བོད་ཡིག

e-texts based on the ACIP/ALL Input

shes kyis mdzad pa rdzogs so/ / //kha che'i paN+Di ta su ma na shrI dang / bod kyi lo tsA ba dge slong rin chen grub kyis bsgyur cing zhus te gtan la phab pa// @##/ /rgya gar skad du/ pad+ma A ba lo ki te shwa ra s+ya pad+ma dzA la kra me Na b+ha ga ba te maN+Dal pU dzA bid+hiH/ bod skad du/ pad+ma spyan ras gzigs dbang phyug gi pad+ma dra ba'i rim pas bcom ldan 'das kyi dkyil 'khor du mchod pa'i cho ga /'phags pa spyan ras gzigs dbang phyug pad+ma dra ba la phyag 'tshal lo/ /mtha' med 'khor ba'i rgya mtsho yi/ /nang du rgyu ba'i 'jig rten rnams/ /mnga' bdag thugs rjes non pas 'don/ /'jig rten dbang phyug rgyal gyur cig /kun mkhyen gyis kyang legs shes min/ /zab cing rgya che'i chu gter ni/ /pad+ma'i phyag gis thugs rjes mkhyen/ /brling par mdzad pa la phyag 'tshal/ /ban+du ka dang se 'bru mtshal bzangs pad+ma rA ga dang / /rgya skyegs khu ba zhu ba dmar po'i gdan dang pad+ma gser/ /snang las rnam par rgyal nas thugs rjes dmar po'i mchog gi sku/ /'jig rten dbang phyug bla ma 'di ni mchog gsal rnam snang byed/ /de ni sems can thams cad yon tan phun tshogs kun 'dzin pa/ /'jig rten dbang gi dbu la rtag tu yang dag gnas bcas pa/ /'dod chags la sogs nyes pa bzhi ldan bde bar gshegs pa'i gtso/ /yon tan mang po yang dag gnas pa'i 'od dpag med la 'dud/ /pad+ma rA ga rnam par bdar dang gser dang snang byed 'od/ /tshogs rnams rab 'dzag byu ru'i sdong po zangs dang mtshal bzangs mdzes/ /mkha' mnyam snang ba mtha' yas yon tan rgya che 'od dpag med/ /bcom ldan 'jig rten mgon po'i cod pan rgyan gyur la phyag 'tshal/ /gang gis sangs rgyas bcom ldan 'das dang byang chub sems dpa' thams cad kyis kyang mi shes pa'i spyod pa ni bdag gi pags pa'i mig gi sku bzhi'i ngo bo'i rang gi ngo bo dkyil 'khor mchod pa'i cho ga brjod par bya'o/ /de yang bdag nyid bzhad gad du byed pa gal te yang / de lta na yang de'i drin 'dis/ /tshogs rnams bdag la chen por 'char/ /gang gi rgyu mtshan de rnams ni/ /nor lha'i phrin las bzang po rnams/ /de phyir gzhan la phan don du/ /ji bzhin pa ni ma yin yang / /yongs su ngal gang legs pa yi/ /shin tu chung gyur kyang mdzes byed/ /mchod pa'i cho ga dam pa'i lam/ /legs pa de 'di mnyes gyur cig /cung zad ci yang shes byed pa/ /las thams cad pa bdag gis brjod/ /dang po re zhig tshangs pa'i yud tsam la rdo rje slob dpon stan las langs nas gos yongs su bgos te lha'i ngag gi tha snyad bya zhing 'jig rten pa'i phal pa'i skad kyis 'dris pa yongs su spangs pa'am/ mi smra bar byas pa phyi rol gyi sar gtsang sbra'i phyed du yang dag par brten par bya'o/ /de la nyi ma snga dro kha shar la phyogs pa dang / nyi ma gung la lhor phyogs pa dang / dgongs mo nub tu phyogs pas nye bar 'dug ste langs nas rtags la gcig dang bshang lam la gsum dang de bzhin du lag pa g.yon pa la bcu dang gnyi ga la bdun sbyin par bya bas dag par mngon par 'dod do zhes pa'i rim pas gtsang sbra bya'o/ /de nas slar yang kha bshal nas dal gyis dkyil 'khor gyi khang par 'jug par bya'o/ /zhugs nas oM sarba ta thA ga tA nAM pA da ban+da naM kA ro mi/ oM na maHsarba bud+d+ha bo d+hi sa twe b+h+yaHda sha dika lo ka d+hA tu bya bas+thi te b+h+yaHsa sra ba ka pra te ka bud+d+he b+h+ya/ zhes pas shar dang lho dang nub dang byang du bskor bas phyag bya'o/ /de nas 'jam pa'i stan la yang dag par nye bar 'dug nas/ bla ma bdag nyid gang du bris pa'i dkyil 'khor gyi shar gyi char kha nub phyogs pa'am gal te ma yin te bris pa'i dkyil 'khor med na de'i tshe ston pa po blo bzang pos gal te sa la kha shar du phyogs par gyur nas ye shes kyi lha la mchod pa bya'o zhes gsungs pa'i phyir/ de la oM badzra u da ka hUM zhes khyor ba'i chu la mngon par bsngags te chu'i nyes pa bsal nas lan gsum du mgo la mngon par bskur bar bya'o/ /de nas oM badzra u da ka ma mA shrI pad+ma a wa lo ki te shwa ra mu ne ba ra ma pa ra ma a nu ta no A na na A di shud+d+haM gu ru swA hA/ zhes pas lag pa dang gdong khrus bya'o/ /de nas bsam gtan gyi phyag rgya bcings la/ bcom ldan 'das pad+ma spyan ras gzigs dbang phyug la bstod pas bstod par bya'o/ /skyon med yon tan gyis mdzes pa/ /rgyal ba 'od dpag med kyis brgyan/ /cod pan bkra shis sbyin pa po/ /thugs rje'i bdag nyid khyod la 'dud/ /pad+ma mchog gi 'od kyi lus/ /pad+ma mchog gis 'dzin pa dang / /pad+ma'i dpal gyi gter gyi phyag /pad+ma chen po'i gdan la bzhugs/ /ral pa'i dkyil 'khor dam pa 'chang / /thams cad mkhyen pa'i 'byung gnas 'dzin/ /sems can 'don par byed la mkhas/ /sems can dbugs 'byin mdzad pa'i phyag /dman dang gzhan la rjes brtse ba/ /sems can smin par mdzad pa la/ /rtag tu sems can des gnas pa/ /sems dpa' chen po bstod pa'i bdag /sems dpa'i snying po mchod pa la/ /rgyu med sems can mnyes gshin pa/ /sman gyi rgyal po dang mtshungs pa/ /nyi ma zla ba me yi spyan/ /shin tu rnam par dag yon bdag /shin tu rnam dag go 'phang gnas/ /shin tu rnam dag rab sbyin pa/ /dam chos mdzod kyi bdag po ste/ /yid bzhin nor bu mnyam pa'i 'od/ /thar pa'i lam la rab gnas pa/ /sna tshogs 'jigs pa 'phrog par byed/ /yon tan mgon po khyod la bstod/ /thugs rje chen po khyod la 'dud/ /byams dang dga' ba la phyag 'tshal/ /pha rol phyin pa drug phyag 'tshal/ /khyab bdag chen po khyod zhabs la/ /sa la lhung nas bdag phyag 'tshal/ /sa stengs 'jig rten dag byas pa/ /nyes pa zad par mdzad pa la/ /ji ltar mkha' ni pha rol mtha' med cing / /nyi ma'i rab gdung mtshungs med ji bzhin nyid/ /ji ltar sangs rgyas yon tan mtha' med nyid/ / khyed kyi brtse chen mtha' med de bzhin nyid/ /nam mkha' ma lus kun du gnas/ /rtag tu 'gro drug rgyu byed pa/ /kun nas 'don pa byed 'dod khyod/ /srid pa'i bar du bdag phyag 'tshal/ /'jig rten bla ma 'phags pa khyod zhabs pad+ma la/ /bdag gis bstod pa'i bya ba 'di dag kun phul las/ /yang dag byung ba'i bsod nams mngon byung nyer thob pa/ /skye bo rnams kyis rtag pa kho nar 'byung bar gyis/ /long ba mgon med lam med rab zhugs pa/ /srid pa'i sdig pa'i tshogs su nges byin lus/ /bsod nams 'di yis nyes pa ma lus par/ /slar ni mi skye myur du grol gyur cig /sdug bsngal rnam par spangs shing mun pa'i tshogs bsal ba/ /chags pa nye ba'i chags bral 'khod pa'i rgyu tshogs kyis/ /'khor ba rgyu ba por rgyur yul sprul mche ba yi/ /phrag tu nyer son nyen pa bdag la'ang rab srungs shig / dam pa'i lam ston mchog tu che ba'i don bcas 'dzin/ /mchog gi dbang phyug dang ni myur du lam ston cig /las kyi chu rlabs g.yo ba'i drag po'i yul 'dzin pa/ /'jigs pa'i dbang po rab drag chu srin 'jigs rung mtshan/ /'khor ba'i rgya mtsho sgrol byed skya 'dzin bcom ldan 'das/ /snying rje'i gter gyis myur du pha rol bdag drongs shig /'jig rten khams kyi lha dbang pad+ma spyan ras gzigs/ /sems can ma lus srid pa'i sdug bsngal tshogs rnams 'phrog /bdag dang 'gro kun 'jigs 'phrog bdag nyid chen po khyod/ /rtag tu mi 'bral mthong bar 'dir ni yod gyur cig /skyo dang nyer chags spangs pa mtshungs med dri bral brtson 'grus ldan/ /gzhan phan nges dga' bdag ni nges pa bdag la dogs pa med/ /rgya che yon tan rtag tu phyug pa nyes pa rab rgyas grol/ /rab mchog pad+ma'i phyag khyod ji bzhin kho nar bdag gyur cig / ces bstod pa bya'o/ /de nas byams pa dang snying rje dang dga' ba dang btang snyoms te tshangs pa'i gnas bzhi bsgom par bya'o/ /de ltar bsgom par byas la bdag nyid sngags kyi dkyil 'khor bsrung ba'i don du sdigs mdzub dang mthe bo'i se gol rnams kyis shar la sogs pa'i phyogs dang phyogs bral rnams su bgegs bskrad par bya ste/ oM a mr-i ta kuN+Da li ha na ha na hUM phaT ces pa'i sngags kyis so/ /de nas rang gi snying gar paM las skyes pa'i pad+ma dmar po de'i steng du zla ba'i dkyil 'khor de'i steng du hrIHyig kha dog dkar po bsams nas nam mkhar sangs rgyas dang byang chub sems dpa' nyan thos kyi dge 'dun dang bcas pa thams cad snang bar gyur par rnam par bsam par bya'o/ /rang gi 'dod pa'i lha'i gzugs rnams dkyil 'khor gyi 'khor lo bla ma rnams dang bcas pa snang bar gyur par bya'o/ / oM sarba ta thA ga ta A da ya saM sra ba ka pra t+ye ka bud+d+ha bo d+hi satwa At+ma kaM a nu gra hA ya ga ga na ta le A bi ra b+hA ban+tu hUM hUM hUM yuSh+ma b+h+yaM na maHswA hA/ zhes pa snang bar gyur pa'i sngags so/ /slar yang hrIHyig de las gzugs dang sgra dang dri dang ro dang reg bya rdo rje ma'i lha mo rnams dang phyi rol gyi rnam pa sna tshogs pa'i me tog la sogs pa'i lha mo rnams kun du spros nas de nyid yang dag par mchod de bdag de rnams la dbul bar byas nas thal mo sbyar te phyag dang bcas par bya'o/ /de bzhin du sngags kyang bklag par bya'o/ /oM sarba ta thA ga ta puSh+pa pU dza me g+ha sa mu dra s+pha ra Na sa ma ya shri yaM hUM/ de bzhin du d+hU ba la sogs pa rnams so/ /'di ltar nam mkhar snang bar gyur pa'i dkyil 'khor mchod par bya'o/ /de nas sdig pa bshags pa sngon du 'gro bas dkon mchog gsum la skyabs su 'gro ba'i tshigs su bcad pa bklag par bya'o/ /sangs rgyas bla ma phyag 'tshal lo/ /skyob pa'i chos la phyag 'tshal lo/ /dge 'dun che la phyag 'tshal lo/ /gsum la'ang rtag tu phyag 'tshal lo/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /sangs rgyas chos dang tshogs mchog la/ /byang chub bar du bdag skyabs mchi/ /rang gzhan don ni rab bsgrub phyir/ /byang chub sems ni bskyed par bgyi/ /byang chub mchog gi sems ni bskyed bgyis shog / sems can thams cad bdag gis mgron du gnyer/ /byang chub spyod mchog yid 'ong spyad par bgyi/ /'gro la phan phyir sangs rgyas 'byung gyur cig /sdig pa thams cad bshags pa dang / /bsod nams rjes su yi rang dang / /gang 'phags yan lag brgyad gso sbyong / / byas sam kun du spyad par bgyi'o/ /zhes so/ /de nas slar yang tshangs pa'i gnas bzhi bsgom par byas nas don dam pa las chos thams cad bdag med pa 'dus byas thams cad skad cig pa mya ngan las 'das pa zhi ba'o zhes khams gsum pa sems tsam kho na'o zhes sngags kyi don bsgom par bya'o/ /oM swa b+hA ba shud+d+haHsarba d+harmAHswa b+hA ba shud+d+hou0f85haM/ oM swa b+hA ba shU n+yeHsarba d+harmAHswa b+hA ba shU n+you0f85haM/ oM shU n+ya tA dz+nyA na badzra swa b+hA ba At+ma kou0f85haM/ zhes so/ /de nas nang gi mi shes pa'i mun pa yongs su bskor ba'i snying ga'i khung bu'i nang du son pa sems la gna s pa rnam par bsams nas/ de'i mun pa'i rnam pa'i rang gi ngo bo mi shes pa bzlog pa'i phyir snying gi pad+ma rab tu rgyas pa la brgya phrag bcur 'od gsal ba'i nyi ma la sogs pa rnam par bsgom par bya'o/ /des sems dri ma med pa can du byas pa kun du blta bar bya'o/ / de la sems kyi nang du hUM yongs su gyur pa 'chad bzhin pa'i rim pas rdo rje'i gur la sogs pa'i rim pa'o/ /dper na dang por re zhig chos 'byung gi phyag rgya gdengs ka gyen du phyogs pa dkar po zur gsum 'og tu rtse mo phyogs pa bsgom par bya'o/ /de'i dbus su sna tshogs pad+ma dang sna tshogs rdo rje'o/ /de'i 'og tu yaM las skyes pa'i rlung gi dkyil 'khor nag por snang ba'o/ /de'i steng du raM las skyes pa'i dkyil 'khor dmar po zur gsum pa/ de'i steng du baM las skyes pa'i chu'i dkyil 'khor dkar po zlum po/ de'i steng du laM las skyes pa'i dbang chen gyi dkyil 'khor ser po gru bzhi/ de'i steng du suM las skyes pa'i lhun po chos mngon pa mdzod kyis 'jig rten gyi khams mnyam par gzhag par gsungs pa bzhin ri bdun dang gling dang bcas pa de'i steng du a yongs su gyur pa'i zla ba/ de'i steng du paM yig ser po yongs su gyur pa las sna tshogs pad+ma/ de'i steng du baM yongs su gyur pa'i sna tshogs rdo rje'o/ /de'i lte ba la b+hUM las skyes pa'i 'khor lo/ de'i lte bar rnam par snang mdzad kyi rang gi ngo bo ye shes kyi mchod rten khang pa brtsegs pa blta bar bya'o zhes pa rgyud thams cad la nges pa'o/ /khang pa brtsegs pa de nyid la gru bzhi pa sgo bzhi pa zhes dkyil 'khor gyi cho gar bris pa 'chad bzhin pa'i rim pas thams cad rnam par bsams par byas nas de'i bdag nyid mchod pa'i yo byad du gyur par dbul bar bya'o/ /oM sarba ta thA ga ta pU dza badzra swa b+hA ba At+ma kou0f85haM/ zhes so/ /de nas mgo bor ' khor lo rtsibs bcu gnyis pa dkar po'i steng du oM yig dkar po/ oM sarba ta thA ga ta kA ya badzra swa b+hA ba At+ma kou0f85haM/ de'i rjes su mgrin par pad+ma dkar po 'dab ma brgyad pa/ de'i steng du AHdmar po/ oM sarba ta thA ga ta wAka badzra swa b+hA ba At+ma kou0f85haM/ de'i rjes su snying ga r rdo rje nag po'i steng du hUM yig nag po/ oM sarba ta thA ga ta tsit+ta badzra swa b+hA ba At+ma kou0f85haM/ oM AHhUM/ sarba ta thA ga ta kA ya wAka tsit+ta badzra swa b+hA wa At+ma kou0f85haM/ zhes bsams nas/ de nas g.yas su zhabs bsil dang mchod yon gyi snod mdun du bzhag nas/ oM badzra ar +g+haM AHhUM zhes nye bar re gnas sku'i dbang po la sogs pa'i sa bon gsum gyis byin gyis brlab po/ /de nas zhabs bsil des mchod rdzas gzhan la mngon par gtor bar bya'o/ /oM ar+g+haM pra tIts+tsha badzra pa d+yaM pra tIts+tsha badzra puSh+pe AHhUM/ badzra d+hU pe AHhUM zhes pa la sogs pa rang rang gi phyag rgyas dbul bar bya'o/ /de nas rang gi don gyi cho gas bris pa ma yin pa'i dkyil 'khor sngar gyi rim pas ye shes sems dpa' bkug nas rdo rje lcags kyu la sogs pa'i rim pas nang du gzhug par bya'o/ /slar yang kun tu spros nas sems can la phan pa'i don b yed du bcug nas dam tshig gi dkyil 'khor dang ye shes kyi dkyil 'khor dag gcig nyid du byas nas dkyil 'khor dang dkyil 'khor pa rnams rang rang gi snying po'i sngags kyis mchod par bya zhing bzlas pa dang bstod par byas la mthar gshegs su gsol bar bya'o zhes pa dkyil 'khor dang bral ba rang gi don gyi cho gar mdor bsdus pa las rgyas pas gzhan gyi don du dkyil 'khor la brjod par bya'o zhes pa dang por sbyor ba sgrub pa po rang gi don chos kyi sku'o/ /de nas dkyil 'khor rgyal po mchog gi cho ga rgyas pas dkyil 'khor gyi cho ga brjod par bya'o/ /de la dang por re zhig dkyil 'khor gyi gnas zhing gi bdag po la a kA ro mu khaM sarba d+harmA NAM Ad+ya nut+pan+na twAta ces pas gtor ma sbyin par bya'o/ /de la dkyil 'khor du nye bar rung ba'i sa la ba las byung ba bcu phyed kyis nye bar byug par bya'o/ /de la sngags ni oM sa man+ta d+ha ra shud+d+he d+ha ra d+ha ra hUM/ oM ni rma la shud+d+ha hUM zhes so/ /de nas sa gzhi de kho na'i bgegs bzlog pa'i don du zhi ba can gyi sbyin sreg bya'o/ /de la dkyil 'khor du nye bar byas nas g.yas su spos phor g.yon du dril bu bzung nas lha spyan drang ba 'di bklag par bya'o/ /da ni rdor sems rang ngo bo/ /dkyil 'khor mchog ni 'dri bar byed/ /lha rnams bdag la grub pa'i phyir/ /myur du bsnyen par mdzad du gsol/ /zhes gsol ba gdab par bya'o/ /de nas slob dpon rdo rje sems dpa'i rang gi gzugs su bsams nas g.yon pa dril bu thogs pa g.yas pa kha T+wAM ga steng du rtse mo lnga pa'i rdo rje 'chang bar b sams nas bdag de dang 'dra ba'i phyag rgya bcings nas gzhan slob ma rnams shar la sogs pa'i phyogs su rnam par snang mdzad la sogs pa de bzhin gshegs pa bzhi'i lus su yongs su bzhag nas de rnams kyis dkyil 'khor gyi sa'i steng gi bla ma sngags kyis mchod par bya'o/ /de nas de rnams rdo rje dril bu gsil zhing shar du mnyam pa'i rkang stabs dang rjes su rkang pa la sogs pa rkang stabs bzhis gar byas nas rang rang gi gnas su nye bar 'dug ste de rnams rnam par snang mdzad la sogs pa rang rang gi kha dog dang phyag rgyas mdzad par bzhag nas bla ma rang nyid shar du mngon par phyogs pa ji ltar gnas pa de bzhin kho nar 'dug par bya'o/ /de nas slob ma de rnams rdo rje sems dpa'i rang gi ngo bo bla ma la rdo rje me tog la sogs pa'i mchod pa bcu gsum bya'o/ /de la sngags ni/ oM badzra puSh+pe AHhUM/ oM badzra d+hU pe AHhUM/ oM badzra gan+d+he AHhUM/ oM badzra nai be d+ya AHhUM/ oM badzra shab+da AHhUM/ oM badzra lA s+ye AHhUM/ oM badzra mA le AHhUM/ oM badzra gIrti AHhUM/ oM badzra nr-i t+ye AHhUM/ oM rA sa badzra AHhUM/ oM spaR+she dzA te AHhUM/ oM badzra ar+g+haM AHhUM/ zhes pa bcu gsum po rang rang gi phyag rgya rnams kyis mchod par bya'o/ /de nas oM badzra b+hU mi AHhUM/ oM badzra re khe AHhUM/ zhes pas sa rnam par sbyang bar bya'o/ /de nas yang slob ma de rnams slar yang rkang stabs bzhis gar byed pas rdo rje dril bu bzung nas i daM te gu ru maN+Dal kaM nir+ya ta yA mi zhes pas dbul bar bya'o/ /zhes pa slob ma bzhis rim pas so/ /med na slob dpon gcig pu kho nas thams cad bya'o/ /de nas rdo rje sems dpa'i rang gi ngo bo bla ma rdo rje dril bu dang bcas pas phyag dag gis pad+ma'i bskor bas gar gyi rnam pas rkang stabs bzhis rjes suM rkang pa la sogs pas yongs su bskor nas/ oM sarba ta thA ga ta pA da ban+d+ha naM ka ro mi/ zhes pas rdo rje gsor bar byas dril bu g.yon du kha gyen du phyogs par byas nas gnas par bya'o/ /hUM hUM zhes brjod la bgegs bskrad par bya'o/ /slar yang rak+Sha rak+Sha hUM zhes brjod nas dbang ldan la sogs par g.yon skor gyis blta bar bya'o/ /slar yang dbang ldan la sogs par g.yas skor gyis blta bar bya'o/ /de nas rdo rje'i gur bsgom par bya ste sngags 'di rnams kyis so/ /oM badzra me di nI badzrI b+ha ba ban+d+ha hUM phaT/ oM badzra pany+dza ra hUM baM hUM phaT/ oM badzra prA kA ra hUM paM hUM phaT/ oM badzra sha ra dzA la trAM saM trAM phaT/ oM badzra a tsa na gr-i he hUM phaT/ oM badzra bi dA na hUM baM hUM phaT/ oM badzra su kha A sa na hUM phaT/ ces pas rdo rje'i gur bsgom par bya'o/ /de nas rdo rje sems dpa'i dam tshig gi phyag rgya gung mo gnyis sa la gnas par byas nas/ oM badzra ut+tiSh+Tha zhes pas nam mkhar bteg nas dkyil 'khor gdeg par bya'o/ /de nas rjes su rkang pa la sogs pa'i rim pa bzhi po byas nas rkang pa brdab par byas te/ hUM zhes brjod pas khro bo spros nas/ oM badzrod g+ha Ta ya sa ma ya pra be+e sha ya hUM/ rim pas sgo bzhi po'i sgo glegs dbye bar bya'o/ /de nas sdigs mdzub phur pa'i phyag rgyas oM badzra maN+Dal hUM dzaHzhes brjod pas ye shes kyi dkyil 'khor dgug par bya'o/ /dam tshig dang ye shes kyi dkyil 'khor dag gcig tu bya'o/ /de nas seng ldeng gi phur pa lnga po rnams 'bru lnga rnams la bzhag nas oM zhes brjod nas de nas phyung ste so ma btang ba'i pha gu rnams dbang ldan la sogs pa rnams su yongs su bzhag nas/ oM badzra kI li kI la ya sarba big+h+nAM ban+d+ha hUM phaT/ ces brgyad lhag pa'i brgya yongs su bzlas nas dbang ldan la sogs pa'i phyogs rnams su phur bus gdab po/ /oM g+ha g+ha g+hA ta ya g+hA ta ya/ sarba duSh+TAn kI la ya kI la ya/ sarba pA paM big+h+nAM badzra kI la ya badzra d+ha ra Adz+nyA pa ya ti swA hA/ zhes brjod nas rdo rje tho bas phur bus gdab par bya'o/ /dkyil 'khor gyi snying por rko bar byed pa 'jigs pa'i phyir shar sgor phur bus gdab po/ / 'dis bgegs rnams phur bus gdab po zhes pa'i don to/ /de nas bdud rtsi 'khyil pa'i sngags kyis bum pa dkar po byas nas snam bu dmar pos dkris te 'bru lnga la sogs pa dang bcas pa mchod yon dang bcas shing mtshan ma dang bcas par byas nas/ de'i steng du pad+ma/ pad+ma'i steng du zla ba'am nyi ma/ de'i steng du pad+ma lcags kyu'am bgegs mthar byed dam bdud rtsi 'khyil pa bsams nas de'i dbus su rdo rje lcags kyu'i rim pas ye shes pa bcug nas kha bshal ba'i don dang dag pa'i don du dkyil 'khor gyi khang pa'am sgo'i g.yon du gzhag par bya'o/ /gzhan du slob dpon rang ngam slob mas lag pa gcig po zhi ba can gyi sbyin sreg mdor bsdus pa'i cho ga byed du gzhug go/ /de la dkyil 'khor gyi khang par dbang po la sogs pa 'jig rten skyong ba bcu'i lha dang lha ma yin la sogs pa rnams dang / yi dags la sogs pa dang / klu rnams kyi gtor ma gsum gyi snod gsum sbyin par de la rim pa ni/ lo tog nas/ gro/ so ba/ 'bras/ ma sha /mon sran sde'u/ sran chen o skya ka/ sran chung ma sdu ra bdun dang / chang dang sha dang nya la sogs pa blangs nas snod gsum po rnams su bgos nas bcug ste byin gyis brlab par byas nas sngags kyis kyang byin gyis brlab par bya'o/ /oM in+d+rA ya/ ag+na ye/ ya ma ye/ nair+R-i ti ye/ ba ru NA ya/ bA ya be/ ku be+e rA ya/ I shwa nA ya/ ur+d+haM brah+ma Ni/ tsan+d+ra sUr+ya b+h+yaMH ar+thaHpr-i thi byai swA hA/ nA ge b+h+yaH a su re b+h+yaH/ de ba yak+Sha/ gan+d+harba/ a su ra/ ga ru Da/ kin+na ra/ ma ho ra ga /ma nu Sh+ya/ a ma nu Sh+ya b+h+yaH/ sa pa ri bA re b+h+ya swA hA/ oM guM guM swA hA/ oM guM ka re guM ka re swA hA/ bgegs bzlog pa'i don du gtor ma sbyin par bya'o/ /oM tshangs sogs lha min thams cad dang / /dbang sogs 'jig rten srung ba po/ /klu dang dri za gnod sbyin rnams/ /gtor ma 'di yis tshim gyur cig /ces so/ /oM a kA ro mu khaM sarba d+harmA NA Ad+ya nud+pan+na twAta/ ces dang mchod yon dang me tog la sogs pa sbyin nas/ oM badzra muHzhes bklags nas rol mo'i sgras gshegs su gsol te phyogs kyi gtor ma'o/ /de nas slob dpon zhal bsil gyi bum pas kha bshal nas gdong bkrus te nye bar 'dug la/ bstod pa la sogs bklag par bya'o/ /snga ma bzhin du rang ngam gzhan gyi gtor ma'i las lag pa gnyis kyis byas nas mi smra bar 'dug par bya'o/ /de nas dbang bskur bar gsol ba 'debs bzhin pa mtshan nyi shu rtsa lnga dang ldan pa yongs su brtags nas dgug par bya'o/ /slob ma 'ongs nas bla ma la phyag 'tshal te me tog thal mos bzung nas/ oM badzra b+hU mi AH/ oM badzra re khe AHzhes pas sa gzhi nges par brtag par byas la/ dkyil 'khor mchod pa dang bla ma la bstod de dbang bskur ba'i don du gsol ba gdab par bya'o/ /de la tshigs su bcad pa'i/ gang gi 'od zer 'phros pa'i drin gyis bdag nyid kyi/ /mun pa rab bcom de nyid rin chen gsal mdzad pa/ /rang nyid rnam rgyal mthon pos mtshungs med rnyog bral gzigs/ /de phyir gsal mdzad bla ma 'di la phyag byed do/ /zhes brjod do/ /bla ma de'i lha lhag par gnas par bya ste de kho na'o/ /oM badzra gan+d+he/ badzra puSh+pe/ badzra d+hU pe/ badzra A lo ke zhes bklags nas snying gar dri dang / kha la bdug pa dang / lag pa g.yon du me tog dang / mig dag la mar me sbyin par bya'o/ /de nas a shwat+tha 'am/ u dum+WA ra'i so shing sor bcu gnyis pa rtse mor me tog dang bcas pa slob ma la sbyin par bya'o/ / de slob ma des sos kun nas reg nas ba lang gi ko ba tsam nye bar byugs pa'i sa la dor bar bya'o/ /lhung ba'i dge ba dang mi dge ba rnam par dpyad par byas nas rdo rje bzhin du lhung ba las dngos grub po zhes rgyud thams cad nas bshad pa'i lugs so/ /oM pad+ma ne tro hrIHzhes pa so shing dor ba'i sngags so/ /de nas g.yas su nyi shu rtsa gcig pa'i ku sha'i rtse mo bzung nas g.yon du bcu gnyis pa bzung ste/ oM pad+ma badzri Ni hrIHzhes pas glo gnyis su byin par bya'o/ /de nas rang gi lag pa gnyis su tshad kyi skud pa ba sgril ba bkug nas sum sgril du byas nas rdo rje'i mdud pa byin te/ oM pad+ma aM ku sha hUM phaT ces mngon par bsngags nas lag pa dag la bcing bar bya'o/ /gser dang bcas pa'i ril bu yang ngo / /bcings pa'i bar ma chad par bgegs mthar byed kyi sngags kyis bsrung bar bya'o/ /bud+d+ha mai tri badzra sngon ma'o zhes pa'i sngags kyis se gol sbyin par bya'o/ /oM badzra uSh+NI Sha zhes pas slob ma'i gtsug tor bcing bar bya'o/ /sang chos ston par 'gyur ro zhes slob ma gnyid log tu gzhug par bya'o/ /dge ba dang mi dge ba'i rmi lam brjod do zhes pa dang bshad par bya'o/ /de nas slob dpon rdo rje dril bu bzung nas gsil zhing / rdo rje'i steng du bdug spos bzung nas su/ /cho ga ji bzhin rim ji bzhin/ /sang ni dkyil 'khor bri bar bgyi/ /lha rnams lha mo mnyam par bcas/ /nye bar gnas par mdzad par rigs/ /oM sarba ta thA ga tA naM/ pA da ban+d+ha naM ka ro mi/ zhes pas phyag byas/ sngar brjod pa'i bcom ldan 'das la bstod pa bklags nas mchod yon la sogs pa phul te/ lha dang rang gi ming snying por byas pas rol mo'i sgra bsgrags nas gtor ma byin te/ badzra muHzhes bklags nas dbang ldan gyi zur gyi cha gcig tu bla ma rang yang nyal bar bya'o/ /tho rangs langs nas sngar bzhin du gtsang sbra la sogs pa byas te/ slob ma rnams kyis dge ba dang mi dge ba'i rmi lam bstan te mi dge ba rnams la bgegs la sogs pa bsrung ba dang / zhi ba'i me la sogs pa byas nas bsrung bar bya'o/ /de nas dkyil 'khor bri ba'i cho ga brjod par bya'o/ /de la mchog dpag tshad kyi grangs so/ /'bring rgyang grags te/ chung ngu ni kun du khru yis so/ /de la yang khru brgya yis 'khor los sgyur bas so/ /sa'i bdag pos de'i phyed kyis so/ / blon po chen pos ni de'i phyed do/ /slob ma dbang bskur ba la de'i phyed do/ /slob dpon rang gi 'dod pa'i lha mnyes pa'i don du dkyil 'khor gyi tshad bya'o/ /de'i tshad tsam med pa las thams cad pa la khru bzhi'o/ /de la bcom ldan 'das dpal pad+ma spyan ras gzigs dbang phyug gi dkyil 'khor 'di la khru bzhi pa la sogs pa'i rim pa ji lta bar khru bzhir thams cad khru bcu drug pa'o/ /de la snying po nas phyogs rnams su khru gnyis par 'gyur ro/ /de'i khru gnyis po ni cha gnyis su byas nas de'i nang ma'i cha gcig la yang cha gsum gyis pad+ma rim pa gsum mo/ /nang du 'dab ma brgyad pa'o/ /de'i sum chas ze'u 'bru'o/ /phyi rol du 'dab ma bcu gnyis/ de'i phyi rol du 'dab ma bcu drug go zhes pa sdong bu gcig la rim pa gsum mo/ /cha gnyis pa'i dang po la byang chub sems dpa'i snam bu'o/ /bar ma la ri mo lnga phra mo'o/ /phyi ma la ri mo lnga sbom po'o/ /ri mo rnams kyi rim pa 'di yin te/ dkar po dang / ser po dang / sngon po dang / nag po dang / thams cad kyi nang du dmar po'o/ /de rigs kyi bdag po yin pa'i phyir ro zhes pa gru bzhi pa sgo bzhi pa rta babs bzhis brgyan/ dra ba dang dra ba phyed pa dang / me tog gi phreng ba dang / me long la sogs pas brgyan pa/ zla ba dang nyi ma la sogs pa dang yang dag par ldan pa bum pa dang bcas pa'o/ /de ltar dkyil 'khor rdzogs nas de'i snying por pad+ma'i mtshan ma dmar po'i steng du zla ba'i mtshan ma go yu'i 'bras bu'i tshad du bya'o/ /de la tshon gdab pa'i dus su tshon sna lnga'i snod rnga yab bkug ste dbus su tshon dmar ba'i snod shar du dkar po/ lhor ser po/ nub tu sngon po/ byang du nag po yongs su bzhag nas de rnams la hrIHoM trAM AHhUM zhes pa rnam par bris nas/ oM pad+ma oM ka sha hUM phaT kyis bsrungs nas/ swa b+hA ba shud+d+haHsarba d+harmAHzhes bklags nas nam mkha' rnam par bltas nas dzaHhUM baM hoHzhes pas ye shes pa bcug nas/ hrIHhrIHhrIHhrIHhrIHzhes pas so so re re'i sa bon lnga pa dgod par bya'o/ /snod de rnams su oM badzra dz+wA la a na larka hUM zhes pas nang gi tshon las 'od zer spros par bya'o/ /oM badzra be ga zhes brjod nas ye shes kyi ri mo bkug par byas nas tshon sna lngas re khA lnga po rim pas dbang ldan la sogs pa ri mo bya zhing kun du bsrung ba yang ngo / /de nas dbus su'o/ /de nas thams cad du rim pa bzhin no/ /de bzhin du dkyil 'khor 'di'i phyi rol du pad+ma'i phreng ba dmar po/ de'i phyi rol du dur khrod sna tshogs mdog /de'i phyi rol du 'bar ba'i phreng ba'o zhes pa thams cad bya'o/ /rgyas pa ni de kho na nyid bsdus par brjod do/ /de bzhin du khru bzhi la sogs pa nas khru brgyad pa de srid rim pa kho na'o zhes so/ /dkyil 'khor rdzogs nas gtor ma sbyin par bya'o/ /de nas slob dpon langs nas dkyil 'khor gyi shar du nye bar 'dug par bya'o/ /nye bar 'dug nas sngar brjod pa'i rim pas bstod pa la sogs pa bya'o/ /de'i rjes su sgrub thabs su brjod pa'i rim pas dkyil 'khor rnam par dag par bsgom par bya'o/ /de nas mchod pa'i yo byad mchog tu gyur pa thams cad phul nas bsam gtan gyi phyag rgya bcings te yid g.yo ba med par byas nas hrIHyig las 'od zer kun du spros nas de'i 'od zer rnams kyis phyogs thams cad du gnas pa'i de bzhin gshegs pa rnams rang gi snying gar rab tu zhugs par bsam par bya'o/ /rnam par bsams nas slar yang rnam par spros nas sems can de rnams la phan pa byed du bcug nas slar yang rab tu zhugs par bya'o/ / de'i rjes su g.yas dang g.yon du zhabs bsil/ de bzhin du sngags dang mchod yon gyi snod gnyis phul nas rdo rje rtse gsum gyi phyag rgyas byin gyis brlab par byas nas/ oM AHhUM zhes pas lhag par gnas par bya'o/ /sngags dang g.yon gyi mchod yon gyi snod bdud rtsi lnga la sogs pas gang ba des dam tshig gi mchod pa'i rdzas la bsang gtor bya'o/ /de nas rigs lnga po dgod par bsgom par bya'o/ /b+h+rUM yig dkar po mgo bo la/ /nyi ma dang mtshungs hrIHzhal la/ /hUM yig nag po snying ga ru/ /gser gyi 'od can AHlte bar/ /gsang ba'i phyogs su khaM ljang gu/ /bsam par bya'o cho ga las/ /zhes byas nas rang gi lha'i sngags kyis bdag nyid mchod par bya zhing dbang bskur bar gsol ba gdab par bya'o/ /oM a b+hi Shiny+tsa tu mAM sarba ta thA ga ta zhes so/ /oM badzra ar+g+haM AH hUM/ oM badzra puSh+pe AHhUM/ oM badzra ar+g+haM pra tIts+tsha pA d+yaM pra tIts+tsha zhes brjod nas dam tshig gi mchod pa'i rdzas byin gyis brlab par bya'o/ /de nas oM badzra rA dzA hUM zhes pas rdo rje byin gyis brlabs nas/ oM badzra gaN+De AHzhes pas dril bu byin gyis brlab par bya'o/ /de nas oM AHyA hI b+ha ga bAn/ pad+ma A ba lo ki te shwa ra swa b+hA ba pradz+nyA paN+Da ra bA si nI a lirga ta kan+d+ha ra pra pA dAM tsa dA yAn tsa ku ru pu dzaM gr-ih+Na i ha san+ni hi to b+ha ba a d+hiSh+ThA naM ku ru me swA hA/ zhes pa spyan drangs pa'i tshigs su bcad pa bklag go/ /oM badzra satwa sa ma ya ma nu pA la ya badzra satwa twe no pa tiSh+Tha dr-i D+ho me b+ha ba su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi m+me pra yats+tsha sarba karma su tsa me tsit+taM she yaHku ru hUM/ ha ha ha ha hoH/ b+ha ga bAn sarba ta thA ga ta badzra mA me muny+tsa badzrI b+ha ba ma hA sa ma ya satwa AH/ oM badzra gaN+De ra ni ta pra ra Ni ta saM pra ra Ni ta sarba bud+d+ha k+She tra pra tsa li te pradz+nyA pA ra mi tA nA da swa b+hA ba badzra d+harma hr-i da ya san+to Sha ni ka ri oM AHhUM phaT ces dril bu dang rol mo'i sgra bya'o/ /de nas bde ba can gyi sangs rgyas kyi zhing na gnas pa'i ye shes kyi 'khor lo yang dag par bkug nas dkyil 'khor la bcug par bsam ste de yid kyis phyi'i me tog la sogs pa'i mchod pa dang gsang ba'i mchod pa bya'o/ /phyag bya ba la sogs pa yang ngo / /sarba de ba tA de ba tI naM pa da ban+d+ha naM ka ro mi/ zhes so/ /de nas bcom ldan 'das kyi phreng ba'i sngags bzlas par bya'o/ /na mo b+ha ga ba ti pad+ma a ba lo ke te shwa rA ya/ bo d+hi satwA ya/ ma hA sa twA ya/ ma hA ka ru Ni kA ya/ tsa turmu khA ya/ dwA da sha ne tA ya/ badzra pad+ma aM ku sha pA sha ka pA la kha T+wAM ga rat+na pA Na ye/ swa b+hA pra b+hA paN+Da ra nA si nI A lang+gi ta kaM d+ha rA ya/ bA mi tsa tur+tha b+hu dza de bi stan ba ra sha na ra tA ya bi sha any+dza/ sha shi ma d+h+ya s+thA ya da ha sarba mA rA na ma d+ha ma d+ha b+hU ta bai tA la kum+b+haM Da yak+Sha rAk+Sha sAM badzre Na tse ShAM hr-i da yA ni b+hiM dzi b+haM dza/ maM ma no ra thaM pa ri pU ra ya sarba b+hu mI shwa ra tu b+h+yaM/ hrIHzhes pas rdo rje dril bu dkrol bar bya'o/ /de nas pad+ma aM ku sha AHkaR+Sha ya dzaH/ pad+ma pA sha pra be+e sha ya hUM/ pad+ma s+pho Ta ban+d+ha ya baM/ pad+ma a be+e sha to Sha ya hoH/ zhes bklags nas dam tshig dang ye shes kyi dkyil 'khor dag 'o ma bzhin gcig tu 'dres pa nyid du bya'o/ /de nas sgrub pa'i thabs kyi rjes su 'brang bas dkyil 'khor pa rnams kyi rang gi gzugs phyag dang kha dog la sogs pa bsams nas ar+g+haM pra tIts+tsha zhes pas phul nas/ me tog la sogs pa'i mchod pa rnams rang rang gi ming ji lta ba bzhin du mchod par bya'o/ /de la ji lta ba bzhin du rang la lha mo'i glu rnams kyis mchod bzhin pa dang / phyi'i pi wang ma la sogs pa'i lha mo rnams kyis gar gyi kun du mnyes par bsam par bya'o/ /bcom ldan 'das ma de'i sngags rim pa bzhin du bzlas par byas nas mchod pa bya'o/ /de la sngar ni sgrub pa'i thabs su rim pa min pas brjod pa 'dir rim pas bklag go/ /oM pAM par+Na sha ba ra bA si ni ra hrIH oM pAM hrIM/ oM hrIM/ pad+ma a ba lo ki te shwa ra ma hA su kha/ pad+mo AHhUM hriM/ oM hrI hUM hraM zhes pa bcom ldan 'das dang / bcom ldan 'das ma'i rtsa ba'i sngags dang snying po rim pas so zhes pas snying por ro/ /oM pad+ma lo tsa ni hrIM/ oM rat+na pad+ma hrIM/ oM pad+ma badzra Ni hrIM/ oM pad+ma tA re hrIM zhes pa shar la sogs pa'i phyogs su'o/ /oM pad+ma bA si ni hUM/ oM pad+ma dzA le hrIM/ oM pad+ma b+h+r-i ku Ti hrIM/ oM pad+ma she kha re hrIM zhes pa me la sogs pa'i phyogs bral rnams su'o zhes pa dang po'i 'dab ma brgyad la'o/ /oM pad+ma ulke hrIM/ oM pad+ma ya ye hrIM/ oM pad+ma k+She me shwa ri hrIM/ oM pad+ma bA ti hrIM/ oM pad+ma ni b+h+ya hrIM/ oM pad+ma tsaN+De shwa ri hrIM/ oM pad+ma gu h+ye hrIM/ oM ma hA pad+me hrIM/ oM pad+ma tsaN+De hrIM/ oM pad+ma A b+he hrIM/ oM pad+ma gau rI hrIM/ oM pad+ma ko She hrIM zhes pa gnyis pa 'dab ma bcu gnyis pa la'o/ /oM pad+me shwa ri hrIM/ oM pad+ma mu khe hrIM/ oM pad+ma tsaN+De hrIM/ oM pad+ma bi d+h+yo me hrIM/ oM pad+ma sA gA ri Ni hrIM/ oM pad+ma pa b+ha ka ri hrIM/ oM pad+ma tsin+ta ma Ni hrIM/ oM pad+ma kA me hrIM/ oM pad+ma ri hrIM/ oM pad+ma am+b+hi re hrIM/ oM pad+ma le khi hrIM/ oM pad+ma kA li hrIM/ oM pad+ma su khe hrIM/ oM pad+ma ne tra hrIM/ oM pad+ma ni d+he hrIM/ oM pad+ma yo ge shwa re hrIM/ zhes pa 'dab ma bcu drug pa la'o/ /oM pad+ma aM ku sha dzaHhUM phaT/ oM hUM pad+ma pA sha hUM phaT/ oM baM pad+ma s+pho Ta hUM phaT/ oM hoHpad+ma A be+e sha hUM phaT ces sgo rnams su'o/ /oM bet+tA li hUM phaT/ oM g+ho ra g+ho ra She hUM phaT/ oM badzra daMSh+Ti hUM phaT/ oM ma hA ba le hUM phaT ces pa grwa rnams so/ /de ltar bzhi bcu rtsa drug gi dkyil 'khor dang dkyil 'khor ba'i lha rnams shar dang lho la sogs pa'i rim pas dang / de bzhin du me la sogs pa'i rim pas lugs dang mthun pas mchod par bya'o/ /slob dpon gyis g.yon skor gyis/ dkyil 'khor gyi g.yas skor gyis so/ /lha 'di rnams kyi sku mdog dang phyag dang phyag mtshan gyi rnam par dag pa sgrub pa'i thabs kyi rjes su 'drangs nas rtogs par bya'o/ /de la lha dang lha mo'i rim pa gsum la kha dog dkar po/ sgo skyong gi mkha' 'gro ma rnams sgrub pa'i thabs su brjod pa'i sku mdog sngags 'di lta bus dkyil 'khor gyi 'khor lo la yang dag par mchod nas slar yang sngar brjod pa'i bstod pas bstod par bya'o/ /bstod pas skyo bar gyur na bzlas pa bya'o/ /de nas yaM raM AHoM zhes bdud rtsi lnga g.yon na gnas pa'i mchod yon gyi snod lhag par gnas pa dang / khaM trAM/ oM hrIM hUM zhes pas bdud rtsi lnga po gnyis ka zhu zhing lhung bar byas nas/ hUM AHoM zhes pa rim pa las bzlog pas bdag nyid byin gyis brlabs nas/ oM sho d+ha ya sho d+ha ya/ maM hUM oM/ rak+Sha rak+Sha hUM hUM phaT swA hA/ oM pany+tsa a mr-i ta ma da na hUM/ oM sarba ta thA ga ta pany+tsa a mr-i ta ma da na pa ra ma ra sA ya naM b+ha ba hUM/ oM sarba ta thA ga ta pany+tsa a mr-i ta ma da na maM pad+ma a ba lo ki te shwa ra/ mu ni pa ri sa rU paM sa ma gra de bI brin+ha sa hi te a b+hi Shiny+tsa hUM/ oM badzra me di nI hUM/ oM b+hUM hUM/ oM trai lokya bI ra hUM/ oM tsaN+Da badzra pA Na ye hUM/ oM badzra a mr-i ta u da ka hUM/ oM sarba ta thA ga ta badzra a mr-i ta u da ka sarba pre ta pi tat+t+wi Na san+ta ra pa ya hUM zhes pas bdud rtsi lnga'i chus kun tu tshim par bya'o/ /de nas dkyil 'khor gyi khor yug tu gnas pa'i bum pa rnams kyis mngon par gtor bar bya'o/ /de la de rnams kyi nges pa ji lta ba bzhin du dkyil 'khor gyi bdag po dang lhan cig dkyil 'khor pa rnams bzhi bcu rtsa bzhir 'gyur te/ dkyil 'khor gyi bdag po ni pad+ma spyan ras gzigs kyi dbang phyug ste lha mo ni gos dkar mo'o zhes pas de la bzhi bcu rtsa drug ste/ de'i phyir phar la bum pa yongs su brtags pa lha dang mtshungs pa'i bum pa yongs su gzhag par bya'o/ /las thams cad pa bgegs mthar byed kyi bum pa ni de'i steng du lhag pa'o/ /yang na bcu nyid do/ /de med pa las lnga'o zhes pa rgyud thams cad la nges pa'o/ /de la bcom ldan 'das dang bcom ldan 'das ma'i tha dad pa med pa'i phyir bum pa gcig byin gyis brlab pa kho na'o zhes pa kha cig go/ /de rnams ni khor yug tu gnas pa'i bum pa dkar po/ mgrin pa gos dkar pos dkris pa 'bru lnga la sogs pa dang ldan pa de rnams yongs su bzhag nas mchod yon dang me tog la sogs pas yang dag par mchod de/ sngar brjod pa'i bdud rtsi lngas kyang mngon par gtor bar bya'o zhes pa dkyil 'khor mchod pa ji ltar 'byor pa byas nas lha mos dkyil 'khor gyi gtso bo la bstod par bya'o/ /phyag 'tshal phyag 'tshal rdo rje che/ /phyag 'tshal phyag 'tshal bde ba che/ /phyag 'tshal phyag 'tshal pad+ma che/ /phyag 'tshal phyag 'tshal dga' ba che/ /phyag 'tshal phyag 'tshal phrin las che/ /phyag 'tshal phyag 'tshal khyab bdag che/ /khyod las rdo rje dang sems dpa'/ /khyod las pad+ma dri med mdzes/ /khyod las rin chen lha mo che/ /sna tshogs rdo rje de bzhin nyid/ /khyod las sangs rgyas dpa' bo che/ /yang dang yang du 'byung bar byed/ /khyod las chos dang dge 'dun yang / /khyod las pha rol phyin pa'i tshogs/ /byang chub sems dpa' sems dpa' che/ /khyod las gzungs kyi dkyil 'khor te/ /khyod las sngags dang phyag rgya dang / /slar yang khro bo'i rgyal po'i tshogs/ /zhes pa la sogs pas bstod par bya'o/ /slar yang bzlas pa bya zhing dril bu dkrol bar bya'o/ /smon lam gdab par bya ste/ bdag ni bud med nyid min bdag khol dngos ma yin/ /rmongs pa nyid min yul ngan rnams su skye ba min/ /bdag ni log lta can gyi skye bar 'byung ba min/ /skye dang skye bar sangs rgyas gus par 'gyur bar shog /skyes pa dang ni skye bzhin ma/ /mngal du gnas pa'i lus su yang / /gang du sangs rgyas lha med par/ /nga yi rigs su skye mi 'gyur/ /dam tshig rnam pa brgyar zhig gus pa zhan dang gos ngan dang / /dri mas gos pa'i lus dang brtse med sdig pa'i ngang tshul can/ /gshin rje khro gnyer 'jigs shing nad ldan sdug bsngal rab thob pa/ /skye bo mi bsrun yongs su gyur la 'jig rten mgon bdag srungs/ /khyod nyid ma dang khyod nyid pha/ /khyod nyid gnyen khyed nyid bla ma/ /khyod nyid rig pa khyod nyid rdzas/ /khyod nyid pad dbang thams cad yod/ /kun thob yod par skyabs yod byed/ /kun tshe thams cad gnas yod byed/ /bcom ldan 'das khyod rab rdzogs byed/ /'jig rten mgon kye bdag la srungs/ /dbul ba nyid dang 'chi ba'i sdug bsngal mang po zlog byed pa/ /dgongs pa'i don rnams thams cad sbyin pa yongs rdzogs pa/ /'jig rten mgon po dpal zhes lnga po 'di ni rgyal byed kyi/ /gzhan pa'i yi ge brgya phrag 'bras med phal bas che/ /zhes pa smon lam byas nas gtor ma sbyin par bya'o/ /de la myos byed dang sha dang 'bru bdun chus yongs su gang bar byas nas bdud rtsi lnga'i chus mngon par gtor te/ oM AHhUM gis bdag nyid byin gyis brlab par byas nas/ gtor ma byin gyis brlab par yang bya'o/ /de la gtor ma la ye shes pa bcug nas lha dang lha ma yin dang yi dags dang sha za dang dri za rnams byin gyis brlab par bya'o/ /de nas sngags kyis byin gyis brlab par byas nas mchod yon dang / me tog dang / bdug pa dang / mar me la sogs pas mchod pa bya'o/ /de la sngags kyi ni/ oM na mo b+ha ga ba te/ Ar+ya A ba lo ke te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ de ba/ a su ra/ ga ru Da/ gan+d+ha r+b+ha/ ma nu Sh+ya/ a ma nu Sh+ya/ pre tA sa pa ri bA ra/ trai d+hA tu kI s+ThI tA/ ye a n+ya tsa/ dz+nyA ta a dz+nyA tAHku sha la/ a ku sha lA/ trip+ta/ a trip+tA/ pA pa/ a pA pa/ kru d+ha/ a kru d+haH sau myaiH/ a sau myaiH/ shAn+ta/ a shAn+tA/ mat+tAH/ a ma d+hAH/ hrI Sh+TiM/ a hrI Sh+TaM/ sa san+tA nAH/ a san+tA nA/ sa r-id+d+ha kA/ a r-i d+hi kA/ sa pra b+hA baH/ a pra b+hA baH/ swa swa s+tha na ni bI sa nA twe/ sarbe pa ra sa pa ra a b+hi ro d+hI na/ i maM ba li mar+ya mAM sa A di sa hi taM b+huny+dzan+tu dzI g+h+raM tu/ pi ban+tu sa ma yaM rak+ShaM tu ma mA ti kra man+tu san+tu Sh+ThaH pa ri pU ra NA u dA ra b+ha baM tu/ a n+yo n+ya kA li nA/ sarba ya bA su khaM prA b+hu ban+tu ku k+Shin pU ra yAn+tu/ any+dza yaM/ an+ta pa na/ u pa la/ ban+tu ya thA/ bi prA b+ha su khaM prA s+ya so ka nA naM/ gats+tshan+tu swA hA/ oM a kA ro mu khaM sarba d+harmA NAM/ Ad+ya nut+pan+na twAta/ oM AHhUM phaT swA hA/ zhes gtso bo'i gtor ma dang / yang / oM hA rI t+yai yak+Shi N+yi/ i maM/ paN+DaM/ pa ya ts+tsha ba swA hA/ oM pri yaM kA rA ya swA hA/ oM badzra yak+ShA ya swA hA/ zhes pas chang bu dang bcas pa'i gtor ma sbyin par bya'o/ /de nas slar yang yang dag par mchod par bya'o/ /de nas gtor ma rnams gshegs pa'am mi gshegs pa'o/ /slob ma la dbang bskur ba brtsam par bya'o/ /de'i rjes su slob ma rnams brgyan par byas nas me tog gi phreng ba rnams bzung ste/ pus mo sa la btsugs nas sngags kyi tshul byung ba nyid la bsod nams 'dod pa kha cig dkyil 'khor 'dir rab tu 'jug par byed de/ 'jig rten pha rol nyer brten pa'i/ /dad pa mang du byas nas ni/ /blo ldan dkyil 'khor 'dir 'jug bya'i/ /'di yi 'bras bu gnyer mi bya/ /zhes rjes su bstan nas sangs rgyas kyi gzugs su bya'o/ /de nas de rnams kho na bla ma la gsol ba 'debs su gzhug go/ /byang chub rdo rje sangs rgyas la/ /mchod chen ji ltar stsal ba ltar/ /bdag kyang bskyab pa'i don gyi phyir/ /nam mkha'i rdo rje deng gsol kye/ /zhes gsol ba gdab pa dang ldan pa'i slob ma rnam par 'dud pa la mi bskyod pa'i gzugs su dmigs nas/ rang gi rig ma skyes bu rdo rje can du bsams nas rdo rje sems su rab tu bsgoms pas khor yug gi bum pa brgyad kyi chus gtor bar bya'o/ /de nas rdo rje khu tshur gyis bum pa'i chu blangs nas/ dbang bskur rdo rje chen po ni/ /khams gsum pa yis phyag byas pa/ /gsang ba gsum gyi gnas las byung / /sangs rgyas kun gyis sbyin par byed/ /oM badzra u da ka a b+hi Shiny+tsa hUM zhes slob ma 'khor los sgyur ba lta bur dbang bskur bar bya'o/ /chu'i dbang bskur ba'i cho ga me long ye shes so/ /de nas bshad ma thag pa la sogs pa'i rim pas gser ram gos las byas pa'i cod pan slob ma'i mgo la sbyin par bya'o/ /rin chen 'byung ldan gyi rab tu sbyor ba las nam mkha'i mthil du son pa'i de bzhin gshegs pa thams cad rigs kyi bdag po'i gzugs kyis cod pan kho nar gnas par bsam par bya'o/ /oM aHbadzra mu ku Ta a b+hi Shiny+tsa hUM su ra ta s+t+waM a haM/ zhes pas cod pan blta bar bya'o/ /slar yang cod pan gyi gnas su oM badzra d+hA twI shwa ri a b+hi Shiny+tsa hUM/ oM sa twa badzri/ rat+na badzri/ d+harmA badzri/ karma badzri/ a b+hi Shiny+tsa hUM/ 'dis nang gi pad+ma 'dab brgyad kyi phyogs su gnas pa'i lha mo brjod pa rnams dang / dbus kyi gos dkar mo ni rdo rje dbyings kyi dbang phyug mar shes par bya'o zhes pas mnyam pa nyid ye shes te cod pan gyi dbang bskur ba'o/ /de nas rdo rje chen po rtse mo lnga pa snying ga la sogs pa'i gnas rnams su bzhag nas lag pa g.yas pas gtad par bya'o/ /slob ma rdo rje sems dpa' zhes bya ba 'jig rten dbang phyug gi rnam pa la gtad par bya'o/ /sangs rgyas rdo rje dbang bskur la/ /de ring khyod la dbang bskur gyur/ /sangs rgyas thams cad rab bsgrub phyir/ /rdo rje 'di de khyod kyis gzung / /zhes bklags nas lag pa g.yas su rdo rje sbyin par bya'o/ /so sor rtog pa ye shes rdo rje'i dbang bskur ba'o/ /de nas don yod grub pa'i gzugs kyis dril bu lag pa g.yon du byin nas/ oM badzra a d+hi pa ti s+t+waM/ a b+hi Shiny+tsA mi tiSh+Tha sa ma ya s+t+waM/ zhes bklags nas lag pa g.yon du ste dril bu'i dbang bskur ba'i cho ga bya ba nan tan gyi ye shes so/ /de nas slob ma rnam par snang mdzad du byin gyis brlabs nas/ mgo bor rdo rje dril bu byin te/ oM badzra satwa s+t+waM/ a b+hi Shiny+tsA mi/ badzra nA ma a b+hi She ka taH/ kye dpal gti mug rdo rje/ kye dpal zhe sdang rdo rje/ zhes ming gi dbang bskur bar bya'o zhes pa la sogs pa rigs dang rjes su mthun pa'i ming gi dbang bskur ro/ /shin tu rnam par dag pa'i chos kyi dbyings kyi ye shes so/ /mngon par dbang bskur ba lnga po 'di rnams kyis kyang slob ma sngags dang rgyud nyan pa dang bshad pa dang sgrub pa la dbang bar byas par 'gyur ro/ /dbang bskur ba lnga po rig pa'i dbang bskur ba zhes brjod par bya ste/ thams cad du spyan ma la sogs pa'i rig ma rnams kyis bya ba'i phyir ro/ / de'i bar ma chad par 'dul bas slob ma don du gnyer ba dang ldan pa la/ bla mas slob dpon gyi dbang bskur bar bya ste/ ji ltar/ gang gi bdag ni khyod drin las/ /rang dang gzhan don nus 'gyur ba/ /rdo rje slob dpon gyi ni dbang / /thugs rje'i gter gyis bdag la stsol/ /zhes gsol ba 'debs pa dang ldan pa'i slob ma rgyan thams cad kyis brgyan pa steng du gdugs dang rgyal mtshan dang bla re la sogs pas brgyan/ shar gyi sgor seng ge'i khri la gnas pa sna tshogs pad+ma 'dab ma brgyad pa'i steng du rdo rje sems dpa'i gzugs su dmigs nas hUM yig las skyes pa'i rdo rjer bsams nas/ thog mtha' med pa'i sems dpa' ni/ /rdo rje sems dpa'i bde ba che/ /kun du bzang po kun bdag nyid/ /rdo rje bsnyems pa'i bdag po bdag /dpal mchog dang po'i skyes bu khyed/ /ces de kho na nyid kyis gzung bar bya'o/ /de'i rjes su/ AHyig las skyes pa'i dril bu/ /'di de sangs rgyas thams cad kyi/ /shes rab dbyangs kyi rjes 'gror bshad/ /khyod kyis kyang ni rtag tu bcang / /byang chub mchog tu rgyal ba bzhed/ /ces pas lag pa g.yon du sbyin par bya'o/ /de'i rjes su/ yid kyi lus ni brtan pa'i phyir/ /phyag rgya'i dam tshig rab tu brjod/ /gang gi lus ni thams cad brtan/ /des na phyag rgya rab tu grags/ /zhes pa 'dis rang gi 'dod pa'i lha'i sku ru nang gi bdag nyid can gyi phyag rgya chen po lhag par gnas pa la 'khyud par bya'o/ /de'i rjes su slob dpon rang gi snying ga'i sa bon las byung ba nam mkhar gnas pa'i lha'i tshogs kyis mngon par dbang bskur bzhin par bsams nas/ dbang bskur rdo rje chen po ni/ /khams gsum pa yi phyag byas pa/ /gsang gsum gnas las yang dag byung / /sangs rgyas kun gyi sbyin par byed/ /ces mngon par dbang bskur bar bya'o/ /ji ltar gsungs pa/ shes rab bcu drug lon pa la/ /lag pa dag gis yang dag 'khyud/ /rdo rje dril bu mnyam sbyor las/ /khyod ni slob dpon 'byung bar 'gyur/ /zhes slob dpon du dbang bskur bar 'dod do/ /de'i ched du slob dpon du dbang bskur ba'i dbang du bya ba de'i ched du byin no/ /dkyil 'khor gyi de kho na nyid dang / dkyil 'khor gyi rnam par dag pa mdor bsdus nas bshad par bya ste/ ji ltar dkyil 'khor pad+ma zhes su brjod/ /yid kyi dkyil 'khor bshad par bya ste/ khang brtsegs zhes pa ye shes te/ /sems kyi brtsegs pa yang dag bsgreng / /phung po lnga yi rang bzhin gyis/ /sangs rgyas lnga ru rab tu grags/ /de phyir rnam par snang mdzad kyi gzugs su dmigs pa'i slob ma la rjes su gnang ba sbyin par bya'o/ /'jig rten kun la thams cad nas/ /dngos grub kun la phan pa'i phyir/ /ji ltar 'dul ba sna tshogs pa/ /chos kyi 'khor lo rab tu bskor/ /chos kyi gnas su rdo rje dang rin chen dang / las dang khro bo'i sgra gcig pa'i tshigs su bcad pas rjes su gnang ba sbyin par bya'o/ /de'i rjes su rdo rje'i brtul zhugs sbyin pa dang / lung bstan pa dang / dbugs dbyung ba sbyin no zhes pa rgyud thams cad kyi rjes su 'brangs pa sbyin par bya'o/ /de ltar slob dpon du dbang bskur bas rdo rje rnam par sbyang bar bya'o/ /gsang ba gsum gyi dbang bskur bas gsung gi rdo rje yang rnam par sbyang bar bya ste/ de lta bu'i rim pas rgyud thams cad la brjod pa'i cho gas dbang bskur dgus grol ba sbyin par bya'o/ /de la rim pa ni/ chu dang cod pan rdo rje dang ni dril bu la sogs ming / /rigs gsum dam tshig skal ldan slob dpon gsang ba mchog sogs kyis/ /dbang bskur rnam pa dgu po gang gi mtshungs med bsod nams kyis/ /skyer 'jug srid pa dag pa bla ma tshogs de la phyag 'tshal/ /zhes pa phyag byas nas dbang bskur ba thams cad thob nas/ de nas slob mas lus la sogs pa ci rigs pa'i yon dbul bar bya'o/ /bla mas kyang zhen pa med pa'i sems kyis blangs nas de la bkra shis brjod par bya'o/ /de nas/ bcom ldan sangs rgyas bkra shis dang / /chos dang dge 'dun bkra shis dang / /bsod nams 'di kun nyid kyis ni/ /slob ma rnams kyi bkra shis shog /phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+mo rgyas pa 'dab 'dra'i spyan mnga' ba/ / bkra shis de ni khyod la zhi bar byed gyur cig /de yis nye bar bstan pa'i mchog rab mi g.yo ba/ /'jig rten gsum na grags shing lha dang mis mchod pa/ /chos kyi dam pa skye dgu rnams la zhi byed pa/ /de ni khyod la 'jig rten bkra shis gnyis pa'o/ /dge 'dun dam pa'i chos ldan thos pa'i bkra shis phyug / mi dang lha dang lha ma yin gyis mchod pa'i gnas/ /tshogs kyi mchog rab ngo tsha shes dang dpal gyi gzhi/ /de ni khyod la 'jig rten bkra shis gsum pa'o/ /zhes slob ma rnams la bkra shis sbyin par bya'o/ /de rnams bsngags pa dang / /de nas slob ma de rnams re re nas rim pas phyag 'tshal nas 'gror gzhug go/ /de nas bla ma slar yang mchod pa dang bstod pa brjod pa la sogs pa thams cad bya'o/ /gzhan yang thig le'i rnal 'byor la sogs pa bsgom par bya ba'i thabs su bshad pa'i cho gas byas nas gcig gam lnga'am bdun nam lnga bcu'am/ brgyad lhag pa'i brgyar gtor ma byin nas mchod pa byas te dkyil 'khor dang dkyil 'khor gyi bdag po'i lha rnams bzod par mdzod cig bzod par mdzod cig ces brjod nas dkyil 'khor la bskor ba byas te gtor ma yang ngo / /slar yang nye bar 'dug ste yang dag par bstod nas oM badzra muHzhes bzlas te rol mo'i sgras gtor ma gshegs su gsol bar bya'o/ /dkyil 'khor dang ye shes kyi dkyil 'khor gyi sems dpa'i rang gi ngo bo badzra muHzhes bklags nas/ khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang / /slar yang 'byon par mdzad du gsol/ /oM badzra muHzhes pas ye shes sems dpa' gshegs su gsol bar bya'o/ /dam tshig gi dkyil 'khor rang gi snying ga'i sa bon la rab tu gzhug par bya'o zhes so/ /dkyil 'khor gyi rdul tshon ni klung gi gnas su rab tu gzhug par bya'o/ /gzhan nyi ma gnyis pa la rnam thos sras la sogs pa'i gtor ma sbyin par bya'o zhes pa rgyud las gsungs pa nges pa'o/ /pad+ma spyan ras gzigs dbang gi / dkyil 'khor mchod pa'i cho ga ni/ /'jig rten rnams la phan 'dod pas/ /rgyal dpal ye shes kyis byas pa'i/ /bsod nams de las skye dgur bcas/ /rtag tu skye dgu bde ldan 'gyur/ /bdag kyang bsod nams 'di yis ni/ / kun mkhyen go 'phang thob gyur cig /ces pa pad+ma spyan ras gzigs dbang phyug gi pad+ma dra ba'i rim pas bcom ldan 'das kyi dkyil 'khor mchod pa'i cho ga rdzogs so// //rgyal ba dpal ye shes ming gzhan pad+ma rdo rje zhes bya bas mdzad pa rdzogs so// // kha che'i paN+Di ta chen po su ma na shrI b+ha dra dang / bod kyi lo tsA ba dge slong rin chen grub kyis bsgyur cing zhus te gtan la phab pa'o// @##/ /rgya gar skad du/ shrI nA tha ma hA kA la sA d+ha na kra ma nA ma/ bod skad du/ dpal mgon po nag po