བོད་ཡིག

e-texts based on the ACIP/ALL Input

'byung / /'khor ba mya ngan 'das par 'gyur/ /snyan brgyud dri ma med pa'o/ /ma gcig grub pa'i rgyal mo nas brgyud pa 'jig rten dbang phyug gi gsang ba'i sgrub thabs rdzogs so//[ ]@##/ /rgya gar skad du/ /a ba ra mi ta A yudz+nyA na maN+Dal bid+hi nA ma/ bod skad du/ tshe dang ye shes dpag tu med pa'i dkyil 'khor gyi cho ga zhes bya ba/ bcom ldan 'das tshe dpag tu med pa la phyag 'tshal lo/ /rang bzhin tshe dpag med pa'i sku/ /ye shes lnga ldan gsung gi bdag /thugs rje'i thugs kyis rjes 'dzin pa'i/ /bla ma tshe dpag med la 'dud/ / rtsa rgyud bshad rgyud las byung ba'i/ /cho ga bzang pos yongs bzung bshad/ /slob dpon mtshan nyid kun ldan zhing / /gzhan phan sgrub pa'i blo gros can/ /rang dang gzhan gyi don sgrub phyir/ yid 'ong nyams dga'i gnas nyid du/ /lha yi rnal 'byor gsal ba dang / /gtso bo 'bum la 'khor rnams khri/ /rab 'bring mtshan ma thob pa dang / /slob mas me tog dang bcas pas/ /gus pas gsol ba gdab par bya/ /de nas dkyil 'khor bri ba'i phyir/ /sa gzhi brtags shing bzung dang sbyang / /nyes pa med pa'i sa phyogs der/ / bskyed pa'i rim pa gsal byas nas/ /baM las bskyed pa'i lha mo ser/ /mdzes pa'i rgyan ldan lus phyed snang / /bum pa 'dzin la mchod cing bstod/ /skyob pa sangs rgyas thams cad kyi/ /spyod ba'i tshul dang khyad par gyi/ /sa dang pha rol phyin pa la/ /lha mo khyod ni dbang du 'gyur/ /skyob pa shAkya seng ge yis/ /ji ltar bdud kyi sde bcom ltar/ /de bzhin bdag gis bdud sde las/ /rgyal bar byas te dkyil 'khor bri/ /lag pa sa la bsnun pa yis/ /dga' ba'i mdangs ldan lha mo yis/ /khyod ni slob dpon mchog yin gyis/ /dkyil 'khor las ni rab tu bsgrubs/ /brjod nas sa la thim pa ltar/ /phyogs skyong gtor ma 'bul ba dang / /mthun pa'i grogs dang gsol ba gdab/ /ro bsal nyes pa spangs pa de/ /'thas par bcag cing rnam lnga dang / /bdud rtsi lnga ni khyab par byug / me yis zhi ba'i las kun gyi/ /sbyin sreg sbyangs dang sngags kyis ni/ /phyin brlabs lha yi khang par bsam/ /bskyed pa'i yan lag kun rdzogs pas/ /slob dpon dkyil 'khor steng 'dug la/ /slob ma gus pas spos thogs te/ /mchod cing bstod dang gsol ba gdab/ /bcom ldan mgon po tshe dpag med/ /skyon gyis ma gos li khri ltar/ /mkha' dang mnyam pa'i sku mnga' ba/ /mnyam nyid sku la phyag 'tshal bstod/ /dkyil 'khor lha tshogs thams cad ni/ /yon tan ma lus bskyed mdzad cing / /yid bzhin nor bu mtshungs ldan pa'i/ /'gro ba skyob la phyag 'tshal bstod/ /tshe dpag med pa gsung gi bdag /'chi bdag ma lus 'joms mdzad pa'i/ /tshe yi dngos grub stsol ba'i sku/ /dkyil 'khor dam pa bshad du gsol/ / de nas rdo rje slob dpon gyis/ /dkyil 'khor bsdus te rta mchog sku/ /khro zhing rab brjid nga rgyal dang / /rkang pa hUM las rdo rjer byas/ /mig gnyis nyi zla 'bar ba ste/ /rdo rje dril bu'i phyag rgya yis/ /'jigs med byang shar mtshams song nas/ /dkyil 'khor sa gzhi la gnas pa'i/ /lha dang lha min bgegs tshogs nyon/ /nga ni dpal ldan rdo rje 'dzin/ /nga yi bka' las ma 'da' bar/ /bgegs kyi tshogs rnams 'gro bar gyis/ /gal te mi 'gro 'dug gyur na/ /ye shes rdo rje 'bar ba yis/ /mgo bo tshar pa brgyar 'gas shing / / lus rnams stong du gyur nas ni/ /rnam par 'joms par gdon mi za/ /de bas khyed rnams gzhan du dengs/ /rta mchog sngags dang rdo rje 'gros/ /dkyil 'khor lan gsum bskor bar bya/ /de nas khro bo'i phur pa rnams/ /kI la ya zhes btab nas kyang / / A ko Ta yis brdung bar bya/ /me da'i sngags kyis byin gyis brlab/ /sa yi lha dang lha tshogs rnams/ /sta gon gnas par bya ba ni/ /lha rnams rdzogs par bskyed pa dang / /mchod cing bstod de spos thogs la/ /bcom ldan mgon po tshe dpag med/ /dkyil 'khor lha tshogs thams cad dang / /rig pa'i lha mo rdzu 'phrul can/ /byang chub sems dpa' la sogs kun/ /thams cad bdag la dgongs su gsol/ /khyed rnams la yang mchod pa dang / /slob ma rnams la phan pa'i phyir/ /rdo rje can bdag che ge zhes/ /dkyil 'khor dam pa bzhengs su gsol/ /rjes su brtse bar nyer dgongs nas/ /song nub dgyes par 'byon par 'tshal/ /de nas phyi nang mchod pas mchod/ /dkyil 'khor lhag par gnas pa'o/ /rin chen rgyu las byung ba yis/ /lto che mgrin pa ring ba dang / /mchu 'phyangs nag nog ra ri med/ /lha grangs mnyam pa las bum dang / /rang rang phyag mtshan rdzogs par bya/ /ha sa de ba gser dngul dang / /mu tig mu men byi ru gzhug /nas til gro sran mung+ga dang / /ga pur dzA ti gur gum mchog /tsan+dan gnyis dang a ga ru/ /mar dang bu ram sbrang rtsi dang / /lan tshwa rnams kyis lto ba dgang / /kha tshar ma nyams ras zung gis/ /mgrin par rab tu brgyan pa dang / /kha rgyan ku sha 'bras bu can/ /sna tshogs pad+ma ras kyi steng / /yang na ku sha'i gdan la bzhugs/ /b+h+rUM las bskyed pa'i gzhal yas khang / /chu skyes nyi zla'i gdan stengs su/ /lha rnams rdzogs par bskyed pa dang / /sngags bzlas ye shes bdud rtsi'i rgyun/ /bum pa gang bar bsam pa dang / /lha rnams rang rang bstod pa bya/ /las bum rta mgrin bskyed pa dang / /sngags bzlas par chad bsrung ba dang / /sha lnga bdud rtsi'i gtor mas mchod/ /'dod pa'i don la gsol ba gdab/ /slob ma lhag par gnas pa yang / /snyim pa me tog dang bcas pa/ /skye rgas 'chi ba na kra yi/ /chu srin la sogs 'jigs rung ba/ /srid pa'i mtsho las bdag sgrol mdzod/ /dga' chen khyod bdag ston pa po/ /slob dpon khyod ni dgongs su gsol/ /byang chub chen po'i tshul bstan pa'i/ /mgon po chen po bdag 'tshal lo/ /dam tshig de ni bdag la stsol/ /byang chub sems kyang bdag la stsol/ /sangs rgyas chos dang dge 'dun te/ /skyabs gsum de ni bdag la stsol/ /thar pa chen po'i grong mchog tu/ /mgon po bdag ni 'jug par 'tshal/ /'od kyis bur byas sdig pa sbyangs/ /bu tshur theg pa chen po pa/ /khyod ni tshul chen snod yin te/ /gsang sngags spyod tshul cho ga ni/ /khyod la yang dag bstan par bya/ /sku gsung thugs kyi rdo rje can/ /sangs rgyas dus gsum 'byung ba rnams/ /rdo rje gsang sngags rab bsgoms pas/ /ye shes mnyam med yang dag brnyes/ /skyob pa shAkya seng ge yis/ /drag po chen po bdud kyi sde/ /dpung chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig / de nas rdo rje slob dpon gyis/ /sdig pa bshags pa la sogs kun/ /sngon du 'gro ba'i cho ga bya/ /tshe dpag med pa bdag la dgongs/ /ma lus bzhugs pa'i bde gshegs rnams/ /'di nyid nas bzung sangs rgyas par/ /bla med bdag la gzigs par mdzod/ /dam tshig sdom pa bzung ba ni/ /sangs rgyas chos dang dge 'dun te/ /bla na med pa'i dkon mchog gsum/ /sangs rgyas rnal 'byor sdom pa ni/ /yang dag nyid du gzung bar bya/ /rdo rje rigs mchog chen po la/ /rdo rje dril bu phyag rgya yang / /yang dag nyid du gzung bar bya/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin du lan drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs chen dag pa la/ /phyi dang gsang ba'i theg pa gsum/ / dam pa'i chos kyang gzung bar bya/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang mi nus bgyi/ /tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /bdag gis brtan por gzung bar bgyi/ /gnyis su med pa'i tshangs spyod dang / /rang gi dam tshig bsrung par bgyi/ /bdag gi dge ba'i las kyis ni/ /sangs rgyas myur du bsgrub bya ste/ /sems can 'khor ba'i rgya mtsho las/ /bla med gnas su bsgral bar bgyi/ /gus pas lan gsum brjod par bya/ /dpral ba mgrin pa snying ga ru/ /dri yi thig le gsum byas te/ /rta bdun chu skyes 'khor lo'i ster/ /thugs gsung sku yi snying pos brgyan/ /rigs kyi lha las 'od 'phros pas/ /ye shes gnyis su med par bstim/ /chu gnyis sngon du 'gro bas mchod/ /deng nas bzung nas bu khyod kyis/ / 'khor ba'i nyes pas ma gos par/ /mchod pa kun dang ldan par ni/ /bu yis blo gros 'di gyis shig /a shwad+tha dad pa la sha /u du m+WA ra la sogs pa/ /bcu gnyis sor gyi tshad tsam la/ /rtse mor me tog gis brgyan nas/ /maN+Dal 'dab brgyad rnam lngas byug /shar nas dbus su dor ba ni/ /pad+ma'i phyag rgya dang bcas pa/ /steng du mchog gi dngos grub yin/ /phyogs su phrin las grub pa dang / /thur bltas sa 'og 'grub pa yin/ /mtshams su 'jig rten dngos grub po/ /de nas skyor chu sbyin pa ni/ /oM hrIH bi shud+d+hA s+sarba d+harmAHsarba pA pA ni tsA s+ya bi sho ng+ha ya sarba bi kal pAn a pa na ya hUM/ zhes pas sgo gsum dag sbyangs nas/ /skud pa dmar po sum sgril la/ /rta mgrin sngags kyis bcing bar bya/ /ku sha gtsang ma sngas dang stan/ /ma nor seng ge'i nyal stangs bzhin/ /thub pas ting 'dzin 'grub pa ltar/ /mtshan ma gang byung brjod par bya/ /bzang na dngos grub spro ba bskyed/ /ngan na sbyin sreg gis ni bzlog / zab cing rgya che'i chos bshad ni/ /'jig rten du ni kun mkhyen dag /u du m+WA ra'i me tog bzhin/ /brgya lam na ni re 'ga' zhig /'byung ngam yang na mi 'byung srid/ /gsang sngags spyod pa'i tshul 'byung ba/ /de bas kyang ni dkon pa ste/ /bla ma rdo rje can mchod la/ /nang par langs te dkyil 'khor lha/ /nam mkhar bteg ste thig gdab ste/ /bu mo gtsang ma sdom ldan gyis/ /ras bal las byung bkal ba dang / /ye shes lnga'am sku gsung thugs/ /oM a n+yo n+ya a nu ga ta sarba d+ha rmA/ /brjod nas bsgril bar bya ba ni/ /pad+ma'i snod du bzhag nas kyang / /mi 'chi lnga yis spangs byas la/ /blo ldan ye shes bstim byas nas/ /nam mkhar ye shes dza dzas gdab/ /sgo yi bcu gnyis cha dang ldan/ /srid kyang khang pa nyis 'gyur la/ /tshangs pa'i las thig drangs pa la/ /oM badzra sU tra sa ma ye ma ti kra ma hUM/ tshangs dang zur thig la sogs pa/ /bstan bcos mthong zhing blo ldan des/ /cha ni gang yin rnam par dbye/ /gal te nyes pa'i 'bras bu ni/ /chad na bla ma'i srog g.yo zhing / /dman lhag nad kyis btab par 'gyur/ /phyogs 'khrul slob ma rmongs par 'gyur/ /blo ldan nyes pa med par bya/ /gru bzhi sgo bzhi rta babs bcas/ /dra ba dra ba phyed pas brgyan/ /nyi zla dril bu g.yer khas spras/ /pho brang chu skyes rim pa gnyis/ /mu khyud pad+ma'i phreng ba dang / /khyams dang phyi rol pa dar dang / /rdo rje me ri la sogs pa/ /rnam pa ma lus rdzogs par bya/ /rin chen lnga dang 'bru phye'am/ /pad+ma'i snod du so sor bzhag/ /sa bon bris la ye shes bstim/ /sku gsung thugs kyis byin gyis brlab/ /sngon po ser po dkar po ljang / /dmar po 'di ni nang du 'dod/ /g.yas skor rgyun ma chad par bri/ /dbang ldan mtshams su drang ba bya/ /pad+ma'i snod kyis steng nas bkab/ /'di ni chos dbyings dag pa ste/ /sems can khams ni rab sgrol byed/ /bcom ldan mgon po tshe dpag med/ /tshon gyi las ni yang dag brtsam/ /me tog dor la mtshan ma brtag /shar sngo lho ser nub dkar po/ /byang phyogs in+d+ra nI la'i mdog /pad+ma lha snam dmar po'o/ /de ltar rdzogs pa'i dkyil 'khor du/ /khrus byas dri zhim lus byugs nas/ /gos bzang brgyan la lan gsum bskor/ /tshe dpag med pa'i nga rgyal gyis/ /shar gyi sgo nas nang du zhugs/ /yid kyis sgo bzhi dbye bar bsam/ /oM badzra mung+g+ha Ta/ sa ma ya pra be sha ye hU~M/ /rnam rgyal la sogs bum pa rnams/ /gnas dang go rims bzhin du dgod/ /sna tshogs gos dang rgyan phreng sogs/ /mchod pa'i rdzas kyis legs par brgyan/ /dkyil 'khor lha rnams rdzogs par bskyed/ /ye shes bstims la mchod bstod bya/ /tshogs kyi 'khor los tshim pa dang / /bar chad zhi phyir shar phyogs su/ /zhi ba'i sbyin sreg bya ba dang / /slob ma'i cho ga ji lta bar/ /slob dpon bdag nyid dbang dang ldan/ /shar gyi phyogs nas 'jug pa dang / /de nas slob ma gzhug pa'i phyir/ /khrus byas bgegs dang sdig pa sbyang / /gdong pa ras kyis bkab nas ni/ /bu khyod su yin ci la dga'/ /bdag ni skal bzang rigs yin no/ /sangs rgyas kun gyi rang bzhin sku/ /slob dpon la ni skyabs su mchi/ /gtso bo lha mor bcas pa yi/ /lha rnams la yang phyag 'tshal lo/ /thar pa chen po'i grong mchog tu/ /mgon pos bdag ni gzhug tu gsol/ /de nas tshig 'dis gsol ba gdab/ /de bzhin gshegs pa kun gyi gnas/ /tshe dpag med pa'i grong khyer mchog /snying po'i dkyil 'khor 'di ru ni/ / bdag gis slob ma gzhug par bya/ /oM A khaM bI ra hU~M/ me tog phreng ba gtad pa dang / /dkyil 'khor lha la phyag 'tshal te/ /oM na ma ste hU~M/ oM na ma mi hU~M/ na mo na maH hU~M swA hA/ shar nas zhugs nas lho nas dbang / /nub nas chos bshad byas nas ni/ phrin las sgrub pa la sogs pa'i/ /don du gsol ba gdab pa ni/ /oM sarba ta thA ga ta pU dza u pa thA na ya A t+ma naM/ ni r+yA ta yA mi/ sarba ta thA ga ta badzra satwa a ng+hi tiSh+Tha na swa maM/ oM sarba ta thA ga ta pU dza a b+hi She ka ta A t+ma naM ni r+yA ta yA mi/ sarba ta thA ga ta badzra rat+na a b+hiShi ny+tsa mAM/ oM sarba ta thA ga ta pU dza pra bar ng+ha na ya A t+ma nAM ni r+yA ta yA mi/ sarba ta thA ga tA badzra d+ha rma naM pra war d+ha ya maM/ sarba ta thA ga tA pU dza karmA naM/ At+ma nAM ni r+yA ta yA mi/ sarba ta thA ga ta badzra karma ku ru maM/ /dam tshig sdom pa sbyin pa dang / /rnal 'byor du ni sems bskyed do/ /oM sarba yo ga tsit+ta ud pA da yA mi/ /rdo rje snying gar bzhag /oM su ra te sa ma ya staM/ /sid+d+hi badzra ya thA su khaM/ / deng khyod/ de bzhin gshegs pa thams cad dang / /tshe dpag med kyi dngos grub thob/ /dngos grub gzhan dag lta ci smos/ /dkyil 'khor ma zhugs mi smra'o/ /dam tshig nyams par gyur ta re/ /'di ni dam tshig rdo rje ste/ /gal te khyod kyis smras gyur na/ /dam tshig chen po'i rdo rje yis/ /rang gi mgo bo 'gas par 'gyur/ /tshe dpag med pa deng khyod kyi/ /snying la de ring yang dag zhugs/ /gal te tshul 'di smras na ni/ /de ma thag tu dral te gshegs/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub rnams/ /rdo rje bdud rtsi'i chu 'dis 'grub badzra u da ka oM AHhUM/ deng nas brtsams nas bu khyod kyi/ /tshe dpag med pa nga yin gyis/ /khyod kyis ngal brnyas pa na/ /mi bde ma spangs dus byas nas/ /dmyal bar ltung bar gyur ta re/ /de nas slob ma'i gtso bo yis/ /de bzhin gshegs pa thams cad kyis/ /bdag la byin gyis rlobs mdzod la/ /tshe dpag med pa dbab par mdzod/ /rkang mthil rlung gi dkyil 'khor dz+haiM/ /snying gar laM las sa'i dkyil 'khor/ /mgrin par baM las chu'i dkyil 'khor/ spyi bor yaM las rlung dang haM/ /de yi spyi bor tshe dpag med/ /yab yum 'od kyi rang bzhin du/ /gar byed sku las ye shes kyi/ /bdud rtsi babs nas sku la thim/ /zag med bde bas gang bar bsgom/ /oM hrIHb+h+rUM badzra dz+nyA na A yu She A be sha ya A be sha ya a/ s+t+waM b+ha ya/ ra ra ra tsa la ya hUM a haHdz+h+yaiM/ zhes brjod rol mo'i sgra dang ni/ /gu gul zla mtshan thod pa ru/ /dur khrod sol ba'i me yis bsreg /bab gyur zla ba'i dkyil 'khor du/ /aH las gsung gi bdud rtsi bsam/ b+h+rUM hrIHbadzra/ dge dang mi dge la sogs pa/ /smros shig rdo rje can gyi rigs/ /tiSh+Tha badzra brtan par bya'o/ /tshe dpag med pa'i dkyil 'khor du/ /rig pa'i me tog 'di dor bas/ /sngon tshe ye shes brnyes pa'i lha/ /gang yin de la 'bab par shog / pra tIts+tsha badzra ho/ /bye brag dang dngos grub brtag par bya/ /pra ti gr-ih+Na hi maM sa twa ma hA ba la/ /slob ma'i mgo la bcing bar bya/ /tshe dpag med pa deng khyod kyi/ /mig 'byed par ni brtson par mdzad/ /phye bas thams cad mthong bar 'gyur/ /rdo rje'i mig ni bla na med/ /oM badzra ne tra a pa har ba TalaM hrIH/ /dkyil 'khor bzang po 'di la ltos/ /nga ni dad pas rab tu bskyed/ /khyod ni tshe dpag med du skye/ /sngags dang phyag rgyas byin gyis brlab/ /'gro don phun tshogs dngos grub kyang / /thams cad khyod la mngon du 'gyur/ /dngos grub thob cing dam tshig srungs/ / gsang sngags la yang brtson par gyis/ /rim gyis rnam par dag pa bstan/ /de nas slob ma dad ldan des/ /bla ma'i zhabs la phyag 'tshal nas/ /yon mchog dam pa 'bul ba dang / /dbang bskur don du gsol ba gdab/ /bcom ldan mgon po tshe dpag med/ /yab yum gnyis med bde chen sku/ /'chi med bdud rtsi'i chu rgyun gyis/ /dbang bskur ba ni bdag la stsol/ /lan gsum brjod nas shar phyogs su/ /pad+ma 'dab brgyad khri la 'dug /rnam rgyal bum pa la sogs nas/ /chu rnams dung chos bum par bsdus/ /rdo rje'i glu dang rol mo'i sgra/ /rigs lnga rig ma'i lha mo dang / byang chub sems dpa' bkra shis brjod/ /khro bo rnams kyis bgegs bsrung ngo / /gsang gsum dam tshig las byung ba'i/ /ye shes bdud rtsi'i dri ma med/ /lha yi chu ni dag pa yis/ /mi bskyod rdo rje dbang bskur ro/ /oM badzra a ng+hi tiSh+Tha dz+nyA na a b+hiShiny+tsa hU~M/ gser la sogs pa'i dbu rgyan la/ /rin 'byung bskyed cing ye shes bstim/ /dar dpyangs bcings la tshig 'di brjod/ /thor tshugs cod pan gyis brgyan pa/ /sangs rgyas kun gyis rab bsngags pa'i/ /rin chen dbu rgyan dam pa dang / /dar dpyangs dbang bskur sbyin par bya/ /oM sarba ta thA ga ta rat+na mu ku Ta a b+hi Shiny+tsa mAM/ /rin chen la sogs rdo rje la/ /snang ba mtha' yas bskyed cing bstim/ /sangs rgyas kun gyi rdo rje'i dbang / /di ring khyod la bskur bar bya/ /sangs rgyas kun du rab bsgrub phyir/ /rdo rje 'di ni khyod kyis zung / /oM badzra a ng+hi pa ti s+t+waM/ a b+hi Shiny+tsa mAM/ dril bu don grub bskyed byas la/ /ye shes bstims la tshig 'di brjod/ /thabs dang shes rab ldan pa yi/ /'gro don mnyam med byed pa yi/ /mchod pa'i phrin las rdzogs byed pa'i/ /dril bu las kyi dbang bskur ro/ /oM a ng+hi pa ta ye a b+hiShiny+tsa mAM/ /slob ma oM las rnam snang bskyed/ /ye shes spyan drangs gnyis su med/ /rdo rje ming gi dbang bskur bas/ /byang chub snying po'i bar du ni/ /cis kyang gzhom par mi nus pa'i/ /rdo rje'i ming du rab tu grags/ /oM sarba ta thA ga ta a b+hiShe ka ta mAM/ /chu dang cod pan rdo rje dang / /dril bu dang ni ming gi dbang / /rig pa yi ni dbang lnga'o/ /nyon mongs lnga ni rnam dag pas/ /dbang bskur lnga ni thob pa yin/ /ma rig pa las 'das nas kyang / /ye shes lnga ni rim gyis thob/ /de nas spyi bo mgrin po dang / /snying ga lte ba gsang gnas rnams/ /'khor lo lnga yi gnas nyid du/ /rigs lnga tshe dpag med rnams kyi/ /dbang bskur lha rnams yab yum ste/ /'chi med byang chub sems su gyur/ /rtsa gsum 'khor lo lnga rnams gang / /byang chub sems kyi dbang bskur ro/ /'chi med rdo rje'i lus su gyur/ /rdo rje sems dpa'i sku ru bsgom/ /'di ni sangs rgyas thams cad kyi/ /rdo rje sems dpa'i phyag na 'dug /khyod kyis kyang ni rtag tu bcang / /rdo rje sems dpa'i brtul zhugs brtan/ /oM sarba ta thA ga ta sid+d+hi badzra sa ma ya tiSh+Tha e Sha s+t+waM d+ha ra ya mi badzra satwa hi hi hU~M hU~M/ thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje snyems tshul bdag po'i bdag /dpa' mchog dang po'i skyes bu'o/ /'di ni sangs rgyas thams cad kyi/ shes rab dbyings kyi rjes 'gror bshad/ /khyod kyis kyang ni rtag tu bcang / /byang chub mchog tu rgyal ba bzhed/ /srid pa ngo bo nyid kyis dag /ngo bo nyid kyis dngos bral byas/ /rang bzhin dag pa'i sems dpa' ni/ /mchog gi srid pa byed par 'gyur/ /mtshan ma med par 'gro ba'i don/ /gang dag bdag gis byed nus pas/ /phyir mi ldog pa dbang bskur che/ /dpa' bo chen po bdag la stsol/ /shar du seng ge'i khri la 'dug /steng du gdugs dkar phub nas kyang / /rnam rgyal bum pas dbang bskur te/ /dbang bskur rdo rje chen po la/ /khams gsum pa yis phyag byas te/ /sangs rgyas kun gyi gsang gsum gyi/ /gnas las byung ba sbyin par bya/ /oM badzra a b+hi She ka ta a b+hi Shiny+tsa mAM/ /dril bu glegs bam lag tu gtang / /phrin las thogs pa med pa rnams/ /bu yis gzhan don bla med byos/ /khyod ni rdo rje slob dpon yin/ /chos kyi rgyal por dbang bskur ro/ /lha yi snying po lan gsum brjod/ /me tog phreng ba spyi bor bzhag /bcom ldan bdag gis gzung lags kyis/ /bdag la nye bar mdzad du gsol/ /bcom ldan bdag gis sbyin lags kyis/ /'di la 'go bar mdzad du gsol/ /'jig rten khams ni ma lus par/ /sems can ma lus drang ba'i phyir/ /chags pa med pa'i bsam pa yis/ /ji ltar gdul bya sna tshogs la/ /chos kyi 'khor lo bskor bar gyis/ /de bzhin rigs kyis gang 'dul ba/ /khyod kyi phrin las mchog yin no/ /deng nas bzung nas bu khyod kyi/ /zhi rgyas dbang dang bsad pa dang / /dgug dang bcing dang bsreg pa dang / /bskrad dang dbye ba la sogs pa/ /phrin las sna tshogs grub par gyis/ /ral gri mig sman sa 'og dang / /mchil lham de bzhin ri lu ste/ /mi snang bcud len mkha' la spyod/ /thun mong dngos grub ma lus pa/ /de dag khyod kyis grub par bya/ /ji ltar mig mkhan rgyal po yis/ /'jig rten rab rib sel ba ltar/ /bu khyod kyi ni mi shes pa'i/ /rab rib rgyal ba rnams kyis bsal/ /oM badzra ne tra a pa ha ra pa Ta laM hrIH/ chos rnams gzugs brnyan lta bu ste/ /dag cing gsal la dri ma med/ /gzung du med cing brjod du med/ /chos rnams de ltar shes par gyis/ /hoHyis mda' gzhu phyogs bzhir 'phangs/ /mtshan mo gnas khang dben pa ru/ /bzhin bzangs mig yangs lang tshor ldan/ /lus la dri yis byugs byas te/ /rtse dang dgod pa la sogs pas/ /thabs dang shes rab gnyis phab ste/ /nor bu byang chub sems ltung bas/ /nya phyis dung chos la sogs su/ /drir bcas slob ma'i kha ru ni/ /mthe bo srin lag dag gis sbyin/ /a ho su khas de btung ngo / /zag med bde chen lus la rgyas/ /rdo rje de yis nyon mongs 'joms/ /mtshan ldan shes rab rang bzhin te/ /lha mo 'di ni phyag rgya che/ / mtha' yas bde ba sbyin pa mo/ /rnam pa kun du phyag rgya long / /bu yis bla med mchod par gyis/ /yol bas bar bcad snyoms 'jug gis/ /srub dang bsrub pa'i sbyor ba yis/ /mi rtog ye shes skye bar 'gyur/ /ltos shig ltos shig sems la ltos/ /sems nyid cir yang grub pa med/ /bsal gzhag dgag sgrub gar yang med/ /'dis ni rang rig ye shes yin/ /bla ma sprul ba'i skur byas te/ /chos gos bzung la lung bstan bya/ /rdo rje sems dpa' de bzhin gshegs/ /srid pa'i mtha' ni grub pa'i phyir/ /srid pa'i ngan 'gro nyid las bton/ /'di ni ngas khyod lung bstan yin/ /oM sarba ta thA ga ta sid+d+hi sa ma ya s+t+wAM b+hur b+hu ba swAH/ /khams gsum pa yi rgyal srid che/ /rgyal ba'i bdag por brtan pa dang / /des ni bdud las rnam rgyal zhing / /grong khyer mchog tu zhugs pa yin/ /deng bdag skye ba 'bras bur bcas/ /bdag gi gson pa'ang 'bras bur bcas/ /di ring sangs rgyas sras su skyes/ /sangs rgyas sras su nga gyur to/ /rta dang glang po ma he dang / /bu dang chung ma la sogs dbyig /phyag bya bla ma dam pa la/ /ma zhen sems kyis dbul bar bya/ /dkyil 'khor lha tshogs mchod byas te/ /tshogs kyis rnal 'byor tshim byas nas/ /lhag mas 'byung po tshim par bya/ /bkra shis brjod cing smon lam gdab/ /dge ba'i rtsa ba bsngo ba dang / /rol mo'i sgra dang bcas pa yis/ /rngul tshon chu bo chen por dor/ /dri bzangs kyis ni thig phyis te/ /lhag chad bskang phyir sbyin sreg bya/ /cho ga bzang po yongs bzung 'di/ /rtsa rgyud le'u 'bum pa dang / /bshad rgyud 'od zer dra ba la/ /brten nas grub pa'i rgyal mos mdzad/ /de yi dge ba gang yod pa/ /rigs drug sems can ma lus pa/ /tshe dpag med pa'i lam zhugs nas/ /de yi 'bras bu myur thob shog/ //bcom ldan 'das mgon po tshe dpag tu med pa'i dkyil 'khor gyi cho ga bzang po yongs bzung zhes bya ba rdzogs so// // rgya gar gyi paN+Di ta zla ba bzang po dang / /bod kyi lo tsA ba glan dar ma tshul khrims kyis bsgyur zhing zhus te dag par byas so//[ ]@##/ /rgya gar skad du/ ha ya grI ba sA ng+ha na/ bod skad du/ rta mgrin gyi sgrub thabs/ /pad+ma gsung gi lha la phyag 'tshal lo/ /yid 'ong gnas su nyer 'dug nas/ /bde ba'i