བོད་ཡིག

e-texts based on the ACIP/ALL Input

@##/ /rgya gar skad du/ Ar+ya tA ra srag+d+ha ra sto tra/ bod skad du/ 'phags ma sgrol ma'i me tog phreng ba 'dzin pa'i bstod pa/ rje btsun ma sgrol ma la phyag 'tshal lo/ /sngar shar nyi ma snang ba dmar/ /lha mchog spyi gtsug nor bu dmar/ /de 'byar kha dog de la ni/ /tshos sar gyis ni bskus pa 'dra/ /'phags ma khyed kyi zhabs gnyis la/ /gus pa'i thal mo dbu rgyan gyis/ /de mdzes mgo yis phyag 'tshal lo/ /nyes byung dus su bskyab pa ma/ /de ni sgrol ma khyed yin no/ /bstod gsar me tog phreng ba 'dis/ /mchod la bdag gis phyag 'tshal lo/ /rgal mi nus pa'i sdug bsngal me/ /de la rtag tu lus lhung gnas/ /skal ba ma ldan 'gro sa gang / /rmongs pa bdag gis ji ltar bya/ /de ltar rtag tu smras nas ni/ /don med bdag ni stobs chung song / /mkha' la nyi zla dpal ldan grags/ /de ni gzhan gyi smra ba thos/ /de thos long ba'i spyod pa ltar/ /mthong rten 'dod kyang gzhan khrid med/ /sdig pa 'joms ma khyed la ni/ /bdag ni skyabs mthong 'dod lags so/ /sems can thams cad sgrol ba'i phyir/ /de la snying rje mi mdzad dam/ /ma lus par ni snying rje mdzad/ /de khongs bdag lta yod gyur na/ /khong la snying rje mdzad pa bzhin/ /bdag la de bzhin mdzad 'tshal lo/ /nus pa med pas mi mdzad dam/ /khyed bzhin nus la gnyis pa med/ /'gro ba rnams kyi sdig mun pa/ /de 'joms pa la nyi ma 'dra/ /de ltar yin kyang sdug pa bdag / mi dge las ni ma tshig pas/ /ngan las byas pas bdag ni 'gyod/ /skal ngan bdag la skal ba med/ /nyi ma shar yang mun pa gnag /gang+gA'i chu ni shin tu bsil/ /de phyir 'gram du bsdad kyang ni/ /skom yang btung rgyu ma rnyed do/ /rin chen sna tshogs yod pa'i gling / /nor rnams kyis gang khang pa la/ /der 'dug kyang ni bdag phongs pas/ /bcom ldan 'das ma khyed la ni/ /mgon 'dod kyang ni mgon med bdag /'jig rten kun gyi yum gcig ma/ /ma la rtag tu ngus nas ni/ /nu ma'i don du bu slong na/ /de la ma yang skyo bar 'gyur/ /mi rnyed nyin re slong gyur na/ /pha yang bu la khro bar byed/ /'jig rten gsum gyis bslangs kyang ni/ /khyed kyis 'bras bu gang bar byas/ /dpag bsam shing gi yal ga mchog /de ni sgrol ma khyed yin no/ /thams cad la ni ma lus pa/ /sbyin pa khyod kyis khyab par byas/ /nyon mongs kun gyi me des ni/ /bdag gi lus 'di rtag tu tshig /sa 'og sdug bsngal de la ni/ /bdag gi lus 'di nub tsam na/ /sems can rnams kyi sdug bsngal ni/ /drag po 'phel bar gyur tsam na/ /khyod kyis dam bcas zhal bzhes pa/ /bdag gi steng du grub par mdzod/ /rdzogs sangs rgyas pa'i smon lam ni/ /bdag gi sems la shar ba'i dus/ /sgrol ma phan 'dogs mdzad par zhu/ /lag bsgreng bstod pa'i tshig brjod cing / /don du drag por ngus pa yis/ /gzhan la zhus kyang don 'grub bo/ /khyed lta bu la bdag gis zhus/ /kye ma sgrol ma khyed kyis ni/ /bdag spangs par ni mi gsha'o/ /khyod kyi spyan gyis gzigs tsam na/ /gang 'dod thams cad rnyed par 'gyur/ /mi bde mi bzod sdug bsngal ni/ /yang 'byung dogs ni mi 'byung ngo / /bdag ni sdig can yin gyur na/ /dad pa shin tu 'phel nas ni/ /khyed la dad pa skye mi gsha'/ /ming thos pa'am dran pa yis/ /khyed kyi sdig pa dbang med 'phrog /bdag don khyed kyis spangs pa de/ /bden par bdag la gsung bar zhu/ /khyed ni bden par gsung ldan ma/ /snying rje che ba'i sman pa yis/ /nad pa ma shi bar du ni/ /sman gyis phan 'dod che ru byed/ /sgyu ma ser sna nga rgyal sogs/ /ngan pa de rnams kyis khyer nas/ /ri mos khyer bas dal skabs med/ /gnas pa'i spyi nor rnga mo bzhin/ /skad cig dal ba med pas ni/ /sgrol ma'i zhabs kyi pad+ma la/ / bdag gis mchod skabs ma rnyed do/ /des ni yi ge du tshig 'don/ /de bton pas ni phan 'dogs re/ /dus mtha' rlung gis g.yas su 'khyil/ /des ni gtsubs pa'i chu rlabs 'byung / /g.yo zhing 'gul ba'i rol pas 'khrug /de rgyab dba' rlabs 'gram du ni/ /brdabs pas sgra grag skad gdangs can/ /'jigs byed rgya mtsho de las ni/ /gru chag nub pa'i skabs de la/ /snying rje ngu skad drag po bton/ /skad cig dran med bems por gyur/ /lha mo khyod la bstod pa yis/ /bde bar rgya mtsho phar bsgral lo/ / sprin nag bskor zhing du ba'i nang / /de la me stag can gyi me/ /me lce cher 'bar khyim du ni/ /ngal nas mal du nyal ba'i mis/ /khyed la rab btung thal mo sbyar/ /skad cig gis ni glog byung nas/ /myur bar sprin char gyis ni bskor/ /smyo byed glang chen 'gram gnyis la/ /'dzag pa'i chu la reg nas ni/ /bung ba'i phreng ba bzhin du thal/ /de rnams kyis ni hUM sgra sgrogs/ /sgra de thos nas zhe sdang las/ /glang chen 'thab tu byung mno nas/ /khros nas mche bas mi bteg nas/ /'do li la ni bsdad pa bzhin/ /khyed dran tsam gyis 'chi ba bzlog / pha rol rgal nas rin chen rnyed/ /de steng mkhar du bsdad du phyin/ /mi med stong pa nags gseb tu/ /shin tu rno ba'i mtshon rnams kyis/ /brgyab nas yod par mi ro'i mgo /tri shU la la bsad ro mang / /de 'dra nags gseb phyin tsa na/ /ral gri phub dag bzung nas ni/ /mda' gzhu bkang nas byung ba rnams/ /zur mig lta zhing khros nas byung / /rgol nas brdeg tu byung tsam na/ /khyed bsams skyo med smyu gus bris/ /khyed ming gsal por bris ma thag /dpal ldan khyim du bsdad phyin no/ /rkang pa'i sor mo rab rno ba/ /rdo rje lta bus rab tu brkos/ /smyo byed glang chen mgo khrag byung / /'jigs byed seng ge byung tsam na/ /khyod bos bstod pa brjod pa yis/ /bred nas seng ge log nas thal/ /du ba 'khyil ba 'jigs pa'i gzugs/ /'jigs byed gdengs byed shin tu 'bar/ /rtag tu phug byed kha gdangs pa/ /lce chen ston pa sbrul khro ba/ /gshin rje'i zhags pas bkyigs pa'i mi/ /sdig pa'i dbang gis de ltar byung / /de dus khyed kyi yon tan bsgrags/ /gus pas dad par khyed la byas/ /sprul de ut+pal phreng bar gyur/ /me tog mchod pa'i mi des thob/ /dpon gyis mig mtshams 'gul dogs kyis/ /der bred dmag dpon rim pa yis/ /thag pas bkyigs nas skra nas drud/ /rtsub mos bkal nas khrid tsam na/ /khol po de ni na tsha che/ /ca co smra ba gtong 'dod nas/ /nye ba gnyen rnams kyis ni bor/ / ltogs nas skom nas mchu skams pa/ /sdug bsngal mtha' med byung tsam na/ /gang gis sgrol ma'i zhabs la skyabs/ /skad cig gis ni grol nas thar/ /sgyu ma byas pa'i gzugs mi legs/ /mi ro'i rgyu ma bus pa des/ /phreng ba mang bas ske la btags/ / sus kyang dgag tu mi nus pa/ /de byung dus su khyod kyi sngags/ /brjod pa tsam gyis sdig pa dag /srin po'i dran pa med tsam na/ /de rnams kyis ni srung bar byed/ /'brug byung ba yi sprin gyi gzugs/ /nga rgyal 'jigs pa rtsang po gsum/ /de ni mun pa gnag pa la/ glog bzhin mtshon cha snang ba yis/ /mda' yi char pa byung tsam na/ /'thab pa'i dus su bskor nas bkag /shin tu stobs chen dgra rnams kyis/ /khro zhing brdeg tu byung tsam na/ /sgrol ma khyed kyis stobs byin pas/ /dpa' bo gcig gis de rnams bcom/ /sa ris rnams ni rang dbang byas/ /sdig pas gang ba mdze pho'i gzugs/ /lus po skrangs nas khrag rnag dang / /chu ser de rnams 'dzag pa ni/ /rtsa sha pags pa phug pa nas/ /'bu rnams kyis ni zos pa na/ /sgrol ma khyed kyi zhabs brten nas/ /rtag tu khyed la mos gus byas/ /mos gus de rang sman du gyur/ /gser gyi kha dog lus gyur nas/ /pad+ma dkar po rgyas pa'i spyan/ /des ni gzugs bzang lus thob bo/ /slob dpon rnams kyi bka' de la/ /rna ba snod du ma rung bas/ /thos pa'i nor ni phongs par 'gyur/ /bshes gnyen gseb tu lkugs pa de/ /khyod la mos gus bstod bgyis pas/ /gsung ldan seng khri 'phrog par byed/ /de 'phrogs pa yang rgyal po'i mdun/ /rgyan cha sna tshogs btags nas ni/ /gsung gi dbang phyug seng khri sdod/ /sa la nyal bas rdul mas khengs/ / lus kyi kha dog du bar gyur/ /dug po gos kyis lus ma khyab/ /rtag tu shig dang sro ma gsod/ /gzhan gyi mdun du phor gog 'dzin/ /rtag tu slong mo byed pa de/ /sgrol ma khyed la skyabs tsam na/ /nges par mdzes ma dgod nas ni/ /rnga yab mdzes pas g.yob par byed/ / stobs chen glang po che rnams kyis/ /bdag por gyur nas gdugs gcig pa/ /ras ris tsam gyis rgyal por gyur/ /gzhan g.yog las dang yon tan dang / /tshong dang thabs kyis nor tshol ba/ /tshe snga ma yis dge ba'i nor/ /ji ltar byas kyang nor med pa/ /su la bslangs kyang rnyed pa med/ /kye ma khyed la bslangs tsam na/ /sa gseb tu ni nor rnyed nas/ /mi de phyug por gyur par byung / /'tsho ba med pas ngo tsha che/ /gos med pas ni chung mas brgal/ /phongs pa yin pas gnyen gyis bor/ /ster dgos mno nas thag rings su/ /kye ma sgrol ma khyed la ni/ /rang gi sdug bsngal bstan tsam na/ /rta rnams rmig pa sa la rko/ /de brkos sa yang khyim bskor nas/ /rang yid 'ong ba rgyal po'i khab/ /khyim der gnyid ni log pa las/ /mdzes ma rnams kyis lag brgyan grags/ /des ni gnyid log sad pa rnyed/ /phyogs bcur gyur pa'i 'khor lo ni/ /shin tu 'od zer ldan pa dang / /mtshan nyid ldan pa'i bud med dang / /mche ba drug yod glang po che/ /rma bya'i ske yi kha dog ldan/ /de ltar sngo ba rta bzang dang / /rin po che ni nyi ma'i 'od/ /dri ma med pa'i gter gyis bkang / /dmag gi dpa' bo mang ba dang / /sgrol ma khyed kyi bka' drin gyis/ /'khor los sgyur ba'i rgyal por gyur/ /ma la ya yi ldum ra ru/ /nor bu rin po che yi rdo/ /de la tsan+dan la sogs bskus/ /lha mo rnams kyang 'tshog sa byas/ /'gron sar mchod pa byas pa bzhin/ /shin tu chags nas rtsed mo rtses/ /sgrol ma khyed kyi rig pa grub/ /rig pa 'dzin pa'i lha dbang po'i/ /ral gri 'od zer ljang gus ni/ /lag bzangs de la phrog pa de/ /yang nas yang du gsor byed pa/ /gzugs bzang lha ni thob par 'gyur/ /mu tig phreng bas mdzes par btags/ /de btags nu ma'i bar du byung / /rna bar ut+pal btags pa de/ /mig dang gang bzang 'gran pa 'dra/ /thor tshugs man+da ra ba btags/ /dri zhim bung bas bor ma nus/ /rked par g.yer kha mdzes par btags/ /zhabs gnyis legs pa de la ni/ /sil sil sgra dang g.yer kha btags/ /sgrol ma khyed la brlab tsam na/ /'dod pa'i lha la dga' ba tsam/ /de phrad lha mo bsnyen bkur byed/ /rdzing 'gram rin po che yis bskor/ /gser gyi pad+ma de la ni/ /ge sar rdo rje pha lam 'bar/ /pa ra dzA ga'i shing de ni/ / cung zad bkug pa dri zhim dmar/ /de nas bla re bzhin du khyab/ /tam bu ra dang rnga la sogs/ /lha rnams kyis ni snyan par bsgrags/ /sgrol ma khyod kyi bka' drin gyis/ /lha yi ldum rar yun rings rtses/ /bde ba shin tu nyams su myong / /ga bur dang ni ka ko la/ / a ka ru dang spos dang dri/ /de rnams btags nas chur bsres pas/ /dri zhim chu rnams kyis ni brdeg /lha mo'i nu ma gnyis kyi bar/ /lha yi gtsang po chu mgyogs des/ /phar rdeg tshur rdeg rtsed mo byed/ /lha mo mdzes pa de rnams dang / /khyod kyi bka' drin bsod nams kyis/ /lha yul du ni rtsed mo myong / /mtho ris gnas pa'i lha rnams kyis/ /gus pas bka' ni spyi bos len/ /de lan phyag ni byas nas su/ /glang po che la zhon pa la/ /rgyan cha btags pa'i glang rdzi des/ /lag pa gnyis la gdu bu btags/ /des ni 'do le bsgyings tsam na/ /bkag mi nus pa ba spu ldang / /rdo rje pha lam lag rgyan btags/ /khyed kyi spyan gyis gzigs tsam na/ /lha yi dbang po brgya byin thob/ /lha yi ris kyis srung bar byed/ /sangs rgyas bstan pa de la ni/ /rin chen me tog spyi bor gnas/ / nam mkha' dpal gyi bla res khyab/ /nyi ma shar ka'i 'od 'dra ba/ /des ni 'jig rten gsum po bkang / /g.yon bskum g.yas brkyang zhabs gcig gis/ /de mnan bkug pa tshangs pa dang / /dbang phyug chen po khyab 'jug go/ /khyed kyi sku ni bsgom bgyis pas/ /srid pa'i 'jigs pa phyis mi 'byung / /skye ba len pa chad nas yod/ /kha cig gis ni 'di ltar mthong / /nags tshal phyag gi mtshon chas bzung / /shin tu 'jigs pa stobs po che/ /nam mkha' khyab par lag gdu bu/ /de rnams 'jigs che sbrul du mthong / /kye ma'o khros nas skrag par byed/ /dgod pa'i sgra ni shin tu 'jigs/ /ma rungs pa yi spyod pa byed/ /ro langs ting ting shag ni brdung / /'jigs chen rtsed mo sgra chen bsgrags/ /kha cig gis ni mthong ba la/ /sgrol ma'i ba spu re re las/ /'jig rten pa de 'tsho bar byed/ /bde bar gnas pa'i tshangs pa dang / /lha yi dbang po brgya byin dang / /dbang phyug chen po klu la sogs/ /lha dang mi dang grub thob dang / /dri za gnod sbyin sbrul rnams dang / /phyogs su rgyu ba'i 'khor lo yang / /tha med bde gshegs khyim der gnas/ / kye ma rab tu rdzu 'phrul che/ /'jig rten gsum gyis phyag byas pa/ /kye ma 'gul mi 'gul gnas pa/ /sna tshogs lhag med dngos po ni/ /kye ma sgrol ma khyed yin no/ /kha cig gis ni mthong ba la/ /rgya skyegs dang ni sin+d+hu ra/ /dkar dmar kha dog nyi ma ltar/ /dpal ldan in+d+ra nI la 'dra/ /kha cig gis ni mthong ba la/ /'o ma'i rgya mtsho drubs dkar 'dra/ /kha cig gis ni gser 'dra mdog /khyod kyi gzugs ni sna tshogs mthong / /shel dang 'dra bar gang 'dod gzugs/ /ye shes mar me thams cad mkhyen/ /des ni thams cad gsal bar mthong / /de nyid mkhyen pa dbang po gcig /nges par khyod kyi yon tan ni/ /grangs las thams cad mkhyen pas shes/ /yang na de yi sras kyis mkhyen/ /bdag gis kha gdangs byas nas ni/ /bya rog kha 'dra'i sgra dang ni/ /sdug bsngal tshad pas khyab tsam na/ /de skyes na tsha byung tsam na/ /bdag gis pho rog smra bzhin bton/ /gzhan gyi sems la bzhad gad rgyu/ /bdag gis zhus pa'i don du ni/ /ma zhus gong du lhag par mkhyen/ /khyod kyi mkhyen pa de la ni/ /bdag gis zhus pa don med gleng / /'on kyang rang sems dga' ba'i don/ /nye ba'i gnyen gyi mdun du ni/ /dug dag skyugs pa smras pa bzhin/ /sdug bsngal don de shes kyang ni/ /rang snying yang zhing bde ba bzhin/ /phan 'dogs dga' ba rgya mtsho nyid/ /rab tu gsal ba zla ba'i cha/ /kye ma mdzes mas gzigs par zhu/ /gdams ngag ye shes gnang bar zhu/ /snying rje chen mo khyod nyid kyis/ /mun nag sems ni gsal bar mdzod/ /khyed kyi bstod pa'i chu des ni/ /bdag gi sems ni gtsang bar bkrus/ /phan nas byung sa gcig rnyed do/ /bstod pa 'dis ni 'gro ba'i don/ /'bras bu thob pa yod par mthong / /rab tu bstod pa'i yon tan cha/ /bdag gis bsod nams bshad mi shes/ /bsod nams de yi stobs kyis ni/ /'jig rten pa kun don 'grub nas/ /grol ba'i bde ba myong bar shog /spyan ras gzigs kyi zhabs kyi mthil/ /de yi mtshan ma bkra shis kyis/ /de bkang yod pa de la ni/ /bde gshegs sras kyi sa ris yin/ /bde nas bde ru 'gro ba kun/ /myur bar song nas bde bar shog /me tog phreng ba 'dzin pa'i bstod pa slob dpon thams cad mkhyen pa'i bshes gnyen gyis mdzad pa rdzogs so// // paN+Di ta zla ba gzhon nus rang 'gyur mdzad pa'o// @##/ /rgya gar skad du/ Ar+ya tA ra sto tra/ bod skad du/ 'phags ma sgrol ma la bstod pa/ bcom ldan 'das 'jam pa'i dbyangs la phyag 'tshal lo/ /sgrol mdzad 'khor ba'i rgya mtsho mtha' yas pa/ /