བོད་ཡིག

e-texts based on the ACIP/ALL Input

zhes pa la sogs pa'i tshigs su bcad pa gsungs pas de kho na nyid du rab tu rtogs par bya ba yin no zhes par dgongs so/ /shes rab ye shes dbang bskur ba'i/ /mtshon bya mtshon byed dbye ba ni/ /gsum brjod nges par 'dir rtogs la/ /mkhas pa rnams kyis rigs bzung / /dpal ldan 'dus par yongs gsal ba/ /de snyed gnas pa 'di rnams ni/ /de nyid phyag rgya'i rjes 'brang phyir/ /rgyud gzhan du yang rjes 'brang sa pa'o/ /dpal ldan 'dus dang kye'i rdo rjer/ /bzhi pa phye bar brjod pa dang / /de bzhin 'dir ni dbang bskur nyid/ /mkhas pa rnams kyis rigs pas long / /rgyud gnyis po yi rjes 'brangs nas/ /rgyud kyi dam tshig de yis kyang / /rnal 'byor rnal 'byor ma rgyud du/ /gsungs pa thams cad shes par bya'o/ /bzhi pa'i dbye ba gang yin pa/ /lung dang rigs pa phyi rol rnams/ /rgya ches pa yis bdag 'jigs nas/ /de dag bzhag ste 'dir ma bris/ /gnas rnams de dang de rnams la/ /mkhas pas der ni rab bltas nas/ /lung dang rigs pa ldan pa yis/ /de la sun ni dbyung bar bya'o/ /de nyid 'dir ni mngon par brjod pa dang / /dbang bskur mchog gi bsod nams gang 'thob pa/ /de yis rgyal ba bzang po dpal sbas dang / /'gro 'di ma lus rgyal ba nyid gyur cig /mkhas pa du ma'i dbang bskur nges brjod 'di/ /skye bo dbang bskur phyin ci log zhen pa/ /de bzlog don du bdag gis 'di bsgyur ba'i/ /dge bas de dag yang dag dbang thob shog /dbang gi don nges par brjod pa zhes bya ba slob dpon rgyal ba bzang po dpal sbas pa zhes bya bas mdzad pa rdzogs so// //ru lag rgyang gi gtsug lag khang du rgya gar gyi mkhan po a bad+hU tI ba'i zhal snga nas dang / bod kyi lo tsA ba dge slong shAkya brtson 'grus kyis bsgyur cing gtan la phab pa'o//[ ]@##/ /rgya gar skad du/ badzra yA na mU la pasti saM gra ha/ bod skad du/ rdo rje theg pa rtsa ba'i ltung ba bsdus pa/ thugs rje chen po la phyag 'tshal lo/ /sangs rgyas kun dang bla ma yi/ /zhabs kyi pad+mar rab btud de/ /rtsa ba'i ltung ba bcu bzhi ni/ /rgyud las gsungs pa bshad par bya/ /gang phyir rdo rje 'dzin pa yis/ /dngos grub slob dpon rjes 'brang gsungs/ /de bas de la brnyas pa ni/ /rtsa ba'i ltung ba dang por bshad/ /bde gshegs bka' las 'das pa ni/ /ltung ba gnyis pa yin par gsungs/ /khros pas rdo rje spun gyi ni/ /nyes pa brjod pa gsum pa yin/ /sems can rnams la byams pa spong / /bzhi pa yin par rgyal bas gsungs/ /chos kyi rtsa ba byang chub sems/ /de spong ba ni lnga pa yin/ /rang ngam gzhan gyi grub pa'i mtha'/ /chos la smod pa drug pa yin/ /yongs su ma smin sems can la/ /gsang ba sgrogs pa bdun pa yin/ /phung po sangs rgyas lnga bdag nyid/ /smod par byed pa brgyad pa yin/ /rang bzhin dag pa'i chos rnams la/ /som nyi za ba dgu pa yin/ /gdug la rtag tu byams ldan pa/ /byed pa de ni bcu par 'dod/ /chad sogs ma yin chos rnams la/ /brtags pa las ni bcu gcig pa/ /sems can dad dang ldan pa yi/ /sems sun 'byin pa bcu gnyis pa/ /dam tshig ji bzhin rnyed pa dag / mi bsten pa de bcu gsum pa/ /shes rab rang bzhin bud med la/ /smod par byed pa bcu bzhi pa/ /'di dag rnam par spangs pa yi/ /sngags pas dngos grub nye bar 'thob/ /gzhan du dam tshig las nyams na/ /nyams pas bdud kyis gzung 'gyur te//de nas sdug bsngal myong 'gyur zhing / /thur du bltas te dmyal bar 'gro/ /de bas nga rgyal bcom nas ni/ /rang gi 'khrul pa shes byas la/ /ci 'byor ba yis bla ma la/ /thub pa'i spyan sngar mchod byas nas/ /gsum la skyabs 'gro nas brtsams te/ /byang chub sems sogs sdom pa dag /gal te bdag la phan 'dod na/ /sngags pas 'bad de blang bar bya/ /rdo rje theg pa'i rtsa ba'i ltung ba bsdus pa slob dpon chen po rta dbyangs kyis mdzad pa rdzogs so/ /[ ]@##/ /rgya gar skad du/ s+thU la pat+ti/ bod skad du/ ltung ba sbom po/ thugs rje chen po la phyag 'tshal lo/ /rdo rje sems dang bla ma yi/ /zhabs kyi pad+mar rab btud de/ /rnal 'byor sdom par gang gsungs pa'i/ /ltung ba sbom po bshad par bya/ /rnal 'byor gang zhig rig ma ni/ /dam tshig med pa'ang stobs kyis spyod/ /de la 'phya bar byed pa yang / /de yi ltung ba dang por gsungs/ /rgyud las ma gsungs rim nyid kyis/ /gang zhig bdud rtsi bsten pa yang / /de la ngan 'gror ltung ba yi/ /ltung ba gnyis par 'gyur ba yin/ /rmongs pa gang zhig tshogs 'khor lo/ /rtsod par sangs rgyas kyis gsungs pa'i/ /dam tshig la ni bzhad gad byed/ /de la gsum par 'gyur ba yin/ /gsang ba'i chos ni gang gsungs pa/ /blo ngan gsang bar mi byed na/ /rmongs pa'i rnal 'byor ba de la/ /sbom po'i ltung ba bzhi par 'gyur/ /dad ldan chos la 'dri ba na/ /chos nyid gzhan du ston pa ni/ /de la sbom por bshad pa yi/ /