བོད་ཡིག

e-texts based on the ACIP/ALL Input

@##/ /rgya gar skad du/ kra ma Sha Ta nA ma/ bod skad du/ rim pa drug pa zhes bya ba/ dpal phyag na rdo rje la phyag 'tshal lo/ /'gro rnams rtog pa'i ngor gyur rtog gnas te/ /de la rtog cing dge dang mi dger 'dzin/ /dug dgra'i gseb thar chu srin kha ru ni/ /gru chad bzhin du dga' dang mi dga' ste/ /rtag tu brtse bas 'dzin cing nga ros 'jigs/ /de la dngos po kun gyis 'dud cing 'dud/ /bka' drin thob dang rang nyams rtog de dran/ de 'dir 'dod lha mnyes dang nges 'byung dang / /sbyor ba gzhan gyis nges par 'byung ba yin/ /dang po gnyis yin gnyis pa bzhi ru snang / dang po bzlas pa 'grub dang grub pa'i rtags/ /gsang sngags 'grub pa'i rtags dang mtshan ma ni/ /glegs bam du ma 'tsher mthong lag gis len/ /rnga chen dung dang cha lang dril bu dang / /mchod pa'i sgra sgrogs du ma'i gzugs mthong ba/ /maN+Dal dkyil 'khor las byed chos 'chad nyan/ /glegs bam klog cing dkyus ltar 'dri ba smra/ /ras ris la ni bde gshegs gzugs brnyan ni/ /du ma mthong zhing rten gyi gzugs mthong ba/ /rol mo'i gzugs byed mchod rten gdugs sogs byed/ /rdo rje la sogs mtshan ma rnyed dam mthong / /me tog sna tshogs gsal bar mthong ba dang / /nyi zla'i 'od 'bab gza' skar go mthong dang / /me gtong du langs nam mkha' yang ni 'khrigs/ /rdzing la chu 'dren khron pa las ni len/ /'bras kyi myu gu bzang dang lo ma bzang / /ce sbyang la sogs thul ba gos bzangs gyon/ /rgyan cha bzang zhing mtshon cha rno ba 'dzin/ /de rnams byung gyur gsang sngags grub pa'i rtags/ /rnal 'byor pas gsang sngags 'grub pa'i rtags kyi rim pa ste rim pa dang po'o// //mig la sogs pa'i dbang pos srid gsum mthong / /thos dang snga phyi'i skye dran rdzas kun lud/ /ras ris bzhad cing ro sogs 'od 'byung dri/ /mun nag me tog char 'bab 'ja' tshon snang / /tshogs na chos 'chad mun nag glegs bam dpyod/ /nam mkha' stong las sna tshogs rol mo'i sgra/ /'brug sgra glog 'gyu thog chen 'bebs pa dang / /nam mkha' stong zhing sprin sngon mthong ba dang / /de bzhin mthing nag sprin sngon nges 'gyur dang / /nyi zla'i dkyil 'khor 'od ldan sa gzhi bdal/ ras ris lugs ma la sogs bde gshegs gzugs/ /mchod cing skor ba byed dang rten la skor/ /dkyil 'khor bris nas mchod dam dbang bskur ba/ /mdzes pa'i snod du me tog sna tshogs thu/ /rin chen sna tshogs me tog bai pUr rnyed/ /shin tu skam pa'i sa las chu rdol ba/ /bdag nyid me dpung nang 'dug srog chags tshig / ting 'dzin gsal zhing yi dwags gzugs la brtson/ /dben zhing nyams dga'i gnas ni du ma mthong / /rtse gcig pa yi bsam gtan byed/ /seng ge'i khri steng gnas pa rmi/ /lha khang gnas gzhi rtsig mtshungs dang / /chu bo che dang / rgya mtsho'i steng nas 'gro/ /bar snang 'phur zhing bsdigs pa'i ltos 'gro len/ /'di 'dra'i rmi lam gsang sngags grub pa'i rtags/ /rnal 'byor pas gsang sngags grub pa'i rtags kyi rim pa ste gnyis pa'o/ /gnyis pa bzhi pa'i dang po'i mtshan nyid ni/ /sbyor ba gzhan byung rnal 'byor nyid la 'ong / /ri gzar dag la mi thar mthar zad lhung / /ri brags 'dzul 'dod chu dong lhung ba dang / /phyugs lhas 'dam rdzab bshang gci'i nang dang ni/ /kha dog dmar dang skya ba'i chu dag la/ /rtsub dang gnag pa'i gos dang dmar ba'i gos/ /shin tu hrul po'i tshe ta'i pags pa gyon/ /shing rtsi ri las lhung dogs rten med 'dug / gcer bur 'dug cing lcag lcig chu nang 'gro/ /gzung 'dzin yod pa'i rten sa de ru ni/ /nyin dang mtshan du rtag tu 'gro ba rmi/ /glang nag glang dmar ba nag ba dmar zhon/ /rtsub pa'i gos gyon ga ta la zhon pa/ /ma he ba lang khyus 'gro sogs rmi ba/ /gnag dang ba lang khyus 'gro sogs mthong dang / /rta dang ga ta mig zlum khyus 'gro sogs/ /be ta tshe ta khyus 'gro sogs mthong ba/ /seng ge spyang dang khyi sogs mche can rmi/ /bse dang byi ba sder chags rmi 'gyur ba'o/ /sbyor ba gzhan gyis gnod pa 'gyur ba rnal 'byor pa la mchan ma 'ong ba'i rim pa ste gsum pa'o/ / //gnyis pa'i bzhi pa gnyis kyi mtshan nyid ni/ /rnal 'byor stobs kyis mi thub mtshan nyid ni/ /bya dang byi ba sbrul gdug gnas pa'i mtsho/ /chu srin nya dang chu sogs gnas pa dang / /sdig pa sdom dang rtsangs pa rkang mangs dang / /sbrang bu mchu rings srog chags phra mo rnams/ /de rnams rmi gyur bran rnams sbyor ba gnod/ /sbrul dang sbal pa sdom dang sdig pa dang / /bya sogs lus 'byar mchus 'debs gshog sbrug dang / /be ta la sogs rdzi med mdog rgod rmi/ /mi thub rtags te bud med smyo ba dang / mi thub kun la brdeg 'gyur mdog rgod ma/ /rgyan bzangs mdzes pa'i snod du zas sogs bkang / /rtag tu rgan mor 'ong 'gyur mi thub rtags/ /ltos 'gros lus dkris ldan zhing mi phrel dang / /sdig dang rtsangs sogs 'byar zhing mchus btsugs pa/ /sbrang bu mchu rings srog chags phra mo rnams/ /khrag 'jib lus nang zhugs gyur mi thub rtags/ /chu srin nya sogs chu chen 'phyo zhing 'khyu/ /gnag dang dmar srog chu yis khyer ba rmi/ /de yang mi thub rtags te brtson par bzlog /dad ldan brtson pas mi 'grub gang yang med/ /sbyor ba gzhan las byung ba'i gnod pa rnal 'byor pa'i stobs kyis mi thub pa'i rtags kyi rim pa ste bzhi pa'o/ / //gnyis pa bzhi pa gsum pa'i mtshan nyid ni/ /rnal 'byor rtsal gyis thub cing non pa'i rtags/ /ma he gnag sogs rjud cing rid pa dang / /dud 'gro rnams ni btags sam brtod gyur pa/ /dud 'gro dgras khyer brtod dam rkun mos khyer/ /dud 'gro 'tsho dang 'bras kyi phub ma 'chag /dud 'gro 'khor dang rdzi yis skyong ba dang / /dud 'gro yor dang 'gab thegs thub pa'i rtags/ /dud 'gro gsad dang btsos nas za ba dang / /rang gzhan me byung dud 'gro tshig gyur dang / /de ni nges par dbang du 'dus pa'i rtags/ /bud med rgud cing ngo dma' shi ba dang / /ngu zhing rgyan bzang gus pas phyag byed dang / /gnas nas gzhan 'gro thub pa'i rtags su bstan/ /sbrul la sogs pa'i srog chags du ma rnams/ /bsad dam zos sam shi'am ded gyur dang / /skem dang tshig gyur thub pa'i rtags yin no/ /bya dang byi ba sbrul gdug gnas mtsho skams/ /bud med zhum zhing du ba thub pa'i rtags/ /sbyor ba gzhan rnal 'byor pa'i rtsal gyis non pa'i ltas kyi rim pa ste lnga pa'o// //gnyis pa bzhi pa bzhi pa'i mtshan nyid ni/ /sbyor gzhan rab tu khros par gyur pa ni/ /rang nyid mi g.yog nas na gnas nas ni/ /sprul pa sna tshogs gzugs ni ston cing phyogs/ /'khor dang bka' yi pho nya 'gyed cing 'dug / rigs mtho'i 'dra 'bag bu chung rab byung gzugs/ /'od gyur thang las skyes pa'i pho nya yin/ /de ni bzlog par bya ba'i thabs ni gzugs/ /blon po yul gyi rgan rabs 'ong 'gyur dang / /brod pa skyes pa gzhon nu bon po'i gzugs/ /sngags pa'i gzugs ni 'ong 'gyur brag skyes yin/ /de bcos bya ba'i thabs ni bstan pa yin/ /dkar dmar gnag cing shin tu mang ba yi/ /ba lang 'tsho zhing phyugs nang 'dug pa dang / /ral pa bzang po bud med smug nag dang / /g.ya' ri gangs ri las skyes pho nya yin/ /de phyir thabs ni du ma yod par gsungs/ /bud med gzhon zhing rgyan bzangs rab byung ma/ /ma dang sru mo sring mo ni ne mo yi gzugs/ /nye du nye 'brel khrom chen bud med dang / /bu mo chung ma mtsho las skyes pa yin/ /de ni mnan pa'i thabs ni bya ba dang / /de rnams zhi 'gyur 'ga' zhig dbang du 'du/ /dbang du 'gro ba rtog pa'i nad las thar/ /khyi la sogs pa dud 'gro phal cher ni/ /sbyor ba gzhan gyi pho nya yin pas bzlog /rang gi ngo bo gtso bo'i gzugs can te/ /dud 'gro'i gzugs ldan rgyan ldan de nyid do/ /nam mkha'i mthongs na gnas shing sprul pa yi/ /gzugs ni ma lus brjod kyis mi lang ste/ /de yang dpag tu med pa'i mtha' mi rtogs/ /de phyir bde gshegs mthu dang mtshungs pa yin/ /sbyor ba gzhan gyis bka'i pho nya bkye ba'i rim pa ste drug pa'o// //bla ma'i bka' dang lhag lhas gnang ba byin/ /'gro la brtse bas rtog pa cung zhig sbyar/ /de yi dge ba ci bsags pa/ / rtog la nges shing nges rtogs shog /rim pa drug pa zhes bya ba rtags gsal bar byed pa/ nam gru'i rigs las byung ba dngos grub brnyes pa'i slob dpon dzA wa ri pas mdzad pa rdzogs so// //paN+Di ta puN+ya ma ti dang lo tsA ba chos kyi bzang pos bsgyur ba'o//[ ]@##/ /rgya gar skad