyal mtshan bsgreng ba'i tshul du bya ste rdo rje dran ma'i'o/ /rdo rje khu tshur gnyis kyis bsnyems pa gnyis bya ste rdo rje 'dod pa'i dbang
 phyug ma'i'o/ /mtshams rnams su rdo rje gar bshad pa'o zhes bya ba la/ nang gi dkyil 'khor gyi mtshams bzhi bzhi po la rab tu dga' ma la sogs pa'i rdo rje gar las byung ba'i dam tshig phyag rgya nyid ni las kyi phyag rgya zhes bya ba'i don to/ /sgeg mo la sogs pa yang de bzhin no zhes bya ba
 la sgeg mo dang bzhad ma dang glu len ma dang gar ma rnams kyi gar las byung ba'i dam tshig gi phyag rgya nyid las kyi phyag rgya rnams yin no/ /rdo rje sgo ma rnams kyi zhes bya ba la sogs pa la rdo rje khu tshur gnyis bcings te mkhrig ma gnyis mdud pa byas la g.yas pa'i mdzub mo bka' bsgo ba'i
 tshul gyis yang dag par bzung zhing bkug la lcags kyu'i rnam pas gzung bar bya ste 'di ni rdo rje lcags kyu ma'i'o/ /rdo rje khu tshur gnyis bcings la des mkhrig mar mdud pa byas te 'di ni rdo rje zhags pa ma'i'o/ /rdo rje khu tshur gnyis kyis mkhrig ma mdud pa byas la mnan par bya ste
 'di ni rdo rje lcags sgrog ma'i'o/ /rdo rje lcags sgrog ma'i phyag rgya nyid rang gi snying gar dril bu phra bar dkrol ba'i tshul gyis bskyod par byas te 'di ni rdo rje dril bu ma'i las kyi phyag rgya'o/ /'di rnams kyi zhes bya ba la sogs pa ni go sla'o/ /ci bzhin 'grub ces bya ba la sogs pa la/
 dpal rdo rje sems dpa' la sogs pa rdo rje dril bu ma'i mthar thug pa'i bar gyi dngos grub ni ji bzhin dngos grub ste/ rdo rje sems dpa' la sogs pa'i las kyi phyag rgya rnams grub pa gang yin pa de ni ci bzhin grub pa'o/ /byed par 'gyur ba ci zhig tu grub ba des mchog ni rang bzhin gyis
 'od gsal ba'i rnam par thar pa'i sgo'i rang bzhin gyi bya ba nan tan grub pa'i ye shes kyi mtshan ma ni snying gar gnas pa'i sna tshogs rdo rje dang bcas pa'i rdo rje sems dpa'i sku'i gsang ba rnams so/ /yul du gyur pa'i mchog gi phyag mtshan de rnams las rdo rje sems dpa' la
 sogs pa'i rang bzhin gyi dngos grub chen po myur du ster bas na dngos grub chen po myur du stsol ba'o/ /thog ma dang tha ma med pa'i phyag rgya ni dang po'i phyag rgya'o/ /dge ba ni zag pa med pa'o/ /'di dag ces bya ba ni rdo rje sems dpa' la sogs pa'i las kyi phyag rgya 'di rnams la dkyil
 'khor du ma zhugs pa rnams kyang grub par 'gyur ro/ /de ltar dkyil 'khor gyi phyag rgya bstan nas/ da ni las kyi tshogs grub par byed pa'i phyag rgya rnams bstan par bya ba'i phyir/ de nas dngos grub med pa sgrub pa'i phyag rgya chen po bcing ba zhes bya ba gsungs te de nas kyi sgra ni skabs su bab
 pa'o/ /phyag rgya chen po rdzogs pa ni dngos grub ste de med pa ni dngos grub ma thob pa'o/ /dngos grub ma thob pa de sgrub pa ni dngos grub ma thob pa sgrub pa ste rjes su chags pa la sogs pa'o/ /de'i don du phyag rgya chen po'i las grub par byed pa'i phyag rgya rnams so/ /de rnams 'ching ba
 ni de dag 'ching ba'i mtshan nyid 'di yin no zhes bya ba ni tshig gi lhag ma'o/ /rjes su chags pa la sogs pa rnams ni ji ltar bsgrub par bya zhe na/ dang po'i rdo rje zhes bya ba la sogs pa la dang po'i rdo rje bcings te de nyid kyis kyang phyag rgya bzhi'i tshogs kyi rjes su chags pa la sogs pa'i tshul
 gyis bsgrub par bya'o/ /dgod pa dang dgug pa dang brtan pa dang las bstan pas so zhes bya ba la dgod pa dang dgug pa dang brtan pa dang las rnams te de dag lta bas bsgrub par bya'o/ /'dis 'di ltar bshad par 'gyur te/ dang po'i rdo rje bcings te dgod pa'i gdong gis rdo rje'i lta bas
 rjes su chags pa bsgrub par bya'o/ /'bar ba'i lta bas bsgrub bya dgug par bya ba ste de ltar bsgrub bya dgug par bya'o/ /brtan pa'i lta ba dang 'ching ba'i lta ba'i bsam pa la blta zhing bzlas pa bya ste de ltar na brtan par 'ching bar 'gyur ro/ /rdo rje lta bas bsgrub bya dbang du byed pa
 rdzogs pa'i bsam pas blta zhing bzla bar bya ste de ltar na dbang du bya ba'i las lta bas grub pa yin no/ /de ltar na dang po'i rdo rje lta bas las bzhi po sgrub pa yin no/ /rtags dang snying ga dang dbang bskur ba dang spyi bor gzhag par bya'o zhes bya ba la/ dang po'i rdo rje rang gi rtags la gzung
 bar bya ste de ltar na bde ba thams cad mngon par 'phel bar 'gyur ro/ /rang gi snying gar gzang bar bya ste de ltar na yid bde ba thams cad mngon par 'phel bar 'gyur ro/ /dbang bskur ba'i gnas su gzung bar bya ste de ltar na phun sum tshogs pa thams cad mngon par 'phel bar 'gyur
 ro/ /spyi bor gzung bar bya ste de ltar na dngos grub thams cad mngon par 'phel bar 'gyur ro/ /dbus ma'i rdo rje snying ga dang rtags dang / khar dbang bskur du bzhag nas btung bar bya'o zhes bya ba la dang po'i rdo rje bcings te dbus ma'i rdo rje rang gi snying gar bzhag nas phyi nas rang gi kha
 la bzung zhing btung bar bya ste de ltar na tshe chen po mngon par 'phel bar 'gyur ro/ /rang gi rtags la bzhag nas khar bzung zhing btung bar bya ste/ de ltar na na tshod mngon par 'phel bar 'gyur ro/ /rang gi khar bzung zhing btung bar bya ste/ de ltar na gzugs mngon par 'phel lo/ /
 dbang bskur ba'i gnas su bzhag ste rjes la khar bzung zhing btung bar bya ste des ni gzi brjid 'phel bar 'gyur ba yin no/ /mdzub mo dang dbus ma dang srin lag dang mthe chung gi rdo rje zhes bya ba la dang po'i rdo rje'i mdzub mo gnyis yang dag par sbyar ba'i rtse mo bya ste de ltar na dpal chen po
 mngon par 'phel bar 'gyur ro/ /dang po'i rdo rje dbus ma'i rtse mor phyir gzung bar bya ste de ltar na bde ba chen po mngon par 'phel bar 'gyur ro/ /dang po'i rdo rje srin lag gnyis kyi rtse mor bya ste/ 'dis sgra snyan chen po mngon par 'phel bar 'gyur ro/ /dang po'i mthe'u chung
 gnyis kyi rtse mo bslang la gzung bar bya ste de ltar na grags pa chen po mngon par 'phel bar 'gyur ro/ /dpung pa dang snying ga dang lce dang spyi bor bstod pa'o zhes bya ba la dang po'i rdo rje rang gi dpung par bstod pa'i tshul bya ste 'dis stobs chen po'i dngos grub thob par 'gyur ro/ /dang po'i
 rdo rje rang gi snying gar bstod pas ye shes chen po 'grub pa'o/ /rang gi lcer bstod pas chos 'grub pa'o/ /dang po'i rdo rje spyi bor bstod pa las 'grub par 'gyur ro/ /nam mkha' bskyed pa dang / mdzub mo dang srin lag 'bar ba dang / snying gar dga' ba dang / rang gi lus la bskor ba
 zhes bya ba la dang po'i rdo rje bcings la/ de'i nam mkha' rdo rje sems dpa' la sogs pa'i dngos po thams cad bskyed nas lta ba'i tshul bya ste de ltar na dngos grub thams cad mthong bar 'gyur ro/ /dang po'i mdzub mo gnyis dang srin lag gnyis kyis 'bar ba'i tshul bya ste de ltar na cho 'phrul
 thams cad mthong ba yin no/ /dang po'i rdo rje bcings la rang gi snying gar dga' ba bskyed pa'i tshul gyis gzung bar bya ste de ltar na rmad du byung ba thams cad mthong ba yin no/ /dang po'i rdo rje bcings la rang gi lus la bskor bar bya ste de ltar na rnam par 'phrul pa thams cad mthong bar 'gyur
 ro/ /thams cad du bskor nas dbang po kun la gzhag par bya'o zhes bya ba ni dang po'i rdo rje bcings la thams cad du bskor nas mig la gzung bar bya ste de ltar na bden pa thams cad mthong bar 'gyur ro/ /dang po'i rdo rje thams cad du bskor nas rna ba gnyis la gzung bar bya ste de ltar na bden
 pa thams cad thos pa yin no/ /dang po'i rdo rje bcings la thams cad du bskor nas lce la gzung bar bya ste de ltar na thams cad smra ba'o/ /dang po'i rdo rje bcings la lus thams cad la gzung bar bya ste de ltar na lus kun gyis 'khyud pa 'grub par 'gyur ro/ /dbus ma'i rdo rje dbang po thams
 cad la reg pa'o zhes bya ba la dang po'i rdo rje dbus ma'i rdo rjes mig gnyis la reg pas bden pa thams cad mthong ba'o/ /rna ba gnyis la reg pas thams cad thos pa'o/ /rang gi lce la reg pas thams cad smra ba'o/ /lus la reg pas na tshod gzhon pa thob par 'gyur ro/ /rang gi las
 byed pas so zhes bya ba la dang po'i rdo rje'i dbus ma'i rdo rje sgyu ma lta bu'i tshul bya ste de ltar na sgyu ma thams cad mthong bar 'gyur ro/ /de nyid kyis ngo mtshar bar mthong ba'i tshul bya ste de ltar na ngo mtshar ba thams cad mthong ba'o/ /de nyid kyis so sor bstan pa mthong ba'i tshul bya ste de ltar so sor
 bstan pa thams cad mthong ba yin no/ /dbang bskur bar bzhag nas de bzhin du dngos grub byed pa'o zhes bya ba la dang po'i rdo rje dbus ma'i rdo rje mdzod spu'i phyogs su gter ston pa'i tshul gyis gzung bar bya ste da ltar na gter thams cad ston par 'gyur ro/ /gter la sogs pa dgug pa'i tshul gyis
 gzung bar bya ste de ltar na nor bu thams cad 'phrog pa'o/ /rgyal srid thob pa'i tshul gyis gzung bar bya ste de ltar na rgyal srid 'thob pa'o/ /skye bo'i tshogs thams cad rang la rag lus pa'i bsam pas gzung bar byas nas gzhi thams cad nye bar longs spyod par 'gyur ro/ /sa la bzhag nas
 bya'o zhes bya ba la dang po'i rdo rje dbus ma'i rdo rje la bzhag nas/ de yul thams cad sprul pa'i tshul bya ste/ de ltar na yul thams cad sprul pa la nye bar longs spyod par 'gyur ro/ /skye bo sprul pa'i tshul bya ste de ltar na 'dod pa'i skye bo sprul par 'gyur ro/ /grong khyer sprul pa'i tshul
 bya ste de ltar na grong khyer sprul pa'o/ /nags tshal dang chu bo sprul pa'i tshul bya ste de ltar na nags tshal dang chu bo sprul bar 'gyur ro/ /thams cad du bskor nas yid kyis sprul par bya'o zhes bya ba la/ dang po'i rdo rje dbus ma'i rdo rje thams cad du bskor bar bya ste de ltar na mchog tu gyur pa'i yul
 sprul par bya'o/ /rin po che sprul pa'i bsam pas thams cad du bskor bar bya ste de ltar na lha'i rin po che sprul par 'gyur ro/ /mchog tu gyur pa'i grogs po dang 'khor sprul pa'i bsam pa thams cad du bskor bar bya ste de ltar na de dag sprul par 'gyur ro/ /lha'i yul la sogs pa ji
 ltar sprul pa la yongs su longs spyod pa'i bsam pas thams cad du bskor bar bya ste/ de ltar na lha'i yul la sogs pa la yongs su longs spyod par 'gyur ro/ /btsums pa med pa'i khro zhing 'bar la g.yo ba'i lta bas blta'o zhes bya ba la dang po'i rdo rje'i dbus ma'i rdo rje btsums pa
 med pa'i lta bas blta zhing ci 'dod pa'i smin pa'i 'bru skyed pa'i tshul bya ste de ltar na skad cig mas sa 'og thams cad nas smin pa'i 'brul sogs pa skye bar 'gyur ro/ /khro bo'i lta bas blta zhing chu med pa'i phyogs su chu skye tshul bya ste de ltar na chu med pa'i phyogs su chu'i phung po chen po
 'byung bar 'gyur ro/ /'bar ba'i lta bas blta zhing snang ba chen po skyed pa'i tshul bya ste/ de ltar na mun par snang ba chen po yang dag par skye bar 'gyur ro/ /g.yo ba'i lta bas klu thams cad dbang du byed par 'gyur ro/ /bza' ba dang btung ba dang rked pa bskyod pa dang / spyi
 bos bka' bsgo ba zhes bya ba la dang po'i rdo rje'i dbus ma'i rdo rjes dngos po thams cad za ba'i tshul bstan zhing bza' bar bya ste de ltar na brtan pa dang g.yo ba'i dngos po thams cad za bar 'gyur ro/ /'thung ba'i tshul bstan zhing bzla bar bya ste de ltar na thams cad 'thung ba'o/ /rol du bcug
 tshul byas shing rked pa bskyod la bzla ba'i tshul bya ste de ltar na gnod sbyin mo la sogs pa rol du 'jug pa'o/ /dbus ma'i rdo rje de nyid kyi spyi bos bka' bsgo ba'i tshul bya zhing bzla bar bya ste/ de ltar na las la nges par sbyar bar 'gyur ro/ /thams cad du bskor zhing thams cad du dran
 pas so zhes bya ba la bcom ldan 'das rdo rje sems dpa'i las kyi phyag rgya bcings la/ g.yas pa'i rdo rje khu tshur gyi dang po'i rdo rje bzung ste de bzhin gshegs pa thams cad rjes su dran pas thams cad du bskor bar bya ste/ de ltar na de bzhin gshegs pa thams cad mthong bar 'gyur ro/
 byams pa la sogs pa'i byang chub sems dpa' thams cad rjes su dran pas byams pa la sogs pa mthong ba'o/ /rdo rje sems dpa' la sogs pa'i rdo rje 'chang thams cad rjes su dran pas rdo rje sems dpa' la sogs pa'i rdo rje 'chang thams cad mthong ba yin no/ /dang po'i rdo rje la sogs
 pa'i phyag mtshan thams cad rjes su dran pas dang po'i rdo rje la sogs pa mthong bar 'gyur ro/ /mthe'u chung dang mthe bo dang dbus ma'i rdo rje bzhi snying gar bya'o zhes bya ba la dang po'i rdo rje bcings la mthe'u chung gnyis kyi rtse mo dang / mthe bong gnyis kyi rtse mo dbus ma'i rtse mo dang yang dag par sbyar
 bar byas la snying gar bzung zhing bdag nyid kyi lus la dpal rdo rje sems dpa' la sogs pa'i sprul pa mthong ba'i bsam pas bzla bar bya ste de ltar na rdo rje sems dpa' la sogs pa sprul pa 'grub par 'gyur ro/ /mi snang ba'i bsam pas bzla bar bya ste mi snang bar 'gyur ro/ /nam mkhar 'gro
 ba'i bsam pas bsgoms na nam mkhar 'gro bar 'gyur ro/ /shin tu phra ba dang rags pa du ma la zhugs pa dang mthong ba bsgoms pas der zhugs pa dang mthong bar 'gyur ro/ /mdzub mo gnyis kyi yi ge hUM dang bcas par dgug par bya'o zhes bya ba la dang po'i rdo rje bcings nas mdzub mo gnyis kyi sor mo
 bsgrengs nas 'og tu btung bar byas pa'i bsam pas/ a nu ra ga ya mi hUM hUM zhes bya ba brjod cing sdigs mdzub byas te de ltar na 'jig rten gsum gyi bdag po thams cad 'jug par 'gyur ro/ /dbang du bya ba'i tshul gyis sdigs mdzub byas na dbang du byed pa yin no/ /bcing ba'i tshul
 gyis sdigs mdzub byas na bcing ba'o/ /las thams cad la nges par sbyor ba'i tshul gyis sdigs mdzub byas te de ltar na 'jig rten gyi bdag po thams cad las thams cad la nges par sbyar bar 'gyur ba yin no/ /dbus ma'i rdo rje dpral bar 'phred kyis mig byed pas so zhes bya ba la/ dang po'i
 rdo rje dbus ma'i rdo rjes lha thams cad gzhug pa'i bsgom pa dpral bar 'phred du mig gi tshul du bya ste de ltar na thams cad 'jug pa'o/ /lha thams cad 'ching ba'i bsam pas lha thams cad 'ching ba'o/ /lha thams cad dbang du byed par bsgoms pas dbang du byed pa'o/ /lha thams cad las
 thams cad la nges par bsgoms pas lha thams cad las thams cad la nges par sbyor bar 'gyur ba yin no/ /rang gi snying gar bcings la g.yo ba med cing ma btsums pa'i lta bas sa 'og tu blta zhing ha hUM ho d+hi zhes bya ba brjod par bya'o zhes bya ba la dang po'i rdo rje rang gi snying gar bcings la
 g.yo ba med cing ma btsums pa'i lta bas sa 'og tu blta zhing / a nu ra ga ya mi hUM ha zhes bya ba brjod par bya ste/ de ltar na klu thams cad gnon pa'o/ /bkug pa'i klu thams cad la blta zhing / a nu ra ga ya mi hUM hUM zhes bzla bar bya ste de ltar klu thams cad 'dul ba'o/ /a nu ra ga
 ya mi hUM ho zhes bya ba bzla bar byas na klu thams cad dbang du byed pa'o/ /las thams cad la nges par sbyor ba'i bsam pas de bzhin du blta zhing a nu ra ga ya mi hUM hi zhes bya ba bzla bar bya ste/ de ltar na klu thams cad nges par sbyor bar 'gyur ro/ /gnod sbyin la sogs pa'i gdong pa bris
 nas rdo rjes dgug par bya'o zhes bya ba la gnod sbyin la sogs pa'i gdong pa bris nas dang po'i rdo rje bcings te/ gnod sbyin la sogs pa'i gdong pa dang po'i rdo rje'i dbus ma'i rdo rjes g.yo zhing btsums pa'i lta bas dgug pa'i tshul gyis blta zhing gzung bar bya ste/ de ltar na
 gnod sbyin thams cad la sogs pa dgug par 'gyur ro/ /dbang du byed pa'i tshul gyis gzung bar bya ste de ltar na dbang du byed pa'o/ /bcing ba'i tshul gyis gzung bar bya ste de ltar bcing ba'o/ /las thams cad la nges par sbyor ba'i tshul gyis gzung bar bya ste de ltar na gnod sbyin la sogs pa
 las thams cad la nges par sbyor bar 'gyur ro/ /'og gi phyogs su bzhag nas brtag par 'gyur ro zhes bya ba la dang po'i rdo rje dbus ma'i rdo rje sa la bzhag nas a nu ra ga ya mi hUM zhes bya ba bzla bar bya ste/ de ltar na dkyil 'khor sprul par 'gyur ro/ /rang gi kha la bzhag nas bzla bar bya
 ste de ltar na dkyil 'khor du zhugs par 'gyur ro/ /dang po'i rdo rje dbus ma'i rdo rje la phyag byas na dkyil 'khor mthong bar 'gyur ro/ /rang gi snying gar bzhag na dkyil 'khor grub par 'gyur ro/ /cig car du sor mo thams cad dral ba ni yid kyi las so zhes bya ba la dang po'i rdo rje
 bcings te bsdams pa dral ba'i tshul gyis myur du rang gi snying gar dral bar bya ste de ltar na phyag rgya thams cad dgug pa dang bcing ba dang brtan par bya ba dang phyag rgya thams cad dgug par 'gyur ba yin no/ /de yang bsgom pa'i dbye bas so/ /bcings nas dzaHhUM baM hoH/ zhes bya ba
 dang po'i rdo rje bcings nas/ yi ge dzaHsa sems can thams cad la sogs pa'i dam tshig dgug pa'o/ /yi ge hUM gis gzhug pa'o/ /yi ge baM gyis bcing ba'o/ /yi ge hoHsa dbang du byed pa'o/ /dbus ma'i phyi rol du bcings pa spyi bo dang / snying ga dang / kha dang phyogs thams
 cad du bskor ba'o zhes bya ba la dang po'i rdo rje dbus ma'i rdo rje'i phyir byas nas spyi bor gzung bar bya ste de ltar na las thams cad sgrub pa'o/ /rang gi snying gar gzung bar bya ste de ltar na las thams cad 'jig par mi 'gyur ro/ /rang gi kha la gzung bar bya ste de ltar na thams cad brtan par
 'gyur ro/ /phyogs thams cad la bskor bar bya ste de ltar na snyan pa chen po rab tu gsal bar 'gyur ba yin no/ /snying gar bzhag nas rang gi bdag nyid rdo rje bsgom pa'o zhes bya ba la dang po'i rdo rje bcings nas rang gi snying gar bzhag la bdag nyid rdo rje rtse lnga pa'i gzugs su bsgom par bya
 ste/ de ltar na rdo rje thams cad dgug pa dang / gzhug pa dang bcing ba dang dbang du byed pa'o/ /rang nyid byang chub sems dpar bsgom par bya zhes bya ba la dang po'i rdo rje bcings nas rang gi snying gar bzhag la rdo rje sems dpa' dang / yid las byung ba la sogs pa'i rang gi byang chub sems dpa'i
 gzugs su bdag nyid bsgom par bya ste/ de ltar na byang chub sems dpa' thams cad dgug pa dang / gzhug pa dang bcing ba dang dbang du byed pa'o/ /rang dang de bzhin gshegs pa rjes su dran pa'o zhes bya ba la dang po'i rdo rje bcings nas rang gi snying gar bzung zhing rnam par snang mdzad la
 sogs pa de bzhin gshegs pa'i gzugs su bdag nyid bsgom par bya ste/ de ltar na de bzhin gshegs pa thams cad dgug pa dang / gzhug pa dang bcing ba dang dbang du byed pa'o/ /rang rdo rje 'chang chen por rjes su dran par bya'o zhes bya ba la dang po'i rdo rjes bcings nas rang gi snying gar gzung
 bar bya zhing / bdag nyid rdo rje 'chang chen por bsgom par bya ste/ de ltar na rdo rje chen po dgug pa dang / gzhug pa dang bcing ba dang dbang du byed par 'gyur ba yin no/ /de ltar phyag rgya bzhi'i phreng ba'i sbyor bas las brgya sgrub par byed pa'i phyag rgya rnams kyi mtshan nyid bstan nas/ da ni gar las
 byung ba'i las gzhan brgya po sgrub par byed pa'i phyag rgya rnams kyi phyag rgya lnga'i phreng ba'i sbyor ba'i mtshan nyid bstan par bya ba'i phyir/ de nas las kyi tshogs thams cad sgrub par byed pa'i phyag rgya'i rgyud ces bya ba la sogs pa gsungs te/ de nas kyi sgra ni skabs su bab pa la'o/ /las kyang
 yin la thams cad kyang yin pas na las thams cad de thams cad shin tu bsrung ba la sogs pa'o/ /de rnams kyi cho ga ni rgyud yin no/ /de sgrub pa ni rdzogs pa ste/ de'i don phyag rgya rnams te de dag gi rgyud ni de ston par byed pa'i sgra'i tshogs so/ /rdo rje gar ni bshad zin to/ /de las byung ba'i
 phyag rgya ni de ma thag tu 'og nas 'chad par 'gyur ba'o/ /de yang thams cad shin tu bsrungs pa la sogs pa rdzogs pas 'bras bu med pa ma yin te nyid kyi phyir don yod pa'o/ /dgag par mi nus pa nyid kyi phyir thogs pa med pa'o/ /ngag gis dgag par nus she na bdag rdo rje
 'chang chen po dang de bzhin gshegs pa thams cad kyis kyang ngo zhes bya ba'o/ /rdo rje mchog gi gtsug tor zhes bya ba la thams cad shin tu bsrungs pa la sogs pa'i las lnga po sgrub par byed pa gang zhig sngar bshad pa'i rdo rje gar gyi rdo rje sems dpa'i gtsug tor zhes bya ba de nyid 'dir rdo rje sku
 mchog gi gtsug tor te las lnga sgrub par byed pa 'dir gzung bar bya'o/ /'di yang mtshan nyid 'og nas 'chad par 'gyur ba yin no/ /las zhes bya ba ni rdo rje sku mchog gtsug tor de nyid kyi las ni 'di yin no zhes bya ba tshig gi lhag ma'o/ /de ji lta bu yin zhe na/ rdo rje bsdams pa mnan pa dang /
 dbus ma'i nor bu dang / bskor ba dang sor mo thams cad kyi rdo rje dang / sor mo lhag ma'i 'od zer gyi 'khor lo zhes bya ba la 'di ltar bshad par 'gyur te/ rdo rje thal mo'i mdzub mo gnyis yang dag par sbyar zhing rtse mo byas pa mthe bong g.yon pa'i steng du mthe bong g.yas pa sems dpa'i
 skyil krung gi tshul gyis gzung bar bya ste rdo rje sku mchog go/ /'di gtsug tor du bzhag nas mnan par bya ste de ltar na thams cad shin tu bsrungs par 'gyur ro/ /phyag rgya 'di nyid kyi dbus ma'i sor mo gnyis kyi steng du bkug pa'i nor bu byas te/ de ltar na thams cad yongs su skyong ba yin no/ /
 gtsug tor gyi phyag rgya de nyid thams cad du bskor bar bya ste/ de ltar na zhi ba grub par 'gyur ro/ /gtsug tor gyi phyag rgya nyid kyi mthe bong gnyis kyi rtse mo dang mdzub mo gnyis kyi rtse mo dang dbus ma gnyis kyi rtse mo dang srin lag gnyis kyi rtse mo dang mthe'u chung gnyis kyi rtse mo byas te/ de ltar
 na sor mo thams cad kyi rdo rjer 'gyur te/ 'dis dge zhing bkra shis par 'gyur ro/ /gtsug tor gyi phyag rgya de nyid bcings la srin lag dang mthe'u chung dag gis kha phye ba'i rdo rje thal mo bcings pas 'od kyi 'khor lo bya ste 'dis tshe 'phel bar 'gyur ro/ /khro bo'i rdo rje khu tshur gnyis kyis
 phyogs kyi 'khor lo bskor zhing bskor ba'o zhes bya ba la/ dkyil 'khor bcing ba'i tshul gyis khro bo'i khu tshur gnyis bskor zhing bskor bar bya ste de ltar na dkyil 'khor bcing bar 'gyur ro/ /khar bskor zhes bya ba ni khro bo'i khu tshur gnyis po de nyid mtshams bcing ba'i tshul gyis rang gi khar bskor
 bar bya ste de ltar na mtshams bcing bar 'gyur ro/ /snying gar phab cing 'bar bar byed pa zhes bya ba ni khro bo'i khu tshur gnyis bcings te rang gi snying gar bzhag nas des dbab par bya la rang gi snying ga las rdo rje 'bar ba spros te phyogs bcing bar bya ste de ltar na phyogs thams cad du rdo rje'i me 'bar ba'i
 rab 'byung bar 'gyur te/ khro bo chen po 'bar ba'i rdo rje bdag nyid kyis kyang 'jug par mi nus so zhes bya ba bcom ldan 'das rdo rje 'chang gis gsungs so/ /dam tshig brjod par bya'o zhes bya ba ni/ khro bo'i khu tshur gnyis po de nyid bcing ste a nu rAg ya mi hUM baM zhes bya ba brjod cing rdo rje sems
 dpa' la sogs pa rnams dam tshig la rab tu gzhag par bya'o/ /grub pa la baM zhes bya ba ni khro bo'i khu tshur gnyis po de nyid bcings la a nu ra ga ya mi hUM baM zhes bya ba bzla bar bya ste/ de ltar na rdo rje sems dpa' la sogs pa'i dngos grub thob par 'gyur ro/ /sems dpa' rdo rje lta ba 'phrog bahUM'aphrog pa
 rnams kyis gsum dang bzhi dang phyir mi ldog pa dang rtag tu 'byung ba dang / dpag tu med pa ni bskor zhing btsums pa med pa'i mig gis rab tu zhi ba'o zhes bya ba la/ rdo rje bsdams pa'i dbus ma bslang ba mnyam pa'i lcags kyu ni sems dpa' rdo rje ma ste/ 'dis rims kyis bzung ba byams pa'i
 lta ba dag gis khyab par bya ste de ltar nyin zhag gsum pa dang bzhi pa dang slar yang phyir mi ldog pa dang / rtag tu 'byung ba'i rims 'jig par 'gyur ro/ /khyab 'jug gi rims ni dpag tu med pa bskor bas ldog par 'gyur ro/ /rdo rje khu tshur gnyis kyis mthe'u chung lcags kyu'i mdud pa dang /
 mdzub mo gnyis mnyam pa zhes bya ba la/ rdo rje khu tshur gnyis bcings nas lcags kyu'i rnam pa can gyi mthe'u chung gnyis phan tshun bcings pas gdu bur byas la mdzub mo gnyis yang dag par sbyar nas de ltar na las zhes bya ba ni las kyi phyag rgya'o/ /ji ltar zhe na snying gar rab tu gzhag pa
 zhes bya ba ni rang dang gzhan gyi snying ga'i phyogs su bzung bas yid mi bde ba'i las thams cad 'jig par byed pa yin no/ /byab pa zhes bya ba ni phyag rgya 'di nyid kyis bsgrub bya la byab pa ste de ltar na thams cad 'jig par 'gyur ro/ /mdzub mo'i rtse mo mnan par bya'o zhes bya ba la phyag rgya 'di nyid
 kyis mdzub mo gnyis kyi rtse mos nad pa la mnan par bya ste de ltar na nad 'jig par 'gyur ro/ /dgod pas rab tu bzhag pa zhes bya ba ni phyag rgya de nyid dgod pa'i tshul gyis khal gzung bar bya ste/ de ltar na mya ngan thams cad 'jig pa'o/ /yongs su bskor bas de bzhin du mdzod spur gzhag par bya'o zhes
 bya ba ni phyag rgya de nyid bcings te yongs su bskor la mdzod spur gzung bar bya ste de ltar na sdug bsngal thams cad 'jig par 'gyur ro/ /kha T+wAM ga gnyis kyi rdo rje bcing pa zhes bya ba la lag pa gnyis kyis kha T+wAM ga gnyis bcings pa ni kha T+wAM ga gnyis kyi rdo rje bcing ba zhes bya ste/ des dga' ba'i
 tshul du mthe'u chung gnyis kyis legs par byed pa sbyin pa'i tshul bya ste de ltar na dug dang sbyar dug thams cad 'bar bar 'gyur ro/ /mthe'u chung gnyis po de nyid kyis kun nas bsdu ba'i tshul bya ste de ltar na dug dang sbyar ba'i dug thams cad 'bebs par 'gyur ro/ /de ltar na dug dang sbyar ba'i
 dug thams cad 'ching ba'o/ /kha T+wAM ga gnyis kyis thal mo byas te dug dang sbyar ba'i dug thams cad 'phrog pa'i tshul du bya ste de ltar na dug thams cad za ba'o/ /kha T+wAM ga gnyis kyis thal mo bya ste spro ba'i tshul du bya ste/ de ltar na dug thams cad bdud rtsir byed par 'gyur ro/ /rdo rje bsdams
 pa'i mdzub mo gnyis bkug cing bsdams la nang du bzhag ste mthe bong gnyis kha 'byed pa'i mche ba ni rdo rje gnod sbyin gyi phyag rgya'o zhes bya ba la/ rdo rje bsdams pa bcings nas mdzub mo gnyis bkug cing nang du bcug ste mthe bong gnyis kha bye bar byas la mche ba'i tshul gyis rang gi khar
 gzung bar bya ste 'di ni rdo rje gnod sbyin gyi phyag rgya'o/ /des mthil phra mor brdab pa zhes bya ba la rdo rje gnod sbyin gyi phyag rgya des lag pa'i mthil gnyis cung zad brdab par bya ste de ltar na gdon thams cad 'bebs par 'gyur ro/ /mdzub mo'i sen mo btung ba'o zhes bya ba la rdo rje gnod
 sbyin gyi phyag rgya'i mdzub mo gnyis kyi sen mo phan tshun du bdar bar bya ste/ de ltar na gdon thams cad 'ching ba'o/ /dbus ma'i rdo rje bstan pa'o zhes bya ba la rdo rje gnod sbyin gyi phyag rgya'i dbus ma gnyis kyi rtse mo byas la bstan par bya ste de ltar gdon thams cad kyi dam tshig gzung ba'o/ /byabs nas
 myur du phyag rgya bkrol ba'o zhes bya ba la rdo rje gnod sbyin gyi phyag rgyas gdon gyis bzung ba la byabs la phyag rgya de shin tu myur bar dgrol bar bya ste de ltar na gdon thams cad rab tu zhi bar 'gyur ro/ /sor mo sbyar bas rdo rje gtsug tor to zhes bya ba la rdo rje gnod sbyin gyi phyag rgya'i mdzub mo dang
 mthe bo'i rtse mo rnams yang dag par sbyar bar byas la phyag rgya de bsgrub bya'i gtsug tor gyi phyogs su gzung bar bya ste de ltar na gdon thams cad kyis bzung ba rnams bsrung bar 'gyur ro/ /ba dan gsum pa gnyis gyen du kha blta ba dang / 'og tu kha blta ba dang dbus ma'i mdud pa byas la
 mdzub mo dang dbus ma'i rtse mo de dag 'dus pa'o zhes bya ba la ba dan gsum pa gnyis gyen du kha blta bar byas nas de'i 'og tu de nyid kyi kha thur du bstan la mdzub mo gnyis dang dbus ma gnyis kyis mdud pa bcings la mdzub mo'i rtse mo dag dang dbus ma'i rtse mo 'dus par bya'o/ /rdo rje hUM
 mdzad kyi las so zhes bya ba la/ a nu ra ga ya mi hUM hUM zhes bya ba dang bcas pa'i rdo rje hUM mdzad kyi phyag rgya 'di'i las ni 'di yin te mdud pa mnan pa'o zhes bya ba la phyag rgya 'di bcing ba mnan par bya ste de ltar na thams cad bcing ba'o/ /cig car du phyag rgya bkrol ba'o zhes bya ba la phyag
 rgya de nyid cig car du dgrol bar bya ste de ltar na bcings pa thams cad dgrol ba yin no/ /mnan nas yang dag par dral ba'o zhes bya ba la phyag rgya de nyid yang dag par mnan nas dral bar bya ste/ de ltar na thams cad dral ba yin no/ /dbus mas bsnun te nam mkha' las ltung ba'i tshul
 lo zhes bya ba la phyag rgya de nyid bcings nas dbus ma gnyis kyi rtse mo sbyar la rtse mo des nam mkha' la brdeg par bya ste/ de'i rjes la nam mkha' las lha la sogs pa ltung ba'i tshul bstan par bya ste de ltar na thams cad ltung ba'o/ /ldang ba'i tshul yang ngo bo zhes bya ba la phyag rgya de nyid
 dbus ma gnyis snga ma bzhin du bcings nas thams cad ltung ba bslang ba'i tshul bya ste de ltar na ltung ba thams cad bslang bar 'gyur ro/ /ba dan gsum pa mnyam pa'i mthe'u chung dang mdzub mo'i rdo rje dbus ma mdud pas yongs su bskor la dbang bskur ba'i gnas su
 mdzub mo gzhag pa'o zhes bya ba la/ ba dan gsum pa gnyis bcings nas dbus ma'i sor mo gnyis phan tshun du mdud pa bcings te mdzub mo gnyis dang mthe'u chung gnyis kyi rtse mo gnyis sbyar te yongs su bskor ba'i mdzub mo gnyis kyi rtse mo mdzod spu'i phyogs su yongs su gzung bar bya'o/ /des cir
 'gyur zhe na yi ge hUM gis phye ba'o zhes bya ba la phyag rgya 'dis a nu ra ga ya mi hUM haM zhes bya ba bzlas na mkha' 'gro ma thams cad kyi phyag rgya dbye bar byas pa yin no/ /phyag rgya de nyid bcings nas a nu rA ga ya mi hUM muHzhes bya ba bzla bar bya ste/ de ltar na mkha' 'gro ma la sogs pa'i gdon thams
 cad yi ge mus bkrol bar 'gyur ro/ /phyag rgya de nyid bcings nas a nu ra ga ya mi hUM a zhes bya ba bzla bar bya ste de ltar na yi ge as shi ba slong ba yin no/ /phyag rgya de nyid bcings nas a nu rA ga ya mi hUM hUM zhes bya ba bzla bar bya ste de ltar na yi ge hUM gi glu bzlas pas tshe 'phel bar 'gyur
 ro/ /phyag rgya de nyid bcings nas chos kyi dag gis a nu ra ga ya mi hUM haM zhes bya ba la bzla bar bya ste de ltar na yi ge haM gi chos kyi ngag rnams kyis shin tu bsrung bar 'gyur ro/ /pad+ma chen po bcings nas ji srid 'dod pa'i bzlas pa zhes bya ba la 'og nas 'chad par 'gyur ba'i rig pa
 rnams kyi bzlas pas sgrib pa la sogs pa thams cad 'jig par 'gyur ro/ /de las kha 'bus pa'i rdo rje thal mo'i dbus ma dang mthe bong dang mthe'u chung kha phye bas 'dab ma bzhi ste pad+ma chen po'i mtshan nyid do/ /yang na pad+ma'i khu tshur g.yon pa bsnyems pas mar dang til mar dang 'bras
 khams kyi phye ma'i sbyin sreg mchog tu grub pa ste sgrib pa thams cad la sogs pa 'jig pa'i sbyin sreg gi cho ga bya ba yin no/ /de yang sngar bshad zin pas 'dir bshad par mi bya'o/ /kha T+wAM ga gnyis kyi rdo rje bsdams pa zhes bya ba ni kha T+wAM ga gnyis kyi rang bzhin can gyi rdo rje bsdams
 pa'i phyag rgya bcings nas dga' ba'i tshul te legs par byed pa sbyin pa'i tshul gyis mdzub mo dang mthe bong dag gi sen mo phan tshun brud par bya ste/ de kha T+wAM ga gnyis kyi rang bzhin can gyi rdo rje bsdams pa bcings nas dga' ba'i tshul gyis mdzub mo dang mthe bong dag gi sen mo brud pas thams
 cad 'bebs par 'gyur ro/ /'og dang steng du rdo rje bsdams pa bskyod pa'i zhes bya ba la kha T+wAM ga gnyis kyi rang bzhin can gyi rdo rje bsdams pa 'og dang steng du bskyod pas thams cad g.yo bar 'gyur ro/ /rdo rje bsdams pa'i mthe'u chung la sogs pa bkrol bas gar ro zhes bya ba la/ kha T+wAM ga
 gnyis kyi rang bzhin can gyi rdo rje bsdams pa bcings te mthe'u chung la sogs pa bkrol ba'i gar bya ste/ de ltar na gar byed par 'gyur ro/ /rdo rje bsdams pa'i mdzub mo'i rdo rjes ngag 'byin pa'o zhes bya ba la kha T+wAM ga gnyis kyi rang bzhin can gyi rdo rje bsdams pa bcings nas/ mdzub mo gnyis
 kyi rtse mo yang dag par sbyar nas ngag 'byin pa'i tshul gyis kha'i phyogs las gyen du drang bar bya ste/ de ltar na thams cad bab pas sems can thams cad smra bar 'gyur ro/ /bde ba chen po'i rdo rje don yod ces bya ba la sogs pa la gsang ba'i lcags kyu ma bcings nas dngos po thams
 cad gzugs brnyan gyi tshul du bsgoms pas rdo rje sems dpa' la sogs pa'i dngos po thams cad rang nyid kyis mthong ba dang gzhan dag la ston par byed pa yin no/ /sgra thams cad sgra brnyan gyi tshul du rang nyid kyis mnyan pa dang gzhan dag kyang nyan du gzhug pa yin no/ /rdo rje khro bo'i khu
 tshur gnyis bcings la rdo rje lta ba'i blta bas so zhes bya ba la lta ba dang bcas pa'i khro bo'i khu tshur gnyis kyis thams cad la rgyas gdab pa la sogs pa bya ste ji ltar bya zhe na 'di lta ste zhes bya ba la sogs pa la 'dis ni 'di skad bshad par 'gyur te/ khro bo'i khu tshur gnyis bcings nas
 btsums pa'i lta bas bsgrub bya la blta bar bya ste de ltar na thams cad la rgyas btab par 'gyur ro/ /mig 'bras steng du yongs su bskor bar bya ste de ltar na thams cad gsod pa'o/ /btsums pas myur du ltung bar bya ste de ltar na thams cad ltung ba'o/ /'og nas bslang bar bya ste de ltar na
 thams cad slong ba'o/ /khro bo'i khu tshur gnyis po de nyid dang ldan pas bsgrub par bya ba ste de ltar na phyir bzlog par 'gyur ro/ /khro bo'i khu tshur gnyis zhes bya ba la sogs pa la bdag nyid rdo rje gnod sbyin du rnam par bsams la rdo rje khu tshur gnyis bcings la/ mdzub mo gnyis
 kyis lcags kyu gnyis byas la yongs su bskor nas kha'i mtha' gnyis su mche ba bzhin du gzung bar bya ste mthe'u chung gnyis 'jigs par byed pa kha'i so dag gis gzung bar bya ste/ de ltar na g.yo bar mi 'gyur ro zhes bya ba ni thams cad rengs pa'o zhes bya ba'i don to/ /phyag rgya de nyid
 bcings nas yan lag thams cad dgod par bya ste de ltar na thams cad rmongs par 'gyur ro/ /de nyid bcings nas nyal zhing glal bas te gnyid log pa ston pa'i tshul gyis mig gnyis btsum par bya zhing glal bar bya ste de ltar na thams cad nyal du bcug pa'o/ /phyag rgya de nyid bcings
 nas rang gi snying gar dral bar bya ste de ltar na thams cad nyal bar 'gyur ro/ /de nyid bcings nas myur du za ba'i tshul du bya ste de ltar na thams cad za bar 'gyur ba yin no/ /rdo rje khu tshur gnyis bcings nas zhes bya ba ni go sla'o/ /kha phye ba gang yin pa des 'jigs par byed pa ni 'jigs
 su rung ba'i kha gang la yod pa de na kha phye ba 'jigs par byed pa'i kha dang ldan pa'o/ /kha phye ba 'jigs par byed pa'i kha dang ldan pa yang de yin la skra gyen du brdzes pa de nyid yin pas na kha phye ba 'jigs par byed pa'i kha dang ldan pa'i skra gyen du brdzes pa'o/ /spyi bo zhes bya ba ni rang gi spyi
 bos so/ /rang gi spyi bo 'og tu bstan pa la phyi nas steng du bslang bar bya ste de ltar na spyi bos 'og nas slong ba'i las su 'gyur ro/ /ji lta bu zhe na yi ge b+h+yo dang / rdo rje khu tshur dor ba dang / khu tshur mnan pa dang / yi ge hUM dang bcas pa'i yan lag gi mchog gi sdigs mdzub dang rang nyid myur
 du khro bas ltung ba'o zhes bya ba la 'dis ni 'di ltar bshad par 'gyur ba ste/ rdo rje khu tshur gnyis bcings nas kha phye ba'i 'jigs par byed pa'i kha dang ldan zhing skra gyen du brdzes pa'i rnal 'byor pas rang gi spyi bo 'og tu bstan la gyen du bslang bar byas nas a nu ra ga ya mi hUM b+h+yo zhes bya ba
 bzlas par bya ste/ de ltar na gzhan gyi dpung thams cad skrag par 'gyur ba yin no/ /rdo rje khu tshur bcings nas de bzhin du bzla zhing gzhan gyi dpung mngon du phyogs par dor bar bya ste/ de ltar na gzhan gyi dpung thams cad 'joms pa'o/ /de bzhin du bzla zhing rdo rje khu tshur gnyis mnan par bya ste de ltar na
 gzhan gyi dpung dbang du byed pa'o/ /de bzhin du rdo rje khu tshur gnyis bcings nas a nu ra ga ya mi hUM hUM zhes bya ba'i khro bo hUM mdzad kyi spyi bos bsgrub bya la sdigs mdzub byas te/ de ltar na gzhan gyi dpung thams cad ltung ba'o/ /de bzhin du rdo rje khu tshur gnyis bcings nas a nu ra ga ya mi
 hUM zhes bya ba bzla zhing khro bo chen po 'bab par gyur nas rang nyid la ltung bar bya ste de ltar na gzhan gyi dpung thams cad gsod par 'gyur ba yin no/ /rdo rje gnod sbyin gyi phyag rgya ni rdo rje bsdams pa'i mdzub mo gnyis bkug la mnyam por bya ste nang du bzhag la mthe bong gnyis kha phye ba mche ba'i mtshan nyid
 can gang yin pa de nyid srin lag dang mthe'u chung mnyam par kha phye ba'i ba dan gyi rgyal mtshan mchog gi dpung rgyan zhes bya ba'i phyag rgya'o/ /las zhes bya ba ni 'di las zhes bya ba yin no zhes bya ba'i don to/ /ji ltar zhe na/ phyag 'tshal ba dang / dgod pa dang / lce bskyod pa dang dpung pa gnyis
 bsnyems pas bstod pa dang / rgyal mtshan bsgreng ba'o zhes bya ba la 'dis 'di ltar bshad par 'gyur te/ 'das ma thag tu bshad pa'i rgyal mtshan mchog gi dpung rgyan de bcings nas bsgrub bya de phyag rgya 'tshal du gzhug pa'i bsam pas phyag bya ba yin te de ltar na khro bo thams cad 'phrog
 pa'o/ /de bcings nas dgod par bya ste de ltar na gdong rab tu dang ba'o/ /de nyid bcings nas lce bskyod pas rtsod pa las rgyal ba'o/ /de nyid rang gi dpung pa la bcings te bsnyems pa'i tshul bya ste de ltar na 'jigs pa thams cad las thar bar 'gyur ro/ /de nyid bcings nas lag pa
 gnyis rab tu brkyang la spyi bor gzung bar bya ste de ltar na 'thab mo las rgyal bar 'gyur ro/ /sems dpa'i skyil mo krung gis gnas pa zhes bya ba la bcom ldan 'das rdo rje sems dpa'i phyag rgya chen po bcings la rdo rje gsor bar byed par 'gyur bas las bya'o/ /ji lta bu zhen nam mkhar
 dbugs gtong ba dang kun du g.yo zhing btsums pa'i lta bas char 'bebs pa'i tshul dang rdo rje khro bo nyi ma me ltar 'bar ba'i bzlas pa dang / lta ba 'phrog pa dang drangs pas yan lag bskor zhing thams cad du 'bar bar byed pa 'bebs pa zhes bya ba la/ 'di ltar bshad par 'gyur te rdo rje sems
 dpa'i phyag rgya chen po bcings te lag pa g.yas pas rdo rje gsor zhing nam mkha' la dbugs gtong zhing bzlas pa bya ste de ltar na sprin thams cad 'gegs par 'gyur ro/ /snga ma bzhin du rdo rje gsor zhing thams cad du g.yo zhing btsums pa'i lta bas char 'bebs pa'i tshul du bya ste de ltar na char 'bebs
 pa'o/ /de bzhin du rdo rje gsor zhing bdag nyid rdo rje nyi ma me ltar 'bar bar bsams la/ a nu rA ga ya mi hUM zhes bya ba bzla bar bya zhing khro bo'i lta bas 'phrog par bya ste de ltar na rlung dang thog dang sprin 'jig par 'gyur ro/ /de bzhin du rdo rje gsor zhing drangs pas yan lag bskor ba'i sbyor ba bya ste
 de ltar na dro ba thams cad 'jig pa'o/ /de bzhin du rdo rje nyi ma me ltar 'bar ba bsams la rdo rje gsor zhing me 'bar ba rdzogs pa'i tshul bya ste de ltar na grang ba 'jig par 'gyur ro/ /rdo rje bsdams pa'i rdo rje dran ma'o zhes bya ba la rdo rje bsdams pa bcings nas mdzub mo g.yas pas g.yon pa'i
 dbus ma'i tshigs pa bzung ste/ g.yon pa'i mdzub mos g.yas pa'i dbu ma'i tshigs gsum pa yang bzung la mthe bong gnyis kyi rtse mo yang dag par sbyar bar bya ste 'di ni rdo rje 'dren ma zhes bya ba'i phyag rgya'o/ /'di bcings nas bzla bar bya ste de ltar na gzugs thams cad 'grub par 'gyur ro/ /
 rdo rje bsdams pa'i g.yon pa'i mdzub mo bkug pa'i shing bu g.yas pa'i mdzub mos btud pa ni rdo rje pi wang ngo zhes bya ba la 'di bcings nas bzla bar bya ste de ltar na rdo rje'i sgra 'grub par 'gyur ro/ /rdo rje bsdams pa'i mthil dag mnye ba'o zhes bya ba la rdo rje bsdams pa bcings te lag pa'i mthil
 gnyis phan tshun mnye bar bya ste de ltar na rdo rje dri 'grub par 'gyur ro/ /kha 'bus mnyam pa'i dbus ma lce'o zhes bya ba la rdo rje bsdams pa bcings nas kha 'bus pa mnyam pa'i dbus ma dang lcer sbyar bar bya ste de ltar na dngos grub thams cad 'grub par 'gyur ro/ /rab tu dga' ba'i rdo rje'i
 phyag rgya yang nga zhes bya ba la mda' lnga bsdus pa'i phyag rgya ni rab tu dga' ba'i rdo rje'i phyag rgya ste de bcings na reg bya'i dngos grub shin tu thob par 'gyur ro/ /bde ba chen po'i rdo rje'i mchod pa ni ji lta ba bzhin du bshad pa'i mtshan nyid can gyi rdo rje gar ma ste de'i las ni 'di yin te/ de yang gang yin zhe na/
 dang po'i glu'i bzlas pa ji srid mngon par 'dod pa'o zhes bya ba la gar gyi tshul gyis yi ge hUM gi glu'i bzlas pa bya ste/ de ltar na rgyu ba dang mi rgyu ba thams cad rjes su chags pa'o/ /g.yo ba med cing dgod pa dang dgug pa dang rab tu dga' ba'i rdo rje lta ba'i lcags kyu mas so zhes bya ba la skye bo
 thams cad kyi lkog tu gyur pa'i dgod pa ni g.yo ba med pa'i dgod pa ste de dang bcas pa'i dgod pa ni bkug pa'o/ /rdo rje lta ba'i 'od zer gyi lcags kyu ma ni rab tu dga' ba'i rdo rje lcags kyu mas te des bsgrub bya dgug cing gar gyi tshul gyis yi ge hUM bzla bar bya ste/ de ltar na dngos po thams
 cad 'gugs par byed pa'o/ /rang gi ma mchu so dag gis yongs su gzung bar bya'o zhes bya ba la de bzhin du gar gyi tshul gyis yi ge hUM gi glu'i bzlas pa bya zhing bsgrub bya la 'o byed pa'i tshul gyis rang gi ma mchu nang du bcug nas so rnams kyis yongs su gzung bar bya ste/ de ltar na thams cad dbang
 du byed pa'o/ /rang gi dbang po bskyed pa'o zhes bya ba la de bzhin du gar gyi tshul gyis yi ge hUM gi glu'i bzlas pa bya zhing gnod sbyin ma la sogs pa'i bsgrub bya dang yang dag par sbyor ba'i sgom pas rang gi dbang po bskyed par bya ste/ de ltar na thams cad rol du bcug pa'o/ /rab tu
 d ga' ba rdo rje'i ngag gi yid kyis 'dod pa'i bka' bsgo ba yang ngo zhes bya ba la dpal rdo rje sems dpa'i rnal 'byor byas nas gar bya zhing rdo rje sems dpa' la sogs pa'i dngos po thams cad la yid kyis 'dod pa'i bka' bsgo ba'i tshul gyis yi ge hUM gi glu'i bzlas pa bya ste de ltar na
 las thams cad la nges par sbyar bar 'gyur ro/ /bcom ldan 'das dpal rdo rje sems dpa' yang phyag rgya 'di rnams sgrub pa po dag gis sbyor na des kyang 'da' bar mi mdzad na brtan pa dang g.yo ba gzhan dag la smos kyang ci dgos zhes bya ba 'dis ni phyag rgya 'di rnams kyis khyad
 par can du grub pa yin no zhes bya bar bstan pa yin no/ /rdo rje thal mo zhes bya ba la sogs pa la rdo rje sku mchog gi mtshan nyid phan yon dang bcas pa ni go sla'o/ /spyi bor bzhag ste steng nas g.yas su phab par bya'o zhes bya ba ni rdo rje sku mchog spyi bor bzhag cing steng gi phyogs
 nas lha 'bebs pa'i tshul gyis g.yas phyogs su phab par bya ste de ltar na thams cad 'bebs par 'gyur ro/ /sa la bzhag nas khro gnyer gyis gyen du drang bar bya'o zhes bya ba la rdo rje sku mchog bcings nas sa la bzhag ste klu thams cad dbang du byed pa'i bsam pas khro gnyer byas nas gyen du
 drang bar bya ste de ltar na klu thams cad dbang du byed par 'gyur ro/ /gnod sbyin gyi gzugs brnyan bris la de'i snying gar gzhag par bya'o zhes bya ba la rdo rje sku mchog bcings nas gnod sbyin gyi gzugs brnyan bris te de'i snying ga'i phyogs su gzung bar bya ste de ltar na gnod sbyin thams cad
 mngag gzhug byed par 'gyur ro/ /lha chen po'i gnas su rdo rje sku mchog bcings te khro zhing bzla bar bya ste de ltar na 'byung po thams cad mngag gzhug par 'gyur ro/ /rdo rje sku mchog bcings te ma mo rnams kyi gnas su bdag nyid dpal he ru ka'i rnam par bsams te yi ge b+h+yo bzla bar bya ste/
 de ltar na ma mo thams cad bsnyen bkur dang rol pa la sogs pa'i bka' bsgo ba thams cad byed par 'gyur ro/ /rdo rje gsor ba'i phyag rgyas lus ngan po'i gzugs brnyan rkang pa g.yon pas mnan te khro zhing rgod pa dang bcas pa'i gdong gis bzla bar bya ste de ltar na dpal 'gugs par
 'gyur ro/ /de bzhin du khro zhing rgod pa dang bcas pa'i gdong dang ldan pas rdo rje gsor ba'i phyag rgyas gzhon nu ma'i gzugs brnyan gyi mdun du mig gnyis kyis 'phrog par bya zhing bzla bar bya ste de ltar na lha'i bu mo thams cad 'phrog pa'o/ /b+ha ga ni bud med kyi gzugs ras
 sam rtsig pa la sogs pa la bris te de dang yang dag par sbyor bar bsgom zhing rdo rje gsor te khro zhing rgod pa dang bcas pa'i khas bzla bar bya ste/ de ltar na lha dang lha ma yin pa'i bu mo thams cad rol du bcug pa yin no/ /lha chen po'i gzugs brnyan rkang pa g.yon pas mnan te rdo rje
 gsor ba'i phyag rgya khro zhing rgod pa dang bcas pa'i khas a nu ra ga ya mi hUM hUM zhes bya ba bzla bar bya ste/ de ltar na khams gsum pa las rnam par rgyal bar 'gyur ro/ /'dod pa'i dbang phyug gi gzugs brnyan sngar bshad pa'i mtshan nyid can gyi mda' 'phen pa'i phyag rgyas bsnun la 'og tu kha blta bar
 byas nas de'i rjes la rdo rje gsor ba'i phyag rgya dang / rkang pa g.yon pas gnan te khro zhing rgod pa dang bcas pa'i khas bzla bar bya ste/ de ltar na dbang phyug chen po thams cad 'phrog par 'gyur ro/ /rdo rje gsang ba'i mchod pas bde ba chen po'i rdo rje don yod pa'i dam tshig ces bya ba ni bshad
 pa'o zhes bya ba ni dang po'i rdo rje'o zhes bya ba'i don to/ /'di ltar bshad par 'gyur te/ dang po'i rdo rje bcings te 'dod chags rdo rje ma la sogs pa'i lha mo'i tshogs bskyed la de rnams kyis bcom ldan 'das la yid kyis mchod par bya ste/ de ltar na mchod pa thams cad 'grub par 'gyur
 ro/ /thams cad rdo rjer byed pa zhes bya ba la sogs pa la rdo rje khu tshur gnyis bcings nas snying ga dang mgrin pa dang / slar yang snying ga dang nu ma'i bar dang / de nas snying ga dang / slar yang mgrin pa dang dbang bskur ba'i gnas su mdud pa'i tshul gyis go cha bgo bar byas la slar yang spyi bo
 dang dbang bskur ba'i sar mdud pa bcing ba'i tshul dang / mgo'i logs g.yas pa dang g.yon pa dag la mdud pa 'ching ba'i tshul du bya ste phyag rgya 'dis thams cad rdo rje nyid du byed par 'gyur ro/ /g.yon du rdo rje'i mda' 'phang ba'o zhes bya ba la rdo rje khu tshur gnyis bcings la g.yon gyis
 mda' 'phang ba'i tshul du bya ste/ da ltar na bdud la sogs pa'i 'jigs pa thams cad rab tu 'joms par 'gyur ro/ /rdo rje bsnyems ma zhes bya ba la bcom ldan 'das rdo rje sems dpa'i las kyi phyag rgya ni rdo rje bsnyems ma ste des phyag rgya thams cad bcing bar 'gyur ro/ /phyag rgya chen po yang ngo zhes
 bya ba la bcom ldan 'das rdo rje sems dpa'i phyag rgya chen po gang yin pa des ma lus shing lus pa med pa'i mchog gi dngos grub kyi 'dod pa 'grub par 'gyur ro/ /dam tshig dang chos dang las dang phyag rgya chen po ni phyag rgya thams cad de dag gi rgyud ni de dag ston par byed pa sgra'i tshogs so/ /de nyid
 ni cho ga rgyas pa'o/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las dpal rdo rje sems dpa'i dkyil 'khor chen po'i phyag rgya'i rgyud kyi cho ga rgyas pa rdzogs so// //de nas dpal rdo rje sems dpa'i dkyil 'khor chen po'i rgyud bstan
 nas/ da ni de bzhin gshegs pa'i dkyil 'khor chen po'i phyag rgya'i rgyud bstan par bya ba'i phyir/ de nas de bzhin gshegs pa thams cad kyi phyag rgya'i rgyud ces bya ba gsungs te/ de nas kyi sgra ni skabs su bab pa la'o/ /de bzhin gshegs pa thams cad kyi phyag rgya rnams ni dam
 tshig dang chos dang las dang phyag rgya chen po rnams te de dag gi rgyu ni 'di yin no zhes bya ba ni tshig gi lhag ma'o/ /de gang yin zhe na/ sems dpa' rdo rje zhes bya ba la sogs pa la rdo rje bsdams pa'i dbus ma gnyis kyi rtse mo yang dag par sbyar ba ni sems ma rdo rje ma'i ste mi bskyod pa'i dam tshig
 gi phyag rgya'o/ /'dis dbang bskur ba'i dus su rang dang gzhan dag byin gyis brlab par bya'o/ /de yang badzra satwa zhes bya ba'i snying po 'dis bya'o/ /de bzhin gshegs pa thams cad kyi khu tshur zhes bya ba ni bcom ldan 'das rnam par snang mdzad kyi las kyi phyag rgya'o/ /'dis ni 'di ltar
 bshad par 'gyur te/ dbang bskur gzhan rnam par snang mdzad du bsams la/ badzra satwa a d+hi tiSh+Tha zhes bya bas sems ma rdo rje ma bcings te/ snying ga dang mdzod spu dang mgrin pa dang spyi bor byin gyis brlab cing sems ma rdo rje ma bcings nas ldang bar bya'o/ /de nas rdo rje khu tshur gnyis
 kyis oM b+hu khaM zhes bya ba bzla bar bya zhing de bzhin gshegs pa thams cad kyi khu tshur rang nyid 'ching ngam gzhan 'ching du gzhug par bya'o/ /rdo rje rin chen gyi dbang bskur bas dbang bskur ba byas nas zhes bya ba la rdo rje thal mo 'og tu brkyang nas mthe bong dang mdzub mo'i rtse mo mnyam par sbyar ba
 snying ga la gyen du bslangs te dbang bskur ba'i gnas su rtse mo bzhag pa ni rdo rje rin chen zhes bya'o/ /de bcings pas badzra rat+na a b+hi Shiny+tsa zhes bya ba bzla zhing rang ngam gzhan la dbang bskur bar bya'o/ /de ltar rdo rje rin chen gyi dbang bskur bas rang dang gzhan dag la slob dpon gyi dbang bskur te/
 rdo rje rtse lnga 'od zer dang bcas pas ji skad bshad pa'i sngags kyis sbyin par bya'o/ /mchod pa ni mnyam pa'i thal mos ji lta ba bzhin du gtor ba la sogs pa rnams so zhes bya ba la dpal rdo rje sems dpa'i dkyil 'khor du rdo rje thal mos me tog la sogs pa'i mchod pa'i phyag rgya gang bstan
 pa de nyid 'dir mnyam pa'i thal mos 'dir shes par bya'o/ /'di ltar bshad par 'gyur te/ rdo rje sems dpa' bsdus pa yis/ /rdo rje rin chen bla na med/ /rdo rje chos ni glu blangs pas/ /rdo rje las ni byed par 'gyur/ /zhes bya ba'i rdo rje'i glu brjod cing snga ma bzhin du gar byas la mnyam
 pa'i thal mo bskor bas rang gi snying gar bsam pa spro bas mgo bos phyag byas te spyi bor bzhag ste phab nas steng du gtor ba dang 'og tu dor ba dang mthe bong sbyar bas bskor ba dang / rab tu brkyang zhing byug pa'i tshul rnams kyis sbyang bar bya ste de ltar na me tog dang spos dang mar me dang / dri'i
 mchod pa'i phyag rgya rnams yin no/ /de bzhin du gar byas la mnyam pa'i thal mo bskor bas snying gar rnam par 'phrul pa bstan par bya'o/ /mnyam pa'i thal mo khar yongs su bskor te spyi bor gzung bar bya'o/ /mnyam pa'i thal mo g.yon pa'i mdzub mo bkug pa dbyug pa'i
 rnam par byas la g.yas pa'i mdzub mo bkug pas rdo rje pi wang brdung ba'i tshul bya'o/ /de bzhin gshegs pa'i khu tshur gnyis kyis gar byas la mnyam pa'i thal mo spyi bor bcing ba bya ste sgeg mo la sogs pa rdo rje gar ma'i mthar thug pa'i phyag rgya 'di rnams yin no/ /phyag rgya
 rnam pa brgyad po 'di dag gis de bzhin gshegs pa'i rigs la mchod par bya'o/ /de ltar mchod pa rnam pa brgyad kyi phyag rgya rnams bstan nas da ni de bzhin gshegs pa thams cad kyi khu tshur gyi mtshan nyid bshad par bya ba'i phyir de bzhin gshegs pa'i khu tshur gnyis bcing ba'o
 zhes bya ba gsungs te/ de bzhin gshegs pa thams cad kyi khu tshur ni de bzhin gshegs pa'i khu tshur gnyis bcings nas bcing bar bya zhes bya ba'i don to/ /ji ltar zhe na g.yon pa'i zhes bya ba la sogs pa la/ g.yon pa'i de bzhin gshegs pa'i khu tshur rang gi snying gar bzhag
 la/ de'i mdzub mo g.yas pa'i de bzhin gshegs pa'i khu tshur gyis byang chub mchog gi tshul du bsgreng ba gzung bar bya ste/ 'di ni de bzhin gshegs pa thams cad kyi khu tshur zhes bya ba'i rnam par snang mdzad kyi las kyi phyag rgya'o/ /lhag ma'i don ni go sla'o/ /de la phyag rgya
 chen po'i bdag nyid thams cad kyi cho ga rgyas pa'o zhes bya ba la/ rnam par snang mdzad la sogs pa'i phyag rgya chen po ni ji ltar bris pa'i rjes su 'brangs pas rnam par snang mdzad la sogs pa'i rang bzhin can gyi bdag nyid rnam par bsgoms nas bcing bar bya'o zhes bya ba'i tha tshig go/ /'dis
 ni 'di ltar bshad par 'gyur te/ de bzhin gshegs pa'i rdo rje blangs nas rdo rje khu tshur gnyis bcings te/ rdo rje'i skyil mo krung gis 'dug la/ g.yon pa'i rdo rje mdzub mo ni/ /g.yas pa'i nang du bsgreng bar bya/ /byang chub mchog gi phyag rgya 'di/ /sangs rgyas byang chub sbyin byed pa'o/ /
 zhes bya ba 'di bcom ldan 'das rnam par snang mdzad kyi phyag rgya chen po'o/ /pang par lag pa g.yon pa gyen du 'dzin pa'i tshul du bzhag la lag pa g.yas pa sa la reg pa'i tshul gyis de bzhin gshegs pa'i rdo rje dang bcas pa gang yin pa de ni mi bskyod pa'i phyag rgya chen po'o/ /mi
 bskyod pa'i phyag rgya nyid rin po che dang bcas pa'i lag pa g.yas pas mchog sbyin pa'i tshul du gzhag pa gang yin pa de ni rin chen 'byung ldan gyi'o/ /lag pa g.yon pas rdo rje'i pad+ma blangs te chos bstan pa gang yin pa de ni 'od dpag med kyi'o/ /mi bskyod pa'i phyag rgya chen po
 nyid sna tshogs rdo rje dang bcas pa'i lag pa g.yas pas mi 'jigs pa sbyin pa'i tshul du gzhag pa gang yin pa de ni don yod grub pa'i phyag rgya chen po'o/ /rdo rje sems dpa'i phyag rgya chen po ni sems dpa'i rdo rje ma'i'o/ /rdo rje bsnyems pa'i phyag rgya chen po ni rdo rje rin chen ma'i'o/ /
 'jig rten dbang phyug gi phyag rgya chen po ni chos kyi rdo rje ma'i'o/ /rdo rje las kyi phyag rgya chen po ni las kyi rdo rje ma'i'o/ /de bzhin gshegs pa'i khu tshur gnyis kyi de bzhin gshegs pa'i rdo rje gnyis bsnyems pa gnyis kyis gnas pa gang yin pa de ni sgeg mo'i'o/ /rdo rje rtse gsum
 pas mtshan pa'i lag pa gnyis 'degs shing gar gyi tshul gyis gnas pa ni gar ma'i'o/ /lag pa gnyis kyis rdo rje'i lcags kyu blangs te des de bzhin gshegs pa thams cad 'gugs par byed pa ni rdo rje lcags kyu'i'o/ /lag pa gnyis kyis rdo rje zhags pa blangs te de bzhin gshegs pa thams cad
 gzhug par byed pa ni rdo rje zhags pa ma'i'o/ /lag pa gnyis kyis rdo rje lu gu rgyud blangs nas de bzhin gshegs pa thams cad 'ching bar byed pa'o/ /lag pa g.yon pa stan la bsten pa'i tshul la gnas pas g.yas pa'i de bzhin gshegs pa'i khu tshur gyis rdo rje dril bu dkrol bar byed
 pa ni rdo rje dril bu'i phyag rgya chen po'o/ /dam tshig gi phyag rgya pad+ma chen po zhes bya ba la 'phags pa spyan ras gzigs kyi dbang phyug gi dkyil 'khor chen po la pad+ma chen po zhes bya ba'i dam tshig gi phyag rgya gang yin pa de bcings pa tsam gyis bcom ldan 'das 'od dpag med kyi dam
 tshig gi phyag rgya yin no zhes bya ba'i don to/ /de yang 'di yin te rdo rje thal mo kha 'bus pa'i dbus ma mnyam pa'i mthe bong dang mthe'u chung kha phye bas 'dab ma bzhi pa zhes bya ba'o/ /rdo rje phyag rgya zhes bya ba ni rdo rje bsdams pa las byung ba'i dang po'i rdo rje'i phyag rgya gang yin pa de nyid
 bcom ldan 'das don yod grub pa'i dam tshig gi phyag rgyar shes par bya'o/ /de bzhin gshegs pa thams cad kyi sku mchog ni rdo rje sems dpa'i dbang bskur ba'i phyag rgyar gang bshad pa de nyid rnam par snang mdzad kyi dam tshig gi phyag rgya yin no/ /rdo rje las kyi phyag rgya bshad
 pa'o zhes bya ba la dum bu dang po las bcom ldan 'das nam mkha' mdzod kyi phyag rgyar gang bshad pa de nyid rdo rje las mar shes par bya'o/ /de yang rdo rje bsdams pa las byung ba'i rdo rje rin chen gyi dam tshig gi phyag rgya bcings la srin lag dang mthe'u chung gnyis mnyam pa'i rgyal
 mtshan 'phyar ba'i mdzub mos bya ba'o/ /rdo rje thal mo 'og tu'o/ /zhes bya ba la sogs pa la rdo rje thal mo 'og tu kha bltas par bcings la mdzub mo dang mthe bong dag gis rdo rje rin po cher byas la snying ga'i phyogs su bzhag ste/ mdzod spu'i phyogs su mdzub mo dang mthe bo'i
 rtse mo gzung bar bya ste 'di ni bcom ldan 'das rin chen 'byung ldan dang bcom ldan 'das ma rdo rje rin chen ma'i rdo rje rin po che zhes bya ba'i dam tshig gi phyag rgya yin no/ /de nyid gyen du kha blta ba'i mdzub mo gnyis bkug pas rdo rje pad+ma'o zhes bya ba la 'das ma thag tu bshad
 pa'i rdo rje rin po che'i phyag rgya nyid gyen du kha blta bar byas pa'i mdzub mo gnyis pad+ma'i rnam pa can du bya ste 'di ni rdo rje pad+ma zhes bya ba'i rdo rje chos ma'i'o/ /sems ma rdo rje ma ni phyi rol du dbus ma bcings pa'o zhes bya ba la rdo rje bsdams pa'i dbus ma bsgreng ba'i lu gu mnyam pa zhes bya
 ba'i don te 'di ni rdo rje sems ma'i dam tshig gi phyag rgya'o/ /mnyam pa'i thal mo bskor bas snying gar rnam par 'phrul pa bstan par bya ste/ 'di ni sgeg mo'i phyag rgya'o/ /mnyam pa'i thal mo dgod cing yongs su bskor bas spyi bor gzung bar bya ste 'di ni bzhad ma'i'o/ /mnyam
 pa'i thal mo g.yon pa'i mdzub mo dbyug pa'i tshul du bkug la g.yas pa'i mdzub mo bkug pas pi wang brdung ba'i tshul du byas te 'di ni glu chen ma'i'o/ /de bzhin gshegs pa'i khu tshur gnyis kyis gar bya zhing spyi bor mnyam pa'i thal mo bcing bar bya ste 'di ni gar ma'i dam tshig gi
 phyag rgya'o/ /rdo rje bsdams pa'i mdzub mo gnyis kyis lcags kyu ni rdo rje lcags kyu ma'i'o/ /rdo rje bsdams pa'i g.yon pa'i mdzub mo lcags kyus gzung bar byas la rdo rje zhags pa ma'i'o/ /rdo rje bsdams pa bcings nas mdzub mo dang mthe bong mdud pa ni rdo rje lcags sgrog gi'o/ /
 rdo rje bsdams pa bcings nas mthe bong gnyis nang du bcug ste rang gi mthe'u chung dang srin lag gi nang du gzung bar byas te 'di ni rdo rje dril bu ma'i dam tshig gi phyag rgya'o/ /chos kyi phyag rgya zhes bya ba la rang bzhin gyis dag pa'i shes rab kyi pha rol tu phyin pa'i chos ston par byed pa'i
 yi ge rnams ni chos kyi phyag rgya ste yi ge a ni rnam par snang mdzad kyi'o/ /yi ge ho ni mi bskyod pa'i'o/ /traM ni rin chen 'byung ldan gyi'o/ /yi ge hrIHni 'od dpag tu med pa'i'o/ /yi ge hUM ni don yod grub pa'o/ /lhag ma rnams kyi ni rang gi snying po kho na'o/ /de nas kyi
 sgra ni snga ma bzhin no/ /brtson 'grus kyi pha rol tu phyin pa'i mtshan nyid can gyi las ston par byed pa'i phyag rgya ni las kyi phyag rgya ste/ de'i mtshan nyid 'di yin no zhes bya ba ni tshig gi lhag ma'o/ /rdo rje khu tshur mthe bong bzhag pas de bzhin gshegs pa'i khu tshur ro zhes bya ba ni rdo rje bsdams pa nang du
 bcings la mthe bong gnyis bzhag la mdzub mo gnyis kyi rtse mos rang gi mthe bong mnan par bya ste 'di ni 'dir rdo rje khu tshur yin no/ /'di bcings nas mthe bong gnyis phyir phyung ste/ yang dag par sbyar bar byas la rtse mo'i tshul du gzung bar bya ste/ 'di ni rdo rje khu tshur mthe bong bzhag
 pas de bzhin gshegs pa'i khu tshur ro zhes bya'o/ /de gnyis su byas pas de bzhin gshegs pa'i khu tshur gnyis su 'gyur ro/ /g.yon pa de bzhin gshegs pa'i khu tshur gyis mdzub mo snying ga'i phyogs su bsgreng pa g.yas pa'i de bzhin gshegs pa'i khu tshur gyis byang chub
 mchog gi tshul du gzung bar bya ste/ de ltar na de bzhin gshegs pa'i khu tshur bcing ba ni de bzhin gshegs pa thams cad kyi khu tshur te/ de bzhin gshegs pa'i khu tshur gnyis zhes bya ba la sogs pa bshad pa yin no/ /de ni bcom ldan 'das rnam par snang mdzad kyi las kyi phyag
 rgya'o/ /g.yon chos gos dang bcas pa zhes bya ba la g.yon pa'i de bzhin gshegs pa'i khu tshur chos gos kyi mtha' ma 'dzin pa'i tshul gyis rang gi snying gar bstod pa'i tshul gyis gzung bar bya'o/ /g.yas pa'i de bzhin gshegs pa'i khu tshur gyi sor mo thams cad rab tu brkyang
 bas sa la reg pa'i tshul gyis gzung bar bya ste 'di ni rab tu rgyal bar byed pa zhes bya ba bcom ldan 'das mi bskyod pa'i las kyi phyag rgya'o/ /des bdud thams cad kyi stobs 'joms pa'o zhes bya ba la ji skad du/ /mtshan phyed kyi dus su bdud thams cad kyi stobs bltas te des na bdud
 thams cad rab tu 'joms par byed pas bdud gzhom par bya'o zhes bya ba gsungs te de yis de bya ba yin no/ /'das ma thag tu bshad pa'i mi bskyod pa'i las kyi de nyid bcings pa yongs su bskor te kha gyen du blta bar byas na 'don par byed cing gzengs stod par byed ces bya ba rin chen
 'byung ldan gyi las kyi phyag rgya ste/ de nyid lha la sogs pa'i sems can rnams slong bar byed pas na ltung ba 'don pa dang / rigs thams cad kyi dkyil 'khor rnams su slob dpon dang slob ma rnams la bla na med pa yang dag par rdzogs pa'i byang chub tu lung ston par byed pa
 yin no/ /'dis ni 'di ltar bshad par 'gyur te/ mi bskyod pa'i phyag rgya nyid bcings nas lag pa g.yas pa kha gyen du blta bar byas te mchog sbyin gyi tshul du gzung bar bya ste/ 'di ni gzengs bstod pa zhes bya ba ni rin chen 'byung ldan gyi las kyi phyag rgya yin no/ /mi bskyod pa'i las kyi
 phyag rgya de nyid bcings nas pad+ma'i 'dab ma kha phye ba'i tshul du g.yas pa'i mthe bong dang mdzub mo dag gis g.yon pa'i de bzhin gshegs pa'i khu tshur gyi rang bzhin gyi chos gos kyi mtha' ma 'dzin pa'i tshul kha 'byed par byed pa'o/ /de nyid shes rab kyi pha rol tu phyin par byed pa'i chos
 ston par byed pas na chos 'byung zhes bya ba'o/ /las gang dang ldan pa yin zhe na/ chos thams cad rnam par sbyong bar byed pa'o zhes bya ba la chos kyang yin la thams cad kyang de nyid yin pas na chos thams cad do/ /de bzhin gshegs pa 'od dpag tu med pa la dmigs pa'i sems
 dang sems las byung ba rnams so/ /de dag rnam par spyod bar byed pa ni de rtogs shing skyed par byed pa'o/ /'dis 'di ltar bshad par 'gyur te/ mi bskyod pa'i las kyi phyag rgya de nyid bcings nas lag pa g.yas pa'i mdzub mo dang mthe bong dag gis g.yon pa'i khu tshur pad+ma kha phye ba'i tshul du
 mthe'u chung nas brtsams te sor mo thams cad kha phye bar byas te 'di ni 'od dpag tu med pa'i las kyi phyag rgya chos 'byung ba zhes bya ba yin no/ /mi bskyod pa'i las kyi phyag rgya de nyid bcings nas lag pa g.yas pas ba dan gsum byas la mi 'jigs pa sbyin pa'i tshul gyis gzung bar bya ste 'di
 ni slong bar byed pa zhes bya ba don yod grub pa'i phyag rgya yin te sgrub pa po la gdon mi za bar dngos grub stsol ba yin no/ /rnam par snang mdzad la sogs pa'i las kyi phyag rgya 'di rnams lag pa g.yas pas rang gi lus rdzogs par byed pa na g.yas pas las byed pa yin no/ /gdon mi
 za ba ni 'bras bu med pa ma yin pa'o/ /bcings pa tsam gyis grub pa'o/ /zhes bya ba ni phyir mi ldog pa'i sa bon skyed par byed pa'i phyir ro/ /lhag ma ni ji lta ba bzhin du bzung bas so zhes bya ba la sogs pa sems ma rdo rje ma la sogs pa nas rdo rje dril bu'i mthar thug pa'i bar du ji lta ba bzhin du
 rang gi phyag mtshan gzung ba bshad pa de bzhin du de bzhin gshegs pa'i khu tshur gnyis kyis las kyi phyag rgya bcing bar bya'o/ /'di ltar 'chad par 'gyur te/ de bzhin gshegs pa'i khu tshur gnyis kyis sems dpa'i las kyi phyag rgya bcing ba ni sems ma rdo rje ma'i'o/ /nam mkha'i
 snying po'i las kyi phyag rgya bcing pa ni chos kyi rdo rje ma'i'o/ /sna tshogs rdo rje las kyi phyag rgya ni las kyi rdo rje ma'i las kyi phyag rgya yin no/ /de bzhin gshegs pa'i khu tshur gnyis bskor bas snying gar rnam par 'phrul pa bstan par bya ste sgeg mo'i phyag rgya'o/ /de bzhin gshegs pa'i khu tshur
 gnyis dgod pa'i tshul gyi khar yongs su bskor nas spyi bor gzung bar bya ste/ 'di ni bzhad ma'i'o/ /g.yon pa'i de bzhin gshegs pa'i khu tshur gyi mdzub mo rab tu brkyang nas bkug ste dbyug pa'i tshul du gzung bar byas la g.yas pa'i de bzhin gshegs pa'i khu tshur gyis mdzub
 mos pi wang brdung ba'i tshul du byas te 'di ni glu chen mo'i'o/ /de bzhin gshegs pa'i khu tshur gnyis kyis gar byas la spyi bor mnyam pa'i thal mo bcing ba bya ste 'di ni gar ma'i'o/ /de bzhin gshegs pa'i khu tshur gnyis bcings la mdzub mo gnyis kyis lcags kyu gnyis bya
 ste 'di ni rdo rje lcags kyu ma'i'o/ /de bzhin gshegs pa'i khu tshur gnyis bcings te g.yas pa'i mdzub mo'i lcags kyu g.yon pa'i mdzub mo bsgreng bas gzung bar bya ste 'di ni rdo rje zhags pa ma'i'o/ /de bzhin gshegs pa'i khu tshur gnyis bcings nas mdzub mo dang
 mthe bong dag gis mdud pa bcing par bya ste 'di ni rdo rje lcags sgrog ma'i'o/ /de bzhin gshegs pa'i khu tshur gnyis bcings nas phan tshun du yang dag par sbyar ba gzung bar bya ste 'di ni rdo rje dril bu'i las kyi phyag rgya'o/ /de nas las kyi phyag rgya zhes bya ba la/ de nas kyi sgra ni
 snga ma bzhin no/ /nad 'jig pa la sogs pa'i las rdzogs par byed pa'i phyag rgya ni las kyi phyag rgya'o/ /de rnams kyi mtshan nyid bshad par bya ba'i phyir de bzhin gshegs pa thams cad kyi khu tshur gyis nad gzir ba la sogs pa gsungs te/ de bzhin gshegs pa'i khu tshur bcings la
 g.yon pa'i rdo rje sor mo bsgreng ba g.yas pas gzung bar bya ste zhes bya ba ni de bzhin gshegs pa thams cad kyi khu tshur ro/ /'dis nad gzir bar bya ste de ltar na nad thams cad 'jig par 'gyur ro/ /de nyid bcings nas de'i rang gi mig yongs su sbyang bar bya ste de ltar na mya ngan 'jig par 'gyur ro/ /
 de nyid snying gar gzhag par bya ste de ltar na yid mi bde ba thams cad 'jig par 'gyur te de nyid kyis byab par bya ste de ltar na nad thams cad 'jig par 'gyur ro/ /de nyid kyi khu tshur gyis blangs te dug 'phrog par bya ste de ltar na dug thams cad 'jig pa'o/ /de nyid bcings nas bza' ba la
 mngon par bsngags nas bza' bar bya ste/ de ltar na sbyar ba'i dug 'jig pa'o/ /de nyid bcings nas khro zhing byur la mngon par phyogs gtor bar bya ste de ltar na byur 'jig par byed pa'o/ /de nyid kyis phur bu blangs nas ston par bya ste/ de ltar byad 'jig par byed pa'o/ /de nyid kyis
 rting pa la rdeg pa'i tshul bya ste de ltar ro langs thams cad 'jig par byed pa'o/ /yi ge oM bris nas phyi bar bya'o zhes bya ba la de nyid oM bris nas phyi bar bya ste/ de ltar na sngags thams cad 'jig pa'o/ /sor mo rnams kyis gzung bar bya ste de ltar na sman thams cad 'jig pa'o/ /yi ge hUM dang bcas
 pas brdeg par bya'o zhes bya ba de nyid bcings nas/ oM b+hu khaM zhes bya ba'i yi ge hUM dang bcas pa'i snying po bzla zhing bgegs la brdeg par bya ste de ltar na bgegs thams cad 'jig pa'o/ /log 'dren la brdeg par bya'o zhes bya ba la de nyid khro ba dang bcas pas log 'dren la brdeg par bya ste
 de ltar na log 'dren thams cad 'jig par byed pa yin no/ /mtshon cha bris nas phyi bar bya'o zhes bya ba la de nyid kyis ral gri bris nas phyi bar bya ste/ de ltar na sdig pa thams cad 'jig pa'o/ /kun du sbyin sreg bya'o zhes bya ba la de nyid kyis sbyin sreg gi tshul byas te/ de ltar na rmi
 lam ngan pa thams cad 'jig pa'o/ /dUr ba'i sbyin sreg bya'o zhes bya ba la de nyid kyi sbyin sreg gi cho gas dUr ba'i sbyin sreg bya ste/ de ltar na dus ma yin pa'i 'chi ba'i 'jigs pa med do/ /spyi bor bzhag nas blta bar byab par bya'o zhes bya ba la de bcings nas nad med pa'i spyi bor bzhag la byab
 par bya ste de ltar na rims thams cad 'jig par 'gyur ro/ /skra nas bzung zhing bskyod par bya'o zhes bya ba la de nyid kyis nad pa'i skra la bzung zhing bskyod par bya ste/ de ltar na gdon 'jig par 'gyur ro/ /steng du kha T+wAM ga gzung ba'o zhes bya ba la de nyid bcings nas steng du kha T+wAM ga
 'dzin pa'i tshul du gzung bar bya ste de ltar na mkha' 'gro ma thams cad 'jig par 'gyur ro/ /rang gi khyim du bskor bar bya'o zhes bya ba la de nyid bcings nas rang gi khyim du bskor bar bya ste de ltar na thams cad 'jig par 'gyur ro/ /rang gi khyim du gzhag par bya'o zhes bya ba la de
 nyid bcings nas rang gi khyim du rdo rje'i rigs dgod pa'i tshul gyis gzhag par bya ste de ltar na nye bar 'tshe ba thams cad 'jig par 'gyur ro/ /'jug pa zhes bya ba ni de nyid bcings nas khyim du zhugs na ltas ngan pa thams cad 'jig par 'gyur ro/ /snying ga la gdon par bya'o zhes bya
 ba la de nyid la bcing nas snying ga'i phyogs nas gdon par bya ste/ de ltar na gdon thams cad 'jig par 'gyur ro/ /lus la bskor bar bya'o zhes bya ba la de nyid bcings nas lus la bskor bar bya ste de ltar na lus kyi sdug bsngal thams cad 'jig par 'gyur ro/ /ngag 'byen pa'o
 zhes bya ba la de nyid kyis sngags 'byin pa'i tshul bya ste de ltar na ngag gi sdug bsngal thams cad 'jig par 'gyur ro/ /snying gar btsir bar bya'o zhes bya ba la de nyid bcings nas snying ga'i phyogs su btsir bar bya ste de ltar na sems kyi sdug bsngal thams cad 'jig par 'gyur ro/ /
 de ltar bcom ldan 'das rnam par snang mdzad kyi phyag rgyas las sgrub pa bstan nas da ni de nyid dam tshig gi phyag rgyas las sgrub pa bshad par bya ba'i phyir de bzhin gshegs pa'i phyag rgya chen po'o zhes bya ba gsungs te/ 'dir bcom ldan 'das rnam par snang mdzad ni de bzhin gshegs
 pa ste/ de'i phyag rgya chen po ni de bzhin gshegs pa thams cad kyi sku mchog ces bya ba ji lta ba bzhin du bshad pa'i mtshan nyid can bcom ldan 'das kyi dam tshig gi phyag rgya'o/ /de bcings nas rang gi snying gar brtan par bya ste de ltar na tshe ring por 'phel bar 'gyur ro/ /
 dbang po la gzhag par bya'o zhes bya ba la de nyid bcings nas dbang po thams cad la gzhag par bya ste de ltar na tshod chen po 'phel bar 'gyur ro/ /kha la zhes bya ba ni de nyid bcings nas rang gi snying gar gzung bar bya ste de ltar na gzugs chen po 'phel bar 'gyur ro/ /de nyid la bskor bar
 bya'o zhes bya ba la de bcings nas rang gi snying gar bskor bar bya ste de ltar na kha dog chen po 'phel bar 'gyur ro/ /dpral bar gzhag par bya'o zhes bya ba la de nyid bcings nas dpral bar gzung bar bya ste de ltar na gzi brjid chen po 'phel bar 'gyur ro/ /snying gar zhes bya ba la de nyid bcings
 nas snying gar gzung bar bya ste de ltar na gzi brjid mngon par 'phel bar 'gyur ro/ /dpung pa gnyis la zhes bya ba ni de nyid dpung pa gnyis la gzung bar bya ste de ltar na stobs 'phel bar 'gyur ro/ /brla gnyis la zhes bya ba ni de nyid brla gnyis su gzung bar bya ste de ltar na spro ba
 'phel bar 'gyur ro/ /phreng ba 'ching ba zhes bya ba ni de nyid kyis phreng ba 'ching ba'i tshul bya ste de ltar na brtson 'grus 'phel bar 'gyur ro/ /dbang po rnams la zhes bya ba ni de nyid mig dang rna ba dang sna dang lce dang lus kyi dbang po rnams la gzung bar bya ste de ltar na dpal chen po 'phel bar 'gyur ro/ /spyi bo la
 zhes bya ba ni de nyid spyi bor gzung bar bya ste/ de ltar na dpal dang skal ba bzang po 'phel bar 'gyur ro/ /kha la zhes bya ba ni de nyid khar gzung bar bya ste de ltar na bsod nams 'phel bar 'gyur ro/ /kha las bton nas zhes bya ba la de nyid kha'i phyogs las gyen du drang bar bya ste de ltar na ming 'phel bar
 'gyur ro/ /thams cad du bskor bar bya'o zhes bya ba ni de nyid phyogs bcur bskor bar bya ste de ltar na snyan pa'i sgra 'phel bar 'gyur ro/ /phyogs su bskor bar bya'o zhes bya ba la de nyid grags pa 'phel ba'i bsam pas phyogs bcur bskor ba bya ste de ltar na grags pa 'phel bar 'gyur ro/ /
 rang dang gzhan dag de bzhin gshegs pa rjes su dran pa'o zhes bya ba la de nyid bcings nas sangs rgyas kyi gzugs su bdag nyid dam mdun du bsgom par bya ste de ltar na dran pa 'phel bar 'gyur ro/ /snying ga las gdon pa'o zhes bya ba la de nyid bcings nas snying ga las steng du drang bar
 bya'o/ /de ltar na blo gros 'phel bar 'gyur ro/ /snying gar bzhag nas dga' ba bskyed par bya'o zhes bya ba la de nyid snying ga'i phyogs su bzung zhing dga' ba mngon du bya ba ste/ de ltar na brtan pa 'phel bar 'gyur ro/ /sangs rgyas nyid bskyed par bya'o zhes bya ba la de nyid bcings nas bdag nyid
 sangs rgyas kyi gzugs su bsgom par bya ste de ltar na de bzhin gshegs pa 'phel bar 'gyur ro/ /sangs rgyas thams cad bdag nyid bsgom pa'o zhes bya ba la de nyid bcings nas chos kyi 'khor lo las bstan pa'i ting nge 'dzin la snyoms par zhugs pa'i sangs rgyas kyi ngo bor bdag nyid bsgom
 par bya ste de ltar na ting nge 'dzin 'phel bar 'gyur ro/ /phung po lnga la gzhag par bya'o zhes bya ba la de nyid bcings nas gzugs dang tshor ba dang 'du shes dang 'du byed dang rnam par shes pa'i phung po rnams la rnam par snang mdzad la sogs pa rnams de bzhin gshegs pa'i sgom pas gzung bar bya
 ste de ltar na cho ga 'phel bar 'gyur ro/ /rdza mkhan gyi 'khor lo ltar bskor bar bya'o zhes bya ba la de nyid rdza mkhan gyi 'khor lo'i tshul gyis bskor bar bya ste de ltar na 'du byed 'phel bar 'gyur ro/ /lus dran pa'o zhes bya ba la de nyid bcings nas bdag nyid rnam par snang mdzad kyi skur bsgom
 par bya ste de ltar na lus 'phel bar 'gyur ro/ /lce la gzhag par bya ste zhes bya ba ni de nyid lcer gzhag par bya ste de ltar na ngag 'phel bar 'gyur ro/ /yid kyis mngon par 'dud par bya'o zhes bya ba la de nyid bcings nas sems kyis de bzhin gshegs pa thams cad la phyag bya ste/ de
 ltar na yid 'phel bar 'gyur ro/ /gtong ba rjes su dran pa'o zhes bya ba la de bzhin gshegs pa'i sku mchog de nyid bcings nas gtong ba rjes su dran pa bsgom par bya ste/ de ltar na sbyin pa'i pha rol tu phyin pa 'grub par 'gyur ro/ /tshul khrims zhes bya ba ni de nyid bcings nas
 tshul khrims rjes su dran par bsgom par bya ste de ltar na tshul khrims kyi pha rol tu phyin pa 'grub par 'gyur ro/ /byams pa zhes bya ba la de nyid bcings nas byams pa bsgom par bya ste de ltar na bzod pa'i pha rol tu phyin pa 'grub par 'gyur ro/ /brtson 'grus zhes bya ba ni de nyid
 bcings nas brtson 'grus brtsam par bya ste de ltar na brtson 'grus kyi pha rol tu phyin pa 'grub par 'gyur ro/ /ting nge 'dzin zhes bya ba ni de nyid bcings nas ye shes kyi pha rol tu phyin pa bsgom par bya ste de ltar na ye shes kyi pha rol tu phyin pa 'grub par 'gyur ro/ /stobs zhes bya ba la de nyid bcings
 nas stobs kyi pha rol tu phyin pa bsgom par bya ste/ de ltar na stobs kyi pha rol tu phyin pa 'grub par 'gyur ro/ /thabs zhes bya ba ni de nyid bcings nas thabs kyi pha rol tu phyin pa bsgom par bya ste/ de ltar na thabs kyi pha rol tu phyin pa 'grub par 'gyur ro/ /rdo rje zhes bya ba ni de nyid bcings nas
 mdun du rdo rje bsgom par bya ste de ltar na rdo rje 'grub par 'gyur ro/ /nges par brjod par bya ba ni de nyid bcings nas rdo rje dbyings kyi dbang phyug ma la sogs pa'i gzungs nges par mngon du brjod pa'i sgom pas bsgoms na de nges par brjod pa 'grub par 'gyur ro/ /gzungs zhes bya ba ni de nyid nges par
 bcings nas/ dran pa dang shes rab yang dag par ldan pa'i de bzhin gshegs pa'i thugs bsgoms pas gzungs 'grub par 'gyur ro/ /sa zhes bya ba ni de nyid bcings nas sangs rgyas kyis bsgoms na de nyid 'grub bo/ /spyod pa zhes bya ba ni de nyid bcings nas pha rol tu phyin pa bcu'i spyod pa
 bsgoms pas pha rol tu phyin pa bcu'i spyod pa 'grub pa'o/ /so so yang dag par rig pa bzhi grub pa thob pa'o/ /ma 'dres pa zhes bya ba ni de nyid bcings nas sangs rgyas kyi chos ma 'dres pa bco brgyad bsgoms pas de kho na nyid 'grub par 'gyur ro/ /chos zhes bya ba ni de nyid bcings
 nas shes rab kyi pha rol tu phyin pa'i chos bsgoms pas byang chub sems dpa' rdo rje chos 'grub par 'gyur ro/ /las zhes bya ba de nyid bcings nas byang chub sems dpa' rdo rje las bsgoms pas de 'grub pa'o/ /sna tshogs lus zhes bya ba ni de nyid bcings nas gzugs thams cad
 ston pa'i ting nge 'dzin bsgoms na de 'grub pa yin no/ /sems can gyi don zhes bya ba la de nyid bcings nas sems can gyi don bsgoms pas de 'grub pa yin no/ /sangs rgyas kyi don zhes bya ba la de nyid bcings nas sangs rgyas kyi don bsgoms pas de 'grub pa yin no/ /lus zhes bya ba la de
 nyid bcings nas rnam par snang mdzad kyi sku bsgoms nas lus 'grub pa'o/ /ngag ces bya ba de nyid bcings nas snga ma bzhin du bsgom par bya ste de ltar na ngag 'grub pa'o/ /yid ces bya ba ni de nyid bcings nas rdo rje dam pa de nyid du bsgom par bya ste de ltar na yid 'grub pa'o/ /rdo rje chen
 po zhes bya ba ni de nyid bcings nas bdag nyid de bzhin gshegs pa'i rdo rjer bsgom par bya ste de ltar na rdo rje chen po grub par 'gyur ro/ /slar yang de nyid bcings nas/ oM bo d+hi tsit+ta badzra zhes bya ba la sogs pa'i shes rab kyi pha rol tu phyin pa'i sgo nyi shu rtsa lnga snga ma bzhin bsgom par bya'o/ /
 de bzhin gshegs pa'i rigs 'dir chos kyi ngag gi bzla bar bya ba yin no zhes rab tu bstan par bya ba'i phyir de nas zhes bya ba la sogs pa gsungs te/ de la bzlas pa ni de bzhin gshegs pa rjes su dran pas so zhes bya ba la oM sarba ta thA ga ta zhes bya ba la de nyid bcings la rdo rje sems dpa'i
 bzlas pas de bzhin gshegs par bdag nyid dam mdun du bsgom par bya zhing bzlas par bya'o/ /sgrub pa de bzhin no zhes bya ba la de bzhin gshegs pa zlos pa pos bum pa bzang po la sogs pa'i sgrub pa ni de bzhin gshegs pa'i rang bzhin du bsgom par bya ba yin no/ /las
 la nye bar sbyor ba ni de bzhin gshegs pa thams cad rjes su dran pas so zhes bya ba ni las brgya sgrub pa de bzhin gshegs pa'i bdag nyid du rnam par bsam par bya ba yin no/ /de bzhin gshegs pa thams cad kyi phyag rgya bcings la zhes bya ba ni 'das ma thag tu bshad pa'i phyag
 rgya bcings pa gang yin pa de ni de bzhin gshegs pa thams cad kyi yin gyi gzhan gyis ni ma yin no/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las de bzhin gshegs pa'i rigs kyi phyag rgya'i rtog pa'i bshad pa rdzogs so// //
 de ltar de bzhin gshegs pa'i phyag rgya'i rtog pa bstan nas da ni rdo rje rigs kyi phyag rgya'i rtog pa bstan par bya ba'i phyir de nas zhes bya ba la sogs pa gsungs te de nas kyi sgra ni skabs su bab pa la'o/ /rdo rje nyi ma me ltar 'bar ba'i phyag rgya bcings pa zhes bya ba ni phyag rgya bcing ba'i
 mtshan nyid yin no/ /de la phyag rgya chen po ni bdag nyid thams cad rdo rje las so zhes bya ba la sngar bshad pa'i tshul gyis dam tshig sems dpa' byin gyis brlab pa'i cho ga rjes su spyad la/ sku gsung thugs rdo rje nyi ma me ltar 'bar ba la sogs pa rang nyid du 'gyur ro zhes bya ba 'di dag nyid thams
 cad kyi rdo rje'o/ /bdag nyid thams cad kyi rdo rje de las phyag rgya chen po bcings nas bya'o/ /phyag rgya chen po rnams mtshan nyid de yang bri ba'i phyogs bstan pa yin te de nyid las shes par bya'o/ /dam tshig gzung ba'i phyag rgya ni dam tshig gi phyag rgya'o/ /de rnams kyi rgyud ni 'di yin te rdo rje
 bsdams pa zhes bya ba la sogs pa la/ rdo rje bsdams pa nang du bcings nas gyen du kha blta bar byas te mthe'u chung dang srin lag dang gung mo dang mdzub mo'i sor mo brgyad cung zad zur du kha lta bar bzhag pa rnams kyis 'bar ba'i dkyil 'khor bya ste gung mo dang srin lag dag gi nang du mthe bong
 gnyis yang dag par bzhag ste rtse mo steng du kha blta bar byas nas gzung bar bya ste 'di ni bcom ldan 'das rdo rje nyi ma me ltar 'bar ba'i dam tshig gi phyag rgya yin no/ /de nyid kyi 'bras bu bstan par bya ba'i phyir khams gsum pa thams cad ces bya ba la sogs pa gsungs so/ /de nyid
 k yis zhes bya ba la sogs pa la rdo rje nyi ma me ltar 'bar ba'i dam tshig gi phyag rgya de nyid kyis g.yon pa'i mdzub mo bsgreng bas sdigs mdzub byed cing g.yas pa'i mdzub mo bkug la lcags kyu'i rnam pa can gyi dkyil 'khor ram rang gi lus la gzhan du spyan 'dren pa'i sngags kyis bcom ldan 'das
 'khor dang bcas pa dgug par bya ste de ltar na thams cad bkug par 'gyur ro/ /rdo rje hUM mdzad kyi phyag rgya zhes bya ba la sogs pa la/ rdo rje khu tshur gnyis bcings nas g.yon pa'i khu tshur gyis nor bu 'ching ba'i steng du g.yas pa'i khu tshur gyi nor bu bcings pa bzhag ste mthe'u chung gnyis
 kyi lcags kyu phan tshun du bcing bar byas la mdzub mo gnyis bsgreng bas sdigs mdzub byed cing snying ga'i phyogs su so sor gzung bar bya ste 'di ni rdo rje hUM mdzad ces bya ba bcom ldan 'das kyi las thams cad kyi phyag rgya yin no/ /'dis dkyil 'khor du zhugs nas yi ge hUM brjod cing bcom
 ldan 'das la sdigs mdzub byas na las thams cad dang dngos grub thams cad nyams su myong ba yin no/ /yang bsgrub bya'i dngos po gzhan la sdigs mdzub bya ste de ltar na yang ji ltar 'dod pa'i dngos grub sgrub par 'gyur ro/ /rdo rje thal mo zhes bya ba la sogs pa la rdo rje thal mo bcings nas
 mdzub mo gnyis kyi rtse mo yang dag par sbyar bar byas la de nyid thur du kha bstan pa dpral ba'i phyogs su gzung bar bya ste/ sor mo lhag ma rnams kyis me tog gtor ba'i tshul bya ste 'di ni yi ge ho'i rang bzhin gyis nye ba'i snying po'i phyag rgya rdo rje khro gnyer zhes bya ba'i ming can no/ /thams
 cad sreg par byed pa'o zhes bya ba la sogs pa ni go sla'o/ /rdo rje thal mo legs par bskor bas g.yon pa'i mdzub mo'i lcags kyu'o zhes pa la rang gi snying ga'i phyogs su rdo rje thal mo bcings nas g.yon du bskor bar byas nas g.yon pa'i mdzub mo lcags kyu'i rnam pa can gang yin pa de ni
 rdo rje mtshon cha 'dzin pa'i dam tshig gi phyag rgya ste/ dgug pa dang gzhug pa sgrub pa thams cad la don yod pa'o/ /rdo rje pad+ma dbus ma mnyam pa'i kha 'bus kyi mdzod do zhes bya ba la rdo rje thal mo 'og tu rab tu brkyang ba'i mthe bong dang mdzub mo'i rtse mo mnyam par sbyar ba snying ga la bstod nas
 dbang bskur ba'i gnas su rtse mo rab tu bzhag pa ni rdo rje rin chen no/ /de'i steng du lta ba'i mdzub mo gnyis spyi bor bzhag pa rdo rje pad+ma zhes bya ba ste de bzhin gshegs pa'i rdo rje'i rtog pa las rdo rje pad+ma'i mtshan nyid bshad pa yin no/ /de bcings nas sor mo dbus ma gnyis kyi rtse
 mo'i tshigs gsum pa bcag pa ral gri'i tshul du gzung bar bya ba 'di ni mdzod 'dzin ma'i dam tshig gi phyag rgya ste thams cad gcod par byed pa'o/ /rdo rje bsdams pa zhes bya ba la sogs pa la rdo rje bsdams pa bcings nas g.yas pa'i mdzub mo bsgrengs pa g.yon pa'i mthe bong dang
 mdzub mo dag phan tshun kha yang dag par sbyar bas gzung bar bya ste 'di ni zhags pa 'dzin ma'i'o/ /thams cad dgug pa dang / gzhug pa dang / mchog tu grub pa'o zhes bya bas ni de'i las bshad pa'o/ /rdo rje hUM mdzad las byung ba'o zhes bya ba la sogs pa la ji lta ba
 bzhin du bshad pa'i rdo rje hUM mdzad bcings nas de nyid kyi g.yas pa'i mdzub mo'i lcags kyus g.yon pa'i mdzub mo bslangs nas dgug par bya ste 'di ni mda' 'dzin pa'i gzhu rgyud 'gugs pa'i dam tshig gi phyag rgya'o/ /thams cad rjes su chags par byed pa dang / 'bigs par
 byed pa zhes bya ba ni de'i las bstan to/ /rdo rje hUM mdzad kyi mchog go zhes bya ba ni rdo rje bsdams pa bcings nas mdzub mo bsgreng ba phan tshun du yang dag par sbyar zhing gzung bar bya'o zhes bya ba'i tha tshig go/ /rdo rje bsdams pa g.yon pa'i rdo rje khu tshur g.yas pa'i rtse gsum gyis mtshan pas
 yongs su bzung ste thams cad dral bar byed pa'o zhes bya ba la rdo rje bsdams pa bcings nas lag pa g.yon pa'i rdo rje khu tshur bcings la g.yas pa'i mthe'u chung dang mthe bong dag gis g.yon pa'i mthe'u chung bzung ste sor mo lhag ma rnams kyis rtse gsum pa yin no/ /'di ni rtse gsum
 chen po 'dzin pa'i dam tshig gi phyag rgya thams cad dral bar byed pa'o/ /rdo rje hUM mdzad kyi g.yas pa'i khu tshur gyi mthe'u chung yang dag par brkyang ba g.yon pa'i steng du bzhag pa ni kha T+wAM ga bsgreng ba'i zhes bya ba la rdo rje hUM mdzad kyi phyag rgya bcings nas g.yas pa'i sdigs mdzub kyi rtse mo rang
 gi mthe'u'i steng du yang dag par sbyar bar byas la g.yas pa'i mthe'u chung gi lu gu rgyud yang dag par sbyar ba nyid zur du brkyang ste/ lag pa g.yon pa'i steng du bzhag la gzung bar bya ste 'di ni kha T+wAM ga 'dzin pa dam tshig gi phyag rgya ste/ kha T+wAM ga bsgreng ba zhes bya ba'i ming can no/ /mkha'
 'gro ma la sogs pa'i gdug pa thams cad kyi phyag rgya phye zhing dral bar byed pa dang / mkha' 'gro ma la sogs pa thams cad rgyas 'debs pa dang / mkha' 'gro ma la sogs pa thams cad 'phrog par byed pa zhes bya ba ni go sla'o/ /g.yas pas 'khor lo bzung ba'i tshul gyis bstod
 cing dor ba'o zhes bya ba la rdo rje hUM mdzad kyi phyag rgya bcings nas g.yas pa'i mdzub mos 'khor lo bzung ba'i tshul dang bstod pa'i tshul byas nas 'khor lo 'phang ba ston par byed pa 'di ni 'khor lo 'dzin ma'i dam tshig gi phyag rgya ste thams cad gcod pa dang gsod par byed pa'o/ /'di'i ming bstan par bya ba'i
 phyir rdo rje chen po'i khro mo chen po zhes gsungs so/ /g.yas pa'i rdo rje 'bebs pa dang sbyar ba spro zhing g.yo ba'i pad+ma 'dab ma can gyi ba dan gsum mo zhes bya ba la lag pa g.yas pa khu tshur bcings nas mthe'u chung dang srin lag gi nang du mthe bong gzung bar bya ste/ 'di ni g.yas pa'i rdo rje
 'bebs pa'i phyag rgya'o/ /lag pa g.yon pa ba dan gsum pa byas la ba dan gsum pa'i mtshan nyid can gyi phyag rgya glog ltar spro zhing g.yon pa'i ba dan gyi ba dan gsum gyi phyag rgya de nyid g.yas pa'i rdo rje 'bebs pa'i phyag rgya de yang dag par sbyar zhing gzung bar bya ste 'di ni sna tshogs ba dan
 'dzin ma'i'o/ /slar yang sna tshogs pa dang 'dzin ma'i dam tshig gi phyag rgya gnyis bshad par bya ba'i phyir/ rdo rje bsdams pa'i mthe bong dang mdzub mo gnyis kyi rdo rje las byung ba'i srin lag mnyam par sbyar zhing mthe'u chung kha phye ba zhes bya ba la rdo rje bsdams pa bcings nas mthe'u chung
 d ang mdzub mo dang srin lag gi sor mo rnams kyis rtse mo gsum byas la mthe'u chung gnyis rab tu brkyang nas rtse mo gnyis byas te 'di dang sngar bshad pa'i dpal rdo rje ba dan zhes bya ba dpal thams cad byed pa dang rnam par rgyal bar byed la dgug pa thams cad rab tu 'joms par byed pa dang
 thams cad 'bebs par byed par shes par bya'o/ /'dir gang dang gang du dam tshig gi phyag rgya gnyis bshad pa de dang der dang por rtsa ba'i phyag rgya dang gnyis pa nye ba'i snying po'i phyag rgyar shes par bya'o/ /sgeg mo la sogs pa nas rdo rje dril bu ma'i mthar thug pa'i bar gyi ni dpal rdo rje
 sems dpa'i dkyil 'khor chen po las gsungs pa kho na'i dam tshig gi phyag rgya rnams su gzung bar bya'o/ /da ni dpal rdo rje 'jig rten gsum las mchog tu rnam par rgyal ba las gsungs pa'i rdo rje gtsug tor la sogs pa'i dam tshig gi phyag rgya rnams bshad par bya ste/ rdo rje
 khu tshur gnyis bcings nas gyen du kha blta bar byas te mthe'u chung gnyis lu gu rgyud du bcing bar bya ste mdzub mo gnyis kyis yang dag par sbyar bar bya ste/ 'di ni thun mong gi slong ba'i phyag rgya'o/ /'di nyid bzlog nas mdzub mo gnyis gtsug tor gyi phyogs su gzung bar bya ste/
 'di ni rdo rje gtsug tor gyi thun mong gi dam tshig gi phyag rgya rnams so/ /slong ba'i dam tshig phyag rgya de nyid snying gar gtad de yongs su bzlog la dpral bar mdzub mo'i rtse mo bzhag ste rdo rje mdzod spu rnams kyi'o/ /de nyid kha las 'byin pa ni kha las byung ba rig pa mchog gi'o/ /de nyid
 snying gar rdo rje lcags kyu ste khro bo ti ki'o/ /de dag gi khar mdzub mo bzhag pa gshin rje mthar byed kyi'o/ /mdzub mo'i tshigs gsum pa bkug pa'i ral gri bya ste khro bo ta ki'o/ /mdzub mo gnyis kyis dpung pa g.yas par lcags kyu gnyis bya ste rdo rje lcags kyu'i'o/ /g.yas pa'i
 mdzub mo lcags kyu g.yon pa'i mdzub mo'i dbus ma dang sbyar bar bya ste 'di ni khro bo rdo rje zhags pa'i ste/ dpung pa g.yon par ro/ /mdzub mo gnyis kyi rtse mo rang gi snying gar sbyar bar bya ste 'di ni rdo rje kI li kI li'i'o/ /mdzub mo gnyis brla g.yon par gzhag par bya ste 'di ni rdo rje bsnyems pa'i'o/ /snying
 ga'i phyogs su mdzub mo gnyis kyis lu gu rgyud bcing bar bya ste 'di ni rdo rje bsdams pa'i'o/ /mdzub mo gnyis kyi rtse mo rang gi mthe bo'i steng du yang dag par sbyar ba byas la btsir bar bya ste 'di ni rdo rje khu tshur gyi'o/ /mdzub mo gnyis pad+ma'i 'dab ma'i rnam pa can du bya ste rdo rje sde'i'o/ /
 g.yas pa'i mdzub mos g.yon pa'i mdzub mo bzung zhing dgug par bya ste 'di ni murda ta ka'i gzhu rgyud 'dren pa'o/ /ba dan gsum pa byas nas des phyag 'tshal bar bya ste 'di ni rdo rje phyag gi'o/ /ltung ba'i tshul du byas te 'di ni rdo rje ltung ba'i'o/ /mdzub mo mtha' phan tshun gyi
 rtse mo rdo rje bsdams pa ni rkang gdub kyi'o/ /mdzub mo mdud pa ni rdo rje lcags sgrog gi'o/ /mdzub mos rdo rje 'bebs pa ni rdo rje rnon po'i'o/ /g.yon pa khro bo'i khu tshur gyis sdigs mdzub byed cing g.yas pas rdo rje bsor nas mnan par bya ste 'di ni rdo rje shugs kyi'o/ /phyag rgya lnga
 po 'di ni slong ba'i phyag rgya las byung ba ste/ thig skud dang po'i bar mtshams su gsungs pa'i rdo rje gtsug tor la sogs nas rdo rje shugs kyi mthar thug pa rnams kyi shes par bya'o/ /rdo rje khu tshur gnyis bcings nas mthe'u chung gnyis kyis lu gu rgyud du bcing ba byas la khu tshur gnyis
 phan tshun du btsir bar bya ste 'di ni sngags rnams kyi'o/ /rdo rje khu tshur gnyis bcings nas gyen du kha blta bar bzhag ste/ mdzub mo gnyis kyi rtse mo yang dag par sbyar bar byas nas snying ga'i phyogs nas gyen du drang bar bya ste 'di ni lha rnams kyi'o/ /rdo rje khu tshur gnyis
 bcings nas g.yas pa'i khu tshur gyis rang la dar dpyangs 'ching ba'i tshul bya ste 'di ni rdo rje mgon po rnams kyi'o/ /rdo rje khu tshur gnyis bcings nas g.yon pas rang la dar dpyangs 'ching ba'i tshul bya ste 'di ni lha mo rnams kyi dam tshig gi phyag rgya'o/ /'di rnams ni thig skud gnyis pa'i bar mtshams
 su bris pa rnams kyi'o/ /rdo rje'i khu tshur gnyis bcings nas g.yon pa'i khu tshur gyis bsnyems par bya ste 'di ni gsum pa'i rdo rje rgyal theb rnams dang lha mo rnams kyi'o/ /rdo rje khu tshur gnyis bcings nas de'i lag pa'i sor mo rnams kyis pi wang dang gling bu dang rdza rnga dang ku mu da dang /
 cha lang dang / rnga bo che dang / rnga zlum dang / rnga dang ti mi la brdung ba'i tshul rnams bstan par bya ste 'di dag ni thig skud bzhi pa'i bar mtshams su rol mo'i phyag rgya rnams so/ /sgeg mo dang bzhad ma dang glu chen ma dang gar ma rnams kyi rang gi dam tshig gi phyag rgya rnams gzung bar bya'o/ /
 thig skud kyi bar mtshams lnga pa la rgyal thob rnams kyi phyag rgya ni sngar bshad pa kho na gzung bar bya'o/ /rdo rje khu tshur gnyis bcings nas g.yon pa bsnyems par byas la g.yas pa'i khu tshur gyis mdzub mo bsgreng ba 'od ma'i yal gam dud pa'i tshul gyis gzung bar bya ste rdo rje khu tshur
 gnyis bcings nas des rdo rje phar 'phang ba dang / tshur 'dren pa'i tshul bya ste 'di ni rdo rje tshogs rnams kyi'o/ /g.yon pa'i khu tshur gyis bsnyems par byas nas g.yas pa'i khro bo'i khu tshur gyis sdigs mdzub tu bya ste 'di ni khro bo rnams kyi'o/ /rdo rje khu tshur gnyis kyi 'od ma'i yal ga
 mdud pa'i tshul bya ste 'di ni thig skud drug par rdo rje pho nya rnams kyi'o/ /rdo rje khu tshur gnyis dril bu dkrol bar bya ste/ 'di ni rdo rje gnod sbyin rnams kyi'o/ /khu tshur bcings nas mthe'u chung gi sor mo gnyis byas la kha'i mtha' gnyis su gzung bar bya ste 'di ni rdo rje
 srin po rnams kyi mche ba'i phyag rgya'o/ /rdo rje khu tshur gnyis bcings nas des bka' nod pa'i tshul du bya ste/ 'di ni mngag gzhug rnams kyi'o/ /thig skud kyi bar mtshams bdun pa la ni rdo rje gtsug tor la sogs pa'i phyag rgya dang sngags sngar bshad pas gzung bar bya'o/ /rdo rje
 rnal 'byor gyi mkha' 'gro ma dang pho nya mo dang / tshogs brgyad kyi bshad par bya ste/ de la rdo rje hUM mdzad kyi phyag rgya bcings nas g.yon pa'i rtse gsum gyis mtshan pa'i rdo rje mkha' 'gro ma'i phyag rgya dang po'o/ /de nyid bcings nas g.yas pa'i mthe'u chung rab tu brkyang ba ni gnyis
 pa'o/ /de nyid bcings nas g.yon pa'i mdzub mo dbyug pa'i khu tshur ni gsum pa'o/ /de nyid bcings nas steng du dbyug pa dang 'og tu rgyal mtshan lta bu ni rdo rje mkha' 'gro ma'i phyag rgya bzhi pa'o/ /pho nya'i dam tshig gi phyag rgya nyid ni pho nya mo rnams kyi'o/ /khro bo'i khu tshur
 gnyis rdo rje kha T+wAM ga dang rdo rje rtse gsum pa dang rdo rje mdzod dang rdo rje zhags pa dang rdo rje dbyug pa dang rdo rje mdung thung dang rdo rje mda' dang rdo rje 'khor lo zhes bya ba ni tshogs brgyad kyi dam tshig gi phyag rgya'o/ /rgyud 'di thams cad du gang du khyad par med pa der rang gi snying po nyid chos kyi phyag rgyar
 shes par bya'o/ /rdo rje sems dpa'i dbang bskur bshad pa'o zhes bya ba la rdo rje sems dpa'i dkyil 'khor du de bzhin gshegs pa thams cad kyi sku mchog sangs rgyas lnga'i cod pan gyi dbang bskur ba'i phyag rgya gzung bar bya'o/ /de ltar na sangs rgyas lnga'i cod pan gyi dbang bskur ba'i
 phyag rgya bstan nas da ni rdo rje phreng ba'i dbang bskur ba'i phyag rgya bstan par bya ba'i phyir/ rdo rje'i rigs thams cad ces bya ba gsungs te rdo rje'i rigs kyang yin la thams cad kyang yin pas na rdo rje'i rigs thams cad de 'jig rten dang 'jig rten las 'das pa'o/ /rdo rje'i rigs thams cad
 kyi dbang bskur ba sbyin pa'i phyag rgya 'di zhes bya ba ni tshig gi lhag ma'o/ /ji ltar zhe na/ rdo rje thal mo zhes bya ba la sogs pa la rdo rje thal mo bcings nas mdzub mo gnyis kyis phan tshun mdud pa bcing bar byas la mthe bong dang srin lag gi sor mo dag gis rtse mo gnyis byas te de nas
 yongs su bskor la gtsug tor gyi phyogs nas brtsams te logs bzhir phreng ba 'ching ba'i tshul byas te hUM a b+hi shiny+tsa zhes bya ba brjod cing dpral ba'i steng du gzung bar bya ste de ltar na rdo rje'i rigs thams cad la 'bar ba'i rdo rje rtse lnga pa'i phreng ba'i dbang bskur bar bya'o/ /'bar ba'i rdo rje rtse lnga pa
 zhes bya ba la sogs pa ni go sla'o/ /rdo rje'i phyag rgya khro bo ti rIn+ti ri las byung ba'o zhes bya ba la/ bcom ldan 'das rdo rje nyi ma me ltar 'bar ba'i dam tshig gi phyag rgyar gang bshad pa de ni rdo rje khro bo ti rIN+Ti ri zhes bya ba ste de bcings nas mdzub mo gnyis bsgreng bas yi ge hUM brjod cing bcom
 ldan 'das rdo rje nyi ma me ltar 'bar ba dam tshig gi phyag rgyas rab tu bsgrubs nas sdigs mdzub bya ste de ltar na rdo rje'i phyag rgya'i khro bo ti rIn+ti ri las byung ba yin no/ /don thams cad sgrub par byed pa'o zhes bya ba 'di'i las bstan pa yin te de ltar rdo rje'i phyag rgya 'di rab tu sbyor na nges pa kho nar
 dngos grub thams cad rab tu sgrub par byed pa yin no/ /de nas kyi sgra ni skabs la bab pa la'o/ /las kyi phyag rgya bzhi zhes bya ba ni rgyas btab pa dang phyag rgya phye bar byed pa dang / bsor bar byed pa dang slar yang srog ster bar byed pa zhes bya ba rnams so/ /de dag gang yin zhe na/ dam
 tshig gi phyag rgya'i lha mo rnams so zhes bya ba ni mda' 'dzin pa la sogs pa'i dam tshig gi phyag rgya rnams so zhes bya ba'i don to/ /'di ltar bshad par 'gyur te/ mda' 'dzin ma'i dam tshig gi phyag rgyas ni rgyas 'debs pa'o/ /kha T+wAM ga 'dzin pa'i dam tshig gi phyag rgyas ni phye ba'o/ /
 'khor lo 'dzin pa'i dam tshig gi phyag rgyas gsod par byed pa'o/ /sna tshogs pa'i ba dan 'dzin pa'i dam tshig gi phyag rgyas slar yang dam tshig gi srog 'byin par 'gyur ro/ /de nas bcom ldan 'das kyi las kyi dam tshig go zhes bya ba la de nas kyi sgra ni snga ma bzhin no/ /
 bcom ldan 'das rdo rje nyi ma me ltar 'bar ba'i phyag rgya bya ba nan tan sgrub pa'i ye shes rdzogs pa'i rgyur gyur ba'i las kyi dam tshig ces bya ba ni las kyi phyag rgya yin no zhes bya ba'i don to/ /de ji ltar yin zhe na/ rdo rje khu tshur gyis zhes bya ba la sogs pa la rdo rje khu tshur gyis bsnyems pa
 byas nas g.yas pa'i rdo rje khu tshur gyis rdo rje gsor ba'i tshul bya ste 'di ni bcom ldan 'das rdo rje nyi ma me ltar 'bar ba'i las kyi phyag rgya'o/ /'di zhes bya ba la sogs pa ni go sla'o/ /de ltar bcom ldan 'das kyi phyag rgya'i mdzad pa nyid bshad nas da ni rdo rje mtshon cha 'dzin ma la sogs pa rnams
 kyi bshad par bya ba'i phyir de nas las kyi phyag rgya zhes bya ba gsungs so/ /rdo rje khu tshur sdigs mdzub dang bcas pa'i mdzub mo ni rdo rje khro bo'i khu tshur ro zhes bya ba la/ rdo rje khu tshur gnyis bcings nas mdzub mo gnyis bsgreng ba sdigs mdzub kyi tshul du gzung bar bya ste 'di ni rdo rje khu tshur zhes bya
 ba'i phyag rgya'o/ /de dag gi las kyi dam tshig gi phyag rgya'o zhes bya ba la khro bo'i khu tshur de dag gi las kyi phyag rgya rnams kyi rgyur gyur pa'i phyag rgya ni las kyi dam tshig gi phyag rgya ste de gnyis su byas nas las kyi phyag rgya bcing bar bya'o/ /khro bo'i khu tshur gnyis phan tshun du yang dag par sbyor ba
 bcings te gnyis su byas nas bya'o zhes bya ba'i don to/ /sor mo gnyis kyis thams cad bkug pa'o zhes bya ba khro bo'i khu tshur gnyis bcings nas mdzub mo gnyis kyis dgug pa'i tshul bya ste 'di ni rdo rje mtshon cha 'dzin ma'i thams cad dgug pa'i las kyi phyag rgya yin no/ /snying gar cig shos dang
 g.yas pas gdug pa thams cad gcod pa'o zhes bya ba la g.yon pa'i khro bo'i khu tshur rang gi snying gar bzhag ste g.yas pas ral gri 'debs pa'i tshul du bya ste 'di ni mdzod 'dzin ma'i gdug pa thams cad gcod par byed pa'o/ /lag pa'i mdud pas g.yas pas gdug pa thams cad
 'gugs pa dang rab tu gzhug pa'o zhes bya ba la khro bo'i khu tshur gnyis bcings te des lag pa'i mdud pa byas te/ g.yas pa'i khro bo'i khu tshur gyis g.yon pa'i khro bo'i khu tshur dgug par bya ste 'di ni zhags pa 'dzin pa'i las thams cad dgug pa dang thams cad gzhug par byed pa'o/ /
 bstod pa dang bcas pa'i mda' 'phang ngo zhes bya ba la g.yon pa'i khro bo'i khu tshur gyis gzhu 'dzin pa'i tshul byas la g.yas pas mda' bstod pa'i tshul byas nas de nas 'phang ba'i tshul bya ste 'di ni mda' 'dzin ma'i'o/ /de bzhin du rdo rje rtse gsum pa la sogs pa'i rdo rje gar gyi sbyor bas
 rang gi dam tshig gi phyag rgya gyen du 'phang ba'o zhes bya ba la rtse gsum dang kha T+wAM ga dang 'khor lo dang sna tshogs ba dan 'dzin pa rnams kyi gar las byung ba'i dam tshig gi phyag rgya rnams gyen du 'phangs pas las kyi phyag rgyar 'gyur ro/ /thams cad la rgyas btab pa zhes bya ba la sogs pa ni go
 sla'o/ /sgeg mo la sogs pa rnams kyi las kyi phyag rgya ni khro bo'i khu tshur gnyis kyis bcings bar bya ste khro bo'i khu tshur gnyis bcings nas bskor te rang gi snying ga'i phyogs su sgeg pa dang bcas pas gzung bar bya ste 'di ni sgeg mo'i'o/ /khro bo'i khu tshur gnyis dgod pa'i tshul du khar yongs su
 bskor nas spyi bor yongs su gzung bar bya ste 'di ni bzhad ma'i'o/ /g.yon pa'i khro bo'i khu tshur gyi mdzub mo bkug pa dbyug pa'i tshul la gnas pa'i mdzub mo pi wang brdung pa'i tshul du gzung bar bya ste 'di ni glu chen mo'i'o/ /khro bo'i khu tshur gnyis kyis gar byas la rdo rje thal mo spyi bor bcing
 bar bya ste 'di ni rdo rje gar ma'i'o/ /khro bo'i khu tshur gnyis bcings nas lag pa mdud pa byas te lag pa g.yas pa gyen du byung bas rdo rje bka' bsgo ba'i sgo srung ma rnams kyi'o/ /de yang g.yas pa las te mdzub mo'i lcags kyu dang lag pa bzung ba dang mdud pa btsir ba dang rang gi snying gar
 dril chung dkrol ba'i tshul zhes bya ba'o/ /rdo rje gtsug tor la sogs pa rnams kyi yang rdo rje khu tshur gnyis kyis dam tshig gi phyag rgya'i sbyor bas gtsug tor la sogs pa'i tshul sbyin pa'i las kyi phyag rgya'o/ /'di ltar bshad par 'gyur te rdo rje khu tshur gnyis rang gi snying ga'i phyogs
 su bcings te/ gyen du bstan pas yongs su bskor nas gtsug gi phyogs su gzung bar bya ste 'di ni gtsug tor rnams kyi las kyi phyag rgya'o/ /snying ga las gyen du bteg ste yongs su bskor nas mdzod spu'i phyogs su gzung bar bya ste 'di ni rdo rje mdzod spu rnams kyi'o/ /kha las byung
 bar bya ste 'di ni rig pa chog gi'o/ /rang gi snying gar lcags kyu'i tshul du gzung bar bya ste 'di ni khro bo ta ki ni'i'o/ /lte bar mdzub mo gzhag pa'i tshul du gzung bar bya ste 'di ni gshin rje mthar byed kyi'o/ /ral gri'i tshul du gzung bar bya ste 'di ni khro bo ta ki ni'i'o/ /dpung pa g.yas
 par rdo rje lcags kyu 'dzin pa'i tshul gyis gzung bar bya ste 'di ni rdo rje lcags kyu'i'o/ /dpung pa g.yon par zhags pa'i tshul du gzung bar bya ste 'di ni rdo rje zhags pa'i'o/ /rdo rje khu tshur gnyis kyi rtse mo rang gi snying gar sbyar bar bya ste 'di ni rdo rje kI li kI la'i'o/ /rdo rje khu tshur gyi rtse mo brla g.yon par
 gzung bar bya ste/ 'di ni rdo rje bsnyems ma'i'o/ /rang gi snying gar gzung bar bya ste 'di ni rdo rje bsdams pa'i'o/ /phan tshun du btsir bar bya ste 'di ni rdo rje khu tshur ro/ /pad+ma 'dzin pa'i bsam pas brla g.yas pa la gzung bar bya ste 'di ni rdo rje sde'i'o/ /g.yon pa dang g.yas pa'i khu
 tshur gnyis mda' 'phang ba'i tshul du bya ste 'di ni mur+d+ha ta ki'i'o/ /phyag 'tshal ba'i tshul du byas te 'di ni rdo rje phyag gi'o/ /de nyid kyis ltung ba'i tshul byas te 'di ni rdo rje ltung ba'o/ /rkang gdub gzung ba'i bsam pas bcing bar bya ste 'di ni rdo rje lcags sgrog gi'o/ /bsdams
 pa'i bsam pas bcing bar bya ste 'di ni rdo rje lu gu rgyud kyi'o/ /rdo rje shugs kyi sgom pas bcing bar bya ste 'di ni rdo rje shugs kyi'o/ /g.yon pa'i rdo rje khu tshur rang gi snying gar gzung bar bya ste g.yas pa'i rdo rje khu tshur rdo rje gsor ba'i tshul du gsor zhing bsgrub par bya ste 'di ni rdo rje shugs kyi'o/ /
 rdo rje khu tshur gnyis btsir bar bya ste 'di ni sngags rnams kyi'o/ /rdo rje khu tshur gnyis gyen du kha blta bar bzhag la snying ga la gyen du drang bar bya ste 'di ni lha rnams kyi'o/ /rdo rje khu tshur bcings la g.yas pas rang la dar dpyangs kyi tshul du bya ste 'di ni rdo rje mgon po rnams kyi'o/ /rdo rje khu tshur
 gnyis bcings nas g.yon pas rang la dar dpyangs 'ching ba'i tshul du bya ste 'di ni lha mo rnams kyi'o/ /rdo rje khu tshur gnyis bcings nas g.yon pas bsnyems par bya ste 'di ni rdo rje rgyal theb rnams dang de'i lha mo rnams kyi'o/ /thig skud bzhi po'i bar mtshams su rol mo'i phyag rgya de
 bzhin du shes par bya'o/ /sgeg mo la sogs pa yang rang gi las kyi phyag rgya rnams gzung bar bya'o/ /thig skud lnga pa'i bar mtshams su rgyal theb rnams kyi phyag rgya sngar bshad pa kho nas shes par bya'o/ /g.yon pa'i rdo rje khu tshur gyis bsnyems par byas nas gsang ba'i khu tshur gyis rdo
 rje 'od ma'i yal ga mdud pa'i tshul du bya ste 'di ni sgo srung rnams kyi'o/ /rdo rje khu tshur gnyis kyis rdo rje mdun du drang ba dang phyir drang ba'i tshul du bya ba ste 'di ni tshogs rnams kyi'o/ /g.yon pa'i rdo rje khu tshur gyis bsnyems par byas la g.yas pas sdigs mdzub kyi tshul du bya ste 'di ni khro bo rnams kyi'o/ /
 rdo rje khu tshur gnyis kyis 'od ma'i yal ga 'gugs pa'i tshul du bya ste 'di ni pho nya rnams kyi'o/ /rdo rje khu tshur gnyis dril bu dkrol ba'i tshul du gzung bar bya ste 'di ni rdo rje gnod sbyin rnams kyi'o/ /rdo rje khu tshur gnyis kha'i mtha' gnyis su gzung bar bya ste 'di ni rdo rje srin po rnams kyi'o/ /rdo rje khu tshur
 gnyis bka' bsgo ba'i tshul du gzung bar bya ste 'di ni mngag gzhug pa dang mngag gzhug ma rnams kyi'o/ /rdo rje khu tshur gnyis rdo rje kha T+wAM ga dang / rdo rje rtse gsum dang / rdo rje zhags pa dang / rdo rje dbyug pa dang / rdo rje mdung thung dang / rdo rje mda' dang / rdo rje 'khor lo 'dzin pa'i bsam pas bcing ba bya
 ste 'di rnams ni tshogs brgyad las kyi phyag rgya yin no/ /rdo rje rnal 'byor gyi mkha' 'gro ma rnams kyi ni gar las byung ba'i rang gi dam tshig gi phyag rgya'o/ /khro bo'i ngag gis rdo rje'i rigs la bzlas pa bya'o zhes bya ba khro bo'i mtshan nyid bstan par bya ba'i phyir/ de nas ngag gi phyag rgya zhes bya ba la sogs pa
 gsungs te/ sprin bzhin du yi ge hUM gi sgra sgrogs pa gang la yod pa de ni sprin gyi sgra sgrogs pa'i yi ge hUM dang ldan pa'o/ /sprin gyi sgra sgrogs pa'i yi ge hUM dang ldan pa yang de yin la phra ba'i sgra dang bcas pa yang de yin pas na sprin gyi sgra sgrogs pa'i yi ge hUM dang ldan pa'i phra mo'i sgra'o/ /de ltar gyur
 pa gcig pur ma zad kyi khro zhing gsal ba'o zhes bya ba la khro bas gsal ba ste khro bo'i nyams kyis khyab cing de dang ldan pa'o zhes bya ba'i don to/ /de ltar gyur pa'i khro bo chen po'i rdo rje'i ngag yin no/ /gang gi don du ldan pa'i bsam pa gang gis 'di sbyar bar bya zhe na/ sgrub pa'i don du bsgrub par
 bya ba'o zhes bya ba la phyag rgya chen po la sogs pa bsgrub pa'i phyir 'dis bdag nyid dang khams gsum pa'i rdo rje'i rigs kyi gzugs rdzogs pa bsgrub par bya'o zhes bya ba'i bsam pas rab tu sbyar bar bya ba yin no/ /da ni las brgya sgrub par byed pa'i phyag rgya rnams kyi mtshan nyid bstan
 par bya ba'i phyir/ de nas ma grub na zhes bya ba la sogs pa gsungs te/ ji ltar bshad pa'i tshul gyis sngon du bsnyen pa byas nas mtshan thog thag bsgoms pas gang gi tshe chos kyi phyag rgya la sogs pa grub par ma gyur na de'i tshe chos kyi phyag rgya la sogs pa ma grub pa'i rjes thogs nyid du
 sreg pa la sogs pa'i las thams cad sgrub par byed pa'i phyag rgya rnams 'ching ba ste 'ching ba'i mtshan nyid 'di yin no zhes bya ba'i don to/ /sgrub pa ni de bzhin du phyag rgya chen pos lan cig tu bya'o zhes bya ba la ji ltar chos kyi phyag rgya la sogs pa bsgrub pa'i phyir thams cad dgug pa dang mchod pa
 chen po dang bdag la byin gyis brlab pa la sogs pa sgrub pa sngon du 'gro ba'i phyag rgya chen pos bdag la byin gyis brlab pa'i sgrub pa gcig pu lan cig bstan pa de bzhin du thams cad sreg pa la sogs pa'i las sgrub pa 'dir yang shes par bya'o/ /las la nges par sbyar ba ni khro gnyer gyis so
 zhes bya ba la/ 'dir yi ge hi ni khro gnyer te de dang bcas pas las thams cad sgrub par byed pa'o/ /phyag rgya rnams la nges par sbyar bar bya'o/ /'di ltar bshad par 'gyur te/ bdag la byin gyis brlab pa la sogs pa dang phyag rgya bzhin byas nas khro gnyer gyis kyang dgod pa
 bcas pas phyag byas te las grub par byed pa'i phyag rgya bcings te hi hUM zhes bya ba bzlas zhing las thams cad bsgrub par bya ste/ de ltar na las thams cad la nges par sbyor ba khro gnyer gyis grub pa yin no/ /rdo rje hUM mdzad las byung ba'o zhes bya ba la rdo rje hUM mdzad bcings nas las sgrub par
 byed pa'i phyag rgya bcing bar bya ste de ltar na rdo rje hUM mdzad las byung ba de yin no/ /ji ltar zhe na/ ske tshe dang bcas pa'i til mar la sogs pa'i sbyin sreg ni g.yas pas so zhes bya ba la rdo rje hUM mdzad kyi phyag rgyas g.yas pa'i rdo rje khu tshur gyis blugs gzar blangs te/ des ske tshe dang bcas
 pa'i til mar la zhi ba'i sbyin sreg bya ste de ltar na thams cad sreg par 'gyur ro/ /de nyid kyis gtang ba'o zhes bya ba la rdo rje hUM mdzad bcings nas bsgrub par bya ba bskrad pa'i bsam pas sdigs mdzub kyis gtad par bya ste de ltar na thams cad bskrad pa'o/ /de nyid kyis thams cad 'ching ba'o zhes bya
 ba la rdo rje hUM mdzad kyi phyag rgya'i mdzub mos bsgrub bya'i gdong bcing bar bya ste de ltar na thams cad rmugs par byed par 'gyur ro/ /g.yo ba med pa zhes bya ba la rdo rje hUM mdzad kyi phyag rgyas bsgrub bya g.yo ba med par bsam par bya ste/ de ltar na thams cad rengs pa'o/ /gnyid log pa ston pa'o
 zhes bya ba la rdo rje hUM mdzad bcings nas mig gnyis btsum par bya ste de ltar na thams cad gnyid log tu 'jug pa'o/ /khro bo'i rdo rje'i lta bas sdigs mdzub po zhes bya ba la khro bo'i lta bas bsgrub bya la blta zhing rdo rje hUM mdzad kyi phyag rgyas sdigs mdzub bya ste de ltar na thams cad la rgyas btab
 pa'o/ /phyag rgya glod par 'gyur ba'o zhes bya ba la rdo rje hUM mdzad bcings nas glod par bya ste de ltar na thams cad rmongs par 'gyur ba'o/ /mdzub mo gnyis yang dag par sbyar nas phye ba'o zhes bya ba la rdo rje hUM mdzad kyi phyag rgya'i mdzub mo gnyis phan tshun sbyar bar byas la so sor phye bar bya ste de ltar na
 thams cad 'joms pa'o/ /de dag nyid kyis sdu gu 'ching ba'o zhes bya ba la rdo rje hUM mdzad kyi phyag rgya'i mdzub mo gnyis kyi lu gu rgyud bcing bar bya ste de ltar na thams cad 'ching ba'o/ /'ching bas btsir ba'o zhes bya ba ni rdo rje hUM mdzad kyi phyag rgya'i mdzub mo gnyis kyis lu gu rgyud bcings nas
 btsir bar bya ste de ltar na thams cad btsir ba'o/ /de nas dral bar bya'o zhes bya ba la 'das ma thag pa'i lu gu rgyud bcing bar byas la mdzub mo gnyis bcings la dral bar bya ste de ltar na thams cad dral ba'o/ /g.yas pas rdeg pa'o zhes bya ba la rdo rje hUM mdzad kyi phyag rgya'i g.yas pa'i
 mdzub mos g.yon pa'i mdzub mo la brdeg par bya ste de ltar na thams cad gsod pa'o/ /mdzub mo gnyis kyis 'bar ba'i zhes bya ba la rdo rje hUM mdzad kyi phyag rgya'i mdzub mo gnyis kyis gyen du 'bar ba'i tshul du bya ste de ltar na thams cad 'bar ba'o/ /g.yas pa'i mdzub mo dbus ma
 ltung ba'i tshul lo zhes bya ba la rdo rje hUM mdzad kyi phyag rgya'i g.yas pa'i mdzub mo la g.yon pa'i dbus ma'i sor mo bsgreng ba bsgrub bya ltung ba'i tshul gyis dbab par bya ste de ltar na thams cad ltung du 'jug pa'o/ /mdzub mo gnyis kyis mer byed pa'o zhes bya ba la rdo rje hUM mdzad
 kyi phyag rgya'i mdzub mo gnyis kyis 'bar ba'i tshul bstan par bya ste de ltar na thams cad 'tshed pa'o/ /gcod pa'o zhes bya ba la rdo rje hUM mdzad kyi phyag rgya gcod pa'i tshul du sbyar bar bya ste de ltar na thams cad gcod pa'o/ /mdzub mo gnyis kyi sen mo sbyar ba'i rtse mos gcod pa'o zhes bya ba
 la rdo rje hUM mdzad kyi sen mo gnyis kyis phan tshun sen mo yang dag par sbyar ba'i rtse mor byas la des bsgrub bya rnams dral ba'i tshul du bya ste de ltar na thams cad dral bar 'gyur ro/ /lag pa gnyis drag tu mnye ba'o zhes bya ba la rdo rje hUM mdzad bcings nas lag pa gnyis phan tshun du drag tu mnye bar
 bya ste de ltar na thams cad phye mar 'gyur ro/ /thams cad du sor mo thams cad dor ba'o zhes bya ba la rdo rje hUM mdzad bcings te phyogs bcur sor mo thams cad dor bar bya ste de ltar na thams cad dor bar 'gyur ro/ /cig car du phyag rgya dgrol ba'o zhes bya ba la rdo rje hUM mdzad myur ba nyid du
 dgrol bar byas/ te de ltar na thams cad rnam par 'joms par 'gyur ro/ /drang zhing g.yo bas sdigs mdzub po zhes bya ba la rdo rje hUM mdzad bcings nas gang zhig g.yo ba'i tshul gyis bdag nyid 'dar bar bya zhing bsgrub bya la sdigs mdzub bya ste de ltar na rims thams cad kyis bsgrub bya 'dzin
 du gzhug pa'o/ /g.yas pa'i mdzub mo'i gdengs ka bskyod pas sdigs mdzub mo zhes bya ba la rdo rje hUM mdzad kyi phyag rgya'i g.yas pa'i mdzub mos klu lto 'phye'i tshul du byas la de'i bsgrub bya la sdigs mdzub bya ste de ltar na dug thams cad kyis bsgrub bya zin par 'gyur ro/ /g.yas pa'i
 mdzub mo mche bas bzung ba'o zhes bya ba la rdo rje hUM mdzad kyi g.yas pa'i mdzub mo so rnams kyis gzung bar bya ste/ de ltar na bsgrub bya gdon gyis 'dzin du gzhug pa yin no/ /ngu ba dang dgod pa dang rmugs pa la sogs pa bstan pa'o zhes bya ba la rdo rje hUM mdzad bcings nas ngu ba dang dgod
 pa dang rmugs pa la sogs pa bdag nyid kyis bstan par bya ste de ltar na bsgrub bya smyo bar byed pa yin no/ /mdzub mo gnyis kyis se gol rdeb ba'o zhes bya ba la rdo rje hUM mdzad kyi mdzub mo gnyis kyis phan tshun du se gol gyi sgra byung zhing bsgrub bya la brdeg par bya ste de ltar na thams cad gsod par 'gyur ro/ /
 g.yon pa'i steng du g.yas pa nye bar gzhag pa'o zhes bya ba la rdo rje hUM mdzad kyi phyag rgya'i g.yon pa'i sdigs mdzub dang zur du bzhag ste de'i steng du g.yas pa'i mdzub mo gzhag par bya ste/ de ltar na langs pa thams cad nye bar 'dug par 'gyur ro/ /sa la rab tu gzhag pa'o zhes bya ba la rdo rje hUM mdzad
 bcings nas sa la rab tu gzhag par bya ste de ltar na thams cad 'khor bar 'gyur ro/ /bskyod par bya'o zhes bya ba la rdo rje hUM mdzad bcings nas bsgrub bya g.yo ba'i bsam pas bskyod par bya ste de ltar na thams cad g.yo bar 'gyur ro/ /gar bya'o zhes bya ba la rdo rje hUM mdzad bcings
 nas rang gis gar bya ste de ltar na thams cad gar byed du 'jug pa yin no/ /'byin pa'o zhes bya ba la rdo rje hUM mdzad bcings nas kha'i phyogs las gyen du drang bar bya ste de ltar na thams cad glu len du 'jug par 'gyur ro/ /brlab par bya'o zhes bya ba la rdo rje hUM mdzad bcings nas chu bo'i
 tshogs chen po bskyod pa'i tshul du brlab par bya ste de ltar na thams cad brtser gzhug pa yin no/ /thams cad brlab par bya'o zhes bya ba la rdo rje hUM mdzad bcings nas phyogs bzhi ru chu'i tshogs bskyed pa'i tshul du brlab par bya ste/ de ltar na thams cad rol du bcug
 par 'gyur ro/ /ha har dgod pa'o zhes bya ba la rdo rje hUM mdzad bcings nas ha har dgod par bya ste de ltar na ha har dgod par byed du bcug par 'gyur ro/ /bskor ba'o zhes bya ba la rdo rje hUM mdzad bcings nas bskor bar bya ste de ltar na thams cad bskor du bcug pa'o/ /dgug par bya'o
 zhes bya ba la rdo rje hUM mdzad dgug par bya ste de ltar na thams cad 'gugs par 'gyur ro/ /drang bar bya'o zhes bya ba la rdo rje hUM mdzad bcings nas mdun du de drang bar bya ste de ltar na 'dren pa'o/ /gtad par bya'o zhes bya ba la rdo rje hUM mdzad mdun du drang bar bya ste de ltar na thams cad gtad
 par 'gyur ro/ /yongs su bskor nas nub par bya'o zhes bya ba la rdo rje hUM mdzad yongs su bskor nas nub pa'i tshul du gzung bar bya ste de ltar na thams cad nub par 'gyur ro/ /de nas dor bar bya'o zhes bya ba la rdo rje hUM mdzad gyen du drang bar bya ste de ltar na thams cad gyen du 'byung
 bar 'gyur ro/ /myur du dor ba'o zhes bya ba la rdo rje hUM mdzad myur du dor bar bya ste de ltar na thams cad dor ba'o/ /de bzhin du kun nas 'dren pa'o zhes bya ba la rdo rje hUM mdzad myur du drang bar bya ste de ltar na thams cad gyen du 'dren par 'gyur ro/ /de bzhin du gyen du drang bar bya'o zhes bya ba la
 rdo rje hUM mdzad zur du drang bar bya ste de ltar na thams cad gyen du drang bar 'gyur ro/ /rang gis nga ro bya'o zhes bya ba la rdo rje hUM mdzad bcings nas rang nyid kyis nga ro bya ste de ltar na thams cad kyis nga ro 'don par byed pa'o/ /ngu bar bya'o zhes bya ba la rdo rje hUM mdzad bcings nas rang gis ngu bar bya ste de ltar na
 thams cad ngu ba'o/ /bdag nyid la brdeg par bya ba'o zhes bya ba la rdo rje hUM mdzad bcings nas bdag nyid la brdeg par bya ste de ltar na bsgrub bya thams cad kyis bdag nyid la brdeg pa'o/ /snying gar brdeg par sbyin par bya'o zhes bya ba la rdo rje hUM mdzad bcings nas des rang gi snying gar brdeg
 par bya ste de ltar na thams cad gsod pa'o/ /rang nyid kyis rang gi sgra 'don par bya'o zhes bya ba la gzhan gyi sgra yang rang nyid kyis 'don pa yin pas de rnam par gcad par bya ba'i phyir rang nyid 'don zhes bya ba 'dis 'di ltar 'chad par 'gyur te rdo rje hUM mdzad kyi bar gyi sgra 'don par bya ste de ltar na
 thams cad bsgrub bya sgra 'don par byed pa yin no/ /sdang ba bsdams pa'o zhes bya ba la rdo rje hUM mdzad bcings nas yid kyis bsgrub bya dbral bar bya ste de ltar na rnam par sdang ba'o/ /rang gi gos stod par bya'o zhes bya ba la rdo rje hUM mdzad kyis rang gi gos stod par bya ste de ltar na gos stod pa'o/ /
 khro bo de bzhin du 'bar ba bstan pa'o zhes bya ba la rdo rje hUM mdzad bcings nas khro zhing rab tu g.yo bas mdzub mo gnyis kyis gyen du 'bar ba skyed pa'i tshul du bya ste de ltar na khro ba 'bar bar 'gyur ro/ /g.yas pa'i mdzub mo'i lcags kyu'o zhes bya ba la rdo rje hUM mdzad kyi g.yas pa'i mdzub
 mo lcags kyu'i rnam par bya ste 'dis thams cad 'gugs par 'gyur ro/ /de nyid kyis rab tu gzhug pa'o zhes bya ba la rdo rje hUM mdzad kyis bsgrub bya rab tu gzhug pa'i tshul du bya ste de ltar na thams cad rab tu gzhug par 'gyur ro/ /g.yas pa'i se gol zhes bya ba la rdo rje hUM mdzad kyi phyag rgya'i g.yas
 pa'i sdigs mdzub dang mthe bong dag gis se gol gyi sgra bya ste de ltar na thams cad 'bebs pa'o/ /g.yon pa'i se gol zhes bya ba la rdo rje hUM mdzad kyi phyag rgyas g.yon pa'i sdigs mdzub dang mthe bong dag gis se gol gyi sgra bya ste de ltar na pra dbab pa thams cad bsgrub pa'o/ /lce reg pa ni mdzub mo
 gnyis so zhes bya ba la rdo rje hUM mdzad kyi phyag rgya'i mdzub mo gnyis kyis lce la reg par bya ste de ltar na thams cad smra bar 'gyur ro/ /yan lag la spu g.yas su 'khyil ba bskor ba'o zhes bya ba la rdo rje hUM mdzad bcings nas g.yas su 'khyil pa'i ba spu ston pa'i tshul du yan lag thams cad bskor bar
 bya ste de ltar na sgyu ma thams cad ston par 'gyur ro/ /lhung du gzhug pa la sogs pa byed pa'o zhes bya ba la rdo rje hUM mdzad kyis lhung du gzhug pa dang slong bar byed pa'i tshul ston par byed de de ltar na thams cad so sor ston pa mthong ba'o/ /dus bsgom pa'o zhes bya ba la rdo rje hUM mdzad bcings nas
 dus kyi 'khor lo yongs su bskor bar bya ste de ltar na dus kyi 'khor lo yongs su bskor ba'o/ /khro bo'i lta bas shing drung rnams la yid kyis 'dod pa'o zhes bya ba rnams la rdo rje hUM mdzad bcings nas khro ba'i lta ba bskyed nas des shing drung rnams kyi 'dab dang me tog dang 'bras bu dang ci 'dod
 pa'i shing drung de dag mthong zhing bstan pa'o/ /de bzhin du sa la blta ba ni rdo rje hUM mdzad bcings nas khro bo'i lta bas sa la blta zhing sa la bzhag ste 'bru thams cad skye bar bsgom par bya ste de ltar na 'bru thams cad ston par byed pa'o/ /lta ba'o zhes bya ba la rdo rje hUM mdzad bcings nas byams pa'i lta ba
 bya ste des bsgrub bya la blta zhing rims dang bral bar byed pa'o/ /smin ma zhes bya ba la rdo rje hUM mdzad bcings nas smin ma 'gyu bas phrog par bya ste de ltar na sbyar ba'i dug thams cad dang bral bar byed do/ /so zhes bya ba la rdo rje hUM mdzad bcings nas so bstan par bya ste de ltar na gdon thams cad
 las grol bar 'gyur ro/ /phu zhes bya ba la rdo rje hUM mdzad bcings nas yi ge phu brjod par bya ste de ltar na dug thams cad las thar pa'o/ /phyag rgyas brdeg pa'o zhes bya ba la rdo rje hUM mdzad kyi mkha' 'gro mas bzung ba la brdeg par bya ste de ltar na mkha' 'gro ma thams cad kyis
 bzung ba dgrol ba'o/ /rgyal mtshan bsgreng ba'o zhes bya ba la rdo rje hUM mdzad bcings nas rgyal mtshan bsgreng ba'i tshul gyis gyen du gzung bar bya ste de ltar na 'thab mo thams cad las thar pa'o/ /'jigs byed kyi lta ba khro ba dang bcas pas so zhes bya ba la rdo rje hUM mdzad bcings nas khro ba dang
 bcas pa'i 'jigs byed kyi lta bas gzhan gyi dpung la blta zhing bzlas par bya ste de ltar na gzhan gyi dpung thams cad 'joms par 'gyur ro/ /'dzum pa med pas blta'o zhes bya ba la rdo rje hUM mdzad bcings nas 'dzum pa med pa'i lta bas blta zhing bzla bar bya ste de ltar na mtshams bcing
 bar 'gyur ro/ /de bzhin du 'bar bas 'ching ba'o zhes bya ba la rdo rje hUM mdzad bcings nas snying ga las rdo rje 'bar ba spro ste des phyogs bcing bar bya ste de ltar na phyogs thams cad bcing bar 'gyur ro/ /phyag rgya bskor bar bya'o zhes bya ba la rdo rje hUM mdzad bskor bar bya ste de ltar na
 dkyil 'khor bcing bar 'gyur ro/ /gtsug tor las mdzub mo'i rdo rje zhags par bya'o zhes bya ba la rdo rje hUM mdzad bcings nas mdzub mo gnyis kyi rtse mo yang dag par sbyar ba'i rtse mo bya ste/ yongs su bskor la gtsug tor du mdzub mo gnyis kyis gzung bar bya ste de ltar na
 shin tu bsrung bar 'gyur ro/ /de bzhin du snying gar ro zhes bya ba la rdo rje hUM mdzad bcings nas mdzub mo gnyis kyi rtse mo yang dag par sbyar bar byas nas rang gi snying gar gzung bar bya ste de ltar na yongs su skyong bar byed par 'gyur ro/ /rdo rje dgrol ba'o zhes bya ba la 'das ma thag tu
 bshad pa'i phyag rgya rang gi snying gar dgrol bar bya ste de ltar thams cad dgrol bar 'gyur ro/ /phyag rgya zur du bslang ba'o zhes bya ba la rdo rje hUM mdzad zur du gzhag la bslang bar bya ste de ltar na thams cad bslang bar 'gyur ro/ /mdzub mo'i rtse mo brtan par sbyar la bya'o zhes bya ba la
 rdo rje hUM mdzad kyi phyag rgya'i mdzub mo gnyis kyi rtse mo phan tshun du yang dag par sbyar bar bya ste de ltar na thams cad dbang du byed par 'gyur ro/ /lta ba zhes bya ba la rdo rje hUM mdzad kyi khro ba'i lta bas blta zhing las bya'o/ /ci ltar zhe na/ steng nas 'og tu ltung ba'o zhes bya ba la rdo rje hUM mdzad bcings
 nas khro bo'i lta bas blta zhing steng gi phyogs nas 'og tu ltung ba'i tshul du bya ste de ltar na lha thams cad ltung bar 'gyur ro/ /'og nas steng du 'dren pa'o zhes bya ba la rdo rje hUM mdzad bcings nas lta ba dang bcas pa de nyid kyis 'og nas gyen du drang ba'i tshul du bya ste de ltar na klu thams cad ston
 par 'gyur ro/ /yi ge hUM khros pa'o zhes bya ba la lta ba de nyid kyis blta zhing rdo rje hUM mdzad bcings te khros pas yi ge hUM bzla bar bya ste de ltar na gnod sbyin thams cad rjes su 'brang bar byed pa'o/ /'jigs byed lta ba'o zhes bya ba la rdo rje hUM mdzad bcings nas 'jigs byed kyi lta bas blta zhing
 bzla bar bya ste de ltar na srin po thams cad 'jigs su gzhug go/ /rdo rje kha T+wAM ga dral ba khro bos so zhes bya ba la rdo rje hUM mdzad bcings nas khro bo'i lta bas 'bar ba'i rdo rje rnams kha T+wAM ga'i steng du yid kyis dbab par bya ste/ de ltar nag po chen po'i rdo rje kha T+wAM ga dral bas mkha' 'gro ma la
 sogs pa'i gdon thams cad zhi bar 'gyur ro/ /snying gar rdo rje bsgoms pa'o/ /zhes bya ba la rdo rje hUM mdzad bcings nas rang gi snying gar rdo rje 'bar ba bsgom par bya ste de ltar na bdud kyi dpung thams cad 'joms par 'gyur ro/ /rdo rje rtse gsum dral ba'o zhes bya ba la rdo rje hUM mdzad bcings nas
 yid kyis rtse gsum dral bar bya ste de ltar na ma mo thams cad zhi bar 'gyur ro/ /gdug pa'i dkyil 'khor gzhig par bya'o zhes bya ba la rdo rje hUM mdzad bcings nas bzla bar bya ste de ltar na gdug pa thams cad kyi dkyil 'khor gtor bar 'gyur ro/ /yi ge hUM gis so zhes bya ba la
 rdo rje hUM mdzad bcings nas yi ge hUM bzla bar bya ste de ltar na gdug pa can thams cad tshar gcod par 'gyur ro/ /hi zhes bya ba la rdo rje hUM mdzad bcings nas yi ge hi bzla bar bya ste de ltar na thams cad 'dul bar 'gyur ro/ /g.yas pas dbugs dbyung ba'o zhes bya ba la rdo rje hUM mdzad
 bcings nas g.yas phyogs su mi 'jigs pa sbyin pa'i tshul du gzung bar bya ste de ltar na 'jigs pa med par 'gyur ro/ /de nyid kyis dong tse stsol ba'o zhes bya ba la rdo rje hUM mdzad kyis dong tse stsol ba'i tshul bya ste de ltar na nor bu bzang po dbang du byed do/ /khro bo'i lta bas
 de bzhin du byed do zhes bya ba la ji ltar dong tse stsol ba'i tshul gyis nor bu bzang po dbang du byed par 'gyur ba de bzhin du hUM mdzad bcings nas khro bo'i lta bas nor sbyin gyi gzugs brnyan la blta zhing bzla bar bya ste de ltar na gnod sbyin gyi nor thams cad 'phrog par 'gyur ro/ /rdo rje khu tshur g.yas
 p as mnan te g.yon pa'i sor mo rnams kyis bzung nas dgug par bya'o zhes bya ba la rdo rje hUM mdzad bcings nas g.yon pa'i rdo rje khu tshur zur du bzhag ste g.yas pa'i khro bo'i khu tshur gyis bzung la lu gu rgyud bcings pa ma bkrol zhing g.yon pa'i mdzub mo rnams kyis gzung bar byas la dgug par
 bya ste de ltar na rnam par 'phrul pa'i gzugs brnyan gnas pas dpal thams cad 'dren par 'gyur ro/ /dong tse stsol ba ni gnyis kyis so zhes bya ba la rdo rje hUM mdzad bcings nas mdzub mo gnyis kyis dong tse stsol ba'i tshul bstan te de ltar na lha'i bu mo thams cad 'phrog par 'gyur ro/ /g.yon
 pa'i dril bu dral ba'o zhes bya ba la rdo rje hUM mdzad bcings nas gzhon nu ma'i lag pa g.yon pa la gnas pa'i dril bu yid kyis dral bar bya zhing gzhon nu ma dang lhan cig tu yang dag par sbyor bas bsam par bya ste de ltar na gzhon nu ma dang rol par 'gyur ro/ /de bzhin rdo rje hUM mdzad kyi
 g .yas pa'i khu tshur g.yon pa'i rdo rje khro bos mnan te mthe'u chung gi gdu bu bkrol ba'i rdo rje khu tshur gyis 'phrog par bya'o zhes bya ba la rdo rje hUM mdzad bcings nas g.yas pa'i mdzub mo'i rtse mo rang gi mthe bong gi steng du bzhag nas thur du bstan la g.yon pa'i mdzub mos mnan te mthe'u
 chung gi lu gu rgyud bkrol bas 'phrog par bya ste de ltar na rkang pa g.yon pa brgya byin gyi gzugs brnyan mnan na sha tsi 'phrog par 'gyur ro/ /g.yas pa'i dril bu dral ba'o zhes bya ba la rdo rje hUM mdzad bcings nas gzhon nu ma'i lag pa g.yas pa la gnas pa'i dril bu yid kyis dral
 bar bya ste de ltar na gzhon nu rnam par spyod par 'gyur ro/ /chags pa dral bas ltung ba ni yid kyis so zhes bya ba la rdo rje hUM mdzad bcings nas sems kyis ltung bar bya ste de ltar na tshangs pa ltung du bcug par 'gyur ro/ /'khor lo dral ba'o zhes bya ba la rdo rje hUM mdzad bcings nas yid
 kyis khyab 'jug gi 'khor lo dral bar bya ste de ltar na khyab 'jug 'dul ba'o/ /rtse gsum dral ba'o zhes bya ba la yid kyis lha chen po'i rtse gsum dral bar bya ste de ltar na lha chen po rnams las rnam par rgyal bar 'gyur ro/ /rdo rje hUM mdzad kyi g.yon pa g.yas pa'i rdo rje khu tshur gyis
 m nan te de bzhin du gdu bu bkrol bas 'phrog par bya'o zhes bya ba la rdo rje hUM mdzad bcings nas mdzub mo rang gi mthe bo'i steng du bzhag la g.yon pa'i mdzub mo yang de bzhin du bzhag ste g.yas pa'i rdo rje khu tshur gyis g.yon pa bzung ste mthe'u chung gi gdu bu bkrol ba de ltar na 'dod pa'i
 dbang phyug mnan nas dga' ba ma 'phrog par 'gyur ro/ /rdo rje dang byang chub sems dpa' dang de bzhin gshegs pa thams cad dang / rdo rje 'chang chen po rjes su dran pas bsgrub par bya'o zhes bya ba la rdo rje hUM mdzad bcings nas mdun du rdo rje bsgom par bya ste de ltar na rdo rje sgrub pa'o/ /mdun du
 byams pa la sogs pa'i byang chub sems dpa' bsgom par bya ste de ltar na byang chub sems dpa' chen po grub pa'o/ /mdun du rnam par snang mdzad la sogs pa'i de bzhin gshegs pa thams cad bsgom par bya ste de ltar na de bzhin gshegs pa thams cad rjes su chags pa'o/ /
 de bzhin du rdo rje hUM mdzad bcings nas mdun du rdo rje 'chang chen po bsgom par bya ste de ltar na rdo rje 'chang chen po rjes su chags pa dang 'jug pa dang dam tshig bcing ba dang dbang du byed pa grub par 'gyur ro/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes
 bya ba las rdo rje khro bo'i rgyal po chen po'i phyag rgya'i rgyud kyi bshad pa rdzogs so/ / //de ltar na bcom ldan 'das rdo rje nyi ma me ltar 'bar ba'i phyag rgya'i rtog pa bstan nas/ da ni 'phags pa spyan ras gzigs dbang phyug gi phyag rgya'i rgyud kyi rtog pa bstan par bya ba'i phyir/ de nas
 'phags pa spyan ras gzigs dbang phyug gi phyag rgya'i rgyud ces bya ba gsungs te/ pad+ma chen po zhes bya ba ni mdor bstan pa'o/ /rdo rje thal mo kha 'bus pa/ /zhes bya ba la sogs pa ni rgyas par bshad pa'o/ /'dis ni 'di ltar bshad par 'gyur te/ kha 'bus pa'i tshul
 gyis rdo rje thal mo bcings la sor mo dbus ma gnyis kyi rtse mo yang dag par sbyar bar bya ste/ mthe'u chung dang mthe bong rnams kyis pad+ma'i 'dab ma bzhi shin tu kha phye bar bya ste/ 'di ni 'phags pa 'jig rten dbang phyug gi dkyil 'khor du 'jug pa'i phyag rgya pad+ma chen po zhes bya'o/ /
 chos thams cad 'thob pa'o zhes bya ba la pad+ma'i rigs dang rang bzhin gyis dag pa'i ting nge 'dzin ni thams cad de/ de thob pas te pad+ma chen po'o/ /de thob pa'i rgyur gyur pa nyid kyi phyir phyag rgya thob pa zhes brjod pa yin no/ /thams cad rjes su chags par byed pa yang ngo zhes bya ba la
 de nyid pad+ma'i rigs thams cad rjes su chags par byed pas thams cad rjes su chags par byed pa'o/ /phyag rgya chen po de bzhin no/ /zhes bya ba la ji ltar pad+ma'i rigs kyi lha rnams kyi dkyil 'khor du phyag rgya chen po bstan pa de bzhin du phyag mtshan dang sgrub pa pos bcing bar bya'o
 zhes bya ba'i don to/ /dam tshig gi phyag rgya rdo rje pad+ma bshad pa'o zhes bya ba la de bzhin gshegs pa'i dkyil 'khor du rdo rje pad+ma zhes bya ba'i phyag rgyar gang bshad pa de nyid 'dir 'phags pa spyan ras gzigs kyi dbang phyug gi dam tshig gi phyag rgyar shes par bya'o/ /de'i mtshan nyid 'di
 yin te rdo rje thal mo 'og tu brkyang la mthe bong dang mdzub mo mnyam par sbyar nas snying gar bteg ste dbang bskur ba'i gnas su rtse mo gzhag pa ni rdo rje rin chen te/ de nyid steng du kha blta ba'i mdzub mo gnyis phyi rol du bkug pa ni rdo rje pad+ma'o/ /pad+ma'i rigs kyi rdo rje bsdams pa las byung ba'o
 zhes bya ba la mdzes pa'i ting nge 'dzin gyi pad+ma la sogs pa ni pad+ma'i rigs rnams te de la dam tshig gi phyag rgya rnams rdo rje bsdams pa bcings la bcing bar bya'o/ /de la zhes bya ba'i sgra ni ngag nye bar dgod pa'am dgar ba la'o/ /pad+ma'i de bzhin gshegs pa ni mdzes pa'i ting nge 'dzin gyi ming
 can no/ /sogs pa'i sgras ni pad+ma chen po dang ting nge 'dzin dang rnam par gzigs pa rnam par gzung ba ste bzhi po de dag ni nang du rdo rje bsdams pa las byung ba'i dam tshig gi phyag rgya rnams shes par bya'o/ /ji ltar zhe na de bzhin gshegs pa'i pad+ma zhes bya ba la sogs pa la rdo rje bsdams pa nang du
 bcings nas gyen du blta bas pang par gzung bar bya ste 'di ni mdzes pa'i ting nge 'dzin gyi ming can de bzhin gshegs pa'i pad+ma'i dam tshig gi phyag rgya ste pad+ma'i spyan zhes bya ba'o/ /rdo rje bsdams pa nang du bcings nas mthe bong gnyis yang dag par sbyar ba'i rtse mo dang mdzub mo gnyis
 sbyar ba pad+ma'i 'dab ma'i rnam pa can du byas la rang gi snying gar gzung bar bya ste/ 'di ni pad+ma chen po'i ming can gyi dam tshig gi phyag rgya ste rdo rje chen po pad+ma'i chags pa zhes bya ba'o/ /rdo rje bsdams pa nang du bcings nas mdzub mo gnyis kyi rtse mo yang dag par sbyar bar byas la kha
 thur du blta ba pang par gzung bar bya ste/ 'di ni ting nge 'dzin gyi ming can pad+ma chen po'i dam tshig gi phyag rgya ste pad+ma'i sgrol ma zhes bya'o/ /rdo rje bsdams pa nang du bcings te mthe bong gnyis kyi rtse mo'i thog tu mdzub mo'i rtse mo gzung bar byas te de nas rin po che dang pad+ma gnyis sbyin pa'i
 tshul du bya ste 'di ni rnam par gzigs pa'i ming can pad+ma chen po'i nor bu'i dam tshig gi phyag rgya'o/ /pad+ma'i de bzhin gshegs pa la sogs pa'i dam tshig gi phyag rgya rnams kyi 'bras bu bstan par bya ba'i phyir 'di rnams kyi zhes bya ba la sogs pa gsungs te/ de la pad+ma'i de bzhin gshegs pa'i
 dam tshig gi phyag rgyas pad+ma'i rigs thams cad rang bzhin gyis dag pa'o zhes bya bar rtogs pa ni chos nyid thams cad thob pa'o/ /rdo rje pad+ma chen po'i dam tshig gi phyag rgyas pad+ma'i rigs thams cad rjes su chags pa'o/ /pad+ma chen po'i dam tshig gi phyag rgyas rang dang gzhan dag sdug
 bsngal thams cad las sgrol ba'o/ /pad+ma chen po'i nor bu'i dam tshig gi phyag rgyas rang dang gzhan dag gi bsam pa thams cad yongs su rdzogs pa shin tu grub par 'gyur ro/ /de nas kyi sgra ni skabs su bab pa la'o/ /pad+ma'i lha'i bdag po ni zhi ba dang khyab 'jug la sogs pa
 rnams te de dag gi dam tshig gi phyag rgya ni phyi'i rdo rje bsdams pa las byung ba yin no/ /dbang phyug chen po'i gzugs 'dzin pa'i 'jig rten dbang phyug ni don yod rgyal po ste/ don yod rgyal po ni don yod zhags pa ste de'i dam tshig gi phyag rgya ni 'di yin te 'og tu mdzub
 m o gnyis kyis kha 'bus pa khro gnyer can la gzhag par bya'o zhes bya ba la rdo rje bsdams pa phyir bcings la mdzub mo gnyis kyi rtse mo yang dag par sbyar la tshigs gsum pa bkug par byas te 'og tu kha blta ba mdzod spu'i phyogs su gzung bar bya ste 'di ni dbang phyug chen po'i gzugs 'dzin
 pa'i don yod zhags pa pad+ma'i khro gnyer gyi spyan zhes bya ba dam tshig gi phyag rgya'o/ /rdo rje bsdams pa gyen du 'bar ba ni mgrin sngon can gyi'o zhes bya ba la pad+ma'i khyab 'jug ni mgrin sngon can te/ rdo rje bsdams pa bcings nas gyen du 'bar bar ston pa'i tshul gyis de'i dam tshig gi phyag
 rgya yin no/ /rdo rje bsdams pa gyen du 'bar ba de nyid rnam par grol bar bya ba'i phyir g.yon pa'i mdzub mo zhes bya ba la sogs pa gsungs te rdo rje bsdams pa phyir bcings nas g.yon pa'i mdzub mo bkug pa g.yon pa'i mthe bos bzung ste dung gi dbyibs su byas nas g.yas pa'i mthe
 bong bsgreng la rtag pa'i tshul gyis mthe'u chung gnyis pa'i rnam pa can du byas te sor mo lhag ma rnams lag pa'i rgyab nas cung zad bteg la 'khor lo'i tshul du gzung bar bya ste 'di ni pad+ma'i khyab 'jug gi dam tshig gi phyag rgya pad+ma khyab 'jug ma zhes bya ba'o/ /pad+ma las byung ba ni tshangs pa'i
 c ha lugs 'dzin pa'i 'jig rten dbang phyug ste de'i dam tshig gi phyag rgya ni rdo rje bsdams pa phyir bcings la mdzub mo gnyis bsgreng ba bkug ste lcags kyu'i rnam par sor mo bzung nas sor mo lhag ma rnams kyis shin tu kha bye ba'i pad+ma'i tshul du bya ste 'di ni pad+ma 'byung ba zhes bya ba tshangs
 pa'i dam tshig gi phyag rgya'o/ /rta mgrin zhes bya ba la sogs pa la rdo rje bsdams pa phyir bcings pa la mdzub mo gnyis kyi rtse mo rta'i mgrin pa'i tshul du bkug pa rgod ma'i kha lta bur byas te srin lag gnyis kyi rtse mo rab tu brkyang la mthe'u chung gnyis kyang rab tu brkyang la so sor g.yo bar gzung
 bar bya ste 'di ni rta mgrin gyi dam tshig gi phyag rgya pad+ma'i lcags kyu zhes bya ba yin no/ /pad+ma'i khro gnyer la sogs pa'i phyag rgya rnams kyi 'bras bu bstan pa'i phyir 'di rnams kyi zhes bya ba la sogs pa gsungs te/ de la pad+ma'i khro gnyer gyi phyag rgyas pad+ma'i rigs thams cad kyi dbang bskur ba
 grub par 'gyur ro/ /pad+ma'i khyab 'jug gi phyag rgyas pad+ma'i rigs thams cad grub pa'o/ /pad+ma 'byung ba pad+ma'i rigs kyi gnyis su med pa'i sems dang sems las byung ba grub pas ni thar pa thams cad grub pa'o/ /pad+ma'i lcags kyu'i phyag rgya pad+ma'i rigs thams cad 'gugs pa
 gdon mi za bar grub par 'gyur ro/ /sgeg mo la sogs pa nas pad+ma'i dril bu ma'i mthar thug pa'i rnams kyi dpal rdo rje sems dpa'i dkyil 'khor chen po las gsungs pa yin no/ /dam tshig gi phyag rgya rnams shes par bya'o/ /de bzhin gshegs pa'i sku mchog gi dbang
 bskur ba la ting nge 'dzin gyi phyag rgya bshad pa'o zhes bya ba la bcom ldan 'das rnam snang mdzad kyi dam tshig gi phyag rgya ni de bzhin gshegs pa'i sku mchog ste/ de dang bcas pa'i dbang bskur ba'i don du ting nge 'dzin gyi phyag rgya ni 'od dpag tu med pa'i ting nge 'dzin te de ston par byed pa'i phyag rgya rdo rje
 sems dpa'i dkyil 'khor chen po las gsungs pa yin no/ /'di ltar 'chad par 'gyur te/ de bzhin gshegs pa'i sku mchog bcings nas/ oM sangs rgyas kun gyi rin chen mchog tshogs kyis/ /spras pa'i lha yi cod pan can la 'dud/ /rab mchog rdo rje 'dzin bdag
 dbang bskur gsol/ /rdo rje sems dpa' dam tshig khyod nyid bdag /ces bya ba'i dbang bskur ba'i glu brjod cing de bzhin gshegs pa thams cad kyi sku mchog mdun du rang dang gzhan dag gi spyi bor bzhag ste/ badzra d+harma a b+hi Shiny+tsa zhes bya ba brjod par ma byas nas na bdag dang gzhan la 'od
 dpag tu med pa'i cod pan gyi dbang bskur bar 'gyur ba yin no/ /de nas las kyi phyag rgya zhes bya ba la de nas kyi sgra ni skabs su bab pa la'o/ /las ston par byed pa dang las sgrub par byed pa'i rgyu gang yin pa de la ni las kyi phyag rgya ste de bcings pa'i mtshan nyid 'di yin no zhes bya ba ni tshig gi
 lhag ma'o/ /kha T+wAM ga zhes bya ba la sogs pa la lag pa g.yas pa dang g.yon pas kha T+wAM ga bcings la rang gi mthe bo'i rtse mo gnyis las dbus ma'i rtse mo gnyis gzung bar bya ste 'di ni pad+ma'i khu tshur gnyis kyi phyag rgya'o/ /g.yon pa'i pad+ma'i khu tshur rang gi snying ga'i phyogs
 su pad+ma kha phye ba'i tshul du bya ste 'di ni 'phags pa spyan ras gzigs kyi dbang phyug gi las kyi phyag rgya'o/ /pad+ma'i rigs thams cad kyi dam tshig gi phyag rgya ji lta ba bzhin du gzung bas so zhes bya ba la mdzes pa'i ting nge 'dzin la sogs pa nas pad+ma'i dril bu'i mthar thug pa rnams kyi ni dam tshig
 gi phyag rgya bcings pa'i rjes su 'brangs pas pad+ma'i khu tshur byed par 'gyur ba dag gis las kyi phyag rgya bcing bar bya'o/ /'di ltar bshad par 'gyur te/ pad+ma'i khu tshur gnyis gnyis bcings te pang par kha gyen du blta bar gzung bar bya ste 'di ni de bzhin gshegs pa'i las kyi phyag rgya'o/ /
 pad+ma'i khu tshur gnyis bcings nas mthe bong gnyis kyi rtse mo yang dag par sbyar nas mdzub mo gnyis kyis pad+ma'i rnam pa can du byas la snying gar gzung bar bya ste 'di ni pad+ma chen po'o/ /pad+ma'i khu tshur bcings nas mdzub mo'i rtse mo yang dag par sbyar bar byas la 'og tu kha blta bar pang par
 gzung bar bya ste/ 'di ni ting nge 'dzin gyi ming ste pad+ma'i sgrol ma'o/ /pad+ma'i khu tshur gnyis bcings nas mthe bong gnyis kyi rtse mo'i mthar mdzub mo gzung bar byas la de nas rin po che dang pad+ma gnyis sbyin pa'i tshul du bya ste 'di ni rnam par gzigs pa'i pad+ma'o/ /pad+ma'i khu tshur
 gnyis bcings nas mdzub mo gnyis kyi rtse mo yang dag par sbyar ba'i tshigs gsum pa bkug par byas la 'og tu kha blta ba mdzod spu'i phyogs su gzung bar bya ste 'di ni pad+ma zhi ba'i'o/ /pad+ma'i khu tshur bcings nas g.yon pa'i mdzub mo bkug pa g.yon pa'i mthe bos bzung la
 dung gi dbyibs can du byas shing g.yas pa'i mthe bong dang po'i tshul du bsgreng la mthe'u chung gnyis pad+ma'i rnam pa can du byas te sor mo lhag ma rnams kyis rdo rje bsdams pa bcings nas snga ma bzhin du 'khor lo'i tshul du bya ste 'di ni pad+ma'i khyab 'jug gi'o/ /pad+ma'i khu tshur gnyis
 bcings nas mdzub mo gnyis bsgreng ba bkug la lcags kyu'i rnam par so sor gzung bar byas la sor mo lhag ma rnams kyis shin tu rgyas pa'i pad+ma'i tshul du bya ste 'di ni pad+ma'i tshangs pa'o/ /pad+ma'i khu tshur gnyis bcings nas mdzub mo gnyis kyi rtse mo'i mtha' mgrin
 pa'i tshul du bkug la rgod ma'i kha lta bu'i srin lag gnyis kyi rtse mo'i mtha' rab tu brkyang la mthe'u chung gnyis kyi rtse mo gnyis so sor rab tu brkyang ste g.yo bar gzung bar bya ste 'di ni mgrin gyi'o/ /pad+ma'i khu tshur gnyis khar sgeg pa dang bcas pas gzung bar bya ste 'di ni pad+ma'i
 sgeg mo'i'o/ /pad+mo'i khu tshur gnyis rang gi 'khor lo dgod pa'i tshul gyis yongs su bskor la spyi bor gzung bar bya ste/ 'di ni pad+ma bzhad ma'i'o/ /g.yon pa pad+ma'i khu tshur gyi mdzub mo rab tu brkyang la pi wang gi dbyug pa'i tshul du byas la g.yas pa'i khu tshur gyi mdzub
 mes pi wang brdung ba'i tshul du bya ste 'di ni pad+ma glu ma'i'o/ /pad+ma'i khu tshur gnyis gar byas la pad+ma'i thal mo bcing bar bya ste 'di ni pad+ma gar ma'i'o/ /pad+ma'i khu tshur gnyis bcings nas lag pa gnyis mdud de lag pa g.yas steng du byung bas rdo rje bka' bsgo bar byed de mdzub
 mos lcags kyu'i las dang lag pa mdud pa dang mdud pa bcing ba dang / rang gi snying gar dril bu phrag par dkrol ba'i tshul bya ste sgo srung rnams kyi'o/ /de ltar las kyi phyag rgyas rnams kyi mtshan nyid bstan nas da ni rang gi lha'i snying po bzla zhing bzlas pa'i don shes pa'i phyag rgya thams cad
 sgrub pa yin zhes bya ba yin no zhes bya ba'i cho ga 'dir bstan pa'i phyir/ ngag gi ting nge 'dzin gyis zhes bya ba la sogs pa gsungs te de la sprin dang rnga bo che'i sgra lta bu ni 'dir chos kyi ngag tu brjod pa yin no/ /bzlas pa'i don gyi rnam pa can gyi sems rtse gcig pa nyid ni ting nge
 'dzin te ngag gi ting nge 'dzin de pad+ma'i rigs thams cad kyi rang bzhin gyis dag pa'i dran pa dang / shes rab yang dag par rab tu sbyor ba ni gzungs te de dgug pa ni rang gi rgyud la rdzogs pa ste/ de'i don du ji lta ba bzhin du bshad pa'i chos kyi ngag gis bzla bar bya zhing bzlas pa'i
 don gyi ye shes mngon du bya ba yin no/ /de ltar dkyil 'khor gyi phyag rgya rnams sbyor ba dang bcas pa bstan nas da ni las brgya bsgrub byar byed pa'i phyag rgya rnams kyi mtshan nyid gsungs pa yin te/ pad+ma chen po bcings nas yid kyis sbyin sreg bya'o/ /sems kyis zhi
 bar bya'o/ /dngos pos bsrung bar bya'o/ /rnam par sbyang bar bya'o zhes bya ba la bsgrub par bya ste/ las thams cad phyag rgya'i tshogs so zhes bya ba la las kyi tshogs 'di yang sngar bshad pa yin te/ slar yang 'dir bshad par mi bya'o/ /dpal mchog dang po'i rgya cher 'grel pa shes rab
 kyi pha rol tu phyin pa 'byung ba zhes bya ba las 'phags pa spyan ras gzigs dbang phyug gi phyag rgya'i rgyud kyi bshad pa rdzogs so/ / //de ltar 'phags pa spyan ras gzigs dbang phyug gi phyag rgya'i rgyud bstan nas da ni 'phags pa nam mkha'i snying po'i phyag rgya bshad par bya ba'i phyir/
 de nas nam mkha'i snying po'i phyag rgya chen po zhes bya ba gsungs te de nas kyi sgra ni snga ma bzhin no/ /'phags pa nam mkha'i snying po nor bu chen po'i rigs te de'i phyag rgya chen po'i sku'i gsang ba'i rang bzhin can de ji ltar dkyil 'khor bri ba'i cho gar bstan pa bzhin du dam tshig sems
 dpar byin gyis brlabs ma thag kho nar bcing bar bya'o/ /dam tshig gi phyag rgya zhes bya ba la dam tshig 'dzin par byed pa'i phyag rgya ni dam tshig gi phyag rgya'o/ /de yang ji ltar yin zhe na rdo rje rin chen zhes bya ba la sogs pa la/ rdo rje thal mo las byung ba'i rdo rje rin chen gyi dam tshig gi
 phyag rgya bcing bar bya ste 'di ni 'phags pa nam mkha'i snying po dang dbang bskur ba'i rin po che'i dam tshig gi phyag rgya'o/ /ci'i slad du zhe na/ dbang bskur ba thams cad thob pa'i phyir ro zhes bya ba nor bu'i rigs thams cad rtogs pa ni 'dir dbang bskur ba thams cad thob par bya ste/ de'i
 don du dam tshig gi phyag rgya 'di'o/ /de dbang bskur ba ji lta ba bzhin du'o zhes bya ba la rdo rje rin chen gyi dam tshig gi phyag rgya'i gzugs te des rang dang gzhan dag la/ oM sarba badzra a d+hi pa ti s+t+waM a b+hi Shi ny+tsA mi b+hur b+hu ba swAHzhes bya ba'i sngags 'dis rdo rje rin chen gyi cod pan gyis dbang bskur
 bar bya'o/ /'di nyid snying gar zhes bya ba la rdo rje rin chen gyi phyag rgya bcings nas rang gi snying gar gzung bar bya ste 'di ni gter gyi rin chen gyi'o/ /gyen du kha blta'o zhes bya ba la rdo rje rin chen gyi phyag rgya pang bar ting nge 'dzin gyi tshul du gyen du kha blta bar gzung bar bya ste 'di ni bla na med pa'o/ /
 khu tshur spyi bor bzhag ste phyi'i me tog la sogs pas mchod pa dbul bar bya'o zhes bya ba la 'das ma thag tu bshad pa'i bla na med pa'i rin chen khu tshur spyi bor bzhag ste phyi nas me tog la sogs pa dbul ba'i mchod pa brgyad bya ba yin no/ /'di ltar bshad par 'gyur te/ bla na
 med pa'i rin chen gyi dam tshig gi phyag rgya spyi bor bzhag nas phab ste gyen du gtor ba ni rin chen me tog ma'i'o/ /de nyid spyi bor bzhag nas phab ste thur du blugs pa ni spos ma'i'o/ /de nyid de bzhin du phab nas mthe bong sbyar nas bskor ba ni mar me'i'o/ /de nyid de bzhin nyid
 du phab nas rab tu brkyang zhing byung ba'i tshul gyis rab tu sbyar bar bya ste 'di ni dri ma'i'o/ /de nyid phab nas rang gi snying gar sgeg pa rnam par sprul pa'i tshul du gzung bar bya ste 'di ni rin chen sgeg ma'i'o/ /de bzhin du phab ste khar yongs su bskor ba la spyi bor gzung bar bya ste 'di ni
 rin chen bzhad ma'i'o/ /de bzhin du yongs su phab la g.yon pa bkug pa'i dbyug pa byas la/ g.yas pa bkug pas pi wang brdung ba'i tshul du byas te 'di ni rin chen glu ma'i'o/ /de bzhin du phab ste gnyis su byas la gar byas nas spyi bor rin po che'i thal mo bcing bar bya ste
 'di ni rin chen gar ma'i'o/ /de nyid de bzhin du phab nas g.yas pa'i mdzub mo lcags kyu bya ste 'di ni rin chen lcags kyu ma'i'o/ /de bzhin du mthe bong gnyis kyis mdud pa bya ste 'di ni rin chen zhags pa ma'i'o/ /de bzhin du mdzub mo dang mthe bo lu gu rgyud du bya ste 'di ni rin chen
 lcags sgrog ma'i'o/ /de bzhin du de nyid phab la gnyis kyi nang du mthe bong sbyar bar bya ste/ 'di ni rin chen dril bu ma'i'o/ /dam tshig gi phyag rgya'o/ /'byor ba yang dag par rgyal ma'i dam tshig gi phyag rgya ni dbang bskur ba'i rin po che'i'o/ /dpal gyi lha mo'i dam tshig gi phyag rgya ni
 gter gyi rin po che'i'o/ /rab tu phun sum tshogs pa'i lha mo'i dam tshig gi phyag rgya ni nor bu rin po che'i rin chen gyi'o/ /mchod pa'i ming can gyi lha mo'i dam tshig gi phyag rgya ni bla na med pa'i rin po che yongs su gzung bar bya'o/ /'di nyid gnyis su byas la las kyi phyag rgya gzung bar bya'o
 zhes bya ba la 'di nyid gnyis su byas na las kyi phyag rgya'o/ /dbang bskur ba thams cad kyi rin po che'i gter gyi mchod pa thob pa'i don du yang dag par rdzogs pa'o zhes bya ba la bla na med pa yang dag pa'i rin po che'i dam tshig gi phyag rgya gnyis su byas nas nor bu'i khu tshur gnyis su 'gyur
 te des ni 'phags pa nam mkha'i snying po la sogs pa nas nor bu dril bu'i mthar thug pa'i las kyi phyag rgya bcings nas sgrub pa po la dbang bskur ba thams cad thob pa'i phyir rdzogs par 'gyur ba yin no/ /bcom ldan 'das 'phags pa nam mkha'i snying po'i las kyi dam tshig ni las rdzogs
 par byed pa'i phyag rgya sgrub pa po las kun gyi bsam pa thams cad yongs su rdzogs par byed pa yin no/ /de nyid kyi mtshan nyid bstan par bya ba'i phyir/ g.yon pa'i khu tshur snying gar bstod nas g.yas pa nor bu sbyin pa bkrol ba'o zhes bya ba la g.yon pa nor bu'i khu tshur rang gi snying ga'i
 phyogs su bstod pa'i tshul gyis gzung bar byas la g.yas pa rin po che'i khu tshur thams cad sbyin pa'i tshul du phral bar bya ste 'di ni 'phags pa nam mkha'i snying po'i las kyi phyag rgya'o/ /nor bu'i khu tshur gnyis kyis zhes bya ba la dbang bskur ba'i rin po che la sogs pa nas nor bu'i dril
 bu'i mthar thug pa'i bar rnams kyis nor bu'i khu tshur gnyis kho nas las kyi phyag rgya rnams bcing bar bya'o/ /'dis ni 'di ltar bshad par 'gyur te/ nor bu'i khu tshur gnyis bcings nas dpral bar gzung bar bya ste 'di ni dbang bskur ba'i rin po che'i las kyi phyag rgya'o/ /rang gi
 snying ga'i phyogs su gzung bar bya ste 'di ni gter gyi rin po che'o/ /pang bar gyen du kha blta bar gzung bar bya ste 'di ni nor bu rin po che'i'o/ /snying ga'i phyogs su nor bu phan tshun gzung bar bya ste 'di ni bla na med pa'i'o/ /dbang bskur ba'i rin po che'i phyag rgya nyid ni 'byor pa'i'o/ /gter rin po
 che'i phyag rgya ni dpal gyi lha mo'i'o/ /nor bu rin po che'i phyag rgya ni rab tu phun sum tshogs pa'i lha mo'i'o/ /bla na med pa'i phyag rgya ni mchod pa'i shes par bya'o/ /rang gi spyi bor bzhag la phab nas rang gi snying gar sgeg pa'i rnam par phral du gzung bar bya ste 'di ni rin chen sgeg mo'i'o/ /
 de bzhin du phab nas gnyis kyi nang du mthe bo sbyar te khar yongs su bskor nas spyi bor gzung bar bya ste 'di ni rin chen bzhad ma'i'o/ /de bzhin du phab nas g.yon pa'i mdzub mo bkug pa'i dbyug pa byas la g.yas pa bkug nas pi wang brdung ba'i tshul du bya ste 'di ni rin chen glu ma'i'o/ /
 de bzhin du phab nas gar byas la spyi bor rin po che'i thal mo che bcing bar bya ste 'di ni rin chen gar ma'i'o/ /de bzhin du phab nas g.yas pa'i mdzub mo lcags kyu bya ste 'di ni rin chen lcags kyu ma'i'o/ /de bzhin du phab la mthe bong gnyis kyis mdud pa byas la 'di ni rin chen
 zhags pa ma'i'o/ /de bzhin du phab la mdzub mo dang mthe bo mdud pa byas te 'di ni rin chen lcags sgrog ma'i'o/ /de bzhin du phab la gnyis kyi nang du mthe bong sbyar bar bya ste 'di ni rin chen dril bu ma'i las kyi phyag rgya'o/ /de ltar phyag rgya rnams kyi mtshan nyid bstan nas da ni
 rang gi lha'i snying po grong khyer chags pa'i glu dang bcas pa'i bzlas pa rjes su gnang ba sbyin zhing rang gi phyag rgya bsgrub par bya'o zhes bya ba'i cho ga 'dir rab tu bstan par bya ba'i phyir/ snying po'i ngag ces bya ba la sogs pa gsungs te rang gi lha'i bzla bar bya ba'i snying po ni snying po'i ngag go/
 snying po'i ngag rang gi lha'i snying po de glu'i bstan bcos las bshad pa'i grong khyer ba'i chags pa'i glu dang bcas pa/ oM sarba badzra a d+hi pa ti s+t+waM a b+hi Shi ny+tsA mi b+hur b+hu wa swaHzhes bya ba la sogs pa'i bzlas pa bya zhing phyag rgya chen po la sogs pa'i dngos grub rin po che kye bdag
 la stsol cig / ces bya ba'i tshig gis rnal 'byor pas gsol ba gdab cing phyag rgya chen po la sogs pa thams cad bsgrub par bya'o zhes bya ba ni tshig gi lhag ma'o/ /las la sbyor ba ni de bzhin du'o zhes bya ba mdor bstan pa'i tshig rnams kyi las kyi phyag rgya sgrub pa la nges par
 sbyor ba ji lta ba bzhin du bstan pa de bzhin du 'dir yang shes par bya'o zhes bya ba'i don to/ /'di ltar bshad par 'gyur te las kyi phyag rgya thams cad yi ge trAM brjod cing bcings nas las la nges par sbyar bar bya'o/ /da ni las brgya grub par byed pa'i phyag rgya de
 rnams kyi mtshan nyid bshad par bya ba'i phyir de ma grub na zhes bya ba la sogs pa gsungs te de nas kyi sgra ni snga ma bzhin no/ /nam mkha'i snying po ma grub na ji lta ba bzhin du bshad pa'i mtshan nyid can gyi rdo rje rin chen gyi dam tshig gi phyag rgya mdzod spu'i phyogs su bzhag nas dbang
 bskur ba ni nam mkha'i snying po la 'byor ba thams cad dgug pa la sogs pa'i tshig gis gsol ba gdab pa ni sgrub pa po bya ba yin no/ /chos kyi phyag rgya thams cad kyi tshogs ni rgyun te sngar bshad pa bzhin du tshig gi bsgo bas shes par bya'o/ /'di'i bshad pa yang sngar bshad
 pa ste khyad par med pas slar yang ma bshad do/ /don yod ces bya ba la sogs pa bshad zin to/ /ngag gi phyag rgya ni snying po'i bzlas pa ste/ nges tshig bsgrub pa ni 'dod pa'i dngos grub bsgrub pa'i phyir yid kyis tshig bsgo ba ste/ de nas mkha' ni nam mkha'i snying po las 'byor ba thams
 cad dgug pa la sogs pa yang dag par 'byung ba ste skye bar 'gyur ro/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba 'phags pa nam mkha'i snying po'i phyag rgya'i rgyud kyi bshad pa rdzogs so// //de ltar rigs lnga'i phyag rgya'i rgyud bstan nas/
 da ni phyi'i phyag rgya'i rgyud bstan par bya ba'i phyir de nas zhes bya ba la sogs pa gsungs te de nas kyi sgra ni snga ma bzhin no/ /rdo rje 'chang chen po'i rang bzhin can gyi rigs lnga ni nang ste/ de rnams kyi phyag rgya'i rgyu ni nang gi'o/ /de'i phyi rol pa ni ming po gsum la sogs pa'i dkyil 'khor
 bzhi'o/ /de'i phyag rgya ni phyag rgya chen po la sogs pa'i rang bzhin te/ de ston par byed pa'i rgyu ni 'di yin te/ phyag rgya chen po ni g.yon par kham phor dang / g.yas na mda' stod pa'o zhes bya ba la lag pa g.yon pas kham phor 'dzin cing lag pa g.yas pas mda' stod
 pas te/ 'di nyid gar gyi tshul gyis de rnams las kyi phyag rgyar 'gyur ro/ /dam tshig ni 'jug pa la'o zhes bya ba la sogs pa la mthe'u chung mthe bong dag gis lu gu rgyud du bcings la sor mo lhag ma rnams kyis rtse gsum pa'i rnam pa byas te/ 'di ni de rnams kyi dkyil 'khor du 'jug pa'i phyag rgya
 ste dam tshig gi phyag rgya'o/ /ji lta ba bzhin du bzung bas lha mo rnams kyi'o zhes bya ba la bri ba'i cho gas ji lta ba bzhin du dga' ma la sogs pa'i sku'i gsang ba bshad pa de bzhin du phyag rgya bcing bar bya'o/ /'di ltar 'chad par 'gyur te/ lag pa g.yon pas gzhu bzung la/
 lag pa g.yas pas mda' stod pa ni dga' ma'i phyag rgya chen po'o/ /lag pa g.yon pas kha T+wAM ga bzung la g.yas pas ral gri'i so ni srin mo'i'o/ /lag pa la gter gyi bum pas ni phag mo'i'o/ /g.yon pa'i khu tshur gyis bsnyems pa byas nas lag pa g.yas pas chu gri
 'dzin pa ni grub pa mo'i phyag rgya chen po'o/ /dbus ma dang mthe'u chung zhes bya ba la sogs pa la rdo rje bsdams pa bcings nas dbus ma dang srin lag gi sor mo bzhi la mdzub mo dang mthe'u chung rnams kyi rtse mo bzhi sbyar bar bya ste 'di ni 'dir 'dus pa'o/ /'dis ni 'di ltar
 bshad par 'gyur te/ rdo rje bsdams pa phyir bcings nas mdzub mo dang dbus ma dang srin lag dang mthe'u chung gi sor mo rnams bsgreng bar byas la/ g.yas pa'i dbus ma g.yon pa'i mdzub mo'i rtse mo dang sbyar la/ g.yon pa'i dbus ma'i rtse mo g.yas pa'i mdzub mo'i rtse mo
 dang yang dag par sbyar zhing g.yas pa'i srin lag gi rtse mo g.yon pa'i mthe'u chung gi rtse mo dang yang dag par sbyar te/ g.yon pa'i srin lag gi rtse mo g.yas pa'i mthe'u chung gi rtse mo dang yang dag par sbyar ba byas nas gzung bar bya ste 'di ni srin mo rnams kyi dam tshig gi phyag rgya'o/ /
 dam tshig ces bya ba la sogs pa ni go sla'o/ /klu'i dkyil 'khor gyi phyag rgya bshad par bya ba'i phyir gdengs ka can gyi dbang po rnams kyi'o zhes bya ba la sogs pa gsungs te/ de la phyag rgya chen po ni bri ba'i phyag rgyar bstan pa'o/ /lag pa gnyis kyi mthe bong gnyis phan tshun
 mdud pa byas nas mthe bong dang sor mo'i gdengs ka bsgreng ba'i rang bzhin can gyi lto 'phye chen po'i lag pa zhes bya ba ste/ klu thams cad 'gugs par byed pa'i phyag rgya sngar bshad pa'o/ /'gugs pa'i sngags kyis de nyid gnyis su byas na lto 'phye'i lag pa zhes
 bya ste/ lto 'phye chen po'i lag pa gnyis su byas nas lag pa gcig gi sor mo lnga'i gdengs ka bsgreng ba'i rang bzhin can gyis gdengs ka'i lag pa zhes bya ba klu rnams kyi dam tshig 'dzin pa'i phyag rgya'o/ /dbus ma srin lag ces bya ba la sogs pa la dbus ma dang srin lag gi
 sor mo bzhi pos rdo rje bsdams pa nang du bcings la mthe'u chung gnyis kyi rtse mo yang dag par sbyar nas mdzub mo dang mthe bo dag gis dga' bar sbyor ba'i tshul du byas te 'dis ni dug thams cad 'bar ba'o/ /lcags kyu'i rnam pa can gyi mdzub mo gnyis kyis dug bkug la
 mdzub mo gnyis kyi rtse mo mthe bo gnyis kyi rtse mo dang yang dag par sbyar la gzung bar bya ste 'dis dug thams cad 'chi ba'o/ /'di gnyis kyi rtse mos dug gzhom par byas te de ltar na dug thams cad 'jig pa'o/ /'di nyid kyis dug thams cad za ba dang / 'pho ba dang / dug med par
 byed pa yin no/ /gdug pa'i dkyil 'khor ni rdo rje khu tshur gyis gzung ba'i rdo rje khros nas myur du gzhig par bya'o zhes bya ba la rdo rje nyi ma me ltar 'bar ba'i rnal 'byor byas la g.yas pa'i rdo rje khu tshur gyis khro bo'i rdo rje blangs te/ khro bo'i khu tshur gyis sdigs mdzub la brtson
 pas khro zhing ji lta ba bzhin du bshad pa'i glu brjod cing myur du rkang pas mnye bar bya'o/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las phyi'i dkyil 'khor gyi phyag rgya'i rgyud kyi bshad pa rdzogs so// //de ltar phyi'i dkyil 'khor gyi phyag rgya'i rgyud
 bstan nas/ da ni bsdus pa'i dkyil 'khor gyi phyag rgya'i rgyud bstan par bya ba'i phyir de nas zhes bya ba la sogs pa gsungs te/ de nas kyi sgra ni snga ma bzhin no/ /bcom ldan 'das zhes bya ba ni dpal rdo rje sems dpa'o/ /thams cad kyi mchog dbang phyug dam pa zhes bya ba la byang chub
 chen po'i rang bzhin can gyis thams cad kyi mchog go/ /gzung ba dang 'dzin pa'i rnam par rtog pa'i gzhan dbang du ma gyur pa'i phyir dbang phyug go/ /dam pa zhes bya ba ni thog ma dang tha ma med pa'o/ /thams cad kyi mchog kyang de nyid yin la dbang phyug kyang de nyid yin te dam pa yang de nyid yin pas
 na thams cad kyi mchog gi dbang phyug dam pa'o/ /bcom ldan 'das thams cad kyi dbang phyug dam pa de'i phyag rgya 'di yin no zhes bya ba dang sbyar bar bya'o/ /de yang sku yi khyad par ji lta bu dang ldan pa yin zhe na/ nam mkha' thams cad khyab par byed cing rigs can gyi rang bzhin gyi gzugs sna
 tshogs pa'i sku gang la mnga' ba de ni sna tshogs pa'i sku chen pos te bsdus pa'i dkyil 'khor gyi rigs thams cad kyi lha sku'i gzugs 'dzin pa'i rdo rje 'chang chen po'o/ /sna tshogs pa'i sku chen po de nyid kyi phyag rgya ni phyag rgya bcing ba'i mtshan nyid kyi skabs su bab pa yin no/ /de la phyag
 rgya chen po bcing ba'i mtshan nyid ni bsdus pa'i dkyil 'khor bri ba'i cho gar bstan pa'i dpal rdo rje sems dpa' la sogs pa rnams kyis gzung bar bya'o/ /rdo rje thal mo sbyar nas ni/ /zhes pa la rdo rje thal mo bcings nas ba dan gsum ni yongs su gzung ba zhes bya ba la/ rdo rje thal mo ma
 bkrol bar lag pa gnyis kyis ba dan gsum bya'o/ /'di ltar bshad par 'gyur te/ rdo rje thal mo bcings nas srin lag gnyis nang du bcug la mthe bong gnyis so sor phye la mdzub mo gnyis kyi ngos la yang dag par sbyar bar gzung bar bya ste 'di ni khyab 'jug gi gzugs 'dzin pa'i rnam
 par snang mdzad dang / rdo rje dpal gyi lha mo'i dam tshig gi phyag rgya rdo rje khyab 'jug ma zhes bya ba yin no/ /'di la sbyor ba dang bcas pa bstan pa'i phyir/ dor na thams cad gcod byed pa/ /zhes bya ba gsungs te 'di bcings nas bdud la sogs pa thams cad kyi steng du dor bar byas na
 bdud la sogs pa thams cad gcod par byed pa yin no/ /rdo rje 'khor lo'i phyag rgya zhes bya ba la sogs pa ni go sla'o/ /mthe'u chung mthe bo zhes bya ba la sogs pa la lag pa g.yon pa'i 'og tu kha blta bar byas la de'i steng du kha blta ba bzhag nas g.yas pa'i mthe bong dang
 g.yon pa'i mthe'u chung dang g.yon pa'i mthe bo dang / g.yas pa'i mthe'u chung dag gis lu gu rgyud du bcings te/ dbus ma gsum pa dag gi rtse mo gsum pa byas te 'di ni rdo rje 'dzin ma zhes bya ba gtum pa'i dbang phyug gi gzugs 'dzin pa dang rdo rje dkar mo'i dam tshig gi phyag
 rgya'o/ /rdo rje pad+ma kha sbyar ni/ /zhes bya ba la sogs pa la sngar bshad pa'i rdo rje thal mo las byung ba'i 'jig rten dbang phyug gi phyag rgya ni rdo rje pad+mas te/ de bcings nas gang dang gang gi yul du gnas pa de dang de'i spyod lam gyis tshangs pa'i gzugs 'dzin pa'i bcom ldan 'das 'jig rten
 dbang phyug dang pad+ma'i sgrol ma bsgrub par bya ste/ 'di ni tshangs pa'i gzugs 'dzin pa'i bcom ldan 'das 'phags pa spyan ras gzigs dbang phyug dang / pad+ma'i sgrol ma'i dam tshig gi phyag rgya'o/ /rdo rje thal mo sbyar nas ni/ /zhes bya ba la sogs pa rdo rje thal mo bcings nas
 mthe bong gnyis kyi rtse mo yang dag par sbyar la de'i steng du mdzub mo gnyis rtse mo bkug pa'i rin po che gzung bar bya ste 'di ni lha'i gzugs 'dzin pa'i'o/ /nam mkha'i snying po dang nam mkha'i rdo rje ma ni dam tshig gi phyag rgya'o/ /dpal rdo rje sems dpa' la sogs pa rnams kyis ni sngar
 bshad pa kho nas dam tshig gi phyag rgyar gzung bar bya ste/ las kyi phyag rgya rnams ni rang gi rigs kyi dkyil 'khor du gsungs par shes par bya'o/ /da ni bsdus pa'i dkyil 'khor gyi las kyi tshogs kyi phyag rgya'i rgyud de nas zhes bya ba la sogs pa gsungs te/ de nas kyi sgra ni snga ma bzhin no/ /
 kye zhes bya ba ni de bzhin gshegs pa thams cad la bod pa'o/ /thams cad kyi mchog gi dbang phyug dam pa ni ji lta ba bzhin du bshad pa'i dpal rdo rje sems dpa' sna tshogs kyi sku ste/ de'i las kyi phyag rgya'i rgyud ni 'di yin te de la zhes bya ba la sogs pa la de la zhes bya ba'i sgra ni ngag
 nye bar dgod pa la'o/ /dang po ni thog ma nyid du'o/ /re zhig gi sgra ni rim pa la ltos pa'o/ /dang po'i dngos grub kyi phyag rgya ni dang po'i dngos grub kyi phyag rgya ste/ de rab tu grub par byed pa'i phyag rgya chen po rnams kyi stong 'gyur du 'gyur ba yin no/ /ji lta ba bzhin du dam tshig gi
 phyag mtshan rnams kyis zhes bya ba la sogs pa la dang po'i rdo rje dang rdo rje khyab 'jug ma dang rdo rje 'dzin pa dang rdo rje pad+ma'i ming can dang rdo rje rin po che'i dam tshig gi phyag rgya dang rdo rje myu gu'i ming can gyi ji lta ba bzhin du bshad pa'i dam tshig gi phyag mtshan rnams so/ /ji lta ba bzhin gyi dam tshig gi
 phyag mtshan de rnams kyi lag pa g.yas pa dang g.yon pa'i bya bar gyur pa de dag gi rdo rje chen po rab tu sbyor ba ni rjes su chags pa la sogs pa bsgom pa ste des nges par sbyor ba'i tshul sbyin pas te/ de la rdo rje sems dpa' la sogs pa'i rigs thams cad kyi dngos grub rab tu sgrub
 par byed pa'i phyag rgya chen po stong 'gyur du 'gyur ro/ /'di ltar bshad par 'gyur te/ dang po'i rdo rje bcings nas gnyis su byas la lag pa g.yas pa'i dang po'i rdo rje bzhin bzlum zhing rdo rje'i lta bas rjes su chags par bya'o/ /'bar ba'i lta bas dgug par bya'o/ /brtan pa'i lta
 bas thams cad bcing ba'o/ /rdo rje'i lta bas thams cad dbang du byed pa'o/ /lag pa g.yas pa'i dang po'i rdo rje de nyid rang gi rtags la gzung bar bya ste/ de ltar na bde ba thams cad 'phel bar 'gyur ro/ /rang gi snying gar gzung bar byas na yid bde ba thams cad 'phel bar 'gyur ro/ /
 dbang bskur ba thams cad gzung bar byas na/ phun sum tshogs pa thams cad 'phel bar 'gyur ro/ /lag pa g.yas pa'i dang po'i rdo rje de nyid kyi dbus ma'i rdo rje rang gi snying gar bzhag la de'i 'og tu rang gi snying gar bzung zhing btung bar byas ni tshe ring ba thams cad 'phel bar
 'gyur ro/ /rang gi rtags su bzhag nas rang gi khar bzung zhing btung bar byas na na tshod 'phel bar 'gyur ro/ /rang gi snying gar bzung zhing btung bar byas na gzugs 'phel bar 'gyur ro/ /dbang bskur ba'i gnas su bzhag la de'i rjes la khar bzung zhing 'thungs na gzi brjid
 'phel bar 'gyur ro/ /lag pa g.yas pa'i dang po'i rdo rje'i mdzub mo bsgreng ba gzung bar byas na/ dpal chen po 'phel bar 'gyur ro/ /de nyid kyi sor mo dbus ma bsgreng ba gzung bar byas na sgra snyan pa chen po 'phel bar 'gyur ro/ /de nyid mthe'u chung bsgreng bas bzung na
 grags pa chen po 'phel bar 'gyur ro/ /de nyid kyi dpung par stod pa'i tshul byas te stobs chen po 'grub po/ /rang gi snying gar stod par byas na ye shes chen po 'grub po/ /spyi bor stod par byas na las 'grub par 'gyur ba yin no/ /de bzhin du nam mkha'i dngos po
 thams cad skyed pa'i tshul byas na rdzu 'phrul thams cad mthong bar 'gyur ro/ /mdzub mo dang srin lag gis 'bar ba'i tshul du byas na cho 'phrul thams cad ston pa'o/ /de nyid bcings nas rang gi snying gar dga' ba skyed pa'i tshul byas nas 'dzin na rmad du byung ba thams cad ston pa'o/ /de
 nyid bcings nas rang gi lus la bskor ba byas na rnam par 'phrul pa thams cad ston par 'gyur ro/ /de nyid thams cad du bskor nas mig tu gzung bar byas na bden pa thams cad mthong ba'o/ /de bzhin du bskor nas rna ba gnyis su 'dzin na bden pa thams cad thos pa'o/ /de
 bzhin du bskor nas lcer gzung bar byas na thams cad smra ba'o/ /de bzhin du bskor nas rang gi lus la 'dzin na thams cad lus kyis 'khyud pa'o/ /de nyid bcings nas sor mo dbus mas mig la reg na bde ba'i mchog thams cad mthong ba'o/ /bka' stsal ba'i tshul byas na bka'
 bsgo ba thams cad ston pa'o/ /bka' stsol ba'i lan ston pa'i tshul byas na bka' stsol ba thams cad kyi lan ston pa'o/ /de nyid dbus ma'i rdo rje gter 'don pa'i tshul gyis mdzod spu'i phyogs su 'dzin na gter thams cad 'don pa'o/ /nor dgug pa'i tshul du gzung bar byas na nor
 thams cad 'phrog pa'o/ /rgyal srid thob pa'i tshul bzung na rgyal srid thams cad thob po/ /skye bo'i tshogs thams cad la rag las par bya ba'i bsam pas bzhag na grong khyer sprul pa'o/ /nags tshal dang chu bo sprul pa'i bsam pas bzhag na nags dang chu bo sprul par 'gyur ro/ /lag pa
 g.yas pa'i dang po'i rdo rje nyid kyi dbus ma'i rdo rje thams cad bskor bar byas na lha'i yul sprul par 'gyur ro/ /dkon mchog gsum sprul pa'i bsam pas thams cad du bskor bar byas na lha'i rin po che sprul par 'gyur ro/ /lha'i grogs dang bran sprul pa'i bsam pas bskor ba byas
 te de ltar na de sprul par 'gyur ro/ /lha yul la sogs pa ji lta ba bzhin du sprul pa la yongs su longs spyod pa'i bsam pas thams cad du bskor ba byas te/ de ltar na lha'i yul la sogs pa thams cad la yongs su longs spyod par 'gyur ro/ /mtshungs pa med pa'i lta bas blta zhing
 de nyid kyi dbus ma'i rdo rje'i lta bas blta bzhin du 'dod pa'i 'bras bu smin par skyed pa'i tshul du bya ste/ de ltar na skad cig mas sa'i steng thams cad nas 'bru smin pa la sogs pa bskyed par 'gyur ro/ /khro bo'i lta bas chu med pa'i phyogs su chu skyed pa'i tshul gyis chu'i phung po chen po
 'byung ba yin no/ /'bar ba'i lta bas mun pa chen po bskyed par 'gyur ro/ /de nyid dbus ma'i rdo rje myang ba'i tshul du byas na dngos po thams cad za ba'o/ /btung ba'i tshul du byas na thams cad btung ba'o/ /rol du bcug pa'i tshul bstan zhing bskyed pa bskyod par byas na
 thams cad rol du bcug pa'o/ /spyi bos bka' bsgo ba'i tshul du byas na las thams cad la nges par sbyor bar 'gyur ro/ /g.yas pa'i dang po'i rdo rje de nyid de bzhin gshegs pa thams cad rjes su dran pas thams cad du bskor bar byas na de bzhin gshegs pa thams cad mthong
 ba'o/ /byang chub sems dpa' thams cad rjes su dran pas byang chub sems dpa' thams cad mthong ba'o/ /rdo rje 'chang thams cad dran pas rdo rje 'chang thams cad mthong ba'o/ /rdo rje rjes su dran pas rdo rje mthong bar 'gyur ro/ /lag pa g.yas pa'i dang po'i rdo rje de nyid
 kyis mthe'u chung dang mthe bong dang / dbus ma'i rdo rje yang dag par sbyar la snying gar bzung na bdag nyid kyi lus la rdo rje sems dpa' la sogs pa'i sprul pa grub par 'gyur ro/ /mi snang pa'i bsam pas mi snang ba grub pa'o/ /nam mkhar 'gro ba'i bsam pas nam mkhar 'gro
 bar 'gyur te/ shin tu phra ba dang rags pa du ma la rab tu 'jug pa ston par 'gyur ro/ /de nyid bcings nas mdzub mo bsgreng ste 'og tu ltung ba'i tshul du yi ge hUM gis sdigs mdzub byas te/ de ltar na 'jig rten gsum gyi bdag po thams cad 'jug par 'gyur ro/ /dbang du bya
 ba'i bsam pas sdigs mdzub byas te de ltar 'jig rten gsum gyi bdag po thams cad dbang du byed pa'o/ /bcings pa'i tshul gyis sdigs mdzub byas na 'ching ba'o/ /las thams cad nges par sbyor ba'i sdigs mdzub byas te de ltar na 'jig rten gsum gyi bdag po thams cad la
 nges par sbyor bar 'gyur ro/ /de nyid bcings nas de'i dbus ma'i rdo rje phral ba phyed mig gi tshul du byas na lha thams cad gzhug pa dang / bcing ba dang / dbang du bya ba dang / las thams cad la sbyor bar 'gyur ro/ /de nyid bcings nas rang gi snying gar bzhag la g.yo zhing btsum pa'i
 lta bas 'og tu blta zhing yi ge ha bzlas na klu thams cad 'byin pa'o/ /yi ge hUM gis klu thams cad 'dul ba'o/ /yi ge ho yis klu thams cad dbang du byed pa'o/ /d+h+r-ika ces bya ba bzlas par bya ste/ de ltar na klu thams cad la nges par sbyor bar 'gyur ro/ /sa la gnod
 sbyin la sogs pa'i gdong bris la lag pa g.yas pa'i dang po'i rdo rjes dbus ma'i rdo rje g.yo zhing btsum pa'i lta bas blta zhing gnod sbyin la sogs pa dgug pa'i tshul byas te de ltar na de dag 'gugs par 'gyur ro/ /dbang du bya ba'i tshul du byas na dbang du byed pa'o/ /'ching ba'i
 tshul du byas na 'ching ba'o/ /las thams cad la sbyar ba'i tshul du byas te/ de ltar na las thams cad la sbyor bar 'gyur te/ de thams cad du dbus ma'i rdo rje gnod sbyin la sogs pa'i khar bzhag nas zhes shes par bya'o/ /lag pa g.yas pa'i dbus ma'i rdo rje la bzhag na
 dkyil 'khor brtag pa'o/ /rang gi khar bzhag na dkyil 'khor du zhugs par 'gyur ro/ /phyag byas na mchod par 'gyur ro/ /rang gi snying gar bzhag na dkyil 'khor grub par 'gyur ro/ /lag pa g.yas pa'i dang po'i rdo rje de nyid bcings nas myur du rang gi snying gar dral bar
 byas na phyag rgya thams cad dgug pa dang bcing ba dang / brtan par byed pa dang / phyag rgya thams cad 'grub par 'gyur ro/ /de nyid bcings nas yi ge dzaHsa rdo rje sems dpa' la sogs pa thams cad dgug pa'o/ /yi ge hUM gis gzhug pa'o/ /yi ge baM gyis bcings pa'o/ /
 yi ge hoHsa dbang du byed par 'gyur ro/ /de nyid bcings nas dbus ma'i rdo rje bsgreng bar byas la spyi bor gzung bar byas te de ltar na las thams cad rab tu sgrub pa'o/ /rang gi snying gar gzung bar byas na las thams cad rnam par 'jig par mi 'gyur ro/ /rang gi snying gar gzung bar byas na
 las thams cad brtan par byed pa'o/ /phyogs thams cad du bskor bar byas te de ltar na sgra snyan pa thams cad rab tu gsal bar 'gyur ro/ /de nyid bcings nas rang gi snying gar bzhag la bdag nyid rdo rje'i rang bzhin can du bsgom par bya ste/ de ltar na rdo rje thams cad dgug pa dang gzhug
 pa dang bcing ba dang dbang du byed par 'gyur ro/ /bdag nyid byang chub sems dpar bsgom par bya ste/ de ltar byang chub sems dpa' thams cad dgug pa dang / gzhug pa dang / bcing ba dang / dbang du byed par 'gyur ro/ /bdag nyid de bzhin gshegs par bsgom par bya ste de ltar
 na de bzhin gshegs pa thams cad dgug pa dang / gzhug pa dang / bcing ba dang / dbang du byed par 'gyur ro/ /bdag nyid rdo rje sems dpa' bsgom par bya ste de ltar na rdo rje 'chang chen po dgug pa dang gzhug pa dang bcing ba dang dbang du byed par 'gyur ro/ /de ltar na lag pa g.yas pa'i dang po'i rdo rjes
 las brgya sgrub pa yin no/ /ji ltar lag pa g.yas pa'i rdo rjes las brgya bsgrub par 'gyur ba de bzhin du lag pa g.yon pa'i dang po'i rdo rjes kyang 'das ma thag tu bshad pa'i las brgya po de nyid sgrub pa yin te/ de ltar na las brgya phrag gnyis su 'gyur ro/ /las nyis brgya po 'di dag dpal
 rdo rje sems dpa'i oM AHhUM d+hIHtra~M` zhes bya ba bsdus pa'i dkyil 'khor du gsungs pa'i snying po brjod cing rnal 'byor pas rab tu bsgrub par bya ba yin no/ /de nas rdo rje khyab 'jug gi de bzhin gshegs pa'i rnal 'byor la rdo rje khyab 'jug ma zhes bya ba'i dam tshig gi phyag rgya bcings la/
 gnyis su byas te lag pa g.yas pa'i rdo rje khyab 'jug gi phyag rgyas de bzhin gshegs pa rnam par snang mdzad kyi dkyil 'khor chen po las gsungs pa'i las brgya'i snying po'i sngags 'di bsgrub par bya ste/ oM badzra na ra yA na tshin+d+ha bin+d+ha a pra ti ha ta badzra tsak+Sha na ho b+ha ga bA na badzra thA ga ta
 dzaHhUM baM hoHbadzra d+ha ra ya s+t+waM zhes bya'o/ /de la las brgya bsgrub pa'i phyag rgya bcing ba ni 'di yin te/ lag pa g.yas pa rdo rje khyab 'jug bcings la nad bcing bas nad 'jig par 'gyur ro/ /rang gi mig yongs su sbyangs pas mya ngan 'jig pa'o/ /rang gi snying gar gzhag par
 byas na yid mi bde ba thams cad 'jig pa'o/ /de nyid kyis nad pa'i lus la byab par byas na nad thams cad 'jig pa'o/ /de nyid kyis kun du bskor zhing zas la mngon par bsngags na sbyar dug zos pa 'jig pa'o/ /de nyid kyis byur la mngon du phyogs par khros nas dor bar byas na
 byur 'jig pa'o/ /de nyid kyis phur bu blangs te yid kyis gdon par byas te de ltar na byad 'jig pa'o/ /de nyid kyis rting pas brdeg pa'i tshul byas na ro langs thams cad 'jig pa'o/ /de nyid kyis yi ge oM bris te phyis na sngags thams cad rnam par 'jig pa'o/ /de nyid
 kyis so rnams kyis gzung bar byas na sman thams cad rnam par 'jig pa'o/ /de nyid khro ba dang bcas pas bgegs la bsnun par byas na bgegs thams cad 'jig pa'o/ /de nyid kyis log 'dren gyi steng du 'khor lo dag dbab par byas na log 'dren thams cad 'jig pa'o/ /de nyid kyis
 ral gri bris nas phyis na sdig pa thams cad rnam par 'jig pa'o/ /de nyid kyis sbyin sreg gi tshul du byas na rmi lam ngan pa thams cad 'jig pa'o/ /de nyid kyis dUr ba'i sbyin sreg byas na dus ma yin pa'i 'chi ba 'jig pa'o/ /de nyid kyis rims kyis gzung ba la byams pa'i lta bas
 bya bas na rims pa thams cad rnam par 'jig pa'o/ /de nyid kyis gdon gyis gzung ba'i skra la bzung bas bskyod na gdon thams cad rnam par 'jig pa'o/ /de nyid kyis steng du kha T+wAM ga 'dzin pa'i tshul du byas na nam mkha' la 'gro ba thams cad 'jig pa'o/ /de nyid rang gi khyim du
 bskor bar bya ste de ltar na yams thams cad 'jig pa'o/ /de nyid rang gi khyim du gzhag par byas na nye bar 'tshe ba thams cad rab tu 'jig pa'o/ /de nyid khyim du rab tu gzhug par byas na ltas ngan 'jig pa'o/ /de nyid snying ga'i phyogs las bton na gnod pa 'jig pa'o/ /
 de nyid lus la bskor ba byas na lus kyi sdug bsngal thams cad rab tu 'jig pa'o/ /de nyid kyis de dag 'byin pa'i tshul byas na ngag gi sdug bsngal thams cad rab tu 'jig pa'o/ /de nyid snying ga'i phyogs su bsdams par byas te de ltar na sems kyi sdug bsngal 'jig par 'gyur ro/ /de nyid
 rang gi snying gar bstan par byas te de ltar na tshe chen po 'phel bar 'gyur ro/ /de nyid dbang po thams cad la gzhag par byas te de ltar na na tshod chen po 'phel bar 'gyur ro/ /de nyid khar bskor bar byas na mdangs chen po 'phel bar 'gyur ro/ /de nyid dpral bar bzhag na gzi brjid chen
 po 'phel bar 'gyur ro/ /de nyid snying gar gzhag par bya ste de ltar na gzi brjid 'phel bar 'gyur ro/ /de nyid phrag pa gnyis la gzhag par byas na stobs 'phel bar 'gyur ro/ /de nyid 'og tu gzhag par byas na spro ba 'phel bar 'gyur ro/ /de nyid kyis phreng ba 'ching ba'i
 tshul byas na brtson 'grus 'phel bar 'gyur ro/ /de nyid dbang po thams cad la gzhag par byas na dpal chen po 'phel bar 'gyur ro/ /de nyid spyi bor gzhag par byas na skal ba bzang po 'phel bar 'gyur ro/ /de nyid khar gzhag par byas na bsod nams grub par 'gyur ro/ /
 de nyid kha las gdon par byas na ming 'phel bar 'gyur ro/ /de nyid thams cad du bskor ba byas na sgra snyan par 'gyur ro/ /de nyid phyogs thams cad du bskor ba byas na grags pa 'phel bar 'gyur ro/ /de nyid bcings nas de bzhin gshegs pa rjes su dran pa bsgom par byas na
 dran pa 'phel bar 'gyur ro/ /de nyid snying las 'byin pa'i tshul byas na blo gros 'phel bar 'gyur ro/ /de nyid snying gar bzhag nas dga' ba skyed par byas na bstan pa 'phel bar 'gyur ro/ /de nyid bcings nas bdag nyid sangs rgyas kyi skur bsgom par bya ste de ltar na de bzhin gshegs
 pa 'phel bar 'gyur ro/ /de nyid bcings nas sangs rgyas thams cad bsgoms pas de bzhin gshegs pa'i ting nge 'dzin 'phel bar 'gyur ro/ /de nyid phung po lnga rnams la gzhag par byas na tshogs 'phel bar 'gyur ro/ /de nyid lcer gzhag par byas na de bzhin gshegs
 pa'i gsung 'phel bar 'gyur ro/ /de nyid bcings la yid kyis de bzhin gshegs pa thams cad la phyag 'tshal bar bya ste de ltar na yid 'phel bar 'gyur pa yin no/ /de nyid bcings nas gtong ba rjes su dran pa bsgom par bya ste de ltar na sbyin pa'i pha rol tu phyin pa grub pa'o/ /
 de nyid bcings nas tshul khrims rjes su dran pa bsgom par bya ste de ltar na tshul khrims kyi pha rol tu phyin pa grub pa'o/ /de nyid bcings nas bzod pa'i pha rol tu phyin pa bsgom par byas te/ de ltar na bzod pa'i pha rol tu phyin pa grub pa'o/ /de nyid bcings nas brtson 'grus kyi pha
 rol tu phyin pa bsgom par byas te de ltar na brtson 'grus kyi pha rol tu phyin pa grub pa'o/ /de nyid bcings nas bsam gtan gyi pha rol tu phyin pa bsgom par byas te de ltar na bsam gtan gyi pha rol tu phyin pa grub pa'o/ /de nyid bcings nas shes rab kyi pha rol tu phyin pa bsgom par
 byas te de ltar na shes rab kyi pha rol tu phyin pa grub pa'o/ /de nyid bcings nas ye shes kyi pha rol tu phyin pa bsgom par bya ste de ltar na ye shes kyi pha rol tu phyin pa grub pa'o/ /de nyid bcings nas stobs kyi pha rol tu phyin pa bsgom par bya ste/ de ltar na stobs kyi pha rol tu phyin pa grub
 pa'o/ /de nyid bcings nas thabs kyi pha rol tu phyin pa bsgom par bya ste de ltar na thabs kyi pha rol tu phyin pa grub pa'o/ /de nyid bcings nas smon lam gyi pha rol tu phyin pa bsgom par bya ste/ de ltar na smon lam gyi pha rol tu phyin pa grub pa'o/ /de nyid bcings nas mdun du
 rdo rje bsgom par byas te de ltar na rdo rje grub pa'o/ /de nyid bcings nas gzungs la sogs pa mngon par brjod nas nges par bsgom par bya ste de ltar na gzungs grub pa'o/ /de nyid bcings nas sangs rgyas kyis bsgom par bya ste de ltar na de dag grub pa'o/ /de nyid bcings nas pha rol tu
 phyin pa bcu'i spyod pa bsgom par bya ste de ltar na de grub pa'o/ /de nyid bcings nas so so yang dag par bzhi bsgom par bya ste de ltar so sor yang dag par rig pa grub pa'o/ /de nyid bcings nas sangs rgyas kyi chos ma 'dres pa bco brgyad bsgom par bya ste de ltar na de dag grub pa'o/ /
 de nyid bcings nas chos bsgom par bya ste de ltar na chos grub pa'o/ /de nyid bcings nas las bsgoms pas de grub pa'o/ /de nyid bcings nas sems can gyi don bsgoms pas sems can gyi don grub pa'o/ /de nyid bcings nas sangs rgyas kyi don bsgoms pas sangs rgyas kyi don grub pa'o/ /
 de nyid bcings nas de bzhin gshegs pa'i sku bsgoms pas lus grub pa'o/ /de nyid bcings nas gsung bsgoms pas ngag grub pa'o/ /de nyid bcings nas sems dpa'i rdo rje bsgom par bya ste de ltar yid grub pa'o/ /de nyid bcings nas bdag nyid rdo rje bsgom par bya ste de ltar na rdo rje
 chen po grub pa yin no/ /de nyid bcings nas oM bo d+hi tsit+ta badzra zhes bzla bar bya ste de ltar na byang chub chen po'i sems skye ba grub par 'gyur ro/ /oM sa man+ta b+ha dra tsar+ya yi ni t+ya zhes bzlas par bya ste de ltar na kun du bzang po'i spyod pa sna tshogs rdzogs pa'o/ /oM tsin+d+ra ma ni zhes bya ba bzla bar
 bya ste de ltar na sems can gyi don grub pa'o/ /oM a ni ru d+ha ni zhes bzla bar bya ste de ltar na lhums su 'jug pa sgrub pa'o/ /oM dza ti bi brti zhes bya ba bzla bar bya ste de ltar na bltams pa'i sa ston pa'o/ /oM sarba bi ga dz+nya ni zhes bya ba bzla bar bya ste de ltar na gzhon nu rol bsgrub
 pa'o/ /oM ma hA bi ra ga d+harmA zhes bya ba bzla bar bya ste de ltar na mngon par 'byung ba sgrub pa'o/ /oM bar+ya ba ka tse zhes bya ba bzla bar bya ste de ltar na dka' thub kyi spyod pa grub pa'o/ /oM sa d+ha na ga mi ni zhes bya ba bzla bar bya ste de ltar na byang chub chen po'i snying po la 'dug pa sgrub pa'o/ /
 oM badzra dri d+h+ra tsid+d+hi hUM zhes bzla bar bya ste de ltar na bdud 'dul ba'o/ /oM sarba ta thA ga ta zhes bya ba bzla bar bya ste de ltar na mngon par rdzogs pa'i byang chub sgrub pa'o/ /oM swa b+hA ba shud+d+ha d+harmA te dz+nyA na bi shu shud+d+he zhes bya ba bzla bar bya ste de ltar na chos kyi 'khor lo rab tu bskor ba'o/ /oM karma
 bi shud+d+ha na zhes bya ba bzla bar bya ste de ltar na mu stegs can thams cad tshar gcod pa'o/ /hUM ni sum+b+ha badzre ni phaT ces bya ba bzla bar bya ste de ltar na 'jig rten gsum po thams cad las rnam par rgyal bar 'gyur ro/ /oM karmA ra ge zhes bya ba bzla bar bya ste de ltar na lha las bab bsgrub
 pa'o/ /oM badzre badzre ni zhes bya ba bzla bar bya ste de ltar na 'dus pa chen po byin gyis brlab pa'o/ /oM sarba d+harma mi ni zhes bya ba bzla bar bya ste de ltar na dug thams cad 'dul ba sgrub pa'o/ /oM he zhes bya ba bzla bar bya ste de ltar na 'dul ba l+tsa rab tu gzhag pa'o/ /oM akA
 ro mu khaM zhes bya ba bzla bar bya ste de ltar na ngan song thams cad las son pa'o/ /oM pradz+nyA pA ra mi ta zhes bya ba bzla bar bya ste de ltar na mdo sde thams cad bton pa'o/ /oM baM hUM zhes bya ba bzla bar bya ste de ltar na rtog pa thams cad byin gyis brlab pa'o/ /oM A zhes bya ba bzla bar bya ste de ltar
 na dngos grub thams cad stsol ba'o/ /oM sarba ta thA ga ta kA ya gra zhes bya ba bzla bar bya ste de ltar na de bzhin gshegs pa thams cad kyi sku so sor thob pa'o/ /oM sarba ta thA ga ta bA ka bi shud+d+he zhes bya ba bzla bar bya ste de ltar na de bzhin gshegs pa thams cad kyi gsung thob pa'o/ /
 oM sarba ta thA ga te tsit+ta badzre zhes bya ba bzla bar bya ste de ltar na de bzhin gshegs pa thams cad kyi thugs so sor thob pa'i rnam par 'phrul pa sgrub par 'gyur ro/ /de ltar lag pa g.yas pa'i rdo rje khyab 'jug gi phyag rgyas las brgya sgrub pa yin no/ /ji ltar lag pa g.yas pa'i
 rdo rje khyab 'jug gi las brgya po 'di sgrub pa de bzhin du lag pa g.yon pa'i rdo rje khyab 'jug gi yang 'das ma thag tu bshad pa'i las brgya po 'di dag yin te de bzhin gshegs pa'i las brgya gnyis pa yin no/ /rdo rje rtse gsum 'dzin pa'i rdo rje gtum pa'i dbang phyug gi gzugs
 ' dzin pa'i rdo rje nyi ma me ltar 'bar ba'i rnal 'byor byas la rdo rje 'dzin pa zhes bya ba'i phyag rgya bcings nas gnyis su byas nas lag pa g.yas pa'i rdo rje 'dzin pa'i phyag rgyas oM badzra kro d+ha yo gi ni shwa ra ma hA badzra shu lo gra ba ne ho b+ha ga bA na badzra tsaN+De shwa Sha aHha ha ha ha hi zhes bya ba brjod
 cing / bcom ldan 'das rdo rje nyi ma me ltar 'bar ba'i las brgya'i cho ga 'di bsgrub par bya ste/ phyag rgya de nyid kyis blugs gzar blangs la ke tshe dang til mar tsha ba'i sbyin sreg byas te de ltar na de thams cad sreg par 'gyur ro/ /phyag rgya de nyid kyis bsgrub par
 bya ba la gtang bar bya ste de ltar na thams cad bskrad par 'gyur ro/ /de nyid kyis bcings pa'i tshul du byas te de ltar na thams cad rmugs pa'o/ /de nyid kyis thams cad rengs pa'i tshul du byas na thams cad rengs pa'o/ /de nyid bcings nas mig gnyis btsum par bya ste de ltar na thams cad gnyid
 log tu bcug pa'o/ /khro bo'i lta bas bsgrub bya la blta zhing phyag rgya 'di nyid kyis sdigs mdzub byas te de ltar na thams cad la rgyas btab pa'o/ /de nyid bcings nas glod par byas te de ltar na thams cad rmongs pa'o/ /de nyid bcings nas sdigs mdzub kyis bsgrub bya bying ba'i tshul du
 byas te de ltar na thams cad rmugs pa'o/ /sdigs mdzub kyis skye ba la 'ching ba'i tshul te de ltar na thams cad rgyas btab pa'o/ /sdigs mdzub kyis lu gu rgyud 'ching ba'i tshul du byas nas de btsir bar bya ste de ltar na thams cad btsir ba'o/ /sdigs mdzub kyis lu gu rgyud btsir bar byas
 la de nyid kyis dral ba'i tshul du byas na thams cad dral ba'o/ /sdigs mdzub kyis bsgrub bya la brdeg pa'i tshul bya ste de ltar na thams cad la rdeg pa'o/ /de nyid bcings nas sdigs mdzub kyis gyen du 'bar ba'i tshul du bya ste de ltar na thams cad 'bar ba'o/ /de nyid kyi sdigs mdzub dang
 yid kyis sor mo dbus ma bsgreng ba bsgrub bya ltung ba'i tshul gyis dbab par bya ste de ltar na thams cad ltung ba'o/ /de nyid bcings nas mdzub mo 'bar ba'i tshul du bya ste de ltar na 'tshed pa'o/ /de nyid bcings nas gcod pa'i tshul du de nyid sbyar bar bya ste de ltar na thams cad gcod pa'o/ /de
 nyid bcings nas mdzub mos bsgrub bya rnam par dral ba'i tshul du bya ste de ltar na thams cad dral ba'o/ /de nyid bsgrub bya phye mar rlog pa'i tshul rab tu sbyar bar bya ste de ltar na thams cad phye mar rlog pa'o/ /de nyid bcings nas sor mo thams cad phyogs bcur dor bar bya ste de ltar na
 thams cad dor ba'o/ /de nyid myur du grol bar bya ste de ltar na thams cad rnam par 'joms pa'o/ /de nyid kyis drang zhing g.yo bas sdigs mdzub byas te de ltar na rims thams cad bskyed pa'o/ /de nyid bcings nas mdzub mo gdengs ka'i rnam pa can du byas la de'i bsgrub bya la sdigs mdzub
 bya ste de ltar na dug ldang ba'o/ /de nyid bcings nas mdzub mo so rnams kyis gzung bar bya ste de ltar na bsgrub bya gdon gyis 'dzin du gzhug pa yin no/ /de nyid bcings nas smyo ba dang rgyug pa bstan par bya ste de ltar na thams cad smyor gzhug pa'o/ /de nyid bcings nas mdzub
 mos se gol gtogs pa'i sgra 'byin pa'i tshul du bya zhing bsgrub bya bkug la yid kyis rtog par bya ste de ltar na thams cad gsod par 'gyur ro/ /de nyid bcings nas bsgrub bya nye bar 'dug pa'i tshul du sbyar bar bya ste de ltar na thams cad nye bar 'dug par 'gyur ro/ /de nyid sa la rab tu
 gzhag par bya ste de ltar na thams cad dgod pa'o/ /de nyid bskyod par bya ste de ltar na thams cad g.yor gzhug pa'o/ /de nyid bcings nas rang gis gar byas te de ltar na thams cad gar byed du gzhug pa'o/ /de nyid kha las gyen du drang bar bya ste de ltar na thams cad glu len du
 gzhug pa'o/ /de nyid rlabs kyi tshul du sbyar bar bya ste de ltar na thams cad rtser gzhug pa'o/ /de nyid thams cad du brlab par bya ste de ltar na thams cad rtsed 'jo byed du gzhug pa'o/ /de nyid bcings nas ha har dgod par bya ste de ltar na ha har dgod du gzhug pa'o/ /de nyid bskor bar
 bya ste de ltar na thams cad bskor du gzhug pa'o/ /de nyid dgug par bya ste de ltar na thams cad dgug pa'o/ /de nyid mdun du tshur drang bar bya ste de ltar na thams cad tshur 'dren pa'o/ /de nyid mdun du gtang bar bya ste de ltar na thams cad gtong ba'o/ /de nyid yongs su bskor nas
 nub pa'i tshul du gzung bar bya ste de ltar na thams cad nub pa'o/ /de nyid gyen du drang bar bya ste de ltar na thams cad gyen du 'byung ba'o/ /de nyid myur du dor bar bya ste de ltar na thams cad dor ba'o/ /de nyid myur du bteg par bya ste de ltar na thams cad 'degs pa'o/ /de nyid
 zur du tshur drang bar bya ste de ltar na thams cad tshur drang ba'o/ /de nyid bcings nas rang gi nga ro byas te de ltar na thams cad nga ro 'don pa yin no/ /de nyid bcings nas rang nyid du bar bya ste de ltar na thams cad du ba'o/ /de nyid kyis bdag nyid la brdung bar bya ste de ltar na thams cad
 brdung bar 'gyur ro/ /de nyid kyis snying gar brdeg par bya ste de ltar na thams cad gsod par 'gyur ro/ /de nyid kyis rang gi skra 'bal bar bya ste de ltar na thams cad kyis rang gi skra 'bal ba'o/ /de nyid bcings nas bsgrub bya phan tshun rnam par sdang bar bya ste de ltar na thams cad rnam par
 sdang ba'o/ /de nyid kyis rang gi gos brjes par bya ste de ltar na gos brje bar 'gyur ro/ /de nyid kyis gyen du 'bar ba skyed pa'i tshul gyis khro bas rab tu g.yo ba mdzub mos byas te de ltar na khro ba 'bar bar 'gyur ro/ /de nyid kyis mdzub mo'i lcags kyus thams cad dgug pa'o/ /
 de nyid kyis bsgrub bya gzhug pa'i tshul gyis thams cad 'jug pa'o/ /de nyid kyis mdzub mo dang mthe bong dag gis se gol gtogs par bya ste de ltar na thams cad 'bebs pa'o/ /de nyid bcings nas de bzhin du se gol gtogs pa'i sgras pra dbab pa thams cad sgrub pa'o/ /de
 nyid bcings nas mdzub mo lce la reg par bya ste de ltar na thams cad smra ba'o/ /de nyid g.yas su 'khyil ba'i ba spu ston pa'i tshul gyis bskor bar bya ste de ltar na sgyu ma thams cad ston pa'o/ /de nyid kyis ltung ba slong ba'i tshul du bya ste de ltar na thams cad so sor bton pa'o/ /
 de nyid bcings nas dus kyi 'khor lo rab tu bsgom par bya ste de ltar na dus kyi 'khor lo rab tu yongs su bskor ba'o/ /de nyid bcings nas khro bo'i lta bas yid kyis 'dod pa'i shing drung rnams kyi 'dab ma dang me tog dang 'bras bu rnams ston pa'o/ /de nyid bcings nas khro bo'i lta bas blta zhing
 'bru thams cad ston par byed pa'o/ /de nyid bcings nas byams pa'i lta bas rims ldog par byed pa'o/ /de ltar bcings nas smin ma bskyod pa'i 'phrog pa dag gis sbyar ba'i dug 'phrog par byed pa'o/ /de nyid bcings nas rnams bstan par bya ste de ltar na gdon thams cad las
 grol ba'o/ /de nyid bcing nas yi ge phu brjod par bya ste de ltar na dug thams cad ldog pa'o/ /de nyid kyis mkha' 'gro ma rnams kyis bzung ba la brdeg par bya ste de ltar na mkha' 'gro ma dang gdon thams cad las grol ba'o/ /de nyid rgyal mtshan bsgreng ba'i tshul gyis steng du gzung
 bar bya ste de ltar na sangs rgyas thams cad 'byon pa'o/ /de nyid bcings nas khro ba dang bcas pa'i 'jigs byed kyi lta bas gzhan gyi dpung thams cad 'joms pa'o/ /de nyid bcings nas btsum pa med pa'i lta bas mtshams bcing ba'o/ /de nyid bcings nas rang gi snying ga las
 rdo rje 'bar ba'i yid kyis spros nas phyogs bcing bar bya'o/ /de nyid bcings nas bskor bar bya ste de ltar na dkyil 'khor bcing pa'o/ /de nyid bcings nas mdzub mo bsgreng ba byas nas yongs su bskor la gtsug tor du gzung bar byas na shin tu srung ba'o/ /de nyid bcings nas mdzub
 mo brkyang ba la rang gi snying gar gzung bar bya ste de ltar na thams cad de nyid byed pa'o/ /phyag rgya de nyid rang gi snying gar dgrol bar bya ste de ltar na thams cad dgrol ba'o/ /g.yas pa'i rdo rje 'dzin ma de nyid zur du bzhag la bsgreng bar bya ste de ltar na thams cad bsgreng pa'o/ /de nyid
 bcings nas mdzub mo'i rtse mos dbang du byed pa'i tshul bya ste de ltar na thams cad dbang du byed par 'gyur ro/ /de nyid bcings nas khro bo'i lta bas steng nas 'og tu ltung ba'i tshul du bya ste de ltar na ltung ba thams cad ltung ba'o/ /'og nas steng du drangs pa'i tshul byas na klu thams cad gnon pa'o/ /
 de nyid bcings te khros pas yi ge hUM bzla bar bya ste de ltar na gnod sbyin thams cad phyi bzhin du 'brang bar byed pa'o/ /de nyid bcings nas 'jigs byed kyi lta bas srin po thams cad 'jigs su bcug pa'o/ /de nyid bcings nas khro bo'i lta bas kha T+wAM ga yid kyis dral bar bya ste de ltar na
 mkha' 'gro ma thams cad la sogs pa'i gdon thams cad zhi ba'o/ /de nyid bcings nas rang gi snying gar 'bar ba'i rdo rje bsgom par bya ste de ltar na bdud thams cad kyi stobs 'joms pa'o/ /de nyid bcings nas khro bo'i lta bas yid kyis rtse gsum dral bar bya ste de ltar na ma mo thams
 cad zhi bar 'gyur ro/ /de nyid bcings nas gdug pa'i dkyil 'khor gzhug par bya ste de ltar na gdug pa'i dkyil 'khor thams cad 'thor ba'o/ /de nyid bcings nas yi ge hUM bzla bar bya ste de ltar na gdug pa thams cad tshar gcod pa'o/ /de nyid bcings nas yi ge hi bzla
 bar byas te de ltar na thams cad 'dul ba'o/ /de nyid bcings nas mi 'jigs pa sbyin pa'i tshul gyis g.yas phyogs su gzung bar bya ste de ltar na mi 'jigs pa skyed pa'o/ /de nyid dong tse bsor ba'i tshul du bya ste de ltar na nor bu bzang po dbang du byed pa'o/ /de nyid bcings nas nor sbyin la
 khro ba'i lta bas blta zhing bzla bar bya ste de ltar na nor sbyin las nor thams cad 'phrog pa'o/ /de nyid bcings nas mdzub mo so dag gis bzung ste rnam thos sras rkang pa g.yon pas mnan nas bkug cing bzla bar bya ste de ltar na dpal dgug pa'o/ /de nyid bcings nas mdzub mos dong tse
 gnyis bsor ba'i tshul byas te de ltar na lha'i bu mo thams cad 'phrog pa'o/ /de nyid kyis gzhon nu ma'i lag pa g.yon pa la gnas pa'i dril bu yid kyis dral bar bya ste de ltar na gzhon nu ma rol du bcug pa'o/ /de nyid bcings nas mdzub mo'i rtse mo mthe bong gi steng du bzhag nas 'og
 tu byas la rkang pa g.yon pas brgya byin gyi gzugs brnyan mnan te lu gu rgyud dang bkrol ba'i tshul gyis 'phrog par bya ste de ltar na sha tsi 'phrog pa'o/ /de nyid bcings te gzhon nu ma'i lag pa g.yas pa la gnas pa'i dril bu yid kyis dral bar bya ste de ltar na gzhon nu rnam par gcod pa'o/ /de
 nyid bcings nas mdzub mos chags pa dang bral ba'i yid kyis ltung bar bya ste de ltar na tshangs pa ltung ba'o/ /de nyid bcings nas yid kyis khyab 'jug gi 'khor lo dral bar bya ste de ltar na khyab 'jug 'dul bar 'gyur ro/ /de nyid bcings nas rtse gsum dral bar byas te de ltar na lha chen po
 las rnam par rgyal bar 'gyur ro/ /de nyid bcings nas mdzub mo'i rtse mo mthe bo'i steng du bzhag nas 'dod pa'i dbang phyug rkang pa g.yon pas mnan te lu gu rgyud dgrol ba'i tshul du dbrog par bya ste de ltar na dga' ma 'phrog pa'o/ /de nyid bcings nas mdun du rdo rje bsgom par bya ste de
 ltar na rdo rje grub pa'o/ /de nyid bcings nas mdun du byang chub sems dpa' bsgom par bya ste de ltar na byang chub sems dpa' sgrub pa'o/ /de nyid bcings nas mdun du rnam par snang mdzad la sogs pa'i de bzhin gshegs pa rnams bsgom par bya ste de ltar na de bzhin gshegs pa rjes su
 chags pa'o/ /de nyid bcings nas mdun du rdo rje 'chang chen po bsgom par bya ste de ltar na mdun du rdo rje 'chang chen po rjes su chags pa dang dgug pa dang gzhug pa dang bcing ba dang dbang du byed pa sgrub par 'gyur ro/ /ji ltar las brgya sgrub pa 'di lag pa g.yas pa'i rdo rje 'dzin
 ma'i phyag rgyas 'grub par 'gyur ba de bzhin du lag pa g.yon pa'i rdo rje 'dzin ma'i phyag rgyas kyang las brgya 'di nyid sgrub pa yin no/ /bsdus pa'i dkyil 'khor las gsungs pa'i rdo rje dbang phyug gi gzugs 'dzin pa'i 'phags pa spyan ras gzigs dbang phyug gi rnal 'byor byas la de'i
 dam tshig gi phyag rgya de nyid chos nyid ces bya ba'i ming can bcings nas gnyis su bya ste/ lag pa g.yas pa'i rdo rje nyid kyi phyag rgyas 'phags pa spyan ras gzigs kyi dkyil 'khor chen po las gsungs pa'i las brgya sngags 'dis bsgrub par bya ste/ hri badzra pad+mo d+ha b+ha ho b+ha ga wAn badzra a ba
 lo ki te shwa ra ma hA pra mi sid+d+ha/ oM b+hur b+hu ba swa swa sti na ma swA hA zhes bya bas so/ /'dis ni 'di ltar bshad par 'gyur te/ me tog gis khyab cing 'bar ba'i yid kyis rang bzhin gyi me thab kyi nang du tshangs pa'i gzugs kyi bcom ldan 'das 'jig rten dbang phyug mdun du rnam par bsams la/ lag
 pa g.yas pas ji lta ba bzhin du bshad pa'i rdo rje chos nyid ces bya ba'i 'jig rten dbang phyug gi dam tshig gi phyag rgya bcings la des yid kyi sgrib pa thams cad dang / sdig pa thams cad dang rmi lam ngan pa dang mtshan ma ngan pa dang / 'tshe ba dang / nye bar 'tshe ba dang / gnod pa dang / dus ma yin
 par 'chi ba dang / 'jigs byed kyis 'jigs pa dang / rtsod pa dang / 'gyed pa dang / 'thab pa dang / brlag pa dang / nyon mongs pa dang / ngal ba dang / sdug bsngal ba dang / yid mi bde ba dang / dbul ba dang / pha rol gyi gnod pa dang / reg bya ngan pa dang / skal pa ngan pa dang / nad
 dang bcas pa dang / don med pa rnams bsreg par bya ste de ltar na de rnams 'jig par 'gyur ro/ /de nyid bcings nas rang dang gzhan dag la rlung gis gso dpyad bya'o/ /de nyid bcings nas mkhris pa dang / khrag dang / bad kan dang / 'dus pa dang / ma zhu ba dang / rims dang / sbyar ba'i dug
 dang / dug dang / mdze dang 'brum bu phra mo dang / g.ya' ba dang rkang shu dang / skran dang / dmu chu dang / mtshan par rdol ba dang / sha bkra dang / gcong chen dang / khrag zad pa dang / nad thams cad dang / yid mi bde ba dang / nad dang / gdon dang / mkha' 'gro ma rnams kyis gso dpyad bya ba yin no/ /
 de nyid bcings nas khrab dang / go cha dang / gtsug tor dang / gtsug phud dang / mtshams dang / phyogs dang / dkyil 'khor dang / sa dang / nam mkha' dang / khang bzangs dang / rdo rje'i rab dang / me 'bar ba dang / thal ba'i rab dang / rdo rje'i ri bo dang / don yod pa'i chu bo dang / thig
 skud yongs su dgod pa dang / phur bu dang / bza' ba dang / btung ba dang / gos dang / dgug pa'i phyag rgyas srung ba rnams bya ba yin no/ /de nyid bcings nas 'chi ba'i 'jigs pa la sogs pa las bdag nyid rnam par sbyang bar bya'o zhes bya ba'i bsam pa bskyed par byas na/ tshe dang kha dog
 dang / stobs dang / gzi brjid dang / na tshod dang / brtson 'grus dang / nad med pa dang / dpal dang / skal ba bzang po dang / nor dang / 'bru dang / dbang phyug dang / phun sum tshogs pa dang / 'phel ba dang / grub pa dang / blo dang / rnyed pa dang / dpal mo dang / ming dang / sgra snyan pa
 dang / grags pa dang / ting nge 'dzin dang / shes rab dang / mchog gi dngos grub rnams bsgom par bya ste de ltar na de dag bsgoms pas grub par 'gyur ro/ /ji ltar las brgya sgrub pa 'di lag pa g.yas pa'i rdo rje chos nyid ces bya ba'i 'jig rten dbang phyug gi dam tshig gi phyag rgya bcings
 nas bya bar bshad pa dang / de bzhin du lag pa g.yon pas kyang 'di nyid shes par bya ste 'dod pa'i gzugs 'dzin pa'i 'phags pa nam mkha'i snying po'i rnal 'byor byas la rdo rje rin chen de nyid bcings nas gnyis su byas te/ lag pa g.yas pa'i rin po che'i myu gus 'phags pa nam mkha'i snying
 po'i rnal 'byor las gsungs pa'i las brgya sngags 'dis bsgrub par bya ste/ he badzra kar+m+ma a yur dang sarba ka man me sa da ya ho b+ha ga bAn badzra a ka sha sarba pa tra ta traM zhes bya ba'o/ /'dis ni 'di ltar 'chad par 'gyur te/ lag pa g.yas pas ji lta ba bzhin du bshad pa'i rin po che'i myu gu bcings la
 de mdzod spu'i phyogs su gzung bar byas na 'byor pa thams cad dgug pa dang gzhug pa dang bcing ba dang dbang du bya ba dang / tshur drang ba dang / bsags pa dang / len pa dang / kun du 'dren pa dang / tshur khyer ba dang / phar gtong ba dang / gzhig pa dang / gyen du gtor ba dang / tshur 'khor ba dang /
 kun du brdeg pa dang / sbyar ba dang / rnyed pa dang / nyo ba dang / 'tshong ba dang / yang dag par 'gyed pa dang / dgos pa nye bar sbyor ba dang / brtan par byed pa dang / rdo rjer byed pa dang / sgrub pa dang / sgrub pa mchog rnams bsgrub par bya'o/ /de bzhin du bcings nas dpral ba'i phyogs su gzung zhing
 dpal chen po dgug pa dang / gzhug pa dang / bcing ba dang / dbang du byed pa dang / 'phrog pa dang / nye bar sogs pa dang / len pa dang / tshur drang ba dang / bsags pa dang / len pa dang / kun du 'dren pa dang / tshur khyer ba dang / phar gtong ba dang / gzhig pa dang / dor ba dang / gyen du
 gtor ba dang / kun du brdeg pa dang / sbyar ba dang / rnyed pa dang / nyo ba dang / 'tshong ba dang / yang dag par 'gyed pa dang / dgos pa nye bar sbyor ba dang / brtan par byed pa dang / rdo rjer byed pa dang / sgrub pa dang / sgrub pa mchog rnams bsgrub par bya'o/ /slar yang de nyid bcings nas
 mdzod spu'i phyogs su bzung na phun sum tshogs pa thams cad dgug pa dang / gzhug pa dang / bcing ba dang / dbang du byed pa dang / 'phrog pa dang / nye bar sogs pa dang / len pa dang / tshur drang ba dang / bsags pa dang / len pa dang / kun du 'dren pa dang / tshur khyer ba dang / phar
 gtong ba dang / gzhig pa dang / dor ba dang / gyen du gtor ba dang / tshur 'khor ba dang / kun du brdeg pa dang / sbyar ba dang / rnyed pa dang / nyo ba dang / 'tshong ba dang / yang dag par 'gyed pa dang / dgos pa nye bar sbyor ba dang / brtan par byed pa dang / rdo rjer byed pa dang / sgrub pa dang / sgrub
 pa mchog rnams bsgrub par bya'o/ /slar yang de nyid bcings nas mdzod spu'i phyogs su gzung bar bya ste mchod pa thams cad dgug pa dang / gzhug pa dang / bcing ba dang / dbang du byed pa dang / 'phrog pa dang / nye bar sogs pa dang / len pa dang / tshur drang ba dang / bsags pa dang /
 len pa dang / kun du 'dren pa dang / tshur khyer ba dang / phar gtong ba dang / gzhig pa dang / dor ba dang / gyen du gtor ba dang / tshur 'khor ba dang / kun du brdeg pa dang / sbyar ba dang / rnyed pa dang / nyo ba dang / 'tshong ba dang / yang dag par 'gyed pa dang / dgos pa nye bar sbyor ba dang / brtan
 par byed pa dang / rdo rjer byed pa dang / sgrub pa dang / sgrub pa mchog rnams bsgrub par bya'o/ /ji ltar lag pa g.yas pa'i rdo rje rin po che'i myu gus 'phags pa nam mkha'i snying po'i dkyil 'khor las gsungs pa'i las brgya po 'di sgrub pa yin pa de bzhin du lag pa g.yon pa'i rdo rje rin po che'i
 myu gus kyang las brgya po 'di nyid sgrub pa yin no/ /de ltar na tshul 'dis ji lta ba bzhin du dam tshig gi mtshan ma rnams kyi lag pa g.yas pa dang g.yon pa dag gis rdo rje chen po'i sbyor ba nges par sbyar bas rigs thams cad dngos grub thams cad kyi phyag rgya chen po stong 'gyur du 'gyur ro/ /
 de ltar phyag rgya chen po'i stong phrag dang po bstan nas/ da ni dngos grub thams cad kyi phyag rgya chen po'i stong phrag gnyis pa bstan par bya ba'i phyir/ de ltar rang gi dam tshig gi phyag rgya bcing ba'i rdo rje bsdams pa nang du bcings pas so zhes bya ba gsungs te/ rdo rje bsdams pa nang du bcings
 nas gnyis su bya ste/ g.yas pa dang g.yon pa'i khu tshur dag gis dpal rdo rje sems dpa'i dkyil 'khor las gsungs pa dang de bzhin gshegs pa dang / rdo rje nyi ma me ltar 'bar ba dang / 'phags pa spyan ras gzigs dbang phyug dang / 'phags pa nam mkha'i snying po'i dkyil
 'khor las gsungs pa 'das ma thag tu bshad pa'i tshul gyis las nyis brgya po 'di nyid bsgrub par bya ste/ 'di ni dngos grub thams cad kyi phyag rgya chen po'i stong gnyis pa yin no/ /de ltar stong gnyis pa bstan nas/ da ni gsum pa bstan par bya ba'i phyir de ltar rang gi phyag mtshan
 gyi khu tshur rdo rje gar las byung ba'i phyag rgya stong dang po'i las kyi tshogs brgya sgrub par byed pa'i rdo rje'i las byed pa gsum pa'o zhes bya ba gsungs so/ /'dis ni 'di ltar bshad par 'gyur te/ ji lta ba bzhin du gar byas nas rdo rje khu tshur gnyis bcings la g.yas pa'i rdo rje khu tshur
 gyis 'das ma thag tu bshad pa'i tshul du dpal rdo rje sems dpa'i dkyil 'khor las gsungs pa'i las brgya bsgrub par bya ste/ lag pa g.yon pas kyang de bzhin no/ /de bzhin gshegs pa'i khu tshur gnyis bcings nas/ lag pa g.yas pas de bzhin gshegs pa'i
 dkyil 'khor las gsungs pa'i las brgya bsgrub par bya ste g.yon pas kyang de bzhin no/ /khro bo'i khu tshur bcings nas rdo rje nyi ma me ltar 'bar ba'i dkyil 'khor las gsungs pa'i las nyis brgya bsgrub par bya'o/ /pad+ma'i khu tshur gnyis bcings te 'phags pa spyan ras gzigs kyi
 dbang phyug gi dkyil 'khor las gsungs pa'i las nyis brgya bsgrub par bya'o/ /rin po che'i khu tshur gnyis bcings nas 'phags pa nam mkha'i snying po'i dkyil 'khor las gsungs pa'i las nyis brgya bsgrub bar bya ste/ de ltar na tshul 'dis gar las byung ba'i phyag rgya
 stong gsum pa yin no/ /de ltar rang gi mtshan ma'i khu tshur gyi rdo rje gar las byung ba'i stong gsum pa bstan nas/ las kyi phyag rgya stong bzhi pa bstan par bya ba'i phyir de ltar lag pa g.yas pa dang g.yon pa cig shos kyis las thams cad rab tu sgrub par byed pa'i las kyi phyag
 rgya stong bzhi po zhes bya ba gsungs te/ 'das ma thag tu bshad pa'i tshul gyis dpal rdo rje sems dpa' dang / de bzhin gshegs pa dang / rdo rje dang / pad+ma dang / nor bu'i rigs las gsungs pa'i las rnams bsgrub par bya ste/ de bzhin du lag pa g.yon pas kyang ngo / /des na
 tshul 'dis las kyi phyag rgya stong bzhi pa dang po'i las rab tu sgrub par byed pa yin no/ /de ltar ma lus pa'i phyag rgya bcing ba ni lag pa gcig gis phyag rgya thams cad bcing ba rab tu sgrub pa'o zhes bya ba la/ de ltar 'das ma thag tu bshad pa'i tshul gyis 'dod chags rdo rje ma la sogs pa
 nas rdo rje dril bu ma'i mthar thug pa rnams kyi dam tshig gi phyag rgya thams cad bcings pa gang yin pa ma lus pa'i phyag rgya bcings pas te g.yas pa dang g.yon pa'i lag pa gcig gis phyag rgya bcing ba rab tu grub pa ni rdzogs pa'o/ /'dis ni 'di ltar bshad par 'gyur te/ 'dod chags
 rdo rje ma'i dam tshig gi phyag rgya bcings nas gnyis su bya ste/ lag pa g.yas pa'i 'dod chags rdo rje ma'i dam tshig gi phyag rgyas dpal rdo rje sems dpa'i dkyil 'khor las gsungs pa'i las brgya dang / lag pa g.yon pa'i 'dod chags rdo rje ma'i dam tshig gi phyag rgyas de nyid kyi snying
 po brjod cing bsgrub par bya ste/ de ltar ji srid lha mo rdo rje dril bu ma'i dam tshig gi phyag rgya de nyid kyi snying pos las nyis brgya po de nyid bsgrub par bya ba yin no/ /de ltar rdo rje bsdams pa nang du bcings nas gnyis su byas la 'dod chags rdo rje ma la sogs pa'i snying po rnams brjod cing rang gi
 rigs kyi las brgya lag pa g.yas pa dang g.yon pa dag gis bsgrub par bya'o/ /de ltar na mtshan ma dang / rdo rje khu tshur las byung ba'i 'dod chags rdo rje ma la sogs pa'i snying pos rang gi rigs kyi las brgya dag lag pa g.yas pa dang g.yon pa dag gis bsgrub par bya'o/ /de ltar
 lag pa g.yas pa dang g.yon pa'i cig shos kyi rang gi rigs kyi las brgya 'dod chags rdo rje ma la sogs pa'i snying po brjod cing bsgrub par bya ba yin te bcom ldan 'das kyis 'di ni 'di ltar gsungs pa yin te sgom pa kho na gtso bor gyur pa yin gyi phyag rgya ni ma yin te/ de'i phyir
 rnal 'byor gyi rgyud 'dir sgom pa kho na la 'bad par bya ba yin gyi/ phyag rgya bcing ba la ni ma yin no zhes bya ba'o/ /de ltar zhes bya ba la sems can thams cad kyi don du 'khor los bsdus pa'i dkyil 'khor ro/ /dam tshig gi las ni phyag rgya'i las dang bcas par bcom ldan 'das
 rdo rje sems dpar bsgrub ste ting nge 'dzin gyis rdzogs par mdzad pa'o/ /bsdus pa'i dkyil 'khor nyid rten dang brten pa'i 'khor lo'o/ /kun mchog dbang phyug chen po zhes bya ba ni rdo rje 'chang chen po ste sems can thams cad la phan pa dang / bde ba dam pa'i dngos grub kyi
 phyir bcom ldan 'das rdo rje sems dpa' rten dang brten pa'i tshul gyis rang bzhin gyi rdo rje 'chang chen po phyag rgya chen po'i las dang bcas par sprul par mdzad pa yin no zhes bya ba'i don to/ /bsdus pa'i dkyil 'khor gyi bshad pa rdzogs so// //de ltar zhes bya ba la de ltar ni
 'di ltar ro/ /gsang ba ni skye bo thams cad kyis mngon sum du ma gyur pa'o/ /rgya che ba ni nam mkha'i khams thams cad spros nas gnas pa'o/ /rmad du byung ba ni gzhan dag la sngon chad ma byung ba'o/ /mchog ni dam pa'o/ /'gro ba kun rnam par sbyor ba zhes bya ba ni rdo
 rje sems dpa' la sogs pa'i skus sems can gyi khams khyab pa thams cad la rdo rje sems dpa' la sogs pa'i ting nge 'dzin rdzogs par byed pa'o/ /dpal mchog dang po zhes bya ba ni ji lta ba bzhin du bshad pa'o/ /bla na med pa nyid kyi phyir bla na med pa'i bla ma'o/ /gsal ba'i
 rgyud ces bya ba ni rgyud shin tu gsal ba'o/ /bdag gis yang dag par bshad ces bya ba ni bcom ldan 'das rdo rje 'chang chen pos yang dag par bstan pa yin no zhes bya ba yin no/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las rigs thams
 cad kyi phyag rgya'i rgyud kyi bshad pa rdzogs so/ / //de ltar rtog pa thams cad kyi rgyud phyi ma rtsa ba'i rgyud rigs thams cad kyi phyag rgya'i rgyud bstan nas de nas zhes bya ba la sogs pa gsungs te/ de nas kyi sgra ni skabs su bab pa'o/ /rdo rje 'chang ni rdo rje sems dpa'o/ /ston par
 mdzad pa ni ston pa'o/ /gsang ba kun gyi bdag po zhes bya ba ni/ rigs lnga'i gsang ba'i dkyil 'khor rnams kyi bdag po'o/ /brtan pa zhes bya ba ni rtag pa'o/ /de nyid kyi phyag rgya zhes bya ba ni gsang ba'i dkyil 'khor gyi phyag rgya rnams rigs lnga'i sku'i gsang ba'i rang bzhin can
 no/ /de rnams kyi rgyud kyang yin la chen po yang de yin pas rgyud chen po ste de kho na nyid kyi phyag rgya'i rgyud chen po'o/ /mtshon cha yang yin la mchog kyang de nyid yin pas na mtshon cha mchog ste/ mchog gi mchog tu gyur pa'i shes rab dang thabs kyi mda' zhes bya ba'i don to/ /'di zhes
 bya ba ni thugs la gnas pas te 'og nas 'chad par 'gyur ba'o/ /gsungs so zhes bya ba ni sprul par mdzad pa'o zhes bya ba'i don to/ /de nas kyi sgra ni snga ma bzhin no/ /bcom ldan 'das rdo rje sems dpa'i dngos grub kyi gsang ba rjes su bshad par bya'o zhes pa dang sbyar ro/ /rtog
 pa yin la thams cad kyang de nyid yin pas na rtog pa thams cad de/ dpal rdo rje sems dpa' la sogs pa nas 'phags pa nam mkha'i snying po'i mthar thug pa'i bar gyi gsang ba'i dkyil 'khor gyi rtog pa rnams so/ /de dag gi cho ga ni rgyun no/ /mchog ni dam pa'o/ /mkhas pa ni nyon mongs
 pa dang nye ba'i nyon mongs pas mi thub pa'o/ /phra ba zhes bya ba ni so sor nges pas 'bigs par byed pa'i shes rab ston par byed pa'o/ /rgya che ba ni nam mkha'i khams thams cad khyab par byed pa'o/ /zab mo ni rgya mtsho chen po ltar 'jug par dka' ba'o/ /bsam du med pas na bsam gyis mi
 khyab pa'o/ /nam mkha' bzhin du mtha' yas pas na tshad med pa'o/ /nyon mongs pa dang nye ba'i nyon mongs pa'i mun pa dang bral bas na gsal ba'o/ /mtshungs pa med pas na mi mnyam pa'o/ /bla na med pa'i bla ma mthar thug pa med pa'i rdo rje sems dpa' la sogs pa'i dngos grub kyi don
 du gsang bas na bla na med pa'i bla ma mthar thug pa med pa'i dngos grub kyi gsang ba'o/ /rtog pa thams cad kyi tshogs kyang yin la mchog dang mkhas pa dang phra ba dang rgya che ba dang zab mo dang bsam gyis mi khyab pa dang tshad med pa dang gsal ba dang mnyam pa med pa dang / bla na med pa'i bla ma mthar thug pa med
 pa'i dngos grub kyi gsang ba rnams kyang de nyid yin pas na rtog pa thams cad du mchog tu mkhas shing phra brgya che ba zab mo bsam gyis mi khyab pa tshad med pa gsal ba mnyam pa med pa bla na med pa'i mthar thug pa med pa'i dngos grub kyi gsang bas te/ rdo rje spyan la sogs pa'i phyag rgya'i gzugs sgrub
 pa'i mchog tu gsang ba zhes bya ba'o/ /ma lus shing lus pa med pa'i dngos grub thams cad ces bya ba ni dpal rdo rje sems dpa' la sogs pa'i gsang ba'i dkyil 'khor gyi dngos grub thams cad kyi las rnams sgrub pa la gdon mi za zhing thogs pa med pa sgrub pa gang yin pa de rjes su bshad par bya
 ba ni brjod par bya ste/ bcom ldan 'das mchog tu gsang ba'i lha mo bzhi phreng gi dbus na bzhugs pa'i dpal rdo rje sems dpas gsungs so/ /ma mchu zhes bya ba la sogs pa la ji lta ba bzhin du lha'i rnal 'byor byas nas sgeg mo'i dga' ba'i rdo rje ma'i phyag rgya'i mthar thug pa'i cho ga
 thams cad rjes su spyad nas de kho na nyid dang / chos dang dam tshig blangs la bcom ldan 'das mdun du bzhag ste/ rang gi ma mchu nang du bcug nas so rnams gzung bar bya ste/ 'dzum pa dang bcas pa'i rnal 'byor pas dpal rdo rje sems dpa' la sogs pa'i mchu yid kyis
 gzung bar byas la dga' ba chen pos dang po'i rdo rje'i lta bas blta zhing zhes bya ba ni shin tu chags shing rab tu dga' bas phye ba'i lta ba ni dang po'i rdo rje'i lta bas te/ dang po'i rdo rje lta ba'i byed par gyur pa de nyid kyis 'dod pa'i dngos grub sgrub pa'i tshul rnams ni byed pas te de dag gis ma lus shing lus pa med pa'i dngos
 grub thams cad kyi las kyi tshogs rnams sgrub par byed pa yin no/ /de la phyag rgya chen po la sogs pa'i dngos grub rnams ni dngos grub thams cad do/ /'og nas 'chad par 'gyur ba'i las stong dang brgya lhag pa de las kyi tshogs te de dag sgrub par byed pa'o/ /bde ba chen po gsang ba chen po'i rdo rje
 zhes bya ba la 'das ma thag tu bshad pa'i lta ba phyag rgya gang yin pa de ni bcom ldan 'das bde ba chen po'i rdo rje sems dpa'i gsang ba chen po'i rdo rje'o/ /'di'i ming bstan par bya ba'i phyir rdo rje spyan zhes bya ba'i phyag rgya'o zhes bya ba gsungs te/ de ltar bcom ldan 'das rdo rje sems dpa'i lta ba'i
 phyag rgya thams cad sgrub par byed pa bstan nas da ni de bzhin gshegs pa bstan par bya ba'i phyir de bzhin gshegs pa thams cad ces bya ba gsungs so/ /de bzhin gshegs pa thams cad ni rnam par snang mdzad la sogs pa'o/ /thams cad khyab pa'i bzhin 'dzum pa ni bzhad pa'i rnal
 'byor pa bzhad pa chen po des dgod cing tsum pa byed pa bstan pa'i rdo rje'i lta bas 'dom gang tsam du blta zhing phyag rgya chen po la sogs pa'i de bzhin gshegs pa'i dngos grub kyi tshul bya ste/ de ltar na mngon par rdzogs pa'i byang chub la sogs pa'i de bzhin gshegs pa thams cad kyi las rnams
 sgrub par byed pa yin no/ /lta ba'i phyag rgya 'di'i ming bstan par bya ba'i phyir de bzhin gshegs pa thams cad kyi spyan zhes bya ba'i phyag rgya'o zhes bya ba gsungs so/ /de ltar lta ba'i phyag rgya bstan nas/ da ni khro gnyer dang bcas pa zhes bya ba la sogs pa'i rdo rje nyi ma me ltar 'bar ba'i
 gsungs pa yin te khro gnyer dang bcas pa'i rdo rje khro bo'i lta ba ni khro gnyer dang bcas pa'i khro bo'i rdo rje'i lta bas te/ khros pa'i mig btsums pa'i mtshan nyid can no/ /de'i byed pa rnams ni mngon par 'dod pa'i tshul te/ de dang bcas par sna'i dbugs yi ge hUM byed par gyur pas/ rdo rje
 thams cad kyi dngos grub rnams rnal 'byor pas sgrub par byed pa yin no/ /lta ba'i phyag rgya 'di nyid kyi ming bstan par bya ba'i phyir/ rdo rje nyi ma me ltar 'bar ba chen po'i lta ba'i spyan zhes bya ba'i phyag rgya'o zhes bya ba gsungs so/ /de ltar rdo rje'i rigs kyi lta ba'i phyag rgya bstan nas da ni
 pad+ma'i rigs kyi bstan par bya ba'i phyir/ bde ba zhes bya ba la sogs pa gsungs te/ ting nge 'dzin las byung ba'i bde ba ni 'dir bde ba ste/ des spyan cung zhig phye ba ni rgyas pa'o/ /'dis mngon par 'dod pa'i dngos grub thams cad kyi las thugs kyis mngon du gyur pa'i ye shes kyi rdo rje'i lta
 bas phye ba rnams gang yin pa de dag dang bcas pas mchu mnyam pa'i ting nge 'dzin rdo rje la sogs pa'i rang bzhin gyi 'jig rten dbang phyug gi dngos grub thams cad kyi las tshogs rnal 'byor pas sgrub par byed pa yin no/ /de'i ming bstan par bya ba'i phyir pad+ma chen po'i spyan gyi phyag rgya'o zhes
 bya ba gsungs so/ /de ltar pad+ma'i rigs kyi lta ba'i phyag rgya bstan nas da ni nor bu'i rigs kyi bstan par bya ba'i phyir bsnyems pa dang bcas pa'i 'dzin pa nyid kyis zhes bya ba gsungs te/ nor bu'i rigs kyi lha'i nga rgyal sgom pa ni bsnyems pa'o/ /bsnyems pa dang bcas pas gzung bas te byed pa skyed
 pa'o/ /de'i dngos po ni bsnyems pa dang bcas pa'i 'dzin pa nyid do/ /de dang bcas par phra bar 'dzum pa'i lta ba gang yin pa de'i byed par gyur pa des byed pa rnams ni yid kyis 'dod pa'i dngos grub kyi tshul rnams te de dag gis bzhin cung zad 'dzum pa'i rnal 'byor pas nam mkha' ste/ 'phags pa nam
 mkha'i snying po las bcom ldan 'das 'phags pa nam mkha'i snying po'i dngos grub thams cad kyi las kyi tshogs sgrub pa yin no/ /lta ba'i phyag rgya 'di nyid kyi ming bstan par bya ba'i phyir rdo rje chen po nor bu'i spyan zhes bya ba'i phyag rgya'o zhes bya ba gsungs so/ /de ltar lta ba'i phyag rgya rnam pa lnga bstan
 nas da ni de rnams kyi nus pa bstan par bya ba'i phyir don yod ces bya ba la sogs pa gsungs te/ don yod pa ni don yod cing thogs pa med pa'o/ /rdzogs pas na grub pa'o/ /gzhug par mi nus pas na 'jigs pa med pa'o/ /de gang gis she na/ bstan pa'i bdag nyid ces
 bya ba gsungs te/ rdo rje'i sku mnga' ba'i sangs rgyas thams cad rdo rje 'chang chen po dag gis kyang ngo / /gsang ba'i phyag rgya 'di dag phyag rgya chen po la sogs pa'i dngos grub dge ba rnams stsol bas na dngos grub dge ba stsol ba'o/ /dkyil 'khor du ma zhugs pa zhes bya ba la sogs pa ni go sla'o/ /
 de nas de'i phyir zhes bya ba la sngar bshad pa'i sgrub pos rnal 'byor ma grub na de ma thag tu 'dzum pa'i phyag rgyas bcom ldan 'das ma bdag nyid la rgyas btab na nges par 'grub par 'gyur ro/ /rgyu de'i phyir mchog dang po'i bcom ldan 'das rdo rje sems dpa'i mchog dang po thog ma dang tha ma med
 pa'i bcom ldan 'das rdo rje sems dpas gsungs so zhes bya ba dang sbyar ro/ /de yang ji lta bu yin zhe na/ mkhas pa las kyang mkhas pas na shin tu mkhas pa'o/ /phra zhing rgya che ba dang zab cing bsam gyis mi khyab pa zhes bya ba ni bshad zin to/ /mchog dang po zhes bya ba ni sngar bshad
 pa'i mchog dang po'o/ /las kyang dam pa yin pas na mchog gi mchog dang po'o/ /ni'i sgra ni nges par gzung ba la ste mchog dang po las kyang mchog kho na yin no/ /mchog tu gsang ba ni sngar bshad pa'i gsang ba las kyang gsang ba'o/ /phul du byung bas na dam pa'o/ /de gang yin zhe
 na/ 'dzum pa'i phyag rgya la sogs tshogs/ /zhes bya ba la 'dzum pa'i phyag rgya'i tshogs 'dis ci zhig bya/ gang gi phyir 'di'i khyad par du bstan pa yin zhe na/ rdo rje 'chang chen zhes bya ba la sogs pa la rdo rje 'chang chen po'i rnal 'byor dang ldan pa'i slob dpon ni rdo rje 'chang chen po'i slob
 dpon no/ /mchog dang po ni bcom ldan 'das rdo rje sems dpa'o/ /de rab tu dgyes pa ni thugs bde bas te de ston par byed pa'i 'dzum pa'i phyag rgya ni mchog dang po rab tu dgyes pa'o/ /mchog dang po rab tu dgyes pa des phyag rgya chen po la sogs pa thams cad myur du bsgrub par bya ba
 ni rdzogs par bya ba'o/ /snying po la sogs pa rnams med kyang gi sgra ni snying po la sogs pa rnams kyis ni shin tu sgrub par byed pa yin no zhes bya ba bstan to/ /snying po dang phyag rgya dang sngags dang rig pa rnams bshad zin to/ /de rnams sgrub pa na rdzogs pa'i rgyu 'og nas 'chad par 'gyur ba'i
 'dzum pa'i phyag rgya'i rang bzhin can rmad du byung ba ni ngo mtshar bar byed pa'o/ /de ci'i phyir zhe na/ dngos grub thams cad rab sgrub pas/ /ma grub rnams kyang grub par 'gyur/ /byed par gyur pa de rnams yin pas rgyu de'i phyir sngar bshad pa'i sgrub pas bsgrub pa gang grub par ma gyur pa dang / bsod nams
 med pa dang / phyi'i yo byad kyi phun sum tshogs pa med pa'i sgrub pa'o/ /de 'dzum pa'i phyag rgya bdag nyid dam mdun du bzhag pa'i bcom ldan 'das rdo rje sems dpa' rab tu bsgrubs na myur ba nyid du 'grub par 'gyur ro/ /dus gang la rnal 'byor pas bdag nyid dam rdo rje sems dpa' rab tu
 bsgrubs na myur du 'grub par 'gyur zhe na/ rdo rje sems dpa' zhes bya ba la sogs pa la gal te bcom ldan 'das rdo rje sems dpa' mchog phul du byung ba sgrub pa pos snying po dang phyag rgya dang sngags dang rig pa rnams nye ba'i snying pos rab tu bsgrubs kyang grub par ma gyur na/ de'i tshe
 sgrub pa pos 'dzum pa'i phyag rgyas bcom ldan 'das bsgrub par bya'o/ /gang gi phyir 'dzum pa'i phyag rgya 'dis bcom ldan 'das rdo rje sems dpa'i rang rig pa'i tshul gyis rang gi gsang ba'i btsun mo ste/ rdo rje sems dpa' dang 'dod chags rdo rje ma la sogs pa'i rang bzhin can gyi
 chags pa thams cad kyi sgrub pa'o/ /dga' bar byed pas na chags pa thams cad kyis rab tu dga' bar byed pa'o/ /rdo rje sems dpa'i dga' ba gang yin pa des sgrub pa po grub par 'gyur ro/ /de nyid chen po zhes bya ba ni 'dzum pa'i phyag rgya'i rang bzhin can gyi de kho na nyid chen po
 'di grub pa ni rdzogs pa'o/ /mchog ni dam pa'o/ /mchog gi de nyid ni rdo rje sems dpa'o/ /skye bo thams cad kyi thun mong ma yin pas gsang ba'o/ /mchog tu bsod nams mi ldan pa'i/ /so so skye bo la brjod min/ /zhes bya ba ni bshad zin to/ /rang gi bdag nyid byin
 gyis brlab pa ni rang la byin gyis brlab pa ste rang gi yid bde ba'i nus pa gang yin pa des rnal 'byor pa grub par 'gyur ro/ /nyon mongs pa dang nye ba'i nyon mongs pa dang bral bas na dga' ba'o/ /mchog tu gsang ba'i phyi ma las kyang / dam pa dpal rang gi dam tshig
 ces bya ba ni gsang ba'i lha mo bzhi phreng gi dbus na bzhugs pa'i dpal rdo rje sems dpa'o/ /de'i bla na med pa'i mchog tu gsang ba'i phyag rgya ni 'dzum pa'i phyag rgya'o/ /de'i cho ga ni bsgom pa brtan pa yin no/ /de ltar thams cad sgrub par byed pa'i 'dzum pa'i phyag rgya bstan nas/ da ni
 las thams cad sgrub par byed pa'i tsum pa na la sogs pa'i phyag rgya rnams bstan par bya ba'i phyir de nas zhes bya ba la sogs pa gsungs te/ de nas de'i phyir zhes bya ba bshad zin to/ /mchog dang po ni bcom ldan 'das rdo rje sems dpa'i mchog dang po mchog tu gsang ba zhes bya ba'i
 phyag rgya'i rgyud rjes su bstan par bya'o zhes bya ba dang sbyar ro/ /mchog tu mkhas shing phral rgya che ba dang bsam gyis mi khyab pa zhes bya ba ni bshad zin to/ /shin tu mtha' yas pa zhes bya ba ni mdor bstan pa'o/ /lhag ma ni rgyas par bshad pa'o/ /de la chos kyi bzhin du thams cad
 'gro ba'i phyir shin tu mtha' yas pa dang / mthar thug pa med pa dang / tshad med cing gzhal du med pa'o/ /bla ma las kyang bla mar gyur pas na bla na med pa'o/ /don yod cing thogs pa med pa'o zhes bya ba ni go sla'o/ /mchog dang po yin la snying po yang de nyid yin pas na mchog gi snying
 po ste snying po ston par byed pa'i phyir/ tsum pa la sogs pa'i phyag rgya'i rang bzhin ni snying por brjod pa yin no/ /mchog kyang yin la de kho na nyid kyang de nyid yin pas na mchog gi de kho na nyid de thog ma dang tha ma med pa chos kyi dbyings so/ /de'i snying po ni de las byung ba'i phyir dang /
 de mngon du byed pa'i rgyu nyid kyi phyir ro/ /don 'di nyid bstan par bya ba'i phyir mchog tu gsang ba'i snying po zhes bya ba gsungs te/ mchog kyang yin la phra ba dang mchog tu gsang ba yang de nyid yin pas na mchog tu phra zhing gsang ba'i snying po'o/ /'di'i ming bstan par bya ba'i
 phyir mchog tu gsang ba zhes bya ba gsungs so/ /'di las ji lta bu dang ldan pa yin zhe na/ thams cad ces bya ba la sogs pa la 'jig rten dang 'jig rten las 'das pa'i dngos grub thams cad kyi mchog tu gyur pas na thams cad kyi mchog go/ /thams cad kyi mchog kyang de yin la
 dngos grub chen po yang de nyid yin pas na thams cad kyi mchog go/ /dngos grub chen po ste dpal rdo rje sems dpa' thob pa'o/ /des dbang phyug chen po ni khams gsum pa'i chos kyi rgyal srid de de nyid kyi bdag po nyid do/ /sogs pa'i sgra ni sa dang pha rol tu phyin pa la sogs pa gzung
 ba'o/ /dngos grub thams cad kyi las kyi tshogs ni dngos grub thams cad kyi las kyi tshogs te stong chig brgya'i grangs kyis yongs su bcad pa de ma thag tu 'og nas 'chad par 'gyur ba gang yin pa de'i thams cad kyi dngos grub chen po'i dbang phyug chen po'i bdag nyid la sogs pa dang / dngos grub thams cad
 kyi las kyi mchog tu mi 'gyur ba ni mchog tu rtag pa'o/ /'jig rten dang 'jig rten las 'das pa rnams kyi mchog tu gyur pas na dam pa'o/ /dam pa yang yin la bla na med pa yang de nyid yin pas na dam pa bla na med pas te/ dpal rdo rje sems dpa'i dga' ba dang rab tu dga' ba gang yin pa
 des kyang sgrub pa po rnams la bde ba dang yid bde ba thams cad kyi rang bzhin gyi mchog gi dngos grub sgrub par byed pa ni rdzogs par byed pa ste/ mchog phyag rgya'i rgyud 'di gang yin pa de rjes su bshad par bya ste de brjod par bya'o zhes bya ba bcom ldan 'das rdo rje sems dpas gsungs
 so/ /tsum pa na dang 'khyud pa zhes bya ba la sogs pa la lha'i rnal 'byor byas la/ dkyil 'khor gyi tshul lam dpa' bo gcig pu'i bcom ldan 'das mdun du bzhag la spyan drang ba la sogs pa'i cho ga thams cad rjes su spyad nas yid kyis tsum pa na dang 'khyud pa la sogs pa bcom ldan
 'das dang lhan cig tu bya zhing bcom ldan 'das bsgrub par bya ste/ ji lta ba bzhin du bshad pa'i bcom ldan 'das rdo rje sems dpa'i tsum pa na dang 'khyud pa la sogs pa'i phyag rgya 'di yin no/ /dga' ba chen po dpal rdo rje don yod pa bshad zin to/ /de'i dga' ba ni dgyes pas te/
 de'i dam tshig gi sbyor ba ni de skyed par byed pa'i rgyu shin tu rnal 'byor ro/ /de'i ming can gyi phyag rgya'i dga' ba'i dam tshig gi sbyor ba zhes bya ba ste/ de nyid rgyud 'dir thams cad rnal 'byor zhes bya bar brjod pa yin no/ /de dag dang gang du zhes bya ba la sogs pa ni go sla'o/ /de ltar
 reg bya'i phyag rgya bstan nas da ni 'dod chags rdo rje ma'i lta ba'i phyag rgya bstan par bya ba'i phyir rnam par 'phrul pa dang bcas pa zhes bya ba la sogs pa gsungs te sgeg pa'i nyams kyis rnam par 'phrul pa ni rnam par 'phrul pa'o/ /rnam par 'phrul pa de dang bcas pa'i 'dzum pas ni rnam par
 'phrul pa dang bcas pa'i 'dzum pa'o/ /de dang lhan cig tu g.yo ba'i mig zur gyis blta zhing lha'i phyag rgya gang la yod pa de ni rnam par 'phrul pa dang bcas pa'i 'dzum zhing g.yo ba'i mig zur gyis lta ba'i phyag rgya'o/ /bcom ldan 'das zhes bya ba la sogs pa ni go sla'o/ /'dzum zhing cung
 zad phye ba'i mig gis lta ba ni kI li kI la'i ste/ 'dis blta zhing dpal rdo rje sems dpa' la sogs pa rnams btung bar bya'o zhes bya ba la sogs pa dang sbyar ro/ /mchog tu zhes bya ba la sogs pa ni go sla'o/ /rdo rje dran ma'i phyag rgya bstan par bya ba'i phyir bsnyems pa dang bcas
 pa zhes bya ba la sogs pa gsungs te/ rang gi lha'i nga rgyal mngon du bya ba ni 'dir bsnyems ma yin no/ /bsnyems pa dang lhan cig tu yang dag par bstod pa ni gyen du bstod nas dgod pa'i g.yo ba'i mig gis lta ba'i phyag rgya gang la yod pa de ni bsnyems pa dang bcas pas
 bstod cing bzhad pa'i g.yo ba'i spyan no/ /bcom ldan 'das zhes bya ba la sogs pa ni go sla'o/ /da ni rdo rje 'dod pa'i dbang phyug ma'i lta ba'i phyag rgya bstan par bya ba'i phyir/ sgeg pa dang bcas pa'i lta ba dang 'dzum pa dang g.yo zhing phyag 'tshal ba dang ldan pa'o zhes bya ba
 gsungs te/ sgeg pa dang bcas pa'i lta ba dang 'dzum pa dang g.yo ba ni sgeg pa'i lta ba dang 'dzum pa dang g.yo ba rnams so/ /de dang bcas pa'i phyag 'tshal ba'i lta ba'i phyag rgya gang la yod pa de ni sgeg pa'i lta ba dang g.yo ba dang phyag 'tshal ba dang ldan pa'o/ /bcom
 ldan 'das kyi zhes bya ba la sogs pa ni go sla'o/ /rnam par 'phrul pa dang sgeg pa dang bcas pa'i 'dzum pa'i zhal zhes bya ba la sgeg pa'i rnam par 'phrul pa dang bcas pa'i mdzes pa nyid ni rnam par 'phrul pa'i sgeg pa'o/ /rnam par 'phrul pa'i sgeg pa dang lhan cig tu zhal 'dzum pa'i
 lta ba'i phyag rgya gang la yod pa de la de skad ces bya'o/ /de'i dngos po ni 'dzum pa'i zhal nyid do/ /bcom ldan 'das kyi zhes bya ba la sogs pa ni go sla'o/ /'di zhes bya ba la rdo rje 'dzum pa'i phyag rgya 'dis bcom ldan 'das rdo rje thams cad kyi slob dpon de sgrub pa pos mchod pa'i glu ste/
 yi ge hUM gi glus thams cad kyi mchog gi dngos grub chen po rdo rje sems dpa'i dngos grub gang yin pa des dbang phyug chen po ni ji lta ba bzhin du bshad par bya ste/ de'i bdag po ni gtso bo grub par 'gyur te/ sgrub pa po rdo rje 'chang chen po nyid du 'gyur ba yin no zhes bya ba'i don to/ /
 'dis kyang bdag nyid la rgyas btab pa tsam gyis ma grub na yang yid kyis 'dod pa'i las thams cad kyi tshogs sgrub par byed pa yin no/ /da ni de bzhin gshegs pa'i rigs kyi phyag rgya bstan par bya ba'i phyir/ sarba ku ru ya tha su khaM zhes bya ba brjod par bya'o zhes bya ba la rang bzhin
 gyis 'od gsal ba'i rnam par thar ba'i sgo'i rang bzhin nyid kyis kyi bcom ldan 'das sangs rgyas dang / chos dang / dge 'dun gyi sku 'dzin pa'i de bzhin gshegs pa sangs rgyas dang chos dang dge 'dun gyi rang bzhin can du thams cad mdzod cig ste/ rdzogs par mdzod cig pa'o/ /
 de yang bde ba de dka' thub kyi nyes pa dang bral ba'i shin tu mnyam par gzhag pa'i ting nge 'dzin gyis so/ /de ltar brjod pa'i de bzhin gshegs pa'i phyag rgya bcings nas rnal 'byor pas bzla bar bya'o/ /de bzhin gshegs pa thams cad kyi gsang ba ni dkon mchog gsum gyi
 gzugs 'dzin pa'i de bzhin gshegs pa'o/ /mchog ni phul du byung ba'o/ /de ston par byed pa'i theg pa chen po'i mdo sde'i dbang po'i rgyal po ni sarba ku ru ya tha su khaM zhes bya ba'i sngags gang yin pa 'di nyid sangs rgyas dang chos dang dge 'dun gyi gzugs 'dzin pa'i bcom ldan 'das
 phyag na rdo rje'i de bzhin gshegs pa thams cad kyi theg pa chen po mngon par rtogs pa'i gsang ba'i rdo rje'i byin gyis rlob pa zhes bya ba'i ngag gi phyag rgya ste/ 'di ni de bzhin gshegs pa thams cad kyi las kyi tshogs sgrub par byed pa yin no/ /de ci'i phyir zhe na/ rang bzhin
 gyis 'od gsal ba'i ngo bo nyid kyi phyir ro zhes bya ba la gang gi phyir ngag gi phyag rgya 'di rang bzhin gyis 'od gsal bar brjod pa de'i phyir rang bzhin gyis 'od gsal ba nyid kyi rgyu des dkon mchog gsum gyi rang bzhin can gyi chos thams cad rnam par dag pas chos thams cad rnam par dag pa ste/ don dam par dkon mchog gsum mi dmigs pa'i phyir ro/
 /chos rnam par dag pa de nyid ma lus shing lus pa med pa'i de bzhin gshegs pa thams cad kyi chos nyid thob pa dang / ye shes dang mngon par shes pa dang / mchog gi dngos grub la sogs pa dang / las thams cad
 kyi tshogs gang yin pa de nyid sgrub par byed pa yin no/ /de ltar de bzhin gshegs pa'i phyag rgya bstan nas da ni rdo rje'i rigs kyi phyag rgya bstan par bya ba'i phyir/ rnam par 'phrul pa dang bcas pas 'dzum zhing smin ma'i khro gnyer gyis khro bo rdo rje'i lta ba'i phyag rgya'o zhes bya ba gsungs
 te/ khro ba dang sgeg pa'i rnam par 'phrul pas bskyed pa'i 'dzum pa dang rnam par 'phrul pa dang bcas pa'o/ /de dang bcas pa'i smin ma'i bar gyi khro gnyer ni khro ba ston par byed pa'i dpral ba'i ri mo'o/ /des nye bar mtshon pa'i khro bo'i rdo rje'i lta ba'i phyag rgya ste/ rdo rje chen po'i khro bo
 kI li kI li zhes bya ba'o/ /'dis ji lta ba bzhin du bshad pa'i las thams cad rnal 'byor pas sgrub par byed pa yin no/ /de ltar rdo rje'i rigs kyi dngos grub thams cad sgrub par byed pa'i phyag rgya bstan nas/ da ni pad+ma'i rigs kyi phyag rgya bstan par bya ba'i phyir thams cad dag
 pa'i ting nge 'dzin gyis zhes bya ba gsungs te/ pad+ma'i rigs ni rang bzhin gyis dag pa'o zhes bya ba'i sgom pa ni thams cad dag pa'i ting nge 'dzin te/ ting nge 'dzin des gzugs sna tshogs pa'i bya ba la rab tu 'jug pa ste/ rdzogs par byed cing pad+ma'i rigs kyi las kyi tshogs thams
 cad bsgrub par bya'o/ /de ltar pad+ma'i rigs kyi phyag rgya bstan nas da ni nor bu'i rigs kyi phyag rgya bstan par bya ba'i phyir nam mkha' phra bar bskyod pa dag gis rol cing thams cad kyi rjes su chags par bya'o zhes bya ba gsungs te/ 'phags pa nam mkha'i snying po'i gsang ba'i dkyil
 'khor nam mkha'i khams thams cad kun du khyab par nam mkha' mnyam pa nyid kyi ye shes ston par byed cing thob par byed pa ni nam mkhar brjod pa yin no/ /de la shin tu rnal 'byor gyi bsgom pas tsum pa na dang 'khyud pa la sogs pa'i phyag rgya rnams kyis rgyas btab cing
 phra bar bskyed pa bskyod pa rnams kyis bcom ldan 'das dang de'i lha mo'i tshogs dang lhan cig tu yang dag par sbyor bar bsgom zhing rol du gzhug par bya'o/ /de nyid rnal 'byor thams cad nam mkha' la 'gro bas rjes su chags par bya zhing mngon du bya'o/ /'di zhes bya ba la
 sogs pa ni go sla'o/ /nam mkha' thams cad kyi bdag nyid kun gyi dngos po nyid kyi phyir ro zhes bya ba la nam mkha' yang yin la thams cad kyang de nyid yin pas na nam mkha' thams cad de/ phyogs bcur rdzas thams cad med pa'i rang bzhin can no/ /de dang 'dra ba'i gzugs
 thams cad ston pas kun du 'gro ba'i bdag nyid kyi dngos po'i sku gang la mnga' ba de ni nam mkha' thams cad kyi bdag nyid kun gyi dngos po ste/ de'i dngos po ni nam mkha' thams cad kyi bdag nyid kun gyi dngos po nyid do/ /nam mkha' thams cad kyi bdag nyid kun gyi dngos
 po nyid kyi rgyu de'i phyir bcom ldan 'das nam mkha'i snying po ste/ des sgrub pa po'i las thams cad ji lta ba bzhin du bshad pa'i tshul gyis nam mkha' las sgrub par mdzad pa yin no zhes bya ba yang gsungs so/ /mchog dang po'i zhes bya ba la sogs pa ni go sla'o/ /de ltar mchog tu gsang
 ba'i tsum pa na dang 'khyud pa la sogs pa'i phyag rgya bcu po'i phyag rgya'i rgyud bstan nas/ da ni phyag rgya bcu'i tshul gyis dpal rdo rje sems dpa'i gsang ba'i dkyil 'khor sgrub par byed pa nyid kyi phyag rgya bstan par bya ba'i phyir de nas zhes bya ba la sogs pa gsungs te/ mchog tu zhes bya
 ba la sogs pa ni bshad zin to/ /shin tu gzhal du med cing tshad med pa grangs med cing brjod du med cing brjod kyis mi lang ba zhes bya bas ni dngos po'i phyi ma phyi ma rgya che bar ston par byed pa'i grangs kyi khyad par te/ de dang de ni mdo sde'i nang nas shes par bya'o/ /'das
 ma thag tu bshad pa de'i tshogs ni mchog tu grub pa zhes bya ba'i ming can gyi rgyun de phyag rgya rnams ston par byed pa'i sgra'i tshogs rjes su spyad par bya'o zhes bya ba bcom ldan 'das rdo rje sems dpas gsungs so/ /de la zhes bya ba'i sgra ni ngag nye bar dgod pa la'o/ /phyag rgya bcu'i
 bdag nyid thams cad skyed par byed pa'o zhes bya ba la dpal rdo rje sems dpa' la sogs pa'i sku'i gsang ba ni bdag nyid thams cad de de ston par byed cing mngon du byed pas na bdag nyid thams cad skyed par byed pa zhes bya bar brjod do/ /de gang yin zhe na/ rdo rje sems dpa'i phyag
 rgya chen po zhes bya ba la rdo rje sems dpa'i phyag rgya chen po ni rdo rje sems dpa'i phyag rgya chen po ste/ rdo rje bsnyems ma la sogs pas bzhi 'gyur gyi dngos grub ster ba'o/ /de dag kyang gang las byung zhe na/ bde ba chen po rdo rje don yod pa'i dam tshig las byung ba'o zhes bya ba las dang po'i rdo rje
 ni bde ba chen po'i rdo rje'o/ /de nyid don yod pa'i dam tshig ste bde ba chen po'i rdo rje don yod pa'i dam tshig go/ /de las de dag byung ba yin no/ /de dag las ji lta bu dang ldan pa yin zhe na/ sngon du zhes bya ba la sogs pa la sngon ni thog ma ste gdod ma nas grub pa'o/ /gdod
 ma nas grub pa yang de yin la thams cad kyi mchog gi dngos grub kyang de nyid yin pas na gdod ma nas grub pa thams cad mchog gi dngos grub ste/ dpal rdo rje sems dpa'i phyag rgya chen po'i dngos grub rdzogs pa'o/ /de nyid thog mar gang la yod pa de dag myur bar mchog tu
 sgrub par byed pa yin no/ /de dag ji ltar bsgrub par bya zhe na bdag nyid thams cad kyis so/ /rnam pa thams cad kyi mchog dang ldan pa'i dpal rdo rje sems dpa' la sogs pa'i rang bzhin la lhag par mos pa ni bdag nyid thams cad de bdag nyid thams cad des de dag
 bsgrub par bya'o/ /de la sku'i phyag rgya ni 'di zhes bya ba ni dpal rdo rje sems dpa' la sogs pa'i phyag rgya yin no zhes bya ba'i don to/ /ba dan gsum pa dang / kha T+wAM ga'i phyag rgya bcing ba'o zhes bya ba la lag pa g.yas pas ba dan gsum pa byas la/ g.yon pas kha T+wAM ga'i phyag rgya
 bcing bar bya'o/ /g.yon pa'i dril bu dang bcas pa zhes bya ba la g.yon pa'i kha T+wAM gas rdo rje dril bu blangs nas lag pa g.yon pa'i ba dan gsum pas slong ba'i tshul byas nas sgeg pa dang dkrol zhing gar byas nas rdo rje 'dod pa'i dbang phyug ma ste/ rdo rje sems dpa'i phyag rgya chen po bstod pa ni
 skyed pa'i rgyu'o/ /des rdo rje bsnyems pa yongs su bskor te dgrol bar bya'o/ /'di ltar 'chad par 'gyur te dang po'i rdo rje bcings nas gnyis su byas la lag pa g.yas pas ba dan gsum pa byas te/ stod pa'i tshul gyis gzung bar bya'o/ /rdo rje dril bu dang bcas pa'i lag
 pa g.yon pas kyang kha T+wAM ga bcings nas lag pa g.yon pa dang g.yas pa dag gi mdzub mo la sogs pa dang bcas pa dkrol zhing gar byas la/ bcom ldan 'das rdo rje sems dpa'i phyag rgya chen po bcing bar bya ste/ de ltar na bzhi 'gyur gyi dngos grub grub par 'gyur ro/ /mnga' stod
 pa zhes bya ba la sogs pa la de bzhin du dang po'i rdo rje gnyis su byas la ji lta ba bzhin du gar las byung ba'i 'dod chags rdo rje ma'i phyag rgya chen po bcing bar bya'o/ /de bzhin du gar byas la kI li kI li'i phyag rgya chen po bcing bar bya'o/ /de bzhin du gar byas la rdo rje dran pa ma'i phyag rgya
 chen po bcing bar bya'o/ /de bzhin du gar byas la rdo rje dran ma'i phyag rgya chen po bcing bar bya'o/ /de bzhin du gar byas la rdo rje 'dod ma'i dbang phyug ma'i phyag rgya chen po bcing bar bya ste de ltar na bzhi 'gyur gyi dngos grub grub par 'gyur ro/ /rnam pa lnga po de dag mchog tu gsang ba'i
 ras ris kyi phyag rgya ste/ bcom ldan 'das rdo rje sems dpa'i yin no/ /bde ba chen po'i rdo rje don yod pa'i dam tshig gi mchod pas rab tu dga' ma la sogs pa'i mchod pa thams cad thob pa mi zad pa'o zhes bya ba la rab tu dga' ma dang spyan dang dpal chen mo rnams ni bde ba chen po
 rdo rje don yod pa ste/ rdo rje sems dpa'i dam tshig gi mchod pa'o/ /rab tu dga' ma la sogs pa'i mchod pa thams cad de rdo rje sems dpa' la sogs pa'i bde ba dang yid bde ba'i rang bzhin can thob pa ni mngon du byed pa'o/ /mi zad pa'o zhes bya ba ni rtag pa'o/ /'dis
 'di ltar 'chad par 'gyur te de bzhin du dang po'i rdo rje gnyis su byas la/ ba dan gsum mchod pa dang kha T+wAM gas gar byas te mchod pa'i lha mo bzhi po'i mchod pa'i phyag rgya bcings nas mchod par bya'o/ /rdo rje bstod pa'i phyag rgyas srid pa gsum thams cad bskyod pa dang dbang du
 byed pa'o zhes bya ba la de bzhin du gar byas la srid pa gsum thams cad rdo rje'i dbus su yid kyis bcug la bsnyems pa dang bcas pas rdo rje gsor nas srid pa gsum bskyod pa dang / dbang du bya ba'i bsam pas rang gi snying gar bstod pa'i tshul gyis gzung bar bya ste/ de ltar
 de dag thams cad grub par 'gyur ro/ /rdo rje hUM mdzad ces bya ba la sogs pa la/ dpal rdo rje sems dpa'i rnal 'byor byas te/ lha chen po la sogs pa'i gzugs brnyan mdun du byas te/ de bzhin du gar byas te rdo rje hUM mdzad brjod cing rdo rje hUM mdzad du bdag nyid rnam par bsams te
 g.yon brkyang ba'i stang stabs kyis gnas nas lha chen po la sogs pa'i gzugs brnyan la gzhug cing bcug ste/ bcings nas dbang du byas la rkang pa g.yon pas gzugs brnyan de mnan nas bzla bar bya ste/ de ltar na ring po mi thogs par de grub par 'gyur ba yin no/ /mthon
 po'i stan zhes bya ba la sogs pa la dpal rdo rje sems dpa'i rnal 'byor byas nas cho ga thams cad rjes su spyad nas bsgrub bya'i gzugs brnyan mdun du bzhag ste/ stan mthon po la skyil mo krung phyed pas 'dug ste/ de bzhin du gar byas la bsnyems pa dang bcas pas rdo rje
 gsor zhing yi ge hUM gis bsgrub bya gzugs brnyan la gzhug cing bcug ste bcings nas dbang du bya'o/ /de nas bsgrub bya'i gzugs brnyan de nyid rkang pa g.yon pas mnan te bsnyems pa dang bcas pas rdo rje gsor zhing yi ge hUM bzla bar bya ste/ de ltar na ring por mi thogs par
 sems can de dang de 'grub par 'gyur ro/ /g.yon pa'i rdo rje khu tshur gyis zhes bya ba la dpal rdo rje sems dpa'i rnal 'byor byas nas cho ga thams cad rjes su spyad la/ de bzhin du dang po'i rdo rje bcings nas gnyis su byas te/ snga ma bzhin du gar byas la lha'i bu mo gang dgos pa'i tshul
 du sgrub par 'dod pa de dang lhan cig tu dbang po gnyis snyoms par zhugs pa yid kyis bya zhing g.yon pa'i rdo rje khu tshur gyis rang gi rtags bzung la/ yi ge hUM bzla bar byas te de ltar na de btsun mo'i rang bzhin du grub par 'gyur ro/ /de ltar dang po'i rdo rje gnyis su byas nas ba dan gsum dang
 kha T+wAM ga'i phyag rgyas gar byas te/ rdo rje sems dpa'i phyag rgya chen po bcing ba rnam pa bcu phan yon dang bcas pa bstan nas da ni dam tshig las kyi phyag rgya bcing ba rnam pa bcu bstan par bya ba'i phyir de nas dam tshig gi phyag rgya zhes bya ba gsungs te/ bde ba chen po'i rdo rje don
 yod pa ni rdo rje sems dpa' ste/ de'i dam tshig ni gsang ba'i lcags kyu bcings la phun sum tshogs pa bsgrub pa'i bsam pas rang gi snying gar phyag rgya rnams so/ /snying gar sen mo drud pa zhes bya ba la gsang ba'i lcags kyu bcings nas rang gi snying gar lcags kyu'i sen mo phan tshun
 drud par byas te de ltar na ci ltar mngon par 'dod pa'i dngos grub thams cad grub par 'gyur ro/ /lcags kyu brdeg pa zhes bya ba la gsang ba'i lcags kyu bcings nas phun sum tshogs pa sgrub pa'i bsam pas rang gi snying gar lcags kyu brdeg par bya ste/ de ltar na phun sum
 tshogs pa thams cad grub par 'gyur ro/ /g.yon pa'i lcags kyu la g.yas pa'o zhes bya ba la gsang ba'i lcags kyu bcings nas g.yon pa'i lcags kyu g.yas pa'i dbus mar gzhug par byas te/ de ltar na bde ba thams cad 'grub par 'gyur ro/ /lcags kyu'i rtse mo btsir
 ba'o zhes bya ba la gsang ba'i lcags kyu'i dbus ma'i rtse mo dag phan tshun du btsir bar bya ste de ltar na phyag rgya thams cad grub par 'gyur ro/ /phan tshun sen mos drud pa'o zhes bya ba la de nyid kyi lcags kyu'i sen mo phan tshun du drud par byas te/ de ltar na dam tshig thams cad
 grub par 'gyur te phyag rgya thams cad grub par 'gyur ro zhes bya ba'i don to/ /snying gar bya ba par bya'o zhes bya ba la de nyid kyi lcags kyus rang gi snying gar byab bar bya ste/ de ltar na dkyil 'khor thams cad grub par 'gyur ro/ /lce mnyam par 'byin pa'o zhes bya ba
 la de nyid kyi dbus ma'i lcags kyu gnyis kyi rtse mo yang dag par sbyar bar byas la ngag 'byin pa'i tshul gyis kha'i phyogs nas gyen du drang bar bya ste de ltar na bstan bcos grub par 'gyur ro/ /snying gar rdo rje brtan par rab tu gzhag pa'o zhes bya ba la lcags kyus rang gi snying gar sems dpa'i rdo rje
 rdzogs pa'i tshul byas te de ltar na ye shes thams cad grub par 'gyur ro/ /rdo rje byab pa'o zhes bya ba la rang gi snying ga na gnas pa'i rdo rje sems dpa'i rdo rje lcags kyus byab par bya ste de ltar na las thams cad grub par 'gyur ro/ /rtsa ba'i phyag rgya yang ngo zhes bya ba la gsang ba'i lcags
 kyu ni rtsa ba'i phyag rgya ste/ des rang gi snying gar phrugs na bde ba chen po 'grub par 'gyur ro/ /de ltar gsang ba'i lcags kyus las bsgrub pa bstan nas/ da ni rdo rje sems dpa' las byung ba'i las kyi phyag rgya bstan pa'i phyir de nas gsang ba'i dam tshig gi rdo rje bsdams pa las byung ba'o zhes bya
 ba gsungs so/ /kha sbyor gyi nang du sor mo thams cad kyi las so zhes bya ba la rdo rje bsdams pa'i nang du sor mo thams cad kyi las kyi tshul bya'o zhes bya ba'i don to/ /mthe bong rdo rje zhes bya ba la rdo rje bsdams pa bcings nas mthe bo'i rtse mo rdo rje bsdams pa la 'jug pa ste/ de ltar na dngos
 po thams cad grub pa'o/ /de nyid kyi mthil gnyis su phrugs pa'o zhes bya ba la nang du gnas pa'i mthe bo gnyis po de nyid kyis phyag mthil gnyis 'phrug par bya ste de ltar na thams cad rjes su chags par 'gyur ro/ /mdzub mo'i rdo rje'o zhes bya ba la rdo rje bsdams pa bcings nas
 mdzub mo gnyis kyi rtse mo yang dag par sbyar bar byas la rdo rje bsdams par gzhug par bya ste de ltar na thams cad chags shing 'ching bar 'gyur ro/ /srin lag gi rdo rje'o zhes bya ba la rdo rje bsdams pa la srin lag gnyis kyi rtse mo bcug nas gzung bar bya ste de ltar na thams cad
 smra ba'o/ /de nyid kyi sor mo'i rtse mo dag ni rol mo'o zhes bya ba la nang na gnas pa'i srin lag gi rtse mo de nyid kyi sor mo'i rtse mo dag gis phan tshun rol mo'i tshul du bya ste de ltar na gar byed du gzhug pa'o/ /mthe'u chung gi rdo rje'o zhes bya ba la rdo rje bsdams pa'i mthe'u chung gnyis kyi rtse mo nang du
 gzhug par bya ste de ltar na thams cad dgod pa'o/ /de nyid kyi mthe bo gnyis kyi rtse mo sen mos btsir ba'o zhes bya ba la 'das ma thag tu bshad pa'i mthe'u chung gnyis kyi rdo rje nang du gnas pa de nyid kyi mthe bo gnyis kyi sen mo btsir bar bya ste de ltar na thams cad gsod par 'gyur ro/ /
 rdo rje gar gyi mchod pas zhes bya ba la sogs pa la ba dan gsum mchog dang kha T+wAM ga sgeg pa dang bcas par mthe'u chung la sogs pa bskor ba'i tshul gyis bar du mchod pa nyid du dpal rdo rje sems dpa'i rnal 'byor byas la yi ge hUM brjod cing rdo rje'i lta bas bltas shing gar bya ste de ltar na
 lha dang lha ma yin pa'i bu mo thams cad dang / gzhon nu ma'i bu mo thams cad bstan nas te rjes su chags par 'gyur ro/ /rab tu dga' ba zhes bya ba na dpal rdo rje sems dpa'i bde ba dang yid bde ba'i rang bzhin no/ /de yang de bzhin du gar gyi tshul gyis rang gi ma mchu nang du g.yo
 ba med par myang ba dang btung ba'i tshul gyis grub pa yin no/ /de bzhin du gar bya zhing dbugs ring po btang bar yi ge hUM brjod par bya ste de ltar na chags pa brtan par 'ching zhing mthong bar 'gyur ro/ /de bzhin du gar bya zhing dpung pa gnyis bstod cing bzla bar bya ste de ltar na dbang phyug
 thams cad thob par 'gyur ro/ /de bzhin du gar bya zhing gar gyi tshul gyis snying ga bskyod par bya ste de ltar na thams cad kyis mchod par 'gyur ro/ /de bzhin du gar bya zhing mig gnyis kyis bsgrub bya dgug pa'i tshul byas te/ /de ltar na 'dod pa thams cad rnyed par 'gyur ro/ /
 de bzhin du gar bya zhing dbugs gtong ba dang dman pa'i gdong gis blta ba'i tshul bya ste de ltar na 'dod pa'i 'dod chags skyed par byed pa yin no/ /de bzhin du gar bya zhing rang gi snying ga'i dbral bar bskyod par bya ste de ltar na thams cad 'bebs par byed do/ /de bzhin du gar
 byas shing dbugs btang bas rang nyid ltung bar 'gyur te de ltar 'dod pa'i chags pas gsod par 'gyur ro/ /de bzhin du gar byas shing bka' bsgo ba'i tshul du bya ste de ltar na 'dod pa thams cad kyi rjes su spyod pa la sogs pa'i las thams cad la nges par sbyor bar 'gyur
 ro/ /de ltar rdo rje gar gyi sbyor bas las bcu'i sgrub pa bstan nas/ da ni rdo rje sems dpa' la sogs pa'i las kyi phyag rgya rnams kyi las sgrub pa bstan par bya ba'i phyir/ de nas rdo rje las kyi phyag rgya bcu po zhes bya ba gsungs so/ /rdo rje bsnyems ma'i phyag rgyas thams cad sgrub pa'o zhes
 bya ba la bcom ldan 'das rdo rje sems dpa'i las kyi phyag rgya ni rdo rje bsnyems pas te des brtan pa dang g.yo ba'i dngos po thams cad sgrub pa'o/ /'dod chags rdo rje ma'i phyag rgya ni rdo rje mtshon cha ma ste/ des bdud la sogs pa thams cad las rnam par rgyal ba dang rdo rje sems dpa'
 la sogs pa thams cad rjes su chags pa dang / gdug pa'i dkyil 'khor la sogs pa gsod par 'gyur ro/ /rdo rje kI li kI la'i las kyi phyag rgya ni rdo rje kI li kI la ste des rab tu dga' ba'i reg bya ni rdo rje sems dpa'i bde ba dang yid bde ba mngon du bya ba'o/ /reg bya des rdo rje sems
 dpa' la sogs pa'i dngos grub thams cad bde bas te nyon mongs pa med par sgrub pa po rnams la 'grub par 'gyur ro/ /rdo rje dran ma'i las kyi phyag rgya ni rgyal mtshan bsgreng bas te des 'thab mo las rnam par rgyal bar 'gyur ro/ /rdo rje 'dod pa'i dbang phyug ma'i las kyi phyag rgya ni
 rdo rje 'dod pa'i dbang phyug mas te des rgyal srid thams cad kyi dbang phyug gi bdag po nyid du 'gyur ro/ /me tog la sogs pa'i las kyi phyag rgya bzhi ni dus kyi mchod pas te des thams cad kyis mchod par 'gyur ro/ /bcom ldan 'das rdo rje sems dpa'i bsnyems pa dang bcas pa'i rdo rje gsor
 pa'i phyag rgyas bdud la sogs pa thams cad 'dul bar 'gyur ro/ /g.yas pa'i rdo rje khu tshur gyis 'bar ba'i rdo rje yid kyis blangs te yi ge hUM brjod cing bsgrub bya'i steng du dbab par bya ste de ltar na thams cad gsod par 'gyur ro/ /de bzhin du g.yas pa'i rdo rje khu tshur gyis 'bar ba'i rdo rje
 rnams yang nas yang du yid kyis bsgrub bya'i steng du dbab par bya ste de ltar na rdo rje phab pas thams cad gsod pa dang thams cad 'phrog par 'gyur ro/ /g.yon pa bsnyems pa dang bcas pas zhes bya ba la sogs pa la g.yon pa'i khu tshur gnyis kyis bsnyems par byas la g.yas pa'i rdo rje khu tshur gyis sgyu ma
 thams cad ston pa'i tshul gyis sgyu ma thams cad ston pa'o/ /rdzu 'phrul thams cad ston pa'i tshul gyis rdzu 'phrul thams cad ston pa'o/ /so sor bstan pa thams cad ston pa'i tshul gyis bstan pa thams cad ston pa'o/ /thams cad 'dzoms pa'i tshul gyis thams cad 'joms
 pa'o/ /de bzhin du rengs pa dang gnyid log tu gzhug pa dang / bskor ba dang / bskrad pa dang / 'bru dang / btung ba 'pho ba dang / dbang du byed pa rnams ni de dag gi tshul gyis las thams cad sgrub par byed pa yin no/ /da ni rdo rje thal mo las byung ba'i phyag rgya bcu bstan par bya ba'i phyir/ rdo rje
 dam tshig gi phyag rgya bcu zhes bya ba gsungs te/ rdo rje thal mo las byung bas na rdo rje thal mo las byung ba'o/ /rdo rje sku mchog gi dngos grub thams cad do zhes bya ba la rdo rje thal mo bcings nas mthe bo gnyis kyis sems dpa'i skyil krung du byas la/ mdzub mo gnyis kyi rtse mo yang dag par
 sbyar ba ni rdo rje sku mchog go/ /'dis rdo rje sems dpa' la sogs pa'i mchog gi dngos grub thams cad sgrub pa yin no/ /mdzub mo gnyis kyi lcags kyus dngos grub thams cad do zhes bya ba la rdo rje thal mo bcings nas mdzub mo gnyis kyi lcags kyu gnyis bya ste 'dis kyang rdo rje sems
 dpa' la sogs pa'i mchog gi dngos grub thams cad bsgrub par bya'o/ /rdo rje gnod sbyin gyi bdud thams cad la sogs pa'i gdug pa 'dul ba'o zhes bya ba la rdo rje thal mo'i mdzub mo gnyis bkug la phan tshun steng du yang dag par sbyar bar byas la mthe bong gnyis bsgreng ba so sor
 yang dag par rab tu brkyang ba khar gzung bar bya ste 'di ni rdo rje gnod sbyin gyi phyag rgya'o/ /'dis yi ge hUM bzlas shing gdug pa thams cad gdul bar bya'o/ /gang du khyad par gyis 'gal ba med pa de thams cad du yi ge hUM gi bzlas pas rtogs par bya'o/ /de nyid mtheb mo
 gnyis kyis bkab pas thams cad rnyed pa'o zhes bya ba la 'das ma thag tu bshad pa'i rdo rje gnod sbyin gyi phyag rgya'i mthe bong gnyis kyi rtse mos mdzub mo gnyis kyi lcags kyu dgab par bya ste 'dis rdo rje sems dpa'i dngos grub thams cad thob par 'gyur ro/ /de nyid kyis mthe po
 gnyis bcug la gtsug tor rdo rje thams cad bsrung bar bya'o zhes bya ba la 'das ma thag tu bshad pa'i phyag rgya'i mthe bo gnyis nang du bcug la gtsug tor du gzung bar bya ste de ltar na thams cad srung bar 'gyur ro/ /mthe bong rdo rje nang du bcug la de nyid kyis rdo rje sems dpa' la sogs pa'i
 sems can thams cad rjes su chags pa dang / dgug pa dang dbang du byed pa sgrub po zhes bya ba la 'das ma thag tu bshad pa'i gtsug tor phyag rgya rang gi snying ga'i phyogs su gzung bar bya ste de ltar na ji ltar bshad pa bzhin du grub pa yin no/ /mthe chung rdo rje sor mo gnyis kyi rtse mo
 mdzub mo gnyis kyis legs par bzung bas mtho ba ni dpal dgug pa dang dbang du byed pa'o zhes bya ba la mthe'u chung rdo rje'i sor mo gnyis ni mthe'u chung gnyis te/ de'i rtse mo gnyis mdzub mo gnyis kyis legs par gzung ba gang yin pa de nyid mtho ba'i phyag rgya gang la yod pa de nyid la
 de skad ces bya'o/ /'dis ni 'di ltar bshad par 'gyur te/ rdo rje gnod sbyin gyi phyag rgya'i mthe'u chung gnyis nang du bcug la mdzub mo gnyis kyi lcags kyus de'i rtse mo gzung bar bya'o/ /rdo rje gnod sbyin gyi phyag rgya de nyid kyis nor sbyin las nor thams cad dang dpal 'phrog pa'o
 zhes bya ba la rdo rje gnod sbyin gyi phyag rgya nyid ni rdo rje gnod sbyin gyi rgyal mos te des nor sbyin las dpal dgug pa dang nor dbrog pa'i bsam pa'i dbang gis grub pa yin no/ /de nyid kyis dbus ma gnyis zhes bya ba la sogs pa la rdo rje gnod sbyin gyi phyag rgya'i srin lag gnyis kyi rtse
 mo'i mtha' dbus ma gnyis kyis bzung ste btsir bar byas na 'dis ni bdud la sogs pa'i gdon thams cad las grol ba la sogs par 'gyur ba yin no/ /rab tu dga' ba'i rdo rjes yul thams cad kyi mchog sgrub pa'o zhes bya ba la rdo rje thal mo las byung ba'i mda' lnga bsdus pa ni rab tu dga'
 ba'i rdo rje ste/ des yul thams cad kyi mchog ni rdo rje sems dpa' ste thams cad du grub par 'gyur ro/ /de ltar rdo rje thal mo las byung ba'i phyag rgya bcu bstan nas da ni mda' lnga bsdus pa las byung ba'i phyag rgya rnams bstan par bya ba'i phyir/ de nas gsang ba'i phyag rgya bcu rab tu dga' ba'i
 rdo rje las byung ba'o zhes bya ba gsungs te mda' lnga bsdus pa nyid 'di ru dga' ba'i rdo rje'o/ /rdo rje sems dpa' zhes bya ba la sogs pa la ye shes sems dpa'i rang bzhin gyi dpal rdo rje sems dpa' dang shin tu rnal 'byor gyi sbyor bas lhag par mos par byas la/ rdo rje sems
 dpa' mnan nas bcom ldan 'das rdo rje bsnyems ma'i phyag rgya chen po dang rdo rje bsnyems ma dang bcas pa'i rig pa'i lha mo ste/ de rol du bcug pa ni sgrub cing mngon du byed pa'o/ /'di ji ltar 'gyur zhe na/ rab tu dga' ba'i rdo rje chen pos rgyas btab ces bya ba gsungs so/ /rab tu
 dga' ba'i rdo rje chen po de gang yin zhe na/ rdo rje dang bcas pa'i rab tu dga' ba'i rdo rje'o zhes bya'o/ /dang po'i rdo rje dang bcas pa'i mda' lnga bsdus pa ni rdo rje dang bcas pa'i rab tu dga' ba'i rdo rje'o/ /'di ltar 'chad par 'gyur te/ dang po'i rdo rje blangs nas mda' lnga bsdus pas bcings
 nas rab tu dga' ba'i rdo rje chen por brjod pa yin no/ /de bcings nas rdo rje sems dpa' dang lhan cig tu gyur pa'i lhag par mos par byas te/ de ltar na rdo rje sems dpa' mnan nas rdo rje thal mo dang rol par 'gyur te/ rnal 'byor pas rdo rje sems dpa' phyag rgya chen po'i dngos
 grub thob par 'gyur ro zhes bya ba'i don to/ /de bzhin gshegs pa thams cad ces bya ba la sogs pa la byang chub tu sems bskyed pa'i las dang po pa rnams ni de bzhin gshegs pa thams cad de de rnams kyi nyan thos dang rang sangs rgyas kyi byang chub don du gnyer ba'i sems ni
 chags pa dang bral ba'i 'khor lo ste/ de bral ba ni bla na med par yang dag par rdzogs pa'i byang chub kyi sems kyi bkag pa'o/ /de ji ltar zhe na/ mdzub mo zhes bya ba la sogs pa la mda' lnga bsdus pa bcings nas mdzub mo dang dbus ma dang srin lag gi
 s or mo rnams lag pa'i rgyab gnyis nas cung zad bteg la mthe bong dang mthe'u chung gnyis mnyam pa'i sor mo rnams kyi rtse mo gnyis byas la rdo rje bsdams pa dral ba'i tshul gyis khros shing rang gi snying gar dral bar bya ste de ltar na dpal rdo rje sems dpa'i bde ba dang
 yid bde ba'i rang bzhin can gyi rab tu dga' ba'i rdo rje rnal 'byor pa grub par 'gyur ro/ /de yang de kho na nyid kyis rgyas btab pas na de kho na nyid kyis rgyas btab pa ste dmigs pa med pa'i thugs rje chen po'i sgrub pa po'i rgyud la skyes pa'i rab tu dga' ba'i rdo rje sgrub pa po la 'grub par
 'gyur ro/ /btsir na 'dod pa thams cad brtan par byed pa'o zhes bya ba la mda' lnga bsdus pa bcings nas btsir bar bya ste/ de ltar na sems dpa' dang 'dod chags rdo rje ma la sogs pa'i 'dod pa thams cad brtan par byed par 'gyur ro/ /mdzub mo lcags kyus 'dod pa thams
 cad kyi bde ba dgug pa'o zhes bya ba la mda' lnga bsdus pa bcings te mdzub mo gnyis kyi lcags kyu byas nas rdo rje sems dpa' la sogs pa'i 'dod pa thams cad kyi bde ba rang gi rgyud la skye bar 'gyur ro/ /mdzub mos phrag dog la sogs pa'i 'dod pa thams cad kyi sdug bsngal rab tu zhi
 ba'o zhes bya ba la mda' lnga bsdus pa bcings nas g.yon pa'i mdzub mos bdag nyid dam bsgrub bya sdigs mdzub byas te de ltar na phrag dog la sogs pa'i 'dod pa thams cad kyi sdug bsngal zhi bar 'gyur ro/ /rtags bskyod pas rab tu dga' ba 'bebs pa dang de yang sgrub pa'o
 zhes bya ba la mda' lnga bsdus pas rang gi rtags bskyod par bya ste de ltar na dpal rdo rje sems dpa'i bde ba dang yid bde ba'i rang bzhin can gyi rab tu dga' ba 'bebs pa dang de grub pa'o/ /skye gnas g.yo ba'o zhes bya ba la mda' lnga bsdus pas rang gi rtags bskyod pas shin tu
 bde ba'o zhes bya ba dang sbyar ro/ /de yang khyad par ji lta bu dang ldan pa yin no zhe na bud med dang skyes pa dag gi rab tu dga' ba'o zhes bya ba la rdo rje sems dpa' la sogs pa'i bde ba dang yid bde ba rdzogs pa'i phyir bud med dang skyes pa dpal rdo rje sems dpa' dang gcig tu gyur par
 yid kyis rdzogs par bya zhing mda' bsdus pa'i phyag rgya des rnal 'byor pas rang gi rtags bskyod par bya ste/ de ltar na de la dpal rdo rje sems dpa'i bde ba dang yid bde ba grub pa yin no/ /kha sbyor btsir bas zhes bya ba la sogs pa la mda' lnga bsdus pa bcings nas phan tshun lag pa gnyis btsir
 zhing mngon par 'dod pa'i gang zag dang lhan cig tu 'dus pa dang bral ba bsam par bya ste de ltar na 'di gnyis grub pa yin no/ /rtags kyi sen mo zhes bya ba la mda' lnga bsdus pa bcings nas de'i g.yas pa'i mthe bo'i rtags kyi sen mos lag pa g.yon pa'i mthil drud pas shin tu brtan
 pa'i 'dod pa la chags pa nyid du 'gyur ro/ /'dis ni 'di ltar bshad par 'gyur te/ mtshan ma thob pa'i rnal 'byor pas dngos grub chen po bsgrub par byas nas gal te grub par ma gyur na de'i tshe 'di bcings la 'dod chags rdo rje ma la sogs pa dang yang dag par sbyor ba bsgom par bya ste/
 de ltar na de dag gzhan mi 'dod par shin tu bde ba dang yid bde ba ster ba'i bud med thams cad rang la grub pa yin no/ /mda' lnga bsdus pa bcings nas g.yon pa'i mtheb mo'i sen mo lag pa g.yas pa'i mthil du drud par bya zhing rdo rje sems dpa' la sogs pa'i skyes bu rnams dang
 tsum pa na dang 'khyud pa la sogs pa bsgom par bya ste de ltar na de dag grub par 'gyur ro/ /rdo rje khu tshur gnyis kyis zhes bya ba la rdo rje sems dpa'i rnal 'byor snga ma bzhin du byas nas cho ga thams cad rjes su spyad la bcom ldan 'das mdun du spyan drangs te/ /rdo rje khu tshur gnyis
 b cings nas rdo rje sems dpa' la 'khyud pa'i bsam pas bdag nyid 'khyud par bya zhing ma mchu bzung ba'i bsam pas rang gi ma mchu so rnams kyis gzung bar bya ste de nyid kyis bde ba dang shin tu ro gcig par 'gyur par bdag nyid bsam zhing a nu ra ga ya mi hUM zhes bya ba nye ba'i snying po
 dang bcas pa'i yi ge hUM bzla bar bya ste/ de ltar na bcom ldan 'das rdo rje sems dpa' rab tu dga' ba'i dngos grub shin tu grub par 'gyur ro/ /thog ma dang tha ma med pa'i dngos grub ni mchog dang po'i dngos grub ste/ su ra ta s+t+waM zhes bya bas bcom ldan 'das bskul te de kho na nyid
 bsgul ba des de grub par 'gyur ro/ /'das ma thag tu bshad pa'i bsgom pa bya zhing gal te yid bde ba skyes par 'gyur na/ de'i tshe gzhan dang gzhan du su ra ta s+t+waM zhes pas bcom ldan 'das bskul bar byas na de kho na nyid bskul bas 'dis de grub par 'gyur ro/ /
 rab tu dga' ba'i ye shes kyis thams cad sgrub pa'o zhes bya ba la de bzhin du 'khyud nas dpal rdo rje sems dpa'i bde ba dang yid bde ba mngon du byas te/ de ltar na yid kyi 'dod pa thams cad grub par 'gyur ro/ /lag pa g.yon pa'i rdo rje khu tshur bkab nas sgrub po zhes bya ba la de bzhin du
 dpal rdo rje sems dpa'i rnal 'byor byas nas g.yon pa'i rdo rje khu tshur gos kyis bkab par byas la langs pa'am/ 'dug pa'am/ mnyam par gzhag pa'am mnyam par ma bzhag pa'i rnal 'byor gyis rtog pa'i rnal 'byor bsgom par bya ste de ltar na thams cad grub par 'gyur
 ro/ /bde ba chen po'i rdo rje las byung ba'i rdo rje chen po'i lta bas thams cad pa'o zhes bya ba la rnam par 'phrul pa dang bcas pa'i 'dzum pa'i spyan dang ldan pa bde ba chen po'i rdo rje las byung ba'i rdo rje chen po'i lta ba ste des thams cad grub par 'gyur ro/ /smin ma gyen du bteg pas
 ltung ba slong ba'o zhes bya ba la lha chen po la sogs pa'i sems can rnams dang ri bo la sogs pa'i smin ma gyen du bteg pas bslang bar bya'o/ /dpal rdo rje sems dpa'i ma mchu nang du myang ba'i tshul gyis rang gi mchu nang du bcug nas myang bar bya ste de ltar na skal ba bzang po chen po
 grub par 'gyur ro/ /rang gi lce la yi ge hUM rnam par bsams la tshig thams cad spro ba'i bsam pas lce bskyod cing bzlas pa bya ste/ de ltar na rang gi bden pa thams cad kyi de kho na nyid gsal bar mi slu bar smra bar 'gyur ro/ /rang gi lus zhes bya ba la sogs pa la de bzhin
 du thams cad byas nas gzugs thams cad yongs su spong ba'i bsam pa dang / 'bebs pa'i sbyor ba bsgoms pas bdag nyid la dbab par byas te de ltar na gzugs thams cad yongs su spong bar 'gyur ro/ /de bzhin du dpal rdo rje sems dpa'i rnal 'byor byas la cho ga thams cad
 r jes su spyad nas zla ba'i gzhal yas khang la sogs par 'gro ba'i phyir rang gi gnas nas brtsams te zla ba la sogs pa'i gzhal yas khang gi mthar thug pa'i bar du rdo rje'i skas kyi rim pa'i phreng ba rnam par bsams la bdag nyid rdo rje rtse lnga par bsam zhing rdo rje'i skas kyi rim pa'i phreng ba des zla
 ba la sogs pa'i gzhal yas khang der 'gro bar 'gyur ro/ /rdo rje thal mo'i kha T+wAM ga zhes bya ba la rdo rje thal mo bcings nas bdag nyid kyi srin lag dang mthe'u chung rnams kyi rdo rje thal mo ma bkrol bar sor mo lhag ma rnams kyis kha T+wAM ga bya'o/ /de nas gnyis su byas nas kha T+wAM ga gnyis kyi
 rdo rje khu tshur zhes bya ba'i phyag rgyar 'gyur ro/ /dngos grub thams cad rdo rje khu tshur dag gis so zhes bya ba la 'das ma thag tu bshad pa'i kha T+wAM ga gnyis kyis dpal rdo rje sems dpas gsungs pa'i dngos grub thams cad grub pa yin no/ /de bzhin gshegs pa'i khu tshur dag
 gis dngos grub thams cad do zhes bya ba la de bzhin du kha T+wAM ga gnyis bcings nas mdzub mo gnyis kyi sen mo'i logs su mthe bong gnyis kyi rtsa ba gzung bar bya ste 'di ni de bzhin gshegs pa'i khu tshur gnyis so/ /'di dag gnyis de bzhin gshegs pas gsungs pa thams cad grub
 par 'gyur ro/ /thams cad gsang ba'i ni khro ba'i rdo rje khu tshur gyis so zhes bya ba la de bzhin du kha T+wAM ga gnyis byas la mdzub mo gnyis bsgrengs pa sdigs mdzub kyi tshul du gzung bar bya ste 'di ni khro bo'i khu tshur gnyis te khro bo'i khu tshur gnyis po 'dis rdo rje'i rigs las gsungs pa'i thams cad
 gsod pa'i las grub par 'gyur ro/ /thams cad sbyang ba ni pad+ma'i khu tshur dag gis so zhes bya ba la de bzhin du kha T+wAM ga gnyis byas nas mthe bo gnyis kyi rtse mo dbus ma dang / mdzub mo'i rtse mo gnyis gzung bar byas te 'dis thams cad sbyang ba ni pad+ma'i rigs gtogs pas sems can
 thams cad sbyang ba'o zhes bya ba'i don to/ /nor thams cad 'phrog ma ni nor bu'i khu tshur dag gis so zhes bya ba la kha T+wAM ga gnyis byas la mthe bong gi rtse mo dang mdzub mo'i rtse mo sbyar ba ni nor bu'i khu tshur yin no/ /thams cad 'bebs pa ni thams cad 'bebs pa'i khu tshur dag gis so
 zhes bya ba ni kha T+wAM ga gnyis byas la mtho bong gnyis dbus ma dang srin lag gi rtsa bar gzung bar bya ste 'di ni 'bebs pa'i khu tshur ro/ /thams cad gar byed du bcug pa ni kha T+wAM ga gtor ba'i khu tshur dag gis so zhes bya ba la de bzhin du kha T+wAM ga gnyis kyi khu tshur gnyis dor bar
 byas te 'dis gar gyi tshul gyis thams cad gar byed du gzhug pa yin no/ /de bzhin du kha T+wAM ga gnyis byas la mdzub mo gnyis kyi yang dag par sbyar ba'i rtse mo byas la kha'i phyogs las gyen du ngag 'byin pa'i tshul du drang bar bya ste de ltar thams cad smrar bcug pa'o/ /de bzhin du
 kha T+wAM ga gnyis byas la rang gi mthe'u chung dang srin lag gi nang du mthe bo gnyis bzhag la mdzub mo gnyis kyi rtse mo rang gi mthe bong gi steng du yang dag par sbyar bas gzung bar bya ste 'di ni bstan pa'i khu tshur gnyis te/ 'dis thams cad bskyod par bya'o/ /de bzhin du kha T+wAM ga gnyis byas la
 mdzub mo gnyis kyi lcags kyu gnyis byas te 'dis thams cad gzhug par byas par 'gyur ro/ /de nas rdo rje khu tshur gnyis kyi zhes bya ba la sogs pa la dkyil 'khor gyi phyag rgya'i dbang du byas pa las gsungs pa'i rdo rje khu tshur gnyis bcings nas lag pa'i sor mo rnams kyis pi wang
 rdung ba'i tshul byas na thams cad rjes su chags par bya'o/ /gling bu 'bud pa'i tshul gyis thams cad dbang du byed pa'o/ /rdza rnga rdung ba'i tshul gyis thams cad 'bebs pa'o/ /mu ku da rdung ba'i tshul gyis rims thams cad ldog pa'o/ /cha lang rdung ba'i tshul gyis
 dug thams cad ldog pa'o/ /rnga bo che rdung ba'i tshul gyis sbyar ba'i dug thams cad bzlog pa'o/ /rnga zlum rdung ba'i tshul gyis gdon thams cad las grol ba'o/ /rnga pa Ta ha rdung ba'i tshul gyis thams cad gsod pa'o/ /'gun dza rdung ba'i tshul gyis 'thab mo las rnam par
 rgyal ba'o/ /ti ma la rdung ba'i tshul gyis phun sum tshogs pa thams cad grub par 'gyur ro/ /de ltar ras ris dkyil 'khor gyi las brgya sgrub par byed pa'i phyag rgya bstan nas/ da ni de nyid kyis las stong sgrub par byed pa'i phyag rgya stong bstan par bya ba'i phyir de nas zhes bya ba la sogs pa
 gsungs so/ /phyag rgya chen po mnyam gzhag nas/ /zhes bya ba la sogs pa la bcom ldan 'das rdo rje sems dpa'i phyag rgya chen po bcing nas lag pa g.yas pas ba dan gsum pa dang / g.yon pas kha T+wAM bcings nas 'das ma thag tu bshad pa'i las brgya po de bsgrub par
 bya'o/ /de ltar gar las byung ba'i las kyi phyag rgya brgya po bstan nas da ni gsang ba'i lcags kyu'i las brgya bsgrub pa bstan pa'i phyir bde ba chen po zhes bya ba la sogs pa gsungs te/ gsang ba'i lcags kyu bcings nas 'das ma thag tu bshad pa'i las brgya po de nyid bsgrub par bya'o/ /
 rdo rje bsdams pa bcings nas rdo rje bsdams pa'i nang du ci 'dod pa'i sor mo thams cad bskyod cing las brgya sgrub par byed de gsum pa'o/ /rdo rje gar las byung ba'i kha sbyor gyi thal mo spyi bor gzung zhing las brgya po de nyid mig dang / rna ba dang / sna dang / lce dang / lus kyi dbang po rnams kyi de'i
 tshul bzung zhing bsgrub par bya ste bzhi pa'o/ /bcom ldan 'das rdo rje sems dpa'i las kyi phyag rgya rdo rje bsnyems pa ste/ de bcings nas lag pa g.yas pas gar bya zhing las brgya po de nyid bsgrub par bya ste 'di ni lnga pa'o/ /de bzhin du bcom ldan 'das kyi rnal 'byor byas la rdo rje thal
 mo bcings nas las brgya bsgrub par byas te 'di ni drug pa'o/ /mda' lnga bsdus pa bcing las rnam par 'gyur ba med par des gzung zhing las brgya bsgrub par bya ste/ phyag rgya bcings pa med pa sku gsung thugs kyi rdo rje rnams kyi las brgya po de nyid bsgrub par bya ste 'di ni las brgya po brgyad pa'o/ /
 'dis ni 'di ltar bshad par 'gyur te/ bsgom pa kho na gtso bor gyur pa yin gyi phyag rgya ni ma yin no zhes bya ba'o/ /rdo rje thal mo bcings nas kha T+wAM ga gnyis byas te/ gar bya zhing yi ge hUM gi glu'i bzlas pa bya ste 'dis kyang las brgya po de nyid bsgrub par bya ste 'di ni dgu pa'o/ /rdo rje khu
 tshur gnyis kyi lag pa'i sor mo rnams kyi pi wang rdung ba'i tshul gyis las bcu pa'o/ /gling bu rdung ba'i tshul gyis bcu'o/ /rdza rnga rdung ba'i tshul gyis bcu'o/ /ku mu da rdung ba'i tshul gyis bcu'o/ /cha lang rdung ba'i tshul gyis bcu'o/ /rnga bo cha rdung ba'i tshul gyis bcu'o/ /rnga zlum
 rdung ba'i tshul gyis bcu'o/ /rnga ba Ta ha rdung ba'i tshul gyis bcu'o/ /'gun dza rdung ba'i tshul gyis bcu'o/ /ti mi la rdung ba'i tshul gyis sngar bshad pa'i las bcu po da rnams nyid bsgrub par bya ste 'di ni brgyad cu pa yin no/ /de ltar na phyag rgya stong du 'gyur ba yin
 no/ /gsang ba'i dkyil 'khor gyi phyag rgya rdzogs so// //de ltar zhes bya ba la de ltar 'das ma thag tu bshad pa'i tshul gyis rtogs pa'i tshul yongs su spyad pa zhes bya ba dang sbyar ro/ /de ji lta bu zhe na/ mchog tu mi 'gyur ro zhes bya ba ni rtag pa'o/ /mchog tu ni dam pa ste/ rdo rje
 sems dpa' la sogs pa'i dngos grub kyi bde ba rnams kyi bdag po ste khyab bdag rtog pa'i tshul 'di ni yin no/ /mchog ni dam pa ste/ bag chags dang bcas pa'i nyon mongs pa dang bral bas na rnam par dag pa ste/ dmigs pa med pa'i thugs rje chen po'i rdo rje'i bde ba las byung bas na grub pa'o/ /
 rdul phra rab dang mnyam pa'i 'jig rten gyi khams thams cad dang mtshungs pa'i rigs lnga'i dngos grub ster bas na mtha' yas pa'i 'bras bu dang ldan pa'o/ /bsal ba ni snyigs ma lnga thams cad dang bral ba'i mchog dang po'i rdo rje sems dpa'i mchog dam pa ste phul du byung ba'i sku gang yin pa de'i
 tshul ni thob par byed pa'i rgyu'o/ /gsal ba'i rang bzhin du yongs su rdzogs pas na gsal ba yongs su spyad pa'o/ /mchog tu rtag pa zhes bya ba ni thog ma dang tha ma med pa'i rtog pa'i tshul de nyid yin no/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes
 bya ba las gsang ba'i dkyil 'khor gyi phyag rgya'i rgyud thams cad kyi rtog pa rdzogs so/ / //de ltar dngos grub thams cad kyi thabs su gyur pa'i bdag la byin gyis brlab pa'i rnal 'byor gyi phyag rgya thams cad sgrub pa'i phyag rgya thams cad kyi rgyud rnams kyi rtog pa thams cad kun nas
 bsdus pa'i dri ba sngon du 'gro bas bstan par bya ba'i phyir/ de nas sems dpa' chen po kun zhes bya ba la sogs pa gsungs te de la de nas zhes bya ba nas brtsams te/ ji srid mchog gi mdo zhes bya ba'i bar gyis dri ba'i tshul gyi mdor bstan pa gsungs pa yin no/ /de nas ston pa rdo rje 'chang / /
 zhes bya ba nas brtsams te/ ji srid mchog tu gsang ba'i cho ga'o/ /zhes bya ba'i bar du gsungs pas rtog pa thams cad kun nas bsdus pa dris pa'i lan btab pa'i tshul gyis rgyas par bstan pa'o/ /de la phyag rgya chen po la sogs pa'i rtog pa'i nges pa shes pas sgrub pa po rnams kyi dngos grub grub pa
 yin no zhes bya ba bstan pa'i phyir/ rnam rtog med pa zhes bya ba la sogs pa gsungs te/ gzung ba dang 'dzin pa'i rnam par rtog pa dang bral ba'i dpal rdo rje sems dpa' la sogs pa rnams ni rnam par rtog pa med pa'i chos rnams so/ /rnam par rtog pa med pa'i chos de dag las sems can
 rnams kyi rdo rje sems dpa' la sogs pa'i dngos grub kyi don du phyogs bcu kun du brtag pa ni sems can don ni yongs su brtag pa ste/ rtag tu rdo rje dril 'chang zhing / /dngos grub mchog ni bsgrub bya ste/ /bdag byin brlab sogs sgrub pa pos/ /zhes bya ba'i rnam par rtog pa'o zhes bya ba'i
 don to/ /de nas rtog pa kun bshad de/ /zhes bya ba la rdo rje sems dpa' la sogs pa'i spyod yul du sems can gyi don yongs su rtogs pa ste thams cad dgug pa la sogs pa ston par byed pa'i sgra'i tshogs dpal rdo rje sems dpa' yang dag par gsungs pa ni kun du rab tu gsungs pa ni yin
 no/ /de ci'i phyir zhe na/ rtog pa thams cad yongs su dag phyir ro zhes bya ba la sgrub pa po'i gzung ba dang 'dzin pa la sogs pa'i rnam par rtog pa rnams sbyang ba'i phyir ro/ /de ltar na rtog pa'i don gyi rgyud bstan nas da ni rgyud phyi ma shes pas dngos grub thob pa yin no zhes bya ba rab tu bstan
 par bya ba'i phyir/ de nas rgyud phyi ma ji ltar yin zhes bya ba gsungs te dang po'i sbyor ba la sogs pa ston par byed pa'i sgra'i tshogs ni rgyud do/ /skal ba bzang po la sogs pa las sngar dang da ltar byung ba'i rgyud rang bzhin du rtag tu gnas pas na phyi ma snga mar yang dag 'byung ba'o/ /rdo rje
 dang dril bu dang phyag rgya ni de kho na nyid do/ /lha mo bzhi phreng gi dbus na bzhugs pa'i rdo rje sems dpa'i sku'i gsang ba ni gsang ba'o/ /de nyid shin tu rnal 'byor gyi tshul gyis gsang ba'o/ /phyi ma dang bcas zhes bya ba ni phul du byung ba'i rgyud ces bya ba'i don te de nyid bdag gi 'dod pa
 yin gyi gzhan ni ma yin no zhes bya ba tshig gi lhag ma'o/ /de ltar rgyud phyi ma bstan nas/ da ni dang po'i gnas zhes pa bstan par bya ba'i phyir dang po'i gnas shes pa zhes bya ba gsungs te da ltar byung ba'i rang bzhin gyi phul du byung ba dang dpag tu med pa'i gzugs kyi gnas
 pas na rab tu gnas pa'o/ /de yang gang du gnas she na/ nam mkha' kun la zhes bya ba gsungs so/ /dang po'i rdo rje dang rin po che dang / pad+ma dang / sna tshogs rdo rje rnams kyi rdzogs pa ni rdo rje kun dngos grong khyer ro/ /bde ba yang yin la chen po yang de nyid yin pas na bde ba chen po
 ste/ des nyams dga' ba chen po ni yid dang rjes su mthun pa'o/ /grong khyer ni dkyil 'khor ro/ /de nyid mchog ste thog ma dang tha ma med pa'o/ /da ni thog ma dang tha ma med pa shes pas dngos grub thob pa yin zhes bya ba bstan par bya ba'i phyir/ de la thog ma dang tha ma med pa'i
 rdo rje sems dpa' ji ltar yin zhes bya ba gsungs so/ /nam mkha' zhes bya ba la sogs pa ni bshad zin to/ /rdo rje chen po'i de bzhin nyid dang ro gcig par shes pa yang rdo rje chen po'o/ /de'i bzhin ni de'i dngos po ste thog ma dang tha ma med pa'i zhes bya ba brjod pa yin no/ /da ni rdo rje
 sems dpa' shes pas dngos grub thob pa yin no zhes bya ba bstan par bya ba'i phyir/ de nas bcom ldan 'das de gang yin zhes bya ba gsungs so/ /kun gyi dam pa dngos grub che ba ni bla na med pa yang dag par rdzogs pa'i byang chub bo/ /de nyid dbang phyug dam pa ste bag chags dang bcas
 pa'i nyon mongs pa dang bral ba'i thugs byin gyis brlab pa'o/ /de'i sku'i rang bzhin can gyi lha ni lhag pa'i lha'o/ /lhag pa'i lha nyid ni lhag pa'i lha kho na ste dmigs pa med pa'i thugs rje chen po las byung ba'i bcom ldan 'das rdo rje sems dpa'i sku'i gsang ba'o zhes bya ba'i don
 to/ /rgyal po rdo rje 'chang chen po/ rab tu dga' ba mi 'gyur mchog /ces bya ba la de ltar 'das ma thag tu bshad pa'i mtshan nyid can ni bcom ldan 'das rdo rje 'chang chen po yin te/ sa dma' ba la gnas pa'i byang chub sems dpa' ni ma yin no/ /byang chub sems dpa'
 thams cad zil gyis mnan nas nam mkha'i khams thams cad la rtag tu gnas pa'i sku gsung thugs kyi rdo rje rnams kyi mdzes pas na rgyal po'o/ /zag pa med pa'i bde ba dang yid bde ba'i rang bzhin yin pas na rab tu dga' ba'o/ /rtag pas na mi 'gyur mchog ste de lta bu rdo rje sems
 dpar brjod pa yin no/ /da ni dga' ba chen po nyid shes pas dngos grub thob pa yin no zhes bya ba bstan par bya ba'i phyir/ de la bcom ldan 'das dga' ba chen po nyid ji ltar yin zhes bya ba gsungs te/ bag chags dang bcas pa'i nyon mongs pa dang bral bas skyon med pa'o/ /rang bzhin
 las g.yo bar mi 'gyur bas na rtag pa'o/ /phyi ma'i mthar thug gi bar du gzugs thams cad ston pas sems can gyi don mdzad pa'i phyir na shin tu chags pas thams cad rjes su chags par mdzad pa'o/ /de kho na nyid 'di'i gsang ba ni thun mong ma yin pa'i bcom ldan 'das rdo rje sems
 dpa' ni chags pa chen po'o/ /chen po ni chos kyi dbyings dang sems can gyi don te de la dgyes pas na dga' ba che'o/ /kun du bzang po nyid shes pas kyang grub par 'gyur ro zhes bya ba bstan par bya ba'i phyir ji ltar zhes bya ba la sogs pa gsungs te/ dus thams cad du chags pa
 dang bcas pa bral bas na shin tu dag pa'o/ /byang chub sems dpa' thams cad la sogs pa rnams kyi byang chub chen po'i rang bzhin gyi mchog yin pas na kun gyi mchog go/ /skal ba bzang po la sogs pa las kyang sngar rtag tu gzung ba dang 'dzin pa'i rnam par rtog pa dang bral bas
 na 'dod chags gdod nas grol ba'o/ /dngos po thams cad ji lta ba bzhin gnas pa de bzhin du mkhyen pa dang de bzhin du gzhan rnams la'ang ston pas na de bzhin gshegs pa'o/ /gdul bya rnams la kun nas bzang po 'di las byung bas na kun du bzang po'o/ /byang chub kyi rang
 bzhin gyi sems ni byang chub sems dpa'o/ /cho ga mchog ces bya ba ni mchog gi rang bzhin gyi kun du bzang po zhes bya bar brjod pa yin no/ /rdo rje bsnyems pa'i bdag po nyid/ /ces pas kyang grub par 'gyur ro zhes bya ba bstan par bya ba'i phyir/ de la rdo rje bsnyems pa'i bdag po
 bcom ldan 'das ji ltar yin zhes bya ba gsungs te/ kun mchog dngos grub chen po'o/ /dbang phyug chen po'i phyag rgya'i mchog /ces bya ba ni bcom ldan 'das rdo rje sems dpa'i sku'i phyag rgya ste/ byed pa por gyur pa de dang byed par 'gyur ba'i rdo rje dbang phyug ste bag chags
 dang bcas pa'i nyon mongs pa dang bral ba'i de bzhin gshegs pa thams cad kyi bde ba dang yid bde ba'i rang bzhin can gyi gsang ba lnga shes pa'i phyi ma'i mthar thug pa'i bar du bar mchod pas skyed cing mngon du byed pa ni rdo rje dbang phyug cher bstod pa'o/ /rgyud de nyid kyi phyir rdo rje bsnyems
 pa ni bcom ldan 'das rdo rje sems dpa'i phyag rgya chen po ste/ de'i bdag po ni gnyis su med pa'i ye shes kyi rang bzhin can gyi rdo rje sems dpa'o/ /bcom ldan rdo rje bsnyems ma'i rang bzhin gyi rig pa'i lha mo'i bdag po yin no zhes bya ba la bdag po'i sgra'i gnyis pa bstan to/ /
 da ni sems la sogs pa shes pas grub par 'gyur ro zhes bya ba bstan par bya ba'i phyir/ de nas mchog tu zhes bya ba gsungs te rang rig pa'i rang bzhin nyid kyis bsam par mi nus pa'i phyir bsam gyis mi khyab pa ste/ byang chub sems ni rtag brtan pa/ /zhes bya ba dang sbyar ro/ /
 de bzhin nyid dang ro gcig pa nyid kyis thams cad du 'gro bas na rgya che ba'o/ /rgya mtsho chen po bzhin du shes pas gzhan gyi shes rab kyis 'jug par mi nus pas na zab mo'o/ /rdo rje sems dpa' la sogs pa'i dngos grub rnams ni dngos grub thams cad de/ de dag gis gdul bya
 rnams la bde ba gang 'byung ba de ni dngos grub thams cad kyi bde ba rnams so/ /de rnams kyi mi 'gyur ba ni rang gi skye ba'i rgyu'o/ /sems can thams cad kyi rgyud kyi rjes su 'brang bas na thams cad la khyab pa'o/ /gser dang nam mkha' dang chu'i khams bzhin du rang bzhin gyis
 dag pas dri ma med pa'o/ /byang chub kyi mtshan nyid can gyi sems ni byang chub kyi sems so/ /bdag nyid brtan pa ni mi phyed pa'o zhes bya ba ni bcom ldan 'das rdo rje sems dpas gsungs so/ /de nas 'di'i las kyi khyad par zhes bya ba la sems can thams cad kyi rgyud kyi rjes su 'brang
 ba'i byang chub chen po'i mtshan nyid can gyi byang chub sems 'di mngon du bya ba'i phyir/ bsgom pa'i khyad par 'di yin no/ /zhes bya ba'i don to/ /sems nyid brtan pa nyid sems dpa'/ /zhes bya ba la/ sems can thams cad kyi rang rig pa'i rang bzhin can gyi sems gang yin pa de nyid ni
 gzung ba dang 'dzin pa'i rnam par rtog pas mi g.yo ba nyid kyi phyir sems dpa' ni rdo rje sems dpa' ste/ de bzhin nyid dang ro gcig pa'i sems so zhes bya ba'i don to/ /ting nge 'dzin de la mnyam par gzhag ces bya ba de la mnyam par gzhag pa ni ting nge 'dzin te sems rtse gcig
 pa nyid do/ /sems can thams cad kyi sems de nyid mnyam par gzhag pa'i phyir/ de bzhin nyid kyi rnam pa can gyi sems rtse gcig pa nyid kyi rnal 'byor ni ting nge 'dzin du brjod pa yin no/ /rnam shes las ni rdo rje kun/ /zhes bya ba la rnam par shes pas na rnam shes te/ zla ba'i
 dkyil 'khor dang / sems dpa'i rdo rje dang / rdo rje'i bdag nyid dang yongs su gcod pa'i rnam pa can gyi yid kyi rnam par shes pa'o/ /de rnam par shes pa las sems dpa'i rdo rje'i dngos po ni sems dpa' rdo rje nyid de sems can thams cad kyi sems de sems dpa'i rdo rje'i de nyid
 du gyur pa yin no/ /rdo rje las ni rdor 'dzin byung / /zhes bya ba la rdo rje dang dril bu 'dzin pa'i sems dpa'i sku bskyed par 'gyur ro/ /'dis ni 'di ltar 'chad par 'gyur te/ snga ma bzhin du sdig pa dral ba'i mthar thug pa'i cho ga rjes su spyad nas rang gi snying gar gnas pa'i rdo rje'i dbus
 su rdo rje rnam par bsams la de nyid yid kyis brjod cing chos thams cad bdag med par bsgom par bya ste/ de'i rjes la nam mkha'i phyogs su dbyangs bcu drug dang bcas pa'i yi ge hUM las rang gi sems zla ba'i dkyil 'khor gyi rnam pa can du bsam par bya'o/ /de'i steng du ka la
 sogs pa gsal byed kyi yi ge dang bcas pa'i yi ge hUM las zla ba'i dkyil 'khor gnyis pa'o/ /de yang yi ge hUM dang bcas pa'i dang po'i rdo rje rtse lnga pa ste rdo rje la yi ge hUM rnam par bsams la/ badzrod hUM zhes bya ba brjod cing bsgom par bya'o/ /de nas sems dpa' byin gyis
 brlab pa'i sbyor bas rdo rje de nyid rdo rje sems dpa'i bdag nyid du bsgom par bya ste/ de ltar na sems can gyi sems de rdo rje sems dpa' nyid du 'gyur ba yin no/ /de ltar na sems dang sems dpa' dang ting nge 'dzin dang rdo rje dang rdo rje 'chang zhes bya ba rnams bstan nas da ni rdo rje
 'chang chen po shes pas grub par 'gyur ro zhes bya ba bstan par bya ba'i phyir/ de la ji ltar na zhes bya ba la sogs pa gsungs te/ rdo rje sems dpa' byin gyis brlab pa'i sbyor ba bshad zin to/ /ni'i sgra ni nges par gzung ba ste sems dpa' byin gyis brlab pa'i sbyor ba kho na'o/ /bdag
 la byin brlab mchog sgrub pa/ /zhes bya ba la sems dpa' byin gyis brlab pa'i sbyor ba gang yin pa de nyid bdag la byin gyis brlab pa'i mchog sgrub pa de rdzogs par byed cing bdag nyid rdo rje 'chang chen po ste nyin re ni nyin zhag re re sems dpa' byin gyis brlab pa'i sbyor ba des rdo rje
 sems dpa' nyid thob pa yin no/ /sems dpa' 'byin gyis brlab pa'i sbyor ba 'dis rtag tu bdag nyid rdo rje sems dpa' nyid du rdzogs par byed pa gang yin pa 'di ni rdo rje 'chang chen po nyid yin no zhes 'chad par 'gyur ro/ /kun du bzang po'i spyod pa shes pa grub par 'gyur/ /zhes bya
 ba bstan par bya ba'i phyir/ de la zhes bya ba la sogs pa gsungs pas te snying stobs zhes bya ba ni stobs kyi lha'i gzugs can drag po'o/ /rdul zhes bya ba ni 'dod pa'i gzugs can tshangs pa'o/ /mun pa zhes bya ba ni dpyid kyi lha'i gzugs 'dzin pa'i khyab 'jug go/ /gsum po
 de dag gi gzugs 'dzin pas de dag gis 'dul ba'i sems can gyi don mdzad pa'i phyir kun du bzang po yin te/ rgyu de'i phyir bdag ni rdo rje 'chang chen po byang chub kyi spyod pa yin no/ /sems can rnams la bla na med pa yang dag par rdzogs pa'i byang chub rdzogs pa'i phyir spyod pa ni byang
 chub kyi spyod pa ste ji lta ba bzhin du skal pa dang ldan pa'i sems can 'dul ba'i rjes su 'gro ba ni rjes su mthun pa ste bcom ldan 'das rdo rje 'chang chen po'i rjes su mthun pa'i spyod pa yin no/ /bcom ldan 'das rdo rje 'chang chen po bdud nyid dang / bdud las rnam par rgyal ba nyid shes
 pa dag gis kyang grub par 'gyur ro zhes bya ba gnyis po de dag bstan par bya ba'i phyir de la zhes bya ba la sogs pa gsungs te/ sems nyid kho na bdud nyid de/ /zhes bya ba la 'dir don dam par phyi'i bgegs rnams 'dod pa ma yin te/ gang gi phyir de rang rig pa tsam du yod pas
 bdud kyi rnam par rtog pa dang / 'dod chags la sogs pa'i rnam par rtog pa ni bdud de bdud kyi dngos po ni bdud nyid de/ sems nyid de bzhin gshegs pa'o/ /zhes bya ba la sems can thams cad kyi sems de nyid chos bdag med par rtogs pas de bzhin gshegs pa ste 'dis bdud
 las rnam par rgyal bar bstan to/ /slar yang rnam grangs gzhan gyis bdag nyid bdud nyid du bstan par bya ba'i phyir/ rang sems gdul bar bya ba'i phyir/ /bdag ni bdud nyid gyur pa yin/ /zhes bya ba gsungs te/ rang gi sems ni rang gi sems te rdo rje sems dpa' la
 sogs pa'i rnal 'byor bsgom pa la rab tu sbyor ba'i rnal 'byor sems so/ /de 'dul ba ni rdo rje sems dpa' la sogs pa'i ting nge 'dzin rdzogs pas de'i don du ji lta ba bzhin du rab tu grags pa'i lha'i bu'i bdud kyi gzugs nyid bdag gis nye bar blangs par gyur na bdag
 nyid bdud du gyur pa yin no/ /'dis ni 'di ltar 'chad par 'gyur te gang dag bgegs kyi nye bar mtshon pa'i dngos grub 'dod pa de rnams bdud kyi gzugs su bdag nye bar 'gro ba yin no/ /da ni byang chub dang sangs rgyas shes pa dag gis kyang grub par 'gyur ro zhes bya ba gnyis
 po de bstan par bya ba'i phyir/ de la ji ltar bcom ldan 'das mngon par rdzogs par byang chub dang sangs rgyas zhes bya ba gsungs te/ nam mkha'i dang mtshungs pa'i chos thams cad bsgom pa ni rang gi sems so sor rtogs pa ste/ rang gi sems so sor rtogs pa de kho na nyid kyis gang zhig
 byang chub sems kyi mchog gi rdo rje nyid ni rnam par grol ba'i lam gyi rang bzhin nyid gang yin pa de nyid byang chub yin no/ /de nyid nyid phyir sangs rgyas nyid/ /ces bya ba la gang zhig byang chub kyi sems rang gi sems su so sor rtogs pas de bzhin nyid rang bzhin gcig pa nyid de
 ni de'i rang bzhin nyid do/ /de kho na nyid yin pa'i phyir de sangs rgyas nyid yin no/ /de kho na nyid kyi phyir sangs rgyas nyid ji ltar yin zhe na/ bdag byin brlab mchog bsgrub phyir ro/ /zhes bya ba la zla ba'i dkyil 'khor la sogs pa'i bsgom pa'i rim pas byang chub kyi
 sems kyi mchog gi rdo rje sangs rgyas kyi gzugs su rdzogs pa gang yin pa de ni bdag la byin gyis brlab pa mchog gi sgrub pa ste/ byang chub kyi sems kyi mchog gi rdo rje de nyid de'i sangs rgyas nyid yin no/ /phyag na rdo rje nyid shes pas kyang grub pa yin no zhes bya ba bstan par bya ba'i phyir/
 de la ji ltar bcom ldan 'das phyag na rdo rje yin zhes bya ba gsungs te srog chags dang srog chags ma yin pa dang gzung ba dang 'dzin pa'i rnam par rtog pa rnams kyis phyed par mi nus pas na mi phyed pa'o/ /rdo rje sems dpa' la sogs pa re re bsgom pa'i lam gyi rang bzhin can shes
 rab kyi pha rol tu phyin pa'i mdas dngos po med pa'i rang bzhin du mngon du byed pa ni 'bigs shing so sor rtog pa'o/ /gdug pa yang yin la thams cad de nyid yin pas na gdug pa thams cad de 'dod chags la sogs pa'i nyon mongs pa rnams dang / lha chen po la sogs pa'i sems
 can gdug pa rnams so/ /de dag gnon pa ni ltung bar byed pa'o/ /sangs rgyas kun gyi dngos po zhes bya ba ni ye shes lnga'i rang bzhin no/ /rdo rje ni rtse lnga pa ste dang po'i rdo rje'o/ /byang chub kyi sems kyi zhes bya ba ni byang chub kyi sems kyi rang bzhin dang byang chub kyi sems
 las byung ba dang de ston par byed pa dang de skyed pa'i rgyur bdag nyid brtan pa ni mi phyed pa'o zhes bya ba bcom ldan 'das rdo rje 'chang chen pos gsungs so/ /kun du bzang po ni bshad zin to/ /kun du bzang po de la dum bu gnyis pa rtsa ba'i rgyud du rgyal ba ste/ de bzhin gshegs
 pa rnams kyis mtshon cha de lag tu byin pa yin no/ /mtshon cha de ci'i don du byin pa yin zhe na/ bstan pa thams cad grub pa'i phyir/ /zhes bya ba la rdo rje sems dpa' la sogs pa mngon du bya ba'i phyir sems can rnams la sangs rgyas kyis bka' stsal pa ni bstan pa thams
 cad do/ /de grub pa ni rdo rje sems dpa' la sogs pa sgrub pa po rnams kyis mngon du bya ba ste/ de'i don lag tu sbyin pa de'i phyir kun du bzang po de nyid phyag na rdo rje zhes bya bar brjod pa yin no/ /de ltar kun du bzang po bstan nas da ni dang po'i rigs la sogs pa byung ba shes pas grub par
 'gyur ro zhes bya ba bstan par bya ba'i phyir de la zhes bya ba la sogs pa gsungs te shes rab kyi pha rol tu phyin pa ni bshad zin to/ /de nyid rigs rnams kyi yum mo/ /yab ni thabs la mkhas pa'o/ /zhes bya ba ni thabs kyi pha rol tu phyin pa'o/ /thabs kyi pha rol tu phyin pa yab tu gyur pa de
 gang zhe na rdo rje sems dpa' zhes bya ba ste byang chub kyi sems ni yab tu gyur pa yin no zhes bya ba'i don to/ /sems can 'dul ba'i rgyus de bzhin gshegs pa dang rdo rje dang pad+ma dang nor bu dang rdo rje sems dpa'i rigs rnams byung ba ni rab tu 'byung ba gang yin pa ni rigs rnams su brjod pa
 yin no/ /de ltar rigs rnams 'byung ba bstan nas da ni bcom ldan 'das 'dod pa dang thar pa'i rang bzhin du shes pas kyang dngos grub thob par 'gyur ro zhes bya ba bstan par bya ba'i phyir/ de la zhes bya ba la sogs pa gsungs te 'dod chags kyang yin la chen po yang yin pas na 'dod
 chags chen po'o/ /ni'i sgra ni gang gi phyir gyi don du ste ci'i phyir bcom ldan 'das 'dod chags chen po yin zhes bya ba'o/ /'jig rten dang 'jig rten las 'das pa'i dngos grub thams cad ni dngos grub thams cad do/ /de dag rjes su grub pa ni rjes su chags pa ste dngos grub thams
 cad rjes su chags pa gang yin pa de'i phyir bcom ldan 'das chags pa chen po yin pas na 'dod pa zhes bya ba'o/ /thar pa'i rang bzhin gyi bcom ldan 'das bstan par bya ba'i phyir/ dngos grub thams cad mi 'gyur ba de/ /bde ba chen po zhes brjod do/ /zhes bya ba gsungs so/ /rdo rje
 sems dpa' la sogs pa'i dngos grub ni dngos grub thams cad do/ /de rnams kyi thog ma dang tha ma med pa'i chos kyi dbyings mngon du bya ba gang yin pa de ni mi 'gyur bde ba'o/ /de nyid bde ba chen po zhes bya bar bcom ldan 'das rdo rje sems dpas brjod pa ni gsungs pa yin no/ /de ltar thar pa'i
 rang bzhin bstan nas da ni rnam pa gsum gyi rang bzhin can gyi rdo rje 'chang chen po shes pas kyang grub par 'gyur ro zhes bya ba rab tu bstan par bya ba'i phyir/ de la ji ltar bcom ldan 'das rnam pa gsum zhes bya ba gsungs te 'das pa dang ma 'ongs pa dang da ltar byung ba'i dus gsum
 ni nga yin no zhes bdag nyid ston par mdzad pa yin no/ /ci'i phyir khyed dus gsum yin zhe na mtha' yas phyir zhes bya ba la 'das pa dang ma 'ongs pa dang da ltar byung ba'i dus rnams kyi de bzhin nyid ni mtha' yas pa nyid do/ /gang gi phyir de'i rang bzhin rdo rje 'chang chen po bdag yin pa ste mtha'
 yas pa'i rgyu de nyid kyi phyir da ni dus gsum yin no/ /'das pa dang ma 'ongs pa dang da ltar byung ba'i chos nyid kyis bdag dus gsum gyi dngos po yin no zhes bya ba'i don to/ /nga ni srid gsum gdul bya'i phyir/ /zhes bya ba la 'dod pa dang / gzugs dang gzugs med pa'i rang bzhin can
 gyi gdul bya'i sems can gdul ba'i rgyus 'dod pa dang gzugs dang gzugs med pa'i srid pa'i rang bzhin du bdag nyid kyi dngos po rdzogs pa'i phyir bdag srid gsum yin no/ /ming po gsum gyi gzugs kyis 'dul ba'i sems can gyi don du ming po gsum gyi gzugs su bdag
 nyid kyi dngos po rdzogs par mdzad pas na gsum mchog go/ /sangs rgyas dang chos dang dge 'dun gyis sems can gdul ba'i phyir dkon mchog gsum gyi gzugs rdzogs par mdzad pas na dkon mchog gsum mo/ /sa 'og sa stengs sa bla'i rang bzhin du bdag nyid kyi dngos po ston
 pa'i phyir de'i chos nyid kyis thams cad do/ /thams cad yin pa'i rgyu de nyid kyis 'jig rten gsum pa yin no/ /'dod pa dang gzugs dang gzugs med pa'i khams kyi rang bzhin bdag nyid kyi dngos po ston pa'i phyir/ de'i chos nyid kyis khams gsum pa yang nga yin no/ /de ltar
 dus gsum la sogs pa'i dbye bas rnam pa gsum du bdag nyid bstan nas da ni dngos grub kho na'i don du thams cad nyid shes pa bstan pa'i phyir/ de la ji ltar bcom ldan 'das thams cad ji ltar yin zhes bya ba gsungs te/ ri bo la sogs pa sems med pa'i dngos po ni mi rgyu ba
 ste de'i rang bzhin ni nga yin no/ /de ci'i phyir zhe na/ bsod nams kun mtho che ba'i phyir/ /zhes bya'o/ /rgyu ba sems kyi 'dus byas phyir/ /zhes bya ba la sogs pa ni bshad zin to/ /sems dang sems la sogs pa'i shes pa sems kyi 'dus byas pa zhes bya ba'i mthar thug pa de dag thams cad rnal
 'byor bas bsgom par bya ba yin pa de'i phyir/ rang gi sems kyi las kyi bya ba de kho na nyid do zhes bya ba bcom ldan 'das rdo rje sems dpas gsungs pa yin no/ /dang po'i glu 'byung ba dang / dang po'i glu'i rang bzhin dang / nye ba'i snying po de kho na nyid shes pa rnams kyis grub par 'gyur ro zhes bya ba de'i
 phyir/ gsum po de dag bstan par bya ba'i phyir de la zhes bya ba la sogs pa gsungs te/ srid pa shin tu grub pa zhes bya ba ni mi gnas pa'i mya ngan las 'das pa rdzogs pa'o/ /longs spyod rdzogs pa'i skus kun du bzang po la sogs pa'i byang chub sems dpa' chen po rnams kyi mngon par 'dod
 pa'i dngos grub rdzogs pa ni dbang phyug chen po'i mchog gi dngos grub bo/ /srid pa shin tu grub pa dang dbang phyug chen po'i mchog de dag grub pa'i phyir mkhas pa ste/ byang chub sems dpa' rnams kyis sems can gyi don mdzad pas na bskal pa bzang po'i sngon rol du de rnams nyid la bcom ldan 'das
 rdo rje 'chang chen pos gsungs pa ni gsungs par gyur pa'o/ /de ltar dang po'i glu 'byung ba bstan nas da ni dang po'i glu'i rang bzhin bstan par bya ba'i phyir/ de nas de gang yin zhes bya ba gsungs te/ 'dod chags chen po bcom ldan 'das/ /zhes bya ba ni bshad zin to/ /zag pa med pa'i bde ba
 dang yid bde ba ston par byed pa'i sgra'i tshogs ni rab tu dga' ba'o/ /shin tu rtag pas na mi 'gyur ba mchog go/ /skye bo kun gyis mngon sum ma yin pas na gsang ba ste gsang ba de nyid kyi phyir snying po ste nges pa'i shes pas gsungs pa ni yi ge hUM gi rang bzhin can gsungs par gyur pa ste de nyid mi
 'gyur mchog ste yi ge hUM mi 'gyur ba'i mchog yin no/ /de ltar dang po'i glu'i rang bzhin bstan nas da ni nye ba'i snying po de kho na nyid shes pa bstan par bya ba'i phyir/ de nas nye ba'i snying po'i de kho na nyid shes pa zhes bya ba gsungs te/ de nyid gsang zhing gsang ba dang / /snying po rab tu brjod
 pa'o/ /zhes bya ba la nges par 'bigs pa'i shes rab ni de kho na nyid do/ /de bzhin gshegs pa la sogs pa'i rang bzhin can gang yin pa de ni rdo rje la sogs pa'i gzugs kyis bkab pa ni gsang ba'o/ /btsun mo'i 'khor dang shin tu rnal 'byor gyi bsgom pas de longs
 spyod pa ni gsang ba'o/ /gsum po 'di dag ni snying po zhes brjod pa yin no/ /snying po 'di rjes su grub pa ni bsgom pa ste/ de grub pa ni snying po rjes su sgrub pa'i tshul du rdzogs pa gang yin pa de ni nye ba'i snying po ste nye ba'i snying po'i dngos po ni nye ba'i snying po nyid du bcom ldan 'das rdo rje 'chang
 gis rab tu brjod cing gsungs pa yin no/ /da ni bde ba chen po'i rdo rje don yod pa shes pas grub par 'gyur ro zhes bya ba bstan par bya ba'i phyir de la zhes bya ba la sogs pa gsungs te/ dngos grub kun gyi mi 'gyur ba de bde ba chen po zhes brjod do zhes bya ba ni bshad zin to/ /dngos
 grub thams cad mi 'gyur ba'i bde ba de nyid rdo rje ni rdo rje sems dpa' bsgrub pa ste rdzogs pa'i phyir 'bras bu med pa ma yin pa'i rgyu yin pas don yod pa'o/ /de nyid mi 'da' bas na 'da' bar dka' ba'i dam tshig go/ /'di ltar 'chad par 'gyur te gnyis su med pa'i ye shes kyi rang
 bzhin can gyi thar pa'i ngo bo gang yin pa de ni bcom ldan 'das rdo rje sems dpa'i sku'i gsang ba'i rang bzhin bskyed pa'i rgyu yin no zhes bya ba'o/ /dkyil 'khor gyi de kho na nyid bstan par bya ba'i phyir de la ji ltar zhes bya ba la sogs pa gsungs te/ ji ltar gnas zhes bya ba ni
 nam mkha' thams cad dang ri rab la sogs pa'o/ /ji ltar 'khor lo zhes bya ba ni zur bzhi pa dang sgo bzhi pa zhes bya ba la sogs pa'o/ /ji ltar dgod pa zhes bya ba ni spras pa la sogs pa'i khyad par ro/ /ji ltar 'gro ba zhes pa ni rdo rje sems dpa' dang 'dod chags rdo rje ma la
 sogs pa'i rang bzhin can gyi 'khor lo dgod par gyur pa gang yin pa de dang / rdo rje sems dpa' la sogs pa'i so sor nges pa'i gnas dkyil 'khor gyi lte ba la sogs pa'i gnas brtag par 'gyur ba gang yin pa de bzhin du bri ba'i dbang du byas pa ste 'dir yang de bzhin gshegs
 pa rnams kyis dkyil 'khor sprul par mdzad pa yin no/ /dkyil 'khor du zhugs pa dang mthong ba'i 'bras bu bstan par bya ba'i phyir de nas zhes bya ba la sogs pa gsungs te de yang go sla'o/ /thig gdab pa'i cho ga bshad par bya ste/ dkyil 'khor bri bar bya ba ni thig gdab par bya ba'o/ /shes rab can zhes bya
 ba ni gzugs can dang gzugs can ma yin pa'i dkyil 'khor gyi de kho na nyid shes pa dang / reg pa la sogs pa'i bzo la mkhas pa'o/ /phyogs thams cad mnyam pa nyid ni stong pa nyid de la dmigs pa ni mngon du byed pa'o/ /shar dang nub dang byang dang lho/ /zhes bya ba la phyogs zhes bya ba re re
 dang sbyar ro/ /tshangs thig gnyis pa dang mtshams kyi thig gnyis pa ni thig bzhi ste ka ba brgyad kyi tshul gyis dkyil 'khor brgyad de dkyil 'khor brtag pa'i cho ga'o/ /dkyil 'khor zhes bya ba la sogs pa la dkyil 'khor gang dang gang gi bdag po gang dang gang yin pa de dang der de'i rnal 'byor dang ldan
 pa'i dkyil 'khor gyi cho ga la rab tu goms par byas nas dkyil 'khor de dag der bri bar bya ste/ de ltar na gal te dkyil 'khor de bag med pas ma tshang ba'am lhag par 'gyur na yang dkyil 'khor brtag pa grub pa yin no zhes bya ba'o/ /da ni gsang ba lnga'i de kho na nyid shes pa bstan par bya ba'i phyir/
 de nas zhes bya ba la sogs pa gsungs te/ thog ma dang tha ma med pa zhes bya ba la sogs pa gsungs pa ni bshad zin to/ /thog ma med pa mchog nyid ni/ /zhes bya ba la de ltar byung ba'i rang bzhin gyis rtag tu dam tshig pa yin pas na thog ma med pa'i mchog go/ /ni'i sgra ni nges par gzung ba ste/ thog ma
 med pa mchog nyid kho na'o/ /dpal mchog dang po'o zhes brjod do/ /zhes bya ba la brjod pa ni bstan pa yin no/ rigs lnga'i dkyil 'khor rnams ni dkyil 'khor thams cad de de'i bdag po ni gtso bo'o/ /mchog ni dam pa'o/ /dbang phyug mchog ces bya ba ni khams gsum pa'i chos kyi rgyal
 po'o/ /de'i rang bzhin bstan par bya ba'i phyir kun mchog ces bya ba la sogs pa gsungs te/ kun mchog 'dod pa chen po zhes bya ba ni byang chub chen po'i mtshan nyid kyi thugs rtogs pas te de las byung ba'i yid bde ba ni kun mchog 'dod pa chen po'i yid 'ong bde ba'o/ /de ston par byed pa'i
 thams cad du khyab pa'i 'dzum pa ni 'dzum pa chen po'o/ /de ltar gyur pa'i 'dzum pa des bcom ldan 'das srid pa mchog tu rtag tu bzhin 'dzum pa yin no/ /mchog tu mi 'gyur ba'i rdo rje sems dpa'i sku'i gsang ba rdzogs pa ni mchog tu mi 'gyur ba'i dngos grub ste de'i dngos
 po ni de nyid do/ /de'i phyir chos kyang yin la thams cad kyang de nyid yin pas na chos thams cad de kun gzhi rnam par shes pa dang mi bskyod pa dang / byang chub kyi sems dang rang bzhin gyi sku dang de bzhin gshegs pa'i rigs dang stong pa nyid kyi rdo rje rnams so/ /de dag gi rnam par dag pa ni de
 bzhin nyid rtog pa ste rgyu de'i phyir ro/ /rdo rje 'chang de zla ba'i 'od yin no/ /chos thams cad rnam par dag pa'i rgyu 'ba' zhig gis bcom ldan 'das rdo rje sems dpa' zla ba'i 'od lta bu yin pa gcig pur ma zad kyi gsang ba'i de nyid nyid phyir dkar/ /zhes bya ba la lha mo bzhi phreng gi
 dbus na bzhugs pa'i phyag rgya chen po ni gsang ba'i de kho na nyid dang / de nyid 'dod chags dang zhe sdang dang gti mug la sogs pa'i dri ma dang bral ba'i rgyu 'dis kyang dkar po'o/ /'dis ni 'di ltar 'chad par 'gyur te/ gang gi phyir bag chags dang bcas pa'i nyon mongs pa thams
 cad dang bral ba'i kun gzhi rnam par dag pa la sogs pa'i chos thams cad las byung ba'i bcom ldan 'das kyi phyag rgya chen po 'dod chags dang zhe sdang dang gti mug mi mnga' ba de'i phyir sku mdog dkar po ste rang gi rang bzhin ston par mdzad cing bzhugs pa yin no/ /gzugs thams
 cad ston pas sems can gyi don mdzad pa'i phyir 'dod chags chen po'i nyon mongs pa'i rang bzhin ston par mdzad pas na bcom ldan 'das kyi 'khor lo dmar zhing sna tshogs 'bar ba yin no/ /rtag pa dang mi bskyod pa dang rin chen 'byung ldan dang snang ba mtha' yas dang don yod grub pa'i
 ye shes kyi bdud rtsi'i chu'i bum pas dbang bskur bas 'dod chags la sogs pa'i bag chags dang bcas pa'i nyon mongs pa'i dri ma 'khrud par 'gyur ba yin no zhes bya ba'i yon tan 'di bstan par bya ba'i phyir/ sangs rgyas lnga'i cod pan gyis dbang bskur ba dang ldan pa'i bcom ldan
 'das rdo rje sems dpa' yin no/ /shes rab dang thabs kyi rang bzhin gyi zhabs g.yas pas nye bar mtshon pa'i skus bdud bzhi'i rang bzhin can g.yon pa'i sku las mtho ba dang brla dang byin pa dang / zhabs kyi nye bar mtshon pa'i 'khor ba'i yan lag yang dag par gnon cing 'dzin pa ste 'dzin pa
 des rgyal ba la ni phyi rol pa las rgyal ba ste mi snang bar mdzad pa yin no zhes bya ba bstan pa'i phyir sems dpa'i skyil mo krung dang ldan pa'i bcom ldan 'das rdo rje sems dpa'i yin no/ /rgyu des rdo rje sems dpa' ni thams cad kyi mchog ste de'i rang bzhin gyi bsgom pa so sor rtogs par mdzad pas te/ de ston par
 mdzad pa bcom ldan 'das ma 'dod chags rdo rje ma yin no/ /thams cad kyi mchog so sor rtogs pas yul du byas pa'i don mngon du bya ba ni dngos grub thams cad kyi bde ba dam pa ste/ de ston par byed pa ni bcom ldan 'das ma kI li kI la yin no/ /dngos grub thams cad kyi bde ba dam pa ni thams
 cad kyi mchog ste de bdud bzhi las rgyal ba ni rnam par rgyal ba ste de mthong ba ni de las byung ba'i longs spyod rdzogs pa'i sku ste/ de ston par byed pas kun mchog rnam par rgyal ba'i mtho ba ni bcom ldan 'das ma rdo rje dran ma yin no/ /sangs rgyas sprul pa dang sems can gyi don sprul pa'i skus mdzad
 pas na dbang phyug thams cad de des mchod pa chen po ni thams cad du khyab pa'i so sor rtog pa'i mchod pa ni bcom ldan 'das ma rdo rje 'dod ma'i dbang phyug ma yin no/ /'jig rten dang 'jig rten las 'das pa'i dngos grub thams cad ni 'dod chags rdo rje ma'i gzugs kyis so/ /'jig rten
 dang 'jig rten las 'das pa'i phun sum tshogs pa thams cad ni kI li kI la'i gzugs kyis so/ /'jig rten dang 'jig rten las 'das pa'i dga' ba thams cad ni rdo rje dran ma'i gzugs kyis so/ /'jig rten dang 'jig rten las 'das pa'i bdag po thams cad ni rdo rje 'dod pa'i dbang phyug ma'i gzugs
 kyis byin gyis brlabs pa ste rdo rje sems dpa'i mchog gi sku'i yan lag ni de dag gi sku yin no zhes bya ba'i don to/ /de ltar na bcom ldan 'das rdo rje sems dpa'i gsang ba lnga 'di kho na nyid bstan nas/ da ni de bzhin gshegs pa dang de rnams kyi rigs bstan par bya ba'i phyir de la ji ltar zhes bya ba la
 sogs pa gsungs te rtag pa ni rnam par snang mdzad do/ /mi bskyod pa dang rin chen 'byung ldan dang snang ba mtha' yas dang / don yod grub pa rnams ni go sla'o/ /lnga po 'di dag ni de bzhin gshegs pa thams cad ces bya ba brjod pa yin no/ /de ci'i phyir zhe na/ de bzhin gshegs
 pa thams cad kyi phyir ro zhes bya ba la don dam par 'di rnams de bzhin gshegs pa thams cad kyi rang bzhin nyid yin pa de'i phyir 'di rnams kho na de bzhin gshegs pa thams cad du brjod pa yin gyi gzhan dag ni ma yin no/ /mi bskyod pa ni rdo rje sems dpa'o zhes bya ba la de bzhin gshegs pa mi
 bskyod pa nyid rdo rje sems dpa'i rang bzhin du bzhugs pa yin no/ /de bzhin du rin chen 'byung ldan la sogs pa kho na rim pa ji lta ba bzhin du rdo rje rin po che dang / chos dang rdo rje las kyi gzugs su bzhugs pa yin no/ /de ltar na de bzhin gshegs pa'i rigs kyi de kho na nyid bstan nas
 da ni rdo rje nyi ma me ltar 'bar ba dang de'i rigs kyi de kho na nyid bstan par bya ba'i phyir de nas zhes bya ba la sogs pa gsungs te shin tu gdug pa drag po ni tshogs dang bcas pa'i 'jigs byed la sogs pa ste de rnams 'dul ba la zhi ba nyid dgos pa ma yin te/ de lta bas na de dag gdul
 ba'i phyir shes rab dang thabs kyi ngo bo ni shes rab dang thabs kyi rang bzhin can/ 'jig pa'i dus kyi nyi ma 'char ka'i 'od bzhin du gdug pa thams cad kyi bud shing sreg par nus pas na nyi ma'i 'od lta bu'o/ /de gang yin zhe na rdo rje 'dzin zhes bya ba ste rdo rje sems
 dpa'o/ /rang nyid ces bya ba ni rang nyid kyis byung ba yin no zhes bya ba ni tshig gi lhag ma'o/ /gdug pa dang drag po'i sems can gdul ba'i phyir sgeg pa'i gzugs dang ldan pa'i dpal rdo rje sems dpa' nyid rdo rje nyi ma me ltar 'bar bar gyur pa yin gyi gzhan ni ma yin no zhes bya ba'i don to/ /
 rdo rje mtshon cha 'dzin ma la sogs pa nas rdo rje dril bu ma la sogs pa mthar thug pa'i bar gyi rdo rje'i rigs thams cad ji lta ba bzhin du bshad pa'i de bzhin gshegs pa thams cad kyi bstan pa grub pa'i don du de'i thabs kyi khro ba'i gzugs su bcom ldan 'das rdo rje nyi ma me ltar 'bar bas rang gi rdo rje
 las sprul par mdzad pa yin no/ /de ltar rdo rje'i rigs kyi bdag po dang rigs kyi de kho na nyid bstan nas da ni pad+ma'i rigs kyi bdag po dang rigs kyi de kho na nyid bstan par bya ba'i phyir de nas zhes bya ba la sogs pa gsungs so/ /pad+ma dmar po bzhin du nyon mongs pa'i dri ma thams cad kyis ma gos
 pa'i rang bzhin gyis dag pa'i ting nge 'dzin dang thugs rje chen po ni pad+mar rA ga'o/ /des thams cad dag pa ni pad+ma'i rigs rtogs pa'o/ /khyad par ji lta bu dang ldan pa yin zhe na bla na med pa zhes bya ba'o/ /rdo rje sems dpa'i rang nyid bdag /ces bya ba ni thams cad dag pa'i rang bzhin can 'jig rten dbang phyug
 gzhan ni ma yin no zhes bya ba'o/ /rdo rje chos ni stong pa nyid kyi ting nge 'dzin no/ /de rab tu sgrub pa ni rtog pa'o/ /des sems can thams cad rnam par dag pa ni log par lta ba spong ba ste/ de'i don du pad+ma chen po'i rigs ni skyon thams cad dang bral bas na dag pa'o/ /de nyid ting nge 'dzin gyi ye
 shes bsags pa bcom ldan 'das 'jig rten dbang phyug gi rdzogs par mdzad pa yin no/ /de ltar pad+ma'i rigs kyi bdag po dang / de'i rigs kyi de kho na nyid bstan nas da ni nor bu'i rigs kyi bdag po dang de'i rigs kyi de kho na nyid bstan par bya ba'i phyir/ de la ji ltar nam mkha'i snying po yin
 zhes bya ba gsungs te nam mkha'i yin la thams cad kyang de nyid yin pas na nam mkha' thams cad de nor bu'i rigs de'i'o/ /thams cad nam mkha' bcom ldan 'das/ /zhes bya ba ni nam mkha'i snying po'o/ /de yang sems can rnams kyi bsod nams kyis mtho ba che ba yin pas na
 sems can bsod nams mtho ba che ba ste nam mkha' thams cad khyab cing thams cad ster ba'i bcom ldan 'das nam mkha'i snying po'i sku'o/ /sems can bsod nams mtho ba che ba'i sku de nyid kyi phyir bdag nyid nam mkha'i snying po ste/ sangs rgyas dang byang chub sems dpa' rnams kyis
 dbang bskur ba yin gyi gzhan ni ma yin no zhes bya ba bcom ldan 'das rdo rje sems dpas gsungs so/ /dbang bskur dang ni gter dang ni/ /rdo rje rgyal mtshan mchod pa che/ /zhes bya ba la sems can thams cad kyi bsam pa thams cad yongs su rdzogs par mdzad pa'i phyir/ de dag bcom
 ldan 'das 'phags pa nam mkha'i snying pos bsags par mdzad nas bzhugs pa yin no/ /de ltar dkyil 'khor thams cad kyi de kho na nyid chen po bstan nas da ni dbang bskur ba shes pas 'grub par 'gyur ro zhes bya ba bstan par bya ba'i phyir/ /de nas rigs thams cad kyi dbang bskur ba
 shes pa'o zhes bya ba gsungs te sangs rgyas ni de bzhin gshegs pa thams cad de de rnams la rdo rje rtse lnga pa phyed pa'i rtse mo can gyi yid bzhin gyi nor bu rin po che'i cod pan de rin po che'i cod pan gyis dbang bskur ba de'i rnal 'byor pa rnams kyis bya'o/ /khro bo'i rdo rje rtse lnga pa'i phreng ba dang ldan pa'i cod pan gyis
 rdo rje chen po'i rigs kyi dbang bskur ba'o/ /de bzhin gshegs pa snang ba mtha' yas dang ldan pa'i cod pan gyis pad+ma'i rigs la'o/ /yid bzhin gyi nor bu dang ldan pas nor bu chen po'i rigs kyis bdag dang gzhan la dbang bskur bar bya'o/ /dpal rdo rje sems dpa'i phyag
 mtshan gyi de kho na nyid bstan par bya ba'i phyir de nas zhes bya ba la sogs pa gsungs te/ thams cad mchog gi dngos grub che/ /dbang phyug chen po zhes bya ba ni bshad zin to/ /de'i don du mtshon cha chen po rdo rje rtse lnga pa zhes bya ba dang sbyar ro/ /de nyid kyi khyad par bstan par bya ba'i phyir/
 gsang ba lnga yi de nyid che/ /zhes bya ba gsungs te rdo rje sems dpa' dang 'dod chags rdo rje ma dang / kI li kI la dang / rdo rje dran ma dang / rdo rje 'dod pa'i dbang phyug ma can du shes par bya'o/ /de'i rang bzhin can ni gsang ba lnga ste de rnams kyi de kho na nyid chen po ni gnyis su med pa'i ye shes
 so/ /de ston par byed pa'i dang po rtse lnga pa ni rdo rje rtse lnga pa zhes brjod pa yin no/ /de ltar mchog dang po'i phyag mtshan gyi de kho na nyid bstan nas da ni rigs thams cad kyi de kho na nyid bstan par bya ba'i phyir de nas rigs thams cad ces bya ba la sogs pa gsungs te/ sangs rgyas
 thams cad sangs rgyas nyid/ /ces bya ba la gang zhig sangs rgyas bcom ldan rnams rdo rje rtse lnga pa de ni sangs rgyas thams cad kyi rang bzhin du shes par bya'o/ /mi bskyod pa dang rin chen 'byung ldan dang snang ba mtha' yas dang don yod grub pa dang rnam par snang mdzad kyi ye
 shes rnams ni sangs rgyas thams cad de de rnams kyi dngos po ni sangs rgyas thams cad nyid do/ /de bzhin gshegs pa lnga'i ye shes ston par byed pa'i de bzhin gshegs pa'i rdo rje rtse lnga pa ni sangs rgyas thams cad du brjod pa yin no/ /sna tshogs bya ba rdo rje can/ /zhes bya ba la rigs kyi
 bdag po dang bcas pa'i rdo rje'i rigs thams cad ni rdo rje can te de rnams kyi yang rigs kyi phyag mtshan 'bar ba'i rdo rje rtse lnga pa gang yin pa de sna tshogs bya ba'i rang bzhin du shes par bya'o/ /rdo rje'i rigs thams cad kyi dngos po ni sna tshogs te de'i bya ba ni gdug pa dang drag po'i sems can 'dul ba dang
 zhi ba'i sems can kun nas bsdu ba'o/ /'jig rten dbang phyug rdo rje chos/ /zhes bya ba la pad+ma'i rigs kyi phyag mtshan ni rang bzhin gyis dag pa'i ting nge 'dzin ston par byed pa dang pad+ma'i rigs ston par byed pa shes par bya'o/ /nor bu chen po'i phyag mtshan ni nor bu ste de la rin po che'i
 rigs thams cad kyi nor thams cad bsags pa bash+te de der bsam par bya ba'i don to/ /da ni thams cad dgug par bya ba bstan par bya ba'i phyir rtog pa kun zhes bya ba la sogs pa gsungs te/ rang gi lha'i rtog pa las dgug pa'i phyag rgyar gang bstan pa de ni rtog pa kun gyi gsang ba'i rdo rje
 lcags kyu ste dril bu dang bcas pa de dang 'gug pa'i sngags kyis rang gi lha gcig pu'am 'khor dang bcas pa spyan drangs nas de'i rjes la ji lta ba bzhin du bshad pa'i rjes su bsgrub par bya ste brla g.yas pa dang g.yon pa dag gis dril bu dkrol zhing bya ba yin no/ /da ni mchod pa thams
 cad kyi de kho na nyid shes par bstan par bya ba'i phyir/ de la ji ltar zhes bya ba la sogs pa gsungs te rtog pa yang yin la kun yang de nyid yin pas na rtog pa kun te rigs lnga'i lha'i rtog pa rnams so/ /de rnams kyi gsang ba chen po'i mchod pa ni 'dod chags rdo rje ma la sogs pa'i phyag rgya
 bzhi'o/ /des mchod pa ni mchod pa chen po byas nas rab tu dga' ba ste yid bde ba skyes nas mchod par byas ni bsgrub par bya ba'i lha'i bu'i gzugs mdun du mchod par bya ste/ slar yang glu dang rol mo'i mchod pa rnams kyis mchod par bya'o/ /'dir 'di ltar 'chad par 'gyur te/ rjes su
 rnal 'byor byas la gsang ba'i mchod pa bzhis bdag nyid yang dag par mchod de cho ga thams cad rjes su spyad nas/ bcom ldan 'das bsgrub par bya ba'i lha'i gzugs dkyil 'khor gyi tshul du'am/ dpa' bo gcig pu ji lta ba bzhin du bzhag nas rnam pa bcu gnyis kyi
 phyag rgya'i mchod pa rnams kyis yang dag par mchod la slar yang ji lta ba bzhin du bshad pa'i glu dang rol mo'i rnam par 'phrul pa rnams kyis yang dag par mchod par bya'o/ /de la mchod pa'i phyag rgya bcu gnyis kyi snying po rnams dpal rdo rje sems dpa'i dkyil 'khor las gsungs pa nyid rigs dang
 rigs las gzung bar bya'o/ /glu yang rang gi rigs las gsungs pa'o/ /gsang ba'i mchod pa bzhi'i rang bzhin rang gi rigs kyi khu tshur gnyis kyis phyag rgya bcing bar bya'o/ /rdo rje sems dpa'i rigs las gsungs pa'i rab tu dga' ma la sogs pa'i mchod pa rnam pa brgyad po
 kho na rdo rje'i rigs la khro ba dang bcas pa shes par bya'o/ /de bzhin gshegs pa'i rigs la mnyam pa'i thal mos zhi pa rnams so/ /pad+ma'i rigs la pad+ma'i thal mos so/ /nor bu'i rigs la nor bu'i khu tshur gyis mchod pa rnam pa brgyad kyi phyag rgya bcing bar bya ba yin no/ /de ltar
 mchod pa'i de kho na nyid bstan nas da ni dngos grub thams cad kyi byin gyis brlab pa bstan par bya ba'i phyir/ de la ji ltar zhes bya ba la sogs pa gsungs te rtog pa yang yin la kun yang yin pas na rtog pa kun te/ de rnams kyi gsang ba chen po'i phyag rgya thams cad ni phyag rgya chen po rnams
 te de dag gis ji lta ba bzhin du bshad pa'i tshul gyis legs shing mdzes par byin gyis brlab pa'o/ /de'i rjes la dam tshig chen po'i de kho na nyid kyi bdag nyid rab tu bsgrubs la snying po ste rang gi lha'i bzlas pa bya ba'i sngags kyis bzla ba ni bdag nyid la mngon par bsngags par bya'o/ /
 dam tshig chen po de kho na nyid kyi bdag nyid rab tu sgrub par byed pa de gang yin zhe na/ de nas zhes bya ba la sogs pa de nyid gsungs pa yin te de yang bshad zin pas slar yang bshad par mi bya'o/ /'dis ni rigs thams cad kyi rnal 'byor ba rnams kyi dam tshig chen po'i de kho na nyid kyi don
 bsgoms pas bdag la byin gyis brlab par bya ba yin no zhes bstan par 'gyur ro/ /da ni rang gi lhag pa'i lha thams cad kyi sgrub pa chen po'i rgyu bstan par bya ba'i phyir de la zhes bya ba la sogs pa gsungs te/ rtog pa kun ni rdo rje sems dpa' la sogs pa'i rigs thams cad kyi dkyil 'khor
 g yi rtog pa steng rnams la brtan pa dang g.yo ba'i dngos po bsgrub par bya ba gang yin pa de dag thams cad rang gi rnal 'byor byas te rang gi lha'i bzla ba'i snying pos lha'i gzugs rnam par bsams la rang gi lha'i gzugs nyid ji srid bsgrub par bya ste de srid kyi mig sman la sogs pa thams cad 'grub
 par 'gyur ro/ /da ni thams cad rjes su sgrub pa bstan par bya ba'i phyir de nas zhes bya ba la sogs pa gsungs te/ rdo rje dang dril bu ni 'dir rang gi rigs kyi phyag mtshan te gnyis po de 'dzin par byed pas na rdo rje dang dril bu 'chang ba'o/ /rdo rje dang dril bu 'dzin par gyur pas bdag nyid rang gi
 lha'i rnal 'byor dang ldan par byas la brtan pa dang g.yo ba'i rang bzhin can gyi 'gro ba thams cad gdong nas ma skyes pa'i phyir nam mkha'i mtshan nyid can du rtogs par bya'o/ /rdo rje dril bus rab sad pas/ /zhes bya ba ni sgra'i rjes su 'gro ba'i shes rab kyi ye shes rnams kyis de mngon du byed
 pa ni rab tu sad pa ste/ rab tu sad pa de dag gis dpal mchog dang po la sogs 'grub ces bya ba ni ji lta ba bzhin du bshad pa'i rtog pa thams cad rjes su sgrub pa de rnams kyis bcom ldan 'das grub par 'gyur ro/ /da ni 'bad pa med pa shes pa bstan par bya ba'i phyir de la zhes bya ba
 la sogs pa gsungs te/ bsgrub bya ba ni ji ltar rang gi lha'i gzugs te de thams cad dgug pa dang / mchod pa chen po dang bdag la byin gyis brlab pa la sogs pa'i sgrub pa rnams kyis rdzogs par bya'o/ /de ji ltar zhe na ci 'dod ces bya ba ste/ ji ltar 'dod pa'i rnal 'byor gyis
 so/ /ci 'dod pa ni ji lta ba bzhin du mngon par 'dod pa'o/ /ci 'dod pa'i spyod pa ni ji ltar 'dod pa'i spyod lam dang ldan pa'o/ /ci 'dod pa'i las ni mchod rten gyi las dang glegs bam bklag pa la sogs pa'i dge ba'i spyod pa'o/ /ci 'dod pa'i spyod pa dang las ni ci 'dod pa'i spyod
 pa dang las so/ /de gang la yod pa de ni ci 'dod pa'i spyod pa'i las dang ldan pa'o/ /bya ba'i rgyud la bkag pa'i rnal 'byor dang rjes su mthun pa'i thug pa nag po la sogs pa za bas na thams cad za ba'o/ /gar gyi tshul gyis rjes su sgrub par byed pas na thams cad byed pa'o/ /langs
 pa'am ni 'dug pa'am/ /'chag pa'am ni ji ltar gnas/ /zhes bya ba 'dis 'dug pa'i nges pa med pa ston pa yin no/ /rab tu dgod dam rab tu smra/ /zhes bya ba 'dis 'dug pa'i nges pa med par bstan pa yin no/ /gang der ji lta ba de bzhin du zhes bya ba 'dis gnas kyi nges pa med pa
 nyid bstan pa yin no/ /gzugs dang sgra dang dri dang ro dang reg bya dang chos kyi rang bzhin gyis dngos po gang dang gang mig la sogs pa'i dbang po'i spyod yul du gyur pas na dbang po'i lam du gyur pa ste dngos po da dang de'i rang bzhin te/ rdo rje sems dpa' la sogs pa'i gzugs kyi rang bzhin dang
 gcig tu bya'o/ /sgra ni rdo rje sems dpa' la sogs pa'i sgra dang dri ni rdo rje sems dpa' la sogs pa'i dri dang ro ni rdo rje sems dpa' la sogs pa'i ro dang reg bya ni rdo rje sems dpa' la sogs pa'i reg bya dang chos ni rdo rje sems dpa' la sogs pa'i chos dang gcig tu bya'o/ /de ltar na dngos
 po de rang bzhin dang gcig tu bya ba yin no/ /rnal 'byor gang gis gcig tu bya zhe na/ mnyam par ma bzhag rnal 'byor gyis te byed par 'gyur ba des so/ /rang gi lhag pa'i lha ni rang gi yid kyi lha ste/ rdo rje sems dpa' la sogs pa'i rang bzhin can gyi yid de nyid kun du bsgom ste bsam
 par bya ba yin no/ /mnyam par ma bzhag pa'i rnal 'byor bsgom pa'i rang bzhin can gyi de kho na nyid kyi rnal 'byor 'dis thams cad kyi lha'i rang bzhin bsgrub pa ste rdzogs par byas na thams cad nyid rab tu 'grub par 'gyur ro zhes bya ba dang sbyar ro/ /de gang gi phyir zhe na/ sangs rgyas
 kun dngos thams cad la/ /zhes bya ba la rang gis lha'i rang bzhin du gzugs la sogs pa thams cad rtag tu brtan zhing rab tu 'grub par 'gyur ro/ /dam tshig chen po zhes bya ba la sogs pa ni go sla'o/ /de ltar zhes bya ba ni 'das ma thag tu bshad pa'i tshul gyis dpal
 mchog dang po'i rgyud kyi cho ga ni bsgrub par bya ba dang / sgrub pa'i rnam pa can byin brlabs/ /zhes bya ba dang sbyar ro/ /byin gyis brlabs pa de nyid kyi khyad par bstan par bya ba'i phyir/ ma nyams pa zhes bya ba la sogs pa gsungs te gang gis kyang ma nyams pas na ma nyams pa'o/ /mchog kyang
 yin la bla ma yang de nyid yin pas mchog gi bla ma'o/ /gsal ba ni gsal ba nyid do/ /dpal rdo rje sems dpa' la sogs pa'i rigs lnga'i dngos grub ni mchog tu gsang ba'i dngos grub ste/ de'i cho ga ni sngar bshad pa ste des lha'i bde ba rab tu ster ba'o/ /ci'i don du byin gyis brlab ce
 na myur du grub pa'i phyir zhes bya ba ste/ myur du dngos grub thob pa'i phyir ro/ /sus byin gyis brlab ce na de bzhin gshegs pa kun gyis zhes bya'o/ /de dag ji lta bu zhe na stong pa nyid bcu drug ni rdo rje mchog ste des 'dzin par mdzad pas na rdo rje mchog 'dzin pa'i rdo rje sems dpa' la sogs pa'i
 rigs kyi lha rnams te de dag gi phyir ro/ /byams pa la sogs pa'i byang chub sems dpa' rnams ni sras te de dang bcas pa'i de bzhin gshegs pa thams cad kyis dpal mchog dang po'i rgyud kyi cho ga 'di byin gyis brlabs pa yin no/ /de ltar gang gis gsungs pa yin zhe na mchog tu bde ba dam
 pa zhes bya ba la sogs pa la thog ma dang tha ma med pa'i chos kyi dbyings bde ba ni mchog tu bde ba'o/ /des dam pa ste mchog tu bde ba dam pa'o/ /gsang ba lnga'i de kho na nyid chen po'i rang bzhin can gyi dang po'i rdo rje ni mchog gi rdo rje ste de 'dzin par mdzad pas na mchog gi rdo rje 'dzin pa'i rdo rje sems
 dpas gsungs pa yin no/ /de yang chen po ste thams cad khyab pa dang dga' ba chen po zhes bya ba'o/ /dpal mchog dam po'i rgya cher bshad pa las mchog tu gsang ba'i cho ga'i bshad pa rdzogs so// //da ni ji lta ba bzhin du bshad pa'i cho gas slob dpon las kyi cho ga dang / slob ma
 gzhug pa la sogs pa'i cho ga rgyas pa rjes su spyad nas rigs thams cad kyi dkyil 'khor rnams ji lta ba bzhin du gshegs su gsol nas rang gi lus la sprul pa nye bar bsdu ba dang bdag nyid srung ba bya ste/ de bzhin gshegs pa thams cad kyi bdag nyid la legs par mdzad pa dag gis
 yang dag par mgu ste/ slob dpon ldang bar bya'o zhes bya ba'i don 'di zur gyi tshig gis rab tu bstan par bya ba'i phyir/ /de nas ston pa rdo rje 'chang / /zhes bya ba la sogs pa gsungs te de nas kyi sgra ni de ma thag tu brjod pa ste slob ma gzhug pa la sogs pa'i cho ga rgyas pa'i rjes thogs
 nyid la zhes bya'o/ /rdo rje 'chang ni rdo rje sems dpa'o/ /sems can gyi khams lung dang rtogs pa rab tu 'jug cing ston par mdzad pas na ston pa'o/ /nam mkha' bzhin du mthar thug pa med pa ni mtha' yas pa'o/ /phyogs bcur sku gsung thugs kyi rdo rje rnams kyis 'gro bas na kun du 'gro
 ba'o/ /dpal mchog ces bya ba la sogs pas 'jig rten gyi khams thams cad kyi rdul phra rab dang mnyam pa'i sangs rgyas kun te de bzhin gshegs pa rnams kyis yang dag par bstod pa'o/ /ni'i sgra ni nges par gzung ba bya ste sangs rgyas thams cad kho na zhes bya ba'o/ /rtog pa yongs
 su rdzogs pa ni mthar thug pa de'i don du yang gsung ba yin no/ /ci gsung ba yin zhe na dang po zhes bya ba la sogs pa ste dang po zhes bya ba bshad zin to/ /dpal mchog dang po'i rgyud kyi rnam pa can gyi bdag gi nges pa'i shes pa 'di ni snying po yin no/ /mchog kyang yin la chen po yang
 yin pas mchog chen po'o/ /bde ba chen po'i mchog gi rjes su chags pa chen po ste thams cad du khyab pa'i rigs lnga'i gzugs bstan pas sems can gyi khams thams cad la rigs lnga'i lha'i ting nge 'dzin rdzogs par byed pa'o/ /thams cad kyi mchog kyang de yin la sems dpa'
 yang de yin pas na thams cad kyi mchog gi sems dpa' ste rigs lnga'i lha'i rnam pa can no/ /de dag gi 'byung gnas ni de dag skyed par byed pa'i rgyu'o/ /ci'i phyir rgyud 'di thams cad kyi mchog gi 'byung gnas yin zhe na/ rtag tu ni zhes bya ba la sogs pa ste ni'i sgra ni gang gi phyir gyi
 don te/ gang gi phyir 'di dus thams cad du sems can gyi khams thams cad la thams cad kyi mchog gi dbang phyug nyid stsol bar byed pa'i phyir ro/ /thams cad kyi mchog kyang de yin la 'byor pa yang de yin pas thams cad kyi 'byor pa ste rigs lnga'i phun sum tshogs pa'o/ /des dbang phyug
 ste thams cad kyi mchog gi dbang phyug ni rdo rje 'chang ngo / /de'i dngos po ni thams cad kyi mchog gi dbang phyug nyid de de sgrub pa po rnams la stsol ba'o/ /'di yon tan 'di lta bu dang ldan pa gcig pur ma zad kyi gang gis kyang 'di yongs su rdzogs par nus pa ma yin no zhes bya ba bstan par bya
 ba'i phyir mtha' yas zhes bya ba la sogs pa gsungs te/ 'di la mtha' med pa na mtha' yas pa'o/ /mtha' yas pa nyid kyi phyir gang gis kyang 'di'i mthar thug pa med pas ma thob pa'o/ /thob pa med pa nyid kyi phyir mthar thug pa med pa ste yongs su rdzogs pa med pa'o/ /ni'i sgra ni nges
 par gzung bar bya ba ste mthar thug pa med pa kho na'o/ /tshul yang de yin la chen po yang de yin pas tshul chen po ste byang chub sems dpa'i lam 'bras bu dang bcas pa'i rang bzhin nyid kyi chos kyi dbyings kyi dam tshig go zhes bya ba'i don to/ /'di gang gis she na mchod pa chen po thams cad
 ces bya ba la rigs lnga'i lha mo rnams ni mchod pa chen po thams cad de de rnams kyi dam tshig ni de yin no/ /nam mkha' bzhin du thams cad du 'gro bas nam mkha' dang mtshungs pa'o/ /'di las ji lta bu dang ldan pa yin zhe na/ mchog gi dngos grub 'phel bar ster/ /zhes bya ba la
 rigs lnga'i dngos grub ni mchog gi dngos grub ste de nyid gong nas gong du 'jug pas na 'phel ba'o/ /de ster bas na mchog gi dngos grub 'phel ba ster ba ste de lta bu gang yin pa de gang gis kyang yongs su rdzogs par nus pa ma yin no zhes bya ba ni tshig gi lhag ma'o/ /thog ma mthar thug med
 pa'o/ /zhes bya ba la thog ma ni dang po bskyed pa'o/ /mthar thug pa ni yongs su rdzogs pa ste nying mtshams sbyor ba med par 'jog pa'o/ /gang la thog ma dang mthar thug pa gnyis med pa ste thog ma dang tha ma med pa'o/ /'di ltar 'chad par 'gyur te/ 'di thog ma dang tha ma med pa yin
 te ji skad du da ltar byung ba'i rang bzhin gyis nam mkha'i khams thams cad du rtag tu bzhugs pa'i sku gsung thugs kyi rdo rje rnams kyis thams cad du 'gro ba ste/ de'i phyir 'di yongs su rdzogs par byed par sus kyang nus pa ma yin no zhes bya ba gsungs so/ /gal te 'di yongs su rdzogs par
 byed par nus pa ma yin na/ 'o na yongs su rdzogs pa'o zhes bya ba ji ltar brjod ce na/ sems can zhes bya ba la sogs pa la gang gi phyir sems can rnams ni ngan pa la zhen cing gzhung nyung ba la mngon par dga' ba rgya che ba'i 'jigs pas 'jigs pa'i phyir ro/ /nam mkha'i khams
 thams cad la rtag tu bzhugs pa'i sku gsung thugs kyi rdo rje rnams kyis de bzhin gshegs pa thams cad ni thams cad du gshegs pa yin no zhes bya ba 'di yang mi mos shing de bzhin gshegs pa'i yon tan rnams la dad pa med pa'o/ /bsgrub par bya ba'i sbyor bas gzhan du smra zhing gzhan byed pas na
 g.yo sgyu can no zhes bya ba'i don to/ /de dag ci'i phyir g.yo sgyu can yin zhe na/ ma sbyangs pa zhes bya ba ni de bzhin gshegs pa la sogs pas ma thul bas na ma sbyangs pa'o/ /rtag tu dus thams cad du 'dod pa'i yon tan lnga la zhen pas te rtag tu rjes su chags pa'o/ /sdom pa'i tshul khrims tsam
 la chags pas na chags pa dang bral ba la chags pa'o/ /de ltar gyur pa'i sems can yongs su ma sbyangs pa de rnams rgyas par bshad pa mtha' yas pa thos nas sun 'byin pas mnar med pa'i dmyal ba chen por ltung bar ma gyur cig ces bya ba'i phan gdags par bya ba'i phyir rgyud kyi rgyal po 'di yongs
 su rdzogs pa ste mdor bsdus pa yongs su mthar thug par byas pa'o/ /gang gi khyim na yod pa zhes bya ba la sogs pa ni bshad zin to/ /'dis 'di ltar 'chad par 'gyur te/ slob ma gzhug pa la sogs pa rdzogs par byas nas rigs thams cad kyi lha'i mchod pa dang phyag rgya dgrol ba dang / dbang
 bskur ba dang / go cha bcing pa dang mnyes pa bya ba byas nas/ de'i rjes la ye shes sems dpa' gshegs su gsol bar bya ste phur bu bton pa dang / dkyil 'khor gyi lha gshegs su gsol ba byas la de'i 'og tu sprul pa yid kyis rang gi lus la bcug ste rdo rje srung ba dang / rdo rje gnod sbyin dang
 rdo rje sems dpa' dang / gtsug tor dang / rdo rje khu tshur rnams kyis bdag nyid srung ba byas nas de bzhin gshegs pa thams cad 'dus pas/ yab mchog sangs rgyas sras rnams legs so zhes bya ba nas brtsams te ji srid bde ba thams cad ces bya ba'i mthar thug pa'i bar du bstan pa'i
 legs par mdzad pa rnams kyis bdag nyid dga' bar gyur par bsam par bya'o/ /de nas ji lta ba bzhin du rdul tshon nye bar bsdus par byas la langs te/ ji ltar dge ba'i phyogs dang mthun par rjes su spyad par bya'o/ /de nas phur bu gdon pa'i sngags dang phyag rgya ni 'di yin te/ oM badzrod
 kI li kI la ya sarba ki la ya sarba ki lan b+hu d+d+ha sat+te na badzra adz+nyA yaM hUM phaT/ /phur bu thams cad gdon pa'i sngags so/ /de nas 'di'i phyag rgya ni 'di yin te lag pa gnyis kyis kha sbyor gyi thal mo byas la srin lag gnyis nang du bcug ste/ dbus ma gnyis kyi rtse mo yang dag par sbyar ba
 byas la de'i tshigs gsum pa'i drung du mdzub mo gnyis rdo rje'i rnam pa can nas gang tsam gyi bar yod par gzung zhing / mthe'u chung gnyis dang mthe bong gnyis kyi rtse mo byas te 'di ni rdo rje phur bu'i sngags dang phyag rgya'o/ /'di ni dbus ma'i rtse mos phur bu bzung ste/ mngon sum du
 'am yid kyis gdon par bya'o/ /de nas phur bu de nyid yid kyis rdo rje rtse lnga pa'i dbus su'am dgra ba'i lus la gzhug par bya'o/ /de nas zhi ba'i rig pas ba'i 'o ma la yongs su bzlas te phur bu'i bu gu de yongs su dgang bar bya'o/ /sbyin pa'i pha rol phyin dam tshig/ /
 phyag rgya'i don ni rab ston byed/ /rgyud 'di'i bshad pa byas pa yi/ /bdag gis dge ba gang bsags pa/ /des ni 'jig rten ma lus pa/ /sbyin pa'i pha rol tu phyin kun dga'i/ /snying po bsam mi khyab dge 'byung / /khyab bdag rdo rje rin chen gyur/ /dpal mchog dang po'i rgya
 cher bshad pa shes rab kyi pha rol tu phyin pa 'byung ba zhes bya ba las dum bu gnyis pa'i bshad pa rdzogs so/ / //de ltar nyon mongs pa can gyi yid kyi gnyen po nam mkha' dang mnyam pa nyid kyi ye shes kyi rang bzhin chos thams cad kyi mtshan nyid la mngon par zhen pa stong pa'i
 d ngos pos sbyin pa'i pha rol tu phyin pa dang dam tshig gi phyag rgya'i mtshan nyid can gyi dpal mchog dang po rdo rje 'chang chen po de'i rang bzhin gdul bya rnams kyis mngon du byed pa'i phyir dum bu gnyis pa bstan nas da ni rang bzhin gyis dag pa'i so sor rtog pa'i ye shes yid kyi rnam par shes
 pa'i gnyen por gyur pa shes rab kyi pha rol tu phyin pa dang / chos kyi phyag rgya'i rang bzhin gyi rdo rje 'chang chen po de'i rang bzhin gdul bya rnams kyis rtogs par bya ba'i phyir/ de nas dang po'i gnas dgyes pa/ /zhes bya ba la sogs pas dum bu gsum pa gsungs
 pa yin te/ de ltar na 'di shes rab kyi pha rol tu phyin pa'i rang bzhin can du bstan nas slar yang bya ba nan tan sgrub pa'i ye shes brtson 'grus kyi pha rol tu phyin pa dang las kyi phyag rgya'i rang bzhin can mig dang rna ba dang sna dang lce dang lus kyi rnam par shes pa rnams rnam par dag pa'i rgyur gyur
 pa rdo rje 'chang chen po'i rang bzhin gdul bya rnams mngon du byed pa'i phyir/ de nas dang po'i gnas dgyes nas/ /thams cad nam mkha' zhes bya ba la sogs pa de nyid kyis dum bu bzhi pa bstan par gsungs pa de yin no/ /dum bu bzhi po de rnams kyi rim pa ji lta ba bzhin du stong pa nyid
 dang mtshan ma med pa dang smon pa med pa dang rang bzhin gyis 'od gsal ba'i rnam par thar pa'i sgo rnams te me long lta bu dang mnyam pa nyid dang so sor rtog pa dang bya ba nan tan gyi ye shes sgrub par byed pa bstan pa yin te/ de'i phyir gnyis su zlos pa'i nyes par dogs par mi bya'o/ /gal te
 gnyis su zlos pa yod kyang sgra gcig gis don du ma so sor ston par byed pa yin no zhes bya ba'i phyir sgra de nyid kyi dgongs pa'i dbang gis don gzhan bstan par bya ba yin te skyon yod pa ma yin no/ /dum bu gnyis po 'di las gzhan yang khyad par ci yod pa bstan par bya ba'i phyir de la
 dum bu gsum par dum bu gnyis pa'i rtog pa thams cad kyi rgyud phyi ma rtsa ba'i rgyud kho na rdo rje sems dpa'i dkyil 'khor chen po yin te 'di'i khyad par ni 'di yin te/ rab tu dga' ba dang / dga' ma dang spyan ma dang dpal chen mo rnams kyi sgras dbyangs rdo rje ma dang rdo rje sprin ma dang rdo rje
 ston ma dang rdo rje dgun ma rnams brjod pa yin no/ /de rnams kyi yang rim pa bzhin du 'dir ni snying po 'di rnams yin te/ oM ma du badzra g+huM g+huM/ oM badzra me g+ha gu lu gu lu/ oM sha ra ta badzre/ oM badzre shri ri hUM hUM zhes bya'o/ /dum bu gnyis pa la ni he badzra te/ ma hA ta re badzre ho/ /oM badzre lo tse
 ni ma shrI badzra hi zhes bya ba la sogs pa gsungs pa ni he ma hA su kha zhes bya ba la sogs pa ni dum bu gnyis par spyan 'dren pa'i sngags so/ /hUM ma hA su kha zhes bya ba la sogs pa ni gsum par spyan 'dren pa'i sngags so/ /oM ma hA su kha zhes bya ba la sogs pa ni gnyis par bum pa'i
 sngags so/ /hUM ma hA su kha zhes bya ba la sogs pa ni gsum par ro/ /gnyis pa sna tshogs pa'i gos kyis rab tu g.yogs pa'i gsum pa shin tu dmar pa'i gos kyis g.yogs pa'o/ /slob dpon gyis dkyil 'khor du 'jug par bya'o/ /gsum par dzaHhUM baM hoHma hA su kha zhes bya ba
 la sogs pa ni rdo rje srung ba'i sngags so/ /gsum par yi ge hUM la sogs pa'o/ /gsum pa ni 'dir dum bu bzhi pa ste khyad par gyi gnod pa yod pa ma yin no/ /thams cad du ni dum bu gnyis pa las gsungs pa'i rgyas par bstan pa dbang du byed pa nyid du gzung bar bya'o/ /dum
 bu gnyis po 'dir yang khyad par ni so so dang bstun pa bstan pas skabs kha cig tu tshig gzhan gyis dngos po de nyid bstan par bya ba yin te zhes bya ba'o/ /dum bu gsum pa'i dpal rdo rje sems dpa'i dkyil 'khor chen po'i rnam par 'grel pa rdzogs so// //de bzhin gshegs
 pa'i dkyil 'khor chen po yang dum bu gnyis pa las gsungs pa'i dkyil 'khor dang 'dra ba ste slar yang bshad par mi bya'o/ /rdo rje nyi ma me ltar 'bar ba'i dkyil 'khor yang dum bu gnyis pa las gsungs pa'i rdo rje'i rigs kyi dkyil 'khor chen po dang 'dra ba ste/ 'dir
 khyad par ni 'di yin te thig skud gsum pa'i dkyil 'khor gyi dkyil gyi thig skud bdun pa'i bar mtshams bskor bar bya ste/ de'i rjes la slar yang thig skud bdun pa'i mtshams kyi phyi rol du me'i phyogs kyi char 'khor gyi dkyil 'khor gyi nang du mid po gsum po'i dkyil 'khor ro/ /
 bden bral du sring mo bzhi'i dkyil 'khor ro/ /rlung du klu'i dkyil 'khor ro/ /dbang ldan gyi phyogs kyi char sdug bsngal gdon pa'i dkyil 'khor ro/ /slar yang 'khor gyi dkyil 'khor gyi phyi rol du phyogs dang mtshams rnams su 'jig rten gyi khams brgyad de/ de rnams su
 yang de bzhin gshegs pa re re logs g.yas pa dang g.yon pa na bzhugs pa'i byang chub sems dpa' gnyis gnyis kyis yongs su bskor ba bri bar bya'o/ /de la shar gyi phyogs su bcom ldan 'das shAkya thub pa'o/ /nub kyi phyogs su 'od dpag tu med pa'o/ /lhor
 mi bskyod pa'o/ /byang chub rdo rje snying pos rab tu 'joms par mdzad pa'o/ /me'i phyogs su ye shes ta la la'o/ /bden bral du 'jigs dbyangs 'brug sgra'o/ /rlung du gser 'od brtsegs par snang ba'o/ /dbang ldan gyi phyogs char de bzhin gshegs pa bden par gsung ba
 bri bar bya'o/ /thams cad kyang rgyan thams cad kyis rnam par brgyan zhing pad+ma'i snying po can gyi seng ge'i khri'i gdan la bzhugs nas chos ston pa bri bar bya'o/ /de la bcom ldan 'das shAkya thub pa'i g.yas logs su 'jig rten dbang phyug g.yon par rdo rje 'chang ba'o/ /mi bskyod
 pa'i g.yas logs su spos kyi glang po g.yon par rdo rje snying po/ 'od dpag tu med pa'i g.yas logs su sgrib pa thams cad rnam par sel ba g.yon du mthu chen thob pa'o/ /ye shes ta la la'i g.yas phyogs su 'jam dpal g.yon du gzungs kyi dbang phyug rgyal po'o/ /
 bden par gsungs pa'i g.yas logs su byang chub sems dpa' bzang po'i dpal g.yon du rin chen dra ba can no/ /gser 'od brtsegs par snang ba'i g.yas logs su dri ma med pa'i gzi brjid g.yon du rgyal ba'i blo gros so/ /'jigs dbyangs 'brug sgra'i g.yas logs su
 nam mkha'i snying po g.yon du sa'i snying po'o/ /rdo rje snying pos rab tu 'joms par mdzad pa'i g.yas logs su blo gros mi zad pa g.yon du kun du bzang po'o/ /de bzhin gshegs pa dang byang chub sems dpa' de rnams kyi phyag rgya dang sngags la sogs pa ni 'phags pa rnam par
 snang mdzad kyi snying po mdzad ces bya ba'i rgyud chen po las shes par bya'o/ /'di khyad par yang 'di yin te/ rdo rje mtshon cha 'dzin ma la sogs pa nas rdo rje dril bu la mthar thug gi bar gyi lha mo bcu drug ni g.yon brkyang ba'i gnas pas bzhugs shing / dbu skra 'khrugs shing gyen
 du brdzes shing g.yo ba'o/ /dum bu gsum par rdo rje nyi ma me ltar 'bar ba'i dkyil 'khor chen po'i bshad pa rdzogs so// //pad+ma'i rigs kyi dkyil 'khor chen po ni sngar bshad pa dang mtshungs pa yin pas slar yang bshad par mi bya'o/ /rin po che'i rigs kyi dkyil 'khor chen po yang
 sngar bshad pa dang mtshungs pa yin pa las khyad par ni 'di yin te gang zhig yid du 'ong ba'i snying po'i khyad par ro/ /de la gnyis par badzra a b+hi shi ka dz+wa ma hA badzre ni D+Da Ne hUM/ ma ni d+ha dzA gra ke yu re baM ma hA badzra ma he ho/ zhes bya ba ni dum bu gnyis pa yid du 'ong ba'i snying po rnams so/ /gsum
 pa la oM ra ti badzre ni maD+Da oM tsiN+Da ta ma ni ho/ /oM badzra ma hA ma he haM zhes bya ba'o/ /'jig rten pa'i dkyil 'khor bzhi po ni snga ma bzhin kho na'o/ /bsdus pa'i dkyil 'khor yang dum bu gnyis pa las gsungs pa yin no/ /'dir khyad par ni 'di yin te gang zhig mdor bstan pa ni sngar
 bshad pa 'di kho na 'dir rjes su 'jug pa'o/ /gang gi phyir de rgyas par bshad pa'i cho ga de nyid 'dir dbang du byas la nyid kyi rjes su 'jug par byed pa'i phyir ro/ /dpal rdo rje sems dpa'i gsang ba'i dkyil 'khor yang dum bu gnyis pa las gsungs pa'i gsang ba'i dkyil 'khor
 dang 'dra ba yin no/ /'dir khyad par ni 'di yin te 'dod chags rdo rje ma ni dmar ba dang dkar ba'o/ /ki li ki li ni dkar po dang ser po'o/ /rdo rje dran ma ni sngo ba dang dkar po'o/ /rdo rje 'dod pa'i dbang phyug ma ni ljang ba dang dkar ba'o/ /oM ma du badzri g+huM g+huM zhes bya ba la sogs pa ni dus
 kyi mchod pa rnams kyi snying po bzhi'o/ /dus mnyam du rdo rje dang bcas pa'i dril bu dang pi wang la sogs pa'i rol mo la 'khrug pa'i dbyangs kyis rdo rje gar gyi mchod pa byas la/ gsang ba'i lcags kyu dril bu dang bcas pa dang / oM AHhUM gi glu'i bzlas pa zur bzhi'i tshul gyis
 bcom ldan 'das 'khor dang bcas pa spyan drang bar bya'o/ /dum bu gsum pa dpal rdo rje sems dpa'i gsang ba'i dkyil 'khor gyi bshad pa rdzogs so// //de bzhin gshegs pa'i gsang ba'i dkyil 'khor ni dum bu gnyis pa las gsungs pa de kho na yin no/ /khyad par ni
 'di yin te mchod pa thams cad kyis yongs su gang ba'i snod nam mkha'i snying bo'i phyag tu bri bar bya'o/ /rdo rje nyi ma me ltar 'bar ba'i gsang ba'i dkyil 'khor yang dum bu gnyis pa las gsungs pa'i dang po'i gsang ba'i dkyil 'khor du bri bar bya'o/ /'dir khyad par ni 'di yin te
 rdo rje mtshon cha dang rtse gsum pa chen po dang lcags kyu dang zhags pa 'dzin ma rnams dang lhan cig tu gdan gcig la bzhugs pa'i bcom ldan 'das bri bar bya'o/ /mtshams bzhir ni mda' 'dzin ma la sogs pa bzhi bri bar bya'o/ /hri a ra l+li hUM zhes bcom ldan 'das kyi bsgrub par bya
 ba'i snying po'o/ /oM sum+b+ha ni sum+b+ha hUM/ gr-ih+Na gr-ih+Na hUM/ grih+NA pa ya gr-i h+NA pa ya hUM/ A na ya ho b+ha ga bA na badzra hUM phaT ces bya bas rdo rje 'bar ba lcags kyu chen po dang gar gyi tshul gyis bcom ldan 'das 'khor dang bcas pa spyan drang bar bya'o/ /'phags pa spyan ras gzigs kyi dbang phyug
 dang 'phags pa nam mkha'i snying po dag gi gsang ba'i dkyil 'khor yang snga ma bzhin kho na'o/ /bdag la byin gyis brlab pa'i sgrub pa dang rnal 'byor sgrub pa sngar bshad pa gzung bar bya'o/ /phyag rgya'i rgyud kyang de bzhin te/ khyad par ni 'di yin no/ /bcom ldan 'das rdo rje nyi ma me ltar 'bar ba'i
 rdo rje dril bu ba dan 'dzin pa'i dam tshig gi phyag rgya gnyis gzhan no/ /de dag ni 'di yin te g.yas pa'i rdo rje khu tshur bcings nas lag pa g.yon pa ba dan gsum g.yo bar bya ste/ 'di ni sna tshogs pa'i ba dan 'dzin pa'i dam tshig gi phyag rgya'o/ /g.yon pa'i rdo rje khu tshur bcings
 nas dril bu'i rnam pa byas nas g.yas pa'i rdo rje khu tshur de'i steng du gzung bar bya ste 'di ni dam tshig gi phyag rgya gzhan yin no/ /'dir dang po ni rtog pa thams cad kun las btus pa'i dkyil 'khor chen po'i bshad pa'i don ston par byed pa yin no/ /gnyis pa ni gsang ba'i dkyil
 'khor lnga po'i don ston par byed pa'o/ /de la rtog pa thams cad kun las bsdus pa'i khyad par gang yin pa de bshad par bya ste de la chags pa chen po ni rdo rje sems dpa'i bdag po kho nar bshad pa yin no/ /bsnyems pa'i bdag po nyid de bshad zin no/ /thig gdab pa'i cho
 gas cha gsum pa ma lus pa'i thig gdab par byas la dkyil 'khor bri bar bya'o zhes bya ba 'di gsungs pa'i dngos po rgyud thams cad du yang gzung bar bya'o/ /dkyil 'khor du zhugs te nang gi rim par gnas nas dzaHhUM baM hoH/ pra sid+ha m+maM zhes bya ba dkyil 'khor gyi bdag po la slob dpon gyis
 brjod par bya ba yin no zhes bya ba gang gsungs pa de gnyis pa 'dir shes par bya'o/ /gang la bsod nams ma tshang bas phyi'i yo byad kyi phun sum tshogs pa med na des thal ba bzang pos dkyil 'khor re ga gcig pa bris te ji lta ba bzhin du cho ga thams cad rjes su spyad nas cho gas 'jug pa
 la sogs pa byas te nyin zhag bzhi'i bar du bzlas pa dang bsgom pas bsgrub par byas na de'i rjes la sgrib pa thams cad spong bar 'gyur ro/ /me tog dang spos dang mar me dang dri rnam pa sna tshogs pa ni dpal rdo rje sems dpa'i rigs la'o/ /me tog dang spos dang mar me dang dri'i lha mo rnams
 kyang sku mdog sna tshogs pa'o/ /de bzhin gshegs pa'i rigs la me tog la sogs pa phyi'i mchod pa dang me tog la sogs pa'i lha mo rnams kyang sku mdog dkar ba'o/ /rdo rje'i rigs la kha dog sngon po/ pad+ma'i rigs kyi kha dog dmar po/ /nor bu'i rigs la kha dog ser po'o/ /
 lhag ma ni go sla bas bshad par mi bya'o/ /dum bu gnyis pa las gsungs pa'i rtog pa thams cad kun nas bsdus pa dang / rtog pa thams cad kun bsdus pa gnyis pa 'dra ba yin te/ bshad pa de nyid gzung bar bya'o/ /dum bu gsum pa'i gsang ba'i dkyil 'khor gyi cho gas rnal
 'byor pa ma grub na sgrub pa'i khyad par gyis myur du dngos grub sgrub par byed pa'i dpal rdo rje sems dpa'i gsang ba'i dkyil 'khor dum bu gnyis pa las gsungs pa'i gsang ba'i dkyil 'khor dang 'dra bar gsungs pa yin no/ /'di'i khyad par ni 'di yin te/ rdo rje sems dpa'i rdo rje las
 'di bskyed pa yin te/ rdo rje rin po che'i cod pan gyis lha mo rnams la dbang bskur ba'o/ /de nyid kyis spyan drangs te/ mnyam pa'i thal mo dril bcas mchod/ /rtsa ba'i dbyangs kyis rnam sad pas/ hUM gi glu ni bzlas pa yis/ /shin tu grub par 'gyur ba yin/ /zhes bya bas
 so/ /gzhan yang khyad par 'di yin te/ /g.yas dang g.yon pa'i brla dag gis/ /dril bu rab sad bzlas byas te/ /rtog pa thams cad rjes sad pas/ /dpal mchog dang po sogs 'grub 'gyur/ /zhes bya ba'o/ /de bzhin gshegs pa'i gsang ba'i dkyil 'khor
 yang dum bu gnyis pa'i de bzhin gshegs pa'i dkyil 'khor dang mtshungs te slar yang bshad par mi bya'o/ /rdo rje nyi ma me ltar 'bar ba'i cho ga yang dum bu gnyis pa'i dang po'i gsang ba'i dkyil 'khor dang 'dra'o/ /'dir khyad par ni 'di yin te yi ge his bcom ldan 'das dgod
 par bya'o/ /de'i rjes la dang po'i dmar po dang dkar pos te mda' 'dzin pa'i snying pos so/ /gnyis pa ni zla ba ltar dkar pos te kha T+wAM ga 'dzin ma'i snying pos so/ /gsum pa ni dkar ba dang ljang ba ste rdo rje khyab 'jug ma'i snying pos so/ /bzhi pa ni gser bzhin du dri ma med pa ste rdo rje dril
 bu ba dan ma'i snying pos dgod par bya'o/ /rtag tu chags pa las byung khro/ /rdo rje me yi phung po'i sku/ /'bar ba'i rdo rje rnal 'byor che/ /mkha' 'gro ma rnams kun du 'bar/ /zhes bya ba'o/ /de kho na nyid kyi rdo rje gzung ba'i sngags so/ /de'i rjes la cho ga thams cad rjes su spyad nas/ oM sum+b+ha
 ni sum+b+ha hUM/ gr-ih+Na gr-ih+Na hUM/ gr-ih+NA pa ya gr-ih+NA pa ya hUM phaT/ A na ya ho b+ha ga bA na/ badzra hUM phaT ces bya ba ni/ mnyam pa dril bcas gling bu sogs/ /rnam dben rol mo dkrol ba yis/ /yi ge hUM bzhi'i glu nyid ni/ /zur bzhi pa ni 'grub par 'gyur/ /zhes bya ba 'dir bzlas
 pa'i cho ga yin no/ /'phags pa spyan ras gzigs kyi dbang phyug gi gsang ba'i cho ga ni dum bu gnyis pa las gsungs pa kho na yin no/ /khyad par ni 'di yin te/ phyag g.yon pa la rang gi phyag mtshan pad+ma dang bcas pa'i pad+ma'i lha mo rnams so/ /'phags pa nam mkha'i snying po'i gsang
 ba'i cho ga yang dum bu gnyis pa las gsungs pa dang 'dra ba'o/ /dpal rdo rje sems dpa' ras ris kyi dkyil 'khor la gzhan yang sgrub pa'i khyad par 'di yin te/ oM sarba ta thA ga ta pA ra mi sam+b+ho d+hi tsit+ta u pa yA mi zhes bya ba la/ kun mchog dngos grub chen po yis/ /dbang phyug
 chen po lhag pa'i bdag / ces bya bas byang chub chen por sems bskyed do/ /'dir rdo rje thal mo kha sbyor gyi mchod pas slob ma thams cad gzhug pa'o/ /oM 'di ni sangs rgyas thams cad nyid/ /rdo rje 'chang gi rdo rje ste/ /rdo rje 'chang chen brtul zhugs ni/ khyod kyis kyang ni rtag tu gzung / /
 sa ma ya s+t+waM/ de bzhin gshegs pa thams cad kyi byang chub kyi mchog gi sems chen po ni 'di yin te 'di ma spangs par rtag tu gzung ba gsang ba 'di yin te/ dngos grub kyi phyir rdo rje brtul zhugs kyi sngags 'di yin no/ /bsdus pa'i dkyil 'khor yang dum bu gnyis pa las gsungs pa'i
 dkyil 'khor dang 'dra bas te slar yang bshad par mi bya'o/ /nye ba'i snying po'i phyag rgyas 'grub par 'gyur pas de bshad par bya ba'i phyir/ a nu rA ga ya mi zhes bya ba gsungs so/ /ji ltar phab pa'i ye shes rab tu bzhugs pa zhes bya ba la 'di ni dpal mchog dang po'i bcom ldan 'das
 rdo rje sems dpa' mchog gi de kho na nyid de/ mchog kyang yin la de kho na nyid kyang de yin pas mchog gi de kho na nyid de sku gsung thugs kyi rdo rje stong pa nyid do/ /de'i nges pa'i gsang ba'i shes pa ni de'i sgom pa'i phyag rgya dang de ston par byed pa'i sku'o/ /'di'i ming ston par bya ba'i phyir/ /bde
 ba chen po zhes bya ba la sogs pa gsungs pa ste/ bde ba chen po rdo rje don yod pa'i dam tshig ni bshad zin to/ /de ni mchog kyang yin la de kho na nyid kyang de nyid yin pas mchog gi de kho na nyid sngar bshad pa'o/ /de la dmigs pa dang de ston par byed pa gang yin pa de ni de'i ming can no/ /de yang rnal
 'byor pa rnams la rdo rje sems dpa'i byin gyis brlabs pa kho nas skye bar 'gyur ro/ /de ci'i phyir zhe na zhes bya ba la rgyu gang gi phyir sku gsung thugs kyi rdo rje'i nges pa'i shes pa la dmigs pa dang / de ston par byed pa'i phyag rgya dpal rdo rje sems dpa'i byin gyis brlabs pa 'bebs pa kho nas
 skye bar 'gyur gyi rgyu gzhan gyis ma yin no zhes bya ba rnam par rtog pa 'di yod pas de bsal ba'i phyir 'di lta ste zhes bya ba la sogs pa gsungs te/ gang gi phyir bcom ldan 'das rdo rje sems dpa'i dmigs pa med pa'i thugs rje chen po'i rang bzhin gyi mchog gi phyag rgya chen po la sogs pa'i
 sgom pa dang / de gsal bar byed pa'i lha mo rtag tu nges pa'i shes pa la zhugs pas na rtag tu thugs la gnas pa ste nges pa sku'i gzugs kyi rtag tu bzhugs pa'o zhes bya ba'i don to/ /de'i phyir rdo rje sems dpa'i byin gyis brlabs pa'i de kho nas de bskyed pa yin no/ /mchog ni
 dam pa'o/ /sku gsung thugs kyi rdo rje thams cad bshad zin te de rnams skyed par byed pa'i rgyur gyur pa'i lha mo rnams ni sku gsung thugs kyi rdo rje thams cad kyi byin gyis brlabs pa'i lha mo yin no/ /'das ma thag tu bshad pa de nyid kho na 'di ni las thams cad thog mar byas la las kyi tshogs
 kyi dngos grub thams cad myur du sgrub pa po rnams la ster ba yin no/ /'di'i sgrub pa bstan par bya ba'i phyir de la zhes bya ba la sogs pa gsungs te/ de la zhes bya ba'i sgra ni ngag nye bar dgod pa'o/ /'di zhes bya ba ni de ma thag par 'gyur ba'o/ /ji lta ba bzhin du bshad pa'i bcom ldan
 'das ma'i snying po'i phyag rgya 'di nyid kyi'o/ /thams cad kyi mchog ces bya ba la sogs pa ni bshad zin to/ /bcom ldan 'das ma'i thams cad kyi mchog gi dngos grub chen po dbang phyug chen po'i bdag po la sogs pa'i dngos grub thams cad kyi tshogs gang yin pa de rnams mi 'gyur mchog
 go/ /don yod pa ni thogs pa med pa'o/ /myur du ni mchog tu myur ba nyid do/ /mchog gi de kho na nyid ni bsgrub par bya ba thams cad rjes su chags pa'i rang bzhin can no/ /'dis sgrub par byed pas na sgrub pa ste de nyid cho ga rgyas pa'i khyad par te sgrub pa'i cho ga rgyas pa'i khyad par de lta bu yin no/ /
 de ltar rtog pa thams cad kyi gsang ba chen po'i dam tshig ni bsdus pa'i dkyil 'khor dang de sgom par byed pa ni rnal 'byor dam pas te/ gsang ba chen po yi dam tshig mchog gi rnal 'byor pa'o/ /de'i nye ba'i snying po'i phyag rgya'i sgrub pa'i khyad par 'di yin te/ bsgrub par bya ba yang yin la thams
 cad kyang de yin pas na bsgrub par bya ba thams cad de dam tshig dang chos dang las dang phyag rgya chen po'i rang bzhin rnams so/ /de rnams kyi rjes su chags pa ni phyag rgya chen po thams cad bsgom pa'o/ /ji skad du/ /phyag rgya chen po bsgom bya zhing / /dngos grub thams cad bsgrub par bya/ /zhes
 gsungs so/ /thams cad sgrub par byed pa'i rjes su chags par byed par 'gyur pa de dag gis mi 'gyur mchog ni grub par 'gyur te/ bsdus pa'i dkyil 'khor gyi rang bzhin rdo rje 'chang chen po rdzogs par 'gyur ro/ /ni'i sgra ni nges par gzung ba ste de dag kho nas 'grub par 'gyur ro/ /de ltar na
 phyag rgya thams cad kyi cho ga rgyas pa rnams su 'di dgos pa yin pas bsdus pa'i dkyil 'khor du gsungs pa las gzhan rigs lnga'i las kyi tshogs rnams su yang thams cad bsgrub pa'i rjes su chags pa dgos pa yin no/ /de ci'i phyir zhes bya ba la rgyu gang gis bsgrub bya thams cad la
 rjes su chags pas bcom ldan 'das ma 'di 'grub par 'gyur zhe na/ 'di lta ste zhes bya ba la sogs pa la gang gi phyir nges pa'i shes pa 'di dang / de ston par byed pa'i sgra rnams kyis rdo rje sems dpa' la sogs pa'i phyag rgya'i rang bzhin can gyi lha rnams rab tu 'grub par 'gyur ba de'i phyir
 nges pa'i shes rab rnams dang de ston par byed pa'i sgra'i dngos po rnams byed par gyur pa'i sku rnams kyis rab tu grub pa yin no/ /de rnams kyi phyag rgya chen po la sogs pa bcing ba gang gis sgrub pa yin zhe na/ bsgom pa'i rang bzhin can gyi phyag rgya'i sbyor ba rnams kyis so/ /rnal 'byor dam tshig
 sgrub pa pos/ /zhes bya ba la dam tshig ni sgrub pa ste dam tshig sgrub pa rnams so/ /byed par gyur pa'i dam tshig sgrub pa de dag gis rnal 'byor rnams grub par 'gyur te/ de'i phyir bcom ldan 'das ma 'dis bsgrub bya thams cad rjes su chags pas 'grub par 'gyur ro/ /da ni de nyid snying po
 la sogs pa'i rang bzhin nyid du bstan par bya ba'i phyir/ 'di nyid snying gar gnas pa'i phyir/ /zhes bya ba la sogs pa gsungs te/ nye ba'i snying po'i phyag rgya 'di nyid snying po nges pa'i shes par rtag tu 'bras bu'i tshul du gnas pa ni snying gar gnas pa'o/ /de'i dngos po ni de nyid de'i
 phyir snying po'o/ /dam tshig sgrub pa phyag rgya yi/ /zhes bya ba la rdo rje sems dpa' la sogs pa'i sku rdzogs pa ni dam tshig sgrub pa ste dam tshig sgrub pa'i rgyu de nyid kyi phyir 'di nyid phyag rgya zhes bya bar brjod pa yin no/ /ye shes sbyor ba'i rnal 'byor pa/ /zhes ba ba la rnal 'byor dang
 rjes su rnal 'byor dang shin tu rnal 'byor dang thams cad rnal 'byor gyi rang bzhin gyi bdag gang yin pa de ni 'di nyid yin no/ /rgyu gang gis she na ye shes sbyor ba zhes bya ste phyag rgya chen po la sogs pa'i ye shes kyi rnal 'byor gyi rang bzhin gyi phyag rgya 'di nyid nga yin no/ /thams cad
 sgrub pa'i phyir dam tshig go zhes bya ba la phyag rgya chen po la sogs pa bsgrub pa ni thams cad bsgrub pa ste rdzogs pa'o/ /phyag rgya chen po la sogs pa'i dngos grub rdzogs pa'i rgyu nyid kyi dam tshig bdag yin pa de ni 'di nyid yin no/ /snying po ni ji lta ba bzhin du bshad pa'i snying po dang phyag rgya ni phyag rgya
 chen po la sogs pa'i phyag rgya dang rnal 'byor ni rnam pa bzhi dang dam tshig ni rdo rje sems dpa' la sogs pa skyed par byed pa'i rgyu ste nye ba'i snying po'i phyag rgya 'di nyid yin no/ /snying po ni ji lta ba bzhin du bshad pa'o/ /phyag rgya ni phyag rgya chen po la sogs pa'i rang bzhin no/ /rnal 'byor ni
 rnam pa bzhi'o/ /dam tshig ni phyag rgya chen po la sogs pa'i dngos grub kyi rgyu ste nye ba'i snying po'i phyag rgya 'di nyid snying po dang phyag rgya dang rnal 'byor dang dam tshig rdzogs par byed pas na thams cad sgrub par byed pa'o/ /snying po la sogs pa'i rang bzhin can 'di nyid sgrub pa po'i rgyud la rdzogs par
 byed pa yin no/ /'di zhes bya ba la sogs pa ni go sla'o/ /'dis ni 'di ltar 'chad par 'gyur te/ nges pa'i shes pa skyed par byed pa'i bcom ldan 'das ma'i snying po ste de las byung ba'i shes pa la sogs pa ni nye bar brtags nas nye ba'i snying po zhes bya ba yin no/ /de nas de nyid lung bstan
 pa/ /zhes bya ba la rang bzhin ston pa ni lung ston pa'o/ /'dod chags dam tshig brjod pa ste/ /zhes bya ba la 'dod chags ni rdo rje sems dpa' ste/ de nyid de bzhin gshegs pa thams cad kyis kyang 'da' bar mi mdzad pas na dam tshig yin la de brjod pa ni bstan pa'o/ /chos 'dod yid kyis
 brnag pa'o/ /zhes bya ba la thog ma dang tha ma med pa'i chos kyi dbyings ni chos so/ /byang chub chen po'i mtshan nyid can gyi sems ni 'dod pa'o/ /chos kyang de yin la 'dod pa yang de yin pas na chos 'dod pa'o/ /dmigs pa med pa'i thugs rje chen po'i rang bzhin ni yid la brnag pa ste/
 gang gi phyir de bzhin gshegs pa thams cad kyi yun ring po nas don du gnyer ba'i sems can thams cad kyi don mdzad par mngon par zhen pas yongs su rdzogs par 'gyur ba'i phyir ro/ /'di'i rjes su sgrub pa ni rnal 'byor rnam pa bzhi'o/ /de sgom pa'i cho ga ni rjes su chags pa ste de brjod pa
 ni bstan pa yin no/ /ci'i phyir chos 'dod pa'i yid la brnag pa rjes su sgrub pa'i cho ga rjes su chags par brjod kyi chos 'dod pa kho na ci'i phyir ma yin zhe na/ byang chub sems ni bcom ldan 'das/ /'dod chags chen po de yi lha/ /zhes bya ba la gang gi phyir 'dod pa ni byang chub kyi sems kyi rang
 bzhin gyi bcom ldan 'das bdud bzhi bcom pas na bcom ldan 'das rdo rje sems dpar brjod pa yin no/ /de las byung ba'i bcom ldan 'das kyi phyag rgya chen po gang yin pa de ni lha yin no/ /'dis ni nges par 'byin pa'i shes rab kyi rang bzhin gyi bcom ldan 'das rjes su brjod la thabs kyi pha rol
 tu phyin pa'i rang bzhin can phyag rgya chen po la sogs pa'i phyag rgya nye ba'i snying po de nyid lha zhes brjod pa yin no/ /rjes su chags pa'i phyag rgya 'di las ji lta bu dang ldan pa yin zhe na/ 'di ni thams cad rjes su sgrub/ /ces bya ba la 'das ma thag tu bshad pa'i nye ba'i snying po'i phyag rgya ni bsgrub par bya
 ba thams cad sgrub par byed pa ste de'i phyir rjes su sgrub par byed pa 'di yin no/ /de ltar rnal 'byor pa rnam pa bzhi ston par byed pa'i rgyud bstan nas da ni phyi'i sbyor ba'i rgyud bstan par bya ba'i phyir/ de nas rdo rje 'chang zhes bya ba la sogs pa gsungs te de nas kyi sgra ni skabs su babs pa ste/
 sgom pa'i sbyor ba'i rgyud gsungs pa yin no zhes bya ba'i don to/ /rdo rje zhes bya ba la sogs pa la rdo rje ni bi li ka'o/ /rdo rje nor bu ni chu srin sen mo'o/ /dri ni pri ka'o/ /gur gum dang tsan+dan ni go sla ba ste cha mnyam pa'i rdzas de rnams kyis rdo rje rtse lnga pa byas te lag pas bzung nas yi ge hUM gis
 stong phrag brgyar mngon par bsngags la/ de dang de'i tshul gyis dpal rdo rje sems dpar gsungs pa'i las brgya po rnams des bsgrub par byas na bklags pa tsam gyis 'grub par 'gyur ro/ /ba li ka dang tsan+dan dkar po dang / tsan+dan dmar po dang / prika dang nor bu dang mu tig cha mnyam pa rnams
 kyis sman byas la snga ma bzhin du stong phrag brgya mngon par bsngags nas nor bu 'ching bar gzung bar byas te/ 'di yang tshul de dang des las brgya bsgrub par byas na bklags pa tsam gyis 'grub par 'gyur ro/ /tsan+dan dkar po dang / rgya spos dang / pri ka dang / ga bur dang / ba li/ ka
 cha mnyam pa rnams kyis rdo rje'i gnas byas la de nyid la de bzhin gshegs pa'i snying po 'bum bzlas par byas la de bzhin gshegs par gsungs pa'i las brgya bsam pa'i dbang gis phye mar byas pa tsam gyis 'grub par byed pa yin no/ /ba li ka dang / tu ruSh+ka dang tsan+dan dkar po dang /
 la cha dang / /bu ram cha mnyam pa dang ldan pa rnams la bcom ldan 'das rdo rje nyi ma me ltar 'bar ba'i snying po stong phrag brgya mngon par bsngags pa rnams kyi spos kyis rdo rje 'chang du gsungs pa'i las brgya bsgrub par bya'o/ /rdo dreg dngas rdza sa dang til rnams cha mnyam pa la gu gul bcug
 ste 'phags pa spyan ras gzigs dbang phyug gi sngags stong phrag brgya yongs su bzlas pa byas nas mar me spar bar bya ste/ mar me 'dis 'phags pa spyan ras gzigs dbang phyug tu gsungs pa'i las brgya bsgrub par bya'o/ /ba li ka dang / tsan+dan dkar po dang / gur gum dang / ga bur
 cha mnyam rnams kyis spos kyi sbyor ba byas la 'phags pa nam mkha'i snying po'i snying po lan 'bum yongs su bzlas pa byas na des bdag nyid la yang dag par byugs la spos gtul bar bya ste de ltar 'phags pa nam mkha'i snying pos gsungs pa'i las brgya bsgrub par bya ba yin no/ /dum
 bu gsum pa'i bshad pa rdzogs so/ / //dum bu bzhi pa la yang rdo rje sems dpa'i dkyil 'khor chen po ni dum bu gsum pa las gsungs pa'i rdo rje sems dpa'i dkyil 'khor chen po dang thams cad 'dra ba yin no/ /'dir khyad par ni 'di yin te sna tshogs pa'i gos kyis g.yogs
 par gyur pa'i slob dpon gyis rdo rje mchod pa'i thal mo sbyar ro/ /slob ma thams cad gzhug par bya/ /zhes bya ba'o/ /de bzhin gshegs pa rang rdo rje nyi ma me ltar 'bar ba dang / 'phags pa spyan ras gzigs dbang phyug dang / 'phags pa nam mkha'i snying po dang ming po gsum dang
 sring mo bzhi dang / klu dang sdug bsngal las gdon pa'i dkyil 'khor rnams kyang dum bu gnyis pa las gsungs pa'i dkyil 'khor rnams dang 'dra ba yin no/ /'dir khyad par ni 'di yin te thig skud bdun pa'i bar mtshams kyi phyi rol gyi mtshams rnams su ming po gsum dang sring mo bzhi dang / klu
 dang sdug bsngal las gdon pa'i dkyil 'khor snga ma'i rjes su 'brangs nas bri bar bya'o/ /bsdus pa'i dkyil 'khor yang dum bu gnyis pa las gsungs pa'i dkyil 'khor dang 'dra ba'o/ /dpal rdo rje sems dpa'i gsang ba'i dkyil 'khor dang 'dra ba ste/ 'dir khyad par ni 'di yin te/
 oM nam mkha' skye ba mtshan ldan phyir/ /thog ma tha ma med pa'i mchog /ces bya ba la sogs pa'i de kho na nyid kyi glus spyan drang ba dang lha mo rnams kyang 'dir rdo rje rin po ches dbang bskur bas mtshan pa'o/ /de bzhin gshegs pa dang rdo rje nyi ma me ltar 'bar ba dang 'phags pa spyan ras gzigs
 dbang phyug dang / 'phags pa nam mkha'i snying po'i gsang ba'i dkyil 'khor rnams kyang dum bu gnyis pa las gsungs pa'i gsang ba'i dkyil 'khor dang 'dra'o zhes bya ba'o/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las dpal mchog dang po'i
 dum bu bzhi pa'i bshad pa rdzogs so/ / //yang 'di smras pa/ byang chub sems kyi phyag rgya che/ /lus can kun gyis thob pa'i phyir/ /'jig rten snang byed dge ba yi/ /dum bu dang po gsungs pa yin/ /sbyin pa'i pha rol phyin phyag rgya/ /dam tshig ces grags rtag tu dge /bsam pa
 thams cad yongs rdzogs pa/ /dum bu gnyis pa gsungs pa yin/ /shes rab pha rol phyin chos kyi/ /phyag rgya kun 'gro rtag pa ste/ /ltas ngan thams cad 'jig byed pa'i/ /dum bu gsum pa gsungs pa yin/ /brtson 'grus pha rol phyin las kyi/ /phyag rgya kun yang
 yang dag gnas/ /blo ldan rdo rje sems dpa' yis/ /bsam mi khyab pa bzhi par gsungs/ /lha yi dbang po'i gnas dang mtshungs/ /rgyal po mu rgya'i gnas kyis mdzes/ /sngags zhes rin chen tshogs pa'i sa/ /sna tshogs brtsegs pa nyams dga'i ri/ /der gnas
 dpal ldan phyogs dang po/ /shes rab pha rol phyin 'byung ba/ /bshad pa bdag gis byas pa las/ /dge ba bsags pa gang yin des/ /sangs rgyas kun gyi kun dga' che/ /snying po khyab bdag bsam mi khyab/ /de yis 'jig rten ma lus pa/ /rdo rje 'chang chen rgyal
 gyur cig/ /lus can kun gyis rgyal ba yi/ /ye shes thob phyir gzhung gi grangs/ /'di yi tshad du bshad pa ni/ /stong phrag nyi shu rtsa bzhi yin/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba slob dpon kun dga' snying pos mdzad pa rdzogs so// //
 gug ge'i yul gyi dbus byang chub sems dpa'i thugs dam sa'i snying po dpal dpe med lhun gyis grub pa'i gtsug lag khang du rgya gar gyi mkhan po chen po man+t+ra ka la sha dang / sgra bsgyur gyi lo tsA ba chen po bod kyi dpal lha btsan po byang chub sems dpa'i gdung rgyud lha bla ma dge slong zhi ba
 'od kyi zhal snga nas bsgyur zhing gtan la phab pa'o/ /sngon gyi smon lam thugs rje'i dbang gis ni/ /lha rigs byang chub sems dpa'i sprul pa ni/ /sa stengs rgyal ba'i rgyal por sku 'khrungs pa/ /bla ma byang chub sems dpa'i ye shes 'od/ /mnga' ris stod 'di gdul ba'i don du
 byung / /gsang sngags spyod pa'i chos lugs kun nyams dang / /dkyil 'khor sbyin sreg cho ga nub gyur pas/ /dkyil 'khor cho ga pad+ma stong ldan te/ /de bzhin sbyin sreg shag ti shug tis byed/ /gzhan yang gsang sngags sbas don nub gyur cing / /sbyor sgrol dang ni tshogs
 la sogs pas bslad/ /'di rnams don nges btsal phyir bkas gnyer te/ /lo tsA rin chen bzang po kha cher brdzangs/ /shrad+d+ha ka ra zhes bya spyan drangs nas/ /sgron gsal spyod pa bsdus pa'i sgron ma sogs/ /bsgyur cing bshad nas sngags log gzhung bsal zhing / /sngon
 gyi mkhas pa chen po'i lugs la btsud/ /de bzhin dkyil 'khor sbyin sreg cho ga dang / /sgom sgrub la sogs bye brag sna tshogs pa'i/ /skyon med gzhung lugs kun la 'gro kun sbyar/ /skal ldan rnams la dbang sogs rim bzhin stsal/ /deng sang bar du sngags kyi gzhung
 dar ba/ /lo tsA skyes mchog de yi drin yin grang / /shrad+d+ha ka ra zhes bya'i mkhas pa dang / /rin chen sgron 'dra rin chen bzang po yis/ /rnal 'byor rgyud don tshul bzhin bshad mod kyis/ /de yi gdams ngag nub par gyur pa nas/ /rnal 'byor rgyud kyi ji bzhin don ma rtogs/ /yang
 dag don la nor pa'i dri mas bslad/ /'khrul pa de dag bsal bar bya ba'i phyir/ /rgyal sa'i dam pa gug ge'i yul dbus kyi/ /thugs dam sa yi snying po tho ling du/ /bla ma zhi ba 'od kyi zham ring la/ /rig pa'i 'byung gnas grong khyer dpe med kyi/ /rje'u rigs mchog gi nang du sku 'khrungs pa/ /
 thos pa mang zhing mkhyen par ldan pa yi/ /mkhas pa mchog gyur sngags kyi bum pa la/ /gsol ba btab nas bdag gis bsgyur ba las/ /sgra don tha snyad la mkhas byung gyur na/ /tshig don brtags nas rigs pas bcos par gyis/ /sgra yi bstan bcos mtha' dag ma bslabs shing / /
 bod kyi tha snyad kun la ma byang bas/ /rgya gar skad tsam nyi tshe shes gyur kyang / /nga rgyal 'ba' zhig tsam gyis bcos mi bya/ /don 'di rnam par phye ba'i bsod nams kyis/ /'khor ba'i khongs chud 'gro ba rigs lnga po/ /rnal 'byor lnga bsgoms las lnga mthar phyin nas/ /ye shes
 lnga rdzogs rigs lnga'i sku thob shog/ [ ]@##/ /rgya gar skad du/ mA yA dzA la ma hA tan+t+ra rA dza TI kA khya/ bod skad du/ rgyud kyi rgyal po chen po sgyu 'phrul dra ba'i rgya cher bshad pa/ bcom ldan 'das ngag gi dbang phyug la phyag 'tshal lo/ /rdzogs