བོད་ཡིག

e-texts based on the ACIP/ALL Input

@##/ /rgya gar skad du/ shrI ya ma A yu kA la maN+Da la bid+hiH/ bod skad du/ dpal gshin rje tshe bdag nag po'i dkyil 'khor gyi cho ga /bcom ldan 'das gsung gi dbang phyug la phyag 'tshal lo/ /gang gi drin gyis mun pa gtan bcom zhing / /gsang ba'i 'od kyis bde ba skyed byed pa/ / thugs rje'i bdag nyid 'jam rgyal rdo rje la/ /lus ngag yid gsum dang bas phyag 'tshal nas/ /gsang sngags lam gyi sgron ma 'di nyid la/ /mos dang dad pa gang zhig yod pa yi/ /rnal 'byor brtson pa rnams la phan bya'i phyir/ /dkyil 'khor cho ga 'di nyid bshad par bya/ /bla ma mkhas shing rtogs ldan dam tshig ldan pa dang / /brtse dang bsam gtan bsgoms pas byin rlabs zhugs pa dang / /dman spangs dad pas 'gro ba yang dag 'dren pa ste/ /'di ni bla ma'i 'os te 'gro ba'i don byed pa'o/ /bla ma la gus rtog med snying rje can/ /rtag tu chos 'dod dad pa brtan 'gyur zhing / /bzod ldan btang la spro ba'i gang zag ni/ /'di ni rjes su gzung 'os slob ma'i 'os/ /chu gling dur khrod la sogs dben gnas su/ /rdzas dang yo byad 'tshogs bar bsnyen pa brtsam/ /maN+Dal byi dor me tog bkram byas la/ /mchod pa lnga dang gtor ma cha gsum bsham/ /bla re la sogs rgyan rnams dgram par bya/ /bde ba'i stan la 'dug pas rnal 'byor bya/ /byang chub sems bskyed tshad med bzhi po bsgom/ /yan lag bdun po yongs su rdzogs par bya/ /'gro don gsol gdab smon lam rdzogs par bya/ /de rjes stong pa'i rnal 'byor rjes su dran par bya/ /oM shU n+ya tA dz+nyA na badzra swab+hA wa At+ma kou0f85haM/ /stong pa'i ngang las 'byung ba rim brtsegs bsgom/ /yaM raM baM laM/ rlung me chu dang gser gyis gzhi'i steng / /b+h+rUM las gzhal yas khang chen rnam par bsam/ /gru bzhi rta babs bzhi dang ldan/ /khyams stod khyams smad steng 'og bar dang bcas/ /ka ba brgyad dang thod chen zlum skor mdud/ /dra ba dra phyed rnga yab chun 'phyang brgyan/ /'dod yon lha mo rnams dang bcas pa'i dbus/ /dur khrod brgyad ldan thod pa'i gzhal yas khang / /dbus su 'khor lo rtsibs brgyad lte ba la/ /pad+ma nyi ma'i steng du ru tra yab yum gdan/ /ya dang ma las rab brjod yab yum gnyis/ /gnyis med phyag rgya chen po bsgom par bya/ /sku mdog mthing nag zhal gsum phyag drug pa/ /g.yas dkar g.yon dmar dbus mthing khro bo'i zhal/ /spyan dgu sdang mig gyen du bzlog pas 'jigs/ /mche ba dkar po zla tshes srid pa sgrol/ /dbu skra kham pa gyen brdzes sma ra ser/ /sbrul dang thod pa skam rlon dbu rgyan can/ /zhing dang glang chen ko rlon stag sham gsol/ /g.yas pa 'khor lo ral gri rdo rje bsnams/ /g.yon pa thod dbyug gtun shing sdigs mdzub can/ /mi mgo lnga bcu'i do shal phreng bas mdzes/ /yum ni khro mo zhal gcig phyag gnyis ma/ /g.yas pa snying stobs g.yon pa thod khrag 'dren/ /'jigs pa'i cha byad chags pa'i spyan gyis blta/ /thugs kar hUM las gsang bdag rdo rje 'chang / /ljang nag gcer bu rdo rje sdigs mdzub can/ /khros pas klu za pad+ma'i gdan la bzhugs/ /spyi gtsug khroM las bya khyung ga ru Da/ /ser po gnam lcags mchu sder klu sbrul za/ /lto bar rus sbal ser po rngom pa'i zhal/ /sder mo gnam lcags kha gdangs spyan rtsa dmar/ /shar phyogs ya ma rA dza smug nag gzugs/ /zhing dang stag sham sbrul gyi chun 'phyang brgyan/ /'khor lo'i rtsibs la zhing gi gdan can bsgom/ /lho ru myos byed 'bar ser nag 'jigs pa'i gzugs/ /nub tu gshin rje dmar po dmar nag 'jigs pa'i gzugs/ /byang du ral pa tshar dgu ljang nag 'jigs pa'i gzugs/ /g.yas na 'khor lo g.yon na dbyug to bsnams/ /rgyan dang na bza' cha lugs 'dra ba bsgom/ /mtshams bzhir yum bzhi bsgom pa yab dang 'dra/ /skad cig chu las nya ldang tshul du bskyed/ /bdag nyid dam tshig sems dpa' gsal ba dang / /grub pa'i gnas las ye shes sems dpa' ni/ /rang dang 'dra ba dur khrod brgyad dang bcas/ /dzaHtUM baM hoHsa spyan drangs gnyis med bstim/ /bstod pa rnams kyis bstod cing mchod pa dbul/ /sku gsung thugs byin gyis brlab dbang bskur blang / /'phro 'du bsnyen 'dzin bya zhing bsnyen ba bgrang / /gtso bo la ni 'bum mam rtags sbyar bya/ /'khor lo khri ste grangs kyi bsnyen pa yin/ /mtshan ma bzang po mthong na sgrub pa brtsam/ /dus tshod tshes grangs bza' skar bzang po la/ /sa chog sta gon gang rung rgyas bsdus bya/ /tshogs sog sgrib pa sbyang phyir zhi ba'i sbyin sreg bya/ /maN+Dal byi dor byas la mchod pa bsham/ /smon dang 'jug pa'i sems bskyed la sogs bya/ /sngon du 'gro ba'i cho ga rdzogs pa dang / /dkyil 'khor bri ba'i las la mkhas pa yis/ /rdul tshon dkyil 'khor gzhung dang mthun par bri/ /bskyed dang spyan drang mchod bstod rdzogs par bya/ /sngon du bdag nyid 'jug pa'i cho ga yang / /'og nas 'byung bzhin dbang bskur blang bar bya/ /slob ma 'jug pa'i rim pa bstan pa ni/ /yol ba'i mtha' nas yon dbul gsol gsum gdab/ /sangs rgyas kun gyi rang bzhin sku/ /bla ma'i sku la skyabs su mchi/ /sangs rgyas kun gyi rang bzhin gsung / /bla ma'i gsung la skyabs su mchi/ /sangs rgyas kun gyi rang bzhin thugs/ /bla ma'i thugs la skyabs su mchi/ /sangs rgyas grong khyer nyams dga' bar/ /'jam rgyal rdo rje 'khor lo yis/ /snying po'i dkyil 'khor 'di ru ni/ /mgon po bdag ni 'jug par mdzod/ /zhes brjod phyag 'tshal te me tog gtor/ dga' chen khyod bdag ston pa pas/ / slob dpon khyod ni dgongs su gsol/ /mgon po chen po tshul bstan pa/ /dam tshig de nyid bdag la stsol/ /sangs rgyas chos dang dge 'dun te/ /skyabs gsum dag kyang bdag la stsol/ /thar pa chen po'i grong mchog tu/ /mgon po bdag ni 'jug par 'tshal/ /de nas bla mas gnang ba sbyin par bya/ /bu tshur theg pa chen po la/ /khyod ni tshul chen snod yin te/ /gsang sngags spyod pa'i cho ga 'di/ /khyod la yang dag bshad par bya/ /rdzogs pa'i sangs rgyas gang 'das dang / /de bzhin gang dag ma byon dang / /da ltar byung ba rdzogs sangs rgyas/ /'gro la phan phyir bzhugs pa rnams/ /de dag kun gyi gsang sngags kyi/ /cho ga bzang po 'di mkhyen pa/ /dpa' bos byang chub shing drung du/ /thams cad mkhyen pa'i mtshan 'di brnyes/ /gsang sngags sbyor ba mnyam med des/ /skyob pa dpal ldan 'jam rgyal gyis/ /bdud sde shin tu mi bzad pa/ /dpung chen dag kyang de yis bcom/ / de bas kun mkhyen thob bya'i phyir/ /bu yis blo gros 'di gyis shig /sangs rgyas chos dang dge 'dun la/ /rtag tu khyod kyis skyabs tshol cig /'jam rgyal rdo rje la sogs te/ /'khor lo bzhugs pa'i bdag nyid can/ /kun la rtag tu skyabs song cig /de nas slob mas 'di skad brjod/ / dpal ldan khrag 'thung dpa' bo dang / /'jam rgyal rnam snang la sogs ste/ /byang chub sems dpa' dpag med pa/ /thams cad bdag la dgongs su gsol/ /bdag ni dus 'di nas bzung nas/ /tshangs spyod gnyis med sar gnas par/ /bdag gis sdom legs par gzung / /gtso bo bdag la sdom pa stsol/ /thub pa nyi ma ma lus pa'i/ /sangs rgyas rnams ni bdag la dgongs/ /bdag ming 'di zhes bgyi ba ni/ /slob dpon dpang du gnas pa la/ /sangs rgyas rol pa las byung ba'i/ /mi ldog pa yi 'khor lo sbyor/ /thar pa'i rang bzhin grong mchog tu/ /slob dpon bdag ni 'jug par mdzod/ /de nas bla mas 'di skad brjod/ /rtog pa rnams ni legs par bsdus nas kyang / /shin tu bsam pa bzang po ldan pas nyon/ /brjed ngas blo la rdo rje sems sogs kyi/ /bde bar gshegs pa rnams kyis byin mi rlob/ /sangs rgyas chos dang dge 'dun te/ /bla na med pa'i dkon mchog gsum/ /dkon mchog gsum la skyabs su song / /'di ni sangs rgyas rigs dag pa'i/ /sdom pa dam tshig yin par gsungs/ /rdo rje rigs mchog chen po yi/ /rdo rje dril bu phyag rgya yang / /blo mchog khyod kyis gzung bar gyis/ /byang chub sems gang de rdo rje/ /rdo rje dril bu zhes bshad do/ /slob dpon dag kyang gzung bar gyis/ /rin chen rigs mchog chen po yi/ /dam tshig yid du 'ong ba la/ /zang zing mi 'jigs chos dang byams/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa yi/ /phyi dang gsang ba'i theg pa gsum/ /dam chos khyod kyis bzung bar gyis/ /las kyi rigs mchog chen po la/ /sdom pa thams cad ldan par ni/ /yang dag nyid du bzung bar gyis/ /mchod pa'i las kyang ci nus gyis/ /rtsa ba'i ltung ba bcu bzhi ni/ /phas pham par ni rab tu bshad/ /kha na ma tho sbom por 'gyur/ /khyod kyis srog chags gsad mi bya/ /ma byin par yang mi blang ngo / /'dod pa log par mi spyod cing / /brdzun du smra bar mi bya'o/ /phung khrol kun gyi rtsar 'gyur ba'i/ /chang ni rnam par spang bar bya/ /sems gdul phyir ni rtog pa yi/ /bya ba ma yin thams cad spang / /dam tshig rnams ni nyer brten cing / /rnal 'byor dbang bo bsnyen bkur bya/ /lus kyi las ni rnam pa gsum/ /ngag gi rnam pa bzhi dag dang / /yid kyi rnam pa gsum dag ni/ /ci nus par ni rjes su skyongs/ /theg pa dman la 'dod mi bya/ /'gro ba'i don la rgyab phyogs min/ /'khor ba dag kyang mi spang zhing / / rtag tu mya ngan 'das mi phyogs/ /lha dang lha min gsang ba la/ /khyod kyis brnyas pa mi bya zhing / /phyag rgya bzhon pa mtshon cha dang / /mtshan ma 'gom par mi bya'o/ /'di dag dam tshig yin par gsungs/ /khyod kyis kyang ni srung bar gyis/ /de nas slob mas 'di skad brjod/ /mgon po bdag la dgongs su gsol/ /ma lus bzhugs pa'i sangs rgyas rnams/ /dus 'di nyid nas sangs rgyas par/ /bla med bdag la dgongs su gsol/ /ji ltar dus gsum mgon po rnams/ /byang chub tu ni nges mdzad pa'i/ / byang chub sems ni bla na med/ /dam pa bdag gis bskyed par bgyi/ /sangs rgyas 'jam dbyangs sdom pa la/ /tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /bdag gis brtan por gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te gzung bar bgyi/ /nam du yang ni mi spang ngo / /rdo rje rigs mchog chen po la/ /rdo rje dril bu phyag rgya yang / /yang dag nyid du gzung bar bgyi/ / slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin du dus drug tu/ /sbyin pa rnam bzhi rab tu spyin/ /byang chub chen po las byung ba'i/ /pad+ma'i rigs mchog dag pa la/ /phyi dang gsang ba theg pa gsum/ / dam pa'i chos ni gzung bar bgyi/ /las kyi rigs mchog chen po yi/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla med pa'i/ /dam pa bdag gis bskyed bgyis nas/ /sems can kun gyi don gyi phyir/ /bdag gis sdom pa ma lus gzung / /ma rgal ba rnams bdag gis sgrol/ /ma grol ba ni grol bar bgyi/ /dbugs ma phyin pa dbugs dbyung zhing / /sems can mya ngan 'das la dgod/ /de ltar lan gsum khas blangs pa'i/ /byang chub sems dpa'i slob ma la/ /me tog la sogs mchod par bya/ /oM sarba ta thA ga ta yA tha su khaM su ra ta staM/ zhes pas rdo rje gnas gsum gtug /'di ni phyi 'jug cho ga ste/ /nang 'jug rim pa bstan pa ni/ /las kyi bum pas khrus byas te/ /gdong g.yogs bcings la skal ldan bri/ /yol ba'i nang du drang bar bya'o/ /rigs kyi bu khyod su zhig yin/ /bdag ni skal ba bzang po'o/ /dzaHzhes pas ni shar sgo nas/ /lha snam steng du phyin par bsam/ /hoHyis byang du baM gyis nub/ / hUM gis lho sgo nas zhugs nas/ /lha snam steng du phyin par bsam/ /lha yi dam tshig bsgrag pa ni/ /deng khyod lha rnams thams cad dang / /slob dpon gyis ni byin rlabs kyis/ /dpal 'jam pa'i rdo rje dang rigs kyi khro bo rnams kyi rigs su zhugs kyis/ ngas khyod la ye shes gang gis dpal 'jam pa'i rdo rje dang / rigs kyi khro bo rnams kyi dngos grub kyang 'grub par 'gyur na/ dngos grub gzhan lta smos kyang ci dgos/ de lta bu'i ye shes bskyed par bya'i/ gsang ba'i dkyil 'khor ma mthong ba rnams dang / dad pa dang mi ldan pa rnams la smra bar ma byed cig /khyod dam tshig nyams par gyur ta re zhes brjod la slob ma'i snying gar rdo rje gzhag /'jam rgyal rdo rje deng khyod kyis/ /snying la yang dag zhugs pa ni/ /gal te tshul 'di smras na ni/ /de ma thag tu dral nas gshegs/ /de nas mna' chu blud pa ni/ /thod pa'i nang du dri chu la/ /bdud rtsi gtab ba yi ge gsum/ /bzlas pa'i tshig 'di brjod par bya/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'grub/ /oM pany+tsa a mr-i ta ga thA/ zhes brjod pas ni blud par bya/ /de nas dam tshig bsgrag pa ni/ /deng phan chad khyed kyi 'jam pa'i rdo rje nga yin gyi/ /ngas 'di gyis shig ces bsgo ba yang yin pa de bya dgos so/ /khyod kyis nga la brnyas par ma byed cig / byas na khyod mi bde ba ma spangs par tshe'i dus byas nas dmyal bar ltung bar gyur ta re zhes brjod do/ /de nas ye shes dbab par bya ste maN+Dal la slob ma blang bar bya ste/ rkang pa gnyis brkyang la gzhu'i dbyibs dang / lag pa brkyang la thal mo sbyar bar bya ste/ yaM las rlung gi dkyil 'khor rkang 'og tu/ /gsang bar me yi dkyil 'khor gru gsum gsal/ /lte bar yi ge dz+haiM ni rab 'bar bsam/ /yaM las rlung byung me yi dkyil 'khor bskyed/ /lte bar dz+haiM spros 'od kyis lus gang bsam/ /dbugs kyang cung zhig nang du 'then par bya/ /shes pa gzhan du ma yengs rig pa nang du gzir/ /spos kyi dud pas sna sgor bdug par bya/ /rnga brdung dril bu gsil zhing sngags 'di bzlas/ /oM ra ra tsa la ya a be sha ya a A dz+haiM/ ye shes dbab par gyur pa la/ /de la tiSha badzra brjod/ /de nas snang ba bstan pa ni/ /kye he ru ka myu gu rdo rje/ /rang gi dngos po ji ltar snang / /zhes brjod bltas pas dkar ser sogs/ /snang bas zhi rgyas la sogs 'grub/ /de nas me tog dor ba ni/ /me tog thogs nas shar sgo nas/ /pra tIts+tsha badzra ho/ zhes pas dal du 'thor du gzhug /gang la bab pa lha ru gzung / /rigs dang mthun pa'i gsang mtshan gdags/ /oM pra ti gr-ih+Na swa mi maM satwa ma hA ba la/ zhes pas slob ma'i mgo la bcing / /de nas gdong g.yogs dgrol ba ni/ /mig gnyis oM las 'od zer bsam/ /rdo rje rtse mos mig la gtug /'jam dpal rdo rje deng khyod kyis/ /mig 'byed par ni brtson par mdzad/ /rdo rje'i mig ni bla na med/ /de ring nyid du 'byed par shog /oM badzra nai tra a pa ha ra pa Ta laM hUM/ zhes pas gdong g.yogs dgrol bar bya/ /de nas dkyil 'khor bstan pa ni/ /dkyil 'khor bzang po 'di la ltos/ /da ni dad pa rab tu bskyed/ /da ni 'jam rgyal rigs su skyes/ /sngags dang phyag rgyas byin gyis brlabs/ /'gro ba phun sum tshogs pa kun/ /dngos grub kun khyod mngon sum 'gyur/ /dam tshig thams cad skyong ba dang / /gsang sngags la yang brtson par gyis/ /de nas lha rnams ngo yang bstan/ /'di ni 'jug pa'i yan lag go/ /de nas tshogs te yon phul nas/ /phyag btsal thal mo sbyar bas 'dug /de la bum pa'i dbang bskur ba/ /bum pa thogs la spyi bor gzhag / bum pa yum gyi rang bzhin las/ /snying po rig sngags nyid du bsam/ /ji ltar bltams pa tsam gyis ni/ /de bzhin gshegs kun khrus gsol ltar/ /lha yi chu ni dag pa yis/ /de bzhin bdag gis khrus gsol lo/ /oM sarba ta thA ga ta a b+hi sh-iny+tsa maM/ zhes pa dang / khams gsum kun gyis phyag byas pa'i/ /gsang ba gsum gyi gnas las byung / /dbang bskur ba ni rdo rje che/ /phyir mi ldog pa'i dbang bskur ro/ /oM sarba ta thA ga ta a b+hi Shiny+tsa sa ma ya shrI hUM/ rnam shes phung po rnam dag pa'i/ /me long lta bu'i ye shes kyis/ /zhe sdang rnam dag mi bskyod pa/ /dpal ldan chu yis dbang bskur ro/ /zhes pas chu sbyin no/ /de nas cod pan gyi dbang sbyin pa/ /cod pan rigs lnga'i rang bzhin las/ /rin chen rigs bdag nyid du bsam/ /sangs rgyas kun gyi rgyal srid che/ /dbu rgyan rin chen dam pa ste/ /rin chen rnams kyi mchog gyur pa/ /rdzogs sangs rgyas kyis dbang bskur ro/ /oM sarba ta thA ga ta rat+na mu gu Ta a b+hi Shiny+tsa maM/ tshor ba'i phung po rnam dag pa'i/ /mnyam pa nyid kyi ye shes kyis/ /nga rgyal rin chen 'byung ldan gyi/ /cod pan gyis ni dbang bskur ro/ /zhes pas cod pan sbyin/ de nas dril bu'i dbang sbyin pa/ /dril bu gsung gi rang bzhin las/ /gsung mchog rigs bdag nyid du bsam/ /'jam dbyangs rdo rje dril bu'i dbang / /de ring khyod la bskur bar bya/ /'jam rgyal rdo rje rab bsgrub phyir/ /dril bu 'di ni khyod kyis long / /oM sarba ta thA ga ta a d+hi pa ti s+t+wAM a b+hi sh-i ny+tsA mi tiSh+Tha badzra sa ma ya s+t+waM/ 'du shes phung po rnam dag pa'i/ /so sor rtog pa'i ye shes kyis/ /'dod chags snang ba mtha' yas kyi/ /dril bu yis ni dbang bskur ro/ /zhes pas dril bu gsil du gzhug /de nas rdo rje'i dbang sbyin pa ni/ rdo rje las kyi rang bzhin las/ khong gseng rigs bdag nyid du bsam/ /'jam dbyangs rdo rje las kyi dbang / /de ring khyod la bskur bar bya/ /'jam rgyal rdo rje las bsgrub phyir/ /rdo rje 'di ni khyod kyis long / /oM sarba ta thA ga ta badzra karma a b+hi sh-iny+tsa mi tiSh+Tha badzra gaN+De sa ma ya s+t+waM/ 'du byed phung po rnam dag pa'i/ /bya ba grub pa'i ye shes kyis/ /phra dog don yod grub pa yi/ /rdo rje yis ni dbang bskur ro/ /zhes pas rdo rje rgya gram snying gar gzhag /de nas ming gi dbang bskur ba/ /slob ma'i spyi bor oM las ni/ /'khor lo de las rnam snang bskyed/ /sangs rgyas kun gyi ming gi dbang / /de ring khyod la bskur bar bya/ /sangs rgyas kun du rab bsgrub phyir/ /rdo rje ming 'di khyod kyis long / / oM sarba ta thA ga ta na ma bi shu d+d+ha d+ha rma d+hA tu dz+nyA na a b+hi Shiny+tsa maM/ kye rdo rje che ge mo zhes bya bas ming dbang sbyin/ spyi bor rdo rje dril bu bzung la/ gzugs kyi phung po rnam dag pa'i/ /chos kyi dbyings kyi ye shes kyis/ /gti mug rnam par snang mdzad kyi/ /dpal ldan ming gi dbang bskur ro/ /rdo rje dril bu'i brtul zhugs dbang / /lag tu rdo rje dril bu gtad/ /'di ni sangs rgyas thams cad kyi/ /phyag na rdo rje'i lag na gnas/ /khyod kyis kyang ni rtag tu bcang / /phyag na rdo rje brtsul zhugs brtan/ /oM sarba ta thA ga ta sid+d+h+ya badzra sa ma ya tiSh+Tha e Sha s+t+waM d+ha ra ya mi badzra satwa hi hi hi hi hUM/ 'gying pa'i tshul du 'dug nas ni/ /rdo rje gsor la dril bu gsil/ /de nas phyag mtshan dbang bskur ba/ /'khor los log lta gcod par byed/ /dbyug tos gzung 'dzin rab spangs pa'i/ /phyag mtshan gyis ni dbang bskur ro/ /rgyan cha'i dbang yang bskur bar bya/ /mgul rgyan gdu bu ske rags dang / /do shal dang ni sna bdun te/ /rgyan cha yis ni dbang bskur ro/ /sku yi na bzas dbang bskur ba/ /glang chen zhing dang stag lpags gos/ /na bza' yis ni dbang bskur ro/ /sku gsung thugs kyi dbang bskur ro/ /rdo rje dril bu lag tu gtad/ /thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje snyems tshul bdag po'i bdag /zhes pas rdo rje g.yas su spyin/ /'di lha thams cad kyi bdag po kun du bzang po yin par gyis shig ces brjod do/ /srid pa ngo bo nyid kyis dag /ngo bo nyid kyis 'gal srid byas/ /rang bzhin dag pa'i sems dpa' ni/ /srid pa mchog tu grub par byed/ /zhes pas dril bu 'khrol du gzhug /srid pa'i bde ba shin tu chung / /sdug bsngal chen po dag bya'i phyir/ /shin tu bde ba dam pa'i thabs/ /dam pa 'di ni rtag tu bskyed/ /'dod pa'i longs spyod thams cad la/ /ci 'dod par ni de bzhin du/ /rang dang lha yi sbyor ba yis/ / bdag dang gzhan la mchod par gyis/ /zhes brjod pas ni phyag rgya che/ /sku ru rgyun du bsgom du gzhug /mig gnyis la ni rdo rje dkar/ /nas 'bras tsam pa bsam byas la/ /gser las byas pa'i thur ma yis/ /spyan 'byed tshul du dbye bar byed/ /ji ltar mig mkhan rgyal po yis/ /'jig rten ling thog bsal ba ltar/ /bu khyod kyis ni mi shes pa'i/ /rab rib rgyal ba rnams kyis bsal/ /oM badzra nai tra a ba ha ra pa ta laM hri/ zhes pas mig 'byed tshul du gzhug /sku'i dbang mda' dang gzhu yin te/ ho yig lhag mthong mda' drug dang / /zhi gnas rang bzhin gzhu byin la/ / phyogs bzhi steng dang 'og tu 'phang / /khyod kyis zhi gnas lhag mthong gis/ /phyogs rnams thams cad dbang du gyis/ /gsung gi dbang phyug dril bu ni/ /chos rnams nam mkha'i mtshan nyid de/ /nam mkha' la yang mtshan nyid med/ /nam mkha' sems dang mnyam sbyor ba'i/ /kun mchog mnyam pa nyid du gsal/ /thugs kyi dbang me long bstan pa yin te/ hUM zhes me long rab bstan la/ /rdo rje sems dpa' me long bzhin/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun du byung / /ngo bo nyid med gnas med par/ /de ltar chos nyid shes nas ni/ /sems can don la mnyam med byos/ /'on kyang sangs rgyas sras su skye/ /sangs rgyas kun gyi rang bzhin ni/ /bu khyod kyi ni snying la zhugs/ /zhes pa'o/ /kye bu khyod kyi gang lhag pa'i lha'i bdag po byang chub kyi sems ni 'di yin par shes par gyis shig ces brjod do/ /bsgom pa'i rjes su gnang ba ni/ /dus 'di nas ni bzung nas ni/ /'khor ba'i nyes pas ma gos pas/ /'jam pa'i rdo rje 'khor bcas rnams/ /bsgom pa dag la brtson par gyis/ /zhes pa'o/ /sngags kyi rjes gnang sbyin pa ni/ bcom ldan 'di la stsal lags kyis/ / 'di la 'go bar mdzad du gsol/ /lhag pa'i bsam pa brtan pos gzung / /nam yang gtong bar ma byed cig /lan gsum brjod la gnang ba sbyin/ /slob ma'i lag tu phreng ba gtad/ /sangs rgyas kun gyis mi phyed pa'i/ /gsang sngags bla na med pa ste/ /snying po yid bzhin nor bu yi/ /skyob pa sngags kyis dbang bskur ro/ /slob mas tshig tu 'di brjod blang / /bcom ldan bdag gis gzung lags kyi/ /bdag la 'go bar mdzad du gsol/ /lhag pa'i bsam pa brtan po yis/ /nam du yang ni mi gtang ngo / /zhes pa yis ni sngags bzlas so/ /gar gyi rjes su gnang ba ni/ /deng nas brtsams te rdzogs sangs rgyas/ /rje btsun lha dang dpa' bo la/ /shes rab thabs kyi bsnyems chen gyi/ /gar mchod bde bas mchod dga' bgyid/ /zhes pas gar byed tshul du bya/ /glu yi rjes su gnang ba ni/ /lus can kun la dam chos kyi/ /khyod kyis glu ni blang bar bya/ /de nas rnal 'byor ma med dang / /myur du bde ba myong bar 'gyur/ /zhes pas chos don glu yang blang / /mchod pa'i rjes su gnang ba ni/ /sangs rgyas sku la dri ma mi mnga' yang / /lha yi chu rgyun dag pa yis/ /rgyal ba rnams la sku khrus gsol/ /sku gsung thugs la yon chab 'di gsol bas/ /rnam rtog nyon mongs dri ma dag gyur cig /sgeg dang bcas pa'i me tog phreng / /sangs rgyas kun sogs 'jam dbyangs la/ /nam yang 'bral bar mi 'gyur te/ /phreng ba de yi rgyan yin no/ /rdzogs sangs rgyas la spos phul bas/ /brtul zhugs bzang pos legs tshim gyis/ /lus can bde gshegs cha lugs su/ /ye shes kyis ni tshim gyur cig / chos kyi mar me legs spar bas/ /pad+ma gar dbang bdag nyid de/ /sems can ma rig ldongs pa la/ /ye shes sgron mes snang gyur cig /tshul khrims ting nge 'dzin shes rab dang / /rnam grol ye shes mthong ba yi/ /dri med rgyal ba rnams kyi dris/ /lus can byang chub thob gyur cig / zhal zas ro mchog 'di phul bas/ /ro drug sred pa dag gyur te/ /bsam gtan ting 'dzin zas mchog ldan/ /gnyis su med pa'i ro rtogs shog /rol mo glu gar sgra snyan tshangs pa'i dbyangs/ /khyu byug gzhon nu'i skad 'dra 'di phul bas/ /bde gshegs sku yi mnyes dang ldan gyur cig /lha yi rna ba rnam dag thob gyur cig / ces pa'o/ /dngos grub rjes su gnang ba ni/ /zhi rgyas dbang drag bzhi po dang / /bskrad dang bcing dang rengs la sogs/ /las de rnams ni grub par gyis/ /spyod pa'i rjes su gnang ba ni/ /dang po las kyi spyod pa dang / /nyon mongs gsang ba'i spyod pa dang / /kun du bzang po'i spyod pa la/ /go rims bzhin du bslab par gyis/ /rdo rje slob dpon rjes gnang ni/ /sems can sdug bsngal bsal bya'i phyir/ /'jig rten kun la thams cad du/ /bya ba'i rgyud dang spyod pa'i rgyud/ /rnal 'byor rgyud dang gsang ba yi/ /chos kyi 'khor lo bskor bar gyis/ /khyod ni the tshom dogs med par/ /yid gnyis med pa'i sems kyis ni/ /chos kyi dung ni bla med pa/ /dri med kun du gang bar gyis/ /dung bud gdugs dang po ti sbyin/ /de nas lung bstan sbyin pa ni/ /rang nyid 'jam dpal ting 'dzin gyis/ /g.yon pa khu tshur bcad byas te/ /chos gos 'dzin pa'i tshul du bya/ /g.yas pa skyabs sbyin phyag rgya bcas/ /oM nga yis 'di ltar lung bstan te/ /'jam dpal rdo rje de bzhin gshegs/ /dngos po mchog tu sgrub pa'i phyir/ /srid pa'i ngan 'gro'i gnas nas bton/ /kye che ge mo myu gu rdo rje/ /gnas che ge mo zhes bya ba/ /bde ba can gyi zhing khams su/ /rdo rje 'chang chen por mngon par rdzogs par sangs rgyas par 'gyur ro/ /sid+d+hi b+hur b+hu wa swaH/ 'di ltar lung bstan dus dag tu/ /sngags pa bde gshegs kun lhan cig /bla na med pa'i byang chub tu/ /mgrin gcig tu ni lung bstan mdzad/ /de ltar lung bstan gyur pa 'di/ /sngags dang phyag rgya'i mthu yin pas/ /sngags dang phyag rgya'i nus pa la/ /yid ches pa ni dad par gyis/ /lung bstan thob nas sems bde ba/ /de ni gzengs bstod pa ru 'dod/ /dbugs dbyung pa yi cho ga ni/ /mchog gsang dkyil 'khor dam pa 'dir/ /mthong ba dang ni zhugs pa yis/ /sdig pa kun las nges grol ba'i/ / khyed rnams 'dir ni legs par gnas/ /phyin chad 'chi ba yod min te/ /mi tshugs pa dang mi sod pa/ /cis kyang mi 'jigs dga' bar gyis/ /dam tshig sdom pa grub par gyis/ /rtag tu khyed kyis bsrung bar bya/ /sangs rgyas kun gyis mthun par gsungs/ /dam pa rtag pa'i bka' yin no/ /di ring bdud las rnam par rgyal/ /grong khyer mchog tu rab tu zhugs/ /khyed rnams kyis ni sangs rgyas sa/ /di ring thob par the tshom med/ /de nas slob ma cho ga rdzogs pa de/ /rgyal ba rnams kyis sras su 'dzin pa yin/ /mchod pa'i bye brag rnams kyang de la bya/ /slob mas bla ma dam pa'i drin dran phyir/ /tshogs dang gtor ma mchod pa'i bye brag dang / /'dod pa'i longs spyod rnams ni de la mchod/ /rta dang glang po yul zhing bud med kyang / /bla ma dam pa de la mchod phyir dbul/ /de bzhin dbul ba'i cho ga rgyas gyur pas/ / gsang ba'i dbang bskur 'dod pas gsol ba gdab/ /tshogs kyi mchod pa bteg la bsod nams bsag /phyag 'tshal maN+Dal phul la gsol ba gdab/ /sangs rgyas byang chub sems dpa' yi/ /spyan sngar slob dpon dgongs su gsol/ /khyod zhabs pad+ma spangs nas ni/ / bdag la gzhan nas skyabs ma mchis/ /ngag gi dri ma sbyang mdzad pa'i/ /dbang bskur mchog ni bdag la gsol/ /ji ltar 'phags pa'i sangs rgyas kyis/ /byang chub sras la dbang bskur ba/ /de bzhin gshegs pa'i dbang bskur ni/ /sems kyi rgyun gyis dbang bskur ro/ /de nas dbang bskur sbyin pa ni/ /mtshan ldan thod pa'i bdud rtsi la/ /srin lag g.yon pas blangs nas ni/ /slob ma'i lce la gzhag par bya/ /ye shes dbab pa dus kyi nyams/ /de nyid du ni dran par bya/ /nyams dang bdud rtsi ro myang bas/ /bde ba skyes pa gang yin pa/ /gsang ba'i dbang ni thob pa yin/ /de yi dam tshig dbog pa ni/ /sha chen byang sems myos pa'i chu/ /rak+ta dri chen rdo rje'i chu/ /'di drug khyod kyi dam tshig ste/ /skal ldan khyod kyis rtag tu skyongs/ /mchod dang gtor ma gtang ba dang / /yon phul zhabs pad spyi bos blang / / 'di ni gsang ba'i dbang bskur ba'o/ /shes rab ye shes dbang bskur ba/ /mchod dang gtor ma tshogs mchod sogs/ /gzhung bzhin bteg la yon phul nas/ /gsum pa zhu ba'i gsol ba gdab/ /oM sangs rgyas byang chub sems dpa' yi/ /spyan sngar slob dpon dgongs su gsol/ /dpal ldan chos kyi rdo rje la/ /gsang ba'i de nyid bstan pa ltar/ /yid kyi dri ma sbyang mdzad pa'i/ /dbang bskur mchog ni bdag la stsol/ /'di ni sangs rgyas thams cad kyi/ /rig pa'i brtul zhugs bla na med/ /bde chen rgyal po rang nyid ni/ /'di nyid du ni rtag tu gnas/ / de nas dbang bskur sbyin pa ni/ /g.yon pa'i srin mtheb gnyis po yis/ /bdud rtsi blangs la spyi bo dang / /snying ga lte ba gsum la reg /lte bar hUM la dmigs pa gtad/ /mgrin pa'i rtsa gnyis srin mtheb kyis/ /dal gyis mnan la bde ba dang / /bla mas bde stong nyams dran pas/ /slob mas rgyud la gos par bsam/ /bde stong nyams de skyes pa na/ /mchod pa phul la dam tshig dbog /slob dpon dang ni rig ma la/ /phung po lnga la mnyes byed pa/ /dus dang gnas skabs thams cad du/ /khyod kyis srog bzhin bsrung bar gyis/ /de nas phyag byas yon phul la/ /bde ba'i sems kyis gnas par bya/ /de nas bzhi pa'i dbang bskur ba/ /sngon du slob mas bla ma la/ /maN+Dal mchod dang yon phul la/ /bzhi pa bskur bar gsol ba gdab/ /oM sangs rgyas byang chub sems dpa' yi/ /spyan sngar slob dpon dgongs su gsol/ /dri ma rnam gsum sbyong mdzad pa'i/ /dbang bskur mchog ni bdag la stsol/ /de nas maN+Dal me tog bkram pa la/ /'dug ste rkang pa'i long bu gshibs/ /me tog thogs te thal mo sbyar/ /drang por brkyang la lus po bsgrim/ /sna rtser 'khor lo 'khor ba la/ /rig pa gtad de bde ba gzung / /'dar dang g.yo dang smra dang dgod/ /shes pa bde ba thob de las/ /ye shes rnal du phebs pa na/ /me long bstan la don bstan bya/ /kye he ru ka myu gu che ge mo/ /chos thams cad ni ngo bo nyid kyis skyes pa ste rkyen las skyes pa'o/ / de yang dper na me long gi rkyen gyis gzugs su snang ba bzhin du sngon gyi smon lam dang gdul bya las dag pa'i dbang gis chos nyid spros pa thams cad dang bral ba las yul rnam 'phrul du shar ba te don chos nyid spros pa thams cad dang bral ba'o/ /kye che ge mo khyed nyams gang shar ba de nga la smros shig / de'i tshe shes pa gsal ba las/ /mi rtog skye ba gang yin pa/ /des gzung med pa'i nyams shar ba/ /'di ltar byung zhes brjod du med/ /bzhi pa phyag rgya chen po'i nyams/ /de la dam tshig bstan pa ni/ /dang bas bla ma gnyan par bya/ /rgyud la shar ba'i phyag rgya che/ /nam yang rjed par mi bya'o/ /dman la mos pa'i gang zag dang / /nam yang mi 'grogs dben pa bsten/ /dbang bzhi thob par ma gyur pa'i/ /gang zag rnams la de yi don/ /tshig tu brjod par mi bya'o/ /de nas bla ma'i zhabs la 'dud/ /phyag dang mchod dang gtor ma dang / /tshogs dang yon dbul bskur sti bya/ /'di ni bzhi pa'i cho ga'o/ /gang zhig lus ngag dag pa yis/ /bde ba 'dod pas zab mo'i don/ /bla ma'i zhabs pad brten pas blang / /gzhan yang phyag rgya la brten pa'i/ /dbang bzhi 'dod pa'i gang zag gis/ /man ngag las byung cho ga yis/ /dben pa'i gnas su yang dag brtsam/ /bsod nams 'dod dang thar pa rab brtson pa'i/ /gang zag dam pa rnams kyi don bya'i phyir/ /dkyil 'khor cho ga rgyas dang bsdus pa las/ /dge ba gang yin sems can don du bsngo/ / dpal gshin rje tshe bdag nag po'i dkyil 'khor gyi cho ga dran pa gsal ba zhes bya ba/ dpal nag po zhabs kyis mdzad pa rdzogs so// //paN+Di ta chen po nag po'i zhabs de nyid dang / lo tsA ba gnyan gyis bsgyur cing zhus te gtan la phab pa'o// //