བོད་ཡིག

e-texts based on the ACIP/ALL Input

gsum du bya ba yin pa'i phyir ro/ /de ltar byas pa'i sgo bzhi'i bar du dkyil 'khor gyi rim pa gnyis pa dang gsum pa dang bzhi pa dang lnga pa dang bdun pa la sogs pa sna tshogs pa'i rim pa bya ba ni rgyud kyi dbye ba las rdo rje slob dpon nyid kyis shin tu zhi ba'i shes rab kyi blos rnam par brtag cing rdzogs par bya ba'i don to/ /da ni nye bar bsdu ba'i phyir/ /rin chen bzang pos dpa' bo rdo rje la/ /zhes bya ba la sogs pa smos te gang gi don du 'di byas she na rin chen bzang po ste/ gang gi phyir ming rin chen gyi mtha' bzang po dang ldan pa des tshul bzhin du btab pa'o/ / gang la btab ce na dpa' bo rdo rje la ste dbang bskur ba'i ming ni dpa' bo rdo rje ste slob dpon dad byed go cha la'o/ /ji ltar btab ce na/ dad cing gus pas mang du gsol btab pas/ /zhes bya ba smos te gsang sngags kyi spyod pa dang / dkyil 'khor gyi las la dad cing mos la bla ma la gus pas mang du gsol ba btab pa'o/ /ci'i phyir byas she na brtse phyir zhes bya ste rang gi slob ma dang / sems can rnams la brtse ba'i phyir slob dpon gyi dpe mkhyud spangs pa'o/ /gang zhig byas she na/ thig gi cho ga gsal phye byas zhes bya ba ste/ nor bu'i gling gi slob dpon bde ba'i rdo rje'i rjes su 'brangs nas gsal zhing phyin ci ma log par byas pa'o/ /nyes 'gyur dam pas bdag la bzod par mdzod/ /ces bya ba ni/ bdag gis slob ma dam pa'i don du thig gdab pa'i cho ga mdor bsdus pa 'di la dam pa ste bde ba'i rdo rje la sogs pa slob dpon bdag la bzod par mdzod cig pa'o/ / bsod nams yongs su bsngo bar bya ba'i phyir/ 'di byas bsod nams dam pa ni/ /zhes bya ba la sogs pa smos te/ gong du bshad pa'i thig gdab pa'i cho ga byas pa las dri ma med pa'i bsod nams dam pa/ byang chub tshogs gyur gang thob des/ /zhes bya ba ste/ byang chub ni sgrib pa dang bral ba'i ye shes so/ /de'i cho gas ni rdzogs par byed pa ste de lta bur 'gyur ba'i bsod nams gang zhig thob pa'i bsod nams des ni 'gro ba drug tu gtogs pa'i sems can ma lus pa 'di dag dkyil 'khor gyi bdag po rnams par snang mdzad du rang nyid mngon sum du grub par gyur cig pa'o/ /gang zhig bla ma'i rab mchog u rgyan mkhan po'i gzhung / /yon tan de nyid bcu shes sangs rgyas zhi ba yi/ /shin tu gces shing sbas pa'i dkyil 'khor bri ba'i las/ /de 'dir phye bas 'jig rten rdo rje 'dzin grub shog /yul kha cher skyes pa'i rdo rje slob dpon shrad+d+ha ka ra barmas rang nyid kyis mdzad pa'i thig gdab pa'i cho ga'i 'grel pa/ bod yul du skyes pa'i dge slong rin chen bzang pos gsol ba btab nas 'grel pa byas pa rdzogs so// //rgya gar gyi mkhan po shrad+d+ha ka ra barma dang / zhu chen gyi lo tsA ba dge slong rin chen bzang pos skad gsar bcad kyis zhus te gtan la phab pa'o/ / //[ ]#/ /thig gdab pa'i cho ga dka' ba spyod pa bzhugs/ @##/ /'jam pa'i rdo rje la phyag 'tshal lo/ /dkyil 'khor gru bzhir byas pa la/ /zur thig phyogs thig mnyam par gdab/ /cha chen nyi shu'i tshad du bya/ /bdun pa'i thig ni gzhag par bya/ /de nas cha bran bgo ba ni/ /tshangs pa'i thig gi ngos gnyis kyi/ /cha chen dang po phyed du bgo / phyi yi cha chen de bzhin bgo / cha chen gnyis pa phyed du bya/ /nang gi cha phyed de bzhin bgo / cha chen lnga pa phyi nang gi /cha re gdab cing dbus gnyis gzhag / cha chen drug pa phyed du bya/ /de nas thig skor bya ba ni/ /cha chen bcu pa'i phyed las bskor/ /cha chen dgu dang cha chen brgyad/ /gnyis ka'i mtha' nas bskor bar bya/ /cha chen gsum las mtha' yi ni/ /cha chung gcig las bskor bar bya/ /de las gzhan pa phyi nang gi / bskor ba rgyud kyi gzhung gis so/ /sgo gnyis pa la sogs pa dang / /rgyud gzhung gi ni rnam dbye yis/ /cha rnams dbri dang bsnan par bya/ /man ngag thob cing mkhas pa yis/ /dkyil 'khor phyi nang gang yin pa'i/ /thig ni sngar bzhin gdab par bya'o/ /thig gdab pa'i rim pa dka' ba spyod pa zhes bya ba slob dpon shud+d+hi pra b+has mdzad pa rdzogs so//[ ]#/ /dkyil 'khor gyi thig gi cho ga bzhugs/ @##/ /dkyil 'khor gang yang thig gdab pa/ /sa gzhi cha mnyam 'thas byas la/ /tshangs chen la sogs thig chen brgyad/ /