<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
Q925: 'phags pa yi ge med pa'i za ma tog rnam par snang mdzad kyi snying po zhes bya ba theg pa chen po'i mdo<br><table><tr><td>
<input type="button" onclick="location.href='tcompletep.php?id=Q925&coll=Q&volcur=0';" value="show page break" />
<td width=150><td>
<input type="button" onclick="location.href='tcompletel.php?id=Q925&coll=Q&volcur=0';" value="show line break" />

<td width=150><td>
<a href="tcompleteu.php?coll=Q&id=Q925&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">rgya gar skad du/ Ar+ya nAk+Sha ra ka ra NA ka bI ro tsa na gza nA ma ma hA ya su tra/ bod skad du/ 'phags pa yi ge med pa'i za ma tog rnam par snang mdzad kyi snying po zhes bya ba theg pa chen po'i mido// sangs rgyas dang
 byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong gi dge 'dun chen po dang thabs gcig tu bzhugs so// /
 byang chub sems dpa' bye ba khrag khrig brgya stong du ma thams cad kyang rgya chen po shes pa/ thabs la mkhas pa/ gsal ba/ le lo med pa/ yi ge bsgrub pa la mkhas pa/ gnas dang gnas ma yin pa khong du chud par byed pa//
 rnam par grol ba phun sum tshogs pa/ 'dul ba'i myu gu dang ldan pa/ ngo tsha shes pa'i yan lag dang ldan pa snying rje'i bdag nyid can// sems can la me nyes gshin pa/ ting nge 'dzin mang po dang ldan pa/ shes rab kyi lag pa dang
 ldan pa/ bla ma la sri zhu che ba/ byang chub sems dpa' sems dpa' chen po rin po che'i gling dang mtshungs pa/ dge ba dang mi dge ba shes pa/ g.yo khong du chud par byed pa/ nges pa'i tshig dang spobs pa zad mi shes pa/ zung khong du chud
 par byed pa/ rnam par rgyal bathob pa/ sems can thams cad la khong du chud bar byed pa/ yang dag pa'i mtha' las byung zhing rten pa/ shin tu dpa' ba/ gnas pa med pa/ chos bla ma'i rang bzhin la nges pa// rang bzhin ma
 pa'i khyad par sems dpa' snying po la dpa' ba/ / skye ba la smod pa'i skyes bu/ chos khong du chud par byed pa/ mtshan gyi zhi shes pa/ yul 'khor srung ba/ yul 'khor skyong ba/ sgra grags pa/ rgyal ba'i sgra dang ldan pa/ rnam par
 rgyal ba'i mdzod dang ldan pa/ yi ge med pa'i snying po dang ldan pa/ shin tu gnyid kyis ma log pa/ ye shes kyi phung po la gzhol ba/ rang gi las la mngon par dga' ba/ rang gi rigs sten pa/ kun tu bzang ba/ mnyam pa nyid la
 dga' ba/ rnam par dag pa/ rang gi rgyud dang / pha rol gyi rgyud rnam par sbyong bar byed pa/ rnam par rgyal ba thob pa sha sta ga la 'di lta ste/ byang chub sems dpa' sems dpa' chen po rnam par rgyal ba'i dbyangs dang / byang chub
 sems dpa' sems dpa' chen po chos sgrogs dang / byang chub sems dpa' sems dpa' chen po rgyal ba'i gnas dang / byang chub sems dpa' sems dpa' chen po chos sprul pa dang / byang chub sems dpa' sems
 dpa' chen po stong gi 'byung gnas dang / byang chub sems dpa' sems dpa' chen po smon lam brtsegs dang / byang chub sems dpa' sems dpa' chen po khyad par sems dang / byang chub sems dpa' sems dpa'
 chen pos 'dzin dang / byang chub sems dpa' sems dpa' chen po 'gro ba 'dzin dang / byang chub sems dpa' sems dpa' chen po sa'i sgra dbyangs dang / byang chub sems dpa' sems dpa' chen po spobs pa phun sum
 tshogs pa dang / byang chub sems dpa' sems dpa' chen po shin tu brtsegs dang / byang chub sems dpa' sems dpa' chen po pad me'i mngab ma'i mig dang / byang chub sems dpa' sems dpa' chen po pad ma'i
 gdong dang / byang chub sems dpa' sems dpa' chen po gtsug na nor bu dang thabs gcig go/ byang chub sems dpa' sems dpa' chen po 'jam pa'i dbyangs ni byang chub sems dpa' sems dpa' chen po 'grang ba
 las 'das pa thams cad kyang gzhon nur gyur pa sha stag dang lhan cig byang chub sems dpa' sems dpa' chen po byams pa ni byang chub sems dpa' sems dpa' chen po thams cad kyang rgyal tshab du gyur pa gang gA'i klung gi bye ma snyed dang lhan cig/ byang chub sems dpa' sems dpa' chen po khyad par sems ni brgya byin dum dang lhan cig/
 byang chub sems dpa' sems dpa' chen po kun tu bzang po dang / byang chub sems dpa' sems dpa' chen
 po nam mkha' snying po dang / rgyal po chen po bzhini 'khor los sgyur ba du ma dag dang lhan cig/ byang chub sems dpa' sems dpa' chen po mthu chen thob dang / byang chub sems dpa' sems dpa' chen po spyan ras
 gzigs dbang phyug ni tshangs pa du ma dag dang lhan cig/ byang chub sems dpa' sems dpa' chen po mthong ba don yod ni 'khor rnam thos kyi bu du ma dag dang lhan cig/ byang chub sems dpa' sems dpa' chen po
 skar ma'i rgyal po ni 'jig rten skyong pa lhag ma rnams dang lhan cig/ byang chub sems dpa' sems dpa' chen po yid gnyis 'joms dang / byang chub sems dpa' sems dpa' chen po sgrib pa thams cad rnam par
 sel ba ni de bzhin gshegs pa byang chub sems dpa'i cha byad 'dzin pa du ma dang lhan cig/ shA ri dwa ti'i bu dang / maud gal gyi bu dang / 'od srung chen po la sogs pa dgra bcom pa thams cad dang lhan cig/ byang chub
 sems dpa' sems dpa' chen po dge mang dang / / byang chub sems dpa' sems dpa' chen po khyad par sems ni lha'i bu mo stong phrag du ma dag dang lhan cig cing byang chub sems dpa' sems dpa' chen po sman gyi
 rgyal po dang / byang chub sems dpa' sems dpa' chen po sman yang dag byung dang / phyogs bcu'i 'jig rten gyi khams gang gA'i klung gi bye ma snyed na zla ba dang nyi ma rang gi brjid snyems pa ji snyed pa de dag thams cad
 bcom ldan 'das ga la ba der dong ste/ gang gi tshe bcom ldan 'das kyi spyan sngar 'khod pa/ de'i tshe 'dzam bu'i chu bo'i gser gyi mdun du/ snag tsha'i yug gzhag pa de bzhin du/ zla ba dang / nyi ma de dag bcom ldan
 'das kyis spyan sngar phyir zhing mi mdzes/ phyir zhing mi 'bar/ phyir zhi da lham me ma yin/ phyir zhing ldan ne ma yin/ phyir zhing lha de ma yin no// sred med kyi bu la sogs pa lha'i tshogs ji snyed pa dang / klu'i
 rgyal po chu lnga dang / 'jog po dang / ma dros pa las sogs pa klu'i rgyal po 'khor dang bcas pa thams cad dang / dri za'i bdag po shin tu yid du 'ong ba ni dri za bye ba phrag du ma dang lhan cig/ nam mkha' lding gi rgyal po
 dri ma med pa chen po ni nam mkha' lding dbye ba phrag bdun dang lhan cig tu bcom ldan 'das ga la ba der dong ngo / / phyogs bcu'i 'jig rten gyi khams gang ga'i klung gi bye snyed na byang chub sems dpa' ji snyed 'khod pa de
 dag rang rang gi de bzhin gshegs pa las gnang ba mnos te/ 'khor bzhi dag dang lhan cig dong nas/ bcom ldan 'das dang byang chub sems dpa' de dag la yang 'jig rten las 'das pa'i mchod pa byas nas rang
 rang gi pad ma'i stan la 'khod do/ / de nas bcom ldan 'das la byang chub sems dpa' sems dpa' chen po khyad par sems kyis 'di skad ces gsol to// gal te bdag la bcom ldan 'das kyis gnang na bcom
 ldan 'das la yi ge gnyis shig zhu lags so/ / bcom ldan 'das kyis bka' stsal pa/ ngas gnang gis khyad par sems khyod ci bsams pa de bzhin gshegs la dris shig/ de bzhin gshegs pa ni sems can
 gcig gi don gyi phyir 'dir byung ba ma yin gyi nga ni khyed kyi don gyi phyir 'dir byung ngo / / de nas bcom ldan 'das la byang chub sems dpa' sems dpa' chen po khyad par sems kyis 'di skad ces gsol to// bcom
 ldan 'das byang chub sems dpas gang spang bar bgyi ba'i chos gcig po de dag gang lags/ / bcom ldan 'das byang chub sems dpa' sa gang srungs na bslab pa'i gzhi thams cad yongs su bzung bar 'gyur ba'i chos
 gcig po de dag gang lags/ / bcom ldan 'das de bzhin gshegs pa gang mngon par rdzogs par sangs rgyas par 'gyur ba'i chos gcig po de dag gang lags/ de skad ces gsol pa dang / bcom
 ldan 'das kyis byang chub sems dpa' khyad par sems la legs so zhes bya ba byin te/ tshangs pa de skad smra ba ni legs so legs so// rigs kyi bu de bzhin gshegs pa'i byin gyi brlabs kyis spobs pa 'di lta bu
 zung ngo / / rigs kyi bu de bzhin gshegs pas byin gyis brlabs ma mdzad na de bzhin gshegs pa la su yang zhu ba 'di lta bu zhu bar mi 'gyur ro// khyad par sems de'i phyir khyod legs par nyon la yid la zung shig/
 dang ngas khyod la bshad do// bcom ldan 'das kyis de skad ces bka' stsal nas/ byang chub sems dpa' khyad par semasas com ldan 'das kyis ltar nyan pa dang / bcom ldan 'das kyis de la 'di skad ces bka'
 stsal te/ / rigs kyi bu byang chub sems dpas chos gcig gang spang bar bya ba'i chos gcig po gang zhe na/ 'dilta ste/ 'dod chags kyi chos te/ rigs kyi bu 'di ni spang bar bya ba'i chos gcig go/ yang spang bar bya ba'i chos gcig ste// 'di ltar
 zhe sdang gi chos te/ 'di ni spang bar bya ba'i chos gcig ste/ yang spang bar bya ba'i tshes gcig go/ 'di ltar gti mug gi chos te 'di ni spang bar bya ba'i chos gcig go/ yang spang bar bya ba'i chos gcig ste/ 'di ltar
 bdag tu 'dzin pa ste/ 'di ni spang bar bya ba'i chos gcig go/ yang spang bar bya ba'i chos gcig ste/ 'di ltar le la ste/ 'di ni spang bar bya ba'i chos gcig go/ yang spang bar bya ba'i chos gcig ste/ 'di ltar rmugs
 ba dang gnyid de/ 'di ni spang bar bya ba'i chos gcig go/ yang spang bar bya ba'i chos gcig ste/ 'di ltar sred pa ste/ 'di ni spang bar bya ba'i chos gcig go/ rigs kyi bu yang byang chub sems sa dpa' spang bar bya ba'i
 chos gcig ste/ 'di ltar ma dge ba ste/ rigs kyi bu 'di ni byang chub sems dpa' spang bar bya ba'i chos gcig go// rigs kyi bu gang byang chub sems dpa' rtag par rgyun du mngon par srung bar bya ba'i chos
 gcig po de gang zhe na/ rigs kyi bu byang chub sems dpa' gang bdag mi 'dod pa de gzhan dag la mi bya'o// rigs kyi bu byang chub sems dpa' gang la la zhig chos gcig po de srung na/ des de bzhin gshegs pa'i
 bslab pa'i gzhi thams cad bsrungs par 'gyur ro/ / de ci'i phyir zhe na/ rigs kyi bu gang bdag gis srog pa ngas par 'dzin pa de gzhan gyi srog mi gcod do// gang bdag gi nor phangs par 'dzin pa de ma byin par mi
 len to/ / gang bdag gi chung ma phangs par 'dzin pa de gzhan gyi chung ma'i gan du mi 'gro'o// rigs kyi bu de la sogs te/ gang la la zhig 'di snyam du de bzhin gshegs pa'i bka' bzhin du bya'o snyam du sems
 dpa' des chos gcig po 'di srung bar bya'o zhes bshad do/ / de ci'i phyir zhe na/ rigs kyi bu gang la la bla na med pa yang dag par rdzogs pa'i byang chub don du gnyer ba de thams cad ni rang gi bde ba'i rgyun don du
 gnyer gyi su yang bdag sdug bsngal ba mi 'dod de/ 'gro ba ni bde ba 'dod ces bya ba'i tha tshig go/ gang khyed cag mi 'dod pa de gzhan dag la ma byed cig ces ra smra'o// rigs kyi bu 'di ni gang byang chub sems da
 rtag par rgyun du mngon par bsung bar bya ba'i chos gcig go/ rigs kyi bu gang de bzhin gshegs pas mngon par rdzogs par sangs rgyas pa'i chos gcig po de gang yin zhes de skad zer ba ni rigs kyi bu
 gang de bzhin gshegs pas mngon par rdzogs par sangs rgyas pa'i chos gcig po de gang yang med do/ / rigs kyi bu gang la chos gang yang rtog pa med pa de/ de bzhin gshegs pas mngon par rdzogs par sangs
 rgyas pa'o/ / rigs kyi bu yang de bzhin gshegs pas chos thams cad ma skyes par thugs su chud do// de bzhin gshegs pas chos thams cad 'gags pa med par thugs su chud do// rigs
 kyi bu yang de bzhin gshegs pas chos thams cad mtha' gnyis las grol bar thugs su chud do/ / rigs kyi bu de bzhin gshegs pas chos thams cad ma byung bar thugs su chud do// rigs kyi bu de bzhin
 gshegs pas las bdag gir bya bar thugs su chud do/ / de bzhin gshegs pas chos thams cad rgyu dang rkyen las rag las par thugs su chud do// rigs kyi bu de bzhin gshegs pas rgyu dang rkyen ni klog
 dang 'dra bar thugs su chud do/ / de bzhin gshegs pas rgyu dang rkyen med par las skye ba med par thugs su chud do// de ltar de bzhin gshegs pas rnam par snang mdzad kyi snying po'i chos nyid thugs su chud do//
 ci'i phyir yongs su rtog pa dag rnam par snang mdzad kyi snying po zhes smra zhe na/ rigs kyi bu 'jig rten pa dang / 'jig rten las 'das pa'i ye shes la sogs pa gang dag ci 'byung ba'i mngal de yin pa'i phyir ro// /
 gang gi tshe ye shes de'i rang bzhin la yongs su rtog pa de'i tshe shes rab kyi pha rol tu phyin pa'i ni mngal du chud pa yin te// de'i tshe rnam par snang mdzad kyi snying po zhes bya ba'i ming thob po// rigs kyi bu yang de bzhin gshegs
 pas chos thams cad sgyu ma dang smig sgyu dang 'dra bar thugs su chud do/ / de bzhin gshegs pas rang bzhin gyis rnam par grol ba'i rang gis chos nyid thugs su chud do// rnam par grol ba'i gang yin pa de rnam par
 snang mdzad kyi snying po chos nyid do/ / rigs kyi bu yang de bzhin gshegs pas chos kyi sgo gcig thugs su chud do// rigs kyi bu gang la 'gro ba med pa dang / 'ong ba med pa dang / rgyu med pa dang / rkyen med pa dang / 'chi
 'pho med pa dang / skye ba med pa dang / blang ba med pa dang / dor ba med pa dang / 'grib pa med pa dang / 'phel ba med pa dang / rigs kyi bla gang rang bzhin gyis rang bzhin med de/ gang la dper bya bar mi n+tam+b+ha pa dang / gang
 yig dang nges pa'i tshig gis brjod par mi nus pa'i chos kyi sgo gcig po de de bzhin gshegs pas thugs su chud do/ / bkod pa'i rgyal po bstan pa yi ge med pa'i zam gtog rnam par snang mdzad kyi snying por
 c hos kyi rnam grangs 'di bshad pa nas bcul gnas pa'i byang chub sems dpa'i mig la rgyal phra rab ji snyed snang bar 'gyur ba de snyed kyi sems can rnams kyis blan med pa yang dag par rdzogs pa'i byang na
 tu sems bskyed do/ / de snyed cig gis dgra bcom pa nyid du mngon du byas so// de bas ches mang ba'i sems can dag sems can dmyal ba nas shi 'phos nas lha dang mer skyes so// byang chub sems dpa' dram nus
 thob par gyur to/ / byang chub sems dpa' du ma ni ting nge 'dzin brgya stong mngon du gyur to// mang du ci dgongs te gtam 'di ni su la yang don med par ma gyur to// de nas bcom ldan 'das kyis tshe dang ldan pa skrag ca na zin la
 'di skad ces bka' stsal pa/ / sgrag can zin khyod nga'i chos kyi tshul 'di bzung bar spro bar gyis shig/ bcom ldan 'das kyis bka' stsal ma thag du sangs rgyas kyi mthus 'khor de nas byang chub sems dpa' bye ba phrag dgu
 spyan las langs te/ bcom ldan 'das la 'dis ces gsol to// bcom ldan 'das de bzhin gshegs pa'i chos kyi tshul 'di bdag cag gis bzung bar bgyi'o// skad ma'i tshes dma'i dras na byang chub sems dpa'i
 snod du 'tshal bar gyis la/ 'jig rten gyi khams mi mjed du yang dag par bshad par bgyi'o// rgyal po chen po bzhis bcom ldan 'das la 'di skad ces gsol to// bcom ldan 'das bdag cag gis gang dag 'di lta bu'i
 chos kyi snod du gyur pa 'byung bar 'gyur ba'i byang chub sems dpa' de dag gi bsam pa thams cad yongs su rdzogs par gyi'o/ / de nas bcom ldan 'das kyis thams cad dang ldan pa'i 'khor de la gzis
 nas bka' stsal pa/ grogs po dag shin tu rgyas pa bsdus pa/ yi ge med pa'i za ma tog rnam par snang mdzad kyi snying po'i chos kyi rnam grangs 'di nyan pa de dag ni dge ba'i rtsa ba chung ngu dang ldan par mi 'gyur ro// de ci'i phyir
 zhen/ nga la skyes bu dam pa de dag gis bskur sti byas/ bla mar byas/ btsun par byas pa'i phyir ro// rigs kyi bu de dag ni nga'i byang chub phrag pa la thogs par 'gyur ro/ de dag gi spobs pa phun sum tshogs pa rgyun mi 'chad par 'byung //
 de dag gi sangs rgyas kyi zhing shin tu yongs su dag par 'gyur ro// 'chi ba'i rus kyi tshe na yang de bzhin gshegs pa 'od dpag med nyan thos kyi dge 'dun gyis yongs su bkor cing byang chub sems dpa'i tshogs kyis mdun gyis
 bltas nas mdun na bzhugs par gyur te mthong bar 'gyur ro/ / nga yang byang chub sems dpa' 'di dag nyid dang / thabs cig tu ri'i rgyal po bya rgod kyi phung po la gnas par mthong bar 'gyur ro// rigs kyi bu de dag gi chos
 kyi mdzod mi zad par 'gyur ro/ / de dag tshe rabs dran par 'gyur ro// ngan sor rnams su skye bar mi 'gyur ro// rigs kyi bu de ni 'jig rten thams cad dang mi mthun pa'i tshig 'di smra ste// rigs kyi bu dag gal te
 mtshams med pa lnga byed par 'gyur la/ chos kyi rnam grangs 'di lus la gtags sam/ yi ger 'dri ba 'am/ klog gam/ kun chub par byed na de ni ngan song ngan 'gro log par snang bar 'gro bar ngas ma mthong ngo // byang chub
 sems dpa' de sangs rgyas thams cad kyis dbang skur zhing mig lnga thob par 'gyur ro/ / dbang po nyams par mi 'gyur ro// sangs rgyas thams cad kyis yongs su bzung ngo // byang chub sems dpa' thams cad kyis
 yongs su bzung ngo / / de'i las tshad med pa rnam par dag par 'gyur ro// rigs kyi bu tshig 'di ni tha mar smra ste/ de mngon par rdzogs par sangs rgyas par ngas mthong ngo // bcom ldan 'das kyis de skad ces bka' stsal nas/ khyad
 par sems la sogs pa byang chub sems dpa' rnams dang / brgya byin la sogs pa lha'i bu rnams dang / rgyal po chen po bzhi dang / lha dang / mi dang / lha ma yin dang / dri zar bcas pa'i 'jig rten yi rangs te// bcom ldan
 'das kyis gsungs pa la mngon par stod do/ / // 'phags pa yi ge med pa'i za ma tog rnam par snang mdzad kyi snying po zhes bya ba theg pa chen po'i mdo rdzogs s+ho//