བོད་ཡིག

e-texts based on the ACIP/ALL Input

'gyur te/ 'di la the tshom mi bya'o/ /ji snyed 'dod pa'i dngos grub dang las thams cad kyang 'grub par 'gyur ro/ /ting nge 'dzin dang ye shes dang gzungs kyi sgo dpag tu med pa yang mngon du 'gyur ro/ /sbyin bdag dang slob ma'i tshogs dang / rgyal po dang / bram ze la sogs pa thams cad kyi rje dpon thob par 'gyur zhing / skye bo thams cad kyi yid bzhin gyi nor bu rin po che lta bur 'gyur te/ mdor na de ni lha dang mi dang lha ma yin dang bcas pa'i 'jig rten na ston pa lta bur blta bar bya'o/ /dpal ldan bla med rgyud rgyal de nyid rgyal ba rnams kyi sku gsung thugs mdzad ma lus pa yi gter gang yin/ /sngags 'chang nyid kyi shin tu bka' bsgos rdo rje can dang thod phreng zhes bya mkha' 'gro gnyis kyis rim gsum rgyas btab sbas pa ni/ mgon po de nyid mthong ba'i blo mnga' spyan gsum ldan pas glo bur kha phye khrag 'thung dkyil 'khor las byung ba/ /spros med ral pa gcig 'chang ji bzhin sgrub thabs bdag gi bla ma mchog gi sgron me la brten mthong / /gnas 'dir 'bad byas pa las rnyed pa yi/ /dge ba dri med bdag la gang zhig yod/ /de myur 'gro 'dir ral pa gcig mchog gi/ / go 'phang nyi shu lnga yi bdag nyid shog /dpal bcom ldan 'das ral pa gcig pa'i dkyil 'khor gyi 'khor lo'i sgrub thabs/ grub pa brnyes pa'i paN+Di ta chen po a dzi ta mi tra gup+tas mdzad pa rdzogs so// //rnal 'byor gyi dbang phyug chen po shrI dza ga ta mi tra A nan+da dang / de nyid kyi zhabs kyi pad+mo'i rdul la spyi bos reg cing gsung gi bdud rtsi'i ro myang ba/ bod kyi lo tsA ba gnubs byams pa dpal gyis bsgyur cing zhus te gtan la phab pa'o//[ ]@##/ /rgya gar skad du/ shrI e ka dza TI b+ha ga wAn sA d+ha naM/ bod skad du/ dpal bcom ldan 'das ral pa gcig pa'i sgrub thabs/ rje btsun ral pa gcig pa la phyag 'tshal lo/ /dang por re zhig sngags pas tshogs bsags pa sngon du 'gro bas pad+ma dang / ka pA la dang / ro'i gdan bltas la de'i steng du hU~M dang baM las yab dang yum ral pa gcig 'phyang ba'i bcom ldan 'das bsgom par bya'o/ /shar dang / lho dang nub dang / byang gi pad+ma'i 'dab ma dag la ni rdo rje 'khor lo dang / rdo rje rin chen dang / rdo rje pad+ma dang / rdo rje sna tshogs rnams bsam mo/ /byang shar la sogs pa'i mtshams bzhir ni bdud rtsi ka pA la dag go/ /de'i phyi rol du khyams kyi phyogs bzhir gti mug rdo rje ma dkar mo sgron ma thogs pa dang / bag chags rdo rje ma ser mo rdo rje thogs pa dang / 'dod chags rdo rje ma dmar mo zhags pa thogs pa dang / zhe sdang rdo rje ma ljang gu ral gri thogs pa rnams bsgom mo/ /khyams gyi grwa bzhir ni byang shar nas brtsams te brtan pa'i rdo rje ma ser mo ri rab thogs pa dang / sbyor ba'i rdo rje ma dkar mo zla ba thogs pa dang / 'bar ba'i rdo rje ma dmar mo nyi ma thogs pa dang / stobs kyi rdo rje ma ljang gu ba dan thogs pa rnams dgod do/ /brgyad po 'di dag ni pad+ma dang ro'i gdan la rnam par dgod pa yin no/ /de bzhin du shar dang / lho dang nub dang / byang gi sgo bzhir yang go rims ltar rdo rje lcags kyu dang / zhags pa dang / lcags sgrog dang / dril bu 'dzin pa rnams dkar ba dang / ser ba dang / dmar ba dang / ljang gu'i mdog can rnams bsgom par bya'o/ /ji ltar dam tshig bskyed pa dang / ye shes sems dpa' gzhug pa nyid/ gsang sngags bzlas shing bsgom pa dang / /rdzogs pa'i rim sogs cho ga bzhin/ /dpal bcom ldan 'das ral pa gcig pa'i man ngag khungs phyung ba/ slob dpon chen po mi pham sbas pas bsdus pa rdzogs so/ / //rnal 'byor gyi dbang phyug shrI mi tra dang / gnubs lo tsA ba mai tri shrIs bsgyur ba'o//[ ]@##/ /rgya gar skad du/ shrI b+ha ga wAn e ka dzA Ti sA d+ha naM/ bod skad du/ dpal bcom ldan 'das ral pa gcig pa'i sgrub thabs/ rje btsun ral pa gcig ma la phyag 'tshal lo/ /shin tu gsang ba'i rtog pa las/ /rnal 'byor pa la phan byed pa/ /bla ma'i drin thob dga' ba'i mthus/ /ral pa gcig 'phyang sgrub thabs bri/ /rab tu bsngags pa'i gnas su ni/ /blo mchog sgrub pa po