བོད་ཡིག

e-texts based on the ACIP/ALL Input

bka' bzhin bsgrub/ /gangs ri'i khrod na rgyal po'i bu/ /sbyin bdag chen po'i bzhed pa bzhin/ /bod kyi lugs dang mthun pa 'di/ /'gro la phan pa'i ched du bsgrubs/ /bla ma'i lung dang mi 'gal zhing / /gdul bya'i blo dang mthun pa yi/ /man ngag lha yi rjes gnang nas/ /b+hang+ga la las brjod pa yin/ /rgya gar shar phyogs kyi paN+Di ta dar+pan A tsar+yas mdzad pa rdzogs so// //paN+Di ta de nyid dang / lo tsA ba zhe sdang rdo rjes dag par bsgyur ba'o/ /[ ]@##/ /rgya gar skad du/ shrI badzra b+hai ra ba sA d+ha naM nA ma/ / bod skad du/ dpal rdo rje 'jigs byed kyi sgrub pa'i thabs zhes bya ba/ bcom ldan 'das dpal 'jigs byed ma he'i gdong pa can la phyag 'tshal lo/ /bcom ldan sku mchog 'jig dus me ltar 'bar/ /rdo rje 'jigs par byed la phyag 'tshal te/ /de yis las rnams rab tu sgrub pa'i phyir/ /ma he'i gdong gi snying po'i sgrub thabs bri/ /yid dang mthun zhing dben pa'i gnas dag tu/ /dang por bde ba'i stan la 'dug nas ni/ /ma he'i gdong can skad cig rnal 'byor pas/ /lha dang bla ma mnyes byas de rjes la/ /stong pa ma yin mi stong ma yin pa/ /sems nyid spros dang bral ba rnam par bsgom/ /yaM las rlung ste raM las bskal me 'bar/ /de nas hUM spros rdo rje'i rang bzhin nam/ /a las zla ba rgyas pa'i steng nyid du/ /d+hIHlas 'jam dpal gzhon nu bskyed par bya/ /thugs kar nyi ma'i dkyil 'khor rnams bsams la/ /de stengs hUM yig nag po 'bar ba blta/ /de nyid yongs su gyur pa rdo rje gdengs/ /thams cad yongs gyur bcom ldan ma he'i zhal/ /sku mdog sngo nag char sprin lta bur 'jigs/ /sku las me 'bar khams gsum sreg par byed/ /khro bo dur khrod thod pa'i do shal byas/ /zhal gcig ma he nag po rgod pa'i zhal/ /rwa gnyis bar du gzhon nu'i zhal gyis brgyan/ /phyag g.yas rdo rje gdengs pa'i gri gug 'dzin/ /g.yon pa thod pa khrag gis bkang ba bsnams/ /zhabs gnyis gyad kyi dor stabs ro yi gdan/ /ma he'i nag po'i steng du rnam par bsam/ /mngon sum bzhin du gsal bar gyur pa dang / /snying gar nyi la hUM yig 'bar bar bsam/ /de la dgug dang bcing ba la sogs bya/ /de nas de nyid skar ma'i tshogs 'dras bskor/ /g.yeng ba med par rtag tu bzlas pa bya/ /oM hrIHSh+T+r-iHwi kr-i tA na na hUM phaT/ 'di ni sngags kyi rgyal po ste/ /ma byung 'byung bar mi 'gyur ro/ /'bum phrag gsum du bzlas pa bya/ /de yis las rnams thams cad 'grub/ /gal te ldang bar 'dod pa na/ /ye shes ma he'i zhal la ni/ /mchod cing bstod la ldang bar bya/ /ma he'i sbyor ba rnam par rgyu/ /shin tu rtogs dka'i rgyud las ni/ /las rnams thams cad sbyor ba'i lha/ /zhal gcig phyag gnyis gdams pa 'di/ /blo dman rnams la phan phyir bkod/ /dge ba cung zad thob pa des/ /bdag dang 'di la mos pa rnams/ /nad dang 'jigs sogs rab bcom nas/ /myur du 'jigs byed chen por shog /dpal rdo rje 'jigs byed ma he'i gdong can dpa' bo gcig pa'i sgrub thabs/ slob dpon many+dzu badzras mdzad pa rdzogs so// //bal po'i paN+Di ta b+ha ro phyag rdum dang / bod kyi lo tsA ba rdo rje grags kyis bsgyur cing zhus te gtan la phab pa'o/ /[ ]@##/ /rgya gar skad du/ badzra d+hai ra ba ga Na tsakra nA ma/ bod skad du/ rdo rje 'jigs byed kyi tshogs kyi 'khor lo zhes bya ba/ 'jam dpal gzhon nur gyur pa la phyag 'tshal lo/ /dngos dang dngos med bdag nyid gtso/ /dang por rdo rje sems la phyag 'tshal nas/ /'dod pa thams cad rab stsol ba/ /tshogs kyi 'khor lo bdag gis bshad/ /sngags pa mchog tu rtog med pas/ /dus kun du ni mnyam par gzhag /rgyud kun gyi ni rjes 'brang shes/ /de nyid bcu ni mchog tu rig /zab cing rgya che chos rnams la/ /yid ni dal bar gyur pa dang / /nga rgyal med pa'i slob ma rnams/ /legs par thos 'dod dad rnams la/ /tshogs kyi lha ni yongs rdzogs pas/ /'dod yon lnga yi 'bras bu ster/ /dben zhing nyams dga'i khang pa ru/ /der ni rang gis mchod pa brtsam/ /rnal 'byor rgan pa'i rim pa yis/ /phyag dang mchod pa bya bar grags/ /yang na yon tan che