བོད་ཡིག

e-texts based on the ACIP/ALL Input

ra shAn+ti'i don du mdzad pa'o/ /rgya gar gyi paN+Di ta mkhas pa chen po wA gI shwar gu p+ta dang / sgra bsgyur gyi lo tsA ba dge slong chos rab kyis bsgyur cing zhus te gtan la phab pa'o/ /[]@##/ /rgya gar skad du/ shrI kA la tsa kra maN+Dal b+hi d+hiH/ bod skad du/ dpal dus kyi 'khor lo'i dkyil 'khor gyi cho ga / dpal dus kyi 'khor lo la phyag 'tshal lo/ /gang gi gsung gi 'od zer gyis/ /snying ga'i pad+ma kha 'byed pa'i/ /spyan ras gzigs la phyag 'tshal nas/ /dkyil 'khor cho ga dbye bar bya/ /yan lag bzhi pa'i sgrub thabs kyis/ /sngon du bsnyen pa byas nas su/ /sdom ni/ dkyil 'khor yang ni rnam pa gnyis/ /lhag gnas dang ni mchod pa'o/ /lhag gnas la yang rnam gnyis te/ /rang don dang ni gzhan don no/ /mchod pa la yang rnam gnyis te/ /bdag sgrub dang ni gzhan sgrub po/ /sngon 'gro dngos dang rjes dang ni/ /yan lag la sogs thun mong ngo / /dang por slob dpon brtag pa ni/ /slob dpon yang ni dam tshig can/ /rdo rje'i theg pa dang por zhon/ /de nyid khyab can chags pa med/ /dri ma dang ni rnam par bral/ /bzod dang tshul khrims don 'jug pa/ /slob ma rnams la bde ster zhing / /dmyal ba yi ni 'jigs sel ba/ /de kho na yi tshangs spyod can/ /bdud rnams kyi ni rdo rje dbyug /de yang sa yi steng du ni/ /rdo rje sems dpa' rab tu grags/ /khro dang nga rgyal dang ldan zhing / /dam tshig dang ni rnam bral ba/ /rdzas la brkam zhing ma thos pa/ /slob ma rnams ni bslu don du/ / mchog tu bde ba'i go 'phang du/ /sems ni nyams dang dbang ma bskur/ /longs spyod chags shing myos pa dang / /zher 'debs pa yi tshig smra zhing / /rang dbang don du 'dod spyod pa/ /slob ma rdzogs byang chub don du/ /dmyal ba lta bur rtogs pa yis/ /de ni spang bar bya ba yin/ /zab cing rgya che ba yi sems/ /bla ma mnyes pa la dga' zhing / /gtong ba'i sems dang yon tan che/ /thar pa 'dod cing rgyud la dad/ /sems ni g.yo ba med pa dang / /de nyid rnyed pa dang gsang zhing / /gdug pa rnams kyi tshogs bral ba/ /shin tu mkhas pa'i bla ma yis/ /slob ma de ni gzung bar bya/ /de nas gsol ba gdab pa ni/ /skye ba mang po'i sdig pa ni/ /bsags pa rnam par 'jig byed pa/ /sdom pa so sor gzung bar bgyi/ /dpa' bo dus kyi 'khor lo brjod/ /de nas sa bslang brtag pa dang / /sbyang dang gzung dang spel ba dang / /dpyid 'bring dkar tshes nyam thar thug/ / gzhan la phan pa'i bla ma yis/ /sa brtag la sogs rim par bya/ /nags sam grong rdal khang stong sogs/ /byang dang dbang ldan phyogs su ni/ /dkar po zhi ba rgyas pa dang / /sa la dri zhim dang ldan pa/ /sa dang chu ni brtags nas ni/ /bslang ba gnang dang mi gnang dang / /sbyang ba pus mo lte ba dang / /rked pa 'phang du brko bar bya/ /yang na rngo'am chur thug par/ /zug rngu sol ba bcas par ro/ /sa yi khong na yod pa ni/ /'chi ba yi ni 'jigs pa byed/ /gnas de ru ni sbyang ba ni/ /yon tan gyi ni dbang gis 'gyur/ /de yi phyir na sbyang bar bya/ /nor bu mching bu dung yod na/ / rnam par rgyal zhing bde ba byed/ /dkyil 'khor sa gzhi'i don dang ni/ /khang bzangs don dang khyim don du/ /nges pa kho nar gsal ba ru/ /mchod sbyin la sogs rgyun sbyang bya/ /rdzogs pa la ni sbyang bya zhing / /de bzhin sa ni gzung bar bya/ /bu rnams gzung ba la yang ngo / /de yang shar dang byang du gzhol/ /dbus ni me long bzhin du mtho/ /brdung zhing legs par brdungs nas su/ /mnyam zhing zug rngu med par bya/ /der ni chu dang lci ba yis/ /dkyil 'khor sa ni legs par byug /de nas phyogs bcu'i sangs rgyas kyis/ /gzung zhing bla re la sogs bri/ /spos chus brlan pa'i lag pa yis/ /nye snying bzlas pas sa la reg /rdo rje yi ni rang bzhin bsam/ /lhag gnas yan lag cho ga'o/ /de nas dgongs ka'i dus su ni/ /chu dang mchod yon dri chab spos/ /me tog dang ni 'bras bu dang / /bsang gtor dang ni mar ma dang / /lha bshos gos dang bcur 'gyur te/ /dur khrod brgyad dang bcas pa yi/ /'jig rten pa la gtor ma dang / /sa yi lha mo'i mchod gtor dang / /tshogs 'khor ji ltar 'byor ba dang / /na bza' nyi shu rtsa lnga dang / /bla re ba dan maN+Dal dang / /slob dpon rdzas brgyad ldan pa yis/ /yan lag bzhi pa'i sgrub thabs bzhin/ /rim pa bzhin du bsgoms nas ni/ /maN+Dal steng gi dri thig le/ /me tog bkram la khro bo ni/ /'dod pa'i rgyal po sa lha mo/ /ser mo phyag gnyis bum pa thogs/ /ro stod sa nas 'thon pa ni/ /bkug nas mchod yon zhabs bsil dbul/ /dam tshig phyag rgya brtan nas su/ /bstod dang gsol ba gdab par bya/ /lha yi dbang po lhan cig pa'i/ /bdud sde rgyal bas bcom pa yi/ /dpang por lha mo khyod ni gyur/ /de phyir khyod ni mchod par bya/ /lha yi mchog gis phyag byas pa/ /bdag gi mchod pa 'di bzhes shig /ji ltar rgyal bas byang chub phyir/ /bdud kyi sde ni mi bzad pa/ /stobs dang ldan pas bcom pa ltar/ /slob ma rnams ni dbang bskur phyir/ /de bzhin du ni bdag gis kyang / /bdud kyi sde ni gzhom par bgyi/ /gang yang phyogs bcu'i sangs rgyas dang / /dri mdag dang bral ba yi/ /byang chub sems dpa' ma lus pa/ /de rnams nyid kyis bskyang bar mdzod/ /dkyil 'khor dbang bskur ba yi phyir/ /mchog gi snying rjes bskyang bar mdzod/ /de rnams kun la gsol btab nas/ /de nas rnam bcu'i mchod pa dang / /gtong ma phul la gshegs su gsol/ /de nas sgrub pa'i grogs kyis su/ /rigs drug gi ni bstod pas bstod/ /seng ldeng mkhrang ba'i rang bzhin gyi/ /phur bu bdud rtsi 'khyil par bskyed/ /skud gdags phur pa'i gsang sngags bzlas/ /de nas sngags dang phyag rgya yis/ /dkyil 'khor snying gar bsdu bar bya/ /rkang gnyis hUM las rdo rje dang / / mig tu nyi ma zla ba bsam/ /langs nas dkyil 'khor dbus 'dug ste/ /khro bo'i dbyangs kyis bstod pa bya/ /de nas bgegs la bka' bsgo bya/ /gsang ba'i rgyud las 'byung ba yi/ /stang stabs ji tsam nus pa bya/ /de nas bsrung ba'i 'khor lo ni/ /dpal kye rdo rje phyogs kun nas/ /gnas pa yi ni bdud kyi tshogs/ /ma lus pa ni nges par bsreg /rdo rje gsum gyi ra ba gsum/ /sa yis 'khor bar song ba yi/ /sa 'og gnas dang nam mkhar ro/ /rdo rje khang pa brtsegs ma yin/ /dbus su 'dam skyes nyi ma'i khru/ /lte ba dang ldan gdan la ni/ /dus dang lag pa'i khru ru 'gyur/ /de yi steng du bdag nyid ni/ /dri ma dang ni bral ba nyid/ /'khor lo'i dbus su khro dbang po/ /phyag ni rgyal ba gnyis lhag pa/ /dus kyi zhal te rdo rje'i shugs/ /rnal 'byor pa yis bsgom par bya/ /phyi nas 'khor lo rtsibs bcu pa/ /phyogs dang mtshams su song ba yi/ /khro mo'i tshogs ni bsgom par bya/ /de nas sngar gyi phur bu ni/ /sngags kyis phyogs mtshams steng 'og gdab/ /de la dri dang bdug pa bya/ /lhag gnas sngon du 'gro ba'o/ /de nas dri yi chu dang ni/ /ba yi rnam lnga'i skyang nul bya/ /thig le nyi shu rtsa lnga dang / /me tog tshom yang de mnyam bya/ /de nas rang gnas lha gnas pa'i/ /rnal 'byor pas ni snying ga nas/ /dkyil 'khor la ni sprul par bya/ /de nas de la cho ga dang / /ye shes spyan drangs mchod bstod bya/ /dbang bskur nas de dgug gzhug bya/ /de nas chang dang bdud rtsi dang / /mchod pa rnam pa bcu po dang / /bstod pa rnam pa du ma dang / /na bza' ci 'byor dbul bar bya/ /go cha'i sngags kyis bsrungs nas ni/ /gnyis med ye shes las byung ba/ khyab bdag brtan g.yo'i bdag po ni/ /bcom ldan dus kyi 'khor lo gtso/ /sna tshogs yum gyis mgul nas 'khyud/ /nyi shu rtsa lnga pa yi 'khor/ /ma lus bdag la dgongs su gsol/ /slob ma rnams la phan pa dang / /khyed rnams la yang mchod pa'i phyir/ /rdo rje can bdag 'di zhes pa'i/ /nang par dkyil 'khor bri bar bgyi/ /rjes su brtse bar nyer dgongs te/ /kun gyis byin gyis brlab tu gsol/ /de ltar lha ni lhag byas nas/ /bum pa lhag par gnas par bya/ /de yang rnam rgyal bum pa ni/ /rgya ru brgyad gnyis so sor gsum pa/ /dpangs su sor tshad bcu phrag gnyis/ /mchu ni sor gnyis ske sor drug /shel lam dngul gyi bum pa ni/ /ri bong 'dzin pa ltar dkar ba/ /yang na tha mal bum pa ni/ /'bras la sogs pas kha dog bsgyur/ /bum pa rnam pa bcu la ni/ /rigs kyi mtshan ma rnams bkod la/ /sman dang 'bru rnams gzhug pa ni/ /dri yi sman gyi re mig tu/ /rim pa bzhin du sman gyi grangs/ /mig dang zla ba la sogs chas/ /tshangs ma la sogs lnga lnga la/ /tshangs ma khyab 'jug ma drag mo/ /dbang phyug ma dang dbang chen mo/ /dpang mo dpal mo phag mo dang / /gzhon nu ma dang rgan byad ma/ /sa mo chu mo me mo dang / /rlung mo mkha' spyod ma de bzhin/ /ma dang sring mo bu mo dang / /tsha mo rang rmongs ma de bzhin/ /bram ze mo dang rgyal rigs mo/ /rje'u rigs mo dang dmangs rigs mo/ /g.yung mo de bzhin shes bar bya/ /sman 'di yis ni dngos grub che/ /spyod dang grol ba rab tu ster/ /'bras dang mon sran gre'u dang / /mon sran dkar dang tsan+dan dkar/ /til nag lnga pa dang po yin/ /kro tra 'bras sngon sran ma dang / /til dkar gro ni gnyis pa yin/ /mu tra yu tri pu yungs smug /nas sran ma sha gsum pa yin/ /sran chung yungs kar dkar po dang / /ka kun tri bi ka ra dang / ba ra tsi ka bzhi pa yin/ /a ta shi dang par ti/ /ba la rgya sran tsan+dan nag/ /de ni lnga par bkod pa yin/ /de nas rin po che yi rigs/ /bram ze rgyal dang rje dmangs dang / /mthar skyes rigs kyi rdo rje'o/ /de nas in+d+ra bar ka /chu shel ke ke ru ma rgad/ /dang po'i lnga tshan bstan ba yin/ /lcags dang gser dngul zangs khro chu/ /khab len lnga tshan gnyis pa yin/ /mu tig byu ru mthing shing dang / /ka sha ma ni shad a ru/ /lnga tshan gsum par bkod pa yin/ /yu dza dza pa dzA ti dang / /do ba ri ga 'ba' ha ri ta/ /lnga tshan bzhi par bkod pa yin/ /lnga pa 'khor los sgyur ba yin/ /lha klu'i nor bu kha dog lnga'o/ /'byor ba med na kha dog lnga/ /me tog lnga ni gzhug par bya/ /ljang gu rnam rgyal bum par gzhug /sngon po rgyal dang rnam rgyal la/ /nag po shar me'i bum par ro/ /dmar po lho dang bden bral lo/ /dkar po byang dang dbang ldan du'o/ /ser po nub dang rlung du'o/ /thams cad cha dbyes bcug nas ni/ /rigs mthun gos kyis mgrin pa bcing / /g.yas su pad+ma'i steng bzhag nas/ / shU n+ya tA yis stong par bsam/ /de nas haM las gzhal yas khang / /baM las 'o ma'i rgya mtsho bskyed/ /hrIHlas pad+ma 'dab brgyad la/ /hUM las lha rnams bskyed par bya/ /cho ga gong ma 'dra ba las/ /nag por shar gyi lha tshogs bskyed/ /gzhan yang de bzhin shes par bya/ /de nas bgegs bskrad ye shes dgug / dbang bskur yig gsum byin brlabs la/ /mchod bstod gong ma bzhin du bya/ /tshon skud bum pa'i steng bzhag nas/ /thun gcig par du bzlas par bya/ /de nas bum pa bsdus nas su/ /gos kyis bkab nas zhal bzhis bsrung / /de ltar bum pa lhag gnas nas/ /sbyin sreg lhag par gnas par bya/ /grong khyer gyi ni dbus nyid dang / /byang dang dbang ldan mtshams su'o/ /thag khung khru gang zlum po la/ /zabs su khru phyed brko bar bya/ /mchu ni thab khung bcu gnyis cha/ /de yi nyis 'gyur kha khyer ro/ /kha khyer dpangs la mchu yi phyed/ / nang du pad+ma 'dab ma brgyad/ /tshon rtsi dkar pos bri bar bya/ /phyi rol pad+ma'i 'dab ma la/ /ku sha yis ni dgram par bya/ /de yi mtha' yi nub tu ni/ /nges pa kho nar bya ba ni/ /rab gsum la sgo gcig pa/ /slob dpon gyi ni bdag nyid ni/ /mnyam pa kho nar bya ba yin/ /sngar gsungs mchod pa bcu pa ni/ /rim pa bzhin du bsham par bya/ /n+ya gro d+ha dang 'o ma can/ /bsreg pa'i shing ni mda' yi brgya/ /til dang yungs kar la sogs dang / /dUr ba'o ma la sogs dang / /nas gro ma sha zhu ba'i rdzas/ /bil ba ta rka dzA ti dang / /'bras bu u du m+WA ra'i shing / /nags kyi lcug ma la sogs dang / /shel phreng gser dang gos dang ni/ /sha lnga bdud rtsi lnga dang chang / /tshogs kyi 'khor lo'i rdzas rnams bsags/ /de nas de rjes nyid la ni/ /dag pa rnam gsum bya ba nas/ /yan lag bzhi pa gzhung bzhin bsgom/ /snying gar sngags rnams kun bkod nas/ / bzlas brjod mes ni sdig pa sbyang / /rang nyid dkyil 'khor bar snang du/ /bzhag nas khams gsum stong par bsam/ /be ram la sogs ri rab la/ /thug pa rim pa bzhin du bskyed/ /de dbus b+hUM las me thab kyi/ /'khor lo rim pa bzhin bsams nas/ /de dbus re las me dkyil 'khor/ /gru gsum pa ni bsam par bya/ /de dbus baM las chu dkyil 'khor/ /zlum po dbus su me dkyil 'khor/ /dbus su rang gi mtshan ma bsam/ /zur gsum la ni yig gsum bsam/ /logs su hi yi yi ge bsam/ /de rnams gyur las me lha ni/ /zhal gcig phyag gnyis mdog dkar ba/ /g.yon pa thab khung pad+ma'o/ /g.yas na bgrang phreng dbyug pa'o/ /bzang po ser skya ral ba can/ /spyan ni ser skya na bzar bcas/ /zla ba'i steng du bsgom par bya/ /de ltar dam tshig bskyed nas ni/ /khro bo lha mos bsrung nas ni/ /dri yi chus kyang bsang bar bya/ /de rjes me lha spyan drangs te/ /me lha spyan drang phyag rgya dang / /oM e h+ye hi ma hA b+hU ta de ba r-i shi te dza ma nu r-i Shi hi twa ut+ta ma hA rasmi hi to b+ha be badzra d+hA ra A dz+nyA pa ya ti swA hA/ /chu dang bcas pa'i me tog gi/ /mchod yon nyid ni me lha la/ /de yi sbyor dang ldan pas sbyin/ /bstod pa yang ni byas nas su/ / dzaHdang lcags kyu'i phyag rgyas drangs/ /hUM dang rdo rje yis ni gzhug /baM dang zhags pa'i phyag rgyas bcing / /hoHdang dril bus dgyes par bya/ /de nas bum pas dbang bskur la/ /snang ba mtha' yas dbu la bsam/ /de nas mchod yon dbul ba ni/ /oM pra ba ra sat+kA ra ma hA ra smi pratI ts+tsha swA hA/ artsa ma na pa tIts+tsha swA hA/ badzra d+hU pa pra tIts+tsha swA hA/ badzra buSh+pa pra tI ts+tsha swA hA/ badzra dI pa pra tI ts+tsha swA hA/ badzra nai bi d+ye pra tI ts+tsha swA hA/ badzra lA s+ya pra tI ts+tsha swA hA/ badzra hA s+ya pra tI ts+tsha swAhA/ /badzra bA da pra tI ts+tsha swA hA/ badzra gI tI pra tI ts+tsha swA hA/ badzra kA me pra tI ts+tsha swA hA/ de yang gsung pa/ me ni rnam pa gsum yin te/ /kun bsreg khyim bdag yon gyi me/ /khyim bdag zla ba'i lce la ni/ /oM a na la sarba b+hU ta dz+wa la ya sarba b+has miM ku ru sarba dza na du Sh+TA na hUM phaT/ me ni gso phyir dgang blugs sbyin/ /de nas bgegs ni brtag par bya/ /tseg tseg sgra dang ro yi dri/ /ba lang ma go sogs mi dge ba'i/ /mtshan ma yin par shes par bya/ /gdugs dang dpal be'u chu shel dang / /dri zhim mtshan ma sogs zhes bya/ /mi shis pa ni phyir bzlog bya/ /mchod sbyin gyi ni lag pa yis/ /mthe bong gis ni me yi khar/ /rdo rje yan lag phung sogs kyang / /bsreg pa ru ni rab tu bya/ / oM AHhUM ho haM k+ShaHswA hA/ huM hUMHhri hri hri swA hA/ a A i I r-i r-I u U l-i l-I aM aHswA hA/ a A e ai ar Ar o au al a la aM aHswA hA/ ha hA ya yA ra rA wa wA la lA haM haHswA hA/ de rnams 'od la dbul bar bya/ /oM ag+na ye swA hA/ mar ni zhal du dbul bar bya/ /oM sarba saM pa de swA hA/ 'bras chan zhal du dbul bar bya/ /oM a pra ti ha ta badzrA ya swA hA/ oM badzra A d+yu She swA hA/ ku sha dUr ba spyi gtsug tu'o/ /oM ma hA be ge swA hA/ oM badzra g+ha sma ra ye swA hA/ oM badzra bi dzA ya swa hA/ oM ma hA be gA ya swA hA/ oM badzra mu ta ye swA hA/ nas dang gro dang so ba dang / /ma sha 'bras ni zhal du'o/ /'o ma la sogs zhu ba'i rdzas/ /me yi sngags kyis zhal du'o/ /oM ma hA she pA ya swA hA/ bil ba dang ni sta rka'o/ /dri ni thugs ka me tog dbu/ /spos ni 'od la mar me bdun/ /mchod yon 'thor 'thung phyag tu'o/ /bdud rtsi zhal dang rin chen dbu/ / phreng ba phyag dang sku la sogs/ /de ltar me lha mchod nas ni/ /me ni gsang la 'od du zhu/ /de yi dbus su ye shes kyi/ /'khor lo cho ga bzhin du bskyed/ /ye shes sems dpa' spyan drangs la/ /mchod bstod dgug gzhug go bskon nas/ /dbang bskur nas ni sngon bzhin du/ /sbyin sreg rgyas par dbul ber bya/ /tshogs kyi 'khor lo rgyas pa yang / /ye shes me la dbul bar bya/ /de nas khyad par sbyin sreg ni/ /oM b+hur b+hu ba swAH/ na mo de be b+h+yaHswa sti pra dzA b+h+yaHswA hA/ rA dza b+h+ya swA laM pra ti b+h+yaHa laM b+hu de b+h+yaHba Sha Ta in+d+ra ya/ 'bras khrol chu dang bcas pa yi/ /ji tsam nus ba'i sbyin sreg bya/ /slar la 'bras bsreg phyir dor la/ /me lha'i snying gar ye shes me/ /gnyi ga gsal bar dmigs nas ni/ /gong bzhin sbyin sreg rgyas par bya/ /dri dang spos kyang gong bzhin sbyin/ /de nas rang gi snying ga ru/ /dkyil 'khor pa ni gshegs su gsol/ /rdzas kyi lhag ma bsdus nas ni/ /me lha la ni sbyin sreg bya/ /de nas yon bdag g.yon du gzhag /me lha'i zhabs drung thal ba yis/ /dpral bar thig le byas nas bstod/ /'jig rten dbang phyug tshangs pa mchog gi sras/ /me lha'i rgyal por yongs su dbang bskur ba/ /shes rab mchog gis nyon mongs thams cad sreg/ /'dzin byed me lha nyid la rnam par 'dud/ /rang gi pad+ma'i snying ga ru/ /ye shes me ni gshegs su gsol/ /oM dzaHgats+tsha gats+tsha swA hA/ rasmi sarba saM tri ba to ho pu na ra ga mi sha si di pa s+ye yad+ha trA na ya mi swA hA/ dam tshig gdan rnams rim bzhin thim/ /de ltar lhag gnas byas nas ni/ /cho gas gtor ma lhag gnas bya/ /de ltar gtor ma lhag byas nas/ /gzhan don slob ma lhag gnas bya/ /snod ldan slob ma khrus byas te/ /gtsang ma'i gos bgo maN+Dal bya/ /me tog thogs la gsol ba gdab/ /phyag 'tshal la sogs bdun bo dang / / sdom pa gsang ba bla med sbyin/ /de nas smon lam gdab par bya/ /rdo rje dril bu phyag rgya dang / /bla ma yang ni spyi bo ru/ /gzung bar bgyi'o rdo rje yi/ /rin chen gyis ni sbyin pa sbyin/ /rgyal ba mchog gi dam tshig ni/ /bskyang bar bgyi'o 'khor lo yi/ /ral gri yis ni mchod par bya/ /chu las skyes pa'i rigs kyis ni/ /sdom pa yang ni sbyin par bya/ /sems can rnams ni grol ba'i rgyur/ /rgyal ba bskyed pa'i rigs kyis ni/ /byang chub sems ni bskyed par bgyi/ /kun rdzob don du brtul zhugs rnams/ /rab mchog gis ni lam song ba/ /de bzhin de rnams sbyin par bya/ / 'tshe dang brdzun smra gzhan bud med/ /gzhan nor de bzhin chang 'thung spang / /sdig pa lnga po 'di dag ni/ /'khor par rdo rje zhags pa ste/ rang gi rigs ni 'joms par byed/ /gang zhig gang gi dus su ni/ /sum cu pa dang mi'i bla ma/ /de yi ming gis sbyin par bya/ /sna tshogs bdag po'i bka' 'di ni/ /srid pa yi ni 'jigs 'joms pa/ /khyod kyis kyang ni bskyang bar bya/ /cho lo bsad zas kha na ma thor bcas/ /chig ni ngan par smra ba dang / /'byung po lha dang lha min chos/ /ba lang bud med skyes pa rnams/ /sum cu ba dang mi'i bla ma/ /lnga ni bsod nams mi bya'o/ /sum cu pa dang mi'i bla ma/ /dge 'dun dang ni sangs rgyas dang / /yid ches pa dang byang chub dang / /grogs dang dpon la 'khu mi bya/ /dbang po rnams ni chags med bya/ /'di ni sring pa'i bdag po yi/ /brtul zhugs nyi shu rtsa lnga'o/ /brgya la g.yo sgyu'i dbang gis ni/ /rtsa ba'i ltung ba byung gyur na/ /dmyal ba yi ni sdug bsngal myong / /bu yi rtsa ba'i ltung ba ni/ /dpal ldan bla ma'i thugs sun phyung / /ri bong 'dzin pa nyid du 'gyur/ /de yi bka' las 'das pa gzhan/ /gnyis pa nyid ni de bzhin du/ /spun la khro ba gsum pa'o/ /byams pa dor ba lnga ru 'gyur/ / grub pa'i mtha' smod drug pa'o/ /yongs su ma smin sems can la/ /gsang ba ston pa gzhan bas ring / /phung po nyon mongs brgyad par 'gyur/ /dam pa'i chos la mi dad pa/ /slar la yang ni dgu ba'o/ /rgyu yi byams pa phyogs su 'gyur/ /ming sogs bral ba'i bde ster ba/ / rtog pa drag po ru ni 'gyur/ /dag pa'i sems can la skyon brjod/ /nyi ma ru ni 'gyur ba yin/ /dam tshig rnyed pa 'dor 'dod pa'o/ /bud med kun la smod pa ni/ /yid nyid kyi ni dgra ru 'gyur/ /rdo rje'i theg la gnas rnams kyi'o/ /slob ma skad cig lhar bskyed nas/ /slob ma la ni bsrung bya ste/ /spyi bo snying ga de bzhin du/ /spyi gtsug lte ba mgrin pa dang / /dpral ba gsang bar rgyal ba sogs/ /gnyi ga'i rigs su song ba'o/ /sku gsung thugs kyi rdo rje'o/ /nges par byin gyis brlab par bya/ /de la rnam bcu'i mchod pa bzhin/ /so shing dor dang srung skud bcing / / byams pa'i go bskon gtsug tor bskyed/ /rmi lam brtag pa'i ku sha sbyin/ /de nas slob ma gshegs su gsol/ /thig skud rdo rje rdul tshon nyid/ /shar dang gshin rje chu lha ru/ /byar du rdo rje dril bu'o/ /de nas dkyil 'khor snying gar bsdu/ /bdag nyid ma la sar rmi lam brtag /ngan na phyir bzlog cho ga bya/ /bcu gnyis pa la thig gdab cing / /'dod pa yid kyi nyi ma la/ /dpal gyi rdul tshon nyid ni bri/ /nyal dbang rnams rdzogs par ni/ /mchog gi bla mas sbyin par bya/ /bdud bcom pa yi nyi ma la/ /de yi mtshan mo rgya la ba yi/ /rigs ni rab tu gnas par bya/ /mtshan mo gzhan la rab gnas min/ /srad bu khru ni brgyad 'gyur la/ /lag pa'i nas kyi tshad tsam du/ /gcig tu bsgril ba'i sum bsgril la/ /slob dpon mthe bong nas kyi tshad/ /lam ni rnam pa gsum song ba/ /srad bu gcig go gzhan ni med/ /a sogs ka sogs gcig pa nyid/ /rang gi snying ga'i pad+ma la/ /zla ba nyi ma me stengs su/ /ri bong can dang dregs pa ni/ /g.yas brkyang ba yi zhabs kyis mnan/ /shes rab rje btsun snying pad+mar/ /nyi ma zla ba brtsegs pa yi/ /rang rang rdo rje lcags kyu yis/ /sangs rgyas lha mo rnams bkug ste/ /thig skud chad pas slob dpon 'chi/ /phyogs 'khrul slob ma rnams ni 'chi/ /mthun dang mi mthun rkang ba yis/ /thig gdab par ni bya ba min/ /shes rab thabs kyi yan lag dbus/ /me dang rlung du song ba yi/ /dbung gi dbus su sbrul 'dra ba'i/ /dkyil 'khor mtshams rga la de sbang bya/ /tshangs pa'i thig nas thig gdab nyid/ /nor dang dus kyi tshad kyis ni/ /phyogs kyi cha la rab tu sbyin/ /thugs kyi dkyil 'khor bdag nyid ni/ /sor mo phyed kyi cha ru gsungs/ /'khor lo pad+ma'i bdag po ste/ /lha mo la sogs gdan rnams kyi/ /sum 'gyur du yang gsungs pa yin/ /tshangs pa'i gnas su nyi re'u mig /slar la yang ni zla ba yis/ /ka ba rdo rje ra bar gsungs/ /sangs rgyas la sogs chu skyes bzhis/ /phyi ru ri bod can gyis ni/ /rdo rje'i phreng bar rab tu 'gyur/ /sangs rgyas lha mo'i bar bar du/ /sor phyed gsum gyi re'u mig la/ /bum pa'ang thod pa'i gdan du 'gyur/ /de yi gnas su rdul tshon las/ /nyin mo byed pa la 'gyur te/ re khA gsum gyi mthar thug par/ /phyogs dang mtshams kyi re'u mig bzhi/ /pad+ma rnams la zla nyi ma/ /de bzhin dril sogs rnams kyis/ /sor phyed bzhi chas re khA gsum/ /dus dang de bzhin ro yis ni/ /sgo dang sgo khyud de bzhin du/ /sor phyed drug las 'gram dang logs/ /kha khyer chen po ka ba'i phyed/ /de yi phyed kyis nor bu yi/ /rang bzhin pha gu 'ba' zhig 'gyur/ /nyis 'gyur dra ba dra phyed ba/ /sgo yi rtsa ba'i phyi rol du/ /sor phyed drug gi sum 'gyur gyis/ /ka bar bcas pa'i rta babs 'gyur/ /thig las mtha' ru spang bar bya/ /de yi phyi rol 'byung ba bzhi/ /yang ni spros don ma yin pa/ /gcig bzhi gnyis bzhi gcig nyi ma/ /dus dang ro dang rtse mo can/ /me dang dus dang dus kyi phyed/ /dus la drug gi rab phyed dang / /dus drug dang ni ro rnams kyi/ /nges par cha yi rim pa yis/ /lte ba'am ni snying po nas/ /chu skyes pad+ma yang de ni/ /ka ba rdo rje phreng ba dang / /pad+ma rdo rje phreng bar 'gyur/ /sgo dang sgo khyud la sogs pa'i/ /sa ru de 'og 'gyur ba dang / /ka bar ba kha khyer dang / /slar la yang ni de 'og tu/ /pha gu dra ba dra phyed pa/ /me long la sogs snam bu sa/ / mi yi bdag por gyur ba dang / /rta babs kyi ni cha rab gsungs/ /de ltar thig gi las zin nas/ /tshon gyi las ni rab tu bya/ /rdo rje la sogs rdul tshon lnga/ /gser dang pad+ma rA ga dang / /byu ru mu tig la sogs pa/ /'bru yi khyad par dag dang ni/ /nor bu'i khyad par mang po yi/ /phye ma rdul tshon de bzhin du/ /thig bzhin byin rlabs cho ga bya/ /phyogs kyi cha yi tshon gyi sar/ /mi yi bdag po rdul tshon gyi/ /sangs rgyas dbye bas bri bar bya/ /ser po dkar bo dmar sogs kyis/ /sa dang chu dang me rlung ni/ /rim pa bzhin du bri bar bya/ /shar gyis ni dpal nag go/ /nyi ma lta bur lho ru'o/ /nub tu gser du snang ba ste/ /byang du ri bong 'dzin dkar po/ /rdo rje 'dzin zhal dbye bas so/ /dkar po dmar po nag po'o/ /rim pas yongs su bris nas so/ /kha khyer pha gu dra ba'i sa/ /pad+ma zla ba nyi ma'i mdog /dri med ri bong can 'dra dang / /dmar po nag po ne khA gsum/ /dbus su pad+ma 'dab ma brgyad/ /ljang gu A li lta bu'o/ /ka ba rdo rje phreng bar 'gyur/ /dbang ldan bden bral me rlung du/ /zla ba nyi ma dag gi mdog /nag po ser po dmar po yis/ /dung dang gaN+DI nor bu dang / /ljon shing dang ni de bzhin du/ /bum pa dkar po pad+ma yi/ /steng du zla ba dmar po ni/ /'gyur ro nyin mor byed pa ni/ /pad+ma dkar po'i steng du'o/ /pad+ma dkar po'i lte bar lha/ /ri bong 'dzin pa'i gdan la ni/ /lha mo rnams ni gnas par 'gyur/ /pad+ma dkar po'i lte ba la/ /nyin mor byed pa dgod pa yi/ /lha rnams phyogs su gnas pa na/ /phyi ru rdo rje phreng bar 'gyur/ /gtso bo'i pad+ma'i dbang gis ni/ /kha khyer dag ni mdog dkar po/ /ba ku li dang ka ba ni/ /gser dang 'dra ba ser por 'gyur/ /rta babs kha dog sna tshogs so/ /sbom pos nad ni skyed par byed/ /phra mos nges pa kho nar ni/ /nor nyams mtshan ngan ri mo spang / /chad pas 'chi zhing yon po yis/ / mi rnams skye bo'i bdag pos skrod/ /de bzhin mtshan ma nyi ma'i bdag /srid pa yi ni 'jigs 'joms la/ /sngags pa rnams ni dngos grub med/ /rdul tshon 'dres na rigs ni 'chad/ /rgyal rigs dkyil 'khor la ni bya/ /rgyal ba nges pa kho nar ster/ /rgyud kyi nang du gang ma gsungs/ / mtshan ma mdzes pa'i ched du ni/ /dkyil 'khor du ni de mi dgod/ /rgyal bas rigs ni shes med pas/ /de nyid bdud kyi mtshan ma'o/ /de phyir rgyud gsungs mtshan ma ni/ /rigs kyi dbang gis bya bar 'gyur/ /dkyil 'khor sgo yi bar du ni/ /dra ba dra phyed bar de bya/ /sa dang rlung gi dkyil 'khor la/ /pad+ma bum pa sogs byis brgyan/ /nag po la sogs rdul tshon rnams/ /bzhi cha 'phel bar 'gyur ba ste/ /nas gcig par du mtho ba'o/ /rab rnams ni mtho 'gyur te/ /nyin mor byed dang ri bong can/ /re khA gzhan ni nyis 'gyur te/ /dkyil 'khor 'di ni mtho ba ru/ /mi yi bdag por 'gyur ba yin/ /dra ba dra phyed mthar thug dang / /sa dang chu dang byin za dang / /phyi rol rdo rje'i phreng gnas gcig /oM gyi ye shes las skyes par/ /rgyal ba dam pa'i pad+ma yi/ /nyi ma zla ba'i gdan stengs su/ /a sogs ka sogs stong bar bcas/ /srid pa gsum ni bskyed pa yi/ / yum ni gzhag par bya ba yin/ /stong ba a dang tsheg drag dang / /gzhan ni dbyangs dang bral ba'o/ /sku gsung thugs kyi rdo rje ni/ /yang dag 'byung phyir sngags skye gnas/ /mchog tu bde ba byed pa yi/ /ye shes rdo rje bzhi pa'o/ /hUM ni kha dog sna tshogs pa/ /rgyal po'i bdag po'i pad+ma yi/ /zla ba nyi ma me steng du/ /dbang ldan bden bral gyi ni mtshams/ /rtse mo can dang rlung du ni/ /sku dang gsung dang thugs chags pas/ /haM sogs bum pa brgyad kyi'o/ /shar gyi pad+mar i yig ste/ /me yi pad+ma ru song ba/ /yi ge I ni ring po nyid/ /gshin rje bden bral r-i yig gnyis/ /shar dang nor sbyin phyogs song ba/ /thung dang ring ba'i u yig go/ /chu dang rlung gi mtshams su ni/ /gzhan yang pad+ma ru song ba/ /thung dang ring ba'i l-i yig go/ /nag po dmar po dkar po dang / /gser ni btso ma lta bu ni/ /zhal gyi dbye ba yod pa yis/ /shar gyi sgo yi g.yas dang ni/ /rtse mo can gyi pad song ba/ /ring dang thung bde bzhin nyid/ /gshin rje ru ni bden bral du/ /de bzhin du ni a ra ni zung / /nub dang rlung du A la ni zung / /gnod sbyin 'phrog mar o au'o/ /lha dang chu lha gshin rje yi/ /sgo yi g.yon dang gnod sbyin bcas/ /aM dang a yi rim pa yis/ /gzhan yang ya ra wa la dang / /sgo yi pad+mar rlung la sogs/ /shar gyi sgo dang g.yas min par/ /khro bo dag gi gdan du ni/ /ri bong 'dzin par 'gyur pa ste/ /g.yas dang nub tu nyi ma yang / /pad+ma dag gi steng du ni/ /gdan gnyis dag tu rab tu 'gyur/ /shes rab thabs kyi rab dbye bas/ / pad+ma'i steng du zla ba dang / /nyi ma yang ni gdan du 'gyur/ /g.yas dang rgyab tu nyi mar 'gyur/ /lha yi bdag por gnod sbyin du/ /zla ba yi ni gdan du 'gyur/ /thung dang ring po'i sde tshan drug /rang bzhin yon tan dbang gis na/ /kha khyer ka ba'i logs su'o/ /dri sogs rnams ni rim pa bzhin/ /rang gi rigs kyi sar song ba/ /shar gyi cha nas rang phyogs su'o/ /de ltar bris pa zin pa dang / /de nas rdzas rnams bsag par bya/ /rdo rje dril bu la sogs pa/ /slob dpon gyi ni rdzas rnams dang / /gdugs dang rgyal mtshan la sogs pa/ /dkyil 'khor gyi ni rdzas rnams dang / /de rjes mchod pa'i yan lag rdzas/ /re re nyi shu rtsa lnga dang / /khyad par tshogs kyi mchod pa'i rdzas/ /chang dbang bdud rtsi la sogs pa/ /ci 'byor ba ni bsags par byas/ /bsrung ba mda' dang phur bu dang / /yungs kar phur bu tshon skud do/ /sgrub pa bum pa rnams dang yang / /sbyin sreg rdzas dang gtor ma'o/ /bsod nams bsog pa'i rdzas dag ni/ /rin chen bdun dang rdzas brgyad dang / /bum pa 'dod 'jo nor bu dang / /'dod pa'i yon tan rnam pa lnga'o/ /rdzas ni ji tsam 'byor ba'o/ /de nas dgongs kyi dus su ni/ /dkyil 'khor sngags kyis bslang byas la/ /rang gi 'khor lo sbrul dang bsre/ /lha rnams ma lus tshang bar bsgom/ /de nas shar du las kyi ni/ /he ru ka yi gzugs kyis dbye/ /tsham dam sngags kyis bstod pa dang / /saman+ta zhes sngags kyis ni/ /bgegs bskrad lhag dang mtshang bskang / /lha la me tog phreng ba dor/ /sngags kyi mtshan ma khang pa'i nang / /shel gyi bum pa dkar po la/ /skud pa sna lngas dkris pa ni/ /zur du yang dag gzhag par bya/ /slob dpon 'khor lo'i shar du ni/ /gnas nas sdig pa bshags sogs dang / /dkyil 'khor rgyal po mchog dang ni/ /las kyi rgyal po'i mchog la ni/ /rigs gtso pad+ma las skyes pa'i/ /byung ba khro bo'i rgyal po yis/ /ye shes 'khor lo bkug nas ni/ /mchod yon dang ni mchod pa bcu/ /lha rnams kun la rgyas byas la/ /dzaHhUM baM hoHlcags kyu sogs/ /rim bzhin yongs su bskyed pa yis/ /dgug gzhug bcing dang dgyes byas nas/ /rdul tshon dang ni ro mnyam pa/ /dbang gi ched du bya ba yin/ /de nas bum pa thams cad la/ /bzlas pa lha re brgya byas la/ /mchod dang lha rnams zhu bar bya/ /zhu ba'i chu yis dkyil 'khor la/ /dbang bskur rim pa bzhin byas la/ /de nas bdud rtsi lnga rnams ni/ /lha rnams sngags kyis dbul bar bya/ /hUM yig ye shes sa bon ni/ /snying po yang ni chen po ste/ /brtsegs pa'i yi ge gzhal du bcas/ /haM la sogs pa go cha drug /nye ba yi ni snying po 'di/ /sku yi rdo rje dang por ldan/ /phreng ba'i sngags ni de bzhin gzhan/ / las kyi dbye ba du ma yis/ /rnam pa mang po ru ni 'gyur/ /de bzhin 'khor gyi sngags kyis kyang / /bdud rtsi lnga ni dbul ba yin/ /de nas gong gsungs sreg blugs kyis/ /lha rnams kun la sbyin sreg sbyin/ /de nas mchod pa thams cad ni/ /dbyangs dang bstod sgra ldan pas ni/ / rin chen gser dang chu me tog /rnam pa sna tshogs pa dang ras/ /dri dang spos dang mar me dang / /dril bu me long bla re dang / /'bras bu sna tshogs pa la sogs/ /gar dang rol mo la sogs pa'i/ /mchod pa sna tshogs byas nas ni/ /gong gi gtor ma rgya chen sbyin/ /de ltar mchod pa'i las zin nas/ /de nas slob ma gzhug pa ni/ /khrus dang dri yis rjes byugs shing / /lus la gos ni ser byin te/ /mig ni dar gyis bkab nas su/ /yol ba'i rgyab tu bzhag nas ni/ /bsang chu dang ni dris lan bya/ /rgyal rnams la ni deng bdag nyid/ /'khor ba mi bzad 'jigs pas na/ /sku dang gsung dang thugs dag pa/ /srid pa yi ni 'jigs sel ba/ /khyed kyi zhabs kyi pad+ma ru/ /skyabs su lhag par 'gro bar bgyi/ /gser dang bcas pa'i me tog gis/ /maN+Dal dag ni byas pa yin/ /de ltar gsol ba btab nas ni/ /yol ba'i nang du bsdu bar bya/ /byin gyis brlabs pa'i phyag bzhi dang / /bdun po rnams dag rdzogs par bya/ /de nas smon lam gdab pa ni/ /rdo rje dril bu phyag rgya dang / /bla ma yang ni spyi bo ru/ /gzung bar bgyi'o rdo rje'o/ /rin chen gyi ni sbyin pa sbyin/ /rgyal pa mchog gi dam tshig ni/ /bskyab par bgyi'o 'khor lo yi/ / ral gri yis ni mchod par bya/ /chu las skyes kyi rigs kyi ni/ /sdom pa yang ni bskyang bar bgyi/ /sems can rnams ni grol ba'i rgyur/ /rgyal bskyed byed rigs kyi ni/ /byang chub dag ni bskyed par bgyi/ /de nas dam tshig rdo rje sbyin/ /snying ga yi ni zla ba la/ /hUM las rdo rje bkod nas ni/ / byang chub sems ni bskyed par bgyi/ /de nas lha dang slob dpon gyi/ /dam tshig rab tu bsgrag par bya/ /lce la rgyal ba mchog gi ni/ /dam tshig gi ni bdud rtsi bzhin/ /sbos ni dbab pa'i don du'o/ /hUM gi sngags ni gcig pu dang / /a ra la dang lhan cig tu/ /khro bo yi ni rgyal ba bskul/ /de yi mtshan nyid rgyud na gsal/ /dbab pa pad+ma'i steng la ni/ /spyi bo snying ga spyi gtsug dang / /lte ba mgrin pa gsang ba ru/ /rgyal ba rigs kyi sar son pa/ /rdo rje gsum gyis bsrub pa bya/ /de nas rigs ni dag bya'i phyir/ /oM sarba zhes bya ba yi/ /dpal kyi sngags kyis mngon bsngags te/ / lag pa'i pad+ma sbyar byas la/ /me tog gcig ni rab tu sbyin/ /dang po bskor ba gsum byas te/ /lag pa'i pad+mo sbyor byas pa'i/ /me tog dkyil 'khor du ni dor/ /gnas gang du ni lhung ba ni/ /de yis rigs so'i mi bdag kye/ /dbye ba'i sngags kyis mig ni dbye/ /de nas rigs kyi lha dang ni/ /gtso bo la sogs pa ni bstan/ /'jug pa bdun ni mi'i bdag go/ /de nas dbang bskur bya ba ni/ /slob ma shar gyis ru ni/ /cho ga bzhin du lhar bskyed nas/ /rigs ni dag par byas nas ni/ /de nas byang gi sgo ru ni/ /rgyal po klu dang bzhi yis te/ /rgyal dang rnam rgyal bum pa dang / /lha mo rnams kyis bkrus pa ni/ /sgrol ma la sogs pa ru 'gyur/ /cod pan sangs rgyas rab dbye bas/ /bla ma mchog gis sbyin par bya/ /de ltar sku ni dag byas la/ /lho ru gsung ni dag par bya/ /dar dpyangs nus pa rnams yin no/ /rdo rje dril bu nyi zla dag / de nas shar du brtul zhugs ni/ /dbang po rnams la sbyar ba'o/ /ming ni khro bo byams sogs dag /der ni nub kyi sgo du ni/ /rgyal ba'i bdag pos nges par ni/ /sngags dang bcas pa'i gnang ba sbyin/ /rdo rje dril bu rab sbyin te/ /rab mchog gi ni snying rje yis/ /dag pa'i chos ni bstan par bya/ /rigs gtso rigs kyi nges par ni/ /srog bcad pa ni bya ba yin/ /ral gri mi bden bar smra ba'i/ /rin po che yis gzhan nor dbrog /pad+mas gzhan gyi bud med dbrog /chang dang mar me sangs rgyas dang / /yul ni du ma ma lus dang / /'khor lo yis ni bsten par bya/ /gri gug g.yung sogs bud med kyi/ /mkha' yi pad+ma smad mi bya/ /sems can rnams kyi don gyi phyir/ /nor bcas lus ni sbyin par bya'o/ /khyod kyis zhen par mi bya'o/ /bskal ba dpag med rgyal bas gsungs/ /sangs rgyas nyid de gzhan du min/ /min par 'gyur ro rigs kyi bu/ /chu ni sgrol ma sogs lha mo/ /cod pan 'dir ni rgyal ba rnams/ /dar dpyangs nus pa rnams yin no/ /rdo rje nor bu nyi ma zla/ /brtul zhugs yul ni dag par 'dod/ /ming ni byams pas sogs la sbyor/ /gnang ba rdzogs pa'i byang chub thob/ /srid pa yi ni 'jigs pa sel/ /dus kyi 'khor lo rdo rjes shes pa'o/ /'di dag dbang ni bdun yin no/ /nyon mongs dri ma sel bar byed/ /dkyil 'khor du ni rab sbyin bya/ /dbang bdun bskur bas sa bdun gyi/ /dbang phyug tu ni grol bar 'gyur/ /bum pa gsang ba'i dbang bskur bas/ /yang ni phyir mi ldog pa sogs/ /nges pa kho nar 'jug par bya/ / shes rab ye shes kyis srid pa'i/ /'jigs sel 'jam dpal dbyangs su 'gyur/ /rtsa ba'i ltung bas dmyal bar bsreg /ltung ba dag pas dbang bdun la/ /gnas pa yon tan gyis sbyang bya/ /bum pa gsang gnas brgyal ni/ /brtul zhugs pa yi dbang gis te/ /rtsa ltung byas nas slar yang ni/ /dag phyir dkyil 'khor 'jug par bya/ /gnang thob tshogs nang 'jug pa na/ /slar yang rgan nas gzhon spang ngo / /de nas sngags kyi dbang bskur sbyin/ /dbang bdun gyi ni cho ga'o/ /da ni bum pa'i dbang bskur ba/ /bdag ni bde gshegs kun gyi lam/ /dpal ldan bla ma khyed kyi ni/ /bka' drin gyis ni bdag 'tshal lo/ /bla ma khyed dang sangs rgyas dang / /byang chub sems dpa' ma gtogs par/ /slob dpon gzhan ni mnyes mi bgyi/ /de ltar gsol ba btab nas ni/ /dkyil 'khor phyi ru maN+Dal bya/ /re khA lnga yis spras pa yi/ /dbus su pad+ma 'dab brgyad bya/ /de ru slob pa ma bzhag nas ni/ /brgyad dang de bzhin bzhin yis ni/ /bum pa nor bu gser gyi 'am/ /sa las byung ba rin chen bcas/ /sman dang dri dang ldan pa yi/ /rgyal dang rnam rgyal bum pa yis/ /shing stegs dbus su bkru bar bya/ /klu yi dpal gyi cod pan bcings/ / nor gyi dpal gyi 'dab ma la/ /bzhi yis bkru dang dar gyis bcings/ /phyag rgya dpal bum gcig gis te/ /'dir ni pad+ma dang bral zhing / /ri mo lnga ni rnam par spangs/ /dang po chu la sogs pa yis/ /dge bsnyen du ni 'gyur ba yin/ /bum pa yis ni dge tshul 'gyur/ /gsang dbang dge slong du 'gyur te/ /gnas brtan 'gyur ba gong ma'i rgyu/ /de nas rdor gsum phyag rgya sbyin/ /khyab 'jug thugs su bya ba'i phyir/ /phyag rgya drug lnga cod pan sbyin/ /tshangs pa'i sku phyir mchod phyir thogs/ /dbang phyug gsung du bya ba'i phyir/ /rang gi rgyal po'i rigs dbang gis/ /der ni phyag rgya sbyin bar bya/ /de ltar sku gsung thugs dbang dang / /lung bstan dang ni dbugs dbyung dang / /mig thur nyon mongs spang ba dang / /me long ye shes dbang dang ni/ /chos dang phrin las gnang ba dang / /slob dpon gyi ni las rnams dang / /dam tshig rnams ni bsgrag par bya/ /de ltar dbang bskur zin nas ni/ /rab tu gnas pa tsam du bya/ /steng du bla re bres nas ni/ /sa yi steng gi gnas dag tu/ /kun nas ming yig gsum bri'o/ /de rnams mtshams su gzhag par bya'o/ /nor bu gser gyi bum pa rnams/ /chu bcas gang pa pad+ma'i khar/ /gser gyi snod dang dngul la sogs/ /yang na dngul las byung ba la/ /dri yi chu ni gzhag par bya/ /nang du gser las byung ba'i stegs/ /nges pa kho nar gzhag par bya/ /de ru khrus ni brtsam par bya/ /me tog la sogs dris bdugs la/ /nyi ma med la bsros pa yis/ /lha rnams la ni byug par bya/ / phye ma rnams kyis mnyes nas ni/ /sbrang rtsi zho dang mar rnams dang / /'o ma'i chu yis bkru bar bya/ /grub pa'i don du mar me dang / /'bras bu sna tshogs mchog gis bya/ /'di ru byas pa zin nas ni/ /gnas de nas ni bskyod par bya/ /de ni gnas nas bskyod byas nas/ /sku la na bza' dmar pos ni/ /yang dag par ni dgab par bya/ /dpal gyi dkyil 'khor mtha' ru ni/ /sa mnyam gnas su rgyal ba yi/ /ri mo lnga ni bris nas su/ /dbus su pad+ma 'dab ma brgyad/ /rang gi rigs kyi phyogs song ba/ /mtshan ma lnga yis brgyan pa yi/ /de yi dbus su gzhag par bya/ /lha dang lha mo'i sku gzugs kyi/ /zhal ni pad+ma logs su bya/ /mchod rten la sogs glegs bam dang / /de bzhin du ni bris sku la/ /de la sngags pa kha phyogs bya/ /rgyal ba mchog dang lhan cig tu/ /sku gsung thugs kyi rdo rje ni/ /stong pa'i rang bzhin du zhes bya/ /phyi nas sngon gsungs rnal 'byor la/ /zla ba nyi ma me skyes la/ /dus kyi 'khor lo bsgom par bya/ /rig ma lha mo rdzogs sangs rgyas/ /A li kA li rigs skyes shing / /rang rang sa bon las skyes rnams/ /snying ga mgrin pa lte ba dang / /spyi bo spyi gtsug 'khor lo ru/ /rigs kyi dbang gis bsgom par bya/ /de bzhin du ni bsgom bya ba/ /slar la yang ni lha rnams ni/ /ma lus pa yi rang lus la/ /ye shes sems dpa' bkug nas ni/ /gnyi ga mnyam par bya ba'o/ /khro bo'i rgyal po rang lus la/ /gzhug dang bcing dang mnyes pa dang / /ro mnyam bya phyir lha rnams bstim/ /de nas slob dpon nyid kyis ni/ /lha rnams zhal bsil phyag ni bya/ /lha dang lha mo rnams kyis ni/ /sa bon a sogs ka sogs dang / /rang rig yon tan gyis song ba/ /snying gi dbus su sa bon te/ /zla ba nyi ma sbyangs pa yi/ /sku dang gsung dang thugs su ldan/ /sum cu rtsa gnyis mtshan ldan zhing / /lus ni ma lus par son pa'i/ /mkha' brgyad gsal byed rnams ni 'god/ /de nyid dbyangs kyis phye ba ni/ /glegs bam rnams kyi yi ge dang / /'dab ma la ni rnam par dgod/ /mchod rten nang du dpal 'khor lo/ /me dang nor bu pad+ma yi/ /dbus su ral gri'i ri mo'o/ /hUM las gyur pa'i bgrang phreng ni/ /ri lu yongs su bgrang ba ni/ /gsal byed rnams kyi mtshan nyid do/ /dril bu'i lus la dbyangs rnams te/ /bcu yi sum 'gyur byas pa yi/ /ka sogs sde tshan rdo rje ma/ /mchod phyir thogs la sogs pa dang / /gong ma bcu yis bgrangs pa yi/ /gsal byed rnams ni sgrol byed la/ /ka sogs sde tshan gug skyed bcas/ /nam mkhar ro dang yon tan rnams/ /rnal 'byor rang la bsgom par bya/ /ha hA dpal gyi rna cha la/ /wa ni zung gcig mgul do dang / /ske rags dag la dgod pa'o/ /de bzhin yi ge ya ni zung / /gdu bu dag la dgod par bya/ /g.yer kha rnams la ha hA gnyis/ /rnam pa lnga yi stong pa ni/ /lus ni ma lus par khyab pa'i/ /thal ba yang ni bsgom par bya/ /rang lus ye shes rnam pa 'o/ /rigs gsum gtso bo lhan cig pa'o/ /phung po khams sogs kun la sogs/ /rang gi snying gi pad+ma ni/ /sa bon so so'i rim pa yis/ / lha rnams dgod par bya ba ni/ /mchod rten lder sol sogs la/ /sa bon bkod pas rab gnas 'gyur/ /rang gi lus las bon dbab/ /lag pa la ni rigs kyi gtso/ /sdud pa yi ni dus su min/ /ri mor bris pa'i bris sku rnams/ /'di ru me long la ni khrus/ /byas nas dri dang spos dang ni/ / dri zhim me tog gis mchod bya/ /glu dang gar dang rol mo dang / /gos kyi mchog ni sna tshogs pa/ /rnga yab gdugs rnams kyis ni mchod/ /de ltar rab gnas byas nas ni/ /dri yi mchog ni sna tshogs pas/ /dge 'dun la ni ston mo bya/ /khron pa rdzing dang mtshe'u dang / /phyogs bzhi mtshams ni bzhi po ru/ /klu yi rgyal po rnams ni dgod/ /mtshon bdun rang gi sa bon ni/ /sbrang rtsi chu dang ldan pa yi/ /pa yi lnga ni gzhug par bya/ /sbyin sreg mthar ni rdzing sogs su/ /chu lha dkar mo phyag na ni/ /zhags pa bsnams pa bsgom par bya/ /skyed mos tshal dang dpag bsam shing / /yang na kun du bskyed pa'i shing / /shing gcig pa la gtor bar bya/ /de nas rab gnas zin pa dang / /dam pa yi ni man ngag gis/ /rdzogs pa'i dbang rnams rim bzhin sbyin/ /ci 'byor pa yi tshogs 'khor dang / /dpa' bo yi ni ston mo bya/ /srid pa rnam pa gsum song ba'i/ /'jig rten gsum gyi sems can yang / /ye shes lcags kyus bkug nas ni/ /snying rjes dkyil 'khor du dbang bskur/ /sangs rgyas bdud rtsi'i rdo rje yis/ /lus ni zla ba lta bur 'gyur/ /rdo rje can gyi lam rnyed nas/ /rang gi gnas su gtang bar bya/ /nyon mongs pa dang bral ba las/ /byang chub spyod pa rjes su gzhol/ /de nas dkyil 'khor mdun du ni/ /slob mas yon gyi tshogs rnams dbul/ /lus kyi nang gi drug cha ni/ /lag pa rkang pa dag dang lus/ /yan lag mchog ni sbyin pa dag /slob dpon la ni rab phul na/ /bde ba'i go 'phang thob par 'gyur/ / phyag rgya bzang mos rjes su dbye/ /las kyi dbang po rnams las tshig /dbang po rnams kyi nang nas yid/ /yon dang bcas pa dbul bar bya/ /khams kyi nang nas cha drug pa/ /rkang pa gnyis dang phyugs kyi tshogs/ /de kho na yi cha gzhan ni/ /cod pan dar dang do shal dang / /gdu bu yang ni de bzhin te/ /rna cha ka bo che la sogs/ /slob dpon la ni rab phul zhing / /rang gi nus pas yon rnams ni/ /dbul lo mi yi bdag po kye/ /ma lus tshogs kyi rigs la yang / /bsod nams rgyu ru dbul ba ni/ /gzhan gyi don du smon lam gdab/ /bsod nams 'di yis sems can rnams/ /bcom ldan rnam pa gsum gyis ni/ /bla med byang chub thob par shog /de nas bzod par gsol ba ni/ /rang gi snying ga'i pad+ma ru/ /ye shes sems dpa' gshegs su gsol/ /pad+ma'i bar gyi rdul tshon rnams/ /chu bo gtsang mar bsgyur bar bya/ /dam pa dang po'i rgyud rgyal mthong nas bdag gis ni/ /rim bzhin rjes su sbyar gyis rang bzor byas pa min/ /slob ma dam pas gsol btab dor byas kyi/ /nga rgyal la sogs grags pa'i dbang gis min/ /bdag gis cho ga 'di byas pas/ /blo dang ldan pas rtogs pa dang / /byed po dge ba spel ba dang / /bstan bcos rnyed dang ldan par shog /dpal yid du 'ong ba'i phreng ba zhes bya ba/ dpal dus kyi 'khor lo'i dkyil 'khor gyi cho ga /dus kyi zhabs chen po dam pa'i snang ba dang ldan pas mdzad pa rdzogs so// //paN+Di ta chen po ba ni shrI dang / lo tsA ba chings yon tan 'bar gyis bsgyur ba'o// //