བོད་ཡིག

e-texts produced with BDRC’s OCR application

de yis mtha' yas 'gro ba kun// rdo rje 'chang chen nyid gyur cig// sh+ye/ rgya gar skad du/ Ar+ya nI lA ma ba ra d+ha ra badz+ra pA Ni ru dra tri bI na tan+t+ra nA ma/ bod skad du/ 'phags pa lag na rdo rje gos sngon po can drag po gsum 'dul zhes bya ba'i rgyud/ bcom ldan 'das 'jam dpa'i rdo rje la phyag 'tshal lo// 'di skad bdag gis thos pa'i dus gcig na/ bcom ldan 'das bdud rnam par 'joms pa bdud kyi sde dang lhan cig tu 'og min gzhan 'phrul dbang byed kyi pho brang na thabs cig tu bzhugs so/ / gnod sbyin gyi sde dpon chen po lag na rdo rje gos sngon po can sangs rgyas gang+gA'i klung gi bye ma snyed kyis rjes su gnang ba 'di lag na rdo rjes zung zhig ces bka' sprul to/ / de nas phyag na rdo rjes gsol pa/ gnod sbyin bye ba stong phrag bye ba dpag tu med pa'i tshogs kyis yongs su bskor ba/ mche ba gtsigs pa dang 'tsham pa/ mig me mdag gi phung po 'dra ba/ dbugs me lce ltar 'bar ba/ 'jigs pa'i nga ro can/ pad+ma dang chu lhas lag pa dang dpung pa brgyan pa/ nor rgyas dang dung skyong gis dbu la brgyan pa sbrul rin po che 'bar ba'i cod pan thogs pa/ klu dga' bo dang nye dga' bo 'bar bas snyan cha byas pa/ rkang pas sbrul gdug pa 'bar ba mnan cing za ba/ klu'i rgyal po 'dab bzang ska rags su bcings pa/ sbrul nag po sa ral khar thogs pa/ bzhin rgyas pa/ smin ma khro gnyer du bsdus pa/ ya sos ma mchu mnan pa/ lce glog ltar 'gyur ba/ gshin rje'i cha byad can/ gsus po che sbrul za ba/ rgya mtsho'i zabs su dpag tshad brgyad khri yod pas rkang pa'i pus mor phyin pa/ dbang po dang nyi ma'i steng na bzhugs pa/ lag pa brdabs pa'i sgras 'jigs par byed pa/ a la la zhes bsgrags pas skrag par byed pa/ klu thams cad rlag par byed pa gad rgyangs chen po rgod pas kun tu 'khrug par byed pa/ gshin rje'i gzugs can khams gsum 'jigs par byed pa/ klu rnams 'dul bar byed pa de la phyag 'tshal lo// zhes byang chub sems dpa' phyug na rdo rjes bstod nas gsung du gsol zhes smras so/ / de nas nam mkha' de nyid la gzhal yas khang dang / 'khor lo chen po'i ting nge 'dzin dang ldan pa'i drag po chen pos 'khor bsdus nas/ phyag na rdo rje drag po che/ rdo rje khro ba drag chen 'joms// rdo rje gzi brjid sngags kyi gtso// rdo rje mi thub 'jigs byed che// rdo rje 'phrin las kun don mdzad// thabs 'dul 'khor lo che sku la// 'byung ba lnga yi bdag nyid che/ mdzes ldan 'od zer can dang ni// mdangs can sgra dbyangs rlung 'byin te// skyed byed las kun sgrub pa la// 'gugs shing sdud dang sdom zhi mdzad// mtha' brtul las rnams sgrub pa la/ / thig le'i rang bzhin me shigs la// kha sbyor nyi zla'i 'phro 'du las// bgegs rigs stong phrag 'joms mdzad pa// 'khor lo'i bdag po khyod la bstod// sa bon rab tu 'bar ba yis// / thabs dang shes rab bsreg gso mdzad// bde chen rab tu gsol mdzad nas// sdug bsngal nyon mongs 'joms la 'dud// oM a kA ro mu khaM sar+b+ba d+har+m+ma NaM A d+ya nut+pan+na twAta oM AHhUM/ zhes bcom ldan 'das kyis dkyil 'khor gyi lha la bstod nas 'dzud do/ / byang chub sems dpa' phyag na rdo rje la legs so zhes bya ba byin nas 'khor rnams spros te/ de nis phyag na rdo rjes bcom ldan 'das legs so/ legs so// de'i phyir 'di'i gsang sngags las thams cad sgrub pa/ sdig pa thams cad 'joms pa/ drag po gsum 'dul ba 'di gsung du gsol zhes brjod nas bskor ba byas te spyan sngar 'khor rnams dang lhan cig tu 'dug go/ de nas sangs rgyas bcom ldan 'das gang+gA'i klung gi bye ma snyed kyis gsungs shing byin gyis brlabs pa'i rig sngags 'di gdug pa can rnams 'dul ba'i don du brjod par bya'o/ / tad+ya thA/ b+ho b+ho paM nA ga a d+hi pa ta ye/ i daM nI lAm+ba ra d+ha ra sha rI ra/ badz+ra pA Ni hr-i da yaM/ yaHsa mA ti kra mA ta tha/ mA ku la uta sA da naM b+ha bi Sh+ya ti/ tad+ya thA/ bud+d+ha bud+d+ha/ bi bud+d+ha bi bud+d+ha/ mA ti kra ma tha/ ha ra ha ra nA gA nAM/ pra ha ra pra ha ra nA gA nI/ ts+tshin+na ts+tshin+da nA ga hr-i da yA ni/ b+hi da b+haM da nA gA marmA Ni/ bi shIR+Shan+ta nA ga sha rI rA Ni/ bi s+pho Ta ya nA ga na ya nA ni hUM phaT/ tad+ya thA/ hUM phaT/ nA ga bi dA ra NA ya hUM phaT/ nA gota sA da nA ya hUM phaT/ nI la ba sa nA ya hUM phaT/ a pra ti hi ta ba la pa rA kra mA ya hUM phaT/ kr-i tAM tA ya hUM phaT/ kr-i tAn ta rU pA ya hUM phaT/ ro Sha Na ya hU~M phaT/ trA sa nA ya hUM phaT/ kuSh+mA Na Do ta sA de nA ya tsU / phaT/ pre ta pi shA tsa bi nA sha ka rA ya hUM phaT/ yak+Sha a pa sma ra bi nA sha ka rA ya hUM phaT/ ha sa ha sa/ d+ha ra d+ha ra/ mA ra yA mA ra yA/ nA sha ya nA sha ya/ sar+b+ba big+h+nA na bi nA sha ka rA ya hUM phaT/ sar+b+ba sha trUM saM g+ha bi/ nA ya sha ka rA ya hUM phaT/ oM nI lAm+ba ra d+ha ra badz+ra pA Ni rA dz+nyA pa ya ti swA hA/ de'i cho ga ni gnod sbyin gyi gdon gyis zin pa la chu la sngags btab ste gtor na gtang bar 'gyur ro// klu zlog par byed na smag shad kyi lcug ma 'am/ bal po se'u'i lcug mas bya'o// yi dgas dang brjed byed rnams la ni skud pas bya'o// rims nad med par bya ba dang / gzhogs phyed na ba dang / yi ga 'chus pa la ni skud pa sngon pos bya'o// nor 'dod pa la ni zhag gcig smyung bar 'dug ste spos bdugs ni rmi lam du dge ba dang mi dge ba'i don thams cad ston no// mchod rten sku gdung dang ldan pa'i drung du me tog sngon po la sogs pas mchod la sngags stong bzlas nas gsol ba btab na gser gyi dong tshe bdun stong sbyin par byed do/ / rgyas btab pa 'grol bar 'dod na thal bas bya'o// sgo lcags dbye bar 'dod na nyungs kar gyis bya'o// 'jigs pa thams cad las srung ba la ni rtsi mar rnying pa dang / thal ba dang / nyungs kar gyis bya'o// nad kyis 'jigs pa thams cad la ni skud pa sngon po la srung ba'i mdud pa byas te mgul du btags na srung ba'i mchog tu 'gyur ro/ / byis pa gdon gyis nyen pa thams cad la ni tshon sna lnga pa'i skud pa mgul du btags na srung ba'i mchog tu 'gyur ro// chom rkun bzlog par 'dod na sas bya'o/ / dug la ni rtswa ku shas byab par bya'o// bdag srung ba la ni yid kyis sam chus bya'o// gzhan srung ba la ni skud pa sngon pos bya'o// las de dag thams cad la sngags brjod pa ni gcig gam gsum mam/ lan bcu bzhi 'am/ nyi shu rtsa gcig gam/ brgya rtsa brgyad bzlas na 'grub par 'gyur ro// bcom ldan 'das kyis de skad ces bka' stsal nas/ byang chub sems dpa' phyag na rdo rje dang / bdud dpung dang bcas pa rjes su yi rang ste bstan pa la 'khod do/ / 'phags pa lag na rdo rje gos sngon po can drag po gsum 'dul ba zhes bya ba'i rgyud rdzogs so// / bal po'i paN+Di ta