བོད་ཡིག

e-texts based on the ACIP/ALL Input

@##/ /rgya gar skad du/ tA ra sA d+ha nAM u pa de sha kra ma/ bod skad du/ sgrol ma'i sgrub thabs man ngag gi rim pa/ rje btsun 'phags ma sgrol ma la phyag 'tshal lo/ /phun sum tshogs ldan dpal 'byor dri med yon tan gyi/ /gzhir gyur 'gro la dam pa'i lam ster rgyal ba'i yum/ /sgrol ma'i zhabs rdul spyi bos blangs te 'gro ba la/ /phan phyir brtse bas sgrub pa'i cho ga bshad par bya/ /rdo rje slob dpon yon tan mtsho/ /ji bzhin sbyor bas bsten byas nas/ /cho ga'i rim pas dbang bskur ba'i/ /rnal 'byor pas ni rnam par bsgom/ / ji ltar bshad bzhin rnam bsams la/ /sa bon gyis ni bskul ba yi/ /bla ma rdo rje rnams mchod la/ /gus pa'i bsam pas rtse gcig tu/ /btud la phyi nas rang lus gzhug /slar yang dkyil 'khor rdzogs par bya/ /bu dza o a go ra de mA/ kA o tri ko ka la kA hi bre gri sau su na si ma ku/ spyi bo'i gnas su pul+li rar/ /myur zhing dpa' ma dran par bya/ /spyi gtsug 'bar ba 'dzin pa ru/ /ston zla lta bur dri ma med/ /gser gyi mdog can rna ba ni/ /g.yas pa o t+yan nyid du bsam/ /arbu da ni ltag pa ste/ /gtsug tor rnam par rgyal bar grags/ / go da ba ri rna ba g.yon/ /hUM sgra sgrogs pa'i lha mo'o/ /smin dbus ra me shwa ri ste/ /rdo rje sku yi sgrol ma'o/ /'khor lo dang ni cher sgrogs pa'i/ /dril bu g.yas dang gzhan du bsam/ /dbang mchog de bI ko Ti ste/ /khams gsum rnam par rgyal byed do/ /gzhan 'joms lha mo dpung par nges/ /mA lar sgrub po dam pas bsam/ /mchan khung kA ma rU pa ste/ /bdud 'joms dam pa sbyin pa mo/ /o Te zhes bya nu ma ste/ /'khor los sgyur byed 'dod ster ma/ /tri sha ku ne lte ba ru/ /mya ngan kun 'joms bsam par bya/ /dri 'dzin gnas su ko sa lar/ /'gro ba kun 'gugs phongs pa sel/ /ka ling+ka ni kha yin te/ /lha mo bkra shis thams cad ster/ /mgrin pa'i gnas ni lam pa kar/ /lha mo gsung gi sgrol ma ste/ /pad+ma dril bu 'dzin pa ru/ /mnyam par bzhag la rtag tu bsam/ /kAny+tsi snying gi grong khyer te/ / rdo rje thugs kyi sgrol ma'o/ /mig sman gyi ni kha dog can/ /rdo rje dal bus 'gying ba yin/ /kha ba'i rir ni smin byed ma/ /sum mdo'i gnas su bsam par bya/ /yi dags grong du 'gugs byed ma/ /khra mo rtags kyi rtse mo la/ /zhi ba chen mo khyim gyi lhar/ /'og gi phyogs su bsgom par bya/ /brla gnyis sau rASh+Ta yin te/ /'dod chags thams cad 'joms pa mo/ /gser gling byin pa zung gi tshal/ /lha mo bde ba sgrub byed do/ /sor mo phal ba na ga rar/ /rnam par rgyal ma bsam par bya/ /sdug bsngal sreg byed sin+d+hu ste/ /rkang pa'i bol du rnam par dgod/ /rgan po ma ru dngos grub kun/ /legs 'byung lha mo bsgom par bya/ /ku lu tar ni yongs rdzogs ma/ /pus mo'i dkyil 'khor gnyis la gnas/ /de ltar cho ga rdzogs pa dang / /phyis ni rdo rje sgrol ma yi/ /dkyil 'khor bcas pa'i lha rnams kun/ /rang gi lus la gzhug par bya/ /dri ma thams cad sbyang ba'i phyir/ /spyan drang mchod nas gsol ba gdab/ /de bzhin thub pas dbang bskur la/ /dbu rgyan rang gi lhag pa'i lha/ /gsang sngags bzlas brjod cho ga dang / /mtshan ma kha dog la sogs pa/ /gzhan du bshad bzhin mkhas pa yis/ /mnyam par gzhag pas rtag tu bya/ /zab mo'i don la skye bo yi/ /blo gros rnam par 'khrul gyur kyang / /dam pa'i bla ma las byung ba'i/ /man ngag rim pas bris pa yin/ /bsod nams 'di yis nyes pa'i dba' klong g.yo ba'i chus/ /rnam par dkrugs te 'khrigs pa'i nor 'dzin brtan pa dang / /des skyed dge legs snye ma'i me tog 'bras ldan pa'i/ /skye bo'i don du dpag bsam ljon shing byed par shog /dpal u rgyan nas byung ba'i man ngag gi rim pa'i sgrub thabs slob dpon chen po nyi ma sbas pa'i zhabs kyis mdzad pa rdzogs so/ / //man ngag gi rim pa'i sgrub thabs 'di dang po ma 'gyur ba las phyis kha che'i paN+Di tas kha ba can gyi ljongs su spyan drangs pa'i dpe las bod skad du dpal sa skya'i dben gnas dam par bsgyur ba'o/ /[]@##/ /rgya gar skad du/ b+ha ga ba ti tA ra de bI