བོད་ཡིག

e-texts based on the ACIP/ALL Input

kun kyang 'tshe ba med par shog /gang gi lam nas 'gro ba yis/ /sangs rgyas nyid du grub par shog /dug lnga sbas pa'i lam mchog tu gsang ba bsam gyis mi khyab ba zhes bya ba slob dpon 'phags pa lhas mdzad pa rdzogs so//[ ]@##/ /rgya gar skad du/ yo ga lak+Sha Na sa t+ya/ bod skad du/ rnal 'byor gyi mtshan nyid bden pa/ rje btsun ma sgrol ma la phyag 'tshal lo/ /phyogs bcu dus kun sangs rgyas dang / /chos dang dge 'dun tshogs bcas la/ /thal sbyar gus pas phyag 'tshal nas/ /rnal 'byor bsgom pa'i man ngag ni/ /rin chen sna tshogs tshogs pa ltar/ /rnal 'byor pa rnams sgrol ba'i phyir/ /mdor bsdus nas ni bshad par bya/ /nam gyi cha smad gnyid las sad/ /bdag ma gtogs pa'i sems can la/ /thog ma nyid du snying rje bsgom/ /de nas bdag nyid la bltas nas/ /ding gi nyin zhag 'di la ni/ /slong ba'i sems can dag la ni/ /ji srid 'ongs kyang ser sna yi/ /dri mas mi gos nyid du bya/ /gal te bslab pa las 'gal ba'i/ /yid la rgyu ba phra mo yang / /bsam pa nyid du mi bya na/ /ngag dang lus kyi smos ci dgos/ /bdag la di ring khro ba dang / /brdeg pa la sogs 'byung bar shog /des kyang 'khrug par mi bya'o/ /le lo byung na shes bzhin gyis/ /mgo la me 'bar bzhin du dor/ /bdag gis 'gro 'am nyal 'dug rung / /spyod lam ji ltar gnas 'dug kyang / /yid ni lha yi nga rgyal dang / /skad cig tsam yang mi 'bral bar/ /rang nyid yin par rtag tu bsam/ /'khor ba mya ngan 'das pa yi/ /shes dang shes bya bdag gis ni/ /de ring nyid nas bdag gis brtag /bstod dang smad pa grags ma grags/ /gzhan dag ji ltar zer yang ni/ /de nyid brag ca lta bu dang / / 'on pa lta bu bdag gis bya/ /chags pa'i gzugs sgra dri ro reg /'dod yon lnga la gang du yang / /rnam shes 'phro ba'i yul byung yang / /ngag tu ma thon bar du bzlog /gzugs su snang rnams sku nyid yin/ /sgra rnams gsung du bdag nyid brtag /sems can byang chub rgyu yin phyir/ /de yi shes pa ye shes yin/ /sems can ji ltar mthong gyur kyang / /de dag nyid la blo phyag bya/ /'di dag nyid la brten nas bdag /sangs rgyas nyid du 'grub pas na/ /dge ba'i bshes gnyen dam pa yin/ /mang po tshogs par gyur pa na/ /ro dang dur khrod 'du shes bskyed/ /grong du 'jug par byed pa na/ /btson ra khri mon 'du shes bskyed/ /rgyal po'i pho brang 'gro ba na/ /ngan 'gro nad dang 'ching ba dang / /g.yang sa chen po'i 'du shes bskyed/ /gal te bud med tshogs mthong na/ /mi gtsang rdzas ni sum cu dang / / 'khor ba'i lam 'dren yin par bsam/ /nye du pha ma bu tsha rnams/ /de la chags spangs btang snyoms bsam/ /dgra rnams mthong na 'di dag gis/ /bzod rdzogs byang chub yin par bsam/ /bdag gi longs spyod rdzas la yang / /'dir ni rtsod pa'i rgyu dang ni/ /phyi mar ngan 'gror 'khrid par bsam/ /bdag la bstod pa brjod na yang / /'di ni nga rgyal 'phel byed pas/ /ngan 'gror 'khrid par byed pa yin/ /gal te smod pa byung na yang / /'di la bzod bsgom byang chub kyang / /mtshan ma rdzogs par rab tu bsam/ /gnas la zhen pa byung gyur na/ / rmi lam grong khyer ji bzhin du/ /rnal 'byor pa yis rab tu bsgom/ /bdag gis deng gi nyin zhig la/ /ngag las bzlas brjod kha ton bya/ /klag sogs bslab las mi 'gal bar/ /de ring bdag gis smra bar bya/ /lus kyi g.yo ba thams cad kyang / /mchod dang bskor ba la sogs pa/ /ngal so don yod nyid du bya/ /rnam rtog gnyen por ma bsdams na/ /tshig tu brjod pas ci zhig 'grub/ /de bas rnam pa thams cad du/ /gnyen po'i dpung tshogs bskyed nas ni/ /nyon mongs rnams ni dbyis phyin bya/ /bza' btung zhim bo za ba'i tshe/ /rol zhen pa spang bya zhing / /mi gtsang rgyu las byung ba dang / /tha mar mi gtsang 'gyur bar bsam/ /reg bya 'jam po tshor ba'i tshe/ /reg bya ji bzhin yin par bsam/ /'dir mang smos pa ci zhig dgos/ /gang du nyon mongs 'phel ba yi/ /khyim pa'ang rab tu byung yang rung / /de dag rab tu spang bya zhing / /nyon mongs rnam par mi 'phel ba'i/ /sgrub pa'i grogs mchog gang yang rung / /de dag bsten pa mig ltar bya/ /bdag ni de ring nas brtsams te/ /byang chub snying por mchis bar du/ /rtag tu rab tu byung ba dang / /tshangs par spyod pa nyid du bya/ /nyin mtshan dus las ma yol bar/ /thun mtshams gsum du bsgom par bya/ /srog dang rtsol ba bkag pa dang / /rlung med pa yi mar me ltar/ /rtag tu spros bral bsgom bar bya/ /de nas ldang tshe nga rgyal gyis/ /mtshan dang dpe byad skur ldan pa'i/ /lha yi nga rgyal brtan por bsam/ /mtshan mo'i thun la bab pa'i tshe/ /bde gshegs ji ltar gzims pa ltar/ /'jig rten rtog spangs bdag nyid nyal/ /mdor na chos rnams thams cad kun/ /rmi lam lta bur brtag par bya/ /rnal 'byor sgom rnams gtsor bya yis/ /lus ngag dge ba gtsod mi bya/ /chos spyod rnam bcu la sogs la/ /nyon mongs pas ni ma yengs par/ /bsgrims nas bdag gis 'bad pas bsgrub/ /rtag tu 'chi bsam ma chags blos/ /dngos po ci la'ang ma chags par/ /spyod lam ji ltar gnas kyang bsgom/ /bsod nams sems can kun la bsngo/ /byang chub bzang po bdag gis ni/ /rnal 'byor sgom pa brtsams pa yis/ /dge ba zla zer dri med des/ /bdag dang 'gro ba ma lus pas/ /dpal ldan rdo rje 'chang 'grub shog /rnal 'byor gyi mtshan nyid bden pa mkhas pa chen po dpal byang chub bzang po'i zhal snga nas mdzad pa rdzogs so/ /[ ]@##/ /rgya gar skad du/ pradz+nyA taR+sha gan+b+ho shi pA ri ka thA nA ma/ bod skad du/ shes rab brtsams pa dus kyi gtam zhes bya ba/ byang chub sems dpa' sa'i snying po la phyag 'tshal lo/ /bde chen 'khor lo zag med spros pa rgyas pa'i