| བོད་ཡིག | e-texts produced with BDRC’s OCR application |
'di dag ni zas ma zhu ba dang spos pa dang / khrag dang mkhris pa 'dres pa dang / gzhang 'brum gyis btab pa dang / gzhang nad can dang / za khu dang lud pa can dang rims nad can dang glad pa na ba dang gzhogs phyed na ba dang yi dgas kyis zin pa'i gsang sngags gzhi yin te/ kun dga' bo gang gsang sngags gzhi 'di dag las 'gal bar byed pa de ni ngas lha dang bcas pa'i 'jig rten nam mthong ngo // cha zad pa ni ma gtogs so// gsang sngags gzhi 'di dag ni de bzhin gshegs pa dgra bcom pa yang dag par rdzogs pa'i sangs rgyas kyis gsungs pa ste/ 'di la sangs rgyas ni sems can thams cad kyi mchog go/ 'dod chags dang bral ba ni chos thams cad kyi mchog go/ / / dge 'dun ni tshogs thams cad kyi mchog go// bden pa'i tshig dang bden pa'i ngag 'dis bdag gis zos pa dang / 'thungs pa dang 'chos pa dang / myangs pa rnams legs par bde bar zhu bar gyur cig swA hA/ / bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do// 'phags pa nad thams cad rab tu zhi bar byed pa'i gzungs/ rdzogs s+ho// dkon mchog gsum la phyag 'tshal lo// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rdo rje bla ma'i rgyal po la phyag 'tshalo/ / tad ya thA/ badz+ra badz+ra/ ma hA badz+ra/ sarba b+hu d+hi ha na ha na badz+ra na swA hA/ lan las nan rab tu zhi bar byed pa'i gzungs rdzogs s+ho// rgya gar skad du/ Ar+ya dz+wa ra pra sha ma ni nA ma d+hA raNI/ bod skad du/ 'phags pa rims nad rab tu zhi bar byed pa'i gzungs/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab na dur khrod chen po bsil ba'i tshal na bzhugs te/ de nas dge slong zhig bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go// phyogs gcig tu 'dug nas/ dge slong des bcom ldan 'das la 'di skad ces gsol to/ / btsun pa bcom ldan 'das 'di na sems can rims nad kyis rnam par gtses pa dag mchis na/ bcom ldan 'das de dag la bsrung du gsol// de nas bcom ldan 'das kyi gnas logs su gzigs te/ tshe dang ldan pa kun dga' bo la bka' stsal pa/ kun dga' bo phyogs 'di na me lce phreng ba zhes pa'i rims gnas te/ de sems can rnams la nyin cig pa dang / nyin gnyis pa dang nyin gsum pa dang / nyin bzhi pa'i tshul gyis rnam par 'tshe bar byed de/ de bsrung ba'i gsang sngags kyi gzhi 'di dag yin no// tad+ya thA/ dz+wa la ni dz+wa la ni/ pra dz+wa la ni pra ti pa ni/ pra sha ma ni/ bdag gi rims nad song shig/ ma 'dug shig swA hA/ bden pa dang bden pa'i tshig gang gis 'jig rten na sangs rgyas bla na med pa dang 'jig rten na chos dang dge 'dun bla na med pa'i bden pa dang / bden pa'i tshig des bdag gi rims nad song shig ma 'dug shig/ swA hA/ sin r+d+haH mnadra ba dwe/ ta rad+ya/ bid d+h+ya taM brah+ma A nu mo te swA hA// skud pa nag po la lan nyi shu rtsa gcig bzlas te mdud pa nyi shu rtsa gcig dor ro// bcom ldan 'das kyis de skad ces bka' stsal nas/ dge slong de dag yid rangs bcom ldan 'das kyis gsungs pa la mngon par bstod do/ / 'phags pa rims nad rab tu zhi bar byed pa zhes bya ba'i gzungs rdzogs s+ho// // rgya gar gyi mkhan po dz+nyAn mi tra dang dAn shI la dang / zhu chen gyi lo tsA ba zan/ ye shes sdes bskur ci khrus te gtanal phab pa// dkan mchog gsus la phyag 'tshal lo// phags pa 'od dpag tume dpa la phyag 'tshal lo// NathA/ e la mi ti ma y-i/ tan pa / cig non