<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
D1800: byang chub sems kyi 'grel pa zhes bya ba<br><table><tr><td>
<input type="button" onclick="location.href='tcompletep.php?id=D1800&coll=TD&volcur=0';" value="show page break" />
<td width=150><td>
<input type="button" onclick="location.href='tcompletel.php?id=D1800&coll=TD&volcur=0';" value="show line break" />

<td width=150><td>
<a href="tcompleteu.php?coll=TD&id=D1800&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">bzhi pa'i rab tu byed pa slob dpon nA gA rdzu nas mdzad pa rdzogs so/ / //rgya gar gyi mkhan po shAn+ti gar+b+ha dang bod kyi lo tsA ba 'gos lhas btsas kyis bsgyur ba'o// @##/ /rgya gar skad du/ bo d+hi tsit+ta bi ba ra Na nA ma/ bod skad du/ byang chub sems kyi 'grel
 pa zhes bya ba/ dpal rdo rje sems dpa' la phyag 'tshal lo/ /dngos po thams cad dang bral ba/ /phung po khams dang skye mched kyi/ /gzung dang 'dzin pa rnam spangs pa/ /chos bdag med pa mnyam nyid pas/ /rang sems gdod nas ma skyes pa/ /stong pa nyid kyi rang bzhin no/ /zhes
 bya ba 'byung ngo / /sangs rgyas bcom ldan 'das rnams dang / byang chub sems dpa' chen po de rnams kyis ji ltar byang chub chen por thugs bskyed pa de bzhin du/ bdag gis kyang sems can ma bsgral ba rnams bsgral ba dang / ma grol ba rnams dgrol ba dang / dbugs ma phyung ba rnams
 dbugs dbyung ba dang / /yongs su mya ngan las ma 'das pa rnams yongs su mya ngan las bzla ba'i phyir dus 'di nas bzung nas snying po byang chub la mchis kyi bar du byang chub chen por sems bskyed par bgyi'o/ /byang chub sems dpa' gsang sngags kyi sgor spyad pa spyod pa rnams
 kyis de ltar kun rdzob kyi rnam pas byang chub kyi sems smon pa'i rang bzhin can bskyed nas/ don dam pa'i byang chub kyi sems bsgom pa'i stobs kyis bskyed par bya ba yin pas de'i phyir de'i rang bzhin bshad par bya'o/ /byang chub sems kyi bdag nyid dngos/ /dpal ldan rdo rje rnams
 btud de/ /byang chub sems kyi bsgom pa ni/ /srid pa 'jig rten bdag gis bshad/ /sangs rgyas rnams kyi byang chub sems/ /bdag dang phung sogs rnam rig gi/ /rtog pa rnams kyis ma bsgribs pa/ /rtag tu stong nyid mtshan nyid bzhed/ /snying rjes brlan pa'i sems kyis ni/ /
 'bad pas bsgom par bya ba yin/ /thugs rje'i bdag nyid sangs rgyas kyi / /byang chub sems 'di rtag tu bsgom / /mu stegs can gyis gang brtags pa/ /bdag de rigs pas rnam dpyad na/ /phung rnams kun gyi nang rnams ni / /gang zhig gnas kyang rnyed ma yin/ /phung rnams
 yod kyi de rtag min/ /de yang bdag gi ngo bo min/ /gang yang rtag dang mi rtag gnyis/ /rten dang brten pa'i dngos po med/ /bdag ces bya ste yod min na/ /byed po zhes bya ga la rtag /chos can yod na chos rnams la/ /'jig rten na ni spyod pa 'jug /gang phyir rtag pa don byed pa//
 rim dang cig car gyis min pa/ /de phyir phyi rol nang du ni/ /rtag pa'i dngos de med pa nyid/ /gal te nus na ci ste ltos/ /de ni cig car dngos 'byin 'gyur/ /gang zhig dngos gzhan la ltos la/ /de ni rtag dang nus ldan min/ /gal te dngos na rtag min te/ /dngos rnams
 rtag tu skad cig phyir/ /gang phyir mi rtag dngos po la/ /byed pa po nyid bkag pa med/ /bdag sogs bral ba'i 'jig rten 'di/ /phung po khams dang skye mched dang / /gzung 'dzin blo yis 'joms par 'gyur/ /phan par bzhed pa rnams kyis ni/ /gzugs dang tshor ba 'du
 shes dang / /'du byed rnam shes phung po lnga/ /de ltar nyan thos rnams la gsungs/ /rkang gnyis mchog gis rtag tu yang / /gzugs ni dbu ba rdos 'drar snang / /tshor ba chu yi chu bur 'dra/ /'du shes smig rgyu dang mtshungs shing / /'du byed chu shing
 dang 'dra la/ /rnam shes sgyu ma lta bu zhes/ /phung po bstan pa 'di lta bu/ /byang chub sems dpa' rnams la gsungs/ /'byung chen bzhi yi rang bzhin can/ /gzugs kyi phung por rab tu bshad/ /lhag ma gzugs med nyid du ni/ /med na mi 'byung phyir na 'grub/ /de dag rnams
 kyi mig gzugs sogs/ /khams rnams bshad pa de dag nyid/ /skye mched dag ni gzung ba dang / /'dzin par yang ni shes par bya/ /gzugs rdul dbang shes skyed min te/ /de ni dbang po las 'das yin/ /'dus pas de rnams skyed byed na/ /tshogs pa de yang mi 'dod do/ /
 phyogs kyi dbye bas phye ba yis/ /rdul phran la yang dbye ba mthong / /gang la cha shas kyis brtags pa/ /der ni rdul phran ji ltar 'thad/ /phyi rol don ni rnam gcig la/ /tha dad shes pa 'jug par 'gyur/ /yid 'ong gzugs ni gang yin pa/ /de nyid gzhan la gzhan du 'gyur//
 bud med gzugs ni gcig pu la/ /ro dang 'dod bya bza' ba la/ /kun rgyu chags can khyi rnams bzhin/ /rnam par rtog pa gsum yin no/ /don mtshungs pa yis don byed pa/ /rmi lam gnod pa bzhin min nam/ /rmi lam sad pa'i gnas skabs la/ /don byed pa la khyad par med//
 gzung dang 'dzin pa'i ngo bo yis/ /rnam shes snang ba gang yin pa/ /rnam shes las ni tha dad par/ /phyi rol don ni 'ga' yang med/ /de phyir dngos po'i ngo bor ni/ /phyi don rnam pa kun du med/ /rnam shes so sor snang ba 'di/ /gzugs kyi rnam par snang bar 'gyur/ /ji ltar skye
 bo sems rmongs pas/ /sgyu ma smig rgyu dri za yi/ /grong khyer la sogs mthong ba ltar/ /de bzhin gzugs sogs snang ba yin/ /bdag tu 'dzin pa bzlog pa'i phyir/ /phung po khams sogs bstan pa yin/ /sems tsam po la gnas nas ni/ /skal chen rnams kyis de yang
 spangs/ /rnam par shes par smra ba la/ /sna tshogs 'di ni sems su grub/ /rnam shes rang bzhin gang zhe na/ /da ni de nyid bshad bya ste/ /'di dag thams cad sems tsam zhes/ /thub pas bstan pa gang mdzad de/ /byis pa rnams kyis skrag pa ni/ /spang ba'i phyir yin de nyid min//
 kun brtags dang ni gzhan dbang dang / /yongs su grub pa 'di nyid ni/ /stong nyid bdag nyid gcig pu yi/ /ngo bo sems la brtag pa yin/ /theg chen dga' ba'i bdag nyid la/ /chos la bdag med mnyam pa nyid/ /sems ni gdod nas ma skyes te/ /sangs rgyas kyis ni
 mdor bsdus gsungs/ /rnal 'byor spyod pa pa rnams kyis/ /rang gi sems kyi dbang byas te/ /gnas yongs gyur nas dag pa'i sems/ /so so rang rig spyod yul brjod/ /'das pa gang yin de ni med/ /ma 'ongs pa ni thob pa min/ /gnas phyir gnas ni yongs gyur
 ba/ /da lta ba la ga la yod/ /de ji ltar de ltar snang min/ /ji ltar snang de de ltar min / /rnam shes bdag med ngo bo ste/ /rten gzhan rnam par shes pa med/ /ji ltar khab len dang nye bas/ /lcags ni myur du yongs su 'khor/ /de la sems ni yod min te/ /sems
 dang ldan zhing snang bar 'gyur/ /de bzhin kun gzhi'i rnam shes ni/ /bden min bden pa bzhin du ni/ /gang tshe 'gro 'ong g.yo bar 'gyur/ /de tshe srid pa 'dzin par byed/ /ji ltar rgya mtsho dang ni shing / /sems ni med kyang g.yo bar 'gyur/ /de bzhin kun gzhi'i rnam shes ni//
 lus brten nas ni g.yo ba yin/ /lus med na ni rnam par shes/ /yod pa min zhes yongs rtog na/ /de yi so so rang rig nyid/ /ci 'dra zhes kyang brjod par gyis/ /so so rang rig nyid brjod pas/ /de ni dngos po nyid du brjod/ /'di de yin zhes brjod pa ni/ /nus min
 zhes kyang brjod pa yin/ /rang la nges bzhin gzhan dag la/ /nges pa bskyed par bya ba'i phyir/ /rtag tu 'khrul pa med par ni/ /mkhas rnams rab tu 'jug pa yin/ /shes pas shes bya rtogs pa ste/ /shes bya med par shes pa med/ /de ltar na ni rig bya dang / /rig byed
 med ces cis mi 'dod/ /sems ni ming tsam yin pa ste/ /ming las gzhan du 'ga' yang med/ /ming tsam du ni rnam rig blta/ /ming yang rang bzhin med pa yin/ /nang ngam de bzhin phyi rol lam/ /yang na gnyis ka'i bar dag tu/ /rgyal ba
 rnams kyis sems ma rnyed/ /de phyir sgyu ma'i rang bzhin sems/ /kha dog dbyibs kyi dbye ba'am/ /gzung ba dang ni 'dzin pa'am/ /skyes pa bud med ma ning sogs/ /ngo bo sems ni gnas pa min/ /mdor na sangs rgyas rnams kyis ni/ /gzigs par ma gyur gzigs
 mi 'gyur/ /rang bzhin med pa'i rang bzhin can/ /ji lta bur na gzigs par 'gyur/ /dngos po zhes bya rnam rtog yin/ /rnam rtog med pa stong pa yin/ /gang du rnam rtog snang gyur pa/ /der ni stong nyid ga la yod/ /rtog bya rtog byed rnam pa'i sems/ /de bzhin gshegs
 rnams kyis ma gzigs/ /gang na rtog bya rtog byed yod/ /der ni byang chub yod ma yin/ /mtshan nyid med cing skye ba med/ /yod gyur ma yin ngag lam bral/ /mkha' dang byang chub sems dang ni/ /byang chub gnyis med mtshan nyid can/ /byang chub snying po la bzhugs pa'i/ /
 bdag nyid chen po'i sangs rgyas dang / /brtse ldan kun gyis dus kun du/ /stong pa mkha' dang mtshungs par mkhyen/ /de phyir chos rnams kun gyi gzhi/ /zhi zhing sgyu ma dang mtshungs par/ /gzhi med srid pa 'jig byed pa'i/ /stong pa nyid 'di rtag tu bsgom/ /skye med dang ni stong
 nyid dang / /bdag med ces byar stong pa nyid/ /bdag nyid dman pa gang sgom pa/ /de de sgom par byed pa min/ /dge dang mi dge'i rnam rtog gi/ /rgyun chad pa yi mtshan nyid can/ /stong nyid sangs rgyas kyis gsungs gzhan/ /de dag stong pa nyid mi bzhed/ /sems la dmigs
 pa med pa yi/ /gnas pa nam mkha'i mtshan nyid yin/ /de dag stong nyid bsgom pa ni/ /nam mkha' bsgom par bzhed pa yin/ /stong nyid seng ge'i sgra yis ni/ /smra ba thams cad skrag par mdzad/ /gang dang gang du de dag bzhugs/ /de dang der ni stong nyid 'gyur/ /gang gi rnam
 shes skad cig ma/ /de yi de ni rtag ma yin/ /sems ni mi rtag nyid yin na/ /stong pa nyid du ji ltar 'gal/ /mdor na sangs rgyas rnams kyis ni/ /sems ni mi rtag nyid bzhed na/ /de dag sems ni stong nyid du/ /ci yi phyir na bzhed mi 'gyur/ /thog ma nyid nas sems kyi ni/ /
 rang bzhin rtag tu med par 'gyur/ /dngos po rang bzhin gyis grub pa/ /rang bzhin med nyid brjod pa min/ /de skad brjod na sems kyi ni/ /bdag gi gnas pa spangs pa yin/ /rang gi rang bzhin las 'das pa/ /de ni chos rnams chos ma yin/ /ji ltar bu ram mngar ba dang //
 me yi rang bzhin tsha ba bzhin/ /de bzhin chos rnams thams cad kyi/ /rang bzhin stong pa nyid du 'dod/ /stong nyid rang bzhin du brjod pas/ /gang zhig chad par smra ba min/ /des ni rtag pa nyid du yang / /'ga' zhig smras pa ma yin no/ /ma rig nas brtsams rga ba yi / /mthar
 thug yan lag bcu gnyis kyi/ /brten nas byung ba'i bya ba ni/ /kho bo rmi lam sgyu 'drar 'dod/ /yan lag bcu gnyis 'khor lo 'di/ /srid pa'i lam du 'khor ba ste/ /de las gzhan du sems can gang / /las 'bras spyod par 'dod pa med/ /ji ltar me long la brten nas//
 bzhin gyi dkyil 'khor snang gyur pa/ /de ni der 'pho ma yin zhing / /de med par yang de yod min/ /de bzhin phung po nying mtshams sbyor/ /srid pa gzhan du skye ba dang / /'pho ba med par mkhas rnams kyis/ /rtag tu nges par bya ba yin/ /mdor na stong pa'i chos rnams la/ /chos rnams
 stong pa skye bar 'gyur/ /byed po las 'bras longs spyod pa/ /kun rdzob tu ni rgyal bas bstan/ /ji ltar rnga yi sgra dang ni/ /de bzhin myu gu tshogs pas bskyed/ /phyi yi rten cing 'brel 'byung ba/ /rmi lam sgyu ma dang mtshungs 'dod/ /chos rnams rgyu las skyes pa ni/ /nam yang 'gal
 bar mi 'gyur te/ /rgyu ni rgyu nyid kyis stong pas/ /de ni skye ba med par rtogs/ /chos rnams kyi ni skye ba med/ /stong nyid yin par rab tu bshad/ /mdor na phung po lnga rnams ni/ /chos kun zhes ni bshad pa yin/ /de nyid ji bzhin bshad pas na/ /kun rdzob rgyun ni 'chad mi 'gyur/ /kun
 rdzob las ni tha dad par/ /de nyid dmigs pa ma yin te/ /kun rdzob stong pa nyid du bshad/ /stong pa kho na kun rdzob yin/ /med na mi 'byung nges pa'i phyir/ /byas dang mi rtag ji bzhin no/ /kun rdzob nyon mongs las las byung / /las ni sems las byung ba
 yin/ /sems ni bag chags rnams kyis bsags/ /bag chags bral na bde ba ste/ /bde ba'i sems ni zhi ba nyid/ /sems zhi ba ni rmongs mi 'gyur/ /rmongs med de nyid rtogs pa ste/ /de nyid rtogs pas grol thob 'gyur/ /de bzhin nyid dang yang dag mtha'/ /mtshan
 ma med dang don dam nyid/ /byang chub sems mchog de nyid dang / /stong nyid du yang bshad pa yin/ /gang dag stong nyid mi shes pa/ /de dag thar pa'i rten ma yin/ /'gro drug srid pa'i btson rang ni/ /rmongs pa de dag 'khor bar 'gyur/ /de ltar stong pa nyid 'di ni/ /rnal
 'byor pa yis bsgom byas na/ /gzhan gyi don la chags pa'i blo/ /'byung bar 'gyur bar the tshom med/ /gang dag pha dang ma dang ni/ /gnyen bshes gyur pas bdag la sngon/ /phan pa byas par gyur pa yi / /sems can de dag rnams la ni/ /byas pa gzo bar gyur par bya/ /srid pa'i
 btson rar sems can ni/ /nyon mongs me yis gdungs rnams la/ /bdag gis sdug bsngal byin pa ltar/ /de bzhin bde ba sbyin par rigs/ /'jig rten bde 'gro ngan 'gro yis/ /'dod dang mi 'dod 'bras bu de/ /sems can rnams la phan pa dang / /gnod pa las ni 'byung
 bar 'gyur/ /sems can bsten pas sangs rgyas kyi / /go 'phang bla med nyid 'gyur na/ /lha dang mi yi longs spyod gang / /tshangs dang dbang po drag po dang / /'jig rten skyong bas bsten de dag /sems can phan pa tsam zhig gis/ /ma drangs ba ni 'gro gsum 'dir/ /'ga' yang med
 la mtshar ci yod/ /sems dmyal dud 'gro yi dwags su/ /sdug bsngal rnam pa du ma'i dngos/ /sems can rnams kyis myong ba gang / /de ni sems can gnod las byung / /bkres skom phan tshun rdeg pa dang / /gzir ba yi ni sdug bsngal nyid/ /bzlog par dka' zhing zad med de//
 sems can gnod pa'i 'bras bu yin/ /sangs rgyas byang chub sems nyid dang / /bde 'gro dang ni ngan 'gro gang / /sems can dag gi rnam smin kyang / /ngo bo gnyis su shes par bya/ /dngos po kun gyis bsten bya zhing / /rang gi lus bzhin bsrung bar bya/ /sems can rnams la
 chags bral ba/ /dug bzhin 'bad pas spang bar bya/ /nyan thos rnams ni chags bral bas/ /byang chub dman pa thob min nam/ /sems can yongs su ma dor bas/ /rdzogs sangs rgyas kyis byang chub thob/ /de ltar phan dang mi phan pa'i/ /'bras bu 'byung pa dpyad pa na/ /de dag
 skad cig gcig kyang ni/ /rang don chags shing ji ltar gnas/ /snying rjes brtan pa'i rtsa ba can/ /byang sems myu gu las byung ba/ /gzhan don gcig 'bras byang chub ni/ /rgyal ba'i sras rnams sgom par byed/ /gang zhig bsgoms pas brtan pa ni/ /gzhan gyi sdug bsngal gyis bred
 nas/ /bsam gtan bde ba dor nas kyang / /mnar med par yang 'jug par byed/ /'di ni ngo mtshar 'di bsngags 'os/ /'di ni dam pa'i tshul lugs mchog /de dag rnams kyi rang lus dang / /nor rnams byin pa ngo mtshar min/ /chos rnams stong pa 'di shes nas/ /las dang 'bras bu sten pa gang //
 de ni ngo mtshar bas ngo mtshar/ /rmad du byung bas rmad du byung / /sems can bskyab pa'i bsam pa can/ /de dag srid pa'i 'dam skyes kyang / /de byung nyes pas ma gos pa/ /chu yi pad+ma'i 'dab ma bzhin/ /kun bzang la sogs rgyal ba'i sras/ /nyon mongs bud shing bsregs mod
 kyi/ /de ltar snying rjes brlan gyur cing / /snying rje'i dbang du gyur pa rnams/ /gshegs dang bltams dang rol pa dang / /khab nas 'byung dang dka' ba spyod/ /byang chub che dang bdud sde 'joms/ /chos kyi 'khor lo bskor ba dang / /lha rnams kun la zhugs pa dang / /de bzhin du ni mya
 ngan las/ /'das pa ston par mdzad pa yin/ /tshangs dang dbang po khyab 'jug dang / /drag sogs gzugs su sprul mdzad nas/ /'gro ba 'dul ba'i sbyor ba yis/ /thugs rje'i rang bzhin can gar mdzad/ /srid pa'i lam la skyo rnams la/ /ngal so'i don du theg pa che/ /'byung
 ba'i ye shes gnyis po yang / /gsungs pa yin te don dam min/ /ji srid sangs rgyas kyis ma bskul// de srid ye shes lus dngos can/ /ting 'dzin myos pas rgyal 'gyur ba/ /nyan thos de dag gnas par 'gyur/ /bskul na sna tshogs gzugs
 kyis ni/ /sems can don la chags gyur cing / /bsod nams ye shes tshogs bsags na / /sangs rgyas byang chub thob par 'gyur/ /gnyis kyi bag chags yod pa'i phyir/ /bag chags sa bon brjod pa yin/ /sa bon de dngos tshogs pa ni/ /srid pa'i myu gu skyed par byed/ /
 'jig rten mgon rnams kyis bstan pa/ /sems can bsam dbang rjes 'gro ba/ /'jig rten du ni thabs mang po/ /rnam pa mang po tha dad 'gyur/ /zab cing rgya che'i dbye ba dang / /la lar gnyis ka'i mtshan nyid can/ /tha dad bstan pa yin yang ni/ /stong dang gnyis med tha dad min/ /
 gzungs rnams dang ni sa rnams dang / /sangs rgyas pha rol phyin gang dag /de dag byang chub sems kyi char/ /kun mkhyen rnams kyis gsungs pa yin/ /lus ngag yid kyis rtag par ni/ /de ltar sems can don byed pa/ /stong nyid rtsod par smra rnams la/ /chad pa'i rtsod pa nyid yod
 min/ /'khor ba mya ngan 'das pa la/ /bdag nyid che de mi gnas pa/ /de phyir sangs rgyas rnams kyis ni/ /mi gnas mya ngan 'das 'dir bshad/ /snying rje ro gcig bsod nams gyur/ /stong nyid ro ni mchog gyur pa/ /bdag dang gzhan don bsgrub don du/ /gang 'thung de dag rgyal
 sras yin/ /dngos po kun gyis de la 'dud/ /srid pa gsum na rtag mchod 'os/ /sangs rgyas gdung ni 'tshob don du/ /'jig rten 'dren pa de dag bzhugs/ /byang chub sems 'di theg chen po/ /mchog ni yin par bshad pa ste/ /mnyam par gzhag pa'i 'bad pa yis/ /
 byang chub sems ni bskyed par gyis/ /rang dang gzhan don bsgrub don du/ /srid na thabs gzhan yod ma yin/ /byang chub sems ni ma gtogs par / /sangs rgyas kyis sngar thabs ma gzigs/ /byang chub sems bskyed tsam gyis ni/ /bsod nams phung po gang thob pa/ /gal te
 gzugs can yin na ni/ /nam mkha' gang ba las ni lhag /skyes bu gang zhig skad cig tsam/ /byang chub sems ni sgom byed pa/ /de yi bsod nams phung po ni/ /rgyal ba yis kyang bgrang mi spyod/ /nyon mongs med pa'i rin chen sems/ /'di ni nor mchog gcig pu ste/ /nyon
 mongs bdud sogs chom rkun gyis/ /gnod min 'phrog par bya ba min/ /ji ltar 'khor bar sangs rgyas dang / /byang chub sems dpa'i smon lam ni/ /mi g.yo de ltar blo nyid ni/ /byang chub sems gzhol rnams kyis bya/ /ngo mtshar gyis kyang khyed cag gis/ /ji ltar bshad pa la
 'bad kyi / /de rjes kun bzang spyod pa ni/ /rang nyid kyis ni rtogs par 'gyur/ /rgyal mchog rnams kyis bstod pa'i byang chub sems ni bstod byas pa'i/ /bsod nams mtshungs med deng du bdag gis thob pa gang yin pa/ /de yis srid pa'i rgya mtsho dba' klong nang du nub pa yi/ /sems
 can rkang gnyis dbang pos bsten pa'i lam du 'gro bar shog / byang chub sems kyi 'grel pa slob dpon bdag nyid chen po 'phags pa klu sgrub kyis mdzad pa rdzogs so// //rgya gar gyi mkhan po gu Na A ka ra dang / lo tsA ba rab zhi bshes gnyen gnyen gyis bsgyur cing zhus/ /slad kyi rgya gar gyi
 mkhan po ka na ka wa rma dang / bod kyi lo tsA ba pa chab nyi ma grags kyis bcos pa'o // // @##/ /rgya gar skad du/ bo d+hi tsi t+ta bi ba ra Na/ bod skad du/ byang chub sems kyi 'grel pa/ 'phags pa 'jam dpal la phyag 'tshal lo/ /de nas byang chub kyi sems sgom pa'i 'grel