བོད་ཡིག

e-texts based on the ACIP/ALL Input

bzhugs pa/ /de yi thugs ka'i hUM gi 'phro 'dus/ /ye shes spyan drangs dgug gzhug byas la/ /sangs rgyas rnams kyis bdag la dbang bskur/ /lhag pa'i chu la mi bskyod rdo rje/ /rang lus byung lha mo rnams kyis/ /mchod bstod bdud rtsis tshim par byas nas/ / hUM las byung ba'i spro bsdu'i bzlas pas/ /sems can don kun rdzogs par byas la/ /slar yang thams cad hUM la bsdus te/ /phra mo'i rnal 'byor rnam bzhis rgyas gdab/ /chu la nya ldang ji bzhin tshul du/ /zung 'jug skur langs thun mtshams bya ba/ /ma lus byed pa sangs rgyas lam yin/ / dge ba 'di dang dge gzhan ma lus pa/ /gcig tu bsdus nas zung du 'jug pa'i sku/ /gshin rje gshed dpal go 'phang thob gyur nas/ /'gro kun rnam mkhyen sa la 'god par shog /bcom ldan 'das gshin rje'i gshed dmar po'i sgrub thabs lam gyi snying po zhes bya ba mkhas shing grub pa brnyes pa'i rnal 'byor chen po bud+d+ha dz+nyA na pA das u ga ya na 'bar ba'i phug tu Da kI shwa ri badzra wA rA hI nyid las dngos su thob nas lhag pa'i bsam pa rnam par dag pas yi ger byas pa rdzogs so/ / //yul dbus kyi paN+Dita A nan+da b+ha dra dang bod kyi lo tsA ba se tsha bsod nams rgyal mtshan gyis grong khyer chen po ti ra ha te'i lho phyogs rang byung gi mchod rten rnam par dag pa'i drung du yul dbus kyi dpe dang mthun par bsgyur cing bcos te gtan la phab pa/ slar yang grub thob kar+Na shrI'i zhal snga nas gnas brtan nyi ma rgyal mtshan gyis shrI na len+d+ra'i gtsug lag khang du bsgyur ba'o// // @##/ /rgya gar skad du/ trai kA ya wAka tsit+tA d+hiSh+Tha no de sha nA ma/ bod skad du/ lus ngag yid gsum byin gyis brlab pa'i man ngag ces bya ba/ bcom ldan 'das gshin rje'i gshed la phyag 'tshal lo/ /slob dpon dam tshig sdom ldan pas/ /legs bshams mdun du maN+Dal la/ / lhag pa'i lha bsam phyi nang gi/ /mchod bstod gsol gdab byas rjes su/ /bdag mdun tha dad med par bya/ /spyi bo mgrin pa snying ga dang / /nu ma'i bar du yi ge bzhi/ /de las 'od 'phros phyogs bcu yi/ /dus gsum sangs rgyas thams cad kyi/ /sku gsung thugs dang ye shes bsdu/ /yon phul gsol gdab byas pa yis/ /slob ma rjes su gzung bar bya/ /yi ge bzhi las bdud rtsi'i rgyun/ /slob ma'i gnas bzhir rim gyis dbab/ /de yi mthu dang nus pa yis/ /snang gsal bde dang ro gcig pa/ /rim bzhin nyams su myong ba yis/ /lus ngag yid gsum bag chags bcas/ /ma lus spangs nas rdo rje bzhi'i/ /dngos grub g.yo med thob pa na/ /bde chen 'di ni bde ba che/ /'di las gzhan pa'i bde ba gang / /gzhan du yod pa ma yin zhes/ /rdo rje'i dgra yis rnam par bsgrag /de rjes phyag rgyas maN+Dal dbul/ /phra mo'i rnal 'byor rnam bzhi yis/ /gnyis su 'dzin pa'i 'khri shing bcad/ /nam mkha' lta bur mtha' dbus spang / /'di ltar 'bad pa'i dge ba yis/ /thams cad phyag rgya chen por shog /slob ma rjes su gzung ba lus ngag yid gsum byin gyis brlab pa'i man ngag slob dpon sangs rgyas ye shes zhabs kyis mdzad pa rdzogs so/ / //yul dbus kyi paN+Di ta A nan+da b+ha dra dang / bod kyi lo tsA ba se tsha bsod nams rgyal mtshan gyis grong khyer chen po ti ra ha te'i lho phyogs rang byung gi mchod rten rnam par dag pa'i drung du yul dbus kyi dpe dang mthun par bsgyur cing bcos te gtan la phab pa'o// // slar yang grub thob kar+Na shrI'i zhal snga nas mnyan te thar pa lo tsA ba gnas brtan nyi ma rgyal mtshan gyis shrI na len+d+ra'i gtsug lag khang chen por dag par bsgyur ba'o//[ ]@##/ /rgya gar skad du/ trai satwa sa mA d+hi sa mA pa t+ti nA ma/ bod skad du/ sems dpa' gsum gyi ting nge 'dzin la mnyam par gzhag pa zhes bya ba/ bcom ldan 'das rdo rje sems dpa' la phyag 'tshal lo/ /bskyed pa'i rim la legs gnas nas/ /rdzogs pa'i rim pa 'dod rnams kyis/ /rim gnyis rnam par gnas nas ni/ /spros pa med pa'i rang bzhin la/ /spros dang spros med ro mnyam blta/ /lam gyi snying por bsten pa ltar/ /gti mug dus dgra'i sku sogs su/ /dkyil 'khor rgyas bsdus rnal 'byor pas/ /gtso bo 'pho ba'i tshul du bsam/ /brtan nas ye shes sems dpa' ni/ /nyi 'od 'phros pa phyogs bcur khyab/ /dngos kun dus dgra'i skur thal nas/