བོད་ཡིག

e-texts produced with BDRC’s OCR application

rgya gar skad du/ shrI ma hA kha sa ma tan+t+ra rA dza/ bod skad du/ dpal nam mkha' dang mnyam pa chen po'i rgyud kyi rgyal po/ dpal bde ba chen po la phyag 'tshal lo// 'di skad bdag gis dz+ra pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje btsun mo'i b+ha ga la bzhugs so// gzhan yang dpa' bo dang / mkha' 'gro ma grangs med pa dang thabs gcig tu bzhugs so/ / de rnams kyi nang nas byang chub sems dpa' sems dpa' chen po rdo rje snying pos/ bcom ldan 'das la g.yas phyogs nas bskor ba lan gsum byas te/ phyi nang gsang ba'i mchod pas mchod nas 'di skad ces gsol pa/ kye ho bcom ldan 'jigs pa che// bcom pa gang lags ldan pa gang // 'jigs pa gang lags chen po gang // bdag la khyod kyis bshad du gsol/ bcom ldan 'das kyis bka' stsal pa// bcom pa bdud bzhi bcom pa ste// re re la yang bzhi bzhi ste// bcu drug grangs su shes par bya// ldan pa de yi gnyen/ po ste/ dang po bum dbang bdud bzhi yang // kha dog dbyibs la lo rtog gis// bskyed pa'i gzung 'dzin du ma dag/ phung po'i bdud du rab tu grags// 'dod chags zhe sdang la sogs pa// nyon mongs pa yi bdud yin no/ / yang dag lam ston bla ma med// zhe sdang ru trar skye ba yi// rgyu dang lam ston grogs ngan dag/ lha yi bu yi bdud yin te// las dang nyon mongs pa yi rgyas// srog pa ni 'chi bdag bdud/ / bskyed pa'i rim la legs gnas nas// lha yi bu yi bdud kyang bcom// log rtog du ma'i rtog pa 'gag/ des ni phung po'i bdud bcom mo// rten dang brten pa ro mnyamatha nyon mongs pa yi bdud bcom mo/ / dus min 'chi dang tshe zad pas// 'di dag 'chi bdag bdud yin te// tshe lo stong sogs thub pa yi// tshe yis 'chi ba'i bdud bcom mo// gzhan yang bdud 'joms bye brag ni/ / phyi yi tshe yi bcud kyis len// grub na 'chi bdag bdud 'joms so// de bzhin lus kyi phung po ste// longs spyod kyis ni nyon mongs 'joms// sems kyis lha yi bdud bcom ste/ / rten dang brten ni sgyu mar ldan// de nas gsang dbang bdud bzhi yang // phyag mtshan khro tshul gar la sogs// phyi ru du ma phung po'i bdud// rags pas yid ni nyon mongs pas// nyon mongs pa yi bdud yin no/ / dman pa'i lam gang ston pa yi// bla ma lha yi bu yi bdud// phyi yi tshe yi bcud kyis len// de nyid 'chi bdag bdud yin no// gzhan yang bdud kyi bye brag ni// sgo gsum 'khrul par gang ston pa/ / bla ma lha yi bu yi bdud// sgo gsum las ni du ma'i cha// de nyid ma shes phung po'i bdud// de nyid 'bad de bsgrubs byas kyang // 'bras bu mi 'byung sems nyon mongs// nyon mongs pa yi bdud yin te/ / de yis tshe yi bar chad byed// de nyid 'chi bdag bdud yin no// rlung sogs gnas pa'i tshul shes pas// lha yi bu yi bdud bcom mo// de nyid sgyu mar shes pa dang // de nyid shes pas phung po dang / / nyon mongs pa yi bdud bcom mo// dngos po'i mthar lhung skye bas 'chi// rgyu med las skyes 'chi ba ste// rgyu rkyen ma bskyed rang bzhin gnas// sgyu mas 'chi bdag 'du bcom mo/ / tshel dbang sgyur ma lta bu// gnyen po'i stobs dang ldan pa'o// shes rab ye shes bdud bzhi yang // rtsa dang shu kra la sogs pa'i// dman pa'i lam ston lha yi bdud// de nyid du ma phung po'i bdud/ / de sgom rang bzhin nyon mongs pas// nyon mongs pa yi bdud yin pas// kha dog dbyibs ni skyes pas 'jig/ de nyid 'chi bdag bdud yin no// gzhan yang bdud kyi bye brag kyang / 'dod chags chen po'i lam ston pa'i// bla ma lha yi bu yi bdud// dga' ba bzhi ni du ma ste/ rgyud la srungs pas phung po'i bdud// rang sems nyon mongs pa yi bdud// 'khor bar lhung bas skye ba ste/ skye ba las byung 'chi bdag bdud// rnam par rtog pa skyes pas so// 'dod chags kyis ni 'chi bdag bdud// ma spangs sum cu drug nyid dang // nges pa sum cu rtsa drug gis// lam brten bla mas lha bdud bcom/ / dga' bzhi sgyu ma rang bzhin med// bde chen ror gyur phung po bcom// 'bras bu rang rig ye shes sbyin// rang sems nyon mongs sdug bsngal bral// nyon mongs pa yi bdud bcom mo// de yi 'chi ba dang bral bas// de nyid 'chi bdag bdud bcom mo// 'og gi lam gyi bdud bzhi yi// dman pa'i stobs kyis zin pa ste// rgyal po dmangs su phab pa bzhin// de nyid lam gyi bdud kyis zin// rgyal po rgyal sa shor ba bzhin/ / bzhi pa dang 'brel bdud bzhi ni// gsum pa'i snod dang ldan pa la// bzhi pa'i lam ston bla ma ni// lha yi bu yi bdud yin te// bdud gsum bla ma'i zhal las shes// snod min gsang bsgrogs pa dang / / mar dang kha ra la sogs pa// 'thungs te ma zhu dug 'gyur bzhin// khyad par bdud kyis zin pa ste// rigs ngan rgyal sa 'dzin pa 'dra// dbang dang gdam ngag 'brel bcas pa'i// bdud// 'joms lam gyi stobs dang ldan// ye shes lnga 'am yon tan drug/ ldan pa dag tu rab tu grags// bla ma gcig la snod bcud gnyis// thob na de nyid dam pa ste// bla ma gcig la dbang thob nas/ / bla ma gcig la mnyan par bya// tha ma rnam pa gnyis su gsungs// phyi yi bla ma de nyid de// nang gi bla ma bdag po'i lha// bdud dang dgra yi sde rnams kun// thams cad 'jigs shing skrag byed pas/ / 'jigs pa zhes ni gsungs pa ste// dgra dang bdud kyi g.yul las rgyal// dmigs pa lha sogs bdun dang ldan// de phyir chen po zhes ni gsungs// de'i tshe 'khor 'dus pa de dag dang / byang chub sems dpa' sems dpa' chen po rdo rje snying po dang / thams cad rgyud la dga' zhing mgu nas rjes su yi rang bar gyur to// dpal nam mkha' chen po'i rgyud kyi rgyal po rdzogs so//