བོད་ཡིག

e-texts based on the ACIP/ALL Input

mo la phyag 'tshal lo/ /lus ni gru bzhi 'dom gang tshad/ /'khor lo bzhi ni rang bzhin gnas/ /rlung ni gnyis te 'khor lo drug /rlung gi de nyid yang dag ni/ /brtan dang g.yo ba'i rtsol ba dgag /rlung gi de nyid bsgoms nas ni/ /me chu sa yi de nyid shes/ / rtsa gsum gru gsum rang bzhin te/ /phyi rol ma yin nang yin no/ /srog gi rtsa nas yab kyi ngos/ /sor bzhi gnas su de gnas de/ /thig le dang ldan yi ge aM/ /lte ba ye shes 'khor lo yin/ /sprul pa'i gnas su bsgom bya ste/ /de steng sor ni bcu gnyis la/ /chos kyi rang bzhin brgyad du ni/ /rigs bzhi yum bzhi sa bon gyi/ /rlung dang me dang chu ru gnas/ /de steng longs spyod bcu drug ni/ /me long ye shes yi ge aM/ /gsal la shel ltar bsgom par bya/ /bde chen 'khor lo'i gnas su ni/ /a phreng gnyis ldan yi ge haM/ /de ltar shes pa'i lus gnas ni/ /bde ba chen po'i yul zhes bya/ /lte ba'i raM yig yaM rlung gis/ /ye shes me nyid 'bar bar 'gyur/ /g.yo ba'i ye shes rlung yin te/ /brten pa'i mtshan nyid ye shes me/ /aM bcas dbus su 'bar na ni/ /sdug bsngal dug lnga'i nad rnams dag /bdag nyid stong pa'i mnyam nyid lha/ /log min rgyu nas 'khrul 'khor bya/ /bde chen gnas nas chos dbyings 'bar/ /sems kyi bde ba cher skyes na/ /gzhu rgod 'then nas 'phen par 'gyur/ /thig le 'thor nas dgram par bya/ /sems nyid snying gar bstims nas bsgom/ /gtum mo thig le bkram pa zhes bya ba slob dpon lu tsi kis mdzad pa rdzogs so/ /[ ]@##/ /rgya gar skad du/ sha r-I ra Na ri ka bi na du sA mA tA nA ma/ bod skad du/ lus kyi rtsa thig mnyam pa nyid kyi man ngag ces bya ba/ /dpal dgyes pa'i rdo rje la phyag 'tshal lo/ /ji srid rtsa ba sdong bu rnams/ /brkos pas de ni ma byas na/ /de srid phag rgod gsod pa yi/ /mda' pa de ni tsha de yin/ /gnad du bsnun nas phag rgod gsad/ /rdzing bu skams par ma gyur pas/ /de gong du ni brlag par byas/ /dpag tshad phyed dang bzhi pa yis/ /gru bzhi pa yi rdzing bu la/ /nang du zhugs par byas nas ni/ /zas ni don du gnyer bar byed/ /shin tu bkang bar byas nas ni/ /gnad du bsnun nas phag rgod bsad/ /rdzing bu skams par ma gyur par/ /de gong du ni brlag par byas/ /lte ba'i dkyil 'khor gzhu ru byas/ /rtsa gnyis de ni rgyud du sbrengs/ /bla ma'i man ngag mda' ru byas/ /shin tu bkang bar byas nas ni/ /gnad du bsnun pas phag rgod bsad/ /rdzing bu skams par ma gyur par/ /de gong du ni brlag par byas/ /mtsho la phag rgod ji ltar 'thung / /'phrang la rnyi ni gzugs byas nas/ /gnad du bsnun nas phag rgod bsad/ /ji srid rdzing bu ma skams par/ /de gong du ni brlag par byas/ /lus kyi rtsa thig mnyam pa nyid kyi man ngag ces bya ba/ slob dpon ni ku ni sa mdzad par rdzogs so//[ ]@##/ /rgya gar skad du/ tsa tur bud+d+ha b+ha ba b+h+ya ba sha naM kra maM nA ma/ bod skad du/ 'byung ba bzhi'i srid pa'i chags lugs zhes bya ba/ /thugs rje chen po la phyag 'tshal lo/ /ri rab zur ni brgyad pa dang / /rol pa'i mtsho ni bdun pa dang / /tshangs pa brgya byin nyi ma dang / /zla ba dang ni lha chen dang / /mthu chen 'di dag rtag min na/ /bdag gis ji ltar brtan pa thob/ / bdag ni brtag na ji ltar yin/ /bdag gi ma ni gang du song / /pha yang gang du song bar 'gyur/ /'di lta bu yi 'jig rten ni/ /bltas pas 'jig rten rmi lam 'dra/ /stobs ldan gyur na sus kyang bkur/ /stobs nyams gyur na smra mi byed/ /de bas tshem bu'i gos gyon la/ /bsod snyoms kyis ni 'tsho ba ste/ /yul dang grong khyer so ma ru/ /yang yang sprang ba mkhas pa yin/ /'di lta bu yi spyod pa yis/ /'jig rten kun la rgyal ba thob/ /skal ldan bdag ni tsa ra pa tri smra/ /'byung ba bzhi'i srid pa'i chags lugs zhes bya ba slob dpon tsa ra pa tri sa mdzad pa rdzogs so// // @##/ /rgya gar skad du/ At+ma pa ri dz+nyA na dr-iSh+Ti u pa de sha nA ma/ bod skad du/ /rang rig ye shes kyi lta ba'i nyams len zhes bya ba/ yum bdag med ma la phyag 'tshal lo/ /rang rig ye shes las yin na/ /byed pa po med las med do/ /de dag med na bya ba med/ /gsum ni ji ltar