| བོད་ཡིག | e-texts produced with BDRC’s OCR application |
gyis bsgyur ba/ / rgyu gar skad du/ Ar+yA/ de mi tra sa pa naM sU tra/ bod skad du// 'phags pa dge ba'i bshes gnyen bstan pa'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das grong khyer ku shin gyad kyi nyen 'khor shing sa la zung gi tshal na/ nyan thos kyi dge 'dun dang bcas par bzhugs te/ de nas bcom ldan 'das yongs su mya ngan las 'da' ba kho na'i dus kyi tshe dge slong rnams la bka' stsal pa/ dge slong dag khyed kyis 'di ltar bslab par bya ste/ dge ba'i bshes gnyen dang / dge ba'i grogs po dang / dge ba'i sten dang gnas par bya'i// sdig pa'i bshes gnyen dang / sdig pa'i grogs po dang / sdig pa'i sten dang gnas par mi bya'o zhes dge slong dag khyed kyis de ltar bslab par bya'o/ / de nas bcom ldan 'das la tshe dang ldan pa kun dga' bos 'di skad ces gsol to// btsun pa 'dir bdag gcig bu dben par mchis nas nang du yang dag 'dzag la zhugs pa na/ sems la 'di lta bu'i sems kyi yongs su rtog pa byung ste/ 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa'i phyed lags kyi/ sdig pa'i bshes gnyen dang / sdig pa'i grogs pa dang / sdig pa'i sten ni de lta ma lags so snyam bgyid do// bcom ldan 'das kyis bka' stsal pa/ kun dga' bo khyod 'di lta ste/ dge ba'i bshes gnyen dang / dge ba'i grogs po dang / dge ba'i sten 'di ni tshangs par spyod pa'i phyed yin gyi/ sdig pa'i bshes gnyen dang / sdig pa'i grogs po dang / sdig pa'i sten ni de lta ma yin no zhes ma zer cig/ de ci'i phyir zhe na/ kun dga' bo 'di lta ste/ dge ba'i bshes gnyen dang / dge ba'i grogs po dang / dge ba'i stan 'di ni tshangs par spyod pa'i ril po dang / ma 'dres pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i sten 'di ni de lta ma yin no// de ci'i phyir zhe na/ kun dga' bo bshes gnyen dang / nga la rten nas sems can skye ba'i chos can rnams skye ba'i chos can las yongs su grol bar 'gyur ba dang / sems can rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can las yongs su grol bar 'gyur ba'i phyir ro// kun dga' bo de bas na rnam grangs kho nas khyod kyis 'di ltar rig par bya ste/ 'di lta ste/ dge ba'i bshes gnyen dang / dge ba'i grogs po dang / dge ba'i rten 'di ni tshangs par spyod pa'i ril po dang / ma 'dres pa dang / yongs su rdzogs pa dang / yongs su dag pa dang / yongs su byang ba yin gyi/ sdig pa'i bshes gnyen dang / sdig pa'i grogs po dang / sdig pa'i rten 'di ni de lta ma yin no zhes kun dga' bo khyod kyis de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do/ / 'phags pa dge ba'i bshes gnyen bsten pa'i mdo// rdog s+ho// ye d+har+m+ma tu pra b+ha bA he t+yen+teT+Tan+ta thA ga to h+ya bdang te cu yon dod+ha/ e ban+d+ha dI ma hA shra ma NaH/ dge'o/