<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
D2512: dpal mchog dang po'i rgya cher bshad pa<br><table><tr><td>
<input type="button" onclick="location.href='tcompletep.php?id=D2512&coll=TD&volcur=1';" value="show page break" />
<td width=150><td>
<input type="button" onclick="location.href='tcompletel.php?id=D2512&coll=TD&volcur=1';" value="show line break" />

<td width=150><td>
<a href="tcompleteu.php?coll=TD&id=D2512&volcur=1" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 3 volumes<br><br><a href="tcomplete.php?id=D2512&coll=TD&volcur=0">volume 1  (rgyud (si))</a> - <span style="color:red;border: 2px solid red;border-radius: 5px;padding:3px;">volume 2 (rgyud (hi))</span> - <a href="tcomplete.php?id=D2512&coll=TD&volcur=2">volume 3  (rgyud (i))</a> - <br><br>/de ltar shes rab kyi pha rol tu phyin pa'i dum bur/ bcom ldan 'das rdo rje 'chang chen po dpal mchog dang po kun gzhi rnam par shes pa'i gnyen po/ /byang chub
 kyi sems phyag rgya chen po'i ngo bos thams cad du khyab par bstan nas/ da ni dum bu gnyis pa rtsa ba'i rgyud du rdo rje 'chang chen po dpal mchog dang po/ /nyon mongs pa can gyi yid kyi gnyen
 po nam mkha' dang mnyam pa nyid kyi ye shes kyi ngo bo chos thams cad kyi mtshan nyid la mngon par zhen pa dang bral ba'i ngo bo nyid kyis sbyin pa'i pha rol tu phyin pa dang / dam tshig gi phyag
 rgya'i mtshan nyid can gang yin pa de gdul bya rnams kyis mngon du bya ba'i phyir/ de nas zhes bya ba la sogs pa gsungs te/ de nas zhes bya ba'i sgra ni snga ma bzhin te bcom ldan
 'das 'dod pa'i khams thams cad kyi/ gzhan 'phrul dbang byed kyi lha'i rgyal po'i gzhal yas khang na/ lag na rdo rje la sogs pa'i byang chub sems dpa' rnams kyis yongs su bskor te
 bzhugs pa na/ de'i rjes thogs nyid la shes rab kyi pha rol tu phyin pa'i sgo 'di gsungs pa yin no/ /bcom ldan 'das zhes bya ba la sogs pa ni bshad zin to/ /de bzhin gshegs pa yang yin la
 thams cad kyang yin pas de bzhin gshegs pa thams cad de/ 'jig rten gyi khams thams cad kyi rdul phra rab dang mnyam pa'i sangs rgyas dang / byang chub sems dpa' rnam par smin pa'i sku'i rang bzhin can thams cad do/ /
 de rnams kyi gsang ba'i chos nyid ni dkyil 'khor la sogs pa'i de kho na nyid bcu'i nges pa mkhyen pa ste/ de brnyes pas de bzhin gshegs pa thams cad kyi gsang ba'i chos nyid brnyes pa zhes bya'o/ /chos thams cad spros pa med
 pa zhes bya ba ni/ sangs rgyas rnams kyi rnam par smin pa'i sku'i mnyam pa nyid kyi ye shes nyon mongs pa can dang bral ba dang / chos thams cad mtshan ma med pa'i rnam par thar pa'i sgo ste/ de rnams la spros pa 'di
 yod pa ma yin pas spros pa med pa ste/ rtog pa thams cad dang bral ba'i sbyin pa'i pha rol tu phyin pa'i ngo bo nyid ces bya ba'i tha tshig go/ /yang zhes bya ba ni dum bu dang po shes rab kyi pha rol tu phyin pa bstan pa la ltos nas yang zhes bya
 ba'i sgra smos pa yin te/ yang shes rab kyi pha rol tu phyin pa 'di gsungs so zhes bya bar sbyar ro/ /'di zhes bya ba ni/ blo la gnas pa ste/ 'og nas bshad pa'i bde ba chen po zhes bya ba la sogs pa gsungs pa'o/ /bde ba yang yin la chen po yang yin pas na bde ba chen po
 ste/ sbyin pa'i pha rol tu phyin pa'i ngo bo nyid nam mkha' dang mnyam pa nyid kyi ye shes te/ mi 'gyur bde ba kun grub pas/ /bde ba chen po zhes bshad do/ /zhes gsungs pa yin no/ /de nyid gzung ba dang 'dzin pa'i rnam par rtog pa rnams kyis mi shigs pas na rdo rje'o/ /de
 nyid ni dkyil 'khor la sogs pa'i rgyur gyur pas na dam tshig ste/ de las dkyil 'khor la sogs pa nges par 'byung ba'i phyir te/ de skad ces bya ba gsungs pa'o/ /de ji lta bu zhe na/ don yod zhes bya ba la sogs pa gsungs te/ don yod pa ni 'bras bu yod pa'o/ /rdo rje chos
 nyid ni rgyu'o/ /don yod pa yang yin la rdo rje chos nyid kyang yin pas na rdo rje chos nyid de/ dkyil 'khor la sogs pa'i de kho na nyid nges par rdzogs zhes bya ba'i tha tshig go/ /de yang ji lta bu zhe na/ shes rab kyi pha rol tu phyin pa zhes bya ba la sogs pa gsungs te/ 'dir
 shes rab kyi pha rol tu phyin pa ni nam mkha' dang mnyam pa nyid kyi ye shes so/ /de'i sgo ni 'jug pa'i thabs te thos pa dang bsam pa dang bsgom pa'i rang bzhin can gyi ye shes gang gis rtogs shing mngon sum du byed pa de la de skad ces bya'o/ /de yang ji lta bu zhe na/ dpal mchog
 dang po zhes bya ba gsungs te/ mchog ni phul du byung ba'o/ /dang po ni bskal pa bzang po la sogs pa thog mar gnas pa'o/ /mchog kyang yin la dang po yang yin pas na mchog dang po'o/ /'di nyid gsungs pa ni/ thog ma tha ma med ces bya ba yin te/ de la dang po ni thog mar
 byung ba'o/ /tha ma ni dus tshigs med pa can gyis 'jig pa'o/ /gang la thog ma dang tha ma med pa de ni thog ma dang tha ma med pa ste/ mnyam pa nyid kyi ye shes kyi ngo bo chos kyi dbyings so/ /dbus mchog ces bya ba dbus kyang yin la/ mchog kyang yin pas na dbus mchog ste/ dngos
 po dang dngos po med par rtag pa dang bral ba nam mkha' dang mnyam pa nyid kyi ye shes yin no zhes ston to/ /gsungs zhes bya ba ni bka' stsal pa'o/ /'di skad ston te/ bcom ldan 'das rnam par snang mdzad thog ma dang tha ma med pa'i nam mkha' dang mnyam pa'i ye
 shes mngon du byed pa'i rgyur gyur pa dang / sku de thob pa'i rgyur gyur pa'i shes rab kyi pha rol tu phyin pa'i sgo ston par mdzad pa'o/ /byang chub sems dpa' chen po rnams kyi 'dod chags chen po'i dngos grub ces bya ba la sogs pa la 'dod chags kyang yin la chen po yang yin pas na/ 'dod
 chags chen po ste/ chos bdag med pa la chags pa dang / de'i rgyu mthun pa las byung ba'i rdo rje sems dpa'i sku'o/ /de yang / 'dod chags chen po bcom ldan 'das/ /dngos grub kun la rjes su dgyes/ /rdo rje sems dpa'i phyag rgya 'di/ /'od zer dmar po sna tshogs 'bar/ /zhes
 gsungs pa yin no/ /de'i dngos grub kyi mchog ni 'dod chags chen po'i dngos grub kyi mchog ste/ dpal rdo rje sems dpa'i dngos grub dang / de'i rigs kyi dngos grub ni 'dod chags chen po'i dngos grub bo/ /byang chub chen po'i rang bzhin gyi sems dpa' ni sems dpa' chen po ste/ mi
 bskyod pa'i rang bzhin can gyi sems dang sems las byung ba rnams so/ /de rnams kyis phyag rgya chen po la sogs pa'i rang bzhin can gyi dngos grub gdul bya'i skye bo rnams kyi rgyud la phyag rgya chen po la sogs pa bskyed pa gang yin pa de ni bde ba chen po'i dngos grub kyi mchog dam pa la 'jug
 par 'gyur te/ rgyu'i ngo bor zhal gyis bzhes par mdzad pa'o/ /bde ba chen po bshad zin to/ /der rdzogs pa ni bde ba chen po'i dngos grub kyi mchog grub pa'o/ /'di skad ston te/ rdo rje sems dpa'i phyag rgya chen po'i dngos grub dam pa ni/ rdo rje sems dpa'i gzugs brnyan dang
 mtshungs par bsgom pa'i dngos grub des gnyis su med pa'i ye shes kyi ngo bo bde ba chen po'i ngo bor gdul bya rnams gyur pa'o/ /'dis ni rdo rje sems dpa'i dkyil 'khor ston to/ /bde ba chen po'i dngos grub dam pa zhes bya ba la bde ba chen po ni gnyis su med pa'i ye shes te/ de rdzogs
 shing rtogs pa ni byang chub sems dpa' chen po rnams kyi bde ba chen po'i dngos grub dam pa zhes bya ste/ bla na med pa yang dag par rdzogs pa'i byang chub kyi rang bzhin can gyi sems dang sems las byung ba gang yin pa de la bde ba chen po'i dngos grub kyi dam pa zhes bya'i nyan thos dang / rang byang chub
 kyi rang bzhin ni ma yin no/ /byang chub sems dpa' chen po rnams kyis de bzhin gshegs pa thams cad kyi byang chub chen po ni/ de bzhin gshegs pa thams cad kyi byang chub chen po dang / byang chub chen po'i rgyur gyur pa ste/ byang chub chen po'i dkyil 'khor ro/ /de'i dngos grub kyi
 mchog ni de bzhin gshegs pa'i phyag rgya chen po la sogs par rdzogs par 'gyur ba ste/ de'i don du 'jug pa zhes bya ba ni/ bla na med pa yang dag par rdzogs pa'i byang chub kyi rang bzhin dmigs pa med pa'i snying rje chen po'i ngo bo'i sems dang sems las byung ba mkhyen nas/ cha mnyam
 pa la spyod pa'i sems can rjes su gzung ba'i phyir/ de bzhin gshegs pa'i dkyil 'khor la sogs pa bskyed par mdzad la/ des kyang gdul bya rnams de bzhin gshegs pa'i phyag rgya chen po la sogs pa'i dngos grub tu 'gyur ro zhes bya ba ste/ 'dis ni de bzhin gshegs pa'i
 dkyil 'khor gyi dngos grub ston to/ /byang chub sems dpa' chen po de bzhin gshegs pa thams cad kyi byang chub chen po'i dngos grub kyi dam pa ni bshad zin to/ /de bdud chen po'i stobs thams cad rab tu 'joms pa'i dngos grub kyi dam pa la 'jug pa ni/ bdud chen po yang yin
 la thams cad kyang yin pas na bdud chen po thams cad de/ mtho ris dang thar pa'i dge ba'i srog gi bar du gcod par byed pa drag po la sogs pa 'khor dang bcas pa'o/ /de rnams rab tu 'joms pa ni rdo rje rigs kyis de gzhom pa la sogs pa la 'jug pa skrag par mdzad nas/ gdug
 cing gtum pa nyid las bzlog pa'o/ /de'i dngos grub kyi mchog ni phyag rgya chen po la sogs pa rdzogs pa'o/ /'di skad ston te gang gi tshe sems can gdug cing gtum pa rnams kyi don du de bzhin gshegs pa'i rang gi ngo bo zhi ba'i tshul gyis mdzad par mi spyod pa de'i tshe/ rdo rje'i rigs sprul
 nas des gdug cing gtum pa rnams skrag par mdzad de/ sdig pa las bzlog nas rdo rje rigs kyi phyag rgya chen po la sogs pa'i dngos grub bskyed par mdzad pa ste/ 'dis ni rdo rje rigs kyi dkyil 'khor gyi don bstan to/ /bdud thams cad rab tu 'joms pa'i dngos
 grub kyi mchog ni bshad zin to/ /de ni byang chub sems dpa' chen po rnams kyi khams gsum ma lus pa'i bdag po'i dngos grub la 'jug par gyur pa ni phyogs bcu na 'dod pa dang gzugs dang gzugs med pa'i khams kyi ngo bor gnas pa ni khams gsum ma lus pa ste khams
 gsum thams cad do/ /der bdag por gyur pa ni khams gsum pa na spyod pa'i nyon mongs pa bag chags dang bcas pa spong ba rang dbang du gyur pa'o/ /de'i dngos grub kyi mchog ni 'gro ba thams cad 'dul ba'i ting nge 'dzin brnyes pa'o/ /'dis ni don 'di skad ston te/ gang gi
 tshe sems can gdug cing gtum par ma gyur pa de rnams kyi don rdo rje rigs kyi tshul gyis mdzad par mi spyod pa de'i tshe/ rang bzhin gyis dag pa'i ting nge 'dzin gyis de rnams la yang dag pa'i lam legs par ston par mdzad la/ de las de rnams 'gro ba 'dul ba'i phyag rgya chen po la
 sogs pa'i dngos grub bsgrubs par gyur pa ste/ 'di ni 'phags pa spyan ras gzigs dbang phyug gi dkyil 'khor gyi don bstan pa yin no/ /byang chub sems dpa' chen po'i khams gsum ma lus pa'i bdag po'i dngos grub kyi mchog ni bshad zin to/ /ma lus shing lus pa
 med pa'i bde ba chen po'i dngos grub kyi mchog la 'jug par 'gyur ro zhes bya ba la/ sems can gyi khams ma lus shing lus pa med pa zhes bya ba ni bshad zin to/ /de rnam par sbyong ba ni sgrib pa thams cad sbyangs pa ste/ nyon mongs pa'i sgrib pa dang / chos kyi sgrib pa dang / las kyi
 sgrib pa spangs pas yang dag par sbyangs pa'o/ /de'i don du 'jug pa ni mngon par 'dod pa'o/ /de'i rdzogs pa'i rgyu'i rgyur gyur pa de la 'jug pa ji skad bshad pa'i dngos grub kyi mchog la 'jug pa ste/ de ji skad bshad pa'i dngos grub sems can gyi khams sbyong ba la brtson zhing skyed
 par mdzad pa'i rgyu'i ngo bor gyur pa'o zhes bya ba'i tha tshig go/ /ji lta bu'i byang chub sems dpa' chen po rnams kyi zhe na/ rtag tu 'khor bar 'jug pa rnams kyi zhes bya ba ste/ skad cig re re zhing sems can rnams rnam par sbyang bar bya ba'i phyir/ 'khor ba mtha' med par
 yongs su mi 'dor ba'i thugs dang ldan pa rnams kyi'o/ /brtson 'grus chen po rnams kyis zhes bya ba la/ brtson 'grus ni dge ba'i chos la mngon par spro ba'i brtson pa chen po gang la mnga' ba de ni brtson pa chen po ste/ brtson 'grus chen po dang ldan pa de rnams kyis 'khor ba ji
 srid par khams gsum pa'i rgya mtsho chen po las sems can rnams sgrol ba la sbyor bar mdzad do zhes bya ba'i tha tshig go/ /sems can gyi khams ma lus shing lus pa med pa rnams yongs su skyob pa zhes bya ba ni kun nas yongs su skyob par mdzad pa ste/ phyogs bcu'i sems can
 gyi khams ma lus pa dmyal ba la sogs pa'i 'jigs pa las bzlog cing thar bar mdzad pa'o/ /phan pa thams cad ni ma 'ongs pa'i dus na rnam par smin pa bde bar gyur pa'i las so/ /bde ba thams cad ni lus 'di nyid kyis bde ba myong ba dang / bsam gtan las byung
 ba'i yid kyi bde ba'o/ /ji skad du bshad pa'i phan pa dang bde ba thams cad kyis yongs su skyob pa ni/ phan pa dang bde ba thams cad kyis yongs su skyob pa ste/ des sems can gyi khams mchog tu bstan cing bde ba la rab tu sbyor ba'o/ /de gang zhe na/ bde ba chen po'i
 dngos grub ste/ sangs rgyas nyid dang rdo rje 'chang ba nyid thob pa'o/ /de'i don du 'jug pa ni ji skad du bshad pa grub pa'o/ /'di skad ston te/ gang gi tshe gdul bya'i sems can gyi khams brtson 'grus zhan pa rnams 'jig rten dbang phyug gis rang bzhin gyis dag pa'i ting nge 'dzin
 la 'jog par mi nus pa de'i tshe/ thugs rje chen po'i gzhan gyi dbang gis phyi ma'i mtha' med pa'i 'khor bar gdul bya'i sems can gyi khams bya ba grub pa'i ye shes kyis sangs rgyas nyid dang / rdo rje 'chang ba nyid la nges par sbyor ba ste/ 'dis ni nam mkha'i snying po'i dkyil
 'khor gyi don bstan pa yin no/ /de ci'i phyir zhe na zhes bya ba ni rgyu gang gi phyir te/ gdul bya'i sems can gyi khams le lo can gdul ba la rab tu sbyor ba'i phyir rnal 'byor pa thugs rje chen po'i gzhan gyi dbang gis 'khor ba phyi ma'i mtha' med par gnas
 par byed do zhes bstan par bya ba'i phyir/ ji srid ces bya ba la sogs pa gsungs te/ 'khor bas na 'khor ba ste/ sems can gyi 'jig rten dang / de'i gnas snod kyi 'jig rten no/ /der gnas pas na 'dug par gyur pa'i tshe ste 'dug par gyur pa ni gnas par mdzad
 pa ste/ mi gnas pa'i mya ngan las 'das pa'i tshul gyis so/ /'dug par gyur pa de yang su zhig yin zhe na/ mkhas mchog ces bya ba smos te/ mkhas pa ni gzi can te/ shes rab kyi pha rol tu phyin pa dang / thabs kyi mes nyon mongs pa bag chags dang bcas pa'i bud
 shing nges par sreg par mdzad pa ste/ rdo rje 'chang chen po la sogs pa'i byang chub sems dpa' chen po rnams so/ /mchog ni dam pa'o/ /de srid mtshungs med sems can don/ /zhes bya ba ni/ gdul bya rnams skal ba ji lta ba bzhin du mtshungs pa med cing / nyan thos
 dang / rang sangs rgyas dang / 'jig rten pa'i lha rnams la sogs pa dang 'dra zhing mnyam pa ma yin pa'i sems can gyi dgos pa'i don mya ngan las mi 'da' zhing phung po lhag ma med pa'i mya ngan las 'das pas/ mya ngan las mi 'da' bar don byed cing rdzogs par nus shing
 spyod par 'gyur ro zhes bya ba'i don to/ /de bas na 'khor ba'i gnas su mkhas pa'i mchog de rnams 'dug par 'gyur ba yin no/ /bag chags dang bcas pa'i nyon mongs pa'i bud shing bsregs par gyur kyang ji ltar 'khor bar gnas par 'gyur zhe na/ shes rab ces bya ba la
 sogs pa smos te/ shes rab kyi pha rol tu phyin pa ni bshad zin to/ /phyag rgya chen po la sogs pa'i ngo bo gzugs brnyan dang 'dra ba dang / rmi lam dang 'dra ba dang / sprul pa dang 'dra ba la sogs pa nye bar gzung ba ni thabs te shes rab kyi pha rol tu phyin pa dang / thabs ni shes
 rab kyi pha rol tu phyin pa'i thabs so/ /de'i ye shes ni rtogs pa'o/ /deng byin gyis brlabs pa ni snga ma'i 'phen shugs te/ dmigs pa med pa'i snying rje chen po thugs rje zhes bya ba'i tha tshig go/ /des sgrub pa ni bskyed pa ste/ mi gnas pa'i mya ngan las 'das pa grub pa bsgrubs so
 zhes bstan pa yin no/ /ci 'khor ba'i nyes pa des gos par mi 'gyur ram zhe na/ chos kun zhes bya ba la sogs pa gsungs te/ chos kyang yin la kun kyang yin pas na chos kun te/ byang chub kyi sems dang sbyin pa'i pha rol tu phyin pa dang / shes rab kyi pha rol tu phyin pa dang /
 brtson 'grus kyi pha rol tu phyin pa'i ngo bo de rnams kyi rnam par dag pa ni gnyis dang bral ba nyid de/ chos thams cad rnam par dag pa rgyur gyur pa des so/ /ni zhes bya ba ni nges par gzung ba ste/ chos thams cad rnam par dag pa'i phyir zhes bya ba'i don to/ /dngos rnams dag par
 'gyur ba yin/ /zhes bya ba la srid pa ni 'khor ba ste/ de dag ni srid pa'i nyes pa dang bral ba'o/ /'khor ba srid du zhes bya ba ni 'khor ba ji srid gnas par ro/ /ni'i sgra ni gang gi phyir zhes bya ba'i don de gang gi phyir mkhas pa'i mchog de rnams chos thams cad
 rnam par dag pas srid pa rnam par dag par byed par 'gyur ro/ /de bas na 'khor ba'i nyes pa dang bral ba yin no/ /ji ltar na de rnams 'khor ba'i chags pa dang bral bzhin du 'khor bar bzhugs par mdzad ce na/ chags las zhes bya ba la sogs pa smos te/ 'dod
 chags ni rdo rje sems dpa'o/ /sogs pa'i sgras ni de bzhin gshegs pa dang / rdo rje dang / pad+ma dang / nor bu'i rigs rnams bsdu'o/ /'dod chags la sogs pa gang yin pa de ni chags pa la sogs pa ste/ de nyid kyis 'dul bas na chags pa la sogs pas 'dul ba'i
 'jig rten sems can khams rnams so/ /'dis sems can gyi khams rnams 'dul bas na 'dul ba ste/ sangs rgyas nyid dang rdo rje 'dzin pa nyid la rab tu 'jog pa'o/ /ci'i phyir 'jig rten rnams chags pa la sogs pas 'dul zhe na/ 'jig rten sdig byed la
 zhes bya ba la sogs pa smos te/ 'khor ba thog ma dang tha ma'i mtha' med/ /'dod pa'i srid pa la sogs pa'i rang bzhin can gyi srid pas na 'khor ba yin la/ de bas na 'khor ba thog ma dang tha ma med pa nas srid pa rgyu ba'i tshe rtag tu bud med bsten pa la sogs
 pa'i sdig pa byed pa'i 'jig rten de rnams sbyang bar bya ba'i phyir/ 'khor ba srid du bdag nyid 'dul/ /zhes bya ba yin te/ 'dod pa dang gzugs dang gzugs med pa'i srid pa rnams na rtag tu bud med la sogs pa'i yul bsten cing mngon par zhen pa'i sdig pa la 'jug pa
 rnams bzlog cing sbyang bar bya ba'i don du'o/ /ni zhes bya ba ni nges par gzung ba ste/ de rnams sbyang bar bya ba'i don nyid du zhes bya ba'i don to/ /'dul ba ni mi gnas pa'i mya ngan las 'das pa'i ngo bor byed pa'o/ /'khor ba srid du zhes bya ba ni 'khor ba phyi ma'i mtha' med pa'i
 bar du'o/ /bdag nyid ces bya ba ni rang gis te mi dmigs pa'i snying rje chen po'i ngo bo nyid byed pa por 'gyur bas mi gnas pa'i mya ngan las 'das pa'i rang bzhin can gyi las kyi ngo bo nyid bdag nyid byed do zhes bya ba'i tha tshig go/ /'dis ni don 'di skad ston te/ gang gi phyir rdo rje sems
 dpa' la sogs pa'i sgeg pa dang / zhi ba dang / drag po dang / dpa' bo la sogs pa'i nyams kyis 'dul ba'i sems can rnams yod la/ de rnams gdul bar bya ba'i phyir mkhas mchog de rnams bdag nyid rdo rje sems dpa' la sogs pa'i tshul gyis 'khor ba ji srid par
 mi gnas pa'i mya ngan las 'das pa'i ngo bo nyid du byed do zhes bya ba'i don to/ /gal te de rnams sems can gdul bya'i phyir 'khor ba ji srid par gnas na 'khor ba'i nyes pa 'dod chags la sogs pas ji ltar gos par mi 'gyur zhe na/ ji ltar zhes bya ba la
 sogs pa smos te ji ltar pad+ma ni rang gi ngo bo nyid kyi kha dog dmar pos nan tan du dmar bas na rab tu dmar ba'o/ /yang zhes bya ba ni kyang zhes bya ba'i don to/ /rab tu dmar ba yang ngo / /tshon gyis nyes pa zhes bya ba ni zhen pa'i nyes pa ni tshon gyis nyes pa ste/ rdzas
 gzhan dang 'dres pa'i nyes pa la sogs pa yongs su mi 'dor ba ste/ de ni 'dod chags la sogs pa'i nyes pas gos par mi 'gyur ro/ /de yang tshon yod pa'i ljan ljin la sogs pa'i dri mas gos shing 'bags par mi 'gyur ro zhes bya ba'i tha tshig go/ /de bzhin gnas kyi
 nyes pa yis/ /'gro phan rnams la mi gos so/ /zhes bya ba la gnas ni khams gsum pa ste/ mi gnas pa'i mya ngan 'das pa'i srid pa'i ngo bo nyid kyis gnas pa'o/ /de'i nyes pa ni 'dod chags la sogs pa'o/ /des ma gos pa ni gos par mi 'gyur ro/ /rtag tu zhes
 bya ba ni rgyun du'o/ /'gro phan rnams la zhes bya ba ni sems can gyi khams thams cad la phan pa thams cad rdzogs par byed pa'i sems dang ldan pa'o/ /'di skad ston te ji ltar pad+ma shin tu dmar zhing chu las skyes su zin kyang / chu'i 'dam la sogs pa chu'i nyes pas gos shing
 'dre bar mi 'gyur ro/ /de bzhin du sems can thams cad smin cing grol bar byed pa'i 'dod chags kyi chags pa'i byang chub sems dpa' rnams 'khor bar skyes su zin kyang 'dod chags la sogs pa'i 'khor ba'i nyes pa rnams kyis gos par mi 'gyur ro/ /yang ji ltar na
 sems can smin cing grol ba'i 'dod chags kyis chags pa'i byang chub sems dpa' rnams 'khor bar gnas pa na 'khor ba'i nyes pas ji ltar gos par mi 'gyur te/ 'dod chags la zhen pa'i sems can gzhan dag dang 'dra bar gos pa kho nar 'gyur ro zhes rtog cing 'di
 snyam du sems pa de bsal bar bya ba'i phyir/ 'dod chags chen po rnam par dag /ces gsungs te/ 'dod chags chen po ni snying rje chen po'o/ /des rnam par dag pa ni 'dod chags chen po rnam par dag pa ste/ gang gi phyir de rnams la dmigs su med pa'i snying rje chen po mnga' ba des
 ni de rnams la rnam par rtog pa mi mnga' yang / sngon gyi 'phen pa'i shugs kyis sems can gyi don la 'jug par mdzad de/ de bas na 'dod chags chen po rnam par dag pa'i phyir te/ de rnams la 'dod chags la sogs pa'i 'khor ba'i nyes pa rnam par rtog pa'i rang bzhin can
 gyis gos par mi 'gyur ro zhes bya ba'i don te/ nyid ces bya ba'i sgra ni nges par gzung ba ste mi gos pa kho na yin no/ /'dis ni sems can thams cad kyang rdo rje sems dpa'i ngo bo nyid yin no zhes ston to/ /bde ba chen po zhes bya ba la bde ba chen po ni bshad zin to/ /
 gang la bde ba chen po mnga' ba de ni bde ba chen po ste/ 'dod chags chen po'i rnam par dag pa nyid kyis rnam par rtog pa'i kun du spyod pa dang shin tu bral ba yin pas ni bde ba che'o/ /'dis kyang de bzhin gshegs pa'i ngo bo nyid yin par bshad do/ /nor che la zhes bya ba ni gdug cing
 gtum pa'i sems can rnams gdul bar bya ba'i phyir/ /thabs dang shes rab kyis khro bor snang ba'i nor gang la mnga' ba de ni nor che ba'o/ /'dod chags chen po rnam par dag pa nyid kyis rnam par rtog pa dang bral ba de ni nor che ba ste 'dis kyang rdo rje rigs kyi ngo bo nyid yin par
 ston to/ /khams gsum pa'i dbang phyug ni 'jig rten dbang phyug ste de'i ngo bo nyid yin pas na khams gsum dbang phyug nyid de de thob pa'o/ /'dod chags chen po rnam par dag pa nyid kyis nyon mongs pa bag chags dang bcas pa spangs pa'i phyir 'jig rten dbang phyug
 nyid brnyes pa ste/ 'dis kyang pad+ma'i rigs kyi ngo bor bshad pa yin no/ /sems can don rnams brtan par byed/ /ces pa ni bya ba sgrub pa'i ye shes kyis 'khor ba'i phyi ma'i mtha' ji srid kyi bar du sems can rnams skal ba ji lta ba bzhin du 'dul ba ni sems can
 gyi don te/ don de mkhas pa'i mchog de rnams mdzad pa'o/ /brtan pa ni mi phyed pa'o/ /de yang don du gnyer pas na don te mkhas pa'i mchog de rnams 'dod chags chen po rnam par dag pa nyid kyis skad cig ma re re zhing sprul pas sems can gyi don rnams mdzad do zhes bya ba'i
 tha tshig go/ /'dis kyang nor bu'i rigs kyi ngo bo nyid du bshad pa yin no/ /da ni shes rab kyi pha rol tu phyin pa'i sgo ston pa'i phan yon bstan pa'i phyir gang la la zhig ces bya ba la sogs pa gsungs te/ gang la la zhes bya ba ni bud med dam skyes pa'am/ khye'u 'am bu mo gang
 zhig ji skad du gsungs pa'i shes rab kyi pha rol tu phyin pa'i sgo 'di nyin re zhing nang par langs na 'don pa gzhan gyis bstan pa las ji skad du bstan pa'am/ glegs bam du byed pa'am/ klog par byed pa'am nyan pa ni slob dpon gyis bstan pa ni rna ba'i rnam par shes pa'i rang bzhin
 gyis 'dzin par byed pa ni thos par byed pa'o/ /thos nas tshig dang don shes par 'gyur ba ma brjed par blo la 'jog par byed pa ni 'dzin pa'o/ /yi dam du blangs nas glegs bam klog par byed pa ni klog pa'o/ /dang zhes bya ba ni bsdus pa'i don yin gyi phyogs gnyis su brtag pa'i
 don ni ma yin te/ gang gi phyir tshe 'di nyid la dngos grub thob par 'gyur ro zhes gsungs pas so/ /brtag pa'i don du khas blangs nas ni glegs bam bklags pa tsam gyis tshe 'di nyid la dngos grub kyi mchog tu gyur na de ltar mi 'dod de bsgom pa'i rang bzhin can gyi ye shes nyams su len
 pa med par dngos grub kyi mchog tu 'byung bar mi 'gyur ro zhes bya ba la sogs pas rnal 'byor pa kha ton byed pa la sogs pa la rab tu sbyor ba ni rdo rje 'chang ba la sogs pa'i bde ba dang yid bde ba thob par 'gyur la/ bde ba dang yid bde ba des kyang bde ba chen po rdo rje don yod pa'i dam
 tshig gi dngos grub ces bya ba dpal rdo rje sems dpa'i phyag rgya chen po'i dngos grub bo/ /khyad par ji lta bu zhe na/ phul du byung ba zhes bya ba ste phyi ma'i mthar thug pa med par gnas pa'o/ /tshe 'dir zhes pa da ltar nyid la bsnyen cing thob par 'gyur ba'o/ /de bzhin gshegs pa
 thams cad kyi gsang ba chen po'i dngos grub kyi mchog kyang 'grub bo zhes bya ba ni rdo rje sems dpa'i phyag rgya chen po la sogs pa grub pa des kyang / rnal 'byor pa'i de bzhin gshegs pa thams cad kyis gnyis su med pa'i ye shes kyi dngos grub thob par 'gyur bas na/ de bzhin
 gshegs pa thams cad kyi gsang ba mchog gi dngos grub bo zhes bya'o/ /rdo rje 'dzin pa chen por 'gyur ro zhes bya ba la chos thams cad kyi de bzhin nyid ni rdo rje chen po'o/ /de 'chang bas na rdo rje 'chang ba chen po ste de bzhin nyid du ro gcig pa'i ye shes kyi ngo bo nyid kyis chos kyi dbyings
 thog ma dang tha ma med pa'i bdag nyid can rnam par snang mdzad chen po'o/ /de bzhin gshegs pa zhes bya ba ni de bzhin gshegs pa lnga'i ngo bor gyur pa'o/ /'dis ni 'di skad ston te/ rnal 'byor pa shes rab kyi pha rol tu phyin pa klog pa la sogs pa nyams su
 len pa dang ldan pa ni dpal rdo rje sems dpa'i phyag rgya chen po la sogs pa'i dngos grub thob par 'gyur la/ yang des kyang de bzhin gshegs pa thams cad kyi gnyis su med pa'i ye shes thob cing des kyang rdo rje 'dzin pa chen po nyid dam/ de bzhin gshegs pa nyid thob par
 'gyur ro/ /bde ba chen po'i rdo rje ni gnyis su med pa'i ye shes so/ /de nyid ni don yod pa'i dam tshig ste/ rigs lnga po skyed par byed pa'i rgyu'o/ /de bas na ji skad du bshad pa'i dpal mchog dang po dang de thob par byed pa'o/ /de bzhin gshegs pa thams cad kyang yin
 la bde ba chen po yang yin pas/ de bzhin gshegs pa thams cad kyi bde ba chen po'o/ /de nyid ni mi phyed pas na rdo rje'o/ /shes rab kyi pha rol tu phyin pa'i sgo zhes bya ba ni shes rab kyi pha rol tu phyin pa thob pa'i thabs kyi sgo la shes rab kyi pha rol tu phyin pa'i sgo zhes bya'o/ /
 de ltar shes rab kyi pha rol tu phyin pa'i sgo'i chos kyi rnam grangs dpal rdo rje sems dpa' la sogs pa'i dkyil 'khor bskyed pa'i rgyur gyur pa bstan nas/ da ni bde ba chen po rdo rje sems dpa'i gzhal yas khang bsgoms pa'i stobs kyis bskyed nas der 'dug ste/ bcom ldan
 'das dpal rnam par snang mdzad kyis rang gi rigs sprul par bya ba'i phyir/ rdo rje sems dpa' la ji lta ba bzhin du dbang bskur ba ni/ de nas zhes bya ba la sogs pa'i gzhung gis ston to/ /de nas bcom ldan 'das bde ba chen po rdo rje sems dpa'i gzhal yas khang na
 bzhugs so zhes bya bar sbyar ro/ /de nas zhes bya ba'i sgra ni de ma thag pa ste shes rab kyi pha rol tu phyin pa'i sgo bstan nas gzhal yas khang sgom pas bde ba chen po rdo rje sems dpa'i gzhal yas khang bskyed pa'i rjes thogs nyid la'o/ /bcom ldan 'das zhes bya ba ni rnam
 par snang mdzad do/ /'di nyid ji lta bu zhe na/ de bzhin gshegs pa zhes bya ba la sogs pa gsungs te/ de bzhin gshegs pa yang yin la thams cad kyang yin pas de bzhin gshegs pa thams cad de byang chub kyi sems chen po'i rang bzhin gyi sems dang sems las byung ba rnams
 te/ de rnams kyi rdo rje sems dpa' la sogs pa'i gzugs so/ /yang na de bzhin gshegs pa thams cad kyang yin la rdo rje sems dpa' yang yin pas de bzhin gshegs pa thams cad kyi rdo rje sems dpa' ste/ byang chub chen po'i rang bzhin can gyi mi bskyod pa'i sems dang
 sems las byung ba'i ngo bo nyid ces bya ba'i tha tshig go/ /des byin gyis brlabs pa ni sngon gyi 'phen shugs so/ /de'i rdo rje ni sems dpa'i rdo rje'o/ /de'i gsang ba'i mchog gi dngos grub ni de bzhin gshegs pa'i rigs su byung ba ste/ de las de byung ba yin pa'i phyir/ de'i
 cho ga rgyas pa ni de kho na nyid bcu'i bdag nyid can no/ /cho ga rgyas pa des rgyal por gyur zhing 'bar la mdzes pas na/ bcom ldan 'das rnam par snang mdzad la de skad ces bya'o/ /'dis ni de bzhin gshegs pa'i rigs kyi ngo bo nyid du bstan to/ /da ni 'di de bzhin
 gshegs pa'i rigs kyi ngo bo nyid 'ba' zhig yin par yang ma zad kyi/ rin po che'i rigs kyi rang bzhin yang yin no zhes bstan pa'i phyir de bzhin gshegs pa thams cad kyi zhes bya ba la sogs pa gsungs te/ de bzhin gshegs pa yang yin la thams cad kyang yin pas
 de bzhin gshegs pa thams cad de nam mkha' dang mnyam pa nyid kyi ye shes kyi ngo bo sbyin pa'i pha rol tu phyin pa'i rang bzhin can gyi sems dang sems las byung ba ste/ de rnams kyi sku dang gsung dang thugs rdo rje thams cad de las byung ba'i rin po che'i rigs kyi sku dang gsung dang
 thugs rdo rje'o/ /de nyid ni gsang ba don yod pa'i sems can thams cad kyi bsam pa yongs su rdzogs par byed pa brtan zhing mi phyed pa'i phyag rgya yin pas na/ gsang ba'i don yod pa'i phyag rgya bstan pa ste/ phyag rgya de rnams kyis sku dang gsung dang thugs rdo rje thams cad
 rgyas btab pa gang yin pa de la de skad ces bya'o/ /'dis ni bcom ldan 'das rnam par snang mdzad rin po che'i rigs kyi ngo bo nyid yin par ston to/ /da ni pad+ma'i rigs kyi ngo bo nyid kyang yin no zhes bstan par bya ba'i phyir/ de bzhin gshegs pa zhes bya ba
 la sogs pa gsungs pa ste/ shes rab kyi pha rol tu phyin pa ni so sor rtog pa'i ye shes kyi rang bzhin can gyi sems dang sems las byung ba'o/ /de rnams kyi dam tshig chen po thams cad ni pad+ma'i rigs so/ /nam mkha'i khams thams cad khyab pas na chen po nyid do/ /gzugs
 thams cad kyi ngo bo nyid yin pas na dam tshig chen po thams cad do/ /phyag rgya'i dam tshig ces bshad do zhes gsungs pas so/ /der bzhugs pa ni pad+ma'i rigs su gtogs par gyur pa'o/ /ci'i phyir der zhugs she na/ chos nyid kyi ye shes thugs su chud pa la rab tu gnas pa
 zhes bya ba gsungs te/ gang gis rang bzhin gyis rnam par dag pa'i chos nyid kyi ye shes thugs su chud cing mngon sum du mdzad par gyur pa de ni chos nyid kyi ye shes thugs su chud pa'o/ /de la rab tu gnas pa ni phyi ma'i mtha' thug pa med par rnam par mi rtog pa'i tshul gyis
 bzhugs pa'o/ /'dis ni pad+ma'i rigs kyi ngo bo nyid yin par bstan to/ /de ltar bcom ldan 'das pad+ma'i rigs kyi ngo bor bstan nas/ da ni las kyi rigs kyi ngo bo nyid du bstan par bya ba'i phyir/ de bzhin gshegs pa thams cad kyis zhes bya ba la sogs pa
 gsungs te/ de bzhin gshegs pa thams cad ni brtson 'grus kyi pha rol tu phyin pa dang / bya ba sgrub pa'i ye shes kyi ngo bo nyid rang bzhin gyis 'od gsal ba'i sems dang sems las byung ba ste/ de rnams kyis bya ba sna tshogs so/ /de las skyes pa'i dge ba'i
 las te de'i las ni sangs rgyas mchod pa dang / sems can rnams kyi don byed pa'o/ /las des dus gsum ste 'das pa dang / ma 'ongs pa dang / da ltar gyi dus rnams su 'jig rten gyi khams ma lus pa gang dag gnas par gyur pa dang gnas par 'gyur ba dang /
 gnas pa gang yin pa de rnams la spros pa ni khyab pa'o/ /de nyid las kyi mtha' ste las su gyur pa gang yin pa de la de skad ces bya'o/ /bcom ldan 'das ni de bzhin gshegs pa rnam par snang mdzad chen po'o/ /'dir bcom ldan 'das rnam par snang mdzad nyid
 rnam par snang mdzad chen po yin gyi rgyu la 'bras bur nye bar btags nas rdo rje 'dzin pa chen po la mi bya'o/ /de ci'i phyir zhe na/ rdo rje 'chang chen po 'di'i 'og nas logs shig tu bstan pas so/ /'dis kyang bcom ldan 'das las kyi rigs kyi ngo bo nyid du bstan to/ /de
 ltar bcom ldan 'das kyi khyad par bstan nas/ bde ba chen po rdo rje 'dzin pa'i bzhugs gnas kyi gzhal yas khang gi khyad par bstan par bya ba'i phyir/ zla ba phyed pa du ma la rab tu gnas pa zhes bya ba la sogs pa gsungs te/ zla ba phyed pa du ma ste mang por rab tu
 gnas pa'i gnas gang yin pa de ni zla ba phyed pa du ma rab tu gnas pa zhes bya'o/ /rdo rje rin po che yang yin la chen po yang yin pas na rdo rje rin po che chen po ste/ rdo rje rtse lnga pa'i rtse mo la yid bzhin gyi nor bu rin po che yod pa'o/ /zla ba phyed pa rab tu gnas pa yang yin
 la rdo rje rin po che yang yin pas zla ba phyed pa du ma rab tu gnas pa'i rdo rje rin po che chen po'o/ /de rnams kyi 'od zer sna tshogs rnam par 'phro zhing 'gyed la de nyid na 'bar ba rnam par 'phro ba yin zhing de nyid 'od yin no/ /des snang zhing gsal bar byas pa de ni 'od gsal
 bar byas pa'o/ /ji skad du bshad pa'i 'od kyis gsal bar byas pa der ro/ /de'i 'od kyis gsal bar byas pa 'ba' zhig tu gyur par ma zad kyi gser gyi dril bu btags pa'i ba dan sna tshogs rlung gis bskyod pas mdzes par byas pa yin no/ /gser gyi dril bu ni gser
 gyi rgyu las byas pa'i dril bu'o/ /ba dan sna tshogs ni kha dog sna tshogs dang ldan pa'i dar gyi ba dan no/ /rlung gis bskyod pa ni g.yo bar byas pa'o/ /btags pa ni sbrel ba'o/ /de ltar na de dag gis brgyan cing mdzes par byas pas ba dan gyis mdzes par byas pa'o/ /
 de lta bu 'ba' zhig tu ma zad kyi me tog rnam pa sna tshogs pa'i chun 'phyang dang / gos dang / me long rab tu 'phyang ba'i dra bas kyang rab tu brgyan pa zhes bya ba ste/ rigs sna tshogs shing tha dad pas rnam pa du mar gyur pa'i rgyu de nyid kyis na me tog sna tshogs
 pas mdzes par byas pa'o/ /me tog gi chun 'phyang ni me tog gi phreng ba ste/ de lta bu'i phreng ba dang / gos dang me long rab tu 'phyang ba'i dra bas kyang rab tu brgyan cing mdzes par byas pa yin no/ /de de lta bu 'ba' zhig tu ma zad kyi kha khyer sna tshogs pa'i legs par gnas
 pa'i lha'i bu mo dgod cing sgeg la glu dang gar byed pas bsngags shing bstod pa'o zhes bya ba ste sna tshogs shing kha dog du ma dang ldan pa'o/ /kha khyer gyi nang na gnas pa'i lha'i bu mo chen mo de bzhin gshegs pa thams cad kyi gzungs kyi ngo bo nyid dgod cing sgeg pas rtse ba dang / glu
 dang gar gyis kyang kun nas brgyan cing mdzes par byas pa ste/ de rnams kyi glus dkyil 'khor gyi de kho na nyid ston cing rab tu bskul ba'o/ /de rnams kyi glu nyid kyis bstod pa ni de kho na nyid gsum gyi glus yang dag par yon tan brjod pa'o/ /de lta bu'i yon tan gyi khyad
 par dang ldan pa'i bde ba chen po rdo rje sems dpa'i gzhal yas khang na bzhugs pa'o/ /bde ba chen po ni gnyis su med pa'i ye shes yin par bshad do/ /de las byung ba'i rdo rje sems dpa' ni sku'i gsang ba'i ngo bo bde ba chen po rdo rje sems dpa'o/ /de'i bzhugs
 gnas ni pho brang ste/ de nyid gzhal yas khang yin pas bde ba chen po rdo rje sems dpa'i bzhugs gnas kyi gzhal yas khang ste/ der bzhugs pa ni bcom ldan 'das rnam par snang mdzad gnas par mdzad pa'o/ /de ltar shes rab kyi pha rol tu phyin pa bstan nas/ de'i
 d on bsgoms pas bde ba chen po rdo rje sems dpa'i bzhugs gnas kyi gzhal yas khang bskyed nas ji skad du bshad pa'i yon tan gyi khyad par dang ldan pa'i bcom ldan 'das rnam par snang mdzad ji skad du bshad pa'i yon tan gyi khyad par dang ldan pa'i gzhal yas khang na
 bzhugs nas/ de'i rjes thogs nyid la bcom ldan 'das rdo rje sems dpa' rang gi dkyil 'khor bstan par bya ba'i phyir/ de bzhin gshegs pa la rjes su gnang ba dang / dbang bskur ba gsol ba 'debs pa yin par bstan pa'i phyir/ de nas zhes bya ba la sogs
 pa gsungs te/ de nas zhes bya ba'i sgras ni de ma thag pa'i don ston pa'i tshig go/ /de bzhin gshegs pa thams cad kyi zhes bya ba la sogs pas ni rdo rje sems dpa'i khyad par ston te/ de bzhin gshegs pa thams cad kyi sku dang gsung dang thugs rdo rje ni bshad zin to/ de
 rnams kyis byin gyis brlabs pa ni de'i 'phen shugs so/ /des na dam tshig sems dpa' thams cad ni de bzhin gshegs pa'i rigs kyi ngo bo'i sems dpa' rnams zhes bya ba'i tha tshig go/ /'dis ni bcom ldan 'das rdo rje sems dpa' de bzhin gshegs pa'i rigs kyi
 ngo bo nyid yin par bshad do/ /dbang bskur ba thams cad ces bya ba la dbang bskur ba yang yin la thams cad kyang yin pas na dbang bskur ba thams cad do/ /'dis ni rin po che'i rigs kyi rang bzhin yin par bshad do/ /thams cad mkhyen pa'i ting nge 'dzin zhes bya ba la thams cad
 kyang yin la mkhyen pa yang yin pas na thams cad mkhyen pa ste/ pad+ma'i rigs kyi lha rnams kyi sangs rgyas thams cad gcig tu bsdus pa la sogs pa'i rang bzhin gyis rnam par dag pa'i chos nyid du nges pa'o/ /de rnams kyi ting nge 'dzin ni/ thams cad mkhyen pa'i
 ting nge 'dzin te 'di la sems yang dag par gtod cing gnas pas na ting nge 'dzin to/ /'dis kyang bcom ldan 'das de shes rab kyi pha rol tu phyin pa'i rang bzhin gyis ting nge 'dzin gyi tshul gyis pad+ma'i rigs kyi ngo bo nyid yin par bshad do/ /las thams cad kyi zhes bya ba la las
 kyang yin la thams cad kyang yin pas las thams cad de/ brtson 'grus kyi pha rol tu phyin pa'i las thams cad do/ /des mchog tu gyur pa ni phul du byung ba'o/ /de yang 'khor gsum yongs su dag pa'i brtson 'grus kyi pha rol tu phyin pa'i tshul gyis las thams cad la 'dra
 ba'i gnyis pa med pa yin la de bas na mchog tu gyur pa ste/ bcom ldan 'das rdo rje sems dpa' mchog ni las kyi rigs kyi rang bzhin can yin no/ /'dis ni bcom ldan 'das las kyi rigs kyi ngo bor bshad do/ /khams gsum thams cad ni
 phyogs bcu mtha' yas pa'i 'jig rten gyi khams kyi sangs rgyas kyi zhing nyon mongs pa can no/ /de rnams gdul ba zhes bya ba ni 'dul bar mdzad pa ste/ de la dbang phyug chen po la sogs pa gdug cing gtum pa 'dul bar mdzad pas 'dir bcom ldan 'das rdo rje hUM
 mdzad la bya bar 'dod do/ /khams gsum pa thams cad kyi gdul bya'i dbang phyug thams cad ces bya ba la dbang phyug kyang yin la thams cad kyang yin pas na dbang phyug thams cad de bsdus pa'i dkyil 'khor gyi rang bzhin yin pas thams cad do/ /de'i bdag po yin
 pas na dbang phyug go/ /rigs thams cad skyes pas na byed pa po'o/ /khams gsum thams cad bskyed pas na 'byin pa po'o/ /'dod pa thams cad ces bya ba ni rdo rje sems dpa' dang rdo rje yid las byung ba la sogs pa'i sku'i rang bzhin yin pas na 'dod pa thams cad de
 bcom ldan 'das rdo rje sems dpa' ni 'dod pa'o zhes bshad pas na 'dod pa'i phyir 'dod pa ste/ gdul bya rnams mngon par dga' bas zhes bya ba'i tha tshig go/ /'dod pa yang yin la thams cad kyang yin pas na 'dod pa thams cad do/ /dngos grub kyi cho ga rgyas par
 thams cad ces bya la/ dngos grub kyang yin la thams cad kyang yin pas na/ dngos grub thams cad de rigs thams cad kyi phyag rgya chen po la sogs pa'i dngos grub po/ /de'i cho ga ni sgrub pa'i thabs so/ /de'i rgyas pa ni rigs kyi dkyil 'khor gyi dbye bas phye ba
 rnam pa sna tshogs kyi sgrub pa'i rgyun no/ /rtag pa zhes bya ba ni thog ma dang tha ma med pa'o/ /de bzhin gshegs pa la gsol ba gdab bo zhes bya ba ni bdag la rjes su gnang ba gsol cig ces pa'o/ /gsang ba'i rtog pa rab bshad pa/ /zhes bya ba ni/ bcom ldan
 'das rnam par snang mdzad la gsol ba gdab pa'o/ /rdo rje sems dpa' ji skad du bshad pa'i ji srid 'khor ba'i gnas su 'jug pa zhes bya ba la 'dir 'khor bas na 'khor ba ste snod kyi 'jig rten no/ /der gnas pa ni bzhugs pa ste mi gnas pa'i mya ngan las 'das pa'i tshul
 gyis der ji srid gnas shing 'dug pa de srid kyi bar du'o/ /de srid mtshungs med sems can don/ /zhes bya ba ni/ sems can rnams kyis 'dod cing don du gnyer ba yin pas na sems can don te sangs rgyas nyid dam byang chub sems dpa' nyid do/ /de lta bu'i sems can
 gyi don mchog / dam par gyur pa bdag bgyid par rjes su gnang ba stsol cig pa ni/ bdag 'khor ba ji srid gnas pa'i bar du sems can gyi don bgyid par rjes su gnang ba stsol cig ces bya ba'i tha tshig go/ /ci'i phyir zhe na/ sems can khams ni mtha' yas pas/ /zhes bya
 ba gsungs pa ste/ gang gi phyir sems can gyi khams ni mtha' yas pa yin pas mtha' yas pa yin la de yang dus ring mo zhig nas sangs rgyas nyid dam rdo rje 'dzin pa nyid la 'jog par 'dod nus kyi thams cad dus gcig gi tshe skal ba dang ldan pa nyid du bya ba ni mi srid do/ /
 gzi can srid pa tshol byed pa/ /zhes bya ba la gzi can ni byang chub sems dpa' chen po'o/ /de rnams kyis srid pa 'dod pa ni 'khor ba ji srid par mi gnas pa'i mya ngan las 'das pa skye bar bzhed pa ste/ de rnams kyis srid pa 'dod pa ni srid pa'i nyes pa gzhig par bya
 ba ste/ 'dod chags la sogs pa nyes pa zhi bar bya ba'i phyir ro/ /de nyid kyis na/ srid pa'i nyes pa gzhig pa yis/ /bde ba chen po 'phel ba'i phyir/ /byang chub sems dpa' de dag nyid rgyud sna tshogs kyis phye zhing tha dad pa'i chos rnams thugs su chud pa'i thams
 cad mkhyen pa'i ye shes thugs su chud pa ni de'i don du bdag la rjes su gnang ba gsol cig ces pa'o/ /yul gang la zhe na/ gsang ba'i rtog pa mchog bshad pa/ /zhes smos te/ gsang ba yang yin la rtog pa yang yin pas na gsang ba'i rtog pa'o/ /rtog pa
 yang gzhan las khyad par du 'phags pas na mchog ste/ bde ba chen po rdo rje sems dpa'i rtog pa bshad par bdag la gnang ba stsol cig pa'o/ /de nas zhes bya ba ni rjes su gnang ba gsol ba gdab pa'i rjes thogs nyid la'o/ /bcom ldan
 'das de bzhin gshegs pa zhes bya ba ni/ de bzhin gshegs pa rnam par snang mdzad do/ /ji skad du bshad pa byas nas dang po'i rdo rje bde ba chen po'i rdo rje sems dpa'i ji skad bshad pa'i dngos grub kyi mtshan ma bde ba chen po rdo rje sems dpa'i lag pa gnyis su byin no zhes bya bar sbyar
 ro/ /chos thams cad sgrib pa med pa la dmigs te zhes bya ba la thams cad kyang yin la chos kyang yin pas na chos thams cad de rdo rje sems dpa' la sogs pa'o/ /de rnams kyi sgrib pa med pa ni de bzhin nyid de la dmigs pa ni mngon sum du mdzad pa'o/ /ci zhig mdzad ce na
 gdul bya thams cad ces bya ba la sogs pa smos te/ 'dis sems can rnams 'dul bas na 'dul ba ste chos kyi dbyings so/ /thams cad kyi 'dul ba ni thams cad 'dul ba ste/ de nyid ni thugs rje chen po yin la/ de yang dmigs pa med pa'i thugs rje chen po ste/ de
 las byung ba'i dang po'i rdo rje zhes pa sna tshogs rdo rje bcom ldan 'das rdo rje sems dpa'i rdo rje rtse lnga pa ste/ de la dmigs pa'i ming de skad bya ba'i ting nge 'dzin de la snyoms par zhugs shing mngon sum du mdzad pa ste/ dang po'i rdo rje'i rnam par thugs rtse gcig tu mdzad ces
 bya ba'i tha tshig go/ /bde ba chen po'i rdo rje dang po zhes bya ba ni rdo rje dbyings kyi dkyil 'khor chen por bcom ldan 'das rnam par snang mdzad kyi phyag na gnas pa gang yin pa de rdo rje sems dpa' sprul pa'i dus su dang po'i rdo rje chen po de ni dmigs pa med pa thugs rje chen po las byung
 ba'i phyir bde ba chen po zhes bya'o/ /bde ba chen po'i rdo rje de rgyu ci zhig gi phyir stsal zhe na/ sems can gyi khams zhes bya ba la sogs pa gsungs te/ ma lus shing lus pa med pa zhes bya ba ni bshad zin to/ /sems can gyi khams ma lus shing lus pa med pa'i bsam
 pa thams cad yongs su rdzogs pa ni mngon par 'dod pa thams cad bskangs pa'o/ /des kyang sems can thams cad yongs su bskyab pa ni 'jigs pa thams cad yongs su bzlog pa'o/ /phan pa dang bde ba ni bshad zin to/ /dngos grub thams cad ni phyag rgya chen po la
 sogs pa rdzogs pa'o/ /phun sum tshogs pa ni rdo rje 'dzin pa chen po la sogs pa'i 'byor ba'o/ /de rnams kyi las zhes pa ni mchod pa'i las bcu drug gi las so/ /dngos grub kyi mchog ni sa dang pha rol tu phyin pa la sogs pa rdzogs pa'o/ /ji skad du bshad pa'i sems
 can gyi khams thams cad kyi bsam pa yongs su rdzogs par mdzad pa'i yongs su skyob pa dang / phan pa dang bde ba dang dngos grub thams cad dang / phun sum tshogs pa dang ye shes dang las dang dngos grub kyi mchog ni sems can gyi khams ma lus shing lus pa med pa'i
 bsam pa thams cad yongs su rdzogs pa dang / sems can thams cad yongs su skyob par byed pa'i phan pa dang bde ba dang / dngos grub thams cad phun sum tshogs pa'i ye shes kyi las kyi dngos grub kyi mchog rnams zhes bya ste/ de'i don du zhes bya ba ni de bskyed par
 bya ba'i phyir ro/ /bar du zhes bya ba'i sgras ni rdo rje yid las byung ba la sogs pa bsdu'o/ /de bzhin gshegs pa thams cad kyi de kho na nyid ni rnam par snang mdzad la sogs pa de bzhin gshegs pa lnga'i de kho na nyid do/ /rdo rje 'chang chen po'i de kho na nyid ni shes par zad de/ de
 bzhin gshegs pa thams cad dang / rdo rje 'chang chen po'i de kho na nyid thob pa ste de nyid ni dngos grub kyi dam pa ste/ rgyu de dag gi phyir/ ji skad du bshad pa'i rdo rje de lag pa gnyis su byin pa'o/ /rgyu ci zhig gi phyir byin zhe na/ de bzhin gshegs pa thams cad kyi 'khor
 los sgyur ba nyid du zhes pa gsungs te/ de bzhin gshegs pa thams cad kyi 'khor lo ni dkyil 'khor ro/ /de bskor ba'i ngang tshul 'di la yod pas na de'i ngo bo nyid do/ /des na de bzhin gshegs pa thams cad kyi 'khor los sgyur ba nyid du zhes bya'o/ /de bzhin
 gshegs pa thams cad kyi 'khor lo bskor ba nyid kyis der ci zhig byed ce na/ de bzhin gshegs pa thams cad ces bya ba la sogs pa gsungs te/ rnam par snang mdzad dang / mi bskyod pa dang / rin chen 'byung ldan dang / snang ba mtha'
 yas dang / don yod par grub pa ni de bzhin gshegs pa thams cad do/ /de rnams kyi sku ni phyag rgya chen po'o/ /de'i phreng ba ni de rnams kyis nye bar mtshon pa'i cod pan rtse bran can gang yin pa ste/ de'i dbang bskur bas dbang bskur ba ni/ cod pan te de'i mgo la bzhag nas
 rdo rje de de'i lag pa gnyis su byin pa'o/ /de nas rdo rje de byin pa dang 'jig rten gyi khams thams cad kyi rdul phra rab dang mnyam pa'i rnam par snang mdzad la sogs pas ming gi dbang bskur bas dbang bskur bar gyur to/ /gang du song zhe na/ 'jig rten gyi khams zhes bya ba la
 sogs pa gsungs te/ 'jig rten gyi khams kyang yin la thams cad kyang yin pas na/ 'jig rten gyi khams thams cad de sangs rgyas dang bcas pa'i sangs rgyas kyi zhing rnams so/ /rdul phra rab kyang yin la thams cad kyang yin pas na rdul phra rab thams cad de de
 rnams kyi sa dang chu dang me dang rlung gi khams nye bar gzung ba'i gzugs kyi rdul te de nyid ni phra rab ste/ de'i tshogs ni 'jig rten gyi khams thams cad kyi rdul phra rab kyi dkyil 'khor ro/ /de rnams su gtogs pa ni chud pa'o/ /de dag tu gtogs pa'i de bzhin
 gshegs pa thams cad kyis bcom ldan 'das rdo rje 'chang chen po zhes bya ba'i ming gi dbang gi dbang bskur bas dbang bskur ro/ /de la chos kyi dbyings thog ma dang tha ma med pa ni rdo rje chen po ste/ de las byung ba'i dang po rdo rje rtse lnga pa la yang nye bar btags pas rdo rje chen po
 zhes bya'o/ /de bas na chos kyi dbyings thog ma dang tha ma med pa'i rdo rje de bzhin nyid du ro gcig pa'i ye shes 'di lag pas 'dzin par byed pas na rdo rje 'chang chen po ni bcom ldan 'das phyag na rdo rje'o/ /de ltar na bcom ldan 'das rnam par snang mdzad ces bya ba nas brtsams
 te/ rdo rje ming gi dbang bskur bas dbang bskur ro zhes bya ba'i mthar thug pas bstan pa'i don gzhan la dgongs pas ni/ dang po sbyor ba'i ting nge 'dzin bshad pa yin no/ /da ni de nas bcom ldan 'das zhes bya ba la sogs pas ting nge 'dzin gnyis pa gsungs pa yin te/
 de nas zhes bya ba'i sgra ni snga ma bzhin no/ /bcom ldan 'das zhes bya ba la sogs pa ni bshad zin to/ /ji skad du bshad pa'i sems can gyi khams kyi bde ba chen po dam pa 'grub pa ni rdo rje 'chang chen po nyid grub pa'o/ /ming thog mar byas te dngos grub thams cad
 ces bya ba la/ rdo rje yid las byung ba la sogs pa'i ngo bo thob par bya ba'i phyir sems dpa'i skyil mo krung du 'dug cing bcas te lus drang por bzhag nas zhes bya ba gang / bcom ldan 'das rnam par snang mdzad kyis byin ma thag pa'i rdo rje g.yon dkur brten nas/ rang gi
 thugs kar 'jog pa'i tshul gyis bsnams shing zhes bya ba ni bshad zin to/ /bde ba chen po'i rdo rje zhes bya ba ni bde ba chen po ni bshad zin to/ /de'i rdo rje ni de las byung ba'i snying po yi ge bcu bdun gyi bdag nyid can gyi rang bzhin gang yin pa la ming de skad ces bya ste
 gsungs so zhes bya bar sbyor ro/ /'di zhes bya ba ni bshad ma thag pa'o/ /khyad par ji lta bu zhig yin zhe na zhes bya ba smos te/ rang nyid kyi phyag rgya thams cad ni rang gi phyag rgya thams cad de bcom ldan 'das bde ba chen po rdo rje sems dpa'i sku dang gsung dang
 thugs rdo rje'i phyag rgya'o/ /de rnams las bcom ldan 'das bde ba chen po rdo rje sems dpa'i snying po de phyung ba'o/ /oM zhes bya ba la sogs pa ni yi ge bcu bdun gyi snying po'o/ /de nas zhes bya ba la sogs pa ni go bar zad do/ /de bzhin gshegs pa thams
 cad kyi khu tshur yongs su 'dzin pa zhes bya ba ni lag pa gnyis kyis byang chub mchog gi phyag rgya bcings pa'o/ /de gang gis bskyed cing 'byin par byed pa'i snying po de ni rang gi bdag nyid thams cad kyi phyag rgya'o/ /de gang las byung zhe na/ rang gi sku dang gsung dang /
 thugs rdo rje las zhes bya ba gsungs te/ sku dang gsung dang thugs rdo rje ni bshad zin to/ /slar yang byang chub chen por mngon par 'tshang rgya'o zhes bya ba ni de bzhin gshegs pa zhi ba'i nyams mi snang bar mdzad nas/ rdo rje sems dpa' la sogs pa nas/ rdo
 rje 'bebs pa'i bar gyis sgeg pa'i nyams kyi cha lugs su bzhugs par mdzad pa'o/ /bzhad pa chen po sems dpa' che/ /zhes bya ba ni thams cad du khyab pa'i 'dzum pa ni bzhad pa chen po ste/ de mdzad pas na bzhad pa chen po'o/ /sems dpa' che ni rdo rje sems dpas
 'dul ba'i sems can gyi don rdzogs par gzigs nas de bzhin gshegs pa rnams thugs dgyes pas 'dzum pa mdzad do zhes bya ba'i tha tshig go/ /'jig rten gyi khams thams cad g.yos te zhes bya ba ni 'jig rten gyi khams mi mjed dang 'dra ba'i sangs rgyas kyi zhing nyon mongs
 pa dang bcas pa de dag ni 'jig rten gyi khams thams cad do/ /de rnams snying po 'di'i mthus g.yos pa'o/ /de nyid shin tu g.yos pa ni/ /rnam pa drug tu g.yos pa ste/ /rnam pa drug tu 'gul ba'o/ /de nyid rdo rje sems dpa' zhes bya ba ni der gtogs pa'i sems can gyi khams
 rnam par sbyangs pas rnam par dag pa'o/ /khams gsum pa ma lus pa rgyas par zhes bya ba ni khams gsum pa nyid ni/ khams gsum pa nyid de/ de rgyas par ni rab 'byam mo/ /de'i spros pa ni khyab pa ste/ gang gis bcom ldan 'das rdo rje sems dpa'i dkyil 'khor
 chen po de de lta bu'i tshad du gyur cing byung ba'o/ /de lta bu'i tshad du gyur pa des ji skad du bshad pa'i 'jig rten gyi khams gnas pa'i sems can thams cad bde ba dang yid bde ba thams cad kyi ye shes skyes pa'o zhes bya ba ste/ bde ba thams cad ni 'jig rten dang /
 'jig rten las 'das pa ste/ rdo rje sems dpa' la sogs pa las byung ba'o/ /yid bde ba ni dga' ba ste de yang de bzhin du shes par bya'o/ /des na don 'di skad ston to/ /bde ba dang yid bde ba thams cad thob par gyur to zhes bya ba yin no/ /de nas zhes bya ba la sogs
 pa la/ de nas zhes bya ba ni 'das ma thag pa'o/ /de bzhin gshegs pa yang yin la thams cad kyang yin pas de bzhin gshegs pa thams cad rdo rje sems dpa' la sogs pa'i gnyis su med pa'i sems dang sems las byung ba'o/ /de rnams kyi don yod pa ni 'bras bu
 yod pa ste/ 'dod pa'i don rdzogs par byed pa'o/ /thogs pa med pa ni de don yod pa nyid yin pa'i phyir ro/ /mngon par 'phags pa ni nam mkha'i dbyings thams cad du rtag par gnas pa'i sku dang gsung dang thugs rdo rje nyid du phyung ba'o/ /de gang zhe na bcom ldan 'das
 rdo rje sems dpa'i thugs kar gnas pa'i sems dpa'i rdo rje'o/ /de lta bu'i phyag rgya'i ngo bo la dmigs pas ming de skad ces bya ba'i ting nge 'dzin gang yin pa de ni de bzhin gshegs pa thams cad kyi don yod pa'i thogs pa med pa mngon par 'phags pa'i rdo rje chen po'i phyag rgya zhes
 bya ba'i ting nge 'dzin la snyoms par zhugs pa'o/ /bcom ldan 'das snyoms par zhugs nas yang ci zhig mdzad ce na/ bde ba chen po zhes bya ba la sogs pa gsungs te/ bde ba chen po ni bshad zin to/ /de las byung ba ni sems dpa'i rdo rje ni sems dpa' chen po'i rdo rje'o/ /
 de'i dam tshig ni rdo rje yid las byung ba la sogs pa'i phyag rgya chen po ste/ de rnams de las byung ba yin pa'i phyir ro/ /des rnam par gnon pa ni ming de skad ces bya ba ste/ rdo rje yid las byung ba la sogs pa'i gzugs kyis 'dul ba'i sems can gyi khams rnams la/ rdo rje
 yid las byung ba la sogs pa'i mthus de rtogs pa rdzogs par byed pas rnam par gnon pa de mdzad nas/ bcom ldan 'das bde ba dang yid bde ba thams cad 'khrungs par gyur to zhes bya bar sbyar ro/ /sku thams cad ces bya ba la sogs pa la ji skad bshad pa'i tshul gyis
 bcom ldan 'das rdo rje 'chang chen po bde ba dang yid bde ba thams cad 'khrungs nas/ rdo rje yid las byung ba la sogs pas sku thams cad nas phyung ste/ logs thams cad du gnas par gyur pa'o/ /khyad par ji lta bu zhe na/ dngos grub thams cad ces bya ba la sogs pa smos
 te/ dngos grub kyang yin la thams cad kyang yin pas na dngos grub thams cad de rdo rje yid las byung ba la sogs pa'i phyag rgya'i dngos grub rnams so/ /de rnams nyid kyi bde ba dang yid bde ba dang dngos grub thams cad kyi bde ba dang / yid bde
 ba ni don gyis dngos grub kyi bde ba dang yid bde ba'o/ /de rnams stsol ba ni skyed par mdzad pa'o/ /rtag tu 'brel pa zhes bya ba ni bcom ldan 'das rdo rje 'chang ba chen po skad cig ma re re zhing rjes su 'brel pa nyid yin pas na rtag tu rjes su 'brel pa'o/ /don 'di nyid
 bstan pa'i spyod pa mdzes pa zhes bya ba yin no/ /bde ba chen po'i rdo rje ni bshad zin to/ /de'i dam tshig sems dpa' ni kun rdzob kyi sems dpa'i rang bzhin gyi sems dpa' ni dam tshig sems dpa'o/ /ji skad du bshad pa rnams bcom ldan 'das kyi sku las
 phyung ste/ bcom ldan 'das kyi phyogs dang mtshams kyi ngos thams cad du gnas pa las mdun du ni rdo rje gsang ba'i yid las byung ba'o zhes bya ba ni rdo rje yid las byung ba nyid rdo rje yid las byung ba'i gsang ba yin no/ /g.yas su zhes bya ba la sogs pa ni go sla'o/ /de
 ltar na de nas bcom ldan 'das zhes bya ba nas brtsams te/ bran rnams so zhes bya ba'i bar du bstan pas ni ting nge 'dzin gnyis pa bshad pa yin no/ /de nas bsdu ba sngon du 'gro ba ni gsum pa yin par shes par bya'o/ /da ni dam tshig dang dbang bskur ba
 thob pas bzlas pa dang bsgom par bya'o zhes bya ba 'di'i don bstan par bya ba'i phyir/ de nas zhes bya ba la sogs pa gsungs so/ /slob dpon gyi las kyi cho ga dang / slob ma 'jug pa la sogs pa'i cho ga bstan pa'i phyir de nas bcom ldan 'das de bzhin gshegs
 pa thams cad ces bya ba la sogs pa gsungs te/ bcom ldan 'das ni rnam par snang mdzad do/ /byang chub rdo rje zhes bya ba'i ting nge 'dzin ni rdo rje sems dpa' la dmigs pa'i sems rtse gcig pa nyid do/ /sems can thams cad kyi zhes bya ba la sogs pa
 la sems can thams cad kyi bde ba'i don du zhes bya ba ni 'jig rten dang 'jig rten las 'das pa'i bde ba rdzogs par bya ba'i phyir ro/ /yang dag par bskyed de zhes bya ba ni yang dag par byung ba'o/ /rgyal ba chen po zhes bya ba ni/ rgyal ba yang yin la chen po yang yin
 pas na rgyal ba chen po ste/ bag chags dang bcas pa'i nyon mongs pa dang bral ba zhes bya ba'i tha tshig go/ /'di gang las shes she na/ gang gi phyir zhes bya ba la sogs pa smos te/ gang gi phyir bag chags dang bcas pa'i nyon mongs pa spangs shing 'dod chags dang
 bral du zin kyang 'dod chags dang ldan pa rnams rjes su gzung zhing bla na med pa'i byang chub thob par bya ba'i phyir/ rang gi btsun mo sprul pa'i skus rang gi btsun mo yang stsol bar mdzad na phyi'i dngos po rnams lta smos kyang ci dgos/ gang gi phyir de ltar sems can thams cad
 la phan par bya ba'i phyir/ rgyal po chen por 'khrungs pa de bas na rang nyid 'dul ba mchog ces bya ba smos te/ 'dis sems can 'dul bas na 'dul ba ste/ rdo rje sems dpa' la sogs pa grub cing byang chub chen por 'jog ces bya ba'i tha tshig go/ /de nyid ni
 mchog ste gsang ba'i rtog pa dam pa'o/ /bde ba chen po rdo rje che/ /zhes bya ba ni rdo rje sems dpa'i dkyil 'khor chen po ste/ de nyid ni brtags pa las byung ba'i phyir dang / brtags pa'i rang bzhin yin pa'i phyir gsang ba'i rtog pa'o/ /dngos grub rab stsol
 gsungs zhes bya ba ni gang gi rdo rje sems dpa' la sogs pa'i dngos grub bo/ /stsol zhes bya ba ni dngos grub de ster bas na dngos grub rab stsol zhes bya'o/ /gsungs zhes bya ba ni ji skad du gsungs pa'i don grub pa'i phyir zhes gsol ba 'debs pa yin no/ /
 bcom ldan 'das rnam par snang mdzad ni rdo rje 'chang chen po'o/ /de nas zhes bya ba ni bar ma chad pa ste gsol ba btab pa'i rjes thogs nyid la'o/ /bcom ldan 'das zhes bya ba ni rdo rje 'chang chen po ste/ dkyil 'khor chen po bka' stsal to/ /zhes bya bar sbyar
 ro/ /khyad par ji lta bu zhe na/ don yod cing thogs pa med par bstan pa zhes bya ba gsungs te/ bstan pa ste bka' don yod cing 'bras bu dang bcas la thogs pa med pa 'di la mnga' bas na bstan pa don yod cing thogs pa med pa zhes bya'o/ /ci
 zhig mdzad nas she na bde ba thams cad ces bya ba la sogs pa gsungs te/ bde ba yang yin la thams cad kyang yin pas bde ba thams cad de rdo rje sems dpa' la sogs pa'i dngos grub ces bya ba'i tha tshig go/ /de nyid ni 'dul ba ste/ gang gi phyir 'dis 'dul
 zhing rdo rje sems dpa' la sogs pa'i bde ba thams cad grub pa thob par byed pas na de skad ces bya'o/ /rdo rje 'dod pa ni rdo rje sems dpa' la sogs pa'i phyag rgya'i ngo bo nyid do/ /de'i mchog ni chos kyi dbyings te/ de las byung ba ni rdo rje las mchog 'dul bar
 rnam par gnon pa zhes bya ste rdo rje sems dpa'i dkyil 'khor chen po'i ngo bo nyid kyis sems can gyi don bya ba ste de mdzad pa'o/ /'di zhes bya ba ni 'og nas bshad pa'i shugs la gnas pa'o/ /rdo rje chen po gsang ba'i dam tshig ces bya ba ni rdo rje yang yin la chen po
 yang yin pas na rdo rje chen po ste/ byang chub kyi mtshan nyid can gyi sems so/ /de'i gsang ba'i rdo rje sems dpa'i dkyil 'khor sku thams cad de de las byung ba ni rdo rje sems dpa'i dkyil 'khor chen po'o/ /dam tshig de skad ces bya ba'i dkyil 'khor chen po
 bka' stsal pa ni gsungs pa'o/ /de nas zhes bya ba ni snga ma bzhin te ting nge 'dzin gsum gyi rjes thogs la zhes bya ba'i tha tshig go/ /gang phyir zhes bya ba'i rgyu ste gang gi phyir dkyil 'khor du 'jug pa med par sems can rnams snod dang ldan par mi 'gyur zhing / rdo rje
 sems dpa' la sogs pa'i phyag rgya la sogs pa mi 'grub pa de bas na yang dag par bshad par bya zhes bya ba ste/ yang dag par rab tu phye ste bshad pa zhes bya'o/ /de ci zhig ce na/ dkyil 'khor chen po zhes bya ba gsungs te/ rdo rje sems dpa'i dkyil 'khor
 chen po'o/ /dam pa ni mchog go/ /ming ji skad ces bya zhe na bde ba chen po zhes bya ba la sogs pa smos te/ bde ba chen po ni bshad zin to/ /de'i rdo rje mchog ni rdo rje sems dpa'i sku thams cad do/ /de las byung ba ni dam tshig mchog ste zhes bya ba ni rdo rje sems dpa'i dkyil
 'khor chen po'o/ /ji ltar bri zhe na legs sbyangs zhes bya ba la sogs pa smos te sa sbyangs pa dang yongs su gzung ba'i cho ga dag gis dkyil 'khor gyi gnas legs par sbyangs la/ dkyil 'khor gyi sa de'i dbus su dkyil 'khor ji lta ba bzhin du bsgrub par bya'o/ /de
 yang sngon du bsnyen pa'i cho ga ji lta ba bzhin du byas la/ dkyil 'khor gyi sa'i dbus su dpal rdo rje sems dpa'i phyag rgya chen por mnyam par bzhag la dkyil 'khor chen po 'di bsgrub par bya'o/ /sar pa zhes bya ba ni dkyil 'khor gzhan du ma spyad pa'am/ gzhan du
 spyad ma myong ba'o/ /legs par bsgril ba zhes bya ba ni dri zhim pos bsgos pa'i gser gyi snod la sogs par gzhag pas so/ /mdud pa rnams ni med 'gyur ba/ /zhes bya ba ni go sla'o/ /srad bu kha bsgyur bas zhes bya ba ni rgya skyegs dang ljang ba dang / sngo ba dang / ser
 po dang / dkar po'i kha dog tshon sna lngas kha bsgyur ba'i srad bu kha dog lnga dang ldan pa ni thig skud kha bsgyur ba'o/ /de lta bu'i tshon skud kyis legs par thig gdab pa ni dmar po dang / ljang gu dang / sngon po dang / ser po dang / dkar pos kha bsgyur ba'i srad bus de legs
 par thig btab la/ dkyil 'khor legs par bri bar bya'o/ /zur bzhi zhes bya ba la sogs pa ni go sla'o/ /kha khyer gyis ni rab bskor ba/ /zhes bya ba ni gzhal yas khang gi phyi rol kun nas bskor phyogs su kha khyer gyis bskor ba ste/ des legs
 par bskor cing yongs su 'khor ba'o/ /lha mo rnams kyis nye bar bskul/ /zhes bya ba ni khyams kyi grwa mtshams rnams su de bzhin gshegs pa thams cad kyi gzungs kyi rang bzhin can gyi lha mo rnams kyis rab tu sad cing nye bar bskul bar byas pa'o/ /don
 'di nyid ni dkyil 'khor zhes bya ba la sogs pas ston pa yin te/ yang zhes bya ba ni bsdu ba dang rim pa tha dad du dbye ba'o/ /dkyil 'khor gyi ni grwa dang ni/ /sgo khyud kyi ni mtshams rnams su/ /zhes bya ba la/ de la dkyil 'khor gyi mtshams ni ri mo gnyis phrad pa'o/ /sgo
 rnams kyi sgo khyud ni sgo khyud rnams te ri mo dod pa'o/ /de rnams kyi mtshams ni ri mo gnyis su 'dus pa'o/ /de lta bu'i dkyil 'khor gyi grwa dang / sgo rnams kyi mtshams so/ /de rnams su zla ba phyed pa la gnas pa'i rin po che de gang yin pa de ni zla ba phyed pa la gnas pa'i rdo rje
 rin po che'o/ /de rnams kyi 'od ni 'od zer te des nye bar 'bar ba bri bar bya'o/ /'dis ni 'di skad ston pa yin te/ dkyil 'khor gyi grwa rnams dang / sgo khyud kyi ni mtshams su zhes bshad pa gang yin pa de dag tu rdo rje rin po che'i gzugs bri bar bya'o/ /rlung gis bskyod pa'i rtse mo
 mchog/ ba dan dril bu sgra sgrogs pa/ /dra ba me long me tog phreng / /phyi rol dkyil 'khor bri bar bya/ /me tog chun 'phyang rnams kyis brgyan/ /zhes bya ba ni rlung gis bskyod pa'i dril bu dang bcas pa'i ba dan sna tshogs te/ des sna tshogs shing kha dog du ma dang ldan pa des nye bar
 mdzes par byas pa'o/ /de bzhin du me long dang dra ba dang me tog gi chun 'phyang gis kyang brgyan par phyi'i dkyil 'khor bri bar bya ste/ me long dang dra ba dang me tog gi chun 'phyang gang la yod pa de dag la de skad ces bya ste/ de rnams kyis brgyan cing mdzes par byas pa phyi'i dkyil
 'khor de lta bur bri bar bya'o/ /de'i zhes bya ba ni phyi'i dkyil 'khor gyi'o/ /nang du zhes bya ba ni nang na ste dbus su zhes bya ba'i tha tshig go/ /'khor lo ni dkyil 'khor ro/ /ji lta bu zhe na/ dkyil 'khor brgyad pa dang 'dra ba zhes bya ba la sogs pa smos te/ dum bu dang po las bshad
 pa'i rdo rje sems dpa'i dkyil 'khor bzhin du shes par bya'o/ /de'i nang ni dkyil 'khor gyi dbus te lte bar ci rigs par bar snang gi phyogs nas phab ste sa ma ya s+t+waM zhes bya ba dang / rang gi snying po brjod la rang gi gnas su gzhag par bya'o/ /sangs rgyas kyi phreng
 ba dang / rin po che dang / pad+ma dang / rdo rje'i phreng ba dang ldan pa'i cod pan dang / rna cha la sogs pas kyang brgyan cing spras pa dang / dri dang tshon dang gur kum la sogs pas kyang kun du gtor bar bya'o/ /tshon gyis zhes bya ba ni dri zhim po'i pir dang bcas pa'o/ /lhag ma ni go
 sla'o/ /de bzhin du lha mo'i dkyil 'khor ni khyams su dgod par bya'o zhes bya ba ni dkyil 'khor chen po ji lta ba bzhin du 'dir mdun du ni rdo rje mtshon cha sku mdog dmar po mtshon cha'i thabs la brtson pa'o/ /rdo rje yid las byung ba dgod do zhes bya ba la sogs pas ni dgod pa'i cho ga
 gsungs pa yin no/ /de ltar de bzhin gshegs pa'i dkyil 'khor dang / rdo rje sems dpa'i gsang ba'i dkyil 'khor du mdun du rdo rje yid las byung ba/ oM badzra dr-iSh+Ti sa ya ke ma Ta zhes bya bas/ bud med du grags pa rnams dgod par bya'o/ /g.yas logs su ni rdo rje ki li ki la
 hUM badzra ki li ki la hUM zhes bya ba dgod do/ /rgyab tu ni rdo rje dran pa hUM smar badzra hUM zhes bya bas so/ /g.yon logs su ni rdo rje bsnyems ma hUM tu d+h+ya badzra Ni hUM zhes bya bas so/ /de bzhin du rdo rje sbrang rtsi ma la sogs pa nas gar ma'i bar gyi mchod pa'i lha mo rnams rang rang gi snying pos dgod par byas la
 rdo rje lcags kyu ma la sogs pa yang lha mor grags pa dgod par bya'o/ /de nas dzaHbadzra aM ku sha /hUM badzra pA sha/ baM badzra s+pho Ta/ a badzra gaN+Te zhes bya bar dgongs par rtogs par bya'o zhes bya ba ni bar snang gi phyogs las phab ste/ bris pa dang blugs pa la sogs pa'i nang
 du bcug la ye shes sems dpa' dang / rang bzhin gcig tu gyur pas lha thams cad bzhugs par mdzad par bya'o zhes bya ba'i tha tshig go/ /de nas zhes bya ba la sogs pa la de ltar dkyil 'khor bris pa'i rjes thogs nyid la/ bum pa gang ba la sogs pa'i mchod pa thams cad kyis yang
 dag par mchod la/ dar dang dril bu la sogs pa dang bcas par dkyil 'khor gyi grwa bzhi'i gnas su gzhag par bya'o/ /lhag ma ni go bar zad do/ /de nas rang gi dam tshig ces bya ba la sogs pa la/ de ltar dkyil 'khor bris nas sgo phye la bsdu ba byas nas mtshan brgya rtsa brgyad pas
 yang dag par bstod la/ bcom ldan 'das rdo rje sems dpa'i phyag rgya chen po bcings la g.yas pa'i rdo rje lcags kyus bcom ldan 'das rdo rje sems dpa' 'khor dang bcas pa dkyil 'khor du ji lta ba bzhin du bcug la mchod yon phul nas/ de'i rjes thogs
 nyid la/ bcom ldan 'das rdo rje sems dpa' la sogs pas rang gi dam tshig gi phyag rgya rnams kyis bsgrub par bya'o/ /dzaH hUM baM hoHzhes bya ba brjod la/ dgug cing zhes bya ba la sogs pa la bcom ldan 'das rdo rje sems dpa'i phyag rgya chen po ji skad du bshad pa'i lcags kyus dgug
 pa dang / dkyil 'khor du gzhug pa dang / rang gi gnas rnams su dam tshig gi lcags sgrog gis bcings nas/ de'i 'og tu rdo rje sems dpa' la sogs pa dbang du 'gyur bas de kho na bzhin du dbang du bya'o zhes bya ba yin no/ /phyag rgya chen por mnyam gzhag ste/ /zhes bya ba
 ni/ bcom ldan 'das rdo rje sems dpa'i phyag rgya chen po bcings pa'o/ /de bzhin g.yas mdzub lcags kyur bya/ /zhes bya ba ni/ g.yas pa'i mdzub mo lcags kyur byas la de bzhin zhes bya ba rnam pa 'dis phyag rgya chen po'i dngos grub tu 'gyur ro zhes bya ba'i tha tshig go/ /'di
 dag ni dgug pa'o/ /lhan cig mchog tu 'gugs par byed/ /ces bya ba ni/ de bzhin du phyag rgya chen po'i lcags kyu bcings pa'i rjes thogs nyid 'og nas bshad pa'i/ oM ma hA su kha zhes bya ba la sogs pa grub pa'i snying po lan cig brjod par bya'o/ /de nas bcom ldan 'das
 rdo rje can rdo rje sems dpa' rang nyid dkyil 'khor du byon par gyur pa ni bris pa'i dkyil 'khor du byon nas/ gnas ji lta ba bzhin du zhugs par 'gyur ro zhes ston pa yin no/ /yang na bcom ldan 'das rang nyid gzigs par 'gyur ro zhes bya ba ni yang na rnal 'byor pa rang nyid rdo rje sems
 dpar gyur pa bcom ldan 'das rdo rje sems dpa' rang nyid kyis mthong bar 'gyur ro/ /de nas zhes bya ba la sogs pa la de ltar bcom ldan 'das dkyil 'khor du bcug nas/ dam tshig gi phyag rgya rnams kyis ji lta ba bzhin du yang dag par bsgrubs la/ chos dang las dang phyag
 rgya chen po rnams kyis rgyas btab la cho ga thams cad rjes su spyad nas/ de'i rjes la 'jug pa'i cho gas bdag nyid 'jug par bya'o/ /de ltar cho ga thams cad byas pas rang nyid zhugs pa'i bsam gtan gyi slob dpon nam/ dkyil 'khor gzhan du dkyil 'khor gyi slob
 dpon du 'gyur ro zhes bya bar dgongs so/ /yang zhes bya ba'i sgras ni gzhan dag ni mi gzhug go zhes ston to/ /rdo rje 'dzin kun slob dpon ni/ /zhes bya ba la rdo rje 'dzin pa yang yin la kun kyang yin pas na rdo rje 'dzin pa kun te/ rigs thams cad kyi rang bzhin gyi sangs rgyas dang
 byang chub sems dpa' rnams so/ /de rnams kyi dkyil 'khor gyi slob dpon ni rdo rje 'dzin kun slob dpon no/ /phyag rgya thams cad kyis zhes bya ba ni/ phyag rgya yang yin la kun kyang yin pas na phyag rgya kun te/ rigs thams cad kyi mtshan ma'i phyag rgya ste de rnams kyis grub pa'o/ /
 dam tshig kun mkhyen pa zhes bya ba la dam tshig kyang yin la kun kyang yin pas na dam tshig kun te rigs thams cad kyi dam tshig gi dkyil 'khor ro/ /de mkhyen pas na dam tshig thams cad mkhyen pa'o/ /las thams cad nus pa zhes bya ba la rigs thams cad kyi las kyi dkyil
 'khor ni las thams cad de/ de rnams byed par nus pa las thams cad nus pa ste/ bcom ldan 'das kyis las thams cad nus par byin gyis rlob par mdzad do zhes re re zhing sbyar bar bya'o/ /cho ga ji tsam gyis zhugs nas bcom ldan 'das rdo rje sems dpa' de ltar byin gyis rlob
 par mdzad ce na 'di yis zhes bya ba gsungs te rjes thogs la 'chad par 'gyur ba'i 'jug pa'i cho ga 'dis zhes bya ba'i don to/ /da ni cho ga de bstan pa'i phyir rang nyid ces bya ba gsungs te/ rdo rje slob dpon bdag nyid rdo rje sems dpar byin gyis brlabs pa'i slob dpon
 ni rdo rje slob dpon no/ /ji snyed pa'i dris byugs shing bsgos la zhes bya ba la/ ji tsam snyed par gyur pa'i dris lus la nye bar byugs shing bskus pa yin pas de skad ces bya'o/ /rgyan dang bcas pa zhes bya ba ni rdo rje sems dpa' dang rjes su mthun pa'i rgyan rnams kyis brgyan
 par byas pa'o/ /lus shin tu brgyan pa zhes bya ba ni rgyan dang bcas pa'i me tog gi phreng ba rnams kyis spud pa'o/ /gos dmar pos zhes bya ba la sogs pa la gos dmar po gcig gis smad g.yogs byas la gnyis pas stod g.yogs byas nas/ rang
 nyid rdo rje dang bcas pa'i rdo rje bsnyems pas rang nyid 'jug par bya'o zhes bya ba ni rdo rje dang lhan cig pas na rdo rje dang bcas pa'o/ /rdo rje bsnyems ma ni rdo rje sems dpa'i phyag rgya chen po ste/ rdo rje bsnyems ma'i rnal 'byor dang ldan pa'i/ /bsgrub par bya ba'i bu mo'o/ /rdo rje dang
 bcas pa yang yin la rdo rje bsnyems ma yang yin pas na rdo rje dang bcas pa'i rdo rje bsnyems ma de dang lhan cig bdag nyid 'jug par bya'o/ /'di skad ston te dpal rdo rje sems dpa'i phyag rgya chen po bcings la bsgrub par bya ba rdo rje bsnyems ma'i rnal 'byor dang ldan pa'i sngon du spyad
 pa byas la rjes su gnang ba thob pa dang / rdo rje sems dpa'i phyag rgya chen po'i sbyor ba dang ldan pas/ bu mo rdo rje dang dril bu 'dzin pa lag pa g.yas pas gzung ba'i tshul gyis blangs la rdo rje slob dpon dkyil 'khor du 'jug par bya'o/ /bcom ldan 'das la mngon par bstod
 cing zhes bya ba ni drug ldan la sogs pa'i glus rdo rje'i glu len cing 'jug par bya'o/ /'dod chags zhes bya ba la sogs pa la/ 'dod chags dam tshig yin par bshad/ /ces gsungs pas 'dod chags ni rdo rje sems dpa'o/ /sogs pa'i sgras ni rdo rje yid las byung ba
 nas brtsams te/ rdo rje 'bebs pa'i bar du gzung ngo / /'dod chags la sogs pa gang yin pa de ni 'dod chags la sogs pa ste de nyid ni bde ba yang yin las thams cad kyang yin pas na bde ba thams cad do/ /des gang gi yid mdzes par gyur pa de ni 'dod chags la sogs
 pas bde ba yid de/ de bzhin gshegs pa rnams so/ /khyed ni de rnams bsdus pa ste yang dag par bsdus pas na bsdus pa yin te/ de rnams kyis nye bar blangs shing rtogs pa zhes bya ba'i tha tshig go/ /ni zhes bya ba ni gang gi phyir zhes bya ba'i don te/ gang gi phyir khyed ni
 de rnams kyis skyes bu'i don grub par bya ba'i phyir nye bar blangs pa yin pa de'i phyir/ khyed bdag la bde ba stsol bar mdzod cig ces bya ba ni/ ji ltar khyed sangs rgyas rnams kyis bsdus par gyur pa'i tshul gyis skyes bu'i don grub par stsol ba de bzhin du bdag la'ang bsdus
 pa'i tshul gyis skyes bu'i don grub pa'i dngos grub stsol bar mdzod cig ces slob dpon la gsol ba 'debs pa'o/ /rdo rje sems dpa' dgongs par mdzod cig ces bya ba ni bde ba stsol ba nyid dgongs shing mngon sum du mdzod cig pa'o/ /bdag la brtan par mdzod cig ces
 bya ba ni/ bdag la bde ba stsol ba mi phyed par mdzod cig ces pa'o/ /myur du zhes bya ba ni rings par ro/ /bdag la dgyes par mdzod cig ces bya ba'i mngon sum du phyogs shing grub par mdzod cig pa'o/ /yongs su mnyes par mdzad pa dang zhes bya ba la tsa'i sgra ni bsdu
 ba'o/ /bde ba rnams kyi mchog yin pas na bde mchog go/ /mchog nyid yin pas na bde mchog go/ /phyag 'tshal lo zhes bya ba ni rab tu 'dud pa'i tshig gis rang gi dbang bskur ba bdag la stsol cig ces ston pa yin no/ /de nas zhes bya ba la sogs pa la de
 nas 'jug pa'i rjes thogs la bcom ldan 'das rang rang gi ngo bos bcom ldan 'das mngon du byas la dran par bya'o/ /thog ma dang tha ma med pa'i sems dpa' ni chos kyi dbyings kyi rang bzhin gyi sems dpa'o/ /rdo rje sems dpa' zhes bya ba ni gzung ba dang 'dzin pa'i rtog
 pa dang bral ba'i phyir mi phyed pa'i sems dpa' ni rdo rje sems dpa'o/ /bde ba chen po zhes bya ba ni thar pa'o/ /kun du bzang po khyod ces bya ba ni khyed las kun du bzang por 'gyur ro zhes bya ba'i don to/ /khyed ni kun du bzang po ste/ /zhes bya ba ni kun du bzang po yin
 zhes bya ba ste/ bcom ldan 'das rdo rje sems dpa' dang lha mo rdo rje bsnyems ma'i phyag rgya chen po'o/ /de'i bdag po yin pas na rdo rje bsnyems ma'i bdag po'o/ /de yang byang chub kyi sems chen po'i dbang gis rdo rje bsnyems ma rgyun mi 'chad par 'byung bas de'i
 phyir byang chub kyi sems kyi rang bzhin ni rdo rje sems dpa' yin pas rdo rje bsnyems ma'i bdag po'o/ /de yang sems ni bcom ldan 'das de 'dod chags chen po ni de'i lha mo'i zhes bshad pa yin no/ /khams gsum gyi dbang phyug yin pa dang rigs thams cad
 kyi gtso bo yin pas na khyab bdag go/ /sems zhes bya ba ni dge ba'i khams rnams kyis bsags pas na sems so/ /de yang ji ltar na bcom ldan 'das sems can thams cad yin zhe na/ bsam mi khyab cing rgya cher zab/ /mi 'gyur bde ba kun grub pa/ /kun du khyab
 cing dri ma med/ /byang chub sems ni che zhing brtan/ /zhes gsungs pas/ sems dpa' zhes bya ba ni sems de nyid de/ de bzhin nyid kyi rdo rje dang gcig tu gyur par bsgoms pa'i mthus/ rnam par rtog pa thams cad kyis bskyod par mi nus pas na sems dpa' ste/
 sems can kun gyi sems gang yin/ /brtan pa'i phyir na sems dpar bshad/ /ces gsungs pa'i phyir ro/ /ting nge 'dzin zhes bya ba ni mi g.yo ba'i sems rtse gcig po de nyid dang ldan pas ting nge 'dzin las mnyam par 'jog pa'i phyir ting nge 'dzin zhes bshad do/ /rdo rje zhes
 bya ba ni ting nge 'dzin gyi rang bzhin can gyi sems te de nyid zla ba'i dkyil 'khor la sogs pa'i rim gyis zla ba'i dkyil 'khor gyi steng du rdo rje rtse lnga pa'i gzugs su gyur pa ni rdo rje zhes bshad de/ nges pa'i phyir na rdo rjer gyur/ /zhes bshad pa'i phyir ro/ /de bzhin rdo rje 'dzin zhes
 bya ba ni rdo rjer gyur pa'i rdo rje sems dpa'i thugs de nyid bsgoms pa'i stobs kyis rdo rje sems dpa'i phyag rgya chen po'i ngo bo rdo rje dang dril bu 'dzin par gang gi tshe gyur pa de'i tshe rdo rje 'chang ba chen po yin te/ sems dpar byin rlabs sbyor ba yin/ /slar yang rdo rje sems dpar gyur/ /zhes gsungs
 pa'i phyir ro/ /kun mchog ces bya ba la kun gyi mchog ni chos kyi dbyings te de las byung ba'o/ /kun mchog dam tshig ces bya ba ni phyag rgya chen po la sogs pa'i rang bzhin gyi dam tshig ste phyag rgya 'di dam tshig ces bsgrags so zhes gsungs pa'i phyir ro/ /dngos
 grub ces bya ba ni rang bzhin gyis phyag rgya chen po la sogs pa'i ngo bor grub cing byung ba'o/ /rdo rje sems dpa' deng grub mdzod/ /ces bya ba ni rdo rje sems dpa' yang yin la de yang yin pas na rdo rje sems dpa' deng ste bdag de grub par gyur cig ces slob dpon la gsol ba 'debs
 pa'o/ /de nas zhes bya ba la sogs pa la de ltar dkyil 'khor du zhugs nas slob dpon gyis dran na bcom ldan 'das rdo rje sems dpa' dgyes par gyur la/ de nas bcom ldan 'das rdo rje 'chang ba de [(]dgyis [,]dgyes [)]pas slob dpon la nyid kyi yon tan bskyed pas byin gyis brlabs
 pa mdzad do/ /de nas byin gyis brlabs pa des sngon chad ma myong zhing sngar ma byung ba'i slob dpon dang gzungs ma rdo rje bsnyems ma gnyi ga la zhugs pas rang rig pa'i bde ba nyams su myong zhing skye bar 'gyur ro/ /bde ba des kyang phra mo 'bab par gyur pa dang / byang chub kyi
 sems rtogs shing thabs shes par yang 'gyur ro/ /de nas bdag la bcom ldan 'das grub par gyur to zhes shes par bya'o/ /bde ba phra mo 'bab cing skyed pa des bdag ni bcom ldan 'das rdo rje sems dpar grub par gyur te zhes de ltar shes shing nges par brtag par
 bya'o/ /de nas de bzhin du 'dug la ci 'dod par ni bzlas brjod bya'o/ /zhes bya ba ni phyag rgya gang zhig bcings pa nyid dang / sems dpa'i skyil mo krung gis 'dug la/ ji srid mtshan ma byung bar gyur pa de srid kyi bar du bzlas brjod bya'o/ /don 'di nyid bstan pa ni de nas
 de bzhin du zhes bya ba la sogs pa gsungs pa yin te 'jug pa'i phyag rgya ji ltar bcings pa nyid dang / sems dpa'i skyil mo krung gis 'dug la bzlas brjod dpag tu med pa byed cing 'dug pa ni de bzhin du 'jug pa zhes bya'o/ /rang gi bsod nams kyi byin gyi rlabs kyis zhes bya
 ba ni rang gi bsod nams dang rjes su mthun pa'i stobs kyis mkhas pa rnams yid la 'dod pa'i dngos grub rnams 'thob par gyur pa'o/ /de nas brtsams te zhes bya ba ni de nas bzung ste/ rdo rje sems dpa' la sogs pa nas rdo rje 'bebs pa'i bar du sgrub par 'gyur zhing
 bzlas pa tsam gyis rang nyid dbang du 'gyur ro/ /rang dbang nyid du gyur pa'i stobs nyid kyis de mthong bar 'gyur ro/ /de nas de mthong bas ji ltar mngon par 'dod pa'i dngos grub thams cad de la stsol bar mdzad do/ /'di'i rigs thams cad kyi mtshan ma'i
 phyag rgya yang bdag rang nyid kyis bcings nas las thams cad la mtshan ma'i phyag rgya thams cad kyis las rnams 'grub par 'gyur ro/ /dam tshig thams cad ni rigs thams cad kyi dkyil 'khor rnams brtan par 'gyur zhing rang gi dngos grub stsol ba'i phyir mi phyed par 'gyur ba dang /
 las thams cad de rigs kyi las thams cad dkyil 'khor gyi tshul du bsams pa tsam gyis byed pa dang / phyag rgya chen po la sogs pa'i las kyang byed pa'o/ /bde ba dang yid bde ba thams cad ces bya ba la sogs pa ni go sla'o/ /de nas zhes bya ba la sogs pa la de nas kyi sgra
 ni phyogs gzhan ston par byed pa yin te/ de nas bshad ma thag pa'i cho gas bdag nyid kyi don du dkyil 'khor brtag par bya ba ma yin mod kyi 'on kyang sems can thams cad gzhug pa'i don du dkyil 'khor bris la de nas rdo rje sems dpa'i rnal 'byor byas te rdo rje sems dpa'i rgyan
 gyis brgyan nas/ rab tu bde ba'i rdo rje'i dam tshig gi phyag rgya'i mtshan nyid 'og nas bshad pa bcings la de nas me tog gi phreng ba blangs la sngar bshad pa'i glu len cing 'jug par bya'o/ /de nas snga ma bzhin du dran par bya'o/ /dgug par bya ste zhes bya ba ni cho ga thams cad rjes su
 spyad la bsdu ba ji lta ba bzhin du byas nas/ snga ma bzhin du rdo rje sems dpa' la sogs pa rang gi dam tshig gi phyag rgya la sogs pa bsgrub par bya'o/ /de nas chos dang las dang phyag rgya chen pos rgyas btab la cho ga thams cad rjes su spyad do/ /rab tu bde ba'i rdo rje dam tshig
 gi phyag rgya bcings nas ji lta ba bzhin du bzhugs la/ dran par byas nas 'di skad ces brjod do/ /srid pa'i bde ba zhes bya ba la sogs pa la 'byung bas na srid pa ste/ mi gnas pa'i mya ngan las 'das pa'o/ /de las byung ba'i bde ba ni srid pa'i bde ba'o/ /de'i rnam
 par dag pa ni rnam par rtog pa dang bral ba nyid do/ /de'i don ni sngar byung ba'i gnas te so so skye bo'i gnas skabs su bcom ldan 'das rdo rje sems dpa'i gzhal yas khang ngo / /mi gnas pa'i mya ngan las 'das pa 'dis rang bzhin gyis mi gnas pa'i mya ngan las 'das
 par gyur pas na gzhal yas khang ngo / /dga' ba ni chags par 'gyur ba'o/ /'dod pa thams cad ni rdo rje sems dpa' la sogs pa ste/ de rnams kyi dngos grub ni gdul bya'i rgyud la de bskyed par gyur pa'o/ /de'i don gyi dngos grub ni 'gro ba thams cad la yang bskyed pa ste/
 sems can thams cad grub par byas pa'o zhes bdag kyang zhes bya ba'i sgras ston to/ /de ltar slob ma gzhug pa'i phyir rjes su gnang ba blangs nas dkyil 'khor gyi lha rnams me tog la sogs pa yang dag par mchod de slob ma gzhug par bya'o/ /de yang rang gi lha gzhug pa'i cho gas rang
 gi lha'i dkyil 'khor du 'jug pa'i phyag rgya rnams kyis gzhug go/ /de ltar rang gi lha'i 'jug pa'i cho gas bcug pa'i rjes thogs nyid la 'di skad brjod par bya'o/ /'dod chags dang bral ba zhes bya ba la sogs pa la 'dod chags dang bral ba ni nyan thos dang / rang sangs rgyas
 kyi mya ngan las 'das pa'o/ /'dis 'dul bas na 'dul ba ste/ nyan thos dang rang sangs rgyas kyi mya ngan las 'das pa la rab tu 'jug pa zhes ston pa yin no/ /'dod chags dang bral bas 'dul ba gang yin pa de ni 'dod chags dang bral bas 'dul ba'i 'jig rten no/ /sems
 c an gyi khams 'dod chags dang bral bas dag pa zhes bya ba ni 'dod chags dang bral bas 'dul ba'i 'jig rten gang yin pa de ni ji skad du bshad pa'i nyan thos dang rang sangs rgyas kyi mya ngan las 'das pa'i chags pa dang bral bas yang dag par 'gyur zhing 'khor ba'i dri ma dang bral
 bar 'gyur ro/ /rdo rje sems dpa' sbas pa yin/ /zhes bya ba'i 'dod chags dang bral bas 'dul ba'i 'jig rten la ni bcom ldan 'das rdo rje sems dpa' gsang zhing sba bar bya ba yin gyi bstan par ni mi bya'o/ /ni'i sgra ni rgyu'i don te gang gi phyir 'dod chags dang bral bas
 'dul zhing mos pa dman pa dang ldan pa rnams la chos bdag med pa'i 'dod chags rdo rje 'chang chen po'i chags pa chen po shin tu zab mo thos nas spong bar 'gyur la/ de spangs pas dmyal ba chen po mnar med par ltung bar 'gyur ro/ /de bas na rdo rje sems dpa'
 sbas pa yin no/ /'dod chags chen po ji lta bu zhe na/ mi dmigs pa'i thugs rje chen po'i stobs kyis sems can thams cad yongs su smin par byed pa'i bde ba chen po'i thar pa chen po'o/ /ji skad du bshad pa'i 'dod chags dang bral ba dang 'dra zhing mtshungs pa'i sdug bsngal gzhan dag
 ni yod pa ma yin te/ lus dang ngag dang sems shin tu 'gags pas bde ba thams cad med pa'i phyir rang bzhin gyis bde ba thams cad med pa yin la/ de bas na 'dod chags dang bral zhing bral bar ma byed cig ces pa'o/ /yang zhes bya ba ni gang gi phyir 'dod chags dang
 bral ba lta bu'i sdug bsngal gzhan dag med pa de bas na 'dod chags thams cad dang bral ba nyan thos dang rang sangs rgyas kyi byang chub thob pa'i gnas su mya ngan las 'da' bar ma byed cig ces bzlog pa'o/ /yang zhes bya ba ni sems de nam yang ma byed cig ces pa'o/ /
 de nas de kho na nyid chen po brjod par bya'o zhes bya ba ni/ dkyil 'khor go rims ji lta bu bzhin du bstan la de bzhin gshegs pa'i gsang ba brjod par bya'o/ /de ni 'di yin te/ sems can kun gyi yid khyab cing / /sems can kun la bde rab stsol/ /rdo rje sems dpa' sems dpa'
 che/ /'dod pa 'di ni dam tshig mchog /'di ni thog ma tha ma med/ /nam mkha' las byung mtshan nyid can/ /kun du bzang po kun bdag nyid/ /rdo rje bsnyems bdag bdag po'i gtso/ /'di nyid kho na 'gro ba'i sems/ /brtan pas sems dpa' zhes brjod de/ /mnyam
 par gzhag pas ting 'dzin te/ /nges pa'i phyir na rdo rjer gyur/ /sems dpa'i byin rlabs sbyor ba yis/ /slar yang rdo rje sems dpar 'gyur/ /'di nyid thog ma'i sems dpa' ste/ /'dod dang 'gro ba kun gyi bdag /'di nyid kho na sangs rgyas nyid/ /'di nyid de bzhin
 gshegs pa nyid/ /'di ni khams gsum thams cad de/ /dang po'i sems dpar yang dag byung / /chags bral gyis mthar mu stegs rnams/ /de 'dul ba yi dbang gis 'dis/ /bcom ldan rab sbas gsang nyid du/ /bde bar gshegs pas mdzad pa yin/ /de nas
 bcom ldan 'das bstan par bya ste/ 'di ni bcom ldan 'das phyag na rdo rje bde ba chen po rdo rje sems dpa' sems can thams cad dgug pa dang gzhug pa dang bcing ba dang dbang du byed pa'i dam tshig ni 'di yin no zhes dang po'i sems dpa' nas brtsams te/ de bzhin
 gshegs pa'i bar du khyed kyis nga la brnyas par mi bya zhing nam yang yongs su spang bar mi bya'o/ /'di la brnyas par gyur na 'di dag gang yin khyod la 'byung bar mi 'gyur ro/ /snying po yang ci 'dod par byin la zhes bya ba ni dbang bskur ba thams cad kyis dbang bskur la de rnams ji
 lta ba bzhin du yang dag par mchod nas de rang gis mnyes par bya ba'i yi dam lha'i snying po sbyin par bya'o/ /de byin nas kyang phyag rgya bzhi'i ye shes bslab par bya'o/ /bsgrubs nas zhes bya ba ni snying po byin nas/ phyag rgya bzhi'i ye shes bslabs la rang gi lha'i rnal 'byor 'di
 ltar gyis shig ces bslab par bya'o/ /de nas ye shes sems dpa' dgug pa dang / gzhug pa dang / bcing ba dang / dbang du byas nas mdun du ji lta ba bzhin du ji lta ba byed du bcug la de rang gi lus la gzhug pa bstan pa'i rjes thogs nyid la/ ye shes sems dpa' dang
 lhan cig gcig tu gyur par gyis shig ces bya bas bsgrubs la cho ga thams cad de la bstan par bya'o/ /rang gi lhag pa'i lha'i dbang bskur bas dbang bskur te zhes bya ba ni/ snying po byin pa gang yin pa 'di nas brtsams te phyag rgya bzhi la sogs pa sbyin pa slob ma la brjod pa de rang gi
 lha'i dbang bskur ba la sogs pas dbang bskur nas sbyin par bya'o zhes bya ba'i don te/ /mtshan ma de lag pa gnyis su byin la zhes bya ba la sogs pa la rang gi lha'i chu yis dbang bskur ba dang / phyag rgya dang cod pan gyis dbang bskur la/ rdo rje la sogs pa rang rang gi lha'i mtshan
 ma'i dbang bskur ba'i sngags kyis slob ma'i lag pa gnyis su sbyin par bya'o/ /byin nas de la hUM zhes bya ba la sogs pa'i snying po 'dis/ rang gi rigs kyi ming gi dbang bskur bas/ dbang bskur bar bya'o/ /de nas phyag rgya bcing ba ji lta ba bzhin du bslab par bya'o/ /
 de'i rjes la ma hA su kha badzra satwa dzaHhUM baM hoH/ su ra ti s+t+waM zhes dam tshig chen po'i de kho na nyid 'don du bcug la 'di bshad par bya'o/ /dam tshig chen po ni sems dpa' chen po la bya'o/ /de kho na nyid ni rab tu dga' ba yin par bshad de/ bcom ldan 'das rab tu dga' ba la bskul
 na 'dod pa thams cad de dngos grub kyi dam pa myur du 'grub par 'gyur ro/ /de bas na dam tshig chen po'i de kho na nyid brjod par bya'o/ /bcom ldan 'das 'di ni khams gsum gyi dbang phyug ste/ thog ma'i sems dpa' yin pas 'dod pa kun gyi dbang phyug go/ /ma dul ba rnams
 la rdo rje bsnyems ma 'chang ba'i mchog yin te/ de bas na rdo rje bsnyems ma don gyis brjod par bya'o/ /bcom ldan 'das ni thog ma dang tha ma med pa kun du bzang po'o/ /'dod pa ni 'gro ba kun gyi bdag po'o/ /phyag na rdo rje ni rdo rje bsnyems ma'i bdag po'o/ /de rab tu dga' ba 'di'i
 sbyor bas rdo rje 'chang bas na/ de bzhin gshegs pa thams cad thugs 'byung bar mi byed do/ /gang gi tshe rab tu dga' bas bstod par bya zhing rdo rje sems dpa' 'di ni bde ba chen po yin pa des na nyon mongs pa mi mnga' bar/ bde ba nyid kyis sangs rgyas kyi byang chub la sogs
 pa'i dngos grub thams cad myur du thob par 'gyur te/ des na rab tu bde ba'i phyag rgya 'di bstod de 'jog cing / bcom ldan 'das g.yon pa bsnyems pa dang bcas pa 'dis g.yon phyogs su spyod pa'i sems can rnams dbang du byed cing mgu bar byed pa yin no/ /de ci'i phyir
 zhe na/ 'gro ba rnams dga' ba'i sbyor bas mgu bar byed par ma zad kyi zhi bar bya ba'am zhi ba nyid kyis 'dul bar mi nus pa dag la 'dir bsnyems pa la yang sbyor ro/ /bsnyems pa 'ba' zhig gis 'di dag 'dul bar nus pa ma yin gyi de'i don du bcom ldan 'das rdo rje
 bsnyems ma'i bdag por gyur nas 'jig rten gyi khams thams cad du gdul mi nus pa dag kyang 'dul bar spyod pa yin no/ /de ltar phyag rgya bcings pa 'di/ /oM ma hA su kha badzra satwa dzaHhUM baM hoH/ su ra ta s+t+waM/ zhes bya ba brjod par bya'o/ /de nas de rnams yid la 'dod pa'i dngos
 grub thams cad bde ba kho nar 'byor cing thob par 'gyur ro/ /'di dag ni bcom ldan 'das rdo rje sems dpa'i yan lag yin no/ /'di ni bcom ldan 'das kyi 'dod chags kyi yan lag ste/ thugs myur du 'bigs pas na snying po'o/ /g.yas su ni rab tu bde ba'i sbyor ba bde ba
 chen po'o/ /rgyab tu ni rtse ba'i 'ching bas chu srin 'dra ba yin pa des na 'di ni chu srin gyi rgyal mtshan no/ /g.yon du ni bsnyems ma dbang du byed pa yin no/ /'di dag ni rab tu dga' ba'i mchod pa ste me tog ma la sogs pa'o/ /'di dag ni sgeg mo la sogs pa'i rdo rje sgeg mo
 rnams so/ /'di dag ni ming gis chags par byed pa la sogs pas chags pa'i lcags kyu la sogs pa ste/ 'di ni de bzhin gshegs pa thams cad kyi gsang bar 'jug pa dngos grub thams cad kyi bde ba rab tu gsol ba yin te 'dis ni sangs rgyas nyid kyang thob par gyur
 na/ dngos grub gzhan lta smos kyang ci dgos/ de bzhin gshegs pa thams cad kyi dam tshig gi mchog yin pa'i phyir ro/ /de nas snying po byin la de nas phyag rgya bcings pa bslab par bya'o zhes bya ba ni/ de nas phyag rgya chen po bcing pa bslab par bya ste/ bsnyems pa
 dang bcas pas rdo rje gsor zhing Tak+ki hUM dzaHzhes bya bas rdo rje tshig tu brjod par bya'o/ /'dis de bzhin gshegs pa thams cad kyi rjes su bstan pa la 'jug par 'gyur ro/ /de nas rdo rje de rang gi snying gar bstod pa'i tshul gyis 'dzin cing Tak+ki dzaHhoHzhes brjod par bya'o/ /de nas
 rdo rje sems dpa'i sku dang gsung dang thugs su rang nyid 'gyur ro/ /de nas rdo rje yid las byung ba la sogs pa'i phyag rgya chen po ji ltar bris pa dang rjes su mthun par bslab par bya'o/ /ji ltar mngon par 'dod pa'i mchod pa byas nas zhes bya ba ni de ltar slob ma 'jug pa la
 sogs pa'i cho ga rjes su spyad nas slob dpon gyis ji ltar mngon par 'dod pas dkyil 'khor pa thams cad la mchod par bya'o/ /de byas nas slob ma yang byed du gzhug go/ /de nas slob ma thams cad kha zas dang gnas pa thams cad kyis tshim par bya ba dang /
 rang nyid kyis phyag rgya dang / phyag rgya'i lan dang gar gyi mchod pa byas te slob dpon rang gis rdo rje yid las byung ba'i las kyi phyag rgya gar bya ba'i tshul gyis bcing bar bya'o/ /de nas ni rdo rje bsnyems ma'i las kyi phyag rgya'o/ /de nas ni rdo rje ki li ki la'i phyag rgya'o/ /de nas ni rdo rje
 dran pa'i phyag rgya'o/ /de nas ni rdo rje sbrang rtsi'i phyag rgya'o/ /de nas ni rdo rje dgun gyi phyag rgya'o/ /de nas ni rdo rje gnod sbyin gyi phyag rgya'o/ /de nas ni rdo rje ston gyi phyag rgya'o/ /de nas ni rdo rje sgeg mo'i phyag rgya'o/ /de nas ni rdo rje gar ma'i phyag rgya'o/ /de nas ni rdo rje bzhad ma'i phyag
 rgya'o/ /de nas ni rdo rje glu ma'i phyag rgya'o/ /de nas ni rdo rje lcags kyu'i phyag rgya'o/ /de nas ni rdo rje 'bebs pa'i phyag rgya'o/ /de nas ni rdo rje zhags pa'i phyag rgya'o/ /de nas ni rdo rje lcags sgrog gi phyag rgya bcing bar bya'o/ /de nas dpal rdo rje sems dpa'i phyag rgya bcings na
 'grub par 'gyur ro/ /de nas zhes bya ba la sogs pa la de ltar phyag rgya dang phyag rgya'i lan gyi gar gyi mchod pas bcom ldan 'das 'khor dang bcas pa yang dag par mchod nas de'i rjes thogs nyid la slob ma thams cad slar btang nas 'di skad ces brjod par bya'o/ /ji skad
 brjod par bya zhe na rab tu dga' ba zhes bya ba la sogs pa smos te rab tu dga' ba ni bshad zin to/ /de la rag las pa ni 'brel cing rag lus pa ste/ de nas rdo rje sems dpa' nas brtsams te rdo rje 'bebs pa'i mthar thug pa'i thog mtha' de la'o/ /'gro ba 'di kun rgyu ba ste/ /
 zhes bya ba ni skye zhing 'gro bas na skye 'gro'o/ /'di zhes bya ba ni mngon du gyur pa'o/ /thams cad ni ma lus pa'o/ /dkyil 'khor gyi lha rnams kyi ngo bo yin par bstan pa'i phyir rgyu ba zhes bya ba gsungs te sems dang bcas pa'o/ /de yang 'gro ba sems dang bcas pa 'di dag
 thams cad ni rdo rje sems dpa'i phyag rgya chen po'i ngo bo nyid nas rdo rje 'bebs pa'i phyag rgya'i ngo bo nyid kyi bar yin te rab tu dga' ba la rag las pas na zhi ba byang chub kyi sems kyi kha na lus pa yin no zhes bya ba'i tha tshig go/ /gang gi phyir de ltar yin pa des na rdo rjer mdzod ces bya ba ni mi
 phyed par mdzod cig pa'o/ /sems dpa' chen po zhes bya ba ni byang chub chen po'i ngo bo ci'i phyir zhe na/ slar yang gshegs par mdzad du gsol zhes bya ba yin no/ /'di ni ji srid khyed la bdag spyan 'dren par bgyid pa de srid kyi bar du gshegs par mdzod la/ slar spyan 'dren pa de'i
 tshe na mi phyed pa'i thugs su mdzad de gshegs par mdzod cig ces pa'o/ /'di skad ston te gang gi phyir byang chub kyi sems dang 'brel pa yin pas 'gro ba 'di dag thams cad ni/ rdo rje sems dpa' la sogs pa'i phyag rgya chen po'i ngo bo nyid yin pa'i phyir/ rdo rje 'bebs pa'i mthar
 thug pa yin no/ /de bas na khyed la rag lus pa'i phyir bdag cag rnams la rjes su brtse ba'i don du khyed slar yang gshegs pa'i slad du mi phyed pa'i thugs su mdzod cig /khyed gshegs pas sems dpa' 'di dag thams cad byon nas bdag gi bsam pa thams cad rdzogs par
 mdzad par 'gyur ro zhes ston to/ /de nas snyim pa'i me tog gtor la dbyung bar bya'o/ /de ltar bcom ldan 'das gshegs pa'i phyir spyi bor snyim pa'i me tog gtor bas bskul bar bya zhing / oM ma hA su kha badzra satwa dzaHhUM baM hoH/ su ra ta s+t+waM muHzhes brjod do/ /des ni bcom
 ldan 'das 'khor dang bcas pa gshegs su gsol bar 'gyur ro/ /de ltar snyim pa'i me tog gtor bas oM ma hA su kha zhes bya ba la sogs pa zlos shing rang nyid kyis dkyil 'khor 'phyag par bya'o/ /gal te slong ba yod na phye ma de las ri lu byas te dkyil 'khor rnams la
 lan brgya rtsa brgyad bzlas la gzhag par bya ste/ des dbang du bya ba la sogs pa'i las thams cad 'grub par 'gyur ro/ /de nas zhes bya ba la sogs pa ni go sla'o/ /gang zhig ri mo'i las la mkhas par gyur pa des ni rdo rje la sogs pa mtshan ma'am phyag rgya
 la sogs pa gzhag par bya'o/ /gang zhig mtshan ma'i phyag rgya la sogs pa yang dkyil 'khor du bri bar mi nus pa des ni lha rnams dam tshig gi phyag rgya rnams kyis rab tu bsgrubs la/ de rnams kyi chos dang las dang phyag rgya chen po bcing bar bya'o/ /phyag
 rgya'i cho ga rgyas pa zhes bya ba ni bri ba'i phyag rgya rnams kyis dkyil 'khor brtag pa'i cho ga gsungs pa gang yin pa 'di'i mtshan ma'i phyag rgya rnams dang lag pa'i phyag rgya rnams kyis bya ba de ni phyag rgya'i cho ga rgyas pa zhes bya'o/ /de ltar de nas bcom ldan 'das zhes bya ba
 nas brtsams te/ phyag rgya'i cho ga rgyas pa'o zhes bya ba'i bar du bstan pas/ slob dpon gyi las kyi cho ga dang slob ma 'jug pa la sogs pa'i cho ga rgyas pa gsungs pa yin no/ /yang 'dis bde blag tu rtogs par bya ba'i phyir/ brjod par bya ste/ re zhig dang por
 ji skad du bshad pa'i chu'i khrus sam sems kyis nang gi khrus byas la lha'i khang par ji lta ba bzhin du zhugs nas 'dug par bya'o/ /de nas sngar bshad pa'i cho gas bdag bsrung ba dang bgegs bsal ba la sogs pa bya'o/ /de nas mchod yon la bzlas pa'i bar gyi cho ga
 rjes su spyad la/ rtag tu rdo rje dril 'chang zhing / /thams cad 'gugs pa'i mchod pa ste/ /bdag byin brlabs sogs sgrub pa yis/ /dngos grub mchog ni bsgrub par bya/ /lugs ma 'am 'bur du brkos pa'am/ /byas pa'am yang na bris pa yis/ /'khor lo dang por
 rab bzhag nas/ /de yi mdun du bsgrub par bya/ /sngar bshad pa'i rdo rje 'khor lo'i phyag rgyas dkyil 'khor sprul la me tog la sogs pas yang dag par mchod de/ oM sarba ta thA ga ta kA ya wA ka tsit+ta pra Na me na badzra ban+d+ha nAM ka ro mi zhes bya bas bcom ldan 'das la phyogs thams
 cad nas dkyil 'khor lnga pas phyag byas la phyag bzhi la sogs pa'i cho ga spyad la sdom pa gzung bar bya'o/ /de'i rjes la a n+yo n+ya a nu ga ta sarba d+harmA zhes bya bas thal mo khong stong bcing bar bya'o/ /de nas pa ra spa ra a nu pra biSh+Ta sarba d+harmA any+dza li zhes brjod cing rdo rje thal mo
 bcing bar bya'o/ /de nas a t+yan+ta a nu pra biSh+Ta sarba d+harmA badzra ban+d+ha zhes brjod cing thal mo bsdams pa bcing bar bya'o/ /de nas badzra ban+d+ha traT ces brjod cing rdo rje bsdams pa snying gar lan gsum dral bar bya'o/ /rdo rje dbab pa'i dam tshig gi phyag rgya bcings la badzra A be sha a zhes bya bas
 bdag nyid la dbab par bya'o/ /de nas tiSh+Tha badzra zhes pa la sogs pas rdo rje dbab pa'i dam tshig gi phyag rgyas rang gi snying gar dgrol bar bya'o/ /de nas badzra muSh+Ti zhes brjod cing rdo rje khu tshur gyi dam tshig gi phyag rgya bcing bar bya'o/ /de nas badzra san+d+hi baM zhes lan gsum bzla
 bar bya'o/ /de nas yi ge hU~M zlos shing dang po'i rdo rje bcing bar bya ste/ de lta bus ni phyag rgya thams cad bcing ba 'grub cing rang gi las rnams byed par 'gyur ro/ /de nas dpal rdo rje sems dpa' la sogs pa nas rdo rje 'bebs pa'i bar gyi rang gi dam tshig gi phyag rgya rnams la
 sa ma ya s+t+waM zhes brjod cing / bcings la de rnams kyi rang gi snying po lan gsum brjod de/ oM badzra muHzhes bya bas rang gi snying gar gzhug par bya'o/ /de nas oM sarba pA pA kaR+Sha Na bi shwa d+ha na badzra sa ma ya hUM phaT ces bya bas phyag rgya dang ldan pas sdig pa thams cad dgug
 par bya'o/ /de nas 'di'i phyag rgya ni/ /rdo rje'i phyag rgya gnyis nang du/ /mdzub mo gnyis ni bcings nas su/ /legs par gyen du 'phangs pa ni/ /ltung ba slong ba'i dam pa'o/ /zhes bya ba yin no/ /de'i rjes la oM badzra pA Ni bi s+pho Ta ya sarba a pa ya ban+d+ha ni pra mo k+Sha ya sarba
 pA pa sarba a pa ya ga ti b+h+yaH/ sarba twan sarba ta thA ga ta badzra sa ma ya traT ces bya ba 'di'i phyag rgya dang ldan pas sdig pa thams cad dral bar bya'o/ /rdo rje bcings pa bsdams byas te/ /gung mo gnyi ga sbyar nas ni/ /tha ma bzhi ni rtse mor sbyar/ /sdig pa 'joms par grags
 pa yin/ /de nas rang gi snying gar gnas pa'i dang po'i rdo rje'i dbus su/ oM ma hA su kha zhes bya ba la sogs pa yid kyis bris la de nyid yid la zlos shing chos thams cad bdag med par bsgom par bya'o/ /de nas de nyid yid la zlos shing de nyid dbyangs kyi yi ge bcu drug
 dang bcas pa las rang gi sems kyi gzugs brnyan zla ba'i dkyil 'khor lta bur bsam par bya'o/ /de'i steng du snying po de nyid yi ge ka la sogs pa dang bcas pa las zla ba'i dkyil 'khor gnyis pa bsam par bya'o/ /de nas snying po de nyid zlos shing zla ba'i dkyil
 'khor de dang po'i rdo rjer bsam par bya'o/ /de nas de'i dbus su snying po de yid kyis bsams la de nyid zlos shing rdo rje'i nga rgyal bsgoms la rdo rje sems dpa'i dkyil 'khor gyi lha 'jig rten gyi khams thams cad kyi rdul phra rab dang mnyam par rdo rje las phyung la de rnams kyis nam mkha'i
 khams thams cad bkang la sems can thams cad kyi don byas nas yang rdo rje der yid kyis bcug ste/ sems dpar byin gyis brlab pa'i sbyor bas rdo rje de rdo rje sems dpa'i bdag nyid du bsam zhing badzra satwa haM zhes kyang bzla bar bya'o/ /de nas bsnyems pa dang bcas pas/ rdo rje
 gsor la yang badzra satwa haM zhes brjod par bya zhing de yang chos kyi dbyings thog ma dang tha ma med pa'i rang bzhin gzugs brnyan dang 'dra bar nges par byas la ma hA sa ma ya satwa haM zhes brjod par bya'o/ /de nas dang po'i rdo rje bcings la/ ma hA sa ma ya haM zhes brjod la/ de nyid kyis snying
 ga dang / dpral ba dang / lkog ma dang / spyi bor byin gyis brlab cing sa ma ya satwa a d+hi tiSh+Tha sa mAM zhes kyang brjod par bya'o/ /de nas bsnyems pa dang bcas pas lus drang por gzhag la bsnyems pa dang bcas pa nyid kyis rdo rje gsor zhing Tak+ki hUM dzaHzhes brjod par bya'o/ /de nas
 rdo rje snying gar bstod pa'i tshul gyis 'jog cing Tak+ki dzaHho zhes brjod par bya'o/ /de nas rang gi snying po bzla bar bya ste/ 'dir phyag rgya chen po bcing ba 'dis bdag la byin gyis brlabs pa yin la de bas na 'dis rnal 'byor pa rdo rje sems dpa'i sku dang gsung dang thugs rdo rje'i ngo
 bo nyid du 'gyur ro/ /de nas nam mkha' dang mnyam pa'i sbyor bas rang gi lus la yid kyi nang du zhugs la/ rang gi snying gar zla ba'i dkyil 'khor la rdo rje 'khor lo'i phyag rgyas dkyil 'khor sprul la/ 'jug pa'i cho ga gnyis pas ji lta ba bzhin du zhugs nas rang gi spyi bor me tog
 gi phreng ba dor la/ dngos grub kyi rdo rje brtul zhugs blang ba'i bar gyis cho ga ji lta ba bzhin du spyad la dkyil 'khor de rang gi zla bar zhu nas de dang gcig tu gyur [(]bar [,]par [)]bsams nas/ rang gi lus la rang gi lha'i gnas rnams su yi ge hrIHlas sna tshogs pad+ma bskyed la gzhi'i lus kyi rang gi
 lha'i gnas su gzhag ste/ oM ma hA su kha badzra satwa dzaHhUM baM hoH/ su ra te s+t+waM a zhes brjod la/ gzhi'i lus kyi phyi rol du sna tshogs pad+ma'i steng du dang po'i rdo rje kha dog dmar po bskyed par bya'o/ /de nas rdo rje'i dbus su sngags yid kyis bris la badzra haM zhes de'i nga rgyal bsgom par
 bya'o/ /de nas sngags de yid kyis brjod la badzra satwa haM zhes bya bas rdo rje de rdo rje sems dpa'i bdag nyid du bsgom par bya'o/ /de bzhin du rdo rje 'bebs pa'i bar gyi phyag rgya chen po bcings la gzhi'i lus la yid kyis A badzra ban+d+ha zhes bya bas rang gi gnas na gnas par bya'o/ /
 rang gi lus kyi phyi rol gyi mdun du sna tshogs pad+ma'i steng du rdo rje dril bu bskyed la/ de'i dbus su badzra g+haN+Ta zhes bya ba yid kyis bris la/ badzra g+haN+To haM zhes bya bas dril bu'i nga rgyal bsgom par bya'o/ /yang badzra g+haN+To zhes yid la brjod la badzra A be+e sha haM zhes bya bas rdo rje dril bu
 de rdo rje 'bebs pa'i bdag nyid du bsgom par bya'o/ /de nas rdo rje lcags kyu la sogs pa'i las kyi phyag rgyas dgug pa dang gzhug pa dang bcing ba dang dbang du bya bas/ rdo rje sems dpa' la sogs pa nas rdo rje 'bebs pa'i bar du rang gi gzugs brnyan la rang gi dam tshig gi phyag
 rgyas go rims 'dis bsgrub par bya'o/ /dang po rdo rje bcings la/ oM ma hA su kha badzra satwa dzaHhUM baM hoH/ su ra ta s+t+waM dr-i sh+ya zhes bya ba dang dpal rdo rje sems dpa' blta bar bya'o/ /de bzhin du rdo rje 'bebs pa'i bar gyis rang gi dam tshig gi phyag rgya bcings la/ A badzra g+haN+Ta dr-i sh+ya zhes
 bya bas rdo rje 'bebs pa blta bar bya'o/ /de nas dpal rdo rje sems dpa'i phyag rgya chen po bcings la g.yas pa'i mdzub mo'i lcags kyus dpal rdo rje sems dpa' la sogs pa rang gi lus la rang gi gnas su snying po 'dis gzhug par bya'o/ oM ma hA su kha badzra satwa a hI shI g+h+raM
 ma hA su kha badzra gu h+ya sa ma ya ma nu smA ra pra bud+d+ha sa ma ya s+t+waM dr-i D+ha su to Sh+yo a nu rak+to su po Sh+yo me b+ha ba a d+hi tiSh+Tha b+ha ga bAn an+d+hi na hi na sa twa sid+d+hi d+ha ma me man+t+ra pa de dzaHhUM baM hoH/ yang dang po'i rdo rje bcings la sa ma ya s+t+waM zhes brjod de 'od zer dmar po 'khrug pa 'bar ba'i 'od
 kyi dkyil 'khor can bskyed la sa ma ya s+t+waM dzaHhUM baM hoH/ oM ma hA su kha badzra satwa dzaHhUM baM hoH/ ma hA su ra ta s+t+waM zhes lan gsum bzlas la/ bcom ldan 'das rdo rje sems dpa' dang bdag nyid gcig tu gyur par bsgom par bya'o/ /de bzhin du rdo rje 'bebs pa'i bar gyis
 dam tshig gi phyag rgya bcings la/ sa ma ya s+t+waM zhes brjod cing 'od zer dmar po 'bar ba 'khrug pa'i 'od kyi dkyil 'khor bskyed la sa ma ya s+t+waM a ho dzaHhUM baM hoH/ badzra g+haN+Ta/ zhes lan gsum bzlas la/ bcom ldan 'das rdo rje 'bebs pa dang bdag nyid gcig tu gyur
 par bsgom par bya'o/ /de ltar na thams cad bsgrub par 'gyur ro/ /de bzhin du bcom ldan 'das rdo rje sems dpa' la sogs pa chos dang las dang phyag rgya chen po rnams kyis rgyas btab la snga ma bzhin du yid kyis legs so zhes bya ba'i sbyor bas sangs rgyas thams cad de'i lus la
 bcug la dam tshig gi phyag rgya bsgrub par bya'o/ /de nas chos dang las dang phyag rgya chen pos kyang rgyas btab la/ yang dang po'i rdo rje bcings nas badzra satwa a d+hi tiSh+Tha swa mAM zhes bya bas rang gi snying ga'i zla ba la dang po'i rdo rje rtse lnga pa bskyed par bya'o/ /badzra rat+na a d+hi tiSh+Tha swa mAM zhes
 bya ba dang dpral bar rdo rje rin po che/ badzra d+har+m+ma a d+hi tiSh+Tha swa mAM zhes bya ba dang / lkog ma'i phyogs su rdo rje pad+ma/ badzra kar+m+ma a d+hi tiSh+Tha swa mAM zhes bya ba dang / spyi bor sna tshogs rdo rje bsam par bya'o/ /de ltar byin gyis brlabs pa byas nas sngar bshad pa'i dbang bskur ba'i phyag rgya
 rnams kyis sangs rgyas dang / rin po che dang / pad+ma dang / sna tshogs rdo rje'i phreng ba'i dbang bskur ba'i cod pan bskyed la yi ge brgya pas brtan par bya'o/ /de nas dang po'i rdo rje bdag po dang / ming gi dbang bskur ba blangs nas dngos grub kyi rdo rje brtul zhugs blang bar bya'o/ /de
 nas rdo rje mtshon cha ma la sogs pa bcu gnyis kyi las kyi phyag rgyas bdag nyid yang dag par mchod la/ rol pa'i rdo rje dga' ba'i rdo rjes bcom ldan 'das la phyag byas la de kho na nyid kyis rdo rje gzung chos kyi dril bu dkrol la/ dam tshig gi phyag rgya chen por byin gyis brlab par bya'o/ /
 de nas dam tshig gsum gyi rdo rje'i glu'i mchod pa byas la phyag rgya chen po ji lta ba bzhin du bcing bar bya'o/ /de ltar phyag rgya chen po rab tu bsgrubs nas snying gar rdo rje 'khor los de bzhin du dkyil 'khor sprul la oM ma hA su kha badzra satwa dzaHhUM baM hoH/ sa ma ya staM zhes bya ba dang / dpal rdo
 rje sems dpa' rang gi snying gar gnas pa'i rdo rje sems dpa'i dkyil 'khor gyi dbus su gzhag par bya'o/ /de bzhin du badzra g+haN+Ta zhes bya ba dang rang gi snying gar gnas pa'i rdo rje sems dpa'i dkyil 'khor gyi gnas su rdo rje 'bebs pa'i bar du gzhag par bya'o/ /de nas oM
 badzra At+ma kou0f85haM/ oM swa b+hA ba shud+d+hou0f85haM/ oM sarba sa mo haM/ zhes bya ba'i snying po gsum zlos shing rdo rje'i bdag nyid du bsams la/ bde ba chen po rdo rje rab mchog dam tshig pa zhes bya ba'i dkyil 'khor gyi rang bzhin ni bdag rang nyid yin no zhes nga rgyal bskyed la/ oM ma h
 A su kha zhes bya ba la sogs pa'i sngags lha thams cad kyi thugs kar gnas pa'i rdo rje'i dbus su bsams la yid kyis rdo rje'i tshig tu rab tu dga' ba'i rdo rje tshig zlos shing thams cad bdag yin no zhes ji srid mngon du mthong bar gyur pa de srid kyi bar du nyin re zhing bsgom par bya'o/ /de
 nas de'i dkyil 'khor ji lta ba bzhin du bris la bsgrubs na rdo rje 'chang ba nyid 'thob par 'gyur ro/ /yang na snga ma bzhin du rnal 'byor chen po byas la rang gi snying po zlos pa la brtson pa dang / g.yon pa'i mig tu Ta las zla ba ste/ g.yas par ma bkod pa las nyi ma bsam/ hri yis
 mig 'bras bskal pa'i me lta bur gnas pa 'dis ni rdo rje blta bar bya/ rnal 'byor pas yid kyis nam mkha'i phyogs su gnas la snod kyi 'jig rten gyi 'og tu rlung gi dkyil 'khor la/ yi ge hUM las rdo rje rtse lnga pa 'bar bar bsams la rdo rje de'i dbus su yi ge raM bsams te/ rdo
 rje de rdo rje me lta bu'i 'od dang ldan pas kun nas nyon mongs pa can gyi sangs rgyas kyi zhing thams cad thal bar byas par bsam par bya'o/ /de nas yi ge khaM las bcom ldan 'das rnam par snang mdzad dkar po nam mkha'i gtos thams cad khyab pas rdo rje bdud rtsi chu'i rgyun gyis
 sangs rgyas kyi zhing tshig par gyur par bkrus te/ 'o ma can gyi rgya mtsho chen po dba' rlabs kun du 'khrug pa kun du gang bar gnas par bsam par bya'o/ /de nas yi ge ra'i mes 'o ma can gyi rgya mtsho chen po bskol la/ ra'i me dang rgya mtsho chen po'i dbus su pad+ma chen po bsam par bya'o/ /
 pad+ma'i rtsa bar yi ge pra las shes rab kyi pha rol tu phyin pa'i rang bzhin can gyi gser gyi rus sbal tshad mtha' yas pa dang / pad+mo'i ze ba la shes rab kyi pha rol tu phyin pa'i rang bzhin can gyi yi ge pra gser gyi mdog can dang / bcom ldan 'das rnam par snang mdzad yi ge khaM gi gzugs su nam
 mkha'i phyogs nas byon nas bzhugs par bsams la/ pad+ma dang yi ge pra dang yi ge khaM gcig tu byas la hUM suM hUM zhes brjod de/ de las ri'i rgyal po ri rab zur bzhi pa rin po che sna bzhi'i rang bzhin can rin po che sna tshogs kyis brgyan pa bskyed par bya'o/ /de nas yang nam mkha'i
 phyogs su 'dod pa'i khams thams cad kyi gzhan 'phrul dbang byed kyi lha'i rgyal po'i lha'i gzhal yas khang dang po'i rdo rje bcings pa la hUM zhes brjod des la bzhag nas/ a nu rA ga ya mi hUM zhes brjod la/ sprul nas lha thams cad kyi gnas su yi ge hriHlas sna tshogs
 pad+ma'i gdan bsams te/ oM badzra dr-i D+ho me b+ha ba rak+Sha sarbaM swA hA zhes brjod de rdo rje bsdams pa brkyang ba sa la bzhag nas byin gyis brlab par bya'o/ /de nas dkyil 'khor gyi sa'i dbus su ji lta ba bzhin du 'dug la snga ma bzhin du mngon par byang chub pa rnam par bsgoms nas
 'og min gyi gnas nas babs te/ 'dod pa'i khams thams cad kyi gzhan 'phrul dbang byed kyi lha'i rgyal po'i gnas na/ phyag na rdo rje la sogs pa'i byang chub sems dpa' rnams kyis yongs su bskor nas mdun gyis bltas te gnas so/ /de nas 'dod chags chen po ni
 byang chub sems dpa' chen po'i dngos grub kyi mchog go zhes bya ba la sogs pa/ shes rab kyi pha rol tu phyin pa'i sgo ston pas dkyil 'khor sprul pa'i phyir/ rdo rje sems dpa' yang dag par sprul te/ shes rab kyi pha rol tu phyin pa'i don la lhag
 par mos pa'i stobs kyis bde ba chen po rdo rje sems dpa'i bzhugs gnas kyi gzhal yas khang bskyed de/ der rnal 'byor pa rnam par snang mdzad kyi nga rgyal gyis gnas par bya'o/ /de nas rdo rje sems dpa'i nga rgyal gyis bcom ldan 'das rnam
 par snang mdzad la gsol ba gdab par bya ste/ ji srid 'khor ba'i gnas su ni/ /de srid mtshungs med sems can don/ /sems can khams ni mtha' yas pa/ /gzi can srid pa tshol byed pa/ /srid pa'i nyes pa gzhig pa yis/ /bde ba chen po
 'phel ba'i phyir/ /gsang ba'i rtog pa mchog bshad pa/ /bdag la rjes su gnang ba stsol/ /de nas rnam par snang mdzad kyi nga rgyal gyis rdo rje 'chang ba la dbang bskur bar bya'o/ /dang po'i rnal 'byor gyi ting nge 'dzin to/ /de nas rdo rje sems dpa'i
 phyag rgya chen po bcings te/ oM ma hA su kha badzra satwa dzaHhUM baM hoH/ su ra ta s+t+waM zhes brjod cing rang gi sku dang gsung dang thugs las rang gi lha dang dkyil 'khor gyi lha phyung la/ snying po brjod cing rang rang gi gnas su dkyil 'khor gyi tshul gyis ji lta bar gzhag par
 bya ste/ 'di ni dkyil 'khor gyi mchog ces bya ba'i ting nge 'dzin gnyis pa'o/ /de nas sgo dbye ba dang bsdu ba byas la rdo rje dbyings kyi dkyil 'khor chen po las gsungs pa'i tshul gyis bcom ldan 'das 'khor dang bcas pa byon nas/ ji lta bar
 bzhugs par bsams la dbang bskur ba blang ste/ lcags kyu la sogs pas dgug pa dang / gzhug pa dang bcing ba dang dbang du byas la/ rdo rje gnod sbyin gyis bgegs bsal ba la sogs pa yang bya/ rdo rje khu tshur gyis sgo rnams
 bcad la/ rdo rje bsrung bas yang dag par bsrungs te/ bcom ldan 'das rdo rje sems dpa' 'khor dang bcas pa la/ rdo rje sems dpa'i snying po bzlas pa'i mchod yon phul la bcom ldan 'das rdo rje sems dpa' 'khor
 dang bcas pa'i dam tshig gi phyag rgya rnams kyis bsgrub par bya'o/ /de nas chos dang / las dang / phyag rgya chen po 'khor dang bcas pas rgyas btab la/ dbang bskur ba'i phyag rgya rnams kyis dbang bskur te/ rim pa 'dis rang rang gi
 las la nges par sbyar bar bya'o/ /dpal rdo rje sems dpa'i phyag rgya chen po bcings la/ dpal rdo rje sems dpa' la 'di skad ces brjod par bya ste/ de bzhin gshegs pa la sogs pa dang / sems can gyi khams thams cad 'dod chags chen
 po 'di dngos grub kyi mchog la rab tu gzhag par mdzod cig / rdo rje yid las byung ba'i phyag rgya chen po bcings la/ rdo rje yid las byung ba la 'di skad ces brjod do/ /de bzhin gshegs pa la sogs pa dang sems can gyi khams thams cad
 'dod chags chen po rab tu rtogs pa bshad pa la sbyor bar mdzod cig / kI li ki la'i phyag rgya chen po bcings la/ kI li ki la la 'di skad ces brjod do/ /de bzhin gshegs pa la sogs pa'i sems can gyi khams thams cad 'dod chags
 chen po mngon du byed pa'i dngos grub la rab tu gzhag par mdzod cig / rdo rje dran pa'i phyag rgya chen po bcings la/ rdo rje dran pa la 'di skad ces brjod do/ /de bzhin gshegs pa la sogs pa'i sems can gyi khams thams cad thugs rje chen po'i
 chags pa'i 'ching bas bcings la mi gnas pa'i mya ngan las 'das pa'i dbyings la rab tu gzhag par mdzod cig / rdo rje bsnyems pa'i phyag rgya chen po bcings la/ rdo rje bsnyems pa la 'di skad ces brjod do/ /de bzhin gshegs pa
 la sogs pa sems can gyi khams thams cad la dbang byed pa'i bdag po dngos grub kyi bsnyems pas dbang du mdzod cig / rdo rje sbrang rtsi'i phyag rgya chen po bcings la/ de la 'di skad ces brjod do/ /de bzhin gshegs pa la sogs pa dang / sems
 can thams cad rdo rje sems dpa'i bsam gtan gyi pha rol tu phyin pa la rab tu 'jog par mdzod cig / rdo rje sprin gyi phyag rgya chen po bcings la/ de la 'di skad ces brjod do/ /de bzhin gshegs pa la sogs dang sems can gyi khams thams
 cad rdo rje sems dpa'i shes rab kyi pha rol tu phyin pa la rab tu 'jog par mdzod cig / rdo rje ston gyi phyag rgya chen po bcings la/ de la 'di skad ces brjod do/ /de bzhin gshegs pa la sogs pa dang / sems can gyi khams thams cad rdo rje sems
 dpa'i smon lam gyi pha rol tu phyin pa la rab tu 'jog par mdzod cig / rdo rje dgun gyi phyag rgya chen po bcings pa de la/ 'di skad ces brjod do/ /de bzhin gshegs pa la sogs pa dang / sems can gyi khams thams cad rdo rje
 sems dpa'i thabs kyi pha rol tu phyin pa la rab tu 'jog par mdzod cig / sgeg mo'i phyag rgya chen po bcings la/ de la 'di skad ces brjod do/ /de bzhin gshegs pa la sogs pa dang / sems can gyi khams thams cad rdo rje sems
 dpa'i tshul khrims kyi pha rol tu phyin pa la rab tu 'jog par mdzod cig / bzhad ma'i phyag rgya chen po bcings la/ 'di skad ces brjod do/ /de bzhin gshegs pa la sogs pa dang sems can gyi khams thams cad rdo rje sems dpa'i 'dzum
 pa rmad du byung ba la rab tu 'jog par mdzod cig / glu ma'i phyag rgya chen po bcings la/ de la 'di skad ces brjod do/ de bzhin gshegs pa la sogs pa dang / sems can gyi khams thams cad rdo rje sems dpa'i bzod pa'i pha
 rol tu phyin pa la rab tu 'jog par mdzod cig / gar ma'i phyag rgya chen po bcings la/ de la 'di skad ces brjod do/ /de bzhin gshegs pa la sogs pa dang / sems can gyi khams thams cad rdo rje sems dpa'i brtson 'grus kyi pha
 rol tu phyin pa la rab tu 'jog par mdzod cig / rdo rje lcags kyu ma'i phyag rgya chen po bcings la/ de la 'di skad ces brjod do/ /de bzhin gshegs pa la sogs pa dang / sems can gyi khams thams cad byang chub kyi sems chen po'i lcags kyus thar
 pa chen po'i grong khyer du gzhug par mdzod cig / rdo rje zhags pa'i phyag rgya chen po bcings la/ de la 'di skad ces brjod par bya'o/ /de bzhin gshegs pa la sogs pa dang / sems can gyi khams thams cad pha rol tu phyin pa bcu'i zhags pas thar pa chen po'i
 grong khyer du gzhug par mdzod cig / rdo rje lcags sgrog gi phyag rgya chen po bcings la/ de la 'di skad ces brjod par bya'o/ /de bzhin gshegs pa la sogs pa dang / sems can gyi khams thams cad de bzhin gshegs pa'i bsam gtan
 gyis bcings par mdzod cig / rdo rje 'bebs pa'i phyag rgya chen po bcings la/ de la 'di skad ces brjod do/ /de bzhin gshegs pa la sogs pa dang / sems can gyi khams thams cad rang bzhin gyis 'od gsal ba'i ye shes dbab pas
 dbang du mdzod cig 'dir/ 'di ni las kyi rgyal po mchog /ces bya ba'i ting nge 'dzin gsum pa'o/ /de ltar ting nge 'dzin gsum po rnam par bsgoms la yang sgo dbye ba dang / bsdu ba dang / mtshan brgya rtsa brgyad kyis bstod pa yang byas la/ bcom ldan
 'das kyi phyag rgya chen po bcings te/ g.yas pa'i mdzub mo'i lcags kyus bcom ldan 'das 'khor dang bcas pa'i dkyil 'khor chen po ji lta ba bzhin du bcug ste/ rdo rje gnod sbyin dang / rdo rje khu tshur dang / rdo rje srung ba'i las rnams snga ma bzhin du
 byas la/ mchod yon de bzhin du phul nas bcom ldan 'das rdo rje sems dpa' 'khor dang bcas pa dam tshig gi phyag rgya bsgrub par bya'o/ /de nas chos dang / las dang / phyag rgya chen po rnams kyis rgyas btab la dbang bskur la mchod pa rnam pa lnga dang / rdo rje
 mtshon cha la sogs pa mchod pa rnam pa bcu gnyis kyis yang dag par mchod nas rnam par sgeg pa'i dga' ba'i rdo rjes phyag bya ba dang / phyag bzhi byas la bcom ldan 'das rdo rje sems dpa'i phyag rgya chen po bcings te/ dkyil 'khor gyi lha thams cad kyi sku
 dang / gsung dang / thugs rdo rje'i ngo bor bdag nyid bsam zhing / oM badzra At+ma kou0f85haM/ zhes bzla bar bya'o/ /de nas rang bzhin gyis 'od gsal zhing rang bzhin gyis dag par lhag par mos pa byas la/ oM swa b+hA ba shud+d+hou0f85haM/ zhes brjod par bya'o/ /
 de nas chos kyi dbyings thog ma dang tha ma med pa las byung ba lha thams cad kyi sku dang / gsung dang / thugs kyi ngo bo'i gzugs brnyan dang mnyam par bdag nyid bsams la/ oM sarba sa mou0f85haM zhes brjod par bya'o/ /de nas rdo rje chen po'i gsang ba'i
 dam tshig gi dkyil 'khor chen po'i rang bzhin ni bdag nyid yin no zhes nga rgyal bskyed la/ lha thams cad kyi thugs kar gnas pa'i rdo rje la/ oM ma hA su kha badzra satwa dzaHhUM baM hoHsu ra ta s+t+waM zhes bya bas yid kyis mngon par bri la 'di nyid zlos shing / rdo rje sems
 dpa'i dkyil 'khor chen po'i rang bzhin du bdag nyid bsgom zhing / lha thams cad kyi zhal nas sngags kyi sgra mngon par byung bar bsam zhing nges pa bskyed par bya ste/ de lta bus ni thams cad 'grub par 'gyur ro/ /de ltar nyin re zhing nang par sgrub pa lan cig byas la/ de'i
 'og tu ji ltar 'dod par bya'o/ /kun bzang de bzhin thams cad byed/ /spyod pa ci dgar 'dod pa byed/ /langs pa dang ni 'dug pa dang / /'chag gam de bzhin gnas pa dang / /dgod dam rab tu smra yang rung / /gang ni ji ltar spyod kyang rung / /dbang po gang dang gang lam 'gyur/ /de dang
 de yi ngo bor bya/ /mnyam par ma bzhag sbyor ba yis/ /rang gi lhar ni bsgrub par bya/ /de nyid sbyor ba 'di yis ni/ /'di dag thams cad bsgrub byas nas/ /thams cad rdo rje sems dpa' dngos/ /rtag tu bltas pas rab 'grub
 'gyur/ /gang gi tshe mnyam par bzhag pa'i rnal 'byor gyis dub na mnyam par ma bzhag pa'i rnal 'byor bsgom par 'dod pa de'i tshe/ bcom ldan 'das rdo rje sems dpa'i phyag rgya chen pos rang gi gnas su bzhag la rang gi gnas su bzhag pa'i dang po'i
 rdo rjes bdag nyid byin gyis brlabs te de bsgom par bya'o/ /de nas bya ba thams cad byas la slar yang zhugs te dang po'i rdo rje nyid kyis/ dzaHhUM baM hoHzhes brjod do/ /bcom ldan 'das rang gi lus la bcug la phyag rgya chen po bcings te dbus su 'dug la
 mtshan brgya rtsa brgyad kyis bstod pa byas nas mchod pa lnga dang / phyag rgya'i mchod pa bcu gnyis kyis yang dag par mchod de/ rnam par sgeg pa'i dga' ba'i rdo rje dang phyag rgya bzhi yang byas la snga ma bzhin du bsgom par bya'o/ /gang gi tshe dang po'i
 gnas skabs sam/ gnas skabs gnyis par bcom ldan 'das gshegs su gsol bar 'dod na yang de'i tshe mtshan brgya rtsa brgyad kyis bstod pa dang / mchod pa dang phyag byas la mngon par 'dod pa'i dngos grub kyi don du dge ba'i rtsa ba yongs su bsngos la/ phyag
 rgya gang dang gang nas byung ba de dang de nas dgrol ba ni/ ji skad bshad pa'i rdo rje bsdams pa dgrol ba dang badzra muHzhes bya ba'o/ /de nas gnas kyi nges pa ni 'di yin te/ sngags pa'i snying ga'i zla ba'i mdun du rdo rje sems dpa' dang / rdo rje yid las
 byung ba dpral bar rdo rje ki li ki la la/ lkog mar rdo rje dran pa/ spyi bor rdo rje bsnyems pa/ mgo la rdo rje dpyid/ gsang bar rdo rje sprin/ mig gnyis su rdo rje ston/ nu ma dang brang dang snying ga'i phyogs su rdo rje dgun ma/ nang gir gtogs pa'i rdo rje
 sems dpa'i g.yon logs su rdo rje sgeg mo/ rnal 'byor pa'i so'i phreng ba gnyis su rdo rje bzhad ma/ rdo rje dran pa'i g.yon logs su glu ma/ rdo rje bsnyems ma'i g.yon logs su gar ma/ rnal 'byor pa'i brla g.yas par rdo rje lcags kyu/ brla
 g.yon par zhags pa/ byin pa g.yas par lcags sgrog byin pa g.yon par 'bebs pa yang dag par gnas so/ /lha'i rnal 'byor gyi dus su de bzhin gshegs pa rnams ni phung po lnga'i ngo bo nyid kyis thams cad du khyab pa'i phyir de rnams
 kyi gnas kyi nges pa med do/ /phyag rgya dgrol ba'i dus su ni rnam par snang mdzad ni spyi gtsug gi gnas su dgrol lo/ /mi bskyod pa ni rdo rje sems dpa'i gnas su'o/ /rin chen 'byung ldan ni ki li ki la'i gnas su'o/ /'od dpag tu med
 pa ni rdo rje dran pa'i gnas su'o/ /don yod par grub pa ni rdo rje bsnyems ma'i gnas su dgrol bar bya'o/ /de ltar phyag rgya bkrol nas/ rang gi snying gar gnas pa'i rdo rje rin chen gyi dam tshig gi phyag rgya rang gi dbang bskur ba'i gnas su
 bzhag pas dbang bskur la/ mdzub mo gnyis kyis phreng ba dkris pa bcings la/ de bzhin du go bgo ba bcings shing / oM badzra rat+na a b+hi Shiny+tsa sarba mu dra me tri d+h+ri ku ru bar ka ba tse na baM zhes bzla bar bya'o/ /de nas de bzhin du mthar mnyam
 pa'i thal mos mnyes par bya'o/ /de nas rab tu dga' ba la rag las pa zhes bya ba la sogs pas bskul la/ snyim pa'i me tog gis lha rnams ji lta ba bzhin du gshegs su gsol bar byas nas/ sprul pa rnams rang gi lus la bsdus
 te/ rdo rje bsrung ba dang / rdo rje gnod sbyin dang / rdo rje khu tshur dang / rdo rje sems dpa'i gtsug tor gyi phyag rgya byams pa'i go chas bdag bsrung bar byas la/ langs nas ji ltar mngon par 'dod pa'i dge ba'i bya bas gnas par bya'o/ /de ltar ji srid dkyil 'khor mngon sum du mthong
 bar gyur pa de srid kyi bar du nyin re zhing bya'o/ /de ltar byas na sngon du bsnyen pa byas par 'gyur ro/ /gang zhig dkyil 'khor bsgom par mi nus pa des ni rnal 'byor chen po byas la lha thams cad kyi sngags re re zhing bzlas brjod 'bum 'bum bya'o/ /sngon du bsnyen pa'i cho ga'o/ /de ltar
 rig pa'i brtul zhugs rjes su spyad la/ dngos grub don du gnyer bas ji skad du bshad pa'i sbyang ba dang / sa yongs su gzung ba byas la dkyil 'khor bri bar bya'o/ /de la re zhig dang por ni bgegs gzhom par bya'o/ /de nas rdo rje 'khor los dkyil 'khor sprul la phyag 'tshal ba la sogs pa sngon
 du 'gro bas sdom pa bzung la/ rnal 'byor chen po dang gzhal yas khang dang gdan rnams bskyed la dbus su sems dpa'i skyil mo krung gis 'dug ste/ bdag nyid spro ba bskyed par bya'o/ /deng du bdag tshe 'bras bu yod/ /bdag gi gson pa'ang 'bras bur bcas/ /lha
 dang dam tshig gis mnyam par/ /gyur par bdag ni som nyi med/ /byang chub sems dang sems gcig la/ /mi ldog par ni bdag gyur te/ /de bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag gi mchod sbyin bla
 na med/ /sangs rgyas thams cad spyan 'dren pas/ /deng bdag 'dus pa'i mchog yin no/ /de nas lus thams cad kyis phyag byas te lag na spos snod thogs te/ sangs rgyas thams cad spyan drang bar bya ste/ ma lus phyogs na bzhugs pa yi/ /sangs rgyas thams cad dgongs su
 gsol/ /bdag ming 'di zhes bgyi ba yis/ /rdo rje can gyi dkyil 'khor bri/ /sangs rgyas thams cad 'dir gshegs te/ /dngos grub 'di ni stsal du gsol/ /zhes brjod la lus thams cad kyis phyag byas la dang po'i rnal 'byor dang / dkyil 'khor gyi rgyal po mchog dang /
 las kyi rgyal po mchog bsgom par bya'o/ /de nas phyag rgya chen po bcings la oM ma hA su kha badzra satwa dzaHhUM baM hoH/ su ra ta s+t+waM zhes zlos shing phyag rgya chen po bsgom par bya'o/ /de nas dkyil 'khor bri bar bya ba'i phyir bdag nyid la de bzhin gshegs pa thams cad kyis gsol ba
 btab par bsam par bya'o/ /sems can kun la phan pa'i phyir/ /rgyal ba chen por yang dag 'khrungs/ /gang phyir chags bral bdag nyid kyis/ /chags dang bcas pa gzung ba'i phyir/ /rnam par grol bas gsol ba 'debs/ /rang nyid 'dul ba'i mchog bshad la/ /
 bde ba chen po rdo rje che/ /gsang rtog dngos grub rab stsol gsungs/ /de nas langs la de bzhin gshegs pa thams cad kyi zhabs la phyag byas la/ de bzhin gshegs pa thams cad kyis nam mkha' kun du gang bar bsams la 'di skad brjod par bya'o/ /bdag ni rang nyid
 rdo rje can/ /rdo rje sems dpa' rang bdag nyid/ /bdag ni sangs rgyas rgyal po che/ /stobs chen rdo rje can bdag yin/ /rnal 'byor dbang phyug rgyal po bdag /phyag na rdo rje bstan bdag ste/ /bdag po rdo rje chen po bdag /byin gyis brlabs pa mi 'dor ro/ /oM ma hA su kha
 badzra satwa dzaHhUM baM hoH/ su ra te s+t+waM zhes brjod par bya'o/ /de ltar dam tshig gsum thob pa'i/ /slob dpon rang gi phyag rgya yis/ /rdo rje dril bu 'chang bya zhing / /'khor lo'i cho ga thams cad bya/ /rtog pa kun la mnyam 'jug pas/ /dkyil 'khor thams cad bsgrub par
 bya/ /dam tshig che gsum zhes bya ba/ /rgya 'di gsang sngags sgrub byed pa'o/ /dngos grub cho ga thams cad la/ /rdo rje dril bu rab bskul bas/ /cho ga lhag gam ma tshang ba/ /'grub 'gyur smad par mi bya'o/ /zhes bcom ldan 'das rdo rje 'chang chen pos gsungs so/ /de
 nas dang po'i rdo rjes oM ma hA su kha badzra sa twa dzaHhUM baM hoH/ su ra ta s+t+waM badzrod tiSh+Tha ma hA maN+Dal laM u nga s+thA nA ya zhes brjod la dkyil 'khor de steng du nam mkhar bzhag la/ bdag la de nyid kyis byin gyis brlabs la yang phyag rgya chen po bcings la badzra dr-iSh+Ti ma Ta zhes bya ba mig
 gnyis su bkod la/ de bzhin 'dug la de bzhin langs/ /kun du rnam par bltas nas ni/ /snying po kun du rjod byed cing / /bsgyings pa'i tshul gyis yongs su bskor/ /yi ge aHlas rkang pa gnyis kyi mthil du sna tshogs rdo rje bsams la rkang pa'i mthil nas yongs su
 bzung ste/ nam mkha'i khams rab 'byam ma lus pa'i tshad tsam gyi sa'i cha rdo rjer gyur pa lhag par mos par byas la/ rdo rje blta bas g.yon nas bskrad par byas la g.yas nas 'og bcing ba dang nam mkha' dang phyogs dang mtshams dang dkyil 'khor bcing ba
 dang rdo rje dra ba bya'o/ /de nas sgo dbye ba'i phyag rgyas sgo phye la rdo rje rgyu'i ngo bo zhal bzhi dang phyag bzhi pa'i gsang ba'i dkyil 'khor sngags dang phyag rgya 'di dang ldan pas dgug par bya'o/ /oM badzra maN+Dal hUM dzaH/ rdo rje khu tshur gnyis kyis mdzub mo dang mthe bo rdo rjer bya ba ni/ rdo rje 'khor lo zhes
 bya ba'i phyag rgya ste dkyil 'khor thams cad 'gugs par byed pa'o/ /oM ma hA badzra tsakra a d+hi tiSh+Tha sid+d+hi hUM zhes bya ba 'di phyag rgya dang ldan pas dkyil 'khor byin gyis brlab par bya'o/ /rdo rje khu tshur gnyis kyis mgal me 'khor ba'i tshul du 'khor lo bskor ba ni 'di'i phyag
 rgya'o/ /de nas seng ldeng las byas pa'i rdo rje phur bu yi ge hUM las stod khro bo'i gzugs la smad rdo rje rtse gcig pa lta bu mtha' yas dang / rnam par rgyal ba dang / sprin sgra dang / gsus po che dang / rgyal ba zhes bya ba dang rim pa bzhin du bskyed la tsan+dan dmar pos byugs shing me
 tog gi phreng ba dmar pos brgyan la srad bu dmar pos bcing ba byas la a ko Ta ya ma hA tri ti ma Ta zhes bya ba'i sngags lan brgya rtsa brgyad bzlas te/ g.yon pa'i rdo rje khu tshur gyis bzung la phyi'i dkyil 'khor gyi mtshams bzhir dbang ldan gyi phyogs nas brtsams te/ g.yas nas bskor
 zhing rdo rje'i tho bas brdung bar bya'o/ /de nas rdo rje gnod sbyin gyis bgegs bsal la bsrung ba byas te/ rdo rje khu tshur gyis sgo rnams bcad la/ rdo rje srung bas bsrung ba thams cad yang dag par bsrungs la/ rdo rje gnod sbyin gyi sngags bzlas pa'i bum pas bsang gtor gyi don du dkyil 'khor
 gyi khang pa'i sgor bzhag la rdo rje bsrung ba yang yongs su bzlas pa'i spos chab rdo rje gnod sbyin gyi sngags zlos bzhin du dbang ldan gyi phyogs nas brtsams te/ g.yas nas bskor ba'i rim gyis dkyil 'khor gyis gzhi byug pa'am/ byug tu gzhug par bya'o/ /de nas lha thams cad kyi gnas
 su dri'i dkyil 'khor byas la/ dpal rdo rje sems dpa' la sogs pa'i snying pos lag pas reg pa dang re re zhing lan bdun bdun bzlas la dkyil 'khor de rnams su dpal rdo rje sems dpa' la sogs pa nas/ rdo rje 'bebs pa'i bar du bkod la mchod pa rnam pa lngas yang dag par
 mchod la phyi rol du gtor ma sbyin par bya'o/ /de nas rnam par rgyal ba'i bum pa la rdo rje gnod sbyin dang / rdo rje me dang / rdo rje sems dpa' ji lta ba bzhin du bzlas la dpal rdo rje sems dpa'i spyan sngar mtshan nyid ji lta ba bzhin du bzhag la bsnyen pa bya'o/ /dkyil 'khor gyi zhag la yang
 bzlas brjod thun gsum bya'o/ /de nas rdo rje gnod sbyin dang sems dpa' dang / sangs rgyas spyan la sogs pas re re zhing mar la sogs pa'i sbyin sreg brgya rtsa brgyad byas te/ 'di ni lhag par gnas pa'i sbyin sreg gi cho ga'o/ /de nas mtshan brgya rtsa brgyad pas bstod la/ rdo rje
 mtshon cha ma la sogs pa'i phyag rgya'i mchod pa bcu gnyis kyis yang dag par mchod nas dkyil 'khor gyi lha rnams la phyag byas la mchod yon phul te sngar bshad pa'i cho gas slob ma lhag par gnas par bya'o/ /de nas lha lhag par gnas pa'i cho ga yang de bzhin du byas la
 bcom ldan 'das la phyag byas te mtshan brgya rtsa brgyad pas bstod la/ mchod yon phul nas yang dag par mchod de phyag byas nas slob ma rnams la zab cing rgya che ba'i chos bshad la yang dag par spro bar byas la/ slob dpon slob ma'i tshogs dang bcas pa dkyil 'khor
 gyi sa'i mthar ji skad du bshad pa'i mal du nyal bar bya'o/ /de nas mal nas langs la rnal 'byor chen po ji lta ba bzhin du byas nas/ nyi ma 'char ba'i dus su dkyil 'khor nam mkha'i steng du de bzhin du gzhag ste/ oM badzra sa ma ya sU traM mA ti kra ma hUM zhes zlos shing snga ma
 bzhin du thig gdab par bya'o/ /de nas tshon dmar po la sogs pas dkyil 'khor ji lta ba bzhin du bris la/ dkyil 'khor dbus ma'i dbus su sna tshogs pad+ma'i steng du lugs ma la sogs pa'i sku gzugs 'dzum pa dang bcas pa zla ba'i mdog can 'od zer dkar po
 'bar ba 'khrug pa/ sangs rgyas kyi phreng ba la sogs pas brgyan cing yan lag spras pa/ sems dpa'i skyil krung gis bzhugs pa phyag rgya chen po rdo rje dril bu bsnams pa'i bcom ldan 'das rdo rje sems dpa' sa ma ya s+t+waM/ oM ma hA su kha badzra dzaHhUM baM hoH/ su
 ra ta s+t+waM zhes zlos shing bkod la nam mkha'i phyogs nas phab ste gzugs brnyan dang lhan cig tu gyur par bsam par bya'o/ /bcom ldan 'das rdo rje sems dpa'i mdun du mi bskyod pa'i gnas su rdo rje yid las byung ba sku mdog dmar po g.yon pa'i rdo rje khu tshur gyis me tog gi gzhu bsnams
 pa/ phyag g.yas pa mda' gsor ba la brtson pa'o/ /bcom ldan 'das kyi g.yas logs su rin chen 'byung ldan gyi gnas su badzra ki li ki la sku mdog shin tu dkar ba phyag gnyis rdo rje khu tshur gnyis bcings pas rang gi thugs kar dang po'i rdo rje yongs su 'khyud de bzhugs pa'o/ /
 bcom ldan 'das kyi rgyab tu 'od dpag tu med pa'i gnas su rdo rje dran pa sku mdog ser po phyag g.yas kyis chu srin gyi rgyal mtshan bsnams shing phyag g.yon gyis gdan la brten te bzhugs pa'o/ /bcom ldan 'das kyi g.yon logs su don yod grub pa'i gnas su rdo rje bsnyems
 ma sku mdog sngon po phyag gnyis kyis rdo rje gnyis bsnams nas dku gnyis su 'gying bag gis bzhugs pa'o/ /nang gi dkyil 'khor de nyid kyi me'i mtshams su rdo rje dpyid gser gyi mdog can/ bden bral gyi mtshams su rdo rje sprin shin tu sku mdog dkar ba/ rlung gi mtshams su rdo rje
 ston sku mdog ser ba/ dbang ldan gyi mtshams su rdo rje dgun sku mdog sngon po'o/ /yang 'di dag go rims bzhin du me tog dang / spos dang / mar me dang / dri bsnams pa dang / spyi bo'i gnas su thal mo sbyar te 'jog pa'o/ /phyi'i dkyil 'khor gyi lha'i snam bu la me'i mtshams su
 sgeg mo sku mdog dmar po/ khu tshur gnyis kyis rdo rje gnyis bsnams nas rdo rje bsnyems pa'i tshul gyis 'dzin cing bsam pa g.yos pas rab tu 'dud pa'o/ /bden bral gyi phyogs su bzhad ma sku mdog shin tu dkar ba so'i phreng ba gnyis dang bcas pa'i rdo rje rtse lnga pa gnyis dang bcas pa
 bsnams nas/ rdo rje sems dpa' la sogs pa 'dzum pa rmad du byung bas rab tu 'jog par mdzad pa/ phyag g.yon pa gdan la brten te bzhugs pa'o/ /rlung gi mtshams su glu ma chen mo sku mdog ser ba/ rdo rje pi wang len pa la brtson par bya'o/ /dbang ldan gyi phyogs su gar ma sku mdog sngon po
 phyag gnyis kyis rdo rje rtse gsum pa bsnams nas gar byed pa'i tshul gyis bzhugs pa'o/ /phyi dang nang du bcas pa'i shar sgo gnyis su rdo rje lcags kyu sku mdog dmar po rdo rje lcags kyus rdo rje sems dpa' la sogs pa'i de bzhin gshegs pa 'gugs pa'i tshul gyis gzhugs pa'o/ /
 lho phyogs kyi sgo gnyis su rdo rje zhags pa sku mdog dkar ba/ rdo rje zhags pas rdo rje sems dpa' la sogs pa'i de bzhin gshegs pa rnams thar pa chen po'i grong khyer du 'jug par mdzad cing bzhugs pa'o/ /nub phyogs kyi sgo gnyis su rdo rje lcags sgrog sku mdog ser po rdo rje lcags
 sgrog gis rdo rje sems dpa' la sogs pa'i de bzhin gshegs pa thams cad 'ching bar mdzad pa'o/ /byang phyogs kyi sgo gnyis su rdo rje 'bebs pa sku mdog ser po phyag g.yas pas rdo rje dril bu dkrol ba'i tshul gyis rdo rje sems dpa' la sogs pa'i de bzhin gshegs pa rnams mnyes
 par mdzad cing phyag g.yon pa gdan la brten te bzhugs pa bri bar bya'o/ /de la 'di dag ni rdo rje yid las byung ba la sogs pa nas rdo rje 'bebs pa'i bar gyi dgongs pa snying po rnams yin no/ /ho tri Sh+Thi sa ya ka ma ta hUM/ badzra ki li ki la hUM hUM sma ra badzra ban+d+ha hUM/ badzra ro Sha hUM/ hUM ma d+hu badzra hUM/ badzra
 me g+he hUM/ sha ra ta badzri/ haM badzra/ hUM badzra she she Shu/ hA badzra/ lA s+ye hA/ ha ha swa badzra Ni/ oM badzra gI te/ oM badzra nr-i t+ya badzra/ dzaHbadzra aM ku sha/ /hUM badzra pA sha/ baM badzra s+pho Ta/ a badzra g+haN+Ta/ rdo rje yid las byung ba la sogs pa nas rdo rje 'bebs pa'i mthar thug pa 'di dag thams cad
 kyang sangs rgyas lnga'i cod pan can sems dpa'i skyil mo krung gis bzhugs pa dpal rdo rje sems dpa' la mngon du phyogs pa sna tshogs pad+ma'i gdan la bzhugs pa yin no/ /de ltar dkyil 'khor bris nas/ rdo rje hUM mdzad kyi sbyor bas dkyil 'khor gyi sgo phye la dpal rdo rje sems
 dpa'i sbyor bas bsdu ba byas la mtshan brgya rtsa brgyad pas bstod pa bya'o/ /de nas bcom ldan 'das kyi phyag rgya chen por bsams la/ g.yas pa'i mdzub mo lcags kyus bcom ldan 'das 'khor dang bcas pa'i dkyil 'khor du bcug la/ rdo rje gnod sbyin dang / rdo
 rje khu tshur dang / rdo rje srung bas de bzhin du las rnams byas la/ oM ma hA su kha zhes bya ba la sogs pa'i snying pos/ bcom ldan 'das 'khor dang bcas pa la mchod yon phul nas dam tshig gi phyag rgya rnams kyis bcom ldan 'das 'khor dang bcas pa de bzhin du bsgrub par bya'o/ /de nas
 chos dang las dang phyag rgya chen pos rgyas btab la dbang bskur ba'i phyag rgya rnams kyis dbang bskur nas yang mchod yon la sogs pa phul te/ bcom ldan 'das rdo rje sems dpa' 'khor dang bcas pa la bum pa la sogs pas mchod par bya'o/ /dril bu rtser btags rgyal mtshan
 ni/ /grwa rnams su ni gzhag par bya/ /phyi yi mtshams kyi gnas su ni/ /bum pa yal gas brgyan pa gzhag /bum pa spos chus gang ba dang / /nor bu rdo rje dang bcas pa/ /rdo rje sems dpa'i spyan sngar gzhag /me tog yal ga la yongs bzla/ /'di skad ston te bum pa rtsa
 ba nag po ma yin pa/ gsus pa che ba/ ske ring ba/ mchu 'phyang ba/ gser dang byu ru dang dung dang mu tig dang pad+ma rA ga ste/ rin po che thams cad dang / br-i ha sti dang / kaN+Da ka ri dang / ha sa de ba dang / daN+Do ta pa la dang / ki ri ka ni dkar po ste sman thams cad dang / 'bras sA lu dang nas dang gro
 dang til dang ma sha ste 'bru thams cad dang / tsan+dan dkar po la sogs pa dang ldan pa'i chu dang me tog dkar po dang dri zhim pos yongs su gang ba dang / phyi rol kun du dri zhim pos byug pa me tog gi phreng ba btags pa rang gi lha'i phyag rgyas mtshan pa mgul pa ras gtsang zhing bzang bas
 bcings pa/ me tog dang lo ma can gyi yal ga yod pa'i lcug ma rdo rje dang bcas pa'i rdo rje khu tshur gyis bzung la rang gi sngags brgya rtsa brgyad bzlas te/ bum pa de rnams lha rnams kyi phyi rol du kun nas re re dbul bar bya'o/ /dang por ni dpal rdo rje sems dpa'i bum pa shar
 phyogs kyi sgo la bltas par phyi rol nas dbul lo/ /gnyis pa ni bcom ldan 'das rdo rje sems dpa'i spyan sngar sngags ni lan nyi shu rtsa gcig bzlas la gzhag par bya'o/ /oM ma hA su kha badzra sa ma ya a b+hi She ka dzaHhUM baM hoH/ de ltar bum pa phul nas bum pa gang ba la yang rang gi
 sngags yongs su bzlas la lha rnams la re re dbul bar bya'o/ /de nas ras zung 'bum mam khri'am stong ngam re re zhing zung re la oM dang badzra rat+na ma hA su kha zhes bya ba bzlas pa dang / bla re dang / gdugs dang / rgyal mtshan dang rnam pa sna tshogs pa dag kyang badzra s+pha ra Na khaM zhes zlos
 shing / bcom ldan 'das 'khor dang bcas pa la dbul bar bya'o/ /me tog gi rig pa bzlas pa'i me tog gi shing brgya'am me tog thams cad dbul bar bya'o/ /ga pur dang tsan+dan la sogs pa'i dri rnams ni dri'i rig pas so/ /a ga ru nag po la sogs pa'i bdug spos
 rnams kyis bdug pa'i rig pas so/ /kha zas ro brgya pa la sogs pa ni a kA ro mu khaM sarba d+harmA NAM Ad+ya nut+pan+na twA ta ces bya ba bzlas la mngon par dbul lo/ /mar la sogs pa'i mar me ni mar me'i rig pa zlos la sdong bu legs par btsugs pa'i mar me'i snod stong nas tha na
 bzhi yan chad de bzhin du dbul bar bya'o/ /rol mo stong ngam rol mo bcu po'i yi ge hUM zlos shing rol mo'i phyag rgya dang ldan pas de bzhin du dbul bar bya'o/ /de bzhin du gzhan dag kyang snga ma'i rjes su 'brangs nas shes par bya'o/ /de nas phyi rol du gtor ma dang sbyin sreg bya'o/ /
 de nas phyag btsal ba la sogs pa sngon du 'gro bas sdom pa blangs la/ sarba yo ga tsit+to ta pa da yA mi zhes bya bas byang chub kyi sems chen po bskyed la/ g.yas pa'i rdo rje khu tshur gyis dang po'i rdo rje blangs la rang gi snying gar bzhag ste rang gi snying gar hUM las rdo rje bskyed de/ su ra
 te sa ma ya s+t+waM ho badzra sid+d+hA r+tha ya thA su khaM zhes brjod de/ de nas sgo'i phyi rol na gnas pa'i bum pa'i chus bdag nyid dbang bskur ba la rdo rje slob dpon rang nyid ji snyed pa'i dris bskus shing yan lag byugs pa dang / rgyan gyis brgyan cing me tog gi phreng bas spud pa dang / gos
 dmar po'i zung gis bgo ba dang / kha dri zhim por bya zhing gos dmar pos gdong g.yogs la/ rdo rje bsnyems pa'i sbyor ba dang ldan pas sngon du spyod pa byas pas lag pa g.yon par rdo rje thogs pas bu mo'i lag pa g.yas pa nas de 'dzin pa'i tshul gyis bzung la phyag
 rgya chen pos 'jug par bya'o/ /b+ha ga wAn a bi stu te rwa ga d+hi sarba su kha sa na ma san taM saM gra ho d+hi b+ha ba me su kha d+harmA badzra sa twa dr-i Sh+Ta b+ha ba me la gud du sh+yA sid+d+ha tsa su kha gu h+ya nA ma zhes gsang ba'i tshul drug ldan la sogs pa'i glu'i tshul gyis glur blangs shing / dang po shar phyogs nas
 zhugs la/ dzaHbadzra aM ku sha zhes bya bas rdo rje lcags kyus bdag nyid dgug par bya'o/ /yang lho phyogs kyi sgo nas zhugs la hUM badzra pA sha zhes bya bas rdo rje zhags pas bdag nyid gzhug par bya'o/ /de nas nub phyogs kyi sgo nas zhugs la baM badzra s+pho Ta zhes bya bas rdo rje
 lcags sgrog gis bdag nyid bcing bar bya'o/ /yang byang phyogs kyi sgo nas de bzhin du zhugs la a badzra g+haN+Ta zhes bya bas rdo rje 'bebs pas bdag nyid dbab pa byas la yang shar phyogs kyi sgo nas de bzhin du zhugs la/ thog mtha' med pa'i sems dpa' ni/ /rdo rje sems
 dpa' dga' ba che/ /khyod ni kun du bzang po ste/ /rdo rje bsnyems pa'i bdag po gtso/ /sems dang sems dpa'i ting nge 'dzin/ /rdo rje de bzhin ting nge 'dzin/ /kun mchog dam tshig rnams grub pa/ /rdo rje sems dpa' bdag grub mdzod/ /ces brjod par bya'o/ /
 de nas rdo rje gar ma las byung ba'i bcom ldan 'das kyi phyag rgya chen po bcings la phyag bya'o/ /de yang / g.yon pa'i mig gi rdo rje yis/ /zhugs nas mgon la phyag byas te/ /g.yon pa bsnyems pas gnas pa'i mchog /rol pa'i mig ni 'dzum par bya/ /zhes gsungs
 pa yin no/ /oM pa ra ma su kha tsit+ta la li ta bi lA s+ya na mA ste b+ha ga ban ban+d+ha naM dzaHhUM baM hoH/ hi hi hi hi hA pra tIts+tsha ku su ma any+dza li ni nA tha/ zhes bya bas phyag byas te dkyil 'khor de lan gsum bskor bar bya'o/ /de nas mdun du 'dug la de kho na nyid 'di lan cig brjod par bya'o/ /
 'dod chags chen po bde ba che/ /rdo rje che zhing nor che la/ /ye shes chen po las che ba/ /rdo rje sems bdag deng grub mdzod/ /yang dzaHhUM baM hoH/ pra sid+d+h+ya mAM zhes brjod par bya'o/ /de nas rdo rje chu 'thungs la a zhes bya bas bdag nyid la dbab par bya'o/ /yang g.yon pa'i
 rdo rje khu tshur gyis sems ma rdo rje dral la 'dis bdag nyid la dbab par bya'o/ /oM ma hA su kha badzra satwa dzaHhUM baM hoH/ su ra ta s+t+waM/ a zhes bya ba lan brgya'i bar du bzlas so/ /de nas snying po 'dis me tog dor bar bya'o/ /hUM ma hA su kha badzra sa twa pra tIts+tsha sa ma ya s+t+waM/ de
 nas de blangs la snying po 'dis rang gi mgo la bcing bar bya'o/ /deng khyod rdo rje can gyis ni/ /dngos grub thams cad grub pa'i phyir/ /'dod pa kun gyi dbang phyug dang / /sems can kun la bde rab stsol/ /thams cad grub pa'i dbang bskur ro/ /oM badzra ma hA su kha badzra sa twa
 a b+hi Shiny+tsa su ra ta s+t+waM/ de nas snying po 'dis gdong g.yogs dgrol bar bya'o/ /oM badzra tsak+Shu sa ma ya sarba su ra ta s+t+waM/ de nas hUM las mig gnyis su rdo rje bsams la he badzra pA sh+ya zhes brjod par bya'o/ /de nas shar phyogs kyi sgo nas brtsams te/ rdo rje sems dpa'i mthar
 thug gi bar du dkyil 'khor chen po bstan par bya'o/ /de nas 'jug pa'i phyag rgya bcings la tiSh+Tha badzra zhes bya ba la sogs pas rang gi snying gar dgrol bar bya'o/ /de nas shis pa brjod pa'i tshul gyis rdo rje thal mo sgeg pas bskor la thal mo sbyar te bcom ldan 'das la mtshan
 brgya rtsa brgyad pas bstod par bya'o/ /de nas rdo rje mtshon cha ma la sogs pa'i gsang ba'i mchod pa bzhis bcom ldan 'das la yang dag par mchod la glu dang rol mo la sogs pa'i mchod pas kyang mchod nas phyi'i dkyil 'khor gyi nang du 'jug pa'i sgo la mngon par
 phyogs par sna tshogs pad+ma bris la yang rnam par rgyal ba'i bum pa la bum pa'i sngags lan nyi shu rtsa gcig de bzhin du bzlas te/ dpal rdo rje sems dpa'i phyag rgya chen pos pad+ma de la ji lta ba bzhin du 'dug ste/ me tog la sogs pas bdag nyid la legs par mchod cing
 mchod yon blangs nas rdo rje sems dpa'i sku gzugs mgo bor bzhag ste/ rdo rje khu tshur gyis rnam par rgyal ba'i bum pa las chu blugs la/ oM ma hA su kha badzra sa twa dzaHhUM baM hoH/ su ra ta s+t+waM/ oM badzra a b+hi Shiny+tsa zhes zlos shing des bdag nyid dbang bskur bar bya zhing
 chu de la btung bar yang bya'o/ /oM ma hA su kha badzra satwa dzaHhUM baM hoH/ su ra ta s+t+waM zhes bya ba dang / yang dang po'i rdo rje rang gi spyi bor bcings la lan brgya rtsa brgyad bzlas par bya'o/ /de nas rdo rje sems dpa'i sku gzugs bsams la sangs rgyas rdo rje dang rin po che dang pad+ma dang sna
 tshogs rdo rje phreng ba dang ldan pa'i rin po che'i cod pan dang / dbang bskur ba'i phyag rgya rnams kyis bdag nyid la dbang bskur la yi ge hUM gis dang po'i rdo rje byin gyis brlab cing a las bskyed pa'i rdo rje dril bu dang bcas pa'i dang po'i rdo rje snying po 'dis blang bar bya'o/ /hUM sarba ma hA badzra su khod+b+ha
 ba e Sha s+t+waM a b+hi Shiny+tsa gr-i h+Na hr-i da ya sti badzra te/ kye che ge mo grub pa a/ de ltar rdo rje'i dbang bskur ba blangs nas snying po 'dis bdag po'i dbang bskur ba blang bar bya'o/ /dzaHhUM baM hoH/ ma hA su kha badzra sa twa a b+hi She ka na s+t+waM a b+hi Shiny+tsA mi badzra a d+hi pa ti twaM dr-i D+ho me b+ha ba/ sid+d+hi nA ma te b+ha ga bAn ma hA badzra ha ra su ra ta s+t+waM/ ma hA
 badzra sa twa oM b+hur+b+hu ba swaH/ de nas rdo rje spyi bor bzhag la snying po 'dis ming gi dbang bskur ba blang bar bya'o/ /sarba badzra a d+hi pa ti twaM a b+hi Shiny+tsA mi ma hA badzra nA ma sid+d+h+ya sa ma ya s+t+waM b+hur+b+hu ba swaH/ de nas snying po 'dis dngos grub kyi brtul zhugs kyi rdo rje blang bar bya'o/ /oM sarba ta
 thA ga ta sa ma ya a d+hi pa ti s+t+waM a b+hi Shiny+tsA mi/ 'di ni sangs rgyas thams cad kyi/ /rdo rje can gyi rdo rje nyid/ /rdo rje can gyi brtul zhugs ni/ /khyod kyis kyang ni rtag tu bcang / /'di ni de bzhin gshegs pa thams cad kyi byang chub kyi sems dam pa yin te 'di yongs su ma spangs par
 rtag tu bcang ba yin no zhes bya ba ni 'di'i gsang ba yin te hi badzra gar+b+ha ba pa de hi badzra nA ma sid+d+hi sa ma ya s+t+waM b+hur+b+hu ba swaH/ zhes kyang brjod do/ /de nas/ de nyid kyis ni rdo rje gzung / /chos kyi dril bu dkrol bar bya'o/ /dam tshig gi ni phyag rgya cher/ /byin gyis brlabs nas snying po bzla/ /
 yang dril bu dkrol/ dam tshig gsum gyi glus bstod la/ /mchod pa rnam pa lnga dang / rdo rje mtshon cha la sogs pa'i phyag rgya'i mchod pa rnam pa bcu gnyis kyis kyang bdag nyid la mchod nas/ rdo rje thal mo bskor bas bcom ldan 'das la snga ma bzhin du phyag byas la mchod pa rnam pa lnga dang /
 dbang bskur ba blang bar bya'o/ /yang bcom ldan 'das la phyag byas la/ sngags gzung ba dang / phyag rgya bzhi'i ye shes dang / gzengs bstod pa dang lung bstan pa bcom ldan 'das la mnos la bdag la byin gyis brlab pa la sogs pa snga ma bzhin du byas te/ mdun du
 skyil mo krung gis 'dug ste bu mo dang lhan cig la 'jug pa'i phyag rgya bcings la ji srid yid la mngon par 'dod pa'i dngos grub thob pa de srid kyi bar du bzlas brjod bya'o/ /de nas mchod pa thams cad kyis bcom ldan 'das la yang dag par mchod nas phyag byas nas slar dbyung bar
 bya'o/ /de nas slob ma gzhug par bya ba'i phyir dkyil 'khor brtag par bya ste/ de nas bu mo med par rab tu dga' ba'i rdo rje slob dpon bdag nyid 'jug pa'i cho ga rjes su spyad la sngar bshad pa'i cho ga rnams byas nas/ srid pa'i bde ba rnam dag phyir/ /khyod sngon khyim
 la dga' ba'i phyir/ /'dod pa kun gyi dngos grub ces/ /sems can kun don grub phyir bgyid/ /ces bya bas gsol ba btab la/ bcom ldan 'das 'khor dang bcas pa rnams la mchod pa thams cad kyis yang dag par mchod la slob ma gzhug par bya'o/ /slob
 dpon gyi las kyi cho ga rdzogs so/ / //de nas slob ma bslab pa'i gzhi lnga yongs su 'dzin pa'am/ dge tshul lam dge slong gi sdom pa yongs su blangs pas sngar bshad pa'i cho gas rig pa'i sdom pa bzung la de nas/ des oM sarba ta thA ga ta yo ga tsit+to ta pa da yA mi zhes
 bya ba las slob dpon gyis byang chub kyi sems bskyed du gzhug go/ /de nas de'i snying gar rdo rje ji lta ba bzhin du bskyed la/ de nas rdo rje sems dpar byin gyis brlabs la dri dang me tog la sogs pas mchod nas 'di skad brjod par bya'o/ /deng khyod de bzhin gshegs pas byin
 gyis brlab par 'gyur gyi/ khyod kyis de bzhin gshegs pa thams cad kyi gsang ba'i dkyil 'khor du ma zhugs pa la smra bar ma byed cig /dad pa dang mi ldan pa rnams la yang ma yin no/ /de nas thog ma lnga po bsdu ba bcings la 'di skad ces brjod do/ /
 sangs rgyas thams cad bsgrub pa yi/ /khyed kyis gsang ba'i dam tshig 'di/ /sangs rgyas thams cad rab grub byed/ /gal te dkyil 'khor ma mthong smras/ /khyed kyi rigs kun bcom par 'gyur/ /oM ma hA su kha ha na sa ma ya mA ti kra ma su ra ta s+t+waM/ de nas yon gyi
 mchog blangs la shar phyogs kyi sgo la bltas nas phyi rol na gnas pa'i bum pa'i chus dbang bskur la rab tu dga' ba'i rdo rje'i dam tshig gi phyag rgyas me tog gi phreng ba 'dzin du bcug la slob ma thams cad gzhug pa'i cho gas gzhug par bya'o/ /de nas zhugs nas rna bar 'di skad
 ces bstan par bya'o/ /chags bral gyis 'dul 'jig rten la/ /chags bral gyis ni sbyong bar byed/ /'dod chags chen po bde ba che/ /rdo rje sems dpa' sbas pa yin/ /'dod chags bral bas 'dra ba'i sdig /sdug bsngal dngos po gzhan med de/ /de bas 'dod la chags
 bral ba/ /khyod kyis nam yang ma byed cig /de nas 'di skad ces brjod par bya'o/ /deng khyod de bzhin gshegs pa thams cad kyi rigs su zhugs kyi ngas khyod la ye shes gang gis de bzhin gshegs pa thams cad grub pa'ang thob nas dngos grub gzhan lta smos kyang ci dgos te de
 lta bu'i ye shes bskyed par bya'i/ khyod kyis dkyil 'khor chen po ma mthong ba rnams la smra bar ma byed cig /dam tshig nyams par gyur ta re/ de nas rdo rje slob dpon rang nyid kyis sems ma rdo rje ma'i phyag rgya kha thur du bstan pa dang gyen du bstan pa bcings la/ rdo rje slob ma'i
 spyi bor gzhag ste/ 'di skad ces brjod par bya'o/ /'di ni khyod kyi dam tshig rdo rje yin gyi gal te 'ga' zhig la smras na/ klad pa 'gas par 'gyur ro/ /de nas dam tshig gi phyag rgya de nyid dang mna'i snying po lan cig bzlas la slob ma de 'thung du bcug la 'di skad ces brjod par
 bya'o/ /rdo rje sems dpa' deng khyod kyi/ /snying la yang dag zhugs par mdzad/ /gal te tshul 'di smras na ni/ /de ma thag tu dral nas gshegs/ /badzrod ka Tha/ de nas slob ma la 'di skad brjod par bya'o/ /deng nas brtsams te khyod kyi phyag na rdo rje nga yin gyi ngas 'di byos shig ces bsgo ba
 gang yin pa de khyod kyis bya dgos so/ /khyod kyis nga la brnyas par ma byed cig /mi bde ba ma spangs par khyod dus byas nas dmyal bar ltung bar gyur ta re/ de nas de bzhin gshegs pa thams cad kyis byin gyis rlobs la rdo rje sems dpa' bdag la 'bab par
 gyur cig ces smros shig ces brjod par bya'o/ /de nas rdo rje slob dpon gyis rings par sems ma rdo rje ma'i rdo rje bcings la de'i snying gar gzhag ste 'di skad ces brjod par bya'o/ /'di ni rdo rje'i dam tshig ste/ /rdo rje sems dpa' yin par bshad/ /rdo rje ye shes bla med ni/ /de ring nyid du 'bab par
 shog/ /de nas badzra A be sha a zhes bya ba 'di lan brgya 'don du gzhug go/ /yang g.yon pa'i khro bo'i khu tshur gyis rdo rje sems ma dral la/ oM ma hA su kha badzra sa twa dzaHhUM baM hoH/ su ra ta s+t+waM a a a A A zhes bya ba lan brgya zlos su bcug la bcom ldan 'das rdo rje sems dpas
 kun du gang bar bsam par bya ste des ni 'bab par gyur pa'am/ 'di la lha'i ye shes skye bar 'gyur ro/ /de nas me tog dor la phreng bas dbang bskur ba dang / gdong g.yogs dgrol ba dang / dkyil 'khor bstan pa dang / phyag rgya dgrol ba rnams slob dpon gyi cho gas bya'o/ /
 de nas de kho na nyid chen po brjod par bya ste/ de ni 'di yin no/ /sems can kun gyi yid khyab cing / /sems can kun la bde rab stsol/ /rdo rje sems dpa' sems dpa' che/ /'dod pa 'di ni dam tshig mchog /'di ni thog ma tha ma med/ /nam mkha' las byung mtshan nyid yin/ /
 kun du bzang po kun bdag nyid/ /rdo rje snyems tshul bdag po'i gtso/ /'di nyid kho nas 'gro ba'i sems/ /brtan pas sems dpa' zhes brjod de/ /mnyam par gzhag pas ting 'dzin te/ /nges pa'i phyir na rdo rjer 'gyur/ /sems dpa'i byin rlabs sbyor ba yis/ /slar yang rdo rje sems dpar
 'gyur/ /'di nyid thog ma'i sems dpa' ste/ /'dod pa 'gro ba kun gyi bdag /'di nyid kho nas sangs rgyas nyid/ /'di nyid de bzhin gshegs pa yin/ /'di ni khams gsum thams cad de/ /dang po'i sems dpar yang dag byung / /chags bral gyis
 mthar mu stegs rnams/ /de nyid 'dul ba yang dag 'di/ /bcom ldan rab sbas gsang nyid du/ /bde bar gshegs pas mdzad pa yin/ /de nas bcom ldan 'das bstan par bya ste/ bcom ldan 'das phyag na rdo rje 'di ni bde ba chen po rdo rje sems dpa' yin te/ sems
 can thams cad dgug pa dang gzhug pa dang / bcing ba dang / dbang du bya ba'i dam tshig ni 'di yin no zhes dang po'i sems dpa' nas brtsams te de bzhin gshegs pa'i bar du de rnams la khyed kyis brnyas par mi bya zhing nam yang yongs su spang bar mi bya'o/ /'di la brnyas par
 gyur na khyed la nyes pa thams cad mi 'byung ba ma yin no/ /de nas yon gyi mchog blangs te sna tshogs pad+ma de bzhin du bris la slob ma rdo rje sems dpar byin gyis brlabs te/ pad+ma der rdo rje sems dpa'i phyag rgya chen po'i sbyor bas bzhag la mchod yon byin nas me tog la sogs
 pas yang dag par mchod de rdo rje khu tshur gyis rnam par rgyal ba'i bum pa las chu blangs la/ slob dpon gyi tshogs dbang bskur bar bya zhing chu de blud la 'di skad ces brjod par bya'o/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos
 grub 'gyur/ /rdo rje bdud rtsi'i chu 'thung shig /rdo rje dril bu'i phyag rgya dag /gal te dkyil 'khor ma mthong smras/ /skye bo 'dus pa'i nang smras na/ /dad pa med par bgad par 'gyur/ /de nas phyag rgya'i dbang bskur ba dang / cod pan dang / dar dpyangs dang / rdo rje dang bdag po
 dang ming gi dbang bskur ba byin la dngos grub kyi rdo rje'i brtul zhugs byin nas de kho na nyid dang chos dang dam tshig kyang sbyin par bya'o/ /de nas me tog la sogs pa dang rdo rje mtshon cha la sogs pa phyag rgya'i mchod pa phyag rgya bcu gnyis kyis de yang dag par mchod la/ oM ma hA
 su kha badzra satwa dzaHhUM baM hoH/ su ra ta s+t+waM zhes bya bas dam tshig chen po'i de kho na nyid mngon du bcug nas bshad par bya'o/ /dam tshig chen po ni sems dpa' la bya'o/ /de kho na nyid ni rab tu dga' ba zhes bya ste/ bcom ldan 'das rab tu dga' ba la bskul bas dngos grub thams
 cad kyi mchog 'dod pa thams cad myur du 'thob par 'gyur ro/ /de bas na dam tshig chen po'i de kho na nyid ces bshad do/ /bcom ldan 'das 'di ni khams gsum gyi dbang phyug dang po'i sems dpa' nyid yin pas 'dod pa kun gyi dbang phyug ste ma dul ba rnams la rdo rje
 bsnyems ma'i bdag po mchog yin no/ /de bas na rdo rje bsnyems ma'i don nyid du brjod par bya'o/ /bcom ldan 'das thog ma dang tha ma med pa kun du bzang po'i sku 'gro ba thams cad kyi bdag po phyag na rdo rje zhes rdo rje bsnyems ma'i bdag po de rab tu dga' ba'i sbyor bas rdo rje 'di
 'chang bar mdzad cing / de bzhin gshegs pa thams cad mnyes par byed pa yin la/ gang gi tshe rab tu dga' bas gzengs bstod pa de'i tshe 'di ni bde ba chen po rdo rje sems dpa' yin te nyon mongs pa med cing bde ba nyid kyis/ sangs rgyas kyi byang chub la sogs pa
 dngos grub thams cad myur du thob par 'gyur ba yin no/ /de nas 'dis ni rab tu dga' bas bstod pa'i phyag rgyas bcom ldan 'das g.yon bsnyems pa'i tshul gyis 'dod chags la spyad pa'i sems can rnams/ dbang du mdzad nas mgu bar mdzad pa yin no/ /de ci'i phyir zhe
 na dga' ba'i sbyor bas 'gro ba rnams mgu bar mdzad pa 'ba' zhig tu ma zad kyi de bzhin nyid kyi tshul gyis 'dul bar mi nus pa rnams la 'dir bsnyems ma'i tshul la yang sbyor bar mdzad do/ /bsnyems pa 'ba' zhig gis 'dul bar nus pa la 'di'i don du bcom ldan 'das rdo rje
 bsnyems ma'i bdag por gyur nas 'jig rten gyi khams thams cad du yang 'dul bar ston pa'o/ /de'i phyag rgya bcings la oM ma hA su kha badzra sa twa dzaHhUM baM hoH/ su ra ta s+t+waM zhes brjod par bya'o/ /de nas de rnams yid la 'dod pa'i dngos grub thams cad 'grub par 'gyur ro/ /rdo rje
 yid las byung ba la sogs pa 'di rnams ni bcom ldan 'das rdo rje sems dpa' de'i yan lag yin la 'di ni bcom ldan 'das kyi 'dod chags kyi yan lag gi mthus 'bigs par byed pas na mtshon cha'i snying po'o/ /g.yas na rab tu dga' ba'i sbyor bas bde ba chen po'o/ /
 rgyab na chags pa'i 'ching bas chu srin lta bu yin pas na chu srin gyi rgyal mtshan no/ /g.yon na ni bsnyems pas dbang du byas pa na dbang du byed pa ste/ 'di rnams ni rab tu dga' ba'i mchod pa'o/ /me tog ma la sogs pa dang sgeg mo la sogs pa 'di dag ni rdo rje rnam par rtse ma ste/ 'di dag ni mig
 gi chags pa'o/ /rtse ba'i lcags kyu la sogs pa'o/ /de bzhin gshegs pa thams cad kyi gsang ba 'dir de zhugs na 'di ni sangs rgyas nyid kyang 'thob par 'gyur na dngos grub gzhan rnams lta smos kyang ci dgos te/ de bzhin gshegs pa thams cad kyi dam tshig gi mchog yin pa'i
 phyir ro/ /de nas snying po byin la phyag rgya chen po la sogs pa bcing ba'i phyir sbyor ba bzhi ji lta ba bzhin du bslab par bya'o/ /lha'i rnal 'byor du byas la sa ma ya satwa a d+hiSh+Tha swa mAM zhes bya ba dang / rang gi dam tshig gi phyag rgyas bdag nyid ji lta ba bzhin du byin gyis brlab par byas
 la/ bsnyems pa dang bcas pas rdo rje gsor zhing 'di skad ces brjod par bya'o/ /Tak+ki hUM dzaH/ zhes bya bas rdo rje tshig gis bzla'o/ /'di ni de bzhin gshegs pa thams cad kyi rjes su gnas pa rab tu bstan par bya'o/ /de nas rdo rje de rang gi snying gar bstod pa'i tshul
 gyis bzhag la 'di skad ces brjod par bya'o/ /Tak+ki dzaHho/ de nas sku dang gsung dang thugs rdo rje sems dpa' dang 'dra bar 'gyur ro/ /de nas rdo rje yid las byung ba la sogs pa'i phyag rgya chen po ji ltar bris pa dang rjes su mthun pa bzhin du bslab par bya'o/ /de nas chos dang
 las dang dam tshig gi phyag rgya chen po la yang bslab par bya'o/ /gang yang de bzhin gshegs pa la sogs pa la dad pa de rnams la yang 'dir de bzhin gshegs pa la sogs pa'i rang gi dam tshig la sogs pas 'grub par 'gyur ro/ /de nas bcom ldan 'das 'khor dang bcas
 pa la mchod pa thams cad kyis yang dag par mchod la de bzhin gshegs pa thams cad la ci nus par mchod cig ces bsgo la/ /slob ma thams cad ci nus par mchod pa byed du gzhug go/ /de nas kha zas dang spyod lam thams cad kyis slob ma rnams tshim par byas la phyag rgya dang phyag rgya'i lan thams
 cad kyi gar gyis mchod pa bya'o/ /de nas rdo rje bsdams pa snying gar dam du bcings la badzra muHzhes bya bas rang gi gnas su phyag rgya dgrol ba'i bsam pas dgrol bar bya'o/ /de ltar phyag rgya bkrol nas bcom ldan 'das gshegs par bya ba'i phyir bskul bar bya'o/ /thog mtha'
 rab dgar rag las pa/ /'gro ba thams cad 'di yi mthus/ /sems dpa' chen po rdo rjer 'gyur/ /slar yang 'byon par mdzad du gsol/ /zhes bya ba brjod de/ de nas oM ma hA su kha badzra satwa dzaHhUM baM hoH/ su ra ta s+t+waM muHzhes bya ba brjod la snyim pa'i me tog gyen
 du gtor bar bya'o/ /de ltar bcom ldan 'das 'khor dang bcas pa gshegs su gsol bar 'gyur ro/ /de nas sprul pa rnams ji lta ba bzhin du bsdu ba byas la 'dod chags chen po ni zhes bya ba la sogs pa'i shes rab kyi pha rol tu phyin pa'i mdo 'don par bya'o/ /de nas rdo rje
 srung ba la sogs pas bsrung ba byas la oM ma hA su kha zhes bya ba la sogs pas dkyil 'khor rang nyid kyis dbyi bar bya'o/ /gang du khyad par gyi cho ga med pa der dkyil 'khor cho ga gzhan dag la yang cho ga 'di bzhin du shes par bya'o/ /slob ma gzhug pa'i cho ga rgyas pa rdzogs
 so/ / //de ltar slob dpon las kyi cho ga rgyas pa dang slob ma 'jug pa la sogs pa'i cho ga rgyas par bshad nas da ni dam tshig dang dbang bskur ba thob pa rnams la slob dpon gyis dngos grub kyi ye shes bstan par bya'o zhes bya ba'i cho ga 'di bstan par bya ba'i phyir de ltar bcom ldan
 'das don yod pa thogs pa med pa zhes bya ba la sogs pa gsungs te/ de nas zhes bya ba'i sgras ni 'das ma thag pa ston pa'i tshig go/ /bcom ldan 'das zhes bya ba ni rdo rje 'chang chen po ste des 'di skad ces bka' stsal to zhes bya bar sbyar ro/ /don yod pa zhes bya ba la sogs pa la
 de la don yod pa ni 'dod pa'i 'bras bu ste nges par stsol ba'o/ /'dod pa'i 'bras bu stsol bar mdzad pa'i don la bzlog par mi nus pas na thogs pa med pa'o/ /myur du grub pa ni tshe 'di nyid la sangs rgyas nyid dam rdo rje 'chang ba nyid du grub pa'o/ /de'i cho ga ni rdzogs
 par byed pa'i rgyu ste gal te bsgrub par 'dod na zhes bya ba la sogs pa gang bshad pa'o/ /cho ga de'i rgyas par ni yul rnam pa sna tshogs dang ldan par gyur pa'i gsang ba'i mchod pa rnams kyis yang dag par mchod de rang rang gi phyag rgyas rab tu bsgrubs nas drug ldan la sogs pa snyan
 pa'i glu dang bzlas pa'i don gyis rdo rje sems dpa' rab tu bsgrub par bya'o/ /zhes 'og nas rjes thogs nyid la ston par 'gyur ba'o/ /de'i dam tshig ni rdo rje sems dpa' la sogs pa'i ngo bo ni rdo rje dang 'di skad ces bya ba'i ting nge 'dzin ni/ ting nge 'dzin gyi cho ga rnam par gnon
 pa gang yin pa de mdzad pa ste/ de la rdo rje sems dpa' la sogs pa'i tshul gyis sems can gyi don rdzogs par mdzad pa thugs rtse gcig pa ni ting nge 'dzin to/ /de'i cho ga ni rdo rje sems dpa' la sogs pa'i thugs rjes 'gro ba'i don mdzad pa ste de nyid ni rnam par gnon pa'o/ /
 'di skad ston te rdo rje sems dpa'i skur bskyed nas des 'dul ba'i sems can gyi khams rnams rdo rje sems dpa' la sogs pa'i ting nge 'dzin la nges par sbyor bar mdzad do/ /'di gsungs so zhes bya ba ni bde ba chen po zhes bya ba la sogs pa'i rjes thogs nyid la ston pa'o/ /su
 zhig gis 'di skad gsungs she na rdo rje 'chang chen pos so zhes gsungs pa yin no/ /bde ba chen po rab grub phyir/ /zhes bya ba ni spyod pa rgya chen po dang ldan pa'i sems can rnams kyis de bzhin gshegs pa rnam par thar pa mngon sum du bya ba'i phyir ro/ /'dod chags
 chen po rnam dag phyir/ /zhes bya ba ni sngon gyi 'phen shugs kyis gzugs thams cad ston pa'i ye shes kyis sems can gyi don mdzad pa ni 'dod chags chen po rnam par dag pa ste de'i don to/ /rdo rje sems dpa'i bsgrub pa ni/ /zhes bya ba ni bshad ma thag pa de
 bshad par bya'o/ /myur du rings par ro/ /rtag tu ni brtan pa ste 'khor ba ji srid kyi bar du gnas pa'o/ /ji srid gnas zhes bya ba la 'dir 'khor bas na 'khor ba ste snod kyi 'jig rten no/ /der gnas pa ni phyi ma'i mthar thug pa med par bzhugs pa ste/ mi gnas pa'i
 mya ngan las 'das pa'i tshul gyis 'khor bar bzhugs pa'o/ /ni zhes bya ba ni nges par gzung ba'o/ /ji srid ces bya ba ni brjod par 'dod pa'i don ma lus par ston par byed pa'i tshig ste/ de srid sems can 'don par mdzad pa ni 'khor ba'i rgya mtsho chen po las de snyed cig
 kho na phyag rgya chen po la sogs pa'i phyag brkyang bas sangs rgyas nyid stsol bas 'don par mdzad do/ /'di skad ston te ji srid cig kho na mi gnas pa'i mya ngan las 'das pa'i tshul gyis 'khor bar bzhugs par mdzad pa de srid kho nas byang chub sems dpa' rnams sngon gyi
 'phen shugs kyis phyag rgya chen po la sogs pa'i phyag brkyang bar mdzad pas sems can gyi khams dpag tu med pa'i 'khor ba'i rgya mtsho chen po las gdon par mdzad pa'o/ /mya ngan las 'das zhes bya ba la sogs pa ni nyan thos dang rang sangs rgyas ltar phung po lhag ma med pa'i mya ngan las 'das pas yongs
 su mya ngan las 'das na 'khor ba phyi ma'i mthar thug pa med par sems can gyi don shin tu byed par mi nus so/ /ci'i phyir zhe na/ byang chub sgrib ces bya ba gsungs te/ nyan thos dang rang sangs rgyas kyi byang chub la sgrib cing 'gegs pa 'di la mnga' bas na byang chub sgrib
 pa'o/ /shin tu mi snang bar gyur pas na de'i phyir mya ngan 'das par gyur pas 'gro ba'i don byed mi nus pa'o/ /de bas na byang chub sems dpa' mi gnas pa'i mya ngan las 'das pa bsgrub par bya ba'i phyir/ byang chub sems dpa'i lam thabs shes rab zung du 'jug pas bsgom
 par bya'o zhes ston pa yin no/ /de nyid kyis na zhes bya ba la sogs pa la ni zhes bya ba'i sgra ni gang gi phyir zhes bya ba'i don to/ /gang gi phyir phung po lhag ma med pa'i mya ngan las 'das pas shin tu mi snang bar gyur na sems can gyi don byed mi nus so/ /rgyu des na byang chub sems
 dpa' dam pa rnams kyi phyi ma'i mthar thug pa med pa'o/ /'khor ba ji srid pa'i bar du 'khor bar gnas shing 'dod pa dang gzugs dang gzugs med pa'i srid pa yongs su mi 'dor bar 'khor ba'i tshul gyis mi gnas pa'i mya ngan las 'das pa'i ngo bos sems
 can gyi don nyid ces sems can gyi don gyi phyir/ 'khor ba yongs su mi 'dor bar bzhed cing yongs su 'dod pa yin no/ /dngos po la mngon par zhen pas ni ma yin no/ /'o na ji ltar zhe na/ thams cad dag pa'i mchog chos can/ /zhes bya ba gsungs te/ thams cad ces
 bya ba'i sgras ni so sor rtog pa'i ye shes kyi rang bzhin can gyi sems dang sems las byung ba la bya bar bshad do/ /de rnams kyi dag pa ni thams cad dag pa ste/ gzung ba dang 'dzin pa'i rnam par rtog pa dang bral ba'o/ /de nyid ni mchog chos te de gang la yod pa ni thams cad dag
 pa'i mchog chos can zhes bya ste/ rnam par rtog pa thams cad dang bral ba/ /dmigs pa med pa'i thugs rje chen po'i rang bzhin can no zhes ston pa yin no/ /gal te de ltar byang chub sems dpa' rnams 'khor ba ji srid par gnas te phyi ma'i mthar thug pa med pa'i
 sems can gyi don mdzad par gyur na/ sbyin pa'i pha rol tu phyin pa la sogs pa'i spyod pas kyang de lta bu'i sems can gyi don byed par gyur pas/ gsang sngags kyi spyod pa ci zhig bya zhes de ltar rtog par 'gyur ba dag yod pas de'i phyir/ de ltar yin zhes bya ba la sogs
 pa gsungs te/ ji ltar phyag rgya chen po nyid dam rdo rje 'chang ba nyid la sogs pa 'thob pa'i mtshan nyid can gyi sems can gyi don du 'gyur bas de lta bur byang chub kyi spyod pa'i mchog sbyin pa'i pha rol tu phyin pa la sogs pa 'dis tshe 'di nyid la thob par mi 'gyur ba'o/ /rang gi
 sems ji lta ba bzhin du shes pa ni byang chub ste/ de'i don gyi spyod pa ni byang chub kyi spyod pa'o/ /de yang 'khor gsum yongs su dag pa'i pha rol tu phyin pa bcu'i spyod pa'o/ /de rnams kyi mchog ni phul du byung bar gnas pa ste/ de la yod pa'i sbyin pa'i pha rol tu
 phyin pa la sogs pa ni byang chub spyod mchog go/ /byang chub spyod mchog kyang yin la sbyin pa'i pha rol tu phyin pa yang yin pas na byang chub kyi spyod pa'i mchog sbyin pa'i pha rol tu phyin pa la sogs pa'o/ /ji ltar phyag rgya chen po la sogs pa phyag rgya thams cad kyi dngos grub
 thams cad kyang bsgrubs pas de bzhin gshegs pa nyid dam/ rdo rje 'chang nyid la sogs pa thob pa'i mtshan nyid can gyis sems can thams cad kyi don 'grub par 'gyur ba de ltar sbyin pa'i pha rol tu phyin pa la sogs pa byang chub kyi spyod pa'i mchog de rnams kyis 'grub par mi
 'gyur ro/ /ji ltar gsang sngags kyi tshul la phyag rgya chen po la sogs pa'i dngos grub bsgrubs pas tshe 'di nyid la de bzhin gshegs pa nyid dam/ rdo rje 'chang nyid la sogs pa thob pa'i mtshan nyid can gyi sems can gyi don du 'gyur ba/ de ltar sbyin pa'i pha rol tu
 phyin pa la sogs pa byang chub kyi spyod pa'i mchog rnams kyis kyang ci'i phyir mi 'gyur zhe na/ de bzhin gshegs pa zhes bya ba la sogs pa gsungs te/ gang de bzhin gshegs pa rnams kyis 'dul bar mi 'gyur ba de ni de bzhin gshegs pas mi 'dul ba ste/ de
 bzhin gshegs pa mthong ba'i skal ba med pa'i sems can rnams so/ /mi 'dul ba de rnams la sems can gyi don sangs rgyas nyid du bya ba la sogs pas de bzhin gshegs pa mi mdzad do/ /ni zhes bya ba'i sgra ni gang gi phyir de bzhin gshegs pa rnams ni mi
 'dul ba rnams la sems can gyi don mi mdzad do/ /de bas na ci zhig tu nges she na/ ji ltar sngags kyi tshul la phyag rgya chen po la sogs pa'i dngos grub bsgrubs pas/ tshe 'di nyid la de bzhin gshegs pa la sogs pa skyed par byed do/ /de bas na sbyin pa'i pha rol
 tu phyin pa la sogs pa byang chub kyi spyod pa'i mchog gis ni de ltar mi 'gyur ro/ /gsang sngags kyi tshul la yang de dang 'dra mod/ ci'i phyir de ltar mi 'gyur zhe na/ 'di na zhes bya ba la sogs pa gsungs te/ gang gi phyir 'di na gsang sngags kyi tshul la skal ba dang
 m i ldan pa rnams kyis kyang dkyil 'khor la sogs pa ma mthong ba'i phyir mi ldog pa'i bag chags bskyed pas phul du byung bas tshe 'di nyid la de bzhin gshegs pa nyid la sogs pa de rnams grub pa'i phyir phyag rgya chen po la sogs pa'i dngos grub rab tu grub cing rdzogs
 pa yin no/ /de bas na 'di ni bcom ldan 'das de bzhin gshegs pa da ltar byung bar ngo bo nyid kyis chos kyi dbyings thog ma dang tha ma med pa'i rang bzhin du grub pa yin no/ /dus thams cad kho nar ji ltar mngon par 'dod pa'i dngos grub rab tu ster zhing thams cad byed pa yin no/ /de la 'di ni zhes
 bya ba la sogs pa gang gi phyir gsang sngags kyi tshul 'di la de bzhin gshegs pa'i dkyil 'khor mthong ba la sogs pa'i stobs kyis dus thams cad du gdul bya rnams la mngon par 'dod pa'i dngos grub rab tu gsol bar mdzad do/ /de bas na sngags kyi tshul las gsungs pa'i
 sgrub pa'i dngos grub myur du grub par byed par bshad do/ /'di khyad par ji lta bu zhig ce na dngos grub shin tu rtag pa yin zhes bya ba la sogs pa gsungs te/ de bzhin gshegs pa nyid dang / rdo rje 'chang ba nyid la sogs pa'i rang bzhin can gyi mngon par 'dod pa'i dngos
 grub tshe 'di nyid la shin tu rtag pa'i dngos grub kyi rgyur gyur pa'i phyir dngos grub shin tu rtag pa yin zhes smra'o/ /yang ci'i phyir dngos grub kyi rgyur gyur pa grub pa'i sgrar brjod/ grub pa nyid ni ma yin zhe na/ gang gis srid pa 'di nyid du shin tu rtag pa'i dngos grub thob
 pa'i rjes thogs nyid la bshad pa'i phyir te/ gang gis zhes bya ba ni grub pa gang gis so/ /srid pa 'di nyid du zhes bya ba ni skye ba gang la bsgom pa la mngon par brtson pa byas pa de nyid la grub pa ste/ sangs rgyas nyid dam rdo rje 'chang nyid grub par 'gyur ba'o/ /khyad par ji lta bu
 zhig ce na shin tu rtag pa zhes bya ba ste phyi ma'i mtha' med par gnas pa'o/ /dkyil 'khor dag tu ma zhugs kyang / /zhes bya ba 'di ni/ 'og nas ston pa'i sgrub pa'i bdag nyid che ba ston te/ ji skad du bshad pa'i dkyil 'khor du 'jug pa'i phyag rgyas dkyil 'khor du
 ma zhugs pa'o/ /kyang zhes bya ba'i sgras ni dkyil 'khor du zhugs pa rnams ni shin tu yang 'grub par 'gyur ro zhes ston to/ /dam tshig rnam par spangs pa'am zhes bya ba ni dam tshig mi shes pa'i mdun du sngags dang phyag rgya ston pa ni dam tshig ste/ rdo rje
 sems dpa' la sogs pa spangs pas na dam tshig gis spangs pa'o/ /de yang gal te 'og nas ji skad du bshad pa bzhin du sgrub par byed na/ bsgoms pa'i stobs kyis dngos grub nges par thob par 'gyur na bsam gtan dang ldan zhing dkyil 'khor du 'jug pa'i phyag rgyas
 zhugs pa rnams lta smos kyang ci dgos/ srid pa 'di las myur du 'grub/ /ces bya ba ni des skye ba gang la sgrub par brtsams pa skye ba de nyid las 'grub pa des myur ba nyid du 'grub par 'gyur/ bsod nams med kyang thams cad du/ /zhes bya ba la dag par byed pas na bsod
 nams te ma chags pa dang zhe sdang med pa dang / gti mug med pa'i spyod pas sbyong bar byed do zhes bya ba'i don to/ /de 'di la yod pa ma yin pas na med pa'o/ /kyang zhes bya ba'i sgras ni gang gi phyir bsod nams dang ldan pa yang rigs thams cad kyi dngos grub kyi ji skad bshad pa
 thams cad tshe 'di nyid la myur du 'grub par 'gyur bas/ bsod nams dang ldan pa rnams ni shin tu yang myur du 'grub par 'gyur ro zhes ston to/ /gal te dngos grub bsgrub par 'dod na zhes bya ba ni/ ji srid rdo rje sems dpa' la sogs pa'i dngos grub bsgrub par 'dod
 par gyur na'o/ /rtag tu yul dang ldan gyur na/ /zhes bya ba ni rdo rje sems dpa' la sogs pa'i sgrub pa pos rdo rje sems dpa' la sogs pa'i ngo bor bskyed do zhes bya ba'i don to/ /ci zhig byas nas spyad par bya zhe na yang dag mchod ces bya ba la sogs pa
 g sungs te lha'i rnal 'byor ji lta ba bzhin du byas nas ye shes sems dpa' rang gi lus la bcug la rang gi dam tshig gi phyag rgyas rab tu bsgrubs te byin gyis brlabs te dbang bskur la dngos grub kyi rdo rje brtul zhugs blangs nas rdo rje mtshon cha ma la sogs pa'i gsang ba'i
 mchod pa bzhis mchod la kaM ka l+ya dang / drug ldan la sogs pa'i glu'i khungs thams cad kyis ji skad bshad pa bzhin du ji ltar mngon par 'dod pas/ oM ma hA su kha zhes bya ba la sogs pa'i sngags kyi sgra zlos shing don la dmigs pa'i sgo nas ci nus par
 bya'o/ /ci nus par zhes bya ba ni bdag nyid kyi nus pa dang rjes su 'tsham pas sngags zlos shing bcom ldan 'das rdo rje sems dpar bdag nyid bskyed la bsgrub par bya'o/ /'di yis zhes bya ba ni zlos pa'i cho gas so/ /'dod pa kun gyi dbang phyug ces bya ba ni rdo rje sems dpa' la
 sogs pa nas rdo rje 'bebs pa'i bar gyi lha thams cad kyi ting nge 'dzin 'dod pa tsam gyis mngon sum du byed par nus pa'o/ /de la ji ltar mngon par 'dod pa'i phyogs kyi bdag po zhes bya ba ni phyogs de nas 'dir skye zhing steng du yang 'gro ba ste de lta bu bsams pa tsam gyis so/ /gang
 gi phyir de ltar yin pa des na bshad ma thag pa'i dngos grub thams cad kyi bdag po gtso bo grub pa'o/ /rdo rje sems dpa' la sogs pa'i phyag rgya chen po'i dngos grub rnams kyis rga shi ni med par 'gyur ba'o/ /mchod sbyin pa zhes bya ba la sogs pa ni go sla'o/ /bde
 ba chen po rdo rje zhes bya ba ni rdo rje sems dpa' 'grub pa'i rnal 'byor pa ni/ bde ba chen po rdo rje sems dpa' 'grub pa'o/ /des mdzes pas na rgyal po ste bde ba chen po'o/ /rdo rje grub pa yang yin la rgyal po yang yin pas na bde ba chen po rdo rje grub pa'i rgyal po'o/
 de bzhin gshegs pa la sogs pa gang yin pa de ni de bzhin gshegs pa la sogs pa ste/ rdo rje sems dpa' dang rdo rje yid las byung ba la sogs pa'o/ /de bzhin gshegs pa la sogs pa de rnams kyi phyag rgya chen po la sogs pa'i dngos grub thams cad ni
 de bzhin gshegs pa la sogs pa'i dngos grub thams cad de/ de gdul bya rnams la stsol bar mdzad pas na de bzhin gshegs pa thams cad kyi dngos grub thams cad stsol ba'o/ /rdo rje 'chang chen po byang chub sems dpar grub par gyur pa ni sems can gyi don rdzogs par
 mdzad pa'o/ /'di skad ston te snga ma bzhin du rdo rje sems dpa'i rnal 'byor byas la ye shes sems dpa' rang gi lus la bcug ste/ bdag la byin gyis brlab pa dang / dbang bskur ba dang dngos grub kyi rdo rje'i brtul zhugs kyi bar du ji lta ba bzhin du rjes su spyad la/ rdo rje
 mtshon cha ma la sogs pa gsang ba'i mchod pa bzhis bdag nyid mchod la de kho na nyid dang / chos dang las dang dam tshig gis bzung nas bcom ldan 'das rdo rje sems dpa'i phyag rgya chen po bcings la/ rnam par sgeg pa'i dga' ba'i rdo rjes bcom ldan 'das la phyag 'tshal te/
 oM ma hA su kha zhes bya ba la sogs pa bzlas par bya ba'i snying po rang gi snying gar gnas pa'i rdo rje'i dbus su yid kyis bris la/ kaM ka l+ya dang drug ldan la sogs pa'i/ thams cad ci 'dod blangs nas ni/ /bzlas pa'i don ni ci nus pas/ /rdo rje sems dpa' bsgrub par bya'o/ /
 bdag la byin gyis brlab pa la sogs pa dang por lan cig byas nas ji srid nyin re la bdag nyid rdo rje sems dpar mngon sum du mthong bar gyur pa de srid kyi bar du bzlas brjod bya'o/ /de nas dpal rdo rje sems dpa'i cha lugs 'dzin pa'i rnal 'byor pas bcom ldan 'das
 rdo rje sems dpa'i rig pa'i brtul zhugs khams gsum rnam par rgyal ba'i rgyud las gsungs pa spyad par bya'o/ /de nas dkyil 'khor bris la zla ba nya ba la mtshan thog thag bsgom par byas na rdo rje 'dzin pa chen po dang 'dra ba'i byang chub sems dpa' chen por 'gyur ro/ /
 de nas zhes bya ba la sogs pa la gal te sgrub pa po de bzhin gshegs pa'i dngos grub kyi mchog grub par 'dod na/ sgrub pa po des bcom ldan 'das rnam par snang mdzad phyag gnyis kyis byang chub mchog gi phyag rgya bcings la de bzhin gshegs pa thams cad kyis yongs
 su bskor ba ras ris kyi dbus su 'drir gzhug go/ /ngos thams cad du zhes bya ba ni shes rab kyi pha rol tu phyin pa'i dum bu las gsungs pa'i sangs rgyas kyi sku gzugs brgyad kyis bcom ldan 'das rnam par snang mdzad la bskor bar bri bar bya'o/ /de'i mdun du zhes bya ba
 la sogs pa la ras ris de'i mdun du rnal 'byor pa mdun du bltas te byang chub mchog gi phyag rgya bcings la/ oM ma hA su kha zhes bya ba la sogs pa rdo rje'i tshig gis bzlas brjod 'bum bya'o/ /de nas 'bum rdzogs pa na de la bgegs byed pa'i phyir
 mtshan phyed kyi dus na bdud kyi tshogs 'ong bar 'gyur ro/ /de nas de la bdud kyi stobs thams cad gzhom pas bcom par bya'o zhes bya ba ni/ bdag nyid mi bskyod par bsams la rang gi snying gar sems ma rdo rje ma bsgoms te/ de bzhin gshegs pa'i khu tshur bcings la g.yon pa'i khu tshur
 rang gi snying gar bzhag la g.yas pa'i khu tshur gyis sor mo thams cad brkyang pa sa la reg par byas la/ oM ma hA su kha badzra satwa dzaHhUM baM hoH/ /su ra ta s+t+waM zhes bzla bar bya'o/ /de nas sgrub pa po'i lus las byung ba'i rdo rje 'dzin pa gtum po la
 sogs pa rnams kyis bdud kyi stobs thams cad bcom par byas pa'o/ /de nas zhes bya ba la sogs pa la de ltar bdud bcom par byas pa'i rjes thogs nyid la byang chub kyi mchog gi phyag rgya bcings te/ ji srid nam langs kyi bar du yang bde ba chen po bzla bar bya'o/ /de nas
 de bzhin gshegs pa'am byang chub sems dpar 'gyur ro/ /'dis ni don 'di skad ston te rdo rje sems dpa'i rnal 'byor ji lta ba bzhin du byas la dngos grub kyi rdo rje brtul zhugs kyi bar gyi cho ga rjes su spyad nas/ rdo rje mtshon cha ma la sogs pa gsang ba'i mchod pa bzhis mchod
 la bdag nyid dang chos dang las dang / dam tshig gzung nas phyag rgya bzhi byas la/ rnam par sgeg pa'i dga' ba'i rdo rjes phyag byas te/ byang chub mchog gi phyag rgya bcings te rnam par snang mdzad du bdag nyid bsgoms la dam tshig chen po'i de kho na nyid bzlas brjod 'bum byas
 na sngon du bsnyen pa byas par 'gyur ro/ /de nas ras ris 'drir bcug ste ras ris la bcom ldan 'das rnam par snang mdzad spyan drangs la rdo rje sems dpa'i dam tshig gi phyag rgyas bsgrub par bya'o/ /de nas chos kyi phyag rgyas rgyas gdab bo/ /de nas dam tshig chen
 po'i de kho na nyid zlos shing de bzhin gshegs pa'i las kyi phyag rgya chen pos rgyas btab la rdo rje rin chen gyi phyag rgyas dbang bskur la mchod pa rnam pa lnga dang / rdo rje mtshon cha ma la sogs pa'i phyag rgya'i mchod pa bcu gnyis kyis yang dag par mchod nas phyag bzhi byas la/ rnam par
 sgeg pa'i dga' ba'i rdo rjes kyang phyag byas nas byang chub mchog gi phyag rgya bcings te bzlas brjod 'bum byas na de nas nang par de bzhin du 'grub par 'gyur ro/ /de nas rdo rje 'chang chen po nyid du zhes bya ba la sogs pa la gal te rnal 'byor pa rdo rje 'chang chen po bsgrub par 'dod
 na/ rnal 'byor pa des bcom ldan 'das rdo rje sems dpa'i sku lugs ma'am brkos pa byed du gzhug go/ /ji lta bu zhig ce na/ dkyil 'khor bzhin zhes bya ba gsungs te/ ji ltar dkyil 'khor gyi skabs su de'i mtshan nyid bshad pa bzhin du zhes bya ba'i tha tshig go/ /de
 lta bur byas nas de'i mdun du bdag la byin gyis brlab pa la sogs pa byas nas/ der bcom ldan 'das ji lta ba bzhin du spyan drangs te mchod pa thams cad kyis yang dag par mchod la bcom ldan 'das kyi thugs kar gnas pa'i rdo rje la bzlas pa bya ba'i snying po yid kyis bris
 la phyag rgya chen po bcings te/ nyin re zhing ji skad du bshad pa'i tshig gis sngags zlos shing bsgom par bya'o/ /mthar zla ba nya ba la mtshan thog thag bsgom par bya'o/ /de lta bus ni zla ba drug gis rdo rje 'chang chen po dang 'dra bar 'gyur ro/ /de ltar dang por sgrub pa la sku gzugs
 kyi khyad par byas pa yin no/ /ji ltar rdo rje 'chang bsgrub pa la sku gzugs kyi khyad par 'dir bshad pa ltar/ sngar bshad pa'i rdo rje sems dpa'i sgrub pa la yang de bzhin du shes par bya'o/ /rdo rje sems dpa' thob pa ji ltar bsgrub pa gsungs pa bzhin du zhes bya ba ni/ ji ltar sngar
 bshad pa'i sgrub pa la rdo rje sems dpa'i cha lugs su byas nas sgrub par gsungs pa ji ltar thob pa de bzhin du 'dir yang shes par bya'o/ /zla ba drug gis ni rdo rje 'chang chen po'i dngos grub 'grub bo zhes bya ba ni bshad ma thag pa'i sku gzugs kyi sgrub pas zla ba drug gis rdo rje 'dzin
 pa chen po'i dngos grub chen po rnal 'byor pas 'thob par 'gyur ro zhes bya ba'i tha tshig go/ /de nas rdo rje 'chang chen po bkug pa zhes bya ba la sogs pa gal te sgrub pa po rdo rje 'chang chen po 'gugs par byed par 'dod na/ ji srid mtshan ma thob par 'gyur ba
 de srid kyi bar du sngon du bsnyen pa bya'o/ /de nas ras ris 'drir gzhug go/ /de nas de'i mdun du bdag la byin gyis brlab pa la sogs pa byas la/ ras ris la sngar bshad pa'i bcom ldan 'das spyan 'dren pa'i sngags dang / gsang ba'i lcags kyu ma'i phyag rgyas dgug pa
 dang / gzhug pa dang / bcing pa dang / dbang du byas la dang po'i rdo rje'i phyag rgyas bsgrubs la/ chos dang las dang phyag rgya chen po rnams kyis rgyas btab la dbang bskur ba'i phyag rgyas dbang bskur te/ mchod pa thams cad kyis yang dag par mchod la phyag bzhi bya zhing rnam
 par sgeg pa'i dga' ba'i rdo rjes yang phyag bya'o/ /de ltar cho ga thams cad rjes su spyad nas sgrub pa pos yang gsang ba'i lcags kyu mas bcings la/ ji srid zla ba phyed tsam lon pa de srid kyi bar du ji srid mngon par 'dod pa nyin re zhing bsgrub par bya'o/ /de nas bcom ldan
 'das rdo rje 'dzin pa chen pos thams cad stsol bar 'gyur ro/ /de nas rang gi phyag rgya sgrub pa ni zhes bya ba ni gal te rnal 'byor pa bdag nyid kyis rang gi lha'i phyag rgya chen po'i tshul bsgrub par 'dod na/ des cho ga thams cad rjes su spyad la rang gi lha'i phyag rgya chen po
 bcings te bzlas pa nyid kyis rang gi lha'i sngags zlos shing bsgoms pas de'i nga rgyal mngon du bya ba'i tshul gyis/ bdag ni rdo rje sems dpa'o zhes bya ba la sogs pa bsgom par bya'o/ /bsgoms nas bsgrub par bya'o/ /ji ltar 'dod pa bzlas pa zhes bya ba 'dis ni
 'dir bsgom pa gtso bo yin gyi/ grangs kyi nges pa ni ma yin no zhes bstan to/ /bdag nyid bsgrub par bya'o zhes bya ba 'dis ni tshul de lta bu'i ji ltar 'dod pa'i bzlas brjod kyis bdag nyid rdo rje sems dpa'i bzlas pa'i don nyid du bskyed par bya ba'i phyir ras ris la sogs
 pa'i tshul gyis ni ma yin no/ /yang bsgom zhing bsgom zhing bzlas pa zhes bya ba ni bzlas pa'i tshul don yang dang yang du mngon du byas la bdag nyid rdo rje sems dpa' zlos shing bsgom zhing bsgom zhing bzla bar bya'o/ /ji srid zla ba phyed kyis rdo rje 'chang ba nyid thob pa zhes bya ba ni nyin
 re zhing bdag nyid la byin gyis brlab pa la sogs pa sngon du 'gro bas phyag rgya chen po bcings la ji srid zla ba phyed lon pa de srid kyi bar du bzlas brjod bya'o/ /de nas zla ba nyal mtshan thog thag bzlas brjod byas na nang par rdo rje 'chang nyid thob par 'gyur ro/ /'dis don ni 'di skad ston te/
 bdag la byin gyis brlab pa la sogs pa sngon du 'gro bas phyag rgya chen po bcings la/ rang gi lha'i skur bdag nyid nyin re zhing mngon du mthong bar gyur pa de srid kyi bar du bzlas brjod dpag tu med pa bya'o/ /de nas zla ba phyed bshad ma thag pa'i phyag rgya chen po bcings la bsgom par byas na/
 de'i rjes la 'grub par 'gyur ro/ /de nas 'dod pa thams cad kyi dbang phyug bsgrub par 'dod na zhes bya ba ni/ 'dod pa na spyod pa'i gzugs dang / sgra dang / dri dang / ro dang / reg bya ni 'dod pa thams cad de/ de rnams dbang phyug yin pas na 'dod pa thams cad kyi dbang phyug
 ste/ gzhan 'phrul dbang byed kyi lha'i rgyal po de'i dngos po ni 'dod pa thams cad kyi dbang phyug nyid de/ de'i sgrub pa ni rang gi lus dang ngag dang yid de'i rang bzhin du skyes pa'o/ /de ji ltar 'gyur zhe na/ de bzhin du zhes bya ba la sogs pa gsungs te dpal rdo rje sems dpa'i sku
 gzugs rang gi lha mo dang bcas pa mdun du bzhag ste/ bdag la byin gyis brlab pa la sogs pa byas nas ji srid nyin re zhing bsgom pa'i dus su/ bdag nyid lha mo dang bcas pa'i 'dod pa'i dbang phyug nyid dang 'dra bar mngon sum du mthong bar gyur pa de srid kyi bar du sngon du
 bsnyen pa bya'o/ /de nas zla ba nya ba la bcom ldan 'das lha mo dang bcas pa'i phyag rgya chen po bcings la/ sgrub pa la zhugs te ji srid bdag nyid 'dod pa'i khams kyi dbang phyug lha mo dang bcas pa nyid du 'gyur zhing / mi'i rang bzhin las mi snang bar 'gyur te lha'i 'dod pa'i dbang phyug gi
 dga' ba'i ngo bo nyid du gyur pa de srid kyi bar du bsgom par bya'o/ /de nas sgrub pa po khams gsum ma lus pa'i bdag por 'gyur ro/ /de nas bcom ldan 'das rdo rje 'chang chen po ji skad du bshad pa'i don mdzad nas/ ting nge 'dzin gyi phyag rgya las bka'
 stsal to zhes bya bar sbyar ro/ /de nas zhes bya ba'i sgras ni 'das ma thag pa ston pa'i tha tshig go/ /'dod pa'i khams thams cad ni phyogs bcu na gnas pa'i khams gsum pa thams cad kyi 'dod pa dang / gzugs dang / gzugs med pa'i khams thams cad do/ /khams gsum
 ma lus pa der don yod pa ni 'bras bu yod pa ste/ gdul bya rnams kyi don skal ba ji lta ba bzhin du mdzad pa'o/ /las rnams kyi tshogs ni rgyun gang yin pa ste/ gang gi phrin las khams gsum pa na don yod pa'i las kyi rgyun ni rdo rje 'chang chen po'o/ /ci zhig mdzad nas
 gsungs she na thams cad ces bya ba la sogs pa gsungs te/ chos thams cad kyi rang bzhin de ngo bo nyid kyis grub cing rdzogs par gyur pas na rang bzhin gyis grub pa'i chos nyid de/ shes rab kyi pha rol tu phyin pa'i rang bzhin gyis dag pa'i ngo bo nyid kyis sems dang sems las
 byung ba gnyis su med pa'i ngo bo nyid ces bya ba'i tha tshig go/ /sems dang sems las byung ba thams cad kyi rang bzhin gyis grub pa'i chos nyid ni/ thams cad rang bzhin gyis grub pa'i chos nyid de ye shes der nges pa'o/ /de'i rnam par rol pa ni de'i dbang du byas nas gdul bya rnams
 kyi bsrung ba la sogs pa las rdzogs par mdzad pa'o/ /de mdzad nas thugs la gzhag pa 'di gsungs so/ /'di ci zhig ce na ma bsgrubs zhes bya ba la sogs pa gsungs te/ ma bsgrubs pa ni ma bskyed pa ste sgrub pa pos rang dbang du ma byas pa'o/ /bde ba chen po
 gsang ba'i gtsug tor la sogs pa'i phyag rgya ni ma bsgrubs pa'i phyag rgya'o/ /de rnams kyi las ni bdag bsrung ba la sogs pa'o/ /de'i rgyu rdo rje'i rgyun rnam pa sna tshogs pa rdo rje ltar mi phyed pa'o/ /de'i cho ga rgyas par ni gang gi las kyi rgyun de mi phyed par rdzogs par
 'gyur ba'o/ /de la bka' stsal pa ni gsungs pa'o/ /de nas ma bsgrubs pa'o zhes bya ba la sogs pa la/ de nas zhes bya ba'i sgra ni de'i rjes thogs la'o/ /gang gi tshe ji skad du bshad pa'i dngos grub ma bsgrubs pa de'i tshe ma bsgrubs pa'i snying po zhes bya'o/ /ma bsgrubs pa'i snying
 po de'i las 'og nas bshad pa rnams rtsom pa yin no/ /de yang gang zhig ce na 'di ltar zhes bya ba la sogs pa gsungs te 'di ltar zhes bya ba ni nye bar bstan pa'i don to/ /bdag nyid bsrung ba ni bdag bsrung ba ste gdon la sogs pa'i 'jigs pa rnams bzlog pa'o/ /de gang
 gis 'gyur zhe na bde ba chen po rdo rje gsang ba'i gtsug tor gyis bya ba gsungs te/ bde ba chen po rdo rje gsang ba ni bcom ldan 'das rdo rje sems dpa'o/ /de'i gtsug tor ni skyes bu chen po'i mtshan no/ /de skyed par byed pa'i phyag rgya ni bde ba chen po rdo rje gsang ba'i gtsug tor zhes
 bya'o/ /de'i mtshan nyid ni 'di yin te dang po'i rdo rje bcings la ma hA su kha zhes bya ba la sogs pa zlos shing gtsug tor gyi gnas su bzhag na bdag bsrung bar 'gyur ro/ /thams cad bsrung ba zhes bya ba ni srin po la sogs pa'i 'jigs pas skrag pa la srin po la sogs
 pa'i 'jigs pa bzlog pa ni thams cad bsrung ba'o/ /de ji ltar 'gyur zhe na/ bde ba chen po rdo rje gsang ba'i mdzod spus zhes bya ba gsungs te/ bcom ldan 'das rdo rje sems dpa'i smin mtshams kyi dbus kyi dpral ba'i thig le'i gnas na skyes bu'i mtshan mdzod spu dkar po g.yas
 su 'khyil ba ni/ bde ba chen po rdo rje gsang ba'i mdzod spu ste de ston pa'i phyag rgya chen po la yang de skad ces bya ste/ des thams cad bsrung bar 'gyur ro/ /'di skad ston te snga ma bzhin du rdo rje sems dpa'i rnal 'byor byas la dang po'i rdo rje bcings te oM ma hA su kha zhes bya ba zlos
 shing spyi gtsug gi gnas su bzhag nas spyi gtsug gi gnas las byung ba'i rig pa'i rgyal po'i rdo rje mdzod spu rnams kyis bsrung bar bya ba'i sems can rnams rang rang gi ngo bor mdzad nas/ de rnams kyis srin po la sogs pa kun du skrag par bya bar bsam par bya ste/ de lta
 bus ni de rnams bsrung bar 'gyur ro/ /phyogs thams cad dang mtshams dang dkyil 'khor bcing ba ni zhes bya ba la/ phyogs thams cad ni phyogs bcu ste/ de rnams kyis bcing ba ni rdo rjes bar mtshams med par khyab pa'o/ /mtshams bcing ba ni mngon par 'dod
 pa'i sa'i phyogs bzhi nas rdo rjes phan tshun kun du khyab pas mtshams su bcad pa bdag gir byas pa'o/ /dkyil 'khor bcing ba ni bdag gir byas pa'i sa'i char ra ba'i rtsa ba'i gnas rdo rje'i rang bzhin du byas pa'o/ /'di dag thams cad ji ltar 'gyur zhe na/ bde ba chen po rdo rje gsang ba'i
 'bar ba'i phreng bas so zhes bya ba gsungs te/ bde ba chen po rdo rje gsang ba ni bcom ldan 'das rdo rje gsang ba ste/ de'i 'bar ba'i tshogs ni 'bar ba'i phreng ba'o/ /de skyed par byed pa'i phyag rgya la yang de skad ces bya ste/ des phyogs thams cad bcing ba la sogs par 'gyur ro/ /de
 yang de bzhin du dang po'i rdo rje bcings la rang gi snying gar bzhag nas bde ba chen po bzlas pas rang gi snying gar gnas pa'i rdo rje las 'bar ba'i 'od zer spros la des phyogs bcing ba la sogs pa bya'o zhes bya ba'i tha tshig go/ /bdud thams cad ni nyon mongs pa dang / phung po dang / 'chi bdag
 dang / lha'i bu'i rang bzhin can no/ /de rnams kyi stobs ni sde ste dgra bor gyur pa ni dpung ngo / /de dag gzhom pa ni mi snang bar mdzad pa'o/ /de gang gis 'gyur zhe na bde ba chen po rdo rje gsang ba'i mi bskyod pas so zhes bya ba gsungs te/ ji skad du bshad pa'i bde ba chen po rdo rje gsang
 ba'i rdo rje sems dpa' mi bskyod pa ste/ de bzhin gshegs pa mi bskyod pa'i sku phyag rgya dang de ston par byed pa'i phyag rgya ste des der 'gyur ro/ /de yang de bzhin du thams cad byas nas dang po'i rdo rje bcings la de bzhin gshegs pa mi bskyod pa'i ting nge 'dzin gyis bde ba chen po'i sngags
 zlos shing rang gi snying gar rdo rje rtse lnga pa 'dzin cing rdo rje de bsams nas rang gi lus las byung ba'i rdo rje 'dzin pa gtum po la sogs pas bdud rnams kun du bcom par bsam par bya'o/ /de lta bus ni bdud kyi stobs thams cad 'joms par 'gyur ro/ /tshe 'phel bar bya ba ni/ bde
 ba chen po rdo rje gsang ba'i bdud rtsis so zhes bya ba la/ tshe ni srog ste de'i mngon par 'phel ba ni tshe'i rgyun gong nas gong du 'phel zhing rgyun mi 'chad pa'o/ /de gang gis 'gyur zhe na/ bde ba chen po rdo rje gsang ba'i bdud rtsi'i phyag rgya des 'grub par 'gyur ro/ /de ni 'di yin te de bzhin
 du dpal rdo rje sems dpa'i phyag rgya byas la dang po'i rdo rje las gung mo sbyar te kha dgab par bya'o/ /ji lta zhe na/ oM ma hA zhes bya ba zlos shing steng du bltas la phyag rgya bcings pa las/ dpal rdo rje sems dpa' sku mdog dkar po bdud rtsi'i rgyun 'bebs pa rnams byung bas rang gi kha nas
 yan lag thams cad kun du 'gengs par bsam par bya'o/ /de lta bus ni rga ba dang 'chi ba med par 'gyur zhing rdo rje'i tshe thob par 'gyur ro/ /gzugs chen po phun sum tshogs pa zhes bya ba la gzugs kyang yin la chen po yang yin pas na gzugs chen po ste dpal rdo rje sems dpa' la sogs
 pa'o/ /de'i phun sum tshogs pa ni sgrub pa po'i rgyud la ma tshang ba med par gyur pa'o/ /de ji ltar 'gyur zhe na/ bde ba chen po rdo rje gsang ba'i gzugs can gyis so zhes bya ba ni bde ba chen po rdo rje gsang ba'i gzugs can zhes bya ba'i phyag rgya de 'thob par 'gyur ro/ /de ni 'di yin te de
 b zhin du thams cad byas la dpal rdo rje sems dpa'i sbyor bas dang po'i rdo rje bcings la sngags zlos shing des rang gi gdong yongs su byugs la rang gi snying gar bkrol la phyag rgya bcings la bcom ldan 'das rdo rje sems dpa' rang gi snying ga nas yan lag thams cad khyab par rdo rje sems
 dpar gyur par bsam mo/ /de lta bus ni rdo rje sems dpa' la sogs pa'i gzugs thams cad phun sum tshogs par 'gyur ro/ /gzi brjid dang na tshod shin tu bzang po rab tu 'phel ba la ni zhes bya ba la gzi mdangs shin tu mdzes pa ni gzi brjid shin tu che ba bzang ba ste/ rdo rje
 sems dpa'i gzi mdangs so/ /na tshod bzang po ni na tshod shin tu gzhon pa ste/ dpal rdo rje sems dpa' nyid kyis lo bcu drug lon pa lta bu'i gnas skabs so/ /de gnyis mngon par 'phel ba ni rang gi rgyud la de dag gi rgyun gong nas gong du rgyun mi 'chad par bskyed pa'o/ /de
 ji ltar 'gyur zhe na/ bde ba chen po rdo rje gsang ba'i bcud kyis len gyis so zhes pa gsungs te/ bde ba chen po rdo rje gsang ba'i bcud kyis len ni bde ba chen po rdo rje gsang ba'i gzi mdangs dang na tshod 'phel bar byed pa'i phyag rgya des so/ /de yang de bzhin du rdo rje sems
 dpa'i rnal 'byor byas la/ oM ma hA su kha badzra sa twa dzaHhUM baM hoH/ su ra ta s+t+waM zhes zlos shing dang po'i rdo rje bcings la de'i rtse mo dbus ma la ldag cing rdo rje sems dpa'i bcud kyis len gyi phra rab rdo rje dbu ma las chu'i rgyun bzhin du 'byung bas ldag par gyur cing / des kyang yan
 lag thams cad kun du tshim zhing rdo rje sems dpar gyur par bsam mo/ /de lta bus ni gzi brjid dang na tshod bzang po shin tu 'phel bar 'gyur ro/ /'di ni bde ba chen po rdo rje gsang ba'i bcud kyis len yin no/ /de bzhin du 'og nas bshad pa'i las sgrub pa thams cad la yang oM
 ma hA su kha zhes bya ba la sogs pa bzlas par shes par bya'o/ /stobs dang mdog 'phel ba la ni zhes bya ba la lus dang ngag gi stobs dpal rdo rje sems dpa' dang 'dra ba ni stobs so/ /de nyid kyi sku mdog zla ba'i mdog can 'dra ba ni kha dog go/ /de nyid 'phel ba ni snga ma bzhin
 du'o/ /stobs dang mdog 'phel ba la ni lus dang ngag gi stobs rgyud la bskyed pa'o/ /de ji ltar 'gyur zhe na/ bde ba chen po rdo rje gsang ba'i mthus so zhes bya ba la sogs pa gsungs te/ bcom ldan 'das rdo rje sems dpa'i stobs thogs pa med pa 'di ni stobs so/ /
 thogs pa med pa ni mthu'o/ /de skyed par byed pa'i phyag rgya la yang ming de skad ces bya ste/ des de ltar 'gyur ro/ /'di skad ston pa yin no/ /de bzhin du rdo rje sems dpa'i sbyor ba byas la/ dang po'i rdo rje bcings te rang gi dpung mgo gnyis dang / snying gar bzhag nas phyag
 rgya chen po bcings pa las byung ba'i bcom ldan 'das rdo rje sems dpa' yan lag kun du gang zhing de'i stobs dang kha dog dang ldan par bsam par bya'o/ /de lta bus ni stobs dang mdog 'phel bar 'gyur ro/ /dbang bskur ba thams cad thob pa ni zhes bya ba ni 'jig rten dang 'jig
 rten las 'das pa'i dbang bskur ba rnams thob pa ni dbang bskur ba thams cad thob pa'o/ /de ji ltar 'gyur zhe na/ rdo rje gsang ba'i cod pan gyis so zhes bya ba gsungs te/ rdo rje gsang ba ni rdo rje sems dpa'o/ de'i cod pan skyed par byed pa'i phyag rgya ni rdo rje gsang ba'i cod pan te des der
 'gyur ro/ /de yang dpal rdo rje sems dpa'i sbyor bas lnga po bsdus pa bcings la mdzub mo gnyis lcags kyur byas pas cod pan dang dar dpyangs bcings pas dbang bskur ba'i tshul gyis rig pa 'dzin pa'i 'khor los sgyur ba la sogs pa'i dbang bskur ba thob par bsgom par bya'o/ /
 de lta bus ni dbang bskur ba thams cad thob par 'gyur ro/ /nor thams cad thob par byed pa la ni/ nor thams cad ni nor bu'i rigs dang 'jig rten pa'i gter la sogs pa ni nor thams cad do/ /de thob pa ni rnyed pa'o/ /de ji ltar 'gyur zhe na/ rdo rje gsang ba'i dbyig gis so zhes bya
 ba gsungs te de bzhin du rdo rje sems dpa'i sbyor bas lnga po bsdus pa bcings la/ mdzub mo gnyis lcags kyu gnyis su byas la bdag nyid nor bu'i rigs kyi bdag nyid du bsgoms la/ lcags kyu 'di gnyis kyis rang gi gsang ba'i gnas nas gser gyi dong tse 'byin pa'i
 tshul du bya ba'am/ gter gyi gnas nas nor de blangs shing de dang bdag nyid ldan par bsam par bya ste/ de lta bus ni nor thams cad 'thob par 'gyur ro/ /rgyal srid thob pa la ni zhes bya ba la mkhar gyi rgyal po la sogs pa'i rgyal srid rnyed pa ni rgyal srid thob pa'o/ /de ni rdo rje gsang
 ba'i rgyal po'i phyag rgyas 'thob par 'gyur ro/ /de ni 'di yin te de bzhin du bshad ma thag pa'i tshul gyis lcags kyu gnyis bcings la/ spyi gtsug gi steng du bzhag ste bdag nyid kyis mngon par 'dod pa'i rgyal srid thob par bsgom par bya'o/ /sa ma lus pa thob pa zhes bya
 ba ni 'dzam bu'i gling ma lus pa'i bdag po nyid thob pa'o/ /rdo rje gsang ba'i rtsal gyis so zhes bya ba ni/ rdo rje gsang ba'i rtsal gyi phyag rgyas 'gyur ro/ /de ni 'di'i yon tan lnga po bsdus pa de nyid bcings la de lngas mdzub mo lcags kyur byas te/ des sa rnams dgug cing bsdu
 ba'i tshul du bya zhing phyir rgol ba thams cad kyang rang gi lus las byung ba'i dpung gi tshogs yan lag bzhi pas zil gyis mnan nas rang dbang du byas te rab tu 'dud pa nyid du bsam par bya'o/ /thams cad dbab pa la ni zhes bya ba la sogs pa la rgyu ba dang mi rgyu ba'i dngos
 po thams cad dbab pa ni thams cad la dbab pa'o/ /de rnams nyid rang gi gnas nas g.yo bar byas pa ni bskyod pa'o/ /de bzhin du de rnams gnyi gar byed du gzhug pa dang de rnams nyid dus gsum bden pa nyid du smrar gzhug pa'i dus gsum gyi dngos po bden pa nyid du ston du
 gzhug pa'o/ /de ji ltar 'gyur zhe na/ bde ba chen po rdo rje gsang ba'i dam tshig ston du gzhug pas so zhes bya ba gsungs te/ dpal rdo rje sems dpa'i sbyor bas lcags kyu gnyis de bzhin du bcings te/ des rgyu ba dang mi rgyu ba'i dngos po thams cad la rdo rje sems dpa'
 dbab pa'i bsam pas rang gi mtshan ma bkug nas de lta bus ni de dbab par 'gyur ro/ /de nyid kyis rdo rje sems dpa' bcug la des dngos po thams cad rang gi gnas nas g.yo bar byas te/ de lta bus ni thams cad bskyod par 'gyur ro/ /de nyid kyis dngos po thams cad la rdo rje sems dpa' bcug la gar byed
 par bsams na gar byed du bcug par 'gyur ro/ /de nyid kyis dngos po thams cad la rdo rje sems dpa' bcug la dus gsum bden par smra ba'i bsam pa bskyed na/ de lta bu ni dus gsum bden pa nyid du smrar gzhug par 'gyur ro/ /pra se na thams cad grub pa ni zhes bya ba ni nam mkha' dang me long dang ral gri
 dang mthe bo dang / sa gzhi bstar bas 'tsher bar byas pa dang / mar me dang / snod la sogs pa'i mngon [(]bar [,]par [)]'dod pa'i dngos po thams cad kyis yang dag pa nyid nges par shes pa'i yi ge la sogs pas pra se na thams cad grub pa'o/ /de ji ltar 'gyur zhe na/ rdo rje gsang ba'i pra se na dbab pas so zhes bya ba
 gsungs te/ de bzhin du dpal rdo rje sems dpa'i sbyor bas lcags kyu gnyis bcings la rang dang gzhan gyi mig dang rna ba gnyis la yi ge hUM las rdo rje bsams la rdo rje sems dpa'i sbyor bas bden pa gang gis chos thams cad gzugs brnyan dang 'dra ba dang / bden pa gang gis sgra thams cad brag ca dang 'dra ba'i
 bden pa des/ bdag gis bden par 'dod pa'i dngos po smros shig /ston cig ces bden pa'i byin gyis brlabs pa byas la/ chos thams cad gzugs brnyan lta bur bsgom pa dang / sgra thams cad brag ca lta bur bsgoms pas chos thams cad mthong ba dang thos par 'gyur
 ro/ rdo rje sems dpa'i byin gyi rlabs pas byin gyis brlabs pa gzhan dag gis kyang mthong ba dang thos pa bya bar 'gyur ro/ /lcags kyu gnyis po de rang gi mtshan ma khar drangs na gdon thams cad las thar ro zhes bya ba la 'phags pa rig pa mchog las gsungs pa'i gdon bco
 brgyad ni gdon thams cad de/ de rnams las thar bar bya ba ni gdon thams cad las thar bar bya ba'o/ /de ltar ci zhig gis 'gyur zhe na/ rdo rje gsang ba'i gdon las thar bas so zhes bya ba gsungs te/ rdo rje gsang ba ni bcom ldan 'das rdo rje gsang ba ste de'i gdon las thar
 ba'i phyag rgyas so/ /de ni 'di yin te snga ma bzhin du dpal rdo rje sems dpa'i sbyor bas lnga po bsdus pa bcings la de'i mdzub mo gnyis kyis lcags kyu gnyis su byas nas bdag nyid rdo rje sems dpa' sku mdog nag po shin tu drag por bsgom zhing lcags kyu gnyis po des rang gi
 mtshan ma la gtugs te lcags kyu de nyid du dgrol zhing rdo rje sems dpa' drag po chen pos gdon gyis zin pa'i spyi bo nas brtsams te/ rkang mthil bar gyi lus kun du gang bar gyur par bsam par bya ste/ de lta bus ni gdon thams cad las thar bar 'gyur ro/ /gdug pa thams
 cad gzhig pa la ni zhes bya ba la gdug pa yang yin la thams cad kyang yin pas na gdug pa thams cad de/ 'phags pa dpung bzangs las gsungs pa'i bgegs thams cad do/ /de rnams gzhig pa ni gzhom pa ste mi snang bar 'gyur ba'o/ /de ji ltar 'gyur zhe na/ rdo
 rje gsang ba'i bgegs gzhom pas so zhes bya ba gsungs te rdo rje gsang ba ste rdo rje sems dpa'i bgegs gzhom pa'i phyag rgyas so zhes bya ba'i tha tshig go/ /de ni 'di yin te/ de bzhin du dpal rdo rje sems dpa'i sbyor ba byas la bdag nyid rdo rje sems dpa' 'bar ba'i phreng ba
 'od kun du 'khrug pa drag po chen por bsams la/ sngar bshad pa'i lcags kyu gnyis bcings nas des rang gi mtshan ma la gtugs nas log 'dren gzhom pa'i bsam pas lag pa g.yon pa'i mthil du g.yas pa'i mthe bo mtshan mas bsnun cing log
 'dren gyi steng du rdo rje sems dpa' 'od zer 'bar ba'i phreng ba 'khrug pa 'bab par bsam par bya ste/ de lta bus ni de bcom par 'gyur ro/ /thams cad rengs par bya ba ni zhes bya ba la gzhan gyi dpung dang seng ge dang stag dang rkun po dang sprin dang sbrul dang srin bu la sogs pa mi
 'gul bar byas pa ni rengs par byas pa'o/ /der ji ltar 'gyur zhe na/ rdo rje gsang ba'i rengs pas so zhes bya ba gsungs te/ rdo rje sems dpa'i rengs pa ni rdo rje gsang ba'i rengs pa ste de'i phyag rgyas thams cad rengs par 'gyur ro/ /'di skad ston te rdo rje sems dpa'i rnal
 ' byor ji lta ba de bzhin du byas la pha rol gyi dmag tshogs la sogs pa'i steng du rdo rje sems dpa' dbang chen gyi dkyil 'khor la bzhugs pa nam mkha' dang mnyam pa de mnan nas bzhugs par bsam zhing sngar bshad pa'i lcags kyu'i phyag rgyas rang gi mtshan ma btsir ba de lta
 bus ni thams cad rengs par 'gyur ro/ /thams cad gnyid log par bya ba la ni rdo rje gsang ba'i gnyid kyis so zhes bya ba la sems can thams cad gnyid log par bya ba ni/ de ni thams cad gnyid log par bya ba ste/ de nas bcom ldan 'das rdo rje gsang ba ste rdo rje sems dpa'i
 gnyid kyi phyag rgyas 'gyur ro zhes bya ba'i don to/ /de'i mtshan nyid ni de yin par shes par bya ste de bzhin du rdo rje sems dpa'i rnal 'byor byas la bshad ma thag pa'i lcags kyu gnyis bcings la/ rang gi mtshan ma la reg par byas la yid kyis bsgrub par bya ba dang gcig tu gyur bar byas nas bsgrub
 par bya ba gnyid log tu gzhug pa'i bsam pas rang gi mig btsum par bya'o/ /thams cad rgyas btab pa zhes bya ba ni gdug cing gtum pa'i sems can thams cad rgyas btab bo/ /des ji ltar 'gyur zhe na/ bde ba chen po rdo rje gsang ba'i dam tshig gi mkha' 'gro mas so zhes bya ba gsungs te bde ba chen po rdo rje
 gsang ba la zhes pa rdo rje sems dpa'i dam tshig gi mkha' 'gro ma ni dpal he ru ka 'khor dang bcas pa'i skus nam mkha' khyab pa'o/ /de skyed par byed pa'i phyag rgya ni dam tshig gi mkha' 'gro ma zhes bya'o/ /de ni 'di yin te de bzhin du rdo rje sems dpa'i sbyor ba byas la bshad ma thag pa'i lcags kyu'i
 phyag rgyas rang gi mtshan ma la reg par byas shing dpal he ru ka'i sku can gyi rdo rje sems dpa' mkha' 'gro ma'i tshogs dang bcas par bdag nyid bsams la/ g.yon logs su phyag rgya bskor bar byas la bsgrub par bya ba la khro bo'i blta bas blta zhing bcom ldan 'das dpal he ru ka
 nam mkha' thams cad dang mnyam pa'i sbyor bas bsgrub par bya ba'i lus la bcug nas des de rgyas btab par bsam par bya'o/ /de ltar na thams cad rgyas btab par 'gyur ro/ /thams cad du gsad pa la ni zhes bya ba la dkon mchog gsum la gnod par byed pa dang / sems can
 mang po 'khu bar byed pa ni thams cad do/ /de rnams gsad par bya ba ni brgyal bar bya ba'am/ rnam par sbyang bar bya ba'i phyir gtan 'pho bar bya ba'o/ /des ji ltar 'gyur zhe na/ rdo rje gsang ba'i mthar byed pas so zhes bya ba gsungs te/ rdo rje gsang ba ste rdo rje sems dpa'i mthar byed pa
 ni gdug pa gzhom pa'i phyag rgya'o/ /'dis ni don 'di skad ston pa yin te/ rnal 'byor pa bsam pa rnam par dag pa snying rjes gzhan dbang du gyur pas gal te sems can 'ga' zhig mtshams med pa'i las la sogs pa la 'jug pa mthong na/ gang gi tshe de thabs gang gis
 sdig pa de las bzlog par nus pa de'i tshe de bzhin du rdo rje sems dpa'i rnal 'byor byas la/ bshad ma thag pa'i phyag rgyas rang gi mtshan ma la reg par bya ste/ bzlog la kha'i 'gram gnyis su mche ba ston pa'i tshul gyis 'dzin cing bdag nyid rdo rje gnod sbyin gyi mche ba gtsigs
 pa 'khor dang bcas pa bsams la/ bsgrub par bya ba rang gi khar bcug nas de bza' bar bsam par bya ste/ de ltar na thams cad gsod par 'gyur ro/ /thams cad bsgyel ba la ni rdo rje gsang ba'i hUM mdzad kyis so zhes bya ba la dbang phyug chen po la sogs pa bsgyel
 ba ni thams cad bsgyel ba'o/ /bcom ldan 'das rdo rje gsang ba'i hUM mdzad ni rdo rje hUM mdzad kyi phyag rgya ste thams cad bsgyel bar 'gyur ro/ /'di skad ston te de bzhin du rdo rje hUM mdzad kyi sbyor ba byas la sngar bshad pa'i lcags kyu'i phyag rgyas rang gi mtshan ma la reg
 cing / g.yas pa'i mdzub mo bsgreng la des bsgrub par bya ba la sdigs mdzub bya zhing rdo rje hUM mdzad du bdag nyid bsams la bsgrub par bya ba'i steng du phyag rgya bcings pa las/ rdo rje hUM mdzad spros la bsgrub par bya ba'i steng du dbab par bya ste/ de lta bus ni thams cad bsgyel zhing
 lhung bar byas par 'gyur ro/ /thams cad bslang ba la ni zhes bya ba la dbang phyug chen po la sogs pa bsgyel ba thams cad bslang ba ni thams cad bslang ba'o/ /des ji ltar 'gyur zhe na/ rdo rje gsang ba'i dam tshig bslang ba'i phyag rgya ste zhes bya ba gsungs te/ rdo rje gsang
 ba'i dam tshig bslang ba ni/ rdo rje gsang ba'i dam tshig bslang ba'i phyag rgya ste/ des bsgyel ba thams cad slong bar 'gyur ro/ /de ni 'di yin te snga ma bzhin du rdo rje sems dpa'i rnal 'byor byas la des bshad ma thag pa'i phyag rgya bcings nas des rang gi mtshan ma la reg par
 bya zhing bdag nyid rdo rje hUM mdzad du bsams la/ de sdigs mdzub byas pa'i tshul nyid du byas pas bsgrub par bya ba sa las bslang ba'i tshul du byas te de lta bu lhung ba thams cad slong bar 'gyur ro/ /thams cad bcing ba ni khams gsum pa'i srin po la sogs pa thams cad bcing ba'o/ /de ji ltar
 'gyur zhe na/ rdo rje gsang ba'i bcing bas so zhes bya ba gsungs te/ rdo rje chen po'i gsang ba ste/ rdo rje sems dpa'i bcing ba ni rdo rje gsang ba bcing ba'i phyag rgya gang yin pa ste des thams cad bcings par 'gyur ro/ /de ni 'di yin te de bzhin du rdo rje sems dpa'i sbyor ba byas la
 sngar bshad pa'i lcags kyu gnyis bcings te phyag rgya bcings pa des rang gi mtshan ma la reg par byas nas/ bdag nyid rdo rje lcags sgrog tu bsams la mthe bong dang mthe'u chung bsgreng la bsgrub par bya ba ni rdo rje lcags sgrog gis bcing bar bsam par bya'o/ /thams cad thar
 bar bya ba ni dbang phyug chen po la sogs pa 'jig rten gsum gdung ba la sogs pa'i bcing ba las ni thar par bya ba ni thams cad thar par bya'o/ /de ltar cir 'gyur zhe na/ rdo rje gsang ba'i yi ge mus so zhes bya ba gsungs te/ de'i mtshan nyid ni 'di yin te de bzhin du rdo rje sems dpa'i
 sbyor ba byas la/ sngar bshad pa'i lcags kyu gnyis bcings te rang gi mtshan ma la bzhag nas/ oM ma hA su kha badzra satwa dzaHhUM baM hoH/ su ra ta s+t+waM muHzhes bya bas rdo rje lcags sgrog la sogs pa'i bcings pa dgrol bar bya ste/ de lta bus ni bcings pa thams cad las thar bar
 'gyur ro/ /phra men ma thams cad las thar bar bya zhes bya ba ni 'jig rten dang 'jig rten las 'das pa'i phra men ma'am mkha' 'gro mas zin pa la thar bar bya ba ni phra men ma thams cad kyis g.yo ba med par byas shing shi ba'o/ /de'i sngon gyi gnas skabs rjes su sbyin pa ni/ sems
 dang bcas par sbyin par bya ba dang shi ba gso ba'o/ /'di gnyis ji ltar 'gyur zhe na/ gsang ba chen po he ru ka'i rdo rjes so zhes bya ba gsungs te/ gsang ba chen po ste rdo rje gsang ba'i he ru ka bskyed pa'i phyag rgya ni gsang ba chen po'i he ru ka'i rdo rje zhes bya ba ste/ des de gnyis
 'grub par 'gyur ro/ /'di skad ston te de bzhin du dpal rdo rje sems dpa'i sbyor ba byas nas/ dang po'i rdo rje bcings la dpal he ru kar bdag nyid bsams la phra men ma thams cad kyis zin pa la dang po'i rdo rje mthe'u chung gnyis kyis rdo rje bsnun par bya zhing dpal he ru ka'i
 rdo rje mkha' 'gro ma dang bcas pa nad pa'i lus la zhugs pas phra men ma'i phyag rgyas thams cad thal bar byas la 'od zer gyi tshogs kyis nad pa'i snying phra men ma'i lus las bkug nas nad pa'i lus la bcug ste/ nad pa nad med par byas nas tha mal par gnas par bsam par bya'o/ /
 ma mo'i gdon thams cad las thar bar bya ba la ni rdo rje gsang ba drag pos so zhes bya ba ni/ ma mo'i gdon thams cad las thar bar bya ba ni ma mo'i gdon thams cad las thar bar bya'o/ /rdo rje gsang ba ni rdo rje sems dpa' ste/ de'i bdag po ni rdo rje gsang ba'i drag po'i phyag
 rgya gang gis/ ma mo'i gdon thams cad nges par bsreg cing thar par byed pa'o/ /'di skad ston te dpal rdo rje sems dpa'i rnal 'byor byas la dang po'i rdo rje bcings nas bdag nyid rdo rje 'dzin pa chen po drag po'i zhal rnam par 'gyur ba 'khor dang bcas pa
 bsams la ma mo'i gdon gyis zin pa'i steng du phyag rgya de gdong rnam par 'gyur zhing mi sdug pas 'phangs la/ bcom ldan 'das drag po chen po'i gzugs can 'khor dang bcas pa bsgrub par bya ba'i lus la zhugs pas kyang de'i lus la gnas pa'i ma mo'i gdon
 thams cad bsregs par 'gyur zhing sos par 'gyur ro/ /de lta bus ni ma mo'i gdon thams cad las thar bar 'gyur ro/ /phra men ma thams cad kyis rgyas btab pa las thar bar bya ba ni zhes bya ba la/ 'jig rten dang 'jig rten las 'das pa'i phra men ma'am mkha'
 'gro ma rnams kyis rgyas btab pa de las thar par bya ba ni de las dgrol ba'o/ /snying zos pa las snying gzhan dbyung ba zhes bya ba la sogs pa la de rnams kyis de ltar rgyas btab pa'i tshe snying gi pad+ma dral nas zos par gyur pa gang yin pa de'i snying gzhan gang yin pa dbyung
 ba ni snying gi pad+ma gzhan bskyed pa'o/ /de rnams kyi lus la phra men ma thams cad 'jug pa ni babs pa ste phra men ma'i phyag rgya g.yo ba med par byas pa de rnams kyi sems yod par byas shing nad med par byas pa ni shi ba gsos pa'o/ /'di dag thams cad ji ltar 'gyur zhe na/
 dam tshig chen po gsang ba'i he ru ka'i rdo rje dbang bskur ba'i phyag rgyas so zhes bya ba gsungs te/ bcom ldan 'das rdo rje sems dpa'i dam tshig chen po'i gsang ba'i dpal he ru ka skyed par byed pa ni dpal he ru ka gsal bar byed cing / de skyed par byed pa'i phyag rgya gang yin pa de ni rdo rje
 he ru ka'i dbang bskur ba'i phyag rgya ste/ des 'di dag thams cad byed par 'gyur ro/ /'di'i don ni 'di skad ston par 'gyur te de bzhin du rdo rje sems dpa'i rnal 'byor nas dang po'i rdo rje bcings pa bzlog nas dpral ba'i phyogs su bzhag nas gyen du bltas la/ dpal he ru kar bdag
 nyid bsgom par bya ste/ zhal bzhi pa de la zhal dang po drag po zhal g.yas pa rab tu rmongs par mdzad pa'o/ /rgyab kyi zhal gdug pa'i pags pa za bar mdzad pa la brtson pa/ zhal g.yon pa sgeg pa phyag gnyis kyis rlung gi gos 'dzin pa'i tshul gyis mi'i pags pa rlon pa bsnams pa
 gnyis kyis dpral ba'i phyogs su he ru ka'i rdo rje'i phyag rgya 'chang ba/ g.yas pa'i phyag gsum pas rdo rje rtse lnga pa 'bar ba gsor ba la brtson pa/ bzhi pa khrag chen pos bkang ba'i thod pa bsnams pa/ g.yon gyi phyag gsum pas dril bu dang bcas pa'i rdo rje kha T+wAM ga
 bsnams pa/ bzhi pa sha chen pos yongs su gang ba'i thod pa bsnams pa'o/ /yang na zhal gcig pa phyag gnyis pa dpung pa g.yon par dril bu dang bcas pa'i rdo rje kha T+wAM ga mchod phyir thogs kyi tshul du bsnams pa/ phyag g.yas kyis ba dan gsum pa'i tshul gyis
 rdo rje rtse lnga pa 'bar ba bsnams pa/ phyag g.yon pas sha chen pos yongs su gang ba'i thod pa bsnams pa'o/ /'di dag gnyi ga yang thod pa'i cod pan gyi phreng ba can spyi gtsug nas sangs rgyas kyi gtsug gi nor bu can sna tshogs pad+ma la bzhugs pa/ zhabs g.yon
 pa sa la bzhag nas zhabs g.yas pa sems dpa'i skyil mo krung gi tshul du bzhugs nas de'i zhabs mthil g.yon gyi brla dang sbyar ba'i tshul du byas nas bzhugs pa/ sku'i gzi mdangs sngon po 'tsher ba 'od kyi dkyil 'khor 'jig pa chen po'i dus kyi me ltar 'bar zhing
 dmar ba/ dbu skra dmar ser 'bar ba zhal sna tshogs pa rnams 'bar bar 'gyur zhing drag po la sogs pa'i nyams dang ldan pa khro gnyer rnam par 'gyur zhing bsdus pa blta ba rnam par 'bar bar snang zhing g.yo ba'o/ /de ltar bdag nyid dpal he ru kar bsams nas ji skad
 du bshad pa'i nad pa'i lus la/ bcom ldan 'das rdo rje mkha' 'gro ma'i tshogs dang bcas pa yid kyis gzhug par bya'o/ /de nas nad pa'i lus la gnas pa'i phra men ma'i phyag rgya thams cad bcom zhing zos par bsam par bya'o/ /de nas rdo rje rnal 'byor ma 'od zer 'bar ba'i gzugs can
 rnams sprul la der gnas pa nyid kyis der mkha' 'gro ma de bkug la nad pa'i lus la bcug ste de rnams las snying blangs la nad pa'i lus de brtas par bya'o/ /de nas de rnams yang dag par btsir zhing nges par bzung la nad pa sos shing rnal mar byas shing bslang bar bya'o/ /
 gdug pa thams cad kyi phyag rgya gzhig pa la ni zhes bya ba la log 'dren thams cad kyi phyag rgya ni gdug pa thams cad kyi phyag rgya'o/ /de rnams gzhig pa ni bsgrub par bya ba'i rgyud la log 'dren gyis bcings pa rnams rnam par gzhig pa'o/ /yang srin po la sogs pa'i gdug pa thams cad
 kyis nye bar gnod pa byed pa'i phyir 'ongs nas phyag rgya bcings pa'i phyag rgya de rnam par brlag pa'i gdug pa thams cad kyi phyag rgya gzhig pa'o/ /des ji ltar 'gyur zhe na/ rdo rje gsang ba'i phyag rgyas so zhes bya ba gsungs te/ rdo rje gsang ba ste/ rdo rje sems dpa'i rdo rje ni gsang ba'i rdo rje'i phyag rgya
 gang gis de ltar gyur pa ste/ rdo rje gsang ba'i rdo rje des gdug pa thams cad kyi phyag rgya gzhig par bya'o/ /'dis ni 'di skad ston par 'gyur te snga ma bzhin du rdo rje sems dpa'i rnal 'byor byas la/ dang po'i rdo rje bcings te/ bdag nyid rdo rje sems dpa' shin tu drag po bsams
 la dang po'i rdo rjes gdug pa'i phyag rgya'i steng du rdo rje 'bar ba dbab pa'i bsam pas nam mkha'i phyogs su bsnun par bya ste/ de lta bus ni gdug pa thams cad kyi phyag rgya bcom par 'gyur ro/ /rims thams cad ni nyin gsum pa dang / nyin bzhi pa dang / yang dang yang zlos
 par byed pa dang / rtag pa dang khyab 'jug gi rims so/ /de rnams zhi ba ni de dag dang bral ba'o/ /de dag gis cir 'gyur zhe na/ rdo rje gsang ba'i 'bar ba'i lta bas so zhes bya ba gsungs te rdo rje gsang ba ste/ rdo rje sems dpa'i 'bar ba'i lta ba ni bskyod cing 'dzum pa'i lta bas so/ /de
 dang bcas pa'i phyag rgyas bcings pas sbyar bar bya ste/ des rims nad thams cad rab tu zhi bar 'gyur ro/ /'di skad ston te/ de bzhin du dpal rdo rje sems dpa'i sbyor ba byas la dIp+ta dr-i sh+ya aM ku shi dzaHzhes bya ba mig gnyis su bkod la rab tu 'bar bas g.yo ba'i mig /mig gi rdzi ma 'dren pa ni zhes bya ba'i 'bar ba'i lta
 ba'i phyag rgyas rims kyis zin pa rnams la bltas la/ dang po'i rdo rjes byab par bya zhing bltas pa las byung ba'i rdo rje 'bar ba'i lcags kyu rims mgo bo gsum pa/ lag pa gsum pa rkang pa gsum pa drangs la/ rgya mtsho chen por dor te/ bsgrub par bya ba'i spyi bo nas brtsams te/ rkang mthil gyi bar du
 bcom ldan 'das rdo rje sems dpas khyab cing rdo rje sems dpar bsam par bya'o/ /de lta bus ni rims nad thams cad rab tu zhi bar 'gyur ro/ /grang ba'i rims zhi bar bya ba'i phyir ni bcom ldan 'das sku mdog dmar po bsams la/ tsha ba'i rims zhi bar bya ba'i phyir ni zla ba'i mdog can
 du bsam par bya'o/ /dug thams cad ni rgyu ba dang mi rgyu ba rnams so/ /de rnams gzhig pa ni rnam par bsal ba ste/ de rnams nyid rang dbang du byas nas bzla bar bya ba'o/ /de rnams nyid g.yo ba ni 'bab pa'o/ /'gul mi nus pa'i sems can bde bar bya ba ni 'chi ba slar gso ba'o/ /
 'di dag thams cad ji ltar 'gyur zhe na/ gsang ba chen po'i rdo rje'i nor bu'i phyag rgyas so zhes bya ba gsungs te/ dang po'i rdo rje mthe'u chung gnyis kyi rgyab bkug la nor bur byas pa 'di ni gsang ba chen po'i nor bu'i phyag rgya'o/ /'di bcings la rdo rje sems dpa'i
 sbyor bas mthe'u chung gnyis kyi nor bus dug la reg par byas la dug dngos po med pa'i ngo bo nam mkhar gyur par bsam par bya'o/ /de lta bus ni dug thams cad 'jig par 'gyur ro/ /de bzhin du dug la reg cing rdo rje sems dpa' sku mdog dkar po phra rab tu yongs
 su gyur pas dkar por gyur par bsams la de ltar bdud rtsir byas nas dug thams cad bza' bar bya'o/ /de bzhin du reg par byas shing dug gis zin pa'am dug gam dug gis zin pa'i shugs sam dug gi shugs kyi 'og tu yi ge ha la 'am/ yaM las rlung gi
 d kyil 'khor de'i steng du yi ge raM las me'i dkyil 'khor de'i steng du yi ge oM dus mtha'i rlung gis bskyod pa'i bskal pa'i me'i phung po lta bu de'i steng du dug gis zin pa'am dug gnas pa me des bud shing skam po ltar 'bar bar gyur par bsam par bya ste de lta
 bus ni 'bab par 'gyur ro/ /de bzhin du dug gi shugs kyis phog cing shi ba la reg par byas la bcom ldan 'das rdo rje sems dpa'i zla ba'i mdog can gyis de'i spyi bo nas brtsams te/ rkang mthil gyi bar du de'i yan lag kun du gang zhing rdo rje
 sems dpar gyur par bsam par bya'o/ /de lta bus ni shi ba slar sos par 'gyur ro/ /dug thams cad dang sbyar ba'i dug bdud rtsir bya ba ni zhes bya ba la dug thams cad ni sngar bshad pa rnams so/ /sbyar ba'i dug ni yi dags kyi 'gro bas bsdus pa'i
 sems can la gnod par byed pa'i sems can gyi skra dang / sen mo dang / dri ma la sogs pa'i sbyor ba byas nas sems can gdug pa rnams kyis btang ba'o/ /de rnams bdud rtsir bya ba ni sems can la phan gdags par bya ba'i phyir gzugs bsgyur bar bya'o/ /
 de ji ltar 'gyur zhe na/ rdo rje gsang ba'i dug med pas so zhes bya ba gsungs te dang po'i rdo rje bcings la mdzub mo gnyis sbyar te rtse mor byas pa'i mdzub mo gnyis kyi rtse mo dpal rdo rje sems dpa'i zhabs kyi sor mo'i gzugs su yid kyis bskyed la/ dug thams
 cad dang sbyar ba'i dug gi steng du gzhag ste/ des dug thams cad dang sbyar ba'i dug rdo rje sems dpa'i zhabs kyi sor mo dang reg pas rdo rje sems dpa'i bdud rtsi'i phra rab rnams kyis bdud rtsir gyur par bya'o/ /de lta bus ni dug thams cad dang sbyar ba'i dug bdud rtsir byed par 'gyur ro/ /gshed
 byed thams cad ni sngags kyi stobs kyis dgra bo'i srog 'phrog par bya ba'i phyir khro bo'i lha bskyed pa gang gis phur bu'i phyag rgya 'am/ seng ldeng la sogs pa'i phur bus btab la/ ro la sngags kyi stobs sam sman gyi stobs kyis dgra bo gsad par bya ba'i phyir shi ba'i ro la mkhas
 pas srin po la sogs pa bcug ste byas pa'am yang na gzhan la gnod par bya ba'i phyir rang nyid shi ba'i lus la srin po la sogs pa zhugs pa gang yin pa'i ro langs de'o/ /byur ni go bar zad do/ /gshed byed la sogs pa 'di dag bshig pa ni rdo rje gsang ba'i sbyin sreg gis
 'gyur ba ni/ de bzhin du rdo rje sems dpa'i rnal 'byor byas la mdun du rdo rje sems dpa' spyan drangs la mchod pa thams cad kyis yang dag par mchod la phyag byas te/ 'bar ba'i phreng ba kun du 'khrigs pa'i ye shes kyi me thab kyi dbus na bzhugs pa'i drag po chen pos
 gshed byed la sogs pa za bar spyod pa der bsams la dang po'i rdo rje bcings te mdzub mo gnyis sbyar bas gshed byed la sogs pa blangs te dgang blugs la sogs pa de ltar de'i zhal du 'bab par bsam mo/ /de ltar na gshed byed la sogs pa rnam par 'jig par 'gyur ro/ /
 rtsod pa thams cad ces bya ba la sogs pa la mi dge ba bcu'i las kyi lam chen po kun du spyod pa ni rtsod pa thams cad do/ /zhe sdang gis zil gyis gnon pa rnams phan tshun gcig la gcig mi snyan par brjod pa ni 'thab pa'o/ /'thab mo ni grags pa nyid do/ /rtsod pa'i dbang
 du byed pa la brtson pa rnams kyis khyed kyi ni mi rigs so/ /nga'i rigs te nga'i 'di ni chos gsal bar byed pa'i tshig yin no zhes 'gal bar smra ba ni rtsod pa'o/ /'di dag gzhig par ji ltar 'gyur zhe na/ rdo rje gsang ba'i zhal rab tu gdangs pas so zhes bya ba gsungs
 te/ rdo rje gsang ba ste rdo rje sems dpa'i zhal gdangs pa ni rdo rje gsang ba'i zhal gdangs pa'i phyag rgya ste des de rnams 'jig par 'gyur ba'o/ /de yang lnga po bsdus pa bcings la mdzub mo gnyis kyis lcags kyu gnyis byas la de nyid khar dgrol ba 'di ni rdo rje gsang ba'i zhal gdangs
 pa'o/ /'di skad ston te de bzhin du rdo rje sems dpa'i sbyor ba byas la/ rdo rje gsang ba'i zhal gdangs pa bcings te bsgrub par bya ba dang / yid kyis gcig tu gyur par byas la phyag rgya rang gi snying gar dgrol te/ bcom ldan 'das rdo rje sems dpa' rtsod pa dang 'thab mo la sogs
 pa 'jig par mdzad pa'i bsam pas bsgrub par bya ba'i khar bcug nas bcom ldan 'das de zhugs pas bsgrub par bya ba kun du bzang por gyur nas rtsod pa dang 'thab mo la sogs pa dang bral bar bsam par bya'o/ /yams dang 'tshe ba thams cad ces bya ba la sogs pa la sems
 can rnams kyi lud pa dang dbugs mi bde ba dang / rims la sogs pa'i sdug bsngal skyed par byed pa'i bdud kyi phyogs kyi dpung du gyur pa'i lha rnams ni ya mas thams cad do/ /srin po la sogs pa nas yul nye bar gtses pa ni 'tshe ba thams cad do/ /khyab
 'jug dang 'tshol ba'i rgyud kyi don nyams su len pa ni sdig pa'o/ /rmi lam ngan pa ni rgyud de dang de las shes par bya'o/ /'di rnams gzhig par ji ltar 'gyur zhe na/ rdo rje gsang ba'i gzhig pas so zhes bya ba gsungs te rdo rje gsang ba ni rdo rje sems dpa' ste de'i zhi ba
 ni rdo rje gsang ba'i zhi ba'i phyag rgya'o/ /'dis ni 'di skad ston te/ bcom ldan 'das rdo rje sems dpa'i sbyor ba ji lta ba bzhin du byas la/ mdun du bcom ldan 'das spyan drangs la mchod pa thams cad kyis ji lta ba bzhin du yang dag par mchod nas/ phyag byas nas ye
 shes kyi me 'bar ba'i phreng ba 'khrug par zhugs pa zhal gyi mche ba gtsigs pa/ yams la sogs pa thams cad bzlog par mdzad pa la brtsams pa bdag nyid kyang drag po chen por bsams te/ lnga po bsdus pa bcings te mdzub mo gnyis kyi lcags kyus yams la sogs pa
 bkug ste/ bcom ldan 'das kyi zhal du dgang blugs dbul ba'i tshul du bstab par bya'o/ /de ltar na yams la sogs pa rnam par 'jig par 'gyur ro/ /gzhan gyi dpung thams cad rengs par bya ba dang gnyid log par bya ba dang / rmongs par bya ba dang / lkugs par byed
 pa dang / rgyas btab pa dang bsad pa la ni zhes bya ba ni bshad zin to/ /de dag thams cad ji ltar 'gyur zhe na/ bde ba chen po rdo rje dam tshig gi gsang ba'i gshed byed kyis so zhes bya ba gsungs te/ bde ba chen po rdo rje dam tshig gi gsang ba ni rdo rje sems dpa' ste/ de'i
 gshed byed skyed par byed pa'i phyag rgya ste/ des de thams cad rengs par 'gyur ro/ /'dis ni don 'di skad ston par 'gyur te/ bcom ldan 'das rdo rje sems dpa'i sbyor ba snga ma bzhin du byas la bshad ma thag pa'i lcags kyu gnyis bcings la bdag nyid rdo rje sems
 dpa' drag po chen por bsams la/ mthe'u chung gnyis rang gi skye gnas su bcug la lcags kyu'i phyag rgyas dral nas/ rang gi lus las kyang gshed byed drag po'i gzugs can rnams phyung la des gzhan gyi dpung mnan par bsam par bya'o/ /de lta bus ni gzhan
 gyi dmag tshogs rengs par 'gyur ro/ /de nyid dbye ba mtha' yas pa'i gzugs can spros la/ gzhan gyi dmag tshogs kyi sems can re re'i lus su bcug ste mig btsums na de lta bus ni gzhan gyi dpung gnyid log par byas par 'gyur ro/ /de nyid spros la gzhan
 gyi dpung gi sems can rnams kyi lus rnams la bcug na bdag nyid kyi lus kyi yan lag thams cad lhod par gyur par bsam par bya ste/ de lta bus de ni rmongs par byas par 'gyur ro/ /de bzhin du de bcug la gzhan gyi dpung gi tshig phrogs par gyur par
 bsams na lkugs par byas par 'gyur ro/ /de bzhin du de bcug la des gzhan gyi dpung rgyas btab par bsams na de lta bus ni rgyas btab par 'gyur ro/ /de bzhin du de spros la gzhan gyi dpung za bar mdzad par bsams na de lta bus ni gsod par 'gyur ro/ /
 'thab pa thams cad las rgyal ba thob pa la ni rdo rje gsang ba'i rgyal mtshan gyi rtse mos so zhes bya ba ni de bzhin du rdo rje sems dpa'i sbyor ba byas la srin po la sogs pa dang 'thab pa'i nang du zhugs pa na lnga po bsdus pa bcings la mdzub mo gnyis lcags kyur byas te/
 srin lag gnyis gzhibs te rtse mo sbyar nas mthe'u chung gnyis gshibs pa phye ste steng du bzhag la gzung bar bya zhing rang gi lus las kyang dpung gi tshogs yan lag bzhi phyung la des gzhan gyi dpung bcom pa dang brlag par byed par bsam par bya ste/ de lta bus ni 'thab pa
 thams cad las rgyal ba thob par 'gyur ro/ /gdug pa thams cad 'jig pa ni rdo rje gsang ba'i rdo rje legs pa'i gsang bas so zhes bya ba la de bzhin du rdo rje sems dpa'i sbyor ba byas la mi la sogs pa'i gtse ba dang phrad na rdo rje bsdams pa bcings la/ mdzub mo
 dang mthe bos legs so legs so zhes bya ba sbyin pa'i tshul du yang dang yang du byas la/ rang gi lus las byung ba dang / rdo rje legs pa'i sku la legs so zhes bya ba'i sgra brjod pa la brtson pas mi la sogs pa'i gdug pa bcom par gyur par
 bsam par bya'o/ /de lta bus ni gdug pa thams cad 'jig par 'gyur ro/ /bgegs thams cad zhi bar bya ba la ni rdo rje gsang ba'i bdud rtsi thab sbyor gyis so zhes bya ba ni de bzhin du rdo rje sems dpa'i sbyor ba byas la/ bdag nyid bdud rtsi thab sbyor gyi gzugs su
 bsams la/ de'i phyag rgya bcings te bdud rtsi thab sbyor sku mdog nag po zhal gyi mche ba gtsigs pa/ phyag g.yas na rdo rje dang ral gri dang dgra sta bsnams pa/ phyag g.yon gcig gis sdigs mdzub byed pa la brtson pa/ gnyis pas gtun shing bsnams pa/
 gsum pas zhags pa bsnams pa/ g.yon brkyang bas bzhugs pa/ drag po chen po rgyan thams cad kyis brgyan par bsam mo/ /de nas rang gi lus las bdud rtsi thab sbyor gyi gzugs dpag tu med pa spros la des bgegs thams cad gzhom par bya'o/ /de
 la 'di'i phyag rgya ni rdo rje bsdams pa bcings la mdzub mo gnyis dang mthe bo gnyis cung zad phye ste cung zad bkug la/ mdzub mo gnyis mche ba ltar khar gzhag par bya'o/ /'di ni 'phags pa bdud rtsi thab sbyor gyi phyag rgya'o/ /dgra bo thams cad rnam par
 gzhig pa la ni rdo rje gsang ba'i rnam par 'thor bas so zhes bya ba ni de bzhin du rdo rje sems dpa'i rnal 'byor byas la/ bdag nyid rdo rje sems dpa' nag po chen por rnam par bsams la lha dang mi la sogs pa'i dgra bo thams cad rnam par gzhom pa'i don du bzhugs
 par dmigs la rdo rje rnam par 'thor ba'i phyag rgya bcings la/ rang gi lus la rdo rje gnod sbyin dang srin po dang ro langs rnams phyung ste/ des de rnams rnam par gzhig par bya'o/ /de la phyag rgya ni 'di yin te dgra bo rnam par gzhig pa'i bsam pas rdo rje bsdams pa bcings la
 bskor te dral bar bya'o/ /bdud kyi stobs thams cad gzhom pa la ni rdo rje gsang ba'i rab tu 'dul bas so zhes bya ba la de bzhin du rdo rje sems dpa'i rnal 'byor byas la/ bdag nyid de bzhin gshegs pa mi bskyod par bsams la/ rang gi snying gar sems ma rdo rje ma de las
 rdo rje bsdams pa bcings la rdo rje bsdams pa brkyang ba'i lag mthil sa la reg par byas la/ rang gi lus la rdo rje sems dpa' la sogs pa khro bo rnams spros la des bdud kyi sde thams cad gzhom par bya'o/ /sprin bskyed pa la ni rdo rje gsang ba'i sprin chen pos so zhes bya ba ni de bzhin
 du rdo rje sems dpa'i rnal 'byor byas la/ mdun du yaM las rlung gi dkyil 'khor de'i steng du baM las chu'i dkyil 'khor bsams la/ dang po'i rdo rje bcings la rang gi lus las rdo rje klu spros te dang po'i rdo rje sprin bskyed pa'i tshul du byas la/ des kyang rdo rje klu yis rlung dang chu'i
 dkyil 'khor bsams pa tsam gyis bteg par 'gyur bar bsam par bya ste/ de lta bus ni sprin bskyed par 'gyur ro/ /char dbab pa la ni rdo rje gsang ba'i sprin gyis so zhes bya ba ni de bzhin du rdo rje sems dpa'i sbyor ba byas la sngar bshad pa'i tshul gyis sprin bskyed nas dang po'i
 rdo rje bcings pa la mdzub mo gnyis gzhibs te rtse mor byas la rtse mo des char gyi rgyun 'bab pa'i tshul du byas la/ des kyang rdo rje klu nam mkha'i ngos thams cad bkang la char gyi rgyun 'bebs par byed par bsam par bya'o/ /de lta bus ni char 'bab par 'gyur ro/ /thog 'bab pa
 dang / glog dang rlung dang char zhi bar bya ba la ni rdo rje gsang ba'i srid srung gis so zhes bya ba ni snga ma bzhin du rdo rje sems dpa'i rnal 'byor byas la/ dang po'i rdo rje bcings te mdzub mo gnyis gshibs la rtse mo sbyar te rtse mo de la raM las me'i dkyil 'khor/ de'i steng du yi ge hUM
 bsams la/ rtse mo des thog dbab pa dang glog dang rlung dang char sdigs mdzub bya zhing yi ge hUM de las rdo rje 'bar ba rnams spros la des thog 'bebs pa la sogs pa thal bar byas par bsam par bya'o/ /de lta bus ni thog dbab pa la sogs pa zhi bar 'gyur ro/ /sprin dang
 mun pa dang khug rna zhi bar bya ba la ni rdo rje gsang ba'i bde ba chen po'i spyan gyis so zhes bya ba ni/ de bzhin du rdo rje sems dpa'i sbyor ba byas la/ dang po'i rdo rje sprin la sogs pa gsal ba'i tshul gyis rdo rje'i blta bas blta bar bya'o/ /de lta bus ni sprin dang mun
 pa dang khug rna zhi bar 'gyur ro/ /klu thams cad dgug pa la ni rdo rje gsang ba'i phyag rgyas so zhes bya ba ni de bzhin du rdo rje sems dpa'i sbyor ba byas la/ lnga po bsdus pa bcings te mdzub mo gnyis lcags kyur byas nas klu thams cad dgug par bya'o/ /bcom ldan 'das
 rdo rje lcags kyus kyang klu dpral ba'i phyogs su lcags kyus phul la bkug par gyur par bsam par bya'o/ /de lta bus ni klu thams cad 'gugs par 'gyur ro/ /klu thams cad dbang du bya ba la ni gsang ba thams cad kyi nor bu'i phyag rgyas so zhes bya ba ni snga ma bzhin du rdo rje
 sems dpa'i rnal 'byor byas la bshad ma thag pa'i lcags kyus bcings la/ des klu bkug ste mdun du bzhag la mdzub mo g.yas pa'i rgyab bkug pa'i tshul gyis nor bur byas la bdag nyid rdo rje klur bsams la bkug pa'i klu la phyag rgya bstan par bya'o/ /de ltar na klu
 thams cad dbang du bya bar 'gyur ro/ /klu thams cad rjes su 'brang bar bya ba la ni rdo rje gsang ba'i klu 'dul bas so zhes bya ba ni de bzhin du dpal rdo rje sems dpa'i sbyor bas lnga po bsdus pa bcings la de bzhin du mdzub mo gnyis lcags kyur byas te mthe'u chung gnyis gzhibs
 la rtse mor byas la rtse mo dgus me'i dkyil 'khor gyi steng du yi ge haM bkod la klu la sdigs mdzub bya'o/ /de lta bus ni de rjes su 'brang bar 'gyur ro/ /klu thams cad 'byin pa la ni rdo rje gsang ba'i klu gdon pas so zhes bya ba ni de bzhin du rdo rje sems dpa'i sbyor ba byas la mdzub
 mo gnyis kyis lcags kyu gnyis byas te lcags kyu gnyis po de klu gnas dang bcas par sa 'og nas bsgul bar bya'o/ /de lta bus ni klu thams cad 'byin par 'gyur ro/ /sa ma lus par g.yo zhing 'gul ba la ni rdo rje gsang ba'i thar bas so zhes bya ba las ma lus pa rnams
 gyi g.yo ba ni sa ma lus pa g.yos pa ste/ sa thams cad bskyod pa'o/ /de nyid ni 'gul ba yin no/ /de ni rdo rje gsang ba'i thar pa'i phyag rgyar 'gyur ro/ /'di skad ston pa yin te/ snga ma bzhin du rdo rje sems dpa'i sbyor ba byas la/ dang po'i rdo rjes sa bzung nas bskul
 zhing bcom ldan 'das rdo rje sems dpa'i zhabs gnyis kyis btsir ba na pad+ma'i 'dab ma bzhin du g.yo bar gyur bar bsam par bya ste/ de lta bus ni sa thams cad g.yo zhing 'gul bar 'gyur ro/ /chu med par chu'i phung po shas cher bsil zhing dri ma med pa bskyed pa la ni bde
 ba chen po rdo rje klu'i phyag rgyas so zhes bya ba la/ rdo rje chags pa'i gzugs 'dzin pa'i sems dpa' ni bde ba chen po klu'i rgyal po'o/ /de'i phyag rgya ni de ston par byed pa'i phyag rgya ste/ des chu'i phung po 'byung bar 'gyur ro/ /'di skad ston par 'gyur te/ bcom ldan
 ' das rdo rje sems dpa'i rnal 'byor byas la dang po'i rdo rje bcings nas mdzub mo gnyis kyis klu'i gdengs ka gnyis kyi tshul du bstan la rdo rje klu'i rgyal po'i gzugs su bdag nyid bsams nas chu med pa'i sa phyogs su 'og gi cha'i klu'i gnas nas ri la sogs pa
 phug ste/ yid kyis bteg la phug pa de la chu bo dpag tu med pa'i rgyun rgya mtsho chen por 'bab par gyur par bsam par bya ste/ de lta bus chu'i phung po chen po 'byung bar 'gyur ro/ /mun pa chen por snang ba bskyed pa la ni rdo rje nyi ma'i phyag rgyas so zhes bya ba ni de bzhin du dang po'i rdo
 rje'i phyag rgya bcings la mthe'u chung dang mthe bo gnyis kyis rtse mo gnyis nyi ma'i 'od zer gtong [(]pa'i [,]ba'i [)]tshul du bstan la bdag nyid byang chub sems dpa' rdo rje nyi mar bsam par bya ste/ de lta bus ni mun par nyi ma'i snang ba chen po 'byung bar 'gyur ro/ /rlung thams cad dbang du bya ba
 la ni/ rdo rje rlung thams cad kyis so zhes bya ba ni snga ma bzhin du bcom ldan 'das rdo rje sems dpa'i rnal 'byor byas la dang po'i rdo rje bcings te/ mdzub mo gnyis gzhibs la de'i rtse mos rlung dbang du bya zhing rlung bskyed pa'i tshul gyis bdag nyid rdo rje rlung du bsams la rlung
 thams cad rang dbang du bya'o/ /nam mkha' la gzugs thams cad kun du ston pa la ni rdo rje gsang ba'i 'dzin pas so zhes bya ba la/ rdo rje gsang ba'i 'dzin pa ni me long gi phyag rgyas chos thams cad gzugs brnyan dang 'dra bar bsgoms pas dngos po
 thams cad bskyed pa'o/ /de'i mtshan nyid ni 'di yin te lnga po bsdus pa bcings la mdzub mo gnyis lcags kyur byas te mdzub mo gnyis kyi ngos me long gi dkyil 'khor bstan pa'i tshul gyis gzung bar bya ste/ 'di ni rdo rje gsang ba'i 'dzin pa'o/ /'dis bcings la bdag
 nyid rdo rje sems dpa' dngos po thams cad kyi bdag nyid can du bsams la/ chos thams cad gzugs brnyan dang 'dra bar bsgoms nas nam mkha' la gzugs brnyan thams cad bstan par bya'o/ /nam mkha' las dngos po thams cad 'byung bar bya ba la ni rdo rje gsang ba 'byung
 bas so zhes bya ba ni de bzhin du rdo rje sems dpa'i sbyor ba byas la lnga po bsdu ba bcings te mdzub mo gnyis lcags kyu gnyis su byas la lcags kyu de nam mkha' la dngos po thams cad bskyed pa'i tshul du bya'o/ /de nyid ni de'i 'og nas ston pas 'chad de/ rol pa la ni rab tu
 dga' ba'i rdo rjes so zhes ston pas 'chad de rab tu dga' ba'i rdo rjes nam mkha' las dngos po thams cad bskyed pa'i tshul gyis dngos po thams cad bskyed cing bsgrub par bya'o zhes ston pa yin no/ /nam mkha' las rang gi mtshan nyid bstan par bya ba la ni/ rdo rje gsang ba'i
 rdzu 'phrul gyis so zhes bya ba ni de bzhin du dpal rdo rje sems dpa'i sbyor ba byas la bshad ma thag pa'i lcags kyu gnyis bcings nas/ nam mkha'i phyogs su yaM las rlung gi dkyil 'khor/ de'i steng du laM las dbang chen gyi dkyil 'khor/ /de'i steng du rdo rje'i blta bas
 blta zhing bdag nyid dpal rdo rje sems dpa'i ngo bor ston pa'i phyir bdag nyid kyi ngo bo de ltar bsams na de lta bus ni nam mkha' la rang gi ngo bo ston par 'gyur ro/ /nam mkha' la de bzhin gshegs pa dang rdo rje 'dzin pa la sogs pa byang chub sems dpa' thams cad dang / 'jig
 rten gyi khams thams cad la rdo rje gsang ba'i rnam par 'phrul pas so zhes bya ba ni de bzhin du rdo rje sems dpa'i rnal 'byor byas la bshad ma thag pa'i lcags kyu gnyis bcings te/ steng du nam mkha' la bskor bar bya zhing de bzhin gshegs pa dang rdo rje 'dzin pa la sogs pa
 byang chub sems dpa' thams cad dang / 'jig rten dang 'jig rten gyi khams thams cad gzugs brnyan gyi tshul du bsgoms pas nam mkha' la bsams na de lta bus ni de thams cad ston par 'gyur ro/ /nam mkhar shing thams cad la lo ma dang me tog dang 'bras bu
 thams cad 'byung ba la ni rdo rje gsang ba'i dus kyi phyag rgyas so zhes bya bas ni de bzhin du rdo rje sems dpa'i sbyor ba byas la bcom ldan 'das rdo rje yid las byung ba'i rdo rje'i phyag rgya bcings la bdag nyid rdo rje yid las byung bar bsams la/ nam mkha' la lo ma dang me
 tog dang 'bras bu bskyed pa'i bsam pas phyag rgya de shing thams cad dang / ljon shing thams cad dang / nags dang 'bru thams cad la gzhag par bya'o/ /de lta bus ni de rnams bskyed par 'gyur ro/ /sa'i cha thams cad las 'bru thams cad smin par 'byung ba ni rdo rje gsang
 ba ste/ rdo rje sems dpa'i gshol gyi phyag rgyas 'gyur ro/ /de ni 'di yin te de bzhin du rdo rje sems dpa'i sbyor ba byas la bcom ldan 'das rdo rje yid las byung ba'i dam tshig gi phyag rgya bcings te/ rdo rje yid las byung bar bdag nyid bsams la phyag rgya des lcags
 rnon po dang bcas pa'i gshol byin gyis brlabs la des sa khang zhing las byas te/ de lta bus ni sa'i cha thams cad las 'bru thams cad smin par 'byung bar 'gyur ro/ /thams cad las lha'i kha zas dang btung ba dang gos dang rgyan dang gnas sar pa dang / bu mo gzhon
 nu 'byung ba dang skyes pa dang bud med dang bran pho dang bran mo thams cad 'byung bar bya ba ni zhes bya ba la/ thams cad las zhes bya ba ni dngos po thams cad las so/ /lha'i kha zas dang btung ba dang gos dang rgyan dang gnas sar pa dang / bu mo gzhon nu ma bskyed cing 'byung
 ba dang skyes pa dang / bud med dang / bran pho dang bran mo thams cad bskyed pa de ji ltar 'gyur zhe na/ bde ba chen po rdo rje dam tshig gi bsod nams kyi chu yis so zhes bya ba ni bde ba chen po'i rdo rje'i dam tshig ni rdo rje sems dpa'i bsod nams kyi chu bo'i phyag
 rgya ste des de 'byung bar 'gyur ro/ /'dis ni 'di skad ston par 'gyur te de bzhin du rdo rje sems dpa'i sbyor ba byas la/ bcom ldan 'das rdo rje yid las byung ba'i dam tshig gi phyag rgya bcings te/ rdo rje yid las byung bar bdag nyid bsams la phyag rgya des dngos po
 thams cad las bdag nyid kyi lha'i kha zas la sogs pa thams cad dgug par bya ste/ de ltar na thams cad las lha'i kha zas la sogs pa thams cad 'byung bar 'gyur ro/ /g.yul du dpung gi tshogs yan lag bzhi pa ston te g.yul 'gyed pa de la ni zhes bya ba de ni gzhan gyi
 dmag tshogs [(]gyi [,]kyi [)]mdun du rang gi dpung gi tshogs yan lag bzhi pa sprul pa nye bar bstan nas des gzhan gyi dpung gi tshogs las rgyal ba ni g.yul 'gyed pa'o/ /'di ji ltar 'gyur zhe na/ rdo rje bde ba chen po'i sdom pas so zhes bya ba gsungs te/ rdo rje bde ba chen po yang yin
 la sdom pa yang yin pas na rdo rje bde ba chen po sdom pa'i phyag rgya'o/ /des dpung gi tshogs yan lag bzhi pa sprul la/ g.yul 'gyed pa rdzogs par bya ba'o/ /de ni 'di yin te de bzhin du rdo rje sems dpa'i sbyor ba byas la/ bcom ldan 'das rdo rje yid las byung ba'i dam
 tshig gi phyag rgya bcings te rdo rje yid las byung bar bdag nyid bsams te phyag rgya des dpung gi tshogs yan lag bzhi pa sprul la/ g.yul 'gyed pa'i bsam pas gzhan gyi dmag tshogs kyi mdun du bsgom par bya ste/ de lta bus ni dpung gi tshogs yan lag bzhi pa
 bstan nas g.yul 'gyed par 'gyur ro/ /sgyu ma thams cad bstan pa la ni rdo rje bde mchog gis so zhes bya ba la rdo rje ste/ rdo rje sems dpa'i bde ba'i mchog ni rdo rje bde mchog ste/ de bzhin gshegs pa la sogs pa'i dngos po thams cad sprul pa'i rjes thogs la
 bde ba dang yid bde ba thob par gyur pa gang yin pa ste/ shaM zhes bya ba bde bar bshad/ /sangs rgyas kun gyi bde ba che/ /sgyu ma kun gyi sbyor ba yis/ /bde mchog des ni bde ba'i mchog /ces gsungs pa'i phyir ro/ /'di skad ston te/ de bzhin du rdo rje sems dpa'i
 sbyor ba byas la/ rdo rje khu tshur gnyis bcings nas des bskyed pa'i bsam pas phyag rgya des glog 'gyu ba'i tshul du bskor la des de bzhin gshegs pa la sogs pa dngos po thams cad bstan par bya'o/ /bde mchog gi bya ba thams cad ni/ rdo rje sgyu ma'i bya bas so
 zhes bya ba thams cad ni/ sangs rgyas thams cad kyi bde ba dang 'jig rten pa'i bde ba skyed par byed pa'i bde ba ni bde mchog thams cad de/ de'i don bya ba ni las su bya ba ste/ de la bde mchog thams cad kyi bya ba'o/ /rdo rje ni rdo rje sems dpa' ste de'i sgyu ma ni rdo rje'i sgyu ma ste/
 de bzhin gshegs pa la dngos po thams cad sprul pa'o/ /de'i don du byas pa ni rdo rje sgyu ma byas pa ste/ phyag rgya gang gis de skyed par byed pa'o/ /'di skad ston te/ bcom ldan 'das rdo rje sems dpa'i sbyor ba byas la rdo rje khu tshur bcings te/ de bzhin gshegs pa la sogs
 pa thams cad sprul pa'i bsam pas g.yas phyogs nas bskor nas de nas de thams cad 'byung bar 'gyur ro/ /yang bde ba de nyams su myong bar bya ba'i phyir bskor na bde ba de nyid nyams su myong bar 'gyur ro/ /rmad du byung ba dang cho 'phrul thams cad bstan pa la ni zhes bya ba la de
 bzhin gshegs pa la sogs pa'i dngos po bstan pa gang yin pa de ni sngon chad ma byung bas rmad du byung ba'o/ /rdzu 'phrul dang kun brjod pa dang byin gyis brlabs pa dang / rjes su bstan pa'i mtshan nyid can gyi cho 'phrul rnam pa bzhi ni cho 'phrul thams cad do/ /de ji ltar 'gyur zhe na/
 rdo rje rmad du byung ba'i rdzu 'phrul gyi rnam par 'phrul pas so zhes bya ba gsungs te/ rdo rje sems dpa'i rmad du byung ba'i rdzu 'phrul gyi rnam par 'phrul pa ste/ des rmad du byung ba dang cho 'phrul thams cad bstan par 'gyur ro/ /'di ni 'di skad ston te/ dpal rdo rje sems dpa'i
 sbyor ba byas la/ rdo rje khu tshur gnyis bcings nas de rmad du byung ba dang / cho 'phrul thams cad bstan pa'i bsam pas nam mkha'i glog 'gyu ba'i tshul du bskor nas de las de thams cad 'byung bar 'gyur ro/ /lan thams cad gdab par bya ba ni zhes
 bya ba ni/ 'das pa dang ma 'ongs pa dang / da ltar gyi dngos po bstan pa ni lan thams cad gdab pa ste/ de nyid bya ba yin pas na lan thams cad gdab pa yin no/ /de ji ltar 'gyur zhe na/ rdo rje lan bstan pas so zhes bya ba gsungs te/ rdo rje'i lan bstan pa ni rdo rje'i lan gdab
 pa ste phyag rgya gang gis de bskyed par 'gyur ba'o/ /de ni 'di yin te/ de bzhin du rdo rje sems dpa'i sbyor ba byas la/ g.yon pa'i rdo rje khu tshur g.yas pa'i rdo rje khu tshur gyis bsnun pa dang / bcom ldan 'das rang gi lce la gnas par gyur pa'i lce des 'das pa dang / ma 'ongs
 pa dang / da ltar gyi dngos po'i lan rnams smra bar bsam par bya ste/ de lta bus ni lan thams cad ston par byed par 'gyur ro/ /me rengs par bya ba la ni rdo rje shin tu grang bas so zhes bya ba ni de bzhin du dpal rdo rje sems dpa'i sbyor ba byas la/ me'i steng du baM las chu'i dkyil
 'khor ro/ /de'i steng du dpal rdo rje sems dpa'i rang gi spyi bo'i phyogs bzhi nas 'o ma'i rgya mtsho chen po bzhi me la sogs pa'i mtshams bzhir gang+gA dang sin+d+hu dang / pak+Shu dang / si tA ste chu bo bzhi spyi gtsug nas mtsho chen po bzhi me la sogs pa'i mtshams ma dros pa dba'
 klong 'khyil zhing sgra dang bcas la dbu ba dang dba' rlabs kun du 'khrug pa 'byung bar bsams la/ rdo rje khu tshur gnyis bcings te me'i steng du drag tu 'bab pa nyid du bsams te/ de lta bus ni me rengs par 'gyur ro/ /chu 'bab par bya ba la ni rdo rje chu shel gyis so zhes bya ba
 ba ni/ snga ma bzhin du rdo rje sems dpa'i sbyor ba byas la nor bu chu shel 'dzin par bdag nyid bsams la rdo rje khu tshur gnyis bcings te mdzub mo gnyis bsgreng la rgyab bkug pa'i tshul gyis rin po che lta bur byas nas bzung ste/ rang gi lag na gnas pa'i nor bu rin po che chu
 shel las chu'i rgyun yid kyis dbab par bya ste/ de lta bus chu'i rgyun 'bab par 'gyur ro/ /dgon par grong dang nags tshal dang chu bo dang rdzing bu dang skyed mos tshal dang / zas dang skom dang / gtsug lag khang sprul pa la ni rdo rje grub pas so zhes bya ba la de bzhin du dpal rdo rje
 sems dpa'i sbyor ba byas la/ dgon pa 'brog stong pa'i dbus su rdo rje khu tshur gnyis bcings la mdzub mo gnyis gzhibs te rtse mor byas la grong khyer chen po la sogs par sprul par bya'o/ /chu'i steng du 'chag pa dang / bdag nyid mang po'i gzugs ston pa dang / mi snang ba
 dang nam mkha' la 'gro ba'i dngos grub la ni rdo rje gsang ba'i dngos grub kyis so zhes bya ba ni snga ma bzhin du rdo rje sems dpa'i rnal 'byor byas la g.yon pa'i mthe bo'i bu gar g.yas pa'i mdzub mo byang chub mchog gi phyag rgya'i tshul du bcug la/ chu'i phra rab thams cad rdo rje'i
 gzugs su bsams la chu'i steng du gzhag par bya'o/ /phyag rgya 'di nyid bcings la rdo rje sems dpa' la sogs pa'i dngos po thams cad rang gi lus la yid kyis bcug ste/ gzugs brnyan gyi tshul du bsgoms pas gzugs thams cad bstan pa yin no/ /'di nyid
 bcings la bdag nyid nam mkha' dang mnyam par bsams na de lta bus ni mi snang bar 'gyur ro/ /'di nyid bcings la gzhan 'phrul dbang byed kyi lha'i rgyal po la sogs pa'i gnas kyi bar du phyin pa'i rdo rje skas kyi phreng bar bsams na/ des gzhan 'phrul dbang byed kyi lha'i rgyal
 po'i gnas la sogs par 'gro bar byas te/ de lta bus ni nam mkha' la 'gro bar 'gyur ro/ /lha la sogs pa thams cad mngag gzhug par bya ba la ni rdo rje gsang ba'i bka' bsgos so zhes bya ba ni/ de bzhin du dpal rdo rje sems dpa'i sbyor ba byas la lnga po bsdus
 pa las mdzub mo gnyis su byas te/ mngag gzhug pa'i tshogs sprul la dbang phyug chen po la sogs pa'i lus la yid kyis bcug ste/ de rnams dang lhan cig gcig tu gyur nas bka' nod pa la sogs pa bsams nas/ dbang phyug chen po la sogs pa mngag
 gzhug par bya ba'i phyir/ phyag rgya des steng gi nam mkha' las bka' bsgo ba'i tshul du byas te de lta bus dbang phyug chen po la sogs pa de rnams mngag gzhug pa'i tshogs de rnams kyis rang dbang du byas nas/ sgrub pa po'i mngag gzhug pa byed par
 'gyur ro/ /sems can thams cad dbang du bya ba la ni rdo rje gsang ba'i dbang gis so zhes bya ba ni de bzhin du dpal rdo rje sems dpa'i sbyor ba byas la bshad ma thag pa'i lcags kyu gnyis bcings te/ des rang gi mtshan ma g.yo bar byas shing bcom ldan 'das rdo rje sems dpa'
 sku mdog dmar po 'od zer dmar pos bsgrub par bya ba kha dog dmar por byas la dbang po gnyis snyoms par 'jug pa'i tshul gyis rang dbang du byas par bsam par bya ste/ de lta bus ni dbang du bya bar 'gyur ro/ /mi rgyu ba thams cad drang ba dang / dbab pa dang bden pa smrar gzhug
 pa la ni rdo rje gsang ba'i dngos grub kyi phyag rgyas so zhes bya ba ni de bzhin du bcom ldan 'das rdo rje sems dpa'i sbyor ba byas la/ bshad ma thag pa'i lcags kyu gnyis dang gung mo gnyis gzhibs te rtse mor byas la/ mi rgyu ba'i dngos po thams cad dgug cing drang ba'i bsam pas de
 dang mi rgyu ba'i dngos po thams cad drangs nas 'ong bar 'gyur ro/ /mi rgyu ba'i dngos po de nyid la dpal rdo rje sems dpa' dbab pa'i sbyor bas phab na mi rgyu ba thams cad 'bab pa yin no/ /phab pa de nyid la bden pa smrar gzhug pa'i bsam pas ni mi rgyu ba thams cad bden
 par smra bar 'gyur ro/ /gzugs thams cad dbab pa dang / dgug pa dang / dgod par bya ba dang / gar byed du gzhug pa dang / rol par bya ba dang bsgo ba thams cad byed du gzhug pa dang / thams cad khyer te 'ong ba dang / 'phrog tu gzhug pa dang las thams cad byed du gzhug
 pa la ni bde ba chen po rdo rje'i dam tshig bat+t+ris so zhes bya ba ni de bzhin du rdo rje sems dpa'i sbyor ba byas la/ lnga po bsdus pa bcings la mdzub mo gnyis bkug pas lcags kyu gnyis bcings la/ bskyod pa dang btsir ba'i phyag rgya 'dis gzugs brnyan thams cad la dbab pa'i
 bsam pas byas na de la dpal rdo rje sems dpa' 'jug par 'gyur ro/ /de nas gzugs brnyan thams cad la gzhug pa dang / gzugs brnyan dgug pa'i bsam pas bskyed la dgug par 'gyur ro/ /dgod du gzhug pa'i bsam pas ni dgod par 'gyur ro/ /gar byed
 pa'i bsam pas ni gar byed par 'gyur ro/ /kun du rol par bya ba'i bsam pas ni gzugs brnyan thams cad kun du rol par 'gyur te rtse bar byed do zhes bya ba'i tha tshig go/ /bsgo ba thams cad byed du gzhug pa'i bsam pas ni gzugs brnyan thams cad byed do/ /thams
 cad khyer te 'ong ba'i bsam pas ni gzugs brnyan thams cad khyer te 'ong ngo / /thams cad 'phrog tu gzhug pa'i bsam pas ni gzugs brnyan thams cad kyis thams cad 'phrog go/ /las thams cad byed du gzhug pa'i bsam pas ni gzugs brnyan thams cad kyis
 las thams cad byed par 'gyur te/ gzugs brnyan thams cad la dbab pa sngon du 'gro ba 'di dag ni gzugs brnyan thams cad kyi las yin par shes par bya'o/ /thams cad rjes su chags par bya ba la ni bde ba chen po rdo rje yid las byung bas so zhes bya ba ni/ bcom
 ldan 'das rdo rje sems dpa'i sbyor ba byas la rdo rje yid las byung ba'i phyag rgya chen po bcings te/ rdo rje yid las byung bar bdag nyid bsams la mdun du rdo rje sems dpa' la sogs pa ji lta ba bzhin du spyan drangs te/ cho ga thams cad rjes su spyad nas phyag rgya 'dis rjes su
 dgyes par byed do/ /de lta bus ni thams cad rjes su dgyes par 'gyur ro/ /rgyu ba dang mi rgyu ba thams cad rtser gzhug pa la ni rdo rje ki li ki la'i gsang bas so zhes bya ba ni de bzhin du bcom ldan 'das rdo rje sems dpa'i sbyor ba byas la ki li ka la'i phyag rgya chen po bcings
 la ki li ki lar bdag nyid bsams nas gnod sbyin mo la sogs pa'i gzugs brnyan la gnod sbyin la sogs pa bkug ste/ de'i phyag rgya chen pos gnod sbyin la sogs pa dang 'khyud pas bzla ba bya ste/ de lta bus ni thams cad dga' mgur spyod cing dga' bar 'gyur ro/ /
 thams cad brtan par bya ba la ni rdo rje chu srin gyi phyag rgyas so zhes bya ba la ni snga ma bzhin du rdo rje sems dpa'i sbyor ba byas la bcom ldan 'das rdo rje dran pa'i phyag rgya chen po bcings te bdag nyid rdo rje dran par bsams te/ de nas yid kyis bsgrub par bya ba dang lhan
 cig gcig tu byas la bzlas brjod byas te de lta bus ni thams cad brtan par 'gyur ro/ /thams cad dang bar bya ba la ni rdo rje bsnyems pas so zhes bya ba ni de bzhin du dpal rdo rje sems dpa'i sbyor ba byas la bcom ldan 'das rdo rje bsnyems pa'i phyag rgya chen po bcings te rdo rje
 bsnyems par bdag nyid bsams la khros pa thams cad kyi sems dang bar bya ba'i phyir yid kyis bsgrub par bya ba dang / lhan cig gcig tu bya ba ste/ bsgrub par bya ba de lta bus ni sems dang bar bya'o/ /rmi lam gdab pa gsol ba la ni rdo rje slong mo bas so zhes bya ba
 ni de bzhin du rdo rje sems dpa'i sbyor ba byas la/ bcom ldan 'das mdun du spyan drangs te mchod pa thams cad kyis ji lta ba bzhin du yang dag par mchod nas phyag byas la hUM gnyis las mig gnyis dang / rna ba gnyis su rdo rje bsams la de nas 'di skad du/ bcom ldan 'das
 rdo rje sems dpa' bden pa gang gis chos thams cad rmi lam dang 'dra bar mnyam pa'i bden pa des bdag 'dod pa'i rmi lam las che ge mo mthong bar mdzod cig / thos par mdzod cig ces brjod par bya'o/ /de nas rdo rje bsnyems pa'i phyag rgya chen po bcings la/ mdzub mo gnyis
 gzhibs te/ rtse mor byas nas sngags zlos shing rtse mo des slong ba'i tshul du byas te/ de lta bus ni rmi lam du bcom ldan 'das thams cad ston par mdzad pa dang gsung bar mdzad do/ /mtshan phyed dam thun tha ma la ni rmi lam du gdab par bya'o/ /yang na gzhan gyis mngon par
 'dod pa'i rmi lam mthong bar bya ba la zhes bya ba ni sgrub pa po gzhan dag rang dbang du byed par 'dod pa la de rnams kyis ji ltar mngon par 'dod pa'i rmi lam bstan par bya'o/ /ji ltar zhe na/ rdo rje rmi lam mthong bas so zhes bya ba gsungs so/ /rdo rje ste rdo rje sems dpa'i rmi
 lam mthong ba'i phyag rgya gang yin pa des bstan par bya'o/ /'di skad ston te/ bcom ldan 'das rdo rje sems dpa'i sbyor ba byas la/ yid kyis bsgrub par bya ba dang lhan cig tu byas nas bsgrub par bya ba'i mdun du bcom ldan 'das rdo rje sems dpa'i bsgrub par bya ba ci
 'dod pa'i tshul gyis sgra ston par mdzad par bsams la bden pa'i byin gyi rlabs byas nas rdo rje bsdams pa bcings te/ mdzub mo gnyis kyis rang gi mig gnyis bkab la mig mi btsums par 'dis gzhan rnams kyis ji ltar mngon par 'dod pa'i rmi lam ston par mdzod cig
 ces bcom ldan 'das bsgom par bya'o/ /rmi lam ngan pa thams cad gzhig pa la ni rdo rje sreg blugs kyis so zhes bya ba ni sgrub pa po gang gi tshe rmi lam ngan pa mthong ba de'i tshe/ bcom ldan 'das kyi sbyor ba byas la/ bcom ldan 'das mdun du spyan drangs nas cho ga thams cad ji
 lta ba bzhin du rjes su spyad la/ bdag nyid rdo rje sems dpa' drag po chen po'i skur bsams te/ thab kyi dbus su ye shes kyi me la bcom ldan 'das drag po chen po'i tshul can rnam par bsgoms nas/ rdo rje bsdams pa bcings te mdzub mo gnyis gzhibs te rtse mor
 byas la/ rmi lam ngan pa thams cad ston par byed pa'i sdigs pa'i mdzub mo'i rtse mos blangs la/ bcom ldan 'das kyi zhal du sreg blugs dbul ba'i tshul gyis bstab par bya ste/ de lta bus ni rmi lam ngan pa thams cad 'jig par 'gyur ro/ /rmi lam bzang po
 thams cad bsgrub pa dang / brtan par bya ba la ni rdo rje rmi lam grub pas so zhes bya ba ni rmi lam du bdag nyid byang chub kyi snying por 'gro ba dang / bdud btul ba dang / thams cad mnyam pa nyid byang chub chen por mngon par byang chub pa dang / chos kyi 'khor lo bskor ba
 la sogs pa mthong ba ni rmi lam bzang po thams cad do/ /de bsgrub par bya ba ni rdzogs par bya ba'o/ /brtan par bya ba ni mi 'gyur bar bya ba ste/ gnyid log pa ni rmi lam du byang chub kyi snying por 'gro ba la sogs pa nyid mthong gi mi dge ba'i las kyi 'bras bu gzhan dag
 ni ma yin pa'i rdo rje rmi lam gyi phyag rgya gang yin pa des der gyur te rdo rje rmi lam grub pa des rmi lam bzang po thams cad grub pa dang brtan par byed par 'gyur ro/ /'di skad ston pa yin te de bzhin du rdo rje sems dpa'i sbyor ba byas la/ bcom ldan 'das rdo rje
 sems dpa' mdun du spyan drangs te/ cho ga thams cad rjes su spyad la hUM las mig gnyis su rdo rje bskyed la rdo rje bsdams pa bcings te mdzub mo gnyis kyis mig bkab ste bzlas brjod bya'o/ /de lta bus ni rmi lam bzang po thams cad bsgrub pa dang / brtan par bya ba'i
 dngos grub thams cad 'grub par 'gyur ro/ /nad dang gdon thams cad bsal ba la ni rdo rje sman gyis so zhes bya ba ni skya sbab la sogs pa'i nad thams cad do/ /gcong chen po la sogs pa ni gdon thams cad do/ /nad dang gnod pa de thams cad bsal ba la ni bcom ldan 'das
 rdo rje sman gyi phyag rgyas 'gyur ro/ /'dis ni 'di skad ston pa yin te de bzhin du dpal rdo rje sems dpa'i sbyor ba byas la/ bdag nyid 'phags pa gtsug 'phyang gi gzugs su bsams la rdo rje bsdams pa bcings nas mdzub mo gnyis gzhibs te/ rtse mor byas la de brtan pas gzung
 bar bya'o/ /bcom ldan 'das gtsug 'phyang yang nad pa'i lus la zhugs pas nad pa'i lus thams cad khyab pa dang / dpal rdo rje sems dpa'i phra rab kyi rang bzhin can gyi sman nad pas zos par bsam par bya'o/ /rims nad thams cad gzhig pa la ni rdo rje bcud kyis so
 zhes bya ba ni de bzhin du dpal rdo rje sems dpa'i sbyor ba byas la/ 'phags pa bdud rtsi thab sbyor du bsams te mdzub mo gnyis gshibs la rtse mor byas la btung bar bya'o/ /bcom ldan 'das 'phags pa bdud rtsi thab sbyor gyis nad pa'i spyi bos nas brtsams te rkang pa'i mthar thug
 pa'i bar du khyab pa dang / rdo rje sems dpa'i phra rab kyi tshogs 'thung bar bsam par bya'o/ /de nas nad pa 'phags pa bdud rtsi thab sbyor du gyur par bya'o/ /dus ma yin par 'chi ba gzhig pa la ni rdo rje dUr bas so zhes bya ba ni/ de bzhin du dpal rdo rje sems dpa'i sbyor ba byas
 la mdun du dpal rdo rje sems dpa' spyan drangs nas cho ga thams cad rjes su spyad la bdag nyid rdo rje sems dpa' drag po chen por bsams te mdun na bzhugs pa'i rdo rje sems dpa' ye shes kyi me thab kyi dbus na bzhugs par bsams te/ rdo rje bsdams pa bcings te mdzub
 mo gnyis gzhibs la rtse mor sbyar te/ mdzub mo'i rtse mor dus ma yin par 'chi bar g.yo ba'i gzugs can blangs la/ bcom ldan 'das kyi zhal du sreg blugs 'bul ba'i tshul gyis bstab par bya ba ni bcom ldan 'das kyis bzhes par gyur par bsam par bya'o/ /dmyal
 ba la sogs pa'i ngan 'gro thams cad gzhig pa la ni rdo rje sdig pa dral bas so zhes bya ba ni/ de bzhin du rdo rje sems dpa'i sbyor ba byas la bdag nyid dpal rdo rje hUM mdzad du bsams la snga ma bzhin du rdo rje bsdams pa'i mdzub mo gnyis rtse mo sbyar la mthe bong gnyis 'og tu mnyam por brkyang la
 ngan song gsum des 'degs shing bsgrubs la rdo rje 'bar ba nam mkha' dang mnyam par ngan song gsum thal bar byas par bsam par bya'o/ /de nas ngan 'gro de rnams de bzhin gshegs pa mi bskyod pa'i sangs rgyas kyi zhing du skyes shing sa brgyad pa thob par bsam par bya ste/
 de lta bus ni sdig pa thams cad dral bar 'gyur ro/ /sku thams cad bsgrub pa ni rdo rje'i sku'i mchog gis so zhes bya ba ni dpal rdo rje sems dpa' la sogs pa'i sku ni sku thams cad do/ /de'i dngos grub ni skyed pa ste rdo rje bsdams pa bcings la mdzub mo gnyis gzhibs te
 rtse mo sbyar la mthe bong gnyis skyil mo krung du bya ba ni rdo rje sku'i mchog ste/ 'di bcings la dpal rdo rje sems dpa' la sogs pa'i sbyor bas/ rdo rje sems dpa' la sogs pa'i sku gang dang gang bsgrub par 'dod pa de dang der bdag nyid bsam par bya ste/ de lta bus
 ni sku thams cad 'grub par 'gyur ro/ /gsung thams cad sgrub pa la ni rang gi lce la rdo rje gsang ba'i ljags kyi mchog gis so zhes bya ba ni de bzhin du dpal rdo rje sems dpa'i sbyor ba byas la rang gi lce la rdo rje dkar po bsams la der zlos par bya ba'i phyir sngags
 yid kyis bris te/ rdo rje sku'i mchog bcings la gung mo gnyis kyis pad+ma ltar byas nas ngag 'byin pa'i tshul du byas te de lta bus ni gsung gi dngos grub tu gyur la 'das pa dang / ma 'ongs pa dang / da ltar gyi dngos po thams cad bden par ston pa'i
 mtshan nyid can/ rdo rje gsang ba'i ljags kyi mchog gis 'gyur ro/ /thugs thams cad grub pa la ni rdo rje thugs bskyed pas so zhes bya ba la de bzhin du dpal rdo rje sems dpa'i sbyor ba byas la/ rang gi snying ga'i zla ba la rdo rje rtse lnga pa bsams te/ rang gi snying ga'i phyogs
 su rdo rje sku'i mchog bcings la/ oM bo d+hi tsit+to ta pa da yA mi zhes rdo rje'i snying po dam pa zlos shing rdo rje sems dpar bdag nyid bsgom par bya ste/ de lta bus ni thugs kyi dngos grub thob par 'gyur ro/ /rdo rje thams cad kyi dngos grub ni rab tu dga' ba'i rdo rjes so zhes bya ba ni de
 bzhin du rdo rje sems dpa'i sbyor ba byas la rang gi snying gar yi ge sa las sna tshogs rdo rje bsams la rdo rje sku'i mchog bcings te g.yas pa'i mthe bong g.yon pa'i mthe bong gi bu gar bcug la bsgom par bya ste/ de lta bus ni rdo rje thams cad 'grub par 'gyur ro/ /dkyil
 'khor thams cad du 'jug pa la ni rdo rje 'khor los so zhes bya ba ni de bzhin du dpal rdo rje sems dpa'i sbyor ba byas la bdag nyid byang chub sems dpa' sems bskyed ma thag tu chos kyi 'khor lo bskor bar bsams la/ rdo rje khu tshur gnyis bcings la/ glog 'gyu ba
 'degs pa'i tshul gyis g.yas phyogs nas bskor ba 'di ni rdo rje 'khor lo ste/ 'dis dkyil 'khor du 'jug par 'gyur ro/ /phyag rgya thams cad bcings pa'i dngos grub ni zhes bya ba na/ phyag rgya chen po la sogs pa'i phyag rgya thams cad bcings pa'i dngos grub po/ /de ji
 ltar 'gyur zhe na/ rdo rje gsang ba'i dam tshig gi phyag rgya chen pos so zhes bya ba gsungs te rdo rje ni de kho na nyid do/ /de'i gsang ba'i dam tshig ni dang po'i rdo rje'o/ /de'i phyag rgya chen po rdo rje sems dpa'i las kyi phyag rgya ni rdo rje bsnyems pa'o/ /'di skad ston te/ rdo rje
 sems dpa'i sbyor ba ji lta ba bzhin du byas la/ rdo rje sems dpa'i las kyi phyag rgya dang / rdo rje dang bcas pa bcings la rang gi sngags brjod par bya ste/ de lta bus ni phyag rgya thams cad bcings pa bsgrub par 'gyur ro/ /dam tshig thams cad grub pa la ni rdo rje dam tshig gi phyag
 rgyas so zhes bya ba la de bzhin du dpal rdo rje sems dpa'i sbyor ba byas la khro bo'i khu tshur gyis sdigs mdzub byed pa la brtson pa dang / yi ge hUM gis bdag nyid rdo rje khu tshur bsams la bsgrub par bya ba rdo rje rigs kyi lha mdun du spyan drangs la sdigs mdzub byas te/ de lta bus ni de
 dgyes nas rang gi dngos grub stsol bar mdzad do/ /de ltar na rdo rje rigs kyi ngo bo'i dam tshig thams cad 'grub par 'gyur ro/ /las thams cad grub pa la ni rdo rje gsang ba'i mchod pas so zhes bya ba ni de bzhin du dpal rdo rje sems dpa' sbyor ba byas la/ lnga po bsdus pa bcings te
 mdzub mo gnyis kyis lcags kyu gnyis su byas la de gar bya ba'i tshul gyis bteg nas spyi bor thal mo sbyar ba byas nas lus thams cad las byung ba/ rdo rje mtshon cha ma la sogs pas byang chub tu sems bskyed pa la sogs pa'i sgrub pa'i mchod pas bdag nyid mchod par
 gyur par bsam par bya'o/ /de lta bus ni las kyi dkyil 'khor la sogs pa'i las thams cad 'grub par 'gyur ro/ /dngos grub thams cad la ni bde ba chen po'i gsang ba'i bde ba grub pas so zhes bya ba ni rigs thams cad kyi phyag rgya chen po la sogs pa 'grub pa ni
 dngos grub thams cad de/ de ni rdo rje bde ba chen po ste rdo rje sems dpa'i gsang ba'i bde ba grub pa bskyed pas thob par 'gyur ro/ /'di skad ston par 'gyur te de bzhin du dpal rdo rje sems dpa'i sbyor ba byas la/ bcom ldan 'das kyis las kyi phyag rgya bcing bar bya ste/ de
 lta bus ni phyag rgya thams cad sgrub pa po'i dbang du 'gyur ro/ /phun sum tshogs pa thams cad la ni rdo rje ltung ba las gdon pa'i phyag rgyas so zhes bya ba ni 'jig rten dang 'jig rten las 'das pa'i 'byor pa ni phun sum tshogs pa thams cad do/ /rdo rje ni rdo rje sems dpa'o/ /
 ltung ba ni rgud pa dang ldan pa'i sems can de rgyal srid las nyams pa rnams gdon zhing slar yang rgyal srid la gzhag par bya ba'i phyir don gyi phyag rgyas rdo rje ltung ba las gdon pa'i phyag rgya ste/ gang gis ltung ba las slong bar byed pa'o/ /de ni 'di yin te/ de bzhin
 du rdo rje sems dpa'i sbyor ba byas nas yid kyis bsgrub par bya ba dang / lhan cig tu byas la rdo rje khu tshur gnyis bcings nas mthe'u chung gnyis phan tshun rgyab tu mdud pa byas la/ mdzub mo gnyis bkan te gzhibs la rtse mor byas nas 'og nas bteg la dbang bskur ba'i
 gnas su bde bar gzhag par bya zhing ji ltar mngon par 'dod pa'i dbang gis bdag nyid dbang bskur bar bsam par bya ste/ de lta bus ni rgyal srid las nyams pa rnams slar yang rgyal srid kyi 'byor pa thams cad thob par 'gyur ro/ /thams cad mkhyen pa thob pa la ni
 rdo rje ye shes kyi phyag rgyas so zhes bya ba la/ de bzhin du rdo rje sems dpa'i sbyor ba byas la/ byang chub mchog gi phyag rgya bcings te/ rnam par snang mdzad du bdag nyid bsams nas/ de lta bus ni thams cad mkhyen pa'i ye shes thob par 'gyur ro/ /mchod pa thams cad ni zhes bya ba
 ni mchod pa thams cad dang thams cad kyi mchod pa ni mchod pa thams cad do/ /de'i ngo bo nyid ni mchod pa thams cad nyid do/ /de ji ltar 'gyur zhe na/ rdo rje gar gyis so zhes bya ba gsungs te/ rdo rje gar gyi phyag rgyas so zhes bya ba'i don to/ /de yang rdo rje sems dpa'i sbyor ba byas la/ rdo rje khu tshur gnyis bcings te
 bsgyings pa dang bcas pas glog 'gyu ba 'degs pa'i phyag rgyas g.yas nas bskor ba 'di ni rdo rje gar te 'dis ni ji srid rdo rje sems dpa' la sogs pas mthar mngon sum du gar gyi sbyor bas mchod par gyur pa de srid kyi bar du bzla bar bya'o/ /rdo rje thabs kyi dngos grub dam pa ni rdo rje bde
 ba chen po'i rdo rjes so zhes bya ba la sogs pa ni dang po'i rdo rje la sogs pa rdo rje thams cad de/ des dam pa grub pa ni rdo rje thams cad kyi dam pa grub pa'i bde ba chen po ni rdo rje sems dpa' ste de'i rdo rje gang yin pa de grub par 'gyur ro/ /de ni 'di yin te de bzhin du rdo rje sems dpa'i sbyor ba byas
 la/ rang gi snying ga'i zla ba la dang po'i rdo rje rtse lnga pa'am yang na de bzhin gshegs pa la sogs pa'i rdo rje gzhan bsams la/ rdo rje khu tshur gnyis bcings te mdzub mo gnyis kha phyir bltas par bsgreng ste gshibs la rtse mor byas nas snying ga'i phyogs su bzhag la zhes bya bas dang po rdo rje'i rang
 bzhin du bdag nyid bsgom par bya ste de lta bus ni rdo rje thams cad kyi dngos grub dam par 'gyur ro/ /sems dpa' chen po thams cad kyi dngos grub dam pa ni rdo rje sems dpa'i bde ba chen pos so zhes bya ba ni de bzhin du bshad ma thag pa'i phyag rgya bcings la sems dpa'i rdo rje snying pos
 bdag nyid rdo rje sems dpa' la sogs pa byang chub sems dpa' chen po bdag go zhes bya bar bsgom par bya ste/ de ltar na sems dpa' chen po thams cad kyi dngos grub dam par 'gyur ro/ /de bzhin gshegs pa thams cad kyi dngos grub dam pa ni rdo rje gsang ba'i bde ba chen pos so zhes
 bya ba ni de bzhin du rdo rje sems dpa'i sbyor ba byas la byang chub mchog gi phyag rgya bcings te/ bdag ni de bzhin gshegs pa'o zhes bya ba bsgoms na de lta bus ni de bzhin gshegs pa thams cad kyi dngos grub thob par 'gyur ro/ /rdo rje 'dzin pa thams cad kyi dngos grub dam pa ni rdo rje
 'dzin pa chen po yang yin la thams cad kyang yin pas rdo rje 'dzin pa chen po thams cad de/ rdo rje sems dpa' dang rdo rje yid las byung ba la sogs pa rdo rje rigs kyi lha thams cad do/ /de rnams kyi dngos grub dam pa ni phyag rgya chen po'i dngos grub bo/ /de ji ltar 'gyur zhe na/ bde ba
 chen po gsang ba'i dam tshig gi phyag rgyas so zhes bya ba gsungs te/ bde ba chen po rdo rje gsang ba'i dam tshig gi phyag rgya ni dpal rdo rje sems dpa'i phyag rgya chen po ste des de 'grub par 'gyur ro/ /'di skad ston te snga ma bzhin du rdo rje sems dpa'i rnal 'byor byas la/ chos thams
 cad rjes su spyad nas bcom ldan 'das kyi phyag rgya chen po bcings la de'i sku'i gsang ba'am/ rdo rje yid las byung ba la sogs pa bsgom par bya'o/ /de lta bu'i rnal 'byor pas rdo rje 'dzin pa chen po thams cad kyi dngos grub dam pa 'grub par 'gyur ro/ /las kyi phyag rgya bsgrub pa
 brgya po 'di dag ni dpal rdo rje sems dpa'i sgrub pa po yin par bshad do/ /dpal rdo rje sems dpa'i sgrub pa po la ji ltar bshad pa de bzhin du spyir gsungs pa yin pa'i phyir rdo rje yid las byung ba nas rdo rje 'bebs pa'i bar gyi rnal 'byor pa rnams kyis kyang rang gi rnal 'byor
 sngon du 'gro bas rang gi gnas kyi sgrub par shes par bya'o/ /bde ba chen po rdo rje ni gnyis su med pa'i ye shes yin par bshad zin to// //de'i gsang ba ni de'i rgyu mthun par gyur pa rdo rje sems dpa'i dkyil 'khor la sogs pa de kho na nyid do/ /de'i rnam par rtog pa ni rtog pa'o/ /
 de ston par byed pa'i sgra'i tshogs la yang nye bar rtog pa zhes bshad do/ /de yang rtog pa gzhan rnams las shin tu lhag pa'i tshul gyis mdzes shing 'bar bas na rtog pa chen po'i rgyal po'o/ /rtsa ba'i rgyud kyi rang bzhin de las rab tu dga' ba'i rdo rje gsang ba chen po zhes bya ba'i rdo rje sems
 dpa'i cho ga rgyas par ni bsgrub par bya ba dang bsgrub pa'i rgyun no/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las/ dpal mchog dang po'i rgyud chen po'i dum bu gnyis pa rtsa ba'i rgyud las/ dpal rdo rje sems dpa'i rtog pa bshad pa
 rdzogs so/ / //de ltar 'dod chags kyis 'dod chags spang bar bya ba'i phyir/ dpal rdo rje sems dpa'i rtog pa gsungs nas/ da ni sems can rang bzhin bzang ba de bzhin gshegs pas 'dul ba las brtsams te/ de nas bcom ldan 'das zhes bya ba la sogs pa
 gdul bya dran pa dang / shes rab dang yang dag par ldan pa rnams kyis de bzhin gshegs pa'i gzungs dang ye shes thob par bya ba'i phyir de bzhin gshegs pa'i rtog pa gsungs pa yin no/ /de nas zhes bya ba'i sgra ni de ma thag pa ston par byed pa'i tshig ste/ dang po'i sbyor ba'i
 rjes thogs la'o/ /dang po'i sbyor ba ni dpal rdo rje sems dpa'i dkyil 'khor du bshad pa nyid yin no/ /bcom ldan 'das ni rnam par snang mdzad do/ /bcom ldan 'das 'di'i khyad par ji lta bu zhe na/ bde ba chen po zhes bya ba la sogs pa gsungs te/ bde ba chen po'i rdo rje
 ni de bzhin gshegs pa rnams kyi gnyis su med pa'i dran pa dang shes rab dang yang dag par ldan pa'i thugs so/ /de'i dam tshig ni de bzhin gshegs pa'i dkyil 'khor ro/ /bde ba'i sems dpa'i ni rgyu'i rang bzhin du de bzhin gshegs pa'i thugs la gnas pa sems dpa'i rdo rje'i
 tshul rdo rje 'chang chen po'o/ /de'i byin gyi rlabs ni sngon gyi 'phen shugs so/ /de'i gsang ba'i chos kyi dkyil 'khor gyi ngo bor gyur pa gang yin pa de la de skad ces bya'o/ /de bzhin gshegs pa thams cad ni bcom ldan 'das rnam par snang mdzad chen po'o/ /de bzhin gshegs
 pa thams cad kyi khu tshur yongs su 'dzin pa ni phyag gnyis kyis byang chub mchog gi phyag rgya bcings pa'o/ /de la rdo rje sems dpas gsol ba btab bo zhes sbyar ro/ /ci zhig mdzad ce na/ de bzhin gshegs pa thams cad ces bya ba la sogs pa gsungs te de bzhin gshegs pa
 thams cad kyi 'khor lo ni de bzhin gshegs pa thams cad kyi 'khor lo ste/ rjes thogs nyid la ston par mdzad par gyur pa'i de bzhin gshegs pa'i dkyil 'khor de byin gyis rlob cing thugs la gzhag par mdzad pa'i ting nge 'dzin gang gis rdo rje ltar mi phyed par gyur pas ming de skad ces
 bya ba'i ting nge 'dzin de la snyoms par zhugs shing mngon sum du mdzad nas rang gi rdo rje sems dpa' ste nyid kyi byang chub kyi sems chen po gsol ba 'debs shing gsol ba la zhugs par 'gyur ba'o/ /de ji lta bu zhe na/ bde ba chen po zhes bya ba la sogs pa smos te/ bde ba chen po ni thar
 pa chen po'o/ /de rab tu grub pa ni nyon mongs pa bag chags dang bcas pa spangs pa'i tshul gyis rdzogs pa'o/ /de'i don du/ 'dod chags chen po rnam dag phyir/ /zhes bya ba ste/ 'dod chags kyang yin la chen po yang yin pas na 'dod chags chen po ste/ gzugs thams
 cad kun du ston pas sems can gyi don mdzad pa'o/ /de'i rnam par dag pa ni sngon gyi 'phen shugs kyi stobs kyis lhun gyis grub par 'jug pa'o/ /de bzhin gshegs pa'i mtha' yas nyid/ /ces bya ba ni de bzhin gshegs pa rnams kyis mtha' yas shing tshad med pa'o/ /
 nam mkha' dang mnyam pa ni nam mkha'i khams thams cad khyab par byed pa'o/ /bskyed du gsol zhes bya ba ni kun nas bslang ba'o/ /rigs dam pa ni rigs bzang zhing mdzes pa ste rigs kyi mchog skyed par mdzod cig ces bya ba'i tha tshig go/ /'dis ni 'di skad
 ston par 'gyur te/ bcom ldan 'das rnam par snang mdzad kyi dkyil 'khor sprul par mdzad pa'i phyir/ rang gi dkyil 'khor gyi rnam par thugs rtse gcig tu mdzad pa ni/ bcom ldan 'das dpal rdo rje sems dpas gsol ba btab pa yin no/ /de nas bcom ldan 'das rdo rje
 'chang chen pos gzungs gsungs so zhes bya bar sbyar ro/ /de nas zhes bya ba'i sgra ni snga ma bzhin no/ /de nas bcom ldan 'das rnam par snang mdzad kyis rang gi rigs sprul par mdzad pa'i phyir/ bcom ldan 'das rdo rje 'chang bas gsol ba btab nas de bzhin gshegs pa'i dkyil
 'khor sprul pa'i phyir gzungs gsungs pa yin no/ /ci zhig mdzad nas she na/ de bzhin gshegs pa thams cad kyi zhes bya ba la sogs pa smos te/ de bzhin gshegs pa thams cad kyi dam tshig ni de bzhin gshegs pa'i dkyil 'khor ro/ /de nyid ni bde ba chen po'i rgyu mthun pa
 yin pa'i phyir bde ba chen po mngon sum du byed pa'i rgyur gyur pa nyid yin pa'i phyir bde ba chen po'o/ /de mi phyed pa'i rnam par gnon pa ni skyes bu byed pa'i rtsal te/ de bzhin gshegs pa'i dkyil 'khor gyis 'dul ba'i sems can gyi khams rnams la de bzhin gshegs pa'i
 gzungs rtogs pa bskyed do zhes bya ba'i tha tshig go/ /rnam par gnon pa de mdzad nas/ bcom ldan 'das rdo rje 'chang chen po ci zhig mdzad ce na bcom ldan 'das zhes bya ba la sogs pa gsungs te/ bcom ldan 'das de bzhin gshegs pa rnam par snang mdzad chen po byang chub
 mchog gi phyag rgya phyag gnyis kyis bcings nas/ sku'i rdo rje thams cad la ni phyag rgya chen po'i phra rab thams cad gsung gi rdo rje thams cad la ni ljags kyi phra rab thams cad thugs kyi rdo rje thams cad la ni rang gi thugs kar gnas pa'i sems dpa'i rdo rje phra rab thams cad zhugs par
 gyur to/ /de nas zhugs te ci zhig mdzad ce na/ thams cad kyi bdag nyid dang mnyam par zhes bya ba la sogs pa gsungs te/ sku dang gsung dang thugs rdo rje'i rdul phra rab thams cad la phra rab de rnams phra rab gcig kyang mang por zhugs te/ de ltar lha thams cad kyi sku dang gsung dang
 thugs rdo rje'i ngo bo thams cad kyi bdag nyid rnam par snang mdzad rnam par spros nas/ sku dang gsung dang thugs rdo rje'i phra rab ma lus pa der khyab nas de dang chu dang 'o ma bzhin du gcig tu gyur pa'o/ /bde ba chen po'i rdo rje ni gnyis su med pa'i dran pa dang shes rab dang rab tu ldan pa'i
 de bzhin gshegs pa'i thugs so/ /de'i phyag rgya ni de'i rgyu mthun pa las gyur pa'o/ /de bzhin gshegs pa'i dkyil 'khor ro/ /de skyed par byed pa'i gzungs gang yin pa de gsungs pa ni bka' stsal pa ste/ oM d+hI zhes pa'o/ /'di zhes bya ba ni thugs la gnas pa'o/ /de
 nas zhes bya ba la sogs pa la/ de nas bcom ldan 'das rdo rje sems dpa' rnam par snang mdzad dang gcig tu gyur nas/ oM d+hI zhes bya ba'i gzungs 'di gsungs pa tsam gyi rjes thogs nyid la 'jig rten gyi khams thams cad kyi rdul phra rab dang mnyam pa'i de bzhin gshegs pa
 sras dang bcas pa thams cad rnam pa drug tu g.yos par gyur to/ /de nas de rnams rnam pa drug tu g.yos pas bskul bar gyur pas 'dus par mdzad do/ /brtan pa ni mi phyed pa'o/ /de la rnam pa drug tu g.yos pa ni 'di yin te/ sku'i stod mthon ni sku'i smad dma'/ sku smad mtho na
 sku stod dma'/ g.yas logs mthon g.yon logs dma'/ g.yon logs mtho na g.yas logs dma'/ sku'i dbus mtho na mtha' dma'/ mtha' mthon dbus dma'o/ /thams cad grub pa'i phyir dkyil 'khor chen po'i tshul gyis zhugs so zhes bya ba ni/ rdo rje sems
 dpa'i dkyil 'khor chen po'i dbyibs kyis/ de bzhin gshegs pa'i dkyil 'khor de de bzhin gshegs pas 'dul ba'i sems can rnams la/ de bzhin gshegs pa'i dkyil 'khor du gsungs pa'i dngos grub thams cad grub par bya ba'i phyir zhugs so/ /ci zhig mdzad
 nas zhugs she na/ bzhad pa chen po'i khyad par gyis/ /rmad byung chen po rab tu bzhad/ /ces bya ba la sogs pa gsungs te/ bzhad pa yang yin la chen po yang yin pas na bzhad pa chen po ste/ 'jig rten gyi khams thams cad kyi rdul phra rab dang mnyam pa'i bdag nyid
 kyi dngos po thams cad du 'gro ba'i don la 'dzum pa rab tu mdzad do/ /ngo mtshar chen por gyur pa'i tshul ni rmad byung chen po'o/ /'dis kyang don 'di skad ston pa yin te/ de bzhin gshegs pa'i dkyil 'khor sprul pas sems can gyi khams thams cad kyi de bzhin gshegs pa'i
 gzungs thob par gzigs pas thugs dgyes par gyur nas bshad pa chen po thams cad du song ba'i 'dzum pa mdzad par gyur to/ /de ltar na de nas zhes bya ba nas brtsams te/ bzhad pa chen po'i khyad par gyis/ /rmad byung chen por rab tu bzhad/ /ces bya ba'i bar gyis ni ting nge
 'dzin gnyis pa bshad pa yin no/ /de nas sgo dbye ba byas la bsdu bar bya'o/ /de nas de bzhin du rang gi dbang bskur ba blangs pa'i phyir/ rdo rje lcags kyu la sogs pas dgug pa dang gzhug pa dang bcing ba dang dbang du byas nas/ bcom ldan 'das rnam par snang mdzad 'khor dang
 bcas pa la dam tshig gi phyag rgya rnams kyis ji lta ba bzhin du rab tu bsgrubs nas chos dang las dang phyag rgya chen pos rgyas btab nas dbang bskur ba'i phyag rgya rnams kyis dbang bskur la las la sbyor bar bya ste/ 'di ni las kyi rgyal po mchog ces bya ste/ ting nge 'dzin gsum pa'o/ /
 de la las ni 'di rnams yin te/ bcom ldan 'das rnam par snang mdzad kyi phyag rgya chen po bcings la 'di skad ces brjod do/ /bcom ldan 'das rnam par snang mdzad sems can gyi khams thams cad kyis dran pa dang gzungs dang / ye shes rtogs par mdzod cig /rdo rje mtshon cha ma
 la sogs pa nas/ rdo rje 'bebs pa'i bar gyis ni rdo rje sems dpa'i dkyil 'khor chen po las bshad pa'i rdo rje yid las byung ba la sogs pa'i las la sbyar ba nyid yin par shes par bya'o/ /da ni dam tshig dang dbang bskur ba thob pa rnams kyis bzlas brjod dang bsgom par bya'o
 zhes bya ba 'di'i don bstan par bya ba'i phyir/ de nas zhes bya ba la sogs pas slob dpon gyi las kyi cho ga rgyas pa dang / slob ma 'jug pa la sogs pa'i cho ga rgyas par gsungs pa yin no/ /de nas zhes bya ba'i sgra ni snga ma bzhin te de ltar las kyi rgyal po mchog gsungs pa'i rjes
 thogs nyid la'o/ /bcom ldan 'das de bzhin gshegs pa'i rdo rje sems dpa' zhes bya ba ni rdo rje sems dpa'i sku'i tshul 'dzin par mdzad pa'i rnam par snang mdzad la de bzhin gshegs pa rdo rje sems dpa' zhes bya'o/ /de bzhin du rdo rje bsnyems pas zhugs te zhes bya ba ni/
 ji ltar rdo rje sems dpa'i dkyil 'khor chen por bcom ldan 'das rdo rje sems dpa' phyag rgya chen pos bzhugs pa de bzhin du 'dir yang bcom ldan 'das rnam par snang mdzad rdo rje bsnyems pas rdo rje sems dpa'i phyag rgya chen pos zhugs nas dkyil 'khor 'di gsungs so zhes
 bya bar sbyar ro/ /'di zhes bya ba ni thugs la gnas pa'o/ /bde ba chen po'i dam tshig ces bya ba la bde ba chen po ni thar pa chen po'o/ /de'i dam tshig ni de bzhin gshegs pa'i gzungs so/ /de nyid ni rdo rje gsang ba ste/ skye bo thams cad dang thun mong ma yin pa bcom ldan
 'das rnam par snang mdzad kyi mi phyed pa'i gsang ba'o/ /ming de skad ces bya ba'i gzungs kyi phyag rgya rnams kyis dkyil 'khor gsungs pa ni bka' stsal pa'o/ /ji ltar chos kyi zhes bya ba la sogs pa la de bzhin gshegs pa'i dkyil 'khor gyi sgrub pa pos rdo rje sems dpa'i
 dkyil 'khor chen por bshad pa'i sngon du bsnyen pa'i cho gas bsnyen par byas la/ de nas sa sbyang ba dang / khang pa brtsegs pa dang bsrung ba'i cho ga rnams rjes su spyad la lhag par gnas par byas nas ji ltar bshad pa'i cho gas thig gdab par bya'o/ /de nas tshon rtsi dgye ba byas nas
 sa ma ya s+t+waM oM d+hI zhes zlos shing bcom ldan 'das rnam par snang mdzad bar snang las babs te sna tshogs pad+ma'i gdan la lugs ma'am brkos pa la sogs pa'i gzugs brnyan gyi sku rdo rje sems dpa' ltar rdo rje bsnyems pa 'chang ba dang gcig tu bya'o/ /de ltar de bkod nas de
 bzhin gshegs pa'i dkyil 'khor gyi lha rnams ji lta bu zhe na/ dam tshig rnams kyi mchog gi mchog ni dam pa'o/ /de bzhin gshegs pa ni mi bskyod pa la sogs pa de'o/ /sras dang bcas pa ni rdo rje sems dpa' la sogs pa'i byang chub sems dpa' rnams rdo
 rje mtshon cha ma la sogs pa dang bcas pa bzung ste de dag yongs su dgod do/ /byang chub sems dpa' sems dpa' che/ /me tog la sogs spyir thal sbyar/ /zhes bya ba la rdo rje sems dpa' la sogs pa ye shes kyi sems dpa' 'di dag nyid dang / me tog dang / bdug pa dang
 mar me chen po dang / dri la sogs pa thal mo sbyor ba spyi bor 'jog par rdo rje sbrang rtsi ma la sogs pa'i gzugs su gnas par bri bar bya'o/ /de bzhin du sgeg mo la sogs pa'i gzugs 'dzin pa'i lha mo la sogs pa bri bar bya'o/ /de la 'di ni 'jug pa'i cho ga rgyas pa'i khyad par
 yin no zhes bya ba la/ de la zhes bya ba'i sgra ni tshig nye bar dgod pa'i don to/ /'di ni zhes bya ba la thugs la gnas par gsungs te/ 'jug pa la sogs pa'i cho ga rgyas pa gang yin pa de la de skad ces bya'o/ /sogs pa'i sgras ni/ thog mtha' med pa'i sems dpa' ni/ /
 zhes bya ba nas brtsams te mchod cing phyag byas nas slar byung zhes bya ba'i bar gyis dpal rdo rje sems dpa'i dkyil 'khor chen por gsungs pa'i cho ga rnams gzung ngo / /de bzhin gshegs pa thams cad la phyag bya ba'i phyag rgyas 'jug par bya'o zhes bya ba ni de bzhin gshegs
 pa'i khu tshur gnyis bcings la des me tog gi phreng ba blangs nas dkyil 'khor lnga pas phyag byas la dkyil 'khor du 'jug pa'o/ /'di'i de bzhin gshegs pa thams cad la phyag bya ba'i phyag rgyas te/ des dkyil 'khor 'dir 'jug par bya'o/ /ji ltar zhe na/ glu 'di yis
 zhes bya ba la sogs pa gsungs te/ 'di yis zhes bya ba ni 'og nas bshad pa'i rjes thogs nyid la bshad pa'i rdo rje glus so/ /rdo rje bsdus pas na zhes bya ba ni thabs dang shes rab kyi rang bzhin byang chub kyi sems chen po bskyed pa ni rdo rje sems dpas bsdus shing nye bar
 blangs pa yin te/ thabs dang shes rab kyi rang bzhin de bzhin gshegs pa'i rigs su chud pa zhes bya ba'i tha tshig go/ /de ltar rdo rje sems dpa'i bsdus pa'i rgyu des na/ rdo rje rin chen bla na med par 'gyur ro zhes bya bar shugs kyis sbyar te/ sbyin pa'i pha rol tu phyin pa'i rang bzhin can gyi
 sems dang sems las byung ba dang / rin po che'i rigs ni rdo rje rin chen de nyid ni 'di'i gong na gzhan med pas bla na med pa'o/ /shes rab kyi pha rol tu phyin pa'i rang bzhin gyi sems dang sems las byung ba rnams dang / pad+ma'i rigs ni rdo rje chos te de rnams kyi glu blangs pas
 ni so so rang rig pa'i rnam pas mngon du byed pas ni rdo rje chos kyi glu blangs pa yin te/ rdo rje chos ni glu blangs pa des so sor rtog pa'i ye shes kyi rang bzhin can gyi sems dang sems las byung ba rgyur gyur pas/ rdo rje las ni byed par 'gyur/ /zhes sgrub pa pos bos pa yin te/ las kyis
 dngos grub gsol ba 'debs shing / brtson 'grus kyi pha rol tu phyin pa'i rang bzhin can gyi sems dang sems las byung ba dang / las kyi rigs ni rdo rje zhes pa bcom ldan 'das rnam par snang mdzad don yod par grub pa'i rang bzhin can gyi sems las de dag byed cing rdzogs par gyur
 par mdzod cig ces slob dpon gyis bod pa'i tshig tu smras pa dang / bcom ldan 'das la gsol ba 'debs pa yin no/ /de nas zhes bya ba de ltar zhugs nas thog mtha' med pa zhes bya ba nas brtsams te/ mchod cing phyag byas la slar byung zhes bya ba'i bar gyi cho ga rnams sbyang ba'i
 rjes thogs nyid la sgo dbye ba dang bsdu ba byas nas/ mtshan brgya rtsa brgyad pas yang dag par bstod la/ de nas dgug par bya ba yin no/ /gang gis de 'gugs par byed ce na/ de bzhin gshegs pa thams cad kyi gzungs zhes bya ba smos te/ de bzhin gshegs pa
 thams cad kyi dran pa dang shes rab dang yang dag par ldan pa'i gnyis su med pa'i ye shes ni de bzhin gshegs pa thams cad kyi ye shes kyi gzungs te des ston par byed pa'i rigs las nye bar gdags pas de skad ces bya ste/ de bzhin gshegs pa thams cad kyi ye shes kyi gzungs
 te/ des bcom ldan 'das rnam par snang mdzad 'khor dang bcas pa dgug par bya'o/ /phyag rgya gang zhig ce na/ bde ba chen po'i rdo rje'i lcags kyus so zhes bya ba smos te/ de bzhin gshegs pa'i khu tshur gnyis kyis byang chub mchog gi phyag rgya bcings la/
 mdzub mo g.yas pa lcags kyur byas la 'di ni bde ba chen po rdo rje gsang ba'i lcags kyu ma yin no/ /de nas zhes bya ba la sogs pa ni go sla'o/ /de nas cho ga rgyas pa ni de bzhin no zhes bya ba ni rdo rje sems dpa'i dkyil 'khor chen por bgegs bsal ba la sogs pa'i cho ga gsungs pa
 de bzhin du 'dir bya ste/ 'di ni slob dpon las kyi cho ga dang / slob ma 'jug pa la sogs pa'i cho ga gsungs pa yin no/ /yang 'di'i cho ga'i don gsal bar bya ba'i phyir brjod par bya ste/ rdo rje sems dpa'i dkyil 'khor chen po bshad pa'i rim pas sngon du bsnyen pa'i cho gas
 rjes su spyad la/ sa sbyang ba dang / yongs su gzung ba byas la dkyil 'khor bri bar bya'o/ /de la re zhig dang por bgegs gzhom pa la sogs pa byas la/ de nas rdo rje 'khor los dkyil 'khor sprul la/ phyag bya ba la sogs pa sngon du 'gro bas sdom pa gzung bar bya'o/ /de nas
 rim pa 'dis rnal 'byor chen po bya'o/ /de la dang por re zhig badzra any+dza li zhes bya bas rdo rje thal mo bcings la/ badzra ban+d+ha zhes bya bas rdo rje bsdams pa byas nas badzra ban+d+ha traT ces bya bas rdo rje thal mo snying gar dgrol bar bya'o/ /badzra A be sha a zhes bya bas rdo rje 'bebs pa'i dam
 tshig gi phyag rgya bcings la/ a zhes bya bas bdag nyid la dbab par bya'o/ /tiSh+Tha badzra zhes bya ba la sogs pas rang gi snying gar phyag rgya bkrol la badzra muSh+Ti zhes bya ba zlos shing dam tshig gi rdo rje khu tshur bcings la/ oM badzra san+d+hi baM zhes bya ba lan gsum bzla bar bya'o/ /de nas
 yi ge hUM gis dang po'i rdo rje bcings la/ rnam par snang mdzad la sogs pa nas rdo rje 'bebs pa'i bar dag gis dam tshig gi phyag rgyas sa ma ya s+t+waM zhes brjod la bcings nas/ de rnams kyis rang rang gi snying po lan gsum brjod nas/ oM badzra muHzhes brjod de rang gi snying gar
 phyag rgya bkrol ba'i rnam par snang mdzad nas rdo rje 'bebs pa'i bar du rang gi snying gar gnas pa'i sems ma rdo rje yid kyis gzhug par bya'o/ /de nas de bzhin du sdig pa dral ba'i phyag rgyas sdig pa dral bar bya'o/ /de nas mngon par byang chub pa lnga'i rim pas de bzhin du rnam par snang
 mdzad du bsams la/ rdo rje rnam par snang mdzad kyi dam tshig gi phyag rgya bcings la 'di skad ces brjod par bya'o/ /sa ma ya s+t+waM haM/ de nas dam tshig gi phyag rgya bcings pa de nyid kyis snying ga dang dpral ba dang / lkog ma dang / spyi bor byin gyis brlab cing sa ma ya s+t+waM/ sa twa a d+hi tiSh+Tha
 swa mAM/ zhes brjod de/ de nas de bzhin gshegs pa'i khu tshur gnyis bcings la g.yon pa'i de bzhin gshegs pa'i khu tshur rdo rje dril bu dang bcas pas bsnyems par byas te bzhag la/ g.yas pas de bzhin gshegs pa'i rdo rje blangs la gsor zhing rang gi snying gar bstod pa'i tshul
 gyis bzhag la/ oM d+hi zhes bya ba'i gzungs brjod nas/ sku dang gsung dang thugs rdo rje rnam par snang mdzad du rang nyid 'gyur ro/ /'di ni bdag la byin gyis brlab par yang 'gyur ba yin no/ /de nas rang gi snying gar zla ba'i dkyil 'khor bsams la/ de'i steng du rnam par
 snang mdzad kyi dkyil 'khor nam mkha' dang mnyam pa'i sbyor bas zhugs la bskyed par bya'o/ /de nas bdag nyid dkyil 'khor du 'jug pa'i cho gas zhugs la rang gi mgo la me tog gi phreng ba gtor te blangs nas ji lta ba bzhin du bcings la dngos grub kyi rdo rje brtul zhugs kyi bar
 du rjes su spyad la dkyil 'khor de rang gi snying ga'i zla bar gnas pa dang gcig tu gyur par bsams la rjes su sbyor bar byas la/ rdo rje dbyings las gsungs pa'i rnal 'byor chen po bya'o/ /de nas dang po'i rdo rje bcings la badzra satwa a d+hi tiSh+Tha swa mAM zhes bya bas rang gi snying ga'i zla
 ba'i rdo rje rtse lnga pa bsam par bya'o/ /badzra rat+na/ a d+hi tiSh+Tha swa mAM zhes bya bas dpral ba'i gnas su rdo rje rin po che'o/ /badzra d+harma a swa mAM zhes bya bas lkog ma'i phyogs su rdo rje pad+ma/ badzra karma a d+hi tiSh+Tha swa mAM zhes pas spyi bor rdo rje sna tshogs bsam par bya'o/ /de nas rdo rje
 rin po che'i cod pan gyis dbang bskur la yi ge gnyis kyi cho gas bdag nyid go bgos la mthar mnyam pa'i thal mos mnyes par bya'o/ /de nas yi ge brgya pas brtan par byas nas de bzhin gshegs pa'i rdo rje dang bdag po dang ming gi dbang bskur blangs
 nas dngos grub kyi rdo rje brtul zhugs blang bar bya'o/ /de nas rdo rje mtshon cha ma la sogs pa phyag rgya'i mchod pa bcu gnyis kyis yang dag par mchod la/ rnam par sgeg pa'i bcom ldan 'das rnam par snang mdzad la phyag byas nas de kho na nyid kyis/ de bzhin gshegs pa'i rdo rje
 gzung zhing chos kyi dril bu dkrol lo/ /de nas dam tshig gi phyag rgya chen por byin gyis brlabs la/ oM d+hI zhes bya ba lan gsum brjod par bya'o/ /de ltar rnal 'byor chen po bskyed la dang po'i rdo rje bcings te sa la bzhag ste/ a nu rA ga ya mi hUM zhes brjod cing / bcom
 ldan 'das rnam par snang mdzad kyi gzhal yas khang nam mkha'i gtos thams cad dang mnyam par bskyed par bya'o/ /de nas lha thams cad kyi gnas su hrIHlas sna tshogs pad+ma'i gdan rnam par bsams la de nas dbus su sems dpa'i skyil mo krung gis 'dug ste/ bdag nyid
 spro ba bskyed par bya'o/ /deng du bdag tshe 'bras bu yod/ /bdag gi gson pa 'bras bur bcas/ /lha dang dam tshig gis mnyam par/ /gyur par bdag ni the tshom med/ /byang chub sems dang sems gcig la/ /mi ldog par ni bdag gyur pa/ /de bzhin gshegs
 pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag ni mchod sbyin bla na med/ /sangs rgyas thams cad spyan 'dren pas/ /deng bdag 'dus pa'i mchog yin no/ /zhes brjod la de nas lus thams cad kyis phyag byas la/ dang po'i
 sbyor ba dang / dkyil 'khor gyi rgyal po mchog dang / las kyi rgyal po'i mchog bsgom par bya'o/ /de nas bcom ldan 'das rnam par snang mdzad kyi phyag rgya chen po bcings la oM d+hI zhes bzla bar bya'o/ /de nas bdag nyid la de bzhin gshegs pa thams cad kyis gsol
 ba btab par gyur par bsams la/ bcom ldan khyod la gsol ba ni/ /'dod chags chen po bde ba che/ /snying po yid ni brtag pa nyid/ /bde chen myur du grub par mdzod/ /de nas langs te de bzhin gshegs pa thams cad kyis nam mkha' gang bar bsams la/ de bzhin
 gshegs pa thams cad la phyag 'tshal ba 'di skad brjod do/ /bdag nyid rang nyid rdo rje can/ /rdo rje sems dpa' bdag rang nyid/ /bdag ni sangs rgyas rgyal po che/ /stobs chen rdo rje can bdag nyid/ /bdag nyid rnal 'byor dbang phyug rgyal/ /phyag na rdo rje brtan bdag nyid/ /
 bdag po rdo rje chen po bdag /byin gyis brlab pa mi 'dor ro/ /oM d+hI zhes bya ba brjod par bya'o/ /dngos grub cho ga thams cad la/ /rdo rje dril bu rab bskul bas/ /cho ga lhag gam ma tshang ba/ /'grub 'gyur smad par mi bya'o/ /zhes bcom ldan 'das rdo rje sems dpas
 gsungs so/ /de nas bcom ldan 'das rnam par snang mdzad kyi dam tshig gi phyag rgya dang / oM d+hI badzro tiSh+Tha maN+Dal ud tha pa ye zhes brjod la dkyil 'khor bteg la nam mkhar bzhag ste/ de nyid kyis bdag la byin gyis brlabs la yang phyag rgya chen po bcings te/ badzro dr-iSh+Ti
 ma Ta zhes bya ba mig gnyis su bkod la/ phyag rgya la gnas de bzhin langs/ /kun du rnam par bltas nas ni/ /snying po yang dag zlos byed cing / /bsgyings pa'i tshul gyis yongs su bskor/ /oM d+hI a las rkang mthil gnyis su sna tshogs rdo rje bsams la rkang mthil nas
 brtsams te nam mkha'i khams ma lus pa'i gtos dang mnyam pa'i sa'i cha rdo rjer gyur par bsam par bya'o/ /rdo rje'i lta bas kyang g.yon nas bskrad pa dang / g.yas nas 'og bcing ba dang / nam mkha' bcing ba dang / phyogs dang mtshams dang dkyil 'khor bcing ba byas
 nas rwa ba dang dra ba bya'o/ /de nas sgo dbye ba'i phyag rgyas phye ba la gsang ba'i dkyil 'khor rdo rje rgyu'i ngo bo zhal bzhi pa phyag bzhi pa phyag rgya 'di dang ldan pas dgug par bya'o/ /oM badzra maN+Da la hUM dzaHzhes bya ba dang / rdo rje khu tshur gyi mdzub mo dang mthe bong rdo rje byas pa ni rdo rje 'khor lo'i phyag
 rgya zhes bya ste dkyil 'khor thams cad 'gugs par byed pa'o/ /oM badzra tsakra a d+hi tiSh+Tha sat+ti ya hUM zhes bya ba'i rig pa'i phyag rgya dang ldan pas ye shes kyi dkyil 'khor byin gyis brlab par bya'o/ /'di'i phyag rgya ni rdo rje khu tshur gnyis mgal me'i 'khor lo bskor
 ba'i tshul du bya'o/ /de nas seng ldeng la sogs pa'i phur bu zhes bya ba nas bsang chu'i bum pa gzhag pa'i bar snga ma bzhin du thig gdab par bya'o zhes bya ba'i bar du rdo rje sems dpa'i dkyil 'khor las gsungs pa'i cho ga rnams rjes su spyad la/ tshon dmar po dang ljang gu dang sngon po dang
 ser po dang dkar pos ji skad bshad pa'i tshul gyis phyi rol gyi rwa ba nas brtsams te rwa ba ji lta ba bzhin du yang dag par bris la sna tshogs pad+ma'i gdan la sogs pa yang dag par bri bar bya'o/ /dkyil 'khor 'di thams cad rdo rje sems dpa'i dkyil 'khor dang 'dra bas/ dkyil 'khor
 dbus ma'i dbus su bcom ldan 'das rnam par snang mdzad zla ba'i mdog can phyag g.yon pa de bzhin gshegs pa'i khu tshur gyis rdo rje dril bu 'gying bag gis bsnams pa/ phyag g.yas pa la de bzhin gshegs pa'i rdo rje rang gi thugs kar bstod pa'i tshul gyis bsnams pa
 'dzum pa dang bcas pa/ 'od zer dmar po 'bar ba kun du 'khrug pa de bzhin gshegs pa thams cad kyi rin po che'i cod pan dang / dar dpyangs kyi dbang bskur ba sna tshogs pad+ma la rdo rje'i skyil mo krung gis sku drang por bzhag ste bzhugs pa/ oM sa ma ya s+t+waM zhes brjod cing bri
 bar bya'o/ /bcom ldan 'das rnam par snang mdzad kyi mdun du rdo rje yid las byung ba'i gnas su rdo rje mtshon cha ma/ phyag g.yon na de bzhin gshegs pa'i khu tshur gyis me tog gi gzhu bsnams pa phyag g.yas pas rdo rje mda' gsor ba la brtson pa'o/ /bcom ldan 'das kyi
 g.yas logs su rdo rje ki li ki la'i gnas su rdo rje ki li ki la ma phyag gnyis de bzhin gshegs pa'i khu tshur bcings pas de bzhin gshegs pa'i rdo rje rang gi thugs ka'i gnas su 'khyud pa'i tshul gyis bzhugs pa'o/ /bcom ldan 'das kyi rgyab logs su rdo rje dran pa'i
 gnas su rdo rje dran ma de bzhin gshegs pa'i khu tshur gyis chu srin gyi rgyal mtshan bsnams shing g.yon pas gdan la bsnyems pa dang bcas pas bzhugs pa'o/ /bcom ldan 'das kyi g.yon logs su rdo rje snying po'i gnas su rdo rje snying po ma/ de bzhin gshegs pa'i khu tshur
 gyis de bzhin gshegs pa'i rdo rje bsnams shing bsnyems tshul gnyis kyis bzhugs pa la brtson pa'o/ /nang gi dkyil 'khor de nyid kyi me'i mtshams su rdo rje mi phyed ma/ bden bral gyi mtshams su rdo rje sprin ma/ rlung gi mtshams su rdo rje ston ma/ dbang ldan gyi mtshams su rdo rje
 dgun ma ste/ go rims bzhin du me tog dang / bdug spos dang / mar me dang / dri spyi bor thal mo sbyor ba'i tshul gyis bsnams par ro/ /phyi'i dkyil 'khor gyi lha'i snam bur me'i mtshams su sgeg mo/ de bzhin gshegs pa'i khu tshur gnyis kyis de bzhin
 gshegs pa'i rdo rje bsnams nas rdo rje bsnyems ma'i tshul gyis bsam pa g.yos pa dang rab tu 'dud pa'o/ /bden bral gyi mtshams su bzhad ma phyag g.yas na so'i phreng ba gnyis dang ldan pa/ de bzhin gshegs pa'i rdo rje bsnams nas/ rnam par snang mdzad la sogs
 pa rang gi 'dzum pa rmad du byung ba la 'jog pa/ phyag g.yon gdan la bsnyems pa'i tshul gyis bzhugs pa'o/ /rlung gi mtshams su glu chen po rdo rje pi wang len par brtson pa'o/ /dbang ldan gyi mtshams su gar ma rdo rje rtse gsum pas mtshan pa phyag gnyis na bsnams
 nas gar mdzad par bzhugs pa'o/ /phyi dang nang du bcas pa'i shar sgo gnyis su rdo rje lcags kyu ma rdo rje lcags kyus de bzhin gshegs pa thams cad 'gugs par mdzad pa'o/ /lho phyogs kyi sgo gnyis su rdo rje zhags pa ma rdo rje zhags pas de bzhin gshegs pa thams
 cad dkyil 'khor du 'jug par mdzad pa'o/ /nub phyogs kyi sgo gnyis su rdo rje lcags sgrog ma rdo rje lcags sgrog gis de bzhin gshegs pa thams cad 'ching bar mdzad pa'o/ /byang phyogs kyi sgo gnyis su rdo rje 'bebs ma rdo rje dril bus de bzhin gshegs pa thams cad dbang
 du mdzad cing yang dag par bzhugs pa bri bar bya'o/ /de nas 'di rnams kyi snying po go rims ji lta ba bzhin du bshad par bya'o/ /oM badzra d+hiSh+Tha sA ma ke ma Ta/ oM badzra ki li ki la hUM/ hUM badzra sma ra badzri Ni ban+d+ha/ hUM tu Sh+ya ta badzra Ni hUM/ hUM badzra me g+he/ hUM sha rad badzri/
 hUM badzri she shi ni/ haM badzra lA s+ye/ hA sa badzra Ni/ oM badzra gI te/ oM badzra nr-i t+ya badzri/ dzaHbadzra aM ku she/ hUM badzra pA she/ baM badzra s+pho Te/ a badzra g+haN+Te/ 'di dag thams cad la sna tshogs pad+ma'i gdan la rdo rje skyil mo krung gis bzhugs pa/ sangs rgyas lnga'i cod pan can
 sku mdog dkar po rnam par snang mdzad la mngon par phyogs pa'o/ /de nas dkyil 'khor gyi sgo ji lta ba bzhin du phye la/ mchod yon phul te/ bum pa la sogs pas/ bcom ldan 'das rnam par snang mdzad la sogs pa 'khor dang bcas pa la mchod par bya'o/ /
 dril bu rtser btags rgyal mtshan rnams/ /mtshams kyi mdun du gzugs par bya'o/ /phyi yi mtshams kyi gnas rnams su/ /bum pa lcug mas rnam brgyan dang / /rnam par snang mdzad spyan sngar ni/ /dri yi chus bkang bum pa bzhag /khengs shing nor babs rdo rjer
 bcas/ /lcug ma las kyang bzlas brjod bya/ /'di skad ston par 'gyur te/ bum pa nag po ra ri med pa lto che ba dang / ske ring ba/ mchu 'phyang ba/ rin po che la sogs pa rdo rje sems dpa'i dkyil 'khor las bshad pa/ rdzas thams cad dang ldan pa'i bum pa/ de
 bzhin gshegs pa'i khu tshur gyis yongs su bzung ste/ rdo rje me tog gi lcug ma las rnam par snang mdzad la sogs pa'i snying po brgya rtsa brgyad bzlas nas phyi rol du lha rnams la re re dbul bar bya'o/ /dang por ni bcom ldan 'das rnam par snang mdzad kyi bum pa shar
 sgor bltas par phyi rol du gzhag par bya'o/ /gnyis pa ni nang gi dkyil 'khor bcom ldan 'das rnam par snang mdzad kyi mdun du yang sngags 'di nyi shu rtsa gcig bzlas la gzhag par bya'o/ /oM ma hA su kha badzra sa ma ya a b+hi She ka dzaHhUM baM hoH/ de ltar bum pa phul nas
 bum pa gang ba la yang rnam par snang mdzad la sogs pa'i snying po bzlas la lha rnams la re re dbul bar bya/ de nas bza' ba la sogs pa snga ma bzhin du phul la/ mchod pa rnam pa lnga kar yang snga ma'i rjes su 'brangs nas dbul bar bya ba dang / rol mo bcu po stong ngam/
 rol mo bcu po ji lta ba bzhin du dbul bar bya ste/ gzhan dag kyang de bzhin du shes par bya'o/ /de nas phyi rol du gtor ma byin nas ras shin tu dmar po la snga ma bzhin du bzlas te/ smad g.yogs dang stod g.yogs dang gdong g.yogs byas la sdom pa ji lta ba bzhin du
 blangs te/ oM sarba yo ga tsit+to t+pA da yA mi zhes bya bas byang chub chen por sems bskyed la/ g.yas pa'i de bzhin gshegs pa'i khu tshur gyis rang gi rdo rje blangs te/ rang gi snying gar bzhag nas/ hUM las rang gi snying gar rdo rje bskyed la 'di skad ces brjod par bya'o/ /su ra
 ta sa ma ya s+t+waM ho badzra sid+d+ha ya thA su khaM/ de nas phyi rol gyi sgor mngon du bltas nas gzhag pa'i bum pa'i chus bdag nyid dbang bskur la ji skad du bshad pa'i phyag 'tshal ba'i phyag rgyas badzra badzra/ rdo rje sems dpa' bsdus pa na/ /rdo rje rin chen bla na med/ /rdo rje chos kyi glu blangs
 pa/ /rdo rje las ni byed par 'gyur/ /zhes bya ba dang / rdo rje'i glu len cing dang por shar sgo nas/ dkyil 'khor du zhugs la dzaHbadzra aM ku sha lan gsum brjod la/ rdo rje lcags kyu mas bdag nyid bkug par gyur par bsam par bya'o/ /yang lho phyogs kyi sgo nas de bzhin
 du zhugs la/ hUM badzra pA she zhes brjod cing rdo rje zhags pa mas bdag nyid bcug par bsam par bya'o/ /de nas nub phyogs nas de bzhin du zhugs la baM badzra s+phoT zhes zlos shing rdo rje lcags sgrog mas bdag nyid bcing bzhin par bsam par bya'o/ /de nas de bzhin du byang sgo nas
 zhugs la/ ho badzra g+haN+Te zhes brjod cing rdo rje 'bebs pas bdag nyid dbang du byas par bsam par bya'o/ /de nas de bzhin du yang shar phyogs kyi sgo nas zhugs la/ thog mtha' med pa'i sems dpa' ni/ /rdo rje sems dpa' bde ba che/ /khyod ni kun du bzang po ste/ /
 rdo rje bsnyems ma'i bdag po gtso/ /rdo rje sems dpa'i ting 'dzin gyis/ /rdo rje de bzhin rdo rje 'dzin/ /rdo rje kun mchog rnam bsgrubs pa/ /rdo rje sems dpa' bdag grub mdzad/ /de nas rdo rje sems dpa'i dkyil 'khor chen po las bshad pa'i cho ga
 snga ma bzhin du rjes su spyad la/ mtshan brgya rtsa brgyad pas bstod nas/ rdo rje mtshon cha ma la sogs pa'i gsang ba'i mchod pa bzhi dang / glu dang rol mo'i mchod pas bcom ldan 'das la yang dag par mchod la/ phyi'i dkyil 'khor gyi nang du sna tshogs pad+ma shar sgor
 bltas pa bris la rnam par snang mdzad kyi phyag rgya chen por pad+ma der ji lta ba bzhin du 'dug ste/ dri dang me tog la sogs pas bdag nyid yang dag par mchod la/ mchod yon blangs nas rnam par rgyal ba'i bum pa las de bzhin gshegs pa'i khu tshur gyis chu blangs la/
 oM d+hI oM badzra a b+hi Shiny+tsa zhes brjod la/ des bdag nyid dbang bskur bar bya zhing chu de btung bar bya'o/ /de nas rdo rje rin chen gyi dam tshig gi phyag rgyas bdag nyid dbang bskur ba'i rdo rje rin chen gyis byin gyis brlabs pa'i rin chen cod pan gyis kyang dbang bskur bar bya'o/ /
 de nas 'dis de bzhin gshegs pa'i rdo rje dang rdo rje dril bu blang bar bya'o/ /hUM sarba d+harmA ma hA badzra d+ha ra e Sha twaM a b+hi Shiny+tsA mi gr-i h+Na/ kye che ge mo sid+d+ha A/ de ltar rdo rje'i dbang bskur ba blangs nas/ bdag po'i dbang bskur ba snga ma bzhin du blang bar bya'o/ /de nas ming gi dbang
 bskur ba blangs nas dngos grub kyi rdo rje'i brtul zhugs blang bar bya'o/ /de nas de kho na nyid kyis rdo rje gzung zhing chos kyi dril bu dkrol la/ dam tshig gi phyag rgya chen por byin gyis brlabs la/ oM d+hI zhes bya ba bzla bar bya'o/ /de nas mchod pa rnam pa lnga dang / rdo rje mtshon cha ma
 la sogs pa mchod pa bcu gnyis kyis yang dag par mchod la/ tshigs su bcad pa lngas rjes su gnang ba dang / gzengs bstod pa dang / lung bstan pa dang / sngags dang phyag rgya bzhi'i man ngag bcom ldan 'das la phyag byas la/ bcom ldan 'das las mnos
 te bdag la byin gyis brlab pa la sogs pa byas la/ rang gi ming nas brjod do/ /bcom ldan 'das rnam par snang mdzad kyi phyag rgya chen po bcings la/ oM d+hI zhes zlos shing bcom ldan 'das rnam par snang mdzad dkyil 'khor dbus ma'i rang gi gnas su de bzhin gshegs
 pa'i rdo rjer bsam par bya'o/ /de nas oM d+hI badzro haM zhes zlos shing / de bzhin gshegs pa'i rdo rjer bdag nyid bsgom par bya'o/ /de nas oM d+hI bai ro tsa na hUM/ zhes bya bas rdo rje rnam par snang mdzad du bsgom par bya'o/ /de bzhin du rdo rje 'bebs pa'i bar gyi phyag rgya chen po
 bcings la/ a badzra g+haN+Te a zhes brjod la/ rdo rje 'bebs pa'i gnas su rdo rje 'bebs pa'i rang bzhin rdo rje dril bu'i ngo bor bsam par bya'o/ /de nas dril bu a badzra g+haN+Ta zhes bya ba dang / badzra g+haN+To haM zhes bya bas rdo rje dril bu'i nga rgyal bsgom par bya'o/ /a badzra g+haN+Te
 badzra g+haN+To zhes zlos shing dril bu de rdo rje dril bu'i gzugs su bdag nyid bsgom par bya'o/ /de ltar dkyil 'khor rab tu bsgrubs nas bsdu ba byas nas mtshan brgya rtsa brgyad pas bstod la/ ji skad du bshad pa'i bde ba chen po'i rdo rje lcags kyu ma thams cad mnyam pa nyid kyi
 ye shes 'dzin ma zlos shing / bcom ldan 'das rnam par snang mdzad 'khor dang bcas pa'i dkyil 'khor du zhugs nas/ rdo rje gnod sbyin gyis bgegs bskrad pa byas la mtshams dang / dkyil 'khor steng 'og dang / nam mkha' bcing ba dang / phyogs bcing ba
 dang / rwa ba dang / dra ba yang byas la rdo rje khu tshur gyis dkyil 'khor gyi sgo rnams bcad do/ /rdo rje srung bas dkyil 'khor gyi sgo thams cad kyi bsrung ba yang dag par bsrungs la/ oM d+hI zhes zlos shing bcom ldan 'das 'khor dang bcas pa la mchod yon phul nas/ bcom
 ldan 'das 'khor dang bcas pa dam tshig gi phyag rgyas mngon par bsgrub pa'o/ /de nas chos dang las dang phyag rgya chen pos rgyas btab la/ dbang bskur ba'i phyag rgya rnams kyis dbang bskur te/ yang mchod yon phul te mchod pa lngas mchod cing rdo rje mtshon cha
 ma la sogs pa phyag rgya'i mchod pa bcu gnyis kyis yang dag par mchod la rnam par sgeg pa'i dga' ba'i rdo rjes phyag bzhi bya'o/ /de nas bcom ldan 'das rnam par snang mdzad kyi phyag rgya chen po bcings la lha thams cad kyi sku dang gsung dang thugs rdo rje'i
 bdag nyid can du bsgom zhing / oM badzra At+ma kou0f85haM zhes bzla'o/ /de nas chos thams cad rang bzhin gyis dag par bsgoms/ oM swa b+hA ba shud+d+hou0f85haM zhes bzlas shing de nas sarba sa mou0f85haM zhes bzlas shing / chos thams cad bdag med par mnyam pa nyid kyi lha thams cad bda
 g nyid mnyam par bsgom mo/ /de nas phyi rol du gtor ma byin la sbyin sreg bya'o/ /de nas yang bcom ldan 'das 'khor dang bcas pa yang dag par mchod nas phyag byas la ji srid mtshan ma thob par gyur pa de srid kyi bar du bsgom par bya'o/ /de nas phyag byas la
 'di skad ces brjod do/ /khyed sngon khyim la dga' ba yi/ /srid pa'i bde ba dag bya'i phyir/ /'dod pa kun gyi dngos grub ces/ /'gro ba kun kyang grub par mdzad/ /de ltar bka' nod nas slob ma gzhug par bya'o/ /slob dpon las kyi cho ga rdzogs so// //de nas
 bslab pa'i gzhi lnga yongs su gzung ba'am/ dge sbyong ngam/ dge slong gi bslab pa yongs su bzung bas sngar bshad pa'i cho gas rig pa'i sdom pa slob mas gzung bar bya'o/ /de nas slob dpon gyis oM sarba yo ga tsit+tot+pa da yA mi zhes bya bas byang chub kyi sems bskyed
 du gzhug go/ /de nas de'i snying gar snga ma bzhin du rdo rje bskyed la/ de nas rnam par snang mdzad du byin gyis brlabs la/ spos dang me tog la sogs pas mngon par mchod de/ yon gyi mchog blangs nas phyi rol nas shar phyogs kyi sgor bltas te gnas pa'i bum pa'i chus
 dbang bskur la/ bdag nyid 'jug pa'i tshul gyis bcug la/ de'i rna bar 'di skad ces brjod do/ /chags bral gyis 'dul 'jig rten rnams/ /chags bral gyis ni 'dul bar 'gyur/ /'dod chags chen po bde ba che/ /rdo rje sems dpa'i bzlas pa yin/ /
 'dod chags bral 'dra'i sdug bsngal ni/ /gzhan dag ngo bo nyid kyis med/ /de bas kun la chags bral bar/ /khyod ni nam yang ma byed cig /de nas 'di skad ces brjod par bya ste/ deng khyod de bzhin gshegs pa thams cad kyi rigs su zhugs kyis/ ngas khyed
 la ye shes gang gis de bzhin gshegs pa thams cad du 'grub pa yang thob na dngos grub gzhan lta smos kyang ci dgos te/ de lta bu'i ye shes bskyed par bya yis/ khyod kyis dkyil 'khor chen po ma mthong ba rnams la smra bar ma byed cig /khyod dam tshig nyams par gyur ta re/
 de nas slob dpon rang nyid kyis/ sems ma rdo rje ma'i phyag rgya kha thur du bstan pa dang / gyen du bstan pa bcings la rdo rje slob ma'i spyi bor bzhag la 'di skad ces brjod par bya'o/ /'di ni khyod kyi dam tshig yin gyis gal te 'ga' zhig la smras na glad pa 'gas par 'gyur ro/ /
 de nas dam tshig gi phyag rgya de nyid dang / mna'i snying po 'di lan cig bzlas nas/ slob ma de 'thung du bcug la 'di skad ces brjod par bya'o/ /de la dam tshig gi snying po ni 'di yin te/ rdo rje sems dpa' deng khyod kyi/ /snying la yang dag zhugs par mdzad/ /gal te
 tshul 'di smras na ni/ /de ma thag tu dral nas gshegs/ /badzrod ka ThaHzhes bya ba'o/ /de nas slob ma de la 'di skad ces brjod par bya'o/ /deng nas brtsams te khyod kyi phyag na rdo rje nga yin gyis ngas 'di byos shig ces bsgo ba gang yin pa de bya dgos so/ /khyod kyis nga
 la brnyas par ma byed cig / mi bde ba ma spangs pas khyod dus byas nas dmyal bar ltung bar 'gyur ta re/ de nas 'di skad ces brjod par bya'o/ /de nas de bzhin gshegs pa thams cad kyis byin gyis rlobs la/ rdo rje sems dpa' bdag la 'bab par gyur cig ces smros
 shig/ de nas rdo rje slob dpon gyis myur du/ rdo rje sems dpa'i phyag rgya bcings la de'i snying gar bzhag ste/ 'di skad ces brjod du gzhug go/ /'di ni rdo rje dam tshig ste/ /rdo rje sems dpa' yin par grags/ /rdo rje ye shes bla med ni/ /de ring nyid du 'bab par
 shog / badzra A be sha a zhes lan brgya'i bar du bzlas par bya'o/ /yang g.yon pa'i rdo rje khu tshur gyis sems ma rdo rje ma dral bar bya zhing / oM d+hI/ a a a a zhes a bzhi dang bcas pa'i gzungs lan brgyar bzla bar bya zhing / bcom
 ldan 'das rnam par snang mdzad sku mdog dmar pos yongs su gang bar bya'o/ /de nas babs nas lha'i ye shes kyang skye bar 'gyur ro/ /de nas me tog dor la phreng ba'i dbang bskur ba dang / gdong g.yogs dgrol ba dang / dkyil 'khor bstan pa dang / 'jug pa'i phyag
 rgya dgrol ba dag slob dpon gyi cho gas byed du gzhug go/ /de nas slob dpon gyis dbang bskur ba byin la de blud de 'di skad ces brjod do/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub 'gyur/ /rdo rje bdud rtsi'i chu 'thung
 shig/ /rdo rje dril bu'i phyag rgya dag /gal te dkyil 'khor ma mthong smras/ /dad pa med pas bgad pa'am/ /skye bo 'dus nang na gnas smras/ /de nas rdo rje rin po che'i phyag rgyas dbang bskur ba dang / rdo rje rin po che'i cod pan dang / dar dpyangs kyi dbang bskur ba byin la/ rdo rje dang
 bdag po dang ming gi dbang bskur ba dang / dngos grub kyi rdo rje'i brtul zhugs kyang sbyin par bya'o/ /de nas de kho na nyid kyis rdo rje byin la/ chos kyi rdo rje dril bu dkrol du gzhug cing / dam tshig gi phyag rgya chen por byin gyis brlab par bya ba'i phyir man ngag bslab par bya'o/ /de nas
 me tog la sogs pa dang / rdo rje mtshon cha ma la sogs pa phyag rgya'i mchod pa bcu gnyis kyis de legs par mchod la/ oM d+hI zhes bya ba'i sngags byin la phyag rgya chen po la sogs pa bzhi bcings pa bslab par bya'o/ /cho ga lhag ma ni dpal rdo rje sems dpa'i dkyil 'khor
 las bshad pa las shes par bya'o/ /slob ma gzhug pa la sogs pa'i cho ga rdzogs so// //da ni dam tshig dang dbang bskur ba thob pa rnams la slob dpon gyi dngos grub kyi ye shes bslab par bya'o zhes bya ba'i cho ga bstan par bya ba'i phyir bsgrub par bya zhes bya ba la sogs
 pa gsungs te/ 'di bsgrubs pas na sgrub pa ste/ sgrub pa'i thabs so/ /'dir de ji lta bu zhe na de bzhin zhes bya ba la sogs pa gsungs te/ ji ltar dpal rdo rje sems dpa'i sgrub pa gsungs pas/ de bzhin du dpal rnam par snang mdzad kyi sgrub pa la yang de ltar bya bar shes
 par bya'o zhes bya ba'i tha tshig go/ /yid la 'dod pa'i dngos grub rnams/ /zhes bya ba gsungs te/ ji ltar rdo rje sems dpa' bsgrubs pas yid la mngon par 'dod pa bsgrub pa'i 'bras bu'i tshul grub par 'dod pa de bzhin du rnam par snang mdzad bsgrub par 'gyur ro zhes ston
 to/ /don yod pa dang thogs pa med par myur du dam pa grub pa yin te zhes bya ba ni ji ltar rdo rje sems dpa' bsgrubs pas don yod cing 'bras bu dang bcas pa gzhom par mi nus pas/ thogs pa med pa yin pa dang / myur ba ste tshe 'di nyid la sangs rgyas nyid dam rdo rje
 'dzin pa nyid kyi mtshan nyid kyi dngos grub tu 'gyur ba yin pa de bzhin du rnam par snang mdzad bsgrubs pas kyang 'bras bu 'byung bar 'gyur ro zhes ston to/ 'di skad ston te badzra any+dza li zhes bya bas rdo rje thal mo bcing bar bya'o/ /de nas badzra ban+d+ha zhes bya bas rdo rje bsdams
 pa bcings la/ badzra ban+d+ha traT ces bya bas rdo rje bsdams pas snying gar lan gsum dral bar bya'o/ /de nas badzra A be+e sha zhes bya bas rdo rje 'bebs pa'i dam tshig gi phyag rgya bcings la a zhes pas bdag nyid dbab par bya'o/ /tiSh+Tha badzra zhes bya bas dbab pa'i phyag rgya rang
 gi snying gar bkrol la/ badzra muSh+Ti zhes zlos shing dam tshig gi rdo rje khu tshur bcings la/ oM badzra san+d+hi baM zhes brjod par bya'o/ /de nas yi ge hUM gis dang po'i rdo rje bcings la/ hUM nyid zlos shing phyag rgya bcings pa thams cad rang dbang du bya'o/ /de nas snga ma bzhin du
 rnam par snang mdzad kyi phyag rgya chen po bcing bar bya'o/ /de nas sngar bshad pa'i tshul gyis gsang ba'i lcags kyu ma bcings la ye shes sems dpa'i rang bzhin can gyi rnam par snang mdzad lus la bcug la/ bcom ldan 'das kyi dam tshig gi phyag rgya bcings las ma ya
 s+t+waM/ zhes brjod de 'od kyi dkyil 'khor 'od zer dmar po 'bar ba kun du 'khrug pa bskyed nas sa ma ya s+t+waM/ a haM oM d+hI zhes lan gsum bzlas te/ rang gi lus kyi nang du chud pa'i bcom ldan 'das dang bdag nyid chu dang 'o ma ltar gcig tu gyur par bsam
 par bya'o/ /de nas chos kyi phyag rgya lce la bkod cing / las kyi phyag rgya dang / phyag rgya chen po yang bcings la/ de bzhin du yid kyis legs so zhes bya ba'i sbyor bas sangs rgyas thams cad lus la bcug la/ rang gi dam tshig gi phyag rgyas bsgrub par bya'o/ /de nas de
 rnams chos dang las dang phyag rgya chen pos rgyas btab la dang pos rdo rje bcings te/ snga ma bzhin du badzra satwa/ badzra rat+na/ badzra d+harma/ badzra karma badzra a d+hi tiSh+Tha swa mAM zhes bya bas byin gyis brlabs nas/ rdo rje rin chen gyi phyag rgyas dbang bskur te/ dngos grub kyi rdo rje
 brtul zhugs kyi bar gyi cho ga rnams rjes su spyad la rdo rje mtshon cha ma la sogs pa gsang ba'i mchod pa bzhis bdag nyid yang dag par mchod nas/ rnam par sgeg pa'i dga' byed rdo rje'i bcom ldan 'das la phyag byas nas phyag bzhi yang bya ste/ de nyid kyis ni rdo rje
 gzung / /chos kyi dril bu dkrol bar bya/ /dam tshig gis ni phyag rgya che/ /byin gyis brlabs nas snying po bzlas/ /zhes bya ba rang gi snying gar gnas pa'i de bzhin gshegs pa'i rdo rje la/ oM d+hI zhes bya ba yid kyis bris la/ rdo rje dam tshig gis zlos shing phyag rgya chen
 po bcings la bsgom par bya'o/ /de ltar byin gyis brlabs pa la sogs pa lan cig byas na ji srid zla ba gcig gam zla ba drug gam lo gcig gis bdag nyid rnam par snang mdzad du mngon sum du mthong bar gyur pa de srid kyi bar du bsgom par bya'o/ /de nas zla ba nya ba la mtshan
 thog thag bsgom par bya'o/ /de nas nyi ma 'char ba'i dus su de bzhin gshegs par 'gyur ro/ /gal te ras la bsgrub par 'dod na sngar bshad pa'i tshul gyis mtshan ma thob par gyur pa dang / ras la bcom ldan 'das rnam par snang mdzad 'drir gzhug par bya ste/ de'i
 phyogs dang mtshams rnams su de bzhin gshegs pa'i dkyil 'khor las bshad pa'i de bzhin gshegs pa brgyad bris la/ de'i mdun du bdag la byin gyis brlab pa la sogs pa byas la ras ris la bcom ldan 'das spyan drangs la mchod pa thams cad kyis ji ltar de bzhin
 du yang dag par mchod la phyag byas nas mdun du 'dug la snying gar gnas pa'i de bzhin gshegs pa'i rdo rje'i dbus su oM d+hI zhes bya ba yid kyis bris la/ bcom ldan 'das kyi phyag rgya chen po bcings la bzlas brjod 'bum ji lta ba bzhin du bya'o/ /de nas zla ba nya ba la
 mtshan thog thag bzlas brjod bya'o/ /mtshan phyed na bdud kyi dpung mthong bar 'gyur la de bzhin du bdud thams cad bcom pas gzhom par bya'o/ /de nas de bzhin du phyag rgya chen po bcings la bsgom par byas la nang par de bzhin gshegs pa nyid dam/ byang chub sems
 dpa' chen po nyid thob par 'gyur ro/ /gal te rdo rje 'dzin pa chen po nyid thob par 'dod na de bzhin du mtshan ma thob pas rdo rje sems dpa'i sku gzugs sngar bshad pa'i mtshan nyid can byed du gzhug go/ /de nas de'i mdun du de bzhin gshegs pa'i rnal 'byor byas la sku gzugs la
 rdo rje sems dpa' gsang ba'i lcags kyu mas spyan drangs la/ de bzhin gshegs pa'i dam tshig gi phyag rgyas bsgrub par bya'o/ /de nas oM d+hI zhes brjod pas de bzhin gshegs pa'i chos kyi phyag rgya rdo rje sems dpa'i ljags la bsams nas/ rdo rje sems dpa'i las kyi
 phyag rgya dang / phyag rgya chen po yang nye bar bstan par bya'o/ /de nas sangs rgyas lnga'i cod pan gyis dbang bskur la mchod pa rnam pa lnga dang / rdo rje mtshon cha ma la sogs pa/ de bzhin gshegs pa'i phyag rgya bcu gnyis kyis yang dag par mchod nas rnam par sgeg pa'i dga'
 ba'i rdo rje dang / phyag bzhis phyag bya'o/ /de nas rdo rje sems dpa'i phyag rgya chen po bcings la/ oM d+hI zhes bya ba zlos shing rdo rje sems dpa' bdag nyid bsgoms na zla ba drug na rdo rje 'dzin par 'gyur ro/ /gal te de bzhin gshegs pa'i sku gzugs la de bzhin gshegs pa
 'gugs na de bzhin du mtshan ma thob pas/ de'i mdun du 'dug la gsang ba'i lcags kyu ma bcings te/ oM d+hI zhes bya bas nyin re zhing bdag la byin gyis brlab pa la sogs pa byas nas bsgrub par bya'o/ /de nas zla ba phyed kyis thams cad stsol bar 'gyur ro/ /
 de nas de bzhin gshegs pa'i phyag rgya chen pos bdag nyid de bzhin gshegs pa bsgrub par 'dod na de bzhin du mtshan ma thob nas phyag rgya chen po bcings la zla ba phyed tsam bsgoms nas mthar mtshan thog thag bsgoms na de'i 'og tu de bzhin gshegs par 'gyur ro/ /de nas ma
 bsgrubs pa'i zhes bya ba la sogs pa bshad ma thag pa'i bsgrubs pas ma bsgrubs pa'i snying po ni ma bsgrubs pa ste/ ma bsgrubs pa'i snying po lan cig bzlas pas thams cad bsrung ba la sogs pa'i las rnams byed par 'gyur ro/ /thams cad bsrung ba la sogs pa rdo rje gtsug
 tor gyis so zhes bya ba ni snga ma bzhin du de bzhin gshegs pa'i rnal 'byor byas la/ rdo rje bsdams pa lag mthil phye ba bcings la/ mthe bo gnyis dpa' bo'i skyil mo krung du byas la mdzub mo gnyis gshibs te rtse mo byas nas/ oM d+hI zhes bya ba zlos shing spyi gtsug tu gzhag la bsgrub
 par bya ba dang / lhan cig tu gyur par byas la yid kyis bsgrub par bya ba skyes bu chen po'i mtshan sum cu rtsa gnyis dbu'i gtsug tor dang ldan pa'i/ de bzhin gshegs pa'i skur bsam par bya'o/ /de lta bus ni thams cad bsrung bar 'gyur ro/ /sems can thams cad dbang du
 bya ba la ni rdo rje mdzod spus so zhes bya ba ni de bzhin du de bzhin gshegs pa'i sbyor ba byas la/ bshad ma thag pa'i phyag rgyas bzlog nas mdzod spu ru mdzub mo'i rtse mo gnyis bzhag la/ mdzod spu'i phyogs nas rig pa'i rgyal po rdo rje mdzod spu spros la des bsgrub par bya ba zhal gyis bzhes
 te zil gyis mnan te/ rang gi rkang mthil du babs shing rang dbang du bya bar bsam par byas te/ de lta bus dbang du byas par 'gyur ro/ /chos nyid thams cad thob pa la ni rdo rje chos kyis so zhes bya ba ni/ de bzhin du de bzhin gshegs pa'i rnal 'byor byas la/ thams cad
 bsrung ba'i phyag rgya de nyid snying gar bzhag ste/ chos thams cad rang bzhin gyis rnam par dag pa'o zhes bsgom zhing rdo rje chos kyi skur yang bdag nyid bsam par bya ste/ de lta bus ni chos thams cad thob par 'gyur ro/ /de bzhin gshegs pa thams cad kyi mchod pa'i dngos grub ni
 rdo rje mchod pas so zhes bya ba ni snga ma bzhin du de bzhin gshegs pa'i rnal 'byor byas la bshad ma thag pa'i phyag rgya gar gyi khu tshur gyis bskor la mkhur ba spyi gtsug tu gzhag par bya zhing / rdo rje mtshon cha ma la sogs pa mchod pa rnams kyis bdag nyid mchod par bsam par bya ste/
 de lta bus ni mchod pa thams cad 'grub par 'gyur ro/ /gdug pa thams cad 'dul ba la ni rdo rje khro bos so zhes bya ba ni/ de bzhin du de bzhin gshegs pa'i rnal 'byor byas la rdo rje khu tshur gnyis bcings pa ste/ rdo rje hUM mdzad du bdag nyid bsams la mdzub mo gnyis kyis sdigs
 mdzub bya zhing rang gi snying gar rdo rje'i rigs rnams spros la des gdug pa thams cad gdul bar bya'o/ /byang chub kyi spyod pa ma lus par rdzogs par bya ba la ni rdo rje spyod pa'i phyag rgyas so zhes bya ba ni de bzhin du de bzhin gshegs pa'i rnal 'byor byas la de bzhin gshegs pa'i khu tshur
 gnyis kyis sbyin pa gtong ba ltar bya zhing / thams cad sgrol ba la sogs pa'i tshul gyis dbye ba mtha' yas pa dang / nam mkha'i mdzod kyi ting nge 'dzin gyis nam mkha'i khams thams cad gang ba'i sbyin pa gtong bar byed par bdag nyid bsam par bya'o/ /bdud thams cad gzhom pa la ni
 bdud thams cad 'joms par byed pas so zhes bya ba ni de bzhin gshegs pa'i rnal 'byor byas la/ g.yon pa'i de bzhin gshegs pa'i khu tshur snying gar bzhag la g.yas pa'i de bzhin gshegs pa'i khu tshur gyi sor mo thams cad brkyang bas sa la reg par bya zhing / de bzhin
 gshegs pa mi bskyod pa'i skur bdag nyid bsams la rang gi lus las byung ba'i rdo rje 'dzin pa la sogs pas bdud bcom par gyur par bsam par bya ste/ de lta bus ni bdud thams cad bcom par 'gyur ro/ /'dir rang gi snying pos kyang rdo rje sems dpar lhag par mos
 par bya'o/ /de bzhin gshegs pa thams cad nyid du bya ba la ni rdo rje ye shes kyi khu tshur gyis so zhes bya ba ni/ de bzhin du rnam par snang mdzad kyi sbyor ba byas la/ bcom ldan 'das rnam par snang mdzad kyi phyag rgya chen po bcings te/ ji srid bdag nyid de'i
 gzugs su gyur pa de srid kyi bar du bsgom par bya'o/ /bde ba chen po rdo rje gsang ba ni de bzhin gshegs pa'i dkyil 'khor te/ de las de bzhin gshegs pa thams cad kyi bde ba chen po rdo rje gsang ba nyid kyi cho ga rgyas pa ste/ de ston par byed pa'i rtog pa'i rgyun no/ /dpal mchog dang
 po'i rgya cher bshad pa shes rab kyi pha rol tu phyin pa 'byung ba zhes bya ba las dum bu gnyis pa rtsa ba'i rgyud las/ de bzhin gshegs pa'i rtog pa bshad pa rdzogs so// //de ltar de bzhin gshegs pas 'dul ba'i sems can rnams rjes su gzung bar bya ba'i phyir de bzhin
 gshegs pa'i rtog pa bstan nas/ da ni khro bas khro ba spang ba'i phyir/ de nas bcom ldan 'das zhes bya ba la sogs pas rdo rje rigs kyi rtog pa gsungs pa yin no/ /de nas zhes bya ba'i sgra ni snga ma bzhin te/ dang po sbyor ba'i rjes thogs nyid la'o/ /'dir dang po sbyor ba ni
 dpal rdo rje sems dpa'i dkyil 'khor chen por bshad pa nyid do/ /bcom ldan 'das zhes bya ba ni rnam par snang mdzad do/ /thogs pa med pa ni mi choms pa'o/ /don yod pa ni 'bras bu yod pa'o/ /bka' ni lung bsgo ba'o/ /de nyid kyi bstan pa 'di la mnga' bas na de bzhin
 gshegs pa thogs pa med cing don yod pa'i bka'i bstan pa la rdo rje sems dpa' la gsol ba btab po zhes bya bar sbyar ro/ /ci zhig mdzad nas she na/ de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams cad kyi thugs rje chen po
 ni gnyis su med pa'i thugs rje chen po'o/ /des bskyed pa'i rdo rje'i rigs ni thabs so/ /de nyid ni bde ba chen po'i khro bo thob pa'i thabs yin pa'i phyir bde ba chen po'i khro bo ste/ de las skye zhing de'i rang bzhin yin pa'i phyir bde ba chen po'o/ /de la dmigs pa'i ting nge 'dzin gang
 yin pa de la ni ming de skad ces bya ste/ de la snyoms par zhugs shing mngon sum du mdzad pa'o/ /rang gi rdo rje sems dpa' ni rang nyid kyi rdo rje sems dpa' ste/ rang gi byang chub kyi thugs zhes bya ba'i tha tshig go/ /de la gsol ba btab po zhes bya ba ni gsol ba btab par 'gyur
 ro/ /bde ba chen po rab grub phyir/ /zhes bya ba la sogs pa ni bshad zin to/ /gdug pa thams cad gzhom pa'i phyir/ /rang rigs sprul mdzad rdo rje 'dzin/ /ces bya ba ni gdug pa yang yin la thams cad kyang yin pas na gdug pa thams cad de/ drag po la sogs pa'o/ /
 de rnams gzhom pa ni sdig pa las bzlog pa'i phyir btsir zhing tshar gcod pa'o/ /rang gi rigs ni rdo rje'i rigs so/ /sprul par mdzod cig pa ni skyed par mdzod cig pa'o/ /rdo rje 'dzin ces bya ba ni bod pa'o/ /de nas zhes bya ba ni gsol ba btab pa'i rjes thogs nyid la bcom ldan
 'das rdo rje sems dpa' khro bo gsungs so zhes bya bar sbyar ro/ /ci zhig mdzad nas she na/ de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams cad kyi bka' ni gdug pa gdul bar bya ba'i phyir lung bsgo ba'o/ /oM rak+ta dz+wa
 la zhes bya ba la sogs pa ni sngags so/ /de'i mi phyed pa'i ting nge 'dzin ni rdo rje rigs kyi dkyil 'khor ro/ /sprul pa des sems can gyi don mdzad pas ming de skad ces bya ba'i rnam par gnon pa de mdzad pa'o/ /rab tu dga' ba'i rdo rje khro bo zhes bya ba gsungs so zhes bya ba la rab
 tu dga' ba ni rdo rje sems dpa' ste/ de las byung ba'i rdo rje khro bo ni rab tu dga' ba'i rdo rje khro bo ste/ bcom ldan 'das thugs rje chen po'i stobs kyis gdug pa gdul bar bya ba'i phyir rdo rje'i rigs gang zhig ston par mdzad pa de ston par byed pa'i sngags la yang nye bar gdags
 pas rab tu dga' ba'i rdo rje khro bo zhes bya ba ste/ de gsungs pa ni bka' stsal pa'o/ /'di ni zhes bya ba ni thugs la gnas pa'o/ /de nas zhes bya ba la sogs pa la bcom ldan 'das phyag na rdo rje'i rdo rje las byung ste/ dkyil 'khor
 chen po'i tshul gyis bzhugs so zhes bya bar sbyar ro/ /bcom ldan 'das rdo rje sems dpa' rab tu dga' ba'i rdo rje khro bo'i sngags gsungs pa tsam gyi rjes thogs nyid la bcom ldan 'das phyag na rdo rje'i phyag na gnas pa'i rdo rje las so/ /kun nas dmar po 'bar
 ba'i snying po zhes bya ba ni kun nas dmar po 'bar ba ste de'i snying po ni de'i dbus na bzhugs pas zhes bya ba'i tha tshig go/ /smin ma 'gyur zhing khro gnyer bsdu ba gang yin pa de la de skad ces bya la/ de bzhin du smar gser gyi mdog tu gnas pa dang / spyan dmar ba gang yin pa de la
 ming de skad ces bya'o/ /rdo rje mche ba gnyis gtsigs pa ni shin tu khro bar ston par byed pa'o/ /sgros rnam par gnon pa ni ma mchu mnan pa'o/ /de ltar ma mchu rnam par gnon pa nyid kyis mi bzad cing 'jigs su rung ba'i zhal gang la mnga' ba de la de skad ces bya'o/ /smin ma
 'gyur zhing khro gnyer bsdus pa yang yin la sma ra ser zhing spyan 'bar ba yang yin zhing rdo rje'i mche ba gtsigs pas ma mchu'i sgros mnan pa'i zhal mi bzad pa yang mnga' ba gang yin pa de ni smin ma 'gyur zhing khro gnyer bsdus pa/ sma ra ser zhing spyan 'bar ba la rdo rje mche ba gtsigs
 pas ma mchu'i sgros mnan pa'i zhal mnga' ba zhes bya ba'o/ /de lta bu yin pa 'ba' zhig tu ma zad kyi dbu skra gyen du 'bar zhing rab tu 'bar ba gang la mnga' ba de ni dbu skra gyen du 'bar ba'o/ /de la mtshon cha ji lta bu zhe na/ rdo rje gzhu la sogs pa yongs su 'dzin pa zhes bya
 ba smos te/ rdo rje'i gzhu ni rdo rje yid las byung ba'i khro bo'i gzhu dang bcas pa yin pas shes par bya'o/ /de nyid thog mar byas pa gang yin pa de ni rdo rje gzhu la sogs pa ste/ de yongs su 'dzin pa gang yin pa de ni rdo rje gzhu la sogs pa yongs su 'dzin pa'o/ /de yang rdo
 rje yid las byung ba'i khro bo nas brtsams te/ rdo rje 'bebs pa'i khro bo'i bar du'o/ /dkyil 'khor chen po'i tshul gyis bzhugs so zhes bya ba ni/ rdo rje sems dpa'i dkyil 'khor gyi dbyings su bzhugs pa'o/ /bcom ldan 'das kyis zhes bya ba ni/ rab tu dga'
 ba'i rdo rje khro bo ste hUM mdzad du 'brel pa'o/ /bcom ldan 'das zhes bya ba la sogs pa la de ltar dkyil 'khor chen po'i tshul gyis gnas pa'i rdo rje yid las byung ba'i khro bo rnams la/ de'i rjes thogs nyid la bcom ldan 'das kyis dkyil 'khor byin gyis brlabs so zhes
 bya bar sbyar ro/ /bcom ldan 'das rab tu dga' ba'i rdo rje khro bo khams gsum pa thams cad 'dul bar mdzad nas/ kun nas nyon mongs pa dang ldan pa'i 'jig rten gyi khams na gnas pa'i dbang phyug chen po la sogs pa'i 'jig rten gsum po phyir mi ldog pa'i sa la bzhag
 pas 'dul bar mdzad do/ /de nas de mdzad nas rdo rje dam tshig chen po'i dkyil 'khor chen po byin gyis brlabs so zhes bya ba la/ rdo rje dam tshig kyang yin la chen po yang yin pas na rdo rje dam tshig chen po ste/ rdo rje rigs chen po ste/ rab tu dga' ba'i rdo rje khro bo la
 sogs pa nas/ rdo rje 'bebs pa'i khro bo'i mthar thug pa'o/ /de'i dkyil 'khor ni de'i dam tshig chen po'i dkyil 'khor ro/ /de byin gyis brlabs pa ni brtan par mdzad pa ste slob dpon gcig nas gcig tu brgyud pas phyi ma'i mthar thug pa med par 'khor ba
 las sems can gdon par bya ba'i phyir byin gyis brlabs pa'o/ /de ltar de nas bcom ldan 'das zhes bya ba nas brtsams te/ rdo rje dam tshig chen po'i dkyil 'khor byin gyis brlabs so zhes bya ba'i bar du bstan pas ni ting nge 'dzin gnyis pa gsungs pa yin no/ /de
 nas bsdu ba bya ste/ bdag nyid dbang bskur ba ji lta ba bzhin du blangs nas/ rdo rje lcags kyus khro bo 'khor dang bcas pa dgug par bya zhing / rdo rje zhags pas khro bo bcug la/ rdo rje lcags sgrog gis khro bo bcings nas/ rdo rje 'bebs pas khro bo dbang du bya'o/ /
 de nas dam tshig gi phyag rgya rnams kyis bcom ldan 'das 'khor dang bcas pa bsgrub par bya'o/ /de nas chos dang las dang phyag rgya chen po rnams kyis rgyas btab la dbang bskur nas phyag rgya chen po las sbyar bar bya'o/ /de la las ni 'di dag yin te/ rab tu dga' ba'i rdo rje khro
 bo'i phyag rgya bcings la/ bcom ldan 'das rab tu dga' ba'i rdo rje khro bo thugs rje chen po'i khro bos sems can gyi khams gdug cing gtum pa rnams byang chub kyi sems chen po la rab tu 'jog par mdzod cig ces brjod par bya'o/ /rdo rje yid las byung ba'i
 phyag rgya chen po bcings nas/ bcom ldan 'das rdo rje yid las byung ba'i khro bo 'dod chags kyi mda' rnam par dag pa'i khro bo de 'dod chags kyi mda' rnam par dag pa'i gnas la rab tu dgod par mdzod cig ces pa dang / rdo rje ki li ki la'i khro bo'i phyag rgya chen po bcings
 la/ bcom ldan 'das rdo rje ki li ki la'i khro bo reg pa rnam par dag pa'i gnas la rab tu 'jog par mdzod cig ces bya ba dang / rdo rje dran pa'i khro bo'i phyag rgya chen po bcings nas/ bcom ldan 'das rdo rje dran pa'i khro bo'i sdug pa'i
 'ching ba rnam par dag pa'i khro bos de sdug pa'i 'ching ba rnam par dag pa'i gnas la 'jog par mdzod cig ces brjod do/ /rdo rje bsnyems pa'i khro bo'i phyag rgya chen po bcings la/ bcom ldan 'das rdo rje bsnyems pa'i khro bo thams cad la dbang phyug dang dbang rnam par dag pa'i khro bos de thams cad kyi dbang phyug dang dbang
 rnam par dag par mdzod cig ces brjod nas/ rdo rje 'bebs pa'i khro bo'i phyag rgya chen po bcings la bcom ldan 'das rdo rje 'bebs pa'i khro bos sems can gyi khams su gdug cing gtum pa rnams rang bzhin gyis 'od gsal ba'i ye shes babs pas dbang du mdzod cig ces
 brjod do/ /'di ni 'dir las kyi rgyal po mchog ces bya ba'i ting nge 'dzin gsum pa yin no/ /de ltar ting nge 'dzin gsum gsungs nas/ da ni dam tshig dang dbang bskur ba thob pas bzlas pa dang bsgom par bya'o zhes bya ba'i don bstan par bya ba'i phyir/ dkyil 'khor chen
 po'i tshul gyis ni/ /zhes bya ba la sogs pas slob dpon gyi las kyi cho ga rgyas pa dang / slob ma 'jug pa la sogs pa'i cho ga rgyas pa gsungs pa yin no/ /dkyil 'khor chen po'i tshul gyis ni/ /zhes bya ba ni dpal rdo rje sems dpa'i dkyil 'khor chen po'i dbyibs kyis
 so/ /dkyil 'khor thams cad thig gdab par bya ste/ dkyil 'khor gyi phyi dang nang du bcas pa'i thig rdo rje sems dpa'i dkyil 'khor chen po'i tshul du bya'o zhes bya ba'i don to/ /de la dang po khros pas gzhag /ces bya ba ni der zhes bya ba'i dkyil 'khor de'i dbus su dang po'i rdo rje
 sems dpa'i khros pas gzhag par bya'o/ /ci zhig zlos shing gzhag par bya zhe na/ su ra to b+ha ba hUM gsungs so/ /sku mdog ci 'dra zhe na/ ut+pal sngon po'i 'dab ma'i mdangs zhes bya ba smos te/ ut+pal sngon po'i 'dab ma'i mdog 'dra ba'o/ /'bar zhes bya ba ni sprin dang
 bral ba'i nyi ma phyed kyi dus ltar 'od gsal ba'o/ /rdo rje bsnyems pa 'dzin pa'i mchog /ces bya ba rdo rje dril bu dang bcas pa'i rdo rje sems dpa'i phyag rgya chen po ni rdo rje bsnyems pa ste/ de 'dzin pas na rdo rje bsnyems pa 'dzin pa'o/ /mchog ni dam pa ste/ rdo rje bsnyems pa
 'dzin pa'i mchog tu de gzhag par bya'o/ /mche ba cung zad gtsigs pa'i zhal gyis zhes bya ba ni/ mche ba yang yin la cung zad kyang yin pas na mche ba cung zad de/ mche ba zhal nas cung zad byung ba zhes bya ba'i tha tshig go/ /de nyid gtsigs pa ni bsdams shing 'bur ba'i zhal gang
 la mnga' ba la de skad ces bya ba'o/ /khro dang bcas pa bzhad pa'i zhal/ /zhes bya ba ni/ khro zhing gtum pa dang bcas pas gnas pas na khro bcas so/ /khro ba dang bcas pa yang yin la/ bzhad pa'i zhal yang yin pas na khro ba dang bcas pas bzhad pa'i zhal lo/ /khro
 ba dang bcas pas zhal mnga' ba de/ rdo rje skyil mo krung gis bzhugs pa yang yin te/ g.yas pa'i phang par rkang pa g.yon pa 'jog cing g.yon par rkang pa g.yas pa 'jog pa 'di ni rdo rje skyil mo krung ngo / /des yang dag par bzhugs pas na/ rdo rje skyil krung legs bzhugs
 nyid do/ /nyid ces bya ba ni nges par bzung ba ste/ rdo rje skyil mo krung nyid kyis legs par bzhugs pa yin no/ /'od zer 'bar ba 'khrug pa'i 'od/ /ces bya ba ni 'od zer 'bar ba kun du 'khrug pa'i 'od gang la mnga' ba de ni/ 'od zer 'bar ba 'khrug pa'i 'od de bcom ldan 'das rab tu dga'
 ba'i rdo rje khro bo 'bar ba kun du 'khrug pa'i 'od mnga' ba de gzhag par bya'o/ /dkyil 'khor chen po'i tshul gyis ni/ /thams cad du ni khro bo bri/ /zhes bya ba ni rab tu dga' ba'i rdo rje khro bo de phyogs dang mtshams rnams su rdo rje yid las byung ba la sogs pa'i khro bo'i
 rdo rje sems dpa' dkyil 'khor chen po'i dbyibs su byin pa yin pas na bshad pa'i mtshan nyid can bri'o/ /'jug pa ni/ rab dga' rdo rje khro bo yis/ /zhes bya ba ni bcom ldan 'das rdo rje hUM mdzad ni rab tu dga' ba'i rdo rje khro bo ste/ de'i phyag rgya chen po ni rdo rje sems dpa'i
 phyag rgya chen po dang 'dra ba ni rab tu dga' ba'i rdo rje khro bo zhes bya ste/ 'dir des dang po slob dpon gyis 'jug pa bya'o zhes bya ba ni dang po kho na slob dpon gyis de bzhin gshegs pa'i dkyil 'khor du 'jug pa ltar/ 'dir 'jug pa byas la phyis ni gzhan dag bya'o zhes bya ba'i tha
 tshig go/ /slob ma rnams kyang de bzhin no/ /zhes bya ba ni rab tu dga' ba'i rdo rje khro bos slob dpon ji ltar 'jug pa de bzhin du slob ma rnams kyang 'jug par bya'o/ /slob dpon zhugs nas khros pas lcags kyu de nyid kyis dgug par bya'o zhes bya ba ni rab tu dga' ba'i rdo rje khro bo'i
 phyag rgya chen pos/ slob dpon zhugs nas rang gi cho ga thams cad rjes su spyad la/ dkyil 'khor rdo rjes rab tu bsgrubs nas/ sgo dbye ba byas la 'jug pa'i phyag rgyas mdzub mo g.yas pa lcags kyur byas la/ dkyil 'khor gyi lha thams cad spyan drang ba'i sngags kyis
 lha thams cad spyan drang bar bya'o/ /de nas zhes bya ba la sogs pa ni go sla'o/ /de nas cho ga rgyas pa yang de bzhin no zhes bya ba ni dpal rdo rje sems dpa'i dkyil 'khor chen por cho ga ji ltar gsungs pa de bzhin du 'dir yang shes par bya'o/ /de ltar slob dpon las kyi cho ga dang /
 slob ma 'jug pa la sogs pa'i cho ga gsungs nas/ da ni dam tshig dang dbang bskur ba thob pa rnams la/ slob dpon gyis dngos grub kyi ye shes bslab par bya'o zhes bya ba'i cho ga 'di bstan par bya ba'i phyir bsgrubs na zhes bya ba la sogs pa gsungs pa yin te/ de la 'di
 bsgrubs pas na bsgrubs pa ste/ sgrub pa'i thabs la sgrub pa zhes bya'o/ /phyag rgya chen po la sogs pa'i dngos grub rnams ni dngos grub thams cad de/ de bsgrub par bshad pa na de'i 'bras bu grub pa rnams bshad par bya'o/ /de yang snga ma bzhin du rdo rje sems dpa' bsgrub
 pa'i tshul gyis dang po'i rdo rje phyag rgya bcings pa'i bar gyis phyag rgya bcings pa rjes su spyad la/ rang gi snying gar gnas pa'i rdo rje 'bar ba rtse mo bzhi'i dbus su bcom ldan 'das kyi sngags kyi yi ge yid kyis bris la/ de nyid la zlos shing bdag med par bsgom par bya'o/ /de nas
 de'i dbyangs kyi yi ge bcu drug dang bcas pa las rang gi sems zla ba'i dkyil 'khor gyi rnam pa tshad mtha' yas par bsam par bya'o/ de'i steng du yang / de nyid dang ka la sogs pa gsal byed kyi yi ge zla ba lta bu dang bcas pa las/ zla ba'i dkyil 'khor gnyis pa bsam par
 bya'o/ /de nas zla ba'i dkyil 'khor gnyis pa de'i steng du sngags kyi yi ge rnams bsams la/ de zla ba'i dkyil 'khor gnyis pa de dang bcas pa las rdo rje 'bar ba'i rtse mo bzhi pa bsam par bya'o/ /de nas rdo rje 'bar ba'i dbus su sngags kyi yi ge rnams bsams la/ sems
 dpa' ji lta bur phyag rgya de bzhin/ phyag rgya ji ltar bdag kyang de bzhin no zhes nga rgyal bsgoms la/ rdo rje 'bar ba las rdo rje'i rigs rnams spros te/ des phyogs bcur gdug pa thams cad btul bar byas nas/ de rnams rdo rje der yid kyis bcug nas/ rdo rje sems
 dpar byin gyis brlabs pa'i sbyor bas rdo rje sems dpar bdag nyid bsams la rab tu dga' ba'i rdo rje khro bo zlos shing bdag nyid kyi rdo rje sems dpa'i gzugs rab tu dga' ba'i rdo rje khro bor bsam par bya'o/ /de nas ma hA sa ma ya satwa haM zhes bya ba lan gsum bzlas la/ dam
 tshig chen po'i sems dpa'i nga rgyal bskyed nas/ rab tu dga' ba'i rdo rje khro bo'i phyag rgya bcings la/ sa ma ya haM zhes zlos [(]shing[,] zhing [)]dam tshig sems dpa'i bdag nyid bsgoms la/ sa ma ya satwa a d+hi tiSh+Tha swa mAM zhes bya ba dang / de nyid kyis snying ga dang dpral ba dang /
 lkog ma dang / spyi bor byin gyis brlab par bya'o/ /de nas rdo rje skyil mo krung bcas pa g.yon pa'i rdo rje khu tshur gyis 'bar ba'i rdo rje dril bu blangs la/ g.yas pas rdo rje 'bar ba rtse bzhi pa gzung ste/ de bsnyems pa dang bcas pa la rdo rje gsor nas/
 rang gi sngags zlos shing rang gi snying gar bstod pa'i tshul gyis 'dzin pa'i sku dang gsung dang / thugs rdo rjes rab tu dga' ba'i rdo rje khro bor bdag nyid bsam pa 'di ni/ bcom ldan 'das kyi phyag rgya chen po'o/ /de ltar phyag rgya chen po bcings la/ bcom ldan 'das kyi
 sngags zlos shing / a zhes bya ba brjod de/ mdun du sna tshogs pad+ma'i steng du/ rdo rje 'bar ba rtse bzhi pa bsam par bya'o/ /de'i dbus su bcom ldan 'das kyi sngags bsams la/ de nyid zlos shing rdo rje 'bar ba ni/ bdag go zhes bsgom par bya'o/ /de nas de
 nyid zlos shing rdo rje 'bar ba de rab tu dga' ba'i rdo rje khro bor bdag nyid bsams la/ su ra ta badzra kro d+hi haM zhes bzla bar bya'o/ /de nas de bzhin du rdo rje lcags kyu'i khro bo la sogs pa'i phyag rgya rnams kyis bcom ldan 'das rab tu dga' ba'i rdo rje khro bo dgug pa dang /
 gzhug pa dang / bcing ba dang / dbang du byas la rab tu dga' ba'i rdo rje khro bo'i dam tshig gi phyag rgya bcings la/ hUM rak+ta dzA la mA la pra la ya ag+ni pra dI p+ta te dza ma hA su kha su ra ta badzra kro d+ha dzaHhUM baM hoHphaT dr-i sh+ya zhes bya bas blta bar bya ba'o/ /ye shes sems dpa' de mthong
 nas/ /rang gi lus la rab tu bsgom/ /dgug cing bcug la bcing ba dang / /dbang du byas te bsgrub par bya/ /phyag rgya chen po bcings te g.yas pa'i mdzub mo lcags kyus haM su ra ta badzra kro d+ha a yA hi ma hA su kha badzra satwa dza/ sarba ku la ni pra be sha ya hUM sarba mu dra ban+d+ha na baM/
 sarba sa ma yaM ba shiM ku ru ho sarba karma Ni sa d+h+ya AHsarba sid+d+h+ya sid+d+h+ya a zhes brjod par bya'o/ /de nas rang gi snying gar hUM las rdo rje 'bar ba bsams la/ bcom ldan 'das kyi dam tshig gi phyag rgya bcings te sa ma ya s+t+waM zhes brjod do/ /rgyab tu zla ba'i dkyil 'khor bsams te de
 nas rang gi lus la gnas pa'i bcom ldan 'das dang bdag nyid chu dang 'o ma ltar gcig tu gyur par bsams la sa ma ya s+t+waM hUM/ rak+ta dzA la mA la pra la ya/ ag+ni pra dIp+ta te dza ma hA su kha su ra ta badzra kro d+ha dzaHhUM baM hoHphaT ces lan gsum bzlas la/ sna tshogs pad+ma la bzhugs
 pa/ /ut+pal sngon po'i mdangs 'bar zhing / /rdo rje bsnyems pa 'bar ba'i mchog /mche ba cung zad gtsigs pa'i zhal/ /khro dang bcas par bzhad pa'i zhal/ /rdo rje skyil krung legs bzhugs nyid/ /'od zer 'bar ba 'khrug pa'i 'od/ /ces bya ba bsam mo/ /de
 nas chos dang las dang phyag rgya chen pos bdag nyid rgyas btab nas de bzhin du yid kyis legs so zhes bya ba'i sbyor bas lus la de bzhin gshegs pa thams cad bcug la dam tshig gi phyag rgyas bsgrub par bya'o/ /de nas chos dang las dang phyag rgya chen pos de bzhin gshegs pa rnams la
 rgyas btab la dang po'i rdo rje bcings te/ rdo rje sems dpa' dang / rin chen dang / chos dang las kyi snying pos bdag nyid de bzhin nyid du byin gyis brlabs la sangs rgyas lnga dang / rdo rje phreng ba'i dbang bskur ba'i phyag rgyas dbang bskur bar bya'o/ /de nas rdo rje dang bdag po dang ming
 gi dbang bskur ba blangs la dngos grub kyi rdo rje brtul zhugs gzung bar bya'o/ /de nas khro bo'i rdo rje mtshon cha ma la sogs pa gsang ba'i phyag rgya'i mchod pa bzhis bdag nyid yang dag par mchod la rnam par sgeg pa'i dga' ba'i rdo rje dang phyag rgya bzhis bcom ldan 'das la phyag byas la/
 yang phyag rgya chen po bcings te de kho na nyid kyi rdo rje gzung bar bya'o/ /de nas chos kyi dril bu dkrol lo/ /de nas dam tshig gi phyag rgya chen po byin gyis brlab par bya'o/ /de nas rang gi snying gar gnas pa'i rdo rje 'bar ba'i dbus su rdo rje bzlas pa'i don du sngags yid kyis bris la/
 nyin re zhing bdag la byin gyis brlab pa la sogs pa lan cig byas nas ji srid zla ba gcig gam/ zla ba drug gam/ lo gcig gis mtshan ma thob par gyur pa de srid kyi bar du khro bo'i tshig gis bzlas brjod bya'o/ /de nas zla ba nya ba la bzlas brjod mtshan thog thag bzlas nas/ nang par rdo
 rje hUM mdzad du gyur pa ni dngos grub dang po'o/ /gal te de bzhin gshegs pa bsgrub par 'dod na des rdo rje sems dpa'i rtog pa las bshad pa'i cho gas bcom ldan 'das rnam par snang mdzad de bzhin gshegs pa brgyad kyis bskor ba/ phyag gnyis kyis byang
 chub mchog gi phyag rgya bcings la ras la 'drir gzhug par bya'o/ /de'i mdun du snga ma bzhin du rab tu dga' ba'i rdo rje khro bo'i sbyor ba byas la/ ras ris la bcom ldan 'das rnam par snang mdzad rab tu dga' ba'i rdo rje khro bo'i lcags kyu chen pos spyan drangs la/ rab tu dga'
 ba'i rdo rje khro bo'i dam tshig gi phyag rgyas bsgrub bo/ /de nas rab tu dga' ba'i rdo rje khro bo'i chos kyi phyag rgyas btab nas de bzhin gshegs pa'i las kyi phyag rgya dang / phyag rgya chen pos rab tu dga' ba'i rdo rje khro bo'i sngags zlos shing rgyas gdab par bya'o/ /de nas rdo rje rin
 chen gyi dbang bskur ba'i phyag rgyas dbang bskur la bcom ldan 'das mchod pa thams cad kyis yang dag par mchod de/ phyag byas la 'dug nas byang chub mchog gi phyag rgya chen po bcings te/ de bzhin gshegs par bdag nyid bsams la ji srid 'bum phrag brgya tshang bar
 gyur pa de srid kyi bar du dga' ba'i rdo rje khro bo'i sngags bzlas par bya'o/ /de nas 'bum tshang ba dang mtshan phyed na bdud kyi dpung thams cad 'ong bar 'gyur ro/ /de nas rnal 'byor pas bdud thams cad 'joms par byed pas bdud kyi stobs gzhom par bya'o/ /de nas nang
 par gyi dus su de bzhin gshegs pa nyid dam byang chub sems dpa' chen po nyid thob par 'gyur ro zhes bcom ldan 'das rdo rje 'chang bas gsungs so/ /gal te de rab tu dga' ba'i rdo rje khro bo nyid bsgrub par 'dod na des rab tu dga' ba'i rdo rje khro bo'i sku gzugs byed du bcug la/
 de'i mdun du de bzhin du rab tu dga' ba'i rdo rje khro bo'i rnal 'byor byas la sku gzugs la/ bcom ldan 'das sngar bshad pa'i spyan drang ba'i chogs spyan drangs la mchod pa thams cad kyis yang dag pa ji lta ba bzhin du mchod nas phyag byas la phyag rgya chen po bcings te/ nyin re
 bzhin du bdag la byin gyis brlabs pa la sogs pa lan cig byas la bsgrub par byas shing bzlas brjod dpag tu med pa byas nas/ zla ba drug gis rdo rje hUM mdzad nyid des thob par 'gyur ro/ /yang na rab tu dga' ba'i rdo rje chen po'i phyag rgyas bdag nyid rab tu dga' ba'i rdo rje khro bos bsgrub
 par 'dod na/ de bzhin du rab tu dga' ba'i rdo rje khro bo'i sbyor ba byas la/ nyin re'i sbyor bas phyag rgya chen po bcings la ji srid nyin re zhing / bdag nyid de'i sku mthong bar gyur pa de srid kyi bar du bsgom par bya'o/ /de nas zla ba phyed tsam bsgoms la bsgrubs na rab tu
 dga' ba'i rdo rje khro bor 'gyur ro/ /de bzhin du dngos grub gzhan dag kyang snga ma'i rjes su 'brangs nas bsgrub pa yin par shes par bya'o/ /de nas ma grub pa ni zhes bya ba la sogs pa la de ltar bshad ma thag pa'i sgrub pa gang gi tshe/ ji skad sngon du bshad pa'i dngos grub grub
 par ma gyur pa'i sngags ni ma grub pa zhes bya ba la/ ma grub pa de ma grub tu zin kyang / lan cig bzlas pa tsam gyis ji skad du bshad pa'i las rnams byed par 'gyur ro/ /khams gsum ma lus pa las rgyal bar bya ba ni/ rdo rje hUM mdzad kyi phyag rgyas so zhes bya ba ni
 'jig rten gyi khams mi mjed la sogs pa/ sangs rgyas kyi zhing ma dag pa ni khams gsum pa ma lus pa'o/ /de las rgyal ba ni der gnas pa'i dbang phyug chen po la sogs pa 'dul ba'o/ /de yang rdo rje hUM mdzad du mnyam par bzhag la/ khro bo'i khu tshur gnyis
 bcings te/ mthe'u chung gnyis phan tshun lcags sgrog tu sbrel la/ mdzub mo gnyis bsgreng ste/ sdigs mdzub byed pa la sogs pas snying ga'i phyogs su bzhag pa 'di ni/ rdo rje hUM mdzad kyi phyag rgya ste 'dis khams gsum ma lus pa las rgyal bar 'gyur ro/ /thams
 cad du yang rab tu dga' ba'i rdo rje khro bo'i sngags bzlas pas las rnams grub par gyur par shes par 'gyur ro/ /'dis ni 'di skad ston te de bzhin du rab tu dga' ba'i rdo rje khro bo'i sbyor ba byas la dbang phyug chen po la sogs pa 'dul ba'i bsam pas rdo rje hUM mdzad
 kyi phyag rgya bcings la bzlas brjod byas nas rang gi lus las byung ba'i rdo rje hUM mdzad kyi skus dbang phyug chen po la sogs pa thams cad rjes su btul bar bsam par bya'o/ /de lta bus ni khams gsum ma lus pa las rnam par rgyal bar 'gyur ro/ /
 sems can gyi khams thams cad 'dul ba ni zhes bya ba ni sems can gyi khams thams cad skal ba ji lta ba bzhin du lung dang rtogs pa'i bdag nyid can la rab tu gzhag pa ni btul ba'o/ /de ji ltar 'gyur zhe na/ rdo rje khro bo'i gsang bas so zhes bya ba gsungs
 te/ rdo rje khro bo ni rdo rje khro bo ste/ rab tu dga' ba'i rdo rje khro bo'i gsang ba ni rdo rje khro bo'i gsang ba'i phyag rgya ste/ des rab tu 'jigs par 'gyur ro/ /'di skad ston pa yin te de bzhin du rab tu dga' ba'i rdo rje khro bo'i sbyor ba byas la/ rdo rje hUM
 mdzad kyi phyag rgya de bzhin du bcings la/ g.yon pa'i mdzub mos bsgrub par bya ba la sdigs mdzub bya'o/ /de nas phyag rgya 'di las byung ba'i bcom ldan 'das rdo rje hUM mdzad kyis rjes su bstan cing dul ba la rab tu 'jog par 'gyur ro/ /'jig rten gsum ma
 lus pa las rnam par rgyal ba ni zhes bya ba la/ dbang phyug chen po la sogs pa 'jig rten las rgyal ba ni 'jig rten gsum ma lus pa las rgyal ba'o/ /de ji ltar 'gyur zhe na/ 'jig rten gsum rnam par rgyal ba'i rdo rjes so zhes bya ba gsungs te/ de bzhin du bcom ldan 'das
 kyis sbyor ba byas la/ rdo rje hUM mdzad g.yon brkyang ba'i gnas pa'i bzhugs pas sdigs mdzub byas shing rang gi lus las byung ba'i bcom ldan 'das rdo rje hUM mdzad kyi zhabs g.yon pas bsgrub par bya ba mnan par byas te/ de lta bus ni 'jig rten gsum ma lus pa las rnam
 par rgyal bar 'gyur ro/ /thams cad dgug pa dang zhes bya ba la sogs pa la dbang phyug chen po la sogs pa dgug pa ni thams cad dgug pa'o/ /de rnams nyid dkyil 'khor ram snod la 'jug pa dang / snod la zhugs pa de rnams nyid dbab pa ni g.yo ba la sogs pas
 dbab pa'o/ /gdon de rnams rdo rje lcags sgrog gis bsdams te rang dbang med par byas nas bcings pa'o/ /de rnams nyid rang dbang du bya ba ni dbang du bya ba'o/ /de rnams g.yul 'gyed par zhugs pa'i dregs pa bsal bar bya ba'am/ sa 'og gi 'khrul 'khor la
 sogs pa gzhom pa ni gzhig pa'o/ /de rnams nyid mi 'gyur bar byas pa ni rengs par byas pa'o/ /de rnams gnyid log par bya ba dang / rgyas gdab pa dang / bsgyel ba dang / gsad par bya ba ni go bar zad do/ /'di dag thams cad ji ltar bya zhe na/ bde ba chen po rdo rje
 gsang ba'i dam tshig gi khro bos so zhes bya ba gsungs te/ de bzhin du bcom ldan 'das rdo rje hUM mdzad kyi rnal 'byor byas la rdo rje hUM mdzad bcings te/ mdzub mo gnyis gshibs la rtse mo sbyar nas bsgrub par bya ba la sdigs mdzub byas te/ 'di ni bde ba chen po gsang ba'i
 dam tshig gi khro bo'i phyag rgya yin te/ des bsgrub par bya ba dgug pa'i bsam pas bsgrub par bya ba la sdigs mdzub bya zhing / sdigs mdzub kyi rdo rje las byung ba'i bcom ldan 'das rdo rje lcags kyu'i khro bos bsgrub par bya ba 'gugs par bsam par bya ste/ de lta bus ni
 thams cad dgug par 'gyur ro/ /gzhug pa'i bsam pas de bzhin du sdigs mdzub byas la sdigs mdzub kyi rdo rje las byung ba'i rdo rje zhags pas btab par bsams na de lta bus ni bcings par 'gyur ro/ /de bzhin du dbab pa'i bsam pas sdigs mdzub byas la/ bcom
 ldan 'das rdo rje 'bebs pa'i phyag rgya khro bo sku mdog dmar po rlung dang me'i dkyil 'khor gyi dbus na bzhugs pas bsgrub par bya ba'i rkang pa nas brtsams te/ spyi bo'i bar du shing skam po bzhin du rab tu 'bar bar bsams na de lta bus ni 'bab par 'gyur ro/ /de bzhin
 du bcing ba'i bsam pas srin po la sogs pa sdigs mdzub byas la bcom ldan 'das rdo rje lcags sgrog gi khro bos lcags sgrog gis bsdams par bsams na de lta bus ni bcings par 'gyur ro/ /de bzhin du dbang du bya ba'i bsam pas sdigs mdzub bya zhing bcom ldan
 'das rdo rje yid las byung ba'i khro bo me tog gi mdangs kyang bsgrub par bya ba'i snying gar phog cing dmar por gyur pas dbang du gyur nas rang nyid dam nor gyis kyang rkang pa la 'dud par bsam par bya ste/ de lta bus ni dbang du 'gyur ro/ /de bzhin du gzhom par bya
 ba'i bsam pas sdigs mdzub bya zhing phyag rgya bcings pa las rdo rje 'bar ba rtse mo bzhi pa spros la/ 'khrul 'khor la sogs pa la dbab par bya ste de lta bus ni rnam par gzhig par 'gyur ro/ /de bzhin du dbab pa la sogs pa la rengs par bya ba'i bsam pas sdigs mdzub
 bya zhing bcom ldan 'das rdo rje hUM mdzad sku mdog ser po sna tshogs rdo rje gser gyi mdog can nam mkha' dang mnyam pa'i steng na g.yon brkyang bas bzhugs pas bsgrub par bya ba mnan par bsam par bya ste de lta bus ni rengs par 'gyur ro/ /de bzhin du gnyid log tu gzhug
 pa'i bsam pas bsgrub par bya ba sdigs mdzub bya zhing bcom ldan 'das rdo rje hUM mdzad bsgrub par bya ba dang lhan cig tu gyur nas/ mig btsums te gnyid log par bsams na de lta bus ni gnyid log par 'gyur ro/ /de bzhin du rgyas btab pa'i bsam pas sdigs mdzub
 bya zhing bsgrub par bya ba'i snying gar yang hUM las rdo rje 'bar ba byung bar bsam par bya ste/ de lta bus ni rgyas btab par 'gyur ro/ /de bzhin du bsgyel ba'i bsam pas sdigs mdzub byas la sdigs mdzub kyi rdo rje las rdo rje 'bar ba spros la bsgrub par bya ba'i steng du
 'bab par yang dang yang du bsams na 'gyel bar 'gyur ro/ /de bzhin du bsad pa'i bsam pas sdigs mdzub byas la rang gi lus las rdo rje gnod sbyin dang / srin po dang / mkha' 'gro dang / bya rgod dang / stag dang / seng ge dang / bya rog dang / wa dang spyang ki la
 sogs pa byung la bsgrub par bya ba zos par bsams na de lta bus ni gsod par 'gyur ro/ /thams cad ltung bar bya ba la ni rdo rje phra mo khro bos so zhes bya ba ni de bzhin du bcom ldan 'das kyi sbyor ba byas la/ rdo rje hUM mdzad bcings nas sna'i dbugs kyi rlung gis sna'i rtse mo las rdo rje
 phra mo byung la/ de bsgrub par bya ba'i steng du dbab par bya ste de lta bus ni thams cad ltung bar 'gyur ro/ /thams cad du dbab pa la ni rdo rje 'bebs pa'i khro bos zhes bya ba ni de bzhin du bcom ldan 'das kyi sbyor ba byas la rdo rje hUM mdzad bcings te/ yi ge a'i mtha' can gyi sngags
 bzlas te/ bcom ldan 'das rdo rje hUM mdzad kyis kun du gang bar gyur par bsam par bya ste de lta bus ni thams cad 'bab par 'gyur ro/ /thams cad nges par gnon pa la ni rdo rje gad rgyangs kyis so zhes bya ba la ni bcom ldan 'das kyi sbyor ba byas la rdo rje hUM mdzad bcings te yi ge
 ha'i mtha' can gyi sngags zlos shing ha ha zhes bya ba'i gad mo rta gang byas shing bcom ldan 'das rdo rje hUM mdzad kyi zhabs kyis bsgrub par bya ba la bsnun pas kha thur du bu bcing 'gyel bar bsam par bya ste de lta bus ni nges par gnon par 'gyur ro/ /las thams cad la nye bar dgod
 pa zhes bya ba la ni las kyang yin la thams cad kyang yin pas las thams cad de/ rab tu dga' ba'i rdo rje khro bo la sogs pa nas rdo rje 'bebs pa'i khro bo'i bar gyi phyag rgya chen po la sogs pa'i las rnams so/ /de rnams la nye bar dgod pa ni phyag rgya chen po la sogs pa'i las
 kyis phyag rgya chen po la sogs pa'i 'bras bu thob pa'o/ /de ji ltar 'gyur zhe na bde ba chen po rdo rje dam tshig gi khro bos so zhes bya ba gsungs te/ de bzhin du bcom ldan 'das kyi sbyor ba byas la rdo rje 'bar ba rtse mo bzhi pa bsgom zhing rab tu dga' ba'i rdo rje khro bo'i phyag rgya chen po
 bcings la las gang dgos pa de thob cing rnyed pa'i bsam pas sngags bzla bar bya'o/ /de lta bus ni/ phyag rgya chen po la sogs pa las thams cad kyi 'bras bu thob par 'gyur ro/ /bde ba chen po rdo rje gsang ba las zhes bya ba la bde ba chen po rdo rje ni bshad zin to// //
 de'i gsang ba ni rdo rje rigs kyi rtog pa'o/ /de las rab tu dga' ba las byung ba rdo rje gsang ba'i dam tshig gi rdo rje sems dpa' las byung ba'i rab tu dga' ba'i rdo rje khro bo ste/ de'i cho ga rgyas pa ni de'i dkyil 'khor la sogs pa sgrub pa dang / bsgrub par bya ba'i rtog pa'i rgyun yin no/ /
 yang 'di'i don bde blag tu rtogs par bya ba'i phyir brjod par bya ste/ dam tshig sems dpar byin gyis brlabs pa snga ma bzhin du byas la rab tu dga' ba'i rdo rje khro bo'i phyag rgya chen po bcings nas nam mkha' dang mnyam pa'i sbyor bas rang gi snying gar yid kyis
 zhugs la/ der rdo rje khro bo'i phyag rgyas rab tu dga' ba'i rdo rje khro bo'i dkyil 'khor nam mkha' dang mnyam par sprul la 'og nas bshad pa'i 'jug pa'i cho gas me tog gi phreng ba blangs te 'jug par bya'o/ /de nas rang gi mgor me tog gi phreng ba gtor la ji lta ba bzhin du
 bcings nas dngos grub kyi rdo rje brtul zhugs kyi bar gyi cho ga rnams rjes su spyad la dkyil 'khor de'i rang gi snying gar zla ba'i dkyil 'khor gyi nang du 'dus shing gcig tu gyur par bsam par bya'o/ /de nas rdo rje sems dpa'i rnal 'byor chen po ltar rang gi rnal 'byor chen po byas la cho
 ga thams cad rjes su spyad de/ de kho na nyid kyis rdo rje bzung zhing chos kyi dril bu dkrol la dam tshig gis phyag rgya chen por byin gyis brlabs nas rang gi sngags lan gsum bzla bar bya'o/ /de nas rdo rje 'khor los nam mkha'i phyogs su bcom ldan 'das kyi dkyil 'khor sprul la lha
 thams cad kyi gnas su a hrI zhes bya bas sna tshogs pad+ma bskyed par bya'o/ /de nas dbus su sems dpa'i skyil mo krung gis 'dug la sngon du bsnyen pa bya ba dang / de bzhin du bdag nyid spro ba bskyed par bya'o/ /de nas snga ma bzhin du sangs rgyas spyan drang bar byas nas de'i 'og
 tu ting nge 'dzin rnam pa gsum bsgom par bya'o/ /de nas bcom ldan 'das rab tu dga' ba'i rdo rje khro bo'i phyag rgya chen po bcings la sngags de bzla bar bya'o/ /de nas de bzhin gshegs pa thams cad kyis bdag nyid la gsol ba btab par bsam par bya'o/ /bcom ldan
 khyod la gsol ba ni/ /'dod chags chen po bde ba che/ /snying po 'di yis brtan pa nyid/ /bde chen myur du sgrub par mdzod/ /ces gsol ba btab par bsam mo/ /de nas langs la de bzhin gshegs pa thams cad la phyag byas la de bzhin gshegs pa thams cad
 kyis nam mkha'i khams gang bar bsams la/ bdag ni rang nyid rdo rje can/ /zhes bya ba la sogs pa brjod de de'i 'og tu rang gi sngags bzla'o/ /de nas bcom ldan 'das rab tu dga' ba'i rdo rje khro bo'i dam tshig gi phyag rgya dang / hUM rak+ta dzA la mA la pra la ya ag+ni pra dIp+ta te dza
 sa ma hA su kha su ra ta ma hA kro d+ha/ dzaHhUM baM hoHphaT/ badzro t+tiSh+Tha maN+Dal uta tha pa ya zhes brjod de dkyil 'khor bteg la rab tu dga' ba'i rdo rje khro bo'i phyag rgya de nyid kyis bdag nyid la lan cig byin gyis brlabs la yang phyag rgya chen por bsams te/ phyag rgya la gnas de
 bzhin langs/ /kun du rnam par bltas nas ni/ /rang gi sngags ni rab bzlas shing / /bsnyen pas yongs su bskor bar bya/ /de nas rdo rje sems dpa'i dkyil 'khor las bshad pa'i cho ga rnams rjes su spyad la/ dkyil 'khor 'di ji lta ba bzhin du bri bar bya'o/ /de
 nas dkyil 'khor dbus ma'i dbus su sna tshogs pad+ma'i steng du bcom ldan 'das rab tu dga' ba'i rdo rje khro bo'i snying po 'dis sngar bshad pa'i mtshan nyid can bri bar bya'o/ /su ra tod b+ha ba hUM/ bcom ldan 'das rab tu dga' ba'i rdo rje khro bo'i thams cad du rdo rje yid las byung ba
 nas rdo rje 'bebs pa'i bar du/ rdo rje sems dpa'i dkyil 'khor chen po'i sbyor bas rdo rje skyil mo krung du bzhugs pa/ sku mdog sngo ba dang rdo rje gzhu dang mda' la sogs pa bsnams pa 'od zer dmar po kun nas 'bar bas khyab pa/ khro gnyer bsdus zhing bsdus pa sma ra dmar ser
 can/ spyan 'bar ba rdo rje'i mche ba gtsigs pas ma mchu'i sgros mnan pa/ zhal rnam par 'gyur ba/ dbu skra gyen du brdzes shing 'bar ba bri bar bya'o/ /de nas 'di rnams kyi snying po bshad par bya'o/ ho dr-iSh+Ta sA ya ka ma Ta hUM badzra kI li ki la hUM haM smar badzra ban+d+ha hUM badzra to Sha
 hUM/ oM ma d+hu badzra/ oM ma g+hA badzri hUM sha rad badzri/ hUM she she ri/ hUM badzra lA s+yi/ hA s+ya badzra ni/ oM badzra gI te/ oM nr-irte badzri/ dzaHbadzra aM ku sha/ /hUM badzra pA sha/ baM badzra s+pho Ta/ a badzra g+haN+Ta/ 'di dag thams cad kyang sangs rgyas lnga'i cod pan dang / rdo rje phreng bas dbang
 bskur ba'i cod pan can yin no/ /de nas ji lta ba bzhin du sgo phye la/ khro bo'i khu tshur gyis yongs su gzung ba'i rdo rje 'bar ba dang / me tog gi lcug ma la yongs su bzlas pa'i bum pa dang / bum pa gang ba rnams kyis bcom ldan 'das 'khor dang bcas pa la snga ma
 bzhin du mchod la/ mchod pa thams cad kyis kyang yang dag par mchod par bya'o/ /de nas snga ma bzhin du yongs su bzlas pa'i gos sngon pos smad g.yogs dang / stod g.yogs dang / gdong g.yogs pa ji lta ba bzhin du byas la sdom pa yang ji lta ba bzhin du blangs nas/ byang
 chub kyi sems bskyed de/ khro bo'i khu tshur gyis rang gi rdo rje blangs la/ rang gi snying gar bzhag nas/ hUM las rang gi snying gar rdo rje bskyed la/ 'di skad ces brjod do/ /su ra ta sa ma ya s+t+waM ho badzra sid+d+hi ya thA su khaM/ de nas phyi rol gyi sgor bltas pa'i bum pa'i chus bdag nyid la
 dbang bskur la/ rdo rje sems dpa'i dkyil 'khor chen po las bshad pa'i 'jug pa'i glu de bzhin du len cing 'jug par bya'o/ /de nas de bzhin du bdag la byin gyis brlab pa byas nas rnam par rgyal ba'i bum pa las khro bo'i khu tshur gyis chu blangs nas bdag nyid dbang
 bskur bar bya'o/ /de nas sangs rgyas lnga'i cod pan dang dbang bskur ba'i phyag rgyas bdag nyid la dbang bskur nas/ phyi rol gyi sangs rgyas lnga'i cod pan 'bar ba'i rdo rje phreng ba dang bcas pas kyang dbang bskur bar bya'o/ /de nas 'bar ba'i rdo rje dang / bdag po dang ming
 gi dbang bskur bas dbang bskur la dngos grub kyi rdo rje brtul zhugs blang bar bya'o/ /de la 'bar ba'i rdo rje phreng ba'i phyag rgya ni 'di yin te/ rdo rje thal mo bcings la mdzub mo gnyis phan tshun du lcags sgrog tu sbrel te/ mthe bong gnyis gzhibs/ srin lag gnyis
 gzhibs te/ rtse mor byas la bzlog ste/ 'dis spyi bo nas brtsams te phyogs bzhir gtugs nas dpral bar gzhag par bya ste/ de lta bus ni 'bar ba'i rdo rje'i phreng bas dbang bskur bar 'gyur ro/ /'di'i snying po ni a b+hi She ka zhes bya'o/ /de nas de kho na nyid kyis
 rdo rje gzung zhing chos kyi dril bu dkrol la/ dam tshig gi phyag rgya chen pos byin gyis brlabs nas rang gi sngags bzla bar bya'o/ /de nas mchod pa lnga dang / rdo rje mtshon cha ma la sogs pa phyag rgya'i mchod pa bcu gnyis kyis bdag nyid yang dag par mchod la/ tshigs
 su bcad pa lngas rjes su gnang ba dang / gzengs bstod pa dang / lung bstan pa dang / sngags gzung ba dang / phyag rgya bzhi bslab pa bcom ldan 'das la phyag byas nas/ bcom ldan 'das la mnos la snga ma bzhin du bdag la byin gyis brlab pa la sogs pa byas nas/ rang
 gi ming nas brjod do/ de nas rdo rje bsgrub par bya'o/ /rdo rje slob dpon sems dpa' yi/ /rdo rje lcags kyu bcings nas ni/ /se gol mang po brdab bgyis la/ /sangs rgyas thams cad bsdu bar bya/ /de nas mtshan brgya rtsa brgyad pas bstod pa ji lta ba bzhin du byas la/ sngar
 bshad pa'i lcags kyus bcom ldan 'das 'khor dang bcas pa/ dkyil 'khor chen por bcug la rdo rje gnod sbyin gyis bgegs bskrad de/ rwa ba dang dra ba yang byas la/ rdo rje khu tshur gyis sgo rnams bcad de/ rdo rje bsrung bas bsrung ba thams cad yang dag par
 bsrungs la/ bcom ldan 'das 'khor dang bcas pa la rang gi sngags kyis mchod yon phul la/ bcom ldan 'das 'khor dang bcas pa rang gi dam tshig gi phyag rgyas bsgrub par bya'o/ /de nas chos dang las dang phyag rgya chen pos rgyas btab la dbang bskur ba'i
 phyag rgya gnyis kyis dbang bskur la/ yang mchod yon phul la mchod pa dang rdo rje mtshon cha ma la sogs pa phyag rgya'i mchod pa bcu gnyis kyis yang dag par mchod nas rnam par sgeg pa'i dga' ba'i rdo rje dang phyag byas la phyi rol du gtor ma byin te sbyin sreg bya'o/ /de nas
 bcom ldan 'das 'khor dang bcas pa la yang dag par mchod nas phyag rgya chen po bcings la ji srid mtshan ma ma thob par gyur pa de srid kyi bar du dkyil 'khor bsgom par bya'o/ /de nas phyag byas la 'di skad ces brjod par bya'o/ /srid pa'i bde ba dag bya'i phyir/ /khyed srin
 srid pa la dgar 'gyur/ /'dod pa kun gyi dngos grub che/ /'gro ba kun la'ang grub pa yin/ /de ltar gnang ba thob nas slob ma gzhug par bya'o/ slob dpon gyi las kyi cho ga rgyas pa rdzogs so// //de nas bslab pa'i gzhi lnga la sogs pa yongs su
 gzung ba'i slob ma sdom pa don du gnyer ba la sdom pa 'dzin du gzhug go/ /de nas de'i snying gar rdo rje de bzhin du bsam par bya'o/ /de nas de rab tu dga' ba'i rdo rje khro bo'i byin gyis brlabs la dri dang me tog la sogs pas mchod de yon gyi mchog blangs la phyi rol na gnas pa'i bum
 pa'i chus dbang bskur la rang gi 'jug pa'i tshul gyis bcug la rna bar 'di skad ces brjod par bya'o/ /'dod chags bral ba zhes bya ba nas ma byed cig ces bya ba'i bar du de bzhin gshegs pa'i dkyil 'khor las bshad pa'i cho ga ltar de'i cho ga thams cad bya'o/ slob ma
 'jug pa la sogs pa'i cho ga rgyas pa rdzogs so/ / //cho ga gzhan dag ni gsal bas ma bshad do/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las dum bu gnyis pa rtsa ba'i rgyud las/ rab tu dga' ba'i rdo rje khro bo'i rtog pa
 bshad pa rdzogs so/ / //de ltar khro bas khro ba spang ba'i phyir rab tu dga' ba'i rdo rje khro bo'i rtog pa gsungs nas da ni log par lta ba'i gnyen por gyur pa yang dag par lta ba'i rang bzhin can shes rab kyi pha rol tu phyin pa'i bdag nyid pad+ma'i rigs bstan pa'i phyir de nas zhes bya ba
 la sogs pa gsungs te/ de nas zhes bya ba'i sgra ni bar ma chad pa ste dang po sbyor ba'i rjes thogs nyid la'o/ /'dir dang po sbyor ba'i ting nge 'dzin ni dpal rdo rje sems dpa'i dkyil 'khor chen por bshad pa nyid yin no/ /bcom ldan 'das zhes bya ba ni rnam par snang mdzad
 do/ /de bzhin gshegs pa yang yin la thams cad kyang yin pas na de bzhin gshegs pa thams cad de rang bzhin gyis dag cing gnyis su med pa'i sems dang sems las byung ba de nyid ni don yod cing thogs pa med pa yin no/ /thams cad dag pa ni sgrib pa med pa'o/ /pad+ma'i
 rigs kyi tshul gyi chos gang yin pa de la de skad ces bya'o/ /de de ltar gyur pa bcom ldan 'das rdo rje sems dpa'i rang bzhin gyi byin gyis brlab pa'o/ /ci zhig mdzad nas she na/ de bzhin gshegs pa thams cad kyis zhes bya ba la sogs pa gsungs te de bzhin gshegs pa thams
 cad kyi/ rdo rje ye shes ni chos thams cad rang bzhin gyis dag pa'o zhes nges par byas pa'o/ /de'i phyag rgya ni pad+ma'i rigs te de gzugs brnyan gyi tshul du sems can gyi khams rgyas btab nas phyag rgya'o/ /dngos por 'dzin pa'i mngon par zhen pa ni sgrib pa'o/ /de 'di la
 mi mnga' bas na sgrib pa med pa'o/ /de'i phyag rgya ni pad+ma'i rigs te des gzugs de lta bu gang yin pa de la dmigs pas ming de skad bya ba'i ting nge 'dzin ni de bzhin gshegs pa thams cad kyi sgrib pa med pa'i rdo rje ye shes kyi tshul gyi phyag rgya zhes bya ba'i ting nge 'dzin de la
 snyoms par zhugs pa'o/ /snyoms par zhugs nas bcom ldan 'das rdo rje sems dpa' la gsol ba btab par gyur pa'o/ /'di skad ston te/ bcom ldan 'das rnam par snang mdzad pad+ma'i rigs kyi rnam par thugs rtse gcig tu mdzad de pad+ma'i rigs sprul nas
 sems can gyi don bya ba'i phyir rdo rje sems dpa' la gsol ba btab pa yin no/ /bde ba chen po zhes bya ba la sogs pa ni bshad zin to/ /pad+ma yang yin la chen po yang yin pas na pad+ma'i rigs chen no/ /de nyid gzung ba dang 'dzin pa'i dri ma dang bral bas na dag pa'o/ /skyed
 par mdzod ces bya ba ni 'byung bar mdzod cig pa'o/ /mchog kyang yin la chen po yang yin pas na mchog yin te/ rang bzhin gyis yang dag pa'i ye shes kyi tshul gyis thams cad du song bas na chen po'o/ /tshul de nyid kyi dam par gyur pas na mchog go/ /de nas
 zhes bya ba'i sgra ni de ma thag pa ste gsol ba btab pa'i rjes thogs la zhes bya ba'i tha tshig go/ /bcom ldan 'das rdo rje 'chang chen po ste sngags gsungs so zhes bya bar sbyar ro/ /ci zhig mdzad nas she na/ chos thams cad ces bya ba la sogs pa smos te chos kyang yin la
 thams cad kyang yin pas na chos thams cad de pad+ma'i rigs kyi tshul lo/ /de rnams la gzigs pa ni ting nge 'dzin gyi tshul gyis so sor rtog par mdzad pa'o/ /de nas rdo rje ltar mi phyed pa gang yin pa de la ming de skad ces bya'o/ /rnam par gnon
 pa ni mthu rtsal lo/ /pad+ma'i rigs kyi sprul pas 'gro ba'i don mdzad nas sngags gsungs pa yin no/ /bcom ldan 'das kyi zhal nas zhes bya ba ni rdo rje 'jig rten dbang phyug gi zhal nas so/ /pad+ma'i mdog gi mdangs can zhes bya ba ni dkar dmar ro/ /zla ba'i dkyil
 'khor gyi 'od can no zhes bya ba ni go sla'o/ /de rnams kyi phyag na ci zhig bsnams zhes pad+ma'i mda' la sogs pa yongs su 'dzin pa zhes bya ba la sogs pa gsungs te/ rdo rje yid las byung ba la sogs pa de dag nyid pad+mas mtshan pa'i rdo rje mda' la sogs pa bsnams pa pad+ma'i
 rigs kyi tshul gyis byung ngo zhes bya ba'i tha tshig go/ /de bzhin gshegs pa'i dbang bskur ba 'chang zhes bya ba ni de bzhin gshegs pa 'od dpag tu med pa 'dzin pa'o/ /ral pa dang / cod pan dang / na bza' dmar po 'chang ba zhes bya ba ni go bar zad do/ /pad+ma chen po'i sems
 dpa' rnams phyung nas dkyil 'khor chen po'i tshul gyis bzhugs so zhes bya ba ni pad+ma chen po'i rigs kyi sems dpa'i ngo bor sems dpa' de rnams rdo rje 'jig rten dbang phyug gi zhal nas byung nas/ rdo rje sems dpa'i dkyil 'khor chen po'i dbyibs kyis bcom
 ldan 'das rdo rje 'jig rten dbang phyug yongs su bskor nas/ phyogs dang mtshams rnams su zhugs pa'o/ /bcom ldan 'das ni 'jig rten dbang phyug go/ /zhal rab tu bzhad pa zhes bya ba ni 'gro ba'i don gzigs pas so/ /g.yas pas de bzhin gshegs
 pa'i rdo rje rang gi thugs kar bstod pa'i tshul gyis bsnams zhing g.yon pas zhes bya ba g.yon gyi pad+ma'i khu tshur gyis rdo rje pad+ma 'dzin zhing bsnyems pa'i tshul gyis pad+ma'i skyil mo krung du bzhugs pa'o/ /de ltar na bcom ldan 'das zhes bya ba nas brtsams te rdo rje skyil mo
 krung gis bzhugs so zhes bya ba'i bar gyis ting nge 'dzin gnyis pa gsungs pa yin no/ /de nas bsdu ba sngon du 'gro bas rang gi cho ga rnams rjes su spyad nas/ rdo rje pad+ma'i lcags kyu la sogs pa'i las kyi phyag rgya rnams bcom ldan 'das 'khor dang bcas pa dgug pa dang
 gzhug pa dang / bcing ba dang dbang du bya ba la dam tshig gi phyag rgya rnams kyis bsgrub par bya'o/ /de nas chos dang las dang phyag rgya chen po rnams kyis rgyas btab la mngon par 'dod pa'i dbang bskur ba'am pad+ma'i phreng bas dbang bskur la las rnams la sbyor bar bya'o/ /
 de la las ni 'di dag yin te/ bcom ldan 'das rdo rje 'jig rten dbang phyug gi phyag rgya chen po bcings la/ de'i sngags bzlas nas 'di skad du bcom ldan 'das rdo rje 'jig rten dbang phyug rang bzhin gyis dag pa'i ting nge 'dzin gyis sems can gyi
 khams thams cad rnam par dag par mdzod cig ces brjod do/ /de nas pad+ma'i rdo rje yid las byung ba'i phyag rgya chen po bcings la/ bcom ldan 'das pad+mo'i rdo rje yid las byung ba pad+ma'i 'dod chags kyi mda' rnam par dag pa'i gnas la sems can gyi khams
 rab tu 'jog par mdzod cig ces brjod par bya'o/ /pad+ma kI li kI la'i phyag rgya chen po bcings la bcom ldan 'das pad+ma kI li kI la la sems can gyi khams ma lus pa pad+ma'i rigs pa'i gnas rnam par dag pa'i gnas la 'jog par mdzod ces brjod do/ /de
 bzhin du pad+ma'i 'bebs pa'i bar gyi phyag rgya chen po bcings la/ bcom ldan 'das pad+ma'i 'bebs pas sems can gyi khams ma lus pa rang bzhin gyis 'od gsal ba'i pad+ma 'bebs pa'i ye shes nyid kyis dbang du mdzod cig ces bya ba'i bar du brjod par bya'o/ /
 'di ni las kyi rgyal po mchog ces bya ba'i ting nge 'dzin gsum pa yin no/ /de ltar ting nge 'dzin gsum bshad nas da ni dam tshig dang dbang bskur ba thob pa rnams kyis bzlas brjod dang bsgom par bya'o zhes bya ba 'di'i don bstan par bya ba'i phyir dkyil 'khor zhes bya ba
 la sogs pa la slob dpon gyi las kyi cho ga dang / slob ma 'jug pa la sogs pa'i las kyi cho ga gsungs pa yin no/ /dkyil 'khor chen po'i tshul gyis ni/ /dkyil 'khor thams cad thig gdab bo/ /zhes bya ba ni dpal rdo rje sems dpa'i dkyil
 'khor chen po'i dbyibs ltar 'di'i phyi'i dkyil 'khor thig gdab par bya'o/ /de'i nang du snga ma bzhin du ka ba brgyad kyi tshul gyi pad+ma 'dab ma brgyad pa la pad+ma'i phreng bas yongs su bskor ba bri ba ni rdo rje 'jig rten dbang phyug dang pad+ma rdo rje yid las byung ba dang / pad+ma kI li kI la
 dang / pad+ma dran pa dang / pad+ma bsnyems pa'i sngags thig skud la lan brgya rtsa brgyad bzlas shing / oM badzra sU tra sa ma ya sU traM ma ti kra ma hUM zhes bya ba rdo rje bsdams pa bzung la thig skud la brgya rtsa brgyad bzla bar bya'o/ /de nas des dkyil 'khor thig gdab bo/ /de bzhin du
 thams cad du yang bdag po lnga'i sngags bzlas pa de'i rjes la thig gdab pa'i sngags thig skud la lan brgya rtsa brgyad bzlas pa yin par shes par bya'o/ /rdo rje 'jig rten dbang phyug gzhag /pad+mas mtshan pa'i tshogs rnams bri/ /zhes bya ba ni de ltar dkyil 'khor
 thig btab nas de bzhin du yang bdag po lnga'i sngags bzlas la/ tshon rtsi dgye ba byas la bcom ldan 'das rdo rje 'jig rten dbang phyug dkyil 'khor dbus ma'i dbus su ji lta ba bzhin du gzhag cing bzhugs su gsol la pad+ma'i rdo rje yid las byung ba nas pad+ma 'bebs
 pa'i bar du rang rang gi gnas su ji lta ba bzhin du bri bar bya'o/ /oM hrIHbaM hoHzhes bya ba ni bcom ldan 'das kyi snying po'o/ /gzhan dag gi ni rdo rje sems dpa'i dkyil 'khor chen por bshad pa'i snying po rnams yin par shes par bya'o/ /de nas dkyil 'khor bris nas
 slob dpon rdo rje pad+ma'i phyag rgya dang / badzra badzra zhes bya ba rdo rje shugs zlos shing rdo rje sems dpa'i dkyil 'khor chen por 'jug pa'i glu yang len cing 'jug par bya'o/ /rdo rje bsdams pa las byung ba'i dang po'i rdo rje bcings la mdzub mo gnyis bsgreng la bkug ste pad+ma'i
 'dab ma gnyis kyi tshul gyis bkan te bzhag la snying ga'i phyogs su gzhag pa ni rdo rje pad+ma ste dkyil 'khor du 'jug pa'i phyag rgya'o/ /'dis zhugs pa la cho ga thams cad rjes su spyad de/ dkyil 'khor ji lta ba bzhin du bsgrub par bya'o/ /de nas bsdu ba byas la
 mtshan brgya rtsa brgyad kyis yang dag par bstod nas/ bcom ldan 'das 'khor dang bcas pa dkyil 'khor du spyan drang bar bya'o/ /mdzub mo'i lcags kyu gnyis kyis zhes bya ba 'jug pa'i phyag rgya'i mdzub mo gnyis kyis lcags kyu gnyis byas la spyan drang ba'i sngags
 zlos shing des dgug par bya'o/ /de nas zhes bya ba la sogs pa ni go bar zad do/ /cho ga rgyas pa thams cad de bzhin no zhes bya ba ni rdo rje sems dpa'i dkyil 'khor du cho ga thams cad ji ltar gsungs pa 'dir yang de bzhin du bya'o zhes bya ba'i tha tshig go/ /de
 ltar gzhung 'dis slob dpon gyi las kyi cho ga dang slob ma 'jug pa la sogs pa'i cho ga rgyas par gsungs pa yin no/ /yang 'di'i don brjod par bya ste bdag bsrung ba dang gnas bsrung ba byas nas rdo rje 'khor lo'i phyag rgyas bcom ldan 'das rdo rje 'jig rten dbang phyug gi
 gsung gi dkyil 'khor sprul te/ phyag 'tshal ba la sogs pa byas nas sdom pa gzung bar bya'o/ /de nas rdo rje thal mo dang rdo rje bsdams pa bcings la rdo rje bsdams pa snying gar dral bar bya'o/ /de nas rdo rje 'bebs pas bdag nyid la dbab par byas la rang gi snying gar
 phyag rgya dgrol bar byas nas rdo rje khu tshur gyis dam tshig gi phyag rgya bcings la snga ma bzhin du dang po'i rdo rje bcing bar bya'o/ /de nas rang gi snying gar phyag rgya thams cad dgrol bar byas la sdig pa rnams dral bar bya'o/ /de nas rang gi snying gar gnas pa'i rdo rje 'jig rten dbang
 phyug gi snying po oM d+hi baM ho zhes bya ba yid kyis bris la de nyid yid la zlos shing swa b+hA ba shud+d+ha s+sarba d+harmA zhes bya bas chos thams cad bdag med par bsgom par bya'o/ /de nas rang gi sems dbyangs kyi yi ge bcu drug snying po dang bcas pa las zla ba'i dkyil 'khor gyi gzugs su
 bsam par bya'o/ /de'i steng du yi ge ka la sogs pa gsal ba'i snying po dang bcas pa las zla ba'i dkyil 'khor gnyis pa bsam par bya'o/ /yang de nyid du snying po dang bcas pa las dang po'i rdo rje rtse lnga pa rdo rje pad+mar bsams la de'i dbus su snying po bsams
 te/ rdo rje pad+ma ni bdag go zhes bsgom zhing / pad+ma las pad+ma'i rigs sprul la des 'gro ba thams cad 'dul bar byas nas/ de yang pad+ma der yid kyis bcug la pad+ma de rdo rje sems dpar byin gyis brlab pa'i sbyor bas dpal rdo rje sems dpa'i cho ga rnam par bsams la snying po
 rdo rje 'jig rten dbang phyug gi bdag nyid rdo rje sems dpar bsams nas 'di skad ces brjod do/ /ma hA sa ma ya satwa haM/ de nas 'phags pa spyan ras gzigs dbang phyug gi dam tshig gi phyag rgya bcings la 'di skad brjod do/ /sa ma you0f85haM dam tshig gi phyag rgya de nyid kyis snying g
 a dang dpral ba dang lkog ma dang spyi bor byin gyis brlabs la sa ma satwa a d+hi tiSh+Tha swa maM zhes brjod do/ /de nas snying po zlos shing rdo rje 'jig rten dbang phyug gi phyag rgya chen po bcing bar bya'o/ /de nas nam mkha' dang mnyam pa'i sbyor bas rang gi snying ga'i zla bar yid kyis
 zhugs la rdo rje 'khor lo'i phyag rgyas bcom ldan 'das kyi dkyil 'khor de bzhin du bskyed la/ 'jug pa'i phyag rgyas me tog gi phreng ba blangs la 'jug pa'i cho gas 'jug par bya'o/ /de nas rang gi mgor me tog gi phreng ba dor la langs te ji lta ba bzhin du bcings nas/
 dngos grub kyi rdo rje brtul zhugs kyi bar gyi cho ga rnams rjes su spyad la dkyil 'khor de rang gi snying gar zla bar bcug ste/ rdo rje sems dpa'i dkyil 'khor chen po las bshad pa'i rnal 'byor chen po bsgrub pa'i tshul gyis rdo rje 'jig rten dbang phyug gi rnal 'byor chen po bsgrub par
 bya'o/ /de nas dang po'i rdo rjes rdo rje sems dpa' la sogs pa byin gyis brlabs nas dngos grub kyi rdo rje brtul zhugs kyi bar gyi cho ga rjes su spyad par bya'o/ /de nas de kho na nyid kyis rdo rje pad+ma gzung zhing chos kyi dril bu dkrol la dam tshig gi phyag rgya chen por byin gyis brlabs te
 snying po lan gsum bzla bar bya'o/ /de nas pad+ma'i mtshon cha ma la sogs pa'i phyag rgya'i mchod pa bcu gnyis kyis bdag nyid la yang dag par mchod nas phyag rgya chen po bcings te yid kyis nam mkha'i phyogs su gnas nas rang gi snying po brjod par bya'o/ /de nas de
 nyid du rdo rje 'khor lo'i phyag rgyas nam mkha' ltar mtha' yas pa'i rang gi dkyil 'khor bskyed la lha thams cad kyi gnas su hri las sna tshogs pad+ma'i gdan bskyed de/ ting nge 'dzin gsum nas brtsams te ji srid dkyil 'khor mngon sum du mthong bar gyur pa de srid kyi
 bar du nyin re zhing bsgom par bya'o/ /de nas sngar bshad pa bzhin du dkyil 'khor gyi sa'i dbus su 'dug la cho ga rnams de bzhin du rjes su spyad cing rdo rje 'khor los rang gi dkyil 'khor nam mkha' dang mnyam pa de bzhin du bskyed nas sna tshogs pad+ma'i gdan nam mkha' ltar
 mtha' yas pa bskyed par 'dug ste snga ma bzhin bdag nyid spro ba bskyed par bya'o/ /de nas de bzhin du sangs rgyas thams cad spyan drang bar byas nas ting nge 'dzin gsum po bsgom par bya'o/ /de nas bcom ldan 'das 'jig rten dbang phyug gi phyag rgya chen po bcings la de'i snying
 po brjod par bya'o/ /de nas de bzhin gshegs pa thams cad kyis de bzhin du bdag nyid la gsol ba btab par bsam par bya'o/ /de nas snga ma bzhin du cho ga thams cad rjes su spyad la rang gi dam tshig gi phyag rgya bcings te/ oM d+hi baM ho badzrod tiSh+Tha maN+Da laM ud tha pa ya
 zhes zlos shing / /dkyil 'khor bteg la nam mkha'i phyogs su bzhag ste/ bdag nyid de nyid [(]gyi [,]kyi [)]rang gi dam tshig gi phyag rgyas byin gyis brlabs la yang phyag rgya chen po bcings te/ phyag rgyal gnas de bzhin langs/ /kun du rnam par bltas nas ni/ /snying po yang
 dag zlos byed cing / /bsgyings pa'i tshul gyis yongs su bskor/ /de nas rdo rje sems dpa'i dkyil 'khor chen por sngar bshad [(]ba'i [,]pa'i [)]rang gi cho ga rnams rjes su spyad la/ dkyil 'khor thig gdab ste bris nas/ 'jig rten dbang phyug 'khor dang bcas pa sngar bshad pa'i snying
 pos gnas ji lta ba bzhin du dgod par bya'o/ /de nas sgo phye la pad+ma'i khu tshur gyis pad+ma'i lcug ma la bum pa dang bum pa gang ba la de bzhin du bzlas te lha rnams la dbul bar bya'o/ /de nas mchod pa rnam pa lnga dang mchod pa thams cad kyis
 kyang bcom ldan 'das 'khor dang bcas pa la yang dag par mchod la/ rdo rje gnod sbyin la sogs pa bzlas pa'i gos dmar pos smad g.yogs dang stod g.yogs dang gdong g.yogs byas la/ phyag bya ba la sogs pa'i cho ga rjes su spyad nas sdom pa blangs la/
 byang chub kyi sems bskyed nas g.yas pa'i pad+ma'i khu tshur gyis rdo rje pad+ma bzung la rang gi snying ga'i phyogs su 'dzin cing rang gi snying ga'i zla bar rdo rje pad+ma'i snying po 'dis bsam par bya'o/ /su ra ta sa ma ya s+t+waM ho badzra sid+d+ha ya thA su khaM/ de nas shar phyogs kyi sgo nas bltas te
 phyi rol na gnas pa'i bum pa'i chus bdag nyid dbang bskur la 'jug pa'i phyag rgyas bcings te de nyid kyis me tog gi phreng ba blangs la badzra badzra zhes zlos shing rdo rje sems dpa'i dkyil 'khor chen por bshad pa'i glu zlos shing rang gi cho gas snga ma bzhin du 'jug par bya'o/ /
 de nas rang gi cho ga rjes su spyad la pad+ma'i khu tshur gyis rnam par rgyal ba'i bum pa las chu blangs la de nas des bdag nyid ji lta ba bzhin du dbang bskur la/ 'od dpag tu med pa'i dbang bskur ba dang / pad+ma'i dbang bskur ba yang blangs la 'od dpag tu med pa dang / pad+ma'i
 phreng ba dag dang ldan pa'i cod pan gyis dbang bskur nas rdo rje pad+ma dang / bdag po dang ming gi dbang bskur bas dbang bskur te de bzhin du dngos grub kyi rdo rje brtul zhugs blang bar bya'o/ /de nas de bzhin du de kho na nyid kyi rdo rje pad+ma bzung la chos kyi dril bu dkrol
 la dam tshig gi phyag rgya chen por byin gyis brlabs nas snying po bzla bar bya'o/ /de nas mchod pa rnam pa lnga dang / pad+ma'i mtshon cha ma la sogs pa phyag rgya'i mchod pa bcu gnyis kyis gang bdag nyid la mchod nas bcom ldan 'das las tshigs su bcad pa lngas
 rjes su gnang ba dang / gzengs bstod pa dang / lung bstan pa dang / rang gi sngags gzung ba dang / phyag rgya bzhi'i ye shes nye bar bstan pa dag bcom ldan 'das la phyag 'tshal te blangs nas yang de bzhin du bdag la byin gyis brlab pa la sogs pa byas te rang gi ming nas
 brjod la rdo rjes bsgrub par bya'o/ /de nas pad+ma'i slob dpon gyis/ sems dpa'i rdo rje lcags kyu bcings/ /sel gol mang po gdab byas nas/ /sangs rgyas thams cad bsdu bar bya/ /de nas mtshan brgya rtsa brgyad pas bstod par byas la lngar bshad pa'i lcags kyus
 bcom ldan 'das 'khor dang bcas pa dkyil 'khor du bcug la/ rdo rje gnod sbyin dang / khu tshur dang bsrung bas las rnams de bzhin du byas nas bcom ldan 'das 'khor dang bcas pa la rang gi sngags kyis mchod yon phul la/ dam tshig gi phyag rgya rnams kyis bcom ldan
 'das 'khor dang bcas pa la bsgrub par bya'o/ /de nas chos dang las dang / phyag rgya chen pos rgyas btab la dbang bskur nas yang mchod yon phul la mchod pa rnam pa lnga dang pad+ma'i mtshon cha ma la sogs pa phyag rgya'i mchod pa rnams kyis yang dag par mchod la phyi rol tu
 gtor ma byin la sbyin sreg bya'o/ /de nas yang bcom ldan 'das la mchod nas rnam par sgeg pa'i dga' ba'i rdo rje dang / phyag bzhis kyang phyag byas/ ji srid dngos grub kyi mtshan ma thob par gyur pa de srid kyi bar du dkyil 'khor bsgom par bya'o/ /de nas phyag byas la 'di skad
 du/ srid pa'i sbyor ba rnam dag phyir/ /zhes bya ba la sogs pa brjod do/ /de ltar bka' nos nas slob ma gzhug par bya'o/ /slob dpon gyi las kyi cho ga rdzogs so// //de nas bslab pa'i gzhi lnga yongs su gzung ba'am dge sbyong ngam dge slong gi bslab pa yongs su
 ma gzung ba sdom pa don du gnyer ba dag sdom pa 'dzin du gzhug go/ /de nas de'i snying gar pad+ma'i khu tshur gyis rdo rje pad+ma bzhag la de bzhin du rdo rje pad+ma bskyed par bya'o/ /de nas slob ma rdo rje 'jig rten dbang phyug tu byin gyis brlabs la dri dang me tog la sogs pas mchod de yon gyi
 mchog blangs nas/ shar gyi phyogs kyi sgor kha bltas te phyi rol na gnas pa'i bum pa'i chus dbang bskur la rang gi 'jug pa'i cho gas gzhug par bya'o/ /de nas de'i rna bar 'dod chags dang bral ba zhes bya ba nas ma byed cig ces bya ba'i bar du brjod
 par bya'o/ /de nas cho ga lhag ma rnams ni de bzhin gshegs pa'i dkyil 'khor du bshad pa las shes par bya'o/ /slob ma 'jug pa la sogs pa'i cho ga rdzogs so// //de ltar slob dpon gyi las kyi cho ga dang / slob ma 'jug pa la sogs pa'i cho ga bshad nas da ni dam
 tshig dang dbang bskur ba thob pa rnams la da slob dpon gyi dngos grub kyi ye shes thob par bya'o zhes bya ba'i don bstan pa'i phyir bsgrub pa zhes bya ba la sogs pa yin te/ de sgrub pa ni sgrub pa'i thabs so/ /dngos grub thams cad ces bya ba ni dpal rdo rje sems dpa'i dkyil 'khor
 las bshad pa'i dngos grub ji skad bshad pa de thams cad bstan pa'o/ /'di skad ston te bdag bsrung ba dang gnas bsrung ba byas la/ bcom ldan 'das kyi sku gzugs lugs ma'am brkos ma la sogs pa mdun du gzhag ste/ gsum la skyabs su 'gro ba dang / byang
 chub kyi sems blangs la rdo rje thal mo dang rdo rje bsdams pa bcing bar bya'o/ /de nas rdo rje bsdams pa snying gar dgrol lo/ /de nas rdo rje dbab pa bskyed la rdo rje 'bebs pa'i phyag rgya de bzhin du bkrol te/ rdo rje khu tshur gyi dam tshig gi phyag rgya bcing bar bya'o/ /de nas dang
 po'i rdo rje bcings la rang gi snying gar gnas pa'i rdo rje pad+ma la bzlas par bya ba'i sngags bsams te/ chos thams cad bdag med pa la sogs pa bsgoms la dam tshig sems dpar byin gyis brlabs pa'i bar gyi cho ga rdzogs par byas nas phyag rgya chen po bcings nas ye shes
 sems dpa' rang gi lus la bcug la dam tshig gi phyag rgya sgrub ste/ chos dang las dang phyag rgya chen pos rgyas btab pa nas de bzhin gshegs pa thams cad rang gi lus la bcug ste/ dam tshig gi phyag rgya bsgrub par bya'o/ /de nas de rnams chos dang las dang phyag
 rgya chen pos rgyas btab nas dang po'i rdo rjes de bzhin du bdag nyid byin gyis brlabs la/ de bzhin gshegs pa'i sku'i mchog bcings te 'od dpag tu med pas dbang bskur la/ pad+ma'i phreng ba'i rim pas pad+ma'i phreng ba'i dbang bskur ba yang blangs la/ rdo rje pad+ma'i bdag
 po dang / ming gi dbang bskur ba yang blangs te dngos grub kyi rdo rje brtul zhugs bzung nas pad+ma'i mtshon cha ma la sogs pa'i gsang ba'i mchod pa bzhis bdag nyid mchod la/ rnam par sgeg pa'i dga' ba rdo rje dang phyag rgya bzhis phyag byas nas rdo rje pad+ma de kho na nyid kyis bzung la/
 chos kyi pad+ma'i dril bu dkrol te de nas dam tshig gi phyag rgya chen por byin gyis brlabs nas/ rang gi snying po lan gsum bzlas nas/ rang gi snying gar gnas pa'i rdo rje pad+ma la bzlas par bya ba'i sngags yid kyis bris te/ rdo rje ting nge 'dzin gyi tshig gis zlos shing bzlas
 pa'i don gyis bdag nyid rdo rje 'jig rten dbang phyug tu bsgom par bya ste zla ba gcig gam/ zla ba drug gam/ lo gcig gam dus ji srid kyi bdag nyid rang gi lha'i skur mngon sum du mthong bar gyur pa de srid kyi bar du nyin re zhing bsgom par bya'o/ /de nas zla ba phyed tsam
 bsgoms nas rdo rje 'jig rten dbang phyug tu 'gyur ro/ /de bzhin du dngos grub gzhan dag bsgrub pa la yang snga ma'i rjes su 'brangs nas shes par bya'o/ /de nas ma bsgrubs pa ni zhes bya ba la sogs pa snga ma bzhin no/ /sgrib pa thams cad rnam par sbyang ba la ni pad+ma chen pos so zhes
 bya ba la ni/ de bzhin du rdo rje 'jig rten dbang phyug gi sbyor ba byas la/ thal mo khong stong bcings te mthe bo gnyis dang mthe chung gnyis phye la pad+ma 'dab ma bzhi pa'i tshul du snying gar gzhag pa 'dis ni pad+ma chen po'o/ /'di bcings nas swa b+hA ba shud+d+ha s+sarba d+harma zhes bya ba'i snying po
 'di zlos shing bsgoms na de lta bus ni sgrib pa thams cad rnam par sbyong bar 'gyur ro/ /thams cad bsrung ba la ni pad+ma'i gtsug tor gyis so zhes bya ba ni de bzhin du rdo rje 'jig rten dbang phyug gi sbyor ba byas la pad+ma chen po'i phyag rgyas bcings te spyi bor bzhag la yid kyis grub
 par bya ba dang lhan cig tu byas la/ bsgrub par bya ba skyes bu chen po'i mtshan spyi gtsug ltar mi mngon pa dang ldan pa'i rdo rje 'jig rten dbang phyug tu bsgom par bya ste/ de lta bus ni thams cad bsrung bar 'gyur ro/ /thams cad rjes su chags par byas
 pa la ni pad+ma la bltas pas so zhes bya ba ni de bzhin du rdo rje 'jig rten dbang phyug gi sbyor ba byas la rang gi snying ga'i phyogs su pad+ma chen po bcings te/ de nyid la rdo rje'i lta bas blta zhing pad+ma'i 'dab ma kha bye ba la sogs pas rang nyid 'jig rten dbang phyug sku mdog dmar
 po/ /pad+ma dmar po'i 'od zer gyi tshogs kyis bsgrub par bya ba kun du bskang zhing kha dog dmar por byas la rjes su chags par bsam par bya ste/ de lta bus ni thams cad rjes su chags par 'gyur ro/ /thams cad dag pa'i ting nge 'dzin thob pa la ni pad+ma kha 'byed pas so zhes bya ba ni
 de bzhin du rdo rje 'jig rten dbang phyug gi sbyor ba byas la pad+ma chen po bcings te/ de'i sor mo thams cad kyis pad+ma kha phye ba byas la chos thams cad rang bzhin gyis rnam par dag pa'o zhes sgom zhing / bdag nyid pad+ma kha 'byed pa'i tshul gyis gnas shing 'jig rten dbang phyug tu
 bsam par bya ste/ de lta bus ni thams cad dag pa'i ting nge 'dzin thob par 'gyur ro/ /bud med thams cad dbang du bya ba la ni pad+ma chen po'i 'dod chags kyis so zhes bya ba ni de bzhin du rdo rje 'jig rten dbang phyug gi sbyor ba byas la/ rang gi snying ga'i phyogs su pad+ma chen po
 b cings te mdzub mo gnyis gung mo gnyis kyi rgyab tu sbyar la gung mo dang mthe bong gnyis gzhibs la mig 'bras kyi tshul du byas pa 'di ni rdo rje spyan pad+ma'i 'dod chags zhes bya ba yin te 'di bcings la pad+ma rdo rje yid las byung ba kha dog dmar por bdag nyid bsgom zhing pad+ma dmar po'i 'od
 kyi tshogs kyis bsgrub par bya ba'i gnod sbyin ma la sogs pa'i gzugs kun du gang bar bya zhing kha dog dmar por byas nas 'od kyi tshogs de yang drangs la rang gi rkang pa'i drung du bzhag nas/ lung nod pa la 'bad pas rab tu gdug cing bdag nyid dang nor gyis phyogs par byed cing
 dbang du gyur par bsam par bya ste/ de lta bus ni bud med thams cad dbang du 'gyur ro/ /skyes pa thams cad dbang du bya ba la ni pad+ma'i dbang gis so zhes bya ba ni de bzhin du 'jig rten dbang phyug gi sbyor ba byas la pad+ma chen po bcings te mthe bo dang mdzub mos legs so zhes bya ba
 sbyin par bya'o/ /bdag nyid kyang pad+ma legs pa'i sku kha dog dmar po bsams la bsgrub par bya ba pad+ma dmar po'i 'od kyis bkang ste bkug nas rang gi rkang mthil la 'dud par byas te/ de lta bus ni skyes pa thams cad dbang du 'gyur ro/ /rmi lam gdab pa la ni pad+ma chen po dmar
 pos so zhes bya ba ni de bzhin du rdo rje 'jig rten dbang phyug gi sbyor ba byas la bcom ldan 'das spyan drangs te/ mchod pa thams cad kyis ji lta ba bzhin du yang dag par mchod la mtshan phyed kyi dus su pad+ma chen po bcings la/ dpral ba'i phyogs su bzhag la 'di skad du bcom
 ldan 'das rdo rje 'jig rten dbang phyug bden pa gang gis chos thams cad rmi lam lta bu yin pa'i bden pa des mngon par 'dod pa'i don de rmi lam du mthong zhing ston par mdzod cig ces brjod la/ de nas ji srid yid skyo bar ma gyur pa de srid kyi bar du snying po bzla bar bya'o/ /de nas rdo rje 'jig
 rten dbang phyug de nyid la gsol ba 'debs shing g.yas [(]lags [,]logs [)]phab ste nyal ba na thams cad ston par mdzad do/ /bcom ldan 'das las mchog thob par bya ba la ni rdo rje gsang ba'i pad+ma rmongs pa med pas so zhes bya ba ni de bzhin du rdo rje 'jig rten dbang phyug gi sbyor ba byas
 la bcom ldan 'das mdun du spyan drangs te/ cho ga thams cad ji lta ba bzhin du rjes su spyad la pad+ma chen po bcings te/ g.yon pa'i mthe bong dang mdzub mo skye gnas su byas par g.yas pa'i mthe bo'i mtshan ma bcug la mchog gsol ba 'debs pa'i bsams pas
 snying po bzla bar bya ste/ de lta bus ni mchog thams cad thob par 'gyur ro/ /dpal mchog dang po'i rgya cher bshad pa shes rab kyi pha rol du phyin pa 'byung ba zhes bya ba las dum bu gnyis pa rtsa ba'i rgyud las/ bcom ldan 'das rdo rje 'jig rten dbang phyug gi rtog
 pa'i rgyal po rdzogs so/ / //de ltar log par lta ba spangs pa'i phyir pad+ma'i rigs bstan nas/ da ni ser sna spang ba'i phyir rin po che'i rigs gsungs pa ni/ de nas zhes bya ba la sogs pa gsungs pa yin te/ de nas zhes bya ba'i sgra ni snga ma bzhin te
 dang po sbyor ba'i rjes thogs nyid la zhes bya ba'i tha tshig go/ /'dir dang po'i sbyor ba ni dpal rdo rje sems dpa'i dkyil 'khor chen por bshad pa yin no/ /bcom ldan 'das zhes bya ba ni rnam par snang mdzad do/ /'jig rten gsum po ma lus pa'i bdag po zhes bya ba ni phyogs
 bcu na gnas pa'i khams gsum pa thams cad khams gsum pa ma lus pa'o/ /de'i bdag por gyur pa ni khams gsum pa thams cad na spyod pa'i nyon mongs pa bag chags dang bcas pa spangs pas chos kyi rgyal srid thob pa'i phyir ro/ /khams gsum ma lus pa der rang
 dbang thob pas na dbang phyug go/ /de bzhin gshegs pa zhes bya ba ni bshad zin te/ bsam pa thams cad rdzogs pa'i rdo rje rin chen zhes bya ba la sogs pa rin po che'i rigs rnams thob par sred pa ni bsam pa thams cad do/ /des 'dul ba'i sems can gyi khams la rin po che'i
 rigs drug pa de la kun nas yongs su bskyed cing rdzogs par mdzad pa ni yongs su rdzogs pa'o/ /de'i don gyi rdo rje rin po che'i rtse mo rdo rje rtse lnga pas mtshan pa yid bzhin gyi nor bu rin po che'o/ /de las byung ba ni rin po che'i rigs kyi tshul gyis dbang bskur ba'i phyag rgya ni/ rdo rje rin
 chen gyi dbang bskur ba'i phyag rgya'o/ /gang yang ming de skad ces btags shing de la dmigs pa'i ting nge 'dzin de ni bsam pa thams cad yongs su rdzogs pa'o/ /rdo rje rin po che dbang bskur ba'i phyag rgya zhes bya ba'i ting nge 'dzin te snyoms par zhugs shing mngon du mdzad do/ /nor
 bu'i rigs kyi rnam par thugs rtse gcig tu mdzad ces bya ba'i tha tshig go/ /rang gi rdo rje sems dpa'i la sogs pa ni bshad zin to/ /'gro ba zhes bya ba la sogs pa la 'gro ba ni sems can gyi khams rnams so/ /de'i 'byor pa ni rnam par 'byor zhing phun sum tshogs pa
 ste nor bu'i rigs grub ces bya ba'i tha tshig go/ /de lta bu'i don du nor bu rin po che'i rigs kyi mchog bskyed par mdzod cig pa ni nyid kyi phyag na gnas pa'i rdo rje rin po che las dbyung bar gsol zhes pa'o/ /de nas bcom ldan 'das zhes bya ba ni bcom ldan 'das kyis gsol ba'i
 rjes thogs nyid la/ bcom ldan 'das rdo rje 'chang chen pos rig pa gsungs so zhes bya bar sbyar ro/ /ci zhig mdzad nas she na/ de bzhin gshegs pa thams cad kyis zhes bya ba la sogs pa smos te/ de bzhin gshegs pa thams cad kyis dbang bskur ba ni nor bu'i rigs
 te de nyid ni dam tshig go/ /de rab tu gzhag pa ni khams gsum pa'i sems can thams cad kyi bsam pa thams cad yongs su rdzogs par bya ba'i phyir phyi ma'i mthar thug pa med par bzhag pa'o/ /de'i don du rdo rje ltar mi phyed pa gang yin pa de la ming de skad ces bya ba'i rnam par
 gnon pas nor bu'i rigs yang dag par ston pas don thams cad de/ de ni de bzhin gshegs pa thams cad kyi dbang bskur ba la rab tu gzhag pa rdo rje zhes bya ba'i rnam par gnon pa mdzad nas rdo rje rin po che'i nor bu'i rigs kyi rgyal mtshan te/ mtshan ma gang yin pa'i
 rig pa la ming de skad ces bya ste rdo rje rin po che'i rgyal mtshan zhes bya ba'i rig pa de gsungs pa ni bka' stsal pa ste/ oM li Ti ba be TaT traM zhes bya ba'o/ /bcom ldan 'das rdo rje'i dbang bskur ba'i bde ba chen po rdo rje las byung ba ni/ bcom ldan 'das rdo rje 'chang chen po'i
 mdzod spu'i phyogs nas ji skad du bshad pa'i mtshan nyid dang ldan pa'i nor bu rin po che ste/ yid bzhin gyi nor bu rin po che byung nas bcom ldan 'das rdo rje 'chang chen po'i phyag g.yon par rab tu gnas so/ /de nas zhes bya ba la sogs pa bcom ldan 'das kyi phyag g.yon par
 gnas pa'i rdo rje rin po che de las so/ /nyon mongs pa'i dri ma thams cad dang bral bas na dag pa'o/ /kha dog ji lta bu zhe na margad rnyog pa med pa'i mdog can no zhes bya ba gsungs te/ rnyog pa ni dri ma dang bcas pa'o/ /rnyog pa dang bral ba ni rnyog pa med pa'o/ /margad ni
 rin po che'o/ /de dang mdog 'dra ba gang yin pa de ni margad rnyog pa med pa'i mdog can te/ pri yang ku ltar mdog ljang ser zhes bya ba'i tha tshig go/ /rdo rje rin po che'i rang gi 'od zer gyis dbang bskur ba zhes bya ba ni rin po che'i rang gi 'od gang yin pa des
 dbang bskur ba'i cod pan gang la mnga' ba de ni rdo rje rin po che'i rang gi 'od zer gyis dbang bskur ba ste rdo rje rin po che'i 'od zer las grub pa'i rdo rje rin po che'i cod pan gyis dbang bskur ba yin no zhes ston to/ /des mtshon cha ci zhig bsnams she na/ nor bu rin po che'i mda' la sogs
 pa'i mtshan ma yongs su bsnams pa zhes bya ba smos te/ rdo rje yid las byung ba de dag nyid rang gi mtshan ma nor bus mtshan pa thogs te byung ngo zhes bya ba'i tha tshig go/ /byung nas gang du bzhugs she na/ bcom ldan 'das kyi dkyil 'khor chen po'i tshul gyis bzhugs so zhes bya ba
 smos te bcom ldan 'das rdo rje sems dpa'i dkyil 'khor chen po'i dbyibs kyis bcom ldan 'das 'phags pa nam mkha'i snying po la yongs su bskor te bzhugs so/ /de ltar de nas zhes bya ba nas brtsams te dkyil 'khor chen por bzhugs so zhes bya ba'i bar gyis bshad pas
 ting nge 'dzin gnyis pa bshad pa yin no/ /de nas bsdu bar bya'o/ /de nas de bzhin du cho ga thams cad rjes su spyad la/ rin po che lcags kyu la sogs pas bcom ldan 'das 'khor dang bcas pa dgug pa dang / gzhug pa dang bcing ba dang / dbang du byas la dam tshig
 gi phyag rgyas bsgrub par bya'o/ /de nas chos dang las dang phyag rgya chen pos rgyas btab nas rdo rje rin chen gyi dbang bskur ba'i phyag rgyas dbang bskur ba nas las la sbyor ba ni las kyi rgyal po mchog ces bya ba la ting nge 'dzin gsum pa yin no/ /de nas las rnam bshad par bya
 ste bcom ldan 'das 'phags pa nam mkha'i snying po'i phyag rgya chen po bcings la bcom ldan 'das nam mkha'i snying po sems can gyi khams thams cad rang gi dbang bskur bas dbang bskur bar mdzod cig ces brjod par bya'o/ /de bzhin du nor bu rin po che 'bebs
 pa'i phyag rgya chen po bcings la/ bcom ldan 'das rin po che yid las byung bas sems can gyi khams thams cad rin po che 'dod chags kyi mda' rnam par dag pa'i gnas la rab tu 'jog par mdzod cig ces brjod par bya'o/ /de bzhin du nor bu rin po che 'bebs pa'i phyag rgya
 chen po bcings la/ bcom ldan 'das nor bu rin po che 'bebs pas sems can gyi khams thams cad rang bzhin gyis 'od gsal ba'i nor bu rin po che 'bebs pa'i ye shes [(]gyi [,]kyi [)]dbang du mdzod cig ces bya ba'i bar du brjod par bya'o/ /de ltar ting nge 'dzin gsum bshad
 nas/ da ni dam tshig dang dbang bskur ba thob pa rnams kyi bzlas pa dang bsgom pa bya'o zhes bya ba 'di ni bya ba bstan pa'i phyir/ de nas dkyil 'khor chen po zhes bya ba la sogs pa'i slob dpon gyi cho ga dang / slob ma 'jug pa la sogs pa'i cho ga rgyas par gsungs
 pa yin no/ /de nas zhes bya ba'i sgra ni snga ma bzhin no/ /dkyil 'khor chen po zhes bya ba ni 'byung ste zhes bya bar don gyis sbyar ro/ /dkyil 'khor chen po'i tshul gyis ni/ /zhes bya ba ni rdo rje sems dpa'i dkyil 'khor chen po'i dbyibs kyis so/ /dkyil
 'khor thams cad thig gdab bo/ /zhes bya ba ni phyi'i dkyil 'khor thig gdab bo zhes bya ba'i tha tshig go/ /nang gi dkyil 'khor ni dum bu dang po las bshad pa'i nor bu'i rigs kyi dkyil 'khor ltar shes par bya ste/ gang gi phyir 'og nas rigs thams cad 'khor lo'i
 khyad par de ltar bshad pa'i phyir ro/ /rdo rje 'khor lor gang bstan pa de ni 'khor lo dam pa'o/ /de bzhin du 'bar ba'i 'khor lo dam pa ni pad+ma 'dab ma brgyad pa'i nor bu chen por bya'o/ /rdo rje rin chen bdag po gzhag /nor bu'i rig ni chen po bri/ /zhes bya ba ni
 dkyil 'khor dbus ma'i dbus su bcom ldan 'das 'phags pa nam mkha'i snying po bris la rdo rje yid las byung ba'i gnas su rin po che yid las byung ba la sogs pa bri'o/ /rdo rje rin chen gyi phyag rgyas bzhugs te zhes bya ba ni rdo rje thal mo brkyang la mdzub mo dang mthe
 bo'i rtse mo sbyar te/ dpral ba'i mdzod spu'i gnas su gzhag pa 'di ni thams cad dbang bskur ba'i phyag rgya ste/ rdo rje rin chen gyi phyag rgya'o/ /'dis me tog gi phreng ba blangs la/ badzra badzra zhes bya ba dang / rdo rje sems dpa'i dkyil 'khor chen por
 gsungs pa'i 'jug pa'i glu zlos shing dkyil 'khor du ji lta ba bzhin du 'jug par bya'o/ /mdzub mo gnyis po de nyid lcags kyur byas la dgug pa bya zhing zhugs nas cho ga thams cad rdzogs par byas la 'jug pa'i phyag rgya las mdzub mo gnyis lcags kyu gnyis
 su byas te de dang spyan 'dren pa'i sngags kyis dkyil 'khor gyi lha thams cad bkug nas dkyil 'khor du gzhug par bya'o/ /de nas zhes bya ba ni go sla'o/ /cho ga rgyas pa thams cad de bzhin no zhes bya ba ni dpal rdo rje sems dpa'i dkyil 'khor du gsungs pa'i bsgrub
 par bya ba dang sgrub pa'i rgyun rnams gzung ngo zhes bya ba'i tha tshig go/ /'di skad ston te bdag bsrung ba dang / gnas bsrung ba byas la bcom ldan 'das rdo rje 'jig rten dbang phyug gi cho ga bshad pa'i tshul gyis sdig pa dral ba'i mthar thug pa'i cho ga rnams rjes su spyad
 nas rang gi snying gar gnas pa'i rdo rje rin po che la oM li Ti ba be+e traT traM zhes bya ba yid kyis bris la rig pa 'di nyid yid la zlos shing chos thams cad nam mkha' dang mnyam par bsgom par bya'o/ /de nas rig pa de nyid dbyangs kyi yi ge bcu drug dang bcas pas rang gi
 sems zla ba'i dkyil 'khor du bsams la/ de'i steng du rig pa de nyid dang / ka la sogs pa nas k+Sha'i mthar thug gi bar du skar ma lta bu'i gzugs can 'dra ba las zla ba'i dkyil 'khor gnyis pa'o/ /yang zla ba'i dkyil 'khor gnyis pa rig pa de dang bcas pa las
 dang po'i rdo rje bsam par bya'o/ /de nas rig pa zlos shing rdo rje de rdo rje rin po cher bsams la rin po che'i dbus su rig pa'i yi ge rnam par bsams nas de nyid yid la zlos shing sangs rgyas thams cad kyi dbang bskur ba dang / bcom ldan 'das rdo rje las kyi mchod pa'i
 dam tshig gi dngos grub bsgrub par bsgom zhing de thams cad las nor bu'i rigs yid kyis spros te/ des sems can gyi khams thams cad kyi bsam pa thams cad yongs su rdzogs par byas nas de rnams der bcug la/ rin po che'i nga rgyal bsgom par bya'o/ /de nas rin
 po che de sems dpar byin gyis brlab pa'i sbyor bas bdag nyid rdo rje sems dpar bskyed la/ yang rig pa zlos shing rdo rje sems dpa'i de 'phags pa nam mkha'i snying por bdag nyid bsam par bya'o/ /de nas ma hA sa ma ya sa twa haM zhes nga rgyal bskyed la/ rang gi dam tshig gi
 phyag rgyas bcings te/ sa ma yo u0f85haM zhes bya bas dam tshig ni bdag yin no zhes bsgom par bya'o/ /de nas dam tshig gi phyag rgya de nyid kyis rang gi snying ga dang dpral ba dang lkog ma dang spyi bor byin gyis brlab par bya zhing sa ma ya satwa a d+hi tiSh+Tha swa maM zhes bya bas dam tshig s
 ems dpar byin gyis brlab par bya'o/ /de nas sems dpa'i skyil mo krung du 'dug la g.yon pa'i rin po che'i khu tshur gyis rdo rje rin po che bzung la snyems tshul du byas te lag pa g.yas la nor bus mtshan pa'i dang po'i rdo rje rang gi snying gar bstod pa'i tshul gyis 'jog cing rig
 pa bzla bar bya ste 'di ni bcom ldan 'das kyi phyag rgya chen po'o/ /de nas nam mkha' dang mnyam pa'i sbyor bas rang gi snying ga'i zla bar yid kyis zhugs la rdo rje 'khor los 'phags pa nam mkha'i snying po'i dkyil 'khor bskyed la 'jug pa'i phyag rgya bcings te/ des me
 tog gi phreng ba blangs la dkyil 'khor du 'jug par bya'o/ /zhugs nas me tog gi phreng ba de rang gi mgo la dor bar bya'o/ /de nas de rang gi mgo la ji lta ba bzhin du bcings te dngos grub kyi rdo rje brtul zhugs kyi bar gyi cho ga rdzogs par byas nas/ dkyil 'khor de
 rang gi snying ga'i zla bar zhugs par bsams la sngar bshad pa'i tshul gyis rnal 'byor chen po byas nas cho ga thams cad rjes su spyad la phyag rgya chen po bcings te/ yid kyis nam mkha'i phyogs su 'dug ste yang rdo rje 'khor los nam mkha'i phyogs su rang gi
 lha'i dkyil 'khor bskyed la/ lha thams cad kyi gnas su hri las sna tshogs pad+ma'i gdan skyed par bya'o/ /de nas dkyil 'khor gyi sa'i dbus su de bzhin du 'dug la bdag nyid la spro ba bskyed par bya'o/ /de nas de bzhin du sangs rgyas thams cad
 spyan drangs par byas nas ting nge 'dzin gsum bsgom par bya'o/ /de nas bcom ldan 'das nam mkha'i snying po'i phyag rgya chen po bcings la rang gi rig pa brjod par bya'o/ /de nas de bzhin du de bzhin gshegs pa thams cad kyis bdag nyid la gsol ba btab par bsam
 par bya'o/ /de nas cho ga thams cad snga ma bzhin du rjes su spyad la bcom ldan 'das kyis rang gi dam tshig gi phyag rgya bcings te rang gi rig pa zlos shing badzrod tiSh+Tha maN+Da laM ud tha pa yA zhes bya bas dkyil 'khor de nam mkhar gzhag ste dam tshig gi phyag rgya de nyid kyis bdag nyid
 la lan cig byin gyis brlabs la yang phyag rgya chen po bcings te/ phyag rgya la gnas de bzhin langs/ /kun du rnam par bltas nas ni/ /rang gi rig pa yongs zlos shing / /bsgyings pa'i tshul gyis yongs su bskor/ /de nas rdo rje sems dpa'i dkyil 'khor chen
 po las bshad pa'i cho gas snga ma bzhin du cho ga thams cad rjes su spyad la dkyil 'khor thig gdab bo/ /yang dag par bris la sngar bshad pa'i mtshan nyid dang ldan pa'i bcom ldan 'das nam mkha'i snying po 'khor dang bcas pa gnas ji lta ba bzhin du dgod par bya'o/ /
 bcom ldan 'das kyi dgod pa'i rig pa ni rang gi rig pa nyid yin no/ /rin po che yid las byung ba la sogs pa ni rdo rje sems dpa'i dkyil 'khor chen po las bshad pa'i snying po rnams yin no/ /de ltar dkyil 'khor yang dag par bris la/ sgo phye la g.yas pa'i
 rin po che'i khu tshur gyis gzung ba'i rin po che'i me tog gi lcug ma la bum pa dang / bum pa gang ba las yongs su bzlas la lha thams cad la dbul bar bya'o/ /de nas mchod pa rnam pa lnga dang mchod pa thams cad kyis kyang bcom ldan 'das 'khor dang bcas pa
 la yang dag par mchod la rdo rje gnod sbyin la sogs pa yongs su bzlas pa'i ras ser pos stod g.yogs dang smad g.yogs dang gdong g.yogs byas la/ phyag bya ba la sogs pa'i cho ga rjes su spyad de sdom pa gzung ba nas byang chub kyi sems bskyed de g.yas
 pa'i rin po che khu tshur gyis rdo rje rin po che bzung la rang gi snying gar 'jog cing snying po 'dis rang gi snying gar rdo rje rin po che bsam par bya'o/ /su ra ta sa ma ya s+t+waM ho badzra sid+d+hi ya thA su khaM/ de nas shar sgor bltas nas phyi rol na gnas pa'i bum pa'i chus g.yas
 pa'i rin po che'i khu tshur gyis blangs la bdag nyid la dbang bskur bar bya'o/ /de nas 'jug pa'i phyag rgya bcings pa de nyid kyis me tog gi phreng ba blangs la badzra badzra zhes zlos shing rdo rje sems dpa'i dkyil 'khor chen por bshad pa'i 'jug pa'i glu yang 'don zhing dkyil
 'khor du ji lta ba bzhin du 'jug par bya'o/ /de nas rang gi cho ga rjes su spyad de g.yas pa'i rin po che khu tshur gyis rnam par rgyal ba'i bum pa las chu blangs nas de bzhin du ji lta ba bzhin du dbang bskur zhing rdo rje rin po che'i phyag rgya dang rin po che'i cod pan gyis kyang bdag nyid
 dbang bskur la/ rdo rje rin po che dang bdag po dang ming gi dbang bskur bas kyang dbang bskur la dngos grub kyi rdo rje brtul zhugs blangs te dum bu dang po las bshad pa'i tshul gyis ji lta ba de kho na nyid kyis rdo rje rin po che bzung zhing chos kyi dril bu dkrol la/ de bzhin du dam tshig gi
 phyag rgya chen por byin gyis brlabs la snying po bzla bar bya'o/ /de nas mchod pa rnam pa lnga dang rin po che'i mtshon cha ma la sogs pa phyag rgya'i mchod pa bcu gnyis kyis yang dag par mchod la/ bcom ldan 'das las tshigs su bcad pa lngas rjes su gnang ba dang / gzengs
 bstod pa dang / lung bstan pa dang / rig pa dang / phyag rgya bzhi nye bar bstan pa bcom ldan 'das la phyag byas nas bcom ldan 'das las gnang ba mnos la/ yang de bzhin du bdag la byin gyis brlab pa byas la/ rang gi ming nas kyang brjod nas/ dkyil 'khor
 de bzhin du rdo rjes bsgrub par bya'o/ /de nas rin chen slob dpon gyis/ /sems dpa'i lcags kyu bcings nas ni/ /[(]so [,]se [)]gol mang po brdab bgyis la/ /sangs rgyas thams cad bsdu bar bya/ /de nas mtshan brgya rtsa brgyad pas bstod pa byas nas/ sngar
 bshad pa'i lcags kyus bcom ldan 'das 'khor dang bcas pa'i dkyil 'khor du bcug ste/ rdo rje gnod sbyin dang khu tshur dang bsrung bas las rnams byas la/ bcom ldan 'das 'khor dang bcas pa la rang gi rig pas mchod yon phul la/ dam tshig phyag rgyas bcom ldan
 'das 'khor dang bcas pa bsgrub par bya'o/ /de nas chos dang las dang phyag rgya chen pos rgyas btab la dbang bskur ba'i phyag rgyas dbang bskur ba dang yang mchod yon phul/ mchod pa rnam pa lnga dang / rin po che'i mtshon cha ma la sogs pa phyag rgya'i mchod pa bcu gnyis
 kyis yang dag par mchod nas/ phyi rol du gtor ma byin la sbyin sreg bya'o/ /de nas yang bcom ldan 'das la yang dag par mchod de rnam par sgeg pa'i dga' ba'i rdo rje dang phyag rgya bzhis kyang phyag byas la phyag rgya chen po bcings te ji srid mtshan ma thob pa de srid kyi bar du
 dkyil 'khor bsgom par bya'o/ /de nas phyag byas nas/ srid pa'i bde ba rnam dag phyir/ /zhes bya ba la sogs pa brjod par bya'o/ /de ltar bka' mnos nas slob ma gzhug par bya'o/ /slob dpon gyi las kyi cho ga rdzogs so// //de nas bslab pa'i gzhi lnga yongs
 su 'dzin pa'am dge sbyong dang dge slong gi bslab pa gzung ba'i slob ma la rig pa'i sdom pa ji lta ba bzhin du 'dzin du gzhug go/ /de nas de byang chub kyi sems bskyed pa byed du gzhug go/ /de nas de'i snying gar rin po che'i khu tshur gyis rdo rje rin po che blangs la gzhag ste snga ma
 bzhin du bskyed do/ /de nas slob ma 'phags pa nam mkha'i snying por byin gyis brlabs la dri dang me tog la sogs pas mchod nas yon gyi mchog blangs te/ shar sgor bltas te phyi rol na gnas pa'i bum pa'i chus dbang bskur la/ rang gi 'jug pa'i tshul gyis dkyil
 'khor du 'jug par bya'o/ /de nas de'i rnam par chags bral lta bu zhes bya ba la sogs pa brjod par bya'o/ /cho ga lhag ma rnams ni de bzhin gshegs pa'i dkyil 'khor du bshad pa las shes par bya'o/ /slob ma 'jug pa la sogs pa'i cho ga rgyas pa rdzogs so// //de ltar
 slob dpon gyi las kyi cho ga dang / slob ma 'jug pa la sogs pa'i cho ga rgyas par bshad nas/ da ni dam tshig gi dbang bskur ba thob pa rnams la slob dpon gyis bsgrub pa'i ye shes bslab par bya'o zhes bya ba 'di'i don bstan par bya ba'i phyir de bzhin du zhes bya ba la sogs pa
 gsungs te/ de nas ma bsgrubs pa'i las rnams lan cig bzlas par 'gyur ro zhes bya ba ni ji skad bshad pa'i bsgrub pa byas pa na gang gi tshe rnal 'byor pas ji skad du bshad pa'i dngos grub ma thob na de'i tshe rang gi rig pa de lan cig bzlas pa'i rjes thogs nyid la 'chad par
 'gyur ba'i las rnams grub par 'gyur ba'o/ /'di skad ston te bdag bsrung ba dang gnas bsrung ba byas nas bcom ldan 'das nam mkha'i snying po'i sku gzugs lugs ma 'am brkos pa la sogs pa mdun du bzhag la de la phyag byas nas gsum la skyabs su 'gro ba
 dang / byang chub kyi sems bskyed pa dang / dang po'i rdo rje bcing ba'i bar du byas la/ rdo rje thal mo la sogs pa'i phyag rgya bcing ba'i cho ga rnams rjes su spyad de/ rang gi snying gar gnas pa'i rdo rje rin po che la rig pa yid kyis bris la/ chos thams cad bdag med par
 bsgoms nas dam tshig sems dpar byin gyis brlab pa'i bar gyi cho ga thams cad snga ma bzhin du rjes su spyad par bya'o/ /de nas phyag rgya chen po bcings la ji skad du bshad pa'i ye shes sems dpa' rang gi lus la bcug ste/ dam tshig gi phyag rgyas bsgrubs nas/ chos
 dang las dang phyag rgya chen pos rgyas btab la de bzhin du de bzhin gshegs pa thams cad rang gi lus la bcug ste/ dam tshig gi phyag rgyas bsgrub par bya'o/ /de nas chos dang las dang phyag rgya chen pos rgyas btab la dang po'i rdo rje byin gyis brlab pa snga ma bzhin du byas la/
 rdo rje rin chen gyi phyag rgyas bdag nyid dbang bskur te/ rdo rje rin po che dang / bdag po dang ming gi dbang gis dbang bskur la dngos grub kyi rdo rje brtul zhugs bzung nas/ rin po che mtshon cha ma la sogs pa gsang ba'i mchod pa bzhis bdag nyid yang dag
 par mchod de/ rnam par sgeg pa'i dga' ba'i rdo rje dang phyag rgyas bcom ldan 'das la phyag byas la de kho na nyid kyis rdo rje gzung zhing chos kyi dril bu dkrol bar bya'o/ /de nas dam tshig gi phyag rgya chen por byin gyis brlab bo/ /de nas rang gi rig pa lan gsum bzlas la rang
 gi snying gar gnas pa'i rdo rje rin po che la rig pa yid kyis bris la/ rang gi tshig gis zlos shing bzlas pa'i don gyis bdag nyid rdo rje rin po che'i rigs kyi bdag po zhes bya ba 'phags pa nam mkha'i snying po zla ba gcig la sogs pa ji srid mngon du gyur pa de srid kyi bar du bsgom par
 bya'o/ /de nas zla ba phyed tsam gyi bar du bsgoms nas bsgrubs na/ 'phags pa nam mkha'i snying por 'gyur ro/ /de bzhin du dngos grub gzhan dag kyang sngar bshad pa'i rjes su 'brangs nas bsgrub par shes par bya'o/ /de ltar bsgrub pa 'dis gang gi tshe snying por grub par ma
 gyur pa de'i tshe de ma grub pa ma yin te/ ma grub pa de yang las 'di byed par 'gyur ro/ /dbang bskur ba thams cad thob pa la ni rdo rje rin po che myu gus so zhes bya ba ni de bzhin du 'phags pa nam mkha'i snying po'i sbyor ba byas la/ 'phags pa nam mkha'i snying po'i rdo rje
 rin chen gyi phyag rgya rdo rje thal mo las byung ba bcings la/ gung mo gzhibs te rtse mor byas nas rig pa zlos shing dpral ba'i phyogs su bzhag la/ 'phags pa nam mkha'i snying po'i bdag nyid dbang bskur bar bsam par bya ste/ de lta bus dbang bskur
 ba thams cad thob par 'gyur ro/ /nor thams cad thob pa la ni rdo rje rin chen gyi rgyal mtshan gyi rtse mos so zhes bya ba ni de bzhin du 'phags pa nam mkha'i snying po'i sbyor ba byas la bshad ma thag pa'i rdo rje rin chen gyi phyag rgya bcings la/ rdo rje rin chen bkrol te/ rdo rje thal
 mo khong stong byas nas srin lag gnyis gshibs te rtse mor byas la mthe'u chung gnyis phye ste brkyang ba 'di ni rdo rje rin chen gyi rgyal mtshan gyi rtse mo ste 'di bcings la rig pa zlos shing gter la sogs pa thob par bsam par bya ste de lta bus ni nor thams cad thob par 'gyur ro/ /bsam
 p a thams cad yongs su rdzogs par bya ba la ni rdo rje nor bu chen po'i mtshan ma'i phyag rgyas so zhes bya ba ni rdo rje rin chen bcings la gung mo gnyis nor bur bya ba 'di ni rdo rje nor bu chen po'i mtshan ma'i phyag rgya ste 'di bcings la snga ma bzhin du 'phags pa nam mkha'i snying po'i sbyor ba
 byas la/ rig pa zlos shing mngon par 'dod pa'i nor 'thob par gyur par bsam par bya ste/ de lta bus ni bsam pa thams cad yongs su rdzogs par 'gyur ro/ /gter chen po thob pa la ni rdo rje rin chen gyi sa 'og gi phyag rgyas so zhes bya ba ni 'phags pa nam mkha'i snying po'i
 sbyor ba byas la/ rdo rje rin chen bcings te mthe chung gnyis gzhibs nas rtse mor byas la rig pa bzla bar bya'o/ /'di ni rdo rje rin chen gyi sa 'og gi phyag rgya ste 'di bcings nas yid kyis gter blangs la gdeg par bya ste/ de lta bus ni gter chen po thob par 'gyur ro/ /rdo rje dbang
 bskur ba thob pa la ni zhes bya ba ni nor bu'i mtshan ma thob pa la sogs pa ni rdo rje dbang bskur ba thob pa ste/ bcom ldan 'das 'phags pa nam mkha'i snying po las dang po'i rdo rje thob pa zhes bya ba'i don te/ de ji ltar thob par 'gyur zhe na/ rdo rje rin chen chen po'i sa 'og gi phyag
 rgyas so zhes bya ba gsungs te/ de bzhin du 'phags pa nam mkha'i snying pos sbyor ba byas la rdo rje rin chen bcings la/ 'di thur du blugs pa ltar byas pa 'di ni rdo rje rin chen sa 'og gi phyag rgya ste/ 'di bcings la stong pa nyid bsgom zhing 'phags pa nam mkha'i snying pos
 gzugs brnyan lta bu nor bus mtshan pa'i dang po'i rdo rje stsol ba la sogs pa mdun du bsam par bya ste/ de lta bus ni rdo rje dbang bskur ba thob par 'gyur ro/ /rdo rje dbang bskur ba thob pa la ni zhes bya ba la/ /rdo rje rin chen gyi cod pan gyis dbang bskur
 ba thob pa la ni rdo rje dbang bskur ba thob pa ste/ de ji ltar 'gyur zhe na/ rdo rje chen po'i phreng bas so zhes bya ba gsungs te/ /rdo rje bsdams pa bcings la mdzub mo gnyis kyis nor bur byas la 'di ni rdo rje phreng ba chen po 'di bcings te/
 'phags pa nam mkha'i snying po'i sbyor bas dbang bskur bar gsol ba'i bsam pas bcom ldan 'das mdun na/ dbang bskur stsol ba la brtson par mdzad par bsam par bya ste de lta bus ni rdo rje phreng ba chen po'i dbang bskur ba thob par 'gyur ro/ /byang chub sems dpa'
 chen por dbang bskur ba thob pa la ni zhes bya ba ni byang chub sems dpa' chen po 'phags pa nam mkha'i snying po'i dbang bskur ba thob pa ni/ byang chub sems dpa' chen po'i dbang bskur ba thob pa'o/ /de ji ltar 'gyur zhe na/ rdo rje rin po che chen po'i phreng bas so zhes bya ba gsungs te
 rdo rje bsdams pa bcings te mthe bong dang mdzub mo dang / gung mo'i sor mos nor bu rin po che gsum byas te mdun dang mgo bo dang rna ba gnyis kyi steng du bdag nyid dbang bskur ba byas te/ 'di ni rdo rje rin chen gyi phreng ba'o/ /'di bcings la de bzhin gshegs pa nam mkha'i
 snying po'i sbyor bas mdun du yang bcom ldan 'das bsams nas de nas dbang bskur ba blang bar bya'o/ /de bzhin gshegs pa'i dbang bskur ba thob pa la ni zhes bya ba ni rnam par snang mdzad la sogs pa'i de bzhin gshegs pa'i dbang bskur ba thob pa ni de bzhin gshegs pa'i dbang
 bskur ba thob pa'o/ /de ji ltar 'gyur zhe na/ rdo rje rin chen gyi dbang bskur ba dam pa'i phreng bas so zhes bya ba gsungs te/ de bzhin du nam mkha'i snying po'i sbyor ba byas la bdag nyid rnam par snang mdzad la sogs pa de bzhin gshegs pa'i skur bsams te/ rdo rje bsdams
 pa las byung ba'i rdo rje rin chen gyi phyag rgyas bcings la mdzod spu'i gnas su bzhag nas/ /mdzub mo gnyis kyis rgyab tu mdud de dar dpyangs kyi tshul du bya'o/ /'di bcings la rig pa bzlas na de lta bus ni de bzhin gshegs pa'i dbang bskur ba thob par 'gyur ro/ /rdo rje
 'dzin pa chen po'i dbang bskur ba thob pa la ni de bzhin gshegs pa thams cad kyi sku'i mchog gi rdo rje rin chen gyi cod pan gyi phreng bas so zhes bya ba ni de bzhin du 'phags pa nam mkha'i snying po'i sbyor ba byas la/ rdo rje sems dpar bdag nyid bsams te/ rdo rje bsdams pa
 bcings la mthe bo gnyis dpa' bo'i skyil mo krung du byas la mdzub mo gnyis bkug ste zlum por byas pa ni sku'o/ /gung mo gnyis gshibs te bsgreng ba ni mchog ste de bzhin gshegs pa'i sku'i mchog 'dir dang rig pa zlos shing shar nas brtsams nas mdun dang / g.yas
 dang / rgyab dang / g.yon du cod pan gyi tshul du byas la mdun du de bzhin du mdud la phreng ba 'ching ba'i tshul gyis rgyab tu mdud la sgeg pa dang bcas pas mtha' nas dgrol bas ngos gnyis ka nas dar dpyangs 'phyar ba'i tshul du bya'o/ /'di ni de bzhin gshegs pa thams cad
 kyi sku'i mchog rdo rje rin chen gyis dbang bskur ba'i phreng ba yin te/ de sangs rgyas lnga'i cod pan gyi dbang bskur ba'i rdo rje 'dzin pa chen por 'gyur ro/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las dum bu gnyis pa rtsa ba'i rgyud las
 gsungs pa'i/ 'phags pa nam mkha'i snying po'i rtog pa bshad pa rdzogs so// //de ltar dum bu gnyis pa rtsa ba'i rgyud du rigs lnga'i dkyil 'khor bstan nas/ da ni 'jig rten dang 'jig rten las 'das pa'i dkyil 'khor du 'jug pa dang / dbang bskur ba dang / bsgrub
 pa dang / dngos grub rnams dkyil 'khor gcig nyid du bsdu bar bya ba'i phyir/ de nas zhes bya ba la sogs pa bsdus pa'i dkyil 'khor gsungs pa yin no/ /de nas zhes bya ba'i sgra ni snga ma bzhin te/ dang po'i sbyor ba'i rjes thogs la/ /zhes bya ba'i tha tshig go/ /'di
 dang po'i sbyor ba ni dpal rdo rje sems dpa'i dkyil 'khor chen por bshad pa nyid yin par shes par bya'o/ /bcom ldan 'das zhes bya ba ni rnam par snang mdzad de rdo rje sems dpa' la gsol ba btab po zhes bya bar sbyar ro/ /bcom ldan 'das khyad par ji lta bu zhig ce na/
 rigs thams cad kyis zhes bya ba la sogs pa gsungs te/ rigs kyang yin la thams cad kyang yin pas na rigs thams cad do/ /de rnams kyi bsdus pa ni nye bar bsdus pa'o/ /rdo rje ltar mi phyed par byin gyis brlabs shing phyi ma'i mthar thug pa med par
 brtan par byas pa gang yin pa de brnyes shing thugs su chud do zhes bya ba'i tha tshig go/ /bcom ldan 'das ci zhig mdzad nas bcom ldan 'das rdo rje sems dpa' la gsol ba btab ce na/ sems can thams cad ces bya ba la sogs pa gsungs te/ sems can yang yin la
 thams cad kyang yin pas na sems can thams cad de/ rdo rje sems dpa' la sogs pas 'dul ba rnams so/ /de rnams gzhug par bya ba'i phyir 'khor lo ni bsdus pa'i dkyil 'khor te de nyid rdo rje ltar mi phyed pa'i phyag rgya gang yin pa de la ming de skad ces btags pa de la
 mi dmigs pas na sems can thams cad 'jug pa'i 'khor lo rdo rje'i phyag rgyas zhes bya ba'i ting nge 'dzin gang yin pa de la snyoms par zhugs shing mngon sum du mdzad nas/ bcom ldan 'das rnam par snang mdzad kyis bcom ldan 'das thog ma dang tha ma med pa'i rdo rje sems
 dpa' la gsol ba btab par mdzad pa ni gsol ba btab par gyur pa ste/ bcom ldan 'das rnam par snang mdzad bsdus pa'i dkyil 'khor gyi rnam par thugs rtse gcig tu mdzad nas/ bcom ldan 'das rdo rje sems dpa' sems can thams cad der 'jug cing der
 bskyed par bya ba'i phyir/ bcom ldan 'das rdo rje sems dpa' la gsol ba btab pa yin no/ /bde ba chen po rab grub phyir/ /'dod chags chen po yang dag brjod/ ces bya ba ni bshad zin to/ /bde ba chen po'i don gyi phyir/ /zhes bya ba ni bde ba yang yin la chen po yang
 yin pas na bde ba chen po ste/ rnal 'byor pa sngags pa thams cad kyi stobs kyis 'jig rten pa'i bde ba gang yin pa yang thar pa chen po mngon sum du byed pa'i rgyur gyur pas bde ba chen po yin te/ de'i don bsdus pa'i dkyil 'khor du 'gro ba rnams 'jug par gyis shig
 pa'o/ /ci bde ba zhes bya ba ni ci 'dod par ro/ /de nas bcom ldan 'das kyi snying po thams cad gsungs so zhes bya bar sbyar ro/ /de nas zhes bya ba'i sgra ni de ma thag pa ste gsol ba btab pa'i rjes thogs nyid la'o/ /thams cad ces bya ba la sogs pa ni de khyad par du byed de/
 'jig rten gsum po thams cad las rnam par rgyal ba ni thams cad las rnam par rgyal ba ste rdo rje hUM mdzad do/ /de yang rab tu dga' ba'i rdo rje khro bo'i sku dang ldan pa 'dis dbang phyug chen po la sogs pa 'jig rten gsum po las rnam par rgyal bas na de skad ces bya ste/
 dbang phyug chen po la sogs pa dad pa'i sems can gyi khams ni 'gro ba ste/ des dbang phyug chen po la sogs pa'i tshul gyis rang bzhin gyis dag pa'i shes rab kyi pha rol tu phyin pa'i lam la rab tu 'jog cing 'dul bar mdzad pas na 'gro ba 'dul ba ste/ 'jig rten
 dbang phyug go/ /dam tshig thams cad ces bya ba la ni sangs rgyas dang byang chub sems dpa' rnams kyi dran pa dang shes rab dang rab tu ldan pa'i shes rab sems dang sems las byung ba dang de bzhin gshegs pa'i dkyil 'khor ni/ sangs rgyas dang byang chub sems dpa'
 thams cad kyis 'da' bar bya ba ma yin pas na dam tshig thams cad do/ /dngos grub thams cad rab tu gsol ba zhes bya ba ni nor bu'i rigs chen po'i tshul gyis sems can thams cad la 'jig rten dang / 'jig rten las 'das pa'i dngos grub rnams rab tu stsol bas na dngos
 grub thams cad stsol ba'o/ /rdo rje 'chang chen po zhes bya ba ni rdo rje sems dpa'i dkyil 'khor chen por thams cad du song ba'i rdo rje chen po 'dzin par mdzad pa 'am/ de kho na nyid kyi rdo rje chen po 'dzin par mdzad pas sam gzhan dag tu byang chub chen por mtshan nyid can gyi thugs
 kyi rdo rje 'chang chen po'i zhes bya ste/ sems dpar byin gyis brlabs pa'i sbyor ba las byung ba'i rdo rje sems dpa'o/ /de yang de ltar na bcom ldan 'das rdo rje 'chang chen po nyid gang yin zhe na/ sems dpar byin rlabs sbyor bas ni/ /bdag la byin brlabs mchog grub
 pa/ /nyin re grub pa de yis ni/ /rdo rje sems dpa' nyid thob bo/ /zhes 'og nas bshad pa'i phyir ro/ /ston pa po zhes bya ba ni bden pa rtogs par bya ba'i phyir yang dag pa'i lam rtogs par 'chad pa'i sems can rnams 'dul zhing rang gi bka' bsgo ba las 'jog
 par mdzad pas na ston pa'o/ /srung mdzad ces bya ba ni ngan 'gror 'gro ba la sogs pa'i 'jigs pa thams cad las/ 'phags pa gtsug tor rnam par rgyal ba la sogs pa'i gzungs dang / 'di las bshad pa ji skad du gsungs pa'i las kyi phyag rgya rnams kyis sems
 can rnams kun du srung bar mdzad pas na bsrung ba'o/ /stobs dang pha rol gnon pa thogs med pa/ /zhes bya ba ni/ de bzhin gshegs pa'i stobs bcu dang sku'i stobs de rnams dang thogs pa med pa dang / cho 'phrul bzhis sems can gyi don mdzad pa ni pha rol
 gnon pa ste de dag thogs pa med pas so/ /rnam par gnon pa don yod pa grub pa zhes bya ba ni thogs pa med par sems can gyi don gyi bya ba mdzad pa ni don yod par grub pa'o/ /de nyid 'di'i rnam par gnon pa yin pas na rnam par gnon pa don
 yod par grub pa zhes bya'o/ /de yon tan gyi khyad par ji lta bu dang ldan pa'i bcom ldan 'das rdo rje 'chang chen pos snying po thams cad gsungs so/ /ci zhig mdzad nas she na/ thams cad la rjes su ston pa zhes bya ba gsungs te/ rdo rje sems
 dpa' la sogs pas 'dul ba ni thams cad de de rnams rjes su 'dul bar mdzad pas na thams cad la rjes su bstan pa'o/ /rdo rje sems dpa' la sogs pa'i bsgrub pas rdo rje sems dpa' la sogs pa grub cing de'i don du'o/ /dam tshig gis bsdus pa'i dkyil
 'khor ni 'khor lo zhes bshad de/ de nyid dam tshig ces grags so zhes bshad pa'o/ /de rdo rje ltar mi phyed pa'i pha rol gnon pa de yis bsdus pas sems can gyi don mdzad pas na de skad bka' stsal pa de la de skad ces bya ste/ de mdzad pa ni bsdus pa'i dkyil 'khor sprul
 pa des 'dul ba'i sems can gyi khams 'dul ba nas zhes bya ba'i tha tshig go/ /bde ba'i dngos grub thams cad kyis dam tshig ces bya ba ni dngos grub kyang yin la thams cad kyang yin pas na dngos grub thams cad de/ rdo rje sems dpa' la sogs pa 'jig rten dang 'jig
 rten las 'das pa bde ba'i dngos grub thams cad do/ /de rnams kyi dam tshig ni skye ba'i rgyu'o/ /ming de skad ces bya zhing don yod par 'bras bu dang bcas pa yin la/ mtshungs pa med pa ni 'dra ba med pa'o/ /rigs thams cad kyi ngo bo nyid bsdus pa'i dkyil 'khor
 bskyed pa'i rgyu'o/ /snying po thams cad gsungs pa ni bka' stsal pa ste/ ho a hUM hri traM zhes bya ba'o/ /de nas zhes bya ba la sogs pa bsdus pa'i dkyil 'khor skyed par byed pa'i snying po bcom ldan 'das rdo rje 'chang chen pos gsungs pa tsam gyis so/ /de bzhin gshegs
 pa thams cad ces bya ba la sogs pa la thams cad kyang yid la/ de bzhin gshegs pa yang yin pas na de bzhin gshegs pa thams cad de/ dpal rdo rje sems dpa' la sogs pa 'jig rten gyi khams thams cad kyi rdul phra rab dang mnyam pa rnam par snang
 mdzad dang / mi bskyod pa dang / rin chen 'byung ldan dang / 'od dpag tu med pa dang / don yod par grub pa'i sku sprul pa'i sku dang bcas pa'o/ /de rnams [(]gyi [,]kyi [)]dkyil 'khor ni rdo rje sems dpa' dang / rnam par snang mdzad kyi dkyil 'khor ro/ /de dang por gyur pa
 gang yin pa de ni de bzhin gshegs pa thams cad la sogs pa'i dkyil 'khor ro/ /de gang yin zhe na 'jig rten dang 'jig rten las 'das pa zhes bya ba smos te/ de la 'jig rten pa'i dkyil 'khor ni ming po gsum dang / sring mo bzhi dang / lha ma yin dang / klu'i
 dkyil 'khor ro/ /'jig rten las 'das pa'i ni/ rdo rje sems dpa' dang de bzhin gshegs pa dang / rab tu dga' ba'i rdo rje khro bo dang / 'jig rten dbang phyug dang / 'phags pa nam mkha'i snying po'i dkyil 'khor ro/ /dkyil 'khor chen po der zhes bya ba ni
 bsdus pa'i dkyil 'khor du'o/ /yang dag par gnas pa zhes bya ba ni de'i khongs su chud pa'o/ /dkyil 'khor gcig tu gyur to zhes bya ba ni bsdus pa'i dkyil 'khor du gyur pa'o/ /de ltar na de nas bcom ldan 'das zhes bya ba nas brtsams te
 dkyil 'khor gcig tu gyur to zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas bsdu ba'i sngon du 'gro ba ni gsum pa yin par shes par bya'o/ /dam tshig dang dbang bskur ba thob pas bzlas brjod dang bsgom par bya'o zhes bya ba 'di'i cho
 ga bstan par bya ba'i phyir/ de nas zhes bya ba la sogs pa slob dpon gyi las kyi cho ga dang / slob ma 'jug pa la sogs pa'i cho ga rgyas pa gsungs pa yin no/ /de nas zhes bya ba'i sgra ni snga ma bzhin te ting nge 'dzin gsum gyi rjes thogs nyid la/ bcom ldan
 'das rdo rje 'chang chen pos dkyil 'khor thams cad gsungs so zhes bya bar sbyar ro/ /ming de skad ces bya zhe na sems can thams cad ces bya ba la sogs pa smos te sems can thams cad ni rdo rje sems dpa' la sogs pa 'dul ba rnams so/ /des bsdus pa'i dkyil
 'khor du zhugs pa ni sems can thams cad rjes su zhugs pa'o/ /de'i don du bde ba chen po las byung ba'i dang po'i rdo rje dam tshig ni bde ba chen po'i rdo rje dam tshig ste bsdus pa'i dkyil 'khor ro/ /de nyid skye bo thams cad dang thun mong ma yin pas na gsang ba'o/ /ming
 de skad ces bya ba'i dkyil 'khor thams cad gsungs pa ni bka' stsal pa'o/ /dkyil 'khor chen po'i tshul gyis ni/ /dkyil 'khor thams cad kun du bri/ /zhes bya ba ni dum bu gnyis pa'i rtsa ba'i dkyil 'khor [(]kyi [,]gyi [)]dbyibs ltar 'di'i gzhi'i dkyil 'khor
 kun du bri bar bya'o/ /dkyil 'khor chen po dang por ni/ /de yi dbus su brtag par bya/ /zhes bya ba la dpal rdo rje sems dpa'i dkyil 'khor ni dkyil 'khor chen po ste dkyil 'khor chen po dang po de gzhi'i dkyil 'khor de'i dbus su ste re'u cha dbus ma la brtag par bya
 zhing yang dag par bri bar bya'o/ /de'i zhes bya ba la dkyil 'khor dbus ma'i re'u cha dbu mar bri bas rdo rje sems dpa'i dkyil 'khor de'i phyogs bzhir de bzhin gshegs pa dang / rdo rje dang / pad+ma dang / nor bu'i rigs kyi dkyil 'khor yang dag par
 bri bar bya'o/ /phyi'i dkyil 'khor gyi mtshams kyi mtha' ni phyi'i mtshams kyi mtha' ste/ de rnams kyi dbyibs kyi gnas la phyi'i dkyil 'khor gyi tshogs bri bar bya'o/ /sgo rnams kun du 'jug par ni/ /rang gi phyag rgyar rab tu gnas/ /zhes bya ba ni rdo rje
 sems dpa' la sogs pa'i dkyil 'khor du 'jug pa ji ltar bshad pa bzhin du/ rdo rje sems dpa' la sogs pa'i dkyil 'khor nas klu'i dkyil 'khor gyi bar du 'jug par bya'o/ /de bas na 'dir sgo thams cad du 'jug pas na rang gi phyag rgya dang rjes
 su 'brel pa yin pas rang gi phyag rgya la rab tu ste shin tu gnas par 'gyur ba yin pas na rang gi phyag rgya dang rjes su 'brel to zhes bya ba'i tha tshig go/ /rdo rje shugs kyis 'jug bya zhing / /dkyil 'khor dam pa lngas sdud do/ /zhes bya ba ni rang gi dkyil 'khor
 gyi bdag po'i sbyor bas rnal 'byor chen po byas la badzra badzra zhes zlos shing 'jug pa'i glu yang len cing 'jug par bya'o zhes bya ba'i tha tshig go/ /rdo rje sems dpa' dang / rnam par snang mdzad dang / rab tu dga' ba'i rdo rje khro bo dang / rdo rje 'jig rten dbang phyug
 dang / 'phags pa nam mkha'i snying po'i dkyil 'khor te/ dkyil 'khor lnga bdag nyid la rab tu sdud cing 'jug pas dkyil 'khor dam pa lnga sdud do zhes bya ba bsdus pa'i dkyil 'khor ro/ /dkyil 'khor gyi cho ga rgyas pa thams cad kyang de bzhin no zhes bya ba
 ni bsdus pa'i dkyil 'khor du gtogs pa'i rdo rje sems dpa'i dkyil 'khor rnams so/ /rang gi phyag rgyas 'jug pas so so'i khyad par gyi 'jug pa gsungs pa de bzhin du de dag las bshad pa'i so so'i sgrub pa dang bsgrub par bya ba'i khyad par yang de ltar bya ba
 yin par shes par bya'o/ /'di skad ston te rdo rje sems dpa'i sbyor bas rnal 'byor chen po byas la/ rang gi snying gar ji srid dkyil 'khor 'di mngon du mthong bar gyur pa de srid kyi bar du bsgom par bya'o/ /de nas rdo rje sems dpa'i dkyil 'khor chen
 po las bshad pa'i dang po'i sbyor ba bsgoms nas/ bsdus pa'i dkyil 'khor sprul pa ji lta ba bzhin du byas la las kyi rgyal po mchog bsgom par bya'o/ /de nas dang po'i rdo rjes dkyil 'khor 'di nam mkha' la bzhag la/ de nyid la bdag nyid kyis byin gyis
 brlabs la bsdus pa'i dkyil 'khor gyi snying po zlos bzhin du bskor bar bya'o/ /de nas dum bu gnyis pa'i rtsa ba'i rgyud las gsungs pa'i dang po'i dkyil 'khor ltar dkyil 'khor thig gdab par bya'o/ /dkyil 'khor dbus ma'i dbus kyi re mig gi char rdo rje
 sems dpa'i dkyil 'khor chen por rdo rje yid las byung ba'i gnas su rnam par snang mdzad kyi dkyil 'khor/ kI li ki la'i gnas su rab tu dga' ba'i rdo rje khro bo'i dkyil 'khor/ rdo rje dran pa'i gnas su rdo rje 'jig rten dbang phyug gi dkyil 'khor/ rdo rje snying po'i
 gnas su nam mkha'i snying po'i dkyil 'khor/ phyi'i dkyil 'khor gyi snam bu la me'i mtshams kyi char ming po gsum gyi dkyil 'khor/ bden bral gyi mtshams su sring mo bzhi'i dkyil 'khor/ rlung gi mtshams su lha ma yin gyi dkyil 'khor/ dbang ldan gyi
 mtshams su klu'i dkyil 'khor thig gdab par bya'o/ /de nas ji lta ba bzhin du bris la rdo rje sems dpa'i dkyil 'khor du rdo rje sems dpa'i dkyil 'khor dang bcas pa bri bar bya'o/ /de bzhin du klu'i dkyil 'khor dang klu'i bdag po 'khor dang bcas pa'i bar du bri bar
 bya'o/ /gzhi'i dkyil 'khor gyi nang du dkyil 'khor gyi mtshams bzhir rdo rje sems dpa'i dkyil 'khor chen por bshad pa'i rdo rje sbrang rtsi ma la sogs pa bzhi bri bar bya'o/ /de nyid kyi phyi dang nang gi sgo rnams su rdo rje sems dpa'i dkyil 'khor chen po las gsungs
 pa'i sgo srung bzhi bri bar bya'o/ /de nas cho ga thams cad rjes su spyad la/ rdo rje sems dpa'i sbyor bas rnal 'byor chen po byas la rdo rje sems dpa'i dkyil 'khor las bshad pa'i 'jug pa'i cho gas gzhi'i dkyil 'khor du 'jug par bya'o/ /de nas slob dpon gyi las
 thams cad byas la dkyil 'khor dbus ma'i dbus kyi re'u char gnas pa'i rdo rje sems dpa'i dkyil 'khor du rang gi cho gas 'jug par bya'o/ /de bzhin du klu'i dkyil 'khor gyi bar la rang gi cho gas 'jug par bya'o/ /de nas slob dpon gyi las [(]gyi [,]kyi [)]cho ga thams cad
 bya'o/ /slob dpon gyi las kyi cho ga rgyas pa rdzogs so// //de nas rang gi 'jug pa la sogs pa'i cho ga bzhin du/ slob ma 'jug pa la sogs pa'i cho ga rgyas par bya'o/ /slob ma 'jug pa la sogs pa'i cho ga rgyas pa rdzogs so// //de ltar slob dpon
 gyi las kyi cho ga dang / slob ma 'jug pa la sogs pa'i cho ga rgyas par bshad nas/ da ni dam tshig dang dbang thob pa rnams la slob dpon gyis dngos grub kyi ye shes bslab par bya'o zhes bya ba'i don bstan pa'i phyir/ dkyil 'khor thams cad ces bya ba la sogs pa smos te/
 rdo rje sems dpa' la sogs pa'i dkyil 'khor gang dang gang du dngos grub gang dang gang las gang dang gang bshad pa'i dngos grub dang / las de dag thams cad bslab par bya'o zhes bya ba'i tha tshig go/ /dpal mchog dang po'i rgya cher bshad pa shes rab kyi pha rol tu
 phyin pa 'byung ba zhes bya ba/ dum bu gnyis pa rtsa ba'i rgyud las bsdus pa'i dkyil 'khor gyi bshad pa rdzogs so// //de ltar sems can thams cad rjes su 'dzin par byed pas bsdus pa'i dkyil 'khor gsungs nas da ni ming po gsum gyis 'dul ba'i 'gro
 ba rnams kyi don du ming po gsum gyi dkyil 'khor gsungs pa ni/ de nas zhes bya ba la sogs pas gsungs pa yin no/ /de nas zhes bya ba'i sgra ni dang po sbyor ba'i rjes thogs nyid la 'dir dang po sbyor ba ni rdo rje sems dpa'i dkyil 'khor du bshad pa nyid yin no/ /lha la
 sogs pa gang yin pa de ni lha la sogs pa ste/ lhag ma khro bo'i tshogs dang pho nya dang bran chung ma dang bcas pa'o/ /dam tshig sems dpa' thams cad ces bya ba ni bshad ma thag pa'i lha la sogs pa ste/ dam tshig sems dpa' yang yin la
 thams cad kyang yin pas dam tshig sems dpa' thams cad de/ de ltar grags pa'i lha la sogs pa'i gzugs ni kun rdzob kyi sems dpa' yin gyi/ byang chub kyi sems la sogs pa'i don dam pa'i bde ba'i rang bzhin ma yin no zhes bya ba'i don to/ /'dis ni
 'jig rten pa'i shes pa'i rgyu mthun pa las byung ba'i dam tshig gi sems dpa' bshad pa yin la 'jig rten las 'das pa ye shes kyi rgyu mthun pa las byung ba ni sems dpa' chen po zhes bshad pa yin no/ /bcom ldan 'das las rang rang gi rjes su gnang ba mnos te
 zhes bya ba ni bcom ldan 'das rdo rje 'chang chen po las snying po smra ba'i bka' mnos nas rang rang gi snying po phul lo/ /'di zhes bya ba ni bro la gnas pa'o/ /sems can kun la bde slad du/ /zhes bya ba ni/ 'jig rten pa'i lha la lhag par mos pa'i sems can rnams la
 'jig rten pa'i lha'i dkyil 'khor bskyed pas sangs rgyas nyid thob pa'i phyir zhes bya ba/ phyir mi ldog pa'i sa bon bskyed pa ni 'dir bde ba yin te de'i don du bcom ldan 'das rdo rje 'chang chen po'i zhabs la phyag bya'o zhes bya ba ni/ bcom ldan 'das rdo rje 'chang chen po
 mnyes par bya ba'i phyir bdag nyid bcom ldan 'das kyis ci zhig bgyi zhes bya ba'i phyir rang gi gsang ba'i snying po ste/ rang gi shes pa'i nges pa ston par byed pa'i sgra'i tshul phul ba ni bstabs pa'o/ /de nas zhes bya ba'i sgra ni gnas skabs te rang gi gsang ba'i snying po 'di
 phul ba'i gnas skabs su zhes bya ba'i tha tshig go/ /'jig rten gsum pos gsol ba ni smras pa ste oM hUM hri zhes bya bas so/ /de ltar na lha la sogs pa zhes bya ba nas brtsams te oM b+hu hri zhes bya ba'i bar gyi bshad pas 'jig rten gsum gyi ting nge 'dzin gnyis pa gsung
 ba yin no/ /de nas bsdu ba'i sngon du 'gro ba ni gsum pa yin par bya'o/ /dam tshig dang dbang bskur ba thob pas bzlas brjod dang bsgom pa bya'o zhes bya ba 'di'i cho ga bstan par bya ba'i phyir/ de nas dkyil 'khor zhes bya ba la sogs pas slob dpon gyi las kyi cho ga dang / slob
 ma 'jug pa la sogs pa ni cho ga rgyas par gsungs pa yin no/ /de nas zhes bya ba'i sgra ni 'das ma thag pa ste dam tshig gsum gyi rjes thogs nyid la'o/ /dkyil 'khor zhes bya ba ni dkyil 'khor bshad pa'o zhes bya bar shugs kyis sbyor ro/ /zur bzhi pa la sogs pa
 ni bshad zin to/ /gzhu'i se ral kha zhes bya ba ni gzhu'i mchod phyir thogs yod pa'o/ /mda' dang tsa sha ka zhes bya ba ni lag pa g.yas na mda' thogs pa/ g.yon na kham phor tsa sha ka zhes bya ba thogs pa'o/ /'jug pa ni mdung rtse gsum pa'i phyag rgyas so zhes
 bya ba ni/ ming po gsum gyi dkyil 'khor 'dir slob dpon gyis 'jug pa ni mdung rtse gsum pas mtshan pa'i phyag rgya 'og nas bshad pa'i mtshan nyid can gyis 'jug par bya'o/ /de'i mtshan nyid ni 'di yin te mdzub mo dang gung mo dang srin lag gzhibs te rtse gsum pa byas la
 mthe bo dang mthe'u chung gnyis gdu bur sbrel la shes par bya'o/ /pus mo'i lha nga zhes pa ni ming po gsum gyi dkyil 'khor du pus mo'i lha nga sa la btsugs te 'jug par bya'o zhes bya ba'i tha tshig go/ /zhugs nas dam tshig bcings nas ni/ /yang dag 'gugs pa nyid
 du bya/ /zhes bya ba ni/ ji skad bshad pa'i 'jug pa'i phyag rgyas zhugs la/ dum bu dang po las bshad pa'i rang gi cho gas rang gi cho ga thams cad rdzogs par byas la/ bshad ma thag pa'i mdung rtse gsum pas mtshan pa'i phyag rgya las g.yas pa'i mdzub mo lcags
 kyur byas pa dang / 'gugs pa'i snying po lan nyi shu rtsa gcig bzlas la ming po gsum 'khor dang bcas pa dgug par bya'o/ /de la 'gugs pa'i snying po ni 'di yin te/ oM b+hur b+hu wa swaHslob dpon gyis 'jug pa'i slob ma thams cad la zhugs par bya'o zhes bya ba ni/
 de ltar ming po gsum gyi dkyil 'khor dang bcas pa drangs nas dam tshig gi phyag rgya bsgrub par bya'o/ /de nas chos dang las dang phyag rgya chen pos rgyas btab la rdo rje rin chen gyi phyag rgyas dbang bskur la mchod pa rnam pa lnga dang / phyag rgya'i mchod
 pa la sogs pas legs par mchod la slob ma gzhug pa'i phyir/ gnang ba nos nas rang gi 'jug pa'i cho gas slob ma thams cad gzhug par bya'o/ /de kho na nyid dang gsang ba yang brjod par bya ste/ rdul dang mun pa snying stobs nyid/ /tshangs pa khyab 'jug dbang
 phyug che/ /ming po gsum po 'di dag ni/ /'di nyid de yi gsang bar brjod/ /ci zhig byas nas de kho na nyid gsang ba brjod par bya zhe na/ dam tshig mchog ni byin nas ni/ /zhes bya ba smos te/ gal te ma brtags la smras sam/ /zhes bya ba la sogs pa'i
 dam tshig byin la de kho na nyid dang / gsang ba 'di brjod par bya'o/ /gal te ma brtags la smras na/ /zhes bya ba la sogs pa dkyil 'khor du ma zhugs pa ni ma brtags pa ste dkyil 'khor du ma zhugs shing ma brtags pa de la/ gal te ming po gsum gyi dkyil
 'khor 'di smras par gyur na/ de'i tshe khyed kyi snying mdung rtse gsum gyis bcom zhing gsod par 'gyur ro/ /'on te ji skad bshad pa'i chos/ /'dir ni kun du ma spyad na/ /rtse gsum gyis ni khyod snying 'joms/ /zhes bya ba ni dkyil 'khor du ma zhugs pa la smra bas
 rtse gsum gyis khyod kyi snying 'joms par ma zad kyi/ ji skad du bshad pa'i chos ma spyad na yang khyed kyi snying mdung rtse gsum gyis 'joms par 'gyur ro zhes bya ba ste gal te snying stobs dang rdul dang mun pa khyed sgom par mi byed na de'i tshe yang khyed kyi snying mdung rtse gsum gyis
 gsod par 'gyur ro zhes bya ba'i tha tshig go/ /de ni snying stobs zhes bya ba la sogs pas chos de rnam par 'grel pa yin te/ de la snying stobs ni dbang phyug chen po ste/ sems kyi rang bzhin dri ma thams cad dang bral ba dang zhing 'od gsal ba'o/ /rdul ni tshangs
 pa ste 'jig rten gsum byed pa'o/ /mun pa ni khyab 'jug ste/ 'jig rten gsum ston par byed pa ste sems can thams cad kyi rgyud la rjes su zhugs pa'i 'dod chags dang zhe sdang dang gti mug ni de dag yin pas sems can thams cad tshangs pa dang khyab 'jug
 dang dbang phyug chen por brtag go zhes bya ba'i tha tshig go/ /'di dag kyang dngos po la mngon par zhen pas ni ngan song gsum gyi rgyur 'gyur la rang bzhin gyis yang dag par bsgoms te bsten pas ni bdud rtsi'i rgyur 'gyur ba yin no/ /de yang / 'dod chags zhe sdang gti mug
 rnams/ /thams cad la ni rnam par gnas/ /mi bzad par ni bsten gyur na/ /dug nyid du ni 'gyur ba yin/ /bdud rtsi'i tshul du bsten gyur na/ /bdud rtsi nyid du 'gyur ba yin/ /'dod chags tshangs pa byin pa'i mchog /zhe sdang drag po'i ting 'dzin nyid/ /gti
 mug khyab 'jug bsten byas pa/ /'jig rten gsum legs byin gyis brlabs/ /zhes bshad pa yin no/ /ming po gsum po 'di dag ste/ /zhes bya ba ni tshangs pa dang / khyab 'jug dang / dbang phyug chen po gang yin pa de nyid ni ming po gsum po 'di yin te/ rgyal
 bar byed pa dang / sbrang rtsir byed pa dang / don thams cad grub pa'i ngo bo yang gzhan ma yin no/ /de la rgyal bar byed pa ni stobs bzangs kyi gzugs 'dzin pa ni dbang phyug chen po'o/ /sbrang rtsir byed pa ni 'dod pa'i lha'i gzugs 'dzin pa'i tshangs pa'o/ /don thams cad
 grub pa ni dpyid kyi gzugs 'dzin pa ni khyab 'jug go/ /nam yang brnyas par mi bya'o zhes bya ba ni/ 'jig rten gsum du lhag par mos pas de'i gzugs su bsgoms nas skyes bu don bzhi po bsgrub par 'dod pas ming po gsum po de dag gzugs brnyan lta bur
 bsgom par bya'o/ /'dis ci zhig bya zhe na/ nam yang brnyas par mi bya zhing 'di la dngos po la mngon par zhen pa yang mi bya'o/ /gang zhig 'di dag la zhes bya ba la sogs pa las 'di la dad pa gang la la zhig tshul 'di gnyis kyis brnyas par mi byed pa dag
 dkyil 'khor bris nas zhugs la yang dang yang du mchod par byed pa de thams cad kyi chos dang nor bu 'dod pa dang thar pa'i rang bzhin la thams cad grub pa thob par 'gyur ro/ /phyag rgya dag kyang bstan par bya/ /zhes bya ba ni phyag rgya chen po dang /
 dam tshig dang chos dang las kyi phyag rgya rnams slob ma rnams la bstan zhing bslabs nas zhes bya ba'i tha tshig go/ /de yis gar gyi mchod par bya/ /zhes bya ba ni ming po gsum 'khor dang bcas pa'i las kyi phyag rgyas gar gyi mchod pa bya ba'i tshul gyis gar bya ba'i mchod pas
 slob dpon gyis dkyil 'khor 'dir mchod par bya'o/ /rtag tu zhes bya ba ni nyin re zhing rgyun du'o/ /'dod pa'i yon tan lngas zhes bya ba ni/ /gzugs dang / sgra dang / dri dang / ro dang / reg bya dang / chos dang / nor dang / thar pa dang rjes su mthun par bya ba'i ngan song
 du 'gro ba'i rgyur gyur pas ni ma yin no/ /'di'i cho ga rgyas par ni shes rab kyi pha rol tu phyin pa'i dum bur bshad zin pas de nyid las shes par bya'o/ /'dir khyad par ni 'di yin par shes par bya ste/ badzra badzra oM b+hu hri zhes bya ba'i yi ge gsum gyi snying pos 'jug
 par bya'o/ /de la badzra swa bya ba'i yi ge gcig pa'i snying po dang bcas par bya'o/ /dum bu gnyis pa rtsa ba'i rgyud las ming po gsum gyi rtog pa bshad pa rdzogs so// //de ltar ming po gsum gyi dkyil 'khor bshad nas/ da ni sring mo bzhis 'dul ba las
 brtsams te/ de nas zhes bya ba nas brtsams nas sring mo bzhi'i rtog pa gsungs pa yin no/ /de nas zhes bya ba'i sgra ni 'das ma thag pa ste dang po'i sbyor ba'i rjes thogs nyid la'o/ /'dir dang po'i sbyor ba ni ming po gsum gyi skabs su bshad pa nyid yin no/ /gsang
 ba'i lha mo zhes bya ba ni 'di dag ni ming po gsum gyis sprul pa yin gyi/ 'di dag rgyud gzhan las sprul pa ni ma yin no/ /de bas na 'dis ni de rnams kyis rang bzhin gyis 'od gsal ba la brtson pa'i rang bzhin can gyi las kyi gsang ba'i rang bzhin gsal bar byed pa dang /
 de thob par byed pa yin pas/ de'i phyir de dag ni gsang ba 'ang yin la lha mo yang yin pas/ gsang ba'i lha mo ste/ dga' ba mo la sogs pa bzhi'o/ /rang gi phyag rgya phul lo zhes bya ba ni rang gi dkyil 'khor sgrub par byed pa'i rig pa ni rang gi phyag rgya ste de phul zhing
 bstabs pa'o/ /de ni hri hUM shri b+h+yo zhes bya ba yin no/ /'di yan chad kyi sring mo bzhi'i ting nge 'dzin gnyis pa bshad pa yin no/ /de nas de bzhin du bsdu ba sngon du 'gro ba ni gsum pa yin par shes par bya'o/ /de ltar dam tshig gsum bshad nas/ dam tshig dang / dbang
 bskur ba thob pa rnams kyis 'dir bzlas brjod dang bsgom pa bya'o zhes bya ba 'di'i cho ga bstan par bya ba'i phyir/ /de nas dkyil 'khor zhes bya ba la sogs pas/ slob dpon gyi las kyi cho ga dang slob ma 'jug pa la sogs pa'i cho ga rgyas par gsungs pa yin no/ /
 de nas dkyil 'khor zhes bya ba ni go sla'o/ /de nas dang por dkyil 'khor du/ /de bzhin kun nas 'jug par bya/ /zhes bya ba ni de ltar dkyil 'khor bris nas de'i rjes thogs nyid la 'jug par bya ste/ dang po kho nar spyan drang ba byas nas dkyil 'khor gyi sgo bzhi
 nas/ ji ltar shar nas bya ba de bzhin du lho dang nub dang byang nas kun du 'jug par bya'o zhes bya ba ni/ de bzhin zhes bya ba'i sgras ston to/ /phyag rgya gang gis 'jug par bya zhe na/ sring mo bzhi'i phyag rgya bzhis/ /zhes bya ba smos te sring mo bzhi'i rang gi phyag rgya gang yin
 pa des 'jug par bya'o/ /de yang ji ltar zhe na ji lta ba'i go rims zhes bya ba smos te shar gyi dkyil 'khor nas ni dga' ba mo'i sbyor bas so/ /lho nas ni sring mo'i sbyor bas so/ /nub nas ni phag mo'i sbyor bas so/ /byang gi dkyil 'khor nas ni grub pa mo'i sbyor bas
 'jug par bya zhing thams cad du badzra badzra hri hUM shri hUM b+h+yo zhes zlos shing 'jug par bya ste/ 'di ni go rims zhes bya ba'i sgra'i don yin no/ /zhugs nas bdug pa la sogs kyis/ /cho ga bzhin du de bzhin mchod/ /ces bya ba la sogs pa la/ de ltar zhugs nas rang gi
 cho ga thams cad snga ma'i rjes su 'brang bar byas la/ mchod pa rnam pa lngas dkyil 'khor ji lta ba bzhin du legs par mchod de spyan drang ba dang / dgug pa dag slob dpon des bya'o/ /gang gis bya zhe na/ gsang ba'i de nyid rab grub pas/ /oM
 zhes bya ba la sogs pa'i snying po ni de kho na nyid gsang bas gtso bo ste/ de kho na nyid dang / gsang ba nyid dang / gsang ba grub pa de spyan drang ba'i phyag rgya dang ldan pas lha mo rnams yang dag par dgug par bya'o/ /gung mo dang srin lag rdo rje bsdams pa byas la/ mthe
 bo de gung mo dang mthe'u chung dang srin lag gi sor mo brgyad rtse sprad pa ni sring mo bzhi'i dam tshig gi phyag rgya ste/ 'di nyid kyis spyan drang ba dang 'di nyid kyis dkyil 'khor du gzhug par bya'o/ /de nas thams cad 'bab par 'gyur ro zhes bya ba ni de ltar spyan drang ba byas nas
 lhag par gnas par bya ba'i slob ma thams cad la 'bab par 'gyur ro/ /lha mo rnams spyan drang ba'i mthus de rnams la 'bab par 'gyur ro zhes bya ba'i tha tshig go/ /babs nas gzhug par bya'o zhes bya ba ni lha mo'i tshogs rnams spyan drangs nas dam tshig gi phyag
 rgyas bsgrub par bya'o/ /de nas chos dang las dang phyag rgya chen pos rgyas btab la rdo rje rin chen gyi phyag rgyas dbang bskur te/ mchod pa thams cad kyis yang dag par mchod la slob ma bcug na rang gi 'jug pa'i sbyor bas slob dpon 'jug par bya ste/ gang gi phyir de
 bzhin zhes bshad pa'i phyir ro/ /de nas phyag rgya bcings pa bslabs la gsang ba brjod par bya'o zhes bya ba ni lha mo rnams kyi snying po byin nas phyag rgya chen po bcings pa dang chos dang las dang dam tshig gi phyag rgya bcings par bslab par bya'o/ /de ltar bslabs nas de rnams la/ /
 'dod chags zhe sdang gti mug dang / /zas dang skom dang ro de bzhin/ /chos kyis bsten na bde ba ste/ /chos min pas ni sdug bsngal bskyed/ /ces bya ba'i gsang ba brjod par bya'o/ /ji ltar zhe na/ mnas bsgags nas ni zhes bya ba smos te mna' ni 'di yin pa ste/
 sems can don la gang zhugs pa/ /zhes bya ba nas brtsams te/ gal te gsang ba mi srung na/ /zhes bya ba'i bar yin no/ /da ni 'dod chags zhes bya ba la sogs pa'i gsang ba brjod par bya ba yin no/ /'dod chags zhe sdang gti mug dang / /zhes bya ba ni bshad zin to//
 de bzhin zas dang skom dang ro/ /zhes bya ba la zas ni kha zas la sogs pa'o/ /skom ni btung ba la sogs pas gsher ba'i rdzas so/ /ro ni mngar ba dang / skyur ba dang / lan tshwa dang / kha ba dang / tsha ba dang / bska ba'i dbye bas rnam pa drug go/ /de bzhin zhes bya ba
 ni rnam pa de dang 'dra bas ji ltar 'dod chags dang / zhe sdang dang / gti mug chos kyis bstan na ni bde bar 'gyur la chos ma yin pas bsten na ni sdug bsngal bskyed pa de bzhin du zas dang skom dang ro yang de dang 'dra'o zhes ston pa yin no/ /'di skad ston pa yin te/
 gang la la zhig rgyal bar byed pa la sogs pa'i sbyor bas sring mo bzhi sgrub par byed pa des bdag nyid gzugs brnyan dang 'dra bar ming po gsum gyi gzugs su bsams la lha mo de rnams kyang gzugs brnyan dang [(]mnyas [,]mnyam [)]pas mdun du bzhag la de dang yang dag par sbyor bar
 bsgom par bya zhing de zas dang skom dang ro rnams gzugs brnyan dang 'dra bar lhag par mos par bsten par bya ste/ de ni 'di rnams kyi chos dang las dang rigs pa yin no/ /chos 'dis bsten na 'jig rten dang 'jig rten las 'das pa'i bde ba bskyed par 'gyur ro/ /dngos
 po la mngon par zhen pas ni dmyal ba la sogs pa ngan 'gro'i rgyur 'gyur ro/ /de ltar yang ji ltar shes she na gang gi phyir sring mo rnams ni 'dod chags dang zhe sdang dang gti mug dam por byed pa'i rgyu nyid yin par bcom ldan 'das kyis gsungs pa la/ 'di skad gzugs
 brnyan dang 'dra bar bsgoms pas ni des 'dul ba rnams la ming po gsum gyi ting nge 'dzin rdzogs par byed pa yin no/ /de bas na 'di dag ni dam par byed pa'i rgyu nyid yin pas thabs dang ldan pas bsten dgos so/ /phyag rgya zhes bya ba la sogs pa la de ltar
 slob ma'i tshogs la brten nas/ slob dpon slob ma'i tshogs dang bcas pas sring mo bzhi'i las kyi phyag rgyas gar gyi mchod pa byas te/ sring mo bzhi po de dag rtag pa nyid du mchod par bya'o/ /ji ltar zhe na/ ci 'dod pa zhes bya ba smos te ji ltar mngon par
 'dod pas zhes bya ba'i tha tshig go/ /de ji lta bu'i tshul gyis sbyin par bya zhe na/ ci 'dod par ni mchod par bya/ /zhes smos pa yin no/ /ji snyed pa zhes bya ba la sogs pa la yul gzugs dang / sgra dang / dri dang / ro dang / reg bya ji snyed pa lha rnams grub pa'i rgyur gyur pa lha mo
 rnams la dbul bar bya ste/ bde ba'i phyag rgya gar gyi mchod pas yang dag par mchod do zhes bya ba yin no/ /dkyil 'khor 'di'i cho ga'i dbye ba rgyas pa dang / /bsgrub pa dang / bsgrub par bya ba'i khyad par rnams ni shes rab kyi pha rol tu phyin pa'i dum bur bshad pas
 de nyid las shes par bya'o/ /dpal mchog dang po'i dum bu gnyis pa rtsa ba'i rgyud las/ sring mo bzhi'i rtog pa bshad pa rdzogs so// //sring mo bzhi'i rtog pa bshad nas/ da ni de nas zhes bya ba la sogs pas khyab 'jug dang bcas pa'i lha ma yin la
 sogs pa'i dkyil 'khor gsungs pa yin no/ /de nas zhes bya ba'i sgras ni snga ma bzhin te dang po'i sbyor ba'i rjes thogs nyid la'o/ /'dir dang po'i sbyor ba ni ming po gsum gyi skabs su bshad pa yin no/ /lha ma yin rnams kyis rang gi snying po phul lo/ /de rnams
 kyi snying po phul ba dang / de nas lha ma yin gyi dkyil 'khor byung ba ni ting nge 'dzin gnyis pa yin no/ /de nas bsdu ba brtsams te gsum pa yin par shes par bya'o/ /dam tshig dang dbang bskur ba thob pas bzlas brjod dang bsgom pa bya'o zhes bya ba'i cho ga bstan par bya ba'i phyir/
 slob dpon gyi las kyi cho ga dang / slob ma 'jug pa la sogs pa cho ga rgyas par bstan pa yin no/ /de nas dkyil 'khor zhes bya ba la 'byung ste zhes bya ba shugs kyis sbyar ro/ /brkos te zhes bya ba la sogs pa sor nyi shu rtsa bzhi tsam skas rim pa bzhi las bcas par
 rgyar khru brgyad par sa brkos la der dkyil 'khor gru bzhi pa sgo shar du btod cing kha gyen du bltas pa bri bar bya'o/ /de ltar bris nas de'i dbus su khyab 'jug gi 'khor lo bri bar bya'o/ /de'i shar gyi dbus su lha ma yin gyi dbang po bde mchog bri bar bya'o/ /lhor thags
 bzangs ris/ nub tu lag bzangs/ byang du lha ma yin gyi dbang po srin po zhes bya ba bri bar bya ste/ 'di dag thams cad kyang 'khor dang bcas par bri bar bya'o/ /mtshams bzhir lha ma yin gyi bu mo bri bar bya'o/ /'khor los zhugs la zhes bya ba ni/ de ltar
 dkyil 'khor bris nas 'khor lo'i phyag rgya bcings te de nyid kyis me tog gi phreng ba blangs la slob dpon 'jug par bya'o/ /de nas rang gi cho ga byas la khyab 'jug 'khor dang bcas pa dgug cing spyan drang bar bya'o zhes bya ba'i tha tshig go/ /de nas ji lta ba bzhin du spyan drangs
 la khyab 'jug 'khor dang bcas pa la mchod pa rnam pa lngas mchod nas lha ma yin gyi dbang po 'khor dang bcas pa rnams la nya la sogs pa gtor ma sbyin par bya'o/ /slob ma yang de bzhin du gzhug par bya'o zhes bya ba ni/ ji ltar slob dpon 'jug pa de bzhin du 'dir
 slob ma gzhug par bya'o/ /'di skad ston te bdag bsrung ba dang gnas bsrung ba byas la rdo rje 'khor lo'i phyag rgyas mdun du lha ma yin gyi dkyil 'khor sprul la me tog la sogs pas legs par mchod de phyag bzhi byas la/ byang chub chen por sems bskyed pa dang / gsum
 la skyabs su 'gro ba byas nas rdo rje thal mo dang rdo rje bsdams pa bcing bar bya'o/ /de nas rdo rje bsdams pa snying gar dral bar bya'o/ /de nas rdo rje 'bebs pa'i phyag rgyas bdag nyid la dbab par bya'o/ /de nas de bzhin du phyag rgya dgrol ba byas la/ rdo rje khu tshur gyi dam
 tshig gi phyag rgya bcing bar bya'o/ /de nas dang po'i rdo rje snga ma bzhin du bsam mo/ /de nas rang gi snying gar gnas pa'i rdo rje la/ sarba sa ma ya tsakraM pra brta ya daR+sha ya hUM phaT ces bya ba yid kyis bris la/ 'di nyid yid kyis zlos shing chos thams cad bdag med par
 bsgom par bya'o/ /de nas snying po de nyid kyis rang gi sems zla ba'i dkyil 'khor lta bur bskyed la de'i steng du snying po de nyid kyis zla ba'i dkyil 'khor gnyis pa yang snying po de dang bcas pa'i dang po'i rdo rje de nyid khyab 'jug gi 'khor lo de'i dbus su
 snying po bsams la/ de nyid zlos shing 'khor lo ni bdag yin no zhes bsgom par bya'o/ /'khor lo de nyid sems dpar byin gyis brlabs pa'i sbyor bas/ rdo rje sems dpar bdag nyid bskyed la oM sarba sa ma ya tsakraM pra brta ya daR+sha ya sarba hUM phaT ces brjod la/
 rdo rje sems dpa' 'am khyab 'jug tu bdag nyid bsgom par bya'o/ /de nas ma hA sa ma ya sa twa a haM zhes brjod la dam tshig sems dpa' chen po'i nga rgyal bskyed la khyab 'jug gi 'khor lo'i dam tshig gi phyag rgya bcings la sa ma ya hUM zhes zlos shing dam tshig sems
 dpa'i nga rgyal bskyed la/ sa ma ya sa twa a d+hi tiSh+Tha swa mAM zhes zlos shing khyab 'jug gi 'khor lo'i dam tshig gi phyag rgya de nyid kyis/ snying ga dang / dpral ba dang / lkog ma dang / spyi bor byin gyis brlab par bya'o/ /de nas khyab 'jug gi tshul gyis 'khor lo
 thogs la snying po zlos shing 'jug par bya ste/ 'di ni de la phyag rgya chen po'o/ /de lta bu'i phyag rgya chen po bcings la a'i mthar thug pa'i snying po zlos shing mdun du khyab 'jug gi 'khor lo sna tshogs pad+ma'i steng du bsgom par bya'o/ /de'i dbus su snying po bsams
 la 'khor lo'i nga rgyal bsgom par bya'o/ /yang snying po de nyid zlos shing bdag nyid khyab 'jug tu bsgom par bya'o/ /de nyid du khyab 'jug rdo rje lcags kyu la sogs pas dgug pa dang / gzhug pa dang / bcing ba dang / dbang du byas nas khyab 'jug gi 'khor lo'i
 dam tshig gi phyag rgya bcings te oM sarba sa ma yA tsa kraM pra brta ya daR+sha ya sarba hUM phaT dr-i sh+ya zhes brjod la blta bar bya'o/ /de nas 'khor lo lcags kyus dgug pa dang / gzhug pa dang / bcing ba dang / dbang du byas la rang gi lus la khyab 'jug gi 'khor lo'i phyag
 rgya bcings la sa ma ya s+t+waM zhes brjod de 'od kyi dkyil 'khor bskyed par bya'o/ /de nas rang gi lus kyi nang du chud pa'i khyab 'jug gi lus dang lhan cig tu gyur par bdag nyid bsams la/ sa ma ya s+t+waM a haM/ oM sa ma ya tsa kraM pra brta ya daR+sha ya sarba hUM phaT ces bya ba
 lan gsum brjod par bya'o/ /de nas khyab 'jug gi 'khor lo'i dam tshig phyag rgya ni 'di yin te/ lag pa g.yon pa bkan te shin tu brkyang ba'i steng du lag pa g.yas pa kha sbubs la/ shin tu brkyang ste bzhag la/ de nas mthe bo dang mthe'u chung gnyis rdo rje rtse
 gcig pa ltar byas la/ sor mo lhag ma rnams kyis rtsibs drug par byas pa 'di ni khyab 'jug gi 'khor lo'i dam tshig gi phyag rgya'o/ /phyag rgya 'di nyid kyi mdzub mo gnyis la lcags kyu gnyis byas la/ dgug pa'i snying po zlos shing dgug par bya'o/ /de nas dang
 po'i rdo rje dkar po bsams la snying po bkod pa 'di ni 'dir chos kyi phyag rgya'o/ /yi ge a las rang gi snying gar sna tshogs rdo rje bsams pa las kyi phyag rgya bcing bar bya'o/ /de nas hUM las rang gi snying gar rdo rje rtse lnga pa bsams la khyab 'jug gi phyag rgya chen po bsam
 par bya'o/ /de nas dang po'i rdo rje bcings la de bzhin du bdag nyid byin gyis brlabs la rdo rje rin po che'i phyag rgyas dbang bskur nas/ 'khor lo'i dbang bskur ba dang / bdag po dang ming gi dbang bskur ba'i snying po zlos shing blangs la/ me tog la sogs pa'i
 mchod pa rnams dang / rang gi las kyi phyag rgya rnams kyis bdag nyid la mchod la/ khyab 'jug gi phyag rgya chen po bcings la bdag ni khyab 'jug go zhes nga rgyal bskyed nas/ rang gi snying gar gnas pa'i rdo rje la snying po bsams nas/ nyin re'i sbyor bas
 bzlas brjod 'bum byas nas sngon du bsnyen pa byas par 'gyur ro/ /de nas de bzhin du khyab 'jug gi sbyor ba byas la dkyil 'khor gyi sa'i dbus su 'dug ste/ ting nge 'dzin gsum po ji lta ba bzhin du bsgoms la dam tshig gi phyag rgyas dkyil 'khor nam
 mkhar gzhag par bya'o/ /de nas de nyid kyis bdag lan cig byin gyis brlabs la yongs su bskor bar bya'o/ /de nas ji skad bshad pa'i tshul gyis lhag par gnas pa'i cho ga byas la/ nyi ma 'char ba'i dus su dkyil 'khor thig
 gdab par bya'o/ /de nas tshon gyi phye ma lngas dkyil 'khor bris la/ dkyil 'khor gyi lte bar sna tshogs pad+ma la khyab 'jug gi 'khor lo bri bar bya zhing lha ma yin gyi dbang po 'khor dang bcas pa bri bar bya'o/ /de nas sgo dbye ba'i phyag rgyas sgo phye la khyab
 'jug 'khor dang bcas pa la bum pa la sogs pas legs par mchod nas/ rdo rje gnod sbyin la sogs pa yongs su bzlas pa'i ras kyis gdong g.yogs pa la sogs pa byas la/ phyag rgya bzhi sngon du 'gro bas byang chub kyi sems bskyed par byas la
 skyabs su 'gro ba gzung bar bya'o/ /de nas phyi rol na gnas pa'i bum pa'i chus bdag nyid dbang bskur la phyi rol gyi rdo rje khu tshur gyis dang po'i rdo rje rang gi snying gar bzhag la/ de bskyed la me tog la sogs pas bdag nyid mchod la/ khyab 'jug gi
 'khor lo'i dam tshig gi phyag rgya bcings la badzra badzra zhes zlos shing rang gi snying pos dkyil 'khor du 'jug par bya'o/ /de nas khyab 'jug la phyag byas la/ dkyil 'khor la skor ba lan gsum byas nas khyab 'jug gi mdun du 'dug ste/ 'di skad ces brjod
 par bya'o/ /dzaHhUM baM hoH/ pra sid+d+h+ya maM/ de nas rdo rje chu 'thungs la bdag nyid la dbab par bya'o/ /a zhes bya ba brgya rtsa brgyad bzla bar bya'o/ /yang khro bo'i rdo rje khu tshur gyis sems ma'i rdo rje dral la bdag nyid la dbab par bya'o/ /a zhes bya ba de bzhin du bzla
 bar bya'o/ /de nas rang gi snying pos me tog dor bar bya'o/ /de nas de blangs la de nyid kyis rang gi mgo la bcing bar bya'o/ /de nas de nyid kyis gdong g.yogs dgrol bar bya'o/ /de nas de nyid zlos shing dkyil 'khor gyi shar phyogs nas brtsams te dbus ma'i
 'khor lo'i bar du blta bar bya'o/ /de nas khyab 'jug gi dam tshig gi phyag rgya bcings la/ tiSh+Tha badzra zhes bya ba la sogs pas snying gar dgrol bar bya'o/ /de nas khyab 'jug gi phyag rgya chen po bcings la de rdo rje blta ba khro ba dang bcas pas bltas la/ ji
 srid mthong bar gyur cing rang gi dngos grub ster ba de srid kyi bar du snying po bzla bar bya'o/ /de nas de bzhin du bltas la rdo rje thal mos bskor bas phyag byas nas me tog la sogs pa'i dbang bskur bas blang bar bya'o/ /de la dang por re zhig phyi rol gyi rdo rje khu tshur
 gyis bzung ba'i 'khor lo'i lcug ma la yang / rnam par rgyal ba'i bum pa la dpal rdo rje sems dpa'i dkyil 'khor las bshad pa'i bum pa la sngags lan nyi shu rtsa gcig yongs su bzla bar bya'o/ /de nas bdag nyid khyab 'jug tu byin gyis brlabs la/ dkyil
 'khor nang gi shar ngos su sna tshogs pad+ma bris nas/ de'i steng du khyab 'jug gi phyag rgya chen por bsams te 'dug la me tog la sogs pas bdag nyid mchod la/ mchod yon blangs te/ phyi rol gyi rdo rje khu tshur gyis rnam par rgyal ba'i bum pa las chu blangs nas/ oM sarba
 sa ma ya tsakraM pra brta ya daR+sha ya sa ra bi hUM phaT/ oM badzra a b+hi Shiny+tsa zhes brjod cing de nas bdag nyid dbang bskur bar bya zhing chu de btung bar bya'o/ /de nas rdo rje rin chen gyi phyag rgyas dbang bskur la/ rin po che'i cod pan gyis dbang bskur bar bya'o/ /de nas rang gi
 snying gar 'khor lo dril bu dang bcas pa bzung la/ de nyid kyis bdag po dang / ming gi dbang bskur ba blangs nas/ mchod pa rnam pa lnga dang / las kyi phyag rgya rnams kyis kyang bdag nyid yang dag par mchod la khyab 'jug la phyag byas te snying po bzung la phyag rgya
 bzhi'i ye shes blangs nas/ bdag la byin gyis brlabs pa la sogs pa byas la rang gi ming nas brjod de/ dkyil 'khor rdo rje bsgrub par bya'o/ /de nas bsdu ba byas la khyab 'jug gi 'khor lo'i phyag rgya'i mdzub mo gnyis kyi lcags kyus khyab 'jug 'khor
 dang bcas pa dgug pa dang / gzhug pa dang / bcing ba dang / dbang du byas la dkyil 'khor du bsgrub par bya'o/ /de nas khyab 'jug gi 'khor lo'i dam tshig gi phyag rgya bcings la/ oM sarba sa ma ya tsakraM pra brta ya daR+sha ya sarba hUM phaT
 dr-i sh+ya dzaHhUM baM hoH/ sa ma ya s+t+waM a haM/ oM sarba sa ma ya tsakraM pra brta ya daR+sha ya hUM phaT ces lan gsum brjod par bya'o/ /de nas de bzhin du khyab 'jug gi 'khor dang bcas pa'i lce la snying po bsams la las kyi phyag rgya dang phyag rgya chen po bcings te/ rdo rje rin
 chen gyi phyag rgyas khyab 'jug 'khor dang bcas pa la dbang bskur te yon byin la mchod yon thams cad kyis mchod par bya'o/ /de nas phyi rol du gtor ma byin la sbyin sreg bya'o/ /de nas khyab 'jug gi phyag rgya chen po bcings la/ ji srid mtshan ma thob par
 gyur pa de srid [(]gyi [,]kyi [)]bar du dkyil 'khor bsgom par bya'o/ /de nas bka' mnos la slob ma gzhug par bya'o/ /slob dpon gyi las kyi cho ga rdzogs so// //de nas rang gi 'jug pa'i cho gas slob ma bcug la dam tshig sbyin par bya'o/ /'di ni khyed kyi
 dam tshig yin te/ sems can thams cad la yid mi rton pa dang / rtag tu sgyu ma'i mchog thams cad ston cing bslab pa dang / de rnams la khyed kyis brnyas par ma byed cig /de nas cho ga thams cad rdzogs par byas la slob ma rnams la rma bya'i sgro'i chings ma sbyin
 par bya zhing sgrub pa bslab par bya'o/ /ras la 'khor lo bris la de'i ngos thams cad du bde mchog la sogs pa lha ma yin gyi dbang po 'khor dang bcas pa dang / rgyu ba dang mi rgyu ba'i dngos po thams cad bri bar bya'o/ /de nas tshes bcu bzhi la ras ris kyi mdun du
 bdag la byin gyis brlabs pa la sogs pa byas nas/ ras ris la khyab 'jug 'khor dang bcas pa spyan drangs te/ mchod pa thams cad kyis legs par mchod la phyag byas la/ rma bya'i mjug sgro'i chings ma la bzlas brjod 'bum bya'o/ /de nas
 chings ma blangs te/ lag pas bzung la nyin re bya ba'i sbyor bas bzlas brjod 'bum bya'o/ /de nas gang gi tshe nyal ba de'i tshe mgo bor gzhag go/ /de nas bzlas brjod 'bum tshang ba dang / tshes bcu bzhi la 'khor lo'i phyag rgyas bzung ste/ mtshan thog thag
 bzlas brjod byas na nang par de las thams cad mthong bar 'gyur ro/ /de nas brtsams te sgyu ma thams cad ston par byed do/ /dpal mchog dang po'i dum bu gnyis pa'i rtsa ba'i rgyud las/ lha ma yin gyi rtog pa bshad pa rdzogs so// //de ltar lha ma yin gyi
 rtog pa bshad nas de nas zhes bya ba la sogs pas klus 'dul ba las brtsams te klu'i rtog pa gsungs pa yin no/ /de nas zhes bya ba'i sgra ni de ma thag pa ston par byed pa'i thi tshig ste/ dang po'i sbyor ba'i rjes thogs nyid la'o/ /'dir dang po'i sbyor ba ni ming
 po gsum gyi dkyil 'khor las bshad pa nyid yin no/ /klu'i rigs bzhi zhes bya ba ni bram ze la sogs pa'i dbye bas klu'i rigs brgyad po bzhir 'gyur ro/ /de la mtha' yas dang rigs ldan ni bram ze'o/ /nor rgyas dang dung skyong ni rgyal rigs so/ /'jog po
 dang pad+ma chen po ni rje'u rigs so/ /karko Ta dang pad+ma ni dmangs rigs so/ /rang gi snying po phul ba ni phuHzhes bya ba phul ba'o/ /'di brjod pa tsam gyis klu'i dkyil 'khor byung bar 'gyur te/ 'di yan chad kyis ni ting nge 'dzin gnyis pa bshad pa yin no/ /de nas
 bsdu ba sngon du 'gro ba ni gsum pa yin par shes par bya'o/ /dam tshig dang dbang bskur ba thob pas bzlas brjod dang bsgom pa bya'o zhes de'i cho ga bstan par bya ba'i phyir/ de nas dkyil 'khor zhes bya ba la sogs pas slob dpon gyi las kyi cho ga dang / slob ma 'jug
 pa la sogs pa'i cho ga rgyas par gsungs pa yin no/ /de nas dkyil 'khor zhes bya ba la sogs pa las 'byung ste zhes bya bar shugs kyis sbyor bar bya'o/ /sgo bzhi zhes bya ba la sogs pa la rnam pa thams cad du shar dang / lho dang / nub dang / byang gi ri mo'i
 rtse mo bzhi 'di la yod pas na/ dkyil 'khor zur bzhi pa'o/ /sgo bzhi zhes bya ba ni ngos bzhi'i dbus kyi char cha brgyad pa'i tshad kyi sgo bzhi 'di la yod pas na sgo bzhi'o/ /sbrul gyi thig gis kun du bri/ /zhes bya ba ni/ sbrul lta bu'i tshon gyi ri
 mo ni sbrul te/ de srad bu 'di la yod pas na sbrul gyi thig go/ /klu yi gdengs ka'i rtse sgo khyud/ /ces bya ba ni klu'i gdengs ka ni sbrul gyi gdengs ka ste/ de'i rtse mo can gyi sgo khyud 'di la yod pas na/ klu'i gdengs ka'i rtse mo'i sgo khyud can gyi dkyil 'khor ro/ /
 de yang sgo re re zhing sbrul gnyis gnyis kyi gdengs ka'i rnam pa sgo khyud 'di la yod do zhes bya ba'i tha tshig go/ /mtshams kyi mthar ni mjug rtse mdud/ /ces bya ba ni mtshams kyi mthar sbrul gyi mjug ma 'di la yod pas na mtshams mthar te/ sbrul gyi mjug ma
 de'i rtse mo ste tha mar mdud pa byas pa 'di la yod pas na/ mtshams kyi mthar ni mjug rtse mdud/ /ces bya'o/ /de yang dkyil 'khor gyi mtshams re re zhing sbrul gyi mjug ma gnyis phan tshun mdud par byas pas mtshams su mdud par byas pas zhes bya ba'i tha
 tshig go/ /de'i zhes bya ba la sogs pa la de ltar sbrul brgyad kyis zur bzhi pa sgo bzhi pa sbrul gyi gdengs ka'i rtse mo sgo khyud mtshams kyi mthar mjug rtse mdud pa'i dkyil 'khor bris nas de'i dbus su chu srin la sogs pas yongs su gang bar bya'o/ /dkyil 'khor de'i lte
 ba'i phyogs su klu'i rgyal po she Sha gdengs ka brgyad dang ldan pa lus kyi tshad med pa bri bar bya'o/ /de nas shar phyogs kyi char klu'i rgyal po mtha' yas gdengs ka bdun dang ldan pa/ me'i mtshams su rigs ldan/ lho phyogs su nor rgyas/ bden bral gyi
 mtshams su dung skyong / nub phyogs su 'jog po/ /rlung gi phyogs su pad+ma chen po/ /byang phyogs su karko Ta/ dbang ldan gyi mtshams su pad+ma bri bar bya'o/ /de nas 'jug par bya'o zhes bya ba la sogs pa de ltar lha rnams bkod nas sgo dbye ba la sogs pa
 byas te/ bum pa la sogs pas/ dkyil 'khor yang dag par mchod la srog dang bcas pa'am bzor byas pa'i sbrul blangs la/ badzra badzra phuHzhes zlos shing / khros pa'i shugs kyis rgyug cing / dkyil 'khor du zhugs la gdengs ka'i phyag rgya bcings nas/
 de nyid kyis me tog phreng ba blang bar bya'o/ /de nas rang gi cho ga thams cad rjes su spyad la/ gdengs ka'i phyag rgya dang / oM hrIHa nI la badzrA be ga pra ti b+hi n+d+ha ra she Sha a ya hi phu/ sarba nA ga ku la A na ya hUM phu/ sa ma ya pra be sha phu/ sarbaM sA d+ha ya phu phu phu zhes
 bya ba'i snying pos klu'i rgyal po she Sha 'khor dang bcas pa ji lta ba bzhin du dgug par bya'o/ /de nas zhes bya ba la sogs pas de ltar dgug pa'i rjes thogs nyid la/ klu'i bu'i slob ma rnams phu zhes bya ba zlos shing dkyil 'khor du zhugs nas babs par gyur zhing phan
 tshun 'thab bo/ /de nas slob dpon gyis phu zhes bya ba zlos shing ri mo'i phyag rgya bcings la de rnams dug med par bya'o/ /de nas zhes bya ba la sogs pa la de nas slob dpon gyi gdengs ka'i phyag rgya dang / rang gi 'jug pa'i cho gas slob ma thams cad gzhug par bya'o/ /
 de nas 'di skad ces brjod par bya ste/ khyed rnams kyis klu rnams dbyung bar mi bya/ sbrul thams cad gsad par mi bya/ sbrul za ba rnams la bsrung ba dang / byab pa dang / gso ba ma byed cig /gsang ba'i dam tshig 'di yang brjod par bya ste/ mdza' min
 thabs ni gzhan dag gis/ /dug ma gtogs par gnod mi bya/ /dug bslang ba'am dam tshig 'das/ /klu yi rigs kun rigs bsregs 'gyur/ /de nas yang mna'i dam tshig sbyin par bya ste/ 'dod chags zhe sdang gti mug ste/ /'di dag 'jig rten
 dug gsum po/ /gal te de las 'das gyur na/ /'tsho ba'i 'jig rten 'dir brtags nas/ /gal te dngos grub thob 'dod na/ /glog la brnyas par mi bya zhing / /ser ba bzlog par mi bya la/ /sbrul ni gang yang gsod mi bya/ /de nas snying po byin la phyag
 rgya bzhi blang bar bya'o/ /gdengs pa'i lag pa dang / nam mkha'i lding gi de kho na nyid dang / dug bskyed pa dang / dug bsal ba ni zhes bya ba ni de rnams kyi sgrub pa yin no/ /khro bo gos kyis g.yogs la las bya'o zhes bya ba ni de nas brtsams
 te dug thams cad zos kyang bdud rtsi ltar 'ju bar 'gyur ro/ /nor rgyas dang yang lhan cig gar byed do/ /dug thams cad sbyar ba dang gzhig par nus par 'gyur ro/ /yang 'di'i don brjod par bya ste/ de bzhin du dang po'i rdo rje'i phyag rgya bcings pa'i bar gyi phyag rgya
 bcings par byas la rang gi snying gar gnas pa'i rdo rje yi ge phu bsams la chos thams cad bdag med par bsgom par bya'o/ /de nas phu zhes bya ba de nyid las rang gi sems zla ba'i dkyil 'khor du bsams la de'i steng du yi ge phu las zla ba'i dkyil 'khor gnyis pa phu
 nyid dang bcas pa'i dang po'i rdo rje nyid las klu'i zhags pa de'i dbus su yi ge phu bsams la/ klu'i zhags pa'i nga rgyal bsgoms nas zhags pa de sems dpar byin gyis brlabs pa'i sbyor bas/ rdo rje sems dpar bdag nyid bsams la phu de nyid zlos shing
 klu'i rgyal po she Sha'i gdengs ka brgyad dang ldan par bdag nyid bsams la/ ma hA sa ma ya satwou0f85haM zhes zlos shing dam tshig chen po sems dpa'i nga rgyal bskyed la dam tshig ni bdag go zhes bsgom zhing sa ma ya sa twa a d+hi tiSh+Tha swa maM zhes bya bas snying ga dang / dpral b
 a dang / lkog ma dang / spyi bor byin gyis brlab par bya'o/ /de nas lag pa g.yas pas rdo rje rtse gsum pa bzung zhing / g.yon pas klu'i zhags pa bzung la phu zhes zlos pa 'di ni phyag rgya chen po'o/ /de ltar phyag rgya chen po bcings nas phu a zhes zlos shing
 mdun du sna tshogs pad+ma'i steng du klu'i zhags pa bskyed la phu zhes zlos shing klu'i zhags pa'i nga rgyal bsgoms la de nyid klu'i rgyal po she Shar bsams la/ sheSha nA ga rA dza ho phu zhes brjod par bya'o/ /de nas de nyid du rdo rje lcags kyu la sogs pas dgug pa dang gzhug pa
 dang / bcing ba dang dbang du byas la klu'i rgyal po she Sha'i kha'i gdengs ka'i phyag rgya bcings la phu dr-i sh+ya zhes bya bas blta bar bya'o/ /de nas dgug pa'i phyag rgya dang / dgug pa'i snying pos rang gi lus la dgug pa dang / gzhug pa dang / bcing ba dang dbang du
 byas la yang gdengs ka'i phyag rgya bcings la/ sa ma ya s+t+waM zhes brjod cing / 'od kyi dkyil 'khor bsams te/ der zhugs pas klu'i rgyal po she Sha dang lhan cig tu gyur par bsams la sa ma ya s+t+waM a haM phu zhes lan gsum bzla bar bya'o/ /de la gdengs ka
 chen po'i phyag rgya zhes bya ba ni 'di yin te mthe bo gnyis bcings la kha phyi rol bstan te/ sor mo brgyad gdengs ka'i tshogs su byas pa ni klu thams cad dgug pa dang / gzhug pa dang / bcing ba dang / dbang du bya ba'i dam tshig gi sor mo thams cad legs par
 bcer la gdengs ka'i steng du gzhag pa ni gdengs ka'i lag pa'o/ /de nas chos dang las dang phyag rgya chen pos bdag nyid rgyas btab la dang po'i rdo rje de bzhin du byin gyis brlabs nas/ rdo rje rin chen gyi phyag rgyas dbang bskur la phu zhes bya bas/ klu'i zhags pa dang
 rdo rje rtse gsum pa thogs la phu nyid kyis bdag po'i dbang bskur ba dang / ming gi dbang bskur ba blangs la las kyi phyag rgyas yang dag par mchod de/ rnam par sgeg pa'i dga' ba'i rdo rje dang / phyag rgya bzhis phyag byas la spyan drangs pa sngon du 'gro ba dang /
 klu'i rgyal po she Sha'i snying po'am rang gi snying po dang po'i rdo rje bsams la/ de'i dbus su nyin re'i sbyor bas ji srid mtshan ma thob par gyur pa de srid kyi bar du bzlas te bsgom par bya'o/ /de nas dkyil 'khor gyi sa'i dbus su/ klu'i rgyal po she Sha'i rnal 'byor de
 bzhin du byas la ting nge 'dzin gsum po ji lta ba bzhin du bsgom par bya'o/ /de nas gdengs ka'i phyag rgya dang / phu badzro tiSh+Tha maN+Dal ut+pA dA yaH/ zhes brjod cing / dkyil 'khor nam mkhar gzhag par bya'o/ /de nas gdengs ka'i phyag rgya dang phu zhes bya bas
 bdag nyid byin gyis brlabs la phyag rgya chen po bcings te yongs su bskur bar bya'o/ /de nas ji skad bshad pa'i tshul gyis bsnyen par byas la/ nyi ma 'char ka'i tshe/ dkyil 'khor thig gdab par bya'o/ /de nas klu'i dkyil 'khor klu'i rigs
 brgyad dang bcas pa snga ma bzhin du bri bar bya'o/ /de nas sgo dbye ba byas la klu'i rgyal po 'khor dang bcas pa mchod nas/ rdo rje gnod sbyin dang / phu bzlas pa'i gos kyis gdong g.yogs pa la sogs pa byas la/ phyag rgya bzhi sngon du 'gro bas byang chub chen po'i sems bskyed
 pa dang / gsum la skyabs su 'gro ba blangs la phyi rol gyi rdo rje khu tshur gyis dang po'i rdo rje rang gi snying gar 'dzin cing / rang gi snying gar de bzhin du bskyed la/ phyi rol na gnas pa'i bum pa'i chus bdag nyid dbang bskur la/ lag pa gdengs ka'i phyag rgya bcings te/ de
 nyid kyis me tog gi phreng ba blangs te/ lag pa g.yon pas klu'i zhags pa bzung ste/ badzra badzra phu zhes zlos shing dkyil 'khor du 'jug par byed/ de nas klu'i rgyal po she Sha klu'i rigs brgyad dang bcas pa la phyag byas la/ dkyil 'khor lan gsum
 bskor ba byas nas/ she Sha'i mdun du 'dug la 'di skad ces brjod par bya'o/ /dzaH hUM baM hoHpra sid+d+ha maM/ de nas rdo rje chu 'thungs la a zhes bya ba lan brgya rtsa brgyad zlos shing bdag nyid la dbab par bya'o/ /yang khro bo'i khu tshur gyis sems ma'i rdo rje phye la a
 zhes bya ba de bzhin du zlos shing bdag nyid la dbab par bya'o/ /de nas phu nyid kyis me tog dor bar bya'o/ /de nas de blangs la de nyid kyis bcing bar bya'o/ /de nas de nyid kyis gdong g.yogs dgrol lo/ /de nas de nyid zlos shing dkyil 'khor blta bar bya'o/ /de nas
 gdengs ka'i lag pa bcings la tiSh+Tha badzra zhes bya ba la sogs pas rang gi snying gar dgrol bar bya'o/ /de nas she Sha'i phyag rgya bcings la de rdo rje blta ba khro bo dang bcas pas bltas la ji srid dngos grub ster bar byed pa de srid kyi bar du phu zhes bya ba brjod par bya'o/ /de
 nas de bzhin du bltas la rdo rje thal mos bskor ba byas la/ me tog gi phreng ba la sogs pa'i dbang bskur ba yang blang bar bya'o/ /de la dang por re zhig phyi rol gyi rdo rje khu tshur gyis yongs su bzung ba'i rdo rje me tog gi lcug ma las/ rnam par rgyal ba'i bum pa la/
 dpal rdo rje sems dpa'i dkyil 'khor du bshad pa'i bum pa'i sngags lan nyi shu rtsa gcig bzlas par bya'o/ /de nas bdag nyid she Shar byin gyis brlabs la shar phyogs kyi sgor bltas pas dkyil 'khor gyi nang du sna tshogs pad+ma bris la/ de'i steng du she Sha'i
 phyag rgya chen pos 'dug ste/ dri la sogs pas bdag nyid mchod de/ mchod yon blangs nas phyi rol gyi rdo rje khu tshur gyis rnam par rgyal ba'i bum pa las chu blangs la/ phu oM badzra a b+hi Shiny+tsa zhes zlos shing / des bdag nyid la dbang bskur bar bsam zhing chu de
 btung bar yang bya'o/ /de nas rdo rje rin chen gyi phyag rgyas dbang bskur zhing rin po che'i cod pan gyis dbang bskur bar bya'o/ /de nas zhes bya ba dang / rdo rje rtse gsum pa blangs la de bzhin du bdag po'i dbang bskur ba dang / ming gi dbang bskur ba blangs par bya'o/ /
 de nas mchod pa rnam pa lnga dang las kyi phyag rgya rnams kyis bdag nyid la mchod la she Sha la phyag bya zhing phu zhes bya ba dang / phyag rgya bzhi'i ye shes blangs la/ bdag la byin gyis brlabs pa la sogs pa byas nas/ rang gi ming nas kyang brjod de dkyil 'khor rdo
 rjes bsgrub par bya'o/ /de nas bsdu ba byas la/ gdengs ka'i lag pas she Sha 'khor dang bcas pa dkyil 'khor du bcug la/ gdengs ka'i phyag rgya bcings la phu dr-i sh+ya zhes bya bas she Sha 'khor dang bcas pa la blta bar byas la sa ma ya s+t+waM/ sa ma ya dzaHhUM baM
 hoHphu zhes lan gsum brjod la bsgrub par bya'o/ /de nas hUM las rang gi lce la rdo rje dkar po bsams la she Sha la sogs pa'i lce la yang phu zhes bya ba bsams la/ 'di ni de rnams kyi chos kyi phyag rgya'o/ /a las rang gi snying gar sna tshogs rdo rje bsams la/
 she Sha la sogs pa'i las kyi phyag rgya bcing bar bya'o/ /de nas hUM las rang gi snying gar rdo rje rtse lnga pa bsams la she Sha la sogs pa'i phyag rgya chen po bcing bar bya'o/ /de nas rdo rje rin gyi phyag rgyas she Sha la sogs pa la dbang bskur la mchod pa
 rnam pa lngas mchod par bya'o/ /de nas phyi rol du gtor ma byin la sbyin sreg bya'o/ /de nas yang phyag rgya chen po bcings la ji srid mtshan ma thob par 'gyur ba de srid kyi bar du bsgom par bya'o/ /de legs par mchod la phyag byas te/ slob ma gzhug pa'i phyir bka'
 nos la slob ma gzhug par bya'o/ /slob dpon gyi las kyi cho ga rdzogs so// //de nas slob ma thams cad dug med par byas la/ rang gi 'jug pa'i cho gas bcug la rang gi cho ga dang de rnams kyi khyad par gyi cho ga snga ma ltar bya'o/ /slob ma 'jug pa la sogs pa'i
 cho ga rgyas pa rdzogs so/ / //dpal mchog dang po'i dum bu gnyis pa rtsa ba'i rgyud las/ klu'i dkyil 'khor gyi rtog pa rgyas par bshad pa rdzogs so// //bde ba chen po rdo rje gsang ba ni 'jig rten dang 'jig rten las 'das pa'i dkyil 'khor thams cad
 de/ rtog pa bcu'o/ /de nyid ni rtog pa'i rgyal po chen po de nyid las bde ba thams cad kyi dam tshig chen po rdo rje gsang ba'i cho ga rgyas pa rdzogs pa ni/ rtsa ba'i rgyud kyi tshul gyis so/ /de la bde ba thams cad ni 'jig rten dang 'jig rten las 'das pa'o/ /de
 nyid ni 'jig rten dang 'jig rten las 'das pa'i tshul gyis thams cad du khyab pas na dam tshig go/ /de las byung ba ni dang po'i rdo rje'o/ /de'i gsang ba ni ji skad du bshad pa'i 'jig rten pa dang 'jig rten las 'das pa'i dkyil 'khor bcu'o/ /de'i cho ga rgyas pa ni
 bsgrub par bya ba dang / sgrub par byed pa'i tshogs so/ /dpal mchog dang po'i rgya cher bshad pa shes rab kyi pha rol tu phyin pa 'byung ba las/ dum bu gnyis pa'i rtsa ba'i rgyud las 'jig rten pa dang 'jig rten las 'das pa'i dkyil 'khor bcu'i rtog pa bshad pa
 rdzogs so/ / //de ltar dum bu gnyis pa rtsa ba'i rgyud las/ dkyil 'khor bcu'i rtog pa gsungs nas/ da ni shes rab kyi pha rol tu phyin par gsungs pa'i rtog pa rnams kyang gal te gdul bya'i nyes pas grub par ma gyur na/ bsgrub pa'i khyad par gyis myur du
 bsgrub par bya ba'i phyir/ de nas zhes bya ba la sogs pas dpal rdo rje sems dpa'i gsang ba'i rtog pa gsungs pa yin no/ /de nas zhes bya ba ni 'das ma thag pa ston pa'i tshig ste/ sngar bshad pa'i tshul gyis shes rab kyi pha rol tu phyin pa'i tshul gyi sgo'i chos
 kyi rnam grangs bstan nas don de bsgom par bya ba'i phyir bde ba chen po rdo rje sems dpa'i bzhugs gnas kyi gzhal yas khang bskyed nas/ der ji lta ba bzhin du bzhugs te rdo rje sems dpa'i dbang bskur nas/ bcom ldan 'das rnam par snang mdzad bzhugs
 pa de'i rjes thogs nyid la'o/ /rdo rje ri rab chen po'i rtse mo de'i steng na rdo rje gzhal yas khang chen po na/ bde ba chen po'i tshul gyis bzhugs so zhes bya bar sbyar ro/ /de bzhin gshegs pa thams cad kyi tshogs las byung ba 'dod pa'i khams thams cad kyi gdul bya
 rnams la so sor snang bar gyur pa rdo rje'i rang bzhin can gyi ri rab chen po'i rtse mo de'i steng na phyogs bcu thams cad du gnas pa'i rdo rje nor bu chen por ro/ /der khyad par ji lta bus bcom ldan 'das bzhugs she na rdo rje rin chen la sogs pa smos te/ rdo rje rtse lnga pas rtse mo
 mtshan pa'i yid bzhin gyi nor bu rin po che 'dir/ nor bu rin po che yin te/ gang gi phyir rdo rje phyed dang ldan pa ni rdo rje rin chen no zhes 'og nas bshad pa'i phyir ro/ /de rnams kyi 'od 'bar ba ste/ de nyid kyis gsal ba'i snang ba 'di la yod pas na/ rdo rje rin chen
 'od gsal ba'o/ /des brgyan pa ni brgyan par byas pa'o/ /dra ba dang dra ba phyed la sogs pas 'od dang mdangs dri ma med pa 'di la yod pas na dri med mdangs dang ldan pa'o/ /dri ma med pa'i 'od kyis brgyan pa de ni de skad ces bya'o/ /zur bzhi pa zhes bya ba la
 sogs pa ni bshad zin to/ /ba dan dang 'phan rlung gis bskyod pa ni shin tu mdzes pa de la dril bu btags pa des sgra sgrogs pa ni theg pa gsum gyis chos ston pa'i sgra sgrogs pa de na'o/ /dra ba zhes bya ba la sogs pa la de la dra ba ni mu tig gi chun 'phyang
 dbus na yod pa'o/ /me long ni go bar zad do/ /me tog chun po ni dpag bsam gyi shing gi me tog go/ /dra ba dang me long dang me tog chen po dang / me tog gi phreng ba dang / rgyan rnams kyis bskor ba ni brgyan pa'o/ /de lta bu der bde ba chen po rdo rje chen po ste der dang
 po'i rdo rje'o/ /rdo rje kun gyis ni rdo rje dang / rdo rje rin chen dang / rdo rje pad+ma dang / sna tshogs rdo rje'o/ /bde ba chen po rdo rje chen po dang / rdo rje thams cad ni bde ba chen po rdo rje thams cad do/ /de rnams kyis mngon par 'dus byas pa ni bskyed pa'o/ /der rdo rje sems
 dpa'i snang ba chen po yod pa ni rdo rje chen po'i snang ba chen po'o/ /der sangs rgyas kun gyis zhes bya ba 'jig rten gyi khams thams cad kyi rdul phra rab dang mnyam pa'i de bzhin gshegs pa rnams kyis nges par bsten pa ste/ der bzhugs pas de bsten par mdzad
 pa'o/ /gnas der byang chub sems dpa'i rang bzhin can gyi sems dpa' ni byang chub sems dpa' ste/ de rnams kyis gnas pa ni spyod lam rnam pa bzhi dang / thugs rje chen po la sogs pa yid kyis bzhugs pa'o/ /de mchog tu gyur pas na byang chub sems
 dpa'i gnas pa mchog ces bya'o/ /der rdo rje 'chang ba kun ni de bzhin gshegs pa rnams dang / rigs lnga po rnams so/ /de rnams kyi gnas ni bzhugs gnas te/ der/ bde ba chen po rdo rje che/ /nor bu rin chen zhes bya ba ni/ bde ba chen po'i nor bu chen po
 rdo rje nor bu rin chen ni ji skad du bshad pa'i nor bu chen po'o/ /des mchog tu gyur pa ni dam par gyur pa gang yin pa de la ming de skad ces bya bas nor bu rin chen mchog ces bya ba/ rdo rje chen po'i gzhal yas khang zhes bya'o/ /der stong pa nyid bco brgyad kyi ting nge 'dzin
 ni rdo rje chen po ste/ der rgyu mthun pa las byung ba'i gzhal yas khang yin pas na/ rdo rje chen po'i khang brtsegs na/ /zhes bya'o/ /na zhes bya ba'i sgra ni nges par gzung ba'o/ /rnam par bzhugs zhes bya ba ni/ de lta bu'i khyad par can gyi gnas na bde ba chen po
 bzhugs pa ni gnas par mdzad pa'o/ /'dir/ bde ba chen pos rnam par bzhugs/ /zhes bya ba ni 'di la bde ba chen po mnga' bas na/ bde ba chen po ni dpal rdo rje sems dpa' ste/ 'di'i gnyis su med pa'i ye shes zhes bya ba'i tha tshig go/ /bde ba chen po 'di'i
 khyad par ji lta bu zhig ce na/ thog ma tha ma med ces bya ba la sogs pas de khyad par du byas pa yin te/ thog ma tha ma med ces bya ba ni/ dang po ni thog mar skye ba'o/ /tha ma ni dus tshigs med par 'jig pa'o/ /gang la thog ma dang tha ma med pa de ni thog
 mtha' med pa'o/ /sems dpa' ni dmigs pa med pa'i thugs rje chen po'i tshul gyis 'gro ba'i don la chags pas na sems dpa'o/ /rdo rje sems dpa' zhes bya ba ni stong pa nyid bcu drug gi rang bzhin yin pas na rdo rje sems dpa'o/ /de yang thog ma dang tha
 ma med pa nyid dang / rdo rje sems dpa' nyid kyis dbang du mdzad nas/ de la ji ltar na thog ma dang tha ma med pa yin zhing rdo rje sems dpa' yin zhe na/ nam mkha' las byung mtshan ldan phyir/ /thog ma tha ma med pa'i mchog /rdo rje sems dpa'i dam tshig
 sems/ /rdo rje sems dpa' zhes bshad do/ /zhes 'og nas bshad pa'i phyir ro/ /yang dga' ba chen po ci zhig la chags she na/ sems can rnams la chags par mdzad do zhes gsungs pa yin no/ /dga' ba che zhes bya ba ni chos thams cad kyi de
 kho na nyid la dgyes pa dang / sems can gyi don la dgyes pas na dga' ba che'o/ /de yang ji ltar na/ bcom ldan 'das dga' ba chen po nyid yin zhe na/ nyes bral shin tu rtog pa dang / /chags pa kun la rjes su dgyes/ /de nyid kyis gsang bcom
 ldan 'das/ /'dod chags chen po dga' ba che/ /zhes gsungs pa'i phyir ro/ /kun du bzang po che zhes bya ba ni gdul bya rnams la 'di nas kun nas bzang zhing dge bas na kun du bzang po ste/ kun du bzang po yin pa'am/ nyon mongs bag
 chags dang bcas pa dang bral ba nyid kyi phyir kun nas yongs su dag pas na/ kun du bzang po'o/ /kun bdag nyid ces bya ba ni thams cad kyi bdag po ste/ rang bzhin yin pas na kun bdag nyid de/ rgyu ba dang mi rgyu ba'i dngos po thams cad kyi rang bzhin zhes bya ba'i tha tshig go/ /
 don gnyis pa 'di nyid kyi dbang du byas nas/ shin tu dag pa kun gyi mchog /gdod nas grol ba de bzhin gshegs/ /kun du bzang po kun bdag nyid/ /byang chub sems dpa' sems dpa'i mchog /ces 'og nas bshad pa yin no/ /rdo rje snyems tshul bdag po'i
 bdag / ces bya ba ni bcom ldan 'das rdo rje sems dpa'i phyag rgya chen po gang yin pa dang / de nyid kyi lha mo gang yin pa de ni rdo rje snyems tshul lo/ /de'i bdag po ni byang chub chen po'i mtshan nyid can gyi thugs so/ /de'i dbang du byas nas phyag rgya de gang gi phyir 'khor
 ba ji srid pa'i bar du rgyun du 'gro ba'i don mdzad pa'i phyir bzhugs pa yin la/ phyag rgya chen po de la yang rtag pa nyid du dbang nyid kyis gtso bor gyur pa nyid mnga' ba'o zhes bdag po'i sgra gnyis pas ston pa yin no/ /de nas yang bcom ldan 'das kyis/ kun mchog
 dngos grub chen po yi/ /dbang phyug chen po'i phyag rgya yis/ /rdo rje'i dbang phyug cher bstod pa/ /rdo rje snyems tshul bdag po'i bdag /ces gsungs pa yin no/ /yon tan gyi khyad par de lta bu dang ldan pa'i bde ba chen po nyid du ji ltar 'gyur zhes rtog pa dag yod
 pas bde ba chen po nyid rtogs par bya ba'i phyir/ sems can kun gyis zhes bya ba la sogs pa rang gi sems yongs su sbyang ba'i ye shes gsungs pa yin te/ sems can kun gyi sems kun gzhi'i rnam par shes pa gang yin pa de nyid chos bdag med pa'i tshul gyis
 rang bzhin gyis 'od gsal ba yin zhing / gzung ba dang 'dzin pa'i rnam par rtog pas bskyod par mi nus pas na brtan pa yin la/ nyon mongs pa dang / phung po dang / 'chi bdag dang / lha'i bu'i bdud kyis rdo rje ltar mi phyed pa yin la/ de ltar mi phyed pa de nyid
 kyis byang chub chen po las bzlog par mi nus pa'i phyir sems dpa' zhes bshad de/ mi shigs pa'i tshul can no/ /mnyam par gzhag pas ting nge 'dzin/ /zhes bya ba ni/ mi shigs pa'i tshul can gyi sems de nyid sems can thams cad kyi rnam par rtog pa
 thams cad dang bral la/ de bzhin nyid du ro gcig par sems rtse gcig pa nyid ni mnyam par gzhag pa'i rang bzhin nyid yin pas ting nge 'dzin zhes bya bar bshad do/ /nges pa'i phyir na rdo rjer gyur/ /ces bya ba ni/ sems can thams cad kyi sems chos bdag med
 pa'i rang bzhin can de nyid zla ba'i dkyil 'khor gyi rnam pa dang / zla ba'i dkyil 'khor la rdo rje rtse lnga pa/ rdo rje'i bdag nyid can du bsgoms pa'i nges pa'i rgyur gyur pa las rdo rje nyid du gyur pa yin te/ rdo rje ngo bo nyid ni rdo rje ngo bo nyid de rdo rje'i rang bzhin thob pa'o/ /sems
 dpar byin rlabs sbyor ba yis/ /rdo rje sems dpa' nyid du 'gyur/ /zhes bya ba ni/ rdo rjer gyur pa'i sems de nyid sems dpar byin rlabs tshul gyis zhes bya ba la rdo rje sems dpa'i skur rnam par bsgoms nas/ rdo rje sems dpa'i skur yang 'gyur ro/ /de
 ltar rdo rje sems dpa' skyed pa bstan nas/ da ni de nyid ces bya ba la sogs pas de bzhin gshegs par bskyed par gsungs pa yin no/ /de nyid ces bya ba ni thog ma dang tha ma med pa chos kyi dbyings de nyid bdud bzhi bcom pas na/ bcom ldan 'das zhes bya'o/ /
 rtag pa ni brtan zhing mi 'gyur ba'o/ /byang chub spyod pa'i rjes 'gro yin/ /zhes bya ba ni mngon par byang chub pa lnga ni byang chub bo/ /de'i don du spyod pa ni byang chub spyod pa ste/ rang gi sems ji lta ba bzhin du rtogs pa'i sangs rgyas kyi rang bzhin ji lta ba bzhin du
 rtogs shing rjes su 'gro ba yin pa'i phyir/ byang chub spyod pa rjes 'gro yin/ /zhes bya'o/ /ji ltar na 'di byang chub kyi spyod pa'i rjes su 'gro ba yin zhe na/ rang gi sems so sor rtogs pa la sogs pa ni sangs rgyas byang chub ces bya ba la
 sogs pa ni/ rang nyid kyi sems ni rang gi sems te kun gzhi rnam par shes pa dang / nyon mongs pa can gyi yid dang / yid kyi rnam par shes pa dang / mig la sogs pa'i sgo lnga'i rnam par shes pa'o/ /de'i so sor rtogs pa ni gzung ba dang 'dzin pa'i ngo bo nyid
 med pa'i rtogs pa'o/ /de nyid la sogs pa sangs rgyas kyi byang chub gang yin pa de ni rang gi sems so sor rtogs pa la sogs pa ni sangs rgyas kun gyi byang chub yin te/ 'phags pa de kho na nyid bsdus pa las mngon par byang chub pa rnam pa lnga ji ltar gsungs pa de
 bzhin du/ mngon par byang chub pa lnga bsgoms pas bcom ldan 'das de sangs rgyas kyi byang chub kyi rang bzhin du gyur pas na sems dpar byin gyis brlabs pa las byung ba'i rigs kyi rang bzhin du 'gyur ro zhes ston pa yin no/ /bdud ces bya ba ni de nyid ni sems can
 thams cad kyi bdud lta bu'i sems can yin pas na bdud do/ /sangs rgyas zhes bya ba ni sems dpa'i rdo rjer gyur pa de nyid sangs rgyas kyi skur bsgoms pas sangs rgyas su'o/ /rdo rje chen po zhes bya ba ni rdo rje yang yin la chen po yang yin pas na rdo rje chen po ste/ dang po'i
 rdo rje'o/ /gang de bzhin gshegs pa thams cad kyi rdo rje 'chang chen po nyid thob par bya ba'i phyir/ /gang zhig mdzad pa de ni rdo rje 'chang chen po zhes bya'o/ /rdo rje chen po 'dzin pa nyid/ ces bya ba ni rdo rje sems dpar gyur pa'i bcom ldan 'das de nyid sems dpar
 byin gyis brlabs pa'i rdo rje dang dril bu bsnams pa'i phyag rgya chen po'i tshul gyi ting nge 'dzin gyis bskyed pa'i rdo rje 'dzin pa chen po'o/ /de nyid de bzhin gshegs pa'i rigs/ /zhes bya ba ni rdo rje 'chang chen por gyur pa'i sems dpa' de nyid rdo rje yid las byung ba'i skur bsgoms
 na de bzhin gshegs pa'i rigs su 'gyur ro/ /de nyid rdo rje rigs chen po/ /zhes bya ba ni sems dpa'i byin gyis brlabs pa'i sbyor bas rdo rje sems dpar gyur pa de nyid rab tu dga' ba'i rdo rje khro bo la sogs pa'i skur bsgoms na/ rab tu dga' ba'i rdo rje sems dpa'
 la sogs pa'i khro bo'i tshul gyis nam mkha' chen po dang mnyam pa'i rdo rje'i rigs su 'gyur ro/ /de nyid pad+ma'i rigs dag pa/ /zhes bya ba ni sems dpar byin gyis brlabs pa'i sbyor ba'i rdo rje sems dpar gyur pa de nyid rdo rje 'jig rten dbang phyug la sogs pa'i skur
 bsgoms pas rdo rje 'jig rten dbang phyug la sogs pa'i tshul gyis rang bzhin gyis dag pa'i pad+ma'i rigs su 'gyur ro/ /de nyid nor bu'i rigs dam pa/ /zhes bya ba ni sems dpar byin gyis brlabs pa'i sbyor ba las byung ba'i rdo rje sems dpa' de nyid 'phags pa nam
 mkha'i snying po'i sku dang / de'i rigs kyi tshul du bsgoms na nor bu'i rigs dam par 'gyur ro/ /de nyid 'dod chags zhes bya ba ni sems can smin cing grol ba la chags pa ni 'dod chags so/ /chags bral nyid ces bya ba ni/ /'dod pa thams cad dang bral ba'i rang bzhin
 nyan thos dang / rang sangs rgyas kyi byang chub ces bya ba'i tha tshig go/ /'dod na zhes bya ba ni 'dod cing don du gnyer ba zhes bya ba'i tha tshig ste/ 'dod pa ni bcom ldan 'das rdo rje sems dpa' ni 'dod pa zhes gsungs pa yin no/ /thar pa zhes bya ba ni gnyis su med pa'i sems
 dang sems las byung ba ni thar pa yin pa'am/ bde ba chen po la bya ste/ nga ni thar pa'o zhes 'og nas bshad pa'i phyir ro/ /dus gsum zhes bya ba ni dus gsum du snang ba'i ye shes kyi ngo bo yin pa'i phyir ro/ /srid gsum zhes bya ba ni ming po gsum gyi tshul gyis
 sems can gyi don byed pa'i phyir ro/ /mchog gsum zhes bya ba ni de nyid kyi ming gi khyad par gzhan no/ /'jig rten gsum zhes bya ba ni sa'i 'jig rten la sogs pa'i rang bzhin yin pa'i phyir ro/ /khams gsum pa zhes bya ba ni sa'i 'jig rten la sogs pa'i
 sems can gyi 'dod pa dang gzugs dang gzugs med pa'i tshul gyis gnas par mdzad pa'i phyir ro/ /mi g.yo ba zhes bya ba ni mi 'gyur ba ste/ ri rab la sogs pa thams cad do/ /mchog ni dam pa'o/ /brtan zhing sra ba ni rdo rje dang 'dra ba'o/ /nor che ba ni
 rin po che'i 'byung khung yang de nyid yin no/ /rgyu ba zhes bya ba ni sems dang ldan pa'i stobs kyis 'gro bas na rgyu ba'o/ /de nyid bstan pa ni sems kyi 'du byed pa zhes bya ba yin te/ sems kyis 'du byas pa ni sems kyi 'du byed de sems kyi 'du byed de las de shin tu 'gro bas na
 rgyu ba ste/ bcom ldan 'das so/ /'dod chags la sogs pa'i sems las byung ba'i tshul ston pa'i sgo nas khams gsum du zo chun brgyud pa'i tshul gyis yang dang yang du skye bar kun du ston par mdzad do zhes bya ba'i tha tshig go/ /thams cad byed pa zhes bya ba ni ji skad
 du bshad pa'i rdo rje sems dpa'i ngo bo nyid nas rgyu ba zhes bya ba'i bar du mdzad pas na thams cad byed do/ /thams cad nyid ces bya ba ni dngos po thams cad kyi ngo bo nyid yin pa'i phyir ro/ /dang po'i sems dpa' zhes bya ba ni bskal pa bzang po la sogs pa'i dang por thog ma
 med pa'i ngo bor bzhugs pa'i phyir/ dang po'i sems dpa'o/ /sems dpa' che zhes bya ba ni/ chos bdag med pa'i ye shes kyi tshul gyis thams cad du khyab pas na sems dpa' chen po'o/ /byang chub sems dpa' zhes bya ba ni byang chub kyi rang bzhin can gyi sems
 dpa' yin pas na byang chub sems dpa' chen po'o/ /bde ba rab stsol zhes bya ba ni sems can gyi tshogs la skal ba ji lta ba bzhin du rdo rje sems dpa' la sogs pa'i bde ba stsol bas bde rab stsol to/ /sems dpa'i skyil krung zhes bya ba la sogs pa ni go sla'o/ /btsun
 mo'i tshogs bcas zhes bya ba ni btsun mo'i 'khor gyi tshogs dang lhan cig bzhugs pa'o/ /sna tshogs pa ni dngos po tha dad pa'i bdag nyid can te/ /rdo rje mtshon cha ma la sogs pa nas rdo rje 'bebs pa'i bar gyi rdo rje lha mo rnams kyi mdun du bltas nas de bzhin gshegs pa
 bzhugs pas na/ rdo rje lha mos yongs su bskor ba'o/ /de ltar na de nas zhes bya ba nas brtsams te/ rdo rje lha mos yongs su bskor/ /zhes bya ba'i bar gyi bshad pa ni 'dir dang po sbyor ba'i ting nge 'dzin gsungs pa yin no/ /de ltar dang po'i sbyor ba gsungs nas da ni/ bde
 ba chen po rab grub phyir/ /zhes bya ba la sogs pas/ ting nge 'dzin gnyis pa gsungs pa yin no/ /bde ba chen po ni thar pa chen po ste/ de grub pa ni mngon sum du byed pa'o/ /de'i don du/ 'dod chags chen po rnams dag phyir/ /zhes bya ste/ 'dod chags
 chen po ni bcom ldan 'das rdo rje sems dpa'i phyag rgya chen po'o/ /de yang / dngos grub kun la rjes chags pas/ /'dod chags chen po bcom ldan 'das/ /rdo rje sems dpa'i phyag rgya 'di/ /'od zer dmar po sna tshogs 'bar/ /zhes gsungs pa'i phyir
 ro/ /de'i rnam par dag pa ni nyon mongs pa bag chags dang bcas pa bral ba ste/ de'i don du'o/ /ma lus gdul bya'i don du ni/ /zhes bya ba ni/ 'jig rten dang 'jig rten las 'das pa'i theg pa ma lus pa la lhag par mos pa'i sems can gyi khams ma lus
 pa thams cad lung dang rtogs pa la rab tu 'jog pa ni 'dul ba'o/ /de'i don du/ dngos grub thams cad rab grub phyir/ /zhes bya ba rdo rje sems dpa' la sogs pa'i dngos grub ni dngos grub thams cad do/ /de rab tu grub pa ni de bsgom pa dang ldan pa rnams kyis
 de shin tu thob pa ste/ de'i phyir bdag sogs zhes bya ba la sogs pa la/ rdo rje sems dpa'i rang gi ngo bo ste/ de la sogs pa'i mdzes pa gang yin pa de ni sems dpa' chen po la sogs pa ste/ rdo rje yid las byung ba la sogs pa sems dpa' chen po dam
 pa ni/ rdo rje sems dpa'i tshul gyi rdo rje 'chang ba chen po'i bdag nyid do/ /sogs pa'i sgras ni rdo rje yid las byung ba nas brtsams te/ klu'i dkyil 'khor gyi bar gyi tshul la bslab pa'o/ /de rnams kyi dngos grub thams cad ni ji skad bshad pa'i dngos grub thams
 cad do/ /de lta bu'i dngos grub thams cad rab tu grub par bya ba'i phyir/ dam tshig las mi 'da' bar bya'o/ /dam tshig mchog ni de bzhin gshegs pa rnams kyi'o/ /rgyal bas kyang ni bsrung bar bya/ /zhes bya ba ni/ bcom ldan 'das rdo rje sems dpa'i
 phyag rgya chen po'i rang bzhin/ de bzhin gshegs pa rnams kyis kyang bsrung bar bya ste/ dpal rdo rje sems dpa' lhag par mos pa'i sems can gyi don du dpal rdo rje sems dpa'i gzugs 'dzin pa'i de bzhin gshegs pa rnams kyi tshul du byas la/ de ltar na de bsrung bar bya
 ba yin no/ /rdo rje bsnyems ma'i tshul 'chang zhes pa ni bshad zin to/ /phyag rgya thams cad rnam dag phyir/ /zhes bya ba ni phyag rgya yang yin la thams cad kyang yin pas na phyag rgya thams cad de/ phyag rgya chen po la sogs pa rigs thams cad kyi phyag rgya'o/ /de rnams kyi
 rnam par dag pa ni gdul bya gzhan du ma gyur pa'i sems kyis rtogs pa'o/ /rdo rje sems dpa' mchog grub phyir/ /zhes bya ba ni rdo rje sems dpa'i dngos grub kyi mchog ni/ rdo rje sems dpa'i grub mchog ste/ gdul bya rnams kyis rdo rje 'chang chen po mngon sum du byas
 pa'o/ /bde chen rdo rje che sgrub pa/ /zhes bya ba ni bde ba chen po ni dpal rdo rje sems dpa'i gsang ba'i dkyil 'khor ro/ /de sgrub pa ni bskyed pa'o/ /rgyu ci zhig gi phyir zhe na/ dngos grub kun la zhes bya ba smos te/ phyag rgya chen po'i dngos grub la sogs pa thams cad do/ /
 de thams cad sgrub pa de'i don du snying po gsungs pa'o/ /ci de 'ba' zhig gsungs sam zhe na/ /ye shes phyag rgyar yang dag ldan/ /zhes gsungs te/ de la phyag rgya chen po la sogs pas bsgrub pa la nges par sbyor ba'i bsgom pa ni ye shes kyi phyag rgya'o/ /de ston par
 byed pa'i sgra la yang nye bar gdags pas de skad ces bya ste/ a nu rA ga ya mi zhes gang bshad pa'o/ /'dod chags dam tshig ces grags te/ chos kyi 'dod pa yid du 'ong / /de yi rjes grub rnal 'byor ni/ /rjes su chags pa zhes bshad do/ /zhes gsungs pa yin
 no/ /ye shes kyi phyag rgya nyid dam tshig ste/ thog ma dang tha ma med pa'i chos kyi dbyings su ro gcig pa'i ye shes la nges par sbyor ba'i tshul gyis gzung ba dang 'dzin pa'i rnam par rtog pa med pa'i phyir de dang yang dag par ldan pa ni bcings [(]ba [,]pa [)]ste/ ye shes kyi phyag rgya dang
 yang dag pa'i snying po ni yi ge hUM de ston par byed pa'am de skyed par byed pa'o/ /de nyid kyis na dam pa'o/ /gang gis bsod nams mi ldan pa/ /zhes bya ba ni dam pa'i chos spong ba'am/ mtshams med pa la sogs pa mi dge ba thams cad byed pa ni bsod nams mi ldan pa'o/ /de
 rnams kyang gang gi dngos grub thams cad rnyed par dka' ba ma yin par 'gyur ro/ /de bzhin dkyil 'khor ma zhugs pa/ /zhes bya ba ni dkyil 'khor du ji lta ba bzhin du ma zhugs te de dag kyang ngo / /don yod pa ni 'bras bu yod pa'o/ /thogs pa med pa ni bzlog tu med pa'o/ /
 myur ba ni rings pa'o/ /mchog ni dam par gyur pa'o/ /thams cad ni ma lus pa ste dngos grub thams cad rnyed par dka' ba ma yin pa ste/ snying po gang zhig gsungs pa des don yod pa dang / thogs pa med pa dang / myur ba dang / mchog gi dngos grub thams cad rnal
 'byor pa rnams kyis dngos grub rdo rje sems dpa' la sogs par skyed par gyur pa de la de skad ces bya'o/ /bde ba chen po rdo rje che/ /gsang ba'i mchog ste dam tshig brtan/ /zhes bya ba ni bde ba chen po rdo rje gsang ba'i dkyil 'khor gyi dam tshig gi mchog ste bskyed pa'i
 rgyu'o/ /brtan pa ni mi shigs pa'o/ /dngos po thams cad bsgrub pa ni/ /zhes bya ba ni bum pa bzang po la sogs pa dngos po thams cad bsgrub pa'o/ /rtog pa thams cad myur 'grub byed/ /ces bya ba ni shes rab kyi pha rol tu phyin pa'i dum bur/ phyag rgya chen po
 la sogs pa'i tshul gyis rtogs pa gsungs pa dang / gnyis par gang gsungs pa de rnams bsgrub pa ni yi ge hUM snying po'i tshul gyis bsgrub bo/ /thog mtha' med cing zhes bya ba la sogs pa la thog ma ni dang por skye ba'o/ /tha ma ni 'jig pa'o/ /'di la mi mnga' bas na
 thog mtha' med cing zhes bya ba ste/ thog ma dang tha ma'i bral ba dang / da ltar byung ba'i ngo bo nyid kyis rtag tu bzhugs so zhes ston pa yin no/ /dang por byung zhes bya ba ni/ bskal pa bzang po la sogs pa'i dang por thog ma med pa'i tshul nyid kyis bzhugs pa yin
 pa'i phyir dang po byung ba'o/ /bsod nams thams cad cher mtho ba/ /zhes bya ba ni gtsang bar byed pas bsod nams te/ sdig pa'i dri ma thams cad 'khrud pas dag par byed do zhes bya ba'i tha tshig go/ /bsod nams kyang yin la thams cad kyang yin pas na bsod nams
 thams cad de 'jig rten dang 'jig rten las 'das pa'i bsod nams de thams cad ni chen po yang yin la mthon po yang yin pas na/ bsod nams thams cad cher ma thob ste/ bsod nams ma lus par skyes zhes bya ba'i tha tshig go/ /gzi can rnams kyi bde
 mchog phyir/ /zhes bya ba ni/ chos bdag med pa'i ye shes kyi snang bas bag chags dang bcas pa'i nyon mongs pa'i bud shing nges par bsreg pas na gzi can te/ gzi mdangs kyis 'bar ba'i byang chub sems dpa' rnams so/ /gzi can de rnams kyi rang gi ngang gis
 rnam par rtog pa med par byung ba sems dang sems las byung ba de ni bde ba yin te/ de'i don du gdul bya rnams kyi thar pa chen po bsgrub pa'i phyir zhes bya ba'i tha tshig go/ /'dod chags chen po rnam dag phyir/ /zhes bya ba de rnams kyi ni a nu rA ga ya mi zhes bya ba la sogs
 pa yin te/ rjes su chags pa sgom pa ste/ /thabs dang shes rab kyi ngo bo gsang ba'i dkyil 'khor gyi rang bzhin bcom ldan 'das rdo rje 'chang ba chen po yang dang yang mngon du bya'o zhes bya ba ni rjes su chags par bya'o zhes bya ba yin no zhes bya ba ni rnam par ston pa'i
 tshig ste/ de lta bu'i rnam pa zhes bya ba'i tha tshig go/ /ci bzhin zhes bya ba ni ci nus pa ste/ rang gi nus pas sam sngon gyi 'phen shugs kyis zhes bya ba'i tha tshig go/ /ye shes rab 'jug ces bya ba ni lhag pa'i rnal 'byor ni nges pa de ni ye shes te/ /de'i rab tu 'jug
 pa ni gsang ba'i dkyil 'khor bskyed de/ sems can thams cad dang thun mong du bya ba'o/ /des na a nu rA ga ya mi zhes/ /ji bzhin ye shes rab 'jug pas/ /zhes bya ba ni 'dis 'dul ba rnams la thun mong du bya ba'i phyir ro/ /nye ba'i snying po dang bcas snying po zhes bya ba ni/
 nye ba'i snying po dang bcas pa'i snying po ni yi ge hUM ngo / /de nyid ni dang po ste thog ma med pa'i tshul gyis bskal pa bzang po la sogs pa'i thog mar rgyun mi 'chad par bzhugs shing mtha' med pas na dang po'o/ /bskal thog ces bya ba ni bskal pa ni bzang po
 la sogs pa'i thog ma ste/ dang por bcom ldan 'das gsungs zhes bya ba la/ bcom ldan 'das rdo rje sems dpas gsungs shing bka' stsal pa ste/ a nu rA ga ya mi hUM zhes bya ba nye ba'i snying po dang bcas pa'i snying po gsungs so zhes bya ba'i tha tshig go/ /
 'dus par 'gyur zhes bya ba ni/ gcig tu tshogs par mdzad pa'o/ /phyung zhes bya ba ni bskyed par gyur pa ste/ phyogs bcu thams cad du 'gro ba sems can dang snod kyi 'jig rten bskyed par bya'o zhes bya ba'i tha tshig go/ /'di skad ston pa yin te sngon gyi sangs
 rgyas kyi zhing 'di chags pa'i gong na nam mkhar gyur pa nam mkha'i phyogs der/ bcom ldan 'das rdo rje sems dpa' nam mkha' thams cad la gnas pa'i rdo rje chen po'i gzhal yas khang na sna tshogs pad+ma la rdo rje lha mo'i tshogs dang bcas pa bzhugs te/ a
 nu rA ga ya mi hUM zhes gsungs par gyur pa yin no/ /de nas 'jig rten gyi khams gzhan na bzhugs pa'i de bzhin gshegs pa rnams 'dus par mdzad nas gshegs te/ byon nas sangs rgyas kyi zhing 'di'i sems can gyi 'jig rten dang bcas pa skyed par mdzad pa
 yin no/ /phyung zhing 'gro ba thams cad dang snod kyi 'jig rten sna tshogs te/ rgyu ba dang mi rgyu ba'i rang bzhin can skyed cing phyung bar gyur to/ /gtso bos dngos grub dris gyur pa/ /zhes bya ba ni sems can gyi khams de bskyed pa rdo rje sems dpa' la sogs pa ji ltar
 grub par 'gyur zhe na/ bcom ldan 'das rdo rje sems dpa' la dris pa yin no/ /ji ltar skad cig gis 'gro grub/ /sems dpa' chen po myur du smros/ /zhes bya ba ni ji ltar 'gro ba sems can gyi khams 'di rnams skad cig gis zhes bya ba bskyed pa'i
 rjes thogs nyid la rdo rje sems dpa' la sogs pa'i dngos grub tshe 'di nyid la myur du grub pa de lta bus sems can chen po myur du smros shig ces gtso bos dpal rdo rje sems dpa' la dris pa yin no zhes bya ba'i tha tshig go/ /de nas zhes bya ba la sogs pa ni/ de nas dris
 pa'i rjes thogs nyid la/ bcom ldan 'das rdo rje sems dpa' dang po'i dkyil 'khor de gsang ba'i dkyil 'khor dang por sems can thams cad gzhug pas/ byin gyis brlabs nas rgya che ba'i tshul can gyis/ sems can thams cad la so sor snang ba bskyed pa'i phyir/
 gsang ba'i dkyil 'khor de bstan par mdzad pa yin no/ /de'i khyad par ji lta bu zhe na/ rdo rje kun mchog dam tshig ni/ /zhes bya ba gsungs te/ rdo rje kun ni de bzhin gshegs pa'i rigs kyis bsdus pa gnyis su med pa'i sems dang sems las byung ba'o/ /de rnams kyi
 dam tshig ni gsang ba'i dkyil 'khor de'o/ /de nas bsgrub pa ni rdo rje 'dzin pa nyid la sogs pa bskyed pa ni grub pa'o/ /cho ga ji lta ba ni/ ji ltar slob ma 'jug pa'i cho gas 'dir slob ma sgrub pa de bzhin du de rnams kyang ring por mi thogs par snod du rung bar bsgrubs pa'o/ /
 de nas zhes bya ba la sogs pa la de ltar ring por mi thogs par snod du byas pa'i sems can rnams la rdo rje sems dpa' nyid la sogs pa dngos grub kyi mchog bsgrub par 'gyur ba na/ de'i rjes thogs nyid la skyes shing byung ba'o/ /de phan chad ces bya ba ni sems can khams
 gsum na spyod pa thams cad do/ /ji bzhin las kyi rjes su 'gro/ /zhes bya ba ni sems can gang de dag gi las dkar po'am nag po'am/ 'dres ma ji ltar byas pa de bzhin du las des bde 'gro la sogs par ji lta ba bzhin du nye bar 'gro bas na/ ji bzhin las kyi rjes su
 'gro na/ rang gi las dang nyon mongs pa'i dbang las skyes zhes bya ba'i tha tshig go/ /rtag par sdig kun kun du spyod/ /ces bya ba ni/ rtag tu zhes bya ba ni nyin re'o/ /sdig pa kun ni srog gcod pa la sogs pa'o/ /kun du spyod pa ni byed pa ste/ des na rtag par sdig kun kun du spyad/
 ces bya ba ste 'dis ni sems can sdig pa can mi dge ba kun du spyod pa yin no/ /ngan zhen ni dngos po ngan pa la chags shing zhen pa ste de nyid du mthas gtugs pa zhes bya ba'i tha tshig go/ /'dis ni sems can gyi tshogs gnyis pa gsungs pa yin no/ /le lo byas pa ni dge ba'i las
 la mi 'jug pa dang / mi dge ba'i las la mi 'jug pa dang / nor ba sogs pa la yang mi 'jug pa gang yin pa de ni ci yang mi byed pas na/ de ni 'dir le lo can zhes bya ba'o/ /'dis ni sems can gyi tshogs gsum pa gsungs pa yin no/ /da ni zhes pa ni da ltar te/
 bshad ma thag pa'i sems can gyi tshogs gsum pa ni sems can gyi khams la gzigs pa'i 'jig rten gyi mgon po de bzhin gshegs pas bcom ldan 'das rdo rje 'chang chen po la dris par gyur pa ste/ 'dri ba mdzad pa'o/ /ji ltar zhe na/ bcom ldan 'das 'o na ji
 ltar na zhes bya ba la sogs pa gsungs te/ bcom ldan 'das ni rdo rje 'chang chen po ji ltar zhes bya ba ni mi bzod pa'o/ /na zhes bya ba'i sgra ni rtog pa'o/ /'byin pa zhes bya ba ni sems can thams cad bskyed pa'o/ /dge ba thams cad kun du bskyed/ /ces bya ba ni/ dge ba ni
 bsod nams so/ /thams cad ni ma lus pa'o/ /kun du bskyed pa ni bskyed par gyur pa'o/ /'di skad ston pa yin te/ gal te bcom ldan 'das rdo rje sems dpa' sems can thams cad skyed par mdzad na/ bsod nams thams cad bskyed par gyur na/ de'i yongs su dag pa nyid kyis
 sems can dag par gyur na/ de lta bur mi snang ngo / /de bas na ci zhig tu nges she na sems can gyi phung po nye bar nges pas na bcom ldan 'das ni skyed pa po ma yin no/ /de rnams kyi ni tshig gsan nas/ /zhes bya ba ni de rnams kyis dris pa'i tshig gsan nas so/ /tshig ni
 'di skad du gsungs pa yin zhes bya ba ni gsungs par 'gyur ba'o/ /ci zhig gsungs she na/ /rdo rje 'dzin ces bya ba la sogs pa ste/ rdo rje 'dzin ni rdo rje 'chang ngo / /rgyu ba dang mi rgyu ba'i dngos po thams cad sprul pas na kun byed do/ /skyed par
 byed pa yin pas na 'byin pa'o/ /yang ci zhig gsungs she na/ las kyi 'ching ba lhod gyur pa/ /zhes bya ba gsungs te/ 'di dag mi dge ba la 'jug pa las kyang dge ba la 'jug par byed la/ dge ba la zhugs pa las kyang mi dge ba la 'jug par 'gyur la/ la la
 ni dge ba dang mi dge ba gnyi ga la 'jug pa'am/ ci yang mi byed pa dag kyang yod do/ /de bas na 'di dag ni 'dres mar spyod pa yin gyi/ 'di rnams kyi las kyi mtha' dge ba dang / mi dge ba'i tshul gcig tu nges par bstan par gyur pa ni ma yin no/ /de bas na 'di
 rnams rnam pa gsum du gyur pa la/ nga ni lung 'bogs pa tsam gyi tshul gyis 'di rnams kyi 'byin pa po yin gyi/ rnam pa thams cad nas thams cad du skyed par byed pa ni ma yin no/ /gal te thams cad nas thams cad du skyed pa po yin par gyur na ni/ de'i tshe thams cad
 bde ba nyid du 'gyur ba yin no/ /de'i tshig de zhes bya ba la sogs pa ni go bar zad do/ /shin tu chags pa rnams dag phyir/ /zhes bya ba ni/ lhag par chags pas na shin tu chags pa ste/ chos bdag med pa'i 'dod chags dang / dmigs pa med pa'i thugs rje chen po dang / de'i
 rgyu mthun pa las byung ba'i dpal rdo rje sems dpa'i gsang ba'i dkyil 'khor rnam par dag pa'i gsang ba'i dkyil 'khor gzugs brnyan dang 'dra bar rtogs pa'o/ /yang na chos bdag med pa dngos po med pa'i ngo bo nyid rtogs par byed pa'i gdul bya rnams te de'i don to/ /kun
 mchog cho ga rgyas pa ni/ /zhes bya ba ni thams cad kyi mchog tu gyur pa gsang ba'i dkyil 'khor bsgrub pa'i rgyun te thams cad kyi mchog tu gyur pa'i cho ga rgyas pa de bka' stsol cig ces gsol ba btab bo/ /'di skad ston pa yin te/ /gal te las kyi 'ching ba lhod pas 'gro
 ba'i tshogs rnam pa gsum skye bar 'gyur la/ 'ching ba dam po ni tshul gcig pa nyid du 'gyur ba de bas na shin tu chags pa nyid thob par bya ba'i phyir gsang ba'i dkyil 'khor gyi cho ga rgyas par bshad pa gang gis sems can de rnams shin tu chags pa rnam par dag pa thob
 par byed pas bsam pa shin tu brtan pa'i las kyi phyir mi ldog pa'i go 'phang rtogs pa nyid du gyur pa'o/ /de nas zhes bya ba la sogs pa la de nas zhes bya ba'i sgra ni de ma thag ston par byed pa'i tshig ste/ bcom ldan 'das rdo rje 'chang ba la de bzhin gshegs pa thams
 cad kyis gsol ba btab pa'i rjes thogs nyid la bcom ldan 'das rdo rje 'chang chen pos bka' stsal pa yin no/ /dngos grub thams cad stsol ba ni gsang ba'i dkyil 'khor gyi dngos grub thams cad stsol ba'o/ /bde ba chen po'i rdo rje gsang ba'i dang po'i rtog pa
 thams cad ces bya ba ni bde ba chen po'i bdag nyid ni bde ba chen po ste/ de'i rdo rje gsang ba yin pas na bde ba chen po rdo rje gsang ba yin no/ /de nyid dang po ste/ bskal pa bzang po la sogs pa'i thog ma nyid du gnas pas na bde ba chen po'i rdo rje gsang ba dang po ste/
 bcom ldan 'das rdo rje sems dpa'i gsang ba'i dkyil 'khor ro/ /gnyis su med pa'i ye shes las byung bas na mchog dam pa ste/ bcom ldan 'das rdo rje gsang bas gsungs so/ /dngos grub thams cad stsol ba 'ba' zhig tu ma zad kyi/ rtog pa kun gyi bde ba che/
 rdo rje gsang bas bka' stsal to/ /zhes bya ba ste/ /yi ge hUM gi rang bzhin can gyi rtog pa thams cad gsungs so zhes bya bar sbyar ro/ /rang bzhin ji lta ba bzhin du dpa' bo zhes bya ba gsungs te/ gdul bya'i skye bo rnams kyi don bskyed par bya ba'i phyir/ stsol bzhin pa'i
 tshul gyis 'jigs pa med par rtag tu bzhugs pa'i phyir/ /yi ge hUM gi snying po 'di ni dpa' bo'o/ /de lta bu'i snying po dpa' bo de'i rtog pa 'di yang ji lta bu gzhan yin zhe na/ dkyil 'khor la sogs pa cho ga zhes bya ba gsungs so/ /cho ga chen po de nyid rnam par dbye ba ni sna
 tshogs zhes bya ba la sogs pa smos pa yin te/ dngos po thams cad kyi bdag nyid can yin pas na sna tshogs so/ /'jig rten las 'das pa'i sbyor ba ni rgyud phyi ma ste/ de dang lhan cig gnas pas na phyi ma'i rgyud dang bcas pa zhes bya ba yin no/ /dngos grub
 thams cad rab grub byed/ /ces bya ba ni/ sems can rnams kyi 'jig rten dang 'jig rten las 'das pa'i dngos grub thams cad bskyed cing / rdzogs par byed pas na/ dngos grub thams cad rab grub byed/ ces so/ /de nyid ci'i phyir/ rdo rje 'chang ba'i snying po'i rtog pa
 gsung bar mdzad ce na/ 'jig rten thams cad ces bya ba la sogs pa smos te/ thams cad kyang yin la/ 'jig rten yang yin pas na/ 'jig rten thams cad de/ sems can gyi 'jig rten no/ /de'i khams chen po ni snod kyi 'jig rten te/ phyogs bcu na sangs
 rgyas bzhugs pa dang / sangs rgyas mi bzhugs pa'i zhing khams so/ /de'i rdul phra rab ji snyed yod pa de dang mnyam pa'i sems can rnams zhes bya ba yi ge hUM gi rang bzhin nam mkha' dang mnyam pas rgya che ba/ sangs rgyas nyid du grub pa la sogs pas bde ba
 dam pa nyid du 'gyur ro zhes te/ bde ba yang yin la dam pa yang yin pas na dam pa nyid bde ba dam pa ste/ sangs rgyas pa'i bde ba chen po thams cad do/ /de'i ngo bor gyur pas ni bde ba dam pa nyid do/ /gyur pa ni thob pa'o zhes nges par byas pa'o/ /'di skad ston pa
 yin te snying po 'dis 'jig rten gyi khams thams cad kyi rdul phra rab dang mnyam pa'i sems can rnams sangs rgyas nyid la sogs pa'i dngos grub kyi skal ba bzang po la sogs pa'i dang por grub pa yin te/ de bas na snying po 'di ni dngos grub kyi dam pa bskyed pa
 yin no zhes nges pa bskyed nas/ bcom ldan 'das rdo rje sems dpa' de bzhin gshegs pas gsol ba btab pa'i tshig gsan nas rtog pa gsungs pa yin te/ 'jig rten thams cad sangs rgyas nyid grub par bya ba'i phyir ro/ /de ltar/ bde ba chen po rab
 grub phyir/ /zhes bya ba nas brtsams te/ bde ba dam pa nyid du 'gyur/ /zhes bya ba'i bar gyi bshad pas dkyil 'khor gyi rgyal po mchog ces bya ba'i ting nge 'dzin gnyis pa gsungs pa yin no/ /de nas bsdu ba sngon du 'gro ba ni gsum pa yin par shes par bya'o/ /da ni dam
 tshig dang dbang bskur ba thob pa rnams kyis bzlas brjod dang / bsgom pa bya'o zhes don bstan par bya ba'i phyir de nas de bzhin gshegs pa de rnams zhes bya ba la sogs pa slob dpon gyi las kyi cho ga dang / slob ma 'jug pa la sogs pa'i cho ga gsungs pa yin no/ /de
 nas zhes bya ba'i sgra ni snga ma bzhin no/ /de ltar de bzhin gshegs pa thams cad kyis gsol ba btab pa dang / bcom ldan 'das rdo rje sems dpas bskal pa bzang po la sogs pa'i thog mar sems can thams cad la sangs rgyas nyid du grub pa la sogs pa'i rtog pa
 gsungs pa'i rjes thogs nyid la'o/ /bde bar gshegs pa de rnams zhes bya ba ni go sla'o/ /dang po'i dkyil 'khor bsgrub par stsol/ /zhes bya ba ni dang po ni bcom ldan 'das rdo rje sems dpa' ni dkyil 'khor gyi dngos grub stsol bas na dngos grub ste/ dkyil 'khor gyi
 dngos grub stsol ba la de bzhin gshegs pas gsol ba btab pa yin no/ /ci chags pa dang bral ba'i gdul bya rnams kyi phyir chags pa med par bstan par bya ba'am zhes bya ba ni/ nyan thos dang / rang sangs rgyas kyi mya ngan las 'das pa ni chags pa dang bral ba'o/ /nyan
 thos dang rang sangs rgyas kyi byang chub 'dir 'dul zhing rab tu 'jog pas na de'i gdul bya'o/ /ci chags pa dang bral bas 'dul ba gang yin pa de la chags pa dang bral bas 'dul zhing don du gnyer ba de'i ched du chags pa med par so sor thar pa'i sdom pa bstan par bya ba'i
 phyir/ sprul pa'i sku des 'dul ba rnams kyi phyir/ bslab pa dang bcas par bya ba'am zhes pa ste/ mdo sde'i tshul bstan par bya ba'am zhes bya ba'i tha tshig go/ /'dod chags thams cad ces bya ba la sogs pa la/ 'dod chags kyang yin la thams cad kyang yin
 pas na 'dod chags thams cad de rigs lnga'i lha rnams bsgom pas 'dul ba rnams so/ /de'i rnam par dag pa ni gzung ba dang / 'dzin pa'i rtog pa dang bral ba nyid kyis rigs lngar rtogs pa'o/ /de'i don du rdo rje 'chang chen pos gsungs shig
 ces/ de bzhin gshegs pas bcom ldan 'das rdo rje sems dpa' nyid kyi thugs kyi bya ba gsol ba btab pa yin no/ /de la nyid kyi thugs kyi bya ba ni/ bcom ldan 'das rdo rje sems dpa' ni gsang ba'i dkyil 'khor gyi tshul gyis sems can gyi don mdzad pa'o/ /de nas
 bcom ldan 'das kyis dkyil 'khor brtag par mdzad do zhes bya bar sbyar ro/ /de nas de bzhin gshegs pa thams cad kyis gsol ba btab pa'i tshig gi rjes thogs nyid la bcom ldan 'das rdo rje sems dpas rdo rje'i glu gsungs so zhes bya ba ste/ rdo rje'i glu len cing
 dkyil 'khor te/ gsang ba'i dkyil 'khor brtag par mdzad pa ni/ yongs su brtag par mdzad pa ste/ dkyil 'khor bri ba'i cho ga gsungs pa'o zhes bya ba'i tha tshig go/ /da ni rdo rje glu ste/ rjes su chags pa zhes bya ba la sogs pa gsungs pa yin te/ rjes su
 chags pa yang yin la thams cad kyang yin pas na rjes su chags pa thams cad de/ rdo rje sems dpa' la sogs pa'i sngags bsgrub pa'i sbyor ba'o/ /des bskyed pa'i bde ba ni rjes su chags pa thams cad kyis bskyed pa'i bde ba'o/ /des yid mchog tu bde bar
 gyur pa ni rjes su chags pa thams cad kyi bde ba dam pa yin no/ /de rnams 'byung ba'i rgyu ni khyed gnyis yin pas na bskyed pa'i rgyu'o/ /ji ltar zhe na/ rab dga' ba zhes bya ba la sogs pa smos te/ gang gi phyir khyed ni rab tu dga' ba yin zhing 'gro ba ste/ sems can
 rnams kyi bde ba chen po brtan zhing mtho bar byed pa zhes bya ba ni bde ba chen po ste/ gnyis su med pa'i ye shes kyi brtan pa ni rdo rje ltar mi phyed pa'o/ /de mdzad pas na brtan zhing mtho bar mdzad pa'o/ /bdag kyang der mdzod ces bya ba ni ji ltar khyed ni de rnams kyi brtan
 zhing mtho bar mdzad pa de bzhin du bdag kyang brtan zhing mtho bar mdzad pa de bzhin du mdzod cig pa'o/ rdo rje sems dpa'i gsang ba'i dkyil 'khor la rings shing myur bar grub pa nyid du phyogs shing mngon du gyur par mdzod cig ces pa [(]te[,]ste[)]/ slob dpon de lta bu'i glu len
 zhing rtag pas rdo rje sems dpa'i gsang ba'i dkyil 'khor bri bar bya'o zhes bya ba'i tha tshig go/ /dkyil 'khor chen po'i tshul gyis ni/ /dang po'i dkyil 'khor bstan par bya/ /zhes bya ba ni/ dpal rdo rje sems dpa'i dkyil 'khor chen po'i dbyibs ltar/ dkyil
 'khor 'di thams cad bri bar bya'o/ /phyag na rdo rje thams cad du/ /rdo rje lha mo la sogs tshogs/ /zhes bya ba ni/ 'dir khyad par ni 'di yin te/ thams cad dkyil 'khor chen po dang 'dra ba las 'dir rdo rje yid las byung ba nas rdo rje 'bebs pa'i bar du thams
 cad bud med kyi cha lugs 'dzin par bya'o/ /de ltar rdo rje'i glu len cing dkyil 'khor bris nas dkyil 'khor bri bar bya'o/ /ji ltar zhe na/ cho ga gzhan du zhes bya ba gsungs te/ ji ltar sngar bshad pa'i rdo rje sems dpa'i rnal 'byor chen po byas la/ rang
 gi snying pos lha rnams dgod par bya'o/ /de la snying po ni 'di dag yin te/ a nu rA ga ya maM hUM zhes bya ba ni bcom ldan 'das kyi'o/ /hUM badzra dr-iSh+Ti sa ma ke ma Ta/ hUM badzra kI li kI li hUM/ hUM sma ra Ta badzri Ni ban+d+ha/ hUM tu Sh+ya badzra Ni hUM zhes bya ba ni/ rdo rje yid las byung ba la
 sogs pa'o/ /rdo rje mtshon cha ma la sogs pa dang / rdo rje sbrang rtsi ma la sogs pa'i snying po ni dkyil 'khor chen po las gsungs pa yin no/ /rdo rje lcags kyu ma la sogs pa ni de bzhin gshegs pa'i dkyil 'khor las gsungs pa'i snying po rnams yin par shes
 par bya'o/ /de nas sgo dbye ba byas la mchod yon dbul bar bya'o/ /de nas bum pa la sogs pas dkyil 'khor thams cad yang dag par mchod la/ dkyil 'khor chen po las bshad pa'i tshul du bdag nyid rgyan gyis brgyan la/ sngon du spyod pa byas shing sems rtse
 g cig pa thob pa'i rdo rje snyems ma'i lha mo'i sbyor ba dang ldan pa'i gzungs ma g.yas pa'i khu tshur gyis rdo rje dril bu thogs pa dang bcas pas snyems pa byas shing lag pa g.yon pa na dang po'i rdo rje thogs pa blangs la 'dzin pa'i tshul gyis rdo rje dang bcas
 pa'i rdo rje snyems ma mchog gi phyag rgyas bdag nyid 'jug par bya ba ni/ bcom ldan 'das rdo rje sems dpa'i phyag rgya chen po rdo rje dril bu dang bcas pa bcings la lag pa g.yas pas ji skad du bshad pa'i gzungs ma blangs nas bzung ba'i tshul gyis badzra badzra zhes bya ba dang /
 sngar bshad pa'i tshul gyis rdo rje'i glu zlos shing de bzhin du/ slob dpon bdag nyid 'jug par bya'o/ /zhugs pa zhes bya ba la sogs pa la de ltar dkyil 'khor du zhugs nas skor ba lan gsum byas te/ bcom ldan 'das phyag na rdo rje'i spyan sngar 'dug la hUM zhes bya ba la
 sogs pas de kho na nyid dang / gsang ba brjod la sngar bshad pa'i cho ga thams cad bya'o/ /de ltar sngar bshad pa'i cho ga rgyas par rdzogs par byas nas/ dbang bskur ba thams cad kyis bdag nyid ji lta ba bzhin du/ dbang bskur la dngos grub kyi rdo rje'i brtul zhugs
 blangs nas mchod pa thams cad kyis mchod de/ de kho na nyid kyis rdo rje bzung zhing chos kyi dril bu dkrol la/ dam tshig gi phyag rgya chen por byin gyis brlabs nas rjes su gnang ba dang / lung bstan pa dang / snying po dang phyag rgya bzhi'i ye shes bcom ldan 'das la
 blangs nas/ bdag la byin gyis brlab pa la sogs pa byas la/ rang gi rdo rje ming nas brjod pa yang byas nas/ dkyil 'khor rdo rjes bsgrub par bya'o/ /de nas bsdu ba dang / mtshan brgya rtsa brgyad pas bstod par byas la/ snga ma bzhin du dkyil 'khor
 chen po las bshad pa'i cho gas/ bcom ldan 'das 'khor dang bcas pa dkyil 'khor du gzhug par bya'o/ /de nas dkyil 'khor chen po las bshad pa'i cho ga thams cad rjes su spyad la/ rdo rje slob dpon rab tu dga' ba'i rdo rje'i dam tshig gi phyag rgyas rjes su zhugs pa de
 bzhin du de kho na nyid chen po 'byung bas rjes su bskul te/ /rang gi cho ga thams cad rjes su spyad pa la/ srid pa'i bde ba rnam dag phyir/ /zhes bya ba la sogs pa slob ma gzhug pa'i phyir/ bka' mnos la phyir 'byung bar bya'o/ /slob dpon gyi las kyi cho ga rdzogs
 so/ /slob ma gzhug par bya'o zhes bya ba ni/ dkyil 'khor chen po las bshad pa'i cho ga nyid kyis/ rab tu dga' ba'i rdo rje'i dam tshig gis slob ma gzhug par bya'o/ /de nas de bzhin du las kyi cho ga thams cad rdzogs par bya'o/ /'dir yang rang
 nyid 'jug pas dkyil 'khor du 'jug par 'gyur ro zhes bya ba ni/ ji ltar dkyil 'khor du rang nyid 'jug pas/ dkyil 'khor du 'jug par 'gyur ba de bzhin du 'dir yang 'jug par 'gyur ro zhes ston to/ /rdo rje slob dpon thams cad ces bya ba ni/ dkyil
 'khor gyi slob dpon thams cad do/ /phyag rgya thams cad kyi bdag po zhes bya ba ni/ dkyil 'khor gyi mtshan ma thams cad kyi bdag po'o/ /dam tshig thams cad shes pa zhes bya ba ni/ dam tshig thams cad ni dkyil 'khor gyi dam tshig thams cad de/
 de shes pas na dam tshig thams cad shes pa'o/ /de yang dam tshig gi dkyil 'khor gyi slob dpon zhes bya ba'i tha tshig go/ /thams cad tshar gcod pa dang / phan 'dogs par nus pa zhes bya ba ni/ las kyi phyag rgya thams cad kyi dkyil 'khor gyi slob dpon gyi
 tshul gyis sems can thams cad la tshar gcod pa dang / phan 'dogs par nus pa'o/ /ji ltar na de ltar 'gyur zhe na/ dngos grub thams cad ces bya ba la sogs pa smos te/ gang gi phyir dngos grub thams cad phun sum tshogs pa'i ye shes kyi las skad cig
 gis byed pa nyid du/ bcom ldan 'das kyis byin gyis brlabs pa mdzad pa der dngos grub thams cad de/ rdo rje sems dpa' la sogs pa'i dngos grub bsgrub pa des/ 'jig rten dang 'jig rten las 'das pa'i 'byor pa thams cad phun sum tshogs pa'i ye shes
 te las gang gis byed pa ste/ sems can gyi don gyi bya ba dang / sangs rgyas kyi mchod pa la sogs pa'i tshul de dag gi dngos grub thams cad ni ye shes phun sum tshogs pa'i las te/ de byed pas na dngos grub thams cad kyi phun sum tshogs pa'i ye
 shes kyi las byed pa'o/ /skad cig nyid kyis zhes bya ba ni/ bcom ldan 'das rdo rje sems dpas dus gzhan du byin gyis brlabs par mdzad pa ma yin gyi/ rigs lnga'i dngos grub kyi bya ba byed par mdzad do zhes bya ba'i tha tshig go/ /ji ltar zhe na/ rang nyid 'jug pa
 nyid kyis zhes bya ba gsungs te/ 'jug pa tsam zhes smos pas ni dbang bskur ba dgar ba yin te/ des ni shin tu yang byin gyis rlob par mdzad do zhes ston to/ /slob dpon ma yin pa yang zhes bya ba ni dkyil 'khor 'dir ma zhugs pa'o/ /de ci'i phyir zhe na zhes bya ba ni
 rgyu ci'i phyir slob dpon ma yin zhing dkyil 'khor du ma zhugs pa dag la yang bcom ldan 'das de ltar byin gyi rlob par mdzad ce na/ 'di ltar zhes bya ba la sogs pa gsungs te/ 'di ltar zhes bya ba rnam pa 'dis rang nyid dkyil 'khor du 'jug par byed pa dang / gang gi
 phyir bcom ldan 'das rdo rje sems dpa' nges par rang gi dam tshig gis zhes pa dkyil 'khor du 'jug pa'i rang gi dam tshig gi cho ga 'dis rdo rje slob dpon du gyur nas so/ /slob dpon 'jug pa ni zhes bya ba ni zhugs nas dbab pa la sogs pa'i cho ga thams cad byed du
 'jug pa'o/ /snying po 'di yang byin gyis brlabs kyis zhes bya ba ni hUM gi mthus dkyil 'khor du ma zhugs pa la yang 'jig rten dang 'jig rten las 'das pa'i dkyil 'khor thams cad du 'jug pa'o/ /rdo rje slob dpon thams cad ces bya ba ni/ rdo rje sems dpa'i
 dkyil 'khor gyi slob dpon du hUM zhes bya ba lan cig bzlas pas kyang 'grub pa'o/ /mi sod pa zhes bya ba ni rdo rje la sogs pas kyang bcom par mi nus pa'o/ /mi tshugs pa zhes bya ba ni zil gyis mnan par mi nus pa'o/ thams cad byed ces bya ba ni snga ma
 bzhin no/ /nam mkha' la sogs pa las a la sogs pa'i yi ge thams cad nas sna tshogs ston cing mngon par 'dod pa'i don gsal bar byed pa'i lus kyis thams cad mthong ngo zhes bya ba ni 'das pa dang / ma 'ongs pa dang / da ltar byung ba'i mngon par 'dod pa'i
 dngos po thams cad yi ges gsal bar byas nas mig gis mthong ba'o/ /thos zhes bya ba ni rna bas so/ /rig ces bya ba ni yid kyi rnam par shes pas so/ /shes zhes bya ba ni bsam pa'i rang bzhin gyi shes pas nges par 'dzin pa'o/ /dngos po thams cad ces bya ba ni
 gsang ba'i dkyil 'khor la sogs pa'i tshul lo/ /de bzhin gshegs pa ni rnam par snang mdzad la sogs pa'o/ /rdo rje 'chang chen po ni rdo rje sems dpa' la sogs pa'i byang chub sems dpa' dang bcas par 'dus par mdzad nas gsol pa'o/ /yongs su sbyang
 ba'i don ni ma yin no zhes bya ba la sogs pa la/ ji ltar dkyil 'khor chen po bsgrub pa ni dbang bskur bar byed pa ltar ni ma yin te/ sangs rgyas dang byang chub sems dpa' de nyid bsgrub par gsol ba'o/ /de bzhin gshegs pa rnams rnam par dag pa dang gdul
 bar bya ba'i phyir bgegs mdzad pa dang / sdug bsngal skyed par mdzad pa de bzhin du gsang ba'i dkyil 'khor du rang nyid zhugs pa/ dkyil 'khor du ma zhugs pa'i slob dpon la yang de ltar mdzad pa ma yin no/ /bcom ldan 'das zhes bya ba la sogs pa la/ de
 bzhin gshegs pa rnams de la bgegs mi mdzad par ma zad kyi/ bcom ldan 'das bde ba chen po rdo rje 'chang shin tu brtan pa'i sems rtse gcig pa mngon du 'gyur zhing / shin tu dgyes pa ni sgrub pa po'i ting nge 'dzin gyis yang dag pa'i tshul gyis mngon du bya'o/ /
 rjes su chags pa ni sgrub pa po rang gi dngos grub rdzogs par mdzad pa la thugs rtse gcig pa'o/ /shin tu rgyas pa ni ting nge 'dzin gyi stobs kyis sgrub pa pos bdag nyid kyi ngor bya'o/ /dngos grub thams cad ni ji skad bshad pa rnams so/ /phun sum tshogs pa thams
 cad dang ye shes thams cad dang / las thams cad ni ji skad du bshad pa rnams sgrub par mdzad pa yin no/ /ji ltar sgrub par mdzad ce na/ gdon mi za bar grub pa zhes bya bas so/ /dus ring pos sam zhe na/ ma yin te myur du zhes bya bas so/ /
 'on kyang zhes bya ba la sogs pa la rang nyid zhugs pa tsam gyis de lta bu la sogs pa'i dngos grub de la gsol bar mdzad pa de 'ba' zhig tu ma zad kyi/ gsang ba'i dkyil 'khor slob dpon gang gis dkyil 'khor bri ba'am/ de'i gsang ba'i dkyil 'khor 'drir
 bcug gam gsang ba'i dkyil 'khor gyi rtog pa lan cig brjod pa'am/ gzhung dang don gyi rang bzhin 'dzin pa des bsgrubs na'ang zhes bya ba ni bsgrubs pa 'ba' zhig la gsol bar ma zad kyi 'on kyang ma bsgrubs pa la yang ngo / /dkyil 'khor ma zhugs na yang zhes bya
 ba ni klog pa dang 'dzin pa'i nus pas dngos grub thams cad dang bcas pa'i mchog gi dngos grub 'byung bar 'gyur ro/ /dngos grub kyang yin la thams cad kyang de nyid yin pas dngos grub thams cad de/ phyag rgya chen po la sogs pa'i dngos grub thams cad do/ /de rnams
 dang bcas pa'i mchog gi dngos grub ni rdo rje 'chang ba chen po nyid la sogs pa thob pa'o/ /skye ba 'di nyid la zhes bya ba ni skye ba gang la des gsang ba'i rtog pa 'di lan cig brjod pa'am/ 'dzin pa'i skye ba de nyid la ji ltar 'dod pa'i dngos grub thams cad dang bcas pa'i
 mchog gi dngos grub thob pa yin no/ /gzhung 'dis ni skye ba brgyud pas goms pa'i rnal 'byor gang lhan cig tu brjod pa'am/ 'dzin pa de nyid skye ba 'di la mchog gi dngos grub sgrub par byed pa yin te/ gzhan ni ma yin no zhes bstan to/ /de ci'i phyir zhe na zhes
 bya ba ni/ rgyu gang gi phyir te dge ba'i rtsa ba yongs su smin pas gang zhig nyan pa dang 'dzin pa de/ tshe 'di nyid du mchog gi dngos grub sgrub par byed pa yin te/ gzhan ni ma yin no zhes bstan pa'i phyir/ /'di lta ste zhes bya ba la sogs pa gsungs te/ gang gi phyir yi ge
 hUM gi rtog pa 'dis gang zag khyad par can de la 'dod pa'i dngos grub rdzogs par byed pas/ gdon mi za ba dang thogs pa med pa'o/ /ci'i phyir gdon mi za ba dang / thogs pa med pa yin zhe na/ bdag ces bya ba la gang gi phyir rdo rje 'chang bdag dang / de bzhin gshegs
 pa thams cad kyis kyang 'di la bar gcod byed par nus pa ma yin no/ /de nyid ci'i phyir zhe na/ thams cad rjes su chags pa nyid kyi phyir zhes bya ba smos te/ thams cad kyang yin la rjes su chags pa yang de nyid yin pas na thams cad rjes su chags pa zhes bya ste/
 sems rtse gcig pa'i rang bzhin gyis shin tu rnal 'byor dang ldan pa'i phyir zhes bya ba'i don to/ /sangs rgyas kyi byang chub kyang rjes su chags pa las kyang byung ba yin no zhes bya ba ni de bzhin gshegs pa la sogs pa'i rang bzhin gyi sems rtse gcig pa nyid kyi mtshan
 nyid kyis rjes su chags pa des mnyam pa med pa'i sangs rgyas kyi rnal 'byor rnams las 'byung bar 'gyur na/ dngos grub gzhan yang 'byung bar mi 'gyur ba ma yin te/ 'on kyang 'byung ba yin zhes bstan pa yin no/ /rjes su chags pa 'byung zhes bya ba bstan
 pa'i phyir 'dod pa bstan pa zhes bya ba la sogs pa gsungs te/ 'dod pa bstan pa ni sangs rgyas nyid la sogs pa 'dod pa'i bsam pa bstan pas shin tu rnal 'byor gyi mtshan nyid can gyi rjes su chags pa de 'byung ba yin gyi gzhan du ma yin no/ /'dod pa bstan
 pa de la ci dgos zhes rnam par rtog pa de bsal ba'i phyir de mi 'dod pas ji ltar zhes bya ba la sogs pa gsungs te/ shin tu rnal 'byor gyi rang bzhin rjes su chags pa de mi 'dod na ji ltar 'byung bar 'gyur zhes sbyar ro/ /ji ltar zhes bya ba ni yun ring pos zhes
 bya ba'i don to/ /mchog ni phul du 'byung ba'o/ /bde ba chen po la sogs pa'i go 'phang thams cad ces bya ba la/ bde ba chen po ni rdo rje sems dpa' ste/ rdo rje yid las byung ba la sogs pa gang la de nyid thog mar yod pa de nyid du bde ba chen po la sogs
 pa'i go 'phang ngo / /thams cad kyang yin la go 'phang yang de nyid yin pas thams cad kyi go 'phang ngo / /bde ba chen po la sogs pa yang yin la thams cad kyi go 'phang yang yin pas na bde ba chen po la sogs pa thams cad kyi go 'phang ngo / /grub na
 zhes bya ba la sogs pa la shin tu rnal 'byor gyi mtshan nyid can gyi de bzhin gshegs pa la sogs pa'i bsgom pas grub pa'i rnal 'byor la'o/ /ni'i sgra ni nges par gzung bas te grub pa po kho na la'o/ /bde ba chen po ni thar pa chen po'o/ /gsang ba chen po ni phyag rgya chen
 po ste/ snying po 'di dag skad cig ma gcig gis ster bar byed pas na/ bde ba chen po dang / rdo rje chags pa skad cig ma gcig la ster ba'o/ /de gang yin zhe na/ sgrub pa'i dam tshig 'di yin te/ /zhes bya bas ni bsgrub par bya bas bsgrub pa ste/ bde ba chen po dang
 chags pa chen po ste/ rdzogs par bya'o zhes bya ba'i don to/ /bsgrub pa'i dam tshig ni sgrub pa'i dam tshig ste rgyu'o/ /de yang shin tu rnal 'byor gyi mtshan nyid do/ /'di ni kun gyis 'da' bar dka'/ /zhes bya ba ni shin tu rnal 'byor gyi rang bzhin sgrub pa'i dam tshig
 'di de bzhin gshegs pa thams cad kyi tshul gang gis kyang 'da' bar mi spyod pas na 'da' bar dka' ba yin no/ /sdig pa chen po byed pa dang / /de bzhin dkyil 'khor ma mthong ba/ /zhes bya ba ni gang zhig dam pa'i chos spangs pa dang / mtshams med pa la sogs
 pa'i sdig pa chen po byed pa dang / gang zhig dkyil 'khor la ma zhugs pa de rnams kyang shin tu rnal 'byor gyi mtshan nyid can gyis bsgrub pa'i dam tshig 'dis dpal rdo rje sems dpa' la sogs pa bsgrub pa yin no/ /dngos grub gang gis 'grub ce na/ mchog gi dngos
 grub ces bya ba ni rang gi phyi ma'i mtha' la ston pa'i rdo rje sems dpa' la sogs pa'i dngos grub kyi'o/ /ni'i sgra ni nges par gzung ba'o/ /mchog gi dngos grub kyis ji ltar 'grub ce na/ lan cig bzlas pas sdig pa sbyang bas zhes bya ba ni shin tu rnal 'byor 'dis/ rdo rje
 'chang ba chen po lan cig bzlas pas rnal 'byor pa la dam pa'i chos spangs pa la sogs pa'i rang bzhin gyi sdig pa sbyang bar mdzad pa yin no/ /sdig pa sbyang ba'i rgyu lan cig gi bzlas pas des mchog gi sgrub pa yin no/ /rtog pa gsungs pa zhes bya ba ni dpal rdo rje sems dpa'
 'am de bzhin gshegs pa la sogs pa gzhan gyis rang rang gi brtag pa rnam pa gsum zhal bzhi dang / phyag brgyad pa la sogs pa'i phyag rgya chen po'i khyad par dpal rdo rje sems dpa' la sogs pa rnams kyis gang gsungs pa'i rtog pa rnams las gsungs pa de rang gi yid
 kyis 'dod pa'i gzugs brnyan rjes su dran pa'i sgom pa ni phyag rgya chen po'i khyad par bsgoms pa rnams kyis snying po yi ge hUM brjod pa'am/ glegs bam zhes bya ba ni dpal mchog dang po'i glegs bam mdun du bzhag nas/ /der bcom ldan 'das spyan drangs te bsgoms na
 de yang 'grub par 'gyur ro/ /de ci'i phyir zhe na/ thams cad nyid kyi phyir zhes bya ba la/ bcom ldan 'das de nyid dam tshig chen po'i de kho na nyid la sogs pa'i rtog pa las gsungs pa'i phyag rgya chen po'i gzugs yi ge hUM dang glegs bam gyi tshul du bzhugs pa rnams kyi
 de'i phyir/ thams cad nyid kyi bdag po 'grub/ /ces bya ba ni/ gang la zhes bya ba la sogs pa la sgrub pa po gang la gzugs brnyan nam/ /glegs bam med pa na de'i snying po yi ge hUM/ ras sam rtsig pa la bris nas bsgrub pa ni sngon du bsnyen pa byas shing bzlas pa
 dang / bsgom pa dag gis phyag rgya chen po la sogs pa bsgrub par bya'o/ /gang gis yi ge hUM bri zhe na/ bdag gis zhes bya ba ni bdag gis yi ge hUM bris nas/ bdag nyid phyag rgya chen po la sogs pa bsgrub par bya ba yin no/ /'di gang gis gsungs she na/ don yod
 cing thogs pa med pa'i dngos grub can bcom ldan 'das rdo rje 'chang chen pos gsungs pa yin no/ /de nas zhes bya ba la sogs pa gsungs pa la gal te/ slob dpon gang zhig gsang ba'i rtog pa 'di dang / dkyil 'khor chen po la sogs pa'i rtog pa rnams sgrub par
 'dod na/ de'i gsang ba'i dkyil 'khor 'di la thig gdab par bya ste/ ji lta ba bzhin du dpal rdo rje sems dpa' la sogs pa'i mtshan ma'i phyag rgya rnams bris nas/ dpal rdo rje sems dpa' la sogs pa'i gnas rnams su bri bar bya'o/ /de sgo
 dbye ba byas pa la bum pa la sogs pa rnams kyi dkyil 'khor thams cad yang dag par mchod de/ cho ga ji lta ba bzhin du dang po'i rdo rje bcings nas rang nyid 'jug par bya'o/ /zhugs nas chags pa chen po zhes bya ba la sogs pa brjod par bya'o/ /chags pa chen po ni
 dpal rdo rje sems dpa'i phyag rgya chen po'i chags pa chen po de las thogs pa chen po ste rnal 'byor thams cad skye bar 'gyur te/ thams cad bdag nyid yin no zhes bya ba ni/ rnal 'byor sgrub pa po rnams la skye bar 'gyur ro/ /dngos grub thams cad rjes chags phyir/ /
 chags pa chen po bcom ldan 'das/ /rdo rje sems dpa'i phyag rgya ni/ /sna tshogs dmar ba'i 'od 'bar ba/ /zhes 'og nas gsungs pa'i phyir ro/ /theg pa che las bde ba che/ /zhes bya ba ni thams cad kyi rnal 'byor de las bde ba chen po ste bde ba chen po mngon du'o/ /byang
 chub kyi sems kyi rang bzhin can gnyis su med pa'i sems dang sems las byung ba mngon du byas par 'gyur ro zhes bya ba'i don to/ /bde ba che las rdo rje brtan/ /zhes bya ba gnyis su med pa'i sems dang sems las byung ba'i rang bzhin byang chub kyi sems kyi ngo bo de las stong
 pa nyid bcu drug gi ting nge 'dzin gyi ngo bo mi phyed pa dang po'i rdo rje rtse lnga pa byung ba yin no/ /rdo rje las ni phyag rgya 'byung / /zhes bya ba ni dang po'i rdo rje de las mda' la sogs pa'i phyag rgya rnams 'byung bar 'gyur ba yin no/ /dang po'i rdo rje la sogs pa'i phyag rgya rnams ci'i
 phyir phyag rgya zhes brjod snyam du rtog pa bsal ba'i phyir sku gsung thugs kyi rdo rje zhes bya ba la sogs pa gsungs te/ sku gsung thugs kyi rdo rje ni bshad zin to/ /de rnams kyi gzugs brnyan gyi sbyor ba ni de'i rang bzhin la lhag par mos pa'o/ /gzugs brnyan gyi sbyor ba
 des phyag rgya thams cad de phyag rgya chen po la sogs pa'i phyag rgya thams cad bshad pa yin no/ /sgrub pa po la sogs pa'i rgyud la rgyas 'debs pas na phyag rgya zhes rab tu grags pa yin no/ /dam tshig 'da' bar dka' ba zhes bya ba ni 'da' bar dka' ba'i don ni dam tshig ces bya
 bar brjod pa yin te/ de bzhin gshegs pa thams cad kyis kyang 'da' bar dka' ba nyid kyi phyir ro/ /ji skad du/ phyag rgya'i dam tshig rab gsungs te/ /yid kyis gzugs ni brtan phyir ro/ /zhes gsungs so/ /ci'i phyir phyag rgya'i dam tshig 'da' bar dka' ba yin
 zhe na/ phyag rgya bcings pa tsam gyis ni/ zhes bya ba la sogs pa la sku gsung thugs kyi rdo rje ston cing mngon par 'dren pa'i rang bzhin gyis phyag rgya rnams bcings pa tsam gyis sangs rgyas dang / rdo rje 'chang la sogs pa yang bsdus pas 'grub par 'gyur ro/ /nyams pas
 'jigs pa zhes bya ba ni dam tshig nyams pas 'jigs pas de rnams 'grub par 'gyur ro/ /phyag rgya'i rang bzhin gyi dam tshig de rnams kyis ji ltar 'da' bar mi mdzad ce na/ dper na 'khor los sgyur ba'i rgyal po'i bka' la phyag rgya'i rgyas btab pa de'i yul na gnas pa rnams
 kyis/ 'da' bar mi nus pa de bzhin du phyag rgya rnams skye bo thams cad kyis kyang 'da' bar nus pa ma yin no/ /de bas na de bzhin gshegs pa rnams nyams pas 'jigs pas grub pa yin no/ /shes rab kyi pha rol tu phyin pa'i theg pas kyang gzhung lugs
 nyams pa'i 'jigs pas grub na/ de'i phyir phyag rgya'i dam tshig 'dis ci zhig bya zhe na/ sangs rgyas nyid ces bya ba la sogs pa la ji ltar bshad pa'i rang bzhin gyis sangs rgyas nyid dam rdo rje 'chang nyid shes rab kyi pha rol tu phyin pa'i theg pa'i rnam pas bskal pa bya ba
 rnams kyis kyang de ltar thob pa ma yin na/ ji ltar tshe 'di nyid la phyag rgya chen po la sogs pa'i phyag rgya'i mchog bsdus pa yod na thob par 'gyur ro/ /de ci'i phyir zhe na/ ji ltar zhes bya ba la sogs pa la gang gis 'jig rten gdul bar bya ba de ni 'dul ba ste/ rdo rje
 sems dpa' la sogs pa'i bsgom pa'o/ /rnam pa gang gis ji ltar 'dul bar yod pa de ni ji ltar 'dul ba can gyi 'jig rten no/ /de bzhin dngos grub gsungs pa yin/ /zhes bya ba ni/ de lta bu'i dngos grub 'jig rten de la gsungs pa ni/ de bas
 na de de'i thob par bya ba'i phyir thabs gsungs pa ni/ de yi thabs ni phyag rgya yin/ /zhes bya ba la sogs pa dngos grub de la ji ltar 'dul ba dang ldan pa'i 'jig rten pas rdo rje sems dpa' la sogs pa thob pa'i phyir rdo rje sems dpa' la sogs pa'i phyag rgya kho na thabs yin
 no/ /thabs de'i las ji lta bur ldan pa yin zhe na/ dngos grub thams cad byed pa mchog /ces bya ba la mchog ni phul du byung ba'o/ /de nas cho ga rgyas pa ni de yin no zhes bya ba ni de ltar ji lta ba bzhin du bshad pa'i rim pas phyag rgya'i dkyil 'khor 'dir slob dpon gyis 'jug
 par bya'o/ /zhugs nas chags la sogs pa che/ /zhes bya ba nas brtsams nas/ dngos grub thams cad byed pa mchog /ces bya ba'i bar du brjod la/ rang gi cho ga thams cad rjes su brjod nas/ slob ma gzhug par bya ba'i phyir/ gnang ba thob nas slob ma gzhug par
 bya ba ste/ 'di ni de nas de bzhin du cho ga rgyas pa'o zhes bya ba'i don yin no/ /dngos grub thams cad shin tu gdon mi za'o zhes bya ba ni ji ltar gsang ba'i dkyil 'khor du slob dpon dang / slob ma dag la/ dngos grub thams cad 'byung ba de bzhin du phyag rgya chen po'i dkyil 'khor
 du yang shin du gdon mi za bar 'byung ba yin no zhes bya ba'i don to/ /slar yang 'di'i don bshad par bya ste/ dpal rdo rje sems dpa'i dkyil 'khor chen po las gsungs pa'i rnal 'byor chen po sgrub pa'i tshul gyis gsang ba'i dkyil 'khor gyi dpal rdo rje sems dpa'i rnal 'byor chen po
 rab tu bsgrubs la/ rang gi snying gar rdo rje 'khor los gsang ba'i dkyil 'khor sprul la/ dpal rdo rje sems dpa' la sogs pa nas/ rdo rje 'bebs pa'i bar du rang rang gi snying po rnams kyis rang rang gi gnas su gzhag ste/ oM badzra At+ma kou0f85haM zhes bya ba brjod la/ dpal rdo r
 je sems dpa' la sogs pa'i sku gsung thugs kyi rdo rje'i rang bzhin du bdag nyid bsgom par bya'o/ /de nas oM swa b+ha ba shud+d+haHsarba d+harmAHswa b+hA ba shud+d+hou0f85haM zhes bya bas rang bzhin gyis dag par bya'o/ /de nas bdag med par mnyam pa nyid kyis oM sarba sa mo u0f85haM zhes bya bas ch
 os thams cad mnyam pa nyid du bdag nyid bsgom mo/ /de nas dpal rdo rje sems dpa'i gsang ba'i dkyil 'khor gyi rang bzhin bdag rang yin no zhes bya ba'i nga rgyal bskyed par bya'o/ /de nas bcom ldan 'das kyis phyag rgya chen po bcings la/ lha thams cad snying ga na gnas pa'i
 dang po'i rdo rje'i nang du/ a nu rA ga ya mi zhes bya ba bsams te/ rab tu dga' ba'i ngag gam/ rdo rje'i ngag gam/ yid kyis brjod cing bzlas pa'i don du bsgom par bya'o/ /nyin re bzhin du lan cig byin gyis brlab pa la sogs pa byas nas/ ji srid mngon sum du byas pa de
 bzhin du zla ba gcig gam/ zla ba drug gam/ lo gcig gis dkyil 'khor mthong bar 'gyur ro/ /de nas nyin re'am zla ba re re la dkyil 'khor bri bar bya'o/ /de la re zhig dang po ji ltar bshad pa'i dkyil 'khor gyis gzhi'i dbus su bdag bsrung ba dang gnas bsrung ba byas la/
 rnal 'byor chen po rdzogs pa'i bar gyi cho ga rdzogs par bya'o/ /de nas dpal rdo rje sems dpa'i phyag rgya chen po bcings la snying po dang bcas pa'i yi ge hUM brjod pa la brtson pas/ yi ge Ta las mig g.yon zla bar bya/ /g.yas pa yi ge ma las nyi mar dgod/ /hUM gis mig
 'bras bskal pa'i mer byas te/ /tshul 'di nyid kyis rdo rje'i blta ba byas nas/ rlung gi dkyil 'khor las byung ba'i/ /rno zhing 'bar bas khyab par byed/ /dbus su yi ge bkod pa yi/ /rdo rje brtul zhugs can gyis bsam/ /rdo rje me yis thal bar byas pa'i rgya mtsho dang / /
 sa 'dzin dang bcas sa nyid kyang ni de bzhin du/ /nam mkha'i khams su yi ge khaM ni rnam bsgoms la/ /rnam par snang mdzad chu rgyun 'bebs pa bsam par bya/ /dba' rlabs phreng ba kun du 'khrug par gyur pa yi/ /dpag tu med pa'i chu yi phung po de bzhin 'byung / /de tshe yi
 ge ra yis chu yi rgya mtsho mched/ /pad+ma gyur pa yongs su brtag par bya ba yin/ /gser gyi rus sbal snang ba zhes rab grags pa ni/ /chu skyes kyi ni rtsa bar bsam par bya ba yin/ /'dzam bu gser dang mtshungs pa'i lte ba ru/ /rnam pa nyid ni de nyid
 du yang bsam par bya/ /de nas khaM gi ngo bo rnam snang mdzad dang bcas/ /byon nas lte ba la ni bzhugs par gyur pa yin/ /de nas gcig tu gyur pa nyid las ri rab ni/ /rin chen bzhi yi cha shas las ni gyur pa yin/ /hUM suM hUM zhes bya ba'i ri rab skyed par byed pa'i sa bon
 gyi yi ge rnams brjod cing bsam par bya'o/ /de nas rdo rje bcings pas sa la de bzhin du reg cing rdo rje'i ri rab byin gyis brlabs nas/ de'i steng du rdo rje 'khor lo'i phyag rgyas ji skad bshad pa'i mtshan nyid can gyi dpal rdo rje sems dpa'i bzhugs gnas rdo rje chen po'i
 gzhal yas khang bskyed la yi ge hrI las lha thams cad kyi gnas rnams su sna tshogs pad+ma rnams bskyed nas/ dkyil 'khor gyi sa'i dbus su sems dpa'i skyil mo krung gis 'dug la/ bdag nyid spro ba bskyed par bya'o/ /de nas de bzhin du sangs rgyas thams cad
 spyan drangs nas/ dang po sbyor ba dang / dkyil 'khor rgyal mchog dang / las kyis rgyal po mchog bsgom par bya'o/ /de nas phyag rgya chen po bcings la de bzhin du yi ge brjod cing bsgom par bya'o/ /de nas dkyil 'khor bri bar bya ba'i phyir snga ma bzhin du de
 bzhin du sangs rgyas gshegs pa thams cad la gsol ba btab par bsam par bya'o/ /de nas langs te de bzhin gshegs pa thams cad la phyag byas te/ de bzhin gshegs pa thams cad kyis nam mkha' gang bar bsams la/ thams cad bdag nyid yin no
 zhes bya ba la sogs pa brjod par bya'o/ /de nas dang po'i rdo rje a nu rA ga ya mi hUM badzra tiSh+Tha gu h+ya maN+Dal u tha pa ya zhes brjod cing nam mkha' la dkyil 'khor bteg cing de nyid du bzhag la/ dang po'i rdo rje de nyid kyis lan cig bdag nyid byin gyis brlabs nas slar yang
 phyag rgya chen po bcings la/ badzra dr-iSh+Ta maT ces bya ba mig gnyis la rnam par bkod do/ /phyag rgya la gnas de bzhin langs/ /kun du rnam par bltas nas ni/ /yi ge hUM ni brjod pa yis/ /bsgyings pa'i tshul gyis yongs su bskor/ /de nas snga ma bzhin du cho ga thams cad
 rjes su spyad nas/ mal nas langs te ji lta ba bzhin du rnal 'byor chen po byas nas/ nyi ma 'char ka'i dus su dkyil 'khor de bzhin du nam mkha'i phyogs su gzhag ste/ oM badzra sa ma ya sU traM ma ti kra ma hUM zhes bya ba dang / rdo rje'i glu len cing snga ma bzhin du thig gdab par
 bya'o/ /de nas ji lta ba bzhin du yang dag par bris te/ dbus kyi dkyil 'khor gyi lte ba'i dbus su sna tshogs pad+ma'i steng du lugs ma la sogs pa rang bzhin/ 'od zer dmar po 'bar ba 'khrug /zla ba dang mtshungs zhal bzhad pa/ /sangs rgyas phreng ba sogs kyis
 mdzes/ /kha dog rnams kyis dbu la byugs/ /sems dpa'i skyil mo krung gis bzhugs/ /rdo rje snyems pa 'dzin pa'i mchog /g.yon na rdo rje khu tshur gyis snyems pas dril bu 'dzin pa/ g.yas pa bstod pa'i tshul gyis rang gi thugs kar dang po'i rdo rje 'dzin
 pa'i dpal rdo rje sems dpa'/ sa ma ya s+t+waM/ a nu rA ga ya mi hUM/ brjod cing dgod par bya'o/ /bcom ldan 'das rdo rje sems dpa'i mdun du rdo rje yid las byung ba'i gnas su rdo rje mtshon cha ma la rdo rje yid las byung ba dang 'dra bas na/ ji srid rdo rje dril bu'i gnas su
 rdo rje dril bu ma rdo rje dril bu dang bcas pa 'dra ba'i bar du bri bar bya'o/ /'di rnams kyi snying po ni bshad zin to/ /de nas de bzhin du dkyil 'khor gyi sgo rnams phye la/ dpal rdo rje sems dpa'i rnal 'byor gyis bsdu ba byas la/ mtshan brgya rtsa brgyad kyis bstod par bya'o/ /
 de nas bcom ldan 'das kyis phyag rgya chen po bcings la g.yas pa'i sdigs mdzub kyi lcags kyus bcom ldan 'das 'khor dang bcas pa rdo rje sems dpa'i dkyil 'khor las gsungs pa'i spyan drang ba'i sngags kyis dkyil 'khor du gzhug par bya'o/ /de nas de bzhin
 du cho ga thams cad rjes su spyad nas phyag bzhi sngon du 'gro bas sdom pa blangs la/ oM sarba yo ga tsit+taM ut+pA da yA mi zhes bya bas/ byang chub chen por sems bskyed nas/ g.yas pa'i rdo rje khu tshur gyis dang po'i rdo rje blangs te/ rang gi snying gar bzhag la sur
 te sa ma ya s+t+waM ho badzra sid+d+hi ya thA su khaM zhes bya ba brjod cing yi ge hUM las rdo rje bskyed par bya'o/ /de nas phyi'i sgo la mngon par phyogs nas gnas pa'i bum pa'i chus bdag nyid la dbang bskur te/ rdo rje slob dpon rang nyid ji snyed pa'i dris lus la byugs te/ rgyan dang bcas shing
 me tog gi phreng bas brgyan pa/ gos dmar po zung gcig bgos pa/ kha dri zhim pos bgos pa/ gos dmar pos gdong g.yogs bcings nas/ rdo rje sems dpa'i yid 'ong ma'i rnal 'byor dang ldan pa'i gzungs ma lag pa g.yon pas rdo rje 'dzin pa/ g.yas
 pas rdo rje khu tshur gyis rdo rje dril bu 'dzin pa/ rkang pa ya gcig mdun du 'dor ba phyag g.yas pas me skor gyi tshul gyis blangs la 'jug par bya'o/ /bcom ldan 'das kyi phyag rgya chen po bcings la/ de nyid kyis me tog gi phreng ba blangs te/ 'dod chags la
 sogs pa de kun yid khyod ni/ /kun bsdus bdag la bde ba stsol mdzod cig /rdo rje sems dgongs myur du bdag bstan mdzod/ /bdag dgyes mdzad dang bde mchog grub la 'dud/ /ces bya ba'i drug ldan la sogs pa'i klu'i rgyal po thams cad kyis gsang ba'i glu
 brjod la/ dang por shar gyi sgo nas 'jug par bya'o/ /rdo rje lcags kyu ma yang brjod par bya'o/ /slar yang lho'i sgo nas 'jug ste rdo rje zhags pa ma'i snying po brjod par bya'o/ /de nas de bzhin du nub kyi sgo nas zhugs te/ rdo rje lcags sgrog ma'i snying po brjod par bya'o/ /
 de nas de bzhin du byang gi sgo nas zhugs te/ rdo rje dril bu ma'i snying po brjod par bya'o/ /slar yang shar gyi sgo nas snga ma bzhin du zhugs te/ sgeg mo dga' ba'i rdo rje mas bcom ldan 'das la phyag byas te/ dkyil 'khor la lan gsum bskor ba byas la/ bcom
 ldan 'das kyi mdun du 'dug ste 'di skad ces brjod par bya'o/ /hUM ma hA su kha badzra satwa dzaHhUM baM hoH/ sa ma ya s+t+waM/ a nu rak+to me b+ha ba su to Sh+yo me b+ha ba/ dr-i D+ho me b+ha ba/ su po Sh+yo me b+ha ba/ a d+hi tiSh+Tha b+ha ga bAn/ a nA d+hi ni d+ha na sa twa ma hA su kha badzra gu h+ya sa ma yaH sid+him+me pra yats+tsha/
 ha ha ha ha A/ de nas rdo rje lha mo bzhi po 'di rnams kyis bskul bar bya'o/ /hUM badzra dr-iSh+Ta sa ya ke phaT/ hUM badzra kI li kI li hUM/ hUM sma ra badzra NI hUM/ hUM ru Sh+ya badzra NI hUM/ slar yang bcom ldan 'das kyi mdun du 'dug ste/ de kho na nyid 'di lan cig brjod par bya'o/ /'dod chags
 chen po bde ba che/ rdo rje chen po nor che ba/ ye shes chen po las che ba/ /rdo rje sems dpa' deng bdag grub/ /dzaHhUM baM hoH/ pra sid+d+ha maM zhes bya ba yang brjod par bya'o/ /de nas rdo rje'i chu 'thungs la/ yi ge a yis bdag nyid la dbab par bya ste/ slar yang g.yon pa'i khro bo'i
 khu tshur gyis/ thams cad kyis rdo rje ma bral zhing bdag nyid la 'dis dbab par bya ste/ a nu rA ga ya mi hUM a su/ de nas ma hA su kha badzra satwa pra ti gr-ih+Na sa ma ya s+t+waM zhes bya ba 'dis me tog rnams dor bar bya'o/ /de nas de rnams blangs te/ de ring khyod la rdor 'dzin gyis/ /dngos grub
 kun phyir dbang bskur mdzod/ /'dod pa kun gyi dbang phyug nyid/ /sems can kun la bde ba ster/ /zhes bya ba 'dis rang gi spyi bo la bcing bar bya'o/ /oM ma hA su kha badzra satwa a b+hi Shiny+tsa su ra ta s+t+waM/ zhes bya ba yang brjod do/ /de nas oM badzra tsak+Shu ka ma ma sa ya sarba su ra s+t+waM zhes bya
 ba 'dis gdong g.yogs dgrol bar bya'o/ /de nas he badzra pA sh+ya zhes bya ba brjod cing shar gyi sgo nas dkyil 'khor la blta bar bya'o/ /de nas 'jug pa'i phyag rgya bcings la tiSh+Tha badzra zhes bya ba la sogs pas rang gi snying gar dgrol bar bya'o/ /de nas rdo rje thal mo bskor bas shis pa
 brjod pa sbyin pa'i mngon par 'dren pas snying ga'i phyogs su 'dzin cing mtshan brgya rtsa brgyad kyis bstod par bya'o/ /de nas rdo rje mtshon cha ma la sogs pa gsang ba'i mchod pa bzhi pos bcom ldan 'das la yang dag par mchod la/ glu dang rol mo'i mchod pas bcom ldan 'das kyi
 mdun du gzungs ma dang bcas pas sems dpa'i skyil mo krung gis nye bar 'dug la 'jug pa'i phyag rgya bcings te/ sgeg mo dga' ba'i rdo rje mas slar yang bcom ldan 'das la phyag byas la 'di skad ces brjod par bya ste/ e yaM su ra te ra haM su ra taM me b+ha
 ga bAn/ sarba su kha b+ha man+tha ut+ta ma sid+d+hiM me pra yats+tsha/ a ni na sa t+yi na oM ma hA su kha badzra satwa dzaHhUM baM hoH/ su ra s+t+waM/ b+ha ga bAn/ sid+d+ha/ 'di yang brjod par bya ste/ myur du thams cad rjes chags pa/ /ki li ki las thams cad nus/ /thams cad rjes su chags
 dran pas/ /rtag tu yang ni legs dgyes 'gyur/ /oM ma hA su kha sid+d+ha badzra satwa sid+d+h+ya dzaHhUM baM hoH/ sid+d+ha sa ma ya s+t+waM sid+d+hi hUM/ de nas ji srid mtshan ma thob kyi bar du phyag rgya chen po bsgom par bya'o/ /de nas bcom ldan 'das kyis dbang bskur ba thams cad kyis de
 la dbang bskur ba mdzad par 'gyur ro/ /de nas skad cig ma de nyid du rdo rje sems dpa' 'dra bar 'gyur ro/ /gzungs ma de yang rdo rje snyems ma dang 'dra bar 'gyur ro/ /gal te bcom ldan 'das kyis de la dbang bskur bar mi mdzad na de'i tshe/ rang nyid kyis rdo rje
 sems dpa'i dkyil 'khor chen po las bshad pa'i cho gas dbang bskur ba thams cad blang bar bya'o/ /de nas rdo rje brtul zhugs kyi dngos grub blangs te/ de nyid kyis ni rdo rje gzung / /chos kyi dril bu dkrol bar bya/ /dam tshig gis ni phyag rgya cher/ /byin
 gyis brlabs nas rjes chags bya/ /hUM zhes bya ba lan gsum brjod par bya'o/ /slar yang dril bu dkrol la/ dam tshig gsum gyi rdo rje glu'i mchod pa byas la/ mchod pa lnga dang rdo rje mtshon cha ma la sogs pa'i lha mo bcu gnyis kyis bdag nyid mchod par bya'o/ /
 de nas tshigs su bcad pa lngas rjes su gnang ba dang / snying po dang phyag rgya bzhi'i ye shes dang / lung bstan pa 'byung ba bcom ldan 'das kyi drung nas blangs te mchod pa thams cad kyis bcom ldan 'das yang dag par mchod nas dbyung bar bya'o/ /de nas slob
 ma gzhug par bya ba'i phyir/ dkyil 'khor 'dri ba yin na/ de'i tshe rab tu dga' ba'i rdo rje'i dam tshig gi phyag rgya gzungs ma med par slob dpon gyis 'jug par bya'o/ /zhugs nas cho ga thams cad rdzogs par byas nas/ rjes su gnang ba nod par bya ste/ srid
 pa'i bde ba rnam dag phyir/ /sngar gyi srid pa la khyod dga'/ /'dod pa kun gyi dngos grub che/ /'gro ba kun la bsgrub par gyis/ /de ltar rjes su gnang ba mnos la slob ma rnams gzhug par bya'o/ /slob dpon gyi las kyi cho ga rgyas pa rdzogs so// //
 de la bslab pa ni gnas lnga yongs su 'dzin pa'am/ dge sbyong dang / dge slong gi sdom pa yongs su 'dzin pa'i slob mas sngar bshad pa'i cho gas rig pa'i sdom pa gzung bar bya ba yin no/ /de nas sarba yo ga tsit+taM ut+pa da yA mi zhes bya bas byang chub tu sems
 bskyed pa slob dpon gyis byed du gzhug go/ /de nas de'i snying gar de bzhin du rdo rje sems dpar byin gyis brlabs nas/ mchod pa lnga yis yang dag par mchod par bya'o/ /de nas de la 'di ltar brjod par bya ste/ deng khyod bcom ldan 'das kyis byin gyis brlabs
 par gyur pa yin gyis/ de bzhin gshegs pa thams cad kyi gsang ba'i dkyil 'khor du ma zhugs pa la khyod kyis smra bar mi bya ba dang / dad pa med pa rnams la brjod par mi bya'o/ /de nas mda' lnga bsdus pa bcings nas 'di ltar brjod par bya ste/ sangs
 rgyas kun gyis rab bsgrubs pa'i/ /khyod kyi dam tshig gsang ba 'di/ /gal te dkyil 'khor med la smras/ /khyod kyi rigs kun brlag par 'gyur/ /oM ma hA su kha ha na sa ma ya a ti kra me na NaM su ra ta s+t+waM/ de nas yon gyi mchog blangs la shar gyi sgo la mngon
 par phyogs pa'i phyi rol na gnas pa'i bum pa'i chus dbang bskur la/ rab tu dga' ba'i rdo rje'i dam tshig gi phyag rgyas me tog gi phreng ba 'dzin du 'jug la/ rang nyid 'jug pa'i sbyor bas slob ma gzhug par bya'o/ /de nas rna bar 'di ltar brjod par bya ste/ chags
 bral 'dul ba'i 'jig rten ni/ /chags bral nyid kyis dag par 'gyur/ /'dod chags chen po bde ba che/ /rdo rje sems dpa' sbas pa yin/ /'dod chags bral ba lta bu yi/ /sdug bsngal gzhan ni rang bzhin med/ /de bas sems can
 chags bral la/ /slar yang yid ni ma byed cig /de nas 'di ltar brjod par bya ste/ deng khyod de bzhin gshegs pa thams cad kyi rigs su zhugs kyis/ de bas na ngas khyod la ye shes gang gis de bzhin gshegs pa thams cad kyi dngos grub thob par 'gyur ba'i
 rdo rje'i ye shes skyed par gyur na dngos grub gzhan lta smos kyang ci dgos/ khyod kyis kyang dkyil 'khor ma mthong ba la brjod par mi bya'o/ /de lta ma yin na khyod la dam tshig gis gnod par 'gyur ro/ /de nas rdo rje slob dpon rang nyid kyis sems ma rdo rje ma'i phyag
 rgya 'og dang steng du kha lta ba bcings la/ rdo rje slob ma'i spyi bor bzhag nas 'di skad ces brjod par bya ste/ 'di ni rdo rje'i dam tshig ste/ /khyod kyis su la smras na ni/ /khyod kyi spyi bo 'gems par byed/ /de nas phyag rgya de nyid kyis mna' bsgag par bya ba'i phyir/
 snying po chu la lan cig bzlas la/ slob ma de 'thung du gzhug par bya'o/ /de la 'di skad brjod par bya ste/ rdo rje sems dpa' deng khyod kyi/ /snying la yang dag zhugs par mdzod/ /gal te tshul 'di smras na ni/ /de ma thag tu dral te gshegs/ /badzrod ka Tha
 zhes bya'o/ /de nas slob ma la 'di skad ces brjod par bya ste/ de nas brtsams te khyod kyi phyag na rdo rje nga yin gyis/ /ngas gang bsgo ba de gyis shig/ /khyod kyis nga la brnyas par ma byed cig /de ma yin na mi bde ba ma spangs par 'chi ba'i dus byas nas sems can
 dmyal bar ltung bar 'gyur ro/ /de bzhin gshegs pa thams cad kyis byin gyis brlab pa mdzad pa dang / rdo rje sems dpa' bdag la dbab par mdzod cig ces smros shig brjod par bya'o/ /de nas myur du rdo rje slob dpon gyis sems dpa' rdo rje ma bcings
 te/ de'i snying gar bzhag nas/ 'di skad ces brjod par bya ste/ 'di de rdo rje'i dam tshig ste/ rdo rje sems dpa' zhes brjod pas/ rdo rje ye shes bla med pa/ /khyod la de ring dbab par mdzad/ /de nas badzra A be+e sha zhes bya ba 'dis lan brgya brjod par
 bya'o/ /slar yang g.yon pa'i khro bo'i khu tshur gyis sems ma dral zhing / o nu rA ga ya mi hUM/ a a a aHzhes bya ba lan brgya brjod na nges par 'bab pa yin no/ /de nas sngags de nyid kyis me tog gi phreng ba 'dor du gzhug par bya'o/ /de nas phreng ba'i dbang
 bskur ba byin nas/ gdong g.yogs dgrol bar bya'o/ /de nas dkyil 'khor bstan par bya'o/ /de nas 'jug pa'i phyag rgya slob ma'i snying gar de bzhin du dgrol du bcug la/ sems can kun gyi yid khyab cing / /zhes bya ba la sogs pa'i de kho na nyid chen po snga
 ma bzhin du brjod par bya'o/ /de nas de bzhin du dbang bskur ba thams cad kyis slob ma la dbang bskur te/ rdo rje brtul zhugs kyi dngos grub byin la/ de nyid kyis ni rdo rje gzung / /chos kyi dril bu dkrol bar bya/ /zhes bya ba de la sbyin par bya'o/ /de nas dam
 tshig phyag rgya cher/ /byin gyis brlabs nas snying po bzla/ /zhes bya ba slob tu gzhug go/ /de nas me tog la sogs pa dang / rdo rje la sogs pa phyag rgya bcu gnyis kyis de yang dag par mchod la/ oM ma hA su kha badzra satwa dzaHhUM baM hoH/ su ra ta s+t+waM zhes dam tshig chen
 po'i de kho na nyid brjod du bcug la de bzhin du bshad par bya'o/ /de nas rdo rje snyems ma'i don brjod par bya zhes bya ba nas brtsams te/ ji srid de nas chos dang las kyi phyag rgya rnams la yang bslab par bya'o zhes bya ba'i bar du slob tu gzhug go/ /gang zhig rdo rje sems dpa'i
 dkyil 'khor chen po'i skabs su gsungs pa de dag thams cad 'dir yang rjes su spyad la thams cad kyis ci nus par mchod par bya ba de bzhin gshegs pa thams cad la zhu ba byas la/ slob ma thams cad mchod pa byed du gzhug go zhes bya ba la sogs pa'i
 sngar bshad pa'i cho ga shes par bya'o/ /slob ma gzhug pa'i cho ga rgyas pa rdzogs so// //de ltar dpal rdo rje sems dpa'i gsang ba'i dkyil 'khor du slob dpon gyi las kyi cho ga dang / slob ma gzhug pa la sogs pa'i cho ga rgyas pa bstan nas/ da
 ni rtog pa thams cad las gsungs pa'i dngos grub dang / rang gi rtog pa las gsungs pa'i rang gi lha mo phyag rgya bzhis rang gi lha'i rnal 'byor byas nas mdun du yang / rang gi lha la sogs pa'i lha rnams la rang gi phyag rgya bzhis rgyas btab nas/ mngon par 'dod
 pa'i phyag rgya bcings pas bsgrub par bya'o zhes bya ba'i don 'di bstan par bya ba'i phyir/ de nas dang po'i dkyil 'khor gyi gsang ba'i dam tshig gi phyag rgya bcings pa 'di yin no zhes bya ba gsungs te/ de nas zhes bya ba'i sgras ni skabs su bab pa'o/ /dang po'i
 dkyil 'khor ni rdo rje sems dpa'i dkyil 'khor ro/ /de la gsang ba'i dam tshig gi phyag rgya ni gsang ba'i dkyil 'khor gyi rdo rje sems dpa' la sogs pa rnams kyi dam tshig 'dzin pa'i phyag rgya rnams te/ de rnams bcing ba ni 'ching ba'i mtshan nyid skabs su
 bab pa yin no/ /de la rdo rje thal mo dang rdo rje bsdams pa ni go sla'o/ /rdo rje bsdams pa zhes bya ba la sogs pa la/ rdo rje bsdams pa bcings la g.yon pa'i mdzub mo dang mthe bo gnyis kyi tshigs gsum pa phan tshun sbyar nas skye gnas su byas la/ de gnyis
 kyi bu gar g.yas pa'i mthe bo 'og tu kha blta ba bcug nas btsir bar byas te/ de nas mthe bo de nyid du bskyod la lcags kyu'i rnam pa byas pa ni/ mda' lnga bsdus pa zhes bya ba la sogs pa la/ 'di bcings nas sor mo dbus ma gnyis nang du bcug la/ rtse
 mo'i sbyor bas gzung bar bya'o/ /mthe bo bsnyams pa'i mtha' rdo rje zhes bya ba mthe bo gnyis bsnyams la sbyar nas/ rtse mo dang mthe chung gnyis kyang mnyam par sbyar la rtse mor byas te/ mthe bo dang mtha' ma bsnyams pa'i rdo rjer 'gyur ro/ /'di'i khyad par
 ji lta bu yin zhe na/ de dang por zhes bya ba la sogs pa la gang zhig bcom ldan 'das rnam par snang mdzad kyis dpal rdo rje sems dpa' la byin pa dang po ste/ 'dir ni bde ba bstan pa ni mi phyed pa rdo rje lta bu ste/ bdud thams cad kyis mi phyed pa nyid kyi phyir ro/ /'dis
 ni 'di ltar bshad par 'gyur te/ mda' lnga bsdus pa bcings nas/ sor mo dbus ma gnyis nang du bcug la/ rtse mor byas te mthe bo gnyis dang / mthe chung gnyis kyis zur la rtse mo gnyis byas te/ 'di ni dang po'i rdo rje zhes bya ba bcom ldan 'das kyi dam
 tshig gi phyag rgya gnyis pa yin no/ /mtheb mdzub rtse sbyar dbus ma'i rtse/ /mig 'bras ltar byas 'dzin pa yi/ /zhes bya ba la/ dang po'i rdo rje g.yon pa'i sor mo dbus ma'i rtse mo/ g.yas pa'i mdzub mo dang mthe bo zhags pa'i rnam pas bzung ba ste/ 'di ni
 rdo rje mtshon cha ma'i dam tshig gi phyag rgya yin no/ /dbus ma'i rdo rje'i 'og tu ni/ /mthe bong gis mnan btsir bar bya/ /zhes bya ba ni/ dang po'i rdo rje kho na las/ /dbus ma'i rdo rje mthe bo gnyis kyis de nyid du sbyar la/ rab tu btsir ba 'di ni/ ki li ki la'i
 yin no/ /rdo rje 'dren ma dang 'dra ba'i/ /srin lag mthe chung kha phye ba'i/ /zhes bya ba ni/ rdo rje mtshon cha ma'i phyag rgya ni rdo rje 'dren ma ste/ srin lag gnyis dang mthe'u chung gnyis sbyar ba'i rtse mo'i kha phye ba ni rdo rje 'dren ma'i'o/ /bskor nas pus mor gzhag pa
 ni/ /zhes bya ba ni dang po'i rdo rje kho na g.yas pa'i pus mo'i phyogs su bzhag nas bskor te/ pus mo g.yon pa'i phyogs su 'dzin pa ni rdo rje mtshon cha ma'o/ /gyen du 'phang ba zhes bya ba ni dang po'i rdo rje kho na me tog dbul ba'i tshul gyis gyen du gtor ba ni rdo rje dpyid ma'i'o/ /
 thur du blugs pa zhes bya ba ni dang po'i rdo rje kho na spos dbul ba'i tshul du thur du blugs pa ni rdo rje sprin ma'i'o/ /mthe bo sbyar bas bskor ba'i'o zhes bya ba ni dang po'i rdo rje de kho na las mthe bo gnyis phan tshun gyi phyogs su yang dag par sbyar nas/ rtse mo gyen du byas la/ mar me
 dbul ba'i tshul gyis bskor ba ni/ rdo rje ston ka ma'i'o/ /rab tu brkyang zhing byug pa dang / /bskor zhing spyi bor gnas pa'o/ /zhes bya ba ni dang po'i rdo rje rab tu brkyang ba de nyid dri byug pa'i tshul du byas nas/ slar yang dang po'i rdo rje de nyid bskor zhing spyi
 bor 'dzin pa ste/ 'di ni rdo rje dgun ma'i'o/ /bskor zhing snying gar gzhag par bya/ /zhes bya ba ni dang po'i rdo rje snying ga'i phyogs su g.yon du bskor zhing 'dzin par byed pa ste/ 'di ni sgeg mo'i'o/ /yongs su bskor zhing dgod par bya'o/ /zhes bya ba ni dang po'i rdo rje dgod pa'i tshul gyis
 kha la yongs su bskor nas/ kha'i mtha' ru yongs su 'dzin pa ste/ 'di ni bzhad ma'i'o/ /kha las gyen du dbyung ba ni/ /zhes bya ba ni/ dang po'i rdo rjes tshig 'byin pa'i tshul du byas pa 'di ni glu ma'i'o/ /de bzhin gar gyis bskor ba'o/ /zhes bya ba ni/ dang po'i rdo rje bcings la
 gar gyi tshul du bskor ba 'di ni rdo rje gar ma'o/ /mdzub mo'i sor mo gnyis kyis ni/ /zhes bya ba la dang po'i rdo rje kho na las/ mdzub mo gnyis lcags kyu ltar bkug pa 'di ni rdo rje lcags kyu ma'i'o/ /g.yon pa'i mdzub mo g.yas kyis gzung / /zhes bya ba ni dang po'i rdo rje mdzub mo'i tshul lcags kyus
 g.yon mdzub mo bsgreng ba gzung ba byas pa 'di ni rdo rje zhags pa ma'i'o/ /mdzub mo'i mthe bor bcing ba ni/ /zhes bya ba la/ dang po'i rdo rje kho na las/ mdzub mo dang mthe bo dag gi phan tshun lu gu rgyud du bcing ba ni rdo rje lcags sgrog ma'i'o/ /mthe bong mtha' ma'i nang du
 gzhug / ces bya ba ni/ dang po'i rdo rje las mthe bo rang gi srin lag dang mthe chung gi nang du 'dzin pa 'di ni/ rdo rje dril bu ma'i dam tshig gi phyag rgya 'o/ /khu tshur gyi phyag rgya rnams so zhes bya ba ni sku gsung thugs kyi rdo rje rnams chos bdag med pa'i sbyor bas gcig tu byed
 pa ni khu tshur te/ de dang rgyu mthun pa'i dpal rdo rje sems dpa'i dkyil 'khor yang ston par byed pa'o/ /dpal rdo rje sems dpa'i gsang ba'i dkyil 'khor gyi dam tshig gi phyag rgya rnams ni khu tshur gyi phyag rgya zhes brjod pa yin no/ /de nas zhes bya ba la sogs pa la de
 nas zhes bya ba'i sgra ni skabs su bab pa'o/ /don yod pa dang thogs pa med pa ni go sla'o/ /'di rnams kho na zhes bya ba ni/ dang po'i rdo rje la sogs pa rnams kyi'o/ /las kyi phyag rgya bcing ba zhes bya ba ni/ las kyi phyag rgya bcing ba'i mtshan nyid do/ /mchog tu gsang
 ba zhes bya ba ni/ mchog kyang yin la gsang ba yang de nyid yin pas na mchog tu gsang ba'o/ /mchog ni phul du byung ba'o/ /gsang ba ni skye bo thams cad dang thun mong ma yin pa'o/ /bla na med pa zhes bya ba la sogs pa la/ de'i gong na gzhan med pas na/ bla na med
 pa nyid kyi phyir/ /bla na med pa ste phul du byung ba'o/ /las kyi tshogs sgrub par byed pa ni skad cig mas/ rdo rje 'chang chen po nyid la sogs pa'i las kyi tshogs rdzogs par byed pa gang yin pa de skabs su bab pa 'di yin te/ gnod par mi nus pa ni sngags la sogs
 pas gnod par mi nus pa ste/ sangs rgyas thams cad dang bcas pa'i rdo rje 'chang ba dag gis kyang gnod par mi nus so/ /de la bde ba chen po'i rdo rje dbus ma'i las zhes bya ba ni/ dang po'i rdo rje kho na bde ba chen po'i rdo rje ste/ dbus ma'i rtse mo de nyid kyis/ rdo rje 'chang
 chen po nyid la sogs pa'i las byed par 'gyur bas na/ dbus ma'i las so/ /rdo rje sen mo'i rtse mo mchu la sogs par gzhag par bya zhes bya ba la rdo rje ni dbus ma'i rtse mo ste de'i sen mo dag go/ /rtse mo mchu la sogs pa gang la yod pa de ni rtse mo mchu la sogs pa
 can no/ /rdo rje sen mo yang de yin la/ rtse mo mchu la sogs pa yang de nyid yin pas na/ rdo rje sen mo'i mchu la sogs pa can te/ de dag gzhag par bya'o/ /'di'i don ni 'di yin te/ sgrub pa chen po la zhugs pa'i rnal 'byor pa gal te grub par ma gyur na/ de'i tshe
 dpal rdo rje sems dpa'i rnal 'byor byas te/ dang po'i rdo rje bcings nas/ de'i dbus ma'i rdo rje rtse mo gnyis mchu dang / dpral ba dang spyi bo dang snying gar bzhag cing bdag nyid rdo rje 'chang chen por bsgom par bya'o/ /'khor lo rab tu bskor ba zhes bya ba de bzhin du/ dpal
 rdo rje sems dpa'i rnal 'byor byas la/ dang po'i rdo rje bcings te/ de'i dbus ma'i rtse mo chos kyis 'khor lo bskor ba'i tshul du byas shing / a nu rA ga ya mi hUM/ zhes bya ba brjod cing kun du bzang po la sogs pa'i byang chub sems dpa' chen po rnams la chos
 bstan par mdzad pa'i de bzhin gshegs pa snang ba mtha' yas su bdag nyid bsam par bya'o/ /rdo rje nor bu zhes bya ba ni de bzhin du dpal rdo rje sems dpa'i rnal 'byor byas nas/ dang po'i rdo rje dbus ma'i rtse mos rin chen byas te/ a nu rA ga ya mi hUM/ zhes bya ba brjod cing
 rin po che'i rigs kyi rang bzhin du bdag nyid bsgom par bya'o/ /ji ltar 'dod pa'i dngos grub kun byed pa rnams zhes bya ba ni ji ltar 'dod pa'i dngos grub ni/ phyag rgya chen po la sogs pa ji lta ba de bzhin du 'dod pa'i dngos grub bo/ /kun du byed pa ni ji ltar mngon par 'dren pa
 ste/ de bzhin du dpal rdo rje sems dpa'i rnal 'byor byas nas/ dang po'i rdo rje bcings te phyag rgya chen po'i dngos grub kyi tshul du dbus ma'i rtse mos byas te/ a nu rA ga ya mi hUM/ zhes bya ba brjod cing / rdo rje sems dpa' la sogs pa'i phyag rgya chen po la sogs pa'i dngos
 grub kyi rang bzhin du bdag nyid bsam par bya'o/ /kun du byed pa zhes bya ba'i sgra 'di ni/ rnal 'byor bzhi char la yang sbyar bar bya'o/ /de rnams kyi 'bras bu bstan pa'i phyir/ rdo rje 'chang chen po zhes bya ba la sogs pa gsungs te/ de la rdo rje sen mo'i rtse mo'i mchu la
 sogs par bzhag pas rdo rje 'chang chen po'i dngos grub bo/ /'khor lo rab tu bskor ba'i tshul gyis sangs rgyas dang byang chub sems dpa'i dngos grub bo/ /rdo rje nor bu'i sbyor ba'i tshul gyis rdo rje rin po che'i rigs kyi dngos grub bo/ /ji ltar mngon par 'dod pa'i dngos grub
 kyi tshul gyis mchog gi dngos grub thams cad 'grub par 'gyur ro/ /de ltar dpal rdo rje sems dpa'i rnal 'byor gyis las bzhi po bstan nas/ da ni rdo rje mtshon cha ma'i rnal 'byor gyis las kyi cho ga dngos grub bstan pa'i phyir/ rdo rje 'dren mas ni mig 'bras kyi las so
 zhes bya ba gsungs te rdo rje 'dren ma ni rdo rje mtshon cha ma'i dam tshig gi phyag rgya'o/ /de bcings te mig gnyis kyis thams cad rjes su chags par byed pa la sogs pa'i las ni mig 'bras gnyis kyi las yin no/ /mig g.yon pa dang g.yas zhes bya ba la sogs pa la/ rdo rje
 mtshon cha ma'i rnal 'byor byas nas/ rdo rje 'dren ma bcings la rdo rje mtshon cha ma'i snying po brjod cing / mig g.yon pa dang g.yas pa steng du bltas pas rdo rje yid las byung ba la sogs pa thams cad rjes su chags par byas pa yin no/ /mig tshur 'dren pas dgug pa'o zhes
 bya ba ni/ de bzhin du rdo rje mtshon cha ma'i rnal 'byor gyis rdo rje 'dren ma bcings la mig 'bras tshur 'dren pa dag gis rdo rje yid las byung ba la sogs pa dngos po thams cad dgug par 'gyur ro/ /'jug pa thams cad 'jug pa'o/ /zhes bya ba la de bzhin du rdo rje mtshon cha
 ma'i rnal 'byor gyis rdo rje 'dren ma bcings la/ rang gi lus la sogs par rdo rje yid las byung ba la sogs pa dngos po thams cad gzhug pa'i bsam pas/ mig 'bras rab tu gzhug par byas la dngos po thams cad 'jug par 'gyur ro/ /chen po'i rdo rje ni dang po'i
 rdo rje ste/ de'i dbus ma'i rtse mo las thams cad byed par 'gyur ba'i tshul du/ a nu rA ga ya mi hUM zhes bya ba'i bzlas pa bya zhing dpal rdo rje sems dpa'i rnal 'byor pa las thams cad sgrub par byed pas/ dngos grub thams cad 'byung bar 'gyur ro/ /sgeg mo dga'
 ba'i rdo rje ma/ /zhes bya ba la sogs pa la/ 'das ma thag tu bshad pa'i las 'di rnams kho na sgeg mo dga' ba'i rdo rje mas phyag 'tshal zhing / phyag btsal nas mi g.yo ba las grub pa'i tshul du byas nas thogs pa med par 'grub pas las thams cad 'grub par 'gyur
 ba yin no/ /de bzhin du gang gi phyag rgya mtshan ma rnams kyis dngos grub thams cad 'grub par 'gyur ro zhes bya ba ni ji ltar dpal rdo rje sems dpa'i phyag rgya chen po dang / dam tshig gi phyag rgya las thams cad don yod cing grub pas 'grub par 'gyur ba de bzhin du rdo rje mtshon cha
 ma la sogs pa'i phyag rgya chen po la sogs pa rnams dang / rang rang gi snying po bzlas pa las thams cad don yod cing 'grub par 'gyur ba yin no/ /de ltar gsang ba'i dkyil 'khor gyi dam tshig gi phyag rgya rnams dang / las 'grub par byed pa'i
 phyag rgya rnams bstan pa yin no/ /phyag rgya chen po dang / chos dang las kyi phyag rgya dang / mchod pa'i phyag rgya rnams kyi dkyil 'khor chen po las gsungs pa gzung bar bya'o/ /dang po'i nyin re lan cig tu/ /phyag rgya chen pos snying po bzla/ /zhes bya ba la sogs pa la ji
 ltar yang gsungs pa'i las rnams byed par 'dod na/ rang gi lha'i rnal 'byor ji lta ba bzhin du byas nas rang gi lha'i phyag rgya rnams rang gi lha'i snying po bzla zhing bcing bar bya'o/ /de'i 'og tu rdo rje sems dpa'i las sgrub par byed pas a nu rA ga ya mi hUM zhes bya ba'i nye ba'i
 snying po dang bcas pa'i snying po bzla zhing las thams cad bsgrub par bya ba yin no/ /rdo rje mtshon cha ma la sogs pa'i zlos pa po rnams kyis kyang a nu rA ga ya mi hUM badzraM dr-iSh+Ti sa ma ki ma Ta zhes bya ba la sogs pa'i rdo rje mtshon cha ma la sogs pa'i snying po bzla zhing ji ltar gsungs
 pa'i las rnams bsgrub par bya ba yin no/ /thams cad yod par grub pa zhes bya ba ni gang zhig nye ba'i snying po 'di thams cad yod par sgrub par byed pas na de'i phyir/ de dang lhan cig tu snying po thams cad bzlas nas thams cad sgrub par byed pa yin no/ /bde ba chen po'i rdo rje
 ni ji ltar bshad pa'o/ /de'i gsang ba'i rtog pa ni sems dpa'i gsang ba'i 'khor gyi rtog pa'i rjes la bshad pa'o/ /de'i mchog ni phul du byung ba ste/ yi ge hUM gi rang bzhin gyi snying po'o/ /de ci'i phyir phul du byung ba yin zhe na/ phyi ma zhes bya ba la phyi ma ni mchog tu gyur
 pa ste/ thugs kyi gsang ba ston par byed pa'o zhes bya ba'i don to/ /sgrub pa don yod dam tshig ni/ /zhes bya ba la/ sgrub pa ni phyag rgya chen po la sogs pa'i dngos grub ste/ 'bras bu yod pa'i rgyu nyid yin pa'i phyir don yod pa'i dam tshig go/ /don yod pa'i dam
 tshig yin pa'i phyir de nyid snying pos skad cig dngos grub ces bya ba yin no/ /rtsa ba'i rgyud ces bya ba ni 'das ma thag tu bshad pa'i dkyil 'khor bcu gcig gi rgyud de ni rtsa ba'i rgyud dang / rgyud phyi ma ni 'og nas 'chad par 'gyur ba'i dpal rdo rje sems dpa' la sogs pa'i
 dkyil 'khor ston par byed pa'o/ /'di gnyis dang bcas pa 'das ma thag tu bshad pa'i dkyil 'khor gyi phyag rgya'i rgyud ni bla na med pa yin no/ /de ci'i phyir zhe na/ dngos grub mchog ni 'di bzhin du/ /zhes bya ba la/ rang gi rtog pa'i cho gas phyag rgya'i rgyud 'di ji ltar phyag rgya chen
 po la sogs pa'i dngos grub rdzogs par byed pas/ mchog tu gyur pa de bzhin du de dag dang bcas pa yang bla na med pa'i ye shes sgrub par byed pa yin no/ /dpal mchog dang po'i rgyu cher bshad pa/ shes rab kyi pha rol tu phyin pa 'byung ba zhes bya ba las/ dum bu gnyis
 pa rtsa ba'i [(]brgyud [,]rgyud [)]las/ dpal rdo rje sems dpa'i gsang ba'i dkyil 'khor gyi phyag rgya'i rtog pa bshad pa rdzogs so// //da ni dum bu gnyis pa rtsa ba'i rgyud las gsungs pa'i/ dpal rdo rje sems dpa'i dkyil 'khor chen po nas brtsams te/ phyag rgya'i mtshan nyid
 bstan par bya ba'i phyir/ de nas zhes bya ba la sogs pa gsungs te/ de nas kyi sgra ni de ma thag pa la ste gsang ba'i dkyil 'khor gyi phyag rgya bcings pa'i rjes thogs la'o/ /dang po'i dkyil 'khor ni rdo rje sems dpa'i dkyil 'khor la sogs pa'i phyag rgya thams cad de/
 phyag rgya chen po dang / dam tshig dang / chos dang las kyi phyag rgya'o/ /de rnams kyi rgyud ni ston par byed pa'i sgra'i tshogs te/ de'i cho ga rgyas pa ni phyag rgya chen po la sogs pa'i mtshan nyid can gyi sgrub par byed pa'i 'bras bu ston pa'i rgyun no/ /de la bcom ldan 'das
 kyi phyag rgya chen po'i rgyud ni zhes bya ba la/ dkyil 'khor chen po las gsungs pa'i dpal rdo rje sems dpa'i rtogs pa dang ye shes kyi brtson 'grus kyi las so/ /de ston par byed pa dang / de dang rgyu mthun pa dang / de skyed par byed pa'i las kyi phyag rgya ni las kyi
 phyag rgya'o/ /rdo rje khu tshur med pa rnams kyis rtogs par bya'o zhes bya ba la rdo rje la sogs pa'i phyag mtshan dang bral ba'i rdo rje khu tshur rnams ni rdo rje khu tshur rdo rje med pa rnams so/ /de dag gis las kyi phyag rgya rnams rtogs par bya ste/ las kyi phyag rgya thams
 cad rdo rje khu tshur gnyis las byung ba slob ma rnams la bstan par bya'o zhes bya ba'i don to/ /g.yon du rdo rje snyems pa zhes bya ba la sogs pa la rdo rje khu tshur gnyis bcings nas g.yon pa'i rdo rje khu tshur gyis bsnyems par byas nas g.yas pa'i rdo rje khu tshur rang gi snying gar
 stod pa'i tshul gyis 'dzin pa 'di ni rdo rje snyems pa zhes bya ba bcom ldan 'das rdo rje sems dpa'i las kyi phyag rgya yin no/ /'di'i las bstan par bya ba'i phyir rab tu dga' ba brtan par byed cing dngos grub thams cad ster ba'o zhes bya ba la/ rab tu dga' ba ni bshad zin
 to/ /de brtan par byed cing brtson 'grus kyi stobs kyis gang gi phyir rnal 'byor pa rnam par rtog pa thams cad kyis mi bskyod pa'i phyir rab tu dga' ba mi phyed pa dang ldan par 'gyur ba yin no/ /dngos grub thams cad ster ba ni phyag rgya chen po la sogs pa'i dngos grub thams
 cad stsol ba'o/ /'dis ni don 'di bstan par 'gyur ro/ /phyag rgya chen po la sogs pa'i phyag rgya thams cad sgrub par byed pas las kyi phyag rgya rnams bcing bar bya ba yin no/ /gzhu dang mda' gtod pas rdo rje mtshon cha ma'o zhes bya ba ni g.yon pa'i rdo rje khu tshur gyis gzhu
 'dzin pa'i tshul du byas la rdo rje khu tshur de snying ga'i phyogs su gyen du kha bltas par bzhag nas de'i steng du g.yas pa'i rdo rje khu tshur 'og tu blta ba bzhag ste/ slar yang des mda' gsor ba'i tshul du byas pa 'di ni rdo rje yid las byung ba'o/ /'og tu 'khyud pa zhes bya ba ni rdo
 rje khu tshur gnyis kyis mchan khung gi 'og tu 'khyud pa 'di ni ki li ki la'i'o/ /rgyal mtshan gyen du bsgreng ba zhes bya ba ni rdo rje khu tshur gnyis rgyal mtshan gyen du bsgreng ba'i tshul du 'dzin pa 'di ni rdo rje dran pa'i'o/ /rdo rje bsnyems pa gnyis bstod pa/ /zhes bya ba ni rdo rje
 khu tshur gnyis bcings te nang du mngon par phyogs shing steng du kha blta ba des lag pa gnyis dku la brten par byas pa ni/ rdo rje bsnyems pa'i'o/ /sgeg pa dang bcas pas/ mtha' la sogs pa dgrol bar bya/ /zhes pa la sogs pa la khu tshur gnyis bcings nas/ sgeg
 pa dang bcas pas mtha' ma la sogs pa'i sor mo thams cad bkrol nas klog 'gyu ba'i tshul gyis gar bya'o/ /de ji lta bu zhe na/ g.yas su yongs su bskor bas zhes bya ba ni g.yas su bskor ba ni g.yas su yongs su bskor ba ste/ des me tog la sogs pa'i ka pu Ta g.yas su yongs su bskor ba ni me
 tog la sogs pa'i ka pu Ta'o/ /me tog la sogs ston par byed pa'i ka pu Ta ni me tog la sogs pa'i ka pu Ta'i thal mo'o/ /sogs pa'i sgras ni spos dang mar me dang dri ston par byed pa'i ka pu Ta shes par bya'o/ /me tog la sogs pa'i ka pu Ta de spyi bo'i phyogs su 'dzin zhing
 de nas phab la de bzhin du sgeg pa dang bcas pas mchod pa dor bar bya'o zhes bya ba dang sbyar ro/ /ji ltar zhe na/ rdo rje thal mos zhes bya ba'i me tog la sogs pa'i ka pu Ta de phab nas rdo rje thal mo byas te/ byed par gyur pa'i rdo rje thal mo de rnam par 'gyur ba yin nam ma
 yin zhe na/ dkrol ba zhes bya ba ni me tog la sogs pa dkrol ba'i tshul dang bcas pas so/ /sgeg pa dang bcas pas mchod pa dor ba'o zhes bya ba ni sgeg pa dang bcas pas me tog la sogs pa 'bul ba'i tshul gyis dor bar bya'o/ /de la rdo rje thal mos sgeg pa dang bcas
 pas mchod pa dor ba ji lta bu zhe na/ de bzhin du'o zhes bya ba ste/ ji ltar dam tshig gi phyag rgya'i skabs su sgeg pa dang bcas pas mchod pa dor bar bstan pa de bzhin du las kyi phyag rgya'i skabs su 'dir yang bya ba yin no/ /'dis ni 'di ltar 'chad par 'gyur te rdo rje khu tshur gnyis
 kyis ji skad bshad pa'i rdo rje mtshon cha ma'i snying po brjod cing gar bya ste/ ka pu Ta'i thal mo bcings la spyi bor gzung bar bya ste/ de nas de las phab nas rdo rje thal mo bcings te/ de nas rjes la sgeg pa dang bcas pas me tog 'bul ba'i tshul gyis steng du gtor bar bya ste/
 de nas rdo rje mtshon cha ma'i las kyi phyag rgya bcing bar bya'o/ /de nas rdo rje kI li kI la'i snying po brjod cing de bzhin du rdo rje thal mo bcings la de nyid sgeg mas spos 'bul ba'i tshul gyis 'og tu ldugs pa ste/ de nas kI li kI la'i las kyi phyag rgya bcing
 bar bya'o/ /de nas rdo rje dran ma'i snying po brjod cing de bzhin du rdo rje thal mo bcings la de nyid sgeg pas mar me 'bul ba'i tshul gyis mthe bo sbyar nas bskor bar bya ste/ rdo rje dran ma'i las kyi phyag rgya bcing bar bya'o/ /de nas rdo rje snyems ma'i snying po brjod cing de bzhin du rdo rje
 thal mo bcing nas de nyid sgeg pas snying ga'i phyogs su brkyang la dris byug pa'i tshul du sbyar te/ rdo rje thal mo spyi bor gzung bar bya ste/ de nas rdo rje snyems ma'i las kyi phyag rgya bcing bar bya'o/ /rdo rje yid las byung ba dang / kI li kI la dang / rdo rje dran ma dang / rdo rje
 snyems ma'i las kyi phyag rgya rnams gang yin pa de nyid go rims ji lta ba bzhin du rdo rje mtshon cha dang / kI li kI la dang / rdo rje dran ma dang / rdo rje snyems ma la sogs pa rnams kyi yang yin par gzung bar bya'o/ /de ltar rdo rje mtshon cha ma la sogs pa'i las kyi phyag rgya
 bstan nas/ da ni dpyid ka rdo rje ma la sogs pa'i las kyi phyag rgya bstan par bya ba'i phyir/ rdo rje gar ni nang gi mtshams rnams la'o zhes bya ba la rdo rje gar ni 'das ma thag tu bshad pa'i mtshan nyid can de/ nang gi mtshams bzhi po la dpyid ka rdo rje ma la sogs pa bzhi dang /
 phyi'i dkyil 'khor gyi mtshams bzhi la sgeg mo la sogs pa rnams kyi las kyi phyag rgya bskyed pa'i rgyur gyur pa shes par bya'o/ /de ci'i phyir zhe na/ rdzogs pa zhes bya ba la sogs pa ste/ phyi'i yo byad me tog dang spos dang mar me dang dri dang ldan pa ni rdzogs pa'o/ /
 ma tshang ba ni de dang bral ba'o/ /yang na ji ltar rnyed pa'i zhes bya ba la me tog la sogs pa'i mchod pa'i rdzas rnams las phyogs gcig thob pa ni ji snyed pa ste ji snyed pa des kyang ngo / /me tog la sogs pa'i mchod pa rnams kyi mtshan ma ni me tog la sogs pa'i mchod pa'i mtshan ma ste/
 me tog la sogs pa'i tshul rnams so/ /sogs pa'i sgras ni spos la sogs pa gzung bar bya'o/ /me tog la sogs pa'i mchod pa'i mtshan ma de rnams kyi/ dngos grub kun gsol thun mong yin/ /zhes bya ba ni dpyid ka rdo rje ma la sogs pa'i las kyi phyag rgya thams cad grub
 pa'i phyir/ thun mong gi rgyur gyur pa rdo rje yin pas na/ dpyid ka rdo rje ma la sogs pa'i las kyi phyag rgya rnams bskyed pa'i rgyur gyur pa yin no/ /dpyid ka rdo rje ma la sogs pa'i las kyi phyag rgya ma rnams kyi mtshan nyid ji ltar shes par bya zhe na/ dam tshig gi phyag rgya'i sbyor
 bas mtshan ma yongs su gzung ba zhes bya ba la ji ltar dpyid ka'i rdo rje ma la sogs pa'i dam tshig gi phyag rgya'i sbyor ba bstan pa de bzhin du de rnams kyi las kyi phyag rgya'i sbyor ba yang de bzhin no/ /'dis ni 'di ltar bstan par 'gyur te/ rdo rje khu tshur gnyis bcings la/ dpyid
 ka rdo rje ma'i snying po brjod cing gar byas te snga ma bzhin du ka pu Ta'i thal mo spyi bo'i phyogs su bcing bar bya zhing de nas de phab la rdo rje khu tshur gnyis bskor bas bcings te me tog 'bul ba'i tshul gyis steng du gtor bar bya ste/ 'dis ni dpyid ka rdo rje ma'i las kyi phyag rgya yin
 no/ /de nas de bzhin du rdo rje sprin ma'i snying po brjod cing / rdo rje'i gar bya ste ka pu Ta'i thal mo spyi bo'i phyogs su bcings la phab ste/ rdo rje khu tshur gnyis bskor ba bcings te/ spos 'bul ba'i tshul gyis blugs par bya ste/ 'dis ni rdo rje sprin ma'i'o/ /de nas de bzhin
 du ston ka'i rdo rje ma'i snying po brjod cing spyi bo'i phyogs su ka pu Ta'i thal mo bcings nas phab la/ rdo rje khu tshur gnyis bskor ba bcings te mar me 'bul ba'i tshul gyis mthe bo sbyar la bskor bar bya ste/ 'di ni ston ka'i rdo rje ma'i'o/ /de bzhin du dgun ma'i snying po brjod
 cing gar byas la spyi bo'i phyogs su ka pu Ta'i thal mo bcings nas phab ste/ rdo rje khu tshur gnyis bcings shing snying ga'i phyogs su brkyang ste/ slar yang rdo rje khu tshur gnyis bcings la/ spyi bor gzung bar bya ste/ 'di ni rdo rje dgun ma'i las kyis phyag rgya'o/ /rdo rje khu tshur
 gnyis kyis bskor ba de bzhin du sgeg mo'i snying po brjod cing / ka pu Ta'i thal mo bcings shing phab la rdo rje khu tshur gnyis bcings la snying ga'i phyogs su bskor bas gzung bar bya ste 'di ni sgeg mo'i'o/ /de bzhin du bzhad ma'i snying po brjod cing ka pu Ta'i
 thal mo bcings la/ rdo rje khu tshur gnyis kyis bskor bas bcings la dgod pa'i tshul gyis yongs su bskor te/ kha'i phyogs su gzung bar bya ste 'di ni bzhad ma'i'o/ /de bzhin du glu ma'i snying po brjod cing ka pu Ta'i thal mo bcings nas phab la rdo rje khu tshur gnyis bskor
 ba bcings te tshig 'byin pa'i tshul gyis kha'i phyogs nas gyen du 'dren pa'i tshul du bya ste 'di ni glu ma'i'o/ /de bzhin du rdo rje gar ma'i snying po brjod cing gar ma'i las byung ba'i ka pu Ta'i thal mo bcings nas phab la rdo rje khu tshur gnyis bskor ba bcings te/ gar gyi tshul gyis
 bskor bar byas te 'di ni gar ma'i'o/ /de nas rdo rje lcags kyu ma'i snying po brjod cing rdo rje khu tshur gnyis bcings la mdzub mo gnyis kyis lcags kyur byas te/ 'di ni rdo rje lcags kyu ma'i'o/ /de nas rdo rje zhags pa'i snying po brjod cing rdo rje khu tshur gnyis bcings la/ g.yas
 pa'i mdzub mo lcags kyus g.yon pa'i mdzub mo bsgreng ba gzung bar bya ste 'di ni rdo rje zhags pa'i'o/ /de nas lcags sgrog gi snying po rjes su dran zhing rdo rje khu tshur gnyis bcings la mdzub mo dang mthe bo dag gis mdud pa bcings pa'i tshul du bya ste/ 'di ni rdo rje lcags sgrog
 gi'o/ /de'i rjes la rdo rje dril bu'i snying po brjod cing rdo rje khu tshur gnyis bcings la/ phan tshun yang dag par sbyor ba 'di ni rdo rje dril bu las kyi phyag rgya'o/ /'di rnams kyi don yod pa'i las la grub pa rnams so zhes bya ba ni ji ltar phyag rgya chen po rnams dang dam tshig dang
 chos kyi phyag rgya rnams don yod pa'i las grub pa'i rgyur gyur pa de bzhin du las kyi phyag rgya rnams kyang dngos grub thams cad kyi don du gyur pa yin no/ /rdo rje khu tshur gyis bdud rtsi'i chu bzla'o zhes bya ba la/ rdo rje khu tshur gyis rdo rje me tog gi yal ga gcig bzung ste bum
 pa'i sngags kyis bum pa la mngon par bsngags par bya'o zhes bya ba'i tha tshig go/ /'jug pa'i mchog ni phyag rgya bshad pa yin zhes bya ba la dkyil 'khor du 'jug pa'i phyag rgya ste de sngar bshad zin to/ /dkyil 'khor chen po zhes bya ba ni rdo rje sems dpa'i dkyil
 'khor chen po ste/ der thams cad kyi slob dpon ni rdo rje sems dpa'i dkyil 'khor chen po'i slob dpon yin no/ /de byin gyis brlabs pa ni bstan par bya ba ste/ phyi ma'i mtha'i bar du'o/ /de'i don du gsang ba'i dam tshig ces bya ba'i phyag rgya gang yin pa de bshad zin
 to/ /'jug pa'i phyag rgya gnyis pa zhes bya ba ni/ slob ma 'jug pa'i don du dkyil 'khor brtags la 'jug pa'i phyir bshad pa'i phyag rgya gnyis pa yin no/ /de ji lta bu yin zhe na/ rdo rje bsdams pa zhes bya ba la sogs pa la/ rdo rje bsdams pa bcings nas
 g.yon pa'i mdzub mo dang mthe bo dag gis de bzhin du skye gnas der g.yas pa'i mthe bo 'og tu kha lta ba bcug la btsir te mdzub mo gnyis kyis lcags kyu byas la dkyil 'khor chen por 'jug par bya'o/ /yang na sems dpa' gang la 'jug /de ni myur du 'grub par
 'gyur/ /zhes bya ba la rnam par snang mdzad la sogs pa'i dkyil 'khor gang la yang 'di bcings nas/ rnam par snang mdzad la sogs pa'i 'jug pa'i cho gas 'jug na/ sems dpa' de rnam par snang mdzad la sogs pa'i rang gi dngos grub kyi rnam par snang mdzad
 la sogs pa'i dkyil 'khor der myur ba kho nar 'grub par 'gyur ro/ /'dis ni dkyil 'khor thams cad la 'jug pa'i thun mong gi phyag rgya 'di yin no zhes bstan pa yin no/ /rab tu dga' ba'i rdo rje ma/ /zhes bya ba la rab tu dga' ba'i rdo rje sems dpa' ste/ de'i
 phyag rgya gang yin pa de ni rab tu dga' ba'i rdo rje ma yin no/ /rang gi khu tshur gyis rdo rje'i bdud rtsi'i chu blangs nas zhes bya ba la sogs pa la/ rdo rje sems dpa'i dkyil 'khor du rdo rje khu tshur gyis rnam par rgyal ba'i bum pa las chu blangs nas des bdag nyid dang slob ma rnams la dbang
 bskur bar bya'o/ /de bzhin gshegs pa'i dkyil 'khor du de bzhin gshegs pa'i khu tshur dang / rdo rje rigs kyi dkyil 'khor du rdo rje khro bo'i khu tshur dang pad+ma rigs kyi dkyil 'khor du pad+ma rigs kyi khu tshur dang / nor bu'i rigs kyi dkyil 'khor du rin po che'i
 khu tshur dang / phyi rol du rdo rje rigs kyi dkyil 'khor du phyi rol gyi rdo rje'i khu tshur gyis chu blangs te/ rang dang gzhan dag la dbang bskur bar bya'o/ /de nyid kyis chu de rang 'thungs pa dang gzhan 'thung du bcug nas rnal 'byor pa dang pha rol po yang dbang bskur bar 'gyur ro/ /
 thams cad ces bya ba la sogs pa ni go sla'o/ /skyil mo krung gis gar dang mchod pa dbul bar bya'o zhes bya ba la rdo rje sems dpa' dkyil 'khor du sems dpa'i skyil mo krung dang / de bzhin gshegs pa dang / rab tu dga' ba'i rdo rje khro bo'i rdo rje dang / 'jig rten dbang
 phyug gi dkyil 'khor rnams su rdo rje skyil mo krung gis 'dug ste mchod pa dang gar dbul bar bya ba yin no/ /nor bu'i rigs kyi dkyil 'khor du yang mchod pa dang gar dbul ba ni sems dpa'i skyil mo krung kho nas bya ba yin no/ /de bas mchod pa rnams ni rdo rje gar gyis so
 zhes bya ba la/ phyag rgya bcu gnyis kyis mchod pa thams cad du rdo rje gar gyis bya ba yin gyi gzhan gyis ni ma yin no zhes bya ba'i nges pa bstan pa yin no/ /rdo rje'i glu blangs pas rdo rje gar dbul bar bya'o zhes bya ba ni phyag rgya bcu gnyis kyis mchod pa dang gar dbul ba ni/ 'dod
 chags la sogs bde kun yid khyod ni/ /kun bsdus bdag la bde ba stsol mdzod cig /rdo rje sems dgongs myur du bdag bstan mdzod/ /bdag dgyes mdzad dang bde mchog grub la 'dud/ /ces bya ba'i rdo rje'i glu len cing bya ba yin no/ /de ltar phyag rgya bcu gnyis kyis
 mchod pa rnams kyi thun mong gi cho ga bstan nas/ da ni gsang ba'i mchod pa bzhi po'i khyad par gyi mtshan nyid bstan par bya ba'i phyir/ rdo rje gar gyi mchod pa rnams dbul zhes bya ba la sogs pa gsungs te/ rdo rje khu tshur gnyis bcings nas sngar bshad pa'i rdo rje'i glu len
 cing / ji skad bshad pa'i gar byas te ka pu Ta'i thal mo kha sbyor spyi bor bcings te de las phab la rdo rje thal mo byas nas me tog 'bul ba'i tshul gyis sgeg pa dang bcas pas steng du gtor bar bya'o/ /de nas rdo rje khu tshur gnyis kyis rdo rje sems dpa'i phyag rgya rdo rje snyems ma bcing bar
 bya'o/ /de nas rdo rje mtshon cha ma'i las kyi phyag rgya bcing bar bya ste/ 'di ni rdo rje khu tshur gnyis kyis mda' gzhu 'dren pa'i tshul can no/ /'di ni gsang ba'i mchod pa'i phyag rgya dang po yin no/ /slar yang rdo rje khu tshur gnyis bcings nas rdo rje'i glu len cing gar byas te/ ka pu
 Ta'i thal mo kha sbyar ba bcings la phab nas rdo rje thal mo bcings la spos 'bul ba'i tshul gyis 'og tu blugs par bya'o/ /'dis ni rdo rje sems dpa'i las kyi phyag rgya bcings nas de nyid kyi snying po brjod par bya'o/ /de nas rdo rje kI li kI la'i snying po brjod cing rdo rje khu tshur gnyis
 kyis bdag nyid la 'khyud par bya ste/ 'di ni gsang ba'i mchod pa gnyis pa yin no/ /de nas de bzhin du rdo rje thal mo bcings nas de nyid sgeg pas mar me 'bul ba'i tshul gyis mthe bo sbyar ba bskor bar bya ste/ rdo rje sems dpa'i las kyi phyag rgya bcing bar bya'o/ /de
 nas rdo rje bran ma'i snying po brjod cing rdo rje khu tshur gnyis kyis rgyal mtshan bsgreng ba'i tshul du byas te 'di ni gsang ba'i mchod pa gsum pa'o/ /de nas de bzhin du rdo rje thal mo bcings la de nyid sgeg pas snying ga'i phyogs su bcings te/ dri chus byug pa'i tshul gyis rab tu sbyar
 la/ rdo rje thal mo bcings la spyi bor gzung bar bya'o/ /de nas rdo rje sems dpa'i las kyi phyag rgya bcing bar bya'o/ /de nas rdo rje snyems ma'i snying po brjod cing rdo rje khu tshur gyis snyim pa gnyis bcing bar bya ste/ 'di ni gsang ba'i mchod pa'i phyag rgya bzhi [(]ba'o[,]pa'o[)]/ /lha mo rnams kyi
 las kyi phyag rgya dang / gang zhig mchod pa'i phyag rgya dang de rnams kyi khyad par gang zhig yin zhes bya ba'i rnam par rtog pa 'di la khyad par brjod par bya ste/ rdo rje mtshon cha ma la sogs pa'i snying po bzla zhing gar byas nas las kyi phyag rgya bcing bar bya'o/ /rdo rje glu len
 cing gar byas nas mthar rdo rje mtshon cha ma la sogs pa'i snying po bzlas nas mchod pa'i phyag rgya rnams bcing bar bya'o zhes bya ste/ khyad par 'di yin no/ /gsang ba'i mchod pa rnams rdo rje sems dpa'i las kyi phyag rgya las byung ba yin no zhes bya ba ni 'di'i khyad par gnyis
 pa yin no/ /de ltar rdo rje mtshon cha ma la sogs pa'i khyad par du byas pa'i rdo rje mtshon cha ma la sogs pa'i gsang ba'i mchod pa bzhi pa'o/ /rdo rje sems dpa' la sogs pa'i rnal 'byor dang ldan pa'i bdag nyid la yang dag par mchod la mthar sgeg mo dga' ba'i rdo rje ma gsang ba'i
 phyag rgyas phyag 'tshal bar bya'o/ /sgeg mo dga' ba'i rdo rje ma de khyad par ji lta bu zhig yin zhe na/ bzhad pa dang bcas pa'i zhal dang spyan g.yo ba gang yin pa des 'dud pa'am yang na spyi bo bkug pas phyag 'tshal ba gang yin pa 'di'i sgeg mo dga' ba'i rdo rje ma'o/ /'dis ni
 bcom ldan 'das kyi phyag rgya chen po bcings la phyag 'tshal ba'i glu len cing phyag 'tshal bar bya ba yin no/ /phyag 'tshal ba des ji ltar 'gyur zhe na/ bcom ldan 'das rdo rje 'chang dgyes pas dga' ba thams cad la sogs pa'i bde ba thams cad dang yid bde ba'i dngos
 grub thams cad stsol ba yin no zhes bya ba la/ de la zag pa dang bcas pa dang zag pa med pa'i yid bde ba'i khyad par ba spu ldang ba'i rgyur gyur pa ni dga' ba yin no/ /bde ba ni lus kyi tshor ba bde ba'o/ /de las gzhan pa sems kyi tshor ba bde ba ni yid bde ba'o/ /
 dga' ba thams cad la sogs pa'i bde ba dang yid bde ba gang la thog mar yod pa de ni/ dga' ba thams cad la sogs pa'i bde ba thams cad dang yid bde ba rnams so/ /de dag gi dngos grub ni yongs su rdzogs pa ste dngos grub de rnams sgeg mo dga' ba'i rdo rje mas rdo rje
 'chang chen po la phyag 'tshal nas sgrub pa po la stsol ba yin no/ /rdo rje bsdams pa zhes bya ba la sogs pa la dkyil 'khor bris nas rang dang gzhan gyi cho ga thams cad yongs su rdzogs par byas la/ sngon du bsnyen pa'i dus sam sgrub pa'i dus su bzlas pa dang bsgom
 pas/ slob dpon nam slob ma skyo bar gyur pas lha gshegs su gsol 'dod na/ de'i tshe rdo rje bsdams pa bcings nas rang gi lha'i snying po bzla zhing rang gi snying ga'i phyogs su bde bar bcings la badzra muHzhes bya ba 'dis dgrol bar bya'o/ /phyag rgya thams cad rang rang gi gnas su
 dgrol bar bsams na/ de ltar dkyil 'khor gyi phyag rgya thams cad dkrol bar 'gyur ro/ /sngon du bsnyen pa la sogs pa'i dus su yang rnal 'byor ba rnams kyis rang gi lha'i phyag rgya thams cad kyang dkrol bar 'gyur ro/ /rdo rje sems dpa'i bsgom pas zhes bya ba la sogs
 pa la/ badzra badzra zhes brjod cing bdag nyid rdo rje sems dpa' bsgoms la rdul tshon gyi re khA dang / thig skud kyi re khA dang / rdo rje dang rigs thams cad phyag mtshan yid kyis gyen du bteg la/ rdo rje shugs kyis dkyil 'khor gyi nang du 'jug pa'am/ phyir 'byung bar byas nas rnal
 'byor pa'i dam tshig nyams par mi 'gyur ro/ /de bzhin du rdo rje sems dpa' bsgom pas dkyil 'khor phyag na dam tshig nyams par mi 'gyur ro zhes bya ba la sngar bshad pa'i tshul gyis dkyil 'khor bris nas/ cho ga thams cad rjes su spyad la phyag rgya bkrol bar byas nas lha
 thams cad gshegs su gsol bar bya'o/ /de nas sprul pa'i dkyil 'khor rang gi lus la bcug ste/ kha dog dang dbyibs kyi bdag nyid can gyi ra ba la sogs pa ji ltar bris pa rdo rje sems dpa'i snying po brjod cing chags na dam tshig nyams par mi 'gyur ro/ /de nas
 las kyi phyag rgya'i rgyud ces bya ba la de nas kyi sgra ni skabs la bab pa'o/ /las sgrub par byed pa'i phyag rgya ni las kyi phyag rgya ste de rnams ston par byed pa'i sgra'i tshogs ni rgyud de/ de 'di ltar yin no zhes bya ba ni tshig gi lhag ma'o/ /de ji ltar yin zhe na/ bde ba chen po'i rdo rje
 zhes bya ba la sogs pa la/ dang po'i rdo rje ni bde ba chen po'i rdo rje ste de bcings la spyi bor 'dzin na bdag nyid bsrung bar 'gyur ro/ /dpral bar 'dzin na gzhan bsrung bar 'gyur ro/ /snying ga'i phyogs su phab nas bzhag na phyogs thams cad du 'bar ba'i rnam pa can gyi byed
 pa dang ldan pa'i rdo rje 'bar ba 'byung ba yin no/ /rdo rje khro ba'i rgyal po rnams kyis kyang 'jug par mi nus so zhes bya bar bcom ldan 'das rdo rje sems dpas gsungs so/ /'dis ni phyogs dang mtshams thams cad dang dkyil 'khor bcings par 'gyur ro/ /
 snying gar bsgom pa rdo rje dang bcas pa'o zhes bya ba la/ de nyid snying ga'i phyogs su bzhag la rang rang gi snying ga'i zla ba la rdo rje rtse lnga pa bsgom par byas na bdud thams cad kyi stobs 'joms par 'gyur ro/ /gyen du kha blta ba btung bar bya'o zhes bya ba ni de nyid bcings nas de'i
 dbus ma'i rdo rje'i steng du kha bltas par bzhag nas 'thungs na tshe 'phel bar 'gyur ro/ /rang gi gdong yongs su sbyangs nas gdong par dgrol bar bya'o zhes bya ba la dang po'i rdo rjes rang gi gdong pa yongs su sbyangs nas de nyid rang gi gdong pa yongs su bkrol bar byas nas/
 gzugs phun sum tshogs pa chen po dang ldan par 'gyur ro/ /dbus ma rdo rje ldeg par yang bya'o zhes bya ba la dang po'i rdo rje dbus ma'i rdo rje ldeg par byas nas gzi brjid 'phel bar 'gyur ro/ /dpung mgo gnyis su bzhag cing snying gar gzhag par bya'o zhes bya ba la/ dang po'i
 rdo rje dpung mgo gnyis la bzhag nas/ snying ga'i phyogs su bzung na mdangs dang stobs 'phel bar 'gyur ro/ /rab tu dga' ba'i rdo rje mda' lnga bsdus pa'i mdzub mo gnyis kyi lcags kyu gang yin pa des/ cod pan dang dar dpyangs bcings pa'i dbang bskur ba
 mthong ba'i tshul byas nas/ dbang bskur ba thams cad thob par 'gyur ro/ /skye gnas las dong tshe 'byin pa'o zhes bya ba ni/ rab tu dga' ba'i rdo rjes rang gi rtags las dong tshe 'byin pa'i tshul bstan na/ nor rnyed par 'gyur ro/ /spyi bor gzhag par bya ba la rab tu
 dga' ba'i rdo rje spyi bor bzung na rgyal srid rnyed par 'gyur ro/ /sa la reg par bya zhes bya ba la rab tu dga' ba'i rdo rjes sa la reg na thob par 'gyur ro/ /rab tu dga' ba'i rdo rjes rtags kyi las so zhes bya ba la/ rab tu dga' ba'i rdo rje bcings te/ des thams cad
 dbab pa la sogs pa'i rang gi rtags la reg pas las rnams 'byung bar 'gyur ro/ /de ji ltar zhe na/ lcags kyu zhes bya ba la rab tu dga' ba'i rdo rje'i mdzub mo gnyis kyi lcags kyus rang gi rtags la 'dren pas thams cad dbab pa dang / sa g.yo ba dang / gar byed du
 bcug pa dang / dus gsum gyi bden pa smrar 'jug par 'gyur ro/ /rtse mo gtod pa zhes bya ba la rab tu dga' ba'i rdo rje'i mdzub mo gnyis kyi lcags kyus rang gi rtags kyi rtse mo gtod par byas na/ pra dbab pa thams cad 'grub par 'gyur ro/ /skye gnas bkrol ba'o
 zhes bya ba ni rang gi rtags te rang gi skye gnas de la rab tu dga' ba'i rdo rje reg pa'i tshul gyis bkrol bar byas nas/ gdon thams cad las grol bar 'gyur ro/ /lag pa g.yon pa'i mthil nyed cing bsnun par bya'o zhes bya ba la/ rab tu dga' ba'i rdo rjes rang gi
 rtags la reg cing lag pa g.yon pa'i mthil g.yas pa'i mthe bos mnye zhing bsnun na gdug pa thams cad 'jig par 'gyur ro/ /btsir bar bya'o zhes bya ba la rab tu dga' ba'i rdo rjes rang gi rtags btsir na thams cad rengs par 'gyur ro/ /mig btsum par
 bya'o zhes bya ba la rab tu dga' ba'i rdo rjes rang gi rtags la reg cing mig btsums par byas na thams cad gnyid log tu bcug par 'gyur ro/ /bskor zhing btsir nas rdo rje khro bo'i lta bas blta bar bya'o zhes bya ba la/ rab tu dga' ba'i rdo rjes rang gi rtags la reg cing de ltar
 gtod par byas nas btsir te/ rab tu gtsigs shing khro gnyer bsdus pa'i khro bo'i mig gi lta bas bsgrub bya la bltas na thams cad la rgyas btab par 'gyur ro/ /yongs su bskor nas kha'i mthar mche ba bstan pa'i zhes bya ba la/ rab tu dga' ba'i rdo rjes rang gi rtags
 la reg nas bskor te kha'i mtha' gnyis su mche ba ston pa'i tshul gyis gzung na thams cad gsod par 'gyur ro/ /g.yas pa'i mdzub mos sdigs mdzub bya'o zhes bya ba la/ rab tu dga' ba'i rdo rjes rang gi rtags la reg cing g.yas pa'i mdzub mos bsgrub bya la sdigs
 mdzub byas na thams cad ltung bar 'gyur ro/ /mdzub mos sa las ldang bar bya'o zhes bya la rab tu dga' ba'i rdo rje bcings nas/ de yis rang gi rtags la reg cing g.yas pa'i mdzub mos bslang bar byas la des bsgrub bya las bslang ba byas na thams
 cad bslang bar 'gyur ro/ /mthe bos mthe bo bcing bar bya'o zhes bya ba la rab tu dga' ba'i rdo rje bcings nas de yis rang gi rtags la reg cing mthe bo bcing bar byas na thams cad 'ching bar 'gyur ro/ /yi ge muHyis phyag rgya bkrol ba'o zhes bya ba la rab tu dga' ba'i rdo rje
 bcings nas/ de yis rang gi rtags la bzhag ste/ oM ma hA su kha badzra satwa dzaHhUM baM hoH/ su ra te s+t+waM muHzhes bya ba brjod cing thams cad dgrol ba'i bsam pas rang gi rtags bkrol bar byas na de ltar thams cad dgrol bar 'gyur ro/ /dang po'i rdo rje mthe'u chung
 gi rdo rjes bsnun par bya'o zhes bya ba la/ dang po'i rdo rje'i mthe'u chung gnyis kyi rtse mos bsgrub bya la brdeg par byas na de ltar na phra men ma thams cad las grol bar 'gyur ro/ /de nyid rnam par 'gyur ba'i gdong pas so zhes bya ba la dang po'i rdo rje bcings nas/ gdong pa
 rnams bsgyur bar sbyar bar bya ste de ltar na ma mo dang gdon thams cad las grol bar 'gyur ro/ /de nyid yongs su bskor nas dpral bar gyen du kha lta bar gnas par zhes bya ba la dang po'i rdo rje bcings te/ yongs su bskor nas dpral ba'i phyogs su mthe bong gi rtse mo
 gnyis kyis rdo rje he ru ka'i phyag rgya bcings te bzhag na/ de ltar mkha' 'gro ma thams cad kyis rgyas btab pa las grol ba dang rengs par 'gyur ro/ /de nyid kyis nam mkha' la brdeg pa'o zhes bya ba la dang po'i rdo rje nyid kyis gdug pa thams cad kyi phyag rgya gzhig
 pa'i bsam pas nam mkha' brdeg pa'i tshul byas te/ de ltar na gdug pa thams cad kyi phyag rgya 'jig par 'gyur ro/ /g.yo zhing btsums pa'i mig gnyis kyis/ /phyag rgya bcings pa bkrol ba'o/ /zhes bya ba la/ dang po'i rdo rje bcings te de nas rims kyis
 btab pa'i spyi bo nas brtsams te/ byab par bya ste g.yo zhing btsums pa'i mig gis de nyid bkrol bar byas na/ de ltar na rims thams cad zhi bar 'gyur ro/ /mthe chung gi nor bus reg par bya zhes bya ba la/ dang po'i rdo rje mthe chung gnyis rdo rje rin po cher byas na
 des dug la sogs pa thams cad 'jig par 'gyur ro/ /mdzub mo mnyam pos zhabs kyi sor mo brje bar bya ste/ bza' ba'am yid kyis gzhag par bya'o zhes bya ba la/ dang po'i rdo rje mdzub mo gnyis yang dag par sbyar zhing rtse mor byas la de nyid dpal rdo rje sems
 dpa'i zhabs kyi sor mo'i rang bzhin can du bsam par bya ste/ de ltar mdzub mo mnyam pa dang zhabs kyi sor mo brje bar byas par 'gyur te/ de ltar zhabs kyi sor mo brje bar byas nas phyag rgya de nyid dug gi steng du bzhag ste bdud rtsir byas nas bza' bar bya'o/ /yang
 na yid kyis ji ltar mngon par 'dod pa'i gnas su gzhag par bya ste de ltar na dug thams cad bdud rtsir byas par 'gyur ro/ /mdzub mos sbyin sreg byed pa zhes bya ba ni dang po'i rdo rje bcings te mdzub mo gnyis kyis kha la sbyin sreg gi tshul du byas na gshed byed dang / byur
 dang / ro langs dang / dpal dang mi ldan pa 'jig par 'gyur ro/ /rab tu dga' ba'i rdo rje ni/ mda' lnga bsdus pa'i mdzub mo gnyis kyi lcags kyu ste de gnyis gdong du bkrol bar byas nas/ 'thab mo dang 'thab pa dang rtsod pa dang 'gyed pa thams cad 'jig par 'gyur
 ro/ /sbyin sreg byed pa zhes bya ba ni rab tu dga' ba'i rdo rje bcings nas sbyin sreg gi tshul du byas na yams dang byur dang sdig pa dang / rmi lam ngan pa thams cad 'jig par 'gyur ro/ /mthe chung gnyis skye gnas su byas la sbyar te/ phyag rgya dral bar bya'o zhes bya ba la/ rab
 tu dga' ba'i rdo rje bcings te/ de'i mthe chung gnyis rang gi rtags la bzhag nas phyag rgya bcings pa dral bar byas na/ pha rol gyi dpung thams cad rengs pa dang / gnyid log par bya ba dang / rmongs pa dang 'jig pa dang / rgyas btab pa dang / gsod par 'gyur ro/ /srin
 lag tha ma mnyam par sbyar te so sor ba dan gyi tshul du bsgreng bar bya'o zhes bya ba la/ rab tu dga' ba'i rdo rje bcings nas srin lag gnyis dang / mthe'u chung gnyis brkyang nas so sor sbyar te rtse mo gnyis byas nas gyen du gtod cing gzung na 'thab mo thams
 cad las rgyal ba thob par 'gyur ro/ /rdo rje bsdams pa zhes bya ba la rdo rje bsdams pa bcings te/ des las rnams bya ba yin no/ /ji ltar zhe na/ legs par byed pa zhes bya ba la sogs pa la rdo rje bsdams pa bcings nas mdzub mo dang mthe bo dag gis legs pa sbyin
 pa'i tshul du byas na sdig pa thams cad 'jig par 'gyur ro/ /mdzub mo dang mthe bo mnyam por phye ba dgug pa zhes bya ba la/ rdo rje bsdams pa bcings nas mdzub mo gnyis dang mthe bong gnyis mnyam par byas nas cung zad kha phye ba dang / cung zad bkug pa byas te mthe bo
 ltar khar gzung ba byas nas 'dis bgegs thams cad rnam par 'jig par 'gyur ro/ /bskor nas dral bar bya'o zhes bya ba ni rdo rje bsdams pa bcings nas bskor te dral bar byas na dgra thams cad rnam par 'joms par 'gyur ro/ /rdo rje bsdams pa nang du brkyang ba'i
 mthil gyis sa la reg pa zhes bya ba ni rdo rje bsdams pa bcings te/ brkyangs nas rdo rje bsdams pa brkyang ba'i mthil des sa'i steng du reg par byas na bdud kyi dpung thams cad 'jig par 'gyur ro/ /dang po'i rdo rje sprin bskyed pa/ /zhes bya ba ni dang po'i rdo rje bcings
 nas sprin bskyed pa'i tshul du byas na 'dis sprin bskyed par 'gyur ro/ /mdzub mos char bskyed pa zhes bya ba ni sngar bshad pa'i tshul gyis sprin bskyed par byas nas/ de ma thag tu dang po'i rdo rjes bcings te mdzub mo gnyis kyi rtse mo sbyar ba byas nas rtse mo des char gyi rgyun 'bab
 pa'i tshul byas na char 'bab par 'gyur ro/ /mdzub mo bzlog par bya'o zhes bya ba la/ dang po'i rdo rje bcings nas mdzub mo gnyis sbyar ba'i rtse mo des bzlog par byas na thog dang glog dang char rnams zhi bar 'gyur ro/ /rdo rje blta bas 'phrog par bya'o zhes bya ba la dang
 po'i rdo rje bcings nas mdzub mo gnyis sbyar ba'i rtse mo byas te/ rdo rje blta ba'i phyag rgya dang bcas pa'i rtse mo des sprin dang mun pa dang khug rna rnams bsal bar byas te/ de ltar de rnams bzlog par 'gyur ro/ /rab tu dga' ba'i rdo rje bshad pa'o zhes bya ba la rab tu dga' ba'i
 rdo rje bcings nas mdzub mo gnyis kyi lcags kyus klu thams cad 'gugs pa'o/ /mdzub mo gcig ni nor bu'o zhes bya ba la rab tu dga' ba'i rdo rje bcings nas g.yas pa'i mdzub mo'i steng du bskul ba'i sbyor bas nor bu byas na klu thams cad dbang du bya ba yin no/ /mthe'u chung
 gi rdo rjes sdigs mdzub ces bya ba la rab tu dga' ba'i rdo rjes mthe'u chung gnyis yang dag par sbyar ba'i rtse mo sdigs mdzub kyi tshul du bzhag na 'dis glu thams cad bran du byed par 'gyur ba yin no/ /mdzub mos sa'i 'og nas chu mig bkug pa ston pa'o zhes bya ba la/ rab tu
 dga' ba'i rdo rje bcings nas mdzub mo gnyis kyi lcags kyus chu mig dang bcas pa'i klu dgug pa byas nas klu thams cad gdon par grub pa yin no/ /bde ba chen po'i rdo rjes sa la gzung nas g.yo bar bya'o zhes bya ba la/ dang po'i rdo rje bcings te des sa la bzung nas
 g.yo ba byas nas ma lus pa g.yo bar byed pa'o/ /mdzub mo gnyis kyis gdengs ka'i tshul bstan pa'o zhes bya ba la dang po'i rdo rje bcings nas mdzub mo gnyis kyi lto 'phye'i gzugs kyi tshul du byas na 'dis chu med pa'i yul du chu'i phung po 'byung bar 'gyur ro/ /rtse mo
 bzhi'i 'od zer gyis me stag bstan pa'o zhes bya ba la/ dang po'i rdo rje bcings nas mtha' ma gnyis dang bzhi'i rtse mos nyi ma'i 'od 'bar ba'i tshul du byas na 'dis mun par nyi ma'i snang ba bskyed par 'gyur ro/ /mdzub mos rlung bskyod pa'o zhes bya ba ni dang po'i rdo rje bcings
 nas mdzub mo gnyis yang dag par sbyar nas/ rtse mor byas nas rtse mo des rlung bskyed pa'i tshul du byas na rlung thams cad dbang du bya ba yin no/ /rab tu dga' ba'i rdo rje zhes bya ba ni ji ltar bshad pa'i mtshan nyid can gyi rab tu dga' ba'i rdo rjes gzugs thams cad mthong ba la
 sogs pa'i las rnams sgrub par byed do/ /ji ltar zhe na/ mdzub mo zhes bya ba la sogs pa la rab tu dga' ba'i rdo rje bcings nas/ mdzub mo gnyis kyi rtse mo me long gi dkyil 'khor la blta ba'i tshul gyis gzung bar byas na/ 'dis nam mkha'
 la gzugs thams cad mthong bar byed do/ /ro langs zhes bya ba ni dngos po thams cad bsgrub pa'o/ /'dis ni 'di skad ston par 'gyur te/ rab tu dga' ba'i rdo rje bcings nas de'i mdzub mo gnyis kyi lcags kyus nam mkha' la dngos po thams cad bsgrub pa'i tshul
 du byas nas dngos po thams cad 'byung ba yin no/ /nam mkha' la rdo rje'i lta bas so zhes bya ba la rab tu dga' ba'i rdo rjes nam mkha' rdo rje bcings nas nam mkha' la rdo rje'i lta bas blta zhing de nyid nam mkha' la rang gi bdag nyid kyis dngos po blta ba'i tshul gyis bzung na
 nam mkhar rang gi bdag nyid kyi dngos po mthong ba yin no/ /steng du bskor bar bya'o zhes bya ba la rab tu dga' ba'i rdo rje bcings nas shin tu bskor bar byas na nam mkhar de bzhin gshegs pa thams cad dang / byang chub sems dpa' la sogs pa thams cad
 mthong bar 'gyur ro/ /rdo rje mda' zhes bya ba la/ bcom ldan 'das rdo rje yid las byung ba'i dam tshig gi phyag rgyas me tog la sogs pa bskyed par 'gyur ro/ /ji ltar zhe na/ shing drung dang / nags tshal dang / skyed mos tshal thams cad dang / 'bru rnams
 la gzhag par bya'o zhes bya ba la bcom ldan 'das rdo rje yid las byung ba'i dam tshig gi phyag rgya bcings nas shing drung dang / nags tshal dang / skyed mos tshal thams cad dang 'bru rnams la nam mkhar me tog dang / lo ma 'bras bu bskyed pa'i bsam pas gzhag
 par byas na nam mkha' la me tog dang lo ma dang 'bras bu thams cad skye bar 'gyur ro/ /rnon pos sa rlog par bya'o zhes bya ba la/ bcom ldan 'das rdo rje yid las byung ba'i dam tshig gi phyag rgya bcings nas lcags rno ba dang ldan pa'i gshol la byin gyis brlabs
 par byas na phyag rgya de nyid dang gshol des sa rlog na thams cad du 'bru thams cad smin pa 'byung bar 'gyur ro/ /bdag nyid kyis thams cad la dral bar bya'o zhes bya ba la/ rdo rje yid las byung ba'i dam tshig gi phyag rgya de nyid bcings la 'dis dngos po thams cad las
 bza' ba la sogs pa thams cad rang nyid kyis drang bar byas nas thams cad las bza' ba dang btung ba dang / gos dang / rgyan dang / gnas thams cad dang / mchog tu gyur pa'i bu mo gzhon nu dang / bud med thams cad dang skyes bu dang bran pho dang bran mo rnams
 'byung bar 'gyur ro/ /gzhan gyi dpung gi mdun du bskor bar bya'o zhes bya ba la/ rdo rje yid las byung ba'i dam tshig gi phyag rgya de nyid bcings la gzhan gyi dpung gi mdun du bskor bar byas na/ g.yul du yan lag bzhi'i dpung gi tshogs su mthong zhing 'thab par mthong bar
 'gyur ro/ /rdo rje khu tshur gnyis kyis bya ba lta rdo rje khu tshur gnyis bcings nas/ 'dis sgyu ma mthong ba la sogs pa'i las rnams bsgrub par bya'o/ /ji ltar zhe na/ glog 'gyu ba la bskor bar bya'o zhes bya ba la rdo rje khu tshur gnyis bcings la glog 'gyu ba'i tshul gyis
 bskor ba byas na sgyu ma thams cad ston par 'gyur ro/ /bskor ba zhes bya ba ni rdo rje khu tshur gnyis bcings te mgal me'i 'khor lo bzhin du bskor ba byas na ji ltar gsungs pa'i las thams cad kyi bya ba 'grub pa yin no/ /glog 'gyu ba'i nam mkha' la zhes bya ba ni rdo rje khu
 tshur gnyis bcings la glog 'gyu ba'i tshul gyis nam mkha' la bskor bar byas te de ltar rmad du byung ba dang cho 'phrul thams cad mthong bar 'gyur ro/ /g.yas pas g.yon pa la brdeg par bya'o zhes bya ba la g.yas pa'i rdo rje khu tshur [(]kyis [,]gyis [)]g.yon pa'i rdo rje khu
 tshur la brdeg na thams cad phyir bzlog pa'i bya ba 'grub par 'gyur ro/ /rdo rje khu tshur gnyis g.yo zhing g.yo ba me la gzhag par bya'o zhes bya ba ni/ rdo rje khu tshur gnyis bcings nas sngar bshad pa'i tshul gyis me'i steng du g.yo ba dang bcas par bzhag na me rengs par 'gyur ro/ /mdzub mo mnyam pa'i
 dkyil 'khor ni nor bu'o zhes bya ba la rdo rje khu tshur gnyis bcings nas mdzub mo gnyis blangs pa bzung la nor bu rin po che'i rnam par steng nas dgug pa'i tshul du byas te chu drang bar bya'o/ /mdzub mo rdo rje zhes bya ba la rdo rje khu tshur gnyis bcings nas mdzub
 mo gnyis yang dag par sbyar nas rtse mor byas te 'dis dgon par grong khyer dang / chu bo dang / mtsho dang / skyed mos tshal dang / bza' ba dang / btung ba dang / gnas sprul par 'gyur ro/ /mthe bo g.yon pa'i bu ga la g.yas pa'i mdzub mo gzhug par bya zhes bya
 ba la rdo rje khu tshur gnyis bcings nas mthe bo g.yon pa'i bu ga la byang chub mchog gi tshul gyis g.yas pa'i mdzub mo gzhug par bya ste/ 'dis ni sngar bshad pa'i tshul gyis chu'i steng du 'chag pa dang / gzugs mang po'i rang bzhin gyi bdag nyid kyi dngos po
 mthong ba dang / mi snang ba dang / nam mkha' la 'gro ba'i dngos grub thob par 'gyur ro/ /rab tu dga' ba'i rdo rje zhes bya ba la ji ltar bshad pa'i mtshan nyid can gyis rab tu dga' ba'i rdo rjes lha la sogs pa thams cad mngag gzhug byed pa'i dngos grub thob par
 'gyur ro/ /ji ltar zhe na/ steng du nam mkha' la bka' bskyod pa zhes bya ba la rab tu dga' ba'i rdo rje bcings nas sgrib pa med pa'i steng gi phyogs su bka' bsgo ba'i tshul gyis rab tu dga' ba'i rdo rje de nyid bskyod par byas na lha la sogs pa thams cad mngag gzhug
 byed par 'gyur ro/ /skye gnas g.yo ba zhes bya ba la/ rab tu dga' ba'i rdo rje de nyid kyis rang rtags g.yo bar byas na sems can thams cad dbang du byed par 'gyur ro/ /dbus ma rdo rje zhes bya ba la rab tu dga' ba'i rdo rje bcings nas sor mo dbus ma gnyis kyi rtse mor
 yang dag par sbyar ba byas na/ mi rgyu ba thams cad dgug pa dang / dbab pa dang bden par smrar 'jug par 'gyur ro/ /bskyod cing btsir ba'o zhes bya ba la rab tu dga' ba'i rdo rje bcings nas/ bskyod cing btsir ba byas na gzugs brnyan gyi sku thams cad dbab pa dang / dgug
 pa dang dgod du gzhug pa dang / gar byed du gzhug pa dang / rtser gzhug pa dang bka' bsgo ba thams cad byed pa dang / thams cad 'dren pa dang 'phrog tu gzhug pa dang / las thams cad byed du gzhug pa dang / de rnams byed du 'jug par 'gyur ro/ /rdo rje yid las
 byung ba zhes bya ba la bcom ldan 'das rdo rje yid las byung ba'i phyag rgya chen po ni/ rdo rje yid las byung ba ste/ des thams cad rjes su chags par 'gyur ba yin no/ /rdo rje kI li kI la'o zhes bya ba ni bcom ldan 'das kI li ki la'i phyag rgya chen po gang yin pa de ni/ rdo rje
 kI li ki la ste des rgyu ba dang mi rgyu ba thams cad rtser 'jug par 'gyur ro/ /rdo rje chu srin no zhes bya ba la bcom ldan 'das rdo rje dran pa'i phyag rgya chen po gang yin pa de ni rdo rje chu srin te/ des thams cad brtan par byed par 'gyur ro/ /rdo rje snyems ma'i ni bshad pa'o zhes bya
 ba la bcom ldan 'das rdo rje snyems ma'i phyag rgya chen po gang yin pa de ni/ rdo rje snyems ma ste des thams cad sa rab tu bsgrub par 'gyur ro/ /bshad pa zhes bya ba ni re re la yang sbyar te/ rdo rje yid las byung ba bshad pa dang / kI li kI la'i bshad pa dang / rdo rje
 chu srin bshad pa dang / rdo rje snyems ma bshad pa'o zhes bya ba'o/ /rdo rje bsdams pa mdzub mo rdo rjes so zhes bya ba la/ rdo rje bsdams pa bcings nas mdzub mo gnyis kyi rtse mor yang dag par sbyar bar byas na/ des rmi lam 'debs par 'gyur ro/ /ji ltar zhe
 na/ gsol ba 'debs par byed pas zhes bya ba la mdzub mo gnyis kyi rtse mo de nyid gsol ba btab pa'i tshul gyis bzung na rmi lam 'bebs pa sgrub par byed pa yin no/ /mdzub mo gnyis kyis rang gi mig gnyis bkab la ma btsums par bsgoms nas gang mngon
 par 'dod pa'o zhes bya ba la/ rdo rje bsdams pa bcings nas mdzub mo gnyis kyis rang gi mig gnyis bkab la mig ma btsums par ji ltar 'dod pa'i bcom ldan 'das mdun du bsgom par byas na gzhan rnams la rang gi mngon par 'dod pa'i rmi lam ston par byed
 pa yin no/ /sbyin sreg byed pa zhes bya ba la/ rdo rje bsdams pa bcings nas mdzub mo gnyis yang dag par sbyar ba'i rtse mos sbyin sreg byed pa'i tshul byas na/ /'dis rmi lam ngan pa thams cad 'jig par 'gyur ro/ /mdzub mo gnyis kyi rtse mos rang
 gi mig bkab na rmi lam bzang po thams cad brtan par sgrub par byed par 'gyur ro/ /so rnams kyis gzung bar bya'o zhes bya ba la rdo rje bsdams pa bcings nas mdzub mo gnyis kyi rtse mo yang dag par sbyar bar bya ste so rnams kyis gzung ba byas na 'dis 'bras dang nad thams
 cad 'phrog par 'gyur ro/ /btung bar bya'o zhes bya ba ni/ mdzub mo gnyis kyi rtse mo de nyid btung ba'i tshul du byas na nad thams cad zhi bar 'gyur ro/ /rtse mo bskyod cing sbyin sreg bya'o zhes bya ba la/ mdzub mo gnyis kyi rtse mo kha la bskyod cing sbyin sreg gi tshul du
 byas nas 'dis dus ma yin par 'chi ba zhi bar 'gyur ro/ /rang gi mthe bo 'og tu rab tu brkyang la brdeg par bya'o zhes bya ba la rdo rje bsdams pa bcings nas mdzub mo gnyis kyi rtse mo yang dag par sbyar bar byas te/ mthe bo gnyis 'og tu mnyam por byas la brkyang
 ste mthe bong gnyis po des sdig pa la brdeg par byas na ngan song gsum po dral bar 'gyur ro/ /rdo rje sku mchog gi phyag rgya zhes bya ba ni/ gang zhig rdo rje'i sku'i mchog tu gyur pa'i phyag rgya des sku thams cad kyi dngos grub thob par 'gyur ro/ /des ji lta bu yin
 zhe na/ mthe bo sems dpa'i skyil krung gis/ /mdzub mo'i rdo rje'i sku mchog go/ /zhes bya ba la rdo rje bsdams pa bcings nas mthe bo g.yon pa'i steng du mthe bo g.yas sems dpa'i skyil mo krung gi tshul gyis bzhag la/ mdzub mo gnyis kyi rtse mo yang dag par
 sbyar ba byas na 'dis rdo rje sku'i mchog ste 'dis sku thams cad kyi dngos grub thob par 'gyur ro/ /dbus ma'i mnyam pa'i kha dbus kyi ngag 'byin pa zhes bya ba la rdo rje sku'i mchog gi phyag rgya'i sor mo dbus ma gnyis kyi me tog gi mgo lcogs kyi tshul byas te phyag
 rgya 'dis ngag 'byin pa'i tshul gyis kha la gyen du bsgreng bar byas na ngag gi dngos grub thams cad grub par 'gyur ro/ /snying gar bzhag nas oM bod+hi tsit+ta ut+pA da yA mi zhes bya ba bsgom par bya'o zhes bya ba la/ rdo rje sku mchog bcings nas rang gi snying ga'i phyogs su
 bzung ste/ oM bod+hi tsit+ta ut+pA da yA mi zhes bya ba brjod cing rang gi snying gar sems dpa'i rdo rje bsgom par byas nas thugs kyi dngos grub thams cad 'grub par 'gyur ro/ /mthe bo'i rtags g.yon pa'i mthe bo'i bu gar gzhug par bya'o zhes bya ba la/ sku mchog
 bcings nas g.yon pa'i mthe bo'i bu gar g.yas pa'i mthe bo 'og tu kha blta ba bcug na thams cad kyi dngos grub thob par 'gyur ro/ /rdo rje khu tshur gnyis kyis glog 'gyu ba ltar bskor bas rdo rje'i 'khor lo zhes bya ba la rdo rje khu tshur gnyis bcings nas/ de nyid
 glog 'gyu ba'i tshul gyis bskor ba byas nas 'dis dkyil 'khor thams cad la gzhug par 'gyur ro/ /rdo rje snyems ma dang bcas pa'o zhes bya ba la bcom ldan 'das rdo rje sems dpa'i rdo rje khu tshur gnyis las byung ba'i phyag rgya rdo rje dang bcas pa bcings nas/ 'dis
 phyag rgya thams cad bcing ba'i dngos grub thob par 'gyur ro/ /yi ge hUM gis sdigs mdzub bya'o zhes bya ba la rdo rje khu tshur gnyis bcings nas yi ge hUM brjod pa dang bcas pas mdzub mo gnyis so sor bsgreng ste sdigs mdzub byas na des dam tshig thams cad 'grub par
 'gyur ro/ /rab tu dga' ba'i las rdo rje gar gyi tshul gyis kha sbyar ro zhes bya ba la/ rab tu dga' ba'i rdo rje bcings nas gar gyi tshul gyis langs te spyi bor thal mo kha sbyar ba byas nas 'dis ni las thams cad kyi dngos grub thob par 'gyur ro/ /rdo rje snyems ma bshad
 pa'o zhes bya ba la dpal rdo rje sems dpa'i las kyi phyag rgya ni/ rdo rje snyems ma ste des las kyi dngos grub thams cad thob par 'gyur ro/ /mthe chung gi ngos kyis mdud pa'i mdzub mo mnyam pa rtse mo yongs su bskor te 'og nas bteg pa la mdzub mo mnyam pa'i rtse
 mo dbang bskur ba'i gnas su bzhag na rdo rje mdzod spu'o zhes bya ba la rdo rje khu tshur gnyis bcings nas/ mthe'u chung gnyis phan tshun du sa la mdud pa byas na mdzub mo gnyis kyi rtse mo'i steng du kha blta bar yang dag par sbyar nas 'og nas bteg la dbang
 bskur ba'i gnas su gzung bar byas na 'dis phun sum tshogs pa thams cad 'thob par 'gyur ro/ /de bzhin gshegs pa thams cad kyi khu tshur ni 'og nas bshad par bya'o zhes bya ba ni/ dum bu 'di gnyis kyi rgyud phyi ma las rdo rje khu tshur gnyis las byung ba'i byang chub
 mchog ni de bzhin gshegs pa thams cad kyi khu tshur du 'chad pa yin no/ /de bcings nas ye shes thams cad 'thob par 'gyur ro/ /rdo rje gar ni bshad pa yin no zhes bya ba la rdo rje khu tshur gnyis bcings te/ sgeg pa dang bcas pa thams cad la sogs pa bkrol
 bas klog 'gyu ba'i gar gyis g.yas su bskor ba gang yin pa de ni rdo rje gar ma ste/ des ni thams cad kyis mchod par bya ba nyid 'thob par 'gyur ro/ /mdzub mo phyir phyogs pa bslang ba'i rdo rje snying gar badzra hUM zhes bya ba ni phyag rgya chen po'i zhes bya ba la/ rdo rje khu tshur gnyis
 bcings mdzub mo gnyis phyir blta ba bslang ste rtse mo yang dag par sbyar nas snying ga'i phyogs su bzung zhing badzrou0f85haM zhes bya ba bsams nas rdo rje thams cad kyi mchog gi dngos grub 'thob par 'gyur ro/ /ye shes kyi khu tshur gyis ta thA ga tou0f85haM zhes bya ba la byang chub mchog bcings n
 as ta thA ga tou0f85haM zhes bya ba la bsgoms na 'dis de bzhin gshegs pa thams cad kyi mchog gi dngos grub 'thob par 'gyur ro/ /las kyi phyag rgya'i mtshan nyid bcom ldan 'das kyi phyag rgya chen po bshad pa yin no zhes bya ba la/ dpal rdo rje sems dpa'i phyag rgya chen po ni bshad
 zin pa ste/ des rdo rje 'chang ba chen po'i mchog gi dngos grub thams cad 'thob par 'gyur ro/ /las kyi phyag rgya'i mtshan nyid thams cad bstan pa yin no/ /rdo rje med pa'i rdo rje khu tshur rnams kyi las kyi phyag rgya bcing bar bya'o zhes bya ba gsungs te/ rdo rje khu tshur
 de dag bskyed pa'i rgyu bshad par bya ba'i phyir/ de nas rdo rje khu tshur bcing ba'o/ /zhes bya ba gsungs te/ de nas kyi sgra ni de ma thag pa rjod par byed pa ste/ rang gi rdo rje khu tshur gyis phyag rgya rnams gang las byung ba zhes bya ba'i rnam par rtog pa 'di bskyed pas de ma thag kho nar
 rdo rje khu tshur gyi phyag rgya 'ching ba'i mtshan nyid ni 'ching ba zhes brjod par bya ste/ rdo rje bsdams pa zhes bya ba la sogs pa la ji ltar bshad pa'i mtshan nyid can gyi rdo rje bsdams pa bcings te/ mthe bo gnyis rdo rje bsdams pa'i nang du bcug ste/ rang gi mthe chung dang srin
 lag gi phyag rgya 'ching ba'i bar du bzhag nas mdzub mo gnyis bkug cing de'i rtse mo rang gi mthe bo'i steng du gzhag par byas nas/ 'dis ni dam tshig chen po'i rdo rje mchog gi khu tshur zhes bya ba'i phyag rgya'o/ /thams cad dngos grub mchog stsol ba/ /zhes bya ba la/ phyag
 rgya thams cad 'ching ba'i dngos grub ster ba yin no/ /de nyid du byas nas zhes bya ba de ni dam tshig rdo rje mchog gi khu tshur ro/ /dngos grub phyir zhes bya ba ni las kyi phyag rgya thams cad bcing ba rdzogs pa'i don du'o/ /rdo rje khu tshur rab tu brtag /ces bya ba la/ 'jig rten
 dang 'jig rten las 'das pa'i rdo rje thams cad la byin gyis brlabs pa dang / mdzad pa dang las kyi phyag rgya rdzogs par mdzad pa'i phyir/ sangs rgyas dang byang chub sems dpa' thams cad kyi rdo rje khu tshur gnyis po 'di brtag par mdzad pa yin no/ /dpal mchog
 dang po'i rgya cher bshad pa/ shes rab kyi pha rol tu phyin pa 'byung ba zhes bya ba las/ dum bu gnyis pa rtsa ba'i rgyud las/ dpal rdo rje sems dpa'i dkyil 'khor chen po'i phyag rgya'i bshad pa rdzogs so// //de ltar rdo rje sems dpa'i dkyil 'khor chen po'i phyag
 rgya'i mtshan nyid bstan nas/ da ni de bzhin gshegs pa'i dkyil 'khor gyi phyag rgya'i mtshan nyid bstan par bya ba'i phyir/ de nas de bzhin gshegs pa'i rigs kyi phyag rgya'i rgyud kyi cho ga rgyas pa zhes bya ba gsungs te/ de nas kyi sgra ni skabs la babs pa'o/ /de bzhin
 gshegs pa dang / de'i rigs ni de bzhin gshegs pa'i rigs te/ de'i phyag rgya ni phyag rgya chen po la sogs pa'i phyag rgya rnams te/ de rnams kyi rgyud ni phyag rgya'i mtshan nyid ston pa'i sgra'i tshogs so/ /de'i cho ga rgyas pa ni phyag rgya chen po
 la sogs pa'i dbye bas phye bar gyur pa'i rgyun no/ /phyag rgya chen po rnams kyi de bzhin gshegs pa ni bdag yin no zhes bya ba bcings par bya ba yin te/ ji lta ba bzhin du sems so sor rtogs pa la sogs pa'i rim pas bdag nyid de bzhin gshegs par bsams la/ ya
 thA sarba ta thA ga ta tiSh+Tha haM zhes bya bas nga rgyal bskyed la/ de nas sa ma you0f85haM zhes bya bas dam tshig gi nga rgyal bskyed par bya'o/ /de nas rang gi dam tshig gi phyag rgyas sa ma ya satwa a d+hi tiSh+Thaswa maM zhes bya bas byin gyis brlabs la rdo rje skyil mo krung bcings la/ de bzhin g
 shegs pa'i khu tshur gnyis bcing bar bya ste/ khu tshur g.yon pa de bzhin gshegs pa'i dril bu dang bcas pa bsnyems par byas nas/ g.yas pas de bzhin gshegs pa'i rdo rje blangs la gsor te/ oM d+hi ta thA ga tou0f85haM zhes brjod cing rang gi snying gar bstod pa'i tshul g
 yis gzung bar byas nas/ 'di ni rnam par snang mdzad kyi phyag rgya chen po yin no/ /rdo rje mtshon cha ma la sogs pa rnams kyi phyag rgya chen po ni/ ji ltar bris pa'i rjes su 'brangs pa las 'dir shes par bya'o/ /dam tshig mchog ces bya ba ni dam tshig gi phyag rgya rnams te/
 de dag ji ltar shes par bya zhe na/ mthe bo mthe chung mnyam pa yi/ /rdo rje sna tshogs rdo rje'o/ /zhes bya ba la rdo rje bsdams pa bcings nas mthe bo gnyis kyi rtse mo zur du yang dag par sbyar ba byas la/ mthe chung gnyis kyis kyang rtse mo sbyar te dang po'i rdo rje'i tshul gyis dbus ma
 gnyis nang du bcug ste rtse mo sbyar te 'di ni dbus ma'i rtse mo can te/ sna tshogs rdo rje zhes bya ba yin no/ /'di yang de bzhin gshegs pa'i dam tshig gi phyag rgya ste/ sna tshogs rdo rje zhes bya bar brjod do/ /mda' la sogs pa bcing ba ni de bzhin no zhes bya ba la/ ji ltar rdo
 rje sems dpa'i gsang ba'i dkyil 'khor du rdo rje mtshon cha ma la sogs pa rnams kyi dang po'i rdo rje las byung ba'i mda' gzhu la sogs pa'i phyag rgya bstan pa de bzhin du 'dir yang de bzhin gshegs pa'i dam tshig gi phyag rgya las byung ba'i/ rdo rje mtshon cha ma la sogs pa'i dam
 tshig gi phyag rgya rnams shes par bya'o/ /'dis ni 'di skad bstan par 'gyur te/ rdo rje bsdams pa las byung ba'i dang po'i rdo rje ni bcom ldan 'das rnam par snang mdzad kyi dam tshig gi phyag rgya ste/ 'di nyid/ mtheb mdzub rtse sbyar dbus ma'i rtse/ /mig 'bras ltar byas
 'dzin pa'o/ /zhes bya ba ni rdo rje mtshon cha ma'i'o/ /de nyid/ dbus ma'i rdo rje 'og tu ni/ /mthe bong gis mnan btsir bar bya/ /zhes bya ba ni kI li kI la'i'o/ /rdo rje mtshon cha ma'i phyag rgya nyid rdo rje 'dren ma dang 'dra bar/ srin lag mthe chung kha phye ba/ /zhes bya ba ni rdo rje 'dren
 ma'i'o/ /de bzhin gshegs pa'i dam tshig gi phyag rgya nyid bskor nas pus mor gzhag pa gang yin pa de ni rdo rje snyems ma'i'o/ /de bzhin gshegs pa'i phyag rgya nyid/ /gyen du gtor dang thur du blugs/ /mthe bo sbyar nas bskor ba dang / rab tu brkyang zhing byug pa dang / /
 bskor zhing spyi bor gnas pa dang / /bskor zhing snying gar gzhag par bya/ /yongs su bskor zhing bzhad pa dang / /kha las gyen du dbyung ba dang / /de bzhin gar gyis bskor ba'o/ /mdzub mo'i sor mo gnyis kyis so/ /g.yon pa'i mdzub mo g.yas kyis gzung / /
 mdzub mo mthe bo 'ching ba dang / /mthe bo mtha' ma'i nang du gzhag /ces bya ba 'di rnams rim pa bzhin du dpyid ka rdo rje ma nas brtsams te/ rdo rje dril bu ma'i bar gyi dam tshig gi phyag rgya rnams yin no/ /de bzhin gshegs pa la sogs pa rnams kyi rang gi snying po rnams kho na
 'dir chos kyi phyag rgya rnams yin no/ /las kyi phyag rgya rnams ni de nyid yin no zhes bya ba la rdo rje sems dpa'i dkyil 'khor du rdo rje sems dpa' nas brtsams te/ rdo rje dril bu ma'i bar du las kyi phyag rgya rnams gang bar bstan pa de nyid de bzhin gshegs pa'i dkyil
 'khor 'dir yang las kyi phyag rgya gzung bar bya'o/ /khyad par ni 'di yin te 'dir khu tshur gnyis las 'byung ba yin no/ /'di nyid bstan par bya ba'i phyir de bzhin gshegs pa'i khu tshur gyis de bzhin du bcing ba'o zhes bya ba la/ 'dis ni don 'di bstan
 par 'gyur te/ de bzhin gshegs pa'i khu tshur gnyis bcings nas g.yon pa rdo rje snyems ma dang / g.yas pa rdo rje bstod pa'i tshul gyis snying gar bzung ste/ 'di ni rnam par snang mdzad kyi las kyi phyag rgya yin no/ /de bzhin gshegs pa'i khu tshur gnyis bcings nas
 sgeg pa dang bcas pas mtha' la sogs pa bkrol la klog 'gyu ba'i tshul gyis g.yas su yongs su bskor te spyi bo'i phyogs su ka pu Ta'i thal mo kha sbyor bcings te phab nas rdo rje thal mo bcings la de nyid sgeg pas me tog 'bul ba'i tshul gyis te/ steng du gtor la slar
 yang de bzhin gshegs pa'i khu tshur gnyis bcings la/ mda' dang gzhu gtod pa'i tshul bya ste 'di ni rdo rje mtshon cha ma'i las kyi phyag rgya yin no/ /de bzhin du gar byas nas rdo rje thal mo bcings la/ de nyid sgeg pas spos 'bul ba'i tshul gyis 'og tu blugs la/
 de bzhin gshegs pa'i khu tshur gnyis bcings la bdag nyid 'khyud par bya ste/ 'di ni rdo rje kI li kI la'i'o/ /de bzhin du gar byas nas rdo rje thal mo bcings te de nyid sgeg cing mar me 'bul ba'i tshul gyis mthe bo sbyor zhing bskor bar byas la/ de bzhin gshegs
 pa'i khu tshur gnyis bcings te rgyal mtshan bsgreng ba'i tshul gyis gzung bar bya ste/ 'di ni rdo rje dran ma'i'o/ /de bzhin du gar byas la rdo rje thal mo bcings te/ de nyid sgeg pas snying ga'i phyogs su brkyang la dris byug pa'i tshul gyis rab tu sbyar te/ slar yang rdo rje thal
 mo bcings nas spyi bor bzung ste/ de nas de bzhin gshegs pa'i khu tshur gnyis bcings la snyems pa gnyis bya ste/ 'di ni rdo rje snyems ma'i'o/ /de bzhin du de bzhin gshegs pa'i khu tshur gnyis kyis gar byas la kha sbyor gyi thal mo spyi bor bcings nas phab ste/
 de nas de bzhin gshegs pa'i khu tshur gnyis snying ga'i phyogs su bskor zhing bcings te/ me tog 'bul ba'i tshul gyis steng du gtor bar bya ste/ 'di ni rdo rje dpyid ka ma'i'o/ /de bzhin du gar byas nas de bzhin gshegs pa'i khu tshur gnyis bskor zhing snying ga'i phyogs su
 bcings la/ spos 'bul ba'i tshul gyis 'og tu blugs par bya ste 'di ni rdo rje sprin ma'i'o/ /de bzhin gshegs pa'i khu tshur gnyis bskor zhing bcings la/ mar me 'bul ba'i tshul gyis mthe bo sbyar zhing bskor bar bya ste/ 'di ni ston ka rdo rje ma'i'o/ /de bzhin du de bzhin
 gshegs pa'i khu tshur gnyis bcings nas bskor te snying ga'i phyogs su brkyang ste/ des dris byug pa'i tshul du bya ste/ slar yang de bzhin gshegs pa'i khu tshur gnyis bcings te spyi bo'i phyogs su gzung bar bya ste 'di ni rdo rje dgun ma'i'o/ /de bzhin du de bzhin gshegs
 pa'i khu tshur gnyis bskor nas snying ga'i phyogs su bcings nas gzung bar bya ste/ 'di ni sgeg mo'i'o/ /de bzhin du de bzhin gshegs pa'i khu tshur gnyis bskor zhing bcings la bzhad pa'i tshul gyis yongs su bskor nas kha'i mthar gzung bar bya ste/ 'di ni bzhad
 ma'i'o/ /de bzhin du de bzhin gshegs pa'i khu tshur gnyis bcings la/ ngag 'byin pa'i tshul gyis kha las gyen du drang bar bya ste/ 'di ni glu ma'i'o/ /de bzhin gshegs pa'i khu tshur gnyis bskor zhing bcings la/ gar gyi tshul gyis bskor bar bya ste 'di ni
 gar ma'i'o/ /gar dang bral ba'i de bzhin gshegs pa'i khu tshur gnyis bcings te/ mdzub mo gnyis kyis lcags kyu gnyis byas te 'di ni rdo rje lcags kyu ma'i'o/ /de bzhin gshegs pa'i khu tshur gnyis bcings te g.yas pa'i mdzub mo'i lcags kyus g.yon pa'i
 mdzub mo bsgreng ba gzung bar bya ste/ 'di ni rdo rje zhags pa ma'i'o/ /de bzhin gshegs pa'i khu tshur gnyis bcings te mdzub mo dang mthe bo dag gis mdud pa'i tshul du bcing bar byas te 'di ni rdo rje lcags sgrog ma'i'o/ /de bzhin gshegs pa'i khu tshur gnyis bcings
 te phan tshun yang dag par sbyar ba byas nas rang rang gi mthe chung dang / srin lag gi nang du mthe bo gnyis bcug la gzung bar byas te/ 'di ni rdo rje dril bu ma'i las kyi phyag rgya yin no/ /lcags kyu ma ni de bzhin du zhes bya ba la/ de bzhin gshegs
 pa'i phyag rgya chen po bcings la/ g.yas pa'i mdzub mo'i lcags kyu ni rdo rje chen po gsang ba'i lcags kyu ma ste/ 'dis oM badzra d+ha ri Ni zhes bya ba la sogs pa de bzhin gshegs pa thams cad kyi ye shes mnyam pa nyid kyi gzungs brjod cing / de bzhin gshegs pa'i
 dkyil 'khor du 'khor dang bcas pa'i de bzhin gshegs pa spyan drang bar bya'o/ /khu tshur gyi khyad par ro zhes bya ba ni rdo rje sems dpa'i dkyil 'khor du gsungs pa'i phyag rgya chen po dang / /de bzhin gshegs pa'i las kyi phyag rgya rnams dang / rdo rje sems dpa'i las kyi
 phyag rgya rnams kyi khu tshur gyi khyad par shes par bya'o/ /'dis ni 'di skad ston par 'gyur te/ de bzhin gshegs pa'i khu tshur gnyis las byung ba ni de bzhin gshegs pa'i dkyil 'khor gyi phyag rgya chen po'o/ /slar yang rdo rje khu tshur mthe bo gnyis las byung ba ni rdo rje
 sems dpa'i dkyil 'khor gyi las kyi phyag rgya'o/ /de bzhin gshegs pa'i khu tshur gnyis las byung ba ni de bzhin gshegs pa'i dkyil 'khor gyi las kyi phyag rgya rnams te de ltar khu tshur gyi khyad par shes par bya'o/ /da ni khu tshur gyi khyad par nyid bstan par bya ba'i phyir/ rdo rje khu
 tshur mthe bo gnyis la gnas pa zhes bya ba la sogs pa gsungs te/ dam tshig rdo rje'i khu tshur bcings la mthe bo gnyis kyi rtse mo phyi rol du yang dag par sbyar bar bya ste/ 'di ni de bzhin gshegs pa'i dkyil 'khor du dam tshig gi phyag rgya'o/ /de gnyis su phye nas de bzhin
 gshegs pa'i khu tshur ro zhes bya ba la 'das ma thag tu bshad pa'i mtshan nyid can gyi de bzhin gshegs pa'i dam tshig gi khu tshur de gnyis su byas nas de bzhin gshegs pa'i khu tshur gnyis 'byung ba yin no/ /de bzhin gshegs pa'i khu tshur gnyis dang / dkyil 'khor
 lngas phyag btsal zhing 'jug par bya'o zhes bya ba la/ 'das ma thag tu bshad pa'i de bzhin gshegs pa'i khu tshur gnyis bcings te/ de bzhin gshegs pa'i dkyil 'khor du spyi bo dang lag mthil gnyis dang / pus mo'i lha nga gnyis kyis rang bzhin dkyil
 'khor lngas phyag 'tshal ba dang / 'jug pa'i glu brjod cing 'jug par bya'o/ /'di dag kyang dngos grub thams cad gsol pa zhes bya ba la/ ji ltar rdo rje sems dpa' gsang ba'i dkyil 'khor du gsungs pa'i phyag rgya chen po dang / /dam
 tshig dang chos kyi phyag rgya rnams dngos grub thams cad ster ba de bzhin du de bzhin gshegs pa'i dkyil 'khor las gsungs pa'i/ de bzhin gshegs pa'i phyag rgya chen po dang / dam tshig dang / chos dang las kyi phyag rgya 'di rnams kyis kyang las kyi dngos grub
 thams cad stsol ba yin no/ /de ltar de bzhin gshegs pa'i dkyil 'khor gyi phyag rgya rnams bstan nas/ da ni de bzhin gshegs pa'i dkyil 'khor gyi las kyi tshogs sgrub par byed pa'i phyag rgya rnams bstan par bya ba'i phyir/ de nas las kyi phyag rgya bcings pa
 zhes bya ba gsungs te/ de nas kyi sgra ni skabs la bab pa ste/ las kyi phyag rgya bcing ba'i skabs su bab pa zhes bya ba'i don to/ /las sgrub par byed pa'i phyag rgya rnams kyi mtshan nyid ni bcing ba zhes brjod do/ /rdo rje sku mchog gi zhes bya ba la/ rdo rje bsdams pa
 'og tu bcings nas/ mthe bo gnyis brtan pa'i skyil mo krung gi tshul byas la/ mdzub mo gnyis yang dag par sbyar nas/ rtse mo'i tshul gyis gzung bar bya ste/ 'di ni rdo rje sku mchog gi phyag rgya'o/ /'di bcings la gar gyi tshul gyis yongs su bskor bar bya ste/ rdo rje
 sku mchog 'dis thams cad bsrung ba la sogs pa bsgrub par bya'o/ /ji ltar zhe na/ gtsug tor zhes bya ba la ji ltar bshad pa'i mtshan nyid can gyi rdo rje sku mchog 'di gtsug tor gyi tshul du bzhag na gtsug tor gyi phyag rgyar 'gyur te/ gtsug tor 'dis thams cad
 bsrung bar 'gyur ba yin no/ /'di nyid yongs su bskor nas mdzub mo gnyis kyis mdzod spu'i phyogs su 'dzin par byed pa yin no/ /snying gar gzhag pa zhes bya ba la rdo rje sku mchog de nyid snying ga'i phyogs su 'dzin na 'dis chos thams cad 'thob par
 'gyur ro/ /bskor zhing bskor bas mkhur tshos dang / gtsug tor zhes bya ba la rdo rje sku mchog bcings nas gar gyi tshul gyis yongs su bskor bar bya ste/ de nas yang bskor zhing mkhur tshos dang / spyi bor gzung ba byas na 'dis mchod pa thams cad kyi dngos grub 'thob par
 'gyur ro/ /de bzhin gshegs pa'i khu tshur gnyis kyis sdigs mdzub byas na/ 'dis gdug pa thams cad 'dul bar 'gyur ro/ /de bzhin gshegs pa'i khu tshur gnyis sbyin pa'i tshul byas na 'dis byang chub kyi spyod pa rdzogs par 'gyur ro/ /de bzhin gshegs
 pa'i khu tshur gnyis bcings te g.yon pa'i khu tshur snying ga'i phyogs su gzung ste/ de bzhin gshegs pa'i khu tshur g.yas pa brkyang nas sa la reg par byas na 'dis bdud thams cad 'joms par 'gyur ro/ /g.yon pa'i khro bo'i mdzub mo zhes bya ba la sogs pa la/ byang
 chub mchog bcings nas bdag nyid rnam par snang mdzad du bsgoms nas 'dis de bzhin gshegs pa thams cad nyid du 'gyur ba yin no/ /rdo rje bsdams pa 'og tu bcings nas skyil mo krung ngo zhes bya ba la/ rdo rje bsdams pa'i nang du bcings la mthe bo brtan pa'i skyil mo krung
 du byas te/ mdzub mo gnyis yang dag par sbyar ba'i rtse mo 'dir rdo rje sku mchog shes par bya'o zhes bya ba'i tha tshig go/ /dpal mchog dang po'i rgya cher bshad pa'i shes rab kyi pha rol tu phyin pa 'byung ba zhes bya ba las dum bu gnyis pa rtsa ba'i rgyud las/ de bzhin
 gshegs pa'i dkyil 'khor gyi phyag rgya'i bshad pa rdzogs so/ / //de ltar de bzhin gshegs pa'i dkyil 'khor gyi phyag rgya'i rtog pa bstan nas da ni rab tu dga' ba'i rdo rje'i khro bo'i phyag rgya'i rtog pa bstan par bya ba'i phyir/ de nas rdo rje'i rigs
 kyi phyag rgya'i rgyud kyi cho ga rgyas pa zhes bya ba gsungs te/ de nas kyi sgra ni skabs su bab pa ste/ phyag rgya'i mtshan nyid ston pa'i skabs su'o/ /rdo rje'i rigs te/ de las byung ba'o/ /gang gi phyir/ phyag na rdo rje'i rdo rje las byung ba'i phyir ro/ /rdo rje'i rigs de'i phyag
 rgya ni/ phyag rgya chen po la sogs pa'i rang bzhin can no/ /de'i rgyud ni snga ma bzhin no/ /de'i cho ga rgyas la ni rgyun no/ /'jug pa'i phyag rgya ni rab tu dga' ba'i rdo rje khro bo zhes bya ba la/ bcom ldan 'das bde ba chen po rab tu dga' ba'i rdo rje khro bo hUM
 mdzad kyi phyag rgya chen po ni rab tu dga' ba'i rdo rje khro bo zhes bya ba ste/ de 'dir rdo rje rigs kyi dkyil 'khor du 'jug pa'i phyag rgya yin no/ /dgug pa'i phyag rgya de nyid do zhes bya ba la rab tu dga' ba'i rdo rje khro bo'i phyag rgya chen po nyid ni mdzub mo g.yas pa'i lcags kyu ma ste/
 dkyil 'khor gyi lha thams cad dgug pa'i phyag rgya'o/ /de nas bcom ldan 'das rab tu dga' ba'i rdo rje khro bo 'khor dang bcas pa sngar bshad pa'i spyan drang ba'i sngags kyis dkyil 'khor du gzhug par bya'o/ /phyag rgya chen po de bzhin du bya'o zhes bya ba la/ bcom ldan 'das
 rab tu dga' ba'i rdo rje khro bo 'khor dang bcas pa bris pa'i cho gar phyag rgya chen po ji ltar bstan pa de bzhin du bcing bar bya'o zhes bya ba'i don to/ /dam tshig ni dam tshig gi phyag rgya'o/ /'og tu rdo rje bsdams pa ni rdo rje bsdams pa nang du bcings te/ sor mo thams cad nang du
 bcings te/ der mthe bo rdo rje zhes bya ba ni ji ltar bshad pa'i rdo rje bsdams pa nang du bcings nas steng du kha bltas par byas la/ sor mo thams cad phan tshun du yang dag par sbyar te 'bar ba ltar gzung ba byas la/ mthe bo gnyis kyi rtse mo yang dag par sbyar zhing srin
 lag dang dbus ma'i sor mo dag gi nang du gzung bar byas na 'dis ni rdo rje khro bo ti rin ti ri zhes bya ba la rdo rje 'chang chen po'i dam tshig gi phyag rgya ste rdo rje 'chang chen po sgrub par byed pa'o/ /gzhan dag kyang de bzhin no zhes bya ba la rdo rje khro bo yid las byung ba'i dam tshig
 phyag rgya ni rdo rje yid las byung ba la sogs pa'i dam tshig gi phyag rgya nyid yin no/ /'dis ni 'di ltar ston par 'gyur te/ dang po'i rdo rje bcings nas mdzub mo gnyis lcags kyu phyi rol du mngon par phyogs pa dang / mthe bos 'khyud pa dang mthe
 bo gnyis kha phye la mdzub mo gnyis kyi rtse mo dbus ma dag gi rtse mo phan tshun 'dren cing mtha' ma dang srin lag mnyam par byas te kha phye la rdo rje chu srin gyi rgyal mtshan bsgreng ba dang / brla gnyis la bskor zhing gnas pa dang / rdo rje thal mo bskor ba'i phyag rgya ni/ gyen du
 gtor dang thur du blugs/ /mthe bo sbyar nas bskor ba dang / /rab tu brkyang zhing byug pa dang / /bskor zhing spyi bor gnas pa dang / /bskor nas snying gar gzhag par bya/ /yongs su bskor zhing bshad pa dang / /kha las gyen du 'byin pa dang / /de bzhin gar gyis
 bskor ba'o/ /rdo rje bsdams pa bcings te/ mdzub mo gnyis kyis lcags kyu dang / /g.yon pa'i mdzub mo g.yas kyis gzung / /mdzub mo mthe bo 'ching ba dang / /mthe bo mtha' ma'i nang du gzhag /ces bya ba ni 'di rnams rdo rje khro bo yid las byung ba nas brtsams te/
 rdo rje khro bo dril bu'i bar gyi dam tshig gi phyag rgya yin no/ /chos kyi phyag rgya ni de rnams nyid do zhes bya ba la/ rdo rje sems dpa'i dkyil 'khor chen po las gsungs pa nyid 'di ltar lha thams cad kyi phyag rgya yin no/ /de yang 'di dag yin te ho zhes bya ba ni bcom ldan 'das
 kyi'o/ /b+hid ces bya ba ni khro bo yid las byung ba'i'o/ /hUM zhes bya ba ni khro bo kI li kI la'i'o/ /d+h+rid ces bya ba ni khro bo rdo rje dran ma'i'o/ /hUM zhes bya ba ni khro bo rdo rje snyems pa'i lhag ma rnams kyi yang rdo rje sems dpa'i dkyil 'khor chen po las gsungs pa'i snying po rnams
 nyid chos kyi phyag rgya yin no/ /las kyi phyag rgya rnams ni de bzhin du zhes bya ba la/ rdo rje sems dpa'i dkyil 'khor chen po las gsungs pa nyid khro bo rab tu dga' ba'i rdo rje la sogs pa'i las kyi phyag rgya rnams su shes par bya'o/ /khu tshur gyi khyad par ro zhes bya ba
 la des rdo rje khu tshur gnyis las byung ba yin pa la 'dis khro bo'i khu tshur gnyis las byung ba ste 'di ni khyad par yin no/ /rdo rje khu tshur gnyis kyi mdzub mo gnyis sdigs mdzub bo zhes bya ba la/ rdo rje khu tshur gnyis kyi mdzub mo gnyis sdigs mdzub kyi tshul gyis
 bzung la so sor bsgreng bar bya ste/ 'di ni khro bo'i khu tshur gnyis kyi phyag rgya yin no/ /dam tshig las byung ba ni de bzhin no zhes bya ba la ji ltar rdo rje sems dpa'i dkyil 'khor du dam tshig gi rdo rje khu tshur bcings la de gnyis su byas nas rdo rje khu tshur gnyis kyi phyag rgya 'byung ba
 de bzhin du 'dir yang ngo / /'dis ni 'di skad ston par 'gyur te/ dam tshig gi rdo rje khu tshur bcings te de gnyis su byas la rdo rje khu tshur gnyis su byas nas 'di'i mdzub mo gnyis gzung bar byas na khro bo'i khu tshur gnyis su 'gyur ba yin te/ 'dis las kyi phyag rgya rnams
 bcing bar bya'o/ /de dag kyang 'di yin te/ g.yon pa'i bsnyems pa dang bcas pa'i khu tshur gtod pa'i tshul gyis gzung bar bya ste/ 'di ni rab tu dga' ba'i rdo rje khro bo'i las kyi phyag rgya yin no/ /mda' gzhu gtod pa ni khro bo rdo rje yid las byung ba'i'o/ /'og tu 'khyud pa'i
 khro bo'i rdo rje kI li kI la'i'o/ /rgyal mtshan bsgreng ba rdo rje dran pa'i'o/ /snyems pa gnyis gtod pa khro bo'i snyems pa'i'o/ /khro bo'i khu tshur gnyis po de nyid sgeg pa dang bcas pas mtha' ma la sogs pa dgrol bas/ glog 'gyu ba'i gar gyis yongs su bskor bas spyi
 bo'i phyogs su ka pu Ta'i thal mo bcings te phab la/ khro bo'i khu tshur gnyis bskor zhing bcings te/ me tog 'bul ba'i tshul gyis steng du gtor bar bya ste 'di ni dpyid ka rdo rje ma'i'o/ /de nas de bzhin du khro bo'i khu tshur gar byas la/ khro bo'i khu tshur gnyis bskor
 zhing bcings te/ spos 'bul ba'i tshul gyis 'og tu blugs par bya ste/ 'di ni rdo rje sprin ma'i'o/ /de nas de bzhin du khro bo'i rdo rje khu tshur gnyis bskor zhing bcings te mar me 'bul ba'i tshul gyis mthe bo mnyam pas bskor bar bya ste/ 'di ni ston ka rdo rje
 ma'i'o/ /de bzhin du khro bo'i khu tshur gnyis bcings te dgod pa'i tshul gyis yongs su bskor la kha'i mthar gzung bar bya ste/ 'di ni bzhad ma'i'o/ /de bzhin du khro bo'i khu tshur gnyis bcings te/ ngag 'byin pa'i tshul gyis kha
 las gyen du drang bar bya ste 'di ni glu ma'i'o/ /de bzhin du khro bo'i khu tshur gnyis bcings te gar gyi tshul gyis bskor bar byas te 'di ni gar ma'i'o/ /gar dang bral ba'i khro bo'i khu tshur gnyis bcings la mdzub mo gnyis kyis lcags kyu gnyis byas la 'di ni khro bo rdo rje
 lcags kyu'i'o/ /khro bo'i khu tshur gnyis bcings te g.yas pa'i mdzub mo'i lcags kyu g.yon pa'i mdzub mo bsgreng bas gzung bar bya ste 'di ni khro bo rdo rje zhags pa'i'o/ /khro bo'i khu tshur gnyis bcings te mdzub mo dang mthe bo dag gis mdud pa bcing bar bya ste 'di ni khro bo rdo
 rje lcags sgrog gi'o/ /khro bo'i khu tshur gnyis bcings te phan tshun yang dag par sbyar bar bya ste/ 'di ni khro bo rdo rje dril bu'i las kyi phyag rgya yin no/ /de ltar dkyil 'khor gyi phyag rgya rnams bstan nas da ni las kyi tshogs sgrub par byed pa'i phyag rgya rnams bstan par
 bya ba'i phyir/ de nas las kyi phyag rgya zhes bya ba gsungs te/ 'jig rten gsum ma lus pa las rnam par rgyal ba la sogs pa'i las sgrub par byed pa'i phyag rgya ni las kyi phyag rgya rnams so/ /rdo rje hUM mdzad las byung ba'o zhes bya ba la/ 'jig rten gsum ma lus pa
 las rnam par rgyal ba la sogs pa sgrub par byed pa'i phyag rgya rnams kyang rdo rje hUM mdzad las byung bar gzung bar bya'o/ /rdo rje hUM mdzad de ji lta bu yin zhe na/ lag pa rdo rje zhes bya ba la sogs pa la/ rdo rje khu tshur gnyis bcings te/ rdo rje lag pa mnyam sbyar nas/ /mthe
 chung lcags kyu bcings byas te/ /mdzub mo gnyis kyi sdigs mdzub ni/ /'jig rten gsum rgyal bya ba yin/ /de ni rdo rje hUM mdzad do/ /'dis 'jig rten gsum ma lus pa las rnam par rgyal ba'i dngos grub 'thob par 'gyur ro/ /g.yon pa'i mdzub mo zhes bya ba
 la/ rdo rje hUM mdzad bcings nas g.yon pa'i mthe mdzub kyis bsgrub bya la sdigs mdzub bya ste/ 'dis sems can gyi khams thams cad las rnam par rgyal bar 'gyur ro/ /rdo rje hUM mdzad g.yon pa brkyang bas gnas pa zhes [(]ba pa [,]bya ba [)]la/ ji ltar bshad pa'i rdo rje hUM mdzad
 bcings la g.yon brkyang ba'i lta stangs kyis 'dug nas bsgrub bya la sdigs mdzub byas nas 'dis ni khams gsum ma lus pa las rnam par rgyal bar 'gyur ro/ /mdzub mo'i rdo rjes sdigs mdzub bo/ /zhes bya ba la rdo rje hUM mdzad bcings te/ mdzub mo gnyis kyi rtse mo
 yang dag par sbyar ba byas nas des sdigs mdzub byas nas dgug pa la sogs pa'i las thams cad 'grub par byed pa yin no/ /sna'i dbugs dang yi ge hUM gis so zhes bya ba la rdo rje hUM mdzad bcings te sna'i dbugs dang yi ge hUM gis thams cad btung bar 'gyur ro/ /khros
 pas yi ge a sbyar bar bya'o zhes bya ba la/ rdo rje hUM mdzad bcings te khros pas yi ge a brjod par byas na 'dis thams cad bab par 'gyur ro/ /ha ha dgod par bya zhes bya ba la/ rdo rje hUM mdzad bcings te ha ha zhes dgod par byas nas 'dis thams cad gzhon par 'gyur
 ro/ /snying gar rdo rje bsgoms pas rdo rje'i phyag rgya chen po'i zhes bya ba la/ rang gi snying gar khro bo rdo rje rtse bzhi pa bsgom zhing / bcom ldan 'das rab tu dga' ba'i rdo rje khro bo'i phyag rgya chen po bcings nas las thams cad dgos pa'i dngos grub thams cad sgrub par byed
 pa yin no/ /dpal mchog dang po'i rgya cher bshad pa'i shes rab kyi pha rol tu phyin pa 'byung ba zhes bya ba las dum bu gnyis pa'i rtsa ba'i rgyud kyi rab tu dga' ba'i rdo rje khro bo'i phyag rgya'i rtog pa bshad pa rdzogs so// //de ltar rdo rje rigs kyi phyag rgya'i rtog pa bstan nas da
 ni pad+ma'i rigs kyi phyag rgya'i rtog pa bstan pa'i phyir/ /de nas pad+ma'i rigs kyi phyag rgya'i cho ga rgyas pa'i rgyud ces bya ba gsungs te/ de nas kyi sgra ni snga ma bzhin no/ /pad+ma'i ni rdo rje 'jig rten dbang phyug ste de'i rigs ni pad+ma'i rigs so/ /de'i phyag rgya chen po dang dam
 tshig dang chos dang las kyi phyag rgya rnams so/ /de'i cho ga rgyas pa'i rgyud ni sgra'i tshogs so/ /de bzhin gshegs pa'i rdo rje'i mdzub mo gnyis zhes bya ba la sogs pa la rdo rje bsdams pa las byung ba'i dang po'i rdo rje ni de bzhin gshegs pa'i rdo rje ste/ mdzub
 mo gnyis bsgreng ba bkug la pad+ma 'dab ma gnyis kyi rnam pas gar byas la snying ga'i phyogs su gzung bar bya ste/ 'di ni rdo rje pad+ma zhes bya ba la 'jig rten dbang phyug gi dkyil 'khor du 'jug pa'i phyag rgya yin no/ /'di nyid mdzub mo gnyis kyi lcags kyus rdo rje 'jig rten
 dbang phyug 'khor dang bcas pa spyan drang ba'i sngags kyis spyan drang bar bya'o/ /phyag rgya chen po la sogs pa'i phyag rgya thams cad ni de bzhin du'o zhes bya ba la ji ltar rdo rje sems dpa'i dkyil 'khor chen por dpal rdo rje sems dpa' la sogs pa rnams kyi phyag rgya chen po la
 sogs pa phyag rgya rnams bstan pa de bzhin 'dir yang shes par bya'o/ /dam tshig gi khyad par dang khu tshur gyi khyad par ro zhes bya ba la 'dir yang dam tshig gi phyag rgya khyad par can du shes par bya'o/ /phyag rgya chen po dang / las kyi phyag rgya rnams bskyed pa'i rgyur gyur
 pa'i khu tshur gyi khyad par yang shes par bya ba yin no/ /da ni dam tshig gi phyag rgya'i khyad par dang / khu tshur gyi khyad par bstan par bya ba'i phyir/ kha 'bus pa'i thal mo zhes bya ba la sogs pa gsungs te/ kha 'bus pa'i thal mos bcings nas mthe bo gnyis mthe
 chung gnyis kha phye bar byas la/ pad+ma 'dab ma bzhi pa'i tshul gyis gzung bar bya ste/ 'di ni pad+ma chen po zhes bya ba 'phags pa spyan ras gzigs dbang phyug gi dam tshig gi phyag rgya yin no/ /thams cad bcing ba ni ji lta ba bzhin no zhes bya ba la/ pad+ma yid
 las byung ba la sogs pa rnams kyi kha 'bus pa'i thal mo las byung ba'i dam tshig gi phyag rgya bcing ba ni rdo rje sems dpa'i dkyil 'khor chen po las gsungs pa'i tshul gyis shes par bya'o zhes bya ba'i don to/ /de ltar dam tshig gi phyag rgya'i khyad par bstan nas khu tshur
 gyi khyad par bstan par bya ba'i phyir/ khu tshur gyi khyad par zhes bya ba la sogs pa gsungs te/ rdo rje bsdams pa bcings la mdzub mo gnyis dang dbus ma gnyis mnyam por byas la/ mthe bo'i rtse mor rang rang gi dbus ma dang mdzub mo'i rtse mo sbyar la gzung bar bya ste/ 'di ni
 pad+ma'i khu tshur gyi dam tshig gi phyag rgya yin no/ /'di gnyis su byas la phyag rgya chen po dang las kyi phyag rgya rnams bcing bar bya'o/ /'dis ni 'di skad ston par 'gyur te/ pad+ma'i khu tshur gnyis bcings la g.yon pa'i pad+ma'i khu tshur gyis rdo rje pad+ma blangs te bsnyems par byas
 nas g.yas pa'i pad+ma'i khu tshur gyis rdo rje rtse lnga pa blangs te gsor la gtod pa'i tshul gyis rang gi snying gar 'dzin par bya ste/ 'di ni rdo rje 'jig rten dbang phyug gi phyag rgya chen po yin no/ /'di bzhin du pad+ma'i yid las byung ba la sogs pa rnams kyi rang gi phyag rgya chen po
 bris pa'i rjes su 'brangs nas bcing bar bya'o/ /bcom ldan 'das rdo rje 'jig rten dbang phyug gi dam tshig gi phyag rgya ni pad+ma chen po zhes bya bas bstan zin to/ /kha 'bus pa'i thal mo bcings la mdzub mo gnyis kyi rtse mo phyi rol du phyogs par bkug par byas te
 'di ni pad+ma'i yid las byung ba'i'o/ /kha 'bus pa'i thal mo bcings te mthe bo gnyis pa'i skyil mo krung gis 'khyud par bya ste/ 'di ni pad+ma kI li kI la'i'o/ /kha 'bus pa'i thal mo g.yas pa'i mdzub mo'i lcags kyus g.yon pa'i dbus ma'i rtse mo gzung ba dang /
 g.yon pa'i mdzub mo'i lcags kyus g.yas pa'i dbus ma'i rtse mor gsung bar byas la mthe bo gnyis so sor bsgreng ste srin lag gnyis kyi rtse mo yang dag par sbyar zhing tha ma gnyis so sor rab tu phyir brkyang nas gzung bar byas te/ 'di ni pad+ma dran pa'i'o/ /kha 'bus pa'i
 thal mo bskor nas brla gnyis la gzung bar bya ste 'di ni pad+ma snyems ma'i'o/ /kha 'bus pa'i thal mo bskor zhing bcings la steng du gtor bar bya ste 'di ni dpyid ka'i rdo rje ma'i'o/ /de nyid spos 'bul ba'i tshul gyis 'og tu blugs par byas te 'di ni sprin ma'i'o/ /de nyid mar me
 'bul ba'i tshul gyis mthe bo sbyar zhing bskor ba'i rnam pas gzung bar byas te/ 'di ni ston ka rdo rje ma'i'o/ /de nyid snying ga'i phyogs su brkyang zhing dris byug pa'i tshul du rab tu sbyar zhing bskor la spyi bor gzung bar bya ste 'di ni dgun ma'i'o/ /pad+ma'i thal
 mo bskor zhing snying ga'i phyogs su gzung ba ste 'di ni sgeg mo'i'o/ /pad+ma'i thal mo sbyar zhing dgod pa'i tshul gyis yongs su bskor la kha'i thad kar gzung bar byas te 'di ni bzhad pa ma'i'o/ /pad+ma'i thal mo bskor ba dag 'byin pa'i tshul kha las gyen du drang bar bya ste 'di ni
 glu ma'i'o/ /pad+ma'i thal mo bskor zhing gar gyi tshul gyis bskor bar bya ste 'di ni pad+ma gar ma'i'o/ /kha 'bus pa'i thal mo'i mdzub mo gnyis kyi lcags kyu gnyis bya ste 'di ni pad+ma lcags kyu'i'o/ /kha 'bus pa'i thal mo g.yon pa'i mdzub mo bsgrengs la g.yas pa'i mdzub mos
 gzung bar bya ste 'di ni pad+ma zhags pa ma'i'o/ /kha 'bus pa'i thal mo bcings la mdzub mo dang mthe bo dag gis lu gu rgyud du bcing bar bya ste 'di ni pad+ma lcags sgrog gi'o/ /kha 'bus pa'i thal mo'i mthe bo gnyis rang gi srin lag dang mthe'u chung gi nang du bcug la gzung bar
 byas te 'di ni pad+ma dril bu'i dam tshig gi phyag rgya yin no/ /rdo rje sems dpa'i dkyil 'khor chen po las gsungs pa nyid chos kyi phyag rgyar gzung bar bya'o/ /pad+ma'i khu tshur gnyis kyis las kyi phyag rgya rnams bcing bar bya'o/ /g.yon pa'i khu tshur gyis bsnyems pa byas nas
 g.yas pa'i pad+ma'i khu tshur rang gi snying gar gtod pa'i tshul gyis gzung bar bya ba ste/ 'di ni rdo rje 'jig rten dbang phyug gi las kyi phyag rgya yin no/ /g.yon pa'i pad+ma'i khu tshur gyis gzhu blang ba'i tshul gyis te/ de nyid snying ga'i phyogs su gyen du kha bltas par gzhag pa
 de'i steng du g.yas pa'i pad+ma'i khu tshur 'og tu kha bltas par bzhag la slar des mda' gsor ba'i tshul du byas na 'di ni pad+ma yid las byung ba'i'o/ /pad+ma'i khu tshur gnyis kyis bdag nyid la 'khyud par bya ste/ 'di ni kI li kI la'i'o/ /pad+ma'i khu tshur gnyis kyis rgyal
 mtshan bsgreng ba'i tshul du bya ste 'di ni pad+ma dran pa'i'o/ /pad+ma'i khu tshur gnyis nang du kha bltas pa'i lag pa gnyis dkur gzhag par bya ste 'di ni pad+ma snyems pa'i'o/ /pad+ma'i khu tshur gnyis bcings te sgeg pa dang bcas pas mtha' ma la sogs pa dkrol zhing [(]klog [,]glog [)]'gyu
 ba'i gar gyis g.yas su bskor nas spyi bo'i phyogs su ka pu Ta'i kha sbyor bcings te phab la/ pad+ma'i khu tshur gnyis bskor zhing bcings te/ snying ga'i phyogs su bzhag nas me tog 'bul ba'i tshul gyis gyen du gtor bar bya ste/ 'di ni dpyid ka pad+ma'i'o/ /
 de bzhin du pad+ma'i khu tshur gnyis bskor la snying ga'i phyogs su bcings te spos 'bul ba'i tshul gyis thur du blugs par bya ste 'di ni pad+ma sprin ma'i'o/ /de bzhin du pad+ma'i khu tshur gnyis bskor zhing bcings la mar me 'bul ba'i tshul gyis mthe bo gnyis sbyar zhing bskor bar
 bya ste/ 'di ni ston ka pad+ma'i'o/ /de bzhin du pad+ma'i khu tshur gnyis bskor zhing bcings te snying ga'i phyogs su brkyang la dris byug pa'i tshul gyis rab tu sbyar te/ slar yang pad+ma'i khu tshur gnyis bskor zhing bcings nas spyi bo'i phyogs su gzung bar bya ste 'di ni pad+ma
 dgun ma'i'o/ /de bzhin du pad+ma'i khu tshur gnyis bskor zhing bcings la snying ga'i phyogs su gzung bar bya ste/ 'di ni pad+ma sgeg ma'i'o/ /de bzhin du pad+ma'i khu tshur gnyis bskor zhing bcings la dgod pa'i tshul gyis yongs su bskor zhing kha'i mthar gzung bar bya ste 'di
 ni pad+ma bzhad ma'i'o/ /de bzhin du pad+ma'i khu tshur gnyis bskor zhing bcings la kha las gyen du drang bar bya ste 'di ni pad+ma glu ma'i'o/ /de bzhin du pad+ma'i khu tshur gnyis bskor zhing bcings la gar gyi tshul gyis bskor bar bya ste 'di ni pad+ma gar ma'i'o/ /gar dang bral
 ba'i pad+ma'i khu tshur gnyis bcings te/ mdzub mo gnyis kyis lcags kyu gnyis byas te 'di ni pad+ma lcags kyu ma'i'o/ /pad+ma'i khu tshur gnyis bcings la g.yas pa'i mdzub mo'i lcags kyus g.yon pa'i mdzub mo bsgreng ba gzung bar bya ste/ 'di ni pad+ma zhags pa'i'o//
 pad+ma'i khu tshur gnyis bcings te mdzub mo dang mthe bo dag gis mdud pa bcing bar bya ste/ 'di ni pad+ma lcags sgrog ma'i'o/ /pad+ma'i khu tshur gnyis bcings te phan tshun du yang dag par sbyar la mthe chung srin lag gi nang du mthe bo gnyis bcug nas gzung
 bar bya ste 'di ni pad+ma'i dril bu las kyi phyag rgya yin no/ /de nas las kyi phyag rgya rnams zhes bya ba la las kyi tshogs sgrub par byed pa'i phyag rgya ni las kyi phyag rgya rnams te de dag brjod par bya'o zhes bya ba'i don to/ /pad+ma chen po bshad do zhes bya ba la bcom ldan 'das rdo rje 'jig
 rten dbang phyug gi dam tshig gi phyag rgya gang yin pa de ni pad+ma chen po zhes bya ba ste/ de bcings nas snying gar gzhag par byas na sgrib pa thams cad rnam par sbyong bar 'gyur ro/ /de nyid spyi bo zhes bya ba la pad+ma chen po de nyid bcings la spyi bo'i phyogs su gzung bar byas
 na thams cad bsrung bar 'gyur ro/ /de nyid rdo rje lta bas blta bar bya'o zhes bya ba la pad+ma chen po de nyid bcings la rdo rje lta bas blta bar byas na thams cad rjes su chags par 'gyur ro/ /de nyid sor mo thams cad la kha phye ba'o zhes bya ba la pad+ma chen po bcings la
 sor mo thams cad kha phye la pad+ma 'dab ma brgyad pa'i rnam pas gzung bar byas na ting nge 'dzin thams cad thob par 'gyur ro/ /de nyid rdo rje gnyis kyi mig go zhes bya ba la mdzub mos 'khyud pa'i dbus ma'i mig 'bras mthe bo dang sbyar ba zhes bya ba gang yin pa de ni rdo rje gnyis
 kyi mig ste 'dis bud med thams cad dbang du byed par 'gyur ro/ /'di nyid legs par byed pa'o zhes bya ba la pad+ma chen po bcings te mdzub mo dang mthe bo dag gis legs par sbyin pa'i tshul du bya ba ste 'dis skyes pa thams cad dbang du byed par 'gyur ro/ /de nyid dpral
 bar byas nas gsol ba gdab par bya'o zhes bya ba la/ pad+ma chen po dpral ba'i phyogs su gzung zhing gsol ba gdab par bya ste rmi lam 'debs pa grub par 'gyur ro/ /de nyid g.yon pa'i skye gnas su mthe bo'i rtags kyi ming la'o zhes bya ba la pad+ma chen po bcings te
 g.yon pa'i mdzub mo dang mthe bo skye gnas byas la skye gnas de la g.yas pa'i mthe bo 'og tu kha blta ba bcug ste/ mchog 'dod pa'i bsam pas snying po bzla bar bya ste/ de ltar byas na mchog thams cad bskyed par 'gyur ro/ /dpal mchog dang po'i rgya
 cher bshad pa shes rab kyi pha rol tu phyin pa 'byung ba zhes bya ba las dum bu gnyis pa rtsa ba'i rgyud las/ rdo rje 'jig rten dbang phyug gi phyag rgya'i rtog pa'i bshad pa rdzogs so// //de ltar rdo rje 'jig rten dbang phyug gi phyag rgya'i rtog pa bstan nas da ni nor bu'i rigs
 kyi phyag rgya'i rtog pa bstan par bya ba'i phyir de nas nor bu'i rigs kyi phyag rgya'i rgyud kyi cho ga rgyas pa'o zhes bya ba gsungs te/ de nas kyi sgra ni snga ma bzhin no/ /ji lta ba bzhin du bshad pa'i 'phags pa nam mkha'i snying po phyag na gnas pa'i yid bzhin gyi nor bu rin po
 che ni nor bu ste/ de'i rigs ni de las byung ba rin po che'i rigs so/ /de'i phyag rgya ni phyag rgya chen po la sogs pa'i phyag rgya rnams te ston par byed pa'i sgra'i tshogs ni rgyud do/ /de'i cho ga rgyas pa ni phyag rgya chen po la sogs pa'i rdzogs par byed pa'i rgyun no/ /rdo
 rje thal mo zhes bya ba la sogs pa la rdo rje'i thal mo bcings te mthe bo gnyis yang dag par sbyar nas mdzub mo'i rtse mo bsgreng bar byas la/ mdzub mo gnyis rtse mo phan tshun du sbyar te steng nas bkug pa rin po cher byas nas mthe bo'i rtse mo gnyis su sbyar ba byas te/ de
 nas mdzod spu'i phyogs su gzung bar byas na 'di ni rdo rje rin chen gyi phyag rgya ste 'di ni nor bu'i rigs kyi dkyil 'khor du gzhug par 'gyur ro/ /rdo rje rin chen gyi phyag rgya nyid kyi mdzub mo gnyis lcags kyus bcom ldan 'das nam mkha'i snying po 'khor dang bcas pa spyan
 'dren pa'i sngags dang bcas pas spyan drangs la dkyil 'khor du gzhug par bya'o/ /phyag rgya chen po la sogs pa'i phyag rgya thams cad bcing ba ni de bzhin no zhes bya ba la/ rdo rje sems dpa'i dkyil 'khor chen po las gsungs pa'i phyag rgya chen po dang / chos dang las
 kyi phyag rgya bcing ba bzhin du 'dir yang phyag rgya chen po dang / chos dang las kyi phyag rgya bcing ba shes par bya'o zhes bya ba'i tha tshig go/ /dam tshig ni rdo rje bsdams pa'i mdzub mo zhes bya ba la sogs pa la/ rdo rje bsdams pa bcings te mthe bo
 gnyis bsgreng ba'i rtse mo yang dag par sbyor ba'i tshul gyis gzung bar bya ste mdzub mo gnyis bsgreng la/ rtse mo phan tshun yang dag par sbyar te steng nas bkug cing rin po che byas la mthe bo'i rtse mo gnyis kyi steng du sbyar bar bya ste/ 'di ni 'phags pa nam mkha'i snying po'i dam tshig
 gi phyag rgya rdo rje nor bu zhes bya ba yin no/ /gzhan rnams ni de las byung ba'o zhes bya ba la 'phags pa nam mkha'i snying po'i dam tshig gi phyag rgya las byung ba'i rin po che yid las byung ba la sogs pa rnams kyi dam tshig gi phyag rgya rnams gzung bar bya'o/ /rin po che'i khu tshur zhes bya ba
 ni rdo rje bsdams pa bcings te mthe bo yang dag par sbyar zhing bsgreng bar byas la mdzub mo gnyis bsgreng ba'i rtse mo gnyis kyis rang gi mthe bo'i rtse mo yang dag par sbyar zhing gzung bar bya ste/ 'di ni rdo rje rin po che'i khu tshur zhes bya ba'i phyag rgya yin no/ /de gnyis su
 byas la/ nor bu'i khu tshur ro zhes bya ba la/ rdo rje rin po che'i khu tshur gnyis su byas na nor bu'i khu tshur gnyis su 'gyur ba yin no/ /'dis ni 'di skad bshad par 'gyur te/ g.yon pa'i rin po che'i khu tshur gyis rdo rje rin po che blangs nas g.yas pa'i khu tshur gyis nor bus
 mtshan pa'i rdo rje rtse lnga pa blangs te gsor la rang gi snying gar bstod pa'i tshul gyis gzung bar bya ste 'di ni 'phags pa nam mkha'i snying po'i phyag rgya chen po yin no/ /rin po che yid las byung ba la sogs pa rnams kyi yang rin po che'i khu tshur gnyis kyis rang rang gi phyag mtshan
 dang bcas pa ji lta ba bzhin du bris pa'i rjes su 'brangs te phyag rgya chen po bcing bar bya ba yin no/ /'phags pa nam mkha'i snying po'i dam tshig gi phyag rgya'i phyi rol du mngon par phyogs pa'i lcags kyu ni rin po che yid las byung ba'i dam tshig gi phyag rgya yin no/ /'phags pa
 nam mkha'i snying po'i phyag rgya nyid mthe bo gnyis kyis 'khyud pa ni kI li ki la'i'o/ /'phags pa nam mkha'i snying po'i phyag rgya chen po bcing ba nyid mthe bo gnyis kha phye la mdzub mo gnyis kyi rtse mo dbus ma dag gi rtse mo phan tshun 'dren cing mtha' ma dang srin lag
 mnyam par bya ste/ kha phye la rdo rje chu srin gyi rgyal mtshan bsgreng ba ni rin po che dran pa'i'o/ /'phags pa nam mkha'i snying po'i phyag rgya nyid brla gnyis la bskor zhing gzhag pa ni/ rin po che snyems pa'i'o/ /de nyid steng du gtor ba ni dpyid ka rin po che ma'i'o/ /'og tu blugs
 pa ni rin po che sprin ma'i'o/ /mthe bo gnyis sbyor zhing bskor ba ni ston ka rin po che ma'i'o/ /rab tu brkyang zhing byug pa dang / bskor zhing spyi bor gzhag pa zhes bya ba ni rin chen dgun ma'i'o/ /bskor zhing snying gar gzhag pa ni rin chen sgeg mo'i'o/ /yongs su bskor zhing
 dgod pa ni rin po che bzhad ma'i'o/ /kha las gyen du 'byin pa ni rin chen glu ma'i'o/ /de bzhin bskor nas gar byed pa ni rin chen gar ma'i'o/ /mdzub mo'i lcags kyu gnyis ni rin chen lcags kyu ma'i'o/ /g.yon pa'i mdzub mo g.yas kyis gzung ba ni rin chen zhags pa
 ma'i'o/ /mdzub mo'i mthe bong 'ching ba ni rin chen lcags sgrog gi'o/ /mthe bo mtha' ma'i nang du gzhag pa ni rin chen dril bu'i dam tshig gi phyag rgya yin no/ /rdo rje sems dpa'i dkyil 'khor chen po las gsungs pa nyid 'dir chos kyi phyag rgya rnams gzung bar
 bya'o/ /rin po che'i khu tshur gnyis bcings pa las kyi phyag rgya rnams bcing bar bya'o/ /g.yon pa'i rin po che bsnyems pas g.yas pa'i khu tshur gtod pa'i tshul gyis snying gar gzung bar bya ste 'di ni bcom ldan 'das kyi las kyi phyag rgya yin no/ /gzhu dang mda'
 gtod pa ni rin po che yid las byung ba'i'o/ /'og tu 'khyud pa ni rin po che kI li kI la'i'o/ /rgyal mtshan bsgreng ba ni rin po che dran pa'i'o/ /snyems pa gnyis gtod pa ni rin chen snyems pa'i'o/ /rin po che'i khu tshur gnyis bcings te sgeg pa dang bcas pas mtha' ma la
 sogs pa nas bkrol nas glog 'gyu ba'i gar gyis g.yas phyogs su bskor bas bskor te/ spyi bo'i phyogs su ka pu Ta'i thal mo kha sbyor ba bcings shing phab la rin po che'i khu tshur gnyis bskor zhing snying gar bcings nas me tog 'bul ba'i tshul gyis steng
 du gtor bar bya ste rin chen dpyid ka ma'i'o/ /de bzhin du rin po che khu tshur gnyis bskor zhing bcings te/ spos 'bul ba'i tshul gyis 'og tu ldugs par bya ste 'di ni rin chen sprin ma'i'o/ /de bzhin du rin po che'i khu tshur gnyis bskor zhing bcings te/ mar me 'bul ba'i
 tshul gyis mthe bor sbyar zhing bskor bar bya ste 'di ni rin chen ston ka ma'i'o/ /de bzhin du rin po che'i khu tshur gnyis bskor zhing bcings te/ snying ga'i phyogs su brkyang la dris byug pa'i tshul gyis rab tu sbyar te/ slar yang rin po che'i khu tshur gnyis bcings te/ spyi bo'i phyogs su
 bskor zhing gzhag par bya ste 'di ni rin chen dgun ma'i'o/ /de bzhin du rin po che'i khu tshur bskor zhing bcings nas snying ga'i phyogs su bskor zhing gzhag par bya ste/ 'di ni rin chen sgeg mo'i'o/ /de bzhin du rin po che'i khu tshur gnyis bskor zhing bcings nas dgod pa'i tshul
 gyis yongs su bskor la kha'i mthar gzung bar bya ste/ 'di ni rin chen bzhad pa ma'i'o/ /de bzhin du rin po che'i khu tshur bskor zhing bcings nas kha las gyen du drang bar bya ste/ 'di ni rin chen glu ma'i'o/ /de bzhin du rin po che'i khu tshur gnyis bskor zhing bcings nas
 gar gyi tshul gyis bskor bar bya ste 'di ni rin chen gar ma'i'o/ /gar dang bral ba'i rin po che'i khu tshur gnyis bcings la mdzub mo gnyis kyis lcags kyu gnyis byas te rin chen lcags kyu'i'o/ /rin po che'i khu tshur gnyis bskor zhing bcings nas g.yas pa'i mdzub mo
 lcags kyus g.yon pa'i mdzub mo bsgreng ba gzung bar bya ste/ 'di ni rin chen zhags pa'i'o/ /rin po che'i khu tshur gnyis bcings nas mdzub mo dang mthe bo dag gis mdud pa bcing bar byas te/ 'di ni rin chen lcags sgrog gi'o/ /rin po che'i khu tshur gnyis bcings la phan
 tshun yang dag par sbyar te rang gi srin lag dang mthe chung gi nang du mthe bo gnyis bcug la gzung bar bya ste 'di ni rin chen dril bu'i las kyi phyag rgya yin no/ /de nas las kyi phyag rgya rnams zhes bya ba la las kyi tshogs sgrub par byed pa'i phyag rgya rnams ni las kyi phyag rgya'o/ /rdo rje rin
 po che zhes bya ba la 'jug pa'i phyag rgya rdo rje rin chen bcings nas/ dbus ma gnyis kyi rtse mo sbyar te/ 'di dpral bar bzhag pas dbang bskur ba thams cad thob par 'gyur ro/ /kha sbyor byas nas zhes bya ba la sogs pa la 'jug pa'i kha sbyor thal mo bcings nas/ srin lag
 gnyis kyi rtse mo yang dag par sbyar zhing mtha' ma gnyis kha phye bar byas la bsgreng ste gzung bar byas na/ 'dis don thams cad 'thob par 'gyur ro/ /dbus ma'i nor bu zhes bya ba la rdo rje rin chen bcings te/ sor mo dbus ma gnyis kyis nor bu byas nas/ 'dis 'dod pa thams
 cad yongs su rdzogs par 'gyur ro/ /mthe'u chung gi rtse mo zhes bya ba la rdo rje rin chen bcings nas/ mthe'u chung gnyis yang dag par sbyar nas rtse mor byas na 'dis gter thams cad rnyed par 'gyur ro/ /'og tu gtor ba zhes bya ba la rdo rje rin chen bcings nas/ de'i 'og
 tu gtor bar byas na de ltar rdo rje'i dbang bskur ba thob par 'gyur ro/ /rdo rje bsdams pa las zhes bya ba la rdo rje bsdams pa bcings nas rdo rje bsdams pa de las phyag rgya gang dag byung ba de rnams kyi las rnams bya ba yin no/ /ji ltar zhe na/ mdzub mo'i nor bu brkyang ba'i phreng ba'o
 zhes bya ba la/ rdo rje bsdams pa bcings te mdzub mo gnyis kyi rtse mo yang dag par sbyar ba byas la phan tshun sbyar ba'i rtse mo'i steng nas bkug cing nor bur byas te de ltar na rdo rje'i dbang bskur ba thob par 'gyur ro/ /rdo rje'i dbang bskur ba snga ma las 'di khyad par ci yod ce na/ snga
 ma ni nor bus mtshan pa'i rdo rje rtse lnga pa'i dbang bskur ba yin la/ 'di ni rdo rje rin chen gyi cod pan gyis dbang bskur ba yin te/ khyad par ni 'di yin no/ /rdo rje rin po che gsum bdun dang logs bcing bar bya'o zhes bya ba rdo rje bsdams pa bcings te mthe bo dang mdzub mo dang
 dbus ma rnams kyis nor bu rin po che gsum byas te/ slar yang spyi bo dang rna ba gnyis kyi steng du gzung bar bya ste/ de ltar na byang chub sems dpa' chen po'i dbang bskur ba thob par 'gyur ro/ /rdo rje rin chen mdzod spu'i phyogs su bzhag ste mdzub mo'i
 rtse mos steng du mdud la/ dar dpyangs 'ching ba'i tshul du bya'o zhes bya ba la/ rdo rje bsdams pa las byung ba'i rdo rje rin chen gyi phyag rgya bcings la mdzod spu'i phyogs su bzhag ste mdzub mo gnyis kyi steng du mdud pa'i tshul du byas na dar dpyangs bcing ba'i rnam pa byas na
 'dis de bzhin gshegs pa'i dbang bskur ba thob par 'gyur ro/ /mthe bo gnyis kyis brtan pa'i skyil mo krung zhes bya ba la/ rdo rje bsdams pa bcings la mthe bo gnyis kyis brtan pa'i skyil mo krung byas te/ mdzub mo gnyis bsgreng ba bkug cing dbus ma'i sor
 mo gnyis kyis/ rtse mo'i tshigs gsum pa bkug la ral grir bya ba ni/ de bzhin gshegs pa thams cad kyi sku'i mchog ces bya ba'i phyag rgya 'dis spyi bo nas brtsams te/ mdun dang rna ba g.yas pa'i steng gi mgo bo'i steng dang rna ba g.yon pa'i steng du cod pan gyi tshul
 byas la/ slar yang mdun du phreng ba 'ching ba'i tshul gyis mdud pa bya'o/ /slar yang steng du bstan par bya'o zhes bya ba rna ba gnyis kyi steng du phreng ba chen po 'ching ba'i tshul du byas nas/ sgeg pa dang bcas pas mtha' ma la sogs pa dkrol te/ logs gnyis su dar
 dpyangs 'ching ba'i tshul du byas na/ rdo rje 'chang chen po'i dbang bskur ba thob par 'gyur ro/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba las dum bu gnyis pa/ rtsa ba'i rgyud kyi 'phags pa nam mkha'i snying po'i phyag rgya'i rtog pa
 bshad pa rdzogs so/ / //de ltar 'phags pa nam mkha'i snying po'i phyag rgya'i rtog pa bstan nas da ni bsdus pa'i dkyil 'khor [(]kyi [,]gyi [)]phyag rgya'i rtog pa bstan par bya ba'i phyir/ rdo rje thams cad kyi rtog pa thams cad ni gong du ji lta ba bzhin no zhes bya ba la/ ji ltar dpal rdo rje
 sems dpa'i dkyil 'khor chen po dang / de bzhin gshegs pa dang / rab tu dga' ba'i rdo rje khro bo dang / rdo rje 'jig rten dbang phyug dang / 'phags pa nam mkha'i snying po rnams kyi dkyil 'khor du phyag rgya gang bstan pa de nyid bsdus pa'i dkyil 'khor gyi phyag rgya chen po la
 sogs pa'i phyag rgya thams cad gzung bar bya ba yin no/ /bsdus pa'i dkyil 'khor gyi bshad pa rdzogs so// //de ltar bsdus pa'i dkyil 'khor gyi phyag rgya'i rtog pa bstan nas/ da ni phyi'i rdo rje'i rigs kyi phyag rgya'i rtog pa bstan par bya ba'i phyir/ de nas phyi'i phyag rgya
 shes par bya/ //zhes bya ba la de nas kyi sgra ni snga ma bzhin no/ /phyi ni 'jig rten las 'das pa'i ye shes las phyi rol du gyur pa rnam par rtog pa dang bcas pa'i shes pa can rnams kyi phyag rgya chen po la sogs pa rnams ni phyi'i phyag rgya ste de dag las nges pa'i shes pa'o/ /de
 bya ba ni skabs la bab pa'o/ /phyag rgya chen po ni g.yon pa kham phor dang g.yas su mda' gtod pa nyid las kyi phyag rgya'o zhes bya ba la ming po rnams ni lus ston par byed pa'i phyag rgya ni phyag rgya chen po ste/ de'i lag pa g.yon pas kham phor 'dzin pa dang / lag pa g.yas pa
 mda' gtod pa ste/ ming po gsum gyi phyag rgya yin no/ /'di nyid gar gyi tshul gyis de rnams kyi las kyi phyag rgya yin no/ /dam tshig 'jug pa zhes bya ba la ming po gsum gyi dkyil 'khor du dam tshig gi phyag rgya gang gis 'jug par 'gyur ba 'di ni dam tshig 'jug pa'i sgras
 bshad pa yin no/ /mdzub mo dang gung mo dang srin lag gshibs te rtse mo gsum par byas la mthe bo dang mthe chung gnyis kyi gdu bu gnyis lcags kyi lu gu rgyud ni ming po rnams kyi'o zhes bya ba mthe bo dang mthe chung rnams kyi lcags kyi lu gu rgyud bcings la mdzub mo dang gung mo
 dang srin lag gi sor mo drug gis rtse gsum par byas te/ 'di ni ming po rnams kyi rtse gsum gyis mtshan pa zhes bya ba'i dam tshig gi phyag rgya yin no/ /de nyid bcings la g.yas pa'i sdigs mdzub kyi lcags kyus ming po gsum 'khor dang bcas pa dkyil 'khor du gzhug par bya'o//
 ming po rnams kyi snying po kho na chos kyi phyag rgya yin no/ /de ltar ming po gsum gyi phyag rgya'i rtog pa bstan nas/ da ni sring mo bzhi'i bstan par bya ba'i phyir ji ltar bzung ba bzhin du lha mo rnams kyi phyag rgya'o zhes bya ba la bri ba'i cho gar ji ltar bstan pa de
 bzhin du sring mo bzhi'i phyag rgya chen po bcing ba shes par bya'o/ /gar gyi tshul gyis lha mo rnams kyi phyag rgya chen po nyid bcings na las kyi phyag rgyar 'gyur ro/ /dam tshig gi gung mo dang srin lag rdo rje bsdams pas so zhes bya ba la dam tshig ni dam tshig gi phyag rgya ste gung mo
 dang srin lag gi sor mo rnams kyi rdo rje bsdams pa bcings la/ rdo rje bsdams pa des g.yas pa'i mdzub mo g.yon pa'i gung mo'i rtse mo dang yang dag par sbyar ba dang / g.yon pa'i mdzub mo'i g.yas pa'i gung mo'i rtse mo dang yang dag par sbyar te/ g.yas pa'i srin lag
 gi rtse mo g.yon pa'i mthe'u chung gi rtse mor sbyar la/ g.yon pa'i srin lag gi rtse mo g.yas pa'i mthe'u chung gi rtse mo dang sbyar nas gzung bar bya ste/ 'di sring mo bzhi'i dam tshig gi phyag rgya yin no/ /'di nyid kyis spyan drang ba dang 'di nyid kyis dkyil 'khor du 'jug par bya'o/ /
 lhag ma ni go sla'o/ /de bzhin du chos kyi phyag rgya rnams ni snying po rnams nyid yin no/ /sring mo bzhi'i phyag rgya'i rtog pa'i bshad pa rdzogs so// //de ltar sring mo bzhi'i phyag rgya'i rtog pa bshad nas/ da ni lha ma yin gyi phyag rgya'i rtog pa bstan par bya ba'i phyir de nas
 zhes bya ba la sogs pa gsungs te sgyu ma'i 'khor lo zhes bya ba lha ma yin rnams kyi sgyu ma'i 'khor lo ni mtshan ma'i phyag rgya'o/ /ji lta bu zhe na g.yon pa'i steng du zhes bya ba la sogs pa la/ lag pa g.yon pa brkyang ba'i steng du lag pa g.yas pa brkyang ste 'og tu kha blta
 bar bzhag nas g.yon pa'i mthe'u chung gi tshigs gsum pa la/ g.yas pa'i mthe bong gi tshigs gsum pa'i nang du yang dag par sbyar bar bya ste/ g.yas pa'i mthe'u chung gi tshigs gsum pa la g.yon pa'i tshigs gsum pa'i nang yang dag par sbyar ba gzung
 bar bya ste 'di ni lha ma yin thams cad kyi dam tshig gi phyag rgya yin no/ /sgyu ma thams cad don yod par sgrub pa'o zhes bya ba la/ 'dis lha ma yin thams cad kyi sgyu ma nges par sgrub pa yin te/ de'i phyir don yod par sgrub pa'i phyag rgya 'di yin no/ phyag rgya 'di nyid kyis
 dkyil 'khor du 'jug par 'gyur ro/ /phyag rgya 'di nyid mdzub mo gnyis kyi lcags kyu gnyis byas nas spyan drang bar bya'o/ /lha ma yin gyi dkyil 'khor gyi phyag rgya'i rtog pa bshad pa rdzogs so// //de ltar lha ma yin gyi phyag rgya'i rtog pa bstan nas/ da ni klu'i dkyil
 'khor gyi phyag rgya'i rtog pa bstan par bya ba'i phyir/ gdengs ka can gyi dbang po zhes bya ba la sogs pa gsungs te/ gdengs ka can gyi dbang po ni klu yin la de rnams kyi phyag rgya ni 'di yin te/ lag pa gnyis brkyang la mthe bong gnyis phan tshun lcags kyur bcings nas
 lhag ma'i sor mo brgyad pa rnams kyis gdengs ka'i tshul gyis gdengs ka bsgreng bar byas te/ 'di ni lto 'phye chen po'i lag pa zhes bya ba'i phyag rgya yin te/ klu thams cad dgug pa dang / gzhug pa dang / bcing ba dang / dbang du byed pa'i dam tshig go/ /'di ci'i phyir zhe na/
 gal te 'das par byas na 'ching bar 'gyur ro zhes gsungs so/ /dbus ma dang srin lag ces bya ba la sogs pa la gung mo dang srin lag gi sor mo bzhi pos rdo rje bsdams pa nang du byas la mdzub mo dang mthe bo dag gis mgu ba'i tshul gyis steng du bsgreng bar byas na de ltar na dug
 thams cad 'bar bar 'gyur ba yin no/ /phyag rgya 'di nyid bcings la mdzub mo gnyis kyis dug thams cad blangs te dug bcing ba'i bsam [p]sa mdzub mo gnyis kyi rtse mor mthe bong gnyis kyi rtse mo gzung bar byas te/ 'dis dug thams cad 'ching bar 'gyur ro/ /de ltar
 dug yang dag par bsdus te mthe chung gnyis kyi rtse mos brdeg par byas te dug thams cad 'jig par 'gyur ro/ /'di nyid kyis zhes bya ba la mthe chung gnyis kyi rtse mo brdeg pas dug thams cad bza' ba dang pho ba dang dug med pa nyid du 'gyur ba yin no/ /phyag rgya bcing ba lhag
 ma rnams ni sngar bshad pa bzhin du shes par bya'o/ /klu'i dkyil 'khor gyi phyag rgya'i rtog pa'i bshad pa rdzogs so// //phyi rol gyi phyag rgya'i cho ga rgyas pa'i rgyud ces bya ba ji ltar bshad pa'i phyi rol gyi phyag rgya rnams kyi cho ga rgyas pa gang yin pa de
 ston par byed pa'i rgyud ni phyi rol gyi phyag rgya rgyas pa'i rgyud do/ /phyi rol gyi rdo rje rigs kyi phyag rgya'i rtog pa'i bshad pa rdzogs so// //de nas kyi sgra ni skabs la babs pa'o/ /rtog pa yang yin la thams cad kyang yin pas na rtog pa thams cad de/ ji ltar bshad
 pa'i rdo rje sems dpa'i rtog pa rnams so/ /de rnams bsgrub pa ni phyag rgya chen po la sogs pa'i phyag rgya thams cad rtog pa ste/ de'i don du phyag rgya gang yin pa de ston par byed pa'i rgyud ni rgyun de nyid kyi cho ga rgyas pa gang yin pa de bshad par bya ba ni bstan par bya ba yin no zhes bya ba
 la bcom ldan 'das bde ba chen po'i rdo rje gsang ba'i dam tshig rdo rje sems dpas gsungs so/ /de la zhes bya ba'i sgra ni dmigs kyis dgar ba'o/ /lnga zhes bya ba ni phyag rgya lnga'i rtog pa thams cad sgrub par byed do zhes bya ba'i don to/ /sku'i phyag rgya zhes bya ba re zhig sku'i
 phyag rgya rtog pa thams cad sgrub par byed pa yin no/ /sku'i phyag rgya de gang yin zhe na phyag rgya chen po zhes bya'o/ /phyag rgya chen po de rigs gang la rtog pa thams cad sgrub par byed pa yin zhe na/ rdo rje 'chang chen po'i rigs so/ /'dis ni 'di skad ston par 'gyur te phyag rgya chen
 po bcings la rdo rje sems dpa'i rigs la dngos grub gang bstan pa de rnams bsgrub par bya'o/ /dam tshig gi phyag rgya ni de bzhin gshegs pa'i rigs la zhes bya ba la dam tshig gi phyag rgya bcings la/ de bzhin gshegs pa'i dkyil 'khor las gsungs pa'i dngos grub
 thams cad bsgrub par bya'o/ /rdo rje hUM mdzad ni rdo rje'i rigs so zhes bya ba la/ rdo rje hUM mdzad bcings te rab tu dga' ba'i rdo rje khro bo'i rtog pa las gsungs pa'i dngos grub thams cad bsgrub par bya'o/ /pad+ma chen po ni pad+ma'i rigs so zhes bya ba la/ pad+ma chen po bcings la
 rdo rje 'jig rten dbang phyug gi rtog pa las gsungs pa'i dngos grub rnams bsgrub par bya'o/ /rdo rje nor bu rin po che ni nor bu'i rigs la'o zhes bya ba la bcom ldan 'das 'phags pa nam mkha'i snying po'i rdo rje bsdams pa las byung ba'i rdo rje rin po che'i phyag rgya ni rdo rje nor bu rin po
 che ste/ de bcings la 'phags pa nam mkha'i snying po'i rigs las gsungs pa'i dngos grub rnams bsgrub par bya'o/ /'dis ni cho ga rgyas pa'i 'jigs pas 'jigs pa rnams la/ phyag rgya re res rang gi rigs las byung ba'i dngos grub thams cad bsgrub pa'i phyir man
 ngag bstan pa yin no/ /rang gi ngag gi sngags kyi bzlas pa bya zhing dngos grub thams cad bsgrub pa'o zhes bstan par bya ba'i phyir/ de nas gsung gi phyag rgya lnga po ni zhes bya ba gsungs te/ de nas kyi sgra ni snga ma bzhin no/ /rdo rje sems dpa' dang / de bzhin gshegs pa
 dang / rdo rje'i rigs dang / pad+ma dang nor bu'i rigs kyi gsung gi dbye bas gsung gi phyag rgya lnga po yin no/ /snyan pa'i glu zhes bya ba la sogs pa la/ snyan pa'i glu ni de las mkhas pa las shes par bya'o/ /rab tu dga' ba'i rdo rje'i ngag ni/ rdo rje sems dpa'i rigs la
 ste 'dis sngags brjod cing rdo rje sems dpa'i rigs kyi zlos pa pos phyag rgya la sogs pa bsgrub par bya'o/ /lce dang mchu gnyis cung zad g.yo ba gang la yod pa de ni lce dang mchu gnyis shin tu g.yo ba ma yin pa ste/ so dang mchu shin tu ma 'byar ba dbyangs bdun dang bral
 ba'i sgra dang mi ldan pa de ni rdo rje'i ngag ste/ de bzhin gshegs pa'i rigs la'o/ /rigs thams cad la dgos pa zhes bya ba la rdo rje sems dpa'i rigs la yang 'dir bzlas par bya ba yin no/ /gang gi phyir 'dis kyang thams cad kyi dngos grub thob par 'gyur ba de'i
 phyir/ sprin gyi 'brug sgra'i yi ge hUM zhes bya ba la sprin bzhin du yi ge hUM 'brug sgra gang las byung ba de ni sprin gyi 'brug sgra'i yi ge hUM ngo / /phra mo sgra dang ldan pa zhes bya ba la cung zad tsam gyi sgra gang la yod pa de ni sgra phra mo dang ldan pa ste/ khro bo'i rdo rje zhes bya ba gsung rdo rje'i
 rigs la'o/ /ting nge 'dzin gyi ngag pad+ma'i rigs so zhes bya ba la gzhan du ni mi g.yeng ba'i sems kyis yid kyis bzlas pa ni ting nge 'dzin gyi ngag go/ /rang bzhin gyis dag pa'i pad+ma zhes bya ba la/ chos thams cad rang bzhin gyis dag pa'o zhes pa'i
 bsgom pa gang yin pa de ni pad+ma ltar dngos por 'dzin pa'i zhen pa dang bral ba yin la/ de'i phyir rang bzhin gyis dag pa'i pad+ma zhes bya bar brjod pa yin te/ rang bzhin gyis dag pa la lhag par mos pa'i rang bzhin can no zhes bya ba'i tha tshig go /chos kyi ngag ni nor bu'i rigs la'o
 zhes bya ba la nor bu'i rigs kyi sgom pas sems can thams cad kyi bsam pa yongs su rdzogs pa'i chos so/ /de ston par byed pa'i ngag gi chos so/ /de nyid so sor rtogs pa'i mchod pa'i nor bu'i rigs bskyed pa'i rgyur 'gyur ba dang / de ltar ston par byed pa dang / de dang rgyu mthun pa ste/
 de'i phyir mchod pa'i nor bu'o/ /'dis ni 'di ltar ston par 'gyur te/ nor bu'i rigs la lhag par mos pa'i rang bzhin can gyi smra bar 'dod pa ni chos kyi ngag ces bya bar brjod pa yin no/ /de nas thugs kyi phyag rgya lnga'o zhes bya ba la/ de nas kyi sgra ni snga ma bzhin
 no/ /bsgom par bya ba'i rang bzhin can gyi phyag rgya rnams ni thugs kyi phyag rgya ste/ sems kyi dmigs pa'i yul rnams so zhes bya ba'i don to/ /de rnams kyang rigs kyi dbye bas lngar 'gyur ro/ /thams cad bsgrub par bya ba ni rdo rje sems dpa'i bsgom pa'o
 zhes bya ba la/ rdo rje sems dpa'i rigs kyi rnal 'byor pas rdo rje sems dpa' la sogs pa'i phyag rgya chen po dang / dam tshig dang / chos dang las kyis phyag rgya rnams dang / byang chub kyi sems kyi rang bzhin dang / byang chub kyi sems kyi rgyu mthun par 'gyur ba
 bsgom zhing bdag gam gzhan la yid bzhin gyi nor bu dang / bum pa bzang po la sogs pa'i rdzas thams cad rdo rje sems dpa'i rang bzhin du bsgom zhing bsgrub par bya'o/ /sangs rgyas rjes su dran pas de bzhin gshegs pa'i rigs la'o zhes bya ba la bcom ldan
 'das rnam par snang mdzad kyi rigs ni de bzhin gshegs pa'i rigs te/ de bzhin gshegs pa'i rigs de las bsgrub par bya ba thams cad gnyis su med pa'i sems las byung ba'i rang bzhin dang / de bzhin gshegs pa'i rang bzhin dang / de dang rgyu mthun par
 gyur pa rdo rje mtshon cha ma la sogs pa'i rang bzhin du de'i rigs kyi rnal 'byor pas bsgom par bya ba yin no/ /bdag gam bdag gis mdun du gsad par bya'o zhes bya ba la/ rdo rje'i rigs la'o zhes bya ba la bdag ni bdag nyid de 'khor ba'i dngos po'o/ /de nyid
 rdo rje'i rigs kyi rang gi bdag nyid la lhag par mos pas mi snang bar byed pa'o/ /yang na mdun du bum pa bzang po la sogs pa bsgrub bya rdo rje'i rigs kyi rang bzhin du byed pa ni gsod pa ste de ltar bsgom zhing rdo rje'i rigs kyi zlos pa pos bzla bar bya ba yin no/ /
 bdag gis sbyang bar bya'o zhes bya ba la pad+ma'i rigs so zhes bya ba la rang bzhin gyis dag pa'i sgom pa gzung ba dang / 'dzin pa'i rnam par rtog pa'i dri ma bdag nyid dam mdun du sbyang bar bya ste/ sel bar byed pa'o zhes bya ba 'di ltar pad+ma'i rigs kyi zlos pa pos
 bsgom par bya zhing bzla bar bya ba yin no/ /nam mkha' thams cad kyi bsgom pas nor bu'i rigs la'o zhes bya ba dang / nor bu'i rigs kyi rnal 'byor pas ni nam mkha'i snying po la sogs pa rnams gzugs brnyan dang mnyam pa dang / nam mkha' dang mtshungs par
 bsgom par byas te bsgom pa 'dis ni nor bu'i rigs la bzlas pa bya ba yin no/ /de nas rdo rje'i phyag rgya lnga po zhes bya ba la rigs lnga'i dbang bskur ba'i mtshan ma ni rdo rje'i phyag rgya de nyid rigs kyi dbye bas rnam pa lngar 'gyur ba yin no/ /rdo rje rtse lnga pa zhes bya ba la
 sogs pa la rtse lnga pa'i rdo rje ni rtse lnga pa'o/ /'di nyid bstan par bya ba'i phyir rdo rje rtse mo zhes bya ba gsungs te/ 'od zer gyi phreng bas yongs su khyab pa ni rtse mo'i 'od zer gyi phreng ba dang ldan pa'o/ /dang po zhes bya ba ni bskal pa bzang po nas snga nas gnas pa'o/ /bde
 ba chen po'i rgyu mthun pa dang / bde ba chen po ston par byed pa dang / bde ba chen po thob par byed pas na bde ba chen po'i rdo rje ste/ de lta bur gyur pa'i rdo rje de rdo rje khu tshur gyis blangs te/ rdo rje sems dpa'i rigs la dbang bskur bar bya ba yin no/ /rdo rje
 rtse lnga pa 'od zer dang bcas pa de bzhin gshegs pa'i khu tshur blangs te/ de bzhin gshegs pa'i rigs la dbang bskur bar bya'o/ /'bar ba'i khro bos rdo rje rtse bzhi pa khro bo'i khu tshur gyis blangs te rdo rje'i rigs la mtshan ma'i dbang bskur bar bya'o/ /'dab ma bcu drug
 pa'i 'dab ma'i lte bar gnas pa'i de bzhin gshegs pa'i rdo rje pad+ma'i khu tshur gyis blangs te/ pad+ma'i rigs las mtshan ma'i dbang bskur bar bya'o/ /rdo rje rtse lnga pa rtse mo'i phyogs su gnas pa las phyed yid bzhin gyi nor bu rin po che'i nang du zhugs pa'i rdo rje phyed pa ni rdo rje
 rin chen steng du nor bu'i khu tshur gyis blangs te/ nor bu'i rigs la dbang bskur bar bya ba yin no/ /de ltar rigs thams cad kyi phyag rgya'i dbang bskur ba bstan nas/ da ni rdo rje sems dpa'i dam tshig gi snying po'i thugs kyi las kyi phyag rgya'i tshul gyis dngos grub
 gang 'dod pa de nyid rnal 'byor pas bsgrub par bya ba'o zhes bstan par bya ba'i phyir/ de nas rigs thams cad ces bya ba la sogs pa gsungs te/ de nas rigs thams cad kyi rtog pa'i sgrub pa thams cad kyi rgyud 'dir bshad par bya'o zhes bya ba dang sbyar ro/ /de
 nas kyi sgra ni snga ma bzhin no/ /rigs thams cad kyi rdo rje sems dpa' dang / de bzhin gshegs pa dang / rdo rje dang / pad+ma dang / nor bu'i rigs te/ de rnams kyi rtog pa ni ji ltar bshad pa'o/ /de rnams kyi sgrub pa'i rgyu gang yin pa de'i khyad par bstan pa'i
 phyir/ gsang ba zhes bya ba la sogs pa gsungs te skye bo thams cad kyi mngon sum ma yin pa'i phyir gsang ba'o/ /gang gis kyang dgag par mi nus pa'i phyir thogs pa med pa'o/ /'dod pa'i dngos grub nges par sgrub par byed pa'i phyir don yod pa'o/ /rgyu de 'di
 ltar gyur pa ci'i phyir zhe na/ de kho na nyid kyi bden pa'o zhes bya ba la sogs pa la/ byang chub kyi sems kyi sgra'i rjes su 'gro ba'i shes rab rang bzhin gyis dag pa'i ye shes kyi rang bzhin gyis 'od gsal ba'i rnam par thar pa'i sgo rnams ni/ de kho na nyid kyi bden
 pa yin la de'i mchog ni phul du byung ba ste/ myur du dngos grub stsol ba'i rdo rje sems dpa'i dam tshig gi snying po rjes su chags pa'i las kyi phyag rgya gang yin pa de rnams kyi cho ga rgyas pa ni/ dam tshig gi phyag rgya la sogs pa nges par bsgrub pa'i rgyun no/ /de nyid
 'dod pa'i dngos grub thams cad bsgrub pa'i rgyun yin pas na/ de'i gsang ba dang / thogs pa med pa dang / don yod pa'i rgyud yin no/ /de bshad par bya ba'i zhes bya ba ni bcom ldan 'das rdo rje sems dpas de skad gsungs pa'o/ /de ji lta bu yin zhe na/ rdo rje
 sems dpa' zhes bya ba la sogs pa bcom ldan 'das rdo rje sems dpa'i phyag rgya chen po ni rdo rje sems dpa'i phyag rgya chen po ste/ gang yin pa des rtog pa thams cad las gsungs pa'i dngos grub thob par 'gyur ro/ /de gang zhe na/ bde ba chen po rdo rje gsang ba'i
 dam tshig go zhes bya ba dang po'i rdo rje ni bde ba chen po'i dam tshig ces bstan pa yin no/ /'dis ni 'di ltar bstan par 'gyur te/ dang po'i rdo rje bcings la dngos grub gang dang gang bsgrub par 'dod pa de dang de bsgrub par bya ste/ don yod pa'i de dang de'i dngos grub
 thob par 'gyur ro/ /gsung gi phyag rgya ni snying po zhes bya ba la/ rdo rje sems dpa'i snying po ni gsung gi phyag rgya ste/ de bzla zhing rigs thams cad las gsungs pa'i 'dod pa'i dngos grub bsgrub par bya'o/ /thugs kyi phyag rgya nye ba'i snying po zhes bya ba la/
 dngos grub gang dang gang sgrub par byed pa de dang de a nu rA ga ya mi zhes bya ba'i bzlas pa'o/ /don shes pa bsgrub par bya ste/ de ltar na rigs thams cad las gsungs pa'i dngos grub rnams thob par 'gyur ro/ /rdo rje'i phyag rgya rdo rje snyems ma'i'o zhes
 bya ba la/ rdo rje sems dpa'i las kyi phyag rgya ni rdo rje snyems ma ste/ de bcings la rigs thams cad las gsungs pa'i ji ltar mngon par 'dod pa'i dngos grub rnams sgrub par byed pa yin no/ /de ltar rdo rje sems dpa'i phyag rgya bzhi pos rtog
 pa thams cad las gsungs pa'i dngos grub sgrub par bstan nas/ da ni rigs dang rigs su blta ba'i las kyi dngos grub bstan par bya ba'i phyir/ phra mo'i las kyi phyag rgya zhes bya ba la sogs pa gsungs te/ de nas kyi sgra ni snga ma bzhin no/ /phra mo yang
 de yin la las kyi phyag rgya yang de yin pas na/ phra mo'i las kyi phyag rgya rnams te blta ba'i phyag rgya'o/ /de rnams kyi rgyud kyi khyad par ji lta bu yin zhe na/ don yod cing thogs pa med pa gang yin pa de skabs su bab pa'o/ /ma mchu'i sgros so rnams kyis bzung
 nas zhes bya ba la/ rdo rje sems dpa'i rigs sam/ gnod sbyin mo la sogs pa'i bsgrub bya mdun du bkug pa de la/ tsum+ba na'i bsam pas bdag nyid kyi ma mchu so rnams kyis gzung bar bya ste de yang rdo rje'i lta bas blta zhing bzlas pa'am bsgom pa byas na thams cad
 rjes su chags pa dang / dbang du byed pa dang rol pa dang / brtan par byed pa'i dngos grub kyi mtshan ma thob na skad cig mas so sor nyams su myong bar byed pa yin no/ /sgrub pa la 'jug pa de rigs gang las she na rdo rje sems dpa'i rigs las so/ /rdo rje phra mo zhes bya ba
 la sna'i rtse mo nas 'bras kyi tshad tsam gyi rdo rje rtse lnga pa'i rnam pa can/ sems rtse gcig pa nyid ni phra mo'i rdo rje ste de dang lhan cig tu zhi ba la sogs pa'i lta ba 'dom gang tsam du blta ba gang yin pa de ni zhi ba'i lta ba 'dom gang gi tshad du khyab par byed pa des de bzhin gshegs pa
 thams cad kyi tshul khrims la sogs pa'i dngos grub thob par 'gyur ro/ /lta ba 'di ni rigs gang zhe na/ de bzhin gshegs pa'i rigs las skyes/ /zhes bya ba la de bzhin gshegs pa'i rigs las byung bas na de bzhin gshegs pa'i rigs las skyes pa'o/ /khro
 bo ston par byed pa'i dpral ba'i phyogs kyi ri mo ni khro gnyer te de dang bcas pa'i khro bo ni rdo rje sems dpa'i rigs te zhe sdang ngo / /des mi bzad pa ste 'jigs par byed pa'i lta ba gang yin pa de byas la shin tu ma mgal bsdams pa'i rnal 'byor gang yin pa de rdo rje rigs kyi lta
 bas las rnams byed na thams cad ltung ba dang / dbab pa dang / rengs pa dang / gnyid log tu gzhug pa dang / rgyas btab pa dang / gsod pa dang / gzhan gyi dpung gzhig pa rnams kyi mtshan ma thob na/ skad cig mas thams cad las rnam par rgyal ba'i dngos grub
 thob par 'gyur ro/ /lta ba 'di rigs gang las she na/ rdo rje'i rigs kyi khro bo rdo rje lta ba'o zhes bya ba la/ khro bo rdo rje ni rdo rje'i rigs te de'i lta ba ni khro bo rdo rje'i lta ba'o/ /mig ma btsums pa zhes bya ba la sogs pa la/ btsums pa med pa'i brtan pa'i rdo rje'i lta bas
 blta ba'i rnal 'byor pas mchu gnyis mnyam par sbyar nas bzlas pa byas na sgrib pa thams cad sbyang ba dang / bsrung ba dang / ting nge 'dzin mngon du gyur pa'i dngos grub kyis grub par 'gyur ro/ /rigs gang la zhe na/ pad+ma'i rigs la'o/ /'bar ba'i lta bas zhes
 bya ba la sogs pa la mang du rab tu g.yo ba mig gi rdzi ma 'dren pa'i mig gis 'bar ba'i lta bas bzhad pa'i rnal 'byor pas/ dbang bskur ba thams cad dang don thams cad dang / rdzogs pa dang / mchod pa'i cho ga thams cad rgyas pa'i dngos grub myur du thob par 'gyur
 ro/ /de ltar phyag rgya thams cad bcings pa'i mtshan nyid bstan nas da ni rang gi lha'i snying po brjod cing dam tshig gi phyag rgya rnams kyi phyag rgya thams cad bcing bar bya'o zhes bya ba'i don 'di rab tu bstan par bya ba'i phyir/ de nas phyag rgya thams cad bcing ba sgrub pa'o
 zhes bya ba gsungs te/ phyag rgya yang yin la thams cad kyang yin pas na phyag rgya thams cad de dam tshig gi phyag rgya la sogs pa'i phyag rgya rnams so/ /de rnams bcing ba ni phyag rgya thams cad bcing ba'o/ /de bsgrub pa ni rang nyid la dbang du bya ba'i phyir/ rang gi
 lha'i snying po bzla ba'o/ /nyin re zhes bya ba ni zhag re re la'o/ /sngon du ni snga ma'i thun mtshams kyi dus su'o/ /lan cig ni lan cig go/ /rang gi lha'i snying pos rang nyid bsgrub pa ni bdag nyid bsgrub pa'o/ /rang nyid bsgrub pa 'dis cir 'gyur zhe na/ rang
 gi bcings nas mdor bsdus pas/ /phyag rgya thams cad 'grub par 'gyur/ /zhes bya ba la 'dis ni 'di skad ston par 'gyur te/ rang gi lha'i phyag rgya gang dang gang bcings te de dang de rang gi lha'i snying po brjod cing bcing bar byas na/ 'di ltar phyag rgya de dang rang nyid dam tshig gi bcing
 bas bcings nas sgrub pa po de'i dbang du 'gyur ba yin no/ /'dod pa'i dngos grub thams cad kyang 'byung ngo / /de ltar rang gi lha'i snying po brjod pas/ dang por phyag rgya thams cad bcings te/ phyi nas rang gi lha'i snying po a nu rA ga ya mi zhes pa 'di dang bcas par
 bzlas na de rnams grub par 'gyur ro zhes bya ba'i don 'di bstan par bya ba'i phyir/ de nas phyag rgya thams cad kyi gsang ba bsgrub pa zhes bya ba la sogs pa gsungs te/ phyag rgya chen po la sogs pa'i rigs thams cad kyi phyag rgya rnams kyi gsang ba bsgrub pa/ a nu
 rA ga ya mi zhes bya ba'i snying po 'di dang bcas pa'i rigs thams cad kyi snying po brjod par bya'o/ /snying po phyag rgya sngags rig pa/ /zhes bya ba la snying po ni dkyil 'khor chen po las gsungs pa'i rigs dang rigs su sngags kyi yi ge rnams so/ /phyag rgya ni gzungs so/ /
 sngags ni chos kyi dkyil 'khor las gsungs pa'i yi ge rnams so/ /rig pa ni las kyi dkyil 'khor las gsungs pa'i phyag rgya chen po dang / chos dang las kyi phyag rgya rnams kyang snying po sngags dang phyag rgya dang / rig par brjod pa yin te/ snying po sngags dang
 phyag rgya dang / rig pa 'di rnams bsgrub pa 'di ni rjes su chags pa'i mtshan nyid can nye ba'i snying po'o/ /de nyid rmad du byung ba ni sngon ma byung ba'i phyir ro/ /'di nyid bstan par bya ba'i phyir/ /ci nus ci 'dod bzlas pa yi/ /nye ba'i snying po gsang ba'o/ /zhes bya ba la gang
 zhig 'di ci nus pa dang / yid kyis mngon par 'dod pa'i bzlas pas gsang ba ste/ rjes su chags pa'i dngos po nye ba'i snying po sgrub pa bstan pa de ni rmad du byung ba'i sgrub pa yin no/ /de ci'i phyir zhe na/ don yod ces bya ba la don yod thogs med gsang ba ni phyag rgya rnams
 so/ /grub pa ni de dag grub pa'o/ /ji ltar zhe na rang bzhin zhes bya ba ste rang bzhin gyis so/ /de bzhin du rjes su chags pa sgrub pa'i rnam pa des bsod nams dang mi ldan pa'i sgrub pa po sdig pa dang ldan pa rnams kyi yang phyag rgya chen po la sogs pa'i rigs thams cad
 kyi phyag rgya rnams dngos grub thams cad 'grub par 'gyur te/ de'i phyir phyag rgya thams cad sgrub pa 'dis rmad du byung ba yin no/ /dkyil 'khor du ma zhugs pa rnams la snying po mchog ni sbyin par mi bya'o zhes bya ba la rdo rje sems dpa' la sogs pa'i snying po
 dkyil 'khor du ma zhugs pa rnams la sbyin par mi bya'o/ /gsang zhing gsang ba'i rgyud de ni/ /zhes bya ba la/ yang dpal mchog dang po'i rgyud 'di gsang zhing gsang ba'i dkyil 'khor du ma zhugs pa rnams la bstan par mi bya'o/ /gal te dngos grub yid 'ong
 'dod/ /ces bya ba la gal te slob dpon des dpal mchog dang po'i dngos grub shin tu yid du 'ong ba 'dod na de'i tshe dkyil 'khor du ma zhugs pa rnams la sbyin par mi bya'o/ /gang gi khyim du gnas gyur pa/ /zhes bya ba la sogs pa ni go sla'o// //de ltar dum bu
 gnyis pa'i rtsa ba'i rgyud bstan nas/ da ni de nyid dang dum bu dang po las gsungs pa'i rtsa ba'i rgyud kyi rtog pa thams cad bsdu ba'i phyir/ sems can thams cad bde don du/ /zhes bya ba la sogs pa gsungs te/ de la sems can thams cad kyi bde ba 'jig rten
 dang 'jig rten las 'das pa ste de'i don du'o/ /de bzhin du bstan pa thams cad ni de bzhin gshegs pa'i bka' phan pa dang bde ba'i don du gnyer ba rnams kyi bya ba 'di yin no zhes bya'o/ /de grub pa ni gdul bya rnams kyis de'i rjes su 'brang bas te/ de'i don du
 'jig rten gyi khams thams cad kyi rdul phra rab dang mnyam pa'i sangs rgyas thams cad de/ de bzhin gshegs pa rnams byang chub sems dpa' sras dang bcas pas/ bcom ldan 'das rdo rje mchog 'dzin pa rdo rje 'chang chen po de la 'di skad ces
 zhus so/ /bde ba chen po rab grub phyir/ /zhes bya ba ni gdul bya rnams kyis so/ /chags pa chen po rnam dag phyir/ /zhes bya ba ni de dag nyid kyis so/ /rtog pa thams cad bsdus pa'i rgyud/ /sems dpa' chen po bshad du gsol/ /zhes bya ba la rdo rje sems
 dpa' la sogs pa'i rigs lnga'i rtog pa rnams bsdus pa ni rtog pa thams cad bsdus pa ste/ de dang der bstan pa'i rtog pa la sogs pa'i sgra thams cad kyi don gdul bya rnams kyis gzung ba'i don zhes bya ba'i tha tshig go/ /de ston par byed pa'i rgyud ni ming gi
 rnam grangs kyi sgo nas don ston par byed pa'i sgra'i tshogs gsungs shig ces bya ba la de bzhin gshegs pa sras dang bcas pa rnams kyis bcom ldan 'das rdo rje 'chang chen po la zhus pa'o/ /rnam rtog med pa'i chos rnams la/ /zhes bya ba nas brtsams te/
 bdag cag rnams la bshad du gsol/ /zhes bya ba'i bar gyis mdor bstan pa'i gzhung gis zhus pa yin no/ /de nas kyi sgra ni de ma thag pa la ste de bzhin gshegs pa thams cad kyis zhus pa'i rjes thogs nyid la'o/ /sems can thams cad kyi don du de
 bzhin gshegs pa thams cad kyi rtog pa rnams bsdus pa dris pa'i bka' grub pa bstan pa'i don yod par gzigs nas zhal shin tu rnam par bzhad pa'o/ /dam tshig chen po thams cad kyi de kho na nyid kyi rdo rje zhes bya ba rnam par gnon pa mdzad nas zhes bya ba la/
 dam tshig chen po yang yin la thams cad kyang yin pas na dam tshig chen po thams cad de/ rigs thams cad gnyis su med par shes pa'o/ /de kho na nyid kyis ni rigs lnga'i de kho na nyid bcu'i bdag nyid do/ /de nyid de bzhin nyid rdo rje ltar mi phyed pa'i phyir rdo rje ste/
 de'i ming can gyis rnam par gnon pa'i rigs lngar sprul pas sems can gyi don mdzad nas 'di zhes bya ba ni thugs la gnas pa'i rtog pa thams cad ji lta ba bzhin du shes pa'i rgyud phyi ma ste/ mchog tu gyur pa'i sgra'i tshogs bcom ldan 'das rdo rje 'chang chen pos gsungs pa
 yin no/ /de la phyag rgya chen po la sogs pa'i rtog pa nges par shes pas dngos grub thob par 'gyur ro zhes bya ba'i don 'di rab tu bstan par bya ba'i phyir/ de la rnam par mi rtog pa'i rtog pa khyab pa'i rgyud 'di yin no zhes bya ba gsungs te/ de la zhes bya ba'i sgra ni dmigs kyis
 dgar ba'am/ ngag nye bar dgod pa la blta bar bya'o/ /'di zhes bya ba ni snga ma bzhin no/ /rnam par mi rtog pa ni rtog pa med pa'i ting nge 'dzin te/ de las sngon goms pa'i stobs kyis 'byung ba'i dkyil 'khor la sogs pa sgrub pa'i rnam par rtog pa ni rnam par mi rtog
 pa'i rtog pa'o/ /de khyab pa ni gdul bya skye bo'i rgyud la so sor gtad pa'i don du sgra'i tshogs ni 'dir khyab pa'i rgyud yin no/ /de bzhin gshegs pa rnams kyis gzung ba dang 'dzin pa'i rtog pa bral ba'i chos bdag med pa'i ting nge 'dzin rnam par mi rtog pa'o/ /ni'i
 sgra ni nges par bzung ba ste rnam par mi rtog pa'i ting nge 'dzin de nyid las so/ /sems can don ni yongs su brtag /ces bya ba la phyag rgya chen po la sogs pa'i dngos grub sems can rnams kyi don du gnyer bar byas na sems can gyi don no/ /sems can gyi don de yongs
 su ni phyogs bcu kun du sangs rgyas bcom ldan 'das rnams kyi rab tu 'jug pas na yongs su brtag par brjod pa yin no/ /yongs su brtag pa'i rgyud de'i phyir/ des na rtog pa bshad pa ste zhes bya ba la/ rtog pa las byung ba'i rgyud de nyid kyi phyir phyag rgya chen po la
 sogs par ston par byed pa'i sgra'i tshogs ni rtog pa zhes bya ste/ de bshad pa ni brjod pa yin no/ /rtog pa yongs su dag phyir ro/ /zhes bya ba la sogs pa gdul bya rnams kyi rnam par rtog pa spang ba'i phyir ro/ /'dis ni 'di skad ston par 'gyur te/ sangs
 rgyas bcom ldan 'das rnams ni rtag tu mnyam par gzhag pa ste/ sngon gyi 'phen pa'i shugs kyi dbang gis bstan pa la 'jug pa yin no/ /slar yang gdul bya rnams la ni/ 'di ltar rtog pa 'byung ba yin te/ bcom ldan 'das ni rnam par
 rtog cing rnam par dpyad nas tshig tu gsung ba yin gyi rnam par rtog pa dang / rnam par dpyod pa med pas ni ma yin no/ /de ltar bstan pa'i phyag rgya chen po la sogs pa'i sgom pa po rnams rnam par mi rtog pa'i ting nge 'dzin rtog pa'i phyir slob bzhin pa rnams kyi rnam par rtog
 pa dang bral ba'i ting nge 'dzin yin no/ /de bas rtog pa yongs su dag pa'i phyir rtog pa bshad pa yin no/ /de ltar phyag rgya chen po la sogs pa'i rtog pa shes pa bstan nas/ da ni snying po'i rgyud shes pas dngos grub thob pa yin gyi rnam pa gzhan gyis ni ma yin no zhes
 bstan par bya ba'i phyir/ de la bde ba chen po zhes bya ba la sogs pa gsungs te/ bde ba chen po rdo rje gsang ba'i dkyil 'khor ni/ rigs thams cad kyi dkyil 'khor yin la/ de ston par byed pa'i rgyud ni 'di yin te/ sa la yi ge gnas
 bris nas/ /zhes bya ba la/ ji ltar bshad pa'i mtshan nyid can gyi dkyil 'khor gyi sa gzhi la/ kha dog dbyibs kyis bdag nyid can gyi dkyil 'khor bri bar bya'o/ /ji lta bu yin zhe na/ yi ge'i gnas ni yi ge'i gnas te rten no/ /'gyur ba med pa chos kyi
 dbyings mngon du byed pa'i thabs so/ /bde ba chen po zhes brjod do/ /zhes bya ba la bde ba chen po thob par byed pa'i thabs dang / bde ba chen po'i rgyu dang mthun pa dang / bde ba chen po ston par byed pa nyid kyi phyir/ kha dog dang dbyibs kyi bdag nyid kyi dkyil 'khor
 de nyid bde ba chen po zhes bya bar brjod pa yin no/ /de'i dam tshig rdo rje zhes bya ba la gang zhig bde ba chen po'i snying po yi ge bcu bdun po nyid ni mi phyed pa'i phyir ro/ /rdo rje de nyid rigs thams cad kyi dkyil 'khor de'i dam tshig ni bskyed pa'i rgyu yin no/ /de ji lta bu zhe na/ snying po
 thams cad sgrub par byed po'o zhes bya ba la rnam par mi rtog pa'i ye shes byang chub chen po'i mtshan nyid can gang yin pa de ni snying po ste/ de las byung ba'i yi ge bcu bdun gyi bdag nyid can nye bar btags pa'i snying po'o/ /de nyid 'jig rten dang 'jig rten las 'das pa'i
 dkyil 'khor thams cad rdzogs par byed pa nyid kyi phyir thams cad sgrub par byed pa yin no/ /'dis ni byang chub chen po'i mtshan nyid can du nges pa'i ye shes ni snying po'o/ /de las byung ba'i sgra'i rang bzhin rigs thams cad kyi dkyil 'khor rnams bskyed pa'i rgyu gang
 yin pa de yang snying por bstan to/ /de ci'i phyir zhe na/ bskal pa bzang po la sogs pa las sngon du thog ma med pa'i ngo bo nyid gnyis su med pa'i ye shes gnas pa yin te de'i phyir yi ge bcu bdun pa'i snying po bar mtshams med pa nyid du rigs thams cad kyi dkyil
 'khor rnams skyed par byed pa nyid du gnas pa yin no/ /de ltar snying po shes pa'i rgyud bstan nas/ da ni ji ltar sprul pa'i dkyil 'khor shes pas dngos grub thob pa'i don du dkyil 'khor gyi bshad pa'i rgyud bstan pa'i phyir/ /de la zhes bya ba la sogs pa gsungs
 te ji ltar gnas zhes bya ba ni ji ltar dkyil 'khor rgyal mchog bsgoms pa'i dus su/ gzhan 'phrul dbang byed kyi lha'i gnas la sogs pa'i gnas bstan pa de bzhin du skyed mos tshal gyi gnas su dkyil 'khor gnas te rnam par bsgoms la/ gnas de ru
 dkyil 'khor bri bar bya'o/ /ji ltar dus zhes bya ba ni/ rgyas pa'i las ni snga dro/ drag po'i las ni nyi ma phyed dam mtshan phyed/ zhi ba la ni srod kyi dus su'o/ /sgrub pa chen po la ni nyi ma 'char ka'i dus su dkyil 'khor bri bar bya'o/ /ji ltar 'jig rten zhes bya
 ba ni dpal rdo rje sems dpa'i rigs su ni sgeg pa'i nyams gtso ba'o/ /de bzhin gshegs pa ni zhi ba'i nyams gtso ba'o/ /rdo rje hUM mdzad khro zhing rngam pa ste khro bo'i nyams gtso ba'o/ /rdo rje 'jig rten dbang phyug gi ni snying rje'i nyams gtso ba'o/ /'phags pa
 nam mkha'i snying po'i khams gsum pa'i chos kyi rgyal srid kyi rang bzhin dpa' ba'i nyams gtso ba ste dgyes shing dgyes pa yin no/ /'dir 'jig rten gyi sgras rigs brjod pa yin te/ 'jig rten de yang gang gi gang yin pa de nyid kyis de bri bar
 bya'o/ /ji lta bu zhes bya ba ni dbyibs la brten nas 'di gsungs pa yin te/ 'jig rten de'i dbyibs ji lta bu yod pa de lta bu kho na dkyil 'khor du bri bar bya'o/ /'khor ni dgod par bya ba ste zhes bya ba la bri ba'i dkyil 'khor cho ga gong du lha rnams kyi gnas kyi nges
 pa bstan pa de bzhin du lha de bri bar bya ste gzhan du ni ma yin no zhes bya ba'i tha tshig go/ /de ltar dkyil 'khor gyi don gyi rgyud bstan nas/ da ni dkyil 'khor du zhugs pa'i phan yon shes pas kyang dngos grub 'grub par 'gyur ro zhes bstan par bya ba'i phyir/
 dkyil 'khor du zhugs pa'i rnam par smin pa'i rgyud ces bya ba gsungs te/ rigs thams cad kyi dkyil 'khor du zhugs na bsod nams dang / ye shes kyi tshogs gdul bya rnams la gang 'byung ba de ni rnam par smin pa zhes brjod de phan yon zhes bya ba'i don to/ /rdo
 rje sems dpa' sogs sems dpa'i/ /zhes bya ba la/ rdo rje sems dpa' gang la yod pa de ni rdo rje sems dpa' la sogs pa'i sems dpa' rnams te/ rdo rje yid las byung ba nas brtsams te/ rin chen dril bu'i mthar thug pa'i rigs lnga'i lha rnams so/ /de
 rnams kyi 'khor dang bcas pa de tshe dkyil 'khor du zhes bya ba la/ 'khor dang lhan cig tu zhugs pas na 'khor dang bcas pa ste rdo rje sems dpa' la sogs pa'i dkyil 'khor ro/ /chos kyi longs spyod kyi phyir sprul pa'i 'khor dang bcas pa'i dkyil 'khor der de tshe ste
 de'i dus su ji ltar skal ba dang ldan pa rnams bzhugs pas/ bsod nams kyi tshogs ji tsam 'byung ba'i tshad de tsam dang mtshungs pa nyid kyi bri ba'i dkyil 'khor 'dir de ltar zhugs kyang 'byung ba yin no/ /de ltar dkyil 'khor du zhugs pa'i 'bras bu gdul bya'i
 skye bo rnams spros par bya ba'i phyir bstan nas/ da ni rigs thams cad kyi 'khor lo'i khyad par shes pas kyang dngos grub 'byung ba yin no zhes rab tu bstan par bya ba'i phyir/ de nas rigs thams cad 'khor lo'i rgyud ces bya ba rigs thams cad kyi 'khor lo'i khyad
 par shes pa'i rgyud gsungs pa yin te/ rigs thams cad kyi 'khor lo ni dkyil 'khor te/ de rnams kyi khyad par ni gsal ba'i dbye ba'o/ /rdo rje 'khor lo bstan pa bzhin/ /zhes bya ba la rdo rje sems dpa' dang / de bzhin gshegs pa dag gi dkyil 'khor ni/ rdo
 rje 'khor lo ste sngar bri ba'i cho gar gnyis po'i kha dog dang dbyibs kyi bdag nyid ji ltar bshad pa de bzhin du gzung bar bya'o/ /lcags kyi 'khor lo dam pa ste/ /zhes bya ba la dkyil 'khor dam pa ni phul du byung ba ste nang gi dkyil 'khor ni lcags kyis bri bar bya'o/ /de
 gang yin zhe na/ 'bar ba'i 'khor lo zhes bya ba la rab tu dga' ba'i rdo rje khro bo'i nang gi rim pa gang yin pa de 'bar ba'i 'khor lo ste/ lcags kyi yin no zhes pa'i don to/ /de bzhin du pad+ma 'dab brgyad ces bya ba la ji ltar sngar bshad pa'i mtshan nyid can gyis rdo rje
 sems dpa' dang / de bzhin gshegs pa dag gi dkyil 'khor du gsungs pa de bzhin du mtshan nyid de nyid kyis/ rdo rje 'jig rten dbang phyug gi nang gi dkyil 'khor pad+ma 'dab ma brgyad par shes par bya'o/ /nor bu che zhes bya ba 'phags pa nam mkha'i snying po'i
 nang gi dkyil 'khor zur brgyad pa'i nor bu chen po'i rang bzhin du shes par bya'o/ /de ltar 'khor lo'i khyad par shes pa bstan nas/ da ni dkyil 'khor thams cad kyi sgrub pa shes pas dngos grub 'byung ba yin no zhes bstan par bya ba'i phyir/ de nas dkyil
 'khor thams cad sgrub pa'i rgyud ces bya ba gsungs te/ dkyil 'khor thams cad ni ji ltar bshad pa bzhin te/ de rnams sgrub pa ni rdzogs pa'i rgyu'o/ /dkyil 'khor brtag par byas nas ni/ /zhes bya ba ji lta ba bzhin du dkyil 'khor bris te yang dag par
 mchod la/ nang gi rim pas 'jug bya ste/ /zhes bya ba la 'jug pa'i [(]tsho [,]cho [)]gas dkyil 'khor du zhugs nas/ dkyil 'khor gyi bdag nyid chen po ste gtso bo la/ dzaHhUM baM hoH/ pra sid+d+h+ya maM zhes bya ba brjod par bya'o/ /de ltar dkyil 'khor
 bsgrub pa'i rgyud bstan nas/ da ni rdo rje sems dpa' nyid shes pas kyang de bsgrub po zhes bstan pa'i phyir/ de nas rdo rje sems dpa' nyid bshad pa'i rgyud ces bya ba gsungs te rdo rje sems dpa' dngos po ni rdo rje sems dpa' nyid do/ /de'i bshad pa'i rgyud 'di yin
 te/ sangs rgyas la sogs sems can kun/ /zhes bya ba la 'jig rten dang 'jig rten las 'das pa'i sems can thams cad kyi dang por sangs rgyas gang la yod pa de ni sangs rgyas la sogs sems can kun te/ sangs rgyas la sogs pa'i sems
 can thams cad do/ /de rnams kyi thams cad nyid ni thams cad kyi sems kyi ngo bo'o/ /de gang yin zhe na/ bcom ldan 'das rdo rje 'chang chen yin la/ thog ma tha ma med pa'i chos kyi dbyings kyi rang bzhin can bcom ldan 'das rdo rje 'chang chen po'o/ /mchog ces
 bya ba ni phul du byung ba ste/ kun gzhi'i rnam par shes pa la sogs pa'i sems can ni don dam par thog ma nas ma skyes pa'i phyir zhes bya bar dgongs so/ /sems can 'byung phyir sems dpa' ste/ /zhes bya ba la/ thog ma tha ma med pa'i chos kyi dbyings kyi ngo
 bo bcom ldan 'das rdo rje 'chang chen po de la rigs lnga'i rang bzhin gyi sems can rnams sngon goms pa'i stobs kyis/ sems can thams cad kyi bsam pa yongs su rdzogs par byed par 'byung ba yin te de'i phyir nye bar btags nas sems dpa' zhes brjod
 pa yin no/ /rdo rje sems dpa' ni mi phyed pa'o/ /rab tu grags pa ni rdo rje 'chang gis rab tu bstan pa yin no/ /de ltar rdo rje sems dpa' bshad nas/ da ni dam tshig chen po'i de kho na nyid shes na dngos grub thob par 'gyur ro zhes bstan par bya ba'i phyir/ dam
 tshig chen po'i de kho na'i rgyud ces bya ba gsungs te/ dam tshig kyang yin la chen po yang yin pas dam tshig chen po ste/ thog ma tha ma med pa'i chos kyi dbyings kyi rang bzhin thams cad la khyab pa'i phyir/ rdo rje 'chang chen po'i de nyid yin no/ /de'i de kho na nyid ni rab tu
 dga' ba'i kun du bzang po nyid do/ /thog ma tha ma med pa'o/ /zhes bya ba la sogs pa ni bshad zin to/ /khams gsum pa'i chos nyid dang / khams gsum la sprul pa mthong bas 'khor ba'o/ /de bzhin mya ngan 'das zhes bya ba ni nyan thos dang rang sangs rgyas dang /
 de bzhin gshegs pa'i mya ngan las 'das pa'i rang bzhin nyid yin pa'i phyir don dam pa ste/ de'i phyir mya ngan las 'das pa'o/ /de ltar dam tshig chen po'i de kho na nyid kyi bshad pa'i rgyud bstan nas/ da ni thog ma dang tha ma med pa nyid shes pas dngos grub thob par
 'gyur ro zhes bstan par bya ba'i phyir/ thog ma dang tha ma med pa nyid bshad pa'i rgyud ces bya ba gsungs te/ thog ma dang tha ma med pa'i dngos po ni thog ma dang tha ma med pa nyid de/ thog ma dang tha ma med pa nyid ni dang po nas ma skyes pa'i 'dus byas thams cad do/ /
 de nyid bshad par bya ba ni/ nam mkha' 'byung ba chen po'i gnas/ /zhes bya ba gsungs so/ /nam mkha'i skye ba zhes bya ba ni rtsig pa la sogs pa zhig pas nam mkha' skye ba ste/ rdzas thams cad med pa'i mtshan nyid can no/ /ci'i phyir zhe na/ skye med phyir zhes bya ba la/ /
 skye ba med pa ni skye ba med pa ste/ rgyu de'i phyir rtsig pa la sogs pa zhig pa nyid nam mkha'i skye ba ste nam mkha'i rdzas ma yin pa'i phyir ro/ /rdo rje sems dpa' de bzhin no zhes bya ba la/ ji ltar rtsig pa la sogs pa rnam par zhig pa ni nam mkha' skye bar 'dogs pa de bzhin du rnal 'byor pa
 las ma byung ba'i kun du brtags pa 'jig pa ni rdo rje sems dpa' skye zhes 'dogs pa yin no/ /de ltar thog ma dang tha ma med pa nyid bstan nas da ni rab tu dga' ba nyid shes pas kyang dngos grub thob bo zhes bstan pa'i phyir/ de nas bcom ldan 'das kyis rab tu
 dga' ba nyid kyi bshad pa'i rgyud ces bya ba gsungs te mi gnas pa'i mya ngan las 'das pa'i rang bzhin can/ bskal pa bzang po la sogs pa las kyang sngar gnas pa'i rnal 'byor pas/ rdo rje lha mo tshogs kyi nang du bde ba dang yid bde ba thams cad
 nyams su myong zhing zhugs pa'i bcom ldan 'das rdo rje sems dpa' ni rab tu dga' ba ste de'i dngos po ni rab tu dga' ba nyid do/ /rab tu dga' phyir nyon mongs te/ /zhes bya ba la/ bud med dang skyes pa dag gi dbang po gnyis snyoms par zhugs pa las byung ba'i
 bde ba dang yid bde ba'i khyad par ni rab tu dga' ba'o/ /de'i don du 'gro ba thams cad ste chags pa dang bcas pa'i sems can gyi khams nyon mongs par 'gyur ro/ /de khyad par ci dang ldan pa yin zhe na/ bde ba 'dod pa zhes bya ba ni/ 'gro ba de dag thams cad bde
 ba 'dod pas tshol khro'i sdug bsngal gyis nyon mongs par 'gyur ro/ /de la zhes bya ba'i ni 'gro ba der ro/ /bde ba rnam dag phyir zhes bya ba ni bde ba rnam par dag pa'i don du'o/ /bskal pa bzang po la sogs pa las snga rol du lha mo'i tshogs kyi nang na zhugs pa
 thogs ma dang tha ma med pa'i bcom ldan 'das rdo rje sems dpa' skye ba yin te/ 'dod pa'i khams kyi dbang phyug la sogs pa 'dul bar mdzad pa'i phyir rdo rje 'dod pa'i khams kyi dbang phyug gi gzugs su skye ba yin no/ /de nas de'i gzugs mthong nas 'dod
 pa'i khams kyi dbang phyug ye shes 'bab pa mthong nas sa brgyad dbang phyug tu grub ste/ de'i phyir bcom ldan 'das 'dod pa'i khams kyi dbang phyug thob par 'dod pa gzhan dag kyang 'dul bar mdzad pa'i phyir/ rdo rje 'dod pa'i dbang phyug gi gzugs su phyi ma'i
 mtha'i bar du 'khor bar bzhugs pa yin no/ /de ltar bcom ldan 'das kyis rab tu dga' ba nyid bstan nas/ da ni snying po'i de kho na nyid shes pas dngos grub thob par 'gyur ro zhes bstan par bya ba'i phyir/ de nas dang po'i snying po de kho na nyid bshad pa'i rgyud ces
 bya ba gsungs te/ dang po yang yin la snying po yang yin pas dang po'i snying po ste yi ge hUM ngo / /de'i de kho na nyid ni 'dod pa can thams cad sad par byed pa'i las so/ /chags pa kun nas chags pa che/ /zhes bya ba la chags pa yang yin la kun kyang yin pas chags
 pa kun te/ rdo rje sems dpa' la sogs pa rnams kyi thabs dang shes rab kyi rang bzhin nyid do/ /chags pa kun de nyid las chags pa che ba ste/ snying po 'byung ba yin no/ /de las ji lta bu dang ldan pa yin zhe na/ 'dod ldan thams cad sad par byed/ /ces bya
 ba la/ dngos grub thams cad 'dod pa ni 'dod ldan thams cad do/ /de sad pa ni rab tu gsal bar byed pa'o/ /chags pa 'bar ba dri za'i snying po zhes bya ba la chags pa ni rdo rje sems dpa' ste/ chags pa dam tshig rab tu bshad/ /ces 'og nas gsungs
 pa'i phyir ro/ /de 'bar ba ni sgrub pa po'i rgyud la mngon du 'gyur bar byed pa ste/ de'i don du dri za'i snying po ni glu'i snying po ste yi ge hUM yin no zhes bya ba'i don to/ /de gang gi snying po yin zhe na/ phyag na rdo rje zhes bya ba ste rdo rje 'chang gi'o zhes bya ba'i tha tshig go/ /da ni yi
 ge hUM gi glu blang ba shes pas dngos grub thob par 'gyur ro zhes bstan pa'i phyir de nas yi ge hUM gi glu blang ba'i rgyud ces bya ba gsungs te/ yi ge hUM nyid glu ste yi ge hUM gi glu'o/ /de'i glu blang ba ni drug ldan la sogs pa'i glu rnam pa thams cad kyis mngon par 'dod pa'i
 don sgrub pa'i phyir bzlas pa'o/ /glu las chags pa zhes bya ba ni yi ge hUM dang bcas pa'i glu'i bzlas pa las rdo rje sems dpa' la sogs pa'i yul la chags pa ni zhen pa'o/ /zhen pa de las dga' ba skye ba'o/ /dga' ba las 'dod pa ste/ rdo rje sems
 dpa' la sogs pa'i bsgom pa las byung ba'i bde ba dang yid bde ba ni 'dod pa'o/ /rab tu dga' bas thams cad 'byung / /zhes bya ba ni rdo rje sems dpa' la sogs pa'i bsgom pa las byung ba'i bde ba dang / yid bde ba'i bdag nyid kyi rab tu dga' ba de las
 rigs thams cad 'byung ba yin no/ /thams cad 'byung bar grub pa'i phyir/ /bskal pa'i dang por bcom ldan gsungs/ /zhes bya ba la/ rigs thams cad 'byung ba ni skye ba ste/ de grub pa ni gdul bya'i skye bo'i rgyud la rdzogs pa'o/ /de'i
 don du bskal pa bzang po'i dang por bcom ldan 'das rdo rje 'chang chen pos yi ge hUM gi zhes bya ba'i snying po gsungs pa yin no/ /de ltar yi ge hUM gi glu blang ba'i rgyud bstan nas/ da ni yi ge hUM gi glu'i bzlas pa'i don shes pas dngos grub thob pa yin no zhes bstan
 pa'i phyir/ de nas yi ge hUM gi bzlas pa'i don gyi bshad pa'i rgyud ces bya ba gsungs te/ yi ge hUM gi bzlas pa'i don ni rjes su chags pa ste/ de ston par byed pa'i rgyud bcom ldan 'das kyis gsungs pa'o/ /myur du thams cad rjes chags pas/ /zhes bya ba la/
 thams cad ni rdo rje sems dpa' la sogs pa ste/ de rjes su chags pa ni yang dang yang du mngon du gyur pa'o/ /thams cad rjes su chags pa de las myur du rdo rje sems dpa' la sogs pa'i dngos grub thams cad rjes su chags pa ni sgrub pa po'i mngon du gyur pa yin no/ /rjes su
 chags par byed mchog ni/ /zhes bya ba la/ ji ltar bzhugs pa'i thabs dang shes rab kyi rang bzhin can rdo rje sems dpa' la sogs pa'i sku yang dang yang du rjes su chags par byed pa ni bdag gi mngon sum du byed pa yin no zhes bya ba de lta bu'i mchog ni phul du byung ba ste snying
 po'i yi ge hUM bzlas pa'i don yin no/ /ni'i sgra ni nges par gzung ba ste snying po'i bzlas pa'i don 'di nyid mchog tu gyur pa yin gyi gzhan ni ma yin no zhes bya ba'i don to/ /de ltar yi ge hUM gi glu'i bzlas pa'i don bstan nas da ni rdo rje sems dpar shes pas dngos grub
 thob pa yin no zhes bstan par bya ba'i phyir/ de nas rdo rje sems dpar byung ba'i bshad pa'i rgyud ces bya ba gsungs te glu rnams zhes bya ba la sogs pa la/ ji ltar glu rnams khro bo'i rnam pa can gyi sems rtse gcig pa nyid kyi mthu las rdo rje thog rdzogs pa'i blos/ rdo rje
 t hog bstan par gyur pa 'bebs pa de bzhin du rdo rje bsdus pa'o zhes bya ba la chos bdag med pa'i ting nge 'dzin chos thams cad rang bzhin med pa'i spyod pa'i sems rtse gcig pa'i ngo bos de bzhin gshegs pa lnga'i ye shes lnga'i rtse mo mi phyed pa can gyi sems bsdus par
 brtag par ni rdo rje sems dpa' nyid du 'gyur ro/ /de ltar sems rdo rje nyid du bstan nas da ni rdo rje sems dpa' 'byung ba shes pas dngos grub thob par 'gyur ro zhes bya ba bstan pa'i phyir/ de nas rdo rje sems dpa' 'byung ba shes pa'i rgyud ces bya ba gsungs te/ rdo rje sems
 dpa' 'byung ba ni skye ba ste/ rnal 'byor pa'i rgyud la shes pa gang las 'byung ba de ni rdo rje sems dpa'i 'byung ba'i shes pa'o/ /sems dpa' ni rdo rje sems dpa'o/ /ni'i sgra ni gang gi phyir zhes bya ba'i tha tshig go/ /thams cad bdag nyid ces bya ba la thams cad ni de
 bzhin gshegs pa la sogs pa'i sems can rnams te/ de'i bdag nyid ni thams cad kyi bdag nyid de thams cad sems dang sems las byung ba'i rang bzhin can no zhes bya ba'i don to/ /bdag gi bdag nyid la yang gnas/ /zhes bya ba la/ bdag gi sems
 dang sems las byung ba la yang de'i bdag nyid rjes su zhugs te tha mi dad pa'i tshul gyis thog ma dang tha ma med pa'i chos kyi ngo bo nyid du gnas pa yin no/ /rdo rje sems dpa' dngos su 'dir/ /zhes bya ba la dngos su lhag pa'i bsam pa'i stobs kyis rdo rje dang dril bu
 'dzin pa'i bcom ldan 'das rdo rje sems dpa' rnal 'byor pa 'di la bzhugs pa ste/ gzung ba'i cha'i dngos po ting nge 'dzin la tha mi dad par 'gyur zhing myur du zhugs pa yin no/ /rdo rje sems dpa' de ji lta bu yin zhe na/ thams cad la bzhugs zhes bya ba la/
 sems can thams cad kyi rgyud la bzhugs pa'o/ /de ltar rdo rje sems dpa' 'byung ba'i shes pa'i rgyud bstan nas/ da ni de bzhin gshegs pa 'byung bar shes pa sangs rgyas nyid thob pa yin no zhes rab tu bstan pa'i phyir/ de nas de bzhin gshegs pa'i rgyud ces
 bya ba gsungs te/ 'dod pas chags pa zhes bya ba la gzugs dang / sgra dang / dri dang / ro dang / reg bya rnams ni 'dod pa de la chags pa ste yul la chags pa'o/ /dga' las bde zhes bya ba la 'dod pa la brten pa dga' ba'i sems las
 'khor ba'i sems can rnams la bde ba 'byung ba'o/ /bde ba las sdig pa zhes bya ba la/ mi dge ba bcu'i las kyi lam la spyod pa'i sdig pa'o/ /sdig pa las sdug bsngal zhes bya ba la/ mi dge ba bcu'i las kyi lam la spyod pa'i sdig pa'i dngos po de las mthong
 ba'i chos la gsod pa dang 'ching ba la sogs pa'i sdug bsngal 'byung ngo / /sdug bsngal las ting nge 'dzin zhes bya ba la/ nad la sogs pa'i sdug bsngal 'byung bas/ 'khor ba'i skyon rnams rtogs par 'gyur ro/ /de nas 'khor ba las sems skyo ba ste/ 'khor
 ba spang ba'i phyir ting nge 'dzin skyed par byed pa ste/ de'i phyir sdug bsngal las ting nge 'dzin 'byung ba yin no/ /de khyad par ji lta bu dang ldan pa yin zhe na/ shin tu brtan pa zhes bya ba la/ chos bdag med pa'i ting nge 'dzin rnam par rtog pa thams cad kyis mi g.yo ba'i
 phyir/ rdo rje bzhin du shin tu brtan pa yin no/ /rdo rje nyid las sangs rgyas 'byung / /zhes bya ba la/ chos bdag med pa'i ting nge 'dzin gyi rang bzhin can gyi rdo rje sems dpa'i ngo bo rdo rje de las byung ba ste/ rnam par snang mdzad kyi sku'i gsang ba skye bar 'gyur ro/ /
 de ltar de bzhin gshegs pa'i 'byung ba shes pa'i rgyud bstan nas/ da ni de bzhin gshegs pa'i rigs la sogs pa'i rigs thams cad kyi rnal 'byor pa rnams kyi/ de bzhin gshegs pa'i rigs la sogs pa shes na rang rang gi rigs kyi dngos grub thob pa
 yin no zhes rab tu bstan pa'i phyir/ de nas zhes bya ba la sogs pa'i de'i rgyud gsungs te/ de bzhin gshegs pa'i rgyud rigs de nyid ces bya ba la/ sems dpa' byin gyis brlab pa'i sbyor bas/ rdo rje sems dpar gyur pa'i rnal 'byor pa gang yin pa de
 nyid rdo rje yid las byung ba la sogs pa'i de bzhin gshegs pa'i rigs kyi rang bzhin du rnam par bsgoms na/ rdo rje yid las byung ba la sogs pa'i rang bzhin can du 'gyur ro/ /de bzhin du rdo rje hUM mdzad dang / rdo rje 'jig rten dbang phyug dang / 'phags pa nam
 mkha'i snying po ste/ de dag gi rigs kyi rang bzhin du de nyid bsgoms na de'i rang bzhin can du 'gyur ba yin no zhes bya ba'i don bstan par bya ba'i phyir/ de nyid rdo rje'i rigs chen po zhes bya ba la sogs pa gsungs pa yin no/ /de la de bzhin gshegs pa'i rigs la
 sogs pa'i 'byung ba shes pa'i rgyun bstan nas/ da ni mngon par byang chub pa shes pas/ de bzhin gshegs pa'i rnal 'byor pas/ de bzhin gshegs par 'gyur ba yin no zhes bya ba'i don 'di rab tu bstan par bya ba'i phyir/ de nas mngon par byang chub pa 'byung ba shes pa'i
 rgyud ces bya ba gsungs te/ sems so sor rtogs pas ni zhes bya ba'i don to/ /rang nyid kyi sems ni rang sems te kun gzhi rnam par shes pa la sogs pa'i rnam par shes pa'i tshogs brgyad do/ /de dag so sor rtogs pa ni/ /oM tsit+ta pra ti bai d+haM ka ro mi/
 zhes bya ba brjod cing gzung ba dang / 'dzin pa dngos po med pa'i rang bzhin du rtogs pa'o/ /ni'i sgra ni nges par gzung ba ste/ de nyid kho na las so zhes bya ba'i don to/ /de las ci 'byung zhe na/ byang chub sems ni yang dag 'byung / /zhes bya ba dang / byang chub
 kyi rang bzhin gyi sems ni byang chub kyi sems te/ thabs dang shes rab kyi rang bzhin can no zhes bya ba'i don to/ /de yang dag par 'byung ba ni/ oM bo d+hi tsit+ta ut+pA da yA mi/ zhes bya ba brjod nas de bskyed cing / de ltar byang chub kyi sems bskyed nas sems dpa'i
 rdo rje bdag nyid du bsgom par bya'o zhes bstan pa'i phyir/ rdo rje nyid phyir zhes bya ba gsungs te/ oM tiSh+Tha badzra badzra At+ma kou0f85haM/ zhes bya ba brjod cing sems te rdo rje dang rdo rje'i bdag nyid du bsgom par bya'o zhes bstan pa'i phyir/ rdo rje nyid phyir shes par bya'o z
 hes bya ba'i don to/ /de nas sems dpa'i rdo rjer gyur pa'i sems de nyid/ oM ya thA sarba ta thA ga ta tiSh+Tha a haM zhes bya ba brjod cing sangs rgyas nyid du bsgom par bya'o zhes bya ba bstan par bya ba'i phyir/ bdag nyid sangs rgyas rab tu bsgom/ /
 zhes bya ba gsungs te/ sems dpa'i rdo rjer gyur pa'i sems de nyid rang gi bdag nyid kyis rnam par snang mdzad kyi skur bsgom pa ni/ bdag nyid sangs rgyas rab tu bsgom pa ste/ sangs rgyas nyid de rnam par snang mdzad nyid thob par 'gyur ro/ /dbang phyug
 la sogs pa'i mchog sbyin pa gzhan la ma yin no/ /'dis ni 'di skad bstan par 'gyur te/ oM tsit+ta pra ti be d+haM ka ro mi/ zhes bya ba ji lta ba bzhin du brjod cing sems so sor rtogs par bya'o/ /de nas oM bo d+hi tsit+t+waM ut+pA da ya mi/ zhes bya bas byang chub kyi sems bskyed par
 bya'o/ /de nas oM tiSh+Tha badzra zhes bya bas rdo rje dang / badzra At+ma kou0f85haM zhes bya bas rdo rje'i bdag nyid du bskyed par bya'o/ /oM ya thA sarba ta thA ga ta haM zhes bya ba brjod cing rnal 'byor pa bdag nyid rnam par snang mdzad du bsgom par byas na/ de bzhin gshegs par 'gyur ro/ /de l
 tar mngon par byang chub pa 'byung ba shes pa'i rgyud bstan nas/ da ni de bzhin gshegs pa'i bdud nyid du shes nas rnal 'byor pa bgegs med par 'gyur ro zhes bstan pa'i phyir/ de bzhin gshegs pa bdud nyid du shes pa'i rgyud ces bya ba gsungs te/ rang gi sems
 nyid du bdud nyid de zhes bya ba la/ rnal 'byor pa'i bdud du rnam par rtog pa can gyi sems nyid bdud de/ de'i dngos po ni bdud nyid do/ /ni'i sgra ni gang gi phyir gyi don te/ gang gi phyir bdud kyi rnam par rtog pa'i rnam pa can gyi rnal 'byor pa'i rang gi sems kho na
 bdud de/ phyi rol gyi lha'i bu la sogs pa'i rang bzhin gyi bdud ni ma yin pas/ de'i phyir rnal 'byor pas bdud kyi rnam pa can gyi sems chos bdag med pa'i bsgom pas mi snang bar byas la 'jigs pa spang bar bya'o/ /chos bdag med pa'i sgo nas ji ltar rnal
 'byor pas 'jigs pa 'di spang bar bya ba yin zhe na/ sems nyid de bzhin gshegs pa yin/ /zhes bya ba la/ gang gi phyir gzung ba dang 'dzin pa bral ba'i sems de nyid de bzhin gshegs pa ni rtogs pa ste/ chos thams cad dngos po med pa'i rang bzhin du rtogs pa'i
 bdag nyid yin te/ de'i phyir bdag dang gzhan gyi dbye ba med pa bsgom pa 'dis bdud kyi 'jigs pa spang bar bya ba yin no/ /rang bzhin gyi sems ni 'dul bar bya ba'i phyir zhes bya ba la/ gang gi phyir de ltar yin pa de'i phyir rang gi sems la gzung ba dang 'dzin pa'i rnam
 par rtog pa dgag pa'i phyir/ sangs rgyas ni de bzhin gshegs pa ste/ de'i dngos po ni bdud nyid du 'gro ba yin no/ /de ci'i phyir zhe na/ rang gi sems [(]gyi [,]kyi [)]gzung ba dang 'dzin pa'i rnam par rtog pa gsod pa na bdud do/ /sangs rgyas ni de bzhin
 gshegs pa ste de'i dngos po ni bdud nyid do/ /bdud nyid de ni de bzhin gshegs pa ngo bo mngon par byang chub pa'i rang bzhin du gshegs pa yin no/ /de ltar de bzhin gshegs pa bdud nyid kyi rgyud bstan nas/ da ni rtog pa thams cad kyi sgrub pa shes pas yid bzhin
 nor bu dang / bum pa bzang po dang / dpag bsam gyi shing dang / ral gri dang / mig sman dang / 'bar ba'i ras dang / rkang mgyogs dang / ri lu la sogs pa'i dngos grub thob pa yin no zhes bya ba rab tu bstan par bya ba'i phyir/ de nas rtog pa thams cad sgrub pa
 shes pa'i rgyud ces bya ba la sogs pa gsungs te/ rdo rje sems dpa' dang de bzhin gshegs pa dang / rab tu dga' ba'i rdo rje khro bo dang / rdo rje 'jig rten dbang phyug dang / 'phags pa nam mkha'i snying po dang / phyi'i rdo rje'i rigs kyi rtog pa rnams ni rtog pa
 kun te/ rtog pa kun de rnams su yid bzhin gyi nor bu dang / bum pa bzang po la sogs pa bstan pa bsgrub par bya ba gang yin pa dang / yang na khye'u dang bu mo la sogs pa sems dang bcas pa'i rang bzhin can gyi g.yo ba bsgrub par bya ba gang yin pa de ni brtan
 pa dang g.yo ba ste/ bsgrub par bya ba de dag thams cad rang gi lhag pa'i lha'i rnal 'byor ni/ 'dod pa'i lha'i rnal 'byor te des bsgrub par byas na de dag 'grub par 'gyur ro/ /de ltar rtog pa thams cad sgrub pa'i rgyud bstan nas/ da ni dang po'i
 snying po sgrub pa shes nas dpal rdo rje sems dpa'i dngos grub thob par 'gyur ro zhes bya ba rab tu bstan pa'i phyir/ de nas dang po'i snying po sgrub pa shes pa'i rgyud ces bya ba gsungs te/ dang po yang yin la snying po yang de nyid yin pas na dang po'i snying po ste/ oM
 ma hA su kha badzra satwa dzaHhUM baM hoHsu ra ta s+t+waM zhes bya ba'i yi ge bcu bdun gang bstan pa de sgrub pa'i phyir shes pa ni nges pa ste/ de ston par byed pa'i rgyud bcom ldan 'das rdo rje sems dpas gsungs pa yin no/ /bzlas pa'i don shes zhes bya ba la/ dpal rdo rje
 sems dpa'i rnal 'byor byas nas/ yi ge bcu bdun po'i snying po rang gi snying ga na gnas pa'i rdo rje'i dbus su yid kyis mngon par bris la/ rab tu dga' ba'i ngag gam/ rdo rje'i ngag gis brjod cing dpal rdo rje sems dpa'i sku gsung thugs kyi bdag nyid can
 du bdag nyid bsgom par bya ste/ 'di ni bzlas pa'i don shes par brjod pa yin no/ /bzlas pa'i don shes pa des nus pa zhes bya ba ni/ ji ltar bdag nyid nus pa'i stobs kyis rdo rje sems dpar rab tu bsgrub par bya'o/ /ji srid 'dod pas bzlas pa
 mchog / ces bya ba la bsgom pa kho na la 'dir 'bad par bya ba yin gyi/ grangs kyi bzlas pa la ni ma yin no zhes bstan to/ /dngos grub chen po'i bde ba ster/ /zhes bya ba la/ snying po de dpag tu med pa bzlas pas dpal rdo rje sems dpa'i phyag rgya
 chen po la sogs pa'i dngos grub chen po'i bde ba ster ba yin no/ /de ltar dang po'i snying po'i sgrub pa shes pa'i rgyud bstan nas/ da ni snying po dang phyag rgya dang sngags dang rig pa rnams kyi shes pas snying po dang phyag rgya dang sngags dang rig pa rnams kyi
 dngos grub thob par 'gyur ro zhes bya ba rab tu bstan par bya ba'i phyir/ de nas snying po dang phyag rgya dang sngags dang rig pa bsgrub pa shes pa'i rgyud ces bya ba gsungs te/ de la snying po ni 'dir phyag rgya chen po'i phyag rgya ni dam tshig gi phyag rgya'o/ /sngags ni
 chos kyi phyag rgya'o/ /rig pa ni las kyi phyag rgya'o/ /rgyud gzhan nas gsungs pa'i snying po dang phyag rgya la sogs pa yang de bzhin du shes par bya ba'i phyir/ sems dpa' gang gis zhes bya ba la/ rdo rje sems dpa' la sogs pa'i ji ltar bshad pa'i
 snying po dang / phyag rgya dang / sngags dang / rig pa rnams bzlas pa'i don du bdag nyid dam mdun du bsgrub par byas na/ de ltar 'grub par 'gyur ro/ /da ni dngos grub shes pas rigs lnga las gsungs pa'i dngos grub thob par 'gyur ro zhes bya ba rab tu
 bstan par bya ba'i phyir/ de nas dngos grub shes pa'i rgyud ces bya ba gsungs te/ rdo rje sems dpa'i nyid dang / de bzhin gshegs pa nyid dang / rdo rje 'chang ba nyid dang / 'jig rten dbang phyug nyid dang / 'phags pa nam mkha'i snying po nyid rdzogs
 shing nges par 'grub pa gang yin pa de ni dngos grub shes pa'o/ /rdo rje sems dpa'i dngos grub che/ /zhes bya ba la/ rdo rje sems dpa' nyid rtog pa ni rdo rje sems dpa'i dngos grub chen po'o/ /de bzhin gshegs pa yang yin la kun kyang yin pas na
 de bzhin gshegs pa kun te/ de rnams kyi dngos grub gang yin pa de ni de bzhin gshegs pa kun gyi'o/ /rdo rje ni rdo rje'i rigs te de'i dngos po ni rdo rje nyid do/ /byang chub kyi rang bzhin can gyi sems dpa' ni byang chub sems dpa' ste pad+ma'i rigs
 so/ /de'i dngos po ni byang chub sems dpa' nyid do/ /las kyang yin la kun yang yin pas kun te rin po che'i rigs rnams so/ /'di rnams kyi mchog gi dngos grub ni rigs thams cad rtogs pa'i rang bzhin can no/ /de dag gi mchog gi dngos grub
 ni 'di rnams yin no zhes bya bar nges pa bskyed nas/ de rnams thob par bya ba'i phyir bsgom pa byas nas rnal 'byor grub par 'gyur ro/ /de ltar dngos grub shes pa'i rgyud bstan nas/ da ni bsod nams med pa'i dngos grub shes
 pas bsod nams med pa rnams med kyang 'grub par 'gyur ro zhes bya ba rab tu bstan pa'i phyir/ de nas bsod nams med pa rnams kyi yang dngos grub shes pa'i rgyud ces bya ba gsungs te/ ci 'dod 'khor lor bris nas ni/ /zhes bya ba la sogs pa
 la gang gi tshe ji skad bshad pa'i bsnyen pa sngon du byas pas kyang rnal 'byor pa la sgrib pa yod pas mngon par 'dod pa'i dngos grub grub par ma gyur na/ de'i tshe rang gi rigs kyi lha'i dkyil 'khor mtha' mar thal bas kyang bris pa la 'jug pa'i tshogs
 zhugs te/ zhag bzhir phyag rgya chen po bcings nas dkyil 'khor bsgom par byas na/ de sgrib pa thams cad spong bar 'gyur ro/ /de ltar bsod nams med pa rnams kyi yang sgrub pa shes pa bstan nas/ da ni slob dpon gyi dngos grub shes
 pas kyang dngos grub thob par 'gyur ro zhes bya ba rab tu bstan pa'i phyir/ de nas slob dpon nyid kyi dngos grub shes pa'i rgyud ces bya ba gsungs te/ bde ba chen po'i rdo rje chen po ni rdo rje sems dpa' la sogs pa rnams te/ de dag gi gsang ba mchog gi
 dam tshig ni dkyil 'khor chen po la sogs pa'i rigs thams cad kyi dkyil 'khor te/ der ji skad bshad pa'i 'jug pa'i cho gas zhugs te/ sngar bshad pa'i cho gas bdag nyid la dbang bskur bar bya ste/ de ltar na slob dpon nyid du 'gyur ro/ /da ni me tog
 la sogs pa'i mchod pa 'bul ba shes pas me tog la sogs pa phul bas tshogs yongs su rdzogs nas dngos grub thob par 'gyur ro zhes bya ba rab tu bstan pa'i phyir me tog la sogs pa'i mchod pa 'bul ba shes pa'i rgyud ces bya ba gsungs te/ rdo rje
 'dzin la mchod pa kun/ /zhes bya ba la sngon po dang / ser po dang / dmar po dang / dkar po'i kha dog can gyi me tog la sogs pa rnams ni rdo rje sems dpa'i rigs la dbul bar bya'o/ /de bzhin gshegs pa'i rigs la ni kha dog dkar po can no/ /rdo rje'i
 bdag nyid can gyi rigs la ni kha dog nag po can no/ /pad+ma'i rigs la ni kha dog dmar po can no/ /nor bu'i rigs la ni kha dog ser po can no/ /'di rnams kyang dpyid ka'i rdo rje ma la sogs pa'i mchod pa'i phyag rgya rnams kyis blangs te dbul bar bya ba
 yin no zhes bstan par bya ba'i phyir/ de nas 'bul ba shes pa'i rgyud ces bya ba gsungs te/ rdzogs pa'am zhes bya ba ni dpyid ka rdo rje ma la sogs pa'i mchod pa'i phyag rgya phyi rol gyi me tog la sogs pa'i mchod pa dang bcas pa'o/ /de dang bral ba ni ma
 tshang ba'o/ /yang na ji ltar rnyed pa'o zhes bya ba la/ phyogs gcig tsam thob pa ni bskyed pa'o/ /rdo rje gar ma la sogs pa'i mchod pa yis zhes bya ba la/ rdo rje gar ni sngar bshad zin to/ /de nyid dang po gang dag la yod pa de ni rdo rje gar ma la sogs
 pa'i mchod pa'o/ /dpyid ka rdo rje ma la sogs pa'i mchod pa'i phyag rgya rnams so/ /de dag gis rtag tu ste rtag pa kho nar phyogs bcu thams cad kyi sangs rgyas dang byang chub sems dpa'i dkyil 'khor du me tog la sogs pa'i mchod pa grub par 'gyur ro/ /da ni
 dus kyi mchod pa bsgrub par shes pas kyang mngon par 'dod pa'i dngos grub grub par 'gyur ro zhes bya ba rab tu bstan pa'i phyir/ de nas dus kyi mchod pa shes pa sgrub pa shes pa'i rgyud ces bya ba gsungs te/ drug ldan la sogs pa'i glu'i khyad par gyis
 rdo rje glu brjod cing gar las byung ba'i dpyid ka rdo rje ma la sogs pa mchod pa'i phyag rgya de bzhin du bcing bar bya'o/ /de nas dpyid ka rdo rje ma la sogs pa'i snying po brjod cing / dpyid ka rdo rje ma la sogs pa'i phyag rgyas dor bas/ me tog la sogs
 pa'i rang bzhin gyis mchod pa rab tu sbyar bar bya'o/ /de ltar dus kyi mchod pa bsgrub pa shes pa'i rgyud bstan nas/ da ni rdo rje mtshon cha ma la sogs pa'i gsang ba'i mchod pa bzhi po shes pas kyang dngos grub thob pa yin no zhes rab tu bstan
 par bya ba'i phyir/ de nas gsang ba'i mchod pa shes pa'i rgyud ces bya ba gsungs te/ rdo rje gar gyi mchod pa ni ji skad bshad pa'i mtshan nyid can du shes par bya ste bcas pa'o/ /go rims ji lta ba bzhin du/ /zhes bya ba ni/ rdo rje glu len cing sngar
 bshad pa'i tshul gyis kha sbyor gyi thal mo spyi bor bcings te phab la/ rdo rje thal mo bcings nas snga ma bzhin du me tog la sogs pa 'bul ba'i tshul gyis te der dor la rdo rje sems dpa'i las kyi phyag rgya bcings nas/ rdo rje mtshon cha ma la sogs
 pa'i las kyi phyag rgya bcing ba ni go rims ji lta ba bzhin zhes bya ba'i sgras brjod pa yin no/ /bzlas pa'i don gyis ma brjod kyang / /mchog gi dngos grub grub par 'gyur/ /zhes bya ba la rdo rje glu'i don gang yin pa dang / rdo rje mtshon cha ma la sogs pa'i snying po'i don gang
 yin pa de ni bzlas pa'i don to/ /bzlas pa'i don des rdo rje glu dang rdo rje mtshon cha ma la sogs pa'i snying po ma brjod na yang gsang ba'i mchod pa'i dngos grub kyi rnal 'byor pa 'grub par 'gyur ro/ /de ci'i phyir zhe na/ 'di ni sgrub pa mchog yin pa'i phyir
 ro/ /da ni bdag nyid la smad par mi bya'o zhes bya ba rab tu bstan par bya ba'i phyir/ de nas sdig pa chen po byed pa yang grub pa shes pa'i rgyud ces bya ba gsungs te/ dkyil 'khor la ni ma zhugs kyang / /zhes bya ba la sogs pa la/ rnal 'byor pa gang
 zhig dkyil 'khor du zhugs par ma gyur pa de yang phyag rgya chen po bcings nas ting nge 'dzin mngon du byed na sdig pa thams cad las rnam par 'gyur na gzhan lta smos kyang ci dgos/ de'i phyir na ngag tshul khrims 'chal ba yin no zhes bya ba la sogs pas
 rnal 'byor pa bdag nyid la smad par mi bya ste/ phyag rgya chen po'i ting nge 'dzin gyi stobs kyis tshul khrims 'chal ba la sogs pa 'jig pa dang / tshul khrims la sogs pa'i yon tan thams cad rdzogs pa'i phyir ro/ /byang chub kyi sems la
 smad pa dang dngos grub thob par mi 'gyur te/ de bas na de yongs su spang bar bya ba'i phyir/ de nas dngos grub mi thob pa'i rgyu shes pa'i rgyud ces bya ba gsungs te/ chags pa ni chos bdag med pa la chags pa dang / sems can smin pa dang grol ba la
 chags pa'o/ /de'i phyir sems can la chags pas ci zhig bya zhes bya ba'i don smod pa rnal 'byor pas mi bya'o/ /de ci'i phyir zhe na/ rnam par dag pa zhes bya ba ste/ gzung ba dang 'dzin pa'i rnam par rtog pa dang bral ba'i phyir/ de rnam par dag pa yin
 no/ /de bzhin bde ba ster zhes bya ba la de'i dmigs pa la zhugs pa'i sgrub pa po rnams la chags pa des 'jig rten dang 'jig rten las 'das pa'i bde ba ster ba yin no/ /bcom ldan 'das kyang chags pa che/ /zhes bya ba la thog ma dang tha ma med pa'i
 bcom ldan 'das rdo rje 'chang chen po ni chags pa chen po ste smad par mi bya'o/ /de ci'i phyir zhe na/ 'di ma dag pas grub mi 'gyur/ /zhes bya ba la/ chags pa chen po'i rang bzhin can sems can thams cad rjes su chags pa 'di ma dag na ni/ gzung ba
 dang 'dzin pa'i rnam par rtog pa'i dri mas gos pas rnal 'byor pa grub par mi 'gyur ba de'i phyir 'di la smad par mi bya ste shin tu gus pas bsgom par bya'o zhes bya ba'i tha tshig go/ /de ltar byang chub kyi sems la smod pa dgag par byas nas re zhig rang gi
 lha'i tshul 'dzin pa'i rnal 'byor pa la/ dkyil 'khor la sogs pa'i mchog gi dngos grub 'byung ngo zhes bya bar bstan par bya ba'i phyir/ de nas dngos grub bsgrub pa shes pa'i rgyud ces bya ba gsungs te/ ji bzhin yul dang ldan gyur nas/ /zhes bya
 ba la ji ltar dpal rdo rje sems dpa' 'am/ rdo rje yid las byung ba la sogs pa'i lha'i khyad par gzhan dag cod pan la sogs pa'i yul rnams kyis yul dang ldan pa de bzhin du rang gi lha'i rgyan rnams kyi rnal 'byor pa yul dang
 ldan par gyur nas rang gi phyag rgya chen po la sogs pa'i mchog gi dngos grub bsgrub par bya ba yin no/ /de ci'i phyir rang gi lha'i tshul 'dzin pas bsgrub par bya ba yin no zhe na rtog pa thams cad ces bya ba la sogs pa la/ gang gi phyir rtog pa thams cad la rang gi
 lha'i tshul gyis rnal 'byor 'di skye ba 'di nyid la phyag rgya chen po la sogs pa sgrub par byed pa ni rnal 'byor pa rnams la rdzogs par byed pa'o/ /bde ba chen po'i rdo rje gsang ba zhes bya ba la/ bde ba chen po'i rdo rje ni rigs thams cad kyi gnyis su med pa'i sems
 dang sems las byung ba rnams te/ de dag gi gsang ba ni rigs thams cad du gtogs pa'i ngo bo ste/ de rnams nyid ni rtogs pa chen po'o/ /de nyid nam mkha'i khams thams cad la rtag tu bzhugs pa'i rigs thams cad kyi sku gsung thugs kyi rdo rje thams
 cad la khyab pa rnams kyi skyed pa'i rgyu bar mtshams med pa nyid du gyur pa'i phyir mdzes shing gsal bar gyur pas na rtog pa chen po'i rgyal po'o/ /de las byung ba'i sgra'i tshogs kyang de ston par byed pa'i phyir rtog pa chen po'i rgyal po'o/ /rtog pa chen po'i rgyal po de las
 rtog pa thams cad kyi rgyud phyi ma zhes bya ba 'di rdo rje sems dpa' la sogs pa'i rtog pa thams cad rtsa ba'i rgyud kyi rang bzhin gang yin pa de dag gi rtog pa thams cad bsdus pa zhes bya ba phyi ma'i rgyud ni phul du byung ba'i rgyud do/ /de'i cho ga rgyas pa ni rnam pa sna
 tshogs pa'i bsgrub par bya ba dang sgrub pa bstan pa yin no/ /de ltar rtog pa thams cad kyi rgyud phyi ma'i cho ga rgyas pa mchog gi dngos grub bsgrub par byed pa bstan nas/ da ni bcom ldan 'das rtag pa zhes bya ba la sogs pas dpal rdo rje sems dpa'i lha
 mo'i dkyil 'khor las gsungs pa'i 'bras bu'i khyad par bsgrub pa gsungs pa yin no/ /de nas bcom ldan rdo rje 'chang chen pos rdo rje bsgrub pa'i rgyud gsungs so zhes bya ba dang sbyar ro/ /de nas kyi sgra ni skabs la bab pa'o/ /bcom ldan 'das
 zhes bya ba ni bshad zin to/ /rtag pa zhes bya ba ni thog ma dang tha ma med pa'i chos kyi dbyings dang de'i rgyu mthun par de ltar byung ba'i rang bzhin gyis rtag tu bzhugs pa rdo rje sems dpa'o/ /'dis ni rdo rje sems dpa'i dkyil 'khor gyi rang bzhin can rdo rje
 'chang chen po dang / de bzhin gshegs pa'i dkyil 'khor gyi rang bzhin can bstan pa yin no/ /de bzhin gshegs pa thams cad kyi rdo rje gsang ba zhes bya ba la/ de bzhin gshegs pa yang yin la gsang ba yang yin pas na de bzhin gshegs pa
 thams cad de/ de rnams kyi rdo rje ni bcom ldan 'das rdo rje sems dpa' dang / rab tu dga' ba'i rdo rje khro bo'i phyag na gnas pa'i 'bar ba'i rdo rje'o/ /de las byung ba'i bcom ldan 'das rab tu dga' ba'i rdo rje khro bo'i rigs kyang de bzhin gshegs pa
 thams cad kyi rdo rje ste rdo rje 'chang chen po'o/ /de bzhin gshegs pa thams cad kyi dbang bskur ba ni nor bu'i rigs te/ de nyid mi phyed pas na 'di'i rdo rje rin po che ste/ de bzhin gshegs pa thams cad kyi dbang bskur ba'i rdo rje rin po che ni rdo rje 'chang chen po'o/ /
 de bzhin gshegs pa thams cad kyi chos ni shes rab kyi pha rol tu phyin pa'i rang bzhin can gyi sems dang sems las byung ba rnams dang / pad+ma'i rigs te/ de las gzigs pa ni chos thams cad rang bzhin gyis dga' ba'i zhes bya bar so sor rtog
 pa'i der shes pa ni nges pa ste des dbang phyug ni rang dbang ste dngos por 'dzin pa'i zhen pa ni gzhan dbang dang bral ba'o/ /ye shes kyi dbang phyug nyid mi phyed pa'i pad+ma 'di la yod pas na/ de bzhin gshegs pa thams cad kyi chos gzigs pa'i
 ye shes kyi dbang phyug gi rdo rje'i pad+ma'o/ /de bzhin gshegs pa thams cad kyi sna tshogs pa ni rnam pa sna tshogs pa'i sangs rgyas kyi mchod pa'i mtshan nyid can dang / sems can gyi don byed pa'i rang bzhin can gyi mdzad pa'o/ /mdzad pas
 na mdzad pa ste/ de bzhin gshegs pa thams cad kyi mdzad pa mdzad pas na de bzhin gshegs pa thams cad kyi mdzad pa mdzad pa'o/ /de'i dngos po ni mdzad pa nyid do/ /des phrin las dam pa ni sangs rgyas kyi sprul pas sems can gyi don mdzad
 pa'i mtshan nyid can gyi cho ga rgyas pa ni bsgrub par bya ba dang sgrub pa'i rgyun rdo rje ltar mi phyed pa'i rdo rje 'chang ga la yod pa de la de skad ces bya'o/ /yon tan gyi khyad par de lta bu dang ldan pa'i rdo rje 'chang chen pos ci mdzad nas rgyud de gsungs she na/ thams cad
 khyab pa zhes bya ba la sogs pa la/ de bzhin gshegs pa'i 'khor la thams cad la khyab pa de mdzad par shes par mdzad nas zhes bya ba dang sbyar ro/ /thams cad la khyab pa ni kun du khyab pa'o/ /de nyid kyi khyab pa bstan par bya ba'i phyir/ ma lus shing zhes bya ba
 la sogs pa gsungs te ma lus shing lus pa med pa'i sgra'i don bshad zin to/ /rigs thams cad kyi lha rnams kyi sku gsung thugs kyi rdo rje khams te/ de dag gi bstan pa ni mi 'jigs pa'i dngos grub ni sems can thams cad kyi rgyud la rdzogs pa'o/ /de'i cho
 ga rgyas pa ni bsgrub par bya ba dang sgrub pa'i tshogs te/ de spro ba ni phyogs bcu khyab pa'i 'khor lo gang la yod pa de la de skad ces bya'o/ /de tshad ci dang ldan zhe na/ nam mkha'i khams kyi mthar thug pa/ /zhes bya ba la/ rdzas thams cad kyi dngos po med
 pa'i rang bzhin ni nam mkha' ste/ de nyid mthar thug pa ni yongs su rdzogs pa'i 'khor lo gang la yod pa de ni nam mkha'i khams kyi mthar thug pa'i 'khor lo ste/ nam mkha' thams cad khyab par byed pa zhes bya ba'i don to/ /chos kyi dbyings ni de
 bzhin nyid de/ de khyad par med pas na chos kyi dbyings rnam par spro ba'o/ /'jig rten gyi khams thams cad kyi rdul phra rab rnams te khams thams cad de/ der kun du 'gro ba gang la yod pa ni khams kun du 'gro ba'i de bzhin gshegs pa thams cad
 kyi 'khor lo ste/ rigs thams cad kyi rten dang brten pa'i dkyil 'khor yin no/ /de mngon par shes par mdzad pa ni gdul bya rnams kyis rtogs par mdzad nas so/ /'di zhes bya ba ni thugs la gnas pa'i dang po'i snying po'i yi ge hUM ste/ de'i gsang
 ba'i de kho na nyid kyi rdo rje sgrub pa'i rgyud gang yin pa de/ byang chub sems dpa' rnams kyi don gyi phyir mi gnas pa'i mya ngan las 'das pa sgrub pa'i don du gsungs pa yin no/ /mi gnas pa'i mya ngan las 'das pa'i des ci zhig bya zhe na/ ji srid 'khor
 ba'i gnas la bzhugs/ /zhes bya ba la/ 'khor ba ni phyi ma'i mthar thug pa tshad med pa'o/ /de nyid gnas te bzhugs gnas so/ /der mi gnas pa'i mya ngan las 'das pa'i rang bzhin gyis bzhugs pas na 'khor ba'i gnas la bzhugs pa'i
 b yang chub sems dpa' de srid 'don pa mdzad ces bya ba ni tshad med pa'i 'khor ba'i gnas la bzhugs pa'i byang chub sems dpa' ni tshad med pa kho na'i sems can rnams 'khor ba'i rgya mtsho dam pa'i chos bstan pa'i phyag brkyang ba dag gis kun nas
 'don par mdzad pa yin no/ /sems can don zhes bya ba la sogs pa la/ gang gi phyir lhag ma med pa mya ngan las 'das pa yongs su mya ngan las 'das pa'i gzi brjid can gyi byang chub sems dpa' rnams med pa'i rang bzhin du gyur pas sems
 can gyi don mdzad par nus pa ma yin no/ /de'i phyir sems dpa' rnams zhes bya ba la/ rgyud de nyid kyi phyir sems can byang chub sems dpa' rnams 'khor ba srid du 'khor bar bzhugs nas phyi ma'i mthar thug pa'i bar du 'khor bar sku skye ba yongs
 su bzung ba ni sems can gyi don mngon par mdzad pa yin no/ /de dag ji lta bu zhe na/ thams cad dag pa'i chos mchog can/ /zhes bya ba la/ gzugs brnyan dang 'dra ba'i khams gsum gyi ye shes mnga' ba'o/ /'dis ni 'di skad
 ston par 'gyur te gang gi phyir lhag ma med pa'i mya ngan las 'das pa'o/ /khams thob pa'i nyan thos dang / rang sangs rgyas dang / byang chub sems dpa' rnams 'gog par 'gyur bas mthong ba la sogs pas sems can gyi don byed par mi nus pa
 yin no/ /de las go bzlog pas ni nus pa yin no/ /de'i phyir gzugs brnyan dang 'dra bar rten cing 'brel par 'byung ba nges par byas nas/ sems can gyi don gyi ched du phyi ma'i mthar thug par mi gnas pa'i mya ngan las 'das pas/ byang chub
 sems dpa' rnams 'khor bar bzhugs pa yin no/ /shes rab kyi pha rol tu phyin pa'i tshul gzhan gyis kyang / mi gnas pa'i mya ngan las 'das pa grub pa yin te/ de'i phyir/ sgrub pa'i rgyud 'dis 'bras bu khyad par thob pa med do zhe na/ de ni ma yin
 te/ ci'i phyir ma yin zhe na/ de bzhin gshegs pas mi 'dul la/ /zhes bya ba gsungs te/ de bzhin gshegs pas 'dul bar ma gyur pa ni/ de bzhin gshegs pas mi 'dul ba ste/ de'i phyir gang mdo sde pa rnams ma yin pa/ /sngags kyi dpyod pa la
 dpyod pa de bzhin gshegs pas mi 'dul ba ste/ sngags la mos pa'i sems can rnams la/ shes rab kyi pha rol tu phyin pa'i theg pa bstan pas mi gnas pa'i mya ngan las 'das pa'i mtshan nyid can gyi don de bzhin gshegs pa rnams kyis mi mdzad pa'o/ /
 gang gi phyir shes rab kyi pha rol tu phyin pa'i spyod pa sgrub par byed pa'i bag chags sems can de rnams la med pa'i phyir ro/ /'dir rab tu grub ces bya ba la dang po'i gsang ba'i de kho na nyid kyis rdo rje bsgrub pas sngags kyi tshul 'dir sngags kyi spyod pa la
 lhag par mos pa'i sgrub pa ni rdzogs pa'o/ /dngos grub rnams kyi mchog ni de bzhin gshegs pa ste/ dus thams cad du bskyed par bya'o/ /ni'i sgra ni nges par gzung ba ste/ dus thams cad kho nar ro/ /de bzhin gshegs pa rnams byung rung ma byung rung
 chos rnams kyi chos nyid ni rtag tu gnas pa zhes gsungs so/ /thams cad mdzad ces bya ba ni phyag rgya chen po la sogs pa'i dngos grub rnams sems can la mdzad pa yin no/ /gal te bsgrub pa 'di med pas de bzhin gshegs pas 'dul bar mi 'gyur
 ba rnams la/ de bzhin gshegs pa rnams kyis sems can gyi don mdzad par mi dpyod na/ 'o na rdo rje 'chang chen po la sogs pas nus par 'gyur te/ de bas na 'dis ci zhig bya zhe na/ de ni ma yin te/ ci'i phyir ma yin zhe na/ rdo rje 'chang chen po
 la sogs pa zhes bya ba la sogs pa la/ gang gi phyir rdo rje 'chang chen po la sogs pa rnams ni/ rdo rje sems dpa' dang / rdo rje yid las byung ba dang / rdo rje ki li ki la la sogs pa nas/ rin chen dril bu'i mthar thug pa rnams kyis kyang / ji
 ltar bsod nams rnams smin gyis/ /zhes bya ba la sogs pa la/ bag chags ji lta ba bzhin du sngags pa'i nus pa yod pas de rnams kyis kyang / sems can gyi don mdzad par nus pa yin gyi bag chags med na ni ma yin no/ /ci'i phyir zhe na/ skal
 ba med pa'i sems can rnams kyi don mthong ba la sogs pa'i bsgom pa mdzad par mi dpyod pa'i phyir ro/ /rang gi las zhes bya ba ni/ dam pa'i chos spong bar 'gyur ba'i las bsags pa'i sgrib pas de rnams la sgrib par 'gyur ba'i phyir ro/ /sgrib pa 'dis
 rdo rje 'chang chen po la sogs pa rnams skal ba med pa de rnams la yang dus thams cad du thams cad mdzad par 'gyur ro zhes bya bar ji ltar shes par bya zhe na/ dkyil 'khor du ni ma zhugs kyang / /zhes bya ba la sogs pa la/ sgrub pa po gang zhig dkyil 'khor
 du ma zhugs na yang bsgrub pa 'dis 'dod pa'i dngos grub kyi srid pa 'di nyid la myur du grub par 'gyur ro/ /ci'i phyir zhe na/ mthong ba la sogs pas bar mtshams med pa nyid du 'khor ba ji srid bar du sems can thams cad rab tu gsal bar
 mdzad pa ni rdo rje 'chang chen po ste/ kun nas ni dngos po thams cad las so/ /dus kun du ni dus thams cad do/ /thams cad ces bya ba ni brtan pa dang g.yo ba'i dngos po thams cad kyi rang bzhin no/ /gang gi phyir dngos grub thams cad rab tu stsol bar 'gyur
 bas na de'i phyir bsgrub bya 'di bshad ces bya ba la sogs pa gsungs te/ gang gi phyir dang po'i snying po'i gsang ba'i snying po bsgrub pa 'dis/ rgyal po rdo rje 'chang chen po srid pa'i dbang phyug kun gyi gtso gang yin pa des/ dkyil 'khor du ma zhugs pa la yang
 mthong ba la sogs pa'i dngos grub rab tu stsol ba'i rgyu de'i phyir 'og nas 'chad par 'gyur ba'i snying po'i sgrub pa phyag rgya chen po la sogs pa'i rdzogs par byed pa'i rgyu bshad pa ni bstan par bya'o/ /dngos grub ces bya ba la/ sgrub pa de nyid phyag rgya chen po
 la sogs pa'i dngos grub kyi rgyu gnyis kyi phyir dngos grub bo/ /dngos grub de ji lta bu yin zhe na/ shin du brtag pa'o zhes bya ba la/ thog ma tha ma med pa'i rdo rje sems dpa' mngon du byed pa'i rgyu nyid kyi phyir shin tu brtag pa'i dngos grub ste/ de bsgrubs pas
 shin tu brtag pa'i dngos grub yin no/ /sgrub pa bshad par bya ba de khyad par ji lta bu dang ldan pa'i sgrub pa bshad par bya ba yin zhe na/ gang gis zhes bya ba la sogs pa la rang gi lha'i dbyibs la sogs pa la rang bzhin gyis sgrub pa gang gis srid pa 'di nyid
 la shin tu brtag pa'i dngos grub ni thog ma tha ma med pa'i rdo rje 'chang chen po'i dngos grub sgrub pa gang gi tshe 'di nyid la rnal 'byor pas thob pa'i sgrub pa de bshad par bya'o/ /da ni sgrub pa de bstan par bya ba'i phyir/ /lugs ma zhes bya ba la sogs pa gsungs
 te/ de dag ni bshad zin to/ /bde ba chen po rdo rje gsang ba'i ni/ gsang ba'i dkyil 'khor las gsungs pa'i rdo rje sems dpa'i sku ste/ de nyid dam tshig go/ /de'i de kho na nyid rab tu dga' ba nyid do/ /kun du bzang po nyid do/ /de'i sgrub pa gang yin pa de
 nyid dngos grub kyi rgyu nyid yin pa'i phyir dngos grub ste/ de'i cho ga rgyas par ni rnam pa sna tshogs pa'i rang bzhin can 'das ma thag tu bshad pa'o/ /de ltar dpal rdo rje sems dpa'i lha mo'i dkyil 'khor las gsungs pa'i 'bras bu'i khyad par bsgrub pa bstan
 nas/ da ni rtog pa thams cad kyi sgrub pa po rnams kyis dang po'i rdo rje'i phyag rgya yi ge hUM brjod cing bcing bar bya ste/ phyi nas phyag rgya gzhan no zhes bya ba'i don 'di rab tu bstan par bya ba'i phyir/ de nas bcom ldan 'das zhes bya ba la sogs pa gsungs
 te/ de nas kyi sgra ni skabs su bab pa la'o/ /bcom ldan 'das zhes bya ba ni/ rdo rje 'chang chen po'o/ /de bzhin gshegs pa thams cad kyi rdo rje'i phyag rgya ni de bzhin gshegs pa thams cad kyi thugs ka na gnas pa'i rdo rje sems dpa' ste/ de'i ye
 shes gang la yod pa de ni de bzhin gshegs pa thams cad kyi rdo rje phyag rgya'i ye shes te/ rdo rje 'chang chen po'o/ /snga ma'i sgrub pa la ltos te slar yang zhes bya ba'i sgra ni kun sdud pa'o/ /'di zhes bya ba ni thugs la gnas pa gsungs pa'o/ /phyag rgya
 yang yin la thams cad kyang de nyid yin pas phyag rgya thams cad de/ dam tshig dang / chos dang / las dang / phyag rgya chen po rnams so/ /de rnams bsgrub pa ni rdzogs pa'i rgyu ste/ de bsgrub pa ni rang gi bya ba rdzogs pa'i don yod pa nyid do/ /de
 ston par byed pa'i rgyud bcom ldan 'das kyis gsungs so/ /nyin re zhes bya ba la sogs pa la zhag re re bzhin du snga ma'i thun mtshams kyi dus su rdo rje dbab pa'i rjes thogs kho nar rtog pa thams cad sgrub par byed pa'i rnal 'byor pas yi ge hUM brjod
 cing / dang po'i rdo rje bcing bar bya'o/ /de nas de'i rjes la phyis kyi dus su phyag rgya chen po la sogs pa'i phyag rgya thams cad bcing bar byas nas/ rang gi las kyi dngos grub sgrub par byed pa yin no/ /'dis zhes bya ba la dang po'i rdo rje bcing ba'i
 s grub pa 'dis rtog pa thams cad de 'jig rten dang 'jig rten las 'das pa'i rtog pa thams cad la ji ltar bshad pa'i phyag rgya thams cad ni phyag rgya chen po la sogs pa'i phyag rgya thams cad mdor bsdus pas rang gis rang nyid bcings nas bsgrub pa'i dbang du 'gyur
 zhing grub par 'gyur bas/ de'i phyir ma bsgrubs kyang 'grub par 'gyur zhes bya ba la/ dang po'i rdo rje bcings pa las dus phyis sngar bshad pa'i rang gi snying po brjod pa med kyang phyag rgya de rnams 'grub par 'gyur ro/ /de ltar dang po'i rdo rjes bcings nas/ phyag rgya
 gzhan yang bcing bar bya'o zhes bya ba bstan nas/ re zhig spyod lam bzhi pos chos kyi phyag rgya thams cad bsgrub par bya'o zhes bya ba'i don rab tu bstan par bya ba'i phyir/ de nas bcom ldan 'das kyis rdo rje chos kyi de kho na nyid kyi gsang ba'i sngags bsgrub pa gsungs so
 zhes bya ba gsungs te/ de nas kyi sgra ni snga ma bzhin no/ /bcom ldan 'das zhes bya ba ni rdo rje 'chang chen po'o/ /chos ni shes rab kyi pha rol tu phyin pa'i rang bzhin can gyi sems dang sems las byung ba'o/ /de dag gi de kho na nyid ni rang bzhin gyis dag pa yin la/
 de'i gsang ba'i sngags ni lha thams cad kyi chos kyi yi ge rnams te de'i bsgrub pa gsungs pa yin no/ /langs pa 'am ni 'dug pa'am/ /zhes bya ba la sogs pa la/ rang gi lha'i rnal 'byor byas la lce la rdo rje dge ba rnam par bsams te/ rang gi lha'i chos
 kyi phyag rgya bkod nas/ de nyid slar yang rdo rje sems dpa' dang / de bzhin gshegs pa dang / rab tu dga' ba rdo rje khro bo'i rnal 'byor ram/ de'i rigs kyi rnal 'byor pas rang gi snying ga na gnas pa'i sems dpa'i rdo rje la dgod par bya'o/ /pad+ma dang rin
 po che'i rigs kyi rnal 'byor pas ni rang gi snying ga na gnas pa'i rang gi rigs kyi mtshan ma la bkod de/ de nyid brjod cing rang gi lha'i sku gzugs brnyan bzhin du langs pa'am 'dug pas bsgom par bya'o/ /thams cad rjes chags rnal 'byor ni 'dir rang
 bzhin gyis dag pa'i ngo bo yin no/ /des cir 'gyur zhe na/ dngos grub thams cad thob par 'gyur zhes bya ba la/ rigs thams cad kyi rang gi lha rnams kyi phyag rgya grub pa ni/ dngos grub thams cad de/ de thob par 'gyur ro/ /de ltar phyag rgya bsgrub
 pa bstan nas/ da ni las kyi phyag rgya'i sgrub pa pos yi ge a las rang gi snying gar sna tshogs rdo rje rnam par bsams la las kyi phyag rgya bcings te/ rang gi lha'i snying po brjod cing / gar gyi tshul gyis sam/ phyag rgya bcu gnyis kyi rnam pas mchod pa bya
 zhing / gar gyi tshul gyis rang gi lha bsgom par bya'o zhes bya ba'i cho ga 'di rab tu bstan par bya ba'i phyir/ de nas bcom ldan 'das kyis las kyi gsang ba'i de kho na nyid sgrub pa'i rgyud ces bya ba gsungs te/ las kyi gsang ba'i de kho na nyid kyi sgrub pa ni
 phyag rgya bcu gnyis kyi gar gyi mchod pa 'bul ba'am/ gar gyi tshul gyis bsgom pa ste de ston par byed pa'i rgyud bcom ldan 'das kyis gsungs so/ /gsang ba'i gar mchog mchod pa la/ /zhes bya ba la/ rang gi lha'i rnal 'byor ji lta ba bzhin du
 byas/ rang gi lha'i phyag rgya bcing bar bya'o/ /de nas gar gyi tshul gyis bsgom par bya zhing rang gi lha bsgrub par bya'o/ /yang na mchod pa ci bde bar/ /zhes bya ba la rnam pa bcu gnyis kyi phyag rgya'i mchod pa yang dang yang du bya zhing rang gi lha bsgrub par bya'o/ /
 de ltar rtag tu rnal 'byor bsgoms na/ cho ga 'dis mchog gi dngos grub myur du thob par 'gyur ro/ /de ltar las kyi phyag rgya sgrub pa bstan nas/ da ni rang gi lha'i snying po brjod cing rang gi lha'i phyag rgya chen po bsgom par bya'o zhes bya ba'i cho ga 'di rab tu
 bstan par bya ba'i phyir/ de nas rang gi phyag rgya'i bdag nyid sgrub pa'i rgyud ces bya ba gsungs te/ rang gi phyag rgya ni rang gi lha'i phyag rgya chen po ste/ des bdag nyid sgrub pa ni rang gi rgyud la rang gi lha'i phyag rgya'i sku rdzogs pa'o/ /phyag rgya chen
 po mnyam gzhag ste/ /zhes bya ba la/ ji skad bshad pa'i cho gas rang gi lha'i rnal 'byor byas la ye shes sems dpa' bcug ste/ cho ga thams cad rjes su spyad nas phyag rgya chen po bcings te/ rang gi snying po lan cig bzla bar bya'o/ /de ltar byas pas
 cir 'gyur zhe na/ brtan zhing shin tu dgyes kun chags/ /shin tu rgyas 'gyur bdag po 'grub/ /ces bya ba la brtan pa ni mi phyed pa'o/ /shin tu mnyes par gyur pas na shin tu dgyes pa'o/ /thugs gzhan du mi 'gyur zhing yang dag par zhen pas na kun du
 chags pa'o/ /khyad par du 'phel bar 'gyur bas na shin tu rgyas par 'gyur ba'o/ /bdag po ni sgrub pa 'dod pa'i lha'i sku'i rang bzhin can phyag rgya chen po'i dngos grub kyis grub par 'gyur ba yin no/ /de ltar phyag rgya chen po'i sgrub pa bstan nas/ da ni rdo rje sems
 dpa'i sgrub pa pos ri b+hi ta la sogs pa'i byed pa'i khams kyi glu rgyan dang bcas pa lnga yi ge hUM brjod cing bcom ldan 'das dpal rdo rje sems dpa' rab tu bsgrub par bya'o zhes bya ba'i don 'di rab tu bstan par bya ba'i phyir/ de nas yi ge hUM gis glu blang ba grub pa'i rgyud ces
 bya ba gsungs te/ yi ge hUM nyid glu ste yi ge hUM gi glu'o/ /de blangs pas grub pa ni dpal rdo rje sems dpa' nyid thob pa'o/ /ri b+hi ta sogs rgyan dang ldan/ /zhes bya ba la/ ri b+hi ta zhes bya ba ni byed pa'i khams te/ pi wang la sogs pa'i rol mo rnams la rab tu
 grags pa yin no/ /sogs pa'i sgras ni ni da dang / ni la ti ta dang / hra da dang rjes su 'brel pa zhes bya ba ste bzhi shes par bya'o/ /ri da la sogs pa'i rgyan ni ri da la sogs pa'i rgyan te ri da la sogs pa'i de rnams dang ldan pa'o/ /ci nus pa zhes bya ba la nus pa
 dang rjes su mthun pa'o/ /ci 'dod par zhes bya ba ni rang gi 'dod pa dang rjes su mthun pa'o/ /blangs nas zhes bya ba ni glur blangs nas so/ /de gang yin zhe na/ gan+d+har+b+ha zhes bya ba'i glu ste dbyangs bdun gyi rang bzhin can no/ /dang po ni da ltar byung ba ste/ rang bzhin gyis
 rtag tu gnas pa grub par 'gyur ro/ /yi ge gang gis she na/ yi ge hUM gis so/ /lhag ma ni go sla'o/ /de kho na nyid chen po zhes bya ba la/ de kho na nyid kyang yin la chen po yang de nyid yin pas na de kho na nyid chen po ste/ thog ma tha ma med pa'i chos kyi dbyings so/ /
 de'i gsang ba'i dngos grub ni/ rdo rje sems dpa'i dkyil 'khor las gsungs pa'i phyag rgya chen po la sogs pa'i dngos grub po/ /de bsgrub pa ni 'das ma thag tu bshad pa de nyid do/ /rgyud ces bya ba yang ngo / /ri b+hi ta la sogs pa'i khams lnga rgyan dang bcas pa
 rnams kyis yi ge hUM gis dang por gan+d+har+b+ha blang zhing / bcom ldan 'das rdo rje sems dpa' nyid rab tu bsgrub pa'i phyir las brgya rnam par bsgom par bya'o zhes bya ba'i don 'di rab tu bstan par bya ba'i phyir/ de nas rtog pa thams cad kyi phyag rgya zhes bya ba la sogs pa gsungs
 te/ de nas kyi sgra ni skabs su bab pa'o/ /rtog pa yang yin la thams cad kyi de kho na nyid kyang yin pas na/ rtog pa thams cad de/ dpal rdo rje sems dpa'i gsang ba'i dkyil 'khor gyi rtog pa'o/ /de'i las sgrub par byed pa'i phyag rgya rnams ni/ las kyi phyag rgya ste/ de ston
 par byed pa'i rgyud bshad par bya'o zhes bya ba ni bcom ldan 'das thog ma dang tha ma med pa'i phrin las can gyi rdo rje sems dpas gsungs so/ /thog ma tha ma med pa ni shin tu tshe ring zhing 'phel ba la sogs pa'i las rnams gang la yod pa de ni thog ma tha ma med pa'i phrin las can no/ /
 shin tu tshe ring zhing 'phel ba zhes bya ba tshe ring ba ni bskal pa la sogs pa dus kyi grangs las 'das pa'o/ /shin tu yang yin la tshe ring ba yang yin pas na shin tu tshe ring ba ste srog go/ /'phel ba ni gong nas gong du skad cig ma'i rgyun gyis mi gnas pa'i mya ngan las 'das
 pa'i rang bzhin rdzogs pa'o/ /de ji ltar 'byung bar 'gyur zhe na/ bde ba chen po rdo rje chos so/ /dang po'i rdo rje ni/ bde ba chen po'i rdo rje'i tshe ste/ des de 'byung ba yin no/ /'dis ni 'di skad ston par 'gyur te/ gsang ba'i dkyil 'khor las gsungs
 pa'i cho gas dpal rdo rje sems dpa'i rnal 'byor byas la/ cho ga thams cad rjes su dpyad nas dang po'i rdo rje bcings te/ dpal rdo rje sems dpa' rang gi snying ga'i zla ba dang / spyi bor zla ba'i dkyil 'khor la bzhugs par bsgoms la/ zla ba'i dkyil 'khor yang
 bdud rtsi'i rgyun rnams kyis sgrub pa po'i lus ma lus pa gang bar byed pa zla ba phyed kyi bar nyin re zhing / lan cig byin gyis brlab pa byas la/ mthar mtshan thog thag bsgoms na/ tho rangs rdo rje sems dpa'i rdo rje'i tshe dang 'dra bar 'gyur te/ dang po'i rdo rje spyi bo'i
 phyogs su bzung zhing bsgom par bya ba yin no/ /shin tu gzhon pa'i na tshod 'phel ba zhes bya ba ni/ dpal rdo rje sems dpa' bzhin du lo bcu drug lon pa'i rnam pa can gyi na tshod rdzogs pa ni shin tu gzhon pa'o/ /de gong nas gong du 'khor ba ji srid kyi bar du 'jug pa
 ni 'phel ba'o/ /de ji ltar zhe na/ bde ba chen po rdo rje bcud kyis len gyis so zhes bya ba la/ bde ba chen po rdo rje bcud kyis len no/ /rdo rje sems dpa' ste/ de'i phyag rgya chen po gang yin pa de ni/ bde ba chen po rdo rje bcud kyis len te/ des de thob par 'gyur ro//
 'dis ni 'di skad ston par 'gyur te/ de bzhin du dpal rdo rje sems dpa'i rnal 'byor byas la/ cho ga thams cad rjes su dpyad nas/ dang po'i rdo rje bcings te/ de'i dbus ma'i rdo rje btung bar bya'o/ /dpal rdo rje sems dpa' dbus ma'i
 rdo rje las byung ba'i rdo rje sems dpa'i rdul phra rab kyi bcud kyis len gyi rgyud kyis kyang kha gtang bar bya ste/ lus thams cad khyab par bsam par byas na/ de ltar na tshod shin tu gzhon pa 'phel bar 'gyur ro/ /gzugs chen po dang gzi
 brjid 'phel bar zhes bya ba la/ gzugs chen po ni skyes bu chen po'i mtshan sum cu rtsa gnyis dang / dpe byad bzang po brgyad cu'o/ /rdo rje sems dpa' lta bu'i mthu ni gzi brjid chen po'o/ /de dag 'phel ba ni gong nas gong du 'khor ba ji srid kyi bar du rab tu 'jug
 pa yin no/ /de ji ltar zhe na/ bde ba chen po rdo rje'i gzugs kyi gzi brjid kyis so zhes bya ba la/ bde ba chen po rdo rje gzugs kyi gzi brjid ni rdo rje sems dpa' ste/ de'i phyag rgya gang yin pa de ni bde ba chen po'i rdo rje'i gzugs kyi gzi brjid do/ /de bzhin du thams
 cad byas la/ dang po'i rdo rje dbus ma dang mthe bo dang mthe'u chung rnams kyis rtse mo'i tshul du byas te rang gi gdong yongs su sbyangs la phyag rgya rang gi gdong du dgrol bar byas te/ rang gi gdong la rab tu zhugs pa'i bcom ldan 'das rdo rje sems dpas kyang lus
 thams cad khyab cing rdo rje sems dpa' nyid du gyur par bsam par bya ste/ de ltar na gzugs chen po dang / gzi brjid 'phel bar 'gyur ro/ /'du byed thams cad 'phel ba zhes bya ba la/ 'du byed kyang yin la chen po yang de nyid yin pas na 'du byed phung po
 ste/ dpal rdo rje sems dpa'i brtson 'grus kyi pha rol tu phyin pa'i rang bzhin gyi 'du byed kyi phung po'o/ /de 'phel ba ni snga ma bzhin no/ /de ji ltar zhe na bde ba chen po'i rdo rje 'du byed chen pos so zhes bya ba la bde ba chen po'i rdo rje 'du byed chen po ni don yod
 grub pa'i rang bzhin can gyi rdo rje sems dpa' ste de'i phyag rgya gang yin pa ste de ni bde ba chen po'i 'du byed chen po'o/ /'dis ni 'di skad 'chad par 'gyur te/ de bzhin du dpal rdo rje sems dpa'i rnal 'byor gyi cho ga thams cad rjes su dpyad la dang po'i rdo rje bcings te/
 rang gi lus thams cad du bskor bar bya'o/ /de nas bdag nyid de bzhin gshegs pa don yod grub par bsgom zhing snying gar phyag rgya dgrol bar bya'o/ /'jig rten gyi khams thams cad kyi rdul phra rab dang mnyam pa'i de bzhin gshegs pa don yod grub pa'i sku
 rnams rang gi snying gar gzhug par bya ste de ltar 'du byed chen po thams cad 'phel bar 'gyur ro/ /sems can thams cad kyi bdag nyid thams cad bsrung bar bya ba la/ sems can yang yin la thams cad kyang de nyid yin pas sems can thams
 cad de/ de rnams kyi bdag nyid ni sems can thams cad kyi bdag nyid de/ phung po lnga'i rang bzhin gyi bdag nyid kyi dngos po'o/ /de thams cad bsrung ba ni thams cad bsrung ba'o/ /de ltar 'gyur zhe na/ bde ba chen po'i rdo rje bsrung bas so zhes bya ba la bde ba chen po'i
 rdo rje bsrung ba ni/ rdo rje sems dpa'i gtsug tor gyi gzungs dang ldan pa'i rdo rje sems dpa' ste/ de'i phyag rgya gang yin pa de ni bde ba chen po'i rdo rje bsrung ba'o/ /de bzhin du dpal rdo rje sems dpa'i rnal 'byor byas la dang po'i rdo rje bcings te bsrung bar bya ba'i sems
 can dang yid kyis gcig tu byas la/ rdo rje sems dpa'i cod pan gyi rang bzhin can du bdag nyid bsgom zhing dang po'i rdo rje spyi bo'i phyogs su gzung bar byas te/ de ltar na sems can thams cad kyi bdag nyid thams cad bsrung bar 'gyur ba yin no/ /phyogs
 thams cad dang / mtshams dang / dkyil 'khor bcing ba ni bshad zin to/ /de ji ltar 'gyur zhe na/ bde ba chen po rdo rje bskor bas so zhes bya ba la/ de bzhin du dpal rdo rje sems dpa'i rnal 'byor gyis dang po'i rdo rje bcings te/ phyogs bcing ba'i bsam pas
 phyogs bcur bskor bar byas na phyogs thams cad rdo rje 'bar ba rnams kyis bar mtshams med par khyab par 'gyur ba yin te/ de ltar na phyogs thams cad bcing bar 'gyur ba yin no/ /de nyid mtshams bcing ba'i tshul gyis bskor bar bya ste/ de ltar na rdo rje'i
 mtshams bcing bar 'gyur ro/ /de nyid dkyil 'khor bcing ba'i tshul gyis bskor bar bya ste/ de ltar na dkyil 'khor bcing bar 'gyur ro/ /de ltar byas pas cir 'gyur zhe na/ thams cad rdo rje khro bo'i ngo bo nyid rdo rje khro bo'i rgyal po chen po ni rdo rje hUM mdzad de des
 kyang zhugs par mi nus shing mi phyed par 'gyur ro/ /sdig pa thams cad bsrung ba zhes bya ba la/ sdig pa yang yin la thams cad kyang yin pas na sdig pa thams cad de/ sems can thams cad la 'tshe bar byed pa'i bdud kyi lus can gyi lha'i gzugs so/ /de rnams
 las thams cad du bsrung bas na sdig pa thams cad bsrung ba ste/ 'dod chags la sogs pa'i nyon mongs pa dang nye ba'i nyon mongs pa rnams las rang gi sems bsrung ba'o/ /de ji ltar 'gyur zhe na/ bde ba chen po rdo rjes byin gyis brlabs so zhes bya ba la/ de
 bzhin du rdo rje sems dpa'i rnal 'byor byas la/ dang po'i rdo rje bcings te/ go cha bcing ba'i bsam pas snying gar bzhag la sems kyis rgyu ba dang / de nas dpung pa gnyis dang / spyi bo dang dpral bar bzhag la rdo rje khu tshur gnyis kyi phreng ba bcings te/ snying
 ga'i phyogs su rdo rje khu tshur gnyis kyi go cha bcing bar bsam par bya'o/ /de bzhin du mgrin pa'i steng dang / slar yang snying ga dang / de nas nu ma'i bar dang / slar yang snying ga dang / de nas mgrin pa'i steng dang / dpral ba'i steng dang / de nas snying gar bcing ba'i
 tshul gyis rna ba gnyis kyi steng du nam mkha' lding gi gshog pa byas la mthar dar dpyangs su byas te/ 'di ni bde ba chen po rdo rje'i byin gyis brlabs pa ste/ 'dis sdig pa thams cad las bsrung bar 'gyur ro/ /bdag nyid kyi dngos po thams cad dam/ gzhan dag
 rdo rjer byed pa zhes bya ba ni go sla'o/ /de ji ltar 'gyur zhe na/ bde ba chen po rdo rje go chas so/ /zhes bya ba la/ de bzhin du dpal rdo rje sems dpa'i rnal 'byor byas la dang po'i rdo rje bcings te/ rdo rje bsrung bar bdag nyid bsams nas bdag nyid go cha'i bsam
 pa'am/ gzhan bsrung ba'i bsam pas phyag rgya de snying ga'am/ dpral ba'am/ spyi bo'i phyogs su gzung bar bya ste/ de ltar na bdag nyid kyi dngos po thams cad dam gzhan dag gi rdo rje nyid du byed par 'gyur ro/ /'thab mo thams cad las rnam par rgyal
 ba zhes bya ba la/ mchog dang mchog ma yin pa'i 'thab mo kun las rnam par rgyal ba ni 'thab mo thams cad las rnam par rgyal ba'o/ /de ji ltar zhe na bde ba chen po'i rdo rje rgyal mtshan mchog gi dpung rgyan gyis so zhes bya ba la/ de bzhin du
 dpal rdo rje sems dpa'i rnal 'byor byas la/ dang po'i rdo rje bcings te gyen du drangs la sor mo dbus ma gnyis dar gyi ba dan gyi tshul gyis gzung bar bya ste/ phyag rgya bcing ba de las kyang yan lag bzhi'i dpung gi tshogs spros la de yis pha rol gyi dpung gsad par bya ste/ de
 ltar na 'thab mo kun las rnam par rgyal bar 'gyur ba yin no/ /'thab mo bsrung ba zhes bya ba la/ 'thab mo thams cad las bdag nyid kyi dpung bsrung ba ni 'thab mo bsrung ba'o/ /de ji ltar zhe na/ bde ba chen po'i rdo rje gzhan gyis mi thub pas so zhes bya ba la/ de
 bzhin du dpal rdo rje sems dpa'i rnal 'byor byas la dang po'i rdo rje bcings te/ bdag nyid 'phags pa byams par rnam par bsams la byams pa'i go chas lus thams cad byugs shing des bsrung bar byas te/ de ltar na 'thab mo thams cad las bsrung bar 'gyur
 ro/ /pha rol gyi dpung thams cad gzhig pa ni go sla'o/ /ji ltar zhe na/ bde ba chen po rdo rje 'jigs par byed pas so zhes bya ba de bzhin du dpal rdo rje sems dpa'i rnal 'byor byas la dang po'i rdo rje bcings te bdag nyid zhal gyi mche ba rnam par gtsigs pa'i rdo rje gnod
 sbyin du rnam par bsams la 'jigs par byed pa'i lta bas blta zhing steng du kha bltas pas khro bo'i bzhad pa bya ste/ steng du kha blta ba'i phyag rgya rang gi khar bzung zhing rang gi kha las kyang rdo rje gnod sbyin srin po ro langs rnams spros la de rnams kyis gzhan gyi dpung bza'
 bar bya ste/ de ltar na gzhan gyi dpung thams cad 'jigs par 'gyur ro/ /gzhan gyi dpung thams cad nyams pa zhes bya ba la sogs pa la/ nyams pa ni dman pa ste stobs chung ba nyid du byed pa'o/ /de nyid las gzhan zil gyis gnon pa'i nus pa bskyed pa
 ni ldang ba'o/ /rgyas btab pa ni thams cad snying ga'i zla ba rnams la 'bar ba'i rdo rje bskyed pa'o/ /ltung ba ni go sla'o/ /gsad pa ni bya ba byed pa med pa dang / shin tu gsad pa'o/ /de dag thams cad ji ltar 'gyur zhe na/ bde ba chen po'i rdo rje glog bskor bas so zhes bya ba
 la/ de bzhin du dpal rdo rje sems dpa'i rnal 'byor byas la dang po'i rdo rje bcings te bdag nyid drag po chen po'i bdag po rdo rje hUM mdzad zhal bzhi pa phyag brgyad pa rdo rje'i rigs spro ba'i tshul gyis bzhugs par rnam par bsams la/ dang po'i rdo rje mthe'u chung dang / mthe bo
 dag gis 'bar ba bzhi pa'i tshul byas la khro zhing gzhan gyi dpung mngon pa'i phyogs su gtor bar bya ste/ phyag rgya gtor ba las rdo rje ro langs la sogs pa spros te/ de rnams kyis gzhan gyi dpung nyams pa'am/ ldang ba'am rgyas gdab pa'am ltung ba'am/ gsad
 par bsam par bya ste/ de ltar na ji lta ba bzhin du bsam pa gang yin pa de 'grub par 'gyur ro/ /rims thams cad la sogs pa dang / /nad thams cad dang / nad chen po zhi ba zhes bya ba la/ rims thams cad ni sman gyi bstan bcos las ji ltar
 grags pa'o/ /nad thams cad ni skya rbab la sogs pa'i nad do/ /nad chen po ni gcong chen po la sogs pa'o/ /de rnams zhi ba ni 'jig pa'o/ /de ji ltar 'gyur zhe na/ bde ba chen po'i rdo rje lta bas 'phrog pas so zhes bya ba la/ dpal rdo rje sems dpa'i rnal 'byor
 byas la dang po'i rdo rje rang gi snying gar bcings te/ zhi ba'i lta bas de'i dbus ma rdo rje'i rtse mo 'phrog cing rims nad thams cad la sogs pa 'phrog par byed pa yin no/ /bdag nyid 'phags pa gtsug spyod kyi rang bzhin du bsams la/ bcom ldan 'das
 'phags pa gtsug spyod kyis kyang / nad pa'i spyi bo nas rkang pa'i bar du gang bar bsam par bya'o/ /de ltar na rims thams cad dang nad thams cad dang nad chen po zhi bar 'gyur ro/ /dug thams cad gzhig par bya ba la ni mi snang bar bya'o/ /dug thams cad
 kyi nus pa 'phrog pa ni dug med par bya ba'o/ /de ji ltar 'gyur zhe na/ bde ba chen po'i rdo rje lta bas 'phrog pas so zhes bya ba la dang po'i rdo rje bcings nas byams pa'i lta bas 'phrog par bya'o/ /'di ltar ston par 'gyur te/ de bzhin du dpal
 rdo rje sems dpa'i rnal 'byor byas la byams pa'i lta bas blta zhing dang po'i rdo rje dug 'phrog par bya'o/ /bcom ldan 'das rdo rje sems dpa' zla ba'i sku mdog can gyis kyang dug thams cad bdud rtsir gyur par bsam par bya ste/ de ltar na dug thams cad 'jig pa dang
 dug med par 'gyur ro/ /gdon thams cad dgrol bar zhes bya ba la/ rig pa mchog las gsungs pa'i gdon bco brgyad ni gdon thams cad de/ de rnams bkrol ba ni gdon thams cad bkrol ba ste gdon thams cad kyis bzung ba rnams sel ba zhes bya ba'i tha
 tshig go/ /de ji ltar 'gyur zhe na/ bde ba chen po'i rdo rje 'byung po bskrad pas so zhes bya ba la/ de bzhin du dpal rdo rje sems dpa'i rnal 'byor byas te dang po'i rdo rje bcings la 'phags pa stobs po che dbu stong dang / phyag stong mnga' bar bdag nyid bsams la des
 bsgrub bya la dbab par bya'o/ /bsgrub bya'i snying ga na bzhugs pa'i bcom ldan 'das 'phags pa stobs po ches kyang bsgrub bya kun du gang bar byas nas/ dang po'i rdo rje dbus ma'i rtse mos gdon blangs te/ gdon dgrol ba'i bsam pas dang po'i rdo rje zhu nas dgrol
 bar bya ste/ de ltar na gdon thams cad las grol bar 'gyur ro/ /ma mo dang mkha' 'gro ma dang / gdon thams cad ni shes par zad do/ /de rnams dgrol ba chen po ni bsgrub bya'i lus las shin tu 'jig pa'o/ /de rnams nyid kyi 'thab pa sngags dang
 phyag rgya dag gis 'joms pa'o/ /de dag nyid kyis sems can gang gi snying bton nas zos pa de las gzhan gyi snying bcug pa ni 'byung ba'o/ /de nyid kyis bsad pa'i sems can ni shi ba ste de gso ba ni shi ba gso ba ste slar yang srog byin pa'o/ /de nyid las srog byin nas
 sngar sngon gyi bsags pa'i tshe'i bar chod med pa nyid du gong nas gong du rab tu 'jug pa ni tshe 'phel ba'o/ /ma mo dang mkha' 'gro ma dang / gdon thams cad kyis de zil gyis non par mi 'gyur ba nyid ni shin tu bsrung ba'o/ /de ji ltar bya ba yin zhe na/ bde ba chen
 po'i rdo rje'i phyag rgya'i lan gyis so zhes bya ba la/ dpal rdo rje sems dpa'i rnal 'byor byas la sngar bshad pa'i mtshan nyid can gyi dpal he ru kar bdag nyid rnam par bsams la dang po'i rdo rjes yongs su bskor te/ mthe bo'i rtse mo dag gis mdzod spu'i phyogs su
 gzung bar bya'o/ /de nas sor mo dbus ma gnyis bskyod par bya'o/ /dpal he ru ka 'khor dang bcas pas bsgrub bya'i lus la zhugs te/ ma mo dang / mkha' 'gro ma dang / gdon thams cad za bar 'gyur bar bsam par byas te de ltar na ma mo dang / mkha'
 'gro ma dang / gdon thams cad las grol bar 'gyur ba yin no/ /'thab par 'gyur ba de rnams kyi sngags dang phyag rgya dag gis dbus ma'i rdo rje rtse mo las 'bar ba'i rdo rje rnams spros te de rnams kyi steng du yid kyis dbab par bya ste de ltar na 'joms par 'gyur ro/ /de
 bzhin du dbus ma'i rtse mo gnyis bskyod par byas shing dpal he ru ka 'khor dang bcas pa snying bton pa'i lus la bcug ste/ de'i 'bar ba'i lcags kyu rnams kyis mkha' 'gro ma dang gdon rnams las snying bkug la bsgrub par bya ba'i lus la rab tu bcug par
 bya ste/ de ltar na snying gzhan yang 'byung bar 'gyur ro/ /de bzhin bdag nyid dpal he ru kar rnam par bsams la/ dbus ma'i rtse mo gnyis bskyed cing dpal he ru ka bsgrub bya'i lus la rab tu bcug ste/ bya ba med par 'gyur ba'i bsgrub bya ldang du bcug ste de
 ltar na 'chi ba gso ba'o/ /de ltar srog byin la tshe 'phel ba'i bsam pas snying gar dpal rdo rje sems dpa' bsam zhing de nyid spyi bor yang bdud rtsi 'dzag par bsam par bya ste/ de ltar na tshe 'phel bar 'gyur ro/ /de bzhin du dbus ma'i rtse mo bskyod cing bsgrub
 bya'i snying gar rdo rje bsam par bya ste de ltar na shin tu bsrung bar 'gyur ro/ /thams cad dbab pa ni rgyu ba dang mi rgyu ba thams cad dbab pa'o/ /g.yo ba ni de nyid rang gi gnas nas bskyod pa'o/ /'chi ba ni de nyid rdo rje lcags kyu'i lu gu rgyud kyis so/ /gar ni
 de nyid gar byed du bcug pa'o/ /glu ni glu len du bcug pa'o/ /sngar ma byung ba so sor ston pa ni de nyid 'das pa dang / ma 'ongs pa dang / da ltar byung ba smrar gzhug pa'o/ /de nyid rmad du byung ba smrar gzhug pa dang de nyid rdzu 'phrul ston du gzhug pa dang / de ni bden pa smrar
 gzhug pa dang / de nyid bcings pa dgrol ba dang / de nyid byur thams cad phral ba de las bsrung ba'o/ /sos su gzhug pa ni sems can gyi khams thams cad de nyid la rgas pa la sogs pa 'jig par byed pa'o/ /'di dag thams cad ji ltar 'gyur zhe na/ bde ba
 chen po'i rdo rje dbab pas so zhes bya ba la/ de bzhin du dpal rdo rje sems dpa'i rnal 'byor byas la dang po'i rdo rje snying ga'i phyogs su bzhag ste/ de'i dbus ma'i rtse mo rang gi snying ga las bstod pas thams cad la dbab pa ste/ dpal rdo rje sems dpa' bzhugs pa'i
 bsgom pas so/ /de nyid kyis rang gi snying bskyod cing dngos po thams cad g.yo ba'o/ /de nyid kyis bcing ba'i bsam pas rdo rje lcags sgrog gi pho nyas dngos po thams cad bcing ba'o/ /gar byed du gzhug pa'i bsam pas dbus ma'i rtse mo de nyid kyi dngos po thams
 cad la rdo rje sems dpa' bcug nas/ gar byed du bcug pa ste de dag gar byed du bcug pa yin no/ /dbus ma'i rtse mo de nyid kyis bsgrub bya'i lus la bcug ste/ glu len du bcug pa'i bsam pas kha las gyen du drang bar bya ste/ de ltar na glu len du bcug pa'o/ /
 dbus ma'i rtse mo de nyid phan tshun btsir bar bya ste/ de ltar na sngar ma byung ba'i so sor bstan pa mthong bar 'gyur ro/ /dbus ma'i rtse mo de nyid phan tshun kha 'bus pa'i rnam par byas na rmad du byung ba dang / cho 'phrul mthong bar 'gyur ro/ /dbus ma'i rtse mo de nyid
 ngag 'byin pa'i tshul gyis kha las gyen du drang bar byas te de ltar na bden pa thams cad smrar gzhug pa'o/ /dbus ma'i rtse mo de nyid bcings la thams cad dgrol ba'i bsam pas myur du dgrol bar byas te de ltar na thams cad bkrol ba'o/ /dbus ma'i rtse mo
 de nyid bsrung ba'i bsam pas bskyod par bya ste/ de ltar na go cha la sogs pa thams cad bsrung bar 'gyur ro/ /dbus ma'i rtse mo de nyid kyis bsgrub bya byab par bya ste de ltar na thams cad sos su bcug par 'gyur ro/ /rgyu ba dang mi rgyu ba'i dngos po thams
 cad la yid kyis 'dod pa'i pra dbab pa thams cad grub pa zhes bya ba la pra dbab pa thams cad ni sngar bshad pa ste/ de rnams ji ltar bsgrub par bya zhe na/ bde ba chen po'i rdo rje pra dbab pas so zhes bya ba la/ de bzhin du dpal rdo rje sems dpa'i rnal 'byor
 byas te khye'u 'am bu mo dang po'i rdo rje sems dpar byin gyis brlabs te/ de'i rna ba dang mig gnyis la yi ge hUM las rdo rje rnam par bsams la a nu rA ga ya mi hUM zhes brjod cing / sbyin sreg gi thal bas me long yang dag par sbyangs la nye 'khor gyi sa'i phyogs
 dri bzang pos byug par byas nas me tog bkram pas nye bar mdzes par byas la der me long bzhag ste de la bcom ldan 'das sprul te/ 'dus byas nas mtshan brgya rtsa brgyad kyis bstod pa byas te sgo phye nas spyan drang ba'i phyag rgya dang sngags dag gis sprul pa la
 bcug par bya'o/ /de nas rdo rje gnod sbyin gyis bgegs bskrad pa la sogs pa byas nas rdo rje khu tshur gyis sgo bcad de a ka ru phul la dam tshig gi phyag rgyas bsgrub par bya'o/ /de nas chos dang las dang / phyag rgya chen po la sogs pa rnams kyis bcom ldan 'das
 la rgyas btab la dbang bskur ba'i phyag rgyas dbang bskur ba ste/ mchod pa lngas yang dag par mchod la rnam pa bcu gnyis kyi phyag rgya'i mchod pa rnams kyis kyang yang dag par mchod de/ phyag byas nas bzlas pa brgya rtsa brgyad bya'o/ /de nas slar yang yang
 dag par mchod de/ kye bcom ldan 'das rdo rje sems dpa' bden pa gang gis/ chos thams cad gzugs brnyan dang mtshungs pa'i bden pa des bdag la mngon par 'dod pa'i dngos po ston cig ces bya ba dang / bden pa gang gis sgra
 rnams brag ca dang 'dra ba'i bden pa des/ bdag la mngon par 'dod pa gsungs shig ces bya ba'i bden pa'i byin rlabs byas nas dang po'i rdo rje bcings te rang gi snying gar bzhag nas dbus ma'i kha sbyor bskyod cing bzla bar bya ste/ de ltar na khye'u dang bu mo dag gis thams
 cad mthong ba dang thos pa yin no/ /de ltar na pra dbab pa gzhan rnams kyi sgrub pa yang shes par bya'o/ /rang gi lus zhes bya ba la sogs pa rang gi lus dang yid dag ni rang gi lus dang yid rnams so/ /de dag nyid rtse gcig pa'i rnal 'byor gyi rtog pa med cing mi
 phyed pa rdo rje lta bu ste rdo rje'o/ /de rnams kyis ji lta ba bzhin du thams cad mthong ba dang / thos pa dang / smra ba dang / ston pa'i shes pa rnams grub pa ni rdzogs pa'o/ /de ji ltar zhe na/ bde ba chen po'i rdo rje'i bdag nyid rnam par bsgoms pas so zhes bya ba
 la de yang 'di yin te de bzhin du dpal rdo rje sems dpa'i rnal 'byor byas la dang po'i rdo rje ni rang gi snying ga'i phyogs su bcings te/ des nyin rer lus la sbyangs pas lus 'grub par 'gyur/ de nyid ngag 'byin pa'i tshul gyis kha las gyen du drang bar bya ste de ltar
 na ngag grub pa'o/ /de nyid snying gar bzhag la rang gi snying gar sems dpa'i rdo rje bsgoms te de ltar na sems grub pa'o/ /de nyid la blta zhing bzlas par byas te/ de ltar na thams cad mthong ba yin no/ /de nyid rna ba la gzhag par bya ste/ de ltar na rna ba'i shes
 pa grub pa'o/ /de nyid kha la bzhag nas bzlas par bya ste de ltar na lces thams cad smra ba yin no/ /de nyid chos bstan pa'i bsam pas khar bzung zhing blta bar byas nas thams cad ston pa'i shes pa grub par 'gyur ro/ /thams cad las 'das pa dang ma
 'ongs pa dang / da ltar byung ba zhes bya ba la sogs pa la dngos po thams cad dang / nam mkha'i phyogs las 'das pa dang / ma 'ongs pa dang / da ltar byung ba'i dngos po'i rang bzhin gang yin pa de la/ bka' shes pa smra ba pa de/ mthong ba ni mngon sum du
 byed pa'o/ /de ji ltar zhe na/ yi ge a la sogs pa ste/ de nyid sna tshogs pa ni rdo rje sems dpa' la sogs pa'i phyag rgya chen po'i rang bzhin can yin no/ /yang na dngos po thams cad ni 'das pa dang / ma 'ongs pa dang / da ltar byung ba'i dngos po'i rang bzhin
 rnams kyis rna ba'i shes pa 'jug pa ni ma 'khrul pa'i rna ba'i rnam par shes pa la sogs pa rdzogs pa de nyid sgrub pa yin no/ /de phyag rgya gang gis rdzogs pa yin zhe na/ bde ba chen po'i rdo rje thams cad mkhyen pas so zhes bya ba la/ bde ba chen po rdo rje sems dpa' ste/
 de'i thams cad mkhyen pa ni dus gsum gyi dngos po 'dzin pa'i rnam par shes pa la sogs pa ste/ de rdzogs par byed pa'i phyag rgya ni bde ba chen po rdo rje thams cad mkhyen pa ste/ des de thob par 'gyur ro/ /'di ltar bshad par 'gyur te gsang ba'i dkyil
 'khor las gsungs pa'i dpal rdo rje sems dpa'i rnal 'byor byas la dang po'i rdo rje bcings la bden pa'i byin gyi rlabs bya'o/ /de nas bdag nyid rdo rje sems dpa' bskor zhing phyag rgya des 'das pa dang / ma 'ongs pa dang / da ltar byung ba'i gzugs mthong
 ba'i bsam pas nyin re zhing lan cig mig tu bzhag ste thams cad du bskor bar byas na thams cad mthong bar 'gyur ro/ /rna bar bzhag nas bskor ba byas na thams cad thos pa dang / snar bzhag nas snom pa dang / lcer bzhag nas thams cad smra ba dang / lus la bzhag nas thams cad la
 reg pa dang / snying gar bzhag nas thams cad du bskor bar byas na de ltar yid kyis thams cad shes pa yin no/ /glog dang char dang thog 'bab pa thams cad bzlog pa dang / sprin gzhig pa zhes bya ba ni go sla'o/ /ji ltar zhe na bde ba chen po rdo rje khro bo'i lta bas so zhes bya
 ba la/ bde ba chen po rdo rje khro bo'i lta ba ni/ khros pas blta ba ste de dang bcas pa'i dang po'i rdo rje phyag rgyas bde ba chen po rdo rje khro bo'i lta ba ste des de 'grub par 'gyur ba yin no/ /'di ltar bshad par 'gyur te snga ma bzhin du rdo rje sems dpa'i
 rnal 'byor la dang po'i rdo rje bcings la de'i dbus ma'i rdo rje dang khro bo'i lta bas blta zhing glog bzlog pa'i tshul gyis glog bzlog par bya'o/ /char bzlog pa'i tshul gyis char bzlog par bya'o/ /thog 'bab pa bzlog pa'i tshul gyis thog bzlog par bya'o/ /sprin gzhig
 pa'i tshul gyis sprin gzhig par bya'o/ /sa'i 'og nas sngar ma byung ba'i 'bru la sogs pa thams cad ces bya ba la sogs pa la/ de bzhin du dpal rdo rje sems dpa'i rnal 'byor byas la dang po'i rdo rje bcings te dbus ma'i rdo rje 'di rnams bya ste/ 'og nas 'byung
 ba'i sbyor bas sa'i 'og nas sngar ma byung ba'i 'bru la sogs pa'i 'bras bu thams cad 'byung ba'i bsam pas sngar ma byung ba'i 'bras bu bskyed par bya'o/ /de nye bar len pa ni thams cad las dgug cing nye bar blangs pa'o/ /chu med pa'i gnas las chu'i phung po 'byung ba
 ni bskyed pa'o/ /de nyid sbyin pa'i tshul gyis nye bar blang ba'o/ /'bar ba dang me stag 'phro bas mun par snang ba chen po bskyed pa ste snang ba chen po sbyor ba'i tshul gyis snang ba chen po nye bar len pa'o/ /rlung gi tshul gyis rlung thams cad bka' bsgo ba ste rlung thams cad
 nye bar blang ba'i tshul gyis de nye bar len pa'o/ /phyogs bcur gnas pa'i nam mkha' thams cad las dngos po thams cad mthong ba'i bsgom pas dngos po thams cad mthong ba'o/ /dngos po thams cad nye bar len pa'i bsgom pas dngos po thams cad nye bar
 blang bar bya ste/ 'di ni bde ba chen po'i rdo rje dbyings kyi dbang phyug ma yin no/ /thams cad gzhom pa dang / rengs pa dang / dral ba dang / rmugs pa dang / gnyid log par bya ba dang / rgyas gdab pa dang / ltung ba dang / rmongs pa dang / gsad pa dang /
 phyir mi ldog pa rnams ni bshad zin to/ /'di rnams ji ltar 'gyur zhe na/ bde ba chen po rdo rje gdug pa'i phyag rgyas so zhes bya ba la/ bde ba chen po gdug pa ni drag po'i gzugs can gyi rdo rje sems dpa' ste/ de'i rdo rje'i phyag rgya'i ba dan gyis las de rnams
 'grub par 'gyur ro/ /'dis ni 'di skad ston par 'gyur te/ de bzhin du rdo rje sems dpa'i rnal 'byor byas la dang po'i rdo rje bcings te/ bdag nyid drag po chen po'i gzugs can gyis rdo rje sems dpar rnam par bsams la/ dang po'i rdo rjes
 dbus ma'i rdo rje'i las rnams bya'o/ /dbus ma'i rdo rje bsnun pas thams cad 'joms pa'o/ /dbus ma'i rdo rje rtse mo gnyis snying ga'i phyogs su btsir bas btsir na/ thams cad rengs pa'o/ /dbus ma'i rtse mo rdo rje sen mo dag dral bas na thams cad
 dral ba'o/ /dbus ma rdo rjes rang gi mig la reg pas thams cad rmugs par byed pa'o/ /dbus ma'i rdo rjes rang gi mig btsums par byas na thams cad gnyid log tu bcug pa'o/ /dbus ma'i rdo rje sor mo bcu gnyis phan tshun snyim par yang dag par sbyar
 bar bya ste/ des rang gi snying gar mnan par byas na rgyas btab pa'o/ /dbus ma'i rdo rjes ltung ba'i tshul du byas na thams cad ltung ba'o/ /dbus ma'i rdo rjes glod par byas na rmongs par byed pa'o/ /dbus ma'i rdo rjes phan tshun du brdeg pas gsod pa'o/ /dbus
 ma'i rdo rje'i dngos po nyid rang gi snying gar gzung bar byas na phyir bzlog par 'gyur ro/ /thams cad rjes su chags pa dang / dgug pa dang / gzhug pa dang / dbab pa dang / bcing ba dang / dgrol ba dang / dral ba dang / ltung ba slong ba dang / 'dren pa
 dang / bran du byed pa dang / mngag gzhug bsgo bar byed pa dang / thams cad tshur drang ba dang / phar gtong ba dang / gsad pa dang / slar gso ba la sogs pa'i las thams cad byed pa dang / dbang du byed pa'i sgrub pa ni bde ba chen po'i rdo rje thams cad grub
 pas so zhes bya ba la/ de bzhin du dpal rdo rje sems dpa'i rnal 'byor byas la dang po'i rdo rje dbus ma'i rdo rje de rnams bya ba yin te/ mda' gtod pa'i tshul gyis thams cad rjes su chags pa'o/ /dbus ma gnyis kyis lcags kyu gnyis bya ste
 des bsgrub bya bkug pa'i tshul gyis thams cad dgug pa'o/ /g.yon pa'i dbus ma'i rdo rje las g.yas pa'i dbus ma'i sor mo bcug pas thams cad gzhug pa'o/ /dbus ma'i rdo rje'i rtse mo bskyod pas dbab pa'o/ /dbus ma'i rdo rje gdu bu bcings pas
 bcing ba'o/ /dbus ma'i rdo rje myur du bkrol bas bkrol ba'o/ /dbus ma'i rdo rje sor mo gnyis mnyam por byas la myur du dral bas na dral ba'o/ /dbus ma'i rdo rje ltung bar byas pas na ltung ba'o/ /dbus ma'i rdo rje 'og nas steng du drangs pas ltung ba bslang bar
 bya'o/ /dbus ma'i rdo rje sor mo g.yon pa g.yas pa'i sor mo dbus mas drangs pas na 'dren pa'o/ /dbus ma'i rdo rje las thams cad sbyor bar byed pas na bran du byed pa'o/ /dbus ma'i rdo rjes 'og tu bskyod cing steng du dor bas mngag gzhug bka'
 bsgo bar byed pa'o/ /dbus ma'i rdo rje tshur drangs pas tshur 'dren pa'o/ /dbus ma'i rdo rjes mngon par 'dod pa'i gnas su khyer nas gzhag pas phar gtang ba'o/ /dbus ma'i rdo rje'i g.yon pa dang g.yas pa drag tu brdegs pas gsad pa'o/ /dbus ma'i
 rdo rje rang gi snying ga la gnas pa'i rtse mo gyen du drangs pas slar gso ba la sogs pa'o/ /dbus ma'i rdo rje las thams cad sbyor bar byed pas las thams cad byed pa dang dbang du byed pa grub par 'gyur ro/ /thams cad ces bya ba la sogs pa la/ rigs thams
 cad ni 'jig rten dang 'jig rten las 'das pa'i rigs kyi dkyil 'khor rnams so/ /de dag gi mchog gi dngos grub ni sa dang pha rol tu phyin pa la sogs pa rdzogs pa'o/ /de nyid sangs rgyas nyid dang / rdo rje 'chang ba nyid kyi mtshan nyid can gyi mchog gi dngos grub
 thams cad kyi dang por gang la yod pa de la de skad ces bya'o/ /mchog gi dngos grub thams cad ni khams gsum pa'i chos kyi rgyal srid kyi dbang bskur ba'o/ /de nyid 'jig rten dang 'jig rten las 'das pa'i phun sum tshogs pa thams cad kyi thog mar gang la yod pa de la
 de skad ces bya'o/ /thams cad rjes su chags pa la sogs pa'i bde ba dang yid bde ba thams cad rab tu zhugs pa ni bdag dang gzhan gyi rgyud la rdzogs pa'o/ /mchod pa chen po thams cad ni rdo rje mtshon cha ma la sogs pa'i mchod pa bcu gnyis dang / las kyi dkyil
 'khor las gsungs pa'i mchod pa bcu drug ste/ de dag las thams cad kyi sgrub pa myur du grub pa'i cho ga rgyas pa'i dang por gang la yod pa de la de skad ces bya'o/ /de ji ltar 'gyur zhe na/ /bde ba chen po rdo rje mchog gi dngos grub kyis so zhes bya ba la sogs pa
 'di ltar 'chad par 'gyur te/ dpal rdo rje sems dpa'i rnal 'byor byas la dang po'i rdo rje bcings te snying ga'i phyogs su dkyil 'khor sprul pa'i tshul gyis bskor bar bya ste/ rigs thams cad kyi mchog gi dngos grub la sogs pa'i mchog gi dngos grub thams
 cad thob par 'gyur ro/ /dang po rdo rje de nyid kyis dbang bskur ba'i phreng ba dang / dar dpyangs 'ching ba'i tshul byas la/ dbang bskur ba thams cad la sogs pa'i phun sum tshogs pa thams cad thob par 'gyur ro/ /dang po'i rdo rje snying ga'i phyogs nas
 bteg ste/ bde ba dang yid bde ba nyams su myong ba'i bsam pas de nyid kyis bdag nyid la bde bar yongs su sbyang ba bya ste/ thams cad rjes su chags pa la sogs pa'i bde ba dang yid bde ba thams cad rab tu zhugs par 'gyur ro/ /dang po'i rdo rje gar gyi tshul
 gyis bslang ste spyi bor bkrol bar byas nas mchod pa thams cad la sogs pa'i las thams cad kyi sgrub pa myur du grub pa'i cho ga rgyas pa grub pa yin no/ /de la 'di zhes bya ba la rtog pa thams cad kyi phyag rgya'i mtshan nyid kyi rgyud thugs la gnas pa gsungs te de la
 'di'i rgyud ces bya ba dang sbyor ro/ /bde ba chen po rdo rje gsang ba'i dam tshig ni gsang ba'i dkyil 'khor te/ de'i dang po mchog ni phul du byung ba'i dam tshig gi rang bzhin can gyi las grub par byed pa'i phyag rgya ni bde ba chen po rdo rje gsang ba'i dang po
 mchog ni dam tshig gi las kyi phyag rgya rnams so/ /de ston par byed pa'i sgrub pa'i tshogs ni rgyud de 'das ma thag tu bshad pa'i rdo rje sems dpa'i gsang ba'i dkyil 'khor las gsungs pa'i las brgya rtsa brgyad sgrub par byed pa'i bde ba chen po'i rdo rje tshe la sogs pa'i phyag
 rgya'i mtshan nyid 'di yin no zhes bya ba'i don to/ /bde ba chen po rdo rje dang po'i rdo rje ste de sgrub pa po la rdo rje sems dpa'i tshe ster ba yin no/ /'dir las kyi phyag rgya thams cad bcing bar bya'o zhes bya ba la/ dang po'i rdo rje bcings te bde ba chen po rdo rje tshe la sogs pa'i phyag
 rgya rnams bcing bar bya'o zhes bya ba la sogs pa'i don to/ /dbus ma'i rdo rje btung bar bya'o zhes bya ba la/ dang po'i rdo rje dbus ma'i rtse mos btung bar byas nas tshe shin tu ring ba 'phel bar 'gyur ro/ /rtse mo 'od zer byas pas gdong yongs su sbyangs te gdong pa
 dgrol bar bya'o zhes bya ba la/ dang po'i rdo rje dbus ma dang / mthe bo'i rtse mo dag gis 'bar ba'i tshul byas shing rang gi gdong yongs su sbyangs te/ phyag rgya rang gi gdong par bkrol bar byas na gzugs dang gzi brjid 'phel bar 'gyur ro/ /bdag nyid la thams cad
 du bskor zhing snying gar dgrol bar bya'o zhes bya ba la dang po'i rdo rje bcings la rang gi lus thams cad du bskor bar bya zhing de nas snying gar bkrol na 'du byed chen po thams cad 'phel bar 'gyur ro/ /gtsug tor zhes bya ba la dang po'i rdo rje spyi bor gzung bar byas na
 sems can thams cad kyi bdag nyid dngos po bsrung ba'o/ /phyogs thams cad dang dkyil 'khor bskor ba'o zhes bya ba la/ dang po'i rdo rje phyogs bcing ba'i bsam pas phyogs thams cad bcing bar 'gyur ro/ /de nyid mtshams bcing ba'i tshul gyis bskor
 bar byas na mtshams bcing bar 'gyur ro/ /de nyid dkyil 'khor bcing ba'i tshul gyis bskor na dkyil 'khor bcing bar 'gyur ro/ /snying ga dang yid kyis rgyab dang phrag pa dang spyi bo dang dpral bar byas na rdo rje khu tshur gnyis kyi phreng ba bcings la go cha byas te mdud pa
 byas la rdo rje'i gnas rnams su slar yang phreng ba byas pas rgyab tu mdud pa byas te/ dar dpyangs bya'o zhes bya ba la/ dang po'i rdo rje snying ga'i phyogs su go cha bcing ba'i bsam pas gzhan la yid kyis rgyab tu bzhag ste/ de nas phrag pa la sogs par bzhag la/ khu
 tshur gnyis bcings te des phreng ba 'ching ba'i tshul du byas nas snying ga'i phyogs su go cha 'ching ba'i tshul du bya'o/ /de bzhin du mgrin pa'i steng dang / slar yang snying ga dang / de nas nu ma'i bar dang / slar yang snying ga dang / de nas dpral ba'i steng du mdud pa bcing ba'i
 tshul du byas la/ slar yang dar dpyangs 'ching ba'i tshul gyis rna ba gnyis kyi steng du nam mkha'i lding gi gshog pa byas nas mthar dar dpyangs su dmigs par byas na/ 'dis sdig pa thams cad las bsrungs pa yin no/ /snying ga dang / dpral ba dang / mgrin pa
 dang / spyi bor bzhag la zhes bya ba ni dang po'i rdo rje bcings nas snying ga'i phyogs dang / dpral ba dang / mgrin pa dang / spyi bo'i phyogs su go cha bskyed pa'i bsam pas gzung bar bya ste/ de ltar na bdag nyid kyi dngos po thams cad dam gzhan dag rdo rje nyid du byed
 par 'gyur ro/ /dbus ma'i dar mchog ces bya ba la dang po'i rdo rje sor mo dbus ma gnyis dar gyi ba dan gyi tshul gyis gyen du gzung bar byas te/ 'dis 'thab mo thams cad las rnam par rgyal bar 'gyur ro/ /byab pa zhes bya ba la dang po'i rdo rje rang gi dpung gi
 tshogs thams cad byab par bya ste/ de ltar na 'thab mo bsrung ba'o/ /gyen du kha blta ba'i dbugs dang 'jigs byed kyi gdong gi lta bas zhes bya ba la/ dang po'i rdo rje bcings la 'jigs byed kyi lta bas blta zhing steng du kha bltas pa'i khro bo'i bzhad pa byas te phyag
 rgya de yang gyen du kha bltas pas rang gi khar bzung na/ pha rol gyi dpung thams cad gzhom pa'o/ /'bar ba bzhi'i tshul gyis dor zhing khros pa'o zhes bya ba la/ dang po'i rdo rje mthe bong dang mthe'u chung khros pa 'bar ba bzhi'i tshul du byas te de ltar pha rol
 gyi dpung thams cad 'jig pa dang / bslang ba dang / rgyas gdab pa dang / gsad pa dang / brdeg par 'gyur ro/ /rang gi snying gar bcings te zhi ba'i lta bas rtse mo 'phrog par bya'o zhes bya ba la dang po'i rdo rje rang gi snying ga'i phyogs su bcings te zhi ba'i lta bas de'i dbus
 ma'i rdo rje'i rtse mo 'phrog par byas te de ltar na rims nad la sogs pa dang / nad thams cad zhi bar 'gyur ro/ /lta bas 'phrog par bya'o zhes bya ba la/ dang po'i rdo rje bcings te byams pa'i lta bas blta zhing dug 'phrog par bya ste/ de ltar na dug thams cad 'jig pa
 dang dug med par 'gyur ro/ /dbab pas myur du dgrol bar bya'o zhes bya ba la/ dang po'i rdo rje bcings te des bsgrub bya la dbab cing phyag rgya bya la myur du dgrol bar bya ste/ de ltar na gdon thams cad dgrol bar 'gyur ro/ /yongs su bskor nas dpral bar bzhag ste/
 dbus ma'i rdo rje rtse mo gnyis bskyod par byas na ji lta ba bzhin du las byed pa'o zhes bya ba la/ dang po'i rdo rje bcings te yongs su bskor la mthe bo'i rtse mo gnyis kyi mdzod spu'i phyogs su yongs su gzung bar byas la de nas sor mo dbus ma'i rtse mo gnyis bskyod par byas te
 de ltar na ma mo thams cad dang / mkha' 'gro ma dang / gdon rnams dgrol ba chen po dang / snying gzhan dbyung ba dang / 'chi ba 'tsho ba dang / tshe 'phel ba dang / shin tu bsrung ba rnams sngar bshad pa'i tshul gyis 'byung bar 'gyur ro/ /snying gar bzhag ste dbus
 ma'i rdo rje las so zhes bya ba la/ dang po'i rdo rje rang gi snying ga'i phyogs su gzung zhing dbus ma'i rtse mos las rnams bya'o/ /de dag gang yin ji ltar bya zhe na/ 'di lta ste zhes bya ba la sogs pa la snying gar bstod pa zhes bya ba ni dang po'i rdo rje snying ga'i phyogs su
 bzhag la de'i dbus ma'i rtse mo snying gar bstod pas thams cad dbab pa'o/ /bskyod pa zhes bya ba ni dang po'i rdo rje rang gi snying bskyod pas thams cad g.yo bar byed do/ /'ching ba zhes bya ba ni dang po'i rdo rjes dngos po thams cad bcing ba'i bsam pas dngos po thams cad
 'ching ba'o/ /gar byed du gzhug pa zhes bya ba ni dang po'i rdo rje'i rtse mos gar gyi bsam pas bskor na dngos po thams cad gar byed du gzhug go/ /mgrin pa gsal ba zhes bya ba ni dang po'i rdo rje dbus ma'i rtse mos ngag 'byin pa'i bsam pas snying ga las gyen du drang
 bar bya ste/ de ltar na dngos po thams cad glu len du 'jug pa'o/ /rdo rje btsir ba zhes bya ba ni dang po'i rdo rje dbus ma'i rtse mo phan tshun btsir bar bya ste/ de ltar na thams cad so sor bstan pa mthong ba'o/ /kha 'bus zhes bya ba ni dang po'i rdo rje dbus ma'i rtse mo kha
 'bus pa'i tshul du byas te/ de ltar na rmad du byung ba thams cad mthong ba'o/ /mgrin pa gsal ba ni dang po'i rdo rje dbus ma'i rtse mo ngag 'byin pa'i tshul gyis kha las gyen du drang bar bya ste/ de ltar na dngos po thams cad bden pa smrar gzhug pa'o/ /bcings pa
 myur du bkrol ba zhes bya ba la dang po'i rdo rje dbus ma'i rtse mo myur du bkrol bar byas te/ de ltar na bcings pa thams cad bkrol ba'o/ /bsrung ba zhes bya ba ni dang po'i rdo rje dbus ma'i rtse mo bsrung bar bya ste de ltar na thams cad bsrung ba'o/ /byab pa'i las zhes
 bya ba ni dang po'i rdo rje dbus ma'i rtse mos bsgrub bya la byab par bya ste de ltar na thams cad sos par byed pa yin no/ /snying gar kha sbyor bskyod pa'o/ /zhes bya ba la dang po'i rdo rje dbus ma'i kha sbyor rang gi snying ga'i phyogs su bskyod par bya ste de ltar na pra dbab pa thams cad
 'jug par 'gyur ro/ /nyin re zhes bya ba ni zhag re la'o/ /snga rol du zhes bya ba ni dus mtshams snga ma'i dus su'o/ /lan cig ni 'or gcig go/ /lus yongs su sbyangs pa ni dang po'i rdo rje rang gi snying ga'i phyogs su bcings te/ nyin re zhing snga rol lan cig des
 rang gi lus la yongs su byab par bya ste/ de ltar na lus grub par 'gyur ro/ mgrin pa gsal ba'i ngag ces bya ba ni dang po'i rdo rje ngag 'byin pa'i tshul gyis kha las gyen du drang bar bya ste de ltar na ngag grub pa'o/ /snying gar gzhag pa zhes
 bya ba ni de nyid rang gi snying ga'i phyogs su bzhag na yid grub pa'o/ /phyag rgya la lta ba zhes bya ba ni dang po'i rdo rje la blta zhing bzlas pa bya ste de ltar na thams cad mthong ba yin no/ /de nyid rna bar gzhag par bya ste de ltar na rna ba'i shes pa grub pa'o/ /de nyid kha la
 bzhag cing bzlas pa bya ste de ltar na thams cad smra ba yin no/ /de nyid chos ston pa'i bsam pas blta zhing bzlas pa bya ste de ltar na chos thams cad ston pa'i shes pa grub par 'gyur ro/ /nyin rer snga dro lan cig ces bya ba ni snga ma bzhin no/ /dbang po thams cad la
 bzhag ste thams cad du bskor bar bya'o zhes bya ba la/ dang po'i rdo rje bcings la mig la bzhag ste nyin rer snga dro lan cig tu dngos po thams cad la blta ba'i bsam pas thams cad du bskor bar bya ste de ltar thams cad mthong ba'o/ /sgra thams cad nyan pa'i bsam
 pas rna bar bzhag la thams cad du bskor bar byas te/ thams cad thos pa'o/ /dri thams cad la snom pa'i bsam pas snas thams cad snom pa'o/ /thams cad smra ba'i bsam pas lces thams cad smra ba yin no/ /reg bya thams cad nyams su myong ba'i
 bsam pas lus la bzhag ste thams cad du bskor bar bya ste/ de ltar na lus kyis thams cad la reg pa'o/ /snying gar bzhag nas thams cad du bskor bar byas te de ltar na yid kyis thams cad shes par 'gyur ro/ /dbus ma'i rdo rjes byed pa zhes bya ba la/ dang
 po'i rdo rje dbus ma'i glog bzlog pa la sogs pa'i las kyi tshul ni byed pa'o/ /khro bo'i rdo rje blta bas so zhes bya ba la khro bo'i lta ba dang bcas pas so/ /'di ltar 'chad par 'gyur te dang po'i rdo rje bcings la khro bo'i lta bas blta zhing / dbus ma'i rdo rje glog
 bzlog pa'i tshul gyis bzlog par bya'o/ /char bzlog pa'i tshul gyis char bzlog par bya'o/ /thog 'bab pa bzlog pa'i tshul gyis thog 'bab pa bzlog par bya'o/ /sprin gzhig pa'i bsam pas sprin gzhig par bya'o/ /dbus ma'i rdo rje'i las zhes bya ba la dang
 po'i rdo rje dbus ma'i rtse mo'i las ni dbus ma'i rdo rje'i las te sngar ma byung ba'i 'bras bu bskyed pa la sogs pa'i las so/ /'og nas 'byung ste zhes bya ba la/ dang po'i rdo rje bcings te de'i dbus ma'i rtse mo 'og nas 'byung ba'i tshul du byas te de ltar na thams cad kyi
 'og nas sngar ma byung ba'i 'bras bu 'byung bar 'gyur ro/ /nye bar longs spyod pa zhes bya ba ni dang po'i rdo rje dbus ma'i rtse mo 'bras bu la nye bar longs spyod pa'i tshul du bya ste 'bras bu thams cad nye bar longs spyod pa'o/ /thams cad 'gugs par byed pa zhes bya ba la/
 dang po'i rdo rje dbus ma'i rtse mos ri bo la sogs pa'i phyogs la klu dgug pa'i tshul du byas te de bkug pas ri bo la sogs pa chu med pa'i phyogs su 'bab chu la sogs pa'i chu 'byung bar 'gyur ro/ /dbab pa sbyin pa zhes bya ba la/ dang po'i rdo rje dbus ma'i rtse mos chu
 'bab pa sbyin pa'i tshul du bya ste de ltar na chu'i phung po nye bar len par 'gyur ro/ /'bar ba'i me tog byed pa zhes bya ba la/ dang po'i rdo rje dbus ma'i rtse mos 'bar ba'i me tog gi tshul bya ste/ de ltar mun pa snang ba chen por bskyed pa yin no/ /nye bar len pa zhes bya ba la/ nye
 bar len pa ni nges par sbyar ba'o/ /de yang dang po'i rdo rje dbus ma'i rtse mo byas te de ltar na snang ba chen po nye bar len pa'o/ /rlung gi tshul zhes bya ba la dang po'i rdo rje dbus ma'i rtse mos rlung gi tshul bya ste de ltar na rlung thams cad la bka' bsgo ba nyan par 'gyur ro/ /nye bar len
 pa zhes bya ba ni dang po'i rdo rje dbus ma'i rtse mos rlung thams cad nye bar sbyor ba'i tshul bya ste de ltar na rlung thams cad nye bar len par 'gyur ro/ /nam mkha' thams cad bsgom pa las du ma'o zhes bya ba ni dang po'i rdo rje dbus ma'i rtse mos phyogs bcur gnas pa'i nam
 mkha' las dngos po thams cad mthong ba'i tshul byas na dngos po thams cad mthong ba'i bsgom pas dngos po thams cad mthong ba yin no/ /dngos po thams cad nye bar sbyor ba'i tshul dang / sgom pa dag gis dngos po thams cad nye bar len par 'gyur ba yin
 no/ /dbus ma'i rdo rje'i las zhes bya ba la dang po'i rdo rje dbus ma'i rtse mo las ni dbus ma'i rdo rje las te thams cad gzhom pa la sogs pa'o/ /phyag rgya gzhom pa zhes bya ba ni dang po'i rdo rje dbus ma'i rtse mos thams cad 'joms pa'i bsam pas gzhom pas na thams cad
 'joms pa'o/ /rtse mo gnyis snying gar btsir ba zhes bya ba ni dang po'i rdo rje'i rtse mo snying ga'i phyogs su btsir na thams cad rengs pa'o/ /sen mo dag brud pa zhes bya ba ni dang po'i rdo rje dbus mas rdo rje'i sen mo gnyis brud pas thams cad dral ba'o/ /mig la reg
 pa zhes bya ba ni dang po'i rdo rje dbus ma'i rtse mos rang gi mig mnyes na thams cad rmugs pa'o/ /btsums pa zhes bya ba ni dang po'i rdo rje dbus ma'i rtse mor rang gi mig btsums par byas na thams cad gnyid log tu bcug pa'o/ /sor mo mnyam po snying gar
 brdeg pa zhes bya ba ni dang po'i rdo rje dbus ma'i rdo rje'i rtse mo gnyis phan tshun yang dag par sbyar bar bya ste/ des rang gi snying gar brdeg par byas na thams cad la rgyas btab pa'o/ /ltung bar byed pa zhes bya ba ni dang po'i rdo rje dbus ma'i rtse mos ltung ba'i tshul
 byas na thams cad ltung ba'o/ /glod par byed pa zhes bya ba ni dang po'i rdo rjes glod par byas na/ thams cad rmongs pa'o/ /phan tshun brdeg pa zhes bya ba la dang po'i rdo rjes phan tshun brdegs na thams cad gsad pa'o/ /rang gi snying gar rang bzhin du gzhag pa'i
 las so zhes bya ba la/ de'i dbus ma'i rdo rje rang gi snying gar rnal du gzung bar byas na thams cad phyir bzlog par 'gyur ro/ /dbus ma'i rdo rje las zhes bya ba ni snga ma bzhin no/ /mda' gtod pa zhes bya ba ni/ dang po'i rdo rje'i dbus ma'i rdo rjes mda' gtod
 pa'i tshul du byas te/ de ltar na thams cad rjes su chags par 'gyur ro/ /lcags kyu gnyis kyis dgug pa zhes bya ba ni dang po'i rdo rje dbus ma'i rtse mos lcags kyu gnyis byas te des bsgrub bya dgug par byas na thams cad 'gugs pa'o/ /g.yon pa la
 g.yas pa bcug pa zhes bya ba la/ dang po'i rdo rje dbus ma'i rdo rje g.yon pa la g.yas pa'i sor mo dbus ma bcug pas thams cad gzhug pa'o/ /rtse mo bskyod pas zhes bya ba la/ dang po'i rdo rje dbus ma'i rdo rje'i rtse mo bskyod pa thams cad 'bab pa'o/ /gdu bu
 'ching ba zhes bya ba ni dang po'i rdo rje dbus ma'i rdo rje gdu bur bcings pas thams cad 'ching ba'o/ /myur du dgrol ba zhes bya ba ni dang po'i rdo rje dbus ma'i rdo rje myur du bkrol bas thams cad bkrol ba'o/ /sor mo mnyam por myur du dral ba zhes bya ba ni dang po'i rdo rje
 sor mo dbus ma gnyis mnyam por byas la/ myur du dral bar byas na thams cad dral bar 'gyur ro/ /ltung bar byed pa zhes bya ba ni dang po'i rdo rje dbus ma'i rdo rjes ltung ba'i tshul byas te des thams cad ltung bar 'gyur ro/ /'og nas bteg pa zhes bya ba ni dang
 po'i rdo rje dbus ma'i rdo rjes 'og nas gyen du gdeg par bya ste de ltar na ltung ba slong ba'o/ /g.yon pas g.yas pa drang bar zhes bya ba ni g.yon pa'i sor mo dbus ma'i rdo rje g.yas pa'i sor mo dbus mas drangs nas thams cad 'dren pa'o/ /las thams
 cad la sbyor bar byed pa zhes bya ba ni dang po'i rdo rje dbus ma'i rdo rje las thams cad la nges par sbyar ba'i tshul du byas te/ de ltar na gnod sbyin la sogs pa rjes su 'brang bar byed do/ /'og nas bskyod cing gyen du drang ba zhes bya ba ni dang po'i rdo rje dbus ma'i rdo rje 'og
 nas bskyod cing / gyen du bteg pas mngag gzhug bka' bsgo bar byed pa'o/ /tshur 'dren pa zhes bya ba ni drang po'i rdo rje dbus ma'i rdo rje tshur drangs pas thams cad tshur 'gugs pa yin no/ /phar gtong ba zhes bya ba ni dang po'i rdo rje dbus ma'i rdo rjes
 mngon par 'dod pa'i gnas su khyer zhing bzhag pas phar gtong ba'o/ /g.yon dang g.yas kyis drag por brdeg pa zhes bya ba ni dang po'i rdo rje dbus ma'i sor mo gnyis khros pas phan tshun brdeg par bya ste de ltar na thams cad gsod pa'o/ /rang gi snying
 gar rtse mo 'dren pa zhes bya ba ni dang po'i rdo rje dbus ma'i rdo rjes rtse mo rang gi snying gar gyen du drang bar bya ste de ltar na slar gso ba la sogs pa'o/ /las thams cad la nges par sbyor bar byed pa'i las zhes bya ba la/ dang po'i rdo rje dbus ma'i rdo rje las thams cad nges par
 sbyar ba'i tshul gyis dbang du byed pa sgrub pa yin no/ /snying gar 'khor lo gzhug pa zhes bya ba ni dang po'i rdo rje bcings la rang gi snying ga'i phyogs su dkyil 'khor sprul pa'i bsam pas bskor bar bya ste/ de ltar na rigs thams cad kyi mchog gi dngos grub thams cad
 'grub par 'gyur ro/ /dbang bskur ba'i phreng ba dang / dar 'ching bar byed pa zhes bya ba ni/ dang po'i rdo rje dbang bskur ba'i phreng ba dang / dar 'ching ba'i tshul byas te de ltar na dbang bskur ba thams cad la sogs pa'i phun sum tshogs pa thams cad thob par 'gyur ro/ /
 snying ga las drangs te bde ba thams cad yongs su sbyang ba zhes bya ba ni dang po'i rdo rje rang gi snying gar bcings te bslangs nas bde ba dang / yid bde ba nyams su myong ba'i bsam pas de nyid kyi bde bas bdag nyid la kun du khyab par byas te de ltar na thams cad rjes su
 chags pa la sogs pa dang / bde ba dang yid bde ba thams cad rab tu 'jug par 'gyur ro/ /gar gyis bteg ste spyi bor bkrol ba'i las so zhes bya ba la dang po'i rdo rje bcings la gar gyi tshul gyis bslangs te spyi bor dgrol bar bya'o/ /las ni dang po'i rdo rjes rang
 gi lha'i mchod pa thams cad la sogs pa'i las thams cad grub par 'gyur ro/ /las rgya sgrub par byed pa'i phyag rgya rnams kyi mtshan nyid 'di dag bstan pa yin no/ /phyag rgya'i rgyud 'di ci'i don du gsungs pa yin zhe na/ bde ba chen po rab tu bsgrub pa dang / /
 chags pa chen po rnam dag phyir/ /zhes bya ba la sogs pas 'bras bu bstan pa yin no/ /rdo rje 'dzin pa chen po yis/ /zhes bya bas ni rdo rje sems dpas so/ /des phyag rgya'i rgyud 'di gang la bde ba la sogs pa sgrub pa'i don du rab tu brtag pa yin zhe na/ sangs
 rgyas sras bcas bdag nyid kun/ /zhes bya ba la/ sras dang bcas pa'i de bzhin gshegs pa rnams la'o zhes bya ba'i don to/ /sems can yang yin la kun kyang yin pas sems can kun te/ de dag gi dngos grub myur ba ni gdul bya rnams la skye ba 'di nyid
 la/ rdo rje sems dpa' la sogs pa'i dngos grub sgrub pa'o/ /de'i don du/ don yod dngos grub kun stsol ba'o/ /zhes bya ba la rdo rje sems dpa' la sogs pa'i dngos grub nges par ster ba ni 'di nyid yin no/ /dkyil 'khor dag tu ma zhugs pa/ /zhes
 bya ba la/ rdo rje sems dpa'i gsang ba'i dkyil 'khor 'dir gang dag ma zhugs pa de dag la yang dngos grub thams cad ster ba'i phyag rgya'i rgyud 'di yin no/ /sdig pa'i las ni kun dang ldan/ /zhes bya ba la mtshams med pa la sogs pa byed pa rnams
 la yong ngo / /de dag kyang zhes bya ba ni go sla'o/ /mtshams med pa la sogs pa byed pa rnams kyi yang dngos grub thams cad rdzogs pa'i phyir grub pa yin no/ /kyang gi sgra ni dkyil 'khor du zhugs pa dang / chos dang ldan pa rnams la phyag rgya chen po rgyud
 'dis shin tu grub pa yin no zhes bstan pa yin no/ /rgyu gang gi phyir de dag las 'grub pa yin zhe na/ bcings pa tsam gyis sdig sbyang phyir/ /zhes bya ba la/ gang gi phyir las brgya sgrub par byed pa'i phyag rgya 'di rnams sgrub pa po rnams kyis bcings
 pa tsam gyis sgrub pa po rnams la sdig pa thams cad sbyong bar byed pa'i phyir ro/ /gang zhig le lo nyid kyis zhes bya ba la/ gang zhig le lo nyams pas yo byad yod kyang 'khor lo brtag par mi nus pa'am/ yang na brtson 'grus dang ldan na yang / phun
 sum tshogs pa ma tshang ba de rnams la yang bcom ldan 'das rdo rje sems dpa' las brgya 'grub pa'i phyag rgya bcing ba'i nus pa grub par 'gyur te/ de'i phyir bcings pa tsam gyis las brgya sgrub par byed pa'i phyag rgya 'di rnams kyis sdig pa
 sbyang bar bya ba yin no/ /dkyil 'khor med pa'i sems can gang / /zhes bya ba ni dkyil 'khor du ma zhugs pa'o/ /slob dpon nyid byin gyis ma brlabs pa zhes bya ba la yang na dkyil 'khor du zhugs na yang slob dpon gyis dbang bskur ba ma bskur ba'o/ /de dag
 grub mchog rdo rje che/ /zhes bya ba la sogs pa la/ dkyil 'khor du ma zhugs pa'am/ dbang ma bskur bar dkyil 'khor du zhugs pa de rnams phyag rgya bcings pa tsam gyis rdo rje slob dpon du 'gyur ro/ /slar yang de'i khyad par bstan par bya ba'i phyir don yod pa
 zhes bya ba gsungs te don med pa ma yin no/ /mchog ni phul du byung ba'o/ /sna tshogs pa'i mngon par 'dod pa'i bya ba thams cad sgrub par byed pa'o/ /bcings pa tsam gyis myur 'grub ces bya ba la ji lta ba bzhin du bshad pa'i bsam pa thams cad yongs su rdzogs pa
 sangs rgyas nyid dang / byang chub sems dpa' nyid la sogs pa'i mchog gi dngos grub thams cad gdul bya rnams la rab tu 'jug par byed pa yin no/ /phyag rgya'i rgyud 'di gang las byung zhe na/ dang po zhes bya ba la sogs pa la/ bskal pa bzang po 'di'i snga rol
 du byung bas na dang por byung ba'o/ /rdo rje rnams kyi phul du byung bas na rdo rje mchog go/ /dang por byung ba yang yin la rdo rje mchog kyang yin pas na dang por byung ba'i rdo rje mchog go/ /dang por byung ba'i rdo rje mchog kyang de nyid yin la bde ba chen po yang yin pas na/ dang po
 byung ba'i rdo rje mchog gi bde ba chen po ste/ bla na med pa yang dag par rdzogs pa'i byang chub kyi rang bzhin can thog ma tha ma med pa'i chos kyi dbyings te/ de las byung ba'i skye ba gang la yod pa de la de skad ces bya'o/ /dag pa ni 'dod chags la sogs pa dang bral ba'o/ /
 shin tu grub pa zhes bya ba ni mi 'jigs pa'i dngos grub kyis grub pa'o/ /gang la zhe na 'gro ba thams cad la yang ngo zhes bya ba la/ dkyil 'khor du ma zhugs pa rnams la yang zhes bya ba'i tha tshig go/ /de ltar las brgya sgrub par byed pa'i phyag rgya'i rgyud bstan nas/ da
 yi ge hUM brjod cing las brgya sgrub par byed pa'i phyag rgya bcings te/ de'i rjes la a nu rA ga ya mi hUM zhes bya ba brjod cing las brgya rab tu bsgrub par bya'o zhes bya ba'i cho ga 'di rab tu bstan par bya ba'i phyir de nas phyag rgya thams cad bsgrub pa'i gsang ba'i rgyud ces bya ba
 gsungs te/ de nas kyi sgra ni sngar bshad pa'i de ma thag pa'i don ston par byed pa'o/ /phyag rgya yang yin la thams cad kyang de nyid yin pas phyag rgya thams cad de las brgya sgrub par byed pa'o/ /de rnams sgrub par byed pa ni rdzogs par byed pa'i rgyud ste/ de ston par byed pa'i
 gsang ba'i rgyud 'di yin te/ las 'dod pa zhes bya ba la tshe 'phel ba la sogs pa'i las byed par 'dod pas dang po kho nar yi ge hUM brjod cing dang po'i rdo rje bcing bar bya ste/ de nas a nu rA ga ya mi hUM zhes bya ba bzla zhing las thams cad bsgrub par bya ba yin no/ /bde
 ba chen po'i bya ba la sogs pa ni bshad zin to/ /rgyud phyi ma'i cho ga rgyas pa'o zhes bya ba la/ dpal rdo rje sems dpa'i gsang ba'i dkyil 'khor gyi rgyud kyi rang bzhin gyi cho ga rgyas pa ni bsgrub par bya ba dang / sgrub par byed pa'i rgyun te yongs su rdzogs pa ni mthar thug pa
 yin no/ /de ltar dum bu gnyis pa rtsa ba'i rgyud dang rgyud phyi ma rgyas par bshad pa byas nas da ni ji lta ba bzhin du bris pa'i dkyil 'khor rnams gshegs su gsol nas/ slob dpon gyis sprul pa rang gi lus la bcug ste/ de bzhin gshegs pa thams cad kyi rtog pa
 ' di byin gyis brlab pa'i phyir bdag nyid gsol ba 'debs pa byed par rnam par bsams la yongs su rdzogs shing mthar thug par byin gyis brlab pa'i tshigs su bcad pa brjod nas bdag nyid bsrung bar byas la ldang bar bya'o zhes bya ba bstan pa'i phyir de nas zhes bya ba
 la sogs pa gsungs te/ de nas bcom ldan 'das de bzhin gshegs pa thams cad kyis rdo rje sems dpa' la gsol ba btab pa'o zhes bya ba dang sbyar ro/ /ji ltar zhe na yongs su mthar thug pa med pa zhes bya ba la sogs pa la yongs su mthar thug
 pa ni yongs su rdzogs pa'o/ /yongs su mthar thug pa med pa ni yongs su mthar ma thug pa ste yongs su ma rdzogs pa'o/ /sku gsung thugs kyi rdo rje thams cad kyi las kyi sbyor ba zhes bya ba ni nam mkha' thams cad khyab par byed pa'i gzugs thams cad gzigs pa'i ye
 shes kyis 'khor ba ji srid kyi bar du sangs rgyas bcom ldan 'das rnams sems can gyi don mdzad pa ste mthar thug pa med pa'i sbyor ba des de rnams kyis gsol ba btab pa yin no/ /'o na de rnams gcig pu yin nam zhe na/ rdo rje 'chang dang bcas zhes bya ba ni rdo rje yid las
 byung ba la sogs pa'i rdo rje 'chang chen po dang bcas pa rnams so/ /ci'i don du zhe na 'di zhes bya ba la sogs pa la/ rtog pa'i rgyal po chen po 'dir yongs su mthar thug pa'i don to zhes bya ba dang sbyar ro/ /dum bu gnyis pa rtsa ba'i rgyud dang phyi ma'i rang bzhin 'das ma thag tu
 bshad pa'i thog ma tha ma med pa'i nam mkha' dang mnyam pa nyid kyi ye shes kyi rang bzhin dang / sbyin pa'i pha rol tu phyin pa dang / dam tshig gi phyag rgya las byung ba'o/ /bde ba chen po rdo rje gsang ba'i dam tshig ces bya ba ni gzugs thams cad ston par nam mkha' thams
 cad khyab par byed pa'o/ /khams thams cad ces bya ba ni nam mkha'i khams dang chos kyi dbyings dang / 'jig rten gyi khams thams cad kyi rdul phra rab rnams ni khams thams cad do/ /khams thams cad kyang de yin la ma lus pa yang de yin pas khams thams
 cad ma lus pa'o/ /der kun du 'gro ba ni spro ba ste khyab pa gang la yod pa de la de skad ces bya'o/ /phyag rgya chen po la sogs pa'i dngos grub thams cad kyi cho ga rgyas pa ni bsgrub par bya ba dang sgrub par byed pa'i rgyun gang la yod pa de la yang de skad ces bya'o/ /srid pa thams
 cad kyi mtha' ni khams gsum gyi rang bzhin can te de yongs su mthar ma thug pa'i gsung rab kyi bstan pa gang la yod pa de la de skad ces bya ste/ de yongs su mthar thug pa'i don ni yongs su rdzogs pa'i phyir thog ma tha ma med pa'i rdo rje sems dpa' la de bzhin gshegs
 pa thams cad kyis gsol ba btab pa yin no/ /gang zhig yongs su mthar thug pa'i byin gyis brlab pa'i don du gsol ba btab pa'i rtog pa'i rgyal po de nyid kyis khyad par slar yang bstan pa'i phyir rdo rje nam mkha' la sogs pa gsungs te nam mkha' dang mnyam pa nyid
 kyi ye shes kyi rang bzhin yin pa'i phyir ro/ /rdo rje ni nam mkha'o/ /rgyu 'di nyid kyi phyir chos kyi dbyings chen po spro ba ste de bzhin nyid kyis khyab pa'i dngos po'o/ /rdo rje 'chang gi theg pa ni rtog pa'i rgyal po 'di nyid de/ de'i phyir rtog pa gzhan dag las mchog ste phul du byung
 ba'o/ /chos thams cad las khyab par byed pa'i de bzhin nyid ni rdo rje nam mkha' chen po'i chos kyi dbyings te/ de spro ba'i dngos grub ni de bzhin nyid rtog pa'o/ /de stsol bas na rdo rje 'chang chen po'i chos kyi dbyings spro ba'i dngos grub stsol ba ste/ rdo rje 'chang
 rnams kyi theg pa de yin no/ /de ltar gyur pa'i theg pa chen po ste rdo rje 'chang gcig pu'i ma yin te/ 'on kyang rtag tu sangs rgyas thams cad dang / rdo rje 'chang chen po dang bcas pa zhes bya ba la/ 'jig rten gyi khams thams cad kyi rdul phra rab dang mnyam pa'i
 rnam par snang mdzad dang / mi bskyod pa dang / rin chen 'byung ldan dang / snang ba mtha' yas dang / don yod grub pa gtso bor gyur pa'i sangs rgyas thams cad do/ /de dag nyid rtag tu ste/ dus thams cad du de bzhin nyid kyi rdo rje chen po 'dzin pas na/ rdo
 rje 'chang chen po ste rdo rje sems dpa' la sogs pa'i rigs thams cad kyi lha'i rang bzhin can rdo rje 'chang chen po ste/ de dang bcas pa ni de dang lhan cig tu'o/ /rdo rje 'chang gi theg pa ni/ /zhes bya ba la sangs rgyas dang byang chub sems dpa' nyid rdo rje 'chang
 chen po ste/ de rnams nyid kyi rtog pa'i rgyal po chen po de theg pa yin te gzhan dag ni ma yin no/ /yongs su mthar thug nus pa min/ /zhes bya ba la nam mkha' khyab pas mtha' yas pa'i phyir rtog pa'i rgyal po'i theg pa yin te/ sangs rgyas dang byang
 c hub sems dpa' rnams kyis yongs su rdzogs par bstan pas gdul bya rnams la bstan par mi spyod pa de'i phyir le lo can la mdor bsdus nas rab tu bstan par mdzad pa'i phyir rtog pa 'di yongs su mthar thug par byin gyis brlab pa'i don du de bzhin gshegs pa rnams
 kyis rdo rje 'chang chen po la gsol ba btab pa yin no/ /dngos po mi sdug pa la zhen pas na ngan zhen no/ /e ma'i sgra ni rjes su bzung ba la'o/ /rtog pa'i rgyal po chen po thos pa dang / bsam pa la rab tu 'jug pa la dbang ba med pa'i sems can ni le lo can no/ /mi dge ba'i
 las kyi lam bcu la spyod pas na las kun ldan pa'o/ /thugs rje dam pa'i rdo rje khyod/ /ces bya ba la dmigs pa med pa'i thugs rje chen po'i rang bzhin ni thugs rje dam pa'i rdo rje'o/ /byang chub sems ni bla na med/ /ces bya ba la sogs pa ni go sla'o/ /rab sgrub pa zhes
 bya ba ni rgya che bas 'jigs pas 'jigs pa rnams la mngon par 'dod pa'i dngos grub rab tu bsgrub pa ste/ de ltar yongs su mthar thug par byin gyis brlab pa'i don du gsol ba btab pa'i bcom ldan 'das rdo rje 'chang chen pos mdor bsdus pa'i gzhung byin gyis
 brlabs la thugs rtse gcig par mdzad nas/ bde ba chen po rab sgrub pa/ /zhes bya ba la sogs pa ni yongs su rdzogs pa'i byin gyis brlab pa gsungs pa yin no/ /gang gi tshul 'di nyan par 'gyur/ /zhes bya ba la sogs pa la gang gi tshul 'dis ni dum bu gnyis pa'i
 rtsa ba'i rgyud dang / rgyud phyi ma 'khrul pa med pa'i rna ba'i shes pa mchog ste phul du byung ba nyan par 'gyur ba'am/ rigs thams cad kyi gsang ba'i rang bzhin gyi tshul 'di glegs bam la bris te sems can gang dag gi khyim na gnas par gyur pa de rnams la ji lta ba bzhin du
 bshad pa'i phan yon can gyi mngon par 'dod pa'i dngos grub tshe 'di nyid la 'grub par 'gyur te/ ji ltar bya ba'i rgyud la sogs pa'i sgrub pa po'i gdul bya rnams la sdig pa yongs su zad par bya ba'i phyir de bzhin gshegs pa rnams kyis thog mar spyod pa la sogs pa'i tshul
 mdzad pa de bzhin du 'dir ni ma yin te/ bsgoms pa'i stobs kho nas sdig pa yongs su zad pa'i phyir ro/ /rgyu 'di nyid kyis phyir phyi rol gyi bgegs rnams 'byung ba ma yin no zhes bya ba bstan par bya ba'i phyir/ bgegs med de bzhin bdud kyang med/ /rtog par zhes bya ba la
 mnyam pa nyid kyi ye shes bsgoms pa'i stobs kyis bdud bzhi mi dmigs pa'i phyir rtog pa 'dir dngos grub thams cad 'phel ba kho nar byin gyis brlabs pa ste/ ji lta ba bzhin du bris pa'i dkyil 'khor byas pa la mngon par zhen pa rnams la bdud chen po'i gzugs
 dmigs pa'i nus pas bdud nyid du bdag 'gyur ba de bzhin du 'dir ni ma yin no/ /bstan pa med pa nyid ces bya ba la sogs pa ni go sla'o/ /'dis ni 'di skad ston par 'gyur te/ ji lta ba bzhin bris pa'i dkyil 'khor rnams ji ltar bshad pa'i tshul gyis yang dag
 par mchod nas gshegs su gsol ba la slob dpon gyis sprul pa rang gi lus la bcug ste/ de bzhin gshegs pa rnams kyis gsol ba btab pa'i rdo rje sems dpar bdag nyid rnam par bsams la/ byin gyis brlab pa'i tshigs su bcad pa brjod nas/ rdo
 rje bsrung ba dang rdo rje gnod sbyin dang / rdo rje khu tshur gyi dam tshig gi phyag rgya rnams kyis bdag nyid bsrung ba byas na yang rdo rje sems dpa' yang nas yang du yongs su bzlas te/ yi ge brgya pa lan gsum brjod nas langs te/ ji ltar mngon par 'dod pa'i glegs bam
 bklag pa la sogs pa bya'o/ /dge ba'i bya bas gnas par bya'o/ /bde ba chen po zhes bya ba la sogs pa la/ bde ba chen po ni 'dir mnyam pa nyid kyi ye shes te de nyid rdo rje'o/ /de'i gsang ba ni de dang rgyu mthun pa'i dum bu gnyis pa la rtsa ba'i rgyud dang / rgyud phyi ma'i
 rang bzhin can gyi rtog pa'i rgyal po'o/ /dang po zhes bya ba ni bskal pa bzang po las snga nas gnas pa'o/ /mchog tu grub pa zhes bya ba ni shes rab kyi pha rol tu phyin pa'i dum bu la ltos na mchog gi bsgrub bya dang / sgrub pa'i cho ga rgyas pa'i rang bzhin nyid kyi phyir
 mchog tu grub pa yin no/ /yongs su rdzogs pa ni mthar thug pa ste/ nyon mongs pa can gyi yid rnam par dag pa'i mtshan nyid kyi mnyam pa nyid kyi ye shes kyi rang bzhin bstan pa'i ngo bo dang / rnam par smin pa'i sku dang / mtshan ma med pa rnam par thar pa'i sgo dang / sbyin
 pa'i pha rol tu phyin pa dang / dam tshig gi phyag rgya bstan pa'i ngo bo nyid yin pa'i phyir ro/ /dpal mchog dang po'i rgya cher bshad pa/ shes rab kyi pha rol tu phyin pa 'byung ba zhes bya ba las dum bu gnyis pa rtsa ba'i rgyud dang / rgyud phyi ma'i bshad pa rdzogs so// //rgya gar
 gyi mkhan po paN+Di ta mkhas pa chen po man+t+ra ka la sha dang / sgra bsgyur gyi lo tsA ba chen po bod kyi dpal lha btsan po lha bla ma dge slong zhi ba'i 'od kyi zhal snga nas bsgyur cing zhus te gtan la phab pa'o// //de ltar dum bu gnyis pa rtsa ba'i rgyud dang / rgyud phyi ma gsungs
 nas/ da ni dum bu gnyis pa nyid kyi rtog pa thams cad kyi phyi ma'i rgyud kyi rang bzhin sgrub pa po'i rang bzhin myur du grub pa bshad pa ni de nas zhes bya ba la sogs pa gsungs pa yin te/ de nas dang po gnas nyams dgar/ /bde ba chen po rnam par bzhugs/ /
 zhes bya bar sbyar te/ de nas zhes bya ba ni de ma thag pa ston pa'i tshig yin te dum bu dang po dang gnyis pa las gsungs pa'i don gyi bsgrub pa'i khyad par gyis dngos grub myur du sgrub par bcom ldan 'das rdo rje sems dpas gsungs la/ sngar gsungs pa'i sgrub pa des/
 gal te bdag cag ma grub par gyur na/ yang don de nyid sgrub par bya'i/ srog la thug kyang dor bar mi bya'o zhes mngon par 'dod pa skyes pa'i gdul bya rnams kyi bsam pa mkhyen pa'i rjes thogs nyid la/ dang por zhes bya ba ni bskal pa bzang po la sogs pa'i thog mar
 gnas pa'i phyir dang por ro/ /gnas zhes bya ba ni gzhal yas khang thams cad kyi gzhir gyur pas na gnas te/ dang po yang yin la gnas kyang yin pas na dang po'i gnas so/ /khyad par ji lta bu zhig ce na/ nyams dga' ba zhes bya ba gsungs te/ shin tu sbyor ba
 dang ldan pa'i dpal rdo rje sems dpa' zhes bya ba la sogs pas yid dang rjes su mthun pa yin pas na yid du 'ong ba yin pa'i phyir nyams dga' ba'o/ /nam mkha' yang yin la kun kyang yin pas na nam mkha' kun te/ phyogs bcu na rdzas dang bral ba'i rang bzhin rnams so/ /
 de na zla ba lta bur rab tu snang bas na gdul bya thams cad kyi rgyud la so sor snang bar gyur pa de ni/ nam mkha' kun la rab tu gnas/ /zhes bya ba'o/ /rdo rje rin chen zhes bya ba ni rdo rje rtse lnga pas rtse mo mtshan pa'i yid bzhin gyi nor bu rin po che'o/ /de rnams kyi 'od ni 'od zer rnams te
 de rnams kyis 'di gsal zhing snang bar byas pas na rdo rje rin chen 'od 'bar gsal zhes bya'o/ /brgyan cing zhes bya ba ni dar dang / gdugs dang / dri dang / bdug spos dang / mar me dang / sgo khyud dang / rta babs rnam pa sna tshogs dang / skas dang / mda' yab
 kyi phreng ba la sogs pas brgyan cing spungs pa'o/ /dri med mdangs ldan zhes bya ba ni rang gi 'od dri ma med pa nam mkha' dang mnyam pas snang bar byas na dri med mdangs ldan pa'o/ /de ni rdo rje rin po che'i 'od kyis gsal bar byas pa yang yin la brgyan pa yang yin zhing dri ma
 med pa'i mdangs dang ldan pa yin pas na/ rdo rje rin chen 'od kyis gsal/ /brgyan cing dri med mdangs ldan pa'o/ /zhes bya ba ste/ brgyan cing mdangs dang ldan pa'i gnas der ro/ /zur bzhi pa zhes bya ba la sogs pa ni go bar zad do/ /rdo rje lha mo'i tshogs
 kyis mchod/ /ces bya ba ni sangs rgyas thams cad kyi gzungs kyi lha mo'i tshogs ni rdo rje lha mo'i tshogs te de rnams kha khyer la gnas pa rnams ni me tog la sogs pa'i mchod pas mchod cing bsnyen bkur byed pa'o/ /grwa yi cha ni thams cad dang / /sgo khyud kyi ni
 mtshams rnams su/ /zla ba phyed la gnas pa yis/ /rdo rje rin chen yang dag 'bar/ /zhes bya ba ni gnas 'di dag tu zla ba kham pa la gnas pa'i rdo rje rin po che 'od 'bar ba yod pa'o/ /rlung gis bteg pa ni zhes bya ba ni bteg pa'o/ /sna tshogs
 pa ni kha dog tha dad pa ste/ kha dog sngon po dang / ser po dang / dmar po dang / ljang gu dang / dkar po zhes bya ba'i tha tshig go/ /gnas gang du zhe na/ rtser zhes bya ba smos te rtse ni mthar te thams cad kyi 'og gi char ro/ /gang gi mthar zhes na ba dan zhes bya ba smos te/
 de lta bu'i ba dan de'i rtse mor ro/ /dril bu btags pa sgra sgrogs pa yin pas na/ rlung gis bskyod pa sna tshogs pa/ /ba dan rtser btags dril sgra sgrogs//zhes bya ba'o/ /dra ba ni mu tig gi chun 'phyang mchog dbus su btags pa'o/ /me long ni me long gi dkyil 'khor
 nyid do/ /me tog rtag ces bya ba ni me tog gi shing rtag tu me tog thams cad kyi char 'bebs pa'i tshul gyis rtag par gnas pa'o/ /me tog gi phreng ba ni me tog gi chun 'phyang ngo / /rgyan gyis zhes bya ba ni ji skad du bshad pa las gzhan pa dag yin par shes par bya ste/ dra
 ba la sogs pa de rnams kyis bskor ba ni kun nas bskor te mdzes par byas pa'o/ /bde ba chen po ni thar pa chen po ste/ de'i rgyu mthun pa las byung ba bcom ldan 'das rdo rje sems dpa'i dang po'i rdo rje ni bde ba chen po'i rdo rje'o/ /rdo rje dang / rdo rje rin po che dang / pad+ma dang / sna
 tshogs rdo rje ni rdo rje kun no/ /bde ba chen po'i rdo rje chen po dang / rdo rje kun gyis mngon par 'du byas pa ni de las byas shing bskyed pa zhes bya ba'i tha tshig go/ /'jig rten dang 'jig rten las 'das pa'i gnas rnams kyi gzhir gyur pas na/ rdo rje sems dpa'i bzhugs
 gnas che/ /zhes bya ba ste/ de ni 'jig rten gyi khams thams cad kyi rdul phra rab dang mnyam pa'i de bzhin gshegs pa rnams 'dus par mdzad pas bzhugs gnas su mdzad pa na/ sangs rgyas kun gyis rjes bsten pa/ /zhes bya'o/ /byang chub kyi rang bzhin can
 gyi sems dpa' ni byang chub sems dpa' ste rdo rje sems dpa'o/ /de'i gnas su gyur pa de nyid kyis na mchog go/ /rdo rje 'chang ba kun ni rdo rje sems dpa' dang / rdo rje rgyal po dang / rdo rje chags pa la sogs pa dang / rdo rje yid las byung ba la sogs pa'o/ /de rnams
 kyi gnas ni bzhugs gnas so/ /de ni bde ba chen po'i nor bu rin chen gyi mchog ces bya ba yin pas na/ de lta bu gang yin pa de la ni/ bde ba chen po rdo rje che/ /nor bu rin chen mchog ces bya/ /zhes bya ba'o/ /rdo rje chen po'i gzhal yas khang / de nas bde ba chen
 po rdo rje sems dpa' bzhugs pa ni rnam par gnas par mdzad pa'o/ /de ji lta bu zhe na/ thog ma tha ma med sems pa/ /zhes bya ba la sogs pa gsungs te/ de la thog ma tha ma med pa la sogs pa ni bshad zin pa'o/ /sna tshogs btsun mo'i tshogs bcas par/ /
 zhes bya ba la sna tshogs zhes bya ba ni rgyu dang mi rgyu ba'i dngos po thams cad kyi bdag nyid can no/ /btsun mo'i tshogs gang zhig dang lhan cig bzhugs she na/ rdo rje lha mos yongs su bskor/ /zhes bya ba gsungs te/ rdo rje mtshon cha ma dang rdo rje kI li kI li dang / rdo rje dran
 pa dang / rdo rje snyems pa la sogs pa'i rdo rje lha mo rnams kyis yongs su bskor ba yin gyi/ 'khor ba'i bud med rnams kyis ni ma yin no zhes bya ba'i tha tshig go/ /de ltar na/ de nas dang po'i gnas nyams dga'/ /zhes bya ba nas brtsams te/ rdo rje lha mos yongs
 su bskor/ /zhes bya ba'i bar gyis bshad pas ni ting nge 'dzin dang po gsungs pa yin no/ /da ni bde chen rab sgrub phyir/ /zhes bya ba la sogs pas ting nge 'dzin gnyis pa gsungs pa yin te thar pa chen po rab tu grub pa ni bde ba chen pos rab tu grub pa'o/ /gdul
 bya rnams kyi 'dod chags chen po rnam par dag cing 'dod chags la sogs pa dang bral bas sems can smin cing grol ba'i tshul gyis 'grub bo/ /ma lus 'dul ba ni sems can gyi khams skal ba dang ldan pa dang / mi ldan pa rnams kyi byang chub chen por bskyed
 pa ni ma lus 'dul ba ste/ de'i don du'o/ /dngos grub thams cad ni 'jig rten dang 'jig rten las 'das pa'i las kyi rgyu rnams grub pa ste/ de rab tu grub pa'i phyir bcom ldan 'das kyis nye ba'i snying po dang bcas pa'i snying po bskal pa dang por
 gsungs so zhes bya bar sbyar ro/ /bcom ldan 'das khyad par ji lta bu zhe na/ dam tshig ces bya ba la sogs pa gsungs te/ bcom ldan 'das rdo rje sems dpa'i phyag rgya chen po'i tshul ni dam tshig go/ /dam tshig mchog ni de bzhin gshegs pa rnams te de rnams kyi dam
 tshig ni 'da' bar mi bya'o/ /rgyal pos kyang ni bsrung bar bya/ /zhes bya ba ni rdo rje sems dpas 'dul ba'i gdul bya'i sems can gang yin pa la rdo rje sems dpa'i tshul can gyis de bzhin gshegs pa rnams kyis nges par sprul par bya ba yin pas des na/ rgyal pos kyang
 ni bsrung bar bya/ /zhes bya ba ste bcom ldan 'das kyi phyag rgya chen po'o/ /rdo rje snyems pa'i tshul 'chang zhing / /snyems dang bcas pas rdo rje gsor/ /zhes bya ba ni rang gi phyag rgya chen po bcings nas de nyid mngon sum du byed pa'o/ /phyag rgya thams cad myur grub phyir/ /zhes bya
 ba ni 'jig rten dang 'jig rten las 'das pa'i phyag rgya chen po la sogs pa thams cad rings par grub par bya ba'i phyir ro/ /rdo rje sems dpa' mchog grub phyir/ /zhes bya ba ni rdo rje 'chang chen po rtog pa'i gdul bya rnams kyi rdo rje sems dpa'i dngos grub kyi mchog sgrub pa'i phyir
 ro/ /dngos grub kun gyi thabs chen po/ /zhes bya ba ni 'jig rten dang 'jig rten las 'das pa'i dngos grub rnams thob par bya ba'i phyir te thabs kyang yin la chen po yang yin pas na thabs chen po'o/ /bsod nams kun gyi cher mtho ba/ /zhes bya ba ni 'jig rten
 dang 'jig rten las 'das pa'i bsod nams thams cad ni bsod nams kun no/ /de rnams kyi chen po yang yin la mtho ba yang yin pas na bsod nams cher mtho ba ste/ snying po de de'i rgyur gyur pa'i phyir ro/ /ye shes phyag rgyar yang dag ldan/ /zhes bya ba ni a nu rA ga ya mi
 zhes bya ba'o/ /bzla ba'i don gyis ye shes ni phyag rgya ste de dang bcas shing yang dag par ldan pas ye shes kyi phyag rgyar ldan pa'o/ /de su zhig yin zhe na/ snying po chen po zhes bya ba gsungs te yi ge hUM zhes bya ba'i tha tshig go/ /de nyid ni thams cad kyi mchog tu gyur pa bla na med pa yang
 dag par rdzogs pa'i byang chub ston par byed pas na dam pa yin zhes bya'o/ /gang gis zhes bya ba ni snying po gang gis so/ /bsod nams mi ldan pa'am zhes bya ba ni mtshams med pa lnga la sogs pa'i las rnams byed pa yang ngo / /de bzhin dkyil 'khor med pa'ang
 yin/ /zhes bya ba ni dkyil 'khor dag tu ji lta ba bzhin du ma zhugs pa'o/ /don yod pa ni 'bras bu yod pa'o/ /de nyid kyis na thogs pa med pa'o/ /myur ba ni tshe 'di nyid la phyag rgya chen po la sogs pa'i dngos grub myur du thob pa'o/ /mchog ni dam pa'o/ /dngos grub
 thams cad rnyed mi dka'/ /zhes bya ba ni phyag rgya chen po la sogs pa'i dngos grub thams cad rnyed par dka' ba ma yin par 'gyur ro/ /bde ba chen po rdo rje che/ /zhes bya ba ni bla na med pa'i byang chub ste/ de'i gsang ba mchog gi dam tshig thob pa'i rgyu'o/ /bstan pa ni snying po
 ste/ rdo rje ltar mi phyed pa'o/ /dngos grub thams cad sgrub pa ni rigs thams cad la phyag rgya chen po la sogs pa'i dngos grub gang dag bshad pa de rnams dang po'i tshul ni yi ge hUM yin pas sgrub cing skyed par byed pa'i rgyu yin te gang gi phyir yi ge hUM bzlas pas de dag thams cad cad
 grub par gyur pa des na/ rtog pa thams cad myur grub byed/ /ces bya ste/ dum bu dang po dang / gnyis par rdo rje sems dpa' la sogs pa'i rtog pa gang dag bshad pa de rnams myur du sgrub par byed pa yin no/ /thog mtha' med cing zhes bya ba ni/ dang po zhes bya ba
 ni thog mar skyes pa'o/ /tha ma ni dus mtshams med pa'i mya ngan las 'das pa'o/ /gang la gnyis po de dag med pa de ni thog mtha' med pa ste/ da ltar byung ba'i ngo bos rtag tu bzhugs pa'o/ /dang por byung zhes bya ba ni bskal pa bzang po la sogs pa'i dang por yang da ltar
 byung ba'i ngo bo nyid kho na byung ba'i phyir ro/ /mchog dang po zhes bya bar bshad ces bya ba las mchog ni dam pa'o/ /dang po'i ni bskal pa bzang po'i thog mar ro/ /bshad ces bya ba ni bstan cing bsgrags pa'o/ /tshig kun gyis ni ci 'dod dang / /zhes bya
 ba la tshig kyang yin la thams cad kyang yin pas na tshig thams cad de/ glu'i tshul bdun no/ /des gdul bya ji ltar 'dod pa bzhin du gsung pas na/ tshig kun gyis ni ci 'dod pa/ /zhes bya'o/ /chags pa kun gyis ci dga' bar/ /zhes bya ba ni glu'i lam gyi chags pa
 zhes bya ba gdangs kyi bye brag rnams kyis ci dga' bar zhes bya ba gdul bya rnams rdo rje sems dpa' la sogs pa thob par bya ba'i phyir ji ltar dga' zhing sred pa de bzhin du snying po de gsung bar mdzad pa'o/ /a nu rA ga ya mi zhes bya ba ni rjes su chags par bya'o zhes pa ste/ rdo
 rje sems dpa' la sogs pa'i rang bzhin thabs dang / shes rab kyi ngo bo ji lta ba bzhin du gnas pa yang dang yang du mngon du bya'o zhes bya ba ni rjes su chags par bya ba'o zhes bya ba yin no/ /ji bzhin dbab pa'i ye shes 'jug /ces bya ba ni rdo rje sems dpa' la sogs
 pa bsgoms pas mngon sum du bya ba ni ji bzhin dbab pa ste/ der 'bab pa ni ye shes so/ /de la 'jug pa ni mngon sum du bya ba'o/ /de bas na ji lta ba bzhin du 'bab pa'i ye shes la rab tu 'jug pas na/ ci zhig 'bab pa'i ye shes 'jug ces bya'o/ /nye ba'i snying
 por bcas zhes bya ba ni nye ba'i snying po dang lhan cig tu bcas pa'i snying po'o/ /nyid ces bya ba ni nges par gzung ba ste nye ba'i snying po dang bcas pa kho na'o/ /bskal pa dang po zhes bya ba ni bskal pa bzang po la sogs pa'i dang po ste thog mar ro/ /gsungs zhes bya ba ni bka'
 stsal pa'o/ /'di skad ston pa yin te bskal ba bzang po'i dang por chags pa'i bskal pa'i tshe sangs rgyas kyi zhing nam mkhar gyur par bcom ldan 'das rdo rje sems dpa' ji skad du bshad pa'i gzhal yas khang du bzhugs nas dang po kho nar/ /a nu rA ga ya mi hUM zhes
 bya ba'i nye ba'i snying po hUM dang bcas pa bcom ldan 'das kyis ji lta ba bzhin du gsungs pa yin no/ /de nas zhes bya ba ni de ma thag pa ston par byed pa'i tha tshig go/ /'di ni zhes bya ba ni nye ba'i snying po dang bcas pa'i yi ge hUM ngo / /gsungs pa tsam gyis zhes bya ba ni tshig
 thams cad kyis bka' stsal pa tsam gyis so/ /sangs rgyas thams cad ni 'jig rten gyi khams thams cad kyi rdul phra rab dang mnyam pa'i rnam par snang mdzad la sogs pa'o/ /sras bcas pa ni byams pa la sogs pa byang chub sems dpa' dang bcas pa'o/ /rdo rje
 'dzin bcas ni rdo rje sems dpa' dang / rgyal po dang / chags pa dang / legs pa la sogs pa rigs pa'i lha thams cad dang bcas pa'o/ /rdo rje 'dzin pa chen po nam mkha'i khams thams cad na rtag tu bzhugs pa/ sku dang gsung dang thugs rdo rje dngos po
 thams cad kyi bdag nyid can yin pas sna tshogs pa'o/ /de dang lhan cig tu skad cig gis 'dus shing byon nas gcig tu tshogs par mdzad pas ni de skad ces bya'o/ /rdo rje 'chang chen po zhes bya ba ni rdo rje sems dpas rab tu bskul bas so/ /thog mar zhes
 bya ba ni chags pa'i bskal pa'i thog mar te bskal pa bzang po'i dang po'i tshe na'o/ /yud kyis bya ba ni yud tsam kho nas yin gyi dus gzhan du ni ma yin no/ /'jig rten gsum zhes bya ba ni 'dod pa dang gzugs dang gzugs med pa'i khams kyi rang bzhin no/ /
 phyung ba ni bskyed pa'o/ /de gang gis phyung zhe na/ 'dus par gyur nas gshegs pa'i rnam par snang mdzad la sogs pa'i ji skad du bshad pa'i bde bar gshegs pa rnams kyis so/ /de ltar des sems can gyi khams bskyed pas ci zhig mdzad ce na/ dngos grub
 rigs zhes bya ba la sogs pa gsungs te sems can gyi khams ji ltar bskyed pa de sangs rgyas nyid dam/ rdo rje 'dzin pa nyid du ji ltar 'gyur ba de ltar ston cig ces bcom ldan 'das rdo rje sems dpa' la dris pa yin no/ /ji ltar dris pa yin zhe na/ /ji ltar 'gro ba
 rang grub ces bya ba smos te/ 'jig rten gsum gyi rang bzhin can gyi khams gsum pa'i sems can gyi khams rnams sangs rgyas pa nyid dam/ rdo rje 'chang nyid du ji ltar 'grub par 'gyur/ de bzhin gshegs pa de dag rang nyid bcom ldan 'das
 rdo rje sems dpa' la dris par gyur pa'o/ /de rnams kyi zhes bya ba ni bde bar gshegs pa rnams kyi'o/ /bka' gsan nas zhes bya ba ni ji skad du bshad pa'i thos pa'i rang bzhin can gyis zhes pas nges par bzung nas so/ /rdo rje 'dzin zhes bya ba ni rdo rje sems dpa'o/ /
 ji lta bu zhe na rang nyid kyis zhes bya ba la sogs pa smos te/ rang nyid kyis zhes bya ba ni bdag nyid kho nas so/ /'gro ba ni sems can gyi khams so/ /'byin pa ni 'dod pa na gzugs dang gzugs med pa'i khams bskyed pa'o/ /sangs rgyas nyid la sogs pa
 stsol bar mdzad pas na stsal ba'o/ /sangs rgyas nyid la sogs pa thob par byed pa'i rgyur gyur pa ston par mdzad pas na ston pa'o/ /de nyid sangs rgyas nyid la sogs pa skyed par mdzad pas na byed pa'o/ /tshig ni 'di skad ces gsungs zhes bya ba ni bka' stsal
 par gyur pa'o/ /tshig ji lta bu zhig gsungs te zhe na/ 'jig rten 'dod chags dang zhes bya ba la sogs pa smos te/ nyan thos dang rang sangs rgyas kyi sa mya ngan las 'das pa'i sems ni sangs rgyas kyi byang chub las phyir phyogs pa yin na chags pa dang bral ba'o/ /des
 'dul ba'i sems can nyan thos dang rang sangs rgyas kyi byang chub la rab tu 'jog cing dgod pas na 'dul ba ste/ de lta bus 'dul ba'i 'jig rten gang yin pa de la de skad ces bya'o/ /chags bral nyid kyis dag par 'gyur/ /zhes bya ba ni 'dod chags dang bral bas
 'dul ba'i 'jig rten ni ji skad du bshad pa'i nyan thos dang rang sangs rgyas kyi byang chub bsgoms pa'i sems nyid kyis dag par 'gyur zhing nyan thos dang rang sangs rgyas kyi byang chub mngon du byed par 'gyur ro/ /'dir zhes bya ba ni bla na med pa yang dag par rdzogs pa'i byang
 chub don du gnyer ba'i 'jig rten rdo rje theg pa 'di la'o/ /'dod chags chen po ni rdo rje sems dpa' ste/ thabs kyi pha rol tu phyin pa'i rang bzhin no/ /bde ba chen po zhes bya ba ni bla na med pa yang dag par rdzogs pa'i byang chub kyi ngo bor thar pa chen po'o/ /ji ltar zhes
 bya ba ni thabs gang gis na zhes rnam par rtog pa'o/ /'grub par 'gyur zhes bya ba ni mngon sum du byed cing rdzogs par byed pa'o/ /de yi tshig de gsan pa dang / /zhes bya ba ni dpal rdo rje sems dpa'i tshig 'jig rten chags bral zhes bya ba nas 'grub par 'gyur zhes
 bya ba'i bar gsan pa dang / rgyal ba rang nyid kyis tshig 'di skad gsungs shing bka' stsal to/ /tshig ji lta bu gsungs she na/ khyod ni thabs chen nyid yin te/ /zhes bya ba smos te/ bla na med pa yang dag par rdzogs pa'i byang chub thob par bya ba la khyed nyid thabs
 chen po yin no zhes bya ba ste nyid ces bya ba'i sgra ni nges par gzung ba'i don to/ /byang chub sems dpa' ste thog ma'i lha zhes bya ba ni byang chub kyi mtshan nyid can gyi sems ni byang chub kyi sems te/ de'i rgyu mthun pa las byung ba'i lhag pa'i lha yin pas na byang chub
 sems te thog ma'i lha zhes bya ba la lhag pa'i lha nyid yin pas na lhag pa'i lha ste/ dpal rdo rje sems dpa'i phyag rgya chen po zhes bya ba'i tha tshig go/ /de yang bcom ldan 'das sems ni 'dod chags chen po ste/ 'di'i lha nyid do zhes 'og nas bshad pa yin no/ /
 'dis ni don 'di skad ston te gang gi phyir khyed ni gdul bya rnams kyi byang chub kyi sems lhag pa'i lha nyid yin la de bas na khyod nyid 'dod chags chen po dang / bde ba chen po dga' ba bskyed pa'i phyir rgyur gyur pa yin gyi gzhan pas na/ 'dod chags chen po bde ba che/ /ji
 ltar 'dir ni grub par 'gyur/ /zhes rtog pa 'dis ci zhig bya zhes bya ba'i tha tshig go/ /ji srid 'khor ba'i gnas su ni/ /zhes bya ba sogs pa ni bshad zin to/ /ji srid sems ni rnam rtog pa/ /zhes bya ba la sogs pa la/ /'gro la phan phyir sangs rgyas
 'grub par shog / ces bya bas sems can gcig gi ched du yang phyi ma'i mthar thug pa med par gnas par mdzad pas ji srid smon lam gyi stobs kyis 'phangs pa'i bla na med pa yang dag par rdzogs pa'i byang chub kyi sems yod par gyur pa de ji srid kyi
 bar du 'khor ba chen por mi gnas pa'i mya ngan las 'das pa'i rang bzhin can gyi sangs rgyas bcom ldan 'das su 'gyur ba yin no/ /byang chub sems can la phan phyir/ /rdo rje can gyis ci bder gyis/ /zhes bya ba la byang chub ni bla na med pa yang dag par rdzogs pa'i
 byang chub bo/ /sems can skal ba ji lta ba bzhin du sangs rgyas nyid du sgrub pa ni phan pa'i phyir zhes bya ba de'i don du kye rdo rje can rdo rje 'chang ba ci bde bar gyis shig ces de skad rdo rje sems dpas gsungs pa yin no/ /'di skad ston pa yin te thabs dang shes rab kyis 'dul
 ba'i gdul bya rnams kyi phyir khyed kyi rang bzhin thos pa dang / bsam pa dang / bsgom pa'i rang bzhin can gyi stobs kyis gdul bya gang zhig gis bsgrubs shing mngon sum du byas pas sangs rgyas nyid thob par 'gyur ba de ltar gyis shig pa'o/ /de nas zhes bya
 ba la sogs pa la de bzhin gshegs pa thams cad kyis rdo rje sems dpa' la de skad ces gsungs pa dang / rang gi lha mo'i dkyil 'khor bskal pa bzang po'i thog ma ste/ sngon du gnas pas dang por gyur pa thog ma zhes pa sngar sems can thams cad gzhug
 par bya ba'i phyir dkyil 'khor byin gyis brlabs shing brtan par mdzad nas/ rdo rje kun gyis zhes bya ba de bzhin gshegs pa'i rigs kyi gnyis su med pa'i sems dang sems las byung ba de rnams kyi dam tshig gi mchog ni de'i lha mo'i dkyil 'khor te de las skyes
 pa'o/ /ji bzhin cho gas sgrub pa nyid/ /ces bya ba ni ji ltar bris pa'i dkyil 'khor du 'jug pa la sogs pa'i cho ga 'byung bar 'gyur ba de bzhin du bsam gtan gyi dkyil 'khor du ring por ma lon par ni de'i snod du gyur pa rnams la bcom ldan 'das rdo rje sems dpas
 'jug pa la sogs pa'i cho ga mdzad la/ cho ga des sangs rgyas nyid dang rdo rje 'dzin pa'i dngos grub nyid sgrub pa yin no/ /de ltar na/ bde ba chen por rab grub phyir/ /'dod chags chen po dag phyir dang //zhes bya ba nas brtsams te/ ji bzhin cho gas sgrub pa
 nyid/ /ces bya ba'i bar gyi bshad pas ni ting nge 'dzin gnyis pa gsungs pa yin no/ /de nas bsdu ba sngon du 'gro ba la sogs pas ni gsum pa yin par shes par bya'o/ /da ni dam tshig dang dbang bskur ba thob pas bzlas brjod dang / bsgom pa bya'o zhes bya ba
 'di'i cho ga bstan pa'i phyir/ de nas bcom ldan 'das zhes bya ba la sogs pas slob dpon gyi las kyi cho ga rgyas pa dang slob ma 'jug pa la sogs pa'i cho ga rgyas pa gsungs pa yin no/ /de nas bcom ldan 'das de ni zhes bya ba ni bcom ldan 'das rdo rje sems
 dpas sems can thams cad dkyil 'khor du 'jug pas sangs rgyas nyid dang / rdo rje 'dzin pa nyid grub cing bskyed par gyur nas/ de'i rjes thogs nyid la sngar/ /ji ltar 'gro ba rang grub 'gyur/ /zhes dngos grub 'dri bar mdzad pa gang yin pa'i bcom ldan
 'das de rnams kyis bcom ldan 'das rdo rje sems dpa' la/ dpal rdo rje sems dpa'i lha mo'i dkyil 'khor bris nas sems can rnams ji skad du grub par bya ba'i phyir/ gsol ba btab pa yin no/ /ji ltar gsol ba btab ce na/ bcom ldan khyed la
 gsol ba ni/ /zhes bya ba la sogs pa gsungs pa yin te/ snying po rtog pa dam pa 'di/ /zhes bya ba ni nye ba'i snying po dang bcas pa'i yi ge hUM gi rtog pa dam pa ste/ mchog tu gyur pa bshad du gsol/ /zhes shugs kyis sbyar ro/ /las ci zhig byed
 ce na/ bde chen myur du grub byed pa'o/ /zhes bya ba gsungs te/ thar pa chen po myur ba nyid du sgrub par byed pa'o/ /de rnams kyi ni bka' gsan nas/ /zhes bya ba ni bcom ldan 'das rdo rje sems dpas gsan nas/ rdo rje sems dpa' bde chen po/ /zhes bya ba
 dpal rdo rje sems dpa'i dkyil 'khor chen po na lha mo'i dkyil 'khor gang yin pa de bka' stsal pa ni gsungs pa'o/ /de nas zhes bya ba ni 'das ma thag pa ston pa'i tshig go/ /gang gi phyir zhes bya ba ni rgyu ste gang gi phyir dkyil
 'khor du 'jug pa med par gdul bya skal ba dang ldan pa rnams sangs rgyas nyid dam/ rdo rje 'dzin pa nyid bstan pa'i snod du mi 'gyur ro/ /de bas na de rnams sangs rgyas dang byang chub sems dpa' bstan pa'i snod du gyur pa rnams la/ sangs rgyas dang byang
 chub sems dpa' rnams bstan cing skal ba dang ldan pa nyid du sa bon bskyed par bya ba'i phyir dpal rdo rje sems dpa'i lha mo'i dkyil 'khor chen po dam pa ste/ mchog tu gyur pa yang dag par bshad par bya'o zhes pa'o/ /ming ji skad ces bya zhe na/ bde ba chen
 po rdo rje mchog / gsang ba dam pa zhes bshad do/ /zhes gsungs pa yin te/ bshad do zhes bya ba ni bstan pa zhes pa'o/ /dam tshig gsum zhes bya ba ni rdo rje dang / dril bu dang / phyag rgya ni dam tshig gsum mo/ /gang gis 'di dag thob pa ni dam tshig
 gsum thob pa'o/ /slob dpon du rab tu gyur pa zhes bya ba ni dpal rdo rje sems dpa'i dkyil 'khor du dbang bskur bar gyur pa ni slob dpon du rab tu gyur pa yin no/ /rang gi phyag rgya ni dpal rdo rje sems dpa'i phyag rgya chen po ste rang gi phyag rgya des 'khor lo'i cho ga
 thams cad bya'o/ /ji lta bu zhe na/ rtag tu rdo rje dril 'chang zhing / /zhes bya ba smos te/ rdo rje sems dpa'i sbyor ba byas la dkyil 'khor gyi las la rdo rje dang dril bu rtag tu 'chang bas dkyil 'khor thams cad kyi las rnams rtag tu bya'o zhes bya ba'i tha tshig go/ /ci'i
 phyir rdo rje dang dril bu bcang bar bya zhe na gang gi phyir/ rdo rje sems dpa' la sogs pa'i sku dang gsung dang thugs rdo rje'i ngo bo'i rtog pa thams cad ni rdo rje dang dril bu 'chang ba'i stobs kyis dkyil 'khor du yang dag par 'jug cing rab tu 'jug par 'gyur ro/ /de bas
 na dkyil 'khor thams cad du rab tu 'jug cing 'bebs par byed pa'i rdo rje dril bu la ni dam tshig gsum zhes bya'o/ /rdo rje thams cad yang dag par 'bebs pas de ni sngags grub pa'i phyag rgya yin no/ /gang gi phyir de ltar yin pas des na phyag rgya chen po la
 sogs pa'i dngos grub thams cad sgrub pa ni rdo rje dril bu dkrol bar bya'o/ /rdo rje dang dril bu bsgrags pa des/ /ji ltar 'gyur zhe na/ cho ga lhag gam ma tshang yang / /'grub 'gyur smad par mi bya'o/ /zhes bya ba gsungs te/ rnal 'byor pa 'bad pas 'jug par
 gyur kyang / gal te bag med pas cho ga lhag pa'am ma tshang bar gyur na 'di la dril bu'i sgras bskang bar byas te des nyes pa gnyis dang ldan par gyur pa'i rnal 'byor pa ni ji ltar mngon par 'dod pa'i dngos grub nges par 'grub par 'gyur ro/ /de ni nyes pa gnyis
 po des smad par bya ba ma yin no zhes gsungs pa yin no/ /yang dkyil 'khor ji ltar bsgrub par bya zhe na/ dkyil 'khor gnas ni zhes bya ba la sogs pa gsungs te/ sa sbyang ba dang yongs su gzung ba dang / byin gyis brlab pa'i cho ga gsang ba mthon po las gsungs pa'i
 sbyor bas sam/ gsang ba'i rgyud las bshad pa'i tshul gyis dkyil 'khor bri bar bya ba'i phyir gnas sbyang ba legs par byas la dkyil 'khor gyi sa de'i dbus su der rig pa'i brtul zhugs sngon du spyad pa'i slob dpon gyis dkyil 'khor bsgrub par bya'o zhes bya ba ni
 cho ga bzhin zhes bya ba'i don yin no/ /de ji ltar bsgrub par bya zhe na/ dngos grub byin brlab cho ga yis/ /zhes bya ba gsungs te/ dkyil 'khor gyi dngos grub byin gyis brlab pa'i cho ga ni dngos grub byin gyis brlab pa'i cho ga'o/ /dkyil 'khor gyi dngos
 grub kyi rjes thogs nyid la 'og nas ston pa'i glu dang rol mo'i mchod pa'i cho gas bya ba yin no/ /de la dkyil 'khor zhes bya ba ni lha mo'i dkyil 'khor te bsgrub par bya'o/ /da ni dngos grub byin gyis brlab pa'i cho ga bstan pa'i phyir/ glu dang rol mo zhes
 bya ba la sogs pa bstan pa yin te de la rdo rje glu la sogs pa ni glu'o/ /rdo rje rol mo la sogs pa ni rol mo'o/ de bdag nyid kyis mchod pa ni mchod pa yin pas glu dang rol mo'i mchod pa'o/ /me tog spos sogs mchod pa
 yis/ /zhes bya ba ni mchod pa rnam pa lnga dang / gdugs dang / rgyal mtshan dang / ba dan dang / me tog gi phreng ba dang / dar dang / bla bre dang / na bza' dang / me tog gi shing la sogs pa ni/ spos la sogs pa mchod pa yis/ /zhes
 bya'o/ /mchog dang po ni brtag par bya/ /zhes bya ba ni bcom ldan 'das kyis lha mo'i dkyil 'khor kha dog dang dbyibs kyi bdag nyid bsam par bya ba'i tshul can gyis bcom ldan 'das kyi lha mo'i dkyil 'khor bskyed par bya'o/ /ji snyed pa zhes
 bya ba ni phyi'i yo byad ji snyed pas so/ /ci 'dod pa zhes bya ba ni tshad ci 'dod pa'o/ /ci'i phyir tshad ci 'dod par brtag par bya zhe na/ mchog dang po zhes bya ba smos te gang gi phyir 'di ni mchog dang po yin zhing chos kyi dbyings kyi rgyu mthun pa las 'byung ba
 yin pas na thog ma med cing tha ma dang dbus kyi cha yang med pa yin no zhes bya ba'i tha tshig go/ /rtse mo zhes bya ba ni mtha'i cha'o/ /gang la mtha' yod pa ma yin pa de ni mtha' yas mchog ste/ mtha' dang bral ba'o/ /bla na med pa zhes bya ba ni 'di'i gong na
 gzhan med pas bla na med pa'o/ /rgyu 'di nyid kyis na 'di la 'dra ba'i dpe gzhan med pas na dpe med pa'o/ /nam mkha' kun la rab tu gnas/ /zhes bya ba ni zla ba ltar thams cad du snang bar gyur pa'i phyir ro/ /grong khyer zhes bya ba ni dkyil
 'khor ro/ /de ltar byung ba'i ngo bo nyid kyis rtag tu bzhugs pas na mi 'gyur mchog ces bya ste/ rtag pa zhes bya ba'i tha tshig go/ /ji ltar na mi 'gyur ba'i mchog yin zhe na/ thog ma med mchog ces bya ba la sogs pa gsungs te/ gang gi phyir
 'jig rten gyi khams thams cad kyi rdul phra rab dang mnyam pa'i de bzhin gshegs pa thams cad byung nas rtag tu 'khor bar bzhugs pa'o/ /yang zhes bya ba'i sgras ni ma byung na yang zhes ston pa yin no/ /bzhugs pa ni da ltar byung ba'i ngo bo nyid kyis
 gnas shing bzhugs pa'o/ /de bas na/ grong khyer de ni mi 'gyur mchog /ces bya'o/ /gal te bzhugs gnas de nam mkha' thams cad la gnas pas nam mkha' dang mnyam pa yin no/ /ji ltar na so so'i skye bo rnam par rtog pa lhan cig
 ma tshang bas kun du gang ba yin zhe na/ kun mchog mnyam pa nyid kyis na/ /zhes bya ba gsungs te/ de bzhin nyid bsgoms pas so zhes bya ba'i tha tshig go/ /tha ma dbus med nam mkha' ni/ /zhes bya ba ni nam mkha' gang la mtha' 'am dbus med pa de ni grong khyer
 'di'o/ /mtha' dang dbus med pa na 'di la dkyil yang med do zhe na/ 'di yi dbus mar brtags pa na/ /zhes bya ba gsungs te/ 'di'i dbus mar brtags pas na 'di dbus kyi tha snyad 'jug pa yin no/ /tha ma bzhi'i cha mnyam pa la ltos nas tshad du bya ba
 nyid 'di'i dbus kyi char ji ltar brtag par bya zhe na/ de'i phyir phyag rgya'i sbyor ba'i ting nge 'dzin gyis rnam par brtag pa 'di'i dbus nyid ces gsungs te/ mi 'gyur ba'i rang bzhin gyis gnas 'di nas dpal rdo rje sems dpa'i phyag rgya chen po'i ting
 nge 'dzin gyis dbus kyi char slob dpon gyis brtag par bya'o/ /de nas ci zhig bya zhe na/ de la zhes bya ba la sogs pa gsungs te/ der zhes bya ba bzhugs gnas de'i dbus su slob dpon gyis yu bar bcas zhes bya ba sdong bu dang bcas pa'i pad+ma chen po
 bya'o/ /de khyad par ji lta bu zhe na/ sna tshogs 'dab mas yang dag khebs/ /zhes bya ba gsungs te/ kha dog sngon po dang / ser po dang / dmar po dang / ljang gu dang / dkar po'i 'dab ma dang ldan pas kun du khebs pa'o/ /ci'i phyir kha dog sna lngas kun
 tu khebs pa yin zhe na/ thams cad dag pa zhes bya ba la sogs pa gsungs te/ gang gi phyir byang chub kyi sems chen po dang / me long lta bu dang / mnyam pa nyid dang / so sor rtog pa dang / bya ba grub pa'i ye shes kyi rang bzhin can dpal rdo rje
 sems dpa'i thams cad dag pa'i gdan du gyur pa ni pad+ma de yin la/ de bas na ye shes sna tshogs pa'i rnam par dag pa ston par byed pas na kha dog sna tshogs pa yin no/ /de nas thig ni gdab byas te/ /zhes bya ba ni ji skad bshad pa'i tshul dang / slob ma dkyil
 'khor gyi lha thams cad lhag par gnas par byas nas nyi ma 'char ba'i dus su slob dpon gyis ji skad bshad pa'i cho gas srad bu dkyil 'khor gyi nyis 'gyur dang de nas thig gdab par bya'o/ /tshad ji tsam zhe na/ nam mkha' kun gyi tshad kyis ni/ /tshad ni tshad med
 pa nyid yin/ /zhes bya ba gsungs te/ gang gi phyir 'di ni nam mkha' dang mnyam pa yin pas de'i phyir/ 'di la khru la sogs pa'i tshad kyis nges par mi bya ba'i tha tshig go/ /da ni mi mnyam med pas zhes bya ba la sogs pas 'di'i dbyibs su gsungs pa yin
 te shar dang / lho dang / nub dang / byang gi ngos bzhi'i ri mo dang bcas pa'i zur bzhi'o/ /ci'i phyir zhe na/ mi mnyam med pas zhes bya ba la sogs pa gsungs te/ byams pa dang / snying rje dang / dga' ba dang / btang snyoms kyi tshul gyis gnod
 sems la sogs pa mi mnyam zhing mi zad pa dang bral bas mi mnyam pa med pa'o/ /de ltar na mi mnyam pa med pas na dkyil 'khor 'di ni zur bzhi pa yin no/ /dran dang dbang po sgo bzhi ste/ /zhes bya ba 'di la shar dang / lho dang / nub dang / byang gi sgo bzhi
 yod pas na sgo bzhi'o/ /dran zhes smos pa ni dad pa dang / brtson 'grus dang / dran pa dang / ting nge 'dzin dang / shes rab kyi dbang po sgo bzhi'i tshul du gyur pa 'di las thar pa'i grong khyer du 'jug par 'gyur ro zhes bstan par bya ba'i phyir 'di skad smos pa yin no/ /bsam
 gtan rnams kyi rta babs bzhi/ /zhes bya ba ni 'di ni bsam gtan dang po dang / gnyis pa dang / gsum pa dang / bzhi pa dang ldan no zhes bstan pa'i phyir rta babs bzhi dang bcas pa yin no/ /ting 'dzin khyams su bshad pa yin/ /zhes bya ba ni gzhal yas
 khang gi phyi rol kun nas yongs su bskor bar kha khyer gyis bskor ba de ni khyams zhes bya ste/ de ni 'di'i ting nge 'dzin no zhes bshad cing bstan to/ /khyams la brten pa zhes bya ba la sogs pa la dkyil 'khor grwa bzhir zla ba phyed pa la gnas pa'i rdo rje rin po che'i
 tshul gyi gzungs rnams ni rdo rje'i bdag nyid can gyi gzungs rnams so/ /khyams la brten pa la yang yin la/ rdo rje'i bdag nyid can gyi gzungs rnams kyang yin pas/ khyams la brten pa'i rdo rje bdag nyid can gyi gzungs rnams zhes bya'o/ /'di nyid lha mo
 ste/ de rnams kyis mchod pa'o/ /rgyan rnams kun gyis zhes bya ba ni gos dang gdugs la sogs pas bkra ba gang yin pa de ni sems can thams cad kyi bsam pa thams cad yongs su rdzogs par byed pa yin no/ /thams cad du khyab pas na kun du 'gro ba ste
 nam mkha' thams cad khyab pa'o/ /'dis sems can thams cad rnams 'dul bas na 'dul ba ste/ sangs rgyas dang rdo rje 'chang la sogs pa'o/ /bskyod pa ni g.yo bar byas pa'o/ /'jig rten dang 'jig rten las 'das pa'i bstan pa'i chos rnams sna
 tshogs pa'o/ /dam pa sangs rgyas la sogs pa'i chos yin pas na/ 'dul bas bskyod pa sna tshogs mchog /dam chos zhes bya'o/ /de la mchog kyang yin la/ de thams cad du 'gro ba yang yin pas na/ 'dul bas bskyod pa sna tshogs mchog /
 dam chos mchog ste kun du 'gro/ /zhes bya'o/ /yon tan 'di gsal bar bstan par bya ba'i phyir rlung gis bskyod pa sna tshogs pa'o/ /ba dan rtser btags dril sgra sgrogs/ /zhes bya ba 'di bris pa yin no/ /shes rab kyi pha rol tu phyin pa ni/ me long lta bu'i ye
 shes rtag / ces bya ba yin no/ /thabs kyi pha rol tu phyin pa ni me tog ces bya ba dus thams cad pa'i me tog yin no/ /byang chub yan lag me tog phreng / /zhes bya ba ni byang chub kyi yan lag bdun ni me tog gi phreng ba'i mtshan nyid can yin no/ /de dag
 gsal bar bstan pa'i phyir/ /dra ba me long me tog che/ /me tog phreng ba rgyan gyis bskor/ /zhes bya ba 'di bris pa yin no/ /kun grub mi 'gyur bde ba ni/ /bde ba chen po zhes bshad do/ /zhes bya ba 'di ni dngos grub thams cad kyi rang bzhin mi 'gyur ba'i
 bde ba de nyid ni bde ba chen po zhes bshad cing bstan pa yin no/ /tshul de ltar bde ba chen po rdo rje sems dpa'i bzhugs gnas dang / dang po'i gnas bri bar bya'o/ /de ltar thar pa'i grong khyer de legs par bris nas thog ma dang tha ma med pa yin pa'i phyir
 phyogs thams cad mnyam pa nyid du bsam zhing mngon du bya'o/ /de ltar 'di yan chad kyi gzhung gis ni phyi'i dkyil 'khor ston par gyur pa yin no/ /phyi'i dkyil 'khor de'i nang du dbus su rdo rje 'khor lo zhes bya ba'i thig gdab pa ni nang gi dkyil 'khor yin no/ /
 ji lta bu zhe na/ dkyil 'khor brgyad pa lta bu ni/ /zhes bya ba smos te/ dkyil 'khor brgyad pa'i thig gis dkyil 'khor brgyad pa ltar byas pa gang yin pa de ni dkyil 'khor brgyad pa lta bu yin zhes bya'o/ /ci zhig gi rang bzhin yin zhe na/ 'di ni rnam thar brgyad po ste/ /
 dngos grub kun gyi bde ba ster/ /zhes bya ba smos te/ rnam par thar pa brgyad ni bshad zin to/ /de'i rang bzhin yin pa nyid kyis 'di ni 'jig rten dang 'jig rten las 'das pa'i bde ba thams cad rab tu ster ba yin no/ /theg pa chen po la sogs pa gdul bya rnams
 kyi byang chub kyi sems kyi rang bzhin can gyi byang chub sems dpa'i lam 'bras bu dang bcas pa'i mdo sde'i 'khor lo gdul bya'i skye bo'i rgyud la bskor zhing skyed par mdzad pas na/ theg pa chen po byang chub kyi sems mdo sde'i 'khor lo bskor ba'i rgyu des na/ rdo rje thig gis yongs
 bskor bar/ /zhes bya ba rdo rje'i phreng bas phyi rol kun nas yongs su bskor bar nang gi dkyil 'khor bri bar bya'o/ /der zhes bya ba ni nang gi dkyil 'khor gyi lte ba'i phyogs su sna tshogs pad+ma chen po bris par rdo rje sems dpa' dgod par bya'o/ /ji ltar zhe na/ lugs ma
 'am zhes bya ba la sogs pa smos te/ gser dngul la sogs pa bzhu nas blugs te sku gzugs su byas pa ni lugs ma'o/ /shel la sogs pa la 'bur du brkos te byas pa ni brkos pa'o/ /shing mkhan gyi bzo bos byas pa ni byas pa'o/ /ras dkar po la sogs
 pa la tshon gyis bris pa ni bris pa'o/ /'dzum bcas zla ba'i mdog can la/ /zhes bya ba ni go bar zad do/ /dmar zhing sna tshogs 'od 'bar ba/ /zhes bya ba ni dmar ba ste kha dog dmar po'i mthar dkar po dang / ser po dang / sngon po dang / ljang gu dang / dmar po'i ri mo
 sna tshogs shing 'bar ba gang yin pa de ni dmar shing kha dog 'bar ba zhes bya'o/ /sangs rgyas kyang yin la thams cad kyang yin pas na sangs rgyas thams cad de de bzhin gshegs pa lnga'o/ /de dang ldan pa'i cod pan ni de bzhin gshegs pa thams cad kyis dbang bskur ba'o/ /
 de nyid la sogs pa ni gdu bu dang / snyan cha dang / dpung rgyan la sogs pa dang / na bza' sna tshogs shing rnam pa tha dad pa mnga' ba gang yin pa de ni/ sangs rgyas kun gyi dbang bskur sogs/ /rgyan dang na bza' sna tshogs pa/ /zhes bya'o/ /sems dpa'i skyil mo krung
 ni/ rdo rje skyil krung phyed pa'o/ /des bzhugs pas na/ sems dpa'i skyil mo krung gis bzhugs/ /zhes bya'o/ /rdo rje snyems pa ni rdo rje sems dpa'i phyag rgya chen po'o/ /des 'dzin par mdzad pas na/ rdo rje snyems tshul 'chang ba'i mchog /ces bya ste/
 mchog ni dang po'o/ /su ra ta s+t+waM zhes brjod la zhes bya ba ni oM su ra ta s+t+waM hUM zhes brjod la bzhugs su gsol bar bya'o/ /de yi phyogs ni thams cad du/ /zhes bya ba la sogs pa ni go sla'o/ /dam tshig mchog ni 'di rnams kyis/ /zhes bya ba ni/ dzaHbadzra dr-iSh+Ti
 sa ma ke ma Ta zhes bya ba nas/ badzra g+haN+Ti hoHzhes bya ba'i bar gsung gi phyag rgyas 'da' bar mi bya ba'i rang bzhin can ni mchog ste/ dam par gyur pa ni 'di rnams kyi sku dang / gsung dang thugs rdo rje bzhugs pa brtag pa ni dgongs pa brtag pa zhes bya'o/ /
 gang gis de rnams dgongs par 'gyur zhe na/ rdo rje lha mo la sogs tshogs/ /zhes bya ba smos te/ 'dod chags rdo rje ma la sogs pa'i sku gzugs la 'dod chags rdo rje ma la sogs pa lha mo'i tshogs rnams dgongs shing byin gyis brlabs par 'gyur ba'o/ /dngos grub
 kun la grub par 'gyur/ /zhes bya ba ni rdo rje lha mo la sogs pa dgongs shing byin gyis rlob pa de rnams slob dpon dang slob ma de ji ltar mngon par 'dod pa'i dngos grub rnams grub par mdzad pa'o/ /de nas sku mchog la sogs pa/ /mngon bris yang dag bsgrub par bya/ /
 zhes bya ba ni de'i rjes thogs la bshad ma thag pa'i dgod pa'i cho gas kun mchog la sogs te dpal rdo rje sems dpa' la sogs pa nas/ rdo rje dril bu ma'i bar gyi lha rnams bkod pa yang dag par bsgrub par bya'o/ /ci zhig zlos shing bsgrub par bya zhe na/ dam
 tshig mchog ni bcings nas su/ /dzaHhUM baM hoHzhes brjod bya/ /zhes bya ba gsungs te/ dang po'i rdo rje la sogs pa ni phyag rgya ni dam tshig mchog ste/ de bcings la dzaHhUM baM hoH/ zhes bya ba rdo rje tshig gis zlos bzhin pa bsgrub par bya zhing rang dbang du bya'o/ /ci zhig zlos
 shing bsgrub par bya zhe na/ ci zhig byas nas yang dag par byas she na/ re zhig dang por bcom ldan 'das rdo rje sems dpa'i spyan sngar rnal 'byor pa rdo rje sems dpa'i sbyor bas 'dug la/ bde ba chen po rdo rje mchog /gsang ba'i lcags kyu'i phyag rgya dril bu dang
 bcas pas bdag po ste/ gtso bo bcom ldan 'das rdo rje sems dpa' 'khor dang bcas pa lan cig yang dag par dgug par bya zhing spyan drangs par bya'o/ /sngags gang gis she na/ ma hA su kha zhes bya ba nas/ dzaHhUM baM hoHzhes bya ba'i bar gyis so/ /'di
 yis zhes bya ba ni spyan drang ba'i cho gas so/ /bcom ldan 'das rtag par ni zhes bya ba ni brtan pa'o/ /rang nyid ces bya ba ni bdag nyid rdo rje slob dpon gyis bris pa'i dkyil 'khor du byon zhing gshegs par 'gyur ro/ /de nas bcom ldan 'das rdo rje sems dpa'
 'khor dang bcas pa gnas ji lta ba bzhin du bzhugs par bya'o/ /ci'i phyir zhe na/ dgug cing zhes bya ba la sogs pa gsungs te gang gi phyir spyan drang ba'i cho ga 'dis dgug pa dang / gzhug pa dang bcing ba byas la/ zhugs nas shin tu brtan pa ste/ thugs gzhan
 du mi 'gyur bas dbang du byas nas grub par 'gyur ro/ /'od zer kun du ston la sogs/ /zhes bya ba ni go sla'o/ /de nas zhes bya ba la sogs pa la de ltar bcom ldan 'das 'khor dang bcas pa spyan drangs nas rjes thogs nyid la bshad pa'i rdo rje mchod yon gyis bcom ldan
 'das 'khor dang bcas pa la mchod yon dbul bar bya'o/ /de ltar mchod yon phul nas bum pa gang ba la sogs pas bcom ldan 'das 'khor dang bcas pa la kun du mchod par bya'o/ /gang gis mchod yon phul bar byed pa'i mchod yon gyi phyag rgya de ji ltar dbul bar bya
 zhe na/ rdo rje thal mo kha phye ba/ /zhes bya ba gsungs te/ gzhi thal mo sbyar ba las rdo rje thal mo kha phye ba ni me tog gi rdo rje thal mo ste kha phye ba'o/ /'di skad ston pa yin te/ rdo rje thal mo bcings la/ mthe bong gnyis brkyang ste sor mo lhag ma rnams kyi rdo rje thal mo kha ma
 phye bar gzhi'i thal mo byas la sor mo thams cad rdo rje'i tshul nyid kyis so sor gzhag par bya'o/ /bum pa gang ba zhes bya ba la sogs pa ni go sla'o/ /de nas 'khor lor ma zhugs kyang / /zhes bya ba ni de ltar bshad ma thag pa'i cho gas zhugs nas de'i rjes
 la bdag nyid thog mar 'byung bar zhugs/ /rdo rje kun gyis slob dpon cher/ /rdo rje sems dpar byin gyis rlob/ /ces bya ba ste/ gang gis dkyil 'khor du 'jug pa'i cho gas rdo rje sems dpa'i lha mo'i dkyil 'khor du zhugs pa de ni 'khor lor ma
 zhugs su zin kyang dkyil 'khor du zhugs pa yin no/ /kyang zhes bya ba'i sgras ni 'khor lor zhugs pa dag la ni shin tu yang byin gyis rlob par 'gyur ro/ /bdag nyid ces bya ba ni rang nyid do/ /thog mar 'byung zhes bya ba ni bskal pa bzang /
 po la sogs pa'i sngon du yang dag da ltar byung ba'i tshul gyis bzhugs pa'i rdo rje sems dpa'i lha mo'i dkyil 'khor ro/ /zhugs te zhes bya ba ni 'jug pa'i cho gas zhugs pa'o/ /rdo rje kun gyi ni sangs rgyas thams cad kyi slob dpon chen po yin pas/ rdo rje kun gyi
 slob dpon cher/ /zhes bya ba ste/ sangs rgyas thams cad kyi rigs rnam pa brgya'i dkyil 'khor gyi slob dpon zhes bya ba'i tha tshig go/ /rdo rje can gyis rang byin rlob/ /ces bya ba ni rdo rje 'chang chen pos rang zhes bya ba slob dpon gyi rang bzhin rdo rje 'chang chen po'i ngo bor byin
 gyis rlob cing bskyed pa brtan par 'gyur ba'o/ /de nas zhes bya ba ni rgyu ste/ gang gi phyir dkyil 'khor 'dir zhugs pa'i sangs rgyas thams cad kyi slob dpon chen po la bcom ldan 'das rdo rje sems dpar byin gyis rlob par mdzad do/ /de bas na 'dis rdo rje sems
 dpa'i rnal 'byor chen po dang ldan pa'i rdo rje 'dzin pa'i slob dpon 'og nas bshad pa'i cho ga 'dis 'jug par bya'o/ /khrus byas dri yis rjes byugs shing / /zhes bya ba la sogs pa ni go bar zad do/ /phyag rgya kun gyi sbyor chen ldan/ /zhes bya ba ni rdo rje sems dpa'
 la sogs pa nas rdo rje dril bu ma'i bar gyi dam tshig dang / chos dang las dang / phyag rgya chen po ni dam tshig kun no/ /de'i rnal 'byor chen po ni/ /sangs rgyas kun gyi sbyor chen no/ /de 'di la yod pas na/ phyag rgya kun gyi sbyor chen ldan no/ /mi shes pa zhes bya
 bas ni go bar zad do/ /mchog dang po zhes bya ba ni mchog kyang yin la dang po yang yin pas na mchog dang po ste mchog ni phul du byung ba'o/ /dang po ni bskal pa bzang po la sogs pa'i yang thog mar dang da ltar byung ba'i ngo bo nyid kyis lha mo'i dkyil 'khor gyi dbus
 na yi ge hUM zlos pa la mngon par brtson par rtag par rgyun du zhugs pa'o/ /de yang / thog mtha' med cing mchog gyur pas/ /mchog dang por zhes bya bar bshad/ /'khor lor kun bdag nyid 'gyur bas/ /mchog ste mi 'gyur mchog yin no/ /zhes gsungs pa
 yin no/ /sems dpa' chen po zhes bya ba ni sems dpa' yang yin la chen po yang yin pas na sems dpa' chen po ste/ chos thams cad bdag med par rtog pa'i ngo bo nyid kyis thams cad du khyab pa'i rdo rje yid las byung ba dang / 'dod chags rdo rje ma'o/ /de yang
 'di ni bcom ldan 'das kyi thugs 'bigs shing myur ba'i snying po yin pa'i phyir chags pa'i yan lag yin no zhes bya ba bshad pa yin no/ /rdo rje yid las byung ba'i dbang du mdzad nas thams cad kyi mchog so sor rtogs par bya ba ni 'dod chags rdo rje ma'i dbang du byas
 pa'o/ /dga' ba chen po zhes bya ba ni dga' ba yang yin la chen po yang yin pas na/ dga' ba chen po ste/ chen po nyid ni byang chub kyis mtshan nyid can rdo rje ral pa ma dang / rdo rje kI li ki la gnyis kyis gnyis su med pa'i thugs mngon du byas pas thams cad du khyab
 cing / gzugs thams cad kun du ston pa nyid kyis na che ba yin no/ /de yang / nyes pa med cing shin tu brtag /'dod chags kun gyi rjes su chags/ /de nyid gsang ba bcom ldan 'das/ /'dod chags chen po dga' ba che/ /zhes gsungs pa yin no/ /dga'
 ba ni dga' zhing mgu ba mtha' yas pa mi gnas pa'i mya ngan las 'das pa dang / so sor rtog pa'i ye shes kyi rgyu mthun pa las byung ba rdo rje dran pa dang / rdo rje dran ma'i ngo bo dga' ba 'di la mnga' bas na dga' ba chen po'o/ /kun du bzang po zhes bya ba ni 'di la kun
 nas bzang ba mnga' bas te sangs rgyas nyid dam byang chub sems dpa' nyid 'di las 'byung bas na kun du bzang po'o/ /rdo rje snyems pa ni rdo rje snyems pa'i cha lugs 'chang ba'i rdo rje 'chang chen po'o/ /kun bdag nyid ni rab tu dga' ba la sogs pa lha mo thams cad
 kyi tshul 'dzin pa'i rdo rje 'chang chen po'o/ /don 'di nyid ni 'di'i 'og nas/ /shin tu dag pa kun gyi mchog /gdod nas grol ba de bzhin gshegs/ /kun du bzang po kun bdag nyid/ /byang chub sems dpa' go cha mchog /ces bya ba bshad pa yin
 no/ /rdo rje snyems tshul bdag po ni/ /zhes bya ba ni rdo rje sems dpa'i phyag rgya chen po dang / lha mo rdo rje snyems ma ni rdo rje snyems tshul zhes bya'o/ /de'i bdag po yin pas na rdo rje snyems ma bdag po ste/ chos kyi dbyings thog ma dang tha ma med pa'i rang bzhin rdo rje 'chang chen
 po ni gang gi phyir gnyis su med pa'i ye shes kyi rgyu mthun pa ni rdo rje snyems tshul yin pa'i phyir ro/ /de yang thugs ni bcom ldan 'das 'dod chags chen po dang 'di'i lha mo zhes gsungs pas/ bye brag gi tshig gsungs pa'i phyir dang / yang / dngos grub chen po kun gyi
 mchog/ /dbang phyug chen po phyag rgya'i mchog /rdo rje'i dbang bskur cher bstod pa/ /rdo rje snyems tshul bdag po'i bdag /ces kyang gsungs pa yin no/ /bdag ces bya ba ni yang dag par rdzogs pa'i sangs rgyas la sogs pa'i dngos po rnams rgyun dmigs su med pa'i
 thugs rje chen po'i rang bzhin bcom ldan 'das rdo rje sems dpa' yin pas bdag po ste/ bskyed pa'i rgyu zhes bya ba'i tha tshig go/ /sems dang zhes bya ba ni sems can thams cad kyi rgyud la yod pa'i sems dang sems las byung ba'o/ /rang bzhin gyis 'od gsal
 ba ni dge ba'i khams bsags pa yin pas na sems zhes bya'o/ /de yang / bsam gyis mi khyab rgya cher zab/ /dngos grub kun gyi mi 'gyur ba de/ /kun du khyab cing dri ma med/ /byang chub sems snyoms brtan pa dag /ces gsungs pa yin no/ /'di rtogs
 par bya ba'i phyir man ngag gsungs pa ni sems dpa' zhes bya ba la sogs pa yin te sems can thams cad kyi rgyud la yod pa'i sems de nyid rang bzhin gyis dag par rtog pas rnam par rtog pa thams cad kyis bskyod par mi nus pa la ni sems dpa' zhes bya ste/ sems ni
 brtan pas sems dpar bshad/ /ces gsungs pa yin no/ /rnam par rtog pa thams cad kyis mi phyed pa'i sems dpar gyur pa de nyid rnam par g.yeng ba thams cad dang bral bas ting nge 'dzin mchog ces bya ste ting nge 'dzin gyi dam pa'o/ /de yang de mnyam par bzhag pas
 ting nge 'dzin zhes gsungs pa yin te/ de bzhin nyid kyi rnam par sems rtse gcig pa'i tshul gyis ting nge 'dzin thams cad las mchog tu gyur pa'i phyir ro/ /rdo rje zhes bya ba ni chos bdag med pa'i ting nge 'dzin gyi rang bzhin de nyid zla ba'i dkyil 'khor gyi rnam par zla ba'i dkyil
 'khor las rdo rje rdo rjer nges pa las sems dpa'i rdo rjer gyur pa'i sems de ni rnam par rtog pa thams cad dang bral bas/ ting nge 'dzin gyi mchog rdo rje zhes bya ste/ nges pa las ni rdo rjer 'gyur/ /zhes gsungs pa'i phyir dang / rdo rje zhes bya ba ni sems dpar byin gyis brlab pa las
 byung ba'i bcom ldan 'das dpal rdo rje sems dpa' la bya ste/ tshig gi phyogs gcig smos pa'i tshul gyis tshig gi spyi sdud de dper na 'jig ces smos pas 'jig rten ston pa dang 'dra'o/ /mchog chen zhes bya ba la/ mchog kyang yin la chen po yang yin pas mchog chen
 te dam tshig chen po'i sems dpa' ni nga yin no zhes chos kyi dbyings kyi nga rgyal byed pa'o/ /kun du bzang po'i spyod pa mchog /ces bya ba la kun du bzang po ni bshad zin to/ /de'i spyod pa ni lha chen po la sogs pa'i gzugs thams cad du yang dag par ston pas
 sems can gyi don mdzad pa'o/ /de mchog tu gyur pas na/ kun du bzang po'i spyod pa mchog /ces bya ste/ de yang gang gi phyir/ snying stobs rdul dang mun pas kyang / /gang phyir sems can don mdzad pas/ /des na 'di ni kun du bzang / /byang chub spyod pa'i
 rjes bzhin 'jug / ces gsungs pa yin no/ /bdud dang zhes bya ba ni sangs rgyas kyi byang chub la 'jug pa rnams la shin tu brtson pas bskyed par bya ba'i phyir bdud kyi sde sprul nas 'tshe bas bdud ces bya'o/ /bdud ni rab 'jomasas pa zhes bya ba ni rdo rje gnod sbyin
 gyi tshul gyis bdud thams cad za bar mdzad pas na/ bdud thams cad 'joms par mdzad pa'o/ /de yang sems nyid kho na bdud yin te/ sems nyid de bzhin gshegs pa yin/ /rang gi sems ni 'dul ba'i phyir/ /bdud nyid du ni rang gyur
 to/ /zhes gsungs pa dang / yang ji lta ji ltar bcom ldan 'das 'dod pa rdo rje sems dpa' byang chub kyi snying por 'gro ba'i byang chub sems dpa' la bdud kyi gzugs kyis nye bar 'tshe bar byed pa de lta de ltar byang chub sems dpa'i sems byang chub chen por shin tu brtan
 par nye bar skye bar 'gyur ro/ /de ltar na mtshan bcu bdun po de dag ni dpal rdo rje sems dpa'i rdo rje'i rigs kyi yang dag pa'i yon tan ston par byed pa yin no/ /thams cad byang chub che zhes bya ba ni sangs rgyas thams cad gcig tu bsdus par gyur pa rnam par snang mdzad ni byang
 chub thams cad do/ /byang chub che zhes bya ba ni mi bskyod pa dang / mi bskyod pa'i rigs ni nyan thos dang rang sangs rgyas kyi byang chub la ltos na byang chub kyang yin la chen po yang yin pas na byang chub chen po ste/ sangs rgyas zhes bya ba ni nam mkha' thams cad dang mnyam
 pa'i ye shes thugs su chud pas na sangs rgyas te bcom ldan 'das ni rin chen 'byung ldan gyi rigs dang bcas pa'o/ /sangs rgyas nyid skyes zhes bya ba ni sangs rgyas rnams kyi byang chub bdag nyid las 'khrungs pas na sangs rgyas nyid skyes te gzugs thams cad ston pa'i ye
 shes kyi sems can thams cad gdul bya'i spyod pa'i mchog mnga' ba ste/ bcom ldan 'das 'od dpag tu med pa'i 'khor dang bcas pa'o/ /mchog skyes pa zhes bya ba ni mchog las skyes pas na mchog las skyes pa ste/ rang bzhin gyis 'od gsal ba'i rnam par thar pa'i
 sgo brtson 'grus kyi pha rol tu phyin pa'i rang bzhin can gyi mchog de las 'khrungs pa don yod par grub pa'i rigs dang bcas pa'i ngo bo'o/ /de yang ji ltar na bcom ldan 'das mngon par rdzogs pa'i byang chub dang sangs rgyas yin zhe na/ rang sems so sor rtogs pa
 las/ /byang chub sems mchog rdo rje nyid/ /de yid de nyid sangs rgyas nyid/ /gang la byin rlabs mchog grub pa/ /zhes gsungs pa yin no/ /de ltar na mtshan lnga po dag gis ni de bzhin gshegs pa'i rigs kyi yon tan ston par byed pa yin no/ /rdo rje hUM mdzad ces bya ba
 ni/ u tiSh+Tha sa ma ya kro d+ha/ ni suM b+ha dz+wa la badzra hUM zhes bya bas rdo rje me ltar 'bar ba/ rdo rje hUM mdzad du sprul pa'i snying po yin la/ sprul pa yang khro bo yin par bshad do/ /yi ge hUM zhes bya ba ni 'jig rten gsum po la sogs pa 'dul ba'i snying po mtshan gnyis po 'di
 dag ni rdo rje rigs kyi sgo nas brjod pa yin no/ /'jig rten dbang phyug ces bya ba ni/ ji ltar pad+ma dmar po 'di/ /zhes bya ba la sngar gsungs pa yin te mtshan 'di ni pad+ma rigs kyi sgo nas brjod pa yin no/ /nor bu rab gsol zhes bya ba ni nor bu'i rigs kyi sngags kyi sgo
 nas so/ /'dod chags chen po zhes bya ba ni gzugs thams cad ston pas sems can thams cad sbyin pa la chags pas 'dod chags chen po'o/ /de yang / dngos grub kun la rjes chags pas/ /'dod chags chen po bcom ldan 'das/ /rdo rje sems dpa'i dpal
 rgyal 'di/ /dmar zhing sna tshogs 'od 'bar ba/ /zhes gsungs pa yin no/ /bde chen nyid ces bya ba ni bde ba yang yin la chen po yang yin pas na bde ba chen po ste/ sangs rgyas rnams kyang zag pa med cing thog ma dang tha ma med pa'i bde ba dang yid bde ba ni
 bde ba chen po ste/ de'i ngo bo nyid yin pas na bde chen nyid do/ /'di nyid ni/ dngos grub kun gyi mi 'gyur bde/ /bde ba chen po zhes bshad do/ /zhes 'og nas bshad pa yin no/ /'dod dang zhes bya ba ni 'dod par bya ba nyid yin pas na 'dod pa ste/ mngon par 'dod
 pa'i zhes bya ba'i tha tshig go/ /de yang byang chub kyi mtshan nyid can gyi rdo rje sems dpa' dang / byang chub kyi sems bsgom pa ni 'dod pa'i yon tan no/ /thar pa zhes bya ba ni ji skad du bshad pa'i bde ba chen po de'i ngo bo nyid gyur pa dang mthar thug pa'o/ /de yang ji ltar bcom
 ldan 'das 'dod pa dang thar pa yin zhe na/ dngos grub kun la rjes chags pas/ /'dod chags chen po bcom ldan 'das/ /dngos grub kun gyi mi 'gyur bde/ /bde ba chen po zhes bshad do/ /zhes gsungs pa yin no/ /nor che ba zhes bya ba ni nam mkha'
 dang mnyam pa'i ye shes kyi 'jig rten dang 'jig rten las 'das pa'i rin po che thams cad kyi 'byung gnas yin pas na nor che ba'o/ /dus gsum zhes bya ba ni 'das pa dang ma 'ongs pa dang da ltar byung ba rnams kyi sems dang sems las byung ba'i ngo bo yin pas na dus
 gsum mo/ /srid gsum zhes bya ba ni 'dod pa'i srid pa dang / gzugs kyi srid pa dang / gzugs med pa'i srid pa ni srid pa gsum mo/ /de yang mtha' yas pa na 'jig rten gsum 'dul bas srid gsum yin no zhes gsungs pa yin pas srid pa gsum gyis 'dul ba
 rnams kyi phyir bcom ldan 'das srid pa gsum gyi ngo bor ston cing bzhugs pas na srid pa gsum zhes bshad pa yin no/ /mtshan gsum po de dag gis kyang dpal rdo rje sems dpa'i rigs su ston par shes pa yin no/ /mchog gsum zhes bya ba ni rgyal bar byed pa dang / sbrang
 rtsir byed pa dang / don thams cad grub par byed pa la mchog gsum zhes bya'o/ /'jig rten gsum mchog ces bya ba ni de rnams kyi ming gi khyad par la 'jig rten gsum zhes bya ste/ 'jig rten mchog gsum gyi byin gyis brlabs zhes gsungs pa'i phyir ro/ /khams
 gsum pa zhes bya ba ni 'dod pa dang gzugs dang gzugs med pa'i khams su sprul pas na khams gsum pa zhes bya'o/ /brtan dang zhes bya ba ni ri'i rgyal po ri rab la sogs pa dngos po thams cad 'byung ba'i tshul gyis gnas pas na brtan pa zhes bya'o/ /de yang / sems
 can bsod nams cher mthong bas/ /brtan pa kun nyid nga yin no/ /zhes 'og nas bshad pa yin no/ /rang 'byung zhes bya ba ni rdzogs pa'i sangs rgyas la sogs pa dngos po thams cad 'byung ba'i rgyur gyur pas na rang 'byung ba ste chos kyi dbyings thog ma dang tha ma med pa'o/ /
 gsal zhes bya ba ni thams cad kyi so so rang gis rig pa'i ngo bo chos kyi dbyings so/ /phra rab ces bya ba ni shin tu phra bas na shin tu phra ba ste chos kyi dbyings de nyid do/ /sbom pa dang zhes bya ba ni sku phyag rgya chen po la sogs pa nam mkha' khyab pas na sbom pa'o/ /bsags
 pa zhes bya ba ni de bzhin gshegs pa la sogs pa'i rigs rnams bsags shing bsdus pa'i ngo bo nyid yin pas so/ /rgyu ba zhes bya ba ni mngal nas skyes pa dang / sgo nga las skyes pa dang / rdzus te skyes pa dang / drod gsher las skyes pa ste rang gi las kyi stobs
 las skyes pa ni rgyu ba zhes bya ba ste sems can sems dang ldan pa'o/ /bcom ldan 'das kyang chos nyid la dgongs nas de'i ngo bo nyid yin pas na de skad ces bya'o/ /de yang sems kyi 'du byed pas rgyu ba zhes 'og nas bshad pa'i phyir ro/ /rab mchog ces bya ba ni phul du
 byung ba ste/ 'khor los sgyur ba la sogs pa'i gzugs rab mchog gis 'dul ba rnams la de'i gzugs su ston par mdzad pa'i phyir de skad ces bya'o/ /thob mdzad pa zhes bya ba ni rdo rje sems dpa' la sogs pa bsgom pa dang ldan pa rnams la de mngon sum du gyur
 par mdzad pas na thob pa'o/ /srid pa zhes bya ba ni dpal rdo rje sems dpa' la sogs pa thob par mdzad pa des mi gnas pa'i mya ngan las 'das pa'i mtshan nyid du srid pa shin tu grub par ni srid pa zhes bya'o/ /'khor ba zhes bya ba ni de 'dul ba'i sems can rnams
 rjes su gzung ba'i phyir 'gro ba rigs drug gi mtshan gyis bzhugs par mdzad pa dang chos nyid kyi tshul gyis 'khor ba zhes bya'o/ /sbyong mdzad pa zhes bya ba ni sangs rgyas la sogs pa'i tshul gyis sems can thams cad sbyong bar mdzad pas na sbyong mdzad pa'o/ /thog mtha'
 med pa zhes bya ba dang po'i thog ma ste skye ba'o/ /tha ma ni dus tshigs nges pa med pa'i mya ngan las 'das pa'o/ /gang la thog ma dang tha ma med pa de ni thog ma dang tha ma med pa ste/ chos kyi dbyings kyi rang bzhin no/ /thog ma tha ma can zhes bya ba ni chos kyi dbyings kyi
 rgyu mthun pa las byung ba'i rdo rje sems dpa'i sku nas brtsams te/ dum bu bzhi pa las bshad pa'i 'phags pa nam mkha'i snying po'i rang bzhin ras ris kyi dkyil 'khor las gsungs pa'i rin po che'i dril bu ma'i bar gyi lha thams cad kyi sku'i ngo bor gyur pas
 na thog ma can no/ /mdangs dmar ba zhes bya ba ni bltas pas mi ngoms pa'i sku mnga' bas kun gyi mngon par 'dod par bya ba yin pas na mdangs ldan no/ /dang po zhes bya ba ni bskal pa bzang po zhes bya ba la sogs pa'i thog mar gnas pas na dang po'i thog mar ro/ /thams
 cad yang dag gnas pa zhes bya ba ni sdud pa'i dkyil 'khor du rigs thams cad kyi gnas pa'i tshul gyis bzhugs pa na thams cad yang dag gnas pa'o/ /de la mchog gsum dang 'jig rten gsum mchog ces bya ba'i mtshan gnyis po 'di ni 'jig rten pa'i dkyil
 'khor gyi sgo nas bstan pa yin no/ /khams gsum pa dang / brtan pa dang / rang 'byung dang / gsal ba dang / phra rab dang / sbom po dang / bsags pa dang / rgyu ba dang / rab mchog dang / thob mdzad dang / srid pa dang / 'khor ba dang / sbyong mdzad dang / thog
 mtha' med pa dang / thog mtha' can dang / mdangs ldan dang / dang po dang / thams cad yang dag gnas zhes bya ba mtshan bco brgyad po 'di dag ni bsdus pa'i dkyil 'khor gyi sgo nas gsungs pa yin no/ /snying po zhes bya ba ni phyag rgya chen po la sogs pa nges pa'i
 ye shes te de kho na yin la/ de ston par byed pa'i tshig la nye bar gdags pas snying po zhes bya ste/ de nyid gdags pas gsang chen po/ /snying po zhes ni rab tu bshad/ /ces bya ba gsungs pa'i phyir dang / yang de nyid kho na nyid dang / gsang ba'i snying po zhes
 gsungs pa'i phyir ro/ /phyag rgya zhes bya ba ni dam tshig dang / chos dang / las dang / phyag rgya chen po la bya ste/ sems can gyi khams skur bstan par byed pa'am/ rgyas 'debs pa'i phyir de ni phyag rgya zhes bya'o/ /rnal 'byor zhes bya ba ni rnal 'byor dang rjes su rnal
 'byor dang / thams cad kyi rnal 'byor dang / shin tu rnal 'byor gyi dbye bas rnam pa bzhi'o/ /de la de kho na nyid rnam pa lnga bsgoms pas bdag nyid rang lha'i ngo bo nyid du bskyed pa bsgom pa ni rnal 'byor zhes bya'o/ /ye shes sems dpa' bcug nas de dang lhan cig tu
 gyur par lhag par mos pa ni rjes su rnal 'byor zhes bya'o/ /rgyu ba dang mi rgyu ba thams cad kyi ngo bo nyid kyi rang bzhin du bdag nyid bsgom pa ni thams cad kyi rnal 'byor zhes bya'o/ /rnal 'byor dang rjes su rnal 'byor dang thams cad kyi rnal 'byor rnam par bsgoms pas
 sems rtse gcig tu gyur pa gang yin pa de ni shin tu rnal 'byor zhes bya'o/ /dam tshig ces bya ba ni mi 'da' ba'i don la ni dam tshig ces bya ba ste sku'i rang bzhin no/ /de yang sku'i gsang ba'i dbang du byas nas/ de bzhin gshegs pa kun gyis kyang / /'da' ba ru ni mi
 mdzad pas/ /phyag rgya dam tshig ces grags te/ /yid kyi gzugs ni bstan phyir ro/ /zhes gsungs pa yin no/ /de nyid ces bya ba ni/ thog ma tha ma med sems pa/ /zhes bya ba la sogs pa gang yin pa de ni de kho na nyid do/ /bden pa zhes bya ba ni kun rdzob kyi bar
 gyi bden pa dang don dam pa'i bden pa dang / 'phags pa'i bden pa bzhi ni bden pa'o/ /mchod pa che zhes bya ba ni 'dod chags rdo rje ma la sogs pa rigs thams cad kyi mchod pa ni mchod pa chen po'o/ /de ltar mtshan bdun ni dpal rdo rje sems dpa'i ras ris kyi
 dkyil 'khor gyi sgo nas lha thams cad kyi rang bzhin ston pa yin par shes par bya'o/ /de bzhin gshegs pa zhes bya ba ni de bzhin gshegs pa'i ras ris kyi dkyil 'khor gyi rang bzhin no/ /dngos grub che zhes bya ba ni de bzhin gshegs pa'i ras ris kyi dkyil 'khor
 gyi dngos grub chen po'o/ /chos zhes bya ba ni chos kyi phyag rgya'i ngo bo nyid yin pas na chos so/ /las zhes bya ba ni/ las kyi phyag rgya'i ngo bo nyid yin pas na las so/ /mkhas pa chen po zhes bya ba ni de bzhin gshegs pa nyid la sogs pa yongs su shes pas mkhas
 pa chen po'o/ /dam pa'i chos zhes bya ba ni de bzhin gshegs pa'i dkyil 'khor chos kyi 'khor lo bskor ba'i tshul gyis bzhugs pa'i 'od dpag tu med pa'i tshul gang yin pa de ni dam pa'i chos so/ /las mchog ces bya ba ni de nyid du don yod par grub
 pa'i tshul gyis bzhugs pa gang yin pa de ni las mchog go/ /bdag ces bya ba ni de nyid las rin chen 'byung ldan gyi ngo bo bzhugs pa gang yin pa de ni bdag po'o/ /byang chub sems dpa' zhes bya ba ni de nyid du mi bskyod pa'i ngo bos bzhugs pa gang yin pa de ni byang chub kyi
 sems so/ /rab sbyong mdzad ces bya ba ni de bzhin gshegs pa'i dkyil 'khor de nyid du rnam par snang mdzad kyi ngo bos bzhugs pa gang yin pa de ni sangs rgyas thams cad bsdus pa'i tshul gyis sems can gyi khams thams cad sbyong bar mdzad pas na/ rab sbyong mdzad ces
 bya'o/ /la la las ni rab sad mdzad pas na rab sad mdzad ces bya ba yin par shes par bya'o/ /mtshan bcu po 'di dag ni de bzhin gshegs pa'i ras ris kyi dkyil 'khor gyi yon tan ston par byed pa yin no/ /rdo rje khro bo zhes bya ba ni rdo rje hUM mdzad la sogs pa'i phyag rgya
 chen po'i rang bzhin no/ /khro bo zhes bya ba ni khro bo'i rigs kyis nam mkha' thams cad khyab par mdzad pa'o/ /dus mtha' ltar 'bar zhes bya ba ni sreg pa'i bskal pa lta bu'i rdo rje 'bar bas khams gsum ma lus par bkang ste/ sems can gyi khams ma lus kun
 tu rmongs par mdzad pa ste/ de yang / 'jig pa'i bskal pa lta bu yi/ /rdo rje 'bar ba kun 'khrugs pas/ /lha la sogs pa'i srid gsum kun/ /skad cig gis ni kun rmongs mdzad/ /ces gsungs pa yin no/ /'dul ba po zhes bya ba ni yang slar
 gso ba'i rig pas lha la sogs pa sems can gyi khams thams cad blangs nas/ hrIHzhes bya bas bkug nas bcug la bcings te/ dbang du mdzad pas na 'dul ba po zhes bya'o/ /'dul mdzad chen po zhes bya ba ni 'dis dbang phyug chen po la sogs pa 'dul
 bar mdzad pas na 'dul mdzad chen po ste/ gang gi phyir bcom ldan 'das rdo rje 'dzin pa chen po rdo rje rigs kyi rang bzhin gyis dbang phyug chen po la sogs pa byang chub chen po rab tu 'jog par mdzad pas na 'dul ba yang yin la chen po yang yin pas na 'dul mdzad chen po'o/ /gdug
 pa'i mchog ces bya ba ni sems can thams cad la nye bar 'tshe zhing gnod par byed pa'i sems dang ldan pa ni gdug pa'i yid ces bya ste/ de rnams la 'jigs pa bskyed par bya ba'i phyir shin tu gdug pa ston pas na gdug pa'i mchog ste/ gdug pa rnams las kyang gdug pa zhes
 bya ba'i tha tshig go/ /drag po zhes bya ba ni gdug pa de rnams nyid gdul bar bya ba'i phyir rdo rje drag po'i skur ston pas na drag po'o/ /drag po nyid ces bya ba ni rdo rje mkha' 'gro ma'i tshogs sprul nas drag po thams cad za bar mdzad pas na drag po nyid do/ /za mdzad ces bya ba ni
 khro bo stobs po ches gdug pa'i tshogs rnams za bar mdzad pas na za mdzad do/ /mtshan dgu po 'di dag ni rdo rje rigs kyi gsang ba'i ras ris kyi dkyil 'khor gyi sgo nas bstod pa yin no/ /thams cad dag pa zhes bya ba ni phyag rgya chen po'i rang bzhin no/ /pad+ma chen po
 zhes bya ba ni pad+ma'i dam tshig gi phyag rgya'o/ /shes rab thabs dang zhes bya ba ni shes rab kyis bskyed pa'i thabs ni shes rab thabs te/ sems can thams cad 'dul ba'i phyir khro gnyer can la sogs pa lha mo'i tshogs kyi dbus na bzhugs pa'i 'jig rten dbang
 phyug gi sku'o/ /tshul chen zhes bya ba ni gzugs thams cad kun du ston pas sems can gyi khams thams cad rnam par sbyong bar mdzad pas na tshul chen po'o/ /'dod chags dag pa zhes bya ba ni/ ji ltar pad+ma dmar po 'di/ /tshon gyi nyes pas mi gos pa/ /
 de bzhin dag pa'i khams gsum pa/ /gnas kyi nyes pas mi gos so/ /zhes bya ba ni pad+ma 'dab ma phyed pa'i rnal 'byor rdo rje chos kyi bsgom pas 'dod chags dag pa'o/ /ting nge 'dzin mchog ces bya ba ni chos thams cad rang bzhin gyis rnam par dag pa'o zhes
 bya bar sems rtse gcig pa gang yin pa de ni ting nge 'dzin mchog ste dam pa'o/ /sna tshogs chags pa zhes bya ba ni sna tshogs chags pa ste sems can thams cad 'dul ba la zhe na pa'o/ /dbang phyug che zhes bya ba ni dbang phyug chen pos 'dul ba rnams la
 de'i gzugs 'dzin par mdzad pas na dbang phyug chen po'o/ /mtshan brgyad po 'di dag ni pad+ma'i rigs kyi ras ris kyi dkyil 'khor gyi sgo nas bstod pa'o/ /nam mkha' zhes bya ba ni/ nam mkha' dang mnyam pa'i ye shes mnga' bas na nam mkha'o/ /mtha' yas
 zhes bya ba ni nam mkha' dang nye bar ye shes rgyu mthun pa las byung bar gyur pa'i rin po che'i rigs kyi ngo bo'i sku dang gsung dang thugs rdo rje nam mkha'i khams thams cad na rtag tu bzhugs pa la/ mtha' yas pa'i sgrar bshad do/ /rtag pa zhes bya ba ni rtag pa dang mi
 'gyur ba ni rtag pa'o/ /don zhes bya ba ni don du gnyer bas na don te/ sems can rnams kyi don du gnyer ba yin no zhes ston pa yin te/ 'di ni bcom ldan 'das nam mkha' mdzod kyi ngo bo nyid du ston pa yin no/ /'byung po thams cad ces bya ba ni 'byung bas na 'byung
 po ste/ sems can dang sems can ma yin pa'i ngo bo'o/ /gnas chen po zhes bya ba ni nam mkha' thams cad la gnas pa'i dang po'i gzhal yas khang gi ngo bo nyid du gyur pas na gnas chen po'o/ /'byor pa zhes bya ba ni dbang bskur ba'i lha'i ngo bo nyid du gyur pa'o/ /
 dpal zhes bya ba ni gter gyi lha mo'i rang bzhin du gyur pa'o/ /gtso bo zhes bya ba ni rgyal mtshan mchog gi lha mo'i ngo bo nyid du gyur pas thams cad du spong ba'o/ /rgyal zhes bya ba ni lha mo chen mo'i bdag por gyur pa'i ngo bo nyid kyis mdzes shing gsal bas na rgyal po'o/ /
 bsam pa thams cad rdzogs mdzad pa/ /zhes bya ba ni dbang bskur ba la sogs pa'i ngo bo nyid kyis sems can thams cad kyi mngon par 'dod pa'i dngos grub stsol bas na thams cad rdzogs par mdzad pa'o/ /mtshan bcu gcig po 'di dag ni rin po che'i rigs kyi
 ras ris kyi dkyil 'khor gyi sgo nas bstod pa yin no/ /phyag 'tshal khyod la phyag 'tshal lo/ /phyag 'tshal 'dud cing phyag 'tshal lo/ /zhes bya ba yang dang yang du phyag 'tshal 'dud pa ni lhag par gus pa'i khyad par ston pa yin no/ /dad pas khyed la bdag brten
 bgyid/ /ces bya ba ni khyed mngon sum du bya ste zhes bya ba ni rtag pa kho nar bsgom par bgyi'o zhes bya ba'i tha tshig go/ /rdo rje sems dpa' zhes bya ba ni de bzhin du ro gcig pa ste/ de yang / thog ma tha ma med cing rtag /mi zad mnyam pa med mi 'gyur/ /sems dpa' rdo
 rje che rang bzhin/ /sems dpa' rdo rje zhes bshad do/ /zhes 'og nas bshad pa yin no/ /dang po zhes bya ba ni da ltar byung ba'i dus ngo bo nyid kyis rtag pa bzhugs pa yin pas na dang po'i zhes sngar bshad pa yin no/ /mtshan gnyis po 'di ni thams cad du dpal rdo
 rje sems dpa'i ngo bo nyid yin no zhes ston pa yin no/ /bdag grub mdzad do zhes bya ba ni slob dpon gsol ba 'debs pa'o/ /da ni gang zhig ces bya ba la sogs pas mtshan brgya rtsa brgyad pas bstod pa'i phan yon gsungs pa yin no/ /nyin re zhes bya ba ni re re zhing
 ngo / /nang par zhes bya ba ni snga dro'i thun tshigs dang po ste/ bzlas brjod dang bsgom pa'i sngon du zhes bya ba'i tha tshig go/ /rjod byed na zhes bya ba ni 'don par byed na'o/ /ji ltar zhe na/ chos kyi tshig gi lan cig ni/ /zhes bya ba smos te/ rnga sgra ltar zab pa'i dbyangs ni
 chos kyi tshig go/ /chos kyi tshig des 'don cing rjod par byed pa gang yin pa de la ci zhig tu 'gyur zhe na/ dngos grub shin tu myur bar 'gyur/ /zhes bya ba gsungs te/ rnal 'byor pa dngos grub gang zhig sgrub pa la 'jug par 'gyur ba de 'dir mtshan brgya rtsa brgyad
 pa'i mthus ring por mi thogs par myur du 'grub par 'gyur ba'o/ /gal te 'dir grub mi 'dod na/ /zhes bya ba ni gal te rnal 'byor pa gang la la zhig bzlas brjod dang bsgom pa'i tshe 'di la dngos grub gang zhig don du gnyer na/ dang po ste nyin re zhing snga dro dang / nyi ma phyed
 dang / phyi dro'i dus gsum du ji skad du bshad pa'i mtshan brgya rtsa brgyad pas bcom ldan 'das la bstod par bya'o/ /bstod na rnal 'byor pa de cir 'gyur zhe na/ sdig pa kun las myur du grol/ /zhes bya ba gsungs te/ sgrib pa thams cad dang
 bral bar 'gyur ro/ /de ltar sdig pa thams cad las nges par grol ba'i phyir 'chi ba'i dus byas nas sangs rgyas kyi zhing yongs su dag par skye bar 'gyur ro/ /de nas der skyes nas rdo rje 'chang chen po'i dngos grub 'grub par 'gyur ro/ /lan cig phyir brjod tsam gyis
 kyang / /rtag tu sdug bsngal thams cad sel/ /zhes bya ba ni go bar zad do/ /dngos grub thams cad ni dpal rdo rje sems dpa' la sogs pa'i dngos grub thams cad la mtshan brgya rtsa brgyad pa 'dis skal ba bzang por byed de 'dis dngos grub thams cad 'grub
 par 'gyur ro zhes ston pa yin no/ /dpal gyi phun sum tshogs pa ni phyag rgya la sogs pa'i 'byor pa'o/ /de 'phel bar byed pa ni 'di gong nas gong du rgyas par byed pa'o/ /dngos grub kyang yin la thams cad kyang yin pas dngos grub thams cad do/ /phyag rgya
 chen po la sogs pa rdzogs pa'o/ /de'i don yod pa ni 'bras bu yod pa bskyed pa'i rgyur gyur pa'o/ /yon tan gyi rgyu yin pas na yon tan no/ /mtshan brgya rtsa brgyad dam pa ni/ /zhes bya ba ni gsang ba dam pa skye bo thams cad kyi thun mong du gyur pa'o/ /de nas zhes
 bya ba la sogs pa la de ltar bcom ldan 'das la mtshan brgya rtsa brgyad pa 'dis yang dag par bstod nas/ des phyis 'dod chags rdo rje ma dang / kI li kI li ma dang / rdo rje dran ma dang / rdo rje snyems ma'i mchod pa'i phyag rgya rab tu dga' ba zhes bya ba gus
 pas yang dag par mchod la/ yang glu ma dang rol mo'i mchod pa 'og nas bshad pa'i mtshan nyid can gyis bcom ldan 'das bde ba chen po rdo rje sems dpa' la mchod par bya'o/ /de nas ci zhig bya zhe na/ rang gi phyag rgya zhes bya ba la sogs pa gsungs te/
 rang gi phyag rgyas grub nas snying po 'dis rdo rje blang bar bya'o zhes bya bar sbyor ro/ /de ltar bcom ldan 'das yang dag par mchod pas dpal rdo rje sems dpa'i sbyor bas phyag rgya chen po ji lta ba bzhin du bcing bar bya'o/ /de ltar na phyag rgya'i dngos grub thams cad 'grub
 par 'gyur ro/ /de nas rnam par rgyal ba'i bum pa'i chus dbang bskur ba'i rjes thogs nyid la de bzhin gshegs pa thams cad kyi sku'i mchog /mtshan nyid 'og nas bshad pas bdag nyid dbang bskur la/ sangs rgyas thams cad kyi rin po che'i cod pan rin po che
 las byas pa lugs ma'am brkos pa'am byas pa'am bris pas dbang bskur bar bya'o/ /phyag byas nas zhes bya ba ni thams cad la sbyar ba'o/ /rang gi rdo rje blangs zhes bya ba ni dpal rdo rje sems dpa'i dang po'i rdo rje sems dpa' gang yin pa de ni rnal 'byor pa
 'di'i rang gi rdo rje yin no/ /'di skad ston te/ dang po'i rdo rje dril bu dang bcas pa blang bar bya'o zhes bya ba'i tha tshig go/ /de la zhes bya ba la sogs pa ni go bar zad do/ /de nas kyang ni ci 'dod par/ /zhes bya ba ni de ltar bdag nyid 'jug pa la sogs pa'i go
 cha rjes su spyad nas/ dus phyis bdag byin gyis brlab pa la sogs pa bya ste/ ji ltar spro bas gang zhig 'dod pa'ang grub nas cho ga'i mchog dpal rdo rje sems dpa'i phyag rgya chen po bsgoms pa bsgrubs nas/ rdo rje gar gyi mchod pas yang dag par mchod nas
 rab tu grub par 'gyur ro zhes bya ba ni 'dod chags rdo rje la sogs pa'i mchod pa rnam pa bcu gnyis ni rdo rje gar gyi mchod pa ste/ rdo rje gar gyi mchod pa des bcom ldan 'das rdo rje sems dpa'i 'khor dang bcas pa la/ mchod pa byas nas yang dag par rdzogs
 par 'gyur ba ste/ dkyil 'khor gyi dngos grub 'grub par 'gyur ro zhes bya ba'i tha tshig go/ /de nas brtsams te zhes bya ba ni/ dkyil 'khor bsgrubs pa nas nye bar bzung ste/ rdo rje bdag ni rdo rje sku'i/ /rdo rje kun gyi gsang mchog 'dzin/ /zhes bya ba nas/
 rdo rje kun gyi rigs lnga'i rang bzhin can gyi sangs rgyas dang byang chub sems dpa' rnams so/ /de rnams kyi gsang ba bzang po ni gsang ba mchog ste/ dpal rdo rje sems dpa'i sku dang gsung dang thugs rdo rje'o/ /de 'dzin pas na/ rdo rje kun gyi
 gsang mchog 'dzin/ /zhes bya ste/ dpal rdo rje sems dpa'i sku dang gsung dang thugs rdo rje'i dngos grub mnyam par 'grub pa de'i bdag nyid kyis 'dzin par byed do zhes bya ba'i tha tshig go/ /ji ltar zhe na/ rdo rje thams cad ces bya ba la sogs pa gsungs te/
 gang phyir dkyil 'khor de grub pas/ /rdo rje thams cad 'dzin slob dpon/ /zhes bya ba rdo rje sems dpa'i slob dpon dpal rdo rje sems dpa' sku dang gsung dang thugs rdo rje dngos grub thams cad 'grub par 'gyur ro/ /rdo rje sems dpa'i dngos grub chen po
 grub pa ni/ rdo rje sems dpa'i dngos grub che/ /zhes bya'o/ /phyag rgya che kun ni lha mo'i rang bzhin te/ de rnams kyi bdag ni rigs kyi bdag po ste/ rdo rje sems dpa' zhes bya ba'i tha tshig go/ /de nyid kyis na dbang phyug ste/ gtso bo'o/ /thams
 cad mkhyen pa zhes bya ba ni de bzhin gshegs pa dang / de bzhin gshegs pa'i rigs dang / 'jig rten dbang phyug dang / de'i rigs kyi ngo bo nyid yin pas thams cad mkhyen pa'o/ /rdo rje zhes bya ba ni rdo rje rigs kyi bdag po dang / de'i rigs kyi ngo bo
 nyid kyis thams cad du song ba'i phyir rdo rje che'o/ /thams cad mkhyen pa yang yin la rdo rje chen po yang yin pas na thams cad mkhyen pa'i rdo rje che'o/ /las rnams thams cad ces bya ba ni nor bu'i rigs dang las kyi rigs gnyis kyi dkyil 'khor gyi las gang yin pa de
 ni las rnams thams cad de/ de rdzogs par byed nus par 'gyur ro/ /rtog pa dang zhes bya ba ni dus thams cad du'o/ /zil gyis gnon par mi nus pas na mi tshugs pa'o/ /lha dang bcas pa'i 'jig rten gyis kyang gsad par mi nus pas na mi gsod pa'o/ /
 'jig rten dang 'jig rten las 'das pa'i las thams cad byed pas na kun byed do/ /rgyu de nyid kyis na gdul bya rnams la rdo rje sems dpa' la sogs pa'i dngos grub thams cad stsol bar 'gyur ro/ /sems can thams cad kyi bdag por gyur pas na rgyal chen
 no/ /de nyid kyis na tshar gcod pa dang / phan 'dogs pa yin no/ /rdo rje sems dpa' la sogs pa'i lha thams cad sgom pa po ni rjes su chags pa'o/ /de nyid ni rnal 'byor thams cad kyi mchog tu gyur pas thams cad mchog go/ /rdo rje sems dpa' la
 sogs pa ye shes kyi rdo rje sems dpa' la sogs pa'i dngos po thams cad rtog pas na kun rig go/ /rigs thams cad kyi gzhir gyur pas na thams cad gnas so/ /'jig rten dang 'jig rten las 'das pa'i gzugs dang / sgra dang / dri dang / ro dang / reg
 bya ni 'dod pa thams cad do/ /de rnams la rab tu spyod pa ni bdag por 'gyur ba'o/ /don 'di nyid bshad pa ni/ phun tshogs kun gyi dbang phyug che/ /zhes bya ba yin no/ /lhag ma ni go bar zad do/ /tshe 'di nyid la 'grub par 'gyur/ /zhes bya ba ni de ltar
 dkyil 'khor sprul pas 'grub pa'i rnal 'byor pa ni lus de nyid kyis bla na med pa yang dag par rdzogs pa'i byang chub rtogs par gyur pa ni grub pa'o/ /ci'i phyir 'di rang nyid dkyil 'khor du 'jug pas de lta bu'i yon tan gyi khyad par thob par 'gyur zhe na/ 'di
 ltar zhes bya ba smos te/ ni zhes bya ba ni gang gi phyir zhes bya ba'i don to/ /gang gi phyir bshad ma thag pa'i sgrub pa'i cho ga'i rnam pas bsam pa dag pa ste sems dag par gyur pas rang nyid dgyes nas de'i bdag po'i rdo rje slob dpon du 'gyur ba'o/ /dad par gyur pas
 kyang zhes bya ba ni dad pa ni sems dang ba ste/ ma dad pa ni dri ma dang bral bas dad par 'gyur ba ste/ dad par gyur pa des kyang ngo / /ji ltar na dad par 'gyur ba yin zhe na/ de kho na nyid ces bya ba smos te/ de kho na nyid kyis rdo rje bzung ba dang / chos kyi dril bu dkrol ba
 dang / dam tshig gi phyag rgya chen por byin gyis brlabs pa ni de kho na nyid de/ des dad par gyur pa ste/ rdo rje sems dpa'i sku dang gsung dang thugs rdo rje la sgrib pa med pa'i sems nye bar skye bar 'gyur ro zhes bya ba'i tha tshig go/ /dgyes pa ni thugs rangs pa'o/ /
 rang nyid ni rang bdag nyid de/ sgrub pa po de'i bdag por rdo rje sems dpa' slob dpon du gyur nas dkyil 'khor du 'jug par mdzad pa de'i phyir dkyil 'khor bsgrubs pas ji skad bshad pa'i dngos grub 'grub par 'gyur ro/ /bde ba chen po ni rdo rje sems dpa'i lha mo'i
 dkyil 'khor ro/ /des rdo rje sems dpas byin gyis brlabs pa'i slob dpon ni/ bde ba chen po'i rdo rje slob dpon no/ /de'i byin gyis brlabs pa'i rdo rje sems dpa'i sku dang gsung dang thugs su bskyed pa ste/ de don du 'jug pa la sogs pa'i cho ga rgyas pa ni rdo rje
 sems dpa'i lha mo'i dkyil 'khor du 'jug pa la sogs pa'i bya ba'i rgyud de de ston par byed pa'i rgyud rdzogs so/ / //de ltar slob dpon las kyi cho ga gsungs nas/ da ni de nas zhes bya ba la sogs pas slob ma 'jug pa la sogs pa'i cho ga rgyas pa
 gsungs pa yin no/ /de nas zhes bya ba'i sgra ni de ma thag pa'i don ston pa'i tshig yin no/ /bcom ldan 'das rdo rje sems dpar byin gyis brlabs pa'i slob ma ni rdo rje slob ma ste/ de rnams kyi cho ga rgyas pa ni 'jug pa la sogs pa'i bya ba'i rgyun te/ de ston par
 byed pa'i rgyud rjes su bshad par bya'o zhes bya ba ni bstan par bya'o zhes bcom ldan 'das rdo rje sems dpas gsungs so/ /rdo rje mchod yon bskor bcings pas/ /zhes bya ba ni rdo rje sems dpa'i rnal 'byor chen po dang / ji lta ba bzhin du ldan pa'i phyag 'tshal ba la
 sogs pa sngon du 'gro bas ji skad du bshad pa'i mtshan nyid can gyis rdo rje mchod yon gyi phyag rgya rang gi snying ga'i phyogs su bskor la me tog gi phreng ba dang ldan par bcings te/ lhag par mos pa'i khyad par phul du byung bas bzhin gyi pad+ma g.yos pa ni bsams pa bzhin g.yos
 pa ste/ des bcom ldan 'das la mgo bos yang dag par phyag byas pa ni mgo bos yang dag par phyag byas pa'o/ /dngos grub thams cad sgrub byed yin/ /zhes bya ste/ rnal 'byor pa'i dngos grub kun skyed par byed pa yin no/ /rnal 'byor ba gnas gang du gnas
 nas bcom ldan 'das la phyag bya zhe na/ dkyil 'khor zhugs nas zhes bya ba'i tha tshig gsungs te/ nang gi dkyil 'khor bcom ldan 'das rdo rje sems dpa'i lha mo'i dkyil 'khor du zhugs nas zhes bya ba'i tha tshig go/ /de ci zhig bya zhe na/ bde ba chen po zhes
 brjod cing / /zhes bya ba gsungs so/ /ci zhig byed cing de skad ces brjod ce na/ bskor ba lan gsum byed bzhin du/ /zhes bya ba gsungs te/ nang gi dkyil 'khor la bskor ba lan gsum du byed cing zhes bya ba'i tha tshig go/ /'dod chags chen po bde ba che/ /
 'gro ba kun la grub par mdzod/ /ces bya ba la sogs pa ni go bar zad do/ /'khor lo bshad do zhes bya bar sbyar ro/ /de khyad par du byed pa ni gnas ni zhes bya ba la sogs pa smos pa yin te/ de bzhin gshegs pa dang / rdo rje pad+ma dang / nor bu'i
 rigs dang / 'jig rten pa'i gzhal yas khang thams cad kyi gzhir gyur pas na gnas so/ /dngos grub mtha' yas ni nam mkha' thams cad la rtag tu bzhugs pa'i rdo rje sems dpa' la sogs pa'i sku dang gsung dang thugs rdo rje bskyed pa gang yin pa de'i
 mtha' ni sngar bshad pa'i tshul gyis mthar thug par mi nus pas na mtha' med pa'o/ /bshad do zhes bya ba ni bshad mtha' gzhung des rab tu bstan pa'o/ /nam mkha' phyogs su ma lus pa ni phyogs bcu'i nam mkha'o/ /de la rab tu gnas shing gzhir bya ba
 gang yin pa de la de skad ces bya'o/ /mnyam pa med pa'i bde ba ni de bzhin gshegs pa'i gnyis su med pa'i ye shes so/ /de'i rdo rje dang po'i rdo rje dang / rin po che dang pad+ma dang / sna tshogs rdo rje'o/ /de rnams kyi gsang ba ni 'khor lo de ste/ de rnams kyis
 legs par sbyar ba'i phyir ro/ /dang po zhes bya ba'i sgra ni bshad zin to/ /bde ba yang yin la mchog kyang yin pas na bde ba'i mchog yin te/ dngos grub thams cad mi 'gyur ba'i bde ba'o/ /mchog kyang yin la dang po'i bde ba yang yin pas na
 mchog dang po'i skyes bu ste/ rdo rje 'chang chen po'o/ /de'i 'khor lo'o/ /yang 'di'i don brjod par bya ste/ bdag bsrung ba dang / bgegs gzhom pa la sogs pa byas la bsang gtor bya ba'i phyir spos chab kyis bkang ba'i snod la rdo rje gnod sbyin yongs su bzlas
 la lha'i khang pa'i sgor bzhag la mchod yon dang / mchod pa rnam pa lngas ji lta ba bzhin du mngon par bzla'o/ /mchod chen thams cad dgug pa dang / /bdag la byin rlabs sogs grub pas/ /rtag tu rdo rje dril 'chang zhing / /dngos grub mchog ni bsgrub par bya/ /lugs
 ma'am yang na brkos pa'am/ /byas pa'am ni bris pa yi/ /dang po'i 'khor lo bzhag nas ni/ /der ni lhar yang rab tu 'grub/ /yi ge hUM zlos shing dang po'i rdo rje phyag rgya bcings la/ a nu rA ga ya mi zhes brjod nas sa la bzhag ste/ bcom ldan 'das yum gyi dkyil
 'khor sprul la/ de nyid rang gi snying gar bzhag na dkyil 'khor der rab tu zhugs par 'gyur ro/ /de nas gal te 'byor pa yod na me tog la sogs pa'i dkyil 'khor mchod la/ oM sarba ta thA ga ta kA ya wA ka tsit+ta pra Na me na badzra ban+d+ha naM ka ro mi zhes bya ba dang phyogs thams
 cad nas yan lag lngas bcom ldan 'das 'khor dang bcas pa la phyag byas la/ phyag bzhi sngon du 'gro bas sdom pa bzung la/ sdig pa dral ba'i bar gyi cho ga rnams rjes su spyad par bya'o/ /de nas rang gi snying ga'i zla ba la gnas pa'i dang po'i rdo rje'i dbus su yi ge hUM mngon
 par yid kyis bris la/ de nyid yid la zlos shing chos thams cad bdag med par bsgom par bya'o/ /de nas rang bzhin gyis 'od gsal zhing / nam mkha' dang mnyam pa'i sems yi ge hUM dbyangs kyi yi ge bcu drug gis bskor ba zla ba'i dkyil 'khor du gyur pa
 bsam par bya'o/ /de'i steng du yang hUM ka nas k+Sha'i bar du gsal ba'i yi ge skar ma lta bu las zla ba'i dkyil 'khor gnyis pa bsams/ yang zla ba'i dkyil 'khor gnyis pa hUM dang bcas pa las dang po'i rdo rje/ rdo rje'i dbus su yang hUM bsams la badzra hUM zhes zlos
 shing rdo rje ni bdag go zhes rdo rje'i nga rgyal du bsgoms nas/ rdo rje las rdo rje sems dpa' dang bcas pa'i lha mo'i dkyil 'khor gyi 'jig rten gyi khams thams cad du rdul phra rab dang mnyam pa spros la/ des sems can gyi khams thams cad rdo rje 'chang chen por
 rtogs par byas nas/ rdo rje 'chang chen por byas nas de rdo rje der yid kyis gzhug par bya'o/ /de nas rdo rje de badzra satwa haM zhes zlos shing sems dpar byin gyis brlabs pa'i sbyor bas rdo rje sems dpar bdag nyid bsams la/ rdo rje khu tshur gyis rdo rje dril bu
 blangs la lag pa g.yas pas dang po'i rdo rje bsnyems pa dang bcas pas gsor la/ yang badzra satwa haM zhes brjod do/ /de nas ma hA sa ma ya satwa haM zhes bya ba ni spyi'i sngags brjod par bya'o/ /de nas dang po'i rdo rje ji lta ba bzhin du bcings la sa ma yA haM zhes
 brjod par bya'o/ /de nyid kyi snying ga dang dpral ba dang lkog ma dang / spyi bor byin gyis brlabs la sa ma ya satwa a d+hi tiSh+Tha swa maM zhes brjod do/ /de nas sems dpa'i skyil mo krung bcas nas/ lus ni drang por gzhag byas la/ /rdo rje bsnyems ma 'chang byed
 cing / /bsgyings dang bcas pas rdo rje gsor/ /sku dang gsung thugs rdo rje yis/ /rdo rje sems dpar rang nyid 'gyur/ /zhes bya ba 'dis ni bcom ldan 'das kyi phyag rgya chen po'o/ /de ltar phyag rgya chen po bcings nas/ rang gi snying ga'i zla ba'i dkyil
 'khor nam mkha'i khams thams cad dang mnyam par 'jug pa'i tshul tsam du yid kyis zhugs la/ snga ma bzhin du dang po'i rdo rje der lha mo'i dkyil 'khor sprul la dngos grub kyi rdo rje brtul zhugs blang ba'i bar gyis rang gi 'jug pa'i cho ga byas la/ dkyil
 'khor de rang gi lus la thim par bsams nas rang gi lus kyi lha thams cad kyi gnas su hrIHlas sna tshogs pad+ma'i gdan bsams la gzhi'i lus la/ dpal rdo rje sems dpa'i phyag rgya chen po bcings la/ rang gi gnas su 'dug la mdun du nam mkha'i
 phyogs su hUM A zhes bya ba sna tshogs pad+ma'i steng du dang po'i rdo rje kha dog dmar po bskyed la/ de'i dbus su hUM bsams la/ hUM badzra haM zhes zlos shing rdo rje'i nga rgyal du bsgoms nas hUM badzra satwa haM zhes brjod la rdo rje de rdo rje sems dpa'i bdag nyid bsgom par bya'o/ /de
 bzhin du rdo rje dril bu'i phyag rgya chen po bcings la gzhi'i lus la rang gi gnas nas yid kyis badzra g+haN+Ta ho A zhes yid la zlos shing mdun gyi nam mkha'i phyogs su sna tshogs pad+ma'i steng du rdo rje dril bu bskyed par bya'o/ /rdo rje dril bu'i dbus su badzra g+haN+Ta ho/ zhes
 zlos shing bsams la/ badzra g+haN+Ta ho/ zhes zlos shing rdo rje dril bu'i nga rgyal du rnam par bsgoms la/ badzra g+haN+Ta ho/ badzra g+haN+Ta hou0f85haM zhes zlos shing rdo rje dril bu ma'i gzugs su bsgom par bya'o/ /de nas rdo rje lcags kyu ma la sogs pa'i las kyi phyag rgyas bcom ldan 'das '
 khor dang bcas pa dgug pa dang / gzhug pa dang / bcing ba dang / dbang du bya ba'o/ /de nas dang po'i rdo rje bcings la hUM dr-i sh+ya zhes bya bas bcom ldan 'das blta bar bya'o/ /de bzhin du rdo rje dril bu ma'i phyag rgya bcings la/ badzra g+haN+Ta hoHdr-i sh+ya zhes bya bas rdo rje
 dril bu ma blta bar bya'o/ /de nas gsang ba'i lcags kyu ma bcings la/ hUM zlos shing bcom ldan 'das 'khor dang bcas pa rang gi lus la gnas shing ji lta ba bzhin du gzhug par bya'o/ /de nas dang po'i rdo rje bcings la sa ma ya s+t+waM zhes zlos shing 'od zer
 dmar po 'bar ba'i 'od kyi dkyil 'khor bskyed la/ dzaHhUM baM hoH sa ma ya s+t+waM ho aM/ oM su ra ta s+t+waM/ a nu rA ga ya mi zhes lan gsum zlos shing bcom ldan 'das bsgrub par bya'o/ /de bzhin du rdo rje dril bu ma'i dam tshig gi phyag rgya bcings la/ sa ma
 ya s+t+waM zhes zlos shing 'od zer dmar po 'bar ba'i 'od kyi dkyil 'khor bskyed la/ dzaHhUM baM hoH/ sa ma ya s+t+waM haM badzra g+haN+Te ho/ zhes lan gsum zlos shing bcom ldan 'das ma bsgrub par bya'o/ /de nas dpal rdo rje sems dpa' la sogs pa dang chos dang las
 dang phyag rgya chen po rnams kyis rgyas btab la/ dzaHhUM baM hoH/ zhes brjod de bsdu ba'i phyag rgya bcings la yid kyis legs so zhes bya ba'i sbyor bas rang gi lus dang 'dod chags rdo rje ma la sogs pa'i sku la de bzhin gshegs pa thams cad bcug la/ rang gi dam
 tshig gi phyag rgya rnams kyis de bzhin du bsgrub par bya'o/ /de nas chos dang las dang phyag rgya chen pos de bzhin du de bzhin gshegs pa thams cad rgyas btab la/ dang po'i rdo rje bcings nas badzra satwa a d+hi tiSh+Tha swa maM zhes bya bas rang gi snying gar rdo rje bsam mo/ /
 de nyid kyi dpral ba'i gnas su badzra rat+na/ a d+hi tiSh+Tha swa maM zhes rin po che/ de nyid kyi lkog ma'i phyogs su badzra d+harma a d+hi tiSh+Tha swa maM zhes pad+ma/ de nyid kyi spyi bor badzra kar+m+ma a d+hi tiSh+Tha swa maM zhes bya bas sna tshogs rdo rje bsams mo/ /de nas yi ge brgya pas brtan
 par byas la/ sangs rgyas lnga'i cod pan gyis dbang bskur ba'i phyag rgyas dbang bskur la/ de bzhin du yi ge gnyis kyi go chas bdag nyid bgo bar bya'o/ /de nas rdo rje'i dbang bskur ba dang / bdag po'i dbang bskur ba blangs la/ ming gi dbang
 bskur ba blang bar bya'o/ /de nas dngos grub kyi rdo rje brtul zhugs blangs la/ 'dod chags rdo rje ma la sogs pa phyag rgya'i mchod pa bcu gnyis kyis bdag nyid mchod la mchod pa de rnams rang gi gnas su gzhag par bya'o/ /de nas phyag rgya chen po bcings la
 de kho na nyid kyis rdo rje gzung zhing chos kyi dril bu dkrol la/ dam tshig gi phyag rgya bcings la/ hUM zhes lan gsum brjod par bya'o/ /de nas dril bu dkrol zhing dam tshig gsum gyi glu'i mchod pa bya'o/ /de nas dang po'i rdo rje nam mkha'i phyogs su ji skad du
 bshad pa la dang po'i gzhal yas khang bskyed la lha thams cad kyi gnas su hrIHlas sna tshogs pad+ma'i gdan bsam par bya'o/ /de'i rjes la/ de nas gzhal yas khang nyams dga'/ /nam mkha' kun la rab tu gnas/ /zhes bya ba nas
 brtsams te dang po'i sbyor ba dang / dkyil 'khor gyi rgyal po mchog dang / las kyi rgyal po mchog bsgoms nas/ sgo phye ba la yang bsdu bar bya'o/ /de nas rdo rje sems dpa' yi/ /phyag rgya chen po sgom byed cing / /ming brgya rtsa brgyad dam pa 'di/ /lan cig
 rab tu brjod par bya/ /de nas gsang ba'i lcags kyu ma dang / /spyan drang ba'i sngags kyis bcom ldan 'das 'khor dang bcas pa'i dkyil 'khor du bcug la rdo rje gnod sbyin la sogs pas bgegs bsal ba la sogs pa byas la/ rdo rje khu tshur gyis
 dkyil 'khor gyi sgo rnams bcad de/ rdo rje bsrung bas bsrung ba thams cad yang dag par bsrungs la/ hUM zhes bya bas bcom ldan 'das rdo rje sems dpa' 'khor dang bcas pa la mchod yon phul la/ dam tshig gi phyag rgya rnams kyis bcom ldan
 'das 'khor dang bcas pa bsgrub par bya'o/ /de nas chos dang / las dang / phyag rgya chen pos rgyas btab la/ dbang bskur ba'i phyag rgyas dbang bskur nas mchod yon phul la/ mchod pa rnam pa lnga dang 'dod chags rdo rje ma la sogs pa phyag rgya'i
 mchod pa bcu gnyis kyis yang dag par mchod par bya'o/ /de nas rnam par dag pa'i sgeg pa'i rdo rje mas phyag byas la/ phyag bzhi byas nas yang phyag rgya chen po bcings te/ oM badzra At+ma kou0f85haM/ oM swa b+hA ba shud+d+hou0f85haM/ oM sarba sa mou0f85haM/ zhes bya ba'i snying po
 zlos shing don rnam par bsgoms la/ bdag ni rang nyid dpal rdo rje sems dpa'i lha mo'i dkyil 'khor gyi ngo bo nyid yin no zhes brjod par bya'o/ /de nas/ dngos grub chen po kun gyi mchog /dbang phyug che nyid dbang phyug che/ /'dod chags chen po
 bde ba che/ /rdo rje sems dpar bdag gyur cig /ces brjod la rang gi snying gar rdo rje'i dbus su yi ge hUM yid kyis bris te/ rdo rje'i dam tshig gam/ rab tu dga' ba'i tshig zlos shing lha mo'i dkyil 'khor gyi ngo bo nyid du bsgom par bya'o/ /de ltar dang
 po byin gyis brlabs pa lan cig byas nas gang gi tshe mnyam par ma bzhag pa'i sbyor bas gnas par 'dod pa de'i tshe/ badzra sa twa hUM zhes bya bas rdo rje sems dpa'i gnas su rdo rje sems dpa' yid kyis bzhag la/ de ltar dang po'i rdo rjer bdag nyid byin gyis
 brlabs la gnas te/ bya ba thams cad byas nas yang zhugs te hUM zlos shing gsang ba'i lcags kyu mas bcom ldan 'das rang gi lus la bcug la mtshan brgya rtsa brgyad pas bstod de/ mchod pa bcu gnyis kyis mchod nas phyag kyang byas la/ de bzhin
 du bsgom par bya'o/ /sgom pas dub par gyur na yang mtshan brgya rtsa brgyad pas bstod nas mchod pa rnam pa lnga dang / 'dod chags rdo rje ma la sogs pa'i mchod pa yang byas nas yang rnam par dag pa'i sgeg pa'i dga' ba'i rdo rje dang phyag rgya bzhis phyag
 byas la bcom ldan 'das 'khor dang bcas pa ji lta ba bzhin du gshegs su gsol lo/ /de ltar nyin re zhing zla ba gcig gam/ drug gam lo gcig gi bar du nyin re dkyil 'khor thams cad mngon sum du mthong bar gyur pa de srid kyi bar du bya'o/ /de nas
 nyin re'am zla ba re'am/ lo re zhing dkyil 'khor bri bar bya'o/ /de la dang por sa sbyang ba dang / sa yongs su gzung ba'i cho ga rjes su spyad la/ dang pos rdo rjes de bzhin du dkyil 'khor sprul la/ phyag bya ba la sogs pa sngon du 'gro bas/ sdom
 pa bzung la rnal 'byor chen po dang / gzhal yas khang dang gdan rnams bskyed nas/ dkyil 'khor gyi dbus su sems dpa'i skyil mo krung du 'dug la/ deng dus bdag tshe 'bras bu yod/ /ces bya ba la sogs pas bdag nyid spro ba
 bskyed par bya'o/ /de nas yan lag thams cad kyis phyag byas la spos snod lag na thogs te/ ma lus phyogs na bzhugs pa yi/ /zhes bya ba la sogs pas sangs rgyas thams cad spyan drang bar bya'o/ /de nas yan lag thams
 cad kyis phyag byas la/ dang po'i sbyor ba la sogs pa'i ting nge 'dzin gsum rnam par bsgoms shing snga ma bzhin du cho ga thams cad rjes su spyad la/ hUM zhes zlos shing phyag rgya chen po bcings la dkyil 'khor chen po bsgom par bya'o/ /de nas dkyil 'khor
 chen po bri bar bya ba'i phyir bcom ldan khyod la gsol ba ni zhes bya ba la sogs pa de bzhin gshegs pa thams cad kyis bdag nyid la gsol ba btab par bsam mo/ /de nas langs la de bzhin gshegs pa thams cad kyi zhabs la phyag byas nas de bzhin
 gshegs pa thams cad kyis nam mkha' gang bar bsams te/ bdag ni rang nyid rdo rje can/ /zhes bya ba la sogs pa tshigs su bcad pa dang / hUM zhes brjod par bya'o/ /de nas dang po'i rdo rje'i hUM badzrod tiSh+Tha maN+Da la ut+pA da ya mi zhes zlos shing dkyil
 'khor bteg la/ nam mkha'i phyogs su yid kyis bteg nas yang dang pos rdo rje dang hUM zhes bya bas snying ga dang lkog ma dang dpral ba dang spyi bor bdag nyid byin gyis brlabs la phyag rgya chen po bcing bar bya'o/ /de nas badzra dr-iSh+Ta ma Ta zhes bya ba mig gnyis
 su dgod la/ phyag rgya la gnas de bzhin langs/ /kun du rnam par bltas nas ni/ /hUM zhes bya ba zlos byed cing / /bsgyings pa'i tshul gyis yongs su bskor/ /de nas cho ga thams cad rjes su spyad la slob ma thams cad lhag par gnas pa dang / lha
 lhag par gnas pa byas nas nyi ma 'char ba'i dus su/ gsang ba'i dkyil 'khor du sngar bshad pa'i cho gas thig gdab par bya'o/ /de nas yi ge hriHlas mig g.yon pa dang g.yas pa gnyis su nyi ma dang zla ba bskyed la khro bo'i lta bas kun nas blta zhing
 sgo rnams bya'o/ /de ltar thig gdab pa'i cho ga byas nas tshon dgye bar bya'o/ /re zhig dang por oM badzra tsi tra sa ma ya hUM zhes bya bas tshon rtsi thams cad la re zhig lan bdun bdun bzla bar bya'o/ /de nas rdo rje nyi ma'i khro bo'i phyag rgya dang / hi zhes bya bas
 sbar bar bya'o/ /de nas dang po'i rdo rje'i yi ge hUM zlos shing dbang ldan gyi phyogs nas brtsams te/ g.yas nas bskor ba'i rim gyis tshon rtsi thams cad dgye ba ni dang po rtsom pa'i tshe nas byas nas phyis ni ci bder bya'o/ /rim pa ni 'di yin te/ dmar po
 dang ljang gu dang / sngon po dang ser po dang / dkar po ni thams cad kyi nang du bya'o/ /dkyil 'khor dbus su sna tshogs pad+ma sdong bu dang bcas par dpal rdo rje sems dpa' lugs ma'am/ 'bur du brkos pa'am/ bris pa/ 'dzum bcas zla ba'i
 mdog can la/ /'od zer dmar po 'bar ba'i 'od/ /sangs rgyas kun gyi dbang bskur sogs/ /rgyan dang na bza' sna tshogs ldan/ /zhes bya ba/ oM su ra ta s+t+waM zhes zlos shing / sems dpa'i skyil mo krung gis rdo rje snyems tshul du bzhugs pa dgod
 par bya'o/ /de'i shar gyi char rdo rje yid las byung ba'i gnas su 'dod chags rdo rje ma sku mdog dmar mo g.yon pa'i rdo rje khu tshur gyis gzhu bsnams shing g.yas pas mda' gsor ba la brtson pa g.yas logs su rdo rje kI li kI la'i gnas su rdo rje kI li kI
 la ya sku mdog dkar ljang phyag gnyis kyis dang po'i rdo rje 'khyud de bzhugs pa/ rgyab tu rdo rje dran ma'i gnas su lha mo dran ma/ sngon mo phyag g.yon chu srin gyi rgyal mtshan bsnams pa/ phyag g.yas ji ltar mdzes par bzhugs pa'o/ /bcom ldan
 'das kyi g.yon logs su rdo rje snyems ma'i gnas su 'dod pa ma'i dbang phyug ma sku mdog sngo ba rdo rje khu tshur gnyis kyis rdo rje rtse lnga pa gnyis bsnams te gnyis ka dkur brten par bzhugs pa'o/ /'di rnams dgod pa'i sngags ni dzaHbadzra dr-iSh+Ta sa ma ya
 ke ma Ta/ hUM badzra kI li kI la ya hUM/ baM badzri Ni sma ra ta/ ho badzra kA me shwa ri twaM/ nang gi dkyil 'khor de nyid kyi me'i mtshams su rab tu dga' ba ma sku mdog dmar ba/ bden bral gyi mtshams su shin tu dga' ma pa la sha'i mdog ltar dkar ba/ rlung gi
 mtshams su spyan ma sku mdog sngo ba/ dbang ldan gyi mtshams su dpal mo chen mo gser gyi mdog can 'di rnams ni me tog dang / bdug spos dang / mar me chen po dang / dri spyi bor thal mo sbyar te 'jug pa'o/ /lha mo rdo rje rgyal mo 'di rnams kyi sngags bshad pa ni he badzra ra ti/
 ma hA ra ti/ oM badzra lo tsa na ni ma sha ri bi badzra ho/ /phyi'i dkyil 'khor gyi me'i mtshams su sgeg mo sku mdog dmar ba/ rdo rje khu tshur gyis rdo rje rtse mo lnga pa bsnams nas/ dku gnyis su brten te bzhugs pa/ bden bral gyi mtshams su bzhad ma pa la sha'i
 mdog ltar dkar ba/ phyag gnyis kyis so'i phreng ba gnyis bsnams nas bzhad par ston pa/ rlung gi mtshams su glu ma sku mdog sngo ba pi wang len pa la brtson pa'o/ /dbang ldan gyi mtshams su gar ma sku mdog ser ba rdo rje rtse gsum pas mtshan pa phyag gnyis na
 bsnams te gar mdzad pa'o/ /de la 'di rnams kyi snying po ni he ra ti badzra bi lA sa ni tra Ta/ be ba ga te badzra hA se ha ha/ he ra hi badzra gI te/ gI te gI te/ he ra ti badzra nr-i t+ye/ be ba be ba/ de nas phyi dang nang du bcas pa'i shar sgo gnyis su rdo rje lcags kyu ma sku mdog dmar
 ba rdo rje lcags kyus rdo rje 'chang chen po la sogs pa'i lha rnams dgug par mdzad pa/ lho phyogs kyi sgo gnyis su rdo rje zhags pa rnams pa la sha ltar dkar ba/ rdo rje zhags pas gzhug par mdzad pa'o/ /nub phyogs kyi sgo gnyis rdo rje lcags sgrog ma/ sku mdog
 sngo ba lcags sgrog gis 'ching bar mdzad pa'o/ /byang phyogs kyi sgo gnyis su rdo rje dril bu ma sku mdog ser ba phyag g.yas pas rdo rje dril bu dkrol ba phyag g.yon pas stan la snyems pa bri'o/ /de nas 'di rnams kyi snying po ni 'di yin te/ badzra aM ku shu dzaH/ badzra pA
 sha hUM/ badzra shriM kha le baM/ badzra g+haN+Te hoH/ de la dpal rdo rje sems dpa' ni 'dzum pa dang bcas shing dga' ba chen pos gzigs pa ste/ 'dod chags rdo rje ma dang rab tu dga' ma dang sgeg mo dang / lcags kyu ma rnams kyis sgeg cing 'dzum pa dang bcas pas
 rnam par g.yo zhing zur gyis blta ba la spyan ras gzigs pa kI li kI la dang / shin tu dga' ma dang / bzhad ma dang / zhags pa ma 'dzum zhing mig mi 'dzums pa la longs spyod par mdzad pa/ rdo rje dran ma dang / spyan dang / glu ma dang / lcags sgrog ma'i snyems ma
 dang bcas pa la mchog tu bzhad pas spyan g.yon du gzigs pa/ rdo rje 'dod pa'i dbang phyug ma dang / dpal chen mo dang / gar ma dang / dril bu ma rnams kyis rnam par sgeg pa'i 'dzum zhing rab tu 'dud pa dang ldan pa la gzigs par mdzad pa'o/ /'di dag
 thams cad kyang sna tshogs pad+ma la sems dpa'i skyil mo krung gis bzhugs pa/ dgod cing bde ba'i gzugs can no/ /shar phyogs na bzhugs pa rnams ni/ mi bskyod pa'i cod pan gyi dbang bskur la/ lho phyogs pa rnams ni rin chen 'byung ldan cod pan
 gyis so/ /nub phyogs pa rnams ni 'od dpag tu med pa'i cod pan gyis so/ /byang phyogs pa rnams ni don yod grub pa'i cod pan gyis dbang bskur ba bri bar bya'o/ /de ltar dkyil 'khor bris shing bkod nas sgo dbye ba dang / bsdu ba ji lta ba bzhin du byas la/
 mtshan brgya rtsa brgyad pas bcom ldan 'das la bstod pa/ rdo rje can gyi spyan sngar ni/ /sems dpa'i skyil krung gis 'dug ste/ /bde chen rdo rje can rab mchog /bdag po lan cig yang dag dgug /he ma hA su kha badzra a mo g+ha sa ma ya ma nu pA la ya/ pra bud+d+ha
 su ra ta s+t+waM/ a nu rak+to me b+ha wa/ su to Sh+yo me b+ha wa/ su dr-i D+ho me b+ha wa/ su po Sh+yo me b+ha wa/ b+h+ha ga wAn/ a d+hi ni da na satwa sarba sid+d+him+me pra ya ts+tsha/ e Sha s+t+waM a kr-i sha pra be sha ya sa ma ye ra ba taM ba shi ka ro mi/ i mer mu dra man+d+ra pA de dzaHhUM baM hoHde la bde ba chen po rdo rje che/ /
 rdo rje mchog ma ni rdo rje gsang ba'i lcags kyu ma'o/ /de nas rdo rje gnod sbyin gyis bgegs bsal ba la sogs pa byas nas rdo rje khu tshur gyi dkyil 'khor gyi sgo thams cad la rdo rje bsrung ba'i dam tshig gi phyag rgyas/ lha thams cad legs par bsrungs nas
 bcom ldan 'das 'khor dang bcas pa la hUM zhes bya bas mchod yon phul la hUM dr-i sh+ya dzaHhUM baM hoH sa ma ya s+t+waM/ sa ma ya s+t+waM/ oM su ra ta s+t+waM/ a nu rA gA mi hUM/ zhes lan gsum zlos shing dang po'i rdo rje bcings la dpal rdo rje sems dpa' bsgrub par bya'o/ /de
 nas rdo rje 'dod chags ma'i rdo rje dam tshig gi phyag rgya bcings la/ dzaHbadzra dr-iSh+Ta dzaHhUM baM hoH sa ma ya s+t+waM/ sa ma ya s+t+waM/ a haM/ badzra badzra dr-iSh+Tha sa ma ya ke maT/ ces lan gsum brjod la/ 'dod chags rdo rje ma bsgrub par bya'o/ /de bzhin du rdo rje dril bu'i dam
 tshig gi phyag rgya bcings la/ badzra g+haN+Te hoH dr-i sh+ya dzaHhUM baM hoH sa ma ya s+t+waM/ sa ma ya s+t+waM/ oM badzra g+haN+Te hoH/ zhes lan gsum bzlas pa la rdo rje dril bu ma bsgrub par bya'o/ /yang gsang ba'i lcags kyu ma bcings la/ a nu rA ga ya mi hUM zhes bya ba dang / bcom ldan
 'das 'khor dang bcas pa bsgrub par bya'o/ /yang gsang ba'i rdo rje lcags kyu ma 'dod chags rdo rje ma la sogs pa la bstan par bya'o/ /de nas dpal rdo rje sems dpa' la sogs pa la chos dang / las dang / phyag rgya chen po rnams kyis rgyas gdab par
 bya'o/ /de nas dbang bskur ba'i phyag rgyas dbang bskur bar bya'o/ /de nas mchod yon phul la bum pa gang ba la sogs pas yang dag par mchod de/ rdo rje gnod sbyin bzlas pa'i gos dang yang sgo srung bzlas pa'i gos kyis gdong g.yogs la gos sna
 tshogs bgos shing me tog gi phreng ba btags pa dang / kha dri zhim por byas la/ phyag bzhi byas nas sdig pa bshags pa dang / bsod nams la rjes su yi rang ba dang / de bzhin gshegs pa thams cad la chos kyi 'khor lo bskor bar bskul ba dang /
 yongs su mya ngan las mi 'da' bar gsol ba btab nas sdom pa gzung bar bya'o/ /de nas phyi rol na gnas pa'i bum pa'i chu la dpal rdo rje sems dpa' yongs su bzlas pas bdag nyid dbang bskur la badzra badzra zhes zlos shing rdo rje shugs kyis dkyil 'khor du
 zhugs shing / dkyil 'khor gyi rdo rje glu 'di phyag rgya dang bcas pas blang bar bya'o/ /rjes su chags pa thams cad kyi/ /yid kyi bde ba dam pa yi/ /rdo rje sems dpa' bskyed pa'o/ /rab tu dga' ba'i 'gro rnams la/ /bde ba chen po brtan zhing mthong / /thog
 ma'i grub pa myur mdzod cig / oM ma hA su kha badzra sid+d+hi/ badzra satwa sid+d+h+ya dzaHhUM baM hoHsid+d+hi sa ma ya sid+d+hi hUM/ zhes bya ba ni rdo rje'i glu'o/ /de la phyag rgya 'di yin te/ rdo rje gar gyi sbyor ba yis/ /spyi bor thal sbyar me tog bcas/ /phyag rgya kun gyi rnal 'byor che//
 dkyil 'khor dam par 'jug par bya'o/ /sgo srung gi lha mo rnams kyi snying po yang de bzhin du bzlas par bya'o/ /de nas 'di'i mtshan nyid brjod par bya ste/ ba dan gsum pa rtse gsum bcas/ /bsgyings bcas mtha' sogs las grol bas/ /glog
 'gyu ltar gdeg mdun du bskor/ /de ni rdo rje gar zhes bshad/ /thal mo khong stong me tog gi phreng ba dang bcas pa spyi bor gzhug par bya'o/ /de nas 'di skad ces brjod do/ /ma hA ra ta su dr-i D+ha/ su dr-i sh+ya su kha su satwa a sid+d+h+ya mi/ rnam sgeg dga' ba'i rdo
 rje ni/ /rnam par 'gyur bas sgeg bcas pa/ /bzhin ras pad+ma kha phye bas/ /bzhugs gnas mgon la phyag bya'o/ /oM pa ra ma su kha sha ya su la li ta/ bi lA s+ya na ma sti/ na ma mi/ b+ha ga wAn+taM dzaHhUM baM hoH hi hi hi hi pra tIts+tsha ku su mAny+dza li nA tha zhes
 brjod par bya'o/ /de la 'di'i rnam par sgeg pa'i dga' ba'i rdo rje ste/ rdo rje gar gyi mchod pa dang bcas pa'i 'dzum pa'i mig dang phyag bya bas rdo rje sems dpa' dang / de bzhin gshegs pa thams cad rjes su mnyes par bya'o zhes bya ba'i bsam pas phyag
 rgya'o/ /de nas dkyil 'khor bskor ba lan gsum byas la bcom ldan 'das kyi spyan sngar 'dug la/ mchod pa chen po bde ba che/ /rdo rje chen po nor che ba/ /ye shes chen po las che ba/ /rdo rje sems bdag deng grub mdzod/ /ces bya ba de kho na
 nyid brjod par bya'o/ /de nas dzaHhUM baM hoH pra sid+d+ha maM zhes bya ba 'di brjod par bya'o/ /de nas rdo rje chu 'thungs la g.yon pa'i khro bo'i khu tshur gyis sems ma'i rdo rje phye la hUM AH zhes lan brgya rtsa brgyad zlos shing bdag nyid la dbab par bya'o/ /de nas me tog dor
 bar bya'o/ /oM pa ra ma su kha sha ya zhes bya ba la sogs pa phyag bya ba'i glu dang zlos shing 'jug pa'i phyag rgya nyid phab la bsgyings pa dang bcas pas mdzub mo dang mthe chung gi rtse mo mtha' nas dgrol ba ni me tog dor ba'i phyag rgya'o/ /de nas phreng ba de blangs la 'dis
 rang gi mgo la bcing bar bya'o/ /deng khyod ces bya ba la sogs pa nas oM ma hA su kha badzra satwa a b+hi Shiny+tsa maM su ra ta s+t+waM zhes bya ba'i bar du brjod do/ /de nas snying po 'dis gdong g.yogs dgrol bar bya'o/ /oM badzra tsak+Shu ma hA su kha su ra ta s+t+waM/ de nas he badzra pA sh+ya
 zhes zlos shing / rdo rje lcags kyu ma nas brtsams te/ rdo rje sems dpa'i bar gyi dkyil 'khor rnams kyi ngo bor bstan par bya'o/ /de nas 'jug pa'i phyag rgya bcings la/ tiSh+Tha badzra zhes bya ba la sogs pa 'dis rang gi snying gar dgrol bar bya'o/ /de
 nas rdo rje thal mo bskor bas shis par brjod pa'i tshul du rang gi snying gar bzhag la/ mtshan brgya rtsa brgyad pas bcom ldan 'das la bstod par bya'o/ /de nas 'dod chags rdo rje ma la sogs pa gsang ba'i mchod pa bzhi glu dang rol mo'i mchod pas bcom
 ldan 'das la yang dag par mchod par bya'o/ /de nas bdag nyid dpal rdo rje sems dpar bsams la dang po'i rdo rje dang badzra satwa zhes bya ba zlos shing bdag nyid rdo rje sems dpar byin gyis brlabs la 'dod chags rdo rje ma la sogs pa'i dam tshig gi phyag
 rgyas rang gi lus la gnas ji lta ba bzhin du/ bdag nyid dbang bskur ba la sogs pa gzengs bstod pa dang / lung bstan pa'i bar gyi cho ga rnams rjes su spyad nas bdag la byin gyis brlab pa la sogs pa byas nas/ ji ltar mngon par 'dod pa'i bzlas
 brjod bya'o/ /de nas mchod pa thams cad kyis bcom ldan 'das la yang dag par mchod la phyir dbyung bar bya'o/ /de nas slob ma gzhug par 'dod na/ snga ma bzhin du cho ga thams cad rjes su spyad la/ rdo rje mchod yon bskor bcings la/ /snying nas
 bsam pa g.yos pa yis/ /mgo bos yang dag phyag byas la/ /dngos grub dam par rab grub byed/ /dkyil 'khor nyid du zhugs pas kyang / /bskor ba lan gsum bya ba yin/ /bde ba chen po 'dod chags che/ /'gro ba kun kyang grub phyir bya/ /
 de nas mchod pa bzhi pa yis/ /bde ba che la yang dag mchod/ /de bzhin rdo rje dbang bskur la/ /slob ma bzung ste gzhug par bya/ /'dir cho ga thams cad dang por gzhug par bshad pa yin la/ 'dir khyad par ni 'di ltar rdo rje mchod yon gyi phyag
 rgyas 'jug pa yin no/ /slob dpon gyi las kyi cho ga rdzogs so// //de la bslab pa'i gzhi lnga yongs su gzung ba'i dge bsnyen nam/ dge sbyong ngam dge slong gi sdom pa yongs su bzung ba la rig pa'i sdom pa 'dzin du bcug ste/ des slob
 dpon la phyag byas nas zhes bya ba nas brtsams te/ sems can mya ngan 'das la dgod/ /ces bya ba'i bar gyi rim pas 'dzin du gzhug go/ /de nas slob dpon gyis slob ma byang chub tu sems bskyed du gzhug ste/ oM sarba ta thA ga ta pa ra ma ma hA bo d+hi
 tsit+ta ut+pA da ya mi a be sha sarba satwa d+hA tu pa ri tra na su khot+ta ma sid+d+hi ni mi t+taM a ta ga daM b+ha ba sa ma sid+d+hi ma hA sh+ya d+ya d+yi bat+t+ya yA a bad sarba da ma ma hA sid+d+hi ma hA hi shwa d+ya d+hi sid+d+hi yA ya tsa zhes bya ba'i sngags kyis bya ba'o/ /de nas de'i snying gar su ra te sa ma ya s+t+waM hi badzra sid+d+hi ya
 tha su khaM zhes bya ba dang / de bzhin du rdo rje bskyed la/ de slob dpon gyis rdo rje sems dpa'i bshad pa'i sngags dang / phyag rgyas byin gyis brlab par bya'o/ /de nas me tog la sogs pas mchod la yon gyi mchog blangs te/ slob dpon gyis
 phyi rol na gnas pa'i bum pa'i chus dbang bskur ba la/ dang po'i 'jug pa'i phyag rgya dang / rdo rje shugs kyis rang gi dbang bskur ba'i cho gas dbang bskur bar bya'o/ /sgo bzhi las shar sgo nas rdo rje lcags kyu ma'i las kyi phyag rgyas dgug par bya'o/ /lho
 phyogs nas zhags pa'i las kyi phyag rgyas gzhug par bya'o/ /nub nas lcags sgrog mas bcing bar bya'o/ /byang nas dril bu ma'i las kyi phyag rgyas dbang du bya'o/ /de nas shar phyogs nas yang bcug la 'di skad ces brjod do/ /'dod chags bral 'dul
 'jig rten la/ /chags bral gyis ni dag par 'gyur/ /'dod chags chen po bde ba che/ /rdo rje sems dpa' sbas pa yin/ /'dod chags bral 'dra'i sdig pa ni/ /gzhan dag ngo bo nyid kyis med/ /de bas kun dang chags bral bar/ /khyod ni nam yang ma
 byed cig / de nas 'di skad ces brjod do/ /deng khyod de bzhin gshegs pa thams cad kyi rigs su zhugs kyis zhes bya ba ni dkyil 'khor bstan zhing dbab pa'i phyag rgya dgrol ba'i bar gyi cho ga sngar bshad pa bzhin du bya'o/ /de nas phyi'i dkyil 'khor gyi nang du shar
 sgor bltas pa'o/ /sna tshogs pad+ma la bris la/ slob ma dpal rdo rje sems dpar byin gyis brlabs la/ phyag rgya chen po pad+ma'i steng du gzhag ste/ dbang bskur ba nas phyag rgya bzhi byin gyis brlab pa'i bar gyi cho ga rgyas pa rnams bya ba ni sngar dpal rdo rje sems
 dpa'i cho ga las gsungs pa'i tshul du thams cad bya bar shes par bya'o/ /slob ma 'jug pa la sogs pa'i cho ga rgyas pa rdzogs so// //de ltar slob dpon gyi las kyi cho ga dang / slob ma 'jug pa la sogs pa'i cho ga rgyas pa bstan nas/ da ni dam
 tshig dang dbang bskur ba thob pa rnams la/ slob dpon gyi dngos grub kyi ye shes bslab par bya'o zhes bya ba'i don 'di bstan par bya ba'i phyir/ de nas zhes bya ba la sogs pa gsungs pa yin te/ de nas zhes bya ba ni 'das ma thag pa ston pa'o/ /de phyir
 zhes bya ba ni rgyu ste/ gang gi phyir sgrub pa med par gdul bya rnams kyis mngon par 'dod pa'i don grub par mi 'gyur bas na rgyu de'i phyir sgrub pa bshad par bya'o/ /sgrub pa de nyid dngos grub kyi rgyu yin pas na sgrub pa'o/ /sgrub pa de'i dngos grub khyad par ji lta bu
 yin zhe na/ shin tu rtag pa yin zhes gsungs te thog ma dang tha ma med pa dpal rdo rje sems dpa' la sogs pa mngon sum du byed pa'i rgyur gyur pa'i phyir shin tu rtag pa'i dngos grub ste/ dngos grub shin tu rtag pa de'i sgrub pa bshad pa'o zhes bya ba'i don to/ /srid pa
 'dir zhes bya ba ni tshe 'di nyid la'o/ /gang gi phyir thob ces bya ba ni sgrub pa gang gis de thob par 'gyur ba'o/ /ci zhig thob ce na/ shin tu rtag pa'i dngos grub nyid/ /ces bya ba gsungs te/ dpal rdo rje sems dpa' nyid thob pa ni shin tu rtag pa'i
 dngos grub bo/ /ci'i phyir sgrub pa 'dis shin tu rtag pa'i dngos grub tshe 'di nyid la thob par 'gyur zhe na/ 'di yis zhes bya ba la sogs pa gsungs te/ 'og nas bshad pa'i sgrub pa 'dis so/ /byang chub sems dpa' ni zhes bya ba sgrub pa po srid par
 gnas shing zhes bya ba la 'dod pa dang / gzugs dang gzugs med pa'i srid pa na gnas pa'o/ /srid pa spangs pa zhes bya ba 'dod pa'i srid pa la sogs pa spangs pa'o/ /dngos grub kun gyi dbang phyug che/ /zhes bya ba rdo rje sems dpa' la sogs
 pa'i dngos grub thams cad thob cing rdo rje sems dpa' la sogs pa'i dngos grub rdzogs pas na/ dngos grub kun gyi dbang phyug che/ /zhes bya'o/ /rtag tu sems can kun don byed/ /ces bya ba ni phyi ma'i mthar thug pa med par sems can gyi don mdzad
 pa'o/ /shes rab kyi pha rol tu phyin pa la sogs pa'i sbyor bas kyang tshe 'di nyid la srid pa la gnas shing srid pa spangs pa grub cing sems can gyi don rtag tu byed par 'gyur bas na sgrub pa 'di ci zhig bya zhes rtog na de'i phyir ji ltar 'di yis
 zhes bya ba la sogs pa gsungs te/ ji ltar grub pa 'dis tshe 'di nyid la srid par gnas shing srid pa spangs pa grub par gyur pa de/ de ltar shes rab kyi pha rol tu phyin pa'i tshul la sogs pas sgrub pa ni ma yin te/ gang gi phyir des bskal pa grangs med pa
 gsum gyis sangs rgyas nyid thob par bshad pa'i phyir ro/ /byang chub spyod pa zhes bya ba ni pha rol tu phyin pa bcu dang / byang chub sems dpa'i sa bcu'i spyod pa'o/ /de la sogs pa gang yin pa de ni byang chub spyod pa la sogs te/ nyan thos dang rang sangs
 rgyas kyi sa thob par bya ba dang / bsam pa dang / bsgom pa'i rang bzhin can gyi gang yin pa de ni byang chub kyi spyod pa la sogs pa zhes bya'o/ /dge ba'i tshul ni gzhan gyis kyang / /zhes bya ba ni 'jig rten pa'i dge ba'i spyod pas kyang ste/ de dag gis
 tshe 'di nyid la sangs rgyas thams cad la sogs pa'i dngos grub kyi mchog ste/ dam par gyur pa ji ltar 'dis thob par gyur pa de bzhin du de dag gis thob par mi 'gyur ro/ /tshul gzhan dag gis sangs rgyas nyid la sogs pa'i dngos grub tshe 'di
 nyid la grub pa dang / sems can thams cad kyi don ci'i phyir mi byed ce na/ gdul bya min pa dang zhes bya ba la sogs pa gsungs te/ sangs rgyas nyid la sogs pa'i dngos grub bskyed pa'i bag chags med pas sangs rgyas dang ting nge 'dzin la sogs
 pa mthong ba lta bu'i skal ba med pa'i sems can gyi khams ni gdul bya ma yin pa'o/ /mtshams med pa la sogs pa'i las [(]gyi [,]kyi [)]lam dang ldan pa'i sems can gyi khams ni bsod nams med pa'o/ /de bas na gdul bya ma yin pa 'am/ bsod
 nams med pa'i rgyu'i tshul gzhan gyis sangs rgyas dang rdo rje 'chang la sogs pa mthong nas sems can gyi don bya bar mi nus shing / tshe 'di nyid la sangs rgyas nyid la sogs pas sems can thams cad kyi don rdzogs par mi 'gyur ro/ /de bas rgyud
 chen las grub pas/ /zhes bya ba ni bskyed pa'o/ /ci zhig ce na/ sangs rgyas yang na rdo rje 'dzin/ /zhes bya ba gsungs te/ 'og nas ji skad bshad pa'i sgrub pas grub cing sangs rgyas sam/ /rdo rje 'dzin pa thob pa'am/ thos pa 'am/ reg pas
 sam/ chos rtog pa'i bag chags bskyed pas 'gro ba'i don byed pa'i mthong ba la sogs pa rgyur gyur pas gdul bya rnams kyis phyag rgya chen po la sogs pa rdzogs par byed pa'i sems can gyi don byed pa yin no/ /tshad ji tsam zhig ce na/ nam mkha'
 dang mnyam pa zhes bya ba gsungs te/ 'jig rten gyi khams kyi rdul phra rab dang mnyam pa'i bdag nyid kyi dngos po sangs rgyas nyid dang rdo rje 'chang nyid du bskyed pa rdzogs par byas pa ni sems can gyi don nam mkha' dang mnyam pa ste/ nam mkha' dang mnyam
 pa de mdzad pa'o/ /ji lta bu'i sangs rgyas dang byang chub sems dpa' dag sems can gyi don mdzad ce na/ srid pa'i nyes pa dri ma med/ /ces bya ba la sogs pa gsungs te/ 'dod pa dang gzugs dang gzugs med pa'i srid pa'o/ /'dod pa'i
 'dod chags la sogs pa ni srid pa'i nyes pa'o/ /de'i dri ma med pa ni dri ma de dang bral ba'o/ /'dod chags chen po bde ba che/ /zhes bya ba ni go bar zad do/ /nam mkha' mtha' yas pa zhes bya ba ni nam mkha' dang 'dra bar mtha' yas pas nam
 nam mkha' mtha' yas te/ de'i ngo bo nyid ni nam mkha' mtha' yas pa nyid do/ /nam mkha' mtha' yas pa nyid des nam mkha' mtha' yas ltar thams cad du song bas sangs rgyas dang rdo rje 'chang de rnams mi gnas pa'i mya ngan las 'das pa'i
 khams la bzhugs nas mya ngan las mi 'da' bar sems can gyi don mdzad pa'o/ /ji ltar nam mkha' dang mnyam par sems can thams cad kyi don mdzad ce na/ dkyil 'khor dag tu ma zhugs pa'am/ /zhes bya ba la sogs pa
 gsungs te/ gang gi phyir bsgrub pa 'dis sems can dkyil 'khor du ma zhugs pa dang / bsod nams med pa dang / le lo can yang 'grub par 'gyur ro/ /de bas na 'di'i nus pas sangs rgyas rdo rje 'dzin la sogs pa de rnams nam mkha' dang mnyam
 pa'i sems can thams cad kyi don mdzad do/ /su zhig gis de skad gsungs she na/ bcom ldan 'das don yod par grub pa rdo rje sems dpa' zhes bya ba gsungs so/ /de ltar slob dpon gyi sgrub pa bshad nas/ da ni rwa nas bzung ba'i tshul gyis
 bstan par bya ba'i phyir/ de nas zhes bya ba la sogs pa gsungs te/ don yod pa ni 'bras bu yod pa ste/ de nyid kyis na thogs pa med pa'o/ /myur ba ni ring por mi thogs pa'o/ /mchog ni bsgrub pa'i thabs gzhan las dam par gyur pa'o/ /de
 yang gang zhig yin zhe na/ bsgrub pa zhes bya ba ste/ 'di sangs rgyas nyid dam rdo rje 'chang ba nyid sgrub pas na/ sgrub pa zhes bya'o/ /rjes su bshad pa zhes bya ba ni/ bshad par bya'o zhes bcom ldan 'das rdo rje sems dpar gsungs so/ /lugs
 ma'am zhes bya ba la sogs pa ni/ dpal rdo rje sems dpa'i sku gzugs bzo bo bzang po byed du gzhug pa'am/ rang nyid kyis byas pa'o/ /de nas yid dang rjes su mthun pa'i gnas su bzhag la bsgrub par bya'o/ /ji ltar bsgrub par bya zhe na/ nyin re
 zhes bya ba la sogs pa gsungs te/ nyi ma re re ni nyin re'o/ /bzlas pa dang bsgom pa'i dus kyi thog ma ni dang po'o/ /lan cig ni zhes bya ba ni lan cig gcig go/ /yul dang ldan gyur pa zhes bya ba ni/ dpal rdo rje sems dpa'i cha lugs dang rgyan gyis
 bdag nyid brgyan par gyur pa'o/ /de bzhin zhes bya ba ni rnam pa de lta bus dgug cing spyan drangs la/ mchod pa zhes bya ba gsang ba'i mchod pa bzhis yang dag par mchod do/ /gang gis yang dag par dgug par bya zhe na/ gsang ba mchog gis zhes bya ba
 gsungs te/ yi ge hUM zlos shing gsang ba'i lcags kyu dril bu dang bcas pas rang gi lus la gzhug par bya'o zhes bya ba'i tha tshig go/ /phyag rgya chen pos rang byin gyis brlab ces bya ba ni/ dpal rdo rje sems dpa'i phyag rgya chen po rab tu zhes bya ba/ shin tu
 byin gyis brlab pa ste/ /rdo rje sems dpar byas pa ni/ /phyag rgya chen por rab byin brlab/ /ces bya'o/ /rdo rje mig gis de bzhin blta/ /zhes bya ba ni/ ji ltar dpal rdo rje sems dpa' bskal pa bzang po'i thog mar/ rdo rje lta ba'i phyag rgyas gzigs
 shing / yi ge hUM gi glu gsung zhing bzhugs pa de bzhin du rnal 'byor pas rdo rje mig gis blta bar bya'o/ /rdo rje bsnyems tshul bdag ces bya ba la/ rdo rje bsnyems tshul ni/ rdo rje sems dpa'i phyag rgya chen po dang lha mo'o/ /de'i bdag nyid ni gnyis su
 med pa'i byang chub chen po'i mtshan nyid can gyi sems kyi ngo bo bcom ldan 'das rdo rje sems dpa'o/ /rang nyid ni bdag nyid kyi rnal 'byor pa'o/ /yi ge hUM ni glu zlos pas/ /rdo rje sems dpa' bsgrub par bya/ /zhes bya ba ni 'di skad ston pa yin te/ rdo rje
 bsdams pa snying gar dral bar bya'o/ /de nas rdo rje 'bebs pa'i dam tshig gi phyag rgya bcings la/ badzra A be sha A zhes bya bas bdag nyid la dbab par byas/ tiSh+Tha badzra zhes bya ba la sogs pas rdo rje 'bebs pa'i dam tshig phyag rgya rang gi snying gar
 dgrol la/ dam tshig gi rdo rje khu tshur bcing bar bya'o/ /de nas snying gar gnas pa'i rdo rje rtse lnga pa las/ yi ge hUM yid kyis bris nas chos thams cad bdag med par bsgom par bya'o/ /de nas rang gi sems nam mkha'i phyogs su yi ge hUM gi
 gzugs su bsams la/ de nyid zla ba'i dkyil 'khor/ de'i steng du yi ge hUM gis zla ba'i dkyil 'khor gnyis pa hUM dang bcas pa las dang po'i rdo rje dang / rdo rje'i dbus su hUM bsams la/ rdo rje ni bdag po zhes bsgom par bya'o/ /de
 nas rdo rje sems dpar byin gyis brlab pa'i sbyor bas/ badzra satwa haM zhes zlos shing rdo rje sems dpar bdag nyid bsgom par bya'o/ /de nas bsnyems pa dang bcas pas rdo rje gsor la/ badzra satwa haM zhes yang bzla bar bya'o/ /de nas ma hA sa ma ya sa twa haM zhes
 brjod do/ /de nas sa ma ya s+t+waM zhes zlos shing dang po'i rdo rje bcings la/ sa ma ya s+t+waM zhes bzla bar bya'o/ /de nas sa ma ya satwa a d+hi tiSh+Tha swa maM zhes bya bas/ snying ga dang / dpral ba dang / lkog ma dang / spyi bor bdag nyid byin gyis brlab par bya'o/ /de nas
 hUM zlos shing phyag rgya chen po bcings la/ hUM a zhes bya bas mdun du sna tshogs pad+ma dang dang po'i rdo rje rtse lnga pa bskyed par byas la badzra haM zhes bya bas nga rgyal bsgoms la/ rdo rje badzra sa twa haM zhes zlos shing rdo rje sems dpa'i phyag rgya chen po'i ngo bo nyid bsgom par bya'o/ /
 de nas der rdo rje lcags kyu ma la sogs pa'i las kyi phyag rgya bzhis bcom ldan 'das rdo rje sems dpa' dgug pa dang / gzhug pa dang / bcing ba dang / dbang du byas la dang po'i rdo rje bcings te hUM dr-i sh+ya zhes bya bas lta ba byas nas gsang ba'i lcags kyu ma dang
 hUM gis rang gi lus la bcug la dang po'i rdo rje bcings te/ sa ma ya s+t+waM zhes brjod cing 'od zer dmar po 'bar ba'i 'od kyis dkyil 'khor bskyed par bya'o/ /de nas rang gi lus kyi nang du chud pa'i bcom ldan 'das rdo rje sems dpa' dang chu dang 'o ma bzhin
 du gcig tu gyur par bdag nyid bsams la/ sa ma ya s+t+waM a haM dzaHhUM baM ho/ zhes lan gsum bzla bar bya zhing / lnga po bsdus pa bcings la/ oM su ra ta s+t+waM zhes brjod do/ /de nas gsang ba'i lcags kyu ma bcings la/ a nu rA ga ya mi hUM zhes lan
 gsum bzlas la bsgrub par bya'o/ /de nas dang po'i rdo rje bcings la/ badzra satwa/ badzra rat+na/ badzra d+harmA/ badzra karmA zhes bya ba de bzhin du byin gyis brlab par bya'o/ /de nas de bzhin gshegs pa'i sku'i mchog bcings la/ yi ge gnyis kyi go chas go
 bgos la rdo rje dang / bdag po dang / ming gi dbang bskur ba dang / dngos grub kyi rdo rje brtul zhugs blangs la/ 'dod chags rdo rje ma la sogs pa gsang ba'i mchod pa bzhis bdag nyid la yang dag par mchod de/ rnam par sgeg pa'i dga' ba'i
 rdo rjes phyag byas la/ de nyid kyis ni rdo rje bzung / /chos kyi dril bu dkrol bar bya/ /dam tshig gi ni phyag rgya che/ /byin gyis brlabs nas snying po bzlas/ /de ltar bsgrub pa lan cig byas nas/ de'i rjes la thams cad rdo rje sems dpa'i rang bzhin
 yin par bsams nas/ mnyam par ma bzhag pa'i rnal 'byor pas/ ras ris dang sku gzugs la sogs pa las/ yi ge hUM gi glu nyid kyis ji ltar 'dod pa bzhin du bsgrub par bya'o/ /de ltar nyin re zhing byin gyis brlabs pa lan cig byas
 nas/ ji srid bcom ldan 'das bdag nyid kyi mdun du nyin re zhing mdun du mthong bar gyur pa de srid kyi bar du bsgom par bya'o/ /de nas mtshan thog thag bsgom par bya'o/ /de nas de cir 'gyur zhe na/ 'di zhes bya ba la sogs pa gsungs te/ 'di
 yis zhes bya ba ni/ bshad ma thag pa'i bsgrub pas so/ /rdo rje 'dod pa kun dbang phyug /'dod pa tsam gyis 'gro 'ong lding / /zhes bya ba ni/ 'dod pa yang yin la kun kyang yin pas 'dod pa kun te/ rdo rje sems dpa' la sogs pa dang / phyi'i
 'dod pa'i yon tan lnga'o/ /dbang phyug ni de rnams la dbang byed pa'i bdag po'o/ /'dod pa tsam gyis zhes bya ba ni bsams pa tsam gyis so/ /'gro ba ni rang gi gnas nas 'og min la sogs pa'i gnas su song ba'o/ /'ong ba ni gnas de nas rang gi
 gnas su phyir ldog pa'o/ /dngos grub kun ni rdo rje sems dpa' la sogs pa grub pa ste/ de la dbang du byed pa'am des dbang phyug tu gyur pas na rdo rje kun gyi dbang phyug go/ /ji lta zhe na/ grub ces bya ba gsungs te ji skad du bshad
 pa'i bsgrub pa 'dis rdo rje sems dpa'i dngos grub rdzogs par 'gyur ba ni grub pa'o/ /kun mchog dam pa'i dbang phyug yin/ /zhes bya ba ni kun kyang yin la mchog dam pa yang yin pas na kun mchog dam pa'o/ /de nyid ni dbang phyug yin pas na
 kun mchog dam pa'i dbang phyug ces bya'o/ /phun sum tshogs pa yang yin la kun kyang yin pas phun sum tshogs pa kun de bzhin gshegs pa thams cad la sogs pa'i 'byor pa'o/ /de rnams kyi bdag po yin pas na phun sum tshogs pa kun
 bdag go/ /thams cad yin zhes bya ba ni bsdus pa'i dkyil 'khor gyi rang bzhin no/ /'dod chags chen po ni rdo rje sems dpa'i phyag rgya chen po'i tshul lo/ /bde ba chen po ni bshad zin to/ /thams cad 'dul zhes bya ba ni rdo rje rigs kyi bdag por
 gyur pa'o/ /sna tshogs zhes bya ba ni rdo rje'i rigs rnams kyi rang bzhin no/ /rtag par zhes bya ba ni dus thams cad du'o/ /kun du 'dul ba'o zhes bya ba ni 'gro ba 'dul ba'i dkyil 'khor gyi tshul gyis thams cad 'dul bar mdzad pas na kun du 'dul
 ba'o/ /dngos grub kun gyi bde mchog mchog /ces bya ba ni dpal rdo rje sems dpa'i ras ris kyi dkyil 'khor las gsungs pa'i dngos grub ni dngos grub ste/ des bskyed pa'i bde ba ni dngos grub kun gyi bde ba'o/ /bde ba mchog ces bya ba de
 bzhin gshegs pa rnams kyi mchog yin pas na dngos grub kun gyi bde mchog ces bya'o/ /phyag rgya kun bdag dbang phyug yin/ /zhes bya ba la/ phyag rgya yang yin la kun kyang yin pas na phyag rgya kun te/ rdo rje mtshon cha ma la sogs pa lha
 mo'i rang bzhin no/ /de rnams kyi bdag po ni gtso bo'o/ /de rnams kyi gtso bor gyur pa nyid kyis na dbang phyug yin zhes bya'o/ /rdo rje kun gyi dngos grub che/ /zhes bya ba la/ rdo rje yang yin la kun kyang yin pas na rdo rje kun te/ rdo rje rigs kyi ras ris
 kyi dkyil 'khor gyi rang bzhin can gyi sangs rgyas dang byang chub sems dpa' rnams so/ /de'i phyag rgya chen po'i dngos grub la sogs pa ni dngos grub chen po'o/ /thams cad mkhyen pa'i 'byung gnas che/ /zhes bya ba la thams cad mkhyen pa ni
 pad+ma'i rigs kyi ras ris kyi dkyil 'khor ro/ /de'i 'byung gnas kyang yin la chen po yang yin pas na/ thams cad mkhyen pa'i 'byung gnas che/ /zhes bya ste/ pad+ma'i rigs kyi ras ris kyi dkyil 'khor gyi rgyur gyur pa nyid kyis thams cad du khyab
 pa'i 'phags pa 'jig rten dbang phyug go/ /mi tshugs pa ni zil gyis gnon par mi nus pa'o/ /mi sod pa ni gsod par mi nus pa'o/ /thams cad byed ces bya ba la ni 'phags pa nam mkha'i snying po'i ras ris kyi dkyil 'khor gyi tshul gyis
 sems can thams cad kyi bsam pa rnams yongs su rdzogs pa'i las byed pas na thams cad byed pa'o/ /de kun gyi gnas zhes bya ba ni sems can thams cad kyi rten du gyur pa'o/ /khams gsum las rgyal ba zhes bya ba ni 'dod pa dang /
 gzugs dang gzugs med pa na gnas pa'i sems can gyi khams rnams 'dul bar mdzad pas na khams gsum las rgyal ba'o/ /sna tshogs pa zhes bya ba ni thams cad du khyab pa'o/ /ji ltar khams gsum las rnam par rgyal ba yin zhe
 na/ tshar gcod pa dang phan 'dogs nus zhes gsungs te/ gang gi phyir 'di khams gsum pa la spyod pa'i sems can thams cad la/ tshar gcod pa dang phan 'dogs pa nus pas na rdo rje sems dpa' la sogs pa lha thams cad kyi sbyor ba sems
 can gyi khams thams cad la stsol ba yin pa'i phyir te/ de bas na thams cad la rjes su dga' bas kun la rjes su chags pa'i sems kyi ngo bos so/ /de bzhin gshegs pa la sogs pa'i gzugs can thams cad bskyed
 par mtshungs pa med pa gnyis pa med pa'i phyir de bzhin gshegs pa thams cad la sogs pa'i mchog yin pas na kun mchog go/ /kun rig ni de bzhin gshegs pa thams cad kyi ngo bo nyid yin pas so/ /dngos grub thams cad ster zhes bya
 ba ni de bzhin gshegs pa la sogs pa'i dngos grub thams cad ster bas na dngos grub thams cad ster ba'o/ /'jig rten khams ni thams cad du/ /zhes bya ba la sogs pa thams cad ni go bar zad do/ /rnam pa de lta bur bsgoms pas rdo rje sems
 dpa' la sogs pa dang 'dra bar grub par gsungs nas da ni rdo rje sems dpa' la sogs pa'i gzugs brnyan dang 'dra bar bsgoms pas/ rdo rje 'dzin pa nyid dam/ de bzhin gshegs pa nyid du 'gyur ro zhes bstan par bya ba'i phyir/ /gal te
 zhes bya ba la sogs pa gsungs te gal te zhes bya ba ni ci ste zhes bya ba'i don te/ ji ste dngos grub thams cad kyi mchog rdo rje 'dzin pa nyid dam/ sangs rgyas nyid dam byang chub sems dpa'i sa dang po nyid la sogs pa'i mtshan nyid can sgrub par 'dod
 pa de'i dngos grub kyi mchog sgrub pa'i thabs dam tshig chen po'i de kho na nyid kyi sbyor bas de 'di ltar sgrub na sgrub pa'i dngos grub thams cad tshe 'di nyid la 'grub par 'gyur ro/ /don 'di nyid bstan par bya ba'i phyir/ phyi mas zhes bya ba la sogs
 pa gsungs te/ rgyud kyi phyi ma las gsungs pa'i cho ga rnams kyis sam/ dbang phyug chen po la sogs pa'i rgyud las bshad pa'i 'jig rten pas sam/ de bzhin gshegs pa la sogs pa'i rtog pa las gsungs pa'i rtog pa thams
 cad kyis sam/ rang nyid kyis mdzad pa zhes bya ba rdo rje sems dpas gsungs pa'i cho gas myur zhing rings pa dang / rtog cing brtan par dngos grub thams cad 'grub par 'gyur ba yin no/ /de ltar phyag rgya chen po la sogs pa'i dngos grub bsgrub
 par bya ba'i phyir cho ga gsungs nas/ da ni rang gi lha'i skur bdag nyid bskyed de/ dngos grub 'di dag thams cad bsgrub par bya'o zhes brtan par bya ba'i phyir/ de la ji ltar na rang gi phyag rgyas bdag nyid bsgrub par bya zhe na zhes bya ba la sogs pa gsungs pa yin
 te/ rang gi phyag rgyas rang gi lha'i sku dang gsung dang thugs rdo rje'i ngo bor bdag nyid sgrub pa ni rang gi lha'i skur bdag nyid bskyed pa'o/ /de ji ltar 'gyur zhe na/ phyag rgya chen por mnyam gzhag la/ /zhes bya ba la sogs pa gsungs te/ rang gi lha'i
 sku'i gsang ba ni phyag rgya chen po'o/ /der mnyam par gzhag pa ni ji skad du gsungs pa'i tshul gyis rnam par bsgoms nas bsgrub par bya zhing brtan par bya'o/ /rang gi snying po zhes bya ba ni rang gi lha'i snying pos so/ /lan cig ces bya ba ni lan cig ste/ thun
 mtshams dang po la zhes bya ba'i tha tshig go/ /'di skad ston pa yin te/ ye shes sems dpa' rang gi lus la ji lta ba bzhin du bcug la/ dam tshig gi phyag rgyas rab tu bsgrubs nas/ chos dang las kyi phyag rgya gnyis kyis rgyas btab la/ phyag rgya
 chen po bcings te rang gi lha'i snying po bzla bar bya'o/ /de ltar na rnal 'byor pa la rang gi lha'i snying po des rang gi sku'i gsang bas byin gyis rlob par 'gyur ro/ /lhag ma ni go sla'o/ /de ltar cho ga thams cad rjes su spyad nas phyag rgya chen pos bdag la
 byin gyis brlab pa byas te/ de'i rjes la rang gi lha'i snying po bzla bar bya'o zhes bya ba'i cho ga 'di bstan par bya ba'i phyir/ de la ji ltar na yi ge hUM gi glu zhes bya ba la sogs pa gsungs pa yin no/ /ro b+hi ta sogs phyag rgyar ldan/ /zhes bya ba la
 sogs pa ni bshad zin to/ /'dis ni don 'di skad ston pa yin no/ /rgyud 'di las ni gtso bor shes rab kyi pha rol tu phyin pa ston pa yin la/ de bas na lce la rdo rje dkar po bsams la lte bar hUM la sogs pa rang gi lha'i snying po bsams
 la yang rang gi snying gar gnas pa'i rdo rje rtse lnga pa la yi ge hUM la sogs pa rnam par bsams nas/ de nyid ji lta ba bzhin du zlos shing chos thams cad rang bzhin gyis rnam par dag pa'o zhes rdo rje sems dpa'i rang bzhin bsgom par bya'o/ /de ltar chos kyi
 phyag rgya sgrub pa gsungs nas/ da ni dpal rdo rje sems dpa' la sogs pa'i phyag rgya chen po sgrub pa gsungs pa ni de nas phyag rgya thams cad kyi mchog sgrub pa'i rgyud bshad do zhes bya ba gsungs pa yin te/ phyag rgya yang yin la thams cad kyang yin pas
 phyag rgya thams cad de/ dpal rdo rje sems dpa' la sogs pa phyag rgya chen po la sogs pa'i phyag rgya'o/ /de rnams kyi mchog grub pa ni/ rdo rje sems dpa' la sogs pa'i sku'i gsang bar bdag nyid bsgom pa'o/ /gal te phyag rgya bsgrub par 'dod
 na zhes bya ba ni gal te rnal 'byor pa gang la la zhig rdo rje sems dpa'i sku'i gsang ba sgrub par 'dod pa des dpal rdo rje sems dpa' la sogs pa'i phyag rgya chen po bcings la/ dpal rdo rje sems dpa'i cha lugs 'dzin pa nyid kyis rang gi snying po
 bzlas shing / dpal rdo rje sems dpa' la sogs pa'i sku ji srid skyo bar ma gyur pa de srid kyi bar du bsgom par bya'o/ /skyo bar gyur pa na ngal so zhing bya'o/ /de nas phyag rgya chen po bshad par gsungs nas/ da ni dam tshig gi phyag rgya bsgrub par gsungs
 pa ni/ de la ji ltar dam tshig thams cad grub pa'i rgyud yin zhe na zhes bya ba yin te/ dam tshig phyag rgya bcings nas ni/ /zhes bya ba ni go bar zad do/ /'di skad ston pa yin te snga ma bzhin du bdag la byin gyis brlabs pa la sogs pa byas nas sa ma
 ya s+t+waM/ zhes brjod cing rang gi lha'i dam tshig gi phyag rgya bcings la/ rang gi snying gar gnas pa'i sku'i rdo rje la rang gi lha'i snying po yid kyis bris la/ rang gi lha'i sku gzugs brnyan dang mtshungs par bsgoms te/ rang gi lha'i snying po bzla bar bya'o/ /de ltar
 dam tshig gi phyag rgya sgrub pa gsungs nas/ da ni las kyi phyag rgya bsgrub pa gsungs pa ni/ de nas las kyi phyag rgya'i mchog /ces bya ba la sogs pa yin no/ /rdo rje gar gyi mchod pa yis/ /zhes bya ba ni phyag rgya'i mchod pa rnam pa bcu gnyis ni gar gyi mchod
 pa yin pa'am/ las kyi phyag rgya'i gar gyi mchod pa'o/ /gar gyi mchod pa rgyur gyur pas/ /des sgrub cing bskyed par bya'o/ /skyo bar ma gyur zhes bya ba ni go bar zad do/ /mchod pa yang yin la thams cad kyang yin pas na mchod pa thams cad de/ phyag
 rgya'i mchod pa bcu gnyis so/ /de la sogs pa gang yin pa de ni mchod pa thams cad la sogs pa las thams cad kyi mchog so sor rtogs pa la sogs pa'i ngo bo'o/ /tshe 'di nyid la grub par 'gyur/ /zhes bya ba ni de sgrub pa po la skye ba 'di kho nar 'grub
 par 'gyur ba'o/ rdo rje 'chang chen nyid dang ni/ /zhes bya ba la sogs pa ni go sla'o/ /'di skad ston pa yin te/ snga ma bzhin du rang gi lha'i rnal 'byor byas la/ rdo rje mtshon cha ma la sogs pa'i mchod pa rnam pa bcu gnyis kyis rang gi lha yang dag
 par mchod pas phyag byas te/ a zhes bya bas snying gar sna tshogs rdo rje bskyed la/ de'i steng du rang gi lha'i bzla bar bya ba'i snying po bsams nas de nyid zlos shing rang gi lha'i las kyi phyag rgya bcings la/ rang gi lha dang chos thams cad rang gis 'od
 gsal bar bsgom par bya'o/ /rtog pa yang yin la thams cad kyang yin pas na rtog pa thams cad de/ phyag rgya chen po dang / dam tshig gi phyag rgya dang / chos kyi phyag rgya dang / /las kyi phyag rgya'o/ /de rnams kyi sgrub pa chen po ni bshad ma thag
 pa nyid do/ /de nyid ni don yod par grub pa'i cho ga rgyas pa'o/ /de ston par byed pa'i sgra'i tshogs ni rgyud chen po zhes bya'o/ /de ltar chos kyi phyag rgya la sogs pa phyag rgya bzhi bsgrub pa bshad nas da ni chos kyi phyag rgya la sogs pa bsgrub pa dang /
 rab tu ldan pa'i sgrub pa bdun gyis kyang gal te grub par ma gyur na/ de'i tshe 'og nas rjes thogs nyid la 'chad pa'i las rnams lan cig bzlas pas grub par 'gyur ro zhes bstan par bya ba'i phyir/ /de nas rtog pa thams cad bsgrub pa'i dngos grub thams cad
 kyi rgyud ni zhes bya ba la sogs pa gsungs pa yin te/ chos dang phyag rgya chen po dang / dam tshig dang las kyi phyag rgya ni rtog pa thams cad do/ /de rnams kyi sgrub pa ni ji skad du bshad pas na ma grub pa ni bskyed cing rdzogs par ma gyur pa'o/ /dngos grub thams
 cad ni las nyis brgya grub pa'o/ /de ston par byed pa'i sgra'i tshogs ni rgyud de/ de bshad par bya'o zhes sbyar bar bya'o/ /nyin re zhes bya ba ni nyin zhag re re zhing ngo / /dang por zhes bya ba ni chos kyi phyag rgya la sogs pa sgrub pa'i sngon du'o/ /lan cig ces bya ba ni
 lan cig gcig go/ /phyag rgya sgrub la don yod pa/ /zhes bya ba ni chos kyi phyag rgya la sogs pa bsgrub pa'i don yod cing 'bras bu dang bcas pa'o/ /de nyid kyis na dngos grub thogs pa med pa ste/ rgyu de rjes su bshad par bya'o zhes bya ba ni bstan par
 bya'o zhes bcom ldan 'das rdo rje sems dpas gsungs so/ /'dis ni 'di skad ston pa yin te/ gal te ji skad du bshad pa'i sgrub pa bdun gyis bsgrubs su zin kyang / chos kyi phyag rgya la sogs pa sgrub pa pos grub par ma gyur na/ de'i
 tshe yang rang gi lha'i sbyor ba byas la/ thams cad rjes su mnyes par bya ba la sogs pa'i las grub par byed pa'i phyag rgya bcings la thams cad rjes su mnyes par byed pa la sogs pa'i las lan cig bya'o/ /de'i rjes la chos kyi phyag rgya la sogs pa bzhi
 bsgom par bya'o/ /de ltar na phyag rgya bzhi'i dngos grub nges pa de kho nar 'grub par 'gyur ro/ /da ni las sgrub par byed pa'i phyag rgya bstan par bya ba'i phyir/ thams cad rjes su mnyes par bya ba dang zhes bya ba la sogs pa gsungs te/ dpal rdo rje sems
 dpa' la sogs pa rjes su mnyes par bya ba ni rgyab kyis phyogs par gyur pa las rang dbang du gyur par bya ba'i phyir mngon du phyogs par bya'o/ /dgug pa dang zhes bya ba ni de rnams nyid spyan drang ba ni dgug pa'o/ /bcing ba dang zhes bya ba ni spyan drangs pa de rnams
 nyid rang dbang du byas pa'i phyir rdo rje lcags sgrog gis mi 'gul bar bya ba ni bcing ba'o/ /dbang du bya ba dang zhes bya ba ni de rnams nyid rang dbang du byas pa ni dbang du bya ba'o/ /de ltar na thams cad rjes su mnyes par bya ba dang / dgug pa dang / bcing ba dang /
 dbang du bya ba sgrub pa ni de bskyed pa'o/ /'di dag thams cad ji ltar 'gyur zhe na/ bde ba chen po rdo rje lta bas so zhes bya ba gsungs te/ bde ba chen po ni rdo rje sems dpa'o/ /de'i lta ba ni bde ba chen po rdo rje lta ba ste/ rdo rje 'bar ba'i lta ba brtan pa dang po'i rdo rje
 dang bcas pa'o/ /'di skad ston pa yin te/ dpal rdo rje sems dpa'i rnal 'byor byas la dpal rdo rje sems dpa' la sogs pa bsgrub par bya ba gsang ba'i lcags kyus spyan drangs la/ mdun du ji lta ba bzhin du bsgrubs te/ phyag rgya thams cad kyis dbang
 bskur te phyag byas la/ dang po'i rdo rje bcings te hUM zlos shing de'i rjes la a nu rA ga ya mi hUM zhes zlos shing 'dzum pa'i blta bas bcom ldan 'das la blta zhing de bsgom par bya'o/ /de lta bus ni rjes su mnyes par 'gyur te/ sgrub pa po gang la rjes su chags
 pa dang bcas par 'gyur ro zhes bya ba'i tha tshig go/ /de bzhin du gnod sbyin mo la sogs pa bsgrubs na yang rjes su chags par 'gyur ro/ /de bzhin du thams cad byas nas dang po'i rdo rje bcings te/ 'bar ba'i lta bas dpal rdo rje sems dpa' la sogs
 pa spyan drang bar bya ste/ de lta bus ni de thams cad 'gug par 'gyur ro/ /gnod sbyin mo la sogs pa bsgrub pa ni/ dpal rdo rje sems dpa'i btsun mo gnod sbyin mo la sogs pa'i lus su yid kyis bcug la/ gnod sbyin mo la sogs pa'i lus
 dang de gcig tu byas la 'dzum pa'i lta bas de dgug par bya'o/ /de lta bus de sgrub pa pos bkug nas dbang du byas par 'gyur ro/ /de bzhin du thams cad byas la/ dang po'i rdo rje bcings te dpal rdo rje sems dpa' la sogs pa bsgrub par bya ba la brtan
 pa'i lta bas blta bzhin du bzlas par bya ste/ de lta bus ni rdo rje lcags sgrog gis bcing bar 'gyur ro/ /de bzhin du thams cad byas la dang po'i rdo rje bcings te/ 'dzum pa'i lta bas dpal rdo rje sems dpa' la sogs pa bsgrub par bya ba la blta zhing /
 de rnams dga' ba bskyed pa'i bsam pas bzla bar byas te de lta bus ni dbang du byas par 'gyur ro/ /bde ba dang / yid bde ba dang / phun sum tshogs pa dang / dngos grub thams cad mngon par 'phel bar bya ba la ni zhes bya ba la/ 'jig rten dang 'jig rten
 las 'das pa'i bde ba ni bde ba thams cad do/ /yid bde ba yang de bzhin no/ /'jig rten dang 'jig rten las 'das pa'i sbyor ba phun sum tshogs pa'o/ /dpal rdo rje sems dpa' la sogs pa'i dngos grub ni dngos grub thams cad do/ /bde ba dang / yid bde ba dang /
 dngos grub 'di thams cad mngon par 'phel ba ni gong nas gong du rgyun mi 'chad pa'i tshul gyis skye ba'o/ /de ji ltar 'gyur zhe na/ bde ba'i rdo rje chen po'i rdo rjes so zhes gsungs te/ dang po'i rdo rje mtshan ma la sogs par gnas pa'i phyir zhes bya ba'i tha tshig go/ /
 'dis ni don 'di skad ston pa yin te/ de bzhin du dpal rdo rje sems dpa'i sbyor ba byas la/ yi ge hUM zlos shing dang po'i rdo rje bcings la rang gi mtshan mar gzhag ste/ a nu rA ga ya mi hUM zhes zlos shing bcom ldan 'das yum rdo rje bsnyems ma dang lhan cig yang dag par sbyor
 ba bsgom par bya'o/ /de lta bus ni de nyid kyis bde ba mngon par 'phel bar 'gyur ro/ /de bzhin du thams cad byas la dang po'i rdo rje snying gar 'jog cing / rdo rje sems dpar bdag nyid bsgom par bya ste/ de lta bus ni yid bde ba mngon par 'phel bar 'gyur ro/ /de
 bzhin du thams cad byas la dang po'i rdo rje dpral bar bzhag la/ bdag nyid rdo rje sems dpa' rin po che sna bdun dang ldan pa'i 'khor los sgyur ba'i rang bzhin du bsgom par bya'o/ /de lta bus ni phun sum tshogs pa thams cad mngon par 'phel bar 'gyur ro/ /de bzhin du
 thams cad byas la dang po'i rdo rje spyi bor 'jog cing bdag nyid rdo rje sems dpa'i phyag rgya chen po la sogs pa grub par bsams te/ de lta bus ni dngos grub thams cad 'phel bar 'gyur ro/ /tshe dang lang tsho dang / gzugs dang gzi brjid chen po mngon par 'phel
 bar bya ba zhes bya ba ni dpal rdo rje sems dpa' la sogs pa'i tshe ni tshe chen po'o/ /tshe dang lang tsho ni de rnams nyid kyi na tshod dar la bab pa'o/ /de rnams nyid kyi mtshan sum cu rtsa gnyis dang / dpe byad bzang po brgyad cu dang ldan pa ni gzugs so/ /de rnams nyid
 kyi gzi mdangs ni gzi byin chen po'o/ /tshe dang lang tsho dang gzugs dang gzi byin 'di rnams mngon par 'phel ba ni snga ma bzhin no/ /de ji ltar 'gyur zhe na/ dang po'i rdo rje bcud kyis len gyis so zhes bya ba gsungs te/ dang po'i rdo rje ni dbus ma snying ga la
 sogs par gzhag ste btung bar bya ba 'di ni dang po'i rdo rje bcud kyis len pa yin no/ /'di skad ston te de bzhin du dpal rdo rje sems dpa'i sbyor ba byas la hUM gis dang po'i rdo rje bcings te a nu rA ga ya mi hUM zhes zlos shing rang gi snying gar de'i rtse mo dbus ma gzhag
 pa'am khar bzhag nas gzhib cing btung ba dpal rdo rje sems dpa' zla ba'i mdog can gyi bdud rtsi'i rgyun du rtse mo dbus ma las byung bas/ rang gi kha kun du gang nas yan lag thams cad du khyab pas/ des lus thams cad rdo rje sems dpar gyur par
 bsam par bya ste/ de lta bus ni tshe chen po mngon par 'phel bar 'gyur ro/ /de bzhin du de rang gi mtshan mar bzhag ste/ khar 'jog cing btung bar byas te/ de lta bus ni rdo rje sems dpa'i lang tsho mngon par 'phel bar 'gyur ro/ /de bzhin du
 thams cad byas nas/ rang gi khar bzhag nas btung bar bya ste/ de lta bus ni gzugs thams cad mngon par 'phel bar 'gyur ro/ /de bzhin du thams cad byas nas/ dpral bar bzhag la de'i 'og tu khar bzhag nas rdo rje rtse mo'i dbus ma'i de nyid btung bar bya ste/
 de lta bus ni rnal 'byor pa'i gzi byin mngon par 'phel bar 'gyur ro/ /dpal chen po dang / skal ba bzang po dang / grags pa dang / snyan pa 'phel bar bya ba la ni dpal rdo rje sems dpa'i cha lugs phun sum tshogs pa gang yin pa de ni dpal chen po'o/ /de nyid
 kyis sems can thams cad kyi sems bde ba dang / yid bde ba grub par bya ba'i phyir dngos po thams cad ni bdag nyid can gang yin pa de ni skal ba bzang ba'o/ /de nyid kyis nam mkha'i khams thams cad na rtag tu gnas pa'i sku dang gsung dang thugs rdo rje bcom
 ldan 'das rdo rje 'dzin pa chen po zhes phyogs bcur sgras khyab pa gang yin pa de ni grags pa'o/ /de nyid kyis de bzhin gshegs pa thams cad dang mnyam par 'jug pas rdo rje dbyings thams cad thugs su chud pa'i sems ye shes sems dpa'o zhes snyan pa'i sgras
 khyab pa gang yin pa de ni snyan pa'o/ /dpal chen po dang / grags pa la sogs pa 'di dag 'phel ba ni dpal rdo rje sems dpa' ni zhes snga ma bzhin du sbyar ro/ /'di dag thams cad ji ltar 'gyur zhe na/ dang po'i rdo rje grub pas so/ /zhes bya ba gsungs te/ dang po'i rdo
 rje ni mdzub mo dang gung mo dang srin lag dang / mthe'u chung gi rdo rje ni dang po'i rdo rje grub pa ste/ de nyid kyi las bzhi po 'di dag mngon par 'phel bar 'gyur ro/ /'di skad ston te snga ma bzhin du rdo rje sems dpa'i sbyor ba byas la yi ge hUM gis dang po'i rdo rje bcings te
 mdzub mo gnyis gshibs la rtse mor byas nas bdag nyid dpal rdo rje sems dpa'i rgyal srid kyi dpal dang ldan pa'i dpal rdo rje sems dpar sgom zhing a nu rA ga ya mi hUM zhes bzla bar bya ste/ de lta bus ni dpal rdo rje sems dpa' chen po mngon par 'phel bar 'gyur ro/ /de
 bzhin du thams cad byas la dang po'i rdo rje gung mo gnyis gshibs pa'i rtse mor phyi rol du bzhag la/ sngar bshad pa'i don bsgoms pas dpal rdo rje sems dpa'i skal ba bzang po 'phel bar 'gyur ro/ /de bzhin du thams cad byas la dang po'i rdo rje srin lag gnyis rtse
 mor byas pas dpal rdo rje sems dpa'i grags pa bsgoms pas grags pa 'phel bar 'gyur ro/ /de bzhin du thams cad byas la dang po rdo rje mthe'u chung gnyis gshibs te rtse mor sbyar la bsgreng ste bzhag nas/ bdag nyid rdo rje sems dpa'i snyan pa dang ldan par
 bsams na de lta bus ni snyan pa 'phel bar 'gyur ro/ /stobs chen po dang / ye shes dang chos dang las bsgrub par bya ba la ni zhes bya ba ni dpal rdo rje sems dpa' la sogs pa'i stobs ni stobs chen po'o/ /de rnams nyid kyi nges pa'i ye shes dang / de rnams
 de nyid kyi yang dag pa'i rig pa bsnyen pa'i chos dang / sangs rgyas kyi sprul pa dang / sems can gyi don mdzad pa'i las ni de rnams kyi stobs po che dang / ye shes dang / las de grub pa ni rdzogs pa'o/ /de ji ltar 'gyur zhe na/ dang po'i rdo rje snying po stobs che
 ba'o zhes bya ba gsungs te rang nyid dang / snying ga dang / lce dang mgo bor bstod pa ni dang po'i rdo rje'i snying stobs che bas so zhes bya'o/ /'dis ni don 'di skad ston par 'gyur te/ de bzhin du dpal rdo rje sems dpa'i sbyor ba byas la/ hUM gis dang po'i rdo rje
 bcings la/ a nu rA ga ya mi hUM zhes zlos shing / des bdag nyid bstod pa'i tshul du byas te/ de lta bus ni dpal rdo rje sems dpa' la sogs pa'i stobs grub par 'gyur ro/ /rang gi snying gar rdo rje rtse lnga pa bsams la/ rdo rje sems dpa' la sogs pa'i ye
 shes bskyed pa'i bsam pas dang po'i rdo rje rang gi snying gar bstod cing bzlas brjod byas te de lta bus ni de grub par 'gyur ro/ /de bzhin du thams cad byas la/ rang gi lce la rdo rje bsams pas yi ge hUM yid kyis bris la dang po'i rdo rje'i rtse bstod pa'i tshul
 gyis bya zhing bzlas brjod byas te de lta bus ni so so yang dag pa'i rig pa bzhi'i bdag nyid can gyis chos grub par 'gyur ro/ /de bzhin du thams cad byas la/ sangs rgyas kyi sprul pa dang / sems can gyi don bya ba'i bsam pas rang gi rdo rje mgo bor bstod pa'i tshul
 du byed cing de bzhin du byas na de lta bus ni las thams cad 'grub par 'gyur ro/ /rdzu 'phrul dang / cho 'phrul dang / rmad du byung ba dang / rnam par 'phrul pa thams cad ston pa la ni zhes bya ba ni phyogs bcu'i nam mkha' la 'gro ba ni rdzu 'phrul thams cad do/ /'bar ba'i
 'byin pa la sogs pas bstod pa ni cho 'phrul lo/ /sngon chad ma myong ba'i bde ba dang / yid bde ba bskyed pa ni rmad du byung ba'o/ /rang gi lus la sogs pa la de bzhin gshegs pa dang / de'i rigs dang / rdo rje'i rigs dang / pad+ma'i rigs dang / nor bu'i
 rigs sprul pa ni rnam par 'phrul pa'o/ /rdzu 'phrul dang / cho 'phrul dang / rmad du byung ba dang / rnam par 'phrul pa de dag thams cad ston pa la ni mig gi rnam par shes pa la sogs pa nye bar dmigs su rung bar bya'o/ /de ji ltar 'gyur zhe na/ dang po'i rdo rje rnam par 'phrul
 pas so zhes bya ba gsungs te/ dang po'i rdo rje bcings la/ nam mkhar bskyed pa dang / mthe bong dang srin lag 'bar ba'i tshul du bya ba dang / snying dga' ba dang / rang gi lus la bskor ba'i tshul du bya ba 'di ni dang po'i rdo rje'i rnam par 'phrul pa zhes bya'o/ /'di skad
 ston pa yin te/ snga ma bzhin du rdo rje sems dpa'i sbyor ba byas la a hUM gis dang po'i rdo rje bcings la/ a nu rA ga ya mi hUM zhes zlos shing nam mkhar bcom ldan 'das rdo rje sems dpa' bskyed pa'i tshul du byas nas/ de lta bus ni phyogs bcur rdo rje sems dpa'i skus bdag
 nyid 'gro ba ston par 'gyur ro/ /de bzhin du thams cad byas la/ dang po'i rdo rje de bzhin du bcings te/ de'i mthe bong gnyis dang / srin lag gnyis 'bar ba'i tshul du byas nas de lta bus ni cho 'phrul thams cad ston par 'gyur ro/ /de bzhin du thams cad byas la dang po'i rdo rje bcings te
 rang gi snying gar dga' ba bskyed pa'i tshul du bzhag na/ de lta bus ni rmad du byung ba ston par 'gyur ro/ /de bzhin du thams cad byas la dang po'i rdo rje bcings te/ rigs lnga bskyed pa'i bsam pas rang gi lus la bskor bar byas te/ de lta bus ni rnam par 'phrul pa thams cad
 ston par 'gyur ro/ /thams cad du yi ge dang / gzugs kyis bden pa thams cad mthong ba dang / thos pa dang smra ba dang 'dri bar grub par bya ba la ni zhes bya ba ni nam mkha' dang / ras ris dang / rtsig pa dang / sku gzugs la sogs pa thams cad las mngon par
 'dod pa'i don ston par byed pa'i yi ge a la sogs pa dang / rdo rje sems dpa'i sku la sogs pa'i gzugs kyis 'das pa dang / ma 'ongs pa dang / da ltar byung ba'i dngos po ji lta ba bzhin du mig gi rnam par shes pas mthong ba dang / rna ba'i rnam par shes pas
 thos pa dang / lces smra ba dang lus kyis 'dri ba ste/ 'di rnams grub pa ni rdzogs par snang ba'o/ /de ji ltar 'gyur zhe na/ dang po'i rdo rje don yod pa'i bden pas so zhes bya ba gsungs te/ dang po'i rdo rje bcings la thams cad du bskor te dbang po thams cad la gzhag pa ni dang
 po'i rdo rje don yod pa'i bden pa'o/ /'di ni 'di skad ston pa yin te/ snga ma bzhin du rdo rje sems dpa'i rnal 'byor byas la/ yi ge hUM gis dang po'i rdo rje bcings te/ a nu rA ga ya mi hUM zhes zlos shing thams cad bskor bar hUM las mig gnyis su rdo rje bsams la mig dang
 gzugs thams cad las bden pa thams cad mthong ba'i bsam pas mig tu gzhag par bya ste/ de lta bus ni thams cad bden pa thob par 'gyur ro/ /hUM gis rna ba gnyis su rdo rje gnyis bsams la/ de bzhin du bskor nas rna ba gnyis su gzhag par byas te/ de lta
 bus ni thams cad bden pa thob par 'gyur ro/ /lce la hUM las rdo rje dkar po bsams la hUM yid kyis bris te/ de lta bus ni thams cad bden pa thob pa smra bar 'gyur ro/ /yi ge hUM lus thams cad la yid kyis bris la de bzhin du dang po'i rdo rje bcings te
 kun du bskor la lus la bzhag na/ de lta bus ni lus kyis thams cad dris pas grub par 'gyur ro/ /dbang po thams cad kyis bde ba thams cad mthong ba dang thos pa dang smra ba dang zil gyis gnon par bya ba la zhes bya ba ni dbang po yang yin la thams cad kyang yin pas na dbang po thams cad
 de/ mig dang rna ba dang sna dang lce dang lus kyi dbang po'o/ /de rnams kyis bden pa thams cad ston te/ de la mig gi dbang pos thams cad bden par mthong ba dang / rna ba'i dbang pos thams cad bden par thos pa dang / lce'i dbang pos thams cad bden par smra ba
 dang / lus kyi dbang pos zil gyis gnon pa'i lang tsho dang ldan pa zhes bya ba'i don to/ /'di dag thams cad ji ltar 'gyur zhe na/ dang po'i rdo rje don yod pa'i bden pas so zhes bya ba gsungs te/ dang po'i rdo rje rtse mo dbus mas dbang po thams cad la reg par bya ba
 ni dang po'i rdo rje don yod pa'i bden pas so/ /'di skad ston pa yin te/ de bzhin du dpal rdo rje sems dpa'i sbyor ba byas la yi ge hUM gis dang po'i rdo rje bcings la hUM nyid kyis mig gnyis su rdo rje bsams la a nu rA ga ya mi hUM zhes zlos shing rdo rje sems dpa' des
 thams cad bden pa mthong ba'i bsam pas mig gnyis la reg par byas na thams cad bden pa mthong bar 'gyur ro/ /de bzhin du thams cad byas la/ hUM las rna ba gnyis su rdo rje bsams la rdo rje dbus ma rna ba gnyis su reg par byas na/ de lta bus ni thams cad
 thos par 'gyur ro/ /de bzhin du thams cad byas la lce la snga ma bzhin du rdo rje bsams te yid kyis hUM bris la rdo rje dbus ma des lce la reg par byas te/ de lta bus ni lce thams cad bden pa smra bar 'gyur ro/ /de bzhin du thams cad byas la lus la hUM las rdo rjer
 bsams te/ rdo rje dbus ma des rang gi lus la reg par byas la rdo rje sems dpa'i lang tsho dang bdag nyid ldan par bsams na/ de lta bus ni rdo rje sems dpa'i lang tsho dang ldan par 'gyur ro/ /sgyu ma thams cad dang / bde ba'i mchog dang / lung bsgo ba dang / lan
 thob par gyur pa la ni zhes bya ba ni dngos po thams cad sprul pa ni sgyu ma thams cad do/ /'jig rten dang 'jig rten las 'das pa'i bde ba nyams su myong ba ni bde ba'i mchog go/ /ma 'ongs pa'i don lung ston pa ni lung bsgo ba'o/ /yan lag tu ma gyur par rang gi lha
 dngos la gzhan dag zlos shig ces bstan pa'am/ dngos po gang byed 'dod pa de yongs su dor la gzhan dag gyis shig ces lhas bstan pa gang yin pa de ni lan thos pa zhes bya'o/ /'di rnams kyi grub pa ni snga ma bzhin no/ /de gang gis 'gyur zhe na/ dang po'i rdo rje
 rmad du byung bas so zhes bya ba gsungs te/ dang po'i rdo rje rang gi las byed pas na dang po'i rdo rje rmad du byung ba'o/ /'dis ni don 'di skad ston pa yin te/ de bzhin du dpal rdo rje sems dpa'i rnal 'byor byas la hUM zlos shing dang po'i rdo rje bcings la/ a nu ra ga yA mi
 hUM zhes zlos shing dang po'i rdo rje rtse mo dbus mas sgyu ma bstan pa'i tshul du byas te/ de lta bus ni sgyu ma thams cad ston par 'gyur ro/ /de nyid kyis bde ba'i mchog thams cad bstan pa'i tshul du byas nas de lta bus ni bde ba'i mchog thams cad ston par 'gyur ro/ /de nyid kyis lung
 bsgo ba bstan pa'i tshul du byas na lung bsgo ba thams cad bstan par 'gyur ro/ /de nyid kyis lan thams cad bstan pa'i tshul du byas na de lta bus ni lan thams cad thob pa ston par 'gyur ro/ /gter thams cad 'byung ba dang / nor 'phrog pa dang / rgyal srid thob pa dang / sa
 la nye bar longs spyod pa ni zhes bya ba ni gter thams cad ni go bar zad do/ /nor ni 'jig rten dang 'jig rten las 'das pa'o/ /de rnams 'phrog pa ni dgug pa'o/ /rgyal srid ni 'jig rten dang 'jig rten las 'das pa'o/ /sa la nye bar longs spyod pa ni khams gsum
 gyi rgyal por dbang bskur ba thob pas skye bo thams cad bsgo ba nyan cing rang dbang du byed pa'o/ /'di dag thams cad ji ltar 'gyur zhe na/ dang pos rdo rjes dbang bskur bas so zhes bya ba gsungs te/ dang po'i rdo rje dbus ma dbang bskur ba'i gnas su bzhag la/ de
 bzhin du 'di'i dngos grub byed pa ni 'di'i mtshan nyid yin no/ /'di skad ston pa yin te/ hUM gis dang po'i rdo rje bcings la de'i rdo rje dbus ma mdzod spu'i gnas su bzhag ste/ sngar bshad pa'i gter dbyung ba'i sbyor bas a nu rA ga yA mi hUM zhes zlos shing / de gter dbyung
 ba'i tshul du byas te/ de lta bus ni gter thams cad 'byin par 'gyur ro/ /de bzhin du thams cad byas la de nyid dpral ba'i phyogs su gzhag ste/ des nor 'gugs pa'i tshul du byas la de lta bus ni nor thams cad 'phrog par 'gyur ro/ /de bzhin du thams cad byas
 la dpral ba'i phyogs su dbus ma'i rdo rje bzhag la/ khams kyi rgyal po'i dbang bskur bas bdag nyid dbang bskur bar bsam par bya zhing des dbang bskur ba sbyin pa'i tshul du byas nas de lta bus ni rgyal srid thams cad thob par 'gyur ro/ /de bzhin du thams cad byas la
 de'i dbus ma'i rdo rje dbang bskur ba'i gnas su bzhag la/ skye bo'i tshogs thams cad rang dbang du byas pa'i tshul gyis bzhag na de lta bus ni sa'i bdag po nyid du 'gyur ro/ /yul thams cad dang skye bo dang grong dang nags dang / chu'i nye bar longs spyod pa sprul pa la ni zhes
 bya ba yul thams cad ni go bar zad do/ /skye bo ni mngon par 'dod pa'i skye bo'o/ /grong la sogs pa yang go bar zad do/ /de rnams nye bar longs spyod pa ni kun du longs spyod pa'o/ /de rnam par sprul pa ni go bar zad do/ /de ji ltar 'byung bar 'gyur zhe na/ dang po'i rdo rje
 bsgrub pas so/ /zhes bya ba gsungs te/ dang po'i rdo rje ni rdo rje dbus ma sa la bzhag pa de dag gi tshul du bya ba 'di ni dang po'i rdo rje grub pa'o/ /'dis ni 'di skad ston pa yin te/ de bzhin du dpal rdo rje sems dpa'i sbyor ba byas la yi ge hUM zlos shing dang po'i rdo rje bcings la/
 de'i dbus ma'i rdo rje sa la bzhag la/ des yul thams cad sprul pa'i tshul du bya zhing a nu rA ga yA mi hUM zhes bzlas brjod byas nas yul thams cad sprul nas nye bar longs spyod par 'gyur ro/ /de bzhin du thams cad byas la dang po'i rdo rje dbus ma sa la bzhag ste/ des mngon
 par 'dod pa'i skye bo sprul pa'i tshul du byas la/ de bzhin du bzlas na de lta bus ni skye bo thams cad sprul par 'gyur ro/ /de bzhin du thams cad byas la dang po'i rdo rje'i rdo rje dbus ma sa la gzhag ste/ des mngon par 'dod pa'i grong sprul par byas te/ de lta bus ni grong sprul
 par 'gyur ro/ /de bzhin du thams cad byas la/ dang po'i rdo rje'i rdo rje dbus ma sa la gzhag ste/ 'dis nags dang chu bo sprul pa'i tshul du bya zhing / de bzhin du bzlas brjod byas na nags dang chu bo la sogs pa sprul par 'gyur ro/ /thams cad la sngon ma byung ba'i yul
 lha'i yul dang / rin po che dang / g.yog 'khor shin tu bzang po la sogs pa sprul te nye bar spyod pa la ni thams cad las zhes bya ba ni las la sogs pa'i dngos po tha na las sngon ma byung ba'i lha'i yul dang / lha'i rin po che dang / lha'i bde ba dang / yid bde ba skyed
 par byed pa'i rig 'dzin lta bu'i bsnyen bkur ba mtha' yas pa dag sprul nas/ de rnams la nye bar longs spyod cing kun du [(]yongs [,]longs [)]spyod par 'gyur ba de phyag rgya gang gis 'gyur zhe na/ dang po'i rdo rje sprul pas so/ /zhes bya ba gsungs te/ dang po'i rdo rje'i rdo rje dbus ma thams
 cad du bskor la yid kyis de dag sprul par byas te/ 'di ni dang po'i rdo rje sprul pa'o/ /'di skad ston pa yin te/ de bzhin du dpal rdo rje sems dpa'i rnal 'byor byas la/ de bzhin du dang po'i rdo rje bcings pa ste/ sngags zlos shing dang po'i rdo rje'i rdo rje dbus ma sngon ma byung
 ba'i lha'i yul sprul pa'i bsam pas thams cad bskor bar byas te de lta bus ni lha'i yul sprul par 'gyur ro/ /rin po che mngon par sprul pa'i bsam pas ni lha'i rin po che sprul par 'gyur ro/ /lha'i dkyil 'khor gyi dbang bskur ba bzang po mngon par sprul pa'i bsam
 pas ni g.yog 'khor shin tu bzang po sprul par 'gyur ro/ /lha'i yul la sogs pa ji ltar sprul pa yongs su longs spyod pa'i bsam pas thams cad du bskor na lha'i longs spyod la sogs pa thams cad 'byung bar 'gyur ro/ /skad cig gcig gis sa gzhi
 thams cad las 'bru la sogs pa smin par bskyed pa dang / chu'i phung po chen po dbyung ba dang / snang ba chen po bskyed pa dang / rlung thams cad dbang du bya ba la ni zhes bya ba ni go sla'o/ /de ji ltar 'byung bar 'gyur zhe na/ dang po'i rdo rje dbyings kyi dbang phyug gis so zhes bya ba
 gsungs te/ dang po'i rdo rje rtse mo dbus ma la khro bo 'bar ba'i lta ba g.yo bas mig mi 'dzums par blta zhing las 'di dag sgrub par byed pas na/ 'di ni dang po'i rdo rje dbang phyug go/ /'dis ni 'di skad ston pa yin te/ de bzhin du dpal rdo rje sems dpa'i sbyor ba byas la/ dang
 po'i rdo rje'i rdo rje dbus mas ji ltar mngon par 'dod pa'i 'bru la sogs pa sa gzhi las bskyed pa'i tshul du bya zhing mig mi 'dzums par bltas na de lta bus ni sprul par 'gyur ro/ /de nyid kyis chu med pa'i phyogs su chu'i phung po bskyed pa'i tshul du bya zhing mig mi 'dzums par bltas
 la bzlas brjod byas te/ de lta bus ni chu'i phung po chen po 'byung bar 'gyur ro/ /de nyid kyis mun par snang ba chen po bskyed pa'i tshul du bya zhing 'bar ba'i lta bas blta bzhin du bzlas brjod byas te/ de lta bus ni mun par snang ba chen po 'byung bar 'gyur ro/ /g.yo ba'i lta bas
 blta zhing 'di nyid kyis lha la sogs pa'i sems can thams cad rang dbang du bya ba'i tshul du byas te de lta bus ni dbang du 'gyur ro/ /rgyu ba dang mi rgyu ba'i dngos po thams cad bza' ba dang btung ba dang zhes bya ba ni go bar zad do/ /rtser gzhug pa ni dga' zhing rol pa'o/ /las
 thams cad la sbyor ba ni go sla'o/ /'di dag thams cad ji ltar 'gyur zhe na/ dang po'i rdo rje don yod pa'i/ /thams cad dbang du byed pas so/ /zhes bya ba ni dang po'i rdo rje bcings la de'i rdo rje dbus ma las grub pa'i tshul du byas la ldang ba dang / btung ba dang lus bskyod pa'i tshul dang / mgo
 bos bka' bsgo ba'i tshul du byas pa 'di ni dang po'i rdo rje don yod pa'i thams cad dbang du byas pa yin no/ /'di skad ston te/ dpal rdo rje sems dpa'i sbyor ba byas la de bzhin du dang po'i rdo rje bcings nas de'i dbus ma'i rdo rjes srin po la sogs pa za ba ltar byed cing bzlas brjod byas te de
 lta bus ni thams cad zos par 'gyur ro/ /de bzhin du thams cad byas la dbus ma'i rdo rjes rgya mtsho chen po btung ba'i tshul du bya zhing bzlas brjod byas nas de lta bus ni thams cad 'thung bar 'gyur ro/ /de bzhin du thams cad byas la rdo rje dbus ma des gnod sbyin mo la sogs pa dang rtsed
 mo'i tshul du byas la/ yang dag pa'i sbyor bas bsgoms nas de lta bus ni thams cad rtse bar 'gyur ro/ /de bzhin du thams cad byas la/ dang po'i rdo rje dbus mas lha la sogs pa'i sems can thams cad dang / mi rgyu ba'i dngos po thams cad la nges par sbyor ba'i tshul du byed cing
 rang gi mgo bos lung bsgo ba'i tshul du byed cing bzlas brjod byas te/ de lta bus ni las thams cad la nges par sbyor bar 'gyur ro/ /dngos po thams cad la de bzhin gshegs pa dang / byang chub sems dpa' dang / rdo rje 'dzin pa dang / rdo rje la sogs pa thams cad mthong ba la
 ni zhes bya ba ni go bar zad do/ /'di dag thams cad ji ltar 'gyur zhe na/ dang po'i rdo rje bsnyems pas so/ /zhes bya ba gsungs te/ bcom ldan 'das rdo rje sems dpa'i las kyi phyag rgya bcings la/ g.yas pa rdo rje khu tshur gyis dang po'i rdo rje blangs la/ de bzhin gshegs pa la
 sogs pa rjes su dran pa bsgom zhing thams cad du bskor ba 'di ni dang po'i rdo rje bsnyems pa thams cad do/ /de yang thams cad rjes su dran zhing thams cad du bskor bar bya'o zhes bshad pa yin no/ /'dis ni don 'di skad ston pa yin te/ de bzhin du dpal rdo rje sems dpa'i sbyor ba
 byas la/ bcom ldan 'das rdo rje sems dpa'i las kyi phyag rgya bcings te/ g.yas pa'i rdo rje khu tshur gyis dang po'i rdo rje blangs te/ de bzhin gshegs pa thams cad rjes su dran zhing thams cad du bskor bar bya ste/ de lta bus ni de bzhin gshegs pa thams cad mthong bar
 'gyur ro/ /byams pa la sogs pa byang chub sems dpa' thams cad rjes su dran pas ni byang chub sems dpa' thams cad mthong ngo / /rdo rje sems dpa' la sogs pa rdo rje 'dzin pa thams cad rjes su dran pas ni rdo rje sems dpa' la sogs pa'i rdo rje 'dzin pa
 thams cad mthong ngo / /dang po'i rdo rje la sogs pa mtshan ma thams cad rjes su dran pas ni dang po'i rdo rje la sogs pa rdo rje thams cad mthong bar 'gyur ro/ /rang zhes bya ba'i bdag nyid do/ /de gang gis she na/ bdag nyid kyis zhes bya ba smos te/ sgrub pa po'i'o/ /de ci zhig ce na/ rdo rje
 sems dpa' la sogs pa'i gzugs thams cad ston pa dang / mi snang ba dang / nam mkha' la 'gro ba'o/ /de grub pa ni rdzogs pa'o/ /shin tu phra ba dang / sbom pa dang / du mar ston pa zhes bya ba la rab tu phra ba ni shin tu phra ba ste/ rdul phra rab la sogs pa'i tshul lo/ /shin tu phra ba de ri
 rab la sogs pa'i tshul du byin gyis rlob pa ni brtson pa'o/ /nam mkha' thams cad khyab pa'i gzugs sna tshogs ston pa'i byin gyis brlabs pa ni du ma ste/ 'di thams cad kyis nye bar ston pa dmigs par 'gyur ba ni ston pa'o/ /'di dag ni ji ltar 'gyur zhe na/ dang po'i rdo
 rje'i gzugs sna tshogs pas so zhes bya ba gsungs te/ dang po'i rdo rje bcings la mthe'u chung dang / mthe bong dang / gung mo'i rdo rje bzhi snying gar gzhag par byas te/ 'di ni dang po'i rdo rje sna tshogs gzugs can yin no/ /'dis ni don 'di skad ston pa yin te/ de bzhin du
 dpal rdo rje sems dpa'i sbyor ba byas la dang po'i rdo rje bcings te/ mthe'u chung gnyis gshibs pa'i rtse mo gung mo gnyis gshibs pa'i rtse mo dang sbyar la snying gar bzhag ste/ bdag nyid kyi lus las dpal rdo rje sems dpa' la sogs pa'i sprul pa bsgrub pa'i bsam pas de bzhin du bzlas brjod byas te/ de
 lta bus ni de grub par 'gyur ro/ /mi snang ba'i bsam pas bzlas na mi snang ba grub par 'gyur ro/ /nam mkha' la 'gro ba bsgom pas ni nam mkha' la 'gro bar grub bo/ /shin tu phra ba dang sbom po dang / du mar ston pa bsgom pas ni shin tu phra ba dang / sbom pa dang du mar ston
 par 'gyur ro/ /khams gsum gyi bdag po thams cad dbab pa dang / bcing ba dang / dbang du bya ba dang / las thams cad la nges par sbyar ba la ni go bar zad do/ /'di dag thams cad ni ji ltar 'gyur zhe na/ dang po'i rdo rje hUM mdzad kyis so zhes bya ba gsungs te/ dang po'i rdo rje
 bcings la mdzub mo gnyis hUM mdzad dang bcas pa lta bur byas te/ 'di ni dang po'i rdo rje hUM mdzad do/ /'dis ni 'di skad ston te/ de bzhin du dpal rdo rje sems dpa'i sbyor ba byas la dang po'i rdo rje bcings te/ mdzub mo gnyis so sor bsgreng ba gyen du bteg ste/ khams gsum pa'i
 bdag po thams cad dbab pa'i bsam pas 'og tu bsgyel la/ a nu rA ga yA mi hUM hUM zhes bzlas na de 'grub par 'gyur ro/ /de bzhin du zlos shing mdzub mo gnyis po des khams gsum gyi bdag po thams cad dbang du byas pa'i bsam pas sdigs mdzub byas nas/ de lta
 bus ni de 'grub par 'gyur ro/ /mdzub mo gnyis po de nyid kyis khams gsum gyi bdag po thams cad bcing ba'i bsam pas ni de rnams rdo rje lcags sgrog gis bcing bar 'gyur ro/ /mdzub mo gnyis po de nyid kyis khams gsum gyi bdag po thams cad la nges par sbyor ba'i
 bsam pas de la sdigs mdzub byas nas/ de lta bus ni de mngon par 'dod pa'i las thams cad byed par 'gyur ro/ /lha thams cad dbab pa dang / bcing ba dang / dbang du bya ba dang / las thams cad la nges par sbyor ba la ni zhes bya ba ni go bar zad do/ /'di dag ji ltar
 'gyur zhe na/ dang po'i rdo rje'i lha'i bdag pos zhes bya ba smos te dang po'i rdo rje dbus ma'i rdo rje dpral ba'i thad kar mig lta bu'i tshul du byas pa ni dang po lha'i bdag po'i phyag rgya'i bdag po'o/ /'di skad ston pa yin te/ snga ma bzhin du rdo rje sems dpa'i sbyor ba byas la/ de
 bzhin du dang po'i rdo rje bcings te/ lha thams cad dbab pa'i bsam pas/ dbus ma'i rdo rjes dpral bar phred du mig gi tshul du byas na 'dir 'gyur ro/ /de bzhin du lha thams cad bcing ba'i bsam pas mig gi tshul du byas na de lta bus ni rdo rje lcags sgrog gis bcing bar 'gyur
 ro/ /de bzhin du lha thams cad dbang du bya ba'i bsam pas mig gi tshul du byas la bzlas brjod byas nas de lta bus ni dbang du 'gyur ro/ /de bzhin du lha thams cad las thams cad la nges par sbyor ba'i bsam pas mig gi tshul du byas la bzlas brjod byas na lha thams
 cad las thams cad la sbyar bar 'gyur ro/ /klu thams cad gnod pa dang / 'dul ba dang dbang du bya ba dang / las thams cad la nges par sbyar bar bya ba dang skrag par bya ba la ni zhes bya ba ni go bar zad do/ /de ji ltar 'gyur zhe na/ dang po'i rdo rje 'bar ba'i rdo rjes so zhes bya ba gsungs
 te/ dang po'i rdo rje rang gi snying gar bcings la bskyod cing 'dzum pa'i lta bas 'og tu blta zhing ha hUM ho d+h+r-i zhes bya ba zlos pa 'di dang po'i rdo rje 'bar ba'i rdo rje'o/ /'di skad ston pa yin te/ snga ma bzhin du rdo rje sems dpa'i sbyor ba byas la/ de bzhin du dang bo'i rdo rje rang gi snying gar
 bcings te/ bskyod cing 'dzum pa'i lta bas 'og tu blta zhing a nu rA ga yA mi hUM ha zhes zlos shing 'od zer 'bar bas kun 'khrugs pa'i rdo rje lcags kyu'i khro bos klu rnams kun du drangs par bsam par byas te/ de lta bus ni klu thams cad dbang du 'gyur ro/ /a nu rA ga yA mi hUM
 zhes bya ba zlos shing klu la blta bar byas te/ de lta bus ni dgug par 'gyur ba'i klu thams cad 'dul bar 'gyur ro/ /a nu rA ga yA mi hUM ho zhes bya bas dgug pa'i lta bas bkug par blta zhing bzlas par byas te/ de lta bus ni klu thams cad dbang du 'gyur ro/ /de bzhin du
 bkug pa'i klu la blta zhing las thams cad la nges par sbyar ba'i bsam pas a nu rA ga yA mi hUM d+h+r-i zhes bya ba bzlas par byas te/ de lta bus ni klu thams cad las thams cad la sbyor bar 'gyur ro/ /gnod sbyin la sogs pa thams cad dgug pa dang dbang du bya ba dang / las thams
 cad la nges par sbyar ba dang / skrag par bya ba la ni zhes bya ba ni go bar zad do/ /'di dag thams cad ji ltar 'gyur zhe na/ dang po'i rdo rje gdon 'dul bas so zhes bya ba gsungs te/ sa la gnod sbyin la sogs pa'i gzugs bris la/ de bzhin du dpal rdo rje sems dpa'i sbyor ba byas
 nas dang po'i rdo rje snga ma bzhin du bcings la gnod sbyin la sogs pa de'i gdong la dbus ma'i rdo rje bzhag ste/ de'i 'bar ba'i lcags kyus gnod sbyin la sogs pa dgug par bya zhing de bzhin du de rnams la sngar bshad pa'i g.yo zhing 'bar ba'i lta bas bltas na 'gugs par 'gyur
 ro/ /dbang du bya ba'i bsam pas bzhag la bzlas na de lta bus ni dbang du 'gyur ro/ /bcing ba'i bsam pas ni rdo rje lcags sgrog gis bcing bar 'gyur ro/ /las thams cad la nges par sbyor ba'i bsam pas bzlas na de lta bus ni gnod sbyin la sogs pa thams cad las thams
 cad la nges par sbyar bar 'gyur ro/ /dkyil 'khor thams cad brtag pa dang / 'jug pa dang / mchod pa dang / sgrub pa la ni zhes bya ba la ni rdo rje sems dpa' la sogs pa'i dkyil 'khor brtag pa ni ras dang / rtsig pa dang / nam mkha' la sogs pa'i gnas thams cad du sprul pa'o/ /
 ji ltar sprul pa'i dkyil 'khor du bdag nyid 'jug pa ni 'jug pa'o/ /me tog la sogs pa'i phyi rol gyi yo byad kyi tshul rnams dang rdo rje mtshon cha ma la sogs pas dkyil 'khor thams cad mchod pa ni mchod pa'o/ /dkyil 'khor de rnams dam tshig gi phyag rgya la sogs pas rang gi dbang du
 byas pa ni bsgrub pa'o/ /'di dag thams cad ji ltar 'gyur zhe na/ dang po'i rdo rje 'khor los so/ /zhes bya ba gsungs te/ dang po'i dbus ma'i rdo rje rtse mo thur du sa gzhi la gzugs pas ni brtag par 'gyur ro/ /kha'i dbus su bzhag pas ni zhugs par 'gyur ro/ /phyag byas pas ni
 mchod par 'gyur ro/ /snying gar bzhag pas ni bsgrubs par gyur pa 'di ni dang po'i rdo rje 'khor lo'i mtshan nyid do/ /'di skad ston pa yin te/ de bzhin du dpal rdo rje sems dpa'i sbyor ba byas la hUM gis dang po'i rdo rje bcings te/ de'i rtse mo dbus ma'i dkyil 'khor sprul pa'i bsam
 pas a nu rA ga yA mi hUM zhes zlos shing sa la bzhag na de lta bus ni dkyil 'khor sprul par 'gyur ro/ /khar bzhag ste bzlas nas de lta bus ni dkyil 'khor du 'jug par 'gyur ro/ /de'i rtse mo dbus ma btud de phyag byas na de lta bus ni dkyil 'khor mchod par 'gyur ro/ /de'i rtse mo
 dbus ma snying gar bzhag ste bzlas na dkyil 'khor bsgrubs par 'gyur ro/ /phyag rgya thams cad dgug pa dang / bcing ba dang / brtan par bya ba dang / bsgrub pa zhes bya ba ni phyag rgya chen po la sogs pa'i rigs thams cad kyi phyag rgya ni phyag rgya thams cad do/ /de
 rnams spyan drang ba ni dgug pa'o/ /de rnams nyid kyi dam tshig gis bcings pas ni bcings pa'o/ /sgrub pa po'i 'dod pa rdzogs par bya ba la de rnams nyid kyi thugs rtse gcig pa nyid du 'gyur ba ni brtan pa'o/ /des dbang du bya ba ni sgrub pa po 'di dag thams cad ji ltar 'gyur zhe na/
 dang po'i rdo rje'i phyag rgya bsgrubs pas so zhes bya ba gsungs te/ dang po'i phyag rgya bcings mod la sor mo thams cad drang ba las yid la bya ba ni dang po'i rdo rje sgrub pa'i mtshan nyid do/ /'dis ni 'di skad ston par 'gyur ba ste/ de bzhin du dpal rdo rje sems dpa'i sbyor ba byas la/
 dang po'i rdo rje bcings te/ rigs kyi lha thams cad kyi dam tshig dang / chos dang las kyi phyag rgya dgug pa'i bsam pas/ rang gi snying gar rdo rje bsdams pa dral ba'i tshul du mos la sor mo thams cad dral bar bya ste/ de lta bus ni phyag rgya thams cad dgug par 'gyur ro/ /bcing
 ba'i bsam pas ni phyag rgya thams cad bcing bar 'gyur ro/ /phyag rgya thams cad brtan par bya ba'i bsam pas ni phyag rgya thams cad sgrub par 'gyur ro/ /dam tshig thams cad ni ye shes sems dpa'o/ /de rnams dgug pa ni spyan drang ba'o/ /de rnams gzhug pa ni rang gi lus
 sam ras ris la sogs pa la gzhug pa'o/ /de rnams nyid bcing ba ni rang gi lus la sogs pa la brtan par bya'o/ /de rnams nyid grub pa ni lus la sogs pa la rang dbang du bya ba'o/ /'di dag thams cad ji ltar 'gyur zhe na/ dang po'i rdo rje dam tshig gi mchog gis so zhes
 bya ba gsungs te/ dang po'i rdo rje bcings la dzaHhUM baM hoHzhes zlos pa 'di ni dang po'i rdo rje dam tshig gi mchog go/ /'di skad ston pa yin te/ rdo rje sems dpa' la sogs pa'i sbyor ba byas la/ ye shes sems dpa' ji lta ba bzhin du spyan drangs la rang gi dam tshig gi phyag rgyas
 ji lta ba bzhin du blta ba byas la dang po'i rdo rje de dzaHhUM baM hoHzlos shing rang gi lus la dkyil 'khor la sogs pa dgug pa dang / gzhug pa dang / bcing ba dang / dbang du bya ba'o/ /las thams cad rab tu bsgrub pa dang / rnam par mi 'jig par bya ba dang / brtan par bya ba dang / grags
 pa chen po rab tu bsgrags pa ni zhes bya ba ni thams cad kyang yin la las kyang yin pas na las thams cad de/ thams cad rjes su mnyes par bya ba la sogs pa'o/ /de rnams bsgrub pa ni rang dbang du bya ba rdzogs par byed ces bya ba'i tha tshig go/ /rang dbang du bya ba rnams phyi ma'i
 mthar thug pa med pa'i bar du brtan par bya ba ni rnam par mi 'jig par bya ba'o/ /srog chags dang srog chags ma yin pa rnams kyis mi shigs par bya ba ni brtan par bya ba'o/ /thams cad rjes su mnyes par bya ba la sogs pas rnal 'byor pa che ge mo zhig sems can gyi don
 byed de zhes phyogs bcur sgra grag par 'gyur ba ni grags pa chen po bsgrags pa'o/ /'di dag thams cad ji ltar 'gyur zhe na/ dang po'i rdo rje las kyi phyag rgyas so zhes bya ba gsungs te/ dang po'i rdo rje'i rdo rje dbus ma'i phyi rol gyi spyi bo dang / snying ga dang / kha dang / phyogs
 thams cad du bskor ba ni 'di'i mtshan nyid yin no/ /'di skad ston pa yin te/ de bzhin du dpal rdo rje sems dpa'i sbyor ba byas la/ dang po'i rdo rje bcings te/ de'i rtse mo dbus ma phyir bstan te/ spyi bor gzhag par byas te de lta bus ni las thams cad rab tu 'grub par 'gyur ro/ /
 snying gar bzhag na las thams cad rnam par mi 'jig par 'gyur ro/ /khar bzhag na de lta bus ni las thams cad brtan par 'gyur ro/ /phyogs thams cad du bskor na grags pa chen po rab tu sgrogs par 'gyur ro/ /rdo rje thams cad dgug pa dang / gzhug pa dang / bcing ba dang /
 dbang du bya ba bsgrub pa ni dang po'i rdo rjes so zhes bya ba ni dang po'i rdo rje dang / de bzhin gshegs pa'i rdo rje dang / rdo rje khro bo'i rdo rje dang / pad+ma'i rigs dang / rdo rje rin chen te/ rigs thams cad kyi mtshan ma ni rdo rje thams cad do/ /de rnams dgug pa la sogs pa ni ji skad bshad
 pa byed par 'dod pas rang gi snying gar dang po'i rdo rje bcings la rang gi snying gar bzhag ste/ rang gi bdag nyid rdo rje bsgom pa ni dang po'i rdo rje'i mtshan nyid do/ /'di skad ston pa yin te/ de bzhin du thams cad byas nas ji skad du bshad pa'i tshul gyis dang po'i rdo rje
 bcings la/ a nu rA ga yA mi hUM/ zhes zlos shing dang po'i rdo rjer bdag nyid bsgom par byas te/ de lta bus ni rdo rje thams cad dgug pa la sogs par 'gyur ro/ /sems dpa' chen po thams cad dgug pa dang / gzhug pa dang / bcing ba dang / dbang du bya ba bsgrub pa la ni dang po'i rdo
 rje sems dpas so zhes bya ba ni sems dpa' chen po yang yin la thams cad kyang yin pas na sems dpa' chen po thams cad de/ rdo rje sems dpa' nas brtsams te bskal pa bzang po'i mthar thug pa rnams so/ /de rnams dgug pa la sogs pa ni go bar zad do/ /'di dag
 thams cad ni dang po'i rdo rje sems dpar gyur te/ dang po'i rdo rje bcings la rang gi byang chub sems dpa' bsgom pa ni 'di'i mtshan nyid yin te/ 'di skad ston pa yin te/ de bzhin du dpal rdo rje sems dpa'i sbyor ba byas la dang po'i rdo rje ji lta ba bzhin du bcings te/ a nu rA ga yA
 mi hUM zhes zlos shing rdo rje sems dpa' bdag nyid rdo rje yid las byung ba la sogs pa'i byang chub sems dpa' nyid du bsgom par byas te/ de lta bus ni de dag thams cad du 'gyur ro/ /de bzhin gshegs pa thams cad dgug pa dang / gzhug pa dang / bcing ba dang / dbang du bya ba
 bsgrub pa la ni zhes bya ba ni go sla'o/ /'di dag ji ltar 'gyur zhe na/ dang po'i rdo rje'i de bzhin gshegs pas so zhes bya ba gsungs te/ dang po'i rdo rje bcings la rang gi de bzhin gshegs pa thams cad rjes su dran pa ni 'di'i mtshan nyid yin no/ /'di skad ston pa yin te/ de
 bzhin du rdo rje sems dpa'i sbyor ba byas la/ dang po'i rdo rje ji lta ba bzhin du bcings la snga ma bzhin du zlos shing de bzhin gshegs pa rnam par snang mdzad dam/ mi bskyod pa la sogs par bdag nyid bsgom par byas te/ de lta bus ni de bzhin gshegs pa thams cad dgug pa la
 sogs par 'gyur ro/ /rdo rje 'dzin pa chen po dgug pa dang / gzhug pa dang / bcing ba dang / dbang du bya ba la ni zhes bya ba la rdo rje 'dzin pa chen po ni rdo rje sems dpa'i phyag rgya chen po'i ngo bo nyid do/ /de dgug pa la sogs pa la ni go bar zad do/ /de ji ltar 'gyur zhe na/ dang po'i rdo rje
 'dzin pas so zhes bya ba gsungs te/ dang po'i rdo rje nyid dang po'i rdo rje 'dzin pa yin te/ rdo rje 'chang chen por rang nyid rjes su dran pa bsgom par 'gyur ro/ /'di skad ston pa yin te/ de bzhin du dpal rdo rje sems dpa'i sbyor ba byas la hUM gis dang po'i rdo rje bcings la a nu rA ga yA mi
 hUM zhes zlos shing rdo rje 'dzin pa chen por bdag nyid bsgom par byas te/ de lta bus ni rdo rje 'dzin pa chen po rnal 'byor pa rang gi lus la dgug pa dang / gzhug pa dang / bcing ba dang / dbang du bya bar 'gyur ro/ /yang gsungs pa zhes bya ba la sogs pa go sla'o/ /'di las sgrub pa
 thams cad la yi ge hUM gis rang gi phyag rgya bcings la a nu rA ga yA mi hUM zhes bzla bar bya'o/ /de ltar phyag rgya bzhi tshoms kyi tshul gyis las brgya bcu gnyis su gsungs te/ da ni de nas dang po'i snying po ma grub pa'o zhes bya ba la sogs pas phyag rgya lnga tshoms kyi tshul gyis gar
 las byung ba'i las kyi phyag rgya las brgya pa bsgrub pa gsungs pa yin te/ de nas zhes bya ba'i sgra ni de ma thag ston pa'i tshig yin te/ gang gi tshe rnal 'byor pas ji skad du bshad pa'i sgrub pas hUM zhes bya ba'i snying pos mngon par 'dod pa'i dngos grub ma bsgrubs shing rang dbang du ma byas
 pa de'i tshe ni ma bsgrubs par gyur pa yin te/ ma bsgrubs pa ni dang po'i snying po yi ge hUM de thams cad de/ lhag ma ma lus pa dang / don yod pa ste/ 'bras bu yod pa yin la de nyid ni thogs pa med pa'o/ /las kyang yin la thams cad kyang yin pas na las thams cad de/ thams
 cad shin du bsrung ba la sogs pa las rnam pa brgya'o/ /de rnams kyi rab 'byam ni rgyun te/ de skad cig gis bsgrubs pa ni skad cig rang dbang du bya ba'o/ /de thams cad rjes su bshad par bya'o zhes bya ba bcom ldan 'das rdo rje thams cad kyi sna tshogs phrin las rdo rje 'chang chen pos
 gsungs so zhes bya ba ni rdo rje sems dpas bka' stsal pa'o/ /don yod pa zhes bya ba la sogs pa ni go bar zad do/ /las kyi rgyun de dag kyang gang zhe na/ dngos grub skad cig gis grub ces gsungs pa dang / 'di lta ste zhes bya ba la sogs pa gsungs
 pa yin te/ 'di ltar zhes bya ba nye bar ston pa'i tshig yin no/ /thams cad shin tu bsrung ba dang / yongs su skyong ba dang / zhi ba dang / bde legs su bya ba dang / tshe mngon par 'phel ba la ni zhes bya ba ni rgyu ba dang mi rgyu ba'i dngos po lhag par bsrung ba ni thams cad shin tu bsrung ba'o/ /
 rgyal srid la sogs pa'i longs spyod yongs su 'phel bar bya ba ni sems can yongs su bskyang ba yin te/ bde ba dang yid bde ba thams cad 'byin pa zhes bya ba'i tha tshig go/ /dus ma yin par 'chi ba dang / yams dang nye bar 'tshe ba zhi bar bya ba ni zhi ba'o/ /'di dag nyid ma skyes pa rnams
 mi skye bar bya ba'i phyir zhi ba'i las gang zhig byed pa de ni bde legs so/ /tshe srung bar byed pa ni tshe mngon par 'phel ba'o/ /'di dag thams cad ji ltar zhe na/ rdo rje gar gyi rdo rje sems dpa'i gtsug tor gyis so zhes gsungs te/ rdo rje gar las byung ba'i rdo rje sems dpa'i gtsug tor
 gyi phyag rgyas zhes bya ba'i tha tshig go/ /de nas 'di'i mtshan nyid bshad par bya ste/ rdo rje sku'i mchog gi gtsug tor gyi las dang / rdo rje bsdams pa btsir ba dang / dbus ma'i nor bu bskor ba dang / sor mo thams cad kyi rdo rje dang sor mo lhag ma rnams kyi 'od kyi rdo rje'o/ /'dis ni 'di
 skad ston par 'gyur te/ snga ma bzhin du dpal rdo rje sems dpa'i sbyor ba byas la rdo rje thal mo'i mdzub mo gnyis gzhibs te rtse mor byas nas g.yon pa'i mthe bo'i steng du g.yas pa'i mthe bong sems dpa'i skyil mo krung gi tshul du bzhag pa 'di ni rdo rje sku'i mchog go/ /'di spyi gtsug
 tu bzhag la btsir zhing bsgrub par bya ba'i skyes bu chen po'i mtshan gtsug tor dang ldan pa'i rdo rje sems dpa'i gtsug tor gyi rang bzhin du bsam par bya ste/ de lta bus ni thams cad shin tu bsrung bar 'gyur ro/ /phyag rgya de nyid kyi gung mo sor mo dbus ma gnyis kyis rgyab tu bkug la/
 nor bur byas pa bsgrub par bya ba'i sems can gyi khams thams cad dbang bskur ba thob pa las rin po che sna bdun dang ldan pa'i rgyal srid la rab tu gzhag par bsam par byas te/ de lta bus ni thams cad yongs su bskyangs par 'gyur ro/ /gtsug tor gyi phyag rgya de gnyis bskor la bsgrub
 par bya ba yang bcom ldan 'das rdo rje sems dpa'i bdud rtsi'i phra rab kyis yongs su bkang la rdo rje sems dpar byas te/ de lta bus ni zhi bar 'gyur ro/ /gtsug tor gyi phyag rgya nyid kyis mthe bong gnyis gzhibs te rtse mor byas pa dang / mdzub mo gnyis kyi rtse mo dang / gung mo gnyis kyi rtse mo
 dang / srin lag gnyis kyi rtse mo dang / mthe'u chung gnyis kyi rtse mor byas la bsgrub par byas pa'i dus ma yin pa'i 'chi ba dang / nad la sogs pa zil gyis mnan la rdo rje sems dpar gyur par bsam par bya ste/ de lta bus ni bde legs su byas par 'gyur ro/ /gtsug tor gyi phyag rgya de nyid bcings
 la/ srin lag dang mthe'u chung rdo rje thal mo kha phye ba bcings te/ 'od kyi dkyil 'khor byas la dpal rdo rje sems dpa'i bdud rtsi'i rgyun gyis bsgrub par bya ba kun bkang la/ rdo rje sems dpa' gyur nas rga shi med par bsams nas tshe mngon par 'phel bar 'gyur ro/ /dkyil 'khor thams
 cad dang / mtshams dang / phyogs dang / dam tshig dang / dngos grub bcing ba dang / bsrung ba la ni zhes bya ba la ni dkyil 'khor thams cad bcing ba ni ra ba'i 'og gi cha rdo rjer bya ba'o/ /mtshams bcing ba ni mngon par 'dod pa'i sa'i cha kun nas rdo rje phreng bas yongs su bskor ba'o/ /
 phyogs bcing ba ni lha'i khang pa nang du bcug par byas nas phyogs bcur rdo rje'i me 'bar bar bskyed de/ 'di dag gis dkyil 'khor thams cad dang / mtshams dang / phyogs bcing bas bsrung ba ni dkyil 'khor gzhan dag tu yang bya ba yin no/ /rdo rje sems dpa' la sogs pa'i
 sems dpa' dang / phyag rgya chen po'i rang bzhin nam dkyil 'khor ni dam tshig chen po'o/ /rdo rje sems dpa' la sogs pa'i dngos grub ni rdzogs par 'gyur ro/ /las lnga po 'di dag ji ltar 'grub par 'gyur zhe na/ rdo rje chen po'i gar gyis so sor 'brang bas so zhes bya ba
 gsungs te/ khro bo'i khu tshur gnyis kyis phyogs kyi tshogs g.yas nas yongs su bskor ba dang / khar bskor ba dang / snying gar zhugs na 'bar ba'i rnam par bya ba dang / dam tshig la ni baM zhes bya ba dang / grub pa la yang baM brjod par byas te/ 'di ni 'di'i mtshan nyid
 yin te/ 'dis ni 'di skad ston par 'gyur ro/ /de bzhin du dpal rdo rje sems dpa'i sbyor ba byas la khro bo'i khu tshur gnyis kyis phyogs kyi tshogs g.yas nas bskor ba'i tshul du byas nas dkyil 'khor bcing bar 'gyur ro/ /de nyid khar bskor la des mtshams bcing ba'i tshul du byas
 te/ 'di lta bus ni mtshams bcing bar 'gyur ro/ /de nyid rang gi snying gar bzhugs par byas la rang gi snying ga las rdo rje 'bar bas phyung la des phyogs bcing bar bya zhing / phyag rgyas phyogs bcing ba'i tshul du byas na 'dis phyogs bcing bar 'gyur te phyogs thams cad du me 'bar ba'i ra ba
 byas te/ khro bo chen po 'bar ba'i rdo rje bkod par yang mi 'jug go zhes bcom ldan 'das rdo rje 'chang chen pos gsungs so/ /yi ge baM dang khro bo'i khu tshur gnyis po de gnyis kyis rdo rje sems dpa' la sogs pa'i dam tshig la rab tu gzhag par 'gyur ro/ /khro bo'i khu tshur gnyis po de
 nyid dang baM zlos shing rdo rje sems dpa' la sogs pa'i dngos grub bsgrubs na/ de lta bus ni rdo rje sems dpa' la sogs pa'i dngos grub sgrub par 'gyur ro/ /nyin gsum pa dang nyin bzhi pa dang / slar zlos pa dang rtag pa dang / khyab 'jug gi rims thams cad ces bya ba ni sman dpyad
 kyi gtsug lag las shes par bya'o/ /bsal ba la ni zhes bya ba ni de rnams nad pa'i rgyud las nges par bsal ba'o/ /de ji ltar 'gyur zhe na/ rdo rje gar gyis rims nad dang bral bas so zhes bya ba gsungs so/ /'di'i mtshan nyid ni 'di yin te/ sems ma'i rdo rje lta bas bsal bas nyin
 gsum pa dang / bzhi pa dang / slar zlos pa dang / rtag pa'i rims sel to/ /tshad med par bskor bas ni dmigs 'byed mi nus pa zhi bar 'gyur ro/ /'di skad ston pa yin te/ de bzhin du dpal rdo rje sems dpa'i sbyor ba byas la/ rdo rje dbus ma'i gung mo gnyis bsgreng ste/ myu gur
 byas pa'i sems ma rdo rje ma bcings la/ des rim gyis gzung bar bya zhing / byams pa'i lta bas kyang bsal la/ bcom ldan 'das gtsug 'phyang gis kyang nad pa'i lus kyi spyi bo nas brtsams te rkang mthil gyi bar du kun du gang bar bsam par bya ste/ de lta bus ni nyin gsum pa dang /
 nyin bzhi pa dang / slar zlos pa dang / rtag pa'i rims dang bral bar 'gyur ro/ /khyab 'jug gi rims ni dpag tu med par khyab cing bskor bas bral bar 'gyur ro/ /ltung ba ni sems kyi sdug bsngal lo/ /gnod pa ni gcong chen po la sogs pa'o/ /nad ni skya rbab la sogs pa'o/ /
 mya ngan ni 'jig rten du grags par zad do/ /lus kyis gnod pa myong ba la sogs pa ni sdug bsngal lo/ /'di dag rnam par gzhag pa ni med par bya ba'o/ /'di'i don ji ltar 'gyur zhe na/ rdo rje gar gyi sdug bsngal nye bar zhi bas so zhes bya bas gsungs so/ /des na 'di'i mtshan nyid
 bshad pa ni rdo rje khu tshur gnyis kyis mthe'u chung gnyis lcags kyur sbrel la btud de/ mdzub mo gzhibs pa'i rtse mos las kyi dus su snying gar gzhag par byab pa dang / mdzub mo'i rtse mo btsir ba dang / khar gzhug pa dang bzlog ste/ mdzod spu'i gnas su gzhag pa'o/ /'di dag
 gis ni don 'di skad ston te/ de bzhin du dpal rdo rje sems dpa'i sbyor ba byas la rdo rje khu tshur gnyis bcings pa ste/ mthe'u chung gnyis lcags kyur byas la phan tshun sbrel ba bcings pa la mdzub mo gnyis gzhibs pa rtse mor byas nas rang dang gzhan gyi snying ga'i phyogs su bzhag la/
 sngags zlos shing rdo rje sems dpas bsgrub par bya ba'i lus la kun du bkang nas bde ba dang / yid bde ba thams cad dang ldan par bsam par byas te/ de lta bus ni ltung ba thams cad zhi bar 'gyur ro/ /de bzhin du thams cad byas la phyag rgya de nyid kyis bsgrub par bya ba la byab par
 bya zhing / bcom ldan 'das kyi phyag gis kyang de bzhin du bsgrub par bya ba'i lus khyab par gyur par bsam par byas te/ de lta bus ni gnod pa thams cad zhi bar 'gyur ro/ /de bzhin du thams cad byas la mdzub mo gnyis kyi rtse mos nad pa btsir bar bya zhing / bcom ldan 'das
 gtsug 'phyang gis kyang nad pa'i lus la khyab par gyur par bsam par byas te/ de lta bus nad thams cad 'jig par 'gyur ro/ /de bzhin du thams cad byas la/ phyag rgya de nyid bkod pa'i tshul gyis khar bzhag la/ yid kyis bsgrub par bya zhing nad pa'i lus
 dang lhan cig tu byas te/ de lta bus ni bsgrub par bya ba rdo rje sems dpa'i bde ba dang yid bde ba thob nas mya ngan thams cad dang bral bar 'gyur ro/ /de bzhin du thams cad byas la phyag rgya de nyid yongs su bzlog ste/ mdzod spur bzhag ste bcom ldan 'das rdo rje sems dpa' bsgrub par
 bya ba khyab par bsam par byas te/ de lta bus ni sdug bsngal thams cad 'jig par 'gyur ro/ /dug dang sbyar ba'i dug thams cad nye bar sbyar ba dang / dbab pa dang / bza' ba dang / bcing ba dang / bdud rtsir bya ba la ni zhes bya ba ni go bar zad do/ /'di dag thams cad gang gis bya
 zhe na/ rdo rje gar gyi nye ba'i dug gis so zhes bya ba gsungs te/ de la 'di'i mtshan nyid 'di yin te/ rdo rje bsdams pa'i mthe chung gnyis sbrel te/ ba dan gsum pa rdo rje mgu ba'i tshul gyis nye bar bskul ba dang / sdud pa'i tshul dang / rdo rje bsnun pa dang / snyim pas bzed pa dang / rdo rje
 btung ba'o/ /'di skad ston pa yin te/ de bzhin du rdo rje sems dpa'i sbyor ba byas la/ dug dang sbyar ba'i dug thams cad kyi 'og tu/ yaM las rlung gi dkyil 'khor de'i steng du raM las me'i dkyil 'khor/ /de'i steng du yi ge hUM 'od zer 'bar ba kun du 'khrugs pa bsams la/ lag
 pa gnyis kyis ba dan gsum pa bcings la/ mthe'u chung gnyis kyis shin tu mgu ba'i tshul gyis byas te/ des kyang rlung gi dkyil 'khor gyis sbar ba'i me'i dkyil 'khor hUM dang bcas pas dug gam sbyar ba'i dug shing skam po bzhin nye bar 'bar bar bsams te/ de lta bus ni
 dug dang sbyar ba'i dug thams cad nye bar 'bar bar 'gyur ro/ /mthe'u chung gnyis po de nyid kyis bsdu ba'i tshul du byas pas ni dug dang sbyar ba'i dug thams cad bcing bar 'gyur ro/ /de bzhin du mthe'u chung gnyis kyis bsnun pa'i tshul du byas pa ni dug dang sbyar ba'i dug
 thams cad dbang po'i gdu bus bcing bar 'gyur ro/ /lce la hUM las rdo rje dkar po bsams la de la yi ge hUM zla ba'i mdog can gyi 'od zer 'bar ba bsams la ba dan gsum pa gnyis kyi snyim pas dug dang sbyar ba'i dug thams cad bsal ba'i tshul du bya zhing dug kyang sbyar ba'i
 dug bza' bar bya'o/ /yi ge baM las sbyar ba'i dug gi steng du chu'i dkyil 'khor gyi steng du yi ge hUM las zla ba'i 'od zer rnam par 'phro ba dang / yi ge hUM gis dug dang sbyar ba'i dug bdud rtsir byas par bsams la/ ba dan gsum pa'i lag pa gnyis kyis snyim
 pa byas pa btung ba'i tshul du byas te/ de lta bus ni bdud rtsir byas par 'gyur ro/ /gdon thams cad dbab pa dang / bcing ba dang / dam tshig 'dzin du gzhug pa dang / rab tu 'dul ba dang / bsrung ba la ni zhes bya ba go bar zad do/ /de ji ltar 'gyur zhe na/ rdo rje gar gyi
 gdon las thar bas so/ /de la 'di'i mtshan nyid 'di yin te/ rdo rje bsdams pa'i mdzub mo gnyis pa bkug la mthe bong gnyis bsgrengs nas phye ste/ mche bar bya ba ni rdo rje gnod sbyin gyi phyag rgya ste/ des lag mthil dal bus brdab pa dang / mdzub mo'i sor mo btsir ba dang /
 gung mo'i rdo rje bsdams pa dang / byab cing phyag rgya myur du dgrol ba dang / sor mo lhag ma rdo rje gtsug tor du bya ba'o/ /'dis ni 'di skad ston pa yin te/ de bzhin du dpal rdo rje sems dpa'i sbyor ba byas la/ rdo rje bsdams pa bcings te/ mdzub mo gnyis bkug pa nang du
 bcug ste/ mthe bong gnyis kha phye la phye ba'i tshul gyis rang gi khar bzhag nas rdo rje gnod sbyin du bdag nyid bsams na lag mthil gnyis dal gyis brdab cing gdon gyis zin pa'i snying gar yang rlung dang me'i dkyil 'khor gyi dbus na gnas pa'i rdo rje gnod sbyin rang bzhin
 du drag pa 'od zer 'bar ba kun du 'khrugs pa yid kyis bcug na des gnod sbyin gyis bzung ba'i lus la gnas pa'i gdon shing skam po ltar 'bar zhing sreg par bsam par byas te/ de lta bus ni 'bar bar 'gyur ro/ /phyag rgya 'di nyid kyis mdzub mo 'di nyid kyi sen
 mo phan tshun btsir ba'i tshul du byas te/ de lta bus ni rdo rje lcags sgrog gis gdon bcing bar 'gyur ro/ /phyag rgya 'di nyid gung mo gnyis rtse mo sbyar la bstan na thams cad du gdon dam tshig 'dzin par 'gyur ro/ /de bzhin du rdo rje gnod sbyin gyi phyag rgya byas la/
 gdon lus las bsal ba'i bsam pas gdon 'byung ba'i tshul du byas nas myur du bkrol na de lta bus ni gdon thams cad 'dul bar 'gyur te/ gdon las thar to zhes bya ba'i tha tshig go/ /rdo rje gnod sbyin gyi phyag rgya de gnyis kyis mdzub mo dang / mthe bong gi gdong sbyar la phyag rgya de
 bsgrub par bya ba'i spyi gtsug tu gzhag par byas te/ de lta bus ni bsrung bar 'gyur ro/ /gdon bsal nas bsgrub par bya ba phyag rgya 'dis bsrung bar bya'o zhes ston pa yin no/ /thams cad bcing ba dang / thar pa dang / dral ba dang / ltung bar bya ba dang / bslang ba la ni zhes bya ba ni
 go bar sla'o/ /de dag thams cad ji ltar 'gyur zhe na/ rdo rje gar gyi khro bo chen pos so/ /zhes bya ba gsungs so/ /'di'i mtshan nyid ni 'di yin te/ ba dan gsum pa gnyis bkan te/ mdzub mo khas sbub pa dang / gung mo mdud par bcings la gung mo dang mdzub mo gdong sbyar ba de
 dang rdo rje hUM mdzad kyis las bya ba ni mdud pa btsir ba dang / phyag rgya mod la dgrol ba dang / btsir te se gol gtogs pa dang / gung mos brdeb cing dong du ltung bar bya ba dang / bslang ba'i tshul du bya ba'o/ /'di skad ston pa yin te/ de bzhin du dpal rdo rje sems dpa'i sbyor ba byas la/
 ba dan gsum pa gnyis bkan te bzhag nas de nas de khas sbub la/ gung mo gnyis mdud pa byas la/ mdzub mo gnyis dang gung mo gnyis gdong sprad de phyag rgya btsir zhing hUM bzlas nas bdag nyid rdo rje hUM mdzad du bsams te/ hUM zhes bzlas na thams cad bcing bar 'gyur ro/ /hUM de
 nyid zlos shing / lcags sgrog la sogs pa bcings pa'i steng du 'bar ba'i rdo rje dbab par yid kyis bsam par byas te/ de lta bus ni bcings pa kun las grol bar byed par 'gyur ro/ /de nyid zlos shing phyag rgya btsir la 'khrul 'khor la sogs pa gzhig pa'i bsam pas rdo rje 'bar ba
 de la yid kyis dbab par byas te/ de rnam par bshig na de lta bus thams cad dral bar 'gyur ro/ /de phyag rgya de nyid bcings te/ gung mo gnyis rtse mo sbyar nas rtse mo des lha la sogs pa lhung bar bya ba'i bsam pas hUM bzlas la nam mkha' la bsnun na/ de lta bus ni thams cad dong
 du ltung bar 'gyur ro/ /yang gung mo gnyis snga ma bzhin du bcings te 'dis blang ba'i tshul du byed cing yi ge hUM bzlas par byas te/ de lta bus ni ltung ba thams cad las bslang bar 'gyur ro/ /mkha' 'gro ma thams cad kyi phyag rgya gzhig pa dang / gdon las thar bar bya ba dang / 'chi ba slong
 ba dang / tshe mngon par 'phel ba dang / shin tu bsrung ba la ni zhes bya ba ni go bar zad do/ /'di dag thams cad ji ltar 'gyur zhe na/ rdo rje gar gyi lan gyi phyag rgyas so zhes bya ba gsungs so/ /ba dan gsum pa gnyis mnyam por byas la mdzub mo dang mthe chung rdo rjer byas te/ gung mo mdud
 la bzlog ste/ dbang bskur ba'i gnas dang / khar bzhag la hUM gis gzhig pa dang / mus gdon las thar bar bya ba dang / a zhes bya ba la sogs pas 'chi ba las bslang ba dang / hUM gi glus tshe mngon par 'phel ba dang / yi ge hUM gi chos kyi tshig gis shin tu bsrung ba ni
 'di'i mtshan nyid yin no/ /'dis ni 'di skad ston pa yin te/ snga ma bzhin du dpal rdo rje sems dpa'i sbyor ba byas la yi ge hUM las ji skad du bshad pa'i mtshan nyid can gyis dpal he ru kar bdag nyid bskyed la ba dan gsum pa gnyis bcings te/ gung mo'i sor mo gnyis mdud pa'i
 tshul du bcings la/ mdzub mo gnyis dang / mthe chung gnyis kyi rtse mo gnyis byas la bzlog ste/ mdzub mo gnyis kyi gdong mdzod spu'i gnas su bzhag la/ yi ge hUM zlos shing mkha' 'gro ma'am/ /phra men mas zin pa'i lus la dpal he ru ka 'khor dang bcas pa yid kyis
 bcug la des mkha' 'gro ma'i phyag rgya thams cad zos par bsam par byas te/ de lta bus ni mkha' 'gro ma'i phyag rgya thams cad gzhig par 'gyur ro/ /gal te mkha' 'gro ma rnams phyag rgya bcings pas gnod par byed par 'gyur na de'i tshe de'i phyag rgya'i steng du hUM gis rdo rje
 'bar ba dbab par byas te/ de lta bus kyang mkha' 'gro ma'i phyag rgya thams cad 'jig par 'gyur ro/ /phyag rgya 'di nyid bcings la mkha' 'gro ma la sogs pa'i gdon las thar bar bya ba'i bsam pas mu zhes bya ba zlos shing bcom ldan 'das dpal he ru ka yang
 bsgrub par bya ba'i lus la zhugs nas gdon rnams nges par 'byin par bsam par byas te/ de lta bus ni gdon las thar bar 'gyur ro/ /phyag rgya 'di nyid bcings la mkha' 'gro ma'i gdon gyis bsad pa'i lus la/ dpal he ru ka 'khor dang bcas pa'i yi ge a zlos shing yid kyis
 bcug la rdo rje 'bar ba'i lcags kyus mkha' 'gro ma'i gdon las snying bkug la bcings pa'i lus la bcug la/ de'i snying la bzhag ste/ des bde zhing slar 'tsho bar 'gyur bar bsam par bya ste/ de lta bus ni 'chi ba bslang bar 'gyur ro/ /phyag rgya de nyid bcings la hUM gis
 glu zlos shing bsgrub par bya ba'i snying gar dpal rdo rje sems dpa'i zla ba'i mdog can gyi mgo la bdud rtsi'i char 'bebs par bsam par byas te/ de lta bus ni tshe 'di mngon par 'phel bar 'gyur ro/ /de bzhin du phyag rgya de bcings la chos kyi tshig gis yi ge haM zlos shing / bsgrub par
 bya ba'i rdo rje'i go chas rdo rjer bya bar bsam par byas te/ de lta bus ni shin tu bsrung bar 'gyur ro/ /sgrub pa thams cad ces bya ba la sogs pa ni bshad zin to/ /srin po la sogs pa'i gdon gyis nye ba ni sdig pa'o/ /rmi lam ngan pa dang / ltas ngan pa dang / byur ni go bar
 zad do/ /byur la sogs pa 'di dag gzhig pa ni zhi ba'o/ /de ji ltar 'gyur zhe na/ rdo rje gar gyi zhi bas so zhes gsungs te/ pad+ma chen po bcings la ji srid 'dod par bzlas pa 'am yang na pad+ma'i khu tshur g.yon pa bstan te/ mar dang / til mar dang / til dang /
 'bras dang / 'byung khung gi phye ma'i sbyin sreg bya ba ni 'di'i mtshan nyid yin no/ /de la rdo rje thal mo khong stong du byas pa las mdzub mo dang / gung mo dang mthe bong dang / mthe'u chung dang mtheb mo'i 'dab ma bzhir bya ba ni pad+ma chen po'i mtshan nyid yin no/ /pad+ma'i khu tshur gyi
 mtshan nyid kyang 'phags pa spyan ras gzigs dbang phyug gi dkyil 'khor las 'og nas bshad pa las shes par bya'o/ /'di skad ston pa yin te/ de snga ma bzhin du rdo rje sems dpa'i rnal 'byor byas la bcom ldan 'das rdo rje sems dpa'i ras ris la sogs pa ji lta ba bzhin du
 spyan drangs la/ yang dag par mchod de phyag byas nas de'i 'og tu pad+ma chen po bcings te 'od zer 'bar bas kun du 'khrugs pa/ 'phro ba rnam par 'bar ba'i 'od kyi rang bzhin ni dpal rdo rje sems dpa'i ye shes kyi 'od zer gyi spyan sngar 'dug pa la/ oM ni ra wa ra Na sarba d+harma tA badzra d+ha ri Ni
 haM/ zhes zlos shing pad+ma chen po'i phyag rgyas sgrib pa thams cad blangs la bsreg par bya'o/ /de lta bus ni sgrib pa thams cad 'jig par 'gyur ro/ /oM ro dzo bi ga ta sarba d+harmA badzra d+h+ha ri Ni haM/ zhes bya bas sdig pa thams cad blangs la bsreg par bya'o/ /de lta bus ni sdig pa thams cad 'jig
 par 'gyur ro/ /oM swa p+no pa ma sarba d+harmAH pra ti be da badzra d+ha ri Ni haM/ zhes bya bas rmi lam ngan pa blangs la bsreg par bya'o/ /de lta bus ni rmi lam ngan pa thams cad 'jig par 'gyur ro/ /oM ni rni mit+ta sarba d+harmA dz+nyA na badzra d+ha ri Ni haM/ zhes bya bas ltas ngan pa thams cad blangs la
 bsreg par bya'o/ /de lta bus ni ltas ngan pa thams cad 'jig par 'gyur ro/ /oM swa b+hA wa pra b+ha swa ra sarba d+harmA badzra d+ha ri Ni haM/ zhes bya bas byur thams cad blangs la bsreg par byas na de lta bus ni byur thams cad 'jig par 'gyur ro/ /yang na pad+ma can gyi khu tshur gyis phyi'i sbyin sreg
 byas te/ rdo rje sems dpa'i rnal 'byor byas la/ las thams cad pa'i thab khung du bcom ldan 'das ji lta ba bzhin du spyan drangs nas/ g.yon pa'i pad+ma'i khu tshur dang / g.yas pa pad+ma'i khu tshur gyis dgang gzar dang blugs gzar blangs te/ oM ni ra wa ra Na sarba d+harma
 tA badzra d+ha ri Ni haM/ zhes mar gyi sbyin sreg byas te/ de lta bus ni sdig pa thams cad 'jig par 'gyur ro/ /de bzhin du thams cad du byas nas/ oM ro dzo bi ga ta sarba d+harmAbadzra d+ha ri Ni haM zhes zlos shing til mar gyi sbyin sreg byas na de lta bus ni sdig pa thams cad 'jig par 'gyur ro//
 de bzhin du thams cad byas la/ oM swa p+no pa ma sarba d+harmAHpra ti be da badzra d+ha ri Ni haM/ zhes zlos shing til gyi sbyin sreg byas na rmi lam ngan pa rnams 'jig par 'gyur ro/ /de bzhin du thams cad byas la/ oM ni rni mit+ta sarba d+harmA dz+nyA na badzra d+ha ri Ni haM/ zhes bya bas
 'bras kyi sbyin sreg byas na de lta bus ni ltas ngan pa thams cad 'jig par 'gyur ro/ de bzhin du thams cad byas la oM swa b+hA ba pra b+ha swa ra sarba d+harmA d+ha ri Ni haM/ zhes bya bas gser khams kyi phye ma'i sbyin sreg byas na des ni byur rnams 'joms par 'gyur ro/ /thams cad dbab
 pa dang / bsgul ba dang / gar byed du gzhug pa dang / thams cad bden par smrar gzhug pa dang / pra se na thams cad bsgrub par yang shes par bya'o/ /de dag thams cad ji ltar 'gyur zhe na/ rdo rje gar ma'i 'bebs pa'i phyag rgyas so zhes bya ba ni thams cad dbab pa dang /
 bskyod pa dang / gar byed du gzhug pa dang / thams cad bden par smrar gzhug pa dang / pra se na thams cad sgrub pa la ni zhes bya ba ni go bar zad do/ /'di dag thams cad ji ltar 'gyur zhe na/ rdo rje gar gyi 'bebs pa'i phyag rgyas so zhes bya ba gsungs so/ /de la 'di'i
 mtshan nyid ni 'di yin te/ ba dan gsum pa'i rdo rje gnyis bcings la dga' ba'i tshul gyis sen mos rol mo byed pa dang / rdo rje bcings pa steng dang 'og tu bskyod pa dang / rdo rje bsdams pa'i tha ma la sogs pa nas grol bar gar bya ba dang / rdo rje bsdams pa'i mdzub mo gnyis kha
 nas dbyung ba lta bu dang / bde ba chen po don yod pa'i dam tshig gi lcags kyus dngos po thams cad la rgyu ba dang mi rgyu ba rnams gzugs brnyan gyi tshul gyis gsal bar bstan pa dang / sgra snyan gyi tshul gyis sems can dang / bdag nyid kyis thams cad bde bar gsal bar
 thob pa'o/ /'dis ni 'di skad ston te/ snga ma bzhin du rdo rje sems dpa'i sbyor ba byas la ba dan gsum pa gnyis kyi rang bzhin can gyi rdo rje bsdams pa bcings la dga' ba'i tshul gyis mthe bong dang / mdzub mo'i sen mos rol mo byed cing bcom ldan 'das dpal rdo rje
 sems dpa' rlung dang me'i dkyil 'khor la zhugs pa 'bar ba'i 'od zer kun du 'khrugs pas bsgrub par bya ba kun du gang bar 'gyur bar bsam par byas te/ de lta bus ni thams cad 'bab par 'gyur ro/ /ba dan gsum pa gnyis kyi rang bzhin can gyi rdo rje bsdams
 pa bsgrub par bya ba bskyod pa'i bsam pas steng dang 'og tu bskul bar byas te/ de lta bus ni thams cad bskul bar byas te/ de bzhin du thams cad byas la/ yid kyis bsgrub par bya ba dang / lhan cig gcig tu byas te ba dan gsum pa gnyis kyi rang bzhin can rdo rje
 bsdams pa bcings te/ tha ma la sogs pa nas grol ba'i tshul gyis gar byas nas de lta bus ni thams cad gar byed par 'gyur ro/ /de bzhin du thams cad byas la yid kyis bsgrub par bya ba dang / lhan cig gcig tu byas te/ ba dan gsum pa gnyis kyis
 rang bzhin can gyi rdo rje bsdams pa bcings la/ mdzub mo gnyis gzhibs te/ rtse mor byas nas tshig 'byung ba'i tshul gyis kha'i phyogs nas gyen du bteg na dbab par gyur pa'i sems can thams cad smra bar 'gyur ro/ /gsang ba'i lcags kyus bcings la
 dngos po thams cad gzugs brnyan gyi tshul du byung bar bsgoms nas rdo rje sems dpa' la sogs pa dngos po thams cad la bkug na de rang nyid kyis mthong zhing gzhan rnams la yang ston par 'gyur ba dang / brag ca dang 'dra ba'i sbyor bas ni sgra thams cad rang gis thos pa dang /
 gzhan gyis thos par byed par 'gyur ro/ /thams cad rgyas gdab pa dang / gsad pa dang / ltung bar bya ba dang / bslang ba dang / slar gso ba don yod par grub pa la ni zhes bya ba ni go sla'o/ /'di dag thams cad ji ltar 'gyur zhe na/ rdo rje gar gyi mkha' 'gro ma
 chen pos so zhes bya ba gsungs so/ /de nas 'di'i mtshan nyid bshad par bya ste/ rdo rje khro bo'i khu tshur gnyis bcings la rdo rje lta bas las bya ba ni 'di lta ste mig mi 'dzums par blta ba dang / mig 'bras gyen du bzlog pa dang / myur du btsums te bsgyel ba dang /
 'og nas bslang bar bya'o/ /'dis ni 'di skad ston pa yin te/ de bzhin du dpal rdo rje sems dpa'i sbyor ba byas la/ yi ge hUM las rdo rje me ltar 'bar bar bdag nyid bsams te/ khro bo'i khu tshur gnyis bcings nas bsgrub par bya ba la mig mi
 'dzums par blta zhing bsgrub par bya ba'i snying gar rdo rje 'bar ba bsam par byas te/ de lta bus ni thams cad rgyas btab par 'gyur ro/ /mig gyen du bsgul la yid kyis bsgrub par bya ba'i lus la zhugs la bsgrub par bya ba'i srog blangs nas gyen du 'phur bar byas te/ de
 lta bus ni thams cad gsod par 'gyur ro/ /bsgrub par bya ba ltung bar bya ba'i bsam pas mig 'dzums la myur du ltung bar byas pas ni thams cad ltung bar 'gyur ro/ /khro bo'i khu tshur gnyis po de nyid kyis bslang ba'i tshul du bya zhing / lta bas bslang ba ni thams cad
 bslang bar 'gyur ro/ /blta ba de nyid dang khro bo'i lta bas byas na thams cad slar sos par 'gyur ro/ /thams cad rengs par bya ba dang / rmongs par bya ba dang / gnyid log par bya ba dang / gsad pa dang / bza' bar bya ba la ni zhes bya ba ni go sla'o/ /'di dag
 thams cad ji ltar 'gyur zhe na/ rdo rje gar gyi gdug pa'i srin pos so zhes bya ba gsungs so/ /de nas 'di'i mtshan nyid bshad par bya ste/ rdo rje khu tshur gnyis bcings la mdzub mo gnyis bzlog nas mche bar bya zhing mthe chung sor byas pas gzung zhing mche ba
 gtsigs pas 'jigs su rung ba'i khas mi 'gul ba nyid dang / yan lag thams cad lhod pa dang gnyid yur zhing glal ba dang / rang gi snying 'joms pa dang / myur du ldang ba'o/ /'dis ni 'di skad ston par 'gyur ro/ /de bzhin du dpal rdo rje sems dpa'i
 sbyor ba byas la rdo rje gnod sbyin du bdag nyid bsams la mdzub mo gnyis kyis lcags kyu gnyis byas nas kha 'gram gnyis su mche ba'i tshul du bzhag la/ mthe'u chung gnyis 'jigs su rung ba'i khas bsgrub par bya ba len pa'i bsam pas sos 'dzin par byas te/ de
 lta bus ni thams cad rengs par 'gyur ro/ /de bzhin du thams cad byas la yid kyis bsgrub par bya ba dang / gcig tu gyur par byas te/ phyag rgya 'di nyid bcings la bsgrub par bya ba rmongs par bya ba'i bsam pas yan lag thams cad lhod par gyur par byas na de lta bus ni
 thams cad rmongs par 'gyur ro/ /de nyid bcings la bsgrub par bya ba dang / gcig tu gyur par bsams la mig btsums te glal bar byas na de lta bus ni thams cad gnyid log par bya bar 'gyur ro/ /bsgrub par bya ba gzhig pa'i bsam pas snying gar phyag rgya gzhig
 par byas te/ de lta bus ni thams cad gsod par 'gyur ro/ /bsgrub par bya ba bza' ba'i bsam pas myur du ldang ba'i tshul byas na de lta bus ni thams cad za bar 'gyur ro/ /gzhan gyi dpung thams cad skrag par bya ba dang / gzhig par bya ba dang / ltung bar
 bya ba dang / gsad pa la ni zhes bya ba ni go bar zad do/ /'di rnams ji ltar 'gyur zhe na/ rdo rje gar gyi gshed byed kyis so/ /de nas 'di'i mtshan nyid bshad par bya ste/ rdo rje khu tshur gnyis bcings la kha gdangs pa dang / gdong 'jigs su rung ba
 skra gyen du brdzes pa/ mgo thur du 'dud cing 'degs pas las bya'o zhes bya bas rdo rje khu tshur 'phen pa dang / khu tshur btsir ba dang / yi ge hUM gis mgo bos sdigs mdzub byed pa dang / rang nyid khro zhing myur du bsgyel ba'o/ /'di skad ston pa yin te/ de bzhin
 du rdo rje sems dpa'i sbyor ba byas te/ rdo rje gnod sbyin gyi sprul pa bsams te/ rdo rje khu tshur gnyis bcings nas rnal 'byor pa kha gdangs shing skra gyen du brdzes pa/ mgo bo 'og nas bstod de b+h+yo zhes zlos shing rdo rje gnod sbyin gyi gzugs tshad med pas
 gzhan gyi dpung mchog tu skrag par byas par bsam par byas te/ de lta bus ni gzhan gyi dpung thams cad skrag par byas par 'gyur ro/ /de bzhin du rdo rje gnod sbyin du bdag nyid bsams la gzhan gyi dpung gzhig cing gzhom pa'i bsams pas de'i thad kar 'phang
 zhing rdo rje 'bar ba'i phra rab gzhan gyi dpung gi steng du 'bebs par bsam par bya ste/ de lta bus ni gzhan gyi dpung thams cad bcom par byas par 'gyur ro/ /snga ma bzhin du rdo rje gnod sbyin du bdag nyid bsams la/ rdo rje khu tshur gnyis bcing zhing / gzhan
 gyi dpung khro bo'i rdo rje gnyis kyi bar du btsir bar gyur par bsams na/ de lta bus ni rang dbang du byas par 'gyur ro/ /snga ma bzhin du bdag nyid bsams la hUM dang mgo bos sdigs mdzub byas shing gzhan gyi dpung gi steng du rdo rje gnod sbyin gyi lus chen po ltung bar bsam par
 byas te/ de lta bus ni gzhan gyi lus thams cad lhung bar 'gyur ro/ /de bzhin du rdo rje gnod sbyin du bdag nyid bsams la rdo rje khu tshur gnyis bcings te/ khro bo chen po zil gyis gnon par gyur pa dang / gzhan gyi dpung gsad pa'i bsam pas shin tu myur du lhung bar bya
 zhing / bcom ldan 'das rdo rje gnod sbyin yang rdo rje 'od zer 'bar ba kun du 'khrugs pas gzhan gyi dpung gi steng du phab pas gzhan gyi dpung thal bar gyur par bsam par byas te/ de lta bus ni gzhan gyi dpung thams cad gsod par 'gyur ro/ /khro ba thams cad bsal
 ba dang / bzhin ras dang bar bya ba dang / rtsod pa las rgyal ba dang / 'jigs pa thams cad las thar ba dang / g.yul 'gyed pa las rgyal ba grub pa la ni zhes bya ba ni go bar zad do/ /'di dag thams cad ji ltar 'gyur zhe na/ rdo rje gar gyi rgyal mtshan mchog gi dpung rgyan gyi rtse
 mo zhes bya ba gsungs so/ /de nas 'di'i mtshan nyid bshad par bya ste/ rdo rje gnod sbyin gyi srin lag dang mthe chung gnyis mnyam por phye ste/ ba dan bya ba ni rgyal mtshan mchog gi rtse mo ste/ las ni rab tu 'dud pa dang / 'dzum pa dang / lce ston pa dang / phrag pa gnyis
 bsnyems pa ston pa dang / rgyal mtshan bsgreng ba'o/ /'di skad ston pa yin te/ snga ma bzhin du rdo rje sems dpa'i sbyor ba byas la rdo rje gnod sbyin du bdag nyid bsams nas rdo rje bsdams pa bcings te/ mdzub mo gnyis bkug nas bar yod par gnas par byas la mthe bong gnyis
 phye ste/ bsgrengs la mche ba byas pa ni rdo rje gnod sbyin gyi phyag rgya'o/ /'di nyid kyi srin lag dang mthe chung gnyis phye ste/ ba dan lta bur bya ba 'di ni rgyal mtshan mchog gi dpung rgyan te/ 'di bcings la bsgrub par bya ba dang / lhan cig gcig tu byas la bsgrub par bya ba rab tu 'dud
 pa'i bsam pas phyag byas nas de lta bus khro ba thams cad bsal bar 'gyur ro/ /de nyid bcings la bsgrub par bya ba dang / gcig tu byas te/ 'dzum pa byas nas bzhin ras dang bar 'gyur ro/ /'di nyid bcings la lce bstod de bskyod pas ni rtsod pa las rgyal ba'o/ /de nyid
 bcings la phrag pa gnyis bsnyems pa bstod pa'i tshul du byas la de lta bus ni 'jigs pa las thar bar 'gyur ro/ /de nyid bcings la lag ngar gnyis brkyang ste spyi bor bzhag la phyag rgya bcings pa de las dpung gi tshogs yan lag bzhi po phyung ste/ des gzhan gyi dpung
 bcom par bsams na de lta bus ni g.yul 'gyed pa las rnam par rgyal bar 'gyur ro/ /sprin thams cad yang dag par bzung zhing mi g.yo bar bya ba dang / char chen po dbab pa dang / rlung dang / char dang / glog dang / ser ba dang / sprin bzlog pa dang / tsha ba dang / grang
 ba bsal bas ni zhes bya ba ni go sla'o/ /'di dag thams cad ji ltar 'gyur zhe na/ rdo rje gar gyi dbang pos rdo rjes so zhes bya ba gsungs so/ /de las dpal 'di dag gi mtshan nyid ni 'di yin te/ sems dpa'i skyil mo krung du 'dug la rdo rje gsor zhing las bya ba ni nam mkhar
 dbugs gtong ba dang / thams cad du bskyod cing g.yo ba'i lta bas char dbab pa'i tshul dang / khro bo rdo rje me ltar 'bar ba'i bzlas pas char gcad pa dang / grang bas yan lag 'dar ba'i tshul dang thams cad du 'bar ba'i rnam par bsam par bya'o/ /'di skad ston
 pa yin te/ snga ma bzhin du rdo rje sems dpa'i rnal 'byor byas la bcom ldan 'das rdo rje sems dpa'i phyag rgya chen po bcings te/ lag pa g.yas pas dang po'i rdo rje gsor la nam mkhar dbugs gtong zhing bzlas brjod byas nas rang gi dbugs kyi rdo rje rlung gi dkyil
 'khor gyis kyang sprin mi 'gul bar byas par bsam par byas te/ de lta bus ni sprin thams cad yang dag par gzung bar 'gyur ro/ /de bzhin du rdo rje gsor te thams cad du bskyod cing 'dzum pa'i bsam pa'i lta bas char dbab pa'i tshul du byas te/ de lta
 bus ni char 'bebs par 'gyur ro/ /de bzhin du rdo rje gsor zhing rdo rje me ltar 'bar bar bdag nyid bsams la hUM zlos shing khro bo'i lta bas rlung dang / char dang / ser ba dang / glog dang / sprin bsal bas ni de dag zhi bar 'gyur ro/ /de bzhin du rdo rje sems dpa'i sbyor ba
 byas la rdo rje gsor zhing / grang ba dang rlung chen po bsgoms pas yan lag grang bas 'dar tshul du byas na/ de lta bus ni tsha ba thams cad sel bar 'gyur ro/ /de bzhin du rdo rje me ltar 'bar bar bdag nyid bsams la rdo rje gsor zhing thams cad du me 'bar ba bskyed pa'i
 tshul du byas te/ de lta bus ni grang ba bsal zhing 'jig par 'gyur ro/ /gzugs dang / sgra dang / dri dang / ro dang / reg bya rnams shin tu grub pa ni rtag par grub pa'o/ /de ji ltar 'gyur zhe na/ rdo rje gar gyi 'dod pa'i dbang phyug gis so zhes bya ba gsungs te/ de nas
 'di'i mtshan nyid bshad par bya ste/ rdo rje bsdams pa'i rdo rje spyan dang / rdo rje bsams pa'i mdzub mo g.yon pa'i rtse mo bkug la yu bar byas pa la mdzub mo g.yas pas rdo rje pi wang brdung ba dang / rdo rje bsdams pa'i mthil gnyis mnye ba dang / thal mo khong stong du sbyar ba'i dbus
 su lce bcug pa la rab tu dga' ba'i rdo rje'o/ /'dis ni 'di skad ston pa yin te/ de bzhin du rdo rje sems dpa'i sbyor ba byas la/ rdo rje bsdams pa bcings te g.yas pa'i mdzub mos g.yon pa'i gung mo'i tshigs gsum pa bzung la/ g.yon pa'i mdzub mos g.yas pa'i gung
 mo'i tshigs gsum pa bzung ste/ mthe bong gnyis dang mdzub mo gnyis gdong sprad par bya ba 'di ni rdo rje spyan zhes bya ba'i phyag rgya yin te/ 'di bcings la byang chub sems dpa' rdo rje'i gzugs su bdag nyid bsam par byas te/ de lta bus ni rdo rje gzugs kyi dngos grub brtan pa
 thob par 'gyur ro/ /de bzhin du thams cad byas la rdo rje bsdams pa'i mdzub mo g.yon pa bkug pa'i yu ba mdzub mo g.yas pas brdung ba'i phyag rgya 'di bcings la/ byang chub sems dpa' rdo rje sgrar bdag nyid bsam par byas te/ de lta bus ni rdo rje sgra'i dngos grub
 rtag par thob par 'gyur ro/ /de bzhin du thams cad byas la byang chub sems dpa' rdo rje drir bdag nyid bsgom zhing rdo rje bsdams pa bcings la lag mthil gnyis phan tshun mnye bar byas te/ de lta bus ni rdo rje dri byang chub sems dpa'i dngos grub thob par 'gyur ro/ /de
 bzhin du dpal rdo rje sems dpa' sbyor ba byas la byang chub sems dpa'i rdo rje ror bdag nyid bsams la rdo rje bsdams pa bcings la/ thal mo khong stong gi dbus su lce chud par byas te/ /de lta bus ni byang chub sems dpa' rdo rje ro shin tu grub par 'gyur ro/ /snga
 ma bzhin du rdo rje sems dpa'i sbyor ba byas la/ rdo rje kI li kI lar bdag nyid bsams la lnga po bsdus pa bcings la/ a nu rA ga yA mi hUM zhes bzla bar byas te/ de lta bus ni rdo rje kI li kI la'i reg shin tu grub par 'gyur ro/ /rgyu ba dang mi rgyu ba thams cad
 rjes su chags pa dang / dgug pa dang / dbang du byas la rtse ba dang / las thams cad la sbyar ba la ni zhes bya ba ni bshad zin to/ /'di dag thams cad cir 'gyur zhe na/ rdo rje gar gyis thams cad grub pas so zhes bya ba gsungs so/ /de nas 'di'i mtshan nyid
 bshad par bya ste/ bde ba chen po rdo rje mchod pa'i las dang dang po'i glu'i bzlas brjod ci 'dod par bya ba dang / shin tu bsdus pa'i 'dzum pas dgod pa dang rab tu dga' ba'i rdo rje lcags kyu rang gi ma mchu'i nang sos bzung ba dang rang gi dbang po g.yo ba dang / rab tu
 dga' ba'i rdo rje'i tshig gis yid la 'dod pa'i lung bsgo ba bcom ldan 'das rdo rje sems dpa'i sbyor ba byas te/ des kyang 'da' bar mdzad par mi spyod na/ rgyu ba dang mi rgyu ba gzhan dag gis lta smos ci dgos/ 'dis ni 'di skad ston pa yin te/ snga ma bzhin du rdo rje
 sems dpa'i sbyor ba byas la rgyu ba dang mi rgyu ba'i dngos po thams cad kyi rang bzhin rang gi ngo bor bsams te/ gar dang hUM gi glu'i bzlas brjod byas te/ de lta bus ni rgyu ba dang mi rgyu ba thams cad rjes su chags par 'gyur ro/ /de bzhin du gar dang rdo rje'i
 lcags kyus nges par bsdus pa'i mdzub mo dang bod pa'i tshul gyis yi ge hUM gi glus bzlas brjod byas te/ de lta bus ni dngos po thams cad 'gugs par 'gyur ro/ /de bzhin du thams cad byas la gar byed cing bsgrub par bya ba dang / mchu sprad pa'i bsam pas ma mchu'i
 nang rol sos bzung bar byas te/ de lta bus ni thams cad dbang du byas par 'gyur ro/ /de bzhin du thams cad byas la rang gi dbang po g.yo ba'i tshul gyis yi ge hUM gi glu zlos shing bsgrub par bya ba'i gnod sbyin mo la sogs pa dang lhan cig yang dag sbyar bar bsgom par byas te/ de
 lta bus ni thams cad dang rtse bar 'gyur ro/ de bzhin du thams cad byas la/ gar byed cing rdo rje sems dpa' la sogs pa dngos po thams cad la yid la mngon par 'dod pa'i lung bsgo ba'i bsam pas hUM gi glu'i bzlas brjod bya ste/ de lta bus ni thams cad
 las la nges par sbyar bar 'gyur ro/ /lha thams cad dbab pa dang / klu thams cad dbang du bya ba dang / gnod sbyin dang / 'byung po dang / ma mo thams cad las thams cad la nges par sbyar ba la ni/ rdo rje gar gyi sku'i mchog gis so zhes bya ba ni de la rdo rje gar
 gyi sku'i mchog 'di yin te/ rdo rje thal mo'am mthe bong gnyis sems dpa'i skyil mo krung du byas la mdzub mo gnyis bsgreng ba ni/ bcom ldan 'das rdo rje sems dpa' sku'i mchog ste 'di gzung bar skad cig gis bcom ldan 'das dgongs shing byin gyis brlab
 par mdzad pa'i phyir gzung ba dang / mchod pa dang / sgrub par 'gyur zhing dngos grub thams cad la yang sgrub pa'i thabs su dgongs pa yin no/ /spyi bor bzhag nas steng nas yongs su dbab par bya ba dang / sa la bzhag nas khro gnyer gyis gdeg pa
 dang / gnod sbyin gyi gzugs brnyan byas nas de'i snying gar bzhag na mngag gzhug par 'gyur ro/ /dbang phyug chen po'i gnas su khros pas bzla ba dang / ma mo'i gnas su bcings te b+h+yo zhes bya ba dang sbyar nas ma mo thams cad dbang du 'gyur ro/ /rtse ba la sogs
 pa'i bsgo ba thams cad byed par 'gyur ro/ /'di skad ston pa yin te/ de bzhin du dpal rdo rje sems dpa'i sbyor ba byas la rdo rje thal mo bcings te/ mthe bong g.yon pa'i steng du mthe bo g.yas pa sems dpa'i skyil mo krung gi tshul du bzhag la/ mdzub mo gnyis gzhibs
 te sor mo sbyar ba 'di ni/ dpal rdo rje sems dpa'i sku'i mchog ces bya ba ni phyag rgya 'di yin te/ 'di bcings la spyi bor bzhag nas steng gi phyogs nas lha thams cad dbab pa'i bsam pas g.yas logs nas thur du 'bab par byas te/ de lta bus ni lha thams cad
 dbab par byas par 'gyur ro/ /de bzhin du thams cad byas nas rdo rje sku'i mchog bcings te sa la bzhag na klu thams cad dbang du bya ba'i bsam pas khro gnyer bsdus la bteg na klu thams cad dbang du byed do/ /de bzhin du thams cad byas la gnod sbyin gyi gzugs
 brnyan bris te/ rdo rje sku'i mchog de'i snying gar gzhag par byas te/ de lta bus ni mngag gzhug par 'gyur ro/ /de bzhin du thams cad byas la/ dbang phyug chen po'i gnas su khros pa'i sku'i mchog bcings la bzlas brjod byas na 'byung po thams cad mngag
 gzhug par 'gyur ro/ /de bzhin du thams cad byas la/ bdag nyid dpal he ru ka'i skur bsams la rdo rje sku'i mchog bcings te/ b+h+yo zhes bya ba bzlas nas ma mo thams cad g.yog mor 'gyur zhing rtse zhing rol pa la sogs pa'i bsgo ba'i las thams cad byed
 par 'gyur ro/ /rnam thos sras mnan nas dpal drang ba dang / lha'i bu mo thams cad dbrog pa dang / lha dang lha ma yin gyi bud med thams cad rtse ba dang / 'jig rten gsum po ma lus pa las rgyal ba dang / 'dod pa'i dbang phyug thams cad dbrog pa la ni
 rdo rje gar gyi skyes bu byed pa chen pos so zhes bya ba la de nas de'i mtshan nyid bshad pa bya ste/ rdo rje gsor ba'i phyag rgya khro ba dang bcas pa'i bzhin gyi 'dzum gyis las bya'o/ /'di lta ste lus ngan po rkang pa g.yon pas mnan te/ bsgrub pa dang
 gzhon nu ma'i mdun du sgrub cing 'bar ba'i mig sbyor ba bya ba dang / 'bag bris la blta zhing bsgrub pa dang / dbang phyug chen pos rkang pa g.yon pas mnan la hUM mdzad du sbyor ba dang / a nu rA ga yA mi hUM hUM zhes bya bas 'dod pa'i dbang phyug rdo rje'i mdas bsad la
 kha spub tu bzhag ste rdo rje gsor bar bya'o/ /'dis ni 'di skad ston pa yin te/ snga ma bzhin du rdo rje sems dpa'i sbyor ba byas la rdo rje me ltar 'bar bar bdag nyid bsams te/ de'i phyag rgya chen po des rdo rje 'bar ba gsor zhing khro ba dang bcas pas 'dzum pa'i bzhin gyis
 lus ngan po'i gzugs brnyan rkang pa g.yon pas mnan la bzlas brjod bya'o/ /de lta bus ni dpal drang bar 'gyur ro/ /de bzhin du thams cad byas la gzhon nu ma'i mdun du lha'i bu mo thams cad 'phrog pa'i bsam pas rdo rje 'bar ba'i lta bas dgug cing bzlas na de lta
 bus ni lha'i bu mo thams cad 'phrog par 'gyur ro/ /rtsig pa la sogs pa la bud med kyi gzugs bris la gnod sbyin ma la sogs pa lha dang lha ma yin ma yin pa'i mngon par 'dod pa'i bud med der bcug la yang dag par sbyor ba bsgom zhing de la blta bzhin du bzlas na de lta
 bus ni bud med thams cad dang rtse bar 'gyur ro/ /de bzhin du rdo rje gsor zhing dbang phyug chen po'i gzugs brnyan rkang pa g.yon pas mnan la/ a nu rA ga yA mi hUM hUM zhes bya ba bzlas pa byas na de lta bus ni 'jig rten gsum po thams cad las rnam par rgyal bar 'gyur ro/ /
 rdo rje mda'i phyag rgya sngar bshad pa'i tshul gyis 'dod pa'i dbang phyug gi gzugs brnyan la bsnun la de nas de kha spub tu bzhag ste/ rdo rje gsor zhing bzlas par byas te/ de lta bus ni dbang phyug chen po thams cad 'phrog par 'gyur ro/ /mchod pa thams cad grub pa dang //
 zhes bya ba ni 'dod chags rdo rje la sogs pa'i mchod pa thams cad de/ de rnams kyis bsgrub pa skyed pa'o/ /thams cad rdo rjer bya ba dang / /zhes bya ba ni bdag dang gzhan gyis mi phyed par bya'o/ /bdud la sogs pa gdug pa thams cad ni gzhan la gnod par byed par nye bar
 zhugs pa rnams so/ /de rnams rab tu gzhom pa ni shin tu 'dul ba'o/ /phyag rgya thams cad bcings pa ni phyag rgya chen po la sogs pa phyag rgya thams cad nges par bcings pa'o/ /dngos grub kyi mchog la sogs pa ma lus shing lus pa med pa'i dngos grub thams cad
 kyi las kyi rgyun ni de'i las kyi rab 'byam ste/ de myur du bsgrub par bya ba la ni rdzogs par bya ba'o/ /'di dag thams cad ji ltar grub par 'gyur zhe na/ rdo rje gar gyi don yod pa'i thogs pa med pa la myur ba'i las sna tshogs kyi dngos grub dam pas so zhes gsungs
 so/ /de nas 'di'i mtshan nyid ni bshad par bya ste/ rdo rje gsang ba'i mchod pa rnams ni bde ba chen po rdo rje don yod pa'i dam tshig ces bya'o/ /rdo rje khu tshur gnyis kyis go cha'i rnam par spyad la spyi bor dbang bskur ba gnyis bzhag la ngos gnyis su phreng ba gnyis kyi rnam par
 byas la de bzhin du dar dpyangs bcings pa dang / g.yon du rdo rje mda' 'phang ba dang / rdo rje snyems ma dang / phyag rgya chen po'o/ /'di skad ston pa yin te/ de bzhin du dpal rdo rje sems dpa'i rnal 'byor byas la/ dang po'i rdo rje bcings te/ rdo rje mtshon cha ma la
 sogs pa mchod pa bcu gnyis bskyed la de rnams kyis dpal rdo rje sems dpa' la sogs pa yid kyis mchod par byas te/ de lta bus ni thams cad grub par 'gyur ro/ /de bzhin du dpal rdo rje sems dpa'i sbyor ba byas la rdo rje khu tshur bcings te/ snying ga dang / lkog ma
 dang / rgyab dang / yang snying ga dang / de nas nu ma'i bar dang / de nas snying ga dang / lkog ma dang / ltag par de nas dbang bskur ba'i gnas su mdud pa'i tshul gyis go cha bgo ba byas la spyi bo dang dbang bskur ba'i gnas su mdud pa bya ba'i tshul dang / g.yas dang g.yon gyi
 mgo bo'i logs su mdud pa'i tshul du byas la dar dpyangs bcings pa'i tshul du byas te/ 'dis ni thams cad rdo rjer byas par 'gyur ro/ /de bzhin du dpal rdo rje sems dpa'i rnal 'byor gyi go cha thams cad byas la rdo rje khu tshur gnyis bcings
 te/ g.yon logs su mda' 'phang ba'i tshul du bya zhing / rdo rje mdas kyang gdug pa thams cad 'joms par byed par bsam par byas te/ de lta bus ni bdud la sogs pa'i gdug pa thams cad rab tu 'joms par 'gyur ro/ /de bzhin du dpal rdo rje sems dpa'i sbyor ba
 byas la rdo rje khu tshur gnyis kyis rdo rje sems dpa'i las kyi phyag rgya rdo rje bsnyems pa bcings nas phyag rgya chen po la sogs pa'i phyag rgya ma lus par bcing bar bsam par byas te/ de lta bus ni phyag rgya thams cad nges par 'ching bar 'gyur ro/ /de bzhin du dpal rdo rje sems dpa'i
 sbyor ba byas la bcom ldan 'das rdo rje sems dpa'i phyag rgya chen po bcing bar bya'o/ /'dis ni dngos grub dam pa ma lus shing lus pa med pa yid la mngon par 'dod pa grub par 'gyur ro/ /gar las byung ba'i phyag rgya brgya phrag gnyis pa 'di rdzogs pa ste/ las nyis brgya
 sgrub par byed pa'i phyag rgya yi ge hUM zlos shing bcing bar bya'o/ /a nu rA ga yA mi hUM zhes zlos shing las la nges par sbyar bar bya'o/ /de ltar las nyis brgya bsgrub par bya ba'i phyir/ phyag rgya nyis brgya'i mtshan nyid gsungs nas da ni phyag rgya chen po bcing ba de rnams kyi snying
 po dang / bzlas pa'i snying po gsungs pa ni de nas phyag rgya thams cad bsgrub pa'i cho ga rgyas pa'i rgyud do zhes bya ba yin te/ de nas zhes bya ba'i sgra ni gnas skabs so/ /phyag rgya yang yin la thams cad kyang yin pas na phyag rgya thams cad de/ /ji skad du bshad pa'i las thams cad
 sgrub par byed pa rnams so/ /de rnams kyi sgrub pa ni rang dbang du bya ba'o/ /de'i cho ga ni yi ge hUM bzlas nas las thams cad sgrub par byed pa'i phyag rgya rnams kyi bcing ba'o/ /de'i rgyas pa ni de'i rgyun no/ /nyin re zhes bya ba ni nyin zhag re re zhing ngo / /dang por zhes bya ba ni las rnams
 kyi thog mar ro/ /lan cig ces bya ba ni lan cig gcig go/ /phyag rgya chen po rab grub bya/ /zhes bya ba ni rjes su mnyes par byed pa la sogs pa grub par byed pa'i ji skad du bshad pa'i mtshan nyid can gyi phyag rgya ni phyag rgya chen po de bsgrub par bya'o/ /gang gis de bsgrub par bya zhe na/ lan
 cig bzlas pa zhes bya ba gsungs te/ lan cig bzlas pa des so/ /de nas ci zhig lan cig bzlas she na/ snying po mchog ces bya ba gsungs te snying po bzang po ni snying po mchog ste/ yi ge hUM dang / snying po mchog mngon par 'dod pa'i dngos grub stsol bar byed pa'i phyag rgya de
 la lan cig mngon par bsngags shing lan cig bzlas pa'i snying po mchog gis phyag rgya chen po rab tu bsgrub par bya'o/ /rgyu ci zhig gi phyir zhe na/ gang gi phyir/ phyag rgya thams cad rab sgrub byed/ /ces bya ba gsungs te/ ji skad du bshad pa'i las sgrub par byed pa'i phyag rgya de
 rnams ni shin tu bsgrub pa yin pas na/ phyag rgya thams cad rab grub byed/ /ces bya ba ste/ gang gi phyir hUM gi gzugs can 'di ni snying po yin no/ /de bas na las thams cad sgrub par byed pa'i phyag rgya la hUM zlos shing bcing bar bya'o/ /de yi rjes la nye snying po/ /las
 rnams kun la nges sbyor bas/ /zhes bya ba ni de ltar yi ge hUM lan cig bzlas la/ mngon par 'dod pa'i dngos grub sgrub par byed pa'i las kyi phyag rgya bcings nas/ de'i rjes la a nu rA ga yA mi hUM zhes bya ba nye ba'i snying po dang bcas pa'i hUM bzlas par bya ste/ de lta bus ni rjes su
 mnyes par bya ba la sogs pa las kyi dngos grub thams cad la nges par sbyor bar byas par 'gyur ro/ /de ltar byas pas ji ltar 'gyur zhe na/ don yod grub pas las rnams ni/ /kun la shin tu grub par 'gyur/ /zhes bya ba gsungs te/ don yod par grub par 'gyur bas
 phyag rgya'i las kun la zhes pa rjes su mnyes par bya ba la sogs pa thams cad shin tu zhes bya ba lhag par grub par 'gyur ro/ /phyag rgya thams cad bdag byin brlab/ /ces bya ba las thams cad 'grub par byed pa'i phyag rgya rnams ni phyag rgya thams cad de/ de rnams kyis
 legs par byin gyis rlob pa ni phyag rgya thams cad rab tu byin gyis rlob pa ste/ dpal rdo rje sems dpa'i sku dang / gsung dang / thugs rdo rje'i nus pa gdul bya rnams kyi rgyud la grub pa'o/ /de'i don gyis phyag rgya ni ji skad du bshad pa'i mtshan nyid
 can yin no/ /phyag rgya rdo rje zhes bya ba ni dpal rdo rje sems dpa'i phyag rgya 'di'o/ /ni zhes bya ba'i sgra ni nges par gzung ba ste/ phyag rgya thams cad mchog tu byin gyis rlob pa'i don de nyid du'o/ /de ci'i phyir zhe na/ gang gi phyir/ dkyil 'khor dag kyang ma mthong ba'am/ /ma
 bshad pa la'ang rab grub 'gyur/ /zhes bya ba gsungs te/ dkyil 'khor du ma zhugs pa la ma bshad pa yang ji skad du bshad pa'i mtshan nyid du grub par 'gyur ro zhes bya'o/ /rtog pa 'dir ni zhes bya ba rgyud 'dir ro/ /'jigs pa yod min te zhes bya ba ni dam tshig las
 nyams pa med pa'o/ /phyag rgya sbyin pa ni rjes su mnyes pa la sogs pa'i las sgrub par phyag rgya'i che ba nyid bstan par 'dod par bya ba'i phyir gdul bya rnams la rab tu ston par bshad cing 'khor lo med pas te/ dkyil 'khor du ma zhugs pa rnams la'o/ /ci'i phyir 'khor
 lo med pa rnams la phyag rgya bstan na rtog pa 'di la 'jigs shing nyams pa med ce na/ gang gi phyir bdag la byin gyis rlob pas/ rang sras rgyur ni 'gyur ba yin/ /zhes bya ba gsungs te/ gang gi phyir dkyil 'khor du ma zhugs pa de rnams kyis kyang phyag rgya bcings te/ bzlas
 na 'di skad bshad pa'i bdag la byin gyis brlabs pas/ de bzhin gshegs pa nyid kyi sras byang chub sems dpa' rnams la dpal rdo rje sems dpa'i sku gsung thugs kyi dngos grub kyi bag chags bskyed par 'gyur ro/ /bsam pa shes nas sbyin par bya/ /zhes bya ba phyag
 rgya'i yul la gdul bya rnams kyi sems dang ba nyid du shes na phyag rgya sbyin par bya'o/ /ji lta bu zhe na/ sdig pa chen po byed pa'ang zhes bya ba gsungs te/ mtshams med pa'i las ni sdig pa chen po ste/ gang gis de byas pa de ni sdig pa chen po byed pa'o/ /sdig pa chen po byed pa de rnams
 la 'ang zhes bya ba'i sgras ni gzhan dag la ni shin tu 'ang sbyin par bya'o/ /ji lta bu zhe na zhes ston to/ /de lta bu la ni snying po byin yang dgos pa ci 'ang med do zhes gzhan dag rtogs na/ de'i phyir 'di dag bcings pa tsam gyis de dag ces bya ba gsungs te/ ji skad du bshad pa'i las
 grub pa'i phyag rgya 'di dag sdig pa chen po byed pa rnams kyis kyang bcings pa tsam gyis sdig pa chen po byed pa'i sems can de ni de dag rnam par sbyong bar byed cing gtsang ba dang dag par byed pa yin no/ /gang gi phyir sdig pa byed pas kyang / 'di'i bcings pa tsam gyis dag par byed pa
 des byin zhing stsal na/ dngos grub thams cad 'grub par 'gyur bas na dgos pa yod pa nyid yin no/ /mchog dang po zhes bya ba ni bshad zin to/ /rtogs pa yang yin la chen po yang yin pas na rtog pa chen po'o/ /de nyid rtog pa thams cad las mchog tu gyur pas mdzes shing 'bar
 bas na rgyal po'o/ /de'i bde ba chen po ni thar pa chen po'o/ /de nyid ni mi phyed pas na rdo rje lta bu yin pas na rdo rje'o/ /mngon par 'dod pa'i dngos grub thams cad bskyed pa nyid kyis 'bras bu dang bcas pas na de nyid don yod pa'o/ /de'i rgyu mthun pa las byung ba dpal rdo rje
 sems dpa'i lha mo'i dkyil 'khor la sogs pa'i de kho na nyid ni dam tshig go/ /de'i cho ga rgyas pa ni sgrub pa dang bsgrub par bya ba'i rgyu ni de ston par byed pa'i sgra'i tshogs ni rtog pa las byung ba'i phyir rtog pa zhes bya'o/ /dpal mchog dang po'i rgya cher bshad pa shes rab kyi pha rol
 tu phyin pa 'byung ba zhes bya ba las dum bu gnyis pa'i rtog pa thams cad kyi rgyud phyi ma'i rtsa ba'i rgyud las/ dpal rdo rje sems dpa'i bde ba chen po rdo rje gsang ba'i dkyil 'khor chen po'i bshad pa rdzogs so// //de ltar 'dod chags kyis 'dod chags spang bar bya ba'i
 phyir dpal rdo rje sems dpa'i dkyil 'khor gsungs nas/ da ni rang bzhin bzang ba'i sems can rnams rjes su gzung ba'i phyir de bzhin gshegs pa'i rtog pa gsungs pa ni/ de nas ston pa rdo rje 'dzin/ /zhes bya ba la sogs pa gsungs pa yin te/ de nas zhes bya
 ba'i sgra ni de ma thag pa ste/ dang po'i sbyor ba'i rjes thogs nyid la'o/ /'dir dang po'i sbyor ba'i ting nge 'dzin dpal rdo rje sems dpa'i dkyil 'khor chen por bshad pa nyid gzung ngo / /ston pa zhes bya ba ni byang chub kyi sems la sogs pa rtogs par bya ba'i phyir
 sems can rnams kyi don mdzad cing / ston pas rang gi bka' bsgo ba la nges par sbyor bar mdzad pas na ston pa'o/ /rdo rje 'dzin pa ni rdo rje sems dpa'o/ /'byin pa ni sangs rgyas la sogs pa'i sprul pa mdzad pa'o/ /byed pa zhes bya ba ni 'dul ba'i skye bo rnams dpal rdo rje
 sems dpa' la sogs pa'i ngo bor mdzad pa'o/ /bde ba che zhes bya ba ni bshad zin to/ /bde ba chen po rab brtan phyir/ /zhes bya ba ni/ rab tu dga' ba la sogs pa'i sa thob pa'i sems can rnams kyi gnyis su med pa'i sems dang sems las byung ba'i brtan
 pa'i don to/ /sems can thams cad rnam dag phyir/ /zhes bya ba ni khams gsum par gtogs pa'i sems can gyi khams thams cad sangs rgyas nyid du rtogs pa ni sems can thams cad rnam par dag pa ste/ sems can thams cad rnam par dag pa'i phyir de bzhin
 gshegs pa'i rigs 'byung ngo zhes bya bar sbyar ro/ /ci zhig mdzad nas de bzhin gshegs pa'i rigs sprul par mdzad ce na/ kun gyi bdag nyid la zhugs te/ /zhes bya ba gsungs te/ thams cad kyi bdag nyid ni kun gyi bdag nyid de bcom ldan 'das rnam par
 snang mdzad do/ /de yang sangs rgyas dang byang chub sems dpa' thams cad kyi rang bzhin zhes bya ba'i tha tshig go/ /kun gyi bdag nyid der zhugs pa ni zhugs par mdzad pa'o/ /rdo rje zhes bya ba'i sgra ni nges par bzung ba ste/ de nyid rab tu zhugs pa'o/ /kun gyi bdag
 nyid kyi khyad par ji lta bu zhe na/ khams gsum dang mnyam zad pa med/ /ces bya ba gsungs te/ nam mkha'i khams thams cad na rtag tu gnas pa'i de bzhin gshegs pa thams cad kyi sku dang gsung dang thugs rdo rje'i khams ni thams cad kun no/ /khams de dag
 thams cad mnyam zhing mtshungs pas na khams kun dang mnyam mo/ /de nyid kyis mi zad pa yin pas na/ khams kun dang mnyam zad pa med/ /ces bya'o/ /khams kun dang mnyam pa yang yin la zad pa med pa yang yin pas/ khams kun dang mnyam zad pa med/ /
 ces bya ste/ khams kun dang mnyam zhing zad pa med pa'i rnam par snang mdzad de la zhugs nas/ kun gyi bdag nyid de mnyam zhing mi mnyam pa med par spro zhing khyab par mdzad pa yang dag par grub pa ste/ legs par grub pa'am/ /ma nyams par grub pa mi 'byung
 ba'o/ /de yang longs spyod rdzogs pa'i sku'i rang bzhin rnam par snang mdzad kyi sku la khyab cing bcom ldan 'das rnam par snang mdzad dang lhan cig tu gyur to zhes bya ba'i tha tshig go/ /de bzhin gshegs pa'i rigs phyung ngo zhes bya ba ni de bzhin gshegs pa rnams kyi rigs
 gang yin pa de bskyed par 'gyur ro/ /zhing ni thams cad mtha' yas pa/ /zhes bya ba ni sangs rgyas kyi zhing nam mkha'i khams thams cad dang 'dra bar mtha' yas shing rgya che ba'o/ /de nyid ni 'jig rten thams cad do/ /khams bcas pa zhes bya ba ni sangs rgyas kyi
 zhing de rnams nyid nas sa 'og dang sa bla dang lha yul gyi rang bzhin can/ mtha' yas pa'i 'jig rten gsum po gang yin pa ni 'jig rten thams cad de ni 'dod pa dang gzugs dang gzugs med pa'i khams kyi mtha' yas pa dang lhan cig tu gnas pas na/ 'jig rten
 thams cad dang khams thams cad ces bya'o/ /de'i tshe sangs rgyas thams cad kyis/ /til gyi gong bu bzhin du gang / /zhes bya ba ni/ zhing khams thams cad dang ji skad du bshad pa'i 'jig rten thams cad khams dang bcas pa gang yin pa de thams cad ni de bzhin
 gshegs pa thams cad kyi rigs bskyed par bya bas na/ dper na til gyi gong bu la til gyi sa bon gyis bar mtshams med par yongs su gang ba de bzhin du 'jig rten gyi khams thams cad rdul phra rab dang mnyam pa'i zhing thams cad dang / khams dang bcas pa'i
 'jig rten thams cad rnam par snang mdzad la sogs pa'i sangs rgyas thams cad kyis dus de'i tshe myur zhing rengs par yongs su gang bar 'gyur ro/ /'jig rten khams ni thams cad na/ /sems can kun mdun yang dag bzhugs/ /zhes bya ba 'di na
 sangs rgyas kyi zhing mtha' yas pa yongs su gang ba mdzad pa ni sangs rgyas dang bcas pa dang / sangs rgyas med pa'i 'jig rten gyi khams thams cad na 'gro ba drug tu gtogs pa'i sems can thams cad la re re'i yang mdun na bzhugs par snang bas/ sems can kun
 mdun yang dag bzhugs/ /zhes bya ba'o/ /ci zhig gi don du zhe na/ sems can thams cad rnam dag phyir/ /zhes bya ba gsungs te/ sems can yang yin la thams cad kyang yin pas na sems can thams cad do/ /de rnam par dag pa ni bla na med pa'i byang chub mngon
 sum du byas pas nyon mongs pa bag chags dang bcas pa'i dri ma dang bral ba ste/ de'i don du sems can thams cad kyi mdun na bzhugs so/ /sems can de dag thams cad de rnams bzhugs pas yang dag par 'gyur ram mi 'gyur zhe na/ rang gi las kyis dag ma
 gyur/ /zhes bya ba gsungs te/ dam pa'i chos spong ba la sogs pa'i rang gi las la 'jug pa gang yin pas sems can de dag thams cad dag par mi 'gyur zhing / sangs rgyas nyid mngon sum du byas par ma gyur to/ /de'i tshe ni de'i dus na'o/ /de rnams ni 'dus par mdzad
 de/ sems can thams cad kyi mdun du bzhugs pa'i sangs rgyas thams cad do/ /sems can gyi khams gso dka' ba nyid yin zhe na/ rang bzhin gyis zhes bya ba smos te/ rang gi ngo bo nyid ni rang bzhin te/ dam pa'i chos spong ba la sogs pa la 'jug pa'i las
 kyis sangs rgyas kyi byang chub kyi snod du ma gyur pa yin no/ /sems can gyi khams rnams rang bzhin gyis gso dka' ba des na/ rang gi las ni sbyang ba'i phyir/ /btang snyoms chen po mdzad pa yin/ /zhes bya ba yin te/ rang gi yang yin la las kyang yin
 pas rang gi las te/ sems can de rnams kyi dam pa'i chos spong ba la sogs pa'i las rnams so/ /sbyang ba'i phyir zhes bya ba ni skal ba med pa'i sems can de rnams kyi/ sdig pa bsal ba'i don sbyang ba'i phyir ro/ /don de'i phyir sangs rgyas de dag thams cad btang
 snyoms chen po mdzad pa yin te/ skal ba dang mi ldan pa'i sems can de rnams sbyang ba'i phyir re zhig 'bad pa mi mdzad kyi/ dus gzhan gyi tshe smin par bya ba'i sgo nas sems can gyi khams sbyang bar bya'o snyam du dgongs nas btang snyoms chen po mdzad pa yin no/ /ji skad du bshad
 pa'i sems can thams cad yongs su sbyang ba'i phyir/ gang gi tshe mdun na bzhugs par gyur pas sems can gyi khams rnams so/ /rnam par sbyong bar mdzad par mi spyod par gyur pa de'i tshe/ sems can gyi khams skal ba med pa na 'bad pa ni 'bras bu med par
 mkhyen na/ sangs rgyas de thams cad sems can thams cad sbyang ba'i don du 'bad pa btang nas bzhugs pa yin no/ /de nas zhes bya ba ni de bzhin gshegs pa thams cad btang snyoms chen po mdzad pa'i rjes thogs nyid la'o/ /bcom ldan 'das rdo rje can zhes bya ba
 ni rdo rje sems dpa'o/ /sems dpa' chen po bde ba che/ /zhes bya ba ni bshad zin to/ /skad cig gis zhes bya ba ni/ skad cig ma gcig gis so/ /yang dag bskul zhes bya ba ni sangs rgyas thams cad la sems can thams cad kyi don mdzad pa'i phyir yang dag par
 bskul bar gyur pa'o/ /rdo rje can rang bzhin ji lta bu zhig skad cig gcig gis sangs rgyas thams cad yang dag par bskul zhe na/ byang chub chen por thugs brtan pas/ /zhes bya ba gsungs te/ byang chub kyang yin la chen po yang yin pas byang chub chen po ste/ bla na
 med pa yang dag par rdzogs pa'i byang chub bo/ /de'i rang bzhin yin pas na brtan zhing mi phyed pa'i thugs 'di la yod pas na byang chub chen por thugs brtan pa ste/ de lta bu'i rdo rje can gyis sangs rgyas thams cad skad cig gis yang dag par bskul bar gyur pa'o/ /ji
 ltar yang dag pa bskul zhe na/ sems can kun la zhes bya ba la sogs pa gsungs te/ sems can kyang yin la kun kyang yin pas sems can kun no/ /de rnams la phan pa ni ma 'ongs pa'i dus na bde ba'i las so/ /de nyid ni bsod nams te/
 gtsang zhing dag par byed pas na bsod nams so/ /de ci zhig ce na/ byang chub sems dpa' zhes bya ba gsungs te/ byang chub kyi mtshan nyid can gyi sems ni byang chub sems so/ /bdag nyid ces bya ba ni bdag nyid yin par ston to/ /ci zhig tu rung ba zhig gam 'on te ma yin
 zhe na/ brtan pa zhes bya ba gsungs te/ de bzhin nyid kyi rdo rje mi shigs pa ni bdag nyid ston to/ /shin tu btang snyoms ma mdzad cig /ces bya ba ni gang gi phyir sems can kun la phan pa'i bsod nams byang chub kyi sems brtan zhing mi phyed pa dag yin pa des na sems can
 thams cad sbyang ba'i phyir sangs rgyas bcom ldan 'das btang snyoms ma mdzad cig / de ci'i phyir zhe na/ khyed rnams kyis btang snyoms mdzad na sems can rnams ngan 'gror 'gro bas sems can gyi khams brgyud par 'gyur ro/ /de ltar dpal rdo rje sems dpa'i sangs
 rgyas thams cad sems can gyi don gyi phyir yang dag par bskul bar gyur pa dang / de rnams sems can gyi don gyi thabs ston cig ces sangs rgyas rnams kyis de skad du gsungs pa yin no/ /de nas zhes bya ba ni de ma thag ston pa'i tshig go/ /sangs rgyas kyis zhes bya ba ni
 rnam par snang mdzad la sogs pa'i de bzhin gshegs pa rnams kyis so/ /gang gsungs she na/ sku gsung thugs kyi rdo rje can/ /zhes bya ba gsungs te/ sku dang gsung dang thugs ni sku gsung thugs so/ /de 'di la mnga' bas na sku gsung thugs rdo rje can te/ sku dang
 gsung dang thugs rdo rje dang ldan pa'i rdo rje sems dpa'o/ /ji ltar gsungs shing ci zhig gsungs she na/ khyed ni zhes bya ba la sogs pa gsungs te/ byang chub sems zhes bya ba ni byang chub [(]gyi [,]kyi [)]mtshan nyid can gyi sems so/ /bdag ci zhig yin zhe na/ thabs zhes bya ba gsungs te/
 yid la mngon par 'dod cing bsam pa'i don bde bas thob par byed pas na thabs zhes bya'o/ /gang gi thabs yin zhe na/ snying rje'i bdag nyid can gyi zhes bya ba gsungs te/ mi dmigs pa'i thugs rdo rje chen po'i rang bzhin can sangs rgyas bcom ldan 'das rnams kyi'o/ /khyed ces bya
 ba ni khyed nyid yin te gzhan ma yin pa'o/ /'dis ni 'di skad ston te/ gang gi phyir khyed ni dmigs su med pa'i thugs rje chen po'i rang bzhin can gyi sangs rgyas bcom ldan 'das rnams kyi sems can rnam par sbyang ba'i thabs yin la/ de bas na sems can rnam par sbyong ba'i thabs
 khyed kyis smros shig ces de bzhin gshegs pa rnams kyis bcom ldan 'das rdo rje sems dpa' la gsungs pa yin no/ /'di ltar sems can gyi don gyi phyir sangs rgyas bcom ldan 'das thams cad kyis rdo rje 'chang la gsol ba btab pa dang / de mdzad pa bstan pa'i phyir/ de
 nas ston pa zhes bya ba la sogs pa smos pa yin te/ de nas zhes bya ba'i sgra ni snga ma bzhin no/ /ston pa rdo rje 'dzin zhes bya ba ni bshad zin to/ /de tshe kun nas byin gyis brlabs/ /zhes bya ba ni/ de bzhin gshegs pa'i dkyil 'khor gyi khams gsum pa thams cad kun nas
 khyab par byin gyis brlabs pas na/ kun nas byin gyis brlabs pa ste de mdzad par gyur pas na/ kun nas byin gyis brlabs zhes bya ba ste/ de bzhin gshegs pa thams cad kyis gsol ba btab pa'i dus su de ltar mdzad pa'o/ /ci zhig kun nas byin gyis
 brlabs she na/ bde ba chen po zhes bya ba la sogs pa smos te/ bde ba chen po rdo rje zhes bya ba ni gnyis su med pa'i ye shes so/ /de las skyes pas na de bzhin gshegs pa'i dkyil 'khor ni dkyil 'khor chen po zhes bya ba'o/ /de nyid kyis na dam pa ste mchog go/ /de'i tshad ji
 tsam zhe na/ khams gsum 'khor lo'i rgya khyon gyi/ /zhes bya ba gsungs te/ 'dod pa dang / gzugs dang gzugs med pa'i khams ni khams gsum gyi 'khor lo'o/ /des khyab pa'i ngang tshul 'di la yod pas na/ khams gsum gyi ni rgya khyon zhes bya'o/ /'khor lo yang
 yin pa chen po yang yin las na 'khor lo chen po ste/ rnam par snang mdzad kyi dkyil 'khor ro/ /khams gsum 'khor lo'i rgya khyon yang yin la 'khor lo chen po yang yin pas na khams gsum pa'i rgya khyon gyi 'khor lo chen po'o/ /gdod nas
 byung zhes bya ba ni da ltar byung ba'i tshul gyis rtag tu bzhugs pas na gdod ma nas byung ba'o/ /de yis khams gsum la gnas pa'i sems can rnams rab tu bsgrub ces bya ba ni/ khams gsum gyi 'khor lo'i rgya khyon can gyi rnam par snang mdzad kyi dkyil 'khor des/ 'dod
 pa dang / gzugs dang / gzugs med pa ste/ khams gsum na gnas pa'i sems can thams cad bskal pa ji lta ba bzhin du de bzhin gshegs pa'i rigs la mngon par 'dod cing brtson par rab tu bsgrubs te/ de bzhin gshegs pa'i rigs rtogs par bya ba'i phyir
 byang chub kyi sems bskyed pa la sogs pa la rab tu gzhag pa'o/ /de tshe dag pa grub par 'gyur/ /zhes bya ba ni de nas dus de'i tshe ste bskal pa bzang po la sogs pa dang po'i tshe'o/ /sems can skal ba ji lta ba bzhin du nyon mongs pa bag chags dang bcas pa dang bral bas
 dag pa yin no/ /khams gsum gyi chos kyi rgyal srid kyi dbang bskur ba thob pas grub pa yin no/ /sangs rgyas kun sogs dngos grub la/ /zhes bya ba ni sangs rgyas kyang yin la kun kyang yin pas na sangs rgyas kun te/ rnam par snang mdzad la sogs pa'o/ /de rnams kyi
 dngos grub ni sangs rgyas kun sogs dngos grub ste/ /sangs rgyas byang chub thob pa'o/ /de la sogs pa'i rdo rje sems dpa' la sogs pa nas rdo rje sems dpa'i bar gyi rigs thams cad kyi dngos grub gang yin pa de ni sangs rgyas kun sogs dngos grub ste/ sangs rgyas
 kun sogs pa'i dngos grub kyi yul de la'o/ /de nas zhes bya ba la sogs pa la/ sku dang gsung dang thugs zhes bya ba la sogs pa gang gsungs pa des 'dus pa mdzad pa'i sangs rgyas thams cad kyis gsol ba btab pa yin te/ 'dus pa mdzad nas rdo rje sems
 dpa' la de bzhin gshegs pa'i rigs ston par mdzad pa'i phyir gsol ba btab pa yin no/ /ji lta bu zhe na/ de bzhin gshegs pa'i rigs chen po/ /sangs rgyas kun mchog bshad du gsol/ /de bzhin gshegs pa'i dkyil 'khor ni de bzhin gshegs pa'i
 rigs te/ de yang nam mkha' thams cad khyab pas na chen po'o/ /sangs rgyas kun ni ji skad du bshad pa rnams so/ /de rnams kyi mchog yin pas na sangs rgyas kun mchog ste/ byang chub chen po'i mtshan nyid kyi sems kyi rang bzhin gyis sku'i gsang ba'i tshul gyis de
 bzhin gshegs pa rnams las dam par gyur pas na mchog ste/ gang gi phyir de rnams sems de dang rjes su 'brel pa yin no/ /de nas sangs rgyas thams cad kyi/ /zhes bya ba ni gsol ba btab pa'i rjes thogs nyid la 'jig rten gyi khams thams cad kyi rdul phra rab dang
 mnyam pa'i sangs rgyas rnam par snang mdzad la sogs pa 'dus nas byon pa de thams cad kyi sku dang gsung dang thugs la yang dag bzhugs pas na/ sku gsung thugs la yang dag bzhugs/ /zhes bya'o/ /sku gsung thugs kyi rdo rje las/ /yang dag spros nas 'di
 gsungs so/ /zhes bya ba ni de ltar bshad ma thag pa'i tshul gyis rdo rje sems dpa' sangs rgyas thams cad kyi sku dang gsung dang thugs rdo rje la zhugs te/ de nas 'di gsungs so zhes bya bar sbyar ro/ /ci zhig mdzad nas she na/ yang dag par spros nas zhes bya ba
 gsungs pa ste/ de bzhin gshegs pa thams cad kyi sku dang gsung dang thugs rdo rje la chu dang 'o ma ltar gcig tu gyur pa'i rdo rje sems dpa'i mnyam pa'i spro ba de mdzad pa ni yang dag par mnyam par spro ba'o/ /'di gsungs so zhes bya ba oM b+hu khaM zhes bya ba bka' stsal
 pa'o/ /de nas 'di ni zhes bya ba la sogs pa ni go sla'o/ /bdud rnams bcom pa la sogs pa zhes bya ba ni ji ltar 'di ni bcom ldan 'das rdo rje gdan la bzhugs te/ bdud bcom par mdzad pa de bzhin du/ de'i tshe 'dul bar mdzad pa'i sangs rgyas thams cad
 kyis bdud bcom par mdzad cing khams gsum pa der byang chub kyi snying por byin gyis brlabs shing brtan par mdzad pa yin no/ /sogs pa'i sgras ni dbang bskur ba dang / chos kyi 'khor lo bskor ba dang / log par spyod pa'i sems can 'dul ba dang / sangs
 rgyas thams cad gcig tu bsdus pa rnams 'dul ba la bya'o/ /de la mi bskyod pa'i tshul gyis ni bdud rab tu bcom pa yin no/ /rin chen 'byung ldan gyis ni dbang bskur ba thob pa yin no/ /'od dpag tu med pa'i tshul gyis ni chos kyi 'khor lo bskor ba yin no/ /don
 yod par grub pa'i tshul gyis ni log par spyod pa'i sems can rnams 'dul ba yin no/ /rnam par snang mdzad kyi tshul gyis ni sangs rgyas thams cad bsdus pa yin no/ /de ltar na/ de nas ston pa rdo rje 'dzin/ /zhes bya ba nas brtsams te/ byang chub snying por byin gyis
 brlabs/ /zhes bya ba'i bshad pas ni ting nge 'dzin gnyis pa gsungs pa yin no/ /de nas bsdu ba nas brtsams te gsungs pa yin pas shes par bya'o/ /da ni dam tshig dang dbang bskur ba thob pa rnams kyis bzlas brjod dang bsgom pa bya'o zhes bya ba 'di'i don bstan par
 bya ba'i phyir/ de nas ston pa rdo rje 'dzin/ /dkyil 'khor mchog ni bka' stsal pa/ /zhes bya ba la sogs pa slob dpon gyi las kyi cho ga dang / slob ma 'jug pa la sogs pa'i cho ga gsungs pa yin no/ /de nas zhes bya ba'i sgra ni de ma thag pa ston pa'i tshig ste/ las kyi
 rgyal po mchog gi ting nge 'dzin gyi rjes thogs nyid la'o/ /rdo rje 'dzin pa zhes bya ba ni go bar zad do/ /rtog pa kun gyi bde ba che/ /zhes bya ba rtog pa yang yin la kun kyang yin pas na rtog pa kun te/ rnam par snang mdzad la sogs pa'i phyag rgya'i tshul lo/ /de rnams kyi
 bde ba chen po'i sangs rgyas kyi byang chub ste/ de thob pa'i rgyur gyur pa'i phyir dang / de'i rgyu mthun pa las byung bas/ dkyil 'khor 'di yang / rtog pa kun gyi bde ba che/ /zhes bya'o/ /de nas zhes bya ba ni rjes thogs la'o/ /gang gi phyir zhes bya ba ni rgyu gang gi
 phyir ro/ /yang dag par rab tu phye ste bshad pas na yang dag rab bshad pa'o/ /dkyil 'khor chen po ni de bzhin gshegs pa rnam par snang mdzad kyi dkyil 'khor te/ sku'i gsang ba gtsor gyur pa'i dkyil 'khor chen po'i de nyid ni de bzhin gshegs pa'i rigs kyis 'dul ba'i
 sems can rnams 'dul bas na dkyil 'khor gzhan las mchog tu gyur pas na dam pa yin zhes bya'o/ /'dis ni 'di skad ston pa yin te/ ting nge 'dzin gsum bsgom pa nas nye bar bzung ste rnam par snang mdzad dkyil 'khor chen po 'di ji srid mngon sum du mthong
 bar gyur pa de srid kyi bar du bsgom par bya'o/ /de nas de'i rjes thogs nyid la de bzhin gshegs pa mthong ba'i skal ba med pa'i sems can rnams skal ba dang ldan par bya ba'i phyir dkyil 'khor yang dag par bri bar bya'o/ /dbyibs ji lta bur bri bar bya zhe na/ dkyil
 'khor chen po zhes bya ba la sogs pa gsungs te/ dpal rdo rje sems dpa'i phyi ma'i dkyil 'khor bshad ma thag pa'i dkyil 'khor chen po 'dir phyi'i dkyil 'khor yin la/ de'i mchog gang yin pa de ni dkyil 'khor chen po'i phyi'i mchog ces bya'o/ /der ci zhig bya
 zhe na/ rdo rje 'khor lo yang dag bri/ /zhes bya ba ste/ rdo rje 'khor lo zlum po la rdo rje phreng ba'i tshul dang ka ba brgyad kyis nye bar mdzes par byas pa'i dkyil 'khor ni rdo rje 'khor lo ste yang dag par bri bar bya'o/ /'khor lo'i lte ba zhes bya ba la sogs pa la de ltar dkyil 'khor
 chen po de bris nas dkyil 'khor dbus ma'i dbus kyi lte bar sangs rgyas bcom ldan 'das rnam par snang mdzad 'dzum pa mi snang ba ste/ tshems mngon pa'i 'dzum pa gang yin pa de ni 'dzum pa snang ba yin la/ 'di'i 'dzum pa mi mngon pas na mi snang ba ste/ 'dzum pa mi snang ba'i
 sangs rgyas kyi mchog bcom ldan 'das rnam par snang mdzad de/ su ra te sa ma ya s+t+waM ho sid+d+hi maM/ zhes zlos shing dbus su dgod par bya'o/ /de nas rnam par snang mdzad de'i mdun du 'dod chags rdo rje ma'i gnas su bdud las rnam par rgyal bar mdzad pa'i sangs rgyas mi bskyod pa
 yang dag par bri bar bya ste/ rnal 'byor pa mi bskyod pa'i sbyor bas bdud las rnam par rgyal bar byed cing / badzra satwa/ zhes zlos bzhin du sangs rgyas bcom ldan 'das mi bskyod pa bri bar bya'o zhes bya ba'i tha tshig go/ /g.yas su byang chub sems dpa'/ nor
 chen gyis ni dbang bskur ba/ /zhes bya ba ni bcom ldan 'das rnam par snang mdzad kyi g.yas kI li kI la'i gnas su rnal 'byor pas 'phags pa nam mkha'i snying po la sogs pa'i nor chen po rin po che'i rigs kyi rang bzhin gyis dbang bskur zhing dbang bskur ba de byed bzhin du bri bar
 bya'o/ /'di skad ston te/ rnal 'byor pa rin chen 'byung ldan gyi nga rgyal dang ldan pas badzra rat+na zhes bzlas la bdag nyid 'phags pa nam mkha'i snying po la sogs pa nor bu'i rigs kyi rang bzhin gyi byang chub sems dpa'i rin po che'i cod pan la sogs pas dbang bskur bar bsam zhing
 bcom ldan 'das sangs rgyas rin chen 'byung ldan badzra rat+na zhes zlos shing g.yas logs su bri bar bya'o/ /rgyab tu byang chub sems dpa' dang ma nyam du chos kyi 'khor lo bskor ba zhes bya ba ni bcom ldan 'das rnam par snang mdzad kyi rgyab tu rdo rje dran
 ma'i gnas su rdo rje chos la sogs pa byang chub sems dpa' rnams dang mnyam du lhan cig chos kyi 'khor lo bskor zhing dam pa'i chos ston pa ste/ chos thams cad ni rang bzhin gyis rnam par dag pa'o zhes shes rab kyi pha rol tu phyin pa'i rang bzhin can gyi chos ston cing rnal
 'byor pas bcom ldan 'das sangs rgyas 'od dpag tu med pa bri bar bya'o/ /'di skad ston te/ rnal 'byor pa 'od dpag med pa'i nga rgyal bsgom zhing badzra d+harmA zhes zlos shing rdo rje chos la sogs pa'i pad+ma'i rigs kyi byang chub sems dpa' rnams dang lhan cig tu chos thams
 cad rang bzhin gyis rnam par dag pa'o zhes ston cing sangs rgyas bcom ldan 'das 'od dpag tu med pa bri bar bya'o/ /g.yon du zhes bya ba ni bcom ldan 'das rnam par snang mdzad kyi g.yon logs rdo rje bsnyems ma'i gnas su'o/ /log par rnam dregs pa ni dbang phyug
 chen po la sogs pa dregs pa bdo ba rnams ni log par rnam par dregs pa'o zhes bya'o/ /log par dregs pa de bsgrub pa ni khams gsum rnam par rgyal ba la sogs pa'i tshul sprul par mdzad nas de nas de rnams rang dbang du mdzad pa'o/ /bstan pa dam pa la mngon par
 dga' zhing nan tan lhur byed pa dang ldan pa'i dam pa rnams lta smos kyang ci dgos te/ de dag ni shin tu yi rangs mdzad pa bcom ldan 'das sangs rgyas don yod grub pa bri bar bya'o/ /'dis ni 'di skad ston pa yin te/ sngags pas don yod par grub pa'i nga rgyal bskyed la/ badzra
 karma zhes zlos shing rang gi lus las rdo rje rigs rnams spros la/ des lha chen po la sogs dregs pa bdo ba'i sems can btul te/ rang dbang du byas par yid kyis bsams shing bstan pa la mngon par dga' ba rnams kyang zhi ba'i tshul gyis rang dbang du byas par yid
 kyis bsams la/ badzra karma/ zhes bya ba'i snying po 'dis bcom ldan 'das don yod grub pa bri bar bya'o/ /de nas 'di rnams kyi zhes bya ba la sogs pa ni go bar zad do/ /mtshams kyi char ni rdo rje dang / /rin chen sdong bu nor bu bri'o/ /zhes bya ba ni nang gi dkyil
 'khor de nyid kyi me'i mtshams su rdo rje rtse lnga pa/ bden bral du rdo rje rin chen/ rlung gi mtshams su sdong bu ste rdo rje pad+ma/ dbang ldan du sna tshogs rdo rje'i ming nor bu zhes bya ba bri bar bya'o/ /de nas 'di rnams kyi zhes bya ba ni go sla'o/ /mtshams rnams su ni lha mor
 bshad/ /ces bya ba ni/ sgeg mo bzhad ma glu chen mo/ /gar mdzad ma ste lha mo'i tshogs/ /'di dag rdo rje rnam sgeg mo'i/ /phyi yi mtshams su bya bar bshad/ /ces rdo rje sems dpa'i dkyil 'khor du gsungs pa de nyid 'dir bri bar bya'o/ /sgo nyid du ni lcags kyu zhes
 bya ba ni bde ba chen po rdo rje sems dpa'i dkyil 'khor chen po rdo rje lcags kyu dang zhags pa dang / lcags sgrog dang / rdo rje dril bu zhes gsungs pa de 'dir sgo ru bri bar bya'o/ /de bzhin snga ma ji lta bzhin/ /'khor lo de ni brtag par bya/ /zhes bcom ldan 'das rnam
 par snang mdzad kyi dkyil 'khor de legs par bris la rdo rje sems dpa'i dkyil 'khor bris pa'i tshul gyis cho ga thams cad rjes su spyad do/ /de nas mchod pa'i thal mo zhes bya ba/ thal mo khong stong snying gar bcings/ /zhes bya ba rang gi snying ga'i phyogs su
 bcings la/ g.yon du de bzhin bskor ba ni/ /zhes bya ba ni rang gi snying ga'i g.yon logs su de bzhin gshegs pa sngar bshad pa'i tshul gyis bskor zhes bya ba'i tha tshig go/ /me tog dang bcas phyag rgya 'di/ /sangs rgyas kun gyi dam tshig gcig /ces bya ba ni go bar zad do/ /
 de ni zhes bya ba la sogs pa la dam tshig gi rim pa'i phyag rgya bcing ba'o/ /bsam pa g.yos pas 'dud par bya/ /zhes bya ba ni lhag par mos pa phul du byung bas de bzhin gshegs pa thams cad la phyag bya'o/ /de nas phyag byas la me tog dor bar bya'o/ /gang gi dus su
 zhe na/ bskor ba lan gsum byas nas ni/ /zhes bya ba gsungs te/ bskor ba lan gsum byas nas so/ /shin tu gsang bas yang dag dgug /ces bya ba ni/ oM a kA ro mu khaM sarba d+harmA NAM A d+ya nut+pan+na twAta/ ces zlos shing gsang ba'i lcags kyu mas dgug pa dang /
 gzhug pa dang / bcing ba dang / dbang du bya ba'o/ /de nas cho ga ji bzhin du/ /ston pa la ni me tog dor/ /zhes bya ba ni de ltar bcom ldan 'das rnam par snang mdzad 'khor dang bcas pa gsang ba'i lcags kyus dgug pa dang / gzhug pa dang / bcing ba dang / dbang du
 bya ba la ji lta ba bzhin du zhugs te/ rdo rje sems dpa'i dkyil 'khor chen po bshad pa'i tshogs cho ga thams cad rjes su spyad la me tog dor ba'i sngags kyis me tog gi sil ma dor bar bya'o/ /sangs rgyas byang chub rab grub phyir/ /'gro ba'i mgon la de nyid brjod/ /ces
 bya ba ni bskor ba lan gsum byas nas bcom ldan 'das rnam par snang mdzad kyi mdun du 'dug ste/ 'dod chags chen po bde ba che/ /zhes bya ba la sogs pa sngar bshad pa'i de kho na nyid 'gro ba'i mgon po bcom ldan 'das rnam par snang mdzad kyi spyan sngar brjod par bya'o/ /
 ci'i phyir zhe na/ sangs rgyas byang chub rab grub phyir/ /zhes bya ba ste/ sangs rgyas rnams kyi byang chub ni sangs rgyas kyi byang chub bo/ /de bzhin du phul du byung ba bsgrub pa ni rab grub pa ste/ sangs rgyas kyi byang chub ste shin tu grub par bya ba'i phyir ro/ /'dis ni 'di skad ston pa yin te/ oM a kA
 ro mu khaM sarba d+harmA NAM A d+ya nut+pan+na twata/ ces bya ba'i snying po dang dril bu dang bcas pa'i gsang ba'i lcags kyu ma dang 'bebs pas dgug cing spyan drangs nas myur ba nyid du rnam par snang mdzad la sogs pa'i sangs rgyas thams cad 'dus shing byon par 'gyur ro/ /thams cad ma skyes sbyor ba
 yis/ /zhes bya ba ni thams cad kyis ma skyes pa ni/ thams cad ma skyes pa ste chos thams cad ma skyes pa'i de bzhin nyid do/ /de bzhin nyid du ro gcig pa'i sems kyi sbyor ba des dngos grub kun ni rnam par snang mdzad la sogs pa'i sgrub pa po'i dngos grub thams cad stsol zhing ster
 bar mdzad par 'gyur ro/ /ni zhes bya ba ni gang gi phyir zhes bya ba'i don to/ /gang gi phyir 'dus pa rnams thams cad ma skyes pa'i sbyor bas sgrub pa po'i dngos grub thams cad rnal 'byor pa la sangs rgyas thams cad kyis stsol bar 'gyur ro/ /zhugs nas zhes bya ba ni dkyil 'khor
 der zhugs nas so/ /dngos grub thams cad 'grub par 'gyur/ /zhes bya ba ni dkyil 'khor der zhugs nas phyag rgya chen po la sogs pa'i dngos grub thams cad 'grub par 'gyur ro/ /dga' ba la sogs mtshan ma mchog /sna tshogs pa ni 'byung bar 'gyur/ /zhes bya ba
 ni dkyil 'khor der zhugs nas sgrub par byed pa ni rnal 'byor pa la dngos grub kyi ltas dga' ba dang / yid bde ba dang / 'od zer mthong ba la sogs pa'i mtshan ma'i mchog ste/ dam pa'i tshul rnam pa sna tshogs skye zhing 'byung bar 'gyur ro/ /de nas zhes bya ba ni slob dpon
 gyi las kyi cho ga'i rjes thogs la'o/ /mchog tu slob ma gzhug pa ni dkyil 'khor chen por ro/ /cho ga rgyas pa de bzhin no/ /zhes bya ba ni 'dir slob dpon gyis rdo rje sems dpa'i dkyil 'khor chen por bshad pa'i slob ma 'jug pa'i cho ga rgyas pa thams cad 'dir bya ba yin
 no/ /mchod pa'i thal mos 'khor lo che/ /mchod pa byas nas slar 'byung bya/ /zhes bya ba ni gang 'di na de bzhin gshegs pa'i dkyil 'khor chen por mchod pa'i thal mo des me tog dang / bdug spos dang / mar me dang / dri la sogs pa blangs nas me
 tog la sogs pa der 'khor lo che zhes bya ba'i dkyil 'khor mchod pa byas nas cho ga thams cad rjes su spyad la dkyil 'khor chen po de las slar 'byung bar bya'o/ /dngos grub cho ga ji bzhin du/ /sgrub pa rnams ni rab bshad bya/ /zhes bya ba la dngos grub ni bsgrubs pa'i
 'bras bu'o/ /cho ga ji bzhin zhes bya ba ni cho ga'i rim pa ma 'chol bar ro/ /sgrub ces bya ba ni 'dis sgrub pas na bsgrub pa ste/ ras ris la sogs pa'o/ /rab bshad bya zhes bya ba ni de rab tu phye ste sgrub pa dang dngos grub bshad par bya'o zhes bya ba ste ci yang rung ba'i tshul
 du ni ma yin no zhes bya ba'i tha tshig go/ /de la cho ga ji bzhin zhes bya ba ni sgra'i don ni 'di yin te/ de bzhin gshegs pa'i dkyil 'khor du zhugs la rang gi lha'i sngags dang / phyag rgya ji lta ba bzhin du blangs te/ rang gi lha'i rnal 'byor byas la mdun du rang gi lha spyan drangs pa
 dang / mchod pa dang / phyag byas nas de'i dam tshig gi phyag rgya bcings te/ bdag la byin gyis brlabs pa la sogs pa byas nas ras ris la sogs pa ji lta ba bzhin du nye reg lan cig byas la/ zla ba gcig tsam gyi bar du bzlas brjod byas la de nas ji skad bshad pa'i
 tshul gyis ras ris kyi dkyil 'khor gyi tshul lam dpa' bo gcig pu 'dir gzhug par bya'o/ /de'i mdun du bdag la byin gyis brlabs pa la sogs pa byas nas/ ras ris la rang gi lha ji lta ba bzhin du spyan drangs nas cho ga thams cad rjes su spyad pa'am/ rang gi lha'i
 phyag rgya chen po sngar bshad pa'i tshul gyis yang zla ba gcig gi bar du bzlas brjod byas la/ mthar zla ba nya ba la mtshan thog thag bzlas brjod bya'o/ /de nas ji ltar mngon par 'dod pa'i dngos grub rnams grub par 'gyur ro/ /don 'di nyid ston pas ni/ bdud la sogs
 las rnam rgyal brnyes/ /bcom ldan ras la bri bar bya/ /sgrub pa 'di las gcig tsam ni/ /de lta'i bsgrub byas sgrub par 'gyur/ /zhes bya ba ni 'di ni dkyil 'khor gyi ras ris sgrub pa la gsungs pa yin no/ /dpa' bo gcig pu'i dbang du byas nas/ sku gzugs la sogs mdun du
 yang / /zhes bya ba la sogs pa gsungs pa yin te/ 'di ni go bar zad do/ /'dis kyang 'di skad ston pa yin te/ snga ma bzhin du rang gi lha'i dam tshig gi phyag rgya bcings la zla ba gcig tsam bzlas brjod byas nas rang gi lha dpa' bo gcig pu ras la sogs pa la gzhug pa mdun du
 gzhug ste cho ga thams cad rjes su spyad la/ rang gi lha'i phyag rgya chen po bcings la slar bzlas brjod 'bum bya'o/ /de nas zla ba nya ba la mtshan thog thag bzlas brjod byas na de lta bus ni rang gi lha'i phyag rgya chen po'i dngos grub thob par 'gyur ro/ /rgyud 'di la thams cad du yang ras
 ris sgrub pa la/ lce la rdo rje dkar po bsams te bzlas brjod bya bar shes par bya'o/ /gzhung 'dis ni chos kyi phyag rgya sgrub pa yang bshad par gyur pa yin te/ gang gi phyir phyag rgya chen po dang / dam tshig gi phyag rgya dang / las kyi phyag rgya rnams bsgrubs pa'i rjes thogs
 nyid la ston pa yin gyi chos kyi phyag rgya ni ma yin no/ /de nas de bzhin gshegs pa'i phyag rgya'i sgrub pa chen po'i rgyud ni zhes bya ba ni de nas zhes bya ba'i sgra ni gnas skabs zhes bya ba'i tha tshig go/ /de bzhin gshegs pa'i dkyil 'khor du de bzhin gshegs pa'i rigs rnams kyi phyag rgya
 chen po ni de bzhin gshegs pa'i phyag rgya'o/ /de rnams kyi sgrub pa chen po ni rang gi sku'i ngo bor bdag nyid bsgom pa'o/ /de ston par byed pa'i sgra ni tshogs rgyud do/ /phyag rgya gcig cig bcings nas ni/ /bdag nyid sangs rgyas yin bsams na/ /zhes bya ba ni rnam par snang
 mdzad la sogs pa'i phyag rgya chen po bcings la/ bdag nyid sangs rgyas yin no zhes bsgom zhing yang dang yang du mngon du byed pa'o/ /des cir 'gyur zhe na/ phyag rgya chen po dngos grub che/ /brtan pa ring por mi thogs thob/ /ces bya ba gsungs te/ rnam par snang mdzad
 la sogs pa'i phyag rgya chen po bcings nas rnam par snang mdzad la sogs pa'i rang bzhin ni bdag nyid yin no zhes bsgoms na/ rnal 'byor pa rnam par snang mdzad la sogs pa'i phyag rgya chen po'i dngos grub bcar du med cing gzhig tu med par brtan pa ring por mi thogs
 shing myur ba nyid du thob pa'o/ /de ltar phyag rgya chen po'i bsgrub pa gsungs nas/ da ni dam tshig thams cad sgrub pa gsungs pa ni/ de nas dam tshig thams cad sgrub pa zhes bya ba yin te/ de nas zhes bya ba'i sgra ni snga ma bzhin no/ /dam tshig thams cad ni dam tshig gi phyag rgya thams
 cad do/ /de rnams kyis sgrub pa ni rang gi snying gar sems dpa'i rdo rje bsams la/ sa ma ya s+t+waM/ zhes phyag rgya bcing ba'i snying po zlos shing bcing ba'o/ /'di nyid gsungs pa ni/ snying gar rdo rje'i gzugs gzhag ste/ sa ma ya s+t+waM/ zhes brjod nas/ bzlas brjod 'bum gyis
 bsgrubs nas ni/ /dngos grub thams cad thob par 'gyur/ /zhes bya ba yin no/ /'di skad ston pa yin te/ dam tshig gi phyag rgya bsgrub par 'dod pa'i sgrub pa pos bdag la byin gyis brlab pa la sogs pa byas nas/ sems dpa'i rdo rje snying gar bsams la/ sa ma ya s+t+waM/
 zhes brjod la rang gi lha'i dam tshig gi phyag rgya bcing bar bya'o/ /de nas zla ba gcig tsam gyi bar du phyag rgya bcing ba dang / rang gi lha'i sngags bzlas brjod dpag tu med pa bya'o/ /de nas yang de bzhin du bzlas brjod byas la mthar zla ba nya ba la mtshan thog thag bzlas brjod byas na
 de lta bus ni dam tshig gi phyag rgya thams cad kyi dngos grub thob par 'gyur ro/ /de ltar dam tshig gi phyag rgya bsgrub pa gsungs nas/ da ni las kyi phyag rgya thams cad sgrub pa gsungs pa ni/ de nas las kyi phyag rgya thams cad sgrub pa'i rgyud ni zhes bya ba yin te/ de nas zhes bya ba ni
 snga ma bzhin no/ /las kyi phyag rgya yang yin la thams cad kyang yin pas na las kyi phyag rgya thams cad do/ /de rnams kyi bsgrub pa ni bdud bcom pa la sogs pa sgrub pa'o/ /de ston par byed pa'i sgra'i tshogs ni rgyud do/ /bdud las rgyal ba zhes bya ba ni mi bskyod pa'i las kyi
 phyag rgya bcings la bdud kyi sde las rgyal bar bya'o/ /mchog rtogs shing zhes bya ba ni mchog ni dam pa ste/ bla na med pa yang dag par rdzogs pa'i byang chub bo/ /de rtogs pa ni mngon par byang chub pa'o/ /chos kyi 'khor lo rab tu bskor/ /zhes bya ba ni/ 'od dpag tu med
 pa'i las kyi phyag rgya bcings nas chos ston pa'o/ /mtshungs med sems can don byas nas/ /zhes bya ba ni don yod par grub pa'i las kyi phyag rgya bcings te/ log par spyod pa'i sems can rnams kyi don bya bar yid la bsams par byas na'ang de lta bus cir 'gyur zhe na/ las
 kyi phyag rgya grub par 'gyur/ /zhes bya ba gsungs so/ /'di skad ston pa yin te/ bdag la byin gyis brlab pa la sogs pa byas nas yi ge a las rang gi snying gar sna tshogs rdo rje bsams la/ badzra sa twa/ zhes zlos shing mi bskyod pa'i las kyi phyag rgya bcings la bdud rab tu
 gzhom par bya'o/ /de nas rnam par snang mdzad kyi las kyi phyag rgya bcings la oM b+hu khaM zhes zlos shing mngon par byang chub pa lnga'i rim pas bdag nyid mngon par sangs rgyas par bsam par bya'o/ /badzra rat+na zhes zlos shing rin po che'i rigs kyi rang bzhin can gyis byang chub sems
 dpa'i nor bu chen pos bdag nyid la dbang bskur la/ badzra d+harmA zhes zlos shing 'od dpag tu med pa'i las kyi phyag rgya bcings la chos kyi 'khor lo bskor bar bya'o/ /de nas badzra karma zhes zlos shing don yod par grub pa'i las kyi phyag rgya bcings la/ sems can log par spyod
 pa dang / yongs su dga' ba rnams dbang du bsdus shing don byas nas bdag nyid bya ba byas pa lta bur bsams la/ rang gi lha'i phyag rgya bcings te/ snga ma bzhin du zla ba gcig bzlas brjod dpag tu med pa bya'o/ /de'i rjes la zla ba gnyis pa la yang mthar zla ba nya la mtshan
 thog thag bzlas brjod byas te/ de lta bus ni las kyi phyag rgya thams cad kyi dngos grub grub par 'gyur ro/ /de bzhin gshegs pa thams cad kyi dngos grub mchog ni las kyi phyag rgya la sogs pa sgrub pa'o/ /de'i cho ga ni bya ba rnams so/ /de'i cho ga rgyas pa ni chos
 kyi phyag rgya la sogs pa sgrub pa'i rgyun no/ /de ston par byed pa sgra'i tshogs ni rgyud do/ /slob ma 'jug pa la sogs pa'i cho ga rgyas pa rdzogs so// //yang 'di'i don brjod par bya ste/ yang bdag bsrung ba dang / bgegs gzhom pa la sogs pa
 byas la bsang gtor bya ba'i phyir spos chab kyis bkang ba'i snod la rdo rje gnod sbyin yongs su bzlas te/ lha'i khang pa'i sgor bzhag la/ mchod yon dang mchod pa rnam pa lnga la ji lta ba bzhin du mngon par bzla'o/ /mchod chen thams cad dgug pa dang / /bdag la byin rlabs
 la sogs bsgrub/ /rtag tu rdo rje dril 'chang zhing / /dngos grub mchog ni bsgrub par bya/ /lugs ma'am yang na brkos pa'am/ /byas pa'am ni bris pa yis/ /dang po'i 'khor lo bzhag nas ni/ /des ni slar yang rab tu 'grub/ /yi ge hUM ngam rdo rje 'khor lo'i phyag rgyas
 bcom ldan 'das rnam par snang mdzad kyi dkyil 'khor sprul par bya'o/ /de nas gal te 'byor pa yod na me tog la sogs pas dkyil 'khor mchod la/ oM sarba ta thA ga ta kA ya wA ka tsit+ta pra Na me na badzra ban+d+ha naM ka ro mi/ zhes zlos shing phyogs thams cad nas dkyil
 'khor lnga pas bcom ldan 'das rnam par snang mdzad 'khor dang bcas pa la phyag bzhi byas nas cho ga thams cad rjes su spyad cing / sdom pa gzung bar bya'o/ /de nas rdo rje thal mo dang / rdo rje bsdams pa bcings nas rdo rje bsdams pa rang gi snying gar dral bar bya'o/ /de
 nas rdo rje 'bebs pa bskyed la/ tiSh+Tha badzra zhes bya ba la sogs pa zlos shing rang gi snying gar rdo rje 'bebs pa'i phyag rgya dgrol bas dbab pa brtan par byas la rdo rje khu tshur gyis dam tshig gi phyag rgya bcings la/ oM badzra muSh+Ti baM zhes brjod par bya'o/ /de nas phyag
 rgya dgrol bar byas la sdig pa dral ba'i phyag rgyas sdig pa rnam par dral bar bya'o/ /de nas rdo rje skyil mo krung bcas la skyil mo krung gi steng du rdo rje bsdams pa bkan te bzhag la/ snying gar sems ma rdo rje bkod de/ 'phags pa de kho na nyid bsdus pa las gsungs
 pa'i mngon par byang chub pa lnga'i rim pa bsgom par bya'o/ /de nas bcom ldan 'das rnam par snang mdzad kyi phyag rgya bcings la/ sa ma ya s+t+waM haM/ zhes bsgoms la/ sa ma ya sa twa a d+hi tiSh+Tha swa maM/ zhes bya ba dang / dam tshig gi phyag rgya de nyid kyis snying ga dang dpral ba dang /
 lkog ma dang spyi bor byin gyis brlab par bya'o/ /de nas rnam par snang mdzad kyi phyag rgya chen po bcing bar bya'o/ /de nas nam mkha' dang mnyam pa'i sbyor bas rang gi snying gar yid kyis zhugs la/ rdo rje 'khor lo'i phyag rgyas de nyid du bcom ldan 'das rnam par snang mdzad
 kyi dkyil 'khor chen po mngon par sprul la/ dngos grub kyi rdo rje brtul zhugs kyi bar gyi bdag nyid 'jug pa'i cho ga rnams rjes su spyad de/ rang gi snying gar zla ba'i nang du 'dres par bsams la/ bcom ldan 'das rnam par snang mdzad kyi phyag rgya chen po bcings
 nas/ oM b+hu khaM a zhes zlos shing mdun du sna tshogs pad+ma'i steng du/ de bzhin gshegs pa'i rdo rje bsams la/ badzra hUM zhes bya bas rdo rje'i nga rgyal du bsgoms te/ bai ro tsa na hUM zhes bya bas rdo rje rnam par snang mdzad du bdag nyid bsams nas de nyid du bcom ldan 'das
 rnam par snang mdzad rdo rje lcags kyu la sogs pa'i las kyi phyag rgya sngar bshad pa'i snying po dang bcas pas dgug pa dang / gzhug pa dang / bcing ba dang / dbang du bya'o/ /de nas de bzhin gshegs pa'i dam tshig gi phyag rgya dang / oM b+hu khaM dr-i sh+ya zhes bya bas rnam par snang
 mdzad blta bar byas la/ oM b+hu khaM zhes bya ba dang / gsang ba'i lcags kyu mas rang gi lus la bcug la yang de bzhin gshegs pa thams cad kyi sku'i mchog bcings te/ sa ma ya s+t+waM zhes brjod la 'od kyi dkyil 'khor bskyed nas sa ma ya s+t+waM dzaHhUM baM hoH/ oM b+hu khaM zhes
 lan gsum bzlas la bcom ldan 'das rnam par snang mdzad dang bdag nyid chu dang 'o ma ltar gcig tu gyur par bsam par bya'o/ /de nas bcom ldan 'das kyi chos dang las dang / phyag rgya chen po bcing bar bya'o/ /de nas rdo rje dbyings kyi dkyil 'khor chen po las bshad
 pa'i rnal 'byor chen po byas la/ snga ma bzhin du dang po'i rdo rjes bdag la byin gyis brlab pa byas nas yi ge brgya pas brtan par byas la/ rin po che'i dbang bskur ba'i phyag rgyas dbang bskur te/ yi ge gnyis kyis go cha bgo bar bya'o/ /de nas de bzhin
 gshegs pa'i rdo rje dang bdag po dang / ming gi dbang bskur ba blangs la/ dngos grub kyi rdo rje brtul zhugs gzung bar bya'o/ /de nas 'dod chags rdo rje ma la sogs pa phyag rgya'i mchod pa bcu gnyis kyis yang dag par mchod de/ bcom ldan 'das rnam par snang mdzad
 kyi phyag rgya chen pos bcings la/ de kho na nyid kyis rdo rje bzung ste/ chos kyi dril bu dkrol zhing dam tshig gi phyag rgya chen po byin gyis brlabs la/ oM b+hu khaM zhes lan gsum bzla bar bya'o/ /de nas dang po'i rdo rje nam mkha'i phyogs su rdo rje sems dpa'i
 gzhal yas khang de bzhin du bskyed de/ lha thams cad kyi gnas su hri las sna tshogs pad+ma'i gdan bsams la/ lha mo'i dkyil 'khor gyi tshul gyis bdag nyid rdo rje sems dpa' bsgom pa ni dang po'i sbyor ba'i ting nge 'dzin to/ /de nas ston pa rdo rje 'dzin/ /zhes
 bya ba nas brtsams te/ byang chub snying por byin rlob mdzod/ /ces bya ba'i bar gyis bshad pa bsgom pa ni dkyil 'khor gyi rgyal po mchog ces bya ba'i ting nge 'dzin gnyis pa'o/ /de nas sgo dbye ba byas la bsdu bar bya'o/ /de nas rdo rje dbyings kyi dkyil 'khor chen po las
 bshad pa'i cho ga thams cad rjes su spyad par bya ba ni las kyi rgyal po mchog ces bya ba'i ting nge 'dzin gsum pa'o/ /de ltar ting nge 'dzin gsum bsgoms nas yang bsdu bar byas la/ bcom ldan 'das rnam par snang mdzad kyi phyag rgya chen po bsgom zhing / dpal mchog dang po'i
 sems dpa' che/ /dga' ba chen po mgu ba che/ /kun du bzang po kun bdag nyid/ /rdo rje bsnyems tshul bdag po'i bdag /ces bya ba la sogs pa mtshan brgya rtsa brgyad pas bstod pa byas la/ oM a kA ro mu khaM sarba d+harmA NaM Ad+ya nut+pan+na twAta ces zlos shing gsang
 ba'i lcags kyu mas bcom ldan 'das 'khor dang bcas pa'i dkyil 'khor du bcug la/ dam tshig gi phyag rgyas ji lta ba bzhin du bsgoms nas chos dang / las dang phyag rgya chen pos rgyas gdab par bya'o/ /de nas rdo rje rin chen gyi phyag rgyas de bzhin gshegs pa rnams dbang
 bskur la rdo rje sems ma nas rdo rje dril bu'i bar du sangs rgyas lnga'i cod pan gyi dbang bskur nas mchod yon phul te/ mchod pa rnam pa lnga dang / phyag rgya'i mchod pa bcu gnyis kyis bcom ldan 'das rnam par snang mdzad 'khor dang bcas pa yang dag par mchod par bya'o/ /de nas rnam
 par sgeg pa'i dga' ba'i rdo rjes phyag byas la/ phyag bzhi byas nas yang bcom ldan 'das rnam par snang mdzad kyi phyag rgya chen po bcings la/ oM badzra At+ma kou0f85haM/ oM swa b+hA ba shud+d+ho u0f85haM/ o sarba sa mou0f85haM/ zhes bya ba'i snying po gsum zlos shing / don gsum rnam par bsg
 oms la/ ta thA ga ta maN+Da la swa b+hA wa haM swa maM/ zhes zlos shing bdag nyid ni rang nyid de/ de bzhin gshegs pa'i dkyil 'khor gyi ngo bo yin no zhes bsam mo/ /de nas/ kun mchog dngos grub chen po ste/ /dbang phyug chen po dbang phyug che/ /bde ba chen po dngos
 grub mchog / de bzhin gshegs par bdag gyur cig /ces bsams la rang gi snying gar gnas pa'i rdo rje'i dbus su/ oM b+hu khaM zhes bya ba yid kyis bris la 'di nyid chos kyi tshig gis zlos shing bdag nyid lha thams cad kyi rang bzhin yin par bsgom par bya'o/ /de ltar na dang
 por bdag la byin gyis brlab pa lan cig byas nas gang gi tshe mnyam par gzhag pa'i sbyor bas gnas par 'dod pa de'i tshe/ oM b+hu khaM zhes zlos shing rnam par snang mdzad kyi gnas su rnam par bzhag la/ de bzhin gshegs pa thams cad kyi sku'i mchog gis/ oM b+hu khaM zhes zlos
 shing bdag nyid kyi gnas bzhir de bzhin du byin gyis brlabs la gnas par bya'o/ /bya ba thams cad byas nas yang slar zhugs te/ gsang ba'i lcags kyu ma dang / rnam par snang mdzad kyi snying pos rnam par snang mdzad rang gi lus la bcug la mtshan brgya rtsa brgyad pas bstod
 pa dang / mchod pa bcu gnyis dang / phyag kyang byas la de bzhin du bsgoms par bya'o/ /bsgom pas dub par gyur na yang mtshan brgya rtsa brgyad pas bstod pa dang / mchod pa rnam pa lnga dang / phyag rgya'i mchod pa bcu gnyis byas nas de bzhin du phyag byas la de bzhin
 du bcom ldan 'das 'khor dang bcas pa gshegs su gsol bar bya'o/ /de ltar zla ba gcig gam zla ba drug gam/ lo gcig gam/ dus ji srid kyis bcom ldan 'das kyis rjes su gnang ba stsol ba de srid kyi bar du nyin re zhing bya'o/ /de nas nyin re'am zla ba re 'am/ lo re
 zhing dkyil 'khor bri bar bya'o/ /de la dang por sa sbyang ba dang / sa yongs su gzung ba'i cho ga rjes su spyad la bgegs gzhom pa la sogs pa byas nas rdo rje 'khor los rnam par snang mdzad kyi dkyil 'khor bskyed la phyag 'tshal ba sngon du 'gro bas sdom pa bzung la rnal 'byor chen
 po dang / gzhal yas khang dang gdan rnams bskyed de/ dkyil 'khor gyi dbus su sems dpa'i skyil mo krung gis 'dug la/ snga ma bzhin du bdag nyid spro ba bskyed par bya'o/ /de nas de bzhin du sangs rgyas thams cad spyan drang ba byas la yang phyag byas nas dang po'i sbyor
 ba dang / dkyil 'khor gyi rgyal po mchog dang / las kyi rgyal mchog rnam par bsgoms la/ dkyil 'khor bri bar bya ba'i phyir/ /de bzhin gshegs pa thams cad kyis/ /de bzhin gshegs pa'i rigs chen po/ /sangs rgyas kun mchog bshad du gsol/ /zhes bya
 bas bdag nyid la gsol ba btab par bsam mo/ /de nas rnam par snang mdzad kyi dam tshig gi phyag rgya dang / oM b+hu khaM badzra tiSh+Tha maN+Da la ut+tha pa ya zhes zlos shing yid kyis dkyil 'khor bteg la nam mkhar gzhag ste/ oM b+hu khaM a d+hi tiSh+Tha swa maM zhes bya ba dang / dam tshig gi phyag
 rgya de nyid kyis snying ga dang / dpral ba dang / lkog ma dang / spyi bor bdag nyid la byin gyis brlab pa dang / bcom ldan 'das rnam par snang mdzad kyi phyag rgya chen po bcings te/ badzra dr-iSh+Tha maT ces bya ba mig gnyis su dgod pa dang / phyag rgya la gnas de bzhin langs/ /kun du rnam
 par bltas nas ni/ /oM b+hu khaM zhes zlos shing / bsgyings pa'i tshul gyis yongs su bskor/ /de nas cho ga thams cad rjes su spyad la slob ma lhag par gnas pa dang / lha lhag par gnas pa'i cho ga byas nas nyi ma 'char kar dkyil 'khor gyi thig gdab par bya ste/ phyi'i
 dkyil 'khor ni rdo rje sems dpa'i dkyil 'khor gyi thig gdab pa'i cho gas thig gdab par bya'o/ /de'i nang du phyed kyi tshad la rdo rje rtse gsum pa zlum por bskor ba/ ka ba brgyad kyis nye bar mdzes par bri ba'i thig gdab po/ /de nas tshon sna lnga'i phye mas dkyil 'khor
 bris la/ nang gi dkyil 'khor gyi lte bar sna tshogs pad+ma la bcom ldan 'das rnam par snang mdzad gser gyi mdog can zhal gcig pa/ byang chub mchog gi phyag rgyas de bzhin gshegs pa'i rdo rje bsnams pa/ rdo rje skyil mo krung gis bzhugs pa nyi ma'i 'od mnga' ba/
 rin po che'i cod pan gyis dbang bskur ba/ zhal shar du gzigs pa cung zad 'dzum pa su ra te sa ma ya s+t+waM ho sid+d+ha maM zhes zlos shing bri bar bya'o/ /de'i mdun du 'dod chags rdo rje ma'i gnas su bcom ldan 'das mi bskyod pa zla ba'i mdog can sa gnon gyi phyag rgyas
 bzhugs pa rdo rje rin po che'i cod pan gyis dbang bskur ba/ rnal 'byor pa mi bskyod pa'i nga rgyal gyis bdud las rnam par rgyal bar bsam zhing rdo rje sems dpa'i snying po badzra satwa hUM/ zhes zlos shing bri bar bya'o/ /kI li kI la'i gnas su bcom ldan 'das rin chen
 'byung ldan be+e DUr+ya'i mdog can/ mchog sbyin gyi phyag rgyas bzhugs pa rin po che'i cod pan gyis dbang bskur ba/ rnal 'byor pa rin chen 'byung ldan gyi nga rgyal gyis byang chub sems dpa'i nor chen pos bdag la dbang bskur bar bsam zhing / badzra rat+na zhes zlos shing bri
 bar bya'o/ /bcom ldan 'das rnam par snang mdzad kyi rgyab tu rdo rje dran ma'i gnas su bcom ldan 'das snang ba mtha' yas sku mdog dmar po ting nge 'dzin mchog gi phyag rgyas bzhugs pa rin po che'i cod pan gyis dbang bskur ba/ rnal 'byor pa 'od dpag tu med pa'i nga rgyal
 gyis rdo rje chos la sogs pa byang chub sems dpa' rnams dang lhan cig chos kyi 'khor lo bskor bar bsam zhing / badzra d+harmA hriHzhes zlos shing bri bar bya'o/ /bcom ldan 'das rnam par snang mdzad kyi/ g.yon logs su rdo rje snyems ma'i gnas su bcom
 ldan 'das don yod grub pa sna tshogs mdog can mi 'jigs pa sbyin pa'i phyag rgyas bzhugs te/ rin po che'i cod pan gyis dbang bskur ba rnal 'byor pa don yod par grub pa'i nga rgyal gyis g.yon logs su bzhugs par brtson pa'i sems can thams cad kyang 'dul bar byed na/
 dam pa rnams la smos kyang ci dgos zhes yid la bsam zhing badzra karma zhes zlos shing bri bar bya'o/ /de la bcom ldan 'das rnam par snang mdzad ni longs spyod rdzogs pa'i sku'i ngo bo mi bskyod pa la sogs pa ni sprul pa'i sku'i ngo bo rab tu byung ba'i cha lugs can/ chos gos
 bsnams pa sna tshogs pad+ma la rdo rje skyil mo krung gis bzhugs shing bcom ldan 'das rnam par snang mdzad la mngon par phyogs shing / rdo rje dang rin po che dang / pad+ma dang / sna tshogs pad+ma bsnams pa nyi ma'i dkyil 'khor mnga' ba'o/ /de nas rang gi dkyil 'khor de nyid kyi me'i
 mtshams su rdo rje rtse lnga pa/ bden bral gyi mtshams su rdo rje rin po che/ rlung gi mtshams su rdo rje pad+ma dang / dbang ldan gyi mtshams su sna tshogs rdo rje/ de la 'di rnams kyi snying po ni satwa badzra/ badzra rat+na/ badzra pad+mo ni/ bi shwa badzra Ni/ zhes bya ba yin no/ /phyi'i dkyil 'khor gyi
 snam bu'i mtshams su sgeg mo dang bzhad ma dang / glu chen mo dang / gar ma zhes bya ba'i lha mo'i tshogs rnams snying po 'dis bri bar bya'o/ /he ra ti badzra/ bi lA s+ya ni traT/ he be+e ga ba tI badzra/ ha se ha ta/ he badzra ra ti/ badzra gI te ri te/ he ra ti badzra/ nr-i t+ya be ba be ba zhes
 bya ba yin no/ /shar phyogs kyi sgo'i dbus su rdo rje lcags kyu sku mdog dkar dmar rdo rje lcags kyus de bzhin gshegs pa la 'dzin par brtson pa/ lho phyogs kyi sgo'i dbus su rdo rje zhags pa sku mdog dkar po/ /rdo rje zhags pas de bzhin
 gshegs pa thams cad 'dzud pa la brtson pa/ nub phyogs kyi sgo'i dbus su rdo rje lcags sgrog sku mdog ser po rdo rje lcags sgrog gis de bzhin gshegs pa thams cad 'ching bar mdzad pa/ byang phyogs kyi sgo'i dbus su rdo rje dril bu sku mdog sngo ba phyag g.yas na rdo rje dril
 bu bsnams pa/ phyag g.yon pas gdan la bsnyems te bzhugs pa bri bar bya'o/ /de rnams kyi snying po ni dzaHbadzra aM ku sha/ /hUM badzra pA sha /baM badzra s+pho Ta/ hoHbadzra g+haN+Ta/ zhes bya ba yin no/ /'di dag thams cad kyang sna tshogs pad+ma'i gdan la sems dpa'i skyil mo krung gis
 bzhugs pa'o/ /sangs rgyas lnga'i cod pan gyis dbang bskur ba dang ldan pa/ bcom ldan 'das rnam par snang mdzad la mngon par phyogs par bri'o/ /de ltar dkyil 'khor bris nas sgo dbye ba'i phyag rgyas sgo phye la bsdu ba byas nas mtshan brgya rtsa brgyad pas bcom ldan
 'das la mngon par bstod de/ bcom ldan 'das rnam par snang mdzad kyi mdun du 'dug la rdo rje skyil mo krung gis gnas te gsang ba'i lcags kyu ma'i snying po sngar bshad pas bcom ldan 'khor dang bcas pa'i dkyil 'khor du bcug la/ rdo rje gnod sbyin gyis bgegs
 bsal bar byas nas ra ba dang dra ba bya'o/ /de nas rdo rje khu tshur gyis sgo rnams bcad de rdo rje bsrung ba thams cad kyis yang dag par bsrungs la/ oM b+hu khaM zhes bya bas bcom ldan 'das 'khor dang bcas pa la mchod yon phul nas/ oM b+hu khaM dr-i sh+ya sa ma ya s+t+waM sa ma ya s+t+waM haM
 dzaHhUM baM hoH/ oM b+hu khaM/ zhes bya bas bcom ldan 'das rnam par snang mdzad rang gi dam tshig gi phyag rgyas bsgrub par bya'o/ /de bzhin du aHbadzra g+haN+Ta dr-i sh+ya sa ma ya s+t+waM sa ma ya s+t+waM a haM dzaHhUM baM hoH/ aHbadzra g+haN+Ta/ zhes bya ba lan gsum bzlas/ rdo rje dril bu'i bar du rang gi
 dam tshig gi phyag rgyas bsgrub par bya'o/ /de nas chos dang las dang phyag rgya chen po rnam par snang mdzad la sogs pa rgyas btab la de bzhin gshegs pa lnga'i rdo rje rin po che'i phyag rgyas dbang bskur zhing rdo rje sems dpa' la sogs pa sangs rgyas lnga'i cod pan gyi dbang bskur ba'i phyag rgyas dbang
 bskur bar bya'o/ /de nas mchod yon phul la bum pa gang ba la sogs pa yang dag par mchod nas chos gos su gyon pa'i gos la rdo rje gnod sbyin bzlas pa dang / yang gdong g.yogs kyi dar la sgo ba bzhi'i snying po bzlas te/ des rang gi gdong g.yogs la/ shin tu
 dmar ba'i gos gyon zhing / me tog gi phreng ba btags pa dang / gdong dri zhim por byas la sdig pa bshags pa dang / bsod nams la rjes su yi rang ba dang / de bzhin gshegs pa thams cad la chos kyi 'khor lo bskor bar bskul ba dang / mya ngan las mi 'da' bar bya
 ba'i phyir gsol ba btab pa byas nas sdom pa gzung bar bya'o/ /de nas phyi rol na gnas pa'i bum pa'i chu la oM b+hu khaM zhes bya ba ji lta ba bzhin du bdag nyid dbang bskur la/ thal mo khong stong du sbyar ba'i mtshan nyid la me tog dang bcas pa'i snying gar g.yon gyis bskor ba'i
 tshul gyis bcings la de nas me tog gi phreng ba blangs nas/ badzra badzra/ rdo rje sems dpa' bsdus pa na/ /rdo rje rin chen bla na med/ /rdo rje chos ni glu blangs pas/ /rdo rje las ni byed par 'gyur/ /zhes brjod cing rdo rje shugs kyis dkyil 'khor du 'jug par bya'o/ /sgo bzhir rdo rje
 lcags kyu ma la sogs pa'i snying po yang de bzhin du bzla bar bya'o/ /de nas bcom ldan 'das rnam par snang mdzad kyi spyan sngar 'dug la 'di skad ces brjod par bya'o/ /ma hA su ra ta su sid+d+hi su to Sh+yo me su/ su khaM badzra sa twa Ad+ya sid+d+h+ya swa mAM/ de'i 'og tu 'jug pa'i phyag rgya me tog
 dang bcas pa rang gi snying gar bzhag la/ oM pa ra ma su kha sha ya zhes bya ba la sogs pa zlos shing bsam pa g.yos pas rnam par snang mdzad la sogs pa la phyag bya'o/ /de nas dkyil 'khor lan gsum bskor ba byas la bcom ldan 'das rnam par snang mdzad kyi mdun du 'dug ste
 de kho na nyid brjod par bya'o/ /'dod chags chen po'i bde ba che/ /rdo rje chen po nor che zhing / /ye shes chen po las che ba/ /rdo rje sems dpar bdag grub mdzod/ /de nas dzaHhUM baM hoH/ zhes brjod do/ /de nas rdo rje chu 'thungs la/ /g.yon pa'i khro bo'i khu tshur gyis sems ma'i
 rdo rje phye la oM b+hu khaM a zhes lan brgya zlos shing bdag nyid la dbab par bya'o/ /de nas me tog sil ma gtor la 'jug pa'i mdzub mo'i phyag rgya dang / mthe chung gi rtse mo bsgyings pa dang bcas pas dkrol la/ oM pa ra ma su khaM sha ya su la li ta bi lA s+ya na mi te na ma mi b+h+ha
 ga bAn+taM dzaHhUM baM hoH hi hi hi hi pra tIts+tsha ku su mAny+dza li nA tha zhes brjod do/ /de nas phreng ba de blangs la/ rang gi mgo la bcing bar bya'o/ /deng khyod dbang bskur ba dang / 'di gzhan la smras na/ gal te skye bo 'dus nang smras/ /dad pa med pas bgad par 'gyur/ /oM ma hA su kha
 badzra sa twa a b+hi Shiny+tsa su ra s+t+waM de nas snying po 'dis gdong g.yogs dgrol bar bya'o/ /oM badzra tsak+Shu ka ma ya sarba su ra ta s+t+waM/ de nas he badzra pa sh+ya zhes zlos shing rdo rje lcags kyu nas brtsams te/ bcom ldan 'das rnam par snang mdzad kyi bar gyi dkyil 'khor thams cad
 kyi lha'i ngo bo nyid bstan par bya'o/ /de nas tiSh+Tha badzra zhes zlos shing 'jug pa'i phyag rgyas snying gar dgrol bar bya'o/ /de nas rdo rje thal mo bskor la shis pa brjod pa'i tshul du snying gar bcings nas/ mtshan brgya rtsa brgyad pas bcom ldan 'das 'khor dang bcas pa la bstod
 par bya'o/ /de nas rnam par snang mdzad du bdag nyid bsams la/ rdo rje sems dpar byin gyis brlabs nas/ yang dang po'i rdo rje badzra satwa zhes zlos shing byin gyis brlabs la/ mi bskyod pa la sogs pa'i dam tshig gi phyag rgyas mi bskyod pa la sogs pa'i rang gi
 lus la gnas ji lta ba bzhin du bkod nas/ ji lta ba bzhin du dbang bskur te/ gzengs bstod pa dang / lung bstan pa'i bar gyi cho ga rjes su spyad nas/ bdag byin gyis brlab pa la sogs pa byas la/ ji ltar mngon par 'dod par bzlas/ /de nas bcom ldan
 'das 'khor dang bcas pa la mchod pa thams cad kyis yang dag par mchod nas phyir 'byung bar 'gyur ro/ /de nas slob ma gzhug par 'dod na/ snga ma bzhin du cho ga thams cad rjes su spyad la/ rdo rje mchod yon bskor bcings te/ /snying nas bsam pa g.yos
 pa yis/ /mgo bos yang dag phyag byas pa/ /dngos grub thams cad sgrub byed yin/ /zhugs pas dkyil 'khor lan gsum ni/ /bskor ba byas nas brjod par bya/ /'dod chags chen po bde ba che/ /'gro ba kun la'ang grub par mdzod/ /de
 nas dus kyi mchod pa yis/ /de bzhin gshegs pa yang dag mchod/ /de bzhin dbang bskur rdo rje ni/ /bzung ste slob ma gzhug par bya/ /slob dpon gyi las kyi cho ga'o/ /de nas slob ma gzhug pa la sogs pa'i cho ga rgyas par bshad par bya'o/ /de la slob ma bslab pa'i
 gzhi lnga yongs su gzung ba'am/ dge sbyong ngam/ dge slong gi sdom pa yongs su bzung bas sngar bshad pa'i cho gas rig pa'i sdom pa gzung bar bya'o/ /de nas slob dpon gyis slob ma la 'di skad ces smrar gzhug par bya'o/ /oM sarba ta thA ga ta pa ra ma ma hA ut+pA da
 yA mi a she Sha na bi she Sha sarba satwa sa d+hA tu d+ha tu d+ha tra na hri te su khot+ta ma sid+d+hi ni mit+ta a d+yan+ta b+ha ba sid+d+hi ma he shwar+ya d+hi pa t+ya yaM/ ya bo d+ha satwa ta ma hA ya d+hi/ ma he shwar+ya d+hi pa t+ya yaM/ de nas slob ma'i snying gar su ra te sa ma ya s+t+waM ho sid+d+hi badzra ya thA su khaM zhes bya bas de bzhin
 du rdo rje bskyed la/ slob dpon gyis slob ma rnam par snang mdzad kyi skur bya/ de nas me tog la sogs pas mchod la/ yon gyi mchog blangs te/ phyi rol na gnas pa'i bum pa'i chus dbang bskur la/ dang por 'jug pa'i phyag rgyas slob dpon 'jug
 pa'i tshul du zhugs par bya'o/ /de nas 'di skad ces smrar gzhug go/ /ma hA ra ta su tri ta su to Sh+ya su su kho badzra satwa Ad+ya sid+d+h+ya maM/ de nas yang ngas 'di skad ces brjod do/ /deng khyod de bzhin gshegs pa thams cad kyi rigs su zhugs kyis ngas khyod la ye
 shes gang gis de bzhin gshegs pa thams cad grub par yang mthong na dngos grub gzhan lta smos kyang ci dgos te de lta bu'i ye shes bskyed par byas/ khyod kyis dkyil 'khor chen po ma mthong ba rnams la smra bar ma byed cig /khyod dam tshig nyams par gyur ta re/ de
 nas rdo rje slob dpon rang gi sems ma'i rdo rje phyag rgya kha thur du bstan pa dang / gyen du bstan pa bcings la rdo rje slob ma'i spyi bor bzhag la 'di skad ces brjod par bya'o/ /'di ni khyod kyi rdo rje'i dam tshig yin gyis gal te gang zhig la smras na glad pa 'gas par 'gyur ro/ /de nas
 dam tshig gi phyag rgya de nyid dang / mna'i snying po 'di lan cig bzlas nas slob ma de 'thung du bcug la 'di skad ces brjod par bya'o/ /de la dam tshig gi snying po 'di yin te/ rdo rje sems dpa' deng khyod kyi/ /snying la yang dag zhugs par mdzad/ /gal te tshul 'di smras na ni/ /
 de ma thag tu dral nas gshegs/ /badzra u da ka Tha Tha zhes bya'o/ /de nas slob ma la 'di skad ces brjod par bya ste/ deng nas brtsams te khyod kyi phyag na rdo rje ni nga yin gyis sangs rgya 'di byos shig ces bsgo ba gang yin pa de bya dgos so/ /khyod kyis nga la brnyas par ma byed cig/ /mi bde
 ba ma spangs par khyod dus byas nas dmyal bar ltung bar gyur ta re/ de nas 'di skad ces brjod par bya'o/ /de bzhin gshegs pa thams cad kyis byin gyis brlabs la rdo rje sems dpa' bdag la dbab par gyur cig ces smros shig /de nas rdo rje slob dpon gyis myur du
 rdo rje sems ma'i phyag rgya bcings la de'i snying gar bzhag ste 'di skad ces brjod du gzhug go/ /'di ni rdo rje dam tshig ste/ /rdo rje sems dpa' yin par grags/ /rdo rje ye shes bla med ni/ /di ring nyid du 'bab par shog /badzra e be sha a/ zhes lan brgya rtsa brgyad bzla bar
 bya'o/ /yang khro bo'i khu tshur bcings la rdo rje sems mas g.yas pa dral bar bya zhing oM b+hu khaM a a a a zhes lan brgya bzla bar bya'o/ /de nas de bzhin du me tog gi phreng ba dor bar bya'o/ /de nas snga ma bzhin du phreng ba'i dbang bskur ba sbyin par bya'o/ /de nas de
 bzhin du gdong g.yogs dgrol bar bya'o/ /de nas he badzra pa sh+ya zhes bya ba dang / dkyil 'khor bstan par bya'o/ /de nas 'jug pa'i phyag rgya bcings la tiSh+Tha badzra zhes bya ba la sogs pas snying gar dgrol bar bya'o/ /de nas phyi rol gyi dkyil 'khor gyi nang du shar sgor
 bltas pa'i sna tshogs pad+ma bris la slob ma rnam par snang mdzad du bsams te sems ma rdo rjes byin gyis brlabs la pad+ma'i steng du las kyi phyag rgya bzhag nas yon gyi mchog blangs la/ slob ma la mchod yon byin te/ de nas mchod pa rnam pa lngas
 mchod nas/ de bzhin gshegs pa'i khu tshur gyis rnam par rgyal ba'i bum pa las chu blangs la oM b+hu khaM oM badzra a b+hi Shiny+tsa/ zhes bya bas de dbang bskur la 'di skad brjod cing chu de 'thung du yang gzhug go/ /'di ni khyod kyi dmyal ba'i chu/ /dam tshig nyams na sreg par byed/ /dam tshig
 bsrungs na dngos grub ster/ /rdo rje bdud rtsi'i chu 'thungs shig /rdo rje dril bu'i phyag rgya 'di/ /gal te dkyil 'khor ma mthong smras/ /skye bo 'dus nang bstan pa dang / /dad pa med pas bgad par 'gyur/ /slob mas kyang thal mo bskor bas slob dpon la phyag byas la rdo rje me tog la sogs pas dbang
 bskur ba thams cad blang bar bya zhing yon yang rgyun du dbul bar bya'o/ /de nas rdo rje rin po che'i dam tshig gi phyag rgyas rin po che'i cod pan gyi dbang bskur ba dang / dar dpyangs kyi dbang bskur bas kyang de dbang bskur la/ dzaHhUM baM hoHma hA su kha badzra sa twa a b+hi She ka na s+t+waM/ a b+hi shany+tsI mi sarba
 badzra a ti ba te tri to me b+ha ba/ sid+d+ha nA ma te/ b+ha ga bAn ma hA badzra d+ha ra su ra ta s+t+waM haM/ badzra satwa oM b+hur b+hu ba swaHzhes bya ba'i sngags dang / de bzhin gshegs pa'i khu tshur gyis de bzhin gshegs pa'i rdo rje blangs te rdo rje'i dbang bskur ba dang / bdag po'i dbang bskur ba yang byin la ming gi dbang bskur ba
 yang 'dis sbyin par bya'o/ /oM sarba badzra a d+hi pa ti s+t+waM a b+hi Shiny+tsA mi ma hA d+ha ra te badzra nA ma a b+hi Shiny+tsa maM sa ma ya s+t+waM b+hur b+hu ba swaH/ de nas 'dis dngos grub kyi rdo rje brtul zhugs sbyin par bya'o/ /oM sarba ta thA ga ta sa ma ya a d+hi pa ti s+t+waM a b+hi Shiny+tsA mi ma hA badzra d+ha ra/ 'di ni sangs rgyas thams
 cad nyid/ /rdo rje can gyi rdo rje yin/ /khyod kyis kyang ni rtag tu bcang / /rdo rje 'chang chen brtul zhugs yin/ /'di ni de bzhin gshegs pa thams cad kyi mchog tu gsang ba byang chub chen po'i sems yongs su mi spang bar rtag tu bcang bar bya'o zhes bya ba ni gsang ba'o/ /he badzra gar+b+ha pa te a b+hi
 Shiny+tsa he badzra nA ma sid+d+hi sa ma ya s+t+waM b+hur b+hu ba swaH/ de nas 'dod chags rdo rje ma la sogs pa'i phyag rgya bcu gnyis kyis yang dag par mchod la de bzhin gshegs pa thams cad kyi gsang ba lnga bshad par bya'o/ /de la 'di ni de bzhin gshegs pa thams cad kyi gsang ba chen po lnga yin te/ rtag
 dang mi bskyod rin chen mchog / 'jig rten dbang dang don yod grub/ /de bzhin gshegs kun nyid yin pas/ /de bzhin gshegs pa kun du bshad/ /de la rigs kyi de kho na nyid ni/ rdo rje sems dpa' mi bskyod pa/ /rin chen 'byung ldan rin chen dbang / /'jig rten dbang phyug rdo rje chos/ /
 rdo rje las ni rab grub yin/ /de nas de nyid kyis ni rdo rje bzung / /chos kyi dril bu dkrol bar bya'o/ /dam tshig gis ni phyag rgya cher/ /byin gyis brlabs nas snying po bzlas/ /zhes bya ba bslab par bya'o/ /de nas dam tshig gsum gyi glu'i mchod pa blangs nas rang gi lha'i phyag rgya bzhis mna'
 bsgags la bslab par bya'o/ /cho ga rgyas pa ni sngar bshad pa las shes par bya'o/ /slob ma gzhug pa la sogs pa'i cho ga rgyas pa rdzogs so// //de ltar slob dpon gyi las kyi cho ga dang / slob ma gzhug pa la sogs pa'i las kyi cho ga bstan nas dam tshig dang dbang bskur ba thob pa
 rnams la slob dpon gyis sgrub pa'i ye shes bslab par bya'o zhes bya ba'i cho ga 'di bstan par bya ba'i phyir/ de nas ma grub dngos grub mchog /ces bya ba la sogs pa gsungs pa yin te/ de nas zhes bya ba'i sgras ni de ma thag pa ste/ chos kyi phyag rgya'am/ phyag rgya chen po'am/ dam
 tshig gi phyag rgya 'am/ las kyi phyag rgya zla ba gnyis kyis bsgrubs pa na gang gi tshe grub par ma gyur pa de'i rjes thogs nyid la'o/ /grub pa ni phyag rgya chen po la sogs pa rdzogs par gyur pa'o/ /grub pa med pas na ma grub pa ste/ phyag rgya chen po la sogs pa'i dngos grub kyi mchog ma grub pa
 ni dngos grub mchog go/ /las rnams ni 'dod chags pa la sogs pa 'jig rten pa'i mtshan nyid can gyi'o/ /rgyun ni rab 'byam ste/ de ni ma grub dngos grub mchog /las rnams kyi ni rgyun zhes bya'o/ /de nyid ni las gzhan las dam par gyur pas na mchog go/ /sdig pa kun
 sel zhes bya ba ni srog gcod pa la sogs pa nyes par spyod pa'i gnyen por gyur pa'o/ /sna tshogs pa zhes bya ba ni dbye ba rnam pa brgyas dngos grub thams cad grub par byed pa'o/ /go rims bzhin du zhes bya ba ni rim pa bzhin te/ ji skad bshad pa'i sgrub pa'i thabs
 kyi cho ga'i rim gyis zhes bya ba'i tha tshig go/ /rab bshad ces bya ba de ltar gyur pa de rab tu bshad cing bstan par bya'o zhes pa'o/ /khyed 'chad par byed pa gang zhig yin zhe na/ 'di lta ste zhes bya ba la sogs pa gsungs te/ 'di lta ste zhes bya ba'i sgra ni nye bar ston pa'i don to/ /nad kyang
 yin la thams cad kyang yin pas na nad thams cad de skya rbab la sogs pa'o/ /mya ngan zhes bya ba ni sdug pa dang bral ba las byung ba'i yid mi bde ba'i rgyun no/ /gnod pa ni ma 'ongs pa'i don grub pa ma rnyed pa las byung ba'i sdug bsngal lo/ /gnod byed ni gcong chen po la sogs pa'o/ /dug
 ni rgyu ba dang / mi rgyu ba'i bdag nyid can no/ /sbyar ba'i dug ni sbyar ba'i las byung ba'i bdag nyid can no/ /gshed byed ni gzhan la gnod pa byed pa'i phyir/ lha dgug pa dag sngags kyi stobs kyis bskyed pa gang yin pa'o/ /g.yeng byed ni phur bu'i phyag rgya'am/ ming rus la sogs pa phyi'i
 phur bus lha la sogs pas phur bu btab pa'o/ /ro langs ni 'dir gzhan dag la gnod par bya ba'i phyir shi ba'i ro la srin po gdug pa bcug pa'o/ /sngags ni sgrub pa po'i don la gegs byed par 'gyur ba'o/ /sman ni 'dod pa'i don la gegs byed pas gzung ngo / /bgegs ni sgrub pa
 po'i 'dod chags pa nang gi bgegs dang / dngos grub [(]gyi [,]kyi [)]bar du gcod pa'i phyir bgegs rnams so/ /log 'dren ni go bar zad do/ /sdig pa ni sgrub pa po la za bar brtson pa'i srin po la sogs pa'o/ /rmi lam ngan pa dang / dus ma yin par 'chi ba dang / rims ni go bar zad do/ /gdon ni
 sems can gyi rgyud du gtogs pa'i lha'i gdon la sogs pa rig pa mchog pas gsungs pa bco brgyad do/ /mkha' 'gro ma ni 'jig rten dang 'jig rten las 'das pa'o/ /nye bar 'tshe ba ni khyim du srin po la sogs pa snang ba'o/ /des nye bar bcom pa ni nye bar 'tshe ba'o/ /glo bur ba ni 'go
 ba'i nad do/ /nyes pa ni khang pa la sogs par nyes pa glo bur du byung ba'o/ /nyon mongs pa ni lus kyi sdug bsngal lo/ /lus dang ngag dang sems kyi sdug bsngal thams cad ni go bar zad do/ /'di rnams 'jig pa ji ltar 'gyur zhe na/ de bzhin gshegs pa thams cad kyi sdug bsngal
 'phrog par byed pas so zhes bya ba gsungs te/ de bzhin gshegs pa thams cad kyi khu tshur gyis nad btsir ba dang / mig dbye ba dang / snying gar gzhag pa dang / byab pa dang / khu tshur gyis bsal ba dang / kha zas dang khro bas phur bu dbyung ba dang / rting pas brdeg pa dang / oM bris nas
 phyi ba dang / sos bzung ba dang / hUM dang bcas pas bsnun pa dang / log 'dren la brdeg pa dang / tshon bris nas phyir byung ba dang / sbyin sreg bya ba dang / dUr ba'i sbyin sreg bya ba dang / spyi bor gzhag pa dang / lta bas byab pa dang / skra nas bzung ste sprug pa dang / kha T+wAM ga steng du bzung ba dang / rang
 gi khyim du gzhag pa dang / zhugs pa dang / snying las gdon pa dang / lus las bskor ba dang / tshig 'byin pa'i tshul dang / snying gar btsir ba'o/ /'di skad ston pa yin te/ de bzhin gshegs pa'i khu tshur gnyis bcings te/ g.yas pa kun du bsgreng ba ni/ /g.yon pa'i rdo rje sor mos
 gzung / /byang chub mchog gi phyag rgya 'di/ /sangs rgyas byang chub rang bzhin byed/ /ces bya ba ni de bzhin gshegs pa'i khu tshur ro/ /bdag la byin gyis brlab pa la sogs pas rnam par snang mdzad du bdag nyid bskyed de/ 'di bcings nas oM b+hu khaM zhes zlos shing des nad btsir
 la bcom ldan 'das rnam par snang mdzad kyis nad pa'i spyi bo nas brtsams te rkang mthil gyi bar du yongs su bkang bar bsam par bya ste/ de lta bus ni nad zhi bar 'gyur ro/ /de bzhin du rnam par snang mdzad kyi sbyor ba byas la/ byang chub mchog gi phyag rgya bcings te bsgrub par bya ba dang / lhan
 cig yid kyis gcig tu byas la mya ngan gzhig pa'i bsam pas byang chub mchog gi phyag rgyas rang gi mig phyi zhing bde ba skyes par bsams te/ de lta bus ni mya ngan 'jig par 'gyur ro/ /de bzhin du thams cad byas nas bsgrub par bya ba dang lhan cig tu byas par bsams la bsgrub par bya ba
 dang bde ba dang yid bde ba skyes pa'i bsam pas byang chub mchog gi phyag rgya bcings te snying gar gzhag par bya ste de lta bus ni gnod pa thams cad 'jig par 'gyur ro/ /de bzhin du thams cad byas nas byang chub mchog gi phyag rgya bcings te/ nad pa'i lus la byab
 par bya zhing de dang bcom ldan 'das rnam par snang mdzad sku mdog dkar pos nad pa'i lus de bzhin du kun du gang bar bsams te de lta bus ni gnod byed thams cad 'jig par 'gyur ro/ /de bzhin du thams cad byas la byang chub mchog gi phyag rgyas khu tshur gnyis kyis bsal bar byas
 pas ni dug 'jig par 'gyur ro/ /de bzhin du thams cad byas la byang chub mchog gi phyag rgyas kha zas rnyed pa na sngags bzla zhing kha zas de rnam par snang mdzad kyi rang bzhin du bsams la de nas kha zas de zos na sbyar ba'i dug 'jig par 'gyur ro/ /de bzhin du thams cad byas la byang chub
 mchog gi phyag rgya bcings te/ gshed byed la mngon du phyogs te khros pas rdo rje 'bar ba 'phangs te gshed byed kyi steng du babs par bsam par bya ste/ de lta bus ni 'jig par 'gyur ro/ /de bzhin du thams cad byas nas byang chub mchog gi phyag rgyas phur bu bzung la yid kyis phyung la
 de lta bus ni bka' 'khor du 'jug go/ /de bzhin du thams cad byas nas byang chub mchog gi phyag rgyas phur bu bzung la bcings te/ des rting pas brdeg pa'i tshul du byas shing phyag rgya bcings la/ las kyang rdo rje 'bar ba spros la ro langs kyi steng du dbab par bya ste/ de lta bus ni ro
 langs thams cad 'jig go/ /de bzhin du thams cad byas la byang chub mchog gi phyag rgyas yi ge oM bris la/ sngags thams cad gzhig pa'i bsam pas dbyi bar bya ste/ de lta bus ni sngags thams cad 'jig go/ /de bzhin du thams cad byas la/ byang chub mchog gi phyag rgya bcings
 te/ sman thams cad bzung ba'i bsam pas de sos gzung bar bya ste/ de lta bus ni sman thams cad 'jig go/ /de bzhin du thams cad byas la byang chub mchog gi phyag rgya tsham ngam dang bcas pa dang / oM b+hu khaM hUM zhes bya bas bgegs thams cad la bsnun cing / bgegs thams cad
 kyi steng du rdo rje 'bar ba yid kyis phab na de lta bus ni bgegs thams cad 'jig go/ /de bzhin du thams cad byas la log 'dren bkug ste de'i steng du byang chub mchog gi phyag rgya rdo rje 'bar bar bya ste/ de lta bus ni log 'dren thams cad 'jig par 'gyur ro/ /de bzhin du thams cad
 byas la byang chub mchog gi phyag rgyas srin po la sogs pa sdig pa thams cad bsad pa'i bsam pa de nyid kyis dbyi bar bya zhing / bcom ldan 'das rdo rje me ltar 'bar bas kyang de thal bar byas par bsam par bya ste/ de lta bus ni sdig pa thams cad 'jig par 'gyur ro/ /de bzhin
 du thams cad byas la/ mdun du bcom ldan 'das rnam par snang mdzad spyan drangs te/ cho ga thams cad rjes su spyad la/ byang chub mchog gi phyag rgyas rmi lam ngan pa thams cad gzhig pa'i bsam pas sbyin sreg byas na/ de lta bus ni rmi lam ngan pa thams cad 'jig par 'gyur ro/ /
 de bzhin du thams cad byas nas/ bcom ldan 'das thab kyi dbus su spyan drangs la cho ga thams cad rjes su spyad de/ byang chub mchog gi phyag rgyas dUr ba'i sbyin sreg byas na dus ma yin par 'chi ba 'jig par 'gyur ro/ /de bzhin du thams cad byas la byang chub mchog gi phyag rgya
 bcings la spyi bor bzhag ste/ byams pa'i lta bas bsgrub par byab la bya ba cing bcom ldan 'das gtsug 'phyang gis kyang bsgrub par bya ba'i lus kun du gang la rims bcom par gyur par bsam par bya ste/ de lta bus ni rims thams cad 'jig par 'gyur ro/ /de bzhin du thams cad byas
 la byang chub mchog gi phyag rgyas nad pa'i skra nas bzung la sprug cing / bcom ldan 'das khro bo stobs po ches bsgrub par bya ba'i lus las gdon blangs te/ gzhan du dor bar bsam par bya ste/ de lta bus ni gdon 'jig go/ /de bzhin du thams cad byas la byang chub mchog
 bcings te/ de'i steng na kha T+wAM ga 'dzin pa'i tshul du gzhag cing bdag nyid dpal he ru kar bsams la bcom ldan 'das dpal he ru ka la sogs pa dang bcas pas bsgrub par bya ba'i lus la khyab nas mkha' 'gro ma'i phyag rgya rnams thal bar mdzad par bsam par bya ste/ de lta
 bus ni bsgrub par bya ba'i lus la yod pa'i mkha' 'gro ma thams cad 'jig par 'gyur ro/ /de bzhin du thams cad byas la byang chub mchog bcings te rang gi khyim du bskor la rdo rje rigs kyis kyang yams kun du 'byin par bsam par bya ste/ de lta bus ni yams thams
 cad 'jig par 'gyur ro/ /de bzhin du thams cad byas nas byang chub mchog bcings te/ rang gi khyim du bzhag la bcom ldan 'das rdo rje hUM mdzad kyi khyim der rdo rje rigs 'byin pa'i tshul gyis gdug pa thams cad nges par skrod par mdzad pa la brtson par bsams na de lta bus ni nye
 bar 'tshe ba thams cad 'jig go/ /de bzhin du thams cad byas la byang chub mchog bcings te/ rang gi khyim du zhugs la bcom ldan 'das rnam par snang mdzad sku mdog dkar pos khang pa thams cad snang bar mdzad cing / de bzhin gshegs pa thams cad 'dus pa'i dbus na bzhugs
 par bsam par bya ste/ de lta bus ni glo bur ba'i nyes pa sel bar 'gyur ro/ /de bzhin du thams cad byas la byang chub mchog bcings te/ rang gi snying ga nas bton te/ bcom ldan 'das rnam par snang mdzad kyis bsgrub par bya ba'i lus la khyab par byas par bsams na de lta bus ni nyon mongs pa
 thams cad 'jig par 'gyur ro/ /de bzhin du thams cad byas la byang chub mchog bcings te lus la bskor bas lus thams cad rnam par snang mdzad kyi rang bzhin du bsam par bya ste/ de lta bus ni lus kyi sdug bsngal thams cad 'jig par 'gyur ro/ /de bzhin du thams cad byas nas byang
 chub mchog bcings te/ des tshig 'byin pa'i tshul du bya zhing bdag nyid rnam par snang mdzad kyi zhal gyi ngo bor bsam par bya ste/ de lta bus ni ngag gi sdug bsngal thams cad 'jig go/ /de bzhin du thams cad byas nas byang chub mchog bcings te/ snying ga'i phyogs su btsir zhing snying
 gar sems dpa' rdo rje bsgoms na de lta bus ni sems kyi sdug bsngal thams cad zhi bar 'gyur ro/ /de ltar bcom ldan 'das kyis byang chub mchog gi phyag rgya las nyi shu rtsa lnga bsgrub par gsungs nas/ da ni de nyid kyi dam tshig gi phyag rgya las nyi shu rtsa lnga pos gzhan bya bar
 gsungs pa ni tshe chen po zhes bya ba la sogs pa gsungs pa yin no/ /'dis kyang 'di skad ston pa yin te/ bcom ldan 'das rnam par snang mdzad kyi rnal 'byor ji lta ba bzhin du byas la rnam par snang mdzad kyi dam tshig gi phyag rgyas de bzhin gshegs pa thams cad kyi sku'i mchog bcings
 la rang gi snying gar brtan par bya zhing rang gi snying gar rnam par snang mdzad zla ba'i mdog can bsam par bya ste/ de lta bus ni tshe chen po 'phel bar 'gyur ro/ /de nyid dbang po thams cad du bzhag la bcom ldan 'das rnam par snang mdzad lo bcu drug lon pa tsam dang bdag nyid chu dang 'o ma
 bzhin du gcig tu gyur par bsam par bya ste/ de lta bus ni na tshod chen po 'phel bar 'gyur ro/ /de nyid khar bzhag la bcom ldan 'das rnam par snang mdzad pa'i sgo nas zhugs te/ yan lag thams cad khyab nas rnam par snang mdzad du byas par bsam par bya ste/ de lta bus ni
 gzugs chen po 'phel bar 'gyur ro/ /de nyid khar bskor la bcom ldan 'das rnam par snang mdzad sku la mtshan sum cu rtsa gnyis kyis yang dag par brgyan pa/ dpe byad bzang po brgyad cus yan lag rnam par mdzes pa kha'i sgo nas zhugs te/ yan lag thams cad khyab pas rnam
 par snang mdzad du byas par bsam par bya ste/ de lta bus ni kha dog chen po 'phel bar 'gyur ro/ /de nyid dpral bar bzhag la bcom ldan 'das rnam par snang mdzad kyis khams gsum gyi chos kyi rgyal por dbang bskur bas dbang bskur te/ khams gsum gyi chos kyi rgyal srid thob bas
 bdag nyid gzi brjid mtha' yas pa'i rnam par snang mdzad du bsam par bya ste/ de lta bus ni gzi brjid chen po 'phel bar 'gyur ro/ /de nyid snying gar gzhag ste rang gi snying gar gnas pas bcom ldan 'das rnam par snang mdzad kyis bdag nyid snang bar byas shing de'i mdangs dang ldan
 par bsam par bya ste/ de lta bus ni mdangs 'phel bar 'gyur ro/ /de nyid phrag pa gnyis su bzhag la bcom ldan 'das rnam par snang mdzad stobs nam mkha' dang mnyam par rang gi yan lag khyab cing de'i stobs dang ldan par bsam par bya ste/ de lta bus ni stobs 'phel bar
 'gyur ro/ /de gnyis brla gnyis su bzhag nas bcom ldan 'das don yod par grub pas yan lag thams cad la khyab cing de'i spro ba dang ldan par bsam par bya ste/ de lta bus ni spro ba 'phel bar 'gyur ro/ /de nyid bcings la des phreng ba bcings pa'i
 tshul du bya zhing bcom ldan 'das rnam par snang mdzad kyis sna tshogs phreng ba'i dbang gis bdag nyid dbang bskur bas byang chub sems dpa' chen po rdo rje las kyi rang bzhin du gyur par bsam par gyur pa ste/ de lta bus ni brtson 'grus 'phel bar 'gyur ro/ /de nyid dbang po thams cad
 la bzhag la bcom ldan 'das rnam par snang mdzad kyis bdag nyid la 'phags pa nam mkha'i snying po'i dbang gis dbang bskur bas nor bu'i rigs kyi rang bzhin du bsam par bya ste/ de lta bus ni dpal chen po 'phel bar 'gyur ro/ /de nyid spyi bor bzhag la bcom ldan 'das
 rnam par snang mdzad kyi rdo rje sems dpa'i dbang gis dbang bskur bas bdag nyid rdo rje sems dpar gyur par bsam par bya ste/ de lta bus ni dpal rdo rje sems dpa'i skal ba bzang po 'phel bar 'gyur ro/ /de nyid khar bzhag la bcom ldan 'das rnam par snang mdzad kha'i sgo
 nas zhugs pas lus thams cad khyab pas rnam par snang mdzad du gyur cing rnam par dag par bsam par bya ste/ de lta bus ni bsod nams 'phel bar 'gyur ro/ /de nyid kha nas byung bas 'jig rten gyi khams thams cad kyi rdul phra rab dang mnyam pa'i byang chub sems dpa' kun du
 bzang po rang gi kha nas byung bas phyogs bcur rang gi ming sgrogs par bsam par bya ste/ de lta bus ni ming 'phel bar 'gyur ro/ /de nyid thams cad du bskor la rang gi lus las byung ba de'i phyogs bcur rang gi snyan pas khyab par bsam par bya ste/ de lta bus ni snyan pa 'phel bar
 'gyur ro/ /de nyid phyogs kun nas bskor la bcom ldan 'das rdo rje sems dpa' byang chub kyi sems grags pa sgrogs par bdag nyid bsam par bya ste/ de lta bus ni grags pa 'phel bar 'gyur ro/ /de nyid bcings la de bzhin gshegs pa rjes su dran pa bsgoms na de lta bus ni
 dran pa 'phel bar 'gyur ro/ /de nyid bcings la snying ga nas dbyung ba'i tshul du byas na blo gros 'phel bar 'gyur ro/ /de nyid snying gar bzhag la dga' ba thob par byas na de lta bus ni brtan par 'gyur ro/ /de nyid bcings la sangs rgyas kyi tshul du bdag nyid bsgoms na de bzhin gshegs
 pa'i rtog pa 'phel bar 'gyur ro/ /de nyid bcings la sangs rgyas thams cad du bsgoms pas de bzhin gshegs pa'i ting nge 'dzin 'phel bar 'gyur ro/ /de nyid bcings la phung po lnga po bzhag na de bzhin gshegs pa'i 'jig rten las 'das pa'i phung po lnga 'phel bar 'gyur ro/ /
 de nyid rdza mkhan gyi 'khor lo bskor ba ltar bskor zhing don yod par grub pa'i rang bzhin du bdag nyid bsams na de lta bus ni don yod par grub pa'i rang bzhin du 'du byed 'phel bar 'gyur ro/ /de nyid bcings la rnam par snang mdzad kyi skur bdag nyid bsgoms na/ de lta bus ni sku 'phel
 bar 'gyur ro/ /de nyid lce la bzhag na de lta bus ni de bzhin gshegs pa'i gsung rnam par 'phel bar 'gyur ro/ /de nyid bcings la yid kyis de bzhin gshegs pa thams cad la phyag byas la rang gi snying gar sems dpa'i rdo rje bsgoms na/ de lta bus ni thugs 'phel bar 'gyur ro/ /
 de ltar de bzhin gshegs pa thams cad kyi sku'i mchog gi las nyi shu rtsa lnga pa bsgrub par gsungs nas/ da ni de nyid kyi las nyi shu rtsa lnga gzhan dag bsgrub par gsungs pa ni/ de bzhin gshegs pa thams cad kyi sbyin pa dang zhes bya ba la sogs pa gsungs pa yin no/ /'dis ni 'di
 skad ston pa yin te/ de bzhin du bcom ldan 'das rnam par snang mdzad kyi rnal 'byor byas la/ de bzhin gshegs pa thams cad kyi sku'i mchog bcings te/ phyogs bcu'i sems can thams cad sgeg mo rtogs pa'i sbyin pas bsam pa thams cad yongs su rdzogs par byed
 par bdag nyid bsam par bya'o/ /de bzhin du gtong ba rjes su dran pas ni sbyin pa'i pha rol tu phyin pa 'grub par 'gyur ro/ /de nyid bcings la rdo rje phreng ba ma rtogs pas sems can gyi khams thams cad yang dag par sbyor ba dang / de bzhin du tshul khrims rjes su dran pas ni tshul
 khrims kyi pha rol tu phyin pa 'grub bo/ /de nyid bcings la sems can gyi khams thams cad la byams pa yang dag par spros te de lta bus ni bzod pa'i pha rol tu phyin pa 'grub par 'gyur ro/ /de nyid bcings la gar ma'i tshul gyis sems can gyi khams thams cad brtson
 'grus kyi pha rol tu phyin pa la gzhag par bya ste/ de lta bus ni brtson 'grus kyi pha rol tu phyin pa 'grub bo/ /de nyid bcings la rdo rje me tog ma'i tshul gyis sems can gyi khams thams cad bsam gtan gyi pha rol tu phyin pa la gzhag par bya ste/ de lta bus ni bsam gtan gyi pha rol tu
 phyin pa 'grub bo/ /de nyid bcings la rdo rje bdug pa ma'i tshul gyis sems can gyi khams thams cad shes rab kyi pha rol tu phyin pa la gzhag par bya ste/ de lta bus ni shes rab kyi pha rol tu phyin pa 'grub bo/ /de nyid bcings la/ bdag nyid rnam par snang mdzad kyi ye shes thob par
 bsgoms na/ de lta bus ni ye shes kyi pha rol tu phyin pa 'grub bo/ /de nyid bcings la stobs kyi pha rol tu phyin pa sgom pas ni stobs kyi pha rol tu phyin pa 'grub bo/ /de nyid bcings la rdo rje dril bu'i tshul du bdag nyid bsgom par bya ste/ de lta bus ni thabs kyi pha rol tu phyin pa
 'grub bo/ /de nyid bcings la mdun du rdo rje bsgoms na/ de lta bus ni rdo rje 'grub bo/ /de nyid bcings la rdo rje dbyings kyi dbang phyug ma la sogs pa'i gzugs rnam par bsgoms na de'i sgrub pa gnas pa 'grub bo/ /de nyid bcings la dran pa dang shes rab dang / yang dag par ldan pa'i de bzhin
 gshegs pa'i thugs bsgoms na gzungs rnams 'grub bo/ /de nyid bcings la tshul gsum gyi bshad pa'i chos bsgoms na chos 'grub bo/ /de nyid bcings la rdo rje las kyi gzugs su bdag nyid bsgoms te/ sangs rgyas kyi sprul pa dang / sems can gyi don byed pa'i mtshan nyid
 can gyi las bsgoms na las 'grub pa'o/ /de nyid bcings la gzugs thams cad kun du ston pa'i ting nge 'dzin gyis sems can thams cad kyi don byed pa bsgoms pas ni sna tshogs pa'i bya ba grub bo/ /de nyid bcings la rdo rje rgyal mtshan gyi gzugs su bdag nyid bsams la
 yid bzhin gyi nor bu'i rgyal mtshan gyis sems can thams cad kyi don byed par yid la byas la de lta bus ni sems can gyi don grub bo/ /phyogs bcur sangs rgyas kyi sprul pas sems can thams cad kyi don byed par bsgoms pas ni sangs rgyas kyi mdzad pa'i don 'grub bo/ /de nyid
 bcings la rnam par snang mdzad kyi skur bdag nyid bsgoms na de lta bus ni sku 'grub bo/ /de nyid bcings la lce la rdo rje dkar po bsams la oM b+hu khaM zhes bya ba yid kyis bris la rnam par snang mdzad du bdag nyid bsgoms na de lta bus ni gsung 'grub bo/ /de nyid bcings la rang gi snying
 gar sems dpa'i rdo rje bsgoms na de lta bus ni thugs 'grub bo/ /de nyid bcings la rdo rje bdag nyid bsgoms na de lta bus ni rdo rje 'chang chen po 'grub par 'gyur ro/ /gang du khyad par dgag pa med pa de thams cad du oM b+hu khaM zhes bya ba'i snying po bzla bar bya'o/ /de ltar de bzhin
 gshegs pa thams cad kyi sku'i mchog / de bzhin gshegs pa thams cad kyi dngos grub thams cad ces bya ba'i las bshad nas/ de bzhin gshegs pa thams cad kyi sku'i mchog gi phyag rgya nyid kyi de bzhin gshegs pa thams cad sna tshogs rdo rje zhes bya ba'i phrin las
 gsungs pa ni/ byang chub kyi sems chen po bskyed pa dang zhes bya ba la sogs pa gsungs pa yin te/ de bzhin du rnam par snang mdzad kyi rnal 'byor byas la de bzhin gshegs pa thams cad kyi sku'i mchog bcings te/ oM bo d+hi tsit+ta badzra/ zhes zlos shing / zla ba'i dkyil 'khor du bdag
 nyid bsgoms na de lta bus ni byang chub kyi sems chen po thams cad bskyed par 'grub par 'gyur ro/ /de nyid bcings la oM sa man+ta b+ha dra tsar+ya/ zhes zlos shing bdag nyid kun du bzang po'i spyod pa'i tshul du bsgom par bya ste/ de lta bus ni kun du bzang po'i spyod pa sna tshogs rdzogs
 par 'gyur ro/ /'di nyid bcings la oM tsin+tA ma Ni/ zhes zlos shing rdo rje dpal du bdag nyid bsams la sems can gyi khams thams cad kyis bsams pa thams cad yongs su rdzogs par yid la bya ste/ de lta bus ni sems can gyi don 'grub par 'gyur ro/ /oM a ni ro d+ha/ zhes
 zlos shing bdag nyid dga' ldan gyi gnas dam pa nas 'pho ba nye bar bstan nas shAkya'i rigs su lha mo sgyu 'phrul gyi lhums su 'jug par bsam par bya ste/ de lta bus ni lhums su zhugs pa grub bo/ /oM dzA ti bi brte zhes zlos shing bdag nyid yum gyi lhums nas
 bltams pa'i don thams cad grub pa'i gzugs su bsam par bya ste/ de lta bus ni skye ba'i sa yang dag par ston par 'grub bo/ /oM sarbA b+hi dz+nyA ne zhes zlos shing bdag nyid gzhon nu'i rol pa ston pa la sogs pa bsam par bya ste/ de lta bus ni gzhon nu'i rol par 'gyur ro/ /oM ma
 hI ba rA ga d+harma/ zhes zlos shing bdag nyid mngon par 'byung bar bsgom par bya ste/ de lta bus ni de grub par 'gyur ro/ /oM bIr+ya kA ba tse/ zhes zlos shing bdag nyid dka' ba spyod pa la gnas par bsam par bya ste/ de lta bus ni de 'grub bo/ /oM sarbA ga mi ni zhes zlos shing bdag
 nyid byang chub chen po'i snying por 'gro bar bsam par bya ste/ de lta bus ni de 'grub bo/ /oM badzra d+hi ra tsit+te hUM/ zhes zlos shing rang gi lus las dpung gi tshogs yan lag bzhi pa phyung la des bdud kyi sde bcom par bya ste/ de lta bus ni bdud brtul ba 'grub bo/ /oM sarba ta thA ga te zhes zlos shing
 mngon par byang chub pa mngon du bya bar bsgom par bya ste/ de lta bus ni mngon par byang chub pa 'grub bo/ /oM swa b+hA ba shud+d+ho d+harma tA dz+nyA na bi shud+d+he zhes zlos shing bdag nyid wA rA Na sIr chos kyi 'khor lo bskor bar bsgom par bya ste/ de lta bus ni chos kyi 'khor lo bskor ba 'grub
 bo/ /oM karma bi shwa d+ha ni zhes zlos shing bdag nyid mu stegs can gzhan dag tshar gcod par bsam par bya ste/ de lta bus ni mu stegs pa gzhan tshar gcod pa 'grub bo/ /hUM ni su b+ha badzra Ni phaT ces zlos shing bdag nyid 'jig rten gsum po thams cad las rgyal bar byed cing rdo rje
 rigs kyi rang bzhin du bsam par bya ste/ de lta bus ni 'jig rten gsum las rnam par rgyal ba 'grub bo/ /oM ma hA rA ge zhes zlos shing bdag nyid lha las 'bab par bsgom par bya ste/ de lta bus ni de 'grub bo/ /oM dza badzra Ni zhes zlos shing 'dus pa chen po byin gyis brlab par
 bsgom par bya ste/ de lta bus ni de 'grub po/ /oM hUM sarba d+harma Ni zhes zlos shing gdug pa thams cad rdo rje rigs kyi tshul gyis yid kyis gdul bar bya ste/ de lta bus ni gdug pa thams cad 'dul ba 'grub bo/ /oM hri zhes zlos shing bdag nyid 'gro ba 'dul ba'i skur bsams la
 gzugs thams cad yang dag par ston pas sems can gdul bar yid kyis bya ste/ de lta bus ni 'dul ba la rab tu 'jog pa 'grub bo/ /oM a kA ro mu khaM zhes zlos shing ngan song gsum yid kyis bton la gsad par bya zhing sems can de rnams kyang bcom ldan
 'das rnam par snang mdzad kyi zhabs drung du skyes nas byang chub sems dpar gyur par bsam par bya ste/ de lta bus ni ngan song thams cad las gdon pa 'grub bo/ /oM pra dz+nyA pA ra mi ta zhes zlos shing bdag nyid shes rab kyi pha rol tu phyin pa la sogs pa'i mdo sde thams
 cad ston pa la brtson pa'i de bzhin gshegs par gyur par bsam par bya ste/ de lta bus ni mdo sde thams cad ston pa 'grub bo/ /oM ba hUM zhes zlos shing bdag nyid rdo rje dbyings la sogs pa 'jig rten pa dang 'jig rten las 'das pa'i sngags kyis rtog pa thams cad brtan
 par byed par bsgom par bya ste/ de lta bus ni rtog pa thams cad byin gyis rlob pa 'grub bo/ /a zhes zlos shing sangs rgyas nyid la sogs pa sgrub par byed pa rnams la sangs rgyas nyid la sogs pa ster bar bsgom par bya ste/ de lta bus ni dngos grub thams cad ster ba 'grub
 bo/ /oM sarba ta thA ga ta kA yA gre zhes zlos shing bdag nyid rnam par snang mdzad la sogs pa'i sku'i rang bzhin du bsgom par bya ste/ de lta bus ni de bzhin gshegs pa thams cad kyi sku'i mchog rab tu thob pa 'grub bo/ /oM sarba ta thA ga ta wA gI shud+d+he zhes zlos shing de bzhin gshegs
 pa thams cad kyi gsung gi rang bzhin du bsgoms na de bzhin gshegs pa thams cad kyi gsung rab tu thob pa 'grub bo/ /oM sarba ta thA ga ta tsit+ta badzre Ni zhes zlos shing rang gi snying ga'i zla ba la rdo rje rtse lnga pa bsgom par bya ste/ de lta bus ni de bzhin gshegs pa thams cad kyi thugs
 rab tu thob cing rnam par grol ba thob par 'gyur ro/ /de la de bzhin gshegs pa thams cad kyi byang chub kyi sems chen po bskyed pa la sogs pa 'dul ba'i sgo rnams rnam par sbyong ba ni rnam par 'phrul pa'o/ /de sgrub pa ni rdzogs pa'o/ /'dir thams cad la
 yang de bzhin du rnam par snang mdzad kyi sbyor ba byas la/ de bzhin gshegs pa thams cad kyi sku'i mchog bcings te/ bsgom par bya ba yin par shes par bya'o/ /ji ltar phyag rgya 'di dag gis zhes bya ba ni go bar zad do/ /de bzhin gshegs pa thams cad kyi byang chub kyi rdo rje
 zhes bya ba la de bzhin gshegs pa thams cad ni rnam par snang mdzad la sogs pa'o/ /de rnams kyi byang chub ni gnyis su med pa'i ye shes so/ /de'i rdo rje ni rnam par snang mdzad kyi dkyil 'khor ro/ /de'i rnam pa la rnam par rtog pa ni rtog pa'o/ /de ston par byed pa'i sgra la
 yang nye bar btags pas de skad ces bya ba'o/ /de nyid ni ston pa ste bya ba'o/ /de'i rgyas pa ni rgyun no/ /dpal mchog dang po'i rgya cher bshad par shes rab kyi pha rol tu phyin pa 'byung ba zhes bya ba las dum bu gnyis pa rtsa ba'i rgyud las gsungs pa'i bcom ldan 'das rnam par
 snang mdzad kyi dkyil 'khor gyi bshad pa rdzogs so/ / //de ltar sems can rang bzhin bzang ba rnams kyi don du rnam par snang mdzad kyi dkyil 'khor gsungs nas/ da ni khro bas khro ba spang bar bya ba'i phyir rdo rje me ltar 'bar ba'i dkyil 'khor gsungs pa ni/ de nas
 sna tshogs las chen po/ /zhes bya ba la sogs pa yin no/ /de nas zhes bya ba'i sgra ni de ma thag pa ste/ dang po'i sbyor ba'i ting nge 'dzin gyi rjes thogs nyid la'o/ /'dir dang po'i sbyor ba'i ting nge 'dzin ni dpal rdo rje sems dpa'i dkyil 'khor du bshad pa nyid yin
 no/ /sna tshogs ni rnam pa tha dad pa ste/ rjes su mnyes par bya ba la sogs pa'i rang bzhin no/ /'di la phrin las chen po mnga' bas na sna tshogs las chen po'o/ /khyab bdag rdo rje 'dzin chen po/ /zhes bya ba ni thams cad du khyab par mdzad pa'o/ /gdug
 pa thams cad ni dbang phyug chen po la sogs pa ste de rnams 'dul ba'i mchog ni 'dul bar mdzad pa'i dam pa zhes bya ba'i don to/ /ji lta zhe na/ gang gi phyir/ sems can kun la rjes ston mdzad/ /ces bya ba gsungs te sems can yang yin la thams cad kyang yin pas na sems
 can thams cad de/ tshar gcad par 'os pa dang / phan gdags par 'os pa rnams so/ /de rnams la rjes su ston par mdzad pa ni rang gi bka' la nges par sbyor bar mdzad pa'o/ /de bzhin gshegs pa'i ting nge 'dzin gyis/ de bzhin gshegs pa'i rigs bskyed pa/ /zhes
 b ya ba ni bshad ma thag pa'i de bzhin gshegs pa'i ting nge 'dzin gyis sems can rang bzhin bzang ba rnams gdul bar bya ba'i phyir rnam par snang mdzad kyi dkyil 'khor bskyed nas sems can gyi khams rang bzhin bzang ba rnams 'dul ba'i de bzhin gshegs pa'i ting nge 'dzin zhi
 ba des dbang phyug chen po la sogs pa gdug cing gtum pa'i sems can kun gyi don bya zhing / dbang phyug chen po la sogs pa'i 'jig rten gsum 'dul bar rab tu bsgrub par mi nus so zhes bya ba ste/ 'jig rten gsum po de gdul bar bya ba de bzhin gshegs pa'i ting nge
 'dzin zhi bar nus par ma gyur pa'o/ /ci'i phyir nus par ma gyur ce na/ gang gi phyir zhes bya ba la sogs pa gsungs te/ gang gi phyir zhe sdang la sogs pa'i nyes byas rnams kyis gdug cing ma rungs par gyur pa rang gi ste/ rang nyid kyis rang gi sems kyi spyod pa rang bzhin
 des 'gro ba 'di dag kun rnam par snang mdzad la sogs pa sangs rgyas thams cad kyis zhi ba ste/ zhi ba'i nyams kyis bzhugs pas rab tu bsgrub par bya ba ma yin no/ /gdug cing gtum pa'i rang bzhin can yin pa'i phyir ro/ /de bas na bde bar gshegs pa ste/ de
 bzhin gshegs pa rnams kyis sems can rnams kyis don mdzad par gyur pa dag gang gi tshe ste dus gang gi tshe gdug cing gtum pa'i sems can gyi don mdzad par spyod par ma gyur pa de'i tshe/ nyid kyi dngos po kun zhes bya ba nyid kyi rang gi byang chub kyi sems kyi mtshan nyid kyi dngos
 po kun zhes bya ba la rdo rje sems dpa' ste de la gsol ba btab pa ni gsol ba btab par gyur pa ste/ gdug cing gtum pa'i sems can rnams gdul bar bya ba'i phyir rdo rje rigs kyi rang bzhin du mdzod cig ces gsol ba btab bo/ /tshig ji lta bus she na/ sems
 can gyi zhes bya ba la sogs pa gsungs te/ de nas sngags 'di gsungs pa tsam gyis zhes bya ba ni/ u tiSh+Tha sa ma ya kro d+ha ni suM b+ha dz+wa la badzra hUM zhes bya ba'i sngags de bzhin gshegs pa thams cad kyis gsungs pa tsam gyis so/ /phyag na rdo rje ni rdo rje sems dpa'o/ /rang nyid gtso
 bo ni rang dbang can no/ /sku gsung thugs kyi rdo rje las/ /zhes bya ba ni/ de bzhin gshegs pa thams cad kyi sku dang gsung dang thugs rdo rje la zhugs nas de bzhin gshegs pa thams cad kyi sku dang gsung dang thugs rdo rje de rnams la slar 'byung zhing phyir 'thon te/ de bzhin
 gshegs pa thams cad kyi mdun na gnas zhes bya ba la spyan sngar bzhugs pa'o/ /sku gang gis skyil mo krung du ni gang gis she na/ khro bo chen po rgyal po'i sku yis ni/ /sems dpa'i skyil krung gis legs bzhugs/ /zhes bya ba smos te/ khro bo chen po ni rdo rje me ltar
 'bar ba'o/ /de ni rdo rje rigs kyi bdag por gyur pa nyid kyis ni mdzes shing 'bar bas na rgyal po'o/ /de'i sku ni gzi mdangs ldan pa ste/ khro bo chen po rgyal po'i sku des sgeg pa'i sku'i mdangs gsal te/ khro bo'i gzi mdangs kyis bzhugs so zhes pa'i tha tshig go/ /
 sems dpa'i skyil krung ni bshad zin to/ /'bar ba nyid phreng bar dkrigs pas ni 'bar ba'i phreng ba ste de nyid 'od yin la des gsal zhing snang ba 'di la mnga' bas na de skad ces bya'o/ /de ji lta bus snang bar byed ce na/ sreg pa'i bskal pa gzhan 'dra ba'am/ /zhes
 bya ba smos te/ rdo rje mchog bsdams pa rnam par sreg pa'i bskal pa gnyis 'dra ba'i dang po'i rdo rje gsor zhing snying po gsungs so zhes bya bar sbyar ro/ /gzhan yang de nyid kyi khyad par bstan pa'i phyir/ /g.yon pa'i rdo rje bsnyems pa che/ /zhes bya ba la sogs pa smos te/
 g.yon pa'i rdo rje khu tshur khro bo'i dril bu dang bcas pa dkur 'jog par mdzad pa ni g.yon bsnyems pa'o/ /des shugs dang bcas pas na drag po ste/ des gsor ba ni phyag g.yas pas dang po'i rdo rje gyen du 'phen pa'o/ /khyad par ji lta bus des gsor zhe na/ bskyod ces bya ba
 smos te/ myur zhing shin tu rings par zhes bya ba'i tha tshig go/ /'bar ba ni rdo rje cher 'bar zhes bya ba 'bar zhing rab tu 'bar ba'i rdo rje ni cher 'bar ba'o/ /de'i 'bar bas nam mkha'i khams thams cad khyab pas na 'bar ba'i rdo rje cher 'bar ba'o/ /de'i me stag rnams kyis zhes
 bya ba ni rdo rje me'i me stag chung ngu rnams te des sreg pa 'dra zhes bya ba ni khams gsum pa thams cad sreg pa'o/ /gsor ba ni gyen du 'phen pa'o/ /'bar ba chen po ni nam mkha'i khams thams cad khyab pa'i rdo rje 'bar bas rab tu 'bar ba'o/ /de ji lta bus she na/ bskal pa'i me dpung
 lta bu yin/ /zhes bya ba smos so/ /gang zhig yin zhe na/ dang po'i rdo rje zhes bya ba smos te/ bcom ldan 'das rdo rje sems dpa'i phyag na gnas pa rdo rje gang yin pa de ni dang po'i rdo rje'o/ /khro gnyer bcas zhes bya ba ni khro gnyer bcas par gnas pas bcas so/ /rdo rje
 mchog 'dzin ni rdo rje dam pa snang ba ste/ dang po'i rdo rje bsdams pa zhes bya ba'i tha tshig go/ /gsungs pa zhes bya ba ni bka' stsal pa'o/ /ci zhig gsungs she na/ de la 'di ni de nas zhes bya ba la sogs pa smos te/ hUM zhes bya ba'i snying po gsungs pa'o/ /rdo rje 'bar ba chen
 po 'di la mnga' bas na rdo rje 'bar ba chen po'o/ /rdo rje 'bar ba chen po yang yin la me ltar 'bar ba yang yin zhing de lta bus ni nyi ma dang ldan pas na 'di la rdo rje me 'bar ba chen po me dang nyi ma zhes bya ste/ rdo rje me 'byung ba'i rdo rje hUM mdzad do/ /de'i nges pa'i ye shes ni snying po'o/ /
 de ston par byed pa'i sgra hUM zhes bya ba la yang nye bar btags pas me'i snying po zhes bya ba'o/ /snying po zhes 'di skad ston pa yin te/ de bzhin gshegs pa thams cad kyis gsol ba btab pa'i tshig gis bcom ldan 'das rdo rje sems dpa' de bzhin gshegs pa thams
 cad kyi sku dang gsung dang thugs rdo rje la zhugs la/ de nas der gnas nas de rnams las rdo rje me ltar 'bar ba'i skur slar byung ste/ de bzhin gshegs pa thams cad kyi spyan sngar zhugs so/ /de nas gdug cing gtum pa rnams ni nges par rdo rje rigs kyis
 'dul ba yin no snyam du dgongs nas shin tu dgyes pas ji skad du bshad pa'i tshul gyis hUM zhes bya ba gsungs so/ /sdig pa yang yin la kun kyang yin pas sdig pa kun te/ mi dge ba bcu'i las kyi lam gyi tshul lo/ /de nyid ni bud shing dang 'dra bar ye shes kyi mes bsreg par
 byas pa yin pas na sdig pa kun gyi bud shing ngo / /de rnams zad pa ni zad pa'i rgyu ste/ ye shes kyi me'i rang bzhin can gyi yi ge hUM ngo / /sdig pa kun gyi bud shing zad pa'i snying po phyung ba la g.yos pa ni g.yos par gyur pa'o/ /'gul ba ni 'gul bar gyur pa ste/ phyogs
 bcu kun nas nyon mongs pa can gyis sangs rgyas kyi rang bzhin can gyi 'jig rten gsum po sa 'og dang sa steng dang / mtho ris kyi mtshan can gyi 'jig rten gyi khams thams cad g.yos shing 'gul bar bskyod par gyur pa'o/ /lha chen la sogs lha rnams ni/ /g.yo
 ba med cing rmongs par 'gyur/ /zhes bya ba ni yi ge hUM des 'jig rten gyi khams thams cad rab tu g.yos par byas nas lha chen po la sogs pa yang brgyal zhing / kun du rmongs pa skye bar gyur pa des na de rnams g.yo ba med cing rmongs pa nyid du gyur to/ /rdo rje 'bar
 bas 'khrugs pa kun/ /zhes bya ba la sogs pa ni go bar zad do/ /lha la sogs zhes bya ba ni gzugs dang gzugs med pa la spyod pa ni lha ste/ de la sogs pa gang yin pa de ni lha la sogs so/ /srid pa gsum po kun gyi phyogs bcu na gnas pa thams cad do/ /
 sangs rgyas thams cad ces bya ba la 'jig rten gyi khams thams cad kyi rdul phra rab dang mnyam pa'i de bzhin gshegs pa thams cad kyang 'dus par mdzad par gyur pa'o/ /de nas 'dus par gyur pa de rnams kyis sangs rgyas kyi byang chub brtan zhing mi phyed par mdzad
 nas/ rdo rje rigs kyi rang bzhin gyi gdug cing gtum pa'i sems can thams cad gdul ba'i phyir thabs chen po zhes bya ba ste/ thabs kyi pha rol tu phyin pa'i rang bzhin no/ /dam pa bdag ces bya ba ni rdo rje rigs kyi rang bzhin de nyid kyi mchog tu gyur pa'o/ /kyang zhes bya ba ni zhi ba
 la sogs pa'i nyams dang ldan pa'i rdzogs pa'i byang chub la ltos nas kyang gi sgra smos pa yin no/ /thugs su chud ces bya ba ni rdo rje rigs kyi rang bzhin du bdag nyid mngon sum du byas pa ni thugs su chud pa'o/ /de nas rdo rje 'bar ba'i tshogs las zhes bya ba ni phyag g.yas
 pa'i rdo rje rtse lnga pa 'bar ba las so/ /'bar ba'i phreng ba 'khrug pa'i 'od/ /ces bya ba la sogs pa ni go bar zad do/ /rdo rje 'bar ba de la mkha' 'gro ma'i dkyil 'khor phyung ste zhes bya bar sbyar ro/ /de nyid kyi khyad par bstan pa'i phyir drag po'i zhes bya ba la sogs pa smos
 pa yin te/ drag po yang yin la chen po yang yin pas na drag po chen po ste/ mche ba gtsigs pa la sogs pas 'jigs su rung ba zhes bya ba'i tha tshig go/ /phyag rgya'i gar gyis 'bar zhes bya ba ni phyag rgya'i gar gyis 'bar ba'o/ /de nas phyogs bcur khyab par 'jug pas
 na kun du 'khrug pa'o/ /drag po chen po yang yin la phyag rgya gar gyis 'bar ba yang yin zhing kun du 'khrug pa yang yin pas na drag po chen po ste/ phyag rgya'i gar gyis 'bar zhing 'khrug /ces bya ba'o/ /rdo rje thams cad ni rdo rje hUM mdzad la sogs pa rdo rje'i rigs kyi bdag po rnams so/ /
 de rnams kyi gsang ba chen po ni skye bo thams cad kyi mngon sum du ma gyur pa'o/ /de ci zhig ce na mkha' 'gro ma'i rnal 'byor dkyil 'khor yin zhes bya ba ste/ mkha' 'gro ma'i rnal 'byor pa rnams kyi 'khor lo yin pas na mkha' 'gro ma'i rnal 'byor dkyil 'khor
 ro/ /de la rdo rje me ltar 'bar ba'i ting nge 'dzin ni rnal 'byor ro/ /de las byung ba'i rdo rje'i rigs kyi lha nam mkha' la rgyu ba thams cad ni mkha' 'gro'o/ /de phyung nas zhes bya ba ni rnal 'byor mkha' 'gro'i dkyil 'khor rdo rje de las byung zhing bton nas cho ga bzhin te/
 rdo rje 'dzin pa chen po'i rdo rje me ltar rab tu 'bar ba'i dkyil 'khor gyi dbyibs kyis so/ /ni zhes bya ba'i sgra ni nges par gzung ba ste/ rdo rje 'dzin pa chen po nyid kyi'o/ /lha mo'i dkyil 'khor tshul gyis ni/ /zhes bya ba ni rdo rje sems dpa'i lha mo'i dkyil
 'khor gyi tshul gyis so/ /logs kun du ni yang dag gnas/ /zhes bya ba ni bcom ldan 'das rdo rje 'dzin pa chen po'i phyogs dang mtshams rnams su gnas pa'o/ /sangs rgyas thams cad sras bcas pa/ /zhes bya ba ni 'jig rten gyi khams thams cad kyi rdul phra rab dang
 mnyam pa'i de bzhin gshegs pa thams cad byang chub sems dpa'i 'khor gyi dkyil 'khor dang bcas pa'i rdo rje gtsug tor la sogs pa'i rang bzhin lta bur rdo rje rigs chen po byung zhing rnam par ston par gyur pa'o/ /de nas rdo rje de las te 'od 'bar ba'i rdo rje de las so/ /sna
 tshogs gzugs mchog grub pa'i phyir/ /zhes bya ba ni rdo rje'i rigs kyi tshul du sems can gyi khams thams cad bskyed pa dang / sems can gdug cing gtum pa rnams btul ba ni sna tshogs gzugs mchog grub pa ste de'i don du byung ba'o/ /phyung nas kun du bzhud par 'gyur/ /
 zhes bya ba ni sangs rgyas sras dang bcas pa thams cad rdo rje de las phyung nas phyogs bcur song ba ni kun du bzhud pa yin no/ /kun du 'bar ba rnam par 'khrug /ces bya ba ni thams cad du 'bar ba'i nang du chud pas na kun du 'bar ba'o/ /phan tshun du rnam par khyab pas na rnam par 'khrug
 pa'o/ /rlung gis skyod pa pos zhes bya ba ni go bar zad do/ /sangs rgyas thams cad de zhes bya ba la sogs pa gang phyogs bcu'i 'jig rten gyi khams thams cad na sangs rgyas bcom ldan 'das thams cad sras te/ byang chub sems dpa' dang bcas pa'i 'jig rten gyi khams
 ma lus pa na bzhugs shing gnas par mdzad pa rnams hUM zhes bya ba des yang dag par bskul ba ste/ 'gro ba'i don la 'dir gshegs shig /ces thugs su chud par mdzad nas/ 'jig rten kun gyis yongs bskor ba/ /zhes bya ba gang de dag rang rang gi dkyil 'khor gyi
 'khor brgya byin la sogs pa'i rang bzhin can lta bu ni 'jig rten de dag kun gyis sangs rgyas de dag thams cad yongs su bskor nas bzhugs pas na 'jig rten kun gyis yongs su bskor ba ste yongs su bskor ba'i sangs rgyas de dag thams cad bkug cing spyan drangs pa'o/ /ci'i
 phyir zhe na/ sems can kun gyi don dang ni/ /zhes bya ba smos te/ drag cing drag po'i sbyor bas sems can gdug cing gtum pa rnams gdul bar bya ba'i phyir dang zhi bas bsdu bar 'os pa'i sems can rnams kun du bsdu bar bya ba'i phyir dang / sangs rgyas thams cad dgug
 cing spyan drangs pa yin no/ /bstan pa thams cad grub pa'i phyir/ /zhes bya ba ni de bzhin gshegs pa thams cad kyi bka' rnam pa sna tshogs pa ni de bzhin gshegs pa thams cad kyis bstan pa'o/ /de grub pa ni rdzogs pa ste/ de bzhin gshegs pa'i bkas gdul bya rnams
 mi dge ba bcu yongs su spong zhing dge ba bcu nyams su len pa zhes bya ba'i tha tshig ste/ de'i don du sangs rgyas de thams cad la yang dag par bskul nas spyan drangs pa yin no/ /'jig rten gsum dag de rnams kyang / /zhes bya ba ni de bzhin gshegs pa thams cad sems can
 kun gyi don gyi phyir dang / bstan pa thams cad grub par bya ba'i phyir dgug par ma zad kyi hUM zhes bya ba des dbang phyug chen po la sogs pa khams gsum gyi bdag po de rnams kyang kun du rgyal bas g.yo ba med par bya zhing / rgyu dang mi rgyur bcas pa ste/ /gnas dang gzhal yas
 khang dang rang rang gi 'khor gyi tshogs dang bcas par dgug go/ /de nas zhes bya ba'i sgra ni 'das ma thag pa ste/ de ltar rdo rje'i rigs bskyed pa des de bzhin gshegs pa thams cad la sogs pa ji skad du bshad pa'i tshul gyis bkug pa'i rjes thogs nyid la rdo rje 'dzin
 pa ste/ rdo rje me ltar 'bar bar ji skad du bshad pa'i mtshan nyid can de rnams la ste/ dbang phyug chen po la sogs pa g.yo ba med par gyur pa ste/ de rnams la thugs rje skyes nas thugs rje zhes bya ba thugs rje dang ldan pa'i thugs kyis 'chi ba slong bar byed pa'i rigs pa
 gsungs pas na/ shi ba slar gso brtan par gsungs/ /zhes bya ste/ shi ba slar gso ba'i don la bzlog dka' ba'o/ /oM zhes bya ba la sogs pa ni go bar zad do/ /hi zhes bya ba ni nye ba'i snying po ste/ bcom ldan 'das rdo rje me ltar 'bar bas khams gsum
 gdul bar bya ba'i phyir gsungs pa yin no/ /de nas de gsungs pa'i rjes thogs nyid la bcom ldan 'das rdo rje me ltar 'bar ba'i khro gnyer gyi phyogs nas rdo rje me ltar 'bar ba'i gzugs 'dzin pa'i nye ba'i snying po khro bo gnyis po phyung nas de'i rdo rje'i rigs thams cad rang gi rdo rje
 las phyung ste/ dbang phyug chen po la sogs pa 'khor dang bcas pa btul nas/ rdo rje ming byin te 'jig rten gsum gyi mchog tu byin gyis brlab pa'i bar du mdzad pa yin no/ /de ltar na de nas zhes bya ba nas brtsams te/ 'jig rten gsum mchog byin gyis rlob/ /ces
 bya ba'i bar gyi bshad pas ni khro bo'i dkyil 'khor gyi rgyal po mchog ces bya ba'i ting nge 'dzin gnyis pa gsungs pa yin no/ /de nas bsdu ba sngon du 'gro ba ni gsum pa yin no/ /de ltar ting nge 'dzin gsum gsungs nas da ni dam tshig dang dbang bskur ba thob pa rnams
 kyis bzlas brjod dang bsgom pa bya'o zhes bya ba'i don 'di bstan par bya ba'i phyir/ de nas rdo rje 'dzin chen mchog /mgon po yis ni gsol btab pa/ /zhes bya ba la sogs pas slob dpon gyi las kyi cho ga dang / slob ma 'jug pa la sogs pa'i cho ga rgyas pa gsungs pa
 yin no/ /de nas zhes bya ba'i sgra ni 'das ma thag pa ston pa'i tshig yin te gsol ba btab pa'i rjes thogs nyid la'o/ /rdo rje 'dzin pa chen po ni rdo rje me ltar 'bar ba'o/ /mchog ni dam pa'o/ /mgon po yis ni de bzhin gshegs pa rnams kyis so/ /gsol ba btab
 pa ni gsol bas btab par gyur pa'o/ /ci'i phyir gsol ba btab ce na/ rtog pa 'di ni bshad pa'i phyir/ /zhes bya ba smos te/ 'og nas rjes thogs nyid la 'chad par 'gyur ba'i rdo rje rigs kyi rtog pa 'di bshad cing bstan par bya ba'i phyir/ sems can thams cad la
 rjes su ston par mdzad pa bcom ldan 'das rdo rje 'chang ba la gsol ba btab par gsungs pa yin no/ /ci zhig gsungs she na/ dkyil 'khor chen po'i phyi rol du/ /zhes bya ba la sogs pa gsungs te/ rdo rje sems dpa'i phyi'i dkyil 'khor gang yin pa de ni sngar bshad pa yin
 la dkyil 'khor chen po'i phyi rol gang yin pa de ni dkyil 'khor chen po'i phyi rol lo/ /de ci zhig yin zhe na/ 'bar ba'i 'khor lo zhes bya ba gsungs te/ 'bar ba'i 'od des nye bar mtshon pa'i 'khor lo ste dkyil 'khor la ni 'bar ba'i 'khor lo zhes bya ste/ nang gi dkyil
 'khor 'bar ba dang bcas pa zhes ston pa yin pas de rnal 'byor pas yang dag par bri bar bya'o/ /de'i nang gi dkyil 'khor gyi lte bar ro/ /gzhag par bya zhes bya ba ni lugs ma'am brkos pa la sogs pa'i rang bzhin can no/ /sngon po 'bar ba'i sku bzang po/ /zhes bya ba ni
 rdo rje sngon po 'bar ba las grub pas shin tu mdzes pa'i sku ni/ sngon po 'bar ba'i sku bzang po/ /zhes bya ba ste/ 'od zer sngon po 'bar ba dang ldan pa'i sku zhes bya ba'i tha tshig go/ /zhal gyi mche ba cung zad gtsigs/ /zhes bya ba la sogs pa ni bshad zin to/ /bsnyems bcas shas
 cher 'bar ba la/ /zhes bya ba ni bsnyems pa dang bcas pa'i shugs dang ldan pa'i 'bar ba gang yin pa de ni bsnyems bcas shas cher 'bar ba ste/ g.yon pa'i rdo rje khu tshur rdo rje dril bu dang bcas pa kha bkan te kha nang du bstan pa ni 'dir bsnyems pa zhes bya ba ste/ de lta
 bus ni rdo rje 'bar ba gsor ba la brtson pa ni de la 'bad pa'o/ /'di skad ston pa yin te/ g.yon pa'i rdo rje khu tshur rdo rje dril bu dang bcas pas ji skad du bshad pa'i snyems tshul byas nas phyag g.yas pas 'bar ba dang bcas pa'i rdo rje gsor zhing bzhugs pa bri bar bya'o/ /de
 yi ngos ni thams cad du/ /zhes bya ba ni phyogs dang mtshams rnams su'o/ /rdo rje rnal 'byor ma yi gzugs/ /zhes bya ba ni rdo rje mtshon cha ma la sogs pa'i sku'o/ /rdo rje rnal 'byor ma'i sku mtshon cha ci zhig bsnams pa bri zhe na/ rdo rje mtshon cha mdung chen dang / /ral gri
 pad+ma mchog 'dzin ma/ /zhes bya ba la sogs pa gsungs te/ rdo rje mtshon cha ma ni rdo rje'i mtshon cha bsnams ma'o/ /rtse gsum pa 'dzin pa ni rtse gsum pa bsnams pa'o/ /ral gri 'dzin pa ni ral gri bsnams pa'o/ /pad+ma 'dzin pa ni zhags pa dang tho ba bsnams pa'o/ /mda'
 'dzin pa ni mda' bsnams pa'o/ /kha T+wAM ga 'dzin ma ni kha T+wAM ga bsnams pa'o/ /'khor lo 'dzin pa ni 'khor lo bsnams pa'o/ /ba dan sna tshogs 'dzin pa ni lha mo rdo rje dril bu ba dan ma'o/ /rdo rje rigs chen po ni zhes bya ba ni rdo rje gtsug tor la sogs pa'o/ /'bar ba'i 'khor lo'i rjes mthun pa/ /
 zhes bya ba 'jig rten gsum gyi gsang bar 'bar ba'i 'khor lo'i dkyil 'khor du rdo rje'i rigs chen po'i dkyil 'khor chen po ji ltar bkod pa de bzhin du 'dir yang dgod par bya'o/ /gang du zhe na/ thig bdun gyi ni zhes bya ba smos so/ /de nyid bstan pa ni/ dang por rdo rje'i
 phyag rgya bdag / ces bya ba la sogs pa gsungs pa yin te/ 'bar ba'i 'khor los yongs su bskor ba'i dkyil 'khor dang por ni rdo rje gtsug tor la sogs pa nas rdo rje 'bebs pa'i bar du bri'o/ /de bzhin du drug pa'i bar la rdo rje pho nya'i mchog dang / gnod sbyin
 dang srin po dang / mngag gzhug pa rnams bri'o/ /bdun pa la ni yang dag gnon/ /ri mo der ni dgod par bya/ /rdo rje 'chang ba chen po yi/ /rdo rje rigs ni sna tshogs pa/ /zhes bya ba 'di nyid kyi don bstan pa ni/ dbang phyug dam pa drag po'i tshogs/ /gtum po
 chen po 'dul bar mdzad/ /ces bya ba yin no/ /ri mo bdun pa'i bar du rdo rje gtsug tor la sogs pas gdul bar gyur pa'i lha chen po la sogs pa nas chu lha'i bar du chung ma dang bcas pa bri bar bya'o/ /phyi'i dkyil 'khor gnas su ni/ /lha la sogs pa kun gyi tshogs/ /
 zhes bya ba ni phyi ma'i dkyil 'khor gyi gnas su ni me la sogs pa'i mtshams su lha yang yin pas lha kun no/ /de rnams kyi tshogs ni dkyil 'khor te/ de rnams rang rang gi phyogs su dgod par bya'o/ /de nyid bshad pa ni/ mdor na ming po gsum la sogs/ rang gi phyogs
 su dgod par bya'o zhes bya ba yin te/ rgyal bar byed pa dang / sbrang rtsir byed pa dang / don thams cad grub par byed pa ni ming po gsum mo/ /de la sogs pa ni sngon du bya ba'i lha'i tshogs thams cad mdor bsdus nas rang gi phyogs su dgod par bya'o/ /mtshams su lha mor
 bshad pa yi/ /zhes bya ba ni sgeg mo la sogs pa'o/ /sgo dbus su yang de rnams nyid/ /ces bya ba ni dkyil 'khor gyi tshogs ni/ rdo rje sems dpa'i dkyil 'khor du gang bzhag pa de dag 'dir dgod par bya'o/ /rdo rje lcags kyu tshogs bcas pa'i/ /khro bo go rims ji
 bzhin bya/ /zhes bya ba ni rdo rje lcags kyu ma la sogs pa'i sgo srung ma rnams dang / sgeg mo la sogs pa'i rnam par 'joms ma khro bo dang bcas pa'i dkyil 'khor gyi tshogs de rnams su ji skad bshad pa'i snying pos dgod par bya'o zhes bya ba'i tha tshig go/ /dkyil 'khor chen
 po'i tshul gyis ni/ /zhes bya ba ni rdo rje sems dpa'i dkyil 'khor chen po las gsungs pa ltar 'dir yang cho ga thams cad de bzhin du bya'o zhes bya ba'i tha tshig go/ /khros pas rdo rje gsor ba dang / /khro gnyer 'dzum dang bcas pas 'dud/ /de nas me tog blangs nas ni/ /khros
 pas bdag po che la gtor/ /zhes bya bar sbyar te rdo rje sems dpa'i dkyil 'khor chen por 'jug pa'i cho gas zhugs pa bdag nyid la dbab par bya'o/ /me tog dor la rdo rje gsor ba'i phyag rgya bcings te/ khros par gyur pas khro gnyer bsdus pa dang / 'dzum pa dang bcas
 pas bcom ldan 'das la 'dud cing phyag bya'o/ /de nas zhes bya ba la sogs pa ni go bar zad do/ /rdo rje 'bar ba'i lcags kyu ches/ /yang dag par ni dgug par bya'o/ /zhes bya ba ni rdo rje 'bebs pa'i bar gyi dkyil 'khor gyi tshogs rnams yang dag pa ji lta ba bzhin
 du bkod la/ dkyil 'khor gyi sgo legs par phye ste/ bsdu ba byas la mtshan brgya rtsa brgyad pas bcom ldan 'das la yang dag par bstod nas rdo rje 'bar ba'i lcags kyu chen po spyan 'dren pa'i sngags dang bcas pas bcom ldan 'das rdo rje me ltar 'bar ba 'khor
 dang bcas pa dkyil 'khor du spyan drangs shing dgug par bya'o/ /de nas zhes bya ba la sogs pa ni go bar zad do/ /bcom ldan 'das kyang de kho na nyid kyi snying pos gzhag par bya'o zhes bya ba ni hi zhes bya bas de kho na nyid kyi snying po bstan pas so/ /'di skad ston pa
 yin te/ haM zhes bya ba zlos shing bcom ldan 'das me ltar 'bar ba'i dkyil 'khor du bzhugs su gsol bar bya'o/ /de nas dam tshig brjod par bya'o zhes bya ba ni de ltar slob ma la bstan pa'i rjes thogs nyid la/ de sems can mang la bde phyir dang / /zhes bya ba la sogs
 pa dam tshig brjod par bya'o/ /de nas bcom ldan 'das hUM mdzad kyi phyag rgya dang bcas pa'i mdzub mo sbyar bar bya'o zhes bya ba ni de ltar dkyil 'khor bris nas ji skad du bshad pa'i cho gas bcom ldan 'das 'khor dang bcas pa spyan drangs te bcug nas rdo rje hUM mdzad
 yi ge hUM dang bcas pas sdigs mdzub bya'o zhes bslab par bya'o/ /de nas zhes bya ba la sogs pa ni sdigs mdzub kyi phan yon gsungs pa yin no/ /de nas cho ga rgyas pa ji lta ba bzhin du bya'o zhes bya ba ni/ de ltar slob ma zhugs par byas nas/ de la dbab pa dang /
 de nas me tog dor du gzhug go/ /de nas de blangs la mgo la bcing bar bya'o/ /de nas dkyil 'khor bstan pa la snying gar gzhug pa'i phyag rgya dgrol bar bya ste/ 'di ni cho ga rgyas pa ji lta ba bzhin du bya'o zhes bya ba'i sgra'i don yin no/ /dbang bskur ba la sogs
 pa de bzhin du bya'o zhes bya ba ni rdo rje sems dpa'i dkyil 'khor chen po bshad pa'i cho gas slob ma rnams la dbang bskur ba dang / dngos grub ni rdo rje brtul zhugs dang / rdo rje rigs kyi bdag po'i de kho na nyid bstan pa dang / dam tshig gsum sbyin pa dang lung bstan
 pa dang snying po sbyin pa dang phyag rgya bslab pa dang / mchod pa dang / gzengs bstod pa la sogs pa'i 'bras bu bshad pa dang / dam tshig bstan pa rnams bya'o zhes bya ba'i tha tshig go/ /rdo rje khro bo ni rdo rje me ltar 'bar ba'o/ /de'i las kyi dbye ba bzhi po gang yin
 pa de de rnams la bslab par bya zhing bstan par bya'o/ /de dag gang zhe na/ rgyas gdab pa dang zhes bya ba la sogs pa smos pa yin te de la rgyas gdab pa bsgrub par bya ba'i snying po la rdo rje mda' bskyed pa'o/ /phyag rgya gzhig pa ni gdon gyis zin pa'i rgyud la yod pa'i kha T+wAM ga 'dzin
 pa'i phyag rgyas gdon gyi phyag rgya gzhig pa'o/ /'khor lo 'dzin pa'i phyag rgyas gdon gyis bzung ba'i rgyud la yod pa'i gdon gsad pa ni gsad pa'o/ /ba dan sna tshogs 'dzin pa'i phyag rgyas gdon gyis zin pa'i sems can rnams la yang srog 'byin pa ni sems can
 rnams la slar 'tsho bar bya ba'o/ /rdo rje khro bo'i las bzhi po 'di dag gdon gyis bzung ba la bya ba yin nam 'on te ma yin pa ji ltar shes par bya zhe na/ /gang la zhes bya ba la sogs pa smos pa yin te/ sems can gang la mda' 'dzin ma la sogs pa'i phyag rgya sbyar
 ba na 'gyur ba skyed par byed na/ sems can de ni gdon gdug pas zin pa yin par shes par bya'o/ /de nas 'tsho bar byed pa'i phyag rgya sna tshogs ba dan 'dzin pa'i phyag rgyas sems can de 'tsho bar byas la/ shin tu bsrung ba'i phyag rgyas slar yang gnod par mi 'gyur
 zhing sems can de la gdon gyis 'gyur ba yang byed par mi 'gyur bar bya ba'i phyir de la bsrung bar bya'o/ /'tsho ba'i phyag rgya gang yin pa 'dis srog byin te bsrung bar bya ba de ji srid 'tsho'i bar du de bya'o/ /de nas brtsams te zhes bya ba la sogs pa ni go bar zad do/ /
 de nas 'dir bsgrub pa bshad bya ste zhes bya ba ni de nas zhes bya ba'i sgras ni gnas skabs so/ /'dir zhes bya ba ni rdo rje'i rigs la'o/ /sgrub pa ni bsgrub pa'i thabs las so/ /bshad ces bya ste zhes bya ba ni bstan par bya ba'o/ /ji bzhin sku ni dge 'dun du/ /
 zhes bya ba la sogs pa la bcom ldan 'das me ltar 'bar ba'i ras ris la sogs pa ji skad du bshad pa'i mtshan nyid dang ldan pa'i sku gzugs dge zhing sdig pa dang bral ba de'i mdun du ste/ spyan sngar rdo rje gsor bas rdo rje gsor zhing dang po zhes bya ba bsgrub pa'i
 zhag nas brtsams te bzlas brjod stong phrag brgya bya'o zhes bya ba bzlas brjod 'bum bya'o/ /de nas cir 'gyur zhe na/ 'bum tshang nas zhes bya ba la sogs pas de'i 'bras bu gsungs pa yin no/ /de ltar yi ge hUM gi sgrub pa gsungs nas/ da ni de nas de
 kho na nyid kyi snying po bsgrub pa ni zhes bya ba la sogs pas yi ge hUM gi sgrub pa gsungs pa yin no/ /'di yang go sla'o/ /de ltar chos kyi phyag rgya'i rang bzhin can gyi snying po dang nye ba'i snying po gsungs nas/ da ni de nas zhes bya ba la sogs pas phyag rgya chen po la sogs pa sgrub
 pa gsungs pa yin no/ /de nas zhes bya ba'i sgra ni de bzhin no/ /phyag rgya rnams kyi dam pa sgrub pa ni dam tshig sgrub pa ste/ phyag rgya chen po thams cad mngon du byas pa'i thabs so/ /de nyid bstan pa ni/ ji bzhin rab tu phyag rgya bcing / /zhes bya ba yin te mnyam par gzhag
 pa'i sbyor ba la gnas pa'i skabs ni ji bzhin dus te/ de'i dus su phyag rgya chen po bcings te/ bdag nyid bsreg par bya'o zhes bya ba rang nyid thal bar bya'o zhes bya ba sems bskyed la bzlas brjod kyi don gyis rang gi lha'i snying po zlos shing srid pa 'di nyid du zhes bya ba tshe
 'di nyid la khro bo che zhes bya ba rdo rje me ltar 'bar ba'i sgrub pa po'i phyag rgya chen po sgom par byed pa'i phyag rgya chen po'i dngos grub thams cad 'grub par 'gyur ro/ /de ltar rdo rje'i rigs thams cad kyi phyag rgya chen po bsgrub pa gsungs nas da ni de nas zhes bya ba la sogs
 pas rdo rje'i rigs thams cad kyi dam tshig gi phyag rgya bsgrub pa gsungs pa yin no/ /dam tshig gi phyag rgya sgrub pa ni zhes bya ba ni rdo rje me ltar 'bar ba la rdo rje rigs thams cad kyi dam tshig 'dzin par byed pa'i phyag rgya ni dam tshig gi phyag rgya ste/ de'i sgrub pa ni de bzhin no/ /de nyid
 bstan pa ni bdag ni thams cad mi snang bar bya zhes brjod cing phyag na rdo rje yi zhes bya ba ni/ bdag ni chos kyi dbyings thams cad kyi rang bzhin te/ stong pa nyid bcu drug gi ngo bo nyid yin zhes bya ba'i tha tshig go/ /gsad par bya'o zhes bya ba rdo rje 'chang la sogs pa'i rang
 bzhin thams cad mi snang bar bya'o zhes bya ba ste/ chos bdag med par bsgoms pas bsgom pa'i dus kyi dang por de skad brjod la phyag na rdo rje ste/ rdo rje me ltar 'bar ba'i dam tshig sgrub pa'i phyag rgya bcings la/ bzlas brjod byas na rnal 'byor pa rdo rje 'dzin pa 'grub par
 'gyur ba ste/ rdo rje me ltar 'bar bar 'gyur/ /zhes bya ba'i tha tshig go/ /de ltar dam tshig gi phyag rgya bsgrub pa bstan nas/ da ni de nas las kyi phyag rgya bsgrub pa ni zhes bya ba las kyi phyag rgya bsgrub pa gsungs pa yin no/ /sgrub pa de'i rang gi tshul gsungs pa ni/ rnam pa
 bzhi po la zhes bya ba la sogs pa gsungs pa yin te 'phags pa de kho na nyid bsdus pa'i khams gsum rnam par rgyal ba'i dum bu'i las kyi dkyil 'khor las bshad pa'i mchod pa chen po dang / dbang bskur ba dang / chos dang las kyi mchod pa'i mtshan nyid can gyi las
 bzhi po gang yin pa de ni shin tu byed ces bya ba ni rab tu byed pa'o/ /nyid ces bya ba nges par gzung ste/ de nyid bsgrub pa'i mchog gi las byed pas rdo rje las nyid thob pa yin no/ /ji ltar zhe na/ thams cad bde ba'i phyir zlos na/ /zhes bya ba gsungs te/ sems can
 thams cad rdo rje'i rigs rtogs pa'i bar du bskyed pa ni thams cad bde ba'o/ /de'i don du bzlas na rdo rje'i las nyid de rdo rje me ltar 'bar ba'i las kyi phyag rgya'o/ /de thob pa ni rnyed pa'o/ /bskal pa chen po ni chos dang las dang / dam tshig dang phyag rgya chen po sgrub pa'o/ /de
 nyid cho ga ste/ de'i rgyas pa ni de'i rgyun no/ /de ston par byed pa'i sgra'i tshogs ni rgyud do/ /'dis ni don 'di skad ston pa yin par shes par bya ste/ rdo rje thal mo dang rdo rje bsdams pa bcings te rdo rje bsdams pa snying gar dral bar bya'o/ /de nas rdo rje dbab pa bskyed la/ dbab
 pa'i phyag rgya rang gi snying gar dral bar bya'o/ /de nas rdo rje khu tshur gyi dam tshig gi phyag rgya bcing bar bya'o/ /de nas rang gi snying gar gnas pa'i rdo rje dbab pa la/ yi ge hUM yid kyis bris la/ de nyid yid la zlos shing chos thams cad bdag med par bsgom par bya'o/ /de nas
 yi ge hUM dang yi ge a'i ye shes dbyangs kyi yi ge bcu drug dang bcas pa la/ rang gi sems zla ba'i dkyil 'khor gyi rnam par bsam par bya'o/ /de'i steng du yi ge hUM nyid dang ka la sogs pa gsal bya'i yi ge dang bcas pa las zla ba'i dkyil 'khor
 gnyis pa yang de hUM dang bcas pa las rdo rje 'bar ba de'i dbus su yi ge hUM bsams la gnyis su med pa'i thugs rdo rje chen po'i mtshan nyid ltar rdo rje de bzhin no zhes rdo rje'i nga rgyal bsgoms la/ rdo rje de las rdo rje rigs rnams sprul te/ des gdug pa thams cad btul nas/
 de yang rdo rje der yid kyis zhugs par bya'o/ /de nas rdo rje sems dpar byin gyis brlab pa'i sbyor bas rdo rje sems dpar bdag nyid bsams la/ yi ge hUM gis rdo rje me ltar 'bar bar bsam mo/ /de nas ma hA sa ma ya sa twa haM/ zhes zlos shing dam tshig chen po'i sems
 dpar bdag nyid bsgom mo/ /de nas rdo rje me ltar 'bar ba'i dam tshig gi phyag rgya bcings la ma hA sa ma you0f85haM/ zhes zlos shing rdo rje me ltar 'bar ba'i sku dang gsung dang / thugs rdo rje'i ngo bor bdag nyid bsams la phyag rgya de nyid dang / sa ma ya sa twa a d+hi tiSh+Tha swa mAM zhes zlos s
 hing / snying ga dang dpral ba dang / lkog ma dang spyi bor byin gyis brlab par bya'o/ /de nas bcom ldan 'das kyi phyag rgya chen po bcings la/ hUM aHzhes zlos shing sna tshogs pad+ma'i steng du rdo rje 'bar ba bskyed par bya'o/ /de nas rdo rje'i dbus su hUM bsams la/ badzreu0f85haM z
 hes bsgoms nas/ de nyid badzra dz+wa la a na lArka hUM zhes bya bas rdo rje me ltar 'bar ba bdag nyid bsams la/ de nas de nyid du rdo rje lcags kyu la sogs pa bcom ldan 'das me ltar 'bar bar dgug pa dang / gzhug pa dang bcing ba dang / dbang du byas la rang gi dam
 tshig gi phyag rgya bcings te/ hUM dr-i sh+ya zhes bya bas blta bar byas la rdo rje 'bar ba'i lcags kyu chen po'i hUM gis rang gi lus la bcom ldan 'das gzhug par bya'o/ /de nas rang gi dam tshig gi phyag rgya chen po bcings la/ sa ma ya s+t+waM hi zhes zlos shing 'od kyi dkyil 'khor
 bskyed la de zhugs pas bcom ldan 'das dang bdag nyid gcig tu gyur nas/ rdo rje me ltar 'bar ba bsgoms la/ dzaHhUM baM hoH/ sa ma ya s+t+waM haM ho zhes lan gsum bzla bar bya'o/ /de nas chos dang las dang / phyag rgya chen pos bcom ldan 'das rgyas btab la/ dzaH
 hUM baM hoH/ zhes zlos shing yid kyis legs so zhes bya ba'i sbyor bas rang gi lus la sangs rgyas thams cad bcug la rdo rje dbyings kyi dkyil 'khor chen po las bshad pa'i de bzhin gshegs pa'i dam tshig gi phyag rgya rnams kyis de bsgrub par bya'o/ /de nas de
 las bshad pa'i chos dang las dang phyag rgya chen po rnams kyis de rnams la rgyas btab la/ dang po'i rdo rje bcings te/ snga ma bzhin du rdo rje sems dpa' la sogs pas bdag nyid byin gyis brlab par bya'o/ /de nas yi ge brgya pas brtan par byas la de bzhin gshegs pa
 thams cad kyi sku'i mchog gi phyag rgyas sangs rgyas lnga'i cod pan gyi dbang dang / rdo rje phreng ba'i dbang bskur ba'i phyag rgyas rdo rje rtse lnga pa 'bar ba'i phreng bas dbang bskur ba blangs la yi ge gnyis kyi go chas bdag nyid go bgo bar bya'o/ /de nas khro bo rdo rje rtse lnga pas bdag
 po dang / ming gi dbang bskur ba blangs la dngos grub kyi rdo rje brtul zhugs blang bar bya'o/ /de nas khro bo'i rdo rje mtshon cha ma la sogs pa gsang ba'i mchod pa gnyis kyis rdo rje bzung zhing chos kyi dril bu dkrol la dam tshig gi phyag rgya chen por byin gyis brlabs nas hUM
 lan gsum bzlas par bya'o/ /de nas rdo rje gsor zhing khro gnyer dang 'dzum pa dang bcas pas sdud par bya'o/ /de nas phyag rgya chen po bcings la/ kun mchog dngos grub chen po ste/ /dbang phyug che nyid bdag po mchog /rdo rje sems dpar bdag gyur cig /
 de skad ces brjod la rab tu bsgrub par bya'o/ /lce la rdo rje dkar po de la hUM bsam mo/ /de nas rang gi snying gar gnas pa'i rdo rje 'bar ba'i gnas su hUM mdzad sgrub par byed pa'i yi ge hUM bris la bdag nyid rdo rje me ltar 'bar ba dang / gzugs brnyan tsam dang
 mtshungs par bsam zhing bzlas pa'i don la dmigs shing zla ba gcig gi bar du bsgom par bya'o/ /mdun du yang ras ris la sogs pa la bcom ldan 'das ji lta ba bzhin du spyan drangs la/ mchod pa thams cad kyis yang dag par mchod la
 phyag byas nas rdo rje gsor ba'i phyag rgyas yi ge hUM bzlas brjod 'bum bya'o/ /de nas zla ba nya ba'i dus su mtshan thog thag bzlas brjod byas na/ nang par rdo rje me ltar 'bar ba dang mnyam par 'gyur ro/ /yang na hi zhes bya ba de bzhin du bsgrubs la zla ba gcig tsam
 bzlas la de'i rjes la ras ris kyi mdun du stong phrag brgya bzlas nas mthar yang zla ba nya ba la mtshan thog thag bzlas brjod byas na/ nyi ma 'char ba'i dus su rdo rje me ltar 'bar ba dang 'dra bar 'gyur ro/ /de nas phyag rgya chen po bsgrub par 'dod na de bzhin du thams cad
 byas la/ zla ba gcig tsam du bzlas brjod dpag tu med pa bzlas nas thams cad bya'o zhes bsgom mo/ /de nas snga ma bzhin du bcom ldan 'das kyi spyan sngar gzhag /yang zla ba gcig tsam bsgoms la mthar de bzhin du mtshan thog thag bsgoms na rdo rje 'chang ba dang
 'dra bar 'gyur ro/ /'on te dam tshig gi phyag rgya bsgrub par 'dod na de bzhin du thams cad byas nas rang gi snying gar gnas pa'i rdo rje la hUM yid kyis bri'o/ /de nas chos thams cad gzugs brnyan dang 'dra bar dngos po med pa'i ngo bo nyid bar bsgoms la dam tshig gi
 phyag rgya bcings nas zla ba gcig tsam du hUM bzlas la/ de nas bcom ldan 'das de bzhin du mdun du bzhag la zla ba gzhan la bdag gis thams cad gsad par bya'o zhes brjod la dam tshig gi phyag rgya bcings la bzlas brjod bya'o/ /mthar de bzhin du mtshan thog
 thag bzlas brjod byas na rdo rje 'dzin pa nyid thob par 'gyur ro/ /'on te las kyi phyag rgya bsgrub par 'dod na de bzhin du cho ga thams cad rjes su spyad la 'phags pa de kho na nyid bsdus pa las gsungs pa'i khams gsum rnam par rgyal ba'i las kyi dkyil 'khor gyi mchod
 pa rnam pa bcu drug gis mchod pa dang / phyag byas la bcom ldan 'das kyi las kyi phyag rgya bcings nas rang gi snying gar gnas pa'i sna tshogs rdo rje la hUM bsams nas de nyid bzlas shing zla ba gcig tsam gyi bar du bsgom par bya'o/ /yang bcom ldan 'das mdun du
 bzhag la mchod pa thams cad kyis yang dag par mchod de/ yang zla ba gcig tsam gyi bar du bzlas brjod byas te/ mtshan thog thag bzlas shing bsgoms nas de'i rjes la nyi ma 'char kar rdo rje hUM mdzad dang 'dra ba las thams cad nus par 'gyur ro/ /de ltar na de nas
 rdo rje 'chang chen po zhes bya ba nas brtsams te bsgrub pa'i cho ga rgyas pa'i rgyud do zhes bya ba'i bar gyi bshad pas ni slob dpon gyi las kyi cho ga dang / slob ma 'jug pa la sogs pa'i cho ga rgyas pa gsungs pa yin no/ /yang 'di'i don brjod par byas te/ bdag dang gnas
 bsrung ba byas la rdo rje 'khor lo'i phyag rgyas rdo rje me ltar 'bar ba'i dkyil 'khor mdun du bskyed nas mngon sum dang 'dra bar bltas la/ gal te 'byor pa yod na me tog la sogs pas yang dag par mchod nas dkyil 'khor lnga pas phyag bya ba dang / phyag bzhi la
 sogs pa sngon du 'gro bas snga ma bzhin du sdom pa gzung bar bya'o/ /de nas de bzhin du rdo rje thal mo la sogs pa nas dam tshig gi khu tshur bcing ba'i bar gyis phyag rgya bcing ba thams cad byas la de nas yi ge hUM zlos shing rdo rje me ltar 'bar ba la sogs pa nas lha mo
 rdo rje dril bu ma'i bar gyi dam tshig gi phyag rgyas bcings la de'i snying po lan gsum bzlas nas/ oM badzra muH/ zhes bya bas dam tshig gi phyag rgya rnams rang gi snying gar gzhug go/ /rdo rje me ltar 'bar ba la sogs pa'i gzugs kyang rang gi snying gar gnas pa'i rdo rje
 'bar bar yid kyis gzhug par bya'o/ /de nas sdig pa dral ba'i phyag rgyas sdig pa thams cad dral bar bya'o/ /de nas rang gi snying gar gnas pa'i rdo rje 'bar ba la hUM yid kyis bris la de nyid yid la zlos shing chos thams cad bdag med par bsgom par bya'o/ /de nas
 de bzhin du cho ga thams cad rjes su spyad la bcom ldan 'das rdo rje me ltar 'bar ba'i phyag rgya chen po bcing bar bya'o/ /de nas nam mkha' rab 'byam gyi tshad tsam gyi rang gi snying ga'i zla ba'i dkyil 'khor du nam mkha' dang mnyam pa'i sbyor bas zhugs la
 rdo rje 'khor lo'i phyag rgyas rdo rje me ltar rab tu 'bar ba'i dkyil 'khor bskyed par bya'o/ /de nas rdo rje me ltar 'bar ba'i bdag nyid bsams la 'jug pa'i dam tshig gi phyag rgya bcings la de nyid kyis me tog gi phreng ba blangs la/ dkyil 'khor der yid kyis 'jug pa'i glu len cing
 'jug par bya'o/ /de nas me tog dor ba'i glu len cing rang gi mgor me tog gi phreng ba dor la de nas ji lta ba bzhin bcing bar bya'o/ /de nas dngos grub kyi brtul zhugs bzung ba'i bar gyis cho ga rnams rjes su spyad la/ dkyil 'khor der rang gi snying ga'am zla bar yid kyis
 gzhug par bya'o/ /de nas rdo rje 'bar ba'i lcags kyu chen po dang / hUM gis bcom ldan 'das rdo rje me ltar 'bar ba snga ma bzhin du rang gi lus la bcug la de nas snga ma bzhin du 'od kyi dkyil 'khor bskyed de bsgrub par bya'o/ /de nas chos dang las dang phyag rgya chen por rgyas
 btab la 'phags pa de kho na nyid bsdus pa la sogs pa'i rdo rje rigs kyi rnal 'byor chen po byas la dang po'i rdo rje bcings te/ rdo rje sems dpa' la sogs pas snga ma bzhin du bdag nyid byin gyis brlabs la/ rdo rje hUM mdzad du yi ge hUM gis byin gyis brlab par bya'o/ /de
 nas yi ge brgya pas brtan par byas la sangs rgyas lnga'i cod pan gyis dbang bskur ba'i phyag rgya 'am/ rdo rje phreng ba'i dbang bskur ba'i phyag rgyas bdag nyid dbang bskur la yi ge gnyis kyi go chas go bgo bar bya'o/ /de nas rdo rje dang bdag po dang / ming gi dbang bskur ba blangs
 nas dngos grub kyi rdo rje brtul zhugs bzung nas/ khro bo'i rdo rje mtshon cha ma la sogs pa phyag rgya'i mchod pa bcu gnyis kyis yang dag par mchod la bcom ldan 'das la khro gnyer 'dzum pa dang bcas pas btud par byas la phyag bzhi byas la/ de'i rjes la de kho na nyid kyis rdo rje bzung
 zhing chos kyi dril bu dkrol la dam tshig gi phyag rgya chen por byin gyis brlabs nas hUM lan gsum bzlas par bya'o/ /de'i rjes la oM badzra At+ma kou0f85haM/ zhes bya bas lha thams cad kyi sku dang gsung dang thugs rdo rjer bdag nyid bsgom par bya'o/ /oM swa b+hA ba shud+d+hou0f85haM zhes zlos shing gzugs br
 nyan dang 'dra zhing stong pa nyid kyi ngo bo yin par bdag nyid bsgom par bya'o/ /de nas sarba sa mou0f85haM zhes zlos shing chos thams cad bdag med pa'i mnyam pa nyid kyis thabs dang shes rab kyi 'bras bu lha thams cad kyi rang bzhin yin par bdag nyid bsgom par bya'o/ /de nas snying g
 ar gnas pa'i rdo rje 'bar ba la yi ge hUM yid kyis bris la sar+b+bot+ta ma ma hA si d+ha ma he shwar+ya d+hi pa raM/ sa ma you0f85haM badzra satwa s+t+waM zhes brjod la/ nyin re'i sbyor bas bzlas brjod bya'o/ /dkyil 'khor gzhan rnams kyi sngags ni bzlas brjod 'bum bya'o/ /de ltar sngon du bsnyen pa b
 ya bar 'gyur ro/ /yang na rang gi snying gar rdo rje 'khor lo'i phyag rgyas rdo rje me ltar 'bar ba'i dkyil 'khor bskyed la rang rang gi snying pos rdo rje me ltar 'bar ba la sogs pa nas rdo rje 'bebs pa'i bar du rang gi snying ga'i dkyil 'khor du rang rang gi gnas su yid kyis bkod la/
 oM badzra At+ma kou0f85haM/ oM sarba shud+d+hou0f85haM/ oM sarba sa mou0f85haM/ zhes zlos shing snga ma bzhin du don gsum pa bsgom par bya'o/ /de nas badzra dz+wa la a na lArka At+ma ma hA maN+Da la swa b+hA pou0f85haM swa maM zhes bya bas rang gi snying gar gnas pa'i rdo rje me ltar 'bar ba'i nga rgyal gyis bda
 g nyid bsams la/ lha thams cad kyi thugs na gnas pa'i rdo rje 'bar ba'i dbus su yi ge hUM yid kyis bris la/ de nyid rdo rje'i tshig gam khro bo'i tshig gis zlos shing ji srid dkyil 'khor de nyid nyin re bsgom pa'i dus su mngon sum du mthong bar gyur pa de srid kyi bar
 du bzlas brjod dang bsgom pa bya'o/ /de ltar sngon du bsnyen pa legs par byas par 'gyur ro/ /de ltar sngon du bsnyen pa byas nas zhag bdun gyi bar du ting nge 'dzin gsum bsgom pa nas brtsams te dkyil 'khor bsgom par bya'o/ /de nas nyin re 'am zla re 'am/
 lo re zhing dkyil 'khor bri bar bya'o/ /de yang gtsug lag khang ngam/ kun dga' ra ba'am/ grong rdal lam/ grong khyer ram/ yul ljongs kyi byang dang / shar gyi mtshams kyi sa'i char bsam par bya'o/ /de la dkyil 'khor gyi shar phyogs su bris
 na/ rgyal po rnam par rgyal ba dang / yul gyi skye bo rnams dang 'tshe ba mang bar 'gyur ro/ /grong khyer gang gi lho phyogs su bris par gyur na de stongs par 'gyur ro/ /gang la dmigs nas bris pa de 'chi bar 'gyur ro/ /nub phyogs su bris na/ dkyil 'khor gyi slob
 dpon 'chi bar 'gyur ro/ /byang phyogs su bris na/ der gang zhig zhugs pa de 'chi bar 'gyur ro/ /me'i mtshams kyi sar bris na/ char mi 'bab pa dang / me'i 'jigs pa 'byung bar 'gyur ro/ /bden bral du ni bris na/ mu ge 'byung bar 'gyur ro/ /rlung
 gi char bris na chu chen po 'bab par 'gyur ro/ /de bas na grong khyer gyi dbang ldan gyi phyogs char brten nas sa yongs su brtag par bya'o/ /mchod rten dang nye ba ma yin rlung gi gnas su yang ma yin/ mchod rten gyi gnas su ni 'chi bar 'gyur ro/ /shing gi
 gnas su ni 'chi ba'o/ /klu'i gnas su 'chi ba dang / chu'i dmu rdzing 'byung bar 'gyur ro/ /ji skad bshad pa'i gnas su ni/ rdo ba dang / rus pa dang / gyo mo dang / phub ma dang / sol ba la sogs pa bsal la dkyil 'khor bri bar bya'o/ /gang gi phyir rdo
 ba dang bcas par ni rlung 'byung bar 'gyur ro/ /rus pa dang bcas par ni gzer gyis 'debs so/ /gseg ma dang bcas pa'i gnas su lkugs pa nyid du 'gyur ro/ /phub ma dang / sol ba dang bcas pa'i gnas su rims 'byung bar 'gyur ro/ /ji skad
 du bshad pa'i phyogs kyi cha de'i sa de yang bram ze dang / rgyal rigs dang / rje'u rigs dang / dmangs rigs te rigs bzhir shes par bya'o/ /de la dkar po gang yin pa de ni bram ze'i rigs te/ sa phyogs der gang rig pa sgrub par byed na bsang phye dang / phreng ba dang /
 dbyig pa dang / dbyi gu dang / spyi blugs la sogs pa'i rdzas dang / des der dkyil 'khor bri bar bya'o/ /dmar po gang yin pa de ni rgyal rigs te/ gang de sgrub par byed pas na rdo rje dang / 'khor lo dang / ral gri dang / mdung dang / mdung thung dang / mda' bo che dang /
 'phang mdung dang / lcags mda' la sogs pa sgrub par byed de der des dkyil 'khor bri bar bya'o/ /ser po gang yin pa de ni rje'u rigs te gang zhig der bsgrubs pas ni dgra sta dang / zhags pa dang / tog spyad la sogs pa bsgrub pa ste des dkyil 'khor bri bar
 bya'o/ /nag po gang yin pa de ni dmangs rigs te/ sa phyogs gang yin pa der ni cig shos kyi dkyil 'khor bri bar bya'o/ /tshon sna lnga'i srad bus thig btab la ri mo shin tu mi sbom pa shin tu mi phra ba shin tu mi 'byer ba/ rgyun mi chad par bya'o/ /de la ri mo phra bas ni
 za byed kyi las bskyed do/ /sbom pos ni klu'i gnas bskyed do zhes bcom ldan 'das rdo rje 'chang gis gsungs so/ /de la dang por re zhig yo byad thams cad dang ldan pas mngon par gang 'dod pa'i sa'i dbus su mi rus kyi phye ma la sogs pas dkyil 'khor gyi
 bgegs bzlog la bdag dang slob ma zhi ba'i sbyin sreg bya'o/ /de nas rdo rje gnod sbyin gyis gdug pa rnams bskrad la gnas bsrung ba rnams byas nas yang nyungs kar dang chu dang / thal ba la dkyil 'khor de nyid lan bdun bzlas pas gtor la/ sa phyogs
 der khru gang tsam mam 'dom gang tsam du brkos te zlos la skra dang phub ma dang rus pa dang / gseg ma dang / thal ba dang / sol ba la sogs pa bsal la sbyangs nas spos chu'i dri zhim pos sbags pa'i sas bkang ste/ rdo rje rtse mo yongs su bzlas pa'i dri'i chus
 yang dang yang chag chag btab la kun du brdung bar bya'o/ /de nas shin tu mnyam par byas pa sgo bzhi dang ldan pa'i khang pa brtsegs ma'i nang du chud pa dang / rta babs bzhis mdzes par byas pa phyogs bzhir skar khung bzhis yongs su bskor ba der slob ma shin tu byang bas
 ba'i rnam lnga la rdo rje gnod sbyin yongs su bzlas pas shar phyogs nas brtsams te/ skyang nul byed du bcug cing de nyid yongs su bzlas pa'i dri chus bsang gtor byas la de nyid bzlas pa'i rin po che dang / sman dang 'bru thams cad sa'i dbus dang
 phyogs bzhir dgug par bya'o/ /sa gzhi yongs su sbyang ba'i cho ga'o/ /rtsig pa la sogs pa shin tu byi dor byas pa'i char rdo rje gnod sbyin gyis bgegs bskrad la yungs kar dang chu dang thal ba la de nyid yongs su bzlas pas sa la gtor nas yang slob ma shin tu byang
 bas rdo rje gnod sbyin bzlas pa'i rnam lngas shar phyogs nas brtsams te byug par bya'o/ /de nas rdo rje gnod sbyin yongs su bzlas pa'i dri'i chus gtor bar byas la de nyid bzlas pa'i rin po che dang sman dang 'bru rnams snga ma bzhin du bcug par bya'o/ /de nas yang
 slob ma shin tu byang bas rdo rje gnod sbyin yongs su bzlas pa'i spos chus shar phyogs nas brtsams te byug tu gzhug go/ /de nas sangs rgyas dang byang chub sems dpa' dang rig pa'i lha mo rnams kyi sku gzugs lugs ma'am/ 'bur du brkos pa'am/ byas pa
 dang / bris pa rnams kyis brgyan par bya ba dang / mtha' mar tshon gyi phreng bas nye bar mdzes par byas la dril bu btags pa'i tog bzang po dang / bla re dang / 'phan gdugs mchog gis rnam par brgyan pa dra ba dang / dra ba phyed pa dang / rdo rje rin po che dang / dar
 dang / rnga yab dang / me tog gi chun 'phyang dang / gos sna tshogs dang / phreng ba dang / mar me la sogs pas shin tu mdzes par byas la mtshams bzhir gnas pa'i spos snod las bdug pa gtul ba dang / phyi rol du glu dang / gar la sogs pa byed du bcug pas
 kyang yang dag par mchod la/ sa la lag pa gzhag ste yi ge hUM dang / yi ge brgya pa lan bdun bzlas par bya'o/ /sa yongs su gzung ba'i cho ga'o/ /de nas dkyil 'khor gyi sa'i dbus su 'dug la rdo rje me ltar 'bar ba'i khro bor snyoms par zhugs pas blangs
 la bgegs gzhom pa la sogs pa byas nas mchod pa rnam pa lnga dang / mchod yon dang las thams cad pa'i spos chu la/ sngags yongs su bzlas la rdo rje 'khor lo'i phyag rgyas rdo rje me ltar 'bar ba'i dkyil 'khor chen por mngon par sprul la phyag bya ba la sogs
 pa sngon du 'gro bas sdom pa bzung nas rdo rje me ltar 'bar ba'i sbyor bas rnal 'byor pas de bzhin bsgrubs nas cho ga thams cad rjes su spyad la/ de nyid kyis ni rdo rje gzung / /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs
 nas snying po bzla/ /de'i rjes la/ g.yon pa'i mig tu Ta las zla ba bya/ /g.yas par ma bkod nyi ma'i dkyil 'khor bskyed/ /hUM gis mig 'bras bskal ba'i me lta bur/ /gnas pa 'dis ni rdo rje'i lta ba bya/ /zhes bya ba dang hUM zlos pa la brtson zhing yid kyis phyag rgya chen po
 bcings la bar snang gi phyogs su gnas te/ rlung gi dkyil 'khor las byung ba'i/ /'od zer rnon po rnam par 'phro/ /dbus su sa bon rnam bkod pa'o/ /rdo rje brtul zhugs can gyis bsam/ /ri bo dang bcas sa gzhi rnams dang ni/ /chu tshogs rdo rje me yi thal
 bar byas/ /nam mkha'i phyogs su khaM ni rnam bsams na/ /rnam par snang mdzad chu ni rnam par 'bebs/ /kun nas dba' rlabs 'khrug par 'gyur ba'o/ /rgya mtsho dpag tu med par de rjes 'gyur/ /de tshe rgya mtshor me yis bskor ba la/ /pad+mar yongs
 su gyur par brtag par bya/ /shes rab ces bshad 'dzam bu'i gser mchog can/ /rus sbal pad+ma'i rtsa bar bsam par bya/ /'dir ni lte ba dag tu pra nyid ni/ /dzam+bu'i gser du snang ba rnam par bsam/ /de nas rnam par snang mdzad khaM gi ni/ /ngo bo nyid du byon
 nas lte bar bzhugs/ /gcig tu gyur pa de las ri rab ni/ /rin chen bzhi yi char ldan yang dag byung / /zhes bya ba dang / hUM suM hUM zhes bya ba las sa bon gyi yi ge las ri rab bskyed par bya ba'o zhes bsam mo/ /de nas de bzhin du rdo rje thal mo brkyang bas sa la reg par
 byas la ri rab rdo rje'i rang bzhin du byin gyis brlab po/ /de nas ri rab kyi steng du rdo rje 'khor lo'i phyag rgyas rdo rje me ltar 'bar bar bskyed la dkyil 'khor gyi sa'i dbus su sems dpa'i skyil mo krung gis 'dug la/ bdag nyid spro ba bskyed par bya'o/ /
 deng du bdag tshe 'bras bu yod/ /ces bya ba la sogs pa brjod la/ yan lag thams cad kyis phyag byas te/ dngos grub 'di ni stsal du gsol/ /zhes bya ba'i bar du brjod do/ /de nas yang yan lag thams cad kyis phyag byas la dang po sbyor ba dang / dkyil 'khor
 gyi rgyal po mchog dang las kyi rgyal po mchog bsgom par bya'o/ /de nas phyag rgya chen po bcings te/ hUM zlos pa la brtson zhing dkyil 'khor bri ba'i phyir/ de bzhin gshegs pa thams cad kyis bdag nyid la gsol bar bsam mo/ /sems can kun la rjes
 ston pas/ /bcom ldan khyod la gsol ba ni/ /u t+tiSh+Tha sa ma ya kro d+ha ni sum+b+ha dz+wa la badzra/ de nas rang gis dam tshig gi phyag rgya dang / hUMhUM badzra tiSh+Tha ma hA maN+Da la ut+pA da ya zhes zlos shing / dkyil 'khor chen po bteg la yid kyis bar snang gis phyogs su
 bteg la rang gi dam tshig gi phyag rgya de nyid snying ga dang dpral ba dang lkog ma dang spyi bor bdag nyid byin gyis brlabs la/ yang phyag rgya chen po bcings te/ kro d+ha dr-iSh+Ti hi zhes bya ba mig gnyis su bkod la/ phyag rgya la gnas de bzhin langs/ /kun du rnam par
 bltas nas ni/ /hUM zhes kun du zlos byed cing / /bsgyings pa'i tshul gyis yongs su bskor/ /yi ge a las rkang pa gnyis kyi mthil du sna tshogs rdo rje bsams la/ rkang mthil nas bzung ste/ ri rab kyi steng nas brtsams te/ sa gzhi brtan
 pa la thug gi bar du dkyil 'khor gyi sa'i cha rdo rje'i rang bzhin du bsam zhing khro bo'i lta bas kyang mtshams dang phyogs dang / nam mkha' dang 'og dang dkyil 'khor bcing ba dang / dra ba dang ra ba dag bya'o/ /yang hUM zlos shing de bzhin gshegs pa thams
 cad kyi thugs ka nas phyung ste/ rdo rje sems dpa' la sogs pa'i khro bos 'jig rten gyi khams thams cad du rdo rje 'bar ba 'khrug cing / mi bzad pa'i hUM gi sgra 'jigs pas kun du khengs shing sdong bu can gyi pad+ma'i 'dab ma bzhin du kun nas g.yo bar byed
 pa'o/ /rdo rje 'bebs pa'i sbyor bas nam mkha'i phyogs thams cad nas babs la/ gar las byung ba'i me tog gi thal mos de bzhin gshegs pa thams cad yang dag par mchod de/ dkyil 'khor gyi lte bar g.yon brkyang ba'i gnas pas 'dug la/
 bskal pa'i me'i phung po lta bu'i khro bo'i tshogs byon pas bdud thams cad skrag par bya'o/ /de nas dga' ba yongs su gyur pa'i lus kyis shar phyogs su 'gro bar bya'o/ /de nas g.yon brkyang ba'i gnas pas de nyid du 'dug ste/ de bzhin
 du bgegs thams cad bskrad par bya'o/ /de nas gnas de nas gnod sbyin gyi 'gros kyis lho phyogs su song la g.yas brkyang ba'i gnas pas 'dug ste de bzhin du bgegs rnams rjes su bskrad par bya'o/ /de nas gnas de nas langs la g.yas
 brkyang ba dang g.yon brkyang ba gnyis kyis nub phyogs su song la zlum po'i 'dug stangs bcings te de bzhin du bgegs rnams shin tu bskrad par bya'o/ /de nas gnas de nas nam mkha'i khams kyi gtos ma lus pa dang mnyam pa'i 'jig rten gyi khams
 su bskyod cing rdo rje'i 'gros kyis byang phyogs su 'gro bar bya'o/ /de nas g.yas brkyang ba dang g.yon brkyang ba dang sa ga'i 'dug stangs dang / zlum po'i 'dug stangs dang / mthun pa'i rkang stabs te lngas de bzhin du bgegs bskrad par byas nas rdo rje
 'gros kyis gnas te/ de nas shar phyogs su 'gro bar bya'o/ /de ltar stang stabs bzhis bgegs thams cad bcom par gyur pa yin no/ /dkyil 'khor gyi dus su ji lta bya ba de bzhin du 'khrul 'khor la sogs pa gzhig pa la yang sbyar
 bar bya'o/ /de ltar 'khrul 'khor la sogs pas bcom par gyur pa yin no/ /stang stabs kyi dus 'dir yi ge hUM khro bo'i tshig gis rgyun mi chad par bzla bar bya'o/ /de nas sgo dbye ba'i phyag rgyas sgo bzhi phye la gsang ba'i dkyil 'khor zhal
 bzhi pa phyag bzhi pa/ rdo rje rgyu'i ngo bo nyid sngags dang phyag rgya dang bcas pa 'dis dgug par bya'o/ /oM badzra maN+Da la hUM dzaH rdo rje khu tshur gnyis kyis mdzub mo dang mthe bong gnyis sbyar ba 'di ni rdo rje 'khor lo zhes bya ba'i phyag rgya ste dkyil 'khor dgug pa'o/ /
 de'i rjes la oM badzra tsakra a d+hi tiSh+Tha sid+d+h+ya hUM zhes bya ba phyag rgya dang bcas pa yang dkyil 'khor byin gyis brlab par bya'o/ /rdo rje khu tshur gnyis kyis mgal me'i 'khor lo bskor ba ltar yongs su bskor ba ni 'di'i phyag rgya'o/ /de nas seng ldeng gi rdo rje phur pa
 hUM las mtha' yas dang rnam par rgyal ba dang / sprin sgra dang / gsus po che dang / rgyal ba zhes bya ba stod khro bo la smad rdo rje rtse gcig pa lta bur bsam par bya'o/ /de nas tsan+dan dmar pos byugs shing srad bu dmar pos dkris la/ me tog gi phreng ba dmar po
 btags te/ haM kro d+ha ya sa haM tri sha ta tri ta ti zhes lan brgya rtsa brgyad bzlas la g.yon pa'i khro bo khu tshur gyis bzung nas/ phyi'i dkyil 'khor gyi mtshams bzhir rdo rje tho bas brdung bar bya'o/ /de nas rdo rje gnod sbyin gyis bgegs bskrad la bsrung ba byas
 nas de bzhin du rdo rje khu tshur gyis sgo bcad de/ rdo rje bsrung bas bsrung ba'i lha thams cad yang dag par bsrungs la rdo rje gnod sbyin yongs su bzlas pa'i bum pas bsang gtor bya ba'i phyir sgor bzhag nas rdo rje gnod sbyin gyi sngags zlos shing slob dpon rang nyid dam
 grogs dang bcas pas shar phyogs nas brtsams te dkyil 'khor gyi sa byug par bya'o/ /de nas slob dpon gyis lha thams cad kyi gnas su dri zhim pos dkyil 'khor byas la dpal rdo rje me ltar 'bar ba la sogs pa'i snying po lag pa bdugs pa la lan
 bdun bdun bzlas par bya'o/ /de nas dkyil 'khor de rnams su rang rang gi snying po nyid kyis rdo rje me ltar 'bar ba la sogs pa bkod par bya'o/ /de nas de rnams la mchod pa rnam pa lngas mchod de/ de nas phyi rol du gtor ma byin nas ji skad du bshad pa'i mtshan nyid
 can gyi rnam par rgyal ba'i bum pa rin po che dang / sman dang 'bru thams cad dang ldan pa ras sngon po zung gcig gis mgul pa bcings la/ me tog gi phreng ba btags la/ phyi rol kun du dris byugs pa/ me tog gi sil ma gtor ba/ dri zhim po dang ldan pa'i lcug
 ma btags la lo ma bzang pos kha brgyan pa rdo rje me ltar 'bar bas kyang spos chu cung zad bcug la/ cho ga 'dis lhag par gnas par bya'o/ /rdo rje gnod sbyin gyi khro bos mchod yon la lan brgya bzlas la bum pa der rdo rje gnod sbyin gyi khro bo hUM las bskyed de/ rang
 gi phyag rgyas dbang bskur ba'i phyag rgyas dbang bskur te/ mchod yon phul la mchod pa rnam pa lnga dang / khro bo rdo rje mtshon cha ma la sogs pas yang dag par mchod nas rdo rje gnod sbyin gyi bum pa dam tshig gi phyag rgyas bzung ba'i khro bo rdo rje dang / me tog gi lcug ma
 la sogs pa rdo rje gnod sbyin gyi khro bo'i sngags brgya rtsa brgyad bzla bar bya'o/ /de nas me tog rnams bum pa der bcug la rdo rje gnod sbyin gyi sngags nyid kyis bdug spos dbul bar bya'o/ /de ltar na rdo rje me ltar 'bar ba'i bum pa de la yang rdo rje gnod sbyin gyi cho ga
 bzla bar bya'o/ /de nas nyi ma gnyis pa la thun gsum du bzlas brjod de bzhin du bya'o/ /bum pa lhag par gnas pa'i cho ga'o/ /de nas rdo rje gnod sbyin gyi khro bo dang / rdo rje me ltar 'bar ba dang / mA ma kIs nyin re zhing mar la sogs pa'i sbyin sreg brgya rtsa brgyad
 bya ste/ 'di ni bsnyen pa'i sbyin sreg gi cho ga'o/ /de ltar mtshan brgya rtsa brgyad pas bcom ldan 'das 'khor dang bcas pa yang dag par bstod la/ khro bo rdo rje mtshon cha ma la sogs pa'i phyag rgya'i mchod pa bcu gnyis dang / me tog la sogs pas yang
 dag par mchod de slob ma rnams lhag par gnas par bya'o/ /de la re zhig dang por slob ma lag na me tog thogs pas phyag byas nas 'di skad ces brjod par bya'o/ /dga' chen khyod bdag ston pa las/ /slob dpon khyod ni dgongs su gsol/ /byang
 chub sems dpa'i tshul bstan pa/ /mgon po bdag ni phyag 'tshal lo/ /dam tshig de nyid stsal du gsol/ /sdom pa rnams kyang bdag la stsol/ /de nas slob dpon gyis de rnams kyi snying gar sa ma ya a zhes bya bas zla ba'i dkyil 'khor bskyed la/ de hUM las
 rdo rje rtse lnga pa 'bar ba bsams la lag pa g.yas pa'i khro bo'i khu tshur gyis rdo rje 'bar ba blangs la de'i snying gar bzhag la 'di skad ces brjod par bya'o/ /su ra ta s+t+waM sa ma ya s+t+waM haM badzra sid+d+ha ya tha su khaM/ de nas sdig pa bshags pa la sogs pa byed du bcug ste/
 rtog pa rnams ni legs par bsdus nas ni/ /shin tu bsam pa bzang po ldan pas nyon/ /brjed ngas blo la rdo rje sems sogs pa'i/ /bde bar gshegs pa rnams kyis byin mi rlob/ /dbang med bdag gis mi dge bgyis pa dang / /rjes su yi rang yang na
 bgyid stsal gang / /de dag thams cad byang chub mchog gi ni/ /spyan sngar ma lus de ltar so sor bshags/ /bde gshegs sras kyis tshogs gnyis zab pa dang / /rgya chen 'gro ba ma lus pa yi don/ /sgrub par byed dang de las gzhan pa la'ang / /rtag
 tu bdag ni rjes su yi rang ngo / /thugs rjes khyab pa'i thugs dang ldan gyur cig /blo gros sdig bral gti mug tshogs kun bcom/ /ma lus rigs kyi pad+ma'i nang zhugs pa/ /bde bar gshegs pa rnams la skyabs su mchi/ /blo mchog rnams kyi kun dga'
 ra ba ste/ /dman pas 'jigs dang bral bas rgyal byed tshal/ /srid pa'i sbyor ba zil gyis gnon pa'i mchog /gsung mchog chos la bdag ni skyabs su mchi/ /'dod chags la sogs sbrul gyi dug bcom zhing / /blo gros rnam rgyas thugs rje cher ldan pa'i/ /
 brtul zhugs bzang po'i tshogs la skyabs su mchi/ /srid dang bral ba rnams la bdag phyag 'tshal/ /rgyu yi rjes la bdag po'i yul bdag nyid/ /'bras bu'i stobs kyis dgra las rgyal 'gyur ba/ /snying rje'i rtsa ba zug cing yang dag rtogs/ /mnyam med byang
 chub rnam par gzung bar bgyi/ /sems can rnams ni yongs su smin pa'am/ /yang na yongs su skyob par bya phyir ram/ /rang gi sems ni dag par bya ba'i phyir/ /'di dag thams cad rtswa sogs bzhin du gtang / /de bzhin tshul khrims bzod dang brtson
 'grus dang / /bsam gtan shes rab bla na med pa ni/ /bdag dang gzhan la phan par bya ba'i phyir/ /skad cig re re zhing yang bsgom par bya/ /bde bar gshegs pa sngags la mkhas pa yis/ /chos rgyal rtag tu lhun gyis grub pa ni/ /blo sogs
 rnams kyis thob par bya ba'i phyir/ /khyad 'phags gnas la bdag ni gnas par bgyi/ /zhes lan gsum brjod do/ /bdag gis de skad ces brjod pa'i dge ba'i rtsa ba 'dis bdag gis thams cad yongs su gtang bar bgyi'o/ /bdag gis sems
 can thams cad la mnyam pa'i sems bskyed par bgyi'o/ /bdag gis sems can thams cad dang / thabs kyi bye brag thams cad kyis btul nas mi gnas pa'i mya ngan las 'das pa'i dbyings la rab tu gzhag par bya'o/ /bdag gis sems can thams
 cad yongs su mya ngan las 'das par gyur kyang sems can 'ga' yang yongs su mya ngan las 'das pa med do zhes sems bskyed par bgyi'o/ /bdag gis chos thams cad skye ba med pa nyid du rjes su rtog par bgyi'o/ /bdag gis ma yengs pa'i sems
 dang / thams cad mkhyen pa'i ye shes kyi sems kyis pha rol du phyin pa drug la bslab par bya'o/ /bdag gis thos pa gcig gi tshul du gnas par yang rtog par bgyi'o/ /bdag gis byang chub kyi phyogs kyi chos sum cu rtsa bdun la gnas par so sor rtogs
 par bya ba'i phyir bslab par bya'o/ /bdag gis stobs bcu dang / mi 'jigs pa bzhi dang / so so yang dag par rig pa dang / sangs rgyas kyi chos ma 'dres pa rnams so sor rtogs par bya ba'i phyir mngon par brtson par bgyi'o/ /de bzhin du
 bdag gis sangs rgyas kyi chos tshad med pa ma lus pa'i bar la mngon par gnas par bya ba'i phyir mngon par bsgrub par bgyi'o/ /'di nyid ni byang chub sems dpa' rnams kyi byang chub chen por sems bskyed pa rdo rje lta bu yin te/ de bzhin gshegs pa thams
 cad kyi yab dang / de bzhin gshegs pa thams cad kyi bka' bzhin byed pa dang / de bzhin gshegs pa thams cad kyi sras kyi thu bo ste/ 'di nyid ni bcom ldan 'das kun du bzang po'o/ /de dge ba'i rtsa ba rnams kyis ji lta ba bzhin du yang dag par
 b yas pa'i stobs kyis bdag sems bskyed pa 'di la gnas pas kun du bzang po'i spyod pa zhes bya ba sgo mtha' yas pa la gnas pa mtha' med par 'gyur ba rdzogs par byas nas gdul bya'i 'gro ba'i tshogs ma lus pa rnams la spyod pa'i rab tu dbye ba'i
 sgo mang po bstan pas yang dag par mgu bar bya ba dang / yang dag par dga' bar byed pa dang / yang dag par gzengs bstod pa la nges par sbyar bar bgyi'o/ /de nas slob ma'i lag tu rdo rje khro bo'i dris dri/ me tog gis me tog /rdo rje bdug pas de
 la bdug spos sbyin zhing / rdo rje mar mes mar me snang bar bya'o/ /de nas u dum+WA ra dang / a shwat+tha las byas pa'i so shing dris byugs shing me tog bcings pas rdo rje bzhad pa'i khro bo bzlas shing bsrung bar byas pa sbyin par bya'o/ /ku sha sar pa las rdo rje rnon
 po'i khro bo bzlas pa sbyin no/ /de nas srung skud mdud pa gsum dang ldan pa dpung pa g.yon par rang nyid kyis bcing bar bya'o/ /oM badzra ha sa kro d+ha hA hA hA hA hUM phaT/ ces bya ba ni so shing la bzla ba'i sngags so/ /oM badzra tiSh+Tha kro d+ha ts+tshin+da ts+tshin+da hUM phaT/ ces bya ba ni ku sha la
 bzla ba'i sngags so/ /oM badzra rak+Sha hUM kro d+ha rak+Sha hUM phaT/ ces bya ba ni srung skud la bzla ba'i sngags so/ /oM bud+d+ha mai tri badzra rak+Sha haM/ zhes bya ba byams pa'i go chas thams cad yang dag par bsrung bar bya'o/ /oM badzra satwa uSh+NI She hUM phaT/ ces bya ba rdo rje sems dpa'i gtsug
 tor gyi phyag rgya dang ldan pas kyang bsrung bar bya'o/ /de nas 'di skad brjod par bya ste/ bzhin bzangs rnams longs la de bzhin gshegs pa thams cad la phyag 'tshol cig /nang par thar pa chen po grong khyer chen po mthong bar 'gyur ro/ /slob ma lhag par gnas pa'i cho
 ga'o/ /yang mchod pa byas la bdug spos gtul te bcom ldan 'das lhag par gnas par bya'o/ /bcom ldan rdo rje me ltar 'bar/ /khro bo'i rgyal la phyag 'tshal lo/ /bdag la brtse bar gyur nas su/ /slob ma rnams la brtse ba dang / /khyed rnams la yang mchod pa'i
 phyir/ /dkyil 'khor bri bar 'tshal lags na/ /bcom ldan bdag ni gus pa la/ /de bas gnang ba mdzad par rigs/ /sangs rgyas mgon po brtser ldan dang / /byang chub sems dpa' dgra bcom dang / /gsang sngags lha gzhan gang lags dang / /'jig rten
 skyong ba'i lha rnams dang / /gang yang 'byung po mthu chen dang / /gang su lha yi spyan mnga' ba'i/ /sems can bstan la dga' ba rnams/ /bdag la dgongs pa mdzad du gsol/ /bdag ming 'di zhes bgyi ba yi/ /sang ni dkyil 'khor bzang po'i ming / /'di zhes
 bgyi ba ci nus kyis/ /cho ga bzhin du bri lags na/ /bdag dang slob mar bcas pa la/ /thugs ni brtse bar dgongs nas su/ /tshogs pa thams cad dkyil 'khor du/ /byin gyis brlab pa mdzad du gsol/ /zhes lan gsum brjod nas/ snying nas dad
 pas phyag bya'o/ /bstod pa'i cho ga nyid kyang bya/ /de nas cho ga 'di bya'o/ /'dod chags bral ba dang ldan pa'i/ /chos ni slob ma la bshad pa/ /byas nas dang po blo ldan gyis/ /ku sha'i stan la nyal du gzhug /rmi lam sangs rgyas mthong ba ni/ /yon tan rgya
 mtsho mngon sum bzhin/ /mchod pa dang ni sku gzugs mthong / /de la mchod pa rtsom pa dang / /dge slong dag las chos nyan dang / /yang na gzhan las nyan kyang rung / /chos ni rnam par spyod pa dang / /de bzhin glegs bam bklag pa dang / /rmi lam
 dge 'dun mthong ba dang / /yang na dge slong gcig mthong dang / /de dang 'grogs shing gtam zer dang / /yang na dge slong dngos por 'gyur/ /gtsug lag khang dag mthong ba dang / /de bzhin dge slong rnam dag mthong / /rgyal ba'i sras rnams mthong ba dang / /de bzhin pha
 ma bla ma dang / /mdza' bo rnam pa sna tshogs rnams/ /rmi lam du ni mthong na shis/ /rig sngags dang ni dngos grub thob/ /de bzhin bslab pa 'dzin pa dang / /kun dga' rnam pa sna tshogs dang / /'bab chu rnams dang rgya mtsho dang / /ri dang glang po che dag dang / /mthong na
 yang ni dge bar grags/ /rgyal po dag ni mthong na shis/ /bde gshegs spyod pa mthun pa yi/ /dka' thub can dang bram ze dang / /phyug po skyes bu dam pa dang / /ba lang rta dang ngang pa dang / /seng ge dang ni ri dgas rnams/ /rmi lam du ni mthong na shis/ /bkra shis pa
 yi bya rnams dang / /gser dag dang ni gter rnams dang / /rin po che dang dngul dag dang / /nor ni rnam pa sna tshogs dang / /mdor ni 'byung khungs rnam pa dang / /mtshon cha rnams dang 'bru rnams dang / /'bras bu rnams dang me tog dang / /rgyan ni rnam pa sna tshogs dang / /
 kha zas dang ni gos rnams dang / /byis pa dag ni gzhon nu dang / /bud med gzugs ni bzang mo dag /rmi lam du ni mthong na bzang / /yang na thob cing reg smra dang / /rmi lam du ni dbang bskur dang / /rgyal por gyur cing 'byor pa dang / /dmag dpon du ni gyur pa dang / /
 g.yul las rgyal zhing dgra sod dang / gnyen dang lhan cig 'grogs pa dang / /lha rnams kyang ni mthong ba dang / /theg pa dang ni shing rta zhon/ /de bzhin ri dang yang thog 'dzeg /ngo mtshar rnam pa sna tshogs dag /rmi lam du ni mthong na dge/ /yam shing me la sbyin sreg
 bya/ /bya ba bzang po dag la 'jug /chu las rgal zhing ri las rgal/ /rkun po dag ni tshar gcod dang / /stobs 'gyed pa las rgyal ba dang / /gyad stabs rdob cing 'gying ba dang / /rtsed mo sna tshogs rmi lam dang / /de bzhin brtson dang spung byed dang / /bkra shis dag ni
 thams cad kyang / /mthong na rab tu dge bar bshad/ /gsang sngags cho ga nyan pa dang / /dga' ston dge ba mthong ba dang / /sgrub pa bzang po rtsom pa dang / /de la sogs pa'i lha rnams ni/ /dge ba rnam pa du ma dag /blo yis rnam par dpyad bya zhing / /de las
 bzlog pa spang bar bya/ /dge ba rnams ni sgrub par 'gyur/ /mi dge ba dag shes nas su/ /de dag mkhas pas spang bar bya/ /dge ba yi ni ltas rnams ni/ /rab dang 'bring dang tha ma las/ /gsang sngags dngos grub rnam gsum po/ /rab dang 'bring dang tha ma
 'grub/ /mi dge ba la zhi ba yi/ /sbyin sreg zhi ba'i gsang sngags kyis/ /ba yi mar la brgya rtsa brgyad/ /cho ga ji bzhin bri bar bya/ /de nas slob ma sdig bral zhing / /rnam par dag pa de dag la/ /rjes su brtse bar bya ba'i phyir/ /ci 'dod par ni gzung bar
 bya/ /de nas mal nas langs la snga ma bzhin du rnal 'byor chen po byas la/ nyi ma 'char ba'i dus su dkyil 'khor de bzhin du bar snang gi phyogs su bzhag la tshon sna lnga'i srad bu la srad bu'i sngags dang / hUM lan brgya rtsa brgyad bzla bar bya'o/ /de nas dkyil
 'khor gyi sa gzhi dris byugs la/ me tog gi sil mas gtor nas bar snang la bzhugs pa'i bcom ldan 'das 'khor dang bcas pa la mchod pa rnam pa lnga dang / glu dang rol mo la sogs pas yang dag par mchod nas/ mig g.yon dang g.yas su dza las
 nyi ma dang zla ba ser por snang ba bskyed la/ rang gi lag na gnas pa'i rdo rje 'bar ba la gnas pa'i yi ge hUM las grogs po rdo rje las kyi khro bor phyung nas g.yon pa'i rdo rje khu tshur gyis tshon sna lnga'i srad bu blangs nas sngags kyis sbyangs pa'i thig chal dkar po la sbangs
 pa dzaH yis srad bu de rang gi lag nas grogs po'i lag tu btang la grogs pos kyang dzaH dzaH dzaHzhes yi ge dzaHlan gsum bzla bar bya'o/ /de nas phyogs thams cad mnyam pa nyid du bsam zhing slob dpon nub tu 'dug cing shar phyogs su bltas la/ oM
 badzra sa ma ya su tra ma ti kra ma hUM/ zhes zlos shing thig gdab par bya'o/ /yang slob dpon lho phyogs su 'dug ste/ byang phyogs su bltas la tshangs pa'i thig gnyis pa gdab par bya'o/ /de nas me'i mtshams su 'dug ste byang phyogs su bltas la phyi'i dkyil 'khor
 gyi shar ngos kyi thig gdab bo/ /rlung gi phyogs nas lho phyogs su bltas la nub ngos su thig gdab bo/ /de nas de nyid du 'dug la shar phyogs su bltas te/ byang phyogs su thig gdab bo/ /de nas yang me'i phyogs su 'dug la nub tu bltas te lho phyogs su thig gdab
 bo/ /de bzhin du kha khyer dang lha'i snam bu'i thig gdab par bya zhing / slob dpon dang sgrub pa'i grogs mchog gnyis ka g.yas nas bskor ba'i tshul gyis 'gro bar bya'o/ /yang me'i mtshams su 'dug la rlung gi mtshams kyi bar du thig gdab par bya'o/ /yang bden
 bral gyi mtshams su 'dug pa dbang ldan gyi mtshams kyi bar du thig gdab par bya'o/ /de nas sgo dang sgo khyud dang rta babs kyi thig gdab par bya ste/ phyi'i dkyil 'khor gyi thig gdab pa'i cho ga'o/ /de ltar phyi'i dkyil 'khor legs par thig btab nas de'i dbus su
 dkyil 'khor gyi lte bar seng ldeng la sogs pa'i rdo rje phur bu la sngar bshad pa'i phur bu'i sngags brgya rtsa brgyad bzlas la hUM zlos shing rdo rjes brdung bar bya'o/ /phur bu des tshon sna lnga'i srad bu bltabs te btags la des dbang ldan gyi phyogs nas brtsams te g.yas nas
 bskor zhing cha nyi shu'i tshad kyis thig gdab la thams cad kyi nang du rdo rje 'bar ba'i dkyil 'khor gyi thig gdab par bya'o/ /de'i nyis 'gyur gyis dngos po 'bar ba'i 'khor los yongs su bskor ba'i nang du thig gdab bo/ /de'i nyis 'gyur gyis ni gnyis pa'o/ /de'i
 bzhi 'gyur gyis ni gsum pa'o/ /de'i lnga 'gyur gyis ni bzhi pa'o/ /de'i drug 'gyur gyis ni lnga pa'o/ /de'i bdun 'gyur gyis ni drug pa'o/ /de'i brgyad 'gyur gyis ni bdun pa'o/ /thig gis bar du chod par thig gdab par bya'o/ /de nas rdo rje'i thig dang dkyil
 'khor gyi ka ba brgyad thig gis legs par thig btab la/ phyi'i dkyil 'khor gyi nang gi mtshams las me'i phyogs nas brtsams te ming po gsum dang sring mo bzhi dang / glu dang sdug bsngal gdon pa'i dkyil 'khor gyi thig gdab par bya'o/ /de nas khams
 gsum rnam par rgyal ba'i phyag rgya bcings la/ hUM bzhi zlos shing dkyil 'khor gyi lte bar gnas pa'i phur bu bton la/ rang gi rdo rje 'bar bar yid kyis gzhug par bya'o/ /de nas phur bu'i khung bu phye ma lngas bkang la mnyam par bya'o/ /de nas hi zhes bya ba mig
 g.yon dang g.yas su nyi ma dang zla ba bskyed de khro bo'i lta bas kun du bltas shing sgo rnams dbye'o/ /da ni lung las bshad pa'i thig gi mtshan nyid brjod par bya ste/ de nas srad bu nyis 'gyur du/ /byas pas thig ni gdab par bya'o/ /nam mkha' kun dang cha mnyam
 pas/ /tshad ni tshad med pa nyid yin/ /gru bzhi pa la sgo bzhi pa/ /rta babs bzhis ni rnam par brgyan/ /kha khyer gyis ni yongs bskor cing / /mtshams su lha mos rnam sad byas/ /dkyil 'khor gyi ni grwa rnams dang / /sgo dang sgo khyud mtshams rnams su/ /zla
 ba phyed pa la gnas pa'i/ /rdo rje rin chen gyis mdzes byas/ /mi mnyam med par zur bzhi ste/ /dran dang dbang po sgo bzhi yin/ /bsam gtan gyis ni rta babs te/ /ting nge 'dzin rnams khyams su bshad/ /khyams der gnas pa'i rdo rje bdag /gzungs
 rnams lha mos mchod pa yin/ /bsam pa thams cad rdzogs mdzad pas/ /rgyan rnams kun gyis rnam par mdzes/ /dam chos mchog gi yan lag kun/ /gdul byas bskyod pa sna tshogs mchog /rlung gis bskyod pa sna tshogs mchog /ba dan dril bu
 sgra sgrogs yin/ /me long ye shes rtag me tog /byang chub yan lag me tog phreng / /dra ba me long me long che/ /me tog phreng ba'i rgyan gyis bskor/ /kun du mi zad bde ba ni/ /bde ba chen po zhes bshad do/ /de ltar dkyil 'khor thig btab
 nas/ /rin chen sna tshogs phye ma'am/ /khams sna tshogs kyi phye ma 'am/ /nas dang 'bras kyi phye ma'am/ /de bzhin nyungs kar phye ma ni/ /rgya skyegs yung dang sngo dang ljang / /tshon sna bzhi yis btsos gyur cing / /dri zhim phye ma dang bsres la/ /srad bu de rnams
 dgang bar bya/ /rin chen phye mas rgyal srid thob/ /khams kyi phye ma gser mang rnyed/ /'bru yi phye mas 'bru mang skyed/ /nyungs kar gyis ni don nges 'grub/ /de la phyi yi dkyil 'khor ni/ tshon dmar po dang / ljang gu dang / sngon po dang / ser po dang / dkar pos ri mo lnga
 bya'o/ /ri mo bdun la ni kha dog ser po'i ri mo gcig gis 'bar ba'i 'khor lo byas te/ 'bar ba'i 'khor lo ji skad bshad/ /lcags kyi 'khor lo dam pa yin/ /zhes gsungs pa yin no/ /lhag ma go bar zad do/ /tshon mngon par sbyang ba ni sngar bshad pa las gzung
 ngo / /tshon rtsi lnga dang po dgye ba dang / dang po'i rdo rje dang / hUM gis brtsam par byas te/ phyis ni ci bder bya'o/ /de nas hi zlos shing 'khor lo 'bar ba'i lte ba'i phyogs su sna tshogs pad+ma'i gdan la rdo rje me ltar 'bar ba'i sku gzugs lugs ma'am/ brkos pa'am/
 bris pa bzhugs su gsol ba'am/ nam mkha'i phyogs las phab ste/ sku'i gzugs brnyan dang gcig tu bya'o/ /hi hUM zhes zlos shing mdun du 'dod chags rdo rje ma'i gnas su rdo rje mtshon cha 'dzin ma/ g.yas logs su kI li kI la'i gnas su mthu chen 'dzin ma/ de'i
 rgyab tu rdo rje dran ma'i gnas su mdzod 'dzin ma/ g.yon du rdo rje 'dod pa'i dbang phyug ma'i gnas su thod pa'i zhags pa 'dzin ma/ me'i mtshams su mda' 'dzin ma/ bden bral du kha T+wAM ga 'dzin ma/ rlung gi mtshams su 'khor lo 'dzin ma/ dbang ldan gyi mtshams su ba
 dan sna tshogs 'dzin ma dgod par bya'o/ /de nas 'di rnams kyi snying po bshad par bya ste/ hUM badzra pra ha ra ni maT/ hUM badzra shU la gri bin+d+ha maT/ oM badzra kro she ts+tshin+da maT/ oM badzra a ma la pad+me maT/ hUM badzra gu h+ya sid+d+h+ya ba ra ma yo gI shwa ri hrIHhUM badzra tsaN+De shwa ri kha T+wAM gi/ ma hA badzra
 ka pA li mA la ma ku Te/ ru lu ru lu le hi/ hUM badzra na ra ya ni badzri/ hUM ma hA badzra pa tA kedz+dzi/ de ltar rdo rje 'bar ba'i 'khor lor lha rnams bkod pa byas nas de nas rdo rje shugs kyis byung la/ 'bar ba'i 'khor lo rim pas bskor ba dang po'i thig gi nang du rdo rje gtsug tor ma/
 oM traM ban+d+ha haM zhes zlos shing bzhi po shar phyogs nas brtsams te gral rim pa bzhin du bri bar gzhag par bya'o/ /de nas rdo rje hUM mdzad sprul pa'i khro bo bzhis/ oM sarba badzra a d+hi pa ti s+t+waM a b+hi Shiny+tsA mi b+hur b+hu ba swaHzhes bya ba dang / de nas oM suM b+ha ni d+ha ti badzre na ts+tshin+da ti ha na ti da ha
 ti pa tsa ti b+hi ri b+hi ri swA hA/ zhes bya ba rig pa'i mchog zhal nas byin pa'o/ /na mo badzra pA Ni s+ya oM Tak+ki hUM dzaHzhes bya bas khro bo 'dod pa/ ho badzra pA Ni hUM phaT ces bya bas gshin rje gshed/ ka ni d+hu ni sa hUM phaT ces pas khro bo ka ni/ he ma hA aM ku she ho b+ha ga bA na badzra hUM dzaH
 zhes khro bo rdo rje lcags kyu/ oM badzra pA sha hrIHzhes bya bas rdo rje zhags pa/ he badzra kI li kI la/ dzaHhUM baM hoHsa ma ya s+t+waM zhes bya bas khro bo rdo rje kI li kI la/ he badzra a na ya sarba badzra a d+hi pa ti s+t+waM ma hA pa ra me shwa ra la g+hu la g+hu b+ha ga bAn/ badzra a kro ma hA sarba bi dza ya kro d+ha
 ha ra hUM phaT/ ces bya bas khro bo bsnyems pa/ oM badzra mi tra te na su kha te na a b+h+yan+ta ra te na/ u pa tiSh+Tha dr-i D+ho me b+ha wa/ A ha ro me b+ha wa haM/ a pra ti ha t+yo me b+ha wa/ sha shwa twa me b+ha wa haM/ sarba tsit+ta shre yo me ku ru sid+d+h+ya ha ha hi zhes bya bas khro bo rdo rje bsdams pa/ oM ru ta
 ru ta hUM phaT ces bya bas khro bo rdo rje khu tshur/ oM badzra lo ke shwa ra a na hi ni d+hi ni pa ra me shwa ra la g+hu la g+hu b+ha ga bAn badzra kra ma sarba bi dza ye kr-i Da ta oM ha ra ha ra hUM phaT ces bya bas khro bo rdo rje snyems ma/ oM badzra mi tra te na su kha te na a b+h+yan+ta ra te na/ u pa tiSh+Tha re twa sa twa sho d+ha ya/ b+ha
 ga bAn badzra su d+ha ya sarba ma hA sa twa hUM phaT ces bya bas rdo rje sde/ badzra ho badzra ban+d+ha ra sarba karmA d+hi pa te ma hA badzra d+ha ri pri ya sarba duSh+TA na pra duSh+TA na ha na ts+tshin+da s+pho Ta ya marma ni pra ha ra pra ha ra sma ra sma ra ya thA ta thA trai lo kya bi dza ye tsin taM pu ta d+h+yA na badzra d+ha ra ma d+he na/ A be sha ya sarba
 lA lA lA lA li la ya ma na/ ha ha ha hA ma ma sa twa sa ma ya ma nu pA la ya hUM phaT ces bya bas rdo rje gtsug 'phyang ngo / /oM na maHsarba ta thA ga te b+h+yaHswA hA zhes bya bas ni rdo rje phyag 'tshal lo/ /oM badzra muts+tsha ya pra muts+tsha ya a bi sha sa ma yo tse na tsa me hUM phaT ces bya ba ni rdo rje rkang gdub
 bo/ /oM ku ru ku ru su ru su ru tiSh+Tha tiSh+Tha ban+d+ha ban+d+ha ma hA ba la sa ma ya ma nu sma ra ha na ha na phaT ces bya bas ni rdo rje sgeg mo'o/ /oM badzra a kra ma a kra ma sarba hUM phaT ces bya bas ni rdo rje rnon po'o/ /oM hUM hu lu hu lu ma no dza ba shI g+h+raM A gats+tsha ya A gats+tsha ya/ sarba ku ru sarba ta thA ga ta
 sa t+ya ma nu pA la ya a ni yaM swa a ni ya badzra sa ma ya sa twa ya hUM hu lu hu lu zhes bya ba ni rdo rje shugs kyi bri ba'am dgod par bya'o/ /de ltar srad bu dang po'i nang du rdo rje phyag rgya'i dbang po rnams bkod nas gnyis par sngags kyi phreng ba rnams sa ma ya zhes bya ba 'dis bri bar bya'o/ /de
 rnams kyi g.yon logs su rdo rje glu ma'i gzugs can gyi lha mo pi wang len pa la brtson pa/ oM badzra be ti be te swA hA zhes bya ba'i snying po 'dis dgod par bya'o/ /yang rdo rje mgon po btsun mo dang bcas pa rnams bri bar bya'o/ /badzra a ma ra oM ra ta hUM na ma zhes bya ba ni rdo rje mgon
 po rnams kyi snying po'o/ /oM badzra a te pa ti ya hi zhes bya ba ni de rnams kyi btsun mo rnams kyi'o/ /de ltar gnyis pa sngags kyi lha rnams bris nas gsum par rdo rje rgyal po rdo rje lha mos bskor ba rnams bri bar bya'o/ /badzra ba pa zhes bya ba ni rdo rje rgyal po rnams kyi snying po'o/ /oM badzra a ti/
 de ba de he zhes bya ba ni rdo rje lha mo rnams kyi'o/ /de ltar srad bu gsum pa'i nang du rdo rje rgyal po rnams rdo rje lha mo rnams kyis bskor bar bri bar bya'o/ /bzhi pa rdo rje rnam par 'joms pa chen po ste sgeg mo dang / bzhad ma dang / glu ma dang / gar ma dang / tshogs kyi dbang phyug
 rdo rje rol mo rnams brdung ba la brtson pa rnams kyang bri bar bya'o/ /de rnams kyi snying po yi ge hUM yin no/ /lnga par ni rgyal phran rnams dang sgor sgo ba rnams dang / tshogs dang khro bo rnams bri bar bya'o/ /badzra b+ha b+ha zhes bya ba ni rgyal phran rnams kyi snying po'o/ /badzra be+e tra d+ha ra zhes bya ba ni
 sgo ba rnams kyi'o/ /oM badzra sha sa ya hUM phaT ces bya ba ni tshogs rnams kyi'o/ /badzra hUM zhes bya ba ni khro bo rnams kyi'o/ /drug pa ni rdo rje pho nya gtum po dang / gnod sbyin dang / srin po dang / mngag gzhug rnams bri bar bya'o/ /oM badzra a ma hi a na ya sarba dza zhes bya ba
 ni rdo rje pho nya rnams kyi snying po'o/ /oM badzra yak+Sha hUM a zhes bya ba ni rdo rje gnod sbyin rnams kyi'o/ /badzra rAk+Sha sa rak+Sha maM phaT ces bya ba ni srin po rnams kyi'o/ /he badzra kr-i ta ces bya ba ni mngag gzhug pa rnams kyi snying po'o/ /de nas srad bu bdun pa'i nang du btul bar gyur pa'i
 gtum po chen po drag po la sogs pa dbang phyug dam par rdo rje gtsug tor la sogs pa dang bcas pa bri bar bya'o/ /de la rdo rje gtsug tor gyis tshar gcad pa drag po la sogs pa nas chu lha'i bar du bri bar bya'o/ /rdo rje smin mtshams kyis ni zil gyis gnon to/ /rig pa mchog
 gis ni dam tshig gi sun 'byin te/ /snying pos ni nges par gnon to/ /'phags pa gshin rje gshed kyis ni bskyed do/ /khro bo ka nis ni rmongs par byas so/ /rdo rje lcags kyus ni bkug /rdo rje zhags pas ni bcings/ kI li kI las ni btsir/ rdo rje bsnyems pas ni
 chad pas bcad/ rdo rje bsdams pas ni rgyas btab/ rdo rje khu tshur gyis ni brgyal bar byas/ rdo rje sdes ni brtul/ gtsug 'phyang gis ni bcom/ rdo rje pus mos ni mdud par byas/ rdo rje rkang gdub kyis rgyal/ rdo rje sgrog gis ni bcings/ rdo rje 'khor los ni smra
 bar byed/ rdo rje rkang pas ni mnyes/ phyag rgya rig pa'i [(]ltag [,]lhag [)]pa'i lhas/ /rgyas gdab pa dang 'bebs pa nyid/ /rdo rje mgon po lha mor bcas/ /btul ba dang ni brdeg pa yis/ /rdo rje rgyal po lha mor bcas/ /btul dang snun par byed pa dang / /rgyal phran gyis ni mngon par
 bcom/ /sgo ba rnams kyis g.yul du bcom/ /mi bzad tshogs kyis rjes su btul/ /rdo rje khro bos rnam par brlag /pho nya pho nya mo yis bkug /rdo rje gnod sbyin srin po dang / /mngag gzhug pa yis gsod dang zad/ /skrag par byas dang zos pa yin/ /las
 rnams kun la rdo rje yi/ /rnal 'byor phra men ma rnams kyis/ /yid kyis rgyas btab rmongs byas btul/ /phyag rgya rigs lhag lha rnams kyis/ /kun du brdegs na bza' bar byed/ /de la phyag rgya'i rigs pa'i lhag pa'i lha rnams kyi sngags brjod par bya'o/ /b+he d+hi te
 zhes bya ba ni rdo rje rnal 'byor gyi phra men ma rnams kyi snying po'o/ /oM badzra a pa ra tsi ti ru Ta ma Ta pho nya mo rnams kyi snying po'o/ /rdo rje kha T+wAM ga'i tshogs chen mos kyang drag po nas chu lha'i mthar thug pa'i bar du chung ma dang bcas pa nyal ba'i tshul du byas pa bri bar bya'o/ /rdo rje
 mdung gis ni skrag par byas/ rdo rje ral gris ni bcad/ rdo rje zhags pas ni drangs/ rdo rje dbyug pas ni bcag /rdo rje mdung gis ni phug /rdo rje mdas ni nges par rgyal bar byed/ rdo rje kha T+wAM gas ni bcom par byas/ rdo rje 'khor los ni dngos grub kyi mchog bsgrub po/ /ru lu ru lu
 zhes bya ba ni rdo rje kha T+wAM ga'i tshogs kyi snying po'o/ /oM hriHphaT ces bya ba ni rdo rje mdung gi tshogs kyi'o/ /oM ts+tshin+da badzra zhes bya ba ni rdo rje zhags pa'i tshogs kyi'o/ /badzra hUM baM zhes bya ba ni rdo rje dbyug pa'i tshogs kyi'o/ /b+hin+da badzra zhes bya ba ni rdo rje mdung gi tshogs kyi'o/ /badzra ba na zhes bya
 ba ni rdo rje gzhu'i tshogs kyi'o/ /badzra pra brta ka zhes bya ba ni rdo rje 'khor lo'i tshogs kyi snying po'o/ /yid la 'dod pa'i cho ga'i sbyor bas las 'di dag thams cad rab tu sgrub par byed par 'gyur ro/ /de nas phyi'i dkyil 'khor gyi lha'i snam bu'i me'i mtshams su khro bo'i sgeg
 mo'o/ /bden bral du bzhad ma'o/ /rlung gi mtshams su glu ma/ dbang ldan gyi mtshams su gar ma/ shar phyogs kyi sgo'i dbus su rdo rje lcags kyu ma khro bo dang bcas pa/ lho sgor rdo rje zhags pa ma/ nub tu rdo rje lcags sgrog ma/ byang gi sgo'i dbus su rdo rje dril bu ma/ rdo rje sems
 dpa'i dkyil 'khor chen po bshad pa'i snying pos bri bar bya'o/ /yang phyi'i dkyil 'khor gyi lha'i snam bu dang nye ba'i nang gi gnas kyi me'i mtshams su ming po gsum gyi dkyil 'khor/ bden bral gyi mtshams su sring mo bzhi'i dkyil 'khor/ rlung gi mtshams su klu'i dkyil 'khor
 dang / dbang ldan gyi mtshams su sdug bsngal gdon pa'i dkyil 'khor 'og nas bshad pa'i cho gas bri bar bya'o/ /de la rdo rje me ltar 'bar ba sku mdog sngo ba/ zhal khro ba dang bcas pas bzhad pa/ mche ba cung zad gtsigs pa/ g.yon pa'i rdo rje khu tshur khro bo'i dril bu
 dang bcas pas bsnyems pa'i tshul gyis 'chang ba/ phyag g.yas pas khro bo'i rdo rje blangs te dregs pas gsor bar brtson pa/ sems dpa'i skyil mo krung gis bzhugs pa 'bar ba'i phreng ba can 'od zer 'bar ba kun du 'khrug pa/ sangs rgyas lnga'i rdo rje phreng ba'i cod pan gyis
 dbang bskur ba/ khro gnyer dang bcas shing khro bo rdo rje blta bas gzigs pa'o/ /sgeg mo dang rdo rje lcags kyu ma sku mdog dkar mo rdo rje mtshon cha dang mda' bsnams pa/ bzhad ma dang zhags pa ma sku mdog dkar po/ mdung chen po bsnams pa dang / kha T+wAM ga bsnams pa
 glu ma dang lcags sgrog ma sku mdog dkar ljang ral gri bsnams pa/ gar ma dang dril bu ma sku mdog gser btso ma'i mdog can zhags pa bsnams pa dang / ba dan sna tshogs bsnams pa'o/ /'di dag thams cad kyang pad+ma'i gdan la sems dpa'i skyil mo krung gis
 bzhugs pa/ mche ba cung zad gtsigs pa/ khro ba dang bcas pas bzhad pa'i zhal ras can/ khro gnyer dang bcas pa'i khro bo rdo rje lta ba dang ldan pa/ 'od zer gyi phreng ba 'bar ba kun du 'khrug pas kyang sangs rgyas lnga'i rdo rje phreng ba'i cod pan gyis dbang bskur ba'o/ /gang
 du khyad par gyi tshig med pa der rdo rje mtshon cha 'dzin ma phyag g.yas kyis rdo rje rtse lnga pa gsor ba la brtson pa/ phyag g.yon pas gdan la bsnyems pas bzhugs pa'o/ /mdung chen 'dzin ma phyag g.yas kyis rtse gsum bsnams pa/ phyag g.yon gyis gdan la bsnyems
 pa'o/ /ral gri 'dzin ma phyag g.yas kyis rdo rje khu tshur gyis ral gri bsnams pa/ g.yon pa'i khro bo'i khu tshur rang gi thugs kar 'jog pa'i sdigs mdzub mdzad pa zhags pa 'dzin ma g.yas rdo rje khu tshur gyis zhags pa/ phyag g.yon gyis thod pa bsnams pa'o/ /
 mda' 'dzin ma phyag g.yon gyis rdo rje gzhu bsnams pa'o/ /g.yas kyis mda' dang bcas pa'i gzhu rgyud bzung nas mda' 'phen pa/ kha T+wAM ga 'dzin pa/ thod pa'i phreng ba'i cod pan sangs rgyas kyi gtsug gi nor bus brgyan pas phyag g.yas kyis rdo rje rtse lnga 'bar ba rtse mor btags pa'i
 kha T+wAM ga bsnams pa/ phyag g.yon gyis gdan la bsnyems nas bzhugs pa'o/ /'khor lo 'dzin ma phyag g.yas kyi gung mos rdo rje 'khor lo rtsibs brgyad pa bstod pa'i tshul du bsnams pa/ phyag g.yon gyis gdan la bsnyems pa/ ba dan sna tshogs 'dzin ma/ phyag g.yas
 kyis dril bu 'dab ma sna tshogs can btags pa g.yon rdo rje khu tshur dril bu dang bcas pa dkur bstan te bsnyems par bzhugs pa'o/ /sgeg mo la sogs pa rdo rje sems dpa'i dkyil 'khor chen po'i tshul las 'dir khro bo dang bcas pas bzhugs pa'o/ /rdo rje gtsug tor la sogs pa
 rnams kyi ni rdo rje khu tshur gnyis las byung ba'i phyag rgya chen po'o/ /de la rdo rje gtsug tor bzhi ni sku mdog sngo ba g.yas pa'i khu tshur gyis rdo rje gtsug tor bsnams pa/ g.yon pa'i khu tshur gyis sdigs mdzub byed pa la brtson pa'o/ /rdo rje smin mtshams rigs pa'i rgyal po bzhi ni
 sku mdog dkar po phyag g.yas pas mdzod spu dkar po bsdams pa/ g.yon pa'i khu tshur gyi mdzub mos sdigs mdzub byed pa la brtson pa'o/ /rig pa mchog sku mdog sngo ba chos kyi hUM mdzad kyi tshul can g.yas pa'i khu tshur gyis rdo rje pad+ma bsnams pa/ g.yon pa'i rdo rje khu
 tshur gyis sdigs mdzub byed pa la brtson pa/ khro bo Tak+ki sku mdog sngo ba/ khu tshur gnyis rdo rje mda' 'phen zhing bzhugs pa'o/ /gshin rje gshed sku mdog nag po g.yon pa'i mdzub mos sdigs mdzub mdzad cing g.yas pa'i khu tshur gyis ral gri bsnams nas gdug pa thams cad
 rnam par dkrugs pa'o/ /khro bo ka ni sku mdog dmar ba g.yas kyi khu tshur gyis ral gri bsnams pa/ g.yon pa'i mdzub mos sdigs mdzub mdzad pa'o/ /rdo rje lcags kyu mdog sngo ba/ g.yas pa'i khu tshur gyis rdo rje lcags kyu bsnams pa/ g.yon pa'i khu tshur gyi mdzub mos de bzhin
 du sdigs mdzub mdzad pa/ rdo rje zhags pa sku mdog ser po g.yas pa'i khu tshur gyis zhags pa bsnams pa/ g.yon pa'i mdzub mos de bzhin du sdigs mdzub mdzad pa'o/ /rdo rje kI li kI la sku mdog ljang gu phyag gnyis khu tshur du byas pas rang gi thugs kar rdo rje rtse lnga pa 'khyud pa'i
 tshul gyis bzhugs pa'o/ /rdo rje bsnyems pa sku mdog sngo ba khu tshur gnyis kyis rdo rje gnyis bsnams te bsnyems tshul gnyis mdzad pas bzhugs shing dpung pa g.yon du 'dud pa'o/ /rdo rje bsdams pa sku mdog ser po g.yas pa'i khu tshur gyis rdo rje bsnams nas g.yon pa'i khu tshur
 gyis bsdigs par mdzad pa la brtson pa'o/ /rdo rje khu tshur sku mdog pad+ma ltar dmar skya g.yas pa'i rdo rje khu tshur gyis rdo rje dang bcas pa'i rdo rje khu tshur gyis dam tshig gi phyag rgya 'ching ba g.yon pa'i khu tshur gyis sdigs mdzub mdzad pa la brtson pa'o/ /rdo rje sde sku mdog dkar dmar g.yas
 pa'i khu tshur gyis rdo rje pad+ma bsnams pa/ g.yon pa'i khu tshur gyis de bzhin du sdigs mdzub mdzad pa'o/ /gtsug 'phyang sku mdog dmar po mda' dang gzhu bsnams pa rdo rje'i mda' 'phen pas gdug pa thams cad gsod pa'o/ /rdo rje phyag mtshan sku mdog sngo ba/ g.yas pa'i khu tshur
 gyis rdo rje bsdams pa/ g.yon pa'i khu tshur gyi mdzub mos gdug pa thams cad la yang dag par bsdigs te 'dud pa mdzad cing bzhugs pa'o/ /rdo rje rkang gdub sku mdog dmar po g.yas pa'i khu tshur gyis rdo rje rkang gdub bsnams pa/ g.yon pa'i khu tshur gyis gdug pa
 thams cad kun du bsdigs nas brgyal bar mdzad pa'o/ /rdo rje sgrog sku mdog dkar dmar g.yas dang g.yon gyi khu tshur gnyis kyis rdo rje lcags sgrog bsnams pas gdug pa thams cad bcing ba'i tshul gyis bzhugs pa'o/ /rdo rje rno ba sku mdog sngo ba g.yas pa'i
 rdo rje khu tshur gyi mdzub mos gdug pa thams cad rab tu bsdigs pa'o/ /rdo rje 'bebs pa g.yas pa'i rdo rje khu tshur gyis rdo rje bsnams nas gsor ba/ g.yon pa'i rdo rje khu tshur gyis gdug pa thams cad bsdigs shing bzhugs pa'o/ /'di dag thams cad kyang
 g.yon brkyang ba'i tshul gyis bzhugs pa/ 'od zer 'bar ba kun du 'khrug pa/ mche ba cung zad gtsigs pa/ khro ba dang bcas pa bzhad pa'i zhal ras can/ khro gnyer dang bcas shing khro ba'i lta ba dang ldan pa'i sangs rgyas lnga dang / rdo rje phreng bas dbang bskur ba dang ldan pa sna
 tshogs pa'i gdan la bzhugs pa'o/ /rim pa gnyis pa la sngags rnams ni g.yas kyi khu tshur gyis dam tshig gi 'ching ba g.yon gyis snga ma bzhin du sdigs mdzub la brtson pa rdo rje khu tshur gzugs can no/ /de rnams kyi lha mo ni rdo rje khu tshur gnyis kyis pi wang thogs te brdung ba
 dang / rdo rje glu ma'i gzugs can du g.yon phyogs nyid la gnas pa'o/ /rdo rje mgon po ni byang chub sems dpa'i gzugs can g.yas pa'i khu tshur gyis rdo rje bzung ste stod de mchod pa dang g.yon pas gdan la bsnyems te gnas pa'o/ /de rnams kyi lha mo nyid kyang de'i gzugs
 'chang ba nyid kyis g.yon logs na gnas pa'o/ /yang srad bu gsum par rdo rje rgyal po rnams ni rdo rje sems dpa'i phyag rgya'i tshul can gser gyi mdog 'dra ba/ lha mo bzhi'i dbus na gnas pa ste/ lha mo de rnams kyang de'i tshul 'dzin pa nyid do/ /yang srad bu bzhi par rdo rje
 chen po 'joms ma rnams ni sgeg pa dang / bzhad pa dang / glu len pa dang / gar byed pa rdo rje'i rol mo chen po glu len pa'i tshogs rnams dang lhan cig gnas shing ji ltar mngon par 'dod pa'i grangs dang ldan par shes pa'o/ /yang srad bu lnga pa'i nang du rgyal phran rnams
 sngar bshad pa'i mtshan nyid dang ldan par shes par bya'o/ /sgo ba rnams ni mdog sngo ba/ g.yon pa'i rdo rje khu tshur dkur brten nas g.yas pas rdo rje dbyug pa 'dzin pa'o/ /rdo rje tshogs ni sku mdog sngo ba'o/ /g.yon pa'i mdzub mo sdigs mdzub byed par brtson pa/ g.yas pa'i
 rdo rje khu tshur gyis rdo rje thogs nas mdun du bsdu ba dang phyir 'gyed pa'i tshul gyis gnas pa'i khro bo rnams ni mdog sna tshogs pa g.yas pa'i khu tshur rdo rje dang bcas pas sdigs mdzub byed pa la brtson pa/ g.yon dkur brten par gnas pa'o/ /sgo ba la sogs pa 'di dag thams cad
 g.yon brkyang ba'i gnas pas gnas pa/ spyan dmar zhing 'jigs su rung ba/ 'od zer 'bar ba kun du 'khrug pa/ khro gnyer dang bcas shing smin ma bsdus pa/ zhal gyi mche ba gtsigs pa'o/ /rim pa drug pa la pho nya rnams ni rdo rje khu tshur gnyis kyis rdo rje 'od ma'i lcug ma gnyis
 thogs pa'o/ /gnod sbyin rnams ni g.yon pa'i khu tshur gyi mdzub mos sdigs mdzub byed pa la brtson pa g.yas pa'i khu tshur gyis dril bu 'dzin pa'o/ /srin po rnams ni g.yon pa'i khu tshur gyi mdzub mos sdigs mdzub byed pa/ g.yas pa'i khu tshur gyis rdo rje mche ba thogs pa'o/ /
 mngag gzhug pa rnams ni g.yon pa'i khu tshur gyi mdzub mos sdigs mdzub byed pa/ g.yas ral gri 'dzin pa'o/ /rim pa bdun par ni dbang phyug chen po la sogs pa 'jig rten pa dgod do/ /'di dag thams cad kyang g.yon brkyang ba'i gnas pas 'dug la/ 'od zer
 'bar ba kun du 'khrug pa/ gdong la mche ba rnam par gtsigs pa/ dpral ba khro gnyer dang bcas shing bcum pa mig dmar la 'jigs su rung ba'o/ /rdo rje'i rigs thams cad kyang rdo rje phreng bas sangs rgyas lnga dang ldan pa'i cod pan gyis dbang bskur ba yin no/ /srin po la
 sogs pa ni kun du gdug pa'i gzugs can thod pa'i phreng ba cod pan yin par shes par bya'o/ /rdo rje phra man ma bzhi ni kha dog sna tshogs pa/ g.yas kyi khu tshur gyis rtse gsum pa kha T+wAM ga dang dbyug pa dang / ba dan thogs pa/ g.yon gyis thod pa thogs shing gar byed pa'i
 tshul gyis gnas par shes par bya'o/ /de ltar dkyil 'khor bris nas phyi dro'i tshe dgongs ka'i dus su rdo rje hUM mdzad kyi sbyor bas rdo rje rigs kyi dam tshig gi phyag rgyas khro bo ti ran+ti ri bcings la/ de nyid kyis me tog gi phreng ba blangs te hUM bzhi zlos shing / rdo rje shugs kyis 'jug
 par bya'o/ /de ltar lhag pa dang ma tshang ba'i nyes pa zhi bar bya ba'i phyir rdo rje dril bu dkrol zhing dkyil 'khor bskor ba lan bdun bya'o/ /de nas bzhugs la dkyil 'khor ma tshang ba ni bkang bar bya'o/ /lhag pa ni bsal bar bya'o/ /de nas me tog de yi ge hUM gis
 bcom ldan 'das la phul la de nyid zlos shing gar byas la rang gi mgo la bcing bar bya'o/ /de nas dbus su gnas gyur nas/ /rdo rje slob dpon mnyam par gzhag /rdo rje sgo rnams bzhi po ni/ /yid kyis dbye ba nyid du bya/ /oM badzra d+ha rod+g+ha Ta sa ma ya pra be sha ya hUM zhes bya ba
 phyag rgya dang bcas par bya'o/ /de nas 'di'i phyag rgya bshad par bya ste/ rdo rje mdzub mo yang dag sbyar/ /bkan te rab tu bsdams nas su/ /rab tu khros nas dbye ba ni/ /sgo dbye ba yi mchog yin no/ /de nas rdo rje me ltar 'bar ba'i nga rgyal gyis bsdu ba byas la mtshan brgya rtsa
 brgyad pas bstod par bya'o/ /de nas rdo rje me ltar 'bar ba'i mdun du sems dpa'i skyil mo krung gis 'dug la rdo rje dril bu dang bcas pa'i rdo rje me ltar 'bar ba'i lcags kyu chen pos bcom ldan 'das 'khor dang bcas pa'i sngags kyis dkyil 'khor du gzhug par bya'o/ /oM
 badzra dz+wa la a na lArka sa hi dza sarba badzra ku la ni pra be sha ya hUM sarba mu dra ga daM ban+d+ha na traT/ sarba sa ma ya sa ta ya phaT/ sarba duSh+TA na ha na pa tsa b+hasmiM ku ru ma hA kro d+ha ag+ni badzra ni hUM phaT/ a a a a/ de nas rdo rje gnod sbyin gyis bgegs bsal ba la sogs pa byas la/ rdo rje khu tshur
 gyis sgo rnams bcad de/ rdo rje srung bas bsrung ba thams cad yang dag par bsrungs nas hUM gis bcom ldan 'das 'khor dang bcas pa la mchod yon phul la rdo rje me ltar 'bar ba la sogs pa rang gi dam tshig gi phyag rgya rnams rim pa 'dis bsgrub par bya'o/ /rdo rje me ltar
 'bar ba dam tshig gi phyag rgya bcings nas 'di skad ces brjod par bya'o/ /oM hUM dr-i sh+ya sa ma ya s+t+waM hi sa ma ya staM a haM dzaHhUM baM hoHtaM hi/ de bzhin du badzra g+hat+Te ho dr-i sh+ya sa ma ya s+t+waM a haM dzaHhUMHbadzra g+haN+Te hoH zhes bya ba'i bar du rdo rje dril bu'i dam tshig gi phyag rgya bcings nas
 sngags brjod pa rdo rje dril bu bsgrub par bya'o/ /de nas chos dang las dang phyag rgya chen po thams cad kyis rgyas btab la sangs rgyas lnga'i cod pan gyis phyag rgya dang rdo rje phreng ba'i dbang bskur ba'i phyag rgyas bcom ldan 'das 'khor dang bcas pa dbang bskur te phyag byas pa rim pa 'dis
 mchod pa thams cad kyis yang dag par mchod par bya'o/ /dang por re zhig ji skad bshad pa'i mtshan nyid dang ldan pa'i bum pa la rdo rje mtshon cha ma la sogs pa dam tshig gi phyag rgyas yongs su bzung ba'i me tog gi lcug ma la de rnams kyi sngags lan brgya rtsa brgyad bzlas la dkyil 'khor
 gyi phyi rol kun du gzhag par bya'o/ /de bzhin du bum pa gang ba la yang bcom ldan 'das kyi bum pa dang / rdo rje gnod sbyin dang rdo rje me dang rdo rje me ltar 'bar ba de bzhin du bzlas la yang oM ma hA su kha badzra mo g+ha sa ma yo da ka sid+d+ha a b+hi Shiny+tsa sarba su kha so ma na sa s+yi na/ a dad ku ru dzaH
 hUM baM hoH a zhes bya ba dam tshig gi phyag rgya de nyid lan nyi shu rtsa brgyad bzlas la rdo rje me ltar 'bar ba'i mdun du gzhag par bya'o/ /yang gnyis pa yi ge hUM brgya rtsa brgyad bzlas la dang po 'jug pa'i sgor bltas pas phyi rol gyi dkyil 'khor du gzhag par bya'o/ /ras zung 'bum
 mam khri'am stong ngam brgya 'am re re zhing zung re re 'am/ thams cad la zung gcig dang bla re dang gdugs dang rgyal mtshan dang ba dan sna tshogs pa rdo rje rin chen dang oM hUM gnyis yongs su bzlas te dbul bar bya'o/ /me tog gi shing brgya'am shing bzhi 'am/ me tog thams cad me tog gi
 rig pas dbul ba dang / de bzhin du dri'i rig pas dri thams cad/ bdug spos kyi rig pas bdug spos thams cad/ oM a kA ro mu khaM sarba d+harmA NAM Ad+ya nut+pan+na twAd ces bya ba bzlas pa'i kha zas thams cad dang / mar me'i rig pa bzlas pas mar me 'bum bcom ldan 'das
 'khor dang bcas pa la dbul bar bya'o/ /yang na badzra s+pha ra Na khaM zhes bya ba mchod pa'i sngags mngon par bzlas la pi wang la sogs pa rol mo'i phyag rgya dang / hUM zlos shing dbul bar bya'o/ /mchod pa lhag ma rnams ni sngar bshad pa las shes par bya'o/ /de nas khro bo
 mtshon cha ma la sogs pa phyag rgya'i mchod pa bcu gnyis khro bo'i khu tshur las phyung bas bcom ldan 'das 'khor dang bcas pa yang dag par mchod de/ yid kyis mchod pa yang snga ma bzhin du byas la phyag bzhi bya'o/ /de nas phyi rol du gtor ma sbyin no/ /
 de nas rdo rje gnod sbyin dang rdo rje me dang mar gyi sbyin sreg snga ma bzhin du byas la/ thab kyi dbus su rdo rje me ltar 'bar ba'i dkyil 'khor gyi sbyor ba yid kyis bkod la yi ge hUM gis mar gyi sbyin sreg brgya rtsa brgyad dbul bar bya'o/ /de nas rdo rje mtshon cha 'dzin ma la sogs pa'i snying
 pos sbyin sreg lan bdun bya'o/ /de nas me tog dor la dkyil 'khor de hUM zlos shing bri ba'i dkyil 'khor dang gcig tu bya'o/ /de nas phyag 'tshal ba sngon du 'gro bas sdom pa bzung la/ oM sarba ta thA ga ta ma hA bo d+hi tsit+ta ut+pA da yA mi zhes bya ba la sogs pa de bzhin du byang
 c hub tu sems chen po bskyed pa byas la su ra ta s+t+waM ho badzra sid+d+hi ya thA su khaM zhes bya bas de bzhin du rang gi snying gar rdo rje bskyed la shar sgor bltas nas phyi rol na gnas pa'i bum pa'i chus bdag nyid dbang bskur la hUM dang rdo rje hUM mdzad kyi phyag rgya bcings la de nyid kyis me tog gi phreng ba
 blangs te badzra badzra karma mu ka ra ya na maH shri badzra rA ga sa ma ya na maHkha T+wAM ga badzra pra la pra ra na maHshrI badzra gan+d+ha tsa la ya na maHzhes brjod de dkyil 'khor du zhugs la rdo rje lcags kyu ma'i snying po yang brjod cing rdo rje lcags kyu mas bdag nyid bkug par bsam par bya'o/ /yang lho
 sgo nas rdo rje zhags pa ma'i snying po yang zlos shing de bzhin du zhugs la rdo rje zhags pa mas bdag nyid bcug par gyur par bsam par bya'o/ /de nas nub sgo nas rdo rje lcags sgrog ma'i snying po zlos shing de bzhin du zhugs la rdo rje lcags sgrog mas bdag nyid bcing bar bsam mo/ /
 yang byang sgo nas rdo rje dril bu ma'i snying po zlos shing de bzhin du zhugs la rdo rje dril bu mas bdag nyid dbang du byas par bsam par bya'o/ /yang de bzhin du shar phyogs kyi sgo nas zhugs la de nas 'di skad ces brjod par bya'o/ /ma hA su ra ta su tri d+ha su to Sho me su su kho badzra sa twa
 ad+ya si d+h+ya mAM/ de nas khros pas rdo rje gsor zhing khro gnyer dang bcas pas bya'o/ /de bzhin khro bos gdul bya la/ /rdo rje bsnyems pa 'chang 'gyur nas/ /rdo rje hUM mdzad sdigs mdzub ni/ /yi ge hUM gis rab tu sbyar/ /rdo rje 'chang chen dgyes gyur cig /gdug pa gdul
 bas rab tu dgyes/ /de nas dkyil 'khor bskor ba lan gsum byas la/ bcom ldan 'das kyi mdun du 'dug ste de kho na nyid lan cig brjod par bya'o/ /'dod chags chen po bde ba che/ /rdo rje chen po nor che ba/ /ye shes chen po las che ba/ /rdo rje sems sogs ding grub
 mdzod/ /yang 'di skad ces brjod do/ /dzaHhUM baM hoHpra sid+d+hi mAM/ de nas rdo rje'i chu 'thungs la g.yon pa khro bo'i khu tshur gyis sems ma'i rdo rje phye la hUM a zhes lan brgya zlos shing bdag nyid la dbab par bya'o/ /de nas hUM gis me tog dor bar bya'o/ /de nas hUM de nyid kyis
 blangs la rang gi mgo la bcing bar bya'o/ /de nas yi ge hUM zlos shing gdong g.yogs bcings pa las bkrol la hUM zhes brjod de/ mig gnyis su rdo rje bkod la/ he badzra pA sh+ya zhes bya bas dkyil 'khor blta bar bya'o/ /de nas tiSh+Tha badzra zhes bya ba la sogs pas 'jug
 pa'i phyag rgya rang gi snying gar dgrol bar bya'o/ /de nas rdo rje thal mo bskor te shis pa brjod pa'i tshul du snying gar bzhag la mtshan brgya rtsa brgyad pas bcom ldan 'das 'khor dang bcas pa bstod nas de nas 'dod chags rdo rje ma la sogs pa mchod pa bzhi'i khro bo dang bcas pa dang
 glu dang gar rol mo'i mchod pas kyang bcom ldan 'das 'khor dang bcas pa yang dag par mchod la/ phyi'i dkyil 'khor gyi nang du sna tshogs pad+ma shar sgor bltas pa bris nas rdo rje me ltar 'bar ba'i phyag rgya chen po pad+ma der 'dug la mchod yon blangs te dri dang me tog la sogs
 pas bdag nyid mchod la/ khro bo'i khu tshur gyis rnam par rgyal ba'i bum pa las chu blangs la/ hUM oM badzra a b+hi Shiny+tsa zhes brjod cing des bdag nyid dbang bskur bar bya zhing chu de btung bar yang bya'o/ /de nas sangs rgyas lnga'i dbang bskur ba'i phyag rgya dang rdo rje phreng ba'i
 dbang bskur la phyi rol gyi sangs rgyas lnga'i cod pan dang rdo rje phreng ba'i dbang bskur bar bya'o/ /de nas yi ge gnyis kyi cho gas go bgos la rdo rje thal mos bcom ldan 'das la phyag byas nas rdo rje dang bdag po dang ming gi dbang bskur ba bcom ldan 'das las blang
 bar bya'o/ /de nas dngos grub kyi rdo rje brtul zhugs blangs la mchod pa rnam pa lnga dang rdo rje mtshon cha ma la sogs pa'i phyag rgya'i mchod pa bcu gnyis kyis bdag nyid la mchod de/ de kho na nyid dang chos dang dril bu dang / dam tshig bzung la tshigs su bcad pa lngas rjes su gnang ba dang
 gzengs bstod pa dang lung bstan pa thob pa dang rang gi snying po dang phyag rgya bzhi'i ye shes bcom ldan 'das la phyag byas la de las de dag mnos nas yang bdag byin gyis brlabs pa dang / 'di ltar mngon par 'dod pa'i bzlas brjod byas nas/ bcom ldan 'das la me tog
 la sogs pas yang dag par mchod de phyir dbyung bar bya'o/ /slob dpon las kyi cho ga rgyas pa rdzogs so// //de nas slob ma 'jug pa la sogs pa'i cho ga rgyas pa bshad de/ rdo rje mchod yon bskor bcings la/ /bsam pa g.yos par gyur pa yis/ /mgo bo legs par btud
 gyur pas/ /dngos grub thams cad rab grub byed/ /zhugs nas dkyil 'khor bskor nas ni/ /lan gsum byas te 'di skad brjod/ /'dod chags chen po bde ba che/ /'gro ba kun kyang 'grub par mdzod/ /de nas dus kyi mchod pa yis/ /bde ba chen po yang dag mchod/ /de
 bzhin rdo rje'i dbang bskur la/ /slob ma blangs te 'jug par bya/ /de la slob ma bslab pa'i gzhi lnga yongs su blangs pa 'am/ dge sbyong gi sdom pa yongs su bzung bas rig pa'i sdom pa blangs la/ slob dpon la phyag byas nas 'di skad ces brjod par bya'o/ /dga' chen khyod
 bdag ston pa bas/ /slob dpon khyod ni dgongs su gsol/ /byang chub sems dpa'i tshul bstan pa/ /mgon po chen po bdag 'tshal lo/ /dam tshig de nyid stsal du gsol/ /sdom pa rnams kyang bdag la stsol/ /de nas gnod sbyin gyi khro bo yongs su bzlas pa'i ras sngon
 po'i stod g.yogs dang smad g.yogs byas nas/ yang rdo rje gnod sbyin dang sgo srung bzhi yongs su bzlas pa'i dar sngon pos gdong g.yogs la me tog gi phreng ba btags shing kha dri zhim par byas la phyag bzhi sngon du 'gro ba dang / sdom pa 'dzin du gzhug go/ /de nas snga ma bzhin
 du byang chub [(]gyi [,]kyi [)]sems chen po bskyed du bcug la de bzhin du de'i snying gar rdo rje bskyed nas phyi rol na gnas pa'i bum pa'i chus bdag nyid dbang bskur la yon gyi mchog blangs te rdo rje hUM mdzad du byin gyis brlabs la/ rdo rje hUM mdzad kyi phyag rgyas me tog gi phreng ba 'dzin du bcug la/ slob
 dpon 'jug pa'i cho gas rdo rje shugs kyis gzhug par bya'o/ /de la rdo rje shugs ni 'di yin te/ bdag nyid rdo rje sbyor ba yis/ /rdo rje rdo rje zhes smras pa/ /kun du 'gro ba grub pa'i phyir/ /rdo rje shugs su yang dag bshad/ /de nas bcug la 'di skad ces brjod par bya'o/ /ma hA
 ra ta su trid+ha su to Sh+yo me/ su su kho badzra satwa Ad+ya sid+d+ha mAM zhes smros shig /yang 'di skad ces brjod do/ /deng khyod de bzhin gshegs pa thams cad kyi rigs su zhugs kyis ngas khyod la ye shes gang gis de bzhin gshegs pa thams cad du grub pa yang thob na dngos grub gzhan lta
 smos kyang ci dgos te/ de lta bu'i ye shes bskyed par bya/ khyod kyis dkyil 'khor chen po ma mthong ba rnams la smra bar ma byed cig /khyod dam tshig nyams par gyur ta re/ de nas slob dpon rang nyid kyis khro bo ti rin+ti ri'i phyag rgya kha thur du bstan pa dang / gyen du bstan pa bcings la
 rdo rje slob ma'i spyi bor bzhag ste 'di skad ces brjod par bya'o/ /'di ni khyod kyi dam tshig yin gyis gal te 'ga' zhig la smras na glad pa 'gas par 'gyur ro/ /de nas dam tshig mchog gi phyag rgya de nyid mna'i snying po'i chu la lan cig bzlas nas slob ma 'thung du bcug la 'di
 skad ces brjod par bya'o/ /de la mna'i snying po 'di yin te/ rdo rje sems dpa' deng khyod kyi/ /snying la yang dag gzhug par mdzad/ /gal te tshul 'di smras na ni/ /de ma thag tu dral nas gshegs/ /oM badzro da ka Tha/ de nas slob ma la 'di skad ces brjod par bya ste/ deng
 nas brtsams te khyod kyi phyag na rdo rje nga yin gyis ngas 'di byos shig ces bsgo ba gang yin pa bya dgos so/ /khyod kyis nga la brnyas par ma byed cig /mi bde ba ma spangs par khyod dus byas nas sems can dmyal bar ltung bar gyur ta re/ de nas 'di skad ces
 brjod par byas te/ de bzhin gshegs pa thams cad kyis byin gyis rlobs la/ rdo rje sems dpa' bdag la dbab par gyur cig ces smros shig /de nas rdo rje slob dpon gyis myur du khro bo ti rin+ti ri'i phyag rgya bcings la 'di skad ces brjod du gzhug go/ /'di ni rdo rje dam tshig ste/ /rdo rje sems dpa'
 yin par grags/ /rdo rje ye shes bla med ni/ /de ring nyid du dbab par shog /oM badzra A we sha a zhes lan brgya'i bar du zlos su gzhug go/ /yang khro bo'i khu tshur bcings la sems ma rdo rje ma'i phyag rgyas dral bar byas te/ hUM a a a a zhes lan brgya zlos su gzhug go/ /yang na rdo rje
 'bebs pa'i phyag rgyas bsgrubs zin pa'i rdo rje dril bu dang bcas pa bcings la rkang pa g.yon pas slob ma'i rkang pa g.yas pa mnan la/ badzra A be sha a zhes lan brgya zlos shing dbab par bya'o/ /de nas pra tIts+tsha badzra ho zhes bya bas me tog gi phreng ba de dkyil 'khor chen por
 dor bar bya'o/ /de nas phreng ba blangs la/ oM badzra pra ti gr-ih+Na swa mi mAM satwa ma hA ba la zhes bya ba 'di nyid kyis mgo la bcing bar bya'o/ /de nas snying po 'dis gdong g.yogs dgrol bar bya'o/ /oM badzra satwa d+yan+te ta tsak+Shu g+ha Ta na pa ra/ ud+g+ha Ta ya pa ya ti sarba k+Sho badzra tsak+Shu rA
 nut+ta raM/ he badzra pA sh+ya/ de nas rdo rje lcags kyu nas brtsams te/ rdo rje me ltar 'bar ba'i dkyil 'khor chen po bstan par bya'o/ /rdo rje me ltar 'bar ba la sogs pa'i snying po slob ma la bstan par bya'o/ /de ni 'di dag yin te hUM hUM badzra pra ha ra Ni maT/ oM badzra shU la gri
 bin+d+ha maT/ oM badzra kro She ts+tshin+da maT/ hUM badzra a ma la pad+me maT ces bya ba ni rdo rje mtshon cha ma dang / rdo rje mdung dang / rdo rje ral gri ma dang / rdo rje pad+ma'o/ /de nas 'di rnams kyi phyag rgya don yod pa thogs pa med pa/ stobs dang pha rol gnon pa shin tu grub pa sems can
 thams cad mngon par rgyas 'debs par spyod pa bskul bar bya'o/ /hUM badzra gu h+ya sid+d+h+ya pa ra ma yo gI shwa ri/ hUM badzra tsaN+De shwa ri kha T+wAM gi/ ma hA badzra ka pA la mA la ma ku Te/ ru lu ru lu le hi/ oM badzra na ra ya ni badzri/ hUM badzra pa tA kadz+dzi/ oM badzra kro d+ha ma hA yo ga DA ki n+yaH
 lan cig bzlas la dgod par bya'o/ /bcom ldan 'das ni de kho na nyid kyi snying pos dgod par bya'o/ /de ltar 'dis dngos grub rnams la don yod pa 'grub par 'gyur ro/ /de nas 'dis 'jug pa'i phyag rgyas slob ma'i snying gar dgrol bar bya'o/ /tiSh+Tha badzra dr-i D+ho me b+ha ba shA shwa
 to me b+ha ba hr-i da yaM me a d+hi tiSh+Tha sarba sid+d+hi m+me pra yats+tsha hUM ha ha ha ha ho/ de nas yon gyi mchog blangs nas slob ma sna tshogs pad+ma'i steng du rdo rje me ltar 'bar ba'i phyag rgya chen pos bzhag la/ mchod yon byin nas me tog la sogs pas mchod de/ slob dpon gyis dbang bskur
 ba'i cho gas dbang bskur ro/ /'di skad kyang brjod par bya ste/ 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ster/ /rdo rje bdud rtsi'i chu 'thungs shig /rdo rje dril bu'i phyag rgya dag /gal te dkyil 'khor ma
 mthong smras/ /skye bo 'dus nang bstan pa 'am/ /dad pa med pas bgad par 'gyur/ /de nas sangs rgyas lnga'i cod pan dang / rdo rje dbang bskur ba'i phyag rgya gnyis kyis de la dbang bskur la lugs ma'am/ brkos pa'am/ bris pa'i phyi'i sangs rgyas lnga'i rdo rje
 dang ldan pa'i cod pan gyis dbang bskur la/ yi ge gnyis kyis go cha bkon par bya'o/ /de nas rdo rje sems dpa'i dkyil 'khor du bshad pa'i sngags kyis rdo rje dang / bdag po dang ming gi dbang bskur ba dang / dngos grub kyi rdo rje brtul zhugs dag sbyin par bya'o/ /slob
 mas kyang rdo rje thal mo bskor bas btud cing phyag byas la me tog la sogs pa'i dbang bskur ba blang bar bya zhing yon yang dbul bar bya'o/ /de ltar yon ni 'di yin te/ /mi chen yon du phul nas ni/ /slar yang rin gyis blu bar bya/ /rdo rje sems dpa'i sbyor ba yis/ /yon
 'di yon gyi mchog yin no/ /de nas de la mchod pa lnga dang / khro bo'i rdo rje mtshon cha ma la sogs pa'i phyag rgya'i mchod pa bcu gnyis kyis mchod la/ de nas de'i rdo rje de kho na nyid kyis sbyin par bya'o/ /de nas chos kyi dril bu dkrol du gzhug go/ /de nas dam
 tshig gis phyag rgya chen por byin gyis rlobs shig ces bstan par bya'o/ /tshigs su bcad pa lngas rjes su gnang ba dang snying po yang byin la phyag rgya'i ye shes ji lta ba bzhin du bstan par bya'o/ /de nas dam tshig bstan par bya ste/ sems can kun la phan 'dogs dang / /bstan pa
 thams cad grub pa'i phyir/ /gdug pa btul nas bsod nams dag /thob ces rdo rje 'dzin pas gsungs/ /dkyil 'khor du zhugs la bcom ldan 'das hUM mdzad kyis sdigs mdzub sbyar bar byas te/ de nas bcom ldan 'das gdug pa thams cad dang / bdud thams cad dang
 khams gsum thams cad 'dul ba nyid du byin gyis brlab pa mdzad de/ de nas khro bo'i las bzhi po rgyas gdab pa dang / phyag rgya gzhig pa dang / bsad pa dang / 'ching bar bya ba ste/ khro bo'i las bzhi bslab par bya'o/ /phyag rgya gang zhig ces bya ba nas brtsams te/
 tshe 'di nyid la 'grub par 'gyur/ /zhes bya ba'i bar du brjod par bya'o/ /de nas de bzhin gshegs pa thams cad 'du ba la sogs pa dbugs 'byin par bya'o/ /slob ma 'jug pa la sogs pa'i cho ga rgyas pa rdzogs so// //de ltar slob dpon gyi las kyi cho ga dang
 slob ma 'jug pa la sogs pa'i cho ga rgyas pa gsungs nas/ da ni dam tshig dang dbang bskur ba thob pa rnams la slob dpon gyis dngos grub kyi ye shes bslab par bya'o zhes bya ba'i don 'di bstan par bya ba'i phyir de nas zhes bya ba la sogs pa las kyi rgyun sgrub par byed
 pa'i phyag rgya rnams gsungs pa yin no/ /de nas zhes bya ba'i sgras ni de ma thag tu don ston par byed pa'i tshig yin te/ sgrub pa chen po byas nas gang gi tshe grub par ma gyur na de'i rjes thogs nyid la'o/ /dngos grub ma grub ces bya ba ni chos kyi phyag rgya la sogs pa phyag
 rgya bzhis sngar bshad pa'i bsgrub pa'i cho gas bsgrubs pas na dbang du byas par ma gyur pa de ni ma grub pa'o/ /des dngos grub bsgrub pa na 'grub pa yin la ma bsgrubs pas na ma grub pa'o/ /las kyi rgyun zhes bya ba ni las rnams kyi rgyun te/ thams cad bsreg pa la sogs
 pa'i las kyi rgyun rnams so/ /las kyi rgyun de'i dam pa ni mchog go/ /su zhig gi zhe na rdo rje khro mchog rgyal po zhes bya ba gsungs te rdo rje khro bo ni rdo rje rigs kyi rang bzhin no/ /de rnams kyi mchog ni dam pa'o/ /rdo rje khro bo mchog kyang yin rgyal po yang yin pas na rdo rje khro mchog
 rgyal po ste/ bcom ldan 'das rdo rje me ltar rab tu 'bar ba'o/ /ni zhes bya ba'i sgras ni nges par gzung ba ste/ rdo rje khro bo'i rgyal po nyid do/ /go rims bzhin du zhes bya ba ni ji skad du bshad pa'i bsgrub pa'i cho gas so/ /rab bshad ces bya ba ni rab tu phye ste bshad pa'o/ /'dis
 ni 'di skad ston par 'gyur te gang gi tshe sngar bshad pa'i sngon du bsnyen pa byas nas/ zla ba nya la mtshan thog thag bzlas brjod byas te chos kyi phyag rgya la sogs pa bsgrub pa na 'grub par ma gyur na de'i tshe 'og nas rjes thogs nyid la 'chad pa'i sgrub pa'i las brgya po bklags
 pa tsam gyis 'grub par 'gyur ro/ /thams cad bsreg pa la ni zhes bya ba ni rgyu ba dang mi rgyu ba thams cad bsreg pa ni thams cad bsreg pa'o/ /bskrad pa dang zhes bya ba la sogs pa ni go sla'o/ /'di dag thams cad ji ltar 'gyur zhe na/ rdo rje hUM mdzad kyis so zhes bya ba
 gsungs te rdo rje hUM mdzad las byung bas so/ /de yang ske tshe dang bcas pa'i nyungs mar gyi sbyin sreg g.yas pas bya ba dang de nyid kyis thams cad bcing ba dang mi 'gul ba nyid dang gnyid log par ston pa dang / khro bo'i rdo rje'i lta bas bsdigs pa dang / phyag rgya lhod
 par bya ba dang / mdzub mo gnyis sbyar bar bya ba'i mtshams dbye ba dang / de dag nyid kyis gdu bur bcing ba dang / bcings te btsir ba dang / de nas dral ba dang / g.yas nas brdeg pa dang / mdzub mo gnyis sbyar ba dang / g.yas pa'i gung mo 'gyed pa'i
 tshul dang / mdzub mo 'bar ba dang / bcang ba dang / mdzub mo gnyis kyis sen mo bcer te bcing ba dang / lag pa gnyis mnye ba dang / sor mo thams cad du gtor ba dang / mod la phyag rgya dgrol ba dang / grang bas 'dar ba la sdigs mdzub bya ba dang /
 g.yas pa'i mdzub mo gdengs kar byas nas sdigs mdzub bya ba dang / g.yas pa sos bzung ba dang / dra ba dang / dgod pa dang / rgyug pa la sogs par ston pa dang / mdzub mo gnyis su se gol gtogs pa'o/ /'di skad ston pa yin te/ snga ma bzhin du rdo rje me ltar
 'bar ba'i rnal 'byor byas la/ de nyid kyis ni rdo rje gzung / /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs nas snying po bzla/ /de nas bcom ldan 'das ji skad bshad pa'i sbyin sreg gi thab khung gi gnas su legs par bzhugs su
 gsol te cho ga thams cad rjes su spyad pa hi hUM zhes zlos shing rdo rje hUM mdzad kyi phyag rgya bcings la g.yas pas blugs gzar blangs te/ yungs mar skye tshe dang bcas pa'i sbyin sreg bya zhing bsgrub par bya ba yang bcom ldan 'das bskal pa'i me ltar 'bar ba'i phung po 'dra
 ba'i zhal du yid kyis gzhug par byas te/ de lta bus ni thams cad bsreg par 'gyur ro/ /de bzhin du rdo rje me ltar 'bar ba'i sbyor ba byas la rdo rje hUM mdzad bcings te bsgrub par bya ba bskrad pa'i bsam pas mdzub mo gnyis kyis gtong ba ltar byas te bsgrub par bya ba
 yang rdo rje rlung gi dkyil 'khor gyis rtsa bzhin du khyer bar bsam par byas te/ de lta bus ni thams cad skrod par 'gyur ro/ /de bzhin du rdo rje me ltar 'bar ba'i sbyor ba byas la rdo rje hUM mdzad kyi phyag rgyas bcings te bsgrub par bya ba'i lus la yid kyis zhugs te bsgrub par bya
 ba'i tshig tu smra mi nus par bya ba'i phyir rdo rje hUM mdzad kyi phyag rgya mdzub mo gnyis kyis bdag nyid kha bcing bar bsam par byas te/ de lta bus ni thams cad gzhig par 'gyur ro/ /de bzhin du thams cad byas la bsgrub par bya ba'i steng du dbang chen gyi dkyil 'khor
 la rdo rje hUM mdzad kyis mnan par bsam par bya ste/ de lta bus ni thams cad rengs so/ /de bzhin du thams cad byas la rdo rje hUM mdzad bcings te yid kyis bsgrub par bya ba dang lhan cig tu byas la bsgrub par bya ba gnyid log tu gzhug pa'i bsam pas mig 'dzums pa
 byas te de lta bus thams cad gnyid log par 'gyur ro/ /de bzhin du rdo rje hUM mdzad bcings la khro bo'i lta bas bsgrub par bya ba la blta zhing mdzub mo gnyis kyis sdigs mdzub byas la mig las byung ba'i rdo rje 'bar bas kyang / bsgrub par bya ba'i lus la bar mtshams
 med par khyab par bsam par byas te de lta bus ni thams cad rgyas 'debs so/ /de bzhin du rdo rje hUM mdzad bcings la bsgrub par bya ba dang lhan cig tu byas te bsgrub par bya ba rmongs par bya ba'i bsam pas phyag rgya lhod par byas te de lta bus ni thams cad rmongs so/ /de bzhin du
 thams cad byas la bsgrub par bya ba gzir ba'i bsam pas rdo rje hUM mdzad kyi mdzub mo gnyis phan tshun gzhibs la dpung gi tshogs yan lag bzhi gzhig pa'i bsam pas so sor byas te/ de lta bus ni thams cad 'jig go/ /de bzhin du thams cad byas la bsgrub par bya ba
 bcing pa'i bsam pas rdo rje hUM mdzad kyi phyag rgya mdzub mo gnyis gdu bur bcing bar byas la bsgrub par bya ba yang rdo rje lcags sgrog gi khro bos bcing bar bsam par byas te/ de lta bus ni thams cad bcing bar 'gyur ro/ /de bzhin du thams cad byas la bsgrub par bya ba
 gzir ba'i bsam pas rdo rje hUM mdzad kyi phyag rgya mdzub mo gnyis gdu bu bcing ba'i tshul du byas la de btsir bar byas te/ de lta bus ni thams cad btsir bar 'gyur ro/ /de bzhin du thams cad byas la bcings pa thams cad dral ba'i bsam pas rdo rje hUM mdzad kyi phyag rgya'i mdzub
 mo gnyis lcags sgrog tu bcings la dral bar byas te de lta bus ni thams cad dral bar 'gyur ro/ /de bzhin du thams cad byas la rdo rje hUM mdzad kyi phyag rgya bcings te bsgrub par bya ba la bsnun pa'i bsam pas g.yas pa'i mdzub mo g.yon pa'i mthe chung la brdeg par byas
 te/ de lta bus ni thams cad brdeg par 'gyur ro/ /de bzhin du thams cad byas la hUM mdzad kyi phyag rgya'i mdzub mo gnyis kyi rtse mos gyen du 'bar ba 'byin pa'i tshul du byas la bsgrub par bya ba'i 'og na rlung gi dkyil 'khor/ de'i 'og na me'i dkyil 'khor la me
 stag rnam par 'khrug pa'i yi ge hUM mi zad pa bsams la des bsgrub par bya ba shing skam po bzhin du 'bar bar bsam par byas te de lta bus ni thams cad 'bar ro/ /de bzhin du thams cad byas la rdo rje hUM mdzad bcings te/ bsgrub par bya ba bsgyel ba'i bsam pas g.yas pa'i mdzub mo
 g.yon pa'i gung mo bsgreng bar bya zhing / g.yas pa'i mdzub mo las byung ba'i rdo rje 'bar bas bsgrub par bya ba bsgyel bar gyur par bsam par byas te/ de lta bus ni thams cad bsgyel to/ /de bzhin du rdo rje hUM mdzad bcings te de'i mdzub mo gnyis kyis me byung ba'i tshul du byas shing
 rang gi snying ga nas kyang rdo rje 'bar ba byung bas bsgrub par bya ba mched par bsam par byas te de lta bus ni thams cad gcod par 'gyur ro/ /de bzhin du rdo rje hUM mdzad bcings te bcad pa'i bsam pas de gnyis sbyar bar bya zhing / bsgrub par bya ba yang rdo rje hUM mdzad kyi ral gris gtub
 par bsam par byas te/ de lta bus ni thams cad gcod do/ /de bzhin du rdo rje hUM mdzad bcings la mdzub mo gnyis kyi sen mo phan tshun btsir te rtse mor byas te des bsgrub par bya ba dgas pa ltar bya zhing rtse mo las byung ba'i rdo rje 'bar bas bsgrub par bya ba bkas par 'gyur bar
 byas te de lta bus ni thams cad bkas par 'gyur ro/ /de bzhin du rdo rje hUM mdzad bcings la lag pa gnyis kyis bsgrub par bya ba phye mar byas pa'i bsam pas gcig la gcig mnye zhing bsgrub par bya ba yang bcom ldan 'das hUM mdzad kyi phyag gnyis kyi nang du bcug nas phye
 mar byas par bsam par byas te/ de lta bus ni thams cad phye mar byas par 'gyur ro/ /de bzhin du rdo rje hUM mdzad bcings la sor mo thams cad kyis thams cad du gtor ba'i tshul du bya zhing bsgrub par bya ba yang bcom ldan 'das rdo rje hUM mdzad kyis gtor bar mdzad par
 bsam par byas te/ de lta bus ni gtor bar 'gyur ro/ /de bzhin du rdo rje hUM mdzad bcings la bdud kyi dpung la sogs pa rnam par gzhig pa'i bsam pas phyag rgya de mod la gya tshom du dgrol zhing bcom ldan 'das rdo rje 'dzin pas bdud kyi dpung rnam par 'joms par mdzad
 par bsam par byas te/ de lta bus ni thams cad rnam par bcom par 'gyur ro/ /de bzhin du rdo rje hUM mdzad bcings la rdo rje mdzub mo gnyis kyis drangs pas drang ba'i tshul du byas shing bsgrub par bya ba la sdigs mdzub byas nas spyi bo nas brtsams nas/ rkang mthil gyi bar du
 bsgrub par bya ba'i lus la rims kyis kun du gang bar bsam par byas te de lta bus ni bsgrub par bya ba rims thams cad kyis gzung bar 'gyur ro/ /de bzhin du rdo rje hUM mdzad bcings la bdag nyid rdo rje klur bsams te/ g.yas pa'i mdzub mo klu'i gdengs ka'i tshul du byas
 la des bsgrub par bya ba la sdigs mdzub bya zhing rdo rje klus bsgrub par bya ba gzung bar bsam par byas te de lta bus ni bsgrub par bya ba dug thams cad kyis gzung bar 'gyur ro/ /de bzhin du rdo rje hUM mdzad bcings la mdzub mo g.yas pa sos bzung zhing bsgrub par bya ba rdo rje srin po
 la sogs pa gdon gyis gzung bar bsam par byas te de lta bus ni bsgrub par bya ba gdon thams cad kyis gzung bar 'gyur ro/ /de bzhin du rdo rje hUM mdzad bcings la bsgrub par bya ba dang bdag nyid yid kyis gcig tu byas la/ bsgrub par bya ba smyo bar bya ba'i bsam pas ngu ba
 dang dgod pa dang rgyug pa la sogs par rab tu bsten par byas te/ de lta bus ni thams cad smyo bar byas par 'gyur ro/ /de bzhin du rdo rje hUM mdzad bcings la mdzub mo gnyis kyis phan tshun se gol gyi sgra gtogs pa'i tshul du byas shing bcom ldan 'das zhabs 'dren pa'i
 khro bos kyang bsgrub par bya ba bkug ste/ kun du bsdams par bsam par byas te/ de lta bus ni thams cad gsod par 'gyur ro/ /de lta bu rdo rje hUM mdzad kyis thams cad bsreg pa la sogs pa las rnam pa nyi shu rtsa lnga bsgrub pa gsungs nas da ni rdo rje khro bo'i cho ga'i
 phyag rgya las nyi shu rtsa lnga po gzhan dag bsgrub pa ni thams cad dgug par bya ba dang zhes bya ba la sogs pa gsungs pa yin no/ /de nas 'di'i mtshan nyid bshad par bya ste/ rdo rje hUM mdzad kyi phyag rgya bcings la g.yon pa'i steng du g.yas pa bzhag pa dang / sa
 la gzhag pa dang bskyod pa dang gar byed du gzhug pa dang sgeg pa 'byin pa'i tshul dang brgyal du gzhug pa dang thams cad du brgyal du gzhug pa dang ha ha zhes dgod pa dang dgug pa dang 'og tu gzhug pa dang gtang ba dang / yongs su bzlog nas bsrung ba dang / de nas 'phang
 ba dang / myur du 'phang ba dang de bzhin du bsgyur ba dang de bzhin du drang ba dang rang nyid nga ro 'don du gzhug pa dang / rang nyid la de dag tu zhugs pa dang snying brdung du gzhug pa dang / rang nyid rang gi skra 'bal ba dang / zhe 'gras par bya ba dang rang gi gos shur gzhug pa dang / de bzhin
 du khro bas 'bar ba ston pa po 'dis ni 'di skad ston pa yin te/ de bzhin du rdo rje me ltar 'bar ba'i sbyor ba byas la rdo rje hUM mdzad kyi phyag rgya bcings te g.yon pa'i mdzub mo 'phred du bzhag la de'i steng du mdzub mo g.yas pa bzhag pa'i yid kyis bsgrub par bya ba dang lhan
 cig tu byas la bsgrub par bya ba 'dug pa'i bsam pas 'dug par bya ste/ de lta bus ni thams cad 'dug go/ /de bzhin du rdo rje hUM mdzad bcings la sa la bzhag cing rdo rje hUM mdzad la sogs pa bsgrub par bya ba gnas ji lta ba bzhin du dgod pa'i bsam pas gzhag par
 byas te/ de lta bus ni thams cad dgod par 'gyur ro/ /de bzhin du rdo rje hUM mdzad bcings la bsgrub par bya ba bskyod par bya zhing bcom ldan 'das rdo rje me ltar 'bar bas kyang de rang gi gnas nas bskyod par mdzad par bsam par bya ste/ de lta bus ni thams cad bskyod
 par 'gyur ro/ /de bzhin du rdo rje hUM mdzad bcings la yid kyis bsgrub par bya ba dang lhan cig tu byas la rang nyid gar byas te de lta bus ni thams cad gar byed du 'jug par 'gyur ro/ /de bzhin du thams cad byas la rdo rje hUM mdzad bcings te/ bsgrub par bya ba dang lhan cig
 gcig tu byas la de glu len du gzhug pa'i bsam pas phyag rgya kha'i phyogs nas shin tu drang bar byas te de lta bus ni thams cad glu yid kyis len du gzhug par 'gyur ro/ /de bzhin du rdo rje hUM mdzad bcings la chu bo chen po bskyed pa'i bsam pas rkyal byed du gzhug par bya ste/ de lta bus ni mtha'
 na gnas nas kyang chu bo'i dbus na gnas pa lta bur bdag nyid kyis bdag nyid mthong nas lag ngar gnyis kyis rkyal ba'i tshul du byed cing 'dug ste/ de lta bus ni thams cad 'dir gzhug par 'gyur ro/ /de bzhin du rdo rje hUM mdzad bcings la de thams cad rkyal du gzhug par byas te/
 des ni phyogs bzhi'i skam sar gtogs pa rnams chu 'dzings su lhung ba lta bur bdag nyid kyis mthong la de nas lag ngar gnyis kyis rkyal ba'i tshul du byed par gyur te de lta bus ni thams cad rtsed mo byed du 'jug par 'gyur ro/ /de bzhin du rdo rje hUM mdzad bcings la yid kyis bsgrub
 par bya ba dang lhan cig gcig tu byas nas bsgrub par bya ba dgod pa'i bsam pas rta gad chen po byas te/ de lta bus ni ha ha zhes dgod par 'gyur ro/ /de bzhin du rdo rje hUM mdzad bcings la bsgrub par bya ba bskor ba'i bsam pas/ phyag rgya bskor bar bya zhing bcom ldan 'das kyis kyang
 bsgrub par bya ba mgal me'i 'khor lo ltar bskor bar mdzad par bsam par byas te/ de lta bus ni thams cad bskor bar 'gyur ro/ /de bzhin du rdo rje hUM mdzad bcings la bsgrub par bya ba drang ba'i bsam pas dgug par bya zhing / bcom ldan 'das kyis kyang / bsgrub par bya ba'i 'dren
 par mdzad par bsam par bya ste/ de lta bus ni drangs par 'gyur ro/ /de bzhin du rdo rje hUM mdzad bcings la bsgrub par bya ba bkug pa'i bsam pas mdun na dgug par bya zhing bcom ldan 'das kyis kyang bsgrub par bya ba bsdams te byon par bsam ste/ de lta bus de 'gugs so/ /
 de bzhin du rdo rje hUM mdzad bcings te/ bsgrub par bya ba gtong ba'i bsam pas gtong bar bya zhing / bcom ldan 'das kyis kyang bsgrub par bya ba bsgoms par bsam par byas te/ de lta bus ni thams cad bsgom par 'gyur ro/ /snga ma bzhin du rdo rje hUM mdzad bcings la yongs su
 zlos te/ de nub tu gzhug pa'i tshul gyis bsnubs shing bsgrub par bya ba yang ri la sogs pa'i phyogs nas chu la nub par bsam par byas te/ de lta bus ni thams cad nub par 'gyur ro/ /de bzhin du rdo rje hUM mdzad bcings te/ bsgrub par bya ba gdeg pa'i
 bsam pas gdeg par byas te/ de lta bus ni bsgrub par bya ba/ chur nub pa las thams cad 'byin par 'gyur ro/ /de bzhin du rdo rje hUM mdzad bcings la de myur du 'phang bar bya zhing bsgrub par bya ba la/ bcom ldan 'das kyis ri'i sul la sogs par 'phangs par bsam par byas
 te/ de lta bus ni thams cad 'phang bar 'gyur ro/ /de bzhin du rdo rje hUM mdzad bcings la bsgrub par bya ba 'og nas 'degs pa'i bsam pas myur du 'degs par bya zhing / bcom ldan 'das kyis bsgrub par bya ba 'degs par mdzad par bsam par byas te/ de lta bus
 ni nye bar 'degs so/ /de bzhin du rdo rje hUM mdzad bcings la/ thad kar bskyungs par bsams shing bsgrub par bya ba/ bcom ldan 'das kyis thad kar 'phangs par bsam par byas te/ de lta bus ni thams cad bskyungs par 'gyur ro/ /de bzhin du rdo rje hUM mdzad
 bcings la/ yid kyis bsgrub par bya ba dang / lhan cig tu byas la bsgrub par bya ba nga ro 'don pa'i bsam pas rang nyid nga ro 'don par byas te/ de lta bus ni thams cad nga ro 'don par 'gyur ro/ /de bzhin du rdo rje hUM mdzad bcings te/ bsgrub par bya ba dang lhan cig
 tu byas nas/ rang nyid ngu bar byas nas/ de lta bus ni thams cad ngur gzhug par 'gyur ro/ /de bzhin du rdo rje hUM mdzad bcings la yid kyis bsgrub par bya ba dang / lhan cig gcig tu byas te/ bsgrub par bya ba rang nyid brdeg pa'i bsam pas bdag nyid brdeg par
 bsam par byas te/ de lta bus ni bsgrub par bya ba dang / rang nyid brdeg par 'gyur ro/ /de bzhin du rdo rje hUM mdzad bcings la/ yid kyis des rang gi snying gar brdeg cing bsgrub par bya ba yang rdo rje 'bar bas snying la phog par bsam par byas te/ de lta bus
 ni bcing bar 'gyur ro/ /de bzhin du rdo rje hUM mdzad bcings la/ yid kyis bsgrub par bya ba dang lhan cig tu byas la rang gi skra 'bal bar byas te/ de lta bus ni bsgrub par bya ba skra 'bal bar byed par 'gyur ro/ /de bzhin du rdo rje hUM mdzad bcings la/ yid kyis
 bsgrub par bya ba phan tshun 'thab pa la sbyar bar byas te/ de lta bus ni zhe 'gras par 'gyur ro/ /de bzhin du rdo rje hUM mdzad bcings la/ yid kyis bsgrub par bya ba dang / lhan cig tu byas te/ rang gi gos bshu bar byas te/ de lta bus ni/ bsgrub par bya ba gos bshu
 bar 'gyur ro/ /de bzhin du rdo rje hUM mdzad bcings la/ yid kyis bsgrub par bya ba dang lhan cig gcig tu byas la/ mnar sems ring po dgu yid la byas nas/ khro bas rab tu 'bar ba'i tshul du byas te/ de lta bus ni khro bas 'bar bar 'gyur ro/ /de ltar rdo rje khro
 bo mchog gi phyag rgya las sgrub pa gsungs nas/ da ni thams cad dgug pa dang / /zhes bya ba la sogs pa smos pas/ rdo rje khro bo chen po/ sna tshogs dngos grub kyi las bsgrub par gsungs pa yin no/ /de nas 'di'i mtshan nyid bshad par bya ste/ rdo rje hUM mdzad kyi
 phyag rgya bcings nas/ g.yas pa'i mdzub mo lcags kyu dang / de bzhin nyid kyis gzhug pa dang / g.yas pa'i se gol dang / g.yon pa'i se gol dang / mdzub mo gnyis kyis lce la byugs pa dang / ba spu g.yas nas 'khyil ba dang / bsgyel ba la sogs pa'i
 tshul du bya ba dang / dus tshigs bzlog par bsgom par bya ba dang / khro bo'i rdo rje lta bas shing la bltas te yid la 'dod pa 'byung ba dang / de bzhin dus dang lta ba dang / smin ma dang / so dang / phu dang phyag rgyas brdeg pa dang / rgyal mtshan bsgreng ba dang / 'jigs
 byed kyi lta ba khro ba dang bcas pas mig mi 'dzums par lta ba dang bcas pas de bzhin du 'bar ba'i bcing ba dang / phyag rgya bskor ba dang / mdzub mo'i rdo rje spyi gtsug tu gzhag pa dang / de bzhin du snying ga dang / de bzhin du rdo rje dgrol ba dang / phyag rgya thad kar brdeg pa
 dang / mdzub mo'i gdong sprad pa'o/ /'di skad ston pa yin te/ de bzhin du rdo rje hUM mdzad kyi phyag rgya bcings la/ g.yas pa'i mdzub mo lcags kyus bsgrub par bya ba dgug par bya zhing bcom ldan 'das rdo rje lcags kyu'i khro bos bkug par bya ba 'gugs
 par bsam par byas te/ de lta bus ni thams cad 'gugs par 'gyur ro/ /de bzhin du rdo rje hUM mdzad bcings la/ de nyid kyis bsgrub par bya ba gzhug pa'i tshul du bya zhing / bcom ldan 'das rdo rje zhags pas kyang bsgrub par bya ba de gzhug par mdzad par bsam par bya ste/ de
 lta bus ni thams cad bcug par 'gyur ro/ /de bzhin du rdo rje me ltar 'bar ba'i sbyor ba byas la/ rdo rje hUM mdzad bcings te/ g.yas pa'i mthe bong dang mdzub mo gnyis kyis se gol gyi sgra gtogs par bya zhing bcom ldan 'das rdo rje hUM mdzad kyis bsgrub par bya ba kun
 bkang bar bsam par bya ste/ de lta bus ni thams cad bcing bar byas par 'gyur ro/ /de bzhin du rdo rje hUM mdzad bcings te/ g.yon pa'i mthe bong dang / mdzub mo gnyis kyis se gol gyi sgra gtogs par bya zhing sngar bshad pa'i cho gas pra se na bsgrub par bya'o/ /de bzhin
 du rdo rje hUM mdzad bcings la mdzub mo gnyis kyis rang gi lce la yongs su byug par bya zhing yid kyis bsgrub par bya ba dang lhan cig gcig tu byas na de lta bus ni bden pa smra bar 'gyur ro/ /de bzhin du rdo rje hUM mdzad bcings la gzugs thams cad yang dag par ston pa'am bsam
 pas de'i ba spu g.yas nas 'khyil ba'i tshul du lus la bskor nas de lta bus ni sgyu ma thams cad ston par 'gyur ro/ /de bzhin du rdo rje hUM mdzad bcings la lan ston pa'i bsam pas ltung ba slong ba'i tshul du byas na de lta bus ni lan ston par 'gyur ro/ /de bzhin du rdo rje hUM
 mdzad bcings la dus tshigs kyi 'khor lo yongs su ldog par bsgoms pas ni dus tshigs kyi 'khor lo yongs su ldog par 'gyur ro/ /de bzhin du rdo rje hUM mdzad bcings te khro bo rdo rje lta bas ji snyed pa'i shing la bltas te/ dus ma yin par yid la 'dod pa'i me tog
 dang / lo ma dang 'bras bu smin par ston par byed pa yin no/ /de bzhin du rdo rje hUM mdzad bcings te sa la bzhag la 'bru thams cad 'byung bar ston par bsgom par byas te/ de lta bus ni 'bru thams cad ston pa yin no/ /de bzhin du rdo rje hUM mdzad bcings te/ sngar bshad pa'i
 rims sel ba'i bsgom pa dang byams pa'i lta bas rims thams cad bsal bar bya'o/ /de bzhin du rdo rje hUM mdzad bcings la smin ma 'gyur ba'i tshul gyis sbyar ba'i dug thams cad bsal bar 'gyur ro/ /de bzhin du rdo rje hUM mdzad bcings la so ston par bya zhing bcom ldan
 'das khro bo stobs po che gdon mi za ba'i lus la zhugs nas gdon za bar bsam par byas te/ de lta bus ni gdon bsal bar 'gyur ro/ /de bzhin du rdo rje hUM mdzad bcings la phu zhes bya ba zlos shing bdag nyid klu zla ba'i mdog tu bsams la rgyu ba dang mi rgyu ba'i dug gi steng
 du yi ge phu zla ba'i mdog can nyid bsam par bya zhing des sems can gyi lus sam dug bdud rtsir byas par bsam par bya zhing / de lta bus ni dug thams cad las thar bar 'gyur ro/ /de bzhin du rdo rje hUM mdzad bcings la des rgyal mtshan bsgreng ba'i tshul du byas shing bdag
 nyid dpal he ru kar bsams te/ des mkha' 'gro mas zin pa la bsnun par bya zhing me ltar 'bar bas kyang mkha' 'gro ma'i gdon thal bar byas par bsams te/ de lta bus ni mkha' 'gro ma'i gdon thams cad las thal bar 'gyur ro/ /de bzhin du rdo rje hUM mdzad bcings la des
 rgyal mtshan bsgreng ba'i tshul du byas shing phyag rgya bcings pa las dpung gi tshogs yan lag bzhi phyung ste/ des rang gi dpung yongs su bsrungs na/ de lta bus ni g.yul 'gyed pa thams cad las thar bar 'gyur ro/ /de bzhin du rdo rje hUM mdzad bcings la 'jigs byed kyi lta
 bas khro ba dang bcas pas mig mi 'dzums par blta zhing phyag rgya bcings pa las dpung gi tshogs yan lag bzhi pa phyung ste/ des gzhan gyi dpung bcom par bsams na de lta bus ni gzhan gyi dpung thams cad bcom par 'gyur ro/ /de bzhin du rdo rje hUM mdzad bcings
 la mig mi 'dzums par blta zhing ji tsam mngon par 'dod pa'i phyogs su bltas la mtshams bcing bar bya'o/ /de bzhin du rdo rje hUM mdzad bcings la rang gi snying ga las rdo rje 'bar ba phyung nas des phyogs bcing bar bya'o/ /de bzhin du rdo rje hUM mdzad bcings la
 phyag rgya de bskor bar bya zhing de lta bus ni dkyil 'khor bcing bar 'gyur ro/ /de bzhin du rdo rje hUM mdzad bcings la mdzub mo gnyis gzhibs te rtse mor byas la yongs su bzlog nas mdzub mo'i rdo rje rtse mo'i spyi gtsug tu gzhag par byas te/ de lta bus ni shin tu bsrung bar 'gyur
 ro/ /de bzhin du rdo rje hUM mdzad bcings la mdzub mo gnyis gzhibs te rtse mor byas la rang gi snying gar gzhag par byas te/ de lta bus ni yongs su skyob par byed par 'gyur ro/ /de bzhin du rdo rje hUM mdzad bcings la mdzub mo gnyis gshibs te rtse mor byas nas rang gi snying gar rdo rje
 dgrol bar byas te/ de lta bus ni thams cad thar bar 'gyur ro/ /de bzhin du rdo rje hUM mdzad bcings te phyag rgya thad kar bzhag nas bteg par byas te/ de lta bus ni thams cad bslang bar 'gyur ro/ /de bzhin du rdo rje hUM mdzad bcings la mdzub mo'i gdong phan tshun dam du sprad par
 byas te/ de lta bus ni thams cad dbang du 'gyur ro/ /de ltar rdo rje khro bo chen po sna tshogs 'grub pa'i las bsgrub par gsungs nas/ da ni lha thams cad ltung bar bya ba la ni zhes bya ba la sogs pas rdo rje khro bo chen po rgyal ba dam pa'i dngos grub kyi las bsgrub pa gsungs pa yin no/ /
 de nas 'di'i mtshan nyid bshad par bya ste/ lta bas steng nas 'og tu ltung bar bya ba dang / 'og nas brdeg pa dang / yi ge hUM gis khros pa dang / 'jigs pas lta ba dang / khros pas rdo rje kha T+wAM ga bcag pa dang / snying gar rdo rje bsgom pa dang / rdo rje rtse gsum pa bcag pa dang /
 yi ge hUM gis gdug pa'i dkyil 'khor gtor ba dang / hi dang g.yas logs nas dbugs 'byung ba dang / de nyid kyis dong tshe gsor ba dang / de bzhin du khro bo'i lta bas g.yas pa'i khu tshur gyis mnan la/ g.yon pa'i sos bzung ba nas drang ba dang / dong tshe gnyis gsor ba dang /
 g.yon pa'i dril bu bzhag pa dang / rdo rje hUM mdzad kyis de bzhin du g.yas pa'i khu tshur g.yon pa'i khro bos mnan la rdo rje khu tshur gyi mtha' bkrol bar bsam pa dang / g.yas pa'i dril bu bcag pa dang / 'dod chags dang bral bar ltung ba dang / yid kyis 'khor lo dral ba dang rtse gsum
 dral ba dang / rdo rje hUM mdzad kyi g.yon dang g.yas pa'i khu tshur gyis mnan la de bzhin du mthar gdu bur dgrol bar bsam pa dang / rdo rje dang / byang chub sems dpa' dang / de bzhin gshegs pa thams cad dang / rdo rje 'chang chen po rjes su dran pas mdun du bsgrub pa'o/ /'dis ni 'di skad
 ston par 'gyur ro/ /snga ma bzhin du rdo rje me ltar 'bar ba'i sbyor ba byas la/ rdo rje hUM mdzad bcings te/ khro bo'i lta bas steng nas 'og tu ltung ba'i tshul du bya zhing lta ba las byung ba'i bcom ldan 'das kyis kyang bsgrub par bya ba ltung bar byas par bsam par byas te/ de lta bus ni lha thams cad ltung
 bar byas par 'gyur ro/ /de bzhin du rdo rje hUM mdzad bcings la/ de nyid kyis 'og nas brdeg pa'i tshul du bya zhing / bcom ldan 'das phyag na lcags kyu bsnams te/ klu rnams 'dren par mdzad par bsam par byas te/ de lta bus ni klu thams cad 'byin par 'gyur ro/ /de bzhin du rdo rje hUM
 mdzad bcings la gnod sbyin rjes su 'brang bar bya ba'i yi ge hUM khro bo'i bsam pas bzlas shing bcom ldan 'das rdo rje rjes su spyod pa'i khro bos gnod sbyin bkug ste/ de lta bus ni gnod sbyin rjes su 'brang bar 'gyur ro/ /de bzhin du rdo rje hUM mdzad de/ srin po mthong ba'am/ srin po'i
 gdon gyis zin pa la shin tu 'jigs pa'i lta bas lta zhing bzlas pas lta ba las byung ba'i rdo rje 'bar bas srin po bcom par gyur par byas te/ de lta bus ni srin po skrag par byas par 'gyur ro/ /de bzhin du rdo rje hUM mdzad bcings te/ bdag nyid dpal he ru kar bsams la khro bo'i lta bas lta
 z hing lta ba'i phyag rgya las 'bar ba'i rdo rje phyung la des mkha' 'gro ma rnams kyi rdo rje kha T+wAM ga bcag par bsam par bya zhing bcom ldan 'das dpal he ru ka 'khor dang bcas pa mkha' 'gro ma'i gdon gyis zin pa'i lus la zhugs pas mkha' 'gro ma la sogs pa'i gdon rnams bsregs par gyur pa
 ba dang / 'byer bar gyur par mdzad par bsam par byas te/ de lta bus ni mkha' 'gro ma la sogs pa'i gdon thams cad btul bar 'gyur ro/ /de bzhin du rdo rje hUM mdzad bcings la rang gi snying gar rdo rje 'bar ba bsgom zhing rdo rje 'bar ba las byung ba'i rdo rje rigs kyis dpung
 thams cad skrag par mdzad par byas te/ de lta bus ni bdud kyi dpung thams cad bcom par byas par 'gyur ro/ /de bzhin du rdo rje hUM mdzad bcings la dpal he ru kar bdag nyid du bsams te/ ma mo'i tshogs mthong ba dang / ma mo'i gdon gyis zin pa la dpal he ru ka'i phyag rgya bcings pa las byung
 ba'i bcom ldan 'das kyis ma mo'i tshogs kyi phyag rgya rang bzhin rdo rje rtse gsum pa bcag par gyur cing ma mo'i tshogs khyab par bsam par byas te/ de lta bus ni ma mo'i tshogs thams cad btul bar 'gyur ro/ /de bzhin du rdo rje hUM mdzad bcings la rang gi snying ga nas khro bo stobs po che phyung ste/ des
 gdug pa'i dkyil 'khor rnam par 'thor bar bsam par byas te/ de lta bus ni gdug pa'i dkyil 'khor rnam par gtor bar 'gyur ro/ /de bzhin du rdo rje hUM mdzad bcings la hUM zhes bya ba las rdo rje 'bar ba spros la gdug pa thams cad kyi steng du dbab par byas te/ de lta bus ni gdug
 pa thams cad btul bar 'gyur ro/ /de bzhin du rdo rje hUM mdzad bcings la hUM zhes bya bas khams gsum pa thams cad dbang du byas te/ de lta bus ni thams cad dbang du btul bar 'gyur ro/ /de bzhin du rdo rje hUM mdzad bcings la mi 'jigs pa sbyin pa'i tshul gyis g.yas logs su
 bzhag cing rang gi snying las rdo rje'i rigs rnams phyung ste/ des bsgrub par bya ba rgyal po'i 'jigs pa las bzlog par bsam par byas te/ de lta bus ni 'jig pa med par yang dag par bskyod par 'gyur ro/ /de bzhin du rdo rje hUM mdzad bcings la des dong tshe gyen du 'phen zhing gsor
 ba'i tshul du byas la bcom ldan 'das nor bu bzang po yang rnal 'byor pas rang dbang du bya bar bsam par byas te/ de lta bus ni nor bu bzang po dbang du byas par 'gyur ro/ /de bzhin du rdo rje hUM mdzad bcings la/ khro bo'i lta bas lta zhing zlos la bcom ldan 'das rdo rje me ltar 'bar
 bas rnam thos sras las nor thams cad bsnams te byon par bsam par byas te/ de lta bus ni rnam thos sras las nor thams cad 'phrog par 'gyur ro/ /de bzhin du rdo rje hUM mdzad bcings la g.yon pa'i rdo rje khu tshur thad kar bzhag la g.yas pa'i khro bo'i khu tshur gyis bzung ste lcags sgrog
 sbrel ba ma bkrol bar g.yon pa'i mdzub mos bzung nas drang bar bya zhing rnam thos sras kyi gzugs brnyan rkang pa g.yon pas mnan la/ bcom ldan 'das kyis kyang rnam thos sras mnan nas dpal phrogs te/ rnal 'byor pa la stsal bar bsam par byas te/ de lta bus ni rnam thos sras mnan
 nas dpal phrogs par 'gyur ro/ /de bzhin du rdo rje hUM mdzad bcings la mdzub mo gnyis kyis dong tshe gnyis 'phen zhing gsor ba'i tshul du ston cing yid la 'dod pa'i lha'i bu mo dang lhan cig yang dag par sbyor bar byas te/ de lta bus ni lha'i bu mo thams cad dang rtse bar 'gyur ro/ /de
 bzhin du rdo rje hUM mdzad bcings la gzhon nu ma'i lag pa g.yon na gnas pa'i dril bu rdo rje 'bar bas yid kyis bcug la gzhon nu ma dang lhan cig yang dag par sbyor bar bsgom par byas te/ de lta bus ni gzhon nu ma dang rtse bar 'gyur ro/ /de bzhin du rdo rje hUM mdzad bcings te g.yas
 pa'i mdzub mo'i gdong rang gi mthe bo'i steng du gzhag la 'og tu phab ste mdzub mo g.yon pas mnan te/ mthe'u chung gnyis kyis lcags sgrog dral ba'i tshul gyis dbrog pa'i tshul du bya zhing rkang pa g.yon pas brgya byin gyi gzugs brnyan ji skad bshad pa'i tshul gyis mnan la/ bcom ldan
 'das rdo rje me ltar 'bar bas kyang bskal pa bsregs pa lta bu'i rdo rje lcags kyus bde sogs ma'i snying phug ste/ rlung gi dkyil 'khor la bskyon nas 'gugs par mdzad par bsam par byas te/ de lta bus ni brgya byin mnan nas bde sogs ma phrogs par 'gyur ro/ /de bzhin du
 rdo rje hUM mdzad bcings la phyag rgya bcings pa las rdo rje 'bar ba phyung ste/ gzhon nu ma'i lag pa g.yas pa na gnas pa'i dril bu yid kyis bcag par byas te/ de lta bus ni gzhon nu ma tshar gcad par 'gyur ro/ /de bzhin du rdo rje hUM mdzad bcings la yid kyis tshangs pa'i mdun du
 gzugs dang / sgra dang / dri dang / ro dang / reg bya sprul la 'dod pa'i longs spyod dang ldan par bsam par byas te/ de lta bus ni tshangs pa ltung ba byas par 'gyur ro/ /de bzhin du rdo rje hUM mdzad bcings la phyag rgya bcings pa las 'bar ba'i rdo rje phyung ste/ yid
 kyis khyab 'jug gi 'khor lo dral bar byas te/ de lta bus ni khyab 'jug thul bar 'gyur ro/ /de bzhin du rdo rje hUM mdzad bcings la phyag rgya bcings pa las rdo rje 'bar ba phyung ste/ des dbang phyug chen po'i lag pa na gnas pa'i rtse gsum pa bcag par byas te/ de lta bus ni dbang phyug chen po
 las rnam par rgyal bar 'gyur ro/ /de bzhin du rdo rje hUM mdzad bcings la g.yas pa'i mdzub mo'i gdong rang gi mthe bo'i steng du bzhag la g.yon pa'i mdzub mo'i gdong yang de bzhin du bzhag nas g.yas pa'i khu tshur gyis g.yon pa'i khu tshur bzung la de bzhin du mthar gdu bu dgrol ba'i
 tshul gyis bsal bar bya zhing / 'dod pa'i dbang phyug gi gzugs brnyan rkang pa g.yon pas mnan par bya zhing bcom ldan 'das me ltar 'bar ba bsreg pa'i bskal pa lta bu'i rdo rje lcags kyus dga' ba ma'i snying gar phyung ste/ rdo rje rlung gi dkyil 'khor la bskyon nas 'gugs par
 mdzad par bsam par byas te/ de lta bus ni 'dod pa'i dbang phyug mnan nas dga' ba mo 'phrog par 'gyur ro/ /de bzhin du rdo rje hUM mdzad bcings la mdun du rdo rje rtse lnga pa bsgom par byas te/ de lta bus ni rdo rje 'grub bo/ /de bzhin du rdo rje hUM mdzad bcings la mdun du kun du bzang po la
 sogs pa byang chub sems dpa' chen por bsgom par byas te/ de lta bus ni byang chub sems dpa' chen po 'grub bo/ /de bzhin du rdo rje hUM mdzad bcings la mdun du de bzhin gshegs pa thams cad bsgom par byas te/ de lta bus ni de bzhin gshegs pa thams cad mnyes par byed
 do/ /de bzhin du rdo rje hUM mdzad kyi phyag rgya bcings la mdun du rdo rje 'dzin pa chen po bsgom par byas te/ de lta bus ni rdo rje 'chang chen po rjes su mnyes pa dang / dgug pa dang / gzhug pa dang / dam tshig gis bcing ba dang / dbang du bya ba bsgrub par 'gyur ro/ /lan cig bzlas pa
 grub pa ni zhes bya ba la sogs pa las rgyal po 'di dag 'grub par byed pa'i phyag rgya ni yi ge hUM zlos shing bcing bar byas la/ de'i 'og tu ni hriHzhes bya ba lhan cig sbyar bar byas te/ hrIHhUM zhes zlos pas dngos grub thams cad sgrub par byed do zhes bya ba'i tha tshig go/ /dpal mchog dang po'i
 rgya cher bshad pa shes rab kyi pha rol tu phyin pa'i 'byung ba zhes bya ba las rdo rje me dang / nyi ma ltar rab tu 'bar ba'i rtog pa bshad pa rdzogs so// //de ltar khro bas khro ba spang ba'i phyir rdo rje me dang nyi ma ltar rab tu 'bar ba'i dkyil 'khor gyi rtog pa gsungs nas/ da ni log par lta ba'i gnyen
 por gyur pa 'phags pa spyan ras gzigs dbang phyug gi rtog pa gsungs pa ni/ de nas zhes bya ba la sogs pa gsungs pa yin te/ de nas zhes bya ba'i sgra ni de ma thag pa ston par byed pa'i tshig yin te/ dang po sbyor ba'i rjes thogs nyid la'o/ /'dir dang por sbyor ba'i ting nge
 'dzin ni dpal rdo rje sems dpa'i dkyil 'khor du gsungs pa nyid yin no/ /ting nge 'dzin thams cad ni de bzhin gshegs pa thams cad kyi ting nge 'dzin thams cad do/ /de bzhin gshegs pa thams cad kyi 'phags pa spyan ras gzigs dbang phyug gi rnam par thugs rtse gcig tu mdzad pa
 zhes bya ba'i tha tshig go/ /de yang 'di nyid kyi 'og nas gang zhig la gzigs pas de bzhin gshegs pa khams gsum ma lus pa thams cad kyi dbang phyug nyid du gyur pa zhes gsungs pa yin no/ /ni zhes bya ba ni nges par gzung ba'o/ /gang las byung zhe na/ rnam dag mchog gi chos
 nyid las/ /zhes bya ba gsungs te/ thams cad rang bzhin gyis rnam par dag pa la gzigs pa ni chos thams cad kyi chos kyi mchog go/ /rnam par dag pa'i chos kyi mchog de las 'byung ba gang yin pa de ni ting nge 'dzin thams cad ces bya'o/ /ting nge 'dzin de gang zhig yin zhe na/ spyan
 ras gzigs dbang chen po ni/ /zhes bya ba gsungs te/ rang gi snying po mchog snyoms zhugs/ /zhes bya bar sbyar ro/ /ji ltar pad+ma dmar po 'di/ /tshon gyi nyes pas mi gos pa/ /de bzhin khams gsum dag pa ni/ /gnas kyi nyes pas mi gos so/ /zhes rtog pa mdzad pas na
 spyan ras gzigs so/ /de la mnga' brnyes pas na dbang phyug gi gtso bo'i gzugs thams cad ston par mdzad pas nam mkha'i khams la khyab par mdzad pas na chen po'o/ /spyan ras gzigs dbang yang yin la/ chen po yang yin pas spyan ras gzigs dbang chen
 po'o/ /ni'i sgra ni nges par gzung ba dang / rim pa tha dad pa'o/ /rdo rje sems dpa' gtso chen yin/ /zhes bya ba ni rdo rje sems dpa' nyid gtso bo chen po 'jig rten dbang phyug chen po yin no zhes pa'o/ /ci zhig mdzad nas khyad par ji lta bu zhig mkhyen nas rang gi snying po la snyoms par zhugs
 she na/ gdug pa thams cad gdul ba'i phyir/ /zhes bya ba la sogs pa gsungs te/ gdug pa yang yin la thams cad kyang yin pas na gdug pa thams cad de drag po la sogs pa'o/ /de rnams gdul ba ni tshar gcad pa dang / phan gdags pa'o/ /don de'i phyir/ rang gi
 rigs ni chen po bskyed/ /ces bya ba ste/ bcom ldan 'das rdo rje sems dpa'i rang gi rigs rdo rje me ltar 'bar ba'o/ /rang gi dkyil 'khor rang gi rdo rje las phyung ba ni bskyed pa yin la/ nam mkha' thams cad khyab pas na chen po'o/ /ci'i phyir bskyed ce na/ sangs rgyas
 kun gyi zhes bya ba la sogs pa gsungs te/ sangs rgyas thams cad kyi khro bo chen po ni sangs rgyas kun gyi khro bo chen po ste/ rdo rje me ltar rab tu 'bar ba'o/ /de ni gang gi phyir gdug cing gtum pa'i sems can thams cad 'dul ba'i thabs te rgyu yin no/ /'di ci'i phyir rgyu yin zhe na/
 thams cad med pas na zhes bya ba gsungs te/ sems can gdug cing gtum pa 'dul ba'i thabs kyi rgyu gzhan med pas na/ rang gi rigs chen bskyed pa yin/ /rang gi snying po mchog snyoms zhugs/ /zhes bya ba yin no/ /ci'i phyir de ltar zhugs she na/ ma dag pa'i zhes bya ba gsungs
 te/ gang gi phyir sems can gyi khams ma dag pa yin pas so/ /rgyu ci zhig gis she na/ 'dod chags la sogs kun bsags pas/ /zhes bya ba gsungs te/ 'dod chags la sogs pa yang yin la/ kun kyang yin pas na 'dod chags la sogs pa kun te/ de rnams
 bsags pa'i thog ma med pa'i dus nas byung bas na shas cher bsags pa'o/ /'dod chags la sogs pa bsags pa des na/ gang gi phyir sems can gyi khams ni ma dag par gyur pa de'i phyir snyoms par zhugs par mdzad pa yin no/ /de rnams la yang rab zhen par/ /zhes bya
 ba ni 'dod chags dang zhe sdang la sogs pa de rnams la rab tu zhen par byed cing / bud med bsten pa dang / srog gcod pa la sogs pa'i tshul du zhen cing shin tu mi ldog pas rjes su 'brel par skyes bu'i dam pa ste/ skyes bu'i mchog gis mkhyen cing thugs su chud pa yin no/ /ji
 ltar na de rnams rab tu zhen pa yin zhe na/ gang gi phyir mi 'dul bas na sangs rgyas kyang mchog tu mnga' na mi mdzad de zhes bya ba smos te/ de rnams gdul bar bya ba'i phyir/ /sangs rgyas kyang mnga' mi mdzad cing / /bdag por ma gyur pa yin no/ /ci'i phyir zhe na/ mi 'dul bas na zhes
 bya ba ste/ zhi ba'i tshul gyis mi 'dul bas rgyu de'i phyir ro/ /mchog tu zhes bya ba ni shin tu'o/ /de ltar sangs rgyas kyang 'dul ba la mnga' mi mdzad pas na 'jig rten rnams la zhes bya ba la sogs pa smos te/ rmongs pas shin tu zil gyis mnan par gyur pa'i sems can rnams la
 phan par bya ba'i phyir/ 'jig rten gyi mchog bcom ldan 'das rdo rje sems dpa' snyoms par zhugs pa la gnas par mdzad pa yin no/ /ci zhig la snyoms par zhugs she na/ rang gi snying po mchog la zhes bya ba smos te/ rang gi bdag nyid kyi snying po bzang po mchog ste de la'o/ /'di skad
 ston pa yin te/ rdo rje sems dpa'i tshul dang de bzhin gshegs pa dang / rdo rje'i rigs sgeg pa dang / zhi ba dang khro bo'i nyams kyis 'dul ba'i sems can gyi khams 'dul ba la rab tu bzhag nas/ snying rje'i nyams kyis 'dul ba'i sems can rnams gdul bar bya ba'i phyir bcom ldan
 'das rdo rje 'chang chen po'o/ /'phags pa spyan ras gzigs dbang phyug gi ting nge 'dzin la snyoms par zhugs pa yin no/ /de la 'di ni zhes bya ba la sogs pa ni 'di nyid rnam par 'grel pa yin te/ 'di ni zhes bya ba 'og nas bshad pa thugs la bzhag nas 'di skad gsungs pa yin
 no/ /de bzhin gshegs pa thams cad kyi ting nge 'dzin ni 'jig rten dbang phyug gi tshul gyis chos thams cad rang bzhin gyis rnam par dag par so sor rtogs pa'o/ /des kyang ting nge 'dzin gzhan zil gyis mnan nas mdzes shing 'bar bas na rgyal po'o/ /'di nyid ni
 chos thams cad rang bzhin gyis rnam par dag pa'i chos nyid kyi ye shes kyi rdo rje byin gyis brlab pa'i phyag rgya zhes bya ba'i ting nge 'dzin te/ chos thams cad rang bzhin gyis rnam par dag pa ni shes rab kyi pha rol tu phyin pa'i rang bzhin can gyi sems dang sems las byung ba rnams dang / pad+ma'i
 rigs so/ /de rnams kyi chos nyid ni de bzhin nyid do/ /de'i ye shes ni nges pa'o/ /de nyid ni rnam par rtog pa thams cad kyis bskyed cing gzhig par mi nus pas na rdo rje dang 'dra ba'i phyir rdo rje'o/ /gang gis de byin gyis brlab cing 'jig rten dbang phyug gi skur byed pa'i ting nge 'dzin gang yin pa de
 la ming de skad ces bya'o/ /gang gi phyir ting nge 'dzin gang zhig la rnam par gzigs shing mngon sum du mdzad pas de bzhin gshegs pa thams cad ces bya ba rnam par snang mdzad la sogs pa khams gsum pa ma lus pa zhes bya ba ni/ srid pa gsum mtha' dag thams cad kyi bdag po
 zhes bya ba'o/ /'phags pa spyan ras gzigs dbang phyug gi thugs su chud pa ni mngon sum du mdzad pa ste/ sems can thams cad gdul bar bya ba'i phyir 'phags pa spyan ras gzigs dbang phyug gi sku tshad med par mdzad do zhes bya ba'i tha tshig go/ /da ni ting nge 'dzin bsgom pa'i man ngag
 bstan par bya ba'i phyir bsnyems pas zhes bya ba la sogs pa gsungs te/ g.yon pa'i pad+ma'i khu tshur gyis rdo rje pad+ma bzung ste/ des bsnyems pa'i tshul du mdzad nas phyag g.yas pa'i mthe bong dang / mdzub mos rang gi thugs ka'i phyogs de'i 'dab ma la kha 'byed par mdzad pas
 rtog cing gzigs par mdzad pa yin no/ /ci zhig gis gzigs she na/ rang bzhin gyis zhes bya ba smos te/ rang gi ngo bo nyid ni rang bzhin te chos thams cad kyi de bzhin nyid do/ /rang bzhin des gzigs pa ni chos thams cad rang bzhin gyis rnam par dag pa'o zhes bsgom par
 mdzad do zhes bya ba'i tha tshig go/ /ji ltar gzigs par mdzad ce na/ ci nus pa'i ting nge 'dzin gyis zhes bya ba gsungs te/ rang gi nus pa dang rjes su mthun par bsgom pa ni ci nus pa'i ting nge 'dzin te/ ci nus pa'i ting nge 'dzin des pad+ma'i 'dab ma rnam par dbye bar mdzad cing gzigs pa
 yin no/ /de ni ji ltar zhes bya ba la sogs pa gzigs pa'i tshul rnam par 'brel pa yin te/ ji ltar sgrub pa po'i lag na gnas pa'i pad+ma dmar po 'di kha dog dmar po dang rjes su mthun pa nyid kyis so/ /tshon gyi nyes pa ni tshon gyi skyon te rdzas gzhan dang 'dres pa yongs su spang bar ma gyur
 pa'o/ /des ma gos pa ni ma 'dres pa ste/ pad+ma dmar du zin kyang ma 'dres pa'i chos dang ldan pas mthe'u chung las byung ba'i chu dang 'dab ma la sogs pa'i nyes pa rnam pa sna tshogs kyis ji ltar pad+ma de la gos par mi 'gyur ba de bzhin du khams gsum dag pa thugs rje chen po dang
 ldan pa'i chos bdag med pa'i chags pa'i byang chub sems dpa' ni 'dod chags la sogs pa'i nyon mongs pa dang nye ba'i nyon mongs pa'i dri ma dang bral ba yin no/ /rgyu gang gis ni ting nge 'dzin 'di la gzigs shing mngon sum du mdzad pa'i rgyu des rgyal po ste/ de bzhin gshegs
 pa rnams dbang phyug nyid du gyur pa ste/ 'jig rten dbang phyug nyid du gyur pa yin no/ /de yis zhes bya ba ni rgyu des so/ /rdo rje sems dpa' ni rdo rje 'chang chen po'o/ /spyan ras gzigs ni tshul des so sor rtog cing gzigs par mdzad pas dbang phyug ces bya ba gtso
 bor gyur pa ste/ de lta bur gyur cing nye bar skyed pa'o/ /'dis ni 'di skad ston pa yin te/ 'jig rten dbang phyug gi phyag rgya chen po bcings la/ ya thA rak+ta mi daM pad+ma da ma ga to shi rna la li bya te/ ba sa do she Sh+wa bI bI ta d+he thA shud+d+ha tri d+ha tu kaM zhes bya ba'i snying po zlos shing snying po 'di
 bsgoms pa'i stobs kyis sems can gyi don mdzad pa'i phyir/ bcom ldan 'das 'jig rten dbang phyug nyid du ji ltar 'gyur ba de bzhin du snying po 'di nyid bsgom zhing rnam par gzigs pa'i stobs kyis rdo rje sems dpa' 'phags pa spyan ras gzigs dbang phyug tu gyur pa
 yin no/ /de nas zhes bya ba'i sgra ni de ma thag pa ste/ bshad ma thag pa'i sgom pa'i snying po'o/ /rang bzhin gyis dag pa'i chos nyid kyi ting nge 'dzin ston par byed pa'i snying po 'di bcom ldan 'das rdo rje 'chang chen pos sgom pa dag pa zhes bya ste/ de kho na nyid kyis sgom
 pas bsgoms shing yang dang yang du mngon sum du mdzad par gyur pa yin no/ /de'i tshe rgyal po rdo rje 'chang chen po pad+ma chen po 'chang bar gyur cing / de ltar snang ba yin no/ /gser sbyangs pa ni rin po che gzhan dang ma 'dres pa dang / dri ma dang bral ba'o/ /ri'i dbang po ni ri rab bo/ /des kyang gzhan
 dag zil gyis mnan nas mdzes shing 'bar bas gnas pas na mdzes shing 'bar ro/ /gser sbyangs ri yi dbang po ni/ /zhes bya'o/ /rgyal po che zhes bya ba ni de dang bcom ldan 'das 'phags pa spyan ras gzigs dbang phyug gzi mdangs dang mnyam zhing mtshungs pa gang yin pa de la de
 skad ces bya'o/ /g.yon na bsnyems bcas pad+ma mchog /ces bya ba la sogs pa la g.yon na zhes bya ba ni g.yon pa'i pad+ma'i khu tshur bsnyems pa dang bcas pas 'dzin pas na/ g.yon pa bsnyems bcas pad+ma zhes bya ba la mchog ni 'jig rten dbang phyug ste/ g.yon na bsnyems pa
 dang bcas pa'i pad+ma yang yin la mchog kyang yin pas zhes mtshams sbyar ro/ /phyag g.yas pas thugs ka'i phyogs su pad+ma'i 'dab ma 'byed par mdzad pa'o/ /mchog tu gzigs pas nye bar mtshon pas na/ mchog gis rnam par gzigs zhes bya ste/ de lta bu'i tshul gyis
 gzigs pa'o/ /de nas zhes bya ba la sogs pa la/ de ltar bcom ldan 'das 'phags pa spyan ras gzigs dbang phyug pad+ma'i 'dab ma la gzigs pa'i tshul gyis bzhugs pa'i rjes thogs nyid la bcom ldan 'das kyi phyag na gnas pa'i pad+ma'i 'dab ma rnams la pad+ma chen po
 'dzin pa rnams phyung ngo / /de su zhig yin zhe na/ sangs rgyas la sogs te ji ltar 'og nas bshad pa rnams byung nas sems can rnams 'dul ba'i mchog dam pa dag mdzad par 'gyur ro/ /de nas phyogs bcur sems can rnams skal ba ji lta ba bzhin du sangs rgyas nyid btsal ba
 la sogs pa ma lus par yang dag par sbyangs nas dpal rdo rje sems dpa'i dkyil 'khor chen po'i dbyibs kyis rdo rje 'jig rten dbang phyug gi dkyil 'khor der bzhugs shing gnas par mdzad do/ /gang la pad+ma bzang po 'dab ma brgyad po yod pa 'di ni pad bzangs te/ pad+ma bzang po'i
 dkyil 'khor der/ phyogs bcu nas byon pa'i sangs rgyas rnams pad+ma der zhugs pa yin no/ /de ltar de nas ting nge 'dzin thams cad ni/ rnam dag mchog gi chos nyid las/ /zhes bya ba nas brtsams te/ pad+ma bzang po de la bzhugs/ /zhes bya ba'i bar gyi bshad pas ni ting nge 'dzin gnyis pa gsungs
 pa yin no/ /de nas bsdu ba dang byin gyis brlab pa la sogs pa ni gsum pa yin par shes par bya'o/ /dam tshig dang dbang bskur ba thob pa rnams kyis bzlas brjod dang bsgom par bya'o zhes bya ba 'di'i don bstan par bya ba'i phyir/ ji ltar 'dul ba'i tshul mchog gis/ /zhes bya ba la
 sogs pa slob dpon gyi las kyi cho ga dang / slob ma 'jug pa la sogs pa'i las kyi cho ga gsungs pa yin no/ /de nas yang ji skad du bshad pa'i tshul gyis sems can gyi khams rnams skal ba ji lta ba bzhin du/ sangs rgyas nyid btsal ba la sogs pas thams cad yang dag par
 sbyangs pas de bzhin gshegs pa de rnams kyis bcom ldan 'das 'phags pa spyan ras gzigs dbang phyug la rang gi pad+ma'i rigs kyi dkyil 'khor gyi rtog pa bshad par bya ba'i phyir gsol ba btab pa yin no/ /de nas zhes bya ba'i sgra ni de ma thag pa ston pa'i tshig yin te/ de bzhin gshegs
 pa thams cad kyis gsol ba btab pa'i rjes thogs nyid la'o/ /sems can thams cad lung dang rtogs pa la rab tu 'jog par mdzad pas na thams cad 'dul mdzad do/ /'di zhes bya ba ni bcom ldan 'das 'phags pa spyan ras gzigs dbang phyug go/ /shin tu dag pa'i chos 'dzin pa/ /zhes
 bya ba ni bag chags dang bcas pa'i nyon mongs pa dang bral ba pad+ma'i rigs dang / shes rab kyi pha rol tu phyin pa ni shin tu dag pa'i chos te/ de'i bdag nyid kyi tshul gyis 'dzin par mdzad pas na shin tu dag pa'i chos 'dzin pa'o/ /de su zhig yin zhe na/ rdo rje chos te 'jig rten dbang
 phyug go/ /rang nyid ni bdag nyid do/ /gzugs thams cad kun du ston pas phyogs bcur mdzes shing 'bar bas na rgyal po'o/ /'jig rten dbang phyug bka' stsal to/ /zhes bya ba ni 'jig rten dbang phyug gis nye bar mtshon pa'i dkyil 'khor ni 'jig rten dbang phyug
 ces bya ste/ de bcom ldan 'das 'phags pa spyan ras gzigs dbang phyug rgyal pos bka' stsal zhing zhes gsungs pa yin no/ /dkyil 'khor chen po ni dpal rdo rje sems dpa'i dkyil 'khor chen po ste de dag gi phyi'i dkyil 'khor gang yin pa de ni phyi'i dkyil 'khor chen po ste zhes bya'o/ /
 nang gi dkyil 'khor rang bzhin ji lta bur bri zhe na/ pad+ma zhes bya ba gsungs so/ /de 'dab ma du zhig tu bya zhe na/ 'dab ma brgyad pa zhes bya ba gsungs te/ 'dab ma brgyad pa bya'o zhes bya ba'i tha tshig ste nang gi dkyil 'khor ni pad+ma 'dab ma brgyad pa bri ba yin no/ /de'i zhes bya ba ni nang gi
 dkyil 'khor gyi'o/ /dbus zhes bya ba ni lte ba'i phyogs su'o/ /spyan 'dzum pa zhes bya ba 'dzum bag can no/ /'jig rten dbang phyug ces bya ba 'phags pa spyan ras gzigs dbang phyug sna tshogs pad+ma'i gdan la sems dpa'i skyil mo krung gis bzhugs pa dgod par bya'o/ /sku mdog ji lta bu
 zhe na/ dag pa'i gser gyi pad+ma ni/ /zhes bya ba gsungs te/ gser shin tu sbyangs pa'i mdog 'dra zhing rdo rje'i pad+ma bsnams pa nyid kyi phyir dang / pad+ma ltar gos pa mi mnga' ba'i phyir de ni pad+ma'i rang bzhin can yin pas na pad+ma'o/ /g.yon bsnyems tshul gyis gzigs mdzad pa/ /
 zhes bya ba ni/ g.yon pa pad+ma'i khu tshur pad+ma dang bcas pas bsnyems tshul du zhugs shing phyag g.yas pa thugs ka'i phyogs su pad+ma'i 'dab ma 'byed pa la gzigs pas na/ g.yon bsnyems tshul gyis gzigs mdzad pa/ /zhes bya'o/ /rgyan rnams kun gyis rnam par spras/ /zhes
 bya ba ni rnam par brgyan pa'o/ /spyi bor sangs rgyas kun mchog bzhugs/ /zhes bya ba ni de bzhin gshegs pa 'od dpag tu med pa'i sku ni sangs rgyas kyi sku ste/ de nyid ni mchog go/ /spyi bor bzhugs pa ni de'i dbus su bzhugs pa ste/ 'jig rten dbang phyug gi dbu la sangs
 rgyas kyi sku bzhugs pa dgod par bya'o/ /de'i zhes bya ba la sogs pa la 'jig rten dbang phyug de'i phyogs dang mtshams rnams su sangs rgyas kyi sku gzugs brgyad bri bar bya'o/ /de su zhig yin zhe na ting nge 'dzin bzang po zhes bya ba la sogs pa gsungs te/ shar phyogs su
 rdo rje 'dod chags ma'i gnas su ni ting nge 'dzin bzang po zhes bya ba'i sangs rgyas kyi sku gzugs bri bar bya'o/ /lhor kI li kI la'i gnas su ni pad+ma chen po zhes bya'o/ /nub tu rdo rje dran ma'i gnas su ni ting nge 'dzin zhes bya'o/ /byang du rdo rje bsnyems ma'i gnas su ni rnam par gzigs pa
 zhes bya ba'i sangs rgyas kyi sku gzugs bri bar bya'o/ /de rnams kyi zhes bya ba ni ting nge 'dzin bzang po la sogs pa'i g.yon logs su ni rdo rje sbrang rtsi ma la sogs pa'i gnas su rigs kyi lha nyid bri bar bya'o zhes bya ba pad+ma'i lha chen po dang / pad+ma'i khyab 'jug dang / pad+ma'i tshangs pa dang / pad+ma'i
 'dod pa'i lha'i gzugs te 'di nyid bstan pa ni zhi ba sred med kyi bu tshangs pa 'dod pa'i gzugs can zhes bya ba smos pa yin no/ /de la zhi ba ni dbang phyug chen po'i gzugs 'dzin pa'i 'jig rten dbang phyug go/ /sred med kyi bu ni sred med kyi bu'i gzugs 'dzin pa'o/ /tshangs pa ni
 tshangs pa'i gzugs 'dzin pa'o/ /'dod pa'i gzugs can ni 'dod pa'i lha'i gzugs can no/ /spyi bor mtsher zhing mgrin 'degs pa/ /zhes bya ba ni rta mgo ljang gu'am 'dir ci 'dod pa rta'i gzugs can no/ /'dod pa'i lha zhes bya ba'o/ /ting nge 'dzin bzang po la sogs pa 'di
 dag thams cad phyag mtshan pad+ma bsnams pa bri bar bya'o zhes bya ba bstan par bya ba'i phyir pad+ma can zhes bya ba smos pa yin no/ /rta mgrin lcags kyu bcings nas ni/ /chos kyi tshig gis spyan drang bya/ /zhes bya ba ni rta mgrin gyi lcags kyu'i mtshan nyid 'og nas bshad pa bcings la/ oM sarba ta thA
 ga ta a ba lo ki te shwa ra zhes bya ba la sogs pa spyan drang ba'i sngags 'og nas bshad pa'i chos kyi tshig gis bzlas shing bcom ldan 'das 'khor dang bcas pa spyan drangs la dkyil 'khor du gzhug pa ni yang dag par spyan drangs pa yin no/ /de nas pad+ma'i rigs zhes bya ba la sogs pa
 ni go bar zad do/ /dkyil 'khor chen po'i tshul gyis ni/ /cho ga rgyas pa bya ba yin/ /zhes bya ba ni dpal rdo rje sems dpa'i dkyil 'khor chen po las bshad pa'i cho gas bcom ldan 'das 'khor dang bcas pa dam tshig gi phyag rgyas bsgrubs la/ chos dang las dang phyag
 rgya chen pos rgyas btab ste/ dbang bskur ba'i phyag rgyas dbang bskur la mchod yon phul ba sngon du song ba'i bum pa la sogs pa yang dag par mchod la sdom pa ji lta ba bzhin du legs par blangs nas rang gi snying gar rdo rje pad+ma bskyed de/ phyi rol na gnas pa'i bum pa'i chus bdag nyid la dbang bskur
 ba'o/ /'di ni cho ga rgyas pa yin la de byas nas ci zhig bya zhe na/ pad+ma chen po'i phyag rgya yis/ /pad+ma'i dkyil 'khor la gzhug bya/ /zhes bya ba gsungs te/ pad+ma chen po pad+ma dang bcas pa bcings la de nyid kyis me tog phreng ba blangs la rdo rje shugs kyis zhugs te/ 'jug pa'i glu len pa'i
 pad+ma'i dkyil 'khor du 'jug par bya'o/ /pad+ma chen po me tog bcas/ /ma yengs yid kyis phyag bya'o/ /zhes bya ba ni/ pad+ma chen po'i phyag rgya me tog dang bcas pa bcings la dkyil 'khor du zhugs te/ bcom ldan 'das la yid bzhin du ma yengs pas phyag bya'o/ /dkyil 'khor
 zhugs nas ting nge 'dzin/ /bzang po las byung gzungs 'di brjod par bya/ /zhes bya ba ni/ de ltar ji skad du bshad pa'i cho gas dkyil 'khor du zhugs nas rang bzhin gyis dag pa'i ting nge 'dzin las byung ba'i gzungs/ oM zhes bya ba la sogs pas bcom ldan 'das kyi spyan
 sngar 'dug ste brjod par bya'o/ /de nas mdzub mo lcags kyur bcings/ /chos kyi tshig gis legs spyan drangs/ /zhes bya ba ni sngar bshad pa'i cho gas dkyil 'khor bris la sgo dbye ba byas nas bsdu ba dang mtshan brgya rtsa brgyad pas bstod pa'i rjes thogs nyid la mdzub mo
 gnyis lcags kyus bcings la rnga sgra ltar zab pa'i dbyangs dang ldan pa'i mtshan nyid can gyis chos kyi tshig gis sngags brjod cing bcom ldan 'das 'khor dang bcas pa spyan drangs shing gshegs par bya'o/ /oM sarba ta thA ga ta zhes bya ba la sogs pa ni go bar zad do/ /'jig rten
 'dzin zhes bya ba ni 'jig rten dang 'jig rten las 'das pa'i lha'i gzugs thams cad ni 'jig rten te/ de gzugs thams cad ston pa'i ye shes kyis 'dzin par mdzad pas na/ 'jig rten 'dzin te bcom ldan 'das 'phags pa spyan ras gzigs dbang phyug go/ /'jig
 rten kun mchog ces bya ba ni bcom ldan 'das kyi dkyil 'khor du 'jig rten dang 'jig rten las 'das pa'i lha'i gzugs ni 'jig rten thams cad de/ de'i mchog ni pad+ma'i rigs kyi bdag po'o/ /ting 'dzin cho gas nges par mdzad/ /ces bya ba ni pad+ma'i rigs kyi lha rnams kyi
 sems rtse gcig pa nyid ting nge 'dzin te/ de rnams thob par byed pa'i thabs rnam pa sna tshogs pa de las nges par 'byung ba'i ye shes mnga' bas na/ ting 'dzin cho gas nges par mdzad/ /ces bsgrub pa'i 'jig rten thams cad kyi mchog 'jig rten dbang phyug 'grub par mdzad
 pa'o/ /de nas de bzhin slob ma rnams/ /zhes bya ba la sogs pa la ji ltar slob dpon gyis 'jug pa'i cho ga bshad ma thag pa nyid kyis slob dpon zhugs la/ de bzhin du slob dpon gyis slob ma bcug la/ de rnams kyi cho ga rgyas par byas nas slob dpon gyis de rnams la dngos
 grub kyi ye shes bslab par bya ba yin pas na/ dngos grub thams cad sbyin byed pa'i/ /ye shes dag ni bslab par bya/ /zhes gsungs so/ /phyag rgya chen po la sogs pa sgrub par byed pa'i ye shes slob ma rnams la bslab par bya'o/ /ting 'dzin snying po 'di yis ni/ /sgrub
 pa chen po gdod nas byung / /zhes bya ba ni lha thams cad kyi ting nge 'dzin sgrub par byed pa'i bzlas pa'i snying po ni ting nge 'dzin gyi snying po'o/ /ting nge 'dzin gyi snying po de'i bsgrub par bya ba chen po ni 'di'i dngos grub kyi mchog sgrub par byed pa'i cho ga'o/ /bskal pa bzang po la sogs pa'i sngon du
 yang de ltar byung ba'i tshul gyis gnas pas na gdod nas byung ba'i sgrub pa chen po yin no/ /'jig rten kun gyi dbang phyug nyid/ /ces bya ba ni/ 'jig rten gsum po thams cad ni 'jig rten kun te pad+ma'i rigs kyi 'jig rten dbang phyug go/ /de'i ngo bo nyid yin pas na 'jig
 rten dbang phyug nyid do/ /'dis ni rgyu las 'bras bu nye bar btags pa'i sgo nas bsgrubs la/ 'jig rten kun gyi dbang phyug nyid/ /ces bya ba'i sgras bshad do/ /bshad par bya zhes bya ba ni bstan par bya'o/ /ji ltar zhe na/ go rims bzhin du zhes bya ba gsungs te/
 sgrub pa'i thabs kyi rim pas sngon du bsnyen pa bya ba yin kyi dang po nyid ni ma yin no/ /bud med rnams kyi nang du zhugs/ /zhes bya ba ni mchod pa rnam pa bcu gnyis kyis lha mo dang khro gnyer ma la sogs pa ni bud med do/ /pad+ma'i zhi ba dang / pad+ma'i sred med kyi bu dang / pad+ma'i tshangs pa
 dang / pad+ma'i 'dod pa'i gzugs ni 'jig rten gdug pa zhes bya bar grags te de rnams kyi nang du tshud pa'o/ /gang yang rung bar 'dug nas ni/ /zhes bya ba ni yid dang rjes su mthun zhing 'du 'dzi med pa'i gnas su 'dug pa'o/ /pad+ma chen po yongs bzung ste/ /zhes bya ba ni pad+ma'i
 'dab ma chen po lce la rdo rje dkar po bsam ste/ bzla bar bya ba'i sngags yid kyis bri ba dang / rang gi snying gar gnas pa'i rdo rje pad+ma la yang bris nas bzlas par bya ba zlos shing chos thams cad rang bzhin gyis rnam par dag pa'o zhes bsgom par bya'o/ /nyin re ci nus bsgrub
 par bya/ /zhes bya ba ni sgom pa'i rim pa 'dis nyin re zhing rang gi nus pa dang rjes su mthun pas ji srid skyo bar ma gyur pa de srid kyi bar du bsgom par bya'o/ /de bzhin dus dang zhes bya ba ni snga dro dang / nyi ma gung dang / phyi dro dang mtshan phyed la'o/ /stobs ji bzhin zhes bya ba ni rang gi
 nus pa dang rjes su mthun pas so/ /cho ga 'di yis zhes bya ba la sogs pa ni go bar zad do/ /de nas phyag rgya bsgrub pa ni/ /zhes bya ba ni phyag rgya chen po dang / dam tshig gi phyag rgya dang chos kyi phyag rgya dang las kyi phyag rgya la ni phyag rgya zhes bya ste/ de'i sgrub pa bshad par bya'o zhes
 bya ba don gyis sbyar ro/ /phyag rgya bcings te ting 'dzin gnas/ /zhes bya ba ni 'dod pa'i lha'i phyag rgya chen po bcings nas de'i rang bzhin ni bsgom par bya'o/ /dngos grub chen po nyid thob par/ /zhes bya ba ni/ phyag rgya chen po'i rang bzhin rdzogs pa'i dngos grub chen po nyid
 do/ /de thob par ni de'i rang bzhin du bsam par bya'o/ /dam tshig dam tshig mchog gis te/ /zhes bya ba ni rang gi lha'i dam tshig ni phyag rgya'i dam tshig go/ /dam tshig ni dam tshig gis zhes bya ba dam tshig gi phyag rgya bcings pas bdag nyid thob par 'gyur ba'o/ /las ni las
 mchog phyag rgyas so/ /zhes bya ba ni rang gi lha'i las kyi phyag rgya ni las te/ las de las mchog gis zhes bya ba rang gi lha'i las kyi phyag rgya bcings nas bdag nyid kyis thob par 'gyur/ chos kyi phyag rgya dang phyag rgya chen po dang / dam tshig gi phyag rgya dang / las kyi phyag rgya'i
 sgrub pa ni sgrub pa chen po ste bshad ma thag pa 'di nyid do/ /de ston par byed pa sgra'i tshogs ni rgyud ces bya'o/ /'di skad ston pa yin te/ bdag bsrung ba dang / gnas bsrung ba byas la rang gi lha mdun du bzhag ste/ pad+ma'i dril bu thogs nas cho ga thams cad rjes su spyad par
 bya'o/ /de la 'dir re zhig dang por phyag bya ba la sogs pa sngon du 'gro bas rdo rje thal mo dang / rdo rje bsdams pa bcing bar bya'o/ /de nas rdo rje bsdams pa rang gi snying gar dral bar bya'o/ /de nas rdo rje 'bebs pa'i phyag rgyas bdag nyid la dbab par byas la/ phyag rgya de nyid snying
 gar ji lta ba bzhin du dgrol bar bya'o/ /de nas dam tshig gi rdo rje khu tshur de bzhin du bcing ngo / /de nas rang gi snying gar gnas pa'i rdo rje pad+ma la bzlas par bya ba'i sngags bsam la/ de nyid yid la zlos shing chos thams cad bdag med par bsgom par bya'o/ /de nas rang gi sems
 bzlas par bya ba'i sngags kyi ngo bor bsams la de dbyangs kyi yi ge bcu drug dang bcas pa la zla ba'i dkyil 'khor du bdag nyid bsam par bya'o/ /de'i steng du yang bzla bar bya ba'i sngags bsams la/ ka la sogs pa gsal bar bya ba'i yi ge dang bcas pa la zla ba'i dkyil
 'khor gnyis pa de yang bzlas pa'i snying po dang bcas pa las dang po'i rdo rje de nyid 'gro ba 'dul ba'i rnal 'byor pas rdo rje pad+mar bsam mo/ /gzhan dag gis rang gi lha'i mtshan ma dang / de'i dbus su bzlas par bya ba'i sngags yid kyis bsams la/ bdag nyid
 rang gi lha'i phyag rgya'i ngo bor bsam shing phyag rgya'i tshul las pad+ma'i rigs thams cad spros la/ des gdul bar bya ba thams cad gdul bar byas nas/ de rnams phyag rgya'i gzugs der yid kyis bcug la/ sems dpar
 byin gyis rlob pa'i sbyor bas phyag rgya'i gzugs de rdo rje sems dpar bdag nyid bsams la/ rdo rje sems dpa' de rang gi sngags zlos shing rang gi lha'i gzugs su bsam par bya ste/ /de nas ma hA sa ma ya sa twa haM zhes brjod de/ rang gi lha'i dam tshig gi phyag rgya bcings nas sa ma you0f85haM zhes b
 rjod la dam tshig gi phyag rgya de nyid dang / sa ma ya satwa a d+hi tiSh+Tha swa mAM zhes bya bas snying ga dang / dpral ba dang lkog ma dang spyi bor byin gyis brlab po/ /de nas rang gi lha'i phyag rgya chen po bcings te/ mdun du sna tshogs pad+ma'i steng du rang gi lha'i sngags kyi mthar yi ge a dang bcas pa
 las lha'i mtshan ma bsam par bya'o/ /de nas rang gi lha'i sngags zlos shing rang gi lha'i mtshan ma phyag rgya'i ngo bor bdag nyid bsam par bya'o/ /des yang rang gi lha'i sngags zlos shing phyag rgya des rang gi lha'i skur bdag nyid bsam par bya'o/ /de nas rdo rje pad+ma'i lcags kyu ma la
 sogs pa'i las kyi phyag rgya rnams kyis de nyid du rang gi lha dgug pa dang / gzhug pa dang / bcing ba dang dbang du byas la/ rang gi dam tshig gi phyag rgya dang rang gi lha'i sngags dang / dr-i sh+ya zhes kyang brjod la blta bar bya'o/ /de nas rta mgrin gyi lcags kyu dang bzlas par bya ba'i sngags
 kyis rang gi lus la bcug la/ rang gi dam tshig gi phyag rgya bcings te/ sa ma ya s+t+waM zhes brjod do/ /'od kyi dkyil 'khor bskyed la sa ma ya s+t+waM/ a haM dzaHhUM baM hoHzhes bya ba dang / rang gi sngags lan gsum brjod la rang gi lus kyi nang du gtogs pa dang lhan cig tu gyur par bdag nyid
 bsam par bya'o/ /de nas yid kyis legs so zhes bya ba'i sbyor bas de bzhin gshegs pa thams cad rang gi lus la bcug la dam tshig gi phyag rgya rnams kyis rab tu bsgrubs nas rang gi lha dang de bzhin gshegs pa thams cad chos dang las dang phyag rgya chen pos rgyas btab ste/ dang po'i
 rdo rje bcings las bdag nyid de bzhin du byin gyis brlabs la yi ge brgya pas brtan par bya'o/ /de nas dbang bskur ba'i phyag rgyas dbang bskur la rdo rje pad+ma dang / bdag po dang ming gi dbang bskur ba blangs la dngos grub kyi rdo rje brtul zhugs blang bar bya'o/ /de nas pad+ma'i rdo rje
 mtshon cha ma la sogs pa phyag rgya'i mchod pa bzhis bdag nyid mchod la pad+ma chen po'i me tog dang bcas pa bcings te yid bsdus te phyag bya'o/ /de nas de kho na nyid dang / chos dang dam tshig gsum blangs la rang gi sngags lan gsum bzla bar bya'o/ /de nas/ dngos grub chen po kun
 kyi mchog / dbang phyug chen po bdag po'i mchog /'jig rten mgon khyod bdag gyur cig /de skad ces brjod nas rab tu bsgrubs te de bzhin du lce dang / rang gi snying gar gnas pa'i rdo rje pad+ma la rang gi sngags rnam par bsams la/ chos kyi tshig zlos shing yid kyis sems can gyi
 khams thams cad pad+ma'i rigs kyi rang bzhin du byas la 'gro ba thams cad 'dul ba'i lha'i dkyil 'khor gyi dbus su 'dug ste/ chos thams cad rang bzhin gyis dag par nyin re zhing bya ba'i sbyor ba zla ba gcig tsam gyi bar du bsgom par bya'o/ /de nas yang bzlas brjod 'bum byas la
 mthar mtshan thog thag bsgom par bya ste/ de lta bus ni 'jig rten dbang phyug nyid thob par 'gyur ro/ /chos kyi phyag rgya sgrub pa'o/ /de nas phyag rgya chen po bsgrubs na snga ma bzhin du cho ga thams cad rjes su spyad nas phyag rgya chen po bcings la/ zla ba gnyis kyi bar du bdag nyid 'jig rten
 dbang phyug tu bsgom la mthar mtshan thog thag bsgoms na nang par 'jig rten dbang phyug dang 'dra bar 'gyur ro/ /de bzhin du dam tshig gi phyag rgya bsgrubs na dam tshig gi phyag rgya bcings te cho ga thams cad rjes su spyad nas mthar mtshan thog thag bsgoms nas de bzhin du 'jig rten dbang phyug
 dang 'dra bar 'gyur ro/ /de nas las kyi phyag rgya bshad par bya ste/ de bzhin du cho ga thams cad rjes su spyad la/ rang gi snying gar hri las sna tshogs pad+ma bsams la/ las kyi phyag rgya bcings te/ zla ba gnyis kyi bar du bsgoms la/ mthar mtshan thog thag bsgoms na/ nang par
 'jig rten dbang phyug dang 'dra bar 'gyur ro/ /da ni yang dkyil 'khor gyi cho ga thams cad brjod par bya'o/ /bdag dang gnas bsrung bar byas la/ rdo rje 'khor lo'i phyag rgyas 'gro ba 'dul ba'i dkyil 'khor sprul la gal te 'byor pa yod na me tog la sogs pas yang
 dag par mchod do/ /sgo bzhi nas dkyil 'khor lnga pas phyag byas la phyag bzhi la sogs pa sngon du 'gro bas snga ma bzhin du sdom pa gzung bar bya'o/ /de nas de bzhin du rdo rje thal mo la sogs pa nas dam tshig gi khu tshur bcing ba'i bar gyi phyag rgya bcings la thams cad bya'o/ /de nas sarba shud+d+haH
 zhes brjod cing 'phags pa 'jig rten dbang phyug la sogs pa nas/ lha mo pad+ma'i dril bu ma'i bar gyi dam tshig gi phyag rgya bcings la/ de'i snying po yang lan gsum gyi bar du brjod cing oM badzra muHzhes bya ba yang brjod nas dam tshig gi phyag rgya rnams rang gi snying gar dgrol zhing lha
 rnams kyi sku dang gsung dang thugs rdo rje rang gi snying gar gnas pa'i rdo rje pad+ma la yid kyis gzhug par bya'o/ /de nas sdig pa dral ba'i phyag rgyas sdig pa thams cad dral bar bya'o/ /de nas rang gi snying gar gnas pa'i rdo rje pad+ma la bzlas par bya ba'i sngags bsams la/ de nyid
 yid la zlos shing chos thams cad bdag med par bsgom par bya'o/ /de nas sngar gyi cho ga rnams rjes su spyad la bcom ldan 'das 'jig rten dbang phyug gi phyag rgya chen po bcing bar bya'o/ /de nas nam mkha' thams cad dang mnyam pa'i rang gi snying ga'i zla bar yid kyis nam mkha'
 dang mnyam pa'i sbyor bas zhugs la rdo rje 'khor lo'i phyag rgyas rang gi dkyil 'khor bskyed nas 'jug pa'i phyag rgya bcings te 'jug par bya'o/ /de nas rang gi spyi bor me tog dor bar bya'o/ /de nas dngos grub kyi rdo rje brtul zhugs blang ba'i bar gyi cho ga rnams rjes su spyad la
 dkyil 'khor de/ rang gi snying ga'i zla ba'i nang du tshud par bsam par bya'o/ /de nas snga ma bzhin du bcom ldan 'das 'phags pa spyan ras gzigs dbang phyug rang gi lus la bcug la dam tshig gi phyag rgyas rab tu bsgrubs nas chos dang las dang phyag rgya chen pos rgyas btab
 la/ 'phags pa de kho na nyid bsdus pa las gsungs pa'i 'gro ba 'dul ba'i rnal 'byor chen po byas la/ snga ma bzhin du dang po'i rdo rjes bdag nyid byin gyis brlabs nas yi ge brgya pas brtan par byas la/ snga ma bzhin du dngos grub kyi rdo rje brtul zhugs blangs pa'i bar gyi cho
 ga rnams rjes su spyad par bya'o/ /de nas pad+ma'i mtshon cha ma la sogs pa phyag rgya'i mchod pa bcu gnyis kyis bdag nyid mchod la pad+ma chen po bcings la/ bcom ldan 'das la de bzhin du phyag byas nas phyag bzhi bya'o/ /de nas de kho na nyid dang chos dang dam tshig bzung nas bzlas pa bya ba'i
 sngags lan gsum brjod par bya'o/ /de nas oM badzra At+ma kou0f85haM zhes brjod de lha thams cad kyi sku dang gsung dang thugs rdo rje'i rang bzhin du bdag nyid bsam par bya'o/ /oM swa b+hA wa shud+d+hou0f85haM zhes brjod do/ /gzugs brnyan dang mtshungs shing stong pa'i rang bzhin can du bsam par by
 a'o/ /oM sarba sa mou0f85haM zhes brjod de chos bdag med pa'i ye shes las byung ba'i lha thams cad kyi rang bzhin bdag yin par bsgom par bya'o/ /de nas rang gi snying gar gnas pa'i rdo rje pad+ma'i dbus su/ ya thA rak+ta mi daM pad+ma rA ga to she nA li bya te/ bA sha do she Sha bi bI d+he ta thA shud+d+haM t
 ri d+hA tu kAM zhes bya ba yid kyis bris la/ chos kyi dam tshig gis bzlas shing bzlas brjod 'bum bya'o/ /de nas dkyil 'khor thams cad kyi/ /sngags re re zhing bzlas brjod 'bum bya'o/ /de ltar byas na sngon du bsnyen pa byas par 'gyur ro/ /yang na rang gi snying gar rdo rje 'khor los
 dkyil 'khor sprul la/ 'phags pa 'jig rten dbang phyug la sogs pa nas pad+ma'i dril bu ma'i bar du rang gi snying po bkod la/ snga ma bzhin du snying po gsum brjod cing don gsum bsgoms la bdag ni rang nyid 'gro ba 'dul ba'i dkyil 'khor chen po'i ngo bo nyid yin no zhes
 rnam par bsams la/ ya thA rak+ta mi daM pad+ma zhes bya ba'i sngags lha thams cad kyi thugs ka na gnas pa'i rdo rje pad+ma bkod de/ chos kyi tshig gis zlos shing ji srid bsgom pa'i dus su nyin re zhing mngon sum du mthong bar gyur pa de srid kyi bar du bsgom par bya'o/ /de lta bus ni
 sngon du bsnyen pa shin tu yang byas par 'gyur ro/ /de nas zhag bdun gyi bar du dkyil 'khor 'di'i ting nge 'dzin gsum bsgom pa nas brtsams te bsgom par bya'o/ /de nas dkyil 'khor 'di kun du bri'o/ /de la dang por re zhig yo byad thams cad dang ldan pas
 mngon par 'dod pa'i dkyil 'khor gyi sa'i dbus su rdo rje hUM mdzad kyi sbyor ba byas la/ rdo rje gtsug tor la sogs pa rang gi lus la bkod de/ mi rus kyi phye ma'i sbyin sreg gis dkyil 'khor gyi bgegs bzlog la zhi ba'i sbyin sreg gi cho gas bdag dang slob ma rnams zhi bar bya'o/ /de nas
 snga ma bzhin du sa yang dag par sbyong ba'i cho ga dang sa yongs su bzung ba'i cho ga rjes su spyad la dkyil 'khor gyi sa'i dbus su 'dug ste/ rdo rje me ltar 'bar ba'i khro bor snyoms par zhugs pa las langs nas bgegs bsal ba la sogs pa ji lta ba bzhin du byas la/ mchod pa rnam pa
 lnga dang mchod yon dang / las thams cad pa'i chu snod la sngags yongs su bzlas te rdo rje 'khor los 'gro ba 'dul ba'i dkyil 'khor mdun du sprul la phyag btsal ba la sogs pa sngon du 'gro bas sdom pa bzung ba byas la snga ma bzhin du rnal 'byor chen po byas la/ de nas cho ga thams
 cad rjes su spyad la de kho na nyid dang / chos dang dam tshig gzung ba snga ma bzhin du ri rab bskyed la/ ri rab kyi steng du rdo rje 'khor los dkyil 'khor bskyed la dkyil 'khor gyi dbus su sems dpa'i skyil mo krung gis 'dug ste bdag nyid spro ba skyed pa la sogs pa sngar bshad pa'i cho ga thams
 cad byas nas lus thams cad kyis phyag byas la ting nge 'dzin gsum bsgom par bya'o/ /de nas 'gro ba 'dul ba'i phyag rgya chen po bcings la de'i snying po bzla bar bya'o/ /de nas de bzhin gshegs pa thams cad kyi dkyil 'khor bri bar bya ba'i phyir/ /rdo rje pad+ma'i rigs chen po/ /sangs rgyas
 kun mchog bshad du gsol/ /zhes bya bas bdag nyid la gsol ba btab par bsam par bya'o/ /de nas dam tshig gi phyag rgya dang / ya thA rak+ta mi daM pad+maM rA ga to she nA li bya te/ bA sa do she ShA bi bI d+he ta thA shud+d+haM tri d+hA tu kAM/ badzrod tiSh+Tha maN+Da la u tha pa ya zhes brjod la dkyil 'khor bteg ste bar
 snang gi phyogs su bzhag la rang gi sngags dang / rang gi dam tshig gi phyag rgyas snying ga dang dpral ba dang lkog mar bdag nyid byin gyis brlab la yang phyag rgya chen po bcings te/ badzra dr-iSh+T-i ma Ta zhes bya ba mig gnyis su bkod la a zhes bya bas rang gi rkang mthil gnyis su sna tshogs rdo rje bsams la/
 rkang mthil gnyis gnon pa'i ri rab nas brtsams te/ sa gzhi gtan pa la thug pa'i bar gyi sa phyogs thams cad rdo rje'i rang bzhin can du byas te/ phyag rgya la gnas de bzhin langs/ /kun du rnam par bltas nas ni/ /snying po kun du zlos byed cing / /bsgyings pa'i tshul gyis yongs su
 bskor/ /rdo rje lta bas kyang phyogs dang mtshams dang nam mkha' dang sa 'og dang dkyil 'khor bcing ba dang ra ba dang dra ba bya'o/ /yang rdo rje me ltar 'bar ba'i snyoms par zhugs pas langs la bgegs gzhom pa la sogs pa bya'o/ /de nas dkyil 'khor gyi sgo bzhi phye la gsang ba'i
 gzugs can gyi dkyil 'khor ji lta ba bzhin du spyan drangs nas snga ma bzhin du phur bus gdab par bya'o/ /de nas snga ma bzhin du thams cad byas la slob ma lhag par gnas pa dang / lha lhag par gnas par bya'o/ /de nas nyi ma gnyis pa la mal nas langs la snga ma bzhin du rnal 'byor
 chen po byas nas yang dkyil 'khor thams cad snga ma bzhin du bteg ste/ bar snang gi phyogs su bzhag ste snga ma bzhin du thig gdab pa'i sngags dang / tshon sna lnga'i srad bu la bdag po lnga yongs su blangs la nyi ma 'char ba'i dus su dkyil 'khor dris byug cing me tog sil ma bkram pa byas
 la/ dza las mig g.yon dang g.yas su zla ba dang nyi ma ser po snang ba bskyed nas/ oM hUM trAM hrIHa zhes zlos shing rang gi snying gar gnas pa'i rdo rje pad+ma las sgrub pa'i grogs mchog pad+ma'i gar gyi dbang phyug gi gzugs su yid kyis phyung la/ g.yon pa'i rdo rje khu tshur gyis tshon sna lnga'i
 skud pa blangs la/ dang por sngags kyis sbyangs shing dri dang bcas pa'i tshon dkar po'i nang du sbangs la/ dzaHzhes bya bas srad bu grogs po'i lag tu btang la snga ma bzhin du phyi'i dkyil 'khor thig gdab par bya'o/ /de'i dbus su snga ma bzhin du ka ba brgyad kyi tshul gyis pad+ma 'dab
 ma brgyad pa pad+ma'i phreng bas bskor bas thig btab la tshon sna lnga'i phye mas phyi dang nang gi dkyil 'khor thams cad snga ma bzhin du bri bar bya'o/ /de nas dkyil 'khor gyi lte bar sna tshogs pad+ma la 'jig rten dbang phyug gi sku lugs ma'am/ brkos pa'am bris pa
 sku mdog gser btso ma 'dra ba phyag g.yon pa pad+ma'i khu tshur gyis pad+ma bsnams shing dkur bsten nas de la gzigs pa'i tshul gyis phyag g.yas pa'i mthe bong dang de'i mdzub mos de'i 'dab ma phye ba mdzad pa/ rgyan thams cad kyis spras pa/ pad+ma'i phreng ba dang / bcom ldan 'das 'od
 dpag tu med pa dang ldan pa'i cod pan dang dar dpyangs kyi dbang bskur bas dbang bskur bar 'dzum par gzigs pa sems dpa'i skyil krung gis bzhugs pa rang gi snying pos dgod par bya'o/ /de'i mdun du 'dod chags rdo rje ma'i gnas su shar gyi pad+ma'i dkyil 'khor du ting nge 'dzin
 bzang po zhes bya ba sangs rgyas kyi sku gzugs can sna tshogs pad+ma la rdo rje skyil mo krung gis bzhugs pa/ phyag g.yon pas rdo rje pad+ma bsnams shing ting nge 'dzin la snyoms par zhugs pa/ de'i g.yas logs su kI li kI la'i gnas su de bzhin gshegs pa pad+ma chen po zhes bya ba
 thugs ka'i phyogs su pad+ma'i khu tshur gnyis kyis rdo rje pad+ma gnyis bsnams nas bzhugs pa'o/ /de'i rgyab tu rdo rje dran ma'i gnas su de bzhin gshegs pa'i ting nge 'dzin zhes bya ba phyag g.yon pas rdo rje pad+ma bsnams shing ting nge 'dzin la snyoms par zhugs pa'o/ /de'i
 g .yon logs su rdo rje bsnyems ma'i gnas su de bzhin gshegs pa kun du gzigs pa zhes bya ba sangs rgyas kyi tshul can pad+ma'i khu tshur gnyis kyis rin po che'i pad+ma gnyis bsnams nas rin po che'i pad+ma stsol ba'i phyir sems can thams cad kyi bsam pa thams cad yongs su rdzogs
 par mdzad pa'i sbyor bas bzhugs shing / sna tshogs pad+ma la rdo rje skyil krung gis bzhugs pa'o/ /'di dag thams cad kyang 'jig rten dbang phyug gi gzugs 'dzin par bri bar bya'o/ /de yang / yongs su 'jig rten dbang phyug gzugs/ /sangs rgyas la sogs rigs kyi lha/ /zhes
 gsungs pa yin no/ /de nas 'di rnams kyi snying po ni/ sarba ta thA ga ta pad+ma dzaHhUM badzra pad+ma ma he pad+ma ma he pad+ma baM hoH pad+ma ma no ra dza zhes bya ba yin no/ /yang dkyil 'khor 'di nyid kyi rdo rje sbrang rtsi ma'i gnas su 'phags pa don yod pa'i zhags pa lha chen po'i gzugs 'dzin pa sku mdog
 dkar po phyag bzhi pa/ phyag g.yas pa gnyis kyis rtse gsum 'chang zhing mchog stsol ba/ g.yon gnyis kyis zhags pa dang pad+ma bsnams pa/ bden bral gyi mtshams su khyab 'jug gi gzugs 'dzin pa sku mdog nag po phyag bzhi pa phyag g.yas gnyis na 'khor lo dang dbyug pa bsnams
 pa/ g.yon gnyis na pad+ma dang dung bsnams pa/ rlung gi mtshams su 'jig rten dbang phyug tshangs pa'i gzugs can sku mdog dkar po zhal bzhi dang phyag bzhi mnga' ba g.yas gnyis na phreng ba dang dbyug pa bsnams pa/ g.yon gnyis na pad+ma dang spyi blugs bsnams pa'o/ /
 dbang ldan gyi mtshams su 'jig rten dbang phyug 'dod pa'i gzugs 'dzin pa zhal gnyis pa phyag bzhi pa/ de la phyag g.yas gnyis kyis mda' dang lcags kyu bsnams pa/ g.yon gnyis kyis gzhu dang pad+ma bsnams pa'o/ /zhal dang po ni 'dod pa'i lha'i gdong 'dra ba/
 spyi bo na rta mgo ljang gu'i mgrin pa bteg ste mtsher bar byed pa'i tshul can no/ /de nas 'di rnams kyi snying po ni/ hUM pad+ma narte shwa ra hUM phaT/ he ma hA pad+me bi shwa murte sid+d+h+ya hUM phaT/ hrIHpad+ma pad+ma hUM aH ho pad+ma a shwA gra ma hUM dza zhes bya'o/ /sgeg mo la sogs pa nas pad+ma'i dril bu ma'i
 bar ni dpal rdo rje sems dpa'i dkyil 'khor chen po las bshad pa'i snying po nyid kyis dgod par bya'o/ /'dir khyad par ni 'di yin te 'di lta ste/ phyag mtshan rnams pad+mas mtshan pa yin no/ /de ltar dkyil 'khor bris nas phyi rol du snga ma bzhin du rdo rje hUM mdzad kyi sbyor bas dkyil 'khor
 gyi sgo phye la de bzhin du thams cad byas nas bsdu ba bya'o/ /de nas mtshan brgya rtsa brgyad pas yang dag par bstod la spyan 'dren pa'i phyag rgya'i dril bu dang bcas pa'i sngags 'dis bcom ldan 'das 'khor dang bcas pa thams cad spyan drangs la dkyil 'khor du gzhug par bya'o/ /oM
 sarba ta thA ga ta a ba lo ki te shwa ra pad+ma hasta a ya ti shI g+h+rAM/ i me badzra mu dra ba tre d+hA kr-i Shu sa ma ye ba d+d+ha ba shi ka ro mi ta/ dzaHhUM baM hoHsho d+ha ya sarba sid+d+h+ya ya pad+maM ma hA badzra d+ha ra s+t+waM/ de nas 'di'i phyag rgya bshad par bya ste/ rdo rje bsdams pa bcings la mdzub mo gnyis gshibs
 te/ lcags kyur byas la mthe'u chung gnyis shin tu brkyang ba ni rgod ma'i kha gdangs pa zhes bya ba yin te/ kha bskyod pa'i tshul du bya ba 'di ni pad+ma lcags kyur zhes bya ste/ 'di mdzub mo gnyis kyis spyan drang bar bya'o/ /de nas pad+ma'i gnod sbyin gyi dam tshig gi phyag rgyas bgegs
 bskrad pa la sogs pa byas la rdo rje khu tshur gyis sgo rnams bcad de/ rdo rje bsrung bas bsrung ba thams cad yang dag par bsrungs la tshigs su bcad pa dang / sngags kyis bcom ldan 'das 'khor dang bcas pa la mchod yon phul nas dam tshig gi phyag rgya rnams kyis bcom ldan 'das
 'khor dang bcas pa bsgrub par bya'o/ /de nas chos dang las dang phyag rgya chen pos rgyas btab la oM badzra d+harma a b+hi Shiny+tsa zhes bya ba dang / de bzhin gshegs pa thams cad kyi sku'i dam tshig gi phyag rgya dang 'od dpag tu med pa'i dbang bskur bas dbang bskur ro/ /de nas mchod yon phul la
 bum pa la sogs pa phyi'i mchod pa rnams dang / pad+ma'i mtshon cha la sogs pa phyag rgya'i mchod pa bcu gnyis kyis yang dag par mchod la pad+ma chen po me tog dang bcas pa bcings la yid ma yengs par oM pad+ma su khaM zhes bya ba zlos shing phyag bya'o/ /de nas phyag bzhi byas nas phyi
 rol tu gtor ma la sogs sbyin par bya'o/ /de nas pad+ma'i gnod sbyin dang rdo rje me tog dang na bza' dkar mos sbyin sreg gi cho gas sbyin sreg byas la/ bcom ldan 'das kyi dkyil 'khor thams cad kyi dbus su bcom ldan 'das me tog gis mchod la bzhugs su gsol te/ bcom
 ldan 'das kyi sngags kyis mar gyi sbyin sreg brgya rtsa brgyad dbul bar bya'o/ /ting nge 'dzin bzang po la sogs pa la ni rang gi snying pos sbyin sreg bdun bdun dbul bar bya'o/ /de nas yang lha thams cad kyi snying po zlos shing me tog gi dkyil 'khor de bri ba'i dkyil 'khor dang lhan cig tu
 gcig tu bya'o/ /de nas phyag bya ba la sogs pa sngon du 'gro bas sdom pa blangs la de bzhin du byang chub kyi sems chen po bskyed nas/ su ra te sa ma ya s+t+waM ho badzra sid+d+h+ya ya tha su khaM zhes bya ba dang / pad+ma'i khu tshur gyis rdo rje pad+ma blangs la rang gi snying gar bzhag ste/ rang gi snying ga'i zla ba la rdo rje
 pad+ma bskyed nas/ shar [(]kyi [,]gyi [)]phyogs kyi sgor bltas te phyi rol na gnas pa'i bum pa'i chus bdag nyid dbang bskur la/ rdo rje thal mo khong stong gi gung mo dang / mthe bong dang mthe chung kha phye la 'dab ma bzhi pa me tog dang bcas pa bcing bar bya'o/ /de nas des me tog gi phreng ba blangs la 'jug
 pa'i glu'i mchod pa blangs la rdo rje shugs kyis dkyil 'khor du 'jug par bya'o/ /de ni 'di yin te/ ka tsita a ti ro tri d+ha nu u gra dzI na su ha ri ma/ pra pa d+ye si ka pA d+hi tiSh+Tha tsakra d+ha ra murti sa man+ta/ A gats+tsha bi ni ya taM/ ka tsita ni so mya shAn+ta bA/ pU ra ka ri daM ka mi la sa ni s+ya be ka tsit+ta di bat+te/
 kA ma sa ma yaM pra sid+d+h+ya ma hA pad+ma rA dza hoH zhes bya ba dang pad+ma'i lcags kyu ma zlos shing 'jug par bya'o/ /yang lho phyogs kyi sgo nas pad+ma'i zhags pa ma'i snying po zlos shing 'jug par bya'o/ /de nas nub phyogs kyi sgo nas pad+ma'i lcags sgrog ma'i snying po zlos shing 'jug par bya'o/ /
 yang byang phyogs kyi sgo nas pad+ma'i dril bu ma'i snying po zlos shing 'jug par bya'o/ /yang shar phyogs kyi sgo nas zhugs la yid kyis ma yengs par phyag bya'o/ /de nas de'i 'og tu oM bi shwa d+ha ya tsit+taM me sarba d+harme sh+ya badzra Ni zhes brjod par bya'o/ /de nas dkyil 'khor la bskor ba lan
 gsum byas la bcom ldan 'das kyi spyan sngar 'dug ste/ 'di skad ces brjod par bya'o/ /'dod chags chen po bde ba che/ /rdo rje chen po nor che ba/ /ye shes chen po las che ba/ /rdo rje sems thogs bdag grub mdzod/ /yang 'di skad ces brjod do/ /dzaHhUM baM hoHpra sid+d+h+ya
 maMHde nas rdo rje chu 'thungs la bdag nyid la dbab par bya'o/ /dang por re zhig sa ma ya s+t+waM zhes brjod de dam tshig gi phyag rgya rnams bcing ngo / /de nas oM pad+ma sa yo ta a tiSh+Tha a zhes zlos shing sems ma rdo rje ma'i sbyor ba byas nas a zhes bya ba lan brgya bzla bar bya'o/ /de nas 'jig
 rten dbang phyug gi snying po lan brgya bzlas nas dbab par bya'o/ /de nas 'jig rten dbang phyug gi snying pos me tog dor ro/ /de nas de blangs la de nyid kyis rang gi mgo la bcing bar bya'o/ /de nas de nyid kyis gdong g.yogs dgrol lo/ /de nas de nyid zlos shing shar
 phyogs nas brtsams te/ dkyil 'khor blta bar bya'o/ /de nas 'jug pa'i phyag rgya bcings la tiSh+Tha badzra zhes bya ba la sogs pas rang gi snying gar dgrol lo/ /de nas 'gro ba 'dul ba'i phyag rgya chen po bcings la bde bas bzhin ras dang bzhin yid tsam 'dzum pa'i ye shes kyis rdo rje
 blangs pas bcom ldan 'das la lta zhing mchu mnyam par bzhag ste/ ji srid bcom ldan 'das kyis mthong ba stsal nas rang gis dngos grub stsol bar mdzad pa de nyid kyi bar du bzlas brjod bya'o/ /de nas rdo rje thal mo bskor ba shis pa brjod pa'i tshul du rang gi snying gar bzhag ste/
 mtshan brgya rtsa brgyad kyis bstod nas pad+ma'i mtshon cha ma la sogs pa'i gsang ba'i mchod pa bzhis bcom ldan 'das la yang dag par mchod la glu dang rol mo la sogs pa'i mchod pas kyang legs par mchod par bya'o/ /de nas bdag nyid la dbang bskur ba la sogs pa'i cho
 ga thams cad snga ma bzhin du rjes su spyad par bya'o/ /slob dpon gyi las kyi cho ga rdzogs so// //de nas slob ma 'jug pa la sogs pa'i cho ga bshad par bya ste/ rdo rje mchod yon bskor bcings na/ /snying nas bsam g.yos bzhin gyis ni/ /mgo bos legs par
 phyag byas na/ /dngos grub thams cad rab grub byed/ /zhugs nas dkyil 'khor lan gsum ni/ /bskor ba byas te 'di brjod bya/ /'dod chags chen po bde ba che/ /'gro ba kun kyang 'grub par mdzod/ /de nas dus kyi mchod pa yis/ /bde ba chen po yang dag mchod/ /de
 bzhin pad+ma'i dbang bskur zhing / /slob ma blangs te 'jug par bya/ /de nas slob ma bslab pa'i gzhi lnga yongs su bzung ba'am/ dge tshul lam dge slong gi sdom pa yongs su bzung la/ rig pa'i sdom pa don du gnyer bas slob dpon la phyag byas la 'di skad ces brjod par bya'o/ /
 dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa'i tshul bstan pa/ /mgon po chen po bdag 'tshal lo/ /dam tshig de nyid stsal du gsol/ /sdom pa rnams kyang bdag la stsol/ /de nas pad+ma'i gnod sbyin yongs su bzlas pa'i ras kyis
 smad g.yogs dang stod g.yogs byas la/ yang pad+ma'i gnod sbyin dang sgo srung ma rnams bzlas pa'i dar gyis gdong g.yogs bcings te/ me tog gi phreng ba btags shing gdong dri zhim par byas la slob ma phyag bzhi byed du gzhug go/ /de nas snga ma bzhin du sdom pa 'dzin du gzhug go/ /de nas
 sngar bzhin du rang gi cho gas byang chub kyi sems chen po bskyed pa byed du bcug la/ de'i snying gar rdo rje pad+ma bskyed de/ bum pa'i chus dbang bskur la yon gyi mchog blangs nas 'jig rten dbang phyug tu byin gyis brlabs la pad+ma chen po me tog dang bcas pa 'ching du gzhug go/ /de nas des
 me tog gi phreng ba 'dzin du bcug la slob dpon gyi 'jug pa'i cho ga'i tshul ltar rdo rje shugs kyis dkyil 'khor du zhugs par bya'o/ /de nas zhugs nas de skad ces brjod do/ /bi sh+ya da ya tsit+ta ma me sarba rme sh+ya dza na zhes smros shig /de nas 'jug pa la sogs pa'i cho ga thams cad bya'o/ /
 slob ma 'jug pa la sogs pa'i cho ga rgyas pa rdzogs so// //de nas slob dpon gyi las kyi cho ga rgyas pa gsungs nas da ni dam tshig dang dbang bskur ba thob pa rnams la slob dpon gyi dngos grub kyi ye shes bslab par bya'o zhes bya ba'i cho ga bstan par bya ba'i phyir/ de nas dngos grub
 ma grub pa'i phyir zhes bya ba la sogs pa gsungs te/ de nas zhes bya ba'i sgra ni de ma thag pa ston par byed pa'i tshig yin te/ 'di skad du bshad pa'i cho gas chos kyi phyag rgya ma dang phyag rgya chen po'i dam tshig gi phyag rgya'am/ las kyi phyag rgya mtshan thog thag bzlas pa'am/ bsgom
 pa'i bar gyis bsgrubs pa na gang gi tshe 'grub par ma gyur na de'i rjes thogs la rnal 'byor pas phyag rgya chen po la sogs pa bsgrub par bya ba'i don nyid du las 'di dag bshad par bya'o zhes bya'o/ /dngos grub ma grub pa'i ting nge 'dzin zhes bya ba ni ji skad bshad pa'i tshul gyis phyag rgya
 bzhi bsgrubs na/ gang gi tshe ma grub pa de'i tshe ni ma grub pa yin la/ sgrib pa thams cad gzhig pa la sogs pa nus pa gang yin pa de ni grub ces bya'o/ /dngos grub kyang yin la ma grub pa yang yin pas na dngos grub ma grub pa'o/ /de'i ting nge
 'dzin ni dngos grub ma grub pa'i ting nge 'dzin to/ /las 'dren ma ni las rnam pa sna tshogs kyi rgyun no/ /dang por ni thog mar ro/ /phyag rgya chen po la sogs pa sgrub pa'o/ /ni zhes bya ba ni nges par bzung ste/ phyag rgya chen po la sogs pa sgrub pa nyid do/ /go rims bzhin du zhes bya ba ni
 lha'i rnal 'byor sngon du 'gro bas so/ /rab bshad bya zhes pa ni rab tu phye ste bshad par bya'o zhes pa'o/ /'di lta ste zhes bya ba ni bshad zin to/ /sgrib pa thams cad ni nyon mongs pa la sogs pa sgrib pa thams cad dang sdig pa ni sngar bshad pa'i mtshan nyid can no/ /rmi lam ngan pa ni bshad
 zin to/ /ltas ngan pa ni gnod pa skyed par byed pa ste 'ug pa'i sgra sgrogs pa la sogs pa'o/ /yams dang 'tshe ba dang nad 'go ba dang / nyon mongs pa dang dus ma yin par 'chi ba ni bshad zin to/ /'jigs pa ni ngan song du 'gro ba la sogs pa byed pa'o/ /skrag pa ni ro langs la
 sogs pa 'jigs pa'i gzugs mthong ba'o/ /rtsod pa ni tshig mi snyan par brjod pa'o/ /'thab pa ni g.yul 'gyed pa'o/ /dim pa ni byis pa chung ngu la 'tshe ba'o/ /dmar ni rgyal phran nam/ blon po rgyal po'i dbang 'og tu ma 'dus pa'o/ /nyon mongs pa ni 'dod chags pas gzir
 ba'o/ /ngal ba ni lam gyis dub pas nyen pa'o/ /sdug bsngal ni lus kyi mi bde ba nyams su myong ba'o/ /yid mi bde ba ni sems kyis mi bde ba nyams su myong ba'o/ /dbul ba la sogs pa ni go bar zad do/ /'di dag zhi bar ji ltar 'gyur zhe na/ pad+ma chen po bzhi pas so zhes bya ba
 gsungs so/ /de nas 'di'i mtshan nyid bshad par bya ste/ pad+ma chen po bcings la yid kyis sbyin sreg bya'o/ /'dis ni 'di skad ston pa yin te snga ma bzhin du 'jig rten dbang phyug gi sbyor ba byas la de kho na nyid dang chos dang dam tshig bzung nas mdun du bcom ldan 'das spyan drangs te/
 mchod pa thams cad kyis ji lta ba bzhin du yang dag par mchod la phyag byas te/ pad+ma chen po'i phyag rgya bcings la yid kyis rang bzhin gyi me thab me stag kun du 'khrug cing 'bar ba'i dbus na bzhugs shing ye shes kyi me dpung 'bar ba de'i ljags la yi ge hUM bsams nas pad+ma chen po des
 yid kyi sgrib pa thams cad dang / rmi lam ngan pa dang / ltas ngan pa dang / yams dang gnod pa dang nad 'go ba dang / nyon mongs pa dang / dus ma yin par 'chi ba dang / 'jigs pa dang / skrag pa dang / rtsod pa dang / 'thab pa dang / dim pa dang / dmar dang / nyon mongs pa dang /
 ngal ba dang / sdug bsngal ba dang / yid mi bde ba dang / dbul ba dang / brnyas pa dang / reg pa ngan pa dang / skal ba ngan pa dang / nad myong ba dang / nor brlag pa rnams sbyin sreg byas nas de rnams 'jig par gyur to/ /de ltar pad+ma chen po zhi bas lha sgrub pa bstan nas da ni rlung dang
 mkhris pa zhes bya ba la sogs pas pad+ma chen po sman gyi phyag rgyas bzung ba las bsgrub pa gsungs pa yin no/ /de'i mtshan nyid bshad par bya ste/ sems kyis zhi bar bya'o zhes bya ba yin no/ /'di skad ston par 'gyur te/ snga ma bzhin du 'jig rten dbang phyug gi rnal 'byor byas la de
 kho na nyid dang / chos dang dam tshig bzung ste pad+ma chen po bcings la bdag dang gzhan gyi rlung nad thams cad gso ba'i bsam pas lus la 'phags pa 'jig rten dbang phyug sku mdog dkar pos lus thams cad khyab par bzhugs par bsam par byas te de lta bus ni de zhi bar 'gyur ro/ /de
 bzhin du de bcings la 'jig rten dbang phyug gis bsgrub par bya ba'i lus la khyab pas shin tu bsil bar gyur par bsam par byas te/ de lta bus ni mkhris pa sel to/ /de bzhin du khrag zhi bar bya ba'i bsam pas bsgrub par bya ba'i spyi bo nas brtsams te/ 'jig rten dbang phyug
 gis khyab par bsams nas de lta bus ni khrag sel to/ /de bzhin du bsgrub par bya ba'i spyi bo nas brtsams te/ 'jig rten dbang phyug 'bar ba'i gzugs can bsams na/ de lta bus ni bad kan gyi nad gso ba yin no/ /de bzhin du 'dus pa bsal ba'i bsam pas bsgrub par bya
 ba'i lus la 'jig rten dbang phyug gis khyab nas kun du 'bar zhing gsal bar gyur par bsam par byas te/ de lta bus ni 'du ba'i nad bsal ba yin no/ /de bzhin du ma zhu ba bsal ba'i bsam pas 'jig rten dbang phyug me lta bus bsgrub par bya ba'i lus
 la khyab nas 'bar bar gyur par bsam par byas te/ de lta bus ni ma zhu ba bsal bar gyur to/ /de bzhin du bsgrub par bya ba'i spyi bo nas brtsams te/ rkang pa'i mthil gyi bar du 'jig rten dbang phyug gis khyab par bsam par byas te/ de lta bus ni rims gso ba yin no/ /de
 bzhin du 'jig rten dbang phyug gis bsgrub par bya ba'i lus la khyab par bsam par byas te/ de lta bus ni sbyar ba'i dug gso ba'o/ /de bzhin du 'phags pa spyan ras gzigs dbang phyug gis bsgrub par bya ba'i spyi bo nas brtsams te/ rkang pa'i mthil gyi bar du khyab par bsam
 zhing dug gi skyes bu nag po ra skyes la zhon pa lta bu zhig bsgrub par bya ba'i lus las bros par bsam par byas te de lta bus ni dug gi nad gso ba yin no/ /de bzhin du bsgrub par bya ba'i lus la 'jig rten dbang phyug bcug ste/ bsgrub par bya ba 'jig rten dbang phyug tu gyur par
 bsam par byas te/ de lta bus ni mdze dang 'brum bu phra mo dang / g.yan pa dang / rkang shu dang / skran dang / chu'i dmu rdzing dang / mtshan par rdol ba dang / sha bkra dang / zad byed dang / khrag zad pa dang / khu ba zad pa dang / nad thams cad dang / gnod pa dang / gdon dang /
 phra men ma rnams gso bar 'gyur ba yin no/ /de ltar pad+ma chen po sman gyi phyag rgya 'dzin pa las sgrub par gsungs nas/ da ni thams cad rdo rjer bya ba dang zhes bya ba la sogs pas pad+ma chen pos thams cad bsrung ba'i las gsungs pa yin no/ /de nas 'di'i mtshan nyid bshad par bya ste/
 bsam pas bsrung bar bya'o zhes bya ba ni 'di skad ston te/ snga ma bzhin du rdo rje 'jig rten dbang phyug gi rnal 'byor byas la de kho na nyid dang chos dang dam tshig bzung ste/ pad+ma chen po bcings la 'jig rten dbang phyug bsgom pa'i snying po zlos shing thams cad rdo rjer bya ba'i bsam pas
 thams cad rdo rjer byas pa'i bsrung bar 'gyur ro/ /sbyor ba snga ma dang phyi ma thams cad la sgom pa'i snying po bzlas nas las 'grub par 'gyur bar shes par bya'o/ /de bzhin du thams cad byas nas chos skyed pa'i bsam [(]bas [,]pas [)]ni chos kyis bsrung bar 'gyur ro/ /cho ga skyed pa'i bsam pas ni cho
 ga'i bsrung bar 'gyur ro/ /de bzhin du gtsug tor dang gtsug phud dang / mtshams dang phyogs dang dkyil 'khor dang sa dang nam mkha' dang rdo rje'i gdan dang khang pa chen po dang / rdo rje ra ba dang / me 'bar ba dang / thal ba'i ra ba dang / rdo rje dang / ri bo don yod pa la sogs pa
 dang / srad bus yongs su bskor ba dang / phur bus gdab pa dang / zas dang btung ba dang gos dang rgyan dang phyag rgya dang / bsrung ba bskyed pa'i bsam pas de dag tu 'gyur ro/ /de ltar pad+ma chen po thams cad srung bas las thams cad 'grub par gsungs nas/ da ni tshe dang
 zhes bya ba la sogs pa pad+ma chen po mchog grub pas las sgrub pa gsungs pa yin no/ /de nas 'di'i mtshan nyid bshad par bya ste/ rnam par sbyang bar bya'o zhes bya bas bsgrub po zhes bya ba 'dis don 'di skad ston pa yin te/ snga ma bzhin du 'jig rten dbang phyug gi sbyor ba byas la
 de kho na nyid dang / chos dang dam tshig bzung nas pad+ma chen po bcings te/ bdag nyid kyi bcing ba'i 'jigs pa la sogs rnam par sbyang bar bya'o zhes bya bas bsam pa skyed la sgom pa'i snying po zlos shing bdag nyid 'phags pa spyan ras gzigs dbang phyug la sogs pa'i tshe dang
 ldan pa'i 'phags pa spyan ras gzigs dbang phyug tu bsams te/ de lta bus ni tshe 'grub par 'gyur ro/ /de bzhin du bdag nyid 'jig rten dbang phyug tu gyur pa'i 'jig rten dbang phyug gi kha dog dang ldan par bsams na de lta bus ni kha dog 'grub po/ /de bzhin du 'jig rten
 dbang phyug tu gyur cing / de'i stobs dang ldan pas bsams na/ de lta bus ni bden pa'i stobs 'grub bo/ /de bzhin du thams cad byas la/ bdag nyid 'jig rten dbang phyug tu gyur cing 'jig rten dbang phyug gi gzi brjid dang ldan par bsams na/ gzi brjid grub po/ /de
 bzhin du de'i mdangs dang / lang tsho dang / brtson 'grus dang / spro ba dang / nad med pa dang / dpal dang / skal ba bzang po dang / nor dang / 'bru dang / dbang phyug dang / 'byor pa dang / dngos grub dang / 'phel ba dang / blo dang / rnyed pa dang / bkra
 shis dang / ming dang / grags pa dang / snyan pa dang / ting nge 'dzin dang / shes rab dam pa 'grub pa la yang ci rigs su sbyar bar bya'o/ /chos kyang yin la thams cad kyang yin pas na thams cad de shes rab kyi pha rol tu phyin pa'i rang bzhin can gyi sems dang sems las
 byung ba dang pad+ma'i rigs so/ /de rnams kyi sgrib pa med pa'i ye shes ni chos thams cad rang bzhin gyis rnam par dag pa'o zhes nges par 'gyur ba'o/ /de las byung ba'i pad+ma'i rigs ni mi phyed pas na rdo rje dang 'dra bas na rdo rje'o/ /de ston par byed pa'i sgra'i tshogs ni rtag pa'o/ /de nyid
 bsgrub par bya ba dang / ston par byed pa'i cho ga'o/ /de'i rgyas pa ni rgyun no/ /dpal mchog dang po'i rgya cher bshad pa shes rab kyi pha rol tu phyin pa 'byung ba zhes bya ba dum bu gnyis pa'i rtog pa thams cad kyi phyi ma'i rgyud kyi rtsa ba'i rgyud las gsungs pa'i 'gro ba 'dul ba'i rtog pa bshad pa
 rdzogs so/ / //de ltar log par lta ba'i gnyen por gyur par 'gro ba 'dul ba'i dkyil 'khor gsungs nas/ da ni/ de nas rgyal po rdo rje 'dzin/ /thams cad nam mkha' mi 'gyur che/ /zhes bya ba la sogs pas ser sna'i gnyen por gyur pa nor bu'i rigs gsungs pa yin no//
 de nas zhes bya ba'i sgra ni 'das ma thag pa ston pa'i tshig yin te/ dang por sbyor ba'i rjes thogs nyid la'o/ /'dir dang po'i sbyor ba ni dpal rdo rje sems dpa'i dkyil 'khor chen po las bshad pa nyid yin no/ /thams cad nam mkha' zhes bya ba ni thams cad kyang yin la nam
 mkha' yang yin pas na thams cad nam mkha' ste/ nam mkha' dang mnyam pa'i ye shes kyi rang bzhin can gyi sems dang sems las byung ba dang nor bu'i rigs so/ /de 'di la mnga' bas na thams cad nam mkha'o/ /nam mkha' thams cad yin pa nyid kyis na mi 'gyur che ste brtan
 zhing rtag pa'o/ /thams cad dbang bskur zhes bya ba ni de bzhin gshegs pa thams cad kyis dbang bskur ba thams cad ni nor bu'i rigs yin te/ de ltar na de ni de bzhin gshegs pa thams cad dang gdul bya rnams kyi don du gnyer bar bya ba yin pas na kun gyi don te nor bu'i rigs
 la sogs pa thams cad kyi don nyid kyi rang bzhin du gyur pas kyang kun gyi don to/ /kun dbang zhes bya ba ni nam mkha' mdzod kyi ting nge 'dzin gyi mthus 'jig rten dang 'jig rten las 'das pa'i phun sum tshogs pa thams cad la dbang thob pas na kun dbang ngo / /rin po che thams cad 'dzin zhes bya
 ba la rin po che thams cad ni rin po che'i rigs te de thugs su chud pa'i tshul gyis de'i bdag nyid kyi rang bzhin gyis 'dzin par mdzad pas na rin chen thams cad 'dzin no/ /de lta bus ni rdo rje 'chang dbang ba nam mkha' nyid du gyur to zhes bya bar sbyar ro/ /ci zhig mdzad nas she na ting nge 'dzin
 gyis zhes bya ba la sogs pa gsungs te/ ji ltar pad+ma dmar po'i 'od/ /'dam gyi nyes pas mi gos pa/ /de bzhin khams gsum dag pa ni/ /gnas kyi nyes pas mi gos so/ /zhes bya ba ni bsgom pa'i snying po 'di'i don chos thams cad rang bzhin gyis rnam par dag pa'i ting nge
 'dzin gyis shin tu lhag par yang byin gyis brlabs pas na/ rang byin rlabs zhes bya ba ste brtan par bya ba'o/ /dag pa chen pos rab sad mdzad/ /ces bya ba ni pad+ma'i 'dab ma dbye ba sgom pa'i rang bzhin gyi bdag po chen pos rab tu sad par mdzad pas so/ /chos rnams la ni rnam
 gzigs pas/ /zhes bya ba ni pad+ma'i rigs kyi rang bzhin dang shes rab kyi pha rol tu phyin pa'i rang bzhin can gyi sems dang sems las byung ba'i chos rnams la rnam par gzigs shing so sor rtog par mdzad pas so/ /ci'i phyir nam mkha' nyid du gyur pa yin zhe na kun gyi dbang don zhes bya ba
 gsungs te/ sems can gyi khams thams cad dang bdag nyid dang 'jig rten dang 'jig rten las 'das pa'i rgyal srid kyi dbang phyug rab tu grub pa'i don ni kun don dbang phyug go/ /nam mkha' nyid du gyur pa de yang khyab pa ji lta bu zhe na/ gdod nas byung zhes bya ba gsungs te sngar sgra
 bshad pa'i tshul gyis da ltar byung ba'i ngo bo bzhugs pas na gdod nas byung ba'o/ /nam mkha' nyid du gyur pa yin zhe na zhes bya ba ni nam mkha'i ngo bo nyid ni nam mkha' nyid de/ 'jig rten na grags pa'i tshul gyis nam mkha'i 'od zer gyi rang bzhin nyid du gyur pa'o/ /nam
 mkha' nyid de khyab par ji lta bu zhe na/ nyi zla dang ni gza' skar can/ /zhes bya ba smos te nam mkha' gang la nyi ma dang zla ba dang gza' dang skar ma yod par 'jig rten na grags pa'i nam mkha' nyid du gyur pas na nyi zla dang gza' skar dang bcas pa'i nam mkhar gyur pa yin no/ /de nas zhes
 b ya ba la sogs pa la de ltar bshad ma thag pa'i sgom pa'i stobs kyis rdo rje 'chang chen po nyi ma dang zla ba dang skar ma can gyi nam mkha' dang gcig tu gyur pa'i rjes thogs nyid la sgom pa'i rang bzhin can gyi shes rab kyi mthar thug pa las byung ba'i nges pa'i mchog gis rdo rje rin chen gyi rnam par thugs
 rtse gcig pa nyid kyis rdo rje mdzad cing mi phyed pa nyid du mdzad nas de nas yang nam mkha'i rdo rje de las rin chen du gyur pa'i yid bzhin gyi nor bu rin po che las bai DUr+ya sngon po 'dra bas zhes bya ba ni mdog sngo ljang ngo / /nam mkha'i snying po ni byang chub sems dpa' chen po'i sku'i yang dag 'byung ba ni de
 ltar 'byung ba'o/ /rdo rje rin chen bsnams pa ni nor bu rin po che bsnams pa'o/ /dge ba ni nyon mongs pa bag chags dang bcas par byang ba'o/ /de nas zhes bya ba ni de'i rjes thogs la'o/ /bcom ldan 'das thog ma 'di zhes bya ba ni bshad ma thag pa'i nam mkha'i snying po ni bdud bzhi bcom
 pas na bcom ldan 'das so/ /da ltar byung ba'i tshul gyis rtag tu zhugs pas na thog ma'o/ /mdzod spu kun gyi gnas na bzhugs/ /zhes bya ba la sangs rgyas dang byang chub sems dpa' thams cad kyi skyes bu chen po'i mdzod spu ni mdzod spu kun no/ /de'i gnas ni thig le'i phyogs mdzod spu'i gnas su gyur
 pa'o/ /der yang dag par gnas pa ni de na gnas pa'o/ /gang gi stobs kyis na mdzod spu thams cad kyi gnas su yang dag par gnas she na/ ting 'dzin la ni rnam gzigs pas/ /'jig rten dbang phyug bdag po nyid/ /ces bya ba gsungs te chos thams cad rang bzhin gyis rnam
 par dag pa'o zhes so sor rtog pa ni rnam par gzigs pas so/ /rnam par gzigs pa de las ni stong pa nyid kyi ting nge 'dzin nges par bskyed pa'o/ /ting nge 'dzin de las ni gtso bo 'jig rten dbang phyug nyid de des bdag por gyur pa nyid ni rigs thams cad kyi rgyal po nyid do/ /de bas na
 'jig rten dbang phyug nyid kyi bdag po nyid du gyur pas na bcom ldan 'das spyi gtsug kun gyi gnas na yang dag par zhugs pa yin no/ /der zhugs nas ci zhig mdzad ce na/ sangs rgyas thams cad ces bya ba la sogs pa gsungs te/ sangs rgyas thams cad ni rnam par snang mdzad la sogs
 pa'o/ /sras bcas ni byams pa la sogs pa'o/ /rdo rje 'chang chen po ni rdo rje sems dpa' la sogs pa'o/ /de lta bu'i sangs rgyas thams cad dang rdo rje 'chang chen po ni mchog ste dam pa'o/ /rdo rje rin chen de yis ni phyag na gnas pa'i rdo rje rin chen des so/ /ni zhes bya ba'i sgra ni nges
 par gzung ba ste/ rdo rje rin chen de nyid kyis so/ /de tshe de la dbang bskur ro/ /zhes bya ba ni dus de'i tshe dbang bskur bar gyur pa'o/ /ci'i phyir zhe na/ rigs kun gyis dbang bskur phyir dang / /zhes bya ba gsungs te rigs kun ni nor bu'i rigs rnams so/ /de nas dbang bskur ba ni
 rigs kun gyis dbang bskur ba ste de'i 'og tu'o/ /de yang de bzhin gshegs pa thams cad la sogs pa rin po che'i rigs kyi ngo bor skyed par mdzad do zhes bya ba'i tha tshig go/ /de bzhin gshegs pa thams cad rin po che'i rigs der skyes pa la dgos pa ci yod ce na/ bsam pa thams cad
 rdzogs pa'i phyir/ /zhes bya ba gsungs te/ rig 'dzin la sogs pa'i dngos grub la sred pa skye ba ni gdul bya rnams kyi bsam pa thams cad de de yongs su rdzogs pa ni rig 'dzin la sogs pa'i dngos grub thob bo/ /don de'i phyir dbang bskur ba des sangs rgyas sras dang bcas pa thams
 cad dang rdo rje 'chang chen po'i dbang bskur zhing rin po che'i rigs kyi rang bzhin du mdzad pas na/ kun mchog kun la dbang bskur nas/ /shis par brjod pa 'di gsungs so/ /zhes bya ba dang / oM sarba zhes bya ba la sogs pa'i snying po gsungs pa yin no/ /de nas bzang po 'di
 gsungs shing / /legs par shis brjod dbang bskur bas/ /zhes bya ba ni snying po bzang po 'di gsungs pa'i rjes thogs nyid la shis pa brjod pa'i rang bzhin can gyi dbang bskur ba'i rgyud nas dbang bskur ba'o/ /rdo rje rin chen de las zhes bya ba ni bcom ldan
 'das nam mkha'i snying po'i phyag na gnas pa de las so/ /chos kyi gtso bo 'byung bar 'gyur/ /zhes bya ba ni so sor rtog pa'i ye shes ni chos so/ /de las byung ba dang de ston par byed pa dang / de thob par bya ba'i dbang bskur ba la sogs pa'i sems dpa' ni chos kyi gtso bo ste/ de dag
 snying po 'di gsungs pa'i rjes thogs nyid la de las byung ba yin no/ /byung nas de rnams kyis ci zhig mdzad ce na byung nas zhes bya ba la sogs pa smos te/ chos kyi gtso bo de rnams ni rdo rje rin po che chen po de las byung nas 'gro ba sems can gyi khams ma lus pa thams cad dang rin
 po che'i rigs kyi rang bzhin du bskyed par dbang bskur ro/ /ji ltar zhe na ci rigs par ni zhes bya ba smos te/ phyogs bcur rin po che'i rigs kyi dkyil 'khor bskyed nas/ de rnams dkyil 'khor du bcug pa'i cho gas bcug ste zhes bya ba'i tha tshig go/ /'gro ba thams cad dbang
 bskur ba ji tsam gyis dbang bskur zhe na/ rdo rje kun gyi dbang bskur bas/ /zhes bya ba gsungs te/ rdo rje kun ni 'phags pa nam mkha'i snying po la sogs pa'i nor bu'i rigs kyi lha rnams so/ /de rnams kyi dbang bskur ba ni dbang bskur ba thams cad de/ de rnams rdzogs par bya ba
 nyid du gyur pa'o/ /slar yang dkyil 'khor tshul gyis bzhugs/ /zhes bya ba ni de ltar rdo rje rin po che de la sogs pa chos kyi gtso bo de rnams byung nas sems can gyi don mdzad de phyogs bcu nas slar byon te dkyil 'khor gyi tshul gyis bcom ldan 'das 'phags pa nam mkha'i snying pos
 bskor nas zhugs pa yin no/ /'di skad ston pa yin te/ bcom ldan 'das rdo rje sems dpa' lha mo'i dkyil 'khor gyi tshul gyis 'dod chags kyis 'dod chags spangs pa'i gdul bya rnams kyi don mdzad nas gti mug zil gyis gnon pa'o/ /sems can gyi khams rnams la 'jig rten
 dbang phyug tu gyur nas so sor rtog pa mdzad pa yin no/ /de nas ser sna'i gnyen por gyur pa nor bu'i rigs ni nyi ma dang zla ba dang / skar ma'i gzugs can gyi nam mkhar gyur pa rdo rje rin chen bskyed de de las byang chub sems dpa' chen po nam mkha'i snying po'i skur zhugs nas de thams
 cad mdzad de rang gi snying po gsungs nas nyid kyi phyag na gnas pa'i rdo rje rin po che las rang gi dkyil 'khor gyi lha'i ngo bor gyur nas des sems can gyi khams thams cad nor bu'i rigs su bcug nas/ nor bu'i rigs las nor bu'i rigs kyi rang bzhin du mdzad nas slar byung ste/ de bzhin gshegs
 pa thams cad kyi thig le'i gnas su bzhugs nas de thams cad mdzad do/ /yang nor bu'i rigs kyi lha'i tshul gyis phyogs bcu nas byon pa'i dkyil 'khor gyi tshul gyis bzhugs pa yin no/ /de ltar de nas zhes bya ba nas brtsams te/ dkyil 'khor gyis kyang bzhugs pa yin no zhes bya ba'i
 bar gyi bshad pas ting nge 'dzin gnyis pa gsungs pa yin no/ /de nas bsdu ba sngon du 'gro ba ni gsum pa yin par shes par bya'o/ /de ltar nor bu'i rigs kyi ting nge 'dzin gsum gsungs nas/ da ni dam tshig dang dbang bskur ba thob pa rnams kyis bzlas brjod dang bsgom par bya'o
 zhes bya ba'i cho ga bstan pa'i phyir/ /bde gshegs kun gyis byin brlabs pas/ /zhes bya ba la sogs pa slob dpon gyi las kyi cho ga dang / slob ma 'jug pa la sogs pa'i las kyi cho ga rgyas pa gsungs pa yin no/ /rdo rje rin chen zhes bya ba ni rdo rje rin chen 'byung ba'i rgyur gyur pa dang /
 rdo rje rin chen gyis nye bar mtshan pa yin pa'i phyir rdo rje rin chen ni 'phags pa nam mkha'i snying po'o/ /'di'i gong na mchog tu gyur pa gzhan med pas bla na med pa'o/ /bcom ldan 'das 'phags pa nam mkha'i snying po la de bzhin gshegs pa thams cad kyis byin gyis brlabs te/
 rtog pa de gsungs pa yin no/ /rtog pa de gsungs pa gang yin na rtog pa 'di'i las ci zhig yin zhe na/ shin tu zhes bya ba la sogs pa smos te/ shin tu zhes bya ba ni thog ma dang tha ma med pa'o/ /dbang phyug kyang yin la chen po yang yin pas na dbang phyug chen po ste khams
 gsum pa'i chos kyi rgyal po nor bu'i rigs kyi rang bzhin can gyi rdo rje 'chang ba'o/ /de'i ngo bo nyid yin pas na dbang phyug chen po'o/ /shin tu yang yin la chen po yang yin pas na shin tu dbang phyug chen po'o/ /de yongs su rdzogs par gyur pa ni dngos
 grub mchog ste/ de stsol bar mdzad pas na shin tu dbang phyug chen po'i dngos grub mchog stsol to/ /nor bu'i rigs kyi dkyil 'khor la sogs pa sgrub pa dang / bsgrub par bya ba'i rtog pa zhes bya'o/ /de gsungs pa ni rtog pa de bka' stsal pa'o/ /dkyil 'khor chen po ni rdo rje
 sems dpa' phyi'i dkyil 'khor ro/ /gang gi phyi rol de dang 'dra ba de phyi'i dkyil 'khor chen po ste zhes bya'o/ /ni zhes bya ba'i sgra ni nges par gzung ba ste/ phyi rol ni dkyil 'khor chen po dang 'dra ba nyid yin no/ /nam mkha'i 'khor lor zhes bya ba nang gi dkyil 'khor chen po nam
 mkha' dang 'dra ba la nor bu'i dbyibs zur brgyad pa dang 'dra bar 'dug pa'o/ /de nyid kyi phyir nam mkha'i mdog can zhes bya ba la sogs pa gsungs te/ nam mkha'i mdog ni bai DUr+ya'i mdog ste mdog sngon po zhes bya ba'i tha tshig go/ /nyi ma dang zla ba ni nyi ma'i dkyil 'khor dang / zla ba'i
 dkyil 'khor gyis so/ /skar ma dang gza' rnams kyis brgyan par bri zhes bya ba ni nam mkha'i ngos la shar zhing 'jig rten na grags pa'i skar ma dang gza' rnams kyis kyang brgyan cing mdzes par bya ba'i nam mkha'i dkyil 'khor de yang dag par bri bar bya'o/ /de'i dbus zhes bya ba ni
 dbus ni dkyil 'khor gyi lte ba'i dbus su'o/ /nam mkha'i snying po ni zhes bya ba ni 'phags pa nam mkha'i snying po'o/ /ni zhes bya ba'i sgra ni nges par gzung ba ste nam mkha'i snying po nyid do/ /bdag nyid thams cad dgyes par gzhag /ces bya ba ni bdag nyid kyang yin la thams cad
 kyang yin pas na bdag nyid thams cad de/ bcom ldan 'das 'phags pa nam mkha'i snying po'i sku thams cad do/ /de la dgyes pa ni yid bde ba dang ldan pa gang yin pa de la bdag nyid thams cad dgyes pa zhes bya ba ste/ de gzhag cing dgod par bya'o/ /dag pa'i be+e DUr+ya'i mdog
 'dra ba/ /zhes bya ba ni rin po che be+e DUr+ya nag nog gi dri ma thams cad dang bral ba ni dag pa'i be+e DUr+ya ste/ de dang 'dra ba'i mdog 'di la mnga' bas na/ dag pa'i bai DUr+ya'i mdog 'dra ba/ /zhes bya'o/ /yang / de yi 'od zer 'bar ba sna tshogs [(]'khug[,]'khrug[) ]/ces bya ste/ gang gi
 'od zer kha dog sna lnga pas sna tshogs de nyid kun du 'khrug cing phan tshun khyab par byed pa de la de skad ces bya'o/ /yang de nyid/ g.yon pas rin chen thugs kar stod/ /ces bya ba phyag g.yon pas rdo rje rin chen gyi thugs ka'i phyogs su stod pa'i tshul gyis bsnams pa 'di la
 mnga' bas na/ g.yon pas rin chen thugs kar stod/ /ces bya ba la/ g.yas pas nor chen rab stsol ba/ /zhes bya ba de phyag g.yas pas yid bzhin gyi nor bu rin po che la sogs pa'i nor 'dod pa rnams la nam mkha'i khyab pa'i nor stsol ba 'di la mnga' bas na de skad ces
 bya'o/ /de'i zhes bya ba ni nam mkha'i snying po'o/ /ngos zhes bya ba ni phyogs thams cad du'o/ /sems can mchog ces bya ba ni sems dpa'i dam pa yin no/ /bzhi po gzungs bcas dam pa zhes bya ba ni sems dpa' mchog bzhi po rang gi rig pa'i lha mo dang bcas pa dam par gyur cing
 phul du byung ba dgod par bya'o/ /dbang bskur ba dang zhes bya ba ni go bar zad do/ /dkyil 'khor chen po'i tshul gyis ni/ /zhes bya ba ni rdo rje sems dpa'i dkyil 'khor chen por bshad pa'i tshul gyi cho ga rgyas pa ji bzhin bya zhes shugs kyi sbyang bar bya ste dkyil 'khor ji lta ba bzhin du
 bris la sgo dbye ba byas nas bsdu bar bya'o/ /de nas mtshan brgya rtsa brgyad pas bstod pa byas la/ spyan drang ba'i phyag rgyas spyan drangs nas mchod pa thams cad kyis yang dag par mchod la phyag byas nas sdom pa blangs te/ 'jug pa'i phyag rgya bcings nas bdag nyid dbang bskur
 bar bya ba 'di ni 'dir cho ga rgyas pa yin no/ /nor bu'i khu tshur gyis zhugs zhes bya ba ni rdo rje bsdams pa bcings la mthe bong gnyis mnyam por gzhi bas te mthe bong gnyis kyi rtse mo la mdzub mo gnyis kyi gdong gzhag pa 'di ni nor bu'i khu tshur te de lta bu'i nor bu'i khu tshur gyis zhugs pa'o/ /
 nam mkha' las byung zhes bya ba ni nam mkha'i snying po ni nam mkha' ste/ de las byung ba'i dam tshig ni nam mkha' las byung ba'o/ /nam mkha' las byung ba'i dam tshig de mchog yin pas na dam pa'o/ /zhugs nas dam tshig brjod par bya/ /zhes bya ba ni dkyil
 'khor du zhugs nas bcom ldan 'das la phyag byas la 'di skad ces brjod par bya'o/ /khyod ni nam mkha' las byung ba/ /zhes bya ba ni rdo rje rin chen nam mkha' ste de las khyod byung ba yin no zhes bya ba'i tha tshig go/ /thams cad kyi ni lnga pa yin/ /zhes bya ba ni rdo rje sems dpa'
 dang de bzhin gshegs pa dang / rdo rje dang pad+ma'i rigs ni thams cad de de'i lnga pa zhes bya ba lnga pa'i grangs bkod par byed pa'o/ /oM sid+d+hi hUM b+hu zhes bya ba ni sa'i 'jig rten gyi rang bzhin gyi dngos grub kyi bar ro/ /b+hu ba zhes bya ba ni bar snang gi dngos grub kyi bar du'o/ /sa zhes bya ba ni
 mtho ris kyi 'jig rten gyi ngo bo nyid kyi dngos grub kyi bar ro/ /badzra rat+na zhes bya ba ni 'phags pa nam mkha'i snying po 'di dbang bskur ba'i rin po che'i 'byor pa dang ldan pa'i lha mo'i rang bzhin grub pas so/ /bA bA zhes bya ba ni gter gyi rin chen dpal gyi lha mo grub pas so/ /Da
 Da zhes bya ba ni rig pa'i rgyal po nor bu chen po'i phun sum tshogs pa'i lha mo grub bo/ /taM zhes bya ba ni rig pa'i rgyal po bla na med pa zhes bya ba'i mchod pa'i lha mo'i rang bzhin grub pas kyang grub par mdzod ces gsol ba 'debs so/ /'di ni zhes bya ba ni bshad ma thag pa'i
 dam tshig gi sngags so/ /bzlas pa tsam gyis zhes bya ba ni sngon du bsnyen pa ste/ mtshan thog thag bzlas pa ma yin pas so/ /nam mkha'i snying po zhes bya ba ni nam mkha'i snying po la sogs pa'i dngos grub rnams ni dngos grub thams cad de dngos grub de thams cad la'o/ /phun
 sum tshogs pa kun la'ang shin tu ni/ /zhes bya ba ni rig pa'i lha mo rnam pa sna tshogs pa'i 'jig rten dang 'jig rten las 'das pa'i phun sum tshogs pa rnams ni phun sum tshogs pa kun te de rnams la shin tu zhes bya ba/ mnyam par grub 'gyur 'di ni the tshom med/ /
 ces bya ba/ bcom ldan 'das nam mkha'i snying po grub par gyur pa'o/ /de nas nor bu'i khu tshur chen po g.yas pa'i lcags kyus dgug par bya'o zhes bya ba'i dkyil 'khor bris nas sgo dbye ba byas la bsdu ba bya ba dang / mtshan brgya rtsa brgyad pa'i rjes thogs nyid la'o/ /de
 nas zhes bya ba la sogs pa la de ltar dgug par byas pa'i rjes thogs nyid la bcom ldan 'das byon nas don zhes bya ba nor bu'i rigs chen po'i rang bzhin nam mkha'i snying po grub par gyur pa ni nor bu'i rigs chen po grub par gyur pa'i tshul gyis 'grub par gyur pa'o/ /de kho
 na nyid mchog gi snying pos lan cig ces bya ba ni/ khyed ni nam mkha' las byung ba/ /thams cad kyi ni lnga pa yin/ /zhes bya ba nas/ b+h+ha ba da ha traM zhes bya ba'i bar ni de kho na nyid kyi mchog gi snying po ste/ de slob dpon gyis slob ma dkyil 'khor du zhugs pa na lan cig zlos
 su gzhug go/ /de nas 'byor pa'i mchog ces bya ba ni lha mo'i 'byor pa'i rang bzhin no/ /rtag par brtan pa'i dpal ni lha mo dpal mo'i rang bzhin no/ /phun sum tshogs pa ni lha mo shin tu phun sum tshogs pa'i rang bzhin no/ /mchod pa chen po ni lha mo mchod pa'i rang bzhin
 no/ /dngos grub rnams ni nam mkha'i snying po la sogs pa'i rang bzhin no/ /mchog ni dam pa'o/ /thob ces bya ba ni slob ma rnams kyis 'thob par 'gyur ba'o/ /bde bar gshegs pa shin tu zhes bya ba ni ji ltar de bzhin gshegs pa thams cad nor bu'i rigs
 chen po'i dngos grub brnyes pa de bzhin du slob ma dkyil 'khor du bcug nas dam tshig gi sngags bzlas na 'thob pa'o/ /yang 'di'i don brjod par bya ste gnas dang bdag bsrung ba byas na rdo rje 'khor lo'i phyag rgyas 'phags pa nam mkha'i snying po'i dkyil 'khor mngon
 sum dang 'dra ba mdun du bskyed la/ gal te 'byor na me tog la sogs pa dngos su mchod nas dkyil 'khor lnga pas phyag byas la phyag bzhi la sogs pa sngon du 'gro bas sdom pa gzung bar bya'o/ /de nas de bzhin du rdo rje thal mo la sogs pa nas dam tshig gi rdo rje khu tshur
 bcings pa'i bar gyi phyag rgya bcing ba thams cad bya'o/ /de nas sdig pa dral ba'i bar gyi cho ga thams cad rjes su spyad la/ rang gi snying ga'i zla ba la gnas pa'i rdo rje rin po che la bzlas par bya ba'i sngags yid kyis bris nas de nyid yid la zlos shing chos thams
 cad bdag med par bsgom par bya'o/ /de nas rang gi lha'i snying po de dbyangs kyi yi ge bcu drug dang bcas pa las rang gi sems zla ba'i dkyil 'khor lta bur bsam par bya'o/ /de'i steng du yang rang gi snying po ka la sogs pa nas k+Sha'i bar gyi gsal ba'i yi ge dang bcas pa la zla
 ba'i dkyil 'khor gnyis pa'o/ /yang de rang gi snying po dang bcas pa la dang po'i rdo rje de nyid rang gi lha'i mtshan ma'i phyag rgya'i gzugs su bsam par bya'o/ /rang gi lha'i mtshan ma'i phyag rgya'i nang du rang gi phyag rgya'i nga rgyal bsgom par bya'o/ /de nas sems dpar byin gyis rlob
 pa'i sbyor bas rang gi lha'i phyag rgya rdo rje sems dpar bdag nyid bsams la yang rang gi lha'i snying po zlos shing rdo rje sems dpar rang gi lha'i skur bsgom par bya'o/ /de nas sa ma ya ho haM zhes brjod do/ /de nas rang gi lha'i dam tshig gi phyag rgya bcings la sa ma ya haM zhes brjod do/ /
 yang sa ma ya sa twa a d+hi tiSh+Tha swa mAM zhes brjod cing snying ga dang dpral ba dang lkog ma dang spyi bor byin gyis brlab par bya'o/ /de nas rang gi lha'i dam tshig gi phyag rgya bcings la rang gi lha'i snying po a'i mtha' can brjod nas mdun du sna tshogs pad+ma la rang gi lha'i mtshan ma'i phyag rgya
 bsams la snying po de zlos shing phyag rgya'i nga rgyal bsgom par bya'o/ /de nas rang gi snying po brjod de/ phyag rgya de rang gi lha'i skur bdag nyid bsgom par bya'o/ /de nas der rin chen lcags kyu ma la sogs pa'i las kyi phyag rgya rnams kyis rang gi lha dgug pa dang / gzhug pa dang bcing
 ba dang dbang du byas la rang gi dam tshig gi phyag rgya dang rang gi snying po brjod cing dr-i sh+ya zhes kyang brjod la blta bar bya'o/ /de nas dril bu dang spyan drang ba'i phyag rgyas spyan drangs la rang gi lha rang gi sngags kyis rang gi lus la bcug la rang gi dam tshig gi phyag rgya bcings te/ sa ma ya s+t+waM
 zhes brjod cing 'od kyi dkyil 'khor bskyed la sa ma ya s+t+waM a haM dzaHhUM baM hoHzhes bya ba dang rang gi lha'i snying po'i mthar lan gsum brjod la rang gi lhar bsgrub par bya'o/ /de nas chos dang las dang phyag rgya chen pos rgyas btab la rang gi snying ga'i zla bar yid kyis zhugs la rdo rje 'khor
 lo'i phyag rgya nor bu'i rigs kyi dkyil 'khor bskyed la 'jug pa'i cho gas me tog gi phreng ba blangs te zhugs nas rang gi mgo bor me tog gi phreng ba dor bar bya'o/ /de nas dngos grub kyi rdo rje brtul zhugs blangs pa'i bar gyi cho ga rnams byas la/ 'phags pa de kho na nyid bsdus pa las gsungs
 pa'i nor bu'i rigs chen po'i rnal 'byor chen po bsgrub par bya'o/ /de nas dang po'i rdo rje snga ma bzhin du byin gyis brlabs nas yi ge brgya pas brtan par byas la de kho na nyid dang chos dang dam tshig bzung ba'i bar gyi rang gi cho ga rnams rjes su spyad de snga ma bzhin du snying po gsum brjod nas
 don gsum rnam par bsgom ste/ rang gi snying gar gnas pa'i rdo rje rin po che la bzlas par bya ba'i snying po yid kyis bris la/ dngos grub chen po kun gyi mchog /dbang phyug chen po bdag po mchog /rdo rje snying khyod bdag gyur cig /ces brjod la nyin re bya ba'i sbyor bas lha thams
 cad kyi bzlas brjod 'bum 'bum bya'o/ /de ltar na sngon du bsnyen pa byas par 'gyur ro/ /yang na rdo rje 'khor lo'i phyag rgya rang gi snying gar dkyil 'khor sprul la lha thams cad kyi snying po zlos shing yid kyis bkod la snga ma bzhin du snying po gsum zlos shing don gsum bsgoms la
 bdag ni 'phags pa nam mkha'i snying po'i dkyil 'khor gyi rang bzhin yin no zhes nga rgyal bskyed nas lha thams cad kyi thugs ka'i zla ba la rdo rje rin po che der bcom ldan 'das 'phags pa nam mkha'i snying po yid kyis bris la/ de nyid zlos shing don dam par lha thams cad kyi ngo bo nyid du
 ji srid nyin re zhing dkyil 'khor gyi rang bzhin du bdag nyid bsgom pa'i dus su mngon sum nyid du mthong bar gyur pa de srid kyi bar du bsgom par bya'o/ /de lta bus ni lhag par yang sngon du bsnyen pa byas par 'gyur ro/ /de nas ting nge 'dzin gsum bsgom pa nas brtsams te yang zhag
 bdun bsgom par bya'o/ /de nas nyin re'am zla ba re rer dkyil 'khor bri bar bya'o/ /de la dang por khyed re zhig yo byad thams cad dang ldan pas mngon par 'dod pa'i dkyil 'khor gyi sa'i dbus su 'dug la/ rdo rje me ltar 'bar bar snyoms par 'jug pa
 las langs te/ bgegs bsal ba la sogs pa byas la mchod pa rnam pa lnga dang mchod yon dang las thams cad pa'i chu snod la ba zlas brjod byas nas rdo rje las nor bu rin po che'i rigs kyi dkyil 'khor sprul la phyag btsal ba la sogs pa sngon du 'gro bas de bzhin du sdom pa bzung
 ste/ snga ma bzhin du rnal 'byor chen po byas la de nas cho ga thams cad rjes su spyad la/ de kho na nyid dang chos dang dam tshig bzung nas ji lta ba bzhin du ri rab bskyed de/ de'i steng du rdo rje 'khor lo'i dkyil 'khor bskyed la dkyil 'khor gyi dbus su 'dug ste sngar bshad pa'i
 spro ba bskyed pa la sogs pa'i cho ga rnams byas la/ lus thams cad kyis phyag byas nas ting nge 'dzin gsum po de bzhin du bsgom par bya'o/ /de nas bcom ldan 'das nam mkha'i snying po'i phyag rgya chen po bcings la de'i snying po zlos shing / dbang phyug chen po dngos grub
 mchog / rtog pa thams cad bshad du gsol/ /zhes bya bas de bzhin gshegs pa thams cad kyi dkyil 'khor bri bar bya ba'i phyir bdag nyid la gsol ba btab par bsam par bya'o/ /de nas snga ma bzhin du rang gi dam tshig gi phyag rgyas rang gi snying po zlos shing dkyil 'khor
 bteg la bar snang gi phyogs su bzhag nas de nyid dang rang gi snying pos snying ga dang / dpral ba dang / lkog ma dang / spyi bor bdag nyid byin gyis brlabs nas yang phyag rgya chen po bcings la/ badzra dr-iSh+Ta ma Ta zhes bya ba mig gnyis su bkod la/ a zhes bya ba las rang gi
 rkang mthil gnyis su sna tshogs rdo rje bsams la rkang mthil gnyis kyis mnan pa'i ri rab kyi steng nas brtsams te/ sa gzhi gtan pa la thug gi bar du rdo rje'i rang bzhin du 'gyur ro/ /phyag rgya la gnas de bzhin gnas/ /kun du rnam par bltas nas ni/ /snying po kun tu
 zlos byed cing / /bsgyings pa'i tshul gyis yongs su bskor/ /lhag ma rnams ni snga ma bzhin du shes par bya'o/ /de nas nor bu mchod pa'i gzugs can rdo rje las lta bu'i sgrub pa'i grogs mchog rang gi snying ga nas yid kyis phyung la sngar bshad pa'i cho gas phyi'i dkyil
 'khor thig gdab par bya'o/ /de nas dum bu dang po las bshad pa'i thig gdab pa'i cho gas nang gi dkyil 'khor nor bu zur brgyad pa'i dbyibs can nor bu'i ka ba brgyad dang ldan pa/ rin po che'i myu gus yongs su bskor ba rdo rje rin po che'i ra ba dang rtse mo dang ldan pa'i thig legs par
 btab la/ de bzhin du khro bo'i lta bas sgo rnams bskyed la tshon rtsi dgye bar bya'o/ /dkyil 'khor gyi phyi nang du bcas pa'am/ de'i nang gi dkyil 'khor gyi sa gzhi tshon rtsi sngon pos nam mkha'i me tog ltar sngo ba byas la nyi ma dang zla ba dang skar mas brgyan par bya'o/ /de nas nang gi
 dkyil 'khor gyi lte ba'i phyogs su bcom ldan 'das nam mkha'i snying po bai DUr+ya sna tshogs pad+ma'i steng du sems dpa'i skyil mo krung gis bzhugs pa/ g.yon pa'i rin po che'i khu tshur gyis rang gi thugs ka'i phyogs su rdo rje rin po che bsnams nas stod pa'i tshul gyis 'dzin pa la brtson pas
 phyag g.yas pas rin po che'i mchog stsol ba/ rin po che'i cod pan gyis dbang bskur ba/ 'od zer 'bar ba sna tshogs kun du 'khrug pa/ thugs rab tu dgyes pa'i tshul can dgod par bya'o/ /de'i mdun du 'dod chags rdo rje ma'i gnas su dbang bskur ba'i rin po che'i cod pan gyis dbang bskur ba/ phyag
 g.yas kyis rin po che'i cod pan bsnams pa/ g.yon pas gdan la bsnyems pa'i tshul gyis bzhugs pa'o/ /de'i g.yas logs su kI li kI la'i gnas su gter rin po che/ rin po che'i bum pa bsnams pa'o/ /de'i rgyab tu rdo rje dran pa'i gnas su nor bu chen po phyag
 g.yas pa na rdo rje rin po che bsnams pa g.yon pas rang gi thugs kar glegs bam bsnams pa'o/ /g.yon du rdo rje bsnyems pa'i gnas su bla na med pa zhes bya ba/ phyag g.yon pa nor bus mtshan pa'i sna tshogs rdo rje dril bu bsnams nas dkur brten par bzhugs pa/ phyag
 g.yas pas rang gi thugs kar sna tshogs nor bu rang gi thugs kar stod pa'i tshul gyis 'dzin cing bzhugs pa'o/ /me'i mtshams su lha mo rnal 'byor ma zhes bya ba rin po che'i cod pan 'chang ba'o/ /bden bral gyi mtshams su dpal mo rin po che'i bum pa
 bsnams pa'o/ /rlung gi mtshams su lha mo shin tu phun sum tshogs ma zhes bya ba yid bzhin gyi nor bu'i rgyal mtshan dang dbu rgyan bsnams nas bzhugs pa'o/ /dbang ldan gyi mtshams su lha mo mchod ma zhes bya ba rin po che'i gzhong zlum rgyan thams cad kyis yongs su brgyan
 cing bkang ba bsnams nas bzhugs pa bri bar bya'o/ /rin po che'i sgeg mo la sogs pa nas rin po che'i dril bu ma'i bar du ni rdo rje sems dpa'i dkyil 'khor las gsungs pa'i snying po rang rang gi mtshan nor bus mtshan pa thogs pa bri bar bya'o/ /de nas bcom ldan 'das
 nam mkha'i snying po la sogs pa'i snying po bshad do/ /oM sarba badzra a d+hi pa ti s+t+waM a b+hi Shiny+tsa mi b+hur b+hu ba swaH/ badzra satwa dzaH/ badzra rat+na hUM/ badzra d+harmA baM/ badzra karma hoH/ badzra a b+hi Shiny+tsa ma hA badzra ni d+ha ri hUM/ badzra ma Ni rat+na d+h+wa dzA gra ke yU re baM ma hA badzra ma hA ma he ho/ zhes bya ba 'di
 ni bcom ldan 'das nam mkha'i snying po nas brtsams te/ mchod pa'i lha mo'i bar gyi snying po yin no/ /'di dag thams cad kyang mar gad dag cing rnyog pa med pa'i rigs can rdo rje rin chen gyi rang gi cod pan gyis dbang bskur ba rin po che'i mtshan ma bsnams pa sna
 tshogs pad+ma la sems dpa'i skyil mo krung gis rab tu dgyes par bzhugs ma nam mkha'i snying po nas brtsams te/ nor bu'i dril bu'i bar du bri bar bya'o/ /de ltar dkyil 'khor bris nas phyi dro'i dus su sngar bshad pa'i hUM mdzad kyi sbyor bas sgo dbye ba byas la bsdu ba
 dang mtshan brgya rtsa brgyad pas bstod pa byas nas/ bcom ldan 'das nam mkha'i snying po'i mdun du sems dpa'i skyil mo krung gis 'dug ste/ nor bu'i dam tshig gi khu tshur rin po che'i dril bu dang bcas pa'i g.yas pa'i mdzub mo lcags kyu dang sngags 'dis bcom
 ldan 'das 'khor dang bcas pa dkyil 'khor du gzhug par bya'o/ /oM b+hu a hi dza b+hu ba pra thi sha hUM swa gri na phaM ba bat+ta sid+d+h+ya traM/ de nas nor bu'i gnod sbyin gyi dam tshig gi phyag rgyas bgegs bsal ba la sogs pa byas la/ rdo rje khu tshur gyis sgo rnams bcad de
 rdo rje go chas bsrung ba thams cad go bgos la 'phags pa nam mkha'i snying po'i sngags kyis bcom ldan 'das 'khor dang bcas pa la mchod yon phul te rang gi dam tshig gi phyag rgyas bcom ldan 'das bsgrub par bya'o/ /oM sarba badzra a d+hi pa ti twaM a b+hi Shiny+tsa mi b+hur b+hu
 ba swaH dr-i sh+ya sa ma ya s+t+waM haM dzaHhUM baM hoH/ oM badzra a d+hi pa ti s+t+waM a b+hi Shiny+tsa mi b+hur b+hu ba swaH/ zhes lan gsum brjod par bya'o/ /de bzhin du badzra g+haN+Te hoH/ dr-i sh+ya sa ma ya s+t+waM sa ma ya s+t+waM sa ma yaM s+t+waM a haM dzaHhUM baM hoH/ badzra g+haN+Te hoH/ zhes bya ba'i bar du lan gsum bzlas la/
 bcom ldan 'das lha mo dril bu ma'i bar du rang gi dam tshig gis bsgrub par bya'o/ /de nas bcom ldan 'das 'khor dang bcas pa rnams chos dang las dang phyag rgya chen po rnams kyis rgyas btab la/ rdo rje rin chen gyis dbang bskur ba'i phyag rgyas bcom ldan 'das
 'khor dang bcas pa la dbang bskur nas yang mchod yon phul la bum pa gang ba dang / ji snyed pa'i me tog la sogs pa'i phyi'i mchod pa rnams dang rin po che'i mtshon cha ma la sogs pa phyag rgya'i mchod pa bcu gnyis kyis rin po che'i khu tshur gnyis las byung bas yang dag
 par mchod la/ oM pa ra ma su kha a sha ya su la li ta bi la sa na mi te ra na ma maM b+ha ga wAn+taM dzaHhUM baM hoH/ hi hi hi hi pra tIts+tsha ku su mAny+dza li nA tha zhes bya ba glu dang bcas pa zlos shing bcom ldan 'das la mgo bos phyag byas la phyag bzhi bya'o/ /de nas phyi rol du
 g tor ma byin la nye reg byas nas nor bu'i gnod sbyin dang rdo rje me dang 'dod pa'i rdo rje mas cho ga bzhin du sbyin sreg byas la thab kyi dbus su dkyil 'khor 'di bcom ldan 'das nam mkha'i snying po zlos shing me tog gis bzhugs su gsol nas bcom ldan 'das kyi snying
 pos mar gyi sbyin sreg brgya rtsa brgyad dbul lo/ /lhag ma rnams la ni rang gi snying po zlos shing sreg blugs bdun bdun dbul lo/ /de nas yang dkyil 'khor de me tog dang lha thams cad kyi snying po zlos shing bris pa'i dkyil 'khor dang gcig tu gyur par
 bsam mo/ de nas phyag btsal ba la sogs pa sngon du 'gro bas sdom pa blangs la de bzhin du byang chub kyi sems chen po bskyed nas rang gi snying gar rin po che bskyed la shar sgor bltas te phyi rol na gnas pa'i bum pa'i chus bdag nyid la dbang bskur la rdo rje nor bu'i dam tshig gi khu tshur
 gyi phyag rgya bcings te/ de nyid kyis me tog gi phreng ba blangs la 'jug pa'i glu len cing rdo rje nor bu'i dkyil 'khor du 'jug par bya'o/ /de nas 'di yin te/ dbang phyug dam pa dbang bskur thams cad nyid/ /mi zad gter gyi dam pa legs grub mdzod/ /rgyal mdzad
 kun mchog rnam rgyal bsgreng mdzad pa/ /rdo rje rin chen dpal mchog mchog bdag mdzod/ /rin po che'i lcags kyu ma'i snying pos bdag nyid dgug par bya'o/ /de nas de bzhin du rin po che'i snying po zlos shing lho phyogs kyi sgo nas 'jug par bya'o/ /de nas rin po che
 lcags sgrog ma'i snying po zlos shing nub phyogs kyi sgo nas 'jug par bya'o/ /de nas de bzhin du rin po che dril bu ma'i snying po zlos shing byang phyogs kyi sgo nas 'jug par bya'o/ /yang shar phyogs kyi sgo nas zhugs la oM pa ra ma su kha a sha zhes bya ba la sogs pa zlos
 shing bcom ldan 'das la mgo bos phyag byas la dam tshig brjod par bya'o/ /khyod ni nam mkha' las byung bas/ /thams cad kyi ni mchog gyur yin/ /oM sid+d+ha b+hu ba sid+d+ha swa d+ha ma hA badzra rat+na b+ha ba traT taM/ de nas dkyil 'khor la bskor ba lan gsum byas la bcom ldan
 'das kyi spyan sngar 'dug ste 'di skad ces brjod par bya'o/ /'dod chags chen po bde ba che/ /rdo rje chen po nor che ba/ /ye shes chen po las che ba/ /rdo rje sems thog bdag grub mdzod/ /de nas 'di skad ces brjod par bya'o/ /dzaHhUM baM hoH/ pra sid+d+ha maM/ de nas
 rdo rje chu 'thungs la a zhes bya ba lan brgya zlos shing bdag nyid la dbab par bya'o/ /de nas g.yas pa'i khro bo khu tshur gyis rdo rje nor bu dral zhing A zhes bya ba 'phags pa nam mkha'i snying po dang bcas pa lan brgya zlos shing dbab par bya'o/ /de ltar bdag nyid la dbab
 pa byas nas rang gi snying pos me tog dor bar bya'o/ /des ni blangs te nam mkha'i snying po nyid kyis rang gi mgo bo la bcing bar bya'o/ /de nas de nyid kyis gdong g.yogs dgrol bar bya'o/ /de nas de nyid zlos shing dkyil 'khor blta bar bya'o/ /de nas 'jug
 pa'i phyag rgya bcings la tiSh+Tha badzra zhes bya ba la sogs pa rang gi snying gar dgrol bar bya'o/ /de nas bcom ldan 'das kyi phyag rgya chen po bcings la bsnyems pa dang bcas pas dpral bar 'jog pas lta ba'i rgyu bzhin du 'dzum pa dang bcas pas bcom ldan 'das
 la lta zhing ji srid bcom ldan 'das kyis mthong bar stsal nas rang gi dngos grub thams cad stsal bar mdzad pa de srid kyi bar du bzlas brjod bya'o/ /de nas rdo rje thal mo bskor ba shis pa brjod pa'i tshul du rang gi snying gar bzhag la mtshan brgya rtsa brgyad pas bcom
 ldan 'das la bstod pa bya'o/ /de nas rin po che'i mtshon cha ma la sogs pas gsang ba'i mchod pa bzhis bcom ldan 'das la yang dag par mchod la/ bdag nyid dbang bskur ba la sogs pa'i cho ga thams cad snga ma bzhin du rjes su spyad par bya'o/ /
 slob dpon gyi las kyi cho ga rdzogs so// //de nas slob ma 'jug pa la sogs pa'i cho ga 'byung ste/ rdo rje mchod yon bskor bcings nas/ /snying nas bsam pa thag pa yis/ /mgo bos yang dag phyag bya ba/ /dngos grub thams cad sgrub byed
 yin/ /zhugs nas dkyil 'khor lan gsum ni/ /bskor ba byas nas brjod par bya/ /'dod chags chen po bde ba che/ /'gro ba kun las 'grub par mdzod/ /de nas dus kyi mchod pa yis/ /de bzhin gshegs pa yang dag mchod/ /de bzhin nyid
 dbang rdo rje ni/ /bzung ste slob ma gzhug par bya'o/ /de nas slob ma bslab pa'i gzhi lnga'am/ dge tshul lam dge slong gi bslab pa dang ldan pas slob dpon la phyag btsal la/ dga' chen bdag nyid ston pa bas/ /zhes bya ba la sogs pa
 brjod par bya'o/ /de nas nor bu'i gnod sbyin yongs su bzlas pa'i gos kyis stod g.yogs dang smad g.yogs la yang nor bu'i gnod sbyin dang sgo srung ma'i snying po bzlas pa'i dar gyis gdong g.yogs te me tog gi phreng ba btags pa dang / kha dri zhim por yang byas la slob ma
 phyag bzhi byed du yang gzhug go/ /de nas snga ma bzhin du rang gi dam tshig 'dzin du gzhug go/ /de nas de bzhin du byang chub chen po'i sems bskyed du bcug la/ g.yas pa'i rin po che'i khu tshur gyis rdo rje rin po che blangs la de'i snying gar bzhag nas/ slob ma'i snying gar rdo rje
 rin po che bskyed nas/ su ra te sa ma ya s+t+waM ho/ badzra sid+d+hi ya thA su khaM zhes brjod par bya'o/ /de nas phyi rol na gnas pa'i bum pa'i chus dbang bskur la/ yon gyi mchog blangs te/ 'phags pa nam mkha'i snying po'i dam tshig gi phyag rgyas de 'phags pa nam mkha'i snying
 po bskyed de/ dang po'i rdo rjes badzra satwa/ badzra rat+na/ badzra d+harma/ badzra karma zhes bya bas byin gyis brlabs la/ nor bu'i khu tshur gyis dam tshig gi phyag rgya me tog dang bcas pa 'ching du gzhug go/ /de nyid kyis me tog gi phreng ba 'dzin du bcug la slob dpon
 'jug pa'i cho ga dang / rdo rje shugs kyis 'jug pa'o/ /de nas bcug la 'di skad ces brjod par bya'o/ /khyed ni nam mkha' las byung bas/ /thabs kun gyi ni mchog gyur yin/ /oM sid+d+ha su sid+d+h+ya ma hA badzra rat+na b+ha ba traT traM zhes smos shing de 'jug pa la sogs pa'i cho
 ga thams cad 'dir rjes su spyad par bya'o/ /de ltar slob ma bcug nas dbang bskur te/ chos kyi phyag rgya la sogs pa bsgrub par bslab par bya'o zhes bya ba 'di brtan par bya ba'i phyir/ de nas de phyir zhes bya ba la sogs pa gsungs te/ de nas zhes bya ba'i sgra ni de ma
 thag pa ste/ dbang bskur ba'i rjes thogs nyid la'o/ /de'i phyir zhes bya ba ni rgyu ste/ gang gi phyir sgrub par byed par chos kyi phyag rgya la sogs pa 'byung bar mi 'gyur bas rgyu de'i phyir sgrub pa bshad do zhes bya'o/ /rdo rje rin chen ni nam mkha'i snying po ste de'i phyag rgya'i mchog ni dam
 pa ste/ rdo rje rin chen gyi phyag rgya'i mchog des dpag tu med pa bzlas pas 'grub ces bya'o/ /nam mkha' dang mnyam pa'i ye shes kyi rang bzhin can bcom ldan 'das nam mkha'i snying po zlos shing / zhes bya ba chos kyi phyag rgya sgrub pa pos bsgrub par bya'o/ /ji snyed
 pa yis rab tu grub/ /ces bya ba ni 'phags pa nam mkha'i snying po'i rgyan ji snyed pas rnam par brgyan pa la rab tu bsgrub pa'o/ /'di yis zhes bya ba la sogs pa ni go sla'o/ /de ltar kun mchog grub pa yin/ /zhes bya ba ni bshad ma thag pa ji ltar grub pa de bzhin
 du phyag rgya chen po dang dam tshig gi phyag rgya dang / chos kyi phyag rgya dang / las kyi phyag rgya sgrub pa rnams ni chos kyi phyag rgyas bsgrubs pas kyang / kun gyi mchog dngos grub chen po rnams 'grub par 'gyur ro zhes ston to/ /phyag rgya chen po bsgrub par ji ltar shes par bya zhe na/
 phyag rgya bsgrub pa ni dga' ba'i bya bas so zhes bya ba gsungs te/ phyag rgya chen po bsgrub pa ni rab tu dga' ba'i sems kyis bya'o zhes bya ba'i tha tshig go/ /dam tshig sgrub pa yang de bzhin no zhes bya ba ni ji ltar phyag rgya chen po bsgrub par bya ba'i sems kyis bya ba de bzhin
 du dam tshig gi phyag rgya yang sgrub pa po zhes bya ba'i tha tshig go/ /dam tshig gi phyag rgya zhes bya ba ni dam tshig gi phyag rgya bsgrub par 'dod pas cho ga thams cad rjes su spyad la rin po che dam tshig gi khu tshur bcing bar bya'o/ /de nas rang gi lha'i dam tshig gi phyag rgya bcings la
 bzlas pa bya'o zhes bya ba'i tha tshig go/ /de bzhin du las grub na zhes bya ba ni dga' ba'i bya ba las kyi phyag rgya bcings la bzlas brjod bya'o zhes bya ba'i tha tshig go/ /rab tu mchod cing zhes bya ba ni rin po che mtshon cha ma la sogs pa'i mchod pa'i phyag rgya bcu gnyis kyis
 bdag nyid dam mdun na bzhugs pa'i lha la yang dag par mchod de/ de rnams yid kyis bdag gam lha la rgyun du mchod cing bsgrub par byas te/ de ltar las kyi phyag rgyas dngos grub kyi mchog 'grub par 'gyur ro/ /sgrub pa chen po'i rgyud do zhes bya
 ba ni chos kyi phyag rgya dang phyag rgya chen po dang / dam tshig gi phyag rgya dang las kyi phyag rgya ni phyag rgya chen po'o/ /de bsgrub pa ni sgrub pa chen po'o/ /de ltar ston par byed pa'i sgra'i tshogs ni rgyud do/ /'dis ni 'di skad ston pa yin te gnas dang bdag bsrung ba byas nas rdo rje 'khor
 lo'i phyag rgyas dkyil 'khor sprul la phyag bya ba la sogs pa rang gi nus pa dang rjes su mthun par byas nas rdo rje thal mo dang rdo rje bsdams pa bcing bar bya'o/ /de nas rdo rje bsdams pa snying gar dral bar bya'o/ /de nas rdo rje 'bebs pa bskyed la rang gi snying gar phyag rgya dgrol bar
 byas nas/ dam tshig gi khu tshur rdo rje bcing bar bya'o/ /de nas sdig pa dral ba'i phyag rgya bcings la sdig pa rnams dral bar bya'o/ /de nas rang gi snying gar zla ba la rdo rje rin po che de'i dbus su rang gi snying po yid kyis bris la/ de nyid yid la zlos shing chos thams cad bdag
 med par bsgom par bya'o/ /de nas snying po 'di nyid nam mkha'i phyogs su bsams la de dbyangs kyi yi ge bcu drug dang bcas pa las rang gi sems zla ba'i rnam par bsam par bya'o/ /de'i steng du yang snying po ka la sogs pa dang bcas pa la zla ba'i dkyil 'khor gnyis
 pa bsam mo/ /yang de'i rang gi snying po dang bcas pa las dang po'i rdo rje de nyid rdo rje rin chen la sogs pa rang gi lha'i mtshan ma de'i dbus su bzlas par bya ba'i snying po rnam par bsam ste/ de nyid yid la zlos shing rang gi lha'i phyag rgya'i nga rgyal bsgoms te phyag rgya'i
 g zugs las nor bu'i rigs thams cad sprul la des phyogs bcu'i 'jig rten gyi khams thams cad nor bu'i rigs kyi gzugs su bskyed de mchod pa thams cad kyis yang dag par mchod nas nor bu'i rigs chen po dkyil 'khor du bcug la dkyil 'khor gyi tshul gyis
 bkod de rang gi mtshan ma der yid kyis bcug la de yang sems dpar byin gyis brlabs pa'i sbyor bas rdo rje sems dpar bdag nyid bsams la rdo rje sems dpa' de nyid du rang gi snying po zlos shing rang gi lha'i skur bsgoms la/ ma hA sa ma ya sa twa haM zhes brjod do/ /de nas rang gi
 lha'i dam tshig gi phyag rgya bcings te/ sa ma you0f85haM zhes kyang brjod do/ /de nas sa ma ya satwa a d+hi tiSh+Tha swa mAM zhes bya ba dang / rang gi dam tshig gi phyag rgya de nyid kyis snying ga dang dpral ba dang lkog ma dang spyi bor byin gyis brlab par bya'o/ /de nas de bzhin du ye shes s
 ems dpa' rin po che'i lcags kyu ma la sogs pas dgug pa dang / gzhug pa dang bcing ba dang / dbang du byas la rang gi lha'i dam tshig gi phyag rgya bcings te rang gi snying po'i mthar dr-i sh+ya zhes zlos shing blta bar byas la sngar bshad pa'i spyan drang ba'i phyag rgya rang gi snying po dang
 bcas pas rang gi lus la bcug la/ rang gi lha'i dam tshig gi phyag rgya bcings la sa ma ya s+t+waM zhes brjod cing 'od kyi dkyil 'khor bskyed la sa ma ya s+t+waM a haM dzaHhUM baM hoH/ zhes bya ba'i mthar rang gi snying po dang bcas pa bzla bar bya'o/ /de nas chos dang las dang phyag rgya
 c hen po bcings la dzaHhUM baM hoHzhes brjod cing yid kyis legs so zhes bya ba'i sbyor bas 'phags pa de kho na nyid bsdus pa las gsungs pa'i tshul gyis rang gi lus la sangs rgyas thams cad bcug ste dam tshig gi phyag rgya rnams kyis bsgrubs nas chos dang las dang phyag rgya
 chen pos rgyas btab la dang po'i rdo rje sems dpa' snga ma bzhin du byin gyis brlabs te dbang bskur ba'i phyag rgya rnams kyis dbang bskur nas rdo rje rin po che dang bdag po dang ming gis dbang bskur ba blangs la/ dngos grub kyi rdo rje brtul zhugs blang bar bya'o/ /de nas rin po
 che'i mtshon cha ma la sogs pas gsang ba'i mchod pa bzhis bdag nyid la mchod la de kho na nyid dang chos dang las dang dam tshig bzung nas/ dngos grub chen po kun gyi mchog /dbang phyug chen po bdag po'i mchog /rdo rje snying khyod bdag gyur cig /ces brjod la/ rang
 gi lce la rdo rje dkar po bsam zhing rang gi snying po yang rnam par bsams la yang snying po der rang gi snying gar gnas pa'i rdo rje rin po che bsams nas de nyid zlos shing ji srid zla ba gcig tsam lon pa de nyid kyi bar du nyin re bsgom par bya'o/ /de nas rang gi lha'i
 rgyan dang cha lugs dang 'dra bar byas la zla ba gcig tsam bsgoms te mthar mtshan thog thag bsgoms na nang par rang gi lha'i gzungs dang / ji skad du bshad pa'i yon tan rnams dang ldan par 'gyur ro/ /gal te phyag rgya chen po bsgrub par 'dod na/ ji skad du bshad pa'i
 cho ga thams cad rjes su spyad la/ phyag rgya chen po bcings te rang gi snying gar gnas pa'i rdo rje rin po che la rang gi lha'i snying po bsams la/ yid rab tu dga' bas de bzhin du zla ba gcig tsam gyi bar du bsgoms la/ mthar zla ba nya la mtshan thog thag bsgoms na nang par
 sngar bshad pa'i 'bras bu thob par 'gyur ro/ /gal te dam tshig gi phyag rgya bsgrubs na ni de bzhin du cho ga thams cad rjes su spyad la dam tshig gi phyag rgya bcings te mthar mtshan thog thag bsgoms na de lta bus ni sngar bshad pa'i 'bras bu thob par 'gyur ro/ /gal te las kyi
 phyag rgya bsgrub par 'dod na de bzhin du cho ga thams cad rjes su spyad la/ rin po che'i mtshon cha ma la sogs pa'i mchod pa'i phyag rgya bcu gnyis kyis yang dag par mchod nas rang gi snying gar sna tshogs rdo rje bskyed nas de'i steng du rang gi lha'i snying po bris la rang gi lha'i las kyi phyag rgyas
 bcings la ji srid mtshan ma thob par gyur pa de srid kyi bar du sngar bshad pa'i tshul gyis bsgom par bya'o/ /de nas de bzhin du zla ba nya ba'i dus su mtshan thog thag bsgom par bya'o/ /de nas nang par sngar bshad pa'i yon tan rnams dang ldan pa'i rdo rje snying po dang 'dra bar 'gyur
 ro/ /de ltar slob ma gzhug pa la sogs pa'i las kyi cho ga rnams bstan nas da ni dam tshig dang dbang bskur ba thob pa nyid la slob dpon gyi las kyi bsgrub pa'i ye shes bslab par bya'o zhes bya ba'i cho ga bstan par bya ba'i phyir de nas zhes bya ba la sogs pa gsungs pa yin te/ de
 nas zhes bya ba'i sgra ni de ma thag pa ston par byed pa'i tshig yin te sngon du bsnyen pa byas nas mtshan thog thag bzlas pas ji ltar mngon par 'dod pa'i don bsgrub pas na/ gang gi tshe 'grub par ma gyur pa de'i tshe rjes thogs nyid la 'byor pa thams cad dgug pa la sogs pa'i las 'di dag
 thams cad rnal 'byor pas bsgrub par bya ba yang yin no/ /gang gi phyir zhes bya ba ni rgyu ste gang gi phyir las kyi bsgrub pa 'dis 'phags pa nam mkha'i snying po nyid du gyur pa'i rgyu des na 'byor pa thams cad dgug pa dang bsgrub pa la sogs pa'i las rnams kyi rgyun te rab 'byams dag pa
 ste/ mchog tu gyur pa rab tu phye ste bshad par bya'o zhes bya'o/ /dngos grub chen po kun grub pa/ /go rims ji bzhin rab bshad bya/ /zhes bya ba ni bshad zin to/ /'di lta ste zhes bya ba ni nye bar ston pa'i don to/ /'byor pa thams cad dgug pa dang / /zhes bya ba la sogs
 pa la dbang bskur ba thams cad dgug pa ni sbyor ba thams cad dgug pa'o/ /dbang bskur ba ni byang chub sems dpa' chen po dang lha mo chen mo spyan drang ba zhes bya ba'i tha tshig go/ /de yang 'jig rten dang 'jig rten las 'das pa'i dbang bskur ba'i dbye bas rnam pa sna tshogs pa yod
 pas na de'i phyir thams cad ces bshad do/ /gzhug pa zhes bya ba la sogs pa ni go sla'o/ /'di dag thams cad ni ji ltar 'gyur zhe na/ rdo rje rin chen gyis dbang bskur bas so zhes bya ba gsungs te/ de nas 'di'i mtshan nyid bshad par bya ste/ rdo rje thal mo
 las byung ba'i rdo rje rin po che dbang bskur ba'i gnas su bzhag pas nam mkha' las thams cad bsgoms pas so/ /'di ni 'di skad ston pa yin te de bzhin du de kho na nyid dang chos dang dam tshig bzung ba'i mthar thug pa'i cho ga rnams rjes su spyad la traM zhes bya ba zlos shing / rdo rje
 rin chen gyi dam tshig gi phyag rgya bcings la 'byor pa thams cad dgug pa'i bsam pas mdzod spu'i gnas su bzhag nas bcom ldan 'das kyi snying po bzlas par byas te de lta bus ni 'byor pa thams cad dgug pa sgrub pa'o/ /de bzhin du thams cad byas la sbyor ba thams cad
 dgug pa'i bsam pas bzlas brjod byas te/ de lta bus ni sbyor ba thams cad gzhug pa bsgrub bo/ /de bzhin du thams cad byas la 'byor ba thams cad bcing ba'i bsam pas bzlas shing de lta bus ni 'byor pa thams cad 'grub pa'o/ /dbang du bya ba'i
 bsam pas ni dbang du byed do/ /dbrog pa'i bsam pas ni dbrog pa'o/ /nye bar sogs pa'i bsam pas ni bsags pa'o/ /len pa'i bsam pas ni len to/ /'dren pa'i bsam pas ni 'dren to/ /dgug pa'i bsam pas ni 'gugs so/ /gtong ba'i bsam pas ni
 gtong ngo / /'jig pa'i bsam pas ni 'jig go/ /'phen pa'i bsam pas ni 'phen to/ /'degs pa'i bsam pas ni 'degs so/ /'bebs pa'i bsam pas ni 'bebs so/ /brdeg pa'i bsam pas ni brdeg go/ /sbyang ba'i bsam pas ni sbyang ngo / /rnyed pa'i bsam
 pas ni rnyed pa bsgrub bo/ /rim gyis sgrub pa'i bsam pas ni rim gyis sgrub bo/ /'tsho ba sgrub pa'i bsam pas 'tsho ba sgrub bo/ /kun du 'gyed pa'i bsam pas 'gyed pa sgrub bo/ /'byor pa dgod pa'i bsam pas ni nye bar dgod pa sgrub bo/ /brtan par bya ba'i bsam pas ni
 brtan par byed par sgrub bo/ /rdo rjer byed pa'i bsam pas ni rdo rjer byed do/ /'byor pa thams cad sgrub pa'i bsam pas ni 'byor pa thams cad sgrub bo/ /'byor pa thams cad kyi mchog sgrub pa'i bsam pas ni 'byor pa thams cad kyi mchog sgrub par 'gyur ro/ /dpal thams cad dgug
 pa dang zhes bya ba la sogs pa lha mo gter gyi rin po che ni dpal te/ de yang gdul bya'i bsam pa'i khyad par gyis dbye ba mtha' yas pas na dpal thams cad ces bya'o/ /de dgug pa la sogs pa ni snga ma bzhin du'o/ /de dag thams cad ji ltar 'gyur zhe na/ rdo rje rin chen
 dpal gyis so zhes bya ba gsungs te/ bdag la byin gyis brlabs pa la sogs pa'i cho ga thams cad de bzhin du rjes su spyad la rdo rje thal mo las byung ba'i rdo rje rin chen gyi dam tshig gi phyag rgya yi ge traM gis rang gis dbang bskur ba'i gnas su yang dag par bzhag la yang dpal
 thams cad dgug pa'i bsam pas ni dpal thams cad 'gugs pa bsgrub par 'gyur ro/ /dpal thams cad gzhug pa'i bsam pas ni dpal thams cad 'jug pa 'grub bo/ /'ching ba'i bsam pas ni 'ching ba'o/ /dbang du bya ba'i bsam pas ni dbang du byed do/ /
 'phrog pa'i bsam pas ni 'phrog go/ /nye bar sogs pa'i bsam pas ni nye bar sog go/ /len pa'i bsam pas ni len to/ /'dren pa'i bsam pas ni 'dren to/ /'od du gzhug pa'i bsam pas ni 'od du gzhug go/ /khyer du gzhug pa'i bsam
 pas ni khyer du gzhug go/ /'jig pa'i bsam pas ni 'jig go/ /btang snyoms su 'jog pa'i bsam pas ni btang snyoms su 'jog go/ /'dzud pa'i bsam pas ni 'dzud do/ /kun du bsnun pa'i bsam pas ni brdeg go/ /sbyong ba'i bsam pas ni
 sbyong ngo / /rnyed pa'i bsam pas ni rnyed pa grub bo/ /'tshong ba'i sgrub pa'i bsam pas ni 'tshong pa sgrub bo/ /dgod pa'i bsam pas ni yang dag par dgod do/ /nye bar sbyor ba'i bsam pas ni nye bar sbyor ro/ /brtan par byed pa'i bsam pas ni brtan
 par byed do/ /rdo rjer bya ba'i bsam pas ni rdo rjer byed do/ /bsgrub pa'i bsam pas ni sgrub bo/ /mchog sgrub pa'i bsam pas ni mchog sgrub par 'gyur ro/ /phun sum tshogs pa thams cad dgug pa dang zhes bya ba la sogs pa la lha mo nor bu chen mo ni
 'jig rten dang 'jig rten las 'das pa'i phun sum tshogs pa thams cad kyi rang bzhin yin pas na phun sum tshogs pa thams cad do/ /de nas dgug pa la sogs pa ji ltar 'gyur zhe na/ rdo rje rin chen gyi phun sum tshogs pa zhes bya ba gsungs te/ de bzhin
 du rdo rje rin chen gyi phyag rgya bcings la/ mdzod spu'i gnas su bzhag ste/ phun sum tshogs pa thams cad dgug pa'i bsam pas bcom ldan 'das kyi snying po bzlas par byas te/ de lta bus ni phun sum tshogs pa thams cad dgug par bsgrub par 'gyur ro/ /
 phun sum tshogs pa thams cad gzhug pa'i bsam pas ni gzhug pa'o/ /bcing ba'i bsam pas ni bcing ba'o/ /dbang du bya ba'i bsam pas ni dbang du byed do/ /de bzhin du phun sum tshogs pa thams cad kyi dam par bsgrub pa'i bsam pas ni dam
 par bsgrub pa'i bar du 'gyur ro/ /mchod pa thams cad dgug pa dang / /zhes bya ba la sogs pa la bcom ldan 'das rig pa'i rgyal po/ bla na med pa'i lha mo ni/ 'jig rten las 'das pa'i mchod pa thams cad kyi rang bzhin yin pas/ mchod pa thams cad de/ de dgug
 pa la sogs pa ni de bzhin no/ /'di dag thams cad ji ltar 'gyur zhe na/ rdo rje rin chen mchod pas so/ /zhes bya ba gsungs te/ de bzhin du thams cad byas la yi ge traM zlos shing rdo rje thal mo las byung ba'i rdo rje rin chen gyi phyag rgya bcings nas mchod pa thams cad dgug pa la
 sogs pa thams cad snga ma bzhin du bsgrub par bya'o/ /rang gi rgyal mchog lan cig grub/ /ces bya ba ni rdo rje rin chen gyi dam tshig gi phyag rgya ni rang gi phyag rgya'i mchog ste/ de yang yi ge traM zlos shing / bcom ldan 'das rdo rje sems dpa' 'phags pa nam mkha'i snying po'i tshul 'dzin par
 mdzad pa/ rang dbang du byas la 'byor pa thams cad dgug pa la sogs pa'i las brgya pa bsgrub pa la nges par sbyar bar bya'o/ /'jig rten dang 'jig rten las 'das pa'i 'byor pa dang / dpal dang phun sum tshogs pa dang / mchod pa rnams thob par 'dun pa ni bsam pa thams cad
 do/ /de'i rdzogs pa ni mngon sum du byas pa'o/ /de'i don gyis bcom ldan 'das nam mkha'i snying po rdo rje rin chen rtog pa yang yin la cho ga yang yin pas na/ bsam pa thams cad yongs su rdzogs par byed pa'i rtog pa'i cho ga ste/ de'i rgyas pa ni sgrub pa dang bsgrub