<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
D1204: dpal rnyog pa med pa zhes bya ba'i rgyud kyi 'grel pa<br><table><tr><td>
<input type="button" onclick="location.href='tcompletep.php?id=D1204&coll=TD&volcur=0';" value="show page break" />
<td width=150><td>
<input type="button" onclick="location.href='tcompletel.php?id=D1204&coll=TD&volcur=0';" value="show line break" />

<td width=150><td>
<a href="tcompleteu.php?coll=TD&id=D1204&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">in+d+ra b+hU ti'i man ngag gis/ /rim gyis brgyud nas legs par bshad/ /dam tshig can gyis rtogs par shog//[]@##/ /rgya gar skad du/ shrI a na bi la nA ma tan+t+ra pany+tsi ka/ bod skad du/ dpal rnyog pa med pa zhes bya ba'i rgyud kyi 'grel pa/ dpal rnyog
 pa med pa la phyag 'tshal lo/ /bcom ldan rnyog pa med pa la/ /btud de rnyog med dka' 'grel 'di/ /gzhon nu zla bas dri med pa/ /'dir ni ji bzhin brtsam par bya/ /rnyog pa med pa zhes bya ba la sogs pa la/ rnyog pa ni yid la byed pa'i rnyog pa'o/ /de yang ma
 rig pa dang bcas pa'i phung po ste/ ma rig pa'i bag chags zhes bya ba'i don to/ /rnyog pa med pa ste/ yid la byed pa'i rnyog pa spangs pas ma rig pa'i bag chags med pa zhes bya ba'i don te/ 'di bag chags dang bcas pa'i sdig pa ma lus pa spangs pa zhes bya ba'i tha tshig
 go/ /'di ltar nyon mongs pa dang shes bya'i sgrib pa bag chags dang bcas pa rab tu spangs pa'i ched du 'bad par bya'o zhes bya ba'i don to/ /ma rig pa'i bag chags dang bcas pa ni nyes pa thams cad kyi gleng gzhi yin pa'i phyir ro/ /gang la ma rig pa'i bag chags dang
 bcas pa med na de la ji ltar nyes pa'i bag chags gzhan dag 'byung ste/ de med na nyes pa gang zhig yod pa yin/ de'i phyir rnyog pa med pa ste/ sgrib pa gnyis bag chags pa thams cad med pa nyid do/ /rnyog pa de yang dpal rdo rje sems dpa' ste/ brjod par bya ba bstan la/
 rang gi don phun sum tshogs pa ston to/ /phan 'dod pas zhes bya ba la rdo rje 'dzin pa nyid thob pa ni dgos pa ste/ gang gi phyir bcom ldan 'das kyis 'gro ba'i rdo rje 'dzin mdzad pa'o/ /de dag gis ni gzhan gyi don phun sum tshogs pa zhes brjod do/ /rnyog pa med pa de yang rnyog pa
 med pa'i khyab par snang ba med pa la sogs pa bye brag brgyad kyis ston te/ de la rnyog pa ni khams gsum gyi spros pa la dmigs pa thams cad de/ de 'di la yod pa ma yin pas/ snang ba med pa 'di ni spros pa med pa zhes bya ba'i don te/ mi dmigs pa zhes bya ba'i tha tshig go/ /
 snang ba med pa ma yin pa ste/ shes rab nyid snang ba'i rang bzhin ma yin pa zhes bya ba'i don tam/ 'di la snang ba med pa snang ba ma yin pas zhes bya ba'i tha tshig go/ /de la yod pa ma yin zhing / de rang nyid kyang med la/ de'i rgyur yod pa ma yin pa'i phyir ro/ /rnam pa gsum
 du bshad pa'o/ /dpe med pa ni de dang mnyam pa'i gnyis pa gzhal bya med pa'i phyir dper nye bar gzhag pa med pas mnyam zhing mtshungs pa med pa ste/ dpe med pa zhes bya ba'i don dang / de las gzhan pa'i gzhal bya med pa'i phyir/ dpe med pa zhes bya ba'i don gyis de dang
 mnyam pa gnyis med pa'o/ /de'i bdag nyid kyis 'gro ba ste/ 'gro ba de'i bdag nyid yin pa'i phyir/ ci ste dpe dang ldan/ brjod du med pa ni brjod par bya ba ma yin pa ste/ tshig gi spyod yul ma yin zhing rtog pa dang dpyod pa'i yul las 'das pas/ rang yang dag pa'i rig pa tsam gyi
 rang bzhin gyi lus kyi phyir ro/ /brjod du med pa ma yin zhing brjod pa ma lus pa med pa nyid ces bya ba'i don te/ brjod par mi nus pa dang / bstan du med pa nyid ces bya ba'i don to/ /yul gyi bdag nyid ma yin la/ sangs rgyas kyi yang blo'i yul ma yin pa'i don to/ /rig pa mi nus
 pa'i phyir ro/ /yul gyi bdag nyid yod pa ma yin pa'ang 'di ni yul can rang bzhin med pas 'dzin pa'i don to/ /'khrul ba med pa'i phyir ro/ /gzung ba med pas 'dzin pa med pa can ni/ 'dzin pa 'khrul pa can te/ rang rig pa'i mngon sum gyi rang bzhin ni/ bcom ldan 'das
 ma 'khrul pa'i mtshan nyid du bshad do/ /bzod pa nyid nas bzung ste ngo bo nyid kyis dri ma med pa ltos pa med pas ngo bo nyid kyi skyon thams cad sgrib g.yogs spangs pas nye bar zhi ba ste/ gzod ma nyid nas ngo bo nyid kyis yongs su dag pa zhes bya ba'i don to/ /'dis ni lhan cig skyes
 pa'i rdo rje 'dzin pa'i lus bstan to/ /glo bur gyi dri ma med pa yang gnyis te/ nyon mongs pa'i dri ma med pa dang / shes bya'i sgrib pa'i dri ma med pa'o/ /de la nyon mongs pa'i sgrib pa spangs pas bdag med pa zhes bya ba ste/ spangs ba phun sum tshogs pa brjod do/ /shes bya'i
 sgrib pa spangs pas dag pa zhes bya ste/ thob pa phun sum tshogs pa'o/ /'di dag gis ni bcom ldan 'das kyis spangs pa dang / thob pa'i bye brag gis gnyis te/ rang gi don phun sum tshogs pa ston to/ /mtshan gzhi brtag par bya'o/ /de dag spangs pa ni rnam par mi rtog
 pa'i zhes bya ba'i don te/ mtshan gzhi yang mtshon par bya ba'i dngos pos brtag par byed pa'i mtshan nyid kyang rnam par rtog pa yin pas brtag pa ste/ de dag spangs pa'o/ /de nyid rang nyid gang gis kyang rtag par bya ba ma yin te/ gzhan gyi rtog pa po yang ma
 yin zhes bya ba'i don to/ /'dis ni rtog pa dang bral ba bstan to/ /chos kyi sku la ltos nas kyang mtshon par bya ba'i dngos po yin pa dang / mtshan nyid kyis kyang gzugs kyi sku skyes bu chen po'i mtshan dang sku spangs pa'o/ /dang gi sgra ni nges par gzung ba'i don gyi rim pa bzhin du
 sbyar ba ste/ de nyid snang ba med pa zhes bya ba la sogs pa khyad par gyi khyad par du byas pa'o/ /de nyid dpal rnyog pa med pa'i bcom ldan 'das zhes bya ba'i don te/ rdzogs pa'i sangs rgyas kyi rang bzhin ngo bo nyid kyi chos rnal 'byor ma'i de kho na nyid de bzhin gshegs pa thams
 cad kyi ngo bo nyid can/ rdo rje sems dpa' zhes bya ba'i tha tshig go/ /de skad du yang rgyal ba'i sras po de ni sangs rgyas rjes su dran pa'i gzugs las ma mtshon pa'i chos las ma yin te/ gang na sems med pa yid kyi rgyu ba med pa der/ de ltar sangs rgyas dbyer med rjes su dran
 par bya'o zhes gsungs pa dang / gang gis nga la gzugs su mthong / /gang gis nga la sgrar thos pa/ /log par song la zhugs pa ste/ /skye bo de yis nga mi mthong / /'dren pa rnams ni chos kyi sku/ /chos nyid du ni sangs rgyas lta/ /chos nyid shes par bya bar ni/ /rgyal bas kyang
 ni mi bskyod do/ /zhes gsungs so/ /gzugs ni 'dir mtshan dang dpe byad do/ /chos nyid ni bstan pa'i chos so/ /sems ni rnam par shes pa'i tshogs bdun no/ /yid ni nyon mongs pa can gyi rnam par shes pa'i tshogs so/ /gzugs ni mtshan dang dpe byad kyis te/ gnyis
 kas kyang bcom ldan 'das nyid la 'jug par byed pas spong ba ste/ de kho na nyid ma yin par mthong bas thams cad 'dis spong bar byed pas chos rnams kyi chos nyid do/ /chos nyid ni chos kyi de kho na nyid do/ /chos kyi sku ni chos kyi sku'o/ /shes par bya ba'i nye bar
 mtshon par bya'o/ /gang rgyal bas kyang mi dpyod pa ni gang zhig blo'i yul ma yin pas gang yin pa mtshon par bya ba ma yin te/ de dag gis chos kyi sku bshad do/ /phan pa'i sgras longs spyod rdzogs pa dang sprul pa'i sku gnyis te/ de dag gis 'gro ba'i don byed pa'i phyir sku
 gsum bstan pa'o/ /sku gsum gyi tshig gis kyang 'di dag dbyer med par 'jug pa'i ye shes lnga bshad de 'di ni 'bras bu bstan pa'o/ /rnyog pa med pa zhes bya ba la sogs pa 'di nyid kyis bsam gyis mi khyab pa'i mtshan nyid kyi lam yang bstan te/ rnyog pa med pa ni ma
 bslad pa yin pas ma bslad pa'i don to/ /gsal ba'i zhes bya ba'i bar du'o/ /phan pa ni 'dir sku gsum nyid gang du yang bsam du yod pa ma yin te/ gzung bya snang ba med pas 'dir 'dzin pa med de/ bsam gyis mi khyab pa zhes pa'i don to/ /dpe med pa 'di ni rdo rje 'chang
 thob par byed pa'i lam gnyis med pa'o/ /brjod du med pa ste/ bsam gyis mi khyab pa'i phyir ro/ /nang du yang bsam pa'i yul gyi rang bzhin ma yin pa'i don to/ /rgod dang bcas pas zhi ba'o/ /zhum pa dang rmugs pa dang gnyid med pas bdag med pa'o/ /'gyod pa dang the
 tshom bral bas dag pa'o/ /mtshan gzhi bsam par bya ba dang / mtshan nyid sems par byed pa spangs pa ni bsam du med pa ste/ sems med pa'i don to/ /sngar gyi snang ba med pa dang yul gyi bdag nyid dag las mtshan gzhi dang mtshan nyid spangs pa'i don 'di ni log pa yin
 te/ gang gi lam de gzhan gyis bsam gyi med pa dang / gzhan du sems pa ma yin pas snang ba med pa'i don to/ /de yang cung zad kyang yul yod pa ma yin te/ yul med pas bdag yul gyi bdag nyid ma yin pa'i don to/ /gzhan sems pa ma yin pas gzhan gyi sgo nas
 tshig snga ma gnyis yin no/ /las 'dis yang rang nyid kyi kun du brtags pa'i dngos po med pas/ rang nyid med pa'i don te/ mtshan nyid med pa'i tha tshig go/ /rang nyid rgyud la gnas pa'i kun du rtog pa med pa'i don te/ rang gis brtag par bya ba ma yin pas mtshan nyid med
 pa'i don gyis rang nyid kyang brtag par bya ba ni rang bzhin med par bya ba'i tha tshig go/ /rgyun gyi snga ma dang phyi ma'i tshul gyis rgyun du gnas pa la bsam bya dang sems pa gnyis la rag las pa med pas na rang la sems pa dang bsam bya'i rang bzhin med de/ rang gi
 sgo de dag gi mtshan gzhi med pa dang / mtshan nyid med pa'i tshig dag go/ /rang gi sgo'i don gyis kyang gnyis su rig par bya ste/ rgyun la ltos pa dang / skad cig ma la ltos pas ni/ rang dang gzhan gyi sgo nas byas pa'i khyad par ro/ /tshig 'di gnyis kyis ni bsam gyis mi khyab pa'i
 lam gyi lus bstan pa ste/ 'dis ni lam bshad pa'o/ /sangs rgyas te sgro 'dogs pa'o/ /de nyid de ni bsam par bya ba min zhing bsam du med pa'o/ /'o na ci zhig bya snyam pa la/ sangs rgyas zhes bya ba la sogs pa la ji ltar sangs rgyas bcom ldan 'das rnams sngon gyi smon
 lam gyi shugs kyis dmigs pa med pa'i snying rje chen pos de dang de ltar 'gro ba sna tshogs pa'i phan pa la dmigs nas/ sprul pa rnams 'bad pa med par rang gis rab tu 'jug par bya ba nyid do/ /rgyun mi 'chad pa zhes bya ba ni mdzad pa'o/ /de kho na nyid la gnas nas rnam par
 mi rtog pa'i ting nge 'dzin grub par bya ba'i phyir/ lhun gyis grub pa'i sbyor bas gnas par bya ba'i don to/ /kha cig ces bya ba la sogs pas ni mngon par mi 'dod pa 'gegs pa ste/ stong pa nyid shin tu stong pa nam mkha'i me tog lta bu de dang mi 'jigs pa la sogs pa spangs
 pas so/ /grag ces bya ba ni mi 'dod pa'o/ /de bzhin zhes bya ba ni stong pa la sogs pa bar ma chod pa'i rang bzhin no/ /rgyu'i zhes bya ba ni blos gzhag pa'o/ /'bras bu zhes bya ba la sogs pa lhan cig skyes pa'i rdo rje 'chang thams cad du bsam gyis mi khyab pa'i chos dbyings
 kyi rang bzhin te/ ngo bo nyid kyi sku dang de kho na nyid kyi rang bzhin mthong ba'o/ /byang chub ni 'bras bu ste/ mngon du bya ba zad pa dang mi skye ba shes pa'o/ /bsgom pa ni lam mo/ /'bras bu ni bya ba'o/ /rgyu ni byed pa'o/ /de dag ma grub pas lhan cig skyes pa ma yin pa dang /
 rdzogs pa ma yin pa dang / dngos po med pa dang / tshad mas bkag pas de dag nyid rang bzhin med pa 'di des brjod pa'o/ /'bras bu la ltos nas rgyu yin la rgyu la ltos nas 'bras bu'o/ /ltos nas grub pa gang yin/ ma grub pa ste/ 'di lta ste/ bcom ldan 'das thog ma ste skye ba
 yin la/ tha ma ni 'gag pa'o/ /gang la de dag med pas de nyid kyi rang bzhin gang yin pa de la de skad brjod de/ rgyu dang rkyen dang bral ba'i phyir ro/ /mthong ba zhes bya ba la sogs pas phyag rgya chen po 'di dngos grub kyi sprul pa ston pa yin te/ sgyu ma lta bu'i ting nge 'dzin gsal ba'i
 mtha' las byung bas/ chos thams cad sgyu ma lta bu'i rdzogs pa'i byang chub mngon sum du bya ba'i rang bzhin chos thams cad sgyu ma lta bur mkhyen pa nyid sgyu ma lta bu'i ye shes so/ /ye shes de bsgoms pa'i stobs kyis rnam pa sna tshogs pa'i sgyu ma lta bu'i ye shes 'byung ste/
 ye shes de dang ldan na de dang der sprul par byed do zhes bya ba'i don to/ /brtag pa ste nye bar brtags pa'i cha'o/ /sangs rgyas ni de bzhin gshegs pa'o/ /rdo rje can ni rdo rje 'dzin pa'o/ /sogs pa'i sgras ni byang chub sems dpa' la sogs pas so/ /de dag gis brtags pa
 ste sprul pa 'gyed pa'o/ /da ni dkyil 'khor rnam par gzhag pa brjod par bya ste/ de la legs par gnas nas zhes bya ba la sogs pas bsgom par bya ba'i dkyil 'khor gyi rnam par gzhag pa re zhig ston to/ /legs par gnas pa ni gnas pa ste mi g.yo ba'o/ /the tshom la sogs
 pa'i skyon spangs pa'i don to/ /de bzhin nyid kyi rnam pa ni gzod ma nas ma skyes pa thog ma nas zhi ba dang / nam mkha'i mnyam pa zhes bya ba la sogs pa de'i chos thams cad bsdus pa'i phyir ro/ /rnam pa de'i spyod yul yin pas na yul te/ dmigs pa'i chos thams cad gang
 yin pa de ni de bzhin du'o/ /chos zhes bya ba ni dmigs pa'o/ /ngo bo nyid de rang bzhin gyis 'od gsal ba stong pa'o/ /gdod nas dag ces bya ba ni bstan pa'o/ /rnyog pa med ces bya ba ni bshad pa ste/ rang bzhin gyis yongs su dag pa'i don to/ /'di ni rnam par brjod pa'o/ /rang dang
 gzhan la phan par 'dod pa'i rnal 'byor pas so/ /de nyid kyis na sems kyi dkyil 'khor dang / rdul tshon gyi dkyil 'khor gsungs so/ /phung po la sogs pa ni rdul tshon gyi'o/ /sogs pa'i sgras ni skye mched do/ /khyad par ni rtogs pa'i khyad par ro/ /phung po
 la sogs pa mtshon par byed pa bstan pa'i phyir/ lus zhes bya ba la sogs pa gsungs te/ phung po la sogs rnams la lus la sogs pa tha mi dad pa zhes bya ba'i don to/ /lus la sogs pa la gsum ma gtogs par khams dang skye mched rnams yod pa ma yin pa'i phyir
 te/ rdo rje gsum po nyid ni phung po dang skye mched dang khams kyi don to/ /de zhes bya ba ni dkyil 'khor de nyid do/ /brjod pa ni bshad ma thag pa'i tshogs kyi dkyil 'khor du bstan to/ /de nyid kyis ni phung po la sogs pa bshad pas gnyis su med pa bstan te/ sogs
 pa'i sgra ni gcig gis ni skye mched du gzung zhing gnyis pas ni khams te/ zag pa dang bcas pa yang lam gyi rang bzhin dkyil 'khor du brjod do/ /'bras bur gyur pas yang zag pa med pa'i dkyil 'khor 'di dag nyid zag pa med pa'i phung po rnams lta ba de la tshul
 khrims dang / ting nge 'dzin dang / shes rab dang / rnam par grol ba'i ye shes mthong ba ni phung po'o/ /thod rgal la sogs pa ni skye mched la sogs pa'o/ /skye mched de byams pa la sogs pa'i khams rnams rang bzhin med pa nyid do/ /'di dag ni rang bzhin bstan
 pa'o/ /me long lta bu la sogs pas ni gang gi phyir de ni dkyil 'khor gru bzhi par gyur pa ste/ 'di ni dkyil 'khor gru bzhi par bstan pa'o/ /ye shes bzhi ni rtsibs bzhir bsdus pa'i don to/ /rtsibs kyi sgra 'dis phyogs brdar btags pa'o/ /me long lta bu'i
 ye shes ni dang por shar gyi rtsibs so/ /so sor rtog pa'i ye shes ni lho'i rtsibs so/ /bya ba grub pa'i ye shes ni byang gi rtsibs so/ /mnyam pa nyid kyi ye shes ni nub kyi rtsibs te logs zhes bya ba'i don to/ /de dag ni gru bzhi par brtags pa ste/ rnam par gzhag pa'o/ /
 sangs rgyas thams cad rdo rje 'dzin pas so/ /ye shes nyid go'u ste/ mig gis de dang de'i rang gi yul du mthong bas so/ /spyod yul yang bstan pa ma yin pa'i phyir ram/ ji srid du rang gi yul spyod pas gsungs so/ /lus dang tshor ba dang / sems dang chos bzhi ni dran pa nye
 bar gzhag pa bzhi ste sgo'o/ /brjod ces bya ba la sogs pa ni gru bzhi ston pa ste/ chos dang zang zing mi 'jigs byams pa dang / de dag bzhi sbyin pa ni gru bzhi ste/ mtshams kyi don to/ /dbus zhes bya ba la sogs pa ni dkyil 'khor gyi snying por blta ste/ chos kyi dbyings shin tu
 rnam par dag pa'i ye shes nyid dkyil 'khor gyi dbus so/ /'di lta bu'i dkyil 'khor gyi lha thams cad lam gyi dus su nges par grub pa ste/ nges par byas nas nyams su blangs nas/ 'bras bu'i dus su nges par 'gyur ro/ /zhi ba'i chos ni lam bsdus pa ste/ tshul khrims dang
 ting nge 'dzin dang shes rab la sogs pa'i phung po lam la sgrib pa nye bar zhi ba'i phyir dang / sangs rgyas kyi mdzad pa ste/ stobs dang mi 'jigs pa la sogs pa de dag nyid ni don te/ skyes bu'i don to/ /de dag snying po yin pas na dkyil 'khor ro/ /dkyil 'khor zhes bya ba la
 sogs pa nyid kyis kyang chos kyi dbyings nyid don dam pa'i dkyil 'khor du bstan to/ /kun te dus gsum du yang grub pa ni lhan cig skyes pa drug pa ste yongs su gyur pa'o/ /zhi ba ni gdod nas zhi ba ste/ ngo bo nyid kyis dri ma med pa la ltos pa dang / nyes pa thams cad nye bar zhi
 pa'o/ /chos te chos kyi dbyings so/ /de nyid don gyi dgos pa ste/ ngo bo nyid kyi sku ste dra ba zhes bya ba la sogs pa ni bstan pa ste/ ting nge 'dzin gyi yan lag nyid dra ba la sogs pa'i bsdus pa'i don to/ /rta babs zhes bya ba sogs pa ni ting nge 'dzin gyi yan lag rgyas par bshad
 de/ sems kyi ting nge 'dzin gsal ba'i mtha' phyin pa nyid ni rta babs so/ /sems kyi ting nge 'dzin mngon par 'du byed pa med par 'jug pa nyid ni do shal te/ 'bab pa zhes bya ba'i tha tshig go/ /gal te mngon par 'du byed pa dang bcas par 'jug pa la/ gal te mngon par
 'du byed pa med pa ni dra ba phyed pa'o/ /brag ca lta bu thams cad kyi chos rtogs pa nyid dril bu'o/ /lhag par mos pa'i chos thams cad skyed pa ston pa nyid rdo rje'i phreng ba'o/ /chos thams cad ni gnyis te/ ston pa'i lung dang lhag par rtogs pa'i bdag nyid kyi tshul
 gyis so/ /dngos po med pa la sogs pa'i 'dzin pa las grol bas/ nam mkha'i khams kyi mtha' klas pa mnyam pa nyid du 'jug cing khebs pa sems nyid bla re'o/ /da ni skad cig ma dang dga' ba bzhi bshad par bya'o/ de la phreng ba zhes bya ba la sogs pas dge ba bstan te/
 rnam pa sna tshogs pa'i skad cig la nye bar mtshon par dga' ba'i rang bzhin bde ba'i rnam pa'i snang ba nyid thams cad du phreng ba dang gos dang rnga yab la sogs pa'o/ /rdo rje zhes bya ba la sogs pa ni mchog tu dga' ba'i ye shes te/ rnam par smin pa'i skad cig ma la mtshon pa'o/ /rdo rje
 pad+ma rig pa la sogs pa'i dus su dga' ba bde ba'i rnam pa'i sems nyid kyis dga' ba rnams grwar son rdo rje'i don de'i zhes bya ba la sogs pa ni lhan cig skyes pa ste/ de dag gis brtag par bya ba ma yin pa'i don gyis bems po ste/ mtshan nyid dang bral ba zhes bya'o/ /lhan cig
 skyes pa'i mkha' 'gro ma'i phyag rgya rnams ni bsgom par bya ba ste/ rang gi cha'i rang bzhin ni bsgom pa ste bde mchog 'byung ba'o/ /bsgom pa las skyes pa'i bde mchog ces bya ba'i don to/ /mkha' 'gro ma ni bcom ldan 'das ma'o/ /sdom pa ni bcom ldan 'das te rdo rje sems
 dpa' 'am gzhan dag kyang ngo / /de dag shar bas ni bzhengs pa ste mtshan nyid dang bral ba'i skad cig la lhan cig skyes pa nyid mkha' 'gro ma dang bde mchog shar bas dang zhes bya ba'i don to/ /grwa dang zhes bya ba la sogs pas ni dga' bral te/ rdo rje ste rin po che ni nor bu ste bde ba la
 spyod pa'i bdag nyid can yin pas dmigs kyis dgar ba'i phyir/ rnam pa med pa'i skad cig ma la dga' ba'i dga' ba rtogs pa nyid/ gra ba'i mtshams thams cad du rdo rje rin chen gyis spras pa ste zur thams cad du nye bar mtshon pa nyid du pad+mo rnams 'dus te/ nang du chud pa'o/ /
 rdo rje rin chen spras pas mdzes pa nyid ni dkyil 'khor te/ rdo rje rin po che'i tog go/ /gal te zhes bya ba la sogs pa la don ni don dam pa de kho na nyid do/ /shes rab kyi de nyid mthong ba ni zla ba'o/ /thabs kyi de nyid mthong ba ni nyi ma'o/ /shes rab la sogs pa nye bar sdud pa ste/
 de'i bdag nyid ni de'i rang bzhin no/ /de ltar bshad ma thag pa ye shes ni thams cad rtogs pa'o/ /mnyam sbyar te 'dus pa'o/ /mtshan nyid med pa ste/ de dang de ltar rnam pa tha dad pa'i mtshan nyid spangs pas dkyil 'khor du zhugs pa'o/ /de nyid bshad ma thag pa'i rtog pa
 thams cad de brjod pa ni sangs rgyas thams cad kyi rdo rje 'dzin pa'i sa'o/ /des na dkyil 'khor bstan nas/ sbyin sreg ces bya ba la sogs pa la/ rnam par mi rtog pa ste tha mal pa'i rtog pa ma lus par spangs pa'o/ /mtshon pa ni dran pa'o/ /dpyod pa ste rang rang gi rang bzhin
 las so sor rtogs par gyur pa ste/ dngos po thams cad bdag nyid gang yin pa des dpyod pa'o/ /dngos po kun gyi 'joms par byed pa stong pa nyid kyi shes rab ces pa'i don to/ /rnam par 'byed pas dpyod pa ste rnam par phye ba nyid do/ /rang rang gi rnam par shin tu stong pa
 nyid me ste/ dngos por 'dzin pa thams cad bsregs pa'i phyir ro/ /bsreg par bya ba ni rang bzhin med par byed pa ste/ de ltar rab tu gnas par bya ba'i don to/ /sems las byung ba ni sems kyis gzhag pa'o/ /gzugs la sogs pa'i dngos po ni sems kyis sbyar ba
 ste/ sems las byung ba yang gzugs kyi skye mched la sogs pa'o/ /sogs pa'i sgras khams kyang ngo / /rab tu gnas pa zhes bya ba la sogs pa la/ dang po'i don gyi rkyen can no/ /brtan par gyur par sems mi g.yo ba ste/ sems ni yod do/ /lus ngag yid kyi rnam pa de
 nyid ngo bo sems so zhes gsungs te/ ston pa thams cad kyis mgrin gcig tu'o/ /gcig tu gyur pa chos kyi dbyings kyi rang bzhin nyid do/ /da ni zhes bya ba la sogs pa la/ gsang chen gang yin pa de ni sngags kyi mtshan nyid ces nye bar bstan pa yin no/ /skye ba med cing snang ba
 zhes bya ba la sogs pa ni nges par bstan pa ste/ chos thams cad skye ba med pa gsang ba chen po'i don to/ /lha zhes bya ba la sogs pa ni rang bzhin phung po nyid dang skye ba 'dzin pa nyid rigs so/ /des gang gnas pa'i 'jig rten pa'i blo la yang dag pa'i
 de kho na nyid de yang dag pa'i byang chub bo/ /shes rab kyi pha rol tu phyin pa'o/ /brtags pa ste grub mthar byas pa'o/ /mtshon pa ste nges par ro/ /phyag rgya ni phyag rgya chen po ste de nyid la yang dag pa'i byang chub bo/ /'debs pa ni ro gcig par byed pa'o/ /lha rnams
 zhes bya ba la sogs pa la/ mchod pa ste sgrub pa'o/ /sbyor ba ni ting nge 'dzin te zhi gnas dang lhag mthong ngo / /stong pa nyid dang snying rje dbyer med pa'i byang chub sems bsgoms zhes pa'i don to/ /gsang chen ni thams cad kyi bdag nyid chos kyi dbyings kyi phyag rgya ste/ e'i cha byad
 kyi rnam pa'o/ /mchog gi dgyes pa ni gzhal yas khang ste/ rtag tu gnas pa ni chos kyi dbyings kyi rang bzhin gyi dus gsum du mi 'gyur ba'i tshul gyi phyir ro/ /sangs rgyas kun bdag ni ye shes gshegs pa lnga'i rang bzhin yon tan rnams nyid 'di la yod pas sems dpa' ste/
 bla na med pa'i yon tan thams cad kyi gnas zhes bya ba'i don to/ /rdo rje ni stong pa nyid do/ /sems dpa' ni snying rje ste de dag sbyar bas ni rdo rje sems dpa'o/ /sku gang yin pa de gsungs pa/ bde ba'i mchog ste bde ba chen po'i sku'o/ /gsang chen ni chos nyid do/ /mchog ni
 longs spyod rdzogs pa'o/ /dgyes pa ni sna tshogs sprul pa'o/ /thams cad bdag nyid ni ngo bo nyid sku'o/ /rtag tu bzhugs pa ste sku bzhi bor nas gang du yang mi 'gro ba'o/ /sangs rgyas kun bdag nyid chos dang longs spyod dang sprul pa dang / ngo bo nyid kyi sku'i bdag nyid gang
 yin na sems dpa'o/ /de nyid gang zhe na rdo rje sems dpa'o/ /de lta bu nyid gang bde ba'i mchog ste/ bde ba chen po zhes pa sku lnga par brjod do/ /skyil krung zhes bya ba la sogs pas ni bsam gyis mi khyab pa'i rnal 'byor gsungs te/ chos thams cad stong pa nyid du
 bsgom pa la/ skad cig tsam gyis seng ge'i gdan la bzhugs nas skye ba ni dbyug pa 'dzin pa snying po'i rnal 'byor gyis bsgyings pa'i tshul du rdo rje dril bu 'dzin pa ser po/ /khyab bdag dpal rdo rje sems dpa'i rang bzhin du bdag bsam gyis mi khyab pa sgyu ma lta bu bsgom par
 bya'o/ /ji ltar sgyu ma lta bu bsgom pa ni ma yin no/ /ji ltar 'di ltar bsgom pa'o/ /gang dus gsum du 'byung ba'i ye shes skyes pa dang bskyed pa dang / skye ba la de bzhin du bdag gis kyang bskyed par bgyi yis sangs rgyas dang byang chub sems dpa' thams cad dang rdo rje'i rnal 'byor ma
 rnams kyis bdag la byin gyis rlobs shig ces bden pa'i byin gyi rlabs brjod de gsol ba gdab par bya'o/ /thams cad de dngos po thams cad kyi rang bzhin mnyam pa nyid bsgoms pa la brten par bya'o/ /de nas de la yang rtog par mi bya ste/ bsam du med pa'i rnal 'byor
 gyis mngon par gnas par bya'o zhes bya ba'i man ngag go/ /'jig rten pa'i don la rtog pa dang / 'jig rten las 'das pa'i don la rtog pa ni gnyug ma ma yin te/ 'on kyang gyur pa'o/ /gnyug ma ni gnyi ga'i rtog pa med pa'o/ /rang gi gnyug ma'i rang bzhin gyi rnal 'byor
 gyis chos rnams la rnam par sbyor ba spangs pas gnas par bya'o/ /de kho na nyid rnam par mi rtog pa ni drug ces bya ba la sogs pa la 'di'i don ni 'di yin te/ 'khor los sgyur ba drug gis gzugs kyi rang bzhin du bsam par bya ste/ rigs drug kha sbyor bar gyur pa'i blos lag
 pa gnyis thal mo sbyar bar bya'o/ /nam mkha'i khams thams cad khengs pa'i bla ma dang / sangs rgyas dang byang chub sems dpa' la sogs pa mkhyen cing dgongs par bsams la/ rnam par rtog pa'i rang bzhin kun nas nyon mongs pa thams cad dang / rnam par byang ba
 thams cad ji snyed pa sna tshogs kyi rtog pa spangs te/ mdun gyi sangs rgyas de dag thams cad bsdus pa ni 'dus pa ste/ rdo rje 'chang gcig tu gyur te/ de dag gcig tu gyur pa'i sku can nyid ces bya ba'i don to/ /'di ni bstan pa'o/ /de la 'di bshad pa ni rang bzhin
 zhes bya ba la sogs pa ni rang ste/ sangs rgyas rdo rje 'dzin pa rnams thams cad mkhyen pa gcig gis gnas shing dgongs pa'o/ /'gyur ba ni bzhugs pa'o/ /'di rgyas par bshad pa ni thams cad ces bya ba la sogs pa ste/ sangs rgyas rnams kyi bdag
 nyid rang bzhin 'dus par gcig pa nyid du 'gyur ba ste/ sangs rgyas kun gyi sdom pa gcig pa'i bdag po'o/ /de'i phyir rnal 'byor pa rdzogs pa'i byang chub nyid do/ /yang gi sgras ni de kho na zhes pa'i don to/ /lhag ma ni go sla'o/ /gang zhig sngon mar me mdzad la sogs pa rnams
 kyis kyang gsungs la/ shAkya thub pa ngas kyang bshad par mdzad pa'o/ /de nyid ces bya ba de nyid sngags kyi bstan bcos las rab tu sgrub pa go ku da ha na la sogs pa'i dam tshig ces bya ba'i don to/ /'di tsam gyis ni ba glang la sogs pa tshad bzung ba ste/ gal te zhes bya ba
 gal te gang gi tshe yin na de'i tshe 'khor ba las khyad par du gyur pa bla na med pa rnal 'byor pa'i kun rdzob bo/ /don dam par bden par 'jog pa'i rgyu mchog tu yongs su dag pa 'dod pa'i yon tan ma lus pas 'dod par bya ba'i rgyur gyur pa gang yin pa ste/ gong na med pa'i
 mya ngan las 'das pa ni ma yin no/ /mya ngan las 'das pa'i tshu rol 'khor ba nyid do/ /phung po bsnan pa ni med pa'i phyir ro/ /da ni dam tshig sgrub pa'i thabs gsungs pa/ shes rab kyi pha rol tu phyin pa ste/ gang dang yang mi rtogs so/ /de la mos pa ni shin tu bstan pa
 bdun pa ste/ mngon par yid ches pa des bsgrub par bya ste/ dam tshig gi don du 'jug pas so/ /'dis mtshon par byed cing mngon sum byed pas na dam tshig ste/ de bzhin gshegs pa'i tshogs lam gyi gnas skabs so/ /bsgrub par bya ba ste/ 'bras bu ster ba la mngon
 du phyogs par byed pa'am/ rtogs par bya ba ste/ mngon du bya ba 'di ni dam tshig ste/ de nyid 'bras bu'i gnas skabs so/ /lam las gzhan pa'i rigs kyi 'bras bu med de/ gser gyi tshogs snga ma la/ 'di dag ni gser btso ma lta bu yin no/ /gang gi phyir lam
 sgrib pa gnyis bag chags dang bcas pa thams cad rab tu spangs pa sgrib pa gnyis mthar thug gi bar gyi gnas skabs las pha rol nyid 'bras bur gyur nas mngon par gnas so/ /bsgrub bya ste mngon du phyogs par bya ba lam gyi gnas skabs la'o/ /mngon par byang chub pa yang
 'bras bu'i gnas skabs la 'dir dngos grub ni mngon du bya'o/ /kla klo'i brdas tha snyad nyid de rnal 'byor pa'i kun rdzob nyid du'o/ /mnyam pa nyid ces bya ba la sogs pa ni rin chen 'byung ldan gsungs pa ste/ mnyam pa ni mnyam pa nyid kyi ye shes kyi rang bzhin gyis 'jug pa ste/
 mnyam par sems can thams cad kyi thun mong pa dang / chos nyid do/ /de la thun mong du bstan pa'i phyir/ chags pa ni sems can thams cad la khyab pa'i snying rje chen pos chags pas ni chags pa'o/ /chos nyid ston pa ni ma chags pa'i yul gyi sems can nyid yod pa ma yin
 no/ /yod pa ma yin pa nyid ni mnyam pa nyid ces bya ba'i grub mtha'o/ /chos nyid la ni sems can dmigs par mi 'gyur la/ de lta na yang snying rje de'i don byed pa'i don to/ /byang chub sems dpa' ni sems dpa' ste/ dang po nas bzhi pa'i sems can mthong ba de yang de'i
 don byed pa zhes bya ba'i tha tshig go/ /'o na snying rje nyid med de yul med pa'i phyir ro zhe na/ yod de ji ltar byed ce na/ de nyid re zhig sems can rang med na de yang sdug bsngal la sogs pa shin tu 'byung ngo zhes bya ba ni ngo mtshar ba ste/ bdag nyid rang mi shes pa de srid du rang gi sdug
 bsngal ba la sogs pas sdug bsngal bas phyin ci log tu byed pa'o/ /phyin ci log tu gyur pa rnams la shin tu snying rjer 'jug pa'o/ /chags pa zhes bya ba ni/ shes rab kyis chags pa'i snying rje rin chen 'byung ldan no/ /spyad pa ste zos shing 'thungs pa ste rtogs pa zhes bya ba'i
 don to/ /chags chen ni mnyam pa nyid kyi ye shes kyi lus te/ 'od dpag med ni mtha' yas pa'i sems can rnams dngos po yod pa ma yin pas/ tha dad pa'i blo gang la med pa gang yin pa ste/ de bzhin du mnyam pa nyid kyi ye shes snying po rin chen zhes bya ba'i don to/ /der
 son pa ni rtogs pa ste de'i don du ye shes skye ba med pa ste/ de ni so sor rtog pa zhes bya ba nyid du 'dod pa'i don te/ chos ma skyes pa nyid so sor rtog pa snang ba mtha' yas zhes bya ba'i tha tshig go/ /yang chos de dpal rdo rje'i chos rnams so/ /yod pa ma yin te/
 bskyed pa gang yin pa ste/ de ni de lta bu'i rang bzhin no/ /de ltar yang / rtag tu skye med chos ni de bzhin gshegs/ /chos rnams thams cad bde bar gshegs dang 'dra/ /byis pa'i blo can mtshan mar 'dzin pa dag /'jig rten dag na med pa'i chos la spyod/ /ces gsungs te/
 skye ba med pa'i rang bzhin snang ba mtha' yas zhes bya bar dgongs so/ /de nyid bshad pa ni skye ba med pa ste/ mngon par rtogs pa ste/ yongs su shes pa'am/ de ste chos rnams kyi rtogs pa'o/ /khu ba ste snang ba mtha' yas za ba ste/ rang gis mngon du byed pa'o/ /mnyam
 pa nyid ces bya ba la sogs pa don yod grub pa ste/ dngos po rnams te sems can rnams kyi dngos po rnams ni/ gang don yod grub pas mnyam pa nyid de/ sems can thun mong du 'jug pas 'dir btags nas mnyam pa nyid ni bya ba grub pa'i ye shes so/ /mnyam pa ni
 sems can thams cad kyi thun mong du bya ba nan tan grub pa'i dngos po la/ brten pa'i ye shes ni mnyam pa nyid do/ /dngos po rnams ni phrag dog ste/ dngos po zhes pa ni dngos po nyid kyi don to/ /bya ba grub pa'i ye shes kyi bdag nyid don yod grub pa'o zhes bya ba'i tha tshig
 go/ /sha ni bya ba sgrub pa'i ye shes kyi bdag nyid don yod pa'i mi dmigs pa'i rnal 'byor gyis zos pa ste/ rang dbang du byed pa'o/ /yang ni dngos po rnams te sems can rnams la mi dmigs pa'i sbyor bas bya ba nyams su len pas sems can yang dmigs pa med
 ces bya ba'i don to/ /rab tu rgyas pas zhes bya ba la sogs pa ni mi bskyod pa ste/ ji srid nam mkha'i khams kyi mthas klas pa ni rgyas pa'o/ /rab tu 'phro ba ni de dang de thams cad du 'gro ba'i sems can shin tu rnam par dag pa'i ye shes kyi bdag nyid mi bskyod pa'o/ /
 rtogs pa ni mngon par bya ba ste/ rdzogs pa'i byang chub nyid kyis so/ /dam tshig ni thams cad 'gro ba'i chos kyi dbyings te/ de nyid kyi don ni mngon par byang chub pa'i yul lo/ /de la gang dag sbyor ba las/ /zhes bya ba ni nye bar bgrod pa las so/ /dam tshig kyang shin tu
 dag pa'i ye shes mngon par byang chub pa'o/ /don yang chos kyi dbyings te mngon par rtogs par bya'o/ /de dang rjes su mthun pa'i rnal 'byor ni ro gcig par son pa ste/ de bdag nyid ces bya ba'i don to/ /de bas na chos kyi dbyings shin tu rnam par dag pa'i ye shes kyi
 bdag nyid mi bskyod pa nyid du zhes bya ba'i don to/ /mthun pa ni rang gi rgyud la 'jug par byed pa'o/ /las ni bya bar brjod de/ ji bzhin pa'i don rtogs pa'o/ /de'i sbyor ba'i las ni yi dam dang rab tu sbyor ba'o/ /cung zad ces bya ba la sogs pas ni rnam par snang mdzad
 bshad pa ste/ cung zad med pa ni de dang 'di yin zhes nye bar 'jog pa'i rnam par 'gog pa'i sems ni me long lta bu'i ye shes so/ /brten pa ni mi bskyod pa ste/ g.yo ba med par gnas pas rgyun du mnyam par gzhag pa ste/ thun mong ma yin pa'i bdag nyid du snang bas
 mngon par snang ba'i rnam par rtog pa ste/ de med pas mngon par mi snang ba ste/ rtog pa nyid kyis sems kyi g.yo bas rnam par mi rtog pa ni me long lta bu'i ye shes so/ /ma chad par snang ba dang / gsal bar snang ba dang / yul dang dus rnam par bcad pas gzhal bya nyung
 zad 'ga' zhig tu gsal ba de med pas me long lta bu'i ye shes ji srid du shes bya'i dkyil 'khor gyi mthar gtugs pa'i phyir ro/ /shes bya'i phung po mtha' yas pa thams cad kyi mthar gtugs par rab tu gsal ba'i don to/ /ma bsams par yang shes bya'i dkyil 'khor
 ma lus par mkhyen pa zhes bya bar dgongs so/ /gcig la yang cung zad kyang bsam pa med kyi/ 'on kyang thams cad mkhyen pa zhes bya bar dgongs so/ /me long lta bu'i ye shes kyi rang bzhin rnam par snang mdzad nyid sman chen po zhes bya ba'i don to/ /bza' ba ni bla na med pa'i
 ye shes kyis tshim par byas pa'o/ /spangs pa'i don gyis de ma thag par rtog pa dang 'gal bar rtogs pa ni log par rtogs pa ste/ rab tu 'byung ba ma yin pa bzhin no/ /de bzhin te log par rtogs pa med pa ni de dag gi de ma thag par ji bzhin pa rtogs pa'o/ /yang
 'dir bshad ma thag pa'i rnam par snang mdzad kyi lus kyi yang rtog pa med pa ste/ dmigs su med pa'i ye shes kyis dmigs su med pa'o/ /de'i phyir gal te yang mnyam pa nyid de lam dang 'bras bu'i gnas skabs nyid mnyam par gyur kyang snga phyi la khyad par med do/ /de ltar sngar
 ni chos rnams me long lta bu'i ye shes kyis bstan la/ da ni yang chos rnams de bzhin gshegs pa ste/ chos dang chos can gyi sgo nas tshig tu phye ba'o/ /de dag ste gang du bshad ma thag pa'i dam tshig ni ji skad gsungs pa'i ye shes te/ rtogs pa ni phyag rgya chen po ste/ rdo rje
 'chang nyid kyi rnam pa gzhan gyi ming can zhes bya'o/ /mtshan nyid de nges par byas pa'o/ /de dag ces bya ba la sogs pa ni phan yon te/ sangs rgyas kyi chos ni stobs dang / mi 'jigs pa la sogs pa sangs rgyas kyi chos thams cad kyi chos so/ /go 'phang so sor thob
 pa nyid ni thob par bya ba dang / rjes su bgrod par bya ba ste/ mi bskyod pa'i don to/ /dpal ni gnyis su med pa gsal ba ste chos kyi sku'o/ /de 'di la yod pas dpal ldan te/ rang bzhin dang / longs spyod dang / sprul pa dang / sku gsum mo zhes bya ba'i don to/ /de la bde
 ba ni des khyad par byed pa'i bde ba chen po'i sku'o/ /sku lnga'i bdag nyid bcom ldan 'das dpal rdo rje 'dzin zhes bya ba'i don to/ /'bras bu mthar thug pa de'i rtogs pa ni gang gis mngon du byas pa dang / nges par byas pa gang yin pa de ni de lta bu'i rgyud do/ /gzhung ni
 lam ste 'bras bu mngon par rjod par byed pa'o/ /rnyog pa med pa nyid kyang dpal dang ldan pa bde ba chen po zhes gzhan gyi ming can no/ /rnyog pa med pa rnal 'byor chen po'i rgyud kyi rgyal po'i 'grel pa rdzogs so// //rnyog pa med pa'i dka' 'grel ni/ /
 byas pa las skyes bsod nams gang / /'jig rten zla ba dri med gzhon nu bzhin/ /ma lus pa ru rnyog med shog /slob dpon chen po dge slong gzhon nu zla bas mdzad pa'o// //[]@##/ /rgya gar skad du/ shrI ta t+t+wa pra dI paM nA ma tan+t+ra rat+na mA lA pany+tsi kA/