བོད་ཡིག

e-texts based on the ACIP/ALL Input

spyod pa chen po yis/ /gshin rje'i pags pas sku smad dkris/ /byams pa chen po'i bdag nyid ni/ /de bas sprin gyi mdog dang mtshungs/ /gnyis su med pa'i shes rab thabs/ /de phyir rdo rje dril bu ldan/ /bdud kun bsdigs par byed pa'i phyir/ /mda' dang gzhu ni khengs par 'gengs/ /snang ba dang ni snang ba mched/ /de la bdag rang bdag po yin/ /de bas zla ba nyi ma gnyis/ /rol pa yis ni phyag na bsnams/ /dngos dang dngos min rtog pa med/ /de phyir mgo bo'i pad+ma'i snod/ /chos kun stong pa'i ngo bo nyid/ /de bas kha T+wAM ga bsnams pa/ /phyag rgya chen po'i bdag nyid yin/ /zla ba phyed pas thor cog brgyan/ /nam mkha' ji bzhin ngo bo yis/ /de bas mi bskyod pas dbu brgyan/ /snying rje chen pos rngam pa'i don/ /de phyir yang dag 'jigs pa'i tshul/ /mu stegs rnams la khrel rgod phyir/ /rus pa la sogs pa yis brgyan/ / bdud kun gyis ni mi tshugs pa/ /de bas bdud kyi steng na bzhugs/ /chags pa la sogs spangs pa yis/ /de phyir dur khrod nang du rol/ /de kun dag pa shes pas na/ /da ni ngal bso bya ba'o/ /rang gi snying gar mkha' pad du/ /dri med rgyas pa'i zla ba bsgom/ /de yi dbus su tshul tsam ni/ /mchog gi rnam pa skye med mkha'/ /phra mo'i 'od kyi rang bzhin can/ /rlabs med pa yi rang rig go/ /de nyid bsgoms pa tsam gyis ni/ /myur du dngos grub thob par 'gyur/ /dngos grub chen po 'dod gyur na/ /de la the tshom mi bya'o/ /gang zhig rgyud kyi nang med pa/ /de ni bdag gi rang bzo min/ /'di byas bsod nams rnyed pa gang / /sems can kun gyis thob par shog /dpal ye shes mkha' 'gro'i sgrub thabs/ slob dpon chen po longs spyod rdo rjes mdzad pa rdzogs so// //rgya gar gyi mkhan po pra dz+nyA shrI gup+ta nyid dang / zhu chen gyi lo tsA ba dge slong rin chen rgyal mtshan gyis bsgyur cing zhus te gtan la phab pa'o// @##/ /rgya gar skad du/ sarba pA paM shud+d+ha ag+ni pU dzanA ma sa mA d+hi/ bod skad du/ sdig pa thams cad 'dag pa'i me'i mchod pa'i ting nge 'dzin zhes bya ba/ / dpal rdo rje sems dpa' la phyag 'tshal lo/ /ma hA mu dra ti la las/ /byung ba'i khang pa brtsegs ma ru/ /snying rje byang chub sems ldan pas/ /bdud rtsi lnga yis khrus byas te/ /sngags ni bye ba bzlas par bya/ /oM badzra na la ka mre ta ma la na d+he ro te da ra ro ro ga swA hA/ rdzogs dang rnal 'byor ma 'dus nas/ /bdag la lung rtsol sbyin byed ma/ /bcu drug lon pa'i mtshan bzang mo/ /si la ga pur mang yod pa/ /kye bu 'di khyer sbyor ba gyis/ /lung ston thob pa'i bu mo la/ /dbang bskur rtsa ba'i rgyu 'bras bshad/ /shin tu dben pa'i gnas dag tu/ / n+ya gro d+ha la la bzhugs te/ /rtog pa'i khams la rnal 'byor bya/ /dus kyang ngal so mnyam par gzung / /rdul gyis me spar dngos po sbyar/ /yam shing me spar dkyil 'khor gsal/ /sreg rdzas pad+ma'i mar gzhu ste/ /dgang gzar haM las rdo rje dgang / /hoM khung phyi rol 'dzag mi bya/ /reg bya med pa'i mchod pa yis/ /rang bzhin dkyil 'khor lha rnams dang / /'jig rten skyong dang mkha' 'gro'ang mnyes/ /nya la thug nas gshegs su gsol/ /bsam pa thams cad 'grub pa dang / /chos sku thob par the tshom med/ /mar me rdzas rnyed ji bzhin du/ /dus thams cad du mi gnas pa'o/ /lus ni nan tan gang byed pa/ /rdzogs pa'i rnal 'byor yin zhes bya'o/ /sbyin sreg gsang ba'i man ngag rin chen rdo rje dpal gyis mdzad pa rdzogs so// @##/ //rgya gar skad du/ shrI A nan+da puSh+pa mA lA/ bod skad du/ dpal dga' ba'i me tog gi phreng ba/ thams cad mkhyen pa la phyag 'tshal lo/ /skyed tshal ye shes thig dpal las/ /gsang mchod don gyi rgyu yi phyir/ /dga' ba yi ni me tog phreng / /ye shes mkha' 'gro la 'dud bya'o/ /bde bar gshegs pa kun gyi ye shes chen po shin tu zab pa'i gsang ba rmad du byung ba'i/ dpal au rgyan pa'i rdo rje gnas chen po'i gtso mo dpal ldan yan lag rab ma'i zhabs kyi pad+ma'i bka' drin gyis/ gang zhig yongs su shes pa de ni slob ma dam pa'i tshogs kyis dga' ba khong du chud par bya ba'i phyir dam tshig chen po la gnas nas/ 'gro ba'i gtam