བོད་ཡིག

e-texts based on the ACIP/ALL Input

rgas pa dang gzugs de'i mdun du 'dug ste/ de'i mgo la lag pa bzhag la brgyad kyis lhag ba'i stong phrag gcig bzlas nas/ de'i drung du nyal bas zhag dang po la dur khrod kyi dri snom par 'gyur ro/ /gnyis pa la a ga ru la sogs pa bdug spos kyi dri snom par 'gyur ro/ /gsum pa la lus la reg bya 'jam pa skyed pa byed do/ de la mi 'gul bar shing sdong ltar bsdad de de rang nu mo nas 'grub par 'gyur bas/ 'gron bu ba ni brgyad ster ro/ /k+shu k+shu se ri kun+da'i sgrub thabs rdzogs so//[ ]@##/ /rgya gar skad du/ pi shA tse kar+Na gr-i ha swA d+ha naM/ bod skad du/ sha za mo rna ba 'dzin pa'i sgrub thabs/ uts+tshuSh+mA pi shA tsi kar+Na gr-ih+Na swA hA/ zhes so/ /nyi ma rgyas pa'i dus tshod la sbun pa spar do khyer nas dben pa'i sar bor la gtang ngo / /zhag nyi shu rtsa gcig gi dus su 'dre mo 'ong bar 'gyur ro/ /de mi sdug pa'i gzugs ston na de la 'jigs par mi bya'o/ /sngags zlos shing de dang gtam smra'o/ /skad chung bar bya'o/ /de nas de na re bdag gis ci bgyi zhes zer na/ bdag la grub par gyis shig ces bya'o/ /de nas de na re bdag la gtor ma byin zhes zer na dur khrod du phyin nas bal sran gyi gtor ma dbul lo/ / de nas gter ston pa dang / blo 'phel ba'i rdzas dang / gzhan yang 'dod pa thams cad ster ba dang / thams cad srung bar byed ba'i 'dre mo'i sgrub thabs rdzogs so//[ ]@##/ /rgya gar skad du/ bi shA pi kr-iSh+Na mu kha sA d+ha naM/ bod skad du/ sha za kha nag ma'i sgrub thabs/ oM ta ti le ta ti le kr-iSh+Na mu khe ma hA pi shA tsi de hi da dA hi swA hA/ bsnyen pa 'bum phrag gcig bzlas te/ de nas tshes bcu bzhi nas zan lhag ma'i chad bu la sngags lan bdun bzlas shing zla ba gcig gi bar du sbyin no/ /nam phyed la bzlas pa mang du bya/ de nas tshes bcu bzhi'i mtshan mo thog thag bzlas pa bya/ nam phyed dam yang na tho rangs ka 'grub par byed do/ /nyi ma re re di na ra bcu bcu ster ro/ /'dre mo kha nag ma'i sgrub thabs rdzogs so// //[ ]gshin rje gshed la phyag 'tshal lo/ /gnod sbyin mo la sogs pa de rnams kyi mthus/ nyi ma re la ji tsam lag tu blangs pa de thams cad gsog 'jog mi bya bar longs spyad cing zad par bya'o/ /gzhan la yang mi bshad do/ /de ltar ma byas na 'grub par mi 'gyur ro/ /de dag thams cad kyi dam tshig phyag rgya so sor gsungs pa'o/ /yang na de dag thams cad rdo rje'i rigs kho nas 'dug pas/ rdo rje'i rigs kyi phyag rgya kho na bya ba ni thams cad la khyad med pa'i phyir ro/ /rdo rje bsdams pa byas nas ni/ /khros pa'i bsam pas bcing bar bya/ /mthe bo rdo rje brtan pas mnan/ /'di ni khro bo'i phyag rgyar dran/ /zhes so/ /'di rnams kyi rim pa ji lta bas lan bdun tshun chad kyis gal te ma grub na de'i tshe khro bo'i rgyal po'i sngags sbyar te/ stong phrag tsam rtog pa las gsungs pa'i grangs kyis nges par 'grub par 'gyur ro/ /dod de la sbyar ba ni/ oM ya mAn+ta ka oM b+ho ga ba ti swA hA hUM/ de bzhin du gzhan gyi yang sngags rnams sbyar la bzlas par bya'o/ /de ltar byas kyang ma grub na/ bdag gis byas pa'i zhe gnod sbyin ma'i mngon rtogs kyi tshul gyis 'dir bsgrub par bya'o/ /de bzhin du gzhan gyi yang bya ba dang spyod pa dang / rnal 'byor gyi rgyud las bstan pa'i sgrub thabs thams cad/ dpal gshin rje'i gshed kyi rnal 'byor pas bsnyen pa bskyal ba dang / dgug pa la sogs pa dang mchod pa rnams cho ga bzhin du byas te/ bsgom pas bsgrub par bya'o/ /de las skyon bzlas pas bsgrub par bya'o/ /de ci'i phyir zhe na/ 'di rnams rnal 'byor chen po'i nang nas gsungs pa'i sgrub thabs thams cad bsgrub par bya'o zhes gsungs pa'i phyir ro/ /de'i phyir na theg pa gzhan la yang gnas pa'i sgrub thabs sgrub par byed pa la the tshom du mi bya'o/ /sngags rnams yid bzhin nor bu ltar bsgrubs pa'i 'bras bu gcig tu ma nges pas so zhes so/ /bya ba spyod pa rnal 'byor rnams/ /de rnams don la khyad med kyang / /sems can bsam pa tha dad phyir/ / de bzhin phye nas bstan pa'o/ /'gro la phan pa de nyid kyis/ /'gro kun sgyu ma ltar gsungs kyang / /khrus la sogs pa dag 'dod pa/ /de la ci phyir bdag med bshad/ /sna tshogs thabs kyi rgyan rnams ni/ /snying rje'i ro dang ldan pas ni / /de phyir byang chub sems dpa' yis/ /sgyu