| བོད་ཡིག | e-texts produced with BDRC’s OCR application |
ran/ sha ta pra se ka/ a pa bA si ti ma hA bi sha Sha ma kaM/ ma hA bo d+hi satwa ba rA dA swA hA// bcom ldan 'das lag na pad ma'i lus kyi dbyibs mdzem zhes bya ba'i gzung ba// byang chub sems dpa'i khang bzangs dam pa/ rdo rje chen po sa bgegs par gsungs pa/ lha dang klu dang / sbyin byed ma'i bu dang / mi 'am ci dang / lha ma yin chen pos bstod pa reg pa thams cad phun sum tshogs par byed pa 'di sgrib pa chen po mang pos bsgribs pa gang la la zhig nyan tam/ 'chang ngam/ 'don tam/ klog gam/ mthong nas legs par rtogs par byed na/ de'i las dang / nyon mongs pa'i bsgrib pa thams cad yongs su byang bar 'gyur ro// nang par langs nas lan gcig 'don na lag na pad ma phyi bzhin 'brang bar 'gyur ro/ / yid la gang dag 'dod pa'i dgos pa bsams pa tsam gyis 'grub par 'gyur ro// gcig tu rab tu dbyen par 'dug ste/ sangs rgyas yid la bya ba mngon du dmigs nas/ bcom ldan 'das lag na pad ma rjes su dran par byas la/ lan bdun brjod na/ dam pa ci 'dod pas thob par 'gyur ro// sems can thams cad kyi yid du 'ong bar 'gyur ro// de'i ngan 'gro thams cad 'gag par 'gyur ro/ / yud tsam zhig 'chag car 'dug la yid la brjod na bskal pa bye ba 'bum phrag du mar bsags pa'i las byang bar 'gyuraro// 'khor los sgyur ba stong gis bsags pa'i bsod nams kyi phung po chen po dang ldan pa 'gyur ro/ / tshe rabs tshe rabs su yang pad ma'i rigs chen por skye bar 'gyur ro// skye bo khyad par du 'phags pas bkur bar 'gyur ro// me tog dri zhim pos snyim pa bkang ste/ 'phags pa spyan ras gzigs/ dbang phyug gi mdun du lan bdun brjod na yon tan chen po stong thob par 'gyur ro// snying rje chen po'i chos nyid snang ba yang de la skye bar 'gyur ro// dam pa chen po dang ldan par 'gyur ro// de nyid kyi gdong du bltas te/ bzlas brjod byas na/ bcom ldan 'das zhal rtag tu bzhad pa 'phags pa spyan ras gzigs dbang phyug mthong bar 'gyur zhing / chos snang ba'i gsal ba dang po dri ma med par byed pa zhes bya ba 'thob par 'gyur ro// tshe 'di nyid la sangs rgyas rjes su dran pa thob par 'gyur/ sems mnyam par bzhag bzhin du 'chi ba'i dus byed par 'gyur/ tshe rabs thams cad du tshe rabs dran par 'gyur ro// ji ltar 'dod pa bzhin du las kyi sgrib pa thams cad zad par byed par 'dod na/ ches bcwa lnga'i zla ba nya ba la smyung ba byas la gos dkar po bgos te/ ring bsrel dang bcas pa'i mchod rten nam/ sku gzugs kyi spyan sngar tsan dan dkar pos dkyil 'khor bskus la/ dkyil 'khor de dang bcom ldan 'das la me tog sna tshogs gtor te/ bcom ldan 'das dang 'phags pa spyan ras gzigs dbang phyug la dri zhim po'i bdug pa dang / mar me dang / spos kyi sti stang byas te/ de nyid du 'dug la lan brgya rtsa brgyad brjod na/ des sdig pa thams cad dang bral bar 'gyur ro/ / mtshams med pa byed payang sdig pa byang zhing / shin tu yongs su dag pa'i sems kyi rgyud dang ldan pa dang / shin tu yongs su dag pa'i lus dang ngag dang / yid kyi spyod pa dang ldan par 'gyur ro// de bzhin gshegs pa rnams kyis rtag par rgyun tu ting nge 'dzin gyi stobs dang / dbang bskur ba'i stobs dang / sa dang pha rol tu phyin pa'i stobs dang / ye shes khyad par can gyi stobs sgrub par mdzad do// gnas la gyen du ltas te bzlas brjod byas na char 'bab bo/ sa la bltas te zlas brjod byas na lo tog thams cad legs par 'gyur ro// 'bab chu dang / mtshe'u dang / rdzing bu'i shul tu bltas te bzlas brjod byas na chu 'byung bar 'gyur ro// nad thams cad la lag pas bya ba cing bzlas brjod byas na sos par 'gyur ro/ / dran pa nyams pa'i mdun du bzlas brjod byas na dran pa rnyed par 'gyur ro// bkras pa dang skom pa'i gdong du bltas te/ bzlas brjod byas na byed par 'gyur ro/ / mings chen po byung na ras la bris te/ rgyal mtshan gyis rtse mor btags na dpag tshad tshun chad mtshams bcad pa dang / bsrung ba byas par 'gyur ro/ 'phags pa lus kyi dbyibs mdzes pa zhes bya ba'i gzungs rdzogs s+ho/ / // rgya gar gyi mkhan po pradz+nyA par ma dang / thu chen gyi lo ts+tsha ban d+hi yaM shes sngas bsgyur cing zhus te gtan la phab pa// / bod skad du/ byang chub kyi snying po'i rkyen 'bum gyi gzungs/ sangs