བོད་ཡིག

e-texts produced with BDRC’s OCR application

te/ brah+ma Ne/ na maHs+phA ra swa t+yai de bi sid d+h+ya nu man+t+ra pA da taM brah+ma nu man+tha swA hA/ dpal lha mo sgra dbyangs la bstod pa rdzogs so// / ts+ya/ rgya gar skad / duHAr+ya shrI ma hA de ba~M byA ka ra Na/ bod skad du/ 'phags pa lha mo chen mo dpal lung bstan pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das bde ba can na byang chub sems dpa'i dge 'dun chen po 'di lta ste/ byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po mthu chen po thob pa dang / byang chub sems dpa' sems dpa' chen po sgrib pa thams cad rnam par sel ba dang / byang chub sems dpa' sems dpa' chen po sa'i snying po dang / byang chub sems dpa' sems dpa' chen po kun tu bzang po dang / byang chub sems dpa' sems dpa' chen po nam mkha'i snying po dang / byang chub sems dpa' sems dpa' chen po lag na rdo rje dang / byang chub sems dpa' sems dpa' chen po 'jigs pa thams cad sel ba dang / de bzhin du byang chub sems dpa' sems dpa' chen po dag byed kyi bkra shis thams cad 'dzin pa dang / byang chub sems dpa' sems dpa' chen po bsod nams kyi mtshan thams cad 'dzin pa dang / byang chub sems dpa' sems dpa' chen po nyi zla dang / 'jig rten 'dzin pa dang / byang chub sems dpa' sems dpa' chen po mu stegs kyi bkra shis thams cad 'dzin pa dang / byang chub sems dpa' sems dpa' chen po 'jam dpal gzhon nur gyur pa dang / de dag la sogs pa bskal pa bzang po'i byang chub sems dpa' sems dpa' chen po thams cad dang thabs cig tu bzhugs so// de nas byang chub sems dpa' sems dpa' chen po spyan ras gzigs dbang phyug bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go// lha mo chen mo dpal yang bcom ldan 'das kyi thad du song ste phyin nas/ bcom ldan 'das kyi zhabs la mgo bos phyag 'tshal te lan gsum bskor ba byas nas/ bde ba can na gnas pa'i byang chub sems dpa' sems dpa' chen po de dag la'ang mgo bos phyag 'tshal te phyogs gcig tu 'dug go/ / de nas bcom ldan 'das bsod nams brgya stong du mas brgyan cing / de bzhin gshegs pa bye ba dag gis yongs su bskor te/ brgya byin dang / tshangs pa dang / 'jig rten skyong ba thams cad kyis bstod cing bsngags so// lha mo chen mo dpal la gzigs nas tshangs pa chen po'i gsung gis/ byang chub sems dpa' sems dpa chen po spyan ras gzigs dbang phyug la 'di skad ces bka' stsal to/ / spyan ras gzigs dbang phyug rgyal po 'am/ blon po'am/ dge slong ngam/ dge slong ma 'am/ dge bsnyen nam/ dge bsnyen ma 'am/ bram ze 'am/ rgyal rigs sam/ rje'u rigs sam/ dmangs rigs gang la la lha mo chen me dpal gyi ming brgya rtsa brgyad dri ma med par grags pa zhes bya ba'i bstod pa 'di 'chang na/ rgyal rigs kyi rgyal po de'i yul dang / sems can de dag gi 'jigs pa dang / yams kyi nad dang / gnod pa thams cad zhi bar 'gyur zhing / chom rkun dang / g.yo can dang / mi dang / mi ma yin pa'i 'jigs pa thams cad 'byung bar mi 'gyur te/ nor dang / 'bru dang / mdzod dang / bang ba thams cad rnam par 'phel bar 'gyur ro// rgyal rigs kyi rgyal po de'i khyim du'ang dpal nges par gnas par 'gyur ro// de nas byang chub sems dpa' sems dpa' chen po de dag gis tshig 'di skad ces gsol to// bcom ldan 'das gsung 'di legs par bka' stsal pa legs so legs so// legs te/ gang dag mo chen mo dpal gyi ming rnams 'dzin pa dang / thos nas kyang sgrub par bgyid pa de dag gi yon tan dang phan yon ni de dag lags so// de nas byang chub sems dpa' sems dpa' chen po 'phags pa spyan ras gzigs dbang phyug gis/ bcom ldan 'das la 'di skad ces gsol to// bcom ldan 'das lha mo dpal gyis dge ba'i rtsa ba gang du bskyed pa lags/ bcom ldan 'das kyis bka' stsal pa/ lha mo chen mo dpal gyis de bzhin gshegs pa gang+gA'i klung gi bye ma snyed la dge ba'i rtsa ba bskyed de/ spyan ras gzigs dbang phyug sngon byung ba 'das ba'i dus na 'jig rten gyi khams rin po che las byung ba zhes bya ba na/ de bzhin gshegs pa rin po che'i me tog yon tan gyi rgya mtsho bai DUR+Ya dang / gsor gyi ri bo mdog mdzes gser 'od dpal zhes bya bab 'jig rten du byung ste/ de bzhin gshegs pa mang po gzhan dag la'ang lha mo chen mo dpal gyis dge ba'i rtsa ba bskyed do// de bzhin gshegs pa'i mtshan 'di dag kyang lha mo chen mo dpal de'i dge ba rtsa ba rnam par 'phel ba dang / 'grub par byed pa dang / rtag tu rjes su 'brang ba yin te/ de dag ni 'dir lha mo chen mo dpal gyis yang dag par brjod pa dang / sdig pa thams cad sel ba dang / nyes sdig thams cad med par byed pa dang / lus thams cad dri ma med par byed pa dang / nor dang 'bru rnams 'du zhing 'phel bar byed pa dang / dbul ba gcod par byed pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po thams cad 'dun par byed cing 'gugs par byed pa dang / yams kyi nad dang / gnod pa dang / 'thab pa dang / 'khrug pa dang / 'gyed pa dang / rtsod pa thams cad zhi bar byed pa dang / pha rol tu phyin pa drug sgrub par byed pa'o// 'di lta ste/ de bzhin gshegs pa dpal stug po la phyag 'tshal lo/ / de bzhin gshegs pa rin po che'i me tog yon tan gyi rgya mtsho bai DUR+Ya dang / gser gyi ri bo mdog mdzes gser 'od dpal la phyag 'tshal lo// de bzhin gshegs pa gang+gA'i mu stegs kyi sgo thams cad bkra shis kyi dpal la phyag 'tshal lo/ / de bzhin gshegs pa tsan dan gyi me tog gzi brjid skar ma'i 'od kyi dpal la phyag 'tshal lo// de bzhin gshegs pa kun tu snang ba g.yul las rnam par rgyal ba'i dpal la phyag 'tshal lo/ / de bzhin gshegs pa yon tan rgya mtsho snang ba'i dkyil 'khor gyi dpal la phyag 'tshal lo// de bzhin gshegs pa chos kyi cho 'phrul rgyal mtshan shugs kyi dpal la phyag 'tshal lo/ / de bzhin gshegs pa skur 'od zhi ba'i spos snang dpal la phyag 'tshal lo// de bzhin gshegs pa sems can gyi bsam pa zhi bar mdzad pa'i sku'i dpal la phyag 'tshal lo/ / de bzhin gshegs pa smon lam rgya mtshos snang ba'i dpal la phyag 'tshal lo// bcom ldan 'das de bzhin gshegs pa shin tu yongs su brjod pa mtshan gsol dpal la phyag 'tshal lo/ / de bzhin gshegs pa phyir mi ldog pa'i 'khor lo rin po che'i gnas kyi dpal la phyag 'tshal lo// de bzhin gshes ba nyi ma'i dkyil 'khor 'od 'phags dpal la phyag 'tshal lo/ / de bzhin gshegs pa brtson 'grus grangs med pa la yang dag par rdzogs pa'i dpal la phyag 'tshal lo// de bzhin gshegs pa dpag tu med pa'i gser mchog snang ba'i dpal la phyag 'tshal lo/ / de bzhin gshegs pa gsung gi yan lag thams cad kyi sgra dbyangs dpal la phyag 'tshal lo// de bzhin gshegs ba shes rab sgrol ma grangs med pa'i 'od kyi tog gi dpal la phyag 'tshal lo/ / de bzhin gshegs pa sred med kyi bu'i brtul zhugs kyi cho ga lhun po'i dpal la phyag 'tshal lo// de bzhin gshegs pa tshangs pa'i dpal la phyag 'tshal lo/ / de bzhin gshegs pa dbang phyug chen po'i dpal la phyag 'tshal lo// de bzhin gshegs pa nyi zla'i 'od dpal la phyag 'tshal lo// de bzhin gshegs pa zab mo'i chos kyi 'od kyi rgyal po'i dpal la phyag 'tshal lo/ / de bzhin gshegs pa nam mkha'i sgron ma 'od bzang dpal la phyag 'tshal lo// de bzhin gshegs pa nyi 'od tog gi dpal la phyag 'tshal lo/ / de bzhin gshegs pa spos kyi sgron ma'i dpal la phyag 'tshal lo// de bzhin gshegs pa rgya mtsho'i snying po las byung ba'i dpal la phyag 'tshal lo// de bzhin gshegs pa sprul pa'i 'brug sgra snyan pa'i dpal la phyag 'tshal lo/ / de bzhin gshegs pa chos kyi sdang ba thams cad bkod pa'i dpal la phyag 'tshal lo// de bzhin gshegs pa shing gi rgyal po ltar skyes pa'i dpal la phyag 'tshal lo/ / de bzhin gshegs pa rin chen 'od 'phro ri bo'i dpal la phyag 'tshal lo// de bzhin gshegs pa ye shes 'od 'phro rgya mtsho'i dpal la phyag 'tshal lo// de bzhin gshegs pa smon lam chen po'i shugs kyi dpal la phyag 'tshal lo/ / de bzhin gshegs pa sprin chen po'i dpal la phyag 'tshal lo// de bzhin gshegs pa dran pa'i tog gi rgyal po la phyag 'tshal lo// de bzhi/ gshegs pa dbang po tog gi rgyal mtshan gyi rgyal po'i dpal la phyag 'tshal lo// de bzhin gshegs pa nor dang 'bru thams cad sdud pa'i dpal la phyag 'tshal lo// de bzhin gshegs pa zhing 'dren pa'i dpal la phyag 'tshal lo/ / de bzhin gshegs pa phun sum tshogs pa 'gugs pa'i dpal la phyag 'tshal lo// de bzhin gshegs pa'i mtshan 'di dag rim gror byas te bcang bar bya'o/ / bklag par bya'o// de ltar byas na rigs kyi bu 'am/ rigs kyi bu mo de'i bsod nams shin tu mang du bskyed par 'gyur ro// lha mo chen mo dpal de bzhin gshegs pa thams cad kyis lung bstan te/ lha mo chen mo dpal khyod ma 'ongs pa'i dus na 'jig rten gyi khams dpal chen po rin po ches brgyan pa zhes bya bar/ de bzhin gshegs pa dgra bcom pa yang dag par rdzogs pa'i sangs rgyas dpal nor bu rin po che las byung ba zhes bya bar 'gyur te/ 'jig rten gyi khams de'ang lha'i rin po che sna tshogs kyis brgyan par 'gyur ro// 'jig rten gyi khams der de bzhin gshegs pa de nyid snang bar mdzad par 'gyur la/ 'jig rten gyi khams de na gnas pa'i byang chub sems dpa' de dag kyang rang las 'od 'byung zhing tshe dpag tu med par 'gyur ro// nam mkha' las kyang sangs rgyas dang / chos dang / dge 'dun gyi sgra 'byung bar 'gyur ro// sangs rgyas kyi zhing der byang chub sems dpa' gang dag skye bar 'gyur ba de dag thams cad kyang pad+ma'i snying po dag las skye bar 'gyur ro zhes lung bstan to/ / de la ming brgya rtsa brgyad dri ma med pa lta bu zhes bya ba'i bstod pa rgyun chags bcu gnyis gang zhe na/ 'jigs pa med pa spyan ras gzigs dbang phyug lha mo chen mo dpal gyi ming rnam par nyon cig/ 'di lta ste/ de bzhin gshegs pa thams cad kyis dbang bskur ba/ lha thams cad kyis dbang bskur ba/ de bzhin gshegs pa thams cad kyi yum/ lha thams cad kyi ma/ de bzhin gshegs pa thams cad kyi dpal/ byang chub sems dpa' thams cad kyi dpal/ 'phags pa nyan thos dang rang sangs rgyas thams cad kyi dpal/ tshangs pa dang / / khyab 'jug dang / dbang phyug chen po rnams kyi dpal/ lha la sogs pa thams cad kyi dpal/ gnas thams cad yod pa'i dpal/ lha dang / klu dang / gnod sbyin dang / dri za dang / lha ma yin dang rtanam mkha' lding dang / mi 'am ci dang / lho 'phye chen po thams cad kyi dpal/ rig sngags 'chang dang / lag na rdo rje dang / rdo rje 'chang thams cad kyi dpal/ 'jig rten skyong ba bzhi dang lnga'i dpal/ gza' brgya chu skar nya shu rtsa brgyad kyi dpal lo// oM nyi ma'i bu mo 'am/ yum rig byed bzhi'i dpal/ bkra shis ma/ sems can gyi ma/ rnam par rgyal ma/ gad+hA ma/ mu stegs tham cad ma/ bkra shis thams cad ma/ dri ma med par byed pa'i dpal/ sdig pa thams cad 'phrog ma/ rgyags byed ma/ zla ba'i dpal/ nyi ma'i dpal/ gza' thams cad kyi dpal/ seng ge la zhon maHpad+ma'i mchog 'bum gyis bkab ma/ pad+ma/ pad+ma las byung ma/ pad+ma la gnas ma/ pad+ma 'dzin ma/ pad+ma dang ldan ma/ rin po che 'od 'bar ba'i 'phreng ba dum dang ldan ma/ nor sbyin ma/ dkar mo/ dkar mo chen mo// lag dkar ma/ bkra shis thams cad 'dzin ma/ bsod nams thams cad bsags pa'i lus can ma/ shes nyen gyi bu mo/ lag pa 'bum ldan ma/ mig 'bum ldan ma/ mgo 'bum ldan ma/ nor bu rnam pa sna tshogs kyi cod pan dang ldan ma/ gzugs bzang ma/ kun gyi gzugs can ma/ grags ma/ shin tu grags ma/ zhi ma/ sprin 'dra ba'i sgra gtsang ma/ zla bsar mdzes ma/ dkam/ dge byed ma/ sems can thams cad la mngon du phyogs pa'i dpal/ 'phags ma/ me tog gi dpal/ me tog gi dbang phyugs/ ri'i rgyal ra rab thams cad kyi dpal/ chu klung dang mtsho thams cad kyi dpal/ chu dang rgya mtsho thams cad kyi dpal/ mu stegs thams cad mngon du phyogs pa'i dpal/ sman dang rtsa dang / nags tshal dang / nor dang / 'bru thams cad kyi dpal/ gser sbyin ma/ zas dang skom sbyin ma/ 'od gsal ma/ snang ma/ lus gtsang ma/ de bzhin gshegs pa thams cad kyi dbang sbyar ma/ lha'i tshogs thams cad la mngon du phyogs pa'i dpal/ gshin rje dang / chu lha dang / lus ngan dang / brgya byin la sogs pa'i dpal/ sbyin byed ma/ longs spyod ma/ gzi brjid mgazi brjid ldan ma/ phun sum tshogs ma/ 'byor pa ma/ rnam par 'phel ma/ mthong ma/ chos kyi dpal ma/ khyab 'jug la brten ma/ ku mu da la gnas ma/ gnod sbyin ma/ bzod sbyin ma/ mthu rtsal gyi gnas ma/ dag byed dang bkra shis thams cad kyi lag ldan ma/ bkra mi shis pa thams cad 'jig byed ma/ bsod nams thams cad sdud pa'i dpal/ sa thams cad dang rgyal po thams cad kyi dpal/ rig sngags 'chang gi rgyal po thams cad kyi dpal/ 'byung po dang / gnod sbyin dang / srin po dang / yi dgas dang / sha za dang / grul bum dang / sto 'phye chen po thams cad kyi dpal/ lha'i gnas dang / lha thams cad kyi dpal/ bzlas brjod dang / bzlas brjod du bya ba dang / sbyin sreg dang / sbyin sreg tu bya ba dang / bkra shis thams cad kyi dpal/ 'od ldan ma/ mchog dga' ma/ skal bas 'gyur ma/ drang srong thams cad dga' bar brjod pa'i dpal/ bud med thams cad kyi gnas/ kun gyi gtso mo/ dpal gyi mchog/ mi'am ci mo thams cad dang / lha ma yin mo thams cad kyi dpal gyi mchog/ kha na ma tho ba med pa'i gnas na 'dug ma/ yid 'ong ma/ sim byed ma/ lus ngan la sdug ma/ chos kyi rgyal po'i dpal oM sdug bsngal thams cad las rnam par gzigs shing sgrol cig/ thar par mdzod cig/ bsod nams kyi tshogs thams cad bdag la mngon du gyur par mdzod cig swA hA/ oM gang+ga sarba tir+tha mU khai swA hA/ oM sarba bid+d+he swA hA/ sarba maM ga la d+hA ra Ni swA hA/ tsa tu ra be da sarba nak+Sha tra/ grA hA ga/ nA hA ga/ nA d+ha mUrba ye swA hA/ prap+tA ya swA hA/ biSh+Ta ye swAhA/ ru drA ya swA hA/ bi shwa mu khA ya swA hA/ oM gr-i ni gla na sarba kAr+ya sA d+ha ni/ si ni si ni/ A bA hA/ de ba hA/ bai shra maN+Da ya swA hA/ su bar+Na/ d+ha na d+ha n+ya/ A kaR+Sha N+yaM swA hA/ sarba puN+ye A kaR+Sha N+yai swA hA/ shrI he ba te A kaR+Sha NAM swA hA/ sarba pA pa~M na sha myaM swA hA/ sarba A lak+Sh+mI pra sha ma N+ye swA hA/ sarba ta thA ga ta a b+hi She ka ye swA hA/ sarba de ba ta a b+hi mu kha shrI ye a yur ba la par+Na ke ra ya swA hA/ sarba bi ta tA maM ga la ha s+thA ye swA hA/ saM gi ba nane swA hA/ pad+ma saM b+hU ta yo swA hA/ sarba kri ti ka kho rda bi nA sha ne swA hA/ 'jigs pa med pa spyan ras gzigs dbang phyug/ gang la la lha mo chen mo dpal gyi ming // nyes sdig thams cad med par byed pa/ sdig pa thams cad 'joms par byed pa/ bsod nams thams cad sdud par byed pa/ bkra mi shis pa thams cad med par byed pa/ dpal dang / bde ba dang / skal ba bzang po thams cad sdud par byed pa 'di dag dang / de bzhin gshegs pa'i mtshan 'di dag 'chang ba dang klog par byed pa des nang par langs te gtsang bar byas la/ sangs rgyas thams cad la me tog dang bdug pa gsol nas/ lha mo chen mo dpal la'ang tsan dan gyi bdug pa phul te bklags na/ des dpal thams cad mthong bar 'gyur/ bde ba dang yid bde ba thams cad thob par 'gyur/ lha thams cad kyang srung ba dang / sgrub pa dang / sbed par byed par 'gyur/ de'i dgos pa thams cad 'grub par 'gyur ro// bcom ldan 'das kyis de skad ces bka' stsal nas/ byang chub sems dpa' 'jigs pa med pa spyan ras gzigs dbang phyug dang / lha mo chen mo dpal de dang / thams cad dang ldan pa'i 'khor de dang / lha dang / mi dang / lha ma yin dang / dri zar bca ba'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa lha mo chen ma dpal lung bstan pa rdzogs so// /