བོད་ཡིག

e-texts produced with BDRC’s OCR application

'a chen gyi lo ts+tsha ba ban de ye shes sde la sogs pas bsgyur cing zhus te/ skad gsar chad kyis kyang bcos nas gtan la phab pa// rgya gar skad du/ Ar+ya ta thA ga ta bai DUr+ya pra b+ha nAm ba la d+ha na sam+ba n+ti d+hA ra Ni/ bod skad du/ 'phags pa de bzhin gshegs pa'i ting nge 'dzin gyi stobs bskyed pa bai DUr+ya'i 'od ces bya ba'i gzungs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das sman gyi gnas na dge slong gi dge 'dun chen po dang / byang chub sems dpa'i dge 'dun chen po dang thabs gcig tu bzhugs te/ de'i tshe bcom ldan 'das kyis sangs rgyas kyi zhing bskul ba zhes bya ba'i ting nge 'dzin la snyoms par zhugs so// de ma thag tu stong gsum kyi stong chen po'i 'jig rten gyi khams thams cad rab tu g.yos so/ / lha'i tsan dan gyi phye ma dang me tog gi char dpag tu med pa bab bo// de bzhin gshegs pa bdun po 'khor dang bcas pa 'jig rten gyi khams 'dir gshegs te/ de bzhin gshegs pa'i sngon gyi dge ba'i rtsa ba las byung ba'i seng ge'i khri la bzhugs shing / byang chub sems dpa' thams cad kyis ni bskor/ lha dang klu dang gnod sbyin dang / dri za dang lha ma yin dang / nam mkha' lding dang / mi 'am ci dang / lto 'phye chen po dang / rgyal po dang blon po dang / bram ze dang khyim bdag rnams kyis yongs su bskor bar 'gyur ro// de nas sangs rgyas kyi mthus 'jam dpal gzhon nur gyur pa stan las langs te/ thal mo sbyar nas 'di skad ces gsol to// thams cad dgongs su gsol/ / sems can rnams kyi sdig pa thams cad spyad pa dang / nad thams cad zhi bar bgyi ba dang / re ba thams cad bskong du gsol// bcom ldan 'das de bzhin gshegs pa 'di dag gi mtshan dang / sngon gyi smon lam gyis byin kyis brlabs pa'i gzungs bshad du gsol/ / de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal legs so legs so// legs par rab tu nyon la yid la zung shig/ dang bshad do// 'jam dpal gzhon nur gyur pas bcom ldan 'das la de bzhin no zhes gsol nas bcom ldan 'das kyi ltar nyan pa dang / bcom ldan 'das kyis bka' stsal pa/ 'di lta ste/ de bzhin gshegs pa mtshan legs par yongs bsgrags dpal gyi rgyal po la phyag 'tshal lo/ / de bzhin gshegs pa rin po che dang zla ba dang pad mas rab tu brgyan pa mkhas pa gzi brjid sgra dbyangs kyi rgyal po la phyag 'tshal lo// de bzhin gshegs pa gser bzangs dri med rin chen snang brtul zhugs grub pa'i rgyal po la phyag 'tshal lo/ / de bzhin gshegs pa mya ngan med mchog dpal gyi rgyal po la phyag 'tshal lo// de bzhin gshegs pa chos bsgrags rgya mtsho'i dbyangs kyi rgyal po la phyag 'tshal lo// de bzhin gshegs pa chos rgya mtsho mchog gi blos rnam par rol pa mngon par mkhyen pa'i rgyal po la phyag 'tshal lo/ / de bzhin gshegs pa sman gyi bla bai dUr+ya'i 'od kyi rgyal po la phyag 'tshal lo// de bzhin gshegs pa shAkya thub pa la phyag 'tshal lo// bcom ldan 'das ma shes rab kyi pha rol tu phyin pa la phyag 'tshal lo/ / byang chub sems dpa' sems dpa' chen po 'jam dpal gzhon nur gyur pa la phyag 'tshal lo// byang chub sems dpa' sems dpa' chen po spyan ras gzigs dbang phyug la phyag 'tshal lo/ / byang chub sems dpa' sems dpa' chen po lag na rdo rje la phyag 'tshal lo// byang chub sems dpa' sems dpa' chen po nyi ma ltar rnam par snang byed la phyag 'tshal lo// byang chub sems dpa' sems dpa' chen po zla bltar rab tu gsal byed la phyag 'tshal lo/ / byang chub sems dpa' sems dpa' chen po blo gros chen po la phyag 'tshal lo// byang chub sems dpa' sems dpa' chen po byams pa la phyag 'tshal lo// byang chub sems dpa' sems dpa' chen po rdo rje la phyag 'tshal lo/ / byang chub sems dpa' sems dpa' chen po spobs pa brtsegs la phyag 'tshal lo// byang chub sems dpa' sems dpa' chen po rnam par gnon pa don yod la phyag 'tshal lo// byang chub sems dpa' sems dpa' chen po bltan mdzes la phyag 'tshal lo/ / byang chub sems dpa' sems dpa' chen po mun pa mun nag thams cad nges par 'joms pa'i blo gros la phyag 'tshal lo// byang chub sems dpa' sems dpa' chen po bas pa legs par rnam par sems pa la phyag 'tshal lo/ / byang chub sems dpa' sems dpa' chen po lhun po rtsegs la phyag 'tshal lo// byang chub sems dpa' sems dpa' chen po sang sang po'i dbyangs la phyag 'tshal lo// byang chub sems dpa' sems dpa' chen po lhun po chen po'i rtse 'dzin rgyal po la phyag 'tshal lo/ / 'phags pa dgra bcom pa shA ri'i bu dang maud gal gyi bu chen po la phyag 'tshal lo// lha'i dge bsnyen chen po dpal tshangs pa dang brgya byin la phyag 'tshal lo// rgyal po chen po bzhi la phyag 'tshal lo/ / klu'i dge bsnyen chen po sangs rgyas bcom ldan 'das la phyag 'tshal lo// gnod sbyin gyi dge bsnyen chen po bcu gnyis la phyag 'tshal lo// de nas de bzhin gshegs pa de dag gis gsung dbyangs gcig gis gzungs kyi tshig 'di dag bka' stsal to/ / na mo rad na tra yA ya/ na mo b+ha ga wa te/ a pra ti ha ta b+he sha dz+ye dA dzA ya/ tad+ya thA/ oM sarba ta thA ga ta hUM a/ g+hu me g+hu me/ a mi ne mi ti/ ma ti ma ti/ sab ta/ ta thA ga tA/ sa ma d+hA d+hiSh+Thi te/ a te ma te bA le bA ba sho d+ha ni/ sarba bA ba nA sha ya/ ma mabud d+he/ bud d+hA tam/ u me ku ne/ bud d+hA ShAdza ba ri sho d+ha ni/ d+ha me ni/ d+ha ma/ me ru me drA/ me ru shi khe re/ sarba a ka la mri d+yA mi ba ra mi bud d+he su bud d+he/ bud d+ha ad+hiSh+ThA na ad+hiSh+Ti te/ rak+Shan tu ga/ sarba de ba sa me/ as sa ma nA ta ran tu me/ sarba bud d+ha bo d+hi sarba/ sha ma sha me/ pra sha man tu me/ sarba bi tu ba tA bA/ bya d+ha yA/ bu ra ne bu rane/ bu ra ya me/ sarba a shA ma/ bdUr+ya pra ti b+hA se/ sarba pA pak+Sha yaM ka ri swA nA ma b+ha shadz+ye/ b+haM sha dz+yaM/ ma hA b+hi sha dz+ye/ b+he shad+hi ra dza/ sa mud ga te swA hA/ / de bzhin gshegs pa'i mtshan dang gzungs 'di bka' stsal pa'i tshe snang ba chen po byung ste/ sa chen po g.yos nas rdzu 'phrul rnam par 'phrul ba dag snang ngo // 'khor ji ltar lhags pa de dag gis kyang spos dang bdug pa rnams kyis de bzhin gshegs pa de dag la mchod nas legs so zhes bya ba gsol te lan bdun du skor ba byas so/ / de nas de bzhin gshegs pa bdun po de dag mi sdang bar gyur te/ bcom ldan 'das shAkya thub pas 'di skad ces bka' stsal to/ / rigs kyi bu 'am rigs kyi bu mo la la zhig de bzhin gshegs pa'i mtshan dang gzungs 'di 'dzin pa dang / 'chang ba dang / klog pa dang / mchod pa des gtsang mar byas te/ phyogs gtsang mar 'phags pa'i yan lag brgyad dang ldan par byas la/ sems can thams cad la snying rje bas sa ga la bab pa'i nya nas brtsams te/ de bzhin gshegs pa de dag gi sku gzugs byas la// chos brgyad dang / bcu bzhi dang / bcwa lnga la bsrung bar gnas pas/ gzungs 'di dag bzhi bcu rtsa dgu'am/ stong rtsa brgyad dam/ stong phrag bzhi bcu rtsa dgu 'don cing me tog dang / bdug pa dang / spos dang mar me dang / phreng ba dang / rol mo'i sgra dang / gdugs dang / rgyal mtshan dang / ba dan rnams kyis nyin lan gsum mtshan lan gsum mchod pa byed na/ de la de bzhin gshegs pa rnams kyis dgongs par 'gyur/ byang chub sems dpa' thams cad sems par 'gyur/ tshangs pa dang brgya byin dang / rgyal po chen po bzhi dang / klu'i dge bsnyen chen po de dag gis kyang yongs su sbyong bar 'gyur/ gnod sbyin rdo rje 'dzin thams cad kyang yang dag par bsrung bar 'gyur/ mtshams med pa lnga la sogs pa las kyi sgrib pa thams cad kyang yongs su byang bar 'gyur/ nad thams cad kyis mi btab par 'gyur ring du 'tsho bar 'gyur/ dus ma yin par 'chi ba thams cad las yongs su thar bar 'gyur/ 'chi ba da dgra dang dgon pa'i gnod pa dang / 'thab pa dang / brtsod pa dang / 'gyed pa thams cad rab tu zhi bar 'gyur/ dgra thams cad kyi dbang dum 'gro bar 'gyur/ ci bsams pa'i bsam pa thams cad yongs su rdzogs par 'gyur ro// de nas 'jam dpal gzhon nur gyur pas bcom ldan 'das la 'di skad ces gsol lo// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ 'jam dpal de'i phyir chos kyi rnam grangs 'di de bzhin gshegs pa'i ting nge 'dzin gyi stobs bskyed pa bai dUr+ya'i 'od ces bya bar zung shig/ las kyi sgrib pa thams cad rnam par 'thag cing sbyong ba zhes bya bar yang zung shig/ de bzhin gshegs pa bdun gyi rnam par 'phrul pa bstan pa zhes bya bar yang zung shig/ bcom ldan 'das kyis de skad ces bka' stsal pa dang / 'jam dpal gzhon nur gyur pa dang / thams cad dang ldan pa'i 'khor de dag yid rangs te/ bcom ldan 'das kyis gsungs pa la mngon par bstod do// 'phags pa de bzhin gshegs pa'i ting nge 'dzin gyi stobs bskyed pa bai dUr+ya'i 'od ces bya ba'i gzungs rdzogs s+ho// rgya gar gyi mkhan po'i dzin mi tra dang / dA na shI la dang / shI len dra bo d+hi dang / zhu chen gyi lo ts+tsha ba ban d+he ye shes bsgyur cing zhus te gtan la bab pa'o// slad kyis rgya gar gyi mkhan po dI baM ka ra shri dz+nyA na dang / dge slong tshul khrims rgyal bas tho ling gser khang du/ skad gsar chad kyis kyang gtan la phab pa'o// rgya gar skad du/ Ar+ya ma hA ma Ni bi pu la bi mA na be shA su pra tiSh+Thi ta gu h+yaM ba ra ma ra ha s+yan ka la ba rA dzA nA ma d+hA ra NI/ bod skad du/ 'phags pa nor bu chen po rgyas pa'i gzhal