བོད་ཡིག

e-texts produced with BDRC’s OCR application

rgya gar skad du/ Ar+ya b+hag bA ra b+he Sha dz+ya gu ru bai dUr+ya pra b+ha s+ya pUrka pra Ni d+han bi she sha bi sta ra nA ma ma hA yA na sU tra/ bod skad du/ 'phags pa bcom ldan 'das sman gyi bla bai dUr+ya'i 'od kyin pa po spyo ky-i lam gyi khyad par rgyas pa zhes byab theg pa chen po'i mdo/ / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul rgyu brgyu zhing yangs pa can du byon te/ yangs pa can na rol mo'i sgra can gyi shing ljon pa'i drung na dge slong brgyad stong gi dge slong ni ge sun go dang thabs gcig du bzhugs te/ byang chub sems dpa' sum khri drag stong dang yang thabs gcig tu rgyal po dang / blon po dang / bram ze dang / khyim bdag rnams dang lha dang lha ma yin dang / nam mkha' lding dang / mi'am ci dang / lto 'phye chen po rnams kyis yongs su bskor cing mdun gyis bltas te chos ston to// de nas sangs rgyas kyi mthus chos kyi rgyal bu 'jam dpal stan las langs te/ gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to// gang thos pas sems can rnams kyi las kyi sgrib pa yongs su byang bar 'gyur ba dang / slad ma'i tshe slad ma'i dus su dam pa'i chos ltar bcos pa 'byung ba na sems can de dag rjes su gzung ba'i slad du de bzhin gshegs pa de dag gi mtshan dang / sngon gyi smon lam gyi khyad par rgyas pa bcom ldan 'das kyis bstan du gsol/ / de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal legs so legs so// 'jam dpal khyod kyis snying rje dpag tu med pa bskyed nas sems can las kyi sgrib pa sna tshogs kyis bsgribs pa rnams dang / lha dang mi rnams kyi don dang / phan pa dang bde ba'i phyir gsol ba 'debs pa ni legs so// 'jam dpal de'i phyir legs par rab tu nyon la yid la zung shig dang bshad do// 'jam dpal gzhon nur gyur pas bcom ldan 'das de bzhin no zhes gsol nas/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to// 'jam dpal shar phyogs logs su sangs rgyas kyi zhing 'di nas sangs rgyas kyi zhing gang gA'i klung bcu'i bye ma snyed 'das pa na 'jig rten gyi khams bai dUr+ya snang ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo bsgyur ba bla na med pa/ lha dang mi rnams kyi ston pa/ sangs rgyas bcom ldan 'das sman gyi bla bai dUr+ya'i 'od ces bya ba bzhugs so// 'jam dpal bcom ldan 'das de bzhin gshegs pa sman gyi bla bai dUr+ya'i 'od de sngon byang chub sems dpa'i spyad pa spyod pa na smon lam chen po bcu gnyis po 'di dag btab po/ / bcu gnyis gang zhe na// de'i smon lam chen po dang po ni gang gi tshe bdag ma 'ongs pa'i dus na k+Sha med pa yang dag par rdzogs pa'i byang chub mngon par rdzogs par sangs rgyas pa de'i tshe bdag gi lus kyi 'od kyis 'jig rten gyi khams grangs med dpag tu med cing dpag gis mi lang ba dag lham me ldan ne lhang nger gyur cig/ sems can thams cad skyes bu chen po'i mtshan sum cu rtsa gnyis da/ dpe byad bzang / po brgyad bcus legs par brgyan par gyur te/ bdag ci 'dra ba bzhin du sems can thams cad kyang de dang 'dra bar gyur cig ces btab bo// de'i smon lam chen po gnyis pa ni gang gi tshe bdag mi 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe bdag byang chub thob pa na lus nor bu rin po che bai dUr+ya ji 'dra ba de 'dra bar phyi nang shin tu yongs su dag pa dang / dri ma med pa 'od gsal ba dang / kho lag yangs shing che ba dang / dpal dang gzi brjid 'bar ba dang / legs par gnas pa dang / nyi ma dang zla babs lhag pa'i 'od zer gyi dra ba rnams kyis legs par brgyan par gyur cig/ de na sems can gang dag 'jig rten gyi bar dag tu skyes pa dag dang / gang dag yang mi'i 'jig rten 'di na mtshan mo mun ba mun nag gi nang na phyogs tha dad par 'gro ba de dag bdag gi 'od kyis phyogs dga' dgur 'gro bar gyur cig/ las rnams kyang byed par gyur cig ces btab po// de'i smon lam chen po gsum pa ni gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe bdag byang chub thob pa nas bdag gi shes rab dang thabs dpag tu med pas sems can gyi khams dpag gis mi lang ba dag longs spyod mi zad pa dang ldan par gyur te/ su yang cis kyang brel ba med par gyur cig ces btab po/ / de'i smon lam chen po bzhi pa ni gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe bdag byang chub thob pa na sems can gang dag lam ngan par zhugs pa de dag byang chub kyi lam la dgod par bya'o/ / nyan thos kyi lam du zhugs pa dang / rang sangs rgyas kyi lam du zhugs pa de dag thams cad ni theg pa chen po la gzung bar bya'o zhes btab bo/ / de'i smon lam chen po lnga pa ni gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe bdag byang chub thob pa na/ sems can gang dag bdag gi gnan tshangs par spyad pa spyod pa dang / de bzhin du sems can gzhan dpag tu med cing dpag gis mi lang ba de dag thams cad kyang bdag gi ming thos nas/ bdag gi mthus sdom pa gsum gyis bsdams pa dang / tshul khrims nyams pa med par gyur cig/ su yang tshul khrims log par zhugs te/ ngan 'gror 'gro bar ma gyur cig ces btab bo// de'i smon lam chen po drug pa ni gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe bdag byang chub thob pa na/ sems can gang su dag lus ngan pa dang / dbang po ma tshang ba dang / mdog mi sdug pa dang / bems po dang / yan lag skyon can dang / skar po dang / sha bkra can dang / zhar ba dang / long ba dang / 'on pa dang / smyo bar gyur pa dang gzhan ya na gan sudag lus la nad kyis btab pa de dag gis bdag gi ming thos nas thams cad dbang po tshang zhing yan lag yongs su rdzogs par gyur cig ces btab po/ / de'i smon lam chen po bdun pa ni gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ bdag byang chub thob pa na sems can gang su dag nad sna tshogs kyis yongs su gzir ba/ skyabs med pa mgon med pa/ 'tshog chas dang / sman mi bdog pa/ dpung gnyen med pa/ dbul ba/ sdug bsngal ba gang dag gi rna lam du bdag gi ming grag pa de dag nas thams cad rab tu zhi bar gyur cig/ byang chub kyi mthar thug gi bar du nad med cing gnod pa med par gnas par gyur cig ces btab po/ / de'i smon lam chen po brgyad pa ni gang gi tshe/ bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe bdag byang chub thob pa na/ bud med gang la la bud med kyi skyon brgya dag gis kun nas nyon mongs par 'gyur ba/ bud med kyi dngos po la smod pa/ bud med kyi skye gnas las yongs su thar bar 'dod pa de dag bud med kyi dngos po las log par gyur cig/ byang chub kyi mthar thug gi bar du skyes pa'i dbang po byung bar gyur cig ces btab po/ / de'i smon lam chen po dgu pa ni gang gi tshe bdag ma 'ongs pa'i dus na/ bla na med pa yang dag par rdzogs pa'i byang chub mngon par rdzogs par sangs rgyas pa de'i tsha bdag byang chub thob pa na/ sems/ can thams cad bdud kyi zhags pa rnams las yongs su thar bar bya'o// lta ba tha dad pa mi mthun pa zing zing bas mi mtha sa su pa dag ya dag pa na pa la dgod par bya'o// mthar gyis byang chub sems dpa'i spyod pa bstan par bya'o// zhes btab po// de'i smon lam chen po bcu pa ni gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ bdag byang chub thob pa na sems can gang su dag rgyal po'i 'jigs pas skrag pa dang / gang dag bcing ba dang / brdeg pa dang / go rar gzhug pa dang / gsad par 'os pa rgyu du mas kun du gtses pa/ nga rgyal dang bral ba/ lus dang ngag dang sems sdug bsngal gyis nyen pa de dag bdag gi bsod nams kyi mthus gnod pa thams cad las yongs su thar bar gyur cig ces btab po/ / de'i smon lam chen po bcu gcig pa ni/ gang gi tshe bdag ma 'ongs pa'i dus na/ bla na med pa yang dag par rdzogs pa'i byang chub mngon par rdzogs par sangs rgyas pa de'i tshe bdag byang chub thob pa na sems can gang su dag dkris pa dang / skom pa'i me rab tu 'bar ba/ kha zas tshol ba la rab tu brtson pa/ sdig pa'i las byed pa de dag bdag gis kha dog dang / dri dang / ror ldan pa'i kha zas kyis lus tshim par byas te/ phyis chos kyi ros shin du bde ba la dgod par bya'o zhes btab bo// de bzhin gshegs pa de'i smon lam chen po bcu gnyis pa ni/ gang gi tshe bdag ma 'ongs pa'i dus na bla na med pa yang dag par rdzogs pa'i byang chub mngon par rdzogs par sangs rgyas pa de'i tshe/ sems can gang su dag sgren mo bgo ba med pa/ dbul ba/ sdug bsngal ba gra ba dang tsha ba dag sgra gu dang / sha sbrang dag gis nyin mtshan du sdug bsngal gyi tshor ba myong ba dag la bdag gis gos yongs su spyad pa tshon sna tshogs su kha sbyar ba dag sbyin par bya'o/ / ji ltar 'dod pa bzhin du rin po che'i rgyan sna tshogs dang / spud pa dang / phrad pa dang / spos dang byug pa dang / rol mo'i sgra dang / sil snyan pheg rdob pa rnams kyis sems can rnams kyi bsam pa thams cad yongs su rdzogs par gyur cig ces btab bo/ / 'jam dpal bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sman gyi bla bai dUr+ya'i 'od de sngon byang chub sems dpa'i spyad pa spyod pa na smon lam chen po bcu gnyis po 'di dag btab par gyur to/ / 'jam dpal de bzhin gshegs pa sman gyi bla bai dUr+ya'i 'od de'i smon lam gang yin pa dang / sangs rgyas kyi zhing gi yon tan bkod pa gang yin pa de ni bskal pa'am/ bskal pa/ las lhag par yang zad par byar mi nus so// sangs rgyas kyi zhing de ni shin tu yongs su dag pa ste/ rdo dang / gseg ma dang / gyo mo med pa/ 'dod pa'i skyon med pa/ ngan song dang / sdug bsngal gyi sgra med pa/ bud med kyi dngos po med pa/ sa dang rtsig pa dang ra ba dang / rta babs dang / skar khung gi dri ba dang / ba gam ni bai dUr+ya'i rang bzhin can/ pu shu ni rin po che sna bdun gyi rang bzhin can de/ 'jig rten gyi khams bde ba can ci 'dra ba bzhin du/ 'jig rten gyi khams bai dUr+ya ba snang ba'i sangs rgyas kyi zhing gi yon tan bkod pa yang de 'dra'o/ / 'jig rten gyi khams de na byang chub sems dpa' grangs med dpag tu med pa de dag gi nang na/ byang chub sems dpa' sems dpa' chen po gtso bo gnyis yod de/ gcig gi ming ni nyi ma ltar rnam par snang byed ces bya/ gnyis pa'i ming ni zla ba ltar rnam par snang byed ces bya ste/ de dag ni bcom ldan 'das de bzhin gshegs pa sman gyi bla bai dUr+ya'i 'od de'i dam pa'i chos kyi mdzod 'dzin pa'o// 'jam dpal de lta bas na dang ba'i rigs kyi bu'am rigs kyi bu mos sangs rgyas kyi zhing der skye bar smon lam thob shig/ yang bcom ldan 'das kyis 'jam dpal gzhon nur gyur pa la bka' stsal pa/ 'jam dpal sems can so so'i skye bo gang dag dge ba dang / mi dge ba mi shes pa dag yod de/ de dag ni chags pa'i zil gyis non pa/ sbyin pa dang / sbyin pa'i 'bras bu rnam par smin pa mi shes pa'o// de dag ni byis pa glen pa/ dad pa'i dbang po dang bral ba/ nor ba stsogs shing bsrung ba la mngon par brtson gyi sbyin pa/ yang dag par bkod pa la de dag gi sems mi 'gro ba ste/ sbyin pa'i dus nye bar gnas pa na rang gi lus kyi sha las gcod pa bzhin du yid mi dga' bar 'gyur ro// sems can de dag ni bdag nyid kyang du ma yongs su mi spyod na pha ma dang / chung ma dang bu dang / bu mo la mi ster blta smos kyang ci dgos// bran po dang bran mo dang / las byed pa rnams lta smos kyang ci dgos/ gzhan slong ba rnams la lta smos kyang ci dgos sems can de lta bu de dag ni 'di nas shi 'phos na yi dgas kyi 'jig rten du skye bar 'gyur ro/ / yang na dud 'gro'i skye gnas su skye bar 'gyur ro// de la gang dag sngon mir gyur pa na/ bcom ldan 'das de bzhin gshegs pa sman gyi bla bai dUr+ya'i 'od de'i mtshan thos par gyur pa de dag ni gshin rje'i/ 'jig rten na gnas kyang rung // dud 'gro'i skye gnas na gnas kyang rung ste/ der de bzhin gshegs pa de'i mtshan mngon du 'gyur zhing dran ma thag pa tsam gyis de nas shi 'phos nas yang mi'i 'jig rten du skye bar 'gyur/ tshe rabs dran par 'gyur ro/ / na 'gro'i 'jigs pas sgra ga nas yang 'dod pa'i yon tan dag don du ma gnyer ba dang / sbyin pa la mngon par dga' ba dang / sbyin pa'i sngags pa brjod pa dang / bdog pa thams cad yongs su gtong bar gyur te/ rim gyis rang gi mgo dang / lag pa dang / rkang pa dang / mig dang / sha dang // khrag kyang spong ba rnams la rab tu sbyin par 'gyur na/ nor gyi phung po gzhan lta smos kyang ci dgos// 'jam dpal gzhan yang sems can gang dag de bzhin gshegs pa rnams kyi bslab pa'i gnas 'jig pa dag yod de/ de dag tshul khrims log par zhugs shing lta ba log par zhugs nas/ gang dag tshul khrims dang ldan pa de dag ni tshul khrims bsrung gi mang du thos pa yongs su mi tshol te/ de bzhin gshegs pas gsungs pa'i mdo sde rnams kyi don zab mo mi shes/ gang dag mang du thos pa de dag ni lhag pa'i nga rgyal can du gyur te/ nga rgyal gyis non pas gzhan dag la phrag dog byed cing dam pa'i chos la dbang za bar 'gyur/ spong bar 'gyur ro/ / mi blun po de lta bu de dag ni bdud kyis phyogs pa ste/ bdag kyang lam ngan par zhugs la sems can gzhan bye ba khrag khrig brgya stong du ma dag kyang g.yang sa chen por ltung bar byed pa'o// sems can de lta bu de dag ni sems can dmyal ba mi bzad par 'gro bar 'gyur ro/ / gang dag sngon mir gyur pa na bcom ldan 'das de bzhin gshegs pa sman gyi bla bai dUr+ya'i 'od de'i mtshan thos par gyur pa de dag ni sems can dmyal ba na gnas kyang der sangs rgyas kyi mthus/ de bzhin gshegs pa de'i mtshan mngon du 'gyur te/ de dag de nas shi 'phos nas yang mi'i 'jig rten du skye bar 'gyur/ yang dag pa'i lta ba can dang / brtson 'grus dang ldan pa dang / dge ba'i bsam pa can du 'gyur ro// de dag khyim spangs te de bzhin gshegs pa'i bstan pa la rab tu byung nas mthar kyis byang chub sems dpa'i spyad pa spyod par 'gyur ro/ / 'jam dpal gzhan yang sems can gang dag bdag gi sngags pa brjod cing phrag dog gis gzhan dga' ba mi snyan par brjod pa yod de/ bdag la bstod cing gzhan la smod pa'i sems can de dag ngan song gsum po dag tu lo stong phrag mang por sdug bsngal myong bar 'gyur ro dag lo stong phrag dum 'das nas de nas shi phos nas ba lang dang / rta dang rnga mo dang / bong bu la sogs bdud 'gro'i skye gnas rnams su skye bar 'gyur/ lcug lcag dang / dbyig lcag rnams kyis brdeg pa dang / bkres pa dang / skom pas lus nyen pa dang / khal chen po bkal te lam du 'gro bar 'gyur ro// gal te brgya la mi'i skye ba rnyed na yang rtag tu rigs dma' ba rnams kyi nang du skye bar 'gyur/ bran du 'gyur zhing gzhan gyi dbang du 'gyur ro// gang dag sngon mir gyur pa na/ bcom ldan 'das de bzhin gshegs pa sman gyi bla bai dUr+ya'i 'od de'i mtshan thos par gyur pa de dag na dge ba'i rtsa ba des sdug bsngal thams cad las yongs su thar bar 'gyur/ dbang po rno bar 'gyur/ mkhas pa dang / gsal ba dang / yid gzhungs pa dang / dge ba yongs su brtsal ba la mngon par brtson pa dang / rtag tu dge ba'i bshes gnyen dang 'grogs pa rnyed par 'gyur/ bdud kyi zhags pa gcod pa dang / ma rig pa'i sgo nga'i sbubs gcog pa dang / nyon mongs pa'i chu rlung skems par 'gyur/ skye ba dang rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'brug pa rnams las yongs su thar bar 'gyur ro/ / 'jam dpal gzhan yang sems can gang dag phra ma la mngon par dga' zhing sems can dag phan tshun 'thab pa dang / rtsod pa dang / 'gyed par byed du 'jug pa dag yod de/ sems can de dag rnam par rtsod pa'i sems su gyur pas lus dang / ngag dang yid kyis mi dge ba rnam pa sna tshogs mngon par 'du byed do// gcig la gcig phan pa ma yin pa 'dod cing rtag tu phan tshun gnod par bya ba'i phyir brtson te/ de dag nags tshal gyi lha dang / shing gi lha dang / ri'i lha 'gug par byed/ dur khrod rnams su 'byung po tha dad pa dag 'gug par byed/ dud 'gro'i skye gnas su song ba'i srog chags rnams kyi srog gcod cing sha dang khrag zaba'i gnod sbyin dang / srin po rnams mchod par byed de/ dgrabo de'i ming nas brjod pa'am/ gzugs byas nas der rig sngags drug po bsgrub cing byang ste ma dang / ro langs kyi sbyor bas srog gi bar chad bya ba dang / lus rnam par gzhig par 'dod pa la gang dag gis bcom ldan 'das de bzhin gshegs pa sman gyi bla bai dUr+ya'i 'od kyi rgyal po de'i mtshan thos par gyur pa de dag la gang gis kyang bar chad bya bar mi nus te/ de dag phan tshun byams pa'i sems dang / phan pa'i sems dang / gnod pa'i sems med pa'i sems su gnas par 'gyur rang ra gi bdog pas chog shes par 'gyur ro/ / 'jam dpal gzhan yang 'khor bzhi po dge slong dang / dge slong ma dang / dag snyen dang / dge bsnyen ma de dag dang / gzhan yang dad pa'i rigs kyi bu'am rigs kyi bu mo gang dag yan lag brgyad dang ldan pa'i bsnyen gnas la nye bar gnas te/ lo gcig gam/ zla ba gsum du bslab pa'i gzhi rnams 'dzin cing gang dag gis bsam pas bdag gi dge ba'i rtsa ba 'dis/ nub phyogs gang na de bzhin gshegs pa tshe dpag med bzhugs pa'i 'jig rten gyi khams b dab can du skye bar shog shig ces smon lam de lta bu btab pa dag las gang dag gis bcom ldan 'das de bzhin gshegs pa sman gyi bla bai dUr+ya'i 'od de'i mtshan thos par gyur pa de dag 'chi ba'i dus kyi tshe byang chub sems dpa' brkyang rngu 'phrul gyis lhags nas lam ston par 'gyur te/ de dag der pad mtshon la dog sna tshogs rnams la rdzus te skye bar 'gyur ro// gang la la dag lha'i 'jig rten du skye bar 'gyur ba de dag ni der skyes nas sngon gyi dge ba'i cha bde zad par mi 'gyur zhing ngan 'gror 'gro bar mi 'gyur ro/ / de nas shi 'phos nas kyang mi'i 'jig rten 'dir gling bzhi pa'i dbang phyug 'khor los bsgyur ba'i rgyal por 'gyur te/ sems can bye ba khrag khrig brgya stong du ma dge ba bcu'i las kyi lam la 'god par 'gyur ro// gzhan du na yang rgyal rigs shing sa la chen po lta bu'i khyi ma dag tu skye bar 'gyur/ bram ze shing sa la chen po lta bu'i khyi medag dang / khyim bdag shing sa la chen po lta bu'i khyimagan dang / nor dang 'bru dang / mdzod dang / bang ba mang po 'byor ba'i khyi mdag tu skye bar 'gyur te/ gzugs phun sum tshogs pa dang / dbang phyug phun sum tshogs pa dang / g.yog phun sum tshogs pa dang / dpa' ba dang / rgyal bod pa dang / tshan po che chen po'i stobs kyi shugs dang / ldan par 'gyur ro// bud med gang gis deba'i na gshegs pa de'i mtshan thos shing bzung ba de'i bud med kyi dngos po de tha ma yin par shes par bya'o/ / de nas bcom ldan 'das la 'jam dpal gzhon nur gyur pas 'di skad ces gsol to// bcom ldan 'das slad ma'i tshe slad ma'i dus na/ gang dag mdo 'di 'chang ba dang / klog pa dang / 'chad pa dang / gzhan dag la rgya cher yang dag par ston pa dang / yi ger 'dri ba dang / yi ger 'drir stsol ba dang / glegs bam la bris te me tog dang / bdug pa dang / spos dang / phreng ba dang / byug pa dang / gdugs dang / rgyal mtshan rnams kyis bkur sti bgyid pa'i dad pa'i rigs kyi bu 'am rigs kyi bu mo de dag la bdag gis bcom ldan 'das de bzhin gshegs pa sman gyi bla bai dUr+ya'i 'od de'i mtshan rnam pa sna tshogs su bsgrag par bgyi'o// tha na rmi lam du yang sangs rgyas kyi mtshan rna lam du nye bar bsgrag par bgyi'o// tshon sna ldan bI gos rnams kyis dkris te phyogs gtsang mar bzhag na/ gang na mdo sde 'dir gnas pa der rgyal po chen po bzhi 'khor dang bcas pa dang / lha bye ba khrag khrig brgya stong gzhan yang mchi bar 'gyur ro/ / gang dag bcom ldan 'das de bzhin gshegs pa sman gyi bla bai dUr+ya'i 'od de'i mtshan dang / sngon gyi smon lam gyi khyad par rgyas pa'i mdo 'di 'dzin pa de dag dus ma lags par 'gum par mi 'gyur/ sus kyang mdangs 'phrog par mi nus te/ phrogs na yang slar 'phrogs par 'gyur ro// bcom ldan 'das kyis bka' stsal pa/ 'jam dpal de de bzhin te/ ji skad smras pa bzhin no// 'jam dpal dad pa'i rigs kyi bu'am/ rigs kyi bu mo gang dag de bzhin gshegs pa de la mchod pa byed pa de dag gis de bzhin gshegs pa de'i sku gzugs bya/ nyin zhag bdun du 'phags pa'i yan lag brgyad dang ldan pa'i bsnyen gnas la nye bar gnas par bya/ kha zas gtsang ma bza' zhing lus legs par bkrus te gos bzang po dri ma med pa bgo zhing phyogs gtsang mar me tog sna tshogs sil ma bkram pa/ spos sna tshogs kyis bdug/ pa/ ras dang / gdugs dang rgyal mtshan sna tshogs kyis legs par brgyan pa'i sa phyogs su dri ma med pa'i sems dang / rnyog pa med pa'i sems dang / gnod sems med pa'i sems dang / byams pa'i sems dang / btang snyoms kyi sems dang / mnyam pa'i sems su bya/ rol mo'i sgra dang / sil snyan dang / glu dbyangs blang zhing de bzhin gshegs pa'i sku gzugs de la bskor bar byas te/ de'i sngon gyi smon lam yang yid la bya zhing mdo sde 'di yang bstan na gang bsam pa dang / gang smon pa'i bsam pa de thams cad yongs su rdzogs par 'gyur te/ gal te tshe ring bar smon na ni tshe ring por 'gyur ro/ / gal te longs spyod dang ldan par smon na ni longs spyod 'byor par 'gyur ro// gal te dbang phyug dang ldan par smon na ni tshegs chung ngus rnyed par 'gyur ro// gal te bu 'dod na ni bu rnyed par 'gyur ro// gang dag sdig pa can gyi rmi lam rmis sam/ gang du bya khA ta dang/ ltas ngan pa mthong ngam/ gnas gang du bkra mi shis pa brgya dag gnas par gyur pa la gang dag bcom ldan 'das de bzhin gshegs pa sman gyi bla bai dUr+ya'i 'od de la mchod pa rnam pa sna tshogs kyis bkur sti byed na rmi lam ngan pa dang / ltas ngan pa dang / bkra mi shis pa'i dngos po thams cad mthong bar mi 'gyur ro// gang dag mes 'jigs pa dang / chus 'jigs pa dang / mtshon gyis 'jigs pa dang / dug gis 'jigs pa dang / g.yang sas 'jigs pa dang / glang po che gtum pos 'jigs pa dang / seng ges 'jigs pa dang / stag gis 'jigs pa dang / do ma dang dred dang / sbrul gdug pas 'jigs pa dang / sbrul dang sdig pa dang / rkang pag brgya pas 'jigs pa de dag gis de bzhin gshegs pa de la mchod pa byas na 'jigs pa thams cad las yongs su thar bar 'gyur ro/ / gang dag pha rol gyi dmag tshogs kyis 'jigs pa dang / rkun pos 'jigs pa dang / chom pos 'jigs pa de dag gis kyang de bzhin gshegs pa de la mchod pa bya'o// 'jam dpal gzhan yang dad pa'i rigs kyi bu'am rigs kyi bu mo gang dag ji srid 'tshe'i bar du dkon mchog gsum la skyabs su 'dzin cing lha gzhan mi 'dzin pa dang / gang dag yang bslab pa'i gzhi lnga po dag 'dzin pa dang / gang dag bslab pa'i gzhi bcu po dag 'dzin pa dang / gang dag byang chub sems dpa'i sdom pa bslab pa'i gzhi bzhi bcu po dag 'dzin pa dang / khyim gyi gnas nas 'byung po'i dge slong gang dag bslab pa'i gzhi nyis brgya lnga bcu po dag 'dzin pa dang / dge slong ma gang dag bslab pa'i gzhi lnga brgya po dag 'dzin pa dang / gang dag ji ltar yongs su bzung ba'i bslab pa'i sdom pa de dag gi nang nas bslab pa'i gzhi gang yang rung bzhig las nyams par gyur te/ ngan 'gro na song gis 'jigs skrag pa gang dag bcom ldan 'das de bzhin gshegs pa sman gyi bla bai dUr+ya'i 'od de la mchod pa rnam pa sna tshogs byed na de dag la ngan song gsum gyi sdug bsngal med par shes par bya'o/ / bud med gang la la bu btsal ba'i dus na sdug bsngal ma rungs pa drag po mi bzad pa myong ba des bcom ldan 'das de bzhin gshegs pa sman gyi bla bai dUr+ya'i 'od de la mchod na de myur du yongs su thar par 'gyur/ bu yang yan lag yongs su tshang bar btsa' zhing gzugs bzang ba dang / mdzes pa dang lta na sdug pa dang / dbang po rno ba dang blo dang ldan pa dang / nad med cing gnod pa nang bar 'gyur ro// de la mi ma yin pas mdangs 'phrog par mi nus so// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo gang gi phyir nga bcom ldan 'das de bzhin gshegs pa sman gyi bla bai dUr+ya'i 'od de'i yon tan brjod par khyod dang dam yid ches sam/ yang na khyed sangs rgyas kyi spyod yul zab mo 'di la yid gnyis sam/ som nye 'am/ the tsom za ba med dam/ de skad ces bka' stsal pa dang / de nas bcom ldan 'das la tshe dang ldan pa kun dga' bos 'di skad ces gsol to/ / btsun pa bcom ldan 'das bdag de bzhin gshegs pas gsungs pa'i chos rnams la yid gnyis sam/ som nyi 'am/ the tshom 'tshal ba ma mchis so/ de ci'i slad du zhe na/ de bzhin gshegs pa rnams la su dang / gsung dang / thugs kyi kun du spyod pa yongs su ma dag pa mi mnga' ba'i slad du'o// bcom ldan 'das gdugs dang / dgung zla 'di ltar rdzu 'phrul che zhing 'di ltar mthu che 'di gnyis ni dogs la ltung yang gda'/ ri'i rgyal po ri rab ni gnas nas 'pho yang gda'i/ sangs rgyas rnams kyi bka' ni gzhan du mi 'gyur lags so// btsun pa bcom ldan 'das de lta lags kyis kyang sems can dad pa'i dbang po dang bral ba dag mchis te/ sangs rgyas rnams kyi sangs rgyas kyi spyod yul 'di thos nas/ de dag 'di snyam du sems par 'gyur te/ de bzhin gshegs pa de'i mtshan ni dran pa tsam gyis ji ltar shin du yon tan dang phan yon du 'gyur snyam nas de dag mi dad cing yid mi ches te spong bas yun ring por gnod pa dang / mi sman pa dang / mi bde ba dang / log par ltung bar 'gyur ro// bcom ldan 'das kyis bka' stsal pa kun dga' bo de bzhin gshegs pa de'i mtshan su'i rna lam du grag par gyur pa de ngan 'gro ngan song du 'gro bar 'gyur ba ni gnas med de go skabs ma yin no/ / kun dga' bo sangs rgyas rnams kyi sangs rgyas kyi spyod yul ni yid ches par dka' ba'o// kun dga' bo khyod dad cing yid ches pa gang yin pa de ni de bzhin gshegs pa'i mthu yin par blta'o/ / byang chub sems dpa' sems dpa' chen po skye ba gcig gis thogs pa rnams ma gtogs par 'di ni nyan thos dang rang sangs rgyas thams cad kyis ma yin no// kun dga' bo mor 'gyur ba rnyed pa ni rnyed par dka'o// dkon mchog gsum la dad cing gus pa yang rnyed par dka'o// de bzhin gshegs pa de'i mtshan thos par yang rnyed par shin du dka'o// kun dga' bo bcom ldan 'das de bzhin gshegs pa sman gyi bla bai dUr+ya'i 'od de'i byang chub sems dpa'i spyod pa ni tshad med do/ / thabs la mkhas pa yang tshad med do// smon lam gyi khyad par rgyas pa yang tshad med do// de de bzhin gshegs pa de'i byang chub sems dpa'i spyod pa bskal pa 'am skal pa las lhag par rgya cher yang dag par bshad par 'dod kyang bskal pa zad par 'gyur gyi/ bcom ldan 'das de bzhin gshegs pa sman gyi bla bai dUr+ya'i 'od de'i sngon gyi smon lam gyi khyad par rgyas pa'i mtha' rtogs pa ni mi 'gyur ro// / yang de'i tshe 'khor de'i nang nas byang chub sems dpa' sems dpa' chen po skyabs grol zhes bya ba stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas bcom ldan 'das la 'di skad ces gsol to/ / btsun pa bcom ldan 'das slad ma'i tshe slad ma'i dus na/ sems can bron sna tshogs kyis yongs su gzir te/ yun ring po'i bri nad kyis lus kyi shabs shing bkres pa dang skom pas gre ba dang mchu ni skams/ 'gum pa la ni mngon du phyogs/ mdza' bshes dang nye du dang / snag gi gnyen mtshams du ba rnams kyis ni bskor/ phyogs rnams ni mun par mthong / gshin rje'i mi rnams kyis ni drangs te/ de'i lus 'di na nyal yang rnam par shes pa chos kyi rgyal po gshin rje'i mdun du khrid cing / mi de dang lhan cig skyes pa'i lha slad bzhin 'brang ba gang lags pa des ni des dge ba dang / mi dge ba bgyis pa de thams cad legs par yi ger bris nas chos kyi rgyal po gshin rje la phul ba dang / chos kyi rgyal po gshin rjes de la dris shing brtags nas dge ba'am mi dge ba ji ltar bgyis pa de bzhin du bsgo ba la gang dag nad pa de'i don du bcom ldan 'das de bzhin gshegs pa sman gyi bla bai dUr+ya'i 'od de la skyabs su mchi zhing 'di 'dra ba'i sbyor bas mchod pa bgyi ngan de'i rnam par shes pa slar ldog cing rmi lam rmis pa bzhin du bdag nyid kyis 'tshal ba'i gnas der mchis te/ yang na ni gdugs bdun/ yang na ni gdugs nyi shu rtsa gcig/ yang na ni gdugs sum bcu rtsa lnga/ yang na ni gdugs bzhi bcu rtsa dgu la de'i rnam par shes pa slar ldog cing dran pa rnyed la/ de dge ba dang mi dge ba'i las kyi rnam par smin pa bdag nyid kyi mngon sum du 'gyur te srog gi slad du yang sdig pa'i las mi bgyid do/ / de lta lags pas dad pa'i rigs kyi bu 'am rigs kyi bu mos de bzhin gshegs pa de la mchod par bgyi'o// de nas tshe dang ldan pa kun dga' bos byang chub sems dpa' skyabs grol la 'di skad ces smras so/ / rigs kyi bu bcom ldan 'das de bzhin gshegs pa sman gyi bla bai dUr+ya'i 'od de la ji ltar mchod par bya/ byang chub sems dpa' skyabs grol gyis smras pa/ btsun pa kun dga' bo gang dag nad chen po las yongs su thar bar 'dod pa de dag gis nad chen po de'i don du nyin bdun mtshan bdun du yan lag brgyad dang ldan pa'i gso sbyong gi sdom pa blang bar bya'o/ / dge slong gi dge 'dun la zas dang skom rnams dang yo byad thams cad kyis ci nus su mchod pa dang rim gro bya'o/ / nyin lan gsum mtshan lan gsum du bcom ldan 'das de bzhin gshegs pa sman gyi bla bai dUr+ya'i 'od de'i mtshan yid la bya'o// mdo 'di la na sa zhibacu rtsa dgu gdon par bya'o// zhag bzhi bcu rtsa dgur mar me bud par bya'o/ / sku gzugs bdun bya'o// sku gzugs re re'i spyan sngar yang mar me bdun bdun gzhag go/ mar me re re'i tshad kyang shing rta'i 'phang lo tsam du byas te/ ci nas kyang zhag bzhi bcu rtsa dgur mar me mi zad par bya'o/ / tshon sna lnga'i ba dan bzhi bcu rtsa dgu las lhag par bya'o// btsun pa kun dga' bo gzhan yang rgyal po rgyal rigs spyi bo nas dbang bskur ba rnams la nad kyis gnod pa'am/ rang gi dmag tshegs sam/ pha rol gyi dmag tshogs kyi gnod pa'am/ rgyu skar gyi gnod pa'am/ gza' zla ba'i gnod pa'am/ gza' nyi ma'i gnod pa'am/ dus ma yin pa'i rlung dang / char gyi gnod pa'am/ than pa'i gnod pa yang rung ste/ gnod pa dang nad 'go ba dang / 'khrug pa zhig nye bar gnas par gyur na rgyal po rgyal rigs spyi bo nas dbang bskur ba des sems can thams cad la byams pa'i sems su bya/ brtson du gzung ba rnams btang bar bya zhing gong du smos pa bzhin du bcom ldan 'das de bzhin gshegs pa sman gyi bla bai dUr+ya'i 'od de la de lta bur mchod pa byas na rgyal po rgyal rigs spyi bo nas dbang bskur ba de'i dge ba'i rtsa ba de dang / bcom ldan 'das de bzhin gshegs pa sman gyi bla bai dUr+ya'i 'od de'i sngon gyi smon lam gyi khyad par gyis yul bde ba dang / lo legs par 'gyur/ rlung dang char dus su ldang zhing me tog 'grub par 'gyur/ yul de na gnas pa'i sems can thams cad kyang nad med pa dang / bde ba dang / mchog tu dga' ba mang bar 'gyur ro// yul der gnod sbyin dang srin po dang / 'byung po dang / sha za ma rungs pas sems can rnams la gtse bar mi 'gyur ro// ltas ngan pa thams cad mthong bar mi 'gyur ro// rgyal po rgyal rigs spyi bo nas dbang bskur ba de'i tshe dang / mdog dang / stobs dang nad med pa dang / dbang phyug rnams mngon par 'phel bar 'gyur ro// de nas tshe dang ldan pa kun dga' bos byang chub sems dpa' skyabs grol la 'di skad ces smras so// rigs kyi bu ji ltar na tshe yongs su zad nas yang mngon par skye byang chub sems dpa' skyabs grol gyis smras pa/ btsun pa kun dga' bo dus ma yin par 'chi ba dgu yod par khyod kyis de bzhin gshegs pa las ma thos sam/ de'i phyir sngags dang sman gyi sbyor bar rnams bstan to// sems can nad kyis btab la de nad tshabs mi ches kyang sman dang rim gro byed pa dang mi ldan nam/ yang na sman pa sman ma yin pa byed pa yang yod de/ 'di ni dus ma yin par 'chi ba dang po'o// dus ma yin par 'chi ba gnyis pa ni/ gang dag rgyal po'i chad pas 'chi ba'i dus byed pa'o/ / dus ma yin par 'chi ba gsum pa ni gang dag ha cang bag med de bag med par gnas pa de dag la mis yin bdag gis mdangs 'phrog pa'o// dus ma yin par 'chi ba bzhi pa ni gang dag mes tshig ste/ 'chi ba'i dus byed pa'o/ / dus ma yin par 'chi ba lnga pa ni gang dag chus 'chi ba'o// dus ma yin par 'chi ba drug pa ni gang dag seng ge dang / stag dang wa dang / sbrul dang / gcan zan khro bo'i nang du chud de 'chi ba'o// dus ma yin par 'chi ba bdun pa ni gang dag ri kha nas g.yang du lhung ba'o/ / dus ma yin par 'chi ba brgyad pa ni gang dag dug dang / byad dang / ro langs kyi sbyor bas gsod pa'o// dus ma yin par 'chi ba dgu pa ni gang dag zas dang skom ma rnyed nas dkris pa dang / skom pas nyen te 'chi ba'i dus byed pa'o/ / mdor na 'di dag ni de bzhin gshegs pas dus ma yin par 'chi ba chen por bstan pa ste/ gzhan yang dus ma yin par 'chi ba ni grangs med dpag tu med do// de nas 'khor der gnod sbyin gyi sde dpon chen po bcu gnyis 'dus par gyur te/ gnod sbyin gyi sde dpon chen po ji 'jigs dang / gnod sbyin gyi sde dpon chen po rdo rje dang / gnod sbyin gyi sde dpon chen po rgyan 'dzin dang / gnod sbyin gyi sde dpon chen po gza' 'dzin dang / gnod sbyin gyi sde dpon chen po rlung dang / gnod sbyin gyi sde dpon chen po gnas bcas dang / gnod sprin gyi sde dpon chen po dbang 'dzin dang / gnod sprin gyi sde dpon chen po btung 'dzin dang / gnod sbrani gyi sde dpon chen po sma 'dzin dang / gnod sbyin gyi sde dpon chen po bsam 'dzin dang / gnod sbyin gyi sde dpon chen po g.yo ba 'dzin dang / gnod sbyin gyi sde dpon chen po rdzogs byed de/ gnod srin gyi sde dpon chen po bcu gnyis po de dag go/ gnod sbyin gyi sde dpon chen po re re la yang g.yog gnod sbyin bdun 'bum bdun 'bum yod pa ste/ de dag gis tshig gcig tu bcom ldan 'das la 'di skad ces gsol to// sangs rgyas kyi mthus bdag cag gis bcom ldan 'das de bzhin gshegs pa sman gyi bla bai dUr+ya'i 'od de'i mtshan pos te/ bdag cag la yang ngan 'gror 'chi ba'i 'jigs pa 'byung bar mi 'gyur ro/ / des na bdag cag lhan cig tu mthun par ji srid 'tsho'i bar du sangs rgyas la skyabs su mchi'o// chos la skyabs su mchi'o// dge 'dun la skyabs su mchi'o// sems can thams cad kyi don dang sman pa dang bde ba'i slad du spro bar bgyi'o/ / bye brag tu ni grong ngam grong khyer ram/ grong rdal lam dgon pa'i gnas gang na mdo sde 'di spyod pa dang / gang bcom ldan 'das de bzhin gshegs pa sman gyi zla bai dUr+ya'i 'od de'i mtshan 'chang ba dang / mchod pa dang / rim gro bgyid pa'i sems can de dag la bdag cag gis bsrung bar bgyi/ yongs su bskyang bar bgyi/ gnod pa thams cad las yongs su thar bar bgyi/ bsam pa thams cad yongs su rdzogs par bgyi'o// de nas bcom ldan 'das kyis gnod sbyin gyi sde dpon chen po de dag la legs so zhes bya ba byin te// gnod sbyin gyi sde dpon chen po dag gang gi phyir khyed bcom ldan 'das de bzhin gshegs pa sman gyi bla bai dUr+ya'i 'od de la byas pa gzo zhing rjes su dran la sems can thams cad la phan pa'i phyir zhugs pa legs so legs so/ / de nas tshe dang ldan pa kun dga' bo stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la bde logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyira'i chos kyi rnam grangs 'di de bzhin gshegs pa sman gyi bla bai dUr+ya'i 'od kyi sngon gyi smon lam gyi khyad par rgyas pa zhes bya bar zung shig/ byang chub sems dpa' lag na rdo rjes dam bcas pa zhes bya bar yang zung shig/ las kyi sgrib pa thams cad rnam par sbyong zhing re ba thams cad yongs su bskor ba zhes bya bar yang zung shig/ gnod sbyin gyi sde dpon chen po bcu gnyis kyis dam bcas pa zhes bya bar yang zung shig/ bcom ldan 'das kyis de skad ces bka' stsal nas/ 'jam dpal gzhon nur gyur pa dang / byang chub sems dpa' de dag dang / gsang ba pa'i bdag po lag na rdo rje dang / thams cad dang ldan pa'i 'khor de dag dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ / 'phags pa bcom ldan 'das sman gyi bla bai dUr+ya'i 'od kyi sngon gyi smon lam gyi khyad par rgyas pa zhes bya ba theg pa chen po'i mdo rdzogs s+ho// rgya gar gyi mkhan po dzi na mi tra dang / dA nA shI la dang / 'a chen gyi lo ts+tsha ba ban de ye shes sde la sogs pas bsgyur cing zhus te/ skad gsar chad kyis kyang bcos nas gtan la phab pa// rgya gar skad du/ Ar+ya ta thA ga ta bai DUr+ya pra b+ha nAm ba la d+ha na sam+ba n+ti d+hA ra Ni/ bod skad du/ 'phags