བོད་ཡིག

e-texts based on the ACIP/ALL Input

phye mar gyur nas/ des bris te g.yon pas de nas pad+ma'i gdan re dgod/ de las lha'i 'phro 'du dang bskyed pa gzhan nas gsal lo/ /rgyud kyi rgyal po 'jam dpal gyi dkyil 'khor gyi cho ga bla ma sdom pa bzang pos mdzad pa rdzogs so// [ ]skyabs 'gro sems bskyed dbang bzhi'i gdams pa bzhugs/ / da ni smon 'jug gnyis dang ldan pa'i sems bskyed par bya ste/ de la yang dang por sdig pa bshags par bya ba ni/ slob dpon dgongs su gsol/ /bdag ming 'di zhes bgyi ba skye ba nas da lta'i lus 'di blangs pa tshun chad mi dge ba'i las bgyis pa dang / bgyid du stsal ba dang / bgyid pa la rjes su yi rang ba rnams bla ma dkon mchog yi dam/ mkha' 'gro'i spyan sngar mthol lo bshags so/ /da ni skyabs su 'gro ste/ bdag ming 'di zhes bgyi ba snying po byang chub la thug gi bar du/ phyogs bcu na bzhugs pa'i sangs rgyas la skyabs su mchi'o/ /chos la skyabs su mchi'o/ /dge 'dun la skyabs su mchi'o/ /da ni sdom pa gzung ste/ bla ma dkon mchog gi spyan sngar/ /sangs rgyas rnal 'byor sdom pa la/ /tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /bdag gis rtag par gzung bar bgyi/ /de ni smon pa'i sems bskyed de/ da ni 'jug par bya ste/ dang po bshags pa bya ste/ bla ma yi dam mkha' 'gro rnams bdag la dgongs su gsol/ bdag ming 'di zhes bgyi bas skye ba thog ma med pa nas da lta'i lus 'di blangs pa yan chad du mi dge ba'i las bgyis pa dang / bgyid du stsal ba dang / gzhan bgyid pa la rjes su yi rang ba rnams/ bla ma yi dam mkha' 'gro rnams kyi spyan sngar mthol lo bshags so/ /bdag ming 'di zhes bgyi ba snying po byang chub la thug gi bar du bla ma la skyabs su mchi'o/ /yi dam la skyabs su mchi'o/ /mkha' 'gro la skyabs su mchi'o/ /da ni sdom pa gzung bar bya ste/ sangs rgyas chos dang dge 'dun te/ /bla ma yi dam mkha' 'gro gsum/ /deng nas brtsams te gzung bar bgyi/ /nam du yang ni mi gtong ngo / /rdo rje rigs mchog chen po yi/ /rdo rje dril bu phyag rgya yang / /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin du dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs chen dag pa la/ /phyi nang gsang ba theg pa gsum/ /dam pa'i chos kyang gzung bar bgyi/ /las kyi rigs mchog chen po yi/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla na med/ /dam pa bdag gis bskyed par bgyi/ /sems can rnams kyi don gyi phyir/ /bdag gis sdom pa ma lus gzung / /ma bsgral ba rnams bdag gis sgrol/ /ma grol ba rnams bdag gis dgrol/ /dbugs ma phyin pa dbugs dbyung zhing / /sems can mya ngan 'das la dgod/ /ces 'jug go/ /nub dang po la smon 'jug gi sems bskyed do/ /so shing dor la rang re'i rmi lam brtag go/ /de nas dbang bskur bar bya ste/ /dkyil 'khor sgrub pa'i dus su bzlas pa bya ba ni/ oM wA gI shwa ri muM/ oM badzra tIk+Sh+Na duHkha ts+tshe da pradz+nyA dz+nyA na mUrta ye/ dz+nyA na kA ya wA gI shwa ra a ra pa tsa nA ya te na maH/ a A sarba ta thA la sogs pa las thams cad pa'i bsnyen pa rdzogs par bya'o/ /nub gnyis pa la byang chub lam du drang ba ni/ mig ras kyis bka' la lag tu me tog thogs la/ sgo'i phyi logs su bzhag la/ slob dpon nyid kyis 'di skad brjod do/ /skal ldan rigs kyi bu mchog khyod/ /dang dang mos pa ci la dga'/ /zhes lan gsum brjod pas/ /slob mas 'di skad brjod do/ /bdag cag 'khor ba las bsgral phyir/ /kun mkhyen ye shes phung po can/ /srid pa'i 'khor lo gnas sbyor ba/ /di ring bshad pa'i rin chen gyis/ /gtso bos bdag la bka' drin gsol/ /zhes lan no/ /yang slob dpon gyis/ /ma rig rmongs pa'i bu mchog khyod/ /rdo rje byang chub lam nas drangs nas ni/ /gsang ba'i dkyil 'khor bstan pas bya/ /bla med byang chub lam nas drang bar bya'o/ /badzra aM ku sha dza zhes brjod pas las thams cad pa'i sngags kyis bgegs bskrad do/ /de nas las kyi slob dpon lag tu rdo rje gtad la/ lag pa nas drangs nas gral so sor bya'o/ / rang gi gdong g.yogs byas la gzhag go/ /yang slob dpon kho rang gis/ skal ldan rigs kyi bu mchog khyed/ /las dang spyod pa ci la dga'/ /byas pas/ yang slob mas/ bdag ni skal ldan bde chen la/ /'phags pa 'jam dpal dngos grub gsol/ /zhes so/ /de nas me tog lag tu thogs la/ thal mo sbyar la 'di skad brjod do/ /byang chub rdo rje 'jam dpal la/ /rin chen me tog dam pa 'bul/ /bdag kyang 'jam dpal skur gyur cig /'jam dpal sku yi rdo rje gsol/ /pra tIts+tsha ho zhes me tog dbul lo/ /me tog lha la tshud na des chog go/ /ma tshud na lan gsum bskyar ro/ /de yang ma tshud na las thams cad bskyar ro/ /de nas slob dpon gyis 'di skad brjod do/ /de ring dang ba'i shugs kyis ni/ /dkyil 'khor dam pa bstan par bya/ /sngags dang phyag rgyas byin gyis brlab/ /dam tshig mchog tu gyur par byed/ / badzra tsak+Shu pra be sha phaT ces mig dbye'o/ /de nas dbang bskur te/ dang po bum pa'i dbang bskur te bdag gi thugs ka nas 'od 'phros pas bum pa 'od du zhu ba las de 'khor lor gyur/ 'khor lo 'od du zhu/ hUM du gyur/ de la rdo rje mi bskyod pa'i dbang ngo / /de spyi bo'i thog tu bzhag la mchod pa dbul te/ mchod pa chen po 'dod chags che/ /sems can thams cad dga' bar byed/ /mchod pa chen po zhe sdang che/ /nyon mongs kun gyi sgra che ba/ /mchod pa chen po gti mug che/ /gti mug blo ste gti mug sel/ /mchod pa chen po khro ba che/ /khro ba chen po sgra che ba/ /mchod pa chen po chags pa che/ /chags pa thams cad sel bar byed/ /oM badzra puSh+pe hUM/ d+hU pe/ A lo ke/ gan+d+he/ nai we t+ye/ shab+da hUM/ oM badzra tIk+Sh+Na duHkha ts+tshe da pradz+nyA dz+nyA na mUrta ye dz+nyA na kA ya wA gI shwa ra a ra pa tsa nA ya ten maHa A i I u U e ai o au aM aHs+thi to hr-i di/ dz+nyA na mUrti ra hi bud+d+ho bud+d+hA nAM a A sarba ta thA ga ta la sogs pa las thams cad pa'i sngags btang / de ni bum pa'i dbang bskur ro/ /de nas dbu rgyan dang cod pan gyi dbang bskur te/ dbu rgyan dang cod pan mdun du bzhag la/ bdag gi thugs ka nas 'od kha dog lnga 'phros te/ dbu rgyan dang cod pan 'od du zhu rin po che'i sul mangs cig tu gyur/ rin po che 'od du zhu bas/ rin chen 'byung ldan gyi dbang ngo / /slob ma'i mgo la bskon la/ gong gi mchod pas mchod do/ /de nas rdo rje'i dbang bskur te rdo rje las 'od 'phros pas rdo rje 'od du zhu nas pad+ma dmar po cig tu gyur/ /pad+ma de zhu bas aM du gyur/ aM zhu bas snang ba mtha' yas kyi dbang bskur ro/ /de slob ma'i lag tu bzhag pas mchod bstod gong bzhin du bya'o/ /de nas dril bu'i dbang bskur te/ slob dpon gyi mdun du dril bu bzhag la thugs ka nas 'od 'phros pas dril bu zhu/ zla ba'i dkyil 'khor cig tu gyur/ zla ba'i dkyil 'khor de ha cig tu gyur/ de las don yod grub pa'i dbang ngo / /dril bu slob ma'i lag tu bzhag la mchod bstod gong bzhin du bya'o/ /de nas ming gi dbang bskur te/ slob dpon gyi phyag g.yas pa'i steng du thugs ka nas a de 'od du zhu zla ba'i dkyil 'khor cig tu gyur/ zla ba 'od du zhu oM du gyur/ de las rnam par snang mdzad kyi dbang ngo / /slob dpon gyi phyag slob ma'i spyi bo'i steng du bzhag ste/ mchod bstod gong bzhin du bya'o/ /de ltar dbang bskur ba ni phung po lnga ni rigs lnga'i sangs rgyas te/ ye shes lnga'i dbang thob pa'o/ /des ni bum pa'i dbang ngo / /gsang ba'i dbang ni/ bdag lha'i rnal 'byor du byas la/ de'i spyi gtsug tu bla ma bsgom/ de'i spyi gtsug tu gshin rje gshed yab yum bsgom/ de'i spyi gtsug tu dus gsum gyi bde bar gshegs pa rnams bsgom mo/ /dus gsum gyi sangs rgyas thams cad snyoms par zhugs pa'i byang chub kyi sems gshin rje gshed yab yum la thim par bsam/ gshin rje gshed yab yum snyoms par zhugs byang chub kyi sems la babs nas/ bla ma yab yum la zhugs par bsam/ bla ma yab yum snyoms par zhugs pa'i byang chub kyi sems de dag gi lam du zhugs nas lce steng du sbyar la/ ar+g+ha dang bsres la slob ma'i lce steng du bzhag la slob ma'i ngag skyon dag par bsam/ de mgrin par/ de snying gar/ de lte bar/ de rim gyis yar drangs pas ngag gi lam du zhugs/ de sna bug g.yas su zhugs/ de g.yon du zhugs/ ngag rlung ni 'gro 'ong bzlas pa byas pas sgra ngos gzung med pas ngag gi sgra grag stong du 'gro ste ngo sprad do/ /shes rab ye shes kyi dbang ni/ rnal 'byor pa g.yas su gzhag /rnal 'byor ma g.yon du gzhag /de nas slob dpon gyis rdo rje dang dril bu mdun du bzhag la/ gshin rje gshed yab yum du bskyed do/ /rdo rje de la bdag gi thugs ka nas 'od zer 'phros pas rdo rje 'od du zhu 'od zer gyis de bzhin gshegs pa thams cad kyi thugs dam gyi rgyud bskul/ slar 'dus pas yi ge hUM cig tu gyur/ hUM 'od du zhu ba las 'jam dpal gshin rje gshed sku mdog nag po zhal gcig phyag gnyis pa/ g.yas dbyug to/ g.yon sdigs mdzub dang zhags pa bcas pa/ glang chen stod g.yogs/ zhing chen g.yang gzhi stag gi sham thabs dang / sprul gyi chun po dang thod pa'i phreng ba dang / dur khrod kyi chas can du bskyed la slob ma'i thugs kar bzhag la/ ye shes sems dpa' dgug gzhug bya'o/ /de nas rdo rje de slob ma'i lag tu gtad thabs kyi rang bzhin du dbang bskur ro/ /dril bu la bdag gi thugs ka nas 'od 'phros pas dril bu 'od du zhu/ dril bu'i 'od zer gyis de bzhin gshegs pa thams cad kyi thugs dam gyi rgyud bskul/ tshur 'dus pas yi ge a cig tu gyur/ a de 'od du zhu ba las rdo rje phag mo sku mdog dmar mo/ g.yas gri gug /g.yon thod pa bsnams pa cig tu bskyed la slob ma'i spyi bo thog tu bzhag la ye shes dgug gzhug bya'o/ de nas mo'i lag pa g.yon du gzhag /dngos kyi rig ma med na dril bu'i 'od kyis rig mar bsgom mo/ /de ltar shes rab kyis rim par dbang bskur ro/ /de nas slob dpon gyis mkha' gsang byin gyis brlab/ slob dpon gyi gsang ba'i gnas nas hUM cig 'phros pas slob ma'i gsang bar thim/ rdo rje rtse lnga pa phyed pa cig tu gyur/ rdo rje'i bum par oM gyis mtshan pa cig tu gyur par bsgom/ yum gyi mkha' gsang byin gyis brlab ste/ bdag gi yum gyi mkha' las ma dmar mo cig 'phros pas slob ma'i yum gyi gsang bar thim/ ma de 'od du zhu ba las pad+ma 'dab ma brgyad ze'u 'bru dang bcas pa cig bsgom/ /de nas slob dpon gyis hUM zhes brjod pas rdo rje bskul/ a zhes dril bu bskul/ a A sarba ta thA ga ta hr-i da ya/ ha ra ha ra/ oM hUM hrIHb+ha ga wA na/ dz+nyA na mUrti wA gI shwa ra ma hA pa tsa/ sarba d+harmA ga ga na/ a ma la su pa ri shud+d+ha d+harma d+hA tu dz+nyA na gar+b+ha aHzhes pas skad cig ma la bskyed de/ bde ba ngos bzung ngo / /de ni bde ba bskur ba'i rim pa'o/ /dbang gi don lam du bslang ba ni/ de'i dus las ma g.yos par yab yum gnyis kyi bsrubs pas rlung ma'i drod can gyi me lce a ba d+hU tI na yar zhugs te/ spyi bo gtsug tor gyi haM zhu ba las/ klang rgyas bde ba'i 'khor lo'i rtsa 'dab ma sum cu rtsa gnyis grol/ de la bdud rtsi byang chub kyi sems babs te dga' ba'o/ /byang chub kyi sems de mgrin pa longs spyod kyi 'khor lor bskyil bas rtsa 'dab ma bcu drug grol te mchog dga'/ de chos kyi 'khor lor bskyil bas rtsa 'dab brgyad grol te dga' bral/ de lte ba sprul pa'i dkyil 'khor du babs rtsa 'dab drug cu rtsa bzhi grol te/ de lhan cig skyes pa'i dga' ba'o/ /de rang gnas su 'phangs te ha ha zhes pas lte ba nas snying gar drangs/ hi hi zhes pas snying gnas mgrin par drangs/ hUM hUM zhes pas mgrin pa nas klad pa bde chen du drangs pas gtsug tor chen po'i haM la spur len la spur 'dus pa'am khab len la lcags 'dus pa bzhin du 'ub kyis 'dus so/ /de la seng ge rnam par rol gyi khyab par bsgom mo/ /de ltar yar drangs mar dbab byed kyin bde stong gi nyams ngos zin par bya'o/ /dbang bzhi pa ni bzhi par ming btags kyang gsum las bskur bar mi 'dod do/ /gong ma'i nyams de sems nyid la ngo sprod pa la bzhi las shes zer ro/ /de la bzhi pa'i dbang gi ngo sprad de/ gdams ngag ngo sprad kyis sems ngos zung shig bya/ dar cig lon pa dang / de ka rang yin byas la/ lag pa nam mkha' la yug byas la/ bzhi pa bde ba'i don no/ /phyag rgya chen po'i lhan cig skyes pa'i ye shes de gzugs kha dog tu ma grub pas nam mkha' la ngo sprad do/ /gsum pa'i nyams de ngos gzung dang bral bas/ gzhon nu ma'i bde ba nyams su myong du yod pa la dngos po mngon sum du bstan du med/ de ka la ngo sprad pas dbang bzhi pa'i gdams ngag go/ /lta stangs bzhis rigs pa spros pa dang bral bar ngo sprad do/ /bum pa'i dbang gi dus su rigs lnga'i bkra shis gsol zhing dbang bskur/ gsang dbang man chad dbang bzhi pa rdzogs nas bkra shis kyi dbang bskur te dngos grub blang ngo / /bkra shis gsol ba ni/ rgyud las/ bkra shis kun gyi bkra shis pa/ /grags pa'i bkra shis snyan grags dge / dbugs 'byin chen po dga' ston che/ /zhes so/ /rdzas la brten pa'i bkra shis kyi ston mo ni/ 'brang rgyas dang / mar dang / thud dang / zho dang / mngar gsum dang / khur ba dang / la phug dang / zas sna mang du thogs la rigs lnga'i bkra shis gsol te/ bkra shis dam pa chos dbyings bskyod pa med mod kyang / /rgyal ba rigs lnga'i bkra shis bde legs shog /bkra shis kun gyi bkra shis pa/ /grags pa'i bkra shis snyan grags dge /dbus phyogs sangs rgyas rigs kyi zhing khams nas/ /spros dang bral ba'i bkra shis gang lags pa/ /bkra shis dam pa des kyang deng 'dir bde legs shog /shar phyogs rdo rje rigs kyi zhing khams nas/ rdo rje rigs kyi bkra shis skye 'chi med/ /bkra shis dam pa des kyang deng 'dir bde legs shog /bkra shis kun gyi bkra shis pa/ /grags pa'i bkra shis snyan grags dge/ /lho phyogs rin chen rigs kyi zhing khams nas/ /rin chen rigs kyi bkra shis dgos 'dod 'byung / / bkra shis dam pa des kyang deng 'dir bde legs shog /bkra shis kun gyi bkra shis pa/ /grags pa'i bkra shis snyan grags dge /nub phyogs pad+ma rigs kyi zhing khams nas/ /skyon med pad+ma lta bu'i bkra shis pa/ /bkra shis dam pa des kyang deng 'dir bde legs shog /bkra shis kun gyi bkra shis pa/ /grags pa'i bkra shis snyan grags dge /byang phyogs las kyi rigs kyi zhing khams nas/ /las rnams grub pa'i bkra shis gang legs pa/ /bkra shis dam pa des kyang der 'dir bde legs shog /oM bud+d+ha kA la sha a b+hi Shiny+tsa oM/ /oM badzra kA la sha a b+hi Shiny+tsa hUM/ oM rat+Na kA la sha a b+hi Shiny+tsa tAM/ oM pad+ma kA la sha a b+hi Shiny+tsa hrI/ oM karma kA la sha a b+hi Shiny+tsa AH/ /longs spyod rdzogs pa'i sku mtshan dang dpe byad kyis brgyan pa rgyal ba rigs lnga'i bkra shis pa de bzhin du/ bdag cag dpon slob bkra shis par gyur cig /bkra shis rdzas brgyad kyi bkra shis ni/ bkra shis kun gyi bkra shis pa/ /chos kyi rgyal mtshan legs par 'dzugs/ /sangs rgyas sku yi bkra shis shog /chos kyi dung ste sgra chen ldan/ /bud+d+hA gsung gi bkra shis shog /'od bzang 'bar ba dpal gyi be'u/ /bud+d+ha thugs kyi bkra shis shog /khyab bdag chen po rin chen gdugs/ /bud+d+ha dbu yi bkra shis shog /spyan lnga chags pa med pa 'chang / /bud+d+ha spyan gyi bkra shis shog /bum pa bzang po che ba'i mchog /bud+d+ha mgul gyi bkra shis shog /nyid kyi zhal nas ljags bzang ba/ /bud+d+ha ljags kyi bkra shis shog /bkra shis kun gyi bkra shis pa/ /grags pa'i bkra shis snyan grags dge / sprul pa'i 'khor lo sna tshogs 'chang / /sangs rgyas zhabs kyi bkra shis shog /skyabs 'gro sems bskyed dbang bzhi'i gdams pa slob dpon sdom pa bzang pos mdzad pa rdzogs so//[ ]@/ /bla ma rnams la phyag 'tshal lo/ /thog