| བོད་ཡིག | e-texts produced with BDRC’s OCR application |
skad du/ shrI ka la tsakra ut+ta ra tan+t+ra rA dza tan+t+ra hri da ya nA ma/ bod skad du/ dpal dus kyi 'khor lo'i rgyud kyi rgyal po'i phyi ma rgyud kyi snying po zhes bya ba/ 'jam pa'i dbyangs la phyag 'tshal lo// 'di ltar chos dbyings dkyil 'khor dri med sku la 'jam dpal gyis ni dge dang mi dge bas// sangs rgyas pa dang mu stegs pa dag lha rnams dang ni dmyal ba nyid ces gang thob pa// rgyal mchog pho brang sham b+ha lar grags ka lA pa rungag gi dbang phyugs seng ge yi/ / gdan la bzhugs nas rgyal pos rgyud kyi rgyal po slar yang thub pa rnams la gsal bar bstan// byung gyur ces sogs bden te lnga mchog bla ma khyab 'jug lha yi dbang phyug l-I yi dbang po dang / / zla ba nyi ma sgra gcan me lha sa steng lha yul nam mkhar bsod nams sdig las 'byung // mi rnams pha rol srid par yi dag dmyal ba gang zhig bkag pa sha yi dam tshig can/ / rig byed pa dang thod pa can gyi rgyud kyi sdig pa'i bya ba de ni brdzun pa ste// gang du gcan chen bdun la sogs pa dge dang mi dge'i dbang gis bram ze rnams kyang der/ / skyed la sngar gyi lus po spangs nas lus gzhan bsam pas nges par 'dzin par 'gyur ba ni// thub pa shed bu'i tshig las srog chags rnams kyi gsod byed ba'i mthar thug brgyad du 'gyur/ / sha zos pa las bram ze rnams kyang lha las sa stang 'dir ltung de ni bden pa ste// bzang po tshangs pa dbang phyug khyab 'jug rnams kyi rigs byed zhi chos khyab 'jug ches bla ma/ / sha yi kha zas bkag la sha yi dam tshig can la rnal 'byor ma dang rnal 'byor rgyud// rdzogs sangs rgyas kyis bco lnga sogs par bde gshegs dam tshig can la sangs rgyas byang chub ni/ / sangs rgyas pa yis kun nas sha mi bza' zhing bdag gi ba yis rtag tu bsrung mi bya// srog chags rnams la srog chags 'du shes gsod pa'i yid kyis nye bar brtsams pas 'dir nyams / yan lag lnga yis srog gcod 'gyur gyi nam mkha' tsam ni srog chags rnams kyi byed po min// srog gcod lus dang ngag dang yid kyi rgyu rnams gsum gyis 'grub la de la longs spyod cing / skyed byed bdag nyid sems kyi rgyal po srog chags rnams ni las longs spyod pas 'jig par 'gyur// seng ge sbrul dang ni le stag dang bya rog skye gnas yan lag lnga yi srog gcod 'gyur// rgyal po dang ni skye dgu rnams ni byed dam byed du 'jug dang yi rang gsum gyis 'gyur// dge slong snying rje med pas lce la sha yi ro myong rol rjes su tshol byed cing // bdag nyid gsod pa la sogs skyon gyis dge slong rnams dang dge tshul yang ni dmyal bar 'gro/ / dge slong nad pa la ni sman pas sha bstan na yang bya khra rnams kyis bsad pa dang // pha yi ched du bsad dang mchod sbyin thogs dang me dang chu dang ma zhu'i skyon gyis shi ba rnams/ / sbyor ba 'di rnams med par gyur na gang du de tshe bza' bar bya bar gsungs pa rnams// dge slong rnams la sha gang de ni stobs bcu ldan pas nad 'joms phyir yin 'chi ba slur min/ / sha la sogs pa zos na nges par sa yi 'og tu lus chen rnams su sdug bsngal 'gyur// srog chags yi dgas la sogs skye gnas dka' thub khyim pa rgyal po nges par rang khyim du/ / gzhan gyi khyim dang chung ma longs spyod dang ni bu mo gnyen bdun tshogs dang rang khyim rnams// shi ba rnams kyi lus ni gang yin chung ma bu dang bu mo gnyen bdun tshogs ni gang / / 'dir ni rdo la gzugs dang sgra dang dri dang ro dang reg bya nyid ni rnam par blta// mtho yor shes pa yod la rang gzhan rnam par bral ba nyid las rdo ba'i mtho yor phung por 'gyur// sa steng gnas su srog chags rnams kyi rigs pa nyams pa'i lus la'ang yod pa nyid// srog chags rnams kyi srog rgyu ba ni rang gzhan rnam par bral bar legs par sad las shes// sham b+ha yi nyi ma'i shing rta la sogs phung po khams dang dbang po 'gro ba rnams/ / 'gro ba'i gzugs kyi khams la sogs pa phung po thams cad rdul phran rnams kyi rnam 'gyur te// longs spyod byed pa rnam par rig pa tsam te rang gzhan bral te rtogs med de rnams kyis/ / longs spyod byed min srog chags rnams kyi snang byed gang gis mun pa bral nas sad 'gyur ba// zla ba nyi ma sgra gcan dus kyi ma dang mun pa gcig pu snang bar byed pa yang / / sa sogs dri sogs mig la sogs dang gzhu dang char pa glog dang rlung sogs drug pa gnyis// de ni lus la phung po drug dang yul dang yul can de yi bya ba drug pa gnyis/ / de rnams longs spyod byed po srog chags phung po gnyid log gyur 'dir snang byed kyis brlang ba// phyi yi bdag dang nang gi bdag dang gsum pa mchog gi bdag rnams bzhin pa las rab byung // sprul sku longs sku dang ni de bzhin chos kyi sku rnams bzhi po las ni rab tu byung / / khong stong min zhing gcig pu mchog gyur 'byung ba las gyur tsam gyis gsum sogs thim par 'gyur// de bzhin gsum la sogs pa gcig pu mchog gyur chos kyi dbyings su nges par thim par 'gyur/ / phung po khams dang dbang po'i yan lag skye mched mun pa stug po snang ba 'od kyi mdog/ rnam par shes pa srog gi de nyid srid gsum 'gro bar gtogs pa'i mtha' yas byang chub chos/ / dri rnams nam mkha'i me tog bzhin du yod min mkha' tsam rdul phran chos kyi dbyings la gnas// gang phyir 'gro ba 'di rnams bdag dang gsum la sogs pa sangs rgyas skyabs gsum la sogs pa/ / yan lag nang nas nyon mongs ma rig par 'gyur slar yang len pa dang ni sred pa yang // las ni 'du byed srid par 'gyur la 'dir ni gsum po zung bcas rgyu chos sdug bsngal ni/ / rnam shes la sogs rnam pa lngar 'gyur de bzhin bcu gcig pa dang bcu gnyis pa yang yin// gsum las zung la zung las dpag tu med pa'i srid par chos bdun 'bras bu'i yan lag rnams// shing las me tog me tog las kyang 'bras bzhin gang zhig 'gro ba'i nyon mongs pa las las/ / de las sdug bsngal sdug bsngal de las nyon mongs mtha' yas 'khor lo ma lus rgyu las byung // chos rnams 'gag pa med pa nam mkha' tsam las 'byung ba'ang med pa nyid pas de yi phyir/ / srog chags srog gi rdul phran phung por bcas shing 'gro ba gzhan du rtag min mi rtag min// sbyin pa la sogs gang zhig dge bcur ldan pa gtong zhing byang chub phyogs kyi stong pa nyid/ / gang zhig de dag byed pa por 'gyur rgyal mchog sras bcas srog chags rnams kyi bdud kyi ris// de las phung po rnams las de las slar yang srid gzhan 'pho min phung po'i mtshams sbyor ni/ / mar me kha ton rgya dang dri med chu dang sgra dang nyi ma chu shel sa bon sgyur// gang du rgyal ba rnams kyi chos sku dkar po'i chos kyi tshogs las byung ngo zhes pa bden/ / chos las longs spyod rdzogs sku mtshan dang dpe byad ldan pa ma lus sgra yi tshogs rnams te// phung po sprul pa'i sku la mchog tu 'gyur med bde ba chos su mim ning de yi phyir// gang zhig sku yi mtshan nyid 'dir mi sangs rgyas pa yi slob dpon klu yis gang gsungs pa/ / gang zhig gcig min du ma min la rang dang bdag gzhan la phan tshun tshogs chen po'i rten gyur pa/ dngos med dngos po med min nam mkha' bzhin du ro mnyam rnam par dpyad dka'i rang bzhin nyid// gos med rnam par 'gyur med zhi ba mtshungs pa med pa mnyam zhing khyab la spros pa med// dpe med so sor gis reg bya rgyal ba rnams kyi chos kyi sku la bdag phyag 'tshal/ / gang zhig 'jig rten las 'das bsam mi khyab pa legs smad 'bras bu bdag nyid phun sum tshogs// blo ldan chen por gyur pa mnyes pa'i rgyur gyur 'khor gyi dbus su sna tshogs gsungs mdzad cing / / 'jig rten kun la khyab pa rgyun mi 'chad pa rgya che'i dam chos sangs rgyas rnams kyis gsungs// longs spyod rdzogs sku chos kyi rgyal po chen por gnas pa de la 'dir ni bdag phyag 'tshal/ / gang zhig sems can rnams kyi smin pa'i rgyur gyur la lar me bzhin gsal bar snang ba dang // slar yang la lar mngon par byang chub chos kyi 'khor lo rab tu zhi ba gang mthong ba/ / rnam pa du mar 'gro ba'i gzugs kyi thabs kyis 'jug cing srid pa gsum gyi 'jigs pa 'joms// phyogs bcu'i rjes su 'jug pa don chen thub pa rnams kyi sprul pa'i sku la phyag 'tshal lo/ / khams gsum spyod pa las grol mkha' dang mnyam par gyur pa dngos po kun gyi rang bzhin nyid// dag cing zhi la rnam dben mchog tu zhi la rang bzhin rnal 'byor nyid kyis rtogs bya ba/ rtogs dka' brtag par dka' la zhi ba mi mnyam mnyam par khyab cing mtshan ma med pa nyid// mi mnyam bde ba rnam par mi rtog sku gcig rgyal ba rnams kyi sku la phyag 'tshal lo// sangs rgyas zhing khams mtha' yas rdul phran yon tan las byung ma lus 'jig rten khams rnams su/ / zla ba nyi ma la sogs skye gnas lha yul sa steng nam mkha' rdo rje btsun mo'i mthar// bud med skye gnas chos kyi dbyings su bde 'gro ngan 'gro dus kun tu ni rnam par bzhugs/ / rdzogs pa'i sangs rgyas srog chags phung po yul gyi yon tan ldan pa bsod nams sdig pa'i mthus// khu ba khrag dag rig ma'i b+ha ga'i pad+ma chud cing srog gi rlung dang rtsol ba'i rlung / / de ni ye shes lnga yi rang bzhin can du 'gyur ba'i skyes bu rig ma yang dag ldan// yul gyi yon tan las byung de longs spyod pa'i gzugs sku ma yi khams la rab brten pa/ / skyes pa bud med ma ning lha klu khyab 'jug rgyal ba thub pa rang las mthu las byung // gang gi de nyid de nyid lnga dang rigs gsum go 'phang yang ni gcig tu gsang ba yi// zhal brgya rigs 'dzin dbang po zla bas sogs yul dang yul can bdag po chos kyi dbyangs/ / zhal brgya pa de rgyu las gnyis skyes lag pa rkang pa'i yan lag sor mo'i tshigs rnams la// de la tshor ba gsum la sogs pa nub par 'gyur ba sgyu bzhin myur du 'gro bar 'gyur/ / gang zhig lnga dang gsum las yul dang yul can dri dang lus la sogs pa 'byung bar 'gyur// sa la sogs pa lnga dang zla ba nyi ma mun pa rnams kyis khams rnams rgyas btab des/ / gcig gi du ma'i khams las gnyis skyes lag pa rkang pa sor mo'i tshogs rnams gang zhig tu// thams cad zla ba'i rgyu las mchog gi rigs brgya rgyas btab skyes pa dang ni bud med dag/ rten gyi 'byung ba'i tshogs ni rang bzhin yon tan yang ni 'jig rten rdul gyi phung po ste// srog gi rgyu ni dbyangs yig la sogs rang bzhin kyang ni 'jig pa med ba srog gi khams/ / khu ba'i rten ni zla ba nyi ma yang ni las yin rdul ni srog chags phung po yi// de yi thabs kyis sad par byas pas bsod nams sdig pa'i mthu las 'bras bu sa gzhan du// rang gi yas kyi phung po lngar longs spyod cing slar yang gzhan du'ang slar yang sogs par byed/ / de yi dkar po'i bsam gtan bstod pa nges par brgya yis las kyi phung po zad pa min// gcer bu la ni las kyi phung po rnam par 'jig 'gyur sreg byed me ni 'ba' zhig gis/ / dkar po'i bsam gtan dgra bcom sngags dang bstod pa nges pa brgya phrag sems can lus ngag las// pad+ma khyab byed snying po'i ze'u 'bru'i dbang phyug dgra bcom thig le bzang po sgom par byed/ / de dbus lus po sbas pa rtse mo brgya phrag 'bar ba kun nas gsal bar byed pa can// lha rnams gsang ba'i mdzod gyur mchog gi go 'phang 'di ni brgya byin rgyal po mchod 'os pa/ / bsam gtan 'di ni sreg blags za bas ma lus las kyi phung po sreg par 'gyur ba mthong // gang zhig gnod pa'i bsam gtan la zhugs gyur pas nyin dang mtshan du de yi sdig 'phel 'gyur/ / gang zhig gnod pa'i bsam gtan las ldog gyur pas nyin dang mtshan du de yi sdig nyams 'gyur// gang zhig drag po'i bsam gtan la zhugs gyur pas nyin dang mtshan du de yi sdig pa 'phel/ / gang zhig drag po'i bsam gtan las ldog gyur pas nyin dang mtshan du de yi sdig pa nyams// gang zhig chos kyi bsam gtan la zhugs gyur pas nyin dang mtshan du de yi sdig pa nyams/ / gang zhig chos kyi bsam gtan las ldog gyur pas nyin dang mtshan du de yi sdig pa 'phel// gang zhig dkar po'i bsam gtan la zhugs gyur pas nyin dang mtshan du de mi sdig pa nyams/ / gang zhig dkar po'i bsam gtan las ldog gyur pas nyin dang mtshan du de yi sdig pa 'phel// gang zhig nyin dang mtshan du 'tshe ba la zhugs gyur pa de rnams sdig pa 'phel bar 'gyur/ / gang zhig nyin dang mtshan du 'tshe ba ldog par gyur pa de rnams kyi ni bsod nams 'phel// de bzhin sha dang chang dang gzhan gyi nor 'phrog pa dang 'dod pas log par g.yem pa dang // 'dod chags zhe sdang gti mug rnams dang nges par khro bo nga rgyal 'dod pa rnams kyis 'gyur/ / gang zhig sbyin pa la zhugs gyur pas nyin dang mtshan du de yi bsod nams 'phel bar 'gyur// gang zhig sbyin ba las ldog gyur pa nyin dang mtshan du de yi sdig pa 'phel bar 'gyur/ / de bzhin tshul khrims bzod pa nyin dang mtshan du 'gyur la rdo rje'i brtson 'grus de bzhin du// shes rab thabs dang smon lam stobs kyi sbyor bar ldan zhing stong nyid ye shes rdo rje rnams/ / dngos dang dngos med byed po bsgribs dang nam mkha' 'phrog par byed pa dang ni mchog gi bdag/ nam mkha' med nabyed/ bopo gnas min 'dir mi gang zhig stong nyid smra ba rnams kyi tshig/ sems can rnams kyi byed por ma byas bsod nams sdig pa dus rnams kun tu rnam par 'phel// rgyal ba stobs bcu ldan pa ye shes can dang lnga rnams longs ma spyod par 'jig pa min/ / so sor sdud la sogs pa drug po stobs bcu'i stobs dang ldan pas stong nyid bsgom par gsungs// mtshan mo du ba la sogs sbyor bas slar yang nyin mo nam mkha' 'bar ba la sogs pas/ / so sor sdud pas rnal 'byor pa yis dus gsum dngos po nam mkha'i dkyil du son par mthong // bsam gtan gyis kyang de la shin tu sems brtan byas pas phyi rol dngos po rnam par spong / / srog rtsol gyis ni srog gi rlung dag nyi ma zla ba bral nas mun par rgyu bar byed// dbugs kyi 'byung 'jug bral zhing slar yang 'dzin pa'i yan lag gis ni thig le'i 'dzin par byed/ / rjes su dran pas rang gis gzugs las zla ba bzhin du nam mkhar 'od mnga' phrog par byed// ting nge 'dzin gyis khu ba rdo rje nas brtsams mgo bor dri med bde bas rang gang 'gyur/ / nam mkhar bltas pas gti mug rnam par 'jig par 'gyur te sna tshogs stong pa nyid mthong bas// nang gi bdag nyid bltas pas 'dod chags 'jig par 'gyur te srog gi rlung dag bkag pas so/ / yan lag med par bltas pas zhe sdang 'jig par 'gyur te khu ba dri med bde ba yis// sna rtser bltas pas nga rgyal 'jig par 'gyur te gzhom du med pa tshangs pa'i gsung las so// srog dang rtsol ba bkag pas sangs rgyas gzugs brnyan dri ma bral ba'i dkyil 'khor yang dag pa// gsang ba lte ba snying kha mgrin pa mgo bo rdo rje rnams su rim bzhin sa zung re// khu ba gyen du song zhing khrag kyang 'og tu 'gro la tshangs dbyangs gzhom du med pa las/ / sku gsung thugs kyi rdo rje dri ma gsum dang bral ba gang gis ston pa sangs rgyas nyid// khyi la sogs pa'i sha yi mig dang rang bzhin yon tan dbang gis lha la sogs pa'i lha yi spyan/ / rang rgyal nyan thos dag gis gzhan gyi sems rtogs shes pa sangs rgyas spyan te gsum pa'o// byang chub sems dpa' rnams kyi dri ma bral ba rnam dag bzhin pa shes rab spun du 'gyur/ / sangs rgyas rnams kyi thams cad gzigs pa dri ma gsum dang bral ba lnga pa ye shes spyan// rgyu mthun dga' ba khu ba rdo rje yang ste de 'dzin pas na nges par rdo rje 'dzin/ / lus kyi sa bon khu ba phab ste 'khor lo 'dzin pa lte ba'i 'khor lo'i bde ba gang // mtshon bya de nyid mtshon bzhin pa yi snying kha sgra bcas bde ba mgon po 'khor ba 'jig/ gang gis mgrin par de rig g.yo med bde ba 'dzin pa de ni tshor byed rin chen 'dzin// gang gis mgo bor zla ba 'dzin pa 'di ni khu ba dri bral bde ba shes rab 'dzin// gtsug tor tshangs pa'i bu gar 'gyur med mchog gi bde ba dga' ba bcu drug rab gang ba/ / gang gis shes rab rang bzhin med pa mchog gi zla ba cha shas bcu drug rdzogs pa'i mtha'// de ni dpag med gang gis rig pa mgo bor rdo rje dang bcas drug pa rdo rje sems/ / snang ba ye shes khams su 'gyur te gang zhig spyi bor 'gyur med rdo rje skyes bu la// dri bral sa yi thig le mgo bo'i skyes bu de ni chu dang nyi ma mgrin par yang / / sgra gcan me dang rnam smin snying kha sgra bcas bde ba rlung dang lte ba mjug rings te// gsang ba'i 'khor lor mun can bcom pa'i bde ba stod pa can ni stong pa mun pa'i khams gang zhig mig la sogs pa yul can drug po lha mo rnams las sa snying la sogs gang / / gzugs ni phung po la sogs gang zhig yul drug rnams kyang lha ru brtags pa de rnams kyi// dag pa'i dbang po la sogs yul can drug po gang zhig gnod mdzes rgyal po la sogs pa/ / de rnams khu ba mi 'pho la sogs yul drug rnams kyang sngon mo la sogs de rnams so// gang zhig khro bo gshin rje gshed ni zla ba dang bcas srog rlung rab tu bcom gyur pa/ / nyi ma dang bcas srog rlung rab tu bcom 'gyur gang zhig khro bo pad+ma mthar byed do// sgra gcan dang bcas srog rlung rab tu bcom pas gang zhig khro bo bgegs mthar byed pa ste/ / 'jug rings dang bcas srog rlung nges par bcom pa gang zhig khro bo shes rab mthar byed do// srog rlung 'gags pas phyag gnyis dgyes rdor zhi ba 'dir ni nga rgyal 'joms pa rdo rje sems/ srog rlung bkag pas phyag bzhi pa yi dgyes rdor byin za zhe sdang 'joms la byang chub sems// dgyes pa'i rdo rje'i 'dod chags 'joms pa zhal gsum phrag drug dbang phyug sems dpa' chen por 'gyur// zhal brgyad pa la zhabs bzhi gti mug 'joms pas tshangs pa bde ba dang bcas dam tshig sems// lte bar srog rlung bkag pas dri ma gsum bral rdo rje sems dpa' de ni sangs rgyas nyid// snying khar bkag pas dri ma gsum bral byang chub sems dpa' rang rgyal de ni sangs rgyas nyid/ / mgrin par nyi ma de ni dri ma gsum bral sems dpa' chen po nyan thos nyid du 'gyur// dpral ba rlung gi dbang po 'gags pas bde ba dang bcas dam tshig sems dpa' ston pa'i sras/ / lte ba'i 'khor lor mi 'gyur mchog gi bde ba gang zhig khro bo'i dbang po'i rtsa bzhi dang // sum cu rtsa gnyis dang ldan ro la ro/ yis bsgyur ba gang zhig bde mchog 'khor lo gsum// lag pa rkang pa'i rus pa'i dum bu brgyad dang lag mthil sor tshig dum bu rnams// 'khor lo drug gi rtsa rnams 'dir ni nyis 'gyur bde mchog chen po'i rnal 'byor ma rnams la/ / gtsug tor rtsa bzhi rnams su 'pho ba rnam par bral dang de bzhin chos kyi 'khor lor brgyad// mgrin par sum cu rtsa gnyis rnams su 'gyur te drug cu rtsa bzhi lte/ ba'i 'khor lo ru// gang zhig zla ba'i cha yis gang ba mgo bor dkar po de 'dir gsang bar dkar po'i cha// 'khor lo'i rtsa rnams kyang ni mchog tu mi 'gyur bde ba dus kyi 'khor lo lhag pa'i lhas/ dus ni drug cus lhag dang bcas pa'i brgya phrag gsum ste tshigs mtshams rnams kyang rdo rje'i sku// rgyu skar rnams kyi dbyug gu nam mkha' lag pa rgyal po de yang dang por sangs rgyas gsungs/ / zla ba'i cha shas sum cu nam mkha' nam mkha' gdengs can zla ba'i rtsa ni zla bzang ngo po// rtsa dang ba spu gang zhig ma lus lus la gnas pa rdo rje myu gu'i ming can te// rdo rje chu dang bshang ba khrag rnams lus kyi stong pa nyid kyis lce yis bldag par 'gyur/ / byams pa'i tshems kyis gtong dang lag pa rkang pa'i sha rnams zos pas des na drag po la// mngon shes lnga yi zhal chen yul gyi phyugs kyi tshogs rnams zos pas des na seng ge ste/ / bsod nams ye shes tshul khrims dam pa dri ma gsum bral dus kyi 'khor lo spyan gsum pa// dpal ldan 'dus par sku rnams gang zhig yul dang yul can srog chags las kyi mthu las byung / / der ni 'ga' zhig khams rnams de dag lha ru rtag tu bdud kyi ris la gsal bar mdzad// rtsa dang sha dang rus pa khu ba khrag rnams rdul phran 'dus pas lha rnams kyi ni gnas/ / srog chags so so'i sangs rgyas lha yul bar snangs steng rang rang gnas su gtso bo'i gnas// mdor byas brdzun gyi rim pas 'gyur la yul dang yul can sgrub byed rdo rje'i bzlas pa yin/ / rang byin rlabs pas srog rlung ri bong can du bzhin pa 'dir ni mngon par byang chub 'dod// 'dir ni lnga pa zung 'jug rim pa mchog tu gyur pa dpal/ ldan gsang ba 'dus par yang // bdud rnams yang dag bzung phyir srid pa gsum gyi bla mas lha yis bskyed pa'i rim pa gsungs// gang zhig byang chub sems dpa' dge ba bcu yi lam dang sbyin dang tshul khrims sogs las skyes/ / skyes pa skye bar 'dod par 'gyur gyi yid tsam min la btags pa dang ni bdag kyang ngo // bdud kyi tshig 'di dag ni rang gi yid la byed cing de 'dra'i khyab pa'i rang bzhin gyis/ / bsam gtan rje bo 'ga' yang yod min lha yul sa steng bsod nams tshul khrims rnam par dman// stobs bcu mchog dang ldan pas rdzogs pa'i lha dag chos kyi dbyings la yang dag gnas pa de/ / bsten par bya yi lcags kyu rdo rje mda' gzhu dz+wal bu ral gri zhags pas bsgrub pa min// bkug cing 'dir ni gzhug dang mchog tu 'jigs par gyur pa brdung zhing lag pa bcing ba yi/ / bsam gtan 'dis ni dge ba rnam par bral nas bdud rnams shi nas ngan 'gror 'gro bar 'gyur// sangs rgyas pa yi lha rnams dri ma gsum dang bral zhing sems can kun gyi don mdzad/ pa/ de ni shin tu dri zhim me tog dri dang spos dang mar me dang ni lha ba shos dang // gsang sngags bzlas dang bstod pa nges pa brgya yis bsten bya sgrub pa po la rab dgyes nas// sa 'og 'jig rten lha yul sa steng bar snang rnams su grub pa'i rig pa 'dzin pa ster/ / zla ba nyi ma'i rtsa dag bkag cing nyin mtshan dus su srog gi gsang sngags gang zhig ni// zla ba gcig la nam mkha' nam mkha' stong bzang 'gro dus ro mur bar dbyer med bzlas/ / seng dang 'og gnyis 'dzin pas lam gsum bral nas srog rlung gad bas rlung dag khyer bzhin pas// grub par 'gyur te ri bong / 'dzin pa lta bur nam mkhar 'gro bas rig pa 'dzin pa de// bsod nams don du byang chub sems dpa' thugs rjes rgyal srid chung ma bdag gi sha yang gtong // ye shes don du dus gsum dngos po stong pa'i gzugs brnyan mi g.yo dri bral blo byed cing / / tshul khrims don du khu ba rdo rje mgo bor khyer la mgo nas tshangs pa'i bu ga ru// bsod nams ye shes tshul khrims yang dag dri ma rnam par bral nas rdo rje sems dpar 'gyur/ / shin tu skyon can skye bo gang zhig rgyal srid sems kyis ster ba len pas longs mi spyod// yon tan ma lus ldan pa'i chung ma sems kyis byin yang gang zhig len pas longs spyod min/ / sha dag sems kyis byin yang gang zhig sha yi dam tshig can gyis len pas longs spyod min// de yis byang chub sems dpa' gal te stobs bcu ldan pa de tshe dman rigs cis mi 'gyur/ / byams pas dka' thub mchog ni tho rangs dus su chang gi don du chang 'tshong khyim du 'gro// nyin phyed dus su mchog gi thugs rjes ha yi don dun pa rnams kyi tshong dus su/ dgongs kyi dus su bud med la 'jug phyir dududaga' bas bran mo rnams kyi khyim du 'gro/ / chang nya bud med rnams kyi dri ma gsum bral a ba d+hA tI dman rigs cis ma yin// gang dag dngos po du mar gyur pa ser skya ba ni gcig pu nyid dung ma 'cha' la// gang gis / bsgrub bya med pa nyid la brtan g.yo'i 'gro ba yod pa nyid du dam 'cha' ba// gang tshe gtan tshigs bsgrub bya dang mtshungs gyur pa de tshe sgrub pa po yis bsgrub bya min// gal te bsgrub bya gzhan la gtan tshigs kyang / gzhan gyur pa de tshe de yi dam bca' nyams// sgra rnams rtag par dam bca' nam mkha' lta bur byas pa'i lus med par grub de bzhin du// sgra rnams mi rtag dam bca' bum pa lta bur byas te shin tu rtsol bas byung ba'i phyir/ / nam mkha' las ni rtag par grub kyang khyod kyi kha las sgra rnams mi rtag nges par grub// gzugs dang reg bya dri dang ro yi yul rnams bzhin du lnga pa sgra yang cis ma yin// de ni gang gis thog mar rtogs pas sa steng bar snang khams su sgra des slar yang ni// rna bas don rnams rab tu rtogs par 'gyur ba de ni sgra rnams rtag pa nyid yin lo// gang gis thog mar don rtogs gyur pas sa steng bar snang khams su slar yang de tshul gyis/ / rna bas don rnams nges par rtogs par gyur pas de ci gzugs rnams rtag pa nyid yin nam// rtag pa gsal bu gcig pu yon tan ma lus rang bzhin sgra zhig rna ba'i bug par gnas/ / mgrin pa nas brjod gsal byed sgra yi tshogs nas slar yang rtag par gyur pa ma yin la// gang zhig brjod pa gcig gis nyan byed rna ba'i bu gar sgra yi ku cor 'gyur min nam/ / rtag par mngon par gsal bya de ltar 'gyur gyi gzhan la ltos pas nus pa'ang min// dngos po'i byed po'i rgyur ni slar yang mun pa gsal bar byed pa gzhan na gnas pas ni// rtag pa mngon par gsal bar byas pa gang zhig rgyu yis bskyed pa 'dir ni byas pa ste// byas pa dang ni gzhan pa gang dag chos mi mthun pas grub par 'gyur ba nyid ma yin// chos mi mthun par de phyir byas pa rnams ni yod par 'gyur la cig shos de med do/ / gang zhig mngon par gsal bya'i rgyur gyur mngon par gsal byed de ni ci yis rgyu ma yin// mun par thim par gyur pa gang dag de yis mngon par gsal byas de yi 'bras bu cis ma yin/ / sgra dang don dag gal te gcig par gyur na de tshe don nyams pa na sgra nyams 'gyur// spyi dang gsal ba'ang de bzhin 'gyur te nam mkha' tsam dang gzhan pa nyid dang gcig pa nyid/ / stong pa sgra dang ldan par gyur na de tshe 'jig rten gsum por rtag tu sgra med 'gyur// gang gis na mkha' yod pa nyid na brtan dang g.yo ba'i 'gro ba des na med pa nyid// gal te nam mkha' dang ni 'byung ba'i tshogs kyi rgyu dag chos mi mthun las grub gyur na/ / de yi rgyu las sgra dang sgra min dman par nges par sgrub pa po la nges par 'gyur// nam mkha' sa steng dag tu gza' dang rgyu skar dag dang byol song dang ni mi rnams dang / / lha dang srin po da ni rang gi rig kyi dmachog can gyi yi dgas lha mi na klu// sngags kyi yi ge rnams kyi rang bzhin yon tan dbang las dbyibs dang kha dog rang bzhin gyi// don gcig du ma'i sgra yis kha cig tu yang don rnams mang po de ni sgra gcig gis/ / dngos med stong pa'i rgyu las brtan dang g.yo ba'i dngos po rgyu rnams las ni grub pas na// dpe ni nam mkha'i me tog dang ni sa dang shing dang me tog de der rang rang grub/ / mo ga sham bu mo nam mkha' tsam las skyes pa nam mkhar 'gyur la bu ldan las skyes pa// bu ni 'gro ba ma lus par 'gyur shin tu phra ba'i rdul phran phung po'i sa bon las/ sa dang chu dang ma rnams lha yi de nyid khyad par rnams ni phyi dang tha dad min// gal te lha gcig rab tu 'jig par gyur na de cha tha dad gzugs dang lhan cig tu// sa dang chu dang ma rnams lha yi de nyid gcig pa nyid du rab tu 'jig pa min/ / srog chags so so'i lus ni 'jig pa rnam par bral ba'i 'byung ba'i tshogs kyi lha rnams te// sa dang chu dang byin za rlung dang nam mkha' sbyor bas gang zhig rnam lnga'i bdag nyid lus/ / lus can rnams la yon tan bral ba'i lha rnams rnam lnga der ni mthong min yod ces grags// srog chags rnams ni sngon gyi lus po spangs nas slar yang lus gzhan pasam pas 'dzin par 'gyur/ / gang zhig sa la sogs pa'i lha rnams de yi sngon gyi lus po zhig pas rab 'dzin 'gyur// srog chags gzugs gzhan glog gi 'phreng ba chen po bzhin du rab tu rgya chen gzugs can te/ / sprin bor nas ni bar snang dag la phyogs dang phyogs mtshams rnams sumakyog pa'i shugs kyis 'gro// srog chags srog dang lhan cig bem po'i lus dang bral ba tshor ba la sogs rab ldan pa/ srid pa sum cu rtsa gcig rnams su dge dang mi dge'i dbang gis gcig pu kho nar 'gro// gcig min rnam pa lnga po yul dang bral ba nang gi bdag dang mchog gi bdag nyid ni// nam mkha' las 'das mi gsal min zhing mi gsal 'bras bu med min nus pa dman pa min/ / sems las 'dod pas rang bzhin skyes bu 'byung ba min cing srog rlung med na sems med la// srog chags sems dang lhan cig bde 'gro ngan 'gro dag tu las kyi 'brel pas 'jug/ phan tshun ltos phyir rig pa dang ni bems po dag dang rgyu dang 'bras bu nyid dag dang // phan tshun ltos phyir gang tshe 'byung ba'i tshogs rnams yongs su gyur par rab tu 'byung bas na/ / ther zug pa yang 'gyur ba nyid pas de tshe 'byung ba'i tshogs rnams 'gyur bar nges pa yin// thams cad 'gyur med rtag pa'i rang bzhin du 'gyur yang na gang zhig rtag pa nyid ni 'gyur ba med/ / ther zug pa dang ther zug dman pa'i skyes bu khyab bdag gis ni srid sgru ba la bshad de// phan tshun ltos phyir rigs pa dang ni rigs bdag kyang ni rgyu dang 'bras bu nyid du 'gyur// phan tshun ltos phyir byas pa min dang byas pa dag kyang rgyu dang 'bras bu nyid du 'gyur/ / phan tshun ltos phyir byas pa dag kyang bya ba yang ni rgyu dang 'bras bu nyid du 'gyur// thams cad rnam par rig pa tsam ste sa dang chu dang ma dang rlung dang nam mkha'i khams/ / gzugs dang reg bya sgra dang dri dang bcas pa'i bde ba rdul phran phung por gyur pa min// rnam par shes las 'bras bu'i dngos po rab byung ba las min zhing me dang 'dren mas min/ sa bon las ni myu gu bzhin la sogs par 'gyur gyi rang las min zhing rgyu med min// rkang dang rus pa chu ba sha dang khu khrag tshal bu pags pa rdul phran phung po min// rnam par rig pa tsam zhig spangs nas slar yang srid pa gzhan du rnam rig tsam zhig 'gro/ / der ni lus len slar yang srid pa gzhan du de yang rnam ga tsam pa de nyid de// 'dod chags gnyid log gyur na rang gzhan bral ba rnam rig tsam po rnam par nyams// ga la te 'gro ba rnam rig tsam du gyur na 'dir ni don gzhan rnam par rig tsam du/ / de 'gyur gal te 'gro ba rnam rig tsam na de tshe gnyis med min te de gnyis phyir// gang zhig 'di yi ma rig glo bur ba ste ldan skyes gyur pa de ni rnam rig min// sngon du rnam rig rnam par dag pa lhan skyes/ bems po yang ni rig pa rnam dag 'gyur// bems po ma lus rnam par rig pa tsam du 'gro bas sad pa'i tshe na rab tu rtogs pas grub// de yi rnam rig mi snang bar 'gyur yang na rang gnas tshangs pa dbang phyug la sogs 'gyur/ / bye brag par gyur yang na ser skya'i 'dod par 'gyur te sa bon nang na myu gu sogs// gcig phyir 'bras bu yod par smra bar 'gyur te brgya la rtag pa cung zad yod ma yin// thog mar phra rab rdul gyi phung po 'gro ba'i cha med gang gi rdul phran nam mkha' la/ / phra rab rdul rnams 'dus pa'i 'gro ba las kyang 'gro ba'i srid pa rdul phran phung po min// rdul phran bral te nam mkha' gnas pa las gzhan 'gro ba rnams kyi rnam par 'jig pa min/ / gal te lus po rdul phran phung por gyur na de tshe su yi lus po 'jig par 'gyur// 'byung ba brtags pa med las gzhan du rdul phran bral min gang gi rdul phran pa rdul kyang / / sdud dang skyed pa bral bas nam mkha'i dkyil la gnas te rlung dang ldan dang mi ldan pas// phra rab rdul rnams cha shas drug la slar yang cha shas drug ste slar yang gang gi cha shas drug/ de yi cha shas phra rab ma yis nam mkha'i khams 'di gang bar cis mi 'grub/ / dngul chu nor bu'i rdul phran bcas che med tshad ma dag gis bsgrub byar gyur pa min// cha dang bcas na zangs ma 'bigs mimadze yang min la rdul phran phung po che med min/ / dngul chu zangs ma reg cing gnyis skyes nor bus rdo ba lha yi rin po cher 'gyur la// rnam par shes pa rnam rtog drug gi nye bar nyams pa rdul phran phung po'i rnam 'gyur min/ / phyi rol sngon po'i gzugs la gang zhig rdul phran phung por de yi tshad mas grub pa min// rnam par shes pa'i bag chags dag las nam mkha'i dkyil du rmi lam dang mtshungs mthong zhes grag/ gang phyir dmus long mig med yid kyis de ni mig dang ldan zhing ma yin de phyir min// mig gi rnam shes khams las mig dang bcas pas phyi rol gzugs las yin gyi bag chags min// gang zhig sgra rnams ma lus rna bas thos pa de yang 'on pa rnams kyis thos pa min/ / sA nang bcas pa gang zhig dri yi rdul phran 'dus pa min zhing nad med pas de 'dzin// lce yi nang can ro mi myong la de nyid la yang nad med lce yis myong bar byed/ / rnam par shes pa skye mched bcu gnyis rnam par bral ba tshad mas bsgrub par bya ba min// rdul phran 'dus pa'i 'gro bas kyang ni 'gro ba mthong nas mi shes pa yis tshad ma yis// drag po dang ni tshangs pa'ang seng gis kyang ni shes pa rnam par rig pa tsam du byas/ / rdul phran rnams kyi bral ba mthong nas thim par 'gyur ram bsdus sam yang na 'gags par 'gyur// skye ba med cing 'a# pa med la mang po 'dus sam 'dus pa min par rab tu byung / / 'di ni thub pas nam mkha'i tshad ma byas la rgyal ba rnams kyi stong pa nyid kyi yang // rang rgyal rnams dang nyan thos lha dang lha min klu dang bdag lnga bu yi rgyal sras rnams/ / gza' dang rgyu skar rnams dang nam mkha' sa steng dag tu skyes pa bud med drang srong rnams// khro bo rnams dang srin po sha yi dam tshig can gyi stag gzig byol song dmyal ba rnams/ / gang zhig rnam par mi rtog dang lAn rang gzhan bral ba stong nyid dus gsum ngo bo nyid// rnam pa thams cad rdul phran gyis stong nam mkha'i dkyil ltar son pa'am rmi lam sgyu ma bzhin// gang zhig thams cad mkhyen pa gzigs pa dri ma gsum bral rnam par mi rtog de ma yin/ / gang gis de rtogs sems la dri med dri mar ldan pa mkhyen pa nyid ni sangs rgyas te// gang zhig sbyin pa la sogs la ma dang dge bcu lam dang byang chub chos sogs chos rnams dang / / byams pa la sogs gnas dang rang bzhin bral ba stong pa la sogs rnam par thar pa dang // tshul khrims la sogs phung po gang zhig yul dang bral ba'i rnam pa kun tu mi rtog pa/ / de rnams byed po gang zhig stobs bcu'i stobs ldan nyan thos rnams dang byang chub sems dpa' min// gang zhig gzugs sogs khams drug dang ni yul drug kyang ste rdul phran phung po'i rnam 'gyur ro/ / phyi rol sngon po'i gzugs la sogs pa'i yul can rang lus sa dang dri la sogs pa drug/ stong pa snang dang mun pa sa gsum gnas su rnam pa kun nas rnam par mi rtog pa/ / snang bas rab tus dpa rab ring rnam par bral ba 'gro drug gnas pa'i srog chags min// 'phags pa'i yul gyi rgyal po bde gshegs dam tshig can la sangs rgyas lam ston mdzad pa po/ / klu grub rdo rje can kyang srid pa gsum gyi bla mas chos kyi dbyings su lung bstan cing // nyams pa rnams kyi gos sngon can la sha yi dam tshig can gyi ston pa byang chub ste/ / ye shes mtha' can nag po'i ming can gzhan yang ma d+hu ma ti srin po'i dbang po 'byung // ye shes ming can rdo rje dril bu lag gdub dag kyang de bzhin thod par chad 'thung zhing // kha T+wAM ga dang rus pa'i rgyan cha chang snod cang te'u ster ba nag po'i ming can no/ / slob ma rnams la gos sngon dang ni kun tu rgyug pa ster ba na bza' sngon po can// sha yi dam tshig can gyi thod pa can la rdo rje'i phyag rgya ster ba byang chub rdo rje'o/ / gos sngon can ni rta mchog bdag po dpal ldan ha la sogs pa'i ming can gyis bsnun 'gyur// ye shes rdo rje'i skyon gyis slob dpon rab tu 'khrugs pas mig gnyis sa la ltung bar 'gyur/ / rab tu khros pa'i kha can thod pa can gyi po nya gzhon nus nag po'i khrag 'thung byed// sha yi dam tshig can gyi spyod pa 'gal ba de dag sangs rgyas pa rnams spong mi 'gyur// mchog gi thuH rje can gyi 'jigs byed kyis bstan thod pa can gyis rgyal po la 'doms pa/ / gang gi mingags rnam rtog yid kyis thugs rje min zhing sems can phung po byams pa min// de rnams bzang po'i thabs ni sna tshog sha yi kha zas gzhan gyi nor 'phrog 'dod pa ni/ / log par g.yem pa dge ba rnam par bral bas skye ba 'di nyid la ni 'grub par 'gyur// skyes bus mtho ris gnyis skyes 'jigs byed la sogs phyugs kyi sha yis mchod pa'i mchod sbyin gyis/ / de thos sangs rgyas lam ni seng ge 'phrog byed kyis bshad tshangs pa'i chos ni rnam par spangs// khro bo'i dbang po'i srin po'i dbang po gnyis skyes phyugs kyi sha yis rgyal pos mchod par 'gyur/ / gang yang rung ba blo gros dman pa dge ba rnam bral de ni bdud kyis bslus par 'gyur// khro bo'i dbang po srin po'i dbang po'i sha yi dam tshig can gyi rgyal pos mchod par 'gyur/ / mtho ris dbang phyug 'dod phyir gnyis skyes phyugs kyi sha dang khrag gis bgos pa'i mgo bo yis// nges par mnar med dmyal bar rtag tu'ang sdug bsngal dmyal ba pa la ster bar 'gro bar 'gyur/ / gang las bskal pa'i rgyal po stong phrag sum cu rtsa drug rnams kyis nges par 'thon par 'gyur// bdud kyi sha yi dam tshig can gyi yi dgas mkha' 'gro rnams la sgyu ma byed 'gyur zhing // sems can ba slu phyir kha cig tu ni 'jigs pa min par bdag nyid gzugs ni ston par byed/ / lha rnams sha yis dam tshig can gyi lha ma yin rnams zad par bya phyir sgyu ma byed// sems can rnams ni bskyang phyir kha gcig tu yang bdag nyid gzugs ni 'jig byed ston par byed/ / long ba glag phyir 'jigs par dus kye ma lha'i 'jig byed dus ni me lha rab tu byung // bde byed kyis bsang lha ma yin te khrag kyang srin po rnams kyis 'thungs par 'gyur/ / nya dang rus sbal phag rgod mi yi seng ge lha ma yin rnams brlag phyir khyab 'jug skyes// nya dang de bzhin ri dgas la sogs 'o ma nags tshal dgon par khyab 'jug gis mi bza'/ / sa gsum bla mas yi dgas mkha' 'gro rnams ni smin phyir he ru ka yi gzugs su byas// mtshan mo rgyu ba'i bdag pos ra ma na yi chung ma dbrog phyir gnas 'jog gzugs su byas/ / 'jigs sde med pas skyabs sed bu rnams sha yi dam tshig can gyis bram ze'i gzugs kyis bcings// kir mi ri yi sha yi ched du sum cu'i stobs can srin po'i rigs kyi chos byed cing // lha dang klu yi dbang po rnams kyis dam tshig 'dir ni rgyal po chen po rig par byos// lha bshos 'bras chan 'khur bzho dang 'o ma mar dang bcas pa'o thug sha khar rnams// khro bo rnams dang srin po rnams la phyugs kyi sha yi gtor ma 'bras chan khrag dang chang / / sangs rgyas rnams la snying po lnga dang bu ram zhor bcas 'bras chan lhung bzed dka' thub la// khrus bcas sbrang rtsi mar gsar za zhing tsan dan me tog dag gis mgon por bcas pa mchod/ / gang gis chang sogs mchod pa de dag lha dang 'jigs byed dam ni he ru ka la min// srin po'i dbang po mtshan mo rgyu ba'i dam tshig dpal ldan rgyal / bo zla ba seng ges spyad// mdung can ma dang dro pa ti dang 'di dag rigs skyes bud med min te khyo mo lnga// gzhan yang thod pa can gyi chang snod nang gi chu yi gtsang sbra an+d+ra la sogs yul// sin d+hA'i yul na ba glang sha za kha ba chen skyes rgyal po'i mi rnams chad 'thung zhing / / glu re sogs na ma se d+hu sha mkha bar bar mi se ren rta glang sha/ de jing stag dang mi sha zal po kar yul na bong bu rnga mo khyi yi sha// bram ze la sogs rnams kyis sha mi bza' ba yul 'khor chen po kar+N+Na ra yi yul/ / nyin dang mtshan gyi dus su dmangs rigs la sogs khyim du chang 'thung bkag la rigs skyes 'thung // bu med rnams kyi dbang po skyes pas mo rtags 'jig par byed cing gnyis skyes kyis bshad pa'i/ / khrus dang gtsang sbra mi byed 'dir ni chags pa spyod pa'i pa ri'i yul la sogs pa rnams// pa dag shi na ma dag bu yi chung mar bag ma len pa nges par go kha'i yul/ / rug mar spun zla'i tsha mo len la ma khar yang ni spun zla'i bu mo rang gi bus// so ra me dang tsam pa la ka sogs par tsha mo'i bu mo dang ni tsha mo'ang yin// spun zla'i bu mo chung mar len pa'i yul 'khor chen po kar+N+Na ta la sogs par ro/ / ma yi tsha mo chung mar len la ma la yang ste khol mo len pa ra ra'i yul// bod na khrus dang gtsang sbra med la pa ru ku lan ta re go stan rigs ngan yul/ / skyes pa'i bka' yis gdengs can dbang po nyin dang mtshan gyi dus su chu yi char 'bebs byed// gal te yul chos spyod pas grub par gyur na de tshe rigs byed ngag dag bden pa min// sha yi dam tshig can gyi sha za'i yul can phrug gu sha dag spong bar 'gyur ba yin// gang zhig rig byed byed pa drang srong mchog gi dka' thub car gyi rig byed ngag de gnyis// mtho ris don du mi dang ba glang gas/ cing b+ha gar dkrugs pa'i zhi ba'i btung // zhi ba'i rig byed ngag de dag gis sems can sun 'byin pa la rab tu mkhas pa rnams// ba glang lpags pa'i zhi ba'i btung ba b+ha ga mchog dkrugs rta yi pho rtags bcad pa la/ / khu ba khrag gis rnam par bgos pa sbrang dang mar du bcas pa lce yis lhag par byed// de lha'i sha za'i spyod pas gal te mchod sbyin rig byed ngag gis gnyis skyes rnams kyi grub/ / nges pa dang ldan zhi ba'i sems dang snying rje ldan pa'i ngaN+Di mtho ris rnam par nyams// pha la sogs pa'i don du 'tshe ba byed cing khyim pa mchod sbyin dus su phyugs dag gsod// dka' thub rnams ni 'tshe ba spong zhing dka' thub nges par gdung zhing gong ma goms sogs yod/ / daN+DI dka' thub rnams kyis mtho ris mchod sbyin 'gegs par 'gyur te de yang gang gi phyir// shes pas grol bas de phyir sna tshogs phyugs dag gsod pa gnyis skyes rnams ni ngu 'bod 'gro/ / lha la sogs pa mchod pa nyid pas gal te sha zos pa las nyes pa mi skyed na// bcu gnyis pa dang nya dang bcu bzhi klu yi tshe sa dang nyi ma 'pho ba'i dus dag tu// khyad 'jug la sogs mchod phyir 'di rnams nyi ma bram ze rnams kyis ci phyir sha mi bza'/ / pa la gnas su sha dang rnam par bral ba'i chang bu ci phyir ster byed mkhas pa rnams// 'tsho ba'i pha dang ma dag gang zhig pabar gyur na sngon gyi rigs brgyud rnam par spangs/ / bsod nams sdig pa'i mthu yis mtho ras ngan song ngag tu rab tu skyed la lus bsregs nas// gnas dang gnas su rus pa'i dum bu 'jog cing chang bu dag kyang ster byed su zhig ni/ / ma yin su zhig pa yin de ni lus dang bral nas gang zhig skye gnas gzhan zhugs pa// bram ze la sogs mchod pas gal te de yi pha ma mchod par rig byed las grub na// blam ze la sogs ma zhu ba yis de tshe shi ba la yang ma zhus gnod par 'gyur/ / gang gi pha dag dag dang mi dge'i dbang gis yi dgas skyes nas dad pa'i kha zas slong // nges pa'i bu yis rab tu byin pa'i chang bu len par 'gyur la chu yang len par byed/ / tshangs pa la sogs gtso bo nyi ma lha mchog bdag po nyi ma de ni ci yis bza'// sems can rnams la sdug bsngal ster ba 'chi ba'i 'jigs skyed lha rnams ci yis zhi bar 'gyur/ / zla ba lha min dbang po'i gtso bos sems can dang bcas gtso bo ci zhig zla ba bza' de ni// sems can rnams la bde ba ster zhing mchog tu 'jigs 'joms ci yis lha ma yin rnams skrag gang zhig mtho ris lha rnams mi dang phyugs kyi sha yis bram ze rnams kyi mchod bya ba/ / gang zhig yi dgas sa yi khor yug gtogs par yod pa de rnams gnyis skyes spyod yul min// sa la sogs pa lha yi de nyid nye bar zhig par gyur pa dbang po'i spyod yul min/ / tshangs gzugs sna tshogs nam mkha' tsam yang ser ge dbang phyug gtso bo tshangs pa de nyid de// yi dgas la sogs rlung gi lus po rang bzhin yon tan dbang las rags pa'i kha dog dman/ / sa dang chu dang me yi lus can sa dang bar snang dag tu kha dog rags sogs ldan// rlung gi reg bya'i lus can sa dang chu dang me rnams mig gis gzung bya'i kha dog gzugs/ / dri ni sna yis gzung bya 'dir ni lce yis ro myang dag pa'i rna bas sgra rnams so// rig byed tshig las gal te rlung gi gzugs ma grub cing rig byed rtog ge'i tshad ma yis// gzugs med de yis sa dang bar snang dag tu de tshe 'byung ba'i tshogs rnams bskyod pa min// mo bsham bu dang mtshungs pa nam mkha' tsam la nam mkha'i rgyu tsam yon tan med pa gang // gzhan dag gzugs can bzhi ste sa dang chu dang byin za rlung rnams ro yi dbang po gnyis/ / bram ze sogs kyis mthong 'gyur khyim ni mun pa can du mtshan mo mar me med na yang // byi ba la sogs phyogs dang mtshams su son pa'i gzugs kyi dngos po ma lus snang bar 'gyur/ / srin po dang ni yi dgas la sogs tshogs pa mtshan mo'i dus su lha rnams ma lus kyang // bram ze la sogs rnams kyis de ni mthong zhing nyi ma shar na skar ma ma lus kyang / / bya rog srin bya ce spyang khyi rnam ma lus 'byung dang 'byung 'gyur byung ba ma lus ston// de bzhin lhag ma'i chang bus sgrub pa'i theb brang dag gis skyes bu rnams la yang // byol song rnams nigang du rang gi sems la bab pa'i sa phyogs der ni gnas 'cha' la/ / de dag shes pa bram ze rnams la srid pa gang las mig gis gzung bya'i rgyu gzhan min// lha mo gzhon nu ma la zhugs na byung dang 'byung 'gyur 'byung ba ma lus ston par byed/ / bram ze shi nas yi dgas gyur pas rmongs pa'i lus la zhugs nas rig byed 'don par byed// sbyin bdag srin por gyur na khyim du bong ba so phag rus pa'i dum bu 'phen par byed/ / blo dang ldan pa'i spyod pa can rnams nye bar nyams par 'gyur ba'i yi dgas spyod pa ltos// mun pa bsal ba sbyin par gyur la mun las khA ta de yi bshang ba las byung ba/ mya ngan med skyes khyab 'jug 'phrog byed skyed byed des na mes po khA ta mchod par 'os/ / ba glang rgyab dang ra yi kha dang gnyis skyes bong bu'i rkang pa bud mad b+ha gar phyag byed cing // khams rnams gtong la gnyis pa mar dang sbrang rtsir bcas pa bldag pa gang zhig bram ze rnams/ / sgra med yi ge med las nam mkhar 'gyur te nam mkha' rlung gi rten du gyur pa las// rlung las me la me las chu yin chu las sa ste sa las 'bras bu'i kha zas rnams/ / zas dang chu dag zos dang 'thungs las rdul phran yon tan rang bzhin g.yo ba'i lus 'di dag/ bsod nams sdig pa'i mthu yis bde 'gro rnams dang ngan 'gro'i srog chags phung po rab tu 'byung / / mo ga sham bu yi thu bo mchog las mchog gyur mchog gang rdul phran 'bum gyi cha ltar phra// nam mkha' las ni mchog gi bdag nyid yul dang bral zhing yon tan med pa nam mkha'i rtags/ / rtags kyi gnas ni sa dang chu dang me dang rlung dang nam mkha'i dngos po de rnams so// gang yang 'di dag kun nas thim zhing nam mkha' sa steng dag tu zhi ba'i grub mthar ldan// gang zhig de yi nus pa bA ga zhes bya rnam gsum lam ldan sgur mo 'jigs byed ma/ / de ni nam mkha' las 'das nam mkha'i dab phyug mchog gi mchog gyur rtsa bcings 'khyil ba can// nam mkha'i mtha' can thig le'i 'phreng ba mgo nas bshang lam bar du ba thag dang mtshungs ma/ / mchu 'phyang skar ma'i mig can gnas dang 'jigs pa skyed byed pa byed rnams kyi za byed ma// gsal dang mi gsal gcig ma rig las rigs min gzhan yang gcig tu mkha' spyod 'khor lo ma/ / rig ma'i 'khor lo'i dbang phyug rigs dang rigs min gyur pa'i thar pa ster ba'i dbang gis 'bigs// mi gsal bya rog rA yi gzhung la 'dir/ ni rang gi yon tan rus sbal spu yis byas// nam mkha'i me tog lcags mda'i mda' gzhus gang dga'abigs pa de ni rgyal po dbang bskur 'gyur// gal te skye dang 'jig pa'i rgyu ru sgyu ma chen po byed dam he ru ka myur na/ / sangs rgyas pa dang mu stegs pa dag khyab 'jug gam ni rtag pa'i sgyu ma ji ltar min// 'di ni thug pa'i tshig las srog chags srog ni rdul phran byed dam byed du 'jug pa med// sems can rnams kyi bsod nams sdig las bde dang sdug bsngal rang bzhin 'bras bu 'byin par 'gyur/ / gang zhig srin po yi dgas mkha' 'gro bdud kyi ris kyi sha yi dam tshig can gyis bsgrubs// / grub pa'i tshig gis skye bo gzhan rnams kyis ni de rnams nges par 'bebs par byed pa ste// stag la sogs pa 'gyes la chu la me 'bar glang chen rengs byed mtshon cha sogs kyis min// sngags kyis theb brang la sogs rnams kyis sa yi khor yug rtog par rje bo'i bya ba byed/ / byang chub sems dpa' 'jig rten dbang phyug lha min lha klu rnams ni sangs rgyas pas bsgrubs nas// gang gis grub pa'i ngag gisang rnams sa yi stang du 'dod pa'i dngos grub skye bo rnams la ster/ / skal ba ngan dang nad kyis sdug bsngal 'chi ba'i 'jigs pa byed pa thams cad 'joms par byed// seng ge la sogs 'jigs pa rab tu dang ba'i yid kyis zhi ba la sogs byed par 'gyur/ / byang chub don du gcig tu sbyin pa la sogs lam ni dge bcu ldan las gzhan ma gsungs// dbu ma'i dga' ba gcig/ pu b+ha gar dkrugs pa dang ldan 'grub 'gyur lam gzhan gyis ma yin// bde gshegs dam tshig can gyi rdzogs pa'i byang chub rdo rje'i sa gzhi byang chub shing las gzhan du min// sha yang ma tshig can gyi grub pa yi dgas sa gzhir shing gcig las ni gzhan du min/ / bde gshegs dam tshig can gyis byang chub lha las gshegs ras chos kyi 'khor lo bskor la 'jug/ sha yi dam tshig can gyi grub pa'i yi dgas 'jug pas phran tshegs las la rab tu 'jug/ sangs rgyas lhas 'jug pa na bde gshegs dam tshig can la chos kyi 'khor lo bskor bar ston// grub pa'i yi dgas 'jug pa sha yi dam tshig can gyi ma mo'i 'khor lo la ston byed/ / sangs rgyas rnams kyi stobs bcu bskyed par mdzad pa bya rgod phung po las gzhan ril min// grub pa rnams kyis ri dgas rigs bskyed ston pa 'jigs byed ri las ri gzhan la ma yin/ / dpal ldan 'bras phung chos kyi dbyings su stobs bcu'i stobs mnga' sangs rgyas pa yi rgyud rnams bstan// gang zhig drug po dur khrod dag tu phyugs kyi skye @/ po stobs can thod pa can rgyud ston// rgyal po'i rgyal srid lha khangs stengs las 'byung ba de rjes yA yi rgyal srid do// gsal bar mgon po'i 'khor lo lags par bzhag par gyur pas thar pa rab tu 'byung bar 'gyur/ / rgyal po srog gcod pa las dmyal bar 'jug par 'gyur gyi gzhan du sangs rgyas bka' ma yin// rgyal po bram ze la sogs gsod pas mtho ris 'jug gi gzhan du grub pa'i tshig ma yin/ / sha yi kha zas longs spyod byed pas slar yang srid pa gzhan du lha min rigs su skyes// sha yi kha zas longs spyod byed pas slar yang sdig gzhan lha yi rigs su 'di skye'o// mgo zlum dang ni lugs mngon spyod byed pas slar yang bong bu nyid du rab tu 'gro// mgo zlum dang ni yug za mngon spyod byed pas slar yang sring gzhan 'jigs byed nyid du 'gro// sems can phan pa byas pas bsod nams nyid la gnod pas sdig par bde bar gshegs pas gsungs/ / sems can gnod pa byas pas bsod nams nyid la phan pas sdig par nam mkha' tsam pos ston// sangs rgyas rnams dang 'jig byed skyes pa bud med gdengs can rnams kyis bstan pa lha rten gang / / g.yul du zhugs pa'i stag gzig rnams kyi rta yi tshogs kyis de rnams ma lus 'jig par byed// de rnams rigs gzhig gzhan gyi nor mi len cing bden par smra dang gtsang sbra rab tu 'jug/ gzhon nu gzhan gyi chung ma spong zhing dka' thub nges pa dang ldan rang gi chung ma bsten// khrus byas gang zhig 'dod pa'i sgra gcan mtshan mo so so'i dus su nyir gung phyed yol dang / / srong dang thun gsum dag dang nyi ma ri la sha ra bar gyur nas lan lngar phyag byed cing // sa steng lha yul dag tu stag gzig mu stegs dag la mun can dbang pos gcig tu skyob/ / drag po'i g.yul ngor pha ltar skyob par byed cing bu dang bran bzhin 'gyur la rgyal po ni// rgyal po 'thab mo yin pas gnyis skyes phyugs kyi sha yis 'jigs byed la sogs mchod nas su/ / sna tshogs sems can gnod pa byed cing gzhan gyi nor 'phrog pa yis gdung brgyud 'chad par 'gyur// grub pa bya Di dbang po sbyin pa mi phyugs zhabs dang dum bu zhes bya thod pa can/ / dge slong klu grub ces bya yon tan ma lus 'byung khungs sems can kun la phan 'dogs pa// slob dpon 'od brtan zhes bya gcod byed chu yis grub pa stong phrag bcu dang bcas pa rnams/ / gzhan yang de ltar rab tu grags kyang kye ma de lta dam par gyur pa rmongs pa yod// dge bcu lam gyis grub par gyur pas 'phags pa'i lha dngal ba'i na bza' rta dpya dang / / phyogs kyi glang po gzhan la phan pa'i bsam pa btsun pad+ma'i myu gu zhes// phang go sa la rtog pa'i rgyal po ma lus nag po rgyal po in+d+ra b+ho d+hi dang // de bzhin gzhan dang de rnams mthong yang mi bdag 'jigs byed 'phrog byed sogs kyis byin gyis brlabs/ / sa dang chu dang byin za rlung dang nam mkha' tsam gdong lnga pa la yang yan lag drug/ de yi dbyangs yig ring dang thung bas 'gyur gyi gzhan la dbyangs yig yon tan la sogs min/ / nyi ma gang du tshangs pa'i sa bo mnye bar 'jig par 'gyur ba des 'dus phyi mar// sa gzhi skyong ba mchod na 'dir ni g.yul ngor kla klo dang ni mu stegs 'jig par 'gyur/ / thung dang ring ba lnga rnams rang bzhin yon tan mtshungs pa dbyangs yig yon tan la sogs min// a sogs ma ning dbyangs yi ge stobs bcu mnga' bas gsungs te nyi ma 'thab mo zad phyir ro/ / reng dang thung ba mtshungs pa gang du a ko ka ni ring po phyugs dag tshig las 'gyur// de phyir ma ning yod la i ko ya na tsa ma byed po'i phyogs nas nges par bskyod// thog ma'i lo nas nam mkha' mkha' dang gzhan yang zla btsin tsa na ya dbang phyug 'byung / / de yi bka' yis yi dgas dab bsgyur dus la ka sogs grogs ldan sgur mor byin brlabs pa// phyi nas sa steng son pa'i gnas dang zhang gi lha gang drug cu rtsa brgyad kla klo yi/ / mgon po ma d+hu ma ti bu dang bu mo spun zla skyes pa rnams kyis 'jig par byed// der ni bco brgyad lo la brgya yis brgyal bsgyur bas ma kha la sogs 'phags pa'i yul// kla klo rnams kyi lha khang mun can nyi mar rtogs pa gang de nga yis brlag par bya/ / sangs rgyas chos dang dge 'dun rnams la skyabs gsum tshogs skye dgu rnams ni der bzhag nas// bde la bkod de ka lA pa nas lha gnas dga' ldan mchog tu nyim 'gro bar bya/ / nam mkha' mkha' dang dus dang dbang po mig gis dus su son pa'i lo yi tshang // srar yang skye bo rnams ni kle klor 'jug ste ji srid bco brgyad lo la bsgyur ba'i bar// yang nas yang dung yis rtsod pa'i dus der byung nas de rnams gzhig par bya ba nyid/ / ji srid sa dang chu dang me rlung nam mkha'i yon tan nam mkha' nyi zla skar ma rnams// phyogs skyong phyogs kyi gdon dang phyogs lha nam mkha'as gzhir yi dgas bram ze ba glang sogs/ / sa 'og klu dang lha maMr rnams ni sa yi bdag pos zhi ba'i don du 'di rnams mchod// don kun grub phyir rtag tu rgyal po mo dang bcas pas sangs rgyas pa dang rgyal ba rnams// sa dang chu dang ma dang rlung dang stong pa nyi mar bcas pa mchod rdzas rnams kyis mchod// slob dpor mchog la gzhol bas srung ba lnga po rab tu dri zhim me tog rnams kyis mchod// sngon du khrus byas gos sngon snga dro gso sbyospyo blangs pas nyin dang mtshan du nges par gdon/ / klog mkhan bzhi dang lnga pa gang zhig zhi bar byed pas nyin dang mtshan du bya bar 'gyur// slar yang de la bsrung ba bya zhing nyi ma bcu ru zhi dang rgyas pa dag kyang bya// zho dang 'bras chan nyi mar rta dang glang po'i gtor ma 'bras chan 'o ma zla ba la// 'bras chan la sogs mi gang mar gza' la me tog bcud dang bcas pa'i 'bras chan gza' lag la// 'bras chen ser po bu ram sogs kyi gtor ma lA yi bla ma 'o thug sha khar gyis/ / pa wa sangs la zan dron mar nag bcas pas spen pa'i nyi ma bdun par de bskyon la// nyi mar slar yang phyogs su glang po rnams kyi gtor ma bya zhing 'khur ba 'bras chan gyis/ / glang po na mchog rnams kyis ni dang rgyas pa'i don du sbyin sreg nyi ma la sogs gzar// 'bru dang mar gsar 'o ma dUr ba mda' yi yam shing brgya dang 'o ma'i mchod yon btung // sbyin sreg rjes la dung por gang ba'i zha ba'i chu lis d+ha da dgrang po khrus bya'o/ / yaM dgas la sogs gtor ma sran chan sha dang chang rnams ni namatshan dus su sbyin par 'gyur// srin po la sogs yungs kar dang ni rdo rje phur bus phyogs mtshams rtogs par phur bus gdab/ / slob dpon gyis ni srung ba lnga yi tshogs rgyal po 'khor dang bcas pa bsrung bar bya// gang dang gang gis yul mtha'i bar gyi skye dgu nyin dang mtshan bu'i dang rgyas 'gyur ba// thog mar dbus su bsgrub bya'i ming dag rang bzhin yon tan dbang las pad+ma lnga yis bskor/ / gang zhig rang bzhin yon tan dbang las sa ngag kha sbyar zur brgyad de bzhin phyi rol du// gang zhig zur rnams dar dpyangs bcings pa phyogs dang phyogs mtshams de las rdo rje'i 'phreng bar 'gyur/ / rgyal chen phyogs kyi zur la ma lus yon tan rang bzhin ri yi rgyal po phyogs mtshams rnams// de nang zlum po'i snam bu phyogs dang phyogs mtshams rnams su de la snod dang rtse mo'i 'phreng du / 'gyur// pad+ma'i gsar chal 'dir ni dgra sta lcags kyu zhags pa dang ni dung nyid do// chu skyes 'dab mar srung 'khor gang zhig snying po yang ni de bzhin gnyis pa gsum par de// de ltar pad+ma gnyis la gyur te nye ba'i snying po chu skyes 'dab ma rnam gnyis der/ klu rnams zung gi bar du phyogs dang mtshams kyi 'dab mar de bzhin lha dang lha min dang // gnod sbyin rnams dang gza' dang ma lus 'jigs pa 'joms pa'i ma mo rdo rje mkha' 'gro rnams// srung 'kho 'dis ni thams cad bsrung ba 'gyur te khrag dang gi'u wang la sogs rnams kyis bris/ / rdzogs sangs rgyas dang ma lus rgyal sras rnams kyis srung ba lnga sogs ma lus srung 'khor gsungs// bud med bu 'dod pa las bu dang rgyal po dgra dang g.yul 'gyed pa rnams rgyal bar 'gyur/ / nang pa nang las grol bar 'gyur te sa yi steng du dbul po rnams kyis nor rnyeng 'gyur// skyes pa bud med rnams kyis 'bras bu ster bar 'gyur ba sdom kyigyi bsod nams mthu yis so/ / bsod nams sems can rnams la phan btags dge bcu'i lam gyi mchod las nam mkha' sogs la min// bram ze gang zhig chang 'thung gyur dang gcer bu pa 'am ral pa can nam 'byug gu can/ / dge tshul dang ni tshogs dpon dge slong dge ba rnam par bral bas grub mtha'i spyod pa nyams// sum cu'i dam tshig can gyi mi yi dbang pos de rnams yul nas bskrad par bya// gang phyir de dag rnams kyis dge dang mi dge'i las byas drug cu'i cha shas rgyal po yin/ / yugs mo rnams gang zhig 'khrig pa spyad nas ngan pa dmyal ba'i 'bras ster mngal rtsod byed// gang du yul na bdud ris de yod mi bdag dpung bcas der ni rnam yang grub ma yin/ / rgyal po sa yi stang du rgyal srid dang ni dgra dag 'joms dang nor rnyed bsod nams kyis// skal ba bzang dang tshe dang grags pa dpal ldan lnga yul sa steng grub pa'i rig pa 'dzin// sa steng ma lus mi yi rgyal po spyan las byung ba tshul khrims dang bcas lha rgyal po/ / bzod pa tshul khrims skyong la nyin dang mtshan du rtsod pa las ni sbyin pa 'phel bar 'gyur// skyes bu bsam gtan la gnas mchog tu rang bzhin rnam par bral ba shes rab kyis thabs 'phel/ / shes rab thabs kyi mthu las smon lam dang yang stobs dang stobs nyid ye shes rdo 'o// chos kyi dbyings su gshegs pa'i sangs rgyas rnams kyang gal te @'khor bar byon pa ma yin na/ / rdzogs sangs rgyas dang byang chub sems dpa' sus dang yul can lhan cig nam mkha'i khams rnams su// de ni brdzun gyi tshig las de bzhin bcom ldan btsun mo'i b+ha gar bzhugs zhes pa/ / 'dod chags la sogs skyon spangs dri ma gsum dang rnam bral rdo rje sems las gzhan du min// tshangs pa la sogs lha rnams sa stang dmyal ba'i dmyal bas 'dir ni ba la sogs kyi/ / sangs rgyas rnams kyis ma lus tshe yi tshad rnams rang rang grub mtha'i chos su gsal bar byas// tshangs pa la sogs bsod nams longs spyod mthar ni lha yul sa steng dag nas ltung bar 'gyur// srin pos byin brlabs rnams kyis de las thar pa 'dod pa de ni nam mkha'i shing 'bras bzhin// byis pa rnams la rang rang mA yis brdzun tshig 'jam pos bdag nyid drung du 'khrid par byed// chang pa stong pa ston cing bdag gi lag la ril bu yod pa long zhig bu zhes brjod/ / rdzogs sangs rgyas kyis bdud kyi lag nas shin tu snyan pa'i tshig gis bdag nyid drung du 'khrid// nam mkha' tsam zhig ston zhing bdag gi rigs kyi mya/ ngan 'das pa long zhig bu zhes gsungs// sems can rnams kyis bsams pa'i dbang las rgyal bas srin po rnams la gso sbyong gsal bar mdzad// de rnams de yis sangs rgyas nyid ni thub pa'i bka' yi gas pa/ sngags theg pa bden pa yin// gang zhig bskal pa dpag med byams dang dge bcu'i lam dang sbyin dang tshul khrims rab rdzogs pas// rdzogs sangs rgyas dang byang chub sems dpa' stobs bcu ldan pas sangs rgyas byang chub lung bstan to/ / mo gsham bu ni lus med ma lus yon tan rang bzhin gang zhig rdul phran 'dus pa rnams// srog ni nam mkha'i me tog min te gong du rags pa'i lus la zhugs nas glog cing dgod// srog chags bya rog rwa min bsod nams sdig pa'i dbang gis gang zhig 'gro ba rnams su 'khor/ / srog chags gang zhig rdul phran phung po'i lus nis steng 'chi ba'i tshe na mi lhung med// rgyud kyi rgyal po stobs bcu'i stobs dang ldan pas sangs rgyas pa yi gang zhig lam bstan pas/ / rgyal ba stobs bcu ldan dang ston pa'i sras dang sangs rgyas pa dang lha klu dri za lha min dang // khro bo srin po sha yi dam tshig can dang stag gzig rnam dang mu stegs spyod pa rnams/ / de kun sha ma b+ha la zhes bya bar rgyal mchog bzhugs gnas der ni nyi ma bdag gis bstan// dpal ldan 'bras phung chos kyi dbyings su stobs bcu mnga' bas gang zhig bdud rnams btul mdzad pa/ / de kun sham b+ha la yi dpal ldan ka lA pa yi skyed mos tshal gyi dus 'khor gyi// don chen gser gyi dkyil 'khor khang pa'i sgo yi phyi rol thub pa nyi ma'i shing rdzas dris// dpal ldan 'jam dbyangs rin chen seng ge'i khri la bzhugs pa stobs bcu mnga' ba'i mdzad spyod gsungs/ / dpal dang po'i sangs rgyas kyi rgyud las phyung ba'i dpal dus kyi 'khor lo'i rgyud phyi ma rgyud kyi snying po zhes bya ba rdzogs so/ / // lo tsa ba shAkya'i dge slong gnyan chung dar ma grags kyis ba sbyar cing zhus te gtan la phab pa'o// /