བོད་ཡིག

e-texts based on the ACIP/ALL Input

tshogs bcas rnams/ /lha rdzas rdo rje yongs su dag pa'i gtor ma 'di/ /gr-ih+Na khA hi gr-ih+Na khA hi ma ma shAn+ti dku ru swA hA/ 'gro 'chag nyal 'dug la sogs la/ /dpa' bo nga rgyal btang mi bya/ /dngos po dngos bral skye dang bral/ /g.yo ba g.yo med bde ba can/ /thabs dang shes rab las 'byed cing / /don gsum gnyis su med la bzhag /bdag gi sgrub thabs sbyar ba 'dis/ /'gro kun gshin rje gshed thob shog /dpal gshin rje gshed nag po sgrub pa'i thabs zhes bya ba/ rgya gar gyi mkhan po chen po ka ma la rak+Shi tas mdzad pa rdzogs so// // rnal 'byor pa bsod snyoms pa pra dz+nyA shrI dz+nyA na kI rtis rang 'gyur du mdzad pa'o//[ #]@##/ /rgya gar skad du/ mung+ga ra kro d+ha ya mA ri sA d+ha naM nA ma/ bod skad du/ khro bo tho ba gshin rje gshed kyi sgrub thabs zhes bya ba/ dpal rdo rje sems dpa' la phyag 'tshal lo/ /in+d+ra nI la'i 'od mnga' zhing / /'jig tshogs bdud las rnam rgyal ni/ /mthar byed che la phyag 'tshal te/ /de yi sgrub thabs bshad par bya/ /skad cig lha yi rnal 'byor gnas/ /skyes pa'i 'od kyis 'gro ba sbyangs/ /'khor lo chen po spyan drangs nas/ /rnam dag dgu yi tshogs bsags bya/ / byams dang snying rje dga' btang snyoms/ /tshangs pa'i rgyun dang ldan pa yi/ /stong pa chen po bsgom par bya/ /bdud kyi phyogs rnams 'jig byed phyir/ /srung ba'i 'khor lo bsgom par bya/ /chu skyes nyi ma'i steng nyid du/ /ya las rdo rje tho ba ni/ /rtse mo nyi shur ldan pa yi/ /lte bar sa bon rab bzhag nas/ /spro bsdu byas nas nga rgyal bsam/ /oM sarba bud+d+ha badzra swa b+hA wa At+ma kou0f85 haM/ gyur pas tho ba gshin rje gshed du bsgom/ /sku mdog sngon po 'jigs chen po/ /rang gi rig mas 'khyud cing mdzes/ /g.yas g.yon zhal ni dkar dang dmar/ /gri gug tho ba ral gri dang / /thod pa ' khor lo rin chen mdzes/ /stag gi pags pa sham thabs su/ /mnabs shing g.yas bskum g.yon brkyang ba/ /klu dang dur khrod 'khrugs pas brgyan/ /mche gtsigs spyan dgur 'jigs pa'i mdangs/ /me dpung dkyil du gnas pa bsgom/ /sku gsung thugs dang skye mched drug / rdo rje gsal bar bskyed par bya/ /dbang rtags gshin rje gshed kyis brgyan/ /yig 'bru bzhi yis dgug gzhug bya/ /bu ga chen po spros pas mchod/ /rdo rje dril bu ldan pas bstod/ /hUM hUM rdo rje stobs po che/ /rab 'jigs mi mthun zad mdzad pa/ /rdo rje sku dbyer med pa'i lha/ /tho ba rdo rje phyag 'tshal bstod/ /sgron ma 'o mar ldan pa yis/ /kha yi bu ga dag par bsam/ /sangs rgyas rnams kyi thugs bskul bas/ /'gro ba ma lus sbyang bar bya/ /sngags kyi rgyal po rjes dran pas/ /khri dang 'bum du bzlas par bya/ /oM mung+ga ra d+h+r-ika hUM hUM hUM phaT phaT swA hA/ /phyag rgya bkrol nas ngal bso ba/ /gcig dang du ma las grol ba/ /rang bzhin med pa'i snying po can/ /chos kun gyi ni bdag po can/ /sems kyi bskal bar bsgom par bya/ /bdag gis rgyud dang bla ma las/ /rnyed pa'i drin 'di thob pa des/ /bskul nas sgrub thabs 'di byas pas/ / thams cad 'bras bu mngon rnyed shog /khro bo tho ba gshin rje gshed kyis grub thabs zhes bya ba/ rgya gar gyi mkhan po mar me mdzad kyis mdzad pa rdzogs so//[ #]@##/ /rgya gar skad du/ daN+Da d+h+r-ika bi dA ra ya mA ri sA d+ha naM nA ma/ bod skad du/ dbyug pa gshin rje gshed rnam par 'joms pa zhes bya ba'i sgrub thabs/ dpal rdo rje sems dpa' la phyag 'tshal lo/ /thugs kyi de nyid gtso dang mtshungs pa yi/ /lha ni bdud dgra dbyug pa gshin rje gshed/ /las rnams thams cad mthar mdzad la btud de/ /mchog gi dngos grub bsgrub phyir bshad par bya/ / rang lus phyag rgya chen por dran/ /theg pa chen po'i blor byas nas/ /bla ma rje btsun rnams la ni/ /bsod nams tshogs rab bsag par bya/ /gnyis med sangs rgyas gnyis su med/ /rkyen skyes chos kun chu zla 'dra/ /de nyid skye med shes bya'i phyir/ /dag pa'i sngags kyis bskul la bsgom/ / chad med rgyun chad med pa'i sems/ /nam mkha'i thigs pa de nyid las/ /srung ba'i 'khor lo gdan bsams te/ /dza las dbyug pa dkar dang sku/ /rtsa zhal dkar la sngo dmar zhal/ /rang gi rig mar mtshungs pa'i lus/ /gri gug dbyug pa ral gri dang / /thod pa 'khor lo chu skyes 'dzin/ /