བོད་ཡིག

e-texts based on the ACIP/ALL Input

@##/ /rgya gar skad du/ tA ra gu h+ya sA d+ha naM/ bod skad du/ sgrol ma'i gsang ba'i sgrub thabs/ mgon po spyan ras gzigs la phyag 'tshal lo/ /mchog dang thun mong 'dod pa dang / /bar chod nyer 'tshe zhi ba dang / /'dod pa'i yon tan 'phel 'gyur zhing / / phrin las rnam bzhi bsgrub pa'i phyir/ /lha mo gsang ba'i sgrub thabs bshad/ /dang po nyams pa'i skyon bral zhing / /brtson 'grus ldan pa'i skyes bu yis/ /shin tu dben pa'i sa phyogs su/ /maN+Dal khru gang tshad du bya/ /dri chen dri chus chag chag gdab/ /mchod pa lnga ldan ras ris dgram/ /phyi nang bar chod zhi bar blta/ /stan la legs 'dug nub tu blta/ /skad cig lha bsam 'od kyis su/ /srid gsum zhing sbyangs spyan drangs la/ /yan lag bdun pos rgyud dag byas/ /tshad med bzhi bsam stong nyid bsgom/ /a las me byung gru gsum dbyibs/ /dkar po bsams la de stengs su/ /a bsam zhu bas lha mo bskyed/ /mdog smug bong thung thod phreng can/ /zhal gcig phyag gnyis dgod pa'i gdangs/ /rus pa'i phreng bas sku brgyan cing / /me dpung 'bar ba'i gdan la bzhugs/ /phyag g.yas mda' gzhu rab tu 'dzin/ /ut+pal thod pa byang sems gang / /g.yon pa thod dkar 'dzin pa bskyed/ /snying gar e yi cha byad la/ /a yi mtshan ma 'od 'phros pas/ /ye shes drangs pa mchod pa ni/ /tshig tu ma yin blo yis dbul/ /bzhis bstim byin brlab dbang bskur bya/ /bskyed la gsang sngags yid la bzlas/ /kha dog lnga ldan snying gar bsam/ /ched du bzlas pa bya ba ni/ /oM AHa d+hi si tu hUM/ 'bru bdun dngos grub 'byung bar byed/ /bzhi'am gcig dang bdun pa grub/ /thun bar gtor ma yang yang dbul/ / ming dang gtam yang gsang spyod bya/ /bzhi las me sur bde ba dbab/ /bskyil la lhan skyes bde ba bsgom/ /e yi a las 'od 'phros pas/ /'dod pa'i yon tan de bkug la/ /mtshan ldan snod du bkug byas la/ /rtags rdzogs longs spyod gzhan du min/ /phrin las rnam bzhi skabs dang sbyar/ /rin chen dang 'dra sgrub pa'i thabs/ /'jigs pa kun sgrol bde ba ster/ /nad med gnod rnams rang bzhin 'gyur/ /phongs pa kun sgrol 'byor par ldan/ /sangs rgyas kun gyis dbang bskur 'gyur/ /sgrub thabs 'gro la phan phyir bkod/ / lhag pa'i lha yi zhal mthong shog /bar chod nye bar zhi gyur nas/ /'gro rnams de yi zhal mthong shog /sgrol ma gsang ba'i sgrub thabs/ dpal rtag pa'i rdo rje lung bstan pas bkod pa/ gsang ba za ma tog ces bya ba rdzogs so// //rgya gar gyi mkhan po ra ta d+har dang / lo tsA ba rmas bsgyur ba'o// @##/ /rgya gar skad du/ kA ru Na sA d+ha naM karma bi shwa/ bod skad du/ thugs rje sgrol ma las sna tshogs pa'i sgrub thabs/ rje btsun ma sgrol ma la phyag 'tshal lo/ /dben pa'i gnas sam sa phyogs su/ / srog chags spangs pa'i sa la ni/ /rin chen 'bru la dri dang bcas/ /chu gtsang la ni sngags ni bzlas/ /oM hrIM triM hUM phaT oM AHhUM/ brgya rtsa brgyad dang bzlas la gdab/ /de nas 'jim pa sbyang byas la/ /rang nyid lha yi nga rgyal gyis/ /snying ga'i sngags la lnga 'phros pas/ /'jim pa 'od lnga dag tu 'gyur/ /de las 'od 'phros 'jim pa yi/ /byin brlabs bsdus te de la bstim/ /de nas 'bi 'bi bya ba dang / /skol phor sngags kyi 'od kyis sbyang / /sngags 'dis sAts+tsha gdab par bya/ /oM hrIM triM hUM phaT hrIHA yuHbadzra kA ya tsit+ta hUM/ sgrol ma 'od kyis skor gsal nas/ /ye shes dgug dang gzhug pa dang / /mchod pa bstod pa rgyas par bya/ /me tog la ni rten 'brel sngags/ /lan bdun bzlas te gtor bas na/ /rab tu gnas par bya ba'o/ /rten la bskor ba byed pa ni/ /lha yi nga rgyal ldan pa yis/ /snying ga'i sngags las 'od 'phros pas/ /rten de stong pa nyid du bsam/ /stong pa'i ngang las maM las ni/ /pad+ma 'dab brgyad bsam par bya/ /de steng hUM sngon zhu ba las/ /thod pa gri gug sku ru bsam/ /snying gar sngags kyi 'khor lo las/ /'od 'phros sangs rgyas thams cad dgug /