བོད་ཡིག

e-texts based on the ACIP/ALL Input

chub sems dpa' dang dpal dgyes pa rdo rje'i lha tshogs 'khor dang bcas pa la/ bdag nyid lus dbul te/ bdag dus thams cad dang rnam pa thams cad du bzhes su gsol/ thugs rje chen po dang ldan pa'i mgon po khyed rnams kyis/ dam tshig chen po'i dngos grub stsal du gsol/ de nas sdom pa bzung nas bstod pa nyi shu pas bstod la/ bzod pa gsol nas ni/ gang yang bdag blo gti mug pas/ /zhes pa la sogs pa'o/ /yi ge brgya pa lan gsum brjod nas smon lam gdab pa ni rigs su skye zhing dam tshig can/ /smyo med kyi yi rdo rje ston/ /bla ma la gus snying rjer ldan/ /skye zhing skye bar 'gyur bar shog /lag pa rdo rje dril bu 'khrol/ /zab mo'i chos ni klog pa dang / /btsun mo'i khu ba mnyam zas can/ /skye zhing skye bar 'gyur bar shog /de nas gshegs su gsol ba ni/ /oM khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang / /slar yang byon par mdzad du gsol/ /zhes brjod la he badzra maN+Dal muHzhes pas gshegs su gsol bar bya'o/ / mdor bsdus pa'i bya ba rdzogs so// @/ /sAts+tsha'i cho ga bzhugs so// @##/ /sAts+tsha bya ba'i rim pa yang / /sa las 'jim pa byas nas ni/ /rang gi lha yi rnal 'byor gyis/ /'jim pa rin chen sna lngar bsam/ /de nas sems can thams cad la/ /byams dang snying rje bskyed bya zhing / /rigs gsum lha yang dran par byas/ /chos sku'i gzugs brnyan bzhengs pa dang / /de yang sems can don du'o/ /de nas 'jim pa dag la ni/ /sngags ni nyi shu rtsa cig gdab/ /na mo b+ha ga ba te/ bai ro tsa na/ ta thA ga tA ya/ ar+ha te/ samya k+saM bud+hA ya/ tad+ya thA/ oM su k+Sh+me k+Sh+me sa ma ya sa ma ye/ shAn+te dAn+te/ a sa ma ro pe a na lam+be/ ta raM be ya sho ba ti ma hA te dza ni ra ku le ni rbA Ni/ sarba ta thA ga ta/ a d+hi Sh+ThA na a d+hiSh+Thi te swA hA/ rten 'brel dag gi sngags dag gis/ /rab tu gnas pa bya ba yin/ /rdzogs so// // @/ /bung ba 'dod pa'i sgrub thabs bzhugs// @##/ /bcom ldan 'das dpal dgyes pa rdo rje la phyag 'tshal lo/ /de nyid ye shes rgyus skyes pa'i/ /longs spyod rdzogs sku phyag 'tshal nas/ /shin tu bsdus par gyur pa yi/ /bung ba'i sgrub thabs bshad par bya/ dang po kho nar khams gsum thams cad sems tsam du shes par byas la/ de nas bdag nyid dpal he ru ka'i gzugs chu skyes dmar po dang 'dra ba skad cig gis rdzogs par byas te/ rang gi snying gar bcu drug phyed kyi pad+ma shin tu dmar ba bsams la/ de yi lte ba la A li yang dag par bsdus pa'i gzugs/ sangs rgyas thams cad kyi yon tan rjes su chags pa'i yi ge aM dang hUM yang dag par yid kyis bris te/ de nas hUM dang aM las byung ba shin tu dmar ba'i 'od zer yid bzo bar byed pa spros te/ gur gum lta bu'i 'od zer de phyogs thams cad khyab ste/ sems can thams cad rang gi gzugs su byas la de'i sku gsung thugs lhan cig tu bkug ste/ hUM dang aM gnyis kyi thig le la gzhug par bya'o/ /de nas hUM yongs su gyur pa las/ thabs dang shes rab kyi rang bzhin bung ba'i gzugs/ rin po che lta bu'i snying rje chen po'i rang bzhin me tog gi ro 'thungs pas brgyal ba/ hUM gi ngo bo'i sgra rtag ring du sgrog pa/ bdag med ma dang he ru ka'i rang bzhin bsgom par bya'o/ /de nas de'i snying gar tshon dmar po/ /ko ba'i chu lta bu'i thig le phra mo aM dang hUM gi yi ger bltas te/ de nas thabs dang shes rab kyi bung ba srog gi rlung la zhon te/ sna'i bu ga nas phyung la/ khams gsum na gnas pa sems can gyi lus ngag yid gsum rnam par dag par byas te bsdu'o/ /yang dbugs kyi rlung la brten nas ji lta bar bya ste/ rang gi snying ga'i pad+ma'i lte ba la rab tu rnam par dag pa la gzhug par bya ste/ gzhan gyi sku gsung thugs dang / rang gi sku gsung thugs gcig tu mnyam par bsgom par bya'o/ /de ltar yang dang yang du ji srid skad cig gis mthong gi bar du/ dbugs la brten pa'i gzugs bsgom par bya'o/ /