བོད་ཡིག

e-texts produced with BDRC’s OCR application

ji ltar bdag gi mkhan pa lha dang mis mchod pa'i mchog tu gyur pa de bzhin du bdag kyang yang dag par rdzogs pa'i sangs rgyas shAkya thub pa'i bstan pa la lha dang mis mchod pa'i mchog tu gyur cig ces smon lam btab po/ / des na da ltar lha dang mis mchod pa'i mchog tu gyur pa yin no// de lta bas na dge slong dag gcig tu gnag pa'i las ni rnam par smin pa yang gcig tu gnag go/ rab tu dkar ba las ni dkar ba'o// 'dres pa las ni 'dres pa'o/ / de bas na dge slong dag rab tu gnag pa dang 'dres ma dag ni spongs shig/ rab tu dkar ba dag la spyad par bya ste/ dge slong dag de bzhin du bslab par gyis shig/ bcom ldan 'das kyis de skad ces bka' stsal pa dang / dge slong de dag bcom ldan 'das kyis bshad pa dang / dge slong de dag bcom ldan 'das kyi bshad pa yid la byed de mngon par dga'o// mun gyi nags tshal gyi sgo zhes bya ba'i mdo rdzogs s+ho// byang phyogs rgyud kyi phreng ba'i mdo khri ba'i nang nas yul za len dra'i byang phyogs kyi mtshams kyi ri/ / u shi ri'i bsngags pa'i// pha ma'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das nyan thos kyi dge 'dun dang bcas pa mnyan du yod pa na rgyal bu rgyal byed kyi tshal khyim bdag mgon med zas sbyin gyi kun dga' ra ba na bzhugs so/ / der bcom ldan 'das kyis bka' stsal pa/ dge slong dag khyim gang dag na/ pha ma gnyis la lags par ri mo byed pa dang / legs par g.yog byed pa'i khyim de dag ni tshangs pa dang ldan pa yin no// de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas tshangs pa dang 'dra ba'i phyir ro/ / dge slong dag khyim gang dag na/ pha ma gnyis la legs par ri mo byed pa dang / legs par mchod pa byed pa dang / legs par g.yog byed pa'i khyim de dag ni slob dpon dang ldan pa yin no// de ci'i phyir zhe na/ dge slong ngag rigs kyi bu'i pha ma gnyis ni rigs pa'i sgo nas slob dpon dang 'dra ba yin pa'i phyir ro/ / dge slong dag khyim gang dag na pa ma gnyis la lags par ri mor byed pa dang / legs par mchod pa byed pa dang / legs par g.yog byed pa'i khyim de dag ni kun du sbyin pa'i 'os su gyur pa dang ldan pa yin no/ / de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas kun du sbyin pa'i 'os su gyur pa yin pa'i phyir ro// dge slong dag khyim gang dgan pa ma gnyis la legs par ri mo byed pa dang / legs par mchod pa byed pa dang / legs par g.yog byed pa'i khyim de dag ni mi dang ldan pa yin no// de ci'i phyir zhe na/ dge slong dag rigs kyi bu'i pha ma gnyis ni rigs pa'i sgo nas mi dang 'dra ba'i phyir ro/ / dge slong dag khyim gang dag na pha ma gnyis la legs par ri mo byed pa dang / legs par mchod pa byed pa dang / legs par g.yog byang ba'i khyim de dag ni lha dang ldan pa yin no// dge slong dag rigs kyi bu'i pha ma gnyis ni rigs pa'i sgo nas lha dang 'dra ba'i phyir ro/ / bcom ldan 'das kyis de skad ces bka' stsal te/ bde bar gshegs pas de skad gsungs nas ston pas gzhan yang 'di skad ces bka' stsal to// / pha ma gnyis ni tshangs pa ste// de bzhin dang po slob dpon yin// bu yi kun sbyin 'os gyur pa// mi yang yin la lha yang yin// de phyir de gnyis phyag gi gnas// dril bu dang ni khrus rnams dang // rkang pa dag kyang bsku ba dang / yang na zas dang skom rnams dang / gos dang mal cha stan rnams kyis// mkhas pa dag gis bkur sti bya// pha ma dag la bkur byas pa/ des na mkhas pa de dag ni// 'dir yang smad pa med 'gyur la// shi na'ang mtho ris 'gro bar 'gyur// bcom ldan 'das kyis de skad ces bka' stsal nas/ dge slong de dag yid rangs te bcom ldan 'das kyis gsungs pa la mngon par bstod do// pha ma'i mdo rdzogs s+ho// rgya gar skad du/ ar+ya tsa tu sat+ya sU dra/ bod skad du/ 'phags pa bden pa bzhi'i