བོད་ཡིག

e-texts based on the ACIP/ALL Input

lus ngag yid gsum 'bad pa yis/ /zhag gcig bdun bdun dang rtsa gcig /gsum lo gcig gis 'grub par 'gyur/ /zhal gyi dkyil 'khor bstan nas ni/ /gang ltar 'dod pa dri ba gyis/ /de lta bu yi lung bstan nas/ /dngos grub rnam pa gnyis kyang thob/ /thun mong tshe ring nad med cing / /yo byad dang ni rigs rgyud 'phel/ /kun gyis lta ba'i 'os su 'gyur/ /mchog ni byang chub the tshom med/ /dpal ldan chen mo grub nas kyang / /gdug pa'i gnod sbyin rnam pa gnyis/ /drag po'i shugs kyis phrin las byed/ /g.yas na kA la nag po ni/ /ral pa kham nag gyen du brdzes/ /sprul dang thod pa'i rgyan dang bcas/ /dar nag gos kyi le'u can/ /zhabs la sag ti yu thung gon/ /sprul nag gcus pa'i ske rags byas/ /g.yas pa ral gri klad la bskor/ /g.yon pa ut+pal dkar po bsnams/ /mche gtsigs tog tog rkan sgra can/ /g.yon na b+hi ka la dmar po/ /ral pa gsigs pas sa gzhi khebs/ /khro gnyer dpral bar g.yo bzhin bsdus/ /le brgan dmar po sku la gsol/ /rkang pa rdeb cing gdug pa 'dul/ /gri gug g.yas pa thod pa g.yon/ /zhal nas drag po'i ngan sngags sgrogs/ /a yin hring sring has phring / /hang sa hu hang sa hung / /has phring a yin hr-ing sring / /gdug pa'i drag sngags 'di dag kyang / /gnod sbyin gnyis kyi srog kyang yin/ /de dag 'grub par gyur pa na/ /bsams pa tsam gyis rengs pa dang / /khros pa tsam gyis 'chi bar 'gyur/ /thal mo brdabs pa'i sbyor ba yis/ /mi ma yin pa'i 'byung po rnams/ /seng ge mthong ba'i ri dwags bzhin/ /mthong ba tsam gyis 'bros par 'gyur/ /de ltar yin gyis gdams pa 'di/ /'gro ba rnams la phan gyur cig / 'di 'dra'i gdams ngag dam pa 'di/ /kha nas me 'bar khong du sbrul zhugs pa'i/ /bu ngan phal la sbyin pa min/ /dpal ral pa gcig ma'i sgrub thabs 'khor lo gnod sbyin dang bcas pa rdzogs so// //rje grub thob chen po'i thugs dam gnubs lo tsA bas bsgyur ba'o/ /[ ]@##/ /rgya gar skad du/ ma Ni A lo ka pa ri nA ma/ /bod skad du/ /bsngo ba nor bu'i sgron ma zhes bya ba/ /dpal rdo rje sems dpa' la phyag 'tshal lo/ /kye kye rdo rje 'dzin sogs bdag dgongs gsol/ / dpal chen khyod kyi drin tshad kyis/ /bdag cag nyon mongs dgra las rgyal/ /legs so mgon po khyod legs so/ /e ma ho rdo rje'i thugs sangs rgyas/ /e ma ho e waM rdo rje'i chos/ /e ma de sgrub dge 'dun tshogs/ /skyabs gsum rdo rje gcig khyod 'dud/ / sa gsum mkha' spyod gnas gsum dang / /sgo gsum rdo rje sku gsung thugs/ /mngon gsum zab zhi dri bral du/ /ston pa khyod la bdag dga'o/ /de phyir bdag dang 'gro kun gyis/ /bgyis dang bgyid 'gyur dge chen 'di/ /'od gsal bde chen rnam mi rtog /sku gsum rnam dag mthar phyin shog / skye zhing skye ba kun du yang / /rigs su skye dang dam tshig can/ /lag na rdo rje dril 'dzin cing / /zag med bdud rtsi 'thung bar shog /dri med rang 'byung skyob bde dang / /dga' bde 'dus ma byas sngags zab/ /dkyil 'khor mchog tshogs mi slu ba'i/ /bden pas dngos grub mchog thob shog /rdo rje theg pa'i bsngo ba nor bu'i sgron ma/ /slob dpon mi pham zla bas mdzad pa rdzogs so// //rgya gar gyi paN+Di ta su shrI shAn+ti dad/ bod kyi lo tsA ba byams pa'i dkyil gyis bsgyur pa'o// //[ ]@##/ /rgya gar skad du/ shrI e ka dza TI b+ha ga wAn sto tra/ bod skad du/ dpal bcom ldan 'das ral pa gcig pa la bstod pa/ bcom ldan 'das ral pa gcig pa la phyag 'tshal lo/ /dpa' bo gang zhig dus gsum rgyal ba'i thugs rje thugs las sprul pa'i sku/ /mkha' ltar stong nyid ma ltar snying rje byams sogs tshad med las byung ba/ /pad+ma nyid bus bde chen thob pa de bzhin mi ro khros pa yi/ /sna tshogs gdan stengs ye shes yig 'bru TaM las yongs gyur thod pa dang / /gri gug las grub hU~M dang phyag mtshan 'gro ba'i don sgrub byed pa'i rgyu/ /'bar las gtam byas 'jigs