བོད་ཡིག

e-texts based on the ACIP/ALL Input

zhus pa'i don lags so/ /[ ]@##/ /phyag na rdo rje lce dbab kyi 'grel pa mu tig gi phreng ba bzhugs/ @##/ /phyag na rdo rje lce dbab kyi 'grel pa mu tig gi phreng ba zhes bya ba/ /dpal phyag na rdo rje la phyag 'tshal lo/ /dang la bsnyen pa'i rim pa ni/ /maN+Dal 'dom gang gru bzhi pa/ /ba yi rnam lngas byi dor bya/ /dbus su lnga ldan sbrul dgu dgod/ /mdun du bum pa bzed zhal dang / /mchod pa rnam lnga bcas par dgod/ /'khor sogs snod ni mdzes pa ru/ /'o ma dang bcas sman rnams kyis/ /bkang ste mdun du bzhag pa'o/ /zhes pa ni/ 'o ma'i nang du klu sman sna tshogs pa blugs la gzhag pa'o/ /de steng gzhag pa'i rdzas rnams ni/ /rdzas gong du bsags pa de rnams la bya'o/ /rdzas de rnams gang la dbul bar bstan pa'i phyir/ shin tu gsal byed gdan stengs su/ /lnga ldan mtha' yas sbrul dgu pa/ /zhes bya ba ni mdun du rgya mtsho chen po bsams pa'i nang du/ phuHlas klu mtha' yas sku mdog ser po/ phyag gnyis thugs kar thal mo sbyar ba/ dbu la sbrul mgo dgu yod pa/ sbrul 'khyil pa lnga'i steng na bzhugs par bsam mo/ /hUM las phyag na rdo rje chu las nya ldang pa'i tshul du dkrongs kyis bskyed do/ /sku mdog mthing ga /dbu skra thor tshugs gcig tu bcings pa/ zhal bgrad pa mche ba gtsigs pa/ spyan bzlog pa/ zas su sbrul za ba/ rgyan thams cad kyis brgyan pa/ phyag gnyis kyis rdo rje dang dril bu 'dzin par bsams la/ dzaHhUM baM hoHsa/ ye shes sems dpa' spyan drang / dgug gzhug bcing bstim/ de la mchod pa'i yan lag dang / mchod pa rnam pa lngas mchod bstod/ oM AHhUM gsum gyis gnas gsum byin gyis brlabs/ de nas klu la mchod pa'i phyir/ rtsi sman mchod cing mdun gnas pa'o zhes 'byung ste/ gong du bskyed pa'i klu la ye shes sems dpa' dgug gzhug bcing bstims la mchod pa rnam pa lngas mchod do/ /de nas sngags brjod cing 'o ma dang bcas rtsi sman gyis mchod do/ /klu'i nad dang gdug rtsub thams cad dang bral bar gyur cig ces brjod cing bstod do/ /de nas sngags 'di bdun 'bum du bzlas so/ /oM badzra nyi ma sa bla na klad pa naM/ kun na zhi/ tsi t+ta ku li naM/ tsi tra mu tra bzlog byer/ dus bzhi'i mchod pa rgyun du bya'o/ /klu yi gtor ma dus bzhir btang / mtha' ma rtags byung ba dang / las kyi mtha' brtul bar bya ba'i phyir/ /bdag rnal 'byor pa sdang mig tu blta zhing / zhes pa ni/ bdag phyag na rdo rje'i nga rgyal du gnas la/ mdun du gru gsum mthing nag brus la/ ngar phye la sogs pa'i rdzas la ling+ga byas la/ /ming rus gro ga'am shing shun la bris la gzhug go/ /de sbal pa nag po dang lto sbyar la tshon skud kyis dkris la gru gsum du gzhug go/ /de'i bla dgug par bstan par bya ba'i phyir/ yang lcags kyu'i phyag rgya bcas la gong gi ling+ga la bstim mo zhes pa ni go sla'o/ /sngags ni oM badzra nyi ma sa bla na'i rting la badzra aM ku sha dzaHzhes pas dgug pa'o/ /de nas dgra bgegs bsgral ba bstan par bya ba'i phyir/ seng ldeng gi phur pas gdab cing brub par bya zhes pa ni/ lag tu nyungs kar blangs la/ nyi ma sa bla na'i rting la che ge mo mA ra ya rbad ces bzlas shing / gru gsum du nyungs kar brab bo/ seng ldeng gi phur pas dril zhing / nyi ma sa bla na'i rting la/ oM badzra kI li kI la ya/ che ge mo mA ra ya sarba big+h+nAn baM hUM phaT/ ces phur pas gdab bo/ /rnam par shes pa'i tshogs brgyad la/ de nas thal mo brdab cing nad dang gdon bgegs thams cad brlag par bsam mo zhes pa ni/ thal mo brdab cing gdon bgegs stong phrag brgyad cu/ sku la bsngo ba'i dgra thams cad dang / rnam par shes pa dbang du bsdus shing lus rdul phran du rlogs shig ces brjod do/ /de nas las kyi mtha' brtul bar bya ba'i phyir/ bsreg mnan bskyar ba nyams dang sbyar/ /zhes 'byung ste/ thab khung rnying pa'am sar par gdug pa can gyi shing la me btang la/ sbyin sreg bya ba dang / mnan pa bskyar ba kun man ngag bzhin du shes par bya'o/ /bsnyen pa'i rim pa bstan pa'o// //bcom ldan 'das rdo rje 'dzin la phyag 'tshal lo/ /bstod pa ni/ lcang lo can gyi gnas mchog dam pa nas/ /rig sngags gsang sngags kun gyi bdag po ste/ /log 'dren bgegs kyi tshogs rnams 'joms mdzad pa/ /bcom ldan rdo rje bsnams la phyag 'tshal bstod/ /klu chen rgyal po mtha' yas ni/ /sku mdog ljang gu sna tshogs mdog / phyag gnyis thal sbyar rin chen 'dzin/ /sbrul mgo dgu yi btsun mo yis/ /mgul nas 'khyud pa'i 'khor bcas la/ /mchod cing bstod de phyag kyang 'tshal/ /bdud rtsi zil dngar sman gyis mchod/ /klu yi gdug rtsub zhi gyur cig /oM nA ga badzra pu Sh+pe hUM/ oM nA ge badzra d+hU pe hUM/ oM nA ga badzra A lo ke hraMH/ oM nA ga badzra gan+dA+e gaM/ oM nA ga badzra ni bi d+ye hUM/ oM nA ga badzra bo d+ha ka re hUM/ bstod pa dang mchod pa'i rim pa'o// //bcom ldan 'das rdo rje 'dzin la phyag 'tshal lo/ /ser ba dbab par 'dod na/ maN+Dal gru bzhi pa cig byas la/ de'i steng du lnga ldan mtha' yas sbrul rgyu ba'i gzugs dang / bzed zhal dang / mchod pa rnam pa lnga dang /dug rdzas sna tshogs dang / yungs kar la sogs pa'i rdzas dang / dri mi zhim pa sna tshogs bsag go/ /rabs chad kyi thod pa mtshan ngan cig gi nang du/ tshil dang / khyi nag dang / bong bu nag po dang / rta nag po dang / de rnams kyi khrag blugs so/ /thod pa'i phyi rol du yang bsku'o/ /tshil chen dang / khrag phyed phyed dong chung du yang blugs la/ zor thun gyi rdzas su gzhag go/ /thod pa'i nang du ser ba byung ba'i chu yang blugs so/ /thod pa de yugs sa mo'i dor rtas dril la maN+Dal gyi byang shar du gru gsum gyi steng du gzhag go/ /'gram du seng ldeng gi phur pa cig kyang gzhug go/ /de nas phyag na rdo rje bskyed la mchod pa dang / bstod pa dang / sngags bzlas pa kun bsnyen pa ltar bya'o/ /de nas las la sbyor ka ni/ mchod bstod gong bzhin bya/ /sngags 'di bdun 'bum bzlas shing / thod pa dong chung du ser rta'i nang du yungs kar la sogs pa'i thun brdeg go/ /nyi mas bla na ser ba phob/ klad pa nan ser ba phob/ kun zhi ser ba phob/ tsit+ta ku li nan ser ba phob/ /tsi tra mutra ser ba phob/ bzlog byer ser ba phob/ nA ga hril hril ser ba phob/ /nA ga phrom ser ba phob/ nA ga phob ser ba phob ces bzlas so/ /sngags de rnams yi ger bris pa thod par gzhug go/ /de nas skabs skabs su gtor ma gtong ngo / /de nas thod pa khyer la yul gyi chu mig gam/ lha tho'i rtsar song la gser skyems gtang / /lha 'dre la dmod btsugs la thod pa gzhag go/ /'gram du phyag na rdo rjer byin gyis brlabs la gzugs so/ /de nas dong chung gi khrag dum ka yang gtor ro/ /de nas dong chung gi khrag la khrag dum ka yang bsnan la/ gong bzhin zor sgrub zhag lnga'am drug tu bya'o/ /de nas rtag tu sngas su bcug la thun brdeg go/ /de nas dgra'i yul du phyin la/ zhing thog dang ser rta'i thog tu zor 'phang ngo / /thun brdeg go/ /yul 'dir sngags bzlas shing ser ba phob bya'o/ /ser ba dbab pa'i rim pa'o// //bcom ldan 'das rdo rje 'dzin la phyag 'tshal lo/ /ser ba bsrung bar 'dod na maN+Dal mchod pa gong bzhin du byas nas/ thal chen dang / ske tshe dang / phur pa rnams bsags la/ lag na rdo rjer byin gyis brlabs la/ nyi ma sa bla'i rting la badzra pra be+e sha ya phaT/ sa 'di srungs shig byer ya zhes 'bum tsam bzlas so/ /skabs su gtor ma gtang ngo / /thal chen dang ske tshe ras kyi khung du phur la phur pa'i ske la gdags so/ /phur pa khyer la yul phyogs bzhi mtshams brgyad du lha ma srin sde brgyad la phur pa btab par dmigs la tho gzugs so/ /de nas ser ba byung na/ ser ba 'ong ba'i phyogs su thal chen dang ske tshe 'phang zhing sngags bzlas/ g.yas g.yon du mdzub ris byas la bsrung ngo / /des kyang ma thub na/ rang gi lag pa g.yas g.yon du/ bsrung ba'i zhing yul bsams la/ thal mo kha sbub ste/ ser ba pha ri la 'phangs par bsam mo/ /sngags ni nyi ma sa bla na'i rting la/ badzra pra be sha ya phaT/ sa 'di srungs shig byer ya bya'o/ /des ser ba thub par 'gyur ro/ /ser ba bsrung ba'i rim pa'o// //bcom ldan 'das rdo rje 'dzin la phyag 'tshal lo/ /char dbab par 'dod na/ klu'i rten sa chu mig gi bgab ni dma' bar sbra phub la maN+Dal bya/ phyag na rdo rje dang lnga ldan sbrul dgu pa mchod pa dang / bstod pa byas la gzungs gdon/ klu mchod bya'o/ /chu gtor gtang / de nas mdun du gru gsum brus la/ bag phye las klu'i gzugs byas la gzhug go/ /de nas bdag nyid phyag na rdo rje'i nga rgyal byas la/ seng ldeng gi phur pa thogs la/ nyi ma sa bla na'i rting la/ nA ga hril hril/ nA ga phrom phrom/ nA ga phob/ char pa phob ces mang du bzlas so/ /klu'i spyi bor phur pa btab la char pa phob ces bya'o/ /de nas gtor ma gtang / de nas dong sas bkab la char pa phob ces bya'o/ /dus dus bslang zhes bya ba ni/ zhag re lon zhing chu mig la yar yar sbra phub la maN+Dal dang / de ltar nub re re zhing re re bya'o/ /zhag bdun pa la chu mig gi thog tu sbra phub la maN+Dal dang mchod bstod la sogs pa gong bzhin du byas la/ klu'i gzugs la sngags bzlas la phur pa gdab po/ /zhag bdun du bya'o/ /char dbab ba'i rim pa'o// //bcom ldan 'das rdo rje 'dzin la phyag 'tshal lo/ /klu bzlog par 'dod na/ maN+Dal bya ba dang / bskyed pa dang / mchod pa dang / bstod pa kun gong bzhin du byas la/ mdun du dong gru gsum brus la/ dong gi nang du bag phye las klu'i gzugs byas la gzhug go/ /rdzas ni tshil chen dang / gla rtsi dang / tshon skud sna lnga las sngags mdud byas pa dang / seng ldeng gi phur pa dang / de rnams la lhar bskyed pa dang / mchod bstod byas la sngags 'di bzlas so/ /nyi ma sa bla na klad pa naM/ ku na zhi tsiT+Ta ku linaM/ tseT+ra muT+ra bzlog byer/ nA ga shig nA ga byer/ nA ga naM/ nA ga mgo naM/ nA ga ha na ha na/ nA ga ha na ha na mA ra ya rbad naM zhes grangs mang du bzlas la/ tshil chen na sar bsku/ gla rtsi lus kun du bsku/ sngags mdud lus la gdags/ mdun du dong gru gsum brus la/ bag phye las klu'i gzugs byas te bcug la/ de la bdag la gnod pa'i klu dgug gzhug bya/ bdag nyid phyag na rdo rjer bskyed la phur pa dril zhing sngags bzlas la/ seng ldeng gi phur pa klu la gdab bo/ de nas klu'i gzugs de'i thod par bcug la/ lha khang gi them pa'i 'og tu mnan no/ /dus thams cad du lha'i nga rgyal du byas la bzlas pa bya'o/ /bsrung ba'i cho ga bla na med pa'i dis ci 'dra ba yang thub bo/ /klu bzlog pa'i rim pa'o// //bcom ldan 'das rdo rje 'dzin la phyag 'tshal lo/ /sa bdag gnod pa bzlog par 'dod na bsnyen pa gong bzhin du bya/ maN+Dal dang mchod pa kun byas la/ mdun du dong gru gsum brus la nad du bag phye las sa bdag gi gzugs byas la/ tshon skud kyis ske nas btags la gzhug /rdzas la tshil chen dang / tshon skud sna lnga las sngags mdud byas la/ gla rtsi dang / seng ldang gi phur pa la sngags 'di bdun 'bum bzlas/ /skabs su gtor ma gtang / nyi mas bla na'i rting la/ sa dom nag po sod/ sa dom nag po sod/ sa dom nag po nan/ sa dom nag po nan zhes bzlas la/ tshil chen na sar bsku/ sngags mdud lus la gdags la/ gla rtsis lus kun du bkru/ seng ldeng gi phur pa la sngags 'di bdun 'bum bzlas la/ sa bdag gi snying gar gdab/ sa bdag thod par bcug la mchod rten gyi 'og tu mnan/ dus thams cad du gong bzhin du bya'o/ /sa bdag bzlog pa'i rim pa'o// //bcom ldan 'das rdo rje 'dzin la phyag 'tshal lo/ /bdud dang ma mo dang / btsan dang 'byung po phal pa'i gnod pa bzlog par 'dod na/ sngon du bsnyen pa byas la/ yang maN+Dal dang / lha bskyed pa dang / mchod pa dang / bstod pa kun byas la/ mdun du dong gru gsum brus la/ ngar zan las 'byung po'i gzugs byas la/ tshon skud kyis ske nas btags la nang du gzhug go/ /gnod pa'i 'byung po de la dgug gzhug byas la/ bdag nyid lha'i nga rgyal du gnas te/ phur pa dang yungs kar la sngags 'di bzlas la/ 'byung po la yungs kar gyi thun brdeg /nyi ma sa bla na'i rting la phyug tsi phaT/ tsi ga phyu phaT/ lce ba ti phaT ces nus tshad bzlas la/ /'byung po'i gzugs thod par bcug la/ mchod rten gyi 'og tu mnan no/ /skrang 'bur byung ba la yang gdab bo/ /bdud dang ma mo dang btsan dang / 'byung po thams cad bzlog pa'i rim pa'o// //bcom ldan 'das rdo rje 'dzin la phyag 'tshal lo/ /kun du bsrung ba 'di khyad par du rgyal po la bya'o/ /bsnyen pa gong du byas la/ maN+Dal dang / lha bskyed pa dang / mchod bstod byas la/ mdun du dong gru gsum du/ ngar zan las rgyal po'i gzugs byas la bcug la tshon skud kyis ske nas gdags so/ /de nas phur pa dang / nyungs kar dang / nyungs nag dang / ske tshe dang / thal chen la sngags 'di bzlas pa mang du bya'o/ /skra spyi bor bcings la/ nyi ma sa bla na'i rting la/ e pa ka ra tse/ di nA ga bar ma pa la se to ye zhes bzlas la/ gzugs la yungs kar la sogs pa'i thun brdeg go/ /snying gar phur pa btab pa thod par bcug la/ ce ti'i 'og tu mnan no/ /rgyal po bzlog pa'i rim pa'o// //bcom ldan 'das rdo rje 'dzin la phyag 'tshal lo/ /kun du srung bar byed na/ bca' gzhi gong dang 'dra/ skra spyi bor bcings la/ sngags 'di bzlas/ nyi ma sa bla na'i rting la/ e pa ka ra tse/ di nA ga bar ma/ pa la se to ye/ shig byer nan/ go nan/ ha na ha na mA ra ya rbad nan zhes mang du bzlas la/ /thun dang mnan pa kun gong bzhin bya'o/ /thams cad bsrung ba'i rim pa'o// //bcom ldan 'das rdo rje 'dzin la phyag 'tshal lo/ /'gong pos gnod na 'di ltar bya ste/ sngon du bsnyen pa byas la/ mdun du dong gru gsum brus la/ dong gi nang du ngar zan lnga bcug la tshon skud kyis ske nas btags la gzhag go/ /gang gnod pa'i 'gong po bris la lus la gzhug /de nas maN+Dal byas la/ lha bskyed pa dang / mchod bstod byas la sngags bzlas so/ /nyi ma sa bla na'i rting la/ mgo ste sa ste nan zhes mang du bzlas la thun brdeg go/ /phur pa btab la thod par gzhug /rab gnas byas pa'i mchod rten 'og tu mnan no/ /phyag na rdo rje'i nga rgyal dang stang stabs kyis mtshams bcad do/ /'gong po thams cad bzlog pa'i rim pa'o// //bcom ldan 'das rdo rje 'dzin la phyag 'tshal lo/ /kun du bsrung ba zhes bya ba/ sngags pa gzhan gyi sbod gtong bsrung bar 'dod na/ sngon du bsnyen pa byas la/ de nas maN+Dal bya ba dang / bzed zhal dang / mchod pa bsham pa dang / maN+Dal gyi steng du mchod rten nag po khong stong brtsigs pa'i nang du kho'i gzugs bag zan las byas la/ ming rus bcug la gzhag go/ /bum pa'i nang du phyag na rdo rje bag zan las byas la gzhug go/ /rdo rjes de'i lus 'gems par bsam mo/ /mchod rten gyi 'og tu dong gru gsum brus la/ de'i nang du yang kho'i gzugs dang / ming rus bcug la/ sbrul dang sbal pa gnyis kyi lto bar bcug la/ klu lnga ldan sbrul dgu pas za bar bsam mo/ de thod par bcug la gru gsum du gzhug /lan cig gzhung bzhin du mnan par bya'o/ /bdag rang phyag na rdo rjer bsams la/ phur pa 'dril zhing sngags bzlas pas/ kho'i srung ma bdag gi bka' nyan cing las byed par bsam mo/ /bdag gis rbad pas kho rang gi srog gcod par bsam mo/ /de nas thun rdzas dang phur pa rnams bsags la/ lha bskyed pa dang / mchod bstod dang / sngags ni nyi ma sa bla na'i rting la/ bar ma ma hA AHhUM hUM phaT phaT swA hA zhes 'grub tshad bzlas/ bskor ba phyin ci log tu bya/ thun brdeg /mnan zor gyi mtha' brtul lo/ /sbod gtong thams cad bzlog pa'i rim pa'o// //bcom ldan 'das rdo rje 'dzin la phyag 'tshal lo/ /mdun du 'brub khung gru gsum du/ /dgra dang bgegs kyi ling+ge gzhug /dgra yi ling+ga rkang rjes dang / /dri ma phyi sa gcin las bya'o/ /rabs chad thod par bcug nas ni/ /thod pa yugs sa'i zhabs mas dril/ /de yang re ba'i steng du gzhag /'gram du dug rdzas sna tshogs dang / /drag po'i rdzas rnams bzhag nas ni/ /skabs su dug thun rdzas thun brdeg /de yi 'gram du maN+Dal te/ /bzed zhal mchod pa rnam lnga bsham/ /bdag nyid phyag na rdo rje dang / /lnga ldan bskyed cing spyan drangs dang / /mchod dang bstod dang gsol ba gdab/ /de nas sngags kyi bzlas brjod ni/ /nyi ma sa bla naM/ klad pa naM/ kun zhi tsit+ta ku li naM/ tsi tra mu tra bzlog byer/ thum ril rbad che ge mo mA ra ya dzaHrbad naM/ 'bum mam sum 'bum bzlas la/ skabs skabs su ag tshe ba na mar thun brdeg go/ /de ltar byas nas thod pa khyer la/ lam rgya gram mam/ mchod rten dang / dur khrod dam/ gong gsum mam/ chu mig gam/ la btsas sam/ chu gling la mnan pa gzhung bzhin du bya'o/ /dgra dang bgegs kyi ling+ga bca' ba'i rim pa'o// //bcom ldan 'das rdo rje 'dzin la phyag 'tshal lo/ /dgra gsad pa'i rim pa ni dang por bdag rnal 'byor pa'i mdun du mdzub gang pa'i 'brub khung gru gsum brus te/ dur khrod kyi sol bas nag por byug go/ /de'i nang du dgra bo'i rkang rjes kyi sa dang / bag phye las ling+ga byas la/ ming byang bcug la gru gsum du gzhug /de'i khar g.yam pa sngon po cig la/ /yung ba ser pos ri rab dang / rdo rje rgya gram gyi gzugs bris la/ kha bcad la gzhag go/ /'gram du bzed zhal dang mchod pa rnam lnga bshams la/ bdag nyid phyag na rdo rje dang / mdun du lnga ldan bskyed cing spyan drangs/ mchod pa dang / bstod pa dang / gsol ba gdab/ gu gul dag gis lha dang dbral/ thun gyi rdzas rnams bsags nas ni/ drag po'i sngags ni bzlas brjod bya'o/ /nyi mas bla naM/ klad pa naM ku na zhi/ tsit+ta ku li naM/ tsi tra mu tra bzlog byer/ thum ril rbad che ge mo mA ra ya dzaH rbad naM zhes 'bum bzlas/ de nas ling+ga'i mgo bcad la/ /mgo dang ling+ga sar pa gnyis/ /rabs chad thod pa'i nang du gzhug /mnan pa sgrub pa tshul bzhin bya/ /lha 'dre gnas pa'i sa ru gzhug /ling+ga'i lus dang gsar pa gnyis/ /ral gris gtubs la drag po'i rdzas dang gdug pa can gyi shing la sbyin sreg tshul bzhin du bya'o/ /dgra la bya ba'i rim pa'o/ / //bcom ldan 'das rdo rje 'dzin la phyag 'tshal lo/ /sbyin sreg byed na sla ba'am thab khung rnying pa ru/ brgya'am yang na lnga bzhi gcig /bskyar zhing las la sbyar bar bya/ /gdug pa'i rdzas ni sna tshogs dang / mar nag tshil chen ske tshe dang / /til dang ming byang spel te bsreg / me lha bskyed la sbyin sreg dbul/ /sngags ni nyi ma sa bla na'i rting la che ge mo rak+Sha shAn+tiM ku ru mA ra ya rbad ces pas/ dug sna tshogs dang / dri mi zhim pa sna tshogs dang / drag po'i rdzas sna tshogs dang / mar nag la sogs pas sbyin sreg bya'o/ /ting nge 'dzin dgra bgegs gang yin par mos par byas la/ /rdzas re dang sngags re bstun zhing sbyin sreg bya'o phyag na rdo rje dang / lnga ldan bskyed pa dang / spyan drangs pa dang / mchod pa dang / bstod pa byas la/ de nas me lha bskyed la sbyin sreg bya'o/ /drag po dang zhi ba'i sbyin sreg gi rim pa'o// // bcom ldan 'das rdo rje 'dzin la phyag 'tshal lo/ /gru gsum nyis 'gyur bris la nang thal ba 'jam pos byug /kha rtsang dmar gyis bskor/ nyi ma sa bla na la sogs pa la 'di gdags so/ /shig byer nan/ mgo nan/ ha na ha na mA ra ya rbad nan/ sbal pa'am/ sbrul lta bu'i rjes byung na 'gong po yin/ bong bu'i rjes byung na 'gong po yin/ /u ma pa'i bshags pa 'dra ba byung na rgyal po yin/ shing lo lta bu'i rjes sam ral pa bsnyigs pa lta bu'i rjes byung na bdud yin/ mda' mang po bzhag pa 'dra ba'i rjes byung na btsan yin/ phug ron gyi bya bra'i rjes 'dra ba'am/ lcags thag sprel ba'i rjes byung na ma mo yin/ de rnams gang byung ba dang las la sbyar ro/ /rdo rje lce dbab kyi 'grel pa mu tig gi phreng ba zhes bya ba'i rim pa/ rgya gar gyi mkhan po rgyal bu sprin gyi shugs can gyis mdzad pa rdzogs so// //slad kyi paN+Di ta dza yA ka ra dang / lo tsA ba mar pas bsgyur cing zhus te gtan la phab pa'o//[ ]@##/ /rgya gar skad du/ b+ha ga bAn dzi hwAM be sha man+t+ra hr-i da yaM/ badzra pA Ni sA d+ha nAM nA ma/ bod skad du/ bcom ldan 'das phyag na rdo rje lce dbab kyi gsang ba'i yang bkol gyi sgrub pa'i