བོད་ཡིག

e-texts produced with BDRC’s OCR application

sdom pa'i rgyud kyi rgyal po rdzogs s+ho/ / rgya gar gyi mkhan po gA ya d+ha ra dang / lo tsA ba dge slong shAkya ye shes kyis bsgyur ba'o// // rgya gar skad du/ bI DA ki nI gu h+ya dz+wa la tan tra rA dzA/ bod skad du/ dpal mkha' 'gro ma gsang ba 'bar ba'i rgyud kyi rgyal po// dpal bde ba chen po la phyag 'tshal lo// kye a la la ho// kye a la la ho// mkha' 'gro gang lags ma gang lags// gsang dang rgyud dang rgyal po gang // nyon cig byang chub sems dpa' khyod// mkha' 'gro bzhi ste ma ni gsum// gsang ba drug ste rgyud brgyad do// rgyal po bcu dgu dag tu bstan// dang po mkha' 'gro dbye ba yang / rags pa'i rtog pa spang ba'i phyir// bum pa'i dbang dang 'brel pa yi// sku mdog phyag mtshan dang pa'o// sku mdog phyag mtshan spang ba'i phyir// gsang ba'i dbang dang 'brel ba yi// rlung dang rtsa sogs tsaN Da li/ / 'di dag mkha' 'gro gnyis pa ste// dman pa rnams la sku dang phyag/ rlung dang rtsa sogs kha dog dbyi bas// de nyid spang bar bya ba'i phyir// shes rab ye shes dang 'brel ba'i// lhan cig skyes ba dga' ba'i ro/ / 'di dag gsang ba'i mkha' 'gro ste// mkha' 'gro 'di rnams rim pa las// dman pa rnams la phra ba'i gzugs// lus sems tshor ba bde ba las// 'das pa'i bde ba chen po dag/ spang phyir rang rig ye shes ste/ / sems kyi de nyid stong pa'i ro// de nyid mkha' 'gro bzhi pa ste// shes brjod kun gyi yul ma yin// de nyid lnga la sogs pa yi// mkha' 'gro 'di rnams rim pa yang // sku mdog phyag mtshan rigs pa'i gnyen/ / rlung dang rtsa sogs bum dbang spong // bde bas rlung dang rtsa sogs spong// rang rig stong pas bde ba spong // gzugs sku gnyis kyis stong pa spong // de phyir grong ma gnyen par bshad// rags pa bang sogs bum dbang rgyu/ / bum dbang gsang dbang rgyu yin te/ gsang ba gsum pa'i rgyu ru nges// bde ba rang rig skyed pa yi// rgyu dang 'bras bu nges pa ste// 'bras bu bzhi dang mi mthun bzhi// mkha' 'gro rnams kyis rim pa'o/ / ma ni rnam pa gsum yin te// 'dod chags chen pos bcom ldan 'das// zhe sdang chen pos bcom ldan 'das// gti mug chen pos bcom ldan 'das// nga rgyal la sogs de dang 'dra// thun mong ma yin sras 'byung bas/ / ma zhes gsungs pa yin par 'dod// snod min gsang ba sgrogs thos pa// skrag pa thun mong ma yin bskyed// bskyed pa'i phyir ni ma zhes bya// skye ba gcig gis sangs rgyas pas/ sras rnams thun mong ma yin skyed/ / de yi phyir ni ma zhes bya// thun mong bla ma'i zhal nas shes// de nas gsang ba bshad bya ste// bdud rtsi drug dag gsang ba ste// gzugs dang sgra dang dri dang ro// reg bya de bzhin chos yin te/ / rgyud ni dbang bzhi ngo bo ste// brjod bya rjod byed brgyad du bshad// gsang ba lnga ni rgyal po lnga// lta ba spyod pa zung 'jug lam// rgyu dang 'bras bu sa la sogs// bcu dgu rgyal po yin par gsungs// kye bo dpa' bo 'jigs pa che// gnod sbyin gzugs dang srin po gzugs// gzhan yang bdud la sogs pa'i gzugs// sna tshogs ston na ji ltar bgyi// lha 'am klu la sogs pa'i gzugs// sdug pa ston na ji ltar bgyi/ / gnod sbyin sgra dang srin po sgra// shin tu 'jigs pa'i sgra grag na// de la bdag gis ji ltar bgyi// tshangs pa'i sgra dang ngang ba'i sgra// sgra snyan byung na ji ltar bgyi// bya rgod dri dang bla rtsi dri// ngan skyugs lasag dri byung na/ / de la bdag gis ji ltar bgyi// gur gum tsan dan ga pur sogs// dri zhim byung na ji ltar bgyi// bdud rtsi la sogs drug bcu sogs// bzang po ston na ji ltar bgyi// ngan skyugs la sogs dman pa'i ro/ / sna tshogs ston na ji ltar bgyi// reg bya lcags kyi spu gri sogs// rtsub pa byung na ji ltar bgyi// dar men la sogs lus kyis reg/ 'jam pa byung na ji ltar bgyi// 'jig rten chos rnams sna tshogs dang // 'jig rten 'das pa'i chos rnams ston// de la bdag gis ji ltar bgyi// bcom ldan 'das kyis bka' stsal pa// gzugs ngan khong khro mi bskyed cing // gzugs bzang 'dod par mi bya ste// de la lus kyi rgyab tu bstar/ / lan byed dpa' bo mkha' 'gro yi// dngos grub sprul pa yin par nges// brtul zhugs can gyis dngos grub blang // lan med bdud kyi bar chad de// bdud bsal ba yi cho ga brtsam// kun la mkhas pas sbyor bar bya/ / sgra snyan 'dod pa mi bskyed cing // 'jigs pa'i sgra la khong mi khro// de la gtang snyoms sems bya ste// rdo rje klu yis brtag par bya// de bzhin dri bzang mi chags shing // dri ngan khong khro mi bya bar// mnyam par dmigs la brtag par bya// dri yi phyag rgya de la bstan// lan byed mkha' 'gro'i sprul pa ste// lan med bdud kyi sprul pa'o// ro bzang bza' bar mi bya zhing // ro ngan dor bar mi bya'o// mnyam par bzhag la brtag par bya/ / de la ro yi phyag rgya bstan// de bzhin bye brag shes par bya// de bzhin chos la chos phyag rgya// brtags te bdud rnams bsal bar bya// lus la byung ba'i bdud rnams kyang // kha dog dbyibs la shes par bya/ / dang po dngos grub blang ba yang // mig gis gzugs la rna bas sgra// sna yis dri dang lce yis ro// lus kyi reg dang yid kyis chos// brtul zhugs can gyi dngos grub blang // de nas bdud ni bsal bya ste/ / yang na stong pa'i rdzong la gnas// yang na phrin las bzhi yis bsal// chu yi bde ba 'jam sogs pas// nang gi bdud ni bsal ba'o// pad mkhris steng sgo 'dus pa'i bar// rlung can mgo yi sgo ru ste// rgyud 'di gtad kyis legs par zung / / de ltar byas na dngos grub thob// dpal mkha' 'gro ma gsang ba 'bar ba'i rgyud kyi rgyal po rdzogs s+ho// / rgya gar gyi mkhan po gA ya d+ha ra dang / bod kyi lo ts+tsha ba dge slong shAkya ye shes kyis bsgyur ba'o//