བོད་ཡིག

e-texts based on the ACIP/ALL Input

par snang / /sgyu ma mkhan bzhin mkhas pas rig /sgyu mar mthong bas 'bad med par/ /'dod pa gang de rang 'ang 'gyur/ /'di la thams cad sgyu ma spyod/ /gang kun sgyu mar rtogs pa'i phyir/ /khyod kyis brdzun par ma rtog par/ /sgyu ma rtag par smra bar gyis/ /chos dbyings ma skyes pa yi phyir/ /chad par thal bar mi 'gyur ro/ /chos rnams ma skyes mi 'gag phyir/ /bems por gyur pa ma yin no/ /chos rnams stong nyid la bskyed pa'i/ /stong las chos nyid gzhan ma yin/ /de yi phyir na kun mkhyen gyis/ /sangs rgyas nyams par mi mdzad do/ /'bad med dbang gis thams cad du/ /chos kyi 'khor lo bskor ba'ang 'jug /rkang pa brkyang ba spangs nas ni/ /nga rgyal la sogs btang nas kyang / /gnas med gnas la legs gnas te/ /rnal 'byor pa yis chos la spyod/ /bza' dang btung ba'i ro rnyed nas/ /dag pa nyid kyi gtam smra zhing / /gang zhig spyad pa mi spyod pa/ /rdzogs pa'i byang chub spyod 'di min/ /skye bo de nyid gtam smra zhing / /spyod pa 'di la yi rang byed/ /rigs pa bsgrub pa nyams len pa'i/ /'byor pa'i skye bo rnyed par dka'/ /sa yi lam la phyogs kyi gos/ /slong mo'i zas ni za ba dang / /skye med chos la bzod pa dang / /'bad med rtse ba 'jug pa'o/ /chos gang skye bo las rgyal ba/ /de la rgyal ba de spyod pa/ /de yi 'bras bu tshe 'dir ltos/ /bla med 'bras bu smos ci dgos/ /sgyu ma bstan pa'i bsod nams gang / /dge ba'i sems kyis gang thob des/ /gnyis med 'jig rten las 'das pa/ /go 'phang 'jig rten gyis thob shog /sgyu ma nges par bstan pa slob dpon gnyis med rdo rjes mdzad pa rdzogs so// //rgya gar gyi mkhan po badzra pA Ni dang / lo tsA ba dge slong tshul khrims rgyal bas bsgyur ba'o/ /[ ]@##/ /rgya gar skad du/ a pra sa ha pra ka sa nA ma/ bod skad du/ rab tu mi gnas pa gsal bar ston pa zhes bya ba/ 'jam dpal gzhon nur gyur pa la phyag 'tshal lo/ /shes pa rab tu mi gnas pa/ / sangs rgyas pha nor thams cad 'dod/ /'on kyang 'bad med sbyor ba yis/ /gang tshe sems can don byed na'o/ /gang phyir gzhan sel sgrub las skyes/ /de ni rtag dang chad la gnas/ /rtag tu ma skyes mi 'gag nyid/ /skye dang 'gag pa byol song tshig /gal te rang rig tshad ma ni/ /rig de sems can 'dod ma yin/ /snang ba thams cad spang ba'i phyir/ /sems can bden pa ma yin no/ /rjes la sems can 'dod ce na/ /de tshe sems can rdzas yod min/ /dam bcas gcod pa gnod pa'i don/ /rjes su rtag pa zhes brjod do/ /dngos gzhi la yang rig pa yod/ /rjes la de ltar snang ba'i phyir/ /dang po mi rtog par 'gyur gyis/ /de las 'dzin pa'i shes pa'o/ /'das dang ma 'ongs la sogs pa'o/ /sems ni gnas pa yod ma yin/ /des na de dag med par ni/ /'gro la 'gro ba'i mgon pos bstan/ /chos rnams kyi ni skye ba nyid/ /rang nyid gnyug ma bsam mi khyab/ /de nyid stong pa nyid ces brjod/ /chad pa'i rjes 'gro ma yin no/ /rab tu mi gnas sa bon las/ /'bras bu rab tu mi gnas 'byung / /skyob pa de nyid dam pa ste/ /bcos ma'i bcos ma de bzhin no/ /de bzhin bsam gtan yod med ces/ /chags med spyod la brjod du med/ /gang phyir rten nas 'byung ba rnams/ /nyams myong ji bzhin rtag tu skye/ /rten nas 'byung ba gang dang gang / /de de gnyis med sna tshogs sems/ /stong dang sna tshogs sems dbye bas/ /chos dang longs spyod sprul pa nyid/ /bdag gis mi gnas brjod pa las/ /bde ba bsags pa gang yod des/ /nye bar spyod pa thams cad dang / /'gro rnams mi gnas thob par shog /rab tu mi gnas pa gsal bar bstan pa/ slob dpon gnyis med rdo rjes mdzad pa rdzogs so/ / //badzra pA Ni dang / nags tshos bsgyur ba'o//[ ]@##/ /rgya gar skad du/ tat+tad sha ka nA ma/ bod skad du/ de kho na nyid bcu pa zhes bya ba/ 'jam dpal gzhon nur gyur pa la phyag 'tshal lo/ /yod dang med pa'i sbyor bas kyang / /spangs pa