<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
D1347: bsdus pa'i rgyud kyi rgyal po dus kyi 'khor lo'i 'grel bshad/_rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba<br><table><tr><td>
<input type="button" onclick="location.href='tcompletep.php?id=D1347&coll=TD&volcur=0';" value="show page break" />
<td width=150><td>
<input type="button" onclick="location.href='tcompletel.php?id=D1347&coll=TD&volcur=0';" value="show line break" />

<td width=150><td>
<a href="tcompleteu.php?coll=TD&id=D1347&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 2 volumes<br><br><span style="color:red;border: 2px solid red;border-radius: 5px;padding:3px;">volume 1</span> - <a href="tcomplete.php?id=D1347&coll=TD&volcur=1">volume 2 </a>- <br><br>@##/ /rgya gar skad du/ bi ma la pra b+hA nA ma mU la ta n+t+rA nu sA ri NI dwA da sha sA ha sri kA la g+hu kA la tsa kra tan+t+ra rA dza TI kA/ bod skad du/ bsdus pa'i rgyud kyi rgyal po dus kyi 'khor lo'i 'grel bshad/ rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces
 bya ba/ dpal dus kyi 'khor lo la phyag 'tshal lo/ /stong nyid snying rje'i bdag nyid can/ /srid gsum skye dang 'jig pa med/ /shes dang shes bya gcig pa'i sku/ /dpal ldan dus 'khor la phyag 'tshal/ /rnam par bcas kyang rnam med bcom ldan 'das ma shes rab
 ma ste de yis 'khyud/ /skye 'jig spangs pa'i 'gyur med bde ba dang ldan bzhad pa la sogs bde ba spangs/ /sangs rgyas rnams kyi skyed mdzad sku gsum dag dang ldan zhing dus gsum yang dag rig /kun mkhyen mchog gi dang po'i sangs rgyas bcom ldan gnyis med de nyid la
 phyag 'tshal/ /sangs rgyas seng ge'i khrir bzhugs rdo rje'i rnal 'byor rnam par dag pa srid pa gsum gyis mchod/ /de nyid gcig pu sku yi rab tu dbye bas rnam pa bcu drug srid med srid par gnas/ /shes dang shes bya gcig gyur rgyal ba mchog gi dam tshig yan lag rnam pa
 bcu gnyis kyi/ /bden don byang chub sems ni rgyal ba'i rdo rje'i tshig gyur dus kyi 'khor lo la phyag 'tshal/ /kun mkhyen ye shes sku ni rgyal ba'i bdag po'i lhan cig skyes dang de bzhin chos kyi sku/ /longs spyod rdzogs dang sprul pa'i sku yang nyin byed sku dang pad+ma'i 'dab ma rgyas
 pa'i spyan/ /rnam par thar dang sku gsung thugs chags srid 'das 'byor pa rnal 'byor dag pa shes rab dang / /thabs ni gnyis med gang zhig lha mi lha min gyis bstod dang po'i sangs rgyas de la 'dud/ /ye shes stong nyid ye shes kyis/ /legs dag rnam dag 'gyur ba med/ /
 sems ni mtshan med ye shes kyis/ /legs dag gnyis med chos bdag nyid/ /dag ni smon med ye shes kyis/ /dag pa gsang sngags mi zad sgra/ /de bzhin mngon par 'dus ma byas/ /ye shes kyis dag dri ma med/ /shes rab thabs kyi bdag nyid sbyor/ /dbyibs
 sku rdzu 'phrul bgrod pa can/ /de bzhin gshegs pas rdo rje sems/ /byang chub sems dpa' sems dpa' che/ /dam tshig sems dpar gsungs pa gang / /dngos dang dngos med zad pa'i gtso/ /thog mtha' med cing zhi ba yi/ /byang chub sems de la
 phyag 'tshal/ /sprul pa yi ni sku gsung thugs/ /ye shes gcig sbyor sdom pa dang / /longs spyod rdzogs pa'i sku gsung thugs/ /ye shes gcig sbyor sdom pa dang / /dpal ldan chos kyi sku gsung thugs/ /ye shes gcig sbyor sdom pa dang / /lhan cig skyes pa'i
 sku gsung thugs/ /ye shes gcig sbyor sdom pa ni/ /sad rmi gnyid stug bzhi pa yi/ /dbang po gnyis skyes bde min zhing / /ye shes sems dang ngag dang lus/ /gnas bzhir yang dag mi gnas te/ /las kyi phyag rgya yongs dor zhing / /ye shes phyag rgya rnam par spangs/ /
 phyag rgya che las yang dag skyes/ /lhan skyes gzhan dang 'grogs pa min/ /rnam rtog bsgom pa las 'das pa/ /phyag rgya chen po mi 'gyur bde/ /gzung dang 'dzin pa dbyibs dag dang / /rtog dang brjod pa rnam par spangs/ /dri za'i grong khyer rnam pa dang / /pra phab pa yi rang
 bzhin can/ /thabs dang shes rab bdag nyid sbyor/ /e waM yi ge de la 'dud/ /phra rab rdul gyi chos nyid 'das/ /pra phab pa yi rang bzhin can/ /rnam pa kun gyi mchog ldan ma/ /phyag rgya chen mo de la 'dud/ /sangs rgyas kun gyi skyed mdzad ma/ /skye ba dang ni 'jig pa
 spangs/ /kun du bzang po'i spyod pa can/ /sna tshogs yum de la phyag 'tshal/ /A li kA li snyoms 'jug dang / /hUM phaT yi ge sogs spangs kyang / /'gyur ba med las 'khrungs pa'i sku/ /dus kyi 'khor lo de la 'dud/ /kun mkhyen ye shes sku zhes pa/ /khyab bdag nyi ma lta bu'i
 sku/ /pad+ma'i 'dab ma rgyas pa'i spyan/ /de nyid bcu drug dbye ba las/ /sku bzhi'i bdag nyid sangs rgyas ni/ /rdo rje seng ge'i gdan bzhugs pa/ /lha dang lha min gyis bstod sngon/ /zla bzang gis gsol de la 'dud/ /ngag dang ye shes gcig sbyor rgyal ba mchog gi dam tshig
 thugs dang chos ni gcig tu sbyor/ /gsung dang longs spyod rdzogs pa gcig sbyor srid gsum gyis mchod sku dang sprul pa rnal 'byor te/ /shes dang shes bya gnyis med srid 'das 'byor pa 'di ni rdo rje sems dpa' rnam pa bzhi/ /rdo rje'i rnal 'byor thabs dang shes rab bdag nyid lha mi lha
 min gyis bstod de la 'dud/ /zhabs gcig rdo rje nor bur rdul dang nyi ma dang / /gnyis pa gtsug tor khu ba ri bong can la ni/ /rtag tu mi chod dbyer med 'dod par bkod gyur pa/ /'jig rten gsum gyis mchod pa'i gtso la spyi bos 'dud/ /rlung me chu dang sa yi dkyil 'khor lhun po pad+ma
 dang / /zla nyi dus me'i steng du dbang phyug dang ni bdud kyi mgor/ /zhabs ni srid pa'i yum gyi zhabs dang lhan cig bkod gyur pa/ /lha yi dbang pos btud pa'i gtso la spyi bos phyag 'tshal te/ /de ltar rdo rje'i rnal 'byor gang zhig dpag med bde gshegs rnams kyis bsten cing bstan pa
 dang / /byang chub sems dpa' rdo rje mchog 'dzin gsang sngags rig pa kun gyis yang dag brjod gyur pa'i/ /'gyur med mchog gi bde ba rnal 'byor de ni dus kyi 'khor lor blun po bdag brjod 'dod/ /mkha' la myur 'gro mkha' 'gro'i bdag po 'gro ste 'dab chags gzhan pa 'gro ba
 min nam ci/ /gang du rang gi lus la srid pa mtha' dag sngags bcas pa/ /gsal bar A li thig le 'dzin pa rgyal ba'i dbang pos gsungs/ /chu gter chen po der ni rkyal ba'i slad du rab zhugs pa/ /de la gal te pha rol bdag phyin rgyal ba'i mthu yin no/ /gang phyir gsang bdag
 la gsungs mchog gi dang po'i sangs rgyas las/ /stobs bcu pa yis bsdus pa'i rgyud ni sngon du lung bstan pa/ /de phyir dus kyi 'khor lo bsdus pa'i rgyud 'di ka lA par/ /'jam dpal gyis ni thub pa mtha' dag rnams la nges par bstan/ /'grel bshad stong phrag drug cu pa/ /zla ba
 bzang pos bris pa gang / /theg pa kun don gsal byed de/ /pad+ma dkar po bdag gis ni/ /rtsa ba'i rgyud kyi rjes 'jug cing / /gzhung ni stong phrag bcu gnyis te/ /rdo rje'i tshig 'byed dang bcas pa/ /bsdus pa'i rgyud la bri bar bya/ /rgyal bas gsungs pa'i cho gas dbang mchog blangs nas
 rgyud 'di'am ni bsdus pa yi/ /rgyud rgyal ma lus thos nas yang dag ye shes lam la gnas pa'i rnal 'byor pas/ /khengs dang longs spyod 'byor pa du ma btang nas sems ni bla mar gtad byas te/ /sangs rgyas nyid kyi slad du gtso bo'i 'grel bshad gzhan phan spyod pa
 mnyan par bya/ /mngon shes med gang dpal ldan rdo rje theg pa la gnas bstan bcos du ma yi/ /rnam rtog chos kyi snying dang mkhas pa nyid kyi dregs ldan 'grel bshad chen po dag /byed pa de ni glang chen long ba myos bzhin dgra yi rgyud ni rgyal ba'i slad/ /gang gnas de yis rang gi rgyud ni
 nyams byed 'di ni rtag tu bdud kyi gnyen/ /mkhas pa'i mngon pa'i nga rgyal dang ldan rgyal bdag gsung ni mi shes ngang tshul rtag long bas/ /theg mchog 'grel bshad byas te long ba gzhan dag lhung du bcug nas dmyal bar rab 'jug pa/ /'gyod pa dang ni srog gcod la sogs mi dge'i lam
 la bud med bde bas sems drangs shing / /dpal ldan shes rab bde nyams rdo rje'i tshig bcom phyi yi longs spyod dag gis zil mnan pa'o/ /gang zhig ston pa nyid kyis lung bstan rgyal bdag bde ster rdo rje theg par mtha' dag ni/ /'grel bshad dag dang bsdu ba mdzad pa rdo rje mchog
 'dzin bdag 'dra'i byang chub sems dpa' ste/ /de dag 'dir ni lha dang lag 'gro mi rnams smin pa'i don du sangs rgyas mthur smra la/ /gang dag mngon shes lnga med de dag bdag cag rgyal dbang yin zhes bden pa min pa smra/ /ma 'ongs dus na rtag tu rtog ge la sogs bstan bcos la
 gtad sna tshogs blos/ /sangs rgyas pa yang gzhan gyi rtog ge dang phrad dbang gis log pa 'byung 'gyur te/ /rtog ge la gtad de yis 'dod pa'i yul la lam ni ston par byed pa gang / /de dag nyid kyi blo ngan skyon ni 'joms byed 'grel bshad bdag gis bri bar bya/ /chags bral med
 pa'i 'dod chags mtha' yas chu la zhe sdang sbrul dang chu srin dkrigs/ /gti mug klong ni rab mang 'gro 'ong nor dang dpal la brkam pa'i rba rlabs can/ /'gyod sogs gsod pa la sogs las kyi rta gdong 'khor mo sgra drag srid pa yi/ /chu gter la ni dpal ldan rdo rje theg pa'i 'grel bshad
 rtag tu mnyan pa ste/ /shes rab rlung gi dar gyis myur 'gro myang 'das pha rol don gnyer chen po rnams/ /dam pa'i bde bas myur du rgal bar byed slad de ni lam gyi 'dren ma dang / /nyon mongs bdud tshogs 'joms pa mkhas pa'i yang dag ye shes yid bzhin nor bu ste/ /'jig
 rten gsum gyi bdag po nyid ster 'di ni kun du ston par byed pa'o/ /gang zhig phung po la sogs sgrib pa rab bcom yul ni pra phab brgyad lta bu/ /kun mkhyen bde ster de nyid gcig pu rdo rje 'dzin pa'i phyag rgya chen mo ste/ /de bor sangs rgyas nyid slad nor la chags shing 'khyog po'i snying
 ldan brtags ma dag / gang gis sten byed rnam brtags blo can de yis de yang 'pho ba thob par byed/ /'dod chags nyams las sdig ste gang phyir shin tu sdug ma las ni zhe sdang skye/ /sdang las gti mug 'di las rang gi rdo rje lhung las sems ni rtag rmongs te/ /mchog min ma lus
 bza' dang btung ba la sogs yul gzhan dag la rab tu 'jug / de yis sems la co dris bde ba nyams shing skye ba drug tu 'khor bar 'gyur/ /kun mkhyen lam don gnyer ba rnams la sgra dang sgra min rnam dpyad chen po med/ /sna tshogs yul skad ngan pa yis kyang chen po rnams kyi lam la
 rtag tu 'jug / sems can rnams kyi mos pa'i sems kyi dbang gis thams cad mkhyen pa'i gsung gzhan la/ /lung ston dag la lha klus bkod pa'i sgra sogs rtsod pa don gnyer rnams kyi gzhan/ /yul gyi skad dang zur chag sgra las kyang / /rnal 'byor ldan pas don ni 'dzin byed de/ /
 chu la 'o ma nges par zhugs pa de/ /dad pas rab tu phyung nas 'thung bar byed/ /don dam de nyid yul la rtag tu ni/ /chen po rnam dag tshig la rton pa min/ /yul gyi ming rnams kyis ni don shes la/ /bstan bcos sgra dag gis ni ci zhig bya/ /gang zhig zur chag sgra dang sgrar gyur bas/ /
 brjod pa de nyid ye shes ma yin zhing / /gang zhig 'gro ba dag la nyi tshe ba/ /de ni thams cad mkhyen pa'i gsung ma yin/ /mchog tu mi 'gyur bzhi pa de nyid ni/ /sangs rgyas rnams kyi shes rab ye shes te/ /gang zhig de ni slar yang de bzhin 'di/ /rang gi phyag rgya chen mor rgyal bas
 gsungs/ /shes rab 'grogs las gang gi dkar po zag /de yi bde ba ci yis 'phel bar 'gyur/ /dpyid dang 'grogs la me tog ma rgyas pa/ /ltung ba tsu ta'i 'bras bu ci yis 'byung / /gang gis 'gyur med ma thob sdug bsngal can/ /de ni 'gyur ba dang
 bcas bde ba tshol/ /thams cad chu ni tshol byed tsA ta ka /skom par gyur kyang sa la gnas pa min/ /'khor ba yi ni bde ba mi rtag pa/ /'thob pa min yang rmongs chen tshol bar byed/ /yang dag rgyal srid bde ba thob pa yang / /thar pa'i don du mkhas pas 'dor bar byed/ /ji ltar
 lo yi mtshams su rgya lam na/ /ri dgas zas can 'khrig pa'i bde ba tshol/ /rdo yi phye ma dag gi kha zas can/ /phug ron rnams ni rtag tu byed pa ste/ /lan cig rtag tu khu ba ltung ba'i phyir/ /gnyis ka la yang mchog gi bde ba med/ /de bzhin dka' thub can dang 'dod ldan la/ /
 rmi lam sad pa dag las 'dzag phyir ro/ /ji ltar gnyid log la yang sbrul gyi ni/ /sos btab mi 'tsho de bzhin dka' thub pa/ /khu ba sdud pa med phyir stobs med ma'i/ /skye gnas de yis nyams par byas pa'o/ /ji ltar rdo dreg skud pa'i gos dag ni/ /me yis bsregs pa nyid
 kyis dag 'gyur pa/ /de bzhin skyes bu rnams kyi dam pa yi/ /sems ni shes rab ye shes dag gis so/ /ji ltar dngul chu me yis reg pa las/ /'bros par byed kyi g.yo ba med mi 'gyur/ /de bzhin thabs dang bral ba'i khu ba ni/ /rtag tu skye gnas reg pa dag las so/ /ji ltar
 g.yo ba de yang sman sogs kyi/ /stobs kyis me dang phrad pas yang dag 'ching / /de bzhin khu ba shin tu rnal 'byor gyis/ /shes rab dag dang yang dag phrad pas so/ /ji ltar me ni shing la rtag gnas kyang / /gcad dang dbye ba'i thabs kyis mi mthong ste/ /gtsub shing gtsub stan lag pas
 gtsubs pa las/ /de la gnas pa dag kyang mthong 'gyur ba/ /de bzhin sems kyi 'od gsal rtog pa yi/ /sgom pa'i thabs rnams dag gis mi mthong ste/ /de nyid du 'di rkyang ma dag dang ni/ /ro ma gcig tu sbyor bas mthong bar 'gyur/ /sna tshogs rnam rtog la sogs lam gyis ni/ /
 de nyid de bzhin gshegs pas gang gsungs pa/ /bcu drug bzhi yi rab tu dbye ba can/ /lam dang bral bas 'thob pa ma yin no/ /bskyed pa'i rim par gsungs pa'i hUM dang ni/ /phaT yig la sogs rtog pa dang bral ba/ /rdzogs pa'i rim pa'i rnal 'byor de nyid de/ /de nyid kyi
 ni sgrub thabs gzhan yod min/ /du ba la sogs mtshan ma dag dang ni/ /srog rtsol dag gis dbu mar 'bab pa dang / /rig ma'i brtul zhugs dag gis rdo rje ni/ /ltung min de bzhin steng du khu ba ste/ /lam 'di dag gis sangs rgyas rnams kyi ni/ /bde ba mchog tu 'gyur ba med pa
 zhes/ /mngon par brjod pa'am pho nya mo kun gyi/ /lhan cig skyes pa rnal 'byor pas thob 'gyur/ /gzugs la sogs par rtog pa dkyil 'khor gyi/ /'khor lo bsgom pa goms par gyur pas ni/ /grub pa 'jig rten pa dag 'grub 'gyur te/ /'dod pa'i dngos grub chen po
 ga la zhig / gang zhig sems can rnams la brtse ba yis/ /gzhan don dge la rtag tu brtson pa yi/ /slob ma dag pa rnams la lam dag ni/ /bla ma dam pa'i drin lan 'byung ba yin/ /lam bzang rin chen 'di ni bag med kyi/ /sems can gzhan pa dag la byin pa na/ /rang khyim
 dgon pa dag tu rab zhugs la/ /yul ngan chom rkun rnams kyis 'phrog par byed/ /the tshom 'gyod pa dag dang gnyid dang ni/ /le lo rgod pa'i chom rkun rnams kyis kyang / /gnyen 'dun thibs po'i nang du zhugs pa yi/ /lam bzang rin chen dag ni 'phrog par byed/ /srog gcod
 ma byin gzhan gyi bud med dang / /brdzun dang tshig rtsub dag dang phra ma dang / /'khyal par gyur pa'i tshig dang brnab sems dang / /gnod sems lta ba ngan pa'i chom rkun dang / /yod pa'i sdig dang nye ba'i sdig pa dang / /gsod 'khu dbang po mngon par zhen pa ste/ /chom rkun lnga pa lnga
 po 'di dag gis/ /rin po che ni rtag tu 'phrog par byed/ /shin tu bza' dang btung ba sna tshogs dang / /longs spyod du ma'i chom rkun de dag gis/ /brtson 'grus ldan du zin kyang bag med cing / /brgyal bar gyur pa nyid la 'phrog par byed/ /rang nyid kyis ni yongs su ma brtags par/
 /rin thang chen por gyur pa yin ma yin/ /shes par bya phyir g.yon can gzhan la ston/ /de yi tshig gis rin chen 'dor bar byed/ /gang dag rin chen bzang po rig pa rnams/ /rin chen chen po yongs su rtog tu gzhug /de dag rnams kyi rnam dag tshig gis ni/ /rang
 gi rin chen rnam par shes par bya/ /rdzogs sangs rgyas dang byang chub sems rnams dang / /pha dang ma dang bu mo sring mo dang / /bu dang spun zla 'dod pa'i chung ma yi/ /gzugs rnams dag gis bdud ni bgegs byed do/ /de phyir bla ma dam pas gnang ba yi/ /lam bzang rin chen
 dag ni slob ma yis/ /chom rkun rtsa lag yongs su btang byas te/ /'bad pas shin tu legs par sba bar bya/ /dpa' bo'i rim pa bdag byin brlab pa yi/ /rim pa dag kyang thar pa'i lam ma yin/ /shin tu rnam dag rim pa gcig pu ni/ /thar pa'i slad du sangs rgyas rnams kyis
 bstan/ /mtshams med lnga po dag ni byas pa rnams/ /dbang don bde ba nyid ni gang zhig gis/ /thabs dang shes rab bdag nyid rgyud dag la/ /rgyal ba'i dbang pos yang dag gzung bar gyur/ /dpa' bo'i rim pa phyi rol la min te/ /lus la srog zad nyid la 'di gsungs so/ /
 bdag byin brlab pa dag ni stong pa la/ /khams gsum po ni mthong bar gyur pa'i mtshan/ /'khor ba snying po med de zad gyur pa/ /de las skyes bu'i sangs rgyas nyid 'bras te/ /chu shing gi ni 'bras bu smin pa dang / /chu shing nyams pas yang dag 'byung ba bzhin/ /sdig pa dang ni shing srin
 sems can rnams/ /gang las byung ba de dag de nyams byed/ /de bzhin rnal 'byor dag gi sems de ni/ /sgyu ma rnam par nyams par byed pa yin/ /gnyis med g.yo ba med dang rigs med dang / /'dod dang mchog tu mi 'gyur 'dod chags che/ /dngos dang dngos po med pa med pa dang / /
 ye shes dang ni sems dpa' kun du bzang / /nyon mongs med dang nyon mongs chen po dang / /lhan skyes dpal ldan byang sems thig le 'dzin/ /dpal ldan dus kyi 'khor lo rdo rje dang / /thabs dang shes rab bdag nyid rnal 'byor ro/ /snying rje dang ni stong nyid sku/ /dus ni kun rdzob
 gzugs can ma/ /stong nyid 'khor lo zhes brjod de/ /dus kyi 'khor lo gnyis med 'dod/ /'di yi dpal ni myur thob slad/ /rtag tu rnal 'byor ma rnams zhabs/ /rnal 'byor gang zhig sgom pa de'i/ /bgegs ni rtag tu nyams par 'gyur/ /dgra dang seng ge glang chen dbang po me
 dang ltos 'gro'i bdag dang chom rkun zhags pas 'ching / /chu gter 'khrug dang sha za 'chi ba'i 'jig byed nad dang dbang po'i nye bar 'tshe ba dang / /dbul dang bud med dang bral mi bdag 'khrugs pa'i 'jigs dang rdo rje ltung dang nor nyams rnams/ /gang zhig rnal 'byor ma rnams
 zhabs ni gsal bar dran byed de la rab tu nyams par 'gyur/ /glang chen shing rta rta dang rab tu mang ba'i mi mchog thams cad lus la go bgos shing / /lag na mdung dang 'khor lo ral gri mda' gzhus dgra rnams kyis ni g.yul du 'joms byed pa/ /'chi ster drag po'i gzugs
 can phyogs dang mtshams son dgra de thams cad rang gi mtshon gyis ni/ /bcom ste rgyal ba'i grags pa gang zhig rnal 'byor ma rnams zhabs dran byed pas kun nas 'thob/ /kun nas seng ge'i sgra sgrogs shin tu rnam par 'gyur ba'i bzhin ldan mche ba rnon po gtsigs/ /rnga ma g.yo zhing
 sder mo gug la brtan pas glang chen myos pa'i klad pa rab tu 'gems/ /rab khros nyi ma 'char ka'i mig can ro 'dzin ral gri g.yo ba'i gsod 'dod ral pa can/ /gang gis rnal 'byor ma rnams zhabs dag 'jigs 'phrog dran pa de la ring du 'gro bar 'gyur/ /mdog sngo mig ni ser skya
 'gram pa gnyis po myos pa'i chu bo rab tu mang bas gang / /rnam mang ljon pa mchog rnams rtsad nas 'byin zhing rab tu grugs byed 'brug bzhin sgra dag sgrogs/ /lag pas bcing ba byas nas so yi rtse mo dag gis 'byed byed rab mchog glang po'i bdag /gang gis rnal 'byor ma rnams
 zhabs dag 'jigs 'phrog dran pa de yi lus ni gtong bar byed/ /kun nas me lce rab 'bar phyogs dang mtshams su du ba kun gyis mun pa chen po gtibs/ /grong dang dgon pa dus gcig sreg cing skar mda' ltung ba bzhin du me stag 'phro bar byed/ /sems can rnams la dus kun
 du ni 'chi ba'i 'jigs byed phyogs kun khyab par gyur pa'i me/ /gang gis rnal 'byor ma rnams zhabs dag 'jigs 'phrog dran pa de la bsil ba nyid du 'gyur/ /khros shing mig sman sngon po'i mdog dang 'khyog por bgrod pa'i lus can drag po'i phaT sgra sgrogs/ /
 mche ba 'khyog po lce gnyis dang ldan 'chi ba'i 'jigs byed rlung gi shugs can rab tu gtum/ /drag po'i mig dang gdengs ka gsal byas yang dag phrad pa za bar byed pa'i gdengs can dbang / /gang gis rnal 'byor ma rnams zhabs dag 'jigs 'phrog dran pa de la rab tu nyams par
 'gyur/ /sdang ba'i sems ldan lag pa'i mthil na gzhu dang rna ba'i bar du mda' bkang mdung dang ni/ /'khor lo ral gri lag thogs phyogs dang mtshams su gnas pas dam pa'i lam gyis bkag nas/ /dgon par lam 'gron skye bo rgyu ba dang phrad 'joms byed drag po'i mig can
 chom rkun pa/ /gang gis rnal 'byor ma rnams zhabs dag 'jigs 'phrog dran pa de la ring ba nyid du 'gyur/ /lag pa dag ni zhags pas bcings shing rkang pa'i pad+ma zung ni lcags sgrog dag gis gtams/ /dge ba'i chu dang bral bas lce dang mgrin pa mchu skams lus po skem zhing
 bkres pas gzir/ /nyin mtshan dus su rje bo khros pa'i bka' yis kun du srung ma rnams kyis srung byed pa/ /gang gis rnal 'byor ma rnams zhabs dag 'jigs 'phrog dran pa de yang de las grol bar 'gyur/ /chu gter bzhon pa la zhon mtha' yas drag po'i rlung gis chu yi gter ni
 'khrug byed cing / /kun du 'khor bar byed la chu gter chom rkun chu srin nya yi rigs kyis bkag gyur te/ /me yi til mar gdug pas 'phangs pa me yi char chen kun nas rgyun du 'bab pa la/ /gang gis rnal 'byor ma rnams zhabs dag 'jigs 'phrog dran pa de yang de las pha rol 'gro/ /
 phaT ces 'jigs rung sgra sgrogs kha nas me 'bar lag na gri gug dang ni thod pa thogs/ /ro langs gdug pa'i sems ldan phyogs bcu'i dkyil 'khor dag la yang dag gnas shing 'jigs par byed/ /bkres pas gzir te sha dag za zhing mi khrag la dga' lus skams gos dang bral ba dag/ /
 gang gis rnal 'byor ma rnams zhabs dag 'jigs 'phrog dran pa de la srung ba byed par 'gyur/ /nyin bzhin 'khun zhing sor mo'i rtse mo zlum po nyams te sna dang mchu dang rna ba nyams/ /gdong dang mgrin pa rkang lag dag gi rma rnams las ni rnag rul mang po rab tu 'bab/ /rul pa'i
 dri nga'i mthu las gnyen bshes tshogs kyis shi ba'i lus bzhin yongs su btang gyur pa/ /gang zhig rnal 'byor ma rnams zhabs bzang dran byed nad kyis btang zhing 'dod dang ldan par 'gyur/ /'bar bcas mche rnon gdengs can 'phrog byed sha ra b+ha dang stag dang glang chen gdong ldan
 zhing / /lag na 'khor lo ral gri mda' dang rtse gsum lcags kyu rdo rje thogs pas phyogs kun du/ /byang chub bsam gtan gcig gzhol mchog bde la gnas sgrub pa po sdigs dbang po'i pho nya gang / /de dag rnal 'byor dbang phyug ma zhabs gang gi rang yid la byed de la nyams
 par 'gyur/ /dbyar ni nags nas grong gi bar du 'dam rdzab kyis gang lam dag la yang khur khyer zhing / /dgun ni gos dang bral bas kha ba'i lam du bgrod cing yul gzhan dag tu'ang 'gro bar byed/ /so ga chu med 'jigs bcas mya ngan lam du nyi ma'i 'od zer gyis gdungs dbul po gang / /rnal
 'byor ma rnams zhabs bzang sgom byed sdug bsngal de dag gis btang 'dod dang ldan par 'gyur/ /mchan khung mig dang rna ba sna dang kha lus brjod pa dag las mi bzad dri 'byung zhing / /bud med kun dang bral bas dus kun du ni dga' ba'i bde ba dang bral skal ngan te/ /mi dge 'bras bu'i
 dbang gis rtag tu bud med sdang bar gyur pa gang la de dag kun/ /rnal 'byor ma rnams zhabs ni bde ba mchog sbyin bsgoms pas skal bzang kha dog gzugs can 'gyur/ /'khus phyir g.yog 'khor gang la mi dbang 'khrugs te 'jigs pa'i gshin rje lta bur mtha' gcig tu/ /gsod pa
 la zhen 'chi ba'i 'jigs pa byed pa'i sde rnams myur du yang dag skul byed pa/ /rnal 'byor ma rnams zhabs ni 'jig rten gsum po kun gyi mgon dag rang yid la bsgoms pas/ /de dag rnams kyi de yang rab tu zhi zhing 'dod pa thams cad sbyin pas mchog sbyin 'gyur/ /gang dag 'ga' zhig
 tu ni mkha' las rdo rje rab ltung bud med 'grogs las rtag par yang / /skye dang skye ba gzhan slad 'chi dang brgyal dang chags bral slar yang byed pas rnal 'byor ma'i/ /dpal ldan las dang ye shes mchog gi chu skyes la gnas rdo rje'i zhabs dag bsgoms pa
 yis/ /de dag rnams kyi de yang rab zhi 'chi ba nyid 'gyur slar yang skye ba ldan pa min/ /gang dag nyin dang mtshan mor bud med 'grogs la rnam par chags pas nor kun nyams 'gyur zhing / /skye ba gzhan gyis bag chags bsgos pa'i sems las de ni slar yang mang po rab 'byung
 bas/ /shes rab rnal 'byor ma rnams dag gi mi mnyam mnyam pa'i zhal ni sna tshogs gzugs can gang / /rgyal ba mchog gis mchod cing bstod pa bsgoms pas de ni nor kun nyams par mi 'gyur ro/ /ser skya lug dang kun 'dar ma ste nyi zla sgra gcan lam gsum bgrod
 rnams rnal 'byor ma/ /dngos dang dngos med rab nyams mnyam bgrod zhabs de dag ni de dag rnams kyi ye shes sku/ /de yi lhan skyes bde ba'i go 'phang 'gyur med gcig 'di de dag de nyid gang gis dran/ /de yi skye ba 'di la ma lus 'jigs 'phrog 'dir brjod 'bras bu myur du
 'byung bar 'gyur/ /dpal ldan rnal 'byor ma rnams dag gi gnas ni rdo rje nor bu'i khyim ste der 'jug lam/ /nyon mongs med cing bdud nyams sngon du rgyal bas gsungs pa'i bstod pa bdag gis 'dir brjod do/ /skyes bu gang dag bdud kyi grogs kyis rtag tu mi bden mun par song
 zhing lam nyams pa/ /de dag rnams kyis lam 'di thob nas rdo rje nor bu'i khyim dang ring min 'ong gyur cig /du ba la sogs lam gyis lhan skyes bde ba'i go 'phang bsgoms na de ni dus 'khor lo/ /sum cu rtsa gnyis mtshan gyi yan lag 'gro ba'i bla ma chos kyi 'khor lo 'di la gnas/ /
 lha rnams mgo yi gtsug gi nor bu'i 'od zer tshogs kyis zhabs kyi pad+ma la gtugs shing / /dam pa'i lam ni ston byed nyin mor byed pa bzhin du mun pa thams cad 'joms par 'gyur/ /lha klu mi dang lha min dbang po'i cod pan dag gis zhabs pad la gtugs gang / /yang dag
 ye shes nyin byed 'gro ba gsum gyi dpal ldan chos kyi 'khor lor gnas/ /bdud dang nyon mongs ri dgas rab gtum gsod byed dpal ldan shAkya seng ge de'i/ /rtag tu 'gro la brtse dang de yi shes rab kyis bskul 'grel bshad bdag gis bri/ /kA yig las ni rgyu zhi ba/ /
 la yig 'di la thim pa nyid/ /tsa yig gis ni g.yo ba'i sems/ /kra yig rim pa bcings las so/ /dus ni 'gyur med bde ye shes/ /thabs dang snying rje'i bdag nyid de/ /'khor lo shes bya'i rnam 'gro dpal/ /shes rab stong nyid bdag nyid do/ /'di ni dpal ldan dus 'khor
 lo/ /rdo rje'i rnal 'byor thams cad nas/ /bden pa gnyis la gnas pa 'di/ /mngon par brjod pa'i rjod byed 'gyur/ /bde bar gshegs pas lung bstan zhing / /'jam dpal gyis ni bskul gyur pa/ /'jig rten mgon po bdag gis ni/ /rgyud 'di'i 'grel bshad bri bar bya/ /
 byis pa mkhas pa rmongs rnams la/ /rgyud kyi gsang ba gsal byed de/ /ma yis bu la phan pa bzhin/ /lus can thams cad bde don du'o/ /rdo rje sems dpa'i lam mchog ni/ /gang gis rnal 'byor pas rig byed/ /de phyir dri ma med pa'i 'od/ /'grel bshad 'di ni myur du bri/ /
 bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba las bdud dang bgegs mtha' dag nyams par byed pa mchog gi 'dod pa'i lha dang dam pa'i lam nges pa'i mdor bsdus pa chen po
 ste dang po'o/ / //'dir dang por re zhig rtsa ba'i rgyud kyi rjes su 'brangs te brjod bya dang rjod byed dang 'brel pa la sogs pa dang bsdus pa'i rgyud la sogs pa lung bstan pa brjod par bya ste/ phyi nas bsdus pa'i rgyud la dgos pa dang dgos pa'i dgos pa la sogs pa yang ngo / /
 'di la dang por re zhig brjod bya dang rjod byed dang 'brel pa dang dgos pa dang dgos pa'i dgos pa rnams mngon par gzigs nas/ gdul bya'i skye bo nges pa dang bral ba rnams la rang gi sems kyi bsam pas skye ba 'di la sangs rgyas nyid kyi 'bras bu rab tu ster ba bde ba chen po'i gnas
 mchog gi dang po'i sangs rgyas rdo rje dbyings kyi dkyil 'khor chen por rdo rje seng ge'i khri la bzhugs pa/ sangs rgyas dang byang chub sems dpa' dang khro bo'i rgyal po dang lha dang klu dang lha dang lha mo'i tshogs kyis yongs su bskor ba/ khams gsum pas zhabs kyi pad+ma
 la phyag byas pa/ khams gsum gyi 'khor los sgyur ba/ mchog gi dang po'i sangs rgyas rigs med pa/ bcom ldan 'das dpal dus kyi 'khor lo/ /zla ba bzang pos gsol ba btab par gyur pas/ mchog gi dang po'i sangs rgyas stong phrag bcu gnyis pa/ rigs med pa/
 rgyud kyi rgyal po dus kyi 'khor lo/ /rdo rje 'dzin pa'i ye shes kyi sku mngon du gyur pa'i mtshan yang dag par brjod pas 'khyud pa/ rgyud thams cad kyi rdo rje'i tshig mngon du gyur pa/ sangs rgyas rin chen za ma tog kha 'byed pa/ 'jig rten dang 'jig rten las 'das pa'i bden pa la brten
 pa/ rdzogs pa'i byang chub pa rnam pa bzhi dang rdo rje rnam pa bzhis yongs su dag pa/ sku bzhi dang rigs drug dang bden pa bcu gnyis dang de kho na nyid bcu drug dang stong pa nyid bcu drug dang snying rje bcu drug gi bdag nyid kyi brjod par bya ba dang rjod par byed pa/ dbang bskur ba 'jig rten
 pa'i bcu dang / 'jig rten las 'das pa'i bcu gcig pa rab tu gsal bar byed pa/ las kyi phyag rgya dang ye shes kyi phyag rgya dang phyag rgya chen mo dang 'jig rten dang 'jig rten las 'das pa'i dngos grub rab tu gsal bar byed pa/ 'jig rten gyi khams dang nang dang mngon par dbang bskur ba
 dang / sgrub thabs dang ye shes te le'u lnga'i bdag nyid dam brtag pa lnga'i bdag nyid ni mi la sogs pa'i sems can mtha' dag gis yang dag par rdzogs pa'i sangs rgyas nyid thob par bya ba'i phyir yang dag par bstan to/ /de las bsdus pa'i rgyud yang dag par sdud par byed pa la 'jam dpal dang /
 ma 'ongs pa'i dus su tshangs pa'i drang srong rnams gdul bar bya ba'i don du 'grel bshad byed pa la bdag dang / rgyud ston pa'i don du gshin rje mthar byed la sogs pa gzhan rnams dang / sham+b+ha la'i yul la sogs pa grong khyer bye ba phrag dgu bcu rtsa drug na gnas pa'i sems can thams cad dam
 pa'i lam thob pa la de bzhin gshegs pas lung bstan to/ /'dir rdul phra rab 'dus pa sngon du 'gro ba ni 'jig rten gyi khams so/ /'jig rten gyi khams sngon du 'gro ba ni sems can rnams so/ /sems can sngon du 'gro ba ni 'jig rten dang 'jig rten las 'das pa'i mngon par dbang
 bskur ba'o/ /mngon par dbang bskur ba sngon du 'gro ba ni bsod nams kyi tshogs dkyil 'khor gyi 'khor lo bsgom pa goms pas 'og min gyi srid pa'i mthar thug pa 'jig rten pa'i dngos grub bsgrub pa'o/ /'jig rten pa'i dngos grub sngon du 'gro ba ni bsod nams dang ye shes kyi
 tshogs dag dang skye ba snga ma'i stong pa nyid dang snying rje kun rdzob dang dmigs pa med pa'i bag chags kyi stobs kyis rdul phra rab 'dus pa las 'das shing / dkyil 'khor la sogs pa rnam par rtog pa'i sgom pa dang bral ba phyag rgya chen po'i ye shes kyi dngos grub sgrub pa'o/ /de bas na dang por
 'jig rten gyi khams kyi brtag pa'o/ /de nas nang gi brtag pa'o/ /de nas dbang bskur ba'i brtag pa'o/ /de nas 'jig rten pa'i dngos grub bsgrub pa'i brtag pa'o/ /de nas mchog tu mi 'gyur ba'i ye shes bsgrub pa'i brtag pa ste/ de ltar na rim pa ji lta ba bzhin rgyud kyi rgyal po ni brtag
 pa lnga'am le'u lnga'i bdag nyid do/ /'dir thabs dang shes rab kyi bdag nyid rdo rje'i rnal 'byor dang po'i sangs rgyas rigs med pa bcom ldan 'das dus kyi 'khor lo ni brjod par bya ba'o/ /de yang le'u lnga po 'di'i ngo bo nyid kyis gnas te/ dang por re zhig 'jig rten gyi khams kyi le'u la
 thams cad mkhyen pa zhes pa la sogs pa ston pa po'i ngo bo nyid kyis gnas pa dang / gnas bstan pa'i ngo bo nyid kyis gnas pa dang / 'khor chen po phun sum tshogs pa'i ngo bo nyid kyis gnas pa dang / gsol ba 'debs pa po'i ngo bo nyid kyis gnas pa dang / rdo rje'i rnal 'byor brjod par bya ba
 dang rjod par byed pa dang dgos pa'i dgos pa la sogs pa zhus pa'i ngo bo nyid kyis gnas pa dang / stong pa chen po'i yi ge lnga la sogs pa dang sna tshogs 'byung ba dang dkyil 'khor dang dbang bskur ba gsol ba 'debs pa'i ngo bo nyid kyis gnas pa dang / ston pa po'i lan gyi ngo bo nyid kyis gnas
 pa dang / 'jig rten gyi khams dang gza' dang rgyu skar dang sems can dang sngags dang srog la sogs pa 'byung ba dang sdud pa'i ngo bo nyid kyis gnas pa dang / rlung la sogs pa'i dkyil 'khor dang rgya mtsho dang gling dang ri'i grangs kyi ngo bo nyid kyis gnas pa dang / srid pa
 sum cu rtsa gcig gi ngo bo nyid kyis gnas pa dang / 'khor los sgyur ba chen po 'byung ba'i ngo bo nyid kyis gnas pa dang / shin tu phra ba'i dbugs la sogs pas nyin mo'i tshad la sogs pa'i ngo bo nyid kyis gnas pa dang / 'jam dpal lung bstan pa'i ngo bo nyid kyis gnas pa dang /
 grub pa'i mtha' dang byed pa'i skar rtsis kyi ngo bo nyid kyis gnas pa dang / dbu ma'i rtsa'i dbugs rnams las gza'i rkang pa dang rgyu skar gyi rkang pa skye ba'i ngo bo nyid kyis gnas pa dang / khyim bcu gnyis kyi rnam pas sa 'khor ba'i ngo bo nyid kyis gnas pa dang / dbyangs 'char ba la
 sogs pa'i ngo bo nyid kyis gnas pa dang / sgra gcan la sogs pa sa'i stobs kyi ngo bo nyid kyis gnas pa dang / rdzong 'joms pa dang bsrung ba'i 'khrul 'khor gyi ngo bo nyid kyis gnas pa dang / 'khor los sgyur bas dum bu bcu gnyis su 'khor ba'i ngo bo nyid kyis gnas pa dang / kla klo'i
 chos bcom nas sangs rgyas kyi chos rab tu 'jog pa'i ngo bo nyid kyis gnas pa dang / sems can mtha' dag la 'jig rten dang 'jig rten las 'das pa'i dngos grub kyi lam sbyin pa'i ngo bo nyid kyis gnas pa dang / 'jam dpal dang 'jig rten dbang phyug sngon dang phyi mar ston pa po'i ngo bo nyid
 kyis gnas pa dang / 'khor los sgyur ba chen po la sogs pa rigs ldan gyi mthar thug pa mi rnams mchog gi tshe'i ngo bo nyid kyis gnas pa zhes bya ba ni 'jig rten gyi khams kyi le'u la'o// //de nas nang gi le'u la dang por mngal 'dzin pa dang sdud pa'i ngo bo nyid kyis gnas pa dang / rdul
 dang khu ba dang kun gzhi'i rnam par shes pa yang dag par sbyor ba'i ngo bo nyid kyis gnas pa dang / zla ba so so re re zhing mngal 'byung ba'i ngo bo nyid kyis gnas pa dang / nya la sogs pa gnas skabs bcu'i ngo bo nyid kyis gnas pa dang / sku bzhi dang rdo rje bzhi dag pa'i ngo bo nyid kyis gnas pa dang /
 rdzogs pa'i byang chub pa bzhis mngal 'byung ba'i ngo bo nyid kyis gnas pa dang / dbugs drug brgya lhag pa'i stong phrag nyi shu rtsa gcig dang / rtsa stong phrag bdun cu rtsa gnyis dang tshigs kyi gnas sum brgya drug cu dang khams drug dang ro drug dang dbang po drug dang yul drug dang las kyi dbang po
 drug dang las kyi dbang po'i yul drug dang rnam par shes pa drug dang 'du byed drug dang tshor ba drug dang 'du shes drug dang gzugs drug dang ye shes drug dang 'khor lo drug dang dkyil 'khor drug steng dang 'og gi ngo bo nyid kyis gnas pa dang / lte ba'i chu skyes la sogs pa'i 'dab ma dang sna bug dag la
 g.yon dang g.yas kyi dkyil 'khor phung po lnga dang khams lnga 'bab pa'i ngo bo nyid kyis gnas pa dang / dbu ma las rgyud mtha' dag 'byung ba'i ngo bo nyid kyis gnas pa dang / srog la sogs pa rlung gi bya ba'i ngo bo nyid kyis gnas pa dang / khams rnams las lha'i mtshan ma 'byung ba'i ngo bo nyid kyis
 gnas pa dang / nyi ma dang zla ba dang me'i 'chi ltas kyi ngo bo nyid kyis gnas pa dang / las kyi rnam par smin pas 'gro ba drug tu skye ba'i ngo bo nyid kyis gnas pa dang / rtsa la sogs pa gza'i rkang pa 'chad pa'i ngo bo nyid kyis gnas pa dang / dbu mar zhugs pa'i dga' ba la sogs pa rnams kyis 'chi
 ltas kyi 'chi ba bslu ba'i ngo bo nyid kyis gnas pa dang / phyi rol 'jig rten pa'i bya ba bsgrub pa'i ngo bo nyid kyis gnas pa dang / lta ba thams cad rjes su dpag pas yongs su brtag pa'i ngo bo nyid kyis gnas pa dang / sems can sna tshogs kyi 'dod pa dang rjes su mthun par chos rab tu gzhag pa'i
 ngo bo nyid kyis gnas pa zhes bya ba ni nang gi le'u la'o/ / //de nas dbang gi le'u la dang por bla ma yongs su brtag pa'i ngo bo nyid kyis gnas pa dang / mchog dang 'bring dang tha ma'i slob ma yongs su brtags te bsdu ba'i ngo bo nyid kyis gnas pa dang / las rab 'byam bsgrub pa la grong la sogs pa'i phyogs
 kyi cha dang sa la sogs pa'i mtshan nyid kyi ngo bo nyid kyis gnas pa dang / thab khung dang sbyin sreg gi rdzas dang bgrang phreng dang gdan dang phur bu dang bum pa dang rdul tshon dang thig skud dang 'khrul 'khor dgod pa'i mtshan nyid kyi ngo bo nyid kyis gnas pa dang / sa yongs su gzung ba dang dkyil 'khor bri ba dang de nyid bcu
 yongs su shes pa'i ngo bo nyid kyis gnas pa dang / 'jig rten pa dang 'jig rten las 'das pa'i dbang sbyin pa'i ngo bo nyid kyis gnas pa dang / thams cad rab tu gnas pa'i ting nge 'dzin gyi ngo bo nyid kyis gnas pa dang / dam tshig gi 'khor lo 'dus
 pa dang dam tshig gi mchod pa'i ngo bo nyid kyis gnas pa dang / rigs sum cu rtsa drug gi lha mo'i phyag rgya dang lta stangs dang mtshan ma dang dam tshig gi brda dang / rigs la sogs pa'i ngo bo nyid kyis gnas pa dang / dkyil 'khor gyi 'khor lo gshegs su gsol ba'i ngo
 bo nyid kyis gnas pa dang / chu bo chen po la sogs pa dang rang rang gi khyim du rdul tshon dang tshogs kyi 'khor lo gshegs su gsol te mchod pa'i ngo bo nyid kyis gnas pa dang / dpal ldan bla ma dbul ba thams cad kyis mnyes pa'i ngo bo nyid kyis gnas pa zhes bya ba ni dbang gi
 le'u la'o/ / //de nas sgrub thabs kyi le'u la dang por bsrung ba'i 'khor lo la sogs pa dang gdong dag pa dang rang gi snying kha'i zla ba'i sa bon gyi 'od zer rnams las de bzhin gshegs pa spro ba'i ngo bo nyid kyis gnas pa dang / bla na med pa'i mchod pa dang
 sdig pa bshags pa dang bsod nams la rjes su yi rang ba dang / skyabs su 'gro ba gsum dang bdag nyid dbul ba dang / byang chub tu sems bskyed pa dang lam brten pa dang stong pa nyid la dmigs pa la sogs pa'i ngo bo nyid kyis gnas pa dang / skyed pa'i rim pa
 la dkyil 'khor rgyal mchog dang las rgyal mchog dang thig le'i rnal 'byor dang phra mo'i rnal 'byor la sogs pa'i sgrub thabs kyi ngo bo nyid kyis gnas pa dang / phyi rol 'jig rten pa'i dngos grub kyi sgrub thabs kyi ngo bo nyid kyis gnas pa dang / mchod sbyin la sogs pa
 dang rig byed kyi mtha' gsang ba'i de kho na nyid kyi ye shes dang yan lag drug gi sbyor ba la sogs pa'i sgrub thabs kyi ngo bo nyid kyis gnas pa dang / sbyin pa la sogs pa'i bsod nams kyi tshogs kyi ngo bo nyid kyis gnas pa dang / mngon sum dang lkog tu gyur pa'i sems
 bsgom pa'i ngo bo nyid kyis gnas pa zhes bya ba ni sgrub thabs kyi le'u la'o/ / //de nas ye shes kyi le'u la dang por lus kyi rus pa la sogs pa'i khams rnam par dag pa'i dkyil 'khor gyi ngo bo nyid kyis gnas pa dang / sku dang gsung dang thugs dang rigs
 drug gi lha'i ngo bo nyid kyis gnas pa dang / a la sogs pa dang / ka la sogs pa sngags kyi rigs drug gi ngo bo nyid kyis gnas pa dang / thabs dang shes rab kyi rgyud sum cu rtsa drug gi ngo bo nyid kyis gnas pa dang / thabs dang shes rab dang bya ba dang rnal 'byor rjes
 su rig pa dang sdom pa chen po dang 'khor los sgyur ba drug spro ba'i ngo bo nyid kyis gnas pa dang / /dbang bzhi pa mchog tu mi 'gyur ba phyag rgya chen po'i ye shes kyi dngos grub kyi sgrub thabs kyi ngo bo nyid kyis gnas pa dang / ye shes kyi dkyil 'khor spro ba'i ngo bo nyid kyis
 gnas pa dang / byang chub kyi sems bsten pa'i sgrub thabs kyi ngo bo nyid kyis gnas pa dang / shes pa dang shes bya rnam pa kun gyi bdag nyid phyag rgya chen po'i dngos grub kyi ngo bo nyid kyis gnas pa dang / lus dang ngag dang sems kyi bya ba thams cad rtag pa'i ngo bo nyid
 kyis gnas pa dang / chos kyi phung po stong phrag brgyad cu rtsa bzhi bstan pa'i ngo bo nyid kyis gnas pa dang / /sangs rgyas kyi zhing bsdu ba'i ngo bo nyid kyis gnas pa dang / nam mkha'i khams la ri rab kyi rdul phra rab dang mnyam pa'i byang chub sems dpa' sems dpa'
 chen po rnams dang thabs cig tu bzhugs pa'i ngo bo nyid kyis gnas pa dang / /sangs rgyas kyi zhing 'byung ba'i ngo bo nyid kyis gnas pa dang / sangs rgyas kyi zhing rdo rjer byin gyis brlab pa'i ngo bo nyid kyis gnas pa dang / mos pa sna tshogs pa'i sems can gyi bsam pa'i dbang
 gis chos bstan pa'i ngo bo nyid kyis gnas pa dang / bcud dang bcud len la sogs pa lus kyi dngos grub kyi sgrub thabs kyi ngo bo nyid kyis gnas pa dang / mchog tu mi 'gyur ba'i bde bas sems can thams cad kyi don mdzad pa'i ngo bo nyid kyis gnas pa dang / chos yang
 dag par bsdu ba dang rtsis kyi ming bsdu ba'i ngo bo nyid kyis gnas pa dang / /yi ge lnga dang yi ge drug gi stong pa chen po dang thig le stong pa la bstod pa'i ngo bo nyid kyis gnas pa zhes bya ba ni ye shes kyi le'u la'o// //des na rim pa 'dis gsungs pa'i
 phyir le'u lnga'i ngo bo nyid kyis gnas pa'i bcom ldan 'das dus kyi 'khor lo ni 'dir brjod par bya ba'o/ /'di ston par byed pa'i le'u'i tshogs rgyud kyi rgyal po ni rjod par byed pa'o/ /brjod bya rjod byed 'di dag phan tshun brjod bya rjod byed kyi mtshan nyid ni 'brel pa ste/ brjod
 par bya ba ni bcom ldan 'das dus kyi 'khor lo le'u lnga'i ngo bo nyid kyis bzhugs pa yin la rjod par byed pa ni dus kyi 'khor lo rjod par byed pa le'u lnga'i bdag nyid do/ /yang dang po'i sangs rgyas bcom ldan 'das ni brjod par bya ba yin la rjod par byed pa ni dang po'i sangs
 rgyas rjod par byed pa'o zhes bya ba brjod bya rjod byed kyi mtshan nyid ni brjod bya rjod byed kyi 'brel pa'o/ /de nas dkyil 'khor du zhugs pa las 'jig rten pa'i dbang sbyin pas bsod nams kyi tshogs kyi don byed pa ni dgos pa'o/ /shes rab chen po 'jig rten las 'das pa'i dbang
 bzhi pa sbyin pas rigs med pa phyag rgya chen po'i dngos grub thob pa la bsod nams dang ye shes kyi tshogs kyi don byed pa ni dgos pa'i dgos pa ste/ /brjod bya la sogs pa'i mtshan nyid 'di dag nyid mngon par gzigs nas/ gdul bya'i skye bo nges pa dang bral ba rnams la rang gi
 sems kyi bsam pas zhes bya ba la/ /nges pa ni nyan thos pa'i mchog gi sdom pa 'dod pa lnga la nye bar longs spyod pa dang bral ba'i tshul khrims kyi sdom pa ste de dang bral ba ni nges pa dang bral ba'o/ /de dag gi rang gi sems kyi bsam pa ni 'dod pa lnga la nye bar longs spyod par
 'dod pa'o/ /de bzhin du dbang po gnyis kyi bde ba chen po 'dod pa ni nges pa dang bral ba rnams kyi rang gi sems kyi bsam pa ste/ rang gi sems kyi bsam pa 'dis skye ba 'di la sangs rgyas nyid kyi 'bras bu rab tu ster ba zhes bya ba ni skye ba 'di mi'i skye ba la sangs rgyas nyid kyi
 'bras bu rab tu ster ba rgyud kyi rgyal po'o/ /lha la sogs pa 'gro ba lnga'i skye ba la ni ma yin no/ /de ci'i phyir zhe na/ las kyis ma yin par skyes pa'i phyir ro/ /'dir lha la sogs pa rnams la yang mi'i skye ba thob nas sangs rgyas nyid kyi 'bras bu ster bar 'gyur ro/ /zhes bya
 ba ni bcom ldan 'das kyi nges pa'o/ /bsod nams dang ye shes kyi tshogs dag dang khams drug gi bdag nyid can skyes bu chen po'i gang zag la'o zhes pa ste/ rnam pa gzhan du las ngan pa dang ldan pa'i mi'i skye ba 'di la sangs rgyas nyid kyi 'bras bu rab tu ster ba ni ma yin no zhes bya ba
 de bzhin gshegs pa'i des pa'o/ /ci ste sngags kyi theg pa 'dir sangs rgyas bcom ldan 'das kyis gsungs pa ni 'di lta ste/ gdol ba smyig ma mkhan sogs dang / /mtshams med lnga ni byed pa rnams/ /sngags kyi spyod pa rjes spyad na/ /skye 'di nyid la sangs
 rgyas 'gyur zhes pa yin no zhe na/ bcom ldan 'das kyi gsung 'di ni bden te/ skye ba 'di la sngar mtshams med pa lnga la sogs pa mi bzad pa'i las gang byas pa de dag sngags kyi theg pa 'dir phyag rgya chen po mi 'gyur ba'i bde ba'i ting nge 'dzin gyis bcom nas/ mi dge ba glo
 bur pa gzhan mi 'jug par bya ba'i phyir rdo rje chos 'byung gi khang par bdud bzhi dang bgegs kyi dgra 'jug pa'i sgo rnams la byams pa dang snying rje dang dga' ba dang btang snyoms la sogs pa dang / byang chub kyi phyogs kyi chos kyi sgo glegs bcug nas/ de nyid du rdo rje sems
 dpa' phyag rgya chen po dang lhan cig tu bsgrubs te mtshams med pa lnga byed pa po rnams kyang skye ba 'di la sangs rgyas nyid kyi 'bras bu thob par 'gyur ro zhes byas ni de bzhin gshegs pa bzhed kyi/ sngags kyi theg par zhugs pa'i rjes la mtshams med pa lnga la sogs pa mi bzad
 pa'i las byed pa rnams kyang skye ba 'di la sangs rgyas nyid kyi 'bras bu thob par 'gyur ro zhes bya ba ni de bzhin gshegs pa yang dag par bzhed pa ma yin no/ /'dir theg pa gsum ka la yang bcom ldan 'das kyi gsung ni thog mar dge ba/ bar du dge ba/ pha mar dge ba
 zhes bcom ldan 'das kyis gsungs pa'i phyir sngags kyi theg pa la zhugs pa'i rjes la sdig pa byas kyang sangs rgyas nyid kyi 'bras bu thob par 'gyur ro zhes pa ni de bzhin gshegs pa'i nges pa ma yin no/ /'o na sngags kyi theg pa 'dir rnal 'byor pa rnams kyis sha
 bza' bar bcom ldan 'das kyis gsungs la de nyid kyang rtag tu srog bcad pa las 'byung ste srog bcad pa med par ni 'ga' zhig gi tshe sring ngo / /gal te za ba po med na gsod pa po yang mi 'byung ngo / /de'i phyir zab po dang gsod pa po dag srog gcod par 'gyur ro/ /'dir
 yang nyi ma so sor sngags pas dam tshig bzhi bya'o zhes pa ni de bzhin gshegs pa'i nges pa'o zhe na/ de ni bden te rgyu gang gi phyir mtshan ma dang kha na ma tho ba dang bcas pas srog gcod par 'gyur ba rgyu de'i phyir rnal 'byor pa rnams kyis mtshan ma med pa dang kha na ma tho ba med pa go ku la
 sogs pa bza' bar bcom ldan 'das kyis gsungs so/ /'dir yul gang na 'jig rten pa rnams kyis gang bza' ba ma yin pa dang gang btsong pa ma yin pa go ku la sogs pa rang gi las kyis shi ba dang g.yul du las ngan pa'am rang gi skyon gyis chom rkun la sogs pa bsad pa de
 dag thams cad rnal 'byor pas bza' bar de bzhin gshegs pas gsungs so/ /rdzas kyis nyos pa ni ma yin zhing pha mes la sogs pa dang mchod sbyin la sogs pa'i bya ba las bsad pa yang ma yin te/ mtshan ma dang bcas pa'i sha bza'o zhes pa ni de bzhin gshegs
 pas ma gsungs so/ /yang gang zhig nyi ma so sor dam tshig bya ba de ni kha na ma thob med pa'i go ku la sogs pa lnga dang rnam par snang mdzad la sogs pa lnga'i ril bu nyungs kar gyi tshad tsam nyi ma so sor dam tshig bsten pa'i don du bya'o/ /rtag par kha na ma tho ba med pa'i chang dang
 bud med ni bsgom pa'i slad du rmongs pa med pa'i chos kyis gsungs so/ /rtsa ba'i rgyud las kyang bcom ldan 'das kyis gsungs pa 'di lta ste/ /lha dang rang 'jigs pha mes dang / /'dod grub don dang btsong phyir yang / /gdul dka' sdig pa byed rnams kyis/ /
 gnod byed min pa'i sems can bsad/ /de yi sha de nyo ba dang / /za 'dod kha na ma tho bcas/ /ma blangs snod du lhung gyur pa/ /de nyid kha na ma tho med/ /srog chags gcig gi sha dag ni/ /mang po rnams kyis zos pa mchog /srog chags du ma'i sha dag ni/ /yid
 skyes gcig gis zos pa min/ /snying rje bskyed de de nyid las/ /rnam par mi rtog sems kyis ni/ /rnal 'byor ldan pas bza' bya ba/ /kha na ma tho med gzhan min/ /rigs su 'dzin pa gzhom pa'i phyir/ /rtag tu bza' dang btung ba dang / /rigs min mngon
 bgrod rdo rje can/ /de nyid gzigs pa dag gis gsungs zhes pa'o/ /de ltar gsungs pa'i rim pas nges pa dang bral ba rnams la sangs rgyas nyid kyi 'bras bu rab tu ster ba ni rgyud kyi rgyal po'o/ /sangs rgyas nyid ni thams cad mkhyen pa nyid dang / rnam pa thams cad
 mkhyen pa nyid dang / lam mkhyen pa nyid dang / lam gyi rnam pa mkhyen pa nyid dang / stobs bcu dang mi 'jigs pa la sogs pa'i yon tan rnam par 'byor pa ste de ster ba ni sangs rgyas nyid kyi 'bras bu rab tu ster ba'o/ /bde ba chen po'i gnas zhes pa ni bde ba chen
 po'i gnas chos kyi dbyings nam mkha'i mtshan nyid can dog pa med pa'i chos 'byung 'jig rten gyi dpe las 'das pa kun tu bzang po'i bde ba chen po'i gnas so/ /mchog gi dang po'i sangs rgyas rdo rje dbyings kyi dkyil 'khor chen por zhes pa ni rigs med pa shes pa dang
 shes bya gcig tu 'dres par gyur cing gcad du med la dbyer med pa rnam pa thams cad du dbyings kyi mtshan nyid me long gi pra phab pa dang mtshungs pa ste/ rdo rje dbyings kyi dkyil 'khor chen po der ro/ /rdo rje seng ge'i khri la bzhugs pa ni rdo rje seng ge'i khri zla ba dang nyi ma dang
 me'i dkyil 'khor gcad du med cing dbyer med pa'am e yig nam mkha'i khams ni rdo rje seng ge'i khri'o/ /de la bzhugs pa ni rdo rje seng ge'i khri la bzhugs pa sku dang gsung dang thugs dang ye shes kyi bdag nyid waM yig ste rdo rje seng ge'i khri la bzhugs pa de yis so/ /
 sangs rgyas dang byang chub sems dpa' dang khro bo'i rgyal po dang lha dang klu dang lha dang lha mo'i tshogs kyis yongs su bskor ba zhes pa la sangs rgyas ni mi bskyod pa la sogs pa'o/ /byang chub sems dpa' ni kun du bzang po la sogs pa'o/ /khor bo'i rgyal po ni
 gtsug tor la sogs pa'o/ /lha ni dbang phyug la sogs pa'o/ /klu ni mtha' yas la sogs pa'o/ /lha mo ni rdo rje dbyings kyi dbang phyug ma la sogs pa dang / chos kyi dbyings la sogs pa dang / shin tu sngon mo la sogs pa dang / tsa rtsi kA la sogs pa dang / gau
 rI la sogs pa dang / khyi gdong ma la sogs pa ste de dag gi 'dus pa ni tshogs so/ /des yongs su bskor ba ni lha dang lha mo'i tshogs kyis yongs su bskor ba ste lha dang lha mo'i tshogs kyis yongs su bskor ba de yis so/ /khams gsum pas zhabs kyi pad+ma la phyag
 byas pa zhes pa la khams gsum pa ni 'dod pa dang gzugs dang gzugs med pa ste de dag gis gang gi zhabs kyi pad+ma la phyag byas pa de ni khams gsum pas zhabs kyi pad+ma la phyag byas pa ste khams gsum pas zhabs kyi pad+ma la phyag byas pa de yis so/ /khams gsum
 gyi 'khor los sgyur ba zhes pa ni gang gi chos kyi 'khor lo khams gsum du cig car rab tu 'khor ba de ni khams gsum pa'i 'khor los sgyur ba ste khams gsum pa'i 'khor los sgyur ba de yis so/ /mchog gi dang po'i sangs rgyas zhes pa la mchog gi dang po'i sangs
 rgyas ni skad cig gcig dang rnam pa lnga dang rnam pa nyi shu dang sgyu 'phrul dra bas mngon par rdzogs par byang chub pa'i mtshan nyid 'gyur ba med pa'i bde ba ni mchog yin la/ des dang por sangs rgyas pa ni mchog gi dang po'i sangs rgyas de yis so/ /rigs med pa zhes pa la
 rigs ni shes rab dang / thabs kyi bdag nyid gzung ba dang 'dzin pa'i mtshan nyid kyi chos te rigs de gang gis spangs pa de ni rigs med pa ste rigs med pa de yis so/ /bcom ldan 'das dus kyi 'khor lo shes pa la bcom ldan ni bdud dang nyon mongs pa bcom
 pa'i phyir bcom pa dang dbang phyug la sogs pa thams cad mkhyen pa'i yon tan gyi tshogs te bcom pa de 'di la ldan pa'i phyir bcom ldan no/ /dus ni mchog tu mi 'gyur ba'i bde ba chen po'i mtshan nyid de des gang gi lus phung po dang khams la sogs pa sgrib pa med pa'i
 'khor lor bskyed pa de ni dus kyi 'khor lo'o/ /gzhan yang yi ge so so re res te/ /kA yig gis ni rgyu zhi ba/ /la yig 'di la thim pa nyid/ /tsa yig gis ni g.yo ba'i sems/ /kra yig rim pa bcings las so/ /rim pa ni lus la sogs pa'i thig le
 rnams 'pho ba yin la de lhan cig skyes pa'i bde bas bcings pa ni kA la tsa kra ste bcom ldan 'das dus kyi 'khor lo de yis so/ /zla ba bzang pos gsol ba btab par gyur pas zhes pa ni 'di ni zla ba yang yin la bzang po yang yin pa'i phyir zla ba bzang po ste de bzhin gshegs
 pa thams cad kyi nyan pa por gyur pa rdo rje zla ba dri ma med pa'i 'od do/ /sems can thams cad kyi skad tha dad pa dag gis de bzhin gshegs pas chos gsungs pa rnams yang dag par sdud par byed pa'i phyir de bzhin gshegs pa thams cad kyi nyan pa por gyur pa'i gsang ba'i
 bdag po ste gsang ba ni nyan thos dang rang sangs rgyas kyi theg pa dag las mchog tu gyur pa rdo rje'i theg pa'o de'i yang dag par sdud par sdud pa po yin pas na bdag po ste gsang ba'i bdag po'o/ /de bzhin du phyi rol du ni 'jig rten gyi bden pas gsang ba'i sgras gnod sbyin rnams te
 de dag gi bdag po ni gsang ba'i bdag po'o/ /ro ldan na gnas pa ni phyi rol du ro'i sgras srog nyams pa shi ba'i tshogs so/ /de 'di la yod pa'i phyir ro ldan te dur khrod kyi sa'o/ /de na gnod sbyin chen po sems can rnams la rnam par mtho 'tsham zhing bgegs du
 ma byed pa po dag yod la de dag gsod par byed pa po ni ro ldan na gnas pa ste/ nags kyi ri dgas kyi bdag po zhes pa bzhin du ro ldan na gnas pa gnod sbyin chen po rnams kyi bdag po'o/ /nang du ni ro zhes pa dbugs 'byung ba dang 'jug pa sum stong drug brgyas dman pa'i nyi
 khri gcig stong drug brgya rnams 'gog pa'o/ /de 'di la yod pa ni chos kyi sprin gyis ste de la gnas pa ni ro ldan na gnas pa'o/ /bdud dang nyon mongs pa dang shes bya dang snyoms 'jug gi sgrib pa'i gnod sbyin rnams gsod par byed pa ni gnod sbyin gyi bdag po
 ste/ de bzhin gshegs pas chos kyi seng ge'i sgra dang sems can so so'i sgra dag gis bstan pa'i chos rnams rab tu ston par byed pa po sprul pa'i sku phyag na rdo rje zla ba bzang pos gsol ba btab par gyur pa de yis so/ /mchog gi dang po'i sangs rgyas zhes pa ni brjod bya mchog
 gi dang po'i sangs rgyas rjod par byed pa'i phyir te brjod bya 'di rjod par byed pa'i ngo bo nyid kyis gnas pa'i phyir mchog gi dang po'i sangs rgyas so/ /dus kyi 'khor lo ni brjod bya dus kyi 'khor lo rjod par byed pa'i phyir dus kyi 'khor lo'i rjod byed do/ /stong phrag bcu gnyis
 pa zhes pa ni stong phrag brgyad cu rtsa bzhi lhag pa'i 'bum phrag gsum gyi yi ge'i tshogs te yi ge sum cu rtsa gnyis pa rjes su bsngags pa stong phrag bcu gnyis yod pa ni stong phrag bcu gnyis pa'o/ /rigs med pa zhes pa ni brjod bya rigs med pa rjod par byed pa'i phyir ro/ /
 'dir rigs ni shes rab kyi phyogs dang thabs kyi phyogs te phyogs spangs pa gang gi phyir rigs de med pa'i rgyud de ni rigs med pa shes rab dang thabs kyi bdag nyid can rnal 'byor gyi rgyud ces rgyal bas gnyis su med par gsungs so/ /brjod par bya ba thabs dang shes
 rab kyi bdag nyid can gyi rgyud kyi rgyal po 'di la/ thabs dang shes rab kyi phyogs tha dang na thabs dang shes rab kyi bdag nyid can gyi brjod par bya ba med par 'gyur ro/ /thabs dang shes rab kyi bdag nyid can gyi brjod par bya ba med na gnyis su med pa'i ye shes med
 par 'gyur ro/ /gnyis su med pa'i ye shes med na sangs rgyas nyid kyang med par 'gyur ro/ /sangs rgyas nyid med na 'khor ba'o/ /'dir rjod par byed pa dang brjod par bya ba 'brel pa med par thabs kyi ming can gyi rnal 'byor gyi rgyud la thabs dang shes rab
 kyi bdag nyid gnyis su med pa dang rnal 'byor brjod bya rjod byed kyi mtshan nyid du mi 'gyur ro/ /rnal 'byor gyi sgra ni thabs kyi don rjod par byed pa'am shes rab kyi don rjod par byed pa yang ma yin te rnal 'byor gyi sgra ni thabs dang shes rab kyi don rjod par byed pa'i/ /de bzhin du yang
 gsungs pa/ rnal 'byor thabs kyi lus dang ni/ /shes rab gcig pu dag gis min/ /thabs dang shes rab snyoms 'jug pa/ /de bzhin gshegs pas rnal 'byor gsungs zhes so/ /de'i phyir rgyud gang la thabs dang shes rab kyi bdag nyid kyi brjod par bya ba
 yod pa'i rgyud de ni don dam par shes rab kyi rgyud kyang ma yin la thabs kyi rgyud kyang ma yin no/ /'jig rten gyi kun rdzob tu me long lta bu'i ye shes la sogs pa'i dbye bas phung po dang khams rnam par dag pa las thabs dang shes rab shes kyi phyogs su dbang po rtul po'i sems can
 gyi bsam pa'i dbang gis de bzhin gshegs pas gsungs so/ /de bzhin du rnal 'byor ma'i ming can la yang ngo / /'dir 'di la rnal 'byor gyi ngang tshul yod pa'i phyir rnal 'byor pa'o/ /de bzhin du rnal 'byor ma yang ngo / /de'i phyir gzhan la ltos pa nyid
 las rnal 'byor gyi rgyud dang rnal 'byor ma'i rgyud du yang 'gyur ro/ /des na don dam pa'i bden pas thabs dang shes rab kyi bdag nyid can rnal 'byor gyi rgyud rigs med pa dus kyi 'khor lo'o/ /rdo rje 'dzin pa'i ye shes kyi sku mngon du gyur pa'i mtshan yang dag par brjod
 pas 'khyud pa zhes pa ni dang po'i sangs rgyas mngon par brjod pa nyid kyi phyir ro/ /'dir ji ltar mtshan yang dag par brjod pa 'das pa dang ma 'ongs pa dang da ltar byung ba'i de bzhin gshegs pa rnams kyis gsungs pa dang gsung bar 'gyur ba dang gsung ba de bzhin
 du dang po'i sangs rgyas kyang ngo / /dang po'i sgras ni thog ma dang tha ma med pa'i don to/ /thog ma med pa'i dus su thog ma med pa'i sangs rgyas kyis bstan pa dang ston par 'gyur ba dang ston pa ste de bzhin gshegs pa mar me mdzad dang shAkya thub pa 'ba' zhig gis
 gsungs pa ni ma yin no/ /'dir phyag na rdo rjes/ 'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /da ltar byung ba rdzogs sangs rgyas/ /yang yang gsung ba gang yin dang / /rgyud chen sgyu 'phrul dra ba
 'dir/ /rdo rje 'chang chen gsang sngags 'chang / /dpag med dgyes pa rnam dag gis/ /gang yang yang dag glur blangs pa zhes gsungs so/ /mtshan yang dag par brjod pa gsol ba 'debs pa'i tshig 'di'i phyir de bzhin gshegs pa thams cad kyis sngags kyi theg
 pa gsungs pa yin no/ /'dir 'dus pa las de bzhin gshegs pa mar me mdzad nas shAkya thub pa'i bar du de bzhin gshegs pa gang gis kyang sngags kyi theg pa ma gsungs so zhes pa gang yin pa de ni de'i tshe de'i dus na zhes pa ste/ 'phags pa'i yul du chos ston pa'i
 dus na rigs bzhi'i mngon pa'i nga rgyal dang ldan zhing skal pa med pa'i sems can rnams kyi bsam pa'i dbang gis 'phags pa'i yul du 'khor rnams la ma bstan te/ dus gzhan du yul gzhan gyi 'jig rten gyi khams kyi 'khor la yang ma bstan pa ni ma yin no/ /de bzhin
 gshegs pa'i gsung 'di'i phyir de bzhin gshegs pa thams cad theg pa gsum ston par byed pa po yin no/ /rnam pa gzhan du na thams cad mkhyen pa nyid du mi 'gyur te/ rdo rje'i theg pa ston par byed pa po nyid ma yin pa'i phyir ro/ /de'i phyir sems can gyi bsam pa'i
 dbang gis de bzhin gshegs pa thams cad theg pa gsum ston par byed pa po dang chos kyi phung po brgyad khri bzhi stong ston par byed pa po yin no/ /de'i phyir rdo rje 'dzin pa'i ye shes kyi sku mngon du gyur pa'i mtshan yang dag par brjod pas 'khyud pa'o/ /rgyud kyi rgyal po thams cad
 kyi rdo rje'i tshig mngon du gyur pa zhes pa ni rdo rje theg pa 'dir sems can gyi bsam pa'i dbang gis rgyud kyi rgyal po thams cad la rdo rje'i tshig tu sbas te bzhi pa de yang de bzhin no zhes de bzhin gshegs pas gsungs pa'i phyir ro/ /bzhi pa ni gsum pa ma yin te bzhi pa
 zhes gsungs pa'i phyir ro/ /de yang de bzhin no zhes gsungs pa'i phyir/ shes rab ye shes de nyid bzhi par 'gyur ro/ /bcom ldan 'das kyi gsung 'di'i phyir rdo rje'i tshig tu sbas pa yin no/ /rgyud kyi rgyal po thams cad la rdo rje'i tshig rab tu gsal ba ma yin
 zhing bla ma brgyud pa'i rim pas rtogs par bya ba yin te rgyud ni rgyud gzhan dag gis rtogs par bya zhes de bzhin gshegs pas gsungs pa'i phyir ro/ /sngags kyi tshul 'di la rdo rje'i tshig rnam pa gnyis te gcig ni 'jig rten pa'i kun rdzob yin la gnyis pa ni don dam pa'o/ /
 de dag las 'jig rten kun rdzob kyi rdo rje'i tshig ni gsod pa la sogs pa'i las la dam tshig grub pa ster bar byed pa'o/ /don dam pa'i bden pa'i rdo rje'i tshig ni bzhi pa de yang de bzhin te/ phyag rgya chen po'i dngos grub kyi 'bras bu ster bar byed pa'o/ /dang po'i sangs
 rgyas 'di la rdo rje'i tshig de dag nyid rab tu gsal bar bstan pa dang bshad pa dang rab tu bshad pa dag gis bcom ldan 'das kyis gsal bar mdzad do/ /de nyid bsgrub pa la phyag rgya chen po bsgom pa du ba la sogs pa mtshan ma'i lam rab tu gsal bar mdzad de/ stong par
 rtse gcig yid byas te/ /nyi ma gcig ni yongs su brtag ces pas so/ /bcom ldan 'das kyi gsung 'di'i phyir mchog gi dang po'i sangs rgyas la rdo rje'i tshig phyag rgya chen po bsgom pa'i lam du ba la sogs pa rab tu gsal ba yin gyi bla ma brgyud pa'i rim pas 'ongs pa
 ma yin la bla ma'i bkas byin gyis brlabs pa yang ma yin no/ /lam 'di la yang nyin dang mtshan mor yid ches pa yod de nyi ma gcig ni yongs su brtag ces bcom ldan 'das kyis gsungs pa'i phyir ro/ /'dir du ba la sogs pa'i mtshan ma bor nas gzhan sngags
 la sogs pa'i sgrub thabs nyi ma gcig gis rnal 'byor pas yongs su brtag par bya ba ma yin no/ /mtshan ma yang rnam pa gsum ste dang po'i mtshan ma dang / bar ma'i mtshan ma dang / tha ma'i mtshan ma'o/ /dang po'i mtshan ma ni du ba la sogs pa'i lam dang
 sbyor ba yan lag drug gis sku rdzogs pa'i 'gyur ba med pa'i skad cig thob pa'o/ /bar ma'i mtshan ma ni mchog tu mi 'gyur ba'i skad cig brgya phrag bcwa brgyad kyis sa dang po thob pa dang mngon par shes pa lnga dang ma mthong ba'i don yang dag par mthong ba dang /
 'jig rten pa'i dngos grub thob pa'o/ /tha ma'i mtshan ma ni sangs rgyas nyid dang rdo rje 'chang nyid de mchog tu mi 'gyur ba'i skad cig drug brgya lhag pa'i stong phrag nyi shu rtsa gcig gis sa bcu gnyis pa thob nas phyag rgya chen po'i dngos grub thob pa'o/ /rdo rje'i tshig la sogs pa
 mtshan ma sngon du 'gro ba can 'di dag rab tu gsal bar rgyud kyi rgyal po mchog gi dang po'i sangs rgyas las bcom ldan 'das kyis gsungs so/ /de'i phyir rgyud ni rgyud gzhan tshol ba rnams la rgyud kyi rgyal po thams cad kyi rdo rje'i tshig mngon du gyur pa'o/ /sangs rgyas rin
 chen za ma tog kha 'byed pa zhes pa la sangs rgyas rin chen ni mchog tu mi 'gyur ba'i bde ba yin la za ma tog ni rdo rje dang pad+ma ste sangs rgyas rin chen za ma tog go/ /de nyid rgyud kyi rgyal po gang gis kha 'byed pa de ni sangs rgyas rin chen za ma tog kha 'byed pa'o/ /'jig rten dang
 'jig rten las 'das pa'i bden pa la rten pa zhes pa la 'jig rten pa'i bden pa ni dkyil 'khor gyi 'khor lo rnam par rtog pa'i bsgom pa skyed pa'i rim pas 'jig rten pa'i dngos grub sgrub par byed pa'o/ /'jig rten las 'das pa'i bden pa ni du ba la sogs pa'i mtshan
 ma dang rnam par mi rtog pa'i sems rdzogs pa'i rim pas phyag rgya chen po'i dngos grub sgrub par byed pa'o/ /rdzogs pa'i rim pa ni lhan cig skyes pa rnam par mi rtog pa ste rnam pa thams cad du zhal dang phyag dang kha dog dang dbyibs kyi rtog pa dang bral ba'o/ /bden pa 'di dag
 la rten pa ni 'jig rten dang 'jig rten las 'das pa'i bden pa la brten pa ste lam gnyis ka ston pa'i phyir ro/ /mngon par rdzogs par byang chub pa bzhi dang rdo rje bzhis yongs su dag pa zhes pa ni skad cig gcig gis mngon par rdzogs par byang chub pa dang / rnam pa lngas
 mngon par rdzogs par byang chub pa dang / rnam pa nyi shus mngon par rdzogs par byang chub pa dang / sgyu 'phrul dra bas mngon par rdzogs par byang chub pa ste 'di rnams kyis yongs su dag pa ni mngal skyes bskyed pa'i rim pa dang du ba la sogs pa sku rdzogs pa rdzogs pa'i
 rim pas so/ /de ltar mngon par rdzogs par byang chub pa bzhis yongs su dag pa'o/ /sku bzhi dang rigs drug dang bden pa bcu gnyis dang de kho na nyid bcu drug dang stong pa nyid bcu drug dang snying rje bcu drug dang 'jig rten dang 'jig rten las 'das pa'i dbang dang las dang ye
 shes dang phyag rgya chen po'i dngos grub kyi lam rab tu gsal bar byed pa zhes pa la/ sku bzhi ni dag pa dang chos dang longs spyod rdzogs pa dang sprul pa rnams mngal skyes rnams kyi bzhi pa dang / shin tu gnyid log pa dang / rmi lam dang sad pa'i gnas skabs kyi
 mtshan nyid can te de dag kyang sangs rgyas rnams kyi sgrib pa dang bral ba'o/ /rigs drug ni mi 'gyur ba'i bde ba ye shes kyi khams dang / rnam par shes pa nam mkha'i khams dang / 'du byed rlung gi khams dang / /tshor ba me'i khams dang / 'du shes chu'i khams
 dang / gzugs sa'i khams te mngal skyes rnams kyi rigs drug sgrib pa dang bcas pa yin la sangs rgyas rnams kyi sgrib pa dang bral ba'o/ /bden pa bcu gnyis ni ma rig pa dang / 'du byed dang rnam par shes pa dang / ming dang gzugs dang / skye mched
 drug dang / reg pa dang / tshor ba dang sred pa dang / len pa dang / srid pa dang / skye ba dang / rga shi ste mngal skyes rnams kyi bden pa bcu gnyis ni sgrib pa dang bcas pa yin la sangs rgyas rnams kyi sgrib pa dang bral ba'o/ /'pho ba bcu gnyis kyi srog gi dbye
 bas srog gi rlung rgyu ba'i phyir mngal nas skyes pa rnams kyi sgrib pa dang bcas pa'o/ /yan lag bcu gnyis 'gags pa'i phyir sangs rgyas rnams kyi ni sgrib pa dang bral ba'o/ /de kho na nyid bcu drug ni sprul pa'i sku dang / sprul pa'i gsung dang / sprul pa'i thugs
 dang / sprul pa'i ye shes dang / longs spyod rdzogs pa'i sku dang / longs spyod rdzogs pa'i gsung dang / longs spyod rdzogs pa'i thugs dang / longs spyod rdzogs pa'i ye shes dang / chos kyi sku dang / chos kyi gsung dang / chos kyi thugs
 dang / chos kyi ye shes dang / lhan cig skyes pa'i sku dang / lhan cig skyes pa'i gsung dang / lhan cig skyes pa'i thugs dang / lhan cig skyes pa'i ye shes te/ dga' ba dang / mchog dga' dang / khyad par gyi dga' ba dang / lhan cig skyes pa'i
 dbye bas de kho na nyid bcu drug mngal skyes rnams kyi ni sgrib pa dang bcas pa yin te bcu drug phyed phyed thig le 'dor ba'i phyir ro/ /sangs rgyas rnams kyi ni sgrib pa dang bral ba yin te bcu drug phyed phyed thig le 'dzin pa nyid kyi phyir ro/ /stong pa nyid bcu drug ces pa ni nag po'i phyogs/
 dang nyi ma dang shes rab bo/ /snying rje bcu drug ces pa ni dkar po'i phyogs dang zla ba dang thabs so/ /stong pa nyid la dbye ba gsum ste/ stong pa nyid dang / chen po stong pa nyid dang / don dam pa stong pa nyid do/ /de la stong pa nyid ni phung po lnga stong pa nyid de nag po'i tshes
 gcig la sogs pa tshes lnga'o/ /chen po stong pa nyid ni khams lnga stong pa nyid de drug pa la sogs pa tshes lnga'o/ /don dam pa stong pa nyid ni dbang po lnga stong pa nyid de bcu gcig pa la sogs pa tshes lnga'o/ /de nas gnam stong gi mthar thug pa tshes bcwa lnga ni stong pa nyid bcwa
 lnga'o/ /gnam stong gi mtha' dang dkar po'i tshes gcig 'jug pa'i dang po'i dbus su bcu drug pa rnam pa thams cad stong pa nyid do/ /de bzhin du snying rje rnam pa gsum ste/ sems can la dmigs pa dang / chos la dmigs pa dang / dmigs pa med pa'o/ /
 de la sems can la dmigs pa ni dkar po'i tshes gcig la sogs pa tshes lnga'o/ /chos la dmigs pa ni drug pa la sogs pa tshes lnga'o/ /dmigs pa med pa ni bcu gcig pa la sogs pa tshes lnga ste nya'i mthar thug pa'o/ /nya'i mtha' dang nag po'i tshes gcig 'jug
 pa dang po'i dbus su snying rje bcu drug pa'o/ /'di dag gcig pa nyid ni stong pa nyid bcu drug dang snying rje bcu drug gi bdag nyid brjod par bya ba ste de'i rjod par byed pa'o/ /'jig rten dang 'jig rten las 'das pa'i mngon par dbang bskur ba zhes pa la re zhig 'jig rten pa ni
 chu dang / cod pan dang / dar dpyangs dang / rdo rje dril bu dang / brtul zhugs chen po dang / ming dang / rjes su gnang ba dang / bum pa dang / gsang ba dang / shes rab ye shes te mngal nas skyes pa rnams kyi 'jig rten kun rdzob kyi dbang bcu ni lus dang ngag
 dang sems dang ye shes dang khams dang phung po dang / skye mched dang las kyi dbang po la sogs pa yongs su dag par bya ba'o/ /'jig rten las 'das pa bcu gcig pa ni bzhi pa de yang de bzhin no zhes pa'i nges pas phyag rgya chen po mchog tu mi 'gyur ba'i ye shes kyi mtshan
 nyid bla ma'i zhal las lus dang ngag la sogs pa sgrib pa med pa nyid kyis sbyong bar byed pa'o/ /las dang ye shes dang phyag rgya chen po'i dngos grub ces pa la las kyi phyag rgya ni nu ma dang skrar ldan pa'o/ /ye shes kyi phyag rgya ni rang gi sems kyis yongs su brtags pa'o/ /
 phyag rgya chen mo ni rnam par rtog pa dang bral ba pra phab pa'i rang bzhin can no/ /'di rnams kyi dngos grub ni rnam pa gsum ste/ 'dod pa na spyod pa ni las kyi phyag rgya'i dngos grub bo/ /gzugs kyi srid pa'i dngos po'i mtshan nyid ni ye shes kyi phyag rgya'i dngos grub bo/ /
 dngos po dang dngos po med pa dang bral ba rnam pa kun gyi mchog dang ldan pa ni phyag rgya chen po'i dngos grub bo/ /sku bzhi la sogs pa 'di dag gi 'jig rten dang 'jig rten las 'das pa'i lam rab tu gsal bar byed pa ni mchog gi dang po'i sangs rgyas so/ /de ltar brjod
 p a'i rim pas 'jig rten gyi khams dang nang dang dbang dang sgrub thabs dang ye shes te le'u lnga'i bdag nyid dam brtag pa lnga'i bdag nyid mi la sogs pa'i sems can mtha' dag gis yang dag par rdzogs pa'i sangs rgyas nyid thob pa'i phyir yang dag par bstan to zhes pa ni
 yang dag pa'i rnam pas te rdo rje'i tshig tu sbas pa'i rnam pas ni ma yin no/ /mchog gi dang po'i sangs rgyas 'di las bsdus pa'i rgyud yang dag par sdud par byed pa la 'jam dpal dang / ma 'ongs pa'i dus su tshangs pa'i drang srong rnams gdul bar bya ba'i
 don du 'grel bshad byed pa la bdag dang / rgyud ston par byed pa la gshin rje mthar byed la sogs pa rnams dang / sham+b+ha la'i yul la sogs pa grong bye ba phrag dgu bcu rtsa drug na gnas pa'i sems can thams cad theg pa chen po'i lam thob pa la de bzhin
 gshegs pas lung bstan to zhes pa ni mchog gi dang po'i sangs rgyas stong phrag bcu gnyis pa 'di las bsdus pa'i rgyud yang dag par sdud par byed pa la 'jam dpal de bzhin gshegs pas lung bstan to/ /ma 'ongs pa'i dus su grong khyer ka lA par gnas pa'i tshangs pa'i drang
 srong bye ba phrag phyed dang bzhi rnams gdul bar bya ba'i don du bsdus pa'i rgyud kyi 'grel bshad byed pa la 'jig rten dbang phyug bdag kyang lung bstan la/ gzhan khro bo'i rgyal po dang byang chub sems dpa' nyi shu rtsa gsum po dag kyang ngo / /grong bye ba phrag dgu bcu
 rtsa drug na gnas pa'i sems can thams cad sprul pa'i sku bsdus pa'i rgyud ston par byed pa pos theg pa chen po'i lam thob par byed pa la lung bstan to/ /theg pa chen po'i lam ni 'jam dpal gyis rdo rje'i rigs kyi bum pa dang gsang ba dang shes rab ye shes kyi dbang bskur ba ste de
 'thob par byed pa la ni/ theg pa chen po'i lam thob par byed pa la'o/ /bum pa dang gsang ba dang shes rab ye shes kyi dbang bskur ba 'di las rigs thams cad rigs gcig tu 'gyur ro/ /rigs de 'di la yod pa'i phyir rigs ldan no/ /de'i rigs ni
 rigs ldan gyi rigs te sngags pa mtha' dag rdo rje'i rigs kyi dbang bskur ba'i phyir ro zhes bya ba nges pa'i don to/ /de ltar 'jam dpal grags pa ni rigs ldan du lung bstan cing / grags pa 'di'i rigs la 'jig rten dbang phyug bdag rigs ldan gnyis par lung
 bstan to/ /de bzhin du rim pa ji lta bar gshin rje mthar byed la sogs pa'i khro bo bcu dang sa'i snying po la sogs pa'i byang chub sems dpa' bcu gsum po rnams te/ gshin rje mthar byed la sogs pa khro bo'i rgyal po de dag gi bar bar du byang chub sems dpa' bcu gsum
 po rnams lung bstan pa/ /sprul pa'i skus grong bye ba phrag dgu bcu rtsa drug na gnas pa rnams kyi rgyal por gyur pa/ sems can mtha' dag la de bzhin gshegs pa'i chos rab tu ston par mdzad pa/ kla klo la sogs pa'i chos ngan pa 'joms par mdzad pa/ skyes bu chen
 po'i mtshan sum cu rtsa gnyis dang dpe byad brgyad cu dang ldan pa/ mngon par shes pa lnga la sogs pa dbang phyug gi yon tan yongs su rdzogs pa'o/ /de'i phyir mchog gi dang po'i sangs rgyas 'di las bsdus pa'i rgyud yang dag par sdud par byed pa la 'jam dpal dang 'grel bshad
 byed pa la bdag dang chos ston pa la gshin rje mthar byed la sogs pa rnams lung bstan to/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las brjod bya dang rjod byed dang 'brel
 pa dang dgos pa dang dgos pa'i dgos pa mngon par gzigs nas bcom ldan 'das kyis rgyud bstan pa'i mdor bsdus te gnyis pa'o/ / //da ni 'dir ston pa po dang gsol ba 'debs pa po'i 'brel pa yang brjod par bya'o/ /gal te na snga ma dang phyi mar rgyud kyi 'grel
 bshad ma thos pa'i tshig 'byung bar 'gyur te/ rdo rje'i theg pa 'di la ro ldan na gnas pa'i gnod sbyin gyi bdag po chen po byang chub sems dpa' chen po phyag na rdo rje de bzhin gshegs pa la gsol ba 'debs pa dang / yang dag par sdud par byed pa po ma yin nam/ ji ltar
 sham+b+ha la'i yul ka lA pa'i grong gi bdag po nyid ma'i 'od kyi lha mo rnam par rgyal ma'i mngal nas byung ba rgyal po zla ba bzang po gsol ba 'debs pa por gyur/ rgyud gzhan 'ga' zhig tu yang ma thos shing lung bstan pa med pa'i phyir phan tshun ston pa po dang gsol ba 'debs pa po
 'brel pa 'gal lo zhe na/ de'i phyir brjod par bya ste/ 'dir sngags kyi theg pa la mngal nas byung ba de bzhin gshegs pa la gsol ba 'debs pa por mi 'gyur ro zhes gang 'ga' zhig gis brjod pa de ni ma yin te/ gang gi phyir bcom ldan 'das kyang
 mngal nas byung ba nyid yin pa'i phyir ro/ /sngags kyi theg pa 'di la gal te mngal nas byung ba de bzhin gshegs pa la gsol ba 'debs pa po dang sdud pa por mi 'gyur na/ de'i tshe shAkya'i rigs mi'i dbang po zas gtsang ma'i lha mo sgyu 'phrul chen mo'i lhums nas
 bltams pa shAkya thub pa thams cad mkhyen pa ston pa por mi 'gyur te/ mngal nas byung ba nyid yin pa'i phyir ro/ /yang 'ga' zhig gis smras pa/ des sngar bdud bcom pa byas shing byang chub bskyed de de nas thams cad mkhyen pa chos ston par byed pa por gyur to/ /mya ngan
 las 'das pa'i rjes la yang mngal du 'jug pa med do zhes pa'i tshig las ni shin tu 'gal ba ste rang ma grub pa gzhan gyi sgrub byed ma yin pa'i phyir ro/ /'dir dang por sangs rgyas nyid med na lha dang mi dang lha ma yin gyi nang nas gang gis kyang bdud 'joms par mi byed do/ /dang por
 mngon par rdzogs par sangs rgyas par yang mi byed de/ sgrib pa thams cad med pa yin pa'i phyir ro/ /cig car yang mi byed de gang gi tshe bdud yod pa de'i tshe sangs rgyas nyid ma yin te sems sgrib pa dang bcas pa'i phyir ro/ /gang gi tshe sangs rgyas nyid yin pa de'i tshe bdud
 med de sems sgrib pa dang bral ba'i phyir ro zhes pa las gzhan pa ci yod/ las kyis 'dir sangs rgyas bcom ldan 'das ma gtogs pa bud med kyi mngal nas skyes pa gzhan ni skyes bu chen po'i mtshan sum cu rtsa gnyis dang dpe byad brgyad cu dang mdzod sbu sum cu rtsa gnyis yongs su
 'khyil pa dang mngon par shes pa drug dang ldan pa ma yin no/ /de'i phyir bdud ces bya ba ni sems can rnams kyi 'khor ba'i sems kyi bag chags kyi dri ma'o/ /sangs rgyas nyid ces bya ba ni 'khor ba'i bag chags dang bral ba'i sems so/ /de ltar yang bcom ldan
 'das kyis shes rab kyi pha rol tu phyin pa las/ sems gang zhig yod pa'i sems de ni sems ma yin no zhes rang bzhin gyis 'od gsal bar gsungs te de nyid ni 'khor ba'i bag chags dang bral ba'o/ /de'i phyir bdud ni dri ma dang bcas pa'i sems yin la sangs rgyas nyid
 ni dri ma med pa'i sems yin no/ /'dir phyi rol du sangs rgyas kyis bdud bcom pa gang yin pa de ni rmi lam bzhin du sems can rnams kyi rang gi sems kyi snang ba yin no/ /don dam par de bzhin gshegs pa'i thugs ni le'u lnga par rgyas par brjod par bya'o/ /'dir
 sems can gyi don du sangs rgyas dang byang chub sems dpa' rnams 'khor bar 'jug pa ni 'khor ba pa rnams kyis brjod par bya ba ma yin no/ /'jig rten dbang phyug bdag sems can gyi don la dmyal bar zhugs pa'i dus su gshin rje'i pho nya rnams dang gshin rje'i
 rgyal po rnams kyis bstod pa brjod pa/ gang zhig srid pa'i 'ching ba rnams las grol yang sems can don du srid pa 'dzin/ /de ni stong pa'i don dag ston mdzad dus las las kyi 'bras bu gtong ma yin/ /sems kyi dri ma yang dag ye shes mes bsregs rtag tu
 yang dag brtse bas brlan/ /mdzad spyod brtag min sems can don la dgyes pa'i sangs rgyas de la bdag cag 'dud ces pa'o/ /de'i phyir sems can gyi don gyi ngo bor sangs rgyas dang byang chub sems dpa' rnams mngal du 'jug pa'am dmyal bar gshegs pa ni byis
 pa'i skye bo rnams kyis rnam par brtag par mi nus so/ /pha rol tu phyin pa bcu bsgrubs pa sa bcu'i dbang phyug dbang bcu thob pa'i byang chub sems dpa' gcig gis kyang stong gsum gyi stong chen po'i 'jig rten gyi khams su sprul pa'i sku du ma dag gis byang chub
 sems dpa'i gdul bya rnams la byang chub sems dpa'i chos ston par byed de byang chub sems dpa' chen po de du ma ni ma yin no/ /de bzhin du sngon gyi smon lam gyi stobs kyis bsod nams dang ye shes kyi tshogs yongs su rdzogs shing mi 'jigs pa la sogs pa'i
 dbang phyug gi yon tan thams cad phun sum tshogs pa'i sangs rgyas bcom ldan 'das ni sangs rgyas kyi zhing stong gsum gyi stong chen po'i 'jig rten gyi khams rnams su sgyu ma'i sprul pa'i sku sgrib pa dang bral ba mtha' yas pa mtha' yas pa dag gis/ sems can mtha' yas pa mtha' yas pa dag gi skad mtha' yas pa mtha' yas pa dag gis gsol ba 'debs pa po sna tshogs kyis gsol ba btab pa na/
 sems can thams cad kyi skad la rab tu 'jug pa thams cad mkhyen pa'i skad kyis 'jig rten dang 'jig
 rten las 'das pa'i chos ston par mdzad de thams cad mkhyen pa de du ma ni ma yin no/ /dper na sgyu ma'i skyes bu chen po 'ga' zhig gis sgyu ma'i gzugs du ma sprul te des sprul pa'i gzugs de dag gis shing rnams rtsa ba nas 'byin par byed cing ri'i rtse mo yang skyod
 par byed la/ lha chen po'i gzugs lta bu dang khyab 'jug lta bus lha sbyin la sogs pa 'ching bar byed de sgyu ma'i skyes bu chen po de du ma ni ma yin no/ /de bzhin du sangs rgyas dang byang chub sems dpa' rnams kyi sgyu ma'i sprul pa'i sku dag gis srid pa gsum du
 sems can gyi don mdzad pa'o/ /des na sems can thams cad la 'jig rten dang 'jig rten las 'das pa'i chos bstan pa'i phyir sangs rgyas bcom ldan 'das sngar sa bcu gnyis kyi dbang phyug tu gyur pa mkhas pa sgyu 'phrul chen po 'chang ba sgyu 'phrul chen po'i mig 'phrul
 dang ldan pa 'phags pa'i yul lu m+bi nir shAkya'i rigs mi'i dbang po zas gtsang ma'i lha mo sgyu 'phrul chen mo'i lhums nas bltams pa ni gzhon nu don grub yin la/ sa bcu'i dbang phyug phyag na rdo rje yang sham+b+ha la'i yul ka lA pa'i grong du nyi ma'i 'od kyi lha mo rnam par rgyal
 ma'i mngal nas 'khrungs pa zla ba bzang po'o/ /sangs rgyas bcom ldan 'das ni sangs rgyas kyi zhing du 'jig rten dang 'jig rten las 'das pa'i chos bstan pa'i don du sa bcu gnyis mngon du mdzad nas shAkya thub par gyur to/ /byang chub sems dpa' phyag na rdo rje ni
 chu bo shI ta'i byang phyogs grong bye ba phrag dgu bcu rtsa drug na gnas pa'i gdul bya rnams rgyud kyi rgyal po mchog gi dang po'i sangs rgyas kyis yang dag par rdzogs pa'i sangs rgyas kyi lam thob par bya ba'i phyir rgyal po zla ba bzang por gyur to/ /sangs rgyas dang byang chub sems dpa' 'di
 gnyis sprul pa'i sku'am longs spyod rdzogs pa'i sku dag gis ston pa po dang gsol ba 'debs pa por 'brel pa yin te snga ma dang phyi ma 'gal ba med pa'i phyir ro/ /phyag na rdo rje'i sprul pa'i sku rgyal po zla ba bzang po des sems can thams cad kyis 'jig rten dang 'jig rten
 las 'das pa'i dngos grub bsgrub pa'i don du de bzhin gshegs pa la gsol ba btab po/ /de bzhin gshegs pas kyang chu bo shI ta'i byang phyogs sham+b+ha la la sogs pa'i yul rnams kyi grong bye ba phrag dgu bcu rtsa drug na gnas pa rnams kyi sems rnam par dag pa skal pa dang
 ldan pa nyid du gnas pa gzigs nas rdo rje'i tshig kha ma phye ba med pa rdo rje'i tshig rab tu gsal bar byed pa mchog gi dang po'i sangs rgyas stong phrag bcu gnyis pa yang dag par bstan to/ /ma 'ongs pa'i dus su tshangs pa'i drang srong bye ba phrag phyed dang bzhi dang / grong bye ba
 phrag dgu bcu rtsa drug na gnas pa rnams yongs su smin par gzigs nas/ rgyud kyi rgyal po stong phrag bcu gnyis pa 'di las bsdus pa'i rgyud byed pa dang rtsa ba'i rgyud kyi rgyal po ston par byed pa dang / rdo rje'i rigs kyi dbang bskur bas rigs thams cad rigs gcig tu
 byed pa la 'jam dpal grags pa rigs ldan du de bzhin gshegs pas lung bstan to/ 'grel bshad byed pa po pad+ma dkar po bdag kyang rigs ldan gnyis par lung bstan to/ /de'i 'og tu bdag gi phyi nas gshin rje mthar byed la sogs pa rnams lung bstan to/ /'dir
 bcom ldan 'das kyis/ lo 'di nas ni drug brgya'i los/ /drang srong rnams ni smin don du/ /'jam dbyangs mi bdag grags pa ni/ /sham+b+ha la zhes bya bar 'byung / /'di yi sgrol ma lha mo che/ /sras ni pad 'dzin 'jig rten dbang / /bdag gi shAkya'i
 rigs rgyud las/ /byung ba zla bzang khyod rigs la'o/ /smra mkhas rdo rje'i rigs dang ldan/ /grags pa rdo rje'i rigs la ni/ /rigs bzhi rigs gcig byas gang des/ /rigs ldan tshangs pa'i rigs kyis min/ /'di skad bdag gis thos
 pa 'dis/ /drang srong rnams la chos bstan na/ /gzhan las thos phyir kun mkhyen min/ /zhes pa'i rtsod pa 'byung bar 'gyur/ /rnam pa gang dang gang dag gis/ /sems can rnams ni yongs smin byed/ /rnam pa de dang de dag gis/ /chos ni bstan par bya
 ba yin/ /sgra dang sgra nyams dag gi chos/ /rnal 'byor pas ni 'bad pas 'dzin/ /yul gyi sgra yis don rnyed pa/ /de la bstan bcos sgra yis ci/ /ji ltar sa la rin chen ming / /dbye ba tha dad tha dad ni/ /yul dang yul gyi dbang gis brjod/ /rin chen
 dbye ba 'gar yang med/ /de bzhin bdag gi dag pa'i chos/ /sdud par byed pa sna tshogs kyis/ /sems can bsam pa'i dbang gis ming / /sna tshogs tha dad tha dad brjod/ /des na snying po'i don bsdus 'di/ /thams cad mkhyen sogs bdag 'dod do/ /
 phreng 'dzin tshigs bcad sum cu ni/ /lhag pa'i phyogs brgya le'u lngas/ /dpal ldan rgyud dag rdzogs par ni/ /smra ba'i rgyal pos ston 'gyur te/ /sdud par byed pa po yang 'di/ /'grel bshad byed pa pad dkar 'dzin/ /rgyud 'dir drang srong rigs sogs la/ /
 sangs rgyas lam ni gsal byed pa/ /zla ba lha dbang gzi brjid can/ /zla bas byin dang lha dbang phyug /sna tshogs gzugs dang lha dbang ldan/ /grags pa pad dkar rim pas so/ /'das pa'i rgyal po nyi ma'i 'od/ /de ni bgegs dgra'i sprul pa ste/ /phyag na
 rdo rje zla bzang khyod/ /sa snying gshin rje mthar byed dang / /sgrib pa thams cad rnam sel dang / /rmugs byed khengs byed rim pa ste/ /nam mkha'i snying po 'jam dbyangs dang / /'jig rten mgon po go rims bzhin/ /gshin rje gshed sogs khro bo bcu/ /de bar
 byang chub sems dpa' gzhan/ /bcu gsum de dag rim pa yis/ /rigs ldan rigs la 'byung bar 'gyur/ /grags pa rigs ldan rigs kyang ste/ /de nas rigs ldan pad+ma dkar/ /bzang po rigs ldan gsum pa ste/ /de bzhin bzhi pa rnam rgyal lo/ bshes
 gnyen bzang po phyag dmar dang / /bdun pa khyab 'jug sbas pa'o/ /nyi ma grags dang shin tu bzang / /rgya mtsho rnam rgyal rgyal dka' dang / /rigs ldan nyi ma bcu gnyis pa/ /sna tshogs gzugs dang zla ba'i 'od/ /mtha' yas dang ni sa skyong dang / /dpal skyon
 seng ge rnam par gnon/ /stobs po che dang ma 'gags pa/ /mi yi seng ge dbang phyug che/ /mtha' yas rnam rgyal rigs ldan dang / /grags pa rigs ldan de nas slar/ /de sras 'khor lo chen po can/ /rigs ldan drag po 'byung 'gyur te/ /smra mkhas rta mchog
 ting 'dzin gyis/ /kla klo'i chos ni mthar byed pa'o/ /nyi ma'i shing rta la sogs kyi/ /smra mkhas ston pa 'byung 'gyur gang / /de yis zla bzang rtsa rgyud la/ /khyod ni sdud par byed pa ste/ /'dir ni sems can yongs smin byed/ /khyod nyid 'grel bshad byed
 pa'o/ /'jam pa'i rdo rjes bsdus rgyud la/ /'grel bshad byed pa pad 'dzin rang zhes gsungs so/ /rtsa ba'i rgyud las ji ltar gsungs pa'i rim pas byang chub sems dpa' dang khro bo'i rgyal po lung bstan pa rnams grong bye ba phrag dgu bcu rtsa drug gi 'khor los
 sgyur ba sngags kyi tshul ston par byed pa por de bzhin gshegs pas lung bstan to/ /de bzhin gshegs pa'i nges pa de'i phyir rtsa ba'i rgyud kyi rgyal po stong phrag bcu gnyis pa dang 'grel bshad stong phrag drug cu pa yang sham+b+ha la la sogs pa'i yul gyi skad gzhan gyis glegs
 bam la bris nas rgyal po zla ba bzang pos grong bye ba phrag dgu bcu rtsa drug na gnas pa rnams la rab tu bstan to/ /de dag nyid de la mos pa rnams kyis mnyan zhing bklags te rang gi sems la bzung nas gzhan dag la yang rgya cher rab tu bstan to/ /rgyud bstan pa'i dus de nas
 lo gnyis pa la sems can rnams kyi dngos grub kyi rgyu'i slad du dkyil 'khor gyi 'khor lo dang rdzu 'phrul bstan nas sprul pa'i skus gang nas byon pa de nyid du longs spyod rdzogs pa'i skus gshegs so/ /de nas lha'i dbang gis lo brgya'i bar du rgyud ston
 pa mdzad de/ de bzhin du gzi brjid can dang / zla bas byin dang / lha'i dbang phyug dang / sna tshogs gzugs dang / lha'i dbang ldan gyis kyang ngo / /nam mkha'i snying po'i sprul pa'i sku lha'i dbang ldan 'di'i lha mo sna tshogs yum gyi mngal du 'jam dpal rgyal
 po grags par gyur te byang chub sems dpa' seng ge'i khri de la lo brgya'i bar du chos bstan to/ /de nas lo brgya rdzogs pa'i rjes la de bzhin gshegs pas lung bstan pa'i byin gyi rlabs kyi stobs kyis/ drang srong rnams yongs su smin pa'i dus su gzigs shing mngon
 par shes pa lnga'i stobs kyis yang dag pa'i lam thob par mkhyen nas nges pa ster bar bzhed pa'i rgyal po grags pas thams cad bos par gyur to/ /ka lA pa'i grong gi lho phyogs na ma la ya'i skyed mos tshal te rgyar dpag tshad bcu gnyis pa ka lA pa'i grong dang mnyam pa'o/ /
 de'i shar phyogs na nye ba'i yid kyi mtsho rgyar dpag tshad bcu gnyis pa'o/ /nub phyogs na pad+ma dkar po'i mtsho tshad de dang 'dra'o/ /mtsho de gnyis kyi bar na ma la ya'i skyed mos tshal lo/ /ma la ya'i skyed mos tshal gyi dbus na rgyal po zla ba bzang pos mdzad pa bcom
 ldan 'das dus kyi 'khor lo'i dkyil 'khor gyi 'khor lo ste rin po che lnga'i rang bzhin lha dang lha mo'i bdag nyid yongs su grub pa gru bzhi pa/ rgyar khru bzhi brgya yod pa/ phyi rol du sku'i dkyil 'khor gru bzhi pa/ sgo bzhi pa/ rta babs bzhi dang dur khrod brgyad kyis
 brgyan pa/ ra ba lngas bskor ba/ phyi rol dus la sogs pa'i dkyil 'khor bzhi dang / rdo rje phreng bas brgyan pa ste rdo rje phreng ba'i mthar thug pa'i rgyar ni khru brgyad brgya'o/ /sku'i dkyil 'khor gyi phyed kyi tshad dbus su gru bzhi pa ni gsung gi dkyil 'khor te gru bzhi pa/ sgo
 bzhi pa/ rta babs bzhis brgyan pa/ ra ba lngas bskor ba'o/ /gsung gi dkyil 'khor gyi phyed kyi tshad ni thugs kyi dkyil 'khor te gru bzhi pa/ sgo bzhi pa/ rta babs bzhis brgyan pa/ ra ba gsum gyis bskor ba'o/ /de'i phyed kyis ye shes kyi 'khor lo ste/ ka ba
 bcu drug gis nye bar mdzes pa'o/ /de'i phyed kyis pad+ma 'dab ma brgyad pa ste pad+ma'i sum cha ni lte ba'o/ /de ltar sku dang gsung dang thugs kyi dkyil 'khor rnams mtshan nyid thams cad yongs su rdzogs pa do shal dang do shal phyed pa dang yang dag par ldan pa/ rin po
 che'i snam bu dang / kha khyer dang / ba ku lI dang bcas pa/ me long dang zla ba phyed pa dang dril bus rnam par mdzes pa'o/ /dkyil 'khor gsum gyi bdag nyid kyi dkyil 'khor gyi khang pa der dbo'i zla ba'i nya la nyi ma'i shing rta la sogs pa tshangs pa'i drang srong bye ba phrag
 phyed dang bzhi la rgyal po grags pas nges pa byin pa ni nyi ma'i shing rta la sogs pa tshangs pa'i drang srong rnams bdag gi tshig thams cad mkhyen pa'i phun sum tshogs pa byed pa nyon cig / nag pa'i zla ba'i nya 'di la rig byed kyi gzhung gi nges pa skyong bar byed pa khyed rnams la
 bdag gis bstan pa sbyin par bya'o/ /de bas na khyed kyis yul sna tshogs pa gzhan gyi rigs dang ldan pa'i bram ze gang yin pa de dag tha dad du byas te bdag la bstan par bya'o/ /tshig des yul sna tshogs kyi spyod pa thod par za ba dang ba lang gi sha dang ma he'i sha za ba dang
 chag mtha' ba dang la ma sogs pa len pa'i yul gyi tha snyad phan tshun 'gal ba dag gis rnam par dpyad pa na de dag thams cad kyang lhung bar gyur to/ /de ltar de dag 'gal bar gzigs nas rgyal po grags pas gsungs pa/ 'dir bdag gis bcom ldan 'das
 dus kyi 'khor lo'i dkyil 'khor gyi khang pa 'dir gzhug par bya zhing khyed rnams la 'jig rten dang 'jig rten las 'das pa'i dbang sbyin par bya'o/ /gzhan yang bdag gi bkas khyed rnams kyi rdo rje'i rigs dang lhan cig tu bza' ba dang btung ba dang bag ma blang ba'i 'brel
 pa dag kyang bya'o/ /ci ste khyed rnams bdag gi bka' mi byed pa de lta na bdag gi grong bye ba phrag dgu bcu rtsa drug por la gang dang gang du khyed cag mos pa der khyed rnams song shig /rnam pa gzhan du na lo brgyad brgya 'das pa'i rjes la khyod kyi bu dang
 tsha bo la sogs pas kla klo'i chos dar bar byas nas sham+b+ha la la sogs pa'i yul chen po dgu bcu rtsa drug tu kla klo'i chos ston par byed par 'gyur ro/ /kla klo'i lha bi Shi mi l+la'i sngags kyis phyugs kyi ske gri gug gis bcad de de nas lha'i sngags kyis bsad pa'i phyugs de rnams
 kyi sha za bar byed cing rang gi las kyis shi ba rnams kyi sha za bar mi byed par 'gyur ro/ /chos de yang khyed la tshad ma ste/ mchod sbyin don du phyugs dag spros zhes pa'i gzhung gi tshig las so/ /kla klo'i chos dang rig byed kyi chos dag la yang khyad par med de srog gcod
 par byed pa'i phyir ro/ /de'i phyir khyed kyi rigs kyi bu dang tsha bo la sogs pa rnams kyis kla klo de dag gi gzi byin dang g.yul du bdud kyi lha 'jug pa yang mthong nas ma 'ongs pa'i dus lo brgyad brgya 'das pa na kla klor 'gyur ro/ /de dag kla klor gyur pa na grong bye ba phrag
 dgu bcu rtsa drug na gnas pa'i rigs bzhi la sogs pa thams cad kyang kla klor 'gyur te skye bo chen po gang nas bgrod pa de ni lam mo zhes tshangs pa'i drang srong gis smras pa'i phyir ro/ /'dir kla klo'i chos dang rig byed kyi chos la yang lha dang pha mes kyi don du srog gcad par bya ba yin
 la rgyal rigs kyi chos la yang ngo / /lha dang pha mes tshim byas nas/ /sha zos skyon gyi cha yod min/ /zhes pa dang / de bzhin du/ gang zhig gdug la gdug spyod pa/ /de la skyon ni ma mthong ngo / /zhes bram zes smras pa'i phyir ro/ /de ltar rig byed kyi
 chos tshad mar byas nas kla klo'i chos yongs su 'dzin par 'gyur te/ rgyu des na ma 'ongs pa na kla klo'i chos mi 'jug par bya ba'i phyir khyed rnams la bdag gis nges pa sbyin no/ /de bas na khyed rnams kyis bdag gi bka' bzhin bya'o/ /zhes so/ rgyal po grags pa'i
 gsung chad pa dang bcas pa'i bka' de skad brjod pa 'dis mgor thog lhung ba bzhin gyur pa'i tshangs pa'i drang srong rnams kyis nyi ma'i shing rta la smras pa/ kye nyi ma'i shing rta khyod kyis mi'i dbang po grags pa la bdag cag ni rig byed las bshad pa rigs kyi chos dor nas rdo rje'i
 rigs kyi dbang bskur ba'i chos la mi 'jug ste de bas bdag cag khyod kyi bkas shI ta dang kha ba can gyi lho lang+ka'i gling gi byang 'phags pa'i yul du 'gro ba mchog go zhes zhu ba mdzod cig ces so/ /tshangs ma'i drang srong de dag gi tshig gis nyi ma'i shing rtas mi'i dbang po grags pa
 la/ kye rgyal po chen po mchog gi rgyal po dbang phyug dam pa skyes bu chen po'i mtshan sum cu rtsa gnyis dang dpe byad brgyad cu'i yan lag yongs su rdzogs pa dpal shAkya'i rigs kyi thig le mchog gi thugs rje can rang rang gi rigs kyi chos la zhugs pa rnams la thugs rje mdzod
 cig/ ci ste bdag cag gis gdon mi za bar khyod kyi bka' bzhin bya ba yin pa de lta na bdag cag rdo rje'i rigs kyi dbang bskur la 'jug par mi bgyi ste khyod kyi bkas chu bo shI ta'i lho kha ba can dang lang+ka'i gling gi bar 'phags pa'i yul du 'gro ba mchog go zhes zhus so/ /de nas nyi
 ma'i shing rta'i tshig gis rgyal po grags pas khyed rnams sham+b+ha la'i yul nas myur du byung la song shig / gang gi chu bo shI ta'i byang phyogs grong bye ba phrag dgu bcu rtsa drug na gnas pa'i sems can thams cad srog gcod pa la sogs pa mi dge ba'i lam yongs su btang nas bcom
 ldan 'das dus kyi 'khor lo'i byin rlabs kyis yang dag pa'i ye shes kyi lam thob par 'gyur ro zhes smras so/ /rgyal po grags pa'i bka' des ka lA pa'i grong nas nges par byung ba'i tshangs pa'i drang srong de dag thams cad nyi ma bcu pa la nags tshal gyi nang du rab tu zhugs so/ /
 nags tshal gyi nang du rab tu zhugs pa de dag thams cad rgyal po grags pas mngon par shes pa lnga'i stobs kyis mkhyen te/ ji ltar tshangs pa'i drang srong 'di dag 'phags pa'i yul du song na grong bye ba phrag dgu bcu rtsa drug na gnas pa'i sems can thams cad mi bzad pa'i
 sems dang ldan par 'gyur te/ 'dir rgyu gang zhig rdo rje'i theg par gsungs pa yang dag pa'i ye shes kyi lam ma yin pa'i rgyu des drang srong thar pa don du gnyer ba 'di dag thams cad dpal rgyal po grags pa'i 'jigs pas rang gi gnas yongs su btang ste rang gi
 gnyen bshes bzung nas 'phags pa'i yul du song ngo zhes rgyal rigs la sogs pa'i skye bo rnams sems par byed cing skal pa ngan par 'gyur te zab pa dang rgya che ba'i chos kyi snod la sems legs pa dang mi ldan pa'i phyir ro/ /de ltar sems can thams cad kyi rang gi sems
 kyi bsam pa mkhyen nas mi'i dbang po grags pas khyab 'jug dang tshangs pa dang drag po'i rigs thams cad rmongs par byed pa zhes bya ba'i ting nge 'dzin la snyoms par zhugs so/ /ting nge 'dzin de dang lha'i byin gyi rlabs kyi stobs kyis drang srong de dag thams cad nags tshal de nyid du
 rmongs par gyur pa dang nags tshal de na gnas pa'i ri khrod pa la sogs pa rnams kyis drang srong thams cad bcings nas slar yang dkyil 'khor gyi khang pa nyid du khyer 'ongs te mi'i dbang po grags pa'i zhabs kyi drung du dor ba dang rab tu sad de mi'i dbang po grags pa dang / dkyil
 'khor gyi khang pa de nyid dang ma la ya'i skyed mos tshal mthong bar gyur to/ /de mthong ba na ya mtshan thob na e ma ho/ 'di ni ngo mtshar che ste bdag cag rab tu ma sad par nags tshal chen po nas dkyil 'khor gyi khang pa chen por sus khyer te 'ongs zhes pa'i tshig 'di smras so/ /tshangs
 pa'i drang srong rnams kyi tshig de lta bu 'di rgyal po grags pa'i blon po sprul pa'i sku rgya mtsho'i blo gros kyis thos nas smras pa/ kye nyi ma'i shing rta la sogs pa tshangs pa'i drang srong rnams ya mtshan par ma byed cig /rgyal po grags pa 'di ni phyogs gcig ma yin te khyed rnams
 rjes su gzung ba'i don du sangs rgyas kyi byin gyis brlabs kyis byung ba'i byang chub sems dpa' chen po zhig go/ /de'i phyir 'di'i zhabs la skyabs su song la rgyud kyi rgyal po dang po'i sangs rgyas la 'jig rten dang 'jig rten las 'das pa'i dngos grub sgrub pa'i lam dbang bskur
 bar gsol ba thob cig ces so/ /de nas rgya mtsho'i blo gros kyi tshig de dang sangs rgyas kyi byin gyis brlabs kyis nyi ma'i shing rta la sogs pa tshangs pa'i drang srong rnams rab tu sad de tshig 'di smras pa/ legs so legs so/ /rgya mtsho'i blo gros khyod kyi tshig gang gis bdag
 cag gi sems rab tu sad par gyur to/ /de'i phyir nga ni dkon mchog gsum la skyabs su song ste sems can mtha' dag gis skye ba 'di nyid la yang dag par rdzogs pa'i sangs rgyas thob par bya ba'i skad du rgyud kyi rgyal po dus kyi 'khor lo la 'jig rten dang 'jig rten las 'das
 pa'i dngos grub sgrub pa'i lam dbang bskur bar gsol ba gdab par bgyi'o zhes so/ /de skad smras nas drang srong de rnams kyis tshangs pa'i rigs kyi rgyal po nyi ma'i shing rta la bos te/ kye nyi ma'i shing rta khyod ni rig byed la sogs pa'i bstan bcos kyi glegs bam gcig
 bu 'jig rten dang 'jig rten las 'das pa'i bstan bcos thams cad kyi gzhal bya 'dzin pa'i thugs can no/ /des na bdag cag gi gsol ba 'debs pa'i tshig gis rgyal po grags pa la gsol ba gdab pa byos shig /bdag cag kyang maN+Dal sngon du 'gro ba can gyis
 skyabs su song ste thams cad kyis gsol ba gdab par bgyi'o/ /de nas tshangs pa'i drang srong gi tshig des nyi ma'i shing rtas rin chen gser gyi rang bzhin gyi me tog rnams kyis maN+Dal byas nas mi'i dbang po grags pa'i zhabs kyi drung du rin po che'i me tog gi snyim pa gtor te/
 bus mo gnyis sa la btsugs shing lag pa gnyis spyi bor son pas tshangs pa'i drang srong rnams dang thabs cig tu grags pa'i zhabs la phyag 'tshal nas/ pus mo g.yas pa'i lha nga sa la btsugs shing thal mo sbyar ba dpral bar bkod de mi'i dbang po grags pa la gsol ba
 btab pa/ bcom ldan 'das gang du mtshams med pa lnga byed pa po rnams kyang skye ba 'di nyid la sangs rgyas nyid thob par lung ston zhing bcom ldan 'das rdo rje 'dzin pa'i mchog tu mi 'gyur ba'i bde bas yang dag par bsdus pa'i phyag rgya chen po 'thob par lung ston pa rgyud kyi rgyal
 po dang po'i sangs rgyas bstan du gsol/ de bzhin gshegs pas rgyal po zla ba bzang po la bstan pa'i dang po'i sangs rgyas stong phrag bcu gnyis pa gang yin pa de nyid gzhung nyung ngus dang po'i sangs rgyas rgyud kyi rgyal po bsdus pa
 'di yang dag par bsdu ba mdzad nas tshangs pa'i drang srong rnams la ston pas bstan du gsol zhes so/ /de nas nyi ma'i shing rtas gsol ba btab pa gsan nas tshangs pa'i drang srong rnams kyi mos pa'i sems kyi dbang gi phyir de bzhin gshegs pa'i byin gyi rlabs kyi stobs kyis bsdus pa yang dag
 par sdud par mdzad pa po nyid kyis phreng ba 'dzin pa'i tshigs su bcad pa thams cad mkhyen pa ston pa po la sogs pa'i yang dag par sdud par byed pa dag gis rgyud kyi rgyal po ston par mdzad do/ /sgra bzang po smra ba de dag rnams kyi sgra bzang po la zhen pa spang ba'i slad du don
 la rton pa nyid la brten te tshigs su bcad pa kha cig tu zur chag gi sgra dang / tshigs su bcad pa kha cig tu gcod mtshams nyams pa dang / kha cig tu rnam dbye med pa'i tshig dang / kha cig tu dbyangs dang gsal byed phyis pa dang / tshigs bcad kha cig tu ring po la thung ngu
 dang thung ngu la yang ring po dang / kha cig tu lnga pa'i don la bdun pa dang / bzhi pa'i don la drug pa dang / kha cig tu gzhan gyi tshig can gyi dbyings la bdag nyid kyi tshig can dang / bdag nyid kyi tshig can la gzhan gyi tshig can dang kha cig tu gcig gi tshig la mang po'i tshig
 dang / mang po'i tshig la gcig gi tshig dang / kha cig tu pho'i rtags la ma ning gi rtags dang ma ning gi rtags la pho'i rtags dang / kha cig tu rkan las byung ba sha yig la so dang spyi bo las byung ba dang / kha cig tu spyi bo las byung ba la so dang rkan las byung ba dang / kha
 cig tu so las byung ba la rkan dang spyi bo las byung ba ste/ de lta bu gzhan yang rgyud ston pa po'i man ngag gi rjes su 'brang bar bya ba'o/ /de bzhin du rtsa ba'i rgyud las bcom ldan 'das kyis/ zla bzang sangs rgyas thams cad dang / /bla ma rnams kyi slob ma yis/ /
 chung ma bu mo bu sdug dang / /rtag tu 'dod pa'i dngos po 'bul/ /dri ni sa la 'byung ba ste/ /chu la gzugs dang me la ro/ /rlung reg 'gyur ba med la sgra/ /nam mkha' che la chos kyi dbyings/ /dri dang spos sogs mar me dang / /bza' dang btung sogs gos
 rnams kyis/ /rtag tu phyag rgya mchod byas te/ /dam pa'i bu yis bla ma'i dbul/ /zhes gsungs te de lta bu la sogs pa'i sgra zur chag gzhan yang rnal 'byor pas lung bklags pa las rtogs par bya'o/ /de bzhin du 'grel bshad la yang sgra bzang po'i mngon pa'i nga
 rgyal nyams par bya ba'i slad du bdag gis don la rton pa nyid la brten te bri bar bya ste/ rnam pa gang dang gang gis rigs dang rig pa dang sgra bzang po'i mngon pa'i nga rgyal zad par 'gyur ba'i rnam pa de dang des don la rton pa nyid la brten te yul gyi skad gzhan dang sgra'i bstan
 bcos kyi skad gzhan gyis sangs rgyas dang byang chub sems dpa' rnams thar pa'i don du chos ston to/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las ston pa po dang gsol ba
 'debs pa po dang rtsa ba'i rgyud dang bsdus pa'i rgyud kyi 'grel pa'i mdor bsdus te gsum pa'o/ / //da ni 'jam dpal gyi sprul pa mi'i dbang po grags pa dang nyi ma'i shing rta ston pa po dang gsol ba 'debs pa po la sogs pa'i 'brel pa la sogs pas
 bsdus pa'i rgyud kyi rgyal po rnam par rgyas par bya ste/ 'dir dpal ldan dus kyi 'khor lo chen po'i dkyil 'khor gyi khang pa'i shar gyi sgo dang nye ba'i nor bu rin po che'i khyams chen por rin po che'i seng ge'i khri chen po la bzhugs pa/ lha dang lha ma yin dang klu'i sprul pa'i sku rgyal
 po'i rigs chen po dgu bcu rtsa drug tu skyes pa rin po che'i cod pan chen po bcings pa grong bye ba bye ba'i bdag po rnams kyis zhabs kyi pad+ma la phyag byas pa/ de bzhin gshegs pa thams cad kyi shes rab kyi sku nyi ma'i shing rtas gsol ba btab pa mi'i dbang po grags
 pas nyi ma'i shing rta la 'di gsungs so/ /nyi ma'i shing rta khyod tshangs pa'i drang srong gi rigs la sogs pa/ sems can thams cad kyis yang dag par rdzogs pa'i sangs rgyas kyi lam thob par bya ba'i slad du rgyud kyi rgyal po mchog gi dang po'i sangs
 rgyas dam pa'i dngos po nyan par 'dod cing yang dag par brtson pa gang yin pa de ni legs so legs so/ /khyod kyi 'di legs pa de bas na rgyud kyi rgyal po mchog gi dang po'i sangs rgyas dam pa'i dngos po 'jig rten dang 'jig rten las 'das pa'i dngos grub sgrub par byed
 pa dus kyi 'khor lo'i rdo rje'i rnal 'byor khyod kyis dris pa de thams cad bdag gis bstan par bya'o/ /sdud par byed pa po rgyal po grags pa bdag gis de bzhin gshegs pa'i byin gyi rlabs kyi stobs kyis yang dag par rdzogs pa'i sangs rgyas dang zla ba bzang po ston pa po dang
 g sol ba 'debs pa por 'brel pas phreng ba 'dzin pa'i sdeb sbyor gyis yang dag par bsdus te rgyud kyi rgyal po chen po las byung ba sngon du lung bstan pa'i bsdus pa'i rgyud kyi rgyal po dam pa'i dngos po shes rab dang thabs kyi bdag nyid kyi rnal 'byor khyod kyis kyang rtse gcig pa'i
 yid kyis nyon cig ces so/ /de nas bcom ldan 'das 'jam dpal gyi sprul pa'i sku mi'i dbang po grags pas mchog gi dang po'i sangs rgyas las de bzhin gshegs pas lung bstan pa ston pa po la sogs pa yang dag par sdud pa'i tshigs su bcad pa dang po gsungs pa/
 thams cad mkhyen pa ye shes sku dang nyin mor byed pa'i sku ste pad+ma'i 'dab ma rgyas pa'i spyan/ /sangs rgyas seng ge'i khri la bzhugs pa lha mchog rnams kyis btu/ la rgyal po zla ba bzang po yis/ /mgo bos rab tu phyag 'tshal lag pa'i pad+ma sbyar ba yan lag mchog
 la bzhag nas zhus pa ni/ /rnal 'byor dpal ldan dus 'khor ka phreng ldan pa'i a 'dus la ste mi rnams dgrol ba'i don du'o/ /rgyud kyi rgyal po 'dir ston pa po la sogs pa rnams bsdu ba'i don du tshigs su bcad pa dang po 'di bcom ldan 'das kyis yang dag par
 gsungs so/ /'dir ston pa po la sogs pa rnams ni ston pa po dang / gnas dang / 'khor chen po dang / gsol ba 'debs pa po dang / chos bstan pa dang / dgos pa dang dgos pa'i dgos pa'o/ /'di rnams las re zhig ston pa po bsdu ba ni/ thams
 cad mkhyen pa ye shes sku dang nyin mor byed pa'i sku ste pad+ma'i 'dab ma rgyas pa'i spyan/ /sangs rgyas zhes pa'i yi ge nyi shu rtsa gsum po 'dis bcom ldan 'das kyis ston pa po bsdu ba mdzad do/ /seng ge'i khri la bzhugs zhes pa'i yi ge lnga po 'dis gnas bsdu ba mdzad do/ /
 pa lha mchog rnams kyis btud la zhes pa'i yi ge bdun po 'dis 'khor chen po bsdu ba mdzad do/ /rgyal po zla ba bzang po yis/ mgo bos rab tu phyag 'tshal lag pa'i pad+ma sbyar ba yan lag mchog la bzhag nas zhus pa ni/ /zhes pa'i yi ge nyi shu rtsa brgyad po 'dis
 gsol ba 'debs pa po bsdu ba mdzad do/ /rnal 'byor dpal ldan dus 'khor ka phreng ldan pa'i a 'dus la ste zhes pa'i yi ge bcu bzhi po 'dis chos bstan pa bsdu ba mdzad do/ /mi rnams dgrol ba'i don du'o/ /zhes pa yi ge bdun po 'dis dgos pa dang
 dgos pa'i dgos pa bsdu ba mdzad de/ de ltar na yi ge brgyad cu rtsa bzhi po 'di rnams kyis rim pa ji lta ba bzhin ston pa po dang gnas dang 'khor chen po dang gsol ba 'debs pa po dang chos ston pa dang dgos pa dang dgos pa'i dgos pa rnams de bzhin gshegs pas lung
 bstan pa'i bcom ldan 'das 'jam dpal gyis rtsa ba'i rgyud kyi rgyal po las phyung ste bsdu ba mdzad do/ /rgyud kyi rgyal po thams cad du 'di skad bdag gis thos pa zhes pa la sogs pas bcom ldan 'das rdo rje 'dzin pa bzhugs pa'i gnas nges par bstan pa de bzhin
 gshegs pas gsungs pa ma yin nam/ ji ltar rgyud kyi rgyal po 'di thams cad mkhyen pa zhes pa la sogs pas 'di skad bdag gis la sogs pa dang bral bar sangs rgyas bcom ldan 'das kyis yang dag par bstan pa yin/ 'di skad bdag gis thos pa la sogs
 pas bzhugs pa'i gnas nges par bstan pa med pa'i phyir rgyud kyi rgyal po 'di sangs rgyas bcom ldan 'das kyis gsungs pa ma yin no zhes ming dang tshig la rton pa la brten pa 'ga' zhig gi tshig 'dir 'byung bar 'gyur te/ /de'i phyir brjod pa 'dir
 m a 'ongs pa'i dus na byis pa'i skye bo ming dang tshig la rton pa la brten pa dag gis rgyud kyi rgyal po thams cad du 'di skad bdag gis thos pa zhes pa la sogs pas bcom ldan 'das rdo rje 'dzin pa bzhugs pa'i gnas nges par bstan pa de bzhin gshegs pas gsungs
 par gang brjod pa de ni ma yin te/ gang gi phyir chos ston pa po don la rton pa la brten pa nyid kyi phyir dang / sdud par byed pa po rnams kyang yul sna tshogs kyi skad gzhan gyis yang dag par sdud par byed pa'i phyir ro/ /'dir gal te 'di skad bdag gis thos
 pa zhes pa la sogs pa legs par sbyar ba'i tshig mgrin pa dang rkan la sogs pa'i 'bad rtsol gyis bskyed pa nyi tshe bas de bzhin gshegs pa chos ston par byed pa de lta na chos kyi phung po brgyad khri bzhi stong dus du mar yang de bzhin gshegs pas bstan pa dang / sdud pa pos
 kyang bri bar mi nus te nyi tshe ba legs par sbyar ba'i tshig gcig pu yin pa'i phyir ro/ /'dir sprul pa'i sku mtha' yas pa med pa'i phyir mtha' yas pa mtha' yas pa'i 'jig rten gyi khams rnams su mtha' yas pa mtha' yas pa'i sems can rnams kyi sgra dag gis
 cig car chos ston pa yang med par 'gyur ro/ /chos kyi phung po brgyad khri bzhi stong ston par byed pa med pa'i phyir thams cad mkhyen pa ma yin par 'gyur te de ltar yang ma yin no/ /'dir sangs rgyas tshad med pa dang chos tshad med pa dang dge 'dun tshad med par de
 bzhin gshegs pas gsungs pa 'di'i phyir ston pa po thams cad mkhyen pa gcig ma yin no/ /thams cad mkhyen pa'i skad sems can thams cad kyi skad kyis don ston par byed pa gcig ma yin no/ /bzhugs pa'i gnas nges par bstan pa gcig ma yin no/ /
 de bzhin gshegs pa'i gsol ba 'debs pa po nyan thos kyi dge 'dun gcig ma yin gyi/ 'dir sems can rnams kyi mos pa sna tshogs kyi dbang gis thams cad mkhyen pa du ma dang thams cad mkhyen pa'i skad du ma dang bzhugs pa'i gnas du ma dang gsol ba 'debs pa po
 du ma dang chos bstan pa du ma yin no/ /de'i phyir de bzhin gshegs pas 'di skad bdag gis thos pa zhes pa la sogs pa mgrin pa dang rkan la sogs pa'i 'bad rtsol gyis bskyed pa lha'i skad gcig pus rgyud thams cad bstan pa ma yin no/ /'dir dang por re zhig nyan thos
 kyi tshul sde snod gsum la sogs pa ma ga d+hA'i skad kyis chos ston pa ni 'di lta ste/ i t+ya pi so b+ha ga bAM sa mya k+saM bud+d+ho bi d+yA tsar Na saM pa n+naH su ga to lo ka bi du a nu t+ta ro zhes pa la sogs pas chos bstan to/ /de bzhin du chu bo shI tI byang tsam pa ka'i yul du grong bye ba'i skad
 kyis chos ston pa ni 'di lta ste/ a ka ra Sh+Tu khu Sh+Nu ka ga ga Na ku/ dzi Na ma ka bi dzi ri Ta ku/ du du ru pa ka ces pa la sogs pas chos bstan to/ /de bzhin du ru ka ma'i byang su ra m+mI yul du grong bye ba'i skad kyis chos ston pa ni 'di lta ste/ a ka ma ya sad/ ba la da da ta ta
 bi ra Ta/ mi ni ka a ku Ta ba ra da da/ dzi gi ti ba ra da ta/ ces pa la sogs pas chos bstan to/ /de ltar de bzhin gshegs pa yul du ma'i yul gyi skad kyis theg pa gsum ston par byed pa'i phyir 'di skad bdag gis thos pa zhes pa la sogs pa legs par sbyar ba'i skad gcig
 pus ma yin no/ /des na sdud par byed pa po rnams kyis legs par sbyar ba'i skad kyis bris pa'i rgyud kyi rgyal po rnams la yang kha cig tu ni 'di skad bdag gis thos pa zhes pa la sogs pas bzhugs pa'i gnas nges par bstan te/ kha cig tu ni ma yin no/ /dang por re
 zhig dpal 'dus pa stong phrag nyi shu rtsa lnga pa dang sgyu 'phrul dra ba stong phrag bcu drug pa zhes pa la sogs pa rgyud kyi rgyal po du mar ni 'di skad bdag gis thos pa zhes pa la sogs pas bzhugs pa'i gnas nges par bstan to/ /la lar ni ma yin te dang por re zhig mchog gi dang ro'i
 sangs rgyas stong phrag bcu gnyis pa dang / rnal 'byor rjes su rig pa stong phrag sum cu rtsa drug pa dang / mngon par brjod pa 'bum pa chen po las te/ de bzhin du rgyud kyi rgyal po du ma rnams la yang ngo / /rtsa ba'i rgyud kyi rgyal po rnams la ji lta ba de bzhin du
 de nas phyung ba'i bsdus pa'i rgyud rnams la yang kha cig tu ni 'di skad bdag gis thos pa zhes pa la sogs pas bstan la kha cig tu ni ma yin no/ /'dir dpal 'dus par bcom ldan 'das kyis 'di skad bdag gis thos pa dus gcig na bcom ldan 'das de bzhin gshegs pa
 thams cad kyi sku dang gsung dang thugs rdo rje btsun mo'i b+ha ga rnams la bzhugs te zhes gnas nges par bstan pa gsungs so/ /de bzhin du sgyu 'phrul dra ba las 'di skad bdag gis thos pa zhes pa la sogs pas bzhugs pa'i gnas nges par bstan to/ /de bzhin du rtsa ba'i
 rgyud dang bsdus pa'i rgyud kyi rgyal po gzhan rnams la yang bzhugs pa'i gnas nges par bstan to/ /'dir mchog gi dang po'i sangs rgyas las bcom ldan 'das kyis/ thams cad mkhyen pa ye shes sku/ /nyi ma'i sku gang mi zad pa/ /dpal ldan pad 'dab rgyas pa'i
 spyan/ /sangs rgyas seng ge'i khrir bzhugs pa/ /sku gsung thugs dang chags pa yis/ /sku gsung thugs kyi dkyil 'khor la/ /sku gsung thugs dang chags pa'i bdag /rdo rje sems dpa' lhag pa'i lha/ /mi phyed rdo rje'i rnal 'byor 'di/ /dus kyi 'khor lo
 mi 'gyur bde/ /sangs rgyas thog ma tha ma med/ /dang po'i sangs rgyas rigs med pa/ /kun nas rdo rje skal bzang nyid/ /kun nas sna tshogs sdom pa ste/ /bden don rnam pa bcu gnyis dang / /de nyid rnam pa bcu drug 'dzin/ /zhes pa la sogs pas mchog
 gi dang po'i sangs rgyas las bzhugs pa'i gnas nges par bstan pa gsungs so/ /de bzhin du rnal 'byor rjes su rig pa stong phrag sum cu rtsa drug pa las bcom ldan 'das kyis/ rdo rje mkha' gro'i pad+mar gnas/ /lhag pa'i lha ni gcig po 'di/ /lhan skyes
 dga' ba'i gzugs kyis ni/ /srid gsum bdag nyid dag la gnas/ /zhes pa la sogs pas rnal 'byor rjes su rig pa las bzhugs pa'i gnas nges par bstan pa gsungs so/ /de bzhin du mngon par brjod pa 'bum pa las bcom ldan 'das kyis/ pho nya
 kun gyi gsang pa la/ /sems dpa' kun gyi bdag nyid gnas/ /sems dpa' pho nya kun rang bzhin/ /rdo rje sems dpa' bde ba che/ /zhes pa la sogs pas bzhugs pa'i gnas nges par bstan pa gsungs te de yang bla ma'i man ngag las rtogs par bya'o/ /
 de bzhin du gsol ba 'debs pa po ni dpal 'dus pa las/ de nas phyag na rdo rje de bcom ldan 'das rdo rje 'dzin pas byin gyis brlabs par gyur pas 'di skad ces gsol to/ /rgyud kyi rgyal po chen po rgyud thams cad kyi bla na med pa sangs rgyas thams cad kyi dpal
 'dus pa sangs rgyas thams cad mngon par brjod pa bcom ldan 'das kyis bstan du gsol zhes pa de lta bu la sogs pas phyag na rdo rjes gsol ba btab bo/ /de bzhin du sgyu 'phrul dra ba la phyag na rdo rje gsol ba 'debs pa po ste mtshan yang dag par brjod pa las
 rab tu grags so/ /'dir mchog gi dang po'i sangs rgyas la gsol ba 'debs pa po ni/ sems can nyon mongs gzhil ba'i slad/ /sku gsung thugs kyi sbyor ba yis/ /bcom ldan 'das kyis bskul gyur pas/ /ston pa'i zhabs kyi pad+ma gnyis/ /rin
 chen me tog rnams kyis mchod/ /slar yang snyim pa rin chen bcas/ /pus mo gnyis ni sar btsugs shing / /spyi bo yis kyang phyag 'tshal te/ /de nas pus mo g.yas pa yi/ /lha nga sa la btsugs nas ni/ /dpral bar thal mo sbyar byas te/ /mi
 bdag gsol ba 'debs par byed/ /rgyud rnams kun gyi bla na med/ /dang po'i sangs rgyas rtag tu ni/ /dngos grub kun tshogs mtshan nyid can/ /A li kA li legs ldan dpal/ /dus 'khor 'di la rnal 'byor ni/ /skad cig gcig mngon rdzogs sangs
 rgyas/ skad cig bzhi yi rnam dbye can/ /de nyid bcu drug dbye ba yis/ /tha dad thig le bzhi 'dzin pa/ /stong dang ye shes thig le dang / /mchog dang rdo rje 'dzin pa che/ /stong pa chen po yi ge lnga/ /thig le stong pa yi ge drug /phyi dang
 lus dang gzhan la yang / /sangs rgyas lha dang lha min nyid/ /de bzhin rang bzhin rnams la ni/ /skyes bu nyi shu lnga pa gzhan/ /lus dang sna tshogs tshad dang gang / /'jig rten gsum po 'byung ba'i rgyu/ /lha dang lha min longs spyod pa/ /ji bzhin gsal bar
 'di dag kun/ /ma lus ston pas bshad du gsol/ /zhes pa de lta bu la sogs pas mchog gi dang po'i sangs rgyas la rgyal po zla ba bzang pos gsol ba btab po/ /de bzhin du rnal 'byor rjes su rig pa'i rgyud la sna tshogs gzugs can mas/ dpal ldan sna
 tshogs gzugs can mas/ /rdo rje 'jigs byed la btud zhus/ /rnal 'byor rjes su rig pa'i rgyud/ /rdo rje sems dpa'i mchog bde ci/ /zhes pa la sogs pas rnal 'byor rjes su rig pa la gsol ba gdab pa gsungs so/ /de bzhin du mngon par brjod pa 'bum
 pa la rdo rje phag mos/ /srid gsum bdag nyid he ru kar/ /rdo rje phag mos phyag 'tshal te/ /mngon par brjod pa 'bum pa'i rgyud/ /rdo rje sems dpa'i mchog bde ci/ /zhes pa la sogs pas mngon par brjod pa 'bum pa la gsol ba gdab pa gsungs so/ /
 de bzhin du rgyud kyi rgyal po gzhan rnams la yang gsol ba 'debs pa rnal 'byor pas shes par bya'o/ /bcom ldan 'das mtha' yas pa'i chos ston pa po nyid yin pa 'di'i phyir/ 'di skad bdag gis thos pa zhes pa la sogs pas rgyud kyi rgyal po thams cad du
 bzhugs pa'i gnas nges par bstan zhes sangs rgyas pa rnams kyis brjed par mi bya'o/ /sems can thams cad kyi skad kyi rang bzhin can thams cad mkhyen pa'i skad med par legs par sbyar ba'i skad nyi tshe ba gcig pu 'dis yin na sangs rgyas kyang nyi tshe bar 'gyur ro/ /
 'phags pa'i yul 'dir sgra smra ba po mu stegs pa mkhas pa'i mngon pa'i nga rgyal dang ldan pa rnams mthong nas/ ji ltar bram ze dang khyab 'jug pa dang zhi ba pa la sogs pa rnams kyi 'dod pa'i lha tshangs pa dang khyab 'jug dang drag po la sogs pa rnams legs par sbyar ba smra
 ba po yin pa de bzhin du bdag cag gi 'dod pa'i lha sangs rgyas dang byang chub sems dpa' rnams legs par sbyar ba smra ba po yin no zhes pa ni sangs rgyas pa byis pa'i blo can rnams kyi bsam pa ste/ 'dir sangs rgyas dang byang chub sems dpa' de dag thams cad mkhyen pa'i
 skad med par legs par sbyar ba'i skad nyi tshe ba 'dis ma yin te sems can thams cad kyi skad kyis chos ston par byed pa po dang yang dag par sdud par byed pa po yin no/ /de'i phyir sangs rgyas dang byang chub sems dpa' rnams ni lha'i skye ba dang 'brel pa nyi tshe bas ma yin te
 sems can sna tshogs kyi skad kyis chos ston pa po yin pa'i phyir ro/ /sngags kyi tshul 'di la e waM nyid ming ma yin te dngos po gcig la yang ming du ma'o/ /ming mang po nyid kyi phyir ming gcig kho na gtso bo ma yin te ming thams cad kyis dngos po gcig go bar byed pa'i
 phyir ro/ /dper na bud med dang mi mo dang na chung ma rnams las bud med gcig pu gtso bo'i ming ma yin te thams cad kyis nu ma dang skrar ldan pa'i dngos po go bar byed pa'i phyir ro/ /de bzhin du e yig dang gsang ba dang pad+ma dang chos 'byung dang nam mkha'i khams dang / bde
 ba chen po'i gnas dang / seng ge'i khri dang / b+ha ga dang / gsang ba'i ming rnams kyi nang nas e yig gcig pu gtso bo'i ming ma yin te thams cad kyis rnam pa thams cad pa'i stong pa nyid go bar byed pa'i phyir ro/ /de bzhin du waM yig dang / bde ba chen po dang chags
 pa chen po dang lhan cig skyes pa dang mchog tu mi 'gyur ba dang / thig le dang de nyid dang ye shes dang / rnam par dag pa'i sems kyi ming rnams kyi nang nas waM yig gcig pu gtso bo'i ming ma yin te thams cad kyis phyag rgya chen po lhan cig skyes pa'i dga' ba 'gyur ba med pa'i
 bde ba go bar byed pa'i phyir ro/ /de bzhin du e yig dang waM yig dag gis rnam pa thams cad kyi mchog dang ldan pa'i stong pa nyid dang chos thams cad la dmigs pa med pa'i snying rje dbyer med pa'i byang chub kyi sems kyi dngos po go bar byed pa'i phyir/ e waM gi
 yi ge dang / rdo rje sems dpa' dang / byang chub kyi sems dang / dus kyi 'khor lo dang / dang po'i sangs rgyas dang / shes rab dang thabs kyi bdag nyid dang / rnal 'byor dang / shes pa dang shes bya'i bdag nyid dang / gnyis su med pa dang / thog ma dang tha ma
 med pa dang / zhi ba dang / 'dus pa dang / sdom pa ste/ de lta bu la sogs pa'i ming du ma rnams kyis rnal 'byor pas shes rab dang thabs kyi bdag nyid gnyis su med pa'i rnal 'byor rigs med pa rtogs par bya'o/ /'dir 'dus pa la sogs pa'i rgyud kyi rgyal
 po la rgyud kyi dang por e yig dang waM yig bcom ldan 'das kyis nges pa'i tshig gi tshul gyis nges par bstan zhing sdud par byed pa po rnams kyis kyang rgyud kyi dang por bris pa gang yin pa de ni lha rnams lha'i skad kyis yongs su smin par bya ba'i slad du'o/ /de'i phyir 'dus pa la
 sogs pa'i rgyud kyi rgyal po la yi ge gnyis po 'di dbyi bar mi 'dod de yi ge gnyis po 'di bcom ldan 'das kyis rkan la sogs pas ma gsungs pa yang ma yin la sdud par byed pa po rnams kyis ma thos par bris pa yang ma yin no/ /de'i phyir yi ge gnyis po 'di'i nges pa'i
 don brjod par bya ste dang por a yig nam mkha'i khams dang gsang ba'i pad+ma'o/ /de'i 'og tu rnam par bcad pa nyi ma dang rdul lo/ /de'i 'og tu a yig sgra gcan dang rnam par shes pa bde bas byin gyis brlabs pa'o/ /de'i 'og tu rjes su nga ro zla ba dang khu ba'o/ /
 a yig nam mkha'i khams dang sgra gcan rnam shes 'di gnyis kyi bar du rnam par bcad pa nyi ma dang rdul ni u nyid 'thob ste/ de'i phyir rnam par bcad pa nyi ma dang rdul u nyid thob par gyur pa na don dam pa'i bden pa las yon tan med do/ /yon tan med pa'i phyir ya Na ra
 bsgyur bar 'gyur te phyi ma'i a yig sgra gcan dang rnam par shes pa dang lhan cig wa nyid do/ /rjes su nga ro zla ba dang khu ba dang yang dag par sbyar te de'i phyir waM yig go/ /de bzhin du dang po'i a yig nam mkha'i khams dang gsang ba'i pad+ma ni bdun pa'i mtha' can te/ a
 yig pha rol gyi i yig dang lhan cig yon tan dang ldan par 'gyur te/ de'i phyir e yig go/ /e yig nam mkha'i khams rten 'di'i dbus su waM yig rnam par bcad pa dang / a yig dang rjes su nga ro dang nyi ma dang sgra gcan dang zla ba dang rdul dang kun gzhi'i rnam
 par shes pa dang khu ba'i bdag nyid rten pa yin par phyi dang lus dang gzhan la yang rtogs par bya'o/ /'dir rtsa ba'i rgyud las bcom ldan 'das kyis gsungs pa/ e yig mkha' khams dbus su ni/ /sangs rgyas kun gyi bde ba len/ /waM zhig rdo rje sems dpa'
 'di/ sku gsung thugs kyi rnal 'byor las/ /thig le zla ba khu ba sku/ /rnam par bcad pa rdul nyi gsung / /a yig mun can thugs rab brjod/ /mkha' khams e la rnam par gnas/ /sku gsung thugs kyi rnal 'byor gyis/ /sku gsung thugs kyi
 dkyil 'khor la/ /sku gsung thugs dang chags pa yis/ /srid gsum bdag nyid dag la gnas/ /zhes so/ /rgyu 'dis lha rnams yongs su smin par bya ba dang yang dag par rdzogs pa'i sangs rgyas nyid thob par bya ba'i slad du de bzhin gshegs pas 'dus
 pa la sogs pa'i rgyud kyi rgyal po rnams la 'di skad bdag gis thos pa zhes pa la sogs pas bzhugs pa'i gnas nges par bstan pa gsungs so/ /dngos po gang zhig dpal 'dus pa la sogs par e waM zhes pa'i ming 'dis brjod pa'i dngos po de nyid mngon par brjod pa 'bum
 pa la sogs pa'i rgyud kyi rgyal po rnams su gsang ba zhes pa la sogs pas de bzhin gshegs pas bstan to/ /de yang bla ma'i man ngag las rgyud dang rgyud gzhan du dgongs pa'i skad kyis rtogs par bya'o/ /'dir rtsa ba'i rgyud las bcom ldan 'das kyis gsungs
 pa/ dgongs pa'i skad dang de bzhin min/ /ji bzhin sgra dang de bzhin min/ /drang ba'i don dang nges don te/ /rgyud ni mtha' drug mtshan nyid do/ /bcom ldan 'das kyi gsung 'di'i phyir ming gcig ni gtso bo ma yin no/ /sngags kyi theg pa 'di la
 yid ches pa rnam pa gsum bcom ldan 'das kyis gsungs te/ dang por re zhig rgyud las yid ches pa dang / de nas bla ma las yid ches pa dang / de nas bdag nyid las yid ches pa ste/ yid ches pa 'di gsum gyis yang dag par rdzogs pa'i sangs rgyas kyi lam yongs
 su dag par 'gyur ro/ /rnam pa gzhan du yid ches pa gsum med par lam gang bla mas slob ma la bstan pa ni yang dag par rdzogs pa'i sangs rgyas nyid kyi 'bras bu ster bar byed pa por mi 'gyur te slob ma'i dad pa dman pa nyid kyi phyir kun rdzob kyi bden pas 'jig rten pa'i 'bras
 bur 'gyur ro/ /'dir rgyud dang rgyud gzhan du bcom ldan 'das kyis dam bca' ba mdzad de rnam par rtog pa dang bral ba'i sems su byas nas nyi ma gcig mtshan ma yongs su brtag par bya'o/ /gal te rgyud las gsungs pa'i cho ga dang bla ma'i man ngag gis slob ma yid
 ches par ma gyur pa de lta na bcom ldan 'das brdzun gsung bar 'gyur ro/ /ci ste bla ma rgyud nas gsungs pa'i cho gas slob ma la lam ster ba por ma gyur pa de lta na bcom ldan 'das kyis dam bca' ba brdzun du mi 'gyur te bla mas lam yongs su mi shes pa'i phyir dang
 phyin ci log dang rnam par ma dag pa'i lam bsgom pa ston par byed pa nyid kyi phyir ro/ /'dir du ba la sogs pa'i mtshan ma bor nas gzhan dkyil 'khor gyi 'khor lo sgrub pa'i mtshan ma nyi ma gcig yongs su brtag par bya ba ma yin par bcom ldan 'das kyis gsungs
 so/ /'dir rigs gsum gyi bdag nyid kyi rgyud kyi rgyal po la sku dang gsung dang thugs kyi bdag nyid can zhal gsum pa brjod par bya ba'o/ /rigs bzhi'i bdag nyid la sku dang gsung dang thugs dang ye shes kyi bdag nyid can zhal bzhi pa brjod par bya ba'o/ /rang
 bzhin gyi rigs gcig dang lhan cig rigs bzhi'i bdag nyid can gyi rgyud dang brjod par bya bar 'gyur ro/ /de bzhin du rigs lnga'i bdag nyid rang bzhin gyi gcig dang lhan cig rigs drug gi bdag nyid du 'gyur ro/ /'dir rigs bzhi'i bdag nyid kyi rgyud la rigs bzhi'i
 bdag nyid brjod par bya ba ste nyi ma dang zla ba dang sgra gcan dang me dang rdul dang khu ba dang sems dang ye shes gcig tu sbyor ba'o/ /'dir mtshan yang dag par brjod pa'i so sor rtog pa'i ye shes la bstod pa las tshigs su bcad pa sum cu rtsa gsum pa la sogs pa
 gsum gyis rdo rje'i rnal 'byor gsal bar de bzhin gshegs pas gsungs pa 'di lta ste/ rdo rje nyi ma snang ba che/ /rdo rje zla ba dri med 'od/ /chags bral dang po chags pa che/ /kha dog sna tshogs 'bar ba'i 'od/ /rdo rje skyil krung rdzogs sangs rgyas/ /
 sangs rgyas brjod pa'i chos 'dzin pa/ /dpal ldan sangs rgyas pad+ma skyes/ /kun mkhyen ye shes mdzod 'dzin pa/ /rgyal po sgyu 'phrul sna tshogs 'chang / /che ba sangs rgyas rigs sngags 'dzin/ /rdo rje rnon po ral gri che/ /'gyur med mchog ste rnam par
 dag / ces so/ /bcom ldan 'das kyi gsung 'di'i phyir rigs bzhi'i bdag nyid brjod par bya ba ste rdo rje sems dpa' rnam par dag pa dang chos dang sngags dang dbyings kyi bdag nyid can bcom ldan 'das dus kyi 'khor lo'o/ /de ltar phung po dang khams kyi dbye bas rigs
 lnga'i bdag nyid de/ de bzhin du sgyu 'phrul dra ba las bcom ldan 'das kyis gsungs pa/ gdong lnga zur phud lnga dang ldan/ /zur phud lnga pa me tog thod/ /mgo zlum brtul zhugs chen po 'chang / /tshangs par spyod pa brtul zhugs mchog/ /ces so/ /
 de bzhin du phung po dang / khams kyi dbye bas rigs drug gi bdag nyid kyi brjod par bya ba dang / de bzhin du zhal gyi dbye bas rigs brgya'i bdag nyid kyang bcom ldan 'das kyis chos kyi dbyings rnam par dag pa'i mtha'i tshigs su bcad pa'i rkang pa dang lhan cig me long lta
 bu'i ye shes la bstod pa'i tshigs su bcad pa dang pos gsungs pa 'di lta ste/ rdo rje 'jigs byed 'jigs par byed/ /khro bo'i rgyal po gdong drug 'jigs/ /mig drug lag drug stobs dang ldan/ /keng rus mche ba gtsigs pa po/ /ha lA ha
 la gdong brgya pa/ /zhes so/ /bcom ldan 'das kyi gsung 'di'i phyir/ rgyud dang rgyud gzhan dag tu brjod par bya ba ni zhal gsum pa dang / zhal bzhi pa dang / zhal lnga pa dang / zhal drug pa dang / zhal brgya par rtogs par bya'o/ /'dir 'dus pa la
 sogs par gnas gang zhig bcom ldan 'das kyis e yig gis gsungs pa'i gnas de nyid mngon par brjod pa 'bum pa la sogs par gsang ba la sogs pa'i sgras bcom ldan 'das kyis gsungs so/ /brjod par bya ba rdo rje sems dpa' gang zhig waM yig gis
 gsungs pa de nyid bde chen po'i sgras gsungs so/ /de ltar gsungs pa'i rim pas rigs bzhi'i bdag nyid dang rigs drug gi bdag nyid can mchog gi dang po'i sangs rgyas la rig bzhi'i bdag nyid dang rigs drug gi bdag nyid brjod par bya ba yin no/ /thams
 cad mkhyen pa zhes pa la sogs pa'i yi ge nyi shu rtsa gsum gyis bcom ldan 'das kyis bstan pa ni stong pa nyid dang snying rje dbyer med pa byang chub kyi sems kyi rdo rje bde ba chen po'o/ /'dir seng ge'i khri'i sgras nam mkha'i khams rnam pa thams cad pa ste seng ge'i khri de la
 bzhugs pa'o/ /sangs rgyas zhes pa ni rdo rje sems dpa'o/ /rnal 'byor zhes pa ni don chen po mchog tu mi 'gyur ba'o/ /rnal 'byor 'di mtshan yang dag par brjod pa'i rdo rje dbyings kyi dkyil 'khor chen po la bstod pa las tshigs su bcad pa bcu bzhis
 yang dag par brjod pa/ 'di ltar sangs rgyas bcom ldan 'das/ /rdzogs pa'i sangs rgyas a las byung / /a ni yig 'bru kun gyi mchog /don chen yi ge dam pa yin/ /srog chen po ni skye ba med/ /tshig tu brjod pa spangs pa ste/ /brjod pa kun
 kyi rgyu yi mchog / tshig kun rab tu gsal bar byed/ /ces pa la sogs pa nas/ mgon po rigs mchog chen po ste/ /bla ma gsang sngags che ba'i mchog /theg pa chen po'i tshul la gnas/ /theg pa chen po'i tshul gyi mchog /ces pa'i mthar thug
 pas rgyud kyi rgyal po thams cad la brjod par bya ba 'di chung ngu dang 'bring dang chen po'i sems can gyi bsam pa'i dbang gis bcom ldan 'das kyis yang dag par brjod do/ /de bzhin du stong pa ye shes zhes pa la sogs pa yi ge bcu bzhis rigs drug gis bdag nyid brjod par bya ba
 de nyid mtshan yang dag par brjod pa'i bya ba grub pa'i ye shes la bstod pa las kyang tshigs su bcad pa gnyis pas yang dag par bsdus te gsungs pa 'di lta ste/ gsang sngags don kun bskyed pa po/ /thig le chen po yi ge med/ /stong pa chen po yi ge lnga/ /thig le
 stong pa yi ge drug / ces so/ /des na ming mtha' yas pa dag gis chos ston par byed pa nyid kyi phyir 'di skad bdag gis thos pa zhes pa la sogs pas bstan pa'i rgyud kyi rgyal po 'di de bzhin gshegs pas gsungs pa yin la/ gsang ba zhes pa la sogs pa dang
 thams cad mkhyen pa zhes pa la sogs pas bstan pa ni de bzhin gshegs pas gsungs pa ma yin no zhes bya ba sangs rgyas pa rnams kyis brjod par mi bya ste/ rang gi grub pa'i mtha' dang gzhan gyi grub pa'i mtha' la skyon 'dzin na rtsa ba'i ltung ba drug par 'gyur ro/ /
 de'i phyir rgyud gzhan la snga ma dang phyi mar 'brel pa shes nas yon tan dang skyon rtogs par bya ba'o/ /rnam pa gzhan du na gdug pa'i slob dpon de bzhin gshegs pa'i snying po las phyi rol du gyur pa yul dang dbang po'i nye bar longs spyod pa la chags shing brdzun du smra ba rnams
 ma mthong ba'i skyon bzung ba las mnar med par 'gro bar 'gyur ro/ /de ltar brjod pa'i rim pa lung dang rigs pa dam pas snga ma dang phyi ma mi 'gal bar thams cad mkhyen pa zhes pa la sogs pas rgyud kyi rgyal po mchog gi dang po'i sangs rgyas bcom ldan 'das kyis
 yang dag par bstan to/ /'dir 'ga' zhig la thams cad mkhyen pa gang yin pa de nyid sangs rgyas bcom ldan 'das ma yin nam/ ming gnyis kyis dngos po gcig go bar byed pa'i phyir ro/ /sangs rgyas zhes pa zlos pa'i tshig 'di bcom ldan
 'das kyis ci'i don du gsungs zhes pa'i bsam pa 'byung bar 'gyur te/ de'i phyir brjod par bya'o/ /'dir thams cad mkhyen pa gang yin pa de nyid sangs rgyas bcom ldan 'das zhes pa'i tshig 'di ni bden te/ 'on kyang khyab 'jug dang drag po la sogs pa gzhan
 yang byis pa'i skye bo rnams kyis thams cad mkhyen pa nyid du yongs su brtags pas de dag gi thams cad mkhyen pa nyid gsal bar bya ba'i slad du thams cad mkhyen pa sangs rgyas bcom ldan 'das zhes gsungs te/ khams gsum po 'di na khyab 'jug dang drag po la sogs pa rnams kyi
 nang na gang zhig chos thams cad sems can thams cad kyi skad kyis ston par byed pa po thams cad mkhyen pa gzhan ni med do/ /'dir de dag gi nang na chos thams cad sems can thams cad kyi skad kyis ston par byed pa po'i thams cad mkhyen pa ci'i phyir med ce na/ brjod par bya ste/ khyab
 'jug dang drag po la sogs pa rnams 'gro ba drug gi 'khor ba 'dir lha'i skye bar skyes pa nyid kyi phyir dang / sangs rgyas bcom ldan 'das 'khor ba'i pha rol gyi mthar rnam par gnas pa nyid kyi phyir ro/ /'dir de bzhin gshegs pas mtshan yang dag par brjod pa'i
 chos kyi dbyings shin tu rnam par dag pa la bstod pa las tshigs su bcad pa bcu gsum pas gsungs pa 'di lta ste/ 'khor ba'i pha rol mthar son pa/ /bya ba byas pa skam sar gnas/ /shes pa 'ba' zhig nges gsal ba/ /shes rab mtshon chas rnam
 'joms pa/ /zhes so de'i phyir thams cad mkhyen pa sangs rgyas bcom ldan 'das te sangs rgyas zhes pa zlos pa'i tshig tu mi 'gyur te/ /thams cad mkhyen pa gang yin pa de nyid ye shes sku ma yin nam/ bcom ldan 'das kyis ye shes sku zhes zlos pa ci'i don du
 gsungs she na/ de nyid brjod par bya ste/ 'dir thams cad mkhyen pa gang yin pa de nyid ye shes sku zhes pa de ni bden te/ 'on kyang sangs rgyas gzhan nyan thos dang rang sangs rgyas kyi yang yod pas de dag gi yang dag par rdzogs pa'i sangs rgyas nyid bsal bar bya ba'i slad
 du thams cad mkhyen pa ye shes sku yang dag par rdzogs pa'i sangs rgyas bcom ldan 'das ye shes kyi sku zhes bcom ldan 'das kyis zlos pa gsungs so/ /'dir nyan thos dang rang sangs rgyas rnams kyi nang na ye shes sku yang dag par rdzogs pa'i sangs rgyas su gyur pa ni
 'ga' yang med do/ /'dir ci'i phyir nyan thos dang rang sangs rgyas rnams kyi nang na yang dag par rdzogs pa'i sangs rgyas su gyur pa 'ga' yang med ce na/ brjod par bya ste/ 'dir nyan thos dang rang sangs rgyas rnams ni lhag ma dang bcas pa'i mya ngan las 'das pa la
 gnas pa'i phyir dang / yang dag par rdzogs pa'i sangs rgyas lhag ma thams cad las rnam par grol ba'i phyir ro/ /de ltar yang bcom ldan 'das kyis mtshan yang dag par brjod pa'i so sor rtog pa'i ye shes la bstod pa las tshigs su bcad pa bcu gcig pas
 gsungs pa 'di lta ste/ lhag ma kun las rnam grol zhing / /nam mkha'i lam la rab gnas pa/ /yid bzhin nor bu chen po 'chang / khyab bdag rin chen kun gyi mchog /ces so/ /de'i phyir thams cad mkhyen pa ye shes sku yang dag par rdzogs pa'i
 sangs rgyas bcom ldan 'das ye shes kyi sku zhes bcom ldan 'das kyis zlos pa gsungs so/ /gang ye shes sku yin pa de nyid mi shes pa'i mun pa 'joms par byed pa'i phyir nyin mor byed pa'i sku ma yin nam/ bcom ldan 'das kyis nyin mor byed pa'i sku zhes zlos
 pa ci'i don du gsungs zhes 'ga' zhig smra bar 'gyur ba de'i phyir brjod par bya ste/ 'dir gang ye shes sku yin pa de nyid mi shes pa'i mun pa 'joms par byed pa'i phyir nyin mor byed pa'i sku'o zhes pa'i tshig 'di ni bden te/ 'on kyang sangs rgyas pa gzhan rnam par
 shes par smra ba yang yod pas de dag gi rnam par shes pa'i chos nyid bsal bar bya ba'i slad du ye shes kyi sku nyin mor byed pa'i sku rnam par shes pa'i chos nyid las 'das pa yang dag par rdzogs pa'i sangs rgyas zhes nyin mor byed pa'i sku zlos pa gsungs so/ /
 'dir rnam par shes par smra ba rnams kyi nang na ye shes kyi sku nyin mor byed pa'i sku yang dag par rdzogs pa'i sangs rgyas su gyur pa ni 'ga' yang med do/ /'dir ci'i phyir rnam par shes par smra ba rnams kyi nang na ye shes kyi sku nyin mor byed pa'i sku yang dag par rdzogs pa'i sangs
 rgyas su gyur pa 'ga' yang med ce na/ brjod par bya ste/ 'dir rnam par shes par smra ba rnams rnam par shes pa'i chos la gnas pa'i phyir dang / yang dag par rdzogs pa'i sangs rgyas rnam par shes pa'i chos nyid las 'das pa'i phyir ro/ /de ltar yang de bzhin
 gshegs pas mtshan yang dag par brjod pa'i so sor rtog pa'i ye shes la bstod pa las tshigs su bcad pa nyi shu rtsa gsum pas gsungs pa 'di lta ste/ rnam par shes pa'i chos nyid 'das/ /ye shes gnyis med tshul 'chang ba/ /rnam par rtog med lhun gyis
 grub/ /dus gsum sangs rgyas sku 'chang ba/ /zhes so/ /de'i phyir ye shes kyi sku nyin mor byed pa'i sku yang dag par rdzogs pa'i sangs rgyas zhes bcom ldan 'das kyis zlos pa gsungs so/ /'dir 'ga' zhig la rgyud kyi brjod par bya ba ye shes kyi sku gang
 yin pa de ni gzugs can ma yin pa yin la pad+ma'i 'dab ma rgyas pa'i spyan gang yin pa de ni gzugs can ma yin nam/ ci'i don du pad+ma'i 'dab ma rgyas pa'i spyan zhes bcom ldan 'das kyis gsungs zhes pa'i bsam pa 'byung bar 'gyur ba de'i phyir brjod par bya ste/
 'dir byis pa'i skye bo dag gis pad+ma'i 'dab ma rgyas pa'i spyan rgyud kyi brjod par bya ba gzugs can du brjod pa gang yin pa de ni ma yin te/ 'dir nges pa'i don du pad+ma'i sgras nam mkha'i khams brjod do/ /pad+ma nam mkha'i khams de la pad+ma'i 'dab ma rnams
 bzhin du rigs brgya ring ba'i ngo bo nyid kyis gnas pa'i sems can rnams so/ /pad+ma'i 'dab ma de dag gi mtha' ji srid par bcom ldan 'das gang gi spyan brgya rgyas pa de ni pad+ma'i 'dab ma rgyas pa'i spyan no/ /'dir bcom ldan 'das kyis mtshan yang dag par brjod
 pa'i me long lta bu'i ye shes la bstod pa las tshigs su bcad pa drug pas gsungs pa 'di lta ste/ rdo rje 'bar ba mig mi bzad/ /skra yang rdo rje 'bar ba ste/ /rdo rje 'bebs pa 'bebs pa che/ /mig brgya pa ste rdo rje'i mig /ces so/ /bcom ldan
 'das kyi gsung 'di'i phyir pad+ma'i 'dab ma rgyas pa'i spyan yang dag par rdzogs pa'i sangs rgyas bcom ldan 'das ni gzugs dang bral ba yin no/ /sangs rgyas de seng ge'i khri la bzhugs pa ste seng ge'i khri ni mkha' khams yin la gzhan yang seng ge'i khri ni zla ba dang nyi ma
 dang me'i dkyil 'khor te de la bzhugs pa ni seng ge'i khri la bzhugs pa'o/ /'dir rtsa ba'i rgyud las bcom ldan 'das kyis gsungs pa/ e gsang mkha' khams b+ha ga 'am/ /chos 'byung chu skyes seng ge'i khrir/ /bzhugs pa'i rdo rje can waM dang / /rdo
 rje can dang rdo rje sems/ /rdo rje 'jigs byed dbang phyug dang / /he ru ka dang dus 'khor dang / /dang po'i sangs rgyas la sogs mtshan/ /sna tshogs yul gyi ming rnams kyis/ /rgyud gzhan dag tu bdag gis brjod/ /sna tshogs sems can bsam
 pas kyang / /rten gyi mtshan nyid gnas dang ni/ /rten pa dag kyang bdag gis brjod/ /kun mkhyen ston pa rdo rje 'dzin/ /sangs rgyas seng ge'i khri la bzhugs/ /zla bzang khyod kyis gsol btab pa/ /dus kyi 'khor lo'i ston pa po/ /zhes so/ /
 de'i phyir thams cad mkhyen pa sangs rgyas bcom ldan 'das 'jig rten dang 'jig rten las 'das pa'i chos ston pa po lha dang lha ma yin dang mi rnams kyi ston pa mchog gi thugs rje can rgyu med par mnyes gshin pa sgrib pa thams cad las nges par grol ba'o/ /des na
 khyab 'jug dang drag po la sogs pa rnams kyi yang ston pa sangs rgyas bcom ldan 'das thams cad mkhyen pa ste/ stong gsum gyi stong chen po'i 'jig rten gyi khams na mtha' yas pa mtha' yas pa'i sems can rnams la mtha' yas pa mtha' yas pa'i
 skad kyis cig car 'jig rten dang 'jig rten las 'das pa'i chos ston pa po gzhan ni 'ga' yang med do/ gang gi phyir lha'i skye ba gcig pu nyi tshe bar skyes pa'i phyir dang legs par sbyar ba gcig pu nyi tshe ba smra ba'i phyir de dag ni thams cad mkhyen pa'i skad des mos pa sna
 tshogs pa'i sems can rnams la rang rang gi skad tha dad kyis 'jig rten dang 'jig rten las 'das pa'i chos ston par byed pa po ma yin no/ /mi'i 'jig rten 'dir de dag gis legs par sbyar ba'i skad kyis bstan pa glu dang grub pa'i mtha' dang sngon rabs kyi chos thams cad
 nyi tshe bar mngon sum du mthong ngo / /rig byed bzhi po rnams kyang ste gang gi phyir bram ze dang rgyal rigs rig byed klog par byed pa'i phyir ro/ /'dir bram ze dang rgyal rigs dag gis rig byed bklag par bya'i/ rje'u rigs dang dmangs rigs la sogs pa rnams kyis
 ma yin no zhes dang / de bzhin du glu ngang grub pa'i mtha' dang sngon gyi rabs kyi chos rnams bram ze'i kha las bram ze dang rgyal rigs dang rje'u rigs dang dmangs rigs te rigs bzhi rnams kyis mnyan par bya'i/ rab tu byung ba 'dzin pa med pas na nya pa la sogs pa rnams
 kyis ni ma yin no zhes te/ chos dgag pa'i tshig 'di'i phyir de dag gis bstan pa'i chos rnams ni nyi tshe ba ste sems can thams cad la phan par byed pa ma yin no/ /mi'i yul 'dir legs par sbyar ba'i skad nyi tshe ba yin pa'i rgyu gang gis mos pa sna tshogs pa'i sems
 c an rnams la sna tshogs pa'i skad kyis 'jig rten dang 'jig rten las 'das pa'i chos bstan par bya bar mi nus pa des na mi'i yul 'dir rje'u rigs dang dmangs rigs la sogs pa skye gnas dman par skyes pa rnams kyis rig byed bklag pa dang rab tu byung ba dbyig pa 'dzin pa
 yang mi bya'o zhes rje'u rigs dang dmangs rigs la sogs pa dgag pa byas so/ /sgra gcig pu legs par rab tu sbyar bas mtho ris su 'dod pa 'jo'o zhes pa ni log pa'i nga rgyal gyis zil gyis non pa rnams kyi bsam pa ste thams cad mkhyen pa'i skad med pa'i phyir ro/ /mi'i
 'jig rten 'dir gal te dmangs rigs la sogs pa'i mi thams cad kyis rig byed dang glu dang grub pa'i mtha' dang rtog ge dang bstan bcos la sogs pa rig par gyur pa de lta na bram ze rnams la su zhig gus par byed par 'gyur te/ rig pa dang chos dang ye shes thun mong bar
 yongs su shes pa'i phyir dang khyim pa 'khor ba'i longs spyod la chags pa thams cad dang bram ze rnams yon tan khyad par med pa'i phyir ro/ /zhes bya bar shes nas/ rdzas la chags pa'i drang srong gdug pa rnams kyis glu dang grub pa'i mtha' dang sngon gyi rabs la sogs pa'i
 chos rnams legs par sbyar ba'i skad kyis glegs bam la bris shing rig byed kyang kha thon gyis bklag par bya'o zhes pa'i nges pa byas pa ni thams cad shes par mi ston pa'i bsam pas byis pa'i skye bo rnams rmongs pa chen po skyed par byed pa ste/ 'dir sngon gyi dus na rig byed
 dang glu dang grub pa'i mtha' dang sngon gyi rabs kyi chos rnams glegs bam la bris par ma gyur pa na sdom brtson rnams kyi kha la gnas so/ /de nas snyigs ma lnga'i dus kyi dbang gis shes rab dman pa nyid kyi phyir sdom brtson rnams kyis glegs bam la bris so zhes so/ /
 'dir khyab 'jug dang drag po la sogs pa rnams kyis bstan pa'i chos nyi tshe ba sems can thams cad la brtse ba dang bral ba/ 'khor ba'i sdug bsngal ster bar byed pa log pa'i nga rgyal skyed par byed pa rigs su smra ba mngon par khengs par byed pa dag la sangs rgyas pa rnams
 kyis rjes su yi rang bar mi bya'o/ /khams gsum po 'dir thams cad mkhyen pas thams cad mkhyen pa'i skad kyis bstan pa'i chos gang yin pa sdud par byed pa po dag gis sems can sna tshogs pa'i skad kyis glegs bam la bris pa/ rig byed la sogs pa 'jig
 rten pa'i don ston par byed pa/ theg pa gsum gyi don ston par byed pa/ 'jig rten kun rdzob kyi bden pa dang / don dam pa'i bden pas bstan pa ni sems can thams cad kyis mnyan pa dang brjod pa'i slad du yang ste/ de la mos pa'i sems
 can rnams kyis thams cad mkhyen pas bstan pa'i chos kyi phung po brgyad khri bzhi stong 'jig rten dang 'jig rten las 'das pa'i don ston par byed pa de dag nyan par byed klog par byed/ 'don par byed 'chang bar byed gzhan dag la yang rgya cher yang dag par rab tu ston par
 byed rab tu gnas par byed/ me tog sna tshogs dang / spos sna tshogs dang / dri sna tshogs dang / phye ma sna tshogs dang / gos sna tshogs dang / me long sna tshogs dang / dril bu sna tshogs dang / ba dan sna tshogs dang / rnga yab sna tshogs dang / gdugs sna
 tshogs dang / bla re sna tshogs dang / mu tig gi do shal sna tshogs dang / mar me sna tshogs dang / rin po che'i rgyan sna tshogs kyis mchod pa byed de/ mchod pa byas nas de dag la yan lag lngas phyag 'tshal bar byed do/ /de ltar thams cad mkhyen pas bstan pa'i
 chos gzhan la phan par byed pa de dag ni mos pa'i dbang gis gzhan la phan par byed pa'i slad du de dag de bzhin gshegs pas rigs dang rigs ma yin pa'i dbang gis 'ga' zhig la yang bsgrubs pa dang bkag pa med de da lta yang nub par ma gyur to/ /re zhig yul gyi khyad
 par gzhan lta zhog gi de bzhin gshegs pa mngon par rdzogs par sangs rgyas pa 'phags pa'i yul 'dir bcom ldan 'das yongs su mya ngan las 'das par gyur pa na sdud par byed pa po dag gis theg pa gsum glegs bam la bris te/ de bzhin gshegs pa'i nges pas sde
 snod gsum ma ga d+hA'i skad kyis bris so/ /mdo sde ni sin+d+hu'i skad kyis so/ /pha rol du phyin pa'i tshul dang sngags kyi tshul ni legs par sbyar ba'i skad kyis so/ /rgyud dang rgyud gzhan dag ni legs par sbyar pa'i skad dang tha mal ba'i skad dang zur chag gi skad dang legs par sbyar ba
 ma yin par ri khrod pa la sogs pa kla klo'i skad kyis te/ de lta bu la sogs pa thams cad mkhyen pas bstan pa'i chos rnams sdud par byed pa po dag gis bris so/ /de bzhin du bod kyi yul du theg pa gsum bod kyi skad gyis bris te/ rgya nag tu rgya nag gi skad kyis so/ /
 rgya nag chen por rgya nag chen po'i skad kyis so/ /pA ra si ka'i yul du pAr si ka'i skad kyis so/ /chu bo shI ta'i byang du tsam pa ka'i yul gyi skad dang / spre'u'i yul gyi skad dang / gser zhes bya ba'i yul gyi skad kyis so/ /de bzhin du chu bo sngon po'i byad du rug ma zhes bya
 ba'i yul gyi skad dang / su raM ma'i yul gyi skad kyis so/ /de ltar grong bye ba bye ba'i bdag nyid yul dgu bcu rtsa drug rnams su lus dgu bcu rtsa drug gi skad kyis bris so/ /de bzhin du dum bu bcu gnyis dang mtho ris dang mi yul dang sa 'og rnams su sems can sna tshogs kyi
 skad kyis sdud par byed pa po dag gis theg pa gsum bris te/ nyan thos rnams kyis nyan thos kyi theg pa dang / rang sangs rgyas rnams kyis rang sangs rgyas kyi theg pa dang / byang chub sems dpa' rnams kyis theg pa chen po pha rol tu phyin pa dang / theg pa chen po gsang
 sngags rgyu dang 'bras bu'i bdag nyid de/ sdud par byed pa po sna tshogs kyis sems can rnams gdul bar bya ba'i don du'o/ /sdud par byed pa sna tshogs kyis yul sna tshogs kyi skad kyis bris pa'i lung dang rigs pa 'dis rnam par dpyad pa na sangs rgyas bcom ldan
 'das thams cad mkhyen pa thams cad mkhyen pa'i skad kyis chos ston pa po yin gyi khyab 'jug dang drag po la sogs pa gzhan ni ma yin no/ /ci ste khyab 'jug dang drag po la sogs pa rnams kyi nang na yon tan 'di dag yongs su rdzogs pa 'ga' zhig yod na de yang bdag cag
 gis rnam pa thams cad du phyag bya ba dang mchod par bya ba dang bkur bar bya ba yin no/ /mkhas rnams yon tan la gus te/ /sangs rgyas dbang phyug sogs la min/ /yon tan med la'ang gus pa gang / /de blun mi dge'i las las skyes/ /sems can rnams la
 phan pa'i chos/ /tha mal rnams kyang ston par byed/ /mkhas pas bdag gi dga' mi dga' sa/ /sems can rnams la 'tshe ba ston/ /ma yang srin mo'i 'jig rten na/ /rang gi bu la bzang bar sems/ /gang zhig bu la brtse med pa/ /de la
 skye bo gzhan lta ci/ /mchod sbyin la sogs chos kyi rgyu/ /gang la pha ma gsod par ni/ /rang don lhur len bram zes brjod/ /de la gzhan don ci zhig gtam/ /de'i phyir mchog gi dang po'i sangs rgyas la thams cad mkhyen pa sangs rgyas bcom ldan 'das sems can
 thams la thugs brtse ba can thams cad mkhyen pa skad thams cad kyis chos ston pa po yin la/ de bzhin du sa bcu'i dbang phyug phyag na rdo rje zla ba bzang po ni gsol ba 'debs pa po dang sdud pa po yin par rab tu grags so/ /bsdus pa'i rgyud kyi rgyal po dus kyi 'khor
 lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las thams cad mkhyen pa zhes pa la sogs pas rgyud kyi rgyal po ston pa po dang gsol ba 'debs pa po bsgrub pa'i mdor bsdus te bzhi pa'o/ / //da ni rdo rje'i rnal 'byor
 bsdu ba brjod pa rnal 'byor dpal ldan dus 'khor zhes pa la sogs pa ste sngags kyi tshul 'di la 'jig rten dang 'jig rten las 'das pa'i bden pa yang dag par brten nas sangs rgyas bcom ldan 'das kyis rgyud dang rgyud gzhan dag tu don rnam pa gnyis nges par bstan te/ gcig ni 'jig rten kun rdzob kyis yin la gnyis pa ni don dam pas so/
 /de la gang 'jig rten kun rdzob kyis bstan pa de ni drang ba'i don yin la gang don dam pas bstan pa de ni nges pa'i don to/ /don rnam pa gnyis po 'di slob ma rnams kyis bal ma'i man ngag las
 khong du chud par bya ba'o/ /de bzhin du rgyud dang rgyud gzhan thams cad la brjod par bya ba rnam pa gnyis te gcig ni 'jig rten kun rdzob kyis yin la gnyis pa ni don dam pas so/ /gang 'jig rten kun rdzob kyis yin pa de ni kha dog dang phyag dang mtshan ma dang dbyibs kyi
 mtshan nyid can no/ /gang don dam pa'i bden pas yin pa de ni kha dog dang phyag dang mtshan ma dang dbyibs dang bral ba'o/ /'di dag las gang 'jig rten pa'i kun rdzob kyis bstan pa de ni phyi dang nang la 'jig rten pa'i dngos grub bsgrub pa'i slad du rang gi sems kyis yongs
 su brtags pa'i chos/ 'jig rten pa'i dngos grub kyi 'bras bu ster bar byed pa'o/ /gang don dam pa'i bden pas bstan pa de ni 'jig rten pa las 'das pa rnam pa thams cad kyi mchog dang ldan pa phyag rgya chen po'i dngos grub bsgrub pa'i slad du rang gi sems kyis yongs su
 brtags pa'i chos dang bral ba gzhon nu ma rnams kyis/ me long la sogs pa la pra phab pa bzhin du rnal 'byor pa rnams kyis rang gi sems kyi 'od gsal mngon sum du nam mkha' la snang ba 'dod pa'i don gyi 'bras bu ster ba ste 'bras bu ni 'gyur ba med pa'i bde ba'i ye shes kyi sems
 so sems 'di gnyis gcig pa nyid ni shes rab dang thabs kyi bdag nyid rdo rje'i rnal 'byor don chen po mchog tu mi 'gyur ba dang po'i sangs rgyas rigs med pa dus kyi 'khor lo bcom ldan 'das rdo rje sems dpar rgyud gzhan thams cad du rab tu grags so/ /bcom ldan 'das de nyid
 rgyu'i mtshan nyid pha rol tu phyin pa'i tshul la ni shes rab kyi pha rol tu phyin pa las ngo bo nyid kyi sku zhes gsungs so/ /de bzhin du mngon par rtogs pa'i rgyan gyi tshig le'ur byas pa las mdzad pa dang bzhir nges par byams pas gsungs pa/ ngo bo nyid longs rdzogs bcas dang / /
 de bzhin gzhan pa sprul pa ni/ /chos sku mdzad par bcas pa ste/ /rnam pa bzhir ni yang dag brjod/ /ces so/ /bcom ldan 'das de nyid 'bras bu'i mtshan nyid sngags kyi tshul la lhan cig skyes pa'i dga' ba dang / lhan cig skyes pa'i sku zhes gsungs te
 gzung ba dang 'dzin pa spangs pa rnam par shes pa'i chos nyid las 'das pa srid pa dang mya ngan las 'das pa la rab tu mi gnas pa/ sangs rgyas rnams kyi 'dus pa dang / lha mo rnams kyi sdom pa yang ye shes kyi sku 'di dang lhan cig ro mnyam pa nyid do zhes pa nges pa'i don
 to/ /'dir rnal 'byor pa rnams kyi phyogs su 'dzin pa thams cad nyams par bya ba'i slad du rdo rje'i rnal 'byor rigs med pa rtag pa dang chad pa spangs pa/ 'jig rten pa'i dpe las 'das pa/ yod pa dang med pa'i blo yongs su spangs pa/ gzhon nu
 ma'i me long la pra phab pa bzhin rang gi sems kyis ma brtags pa mngon sum du mthong ba/ yid ches pa'i don can rnam pa thams cad pa/ nam mkha' las byung ba/ kun du bzang po/ dbang po thams cad pa/ sems can thams cad kyi bdag nyid du gnas pa/ lhan
 cig skyes pa'i dga' ba/ gtan tshigs dang dpe spangs pa 'di'i dper dngos po dang dngos po med pa gcig pa nyid 'gyur te chos mi mthun pa'i phyir ro/ /dper na 'jig rten pa'i dpe bum pa dang chos mi mthun pa'i phyir nam mkha'i me tog ni med pa thams cad kyis med do/ /
 de bzhin du nam mkha'i me tog dang chos mi mthun pa'i phyir bum pa ni dngos po thams cad kyis yod do zhes 'di gnyis phan tshun chos mi mthun pa'i phyir dper 'gyur ro/ /de bzhin du chad pa dang / chos mi mthun pa'i phyir srid pa ni dngos po thams cad kyis yod do/ /srid pa
 dang chos mi mthun pa'i phyir chad pa ni med pa thams cad kyis med do/ /chad pa'i sgras ni mya ngan las 'das pa dngos po med pa'i mtshan nyid do/ /de bzhin du 'jig rten las 'das pa'i dper bum pa dang nam mkha'i me tog 'di gnyis gcig pa nyid 'gyur te chos mi
 mthun pa'i phyir ro/ /bum pa dang nam mkha'i me tog 'di dag 'jig rten pa'i kun rdzob tu gcig pa nyid med de phan tshun 'gal ba'i phyir ro/ /gang gis gang yod pa de ni med par mi 'gyur zhing gang med pa de ni yod par mi 'gyur te dngos po dang dngos po med pa'i rang bzhin las
 so/ /gang gis yod pa'i mtshan nyid kyi sems su 'gyur ba des med pa'i mtshan nyid du mi 'gyur ro/ /gang gis med pa'i mtshan nyid kyi sems su 'gyur ba des yod pa'i mtshan nyid du mi 'gyur te 'gal ba'i phyir ro/ /'dir yang stong pa nyid dang snying rje'i bdag
 nyid kyi gzugs rnam par dag pa'i sems gzhon nu ma'i pra phab pa lta bu ni gzugs kyi mtshan nyid ma yin te rdul phra rab med pa'i phyir ro/ /gzugs med pa'i mtshan nyid ma yin te stong pa la yod pa'i phyir ro/ /de'i phyir kun rdzob stong pa nyid kyi gzugs can dang stong pa
 nyid kun rdzob kyi gzugs can te/ 'jig rten pa'i dpe las 'das pa nyid kyi phyir sems gang yod pa'i sems de ni sems med pa/ rtag pa dang chad pa'i chos kyis mtshan nyid dang bral ba stong pa nyid dang snying rje dbyer med pa'o/ /don dam pa'i bden pas gnyis ka'i
 sems dag chos mi mthun pa'i phyir yod pa dang med pa las 'das pa/ dngos po dang dngos po med pa zad pa/ rdo rje'i rnal 'byor gnyis su med pa ste de bzhin gshegs pa'i gsung rigs med pa nyid kyi phyir ro/ /'dir rtsa ba'i rgyud las bcom ldan 'das kyis
 gsungs pa/ yod dang med las rnam par 'das/ /gnyis med dngos dang dngos med zad/ /stong nyid snying rje dbyer med pa/ /rdo rje'i rnal 'byor bde ba che/ /phra rab rdul gyi chos nyid 'das/ /stong pa'i chos ni rnam par spangs/ /rtag dang chad
 las rnam par grol/ /rdo rje'i rnal 'byor rigs med pa/ /zhes so/ /de bzhin du rgyud gzhan dag tu yang de bzhin gshegs pas rdo rje'i rnal 'byor phyag rgya chen po'i dngos grub ster bar byed pa po gsungs so/ /rdo rje'i rnal 'byor rnam par dag pa skad cig gcig
 gis mngon par rdzogs par sangs rgyas pa/ dam pa'i don chen po mchog tu mi 'gyur ba lhan cig skyes pa'i dga' ba 'di ni/ 'dod pa'i srid pa la mi gnas/ gzugs kyi srid pa la mi gnas/ gzugs med pa'i srid pa la mi gnas/ 'dod pa'i mya ngan
 las 'das pa la mi gnas/ gzugs kyi mya ngan las 'das pa la mi gnas/ gzugs med pa'i mya ngan las 'das pa la mi gnas te srid pa dang / mya ngan las 'das pa la mi gnas pa nyid kyi phyir ro/ /gnyis ka la yang mi gnas te phan tshun 'gal ba'i
 phyir ro/ /srid pa dang mya ngan las 'das pa ni gcig pa nyid ma yin te grib ma dang nyi ma bzhin no/ /dper na me ni gtsub stan la mi gnas/ gtsub shing la mi gnas/ skyes bu'i lag pa'i rtsol ba la mi gnas pa de bzhin du rdo rje'i
 rnal 'byor yang phyi dang nang dang gzhan thams cad la rnal 'byor pas rtogs par bya'o/ /'dir skad cig gcig gis mngon par rdzogs par byang chub pa zhes bya ba ni mchog tu mi 'gyur ba'i bde ba chen po'i skad cig ste skad cig la mngon par rdzogs par sangs rgyas
 pa 'di ni dbugs kyi grangs [(]gyi [,]kyi [)]mtha' ji srid par skad cig thams cad rnam par sgom pa po yin no/ /de nas rdzogs pa'i skad cig de la mngon par rdzogs par sangs rgyas pa ste yang dag par rdzogs pa'i sangs rgyas so/ /'dir rdzogs pa'i skad cig gang la de bzhin
 gshegs pa thams cad mngon par rdzogs par sangs rgyas pa'i skad cig de nas chos thams cad skye ba med pa gnas pa med pa 'jig pa med pa ste rigs med pa'i phyir ro/ /'dir skad cig gang la chos rnams skye bar 'gyur ba'i skad cig de la gnas pa dang 'jig pa med
 do/ /'dir skad cig gang la gnas par 'gyur ba'i skad cig de la 'jig pa dang skye ba med do/ /'dir skad cig gang la chos thams cad 'jig par 'gyur ba'i skad cig de la skye ba dang gnas pa med do/ /de ltar na rim pa ji lta ba bzhin chos thams cad skad cig skye ba dang
 skad cig gnas pa dang skad cig 'jig par mi 'gyur ro/ /cig car yang mi srid de chos thams cad dus gcig tu yod pa la skye ba dang gnas pa dang 'jig pa'i skad cig rnams gcig pa nyid ma yin no/ /ci ste rim pa ji lta bar skye ba'i skad cig las gnas pa'i skad
 cig dang gnas pa'i skad cig las 'jig pa'i skad cig dang 'jig pa'i skad cig las skye ba'i skad cig 'byung ngo zhe na/ 'di nyid don dam pa'i rigs pas mi 'thad de/ 'dir skad cig snga ma ma 'gags pa las skad cig gzhan mi 'byung zhing de bzhin du 'gags pa las
 kyang mi 'byung ngo / /dper na sa bon ma nyams pa las myu gu mi 'byung zhing nyams pa las kyang mi 'byung ba bzhin no/ /de ltar na don dam par yod pa'i dngos po med pa'i phyir skad cig gcig med de gcig dang du ma 'gal ba'i phyir ro/ /'dir skad cig thams cad
 r nam par sgom pa po skad cig gcig la mngon par rdzogs par sangs rgyas zhes pa gang yin pa de ni mchog tu mi 'gyur ba'i bde ba'i skad cig drug brgya lhag pa'i stong phrag nyi shu rtsa gcig sgom pa po dang por mchog tu mi 'gyur ba'i bde ba'i skad cig gis mngon par rdzogs
 par sangs rgyas te/ de'i rjes la sangs rgyas rnams kyi rnal 'byor skad cig thams cad med pa gcig dang du ma dang bral ba mchog gi gnyis su med pa ste/ don dam par yod pa dang med pa dang bral ba nyid phyir ro/ /ji srid du 'jig rten pa'i sems yod pa de
 srid du chos rnams gcig dang du mas rnam par dpyod de skad cig ma'i sems snang ba'i phyir ro/ /gang gi tshe sems skad cig gis chos dang bral ba de'i tshe rang bzhin med pa zhes brjod do/ /de'i phyir rang bzhin med pa'i phyogs ni bcom ldan 'das kyis phyogs med par
 gsungs so/ /phyogs zhes bya ba ni dngos po dang dngos po med pa dang / yod pa dang med pa dang / yin pa dang ma yin pa dang / gcig dang gcig ma yin pa dang / rtag pa dang chad pa dang / srid pa dang mya ngan las 'das pa dang / gzugs dang gzugs ma
 yin pa dang / sgra dang sgra ma yin pa dang / skad cig dang skad cig ma yin pa dang / chags pa dang chags pa ma yin pa dang / zhe sdang dang zhe sdang ma yin pa dang / gti mug dang gti mug ma yin pa zhes pa de lta bu la sogs pa rnams ni phyogs te phan tshun ltos pa dang
 bcas pa nyid kyi phyir ro/ /phyogs 'di dang bral ba ni sangs rgyas rnams kyi mi gnas pa'i mya ngan las 'das pa rang bzhin med pa ste/ skad cig gcig dang du ma dang bral ba'i ye shes ni rgyal ba rnams kyis de kho na nyid ces gsungs so/ /de nyid sems can rnams
 kyi rang gi sems kyi bsam pa'i dbang gis rnam pa bzhi dang rnam pa bcu drug tu yang so sor snang ste/ dga' ba dang mchog dga' dang khyad par gyi dga' ba dang lhan cig skyes pa'i dbye bas rnam pa bzhi ste/ de nas sku'i dga' ba dang gsung gi dga' ba dang
 thugs kyi dga' ba dang ye shes kyi dga' ba dang / de bzhin du sku'i mchog gi dga' ba dang / gsung gi mchog gi dga' ba dang / thugs kyi mchog gi dga' ba dang / ye shes kyi mchog gi dga' ba dang / de bzhin du sku'i khyad par gyi dga' ba dang / gsung gi
 khyad par gyi dga' ba dang / thugs kyi khyad par gyi dga' ba dang / ye shes kyi khyad par gyi dga' ba dang / de bzhin du sku'i lhan cig skyes pa'i dga' ba dang / gsung gi lhan cig skyes pa'i dga' ba dang / thugs kyi lhan cig skyes pa'i dga' ba dang / ye shes kyi
 lhan cig skyes pa'i dga' ba ste/ de lta bu'i de nyid rnam pa bcu drug gang gi tshe rnal 'byor pas rig pa de'i tshe/ de nyid rnam pa bcu drug rig /ces bcom ldan 'das kyis gsungs so/ /de nyid de kho na la lhan cig skyes pa'i sku zhes brjod de/ de'i 'og tu chos kyi sku
 dang / de'i 'og tu longs spyod rdzogs pa'i sku dang / de'i 'og tu sprul pa'i sku'o/ /de bzhin du lhan cig skyes pa'i gsung dang / lhan cig skyes pa'i thugs dang / lhan cig skyes pa'i ye shes dang / de bzhin du chos kyi gsung dang / chos kyi thugs dang / chos kyi ye
 shes dang / longs spyod rdzogs pa'i gsung dang / longs spyod rdzogs pa'i thugs dang / longs spyod rdzogs pa'i ye shes dang / sprul pa'i gsung dang / sprul pa'i thugs dang / sprul pa'i ye shes te/ de ltar de nyid rnam pa bcu drug tu sems can thams cad kyi
 sems kyi lhag par mos pa'i dbang gis rab tu snang ste/ de nyid lhan cig skyes pa'i sku stong pa nyid kyi rnam par thar pas rnam par dag pa/ ye shes rdo rje thams cad mkhyen pa shes rab dang thabs kyi bdag nyid rnam par dag pa'i rnal 'byor zhes brjod do/ /de nyid chos kyi
 sku mtshan ma med pa'i rnam par dag pa thugs rdo rje ye shes sku shes rab dang thabs kyi bdag nyid chos kyi bdag nyid kyi rnal 'byor zhes brjod do/ /de nyid longs spyod rdzogs pa'i sku smon pa med pa'i rnam par thar pas rnam par dag pa/ gsung rdo rje nyin mor byed pa'i sku shes
 rab dang thabs kyi bdag nyid sngags kyi rnal 'byor zhes brjod do/ /de nyid sprul pa'i sku mngon par 'dus ma byas pa'i rnam par thar pas rnam par dag pa/ sku rdo rje pad+ma'i 'dab ma rgyas pa'i spyan shes rab dang thabs kyi bdag nyid dbyibs kyi rnal 'byor zhes brjod de/ de lta
 bu'i rdo rje'i rnal 'byor rnam pa bzhi po 'di sangs rgyas la phyag na rdo rjes zhus so/ /stong pa nyid kyi rnam par thar pas rnam par dag pa/ ye shes rdo rje shes rab dang thabs kyi bdag nyid lhan cig skyes pa'i sku thams cad mkhyen pa nyid thob pa ni thams cad mkhyen pa ste thams
 cad gzigs pa nyid kyi phyir ro/ /mtshan ma med pa'i rnam par thar pas rnam par dag pa/ thugs rdo rje shes rab dang thabs kyi bdag nyid/ chos kyi sku lam gyi rnam pa mkhyen pa nyid thob pa ni ye shes sku ste/ mchog tu mi 'gyur ba'i bde bas gnas pa nyid kyi phyir
 ro/ /smon pa med pa'i rnam par thar pas rnam par dag pa/ gsung rdo rje shes rab dang thabs kyi bdag nyid/ longs spyod rdzogs pa'i sku lam mkhyen pa nyid thob pa ni nyin mor byed pa'i sku ste mtha' yas pa mtha' yas pa'i sems can gyi skad kyis cig car 'jig rten dang
 'jig rten las 'das pa'i chos ston pa po nyid yin pa'i phyir ro/ /mngon par 'dus ma byas pa'i rnam par thar pas rnam par dag pa/ sku rdo rje shes rab dang thabs kyi bdag nyid/ sprul pa'i sku rnam pa thams cad mkhyen pa nyid thob pa ni pad+ma'i 'dab ma rgyas
 pa'i spyan te mtha' yas pa mtha' yas pa'i sprul pa'i sku dag gis cig car rnam pa thams cad pa'i sku'i bkod pa'i rdzu 'phrul spro ba'i phyir ro/ /de bzhin du skad cig gcig gis mngon par rdzogs par sangs rgyas pa ni ye shes rdo rje ste don thams cad gzigs pa'o/ /
 rnam pa lngas mngon par rdzogs par sangs rgyas pa ni thugs rdo rje ste/ mchog tu mi 'gyur ba'i bde ba'o/ /rnam pa nyi shus mngon par rdzogs par sangs rgyas pa ni gsung rdo rje ste/ bden pa'i don rnam pa bcu gnyis pa sems can thams cad kyi skad
 kyis chos ston pa po'o/ /sgyu 'phrul dra bas mngon par rdzogs par sangs rgyas pa ni sku rdo rje ste/ de nyid rnam pa bcu drug rig pa mtha' yas pa'i sgyu 'phrul dra ba dag gis spros pa'i sku'o/ /'dir sems kyi rdo rje rnam pa bzhi rnam par dag pa ni sku bzhi'i mtshan
 nyid du 'gyur te/ bzlog par dka' ba'i 'dod chags kyi dri mas kun nas bsgos pa b+ha ga dang dbang po'i bdag nyid bzhi pa'i sems kyi dngos po med pa'i sems ni ngo bo nyid kyi sku ste thams cad mkhyen pa zhes bya'o/ /mun pas zil gyis mnan pa shin tu gnyid log
 pa'i sems kyi dngos po med pa'i sems ni chos kyi sku ste/ ye shes sku zhes pa'o/ /srog gis bskyed pa yod pa dang med pa'i rmi lam gyi sems kyi dngos po med pa'i sems ni longs spyod rdzogs pa'i sku ste nyin mor byed pa'i sku zhes pa'o/ /rnam par rtog pa du
 ma'i dngos po'i 'du shes sad pa'i sems kyi dngos po med pa'i sems ni sprul pa'i sku ste/ pad+ma'i 'dab ma rgyas pa'i spyan zhes pa'o/ /rdo rje'i rnal 'byor 'di ye shes kyi le'ur rgya cher brjod par bya ste/ 'jig rten khams kyi le'u 'dir ni mdor bstan pa
 tsam zhig bstan to/ /de ltar ye shes dang thugs dang gsung dang sku'i bdag nyid kyi rnal 'byor zhus te dpal ldan dus 'khor rgyud kyi rgyal po la'o/ /ji ltar gyur pa la zhe na/ ka phreng ldan pa'i a 'dus la ste ka phreng ldan pa'i a 'dus zhes pa ka'i phreng ba ni
 ka phreng ste/ ka yig la sogs pa gsal byed kyi phreng ba'o/ /ka yig gsal byed thams cad kyi gtso bor rig par bya ste/ dang por bstan pa'am rdul gyi ngo bo nyid yin pa'i phyir ro/ /de bzhin du a'i 'dus pa ni a 'dus te dbyangs kyi tshogs pa zhes
 brjod do/ /'dir ka'i phreng ba ni/ ka kha ga g+ha nga / tsa tsha dza dz+ha nya/ Ta tha Da D+ha Na/ pa pha ba b+ha na/ ta tha da d+ha na/ sa k+pa Sha sha th+ka zhes pa ni ka'i phreng ba ste gsal byed kyi phreng ba'o/ /'dir a'i 'dus pa ni a A i I r-i rI u A l-i l-I i aH e e ar
 A ra o au al A la ha hA ya yA ra rA wa wA la lA zhes pa ni a'i 'dus pa ste dbyangs kyi tshogs so/ /a 'dus 'di la ka phreng dang ldan pa'i phyir ka phreng ldan pa ste/ ka phreng dang ldan pa'i a 'dus dus kyi 'khor lo'i rjod par byed pa a la sogs pa dang / ka la
 s ogs pa shes rab dang thabs kyi bdag nyid rnal 'byor gyi rgyud dang po'i sangs rgyas rigs med pa de la dus kyi 'khor lo'i brjod par bya ba rdo rje'i rnal 'byor rgyud kyi ngo bo nyid kyis gnas pa dang po'i sangs rgyas ni zla ba bzang pos zhus zhes pa chos bstan pa bsdus
 pa'o/ /da ni dgos pa dang dgos pa'i dgos pa bsdus pa brjod pa/ mi rnams dgrol ba'i don du'o/ /zhes pa ste/ mi rnams dgrol ba'i don ni dang por re zhig dkyil 'khor du 'jug pa la sogs pas sems can gyi don byed pa ni dgos pa ste/ bsod
 nams kyi tshogs dang dkyil 'khor gyi 'khor lo'i gzugs bsgom pa'i stobs dang / byin gyis brlab pa bsgom pa'i stobs dang / dpa' bo'i rim pa dang byin gyis brlab pa'i rim pas 'jig rten pa'i dngos grub sgrub pa yang dgos pa'o/ /de nas gong nas gong
 du dgos pa'i yang dgos pa ni dgos pa'i dgos pa ste/ 'dir nam mkha'i khams la rnam par rtog pa med pa'i sems dang du ba la sogs pa'i mtshan mas phyag rgya chen po rnam pa kun sna tshogs pa'i ngo bo nyid kyis bsgom pa mchog tu mi 'gyur ba'i bde ba'i sgrub thabs
 dang / bsod nams dang ye shes kyi tshogs dag gis mi rnams kyi skye ba 'di la sangs rgyas nyid dang rdo rje 'dzin pa nyid de dgos pa dang / dgos pa'i dgos pa bsdus pa'o/ /mchog gi dang po'i sangs rgyas kyi rnal 'byor 'di ni 'das pa'i sangs rgyas rnams
 kyis bstan to/ /da ltar byung ba rnams kyis ston to/ /ma 'ongs pa rnams kyis kyang ston par 'gyur te/ 'das pa dang da ltar byung ba dang ma 'ongs pa'i dus dang / 'das pa dang da ltar byung ba dang ma 'ongs pa'i tshe'i 'khor rnams kyis so/ /
 mtha' yas pa mtha' yas pa'i sangs rgyas kyi zhing rnams su mtha' yas pa mtha' yas pa'i sems can rnams la mtha' yas pa mtha' yas pa'i de bzhin gshegs pa rnams kyis sangs rgyas nyid kyi slad du yang dag par bstan to/ /ston to/ /ston par 'gyur
 ro/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las ston pa po la sogs pa bsdus pa'i mdor bsdus te lnga pa'o// //da ni nyi ma'i shing rtas gsol ba
 btab par gyur pa bcom ldan 'das 'jam dpal gyi sprul pa'i sku mi'i dbang po grags pas/ mchog gi dang po'i sangs rgyas las de bzhin gshegs pas lung bstan pa zla ba bzang pos gsol ba 'debs pa tshigs su bcad pa gnyis pas gsungs pa/
 stong pa ye shes kyang ste thig le mchog mchog rdo rje 'dzin pa sangs rgyas lha dang lha min yang / /phyi dang lus dang gzhan la yang ste rang bzhin rnams la skyes bu nyi shu lnga pa'i bdag nyid dang / /lus la sna tshogs tshad dang srid pa gsum gyi bkod pa lha dang lha
 min rnams kyi longs spyod dang / /dkyil 'khor dang ni dbang ste 'di dag skabs gsum pa dang mi yi bla ma yang dag bshad du gsol/ /'dir gsol ba 'debs pa'i tshigs su bcad pa ni stong pa chen po yi ge lnga dang thig le stong pa yi ge drug dang / rigs
 drug la sogs pa'i don bsdus par bcom ldan 'das kyis gsungs te de'i phyir 'di bdag gis dgrol bar bya'o/ /'dir dang por gsol ba 'debs pa'i tshigs su bcad pa stong pa zhes pa la sogs pas rgyud kyi sbas pa'i don rab tu gsal bar byas na 'chad
 par 'gyur ba byis pa'i blo can rnams kyis rtogs sla bar 'gyur ro/ /des na dang por 'grel bshad las mdor bsdus pas brjod par bya'o/ /'dir stong pa zhes pa la sogs pa'i ming rnams kyis ma mthong ba dang mthong ba'i dngos po nyi tshe ba'i dbang po'i spyod
 yul ma yin pa dang / nyi tshe ba'i dbang po'i spyod yul rnams rab tu ston to/ /med pa dang yod pa dang dngos po ma yin pa dang dngos po yin pa thams cad la yang ming sngon du 'gro bas tha snyad byed de nam mkha'i me tog la sogs pa dang bum pa la sogs pa bzhin no/ /
 'dir nam mkha'i me tog gis ming gis bstan pa'i dngos po med pa ni dngos po ma yin no/ /de bzhin du bum pa'i ming gis bstan pa'i dngos po ni dngos po med pa'i mtshan nyid ma yin te rang gi ming gis brjod pa'i phyir ro/ /de bzhin du rgyud dang rgyud gzhan rnams
 s u bstan bcos kyi ming dang yul gyi ming dang sngags kyi yi ge'i ming dang yi ge re re'i ming rnams kyis dngos po gang dag de bzhin gshegs pas nges par bstan cing sdud par byed pa po rnams kyis kyang bris pa de dag thams cad rnal 'byor pa rnams kyis drang ba'i don
 dang nges pa'i don gyis rtogs par bya'o/ /'dir gcig dang dngos po med pa la yang ming sna tshogs ste de'i phyir dngos po gcig la yang ming sna tshogs kyis bstan pa la rnal 'byor pa rnams kyis ming gi rnam par rtog pa mi bya ste bla ma dam pas nye bar bstan pa
 gser bzhin yongs su brtags pa ni don la rton pa la brten pa nyid kyi phyir ro/ /'dir stong pa ye shes kyang ste thig le mchog mchog rdo rje 'dzin pa/ zhes pa'i yi ge bcu bzhi po 'dis stong pa zhes pa la sogs pa'i ming rnams kyis khams drug gi skyes bu chen po'i
 gang zag 'di bsdus pa 'di lta ste/ ye shes kyi phung po dang rnam par shes pa'i phung po dang ye shes kyi khams dang nam mkha'i khams dang / yid dang rna ba dang sgra dang chos kyi dbyings dang mchog gi dbang po dang stag dang dri chu 'dzag pa dang khu ba 'pho ba ste/ 'di
 rnams sgrib pa dang bral ba nyid dang ro mnyam pa nyid dang gcig tu 'dres par gyur pa nyid la stong pa zhes brjod do/ /thams cad dngos po med pa ni ma yin te rnal 'byor pas rang rig pa nyid kyi phyir ro/ /de nyid ni rgyal ba rnams kyis gzhom du med
 par gsungs te gzhom du med pa 'di'i ming gi mtshan ma ni lho dang byang dang shar dang nub kyi dbus su gri gug gi rnam par ri mo tsam brjod du med pa ste stong pa chen po'i yi ge dang po'o/ /de'i 'og tu ye shes kyang zhes pa ste 'dir kyang yig ni sdud pa'i don du bstan te
 sdud pa'i don go bar byed pa'i phyir ro/ /ye shes zhes pa'i ming 'dis stong pa gsum pa zhes pa rtogs par bya ba 'di lta ste/ tshor ba'i phung po dang me'i khams dang mig dang ro dang lag pa dang 'gro ba ste/ 'di rnams sgrib pa med pa nyid dang ro mnyam pa nyid dang
 gcig tu 'dres par gyur pa nyid ni ye shes te stong pa chen po yi ge gsum pa'o/ /'di'i ming gi mtshan ma ni dbus ma gzhom du med pa'i mtshan ma'i lho ru thig le gnyis te brjod du med pa'o/ /thig le zhes pa'i ming 'dis stong pa bzhi pa rtogs par bya ste snga ma'i kyang
 yig gi phyir ro/ /'di lta ste/ 'du shes kyi phung po dang chu'i khams dang / lce dang gzugs dang rkang pa dang len pa ste/ 'di rnams sgrib pa med pa nyid dang ro mnyam pa nyid gcig tu 'dres par gyur pa nyid ni thig le ste/ stong pa chen po yi ge bzhi pa'o/
 'di'i ming gi mtshan ma ni dbus kyi mtshan ma'i byang du thig le gcig ste brjod du med pa'o/ /mchog mchog rdo rje 'dzin pa/ zhes pa ni mchog dang mchog dang rdo rje 'dzin pa ni mchog mchog rdo rje 'dzin pa ste gcig zlas dbye ba'i phyir ro/ /sngar gyi kyang yig
 las gsum po 'di stong pa'i ming can du 'gyur ro/ /mchog dang po'i ming gis stong pa gnyis pa zhes brjod pa 'di lta ste/ 'du byed kyi phung po dang rlung gi khams dang / sna dang reg bya dang ngag gi dbang po dang bshang ba 'dzag pa ste/ 'di rnams sgrib pa dang
 bral ba nyid dang ro mnyam pa nyid dang gcig tu 'dres par gyur pa nyid ni mchog ste stong pa chen po yi ge gnyis pa'o/ /'di'i ming gi mtshan ma ni dbus ma gzhom du med pa'i shar du dbyig pa'i rnam pa ri mo tsam brjod du med pa'o/ /mchog gnyis pa'i ming gis sdod pa
 lnga pa zhes brjod pa 'di lta ste/ gzugs kyi phung po dang sa'i khams dang lus kyi dbang po dang dri dang bshang lam dang brjod pa ste/ 'di rnams sgrib pa med pa nyid dang ro mnyam pa nyid dang gcig tu 'dres par gyur pa nyid ni mchog ste stong pa yi ge lnga pa'o/ /'di'i ming
 gi mtshan ma ni dbus ma gzhom du med pa'i nub tu thod pa'i rnam pa brjod du med pa'o/ /de ltar brjod pa'i rim pas gcig tu 'dres par gyur pa lnga ni stong pa chen po yi ge lnga pa waM yig rdo rje sems dpa' bde ba chen po rdo rjer brjod do/ /'dir dbyangs kyi ming can
 brjod du med pa'i yi ge lnga ni 'di lta ste/ dbus su a yig stong pa gri gug gi rnam pa'o/ /lhor ri yig stong pa thig le gnyis so/ /byang du u yig stong pa thig le gcig go/ /shar du i yig stong pa dbyug pa'i rnam pa'o/ /nub tu li yig
 stong pa thod pa'i rnam pa ste/ de bzhin du yon tan dang 'phel ba dang ya Na ra bsgyur ba'i rnam par 'gyur ba rnams shes par bya'o/ /de ltar waM yig ni stong pa chen po yi ge lnga pa dmigs pa med pa'i snying rje'i bdag nyid rdul phra rab kyi chos nyid las 'das pa pra
 phab pa'i rang bzhin dang mtshungs pa rnal 'byor pas rtogs par bya ba'o/ /'dir ye shes dang rnam par shes pa'i phung po la sogs pa'i dbyangs rnams ni 'di lta ste/ ye shes kyi phung po oM/ rnam par shes pa'i phung po a/ ye shes kyi khams aH/ nam
 mkha'i khams A/ yid kyi dbang po aM/ rna ba'i dbang po a/ sgra aH/ chos kyi dbyings A/ b+ha ga ha/ dri chu 'dzag pa haH/ mchog gi dbang po haM/ khu ba 'pho ba hA/ 'di dag ni dbus ma gzhom du med pa'i sgrib pa dang bral ba ste gri gug gi rnam pa'i ming
 gi mtshan mas rtogs par bya'o/ /'du byed kyi phung po i/ rlung gi khams I/ sna'i dbang po e/ reg bya ai/ ngag gi dbang po ya/ bshang ba 'dzag pa yA/ 'di dag sgrib pa dang bral ba shar du dbyug pa'i rnam pa'i mtshan mas rtogs
 par bya'o/ /tshor ba'i phung po r-i/ me'i khams rAM/ mig gi dbang po ar/ ro Ar/ lag pa'i dbang po ra/ 'gro ba rA/ 'di dag sgrib pa dang bral ba lhor thig le gnyis kyi mtshan mas rtogs par bya'o/ /'du shes kyi phung po u/ chu'i khams u/ lce'u dbang po o/
 yul gzugs au/ rkang pa'i dbang po wa/ len pa wA/ 'di dag sgrib pa dang bral ba dbus kyi mtshan ma'i byang du thig le'i mtshan mas rtogs par bya'o/ /gzugs kyi phung po l-i/ sa'i khams l-I/ lus kyi dbang po al/ yul dri Al/ bshang lam gyi dbang po la/ brjod pa lA/ 'di dag
 sgrib pa dang bral ba nub tu thod pa'i rnam pa'i mtshan mas rtogs par bya'o/ /'di dag ni sum cu rtsa drug gi dbye bas tha dad pa dbyangs dang yon tan dang 'phel ba dang ya Na ra bsgyur ba'i rnam par 'gyur ba'o/ /gang du phung po rnams sum cu rtsa drug gi dbye bas tha dad par gyur pa der phung po'i gnas su ro drug gzung
 par bya ste/ sgyur ba dang bska ba dang kha ba dang tsha ba dang mngar ba dang lan tshwa rnams so/ /aM a i r-i u l-i zhes pa ro drug ste lhag ma ni brjod pa'i tshogs so/ /stong pa chen po yi ge lnga sum cu rtsa drug gi bdag nyid de nyid rgyal ba rnams kyis rdo rjer brjod de de 'dzin pa'i phyir rdo rje 'dzin pa'o/ /
 thig le stong pa yi ge drug ni e yig chos 'byung rnam pa thams cad pa'i stong pa nyid kyi gzugs so/ /'di lta ste rnam par shes pa'i phung po dang nam mkha'i khams dang rna ba dang chos kyi dbyings dang b+ha ga dang khu ba 'pho ba ste 'di rnams sgrib pa dang bral ba rnam pa thams cad pa'i
 stong pa nyid do/ /dbus ma gzhom du med pa'i steng du 'di'i ming gi mtshan ma ka sde'i bdag nyid ka yig gsal byed brjod du med pa ste thig le stong pa dang po'o/ /'du byed kyi phung po dang rlung gi khams dang sna dang reg bya dang dag dang bshang ba 'dzag pa ste 'di rnams sgrib
 pa dang bral ba rnam pa thams cad pa'i stong pa nyid do/ /shar gyi mtshan ma'i shar du 'di'i ming gi mtshan ma tsa sde'i bdag nyid tsa yig gsal byed brjod du med pa ste thig le stong pa gnyis pa'o/ /tshor ba'i phung po dang me'i khams dang mig dang ro dang lag pa dang 'gro ba ste
 'di rnams sgrib pa dang bral ba rnam pa thams cad pa'i stong pa nyid do/ /lho'i mtshan ma'i lhor 'di'i ming gi mtshan ma Ta sde'i bdag nyid Ta yig gsal byed brjod du med pa ste thig le stong pa gsum pa'o/ /'du shes kyi phung po dang chu'i khams dang lce dang gzugs dang
 rkang pa'i dbang po dang len pa ste 'di rnams sgrib pa dang bral ba rnam pa thams cad pa'i stong pa nyid do/ /byang gi mtshan ma'i byang du 'di'i ming gi mtshan ma pa sde'i bdag nyid pa yig gsal byed brjod du med pa ste thig le stong pa bzhi pa'o/ /gzugs kyi phung po dang sa'i khams
 dang lus kyi dbang po dang dri dang bshang lam dang brjod pa ste 'di rnams sgrib pa dang bral ba rnam pa thams cad pa'i stong pa nyid do/ /nub kyi mtshan ma'i nub tu 'di'i ming gi mtshan ma ta sde'i bdag nyid ta yig gsal byed brjod du med pa ste thig le stong pa lnga pa'o/ /ye shes
 kyi phung po dang ye shes kyi khams dang yid dang sgra dang mchog gi dbang po dang dri chu 'dzag pa ste 'di rnams sgrib pa dang bral ba rnam pa thams cad pa'i stong pa nyid do/ /dbus ma gzhom du med pa'i mtshan ma'i 'og tu 'di'i ming gi mtshan ma sa sde'i bdag nyid sa yig gsal byed
 brjod du med pa ste thig le stong pa drug pa'o/ /de ltar na thig le stong pa yi ge drug ni chos 'byung rdo rje 'dzin pa e yig ste stong pa nyid dmigs pa dang bcas pa pra phab pa'i rang bzhin can no/ /'dir phung po dang khams la sogs pa'i gsal byed rnams ni/ ka kha ga g+ha nga /
 tsa tsha dza dz+ha nya/ Ta Tha Da D+ha Na/ pa pha ba b+ha ma/ ta tha da d+ha na/ sa wa Sha sha th+ka/ ha ya ra wa la k+Sha/ zhes pa ste/ dbyangs dang gsal byed 'di dag gi yang thung ngu dang ring po'i dbye bas phung po dang / khams la sogs pa'i dbye ba shes par bya'o/ /lus kyi
 dbye bas phung po dang dbang po ni dbyangs dang gsal byed thung ngu'i chos rnams yin la khams dang yul ni dbyangs dang gsal byed ring po'i chos rnams so/ /ro drug dang khams kyi rnam par 'gyur ba'i dbye bas khams sum cu rtsa drug tu 'gyur ba dang / phung po
 drug dbang po drug gi dbye bas phung po sum cu rtsa drug tu 'gyur ba 'di lta ste/ ro drug dang khams drug dang dbang po drug dang yul drug dang las kyi dbang po drug dang las kyi dbang po'i yul drug ni ro drug dang khams kyi rnam par 'gyur ba'o/ /rna ba'i rnam par shes pa la sogs
 pa rnam par shes pa drug dang / de bzhin du 'du byed drug dang tshor ba drug dang / 'du shes drug dang gzugs kyi phung po drug dang / ye shes kyi phung po drug ni phung po'i rnam par 'gyur ba'o/ /'chad par 'gyur bar rgya cher brjod par bya ste le'u dang po 'dir ni mdor
 bsdus pa tsam zhig nye bar bstan to/ /'dir stong pa chen po yi ge lnga ni dbyangs kyi tshogs te khu ba dang zla ba zhes brjod do/ /thig le stong pa yi ge drug ni gsal byed kyi tshogs te rdul dang nyi ma zhes brjod do/ /'dir khu ba dang zla ba ni waM yig ste rdo rje'o/ /rdul dang nyi ma ni e
 yig ste pad+ma 'o/ /rdo rje dang pad+ma 'di gnyis gcig pa nyid ni rdo rje sems dpa' ste rdo rje ni mchog gi bde ba dang ye shes dang khu ba'o/ /sems dpa' ni rnam pa thams cad pa dang shes rab kyi gzugs dang shes bya dang nyi ma dang ye shes dang rnam par shes pas byin gyis brlabs pa dang /
 sgrib pa dang bral ba dang gcig tu 'dres par gyur pa dang / de nyid dang 'gro ba'i don byed pa po yin no/ /sku dang gsung dang thugs dang ye shes gcig tu sbyor ba 'di nyid zhal bzhi'i rgyur 'gyur te/ ye shes ni nub kyi zhal ser po'o/ /rnam par shes pa ni shar gyi zhal nag
 po'o/ /zla ba dang sku ni byang gi zhal dkar po'o/ /nyi ma dang gsung ni lho'i zhal dmar po'o/ /zla ba dang nyi ma 'di dag ni gtso bo dang dpal pa'i dbye bas khams drug drug tu rtogs par bya ste/ de dag kyang sa dang chu dang me dang rlung dang ro dang ro chen po'i cha shas so/ /'di
 rnams la khu ba las byung ba gsum dang / byung ba ma yin pa gsum ste/ chu'i khams dang rlung gi khams dang ro'i khams te/ khams 'di dag ni khu ba las byung ba'o/ /ro'i khams ni nam mkha'i khams kyi ming ngo / /rdul las byung ba gsum dang byung ba ma yin par
 gsum ste/ sa'i khams dang me'i khams dang ro chen po'i khams te/ khams 'di dag ni rdul las byung ba'o/ /'dir ro chen po ni ye shes kyi khams kyi ming ngo / /khams lhag ma dag ni khu ba dang rdul las byung ba'o/ /de ltar zla ba dang nyi ma dag las
 byung ba'i khams gsum po rnams ni rim pa ji lta ba bzhin du mngal nas skyes pa rnams kyi lus dang ngag dang sems su 'gyur te/ zla ba'i khams rnams thabs kyi lus dang ngag dang sems dang / nyi ma'i khams rnams shes rab kyi lus dang ngag dang sems te khu ba dang rdul
 las byung ba'i rgyu'i phyir ro/ /khams 'di dag ni dbang po drug la sogs pa rnams kyi rigs drug go/ /de bzhin du sku dang gsung dang thugs kyi rigs ni ngo bo nyid kyi rigs dang lhan cig rigs bzhir 'gyur ro/ /sku gsum sku bzhir 'gyur ro/ /gnas skabs
 gsum gnas skabs bzhir 'gyur ro/ /de bzhin du khams lnga'i rigs ni ye shes kyi khams dang lhan cig rigs drug tu 'gyur ro/ /de bzhin du mngal nas skyes pa rnams kyi phung po lnga'i rigs ni ye shes kyi phung po dang lhan cig rigs drug tu 'gyur ro/ /bu mo la lo bcu
 gnyis dang / skyes pa la lo bcu drug gis te/ bu mo la rdul gyi dus ji srid par rigs gsum dang rigs lngar rig par bya'o/ /skyes pa la khu ba 'pho pa'i dus ji srid par rigs gsum dang rigs lngar rig par bya'o/ /ye shes kyi khams byung ba'i dus nas 'chi ba'i
 bar du gnyis ka la rigs bzhi dang rigs drug go/ /de bzhin du rtsa ba'i rgyud las bcom ldan 'das kyis gsungs pa/ rigs gsum dang ni rigs lnga nyid/ /rang bzhin gcig dang rigs brgya'o/ /zhes so/ /da ni rigs kyi rigs can brjod pa sangs rgyas
 zhes pa la sogs pa'o/ /'dir sangs rgyas ni ye shes dang rnam par shes pa la sogs pa phung po drug go/ /lha dang lha min yang zhes pa'i yang yig gis byang chub sems dpa' yid kyi dbang po la sogs pa drug dang de bzhin du khams drug dang yul drug dang / de bzhin
 du khro bo drug las kyi dbang po drug dang / khro bo'i lha mo drug las kyi dbang po'i bya ba drug go/ /lha ni lag pa dang rkang pa'i tshigs bcu gnyis la 'chad par 'gyur ba rnams te/ de bzhin du rnal 'byor ma tsa rtsi kA la sogs pa brgyad do/ /lha min ni klu'i rgyal po
 rnams dang lha mo khyi gdong ma la sogs pa rnams so/ /da ni mu stegs pa rnams 'jug par bya ba'i phyir rang bzhin dang skyes bu brjod do/ /de bzhin du bcom ldan 'das kyis rgyud gzhan las gsungs pa/ sgyu 'phrul chen mo drag chen mo/ /'byung dang sdud par byed
 pa mo/ /rang nyid byed po rang 'phrog po/ /rang nyid rgyal po rang gtso bo/ /zhes pa brdzun pa ste/ don dam par byed pa po dang 'phrog pa po med do/ /mu stegs byed rnams kyis yongs su brtags pa'i chos rang bzhin dang skyes bu la sogs pa gzhan yang ngo / /
 'dir mu stegs pa rnams kyi rang bzhin nyi shu rtsa bzhi'i bdag nyid dang skyes bu nyi shu rtsa lnga pa'o/ /de la rtsa ba'i rang bzhin rnam par 'gyur ba ma yin te/ sems can rnams kyi bzhi pa'i gnas skabs skyed par byed pa nam mkha'i khams so/ /chen po la sogs pa bdun
 ni rang bzhin dang rnam par 'gyur ba ste sa dang chu dang me dang rlung dang yid dang blo dang nga rgyal lo/ /rnam pa bcu drug ni rnam par 'gyur ba ste/ dbang po lnga dang yul lnga dang las kyi dbang po lnga dang mchog gi dbang po ste/ rang bzhin dang rnam par 'gyur ba nyi shu rtsa bzhi'o/ /
 'dir skyes bu ni khyab byed nyid yin pa'i phyir rang bzhin yang ma yin rnam par 'gyur ba yang ma yin te ngo bo nyid dang bral ba'o/ /phyi dang lus dang gzhan la yang nyi shu rtsa lnga'i bdag nyid grub ste/ phyi rol du khams lnga dang sgra gcan dang nyi ma dang zla ba zhes pa ni rang bzhin brgyad
 do/ /bkra shis la sogs pa gza' lnga ni dbang po lnga dang yul lnga dang / sa la sogs pa rnams kyi ro drug ni rnam par 'gyur ba bcu drug ste/ kha cig ni dbang po la sogs pa rnams dang 'tsho ba'i lus drug ces so/ /de bzhin du lus la sna tshogs tshad ni nang gi
 le'ur brjod par bya'o/ /srid pa gsum gyi bkod pa zhes pa la/ 'dir phyi rol du srid pa gsum ni 'jig rten gyi khams yin la nang du ni mi'i lus kyi khams so/ /de'i bkod pa 'chad par 'gyur ba'i rim pas bshad du gsol zhes pa bya ba'i nges pa'o/ /lha dang
 lha min rnams kyi longs spyod dang zhes pa ni 'dir lha rnams nyin mo longs spyod cing lha ma yin rnams mtshan mo longs spyod de de bzhin du byang du bgrod pa dang lhor bgrod pa'o/ /dkyil 'khor dang ni dbang ste skabs gsum pa dang mi'i bla mas 'di dag yang dag bshad du gsol zhes
 pa la/ 'dir 'jig rten gyi bden pas tshon dang thig gdab pas rdul tshon gyi dkyil 'khor dang / don dam pa'i dben pas nam mkha'i khams la thig gdab pa dang bral zhing / tshon dgye ba dang bral ba kha dog dang phyag dang dbyibs kyi gzugs kyi lha rnam par rtog
 pas bsgoms pa'i sems dang bral ba/ rnam pa thams cad pa me long gi pra phab pa lta bu bshad du gsol zhes pa'o/ /de bzhin du 'jig rten pa'i dbang ni chu dang cod pan dang dar dpyangs dang rdo rje dril bu dang brtul zhugs chen po dang ming dang rjes su gnang ba ste bdun no/ /de
 bzhin du gong ma ni bum pa dang gsang pa dang ye shes rab ye shes so/ /'jig rten las 'das pa'i dbang bcu gcig pa ni bzhi pa ste thams cad yang dag par bshad du gsol lo/ /de ci'i phyir zhe na/ 'phags pa'i yul 'dir ma 'ongs pa'i dus na rdo rje slob dpon
 rdzas la brkam pa dag 'byung bar 'gyur te/ phyug po rdzas kyis mngon par khengs pa rnams kyi khyim du song nas rdzas kyi don du chos 'tshang bar byed par 'gyur ba dang / rdzas la chags pas skal pa dang mi ldan pa rnams la 'jig rten las 'das pa'i dbang ster bar 'gyur ba dang /
 dang po rgyal po la sogs pa'i mngag gzhug pa phyi nas bla mar 'gyur ba dang / rdzas kyis dman pa mi dge ba bcu'i las kyi lam yongs su btang zhing sems can skal pa dang ldan par gyur pa gzhan rnams la yang 'jig rten las 'das pa'i dbang mi ster bar
 'gyur ba dang / de dag rnams la nyon mongs pa skyed par 'gyur ba dang / rdzas kyi dbang gis gdug pa'i sems can rnams la rdo rje'i tshig rab tu gsal bar byed par 'gyur ba dang / gzhan yang rdo rje'i tshig mi shes pa phan tshun rtsod pa byed par 'gyur ba dang / mkhas
 pa'i mngon pa'i nga rgyal gyis rgyud kyi don mi shes pa rnams kyang rgyud kyi 'grel bshad byed par 'gyur ba dang / bdud kyi ris rnams sems can rnams kyi bla mar gyur nas rdo rje'i tshig phyin ci log tu ston par 'gyur ba dang / sangs rgyas kyi ye shes dbang po gnyis las skyes
 pa'i bde bar byis pa'i blo can rnams la ston par 'gyur ba dang / gsum pa shes rab ye shes de nyid bzhi pa ste/ de yang de bzhin no zhes pa'i sgra rgyu dang 'bras bu dbye ba med pas bcom ldan 'das kyis gsungs so zhes gsum pa'i ye shes sangs rgyas kyi ye shes su smra
 bar 'gyur ba dang / 'phags pa'i yul gang du mkhas pa'i mngon pa'i nga rgyal gyis/ glegs bam mthong nas dbang bskur med par rdo rje theg pa ston pa po byed par 'gyur ba de'i phyir/ de ltar ma 'ongs pa'i dus kyi gdug pa'i slob dpon rnams kyi
 'jug pa gzigs nas/ sangs rgyas bcom ldan 'das kyis rgyud dang / rgyud gzhan thams cad du bzhi pa shes rab ye shes kyi dbang gsal por ma mdzad de/ rtsa ba'i rgyud dang / bsdus pa'i rgyud rnams su bzhi pa shes rab ye shes dang / phyag
 rgya chen po bsgom pa du ba la sogs pa'i lam shin tu sbas shing / rtsa ba'i rgyud 'ga' zhig la rab tu gsal lo/ /rtsa ba'i rgyud mchog gi dang po'i sangs rgyas 'di dang / bsdus pa'i rgyud la yang bzhi pa shes rab ye shes rab tu gsal zhing phyag
 rgya chen po bsgom pa du ba la sogs pa'i lam yang rab tu gsal ba/ rdo rje slob dpon brgyud pa'i rim pas 'ongs pa ma yin pa ste/ dper na sngags kyi lha dang / phyi rol gyi dngos grub sgrub pa'i thabs dang / dpa' bo'i rim pa dang / rang
 byin gyis brlabs pa'i rim pa yang / bla ma brgyud pa'i rim pas 'ongs pa ma yin pa bzhin no/ /rnam par dag pa'i rim pa phyag rgya chen po'i dngos grub ster bar byed pa po 'di/ mchog gi dang po'i sangs rgyas la rab tu gsal bar glegs bam du bris
 te/ chu bo shI ta'i byang du sems can skal ba dang ldan pa rnams kyi sems kyi lhag par mos pa mkhyen nas/ bcom ldan 'das kyis bstan cing / phyag na rdo rjes glegs bam la bris pa'o/ /mtshan yang dag par brjod pa tshad mar byas nas/ sems
 can rnams the tshom med par 'gyur ba gang yin pa des na/ sngags kyi theg pa'i tshul thams cad kyi nges pa'i don/ mtshan yang dag par brjod pa las bcom ldan 'das kyis phyag na rdo rje la yang dag par bstan to/ /de'i phyir gang gis mchog gi dang po'i sangs
 rgyas mi shes pa des mtshan yang dag par brjod pa mi shes so/ /gang gis mtshan yang dag par brjod pa mi shes pa des rdo rje 'dzin pa'i ye shes kyi sku mi shes so/ /gang gis rdo rje 'dzin pa'i ye shes kyi sku mi shes pa des sngags kyi theg pa mi shes so/ /gang gis
 sngags kyi theg pa mi shes pa de dag thams cad ni 'khor ba pa ste bcom ldan 'das rdo rje 'dzin pa'i lam dang bral ba'o/ /de lta bas na mchog gi dang po'i sangs rgyas ni bla ma dam pa rnams kyis bstan par bya zhing / thar pa don du gnyer pa'i slob ma dam pa rnams kyis mnyan
 par bya'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa ston phrag bcu gnyis pa dri ma med pa'i 'od las/ dkyil 'khor dang dbang la sogs pa bsdus pa'i mdor bsdus te drug pa'o// //
 da ni sdud par byed pa po 'jam dpal gyis zla ba bzang po khyod la bdag mgu zhes pa la sogs pa'i tshigs su bcad pa gsum pas mchog gi dang po'i sangs rgyas las bcom ldan 'das kyi lan gyi tshig yang dag par bsdus pa de nyid bdag gis dgrol bar bya'o/ /
 zla ba bzang po khyod la bdag mgu zhes pa la zla ba bzang po ni bod pa ste kye zla ba bzang po khyod la bdag mgu'o/ /gang las ci'i phyir zhe na/ gang zhig khyod kyis dris pa dus kyi 'khor lo'i rnal 'byor 'di ni rab mchog lha dang mi la sogs pa rnams kyis shes pa ma yin pas de'i phyir bdag
 mgu'o/ /'dir rab mchog lha rnams ni rgyal chen bzhi'i ris la sogs pa nas 'du shes med 'du shes med min skye mched kyi mthar nye bar son pa rnams so/ /mi ni 'khor los sgyur ba la sogs pa'o/ /srin po ni bden bral la sogs pa'o/ /lha min ni gzhan gyis mi thub pa la sogs
 pa'o/ /klu ni mtha' yas la sogs pa'o/ /chags bral ni 'phags pa kun dga' bo la sogs pa'o/ /thub mchog ni drang srong mi sbyin la sogs pa ste 'di dag gi rigs rnams kyis so/ /rab mchog lha dang mi la sogs pa 'di rnams kyis shes pa ma yin pa dus kyi 'khor lo'i
 rnal 'byor mya ngan las 'das pa la sogs 'dzin ma'i mthar thug ces pa gang gi dang po mya ngan las 'das pa ye shes kyi khams dang mtha' 'dzin mas ste dbus su ma brjod pa nyid las nam mkha' dang rlung dang me dang chu'i khams so/ /nam mkha' la sogs pa'i khams 'di dag ni
 khyab par bya ba ste/ khyab par byed pa ni ye shes kyi khams so/ /de ltar khyab par bya ba dang khyab par byed pa'i 'brel pas rnal 'byor te/ de bzhin du bcom ldan 'das kyis gsungs pa/ /sa dang chu dang de bzhin me/ /rlung dang nam mkha'i khams dang ni/ /rnam shes khams
 drug par brjod pa/ /skyes bu chen po'i gang zag go/ /zhes so/ /tshig gi bgrod pa dang bcas zhes pa la tshig ni rnam pa gnyis te A li kA li'i bdag nyid can no/ /de dag gi bgrod pa ni tshig gi bgrod pa ste mgrin pa dang rkan dang spyi bo dang mchu dang so'i gnas rnams las dbyangs
 dang gsal byed rnams brjod pa'o/ /bgrod pa de dang bcas pa ni sngags kyi brdas rab tu brjod pa'o/ /'dir sngags kyi brda ni rnam pa gnyis te gcig ni sngags kyi brda yin la gnyis pa ni de kho na nyid kyi brda'o/ /de la sngags kyi brda ni rab tu brjod pa ste 'jig rten pa'o/ /de
 kho na nyid ni dam pa'i don can tshig tu brjod pa spangs pa'o/ /gang du rab tu brjod pa'i brda yin pa der oM AH hUM zhes pa la sogs pa sngags kyi ming ngo / /gang du de kho na nyid kyi brda yin pa der a yig ni chos thams cad kyi sgo ste gdod ma nas ma skyes pa nyid kyi phyir ro zhes dang / de bzhin
 du sgyu 'phrul dra ba stong phrag bcu drug pa las bcom ldan 'das kyis gsungs pa/ 'di ltar sangs rgyas bcom ldan 'das/ /rdzogs pa'i sangs rgyas a las byung / /a ni yig 'bru kun gyi mchog /don chen yi ge dam pa yin/ /srog chen po ste skye ba med/ /tshig tu brjod
 pa spangs pa ste/ /brjod pa kun gyi rgyu yi mchog /tshig kun rab tu gsal bar byed/ /ces dang / yang de nyid kyi ting nge 'dzin dra ba'i le'u las/ gsang sngags skye gnas yi ge med/ /gsang sngags chen po rigs gsum pa/ /stong pa chen po yi ge lnga/ /thig le stong pa yi ge
 drug / ces so/ /de kho na nyid dam pa'i don can gyi brda sngags kyi theg pa las bcom ldan 'das kyis gsungs pa/ 'di ltar mya ngan las 'das pa ye shes kyi khams gzhom du med cing brjod du med pa ste/ brjod du med pa'i dbyangs dang gsal byed kyi mtshan nyid can no zhes so/ /
 nam mkha'i khams la sogs pa'i sngags kyi brda rab tu brjod pa'i mtshan nyid can mgrin pa la sogs pa nas brjod pa'i chos bcom ldan 'das kyis gsungs te/ 'dir a ku ha rnam par bcad pa ni mgrin pa las so/ /i tsu ya sha ni rkan las so/ /r-i Tu ra Sha ni spyi bo las so/ /
 u pu wa kla ni mchu las so/ /l-i tu las ni so las so/ /de bzhin du gnas gnyis pa dang gnas gsum pa dang / gnas bzhi pa dang gnas lnga pa'i sngags te brtsegs pa'i sngags rnams kyang rab tu brjod pa'i brdas rig par bya'o/ /ming gi rang bzhin can de dag thams cad kyang
 'jig rten pa'i dngos grub bsgrub pa'i slad du ming can gyi dngos po rnams go bar byed pa'o/ /de kho na nyid kyi brda tshig tu brjod pa spangs pa dam pa'i don can las kyi phyag rgya dang / ye shes kyi phyag rgya'i dngos grub spangs pa ni phyag rgya chen po'i dngos grub bsgrub pa'i
 slad du bcom ldan 'das kyis rgyud kyi rgyal po thams cad las nges par bstan to/ /sbyor ba 'di mtha' dag ni lus dbus su ste/ dkyil 'khor dag dang dbang ni 'chad par 'gyur ba'i rim pas sems can thams cad kyis sgrib pa med pa'i gnas thob par bya ba'i slad du bdag gis
 bshad par bya yis mi'i bdag po bzang po khyod nyon cig ces pa ste/ bcom ldan 'das kyi lan gyi tshig bsdus pa'i mdor bstan pa'o/ /da ni bcom ldan 'das kyis 'jig rten gyi khams bsdus pa sdud par byed pa po 'jam dpal gyis mchog gi dang po'i sangs rgyas las dus kyi stong pa
 rnams las zhes pa la sogs pa tshigs su bcad pa bzhi pas bstan pa bdag gis dgrol bar bya'o/ /sngags kyi tshul 'di la bsngags pa ni/ theg pa gsum gyi nges 'byung la/ /theg pa gcig gis 'bras bur gnas par bcom ldan 'das kyis gsungs te/ gang theg pa
 gsum gyigye dgongs pa mi shes pa de ni dus las thams cad mkhyen pa'i lam las nyams par 'gyur ro/ /sngags kyi theg pa la ldem por dgongs pa'i skad gzhan mi shes pas srog gcod pa la sogs pa dang / tshogs khang dang gtsug lag khang gi rdzas la nye par longs spyod pa
 byas pa dang / rtag pa dang chad pa'i phyogs gzung bas phyi rol gyi yul nye bar longs spyod pa la chags par gyur na/ slob dpon gyi chas kyis dkon mchog gsum la co dris nas dmyal bar 'gro bar 'gyur ro/ /'dir 'jig rten pha rol dang 'jig rten 'di'i don du sems can rnams
 kyis mnyes par bya ba'i rgan pa bzhi ste/ de dag las ye shes kyi rgan pa ni mngon par shes pa thob pa dang / rab tu dga' ba la sogs pa'i sa thob pa'i rdo rje slob dpon dge slong ngam/ khyim pa mchod par 'os pa dge slong bcu dang mnyam par bcom ldan 'das kyis gsungs pa'o/ /de
 na dka' thub kyis rgan pa ni ngur smrig 'dzin pa ste/ ngur smrig 'dzin pa rnams las lo dang / sngags pa rnams dbang gis rgan pa khyim pa'i slob dpon rnams kyis thams cad du phyag bya ste/ dka' thub kyis rgan pa'i phyir dang / khyim pa rnams la mngon par shes pa med pa'i phyir
 ro/ /thos pas rgan pa ni mkhas pa mchod par 'os pa/ bstan pa gsal bar byed pa phas kyi rgol ba bdud kyi rigs rnams 'dul bar byed pa ste/ 'di dag ni 'jig rten pha rol gyi don du sems can rnams kyis mnyes par bya ba'o/ /nor gyis rgan pa ni rgyal po ste 'jig rten 'di'i
 longs spyod don du gnyer ba rnams kyis mnyes par bya ba'o/ /de ltar rgan po bzhi ni sems can rnams kyis mnyes par bya ba'o/ /de'i phyir theg pa gsum shes pa po ni dka' thub kyis rgan pa ste/ khyim pa la ni ji srid dka' thub par ma gyur par nyan thos kyi theg pa las so sor
 thar pa mnyan pa'i skabs med do/ / //de'i phyir khyim pa ni mngon shes dang ldan pa ma gtogs par rgan por mi 'gyur zhing khyim pa rab tu byung ba dang bral ba rnams tshogs khang dang gtsug lag khang la nye bar longs spyod pa yang bcom ldan 'das kyis theg pa gang du yang ma
 gsungs so/ /de bas na theg pa gsum yongs su shes par bya ba'i slad du dang por bye brag tu smra ba'i gzhung la brten nas rdul phra rab 'dus pa'i bdag nyid kyi 'jig rten gyi khams yod cing de bzhin du khur ba'i gang zag yod de rtag pa'am mi rtag par bdag mi smra'o zhes bcom ldan
 'das kyis gsungs pa'i phyir ro/ /'jig rten gyi khams 'byung ba dang / 'gag pa dang / chags pa dang 'jig pa'i dus kyang rig par bya'o/ /des na chags pa ni 'byung ba'i dus kyi dbang gi stong pa rnams las zhes pa la stong pa rnams ni 'jig rten pa'i tha snyad kyis mig la sogs pa'i
 dbang po rnams kyi spyod yul ma yin pa rdul phra rab kyi ngo bos rnam par gnas pa sa dang chu dang me dang rlung dang ro'i rdzas yon tan lnga dang bzhi dang gsum dang gnyis dang gcig gi rang bzhin rnams dang / yon tan drug pa chos kyi dbyings thams cad du khyab par byed pa ni stong pa rnams so/ /
 stong pa rdul phra rab de rnams las 'byung ba'i dus kyi dbang gis rlung zhes bya ba ni rdul phra rab de rnams kyi nang nas dang por re zhig rlung gi rdul phra rab rnams phan tshun 'byar bar 'gyur ro/ /'byar ba de las yang zhing g.yo ba nyid du bgrod pa ni rlung zhes brjod do/ /de bzhin du me'i rdul phra
 rab rnams kun du 'byar bar gyur pa rlung dang ldan pa'i glog ni me zhes brjod do/ /de bzhin du chu'i rdul phra rab rnams 'dus pa kun du 'byar bar gyur pa rlung dang me dang ldan pa'i char ni chu zhes brjod do/ /de bzhin du sa'i rdul phra rab kun du 'byar ba nam mkha' la dbang po'i gzhung snang ba ni
 'dzin ma zhes brjod do/ /ro'i rdul phra rab rnams ni thams cad du khyab par byed pa ste/ de ltar stong pa lnga rnams las rlung dang 'bar byed chu dang 'dzin ma rnams su 'gyur ro/ /yang dag par 'dzin pa dang srub pa dang dbyibs kyi rlung gi mthu las gling dang ri bo rgya mtsho dang zhes pa la gling ni bdun
 no/ /ri bo ni bdun no/ /rgya mtsho ni bdun no/ /rgyu skar dang ni nyi zla skar ma gza' yi tshogs dang drang srong zhes pa la rgyu skar ni nyi shu rtsa bdun dang de'i 'brel pa mtha' yas pa'o/ /nyi zla ni zlum po'i rnam pa'o/ /skar ma gza' yi tshogs zhes pa ni de bzhin nyid du skar ma'i rnam pa can bkra
 shis la sogs pa rnams so/ /drang srong ni skar ma bdun no/ /lha dang 'byung po klu rnams dang / /zhes pa la lha ni rgyal chen bzhi'i ris la sogs pa'o/ /'byung po ni gzhan gyis mi thub pa dang yi dags la sogs pa'o/ /klu ni mtha' yas la sogs pa'o/ /dud 'gro skye gnas rnam
 pa bzhi dang zhes pa la sgo nga las skyes pa ni nam mkha' lding la sogs pa ste rlung gi skye gnas so/ /mngal nas skyes pa ni glang po'i dbang po la sogs pa ste me'i skye gnas so/ /drod gsher las skyes pa ni srin bu dang phye ma leb dang grog spur la sogs pa ste chu'i skye gnas so/ /rdzus
 te skyes pa ni ljon pa la sogs pa ste sa'i skye gnas so/ /de bzhin du rdzus te skyes pa chen po ni ro'i skye gnas so/ /sna tshogs sa dang 'og tu zhes pa las zhes pa ni lung gi tshig go/ /sna tshogs kyang de yin las yang yin pa'i phyir sna tshogs sa ste/ gling bdun gyi rang bzhin dang dum bu
 bcu gnyis kyi rang bzhin no/ /de'i 'og ni sna tshogs sa'i 'og ste klu'i srid pa dang dmyal ba'i srid pa bdun no/ /sna tshogs sa de la mi rnams dang 'og dmyal ba'i srid par dmyal ba rnams te yang yig ni bsdu ba'i don to/ /stong pa'i dbus su yang dag 'byung ste/ chu la lan tshwa dang ni
 sgo nga'i dbus su sgong skyes bzhin zhes pa ni 'dir brtan pa rnams skyed pa la lan tshwa dang g.yo ba rnams skyed pa la sgo nga dper 'gyur te/ dang zhes pa ni sdud pa'o/ /dper na nyi ma'i 'od kyi sbyor ba las lan tshwa chu'i rdul phra rab rnams lan tshwa sra ba nyid du 'gyur ba de bzhin du lhun po la sogs
 pa brtan pa rnams so/ /dper na khu bzhu ba'i rdul phra rab rnams sgo nga'i dbus su gdong ba'i lus la sogs pa'i cha shas nyid du 'gyur ba de bzhin du g.yo ba sems can rnams rig par bya'o/ /'jig rten gyi khams 'di'i 'byung ba ni le'u lnga par rgyas par brjod par bya'o/ /'jig
 rten gyi khams bsdus pa'i mdor bsdus chen po'o/ /da ni 'jam dpal gyis lus dang zhes pa la sogs pa snga ma'i rim pas bstan pa rdo rje'i lus bsdus pa'i tshigs su bcad pa lnga pa bdag gis dgrol bar bya ste/ lus zhes pa ni zla ba sgrib pa dang bral ba'o/ /ye shes zhes pa ni
 nyi ma sgrib pa dang bral ba'o/ /nam mkha' zhes pa ni nam mkha'i khams sgrib pa dang bral ba ste de bzhin du rlung gi khams dang me'i khams dang chu'i khams dang sa'i khams so/ /brtan pa zhes pa ni khams lnga'i bdag nyid brtan pa'i khams sgrib pa dang bral ba'o/ /g.yo ba zhes
 pa ni khams drug gi bdag nyid kyi gang zag gi khams sgrib pa dang bral ba'o/ /lha ni mthong ba skyed min dag dang zhes pa ni lha yang de yin la mthong bskyed min yang yin pa de ni lha ni mthong ba skyed min te/ gzugs med pa'i srid pa rnam par shes pa'i nga rgyal tsam dang ldan pa nam mkha'
 mtha' yas skye mched la sogs pa rnam pa bzhi'o/ /de ltar lus la sogs pa rdo rje ye shes kyi rten srid pa rnam pa bcur de bzhin gshegs pas gsungs pa rdo rje'i lus las sngags kyi skye gnas thig le la sogs pa 'byung bar 'gyur ro/ /mi'i bdag po ni bod pa'o/ /'dir sngags
 kyi skye gnas ni zla ba las thig le dang / nyi ma las rnam par bcad pa dang / nam mkha'i khams las a dang rlung gi khams las i dang me'i khams las r-i dang chu'i khams las u dang sa'i khams las l-i dang brtan pa'i khams las gsal byed ma dang g.yo ba'i
 khams las gsal byed k+Sha dang gzugs med pa'i khams las gsal byed ha yig ste/ sngags kyi tshig 'di dag g.yon skor gyis dgod par bya'o/ /de ltar gsal byed snga ma gsal byed phyi ma'i steng du 'gro'o/ /l-i yig la sogs pa rnams ni i ka ni a tsa la ya Na'o zhes pas
 ya Nar bsgyur te mtha'i a yig gis yang dag par sbyar ro/ /rnam par bcad pa zla ba phyed pa'i rnam pa'o/ /thig le zlum po'o/ /ye shes rtse mo'i rnam pa'o/ /yon tan dang 'phel ba la sogs pa'i sngags rnams kyi sngags kyi skye gnas ni 'di lta ste/ ha k+Sha ma l-i u r-i i aH h+k+Sh+m+l+W+r+yaM
 zhes pa ni 'jig rten gyi khams kyi tshogs dang rdo rje'i lus te nam mkha'i khams la ya yig rlung gi dkyil 'khor ro/ /de'i steng du ra yig me'i dkyil 'khor ro/ /de'i steng du wa yig chu'i dkyil 'khor ro/ /de'i steng du la yig sa'i dkyil 'khor ro/ /de'i steng du ma yig
 lhun po rnam pa lnga pa'o/ /de'i steng du k+Sha yig pad+ma'i tshul gyis g.yo ba'i tshogs so/ /de'i steng du gzugs med pa'i tshogs ha yig go/ /ha yig las rnam par bcad pa nyi ma dang thig le zla ba dang nA da rdo rje'i mtshan ma rtse gcig pa ste/ de ltar rdo rje'i lus dang 'jig
 rten gyi khams dang dkyil 'khor gyi rnam pa ni 'chad par 'gyur bas bshad par bya'o/ /de ltar sngags kyi skye gnas 'byung bar 'gyur zhing slar yang 'di nyid du grol te zhes pa ni slar yang sdud pa'i dus su 'di nyid la grol ba ste thim par 'gyur zhes pa'o/ /de ltar gang gis yang
 dag rig pa zhes pa ni de ltar brjod pa'i rim pas sgrib pa dang bral ba 'dis rdo rje'i lus gang su zhig gis rig pa'o/ /de ni phyugs min zhes pa phyugs de mi shes pa'o/ /sems kyi kun du rtog pa dag las grol zhes pa la kun du rtog pa ni dkyil 'khor du brtags pa'i chos te de las
 grol ba ni sems kyi kun du rtog pa dag las grol ba'o/ /rnam pa bcu po 'di mdor bsdus pa chos kyi dbyings shin tu rnam par dag pa la bstod pa las de bzhin gshegs pas gsungs pa 'di lta ste/ rnam pa bcu po don bcu'i don/ /thub dbang stobs bcu khyab pa'i bdag/ /
 kun gyi don ni ma lus byed/ /rnam bcu dbang ldan che ba po/ /thog ma med pa spros med bdag /de bzhin nyid bdag dag pa'i bdag /bden par smra zhing tshig mi 'gyur/ /ji skangasmras pa de bzhin byed/ /gnyis med gnyis su med par gsung / /yang dag mtha' la rnam par gnas/ /
 bdag med seng ge'i sgra dang ldan/ /mu stegs ri dgas ngan 'jigs byed/ /ces so/ /rdo rje'i lus bsdus pa'i mdor bsdus so/ /da ni sgra gcan la sogs pa 'byung ba bsdus pa'i tshigs bcad drug pa g.yon gyi yan lag ces pa la sogs pa bdag gis dgrol bar bya ste/ g.yon
 gyi yan lag tu ni dkar po 'bar ba zhes pa la sngar brjod pa'i gzhom du med pa dbus nas gnas pa 'khyog po phyed kyi mtshan ma'i ming can gyi g.yon gyi yan lag tu thig le gcig ste/ de yang dkar po 'bar ba ces pa ye shes dkar po'i 'od zer ro/ /'gro ba'i bdud rtsi'i cha ni cha shas
 nyid do/ /g.yas su dmar po'i mdog ces pa ni gzhom du med pa de'i g.yas su rnam par bcad pa'i mtshan ma'i ming can dmar po 'bar ba ye shes dmar po'i 'od zer ro/ /de dag gi phyi rol g.yon dang g.yas su yang grangs ji lta bar sgra gcan dang dus mer 'gyur ro/ /de nas zla ba dang
 nyi mar 'gyur ro/ /de bzhin du gza' lag dang bkra shis dang / pa sangs dang phur bu dang / mjug rings dang spen pa dang / char dang glog dang / chu dang me ste zung bdun pa'o/ /'jig rten la ni 'jig rten gyi khams la gnas pa ste/ de nyid ni nges pa'i don to/ /'di rnams
 la sngags kyi tshig ni grangs ji lta ba bzhin g.yon dang g.yas su/ aM aH u r-i/ U rI/ o a ra/ au A ra/ wA rA/ zhes pa zung bdun ni gza' bdun po rnams kyi lhag pa'i lha'o/ /mun pa med pa zung gcig dag ni mun pa'i mtha' la'o/ /zhes pa mun pa dang bral ba dkar po
 dang dmar po'i ye shes kyi 'od zer gyi rang bzhin gzhom du med pa'i g.yon dang g.yas la gnas pa ni gzhom du med pa'i yan lag yin gyi gzhan ni ma yin no/ /rgyab tu ser po yang zhes pa la/ yang yig gis ni ye shes po'i 'od zer ro zhes pa'i don to/ /
 gzhom du med pa'i rgyab tu thod pa'i rnam pa'i mtshan ma'i ming can no/ /de'i phyi rol rnam pa dang bcas pa'i nub tu ser po 'bar ba'o/ /de nas skar ma phra mo dang skar ma sbom po'o/ /de bzhin du lha'i gzhu'o/ /sa ni rnam pa gnyis te sa dang rdo ba'i gzugs so/ /de ltar ser po 'bar
 ba de ni rnam pa bzhi dang rnam pa gnyis su 'gyur ro/ /srog ces bya ba gcig pu'i rlung ni rnam bcur 'gyur te spyi bo rtsa ba dag dang mdun du'o/ /zhes pa ni gzhom du med pa de'i steng du 'od zer ljang khu ste phyi rol du stong pa'i sa bon las byung ba srog gi rlung ngo / /'og tu 'od zer sngon po ste
 phyi rol du ye shes kyi sa bon las byung ba thur du sel ba'i rlung ngo / /mdun du 'od zer nag po ste phyi rol du mnyam gnas zhes bya ba'i rlung ngo / /de nas gyen du rgyu ba dang / de bzhin du khyab byed dang klu dang rus sbal dang rtsangs pa dang lha sbyin dang nor las rgyal ba ste rlung bcu'o/ /'di dag
 las 'og dang steng du zung gcig ste shar dang nub tu ni rlung dang sa zung bdun no/ /nor las rgyal ba ni ma ning ste shi ba'i lus yongs su mi gtong ba'i phyir ro/ /'di rnams la sngags kyi tshig ni steng dang 'og tu ha hA'o/ /shar dang nub tu grangs ji lta bas/ a A/ i li/ -I l-I/ e
 a la ai A la/ ya la/ yA lA k+Sha zhes pa zung bdun ni shar dang nub tu'o/ /steng 'og zung gcig ni mun pa'i mthar ro/ /zung bdun po rnams ni thun mtshams bzhi'i dbye bas gza' bdun po rnams kyi lhag pa'i lha'o/ /gza' nyi ma la mtshan phyed nas shar nas 'char ba la a/ lho nas 'char ba la
 aH nub nas 'char ba la A/ byang nas 'char ba la aM/ zla ba la/ i r-i l-i u/ bkra shis la I r-I l-I U/ gza' lag la e a ra a la o/ phur bu la ai A ra A la au pa sangs la ya ra la wa/ spen pa la yA rA lA wA zhes pa rim pa ji lta ba
 bzhin gza' bdun po rnams kyi sa bon no/ /dbus kyi rdo rje'i steng du sa bon zhes pa ni steng dang 'og dang shar dang lho dang nub dang byang gi sa bon rnams kyi dbus kyi gzhom du med pa gri gug gi rnam pa rdo rje'o/ /de'i steng gi sa bon rjes su nga ro ste g.yon gyi yan lag la gang gnas pa
 de steng du 'gyur ro/ /rang gi nus pa yon tan tshogs dang bcas pa 'og tu gnas zhes pa ni rjes su nga ro'i nus pa rnam par bcad pa'o/ /de'i yon tan ni 'od zer dmar po yin la de dang bcas pa'i nus pa ni yon tan tshogs dang bcas pa ste rjes su nga ro'i 'og tu zla ba phyed pa'i rnam pas gnas
 pa'o/ /rang gi nus pa zhes pas ma gsungs pa nyid las shar dang nub kyi mtshan ma ni gzhom du med pa'i rkang pa dang mgo bo la'o/ /de ltar na stong pa chen po yi ge lnga ni rdo rje sems dpa'i yul la waM yig ste rdo rje yan lag med pa'i sgrub pa la haM yig go/ /de'i phyi rol du thig le
 stong pa yi ge drug ni waM yig gi phyogs la rten e yig ces brjod cing haM yig gi phyogs la skye gnas k+Sha yig ste rdo rje dang pad+ma yang ngo / /kun du ye shes dang ni stong pa zhes pa la ye shes kyi sgras gzhom du med pa'i steng gi rnam par bcad pa zla ba phyed pa'i rnam pa ste kun du zhes pa ni phyi rol
 gyi yi ge thams cad la 'gyur ro/ /stong pa ni thams cad la thig le'o/ /zhi ba gnas dang bcas pa dngos po kun gyis rnam par grol zhes pa la zhi ba ni gzhom du med pa'o/ /de'i gnas ni shar dang nub kyi mtshan ma ste de dang bcas pa'i zhi ba dngos po kun gyis rnam par grol ba'o/ /de nyid
 kun du ste phyi rol gyi yi ge'i chos thams cad la rkang pa dang mgor rlung dang sa dag grangs ji lta ba bzhin no/ /mgo'i steng du cha dang cha'i steng du thig le dang thig le'i steng du nA da gzhom du med par brjod par bya'o/ /'di'i sngags kyi tshig rnams ni/ eM wa~M k+Sha~M ha~M a~M a~MH a~M A~M iM IM r-iM r-IM
 laM l-IM uM UM eM aiM a ra~M A ra~M a la~M A la~M oM auM ha~M hA~M ya~M yA~M ra~M rA~M la~M lA~M wa~M wA~M k+Sha~M/ de ltar khyab par bya ba sngags kyi tshig thams cad la stong pa chen po yi ge lnga khyab par byed pa por rig par bya'o/ /'di'i mdor bsdus pa rgyud kyi rgyal po sgyu 'phrul dra ba las bcom ldan 'das kyis
 gsungs pa 'di lta ste/ rgyal po sgyu 'phrul sna tshogs 'chang / /che ba sangs rgyas rig sngags 'dzin/ /rdo rje rnon po ral gri che/ /yi ge mchog ste rnam par dag /ces dang / de bzhin du cha med kun 'gro khyab pa po/ /phra mo sa bon zag pa med/ /rdul med rdul bral
 dri ma med/ /nyes pa spangs pa skyon med pa/ /ces so/ /sgra gcan la sogs pa 'byung ba bsdus pa'i mdor bsdus so/ /da ni a sogs sum cu zhes pa la sogs pas zla ba'i cha 'phel ba dang 'grib pa dang nyi ma'i bgrod pas mtshan mo dang nyin mo 'phel ba dang 'grib pa la sogs pa bsdus
 pa'i tshigs bcad brgyad pa bdag gis dgrol bar bya'o/ /a sogs sum cu'i dbyangs gang ha ya ra wa lar ldan de dag zla ba'i cha dang zhes pa ni a yig dang po yin pa'i i yig la sogs pa gang yin pa de dag kyang a la sogs pa ste ha ya ra wa lar ldan thung ngu dang ring po dang yon tan dang
 'phel ba'o/ /ha la sogs pa ya Na ra bsgyur ba thung ngu dang ring po'i dbye bas sum cur 'gyur ro/ /zla ba'i cha 'phel ba dang 'grib pa'i rgyur gyur pa de dag kyang tshes gcig la sogs pa lnga'i dbye ba gsum du 'gyur ro/ /dga' ba la sogs pa'i dbye bas dga' ba rnam pa gsum dang
 bzang po rnam pa gsum dang rgyal ba rnam pa gsum dang stong pa rnam pa gsum dang rdzogs pa rnam pa gsum ste/ mun pa dang rdul dang snying stobs kyi dbye ba dang chung ngu dang 'bring dang chen po'i dbye bas so/ /'phel ba'i cha bco lnga dkar po'i phyogs la nam mkha' la sogs pa'i khams kyi ngo
 bos gnas pa rnam pa gsum mo/ /'dir tshes gcig a gnyis pa i gsum pa ri bzhi pa u/ lnga pa li/ dga' ba dang bzang po dang rgyal ba dang stong pa dang rdzogs pa ni nam mkha' dang rlung dang me dang chu dang sa'i khams rnams grangs ji lta ba bzhin te mun pa bsal ba dang po chung ngu'i
 tshad do/ /de nas rim pa gnyis pa la yon tan gyi dbye bas/ drug pa a/ bdun pa e/ brgyad pa ar/ dgu pa o/ bcu pa a la/ dga' ba dang bzang po dang rgyal ba dang stong pa dang rdzogs pa ni nam mkha' dang rlung dang me dang chu dang sa'i khams rnams te/ dang po'i sde tshan gyi
 mun pa bsal ba dang po chung ngu'i tshad gang yin pa de 'bring po'i tshad du gyur pa dang rdul bsal ba chung ngu'i tshad do/ /de nas sde tshan gsum pa la ha la sogs pa ya Na ra bsgyur ba rnams te/ bcu gcig pa ha/ bcu gnyis pa ya/ bcu gsum pa ra/ bcu bzhi pa wa/ zla ba nya ba la/ dpa'
 ba dang bzang po dang rgyal ba dang stong pa dang rdzogs pa ni nam mkha' dang rlung dang me dang chu dang sa'i khams rnams te/ gnyis pa'i sde tshan gyi rdul 'bring po'i tshad dang / dang po'i sde tshan gyi mun pa bsal ba chung ngu'i tshad ni chen po'i tshad do/ /'di'i dbye ba rnam pa lnga ste snying stobs kyi dbye
 bas bcu gcig pa la dang po'i tshes gcig gi cha chen po'i tshad bu mo'o/ /bcu gnyis pa la gzhon nu ma'o/ /bcu gsum pa la lang tsho ma'o/ /bcu bzhi pa la rgan mo'o/ /bco lnga pa la yongs su smin par gyur pa'o/ /de ltar tshes gcig gi cha bco lnga pa la yongs su smin par gyur pa ni rdzogs
 pa zhes mngon par brjod de de ltar dkar po'i phyogs la zla ba'i cha 'phel ba bco lnga'i dbye bas tha dad do/ /de'i mtha' nag po'i tshes gcig gi dang po la mun pa 'jug pa'i dus ni bcu drug pa'i cha zhes brjod de/ de'i mthar dkar po'i tshes gcig gi cha nag po'i tshes gcig gi mun pa la
 'jug par 'gyur te dkar po'i cha gnyis pa yongs su smin par 'gyur ro/ /de nas gnyis pa yang gnyis pa'i mun pa la 'jug par 'gyur te/ gsum pa yongs su smin 'gyur ro/ /de bzhin du de yang nag po'i gsum pa'i mun pa la 'jug par 'gyur te de bzhin du bzhi pa la sogs
 pa cha bco lnga'i mthar thug pa yongs su smin pa rnams mun pa la 'jug par 'gyur ro/ /de nas gnam stong gi mthar cha dang po 'char ba'i mtshams dang cha bcu drug pa'i dang po'i cha la sgra gcan 'jug par 'gyur ro/ /de ltar gzas zin pa rnam pa gnyis te nya la cha rdzogs pa'i mthar zla ba sgra
 gcan gyis 'dzin cing gnam stong la cha dang po 'char ba'i thog mar ro/ /'dir nag po'i phyogs las la sogs pa sdud pa'i rim pas mun pa 'jug ste de'i phyir spro ba'i rim pas shar ba rnams mdzad do/ /nag po'i tshes gcig sa'i mun pa la dkar po'i tshes gcig nam mkha'i khams
 kyi cha zhugs te mun pas sgrib par 'gyur ro/ /gnyis pa rlung gi cha chu'i mun pas sgrib par 'gyur ro/ /gsum pa me'i cha me'i mun pas sgrib par 'gyur ro/ /bzhi pa chu'i cha rlung gi mun pas sgrib par 'gyur ro/ /lnga pa sa'i cha nam mkha'i khams kyi mun pas sgrib par
 'gyur te/ de ltar dang po'i sde tshan la mun pa 'jug pa chung ngu'i tshad du 'gyur ro/ /de nas gnyis pa'i sde tshan la yang mun pas sgrib pa'i bya ba brjod pa'i rim pas te sde tshan gnyis pa de la sde tshan dang po'i mun pa chung ngu'i tshad ni gnyis pa 'bring po'i tshad do/ /de bzhin du gsum pa'i sde
 tshan la yang mun pas sgrib pa'i bya ba ste sde tshan de la chung ngu'i tshad gnyis pa'i sde tshan la 'bring po'i tshad ni gsum pa chen po'i tshad do/ /de la chen po'i tshad kyi dbye ba rnam pa lnga ste mun pa chen po'i tshad kyi dbye ba bcu gcig pa la byis pa'o/ /bcu gnyis pa la gzhon nu'o/ /bcu
 gsum pa la lang tsho'o/ /bcu bzhi pa la rgan pa'o/ /gnam stong la yongs su smin par 'gyur ro/ /de bzhin du gnyis pa'i sde tshan la 'bring po'i tshad dang gsum pa'i sde tshan la mun pa chung ngu'i tshad kyi'o/ /de nas dkar po'i tshes gcig 'ongs pa na sa'i khams kyi mtshan nyid kyi
 mun pa smin pa sel bar 'gyur ro/ /gnyis pa la chu'i mun pa'o/ /gsum pa la me'i mun pa'o/ /bzhi pa la rlung gi mun pa'o/ /lnga pa la nam mkha'i khams kyi mun pa'o/ /de ltar cha dang po chung ngu'i tshad sa rdzogs pa ni smin par 'gyur ro/ /gnyis pa rgan mo'o/ /gsum pa lang
 tsho ma'o/ /bzhi pa gzhon nu ma'o/ /lnga pa bu mo ste drug pa la sogs pa nub par gyur pa rnams gnas so/ /de ltar chung ngu'i sde tshan la cha chung ngu smin yang ji srid nag po'i phyogs la gsum pa chen po'i tshad smin par ma gyur par mun pa 'jug par mi 'gyur ro/ /so so'i bco lnga'i cha 'di
 dag nub par gyur pa rnams nyi ma bcu drug pa la 'char ro/ /shar ba rnams nyi ma bcu drug pa la nub par 'gyur ro/ /de ltar a sogs sum cu'i dbyangs ni zla ba'i cha'i ming ste dkar po'i cha rnams dang mun pa zhugs pa nye bar btags pas nag po'i ming can rnams so/ /dkar po dang
 nag po'i tshes gcig la sogs pa 'di rnams kyi dbyangs kyi sngags kyi tshig rnams ni/ aM iM r-iM uM l-iM/ aM eM/ a raM oM a laM/ haM yaM raM baM laM/ lAH wAH rAH yAH hAH/ AlaH auH AraH aiH AH/ l-IH UH r-IH IH AH zhes pa de dkar po'i phyogs la zla ba thig les
 brgyan pa cha bco lnga'i bdag nyid do/ /nag po'i phyogs la nyi ma rnam par bcad pas brgyan pa zla ba'i cha bco lnga sgrib par byed pa'o/ /thung ngu ni zla ba'o/ /ring po ni nyi ma'o/ /de bzhin du yon tan ni zla ba'o/ /'phel ba ni nyi ma ste ha la sogs pa ni snga ma bzhin no/ /nyin phyed kyang ka la sogs pa'i sde
 rnams dbyangs dang bcas pa nyin zhag stong drug me'i tshad kyis spyod par byed ces pa ni 'dir ka yig sde pa gang dag gi dang po yin pa de ni ka yig la sogs pa'i sde ste sde zhes pa ni yi ge lnga'i tshogs so/ /nam mkha' la sogs pa dang sa la sogs pa'i dbye bas lngar klog ste dbyangs kyi tshogs ni
 thams cad du nam mkha' la sogs pa'i dbye bas klog go/ /'dir so sor sdud pa shes par byed pa ni gsal byed bklag pa thams cad la 'dir gsal byed dag pa sum cu ste ya yig la sogs pa gzhan du ka yig la sogs pa gsal byed bklag par ma bsdus shing a la sogs pa dbyangs
 kyi sde tshan du bklags pa rnams ni dbyangs kyi rnam par 'gyur ba'o/ /'di lta ste a i r-i u l-i ka /a e ar o al tsa/ ha ya ra wa la ta ces dang / de'i 'og tu nga nya Na ma na na/ g+ha dz+ha D+ha b+ha d+ha d+ha/ ga dza Da ba da da/ kha tsha tha pha tha tha/ ka tsa Ta pa ta ta/ Th+ka sha Sha sa sa zhes pa ste dang
 po dang mtha' bklags pa las so/ /ya yig la sogs pa ni ka yig la sogs pa'i sde pa'i nang du mi 'gyur te rab tu brjod pas dbyangs kyi chos can nyid yin pa'i phyir ro/ /de'i phyir gsal byed kyi bdag nyid ni sum cu ste ka la sogs pa sde pa drug po ka tsa Ta pa ta sa rnams ni nam
 mkha' dang rlung dang me dang chu dang sa dang ye shes kyi khams kyi rang bzhin te/ mgrin pa dang rkan dang spyi bo dang mchu dang so las brjod pa'i dbang gis so/ /drug pa so sor brjod pa la khams lnga'i bdag nyid do/ /ka la sogs pa'i sde pa de rnams dbyangs dang bcas pa ste dbyangs ni a la
 sogs pa thung ngu lnga dang ring po lnga ste bsres pa ni bcur 'gyur ro/ /thung ngu'i mthar rjes su nga ro ni dbyangs drug pa'o/ /ring po'i mthar rnam par bcad pa ni dbyangs drug pa'o/ /de dag kyang dbyangs dang gsal byed mtshungs par ldan pas brjod par bya ste dbyangs de dag dang
 ldan pa ni dbyangs dang bcas pa'o/ /nyin zhag stong drug me'i tshad kyis spyod par byed ces pa ni nyin zhag sum brgya drug cus te/ stong drug me yi tshad de dag gis zla ba bcu gnyis dang bgrod pa gnyis su yang 'gyur ro/ /lho dang byang gi bgrod pa so so la nyin zhag brgya brgyad cur 'gyur ro/ /'pho
 ba'i zla ba'i dbye bas ka rka Ta la sogs pa lhor bgrod pa la nam mkha' la sogs pa spro ba'i rim pas dbyangs thung ngu drug dang bcas pa'i sde pa drug nyi mas zla ba drug gis spyod do/ /de nas byang du bgrod pa las la sogs pa'i dbye bas dbyangs ring po dang bcas pa'i sde pa drug zla ba drug gis
 spyod do/ /gang du dbyangs thung ngu dang bcas pa spyod pa der mtshan mo 'phel bar 'gyur ro/ /gang du dbyangs ring po dang bcas pa spyod pa der nyin mo 'phel bar 'gyur ro/ /'dir lhor bgrod pa ni zla ba'o/ /byang du bgrod pa ni nyi ma'o/ /gsal byed gcig ni zla ba'o/ /gsal byed gnyis
 brtsegs pa ni nyi ma'o/ /gsal byed gsum brtsegs pa ni sgra gcan no/ /de bzhin du dbyangs thung ngu ni zla ba'o/ /ring po ni nyi ma'o/ /shin tu ring po ni sgra gcan no zhes pa ni thams cad du yin no/ /de ltar sgra gcan gyi shin tu ring po nyid la mun pa rnam pa gsum ste chung ngu dang 'bring dang chen
 po'i bdag nyid do/ /'dir ka rka Ta'i 'pho ba'i nyin zhag la spro ba'i dbye bas ka sde'i nga yig a yig dang bcas pa nyi mas spyod do/ /gnyis pa la ngi/ gsum pa la dr-i/ bzhi pa la ngu / lnga pa la ng+l-i/ drug pa la ngaM / de bzhin du nyin zhag bdun pa dang por byas nas nyin zhag bcu gnyis
 pa'i mthar g+ha yig spyod de ji ltar nga yig rnam par spyod pa bzhin no/ /de bzhin du nyin zhag bcwa brgyad kyi mthar thug pa ga yig dbyangs dang bcas pa spyod do/ /nyin zhag nyi shu rtsa bzhi pa'i bar du kha yig spyod do/ /de bzhin du nyin zhag sum cu pa'i bar du ka yig dbyangs dang bcas
 pa spyod do/ /stong pa'i nyin zhag 'ga' zhig la gzhom du med pa'o/ /de bzhin du seng ge'i 'pho ba'i zla ba'i nyin zhag sum cu po rnams kyis nya yig la sogs pa dbyangs dang bcas pa rnams spyod do/ /bu mo'i 'pho ba'i nyin zhag rnams kyis Na yig la sogs pa dbyangs dang bcas pa rnams spyod do/ /
 srang gi 'pho ba'i nyin zhag rnams kyis ma yig la sogs pa dbyangs dang bcas pa rnams spyod do/ /sdig pa'i 'pho ba'i nyin zhag rnams kyis na yig la sogs pa dbyangs dang bcas pa rnams spyod do/ /gzhu'i 'pho ba'i nyin zhag rnams kyis Th+ka la sogs pa dbyangs dang bcas pa'i gsal
 byed rnams spyod do/ /de ltar na lhor bgrod pa la zla ba drug gi nyin zhag rnams kyis sde pa drug dbyangs dang bcas pa grangs brgya brgyad cu rnams zla ba'i rang bzhin mtshan mo 'phel ba'i dbye bas spyod do/ /de nas byang du bgrod pa'i dbye ba ni sa yig la sogs pa lugs las bzlog pas brjod
 de chu srin la sogs pa 'pho ba'i zla ba'i nyin zhag gi dbye bas sde pa drug dbyangs dang bcas pa ni sdud pa'i rim pas dbyangs ring po dang bcas pa'i yi ge rnams nyi mas spyod do/ /'dir chu srin gyi 'pho ba'i nyin zhag la s+sAH dbyangs dang bcas pa spyod do/ /gnyis pa la s+s+l-I/ gsum pa la s+sU/
 bzhi pa la s+s+r-I/ lnga pa la s+sI/ drug pa la s+sA/ de bzhin du nyin zhag drug pa gzhan rnams kyis/ w+WAH w+W+l-I/ w+WU/ w+W+r-I/ w+WI/ w+WA/ de bzhin du Sha dang de bzhin du sha'o/ /de bzhin du Th+k+Th+kAH Th+k+Th+k+l-I Th+k+Th+kU Th+k+Th+k+r-I Th+k+Th+kI Th+k+Th+kA zhes pa sa sde dbyangs dang bcas pa rnams chu srin gyi 'pho ba'i nyin zhag sum cus spyod do/ /
 de bzhin du 'bum pa dang nya dang lug dang gling dang 'khrig pa'i 'pho ba'i nyin zhag rnams kyis/ ta sde dang pa sde dang Ta sde dang tsa sde dang ka sde rnams dbyangs dang bcas pa nyin zhag brgya brgyad cus spyod do/ /ka rka Ta'i 'pho ba'i bar du nyin mo 'phel ba yin la nyin mo
 'phel ba ni nyi ma ste sdud pa'i ngo bos rig par bya'o/ /'dir mtshan mo dang nyin mo 'phel ba'i rang bzhin gyi yi ge rnams ni 'di lta ste/ mtshan mo 'phel ba nga ngi dr-i du d+l-i ngaM / g+ha g+hi g+h+r-i g+hu g+h-I g+haM/ ga gi gr-i gu gl-i gaM/ /kha khi kh+Ri khu kh+l-i khaM/ ka ki kr-i ku kl-i kaM zhes pa ni ka rka Ta'i 'phel ba'o/ /
 nya nyi ny+r-i nyu ny+l-i nyaM/ dz+ha dz+h-i dz+h+r-i dz+hu dz+h+l-i dz+haM/ dza dzi dzr-i dzu dz+l-i dzaM/ tsha tshi tsh+r-i tshu tsh+l-i tshaM/ tsa tsi ts+r-i tsu ts+l-i tsaM zhes pa ni seng ge'i 'phel ba'o/ /Na Ni N+r-i Nu N+l-i NaM/ D+ha D+hi D+h+r-i D+hu D+h+l-i D+haM/ Da Di D+r-i Du D+l-i DaM/ Tha Thi Th+r-i Thu Th+l-i ThaM/ Ta Ti T+r-i Tu T+l-i TaM/ zhes pa ni bu mo'i 'phel ba'o/ /ma mi mr-i mu m+l-i maM/ b+ha b+hi b+h+r-i b+ha b+h+l-i b+haM/ ba bi br-i bu bl-i baM/ pha phi ph+R-i phu ph+l-i phaM/ pa pi
 pr-i pu p+l-i paM/ zhes pa ni srang gi 'phel ba'o/ /na ni nr-i nu n+l-i naM/ d+ha d+hi d+h+r-i d+hu d+h+l-i d+haM/ da di dr-i du d+l-i daM/ tha thi thr-i thu th+l-i thaM/ ta ti tr-i tu t+l-i taM/ zhes pa ni sdig pa'i 'phel ba'o/ /Th+ka Th+ki Th+k+r-i Th+ku Th+k+l-i Th+kaM/ sha shi shr-i shu sh+l-i shaM/ Sha Shi Sh+r-i Shu Sh+l-i ShaM/ wa wi w+r-i wu w+l-i waM/ sa si sr-i su sl-iM saM/ zhes pa ni gzhu'i 'pho ba la ste/ zla ba drug gi
 nyin zhag rnams kyis mtshan mo 'phel zhing nyin mo 'dzad do/ /de nas chu srin la sogs pa la nyin mo 'phel ba ni s+sAH s+s+l-I s+sU s+s+r-I s+sI s+sA/ w+WAH w+W+l-I w+WU w+W+r-I w+WI w+WA/ Sh+ShAH Sh+Sh+l-I Sh+ShU Sh+Sh+r-I Sh+ShI Sh+ShA/ sh+shAH sh+sh+l-I sh+shU sh+sh+r-I sh+shI sh+shA/ Th+k+Th+kAH Th+k+Th+k+l-I Th+k+Th+kU Th+k+Th+k+r-I Th+k+Th+k-I Th+k+Th+kA zhes pa ni chu srin gyi 'phel ba'o/ /t+tAH t+t+l-I t+tU t+t+r-I t+tI t+tA/ th+thAH th+th+l-I th+thU th+th+r-I th+thI th+thA/ d+dAH d+d+l-I d+dU d+d+r-I d+dI d+dA/ d+h+d+hAH
 d+h+d+h+l-I d+h+d+hU d+h+d+h+r-I d+h+d+hI d+h+d+hA/ n+nAH n+n+l-I n+nU n+n+r-I n+nI n+nA zhes pa ni bum pa'i 'phel ba'o/ /p+pAH p+p+l-i p+pU p+p+r-I p+pI p+pA/ ph+phAH ph+ph+l-I ph+phU ph+ph+r-I ph+phI ph+phA/ b+bAH b+b+l-I b+bU b+b+r-I b+bI b+bA/ b+h+b+hAH b+h+b+h+l-I b+h+b+hU b+h+b+h+r-I b+h+b+hI b+h+b+hA/ m+mAH m+m+l-I m+mU m+m+r-i m+mI
 m+mA/ zhes pa ni nya'i 'phel ba'o/ /T+TAH T+T-i T+TU T+T+r-I T+TI T+TA/ Th+ThAH Th+Th+l-I Th+ThU Th+Th+r-i Th+ThI Th+ThA/ D+DAH D+D+l-I D+DU D+D+r-I D+DI D+DA/ D+h+D+hAH D+h+D+h+l-I D+h+D+hU D+h+D+h+r-I D+h+D+hI D+h+D+hA/ N+NAH N+N+l-I N+NU N+N+r-I N+NI N+NA/ zhes pa ni lug gi 'phel ba'o/ /ts+tsAH ts+ts+l-I ts+tsU ts+ts+r-I ts+tsI ts+tsA/ tsh+tshAH tsh+tsh+l-I tsh+tshU tsh+tsh+r-I tsh+tshI
 tsh+tshA dz+dzAHdz+dz+l-I dz+dzU dz+dz+r-I dz+dzI dz+dzA/ dz+h+dz+h-IHdz+h+dz+h+l-I dz+h+dz+hU dz+h+dz+h+r-I dz+h+dz+hI dz+h+dz+hA/ ny+nyAH ny+ny+l-I ny+nyU ny+ny+r-I ny+nyI ny+nyA zhes pa ni glang gi 'phel ba'o/ k+kAH k+k+l-I k+kU k+k+r-I k+kI k+kA/ kh+khAH kh+kh+l-i kh+khU kh+kh+r-i kh+khI kh+khA/ g+gAH g+g+l-I g+gU g+g+r-I g+gI g+gA/ g+h+g+hAH g+h+g+h+l-I g+h+g+hU g+h+g+h+r-I g+h+g+hI g+h+g+hA/ d+dAH d+d+l-I d+dU d+d+r-I d+dI d+dA/ zhes
 pa ni 'khrig pa la nyin mo 'phel ste/ zla ba drug ji srid pa'i mthar ni 'grib pa'o/ de ltar na lhor bgrod pa la dbyangs thung
 ngu dang ldan pa'i gsal byed de/ gnyis ka zla ba'i cha'i mtshan nyid do/ /byang du bgrod pa la gsal byed gnyis brtsegs pa dbyangs ring po dang ldan pa ste gnyis ka nyi ma'i mtshan nyid yin no/ /gsal byed gcig dbyangs ring po dang ldan pa ni zla ba dang nyi ma'i bdag nyid du 'gyur ro/ /
 de bzhin du gsal byed gnyis brtsegs pa dbyangs thung ngu dang ldan pa ni nyi ma dang zla ba'i bdag nyid du 'gyur ro/ /de bzhin du dbyangs dang gsal byed kyi dbye bas zla ba rnam pa gnyis dang nyi ma rnam pa gnyis so/ /de bzhin du yon tan dang 'phel ba dang ldan pa'i gsal byed rnams rig par bya'o/ /
 zhes pa ni bgrod pa'i dbye bas nyi ma'i rkang pa'i dbyangs kyi dbye ba dang dbyangs kyi dbye ba gzhan nam mkha' la sogs pa dkyil 'khor lnga 'bab pas sum brgya drug cu'i dbye bas tha dad pa ni 'chad par 'gyur bas bshad par bya'o/ /'di'i mdor bsdus pa rgyud kyi rgyal po sgyu 'phrul dra ba
 las/ sangs rgyas kun gyi thugs chen po/ /sangs rgyas kun gyi thugs la gnas/ /sangs rgyas kun gyi sku chen po/ /sangs rgyas kun gyi gsung yang yin/ /rdo rje nyi ma snang ba che/ /rdo rje zla ba dri med 'od/ /chags bral dang po chags pa che/ /kha dog sna tshogs 'bar
 ba'i 'od/ /ces bcom ldan 'das kyis gsungs so/ /'dir dkar po'i phyogs la lnga pa dang bcu pa dang nya ni chags pa'o/ /nag po'i phyogs la lnga pa dang bcu pa dang gnam stong ni chags bral lo/ 'di gnyis kyi dbus rdzogs pa gsum gyi mjug dga' bral gyi mthar stong pa
 chen po yi ge lnga gcig tu 'dres par gyur pa'i rnal 'byor ni de bzhin gshegs pa rnams kyi thugs te/ de'i phyir sangs rgyas kun gyi thugs chen po ni zla ba cha bcu drug pa'i mthar stong pa chen po'o/ /sangs rgyas kun gyi thugs la gnas ni gnam stong gi mtha' cha dang po 'char ba'i
 mtshams nyi ma mun pa bcu drug pa'i mthar thig le stong pa yi ge drug go/ /de bzhin du sangs rgyas kun gyi sku che ba ni stong pa chen po'o/ /sangs rgyas kun gyi gsung yang yin ni thig le stong pa'o/ /rdo rje nyi ma snang ba che ni thig le stong pa yi ge drug go/ /rdo rje zla ba dri med 'od ni stong
 pa chen po yi ge lnga'o/ /shes rab dang thabs kyi chos ni 'chad par 'gyur pa las rgya cher brjod par bya ste/ gsang sngags skye gnas yi ge med/ /gsang sngags chen po rigs gsum pa yang rgya cher ro/ /da ni nyin zhag so so'i mtshan mo dang nyin mo'i chu tshod gsungs
 pa ha sogs dbyangs rnams dag kyang chu tshod ces pa ste ha la sogs pa de dag dbyangs kyang yin pas na ha sogs dbyangs rnams so/ /kyang yig gis gzhan gsal byed do/ /de dag dbyangs bcu gnyis dang bcas pa ni dbyangs drug cur 'gyur ro/ /de la mtshan mo 'phel ba la
 dbyangs thung ngu dang ldan pa'i dbyangs sum cu'i bdag nyid nyi ma phyed nas mtshan phyed kyi bar du 'gyur ro/ /nyin mo 'phel ba la dbyangs ring po dang ldan pa sum cu mtshan phyed nas nyi ma phyed kyi bar du 'gyur ro/ /de ltar nyin zhag so so la mtshan mo dang nyin mo 'phel ba rig par bya'o/ /
 'dir sngags kyi tshig rnams ni mtshan mo 'phel ba la spro ba'i rim pa dang nyin mo 'phel ba la sdud pa'i rim pas 'di lta ste/ ha hi hr-i hu h+l-i haM/ ya yi y+r-i yu y+l-i yaM/ ra ri r+r-i ru rl-i raM/ wa wi w+r-i wu w+l-i waM/ la li l+r-i lu l+l-i laM/ zhes pa mtshan mo ste bsam pa'i dbye bas shes rab
 dang lus kyi dbye bas thabs so/ /l+lAH l+l+l-I l+lU l+l+r-I l+lI l+lA/ w+WAH w+W+l-I w+WU w+W+r-I w+WI w+WA/ r+rAH r+r+l-I r+rU r+r-I r+rI r+rA/ y+YAH y+y+l-I y+YU y+y+r-I y+YI y+YA/ h+hAH h+h+l-I h+hU h+h+r-I h+hI h+hA/ zhes pa nyin mo ste bsam pa'i dbye bas thabs dang lus kyi dbye bas shes rab po/ /khu ba dang zla ba ni shes rab kyi bsam pa las byung ba
 nyid kyi phyir shes rab dang / thabs kyi lus las byung ba nyid kyi phyir thabs so/ /de bzhin du rdul dang / nyi ma ni thabs kyi bsam pa las byung ba nyid kyi phyir thabs dang /
 shes rab kyi lus las byung ba nyid kyi phyir shes rab ste de ltar thams cad du rjes su rtogs par bya'o/ /da ni brtan pa dang g.yo ba khams gsum pa'i sngags gsungs pa lha mi gdengs can 'byung po'i skye gnas dag kyang sngags shes pa zhes pa ste/ lha ni 'dod pa dang gzugs dang /
 gzugs med pa ste lha ma yin yang de'i nang du 'dus so/ /mi dang gdengs can ni rab tu grags pa ste rgyal po dang mtha' yas la sogs pa'o/ /'byung po'i skye gnas ni sngar brjod pa rnam pa bzhi'o/ /brtan pa'i skye gnas ni lhun po dang shing la sogs pa ste de dag thams cad sngags
 kyi ming gis ming can du byas pa'i sngags su 'gyur ro/ /khams gsum po 'dir gang gi ming gang yin pa de'i de bsgrub pa'i slad du sngags kyi brdar 'gyur te dang po'i yi ge ni ye shes kyi sa bon du 'gyur zhing / ming mtha' dag ni bzlas pa'i sngags su 'gyur ro/ /don sna tshogs
 bsgrub pa'i slad du sems can mtha' yas pa'i ming gi dbye bas sngags mtha' yas par khong du chud par bya'o/ /dper na dge ba dang mi dge ba'i 'bras bu'i don du ming gi yi ge dang pos khyim dang ming gi yi ge thams cad kyis kyang dbyangs dman pa dang lhag pa g.yul 'gyed pa'o/ /
 de bzhin du dang po'i yi ge dang ming thams cad kyis kyang bsgom pa dang bzlas pa'i bya ba 'grub ste/ rten cing 'brel bar 'byung ba la 'khrul pa med cing nor bu dang sngags dang / sman rnams kyi mthu rang gi sems yongs su gyur pa las 'byung ba ni bsam gyis mi khyab bo/ /a
 sogs ka sogs ldan pa dag las zhes pa la a sogs ni a yig la sogs pa ste dbyangs kyi tshogs so/ /ka sogs ldan pa ni ka yig la sogs pa gsal byed dang ldan pa dag las so/ /de ltar ni brjod pa'i rim pa 'dis so/ /khams gsum dag ni 'dod pa dang /
 gzugs dang gzugs med pa'i khams te nges par skyed par 'gyur ro/ /mi'i bdag ces pa ni bod pa'o/ /zla ba'i cha la sogs pa dang sna tshogs pa'i sngags bsdus pa'i mdor bsdus so/ /da ni dbyangs ni zhes pa la sogs pas dbyangs rnams kyi skye ba'i gnas la sogs
 pa bsdus pa'i tshigs su bcad pa dgu pa bdag gis dgrol bar bya'o/ /dbyangs ni ka tsa Ta pa tar ldan Th+ka la sogs pa yang dag sbyar ba rnams kyi skye ba'i gnas zhes pa la 'dir dbyangs ni sngar brjod pa'i a yig la sogs pa rnams te a i r-i u l-i lnga'o/ /'di rnams kyi skye ba'i
 gnas rnam pa lnga grangs ji lta ba bzhin no/ /dbyangs ji ltar gyur pa rnams kyi zhe na/ ka tsa Ta pa tar ldan pa dang Th+ka la sogs pa yang dag sbyar ba rnams kyi zhes pa ste grangs ji lta ba bzhin ka yig la sogs pa'i sde pa dang / sbyar ba dang / Th+ka la sogs pa rnams kyi yi ge
 so so dang sbyar ba ni Th+ka sha Sha wa sa dang / yang dag par sbyar ba rnams kyi ste sogs pa smos pa'i phyir ha ya ra wa la dang ldan pa rnams kyi'o/ /de ltar yang a ku ha rnam par bcad pa ni mgrin pa las byung ba'o/ /i tsu ya sha ni rkan las byung ba'o/ /r-i Tu ra Sha ni spyi bo las byung ba'o/ /
 u pu wa wa ni mchu las byung ba'o/ /li tu la sa ni so las byung ba'o/ /zhes skye ba'i gnas gsungs so/ /mgrin rkan steng gi cha ji ltar gyur pa zhe na mkha' rlung bsreg bya las skyes pa'i gnas so/ /mchu dang so ni chu dang sa dag gi skye ba'i gnas su a yig la sogs pa rnam
 grangs ji lta ba bzhin du skye ba ste skye ba ces pa ni gnas de dag tu brjod pa rnams kyi sgra'i don rtogs pa'o/ /'dir sngags kyi bzlas pa'i cho ga bsgrub pa'i don du skye ba'i gnas rig par bya ste gzhan ni bsgom pa'i gnas kyi don du lus kyi 'khor lo'i dbye bas brjod pa/ a sogs
 rnams ni gtsug tor 'khor lo snying mgrin mgo bo lte ba'i 'khor lo dag la rim pas te/ zhes pa la a sogs zhes pa a yig la sogs pa dbyangs rnams kyi grangs bzhin du nam mkha' la sogs pa'i rigs kyi dbye bas grangs bzhin du gtsug tor la sogs pa'i 'khor lo rnams
 bsgom pa'i don du skye ba'i gnas su rig par bya'o/ /'dir a ku ha rnam par bcad pa ni gtsug tor gyi 'khor lo la bsgom par bya'o/ /i tsu ya sha ni snying kha'i 'khor lo la'o/ /r-i Tu ra Sha ni mgrin pa'i 'khor lo la'o/ /u bu wa wa ni dpral ba'i 'khor lo la'o/ /l-i tu la sa ni lte ba'i 'khor lo la bsgom
 par bya'o/ /sna tshogs ni kha dog sna tshogs ljang khu ste gtsug tor gyi 'khor lo'o/ /nag pa ni snying kha'i 'khor lo'o/ /dmar pa ni mgrin pa'i 'khor lo'o/ /ri bong can gyi mdog ni dpral ba'i 'khor lo'o/ /gser 'dra ni lte ba'i 'khor lo'o/ /phung po khams kyi lhag pa'i lha dang ldan pa la'o/ /
 zhes pa ni grangs ji lta ba bzhin du rnam par shes pa'i phung po dang nam mkha'i khams kyi lhag pa'i lha dang ldan pa gtsug tor gyi 'khor lo'o/ /'du byed dang rlung gi khams kyi lhag pa'i lha dang ldan pa snying kha'i 'khor lo'o/ /de bzhin du tshor ba dang me'i khams kyi lhag pa'i lha dang
 ldan pa mgrin pa'i 'khor lo'o/ /'du shes dang chu'i khams kyi lhag pa'i lha dang ldan pa dpral ba'i 'khor lo'o/ /gzugs dang sa'i khams kyi lhag pa'i lha dang ldan pa lte ba'i 'khor lo ste de ltar phung po khams kyi lhag pa'i lha dang ldan pa la'o/ /'chad par 'gyur ba la
 yan lag dgod pa la sogs pa rig par bya'o/ /dbyangs rnams kyi skye ba'i gnas nges par bstan pa'o/ /dpal mchog gi dang po'i sangs rgyas las bsdus pa rgyud kyi rgyal po dpal dus kyi 'khor lo'i 'grel bshad stong phrag bcu gnyis pa dri ma med pa'i 'od las 'jig rten
 gyi khams bsdus pa'i mdor bsdus te bdun pa'o/ / //da ni bcom ldan 'das kyis sems can gyi bsam pa'i dbang gis 'jig rten gyi khams kyi tshad gsungs pa sdud par mdzad pa po 'jam dpal gyis tshigs su bcad pa bcu pa la sogs pas mchog gi dang po'i sangs rgyas las
 bsdus pa rlung gi mtha' nas lhun po'i mtshams zhes pa la sogs pa de nyid bdag gis dgrol bar bya'o/ /rlung gi mtha' nas lhun po'i mtshams su dmyal ba gdengs can grong khyer la ni dpag tshad 'bum phrag gnyis zhes pa la 'dir 'jig rten gyi kun rdzob tu mos pa sna tshogs pa'i
 sems can gyi bsam pa'i dbang gis 'jig rten gyi khams kyi tshad sems can rnams la gsungs shing rab tu snang ngo / /don dam par ni 'jig rten gyi khams la tshad dang dpangs med de sems can rnams kyi bsod nams dang sdig pa'i dbang gis so/ /'dir phug khrul ba'i tshad
 gang du 'dod chags dang bral ba'am/ byang chub sems dpa' gnas pa'i phug der bsod nams dang ye shes bsten pa de'i mthu dang rdzu 'phrul gyi stobs kyis 'khor los sgyur ba sde dang bcas pa 'ongs shing rab tu 'jug ste de sus kyang ma bskyed cing phug der zhugs pa'i 'khor
 los sgyur ba'i sde yang dog pa nyid ma yin no/ /don dam par 'jig rten gyi khams kyi tshad kyang de bzhin du rig par bya'o/ /'dir 'jig rten gyi khams kyi tshad gang yin pa de ni/ ji ltar phyi rol de bzhin lus zhes gsungs pa'i phyir 'jig rten gyi khams kyi tshang 'jig rten
 gyi khams dkyil 'khor gyi don dang / lus kyi tshad lus kyi dkyil 'khor gyi don du ste/ lus ni dkyil 'khor zhes brjod do zhes brjod do zhes gsungs pa'i phyir ro/ /de ltar phyi rol du 'jig rten pa'i tshad kyis lhung po'i dpangs dpag tshad 'bum yin pa de bzhin du lus kyi sgal tshigs kyi dpangs
 khru gang ste khru'i tshad des lus ni khru bzhi'o/ /lhun po dpag tshad 'bum gyi tshad kyis 'jig rten gyi khams 'bum phrag bzhi'o/ /rnam pa gzhan du na ji ltar phyi rol de bzhin lus su mi 'gyur te mi mnyam pa'i phyir ro/ /de ltar 'jig rten gyi khams kyi tshad kun rdzob tu ji lta ba de ltar
 'gyur du chug mod/ 'dir bsregs bcad ces pa la sogs pas bcom ldan 'das kyis dam bcas pa ni ma yin te/ 'on kyang dam bcas pa ni bsod nams dang ye shes kyi tshogs kyi yul la yin no/ /gang gi phyir 'jig rten gyi khams kyi yul la mdzod kyi 'dod pa dang / rig
 byed kyi grub pa'i mtha'i bsam pas rnam pa sna tshogs pa dang / tshangs pa'i yul sa gcig ni dpag tshad bye ba'i khyon no zhes brdzun du smra ba'i phyir nyi ma'i shing rta la sogs pa yongs su smin par bya ba'i slad du tshangs pa'i yul sa'i tshad de rnam par gzhom pa'i don du gza' dang rtsis dang khyim
 gyi 'khor lo dang ldan pa'i 'jig rten gyi khams kyi tshad rab tu bkod do/ /de'i phyir tshad 'di la sangs rgyas pa'i mdzod mthong nas 'khrul pa 'di mi bya ste/ ji ltar bcom ldan 'das kyis 'jig rten gyi khams kyi tshad 'bum phrag sum cu so drug lhag pa dang / ji ltar 'jig rten gyi
 khams dpag tshad 'bum phrag bzhi'i tshad du gsungs/ 'dir bcom ldan 'das brdzun gsung ba po yin nam ci zhes pa 'ga' zhig 'dod par gyur na de'i tshig mkhas pa rnams kyis khas blang bar mi bya ste sems can gyi bsam pa'i dbang gis so/ /de bzhin du yang / sems can
 mos pa sna tshogs pa/ /grub mtha' sna tshogs rig pa po/ /sna tshogs lam la rab gnas pa/ /shes pa'i nga rgyal khengs pa can/ /de dag rang bzhin grub mtha' la/ /ji srid rigs pa ma bstan pa/ /de srid khengs pa can de dag /kun mkhyen gyi yang dbang mi 'gyur/ /
 sems can phan las mi bden pa/ /bsod nams tshogs kyi rgyu yin te/ /gzhan la gnod las bden pa ni/ /mnar med la sogs rab tu ster/ /gtong ba po min yi dags kyis/ /khyim gyi gnas ni rir mthong ste/ /sdig pa byed pa dag gis khyim/ /khab rtse ri yi rnam
 par ro/ sa 'og dngos grub thob gyur cing / /lha mo rnams kyi grong 'gro ba/ /grub pa rnams kyis rab brtan sa/ /kun nas bug pa bcas par mthong / /zhes gsungs so/ /de'i phyir 'jig rten gyi khams kyi tshad bcom ldan 'das kyis gsungs pa ni sems can rnams
 kyi rang gi sems kyi bag chags kyi dbang gis rab tu snang ba ste/ de bzhin gshegs pas mngon par zhen pas 'jig rten gyi khams gzigs nas gzung ba dang 'dzin pa'i ngo bos dngos po'i tshad gsungs pa ni 'ga' yang med do/ /de ltar thams cad yongs su mkhyen nas drang
 srong rnams yongs su smin par bya ba'i don du 'jig rten gyi khams kyi tshad dang lus kyi tshad dkyil 'khor gyi don du bcom ldan 'das kyis gsungs so/ /'dir rlung gi mtha' nas lhun po'i mtshams su zhes pa ni sa dang chu dang me'i dkyil 'khor rnams kyi 'og na rlung gi dkyil 'khor
 nam mkha'i khams la rnam par gnas te/ rlung gi mtha' de nas lhun po'i bar du dmyal ba'i gnas bdun dang brgyad pa ni gdengs can gyi grong khyer te/ dmyal ba gdengs can grong khyer la ni dpag tshad 'bum phrag gnyis yin no/ /'dir rlung gi dkyil 'khor stong phrag lnga
 bcur 'gyur te drag po'i rlung chen po dang mun pa chen po de la dmyal ba'i gnas gnyis steng 'og tu dpag tshad stong phrag nyi shu rtsa lnga'i cha ste rgya'i tshad ni sa'i dkyil 'khor gyi tshad do/ /de bzhin du me'i dkyil 'khor la dmyal ba'i gnas gnyis te/ me'i dmyal ba gcig
 dang de'i steng du du ba mi bzad pa'i dmyal ba'o/ /de bzhin du chu'i dkyil 'khor la dmyal ba gnyis te 'dam gyi chu 'dam dang chu yang dag par ldan pa dang bye ma'i chu bye ma dang chu yang dag par ldan pa ste grang ba chen po'o/ /sa'i dkyil 'khor la gseg ma chu'i dmyal
 ba dpag tshad stong phrag nyi shu rtsa lnga'o/ /de'i steng du gdengs can gyi grong khyer steng 'og tu dpag tshad stong phrag nyi shu rtsa lnga'o/ /de nyid la tshad rnam pa gnyis te phyed ni lha ma yin gyi gnas yin la phyed ni klu'i 'jig rten gyi gnas so/ /de bzhin du lus la rkang pa'i mthil nas
 rked pa'i bar du khru gnyis te khru gnyis po de nyid cha brgyad du byas nas cha re re la rim pa bzhin du dmyal ba dang gdengs can gyi grong khyer rnams rig par bya'o/ /lhun po'i tshad ni 'bum phrag gcig ste sa'i dkyil 'khor de nas lhun po'i tshad ni steng 'og tu dpag tshad 'bum phrag gcig
 ste lus la rked pa nas mgrin pa'i 'og gi bar du khru gang ngo / /de nyid du gza'i tshogs rnams 'khor te gza'i tshogs kyi gnas de nas stong phrag dag ni nyi shu lnga lhun po'i mgrin pa ste lus la sor drug go/ /de nas gdong la lnga bcu lhun po'i gdong mgrin pa nas dpral ba'i mtha'i
 bar du ste lus la sor bcu gnyis so/ /de nas brtan pa'i go 'phang g.yo med gtsug tor ni stong phrag nyi shu lnga ste/ lus la dpral ba'i mtha' nas gtsug tor gyi gnas kyi bar du sor drug gi tshad do/ /de'i phyi rol stong pa gcig pu srid pa gsum bral yon tan med cing de nyid
 kyes dman pa'o zhes pa ni 'og rlung gi dkyil 'khor dang steng gtsug tor de'i phyi rol stong pa gcig pu ste rdul phra rab so so'i ngo bo khams lnga pa stong pa gcig pu'o/ /nam mkha' ni ma yin te thams cad du khyab par byed pa'i phyir stong pa gcig pur rtogs par mi bya'o/ /de ltar 'jig
 rten gyi khams kyi tshad 'bum phrag bzhi ste lus la khru bzhi'o/ /khru yang sor nyi shu rtsa bzhi'i bdag nyid do/ /da ni 'dir zheng gi tshad gsungs pa rlung gi mtha' nas rlung gi mtshams la 'bum phrag bzhi ste rlung nas rlung gi mtha' shar nas nub kyi rlung gi dkyil 'khor gyi mtha'i bar dang de
 bzhin du lho nas byang gi mtha'i bar ro/ /brtan pa 'dzin ma'i gzhi la gling dang ri dang rgya mtsho rnams zhes pa ni de nas rlung gi dkyil 'khor gyi dbus su me'i dkyil 'khor zlum po'i rnam pa dang / de bzhin du me'i dkyil 'khor gyi dbus su chu'i dkyil 'khor dang / chu'i dkyil 'khor
 gyi dbus su sa'i dkyil 'khor ro/ /de nyid ni brtan pa 'dzin ma'i gzhi ste de la gling drug dang ri drug dang / rgya mtsho drug go/ /bdun pa chu'i dkyil 'khor dang bcas pas rgya mtsho bdun dang / bdun pa 'dzam bu'i gling dang bcas pas gling bdun dang / rdo rje'i ri dang bcas pas ri
 bdun no/ /rdo rje'i ri ni rta gdong gi me ste lan tshwa'i rgya mtsho chu'i dkyil 'khor gyi mthar 'og dang thad ka'i cha la gnas so/ /sa 'dzam bu'i gling chen po'i mthar phyogs thams cad dang 'og tu lan tshwa'i rgya mtsho rnam par gnas so/ /lan tshwa'i rgya mtsho'i mtha' nas lan tshwa'i rgya mtsho'i
 mthar 'bum phrag bzhi'i phyed de/ bzhi phyed 'bum phrag gnyis te zhes pa lhun po'i dbus nas g.yas g.yon du lan tshwa'i rgya mtsho'i dkyil 'khor gyi mthar 'bum phrag gnyis te g.yas su 'bum phrag gcig dang g.yon du 'bum phrag gcig ste/ de bzhin du shar dang nub dang rlung
 dang me dang bden bral dang dbang ldan du'o/ /lan tshwa'i chu'i dkyil 'khor de las g.yas dang g.yon du me dang rlung gi dkyil 'khor 'bum phrag gnyis su 'gyur ro/ /g.yas su 'bum phrag gcig dang g.yon du 'bum phrag gcig ste phyogs thams cad du de bzhin no/ /dbus
 na lhun po gang gi steng du khyim gyi 'khor lo skar bcas nyin dang mtshan mor 'khor ba ste/ /zhes pa ni dbus na lhun po'o/ /de ci 'dra ba zhig ce na gang gi steng na khyim gyi 'khor lo rtsibs bcu gnyis pa skar ma'i phung po mtha' yas pa dang bcas pa'i skar bcas nyin dang mtshan mor 'khor ba'o/ /
 'dir tshig 'di la rigs pa ci zhig yod/ gang gis 'di brjod par bya ba lhun po gzhan yang yod dam ci zhe na/ brjod pa 'dir man+da ra yang lhun po'i ming gis smos pa des na man+da ra las tha dad du bya ba'i slad du tshig 'di rigs so/ /cha drug la ni 'bum phrag gnyis gnyis zhes pa ni
 'dir brjod pa'i rim pas 'og dang steng dang shar dang nub dang lho dang byang gi cha drug la sa'i dkyil 'khor gyi dbus nas 'bum phrag gnyis gnyis so/ /srid gsum mtha' dag ni mtho ris dang mi yul dang sa 'og ste/ srid gsum mtha' dag dus kyi sbyor ba dag las
 rab tu skyes/ /zhes pa chags pa skye ba'i dus kyi dbang gis yang dag par 'dzin pa dang srung ba dang / dbyibs kyi rlung gi dus kyi sbyor ba dag las sems can rnams kyi dge ba dang mi dge ba'i las kyi 'bras bu la nye bar longs spyod pa'i don du skyes so/ /da ni 'dir khor yug gi tshad
 brjod pa 'jig rten khams kyi kun nas khor yug tu ni thad ka'i tshad kyi sum 'gyur du yang 'gyur ba ste/ zhes pa ni 'dir 'jig rten gyi khams thams cad la thad ka'i tshad kyi sum 'gyur khor yug gi tshad du 'gyur te/ lhun po la sogs pa nas rlung gi dkyil 'khor gyi mthar thug
 pa gling dang ri dang rgya mtsho la sogs pa thams cad kyi'o/ /sa'i khor yug 'bum phrag gsum dang zhes pa la sa yi ni sa'i dkyil 'khor gyi mtha'i bar du thad ka'i tshad 'bum phrag gcig ste khor yug gi tshad 'bum phrag gsum du 'gyur ro/ /de bzhin du chu me rlung rnams kyi zhes pa ni chu dang
 me dang rlung gi dkyil 'khor rnams kyi rang rang gi dkyil 'khor gyi mtha' nas rang rang gi dkyil 'khor gyi mtha'i bar du thad ka'i tshad ni 'bum phrag gnyis dang / 'bum phrag gsum dang / 'bum phrag bzhi ste/ khor yug gi tshad ni drug dgu nyi ma rim pas so zhes pa ste/ chu'i
 dkyil 'khor la 'bum phrag drug dang / me'i dkyil 'khor la 'bum phrag dgu dang / rlung gi dkyil 'khor la nyi ma ste 'bum phrag bcu gnyis su rim pas rig par bya'o/ /mi'i dbang po phyi rol srid pa gsum gyi gnas la dpag tshad 'bum phrag gcig nyid gang yin pa/ /de ni sa'i
 steng gi gnas su lus la rang rang dag gi tshad kyis yang dag khru gang ngo / /zhes pa ni sngar brjod pa'i rim pas phyi rol tu 'jig rten gyi khams la dpag tshad 'bum phrag gcig gang yin pa de nyid rang gi lus la rang gi khru yis khru gang gi tshad du 'gyur ro/ /da ni phra rab ces pa la
 sogs pas rdul phra rab la sogs pa rnams kyi dpag tshad brjod de/ phra rab brgyad rnams dag gis phra mo 'di gcig ces pa ni 'dir phra rab rdul phra rab brgyad phreng bar gnas pa dag gis phra mo gcig ste phra mo gcig gi tshad du 'gyur ro/ /phra mo 'di brgyad rnams kyis mi rnams kyi skra yi
 rtse mor 'gyur ro/ /skra yi rtse mo 'di brgyad phreng bar gnas pas skye tshe'i tshad do/ /de rnams kyis shig gi tshad do/ /de rnams kyis nas kyi tshad do/ /ltos 'gro nas zhes pa ni de brgyad kyis sor du 'gyur ro/ /sor mo nyi ma ni zung gis zhes pa nyi ma ni bcu gnyis yin la zung rnam pa gnyis kyis
 nyi shu rtsa bzhi ste sor mo nyi shu rtsa bzhi phreng bar gnas pas khru'i tshad du 'gyur ro/ /de bzhis gzhur 'gyur te 'dir ni stong phrag gnyis kyi gzhu yis rgyang grag dag tu 'gyur ro/ /de bzhis dpag tshad du 'gyur ro/ /dpag tshad de yis lha yul la lha rnams kyi tshad dang / sa la mi rnams kyi
 tshad dang / nam mkha' la nyi ma dang zla ba la sogs pa 'khor ba'i don du tshad yin no/ /da ni gzugs med pa'i srid pa la sogs pa srid pa sum cu rtsa gcig gsungs pa/ /dang por chos bzang bskal ba zhes pa ste/ dang por ni thog mar ro/ /chos bzang gi sgras ni gzugs med pa'i srid
 pa zhes brjod do/ /bskal pa zhes pa ni gang du/ lha rnams tshe bskal par gnas pa'o/ /gnas de ni chos bzang bskal pa zhes pa ste mtho ris kyi sa'o/ /zung ni zung dang ldan pa dag ste zhes pa la zung ni gnyis yin la de dag zung dang ldan pa ni bzhi ste/ zung ni zung dang ldan pa dag ste
 zhes pa gzugs med pa'i srid pa'i gnas rnam pa bzhi zhes pa'i don to/ /bskal pa chen po gcig dang / bskal pa gnyis dang / gsum dang bzhi'i tshe'o zhes dgongs so/ /ri rab kyi gtsug tor gyi 'og skra'i gnas te zad par stong pa rnam pa bzhi bsgoms pa rnams kyi'o/ /de bzhin
 du tshangs pa'i bskal pa zung ni zung dang ldan pa dag ba'i gnas te/ zad par rlung rnam pa bzhi bsgoms pa rnams kyi'o/ /de bzhin du tshangs pa 'jig rten las 'das pa zung ni zung dang ldan pa dag sna'i gnas te/ zad par me rnam pa bzhi bsgoms pa rnams kyi'o/ /de bzhin du dpal
 gyi bskal pa zung ni zung dang ldan pa dag sna'i 'og ko sko'i mthar te/ zad par chu rnam pa bzhi bsgoms pa rnams kyi'o/ /de bzhin du dkar po'i bskal pa zung ni zung dang ldan pa dag mgrin pa'i gnas te/ zad par sa rnam pa bzhi bsgoms pa rnams kyi'o/ /de ltar na
 gzugs can rnams kyi bskal pa bcu drug ste/ bskal pa bcu drug nas brtsams nas bskal pa re re'i bar gyi tshe'o/ /mgrin pa'i 'og de nas brtsams nas 'og rlung gi dkyil 'khor gyi mtha'i bar du 'dod pa'i srid pa bcu gcig ste/ shin tu dbang gyur gnas nas 'dod pa bcu gcig
 go / zhes gsungs te 'dod pa bcu gcig gi dbye bas tha dad do zhes pa'i don to/ /gzugs med dag ni a sogs bzhi po ha 'khrig bral ba rnams te/ zhes pa ni 'dir gzugs med la sogs pa rnams kyi sa bon gyi yi ge ni a yig la sogs pa'i dbyangs bzhi ste/ de dag
 kyang ha yig gnyis dang bral ba'o/ /'di ni stong pa drug tu dogs pa med pa'i tshig go/ /i la sogs pa bcu drug gzugs zhes pa ni/ 'dir dbyangs bcu drug po gang dag gi dang po i yig yin pa de dag ni i la sogs pa zhes brjod de/ i la sogs pa bcu drug ni
 gzugs rnams so/ /ha sogs la mtha' yang ni 'dod pa rnam bcur rab tu gsal te zhes pa ni dbyangs bcu'i rnam par 'gyur ba gang dag gi dang po ha yig yin la mtha' la yig yin pa/ de dag ni ha sogs la mtha' ste 'dod pa rnam pa bcur 'gyur ro/ /rab tu gsal te lus
 las gsungs pa yod pa'o/ /gsal byed gcig pa ka sa'o zhes pa ni gsal byed ka yig la sogs pa mtha' dag so sor brjod pas yang dag par bsdus pa ni yi ge gcig pa ka sar 'gyur te/ ka dang sa brtsegs pa k+Sha yig go zhes pa'i don to/ /de yang 'dod pa'i srid pa
 bcu gcig pa'o/ /srid pa sum cu rtsa gcig dag gis 'dir ni srid gsum du 'gyur zhes pa ni a yig la sogs pa srid pa sum cu rtsa gcig po 'di dag gis srid pa gsum ste/ 'dod pa'i srid pa dang / gzugs kyi srid pa dang / gzugs med pa'i srid par 'gyur ro/ /'dir
 srid pa sum cu rtsa gcig ces pa ni gzugs med la sogs pa ste/ 'du shes med 'du shes med min skye mched du nye bar 'gro ba dang / ci yang med pa'i skye mched du nye bar 'gro ba dang / rnam shes mtha' yas skye mched du nye bar 'gro ba dang / nam mkha' mtha' yas skye mched du nye
 bar 'gro ba zhes bya ba ni gzugs med pa bzhi'o/ /'og min la sogs pa gzugs bcu drug ste/ 'og min dang / shin tu mthong dang / mi gdung ba dang / mi che ba dang / 'bras bu che ba dang / bsod nams skyes dang / sprin med dang / dge rgyas dang / tshad med dge ba dang /
 dge chung dang / 'od gsal ba dang / tshad med 'od dang / 'od chung dang / tshangs chen dang / tshangs pa mdun na 'don dang / tshangs ris zhes bya ba ni gzugs bcu drug go/ /gzhan 'phrul dbang byed la sogs pa 'dod pa bcu gcig ste/ gzhan 'phrul dbang byed dang /
 'phrul dga' dang / dga' ldan dang / 'thab bral dang / sum cu rtsa gsum dang / rgyal chen bzhi'i ris zhes bya ba ni 'dod pa na spyod pa'i lha drug ste/ bskal pa chung ngu drug dang lnga dang bzhi dang gsum dang gnyis dang gcig gi bskal pa'i tshe dang ldan pa'o/ /'dir de'i
 nang du 'dus pa'i lha ma yin dang mi dang / dud 'gro dang / yi dags dang dmyal ba zhes bya ba ni 'dod pa'i srid pa lnga ste/ de ltar na srid pa sum cu rtsa gcig go/ /gzugs med pa la sogs pa 'di rnams kyi ming gi sngags a yig la sogs pa rnams brjod pa'i rim pas grangs
 bzhin no/ /'di lta ste a A aM aH zhes pa ni gzugs med pa ste zad par nam mkha'o/ /i I e ai zhes pa ni zad par rlung ngo / /r-i r-I a ra A ra zhes pa ni zad par me'o/ /u U o au zhes pa ni zad par chu'o/ /l-i l-I a la A la zhes pa ni zad par sa ste/ tshul khrims kyi
 stobs dang / zad par rlung la sogs pa'i ting nge 'dzin gyi stobs kyis 'og min la sogs pa gzugs bcu drug tu 'gyur ro/ /ha hA ya yA ra rA zhes pa 'dod pa na spyod pa drug tu sbyin pa'i stobs dang sngags bzlas pa'i stobs kyis 'gyur ro/ /wa wA zhes pa ni lha ma yin dang
 mi ste sbyin pa'i stobs kyis lha ma yin dang / dge ba dang / mi dge ba'i las kyi stobs kyis mir 'gyur ro/ /la lA zhes pa ni dud 'gro dang yi dags te sdig pa chung ngus dud 'gro dang sdig pa 'bring gis yi dags so/ /k+Sha yig gis dmyal ba ste sdig pa chen pos 'gyur ro/ /
 klu'i 'jig rten dang por bsod nams kyi stobs dang / dmyal ba'i gnas dang por sdig pa'i stobs kyis bskal ba chung ngu'i tshe'o/ /dmyal ba'i gnas gnyis pa dang gsum par bskal pa bar ma'i tshe'o/ /dmyal ba'i gnas bzhi pa dang lnga par bskal pa mchog gi tshe'o/ /dmyal ba'i
 gnas drug pa dang bdun par bskal pa chen po'i tshe'o/ /brgyad par 'jig rten gyi khams nye bar sdud pa'i tshe ste/ de ltar srid pa sum cu rtsa gcig gis srid pa gsum mo zhes pa'i don to/ /khams kyi dbye bas ni khams gsum mo/ /srid gsum ma lus ni mtho ris dang mi yul dang sa
 'og go/ /'di yang sku dang gsung dang thugs kyi rdo rje gsum du 'gyur te/ a sogs ka sogs rab tu dbye ba las zhes shes par bya'o/ /bskal pa chung ngu'i tshad ni chu dang zheng la dpag tshad gcig pa'i dong ste de yang skra'i rtse mo phra mo rnams kyis yongs su bkang ba las lo brgya na
 skra'i rtse mo re re phyung bas gang gi tshe stong par gyur pa de'i tshe bskal pa chung ngu'i nyin zhag gcig go/ /nyin zhag de sum cu'i tshad kyis zla ba'o/ /zla ba bcu gnyis kyis lo'o/ /lo brgya la bskal pa zhes brjod do/ /de bzhin du de'i sde ni bskal pa bar ma ste/ bskal pa bar ma'i
 sdes mchog gi bskal pa'o/ /de ltar sems can rnams sdig pa'i dbang gis bskal pa'i grangs du mar dmyal ba la sogs pa'i sdug bsngal bar 'gyur ro/ /lnga rnams bsod nams kyi dbang gis bskal pa du mar mtho ris la sogs pa'i bde bar 'gyur ro/ /da ni klu'i gnas
 la sogs pa rnams kyi ming gsungs te ming de la rtsod pa med do/ /rin chen snang nas gseg ma'i chu ni dmyal bar nges par brjod de zhes pa ni 'dir gnas gang na rin po che rnams kyis snang ba'i gnas de ni rin chen snang ste lha ma yin dang klu'i 'jig rten de nas 'og tu dpag tshad stong phrag
 nyi shu rtsa lnga'i tshad de rin chen snang de nas gseg ma'i chu ni dmyal bar nges par brjod de bshad ces pa'i don to/ /bye ma'i chu zhes bya ba ni gnyis pa'o/ /'dam gyi chu ni gsum pa ste grang ba'i dmyal ba gnyis so/ /de'i 'og tu mi bzad pa'i du ba ni bzhi pa'o/ /me ni lnga pa ste tsha ba'i dmyal
 ba gnyis so/ /de nas 'og tu mun pa ni drug pa'o/ /du 'bod mun pa chen po ni bdun pa ste/ drag po'i rlung gi dmyal ba gnyis so/ /rdo rje me lce dang bcas pa brgyad pa ni dang yig gis te rdo rje khab rtse'i sa'i cha rtag tu rab tu 'bar ba'o/ /dmyal ba chen po brgyad po rnams ni sa 'og
 na'o/ /lan tshwa chang dang chu dang 'o ma dang zho dang mar dang sbrang rtsi'i rgya mtsho bdun te zhes pa'i lan tshwa ni sa'i dkyil 'khor gyi phyi rol na'o/ /chang la sogs pa ni sa'i steng na'o/ /ri bo ni bdun te 'od sngon man+da ra ri ni Sha Ta dang / nor bu'i 'od zer tro Na bsil ri rdo rje'o zhes pa'i rdo rje ni
 lan tshwa'i rgya mtsho'i phyi rol na'o/ /kha ba can la sogs pa'i ri rgyud so so ni chang la sogs pa'i rgya mtsho so so'i phyi rol na chu'i phreng ba 'ching ba bzhin no/ /gling ni zla ba 'od dkar dag dang rab mchog ku sha dang ni mi 'am ci dang / khrung khrung dang / drag po yang ni longs spyod ste bdun pa
 'dzam bu mi rnams gnas pa dag ni las kyi sa bdun pa 'dzam bu'i gling chen po zlum po'i rnam pa zheng du dpag tshad 'bum phrag gcig dang khor yug tu 'bum phrag gsum yod pa gang du mi rnams gnas pa de ni las kyi sa dang / drug ni longs spyod kyi sar rig par bya'o/ /'dzam bu'i gling ni
 lan tshwa'i rgya mtsho'i ngogs na ste/ lhag ma ni chang la sogs pa'i ngogs na'o/ /da ni 'dzam gling chen po la gling bzhi rnams gsungs pa/ shar du rlung ni shin tu zlum po zhes pa ni shar du rlung gi dkyil 'khor gyi rang bzhin gyis shin tu zlum po ste zla ba nya ba'i rnam pa'o/ /lho ru me'i
 dkyil 'khor gyi rang bzhin gyis gru gsum mo/ /byang du chu'i dkyil 'khor gyi rang bzhin gyis zlum po phyed pa'o/ /nub tu sa'i dkyil 'khor gyi rang bzhin gyis gru bzhi ste chu yi gter gyi zur zhes so/ /dbus su lhun po stong pa'i dkyil 'khor gyi rang bzhin gyis thig le'i rnam
 pa'o/ /rdo rje mchog gi rang bzhin dkyil 'khor rnams kyi dbus su'o zhes pa ni shar dang / lho dang byang dang nub kyi dkyil 'khor rnams kyi dbus su lhun po'o/ /sa'i steng du dpag tshad stong phrag rnams ni ri dang klu dang gza' dang phyogs rnams dag tu 'gyur/ /dkyil
 'khor chen po bzhi po 'di rnams kyi dpag tshad kyi tshad ni grangs bzhin du sa'i steng du ri zhes pa stong phrag bdun no/ /klu zhes pa stong phrag brgyad do/ /gza' zhes pa stong phrag dgu'o/ /phyogs zhes pa stong phrag bcu ste gling bzhi rnams kyi dpag tshad kyi tshad rim pa bzhin no/ /'dir
 gang zhig shar zlum po phyed dang nub gru bzhi yin pa de'i phyir rang gi lus rang bzhin gyis mdun dang rgyab rlung dang / sa'i rang bzhin dang / g.yon dang g.yas kyi lus ni chu dang me'i rang bzhin no/ /de'i phyir dkyil 'khor bzhi'i rnam pas gling bzhi rnams kyi mtshan nyid do/ /da ni lhun
 po la sogs pa rnams kyi rgya'i tshad gsungs pa/ lhun po yi ni steng gi rgya shar dang nub dang byang dang lho'i cha'i bar du stong phrag lnga bcu'o/ /sa gzhi dag gi gnas la rgyar stong phrag bcu drug go/ /stong phrag gcig ni khor yug dag gi yang dag pa'i zhing ngo / /rwa ni lnga po rnams dag steng dang
 sa gzhi dag gi gnas la ni phyir son pa'o/ /phyogs kun du ni khor yug kyang ngo / /de'i phyi rol gling dang ri bo dag dang zhes pa ni khor yug de'i phyi rol rwa bzhi'i khang skyibs kyi gnas su gling drug dang mtsho drug dang ri drug ste de rnams las kha ba'i ri dang rwa mnyam pa'o/ /bdun pa ni 'dzam bu'i
 gling ste de'i phyi rol na lan tshwa'i chu gter gyi dkyil 'khor dang thams cad nas me'i dkyil 'khor dang rlung gi dkyil 'khor ro/ /chu gter drug po thams cad dag kyang zla ba zla ba gcig gis dman pa'i stong phrag re re ste zhes pa ni rgya mtsho drug ste/ rgya mtsho so so la bcu gcig lhag pa'i
 brgyas dman pa'i stong phrag tu 'gyur ro zhes pa'i don to/ /de bzhin du gling rnams drug dang ri rgyud mchog rnams drug nyid de gling dang ri dang / rgya mtsho bco brgyad po 'di rnams tshad mnyam mo/ /de nyid zhing mor ni stong phrag bcu drug las bco brgyad kyis thob pa'i chas gsal bar 'gyur ro/ /
 zla ba zla ba gcig gis dman pa zhes pa ni rtsis de'i tshad mdor bsdus te brjod pa'o/ /'dir lhun po'i 'og gi cha la tshangs pa'i gnas nas phyogs thams cad du dpag tshad stong phrag brgyad dang khor yug gi gcig go/ /dpag tshad stong phrag dgu'i phyi rol dpag tshad stong phrag
 bcu drug gi bar du gling drug la sogs pa rnams gnas so/ /de'i phyir stong phrag bcu drug las bco brgyad kyis thob pa'i chas tshad gsal bar 'gyur ro/ /de'i phyi rol lhun po'i phyogs brgyad du stong phrag nyi shu rtsa lnga ni 'dzam bu'i gling chen po'i yangs pa ste zlum po'i rnam pa'o/ /de'i
 phyi rol phyogs thams cad du lan tshwa'i chu gter 'bum phrag phyed kyi tshad du 'gyur ro/ /srid pa gsum po 'dzin pa yi ni mtha' ma dag gi me'i dkyil 'khor dang rlung gi dkyil 'khor gyi tshad dag de bzhin no/ /de ltar na lhun po tshangs pa'i gnas nas phyogs thams cad du dpag tshad
 'bun phrag gnyis gnyis su 'gyur te/ lus la brang gi phyed ni sa'i dkyil 'khor ro/ /dpung pa ni chu'i dkyil 'khor ro/ /nye ba'i dpung pa ni me'i dkyil 'khor ro/ /nor bu'i ching ba nas lag pa'i mthar ni rlung gi dkyil 'khor te/ de ltar na 'jig rten gyi khams kyi
 tshad do/ /da ni tshangs pa'i gnas su dus kyi 'khor lo zhes pa la sogs pas dus kyi 'khor lo dang lha dang klu dang gnas dang / nye ba'i gnas la sogs pa rnams kyi gnas gsungs te/ phyi rol du tshangs pa'i gnas dang lus la gtsug tor gyi nor bu la dus kyi 'khor lo ste/ de nyid
 ni rgyal ba mchog bcas yang dag bstod pa ste/ sangs rgyas thams cad dang bcas pa 'dus shing gcig tu 'dres par gyur pa dang / lha'i tshogs byang chub sems dpa' dang tshangs pa la sogs pa rnams kyis yang dag par bstod pa'o/ /lhun po la ni tshig mda' tshangs pa la
 sogs pa rnams kyi tshogs so/ /sa gzhi'i 'og na gnas pa klu rnams dag ni rigs lnga'i tshogs so/ /dpal ldan lhun po'i phyogs rnams kun du ste/ phyogs brgyad du sa'i dkyil 'khor la son gnas rnams kun dang nye ba'i gnas zhes pa la gnas ni phyogs bzhir rlung dang
 me dang chu dang sa'i rang bzhin gyis gnas pa/ shar gyi lus 'phags dang 'dzam bu'i gling chung ngu dang byang gi sgra mi snyan dang nub kyi ba lang spyod do/ /nye ba'i gnas ni rang bzhin de nyid kyis phyogs mtshams rnams su ste/ me dang bden bral dang dbang ldan dang /
 rlung gi phyogs su'o/ /de bzhin du zhing dang nye ba'i zhing ni rgya mtsho'i phyed la'o/ /'dun pa dang nye ba'i 'dun pa ni rgya mtsho'i phyed gzhan la'o/ /'dus pa can dang nye ba'i 'dus pa can ni me'i dkyil 'khor gyi phyed la'o/ /khang pa dang nye ba'i khang pa ni me'i phyed gzhan
 la'o/ /dur khrod dang nye ba'i dur khrod ni rlung gi dkyil 'khor gyi phyed la'o/ /dur khrod chen po brgyad ni rlung gi dkyil 'khor gyi mtha' la ste/ de ltar gnas la sogs pa rnams sa bcu gnyis su rig par bya ste/ lus la yang sa bcu gnyis ni lag pa dang rkang pa dag gi
 tshigs bcu gnyis so/ /da ni phyogs skyong rnams kyi gnas gsungs pa shar du brgya byin zhes pa ste/ shar du brgya byin ni lhun po'i steng gi shar phyogs su brgya byin no/ /mer ni me lha'o/ /gshin rje'i phyogs su gshin rje'o/ /bden bral du srin po'o/ /nub phyogs su chu lha'o/ /
 rlung du rlung lha'o/ /nor sbyin du gnod sbyin no/ /'phrog byed kyi phyogs su drag po'o/ /steng gi char tshangs pa'o/ /'og tu khyab 'jug go/ /brgya byin la sogs pa 'di dag mtshon ldan 'khor gyi skye bo dang bcas rang rang phyogs ni srung zhing skyong ba ste/ de dag rnams kyi dbus
 su dus kyi 'khor lo rgyal ba rnams kyi skyed mdzad gzhom du med pa rdo rje'i sku ste/ phyogs skyong rnams kyi gtso bo zhes bya ba'i don to/ /da ni sa dum bu bcu gnyis la 'khor los sgyur ba chen po 'khor ba gsungs pa lhun po'i rgyab kyi phyogs zhes pa la sogs pa ste/ lhun po'i rgyab kyi
 phyogs rnams su ni sa gzhi dag la lha min kla klo rnams kyis rgyal bar dka' ba 'khor lo/ /sa'i dum bu gang du de bzhin gshegs pa'i chos ni rnam par nyams shing de dag las bzlog pa'i chos 'jug pa'i sa gzhi der 'khor lo can 'khor te/ rtsod dus la chos min rab tu
 'jug pa de nyid rtsod dus 'jug pa zhes pa'i don to/ /chos ma yin pa'i bdag nyid rtsod pa'i dus so/ /dum bu gang dang gang du kla klo'i chos zhugs pa'i dum bu de dang de nyid du rab tu gyur pas bgrod par byed pa ni rab tu bgrod par byed pa'o/ /kla klo rnams dang kyang yig gis lha min
 la sogs pa rnams kyang g.yul du bcom ste/ rang gi chos la kla klo la sogs pa de dag dgod pa byas nas mdun du rnam par rgyu'o/ /rdzogs ldan gsum ldan gnyis ldan dag dang rtsod dus gzhan ni dus kyi sbyor ba dag gis 'byung bar 'gyur zhes pa ni 'dir rdzogs ldan la sogs
 pa dus bzhi gzhan te/ rdzogs ldan chen po la sogs pa ma yin no zhes pa'i don to/ /dus bzhi 'di ni dus kyi sbyor bas 'byung bar 'gyur te/ dus ni khyim gyi 'khor lo rtsibs bcu gnyis pa'o/ /de'i sbyor ba ni dus kyi sbyor ba ste mtshams bzhi'i dbye bas 'byung bar 'gyur ro/ /
 dum bu gang du stobs ldan 'khor lo can te rab tu zhugs pa der ni rdzogs ldan dus bgrod de/ rdzogs ldan dus zhes bya ba ni yang dag par rdzogs pa'i sangs rgyas kyi chos bgrod do zhes pa'i don to/ /rgyal po'i rgyab tu gsum ldan zhes pa ni rgyal po'i rgyab tu rdzogs ldan gyi mthar
 chos kyi rkang pa gcig med pa dang / gsum ldan gyi mthar rkang pa gnyis med pa ni gsum ldan du 'gyur ro/ /rtsod pa'i dus kyang rgyal po'i mdun dag tu ste/ bskal pa'i mthar chos kyi rkang pa bzhi med pa'o/ /gnyis kyi bar du gnyis ldan no zhes pa ni rtsod dus dang gsum
 ldan gnyis kyi bar du chos kyi rkang pa gsum med pa'i gnyis ldan no/ /dus bzhi po rnams dag gi lo'i tshad ni stong phrag nyi shu rtsa gcig ro brgya dag dang bcas pa ste/ ro brgya zhes pa drug brgya lhag pa'i stong phrag nyi shu rtsa gcig gi tshad der 'gyur ro/ /re re dag gi tshad ni
 dus dang mda' yis bsgyur ba'i zhes pa la dus ni bzhi'o/ /mda' ni lnga ste lnga bcu rtsa bzhi po de dag gis bsgyur ba ni dus dang mda' yis bsgyur ba'o/ /mi rnams dag gi lo brgya gang yin pa'o zhes pa lo brgya bsgyur ba/ bzhi brgya lhag pa'i stong phrag lngar 'gyur te dus so so'i
 tshad mnyam mo/ /da ni mi'i lus skyes la sogs pa rnams kyi dbugs kyi tshad gsungs pa phra dbugs zhes pa la sogs pa ste/ phra zhes pa ni mi'i dbugs 'jug pa dang / 'byung ba gcig drug brgya lhag pa'i stong phrag nyi shu rtsa gcig tu gyur pa'i
 cha gcig ni phra mo'i dbugs te/ dbugs de drug ni lus skyes srin bu'i rigs la sogs pa'i chu srang gcig go/ /chu srang drug cu ni chu tshod do/ /chu tshod drug cu ni nyin zhag ste nyin zhag ces bya ba ni lus skyes la sogs pa rnams kyi dbugs 'jug pa dang / 'byung ba
 drug brgya lhag pa'i stong phrag nyi shu rtsa gcig gi grangs so/ /dbugs de dag 'das pas mi rnams kyi rang gi nyin zhag go/ /d+h+ru rnams kyi 'byung po yi dags rnams kyi rang gi nyin zhag ste/ d+h+ru zhes pa ni mi'i dbugs sum cu 'gyur gyi dbugs te/ nag po'i phyogs nyin
 mo dang dkar po'i phyogs mtshan mo ni yi dags pha mes la sogs pa rnams kyi rang gi nyin zhag go/ /chu tshod ces pa ni/ mi rnams kyi dbugs sum brgya drug cu ste lha rnams kyi dbugs gcig go/ /nyin zhag ces pa ni mi rnams kyi dbugs drug brgya lhag pa'i stong phrag nyi
 shu rtsa gcig ste lha min rnams kyi dbugs gcig go/ /d+h+ru zhes pa ni mi rnams kyi lo ste nus pa'i dbugs gcig go/ /nus pa zhes pa ni 'og min pa'i skye ba'o/ /dus bzhi zhes pa ni mi rnams kyi lo'i tshogs drug brgya lhag pa'i stong phrag nyi shu rtsa gcig ste gtso bo'i dbugs
 gcig go/ /gtso bo zhes pa ni 'du shes med min skye mched du nye bar 'gro ba'i skye ba'o/ /phra dbugs d+h+ru dang chu tshod nyin zhag d+h+ru dang dus bzhi dag ni stong phrag nyi shu rtsa gcig dang / drug brgya rnams ni rim pas lus skyes phra dang mi dang 'byung po lha dang lha min rnams dang ni/
 nus dang gtso bo'i nyin zhag gcig gi tshad de de ltar sngar brjod pa'i rim pas lus skyes la sogs pa 'di rnams kyi rang rang gi dbugs drug brgya lhag pa'i stong phrag nyi shu rtsa gcig gis nyin zhag tu 'gyur ro/ /tshad 'di dag las nus pa'i tshad ni 'og min gyi lha'i tshad de sa
 gzhi dag la 'khor lo can gyi dus bzhi nus pa'i tshad du 'jug ces so/ /dum bu dum bur zhi ba'i go 'phang 'khor lo can bgrod dum bu so sor sangs rgyas kyi chos rab tu bskor nas zhi ba'i go 'phang bde ba chen po'i gnas bgrod do/ /nyin zhag gcig la nyi ma bcu gnyis
 so/ /dum bu so so re rer 'khor los sgyur ba chos rab tu ston pa po yang so so re re ste/ nyin zhag gcig la 'khor los sgyur ba bcu gnyis su 'gyur ro/ /nus pa'i dbugs dang mi rnams kyi lo brgya phrag bcwa brgyad bcwa brgyad kyis re re bgrod de de ltar na chos kyi nyin mor byed pa
 bsod nams dang ye shes kyi lam rab tu ston pa'i nyi ma bcu gnyis so/ /phyi rol du lo la khyim bcu gnyis kyi dbye bas nyi ma bcu gnyis su 'gyur ro/ /da ni phra mo la sogs pa rnams kyi dbugs kyi dbye bas nyin zhag so so la dus kyi dbye ba gsungs pa phyogs zhes pa la sogs pa
 ste/ 'dir lus skyes la sogs pa rnams kyi nyin zhag so so la phyogs nyi shu rtsa bzhi dang / zla ba mtha' dag ces pa zla ba bcu gnyis dang / dus drug dang / dus bzhi dang / me dus zhes pa dus gsum dang bgrod pa gnyis te/ rgyal po lo ni mtha' dag ces pa ni 'di mtha' dag
 lo'i dbye bar shes par bya'o/ /de bzhin du rjes su nyin zhag ni nyin zhag sum brgya drug cu'o/ /dus sbyor chu tshod dag dang chu'i srang rnams te dus sbyor ni sum brgya nyi shu lhag pa'i stong phrag bzhi'o/ /chu stod ni drug brgya lhag pa'i stong phrag nyi shu rtsa gcig gi grangs so/ /chu
 srang gi stong phrag dgu bcu rtsa drug lhag pa'i 'bum phrag bcu gnyis so/ /'di rnams de ltar bgrod pa lus skyes la sogs pa rnams kyi nyin zhag so so la lo'i yan lag 'di dag dbugs kyi dbye bas bgrod do/ /de la dbugs dgu brgyas phyogs su 'gyur te phyogs nyi shu rtsa
 bzhis nyen zhag dang lor 'gyur ro/ /dbugs stong brgyad brgyas zla ba ste zla ba bcu gnyis kyis nyin zhag dang lor 'gyur ro/ /dbugs sum stong drug brgyas dus te dus drug gis nyin zhag dang lor 'gyur ro/ /dbugs lnga stong bzhi brgyas dus su 'gyur te dus bzhis
 nyin zhag dang lor 'gyur ro/ /dbugs bdun stong nyis brgyas dus gcig tu 'gyur te dus gsum gyis nyin zhag dang lor 'gyur ro/ /dbugs khri brgyad brgyas bgrod par 'gyur te bgrod pa gnyis kyis nyin zhag dang lor 'gyur ro/ /de ltar na lus skyes
 la sogs pa rnams kyi rang rang gi tshad kyi dbugs nyi khri chig stong drug brgyas so so'i nyin zhag dang lor 'gyur ro/ /de bzhin du dbugs drug cus nyin mtshan du 'gyur te nyin mtshan sum brgya drug cus nyin zhag dang lor 'gyur ro/ /dbugs lngas dus sbyor du 'gyur te dus
 sbyor bzhi stong sum brgya nyi shus nyin zhag dang lor 'gyur ro/ /dbugs gcig gis chu tshod du 'gyur ro/ /dbugs gcig gis drug cu'i chas chu srang du 'gyur ro/ /dbugs sum brgya drug cu'i chas dbugs su 'gyur te/ chu tshod nyi khri chig stong drug brgyas nyin
 zhag dang lor 'gyur ro/ /chu srang stong phrag dgu bcu rtsa drug lhag pa'i 'bum phrag bcu gnyis kyis nyin zhag dang lor 'gyur ro/ /dbugs stong phrag bdun cu rtsa drug lhag pa'i 'bum phrag bdun cu rtsa bdun gyis nyin zhag dang lor 'gyur ro/ /de bzhin du dbugs 'bum
 phrag bdun cu rtsa drug lhag pa'i bye ba phrag bdun cu rtsa bdun gyis nyin zhag brgya dang lo brgyar 'gyur ro/ /mchog gi tshe 'di ni las kyi dbang gis rang rang gi tshad las lhag pa dang dman par 'gyur ro/ /rnal 'byor pa rnams kyi rnal 'byor gyi stobs dang dka' thub pa rnams
 kyi ting nge 'dzin gyi stobs kyis lhag par 'gyur te/ dbugs gcig chu tshod du 'gyur ro/ /sems can sdig pa can rnams kyi sdig pa'i stobs kyis dman par 'gyur ro/ /'di lung dang rigs pa dam pas nges pa ni med de 'on kyang rig byed dag las skyes bu tshe lo brgya pa
 dbang po brgya pa zhes brjod do/ /'dir mi rnams kyi mchog gi tshe lo brgya'o zhes pa'i tshig 'di ni spros pa ste/ rdzogs ldan gyi dus kyi mi rnams kyi tshe 'phel ba'i dbang gis so/ /'dir nges pa'i don du skyes bu'i sgras nyin zhag so so dang lo so so brjod de/ nyin zhag brgya
 dang lo brgyas nang dang phyi la'o/ /slar yang dbugs kyi 'khor lo gzhan la 'jug pa'i phyir skyes bu tshe lo brgya pa dbang po brgya pa zhes so/ /de ltar nang du nyin zhag brgya phrag gnyis kyis dus bzhi rnams su 'gyur te/ /dbugs stong phrag nyi shu lhag pa'i 'bum phrag
 bzhi bcu rtsa gsum gyis so/ /phyi rol du ni lo rnams kyis so/ /de ltar 'khor lo gnyis ka yongs su 'khor bas skyes bu gnyis ka'i tshe zla ba gnyis dang dus gcig go/ /g.yon dang g.yas kyi dkyil 'khor bcu ste/ lo stong phrag sum cu rtsa gnyis lhag pa'i 'bum
 phrag bzhis dkyil 'khor gcig tu srog rab tu 'bab bo/ /de bzhin du dkyil 'khor lnga la gza' thams cad rang rang gi skye ba'i gnas stong pa la 'jug go/ /de nas yang rgyu ba gzhan la 'jug pas skyes bu gzhan dbu ma las nges par 'byung zhes pa ste 'chad par 'gyur
 ba la brjod par bya'o/ /dpal mchog gi dang po'i sangs rgyas las bsdus pa'i rgyud kyi rgyal po dpal dus kyi 'khor lo'i 'grel bshad stong phrag bcu gnyis pa dri ma med pa'i 'od las 'jig rten gyi khams kyi tshad bsdus pa'i mdor bsdus te brgyad pa'o// //da ni lo 'di
 nas ni zhes pa la sogs pas sham b+ha la'i yul du 'jam dpal 'byung ba dang / kla klo'i chos byung nas skar rtsis kyi grub ba'i mtha' rnam par nyams pa dang / nyung ngu'i byed pa rab tu 'jug par de bzhin gshegs pas lung bstan pa bdag gis dgrol bar bya'o/ /lo
 'di nas ni drug brgya'i lo yis gsal bar mi bdag grags pa sham b+ha la zhes bya bar 'byung zhes pa la lo 'di zhes pa ni de bzhin gshegs pas chos bstan pa'i lo ste/ lo de nas lo drug brgya na chu bo shI ta'i byang sham b+ha la zhes bya ba'i yul du grags pa zhes pa ni
 lung gi brjod pa ste/ 'jam dpal grags pa chen po gsal bar 'byung zhes pa sprul pa'i sku 'dzin par mdzad par 'gyur zhes pa'i don to/ /de nas klu'i lo brgya rnams kyis zhes pa ni grags pa mya ngan las 'das pa de nas klu zhes pa lo brgyad brgya nas nges par zhes pa ni
 gdon mi za bar mkha'i yul du kla klo'i chos dag rab tu 'jug par 'gyur te/ chu bo shI ta'i lho phyogs mkha'i yul grong bye bas rnam par brgyan par kla klo'i stag gzig rnams kyi lha ma yin gyi chos rab tu 'jug par 'gyur ro/ /kla klo'i de'i dus su 'dzin ma la
 ni nyung ngu'i byed pa gsal bar mi rnams dag gis rig par bya'o/ /grub pa'i mtha' rnams rnam par nyams pa zhes pa ni tshangs pa dang nyi ma pa dang / gcer bu pa dang skra can gyi grub pa'i mtha' ste/ 'di bzhi rnam par nyams pa ni grub pa'i mtha' rnams rnam par nyams pa'o/ /
 mtha' dag sa gzhi la ni zhes pa la mtha' dag ni gang du mu stegs pa'i grub pa'i mtha' zhugs pa de mtha' dag go/ /sa gzhi ni chu bo shI ta'i lho ste sa gzhi der ro/ /sham b+ha la la sogs pa'i yul rnams su sangs rgyas pa'i grub mtha' rnam par nyams pa ni ma yin no/ /dus
 kyi sbyor ba la 'byung 'gyur zhes pa la dus kyi sbyor ba ni kla klo'i chos te/ de'i grub pa'i mtha' rnams la sbyor ba ni dus kyi sbyor ba las 'byung bar 'gyur ro/ /dus kyi sbyor ba la zhes pa ni lnga pa'i don la bdun pa'o/ /grub pa'i mtha' rnam par nyams pa de'i phyir nyung ngu'i byed pa gsal
 zhes pa ni ma'i la ngu'i tshig ste/ don dam par ni mu stegs pa rnams kyi nyung ngu'i byed pa la sogs pa gsal ba ma yin no/ /gang gi phyir grub pa'i mtha' rnams rnam par nyams zhes pa'i tshig zur gyi phyir ro/ /gal te byed pa la sogs pa gsal ba yin pa de lta na grub pa'i mtha'
 rnams rnam par nyams pa med de byed pa las kyang gza' 'grub pa'i phyir ro/ /byang du bgrod pa'i nyin zhag la grib mas yongs su brtags pas byed pa gzhan la yang nyi ma dag pa ma mthong ngo / /byang du bgrod pa la grib ma dag pa med na nyi ma'i longs spyod ma dag go/ /nyi ma'i longs
 spyod ma dag pas zla ba'i longs spyod ma dag ste/ de bzhin du bkra shis la sogs pa rnams kyang nyi ma'i longs spyod la sbyangs par gyur pa ni nyi ma'i longs spyod ma dag pa nyid kyi phyir de dag gi longs spyod kyang ma dag go/ /de ltar gza'i longs spyod ma dag pa nyid kyi phyir mu stegs
 pa rnams kyi gza'i 'bras bu skyes rabs la sogs pa rnams don med do/ /'dir grub pa'i mtha' la gza' rnams kyi bgrod pa bud med dang byis pa rnams kyis bsgrub par bya ba yin na byis pa'i skye bo la sogs pa de dag rnams kyis gza' myur du shes par 'gyur ro/ /des na phrag
 dog gi cha las skyes pa'i mu stegs gdug pa rnams kyis gal te bud med dang byis pa la sogs pa thams cad kyis gza'i rgyu ba shes par gyur pa de lta na bdag cag la su zhig gus par byed par 'gyur/ de'i phyir grub pa'i mtha' sbas te rgyud kyi byed pa la sogs pa bya'o zhes
 gros byas nas grub pa'i mtha' rnams sba ba byas shing rgyud kyi byed pa la sogs pa gsal bar byas te/ gang gis byis pa'i skye bo rnams kyis mi bzad pa mthong nas ring du 'bros par byed cing skar rtsis kyi ming mi byed par 'gyur ba rgyud la nyin zhag gi tshogs kyi phung po du ma dang
 byed pa la yang dal ba dang myur ba la sogs pa'i las bzhi'i spros pa byas so/ /de ltar dus kyi dbang gis byed pa la nges pa mi gsal te/ mi gsal ba nyid kyi phyir nyi ma'i longs spyod mi dag go/ /nyi ma'i longs spyod ma dag pas gza' thams cad kyi longs spyod ma dag par
 'gyur ro/ /'dir gdug pa'i mu stegs rnams kyis gzhan dag gis mi shes par bya ba'i don du byed pa la sogs pa bkod pa gang yin pa de nyid dus kyi dbang gis de dag gis yongs su mi shes par 'gyur te/ gzhan la gnod pa byas pa'i phyir ro/ /de'i phyir gzhan la gnod
 pa byed pa ni thams cad du 'gal ba yin no/ /'dir nyin zhag so so la gza' rnams kyi longs spyod bgrod pa ni 'chad par 'gyur ba las brjod par bya'o/ /da ni re zhig nyung ngu'i byed pa gsungs pa me mkha' rgya mtsho rnams zhes pa'o/ /rgyud kyi rgyal po 'di la nges pa ni mi rtag pa ste lo
 drug cu'i mthar slar yang nges pa 'god pa'i phyir ro/ /'dir byed pa la nges pa ni de bzhin gshegs pa'i dus nas lo drug brgya na 'jam dpal gyi dus so/ /de nas lo brgyad brgya na kla klo'i dus so/ /kla klo'i dus de las brgyad cu rtsa gnyis lhag pa'i brgyas dman pa ni rgyal dka'
 gang gis nyung ngu'i byed pa rnam par sbyong ba rigs ldan rgyal dka'i dus so/ /dus de nyid ni byed pa la nges par 'gyur te kla klo'i lo las so/ /rab byung la sogs 'das pa zhes pa ni lo drug cu po gang dag gi dang po rab byung yin pa de dag ni rab byung la sogs pa ste
 de dag las so sor da ltar ba'i lo'i snga ma'i lo ni rab byung la sogs 'das pa'o/ /de dag gsum lhag pa'i bzhi brgya'i phung po la bsres pa ni kla klo'i lor rab tu grub par 'gyur ro/ /lo gcig dang por byas nas lo drug cu ji snyed pa de snyed ni rab byung la sogs 'das pa rnam
 bsres su 'gyur ro/ /lo de nyid ni byed pa gzhan thams cad la rab tu grags pa yin te gza' nyi ma bzhin no/ /gsum lhag pa'i bzhi brgya'i lo'i phung po la des bsres pa ni kla klo'i lor rab tu grub ste/ kla klo ni sbrang rtsi'i blo gros te rah+ma Na'i 'jug pa kla klo'i chos ston pa po
 kla klo stag gzig rnams kyi bla ma dang rje bo'o/ /kla klo'i dbang po'i lo ni lag pa gdengs can zla bas dman pa brgyad cu rtsa gnyis lhag pa'i brgyas dman pa ni lag pa gdengs can zla bas dman pa ste/ sham b+ha la'i yul du rigs ldan rgyal dka'i dus kyi lo'o/ /de nyid
 ni nyung ngu'i byed pa la lo'i tshogs so/ /lhag ma dag kyang nyi mas bsgyur brgyad cu rtsa gnyis lhag pa'i brgyas dman pa'i lhag ma lo'i tshogs de nyid zla ba'i tshogs kyi don du nyi mas bsgyur ba ni bcu gnyis kyis bsgres pa ste zla ba'i tshogs su 'gyur ro/ /nag po la sogs zla
 ba bsres te zhes pa ni zla ba'i tshogs de nyid la da ltar gyi zla ba'i don du nag pa la sogs pa'i da ltar ba'i zla ba rnams kyis bsres pa'o/ /'og tu dus kyis bsgyur ba zhes pa ni 'og dang steng gi phung po la zla ba'i tshogs de nyid de 'og gi phung po la zla ba'i tshogs byas nas lhag pa'i
 zla ba gzung ba'i don du dus kyis bsgyur ba ni bzhis bsgres pa yin no/ /mkha' me zla bas rnam par dbye zhes pa ni 'dir zla ba phyed dang bcas pa'i sum cu rtsa gnyis na lhag pa'i zla bar 'gyur te/ gnam stong la nyi ma'i 'pho ba med pa'i phyir ro/ /des na longs spyod par mi 'gyur
 ro/ /de'i phung po bzhis bsgyur ba ni cha'i phung por 'gyur ro/ /cha'i phung po bzhis bsgyur bar gyur pa na rgyu med na rgyu can yang mi 'byung ngo zhes pa'i rigs pas bgo bar bya ba'i phung po bzhis bsgyur bar 'gyur ro/ /de'i phyir bgo bar bya ba'i phung po la cha'i phung pos rnyed pa ni
 'bras bur 'gyur te/ rnyed pa steng du bsres pa rnyed pa lhag pa'i zla ba'i tshogs de nyid steng gi phung po'i zla ba'i tshogs la bsres pa dag ni mi'i bdag po zla ba'i tshogs pa rnam par dag par 'gyur te/ da ltar gyi zla ba la tshes sum cu'i rtsis kyi don du'o/ /da ni zla ba'i
 nges pa gsungs pa zla ba gnas gsum gyur pa'i dbus ma'i phung po dag la gang gnas lag pa rtse mo can gyi bsgyur zhes pa ste/ 'dir zla ba dag pa gnas gsum du byas nas gang zhig dbus ma'i phung po la gnas pa'i zla ba de dag zla ba so so'i gza'i chu tshod kyi don du lag pa
 rtse mo can gyis bsgyur ba ni sum cu rtsa gnyis kyis bsgyur ba yin no/ /rtsa ba dag la drug gi chas rnyed ces pa ni rtsa ba'i phung po la drug gi chas rnyed pa dbus ma'i phung po la bu lon du 'gyur ro/ /des dbus ma'i phung po la sbyang bar bya ste bu lon yin pa'i phyir ro/ /steng 'og dag la mig dang
 sum cu'i nor ni bsres pa gsal bar bya ste/ nges pa 'di ni mig dmar la sogs pa nub par byed pa la 'ongs pa ste/ des na nyi ma la sogs pa 'char bar byed pa'i don du steng gi phung por gza' gnyis nor du 'gyur ro/ /'og gi phung por chu tshod sum cu nor du 'gyur ro/ /de'i phyir
 steng dang 'og la grangs bzhin du mig dang sum cu bsre'o/ /drug cu'i cha dag gis rnyed pa rtsa ba'i chu tshod kyi phung po la drug cu'i chas rnyed pa ni gza'i tshogs su 'gyur te/ lhag ma ni gza'i longs spyod la chu tshod kyi phung por 'gyur ro/ /steng du rab bsres drug cu'i chas rnyed pa'i
 gza'i tshogs de nyid steng gi gza'i phung po la rab tu bsres pa yin no/ /thub pa mchog rnams dag gis te bdun gyis bcad pa ste rnam par phye bar gyur pa'i lhag ma de ni gza' nyid do/ /zla ba'i nges pa la gza' ni steng du dgod par bya zhing gza'i 'og tu chu tshod kyi tshogs so/ /
 da ni gza'i rkang pa rnams gsungs pa gnas gnyis nyi zla bsres pa zhes pa ste/ gnas gnyis la zla ba'i tshogs de nyid nyi zla bsres pa ni brgya rtsa bcu gnyis bsres pa ste/ nyi zla zhes pa ni byed pa la ltos pa yin gyi grub pa'i mtha' la ltos pa ni ma yin no/ /dus
 dang nyi mas thob pa 'og gi zla ba'i tshogs la brgya nyi shu rtsa drug gis thob pa ste/ rnyed pa ni steng gi phung por nor du 'gyur ro/ /steng gi phung po la sbyin par bya ste zla ba so so la tshogs gnyis kyi don du dang po lag pas bsgyur ba la phyi nas sbyin par bya'o/ /'byung ba bsres pa mtha' dag
 ces bya ba ni byed pa la ltos pa'o/ /dus dang nyi mas cha thob pa ni grub pa'i mtha' ste/ gang gi phyir zla ba brgya nyi shu rtsa drug na tshogs kyi gnas su tshogs gcig lhag par 'gyur ba'i zla ba'i rkang pa'i dbang gis so/ /brgya dang gnyis kyis phye ba tshogs zhes pa ni nyi shu rtsa brgyad
 kyis phye ba tshogs su 'gyur ro/ /gza' bdun gyi rkang pa yin pa'i phyir nyi shu rtsa brgyad kyi char 'gyur ro/ /cha des thob pa ni zla ba so so'i gza'i rkang par 'gyur te gza'i chu tshod kyi 'og tu'o/ /dus dang nyi mas cha thob pa'i lhag ma ni tshogs kyi cha shas su 'gyur te tshogs kyi 'og
 tu gzhag par bya'o/ /da ni nyi ma'i skar ma'i nges pa gsungs pa gnas gsum dbus ma dag ni dbang phyug gis bsgyur zhes pa ste/ zla ba dag pa de dag steng dang dbus dang 'og gi gnas gsum du 'gyur ro/ /gang zhig dbus ma la gnas pa'i zla ba de dag dbang phyug gis
 bsgyur te bcu gcig gis bsgyur ro/ /bcu gcig gis bsgyur ba ni byed pa la ltos pa yin gyi grub pa'i mtha' la ltos pa ma yin no/ /'og ma dgu dang yon tan rnams kyis cha thob par gnyis bsres zhes pa ni 'og gi phung po la dgu dang / yon tan rnams kyis te sum
 cu rtsa dgu rnams kyis cha thob pa'o/ /gnyis bsres zhes pa ni byed pa la ltos pas bsres pa'o/ /dman pa'i dbus ma ni dbus kyi phung po la dman pa ste bu lon no zhes pa'i don to/ /chu tshod dag gis thob pa nor te zhes pa ni dbus ma'i phung po las chu tshod dag gis te drug
 cus thob pa'i rnyed pa ni skar ma'i tshogs te steng gi phung po la nor du 'gyur ro/ /drug cu'i cha'i lhag ma ni skar ma'i chu tshod du 'gyur ro/ /nor de nyid steng gi phung por gnyis kyis ni/ bsgyur nas byin la skar mas bgos pa ste nyi shu rtsa bdun gyis bgos pa'i lhag ma'o/ /mi bdag
 ni bod pa ste nyi ma'i skar ma la sogs longs spyod dag tu 'gyur ro/ /'dir steng du skar ma'i tshogs dang 'og tu skar ma'i chu tshod kyi tshogs so/ /slar yang ma dag pa las kyang ma dag pa'i zla ba'i nges pa byis pa rnams kyis rab tu rtogs par bya ba'i don du bkod pa gza' la
 gza' ni rab sbyin gza'i gnas su gza' gcig sbyin par bya'o/ /mi bdag nyis 'gyur chu tshod rnams te mi bdag ces pa ni bcu drug ste/ mi bdag nyis 'gyur chu tshod ni chu tshod sum cu rtsa gnyis chu tshod kyi gnas su sbyin par bya'o/ /'og tu tshogs dag la yang
 gnyis zhes pa ni chu tshod kyi 'og tshogs kyi gnas su gnyis sbyin par bya bar 'gyur ro/ /skar ma'i gnas su skar mar gnyis dang chu tshod drag po skar ma'i chu tshod kyi gnas su drag po zhes pa chu tshod bcu gcig sbyin par bya ba'i phyir nor du rab tu gsal te/ nyi ma'i longs
 spyod dag la rab tu sbyin zhes pa ni skar ma la sogs pa'o/ /de'i phyir zla ba'i nges par 'gyur te slar yang zla ba zla ba dag la rab tu sbyin par gsungs zla ba'i nges pa byed pa la ltos pa'i dbang gis zla ba so so la rab tu sbyin par bya'o zhes bcom ldan 'das kyis ma 'ongs pa nyid lung bstan
 to/ /da ni zla ba'i nges pa las tshes la sogs pa'i rtsis gsungs pa tshes rnams sbyin dang dor dang slar yang sbyin pa dag ni gza' dang chu tshod rkang pa rnams su ste zhes pa ste 'dir zla ba so so'i nges pa la dkar po'i tshes gcig la sogs pa'i tshes gcig nas brtsams nas sum cu pa
 gnam stong gi bar ji snyed pa de snyed kyi tshes rnams sbyin dang dor dang / slar yang sbyin zhes pa ni gza'i gnas su sbyin te nyin zhag so so'i gza'i don du'o/ /chu tshod kyi gnas su dor te zla ba'i chas chu tshod de dman pa'i phyir ro/ /tshogs kyi gnas su slar yang sbyin te zla ba'i rkang
 pa rnams kyi nor dang bu lon yongs su dag par bya ba'i phyir ro/ /tshogs kyi cha la chu gter zla bas mnyam dang mi mnyam thob pa dag la sbyin dor rkang pa'i don zhes pa ni tshogs kyi gnas su tshogs las chu gter zla ba ste/ bcu bzhi'i chas mnyam pa thob pas rkang
 pa'i don nor du 'gyur ro/ /mi mnyam pa thob pas rkang pa'i don bu lon du 'gyur ro/ /'dir mnyam pa'i cha ni gnyis thob pa'am bzhi thob pa ste ma thob pa yang mnyam pa'o/ /mi mnyam pa'i cha ni gcig thob pa'am gsum thob pa'o/ /de las lhag pa'i cha ni med de tshes sum
 cu dang bcas pa'i tshogs nyi shu rtsa bdun ni lnga bcu rtsa bdun las lhag par mi 'gyur ro/ /de las cha bcu bzhis rnam par phye ba ni bzhir 'gyur ro/ /mnyam pa dang mi mnyam pa'i cha des rkang pa'i don sbyin pa'am dor bar rig par bya'o/ /rkang pa'i don zhes pa ni zla ba'i rkang pa
 rnams te gnas bcu bzhir steng dang 'og gi rkang pa bdun bdun bzlog pa sa la sogs pa'i yon tan gyi dbye bas tha dad pa rnams so/ /rkang pa'i don de dag kyang sbyin pa'am dor bar 'gyur ro/ /stong la stong pa rnam dag ces pa ni bcu bzhi'i cha'i lhag ma gal te stong par 'gyur na
 de'i tshe rkang pa'i don yang stong pa ste/ sbyin pa dang dor ba med do zhes pa ni byed pa la rigs pa'o/ /bcu gsum zla ba'i rkang par lnga ste zhes pa ni lhag ma rkang pa bcu gsum pa'am rkang pa gcig pa mthong na chu tshod lnga nor ram bu lon du 'gyur ro/ /de bzhin du mig dang nyi ma
 dag la phyogs zhes pa ni lhag ma rkang pa gnyis pa'am bcu gnyis pa la chu tshod bcu sbyin pa'am dor bar 'gyur ro/ /bcu gcig pa dang me la zhes pa gsum pa la tshes zhes bya ste zhes pa bco lngar 'gyur ro/ /rkang pa bcu pa dang chu gter zhes pa cha'i lhag ma rkang pa bzhi pa mthong na nyi
 shur gcig gis dman par 'gyur ro/ /lnga dang bug par nyi shu rtsa gnyis zhes pa lnga pa dang dgu pa la 'gyur ro/ /dus zhes pa drug dang nor zhes pa rkang pa brgyad pa la rgyal ba ste nyi shu rtsa bzhir 'gyur ro/ /cha'i lhag ma rkang pa bdun pa mthong na chu tshod nyi shu rtsa lnga mnyam pa la
 sbyin pa dang mi mnyam pa la dor bar 'gyur te zla ba'i cha 'phel ba dang 'grib pa'i dbang gis so/ /de la nyi ma'i rab tu dbye bas gsal byas nyi ma'i rkang pa dag ni sbyin dang dor bar 'gyur/ /tshes kyi longs spyod de la nyi ma'i rkang pa rnams nyi ma'i rab tu dbye bas 'gyur te nyi ma'i bu
 lon ni de la bu lon no/ /nyi ma'i nor ni de la nor nyid do zhes pa ni nyi ma'i rab tu dbye ba'o/ /'dir zla ba'i rkang pa rnams ni 'byung dang 'byung ba mda' dang rig byed me lag ri bong can ni snga ma'i cha dang gzhan la yang zhes pa ste 'byung dang zhes pa lnga'o/ /slar yang 'byung ba zhes pa de'i
 'og tu lnga'o/ /mda' zhes pa de'i 'og tu lnga'o/ /rig byed ces pa de'i 'og tu bzhi'o/ /me zhes pa de'i 'og tu gsum mo/ /lag pa zhes pa de'i 'og tu gnyis so/ /ri bong can zhes pa de'i 'og tu rkang pa gcig ste/ de ltar gnas bdun po dag tu rkang pa rnams
 so/ /gzhan gnas bdun po rnams su gcig la sogs pa lugs las bzlog pa ste/ gnas bcu bzhi po rnams su rkang pa lnga'i bar du'o/ /de ltar gnas bcu bzhi po rnams su zla ba'i rkang pa rnams dgod par 'gyur ro/ /tshogs kyi cha la chu gter zla bas mnyam
 dang mi mnyam thob la rgyu ba rnams ni sbyin dang dor zhes pa ni/ 'dir yang cha bcu bzhi'i lhag ma mthong bar gyur pa na mnyam par thob pa la rgyu ba lnga la sogs pa rnams sbyin no/ /mi mnyam pa thob pa la dor ro zhes pa ste cha bcu bzhi'i lhag ma gcig mthong na chu tshod lnga gzung bar
 bya'o/ /gnyis pa la gnyis pa'i gnas na gnas pa dang lhan cig bcu'o/ /gsum pa la gsum pa'i gnas na gnas pa dang lhan cig bco lnga'o/ /bzhi pa la bzhi pa'i gnas na gnas pa bzhi dang lhan cig nyi shur gcig gis dman pa'o/ /lnga pa la lnga pa'i gnas na
 gnas pa gsum dang lhan cig nyi shu rtsa gnyis so/ /drug pa la drug pa'i gnas na gnas pa gnyis dang lhan cig nyi shu rtsa bzhi'o/ /bdun pa la bdun pa'i gnas na gnas pa gcig dang lhan cig nyi shu rtsa lnga'o/ /de nas zla ba'i rkang pa 'phel ba bzlog ste brgyad pa mthong
 bar gyur ba na rkang pa brgyad pa snga ma bdun dang bcas pa rnams dor te gzhan ma spyad pa'i rkang pa drug po rnams tshogs gcig tu byas nas chu tshod nyi shu rtsa bzhi sbyin pa'am dor bar 'gyur ro/ /dgu pa la rkang pa lnga po rnams kyi chu tshod nyi shu rtsa gnyis so/ /bcu pa la
 rkang pa bzhi po rnams kyi nyi shur gcig gis mtshang pa'o/ /bcu gcig pa la rkang pa gsum po rnams kyi bco lnga'o/ /bcu gnyis pa la rkang pa gnyis po dag gi bcu'o/ /bcu gsum pa la rkang pa gcig gi lnga'o/ /bcu bzhi pa la stong pa'o zhes pa ni grub pa'i
 mtha'i nges pa'o/ /rgyu zhing yod pas lhag ma bsgyur ba las ni dus dang nyi mas cha thob dag kyang de bzhin no zhes pa la/ /'dir rgyu zhing yod pa zhes pa ni tshogs kyi 'og na gnas pa'i tshogs kyi cha shas dus dang nyi mas cha thob pa'i lhag ma rnams rgyu zhing yod pa ste/ tshogs
 las bcu bzhi'i cha'i lhag ma rgyu ba'i rkang pa gang yin pa de'i sngon ma ni rgyu zhing yod pa'i rkang pa ste/ tshogs kyi cha shas rnams yod pa'i rkang par 'gyur ro/ /der gza' rab tu zhugs te de'i phyir sbyin pa dang dor ba'i don du de gzung bar bya'o/ /rkang pa des lhag ma tshogs
 kyi cha shas bsgyur te/ de las brgya nyi shu rtsa drug gis cha thob pa yang de bzhin du sbyin te/ thams cad sngar gyi rkang pa'i chu tshod kyi tshogs ji lta ba de bzhin no/ /de nyid la nyi ma'i rab tu dbye bas sngar bzhin du nyi ma'i rkang pa rnams sbyin pa'am dor bar 'gyur ro zhes pa ni grub
 pa'i mtha'o/ /da ni nyin zhag so so'i nyi ma'i longs spyod gsungs pa/ gang zhig rig byed rnams kyis tshes bsgyur gsal bar nor te/ de yi sum cha dag gis bsres pa'o zhes pa la rig byed rnams kyis tshes bsgyur ba ni bsres pa ste/ rig byed rnams kyis tshes
 bsgyur ba ni nyi ma'i chu tshod kyi gnas su gsal bar nor du 'gyur ro/ /bsgyur ba'i tshes grangs de yi sum cha dag gis bsres pa ni nor te chu tshod kyi gnas su sbyin par bya'o/ /dus kyi rgyu skar rkang pa gsum bcas bu lon dag ste/ nyi ma'i longs spyod dbus nas sbyang bar
 bya zhes pa ni 'dir nyi ma'i rkang pa rnam par dag par bya ba'i don du gang gis nyi ma'i longs spyod nyin zhag so so la rgyu ba'i chu tshod dang chu srang la sogs pa rnams shes par byed pa nyi ma'i skye ba'i khyim sbyang bar bya'o/ /rnam pa gzhan du na byed pa la nyi ma'i nyin zhag so so dag pa med do/ /
 de'i phyir tha skar la sogs pa'i skar ma'i longs spyod las rgyu skar drug dang rkang pa gsum bcas zhes pa chu tshod bzhi bcu rtsa lnga ste/ nyi ma'i rkang pa dag par bya ba'i phyir lug la sogs pa'i khyim gsum yongs su sbyangs par 'gyur zhing ka rka Ta skye ba'i khyim du 'gyur ro/ /de'i phyir
 dus kyi rgyu skar rkang pa gsum bcas bu lon dag ste nyi ma'i longs spyod dbus nas sbyang bar bya'o/ /longs spyod ni skar ma la sogs pa'i longs spyod de nyi ma'i longs spyod tha dad du byas la longs spyod de'i dbus nas skar ma'i gnas nas skar ma sbyang bar bya zhing chu tshod kyi gnas nas chu
 tshod sbyang bar bya'o/ /bya ba lhag ma mig dmar ji bzhin zhes pa ni 'dir bya ba lhag ma rnams mig dmar gyi ji lta ba de bzhin du nyi ma'i yang shes par bya'o/ /'on kyang mig dmar gyi rgyu ba'i rkang pa rnams tha dad do/ /nyi ma yi ni ro dus ri bong can rnams dal ba'i las la rkang pa ste ro zhes
 pa drug go/ /dus zhes pa de'i 'og tu bzhi'o/ /ri bong zhes pa de'i 'og tu gcig ste khyim gsum la phyed snga ma'o/ /phyed phyi ma ni lugs las bzlog pa ste khyim bzhi pa la gcig go/ /khyim lnga pa la bzhi'o/ /khyim drug pa la drug ste khyim 'di dag gi las ni dal ba'i las
 so/ /dal ba'i las 'di la ka rka Ta la sogs pa'i khyim drug po rnams su drug po 'di dag rkang par 'gyur ro/ /gzhan ni mig dmar la brjod par bya'o/ /longs spyod kyis ni chu tshod bsgyur nas mda' dang yon tan zla bas cha thob longs spyod dang bcas pa/ /bgrod dang
 'gro ba'i dbang gis nyi ma la ni sbyin dang dor te gzhan du dag pa yod ma yin zhes pa'i tshig 'di ni nges pa'i don te/ ji ltar bkra shis la rgyu ba'i rkang pas chu tshod bsgyur te/ de las mda' dang yon tan zla bas zhes pa khyim gcig gi chu tshod kyi tshogs te brgya sum cu rtsa lnga'o/ /cha des
 thob pa ni chu tshod kyi tshogs te chu tshod kyi gnas su nor du 'gyur ro/ /bgrod pa 'gro ba'i dbang gis bu lon du yang 'gyur te/ bgrod pa 'gro ba'i dbang gis chu sin la sogs pa la nor dang / ka rka Ta la sogs pa la bu lon du 'gyur ro/ /gzhan du byed
 pa la brjod pa'i cho gas ni nyin zhag so so dag pa med do/ /'dir byed pa la brjod pa'i cho ga gsungs pa nyi ma la ni dus ro zhes pa ste/ ka rka Ta la bu lon ni phyogs dang po la dus zhes pa chu tshod gsum dang / ka rka Ta'i phyogs gnyis pa la ro zhes pa drug go/ /de bzhin du seng ge
 la sbrul zhes pa brgyad dang bcu'o/ /de bzhin du bu mo la 'phrog byed de bcu gcig dang slar yang 'phrog byed de bcu gcig go/ /de nas srang la drag po zhes pa bcu gcig dang phyogs zhes pa bcu'o/ /de bzhin du sdig pa la klu zhes pa brgyad dang drug go/ /de nas gzhu
 la me zhes pa gsum dang nam mkha' zhes pa stong pa bgrod pa'i mthar ro/ /de bzhin du chu srin la sogs pa la nor ro zhes pa ni byed pa la ste thams cad du grub pa'i mtha' la dgongs pa ni ma yin no/ /de ltar na zla ba'i 'pho ba'i dbye ba dag las phyogs kyi dbye bas zla ba drug ni nyin mor
 byed pas spyod do/ /da ni zla ba'i longs spyod gsungs pa nyi ma la byin zhes pa ni nyi ma'i longs spyod la tshes grangs byin nas 'og tu ro yis bsgyur la zhes pa ni tshes grangs de dag 'og tu drug gis sgyur ba'o/ /gza'i longs spyod bsres pa dag ces pa ni gza'i longs spyod chu tshod
 la sogs pa rnams bsres pa dag chu tshod kyi gnas nas dman par gyur pa ni ri bong mtshan ma'i longs spyod du 'gyur ro/ /nyi zla bsres pa sbyor ba'o/ /nyi ma dang zla ba'i longs spyod bsres pa dag sbyor bar 'gyur ro/ /byed pa dag ni tshes la mig gis bsgyur ba zla bral gang
 zhig ces pa ni mig ste gnyis kyis tshes grangs rnams bsgyur ba las gcig dang bral ba bdun gyi lhag ma ni byed par 'gyur ro/ /gza'i longs spyod ni longs spyod du 'gyur ro/ /'dir yan lag lnga ni gza' dang tshes dang rgyu skar dang sbyor ba dang byed pa'o/ /de la gza'
 ni nyi ma dang zla ba dang mig dmar dang gza' lag dang phur bu dang pa bsangs dang spen pa ste bdun no/ /tshes ni tshes gcig la sogs pa bco lnga'o/ /rgyu skar ni tha skar dang bra nye dang smin drug dang / snar ma dang mgo dang lag dang nab so dang / rgyal dang skag dang mchu dang
 gre dang dbo dang me bzhi dang nag pa dang / sa ri dang sa ga dang lha mtshams dang snon dang snrubs dang / chu stod dang chu smad dang gro bzhin dang mon gre dang mon gru dang / khrums stod dang khrums smad dang nam gru ste nyi shu rtsa bdun no/ /de bzhin du sbyor ba ni sel ba dang mdza' ba dang
 tshe dang ldan pa dang skal bzang dang bzang po dang / shin tu skrang dang las bzang dang 'dzin pa dang zug rngu dang / skrang ba dang 'phel ba dang nges pa dang kun 'joms dang / dga' ba dang rdo rje dang grub pa dang shin tu lhung dang / mchog can dang yongs 'joms dang / zhi ba dang
 grub pa dang bsgrub bya dang dge ba dang dkar po dang / tshangs pa dang dbang po dang kho na 'dzin zhes pa ste sbyor ba nyi shu rtsa bdun no/ /dkar po'i tshes gcig gi phyed phyi ma la byed pa dang po ba baM mo/ /gnyis pa'i phyed snga ma dang phyi ma la bA la baM dang kau la baM mo/ /gsum pa'i
 phyed snga ma dang phyi ma la tai ti laM dang ga ra dzaM mo/ /bzhi pa'i phyed snga ma dang phyi ma la ba ni dzaM dang bi Sh+Ti'o/ /de bzhin du lnga pa la ba baM dang bA la baM mo/ /drug pa la kau la baM dang tai ti laM mo/ /bdun pa la ga ra dzaM dang ba ni dzaM mo/ /brgyad pa'i phyed snga ma la bi Sh+Ti'o/ /brgyad pa'i
 phyed phyi ma la ba ba~M mo/ /dgu pa'i phyed snga ma dang phyi ma la bA la baM dang kau la baM mo/ /bcu pa'i phyed snga ma dang phyi ma la tai ti laM dang ga ra dzaM mo/ /bcu gcig pa'i phyed snga ma dang phyi ma la ba ni dzaM dang bi Sh+Ti'o/ /slar yang bcu gnyis pa'i phyed snga ma dang phyi ma la ba baM dang bA la
 baM mo/ /bcu gsum pa la kau la baM dang tai ti laM mo/ /bcu bzhi pa la ga ra dzaM dang ba ni dzaM mo/ /zla ba nya ba'i phyed snga ma la bi Sh+Ti'o/ /phyed phyi ma la ba baM mo/ /nag po'i tshes gcig gi phyed snga ma dang phyi ma la bA la baM dang kau la baM mo/ /gnyis pa'i phyed snga ma dang phyi ma
 la tai ti laM dang ga ra dza~M mo/ /gsum pa'i phyed snga ma dang phyi ma la ba ni dzaM dang bi Sh+Ti'o/ /de bzhin du bzhi pa la ba baM dang bA la baM mo/ /lnga pa la kau la baM dang tai ti la~M mo/ /drug pa la ga ra dzaM dang ba ni dzaM mo/ /bdun pa'i phyed snga ma la bi Sh+Ti'o/ /phyed phyi ma la
 ba baM mo/ /brgyad pa la bA la baM dang kau la baM mo/ /dgu pa la tai ti laM dang ga ra dza~M mo/ /bcu pa'i phyed snga ma dang phyi ma la ba ni dzaM dang bi Sh+Ti'o/ /de bzhin du bcu gcig pa la ba ba~M dang bA la ba~M mo/ bcu gnyis pa la kau la ba~M dang tai ti la~M mo/ /bcu gsum pa la ga ra dzaM dang ba
 ni dzaM mo/ /bcu bzhi'i phyed snga ma la bi Sh+Ti ste byed pa bdun yongs su longs spyod do/ /de nas nag po'i bcu bzhi'i phyed phyi ma la sha ku ni'o/ /gnam stong gi phyed snga ma la rkang bzhi'o/ /phyed phyi ma la klu'o/ /dkar po'i tshes gcig gi phyed snga ma la kiM stu g+h+na~M ngo / /phyed phyi ma
 la slar yang ba baM mo/ /de ltar na byed pa bcu gcig ste yan lag lnga'i rim pa'o/ /tha skar dang bra nye dang smin drug gi rkang pa gcig ni lug la'o/ /de bzhin du rkang pa dgu dgu ni lug la sogs pa'i khyim bcu gnyis por rig par bya'o/ /mig dmar dang pa ba sangs
 dang gza' lag dang zla ba dang nyi ma dang / gza' lhag dang pa ba sangs dang sa skyes dang bla ma dang spen pa dang nyi ma'i bu dang / lha'i bla ma ste 'di dag grangs bzhin du lug la sogs pa'i khyim rnams la zhing bdag go/ /da ni mu stegs pa rnams kyis khyim gzung ba'i don du ming
 gi yi ge brtags pa brjod par bya ste/ 'dir skyes rabs kyi dkyil 'khor dbyangs dang gsal byed yongs su ma shes pa'i phyir drang srong rnams kyis ming gi yi ge brtags nas bkod pa 'di lta ste/ a i u e ni smin drug go/ /o wa wi wu ni snar ma'o/ /we wo ka ki
 ni mgo'o/ /ku g+ha da tsha ni lag go/ /ke ko ha hi ni na ba so'o/ /hu he ho Da ni rgyal lo/ /Di Du De Do ni skag go/ /ma mi mu me ni mchu'o/ /mo Ta Ti Tu ni gre'o/ /Te To pa pi ni dbo'o/ /pu Sha Na Tha ni me bzhi'o/ /pe po ra ri ni nag pa'o/ /ru re ro ta ni sa ri'o/ /ti tu te to
 ni sa ga'o/ /na ni nu ne ni lha mtshams so/ /no ya yi yu ni snron no/ /ye yo b+ha b+hi ni snrubs so/ /b+hu d+ha pha D+ha ni chu stod do/ /b+he b+ho dza dzi ni chu smad do/ /dzu dze dzo kha ni gro bzhin no/ /khi khu khe kho ni byi bzhin no/ /ga gi gu ge ni mon gru'o/ /go sha shi shu ni mon gre'o/ /she sho da di ni
 khrums stod do/ /du Sha shas ni khrums smad do/ /de do tsa tsi ni nam gru'o/ /tsu tsi tso la ni tha skar ro/ /li lu le lo ni bra nye'o/ /zhes bya ba ni khyim bcu gnyis kyi ming gi dbye ba'i yi ge rnams te/ yi ge 'di dag gis sems can rnams kyi khyim shes par bya zhing des dge
 ba dang mi dge ba'i 'bras bu shes par bya'o zhes bya ba ni mu stegs pa rnams kyi bsam pa rigs pas stong pa'o/ /don dam par dge ba dang mi dge ba ni rang gi las kyi dbang gis yin te/ de ltar yang gza' tshes rgyu skar sbyor ba dang / /byed pa nyid dang dus sbyor dang / gdug
 pa'i gza' ste 'di dag ni/ /bsod nams byed pa rnams la dge/ /skad cig gcig la skyes rnams kyi/ /skye rabs tha dad tha dad 'bras/ /rang rang las la nyer spyod pas/ /de rnams 'bras bu gcig pa min/ /g.yul dang nags bsregs pa dang ni/ /nya pas rgya
 ni bcings pa la/ /gang gis lus can mang po rnams/ /cig car du ni 'chi bar 'gyur/ /lus can rnams kyi bsod nams kyis/ /tshe stobs brtson 'grus rdzu 'phrul dang / /sla bzang gzugs nyid sdig pas ni/ /tshe zad brtson 'grus rdzu 'phrul nyams/ /zhes gsungs
 so/ /yan lag lnga'i byed pa mdor bsdus pa'o/ /da ni byed pa la lo'i 'pho ba'i nges pa gsungs pa dag pa'i lo la klu bsres zhes pa ste/ dag pa'i lo ni byed pa'i lo'o/ /klu bsres ni brgyad bsres pa'o/ /mkha' dang nam mkha' chu gter gyis bsgyur zhes pa ni bzhi brgyas
 bsgyur ba yin no/ /klu bsres rnams kyis sbyangs pa dag ces ni byed pa'i lo brgyad bsres pa rnams kyis sbyangs pa ste dman par byas pa'o/ /re zla me yis rab tu phye ste zhes pa ni sum brgya bcu bdun gyis phye ba gzar 'gyur ro/ /nam mkha' ros bsgyur zhes pa ni slar yang
 cha'i lhag ma chu tshod kyi don du drug cus bsgyur te ri la sogs pas phye ba ni chu tshod du 'gyur ro/ /gnyis dang sum cu'i gza' dang chu tshod nges pa 'dir ldan zhes pa 'dir ni mig dmar la sogs pa'i nges pa las nyi ma la sogs pa byed pa'i don to/ /gza'i gnas su
 gnyis sbyin zhing chu tshod kyi gnas su sum cu ste drug cu'i chas thob pa ni gzar 'gyur ro/ /lhag ma ni gza'i chu tshod du 'gyur ro/ /gza'i gnas su bdun gyi cha'i lhag ma gza' ste zla ba dag la lo'i 'pho bar 'gyur ro zhes pa ni rig pa'o/ /da ni lo'i nges pa la lug la sogs
 pa'i 'pho ba la snon par byed pa la snon byed bcu gnyis gsungs pa lug sogs rnams kyi snon byed dag la gza' dang chu tshod ces pa ste/ gza'i gnas dang chu tshod kyi gnas su gza' dang chu tshod rim par yongs bkod bcu gnyis 'di dag ste/ zla ba ri 'byung zhes pa la zla
 ba ni gza'i gnas su gcig go/ /ri 'byung zhes pa ni chu tshod kyi gnas su lnga bcu rtsa bdun no/ /'dir lo'i nges pa dang bcas pas gza'i gnas su gza' gang byung ba'i gza' des lug gi 'pho bar 'gyur te/ chu tshod kyi gnas su chu tshod gang byung ba'i chu tshod de rnams kyis
 so zhes bya ba ni byed pa'i rigs pa'o/ /rig byed dag dang zhes pa gnyis kyi tshig ni sdeb sbyor gyi dbang gis te/ rig byed ni gza'i gnas su bzhi'o/ /yon tan mda' ste zhes pa ni chu tshod kyi gnas su lnga bcu rtsa gsum ste glang gi 'pho ba la'o/ /ri bong can zhes pa gza'i
 gnas su gcig go/ /ri zla zhes pa chu tshod kyi gnas su bcu bdun te gsum pa la zhes pa ni 'khrig pa'i 'pho ba la'o/ /rig byed ces pa ni gza'i gnas su bzhi'o/ /me 'byung zhes pa ni chu tshod kyi gnas su lnga bcu rtsa gsum ste ka rka Ta'i 'pho ba la'o/ /zla ba zhes pa gza' la
 gcig go/ /mig dang lag pa zhes pa chu tshod kyi gnas su nyi shu rtsa gnyis te seng ge la'o/ /dus zhes pa gza'i gnas su bzhi'o/ /rig byed mig ces pa chu tshod kyi gnas su nyi shu rtsa bzhi ste drug pa dag la'o zhes pa bu mo'i 'pho ba la'o/ /gza' la drug dang zla ba mda'
 zhes pa chu tshod kyi gnas su lnga bcu rtsa gcig srang gi 'pho ba la'o/ /zla ba zhes pa gza' la gcig go/ /ri dus zhes pa chu tshod kyi gnas su bzhi bcu rtsa bdun te sdig pa'i 'pho ba la'o/ /me zhes pa gza'i gnas su gsum mo/ /drug zla zhes pa chu tshod kyi gnas su bcu drug ste gzhu'i 'pho ba
 la'o/ /rig byed ces pa gza'i gnas su bzhi'o/ /ri dang 'jig rten zhes pa chu tshod kyi gnas su sum cu rtsa bdun te chu srin gyi 'pho ba la'o/ /gza'i gnas su drug go/ /rig byed stong pa dag ces pa chu tshod kyi gnas su bzhi ste bum pa'i 'pho ba la'o/ /stong pa zhes pa gza'i
 gnas su ci yang sbyin par mi bya ba'o/ /mig mda' zhes pa chu tshod kyi gnas su lnga bcu rtsa gnyis te nyi ma'i go 'phang nya'i khyim la sbyin par bya bar 'gyur ro zhes pa ni byed pa la 'pho ba'i longs spyod du shes par bya'o/ /grub pa'i mtha' la ni 'di 'pho ba'i longs spyod du mi 'gyur te/ gang
 zhig rig byed rnams kyis tshes bsgyur gsal bar nor te de yi sum cha dag gis bsres pa'o zhes pa 'dis zla ba'i nang du chu tshod gcig med do/ /spros pa yis kyang gnas gsum dbu ma dbang phyug gis bsgyur zhes pa 'dis yang nyams pa sos nas nyi ma'i longs spyod gsal bar
 'gyur ro/ /lo gcig gi bar du nyi ma'i dkyil 'khor gyi nyin zhag gi cha ma gtogs par nyin zhag so so'i longs spyod dag par 'gyur ro/ /slar yang lo gzhan la 'pho ba'i nges pa gzhan du 'gyur ro/ /des na nag pa'i zla ba nas slar yang nag pa'i zla ba'i bar lo so so tsam nyi ma'i
 longs spyod dag go/ /de'i phyir la byed pa'i lo gzhan la ltos nas des zla ba gcig gi nges pa cung zad dag go/ /de nas nyi ma'i nyin zhag gi longs spyod nyin zhag so so la dbugs bzhi dang / chu srang gsum med pas ma dag ste longs spyod gyi dbang gis byang du bgrod pa nas byang
 du bgrod pa'i bar la nyin zhag lnga 'chad par 'gyur ro/ /zla ba so so la chu tshod nyi shu rtsa lnga 'chad par 'gyur ro/ /byed pa 'pho ba'i dus nas byed pa 'pho ba'i dus kyi zla ba so so la chu tshod nyi shu rtsa lnga lhag ste/ lo'i mtshams su gza' lnga lhag go/ /'dir chad pa dang lhag pa ji
 ltar shes na byang du bgrod pa'i zla ba dang po la nyi ma bcu'i bar du thur ma'i grib mas yongs su brtag par bya ste/ nyin zhag gang nas brtsams te/ thur ma'i grib ma byang nas log par gyur pa de ni gza' de dang tshes de dang sbyor ba de dang byed pa des nyi ma 'pho ba'i nyin
 zhag go/ /nyin zhag de la nyi ma'i longs spyod skar ma'i gnas su nyi shu dang chu tshod kyi gnas su bcwa lnga zhes pa rtsa ba'i nges pa'o/ /nges pa de la nyin zhag so sor nyi ma'i dkyil 'khor gyi nyin zhag rnams kyis thob pa rab tu bsres te/ de nas sngar brjod pa'i cho gas nyi ma'i rkang
 pa rnams sbyang bar bya'o/ /rtsa ba'i rgyud las nyi ma'i dkyil 'khor gyi nyin zhag dang / chu tshod dang / chu srang dang dbugs dang khyim gyi 'khor lo longs spyod pa'i mthar thug pa gsungs pa 'di lta ste/ lo gcig mkha' dus mes bsgyur te/ /gnas gnyis 'og ma gnyis
 kyis bsgyur/ /drug cu rtsa lngas bgos thob pa/ /steng gi phung por nor du sbyin/ /slar yang lhag ma drug cus bsgyur/ /cha thob de yi 'og tu yang / /slar yang lhag ma drug cus bsgyur/ /cha thob de las kyang 'og ste/ /slar yang lhag ma drug gis bsgyur/ /drug cu rtsa
 lngas bgos thob pa/ /dbugs kyi tshogs te mi yi bdag /de yi yang ni 'og tu gzhag /nyin zhag chu tshod chu srang rnams/ /dbugs su byas nas rnam gsum slar/ /'og la ri mkha' ris thob pa/ /dbus kyi phung por nor du sbyin/ /de las drug cu rtsa bzhis thob/ /steng
 gi phung por bu lon dbrog / lhag ma 'dir ni nyin zhag dang / /chu tshod chu srang dag dang dbugs/ /'di dag 'khor lo longs spyod pas/ /nyi ma'i dkyil 'khor du 'gyur ro/ /nyin gcig rgyu skar gyis bsgyur gang / /chu tshod drug cus de bzhin te/ /nyi ma'i dkyil 'khor
 longs spyod kyis/ /thob pa zhag re'i chu tshod do/ /slar yang drug cus bsgyur chu srang / /drug gis bsgyur las dbugs su 'gyur/ /longs spyod 'di ni nyi ma yi/ /rgyu skar chu tshod sogs la sbyar/ /bgrod nas nyin zhag so sor slar/ /bgrod par 'gyur gyi bar du sbyin/ /
 brjod pa'i las kyi cho ga yis/ /nyi ma'i rkang pa sbyang bar bya/ /gzhan du byed pa'i lam gyis ni/ /nyi ma rtag tu dag pa med/ /nyi ma'i longs spyod ma dag na/ /'di la sbyangs pa'i mig dmar sogs/ /rtsa ba nyams pa'i ljon pa bzhin/ /'dir ni gsal ba nyid mi 'gyur/ /
 khyim gyi 'khor lo longs spyad pas/ /zla ba'i dkyil 'khor bshad bya la/ /'khor lo'i chu tshod nyi chu tshod/ /zla ba'i longs spyod bsres pa dag /sum cu'i chas thob zla longs spyod/ /nyin zhag so so'i chu tshod 'gyur/ /zla bas nyin zhag chu tshod dang / /chu srang dbugs ni
 gang dag gis/ /'khor lo'i chu tshod mthar spyod pa/ /de ni de yi dkyil 'khor 'gyur/ /nyin zhag stong phrag drug dang ni/ /dgu brgya sgra gcan dkyil 'khor te/ /mig dmar la sogs dkyil 'khor ni/ /rang rang rgyu ba las rab grub/ /nyin gcig rgyu skar rnams
 kyis bsgyur/ /dkyil 'khor gyis ni rnam par dbye/ /thob pa dag ni skar mar 'gyur/ /lhag ma slar yang drug cus bsgyur/ /dkyil 'khor cha yis chu tshod de/ /de bzhin chu srang dbugs dag kyang / /dkyil 'khor chas thob gza' rnams kyi/ /nyin zhag so sor mi yi
 bdag / de nyid sbyin pa byas nas ni/ /gza' yi rgyu bas gza' sbyang bya/ /gang tshe gza' yi longs spyod dag /de tshe zla ba'i cha 'char la/ /bgrod pa'i ri mo la gnas pa/ /zla ba'i longs spyod kyis shes bya/ /bgrod pas nyi ma sbyangs byas te/ /longs spyod cha gcig la
 gnas pa'i/ /zla ba nyi mas sbyang bar bya/ /zla bas mig dmar la sogs so/ /tshigs mtshams dkar po nag po la/ /tshes grangs gnyis ka'i dbus su ni/ /zla ba nyi ma rnam 'joms pa/ /sgra gcan 'jug pas tshes grangs so/ /de ltar thams cad yongs shes nas/ /
 grub mtha'i longs spyod rnam pa gzhan/ /rnam gzhan nyung ngu'i byed la sogs/ /'di las ma dag rnam par spangs/ /zhes so/ /de ltar brjod pa'i rim pas rgyud kyi rgyal po mchog gi dang po'i sangs rgyas las grub pa'i mtha'i mtshan nyid gsungs so/ /bsdus pa'i rgyud kyi rgyal po
 las grub pa'i mtha' rnams rnam par nyams zhes pa'i tshig gis bsdus te/ rgyud las gsal por ma mdzad do/ /de ci'i phyir zhe na/ 'dir mu stegs pa rnams kyis bsdus pa'i rgyud kyi rgyal po mthong ste/ nyi ma'i longs spyod rnam par dag pa mthong nas/ bdag
 cag gi byed pa la yang nyi ma'i longs spyod rnam par dag pa yod do zhes rang gi byed pa'i nang du 'dri bar 'gyur te/ rgyu des na 'grel bshad la ltos nas gsal por ma mdzad do/ /da ni nyin mo dang mtshan mo 'phel ba dang 'grib pa gsungs pa zla drug 'phel dang / 'grib pa
 zhes pa ste grangs bzhin du 'phel ba dang 'grib pa gnyis su 'gyur ro nyin dang mtshan mo dag kyang zhes pa ni nyin mo dang mtshan mo dag go/ /nyi ma rab tu rgyu bas so zhes pa ni nyi ma byang du rgyu ba dang lhor rgyu bas ni nyi ma rab tu rgyu bas so/ /chu gter srog dang chu srang me ni nyin zhag so so'i
 dus su 'phel 'grib bgrod pa'i yan lag gis tshad 'di ni kai lA sha'i byang gi cha kha ba can gyi bar du ste nyin zhag so so la dbugs bzhi dang chu srang gsum bgrod pa'i yan lag gis 'phel zhing 'grib bo/ /bgrod pa'i yan lag ni phyed dang bcas pa'i brgyad cu rtsa gnyis lhag
 pa'i nyin zhag brgya ste bgrod pa'i yan lag nyin zhag de rnams kyis lho phyogs su mtshan mo 'phel bar 'gyur te/ byang du nyin mo'o/ /kai lA sha'i lho phyogs la ni 'chad par 'gyur ba las brjod par bya'o/ /tshad 'di la lhor bgrod pa'i 'pho ba'i nyin zhag la chu tshod sum cu rtsa
 drug gis nyin mor 'gyur zhing nyi shu rtsa bzhis mtshan mor 'gyur ro/ /de bzhin du byang du bgrod pa la mtshan mo dang nyin mo'i tshad bzlog pas shes par bya'o/ /da ni sgra gcan rgyu skar la longs spyod pa gsungs pa zla ba zhes pa ste/ zla ba ni byed pa'i zla ba'o/ /mig dang nyi ma
 bsres pa zhes pa ni phyed pa la ltos pa yin gyi grub pa'i mtha' la ltos pa ma yin no/ /mig dang nyi ma zhes pa brgya nyi shu rtsa gnyis bsres pa'o/ /mig gis rnam 'gyur zhes pa ni phyogs kyi phung po'i don du gnyis kyis bsgyur ba'o/ /zla ba'i tshigs la gcig bsres te
 zhes pa ni nya'i longs spyod kyi don du phyogs gcig bsres pa dang gnam stong gi longs spyod kyi don du phyogs gnyis bsres pa phyogs kyi phung por 'gyur ro/ /mkha' dus chu yis rab phye zhes pa ni/ sgra gcan gyi phyogs kyi longs spyod kyi don du phyogs kyi 'khor lo phyogs bzhi brgya drug cus bgos
 te mkha' dus chu des rab tu phye ba'i lhag ma'i phyogs gang yin pa de dag thub pa lag pas bsgyur bar 'gyur ro/ /skar ma'i longs spyod kyi don du mkha' sogs cha yis skar ma'o zhes pa ni stong pa la sogs pa bzhi brgya drug cu'i chas thob pa skar mar 'gyur ro/ /slar yang lhag ma ni lhag ma drug cus
 bsgyur ba gang yin pa las cha de nyid kyis thob pa chu tshod du 'gyur ro/ /de bzhin du drug cus bsgyur ba las cha de nyid kyis chu srang du 'gyur ro/ /drug gis bsgyur ba las cha de nyid kyis dbugs su 'gyur ro/ /thob pas dman pa'i 'khor lo gdong 'dir mkha' dus chu yis thob pa'i skar
 ma la sogs pa gang yin pa de dag gis 'khor lo skar ma nyi shu rtsa bdun gyi bdag nyid la dman par byas pa'i 'khor lo ni gdong du 'gyur te tha skar la sogs pas gdong gi skar ma'i longs spyod du 'gyur ro/ /mun can ni sgra gcan te 'di la mun pa yod pa'i phyir mun can no/ /mun can de'i
 mjug ma dag kyang rgyu skar phyed bsres pa'o zhes pa la rgyu skar phyed ni skar ma phyed dang bcas pa'i bcu gsum ste/ de dag gdong gi longs spyod la bsres pa ni mjug ma zhes pa mjug ma'i longs spyod du 'gyur ro/ /da ni bkra shis la sogs pa rnams rgyu skar la longs spyod pa'i don du nyin zhag
 gi tshogs gsungs pa zla ba zhes pa byed pa'i zla ba'o/ /nyin zhag gi phung po'i don du sum cus bsgyur bas de dag nyin zhag tu 'gyur ro/ /nyin zhag de dag da ltar ba'i zla ba'i nyin zhag so so dang bcas pa gnas gsum du 'gyur ro/ /'og gi phung po las ri mkha' ris thob pa zhes pa
 bdun brgya bdun gyis cha thob pa dbu ma'i phung por rnam par bsre'o/ /dbu ma'i phung po de dag las kyang chu gter ro/ /drug cu rtsa bzhis cha thob pas dman pa mi gsal nyin zhag go/ /kha cig tu nyin zhag so so'i gza' lhag pas gsal ba'i don du gza' gcig dman par
 'gyur ro/ /de'i phyir gsal ba'i nyin zhag gi tshogs su 'gyur ro/ /da ni bkra shis gsungs te ri dus gcig gis bsres pa zhes pa ni byed pa la ltos pa yin gyi grub pa'i mtha' la ltos pa ma yin no/ /brgya drug cu rtsa bdun gyis bsres pa ni ri dus gcig gis
 bsres pa'o/ /gsal ba'i nyin zhag tshogs te ri klu dus kyis bgos pa yis/ nyin zhag gi tshogs de yang mig dmar gyi dkyil 'khor nyin zhag drug brgya brgyad cu rtsa bdun gyis bgos pa'o/ /'di las mig dmar gyi yongs su bskor ba shes nas lhag ma skar mas bsgyur
 zhes pa nyi shu rtsa bdun gyis bsgyur ba las slar yang ri klu dus rnams kyis thob pa ni skar mar 'gyur ro/ /nam mkha' ro drug cu yis bsgyur ba las kyang ri la sogs pa rnams kyis thob pa ni chu tshod de mig dmar gyi longs spyod la thob par 'gyur ro/ /chu srang la sogs pa ni sngar brjod
 pa'i cho gas so/ /'dir gza' thams cad kyi longs spyod kyi gnas rnam pa lngar 'gyur te/ khyim gyi gnas dang / skar ma'i gnas dang / chu tshod kyi gnas dang / chu srang gi gnas dang / dbugs kyi gnas rnams 'og nas 'og tu 'gyur ro/ /dbugs kyi gnas su dbugs
 drug las lhag pa mi gnas te drug gi chas thob pa ni chu srang la gzhug go/ /chu srang ni drug cu las lhag par mi gnas te drug cu'i chas thob pa ni chu tshod kyi phung por gzhug go/ /chu tshod rnams kyang de bzhin du rgyu skar gyi phung por gzhug go/ /skar ma ni las gnyis la phyed dang
 bcas pa'i bcu gsum pas lhag par mi gnas shing khyim drug tu gnas so zhes bya ba ni nges pa'o/ /da ni mig dmar dag pa gsungs pa mig dmar la ni phyed bcas dgu sbyang zhes pa ste/ 'dir mig dmar gyi skar ma la sogs pa'i longs spyod tha dad du byas te mig dmar gyi longs
 spyod gcig la skye ba'i rkang pa gzung ba'i don du skar ma dgu sbyang bar bya'o/ /phyed bcas zhes pa ni chu tshod sum cu chu tshod kyi gnas nas sbyang bar bya'o/ /tha skar la sogs pa'i skar ma'i longs spyod la gal te bu lon lhag na 'khor lo bsres la rnam par sbyang zhes pa ni/ 'dir
 skar ma'i longs spyod tha skar la sogs pa la gdon mi za bar bu lon sbyang bar bya ste gal te bu lon gyi phung po lhag pa dang bcas shing longs spyod kyi phung po dman par gyur na/ de'i tshe 'khor lo bsres la rnam par sbyang ngo / /'khor lo ni skar ma nyi shu rtsa bdun gyi tshogs te de dag
 bsres la bu lon rnam par sbyang ngo zhes pa'i don to/ /'khor lo phyed ni dor bar bya ste zhes pa ni 'dir gal te sbyangs pa'i lhag ma 'khor lo phyed du gyur na/ de'i tshe dor bar bya ste phyed pas lhag par gyur na'ang 'dir lhag ma gang yin pa phyed pas lhag par gyur na'o/ /dor ba'i
 lhag ma de ni rim pa min par 'gyur ro/ /gza' thams cad kyi dal ba'i las la rim pa min pas nor du 'gyur te rim pas ni bu lon no/ /skar ma drug cus bsgyur te chu tshod dag dang rab tu ldan par gyur pa zhes pa ni chu tshod kyi tshogs kyi don du rgyu skar gyi tshogs drug cus bsgyur bar
 gyur pa la 'og na gnas pa'i chu tshod kyi tshogs steng du ldan par 'gyur ro/ /'byung me zla bas bgo khyim gyi rkang pa'i don du chu tshod kyi phung po la brgya sum cu rtsa lngas bgo ste gang thob pa de khyim gyi rkang par 'gyur ro/ /dal ba'i las dag la yang nor dang bu lon dag ni rim pa min dang rim
 pas so/ /grangs bzhin du rig par bya'o/ /'dir khyim rgyu ba'i rkang pa ni de nyid ces pa skye ba nas khyim dang po la nyi shu rtsa lnga'o/ /gnyis pa la bcwa brgyad do/ /gsum pa la ri zhes pa bdun te/ khyim snga ma gsum la'o/ /de nas 'khor lo phyed kyi phyed gzhan la ni khyim bzhi pa la
 bdun no/ /lnga pa la bcwa brgyad do/ /drug pa la nyi shu rtsa lnga'o/ /rab tu gsal bar ro rkang 'khor lo phyed la steng dang 'og tu ste zhes pa'o/ /longs spyod kyis ni chu tshod bsgyur las zhes pa ni/ chu tshod kyi tshogs las brgya sum cu rtsa lnga'i chas thob pa ni khyim gyi longs spyod du 'gyur
 te/ de nyid rkang pa drug gi nang nas rkang pa'o/ /de nas gnyis pa ni longs spyod pa'i phyir longs spyod de/ longs spyod lhag ma des chu tshod lhag ma bsgyur ba las mda' dang yon tan zla bas 'khor lo phyed las cha thob pa/ longs spyod kyis chu tshod bsgyur ba'i phung po las brgya sum cu
 rtsa lnga'i chas thob pa ni snga ma phyed la gzung byar 'dod de/ rkang pa'i dbang gis zhes pa ni gza' phyed phyi mar ma bgrod kyi bar du'o/ /de'i 'og tu de bzhin phyi ma phyed la dor byar 'gyur zhes pa ni longs spyod de nyid phyed phyi ma la dor byar 'gyur ro/ /zos pa tshogs gcig byas
 nas zhes pa ni snga ma phyed la gnas pa la gza' rnams kyis khyim gyi dbang gis rkang pa zos pa gang yin pa de dag tshogs gcig tu byas pa dang / phyi ma phyed la snga ma dang phyi ma zos pa dor nas ma zos pa tshogs gcig tu byas te/ gza' yi bgrod pa'i dbang gis sbyin dang dor ba dag kyang
 chu tshod la'o zhes pa la gza' rnams kyi bgrod pa ni rim pa min pa dang rim pa ste/ de'i dbang gis sbyin pa dang dor ba ni/ rim pa min pa'i dbang gis sbyin pa dang rim pa'i dbang gis dor ba'o/ /chu tshod la'o zhes pa ni chu tshod kyi phung po dang gza'i longs spyod skar ma'i phung po la'o zhes bya ba ni bkra
 shis la sogs pa rnams kyi dal ba'i las thams cad la nges pa ste khyim gyi las kyi cho ga skye ba'i rgyu ba dag pa'o/ /da ni myur ba'i las kyi cho ga gsungs pa de nas nyi mas skyes rnam par sbyang ste bla ma nyi skyes dag kyang myur ba'i las la'o zhes pa ste/ de nas ni de ma thag nyid la'o/ /slar yang
 khyim gyi las kyis rnam par dag pa'i gza'i longs spyod kyis nyi ma'i longs spyod la sbyang bar bya'o/ /nyi mar sa skyes rnam par sbyang ste zhes pa ni dal ba'i longs spyod nyi rkang dang bral ba las te gza'i longs spyod tha dad du byas nas so/ /de nas zhes pa ste bla ma yang sbyang bar bya zhing nyi skyes spen
 pa yang sbyang bar bya ste kyang gi sgras mig dmar ji lta ba bzhin du'o/ /gang la zhe na myur ba'i las la'o/ /de bzhin du zla skyes te zla skyes kyi longs spyod la gza' lag gi longs spyod kyi don du nyi mas sbyang bar bya'o/ /dkar po la yang ste dkar po'i longs spyod pa yang dkar po'i longs spyod
 kyi don du nyi mas sbyang bar bya'o/ /'dir gza' mthon pos gza' dma' mo la rnam par sbyang ngo zhes pa ni nges pa ste des na zla skyes dang dkar po la yang nyi mas sbyang bar bya'o/ /myur ba'i las la nges par rim pas nor du 'gyur zhes pa ni 'dir myur ba'i las te myur ba'i bya ba la rim
 pas nor du 'gyur ro/ /nges par zhes pa gdon mi za bar ro/ /rim pa min pas bu lon du 'gyur ro/ /gza' mthon po'i longs spyod dag pa'i lhag ma las 'khor lo phyed yongs su dor te sbyangs pa'i lhag ma ni 'dir rkang pa'o/ /gza' mthon po'i longs spyod rnam par dag pa'i lhag
 ma'i skar ma ni gza' rnams kyi nyin zhag gi longs spyod kyi dbang gi dbang gis rgyu ba'i skar mar 'gyur ro/ /de nyid gza' rgyu ba'i rkang pa ste chu tshod du ma'i bdag nyid can no/ /gza' rgyu rkang pa'i chu tshod de dag rnams kyis lhag ma'i chu tshod bsgyur/ /drug cu'i cha yis thob pa gza' rgyu rkang pa
 dag las gzung bya dang ni dbrog bya de bzhin nyid ces pa ni snga ma bzhin du phyed snga ma la gzung bar bya ba dang phyed phyi ma la dbrog par bya ba'o/ /zos pa dag ni tshogs gcig byas nas gza' yi bgrod pa'i dbang gis sbyin dang dor ba mtha' dag ste zhes pa ni 'dir myur ba'i las la rim
 pas sbyin pa dang rim pa min pas dor ba ste phyed snga ma la zos pa'i tshogs dang phyed phyi ma la ma zos pa'i tshogs ni snga ma bzhin no/ /sa skyes la ni rkang pa rgyal ba sogs te zhes pa la rgyal ba ni nyi shu rtsa bzhi'o/ /de dag kyang dang po la gnas pa ste ma nu'i gnas gnas bcu bzhi la
 gnas pa'i rkang pa bcu bzhi po gang dag gi gnas dang po la'o/ /sa skyes la de la sogs pa'i rkang pa ni rkang pa rgyal ba sogs te rab gsal ma nu'i gnas rgyu skar gyi gnas bcu bzhi la mtha' dag gzhag par bya ste/ de ltar gza' rnams thams cad kyi ni rim par yongs su brtsi bar
 rig par bya'o mi'i dbang zhes so/ /zla skyes te zla skyes kyi longs spyod dang dkar po las nyi mas rnam par dag pa ni zla ba'i bu gza' lag tu 'gyur zhing / dkar po las rnam par dag par gyur pa ni dkar por 'gyur te/ zla skyes dang dkar po'i longs spyod las so/ /bkra shis
 rnam par dag pa'o/ /da ni gza' lag gsungs pa stong dang nam mkha' zla bas bsgyur ba'i mtha' dag nyin zhag tshogs la zhes pa ste/ sngar rnam par dag pa'i nyin zhag gi tshogs mtha' dag brgyas bsgyur ba ni stong dang nam mkha' zla bas bsgyur ba'o/ /me dang nyi ma ri yis
 dman zhes pa ni brgyas bsgyur ba'i nyin zhag gi tshogs de nyid bdun stong brgya nyi shu rtsa gsum gyis dman pa'o/ /ri nas bug pa ri dang klu yis bgo ste zhes pa la ri nas ni bdun nas te bug pa ri dang klu zhes pa ni brgyad stong bdun brgya dgu bcu rtsa bdun te rang gi rkang pa'i
 dkyil 'khor gyi nyin zhag ri nas bug pa ri dang klu de dag gis bgo ste rnam par dbye'o/ /slar yang lhag ma skar ma la sogs dbye bas bsgyur zhes pa ni dkyil 'khor gyi nyin zhag gi cha'i lhag ma'i nyin zhag gi tshogs slar yang bsgyur te skar ma la sogs dbye ba nyi shu rtsa bdun gyis
 bsgyur ro/ /sogs pa'i sgras slar yang dkyil 'khor gyi cha'i lhag ma drug cus bsgyur te de bzhin du chu srang rnams kyis bsgyur zhing dbugs drug gis bsgyur ro/ /rab brjod dkyil 'khor gyi nyin zhag gi cha yis thob pa ni skar mar 'gyur ro/ /slar yang chu tshod kyi gnas su chu
 tshod de/ de bzhin du chu srang dang dbugs ni thob pa'o/ /zla skyes longs spyod de rkang pa'i longs spyod dag tu 'gyur ro/ /zla skyes dor te nyi ma'i dbus nas mi bdag bzang po mi bdag skar ma phyed kyang yang dag spang zhes pa ni ri la sogs pa'i dkyil 'khor gyis thob pa zla skyes kyi longs spyod
 gang yin pa de dag myur ba'i las la rnam par dag pa'i don du dor te/ de nas nyi ma'i dbus nas kye mi bdag bzang po mi bdag ste bcu drug dang skar ma phyed kyang zhes pa chu tshod sum cu nyi ma'i chu tshod kyi longs spyod las so/ /ci ste bu lon dag par ma gyur na de'i tshe rgyu skar gyi 'khor lo rab
 tu bsres nas bu lon rnam par sbyang bar bya'o zhes bya ba ni snga ma'i nges pa las so/ /lhag ma'i bya ba nor dang bu lon dal dang myur ba'i las kyang mig dmar ji lta bzhin du 'gyur zhes pa ni go sla'o/ /zla skyes rkang pa dal ba'i las la bcu ri me ste zhes pa la zla skyes gza' lag ste/ dal ba'i
 las la ni khyim gyi las la snga ma dang phyi ma'i gnas drug la khyim gyi gnas dang po la bcu'o/ /khyim gyi gnas gnyis pa la ri zhes pa bdun no/ /khyim gyi gnas gsum la me zhes pa gsum ste phyed snga ma la'o/ /de nas phyed phyi ma la khyim gyi gnas bzhi pa la gsum mo/ /khyim gyi
 gnas lnga pa la bdun no/ /khyim gyi gnas drug pa la bcu ste bcu ri me ni dal ba'i las la rkang pa'o/ /myur ba'i las te rgyu skar gyi las la mi bdag la sogs ni bcu drug la sogs pa ste gnas bcu bzhi la rkang pa bcu bzhir 'gyur ro/ /de dag kyang 'chad par 'gyur ba las
 brjod par bya'o/ /gza' lag yongs su dag pa'o/ /da ni phur bu gsungs pa nyin zhag tshogs ni mkha' mkha' ro dang mig gis dman pa byas nas zhes pa ste/ nyin zhag tshogs ni sngar gyi nyin zhag gi tshogs te brgya phrag nyi shu rtsa drug gis dman pa byas nas so/ /mkha'
 mkha' ro dang mig gis dman zhes pa ni byed pa la ltos pa yin gyi grub pa'i mtha' la ltos pa ma yin no/ /so me chu gter dag gis bgo zhes pa ni bzhi stong sum brgya sum cu rtsa gnyis kyis bgo ba'o/ /lhag ma ni bgos pa'i lhag ma ste skar mas bsnun pa ni nyi shu rtsa bdun gyis bsgyur
 ba las dkyil 'khor gyi chas skar mar 'gyur ro/ /slar yang sngar brjod pa'i rim pas bla ma'i longs spyod la yang chu tshod la sogs par 'gyur ro/ /rgyu skar nyi ma sbyang ste zhes pa ni phur bu'i longs spyod 'di las skar ma bcu gnyis sbyang bar bya ste bya ba lhag ma ni mig dmar bzhin no/ /
 'phrog byed dgu dang rtse mo can ni dal ba'i las la rkang pa'o zhes pa ni sngar bzhin du khyim gyi gnas drug la ste 'phrog byed ces pa bcu gcig go/ /de nas dgu'o/ /de nas rtse mo can zhes pa gsum ste de bzhin du phyed phyi ma la yang lugs las bzlog pas so/ /slar yang myur ba'i
 las dag la rkang pa rab gsal ma nu'i gnas te/ gnas bcu bzhi la phyogs rkang la sogs de dag go zhes pa la phyogs zhes pa bcu la sogs pa ste/ rgyu skar rgyu ba'i rkang pa ni 'chad par 'gyur ba las brjod par bya'o/ /phur bu dag pa'o/ /da ni pa sangs gsungs pa nyin zhag
 mkha' dang zla bas bsgyur zhes pa ste bcus nyin zhag gi tshogs bsgyur nas chu gter nor gyis dman pa zhes pa brgyad cu rtsa bzhis dman par byas te/ ri dang rgyal ba mig gis bgo zhes pa ni rkang pa'i dkyil 'khor gyi nyin zhag nyis stong nyis brgya bzhi bcu rtsa bdun gyis te myur ba'i
 rkang pa dag pa'i don du'o/ /lhag ma skar mas bsgyur ba las kyang skar ma'i longs spyod slar yang chu tshod kyi longs spyod mig dmar bzhin te de bzhin du chu srang la sogs pa'i longs spyod ni myur ba'i las la ste pa sangs kyi yin no/ /pa sangs kyi dal ba'i las la yang
 rgyu skar dus ni zhes pa rgyu skar drug go/ /nyi ma la sbyang zhes pa nyi ma'i longs spyod la ste thams cad du lnga pa'i don la bdun par rig par bya'o/ /mda' dus ri bong can ni dal ba'i las la rkang pa ste zhes pa ni snga ma bzhin du khyim gyi gnas drug la mda' zhes pa lnga'o/ /dus zhes
 pa bzhi'o/ /ri bong can zhes pa gcig ste phyed snga ma la'o/ /de bzhin du phyed phyi ma la lugs las bzlog pas so/ /myur la ste myur ba'i las la de nyid la sogs dbye bas zhes pa ni nyi shu rtsa lnga la sogs pa'i dbye bas te de nyid la sogs dbye bas zhes so/ /rab gsal
 ma nu'i gnas dag la ste zhes pa rgyu skar gyi rkang pa'i gnas bcu bzhi la'o/ /sbyin dor mig dmar bzhin zhes pa ni bkra shis la ji lta ba de bzhin du rgyu ba'i rkang pa sbyin pa dang dor bar yang 'gyur ro/ /pa sangs dag pa'o/ /da ni spen pa gsungs pa mkha' mig klu dang rig byed kyis
 dman gsang ba'i nyin zhag tshogs ni zhes pa ste/ sngar gyi nyin zhag gi tshogs gsal ba la bzhi stong brgyad brgya nyi shus dman pa ste dman pa zhes pa ni byed pa la ltos pa yin gyi grub pa'i mtha' la ltos pa ma yin no/ /drug ro ri mkha' zla ba yis bgo zhing zhes pa ni dkyil
 'khor gyi nyin zhag khri bdun brgya drug cu rtsa drug gis bgo ba'o/ /lhag ma skar mas bsgyur ba las dkyil 'khor gyi nyin zhag gi chas thob pa ni skar mar 'gyur te de bzhin du chu srang la sogs pa'i longs spyod du 'gyur ro/ /spen pa yi ni dor bya dag kyang bcwa brgyad do zhes pa ni spen
 pa'i longs spyod las rgyu skar bcwa brgyad dor bar bya bar 'gyur ro/ /bu lon lhag na 'khor lo byin nas sbyang bar bya bar 'gyur ro zhes bya ba ni snga ma'i nges pa ste skye ba'i skar ma rgyu ba'i don du'o/ /'di'i dal ba'i las la rkang pa nyi shu rtsa gnyis tshes dus zhes pa ni khyim gyi gnas drug
 la rkang pa rnams te khyim dang po la nyi shu rtsa gnyis so/ /de nas tshes zhes pa bco lnga'o/ /de nas dus zhes pa drug go/ /de bzhin du phyed phyi ma la yang shes par bya ste rab gsal ro'i gnas la'o zhes gsungs pa'i phyir ro/ /myur ba'i las la ro la sogs zhes pa ni myur ba ste rgyu
 skar gyi las la gnas bcu bzhir ro la sogs pa ni drug la sogs pa'i rkang pa rnams sbyin pa dang dor ba'o/ /de dag kyang 'chad par 'gyur ba la brjod par bya ste/ gza'i rkang pa'i tshogs la rnam pa thams cad du spen pa dag pa'o/ /da ni rgyu ba'i mtshan nyid gsungs pa myur dal
 rgyu ba dag kyang rim pas rkang pa bgrod pa la ste zhes pa ni myur ba'i las la nyi ma'i dkyil 'khor las shar ba'i gza'i rkang pa bcu bzhi'i chu tshod phyed snga ma longs spyod pa ni myur bar rgyu ba zhes brjod do/ /rim pas rkang pa bgrod par byed pa'i phyir/ rim pas rkang pa bgrod pa la
 ste/ phyed phyi ma la gang zhig longs spyod pa de ni dal bar rgyu ba zhes brjod do/ /'khyog po nyid ni rim min gyis zhes pa ni de nas 'khor lo phyed yongs su dor ba la gza'i rim pa min par 'gyur ro/ /rim pa min pa de yang 'khyog por rgyu ba zhes brjod de phyed snga ma la'o/ /phyed
 phyi mar yang nyi ma 'gro ba'i dbang gis gza' rnams kyis ni 'byung ba yang zhes pa 'byung bar rgyu ba zhes brjod de 'khyog po yongs su btang ba las so/ /'dir shar nas rim par bgrod pa la phyed snga ma'i bar du nor 'phel lo/ /de nas phyed phyi ma la 'khor lo phyed kyi bar du nor
 'grib po/ /de nas 'khor lo phyed yongs su dor nas rim pa min pas phyed snga ma la bu lon 'phel lo/ /phyed phyi ma la nyi ma'i rgyu skar la rab tu zhugs kyi bar du bu lon 'grib po/ /de nas nub ste slar yang 'char ba ni rim pa de nyid kyis rig par bya'o/ /sum cu rtsa bdun lag
 pas bsgyur ba'i zla ba rnams kyis mjug rings dag ni myur dang 'khyog por 'gyur zhes pa 'dir mjug rings mdor bstan pa'i rkang pa 'di ni 'chad par 'gyur ba las rgya cher brjod par bya'o/ /gza'i skabs so/ /da ni gza' rnams kyi 'char ba dang nub pa'i dus gsungs pa
 gang dag su zhig nyi ma'i longs spyod la ni rab zhugs gza' de dag kyang nges par nub par 'gyur zhes pa ste/ nyi ma'i dkyil 'khor gyi 'od zer gyis mi mthong ba'i phyir nub par gyur pa zhes brjod kyi gza' rnam pa thams cad du med pa ni ma yin no/ /nyi ma btang nas
 'char bar 'gyur te zhes pa ni nub par gyur pa'i gza' de nyid kyis rang gi rgyu ba'i dbang gis nyi ma btang bar gyur pa na 'char bar 'gyur te nyi ma'i 'od zer gyis yongs su btang ba'i phyir ro/ /de'i lam yang bgrod pa 'gro ba'i rnam par dbye bas so zhes pa ni 'char ba'i gza' de'i lam
 yang bgrod pa 'gro ba'i rnam par dbye bas so/ /bgrod pa dag gi rnam par dbye ba ni bgrod pa'i rnam par dbye ba ste me'i dkyil 'khor nas kai lA sha'i byang du gangs can gyi bar dang / gangs can nas lhor me'i dkyil 'khor gyi bar du phyed dang bcas pa'i nyin zhag brgya brgyad cu rtsa gnyis
 kyi rnam par dbye ba ste des nyi ma'i bgrod pa 'gro ba'i rnam par dbye ba'o/ /nyi ma 'gro ba'i rnam par dbye ba nges 'char ba'i gza' de dag gi lam du yang 'gyur ro/ /g.yon pa'i lam la gnas pa gang yin de ni nyi ma 'gro ba'i dbang gis g.yon nas 'gro ba ste zhes pa ni 'dir g.yon gyi lam
 la gnas pa ni zhi ba'i gza' zla skyes la sogs pa rnams te/ gza' lag dang pa sangs dang mjug rings rnams ni g.yon gyi yan lag tu yang dag par byung ba'i phyir ro/ /nyi ma'i dkyil 'khor la nub pa'i dus su yang g.yon gyi yan lag nas rab tu 'jug cing 'char ba yang g.yon
 gyi yan lag nas so/ /de'i phyir g.yon pa'i lam la gnas pa'i gza' gang yin pa de ni drag po'i gza' rnams kyi g.yon nas 'gro ste nyi ma'i ji lta ba bzhin no/ /g.yas la gnas pa dag ni g.yas kyis zhes pa la 'dir g.yas la gnas pa ni gang zhig g.yas kyi lam nas nyi ma'i
 dkyil 'khor la nub par 'gyur ba ste bkra shis dang phur bu dang spen pa'o/ /drag po ni zhi ba'i gza' rnams kyi g.yas nas 'gro ste g.yas kyi yan lag tu yang dag par byung ba'i phyir ro/ /'dir mjug rings ni g.yon gyi yan lag tu yang dag par byung ba'i phyir lus kyi dbye bas zhi ba'o/ /
 phur bu ni g.yas kyi yan lag tu yang dag par byung ba'i phyir lus kyi dbye bas drag po'o/ /de bzhin du slar yang gsal bar 'dir ni phan tshun 'thab ste dgra yin phyir zhes pa ni zhi ba dang drag po gza' lag dang bkra shis dag dang / phur bu dang pa sangs dag dang / spen pa dang mjug
 rings 'di dag phan tshun 'thab par 'gyur te dgra nyid yin pa'i phyir ro/ /rang gi zhing la yang dag gnas rnams gal te de la dgra dag gyur na nges par 'thab pa'o zhes pa ni mig dmar gyi rang gi zhing lug gi khyim dang sdig pa'i khyim ste zhing de la mig dmar yang dag par gnas pa de'i
 tshe gal te zhing de la gza' lag longs spyod par gyur na de'i tshe nges par 'thab bo/ /de bzhin du gza' lag gi zhing 'khrig pa dang bu mor gal te mig dmar rgyu ba'i dbang gis longs spyod par gyur pa de ltar na yang 'thab bo/ /de bzhin du phur bu'i zhing gzhu dang nya la gal te pa sangs gyur na
 de'i tshe phur bu dang pa sangs 'thab bo/ /de bzhin du pa ba sangs kyi zhing glang dang srang la yang ngo / /de bzhin du spen pa'i zhing chu srin dang bum pa la gal te mjug rings gyur na de'i tshe 'thab bo/ /de bzhin du ri bong can gyi zhing ka rka Ta la gal te spen pa gyur na de'i tshe mjug rings dang lhan
 cig rtsod do/ /mjug rings g.yon gyi yan lag tu skyes pa'i phyir ro/ /skar ma la ste gzhan la 'thab pa min par zhes pa ni 'dir slar yang gza' rnams kyi skye ba'i skar ma la ltos nas skar ma la'o/ /rang gi zhing gi khyim 'ba' zhig la 'thab pa ma yin te skye ba'i skar ma la yang dgra dag
 'thab par 'gyur te pa sangs skar ma na bso la'o/ /bkra shis skar ma mchu la'o/ /phur bu skar ma me bzhi la'o/ /gza' lag skar ma lha mtshams la'o/ /spen pa skar ma snubs la'o/ /mjug rings skar ma chu smad la'o/ /zla skyes dang bkra shis dag rang rang gis skar ma la
 'thab ste/ de bzhin du pa sangs dang phur bu dag dang / spen pa dang mjug rings dag go/ /rang rang gi skar ma ma gtogs par skar ma'am zhing gzhan la 'thab pa min par 'gyur bar nges pa ni gdon mi za ba'o/ /skar ma gzhan la phan tshun mtshungs pa dag tu ldan par 'gyur ro/ /
 de bzhin du zla ba'i rwa mtho ba yang gal te nyi ma yi ni g.yon du zla ba zhugs par gyur cing 'byung ba yang ni g.yon pa yis yin par gyur na de'i tshe byang gi rwa ni mtho bar 'gyur te kha cig tu ni bgrod pa'i dbang gis lho ru ste lhor bgrod pa la'o/ /mu ge dang char mi 'bab pa la
 sogs pa'i rgyu las yin gyi ngo bo nyid kyis ni ma yin no/ /da ni sgra gcan rab tu 'jug pa gsungs te tshigs mtshams su ni nya'i mtshams su ste yang yig gis gnam stong gi mtshams su yang ngo / /sgra gcan gdong dang zla ba mnyam par 'gro ste mngon du phyogs par 'dzin pa kho nar 'gyur
 ro/ /'dir mngon du phyogs pa ni shar du 'dzin pa'o/ /de nyid sgra gcan 'khor ba'i dbang gis shes par bya ste byed pa gzhan thams cad la rab tu grags pa'i phyir 'dir bcom ldan 'das 'jam dpal gyis 'bad pa ma mdzad do/ /g.yon du rgyu ba dag la g.yas min du ste zhes pa ni g.yon
 du sgra gcan 'khor ba la g.yas min g.yon du zla ba 'dzin par 'gyur ro/ /nyi ma'i bgrod pa'i dbang gis g.yas la g.yas pa'i char zhes pa ni nyi ma'i longs spyod las byung ba zla ba'i bgrod pa'i dbang gis te nyi ma'i bgrod pa'i dbang gis zhes so/ /g.yas la ste g.yas su 'khor
 pa la g.yas su zla ba 'dzin par 'gyur ro/ /de ltar sgra gyis ni phyogs mtshams su 'dzin ri bong 'dzin pa zhes pa ni de ltar brjod pa'i rim pas 'khor ba'i dbang gis ri bong 'dzin pa sgra gcan gyis phyogs mtshams su 'dzin no/ /'byung ba dag ni rgyab tu yang / shar la sogs
 pa 'khor nas 'byung ba dag ni nub tu 'khor bas rgyab tu 'dzin no/ /rtsa ba'i rgyud dam gzhan gyi byed pa gzhan la yang sgra gcan 'khor ba la sogs pa shes par bya'o/ /da ni rgyu skar gyi 'go la gsungs pa tha skar la sogs nag pa phyed du nyin dang mtshan mo mnyam pa'i dbus su 'go
 la'i ri mo'o/ /tha skar la sogs pa nag pa phyed dang nag pa phyed la sogs pa nam gru'i mthar lug dang srang la sogs pa nyin mtshan mnyam pa la dbus su nyin mtshan mnyam pa'i 'go la'i ri mo ste/ nyi ma 'char ba dang nub pa'i rgyu las chu tshod sum cu sum cu'i bdag nyid can du
 'gyur ro/ /'go la de nyid ni rgyu skar gyi dbye bas 'gyur te/ rgyu skar g.yas dang g.yas min dag la nges par srid pa'i gnas su khyim gyi dbye bas yang dag gnas zhes pa ni las kyis 'dir mi shes pa'i dbang gis 'go la'i 'dod pa rnam pa sna tshogs gnas la sogs pa'i dbye
 ba tha dad pas brjod do/ /'dir 'go la la gza' brgyad po dag gi myur ba dang dal bar 'gro ba'i dbye bas khyim longs spyod pa ni mnyam ste/ dper na so ba 'chag pa la ba lang ka ba las ring du 'khor ba gang yin pa de ni 'gyogs par 'gro zhing gom pa mang po dag gis skor bar byed
 la/ ka ba la nye bar 'khor ba gang yin pa de ni dal bar 'gro zhing gom ba nyung ngus skor bar byed de de bzhin du gza' rnams kyang rig par bya'o zhes grag go/ /'jig rten pa'i 'dod pa dang po rigs pas rnam par dpyad de 'dir rang rang gi grub pa'i mtha'i bsam pa'i dbang gis rtsis
 kyi tha snyad med cing 'dod pa gcig tu mi 'gyur ro/ /de nyid kyi phyir rnam par dpyad par bya ste/ 'dir 'go la la nyi ma las myur ba dang dal bar 'gro ba'i gza' gang yin pa de dag ci steng nas steng dang 'og nas 'og tu gnas sam/ 'on te g.yon gyi cha dang g.yas kyi char gnas/
 rnam pa gnyis ka yang 'gal te/ gal te nyi ma las 'og dang steng du rnam par gnas na de'i tshe myur ba dang dal ba dag tu phrad par mi 'gyur te/ rang gi gnas yongs su mi gtong ba'i phyir ro/ /ci ste pha rol gyi grub pa'i mtha' smra ba pos smras pa/ 'og na gnas pa'i sems can
 rnams kyis 'og dang steng gi gza' phrad cing mnyam par mthong ste 'og gi gzas steng gi gza' bsgribs pa ni mnyam pa nyid do zhe na/ 'di la brjod pa 'dir mnyam pa nyid ni nyi ma'i gung gi dus la ste 'char ba dang nub pa'i dus la ma yin no/ /'char ba'i dus su gnas tha dad pa'i
 mthu las sems can rnams kyis 'og dang steng du gza' rnams blta bar bya bar 'gyur ro/ /de bzhin du nub pa'i dus su yang ste/ de ltar yang ma yin no/ /de bzhin du g.yas dang g.yon la gnas pa rnams kyang nyi ma dang lhan cig phrad pa med de rang gi gnas yongs su mi gtong
 ba'i phyir ro/ /de ltar na gza' rnams nyi ma'i dkyil 'khor la nub pa dang 'char ba yang med par 'gyur ro/ /de'i phyir don dam par gza' rnams kyi gnas gzhan pa med do/ /byis pa rnams kun tu rmongs pa skyed par byed pa'i tshig rigs pa dang bral ba 'di
 dag kyang skye bo mi shes pa rnams kyis bkod pa ste/ 'dir gnas dang po la zla ba dang / gnyis pa la gza' lag dang / gsum pa la pa sangs dang / bzhi pa la nyi ma dang / lnga pa la sa skyes dang / drug pa la phur bu dang / bdun pa la sgra gcan dang / brgyad pa la spen pa gnas so
 zhes bya ba ni srid pa'o/ /'dir khyim gyi 'khor lo la gza' thams cad byang du 'gro ba dang lhor 'gro ba yod de dper na nyi ma'i rgyu skar longs spyod pa'i dbang dang khyim drug longs spyod pa'i dbang gis bzhin no/ /byang du 'gro ba dang lhor 'gro ba'i nyi ma de dang phrad pa na gza' 'ga'
 zhig nyi ma'i steng du 'gro ba dang 'ga' zhig 'og tu 'gro ba yang med do/ /'dir khyim gyi 'khor lo la dal bar 'gro ba'i dbang gis gza' 'ga' zhig nyi ma'i rgyab nas 'ong ngo / /shar bar gyur pa na zla ba ni mdun nas 'gro ste myur bar bgrod pa'i dbang gis so/ /gza' lag dang
 pa sangs ni rkang pa'i dbang gis res 'ga' mdun dang res 'ga' rgyab tu shar nas bgrod do/ /'di dag gi bgrod pa yongs su shes par bya ba'i don du khyim gyi 'go la gsungs te/ rgyu skar g.yas su gnas bcu bzhi dang g.yas min du gnas bcu bzhi dag la khyim gyi dbye bas yang dag/
 gnas zhes pa ni khyim rnams kyi dbye ba rkang pa dang bcas pa'i rgyu skar gnyis te/ khyim so so'i khyim gyi dbye ba de dag gis byang du 'go la'i ri mo'i dbus su tha skar la sogs pa nag pa phyed kyi bar phyed dang bcas pa'i rgyu skar bcu gsum mo/ /lho ru yang 'go la'i ri mo'i dbus su nag pa
 phyed la sogs pa nam gru'i mthar phyed dang bcas pa'i rgyu skar bcu gsum mo/ /gzhu yi rnam pa'i dus khyim dag la 'go la'i dbus nas lhor ni me'i dkyil 'khor la gnas shing zhes pa ni gzhu'i rnam pa'i khyim drug la 'go la nyin mtshan mnyam pa'i ri mo'i dbus nas rgyu skar gyi 'khor
 lo phyed kyi rgyu skar gyi 'khor lo lhor gnas so/ /byang du de ni bsil ba'i ri ste pad 'dab bzang po bzhin du shar du lug dang srang sogs la'o zhes pa ni lhor khyim drug la so sor rgyu skar gyi 'khor lo phyed gnas pa ji lta ba de bzhin du 'go la'i ri mo'i dbus nas byang du khyim so so'i dbye
 bas khyim drug la gnas so/ /shar du lug dang srang sogs te bu mo'i mthar thug pa la gnas shing de bzhin du srang la sogs pa nya'i mthar thug pa la gnas so/ /'dir shar gyi phyed du lug go/ /dbang ldan du glang ngo / /byang gi phyed du 'khrig pa'o/ /slar yang byang gi
 phyed du ka rka Ta'o/ /rlung du seng ge'o/ /nub kyi phyed du bu mo'o/ /slar yang nub kyi phyed du srang ngo / /bden bral du sdig pa'o/ /lho'i phyed du gzhu'o/ /slar yang lho'i phyed du chu srin no/ /me ru bum pa'o/ /shar gyi phyed du nya'o zhes pa ni 'go la la khyim dgong ba'o/ /'dir lug shar
 ba na srang nub bo/ /glang shar ba na sdig pa nub ste de ltar thams cad du nyin mtshan gyis shar ba'i khyim nas khyim bdun pa ni nub par rig par bya'o/ /da ni 'jig rten spyi'i lugs kyis 'go la'i rgya gsungs pa me nas bsil ba'i ri yi mtshams su dpag tshad stong phrag mkha' dang nam
 mkha' mkha' dang mnga' ri'o zhes pa ste/ 'dir lho me'i dkyil 'khor nas byang kha ba can chen po'i mtshams su 'go la'i tshad dpag tshad stong phrag bdun cu rtsa lnga'o/ /de bzhin du shar dang nub 'khor ba nas te gsal bar le'u lnga pa las brjod par bya'o/ /dbus su 'khor lo
 phyed kyi ri mo zhes pa ni khyim gyi 'khor lo'i dbus su nyin mtshan mnyam pa'i ri mo ste/ dpag tshad stong phrag bdun cu rtsa lnga'i dbus su phyed dang bcas pa'i stong phrag sum cu rtsa bdun gyi mthar 'gyur ro/ /de la bgrod pa ni dbus su 'khor lo phyed kyi ri mo nyi ma'i bgrod pa dag kyang zhes pa
 ste kyang gi sgra las gza' thams cad kyi 'khor lo phyed kyi dbus kyi ri mo bgrod pa ni rang rang gi mnyam pa la mtshan mo gcig yin gyi dus thams cad du ni ma yin no/ /phyi nas g.yas dang g.yas min dag tu rgyu ste zhes pa ni phyi nas mnyam pa'i dus kyi nyin zhag las lhor bgrod pa la lhor
 rgyu'o/ /byang du bgrod pa la byang du rgyu'o/ /g.yas dang g.yas min dag ni srang la sogs pa dang / lug la sogs pa la'o/ /nyin dang mtshan mo rgyu skar dbye bas rim pa yis/ lam rnams mkha' klu zla ba zhes pa ni lam rnams kyi grangs brgya brgyad cu ste 'dor zhing nyin dang mtshan
 mo dag kyang ji srid bgrod pa dag gi mthar zhes pa ni byang du bgrod pa nas lhor bgrod pa'i bar dang lhor bgrod pa nas byang du bgrod pa'i bar du'o/ /nyi ma ri bong can gyi nyin mtshan chu tshod drug cu dag las 'grib dang 'phel ba drug chas so/ /zhes pa ni 'dir drug chas 'grib par
 'gyur zhing 'phel bar 'gyur te chu tshod drug cu'i drug cha chu tshod bcus chu srin nas 'khrig pa'i mthar thug pa'i bar du mtshan mo 'grib cing nyin mo 'phel lo/ /ka rka Ta nas gzhu'i mthar thug pa'i bar du nyin mo 'grib cing mtshan mo 'phel te nges par nyi ma ri bong can ni 'grib dang 'phel
 zhes pa drug chas so/ /'dir kai lA sha'i dum bu la grib mas nges pa ni 'phags pa'i yul du ma yin te/ 'phags pa'i yul du byang du bgrod pa nas/ lhor bgrod pa'i mtha' dang / lhor bgrod pa nas byang du bgrod pa'i mthar grib ma'i nges pa'i dbang gis bcu'i chas
 'grib cing 'phel lo/ /de bzhin du bod dang li dang rgya nag la sogs pa'i yul rnams su dgu cha dang brgyad cha dang bdun cha dag gis sham b+ha la'i yul la thug pa'i bar du grib ma'i dbang gis 'grib cing 'phel bar rig par bya'o/ /da ni steng du nyi ma 'khor ba'i dbang gis dum
 bu bcu gnyis la sa'i 'go la gsungs pa/ gang phyir ri la skye bo rnams kyi nyin mtshan mnyam par 'gyur te lug nyi srang gi nyi ma la'o zhes pa ste/ sa'i dum bu gang du lug gi nyi ma la dpyid phyed kyi nyin mtshan mnyam par 'gyur na srang gi nyi ma la ston phyed du 'gyur ro/ /de'i phyir
 de bzhin du lug gi nyi ma la ston phyed du 'gyur na srang gi nyi ma la dpyid kyi dus phyed kyi nyin mtshan mnyam par 'gyur ro/ /de bzhin du phan tshun ltos pa las gang gi phyir sa'i dum bu dang po la ri zhes pa sa'i dum bu bdun pa la ste/ lhun po'i lho nas byang dang byang nas lhor sa'i dum bu
 bdun pa la nyin mtshan mnyam par 'gyur ro/ /de phyir gnyis brgyad dum bu dag la nges par glang la gnas dang sdig pa la gnas de bzhin no zhes pa ni 'dir ji ltar sngar brjod pa la lhun po'i lho dang byang gi sa'i dum bur lug gi nyi ma dang / srang gi nyi ma la nyin mtshan mnyam par
 'gyur ba de bzhin du cung zad bden bral gyi zur du gnas pa dang dbang ldan gyi zur phyed kyi char gnas pa la yang nges pa/ zhes pa gdon mi za bar nyi ma glang la gnas pa dang / sdig pa la gnas pa la de bzhin du dpyid phyed dang ston phyed nyin mtshan mnyam par 'gyur ro/ /de bzhin du bug
 pa zhes bya dgu pa dang me grangs te gsum pa'i sa'i dum bur bden bral gyi zur gyi phyed gzhan la gnas pa dang dbang ldan gyi zur phyed la gnas pa la nyin mtshan mnyam par 'gyur te/ nyi ma 'khrig pa la gnas pa dang / gzhu la gnas pa la dpyid phyed dang ston phyed du 'gyur ro/ /
 phyogs kyi tshad bcu pa dang bzhi pa dag la ni lhun po'i shar gyi sa'i dum bu dang nub kyi sa'i dum bur nyin mtshan mnyam par 'gyur te nyi ma ka rka Ta la gnas pa dag dang chu srin la gnas pa la dpyid phyed dang ston phyed du 'gyur ro/ /lnga pa la gnas pa dang bcu gcig pa la yang mdun gyi sa'i dum
 bur nyin mtshan mnyam par 'gyur te dpyid phyed dang ston phyed du 'gyur ro/ /seng ge bum par rab tu zhugs par gyur pa na ste nyi ma lnga pa rlung gi zur gyi phyed la gnas pa dang bcu gcig pa me'i zur gyi phyed la gnas pa la nyin mtshan mnyam par 'gyur te dpyid phyed dang ston phyed du 'gyur ro/ /
 bcu gnyis ro yi sar ni zhes pa bcu gnyis pa me'i zur gyi phyed gzhan la gnas pa dang ro rlung gi zur gyi phyed gzhan la gnas pa la stes zhes pa lung gi tshig go/ /nyi ma nya la gnas pa dang bu mo la gnas pa la nyin mtshan mnyam pa gnyis su 'gyur te dpyid phyed dang ston phyed gyur ro/ /
 de ltar sa bcu gnyis su khyim bcu gnyis kyi dbang gis nyi ma 'char ba dang nub pa'i rnam par dbye bas zla ba bcu gnyis dang dus drug tu 'gyur ro/ /da ni nyi ma'i khyim 'khor ba'i dbang gis sa dum bu bcu gnyis su byang du bgrod pa bcu gnyis dang lhor bgrod pa bcu gnyis gsungs pa
 'dir ni g.yon bgrod du 'gyur zhes pa ste/ 'dir ni zhes pa lhun po'i lho'i sa'i dum bur ro/ /ci'i phyir zhe na lho 'dzam bu'i gling chung ngur de bzhin gshegs pas chos bstan pa'i dbang gis so/ /de'i phyir lho'i sa'i dum bur g.yon bgrod ces pa byang du bgrod pa ste nyi ma chu srin
 du gnas pa la'o/ /de bzhin du bum par nyi mas sa'i dum bu gnyis pa la'o/ /nya la dum bu gsum par ro/ /mi rnams kyi ni bgrod pa dag kyang lug gi nyi mas bzhi par te nub kyi sa'i dum bu ni bzhi pa'o/ /'byung ba zhes bya lnga par nyi ma glang la gnas par 'gyur pas so/ /'khrig par
 nyi ma gnas pas sa drug pa la byang du bgrod par 'gyur ro/ /bdun pa lhun po'i byang du yang nyi ma ka rka Ta la gnas pas byang du bgrod par 'gyur ro/ /seng ge la gnas pas sa'i dum bu brgyad par 'gyur ro/ /bu mo la nyi ma gnas pas bug pa ste sa'i dum bu dgu par ro/ /srang gi
 nyi mas sa'i dum bu bcu par 'gyur ro/ /sdig par nyi ma yis drag po'i dum bu bcu gcig pa la'o/ /gzhu la gnas pas dum bu bcu gnyis par 'gyur te mi rnams bgrod pa dag kyang zhes pa srid pa ste khyim bcu gnyis kyi dbye bas rtsibs bcu gnyis kyis gnas pa'i 'jig rten rnams
 kyi byang du bgrod pa'o/ /de bzhin lhor bgrod du 'gyur/ de ltar brjod pa'i rim pas lhor bgrod pa ste nyi ma'i bgrod pa'i dbang gis ka rka Ta sogs khyim rnams dag la 'gyur ro/ /lhun po'i lho 'dzam bu'i gling chung ngu'i sa'i dum bu 'dir ka rka Tar nyi ma gnas pas lhor bgrod par 'gyur ro/ /
 de bzhin du g.yas skor gyis te gnyis par seng ge'i nyi mas so/ /gsum par bu mo'i nyi mas so/ /bzhi par srang gi nyi mas te lhun po'i nub tu lhor bgrod par 'gyur ro/ /lnga pa la sdig pa'i nyi mas so/ /drug pa la gzhu'i nyi mas so/ /bdun pa la chu srin gyi nyi mas te lhun po'i byang du'o/ /
 brgyad pa la bum pa'i nyi mas so/ /dgu pa la nya'i nyi mas so/ /bcu pa la lug gi nyi mas so/ /bcu gcig pa la glang gi nyi mas so/ /sa'i dum bu bcu gnyis pa la 'khrig pa'i nyi mas te/ khyim bcu gnyis kyis dbye bas 'jig rten rnams kyi lhor bgrod par 'gyur ro/ /da ni sa'i
 dkyil 'khor la nyi ma steng du 'gro ba'i tshad gsungs pa steng du drug dang klu'i grangs zhes pa ste/ 'dir bdun pa sa'i dkyil 'khor las steng du dpag tshad stong phrag brgyad cu rtsa drug gi grangs ni nyi ma'i gdung byed dag kyang byang du bgrod pa dag gi mthar te lhor bgrod pa'i dang po la'o/ /rang
 rang gi dum bur ka rka Ta la sogs pa rang rang gi lhor bgrod pa'i 'pho ba'i nyin zhag la 'gyur te dum bu bcu gnyis po rnams la rim pa bzhin no/ /de nas g.yas phyogs su yang zad par 'gyur te mi yi bdag po stong phrag dag ni drag po'i grangs zhes pa ni/ lhor bgrod pa'i 'pho ba'i
 nyin zhag de nas g.yas su bgrod pa la byang du bgrod pa'i bar du stong phrag bcu gcig zad par 'gyur te/ nyi ma'i gdung bar byed pa ni steng du stong phrag bdun cu rtsa lngar rig par bya'o/ /stong phrag brgyad cu rtsa gcig mda' ni ste lnga brgya dang bral bar gyur pa dbus nas 'go
 la'i ri mor gyur te dpag tshad kyi tshad do/ /'go la'i ri mo de las gang zhig nyi ma'i 'phel dang 'grib par gyur pa de ni mkha' mkha' mda' dang mda' zhes pa dpag tshad lnga brgya lnga pa'i stong phrag lnga ste ri mo las byang dang lhor nyi ma'i gdung bar byed pa steng du rang rang gi dum
 bur rang rang gi khyim du longs spyod pa'i dbang gis rig par bya'o/ /da ni dum bu bcu gnyis la lho dang byang du nyin zhag so sor nyi ma thad kar 'gro ba gsungs pa lan tshwa'i rgya mtsho'i 'gongs nas nyin mor byed pa dag ni lho ru me'i bar du 'gro bar byed ces pa ste/ 'dir rtsibs bcu gnyis kyis la
 dum bu so so re rer khyim gyi dbang gis lan tshwa'i rgya mtsho 'gongs can lhor bgrod pa la gnas pa'i nyi ma me'i dkyil 'khor gyi dang po'i bar rgya mtsho'i mtha'i mtshams su gro bar byed do/ /me'i dkyil 'khor gyi mtshams de nas kai lA sha'i byang du 'gro ste gangs kyi ri la byang gi lam du yang
 byang bgrod la gnas pa'i nyi ma lho bgrod kyi dang po'i nyin zhag gi bar du'o/ /mda' rnams tshes kyis bsgyur ba zhes pa la mda' rnams zhes pa lnga'o/ /tshes zhes pa bco lnga ste bco lnga po de dag gis bsgyur ba ni mda' rnams tshes kyis bsgyur ba zhes pa ste bdun cu rtsa lngar 'gyur ro/ /dpag
 tshad kyi grangs stong phrag bdun cu rtsa lnga po de phyogs kyi bgrod pa dag la nyin mor byed pas 'gro bar byed de gangs can nas me'i bar dang / me nas gangs can gyi bar stong phrag bdun cu rtsa lnga ni lho bgrod la sogs pa'i phyogs kyi cha'o/ /phyogs kyi cha de zla ba drug gis rim pa
 bzhin byang du bgrod pa dang lhor bgrod pa dag la bgrod do/ /phyed bcas mig klu zlas thob nyin dang nyin la 'dor ba zhes pa ni phyed dang bcas pa'i brgya brgyad cu rtsa gnyis kyi cha thob pa ni stong phrag bdun cu rtsa lnga las nyin zhag so sor dpag tshad rnams kyi phyogs kyi cha nyi mas 'dor ro/ /de ltar bgrod
 pa gnyis ka'i longs spyod kyis nyi ma'i khyim gyi 'khor lo'i dkyil 'khor gyi nyin zhag gi grangs ni drug cu rtsa lnga lhag pa'i sum brgyar 'gyur ro/ /de ltar dum bu bcu gnyis su nyi ma thad kar bgrod par rig par bya'o/ /da ni dum bu bcu gnyis su 'khor ba'i dbang gis nyi ma khyim
 so so la gnas pa'i zla ba bcu gnyis kyi dbye ba gsungs pa/ khyim gcig la ni nyi ma gnas pas mtha' dag dus kyi tshogs dang zla ba dang ni phyogs rnams byed ces pa ste/ /'dir lug la sogs pa'i khyim gang yang rung ba gcig la nyi ma gnas pas dum bu bcu gnyis su dus drug
 dang zla ba bcu gnyis dang phyogs nyi shu rtsa bzhi byed de khyim gyi 'khor lo 'khor ba'i dbang gis so/ /'dir lhun po'i phyogs kyi cha thams cad du khyim gyi 'khor lo 'khor ba'i dbang gis me la reg pa gang yin pa de ni bdun pa'i phyogs thob pa na lhun po'i rwa la reg cing gangs kyi ri'i steng du
 'gro'o zhes pa'i rigs pas nyi ma khyim so sor gnas pa'i dus kyi tshogs la sogs pa mtha' dag ste thams cad rig par bya'o/ /dum bu dum bu dag tu zla bar 'gyur te sa gzhi bcu gnyis rtsibs rnams la ni rim pas so zhes pa ni/ 'dir sa gzhi rtsibs bcu gnyis po la dum
 bu so so dag tu zla ba so sor 'gyur ro/ /nyi ma khyim gcig la gnas pa'i rnam pa gang gis yin pa de ltar brjod par bya ste 'dir khyim gcig nges par bstan pas khyim thams cad rig par bya'o/ /lhun po'i lho 'dzam bu'i gling chung ngu 'dir lug la sogs pa'i khyim rnams dang
 dpyid la sogs pa'i dus rnams dang / nag pa la sogs pa'i zla ba rnams dang / de bzhin du phyogs rnams thams cad rab tu grags so/ /de'i phyir lug gi khyim de la nyi ma gnas pas dum bu bcu gnyis su dus kyi tshogs la sogs pa thams cad byed pa ji lta ba bde bzhin du brjod par
 bya ste/ lhun po'i lho'i dum bu 'dir lug la nyi ma gnas pas dpyid kyi dus su sa ga'i zla ba byed do/ /me'i zur gyi phyed dum bu gnyis pa la snron gyi zla ba byed do/ /de bzhin du me'i zur gyi phyed gzhan gyi dum bu gsum pa la chu stod kyi zla ba byed do/ /de bzhin du bzhi pa la lhun po'i
 shar gyi dum bu la shar lus 'phags por gro bzhin gyi zla ba byed do/ /lnga pa dbang ldan gyi phyed kyi dum bur khrums kyi zla ba byed do/ /dbang ldan gyi zur gyi phyed gzhan la dum bu drug par tha skar gyi zla ba byed do/ /lhun po'i byang dum bu bdun par smin drug gi zla ba byed do/ /rlung gi zur gyi
 phyed la dum bu brgyad par mgo'i zla ba byed do/ /rlung gi zur gyi phyed gzhan la dum bu dgu par rgyal gyi zla ba byed do/ /lhun po'i nub tu dum bu bcu par mchu'i zla ba byed do/ /bden bral gyi zur gyi phyed kyi dum bu la da bo'i zla ba byed do/ /bden bral gyi zur gyi phyed gzhan gyi dum bu la
 nag pa'i zla ba byed do/ /de bzhin du zla ba gnyis kyis dum bu gnyis su dus su 'gyur ro/ /dum bu so sor dkar po dang nag po'i phyogs kyi dbye bas phyogs gnyis su 'gyur te de ltar na dus drug dang / zla ba bcu gnyis dang phyogs nyi shu rtsa bzhi po rnams dum bu bcu gnyis la
 'khor lo'i rnam pas 'khor bar shes par bya'o/ /lho'i dum bu 'dir khyim bcu gnyis kyi dbang gis 'pho ba la zla ba gang zhig gyur pa de ni 'pho ba gzhan la g.yas skor gyis bden bral gyi zur du 'gro'o/ /bden bral gyi zur phyed na gnas pa ni zur phyed gzhan du 'gro'o/ /zur phyed
 gzhan na gnas pa ni lhun po'i nub pa lang spyod du 'gro'o/ /nub pa lang spyod na gnas pa ni rlung gi zur phyed du 'gro'o/ /rlung gi zur phyed na gnas pa ni zur phyed gzhan du 'gro'o/ /zur phyed gzhan na gnas pa ni byang sgra mi snyan du 'gro'o/ /byang sgra mi snyan na gnas pa ni dbang ldan gyi zur phyed
 du 'gro'o/ /de nas gnas pa ni zur phyed gzhan du 'gro'o/ /zur phyed gzhan na gnas pa ni shar lus 'phags por 'gro'o/ /shar lus 'phags po na gnas pa ni me'i zur gyi phyed kyi dum bur 'gro'o/ /phyed snga ma na gnas pa ni zur phyed gzhan du 'gro'o/ /zur phyed
 gzhan na gnas pa ni lho 'dzam bu'i gling du 'gro ste de ltar zla ba bcu gnyis po rnams 'pho ba so so'i dbang gis dum bu bcu gnyis po rnams su yang dag par rgyu bar shes par bya'o/ /tshad gang dum bu gang du nyin mo'i dbang gang yin pa de ni bdun pa dag tu mtshan mo la 'gyur ro/ /
 'dir byang du bgrod pa'i 'pho ba la lho'i dum bur nyin mo'i tshad nyams pa dang mtshan mo'i tshad 'phel ba de nyid byang sgra mi snyan du ste sa'i dum bu bdun par nyi ma 'char ba'i dbang dang lhor mtshan mo 'phel ba'i dbang gis so/ /de'i tshad kyang gzhan du ma yin te lho 'dzam bu gling du
 'char ba'i dbang gis dang bdun par mtshan mo nyams pa'i dbang gis de nas lho la 'gyur ro/ /de ltar thams cad dum bu so so la rig par bya'o/ /lam phyed 'bum phrag gsum po dag la nyi ma'i mdun du nyin mo dang ni rgyab tu mtshan mo'o/ /zhes pa ni 'dir zlum po'i tshad 'bum phrag drug
 ste nyi ma'i bgrod pa'i dbang gis lam phyed la 'bum phrag gsum ni nyin mo zhes pa shar ba nas nub pa'i bar ro/ /nub pa nas 'char ba'i bar ni mtshan mo ste 'bum phrag gsum mo/ /de ltar nyin mtshan la rig par bya'o/ /da ni dum bu bcu gnyis la gnas pa rnams kyis lhun po'i gnas
 pa gsungs pa/ /ri'i rgyal po dag ni skye bo thams cad kyi yang byang na gnas par 'gyur ro mi yi bdag ces pa ste 'dir ri'i rgyal po lhun po'i dum bu bcu gnyis la gnas pa'i skye bo rnams kyi byang du 'gyur ro/ /nyi ma 'char ba shar du 'gyur te zhes pa ni lhun po'i dum bu thams cad la
 gnas pa kun gyi gang nas nyi ma 'char ba de ni shar gyi phyogs su 'gyur te lho 'dzam bu'i gling la gnas pa rnams kyi shar lus 'phags po shar gyi phyogs so/ /nub ba lang spyod pa rnams kyi lho 'dzam bu'i gling shar gyi phyogs so/ /byang sgra mi snyan na gnas pa rnams kyi nub pa lang spyod
 shar gyi phyogs so/ /shar lus 'phags po na gnas pa rnams kyi byang sgra mi snyan shar gyi phyogs te nyi ma 'khor zhing 'char ba'i dbang gis so/ /de bzhin du zur na gnas pa brgyad po rnams la'ang shes par bya ste/ dum bu so sor dbyug gu lnga lnga'i bar gyis nyi ma 'char bar 'gyur ro/ /ri dang
 mnyam pa bgrod pa dag dang zhes pa ni dum bu so sor ri dang mnyam pa lhun po la mngon du phyogs par nyi ma bgrod pa ni byang dang lho dag go/ /de ni nub pa nub/ de bzhin du dum bu bcu gnyis su ji ltar 'char ba shar yin pa de bzhin du de nub pa ni nub tu rig par bya'o/ /dus ni gsum ste snga dro dang nyin
 gang dang phyi 'bred do/ /thun mtshams ni bzhi ste mtshan phyed kyi thun mtshams dang / snga dro'i thun mtshams dang / nyin gung gi thun mtshams dang / phyi 'bred kyi thun mtshams so/ /thun tshod ni brgyad de nyin mo la bzhi dang mtshan mo la bzhi'o/ /nyin mo dang mtshan mo dus kun tu ni yang dag
 rgyu ba rnams/ de ltar dus la sogs pa rnams nyin mtshan dus thams cad du yang dag par rgyu ba ni dum bu nas dum bur lhun po'i phyogs rnams su 'khor ro/ /rab gsal nyi ma'i sa la zhes pa ni rtsibs bcu gnyis pa'i sa la'o/ /dus sbyor dbye bas phye bar gyur pa zhes pa la dus sbyor ni bcu
 gnyis te de dag gi dbye bas phye bar gyur pa'i dus la sogs pa rnams 'khor te dus ni dus sbyor bzhi bzhis 'khor ro/ /thun mtshams so so ni dus sbyor gsum gyis 'khor ro/ /thun tshod so so ni dus sbyor phyed dang gnyis kyis 'khor ro/ /de bzhin du dus sbyor so so ni dbyug gu lngas 'khor
 ro/ /thun tshod phyed ni thun tshod phyed kyis 'khor ro/ /yud tsam ni thun tshod phyed kyi phyed kyis 'khor ro/ /chu tshod ni chu srang drug cus 'khor ro/ /chu srang so so ni dbugs drug gis 'khor te/ de ltar na nyin mtshan du lus can rnams kyi dbugs kyi dbye ba dang dus sbyor gyi dbye bas dus
 rnams 'khor zhing bgrod do/ /da ni lhun po'i phyogs thams cad du nyi ma 'khor ba'i tshad gsungs pa chu tshod dus la dpag tshad stong phrag drug ni rkang pa dang bcas nyin mor byed pa 'gro ba ste zhes pa ste/ chu tshod dus la zhes pa ni dbugs sum brgya drug cu'i grangs kyi dus la'o/ /drug ni
 rkang pa dang bcas zhes pa ni dpag tshad nyis brgya lnga bcu lhag pa'i stong phrag drug ste khyim la gnas pa'i nyin mor byed pa 'di nam mkha' la 'gro ba'o/ /de'i phyir 'khor ba'i shugs 'di ni khyim gyi yin gyi gzhi la gnas pa'i nyi ma yi ni ma yin no/ /'dir khyim gyi 'khor lo ni
 g.yas skor gyis 'khor te gza' rnams ni khyim dag la g.yas min gyis rgyu'o/ ji ltar khyim gyi 'khor lo 'khor ba de bzhin du sgra gcan yang nub tu mngon par phyogs nas ri rab la g.yas skor byed cing yang dag par rgyu'o/ /shar du phyogs pa'i gza' rnams ni lhun po la g.yas min
 du skor ba byed cing khyim gyi 'khor lo la yang dag par bgrod par byed do/ /de ltar na don dam pa'i rigs pas sgra gcan ni bsod nams dang ldan pa yin zhing nyi ma la sogs pa rnams ni gdug pa ste sdig pa'i gzar ba brjod do/ /drug cu la ni me 'bum dag dang zhes pa ni chu tshod drug cu'i dus kyi
 yun la ste dbugs drug brgya lhag pa'i stong phrag nyi shu rtsa gcig gi grangs kyi dus la'o/ /me 'bum ste 'bum phrag gsum dang lnga dang ri bo'i stong phrag ces pa ni stong phrag bdun cu rtsa lnga'i dpag tshad kyi grangs 'khor te/ nyin dang mtshan mo dag tu zhes pa ni nyin mtshan du'o/ /nyin
 dang mtshan mor 'go la phyed la mkha' me chu tshod bgrod de/ /zhes pa ni 'dir nyin mtshan mnyam pa'i 'pho ba'i nyin zhag la lngar brjod pa'i 'go la'i ri mo las mkha' me ste/ sum cu'i chu tshod nyi mas nyin mo bgrod cing sum cu'i chu tshod mtshan mo bgrod de/ /nyin mtshan mnyam mo zhes
 pa'i don to/ /'go la dag la g.yas dang ni g.yas min dag tu 'grib dang 'phel ba lnga ste zhes pa ni 'go la'i phyed de las g.yas dang g.yas min dag tu ste g.yas su zla ba gsum gyis mtshan mo chu tshod lnga 'phel lo/ /g.yas min du zla ba gsum gyis nyin mo chu tshod lnga 'phel
 lo/ /'dir mtshan mo 'phel bas nyin mo 'grib pa dang nyin mo 'phel bas mtshan mo 'grib par shes par bya'o/ /nyin zhag so sor de ni dbugs zung chu srang gsum zhes pa ni 'dir g.yas dang g.yas min dag tu zla ba gsum po rnams kyi nyin zhag so so la nyin mo dang mtshan mo 'phel
 ba'am 'grim pa ni dbugs gnyis dang chu srang gsum mo/ /tshad 'di ni kai lA sha'i dum bu la yin gyi 'phags pa'i yul la sogs pa la ma yin no/ /'phags pa'i yul du yang nyin mtshan so so la chu srang gnyis 'phel ba'am 'grib par shes par bya ste zla ba gsum
 gyis nyin mtshan mnyam pa'i dbus nyin mtshan gyi tshad sum cur mtshungs pa las bgrod pa'i dbang gis chu tshod gsum 'phel ba'am 'grib par rig par bya'o/ /da ni kai lA sha'i dum bu'i dbye bas dus sbyor bcu gnyis 'char ba'i dus gsungs pa/ lug gi dus sbyor la ni chu srang du
 'gyur zhes pa ste/ 'dir lug gi dus sbyor la dang po shar ba nas dus sbyor phyi ma 'char ba'i bar gyi dus la chu srang gi tshogs mkha' dgu lag ste zhes pa dgu bcu lhag pa'i nyis brgyar 'gyur ro/ /'di las drug cu'i chas chu tshod bzhi dang chu srang lnga bcu ni lug gi dus sbyor 'char ba'i
 dus so zhes pa ni kai lA sha'i yul du nges pa'o/ /mkha' dus mig gi glang la 'gyur zhes pa ni de bzhin du glang gi dus sbyor 'char ba'i dus la chu srang gi tshogs nyis brgya drug cu ste chu tshod bzhi dang chu srang nyi shu 'char ba'i dus su/ /zung dag la yang mkha' gnyis te zhes pa ni zung ste
 'khrig pa 'char ba'i dus chu srang gi tshogs nyis brgya ste chu tshod gsum dang chu srang nyi shu'o/ /mda' ro'i chu tshod du 'gyur zhes pa ni mda' ste chu tshod lnga ni ku lI ra ste ka rka Ta 'i dus sbyor 'char ba'i dus so/ /de nas ro zhes pa chu tshod drug ni seng ge'i dus sbyor 'char ba'i dus so/ /bu mo la ni
 phyed bcas drug ste zhes pa ni bu mo'i dus sbyor 'char ba'i dus chu tshod drug dang chu srang sum cu ste phyed bcas drug tu 'gyur ro/ /srang sogs rim pa min pas de bzhin thams cad 'gyur zhes pa ni dus sbyor drug gi dus kyi mtshams 'di nas srang la sogs pa'i dus sbyor phyi ma drug la rim pa min
 pas de bzhin te cho ga 'dis thams cad do ma lus pa 'gyur ro/ /zhes pa ni nges pa'o/ /'dir dus sbyor 'char ba'i dus ni srang la chu tshod drug dang chu srang sum cu'o/ /sdig pa la drug go/ /gzhu la lnga'o/ /chu srin la chu tshod gsum dang chu srang nyi shu'o/ /bum pa la chu tshod bzhi
 dang chu srang nyi shu'o/ /nya la chu tshod bzhi dang chu srang lnga bcu'o zhes pa ni kai lA sha'i yul du nges pa'o/ /dus sbyor drug gis de nub gang phyir 'char ba dag kyang de bzhin zhes pa ni gang gi phyir 'char ba yang dus sbyor drug gis yin pa de'i phyir de ni nub par 'gyur ro/ /
 nyi ma'i rgyu skar dbye bas so zhes pa ni phyed dang bcas pa'i rgyu skar bcu gsum gyi mthar nub pa ste de bzhin du de 'char ba ni phyed dang bcas pa'i rgyu skar bcu gsum gyi mthar ro/ /nyin mtshan gyi dbye bas dus sbyor drug dang skar ma phyed dang bcas pa'i bcu gsum gyis nyin mo'i dus su 'gyur
 ro/ /dus sbyor drug dang skar ma phyed dang bcas pa'i bcu gsum gyis mtshan mo'i dus su 'gyur ro/ /dus sbyor 'char ba'i dus kyi dbang gis nyin mo dang mtshan mo dman pa dang lhag par 'gyur te nyi ma yang dag par rgyu ba'i dbang gis so/ /da ni lus la dbu ma'i lo brgya'i nyin zhag
 dang dbugs la sogs pa gsungs pa stong phrag nyi shu rtsa gcig ces pa la sogs pa ste/ stong phrag nyi shu rtsa gcig ni stong phrag gcig lhag pa'i khri phrag gnyis so/ /ro brgya ldan pa dag ces pa ni drug brgya dang ldan pa'o/ /so yi cha yis nges par phyung gyur pa zhes pa ni phung po
 de las sum cu rtsa gnyis kyi cha dag gis nges par phyung ba'o/ /lus la ni lus la ste dbugs lhag gang dag nyin zhag so so'i dus dus sbyor gyi 'pho ba bcu gnyis kyi dus su 'byung ba ri dang dus rnams dag gi grangs bdun cu rtsa lnga lhag pa'i drug brgya'i grangs so/ /stong phrag sum cu rtsa drug
 dag gis bsgyur ba rnams kyang lo brgya'i tshad du rab tu grags pa ste/ dbugs de dag lo brgya'i nyin zhag stong phrag sum cu rtsa drug gis bsgyur ba de dag ni lo brgya'i dbugs kyi tshad du 'gyur ro/ /'dir nyin zhag so so la rtsa gsum gyi dbugs brgya phrag bcu drug lhag pa'i
 khri phrag gnyis kyi grangs la lo brgya'i nyin zhag gis bsgyur ba ni 'bum phrag bdun cu rtsa drug lhag pa'i bye ba phrag bdun cu rtsa bdun du 'gyur ro/ /de dag las sum cu rtsa gnyis kyi chas thob pa 'bum phrag bzhi bcu rtsa gsum lhag pa'i bye ba phrag gnyis kyi grangs ni dbu ma a ba d+hU
 tI'i dbugs su 'gyur ro/ /lhag ma 'bum phrag sum cu rtsa gsum lhag pa'i bye ba phrag bdun cu rtsa lnga ni la la nA dang ra sa nA dag gi dkyil 'khor lnga las 'bab ste cha mnyam par gyur pa las g.yon dang g.yas nas phyed la la nA nas 'bab cing phyed ra sa nA nas 'bab ste lo brgya'i
 mtshams kyi'o/ /stong dus me yis rab tu phye ba dag ni chu tshod du 'gyur zhes pa ni dbugs kyi phung po de las sum brgya drug cus rab tu phye ba'i rnyed pa ni chu tshod kyi phung por 'gyur ro/ /drug cu'i cha yis nyin zhag kyang zhes pa ni chu tshod kyi phung po de las drug cu'i chas thob pa ni nyin
 zhag gi tshogs su 'gyur te/ stong phrag sum cu rtsa drug las dbu ma'i nyi shu rtsa lnga lhag pa'i brgya phrag bcu gcig gi grangs so/ /lhag ma'i nyin zhag gi tshogs brgya phrag bzhi bcu rtsa brgyad dang bdun cu rtsa lnga lhag pa'i khri phrag gsum ni la la nA dang ra sa nA dag gi lo brgya'i
 mtshams kyi yin par rig par bya'o/ /da ni gza' brgyad kyi lo brgya'i tshad 'khor lo phyed dang bcas pa la longs spyod pa'i phyir gcig tu bsdus pa nyid kyis dus kyi 'khor lo dang bral ba gsungs pa zla ba'i phyogs zhes pa la sogs pa ste/ zla ba'i phyogs te zhes pa ni zla ba'i
 phyogs gcig dbyug gu sum cu'i bdag nyid kyi mtshan mor 'gyur te khyim gyi 'khor lo phyed la nye bar longs spyod pa'i phyir ro/ /nyi ma'i bgrod pa zhes pa ni nyi ma'i bgrod pa nyid nyin mtshan phyed du 'gyur te 'khor lo phyed la nye bar longs spyod pa'i phyir ro/ /sa skyes zla ba dgu
 rnams dag gi mtshan mo'i zhes pa ni byed pa brjod par 'dod pas so/ /de bzhin du bla ma'i lo drug tu 'gyur ro/ /nyi ma'i ji lta ba de bzhin du pa sangs kyi yang bgrod pa ste zla skyes gza' lag gi yang bgrod pa'o/ /tshes zhes bya ba'i lo ni ste lo bcwa lnga ni spen pa'i'o/ /mun
 can sgra gcan gyi ni lo dgu nyin mtshan phyed du 'gyur te rgyu skar phyed kyi 'khor lo nye bar longs spyod pa'i phyir ro/ /de dag thams cad gcig tu bsdus pa ni nor gyis bsgyur ba'i dus kyi lo zhes pa/ lo sum cu rtsa gnyis dang phyed bcas zla ba gsum du 'gyur te sems can
 rnams kyi snying stobs kyi yon tan gyi dbye bas so/ /phyed dang bcas pa'i nyin zhag grangs dag las phyed dang bcas pa'i rgyu skar gyi 'khor lo la nye bar longs spyod pa'i phyir snying stobs dang rdul dang mun pa'i dbye bas lo brgyar 'gyur te/ dus kyi 'khor lo dman no zhes pa ni lo
 gsum dang phyogs gsum gyis dman pa ste gza' brgyad po rnams kyi gcig tu bsdus pa las phyed dang bcas pa'i zla ba bcu lhag pa'i lo dgu bcu rtsa drug gi tshogs su 'gyur ro/ /'dir srog gi snying stobs la 'bab ces pa ni phyed dang bcas pa'i zla ba gsum lhag pa'i lo sum cu
 rtsa gnyis kyi bar du sems can rnams kyi srog ni stobs la ste snying stobs kyi yon tan gyi 'bab bo/ /de'i 'og tu rdul gyi bar du tshad de nyid kyis so/ /de'i 'og tu mun pa la yang rim pa de nyid kyis so/ /lha mi lag 'gro rnams kyi rang rang gi lo brgya'i tshad las snying stobs dang
 rdul dang mun pa rnams kyi mtha'i mtshams de nas lnga pa nyid du 'gyur ro/ /zla ba phyed bcas mtshan mo dag gis zhes pa ni dus kyi 'khor lo'i phyogs gsum gyis te kyang zhes pa sngar gyi lo gsum gyis so/ /'dir 'khor ba pa rnams lnga pa nyid 'chi bar 'gyur te/ skyes bu tshe lo brgya
 pa dbang po brgya pa zhes pa'i tshig 'jig rten pa'i tha snyad las so/ /don dam pa'i rigs pas ni nges pa med de sems can rnams kyi rang rang gi las kyi dbang gis skye ba dang 'gag par sangs rgyas pa rnams kyis rtogs par bya'o/ /skyes bu tshe lo brgya pa dbang po brgya pa zhes pa ni dgongs
 pa'i skad de skyes bu ni phyi rol du dus bzhi'i bdag nyid kyi lo khri phrag gnyis lhag pa'i 'bum phrag bzhi bcu rtsa gsum gyi dbugs kyi mtshan nyid do/ /nang du ni dbugs kyi tshad de nyid kyis dus bzhi'i bdag nyid de gang gi dus su gza' thams cad kyi rgyu ba stong pa la 'jug par
 'gyur ba'o zhes pa ni don dam pa'i rigs pa'o/ /sems can rnams kyi dge ba dang mi dge ba'i dbang gis kyang tshe dman pa dang / lhag par 'gyur zhing tshe lo brgya pa zhes bya ba'i nges pa med de/ de bzhin gshegs pa'i gsung gi phyir ro/ /grangs ni shin tu nges pa 'di dag
 rgyud kyi rgyal po dus kyi 'khor lor rab tu grags pa yin no/ /mi yi dbang zhes pa ni phyag na rdo rje zla ba bzang po la bod pa'o/ /da ni dbu ma a ba d+hU tI drug cu'i cha'i chu tshod rnams gza' lnga rgyu skar la 'char ba'i rkang pa'i chu tshod kyi tshogs su gsungs pa ma bcad ces pa la sogs pa ste/ ma
 bcad dus kyi 'khor lo ni lo gsum dang phyogs gsum gyi nyin zhag ma bcad pa ste/ nyi shu rtsa lnga lhag pa'i brgya phrag bcu gcig gi bgrod pa dag la/ bu lon dgu ni mngal gyi zla ba dgu'i bu lon chu tshod dgu ni bsres par gyur pa mtha' dag rnams te chu tshod kyi tshogs sum cu rtsa bzhi
 lhag pa'i brgya phrag bcu gcig gi grangs rnams ni bkra shis la sogs gza' ni lnga po rnams kyi myur ba'i las te/ skar ma'i las dag la yang rkang pa'i chu tshod du 'gyur ro/ /sa skyes la ni rig byed dus me zhes pa de dag las bkra shis la chu tshod kyi tshogs drug cu rtsa bzhi lhag pa'i
 sum brgya'i grangs su 'gyur ro/ /srid pa'i gnas rnams dag la zhes pa ni rkang pa'i gnas bcu bzhi la ste skar ma phyed dang bcas pa'i bcu gsum longs spyod pa'i phyir ro/ /rgyu ba'i dbye ba yis zhes pa ni nyi shu rtsa bzhi la sogs pa'i dbye bas so/ /snga phyi phyed la mtshungs par phyed
 snga ma la rgyu skar gyi rkang pa'i dbang gis brgya brgyad cu rtsa gnyis dang phyed phyi ma la brgya brgyad cu rtsa gnyis te rgyu skar rnams kyi phyed phyed yin pa'i phyir ro/ /bu lon nor gyi bgrod pa dag la zhes pa ni rim pa min pas bu lon gyi bgrod pa dang / rim pas nor gyi bgrod pa rnams la
 gnas kyi dbye ba nges par sbyar te/ nyi ma'i dkyil 'khor la shar ba'i skar ma ni gnas dang po'o/ /gnas kyi dbye ba de las gzhan dang gnas bcu bzhi ste/ gnas kyi dbye ba de dag gis chu tshod de dag nges par sbyar ro/ /dang por rgyal dbang grangs te/ rgyu skar
 dang po spyad pa'i gnas la nyi shu rtsa bzhi'o/ /me dang mig ni rnam gsum dag tu rab tu 'gyur/ dang po'i gnas nas gnyis pa dang / gsum pa dang / bzhi pa la nyi shu rtsa gsum du 'gyur te/ rnam gsum zhes so/ /gnas gnyis dag la gcig dang mig ste/
 gnas bzhi pa de nas lnga pa dang drug pa'i gnas la nyi shu rtsa gcig ste/ gnas gnyis zhes so/ /bcwa brgyad tshes dang drag po gnas drug pa de nas bdun pa dang / brgyad pa dang / dgu pa'i gnas rnams la grangs bzhin du bcwa brgyad dang / tshes
 zhes pa bcwa lnga dang drag po zhes pa bcu gcig go/ /me dang rtsa bar drag po dang / gnas dgu pa de nas gnas bcu pa la me zhes pa rkang pa gsum mo/ /de nas rtsa bar phyed phyi ma ste/ phyed phyi ma gnas bcu gcig par drag po ste bcu gcig go/ /sum cu rtsa brgyad brgyad
 cu dag dang / bcu gnyis pa la sum cu rtsa brgyad do/ /bcu gsum pa la brgyad cu'o/ /brtan pa srid pa'i gnas zhes pa gnas bcu bzhi pa la 'dir ni gsum bcas lnga bcu'o zhes pa la gsum dang bcas pa'i lnga bcu ni gsum bcas lnga bcu ste/ lnga bcu rtsa gsum ni gnas
 bcu bzhi pa 'di la nges pa'o/ /rgyu skar gyi 'khor lo phyed po de yis nyi ma rnam dag gyur pa'i rjes la rim pa min pas bu lon du 'gyur ro/ /rim pas nor du 'gyur ro/ /mig dmar la sogs pa'i skar ma'i longs spyod la bu lon dor bar bya zhing nor sbyin par bya'o/ /rig byed
 dag dang bug pa zla ba'i grangs ni gza' lag myur ba'i las la chu tshod dag tu 'gyur zhes pa ni/ 'dir gza' lag gi chu tshod kyi tshogs brgya dgu bcu rtsa bzhi'o/ /bkra shis kyi rang gi chu tshod kyi tshogs rnams gnas bcu bzhi la/ ji lta ba de bzhin du gza' lag gi
 yang rtogs par bya ste/ myur ba'i las zhes pa rgyu skar gyi las la'o/ /gnas gnyis la ni bcu drug ces pa ni gnas dang po la bcu drug ste/ gnas gnyis pa la yang bcu drug go/ /gzhan la tshes dang ma nu myos byed ces pa ni gsum pa la bcwa lnga'o/ /bzhi pa
 la bcu bzhi'o/ /lnga pa la bcu gsum mo/ /drag po ri dang dbang po mkha'/ /drug pa la bcu gcig go/ /bdun pa la bdun no/ /brgyad pa la lnga'o/ /dgu pa la stong pa'o/ /rtsa ba dag las rig byed drag po dang ni zhes pa ni/ gnas dgu pa de nas
 rtsa bar phyed phyi ma ste/ gnas bcu pa la bzhi'o/ /bcu gcig pa la bcu gcig go/ /bcu gnyis pa la nyi shu'o/ /bcu gsum pa la nyi shu rtsa brgyad do/ /bcu bzhi pa la yang sum cu rtsa bzhi gzhag par bya ste/ de ltar na go rims ji lta ba bzhin du gza'
 lag gi chu tshod rnams rgyu ba'i dbye bas yang dag par gnas par rig par bya'o/ /chu gter nam mkha' dag dang / zla ba'i grangs brgya rtsa bzhi ni bla ma'i chu tshod kyi tshogs te/ rgyu ba'i dbye bas rnam par phye ba dag gnas bcu bzhi la 'gyur ba ni chu tshod kyi tshogs
 de las gnas gnyis dag la phyogs kyi tshad dang / gnas dang po la bcu ste/ gnyis pa la yang bcu'o/ /dgu nor dus zhes pa ni gsum pa la dgu'o/ /bzhi pa la brgyad do/ /lnga pa la drug go/ /drug lag pa zla ba dag dang zhes pa ni/ drug pa la drug go/ /
 bdun pa la gnyis so/ /brgyad pa la gcig go/ /rtsa bar ni phyed phyi ma la me drug bug pa dang ni drag po zhes pa ni dgu pa la gsum mo/ /bcu pa la drug go/ /bcu gcig pa la dgu'o/ /bcu gnyis pa la bcu gcig go/ /mi bdag thub pa rnams te zhes pa ni bcu gsum
 pa la bcu drug go/ /gnas bcu bzhi pa la bdun no/ /rgyu ba thams cad rim pas so zhes pa ni/ de ltar bza' thams cad kyi rkang pa'i chu tshod rnams thams cad go rims ji lta bas rig par bya'o/ /myur zhes pa ni myur ba'i rgyu ba ste/ gza' shar ba'i phyed snga ma la'o/ /dal ba yang
 phyed phyi ma la'o/ /'khyog po ni rim pa min pas phyed snga ma la'o/ /yang yig gis 'byung ba ni rim pa min pa'i phyed phyi ma la'o/ /gza'i tshogs ni nges par nyi ma'i dbye ba dag gis te/ nyi ma las rnam par dag pa'i dbye bas rgyu bar byed do/ /drug dang zla ba chu gter grangs zhes pa ni bzhi
 brgya bcu drug gi tshogs te/ 'di dag ni pa sangs te dkar po'i gnas bcu bzhi la 'gyur ro/ /de las chu tshod rnams gnas gsum dag la nyi shu lnga ste zhes pa ni dang po'i gnas la nyi shu lnga ste/ gnyis pa dang / gsum pa la yang ngo / /gnyis ni rgyal ba zhes dang
 bzhi pa la nyi shu rtsa bzhi ste lnga la yang de bzhin no/ /lag mig rnam pa gnyis zhes pa ni drug pa la nyi shu rtsa gnyis te bdun pa la yang ngo / /skyon dang tshes dang brgyad de zhes pa ni brgyad pa la bcwa brgyad do/ /dgu pa la bcwa lnga'o/ /bcu pa la brgyad do/ /de nas rtsa bar phyed phyi ma la
 drug dang nam mkha' yon tan dag dang zhes pa ni bcu gcig pa la drug go/ /bcu gnyis pa la sum cu'o/ /bcu gsum pa la gcig gis dman pa'i brgya'o/ /mthar bcu bzhi pa la me dang ri yi grangs zhes pa bdun cu rtsa gsum mo/ /brtan pa srid pa'i gnas la ste gnas bcu bzhi
 la pa sangs kyi rgyu ba rim pas rtogs par bya'o/ /nyi ma'i bu la drug dang 'byung ba'i grangs/ spen pa'i gnas bcu bzhi la chu tshod kyi tshogs lnga bcu rtsa drug tu 'gyur ro/ /de las drug dang 'byung ba dag dang 'byung ba rig byed ces pa ni gnas dang po la drug go/ gnyis pa la lnga ste gsum
 pa la yang ngo / /bzhi pa la bzhi'o/ /chu gter mig dang zhes pa ni lnga pa la bzhi'o/ /drug pa la gnyis so/ /bdun pa zung zhes pa gnyis so/ /brgyad pa la stong pa'o/ /de nas rtsa bar phyed phyi ma la phyogs dang rig byed dag dang 'byung ba zhes pa ni dgu pa la gnyis so/ /bcu
 pa la bzhi'o/ /bcu gcig pa la lnga'o/ /ro dang nor dang rtse mo can zhes pa ni bcu gnyis pa la drug go/ /bcu gsum pa la brgyad do/ /bcu bzhi pa la chu tshod gsum ste spen pa'i gnas bcu bzhi la rim pas gzhag par bya'o/ /de ltar gza' rnams kyi ni rgyu ba mtha' dag dus kyi
 'khor lo dag las shin tu nges par 'gyur zhes pa ni dbu ma'i lo brgya'i dbugs kyi 'khor lo la dus kyi 'khor lo zhes bya ste gza' rnams 'char ba'i rgyu ba'i chu tshod kyi longs spyod do/ /da ni dal ba'i bya ba la skye ba'i khyim gyi chu tshod dal ba'i rkang pa rnams gsungs pa sum cu rtsa drug ces pa
 la sogs pa ste/ sum cu rtsa drug phyed bcas zla ba ni lo gsum gyi zla ba sum cu rtsa drug dang phyogs gsum las phyogs gcig bzung ba ste nges par zhes pa gdon mi za bar ro/ /nor gyis bsgyur ba dag ces pa la sgra dang reg dang gzugs dang ro dang dri dang snying stobs dang rdul dang mun pa ni yon
 tan brgyad de yon tan brgyad po 'di dag gis bsgyur ba dag ni gza' lnga po rnams kyi dal ba'i bya ba la rkang par 'gyur ro/ /mig bug mig gi grangs ni khyim gyi chu tshod gnyis brgya dgu bcu rtsa gnyis kyi grangs su 'gyur ro/ /de las rab tu gsal bar bkra shis la sogs pa rnams kyi gnas drug
 gi phyed snga ma dang phyed phyi ma la rim pa dang rim pa min pas shes par bya'o/ /de nyid bcwa brgyad ri dag brtan pa sa yi bu yi phyi ma phyed dang snga ma'i cha la ste/ de bzhin du phyogs ri me ni gza' lag gi'o/ /de bzhin du dbang phyug dgu me bla ma'i snga cha dang gzhan gyi cha la yang ngo / /de bzhin du
 dkar po'i mda' dang chu gter zla ba'o/ /de bzhin du spen pa yi yang mig bcas mig dang nyin zhag dus su 'gyur te rim pa 'di ni sngar brjod pa yin no/ /de ltar dus kyi 'khor lo zla ba'i yongs su longs spyod pa brgyad kyis bsgyur ba las drug cu'i cha shas ni khyim gyi rkang pa'i chu tshod du rig
 par bya'o/ /da ni zla ba zhes pa la sogs pas bkra shis la sogs pa gza' lnga rnams kyi khyim gsum yongs su longs spyod pa las lo gsum gyi nyin zhag dang mtshungs pa'i chu tshod yongs su longs spyod par gsungs pa/ zla ba la ni sa skyes longs spyod chu tshod dgu bcu dag ste zhes pa ni
 'jig rten la grags pa ste rang gi ngo bos ni dkyil 'khor gyi chas thob pa'i chu tshod rnams 'gyur ro/ /zla bar yang phyed dang bcas pa'i nyin zhag sum cus 'gyur ro/ /grub pa'i mtha'i tshad des phur bu dang spen pa'i longs spyod dang lhan cig nyi ma la rnam par sbyong ba gsum po rnams kyi chu tshod
 dgu bcur 'gyur ro/ /zhes pa ni grub pa'i mtha'o/ /lnga dang 'jig rten zla ba'i grangs pa sangs rgyas kyi ste mi rigs so zhe na/ grub pa'i mtha' tshad ma yin pa'i phyir ro/ /gang gi phyir nyi ma'i longs spyod kyis pa sangs la rnam pa sbyangs pa las pa sangs su 'gyur ba des na pa sangs
 kyi zla ba'i longs spyod kyi chu tshod kyi tshogs ni brgya sum cu rtsa lnga ste gza' lag gi yang de bzhin no/ /de dag gcig tu bsdus pa mkha' ro bsreg za ste lnga po rnams kyi chu tshod kyi tshogs sum brgya drug cur 'gyur ro/ /'di dag zla ba gsum gyis lo'i nyin zhag bu lon chu tshod de chu
 tshod stong brgyad cu'o/ /longs spyod 'di ni gsum gyi 'o zhes pa ni 'jam dpal gyis tshig zur gyis grub pa'i mtha' gsungs pa'o/ /zla bar bla ma'i longs spyod du 'gyur zhes pa la sogs pa grub pa'i mtha'i tshigs su bcad pa 'di ni 'jig rten gyi grags pa nyams
 par bya ba'i don du tshig zur gyi don gsungs pa'o/ /'dir phyogs gsum po gang yin pa de dag ni mjug rings 'char ba'i longs spyod dang 'brel bar gza' lnga rnams kyi rtsa ba'i grub pa'i mtha' las gsungs so/ /de'i phyir de dag phur bu dang spen pa'i longs spyod la sbyin par mi bya'o/ /da
 ni sgra gcan gyi longs spyod las mjug rings kyi longs spyod gsungs pa zla gcig ces pa la sogs pa ste/ 'dir sngar gyi dal ba'i bya ba la zla ba phyed dang bcas pa'i sum cu rtsa drug gi lhag ma'i zla ba gang zhig gza' rnams kyis ma spyad pa'i zla ba de nyid yon tan brgyad kyis bsgyur te
 de las drug cu'i chas chu tshod brgyad gzung bar bya'o/ /de dag las chu tshod phyed dang bcas pa'i bdun ni sgra gcan gyi longs spyod de 'di nyid la zhes pa ni nyi ma'i zla ba'i tshad la'o/ /sgra gcan zla ba'i longs spyod nyi ma dang bcas zla ba'i rkang pa zhes pa ni nyi ma'i snying stobs dang rdul dang mun pa
 ste rkang pa gsum mo/ /zla ba'i dri dang ro dang gzugs dang reg dang sgra'i yon tan te rkang pa lnga'o/ /rkang pa brgyad po 'di dag ni sgra gcan gyi chu tshod phyed dang bcas pa'i bdun gyi rang bzhin no/ /lhag ma chu tshod phyed ni mun pa med pa'i rang bzhin te des dman pa ni chu tshod phyed kyis rnam par
 dman pa'o/ /nyi ma'i bgrod pa dang po la gsum/ chu srin gyi 'pho ba'i phyogs dang po la chu tshod gsum ste snying stobs dang rdul dang mun pa'i bdag nyid nor gyi longs spyod do/ /de bzhin du ka rka Ta'i phyogs dang po la bu lon gyi longs spyod do/ /zla ba myos byed nyin zhag dag la zhes pa ni
 tshogs kyi gnas su bcu bzhi'i cha'i lhag ma nyin zhag dang po ste rkang pa dang po 'am bcu gsum pa la zla ba'i chu tshod lnga ste yon tan lnga'i bdag nyid du 'gyur ro/ /gang zhig ma spyad phyed kyi chu tshod ces pa ni sgra gcan gyis ma spyad pa'o/ /dus kyi nyin zhag dus la ste nyin zhag drug cu rtsa bzhi la de
 ni cha dman zla ba ste zla ba'i cha nyams pa'o zhes pa'i don to/ /de ni nyi ma'i lhag par 'gyur te nyi ma'i chu tshod gnyis su gyur nas nyin zhag so sor lhag ste dus kyis bsgyur ba rig byed rnams kyis tshes grangs bsgyur zhes pa la sogs pas so/ /gang zhig zla ba'i nang du nyin zhag tu gyur pa de nyid ni
 lhag par 'gyur te nyi ma'i zla ba ste 'pho ba'i zla ba la nyin zhag gcig lhag pa de nyid dbu ma'i yan lag tu rig par bya'o/ /sgra gcan zla ba'i longs spyod mig gis rnam par bsgyur te zhes pa ni sgra gcan gyi dus kyi longs spyod chu tshod bcwa lnga la phyogs kyi longs spyod dag gis bgos pa las
 te rkang pas dman pa'i bzhis thob pa dag ni mjug rings kyi chu tshod bzhi ste nyin zhag so so'i dus su'o/ /slar yang sgra gcan gyi zla ba'i longs spyod las/ /chu srad bdun dang phyed phrogs te chu srang bdun dang dbugs gsum po 'di dag yon tan gsum gyis bsgyur ba ni phye dang bcas
 pa'i chu srang nyi shu rtsa gnyis su 'gyur te byed pa brjod par 'dod pas so/ /rang gi ngo bos gang zhig phyed dang bcas pa'i gsum gyis te gang du nyi mas nyin zhag so so la chu tshod bzhi dang chu srang nyi shu rtsa drug longs spyod pa'o/ /nyi ma'i longs spyod dag la sbyang bar bya/ /nyi ma'i longs
 spyod nyin zhag so so la chu tshod bzhi dang chu srang nyi shu po 'di ni byed pa brjod par 'dod pa'i'o/ /grub pa'i mtha' la ni chu srang drug lhag go/ /nyi ma'i longs spyod de la sbyang bar bya ste sbyangs pa'i lhag ma ni rkang par 'gyur ro/ /mjug rings nyi ma dag dang lhan cig rnam par rgyu ste myur bar rgyu ba la
 mdun nas rim pa dang 'khyog por rgyu ba la rgyab nas rim pa min pas rkang pa spyod do/ /rgyu bar chu srang phyed bcas gnyis spyod nyin dang nyin la nyi ma'i longs spyod dag la rim pas sam rim pa min pas so/ /rang gi zla ba sum cu drug gis de rgyu chu tshod dag kyang 'jig rten gyis ni tshes grangs bsgyur/
 gsum gyis bcwa lnga bsgyur ba ni bzhi bcu rtsa lnga'o/ /phyed bcas zla bar chu tshod gnyis ni nyin zhag so sor 'char te lo gsum gyi mthar chu srang gi longs spyod rnams yongs su btang nas phyogs gsum gyi bar du nyin zhag so sor chu tshod gnyis longs spyod de myur ba la mdun dang 'khyog po la
 rgyab tu'o/ /de ltar phyed bcas zla ba'i bar du de 'char te 'on kyang zla ba gcig ni du ba med ba'o/ /de nas mtha'i phyogs gcig du ba dang bcas pa'o/ /des na sems can rnams la du ba mjug rings rab tu gsal te 'gro ba dang 'ong ba'i dbye bas zla ba gcig tu 'gyur ro/ /
 du ba btang nas skar ma bzhin rab tu snang bar 'gyur ro/ /slar yang dpal dus kyi 'khor lor lo gsum gyi longs spyod la rab 'jug de ni gang tshe lo yi longs spyod la zhugs pa de'i tshe mthong ba min par 'gyur ro/ /de yi 'char ba'i cha dag shes par gyur na ste de ltar mjug rings de'i 'char ba'i
 cha dag shes par gyur na de yi 'char ba mtha' yas pa'i dus kyang shes par 'gyur ro/ /da ni dus kyi 'khor lo lo gsum gyi nyin zhag de nyid nyi shu rtsa lngas bsgyur zhing bgrod pa'i nyin zhag gis dman pa la dgu bsres pa rnams gza' rnams kyi dkyil 'khor du gsungs pa/ lo yi nyin
 zhag ces pa la sogs pa ste/ lo yi nyin zhag ni stong phrag gcig dang brgyad cu'o/ /de nyid lnga yis bsgyur te slar yang mda' zhes pa lngas bsnun pa ni bsgyur zhes pa'i don to/ /de ltar dum bur bsgyur ba ni nyi shu rtsa lngas bsgyur bar 'gyur ro/ /bgrod pa'i nyin zhag ni brgya brgyad cu ste des
 dman pa'o/ /bgrod pa gcig la gza' rnams longs spyod pa'i dbang gis bgrod pa gcig gi nyin zhag rnams kyis dman par 'gyur ro/ /bug pa bsres pa rnams ni bug pa zhes pa dgu ste de dag gis bsres pa rnams ni rang rang gi bgrod pa'i dbang gis gza' lnga po rnams kyi nyin zhag
 gi dkyil 'khor du 'gyur ro/ /gcig tu bsdus pa las drug stong brgyad brgya nyi shu rtsa dgu lhag pa'i khri phrag gnyis te/ de las sa skyes la ni ri klu drug ces pa drug brgya brgyad cu rtsa bdun gyi nyin zhag gi tshogs su 'gyur ro/ /ri bug ri klu ste zla skyes la stong phrag brgyad dang bdun brgya
 dgu bcu rtsa bdun du 'gyur ro/ /lha'i bla ma dag la so me rig byed de bzhi stong sum brgya sum cu rtsa gnyis su 'gyur ro/ /pa sangs la ni ri dang rgyal ba mig ces pa nyis stong nyis brgya bzhi bcu rtsa bdun du 'gyur ro/ /nyi ma'i bu la drug drug ri dang nam mkha' gcig ces pa khri phrag gcig
 dang bdun brgya drug cu rtsa drug gi nyin zhag gi tshogs ni dkyil 'khor du 'gyur ro/ /sa skyes la ni ri dus gcig kyang zhes pa la sogs pa tshigs su bcad pa gnyis kyi bar ni 'grel bshad las sngar brjod zin to/ /da ni gza' rnams kyi skye ba dag par bya ba'i don du rgyu skar gyi tshogs
 gsungs pa zla ba drug gis zla ba'i longs spyod ces pa ni de'i steng du dag pa ste grub pa'i mtha' la'o/ /'on kyang sems can gyi bsam pa'i dbang gis byed pa la ltos pa'o/ /mjug rings 'char ba la yang phyogs gsum gyi nyin zhag gis rgyu ba'i rkang pa bsgyur ba ni chu srang gi tshogs
 phyed dang bcas pa'i brgya bcu gnyis su 'gyur te de nyid mjug rings shar ba nas nyin zhag so so la 'gyur ro zhes pa ni bya bar rig par bya'o/ /gang zhig phyed kyi chu tshod rgyu skar gyi bu lon gyi gnas nas thob pa zhes pa ni sems can rnams smin par bya ba'i slad du ma'i la du ma'i tshig go/ /de ni
 gza' rnams kyi rgyu ba'i stobs gsungs pa zla skyes zhes pa la sogs pa ste zla skyes gza' lag dang blon po phur bu ni myur ba ste myur bar rgyu ba phyed snga ma la shar bar gyur pa na stobs dang ldan par 'gyur ro/ /sa skyes dang mjug rings ni sa skyes mjug rings te 'khyog po la zhes pa dkyil 'khor
 phyed yongs su btang nas rim pa min pa la longs spyod pa las stobs dang ldan par 'gyur ro/ /dman pa spen pa dang pa sangs ni dal ba la ste rim pa'i phyed phyi ma la stobs dang ldan no/ /rang bzhin yon tan dbang gis zhes pa ni khams kyi yon tan gyi dbang gis so/ /rgyu ba lhag ma
 la ste rgyu ba gsum las skyes la sogs pa rnams stobs med do/ /myur la shar du kha phyogs 'gyur te gza' thams cad myur bar rgyu ba phyed snga ma la shar du kha phyogs par 'gyur ro/ /slar yang de dag 'khyog por rgyu ba la rab tu zhugs par gyur pa na gzhan du mngon par phyogs te
 nub tu mngon par phyogs so/ /dal ba rim pa'i phyed phyi ma la lho ru bzhin phyogs par 'gyur ro/ /rang bgrod yon tan dbang gis 'byung ba la yang ste rim pa min pa'i phyed phyi ma la byang du gdong phyogs par 'gyur te tshig 'di ni dbyangs 'char ba la sa'i stobs kyi don du'o/ /da ni nyi
 m a dang zla ba'i rkang pa gsungs pa zla ba'i nyin zhag sum cu gang dag chu gter gyis bsgyur zhes pa bzhis bsgyur ba de dag mkha' mig zla ba zla ba'i rkang pa ste nyin zhag bdun gyi bar du zla ba'i cha 'phel ba'i don du rkang pa brgya nyi shur 'gyur te 'chad par 'gyur ba las brjod
 par bya'o/ /khyim ni bcu gnyis po rnams bzhis bsgyur ba brgyad dang rig byed dag kyang zla ba drug gi bar du nyi ma'i rkang par 'gyur ro/ /de yang 'chad par 'gyur ba las brjod par bya ste 'dir ni mdor bsdus pa tsam gyis rkang pa 'di dag gi nges pa'o/ /de'i nang du 'grib dang
 'phel ba dag kyang bgrod pa 'gro ba'i dbang gis rim min rim pa ste/ 'khor lo phyed phyed dag la mtha' dag nor dang dus kyi grangs rnams te bzhi bcu rtsa brgyad kyi grangs rnams byed pa brjod par 'dod pa la rig par bya'o/ /da ni zla ba'i dkyil 'khor la sgra gcan 'jug pa'i mtshan
 nyid gsungs pa tshigs mtshams zhes pa la sogs pa ste tshigs mtshams ni nya'i mtha' 'am gnam stong gi mthar ro/ /ri bong can gyi dkyil 'khor dag la sgra gcan rab tu 'jug ste dkyil 'khor yang / dkyil 'khor gyi sgras ni 'dir chu tshod drug cu'i bdag nyid rgyu skar
 gcig gi longs spyod de de yang thams cad 'dzin pa'i dbang gis khyim bcu gnyis kyi bdag nyid dang cha bcu drug gi bdag nyid du rig par bya'o/ /rnam dag gyur na thams cad 'dzin to gal te sgra gcan gyi longs spyod kyis zla ba'i longs spyod yongs su dag na de'i tshe chu tshod drug cu'i mthar
 thug par thams cad 'dzin no/ /longs spyod phyed dag par gyur na phyed 'dzin no/ /ri bong can gyi rgyu ba'i dbang gis dkyil 'khor chu tshod drug cu ste zla ba'i cha bcu drug gi bdag nyid do/ /de bzhin du ri bong can gyis rgyu ba'i dbang gi chu tshod dag ni ji snyed yod pa ste/ sgra gcan gyi longs
 spyod la rab tu zhugs pa de snyed ni cha gcig gi bzhi cha'i bar du gza' dang 'grogs par shes par bya'o/ /sgra gcan 'khor ba la sogs pa 'di dag grub pa'i mtha' las phyi rol shes pa'i don du rgya cher rig par bya'o/ /rgyud 'dir ni bsdus pa'i slad du 'jam dpal gyis gsal por
 ma bstan te 'dir ni gang zhig nang la nye bar mkho ba de nyid mdor bsdus pas brjod do/ /de bzhin du gza' 'thab pa la sogs pa mtha' dag grub pa'i mtha' las shes par bya ste rgyud 'dir ni skar rtsis kyi yul gza' 'thab pa la sogs pa grub pa'i mtha' la ltos so/ /nang du
 ni gza' 'thab par brjod par 'dod pa med do zhes pa bcom ldan 'das kyi nges pa ste phyi rol du zla ba 'dzin pa byung bar gyur pa na nang du sems can rnams kyi khu ba 'dzin par 'gyur ba ma yin zhing nyi ma 'dzin par rdul 'dzin par 'gyur ro zhes pa'i nges pa yang thams cad du med do/ /
 de'i phyir sangs rgyas pa rnams kyis phyi rol yongs su shes pa'i don du tshangs pa dang nyi ma dang gcer bu pa dang skra can gyi grub pa'i mtha' rnams shes par bya'o zhes pa ni bcom ldan 'das kyi nges pa'o/ /da ni gza' thams cad kyi rgyu ba dus bzhi'i mthar stong pa la 'jug pa gsungs
 pa/ mi rnams kyi ni zhes pa la sogs pa ste/ mi rnams kyi lo brgya gang yin pa de dag gza' rnams dag gi lo'i longs spyod kyis ni bsgyur bar bya zhes pa ni dus kyi 'khor lo dang bcas pa'i gza' rnams kyis nyin zhag phyed dang gnyis kyis lo brgya longs spyod do/ /nyin zhag
 gsum gyis nyis brgya'o/ /nyin zhag sum cus stong phrag gnyis so/ /nyin zhag sum brgya drug cus lo stong phrag nyi shu rtsa bzhis longs spyod par 'gyur te des lo brgya bsgyur ba'o/ /gnas gnyis phyogs kyi chas thob bcu'i chas thob pa steng gi phung po dag la bu lon sbyang bar bya
 bar 'gyur te/ lhag ma 'bum phrag nyi shu gcig dang zhes pa ni 'bum phrag nyi shu rtsa gcig dang khri phrag drug gi lo grangs gang dag rnams ni dus kyi phyed la 'gyur ro/ /dus kyi phyed kyi mtha' la rkang pa lnga ste rdzogs ldan gyi rkang pa bzhi dang gsum ldan gyi rkang pa gcig go/ /dus kyi phyed
 ni nam mkha' dang rlung dang me dang chu dang sa'i dkyil 'khor gyi bdag nyid de rim pa bzhin du gtso bo'i rtsa g.yon pa la srog yang dag par rgyu ba'o/ /slar yang phung po gnyis kyis zhes pa slar yang gnyis pa'i phung po rkang pa lnga'i bdag nyid kyis te de la gsum ldan gyi rkang pa gnyis dang /
 gnyis ldan gyi rkang pa gnyis dang / rtsod ldan gyi rkang pa gcig ste/ sa dang chu dang me dang rlung dang stong pa'i bdag nyid ni go rims ji lta ba bzhin du gtso bo'i rtsa g.yas pa nas srog yang dag par rgyu ba'i dkyil 'khor lnga'i bdag nyid do/ /de ltar na rtsa gnyis ka'i dkyil 'khor
 gyi lo'i phung po gnyis kyis dus bzhi po rnams kyi lo yi grangs te mi rnams kyi lo khri phrag gnyis lhag pa'i 'bum phrag bzhi bcu rtsa gsum ste/ gtso bo'i dus sbyor gnyis g.yon dang g.yas kyi rtsa'i dkyil 'khor yang dag par rgyu ba las so/ /'dir dus so so rnams kyi tshad ni stong pa stong pa
 nam mkha' klu dang lag pa thub pa ri bong can rnams zhes pa ni lo stong phrag nyi shu rtsa brgyad lhag pa'i 'bum phrag bcu bdun rdzogs ldan dus kyi tshad de dkyil 'khor bzhi'i rkang pa nye bar longs spyod pa'i phyir ro/ /gsum ldan la ni nam mkha' mkha' stong ro dang dgu dang nyin phyed ces pa
 stong phrag dgu bcu rtsa drug lhan pa'i 'bum phrag bcu gnyis kyi lo yi grangs su rab tu grags so/ /stong pa stong pa mkha' dang rig byed ro dang lag 'gro zhes pa ni stong phrag drug cu rtsa bzhi lhag pa'i 'bum phrag brgyad de gnyis ldan lor ni yang dag par 'gyur ro/ /stong pa nam mkha'
 mkha' mig yon tan chu gter rnams zhes pa ni stong phrag sum cu rtsa gnyis lhag pa'i 'bum phrag bzhi rnams kyi lo'i grangs ni rtsod pa'i dus la 'gyur ro/ /de ltar na gsum ldan gyi rkang pa gsum dang / gnyis ldan gyi gnyis dang / rtsod ldan gyi rkang pa gcig go/ /dkyil 'khor
 gsum dang / gnyis dang gcig gi bdag nyid de dkyil 'khor so so ni rtsod ldan gyi dus kyi lo'i tshad do/ /lo ni 'di dag rnams kyis dus kyi mtha' ru gza' tshogs rgyu ba khyim ni stong pa dag la gnas zhes pa la lo ni sngar brjod pa 'di dag rnams kyis dus kyi mtha' ru ste dus bzhi'i
 mthar gza' tshogs rgyu ba nam gru'i mthar khyim ni stong pa dag la gnas so/ /slar yang tha skar la sogs pa'i rgyu skar dag gza' rnams kyi longs spyod du 'gyur ro/ /rab byung zhes par 'gyur ba ji lta ba de bzhin du nag pa'i zla ba la sogs par yang 'gyur ro/ /gza' dang sbyor
 ba tshes dang byed pa rnams kyang de bzhin dang po dag ste de'i dus su ni/ gza' nyi ma dang / sbyor ba sel ba dang / tshes dkar po'i phyogs kyi tshes gcig dang / byed pa pa baM zhes pa dang po dag ste de'i dus su lha rnams dag dang lha min kla klo rnams kyi 'khrug pa drag po sa gzhi'i gnas pA ga dA
 rnams su 'byung bar 'gyur te de nas rdzogs ldan gyi dus 'jug par 'gyur ro/ /da ni tshes la sogs pa gza'i longs spyod thams cad stong pa la gnas pa ni slar yang nges pa 'byung bar gsungs pa/ de nas rgyu skar rnams kyis nyin zhag gcig ni bsgyur bar 'gyur te chu tshod drug cu rnams
 kyis kyang / gza' rnams kyi ni dkyil 'khor dag gis nges par cha ni rab tu thob par gyur pa longs spyod 'gyur/ zla ba rdzogs na nges par 'gyur te slar yang gza' dang chu tshod kyi ni gnas rnams dag tu 'gyur/ rgyu skar la ni nyi ma'i longs spyod du 'gyur zla ba gcig las sbyangs pa nyin zhag
 dag ni tshogs zhes so/ /da ni dus kyi 'khor lo'i lo dang phyogs las zla ba'i nges pa gsungs pa sde pa drug ni nyi ma'i dbyangs bcas zhes pa la sde pa drug ni ka tsa Ta pa ta sa rnams ni gsal byed kyi yi ge sum cu'o/ /dbyangs bcu gnyis dang bcas pas sum brgya drug cur 'gyur te yi ge
 rnams thung ngu dang ring po'i dbyangs kyis phye bas so/ /a A/ i I/ r-i r-I/ u U/ l-i l-I/ oM aH/ 'di dag gis ka yig la sogs pa'i yi ge so so la bcu gnyis kyi dbye bas tha dad par 'gyur ro/ /des na gsal byed sum cu po rnams bcu gnyis kyi dbye bas tha dad
 pa dag ni sum brgya drug cu ste/ slar yang ka yig la sogs pa de dag yon tan gzhan gyis phye ba dang / ya Nar bsgyur bas phye ba dag ste nges par yon tan gyis bsgyur/ yon tan ni a e ar o al oM/ 'phel ba ni A ai Ar au al AH/ ya Na ra bsgyur ba ni ha hA ya
 yA ra rA wa wA la lA haM hAH/ zhes pa ste/ de ltar na lo gsum nyi ma dag la ste ka yig la sogs pa de rnams nyin zhag stong brgyad cur 'gyur ro/ /a sogs thung ngu nyin zhag ces bya bcwa lnga ste sum 'gyur ri bong can cha thung ngu dang ring po dang shin tu ring po'i dbye bas phyed bcas zla ba
 phyogs gsum du zla ba la 'gyur ro/ /de la a i r-i u l-i/ a e ar o al/ ha ya ra wa la/ lA wA rA yA hA/ A la au Ar ai A/ l-I U r-I I A/ oM IM r-IM UM l-IM/ AM aiM A raM auM A laM/ hAM yAM rAM wAM lAM zhes pa ni phyogs gsum gyi dbyangs
 so/ /chu tshod ha sogs rnams su 'gyur te dus sbyor bcu gnyis kyi dbye bas drug cu'i grangs so/ /sngar brjod pa'i cho gas nyi ma phyed nas mtshan phyed kyi bar du thung ngu rnams so/ /mtshan phyed nas nyi ma phyed kyi bar du ring po sum cu'o/ /dpal ldan stong pa gzhom med la
 sogs lnga po gang yin pa de dag snying stobs dang rdul dang mun pa'i dbye bas sad pa dang rmi lam dang shin tu gnyid log pa'i rang bzhin gyis de dag ni sgra gcan te srog gi rlung gi dus sbyor gsum du 'gyur ro zhes bya ba ni nges pa'o/ /'byung ba nyi ma zla ba'i grangs ni slar yang lo gsum
 dang phyogs gsum gyi nyin zhag ste nyi shu rtsa lnga lhag pa'i brgya phrag bcu gcig tu 'gyur ro/ /kye mi'i bdag po zhes pa ste phyed bcas zla ba zhes pa ni phyogs gsum mo/ /phyed dang bcas pa'i zla ba dor nas zhes pa ni de las phyed dang bcas pa'i zla ba dor bas gzhan ni stong brgyad cur
 'gyur ro/ /de nas lhag ma thub mchog bdun rnams kyis bcad pa'i thob pa dag ni bsdus pa'i dus kyi 'khor lor 'gyur ro/ /de nyid zla ba'i nges pa la gza' gcig dang / chu tshong sum cu rtsa gnyis dang / tshogs gnyis rab tu bsres nas tshes gcig dang rgyu ba'i rkang pa lnga'o/ /
 'khor lo dag las rnam par phye ba dag ni gzar 'gyur ro/ /lha mo drug cu rnams kyis te chu tshod drug cu rnams kyis so zhes pa'i don to/ /lha mo sum cu rtsa gnyis kyi chu tshod rnams kyis zla ba'i nges pa la chu tshod kyi gnas su sum cu rtsa gnyis so/ /thub pa nor gyis bsgyur ba lnga
 bcu rtsa drug gi lha mo rnams kyis tshogs kyi gnas su tshogs gnyis su 'gyur ro/ /sbyin dor sbyin pa dag ni lha mo gcig tu 'gyur zhing rkang pa lnga ni lha mo lngar 'gyur te lnga po gcig dang bcas pa'i drug gis so/ /zla ba'i phyogs gsum nyin zhag rnams ni nyin zhag bzhi bcu rtsa lnga
 ste sum 'gyur snying stobs dang rdul dang mun pa'i bdag nyid dag kyang nyi ma'i longs spyod la ni rab tu grags so/ /drug cus phye ba'i skar ma gnyis dang zhes pa chu tshod brgya nyi shus rgyu skar gyi nges pa la gnyis su 'gyur ro/ /nyi ma'i nyin zhag dang po la bzhis bsgyur ba'i chu tshod bzhi
 la sogs pa dang ldan pa'i dbang phyug chu tshod de chu tshod bcu gcig chu tshod kyi gnas su 'gyur ro zhes pa ni thams cad du nges pa'o/ /dpal ldan dus kyi 'khor lo gza' yi tshogs dang bcas pa 'di dag ces pa la sogs pa brjod pa'i rim pas phyi dang lus la dbyer med pa bsdu ba dang
 ni spro ba'i slad du srid pa gsum 'dod pa dang gzugs dang gzugs med pa ste gnas der ro/ /nyi ma zhes pa ni kye nyi ma'i shing rta bsdus pa'i rgyud yang dag par 'ching ba la gsol ba 'debs pa po zhes 'jam dpal gyis bod pa'o/ /dus kyi gzugs ni srog gi gzugs kyis
 so/ /shes rab thabs kyi rab dbye ni nyin mo dang mtshan mo'i dbye ba dang zla ba dang nyi ma'i dbye ba la sogs pas so/ /mnyam dang mi mnyam rigs ni mnyam pa ring po dang mi mnyam pa thung ngu dang myur 'khyog la sogs pa'i rgyu bas so/ /chags bral dang ni thub mchog rigs dang
 tshangs dang dag po la sogs lha rnams kyis ni shes ma yin zhes pa ni de ltar sngar brjod pa'i cho gas tshangs pa la sogs pa 'di dag gis shes pa ma yin pa/ bcom ldan 'das dus kyi 'khor lo kun rdzob kyi tshul gyis rnam par gnas pa khyab par brtan pa dang g.yo ba'i dngos po thams
 cad la khyab par byed pa/ ji ltar yang dag par rdzogs pa'i sangs rgyas bcom ldan 'das thams cad mkhyen pa 'jig rten dang 'jig rten las 'das pa'i kun rdzob dang don dam pa'i ngo bo nyid kyis phyag na rdo rje zla ba bzang po la rab tu bstan pa bzhin du mi'i dbang po 'jam dpal grags pa bdag
 gis kyang nyi ma'i shing rta khyod la bcom ldan 'das dus kyi 'khor lo de nyid mdor bsdus pas rab tu bstan to/ /dpal ldan dang po'i sangs rgyas las phyung ba bsdus pa'i rgyud kyi rgyal po dus kyi 'khor lo'i 'grel bshad stong phrag bcu gnyis pa dri ma med pa'i 'od las skar rtsis shes pa'i cho ga'i
 mdor bsdus chen po ste dgu pa'o/ / //da ni dbyangs 'char ba gsungs pa a sogs zhes pa la sogs pa'o/ /dbyangs gang dag gi dang po a yig yin pa de dag ni a sogs lnga ste a i r-i u l-i zhes pa rang byung gi tshig go/ /a i uN/ r-i l-i ka
 ces pa ni so sor brjod pa gzung ba'i phyir ro/ /e o tsa zhes pa ni bklag pa'i phyir te i yig dang u yig dag gi yon tan sbyar ba'i yi ge dag go/ /r-i ka'i aN las ral dag go zhes pa'i mdo'i phyir r-i l-i dag ni ma ning du mi 'gyur te/ r-i yig l-i yig dag kyang yon tan
 dang ldan pas i yig la sogs pa rnams dang khyad par med do/ /de'i phyir a i u e o zhes pa ni byis pa rnams la 'jig rten du grags pa'o/ /yon tan dang ya Na skyed pa'i phyir a i u Na ri li ka ces par rigs te i ka'i a tsa la ya Na'o zhes pa'i khyad par gyi phyir dang
 a ka'i a ka la ring po'o/ /zhes pa'i shes par byed pa'i phyir ro/ /dang por dbyangs lnga gang yin pa de dag rang byung du lung bstan pas mnyam pa'i ngo bo ste de dag kyang nam mkha' la sogs pa'i rang bzhin gyi dbang gis grangs bzhin du 'jam dpal gyis rang gi lung ston pa las bris
 pa a i r-i u l-i ka ces pa ste nam mkha' dang rlung dang me dang chu dang sa'i rang bzhin rim pa bzhin no/ /de bzhin du a e ar o al tsa dang de bzhin du ha ya ra wa la Ta 'jam dpal gyis nges par bstan te yon tan dang ya Na ra bsgyur ba las rang rang gi rang bzhin gyi ngo bo nyid la rten pa'i
 phyir ro/ /dbyangs lnga po de dag dang po'i tshes grangs dbang gis zhes pa ni dang po'i tshes grangs lnga mun pa'i dbye bas te dkar po'i tshes gcig dang gnyis pa dang gsum pa dang bzhi pa dang lnga pa'o/ /de dag gi dbang gis ni dang po'i tshes grangs dbang gis te dga' ba la sogs pa rnams
 lnga po dang ldan par gyur pa ste dbyangs lnga po rnams kyi dang po'i tshes ni dga' ba'o/ /gnyis pa ni bzang po'o/ /gsum pa ni rgyal ba'o/ /bzhi pa ni stong pa'o/ /lnga pa ni rdzogs pa'o/ /de bzhin du drug pa la sogs pa dang de bzhin du bcu gcig pa la sogs pa'o/ /dga' ba
 la sogs ldan pa 'di la de dag 'dir ni 'char bar byed de/ gal te de la sa skyes la sogs gza' dag ma gyur na'o zhes pa dga' ba las skyes dang / bzang po la gza' lag dang / rgyal ba la phur bu dang / stong pa la pa sangs dang / rdzogs pa la spen pa ste/ dga' ba
 la sogs pa 'di dag la gal te sa skyes la sogs pa'i gza' dag ma gyur na de'i tshe 'char bar 'gyur ro/ /rnam pa gzhan du mi shis pa 'char te kye mi'i bdag po sa skyes mi shis shar bar gyur cing dga' ba la gal te slar yang smin drug dag dang ldan pa nyid du gyur pa'i dga'
 ba'i tshes de la gal te g.yul lam nad du gyur na mi rnams dag ni 'chi bar 'gyur te dang po'i dbyangs kyi'o zhes pa thog ma nam mkha'i dbyangs kyi zhes pa'i don te skyes pa'am bud med gang gi ming gi dang po a yig yin pa de'o/ /de bzhin du bzang po dang gza' lag la gal
 te rgyu skar mchur gyur na de'i tshe gnyis pa i yig gi dbyangs kyi ming can 'chi bar 'gyur ro/ /de bzhin du rgyal ba phur bu la gal te skag tu gyur na de'i tshe gsum pa r-i yig gi dbyangs kyi ming can 'chi bar 'gyur ro/ /de bzhin du stong pa dang pa sangs la gal te mon grur gyur na
 de'i tshe bzhi pa u yig gi dbyangs kyi ming can 'chi bar 'gyur ro/ /de bzhin du rdzogs pa dang spen pa la gal te bra nyer gyur na de'i tshe lnga pa l-i yig gi dbyangs kyi ming can 'chi bar 'gyur ro/ /de ltar dbyangs 'char ba rnams la yang rgyu skar dang gza'i dbang gis 'chi ba'i
 sbyor bar 'gyur ro/ /de bzhin du gza' nyi ma dag la dga' ba 'char ba rnams kyi g.yul du rmar 'gyur te gzir ba rnams nyon mongs par 'gyur ro/ /de bzhin du gza' zla ba la ni bzang po 'char ba rnams kyi yang shes par bya'o/ /bden par 'char ba lnga po rnams kyi ste
 a yig la sogs pa rang rang gi tshes la shar ba rnams kyi 'bras bu mang por 'chi ba'i sbyor bas dman pa dag la 'gyur ro/ /nad dang g.yul dang yul du bgrod pa dang bag ma len pa'i dus dag tu dge ba dang mi dge ba'i 'bras bu de nyid mtshan mas shes par bya'o/ /de ltar
 rgyu skar gza' sngar brjod pa'i rim pas te dbyangs tshogs tshes rnams dag ni de nyid lnga'i rab tu dbye ba yis zhes pa ni slar yang dbyangs rnams 'char ba 'di nyid phyogs dang zla ba dang bgrod pa dang lo dang lo drug cu la yang 'gyur ba ste/ 'dir nag pa la sogs
 p a nas 'char ba ni nag pa la sogs pa'i zla ba gnyis la nyin zhag drug cu ste de dag la nyin zhag bcu gnyis kyis rim pa bzhin du a yig la sogs pa rnams 'char bar 'gyur te nag pa'i dkar po'i tshes gcig la sogs pa ji srid par zla ba gnyis pa'i yang dkar po'i tshes gcig
 go/ /de lta na lo zla dus kyi dbye bas dbyangs lnga po rnams lan drug yongs su 'khor bar 'gyur ro/ /phyogs la 'char ba'i yul la yang nyin zhag bcu gnyis kyis phyogs kyi dbye ba'o/ /de bzhin du lo'i nyin zhag sum brgya drug cu la bdun cu rtsa gnyis kyis a yig la sogs
 rnams rim pas 'char bar shes par bya ste de nyid ni nag pa la sogs pa'i dkar po'i tshes gcig la sogs pa'i zla ba'i dbye ba'o/ /de bzhin du rab byung la sogs pa'i lo drug cu la dbyangs lnga po rnams rim pa bzhin du dbyangs re re zla ba drug gis 'char te nyi shu rtsa bzhi yongs su
 bskor bas slar yang sngar gyi cho ga'o zhes pa ni bgrod pa la 'char ba'o/ /rab byung la sogs pa'i lo bcu gnyis la 'char ba ni rab byung la sogs pa rnams de bzhin du yongs su bskor ba ste lo la sogs pa rnams shes par bya'o/ /de ltar dbyangs ni lnga po rnams dag 'dir ni 'char bar
 'gyur te de ni slar yang nub pa'o/ /zhes pa ni 'dir phyogs kyi dbye ba la nyin zhag bcu gnyis ni dga' ba ste de bzhin du bzang po la sogs pa'o/ /zla ba'i dbye ba la nyin zhag bdun cu rtsa gnyis ni dga' ba ste/ de bzhin du bzang po la sogs pa yang ngo / /bgrod pa'i dbye ba la bsod
 pa ni dga' ba ste de bzhin du bzang po la sogs pa'o/ /lo'i dbye ba la lo bcu gnyis ni dga' ba ste de bzhin du bzang po la sogs pa yang ngo / /dang po la ni dbyangs dang po rnams byis pa ste rang tshes yon tan dbang gis zhes pa nam mkha' dang rlung dang me dang chu dang sa'i yon tan
 gyi dbang gis dang sgra dang reg dang ro dang gzugs dang dri yi yon tan gyi dbang gis te grangs bzhin no/ /'dir dga' ba la a yig 'char ba'o/ /bzang po la i yig go/ /rgyal ba la r-i yig go/ /stong pa la u yig go/ /rdzogs pa la l-i yig go/ /de bzhin du rang rang gi 'char
 ba'i nyin zhag las nyin zhag gnyis pa la dpal ldan gzhon nu yang ste bzang po la a yig gzhon nu'o/ /rgyal ba la i yig go/ /stong pa la r-i yig go/ /rdzogs pa la u yig go/ /dga' ba la l-i yig go/ /dar bab rgan po rim pas me dang chu gter nyin zhag la ste zhes pa
 ni rang gi nyin zhag las me zhes pa nyin zhag gsum pa la dar la bab par 'gyur te rgyal ba la a yig dar la bab pa'o/ /stong pa la i yig go/ /rdzogs pa la r-i yig go/ /dga' ba la u yig go/ /bzang po la l-i yig go/ /rgan po chu gter zhes pa ni rang gi tshes las nyin
 zhag bzhi pa la ste 'dir stong pa la a yig rgan po'o/ /rdzogs pa la i yig go/ /dga' ba la r-i yig go/ /bzang po la u yig go/ /rgyal ba la l-i yig go/ /lnga pa la ni nub par 'gyur zhes pa ni rdzogs pa la a yig nub par gyur pa'o/ /dga' ba la i yig go/ /
 bzang po la r-i yig go/ /rgyal ba la u yig go/ /stong pa la l-i yig go zhes pa ste dbyangs rnams kyi 'char ba la sogs pa rnam pa lnga'i dbye ba shes par bya'o/ /a sogs dbyangs lnga gang dag nges par yon tan gyis bsgyur zhes pa ni snying stobs dang rdul dang mun pa'i yon tan
 gyis bsgyur bas bco lngar 'gyur ro/ /de rnams slar yang rnam gnyis sum cu nyid de/ a i r-i u l-i/ a e ar o al/ ha ya ra wa la zhes pa dga' ba la sogs pa sum 'gyur te dkar po'i phyogs la'o/ /de bzhin du lA wA rA yA hA/ A la au A ra ai A/ l-I U
 r-I I A zhes pa ni dga' ma la sogs pa ste nag po'i phyogs la'o/ /de ltar na phyogs gnyis ka la tshes sum cu rnams grangs bzhin no/ /ka sogs sde pa'i yi ge rnams la rang bzhin yon tan dbang gis dbyangs de dag mtha' dag sbyar bar bya ba ste/ thung ngu rnams ni 'dir yang
 dkar po'i phyogs la 'char bar 'gyur te de nyid lnga yi dbye ba yis zhes pa ni 'dir gsal byed gang zhig dbyangs thung brjod pa de ni dkar po'i phyogs la 'char ro/ /ring po rnams ni nag po'i phyogs la ste de bzhin du gang zhig dbyangs ring pos brjod pa'i gsal byed
 ring po ni nag po'i phyogs la 'char ro/ /'dir gsal byed kyi yul la nyi ma 'pho ba'i phyogs su rig par bya ste spro ba dang bsdu ba'i sbyor bas so/ /nyi shu rtsa bdun rgyu skar de la zhes pa rgyu skar gyi tshogs nyi shu rtsa bdun te de dag las rkang pa dang bcas pa'i rgyu skar gnyis kyis nyi ma'i dus
 sbyor bcu gnyis so/ /gsal bar mda' zhes pa ni de dag chu tshod lnga'i bdag nyid kyi cha dgu pa'o/ /'di dag rnams kyang rang bzhin gsum ste g.yo ba lug la sogs pa dang brtan pa glang la sogs pa dang mnyam pa gnyis kyi rang bzhin 'khrig pa la sogs pa'o/ /lug dang ka rka
 Ta dang srang dang chu srin ni g.yo ba bzhi'o/ /glang dang seng ge dang sdig pa dang bum pa ni brtan pa'o/ /'khrig pa dang bu mo dang gzhu dang nya ni gnyis kyi rang bzhin no/ /de ltar de dag rtag pa nyid du 'char te nyin mtshan la bcu gnyis so/ /'dir 'dri ba'i dus su g.yo ba rnams kyis
 bya ba myur du 'gyur ro/ /brtan pa rnams kyis brtan pa'o/ /gnyis kyi rang bzhin rnams kyis bya ba 'bring po'o/ /de la yud tsam sum cu rnams dang zhes pa dus sbyor gyi tshogs de la yud tsam sum cu'o/ /nyin zhag dus thun brgyad kyi bdag nyid la chu tshod dag kyang drug cu kho nar 'gyur
 ro/ /dang por de thog mar sun cu'i dbyangs rnams 'dir ni 'char bar 'gyur ba nyid de yud tsam yud tsam dag la'o/ /zla ba'i dbus su chos kyi cha la zhes pa ni tshes grangs gcig yud tsam sum cu'i char byas nas yud tsam re re'i cha la ste tshes gcig la a yig la sogs pa'o/ /
 gnyis pa la i yig la sogs pa'o/ /gsum pa la ri yig la sogs pa'o/ /bzhi pa la u yig la sogs pa'o/ /lnga pa la li yig la sogs pa'o/ /drug pa la yon tan gyi a yig la sogs pa'o/ /bdun pa la e yig la sogs pa'o/ /brgyad pa la ar yig
 la sogs pa'o/ /dgu pa la o yig la sogs pa'o/ /bcu pa la al yig la sogs pa'o/ /bcu gcig pa la ha yig la sogs pa'o/ /bcu gnyis pa la ya yig la sogs pa'o/ /bcu gsum pa la ra yig la sogs pa'o/ /bcu bzhi pa la wa yig la sogs pa'o/ /
 nya la la yig la sogs pa ste/ dbyangs sum cu rnams spro ba'i rim pas dkar po'i phyogs kyi tshes grangs so so la sum cu'i dbye bas 'char ro/ /de nas nag po'i phyogs kyi chos gcig gi tshes dga' ba la dbyangs sum cu po rnams sdud pa'i rim pas 'char ro/ /de la tshes
 gcig la lA yig la sogs pa'o/ /gnyis pa la wA yig la sogs pa ste de bzhin du thams cad do/ /zla ba'i dbus su tshes kyi cha la 'char bar brjod de de dag nub pa dag kyang de nyid la'o zhes pa zla ba la ste/ 'dir dbyangs yig gang dkar po'i tshes gcig la sogs
 pa la shar ba de dag nag po'i tshes gcig la sogs pa la nub pa'o/ /stong pa rlung me chu dang sa rnams dag kyang a la sogs pa dbyangs ni lnga po rnams kyi rigs zhes pa ni sngar brjod pa'i rim pas nam mkha' la sogs pa rnams ni a yig la sogs pa rnams kyi rigs so/ /sgra
 gcan la sogs pa'i gza' rnams ni grangs bzhin du thung ngu dang ring po rnams kyi lhag pa'i lha ste sgra gcan dang dus me ni a yig thung ngu dang ring po dag gi'o/ /zla ba dang nyi ma ni i yig dag gi'o/ /gza' lag dang sa skyes ni ri yig dag gi'o/ /pa sangs dang bla ma ni u
 yig dag gi'o/ /mjug rings dang spen pa ni l-i yig dag gi ste 'dir ji ltar rigs par lhag pa'i lha'o/ /de bzhin du dus sbyor bcu gnyis las dus sbyor so so de dag nyin dang mtshan mo'i dbang gis chu tshod rnams ni bsgrub par bya ste da ltar gyi dus sbyor 'char ba la cha lnga pa'o/ /
 de'i dbus su dbyangs gang byung ba'i gza' zhes bya ba stobs ldan de yis dkyil 'khor bsgrub par bya/ mi mnyam pa dang mnyam pa'i dus sbyor gyi dbye bas stong pa la sogs pa dang sa la sogs pa bsgrub par bya'o/ /g.yon pa dag la thung ngu'i dbyangs rnams 'dir ni 'char te
 g.yon pa mi mnyam pa'i dus sbyor la dbyangs dang gsal byed thung ngu rnams 'char bar 'gyur ro/ /g.yas pa mnyam pa'i dus sbyor nas gzhan ring po brjod pa'i gsal byed rnams su 'gyur ro/ /de bzhin du g.yon la stong pa la sogs pa de nyid dkyil 'khor lnga'o/ /
 sgra gcan la sogs pa gcig gis bar du chod pa'i gza'i tshogs te sgra gcan la sogs mtha' dag ces pa ni sgra gcan dang zla ba dang gza' lag dang pa sangs dang mjug rings so/ /g.yas pa lho'i dus sbyor la de nyid 'dzin ma la sogs dkyil 'khor lnga'i dbye ba'o/ /gza'i
 tshogs ni nges par nyi ma'i bu la sogs pa zhes pa ni spen pa dang phur bu dang bkra shis dang nyi ma dang dus me'o/ /'dir mnyam pa'i dus sbyor chu srin la chu tshod lnga ni grags bzhin du A yig la sogs pa'i dbyangs rnams dang / yon tan dang 'phel ba rnams kyis dbyangs ring
 pos brjod pa'i gsal byed rnams 'char ro/ /de la chu tshod dang po sa'i dkyil 'khor la kA'o/ /gnyis pa chu'i dkyil 'khor la khA'o/ /gsum pa me'i dkyil 'khor la gA'o/ /bzhi pa rlung gi dkyil 'khor la g+hA'o/ /lnga pa stong pa'i dkyil 'khor la dA ste de la ka la sogs
 pa'i gsal byed a yig la sogs pas brjod pa dag ni chu srin gyi dkyil 'khor lnga la rim pa bzhin du 'char ro/ /de bzhin du bum pa'i stong pa la sogs pa'i dkyil 'khor lnga la dbyangs thung ngus brjod pa'i nga la sogs pa rnams lugs las bzlog pas rig par bya ste de la
 chu tshod dang po ni nam mkha'i dkyil 'khor la da'o/ /gnyis pa la g+ha'o/ /gsum pa la ga'o/ /bzhi pa la kha'o/ /lnga pa sa'i dkyil 'khor la ka 'char ro/ /de bzhin du nya la tsA tshA dzA dz+hA nyA'o/ /lug gi dkyil 'khor lnga rnams la nya dz+ha dza tsha tsa'o/ /de bzhin du glang la TA
 ThA DA D+hA NA'o/ /'khrig pa'i dkyil 'khor lnga la Na D+ha Da Tha Ta'o/ /de bzhin du ka rka Ta la pA phA bA b+ha mA'o/ /seng ge'i dkyil 'khor lnga la ma b+ha ba pha pa'o/ /bu mo la tA thA dA d+hA nA'o/ /srang gi dkyil 'khor lnga la na d+ha da tha ta'o/ /de bzhin du sdig pa la sA wA ShA shA Th+kA'o/ /
 gzhu'i dkyil 'khor lnga la sha Sha wa sa ste chu tshod 'char ba la gsal byed rnams ni lhag pa'i lha'o/ /'dir gsal byed brjod pa'i dbyangs ni gsal byed kyi yi ge'i dbyangs su 'gyur zhing dbyangs ni srog gi dbyangs su 'gyur ro/ /srog gi dbyangs de yang zla ba'i cha la thung ngu dang
 ring po'i dbye ba dang yud tsam gyi dbye ba sngar brjod pas shes par bya'o/ /gsal byed 'char ba ni dus sbyor gyi chu tshod kyi dbye bas shes par bya'o/ /'dir g.yul du srog gi dbyangs nub par gyur na 'chi zhing yi ge'i dbyangs nub par gyur na rma ste nad pa rnams ni 'chi ba dang nyon mongs
 pa'o/ /de bzhin du gang la ming gi yi ge dang po la gsal byed med pa de la dbyangs nyid srog gi dbyangs te cig shos ni yi ge'i dbyangs so/ /de ltar na nang la g.yon dang g.yas kyi sna bug nas dkyil 'khor 'bab pa'i dbye bas gsal byed 'char bar shes par bya'o/ /phyi rol
 du yang dus kyi chu tshod ces pa ni de las dus can 'char ba'i chu tshod phyi rol gyi gza'i gnas dang mnyam pa'o/ /gza'i gnas ni dkyil 'khor te de dang mnyam pa'i dbyangs bcas gsal byed dang bcas pa dag ni bsgrub par bya ste dge ba dang mi dge ba yongs su shes pa'i don du'o/ /
 da ni dris na zhes pa la sogs pas dris pa las dge ba dang mi dge ba'i 'bras bu gsungs pa dris par gyur na g.yul gyi dus su rab tu 'chi bar 'gyur te stong pa la ni dus dag shar bar gyur pa na'o/ /g.yas kyi rtsar stong pa'i dkyil 'khor la dus me shar par gyur pa na g.yul gyi
 slad du gang zhig dang por 'bod par byed na rgyal po 'am mi bdag de ni rab tu 'chi bar 'gyur ro/ /de bzhin du rlung du ste rlung gi dkyil 'khor du nyi ma shar ba la 'pham par 'gyur ro/ /me'i dkyil 'khor las skyes shar bar gyur pa la rma'o/ /chu'i dkyil 'khor la bla ma shar ba la ni 'dum
 par 'gyur ro/ /sa la spen pa shar ba la g.yul du 'thab par mi 'gyur ro zhes pa ni 'dri ba'i nges pa'o/ / de bzhin du nad pa la ni stong pa'i dkyil 'khor la sogs pa la grangs bzhin du 'chi ba dang nyon mongs pa dang rma dang bde ba dang mnyam pa nyid du 'gyur te 'dri byed kyis dris par
 gyur pa na nad pa rnams la 'gyur ro zhes pa'o/ /g.yul du dgra ni nges par rab tu nyams/ 'dir sngar brjod pa'i g.yul du dgra ni nges par rab tu nyams par 'gyur te g.yon gyi rtsar sgra gcan stong pa'i dkyil 'khor la shar na'o/ /yang yig ni tshig kha bskang ba'i don
 to/ /rlung ste rlung gi dkyil 'khor la zla ba shar ba na 'pham par 'gyur ro/ /zla skyes me la shar ba dag pho nyas dris pa na dgra'i rma yang ngo / /chu'i dkyil 'khor la pa sangs shar ba la don rnyed par 'gyur ro/ /sa la mjug rings shar ba dag la dang por brjod pa'i dgra yang
 dbang du 'gyur te/ g.yul gyi yul la'o/ /de bzhin bgrod pa bag ma dag la g.yon gyi lam la gza' rnams kyi ni mang ba'i 'bras bur 'gyur te dri ba byas par gyur na'o zhes pa ste 'dri ba'i dus su sna las 'char ba'i nges pa'o/ /da ni dris pa'i dbyangs gsungs pa pho nyas zhes pa
 la sogs pa ste/ pho nyas brjod pa'i dbyangs rnams gang dag nges par bcu yis bsgyur te zhes pa g.yon dang g.yas kyi dkyil 'khor rnams kyis bsgyur ba'o/ /khyim gyi 'khor lo bcu gnyis dag gis bsre'o/ /slar yang de dag 'byung bas snun pa ni lngas bsgyur ba'o/ /nye ba'i
 skye bo dang ldan mtshan ma mkhan po ma gtogs pa'i nye ba'i skye bo dang ldan pa'o/ /bdun gyi cha'i lhag ma ni gza'i cha'i lhag ma ste/ zla ba ste gza' gcig la gnas pa dang / me ste gza' gsum pa dang / mda' ste gza' lnga pa dang ri bo ste gza' bdun pa la lhag ma la gnas par
 gyur na mi rnams la grub pa yod pa ma yin te nyi ma dang bkra shis dang phur bu dang spen pa ste mi mnyam pa rnams la'o/ /mig ste gza' gnyis pa dang / rig byed de gza' bzhi pa dang ro ste drug pa la bya ba 'grub par 'gyur te shin tu mnyam pa'i gnas su gyur pa zla ba dang gza' lag dang pa
 sangs rnams la lhag ma gnas par gyur na'o zhes pa ste dris pa'i dbyangs kyi nges pa'o/ /da ni lo la sogs pa'i khyad par las khyad par gsungs pa lo dang zhes pa la sogs pa ste/ lo ste lo drug cu dang / zla ba bcu gnyis dang / phyogs nyi shu rtsa bzhi dang / nyin dang mtshan
 mo'i dus nyin mtshan dang thun brgyad ni dus sbyor bcu gnyis kyi dbus su rab tu zhugs pa ste/ de dag la dge ba dang mi dge ba'i 'bras bu'i slad du dus sbyor dbus su rab tu zhugs shing dus sbyor gyi 'bras bu la nub par 'gyur ba ste 'di dag gi stobs dus sbyor rgyu ba las gzhan pa med do
 zhes pa'o/ /dus sbyor gcig ni lnga'i dbye bas gza' tshogs dang ldan dbyangs dang bcas pa'i de nyid tha dad du 'gyur te sngar brjod pa'i tshogs so/ /de nyid gcig ni dbugs rnams drug cus mngon lhag yon tan brgya ste sum brgya'i dus kyi chu tshod de chu tshod kyi dkyil 'khor dag
 la gnas so/ /chu tshod kyi cha shas chu srang drug cu'o/ /de yi cha shas zhes pa chu srang gi cha shas te dbugs drug rnams so/ mi yi dbang zhes pa ni bod pa ste khyad par las khyad par gyi dbugs kyi stobs nges pa'o/ /da ni dbugs 'byung ba dang 'jug pa'i dbus su mi dge ba
 dang dge ba'i 'bras bu gsungs pa/ dbugs 'byung ba dang 'jug pa dag gi dbus su grangs bzhin du mi dge ba dang dge ba'i 'bras bu ste 'dri ba'i dus su dbugs 'byung ba ste lte ba nas srog phyir 'byung na mi dge ba'i 'bras bur 'gyur ro/ /'dri ba'i dus su dbugs 'jug pa ste phyi rol nas
 lte bar srog rab tu 'jug par gyur na dge ba'i 'bras bur 'gyur ro/ /de nyid ni gang zhig rnal 'byor ldan pas shes par byed de gzhan rnams kyis ni ma yin no/ /lha shes skar rtsis pa rnams kyis kyang dus kyi chu tshod shes par byed de nyin zhag 'das pa'i dbang gis nyi ma zla ba bsgrubs
 nas te mi mnyam pa dang mnyam pa'i dus sbyor g.yon dang g.yas kyi dkyil 'khor gyi chu tshod phyi rol la bsgrubs nas so/ /da ltar byung ba shes pa min par te de ltar sngar brjod pa dag da ltar byung ba'i dus su shes par gyur pa ma yin par dge dang mi dge'i 'bras bu 'jig rten 'dir ni gang brjod
 pa/ de ni long ba yis kyang long ba bzung nas glang chen seng ges gtams pa'i thibs por rab tu 'jug ces pa ste dge ba dang mi dge ba ston pa'i 'bras bu'i nges pa'o/ /da ni dus sbyor gyi sbyor ba gsungs pa phra mo zhes pa la sogs pa ste/ phra mo'i rnal 'byor mi shes pa la zhes pa ni
 sngar brjod pa'i phra mo'i rnal 'byor dbugs 'byung ba dang 'jug pa'i sbyor ba mi shes par gyur pa la 'jig rten gyi tha snyad kyis gza' yi stobs dang bcas pa'i dus sbyor gyi sbyor ba sbyin pa ni 'char ba'i dus sbyor dang / 'char ba las bdun pa'i dus sbyor la gal te dus
 kyi me yod na de'i tshe dge ba'i bya ba don du gnyer ba rnams 'chi bar 'gyur ro/ /gal te nyi ma yod na de'i tshe nad kyis thebs par 'gyur ro/ /gal te sa skyes yod na rma 'byung bar 'gyur ro/ /gal te spen pa yod na de'i tshe nor rnam par nyams par 'gyur te/ de
 ltar na skye ba'i dus sbyor te 'char ba'i dus sbyor dang bdun pa de la gza' rnams kyis 'di dag thams cad byed pa gang yin pa de'i phyir de dag spang bar bya ste gsal bar bdag gi tshig gis dus sbyor gzhan ni sngags pas rab tu sbyin par bya'o/ /'dir 'char ba'i
 dus sbyor dang bdun pa la gal te sgra gcan yod na de'i tshe dgra nyams par 'gyur ro/ /gal te zla ba yod na de'i tshe rang nyid rgyas par 'gyur ro/ /gal te zla skyes yod na de'i tshe g.yul du rnam par rgyal bar 'gyur ro/ /gal te pa sangs yod na de'i tshe dga' ma
 dang bcas te bud med dang bcas pa'i nor dag thob par 'gyur ro/ /gal te yang dag dus sbyor thams cad kyis te gal te slar yang dus sbyor bcu gnyis po zhi ba'i gza' dang bcas par gyur na dge bar 'gyur ro/ /slar yang gal te rang lus g.yon gyi rtsa la
 gyur pa na/ nges par don ni thams cad 'grub ste/ mtha' dag sa yi steng du dag pa'i gza' dang tshes la'o/ /'dir dag pa'i gza' ni rgyu skar me bzhi dang nyi ma'o/ /rgyal dang bla ma'o/ /lha mtshams dang gza' lag go/ /snar ma dang spen pa'o/ /gro
 bzhin dang zla ba'o/ /tha skar dang bkra shis so/ /nam gru dang pa sangs te grub pa'i sbyor ba'o/ /'dir mi dge ba ni/ lha mtshams dang nyi ma'o/ /smin drug dang zla ba'o/ /mon gru dang sa skyes so/ /tha skar dang gza' lag go/ /mgo dang bla ma'o/ /snar
 ma dang pa sangs so/ /me bzhi dang spen pa ste 'di dag ni 'chi ba'i sbyor ba'o/ /sreg pa'i tshes rnams spangs nas gza' thams cad dang tshes thams cad dag pa ste biSh+Ti'i longs spyod ni spang bar bya'o/ /'dir sreg pa'i tshes rnams ni nyi ma dang
 bcu gnyis pa sreg pa'o/ /zla ba dang bcu gcig pa'o/ /bkra shis dang bcu pa'o/ /gza' lag dang gsum pa'o/ /phur bu dang drug pa'o/ /pa sangs dang gnyis pa'o/ /spen pa dang bdun pa ste tshes grangs 'di dag dge ba'i bya ba la
 spang bar bya'o/ /mi dge ba'i bya ba la ni gdug pa'i gza' dang tshes la sogs pa thams cad gzung bar bya'o/ /'dir shin tu ltung dang yongs 'joms dang khon 'dzin spangs pa'i sbyor ba thams cad ni dge ba'i bya ba la shis pa ste/ de bzhin du sel ba la
 chu tshod gsum spang bar bya'o/ /zug rngu la yang lnga spang bar bya'o/ /skrang ba dang shin tu skrang ba la drug go/ /kun 'joms dang rdo rje la dgu'o zhes pa ni sbyor ba ma dag pa'o/ /de bzhin du dag pa'i gza' dang tshes la'o zhes pa ni 'jig rten pa'i tha snyad kyis
 gza' la sogs pa yongs su dag pa ste/ don dam par sems can rnams kyi sngar bsgrubs pa'i las kyis dge ba dang mi dge ba'i 'bras bur 'gyur ro zhes pa ni de bzhin gshegs pa'i nges pa'o/ /da ni 'jig rten gyi tha snyad kyis skar ma la sogs pa'i stobs
 gsungs pa rgyu skar zhes pa la sogs pa ste/ rgyu skar rnams ni cha gsum byas nas zhes pa ni rgyu skar nyi shu rtsa bdun po 'di dag cha gsum ste dgu dang dgu dang dgu yis so/ /dgu pa de dag so so la nad pa'am g.yul du 'thab mo dag gi skyes pa'i rgyu skar ni dgu dgu
 las dang po'i ste thog mar 'gyur ro/ /de nas gcig gis bar du chod pa'i skar ma ni mi mnyam pa'i gnas te mi mnyam pa'i gnas de la gal te gdug pa'i nyi ma dang bkra shis dang spen pa dang dus me rnams ni zla ba dag dang lhan cig tu gyur na de'i tshe nad pa rnams sam
 g.yul du 'thab mo rnams ni 'chi ba nyid de mnyam pa'i gnas la rgyal ba'o zhes pa ni skar ma'i stobs kyi nges pa'o/ /da ni gdengs can gyi 'khor lo gsungs pa tha skar zhes pa la sogs pa ste/ tha skar la sogs pa rgyu skar nyi shu rtsa bdun rnams
 k yis rtsa gsum sprul yang spras par gyur pa rgyu skar nam gru nyid kyi bar du ste sdig zla zhes pa sdig pa'i gza' dang zla ba ni sdig zla ste nad pa'am 'thab mo ba'i skyes pa'i rgyu skar gal te rtsa gcig dag la gyur na de'i tshe mi rnams dag ni rnam par nyams te 'chi bar 'gyur ro zhes
 pa rtsa gsum pa gdengs can gyi 'khor lo'i nges pa'o/ /rtsa gsum la smin drug la sogs pa gcig gis bar du chod pa dang de bzhin du rtsa gsum la lag la sogs pa rgyu skar gsum gyis bar du chod pa rnams la zla ba gnas na gang thog mar g.yul gyi sar
 zhugs pa de rnam par rgyal bar 'gyur ro/ /rtsa'i phyi rol gyi rgyu skar gsum po rnams la zla ba gnas na gang phyi nas zhugs pa rnam par rgyal bar 'gyur ro zhes pa ni gdengs can gyi 'khor lo gsum pa'i nges pa'o/ /tshe'i gnas skabs kyi 'bras bu gsungs pa drug
 dang tshes dang zhes pa la sogs pa ste/ 'dir rtsibs brgyad pa'i 'khor lo byas la de nas shar nas dbang ldan gyi bar du nyi ma la sogs pa'i gza' rnams kyi longs spyod lo rgya rtsa brgyad dgod par bya ste shar gyi rtsibs la drug go/ /mer tshes zhes pa bcwa lnga'o/ /
 gshin rjer brgyad do/ /bden bral du ri zla zhes pa bcu bdun no/ /chu ru bcu'o/ /rlung du bcu dgu zhes pa gcig gis ma tshang ba'i nyi shu'o/ /byang du nyi ma zhes pa bcu gnyis so/ /dbang ldan du nyi shu gcig ste nyi mas drug longs spyod do/ /zla bas bcwa
 lnga'o/ /mig dmar gyis lo brgyad spyod do/ /gza' lag gis bcu bdun spyod do/ /nyi skyes kyis bcu spyod do/ /bla ma ste phur bus bcu dgu spyod do/ /lag 'gro zhes pa sgra gcan te lo bcu gnyis spyod do/ /dkar po ste pa sangs kyis lo nyi shu rtsa gcig
 spyod do/ /de ltar na lo brgya rtsa brgyad grangs bzhin du nyi ma la sogs pa rnams kyis te de dag rim pas spyod ces so/ /slar yang de dang nang gi gnas skabs la zhes pa ste 'dir rags pa'i gnas skabs la drag po rnams kyis zhi ba min pa byed de nyi ma dang bkra
 shis dang spen pa dang sgra gcan rnams kyis so/ /zhi ba rnams kyis zhi ba byed de zla ba dang gza' lag dang phur bu dang pa sangs rnams kyis so zhes grag go/ /'dir lo drug la sogs pa gnas skabs gcig la slar yang nang gi gnas skabs rnam pa brgyad du 'gyur ro/ /
 de dang nang gi gnas skabs la yang de las sde pa brgyad po rnams kyi yi ge dag gis zhes pa la/ 'dir sde pa'i yi ge rnams ni rnam pa gnyis te gcig ni 'jig rten la grags pa'i brjod pas yin la gzhan ni rang byung gi brjod pas so/ /'dir 'jig rten pa'i brjod pas
 a'i sde pa ni a i u e o ste a i r-i u l-i ka ces pa ni rigs pa'o/ /ka'i sde pa ni ka kha ga g+ha nga ste/ de bzhin du rtsa'i sde pa dang / Ta'i sde pa dang / ta'i sde pa dang / pa'i sde pa dang / ya'i sde pa ya ra la wa dang / sha'i sde pa sha Sha sa ha zhes pa ni 'jig rten pa'i
 brjod pas so/ /ha ya wa ra la Na/ nya ma nga Na na ma/ dz+ha b+ha nya/ g+ha D+ha d+ha Sha/ dza ba ga Da da sha/ kha pha cha Tha tha tsa Ta ta ba/ ka pa ya/ sha Sha sar zhes pa la sogs pa ni nam mkha' la sogs pa'i rigs pa'o/ /'di nyid la nam mkha' la sogs pas sde pa'i yi ge rnams
 yongs su dag pa med de bde byed spros pas brjod pa'i phyir ro/ /'dir yang a i r-i u l-i zhes pa ni nyi ma'i rags pa'i gnas skabs lo drug dang nang gi gnas skabs la rnam pa brgyad longs spyod do/ /de bzhin du ha ya wa ra la Na zhes pa ni zla ba'i lo bcwa lnga dang
 nang gi gnas skabs la'o/ /nga g+ha ga kha ka ni bkra shis kyi lo brgyad dang nang gi gnas skabs la'o/ /nya dz+ha dza tsha tsa ni gza' lag gi lo bcu bdun dang nang gi gnas skabs la'o/ /Na D+ha Da Tha Ta ni spen pa'i lo bcu dang nang gi gnas skabs la'o/ /ma b+ha ba pha pa ni phur
 bu'i lo bcu dgu dang nang gi gnas skabs la'o/ /na d+ha da tha ta ni sgra gcan gyi lo bcu gnyis dang nang gi gnas skabs la'o/ Th+ka sha Sha wa sa ni dkar po'i lo nyi shu rtsa gcig dang nang gi gnas skabs la rnam pa brgyad longs spyod do/ /de bzhin du sde
 pa'i rang bzhin ni nyi ma dang zla ba dang nam mkha' dang rlung dang me dang chu dang sa dang / ye shes kyi khams kyi rang bzhin te rim pa bzhin du yi ge lnga lnga'i bdag nyid kyi sde pa brgyad po rnams so/ /gang du e o a ra A ra a la A la yod pa der rtsa ba'i rang bzhin gzung
 bar bya'o/ /de ltar sde pa brgyad kyi yi ge rnams las yi ge lnga rnams la nyi ma la sogs pa rnams lo drug la sogs pa rnams la dbyangs kyis yud tsam dang / gsal byed kyis dkyil 'khor longs spyod de/ lnga pa rnam par phye ba las so/ /cha brgyad kyis
 lo drug la sogs pa rnams kyi nang gi gnas skabs la'o zhes pa ni/ gnas skabs kyi 'khor lo'i nges pa'o/ /gzi'i longs spyod so so'i dang po'i cha la tshe'i gnas skabs kyi bdag po ste de nas gzhan bdun po go rims bzhin no zhes pa ni tshe'i gnas skabs kyi
 nges pa'o/ /da ni rten cing 'brel par 'byung ba gsungs pa/ rgyal zhes pa la sogs pa ste/ rgyal gyi zla bar zhes pa rgyal 'das shing mchu 'jug pa'i nyin zhag la ma rig pa'o/ /'dir chu srin la sogs pa'i khyim gyi 'khor lo rtsibs bcu gnyis pa'o/ /de la dang po'i
 rtsibs la/ chu srin te der nyi ma son pa la'o/ /bum par nyi ma mchu la yang / yang yig gis mchu'i mtha' 'di nyid du dbo 'jug pa'i nyin zhag la 'du byed do/ /de bzhin du dbo'i mtha' nag pa'i dang po nya'i nyin zhag la rnam par shes pa'o/ /de bzhin du nag pa'i
 mtha' sa ga'i dang po lug gi nyin zhag la ming dang gzugs so/ /de bzhin du sa ga'i mtha' snron gyi dang po glang gi nyin zhag la skye mched drug go/ /de bzhin du snron gyi mtha' chu stod kyi dang po 'khrig pa'i 'pho ba'i nyin zhag la reg pa'o/ /de bzhin du chu stod kyi mtha' gro
 bzhin gyi dang po ka rka Ta'i 'pho ba'i nyin zhag la tshor ba'o/ /de bzhin du gro bzhin gyi mtha' khrums kyi dang po seng ge'i 'pho ba'i nyin zhag la sred pa'o/ /de bzhin du khrums kyi mtha' tha skar gyi dang po bu mo'i 'pho ba'i nyin zhag la len pa'o/ /de bzhin du tha skar gyi mtha'
 smin drug gi dang po srang gi 'pho ba'i nyin zhag la srid pa'o/ /de bzhin du smin drug gi mtha' mgo'i dang po sdig pa'i 'pho ba'i nyin zhag la skye ba'o/ /de bzhin du mgo'i mtha' rgyal gyi dang po gzhu'i 'pho ba'i nyin zhag la rga shi ste/ rtsibs bcu gnyis po rnams la rim
 pa bzhin yan lag bcu gnyis po rnams shes par bya'o/ /nyi ma'i dbye ba dang zla ba'i dbye ba ni rgyal gyi tshes gcig la sogs pas thams cad du rab tu grags so/ /gnyis ka'i bgrod pa'i dbang gis zhes pa ni 'pho ba'i bgrod pa'i dbang dang zla ba'i phyogs dang tshes kyi bgrod
 pa'i dbang gis te yan lag bcu gnyis po rnams so/ /rgyal dang mchu yi mtshams su chu srin dag la nyi ma gnas pa'i gza' de la ni ma rig pa'o/ /nyin zhag de nas nyin zhag gnyis pa la rga shi'o/ /gza' gsum pa la skye ba'o/ /bzhi pa la srid pa'o/ /lnga pa
 la len pa'o/ /drug pa la sred pa'o/ /bdun pa la tshor ba'o/ /brgyad pa la reg pa'o/ /dgu pa la skye mched drug go/ /bcu pa la ming dang gzugs so/ /bcu gcig pa la rnam par shes pa'o/ /bcu gnyis pa la 'du byed do/ /gza' gsum pa la ji lta
 ba de bzhin du bcu gsum pa la skye ba'o/ /bcu bzhi pa la srid pa'o/ /bco lnga pa la len pa'o/ /res 'ga' gza' bcu drug pa la yang sred pa'o/ /nyi ma'i bgrod pa'i dbye bas yan lag rnams te/ 'pho ba'i phyogs 'ga' zhig la gza'
 bcu drug tu 'gyur ro zhes pa ste/ g.yas kyi rtsa la chu srin gyi dus sbyor mnyam pa'i dbang gis so/ /de bzhin du mchu dang dbo'i mtshams su bum par nyi ma son pa'i gza' de la 'du byed do/ /gnyis pa la rnam par shes pa'o/ /gsum pa la ming dang gzugs so/ /
 bzhi pa la skye mched drug go/ /lnga pa la reg pa'o/ /drug pa la tshor ba'o/ /bdun pa la sred pa'o/ /brgyad pa la len pa'o/ /dgu pa la srid pa'o/ /bcu pa la skye ba'o/ /bcu gcig pa la rga shi'o/ /bcu gnyis pa la ma rig pa
 ste/ g.yon gyi char bum pa'i dus sbyor mi mnyam pa'i dbang gis spro ba'i rim pas so/ /'dir gsum pa la ji lta ba de bzhin du bcu gsum pa la ming dang gzugs so/ /bcu bzhi pa la skye mched drug go/ /bco lnga pa la reg pa'o/ /kha cig tu bcu drug pa la
 tshor ba'o/ /de ltar thams cad du nyi ma dang zla ba'i rgyu ba mnyam pa dang mi mnyam pa'i dbye bas shes par bya ste/ gnyis ka'i phyogs kyi 'pho ba la gza'i dbye bas so/ /'dir ma rig pa la sogs pa'i yan lag mi mnyam pa ni zhi ba'i bya ba kun la dge ba ste/ ma rig
 pa dang rnam par shes pa dang skye mched drug dang tshor ba dang len pa dang skye ba ni mi mnyam pa'i yan lag go/ /gang zhig 'du byed la sogs pa mnyam pa ni zhi ba'i bya ba la mi dge ba ste/ 'du byed dang ming dang gzugs dang reg pa dang sred pa dang srid pa dang rga shi ni
 mnyam pa ste/ mnyam pa ni drag po'i las la shis par 'gyur ro/ /de bzhin du rgyal gyi zla ba'i dkar po'i phyogs kyi tshes gcig la ma rig pa'o/ /gnyis pa la 'du byed de spro ba'i rim pas so/ /nag po'i phyogs kyi tshes gcig la ma rig pa'o/ /gnyis pa la
 rga shi ste/ de ltar nye bar sdud pa'i rim pas tshes bcu gnyis po rnams la yan lag bcu gnyis so/ /rgyal gyi zla ba la dkar po dang nag po'i phyogs kyi dbye bas ma rig pa la sogs pa'i yan lag rnams ji lta ba de bzhin du mchu la dkar po dang nag po'i phyogs kyi dbye bas
 'du byed la sogs pa rnams spro ba dang bsdu ba'i dbye bas rtogs par bya'o/ /de bzhin du dbo la sogs pa'i dkar po dang nag po'i phyogs rnams la rnam par shes pa la sogs pa ste/ yan lag bcu gnyis rnams so sor 'gyur ro/ /'dir 'jig rten pa'i tha
 snyad kyis skar rtsis shes pa la ji lta ba de bzhin du mngon par shes pa dang bral ba rnams kyis shes par bya'o zhes pa ni rten cing 'brel bar 'byung ba'i nges pa ste/ des na rgyas par ma gsungs so/ /da ni sa'i stobs gsungs pa nyi ma zhes pa la sogs pa ste/
 'dir sa'i dkyil 'khor phyogs brgyad kyi bdag nyid dang khyim gyi 'khor lo la gza'i 'khor lo 'khor ba shes nas/ sa'i phyogs brgyad po de dag la gang du nyi ma mig dmar mjug rings spen pa thams cad g.yas te/ g.yas sam rgyab tu yang dag gnas pas dgra ni
 'chi bar byed de dgra rnams kyi mdun dang g.yon du gnas pas 'chi bar byed do/ /g.yon dang mdun du zhi ba'i rang bzhin gza' tshogs mtha' dag g.yul gyi sar ni de bzhin kho na dgra ni 'chi bar byed de zla ba dang gza' lag dang pa sangs dang bla ma ni zhi ba'i rang bzhin
 gza' tshogs te dgra rnams kyi g.yas dang rgyab na gnas na dgra ni 'chi bar byed do zhes pa nges pa'o/ /de bzhin du 'chad par 'gyur ba'i rnal 'byor ma dang bi Sh+Ti drag po rlung dang bcas pa g.yas dang rgyab tu bde ba sbyin pa ste/ dgra rnams kyi g.yon dang mdun du gnas
 pas 'chi bar byed par 'gyur ro/ /mnyam dang mi mnyam gyur pa ste/ drag po phyed dgra rnams kyi g.yas dang rgyab tu yin la drag po phyed ni ma yin zhing zhi ba phyed g.yon dang mdun du yin la zhi ba phyed ni ma yin pa de'i tshe gnyis ka'i dbung ni 'joms par 'gyur te/
 gnyis ka'i dpung rnams 'chi bar 'gyur ro zhes pa ni nges pa'o/ /da ni tshangs ma la sogs pa rnal 'byor ma rnams kyi stobs gsungs pa tshangs ma zhes pa la sogs pa ste/ 'dir dkar po'i phyogs sam nag po'i phyogs kyi tshes gcig la brgya byin du tshangs ma'o/ /
 gnyis pa la gnod sbyin du drag mo'o/ /gsum pa la me'i mtshams su gzhon nu ma'o/ /bzhi pa la bden bral du khyab 'jug ma'o/ /lnga pa la gshin rjer phag mo'o/ /drug pa la chur dbang mo'o/ /bdun pa la rlung du tsA mu N+DA'o/ /brgyad pa la dbang ldan du dpal mo chen
 mo ste nor gyi tshes la zhes pa brgyad kyi tshes la'o/ /dang po ni tshes gcig la sogs pa'o/ /dgu pa la zhes pa ni slar yang dgu pa la brgya byin du tshangs ma'o/ /bcu pa la gnod sbyin du drag mo'o/ /bcu gcig pa la mer gzhon nu ma'o/ /bcu gnyis pa
 la bden bral du khyab 'jug ma'o/ /bcu gsum pa la gshin rjer phag mo'o/ /bcu bzhi pa la chur dbang mo'o/ /bcwa lnga pa la nya'am/ gnam stong gi tshes phyed la tsA mu N+DA dang tshes phyed la dpal chen mo'o zhes pa ni rigs pa'o/ /de ltar phyogs brgyad po 'di
 dag tu rnal 'byor ma de dag 'char bar byed do/ /slar yang tshes gcig la sogs pa'i tshes rnams la phyed snga ma brgyad du dbye zhing phyed phyi ma brgyad du dbye ste/ de ltar na tshes de dag tu brgyad gnyis kyi dbye ba rnams la 'char bar shes par bya'o/ /de dag rnams kyi rang
 rang gi tshes la brgyad cha dang po longs spyod pa ni tshes kyi bdag mo ste phyi nas ji ltar brjod pa'i rim pas bdun po longs spyod pa ni bdun po rnams so zhes pa ni rigs pa'o/ /de bzhin du tshes kyi phyed phyi ma la yang shes par bya'o zhes pa ni rnal 'byor ma'i 'khor lo 'char ba'i
 nges pa'o/ /da ni bi Sh+TI stobs gsungs pa bi Sh+Ti rnams ni dkar po'i phyogs kyi bzhi pa dang brgyad pa dang bcu gcig pa dang nya la 'char te rim pa bzhin du brgya byin dang gshin rje dang nub dang byang du'o/ /nag po'i phyogs kyi gsum pa dang bdun pa dang bcu pa dang bcu bzhi pa
 la 'char te rim pa bzhin du me dang bden bral dang rlung dang dbang ldan du'o zhes pa ni bi Sh+ti 'char ba'i nges pa ste 'di dag gi bya ba ni sngar nyid du gsungs so/ /da ni drag po'i stobs gsungs pa drag po shar nas te shar gyi phyogs nas gzhan phyed chu'i bar du 'gro ste nyin zhag dbang
 gis ni 'pho ba rgyu ba'i dbang gis so/ /byang du zhes pa ni g.yon skor gyis so/ /byang gi nyi ma la zhes pa ni byang bgrod la gnas pa la ste chu srin dang bum pa'i phyed la shar du'o/ /bum pa'i phyed dang nya la dbang ldan du'o/ /lug dang glang gi phyed la byang du'o/ /glang gi phyed dang
 'khrig pa la rlung du'o/ /de'i 'og tu chu nas me ldan zhes pa ni nyi ma lhor bgrod pa la gnas pa la drag po lhor 'gro ste ka rka Ta dang seng ge'i phyed la chu ru'o/ /seng ge'i phyed dang bu mo la bden bral du'o/ /srang dang srid pa'i phyed la gshin rjer ro/ /sdig pa'i phyed dang gzhu la me
 ru'o zhes pa ni drag po 'char ba'i nges pa'o zhes pa la sogs pa zla ba'i drag po dang phyogs kyi drag po dang nyin zhag gi drag po dang dus kyi drag po dang rnam pa drug ni don med pa ste/ des na ma gsungs so/ /da ni thun phyed pa'i sgra gcan gyi stobs gsungs te 'dir gza' bdun
 po rnams las nyi ma 'char ba la shar nas te shar gyi phyogs kyi cha nas thun phyed kyi mjug tu rlung du rab tu 'jug go/ /de nas thun phyed gzhan gyi mthar lho ru 'gro bar byed do/ /slar yang thun phyed gzhan gyi mthar dbang ldan du 'gro'o/ /de nas thun phyed gzhan gyi mthar chu ru
 'gro'o/ /de nas thun phyed gzhan gyi mthar mer ro/ /de nas thun phyed gzhan gyi mthar gnod sbyin du'o/ /de nas thun phyed gzhan gyi mthar bden bral du 'jug go zhes pa ni phyogs brgyad po rnams la nyi ma 'char ba nas nyi ma nub pa'i bar du nges pa ste de bzhin du mtshan mo la
 shes par bya'o/ /dpal ldan rtsa ba'i sgra gcan dor nas rlung dag las kyang 'di ni rnam par rgyal bar 'gyur te/ mtshan ma'i 'thab mo 'thab mo pa gnyis kyis 'thab mo dang 'khrug pa dag la yang rtsa ba'i sgra gcan gyis ni dgra'i stobs 'joms te zla ba la sogs pa'i sgra
 gcan rnams kyi nang na de dang mtshungs pa'i sgra gcan gzhan yod pa min no zhes pa ni nges pa'o/ /da ni mtshan ma'i 'thab mo la 'thab mo pa'i stobs gsungs pa dbyangs dman 'thab mo pa ni mnyam pa'i g.yul mtshan ma'i 'thab mo dang mi mnyam pa'i g.yul gnyi ga'i dpung
 gi 'khrug pa la ste/ mnyam pa mi mnyam g.yul la lhag pa dag gis te dbyangs kyi yi ge lhag pa'i ming gis 'joms par byed pa ste dbyangs thung ngu dbyangs ring pos 'joms par byed do/ /dbyangs ring po ni dbyangs shin tu ring pos 'joms par byed do/ /slar yang mtshan ma
 gzhan ni dbugs la gnyis kyi ming gang snying la rab tu 'jug na de ni 'khrug pa dag las rgyal bar 'gyur/ gang gi ming dbugs phyir 'thon pa la yin pa de ni 'chi bar 'gyur ro/ /sbyor ba gzhan ni pho nyas brjod pa dang po'i ming de rnam par rgyal bar 'gyur te phyis
 kyi ming ni pham par 'gyur zhes pa ni nges pa'o/ /'du ba zhes pa ni rgyal mtshan dang du ba dang seng ge dang khyi dang glang dang bong bu dang glang po che dang bya rog ces pa'i 'du ba rnams so/ /kha dog ni ljang khu dang dkar po dang dmar po dang nag po ste de bzhin du bram ze dang rgyal
 rigs dang rje'u rigs dang dmangs rigs so/ /dbyangs la sogs pa ni yi ge'i tshogs nyis 'gyur dang dbyangs kyi tshogs bzhi 'gyur bdun gyi cha'i lhag ma ni 'bras bu ste dbyangs la sogs pa 'di dag dang dbang phyug gis spros pas brjod pa gzhan mnyam pa dang mi
 mnyam par 'gyur pa rnams kyis kyang 'bras med ston pa nyid de gang gi phyir mngon par shes pa lnga med pa'i phyir ro/ /'jig rten gyi tha snyad thams cad kyis byis pa rnams kun tu rmongs pa skyed par byed pa'i tshig rang gi las kyi 'bras bu la longs spyod pa dang bral ba ni
 gza' la sogs pa'i 'bras bu'i zol gyis drang srong rnams kyis brdzun gyi bkod pa byas pa'o/ /dbang phyug gi chos la gnas pa rnams kyis dbyangs 'char ba'i bkod pa byas te/ dbang phyug gis gsungs so zhes pa'i brdzun gyi tshig gis 'jig rten rnams rab tu slu bar phyed do/ /
 spros pa 'di ni rgya cher mchog tu mi 'gyur ba'i ye shes grub pa las brjod par bya ste 'dir ni cho ga'o/ /da ni rtsa ba'i sgra gcan gyi stobs gsungs pa dus zhes pa la sogs pa ste/ 'dir sa la rgyu skar byas nas zhes pa ni rgyu skar nyi shu rtsa brgyad po rnams te rgyu skar gang la nyi ma
 yod pa'i rgyu skar de shar gyi skar ma bdun po rnams kyi dbus su yin zhing g.yas dang g.yas min du rgyu skar gsum ste thub pa zhes pa bdun ni shar du'o/ /dus kyis bsgyur ba ni shar du ji lta ba de bzhin du byang dang nub dang gshin rjer ro/ /'khor lo 'khor bar byed pa ni g.yas skor
 gyis te rgyu skar dgod pa ni g.yon skor gyis so/ /nyin mtshan gyis rgyu skar nyi shu rtsa brgyad po rnams so sor 'char ba la longs spyod do/ /'dir 'khor ba'i dbang gis rgyu skar gang la dus te sgra gcan gyi mjug mar gyur pa dang mun can du yang rab gyur zhes pa ste 'thab mo'i sa la
 mi bdag rnams kyi g.yas su dus dang gal te g.yas min du mun can sgra gcan gyi gdong du gyur pa na de'i tshe g.yul du lha'i mgon po dag ni 'phrog byed drag po dang bcas mi rnams kyis kyang 'joms par 'gyur ro/ /lta ba ltung bas gdong dang mjug ma'i sgra gcan gnyis
 po de dag la yang g.yul du dgra'i sde rnams dag ni 'phral du nges par ltung ste lto yi dbus su rgyal bar 'gyur ro/ /'dir gal te shar du gdong pa dang nub tu mjug ma yod na de'i tshe lhor lta ba dang byang du lto ba'o/ /gang gi tshe me la gdong ba yod na de'i tshe rlung du mjug ma dang
 bden bral du lta ba dang dbang ldan du lto ba'o/ /gang gi tshe lhor gdong pa yod pa de'i tshe byang du mjug ma dang chur lta ba dang shar du lto ba'o/ /gang gi tshe bden bral du gdong pa yod pa de'i tshe dbang ldan du mjug ma dang rlung du lta ba dang mer lto ba'o/ /gang gi tshe chur gdong ba yod pa
 de'i tshe shar du mjug ma dang byang du lta ba dang lhor lto ba'o/ /gang gi tshe rlung du gdong pa yod pa de'i tshe mir mjug ma dang dbang ldan du lta ba dang bden bral du lto ba'o/ /gang gi tshe byang du gdong pa yod pa de'i tshe lhor mjug ma dang shar du lta ba dang nub tu lto ba'o/ /gang gi tshe
 dbang ldan du gdong pa yod pa de'i tshe bden bral du mjug ma dang mer lta ba dang rlung du lto ba'o/ /de ltar sgra gcan dus la gnas pa rnams te gdong la gnas pa dang mjug ma la gnas pa rnams ni 'chi bar 'gyur ro/ /dpung rnams mnyam du ltung bar 'gyur ba ni lta ba'i cha la
 gnas pa rnams te 'dir lta ba'i cha ni lta ba la gnas pa'i rgyu skar bcu gnyis rnams kyi g.yas dang g.yon nas gsum pa'i cha rgyu skar bzhi ni sgra gcan gyi yin la bzhi ni dus kyi ste/ brang 'gro 'gro ba'i dbang gis der ni sde rnams bcom par 'gyur ro/ /lta ba'i cha ni spangs pa rnams
 ni lto la gnas pa'i rgyu skar bcu gnyis rnams kyi gsum pa'i cha ni ltor zhugs pa ste rgyu skar bzhi g.yas dang bzhi g.yas min du'o/ /'dir lta ba'i cha la gnas pa rnams lto'i char zhugs pa rnams la mngon par phyogs par 'gyur te de rnams dang lhan cig 'thab bo/ /
 de ltar dpal ldan rtsa ba'i sgra gcan bla ma'i gsung la gnas pa dus kyi 'khor lor shes par bya ste bla ma'i gsung ni sangs rgyas kyi gsung ngo / /rgyu de'i phyir dpal ldan rtsa ba'i sgra gcan srid gsum rnam rgyal te 'khyog po zhes pa ni gza' drag po'o/ /lha min zhes pa ni rnal
 'byor ma drug cu ste 'khyog po drag po lha min de dag gi nang na rnam par rgyal ba'o/ /g.yul gyi dus su sa'i dkyil 'khor la gnas shes par bya ste gzhan du dgra ni nyams pa med/ de ltar brjod pa'i rim pas sgra gcan shes par bya'o zhes pa ni nges pa'o/ /'dir rnal 'byor ma la
 sogs pa'i stobs thams cad btang nas rgyal rigs rnams kyis sgra gcan 'di gcig pu gzung bar bya ste gang gis nyi ma zla ba za zhing skabs gsum pa rnams 'jigs par byed la drag po'i gzugs can mig sman gyi mdog ste/ sa la gang zhig nyin mtshan gyis shar dang nub dang
 lho dang byang gi phyogs kyi cha ste phyogs brgyad po rnams su 'khor ba de nyid gzung bar bya'o zhes pa ni g.yul gyi stobs la nges pa'o/ /da ni gdug pa'i dgra'i rdzong gzhom pa'i don du 'khrul 'khor rnams gsungs pa/ g.yul du zhes pa la sogs pa ste/ g.yul du pha ma pa'i dgra
 bo dag ni gal te 'phral la mkhar gyi nang du zhugs par gyur pa na de'i tshe phyi rol du 'khrul 'khor byas te 'khrul 'khor de dag gis 'phangs ba rgyun chad med par ltung ba'i rdo dang me mda' rab tu 'bab pa dang / ral gri la sogs gcod pa'i 'khrul 'khor dag gis
 rang gi khyim bsrung ba byas nas sa gzhi'i gnas la rdo rje'i gur dang lcogs ni dbye ba dag gis kyang de yi rdzong ni phye mar byas te nyin zhag nyung zad dag gis gdug pa de ni bsgrub par bya zhes pa ni rigs pa'o/ /'dir thang gi ra ba'i rdzong la rdo'i 'khrul 'khor gyi mtshan nyid gsungs pa/ ka ba
 bzhi zhes pa la sogs pa ste/ ka ba bzhi ni brgyad gnyis khru ldan zhes pa ni khru bcu drug pa gru bzhi pa zheng du sor bcu drug pa ste/ 'khrul 'khor rab kyi'o/ /'bring gi ka ba ni khru bcu bzhi pa ste zheng du sor bcu bzhi pa'o/ /tha ma'i ka ba ni khru bcu gnyis pa ste zheng du sor bcu
 gnyis pa'o/ /de dag kyang gnas brgyad du phug par gyur pa ste/ mnyam dang mi mnyam gnas nas so/ /mnyam pa ni shar dang nub kyi mtha' ste/ mi mnyam pa ni lho dang byang gi mtha'o/ /gnas brgyad po de dag tu phug par gyur pa ste/ bug pa'i tshad ni gsum gyi cha'o/
 de dag tha dad pa rnams ni mdun du rdang bu bzhi dang g.yas su bzhi dang g.yon du bzhi dang rgyab tu 'og gi char gcig gis so/ rgyab kyi ka ba dag la bug pa lnga nyid de mdun gyi ka ba dag la ni brgyad do/ /'khrul 'khor gyi tshad ni rtsa bar khru bcu ste steng du khru lnga'o/ /sgyogs
 mda' ni ka ba rnams las khru gnyis kyis dman pa'o/ /o log gcu'i tshad ni khru drug pa ste/ o log gcu'i g.yon dang g.yas su ba lang gi mjug ma'i rnam pa'o/ /dbus kyi zlum por phyed bcas khru gnyis dag go/ /ngos gnyis kar sor nyi shu'o/ /rtse mo'i
 bum pa dag la sor sum cu'o/ /zlum po 'di'i dbus su bug pa sor bcu bzhi pa zheng du sor bdun pa'o/ o log gcu'i bug pa der sgyogs mda' khru gang dor nas khru bcu gsum po rnams ba lang gi mjug ma'i rnam par byas te sgyogs mda' de de'i bug par rab tu gzhug
 go/ /lcags kyi gzer gyis rgyab kyi char gzer gyis gdab ste/ brtan par 'gyur ro/ /sgyogs mda'i mgo bo khru gang gi tshad la sum cha'i bar du bug pa gnyis so/ /bug pa de dag tu a long gnyis te/ zlum skor du sor drug cu pa lcags kyi dbyug gu zlum po'i rgyar sor drug pa'o/
 re re la thag pa lnga bcu gdags par bya ste/ mgo bor a long dag la zhes so/ /sgyogs mda'i mthar gnya' non zlum po sor bcu gnyis pa'o/ /sgyogs mda'i rtse mor mdzub mo dang bcas pa bcug ste/ gzer gnyis kyis sgyogs dang bcas pa dang lce dang bcas
 pa la gdab bo/ /lce'i rtse mor mdzub mor shes par bya ste/ sor drug ni lce'i gnya' non gyi tshad yin la de'i bug par sgyogs mda'i gnya' non gyi bar du bcug par 'gyur ro/ /sgyogs mda'i mdzub mo 'di la 'ur mthil thag pa dang bcas pa la khru
 gsum pa ste/ 'dir pags pa'i 'ur mthil sor nyi shu rtsa bzhi pa dbus kyi zheng la sor bcu gnyis pa g.yas dang g.yas min du ba lang gi mjug ma'i rnam pa'o/ /ngos gnyis kar srad bu'i rang bzhin gyi thag pa gnyis te/ byed dang bcas pa'i khru gnyis lhag pa'o/ /
 'ur mthil de'i nang du rdo ba rab tu bcug ste/ stobs ldan 'then byed rnams kyis thag pa rnams 'then par gyur pa dag btang ba ni 'phral la myur du nam mkhar 'gro ste/ song nas 'phral la nges par ltung zhing khang steng la sogs pa ra ba'am lam srang dag tu mtha' dag
 phye mar byas nas rdo ba sa yi 'og tu 'gro ste/ rdo rje 'bab pa ji lta ba nyid bzhin no/ /'khrul 'khor de yi mdzub mo zla ba phyed pa'i rnam pa ni sa gzhi'i gnas su tshangs pa'i ri mo mdzub mo'i mgo dang mnyam par 'gyur ro/ /de'i ngos gnyis su mtho re re'i bar gyis
 rdo ba gtang ba'i gnas brgyad du 'gyur ro/ /lag pa gnyis ka'i khu tshur bcings pa las ni gtang bar bya ba yin te/ gtong ba'i dus su rdo bas la reg par 'gyur ro/ /mnyam pa'i rkang pa ni rkang pa g.yas pa 'khrul 'khor gyi nang du zhugs pa ste/ mi mnyam
 pa'i rkang pa ni rkang pa g.yon pa zhugs pa'o/ /rang 'dod rdo ba lhung ste/ rnam gsum bgrod pa'i dbang gis ni g.yon dang g.yas dang dbus kyi bgrod pa'i dbang gis te/ rdzong ni rnam par gzhom pa'i don du'o zhes pa thang gi rdzong dbye ba'i nges pa'o/ /gang zhig bsnun pas
 glang chen zhes pa la sogs pa ni go sla'o/ /da ni chu'i rdzong blang ba'i slad du chu'i 'khrul 'khor gyi mtshan nyid gsungs pa/ ka ba zhes pa la sogs pa ste/ 'dir chu'i 'khrul 'khor gyi don du shing sbom du sor drug pa khru bcu bzhi pa'o/ /glang po che'i 'khrul 'khor la sor
 nyi shu rtsa bzhi'o/ /rta'i 'khrul 'khor la sor nyi shu'o/ /mi'i 'khrul 'khor la sor bcu drug go/ /khru bcu gnyis kyi bar bar la gnas pa'i ka ba drug po dag gis gnyis ka'i nang ni mnyam pa lhag chad med pa nyid do/ /snying po re re ni khru bcu gnyis so/ /'og gi
 nang dang steng gi nang la khru ni zung gi bar dag la ste/ khru gnyis kyi bar la'o/ /ka ba drug dang nang gnyis kyis snying po re rer 'gyur ro/ /zhes pa ni nges pa'o/ /so so'i re mig kun la spang leb dag gis g.yogs pa ste/ 'dir ngos gnyis kar dpung pa rnams brus shing
 spang leb so so'i ngos gzhan la 'og dang steng gi spang leb kyi rtse mo bsrungs nas dbus su ngos gcig brus te/ spang leb las sor mo gcig spang leb kyi dbus su bcug la ji ltar chu 'jug par mi 'gyur bar bsdam par bya'o/ /de bzhin du 'og dang steng dang shar dang
 nub dang byang dang lho thams cad du bya'o/ /glang po che rnams kyi snying po ni dpangs su khru gsum mo/ /rta rnams kyi ni phyed dang bcas pa'i khru gnyis so/ /mi rnams kyi ni khru gnyis so/ /pags pa spra tshil gos rnams kyis zhes pa ni spang leb so so'i mtshams kyi gnas
 de rnams su pags pa bzhu ba dang spra tshil gos rnams kyis steng du rgyas gdab par bya'o/ /ji ltar snying po'i dbus su rlabs kyi chu mi 'jug par khru gnyis kyi dpangs ni mgrin pa'i gnas su snying po'i dbus su 'jug pa'i slad du bya'o/ /snying po dman pa dang 'bring
 dang mchog gi dbye ba 'di rnams kyis 'khrul 'khor du mar 'gyur ro/ /dus zhes pa snying po drug gis 'khrul 'khor du 'gyur te/ brgyad kyis sam skyon te/ bcwa brgyad kyis sam sum 'gyur nyin byed de/ sum cu rtsa drug gis sam nyis 'gyur te/
 snying po de'i nyis 'gyur dag gis 'khrul 'khor du 'gyur ro/ /rgya mtsho chen po rgal ba'i slad du/ snying po stong phrag gi mthar thug pa'o/ /'dir phyi rol du dpung pa bzhi rnams la ste/ snying po so so'i shar dang nub kyi dpung pa dag dang / nang gnyis kyi lus la
 byang dang lhor g.yas dang g.yas min dag la'o/ /dpung pa bzhi po de rnams dang / ka ba'i shing dpung pa phug pa'i bug pa nas phyung ba rgyar dpung ba'i sum cha dang ldan pa rnams la spang leb khru gsum pa rtse mo gnyis ka phug pas snying po thams
 cad phan tshun bsdam par bya ste/ snying po'i gra bzhir ro/ /lhag ma snang ba'i gnas rnams su skya ba rnams rgyu bar byed do/ /skya ba rgyu ba'i gnas rnams spangs nas steng ngam shar dang nub kun nas rgya yis btab pa'o/ /'khrul 'khor thams cad kyi rgyab tu skya ba
 'dzin pa drug ste/ de bzhin du bcu gnyis dang sum cu dang brgya'i mthar thug pa'o/ /skya ba 'dzin pa de rnams kyis mdun nas dpung pa gnyis ka mnyam pa 'khrul 'khor 'dren pas 'khrul 'khor dang rjes su mthun pas stong gi mthar thug par 'gyur ro/ /
 yang na rlung rjes su mthun par shes nas ka ba'i khung bur rab tu btsugs pa'i g.yo ba'i rlung gi dar rnams kyis ni ste/ rlung dar rnams kyis 'khrul 'khor de rlung gis bskyod pa ste/ de la zhon pa rang gi sde ni chu'i rdzong dag nyams pa'i don du chu'i gter la 'gro/ /
 gling gzung ba'i don du'o zhes pa rigs pa ste/ gdug pa rnams gdul ba'i don du'o zhes pa chu'i 'khrul 'khor gyi mtshan nyid do/ /da ni ri'i rdzong bshig pa'i don du me'i 'bru mar 'phen pa la rlung gi 'khrul 'khor gsungs pa/ chu gter zhes pa la sogs pa ste/ /
 'dir spang leb gru bzhi pa khru bzhi pa'i stegs bu'i dbus su ka ba khru gsum pa rgyar zlum por sor bcu gnyis pa'o/ /g.yon dang g.yas dang rgyab dang mdun gyi zur rnams su lcags kyi phur ba a long dang bcas pa'o/ / a long de rnams la thag pa rnams kyis ka ba'i
 mgo bcing bar bya'o/ /'khrul 'khor gyi cha gnyis steng dang 'og gi mthar thug par sra ba'i gos rnams kyis g.yog par bya'o/ /'dir zur du rgyal mtshan rnams ni khru lnga pa ste/ rgyar gcig pa'o/ /'og dang g.yon dang g.yas kyi zur gyi a long 'khrul gnyis
 kyi bar thag pa gsum mo/ /der gcig tu bsdoms pas ri'i rdzong gi dpangs kyi tshad dang mtshungs pa'o/ /thag pa des rgyab nas mi rnams dag gis drangs shing sa las thag pas steng du 'gro ste/ 'khrul 'khor de ni rlung gis rab tu bskyod par gyur pa nges par
 brag rdzong bshig pa'i don du mkha' la 'gro ba ste/ de'i steng du 'khrul 'khor der me'i 'bru mar dang me dang bcas pa'i skyes bu zhig gzhug par bya'o/ /mi des rlung gi 'khrul 'khor de nas me'i 'bru mar 'phangs pas dgra'i dpung dang rdzong ni thams cad kun nas
 sreg par byed ces pa ste/ nges par ri yi rdzong gzhom pa'i nges pa'o/ /gri gug gi 'khrul 'khor ni mngon sum du mthong bas rtogs par bya ste/ tshigs su bcad pas kyang gsal bar gsungs so/ /de bzhin du rtse mo 'byed pa yang rlung gi 'khrul 'khor yang
 rab tu gsal bar byas shing tshigs su bcad pa yang gsal te/ 'dir 'grel bshad kyi rnam par bshad pa med do/ /de bzhin du rdo rje'i gur la yang rnam par bshad pa med do/ /da ni g.yul du glang po che go cha dang bcas pa 'bugs pa'i slang du lcags
 mda'i 'khrul 'khor gsungs te/ chur sor drug pa lcags mda'i tshad kyi wa byas nas de'i 'og dang steng dang g.yas dang g.yon gyi char lcags kyi dbyug pa sor drug pa gru bzhi pa'i rtse mor rgyas btab pa'i bug pa la lcags kyi phur pa rnams kyis mtshams gnyis dang
 dbu ma la rgyud dang bcas pa'i gzhi ni g.yo ba med par btags byas nas/ slar yang stegs bu de'i rgyab kyi char g.yas dang cig shos su lcags kyi phur pa gru bzhi pa gnyis so/ /lcags kyi dbyug pa'i rtse mor phur pa'i bug par 'khrul shing gi rtse mo gnyis po gzhug
 par bya'o/ /'khrul shing gi dbus su sor mo rnams te/ drug gam lnga'am bzhi'am gsum mam gnyis so/ /'og tu lcags kyi dbyug gu mthe chung gi tshad chur sor gsum pa cig 'og gi phur pa'i a long g.yo ba dang bcas pa la gzhug par bya'o/ /steng du rgyud
 rnams sor mo'i rtse mor bcing bar bya'o/ /sor mo'i rtse mo de la so so'i mtshams su lcags mda' dang rgyud rnams so/ /rgyud des mang zhing mnyam pa'i mda' 'am lcags mda' rnon po rnams g.yul gyi dus su 'phangs pas/ go cha dang bcas glang
 chen lus po phug nas rab tu 'gro bar 'gyur zhes pa ni lcags mda'i 'khrul 'khor gyi nges pa'o/ /da ni rgyal po'i pho brang bsrung ba'i slad du sa 'og gi ral gri'i 'khrul 'khor gsungs pa/ ka ba gnyis zhes pa ste/ 'dir ka ba gru bzhi pa rgyar sor bcu
 gnyis kyi tshad khru bzhi pa gnyis te/ khru gnyis brkos pa'i 'og tu sa la nub cing khru gnyis brkos pa'i nang du gnas pa dag go/ /de la brkos pa'i gnas nas steng du khru phyed dang gnyis dor te/ de nas g.yon dang g.yas kyi ka ba'i bug pa la rdang bu gzhug par
 bya'o/ /steng du sor drug dor nas thag pa rnams kyis dkri bar bya ste/ zlum po g.yo ba'i don du'o/ /thag pa de dag gi dbus kyi zlum po'i dbus su ral gri'i chang gzungs bcug pa ste/ dang por zlum po bskor ba du ma rnams kyis bskor te/ zlum po'i dbus su
 ral gri'i chang gzungs bcug pa rtse mo'i char gzer gyis btab pa'o/ /de bzhin du mdun nas ka ba gnyis po lugs las bzlog pas bskor ba ste/ ral gri'i rtse mo la gnas pa'i phyag rgya'i rtse mo'i cha la mnan pa'i ral gri'i rtse mo'i phyag rgya'i rtse mo la thag pas mnan
 pa'o/ /ral gri'i chang gzungs kyi rtse mo'i 'khrul shing gi cha la 'khrul shing sor drug pa'i tshad do/ /de nas ral gri 'byung ba spangs nas spang leb rnams kyis brkos pa'i steng du g.yog par bya'o/ /gang gis bskul bar gyur pa la 'thon par 'gyur te/ lcags
 las byas pa'i chung ngu'o/ /zla ba zhes pa ni gsang ba'i skad do/ /dbus zhes pa ni spros pa ste/ 'dir ral gri'i chang gzungs kyi rtse mor 'khrul shing gi steng du spang leb sbyin par bya'o/ /spang leb de la gang gi rkang pa bzhag pa de ni ral gri yis gcod par byed
 do zhes pa rang bzhin du shes par bya'o/ /ral gri'i 'khrul 'khor gyi nges pa zhes pa ste/ ral gri'i 'khrul 'khor gyi mtshan nyid nges pa'o/ /de ltar g.yul gyi dus su mkhar gyi sgo'i mtha' dang mi'i bdag po'i khang par rtag tu rtsa ba'i sgo'i lam spangs nas 'khrul
 'khor du ma rnams te/ 'khrul 'khor kho na mtshon cha'o zhes pa sa 'og gi ral gri'i 'khrul 'khor gyi nges pa'o/ /da ni rgyal rigs 'thab pa la shing rta'i mtshan nyid gsungs pa/ srog shing steng du zhes pa la sogs pa ste/ 'dir shing rta'i don du dang por srog
 shing brtan por bya'o/ /rta rnams kyi shing rta'i 'khor lo'i tshad ni phyed dang bcas pa'i khru gnyis so/ /srog shing ni bzhi 'gyur cung zad lhag pa dang bcas pa ste/ tshad de nyid kyis gru bzhi dang zlum po'o/ /de nas srog shing gi steng du gdan te/ phyogs
 brgyad dang dbus su 'khor lo'i tshad las dgu cha'i re mig bdag nyid do/ /de nyid ni nyi ma'i lag pas zhes pa rgyar sor drug pa'i lag pa bcu gnyis kyis te/ shar dang nub kyi drug dang lho dang byang gi drug gis gdan du 'gyur ro/ /srog shing rgyar sor bcu
 bzhi pa ste/ de cha gsum du byas nas dbus kyi cha spangs te/ rtse mo gnyis kyi gnas su bug pa bya'o/ /bug pa de dag tu 'khor lo'i rtsibs bcug nas srog shing dang lhan cig gzer gdab par bya'o/ /'khor lo'i mu khyud la lcags kyi 'khrul shing g.yo ba med
 pa ste/ gzhi'i bug pa zlum po la bcug pa 'khor lo dang bcas pa 'khor ba'o/ /de nas gdan de'i zur bzhi rnams su rgyar gnas kyi lag pa dang chur nyis 'gyur gyi ka ba bzhi ste/ de rnams kyang rdang bu rnams kyis phyogs bzhi rnams su phye ba dang 'og dang steng du phye
 pa'o/ /mnyam pa'i shing rta ni mnyam pa'i rta rnams kyis bskyod pa'o/ /mi mnyam pa'i shing rta ni mi mnyam pa'i rta rnams kyis bskyod pa'o/ /gnyis dang bzhi dang drug ni mnyam pa'i rta rnams so/ /gsum dang lnga dang bdun ni mi mnyam pa'i rta rnams so/ /mi mnyam
 pa'i shing rta ni gnas las mnyam pa'i phyed kyi tshad kyis so/ /steng gi cha phyed dag la 'thab mo pa'i sa ste zhes pa ni steng gi ka ba rnams kyi cha gcig gnas kyi tshad dor nas cha phyed la gnas steng du 'thab mo pa'i sa'o/ /gnas kyi phyed kyi tshad du
 'gyur te/ mnyam dang mi mnyam 'dren byed rta'am glang po rnams kyi dpangs kyis 'gyur ro/ /rgyar sor brgyad dang chur gnas kyi nyis 'gyur te/ rdang bu rnams dang lhan cig gzer gdab bo/ /de nas gnas kyi cha'i 'og dang steng du mtshan ma'i phyed kyi sar
 'gyur te/ sor mo bzhi'i steng du'o/ /sa de la me long do shal rgyal mtshan la sogs bkod pa ste/ sogs pa'i sgras rnga yab dang bla re dang dril bu la sogs pa'o/ /'thab mo pa'i sa dang mtshan ma'i sa dag gi dbus su 'thab mo'i don du phyogs bzhi rnams su rab
 tu gsal ba'o/ /gcig phyed cha gnyis dag ste zhes pa ni rtsa ba'i gnas kyi 'og tu 'thab mo pa'i sa la cha gcig go/ /rab tu gsal ba la cha phyed dang mtshan ma dag ste/ 'di dag ni cha mnyam mo/ /zla ba lag pa rtse mo can rnams zhes pa ni ka ba'i rdang bu rnams
 kyi rtsa ba'i gnas kyi steng du 'dren pa'i gnas la sor bzhi pa rnams kyi cha gcig go/ /de nas ka ba rnams kyis 'thab mo pa 'thab pa'i gnas la sor bzhi pa rnams kyi cha gnyis so/ /de nas ka ba rnams kyi steng du sor bzhi pa rnams kyi cha gsum ste/ de'i steng du
 rgyal mtshan la sogs pa rnams kyi mtshan ma'i sa'o/ /zlum po phyed bcas gcig gi cha la gnas dang steng du sngar brjod pa rnams so/ /phyed dang bcas pa'i cha las zlum po'o/ /dga' ba'i dbye ba dag la zhes pa ni dga' ba'i shing rta'i dbye ba la pad+ma'i shing rta'i sa gru
 bzhir 'gyur ro/ /de ltar gsungs pa'i rim pas rten dang bcas pa'i 'khor lo'i tshad ni rta'i shing rta la phyed dang bcas pa'i khrur 'gyur ro/ /glang po'i shing rta la rta'i shing rta'i tshad las tshad rnam pa gnyis su 'gyur ro/ /'khor lo dang gnas dang rdang bu dang mtshan
 ma la sogs pa rnams kyi'o zhes pa nges pa'o/ /'dir lha rnams kyis ni pad+ma'i rigs kyi shing rta zlum por 'gyur ro/ /lha yi bu yis bkod pa zhes pa sring sgrub kyi shing rta ni dga' ba'i rigs te gru bzhi'o/ /mi gzhan rnams kyi yang shing rta bkod pa ni gru bzhi ste rgyal rigs
 rnams kyi'o/ /brgyad dang chu gter srog shing 'khor lo rnams kyis rnam gsum 'dir ni shing rta chen po phyed dang mnyam zhes pa ni 'dir srog shing bzhi dang 'khor lo brgyad kyis g.yul du phyir mi ldog pa'i shing rta chen por 'gyur ro/ /'og dang steng du srog shing
 dag dang 'khor lo bzhi yis shing rta phyed du 'gyur ro/ /de'i phyir brgyad ces pa ni 'khor lo'o/ /chu gter zhes pa ni srog shing bzhi'o/ /de ltar rnam gsum zhes pa ste 'khor lo bzhi dang de bzhin du gnyis so/ /de bzhin du srog shing ngo / /shing rta ni shing rta'i
 phyed dang mnyam pa ste mtshungs pa'o/ /nyi ma'i shing rta mchog ni 'khor lo gcig pa zhes pa ni 'khor lo gcig gis lha rnams kyi shing rtar 'gyur te de bzhin du nyi ma la 'gyur ro/ /mi mnyam zhes pa la sogs pa ni go sla'o/ /srog shing gcig dang 'khor lo gnyis kyis
 mnyam pa'i shing rta ste gnya' shing gi rgyab bcom par 'gyur ro zhes pa ni shing rta'i mtshan nyid nges pa'o/ /da ni lha rnams kyi gzhal yas khang mi bdag rnams kyi ltad mo la bskyod pa'i khyim gyi mtshan nyid gsungs pa drug ces pa la sogs pa ste/ 'dir ka ba khru nyi shu pa rgyar sor nyi shu
 pa bzhi ste 'di rnams kyi mtha' bzhir bug pa mnyam pa rnams su 'gyur te bug pa'i mtha' gcig ni khru drug gi cha la'o/ /gnyis pa ni khru lnga'i cha la'o/ /de la gsum pa ni khru bzhi'i cha la 'gyur ro/ /bzhi pa ni khru gsum gyi cha la 'gyur ro/ /'og dang steng du khru re re dor nas bug
 pa'i mtha' mngon du phyogs par 'gyur ro/ /rtsa ba'i char sa la khru bcu gsum du 'gyur ro/ /rtsa ba'i cha las steng du sa la phyed kyi cha khru phyed dang bdun du 'gyur te rtseg ma so so'i dbang gis rtseg ma'i sa la 'gyur ro/ /tshogs kyi gzhal yas khang la rdang bu bzhi bzhi'i steng du sar 'gyur ro/ /
 de bzhin du sa la mi bdag rnams kyi rtseg ma rnam pa gsum gyi dbang gis yul gyi ltad mo dang dga' ston rnams la yang ngo / /dang po'i rtseg ma la ka ba'i phyi rol gyi bug pa las phyi rol tu byung ba'i rdang bu'i steng du spang leb rnams kyis thams cad du 'khor ba ni khru
 gsum gyis 'khor ba'o/ /gnyis pa'i rtseg ma la phyogs thams cad du khru gcig 'khor ba'o/ /lha'i gzhal yas khang dang bgrod pa'i khyim gyi mtshan nyid nges pa'o/ /da ni dpyid kyi dga' ston gyi slad du 'khor lo'i khyogs kyi mtshan nyid gsungs pa 'khor lo'i steng du zhes pa la
 sogs pa ste/ 'dir sngar gyi shing rta bzhi pa/ 'khor lo brgyad dang rtsa ba'i gnas so/ /de'i steng du glang po che'i shing rta'i ka ba'i khyon gyis ka pa bzhi'o/ /gzhal yas khang bzhin du rtseg ma rnam pa gsum gyi bdag nyid kyi phyogs su 'gyur ro/ /rdang bu bzhi bzhi'i steng du brgyad gnyis brgyad
 dang de nas phyed de zhes pa ni rtseg ma dang po la phyogs bzhi rnams su khyogs bcu drug tu 'gyur ro/ /gnyis pa la brgyad do/ /gsum pa la bzhi'o/ /rtseg ma dang po la phyogs te lag pa bcu rdang bu'i steng na gnas shing g.yas dang g.yon dang shar dang nub na gnas pa rnams kyi khyogs so/ /
 gnyis pa la dus te drug gis 'gyur ro/ /gsum pa la bzhis so/ /khyogs rnams kyi lag pa rten nyid sa gsum la zhes pa ste lag pa gnyis gnyis la 'khrul shing re re bug pa'i gzhi la bcug pa'o/ /'khrul shing re re la bu mo rnams kyi gdan bzhi bzhir 'gyur te nang dang phyi
 rol dag tu gnas pa 'og dang steng du son zhing phyogs brgyad du ni 'khyog pa rnams zhes pa ni 'khor lo'i khyogs kyi mtshan nyid nges pa'o/ /da ni ldum ra la sogs pa bcu pa'i don du chu'i 'khrul 'khor gyi mtshan nyid gsungs pa steng zhes pa la sogs pa ste/ steng dang 'og dang g.yon
 dang g.yas su 'khrul 'khor 'khyog po sbubs kyi rnam pa'o/ dbus su bug pa dang bcas pa'i dbu ma khru bzhi pa ni rtsa ba'i 'khrul 'khor ro/ /de'i sbubs kyi rtse mo la bum pa'i kha'i mgrin pa'i sbubs kyi rtse mo bcug par gyur pa'o/ /'og tu bum pa la bug pa ni sbubs kyi bug pa'i
 tshad do/ /'khrul 'khor gyi rgyab tu sbubs kyi rtse mor sbubs gzhan chu'i nang du gzhug par bya'o/ /de nas bum pa'i bug pa dang chur son pa'i sbubs kyi bug pa'am sbubs kyi bug pa mdun nas rgyas gdab par bya'o/ /de nas ji srid 'khrul 'khor chus gang bar gyur gyi bar du
 rtsa ba'i 'khrul 'khor gyi dbus su bug pa nas chu gzhug par bya'o/ /de nas chu'i nang gi bug pa'am bum pa'i bug pa dang sbubs kyi bug pas cig car mtsho las bum par chu 'dren par byed do/ /chu de nyid skyed mos tshal lam ldum rar 'gro ste mnyam pa'i sa la gang du drangs pa der ni 'gro bar
 'gyur zhes pa chu bcu pa'i 'khrul 'khor gyi mtshan nyid nges pa'o/ /da ni 'jam dpal gyis nyi ma'i shing rta la nges pa sbyin pa gsungs pa rab mchog ces pa la sogs pa ste/ 'dir gdug pa can rnams bsgrub pa'i don du dang po'i sangs rgyas su ni srid gsum bla ma shAkya seng ges phyag na rdo
 r je'i sprul pa'i sku zla ba bzang po la dbyangs 'char ba dang 'khrul 'khor gyi mtshan nyid thams cad sngon du gsungs pa gang yin pa de yi nang nas te dbyangs 'char ba dang 'khrul 'khor brjod pa de'i nang nas 'dir ni de ring sham b+ha la zhes bya ba'i yul 'dir nyi ma'i shing rta khyod la 'jam dpal
 mi'i dbang po grags pa bdag gis gsal bar bstan to/ /rang gnas bsrung ba'i don du 'di dag mtha' dag gyis shig zhe sdang chags pas min no nyi ma kye zhes pa ste nyi ma'i shing rta'i nges pa ji lta ba de bzhin du dus kyi 'khor lo yongs su shes pa dang ldan pa gzhan rnams kyi yang bcom ldan
 'das kyi nges pa'o/ /mchog gi dang po'i sangs rgyas las bsdus pa'i rgyud kyi rgyal po dus kyi 'khor lo'i 'grel bshad stong phrag bcu gnyis pa dri ma med pa'i 'od las dbyangs 'char ba dang 'khrul 'khor gyi cho ga nges pa'i mdor bsdus chen po ste bcu pa'o/ /da ni 'khor los
 sgyur ba chen pos kla klo'i chos 'joms pa dang sangs rgyas kyi chos rab tu 'jog pa nyid la sogs pa go sla ste des na 'grel bshad du ma brjod do/ /'jig rten khams kyi le'u'i 'grel bshad rdzogs so// / /
 dpal dus kyi 'khor lo la phyag 'tshal lo/ /gang zhig chen po'i mi rnams smin par bya ba'i don du mngal ni 'dzin pa 'di mdzad cing / /srid pa'i 'ching las nges par grol yang srog chags rnams kyi lam gyi slad du srid pa ste/ /sna tshogs skyes
 rabs phreng ba yon tan dang ldan sems can don gnyer rnams kyis mthong gyur pa/ /dang po'i sangs rgyas rdzu 'phrul che ldan spyod pa dag ste skyob pa de la phyag 'tshal lo/ /shAkya seng ge de bzhin gshegs/ /dpal ldan rdo rje sems dpa' la/ /btud de pad+ma dkar po dpal/ /
 'jam dpal gyis ni bskul gyur zhing / /bde bar gshegs pas lung bstan pa/ /'gro la snying rje'i bdag nyid can/ /'jig rten mgon po bdag gis ni/ /nang gi le'u'i 'grel bshad bri/ /'dir dpal dus kyi 'khor lo'i dkyil 'khor gyi khang pa'i shar sgo'i
 mthar dpal ldan rin po che'i khang bzangs chen po rin po che'i seng ge'i khri la bzhugs pa/ nyi ma'i shing rtas gsol ba btab par gyur pa/ bcom ldan 'das 'jam dpal gyi sprul pa'i sku/ mi'i dbang po grags pas nang gi le'u bstan pa'i don du mchog gi dang po'i
 sangs rgyas las bcom ldan 'das shAkya thub pa la zla ba bzang pos gsol ba btab pa tshigs su bcad pa dang po gsungs pa/ 'di lta ste/ mi shes sna tshogs tshad ni gang dag rgyal ba skyed mdzad khyod kyis bstan pa rnams kyang bdag gis te/ /slar yang bdag ni nyan par
 'tshal lo srid pa gsum po mtha' dag lus kyi dbus su ji ltar lags/ /zla ba bzang po'i tshig dag gsan nas bde bar gshegs pas legs zhes bya ba byin nas rab gsungs pa/ /sems can rnams ni thar pa'i slad du mchog gi thugs rjes sna tshogs tshad rnams dag
 kyang lus la'o/ /'dir nang gi le'u la mi shes zhes pa la sogs pas gsol ba 'debs pa po dang ston pa po bsdus pa'i tshigs su bcad pa yang dag par sdud par mdzad pa po 'jam dpal gyis bsdus pa'i rgyud las bstan pa ni bdag gis dgrol bar bya'o/ /'dir
 l us kyi dbus su sna tshogs tshad ni mi shes te rgyal ba skyed mdzad ces pa ni rdo rje sems dpa' shAkya thub pa sgrib pa med pa'i phung po rnams skyed par mdzad pa ni rgyal ba skyed mdzad yin pas de la bod pa ste kye rgyal ba skyed mdzad khyod kyis phyi rol du sna tshogs tshad ni gang dag
 bstan pa de dag lus la mi shes so/ /de'i phyir slar yang bdag ni nyan par 'tshal lo srid pa gsum po mtha' dag lus kyi dbus su ji ltar te rnam pa gang gis 'gyur zhes pa'o/ /de nas zla ba bzang po'i gsol ba 'debs pa'i tshig dag gsan nas bde bar gshegs
 pas zla ba bzang po la legs zhes bya ba byin nas rab tu gyur pas gsungs pa/ sems can rnams ni thar pa'i slad du mchog gi thugs rjes sna tshogs tshad rnams dag kyang lus la'o/ /kyang yig gis rgyud gzhan thams cad kyang lus la gsungs so/ /le'u gnyis pa bstan
 pa'i slad du gsol ba 'debs pa po dang ston pa po bsdus pa'i mdor bsdus so/ /bstan pa'i tshigs su bcad pa gsungs pas zhes pa la sogs pa'o/ /'dir lus kyi nang du sa la sogs pa mtha' dag rang rang gi yi ges shes par bya ste so las byung ba'i yi ge rnams kyis
 sa shes par bya'o/ /mchu las byung ba rnams kyis chu'o/ /spyi bo las byung ba rnams kyis me'o/ /rkan las byung ba rnams kyis rlung ste sa dang chu me rlung rnams so/ /rdo rje ste glog ni slar yang spyi bo las byung ba rnams kyis so/ /lha'i gzhu ste 'ja' tshon ni so las byung ba rnams kyis so/ /
 rlung bcu po rnams ni rkan las byung ba rnams kyis so/ /khyim gyi 'khor lo ni a la sogs pa dang ka la sogs pa mtha' dag gis so/ /zla ba ni thig les so/ /nyi ma ni rnam par bcad pas so/ /sgra gcan ni dbyangs med pa'i gsal byed kyis so/ /lhun po ni ming gi yi ges so/ /gdengs
 can rnams kyi gnas ni oM yig gis so/ /mi'i gnas te mi'i 'jig rten ni AH yig gis so/ /lha yi gnas te mtho ris ni hUM yig gis so/ /'khyog po bkra shis la sogs pa'i gza' rnams ni g.yas dang g.yon gyi sa bon gyi yi ge sngar brjod pa rnams kyis so/ /'pho ba ni sde pa bcu
 gnyis kyi dbye ba rnams kyis te zla ba yang de bzhin no/ /phyogs ni sde pa drug phyed kyi dbye ba rnams kyis so/ /nyin dang mtshan mo tshes rnams ni ka la sogs pa dbyangs dang bcas ba sngar brjod pa rnams kyis te mtha' dag lus kyi dbus su rnal 'byor pas
 shes par bya'o/ /rnam gsum khyab bdag bgrod pa rnal 'byor pa yis stong pa'i dbye bas so/ /sngar brjod pa'i rim pas bcom ldan 'das rdo rje sems dpa' 'dod pa dang gzugs dang gzugs med pa'i rang bzhin rnam pa gsum gyi bgrod pa yang rnam pa gsum ste bde ba chen
 pos thams cad kyi bdag nyid la gnas pa'i phyir ro/ /de yang stong pa'i dbye bas so zhes pa ni byang chub kyi sems kyi thig le bzhi'i dbye bas shes par bya'o/ /lus la sna tshogs bsdus pa'i mdor bsdus kyi nges pa'o/ /da ni mi'i lus skyed pa la rgyu dang 'bras bu'i tshogs pa bsdus
 pa'i tshigs su bcad pa gsum pa gsungs pa lus zhes pa la sogs pa ste lus 'di la ni khams kyi tshogs zhes pa ni spu dang pags pa dang khrag dang sha dang rus pa dang rkang la sogs pa'i khams kyi tshogs su 'gyur te/ mtha' dag ro drug zos shing 'thungs pa dag las zhes pa ni
 lan tshwa dang mngar ba dang tsha ba dang dang kha ba dang bska ba dang skyur ba ni ro drug ste 'di dag zos shing 'thungs pa'i dbang gis khams kyi tshogs su 'gyur ro/ /ro drug rnams kyang 'byung ba las te zhes pa ni ro drug tu yang sa dang chu dang me dang rlung dang ro rnams las 'gyur ro/ /'byung ba'i
 tshogs kyang nam mkha'i khams la'o zhes pa ni sa dang chu dang me dang rlung dang ro'i tshogs ni nam mkha'i khams sngar brjod pa'i rdul phra rab kyi chos la 'gyur ro/ /stong pa la ni ye shes rnam par bsres pa zhes pa ni 'dir lus la khyab par bya ba dang khyab par byed pa'i 'brel pa kun
 rdzob kyis nges par gnas pa gang yin pa sems can thams cad kyi lus la rnam par shes pa'o/ /de nyid ni stong pa ste stong pa nyid kyi gzugs la bsgoms pa'i stobs kyis 'dzin par byed pa'i sems gzung bar bya ba sems kyi snang ba la rnam par bsres pa ni ro mnyam 'gyur
 med rtag par yang 'gyur te 'dir rtag pa'i sgra ni sgrib pa med par brjod do/ /de ltar 'byung ba la gnas zhi ba bde ba chen po rnam gsum srid pa la gnas rang gi lus la rnal 'byor pa rnams kyis rig par bya'o/ /'dir nang gi le'u la tshigs su bcad pa 'di ni mdor
 bsdus pas rnam par phye ste 'chad par 'gyur ba'i ye shes kyi le'ur mchog tu mi 'gyur ba'i ye shes grub pa las rgyas par brjod par bya'o/ /lus skyed pa la rgyu dang 'bras bu tshogs pa'i nges pa'o/ /mngal 'dzin pa la sogs pa gsungs pa sa bon zhes pa la sogs
 pa ste 'dir dbang po gnyis [(]gyi [,]kyi [)]sbyor ba las gsang ba'i pad+mar lhung ba'i khu ba dang b+ha ga'i khrag gang yin pa de ni sa bon zhes brjod do/ /sa bon de ni 'dzin mas 'dzin te gsang ba'i pad+ma la sa'i khams gang yod pa de yis so zhes pa'i don to/ /pad+mar gnas pa zhes pa ni
 gsang ba'i pad+mar gnas pa'o/ /gsang ba'i pad+ma de las chu yis sdud do/ /phyi nas ni me yis smin par byed cing zhes pa ni chu yis rab tu bsdus pa'i sa bon 'di me yis rab tu smin par byed do/ /ro dang ro ni za bar byed de zhes pa ni ro drug po ma yis zos pa dang 'thungs pa
 gang yin pa'i ro dang ro de dag me yis za bar byed do/ /sa bon 'di yi 'phel ba rlung gis byed do/ /nam mkha' stong pa dag kyang 'phel ba'i sngon du go skabs sbyin par byed do/ /mi yi bdag po zhes pa ni bod pa'o/ /dus las de ltar 'grub pa ste de ltar rim pa de dag
 gis nya la sogs pa grub ste mngal rdzogs par 'gyur ro/ /lha yi gnas skabs rnams byed do zhes pa la du ba la sogs pa lha yi gnas skabs bcu po de dag byed pa ni mngal dang byis pa dang gzhon nu la sogs pa'i gnas skabs bcu po rnams te btsa' bar 'gyur ba'i dus
 dang byis pa la sogs dus dag tu yang ngo zhes pa ni mngal 'dzin pa'i nges pa'o/ /sa bon gyi rang gi khams kyi bya ba gsungs pa/ sa bon dag gi zhes pa la sogs pa ste 'dir sa bon khu ba dang khrag gis gang yin pa des gsang ba'i pad+ma la gnas pa'i ro drug po rnams zos nas
 lus skyed pa la gsal bar lci zhing sra ba nyid byed do/ /chu ni de bzhin gsher ba nyid byed do/ /me ni zos pa'i ro rnams smin par byed do/ /rab mchog rnam pa bcu'i rlung srog la sogs pa dag ni sa bon 'di yi lus la 'phel bar byed do/ /'phel ba dag
 la slar yang nam mkha' nyid ni go skabs sbyin byed dus las de ltar sngar brjod pa'i cho gas skyed pa ste/ sna tshogs dngos po du ma dag gis lus bcas sgra dang yid dang zhes pa ni lus dang ngag dang sems so/ /nus pa rnams ni du ba la sogs pa ste/ lus dang ngag
 dang sems kyi chos can rnams spro bar byed do zhes pa ni sa bon gyi khams kyi bya ba brjod pa'o/ /gsang ba zhes pa la sogs pas nang gi sems rdo rje 'dzin pa khyab 'jug gi gnas skabs bcu gsungs te/ 'dir gsang ba'i pad+mar khrag gi nang du gang tshe lhung ba'i byang
 chub sa bon zhes pa ni khu ba ste/ srog dang bcas pa ni kun gzhi'i rnam par shes pa dang bcas pa dag gang gi tshe gsang ba'i pad+mar lhung ba de'i tshe gnas skabs bcu'i mtshan nyid du 'gyur ro/ /de rnams las mngal gyi nang du nya dang rus sbal dang phag gi gnas skabs
 gsum du 'gyur ro/ /de bzhin du btsa' ba'i dus su gcig ste/ mi yi seng ge'i gnas skabs so/ /byis pa'i dus dag tu yang rnam pa gnyis te so skye ba'i bar ni mi'u thung gi gnas skabs so/ /so skyes nas so lhung ba'i bar ni dgra sta rA ma'i gnas skabs so/ /
 gzhon nu lang tsho dag la gzhan zhes pa ni so lhung ba nas lo bcu drug gi bar du rgyas pa dang po rA ma'i gnas skabs so/ /de bzhin du lo bcu drug nas skra dkar skyes pa'i bar ni rgyas pa gzhan nag po'i gnas skabs so/ /skra dkar skyes pa nas 'chi ba'i nyin zhag gi bar ni sangs
 rgyas kyi gnas skabs so/ /'chi ba'i nyin zhag la 'byung ba thams cad gcig tu 'dres par gyur pa nyid kyi phyir lus la rigs ldan gyi gnas skabs su 'gyur te/ rgan po nyid la zhi ba gcig ste/ mngal skyes rnams kyi srid pa 'chi ba nyid ni mtha' ma'o zhes so/ /gnas
 skabs bcu'i nges pa'o/ /nya zhes pa la sogs pas nang la sems rdo rje 'dzin pa khyab 'jug gi bya ba gsungs te/ 'dir nya'i dngos po la byang chub kyi sems rdo rje 'dzin pa khyab 'jug ni nya yi rnam par 'gyur te/ nyin zhag 'ga' ni dus kyi nyin zhag gi bar du'o/ /de nas
 rus sbal gyi dngos po la ni rus sbal gyi dngos por 'gyur te/ yang yig gis dus gzhan gyi nyin zhag gi bar du'o/ /phag pa'i dngos po la byang chub kyi sems khyab 'jug de yi skye mched nyi ma ste/ skye mched bcu gnyis 'byung bar 'gyur te/ gsum pa'i dus kyi nyin zhag
 gi bar du'o/ /de bzhin du zla ba bdun pa nas skye ba'i nyin zhag gi bar du mi yi seng ge'i dngos po la rab tu skye bar 'gyur te/ lag pa dag gis skye gnas rnam par 'byed pa'i phyir ro/ /mi'u thung gi dngos po la ni sngar brjod pa'i byis pa'i dngos por 'gyur ro/ /
 dgra sta rA ma la yang mi bdag gnyis te/ sum cu rtsa gnyis kyi so rnams 'byung bar 'gyur ro/ /rA ma'i dngos po la ni ltung bar 'gyur ro/ /byang chub kyi sems khyab 'jug de nyid nag po'i dngos po la ni gsal bar sgyu dag byed ces pa sgyu ma byed par 'gyur ro/ /sangs
 rgyas kyi dngos po la yang zhi ba dang sems can rnams la brtul zhugs nges pa byed do/ /rigs ldan la ni 'chi bar 'gyur te rigs ldan gyi dngos po la sngar brjod pa'i cho gas 'chi bar 'gyur ro zhes pa ni 'jug pa bcu'o/ /'dir phyi rol du nya la sogs pa'i lo
 rgyus tshangs pa'i drang srong gdug pa rnams kyis byis pa rnams bslu ba'i slad du bkod pa gang yin pa de ni dmyal ba 'thob pa'i rgyu ste 'chad par 'gyur ba mchog tu mi 'gyur ba'i ye shes grub pa las rgyas par brjod par bya'o/ /khu ba zhes pa la sogs pas ma'i mngal
 na gnas pa'i khu ba dang rdul dag gi rnam par 'gyur ba mngal bzung ba nas brtsams te btsa' ba'i mthar thug pa gsungs so/ /'dir skye ba'i lus la mdzod drug tu 'gyur te/ khu ba las rkang du 'gyur ba dang rus par 'gyur ba dang rgyus pa ste/ chu rgyus rnams su 'gyur
 pa'o/ /rdul las pags pa dang khrag tu 'gyur ba dang shar 'gyur ba ste/ gang gi phyir brjod pa'i sa bon gyis rab tu bskyed pa'i phyir ro/ /'dir mngal du zla ba gcig gi bar du khrag dang sa bon bdud rtsi lnga'i ror gyur pa rab tu skye'o/ /phyi nas sa
 bon myu gu zhes pa ni de nas zla ba'i mjug tu byang chub kyi sems myu gur gyur pa'i snying kha'i go skabs su rnam pa bcu yi rtsa srog la sogs pa'i rlung rnams kyi rten du 'gyur te de dag kyang shin tu phra ba ste skra'i tshad do/ /lte ba la ste lte ba'i phyogs su brgyad pa brgyad dbyug gu drug cu rtsa
 bzhi rgyu bar bya bar 'gyur ro/ /ma gsungs kyang khyim gyi 'pho ba bcu gnyis kyi dbang gis drug cu rtsa bzhi po rnams kyi rten du gyur pa'i rtsa shin tu phra ba bcu gnyis su 'gyur te de bzhin du lte ba'i rtsa sngar brjod pa de dag thams cad ni shin tu phra ba'o/ /rkang lag gdong gi
 gnas kyi rgyu'i slad du gyen du skyod par byed pa ste/ rkang lag gdong gi gnas rnams su bskyod pa'i mthu de las zla ba gnyis pa rdzogs par gyur pa'i rjes la 'dir ni rkang lag gdong gi mtshon pa cung zad do/ /'dir dang po nya'i gnas skabs kyi nyin zhag 'das par gyur pa
 rus sbal gyi gnas skabs la gdong dang rkang pa dang lag pa'i gnas rnams su 'bur po lngar 'gyur ro/ /lag pa rkang pa mgrin pa dag gi mgo bo mnyam par 'gyur te rus sbal lo/ /phra mo'i rtsa gzhan rnams ni zla ba bzhi pa rdzogs par gyur pa na rkang lag gdong dang mgrin pa dag
 gi phyogs su rkang pa dang lag pa rnams kyi tshigs drug dang gdong gi mgrin pa la lhan cig skyes pa dang longs spyod rdzogs pa'i rtsa shin tu phra ba rnams su 'gyur te rus sbal gyi gnas skabs so/ /zla ba lnga pa la ni phag gi dngos po la sha dang khrag dang rus pa mkha' ro bsreg za zhes pa
 ni rus pa sum brgya drug cu ste tshigs rnams kyang de snyed do/ /zla ba drug pa la yang ste/ yang yig gis phag pa'i dngos po la sha dang khrag tu 'gyur ro/ /tshor bar 'gyur te bde ba dang sdug bsngal yang rig go/ /mngon par shes pa'i stobs kyis sngon gyi gnas rjes su dran par
 yang 'gyur te rang gi sems kyi chags pa dang bral bar byed do/ /srid pa'i sdug bsngal smod par byed do/ /sangs rgyas kyi lam la bsngags par byed do/ /de nas smin ma skra dang spu dang bug pa mig la sogs pa rnams kyang phag gi dngos po la thub pa mchog la ste/ zla ba
 bdun pa rdzogs par gyur pa na skye mched rnams yongs su rdzogs par 'gyur ro/ /'dir mngal gyi zla ba'i mjug tu nyin zhag so so'i dus la stong pa stong pa mig gi grangs te nyis brgya'i grangs kyi rtsa rnams su nyin zhag so so la 'gyur ro/ /de nas sum brgya drug cu'i gnad
 rnams dang rus pa rnams te de'i nang du rkang du 'gyur ro/ /ro 'dzin ni lce ste lce yi dbang po bskyed pa'i slad du'o/ /sngar gyi mig la sogs pa rnams sra ba nyid du 'gyur ro/ /ro 'dzin skyes pa'i dus de nas 'dir gci ba bshang ba ni zla ba brgyad pa dag la yang phag gi dngos po
 la 'gyur ro/ /de nas bug pa zhes pa ste/ zla ba dgu pa rdzogs par gyur pa'am/ kha cig tu bcu pa dang / bcu gcig pa dang / bcu gnyis pa la phag gi dngos po'i mjug tu sdug bsngal drag por 'gyur te/ btsa' ba'i dus su skye gnas kyis ni btsir ba dag
 gis te/ mi'i seng ge'i dngos po la mngal nas skye ba dag gi'o zhes pa ni/ mngal nas skye ba'i nges pa'o/ /'phags pa'i bden pa bzhi las 'khor ba pa rnams kyi sdug bsngal gyi bden pa gsungs pa mngal zhes pa la sogs pa ste 'dir dang por re zhig 'khor ba
 pa mngal na gnas pa rnams kyi mngal na gnas pa'i sdug bsngal bum par 'tshed pa dang mtshungs par 'gyur ro/ /btsa' ba'i dus su tho ba'i 'khrul 'khor gyis btsir ba bzhin no/ /byis pa'i dngos po la yang bshang ba za ba phag pa bzhin no/ /gzhon nu dang ni lang tsho dag la
 yang bud med dang bral ba'i sdug bsngal dang nor dang 'byor pa nyams pa'i sdug bsngal te de med pa'i phyir ro/ /rgan po nyid la'ang rga shi'i sdug bsngal lo/ /slar yang shi ba'i mthar 'gro ba drug tu 'jigs ster du 'bod la sogs te/ sogs pas ni yi dags dang dud 'gro'i 'gro bar
 sdug bsngal drag por 'gyur te dge ba bcu yongs su bor ba dang sdig pa'i dbang gis so/ /de ltar sgyu mas rmongs par byas pa'i mtha' dag 'gro ba 'di ni sdug bsngal dag las sdug bsngal 'dzin par byed/ 'dir 'khor ba'i sgyu ma ngar 'dzin pa dang nga yir 'dzin pa'i bdag nyid can
 gyis rmongs par byas pa dmyal ba dang yi dags dang dud 'gro'i sdug bsngal dag las sdug bsngal 'dzin par byed do/ /lam gyi bden pa gsungs pa/ 'khor ba zhes pa la sogs pa ste 'gro ba drug gi bdag nyid kyi 'khor ba 'dir mi nyid du ni 'gyur ba dag kyang 'ga' zhig tu
 ste/ de bas mu stegs pa'i sbyin pa la sogs pa'i chos rnams la mi rnams kyis chos kyi blo ni res 'ga' na 'byung ngo / /de bas sangs rgyas la ni rjes chags brgya lam na dge ba'i dbang gis 'gyur zhing sbyin pa la sogs pa la rjes su chags pa yang ngo / /de bas kyang dge
 ba'i dbang gis dang po'i theg pa nyan thos dang rang sangs rgyas kyi theg pa la rab tu 'jug par 'gyur ba'o/ /de bas dpal ldan rdo rje theg pa la 'jug pa ste rdo rje ni mi phyed pa dang mi chod pa chen po yin la de nyid theg pa yin pa ni rdo rje theg pa ste/ sngags kyi tshul dang pha rol
 tu phyin pa'i tshul 'bras bu dang rgyu'i bdag nyid gcig tu 'dres par gyur pa'o/ /de la 'jug pa ni rdo rje theg pa la 'jug pa'o/ /de bas bsgom pa la ni blo gros ma lus brgya lam dag na 'jug ste/ gang zhig sems dmigs pa dang bcas pa'i stong pa nyid dang dmigs pa
 med pa'i snying rje'i bdag nyid la'o/ /bsod nams dang ye shes kyi dbang gis bsgom pa de la sangs rgyas nyid 'dod par 'gyur ba'o/ /de ltar mchog gi bde ba'i go 'phang dag la 'jug pa e ma shin tu dka' ste/ 'khor ba'i bde ba mngon par 'dod pa'i 'khor ba pa rnams
 la ring ba las kyang shin tu ring ngo / /mngal du zhes pa la sogs pas kun 'byung gi bden pa gsungs te/ 'dir dang por 'jig rten kun rdzob kyis rnam par dag pa'i sku la sogs pa mngal nas skyes pa'i lus la yang dag par blta bar bya ste/ phyi nas de nyid kyi chos kyis sangs
 rgyas bcom ldan 'das kyi shin tu rnam par dag pa'i sku la sogs pa rnams rnal 'byor pa rnams kyis rig par bya'o/ /'dir ma'i mngal du ji srid gnas pa de srid du mngon par shes pa lnga dang ldan pa ni lus can rnams kyi yang dag par dag pa'i skur 'gyur ro/ /de nas btsa' ba'i dus nas
 brtsams te ji srid so skye ba de srid ni chos kyi skur 'gyur ro/ /so skyes pa de nas ji srid so rab tu lhung bar 'gyur ba de srid ni rgyal ba byang chub kyi sems rdo rje'i longs spyod rdzogs pa'i sku ste mi yi bdag po zhes pa ni bod pa'o/ /so lhung ba de nas sprul pa'i sku ni rab tu gsal zhing nges par
 'chi ba'i mtshams te mi rnams dag gi ni mngal nas skyes pa rnams kyi'o/ /mngal dang phyi rol dag tu slar yang sku'i tshogs 'di ni rnam pa bzhi ru 'gyur te/ 'dir ye shes kyi dbye bas mngal dang rnam par shes pa drug gi dbye bas phyi rol du ste ye shes rnam shes dbye bas zhes so/ /'dir re
 zhig mngal du rnam shes ni kun gzhi'i rnam par shes pa ste bde ba dam pa'i ye shes so/ /zla ba nyi ma dag ni khu ba dang rdul lo/ /kyang pad+mar gnas pa ni mngal rdzogs par bya ba'i don du gsum po gcig tu gyur pa ma'i pad+ma la gnas pa'o/ /de ni mngal du dag pa'i skur bcom ldan 'das kyis
 gsungs te/ ma dang pha dang kun gzhi'i rnam par shes pa'i bde ba'i gnas skabs gcig yin pa'i phyir ro/ /khams dang phung po rnams rab tu 'byung ba rnam pa bcu po gang yin pa de ni rgyal ba byang chub kyi sems rdo rje'i chos kyi sku'o/ /de nas yon tan dbang gis te nyin zhag gi dbang gis nang
 gi rna ba la sogs pa'i dbang po rnams dang sgra la sogs pa'i yul rnams skyes par gyur pa na longs spyod rdzogs pa'i skur 'gyur ro/ /de nas sgra la sogs pa skyes te sogs pas ba spu dang bshang ba dang gci ba grub cing rab tu btsa' ba'i dus su skye gnas nas 'byung ba ni mngal du sprul pa'i skur
 gsungs so/ /de nas phyi rol gyi sku bzhi ni skyes par gyur pa na dbugs kyi dang po gang zhig dbu ma'i rtsa la rab tu 'byung bar 'gyur ba yon tan med pa de ni gsung rdo rje'i yul la yang dag par dag pa'i sku'o/ /dag pa'i sku de nyid ni rkang pa dang bcas pa'i dbugs lnga bcu rtsa drug gi cho gas ji srid
 pa de srid de dbu ma las rab tu 'bab pa'i phyir ro/ /de nas srog yang dag par rgyu ba'i dbang gis so ni rab 'byung gang zhig tshig ni gsal min dag kyang gang de 'du shes pa'i mtshan nyid de ni gsung rdo rje'i yul la chos kyi sku'o/ /de nas gnyis skyes rnams ni ltung ba ste
 so rnams lhung bar 'gyur ba'i bar lo brgyad kyi mthar thug pa ni longs spyod rdzogs pa'i sku ste tshig yongs su gsal ba'i phyir ro/ /so rnams dag las te lhung ba las 'chi ba'i mthar thug pa ni phyi rol du sprul pa'i skur 'gyur ro/ /'dir mngal du lus kyi dbye bas sku'i dbye
 ba rnam pa bzhi ste phyi rol du srog rgyu ba'i dbye bas sku'i dbye ba rnam pa bzhi'o/ /ye shes dang rnam par shes pa ni nang dang phyi rol du yang lus dang srog dag gi grogs so/ /'dir lus kyi dbye ba ni sa bon dang 'brel ba can te ngag gi dbye ba ni khrag dang 'brel ba can no/ /de bzhin
 du khyab par bya ba dang khyab par byed pa'i 'brel ba'i sems kyi dbye bas sku'i dbye ba rnam pa bzhi dang sad pa la sogs pa'i ye shes kyi dbye bas sku'i dbye ba rnam pa bzhi ste dga' ba la sogs pa rnam pa bzhi'i rang bzhin gyis so/ /lus dang phyi rol la lhan cig skyes pa la sogs
 pa'i sku 'byung ba'i nges pa'o/ /mngal du zhes pa la sogs pas sku dang gsung dang thugs dang ye shes 'byung ba gsungs te 'dir ma'i mngal du ye shes ni lhan cig skyes pa'i dga' ba'o/ /rnam shes bsres pa ni kun gzhi'i rnam shes bsres pa'o/ /nyi ma ri bong can dang bcas pa
 ni rdul dang khu ba dag dang bcas pa'o/ /ye shes rdo rje la sogs kun ni lhan cig skyes pa'i dga' ba la sogs par 'gyur ro/ /mngal na gnas pa dag ni sku'i rdo rje la sogs rim pa yis kyang stobs dang ldan par 'gyur ro/ /'dir dang por mngal du skye ba'i mtshams kyi bar du
 dpal ldan sku yi rdo rjer 'gyur te lus kyi cha shas yongs su rdzogs pa'o zhes pa'i don to/ /de nas skyes pa na gsung rdo rje srog yang dag par rgyu ba ste srog 'byung ba'o/ /de nas so sum cu rtsa gnyis rab tu skyes par gyur pa na thugs 'du shes 'dzin pa por 'gyur te nyid ces pa ni mtha' gcig tu
 nges pa'o zhes pa'i don to/ /slar yang so lhung nas so sum cu rtsa gnyis rab tu skyes par gyur pa na khu ba 'pho ba'i gnas skabs kyi mtshan nyid lhan cig skyes pa'i dga' ba'i mtshan nyid de bud med rnams kyi lo bcu gnyis kyi mtshams dang skyes pa rnams kyi lo bcu drug gi mtshams su
 rig par bya'o/ /sku dang gsung dang thugs dang ye shes rdzogs pa brjod pa'i phyir ro/ /rten dang rten pa'i 'brel ba gsungs pas zhes pa la sogs pa ste sa'i snying po dag ni bsreg za mer 'gyur ro/ /de'i rigs can ni ma yin te sa'i yon tan gyi rang bzhin med pa'i phyir ro/ /
 'dzin ma dang rlung dag ni nam mkha'i snying po stong pa'i dbus na gnas pa'o/ /de'i rigs las skyes pa ni ma yin te nam mkha'i yon tan med pa'i phyir ro/ /de bzhin du rlung gi snying po dang sa'i snying po dag ni chu yin no/ /rlung gi snying po de nyid ni rang bzhin med pa rjes su mthun pa'i
 gzugs kyis gnas pa ste gang dang gang du rlung yang dag par rgyu ba de dang der de dang lhan cig 'gro'o/ /sa'i nang na gnas pa gang yin pa de ni rang bzhin te sa la rko bar byed pa na gsher ba'i ngo bor mthong ngo / /'dir slar yang nam mkha' ni sa la sogs pa thams cad kyi rten te
 sa la sogs pa'i 'byung ba rnams ni rten pa'o/ /'dir rten dang rten pa ni rim pa bzhin du 'gyur te sa yi rten ni chu ste phyi rol du sa yi dkyil 'khor gyi rten chu yi dkyil 'khor yin pa ji lta ba de bzhin du lus la yang ngo / /'bar byed dag kyang ste me'i dkyil 'khor ni chu yi zhes pa chu'i
 dkyil 'khor gyi rten no/ /rlung zhes pa rlung gi dkyil 'khor ni dag par byed pa me'i dkyil 'khor dag gi'o/ /rlung gi zhes pa rlung gi dkyil 'khor gyi rten ni stong pa ste nam mkha'o/ /de ltar stong pa ni sa la sogs pa 'byung ba thams cad kyi rten du 'gyur ro/ /tshogs pa'i rten dang rten pa
 gsungs pa phung po zhes pa la sogs pa ste 'dir lus la phung po lnga po rnams kyi rten ni 'byung ba rnams te sa la sogs pa'i 'byung ba'i tshogs su 'gyur ro/ /de ci'i phyir zhe na/ 'dir sa la sogs pa'i rang bzhin med na ma rig pa la sogs pa'i rkyen med par 'gyur ro/ /ma rig pa dang 'du byed dang
 rnam par shes pa'i rkyen med na gzugs la sogs pa'i phung po med de gang gi phyir 'byung ba bzhi'i bdag nyid kyi gzugs dang khams drug gi bdag nyid kyi skyes bu chen po'i gang zag yod pa de'i phyir phung po'i rten ni 'byung ba rnams su 'gyur ro/ /lus mchog ngag la 'byung ba'i tshogs kyi
 rten ni rtsa stod phrag bdun cu rtsa gnyis kyi grangs rnams su 'gyur ro/ /rtsa de dag rnams kyi yang rten ni srog gi rlung ste 'du byed pa'i rgyu yin pa'i phyir ro/ /de yang rnam pa bcu ste 'chad par 'gyur ba las brjod par bya'o/ /srog gi rlung rnams dag gi rten ni sems yin no/ /sems de ni ste de nyid gnyis
 kyi rang bzhin gyi sems su 'gyur ro/ /yon tan dbang gis zhes pa la snying stobs dang rdul gyi dbang gis ni rang bzhin can sad pa dang rmi lam gyi mtshan nyid do/ /mun pa'i yon tan gyi dbang gis rang bzhin med pa shin tu gnyid log pa'i mtshan nyid dbang po med par 'gyur ro/ /rang bzhin
 can dang rang bzhin med pa de dag gi yang rten ni gtso bo ste 'khor ba pa rnams kyi bde ba dang sdug bsngal gyi gnas skabs 'dzin pa'o/ /de yang bde ba dang sdug bsngal dang bral ba ni srid pa gsum gyis btud cing gzhom med kun tu 'gro ba gang yin pa de yin te/ bde sdug sel ba mthar gyur
 pa zhes so/ /dri zhes pa la sogs pa khams rnams kyi bskyed par bya ba dang skyed par byed pa'i 'brel ba gsungs te/ 'dir phyi rol lam nang du dri ni 'dzin ma dag las 'byung bar 'gyur te gtso bos so/ /phal pas ni ro la sogs pa rnams kyang ngo / /ro rnam pa drug ni yang zhes pa srid pa'i don te rtse mo
 can me'i khams las te gang gi phyir yongs su smin par byed pa'i rgyu yin pa de'i phyir me las ro 'byung bar 'gyur ro/ /gzugs kyi khams ni chu las so/ /'dir myu gu la sogs pa rnams skye ba la sogs pa ni kha dog sna tshogs dang dbyibs sna tshogs su chu las 'gyur te gtso bos so/ /
 phal pas ni ro la sogs pa rnams kyang 'byung ngo / /de bzhin du rlung ste rlung gi khams las reg pa 'byung bar 'gyur ro/ /zhi ba ste ye shes kyi khams las sgra dang zhes pa sgra 'byung ngo / /chos kyi khams te byang chub kyi sems kyi khams ni nam mkha' ste lnga'i bdag nyid kyi ro'i khams gsal bar byed
 pa las 'byung bar 'gyur te bde ba'i gnas skabs las so/ /da ni gzung ba dang 'dzin pa'i 'brel ba gsungs te/ 'dir gzhan gyi rigs la 'khyud pas bya ba 'grub par 'gyur te rang gi rigs la 'khyud pa ni bdag nyid la rang gi bya ba 'gal ba'i phyir ro/ /de'i phyir gzhan gyi rigs la 'khyud pa ni lus
 skyed pa'i rgyur 'gyur ro/ /des na stong pa zhes pa stong pa'i rigs las byung ba'i rna ba'i dbang pos ni ye shes kyi khams las byung ba'i sgra 'dzin par byed do/ /nges par rgyal ba skyed mdzad ces pa ni gdon mi za bar ye shes kyi khams las byung ba'i yid kyi dbang pos nam mkha'i khams las byung
 ba'i yul chos kyi khams 'dzin par byed do/ /rlung dag ni zhes pa bskyed par bya ba dang skyed par byed pa dbyer med pa nyid kyis te rlung las byung ba'i sna'i dbang pos sa'i khams las byung ba'i yul dri 'dzin par byed do/ /me yang zhes pa ni me'i khams las byung ba mig gi dbang pos chu'i
 khams las skyes pa'i yul gzugs 'dzin par byed do/ /chu'i khams las byung ba lce'i dbang pos me'i khams las skyes pa'i yul ro 'dzin par byed do/ /'dzin ma zhes pa sa'i khams las byung ba lus kyi dbang pos rlung gi khams las byung ba'i yul reg bya 'dzin par byed de
 yul dang yul can rnams kyi gzung ba dang 'dzin pa'i mtshan nyid nges pa'o/ /'jig rten kun rdzob kyis gzugs la sogs pa'i phung po rnams khams so so la grub par gsungs pa grub pa zhes pa la sogs pa ste 'dir khams dang phung po rnams gcig nyid du grub par gsungs so/ /
 'dir gzugs ni 'dzin ma la gtso bos grub pa ste 'du shes la sogs pa rnams ni phal pas grub pa'o/ /srid pa gsum gyi gnas su ste khams gsum gyi yul du yin gyi mya ngan las 'das pa'i chos la ni ma yin no/ /yang yig las chu la ni 'du shes zhes grub par 'gyur te 'dir
 'du shes bya ba ni dbyangs kyi chos zla ba dang khu ba dang chu'i rang bzhin te chu'i rang bzhin nyid kyi phyir chu la 'du shes grub par 'gyur ro zhes pa ni nges pa'o/ /me la nges pa nyid du 'tshor ba zhes pa la 'dir me'i rang bzhin ni nyi ma dang rdul dad kA li ste nyi ma dang rdul dang kA li'i rang bzhin ni tshor ba'o/ /de'i phyir
 me la tshor ba gtso bos grub par 'gyur te lhag ma rnams ni phal pas rab tu 'gyur ro/ /rlung la 'du byed kyi phung po grub ste de bzhin du 'dir rlung ni lus dang ngag dang sems yang dag par g.yo bar byed pa 'du byed skyed par byed pa ste des na rlung gi rang bzhin ni 'du byed du grub bo/ /de bzhin
 du rnam shes ye shes bsres pa ste ye shes dang bcas pa ni rim pa bzhin du nam mkha' dang bcas rdo rje dag la ste nam mkha' la rna ba'i rnam par shes pa la sogs pa'i mtshan nyid rnam par shes par grub bo/ /rdo rje ste ye shes kyi khams la byang chub kyi sems 'pho ba'i mthar bde ba'i skad cig gi
 bdag nyid kyi ye shes grub bo/ /'dir khams drug gi bdag nyid can skyes bu chen po'i gang zag gi lus la ci'i phyir khams dang phung po la sogs pa thams cad du 'gyur zhe na gsungs pa/ rdul dang byang chub sems sogs sbyor bas so/ /'dir lus la khams dang phung po la sogs pa gang yin
 pa de thams cad ni rdul dang khu ba dang kun gzhi'i rnam par shes pa'i bde ba'i skad cig gi gnas skabs sbyor ba las 'gyur ro/ /rna ba la sogs pa 'dzin pa rnams sgra la sogs pa'i yul 'dzin par byed pa nyid kyis de'i rang bzhin nyid du gsungs pa/ rna ba zhes pa la sogs pa ste 'dir lus kyi
 chos la rna ba ni stong pa'i mtshan nyid 'dzin par byed pa nyid kyis gzung ba'i yul 'dzin pas rdo rje'i rang bzhin te sgra'i rang bzhin no/ /'dir 'dzin pa'i chos ni lus kyi dbye bas gsungs te gzung ba'i chos de bsam pa'i dbye bas so/ /de'i phyir gzung bar bya ba'i rang bzhin gyis bskyed par bya ba dang
 skyed par byed pa'i rang bzhin rnam par shes par bya'o/ /mi yi bdag po zhes pa ni bod pa'o/ /sems te yid ni nam mkha' dag gi rang bzhin zhes pa chos kyi khams kyi rang bzhin te yul chos kyi khams 'dzin pa nyid kyi phyir ro/ /sna ni sa yi rang bzhin zhes pa dri'i rang bzhin te dri 'dzin pa'i phyir ro/ /de
 bzhin kho na lce ni me'i rang bzhin nyid du 'gyur snga ma bzhin du me las skyes pa ro'i rang bzhin te ro 'dzin pa nyid kyi phyir ro/ /mig ni chu yi rang bzhin dag ste chu las skyes pa'i gzugs 'dzin pa'i phyir ro/ /srid pa gsum gyi gnas su ste mya ngan las 'das pa la ni ma yin no/ /lus kyang rlung gi rang bzhin no
 zhes pa ni lus kyi dbang pos yul reg bya rlung las skyes pa 'dzin pa'i phyir ro/ /de ltar brjod pa'i rim pas rna ba la sogs pa thams cad 'gyur te yon tan dbang gis zhes pa ni sgra dang chos kyi khams dang dri dang ro dang gzugs dang reg bya'i dbang gis so/ /rna ba dang yid dang sna dang lce dang mig dang lus te
 dbang po drug gi khams 'di dag ni ye shes rnam shes sbyor ba las shes par bya'o/ /khams drug gi dbang gis ser sna la sogs pa sems kyi rnam par 'gyur ba drug gsungs pa ser sna zhes pa la sogs pa ste 'dir lus la sems kyi ser sna ni ye shes khams la zhes pa lnga pa'i don la bdun pa
 ste/ ye shes kyi khams kyi dbang gis sems can rnams kyi ser sna'i sems so zhes pa'i don to/ /nam mkha' la ni zhe sdang rdo rje'o zhes pa ni nam mkha'i khams kyi dbang gis sems can rnams kyi zhe sdang gi sems so/ /de bzhin du rlung gi khams kyi dbang gis phrag dog gi sems so/ /me'i khams kyi
 dbang gis chags pa'i sems te de nyid thub pas rab tu gsal bar mdzad do/ /de bzhin nyid du chu'i khams kyi dbang gis nga rgyal gyi sems so/ /sa yi khams kyi dbang gis gti mug gi sems te rang bzhin ni ye shes la sogs pa'i khams kyi chos so/ /de'i yon tan ni rang
 bzhin rnams te de'i rang bzhin gyi dbang gis 'khor ba pa rnams kyi sems la ser sna la sogs par 'gyur ro/ /khams kyi dbang gis las kyi dbang po rnams gsungs pa/ ngag ces pa la sogs pa ste 'dir ngag gi dbang po ni rlung gi khams las 'gyur ro/ /lag pa'i dbang po ni me'i khams las so/ /rkang pa'i dbang po
 ni chu'i khams las so/ /bshang lam gyi dbang po ni sa'i khams las so/ /ma brjod pa nyid las gsang ba'i dbang po ni nam mkha'i khams las so/ /lo bcu drug gi mthar mchog gi dbang po ni ye shes kyi khams las 'gyur ro zhes pa ni las kyi dbang po drug gi nges pa'o/ /thur sel zhes pa la
 sogs pas khams drug las thur sel la sogs pa'i rlung rnams gsungs te/ 'dir lus la thur sel gyi rlung ni ye shes kyi khams la 'gyur ro/ /'dir yang lnga pa'i don la bdun pa'o/ /de yang bshang ba dang gci ba dang khu ba 'dren par byed pa las rnam gsum zhes par 'gyur ro/ /srog
 gi rlung ni stong pa la ste nam mkha'i khams las so/ /yang yig gis de yang rnam pa gsum ste g.yon dang g.yas dang dbu ma'i rtsar rab tu 'bab pa las so/ /rlung gi dbus su ste rlung gi khams kyi rang bzhin las mnyam gnas su 'gyur ro/ /rtse mo can te me'i khams la slar
 yang gyen rgyu'o/ /chu la ste chu'i khams la khyab byed do/ /sa la zhes pa sa'i khams la klu'o/ /de nas de ma thag tu rus sbal la sogs pa bzhi po rnams te rlung gi khams las rus sbal du 'gyur ro/ /me'i khams las rtsangs pa'o/ /chu'i khams las lha sbyin no/ /sa'i khams las nor las rgyal
 ba'o/ /lo bcu drug gi mthar nam mkha'i khams las dga' ba'i rlung ngo / /ye shes kyi khams las lhan cig skyes pa'i dga' ba'i rlung ngo / /gtsug tor zhes pa la sogs pas khams kyi dbang gis lus kyi lag pa la sogs pa'i tshigs la 'khor lo la sogs pa rnams gsungs te/
 'dir nam mkha'i khams las gtsug tor gyi pad+ma 'am 'khor lor 'gyur te 'dab ma'i grangs ni 'chad par 'gyur ba las brjod par bya'o/ /lha dang mi rnams kyi ni ye shes kyi khams las kyang gsang bar 'gyur te gsang ba'i pad+ma'o zhes pa'i don to/ /snying gi pad+ma rlung gi khams las 'gyur
 ro/ /rab gsal rtse mo can las mgrin pa'i 'khor lor 'gyur ro/ /gsal bar ni nges par ro/ /chu'i khams las smin ma'i nang gi pad+ma'o/ /nor ni nor te drug cu rtsa bzhi'i 'dab ldan lte ba'i pad+ma ni sa'i khams las 'gyur ro/ /tshigs drug ces pa ni mang ba'i tshig la gcig gi tshig go/ /rkang
 pa lag pa dag gi ste rkang pa g.yon pa'i gsum ni sa'i khams kyi snying stobs dang rdul dang mun pa'i yon tan rnams kyi dbye ba las 'gyur te ma hi zhes pa thung ngu ni sa'i rnam grangs so/ /rkang pa g.yas pa'i gsum ni chu'i khams kyi yon tan gsum gyi dbye ba las so/ /lag pa
 g.yon pa'i gsum ni me'i yon tan gsum gyi dbye ba las so/ /lag pa g.yas pa'i gsum ni rlung gi yon tan gsum gyi dbye ba las te rlung rnams dag la gsum gyi grangs zhes so/ /'khor lo bcu gnyis ni 'chad par 'gyur ba las brjod par bya'o/ /'khor lo bcwa brgyad kyi nges
 pa'o/ /da ni sa zhes pa la sogs pas khams kyi dbang gis sor mo 'byung ba gsungs te/ 'dir lag pa dang rkang pa dag gi mthe bo la sogs pa mthe chung gi mthar thug pa rnams g.yon pa dang g.yas pa la yang khams lnga yon tan gsum gyi rang bzhin gyis tshigs gsum
 gyi bdag nyid de/ de la sa'i khams kyi dbang gis mthe bong du 'gyur te sa'i khams kyi yon tan gsum gyi dbang gis mthe bo'i tshigs gsum mo/ /de bzhin du chu'i khams kyi rang bzhin gyis mdzub mo'o/ /de bzhin du me'i khams kyi rang bzhin gyis gung mo'o/ /de bzhin du rlung gi khams
 kyi rang bzhin gyis ming med do/ /nam mkha'i khams kyi rang bzhin gyis mthe'u chung ngo / /lag pa g.yon pa la ji lta ba de bzhin du g.yas pa la yang ngo / /de bzhin du rkang pa dag la yang shes par bya'o/ /lag pa gnyis dang rkang pa gnyis la bcu ni gsum gyis bsgyur ba ste sum cu'i
 tshigs kyi gzugs dang ldan pa mtha' dag ste de dag thams cad sen mo'i mthar thug yang dag gzung bya'o/ /so rnams gsungs te 'dir gal te dang por byis pa la steng du so gnyis su gyur na de'i so g.yas pa sa'i rang bzhin te g.yon pa chu'i rang bzhin no/ /de nas 'og tu gyur pa na
 de'i tshi g.yas pa me'i rang bzhin dang g.yon pa rlung gi rang bzhin no/ /de bzhin du slar yang steng du me dang rlung gi rang bzhin dag go/ /'og tu sa dang chu'i rang bzhin dag go/ /slar yang 'og tu rlung dang me'i rang bzhin dag go/ /slar yang steng du sa dang chu'i rang bzhin dag ste de ltar lugs dang
 mthun pa dang lugs las bzlog pas steng dang 'og tu khams bzhi'i rang bzhin gyis so sum cu rtsa gnyis po dag rig par bya'o/ /gang gi tshe 'khyog po'i mche ba yin pa de'i tshe nam mkha'i khams so/ /de bzhin du spu dang skra rnams khams kyi dbye bas shes par bya ba dag ni gzhan gang spu
 yi mthar ni lus mchog la 'gyur de dang de ni de bzhin du yang khams lnga las rig par bya ste/ lus kyi dben pa bye ba phrag phyed dang bcas pa'i gsum gyi dbye ba ji snyed pa khams kyi rnam par 'gyur ba ste rdul dang khu ba'i dbang gis khams kyi rnam par 'gyur ba'o/ /kun 'byung gi bden pa ni
 lus kyi dben pas so zhes bcom ldan 'das kyis gsungs so/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las lus dang ngag dang sems 'byung ba dang sdug bsngal dang lam dang
 kun 'byung dang 'gog pa'i bden pa nges pa'i mdor bsdus chen po ste dang po'o/ / //da ni gsang ba zhes pa la sogs pas rten dang brten pa'i tshogs pa gsungs te 'dir lus la 'khor lo drug ni rten du gyur pa ste sku bzhi ni brten pa'o/ /de dag las lhan cig skyes pa'i sku ni pad+ma
 gsum la rang bzhin dang rang bzhin med pa'i dbye bas so/ /de'i phyir gsang ba'i pad+ma dang gtsug tor gyi pad+ma dang lte ba'i pad+ma la rnam par dag pa'i sku lhag pa'i lha ste rang bzhin med pa ma brtags pa dang rang bzhin pra phab pa lta bu'o/ /snying khar ni chos kyi sku'o/ /mgrin pa'i chu skyes la
 yang sku'i dbye bas longs spyod rdzogs pa'i sku lhag pa'i lha'o/ /thig le la zhes pa spyi bo'i chu skyes dag pa'i 'khor lo la sprul pa'i sku lhag pa'i lha'o/ /sku'i dbye bas lte ba sprul pa'i 'khor lor sprul pa'i sku lhag pa'i lha'o zhes pa ni sku'i dbye ba'i nges pa'o/ /yon tan dbang gis
 zhes pa ni 'khor lo rnams kyi yon tan te lhan cig skyes pa'i sku'i rten gyi yon tan ye shes dang nam mkha' dang sa'o/ /chos kyi sku'i rten gyi yon tan rlung ngo / /longs spyod rdzogs pa'i sku'i rten gyi yon tan me'o/ /sprul pa'i sku'i rten gyi yon tan chu ste rten dang brten pa'i dngos po'o/ /brjod
 pa'i rim pas snying kha'i 'khor lo mgrin pa'i 'khor lo spyi bo'i pad+ma chos dang longs spyod rdzogs dang dag pa'o zhes so/ /lte ba zhes pa la sogs pas lus kyi rten gyi dbye bas rigs drug gsungs te 'dir lus kyi 'khor lo drug la khams drug gi dbang gis rigs drug tu 'gyur te/ grangs
 bzhin du yum gyi rigs gsum ste gtso bo zhes pa yab kyi rigs kyang ngo / /lte bar sa'i 'khor lo la 'khor lo'i rigs su 'gyur ro/ /mgrin par me'i pad+ma la rin chen gyi rigs su 'gyur ro/ /gsang bar ye shes kyi pad+ma la gri gug gi rigs su 'gyur te grangs bzhin du yum gyi sku dang gsung dang
 thugs so/ /de bzhin du spyi bor chu'i pad+ma la pad+ma'i rigs su 'gyur ro/ /snying khar rlung gi pad+ma la ral gri'i rigs su 'gyur ro/ /de bzhin du gtsug tor dbus su nam mkha'i khams kyi pad+ma la rdo rje'i rigs su 'gyur te gtso bo'i sku dang gsung dang thugs so/ /rim pa bzhin rdul dang khu
 ba dag gi rigs su 'gyur te sa la sogs pa'i khams las skyes pa'i rnam par 'gyur ba rnams kyi go rims ji lta bas so/ /de dag ces pa la sogs pas de dag nyid rlung dang rtsa ba'i dbye bas gsungs te 'dir srog dang thur sel gyi rtsa gsum gyi dbye bas rtsa gsum gyi ming gi mtshan nyid
 du 'gyur ro/ /thur sel gyi bshang ba'i rtsa ni 'khor lo'i rigs so/ /srog gi nyi ma'i rtsa ni rin chen gyi rigs so/ /thur sel gyi khu ba'i rtsa ni gri gug gi rigs so zhes pa ni yum gyi rigs gsum ste sku dang gsung dang thugs so/ /de bzhin du srog gi zla ba'i rtsa ni pad+ma'i rigs so/ /thur sel
 gyi gci ba'i rtsa ni ral gri'i rigs so/ /srog gi dbu ma'i sgra gcan gyi rtsa ni rdo rje'i rigs te gtso bo'i sku dang gsung dang thugs so zhes pa ni rigs drug gi nges pa'o/ /lus zhes pa la sogs pas lus dang bsam pa rab tu 'jug pa dang khams kyi kha dog gsungs te 'dir lus la
 khams rnams phan tshun du gzung ba dang 'dzin pa'i dbye bar 'gyur ro/ /de la tshogs pa'i dbang gis 'dzin pa'i khams gang yin pa de ni lus kyi ming du 'gyur ro/ /tshogs pa'i dbang gis gzung pa gang yin pa de ni bsam pa'i ming du 'gyur ro/ /gzung ba dang 'dzin pa dag gcig
 pa nyid ni phan tshun ro mnyam pa nyid do/ /de'i phyir lus la bsam pa rab tu zhugs pa nam mkha' bzhin du ro mnyam bsam pa'i dbus su lus ngag kyang / rnal 'byor ldan pas shes bya rang bzhin yon tan dbang gis khams kyi kha dog la sogs dbye bas te zhes pa'o/ /'dir lus kyi dbang
 po la sogs pa rnams dang dri la sogs pa'i yul rnams kyi rang bzhin ni sa la sogs pa khams rnams te kha dog bzhir 'gyur ro/ /'dir lus kyi dbye bas lus kyi dbang po dang yul dri dang bshang lam gyi dbang po dang / brjod pa rnams sa'i lus kyi rang bzhin gyis kha dog ser po dang bsam
 pa'i dbang gis rlung gi rang bzhin las kha dog nag po'o/ /de bzhin du sna'i dbang po dang reg dang ngag gi dbang po dang bshang ba 'dzag pa rnams lus kyi dbye bas rlung gi rang bzhin kha dog nag po dang sa'i bsam pa'i dbye bas ser po'o/ /mig gi dbang po dang ro dang lag pa'i
 dbang po dang 'gro ba rnams lus kyi dbang gis me'i rang bzhin kha dog dmar por 'gyur zhing bsam pa'i dbang gis chu'i rang bzhin dkar por 'gyur ro/ /de bzhin du lce'i dbang po dang kha dog gi gzugs dang rkang pa'i dbang po dang len pa rnams lus kyi dbye bas chu'i rang bzhin kha dog
 dkar por 'gyur zhing bsam pa'i dbang gis me'i rang bzhin kha dog dmar por 'gyur ro/ /sa rlung me dang chu la'o zhes pa ste sa'i rang bzhin dang rlung gi rang bzhin dang me'i rang bzhin dang chu'i rang bzhin la kha dog rig par bya'o/ /de bzhin du rna ba'i dbang po dang yul chos kyi dbyings dang b+ha ga'i dbang
 po dang khru ba 'pho ba ste 'di dag ni lus kyi dbye bas nam mkha'i rang bzhin kha dog ljang khu dang bsam pa'i dbye bas ye shes kyi rang bzhin sngon po'o/ /de bzhin du yid kyi dbang po dang sgra dang mchog gi dbang po dang gci ba 'dzag pa ste 'di dag ni lus kyi dbye bas ye shes kyi khams kyi rang bzhin kha
 dog sngon po dang bsam pa'i dbye bas nam mkha'i rang bzhin ljang khu'o/ /de'i phyir ye shes nam mkha' la yang sngon po ljang khur 'gyur te lus dang bsam pa'i rab tu dbye bas so zhes so/ /lus dang bsam pa'i rang bzhin nges pa'o/ /rus pa dang sha la sogs pa'i khams rnams shes rab dang
 thabs kyis 'khyud pa gsungs pa shes rab ces pa la sogs pa ste 'dir lus la rus pa'i khams ni shes rab ste sha'i khams ni thabs so/ /sa dang 'du byed de dag ni phan tshun yang dag par ldan pa ste sra ba nyid gang yin pa de ni sa'i khams so zhes pa'i shes par byed pa las rus pa dang sha ni shes
 rab dang thabs so/ /de bzhin du shes rab dang thabs ni chu dang bcas pa'i khrag ste chu'i khams dang lhan cig tu tshor ba'i phung po'o/ /de bzhin du me dag dang zhes pa tsha ba nyid dang gci ba zhes pa ni 'du shes te 'di dag ni shes rab dang thabs so/ /khu ba'i khams 'du shes kyi phung po ma yin nam ji ltar
 gci ba zhes brjod ce na/ 'dir lus la 'du shes gang yin pa de ni byis pa skyes pa tsam gyis te gci ba 'dzag pa las so/ /bde ba chen po'i ye shes gang yin pa de ni lo bcu drug gi mtshams su 'gyur te sa bon 'pho ba'i chos las so/ /de'i phyir gci ba ni 'du shes kyi chos dang khu ba
 ni ye shes kyi chos so zhes pa'i khyad par las gci ba ni 'du shes kyi phung po'o/ /de bzhin du rlung dang bshang ba shes rab dang thabs te rlung gi khams dang gzugs kyi phung po'o/ /stong pa zhes pa rdul gyi khams dang khu ba zhes pa rnam par shes pa'i khams ni shes rab dang thabs te mchog gi
 lus la dpal ldan rdul dang byang chub kyi sems nyid dag tu 'gyur ro/ /de bzhin du rna ba sgra sogs gzhan rnams zhes pa ni sgra ni shes rab bo/ /rna ba ni thabs so/ /dri ni shes rab bo/ /sna ni thabs so/ /gzugs ni shes rab bo/ /mig ni thabs so/ /ro ni shes rab bo/ /lce ni thabs so/ /reg
 bya ni shes rab bo/ /lus ni thabs so/ /chos kyi dbyings ni shes rab bo/ /yid ni thabs so/ /bshang ba 'dzag pa ni shes rab bo/ /bshang lam ni thabs so/ /'gro ba ni shes rab bo/ /rkang pa ni thabs so/ /len pa ni shes rab bo/ /lag pa ni thabs so/ /brjod pa ni shes rab bo/ /ngag
 gi dbang po ni thabs so/ /gci ba'i bya ba ni shes rab bo/ /b+ha ga'am rtags ni thabs so/ /khu ba 'dzag pa ni shes rab bo/ /dung can ma'i dbang po ni thabs so/ /rang gi rgyal ba'i rigs kyi dbang gis ngag gi rang bzhin la sogs kyang zhes pa ni las kyi dbang po la sogs pa'o/ /de ltar brjod
 pa'i rim pas lha mo sa la sogs pa rnams sangs rgyas dang bcas te rnam par snang mdzad la sogs pa dang lhan cig pa'i yul dang yul can rnams ni 'chad par 'gyur ba'i dkyil 'khor dag la brjod par bya'o/ /phan tshun shes rab dang thabs kyis 'khyud pa'i cho ga'i nges pa'o/ /
 da ni rtsa rnams zhes pa la sogs pas zla ba dang nyi ma khu ba dang rdul gyi bya ba gsungs te 'dir lus la mngal gyi zla ba gcig gi rjes la nyin zhag so sor rtsa brgya phrag gnyis su 'gyur te zla ba'i nang du nyin zhag sum cus stong phrag drug gi grangs su 'gyur ro/ /zla ba bcu gnyis kyi mtshams su
 nyin zhag sum brgya drug cu rnams kyis stong phrag bdun cu rtsa gnyis kyi grangs su 'gyur te/ rtsa rnams stong phrag drug ni nyin mor byed pas bsgyur ba ste bcu gnyis kyis bsgyur ba'o/ /mngal gyi dbus dag tu yang 'phel ba ni/ byas nas yang yig gis phyi rol du yang ste
 zla ba bcu gnyis kyi mtha'i bar du'o/ /mngal bzung ba'i zla ba gcig por nas lo rdzogs par gyur pa na 'phel ba gtong ste/ ri bong 'dzin pa ni yang yig gis zla ba bcu gsum na ste nyi ma dag kyang 'phel bar byed do zhes pa ni de nas zla ba dang khu ba'i rtsa'i khams kyi grangs yongs su chad
 par gyur pa na lo bcu gnyis kyi bar du rdul gyi khams 'phel bar byed do/ /kyang yig gis khu ba'i khams kyang 'phel bar byed do/ /lo ni bcu gnyis dag na nyin phyed khams ni 'phel ba gtong ste rang gi lus po dag la'o zhes pa bud med rnams kyi rdul 'byung ba'i bar du nyi ma 'phel ba
 ste kyang yig gis bsdus pa las skyes pa rnams kyi lo bcu drug gi mtshams su khu ba 'byung ba'i bar du'o/ /de bzhin du rtsa ni 'chad pa dag kyang rab tu skyes par gyur pa nas nyin zhag so sor rim pas zung gi grangs su 'gyur zhes pa ni 'chad par 'gyur ba las rgya cher brjod par bya'o/ /
 rtsa dang khams 'phel ba'i nges pa'o/ /da ni dpal ldan 'byung ba zhes pa la sogs pas nam mkha' la sogs pa'i de nyid rnams gsungs te 'dir byis pa'i lus la dpal ldan 'byung ba lnga dang dbang po lnga ni nam mkha' la sogs pa dang rna ba la sogs pa ste gcig tu bcur 'gyur ro/ /
 de bzhin du las kyi dbang po lnga po rnams dang de tsam zhes pa ni sgra de tsam la sogs pa ste de tsam lnga ru brjod pa rnams so/ /yon tan bcas pa dag kyang yid dang zhes pa ni snying stobs dang rdul dang mun pa dang bcas pa'i yid de/ de bzhin du blo dang dar 'dzin dang mchog gi rang bzhin yang ngo / /
 'di dag ni de nyid rnams te nyi shu rtsa bzhi'o/ /lus dang phyi rol srid pa gsum gyi gnas su 'di ni longs spyod de gtso bo dag gi'o/ /ji ltar gyur pa'i zhe na/ phung po lnga yi bdag nyid dang 'jig rten gyi kun rdzob kyis rnam gsum srid pa la gnas bdag gi las ni bsags pa dag gi
 longs spyod du 'gyur ro/ /rang bzhin nyi shu rtsa bzhi'i bdag nyid ni 'dzin par byed pa'i chos can skyes bu'i gzung bar bya ba'i chos can gyi rang bzhin no/ /rang gi ngo bo can yang gzung bya'i chos dang bral ba'i rang bzhin gzhan te rang bzhin gyis 'od gsal bar yod pa'o zhes pa ni
 rang bzhin dang skyes bu'i nges pa'o/ /da ni sa zhes pa la sogs pas lus las la sogs pa rnams kyi mtshan nyid gsungs te 'dir lus las ni sra ba'o/ /chu ni gsher ba'o/ /me yang tsha ba nyid do/ /gang gi phyir bskum pa rkyong bar byed pa'i rlung ni yang ba nyid do/ /bug pa ni stong
 pa'o/ /brtan pa'i rus pa ste rgyab kyi tshigs pa'i rus pa dpyi nas brtsams nas phrag pa'i mthar thug pa ni 'chi med ri bo mchog ces pa lhun po'o/ /phyi rol tu char pa gang yin pa de lus la 'dir ni bdud rtsi ste lce dang lce chung dag las stU ka 'dzag pa'o/ /rdo rje ni snying la sgra ste rgyu ma
 rnams 'khrol ba gang yin pa'o/ /gzhu ste 'ja' tshon ni bshang ba dag go/ /phyi rol du chu srang drug cu'i bdag nyid kyi chu tshod gang yin pa de ni lus la dbugs dang dbugs 'byung zung dag go zhes pa ste srog gi rlung 'byung ba dang 'jug pa zung ni chu tshod do/ /zung 'di rnams dgu brgya
 nyis 'gyur zhes pa brgya phrag bco brgyad rnams kyis 'pho ba gcig tu 'gyur ro/ /phyi rol du 'pho ba ni nyin zhag sum cu'i zla bas te nang du ni dkyil 'khor lnga 'bab pa'i rtsa lnga rnams so/ /skar rtsis pa ni nyi ma la sogs pa'i gza' rnams so/ /de dag bug pa'i dbye ba bcur 'gyur te
 'dir bshang lam gyi bug pa ni zla ba'o/ /gci ba'i bug pa ni nyi ma'o/ /khu ba'i bug pa ni dus kyi me'o/ /kha'i bug pa ni sgra gcan no/ /mig g.yas pa'i bug pa ni bkra shis so/ /mig g.yon pa'i bug pa ni gza' lag go/ /sna g.yas pa'i bug pa ni phur bu'o/ /sna g.yon pa'i bug pa
 ni bsangs so/ /rna ba g.yas pa'i bug pa ni spen pa'o/ /rna ba g.yon pa'i bug pa ni mjug rings so/ /slar yang bkra shis la sogs pa 'di rnams kyi dbang po drug gi dbye ba ni 'chad par 'gyur ba'i le'u lnga pa las brjod par bya'o/ /sa la sogs pa'i nges pa'o/ /da ni rgyu skar zhes
 pa la sogs pas rgyu skar la sogs pa gsungs te/ thur ma bdun pa'i 'khor lo'i dbye bas byi bzhin dang bcas pa'i rgyu skar nyi shu rtsa brgyad do/ /thur ma'i rgyu skar rnams kyi zur bzhir dbyug gu'i rgyu skar bzhi ste de ltar na sum cu rtsa gnyis so/ /rim
 pa dang rim pa ma yin par rgyu ba'i dbye bas rgyu skar bcu bzhi ni so rnams kyi steng gi 'khor lo la ste/ bcu bzhi ni 'og gi 'khor lo la gnas so/ /'khor lo phyed kyi dbye bas so rnams kyi dbye ba steng dang 'og tu 'gyur te/ rgyu skar dag ni so yi phreng ba'o/ /rjes su nyin
 zhag chu tshod rnams ni tshigs kyi dbye bar 'gyur zhes pa ni nyin zhag so sor chu tshod drug cu'i lo'i rjes su nyin zhag gi dbugs kyi grangs su 'gyur ro/ /chu tshod de ni nyin zhag sum brgya drug cur 'gyur ro/ /de dag kyang tshigs sum brgya drug cur 'gyur ro zhes pa tshigs kyi dbye ba'o/ /
 rtsa rnams chu bo zhes pa ni 'dir phyi rol du 'jig rten gyi khams la rgya mtshor 'gro ba'i chu bo stong phrag bdun cu rtsa gnyis te nang du ni ro 'bab pa'i rtsa stong phrag bdun cu rtsa gnyis su 'gyur ro/ /rgyu ma sprin te rgyu ma zhes pa ni rnam dbye med pa'i tshig go/ /rgyu ma ni sprin du 'gyur te ro 'bab pa'i
 phyir dang sgra sgrogs pa'i mtshan nyid kyi phyir ro/ /ri bong can gyi cha gzhan khams rnams gnyis kyi rang bzhin no/ /'dir cha rnam pa gnyis te/ spu la sogs pa'i khams kyi rnam par 'gyur bas gcig dang khu ba 'pho ba'i chos kyis gzhan no/ /'di dag las slar yang sprul
 sogs pa'i khams kyi rnam par 'gyur bas gnas pa gang yin pa de yang rnam pa gnyis te ri bong can gyi cha gzhan zhes so/ /'dir spu phra mo dang spu sbom po ni tshes gcig dang gnyis pa'o/ /de bzhin du pags pa ni gsum pa dang bzhi pa'o/ /de bzhin du khrag ni lnga pa dang drug pa'o/ /
 de bzhin du sha ni bdun pa dang brgyad pa'o/ /de bzhin du rtsa ni dgu pa dang bcu pa'o/ /de bzhin du rus pa ni bcu gcig pa dang bcu gnyis pa'o/ /de bzhin du rkang ni bcu gsum pa dang bcu bzhi pa'o/ /de bzhin du khu ba ni bco lnga pa dang bcu drug pa ste/ cha ni khams rnams
 gnyis kyi rang bzhin no zhes pa'i nges pa'o/ /da ni spu dang zhes pa la sogs pas 'byung po'i skye gnas gsungs te/ 'dir 'jig rten gyi khams su 'byung po'i skye gnas rnam pa bzhi ste/ 'dir phyi rol du sa'i skye gnas brtan pa ni nang du spu rnams so/ /phyi rol du
 rlung gi skye gnas sgong skyes ni nang du shig rnams so/ /phyi rol du chu'i skye gnas srin bu'i rigs la sogs pa drod gsher las skyes pa ni lus la yang srin bu'i rigs la sogs pa'o/ /phyi rol du ma'i gnas mngal nas skyes pa khu ba nas byung ba ni nang du khu ba
 nyid do/ /ma brjod pa nyid las phyi rol du nam mkha'i khams ro'i ngo bo gzugs rdzus te skyes pa rnams ni nang du phra mo'i gzugs srog chags phra mo rnams te/ 'byung po'i skye gnas rnam pa bzhi'o/ /dga' ba la sogs mthe bong tshigs rnams zhes pa ni/
 'dir phyi rol du tshes gcig la sogs pa tshes lnga lnga ni dga' ba la sogs par brjod de/ de dag kyang dkar po dang nag po'i phyogs kyi dbye bas mthe'u chung dang mthe bo la sogs pa tshigs gsum gsum gyi rang bzhin gyis so/ /nam mkha' la sogs pa'i khams
 kyi dbye bas lag pa g.yon pa'i sor mo'i tshigs rnams dga' ba la sogs par 'gyur ro/ /lag pa g.yas pa'i sor mo'i tshigs rnams sa la sogs pa'i dbye bas te/ rgan po'i mthe bo'i tshigs la sogs pa'i dbye bas bco lnga'o/ /de bzhin du rkang pa'i sor
 mo'i tshigs rnams zla ba gnyis pa'i tshes kyi dbye bas shes par bya'o/ /de ltar na dus so so'i dbye bas lo la yongs su 'khor ba drug tu 'gyur te/ dus drug gis so zhes pa ni dga' ba la sogs mthe bong tshigs rnams zhes pa'i nges pa'o/ /spyi bo'i pad+ma lte ba'i pad+ma
 dag kyang nus pa'o zhes pa ni sngar brjod pa'i cho gas lhan cig skyes pa'i skur 'gyur ro zhes pa ste/ nus pa'i nges pa'o/ da ni tshangs pa'i yul sa zhes pa la sogs pas mtho ris la sogs pa gsungs te/ 'dir lus la tshangs pa'i yul sa gtsug tor nas
 mgrin pa'i mthar thug pa ni mtho ris kyi 'jig rten du 'gyur te/ lag mchog dag ni mi yul gyi 'jig rten du 'gyur ro/ /rkang pa dag ni sa 'og gi 'jig rten du 'gyur ro/ /chu gter rnams dang gling rnams ni chu gter gling ste/ ri bo rnams
 kyang bdun rnams grangs bzhin du lus la rgya mtsho bdun po ni gsher ba'i khams rnams te/ de dag las lan tshwa'i rgya mtsho ni gci ba'o/ /chang gi rgya mtsho ni rdul lo/ /chu'i rgya mtsho ni stU ka'o/ /'o ma'i rgya mtsho ni bud med rnams kyi 'o ma dang skyes pa rnams kyi bad kan
 gyi khams so/ /zho'i rgya mtsho ni mgo'i glang pa'o/ /mar gyi rgya mtsho ni zhag go/ /sbrang gi rgya mtsho ni khu ba'o/ /de bzhin du gling rnams te/ 'dzam bu'i gling rtsibs bcu gnyis pa ni lag pa dang rkang pa'i dum bu bcu gnyis la'o/ /drag po ni sha'o/ /khrung
 khrung ni mchin pa'o/ /mi'am ci'i ni snying po/ /gu sha ni tshil bu'o/ /'od dkar ni rgyu ma'o/ /zla ba ni rtsa ste/ 'jam pa'i khams rnams so/ /ri bo zhes pa la rdo rje'i ri ni rkang pa dang lag pa'i sen mo rnams so/ /bsil ba'i ri ni lag pa'i rus pa'o/ /
 dro Na ni nye ba'i dpung pa'i rus pa'o/ /nor bu'i 'od ni dpung pa'i rus pa'o/ /ni Sha Ta ni rkang pa'i rus pa'o/ /man da ra'i ri ni byin pa'i rus pa'o/ /'od sngon ni brla'i rus pa'o zhes pa ni ri bdun po sra ba'i khams rnams te/ brgyad pa lhun po ni lus kyi sgal tshigs
 dpyi nas brtsams nas phrag pa'i mthar thug par nges pa ste/ gsher 'jam sra ba gsum gyi rang bzhin khams rnams so/ /me rlung dkyil 'khor zhes pa la me'i dkyil 'khor ni khrag go/ /rlung gi dkyil 'khor ni pags pa'o/ /rgyal po zhes pa ni bod
 pa'o/ /skra rnams grub pa mtha' dag srid pa gsum gyi gnas su du ma'i dbye ba dag gis grub pa'o zhes pa ni 'dir phyi rol du 'jig rten gyi khams la grub pa rnam pa gsum ste/ mkha' la spyod pa dang sa la spyod pa dang sa 'og na gnas pa'o/ /de dag las
 mkha' la spyod pa ni mgo la skyes pa rnams so/ /sa la spyod pa ni mchan khung du skyes pa rnams so/ /sa 'og na gnas pa ni b+ha ga dang rtags las skyes pa'o/ /ma brjod pa nyid las spu rnams ni 'byung po'i rigs bye ba phrag phyed dang bcas pa'i gsum gyi mtshan nyid do zhes pa ni mtho
 ris la sogs pa'i nges pa'o/ /da ni snying zhes pa la sogs pas me gsum gsungs te 'dir lus la lho'i me dang khyim bdag gi me dang bsreg bya za ba'i me'o zhes pa ni nges pa ste gsum po grangs bzhin du snying kha'i pad+ma gzhu'i rnam pa la rdo rje ste glog gi me'o/ /mgrin pa'i pad+ma
 zlum po la khyim bdag gi nyi ma'i me'o/ /lte ba'i thab khung gru bzhi pa la bsreg bya za ba'i sha za'i me'o zhes pa ni rab 'phro rim pa yis/ nyin bzhin sreg byed chu gter zur gyi thab khung dag la yang zhes pa'i nges pa'o/ /de dag gong na me gzhan dri med 'od zer 'phro ba ye shes
 gzugs ni mun pa dag gi mthar/ gsang ba'i pad+ma dang dpral ba'i pad+ma la mi chod pa ste/ gnas gang zhig nyi ma glog gis mi gdung ri bong 'dzin pa gza' dang skar ma la sogs med pa na ste/ sogs pas ni sha za'i me ste/ bzhi pa bden pa'i me ye shes kyi gzugs
 so zhes pa ni me gsum gyi nges pa'o/ /da ni gza' zhes pa la sogs pas/ gza'i chu tshod la sogs pa gsungs te/ 'dir phyi rol du gza' bdun te/ brgyad pa ni rigs ldan gyi longs spyod do/ /brgyad po de dag ni lus kyi snying kha'i pad+ma'i 'dab ma brgyad po
 rnams la 'gyur te/ shar gyi 'dab ma la nyi ma'o/ /mer zla ba'o/ /lhor bkra shis so/ /bden bral du gza' lag go/ /chur phur bu'o/ /rlung du pa sangs so/ /lus ngan du spen pa'o/ /dbang ldan du rigs ldan gyi longs spyod la mjug rings te/ longs spyod phyed
 gzhan la ni sgra gcan no/ /rab tu gsal byas chu tshod drug cu lte ba'i pad+ma la ste chu tshod stong pa'i 'dab ma bzhi'o/ /lhag ma 'dab ma drug cu ni dkyil 'khor drug cu 'bab pa'i chu tshod rnams te gza' so so la drug cu'i grangs so/ /smin ma'i dbus su 'dab ma bcu drug rnams la
 'dab ma gnyis ni stong pa 'bab pa'o/ /'dab ma bcu bzhi la 'byung dang 'byung ba mda' zhes pa la sogs pas zla ba'i rkang pa bcu bzhi rnams so/ /de la dang po'i 'dab ma la 'byung ba zhes pa chu tshod lnga'i bdag nyid kyi rkang pa ste de bzhin du gnyis pa dang gsum pa la'o/ /
 'dab ma bzhi pa la rig byed ces pa chu tshod bzhi'i bdag nyid do/ /lnga pa la rtse mo can te rkang pa chu tshod gsum mo/ /'dab ma drug pa la lag pa zhes pa chu tshod gnyis kyi bdag nyid kyi rkang pa'o/ /'dab ma bdun pa la ri bong can zhes pa chu tshod gcig gi bdag nyid kyi rkang pa bdun pa'o
 de bzhin du lugs las bzlog pas brgyad pa la chu tshod gcig gi rkang pa'o/ /dgu pa la chu tshod gnyis kyi bdag nyid do/ /bcu pa la chu tshod gsum gyi bdag nyid do/ /bcu gcig pa la chu tshod bzhi'i bdag nyid do/ /bcu gnyis pa la chu tshod lnga'i bdag nyid do/ /bcu gsum
 pa dang bcu bzhi pa la yang de ltar shes par bya ste zla ba'i rkang pa ma nu'i grangs su 'gyur ro/ /mi bdag ces pa ni bod pa'o/ /longs spyod 'khor lo ste mgrin pa'i 'khor lor 'dab ma sum cu rtsa gnyis la 'dab ma bzhi ni stong pa'o/ /gzhan 'dab ma nyi shu rtsa brgyad po rnams la
 byi bzhin dang bcas pa'i rgyu skar nyi shu rtsa brgyad po rnams su 'gyur ro/ /de dag ni shar gyi thur ma bdun gyi dbu ma la dbu ma gang yin pa nam gru'i mthar g.yon skor gyis te/ gnyis pa la tha skar ro/ /gsum pa la bra nye'o/ /bzhi pa la smin drug go/ /de nas dbyug gu'i rgyu skar te thur
 ma ni 'dab ma bdun pa'i ming can gyi rtsa'o/ /de nas byang gi thur ma bdun po rnams la g.yon skor gyis te thur ma dang po la snar ma'o/ /gnyis pa la mgo 'o/ /gsum pa la lag go/ /bzhi pa la nab so'o/ /lnga pa la rgyal lo/ /drug pa la skag go/ /bdun pa la mchu'o/ /de nas
 gzhan la yang de bzhin du rig par bya'o/ /slar yang lte ba'i pad+mar rgyu skar rnams kyi chu tshod drug cu rig par bya'o/ /chu tshod kyi chu srang ni drug cu ste drug cu rnams brgya phrag sum cu rtsa drug ni gsal bar mtha' dag lus la lag pa rkang pa la sogs dag gi tshigs la'o zhes pa ni 'chad
 par 'gyur ba las rgyas par brjod par bya ste/ gza' la sogs pa'i nges pa'o/ /da ni lte ba zhes pa la sogs pas srog gi nus pa lte ba la sogs pa'i 'khor lor 'khor ba gsungs te/ 'dir phyi rol tu nyi ma khyim bcu gnyis po rnams la lo'i 'pho ba'i dbye bas 'khor ba ji lta ba
 de bzhin du nang du srog gi nus pa yang khyim bcu gnyis po rnams la nyin zhag so sor 'pho ba bcu gnyis kyi dbye bas 'khor ro/ /lte ba'i chu skyes nyi ma'i 'dab ma dag la 'khor te mchog gi cha srog gi nus pa ni 'pho ba'i rim pas khyim bcu gnyis kyi 'dab ma rnams la srog zung dgu brgya nyis 'gyur
 dag gis 'pho bar 'gyur te zhes pa ni/ 'dir ji ltar phyi rol du dbyug gu brgya phrag bcwa brgyad kyis nyi ma'i 'pho ba gcig tu 'gyur ba de bzhin du dbugs brgya phrag bcwa brgyad kyis srog gi nus pa 'dab ma re rer 'pho bar 'gyur ro/ /de yang dus sbyor ka rka Ta nas mi yi dbang 'dir
 phyi rol du nyi ma'i skye ba'i khyim ni ka rka Ta'o/ /de bzhin du skyes pa thams cad dus sbyor gang du skyes par gyur pa'i khyim de ni ka rka Ta'i ming can du rig par bya ste/ srog gi skye ba gnas par bya zhes pa'i rigs pas so/ /dus sbyor ka rka Ta nas mi'i dbang zhes pa ni bod pa'o/ /phyi rol du
 dus sbyor gang la nyi ma gnas pas 'char ba'i dus nas nyin dang mtshan mor 'khor ba de la de ni rig par bya ste thur ma bdun gyi dbye bas so/ /dus sbyor tshad ni shes par bya ste phyi rol du nyi ma'i 'pho ba chad pa dang lhag pa nyin zhag rnams kyis rig par bya ba ji lta ba de bzhin du nang du chad pa dang
 lhag pa ni dbugs rnams kyis rig par bya'o/ /nyi ma'i chu tshod kyi dbye bas lus la dbugs kyi nges pa'o/ /srog gi nor dang bu lon mnyam pa ste ka rka Ta la sogs pa la nyi ma'i rkang pas bu lon dang chu srin la sogs pa la nor ro/ /skar rtsis kyi cho gas mnyam pa ni 'pho ba so so'i nyin
 zhag ste/ rkang pa dang bcas pa'i dbyug gu lnga bcu rtsa drug gi bdag nyid ni phyi rol du'o/ /nang du mnyam pa ni dbugs kyi bdag nyid de dus sbyor so so'i 'pho ba'i dbye bas so zhes pa ni 'pho ba bcu gnyis 'khor ba'o/ /da ni re re zhes pa la sogs pas pad+ma'i 'dab ma so so la dkyil
 'khor rab tu 'bab pa gsungs te/ 'dir phyi rol du nyi ma'i 'pho ba re re la nyin zhag sum cus dkyil 'khor lnga longs spyod cing nyin zhag drug gi dbyug gu sum brgya drug cus dkyil 'khor gcig longs spyod do/ /de bzhin du nang du dbugs brgya phrag bcwa brgyad kyis
 dkyil 'khor lnga longs spyod cing / dbugs sum brgya drug cus dkyil 'khor gcig longs spyod par 'gyur pa ni nges pa'o/ /'dir 'pho ba so so'i 'dab ma la gnas lngar 'gyur te/ 'dab ma'i nub dang byang dang lho dang shar dang dbus so/ /de la pad+ma'i 'dab ma so so re re
 la 'bab par 'gyur te nub tu 'dzin ma'i dkyil 'khor ro/ /'dab ma'i byang du chu'i dkyil 'khor 'bab bo/ /lhor me'i dkyil 'khor 'bab bo/ /slar yang shar du rlung gi dkyil 'khor rab tu 'bab bo/ /'dab ma'i dbus dag tu yang stod pa'i dkyil 'khor 'bab ste/ so
 sor dbugs sum brgya drug cu ni srog gi nus pa'o/ /de ltar dbye ba lnga yis 'pho ba so sor 'gyur ro/ /dkyil 'khor 'di dag la dbugs sum brgya drug cu'i dbus nas rkang pa dang bcas pa'i dbugs bcu gcig bzung nas dus sbyor 'char ba'i mtshams su mnyam pa
 rab tu 'bab ste/ dman pa'i dbugs ni drug cu'o zhes pa ni rkang pa gsum dang bcas pa'i dbugs gsum gyis dman pa'i dbugs rkang pa dang bcas pa'i lnga bcu rtsa drug 'bab bo/ /de ltar 'pho ba'i dbye ba rnams ni nang du dus sbyor bcu gnyis kyi mtshams kyi rab tu dbye bas 'gyur ro zhes pa ni 'pho
 ba'i nges pa'o/ /da ni stong pa zhes pa la sogs pas dkyil 'khor lnga'i lhag pa'i lha gsungs te/ 'dir phyi rol du nyi ma ni lug la sogs pa mi mnyam pa'i dus sbyor la stong pa'i dkyil 'khor la sogs pa longs spyod cing glang la sogs pa mnyam pa'i dus sbyor la sa'i dkyil 'khor la sogs
 pa longs spyod do/ /de bzhin du nang du stong pa la sogs pa de nyid lnga zhes pa ni stong pa dang rlung dang me dang chu dang sa'i dkyil 'khor rnams nges par byang du ste sna bug g.yon par rab tu 'bab bo/ /sa la sogs pa zhes pa ni sa dang chu dang me dang rlung dang stong pa'i dkyil 'khor rnams g.yas kyi sna'i
 bug par 'bab bo/ /g.yon dang g.yas kyi dkyil 'khor bcu po 'di dag la grangs bzhin du g.yon par stong pa'i dkyil 'khor rab tu 'bab pa'i dus su sgra gcan ni lhag pa'i lha'o/ /g.yas par dus kyi me'o/ /g.yon par rlung gi dkyil 'khor la zla ba'o/ /g.yas pa
 la nyi ma'o/ /g.yon par me'i dkyil 'khor la gza' lag go/ /g.yas pa la bkra shis so/ /g.yon par chu'i dkyil 'khor la pa sangs so/ /g.yas pa la phur bu'o/ /g.yon par sa'i dkyil 'khor la mjug rings so/ /g.yas pa la spen pa'o/ /de ltar na
 nam mkha' la sogs pa'i dkyil 'khor rnams la bdag po zhing can bcur 'gyur ro/ /de bzhin du zla ba drug la zla ba dbang phyug tu 'gyur te lug dang 'khrig pa dang seng ge dang srang dang / gzhu dang / bum pa'i khyim g.yon gyi rtsa la zla ba zhes pa khu ba'i khams dbang phyug ste byang
 dag tu'o/ /lho ru glang dang ka rka Ta dang bu mo dang / sdig pa dang / chu srin dang / nya'i khyim la nyi ma ste rdul gyi khams dbang phyug tu 'gyur ro/ /mi bdag ces pa ni bod pa'o/ /dkyil 'khor gyi bdag po'i nges pa'o/ /da ni de zhes pa la sogs pas srog la sogs pa'i rlung
 rnams gsungs te 'dir lte ba'i 'khor lo ni snying por 'dab ma bzhi'i bdag nyid do/ /de'i phyi rol du 'dab ma brgyad kyi bdag nyid do/ /de'i phyi rol du 'dab ma bcu gnyis kyi bdag nyid do/ /de'i phyi rol du 'dab ma drug cu rtsa bzhi'i bdag nyid de 'dab ma'i sgras dbugs kyi
 chos can gyi rtsa rnams gzung ngo / /lte ba'i 'khor lo de steng ste sor mo phyed dang bcas pa'i bcu gnyis kyi steng snying kha'i phyogs su rtsa yi 'khor lo rtsibs brgyad pa rtsa brgyad kyi bdag nyid yang dag par gnas so/ /de rnams la srog la sogs pa'i rlung gi tshogs so/ /pad+ma
 nor gyi 'dab ma dag la/ zla ba nyi ma me rnams te me zhes pa ni sgra gcan no/ /g.yon du zla ba'i rtsa ni ri bong mtshan ma 'bab ste kha dog dkar po'o/ /g.yas su kha dog dmar po ste nyi ma'i rtsa 'bab pa'o/ /'dab ma brgyad kyi dbus su dus kyi me'i gzugs sgra gcan gyi rtsa 'bab
 bo/ /mnyam pa dag la dus sbyor 'char ba'i mtshams su rkang pa dang bcas pa'i dbugs lnga bcu rtsa drug go/ /snying kha'i chu skyes rtsibs brgyad pa 'di la thun tshod 'pho ba'i rtsa rnams rig par bya'o/ /sna'i bug par dkyil 'khor lnga 'bab par byed pa ni 'di rnams
 su 'gyur ro/ /rtsa dang rtsa la dbugs 'byung ba dang 'jug pa brgya phrag nyi shu rtsa bdun gyis srog yang dag par rgyu bar 'gyur te dbyug gu phyed dang bcas pa'i bdun gyis so/ /de la srog ni steng du 'bab bo/ /thur sel ni lte ba'i 'og tu 'bab bo/ /mnyam gnas ni shar
 gyi 'dab ma'i rtsa snar ma la lhag pa'i lha'o/ /gyen rgyu ni me'i 'dab mar rtsa lag ldan gyi lce la'o/ /khyab byed ni lho'i 'dab mar rtsa dmar ser la'o/ /klu ni bden bral gyi 'dab mar rtsa rgyal la'o/ /rus sbal ni chu'i 'dab mar rtsa rgyal ba la'o/ /rtsangs pa ni rlung gi 'dab mar rtsa a
 laM bu Sha la'o/ /lha sbyin ni byang gi 'dab mar rtsa i Da la'o/ /nor las rgyal ba ni dbang ldan gyi 'dab ma la rtsa ku hA la'o/ /srog ni rtsa su shu man la'o/ /thur sel ni phyogs kyi grangs dung can ma gang gis byang chub kyi sems zag par byed pa de la lhag pa'i lha'o zhes pa de ltar rlung rnam pa
 bcu ni rtsa'i 'khor lo la las kyi dbye bas yang dag par gnas so/ /srog la sogs pa 'di dag thams cad rtsa stong phrag bdun cu rtsa gnyis po rnams la khyab pa ste 'on kyang gnas brgyad la skyes pa brgyad do/ /dung can mtha' yas i Da la sogs rang gi snying kha'i pad+ma rtsa yi 'khor lo mtha'
 dag go zhes pa mnyam gnas la sogs pa rnams kyi skye ba'i gnas te snying kha'i 'khor lo'i nges pa'o/ /da ni srog ces pa la sogs pas srog la sogs pa'i bya ba gsungs te/ 'dir lus la srog gis srog ste stobs byed do/ /nyi ma zla ba'i lam na gnas par gyur pa na ste nyi ma'i lam
 ni dmar ser ram ra sa nA'o/ /zla ba'i lam ni i Da'am la la nA ste de'i lam la gnas pa ni gnas pa'o/ /kyang ni tshig phrad kyi don to/ /bza' dang btung ba ma lus pa ni ro drug zos pa dang chu la sogs pa 'thungs pa ste/ de dag ma lus pa thur sel gyi rlung gis 'og tu 'dren te zhes pa
 ni lung ngo / /mtha' dag ro mnyam ste mtshungs pa'i ro'i bar du lus la mnyam gnas zhes bya ba'i rlung gis 'thob par byed de khams bdun ro mnyam par byed do zhes pa'i don to/ /lus la gyen rgyu zhes bya ba'i rlung gis g.yo bar byed do/ /kha dang lag pa rkang pa rnams kyis glu dang zlos
 gar byed de lus 'di la gyen rgyu de nyid kyis khas glu la sogs pa dang dgod pa dang smra ba la sogs pa byed do/ /lag pa rkang pa rnams kyis zlos gar dang 'gro ba la sogs byed do/ /khyab byed kyis ni nad dag byed de rang bzhin yon tan dbang gis zhes pa ni chu'i rang bzhin gyi dbang gis te ji
 ltar lus ni 'jig pa ste de lta nyid du nad byed do/ /klu yang sgregs pa byed pa nyid de gsal bar lag pa rkang pa bskum pa dag ni rus sbal rlung gis so/ /de ni zhes pa khro ba dang g.yeng ba mtha' dag rtsangs pa'i rlung gis byed do/ /glal bdag kyang lha sbyin gyis byed do/ /lus ni lnga pa
 nyid du gyur pa nor las rgyal ba'i rlung gis gtong bar mi byed do/ /mi yi bdag po zhes pa ni bod pa'o/ /rlung gcig nor las rgyal ba'o zhes so/ /de ltar brjod pa'i rim pas srog la sogs pa'i rlung rnams thams cad de rlung rnams kyis rang bzhin gyis gnas yon tan dag ni
 gtong bar mi byed de nam mkha' la sogs pa'i rang bzhin gyi yon tan rnams so/ /srog la sogs pa'i bya ba nges pa'o/ /da ni dmar ser zhes pa la sogs pas rtsa'i ming mu stegs kyi ming rnams kyis gsungs te dmar ser phra mo dag kyang i Ta la sogs ni i Da la sogs pa rtsa gsum
 mo/ rnam gsum lam bgrod ces pa la zla ba'i lam la bgrod pa ni i Da'o/ /nyi ma'i lam la bgrod pa ni dmar ser ro/ /sgra gcan gyi lam la bgrod pa ni su shu mna'o/ /snar ma ni bzhi pa'o/ /lag ldan lce ni lnga pa'o/ /rgyal ni drug pa'o/ /ri yang rgyal ba zhes pa bdun pa'o/ /
 a laM bu Sha ni nor dang zhes pa brgyad pa'o/ /ku hA ni dgu pa'o/ /phyogs kyi grangs ni dung can ma gang ste bcu pa dung can mas byang chub kyi sems bde ba'i mthar zag par byed pa'o/ /dpal ldan rtsa'i 'khor lo 'di ni rnam pa mang por 'gyur te tshigs kyi dbye ba du mas so zhes pas 'dir
 lus la tshigs kyi dbye ba'i grangs sum brgya drug cu ste tshigs kyi dbye ba de dag gis rtsa'i 'khor lo'i dbye ba sum brgya drug cur 'gyur zhing srog la sogs pa'i rlung gi bya ba'i dbye ba yang de bzhin du shes par bya'o zhes pa ni rtsa'i 'khor lo'i nges pa'o/ /da ni dbang po
 zhes pa la sogs pas rtsa'i 'khor lo de nyid la dbang po la sogs pa'i byin gyis brlabs pa gsungs te/ 'dir dbang po'i 'dab ma la thun tshod gcig gi bar du srog gi nus pas dbang po'i rang bzhin brten to/ /me'i 'dab ma la me'i rang bzhin no/ /gshin rje'i 'dab ma la
 gshin rje'i rang bzhin no/ /bden bral gyi 'dab ma la bden bral gyi rang bzhin no/ /chu'i 'dab ma la chu'i rang bzhin no/ /rlung gi 'dab ma la rlung gi rang bzhin no/ /nor sbyin gyi 'dab ma la nor sbyin gyi rang bzhin no/ /dbang ldan gyi 'dab ma la dbang ldan
 gyi rang bzhin te de ltar 'dab ma brgyad po rnams la srog gi nus pa de yi rang bzhin rten zhing 'khor bar byed do/ /dbang po la sogs pa'i rang bzhin gyi nges pa'o/ /da ni mgrin pa'i 'khor lo gsung pa te 'dir snying kha'i pad+ma'i steng du sor mo phyed dang bcas pa'i bcu gnyis kyi mthar mgrin
 pa'i 'khor lo la gza'i tshogs dang bcas pa'i rgyu skar 'khor lo yang dag gnas te/ dbyug gu'i skar ma bzhi dang gtso bo'i rgyu skar nyi shu rtsa brgyad de 'di rnams kyis 'dab ma sum cu rtsa gnyis pa'o/ /dbyug gu'i rgyu skar bzhi dor nas 'dab ma nyi shu rtsa brgyad po rnams la nyin
 mtshan gyis srog yang dag par rgyu ste/ dbyug gu drug cu las chas thob pa ni 'dab ma so so la srog yang dag par rgyu'o/ /tshangs pa'i yul sa dpal ldan dpral ba dag nas dbyangs kyis yongs su bskor ba'i thig le dkar po zag /mgrin pa'i pad+ma de'i yang steng du sor mo
 phyed dang bcas pa'i bcu gnyis kyi mthar dpral ba'i pad+ma 'dab ma bcu drug pa la 'dab ma gnyis dor nas 'dab ma bcu bzhi po rnams la nyin mtshan gyis srog yang dag par rgyu ste/ dbyug gu drug cu las bcu bzhi'i cha thob pas 'dab ma so so 'dor ro/ /thig le dang rnam par bcas
 pa ni lte ba la rig par bya ste zla ba'i rkang pa rgyu ba'o/ /slar yang lte ba'i 'khor lo la rtsa drug cu rtsa bzhi ni 'jigs ma la sogs pa'i ming rnams kyis so/ /snying khar brgyad ni i Da la sogs pa'i ming rnams kyis so/ /mgrin par tha skar la sogs pa'i ming dang stong pa bzhi'i ming
 rnams kyis so/ /dpral ba'i rtsa rnams la tshes gcig la sogs pa'i ming rnams kyis so/ /gtsug tor la thun mtshams bzhi'i dbye bas de nyid bzhi'i ming rnams kyis so/ /mgrin pa dang dpral ba'i pad+ma'i 'dab ma 'di rnams la nang du gyur pa ni 'khor lo 'dab ma brgyad par rigs
 par bya'o/ /de bzhin du lte ba dang snying kha dang mgrin pa dang dpral ba la 'khor lo rtsibs brgyad pa ni sa dang chu dang me dang rlung gi rang bzhin no/ /gtsug tor la 'dab ma bzhi pa ni stong pa'i rang bzhin no/ /lte bar 'dab ma bzhi pa ni ye shes kyi khams kyi rang bzhin no/ /gsang bar
 'dab ma sum cu rtsa gnyis pa ste phyi rol gyi 'dab ma bcu drug rnams la dbyangs kyi rtsa'o/ /nang du 'dab ma bcu la phung po dang khams kyi rtsa'o/ /de las nang gi 'dab ma rnams la stong pa drug gi rtsa'o/ /de ltar na 'khor lo drug po rnams kyi grangs ni lnga bcu rtsa drug lhag pa'i brgya phrag
 gcig ste 'chad par 'gyur ba'i 'khor lo drug po rnams la brjod par bya'o/ /'khor lo drug gi nges pa'o/ /da ni rtsa ba zhes pa la sogs pas sna bug gnyis las dkyil 'khor lnga rab tu 'bab pa gsungs te/ 'dir sna bug g.yon pa dang g.yas pa dag la rtsa ba ste 'og gi
 char sa'i dkyil 'khor 'bab bo/ /sna bug g.yon pa dang g.yas pa dag la g.yon du chu 'bab bo/ /dbus kyi re khA la mngon par phyogs pa'i sna'i bug pa gnyis te thams cad kyi byang na lhun po'o zhes pa'i shes par byed pa las so/ /g.yas su bsreg za'i dkyil 'khor
 dag ni rab tu 'bab ste/ g.yas dang byang gnyis ka'i phyi rol gyi sna'i bug pa'i cha'o/ /sna bug gnyis ka'i steng du rlung gi dkyil 'khor 'bab bo/ /sna bug gnyis kyi dbus su nam mkha' ste sa dang chu dang me dang rlung gi dkyil 'khor gyi dbus su nam mkha'i dkyil 'khor
 'bab ste/ g.yon gyi dus sbyor rgyu ba la g.yon dang g.yas kyi dus sbyor rgyu ba la g.yas nas dkyil 'khor rab tu 'bab bo/ /slar yang sna bug gnyis la cig car du mnyam pa ye shes kyi dkyil 'khor 'bab ste srog gi nus pa'o/ /'di dag rnams ni 'bugs te
 zhes pa ni lte ba dang / snying kha dang / mgrin pa dang / dpral ba dang / gtsug tor dang / sna bug gi dkyil 'khor rnams dbyug gu dang / khyim dang thun tshod dang rgyu skar dang tshes grangs dang mtshams kyi dkyil 'khor gyi dbye ba dag gis 'bugs par byed do/ /nus pa ni
 srog gi nus pa 'gro ste mchog gi gnas ni dmigs pa med pa'o/ /bcu gnyis mtha' ni sor bcu gnyis kyi mtha'o/ /cha yi mthar ni sor bcu drug gi mthar ro/ /'dir sa'i dkyil 'khor rab tu 'bab pa'i rlung ni sna bug nas sor bcu gnyis kyi mthar 'gro ste de nas ldog go/
 chu'i dkyil 'khor gyi rlung ni sor bcu gsum 'gro ste de nas ldog go/ /me'i dkyil 'khor gyi rlung ni sor bcu bzhi 'gro ste de nas ldog go/ /rlung gi dkyil 'khor gyi rlung ni sor bcwa lnga 'gro ste de nas ldog go/ /stong pa'i dkyil 'khor gyi rlung ni sor bcu drug 'gro ste de nas ldog go/ /ye
 shes kyi dkyil 'khor gyi rlung sa'i dkyil 'khor gyi mthar de dag gi dbus su rab tu zhugs pa ni sna bug gnyis nas sor bcu gnyis 'bab bo/ /nam mkha'i mthar dbu mar zhugs pa'i sor bcu drug 'bab bo/ /'dir gang gi tshe phyi rol du 'phel bar gyur pa de'i tshe nang du thung ngur 'gyur
 ro/ /gang gi tshe bcu drug la sogs pa las phyi rol du thung ngur 'gyur ba de'i tshe rlung gi rtsa'i dbang gis lte bar sor mo bzhi 'phel bar 'gyur te/ srog gi nus pa 'bab pa'i nges pa'o/ /da ni zhing zhes pa la sogs pas zhing la sogs pa rnams gsungs te/ 'di ltar lus kyi
 dpung pa'i tshigs gnyis la zhing gnyis so/ /brla'i tshigs gnyis la nye ba'i zhing ngo / /nye ba'i dpung pa'i tshigs gnyis la tshan do ha gnyis so/ /pus mo'i tshigs gnyis la nye ba'i tshan do ha'o/ /lag pa'i tshigs gnyis la 'dus pa'o/ /rkang pa'i tshigs gnyis la
 nye ba'i 'dus pa'o/ /lag pa'i mthil gnyis la dur khrod gnyis so/ /rkang pa'i mthil gnyis la nye ba'i dur khrod gnyis so/ /lag pa gnyis kyi sor mo la dur khrod chen po bzhi'o/ /rkang pa gnyis kyi sor mo la nye ba'i dur khrod chen po bzhi ste zhing la sogs pa'i nges pa'o/ /
 bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las kun 'byung gi bden pa la sogs pa'i mdor bsdus chen po ste gnyis pa'o// //da ni 'khor lo can zhes pa la sogs pas 'khor
 los sgyur ba dang kla klo'i 'khrug pa rang gi lus la gsungs te 'dir rang gi lus la ni mi'i lus la'o/ /phyi rol du le'u dang po las gsungs pa'i 'khor lo can gang yin pa de ni lus la rdo rje can te thugs rdo rje'o zhes pa'i don to/ /lha mchog bdag po dbang phyug la sogs pa bcu
 gnyis rnams gang yin pa de dag ni yan lag bcu gnyis 'gog pa rnams so/ /rigs ldan gang yin pa de ni lus la yang dag pa'i ye shes te/ ni zhes pa ni rgyu de las so/ /phyi rol du glang po rta dang shing rta mngag gzhug pa gang yin pa de dag lus la/ 'phags pa'i tshad
 med pa bzhi rnams so/ /phyi rol du drag po gang yin pa de ni lus la rang rgyal gyi ye shes kyi ming can no/ /phyi rol du ha nu mAn gang yin pa de ni nyan thos kyi ye shes te rang gi lus la 'khor lo can 'khor dang bcas pa dang rigs ldan du 'gyur ro/ /de bzhin du phyi rol du gdug pa
 kla klo'i dbang po gang yin pa de ni lus la sdig pa'i sems so/ /phyi rol du byed pa'i blo gros sdug bsngal sbyin byed gang yin pa de ni lus la mi dge ba'i lam mo/ /phyi rol du rta la/ gnas pa gang yin pa de ni lus la ma rig pa 'jug pa'o/ /phyi rol du lha min dpung glang po dang rta
 dang shing rta dang rkang thang rnams gang yin pa de ni lus la bdud kyi phyogs rnam pa bzhi'o/ /phyi rol du de'i g.yul la kla klo rnams sdud pa de ni rang gi lus la srid pa'i 'jigs pa 'joms pa'o/ /phyi rol du 'khor lo can chen po dang rigs ldan gyi dpal ldan rgyal ba gang yin pa de ni rang
 gi lus la thar pa'i lam rnyed pa'o/ /phyi rol du kai lA shar 'khor lo can chen po'i chos kyi sbyin pa gang yin pa de ni rang gi lus la srid pa'i 'jigs pa 'phrog pa'o/ /phyi rol du rdzas kyis gang ba'i sa gzhi gang yin pa de ni lus la khams kyi tshogs rnam par dag pa'o/ /
 phyi rol du 'khor lo can gyi sras tshangs pa dang lha'i dbang por gyur pa rgyab kyi dum bu gcig tu chos ston par byed pa dang / mdun te mdun gyi dum bur kla klo'i chos zad pa don du gnyer ba gang yin pa 'jam dpal te de dang 'jig rten mgon po srid pa gsum las rnam par rgyal ba de ni rang
 gi lus la dpal ldan rdul dang byang chub kyi sems bde ba ster ba'am smon pa'i sems dang 'jug pa'i sems so/ /rgyab kyi dum bur tshangs pa la sogs pa'i rigs rnam pa sna tshogs gang yin pa de dag ni rang gi lus la du ma'i sangs rgyas rnam par dag pa phung po dang khams dang
 skye mched rnams kyi rang bzhin no/ /de ltar kla klo dbang po'i 'khrug par 'gyur te nges par lus can rnams kyis lus kyi dbus su'o/ /sgyu ma'i gzugs kyang phyi rol du ni nges par mkha'i yul du kla klo 'khrug ste 'khrug pa min zhes pa ste/ 'di ni rgyas par 'chad par 'gyur ba'i le'u lnga par mchog tu mi 'gyur ba'i
 ye shes grub pa las brjod par bya'o/ /da ni dus kyi lo zhes pa la sogs pas dbu ma'i phyogs gsum dang lo gsum gyi dbye ba dag gis rigs gsum la sogs pas 'dus pa la sogs pa gsungs te 'dir dus kyi lo ni rtsa dbu ma'i lo'o/ /me
 grangs ni lo gsum gyi grangs so/ /lo yi nyin zhag tshogs kyis bsgyur ba ni nyin zhag sum brgya drug cus bsgyur bar 'gyur ba ste nyin zhag gi tshogs stong brgyad cur 'gyur ro/ /lo gsum po de nyid rigs gsum ste sku dang gsung dang thugs kyi rigs so/ /lo'i dbye bas snying stobs
 dang rdul dang mun pa'i rang bzhin no/ /nyin zhag gi tshogs de las bgrod pa'i dbye ba brgya brgyad cu'i chas thob pa ni rigs drug tu 'gyur ro/ /slar yang nyin zhag gi tshogs de las zla ba'i dbye bas te sum cu'i chas thob pa ni rigs sum cu rtsa drug tu 'gyur te/ ro yis bsgyur
 ba'i ro zhes pa drug gis bsgyur ba'i drug ni/ sum cu rtsa drug ste/ rnal 'byor ma rnams kyi rigs so/ /de bzhin du/ thabs rnal 'byor pa rnams kyi'o/ /nyin zhag gi tshogs stong brgyad cu po de las gza' yis bcad pas thob pa ni rab gsal nges par dus kyi 'khor
 lo'i dkyil 'khor ba'i lha rnams te lnga bcu rtsa bzhi lhag pa'i brgya phrag gcig go/ /lhag ma shes rab dang thabs zung zhig ste de ltar na lnga bcu rtsa drug lhag pa'i brgya phrag gcig ni dus kyi 'khor lo ste bdun gyi cha'i lhag ma ni rigs ldan gyi gnas kyi lhag pa'i lha'o/ /lha dang
 lha mo'i 'khor lo dang rigs ldan gyi mtshan nyid do/ /slar yang sngar gyi nyin zhag gi tshogs stong brgyad cu po de las phyogs kyis bcad pa mngon par brjod pa zhes pa ni bcwa lnga'i chas thob pa ni lha dang lha mo rnams kyis mngon par brjod par 'gyur te/ dus kyi 'khor lo'i bdag
 po zung dang lhan cig bdun cu rtsa gnyis ni lha dang lha mo'i mtshan nyid do zhes pa ni lo gsum gyi dbye bas rnal 'byor ma'i rgyud kyi nges pa'o/ /'jig rten gyi kun rdzob kyis rigs gsum dang rigs drug dang rigs sum cu rtsa drug gi rnal 'byor ma'i rgyud de rnal 'byor ma'i rgyud kyi nges
 pa'o/ /da ni sgyu 'phrul dra ba zhes pa la sogs pas bya ba'i rnal 'byor dang rnal 'byor gyi rgyud rnams rnam pa gsum dang drug gi dbye bas gsungs te/ 'dir dbu ma'i phyogs gsum gyi nyin zhag ni nyin zhag bzhi bcu rtsa lnga ste nyin zhag so so la dus sbyor bcu gnyis kyi dbye bas bcu
 gnyis kyis bsgyur ba ni nyin zhag gi yan lag bzhi bcu'i lhag pa'i lnga brgya'i grangs su 'gyur ro/ /nyin zhag gi yan lag bzhi bcu lhag pa'i lnga brgya po de las tha dad du byas pa ni skyu 'phrul dra ba rnam pa gsum du yang 'gyur te bug pa rig byed ces pa lha zung bzhi bcu rtsa dgus
 gcig tu 'gyur ro/ /slar yang 'byung ba rgya mtshos 'gyur zhes pa ni lha zung bzhi bcu rtsa lngas gnyis par 'gyur ro/ /me dang chu gter gyis te lha zung bzhi bcu rtsa gsum gyis gzhan du'o/ /nyin zhag gi yan lag 'di las tha dad du byas pa rnams ni gsum gyi dbye bas
 sum cu rtsa bdun lhag pa'i brgya'i grangs su 'gyur ro/ /lha dang lha mo rnams ni nyis 'gyur te bdun cu rtsa bzhi lhag pa'i nyis brgya'i grangs su 'gyur ro zhes pa sgyu 'phrul dra ba'i nges pa ste/ 'di'i spros pa'i don ni le'u lnga pa las brjod par bya'o zhes pa ni sgyu
 'phrul dra ba bya ba'i rnal 'byor gyi rgyud kyi nges pa'o/ /da ni 'dus pa rnam pa drug gi dbye ba gsungs te/ tha dad du byas pa'i lhag pa'i nyin zhag gi yan lag de las dpal ldan 'dus pa dus kyi dbye ba ni zhes pa ste/ de nyid ces bya zhes pa ni nyin zhag gi yan lag de las tha
 dad du byas pa'i lha zung nyi shu rtsa lngas nyi shu rtsa lnga'i bdag nyid du 'gyur ro/ /lha bcu dgu tha dad du byas pas nyi shu rtsa lnga po 'di las drug gis dman pa gzhan bcu dgu'i bdag nyid du 'gyur ro/ /nyi shu rtsa lnga'i bdag nyid dang bcu dgu'i bdag nyid de dag gi phyed kyi dbye bas
 rnam par phye ba ni dbye ba gzhan du yang 'gyur te nyi shu rtsa lnga'i phyed ni phyed dang bcas pa'i bcu gnyis so/ /bcu dgu'i phyed ni phyed dang bcas pa'i dgu ste 'di las phyed ni phyed dang bcas pa'i bcu gnyis la 'jug go/ /de la gcig ni dgu'i bdag nyid du 'dus pa'o/ /gzhan
 ni bcu gsum gyi bdag nyid do/ /slar yang bsres pa ni 'dus pa'i dbye ba gzhan gnyis su 'gyur te bcu gsum zhes pa ni bcu dang gsum mo/ /bcu dgu ni nyi shur gcig gis mtshang ba ste bcu gsum dang bcu dgu po 'di dag gis kyang lha zung sum bcu rtsa gnyis kyi 'dus par 'gyur
 ro/ /bug pa ste dgu dang de nyid bcas te nyi shu rtsa lnga dang bcas pa ni lha zung sum cu rtsa bzhis 'dus pa gnyis par 'gyur te de ltar 'dus pa drug gi dbye ba tha dad do/ /rgyud kyi rgyal po drug po'i de dag la lha zung gi grangs sum cu rtsa gnyis lhag pa'i brgyar 'gyur ro/ /nyis 'gyur
 ni lha dang lha mo'i grangs te drug cu rtsa bzhi lhag pa'i brgya phrag gnyis so/ /de ltar na 'dus pa dang sgyu 'phrul dra ba'i rgyud kyi rgyal po dgu pa rnams la bdag po zung dang bcas pa bzhi bcu lhag pa'i lnga brgya'i nyin zhag gi yan lag gi grangs kyi lha dang lha mor 'gyur ro/ /rgyud
 'di rnams la phung po dang khams dang skye mched dang zla ba dang nyi ma'i rkang pa rdzogs pa'i dbye bas tha dad pa ni mngal du ji lta ba de bzhin du le'u lnga pa las gdan gyi dbye bas brjod par bya'o zhes pa ni rnal 'byor gyi rgyud kyi nges pa'o/ /'dir mngal nas skyes pa'i phung po dang khams rdzogs
 pa ni dgu'i bdag nyid kyi 'dus pa'o/ /de bzhin du phung po dang khams dang lhan cig skyes pa dang chos dang longs spyod rdzogs pa dang sprul pa'i 'khor lo rdzogs pa ni bcu gsum gyi bdag nyid do/ /de bzhin du phung po dang khams dang 'khor lo dang yul rdzogs pa ni bcu dgu'i bdag
 nyid do/ /de bzhin du phung po dang khams dang 'khor lo dang yul dang mig la sogs pa drug rdzogs pa ni nyi shu rtsa lnga'i bdag nyid do/ /de bzhin du phung po dang khams dang 'khor lo dang yul dang dbang po dang las kyi dbang po bzhi dang gsang ba dang gtsug tor gyi pad+ma rdzogs pa ni
 sum cu rtsa gnyis kyi bdag nyid do/ /de bzhin du phung po dang khams dang 'khor lo drug dang yul dang dbang po dang las kyi dbang po dang mchog gi dbang po dang dga' ba rdzogs pa ni sum cu rtsa bzhi'i bdag nyid kyi 'dus pa'o/ /mngal bzung nas lo bcu drug gi mtshams kyi bar
 du byis pa rnams rnam pa drug tu 'byung ba ni 'dus pa'i nges pa ste le'u lnga pa las rgyas par brjod par bya'o/ /de bzhin du sgyu 'phrul dra ba la phung po dang / khams dgu dang spu la sogs pa'i khams brgyad dang skye mched bcu gnyis 'khor lo bzhi dang bcas pa dang / rlung dang /
 mkhris pa dang bad kan dang 'dus pa'i khams dang bcas pa'i las kyi dbang po drug ni bzhi bcu rtsa gsum gyi bdag nyid kyi sgyu 'phrul dra ba'o/ /gtsug tor dang gsang ba'i pad+ma dang bcas pa'i bzhi bcu rtsa lnga'i bdag nyid do/ /'dod chags dang zhe sdang dang gti mug dang /
 nga rgyal dang bcas pa ni bzhi bcu rtsa dgu'i bdag nyid do zhes pa ni sgyu 'phrul dra ba'i nges pa ste le'u lnga pa las rgyas par brjod par bya'o/ /rnal 'byor ma dang rnal 'byor gyi rgyud 'byung ba'i nges pa'o/ /da ni byi dang nang gi phyag rgya gsungs te/ 'dir thams cad du rgyus 'bras bu
 la rgyas gdab par bya ste 'bras bus kyang rgyu la rgyas gdab par bya'o/ /rdul gyi chos can nyid kyi phyir nyi ma ni shes rab ste rgyu'o/ /khu ba'i chos can nyid kyi phyir zla ba ni thabs te 'bras bu'o/ /gzhan la ltos pa las khu ba'i chos can nyid kyi phyir zla ba ni shes rab ste
 rgyu'o/ /rdul gyi chos can nyid kyi phyir nyi ma ni thabs te 'bras bu'o/ /de lta na thams cad du stong pa nyid ni shes rab ste rgyu'o/ /snying rje ni thabs te 'bras bu'o/ /'dir gang zhig zla ba'i cha shas nyin zhag gi tshogs bzhi bcu rtsa lnga ste de dag las gza' yi cha yis thob pa nyin zhag drug ni
 rdo rje can gyi phyag rgya drug tu 'gyur te 'khor lo dang rna cha dang mgul rgyan dang gdu bu dang ske rags dang thal ba dang mchod phyir thogs pa ste dus kyi 'khor lo'i phyi rol gyi phyag rgya'o/ /gzhan pa'i nyin zhag tshogs te lhag ma gsum gyi grangs ni nang du rdo rje can gyi sku gsung thugs kyi
 phyag rgya ste phyi dang nang du phyag rgya dgur rig par bya'o/ /shes rab sku zhes pa ni shes rab kyi rgyud dang thabs kyi sku thabs kyi rgyud la dus sbyor gsum rnams ni snying stobs dang rdul dang mun pa'i bdag nyid de sku dang gsung dang thugs kyi bdag nyid do/ /rnal 'byor ma dang rnal 'byor
 gyi rgyud las phyag rgya rab tu gsal bar byas pa'i nges pa'o/ / da ni nus ma zhes pa la sogs pas dus kyi 'khor lo'i lha dang lha mo'i grangs gsungs te/ 'dir 'khor lo drug gi rtsa snga tshogs pa'i rang bzhin rnams lha'i tshogs so/ /nus ma khro bo rnams ni rim pas bcu ru
 rab tu 'gyur te zhes pa la pha rol tu phyin pa bcu ni nus ma bcu dang gtsug tor la sogs pa'i khro bo bcu ste so sor bcu'o/ /lnga ni sangs rgyas lha mo rnams zhes pa ni mi bskyod pa la sogs pa'i sangs rgyas lnga dang rdo rje dbyings kyi dbang phyug ma la sogs pa'i lha mo lnga ste so sor
 lnga'o/ /gzugs sogs mig la sogs pa drug ste zhes pa ni gzugs kyi rdo rje ma la sogs pa drug dang sa'i snying po la sogs pa drug ste de bzhin du so sor drug go/ /slar yang lha'i tshogs ni drug gnyis so zhes pa ni dbang po la sogs pa bcu gnyis kyi grangs so/ /
 rnal 'byor ma dang klu dang gtum mo brgyad ces pa ni tsar tsi kA la sogs pa brgyad dang / mtha' yas la sogs pa brgyad dang / khyi gdong ma sogs pa brgyad de lha'i chogs 'di dag ni sgrub thabs kyi le'u las so sor ming gi dbye bas brjod par bya'o/ /srid par zhes pa ni phyi rol
 dang nang du'o/ /slar yang 'di dag thams cad shes rab dang thabs kyi dbye bas nyis 'gyur te 'di dag dpal ldan dus kyi 'khor lo bzhi lhag brgya ste de yi phyed kyang lha lnga bcu rtsa gnyis kyi bdag nyid do/ /de ltar nyi ma dang zla ba'i dbye bas te slar yang de dag gcig nyid kyis lha
 lnga bcu rtsa drug lhag pa'i brgya phrag gcig gi bdag nyid kyi dus kyi 'khor lor rig par bya'o/ /pad+ma'i lte ba la gnas pa'i lha'i tshogs kyi nges pa'o/ /da ni tsar tsi kA la sogs pa'i pad+ma'i 'dab ma'i lha mo rnams gsungs te/ nyi ma'i cha las te sum cu rtsa gnyis kyi chas
 dbugs kyi 'khor lo las nyin zhag so sor chu tshod gnyis thob pa gang yin pa de ni zla ba'i dbus su chu tshod drug cur 'gyur te rigs ldan gyi rang bzhin no/ /de dag rnal 'byor ma ste dus sbyor bsres pa zhes pa la dus sbyor ni thun mtshams bzhi ste de dag rigs ldan la bsres pa ni drug
 cu rtsa bzhir 'gyur ro/ /de dag kyang shes rab dang thabs kyi dbye bas gnyis kyis bsgyur ba ni nyi shu rtsa brgyad lhag pa'i brgya'i grangs su 'gyur ro/ /slar yang nyi ma'i cha las nyin zhag rab phye ste nyin zhag sum brgya drug cus rab tu phye ba ni nag pa la sogs pa'i tshes ni mtshan
 nyid kyi lha'i tshogs te/ de nyid sgeg mo la sogs pa bcu gnyis dang bcas pa nyis 'gyur dag kyang nyi shu lhag pa'i bdun brgya'i grangs kyi lha'i tshogs su 'gyur ro/ /mtha' dag bsdus par gyur pa zhes pa ni lha mo 'di dag mngon brjod rnams dang bcas pa ste/ lha bdun
 cu rtsa gnyis dang bcas pa'i phyag rgya drug dang lhan cig pa ni nyi ma'i nyin zhag sum 'gyur lo gsum gyi nyin zhag gi grangs stong brgyad cu'o/ /rnal 'byor ma'i rgyud la lo gsum gyi nyin zhag gi tshogs kyi lha dang lha mor rig par bya bar dgongs pa ste de ltar na nyi ma lo yi rab tu dbye
 bar 'gyur ro/ /ri bong 'dzin pa la sgyu 'phrul dra ba dang / 'dus pa rnams pa dgu po mtha' dag phyogs kyi dbye ba ste lha'i tshogs bzhi bcu lhag pa'i lnga brgya rnams kyis so/ /de ltar nyi ma dang zla ba'i lha'i tshogs gcig tu gyur pa rnams kyis kyang dang po'i sangs
 rgyas su 'gyur ro/ /dang po'i sangs rgyas de la mkha' lag mi bdag rnams te nyi shu lhag pa'i brgya phrag bcu drug gi grangs so/ /lha dang lha mo de dag rnams kyi shes rab thabs dag mtshan mo nyin mo zhes pa ni grangs bzhin du shes rab mtshan mo'i cha dang thabs nyin mo'i
 cha'o/ /mnyam pa'i cha ste nyin phyed nas mtshan phyed dang mtshan phyed nas nyin phyed la rgyu skar phyed dang bcas pa'i bcu gsum gyis te/ dbyug gu'am chu tshod bcu lhag pa'i brgyad brgya rnams kyis mtshan mo'i cha'o/ /de bzhin du nyin mo'i cha ste dpal ldan rgyu skar gyi dkyil
 'khor dang po'i sangs rgyas la lha'i tshogs rgyu skar gyi chu tshod kyi grangs kyi bdag nyid du bcom ldan 'das kyis gsungs so/ /phyi rol du skar ma'i chu tshod rnams gza' thams cad kyi longs spyod yin pa ji lta ba de bzhin du nang du sku dang gsung dang thugs dang ye shes ni dbang po
 drug gi chos rnams kyi'o/ /gang gis rang gi lus la shes par gyur pa ste/ de ltar brjod pa'i rim pas shes rab dang thabs kyi bdag nyid dang po'i sangs rgyas gang gis rang gi lus la nyin mtshan dus thun mtshams dang thun tshod la sogs pa'i dbye ba dang zla ba 'pho ba'i dbye
 ba bcu gnyis rnams kyis shes par gyur pa'i rnal 'byor pa de ni dpal ldan 'jam pa'i rdo rje srid pa'i 'jigs 'joms sangs rgyas skye ba 'di nyid dag la'o zhes pa ni bsdus pa'i rgyud dang rtsa ba'i rgyud kyi lha 'byung ba'i nges pa'o/ /da ni sum cu zhes pa la sogs pas mchog gi dang po'i
 sangs rgyas 'di las bsdus pa'i rgyud 'byung ba gsungs te/ 'dir mchog gi dang po'i sangs rgyas nyi shu lhag pa'i brgya phrag bcu drug las sum cu'i cha yis thob pa ni lha lnga bcu rtsa bzhir 'gyur ro/ /slar yang gsum gyis bsgyur ba ste sku dang gsung dang thugs kyis bsgyur ba
 ni drug cu rtsa gnyis lhag pa'i brgyar 'gyur ro/ /de rnams las dkyil 'khor gyi lha ni lnga bcu rtsa bzhi lhag pa'i brgya'i grangs te dkyil 'khor gyi gtso bo thabs dang shes rab zung zhig dang phyi rol gyi phyag rgya drug go/ /bcu'i chas mchog gi dang po'i sangs rgyas las dus kyi 'khor
 lo 'byung ba ste i Da la sogs pa dung can ma'i mtha'i rtsa'i dbye bas so/ /phyi rol du ni drang ba'i don to/ /bsdus pa'i dus kyi 'khor lo'i rgyud kyi nges pa'o/ /da ni 'khor lo dag gi rtsa rnams de bzhin nyid ces pa sogs pas dus kyi 'khor lo'i rtsa rnams gsungs te/ 'dir lus
 la rigs gsum gyi rtsa gsum ni lte ba dang gsang ba dang rdo rje nor bur lus dang ngag dang sems kyi thig le 'dzin pa rnams so/ /de bzhin du rigs drug gi rtsa rnams ni la la nA dang ra sa nA dang a ba d+hU tI dang bshang ba dang gci ba dang khu ba 'bab pa rnams so/ /de bzhin du rigs sum
 cu rtsa drug gi rtsa rnams ni gtsug tor la sogs pa 'khor lo drug gi rtsa drug dang / sgra 'dzin pa gnyis dang rig pa 'dzin pa gnyis dang gzugs 'dzin pa gnyis dang ro 'dzin pa gnyis dang / dri 'dzin pa gnyis po 'di dag ni rtsa bcu'o/ /lte ba'i 'khor lo'i nang dang
 gzhan gyi zlum po rnams la 'pho ba bcu gnyis kyi rtsa rnams dang thun tshod brgyad kyi rtsa rnams te/ de ltar thams cad rigs sum cu rtsa drug gi gtso mor 'gyur te ro'i rang bzhin can drug dang khams kyi rang bzhin can drug dang / dbang po'i rang bzhin can drug dang / yul gyi
 rang bzhin can drug dang / las kyi dbang po'i rang bzhin can drug dang / las kyi dbang po'i yul gyi rang bzhin can drug go/ /de bzhin du gzugs 'jug par byed pa drug dang / tshor ba 'jug par byed pa drug dang 'du shes 'jug par byed pa drug dang / 'du byed 'jug
 par byed pa drug dang / rnam par shes pa 'jug par byed pa drug dang ye shes 'jug par byed pa drug ste rigs sum cu rtsa drug gi rtsa rnams kyang rten dang brten pa'i 'brel pas bdun cu rtsa gnyis so zhes shes par bya'o/ /de bzhin du dus kyi 'khor lo'i rtsa rnams gsungs pa/
 gtsug tor la ni chu gter zhes pa ni 'dab ma bzhi'i gzugs can bzhi ste thun mtshams bzhi 'jug par byed pa rnams so/ /snying khar brgyad de zhes pa ni rtsa snar ma la sogs pa mnyam gnas pa la sogs pa rnams kyi rten du gyur pa rnams te nyin zhag so sor thun gyi dbye bas
 gza' brgyad rgyu bar byed pa rnams so/ /'dir 'og dang steng gi rtsa gnyis kyi rten pa ni rlung ngo / /spyi bor mi bdag ces pa ni tshes bcu drug 'jug par byed pa rnams so/ /mgrin pa la yang so yi grangs zhes pa ni mgrin pa'i 'khor lo la rgyu skar nyi shu rtsa brgyad dang dbyug gu'i
 skar ma bzhi 'jug par byed pa sum cu rtsa gnyis so/ /lte bar te lte ba'i pad+ma la khyim gyi rtsa ba'i phyi rol du chu tshod kyi rtsa brgyad ni brgyad kyis bsgyur ba rtsa drug cu rtsa bzhi ste dkyil 'khor drug cu 'bab par byed pa dang stong pa bzhi 'bab par byed pa ste dbyug gu drug cu rtsa bzhi 'bab par byed
 pa'o/ /nyis 'gyur mi bdag ces pa ni sum cu rtsa gnyis te gsang ba'i dbus su gsang ba'i pad+ma'i rtsa khu ba la sogs pa'i khams sum cu rtsa gnyis 'jug par byed pa rnams so/ /'di rnams las rtsa drug ni 'khor lo 'gog par 'gyur ro/ /bcus yul 'gog par 'gyur te de rnams
 ni 'dus pa'i rang bzhin no/ /slar yang de dag nyis 'gyur ni bad kan gyi cha ste nyi shu'o/ /slar yang nyis 'gyur ni mkhris pa'i cha ste bzhi bcur 'gyur ro/ /slar yang de dag rlung gi cha brgyad cur 'gyur te de ltar 'khor lo drug po rnams la rtsa lnga bcu rtsa drug lhag pa'i brgya rnam par
 gnas pa ni dus kyi 'khor lo'i rtsar rtogs par bya'o/ /'di dag nges par 'chi ba ster byed bla ma'i nges pa'i dbang gis tshe dang nad med dag kyang ster/ 'khor lo drug la dus kyi rtsa brjod pa rnams bla ma'i man ngag gis bsgoms par gyur na 'chi ba'i 'jigs pa 'phrog ste rnal
 'byor ba rnams kyi 'di la ngo mtshar med do/ /gtsug tor la ni chu gter te bzhi'o/ /dpral bar rgya mtshos bsnun pa'i dus rnams zhes pa bcu drug ste rtsa nyi shu po 'di dag ni bad kan gyi khams rab tu 'khrug pa'o/ /mgrin par so dang zhes pa ni rtsa sum cu rtsa gnyis so/ /
 snying kha'i chu skyes dag la mig gis bsgyur ba'i dus rnams zhes pa ni rtsa brgyad de rtsa bzhi bcu po 'di dag ni mkhris pa'i khams dgu rab tu 'khrug pa'o/ /lte ba dang gsang ba bdag la grangs bzhin du chu gter drug cu zhes pa ni rtsa drug cu rtsa bzhi'o/ /mi bdag dag kyang ste gsang
 ba'i pad+ma'i phyi rol yongs su bskor ba la rtsa bcu drug go/ /rtsa brgyad cu po 'di dag ni rlung gi khams rab tu 'khrugs pa'o/ /gsang bar gzhan ni phyogs dang zhes pa ni yongs su bskor ba la rtsa bcu'o/ /gzhan drug kyang grangs bzhin du snying po'i yongs su bskor ba la'o/ /
 'dus pa dag ste zhes pa ni 'dus pa rab tu 'khrug pa'o/ /'gog pa'o zhes pa ni 'khor lo drug 'gog pa'i rang bzhin no/ /de ltar na lnga bcu rtsa drug gi lhag pa'i brgya ni dus kyi 'khor lo'i rtsa lha dang lha mo'i rang bzhin gyis gnas pa byis pa rnams la 'chi ba ste bar byed pa
 ste/ rigs drug gi rtsa dang lhan cig drug cu rtsa gnyis lhag pa'i brgya'i dus kyi 'khor lo 'khor lo drug gi rtsa'i bdag nyid can bsgoms par gyur pa na rnal 'byor pa rnams la bde ba ster bar byed pa'o/ /slar yang rtsa drug cu rtsa gnyis lhag pa'i brgya po de dag gi rtsa so so
 la rlung bcu rab tu rgyu ba dang phung po dang khams bcu'i rang bzhin gyis rnam pa bcur 'gyur ro/ /de ltar thams cad bcus bsgyur ba ni nyi shu lhag pa'i brgya phrag bcu drug gi grangs su 'gyur te rgyu skar nyi shu rtsa bdun gyi chu tshod 'bab pa rnams so/ /de bzhin du dpal ldan rgyu skar gyi
 dkyil 'khor mchog gi dang po'i sangs rgyas la shes rab dang thabs kyi 'di snyed kyi lha'o/ /rgyu skar gyi dkyil 'khor rgyas pa 'di las 'jig rten kun rdzob kyis bad kan la sogs pa'i khams 'bab pa'i lha rnams 'jig rten pa'i dngos grub bsgrub pa'am rang gi lus bsgrub pa'i
 slad du 'jam dpal gyis phyung ba ni 'khor lo drug gi gtso mo rnams so/ /dus kyis 'khor lo'i rtsa sdom pa'i nges pa'o/ /da ni drug ces pa la sogs pas rigs drug gi rtsa bsrung ba gsungs te/ 'dir lus la gang zhig rtsa drug gi 'khor lo 'gog par brjod pa rnams
 gsum gyi lam la gnas pa ni steng du zla ba dang nyi ma dang sgra gcan te g.yon dang g.yas dang dbu ma'i lam la gnas pa dang / 'og tu zla ba dang nyi ma dang me yi dbye bas bshang ba dang gci ba dang khu ba'i lam la gnas pa'o/ /de ni rnal 'byor pas lus la bsrung
 bar bya'o/ /gang gis zhe na bla ma'i nges pa'i dbang gis zhes pa la bla ma'i nges pa ni sbyar ba yan lag drug ste des 'chi ba las bsrung bar bya'o/ /gang zhig srog chags rnams la 'chi ba ster ba ni drug po 'di rnams la srog zhugs pa'o/ /drug la gal te srog ni rab zhugs
 gyur na de tshe mi rnams kyi ni dus thams cad du 'chi ba 'joms par nges te mtha' gcig tu'o/ /drug po 'di dag gi nang nas phra mo ni dbu ma a ba d+hU tI ste phra mo de la srog ma zhugs par gyur na rnal 'byor pa rnams kyis 'chi ba'i yul ni gang du gcod par byed de nges par 'chi ba'i yul
 gcod par mi byed do/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las nang du 'khor los sgyur ba dang kla klo'i 'khrug pa dang dus kyi 'khor lo'i rigs kyi rgyud dang rtsa'i rigs 'byung
 ba'i mdor bsdus chen po ste gsum pa'o/ / //da ni srog ces pa la sogs pas lus can rnams kyi dus ma yin par 'chi ba'i mtshan nyid gsungs te/ 'dir lus la lte ba'i 'khor lo rtsibs bcu gnyis pa'i khyim gyi 'khor lo ste lug la sogs pa mi mnyam pa'i
 dus sbyor gyi bdag nyid gcig gis bar du chod pa dang de bzhin du glang la sogs pa mnyam pa'i dus sbyor gyi bdag nyid gcig gis bar du chod pa'i 'dab ma ste/ de'i phyir na sna bug la srog yang dag par rgyu ba ni lug la sogs pa mi mnyam pa'i dus sbyor drug la g.yon du
 'gyur ro/ /glang la sogs pa mnyam pa'i 'dus sbyor rnams la sna bug g.yas su srog yang dag par rgyu bar 'gyur te dbyug gu lnga lngas 'pho ba bcu gnyis rnams nyin zhag so sor 'gyur ro/ /de ltar nyin mtshan gyi dbyug gu drug cus 'pho ba bcu gnyis te drug ni g.yon
 gyi sna bug la'o/ /drug ni g.yas kyi sna bug la'o/ /dbu ma la bcu gnyis rab tu 'jug pa rnams su'o/ /lus la nad dang bral ba rnams ni khams mnyam pa nyid de nad kyis zil gyis mnan pa rnams ni rlung dang mkhris pa dang bad kan gyi khams mi mnyam pa nyid do/ /
 mi mnyam pa de las srog mi mnyam pa ste/ des na rtsa gcig ste g.yon pa la nyin dang mtshan mor gal te 'bab na de'i tshe 'tsho bdag ni dus kyi lo ste/ dbu ma'i lo brgya rdzogs pa'i mtshan nyid ni mi rnams kyi 'tsho ba'i grangs su 'gyur ro/ /gal te phyogs gcig rnam par
 ma chad 'bab na de'i tshe phyed dang bcas pa'i lo ni tsher 'gyur te de nas 'chi bar 'gyur ro/ /gal te zla ba gcig tu rnam par ma chad de bar chad med par rtsa g.yon par 'bab na de'i tshe 'tsho ba zla ba gsum du 'gyur ro/ /de ltar rnal 'byor pas ni rang lus ngag la zla bgrod 'chi ba
 dus kyi 'khor lor shes par bya zhes pa ni 'chi ltas kyi yul la dus kyi 'khor lo rtsibs bcu gnyis pa'i khyim gyi 'khor lo ste/ de nyid sa la bris nas 'dab ma dang po la 'chi ltas kyi nyin zhag gcig dang tshe'i zla ba sum cu rtsa drug dgod par bya'o/ /de nas zla gcig mi 'bab
 bo/ /'chi ltas kyi nyin zhag 'phel ba ni zla ba gnyis pa'i mthar zla ba gsum pa 'jug pa na g.yon pa'i rtsa de nyid kyi 'dab ma la nyin zhag gnyis 'bab bo/ /de nas zla ba gsum pa ni mi 'bab bo/ /de nas zla ba bzhi pa'i mthar zla ba lnga pa 'jug pa na g.yon pa'i rtsar nyin zhag gsum
 du srog 'bab bo/ /zla ba lnga pa de nas zla ba drug pa la mi 'bab bo/ /de ltar na zla ba drug gis 'chi ltas kyi nyin zhag gsum ste/ bar gyi nyin zhag gsum ni mthar g.yas dang g.yon gyi 'chi ltas kyi chos can no/ /'chi ltas zhes bya ba ni dus ma yin par 'chi ba ste 'chi ltas
 min pa ni lo brgya'i mtshams su 'chi ba'o/ /de ltar na 'chi ltas kyi nyin zhag dang bcas pa/ 'tsho ba'i zla ba sum cu rtsa drug las zla ba drug song ste/ de nas 'dab ma de la srog gi rlung yang dag par rgyu ba med do/ /'pho ba bcu gcig dang dbugs 'byung ba dang 'jug pa drug
 brgya lhag pa'i stong phrag nyi shu rtsa gcig gis nyin mtshan du 'gyur te/ 'dir khyim gyi 'dab ma yongs su dor yang dbugs kyi 'khor lo ni dman pa med do/ /de nas 'dab ma gnyis pa la nyin zhag bzhi pa dang nyin zhag lnga pa dang nyin zhag drug pa ni zla ba bdun
 pa dang brgyad pa dang dgu pa la grangs bzhin du 'bab ste 'tsho ba'i zla ba'i tshogs sum cu po de las zla ba gsum song ngo / /de nas zla ba nyi shu rtsa bdun bzung nas 'dab ma gsum pa la srog yang dag par rgyu'o/ /'dab ma gnyis spangs shing 'pho ba bcus nyin mtshan byed de 'dab ma
 bcu la srog yang dag par 'pho'o/ /zla ba nyi shu rtsa bdun las slar yang zla ba so so la nyin zhag bdun g.yon gyi rtsar 'bab ste nyin zhag brgyad dang nyin zhag dgu 'bab pa'o/ /de nas zla ba nyi shu rtsa bdun las zla ba gzhan gsum gyis dman par 'gyur ro/ /de bzhin du sngar
 brjod pa'i cho gas khyim gyi 'dab ma gsum pa dor te 'dab ma dgu la srog yang dag par 'pho bar byed do/ /de bzhin du nyin zhag bcu dang / nyin zhag bcu gcig dang / nyin zhag bcu gnyis g.yon gyi rtsar 'bab bo/ /de nas 'dab ma bzhi pa dor te 'tsho ba'i
 zla ba nyi shu rtsa bzhi las zla ba gsum gyis dman par 'gyur ro/ /de bzhin du nyin zhag bcu gsum dang / nyin zhag bcu bzhi dang / nyin zhag bcwa lnga ste de nas 'dab ma lnga pa dor te 'dab ma bdun la 'pho bar byed do/ /zla ba nyi shu rtsa gcig las zla ba gsum gyis dman par
 'gyur ro/ /de bzhin du nyin zhag bcu drug dang nyin zhag bcu bdun dang / nyin zhag bcwa brgyad zla ba so sor rim pa bzhin du 'bab bo/ /de nas 'dab ma drug pa dor te 'dab ma drug la 'pho bar byed cing 'tsho ba'i zla ba bcwa brgyad las zla ba gsum gyis dman par 'gyur ro/ /
 de bzhin du nyin zhag bcu dgu dang nyin zhag nyi shu dang nyin zhag nyi shu rtsa gcig 'bab bo/ /de nas khyim gyi 'dab ma bdun pa dor te khyim gyi 'dab ma lnga la nyin mtshan gyi srog 'pho bar byed do/ /de nas 'tsho ba'i zla ba bcwa lnga las zla ba gsum gyis dman par 'gyur ro/ /
 de bzhin du nyin zhag nyi shu rtsa gnyis dang / nyin zhag nyi shu rtsa gsum dang / nyin zhag nyi shu rtsa bzhi bar chad med par gang gi tshe 'bab pa de'i tshe 'dab ma brgyad 'dor te 'dab ma bzhi la 'pho bar byed do/ /'tsho ba'i zla ba bcu gnyis las zla ba gsum gyis dman par
 'gyur ro/ /de bzhin du nyin zhag nyi shu rtsa lnga dang / nyin zhag nyi shu rtsa drug dang / nyin zhag nyi shu rtsa bdug gang gi tshe 'bab pa de'i tshe 'dab ma dgu pa dor te 'dab ma gsum pa la 'pho bar byed do/ /'tsho ba'i zla ba dgu las zla ba gsum gyis dman par 'gyur ro/ /
 de bzhin du nyin zhag nyi shu rtsa brgyad dang / nyin zhag nyi shu rtsa dgu dang / nyin zhag sum cu gang gi tshe 'bab pa de'i tshe 'dab ma bcu pa dor te 'dab ma gnyis la 'pho bar byed do/ /'tsho ba'i zla ba drug las zla ba gsum gyis dman par 'gyur ro/ /de bzhin du nyin zhag sum
 cu rtsa gcig dang / nyin zhag sum cu rtsa gnyis dang / nyin zhag sum cu rtsa gsum gang gi tshe 'bab pa de'i tshe 'dab ma bcu gcig pa dor te/ 'dab ma gcig la 'pho bar byed do/ /'tsho ba'i zla ba gsum las nyin zhag dgu bcus dman par 'gyur ro/ /de nas
 sngar gyi 'dab ma la ma babs pa'i nyin zhag gsum po ni 'dab ma bcu gnyis pa la nyin zhag gnyis 'bab bo/ /de nas 'dab ma bcu gnyis pa 'dor ro/ /de nas lte ba la nyin zhag gcig 'bab ste/ srog gi 'khor lo'i dbugs chad par 'gyur ba'i bar du'o/ /de
 nas rtsa g.yon pa'i 'chi ltas kyis gang dag rnal 'byor pa ma yin pa'i mi rnams 'chi par 'gyur ro/ /g.yon pa'i rtsa la zla ba'i 'chi ltas kyi nges pa'o/ /snying stobs dang rdul dang mun pa'i dbye bas zla ba so sor 'chi ltas kyi nyin zhag re re lhag pas 'phel lo/ /'dir
 khyim gyi 'khor lo dgod pa ni khyim gyi 'khor lo'i rim pa gnyis pa byas nas rim pa dang po la 'chi ltas kyi nyin zhag rnams dang / rim pa phyi ma la 'chi ltas kyi nyin zhag gi lhag ma'i tshe'i zla ba rnams so/ /de la 'khor lo'i rtsibs dang po la 'chi ltas kyi nyin zhag gsum dang
 zla ba sum cu'o/ /rtsibs gnyis pa la 'chi ltas kyi nyin zhag drug dang lhag ma tshe'i zla ba nyi shu rtsa bdun no/ /de bzhin du rtsibs gsum pa la 'chi ltas kyi nyin zhag dgu dang de bzhin du zla ba nyi shu rtsa bzhi'o/ /bzhi pa la nyin zhag bcu gnyis dang / zla ba
 nyi shu rtsa gcig go/ /lnga pa la nyin zhag bcwa lnga dang / zla ba bcwa brgyad do/ /drug pa la nyin zhag bcwa brgyad dang zla ba bcwa lnga'o/ /bdun pa la nyin zhag nyi shu rtsa gcig dang zla ba bcu gnyis so/ /brgyad pa la nyin zhag nyi shu rtsa bzhi dang zla ba dgu'o/ /dgu pa la nyin
 zhag nyi shu rtsa bdun dang zla ba drug go/ /bcu pa la nyin zhag sum cu dang zla ba gsum mo/ /'khor lo'i rtsibs bcu gcig pa la 'chi ltas kyi nyin zhag sum cu rtsa gsum dang mjug tu zla ba gsum zad pa'o/ /de nas khyim gyi 'khor lo'i rtsibs dang po la sngar ma rgyus pa'i
 nyin zhag gsum po gang yin pa de'i nyin zhag gnyis ni 'dab ma bcu gnyis pa la g.yas kyi rtsa zad pa'i don du g.yas kyi rtsal 'bab bo/ /nyin zhag gcig ni dbugs kyi 'khor lo zad pa'i don du dbu ma a ba d+hu tI la 'bab po/ /de nas zla ba'i 'chi ltas kyi g.yon gyi rtsa
 las srog 'gro ste zla ba'i 'chi ltas kyi nges pa'o/ /da ni lnga nas zhes pa la sogs pas rtsa g.yas pa la nyi ma'i 'chi ltas gsungs te/ 'dir lus la zla bas nyi ma'i yon tan snying stobs dang rdul dang mun pa rnams bzung nas 'chi ltas kyi nyin zhag nges par bstan te/
 nyi mas zla ba'i yon tan sgra dang / reg pa dang / gzugs dang / ro dang / dri rnams bzung nas 'chi ltas kyi nyin zhag nges par bstan to/ /khyim lnga'i bar du lnga lhag pa ste lnga pa lngas so/ /de nas khyim gnyis ni gcig lhag pas so/ /de nas rtsa ba nas brtsams nas
 nyin zhag sum cu rtsa gsum gyi bar du rgyu ste/ nyin zhag bcwa lngas khyim brgyad pa 'dor ro/ /bcus khyim dgu pa 'dor ro/ /lngas khyim bcu pa 'dor ro/ /gsum gyis khyim bcu gcig pa 'dor te/ de ltar na nyin zhag sum cu rtsa gsum du g.yas kyi rtsa la srog rgyu'o/ /
 de nas khyim bcu gnyis pa la g.yon gyi rtsa'i khams zad pa'i don du g.yon gyi rtsa las nyin zhag gnyis so/ dbugs kyi 'khor lo zad pa'i don du dbu ma'i rtsa la nyin zhag gcig ste/ de nas 'chi bar 'gyur ro/ /'di lta ste mtshams kyi nyin zhag lnga nas nyin zhag nyi
 shu rtsa lnga'i bar du nyin zhag bgrod pa skye ba lnga ni 'phel ba dag gis skye ba ste/ nyin zhag lnga dang / bcu dang / bcwa lnga dang / nyi shu dang / nyi shu rtsa lnga rnams te/ skyes pa nas khyim lnga rnams la'o/ /de nas re re lhag pas khyim drug pa dang bdun pa la rim pa bzhin du snying
 stobs dang rdul zad pa'i don du nyin zhag nyi shu rtsa drug dang nyi shu rtsa bdun no/ /de nas dus ni rdzogs par gyur na bcu ni gsum gyis bsgyur bdag khyim brgyad pa dang / dgu pa dang bcu pa la srog rgyu'o/ /de nas bcu gcig pa la gsum lhag pa'i zla bar 'gyur ba ji srid
 pa nyid do/ /lo rnams ni 'chi ltas kyi nyin zhag gi lhag ma'i lo ste/ khyim gyi 'khor lo la skye ba'i khyim la sogs pa'i khyim bcu gnyis po rnams la'o/ /gsum mig zla ba ste skye ba'i khyim la 'chi ltas kyi nyin zhag gi lhag ma lo gsum mo/ /gnyis pa la gnyis
 so/ /gsum pa la lo gcig ste 'chi ltas kyi nyin zhag gi lhag ma 'tsho ba'i lo rnams so/ /de nas drug gsum zung dang zla ba gang zhes pa ni khyim bzhi pa la zla ba drug po de dag rnams so/ /lnga pa la zla ba gsum mo/ /drug pa la zla ba gnyis so/ /bdun pa la
 'chi ltas kyi nyin zhag gi lhag ma 'tsho ba'i zla ba gcig go/ /skye ba'i gnas de nas bdun pa'i gnas ni rdzogs pa'o/ /mngal nas skyes pa rnams kyi mngal bzung ba'i zla ba ni chu srin no/ /de nas bdun pa ni srog skye ba'i zla ba ste ka rka Ta'o/ /zla ba'i rtsa 'phel ba
 yongs su btang ba'i phyir khyim bcu gnyis pa'i mthar slar yang chu srin du 'gyur te/ mngal bzung ba nas zla ba bcu gsum pa'o/ /de'i phyir ka rka Ta ni srog gi skye ba'i gnas te nyi ma kho na'i ma yin no/ /de nas 'char te skye ba de nas chu srin 'char ba ste/ khyim bdun pa
 'char ba na nyi ma nub pa zhes bya ba rdzogs pa'i dus so/ /rdzogs pa'i dus de nas srog phyir mi ldog par 'gyur te/ lha dang / lha ma yin dang / mi rnams kyis lus la brtan par bya bar mi nus so/ /mtshan mo'i cha la zla ba 'char ba'i dus zhes pa la zla ba
 'char ba zhes bya ba ni khu ba'i khams la 'chi ba 'jug pa'o/ /'chi ba 'char ba yin gyi khu ba'i khams ni ma yin te/ 'chi ltas kyi rlung zhugs pa'i phyir ro/ /rdzogs pa'i dus de nas khu ba zad pa'i don du rtsa g.yas pa la srog nyin zhag sum cu rtsa gsum rgyu'o/ /de nas rtsa g.yon pa la nyin
 zhag gnyis dang / rtsa dbu ma la nyin zhag gcig ste/ 'tsho ba'i nyin zhag lhag ma ni tshes zhes pa bco lnga dang / phyogs zhes pa bcu dang / mda' zhes pa lnga dang / yon tan zhes pa gsum dang / gnyis zhes pa gnyis dang / nyin zhag gcig ste/ nyi ma'i
 'chi ltas la bshad pa gcig gi nges pa'o/ /da ni rang gi gnas nas zhes pa la sogs pas bshad pa gnyis pa gsungs te/ 'dir lus kyi lte ba'i pad+ma la rtsa bcu gnyis kyi bdag nyid can khyim gyi 'khor lo'o/ /de la skye ba'i gnas ni khyim dang po'i rtsa ste/ mngal
 nas skyes pa'i byis pa'i dus sbyor gang yin pa de nyid glang la sogs pa mnyam pa'i rtsa'i rang bzhin can no/ /rang gi gnas de nas mchog gi cha srog gi nus pas khyim gyi 'khor lo ste/ rtsa'i 'khor lo rtsibs bcu gnyis pa dkyil 'khor drug cu'i bdag nyid can 'dod te/ nyams
 dang lhag ma mtshungs pa yi/ /zhes pa la nyams pa ni rgyu ba'i nyin zhag rnams te/ lnga dang / bcu dang / bco lnga dang / nyi shu dang / nyi shu rtsa lnga dang / nyi shu rtsa drug dang / nyi shu rtsa bdun ni nyams pa'o/ /lhag ma ni lo gsum dang / lo gnyis dang / lo
 gcig dang / zla ba drug dang / zla ba gsum dang / zla ba gnyis dang / zla ba gcig ni nyams pa'i lhag ma ste/ nyams pa'i lhag ma de dag rnams kyis 'dab ma dang po la sogs pa nas ji srid rtsa'i 'dab ma bdun pa'i bar de srid du rim pas lo dang zla ba ste/ lo gsum
 mig ri bong can gyis rtsa gsum 'dor ro/ /zla ba drug gsum zung dang zla ba rnams kyis rtsa bdun 'dor ro/ /zhag gis kyang rdzogs pa nas ni lhag ma mtshungs pa'i zhes pa la rdzogs pa'i dus ni skye ba'i gnas kyi mtshams nas bdun pa ste nyi ma dang rdul nub pa'i dus so/ /
 rdzogs pa'i dus de nas srog gi nus pa rgyu ba'i tshe'i nyin zhag mtshungs pa rnams kyis khyim gyi rtsa yongs su 'dor te/ tshes nyin zhag bco lnga dang / phyogs nyin zhag bcu dang / mda' nyin zhag lnga dang / yon tan zhes pa nyin zhag gsum ste/ nyin zhag sum cu rtsa gsum po 'di
 rnams kyis rtsa brgyad pa dang / dgu pa dang / bcu pa dang / khyim gyi rtsa bcu gcig pa dkyil 'khor lnga 'bab par byed pa ni nyi ma'i rab tu rgyu bas 'dor te rtsa g.yas pa gcig pu nas 'bab pas so/ /bcu gnyis pa ni rtsa g.yon pa la nyin zhag gnyis dang / dbu ma la nyin zhag
 gcig gis te lte bar rab tu zhugs pas so/ /de ltar rdzogs pa nas nyin zhag sum cu rtsa drug gis nyin mor byed pa'i 'chi ltas kyi sbyor bas mi rnams 'chi bar 'gyur ro/ /bshad pa gnyis pa'i nges pa'o/ /da ni sngon du zhes pa la sogs pas 'dab ma bcu gnyis
 la lo gsum gyi nyin zhag 'dor ba gsungs te/ 'dir khyim gyi 'khor lo la skye ba'i dus sbyor gyi rtsa ni sngon zhes brjod de/ skye ba'i dus sbyor gyi 'dab ma de la lo gsum gyi nyin zhag gi tshogs stong brgyad cu'i nang nas/ mda' dang / me dang / 'jig rten zhes pa
 nyin zhag gi tshogs sum cu rtsa lnga lhag pa'i sum brgya 'dor bar byed do/ /de nas 'dab ma de stong par byas te lhag ma'i nyin zhag gi tshogs bzung nas srog gi nus pa 'dab ma gnyis pa la 'jug go/ /nyin zhag gi tshogs de las rgyu ba dang bcas pa ste/ snga ma las 'dab
 ma phyi mar rgyu ba'i nyin zhag bcu dang lhan cig tu mda' dus rtse mo can zhes pa nyin zhag gi tshogs bzhi bcu rtsa lnga lhag pa'i sum brgya 'dab ma gnyis pa la 'dor ro/ /de nas lhag ma bzung nas 'dab ma gsum pa la 'jug ste gnyis pa stong par 'gyur ro/ /slar yang de nyid la rgyu ba'i nyin
 zhag bco lnga dang lhan cig nyin zhag bdun cu lhag pa'i brgya 'dab ma gsum pa la 'dor ro/ /lhag ma bzung nas bzhi pa la 'jug ste gsum ba stong par 'gyur ro/ /de nas rgyu ba'i nyin zhag nyi shu dang lhan cig mig sbrul zhes pa nyin zhag gi tshogs brgyad cu rtsa gnyis 'dab ma
 bzhi pa la 'dor ro/ /lhag ma bzung nas lnga pa la 'jug ste bzhi pa la stong par 'gyur ro/ /slar yang rgyu ba'i nyin zhag nyi shu rtsa lnga dang lhan cig ri bo mda' ste nyin zhag gi tshogs lnga bcu rtsa bdun 'dor ro/ /lhag ma bzung nas drug pa la 'jug ste lnga pa stong par 'gyur ro/ /slar yang rgyu
 ba'i nyin zhag nyi shu rtsa drug dang lhan cig nyin zhag gi tshogs nyi shu rtsa brgyad 'dor ro/ /de nas 'dab ma bdun pa la 'jug ste drug pa stong bar 'gyur ro/ /de nas bdun pa la rgyu ba'i nyin zhag gi tshogs nyi shu rtsa bdun 'dor ro/ /lhag ma nyin zhag gi tshogs sum cu rtsa drug bzung nas
 'dab ma brgyad par 'jug ste bdun pa stong par 'gyur ro/ /de nas brgyad pa la nyin zhag bcwa lnga 'dor ro/ /lhag ma nyin zhag nyi shu rtsa gcig bzung ba nas dgu pa la 'jug ste brgyad pa stong par 'gyur ro/ /de nas dgu pa la nyin zhag bcu 'dor ro/ /lhag ma nyin zhag bcu gcig
 bzung nas bcu pa la 'jug ste bdun pa stong par 'gyur ro/ /de nas bcu pa la nyin zhag lnga 'dor ro/ /lhag ma nyin zhag drug bzung nas bcu gcig pa la 'jug ste bcu pa stong par 'gyur ro/ /de la nyin zhag gsum 'dor ro/ /lhag ma nyin zhag gsum bzung nas bcu gnyis pa 'jug
 ste bcu gcig pa stong par 'gyur ro/ /de la nyin zhag gnyis 'dor ro/ /lhag ma nyin zhag gcig bzung nas lte ba la 'jug ste khyim gyi 'dab ma bcu gnyis pa'i rtsa stong par 'gyur ro/ /de ltar nyi ma'i dbu ma'i lo gsum gyi nyin zhag stong brgyad cu'i grangs rnams kyis srog
 gi nus pas khyim gyi 'khor lo rtsibs bcu gnyis pa 'dor ro/ /de nas lte ba la nyin zhag gcig dbu mar 'bab ste de nas dbugs kyi 'khor lo btang nas rnam par shes pa srog gi rlung dang lhan cig 'gro ba drug po gzhan du 'pho bar byed do/ /nyi ma'i 'chi ltas kyi nges pa'o/ /
 'dir dgod pa ni sngar gyi dgod pa bzhin du rim pa gnyis la lo'i dbye ba dang nyin zhag 'dor ba'i dbye ba ste rim pa snga ma la 'chi ltas kyi nyin zhag dgod cing rim pa phyi ma la lhag ma tshe'i nyin zhag dgod do/ /'khor lo gnyis pa la nyin zhag 'dor ba dgod cing snga ma'i 'dab ma
 ma rnams la rim pas stong pa dgod do/ /g.yas pa'i rtsa mnyam pa'i dus sbyor la skyes pa rnams la nyi ma'i 'chi ltas te mi mnyam pa'i dus sbyor la skyes pa tshe thung ba rnams la zla ba'i 'chi ltas so/ /nyi ma'i 'chi ltas kyi nges pa'o/ /da ni nyi ma'i dbu ma'i 'chi ltas dus kyi lo'i rim
 pas lo brgya'i mtshams su byis pa'i skye bo mu stegs pa rnams kyis brjod pa sems can rnams rmongs pa skyed par byed pa gang yin pa de'i dgag pa brjod par bya'o/ /'dir mu stegs pa rnams brjod pa grag ste rtsa g.yas pa la chu tshod lnga rab tu rgyu bas tshe lo brgya'o/ /chu tshod drug
 rab tu rgyu bas tshe lo dgu bcu'o/ /chu tshod bdun rab tu rgyu bas tshe lo brgyad cu'o/ /chu tshod brgyad rab tu rgyu bas tshe lo lnga bcu'o/ /chu tshod dgu rab tu rgyu bas tshe lo sum cu'o/ /chu tshod bcu rab tu rgyu bas tshe lo nyi shu rtsa drug go/ /chu tshod bco lnga rab tu rgyu bas tshe lo bcu bzhi'o/ /chu
 tshod sum cu rab tu rgyu bas tshe lo bcu gnyis so/ /nyin zhag gcig rab tu rgyu bas tshe lo bcu'o/ /nyin zhag gnyis rab tu rgyu bas tshe lo brgyad do/ /nyin zhag gsum rab tu rgyu bas tshe lo drug go/ /nyin zhag bzhi rab tu rgyu bas tshe lo lnga'o/ /de nas nyin zhag la rab tu rgyu bas tshe
 lo gsum mo zhes pa ni mu stegs pa rnams kyi g.yas kyi lam la chu tshod dang dbugs kyi nges pa'o/ /de nyid ni thams cad mkhyen pas gsungs pa'i rigs pas rnam par dpyad na mi 'thad de 'dir mi rnams kyi 'chi ltas med pa la g.yon dang g.yas kyi rtsa la lnga ste mnyam pa dang mi mnyam
 pa'i dus sbyor rnams la dbyug gu lngar srog gi rlung 'bab bo/ /skyes bu tshe lo brgya'i srog ni g.yon dang g.yas pa dag la lo bdun du bgrod pa'i dbye bas dbugs 'phel lo/ /de nas lo drug cu rnams ni bgrod pa 'phel ba'i dbye bas chu srang 'phel lo/ /de nas lo sum cu
 rnams ni zla ba gsum gyis dbye bas chu tshod 'phel lo/ /de nas lo gsum dang phyogs gsum ni nyin zhag gi dbye bas 'phel lo zhes pa ni dus 'phel ba'i rigs pa'o/ /rigs pa 'di las mngal nas skyes pa'i byis pa gang zhig dus ma yin par 'chi bar 'gyur ba/
 lo gsum mam/ lo lnga 'am/ lo bcu gnyis sam/ nyi shu la sogs pas 'chi ba de la chu tshod lnga'i steng du chu tshod drug dang / bdun la sogs pa rab tu rgyu ba'i rim pa ni don med pa ste/ mngal nas skyes pa nas lo gsum 'chi ba'i mtshams yin pa'i phyir ro/ /'dir gal te
 skyes pa'i zla ba gcig gi rjes su 'chi bar 'gyur na/ de'i tshe skyes pa'i nyin zhag nas brtsams te/ srog gi rlung rdzogs pa'i dus nas tshes phyogs mda' dang yon tan la sogs pa rgyu'o/ /de bzhin du mngal nas skyes pa nas zla ba gnyis kyi mtha' dang / zla ba gsum gyi mtha' dang
 zla ba bzhi'i mtha' dang / zla ba drug gi mtha' dang / lo'i mtha' dang / lo gnyis kyi mtha' dang / lo gsum gyi mthar 'chi ba ni/ nyin zhag sum cu rtsa gsum rgyu ba nas g.yas kyi rtsa la sgra la sogs pa'i yon tan lnga zad pa'i dbye bas nyin zhag lnga rgyu ba dang / g.yon gyi rtsa la snying
 stobs la sogs pa'i yon tan gsum zad pa'i dbye bas nyin zhag gcig gi bar du lugs las bzlog pas so/ /de bzhin du lte ba la srog rab tu zhugs pa las mngal nas skyes pa'i nyin mtshan dang po la yang 'chi bar shes par bya'o/ /de bzhin du 'dab ma bcu gnyis pa la
 srog 'char ba las nyin zhag gsum pa la 'chi ba'o/ /de bzhin du 'dab ma bcu gcig pa la srog 'char ba las nyin zhag drug pa la'o/ /de bzhin du khyim gyi 'dab ma bcu pa la srog 'char ba las nyin zhag bcu gcig pa la'o/ /de bzhin du khyim gyi 'dab ma dgu pa la srog 'char
 ba las nyin zhag nyi shu rtsa gcig pa la'o/ /de bzhin du rim pas khyim gyi 'dab ma brgyad pa la srog 'char ba las nyin zhag sum cu rtsa drug pa la'o/ /de bzhin du khyim gyi 'dab ma bdun pa la srog 'char ba las zla ba gnyis na'o/ /de bzhin du 'dab ma drug pa la srog 'char ba las
 zla ba gsum na'o/ /de bzhin du lnga pa la srog 'char ba las zla ba bzhi na'o/ /de bzhin du 'dab ma bzhi pa la nyin zhag nyi shur srog 'char ba las zla ba drug na'o/ /de bzhin du phyogs dang bcas par gsum pa la srog 'char ba las lo gcig na'o/ /nyin zhag bcu gnyis
 pa la srog 'char ba las lo gnyis na'o/ /dang po la srog 'char ba las lo gsum na'o/ /lo bzhi pa la nyin zhag ni rigs pa ma yin te/ mngal nas skyes pa nas lo brgya'i mtshams kyi bar du'o/ /'di ni nyi ma'i 'chi ltas kyi nges pa ste/ nyi ma'i ji lta ba
 de bzhin du snying stobs la sogs pa yon tan gsum gyi dbye bas mngal nas skyes pa la zla ba'i 'chi ltas kyi nges pa'o/ /de bzhin du phyi ma'i steng gi rna ba las dbang phyug gis smras pa/ ji ltar g.yon pa de bzhin g.yas/ /de bzhin nyid du dbu ma yang / /lo gsum
 mthar ni 'chi ba ster/ /zhes pa ste/ gzhan gyi grub pa'i mtha' la yang la lar nges pa yod do/ /zla ba dang nyi ma'i 'chi ltas kyi nges pa'o/ /'di ltar mngal nas skyes pa rnams kyi las las nyin zhag gcig nas brtsams te/ lo gsum gyi mthar nyin zhag so so la 'chi
 ba'i dbye bas stong brgyad cu'i dbye ba tha dad pa'i byis pa'i 'chi ba gang yin pa de ni zla ba'i lam mam/ nyi ma'i lam 'di la nges pa med do/ /'on kyang rtsa las dbugs rab rgyu ba'i 'chi ltas kyi nyin zhag rnams kyis srog gi grangs shes par byed do/ /de'i phyir 'chi ltas kyi 'khor
 lo ni 'chi ba'i 'khor lo ste/ khyim gyi 'khor lo'i rtsa rnams las srog gis dkyil 'khor lnga rgyu ba go rims kyis yongs su 'dor ro/ /de nas lte ba la rab tu zhugs pa'i nyin zhag de la 'chi'o zhes pa ni rigs pa'o/ /nyi ma'i dbu ma rab tu rgyu bas lo brgya'i mtshams su
 lo gsum gyi dus kyi mtshan nyid 'di ni yongs su brtags pas/ sems can thams cad kyi 'chi bar bcom ldan 'das kyis gsungs so zhes zer ro/ /de nyid ni zla ba'i phyogs gsum gyi chos kyis zla ba'i 'chi ltas su mi 'gyur te/ 'dir gang zhig zla ba'i chos kyis 'chi
 ltas kyi 'chi bar mi 'gyur ba des na byis pa mi mkhas pa rnams kyis rab tu brtags pa'o/ /g.yon pa'i rtsa la zla ba'i chos las 'chi ltas kyi 'chi ba ji ltar med/ g.yas pa la nyi ma rab tu rgyu ba las 'chi ltas kyi 'chi bar thams cad mkhyen pas gsungs so
 zhes pa ni mi shes pa rnams kyi tshig go/ /'dir lo gsum gyi lhag pa'i lha ni nyi ma'i sgras srog gi rlung ste/ phyogs gsum gyi bdag po zla ba'i sgras thur sel gyi rlung ngo / /'dir i Da dang / dmar ser dang / su shu m+na rnams kyi bdag po ni srog dang nyi ma ste/ lte ba las steng
 du rab tu rgyu ba'i phyir ro/ /bshang ba dang / gci ba dang / khu ba'i rtsa rnams kyi bdag po ni thur sel te/ lte ba las 'og tu rab tu rgyu ba'i phyir ro/ /de ltar na zla ba la 'og tu yon tan gsum dang / nyi ma la steng du dkyil 'khor dang / yul lnga'i yon tan lnga'o/ /des na 'og
 dang steng gi rtsa dag las yon tan gsum gyi dbye bas g.yon pa la zla ba'i 'chi ltas dang / yon tan lnga'i dbye bas g.yas pa la nyi ma'i 'chi ltas so/ /zla ba dang nyi ma'i 'chi ltas kyi nges pa'o/ /da ni dus kyi lo zhes pa la sogs pas dbu ma yongs su rdzogs pa'i dus su 'chi ba'i mtshan
 nyid gsungs te/ 'dir skyes pa dang / bud med rnams kyi lus la snying stobs dang / rdul dang / mun pa'i dbye bas srog rab tu rgyu ste/ phyed dang bcas pa'i zla ba bcu lhag pa'i lo dgu bcu rtsa drug gi bar du g.yon dang g.yas la dkyil 'khor lnga 'bab bo/ /lo gsum dang phyogs gsum
 gyi bar ni dbu ma'i dus te tshe lo brgya pa'i mi rnams kyi nges pa'o/ /de la g.yon pa dang / g.yas pa dang / dbu ma'i rtsa gsum gyi snying stobs dang / rdul dang mun pa'i rang bzhin can te/ 'di rnams las 'chi ba ni mun pa'i rtsa la rgyu ba'i grangs srog dang thur sel gyi rang bzhin gyis bzung
 nas g.yon pa dang g.yas pa la mi mnyam pa dang mnyam pa'i nyin zhag gis rgyu ste dus kyi lo ste lo gsum dang / phyogs gsum gyi bar du nyin zhag bgrod pa'i dbang gis zhes pa la/ nyin zhag ni nyi shu rtsa lnga lhag pa'i brgya phrag bcu gcig ste/ de dag gi bgrod pa'i dbang gis
 ji srid srog zad par 'gyur ba de srid du 'pho zhing rgyu bar byed pa ste/ zla ba zhes bya ste g.yon pa'i lam dang / nyi ma'i lam g.yas pa la mi mnyam mnyam pa'i nyin zhag re re 'phel bas rim pas so zhes pa ni gal te lug la sogs pa mi mnyam pa'i dus sbyor la skyes par gyur na
 g.yon pa'i rtsa la nyin zhag gcig rgyu'o/ /gal te glang la sogs pa mnyam pa'i dus sbyor la skyes par gyur na g.yas pa la nyin zhag gnyis rgyu'o/ /de nas slar yang 'pho ba'i dbye ba ni mi mnyam mnyam pa'i nyin zhag rnams kyis g.yon pa la rgyu ba'i mjug dang / g.yas
 pa la rgyu ba'i mjug tu rgyu ba'i nyin zhag gi ched kyis byed pa ni bcu gnyis rtsibs kyi khyim gyi 'khor lo la rim pas dkyil 'khor lnga yongs su dor ba'i slad du ste/ g.yon gyi rtsa la nam mkha' la sogs pa'i dkyil 'khor zad pa'i don du 'pho bar byed cing g.yas kyi rtsal sa la
 sogs pa'i dkyil 'khor zad pa'i don du 'pho bar byed do/ /'dir g.yon pa la rgyu ba'i nyin zhag lnga dang / 'pho ba'i nyin zhag rnams kyis lug la sogs pa mi mnyam pa'i 'dab ma drug po rnams la stong pa'i dkyil 'khor rab tu 'bab pa srog gi rlung gis 'dor ro/ /g.yas
 pa la rgyu ba'i nyin zhag drug dang / 'pho ba'i nyin zhag drug rnams kyis glang la sogs pa mnyam pa'i dus sbyor drug po rnams la sa'i dkyil 'khor rab tu 'bab pa srog gis 'dor ro/ /de bzhin du g.yon pa'i rtsa la nyin zhag bcu gcig gis rlung gi dkyil 'khor 'dor ro/ /g.yas
 pa la nyin zhag bcu gnyis kyis chu'i dkyil 'khor 'dor ro/ /de bzhin du g.yon pa'i 'dab ma la nyin zhag bcu bdun gyis me'i dkyil 'khor 'dor ro/ /g.yas pa'i 'dab ma la nyin zhag bcwa brgyad kyis me'i dkyil 'khor 'dor ro/ /slar yang g.yon pa'i 'dab ma la nyin
 zhag nyi shu rtsa gsum gyis chu'i dkyil 'khor 'dor ro/ /g.yas pa'i 'dab ma la nyin zhag nyi shu rtsa bzhis rlung gi dkyil 'khor 'dor ro/ /slar yang g.yon pa'i 'dab ma drug la nyin zhag nyi shu rtsa dgus sa'i dkyil 'khor 'dor ro/ /g.yas pa la nyin zhag gsum cus nam
 mkha'i dkyil 'khor 'dor te/ de ltar mi mnyam pa dang mnyam pa'i nyin zhag rnams g.yon pa dang g.yas pa la rgyu ba dang / nyin zhag sum cu po rnams kyi 'pho ba'i nyin zhag sum cus dus sbyor bcu gnyis kyi rtsa'i 'dab ma rnams la dkyil 'khor lnga yongs
 su 'dor ro/ /de nas g.yon pa'i rtsa mi mnyam pa'i 'dab ma rnams la rgyu ba'i nyin zhag sum cu rtsa gcig dang / 'pho ba'i nyin zhag sum cu rtsa gcig gis kyang snying stobs kyi khams zad do/ /g.yas pa'i rtsa la nyin zhag sum cu rtsa gnyis rgyu ba dang / 'pho ba'i nyin zhag
 sum cu rtsa gnyis kyang rdul gyi khams zad do/ /de nas mi mnyam pa'i 'dab ma la rgyu ba'i nyin zhag sum cu rtsa gsum dang 'pho ba'i nyin zhag sum cu rtsa gsum gyis mun pa'i khams zad de/ de ltar bad kan gyi rtsa zad pa ni snying stobs kyi khams dang / mkhris pa'i rtsa zad pa ni
 rdul gyi khams dang / rlung gi rtsa zad pa ni mun pa'i khams zhes brjod de rgyu ba'i nyin zhag sum cu rtsa gsum dang 'pho ba'i nyin zhag sum cu rtsa gsum gyis so/ /khyim gnyis ka'i nyin zhag bsdus pas nyin zhag gsum gyis dman pa'i lo gsum dang / phyogs gsum
 gyis nyin zhag nyi shu rtsa gnyis lhag pa'i brgya phrag bcu gcig tu 'gyur ro/ /dkyil 'khor lnga dang snying stobs dang / rdul dang mun pa'i rtsa gcod pa ni srog gi rlung gis gnas yongs su 'dor ba ste/ de ltar phyed dang bcas pa'i zla ba dang ji srid lo gsum gyi nyin zhag rnams
 srog rgyu bas so/ /de nas gzhan ni sum cu dag dang ste mngal bzung ba'i zla ba'i nyin zhag gi tshogs nyin zhag sum cu'i bdag nyid dang / 'tsho ba dag gi mtshan mo gsum gyi bar du g.yas pa'i rtsa la rgyu zhing 'pho ba thams cad med pas/ nyin zhag sum cu rtsa gsum gyi bar du
 phung po dang khams rnams rnam par gcod pa ste/ 'dir gzugs la sogs pa'i phung po lnga dang / sa la sogs pa'i khams lnga dang / lus kyi dbang po la sogs pa'i dbang po lnga dang / dri la sogs pa'i yul lnga dang / bshang lam la sogs pa'i las kyi dbang
 po lnga dang / smra ba la sogs pa'i las kyi dbang po'i yul lnga ste/ 'di dag rnams nyin zhag sum cu rtsa gsum gyis gcod cing phan tshun yang dag par sbyor ba med par 'gyur ro/ /de nas dbugs kyi 'khor lo zad pa'i don du nyin zhag gcig dbu ma la 'jug go/ /phung po drug
 pa dang / khams drug pa dang / dbang po drug pa dang / yul drug pa dang / las kyi dbang po drug pa dang / las kyi dbang po'i yul drug pa khu ba 'pho ba ni 'chi ba'i mthar 'gyur te/ phung po dang khams dang skye mched rnam par gcad pa'i nges pa'o/ /da ni dbugs zhes pa la
 sogs pas skyes par gyur pa rnams kyi 'chi ba'i dbugs rgyu ba gsungs te/ 'dir lus la dbugs kyi 'khor lo dang chu srang gi 'khor lo dang / chu tshod kyi 'khor lo dang nyin zhag gi 'khor lo ni phyi rol la ji lta ba de bzhin du lus la yang ngo / /de la dbugs drug gi bdag nyid ni
 dbugs kyi 'khor lo'o/ /chu srang drug cu'i bdag nyid ni chu srang gi 'khor lo'o/ /chu tshod drug cu'i bdag nyid ni chu tshod kyi 'khor lo'o/ /nyin zhag stong brgyad cu'i bdag nyid ni 'chi ltas kyi 'khor lo'o/ /nyin zhag lnga bcu rtsa drug lhag pa'i brgya phrag bcu gcig gi bdag
 nyid ni dus kyi 'chi ba'i nyin zhag gi 'khor lo'o/ /'khor lo 'di rnams la 'chi ba ni dbugs kyi rang bzhin dang chu srang gi rang bzhin dang chu tshod kyi rang bzhin dang nyin zhag gi rang bzhin gyi rgyu ste/ g.yon gyi rtsa dang g.yas kyi rtsa la grangs bzhin du re re lhag pas so/ /dang por re
 zhig dbugs rgyu ba ni bgrod pa'i yan lag las ni lo bdun dag gis zhes pa ste/ 'dir skyes pa gang la lo brgya'i mtshams su 'chi ltas med na dus kyi 'chi ba 'byung bar 'gyur ro/ /de'i bgrod pa gnyis ni g.yon pa'i rtsa dang g.yas pa'i rtsa la dkyil 'khor lnga 'bab pa can gyi
 srog gi rlung 'bab po/ /de nas bgrod pa gsum pa la g.yon pa'i rtsa'i nam mkha'i dkyil 'khor la dbugs gcig rgyu'o/ /bzhi pa la mi rgyu'o/ /de nas lo gsum pa'i bgrod pa lnga pa la g.yas pa'i rtsa'i sa'i dkyil 'khor la dbugs gnyis rgyu'o/ /slar yang
 bgrod pa drug pa la mi rgyu'o/ /de nas bgrod pa bdun pa la g.yon pa'i rtsa'i nam mkha'i dkyil 'khor la dbugs gsum rgyu'o/ /brgyad pa la ma yin no/ /de bzhin du dgu pa la g.yas pa'i rtsa'i sa'i dkyil 'khor la gzugs bzhi rgyu'o/ /bcu pa
 la ma yin no/ /slar yang bcu gcig pa la g.yon gyi rtsa'i stong pa'i dkyil 'khor la dbugs lnga rgyu'o/ /bcu gnyis pa la ma yin no/ /de nas bgrod pa bcu gsum pa la g.yas pa'i rtsa'i sa'i dkyil 'khor la dbugs drug rgyu'o/ /bgrod pa bcu bzhi pa la ma yin no/ /
 de ltar dbugs drug gis 'khor lo ste/ de ni lib+tA 'am chu srang gcig tu 'gyur ro/ /'di la phyed dang bcas pa'i zla bas dman pa'i lo bdun no/ /mtshams 'di nas chu srang gi 'khor lo'i steng du dbugs rgyu bar mi 'gyur zhing chu srang gi dngos pos chu srang rgyu ba ni bgrod pa 'gro
 ba'i dbang las lo ni drug cus kyang zhes pa ste/ lo bdun po de'i steng du gzhan lo drug cu ji srid par gcig gis bar du chod pa'i bgrod pa dag gis g.yon gyi rtsa'i nam mkha'i dkyil 'khor la gcig la sogs pas mi mnyam pa'i chu srang rnams chu srang lnga bcu rtsa dgu'i par dang /
 g.yas kyi rtsa'i sa'i dkyil 'khor la gnyis la sogs pas mnyam pa rnams chu srang drug cu'i bar du mi mnyam pa dang mnyam pa'i dus sbyor gyi rang bzhin gyi 'dab ma drug drug la rgyu'o/ /chu srang drug cus chu srang gi 'khor lo ste/ de nyid ni chu tshod gcig tu 'gyur ro/ /lo drug cu rtsa
 bdun gyi mtshams 'di nas 'chi ba chu tshod kyi rang bzhin gyis chu tshod rgyu ba ni zla ba gsum las sum cu'i lo yis zhes pa ste slar yang chu tshod gcig dang por byas nas g.yon gyi rtsa dang g.yas kyi rtsa la mi mnyam pa dang mnyam pa'i chu tshod gcig gis bar du chod pas rgyu ste/ bgrod pa phyed
 la zla ba gsum gyis g.yon gyi rtsa'i nam mkha'i dkyil 'khor la chu tshod gcig rgyu'o/ /gzhan zla ba gsum gyis ma yin no/ /slar yang gzhan bgrod pa byed la zla ba gsum gyis g.yas kyi rtsa'i sa'i dkyil 'khor la chu tshod gnyis rgyu'o/ /de ltar zla ba gsum gsum
 gyis g.yon dang g.yas kyi khyim gyi 'dab ma drug drug gis nam mkha'i dkyil 'khor dang sa'i dkyil 'khor la 'chi ba'i chu tshod kyi rang bzhin gyis chu tshod drug cu po rnams rgyu'o/ /de'i phyir phyed dang bcas pa'i zla ba'i dman pa'i lo dgu bcu rtsa bdun gyi mtshams su chu tshod
 kyi 'khor lo rgyu ste/ de nyid nyin zhag gcig tu 'gyur ro/ /de nas g.yon pa dang g.yas pa'i rtsa la nyin zhag gi rang bzhin gyis nyin zhag gi 'khor lo sngar brjod pa'i rim pas rgyu ste/ de'i phyir nyin zhag bgrod pa'i dbang las dus kyi lo dang / phyogs kyis kyang zhes pa
 ste/ lo gsum dang phyogs gsum dang kyang yig gis gzhan nyin zhag sum cus kyang ngo / /'dir 'chi ba'i nyin zhag rgyu ba'i grangs ni dus kyi 'khor lo dag las phyed bcas sum cu gnyis kyis bgos pa'i zhes pa ste/ nyi shu rtsa lnga lhag pa'i brgya phrag bcu gcig las
 thob pa'i nyin zhag gi tshogs ni lte ba'i mthar thug par rig par bya'o/ /'dir phyed dang bcas pa'i sum cu rtsa gnyis kyis thob pa rgyu ba'i nyin zhag sum cu rtsa bzhi dang / chu tshod sum cu rtsa drug dang / chu srang lnga bcu rtsa lnga dang / phyed dang bcas pa'i dbugs gnyis te/
 'di dag las nyin zhag gcig ni lte ba la'o/ /lhag ma ni g.yon dang g.yas pa'i 'chi ltas su rig par bya'o/ /nyin zhag so sor rgyu ba ni chu tshod lhag par 'gyur te/ mtha'i rgyu ba ni g.yas pa'i rtsa la'o/ /dus kyi 'chi ba'i nges pa'o/ /da ni phyogs zhes pa la sogs pas lte
 ba'i 'khor lo la sogs pa'i rtsa 'chad pa gsungs te/ 'dir lte ba la khyim gyi rtsa bcu gnyis dang dkyil 'khor drug cu 'bab par byed pa drug cu ste/ dgu yis bsnun pa'i lag 'gro zhes pa brgyad la dgu yis bsnun pa ni bdun cu rtsa gnyis su 'gyur ro/ /dgu yis bsnun pa'i lag 'gro
 lte ba'i 'khor lo 'di las phyogs dang phyogs la rtsa ni gcod par byed do/ /'dir phyogs ni nyin zhag bco brgyad kyis rig par bya ste/ phyogs des lo gsum la g.yon gyi stong pa la sogs pa'i dkyil 'khor 'bab par byed pa'i rtsa sum cu 'dor zhing g.yas kyi sa la sogs pa'i dkyil
 'khor 'bab par byed pa sum cu 'dor ro/ /de ltar sum cu sum cu ste phyogs drug cus srog gi rlung gis yongs su 'dor ro/ /thams cad du dkyil 'khor gyi rtsa rnams las lo gsum gyi phyogs rnams kyis drug gis cha shas yongs su dor nas dkyil 'khor lnga 'bab par
 byed pa 'dor ro/ /las kyi 'khor lo bya ba zhes pa'i tshigs las nyin zhag rtse mo can gyis rtsa ni re re 'dor zhes pa las 'dir lus la las kyi 'khor lo ni lag pa dag gi tshigs drug dang rkang pa dag gi tshigs drug po rnams la zla ba bcu gnyis kyi dbye ba las bcu gnyis kyi dbye bas tha dad pa'i
 'khor lo bcu gnyis kyi bdag nyid do/ /tshigs kyi 'khor lo so so la rtsa sum cu ste tshigs bcu gnyis po rnams la rtsa sum brgya drug cu'o/ /de rnams las g.yas pa'i phrag pa dang dpung pa'i tshigs pa la chu srin gyi tshes grangs sum cu'i dbye bas rtsa sum cu'o/ /g.yon pa'i
 phrag pa dang dpung pa'i tshigs la dbo'i zla ba'i tshes grangs sum cu'i dbye bas rtsa sum cu'o/ /de bzhin du g.yas pa'i nye ba'i dpung pa'i tshigs la nag pa'i zla ba'i rtsa rnams so/ /g.yon pa'i nye ba'i dpung pa'i tshigs las ga'i zla ba'i rtsa rnams so/ /g.yas pa'i lag pa dang
 nye ba'i dpung pa'i tshigs la snon gyi zla ba'i rtsa rnams so/ /g.yon pa'i lag pa dang nye ba'i dpung ba'i tshigs la chu stod kyi zla ba'i tshes grangs sum cu'i dbye bas rtsa sum cu ste lag pa dag gi tshigs drug gi las kyi 'khor lo rnam pa drug la rtsa brgyad cu lhag pa'i brgya'o/ /de nas g.yas
 pa'i brla dang dpyi'i tshigs la gro bzhin gyi zla ba'i tshes sum cu'i dbye bas rtsa sum cu'o/ /g.yon pa'i brla dang dpyi'i tshigs la khrums kyi zla ba'i rtsa sum cu'o/ /de bzhin du g.yas pa'i brla dang byin pa'i tshigs la tha skar gyi zla ba'i rtsa sum cu'o/ /g.yon pa'i brla dang byin pa'i tshigs
 la smin drug gi zla ba'i rtsa sum cu'o/ /g.yas pa'i rkang pa dang byin pa'i tshigs la mgo'i zla ba'i rtsa sum cu'o/ /g.yon pa'i rkang pa dang byin pa'i tshigs la rgyal gyi zla ba'i tshes sum cu'i rang bzhin can gyi rtsa sum cu ste de ltar rkang pa dag gi tshigs drug gi las kyi 'khor lo la rtsa
 brgyad cu lhag pa'i brgya'o/ /las kyi dbang po'i bya ba 'jug pa'i dang por gyur pa'i phyir las kyi 'khor lo'o/ /rtsa 'di dag las nyin zhag rtse mo can gyis te so sor nyin zhag gsum gsum gyis rgyu ba las lo gsum gyi nyin zhag brgyad cu lhag pa'i stong gi grangs 'di rnams kyis rtsa
 sum brgya drug cu srog gi rlung gis 'dor ro/ /bya ba zhes pa'i zhes pa ni len pa dang 'gro ba la sogs pa'i bya ba byed pa'i phyir bya ba zhes pa ste/ lag pa dang rkang pa'i sor mo'i tshigs drug cu rnams la rtsa drug gi bdag nyid kyi 'khor lo ste/ sa dang chu dang me dang rlung dang stong pa
 dang ye shes kyi rtsa'i rang bzhin can gyi bdag nyid do/ /tshigs so so la gnas pa ni rtsa drug gi bdag nyid do/ /tshigs drug cu po rnams la rtsa sum brgya drug cu'o/ /de dag las rtsa so so ni nyin zhag gsum gsum gyis yongs su 'dor te las kyi 'khor lo la ji lta ba bzhin no/ /gang
 gi tshe g.yas pa'i lag pa dang nye ba'i dpung ba'i tshigs pa la rtsa sum cu 'dor ba de'i tshe lag pa g.yas kyi sor mo lnga'i steng rnams su rtsa drug drug 'dor te/ de ltar zla ba'i nyin zhag tshes rnams kyis sor mo lnga po rnams la rtsa sum cu 'dor ro/ /g.yon pa la yang de bzhin du rig par bya'o/ /
 gang gi tshe g.yas pa'i dpung pa dang nye ba'i dpung pa'i tshigs la 'dor ba de'i tshe sor mo'i tshigs dbu ma'i mtshams rnams la rtsa sum cu 'dor ro/ /g.yon pa la yang de bzhin no/ /gang gi tshe g.yas pa'i phrag pa dang dpung pa'i tshigs la 'dor ba de'i tshe sor mo'i 'og gi tshigs kyi
 mtshams rnams la nyin zhag dgu bcus rtsa sum cu 'dor ro/ /g.yon pa la yang de bzhin du shes par bya'o/ /gang gi tshe g.yas pa'i rkang pa dang byin pa'i tshigs la rtsa sum cu 'dor ba de'i tshe rkang pa g.yas pa'i sor mo'i steng gi tshigs kyi mtshams rnams la nyin zhag dgu bcus rtsa
 sum cu 'dor ro/ /g.yon pa la yang de bzhin no/ /gang gi tshe g.yas pa'i byin pa dang brla'i tshigs la 'dor ba de'i tshe sor mo'i dbu ma'i tshigs kyi mtshams rnams la rtsa sum cu 'dor ro/ /rkang pa g.yon pa la yang de bzhin du shes par bya'o/ /gang gi tshe g.yas pa'i dpyi dang
 brla'i tshigs la 'dor ba de'i tshe rkang pa'i sor mo'i 'og gi tshigs kyi mtshams rnams la rtsa sum cu 'dor ro/ /g.yon pa la yang de bzhin du shes par bya'o/ /da ni rtsa rnams kyi lhag pa'i lha'i yi ge brjod par bya ste 'dir g.yon pa'i phrag pa dang dpung pa'i tshigs la nam mkha' la
 sogs pa'i dbyangs thung ngus phye ba'i ka sde lugs las bzlog pas so/ /de bzhin du g.yas pa'i phrag pa dang dpung pa'i tshigs la ye shes la sogs pa'i dbyangs ring pos phye ba'i ka sde'o/ /g.yon pa'i dpung pa dang nye ba'i dpung pa'i tshigs la nam mkha' la sogs pa'i dbyangs thung ngus phye
 ba'i tsa sde'o/ /g.yas pa la ye shes la sogs pa'i dbyangs ring po drug gis phye ba'o/ /g.yon pa'i lag pa dang nye ba'i dpung pa'i tshigs la nam mkha' la sogs pa'i dbyangs drug gis phye ba'i Ta sde'o/ /g.yas pa la ye shes la sogs pa'i dbyangs kyis phye ba'o/ /de ltar byang du bgrod pa la
 zla ba drug go/ /de nas lho la g.yas pa'i dpyi dang brla'i tshigs la ye shes la sogs pa'i dbyangs ring po drug gis phye ba'i pa sde'o/ /g.yon pa la nam mkha' la sogs pa'i dbyangs thung ngus phye ba'o/ /de bzhin du g.yas pa'i byin pa dang brla'i tshigs la ye shes la sogs pa'i dbyangs drug
 gis phye ba'i ta sde'o/ /g.yon pa la nam mkha' la sogs pa'i dbyangs thung ngus phye ba'o/ /de bzhin du g.yas pa'i rkang pa dang byin pa'i tshigs la ye shes la sogs pa'i dbyangs ring po drug gis phye ba'i sa sde'o/ /g.yon pa la nam mkha' la sogs pa'i dbyangs thung ngus phye ba ste nam mkha'i
 gsal byed la sogs pa lugs las bzlog pas so/ /de ltar ring po dang / thung ngu'i dbye bas sde pa so so la yi ge sum cu'i bdag nyid ni las kyi 'khor lo'i 'khor lo bcu gnyis kyi rtsibs sum cu po rnams la'o/ /de nas bya ba'i 'khor lo'i g.yas pa'i mthe bo la sogs pa'i tshigs so so la
 ka yig la sogs pa'i gsal byed so so ye shes la sogs pa'i dbyangs ring po drug gis phye ba ste/ mthe bo'i 'og gi tshigs kyi mtshams kyi rtsa drug gi bdag nyid la ye shes la sogs pa'i dbyangs kyis phye ba'i gsal byed ka yig go/ /mdzub mo'i tshigs la kha yig go/ /gung mo'i tshigs la
 ga yig go/ /ming med kyi tshigs la g+ha yig go/ /mthe'u chung gi tshigs la ye shes la sogs pa'i dbyangs ring po drug gis phye ba'i nga yig go/ /g.yon pa'i mthe'u chung gi 'og gi tshigs kyi mtshams la nam mkha' la sogs pa'i dbyangs thung ngus phye ba'i nga yig go/ /ming med kyi tshigs
 la g+ha yig go/ /gung mo'i tshigs la ga yig go/ /mdzub mo'i tshigs la kha yig go/ /mthe bo'i tshigs la nam mkha' la sogs pa'i dbyangs thung ngu drug gis phye ba'i ka yig go/ /de bzhin du g.yas pa'i mthe bo la sogs pa'i tshigs kyi phreng ba gnyis pa la dbyangs ring pos phye ba'i tsa sde 'o/ /
 g.yon pa la dbyangs thung ngus phye ba'o/ /de bzhin du g.yas pa'i tshigs kyi phreng ba gsum pa la dbyangs ring pos phye ba'i Ta sde'o/ /g.yon pa la dbyangs thung ngus phye ba'o/ /de bzhin du g.yas pa'i rkang pa'i sor mo'i tshigs rnams la dbyangs ring pos phye ba'i pa sde'o/ /g.yon pa la dbyangs
 thung ngus phye ba'o/ /g.yas pa'i tshigs dbu ma rnams la dbyangs ring pos phye ba'i ta sde'o/ /g.yon pa la nam mkha' la sogs pa'i dbyangs thung ngus phye ba'o/ /g.yas pa'i steng gi tshigs kyi mtshams rnams la dbyangs ring pos phye ba'i sa sde'o/ /g.yon pa'i sor mo'i tshigs kyi mtshams rnams
 la nam mkha' la sogs pa'i dbyangs drug gis phye ba'i lugs las bzlog pas so zhes pa ni lo dang po la ste/ gnyis pa la yon tan dang 'phel bas phye ba dang / gsum pa la ya Na ra bsgyur ba la sogs pas phye ba'i sde pa drug go/ /'di ni rgyas par 'chad par 'gyur ba las brjod par bya ste 'dir ma spros
 so/ /mgrin pa dag las rgyu skar rtsa ni nyin dang nyin la zla ba'i nang du rim pas 'dor ba ste zhes pa ni mgrin pa'i 'khor lo las rgyu skar nyi shu rtsa brgyad kyi rtsa de dag dbyangs kyi bdag nyid kyi nyin zhag nyi shu rtsa brgyad kyis 'dor ro/ /thig ler gnas pa ste dpral bar gnas pa zla ba'i rkang pa rtsa bcu bzhi'i
 bdag nyid ni dbyangs shin tu ring po bcu bzhi'i nyin zhag bcu bzhis phyogs kyi nang du 'dor ro/ /gza'i rtsa ni yul dang snying stobs la sogs pa'i yon tan gyi nyin zhag brgyad kyis 'dor ro/ /gsang bar gnas pa gsal byed sum cu'i bdag nyid kyi rtsa rnams ni dus kyi 'chi bas 'dor te rtsa gcod pa'i
 nges pa'o/ /da ni sde pa zhes pa la sogs pas las kyi 'khor lo la rtsa rnams nyi ma'i rang bzhin gyis srog gi rim pa dang rim pa ma yin pas gcod pa sde pa'i ming rnams kyis gsungs te/ 'dir las kyi 'khor lo rtsibs bcu gnyis pa la rkang pa dang /
 lag pa'i tshigs bcu gnyis po rnams la so sor rtsa sum cu'i bdag nyid kyi 'khor lo'o/ /mchu'i zla ba la sogs pa'i tshes sum cu'i lhag pa'i lha dang ldan pa'i 'khor lo bcu gnyis po de dag las g.yas pa'i lag pa dang rkang pa'i tshigs drug la rnam par bcad pa la
 sogs pa dbyangs ring po drug gis phye ba'i ka la sogs pa'i sde pa drug gsal byed kyi chos kyis sdud pa'i rim pas so/ /de bzhin du g.yon pa'i lag pa dang rkang pa dag gi tshigs kyi 'khor lo drug la nam mkha' la sogs pa'i dbyangs thung ngu'i dbye bas phye ba'i sde pa drug nam
 mkha' la sogs pa'i gsal byed kyi chos kyis skyed pa'i rim pa ste so sor sdud pa'i brjod pa nga yig la sogs pas so/ /sde pa'i dbyangs dang bcas pa de dag rnams las nyin mor byed pa srog gi rlung 'chi ba dang lhan cig khyim gyi dbye bas bgrod par rgyu ba ste zhes pa la bgrod pa ni
 dang po byang du bgrod pa ste chu srin la sogs pa dang mchu'i zla ba la sogs pa'o/ /bgrod pa de nyid lag pa g.yas pa dang g.yon pa'i tshigs kyi 'khor lo drug po rnams la rgyu'o/ /de bzhin du bya ba'i 'khor lo la lag pa'i sor mo'i tshigs kyi mtshams kyi 'khor lo rtsa drug gi bdag nyid can
 sum cu po rnams kyi sor mo'i tshigs kyi 'khor lo so so re re la ka la sogs pa'i gsal byed rnams te/ lag pa g.yas pa'i sor mo'i tshigs kyi mtshams kyi 'khor lo rnams pa dbyangs ring po drug gis phye ba rnams sdud pa'i rim pas rgyu'o/ /g.yon pa la nam mkha' la sogs
 pa'i gsal byed rnam mkha' la sogs pa'i dbyangs kyis phye ba rnams skyed pa'i rim pas so/ /de bzhin du lhor bgrod pa la las kyi zhes bya ba rkang pa gnyis kyi tshigs kyi 'khor lo drug po rnams dang bya ba zhes bya ba sor mo'i tshigs rnams la'o/ /'dir mchu'i zla ba dang chu
 srin gyi 'pho ba la tshes kyi dbye bas zla ba dang 'pho ba'i gza'i dbye bas nyi ma rgyu bar shes par bya'o/ /gang du nyi ma 'phel ba der zla ba 'grib bo/ /gang du zla ba 'phel ba der nyi ma 'grib bo/ /'di ltar chu srin la sogs pa la nyi ma 'phel te g.yas kyi phrag pa
 dang dpung pa'i tshigs kyi 'khor lo chu srin gyi rtsa sum cu'i bdag nyid rnams la ka la sogs pa dbyangs ring pos phye ba sum cu rnams ming gi chos can dang srog gi chos can gyi lhag pa'i lha'o/ /rtsa dang po la k+kAH ste de bzhin du tshigs gsum gsum po thams cad la yi ge
 rnams rim pa bzhin du k+kAH k+k+lI k+kU k+k+rI k+kI k+kA zhes pa ni dang po'i rtsa drug dang de bzhin du bya ba'i 'khor lo'i mthe bo g.yas pa'i 'og gi tshigs kyi rtsa drug po rnams la'o/ /de bzhin du kh+khAH kh+kh+lI kh+khU kh+kh+rI kh+khI kh+khA zhes pa ni las kyi 'khor lo'i gnyis pa'i rtsa drug dang bya ba'i 'khor lo'i mdzub mo'i
 'og gi tshigs kyi mtshams kyi rtsa drug la'o/ /de bzhin du g+gAH g+g+li g+gU g+g+rI g+gI g+gA zhes pa ni las kyi 'khor lo'i gsum pa'i rtsa drug dang bya ba'i 'khor lo'i gung mo'i 'og gi tshigs kyi mtshams kyi rtsa drug la'o/ /de bzhin du g+h+g+hAH g+h+g+h+lI g+h+g+hU g+h+g+h+rI g+h+g+hI g+h+g+hA zhes pa ni las kyi 'khor lo'i
 bzhi pa'i rtsa drug dang bya ba'i 'khor lo'i ming med kyi 'og gi tshigs kyi mtshams kyi rtsa drug la'o/ /de bzhin du d+bAH d+d+lI d+dU d+d+rI d+dI d+dA zhes pa ni las kyi 'khor lo'i lnga pa'i rtsa drug dang bya ba'i 'khor lo'i mthe chung gi 'og gi tshigs kyi mtshams kyi rtsa drug la'o/ /
 de ltar nyin zhag drug drug gis sa la sogs pa'i dkyil 'khor nyi mas 'dor te nyin zhag sum cus dkyil 'khor lnga 'dor/ /de nas g.yon pa'i rtsar bum pa la yang dag par 'pho'o/ /der las kyi 'khor lo dang bya ba'i 'khor lo la yang nam mkha' la sogs pa'i
 rim pas ka sde'o/ /'dir dbo'i zla ba dang bum pa'i 'pho ba g.yon pa'i phrag pa dang dpung pa'i tshigs kyi las kyi 'khor lo'i rtsa sum cu po rnams la nam mkha'i dkyil 'khor la sogs pas nga yig la sogs pa'i gsal byed nam mkha' la sogs pa'i dbyangs thung ngus phye
 ba rnams so/ /'di lta ste nga ngi ng+Ri ngu ng+li ngaM zhes pa ni nam mkha' la sogs pa'i dkyil 'khor drug gi mtshan nyid kyi dang po'i rtsa drug dang bya ba'i 'khor lo'i g.yon pa'i mthe'u chung gi 'og gi tshigs kyi rtsa drug la'o/ /de bzhin du g+ha g+hi g+h+ri g+hu g+h+li g+haM zhes pa ni
 las kyi 'khor lo'i gnyis pa rlung gi dkyil 'khor gyi rang bzhin gyi rtsa drug dang bya ba'i 'khor lo'i ming med kyi 'og gi tshigs kyi mtshams kyi rtsa drug la'o/ /de bzhin du ga gi gri gu gli ga~M zhes pa ni las kyi 'khor lo'i gsum pa me'i dkyil 'khor gyi rtsa drug dang bya ba'i 'khor lo'i
 gung mo'i 'og gi tshigs kyi mtshams kyi rtsa drug la'o/ /de bzhin du kha khi khri khu kh+li khaM zhes pa ni las kyi 'khor lo'i bzhi pa chu'i dkyil 'khor gyi rtsa drug dang bya ba'i 'khor lo'i mdzub mo'i 'og gi mtshams kyi tshigs drug la'o/ /de bzhin du ka ki kri ku kli kaM zhes pa ni las
 kyi 'khor lo'i lnga pa sa'i dkyil 'khor gyi rtsa drug dang bya ba'i 'khor lo'i mthe bo'i 'og gi dang po'i tshigs kyi mtshams kyi rtsa drug la ka yig gi dbyangs drug ste/ de ltar dus gcig la g.yas pa dang g.yon pa la sdud pa dang skyed pa'i dbye bas chu srin dang bum pa dag gi ka
 la sogs pa'i dbyangs drug cu'o/ /de nas tsa sde dbyangs dang bcas pa rnams nya dang lug gi dbye bas las kyi 'khor lo'i g.yas pa'i dpung pa dang nye ba'i dpung pa'i tshigs la rgyu ste/ bya ba'i 'khor lo'i rtsa sum cu po nyin zhag drug gi dbye bas sa la sogs pa'i dkyil 'khor
 rnams la tsa sde dbyangs dang bcas pa rnams sdud pa'i rim pas rgyu'o/ /'di lta ste ts+tsAH ts+ts+lI ts+tsU ts+ts+rI ts+tsI ts+tsA zhes pa ni sa la'o/ /tsh+tshAH tsh+tsh+lI tsh+tshU tsh+tsh+rI tsh+tshI tsh+tshA zhes pa ni chu la'o/ /dz+dzAH dz+dz+lI dz+dzU dz+dz+rI dz+dzI dz+dzA zhes pa ni me la'o/ /dz+h+dz+hAH dz+h+dz+h+lI dz+h+dz+hU dz+h+dz+h+rI dz+h+dz+hI dz+h+dz+hA zhes pa ni rlung la'o/ /ny+nyAH ny+ny+lI ny+nyU ny+ny+rI ny+nyI ny+nyA zhes pa ni nam mkha'
 la ste las kyi 'khor lo la dbyangs sum cu'o/ /bya ba'i 'khor lo la yang g.yas pa'i mthe bo'i dbu ma'i tshigs nas mthe'u chung gi dbu ma'i tshigs kyi bar tshigs lnga'i rtsa drug drug po rnams la tsa la
 sogs pa'i yi ge sum cu po rnams sdud pa'i rim pas shes par bya'o/ /de bzhin du las kyi 'khor lo la g.yon pa'i dpung pa dang nye ba'i dpung pa'i tshigs kyi rtsa sum cu dang bya ba'i 'khor lo la yang mthe'u chung gi dbu ma'i tshigs nas mthe bo'i dbu ma'i tshigs kyi bar
 tshigs lnga'i rtsa drug drug po rnams la nya la sogs pa'i yi ge sum cur 'gyur ro/ /'di lta ste nya nyi nyu ny+li nyaM zhes pa nam mkha'i dkyil 'khor la'o/ /dz+ha dz+hi dz+h+ri dz+hu dz+h+li dz+haM zhes pa ni rlung la'o/ /dza dzi dzri dzu dz+li dzaM zhes pa ni me la'o/ /tsha tshi tsh+ri tshu tsh+li tshaM zhes pa ni chu la'o/ /tsa tsi ts+ri tsu ts+li tsaM zhes pa ni sa
 la'o/ /de ltar dpyid kyi dus su khyim gyi dbye bas tsa sde rnams rgyu'o/ /de nas las kyi 'khor lo la g.yas pa'i lag pa dang nye ba'i dpung pa'i tshigs kyi rtsa sum cu po rnams dang bya ba'i 'khor lo la g.yas pa'i mthe bo'i steng gi tshigs la sogs pa'i tshigs lnga po'i rtsa drug drug la Ta sde
 rnams glang gi dbye bas sdud pa'i rim pas rgyu'o/ /'di lta ste T+TAH T+T+lI T+TU T+T+rI T+TI T+TA zhes pa ni sa la'o/ /Th+ThAH Th+Th+lI Th+ThU Th+Th+rI Th+ThI Th+ThA zhes pa ni chu la'o/ /D+DAH D+D+lI D+DU D+D+rI D+DI D+DA zhes pa ni me la'o/ /D+h+D+hAH D+h+D+hI D+h+D+hU D+h+D+h+rI D+h+D+hI D+h+D+hA zhes pa ni rlung la'o/ /N+NAH N+N+lI N+NU N+N+rI N+NI N+NA zhes pa ni nam mkha' la ste de ltar sdud pas so/ /
 de nas las kyi 'khor lo la g.yon pa'i lag pa dang nye ba'i dpung pa'i tshigs kyi rtsa sum cu po rnams dang bya ba'i 'khor lo la lag pa g.yon pa'i mthe'u chung gi steng gi tshigs nas mthe bo'i tshigs kyi mtshams lnga'i rtsa
 drug drug la nam mkha' la sogs pa'i dkyil 'khor gyi rim pas Na yi ge la sogs pa'i yi ge rnams so/ /'di lta ste Na Ni N+ri Nu N+li NaM zhes pa ni nam mkha' la'o/ /D+ha D+hi D+h+ri D+hu D+h+li D+haM zhes pa ni rlung la'o/ /Da Di D+ri Du D+li DaM zhes pa ni me la'o/ /Tha Thi Th+ri Thu Th+li ThaM zhes pa ni chu la'o/ /Ta
 Ti T+ri Tu T+li TaM zhes pa ni sa la ste glang dang 'khrig pa'i khyim gyi dbye bas so ga'i dus su rgyu ste de ltar byang du bgrod pa la yi ge brgya brgyad cu rnams ni nyin mor byed pa khyim gyi dbye bas bgrod par rgyu ba ste zhes so/ /phyi nas re re lhag pas nyin dang nyin la ldog par 'gyur zhes pa ni phyi nas lhor bgrod pa
 la zla ba'i thur sel gyi rlung la 'chi ba rgyu'o/ /nyi ma ldog par 'gyur te dman par mi 'gyur ro/ /zla ba'i mtshan mo 'phel bar 'gyur te gang 'phel ba de'i rgyu ba rnams la 'chi ba rgyu'o zhes pa'i rigs pas so/ /lag pa'i sor mo'i steng gi tshigs nas ji
 srid g.yas pa'i phrag pa dang dpung pa'i tshigs kyi rtsa dang po'i mthar thug par nyi ma ldog par 'gyur ro/ /'dir lhor bgrod pa la zla ba rgyu ba ni las kyi 'khor lo la g.yas pa'i dpyi dang brla'i tshigs kyi rtsa sum cu pa rnams dang / bya ba'i 'khor lo la g.yas pa'i mthe bo'i
 'og gi tshigs nas mthe'u chung gi 'og gi tshigs kyi mtha'i bar du sor mo'i tshigs lnga po rnams kyi rtsa drug drug la pa sde'i yi ge sum cu rnams ka rka Ta'i dbye bas sdud pa'i rim pas rgyu ste lo gsum gyi bdag po'o/ /'di lta ste b+bAH p+p+lI p+pU p+p+rI p+pI p+pA zhes pa ni sa la'o/ /ph+phAH
 ph+ph+lI ph+phU ph+ph+rI ph+phI ph+phA zhes pa ni chu la'o/ /b+bAH b+b+lI b+bU b+b+rI b+bI b+bA zhes pa ni me la'o/ /b+h+b+hAH b+h+b+h+lI b+h+b+hU b+h+b+h+rI b+h+b+hI b+h+b+hA zhes pa ni rlung la'o/ /m+mAH m+m+lI m+mU m+m+rI m+mI m+mA zhes pa ni nam mkha' la ste de ltar ka rka Ta'i dbye bas so/ /de nas g.yon pa'i dpyi dang brla'i tshigs la nam mkha' la
 sogs pa'i dkyil 'khor gyi dbye bas spro ba'i rim pas te yi ge sum cu rnams lugs las bzlog pas so/ /'di lta ste ma mi mri mu m+li maM zhes pa ni nam mkha' la'o/ /b+ha b+hi b+h+ri b+hu b+h+li b+haM zhes pa
 ni rlung la'o/ /ba bi bri bu bli baM zhes pa ni me la'o/ /pha phi phri phu ph+li phaM zhes pa ni chu la'o/ /pa pi pri pu p+li paM zhes pa ni sa la ste seng ge'i 'pho ba'i dbye bas khrums kyi zla ba rgyu'o/ /de ltar dbyar gyi dus su zla ba rgyu zhing nyi ma ldog par 'gyur ro/ /de nas las kyi 'khor
 lo la g.yas pa'i brla dang byin pa'i tshigs dang bya ba'i 'khor lo la rkang pa'i mthe bo'i dbu ma'i tshigs nas mthe chung gi dbu ma'i tshigs kyi mthar tshigs lnga po rnams kyi rtsa drug drug la ta sde rgyu ste/ /de rnams las yi ge sum cu ni khyim sdud pa'i dbye bas so/ /
 'di lta ste t+tAH t+t+lI t+tU t+t+rI t+tI t+tA zhes pa ni sa la'o/ /th+thAH th+th+lI th+thU th+th+rI th+thI th+thA zhes pa ni chu la'o/ /d+dAH d+d+lI d+dU d+d+rI d+dI d+dA zhes pa ni me la'o/ /d+h+d+hAH d+h+d+h+lI d+h+d+hU d+h+d+h+rI d+h+d+hI d+h+d+hA zhes pa ni rlung la'o/ /n+nAH n+n+lI n+nU n+n+rI n+nI n+nA zhes pa ni nam mkha' la ste de ltar bu mo'i dbye bas zla ba rgyu'o/ /de nas las kyi 'khor lo la g.yon
 pa'i brla dang byin pa'i tshigs dang bya ba'i 'khor lo la rkang pa g.yon pa'i mthe'u chung gi dbu ma'i tshigs nas mthe bo'i dbu ma'i tshigs kyi mthar tshigs lnga po rnams kyi rtsa drug drug la'o/ /'di lta ste na ni nri nu
 n+li naM zhes pa ni nam mkha' la'o/ /de bzhin du d+ha d+hi d+h+ri d+hu d+h+li d+haM zhes pa ni rlung la'o/ /de bzhin du da di dri du d+li daM zhes pa ni me la'o/ /tha thi thri thu th+li thaM zhes pa ni chu la'o/ /ta ti tri tu t+li taM zhes pa ni sa la'o/ /de ltar srang gi dbye bas g.yon pa la skyed pa'i rim pas zla ba rgyu zhing nyi
 ma ldog par 'gyur te ston gyi dus su'o/ /de nas las kyi 'khor lo la g.yas pa'i rkang pa dang byin pa'i tshigs la rtsa sum cu dang bya ba'i 'khor lo la g.yas pa'i mthe bo'i steng gi tshigs nas mthe'u chung gi steng gi tshigs kyi bar du tshigs lnga po rnams kyi rtsa drug drug la sdig pa'i dbye
 bas sdud pa'i rim pas sa sde'i yi ge sum cu dbyangs dang bcas pa rnams zla bas lhor rgyu ste nyi ma ldog par 'gyur ro/ /'di lta ste/ s+sAH s+s+lI s+sU s+s+rI s+sI s+sA zhes pa ni sa'i dkyil 'khor la'o/ /de bzhin du w+w+r+pA w+w+W+w+lI w+w+l+wU w+w+W+w+rI w+w+W+wI w+w+l+wA zhes pa ni chu la'o/ /de bzhin du Sh+ShAH Sh+Sh+lI Sh+ShU Sh+Sh+rI Sh+ShI Sh+ShA
 zhes pa ni me la'o/ /sh+shAH sh+sh+lI sh+shU sh+sh+rI sh+shI sh+shA zhes pa ni rlung la'o/ /de bzhin du th+k+th+kAH th+k+th+k+lI th+k+th+kU th+k+th+k+rIth+k+th+kI th+k+th+kA zhes pa ni nam mkha' rtsa drug la ste de ltar yi ge sum cu rnams sdig pa'i dbye bas so/ /de nas las kyi 'khor lo la g.yon pa'i
 rkang pa dang byin pa'i tshigs kyi rtsa sum cu dang bya ba'i 'khor lo la mthe'u chung gi sor mo'i steng gi tshigs nas mthe bo'i steng gi tshigs kyi bar du tshigs kyi mtshams lnga po rnams rtsa drug drug la skyed pa'i rim pas yi ge sum cu rnams zla bas rgyu'o/ /
 nyi ma ni lag pa g.yon pa la phung po dang khams rnams ldog par 'gyur te/ gzhu'i khyim gyi dbye bas so/ /'di lta ste th+ka th+ki th+k+ri th+ku th+k+li th+kaM zhes pa ni nam mkha' la'o/ /de bzhin du sha shi shri shu sh+li shaM zhes pa ni rlung la'o/ /Sha Shi Sh+ri Shu Sh+li ShaM zhes pa ni
 me la'o/ /ny+pa ny+pi ny+p+ri ny+pu ny+pI ny+pAM zhes pa ni chu la'o/ /de bzhin du sa si sri su sli saM zhes pa ni sa la ste de ltar yi ge sum cu ni gzhu'i dbye bas so/ /de nas dgun smad kyi dus nas brtsams nas zla ba rgyu ba med de slar yang chu srin la sogs pas nyi ma 'phel lo/ /lo dang po la snying
 stobs kyi yon tan gyi dbye bas nyi ma dang zla ba dang bcas pa'i dus rgyu ba'o/ /de nas lo gnyis pa la rdul gyi dbye bas yon tan dang 'phel ba'i dbyangs kyi ka la sogs pa'i yi ge sum cu rnams las kyi 'khor lo'i rtsa sum cu dang bya ba'i 'khor lo la sngar bzhin du rig par bya'o/ /
 chu srin la sdud pa'i rim pas 'di lta ste/ k+kAH k+kA la k+kau k+kAr k+kai k+kA zhes pa ni sa la'o/ /de bzhin du kh+khAH kh+khA la kh+khau kh+khAr kh+khai kh+khA zhes pa ni chu la'o/ /g+gAH g+gA la g+gau g+gAr g+gai g+gA zhes pa ni me la'o/ /g+h+g+hAH g+h+g+hAl g+h+g+hau g+h+g+hAr g+h+g+hai g+h+g+hA zhes pa ni rlung la'o/ /d+dAH d+dA la d+dau d+dAr d+dai d+dA zhes pa ni nam mkha'i dkyil
 'khor la ste lag pa g.yas pa la snga ma bzhin du chu srin gyi dbye bas nyi ma rgyu'o/ /rkang pa g.yas pa la chu srin gyi dbye bas zla ba zlog go/ /de bzhin du bum pa'i dbye bas skyed pa'i rim pas yon tan dang bcas pa rnams lag pa g.yon pa'i tshigs la rgyu'o/ /'di
 lta ste nga nge ngar ngo ngal nga~M zhes pa ni nam mkha' la'o/ /g+ha g+ha g+har g+ho g+hal g+ha~M zhes pa ni rlung la'o/ /ga ge gar go gal gaM zhes pa ni me la'o/ /kha khe khar kho khal khaM zhes pa ni chu la'o/ /ka ke kar ko kal ka~M zhes pa ni sa la ste g.yon pa la bum pa'i dbye bas skyed pa'i rim pas so/ /
 de bzhin du dpyid kyi dus su nya dang lug dag la grangs bzhin du tsa sde'i yi ge sum cu sum cu sdud pa dang skyed pa'i rim pas g.yas dang g.yon pa'i tshigs kyi rtsa rnams la'o/ /de bzhin du so ga'i dus su Ta sde'i yi ge rnams so/ /de nas nyi ma zlog cing zla ba rgyu'o/ /dbyar gyi dus su ka rka
 Ta dang seng ge la g.yas pa dang g.yon pa'i rkang pa'i tshigs kyi rtsa sum cu po rnams la snga ma bzhin du 'phel ba dang yon tan dang bcas pa'i yi ge sum cu po rnams las pa sde'i yi ge rnams rgyu'o/ /ston la 'phel ba dang yon tan dang ldan pa'i ta sde'i yi ge rnams dang zla ba rgyu'o/ /
 dgun stod la sa sde'i yi ge rnams sdud pa dang skyed pa'i rim pas so/ /de ltar lo gnyis pa la dbyangs sum brgya drug cu dang zla ba dang nyi ma dag rgyu'o/ /de nas lo gsum pa la mun pa'i dbye bas ka la sogs pa'i sde pa dbyangs dang bcas pa las nyi ma dang lhan cig dus
 rgyu'o/ /'dir ya Nar bsgyur ba rnams ni dbyangs zhes brjod de de dag dang lhan cig yi ge sum cu sum cu rnams mun pa'i yul gyi dus rgyu ste snga ma bzhin du lag pa dang rkang pa'i tshigs rnams kyi las kyi 'khor lo dang bya ba'i 'khor lo la yang sdud pa dang skyed pa'i dbye bas so/ /
 k+k+hAH k+k+lA k+k+WA k+k+rA k+k+yA k+k+hA zhes pa ni sa la chu srin gyi dbye bas so/ /de bzhin du kh+kh+hAH kh+kh+lA kh+kh+WA kh+kh+rA kh+kh+yA kh+kh+hA zhes pa ni chu la'o/ /de bzhin du g+g+hAH g+g+lA g+g+WA g+g+rA g+g+yA g+g+hA zhes pa ni me la'o/ /g+h+g+h+hAH g+h+g+h+lA g+h+g+h+WA g+h+g+h+rA g+h+g+h+yA g+h+g+h+hA zhes pa ni rlung la'o/ /d+d+hAH d+d+lA d+d+WA d+d+rA d+d+yA d+d+hA zhes pa ni nam mkha' la ste de ltar g.yas pa la nyi ma
 rgyu'o/ /de nas g.yon pa la skyed pa'i rim pas te/ d+ha d+ya dra d+Wa d+la d+haM zhes pa ni nam mkha' la'o/ /de bzhin du g+h+ha g+h+ya g+h+ra g+h+Wa g+h+la g+h+haM zhes pa ni rlung la'o/ /g+ha gya gra g+Wa gla g+haM zhes pa ni me la'o/ /
 kh+ha khya khra kh+Wa kh+la kh+haM zhes pa ni chu la'o/ /k+ha kya kra k+Wa kla k+haM zhes pa ni sa la ste de ltar dgun smad gyi dus su g.yon pa la skyed pa'i rim pas dbyangs sum cu po rnams nyi mas rgyu'o/ /de bzhin du dpyid la tsa sde'o/ /so ga la Ta sde'o/ /de nas tshigs drug la nyi
 ma ldog par 'gyur ro/ /rkang pa'i tshigs la zla ba rgyu ste sngar bzhin dbyar gyi dus su pa sde dang ston la ta sde dang dgun stod la sa sde rnams sdud pa'i dbye ba dang skyed pa'i dbye bas so/ /de ltar lo gsum pa la yang dbyangs sum brgya drug cu nyin mor byed pas rgyu'o/ /de dag la dus kyi
 lo ni ji srid pa nyin zhag stong brgyad cu nying zad par rig par bya'o/ /lo gsum gyi rtsa dang yi ge gcod pa'i nges pa'o/ /de nas lo ni chad par 'gyur na phyogs kyi nang du dbyangs thung ngu dang ring po dang shin tu ring po bzhi bcu rtsa lnga'i chos kyi dbyings kyi nyin
 zhag dbang gis te nyin zhag bzhi bcu rtsa lnga'i dbang gis nyi ma'i dbye bas nyi ma dang zla ba'i dbye bas zla ba'i 'chi ba rgyu ste mgrin pa la sngar nyin zhag nyi shu rtsa brgyad dang dpral ba la nyin zhag bcu bzhi sngar brjod pa rnams dang gsang bar bcu pa gsum zhes pa ni nyin zhag sum cu'o/ de nas mgrin pa la nyin zhag bzhi dang dpral ba la nyin zhag gnyis dang 'tsho ba'i mtshan mo gsum mo/
 /'dir dbyangs gcod pa la tshes gzhan chu tshod lnga bcu rtsa drug gi bdag nyid gzung bar bya'o/ /de ltar tshes bzhi bcu rtsa lnga ni dbyangs kyi chos can te gsum ni stong
 pa'i chos can no/ /gsal byed kyi chos la yang de bzhin du nyin zhag gnyis so/ /'di dag las nyin zhag brgyad ni snying kha'i pad+ma la rgyu ste de nas rlung bcu po rnams yang dag par 'dus te lte ba la nyin dang mtshan mo'i dus su dbugs ni 'byung ba dang 'jug pa'i 'khor lo nyams
 pa'i bar du 'tsho ba dag ni mtshan mo gcig tu 'gyur ro/ /de nas las kyi dbang gis rnam par shes pa gzhan du 'pho ba ni srog chags tshe lo brgya pa rnams dbu ma'i 'chi bar gyur na nges pa ste rtsa gcod pa'i nges pa'o/ /da ni lte ba zhes pa la sogs pas sprul pa'i 'khor lo la
 sogs pa rnams la nyin zhag drug gi mtshams su 'chi ba las lhag ma'i rtsa rlung bcu rgyu bar byed pa rnams gsungs te/ 'dir lte ba'i 'khor lo la phyi rol gyi dkyil 'khor 'bab pa'i rtsa zad pa yongs su dor ba las lo gsum gyi steng du phyogs gsum rgyus pa dang gsal byed
 rnams rgyus pa na nyin zhag drug gi bar du khyim bcu gnyis kyi rtsa stong pa'i dkyil 'khor dang sa'i dkyil 'khor gyi bdag nyid can ni dbugs rgyu bas nges par gnas te nyi ma zhes so/ /de bzhin du mgrin pa la yud tsam drug 'bab par byed pa ste ro dang zhes so/ /zla ba'i thun phyed
 'bab par byed pa gsum ste me zhes so/ /snying kha'i pad+ma la thun tshod 'bab par byed pa phyed dang bcas pa'i rtsa ste rang gi snying kha'i pad+mar phyed dang bcas pa'i rtsa ni de bzhin nyid du lhag ma dang bcas pa'o zhes so/ /lag pa rkang pa'i tshigs la zhes pa ni las kyi 'khor lo dang bya
 ba'i 'khor lo'i tshigs la rtsa sum brgya drug cu'i nang nas so/ /tshes kyis bsgyur ba'i dus rnams zhes pa ni rlung bcu 'bab par byed pa'i rtsa drug cu'o/ /tshigs bcu gnyis po rnams kyi tshigs so so la rtsa lnga lnga ni rlung bcu rgyu bar byed pa ste lhag ma ni dus kyi 'chi ba'i rlung mun pa chen
 po'i chos so/ /bya ba'i 'khor lo'i tshigs drug cu po rnams la rtsa re re ni rlung bcu 'bab par byed pa ste lnga lnga ni dus kyi 'chi ba chen po'i rlung 'bab par byed pa'o/ /de ltar nyin zhag drug gi bar du ste de nas nyin zhag drug gis dbang po dang yul gyi rtsa zad par byas nas mthar
 ni ste 'chi ba'i nyin zhag la kun du phra mo dbu ma a ba d+hU tI 'bab po/ /zla ba dang nyi ma bshang ba dang gci ba 'bab par byed pa dor nas mun pa chen po'i dus kyi rlung 'chi ba'i mthar 'bab pa ste ji srid dbugs kyi 'khor lo zad par 'gyur ba'i bar du'o zhes pa ni nges pa'o/ /nyin
 zhag snying gi chu skyes yang dag gtong bar byed ces pa ni de ltar nyi ma dang zla ba'i rgyu ba'i rtsa gsal byed dang / las dang bya ba'i 'khor lo'i lhag ma'i rtsa dang dbugs chad pa ni dus kyi 'chi ba'i nges par bcom ldan 'das kyis gsungs so/ /da ni sum cu drug ces pa la sogs
 pas zla ba dang nyi ma'i rgyu ba zad pas dus 'phel ba gsungs te/ lo brgya la nyin zhag gi tshogs byas na nyin zhag stong phrag sum cu rtsa drug tu 'gyur te d+hU zhes pa ni lo'i ming ngo / /sum cu drug gi stong phrag d+hU brgya'i nyin zhag tshogs de rnams dag gis dus kyi rtsa ni rgyu ba ste zhes pa rtsa
 rnams la 'chi ba 'jug ste stong phrag bdun cu rtsa gnyis po rnams la 'chi ba'i rlung 'jug go/ /dkyil 'khor lnga'i rlung gis drug cu'i cha shas der bkod nas rim pa las rgyu bar byed do/ /dus kyi rtsa dang rlung gang rgyu zhe na/ nyin mtshan dus la nyi ma zla bas rang rang rgyu ba dag
 gis gang gang rdzogs par mi nus pa ste/ rgyu skar gyi rgyu ba nyi mas mi nus pa dang tshes kyi rgyu ba zla bas mi nus pa'o/ /nyi ma'i nyin zhag ces pa nyin zhag bcu gnyis ni nyi ma'i rgyu ba la yang bu lon du 'gyur ro/ /de phyed nyin zhag drug ni zla ba'i rgyu ba la'o/
 'dir zla ba so so la nyin zhag sum cus nyi mas khyim re mi rgyu zhing tshes la zla bas dbyug gu drug cu mi rgyu'o/ /de'i phyir rgyu skar nyin zhag rab tu dbye bas 'chi ba'i nyi zla rgyu ba stong pa'i zla ba dag la ste/ gang du de dag la nus pa med pa de ni zla ba sum cu rtsa gnyis kyi mthar stong
 pa'i zla ba ste de yang rtsa drug cu rtsa bzhi'i bdag nyid do/ /rtsa drug cu rtsa bzhi po de dag la stong pa'i rlung rgyu ste lte ba'i pad+ma la rtsa stong phrag bdun cu rtsa gnyis po rnams kyi nang nas nyin zhag so sor rtsa gnyis rgyu'o/ /spyi'i rags pa'i nges pa'o/ /da ni srog ces pa la sogs
 pas nyin zhag so sor dbugs kyi dbye bas rgyu ba gsungs te/ 'dir drug brgya lhag pa'i stong phrag nyi shu rtsa gcig gi nang nas gang zhig ye shes kyi dkyil 'khor 'bab par 'gyur ba de ni lus la lhag pa'i dbugs zhes brjod do/ /rab gsal mtshams su ste dus
 sbyor gnyis ka'i dbus su rig byed rkang chad kyis dman drug cu zhes pa rkang pa dang bcas pa'i lnga bcu rtsa drug go/ /'pho ba bcu gnyis kyi dbye ba dag gis de dag thams cad bdun cu rtsa lngas lhag pa'i drug brgyar gyur nas nyin zhag so so'i dus su rtsa ni zung dag nges par 'joms
 zhes pa ni lung gi tshig ste 'joms so zhes pa ni rang bzhin no/ /rtsa zung 'di rnams ni g.yon pa dang g.yas pa la ste rtsa stong phrag bdun cu rtsa gnyis kyi nang nas rtsa zung zhig 'joms shing dkyil 'khor lnga rlung yang dag par rgyu ba rnam par nyams par 'gyur ro/ /lhag ma
 dbugs bzhi bcu rtsa lngas gnas so/ /yang dang yang du lo yi dbus su ste de ltar nyin zhag so sor rtsa zung dag 'joms par byed pas lo'i nang du lo'i nyin zhag sum brgya drug cus nyi zla rgyu ba dag las te g.yas pa dang g.yon pa'i dkyil 'khor yang dag par rgyu ba las stong pa
 mig dang ri'i grangs zhes pa nyi shu lhag pa'i bdun brgya'o/ /de ltar lo brgya'i nyin zhag stong phrag bdun cu rtsa drug dag gis dus bgrod de lha mi rnams kyi rang gi tshe dkyil 'khor lnga 'bab par byed pa'i rtsa stong phrag bdun cu rtsa gnyis zla ba dang nyi ma'i rgyu ba la'o/ /rang rang
 tshad sngar brjod pa'i phra mo lus skyes 'byung po lha la sogs pa'i nyin zhag rnams kyis so zhes pa ste rtsa gcod pa'i nges pa'o/ /da ni zos dang zhes pa la sogs pas dus kyi rtsa'i rang bzhin gsungs te/ 'dir lus la dus kyi rtsal ste dbu ma rab tu 'bab pa'i dus su gal te zos
 par gyur tam nad du gyur ta ma mi rnams la res 'ga' bsnun par gyur na de'i tshe gzhi de yis ni 'phral la myur bar rtsa ba'i 'khor lo drug po dag la dus mun pa chen po'i rlung ni rab tu 'jug par 'gyur ro/ /de rab tu zhugs par gyur na yang 'khor lo drug po rnams la rtsa lnga bcu rtsa
 drug lhag pa'i brgya po 'di 'gog ste/ nyi ma ri bong can gyi bgrod pa g.yas pa dang cig shos kyi rtsa la bcad nas mtha' dag dbu mar phra mo la ni brten pa ste a ba d+hU tI'i rtsa la brten pa gang zhig 'tsho ba srog gi rlung de 'phrog pa ni mi bdag srog chags rnams kyi 'tsho ba'o zhes pa
 ni dus kyi rtsa'i nges pa'o/ /da ni snying kha'i pad+ma zhes pa la sogs pas chos kyi 'khor lo la sogs pa la zla ba'i rkang pa rnams gsungs te/ 'dir zla ba'i rkang pa'i dbye ba bcu bzhi'i cha mnyam pa dang mi mnyam par bgrod pas tshes rnams la 'phel ba 'am 'grib pa de ni nyin
 zhag bdun pa la ste/ tshes bdun la yul lnga'i yon tan byis pa dang gzhon nu la sogs pa'i dbye bas 'phel ba 'am 'grib pa ni nyin zhag bdun pa la rkang pa nyi shu lhag pa'i brgya rdzogs te ldog par 'gyur ro/ /'dir nyi shu lhag pa'i brgya'i cha brjod par bya ste/ 'dir bcu
 bzhi'i cha'i lhag ma rkang pa gcig mthong na nyin zhag gi cha de'i chu tshod drug cu'i cha shas rnams kyi nang nas chu tshod lnga'i cha shas ni cha'i nor la lhag par 'gyur ro/ /nag po 'am dkar po'i bu lon gyi gnas su dman par 'gyur ro/ /nyin zhag gnyis pa la gnyis pa'i cha shas lnga ste/
 dang po'i gzhon nu nyid kyis nyis 'gyur du shes par bya'o/ /de bzhin du zhag gsum pa la gsum pa'i cha shas lnga'o/ /gnyis pa'i bcu'o/ /dang po'i lang tsho'i dbye bas bcwa lnga'o/ /de bzhin du byis pa'i rab tu dbye bas bzhi pa'i chas shas lnga'o/ /
 gsum pa'i bcu'o/ /gnyis pa'i bcwa lnga'o/ /dang po'i lang tsho'i dbye bas bcu dgu'o/ /de bzhin du nyin zhag lnga pa la lnga pa'i cha shas lnga'o/ /bzhi pa'i bcu'o/ /gsum pa'i bcwa lnga'o/ /gnyis pa'i bcu dgu'o/ /dang po'i rgan po'i dbye bas nyi shu rtsa gnyis so/ /
 de bzhin du nyin zhag drug pa la drug pa'i cha shas lnga'o/ /lnga pa'i bcu'o/ /bzhi pa'i bcwa lnga'o/ /gsum pa'i bcu dgu'o/ /gnyis pa'i nyi shu rtsa gnyis so/ /dang po'i shin tu rgan po'i dbye bas nyi shu rtsa bzhi'o/ /de ltar nyin zhag bdun pa la bdun pa'i cha shas lnga'o/ /
 drug pa'i bcu'o/ /lnga pa'i bcwa lnga'o/ /bzhi pa'i bcu dgu'o/ /gsum pa'i nyi shu rtsa gnyis so/ /gnyis pa'i nyi shu rtsa bzhi'o/ /dang po'i smin pa'i gnas skabs kyi dbye bas nyin zhag bdun pa la cha shas nyi shu rtsa lnga rkang pa'i dbang pos nor ram bu lon du 'gyur ro/ /de ltar
 byis pa la sogs pa'i rim pas thams cad kyi tshad shes par bya'o/ /de ltar tshes bdun rnams kyis rkang pa'i cha shas bzung nas snying kha'i pad+ma la sogs pa rnams kyi 'dab ma nyi shu lhag pa'i brgya po rnams la ri bong mtshan ma rgyu zhing de nas slar yang ldog go/ /ri bong can gyi rkang
 pa ni rang gi rkang pa zhes pa'i don to/ /snying khar 'dab ma brgyad la cha brgyad do/ /dpral bar 'dab ma bcu drug la cha bcu drug go/ /longs spyod du 'dab ma sum cu rtsa gnyis la cha sum cu rtsa gnyis so/ /lte ba'i pad+mar 'dab ma drug cu rtsa bzhi la cha drug cu rtsa bzhi ste/ de ltar cha
 shas nyi shu lhag pa'i brgya phrag gcig spyad nas zla ba'i cha 'grib pa'am 'phel ba ldog go/ /snying kha'i pad+ma dang dpral bar 'byung ba phyogs dang nyin zhag ces bya ba rgyu ste/ longs spyod dang lte bar yang dgu ldan bcu dang drag po zung dang rgyal ba zhes bya ba dang de nyid ces bya'o/ /zhag
 bdun dag nas slar yang ri bong mtshan ma gang 'di rim pa min pas 'dor dang po'i cha'i cha shas nyi shu rtsa lnga yongs su smin par gyur pa gang yin pa de ni nyin zhag brgyad pa la lte bar lhag pa'i lhar 'gyur ro/ /slar yang zla ba nya ba la lte ba dang snying kha dang mgrin pa dang dpral ba rnams
 la rdzogs par byed do/ /thig le'i gnas su thig le dag la rdzogs par byas nas zhes pa ni lte ba de nas slar yang rim pa min pas 'dab ma drug cu rtsa bzhi po rnams la cha drug cu rtsa bzhi'o/ /snying khar cha brgyad do/ /mgrin par cha sum cu rtsa gnyis so/ /dpral bar cha bcu
 drug go/ /de ltar nyin zhag bcu bzhis rkang pa rnams rdzogs par 'gyur ro/ /de la rdzogs par byas nas snying khar rab 'jug dkar po'i phyogs la ste nor gyi phyogs la rim pas so/ /slar yang nag po dag la de bzhin te bu lon gyi phyogs la rim pa snga ma bzhin du rim pa min
 pas rlung dang / sa dang / chu dang / me'i pad+ma'i 'dab ma rnams la sdud pa ste/ snying khar nag po'i rkang pa rnams kyi bu lon rdzogs par gyur gyi bar du'o zhes pa ni rkang pa'i nges pa'o/ /'dir pad+ma rnams ni snying khar rtsibs brgyad pa nag po'o/ /spyi bor rtsibs bcu drug pa dkar
 po'o/ /mgrin par rtsibs sum cu rtsa gnyis pa dmar po'o/ /gzhan ni de'i nyis 'gyur te lte ba la rtsibs drug cu rtsa bzhi pa ser po'o/ /pad+ma'i 'dab ma'i nges pa'o/ /da ni brgyad pa gnyis zhes pa la sogs pas tshigs bzhi'i gnas gsungs te/ 'dir snying kha'i pad+ma
 la sogs pa rlung dang / me dang / chu dang / sa'i khams kyi rang bzhin rnams kyi lte ba'i ge sar gyi rtse mo rnams la dbyangs kyi dbye bas zla ba rgyu'o/ /a sogs sum cu'i dbyangs gang ha ya ra wa lar ldan thig le dpal ldan rnam par bcad pa yis/ /phye ba drug cur 'gyur te
 zhes pa ni 'dir sngar brjod pa'i thung ngu lnga dang yon tan gyi ngo bo lnga dang ya Na ra bsgyur ba thung du lnga ste bcwa lnga po 'di dag thig les phye ba ni sum cur 'gyur ro/ /ring po dang 'phel bar gnas pa dang hA la sogs pa bcwa lnga rnam par bcad pas phye ba ni sum cu ste de ltar na drug cur 'gyur
 / ro/ /de dag dus dang mi bdag nor dang so rnams ge sar rtse mo la'o zhes pa ni 'dir zla bas snying kha'i pad+ma la gnam stong du byas nas phyed snga ma dang phyed phyi ma'i cha'i dbye bas tshes bco lnga nas dbyangs sum cu po rnams rgyu'o/ /'dir snying kha'i pad+ma'i ge sar gyi
 rtse mo dkar po'i phyogs kyi tshes gcig gi phyed snga ma la a/ phyed phyi ma la aM/ gnyis pa'i phyed la snga ma la i/ phyed phyi ma la iM zhes pa ste lte ba spangs nas snying khar dus zhes pa bzhi'o/ /de nas mgrin pa'i pad+ma'i ge sar gyi rtse mor gsum pa'i phyed snga ma dang phyi ma la ri ri/
 de bzhin du bzhi pa la u uM/ de bzhin du lnga pa la li liM/ drug pa la a aM/ bdun pa la e eM/ brgyad pa la ge sar gyi rtse mor phyed snga ma la a ra/ phyed phyi ma la lte bar a raM zhes pa dang / dgu pa la o oM/ bcu pa la a la a laM zhes pa ni mgrin pa'i pad+ma'i ge sar
 gyi rtse mo la spyod do/ /de nas dpral ba'i pad+ma'i ge sar gyi rtse mor bcu gcig pa'i phyed snga ma dang phyi ma la ha haM/ bcu gnyis pa'i phyed snga ma dang phyi ma la ya yaM/ bcu gsum pa la ra raM/ bcu bzhi pa la wa waM/ nya'i phyed snga ma la ge sar gyi rtse mor la zhes dang / phyed phyi ma
 la lte bar laM zhes pa ste/ spyi bor zla ba rdzogs pa'i skyed pa'i rim pas rlung dang / me dang / chu'i pad+ma'i lte ba rnams la spyod do/ /de nas sa'i pad+ma'i lte ba rnams su nag po'i phyogs la sdud pa'i rim pas ring po rnam par bcad pa rnams spyod do/ /'di lta ste nag po'i tshes gcig gi
 phyed snga ma la lAH phyed phyi ma la lA/ de bzhin du gnyis pa la wAH wA/ gsum pa la rAH rA/ bzhi pa la yAH yA/ lnga pa la hAH hA/ drug pa la A laH A la/ bdun pa la auH au/ brgyad pa la lte bar A raH A ra/ dgu pa la aiH ai/ bcu pa la AH A/ bcu gcig pa la
 l-IH l-I/ bcu gnyis pa la UH U/ bcu gsum pa la r-IH r-I/ bcu bzhi pa la IH I/ bco lnga pa la AH A/ 'dir lte ba la stong pa gnyis te 'di dag gi lte ba la dbyangs dang rnam par bcad pa med do/ /slar yang snying kha'i pad+ma'i gnam stong gi mthar tshes gcig la
 sogs pa rnams snying kha'i pad+ma'i ge sar gyi rtse mo la'o/ /dkar po dang nag po'i rdzogs pa'i nges pa'o/ /mgrin pa'i pad+ma'i ge sar gyi rtse mo dang lte ba'i la dkar po'i brgyad pa'o/ /lte ba'i pad+ma'i ge sar gyi rtse mo dang lte ba la nag po'i brgyad pa'o/ /snying khar nag po rdzogs so/ /
 spyi bor rdzogs pa'i mtha'o/ /snying khar zhes pa ni gnam stong gi mthar tshes gcig 'jug pa'i dus so/ /zhes pa ste nges pa'o/ /da ni thig le zhes pa la sogs pas nyi ma'i gsal byed kyi longs spyod gsungs te/ 'dir ka la sogs pa'i sde pa rnams thig le'i rnam pa dang rnam par
 bcad pa bzhis phye bar gyur pa na yi ge nyi shu lhag pa'i brgyar 'gyur te de nyid ni pad 'dab mchog nyi shu lhag pa'i brgya phrag gcig la'o/ /thun gyi bgrod pa'i dbang gis nyi ma rgyu zhing nyams par byed de sdud pa dang skyed pa'i dbye bas so/ /'dir thun gyi bgrod pa ni thun mtshams bzhi ste de
 dag gi bgrod pa'i dbang gis ni thun gyi bgrod pa'i dbang gis so/ /'dir snying kha'i pad+ma la gnam stong gi mthar ro/ /tshes gcig la sogs pa la 'dab ma drug cu rtsa bzhi las 'dab ma bzhi ni stong pa'o/ /de rnams la tshes gcig gi s+sAHs+sA p+pAH p+pA zhes pa ni 'dab ma bzhi po rnams la tshes gcig gi thun
 mtshams bzhi po la sogs pa rnams nyi mas spyod do/ /de bzhin du gnyis pa la Sh+ShAH Sh+ShA Sh+ShAH Sh+ShA zhes pas so/ /de bzhin du gsum pa la Th+k+Th+kAH Th+k+Th+kA t+tAH t+tA zhes pa'o/ /bzhi pa la th+thAH th+thAH d+dAH d+dA zhes pa'o/ /lnga pa la d+h+d+hAH d+h+d+hA n+nAH n+nA zhes pa'o/ /drug pa la p+pAH p+pA p+ph+hAH p+ph+hA zhes pa'o/ /bdun pa la b+bAH b+bAH b+h+b+hAH b+h+b+hA zhes pa'o/ /
 brgyad pa la m+mAH m+mA T+TAH T+TA zhes pa'o/ /dgu pa la Sh+ThAH Sh+ShA D+DAH D+DA zhes pa'o/ /bcu pa la D+h+D+hAH D+h+D+hA N+NAH N+NA zhes pa'o/ /bcu gcig pa la ts+tsAH ts+tsA tsh+tshAH tsh+tshA zhes pa'o/ /bcu gnyis pa la dz+dzAH dz+dzA dz+h+dz+haH dz+h+dz+ha zhes pa'o/ /bcu gsum pa la ny+nyAH ny+nyA k+kAH k+kA zhes pa'o/ /bcu bzhi pa la kh+khAH kh+khA g+gAH g+gA zhes pa'o/ /dkar po'i zla ba
 nya la g+h+g+hAH g+h+g+hA d+dAH d+dA zhes pa ste lte ba'i pad+ma'i 'dab ma rnams la nyi mas sa la/ sogs pa'i sde pa'i yi ge rnams longs spyad nas ldog cing spyi bor rang gi rgyu bas zla ba 'jug ste/ de'i phyir nyi mas spyad pas pad+ma rnams la zla ba 'ong zhing zla bas spyad pa'i pad+ma rnams la nyi ma
 'gro'o/ /nag po'i phyogs la nyi ma skyed pa'i rim pas te zla ba sdud pa'i rim pas so/ /'dir gang gi tshe zla ba skyed pas rgyu ba de'i tshe nyi ma sdud pas so/ /gang gi tshe nyi mas skyed pas yin pa de'i tshe zla ba sdud pas so/ /zhes pa ni thams cad du nges pa'o/ /da ni dpral
 ba'i pad+ma la sogs pa'i 'dab ma rnams la nyi mas da la sogs pa'i sde pa'i yi ge rnams rim pa min pas spyod de nag po'i tshes gcig la dpral ba'i 'dab ma bzhi po rnams su nga ngaM g+ha g+haM spyod do/ /gnyis pa la ga gaM kha khaM/ gsum pa la ka kaM nya nyaM/ bzhi pa la dz+ha dz+haM dza dzaM/ de nas
 mgrin pa'i pad+ma'i 'dab ma rnams su lnga pa la tsha tshaM tsa tsaM/ drug pa la Na NaM D+ha D+haM/ bdun pa la Da DaM Tha ThaM/ brgyad pa la Ta TaM ma maM/ dgu pa la b+ha b+haM ba baM/ bcu pa la pha phaM pa paM/ bcu gcig pa la na naM d+ha d+haM/ bcu gnyis pa la da daM tha thaM/ snying kha'i pad+ma'i 'dab ma rnams su
 bcu gsum pa la ta taM t+kha t+khaM/ bcu bzhi pa la sha shaM Sha ShaM zhes pa ste/ de nas gnam stong la lte ba dang ge sar gyi rtse mor wa waM sa saM/ snying kha'i lte ba dang ge sar gyi rtse mor gnam stong gi mthar gzhom du med pa ste thig le stong pa yi ge drug ces pa dang stong pa chen po yi ge lnga zhes pa
 ste zla ba dang nyi ma'i nges pa'o/ /da ni phyogs la zla ba zhes pa la sogs pas zla ba dang nyi ma'i nor dang bu lon gsungs te/ 'dir tshes kyi nges pa la nyin zhag so sor sbyin dang dor dang slar yang sbyin zhes pa gsungs pa'i phyir gza'i gnas su chu tshod drug cu bdag nyid kyi cha sbyin no/ /
 de'i bu lon gyi rgyur chu tshod kyi gnas su chu tshod kyis dman pa'o/ /de'i phyir rags pa'i tshad kyis nyin zhag so sor chu tshod gcig gis dman pa'i cha dang phra mo'i tshad kyis rkang pa dang bcas pa'i chu srang lnga bcu rtsa drug go/ /ci'i phyir zhe na/ gang gi phyir nyin zhag gi tshogs la drug
 cu rtsa bzhi'i chas thob pa bu lon du 'gyur ba de'i phyir nyin zhag so sor rkang pa dang bcas pa'i chu srang lnga bcu rtsa drug ste nyin zhag drug cu rtsa bzhis nyin zhag gcig dman pa ni cha zad pa'o zhes pa'i don to/ /nyi ma'i nyin zhag gnyis so/ /de ltar phyogs la zla ba rang gi rgyu bas nyin zhag
 ces bya'i rkang pa dag kyang bu lon dag tu byed/ chu tshod bco lnga zhes bya ste rkang pa zhes pa ni tshes kyi bzhi cha zhes bya'o/ /kyang yig las rkang pa dang bcas pa'i chu srang lnga bcu rtsa drug gis dman pa'o/ /slar yang ste yang nyin zhag so sor nyams pa zla ba gnyis kyis te nyin zhag drug cu rtsa
 bzhis gzhan pa dag kyang nyin zhag bu lon du 'gyur ro/ /slar yang lo yi sbyor ba dag las 'phel ba ni rdzogs pa'i lo la nyin zhag drug tu 'gyur te sngar brjod pa'i cho gas dman pa'o/ /gzhan yang de bzhin 'chi bdag gis mtshams su 'phel 'chi ba'i mtshams ni lo brgya ste 'chi ba'i
 mtshams de las bu lon nyin zhag gi tshogs phyed dang bcas pa'i drug cu rtsa gnyis lhag pa'i lnga brgya 'phel lo/ /rgyal po de ltar nyi ma'i nyis 'gyur 'di ni lo'i dbang gis 'chi ba'i mtshams su 'phel te nyin zhag gi tshogs nyi shu rtsa lnga lhag pa'i brgya phrag bcu gcig 'chi ba'i mtshams
 su 'phel lo/ /bu lon gyi nges pa'o/ /da ni dbugs drug ces pa la sogs pas dbugs la sogs pa'i dbye bas lo'i grangs gsungs te/ 'dir mi rnams kyi lus la dbugs 'jug pa dang 'byung ba drug gis chu srang gcig tu 'gyur te de yang chu srang du brjod do/ /chu srang de
 drug cus chu tshod gcig tu 'gyur te dbyug gu gcig gi bdag nyid can no/ /chu tshod de dag drug cu ni nyin zhag ste nyin mtshan du 'gyur ro/ /gsum gyis bsgyur ba bcu ste sum cu'i nyin zhag de dag gis zla ba gcig go/ /chu srin la sogs pa'i zla ba de dag drug gis bgrod pa
 gcig tu 'gyur ro/ /bgrod pa de nyid gnyis kyis bsgyur ba ni lo gcig tu rab tu grags so/ /skyes bu rnams kyi tshe lo brgya po 'di las bu lon bgrod par son pa ni mun pa'i rtsa'i bgrod par son pa'o/ /dus ni 'chi ba ste de'i rtsa yi dbang gis ni a ba d+hU tI'i grangs kyi chos
 kyis so zhes pa ste dus kyi rtsa'i nges pa'o/ /da ni 'jig rten gsum na zhes pa la sogs pas dbang phyug la sogs pa rnams dman pa nyid du gsungs te/ 'dir 'jig rten gsum na lha dang lag 'gro mi rnams kyi nang na gang zhig rang gi lus la zla ba nyi ma dag rdzogs par nus pa'i
 rnal 'byor ldan pa med do/ /de rgyu gang las zhe na gang gi phyir zla bas rang gi rgyu bas lo'i mtshams su nyin zhag gi tshogs sum brgya drug cu rgyu ba ma yin zhing / srid par te lus la lo yi nang du rim pas te sngar brjod pa'i cho ga dag gis nyi mas kyang ni rgyu skar
 thams cad de nyi shu rtsa bdun rgyu ba min pa de'i phyir ro/ /lo so so nas lo so sor bu lon dag gis de ni srid pa ste lus za'o/ /dus kyi 'khor lo dpa' bo gcig pu skye ba dang 'jig pa'i rgyur gyur pa ste 'khor ba pa rnams la dus kyi 'khor lo dpa' bo gcig bu'o/ /de'i phyir rnal
 'byor las zla ba dang nyi ma dag rdzogs par byas te/ byang chub kyi sems dang / rdul gyi sems kyi chos srog dang thur sel dag rdzogs par byas nas de bsgrub par bya'o zhes pa ni sangs rgyas bcom ldan 'das kyi nges pa'o/ /da ni 'chad pa zhes pa la sogs pas 'chi
 ltas kyi dbang gis gci ba la sogs pa'i khams kyi rnam par 'gyur ba'i mtshan nyid gsungs te/ 'dir lus la 'chad pa gal te g.yon pa'am g.yas pa'i rtsa gcig srog rab tu 'bab pa dang bral ba yin na mi yi bdag po zhes pa ni bod pa ste zla ba drug gi mtshams su gci ba
 dag ni skyur ba nyid du 'gyur ro/ /de tsam rnams ni nyin zhag lnga nas mchog gi rtsa srog gi nus pa chen po yis 'dor te rim pa bzhin nyin zhag so sor gong bu 'chad pa'i dus su'o/ /nyin zhag drug gi mtshams su yul sgra rna ba la 'dor te rna ba la zhes pa ni lung gi tshig las lnga pa'i
 don la bdun pa'o/ /nyin zhag lnga'i mtshams su ro yang nges par kha las te lce las 'dor ro/ /nyin zhag bzhi'i mtshams su mig 'bras mig gi dbus nas so/ /nyin zhag gsum gyi mtshams su dri ni sna las so/ /nyin zhag gnyis kyi mtshams su mi rnams dag gi lag
 pa rkang pa'i lus las dro ba'i dngos po ste reg pa'i rang bzhin no/ /mtha'i nyin zhag la chos kyi dbyings khu ba 'pho ba dang dbugs kyi 'khor lo yang 'dor ro/ /nyin zhag drug gi nang du 'chi ba'i mtshan nyid gzhan yang gsungs te/ 'dir lus la 'chi bar rab tu zhugs par gyur na
 rang gi lus sna yi rtse mo 'phyang ba glang po che'i sna'i rnam par mthong ba dang / rang gi spyi bor lag pa bzhag pa de yi rang bzhin dag tu mthong ste phra mor mthong ba min pa dang / de bzhin du lag pa gnyis ka'i mthil la rgya skyegs tshon gyis rab tu byugs kyang lag mthil gyi pags
 pa la dmar po nyid du byed pa ma yin pa dang nyi ma kha dog nag por mthong ba dang yongs su gyur pa'i ri bong 'dzin pa ste nya'i zla ba yongs su rdzogs par ser por mthong ba ni nyin zhag drug gi mtshams su'o/ /de nas nyin zhag gang la gcin dang lus kyang bsil bar gyur pa'i nyin
 zhag de la 'chi ba nyid de mi yi bdag po zhes pa ni bod pa'o/ /nyin zhag drug gi mtshams su 'chi ba'i mtshan ma gzhan yang gsungs te/ 'dir dus ma yin pa'i 'chi bas non pa'i lce 'og tu nag po'i thig ste ri mo rnams nag por rab tu 'gyur ro/ /de bzhin du mig la tshangs
 pa'i ri mo shin tu phra mo skra'i tshad tsam gyi ri mo ste nag po dang dmar po'i dkyil 'khor 'byed par byed par 'gyur ro/ /dbugs ni zla ba nyi ma'i lam du 'phro bar mkhur chos gnyis po bskyod pa dang / de bzhin du nu ma'i steng ni mchan khung du zhugs te nu ma'i steng gi rtsa dag
 mchan khung du zhugs par gyur pa dang / gza'i tshogs rnams mtha' dag mi mthong ste me stag dang bcas par mthong ba dang de'i mgrin pa lus dang bcas pa ste/ lag pa dang rkang pa dang bcas pa rengs shing sems med pa dang 'khor ba yang ste 'di dag ni lus la 'chi ba'i
 mtshan nyid du 'gyur bar 'dod de gsungs pa yin no/ /gzhan yang lus sam phyi rol la grib ma'i skyes bu la sogs pa gang cung zad phyin ci log tu mthong ba de thams cad 'chi ba'i mtshan nyid du rnal 'byor pas rig par bya'o/ /de shes nas sbyin pa la sogs pa bya ste
 gal te bsod nams kyi stobs kyis 'tsho ba de lta na yang mdzes shing / ci ste 'chi bar 'gyur ba de lta na yang gang byin pa de'i 'bras bu rjes su spyod do/ /de'i phyir phyogs gnyis ka la yang bde bar gshegs pa pa bde ba don du gnyer ba rnams kyis sbyin par byin par bya'o zhes pa
 ni bcom ldan 'das kyi nges pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las 'chi ltas kyi 'chi ba'i mtshan nyid dang rtsa 'chad pa'i mdor bsdus chen po ste bzhi
 pa'o/ / //da ni skye ba dang ni zhes pa la sogs pas 'jig rten gyi kun rdzob kyis skyed pa dang sdud pa'i mtshan nyid byed pa po gsungs te/ 'khor ba 'dir 'pho ba'i skad cig gang yin pa des sems can rnams kyi skye ba byed de mngal du kun gzhi'i rnam par shes pa rdul
 dang khu ba dang yang dag par ldan pa'i chos can no/ /de nas des mngal nas btsa' ba'i dus byed cing byis pa dang gzhon nu la sogs pa'i gzugs byed de lus skyed pa'o/ /'pho ba'i skad cig de nyid 'jig rten dag tu ste mtho ris dang mi yul dang sa 'og tu slar yang sdud par
 byed pa dus kyi 'khor lo can te nyi ma min/ nyi ma rdul dang zla ba khu ba dus kyi 'khor lo med pa ste/ kun gzhi'i rnam par shes pa med pas mi byed do zhes pa'i don to/ /'dir rdul dang khu ba'i chos can nyi ma dang zla bas ci'i phyir mi byed ce na/ 'dir thams cad du me dang nyi ma dang zla
 ba'i bdag nyid ni 'gro ba'o zhes pa rab tu grags pa'i tshig gi phyir gsungs so/ /'dir gang gi phyir zla ba nyi ma la sogs lha rnams 'byung ba dang bcas mtshan mo'i chal bcom ldan de yis zos zhes pa ste 'khor ba 'dir mtshan mo'i cha ni zla ba ste skyed pa'o/ /nyin mo'i cha ni nyi ma ste
 sdud pa'o/ /'dir mtshan mo'i cha la ste skyed pa'i dus su kun gzhi'i rnam par shes pa'i mtshan nyid nges pa'i mngal du zla ba khu ba dang nyi ma rdul dang sogs pa'i sgras bshad pa dang gci ba dang 'byung ba dang bcas sa dang chu dang me dang rlung dang nam mkha'i khams dang bcas pa rnams rdul
 dang khu ba'i rten du gnas pa'i lus dang ngag dang sems rdzogs pa'i don du zos te/ zla ba ste khu ba ni dbang phyug go/ /nyi ma ste rdul ni rtag tu bzhi pa'o/ /rkang ni drag po'o/ /gci ba ni khyab 'jug go/ /bshang ba ni tshangs pa'o/ /zla ba nyi ma la sogs lha rnams mtshan mo'i chal ste skyed
 pa'i dus su zos so/ /slar yang ste yang mtha' yas lus la dngos po sna tshogs kyis bzung bar gyur pa ni rnam par 'phrul pa ste de dag rnams gtong bar byed de nges par nyin mo'i dus su zhes pa sdud pa'i dus su gtong zhes pa'i don to/ /skyed pa'i rgyur ni ste slar yang gzhan
 skyed pa'i rgyu ru gtong bar byed do/ /rim pas te lte ba dang snying kha dang mgrin pa dang dpral ba dang gtsug tor gyi gnas rnams su sa la sogs pa'i khams yongs su gtong ba'i rim pas so/ /kun rdzob kyi byed pa po'i nges pa'o/ /da ni sgra la sogs pa zhes pa la sogs pas
 'jig rten kun rdzob kyi las dang byed pa la sogs pa gsungs te/ 'dir lus grub par gyur pa na sgra dang reg bya dang gzugs dang ro dang dri dang chos kyi dbyings te drug po rnams ni las su 'gyur ro/ /dbang po drug po dag kyang ste rna ba dang lus dang mig dang lce dang sna dang yid de
 drug po ni byed pa'o/ /khyim bcu gnyis kyi dbye bas lo dang zla ba dang zla ba'i tsha'i dbye bas phyogs nyi shu rtsa bzhi dang nyin dang mtshan mo ste nyin mtshan dang tshes bco lnga dang zla ba dang nyi ma dag kyang ste 'di dag mtha' dag ni byed pa'o/ /byed pa po ni kun gzhi'i rnam par shes pa'i
 mtshan nyid khu ba 'pho ba'i skad cig lhan cig skyes pa'i dga' ba ste 'jig rten kun rdzob kyis so/ /'pho ba'i skad cig la sogs pa byed pa po dang byed pa dang las 'di dag sdud pa'i byed pa po gzhan du 'dir 'gyur te gang gi phyir skyed pa'i byed pa po ni byed pa po ma yin no/ /de'i phyir
 mkha' khyab mkha' yi rdo rje can te yul dang rnam bral yon tan med la rang bzhin med pa'o zhes pa lhan cig skyes pa'i sku ste cha med kun 'gro khyab pa po zhes pa'o de'i phyir skyed pa dang sdud pa'i byed pa po dang mya ngan las 'das pa'i mtshan nyid kyang med do zhes pa'i don to/ /byed pa po zad
 pa'i nges pa'o/ /da ni dri dang zhes pa la sogs pas tshogs pa la sogs pa gsungs te/ 'khor ba 'dir tshogs pa las skye ba ste chos gcig las ni ma yin no/ /'dir tshogs pa ni dri dang kha dog dang ni ro dang reg pa zhes dang 'dzin ma dang ni chu dang me dang rlung / zhes pa gzugs
 can brgyad po 'di dag rnams ni mtha' dag yul gyi tshogs pa dag ste gcig ni gtso bor 'gyur zhes pa ste gzugs can brgyad po 'di dag las yon tan gcig gi gtso bor 'gyur zhing lhag ma phal bar 'gyur ro zhes pa ni sngar brjod zin to/ /sgra dang stong
 pa dang ni chos kyi dbyings dang yid kyang mi yi bdag po gzugs med du 'gyur ro zhes pa ni gzugs med bzhi po rnams te/ 'dir stong pa'i sgras khu ba'i khams brjod do/ /'jig rten gsum po mtha' dag 'di ni spro bdag dang sdud par 'gyur te dus kyi mthu las so zhes pa 'pho
 ba'i skad cig gis mthu las so zhes pa'i don to/ /tshogs pa'i nges pa'o/ /da ni bdag nyid 'ching ste zhes pa la sogs pas 'khor ba'i 'ching ba gsungs te/ 'dir lus la phung po'i ngar 'dzin pa tsam ni 'khor ba ste bdag nyid kyis bdag nyid 'ching ngo / /rang bzhin
 la gnas yon tan rnam rtog rnams kyis zhes pa la rang bzhin ni phung po dang khams dang skye mched kyi tshogs pa ste de la gnas pa'i yon tan skye ba dang 'gag pa'i mtshan nyid dri la sogs pa rnams dang / 'khor ba'i sems kyi dngos po dang dngos po med pa'i rnam par rtog
 pa'i mtshan nyid rnams te/ rang bzhin la gnas yon tan rnams rtog de dag rnams kyis bdag nyid 'ching bar byed de rang gi lus las byung ba'i skud pa rnams kyis bdag nyid 'ching bar byed pa dar gyi srin bu ji bzhin nyid do/ /bdag nyid bdag gis nges par slar yang rnam
 par rtog pa med pa'i yid dag las ni gtong bar byed ces pa ni slar yang bdag de rang bzhin la gnas yon tan rnam rtog rnams kyis btang ba ni rnam par rtog pa med par 'gyur ro/ /rnam par rtog pa med pa'i yid de las bdag nyid 'khor ba'i sdug bsngal las gtong bar
 byed do/ /de'i phyir rgyal po rang las rang bzhin yon tan la gnas sdug bsngal dang ni bde ba byed pa ste/ rang bzhin rnam par bral ba ste khams bco brgyad dang bral ba su zhig byed po ci zhig byed de mi byed do zhes pa'i don to/ /mi shes 'jig rten log pa'i bdag nyid kyis byed
 pa po yongs su brtags pas rmongs par byed do/ /las kyi 'ching ba'i nges pa'o/ /da ni sa zhes pa la sogs pas sa la sogs pa rnam pa brgyad kyi rang bzhin gsungs te/ 'dir lus la dang po 'khor ba'i sems kyi rang bzhin rnam pa brgyad de sa dang
 chu dang me dang rlung dang nam mkha' dang yid dang blo dang ngar 'dzin pa'i bdag nyid dang rnam pa brgyad do/ 'di dag kyang rnam gsum ste rags dang phra mo gzhan yang rnam gsum yon tan la gnas te snying stobs dang rdul dang mun pa'i yon tan rnams la gnas pa ni yon tan la gnas
 pa'o/ /yi ge thig le la sogs pa'i dbye ba yis rags par rags pa'i dbang po rnams la gnas te blun po'i bag chags 'dzin par byed pa rags pa'i sems kyi sad pa'i gnas skabs kyi chos can ni rags pa ste sad pa'i dngos po 'dzin par byed pa'i phyir ro/ /phra mo'i
 sems kyi phra mo ni rmi lam gyi gnas skabs kyi chos can te yid bzhin gyi dbang po rnams kyis sgyu ma lta bu'i dngos po 'dzin par byed pa'i phyir ro/ /phra mo gzhan yang dbang po thams cad 'gog pa'i mtshan nyid shin tu gnyid log pa'i gnas skabs kyi chos can ni gzhan te
 bltar med pa zhes brjod pa dang gcig tu gyur pa zhes pa la sogs pa'i mtshan nyid de dngos po thams cad yongs su btang ba'i phyir ro/ /de ltar rnam pa gsum ni snying stobs dang rdul dang mun pa'i dbye bas sad pa dang rmi lam dang shin tu gnyid log pa'i rang bzhin can no/ /
 rags pa ni nyin mo'i mtshan nyid do/ /phra mo ni thun mtshams kyi mtshan nyid do/ /gzhan ni mtshan mo chen po'i mtshan nyid do/ /yang yig las gzhan bzhi pa'i rang bzhin ye shes kyi sku ste/ de ni khu ba 'pho ba'i dus su ye shes kyi sems te bzhi pa'i sems kyi bzhi pa'i gnas
 skabs kyi chos can te/ sems can rnams kyi skye ba dang 'gog pa'i rgyur gyur pa gang yin pa de'i phyir ye shes kyi sku'o/ /de yang rang bzhin rnam 'gyur med pa'i 'tsho ba 'byung ba ste srog chen po 'byung ba chos kyi khams kyi rang bzhin no/ /'byung ba min zhes pa ni 'byung ba
 sa dang chu dang me dang rlung dang khu ba ni 'byung ba ma yin no zhes pa'i don to/ /de ltar 'khor ba'i sems kyi rang bzhin gyi sad pa la sogs pa'i dbye bas rnam pa bzhir nges pa'o/ /da ni a sogs zhes pa la sogs pas bzhi pa la sogs pa rnams kyi ming gi chos
 gsungs te/ 'khor ba 'dir rig par bya ba dang rig par byed po dag gi ming ni don rab tu go bar byed pa ste/ de yang brjod par bya ba dang rjod par byed pa'i mtshan nyid kyis gnas so/ /de la ye shes kyi rang bzhin las a sogs stong pa lnga ni gzhom du med pa'i a la sogs pa
 ste/ gzhom du med pa ni dbus su a yig stong pa'o/ /shar du i yig stong pa'o/ /lhor r-i yig stong pa'o/ /byang du u yig stong pa'o/ /nub tu l-i yig stong pa'o zhes pa ste a sogs stong pa lnga ni rang bzhin te rnam par 'gyur ba min mo/ /dpal ldan cha dang thig le nA da
 dang / dus dang sems dang blo ste zhes pa la cha ste nyi ma dang thig le ste zla ba dang nA da ste sgra gcan dang dus te dus me dang sems dang blo dang rang bzhin dag kyang shin tu gnyid log pa'i gnas skabs kyi chos can no/ gzhan pa'i dbyangs ni rlung la sogs pa'o/ /sogs pa'i sgras nam
 mkha' la sogs pa ste/ a i ri u li/ /a e a ra o a la/ ha ya ra wa la rnams so/ /de bzhin du ring po ste rmi lam gyi rang bzhin no/ /rags pa'i sde pa'i yi ge dbyangs bcu gnyis dang bcas pa sum brgya drug cu rnams ni sad pa'i rang bzhin no/ /bcu drug gzhan ni
 rnam 'gyur rags pa'o zhes pa ste yi ge so so re re'i dbyangs bco lngas bzung ba gsal byed dang bcas pa ni rnam par 'gyur ba bcu drug go/ /thams cad du khams lnga dang las kyi dbang po lnga dang yul lnga ni rnam par 'gyur ba ste yid dang lhan cig bcu drug go/ /sa la sogs pa
 'di dag gi dbus su rdo rje can ni rang bzhin min zhing rnam 'gyur min te khyab byed rang bzhin med pa'o/ /gang gi phyir 'khor ba'i bag chags las grol ba'i sems kyi chos yin pa de'i phyir gang sems yod pa'i sems de ni sems ma yin no zhes 'khor ba'i sems dang bral ba mya ngan
 las 'das pa'i sems gzhan yod pa ni rdo rje can gyi ming gis bcom ldan 'das kyis gsungs so/ /rang bzhin rnam pa bzhi'i nges pa'o/ /da ni 'khor bar zhes pa la sogs pas sems can rnams rang gi las kyi 'bras bu la nye bar longs spyod pa gsungs te/ 'khor
 ba 'dir sems can bde ba'am sdug bsngal ba'am bde ba dang sdug bsngal ba rang bzhin yon tan la gnas ni snga rjod pa'i yon tan la gnas pa ste rang gis byas pa'o zhes pa'i don to/ /las las skyes pa de ni za ba ste rang gis byas pa'i las kyis bskyed pa ni las las skyes
 pa ste longs spyod do zhes pa'i don to/ /de nyid ni 'dir lus dang ngag dang sems kyi dbang gis rnam pa gsum ste rags pa dang phra mo dang zhi ba'o/ /gzhan yang rnam pa gsum ste khyad par gyi las dang las ma yin pa'o/ /de dag las gang zhig bdag ni byed pa po'o zhes pa'i sems
 bskyed pa de ni khyad par gyi las kyi ming can no/ /gang zhig byed pa po gzhan pa phyugs bdag gam gzhan yod pa'i sems skye ba de ni las kyi ming can no/ /byed po bdag gam gzhan pa min te rang bzhin rnam par bral ba phung po la sogs pa'i tshogs pa dang bral ba gang zhig
 sems bskyed pa de ni las ma yin pa'i ming can no/ /de ltar bdag dang gzhan byed pa por 'dzin pa dang bral bar shes pa gang yin pa de'i las ni byed pa pos byas pa ma yin zhing byed pa po ni rgyur gyur pa ma yin no/ /las las skye ba ni tshogs pa'i dbang gis te ji ltar sA
 li'i sa bon las sA li 'grub pa de bzhin du dge ba'i las las dge ba'i las kyi 'bras bu 'grub bo/ /ji ltar ko dra ba'i sa bon las ko dra ba 'grub pa de bzhin du mi dge ba'i las las mi dge ba'i las kyi 'bras bu 'grub ste rang las ma yin zhing gzhan las kyang ma yin no zhes 'chad
 par 'gyur ba las brjod par bya'o/ /las kyi 'bras bu nges pa'o/ /da ni de phyir zhes pa la sogs pas byed pa po med par 'bras bu dang bcas pa'i las gsungs te/ 'khor ba 'dir byed pa po 'ga' yang srog chags rnams kyi bde ba dang sdug bsngal dag mi sbyin mi 'phrog ste/
 gang gi phyir rnam pa gsum po gang byas sngon gyi las rang gis byas pa ni 'bras bu rab tu sbyin par 'gyur ba de'i phyir byed pa po 'ga' yang mi sbyin zhing mi 'phrog go zhes pa'i don to/ /skyed dang sdud pa'i byed pa po 'di ster zhing de ni 'phrog pa rmongs pa rnams kyi blo
 gros te/ ci'i phyir zhe na gang zhig rang gi lus la dpag med dge ba 'phrog par byed pa'i bug pa rang gi dbang po dag gis mthong ba ma yin te/ rang gi dbang po phyi rol du yul drug la 'jug cing nang du zag pa med pa'i bde ba dang bral ba rnams kyis so/ /rang gi las kyi 'bras bu nye
 bar longs spyod pa'i nges pa'o/ /da ni 'dod pa zhes pa la sogs pas 'dod pa la sogs pa'i byed pa po phan tshun dngos po yang dag par sbyor ba med pa gsungs te/ 'dir 'gro ba sems can rnams kyi rang gi yid la 'dod pa'i nus pa gang yin pa rnams dngos po rnams gsal bar
 byed de yid 'jug par byed do zhes pa'i don to/ /bya ba ni dngos po rnams la 'jug par byed do/ /ye shes nus pa ni dngos po ro mnyam rgyur ni don la nye bar dmigs par byed de don nges pa ni ye shes nges pa zhes pa'i don to/ /slar yang gtong ba ste sngar gyi ye shes gtong ba dag ni
 bzhi pa srid gsum gyis btud gnyis med kyis nges par rim par byed do zhes pa ni yid kyi nus pa bzhi'o/ /bzhi po de dag gi nang nas gang zhig rnam par dag pa'i sems kyi bdag nyid rdo rje can ni gsal ba dang 'jug pa dang ro mnyam rgyur don la nye bar dmigs pa cung zad mi za
 zhing ye shes gtong ba'i gtong ba min pa nyid do zhes pa ste 'dod pa la sogs pa'i nges pa'o/ /da ni bdag ces pa la sogs pas bde ba dang sdug bsngal rab tu sbyin par byed pa po gsungs te/ 'khor bar bdag ni byed po sdug bsngal dang bde ba dag rab tu sbyin pa por mi yi bdag
 po der ni 'gyur ba min srid pa gsum gyi gnas na bde ba dang sdug bsngal rab tu sbyin pa po 'ga' yang yod pa ma yin te/ sems kyi nus pa de rnams rnam par spangs nas so/ /'dir sems kyi nus pa ni sad pa dang rmi lam dang shin tu gnyid log pa dang bzhi pa'i mtshan nyid de de
 dag gi gtso bo ni bzhi pa skye ba dang 'gog pa'i chos can gyi gnas skabs te sems kyi nus pa spangs nas bdag ni byed pa po bde dang sdug bsngal rab tu sbyin pa po 'ga' yang med do zhes pa'o/ /sems can rnams kyi khu ba 'pho ba spangs nas bcings pa dang grol ba gzhan 'ga' yang
 yod pa ma yin te/ 'khor ba'i sems spangs nas so zhes pa'i don to/ /mya ngan las 'das pa'i sems 'khor ba las 'das pa lus thams cad la gnas pa ni gang gis kyang ma bcings shing ma bkrol ba'o/ /nam mkha' bum pa'i dbus nas chu ni len par byed pa na
 yang 'gro ba min pa ji lta ba/ mkha' khyab mkha' yi rdo rje can zhes pa ste stong pa la sogs pa'i rnam par thar pas rnam par dag pa'i sems ni mkha' yi rdo rje can no/ /yul dang rnam bral zhes pa yon tan med pa ste de tsam la sogs pa dang snying stobs dang rdul dang mun pa
 dang bral ba ste/ sad pa dang rmi lam dang shin tu gnyid log pa dang bzhi pa dang bral ba zhes pa'i don te rang bzhin med pa lus kyi dbus dag tu yang de bzhin no/ /rtag pa dngos po dang chad pa dngos po med pa ste de dag gang la med pa de ni rdo rje can te rnam par dag pa'i sems so zhes pa'i
 don to/ /'khor ba dang mya ngan las 'das pa'i sems nges pa'o/ /da ni de ltar zhes pa la sogs pa las smra ba gsungs te/ de ltar brjod pa'i rim pa las yod par smra ba po dang byed pa po med par gang smra ba bo dang bdag med par gang smra ba por 'gyur te/ bcom ldan
 'das rnam par dag pa'i sems kyi bdag nyid yod min med min yod med min/ /gnyis ka'i bdag nyid min pa'ang min pa khams gsum gyi ston pa gcig pu de ni byed po min te/ kun mkhyen dang po'i sangs rgyas thams cad mkhyen pa nyid dang rnam pa thams cad mkhyen pa nyid
 dang lam mkhyen pa nyid dang lam gyi rnam pa mkhyen pa nyid thob pa/ srid gsum gyis btud dus kyi 'khor lo can zag pa med pa'i bde ba rnam pa thams cad pa'i chos can te 'khor lo can khyab 'jug ni ma yin no/ /ci'i phyir zhe na gang las tshangs pa khyab 'jug drag po dag kyang
 gang gi zhabs kyi chu skyes drung du lhag par skyabs 'gro ba dus kyi 'khor lo de la phyag 'tshal lo zhes pa ni 'jam dpal bdag ste/ rgyal ba mchog skyed yon tan med cing rnam rtog med pa ni sngar brjod pa'i mtshan nyid do/ /stong pa nyid smra ba
 po'i nges pa'o/ /da ni zhi ba zhes pa la sogs pas 'chi ba'i mthar bsam pa'i dbang gis skye ba gsungs te/ 'khor ba 'dir sems can rnams kyi rang gi las kyi dbang gis snying stobs kyi yon tan la sogs pa'i bsam pa ste/ bsam pa de las skye ba'o/ /
 'dir 'chi ba'i dus su dge ba'i las kyi dbang gis zhi ba'i bsam par 'gyur te/ snying stobs kyi yon tan gyi bdag nyid do/ /bsam pa de skyes par gyur na shi ba'i mthar lha nyid du 'gyur ro/ /mi yi bdag po zhes pa ni zla ba bzang po la bod pa'o/ /mi dge ba'i
 dbang gis bsam pa drag por 'gyur te/ mun pa'i yon tan gyi bdag nyid do/ /mun pa'i bsam pa de la dmyal ba nyid du 'gyur ro/ /mi dge ba 'bring po'i dbang gis rdul gyi bsam pa ste/ rdul gyi bsam pa der gyur na shi ba'i mthar dud 'gro nyid du 'gyur ro/ /rab
 mchog sa yi steng du mi nyid dag ni 'dres pa la ste/ dge ba dang mi dge ba 'dres pa la mi nyid du 'gyur ro/ /'byung po nyid ni rnam pa gsum ste rdul dang mun pa dang ni snying stobs phan tshun 'dres pa la'o/ /'dir snying stobs lhag pa la yi dags mchog go/ /rdul lhag
 pa la 'bring po'o/ /mun pa lhag pa la tha ma'o/ /lha ma yin rnams ni lha'i nang du 'dus pa nyid do/ /de bzhin du mi rnams ni snying stobs lhag pa la bde ba dang ldan pa'o/ /rdul lhag pa la bde ba dang sdug bsngal dang ldan pa'o/ /mun pa lhag pa la rtag
 tu sdug bsngal dang ldan pa'o/ /de bzhin du mtho ris la sogs pa thams cad du yang sems can rnams kyi rang gi las kyi dbang gis las kyi 'bras bu rnam par smin pa dpag tu med par 'gyur ro/ /de'i phyir 'chi ba'i dus su yid kyis bsam pa gang zhig dran
 par gyur pa der ni skye bo yang dag skye zhes pa ste/ bsam pa skye ba'i des pa'o/ /da ni lha nyid ces pa la sogs pas lha la sogs pa'i dbye ba gsungs te/ 'dir lha yi mchog gi gnas mtho ris su lha nyid brgyad kyi dbye ba dag gis 'gyur te/ zad par sa
 dang / zad par chu dang / zad pa med dang / zad par rlung dang / zad par stong pa dang / zad par zla ba dang / zad par nyi ma dang / zad par sgra gcan zhes bya ba bsgoms pa dang / sbyin pa la sogs pa'i bsod nams kyi stobs dang / mi dge ba bcu yongs
 su spangs pa ste/ lha nyid brgyad kyi dbye ba dag gis 'gyur ro/ /mi nyid gcig ni ji lta ba khams drug gi bdag nyid do/ /dud 'gro dag kyang chu gter rnam pa ste/ khams drug gi bdag nyid can rnam pa bzhi'o/ /dmyal ba'i 'gro bar dmyal ba nyid ni de bzhin
 gcig ste/ khams drug gi bag chags las byung ba rmi lam dang mtshungs pa'o/ /lha ma yin nyid ni lha'i nang du 'dus so/ /yi dags nyid ni dmyal ba'i nang du 'dus te sdug bsngal la nye bar longs spyod pa'i phyir ro/ /skye ba brgyad dang gcig dang bzhi dang gci
 ste/ gnas bcu bzhi po 'di rnams su ro yi 'gro bar zhes pa 'gro ba drug tu skye bo kun gzhi'i rnam par shes pa'i chos can 'khor te/ las kyi zhags pas nges par bcings pa dag skyes pa 'bum phrag du mas las kyi zhags pa las grol ba min zhing thar pa mchog gi bde ba'i
 go 'phang du 'gro ba min no/ /sems can gyi bsam pa'i dbang gis lha la sogs pa'i dbye ba nges pa'o/ /da ni phung po zhes pa la sogs pas 'ching ba'i rgyu gsungs te/ 'gro ba drug gi 'khor ba 'dir 'tsho ba ste srog kun gzhi'i rnam par shes pa'i chos can bcings
 te 'khor ro/ /gang gis zhe na phung po ste 'byung ba dang khams drug dang dbang po dang rnam gsum srid pa 'jigs pa yul drug dang / de tsam dang las kyi dbang po lnga dang / las kyi skyon dge ba dang mi dge ba dang yon tan dang bcas yid dang blo dang dar 'dzin la sogs te
 sogs pa'i sgras srog gi nus pa'i rtsa ba'i rang bzhin no/ /'di dag gis bcings 'tsho ba dag ni ro yis 'gro bar 'khor te/ phra mo'i dngos po drag gis slar te slar yang 'pho ba'i dga' bas so/ /'ching ba phra mo dang rags pa'i dngos po ste/ sad pa dang
 rmi lam dang shin tu gnyid log pa dang bzhi pa'i mtshan nyid do/ /dngos po 'di dag btang na mi bzad mchog gi gnas su rab tu 'gro ste/ gang du son na slar yang skye ldan 'khor pa par 'gyur ba min no/ /'khor ba'i bag chags kyi ma rig pa'i nges pa'o/ /da ni yan lag
 dang bcas zhes pa la sogs pas 'di'i gnyen po rig pa gsungs te/ 'khor ba 'dir 'jig rten gyi tha snyad la rig pa gang yin pa de ni don dam pa de kho na nyid kyi yul la rig pa ma yin no/ /dang por yan lag dang bcas rig byed de yan lag drug dang bcas pa'o/ /yan lag drug
 rnams kyang mdo dang dbyangs kyis bsnyad pa dang / lung ston pa dang / sdeb sbyor dang / nges tshig dang / skar rtsis te 'di dag dang bcas pa'o/ /zhes pa'i don to/ /de yang dran pa'i gzhung dang bcas pa ste dran pa ni shed bu la sogs pa'i gzhung
 rnams so/ /de rnams dang bcas pa ste yang dag par ldan pa'o/ /rtog ge ni 'jig rten pa'i dngos po rab tu 'jal ba'i bstan bcos rnams so/ /grub pa'i mtha' ni 'jig rten pa'i dngos grub sgrub par byed pa dkyil 'khor gyi 'khor lo la sogs pa rnam par rtog pas
 bsgom pa'i chos can te/ de rnams dang ldan pa zhes pa khyad par du byas pa'o/ /de bzhin du 'jig rten du snyan ngag mkhan po rgyas pa me la sogs pa rnams kyis byas pa'i bstan bcos gzhan yang rig pa min zhes pa ste/ rgyas pa'i snyan ngag b+hA ra ta dang / me'i
 snyan ngag bsgom pa'i chos dang / sogs pa'i sgras grog mkhar gyi snyan ngag rA mA ya na dang / ma rka Na De ya'i snyan ngag sngon rabs kyi chos la sogs pa rnams bzung ste/ snyan ngag mkhan 'di dag gis byas pa ni rig pa ma yin no/ /'o na rig pa gang yin
 zhe na smras pa/ rig pa zhes pa rnam par mi rtog pa nang gi rig pa ste rnam pa thams cad dang ldan pa'i stong pa nyid do/ /gzhan yang 'gyur med kyang rig pa ste dmigs pa med pa zag pa med pa'i bde ba'i bdag nyid can no/ /rig pa ni rgyu dang 'bras bu'i bdag nyid can rgyu dang 'bras
 bu gcig tu 'dres par gyur pa ste/ me'i 'od dang sreg par byed pa gcig tu 'dres par gyur pa bzhin no/ /'jig rten 'di ni 'das pa dang ltar byung ba'i thub pa chos kyi 'khor lo la gnas pa rnams kyis rab tu gsungs pa nyid do/ /de'i rang bzhin ci zhe na gsungs pa/ gang
 du 'jig rten gsum po mtha' dag ces pa ste bde ba'i skad cig gang las skye ba'i dus su 'jig rten gsum po mtha' dag tu 'gyur ro/ /slar yang gang du thim pa ste/ 'chi ba'i dus su skad cig gang la dngos po'i tshogs pa thim pa'o/ /'gyur pa'i skad cig la skad
 cig de nyid zag pa med pa'i bde ba 'gyur ba med par brjod de/ gang las chos kyi 'khor lo bskor ba'i don du sangs rgyas 'byung ba dang / gang du yongs su mya ngan las 'das pa chen po'o/ /kyi mi yi bdag po zhes pa ste rig pa'i nges pa'o/ /da ni rnal 'byor zhes pa
 la sogs pas sngon gyi rnal 'byor goms pa'i stobs gsungs te/ mi'i 'jig rten 'dir gal te rnal 'byor pa rig pa'i rnal 'byor goms par byed pa dag rnal 'byor ma thob rab tu g.yo ba'i yid kyis res 'ga' shi bar gyur pa na/ dpal ldan mi'i 'jig rten du ni rab mchog thub
 pa'i rigs te/ sangs rgyas dang byang chub sems dpa'i rigs su rnal 'byor ni stong pa dang snying rje dbyer med pa rnam par dag pa'i de kho na nyid dang rnam par dag pa'i sems so/ /de dang ldan pa'i phyir rnal 'byor dang ldan pa ste rnal 'byor yongs su rdzogs pa ni ma yin no/ /slar
 yang sngon gyi goms pa de yis gun du 'dzin par 'gyur te thob par 'gyur ro/ /ye shes rnal 'byor ni de kho na nyid kyi rnal 'byor te yangs pa zhes pa ni nyi tshe ba ma yin pa ste rnam pa thams cad pa'o zhes dgongs pa'o/ /ye shes thob ste yongs su rdzogs na mi zad mchog gi gnas
 su rab 'gro zhes pa la gang la zad pa med pa ni mi zad mchog gi gnas so/ /zhes rnam par sbyar ro/ /de ji ltar gyur pa zhe na gsungs pa/ gang du slar yang skye ba ldan pa ste 'byung ba dang ldan pa min pa de ni sangs rgyas thams cad kyi mchog gi gnas so/ /
 da ni ye shes zhes pa la sogs pas sangs rgyas pa rnams dang lha min rnams dang kla klo rnams kyi ye shes skye ba'i dus gsungs te/ 'dir nges par rnal 'byor goms pa rnam pa gsum ste sangs rgyas pa'i dang lha min gyi dang 'byung po'i'o/ /de la sangs rgyas pa'i rnal 'byor ni
 stong pa nyid dang snying rje'i bdag nyid do/ /lha min gyi ni brtags pa'i chos so/ /'byung po'i ni rnam pa gnyis te rtag pa'i ngo bo dang chad pa'i ngo bo'o/ /de bzhin du rnal 'byor de goms pa la dga' ba nyid las de nyid gang la yod pa'i rnal 'byor pa rnam pa gsum mo/ /de rnams las nyin
 mo'i cha la sangs rgyas pa'i rnal 'byor pa rnams kyi ye shes skye'o/ /mtshan mo'i cha la lha min gyi rnal 'byor pa rnams kyi'o/ /thun mtshams bzhi spangs pa'i dus su 'byung po'i rnal 'byor ba rnams kyi ye shes skye'o/ /'dir dus kyi cha ni ye shes skye ste rgyal ba rnams kyi nyi ma nyin mo'i dus
 su mtshan mo phyed dang mtshan mo'i mthar/ lha min rnams kyi zla ba mtshan mo'i dus su nyi ma phyed dang nyin mo dag gi mjug tu'o/ /'byung po rnams kyi yang ma brjod pa nyid las thun mtshams spangs pa'i dus su'o/ /'dir mtshan mo phyed dam/ snga dro'i thun mtshams la sangs rgyas pa
 rnams kyi ye shes lhag par gnas par 'gyur ro/ /nyi ma phyed dam nub par gyur pa'i thun mtshams la lha min rnams kyi ye shes lhag par gnas par 'gyur ro/ /gzhan thun bzhi'i thun mtshams la 'byung po rnams kyi ste nyin mo'i chal rtag pa'i ye shes lhag par gnas shing
 mtshan mo'i cha la chad pa'i ye shes lhag par gnas so/ /sangs rgyas pa dang lha min 'di dag gi grangs bzhin du sangs rgyas pa rnams kyi yang dag ye shes su 'gyur ro/ /de'i chos dang 'gal ba rnams ni lha min rnams kyir 'gyur ro/ /yang dag ye shes ni nyin mo'i
 snang ba bzhin du thams cad mthong ba'o/ /rnam nyams ye shes ni mtshan mo'i snang ba bzhin sems can rnams kyi 'chi ba dang 'tsho ba cung zad mthong pa'o/ /ji ltar shes she na/ de'i phyir gsungs pa/ chos bsten pa las so zhes pa ste/ 'dir yang dag ye shes
 rnam nyams dag la tshig ni legs sbyar tha mal dag tu rab tu 'gyur ba ste zhes pa ni yang dag ye shes skyes pa rnams kyis legs par sbyar ba'i ngag sgra thams cad kyi bdag nyid do/ /rnam nyams ye shes skyes pa rnams kyi tha mal gyi dag tu 'gyur te/ ston par byed pa
 po rnams kyi yul gcig gi skad gcig gi skad kyi khyad par gyis so/ /sangs rgyas pa rnams kyi ye shes ni sems can thams cad la snying rje'i bdag nyid can zhi ba'i las ston par byed pa'o/ /lha min rnams kyi ye shes ni sha bza' ba'i slad du dud 'gro'i
 sems can la gnod pa byed pa drag po'i las ston par byed pa po'o/ /srid pa gsum gyi gnas su sangs rgyas pa rnams kyi ye shes ni skyes bu nyid kyi las ston par byed do/ /lha min rnams kyi ye shes ni sa la tha mal gyi las ston par byed do/ /'byung po rnams
 kyi ni sa la rnam par 'dres pa'i las ston par byed do/ /ye shes ston par byed pa'i nges pa'o/ /da ni nyi ma gung zhes pa la sogs pas sangs rgyas pa dang lha min dag gi za ba'i dus gsungs te/ 'dir nyin zhag so so la nyi ma gung nas brtsams nas mtshan mo phyed
 kyi bar du nyin mo'i dus so/ /mtshan mo phyed nas brtsams nas nyi ma gung gi mthar thug pa ni mtshan mo'i dus so/ /nyin mo dang mtshan mo'i dus de las rang rang gi dus kyi phyed phyi ma ni grangs bzhin du sangs rgyas pa dang / kla klo de dag gi dka' thub pa rnams kyi za
 ba'i dus te khyim pa rnams kyi ni ma yin no zhes pa ste nges pa'o/ /sangs rgyas pa dang lha min dag gi bza' ba dang btung ba yang grangs bzhin du sangs rgyas pa rnams kyi zan khyad par du 'phags pa ste/ kla klo rnams kyi ba lang gi sha dang bcas pa'o/ /btung ba ni grangs
 bzhin du sangs rgyas pa rnams kyi rnam mang bcud ster zhim pa ste/ kla klo rnams kyi btung ba ni bya gag la sogs pa'i sgo nga'i khu ba'o/ /bgo ba ni grangs bzhin du sangs rgyas pa rnams kyi gos dmar po ste/ kla klo rnams kyi ni dkar po'o/ /dka' thub pa rnams kyi ste khyim pa rnams
 kyi ni nges pa med do/ /de bzhin du shi ba'i mthar gnas ni grangs bzhin du nyi ma zla ba'i bgrod pa bzhin du zhes pa ste/ nyi ma steng du bgrod cing zla ba 'og tu bgrod do/ /de dag gi bgrod pa bzhin du mtho ris kyi gnas nyi ma'i bgrod pa ni sangs rgyas pa rnams kyi ste/ zla ba'i bgrod pa bzhin
 sa 'og gi gnas ni lha min rnams kyi'o/ /de bzhin du rtsa ba'i rgyud kyi dbang mdor bstan pa las bcom ldan 'das kyis gsungs pa/ lus can thams cad shi ba na/ /zla ba bdud rtsi 'og tu 'gro/ /steng du nyi ma rdul sgra gcan/ /rnam shes dngos po'i mtshan nyid do/ /de bzhin du chos
 ni grangs bzhin du sangs rgyas pa rnams kyi 'tshe ba med pa'o/ /kla klo rnams kyi ni 'tshe ba ste yang yig las 'byung po rnams kyi'o/ /bla ma'i nges pa'i dbang gis bsgom pa'i dus dang 'dod pa'i lha la bstod pa'i dus su grangs bzhin du sangs rgyas pa rnams la rdo rje'i gdan bsngags shing kla klo
 rnams la lha min gyi gdan bsngags so/ /yang yig las gzhan ni thun mong ba ste de ni mi sgrub cing mi 'gog go/ /'dir lha min gyi gdan ni sa'i ngos la pus mo g.yon gyi steng du pus mo g.yas brkyang zhing rkang pa g.yon gyi steng du rkang pa g.yas pa'o/ /yang yig las 'og tu ste rkang pa g.yas pa'i
 steng du'o/ /rkang pa'i mthil du yang yang yig las rgyab tu dpyi bzhag pa'o/ /rdo rje'i gdan la sogs pa ni 'chad par 'gyur ba las brjod par bya'o/ /sangs rgyas pa dang lha min gyi bya ba nges pa'o/ /'byung po rnams kyi las 'dren mar sngar gsungs pa de yang 'dir tshigs su bcad pas gsal
 par gsungs pa 'di lta ste/ 'byung po rnams kyi las ni 'dren mar rab tu 'gyur te tshig kyang 'dres pa sha za dag gi'o/ /chos ni 'tshe med 'tshe ldan bla ma'i nges pa'i dbang gi srog gcod la sogs skyon dag la/ /mchod sbyin la sogs don du rab tu 'jug sogs pa'i sgras g.yul gyi don du 'tsho ba la rab
 tu 'jug go/ /dka' thub kyi 'bras bu'i don du ldog pa ste/ mi 'tshe ba la rab tu 'jug par 'gyur te mi yi bdag po res 'ga' dag ni ldog pa 'am zhes pa'o/ /bza' ba btung ba dag kyang 'dres pa nyi zla'i bgrod pa dag las lam ni 'dren ma gzhan du'o zhes pa ni/ 'byung po rnams kyi lam
 ni thams cad kun du 'dres par rig par bya'o/ /'byung po rnams kyi bya ba'i nges pa'o/ /da ni 'od zer zhes pa la sogs pas lam brjod par 'dod pa gsungs te/ 'dir lam ni rnam pa gsum ste 'od zer gyi lam dang du ba'i lam dang rnam par 'dres pa'i lam mo/ /'di dag las 'od zer lam ni nyi
 ma'i snang ba dkar po nyin mo bgrod pa byang ste nyin mo 'phel ba'i mtshan nyid dang lo phyed ni phyi rol du ste/ nang du chu srin la sogs pa dus sbyor drug gi bdag nyid can te/ shar ba nas nub pa zhes bya ba'i ming can no/ /du ba'i lam ni zla ba'i snang ba mtshan mo dag dang dkar min bgrod pa 'di ni lho ste/ du
 ba'i lam dag la ka rka Ta la sogs pa lhor bgrod pa'i zla ba drug ste/ gang du mtshan mo 'phel ba de lhor bgrod pa'o/ /nub par gyur pa nas shar ba'i bar ni nges pa'o/ /'dir 'od zer lha rnams mtho ris su ste mtsho ris su 'gro ba'i lam mo/ /dkar min bgrod pa lha min rnams kyi klu'i 'jig rten du
 'gro ba'i du ba'i lam mo/ /kun du 'dres pa nyin mo dang mtshan mo'i chos can ni mi yi 'jig rten du 'gro ba la ste/ yi dags dang dud 'gro dang mi rnams bskyed pa la rab tu gsal bar byas so zhes pa ni lam gyi nges pa ste/ skye ba snga ma'i bag chags kyis bskyed pa'i snying stobs dang mun pa dang rdul
 gyi yon tan gyi rang bzhin gyis so/ /da ni gang zhig gang gi dbus su zhes pa la sogs pas sangs rgyas pa'i nyan thos dang lha min dang 'byung po'i las la dga' ba'i sems can rnams kyi bag chags 'dzin pa gsungs te/ 'khor ba 'dir skye ba'i las kyi bag chags kyi stobs kyis lha dang lha
 min dang 'byung po'i bya ba la rjes su chags pa gang zhig gang gi dbus su rab tu zhugs par gyur te/ brtul zhugs nges pa la dga' las kyi zhags pas des bcings pa/ /zhes pa chos de'i bya ba rnams kyis bcings pa'o/ /de yi dbus su dang rang bsam pas mi bdag ni bod pa ste/ de'i rigs
 te lha dang lha min dang 'byung po'i rigs su de'i 'dzin pa dag gis zhes pa ni de'i dngos po'i 'dzin pa ste/ de yis lha dang lha min dang 'byung po'i rigs su skye bar 'gyur ro/ /snying stobs dang mun pa dang rdul gyi ngar 'dzin gyis te sngar brjod pa'i cho gas so/ /ji srid sems kyi
 rang bzhin dag ni rnam gsum srid pa'i dbang gis zhes pa ni 'dod pa dang gzugs dang gzugs med pa'i srid pa'i bag chags kyi dbang gis te/ tshor ba bde ba dang sdug bsngal 'khor ba par gyur pa de srid du 'khor ba sdug bsngal gyi mtshan nyid du sems kyang 'khyam ste/ mi yi bdag po mtho
 ris mi yul dag dang 'og tu yang zhes pa lha dang mi dang dmyal ba la sogs pa 'gro ba drug po rnams su kun gzhi'i rnam par shes pa 'khyam mo zhes pa ste bag chags 'dzin pa'i nges pa'o/ /de'i phyir bag chags rnam pa gsum las 'das pa ni 'khor ba'i pha rol mthar son pa/ bya ba byas
 pa skam sar gnas pa/ ye shes kyi sku bcom ldan 'das yang dag par rdzogs pa'i sangs rgyas lha dang lha ma yin dang klu la sogs pa rnams kyis zhabs kyi pad+ma la phyag byas pa dus kyi 'khor lo'o zhes pa ni bag chags spangs pa'i nges pa'o/ /da ni ka sogs zhes pa la sogs pas mngal du
 gsal byed dang dbyangs kyang skye bar 'gyur ba ji lta ba de bzhin du 'chi ba'i mtshan nyid gsungs te/ 'dir mngal 'dzin pa'i dus su rdul ni gsal byed sum cu'i bdag nyid dang khu ba ni dbyangs sum cu'i bdag nyid de 'di dag kun gzhi'i rnam par shes pas byin gyis brlabs pa ni yang dag par sbyor
 ro/ /'dir mngal du skye ba'i phyogs dang po la ka yig la sogs pa'i gsal byed sum cu po rnams dbyangs thung ngus byin gyis brlabs pa dang / phyogs phyi ma la dbyangs ring pos byin gyis brlabs pa ste gsal byed kyi phyogs gnyis po 'di ni 'chi ba la rab tu gsal bar 'gyur ro/ /de bzhin
 du dkar po'i phyogs la khu ba'i nam mkha'i khams rdul la rab tu 'jug ste/ nag po'i phyogs la sa'i khams rab tu 'jug go/ /de bzhin du 'byung ba dang mi 'byung ba dag la rdul gyi sa dang nam mkha'i khams dag khu ba'i khams la rab tu 'jug go/ /de bzhin du zla ba gnyis pa'i phyogs
 dang po la i yig gis byin gyis brlabs pa'i gsal byed rnams te rdul rlung gi khams rab tu 'jug go/ /phyogs phyi ma la u yig gis byin gyis brlabs pa rnams te chu'i khams 'jug go/ /gsum pa'i phyogs dang po la me'i khams 'jug pa'i slad du r-i yig gis byin gyis
 brlabs pa rnams so/ /phyogs phyi ma la me'i khams 'jug pa'i slad du r-I yig gis byin gyis brlabs pa rnams so/ /zla ba bzhi pa'i phyogs dang po la chu'i khams 'jug pa'i slad du u yig gis byin gyis brlabs pa rnams so/ /phyogs phyi ma la rlung gi khams 'jug pa'i slad du I yig
 gis byin gyis brlabs pa rnams so/ /zla ba lnga pa'i phyogs dang po la sa'i khams 'jug pa'i slad du l-i yig gis byin gyis brlabs pa rnams so/ /phyogs phyi ma la nam mkha'i khams 'jug pa'i slad du A yig ring pos byin gyis brlabs pa rnams te/ skyed pa dang sdud pa'i dbye bas nam
 mkha' la sogs pa dang sa la sogs pa khu ba dang rdul dag phan tshun du 'jug go/ /de nas dbang po dang las kyi dbang po byin gyis brlabs pa'i slad du yon tan dang 'phel ba dang ha la sogs pa thung ngu dang ring po rnams gsal byed rnams la 'jug par byed de/ zla ba drug pa'i phyogs dang po'i
 phyed la a/ phyogs dang po'i phyed phyi ma la ha/ phyogs phyi ma'i phyed la A la/ phyogs phyi ma'i phyed phyi ma la lA/ de bzhin du bdun pa la e ya au wA/ /brgyad pa la a ra ra A ra rA/ dgu pa la o wa ai yA/ bcu pa la a la la A hA zhes pa gsal byed sum cu po rnams la 'jug go/ /
 mngal gyi zla ba'i rjes la zla ba bcus phun po dang khams dang skye mched la sogs pa rnams 'grub bo/ /khu ba dang rdul yang dag par sbyor bas phung po dang khams dang skye mched la sogs pa rnams spro ste skyed pa dang sdud pa'i rim pas so/ /de bzhin du zla ba bcu gcig pa la thig les byin gyis brlabs
 pa sum cu dang / zla ba bcu gnyis pa la rnam par bcad pas byin gyis brlabs pa rnams su 'gyur ro/ /de nas zla ba'i khams khu ba'i khams kyi rtsa dang rkang dang rus pa rnams skyed pa yongs su chad de shes rab kyi lo bcu gnyis dang thabs kyi lo bcu drug la nyi ma rdul 'phel bar byed do/ /de nas ye shes
 kyi khams smin te/ shes rab kyi rdul smin zhing thabs kyi khu ba smin no/ /de nas snga ma bzhin du shes rab kyi gzhan lo bcu gnyis dang thabs kyi gzhan lo bcu drug tu sa'i khams smin no/ /mtshams 'di nas snying stobs kyi chad bu mar 'gyur ro/ /slar yang shes rab kyi gzhan lo
 bco brgyad du chu'i khams smin te/ thabs kyi phyed dang bcas pa'i nyin zhag nyi shu rtsa gnyis dang / zla ba gcig lhag pa'i lo bcu drug tu snga ma bzhin du chu'i khams smin no/ /shes rab kyi me smin pa ni snga ma bzhin te thabs kyi yang snga ma bzhin no/ /de bzhin du rlung gi khams smin pa dang nam
 mkha'i khams smin pa ste snying stobs dang rdul dang mun pa'i dbye bas lo dgu bcu rtsa drug dang phyed dang bcas pa'i zla ba bcus khams thams cad smin no/ /de nas dbu ma'i rtsa lo dang phyogs dang nyin zhag gi tshad gsal byed sum cu'i tshad de nyin zhag tshogs lnga bcu rtsa lnga lhag pa'i brgya phrag
 bcu gcig gis dus rab tu rgyu ste za bar byed do/ /ka sogs sde rnams dbyangs dang bcas pa sngar brjod pa dag kyang yon tan gyis bsgyur ba nyin zhag stong brgyad cur gyur pa dang gang yang phyogs gsum dag gi dbyangs thung ngu dang ring po dang shin tu ring po bzhi bcu rtsa lnga dang / nges par sum cu'i
 gsal byed de dag rnams la rnam gsum bgrod pa'i dbang gis zhes pa g.yon dang g.yas dang dbu ma'i bgrod pa'i dbang gis 'chi ba rgyu'o/ /de bzhin du bkra shis la sogs pa gza' lnga'i rkang pa sum cu rtsa bzhi lhag pa'i brgya phrag bcu gcig sngar brjod pa rnams dang nyi ma ri bong can gyi rkang pa ro
 dang dus dang ri bong can te rkang pa bcu gcig gi bdag nyid dang / sgra gcan mjug rings rkang pa ste sgra gcan gyi rkang pa ni phyed dang bcas pa'i bdun gyi bdag nyid de zla ba yongs su bcad pa'i bdag nyid do/ /mjug rengs 'char ba'i rkang pa ni nyin zhag so sor chu tshod gnyis kyi bdag nyid de rkang pa
 chu tshod kyi bdag nyid 'di dag ni lo gsum dang phyogs gsum dang gsal byed sum cu'i nyin zhag gi grangs te 'di dag nyid la 'chi brgyu'o/ /de bzhin du sum cu rtsa gnyis lo dang phyogs kyang yon tan gyis bsgyur ba zla ba nyi ma me yis phye ba'i zhes pa ni snying stobs dang rdul dang mun pas phye ba ste lo dgu
 bcu rtsa drug dang gzhan phyed dang bcas pa'i zla ba bcu'i phyogs rnams so/ /g.yon dang g.yas kyi rtsa'i phyogs lo brgya'i phyogs rnams kyi nang nas lo gsum gyi ni phyogs rnams dag ste bdun cu rtsa gnyis dang / ri bong can gyi yon tan de phyogs gsum dang dus kyi me yi phyogs gnyis dag ste/
 de ltar phyogs bdun cu rtsa bdun lo brgya las ni ste lo brgya'i phyogs kyi phung po brgya phrag nyi shu rtsa bzhi'i grangs las dman par gyur pa'o/ /lhag ma'i phyogs ni nyi zla dag gi ste g.yas dang g.yon gyi'o/ /'jig rten mig dang me mig grags zhes pa nyi shu rtsa gsum lhag pa'i brgya phrag nyi shu rtsa
 gsum mo/ /de bzhin du nyin mtshan dus rnams gtso bo dag gis dman pa mtha' dad ste lo brgya'i stong phrag sum cu rtsa drug go/ /gtso bos dman pa ni lo gsum dang phyogs gsum dang gsal byed kyi zla bas dman pa ste g.yon dang g.yas la 'chi bas zos pa'o/ /gsal byed la sogs sde
 pa dbyangs rnams dag ni nyi ma zla ba'i bgrod pa'i dbang gis 'chi bas zos te/ 'chi ltas nas brtsams nas dbu ma'i dus su zos so/ /de bzhin du phyed bcas 'khor lo'i chu tshod phyed bcas 'khor lo ni khyim bco brgyad kyi grangs te sum cu rtsa lnga lhag pa'i brgyas bsgyur ba sum cu lhag pa'i brgya
 phrag nyi shu rtsa bzhi ni chu tshod kyi grangs so/ /ri bong can gyi rkang pa ni rim pa dang rim pa ma yin pa'i dbye bas 'byung dang 'byung ba mda' dang rig byed la sogs pa brgya'i grangs te/ de dag dang bral ba ni ri bong can gyi rkang pa dang bral ba'o/ /gza'i chu tshod ni bdun te des dman pa mtha' dag ni nyi shu rtsa gsum lhag
 pa'i brgya phrag nyi shu rtsa gsum gyi grangs so/ /shes rab thabs kyi rab tu dbye ba dag gis te sdud pa dang skyed pa'i dbye bas nyin mtshan dus kyis de dag rnams kyang 'chi ba bros so/ /de ltar sde pa dbyangs bcas dbyangs kyi tshogs dang bcas pa gsal byed rnams nyid dag dang rkang pa ni/ dman dang bar ma dus 'chi zla ba
 nyi ma'i 'chi ba dang ni gsal byed lhag pa'i lha la'i zhes pa ni dman pa zla ba'i 'chi ltas kyi 'chi ba dang / bar ma nyi ma'i 'chi ltas kyi 'chi ba dang / gsal byed lhag pa'i lha dbu ma'i dus su 'chi ba'i 'chi ba la ste sngar brjod pa'i nges pa'o/ /de nas sum cu gnyis dang nyin zhag gcig kyang zhes pa nyin zhag sum cu rtsa
 gsum mo/ /ri bong can bcas nyi ma'i bgrod la ste g.yon pa'i bgrod pa dang bcas pa'i g.yas pa'i bgrod pa las rtsa ni gcod pa 'di thun mong ba'o/ /dus kyi 'chi ba la ni slar yang ste sum cu mtshan mo gsum gyis zhes pa nyin zhag sum cu rtsa gsum gyis rdo rje dang bcas te lus dang ngag dang sems dang bcas
 pa'i phung po khams dang dbang po la sogs 'dor ro/ /de nas dor nas zla ba nyi ma'i rtsa la la nA dang ra sa nA dag dang dung can ma a ba d+hU tIr srog gi rlung dag nyin gcig rab 'jug ste sa dang chu dang bsreg za rlung dang nam mkha'i khams ni rnam par chad pa ji srid nyid du'o/ /'dir 'chi ba'i nyin zhag la dbu mar srog rab tu
 zhugs te dus kyi rlung gis dman par gyur pa na lte bar sa'i khams yon tan lnga'i rang bzhin 'dor te de nas sa'i khams rnam par chad par 'gyur ro/ /snying gar chu'i khams yon tan bzhi'i rang bzhin 'dor te chu'i khams rnam par chad par 'gyur ro/ /mgrin par me'i khams yon tan gsum gyi rang bzhin 'dor te de nas
 ma'i khams rnam par chad par 'gyur ro/ /dpral bar rlung gi khams yon tan gnyis kyi rang bzhin 'dor te de nas rlung gi khams rnam par chad pas 'gyur ro/ /gtsug tor du nam mkha'i khams yon tan gcig gi rang bzhin 'dor te de nas stong pa'i khams rnam par 'chad do zhes pa ni steng du srog gi khams yongs su 'dor
 pa'o/ /'og tu lte bar lus kyi thig le'i chos thur sel 'dor ro/ /de nas sad pa'i gnas skabs zad par 'gyur ro/ /gsang bar ngag gi thig le'i chos 'dor te/ de nas rmi lam gyi gnas skabs chad par 'gyur ro/ /nor bur sems kyi thig le'i chos 'dor te de nas shin tu gnyid log pa'i gnas skabs chad par 'gyur ro/ /de bzhin du steng
 du yang rdul gyi khams kyi thig le rnams srog gis 'dor te/ de nas lus dang ngag dang sems ni rnam par chad par 'gyur ro/ /'pho ba'i dus su drug pa ye shes kyi khams 'dor ro/ /yan lag thams cad la khu ba 'og tu 'dor zhing rdul steng du 'dor te bzhi pa'i gnas skabs rnam par chad par 'gyur ro/ /de ltar mngal nas skyes pa
 rnams 'chi ba'i dus des pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las 'jig rten kun rdzob kyi skye ba dang 'gag pa'i rgyur gyur pa skad cig gi mtshan nyid dus kyi 'khor lo nges pa'i mdor bsdus chen po ste lnga pa'o// //