| བོད་ཡིག | e-texts produced with BDRC’s OCR application |
pradz+nyA ba ra ma dang / zhu chen gyi lo tsha ba ban d+he ye shes sde la sogs pas bsgyur cing zhus te gtan la phab pa// rgya gar skad du/ Ar+ya ma hA shru ta ma nA ma ma hA yA na sU tra bod skad du/ 'phags pa sgra chen po zhes bya ba theg pa chen po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das mnyan yod na/ rgyal bu rgyal byed kyi tshal mgon med zas spyan gyi kun dga' ra ba na/ dge slong gi dge 'dun mang po dang thabs cig tu bzhugs so// de nas tshe dang ldan pa kun dga' bo snga dro sham thabs dang chos gos bgos te/ lhung bzed thogs nas mnyan yod du bsod snyoms la song ngo // mnyan yod du bsod snyoms la 'gro ba na/ tshe dang ldan pa kun dga' bos khang pa brtsegs pa chen po phyi nang byugs shing byi dor byas pa/ sgo gtan legs par bcug pa/ skar khung bcad pa zhig mthong ngo // mthong nas kyang 'di snyam du sems te/ gang zhig gis khang brtsegs pa 'di lta bu zhig byas te/ phyogs bzhi'i dge slong gi dge 'dun la 'bul bar byed pa dang gang zhig gis de bzhin gshegs pa yongs su mya ngan las 'das pa'i ring bsrel yungs 'bru tsam mchod rten gyi 'bum pa skyu ru ra tsam gyi nang du bcug ste/ srog shing khab tsam btsugs nas/ gdugs rgya shug gi lo ma tsam 'dog par byed pa'am/ de bzhin gshegs pa'i sku gzugs tshon gang tsam zhig byed na/ / de nyis las gang gis bsod nams ches mang du 'phel snyam mo// de nas tshe dang ldan pa kun dga' bo mnyan yod nas bsod snyoms las slar 'khor nas zan zos te zas phyi ma spangs nas/ lhung bzed dang / chos gos bzhag ste/ rkang pa bkrus nas/ bcom ldan 'das gang na ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas/ bcom ldan 'das la tshe dang ldan pa kun dga' bos 'di skad ces gsol to// btsun pa 'di na bdag snga dro sham thabs dang chos gos bgos te/ lhung bzed thogs nas mnyan yod du bsod snyoms la mchis te/ btsun pa bdag mnyan yod du bsod snyoms la mchis pa na/ khang pa rtsegs pa chen po srad nang byugs shing / byi dor bgyis pa/ sgo stan legs par stsal pa/ skar khung bkum pa bzhig mthong lags so// mthong gnas kyang bdag nyid 'di snyam du sems te/ gang zhig gis khang pa rtsegs pa 'di lta bu zhig bgyis te/ phyogs bzhi pa'i dge slong gi dge 'dun la 'bul bar bgyid pa dang / gang zhig gis de bzhin gshegs pa yongs su mya ngan las 'das pa'i ring srel yungs 'bru tsam mchod rten gyi bum pa skyu ru ra tsam gyi nang du stsal te/ srog shing khab tsam btsugs nas/ gdugs rgya shug gi lo mtsham 'dog par bgyid pa'am/ de bzhin gshegs pa'i sku gzugs tshon gang pa tsam zhig bgyid na/ de gnyis las gang gis bsod nams ches mang du 'phel snyam bgyid lags te/ bcom ldan 'das la bdag don 'di yongs su zhu lags so de skad ces gsol pa/ bcom ldan 'das kyis tshwa dang ldan pa kun dga' bo la 'di skad ces bka' stsal to// kun dga' bo legs so/ legs so// kun dga' bo khyod gang zhig gis khang pa brtsegs pa de lta bu zhig byas te/ phyogs bzhi pa'i dge slong gi dge 'dun la 'bul bar byed la/ gang zhig gis de bzhin gshegs pa yongs su mya ngan las 'das pa'i ring srel yungs 'bru tsams mchod rten gyi bum pa skyu ru ra tsam gyi nang du bcug ste/ srog shing khab tsam btsugs nas gdugs rgya shug gi lo ma tsam 'dog par byed pa 'am/ de bzhin gshegs pa'i sku gzugs tshon gang ba tsam zhig byed na/ de gnyis las gang bsod nams ches mang du 'phel zhes bya ba na/ khyod kyi zhu ba bzang la spobs kha legs te spyod pa dge'o/ / kun dga' bo de'i phyir legs par rab tu nyon la yid la zungs shig dang / ngas bshad do// kun dga' bo gang zhig khang pa brtsegs pa de lta bu zhig byas nas/ phyogs bzhi'i dge slong gi dge 'dun la 'bul bar byed la/ gang gis de bzhin gshegs pa yongs su mya ngan las 'das pa'i ring bsrel yungs 'bru tsam mchod rten bum pa skyu ru ra tsam gyi nang du bcug te/ srog shing khab tsam btsugs nas/ gdugs rgya shug gi lo ma tsam 'dog par byed pa 'am/ de bzhin gshegs pa'i sku gzugs tshon gang tsam zhig byed na/ kun dga' bo bsod nams 'di la/ bsod nams snga ma des brgya'i char yang nye bar mi 'gro/ stong gi cha dang / 'bum gyi cha dang // grangs dang / cha dang / dpe dang / rgyur yang nye bar mi 'gro'o/ / de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni/ dpag tu med pa'i chos 'di lta bu dag dang ldan te/ tshul khrims dpag tu med pa dang / ting nge 'dzin dpag tu med pa dang / shes rab dpag tu med pa dang / rnam par grol ba dpag tu med pa dang / rnam par grol ba'i ye shes gzigs pa dpag tu med pa dang ldan pa'i phyir ro/ / kun dga' bo 'dzam bu'i gling chu zheng dang / rgyur dpag tshad bdun stong yod pa 'di/ rgyun tu zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams kyis 'di lta ste/ 'bras sA lus zhing ngam/ til gyis zhing ngam/ smig ma'i 'tshal lam/ 'dam bu'i 'tshal lam/ bu ra ram shing gi tshal bzhin du gang bar gyur pa de dag la/ ma la la zhig gis ji srid 'tshe ba'i bar du chos gos dang / bsod snyoms da / mal cha dang nad kyi gso sman dang / yo byad rnams kyis ci 'dod pa stabs te/ de dag thams cad yongs su mya ngan las 'das nas kyang mchod rten byas te/ gdugs dang / sil snyan dang / dan dang / dri dang / bdug pa dang / 'phreng ba dang // phye ma dang / byug pa de dag gis mchod pa byed la/ gang zhig gis de bzhin gshegs pa yongs su mya ngan las 'dras pa'i ring bsrel yungs 'bru tsam mchod rten gyi bum pa skyu ru ra tsam gyi nang du bcug ste/ srog shing khab tsam gtsug nas/ gdugs rgya shug gi lo ma tsam 'dog par byed pa'am/ de bzhin gshegs pa'i sku gzugs tshon gang tsam zhig byed na/ kun dga' bo bsod nams 'di la/ bsod nams snga ma des/ brgya'i char yang nye bar mi 'gro// stong gi cha dang / 'bum gyi cha dang / grangs dang cha dang / dpe dang / rgyur yang nye bar mi 'gro'o// de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni dpag tu med pa'i chos 'di lta bu dang dag ldan te/ tshul khrims dpag tu med pa dang / ting nge 'dzin dpag tu med pa dang / shes rab dpag tu med pa dang / rnam par grol ba dpag tu med pa dang / rnam par grol ba'i ye shes mthong ba dang tu med pa dang ldan pa'i phyir ro/ / kun dga' bo shar gyi lus 'phags gling chu zheng dang / rgyar dpag tshad brgyad stong yod pa/ rgyun tu zhugs pa rnams kyis gang bar gyur ces bya ba nas/ rnam par grol ba'i ye shes gzigs pa zhes bya ba'i bar du rgya cher snga ma bzhin du brjod par bya'o/ / kun dga' bo nub kyi ba lang spyod kyi gling chu zheng dang / rgyar dpag tshad dgu stong yod pa/ rgyun tu zhugs pa rnams kyis gang bar gyur ces bya ba nas/ snga ma bzhin du rgyas par sbyar ro// kun dga' bo byang gi sgra mi snyan gyi gling chu zheng du dpag tshad khri yod pa/ rgyun tu zhugs pa rnams kyis gang bar gyur ces bya ba nas/ snga ma bzhin du rgyas par sbyar ro// kun dga' bo brgya byin gyi khang bzangs rnam par rgyal ba zhes bya ba/ ka ba brgyad khri bzhi stong rab tu brtan pa dag yod do// ka ba de dag thams cad kyang lha'i bai DUr+ya sngon po yin te/ kun dga' bo khang bzangs rnam par rgyal ba gser gyi bye ma 'dal ba la/ tsan dan gyi chus chag chag btab pa/ gser gyi dra bas g.yogs shing / gser gyi dril bu g.yer kas bskor ba ste/ kun dga' bo gang zhig stong gsum gyi stong chen po 'jig rten gyi khams khang bzangs de lta bu sha stag gis bkang ste/ phyogs bzhi'i dge slong gi dge 'dun la 'bul bar byed la/ gang zhig gis de bzhin gshegs pa yongs su mya ngan las 'das pa'i sku gdung yungs 'bru tsam zhes bya ba nas/ rgya cher snga ma bzhin du sbyar ro// kun dga' bo lus 'phags mo'i bum @#gad+hA'i rgyal po ma skyes dgras/ brgyun tu zhugs pa bsad nas/ de bzhin gshegs pa sku gdung la mchod pa bya ba'i phyir/ sku gdung gi brgyad chal bkur sti bya ba dang / bla mar bya ba dang / ri mor bya ba dang / mchod par bya ba dang / rjed par bya ba dang / gsol bar bya ba la brtson par 'gyur ro zhes sangs rgyas kyis bsngags pa'i dge ba'i de des byas pas/ sems can dmyal bar lan cig song nas/ las de nyid dang / dge ba'i rtsa ba de nyid dang / sngon legs par spyad pa de nyid kyis/ de nas thar nas bskal pa nyi shur log par mi lhung bar 'gyur la/ skra dang kha spa bregs nas/ gos ngur smrig bgos te/ yang dag par khyim nas khyim med par rab tu byung nas/ rang byang chub mngon du byed par 'gyur te/ rang sangs rgyas rnam par rgyal ba'i sde zhes bya bar 'gyur ro// de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni dpag tu med pa'i chos 'di lta bu dag dang ldan ste/ tshul khrims dpag tu med pa dang / ting nge 'dzin dpag tu med pa dang / shes rab dpag tu med pa dang / rnam par grol ba dpag tu med pa dang / rnam par grol ba'i ye shes gzigs pa dpag tu med dang ldan pa'i phyir ro// kun dga' bo 'di/ ltar de bzhin gshegs pa dgra bcom pa yang dag par rdzogs pa'i sangs rgyas rnams dpag tu med pa'i chos rnams dang ldan pa de'i phyir/ de la mchod pa'i rnam par smin pa yang de ltar dpag tu med par shes par bya'o/ / chos kyi rnam grangs 'di bshad pa'i tshe/ sa chen po 'di rnam pa drug tu g.yos te/ shar phyogs mtho na nub phyogs dma'/ nub phyogs mtho na/ shar phyogs dpa'/ lho phyogs mtho na byang phyogs dma'/ byab phyogs mtho na/ lho phyogs dma'/ dbus mtho na mtha' dma'/ mtha' mthon/ dbus dma' bar gyur to// de nas bcom ldan 'das la tshe dang ldan pa kun dga' bos 'di skad ces gsol to/ / bcom ldan 'das chos kyi rnam grangs 'di'i ming ci lags/ bdag gis ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di bdud rtsi'i rnga zhes bya bar zung shig/ sgra chen po zhes bya bar yang zung shig/ de nas tshe dang ldan pa kun dga' bo bcom ldan 'das kyis gsungs pa la mngon bstod de/ rjes su yi rangs nas/ bcom ldan 'das kyi zhabs la phyag 'tshal te/ bcom ldan 'das la lan sum bskor ba byas nas/ bcom ldan 'das kyi spyan snga nas song ngo // 'phags pa sgra chen po zhes bya ba theg pa chen po'i mdo rdzogs so/ / / rgya gar gyi mkhan pobi shrad+d+ha sing ha dang / lo tsa ba ban d+he dge ba dpal gyi bsgyur/ rgya gar gyi mkhan po bid b+ha kar sing ha dang /