| བོད་ཡིག | e-texts produced with BDRC’s OCR application |
#/ rgya gar skad du/ Ar+ya lo ha dur+d+ha na ma d+hA ra Ni/ bod skad du/ 'phags pa lcags mchu zhes bya ba'i gzungs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul ma ga d+ha na rgyu zhing / a mra'i tshal du gshegs te byon nas/ a mra'i tshal du lus 'phags ri'i dbang po'i zag phug na bzhugs so// de nas lha'i dbang po brgya byin gyis bcom ldan 'das ga la ba der song ste phyin nas/ ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig 'dug nas lha'i dbang po brgya byin gyis bcom ldan 'das la 'di skad ces gsol to// bcom ldan 'das lha ma yin dang / mi rnams ni bstan pa la gnod pa bgyid pa ste/ bcom ldan 'das lha ma yin dang / mi 'khor du ma gtogs pa'i bstan pa la yun ring bar gnod pa'i phyir rgol ba'i dgra lags na/ de la bcom ldan 'das kyis zhi bas mi 'dul na/ bdag la drag pos 'dul ba'i chos bstan du gsol/ theg pa'i chos dgra srung du gsol// de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to// lha'i dbang po khyod kyis thams cad la mi 'jigs pa sbyin pa'i lcags mchu'i gzungs ma rungs pa 'joms pa/ don thams cad byed pa/ dam pa'i chos bsrung ba/ 'jigs pa thams cad rab tu zhi bar byed pa/ nad thams cad rab tu zhi bar byed pa/ dug thams cad 'jil ba/ mtshon thams cad rengs par byed pa/ theg pa'i chos dgra srung ba/ rkang med pa dang / rkang gnyis dang / rkang bzhi thams cad rengs par byed pa/ rkang gnyis thams cad skrag tu 'jug pa dgra thams cad phung bar byed pa/ lha ma yin dang / nam mkha' lding dang / sbyin byed ma'i bu dang / sha za dang / brjed byed dang / smye byed dang / bram ze dang / srin po dang / 'byung po dang / ro langs dang / bya'i gdon dang / srul po dang / nam gru dang / gnon po'i gdon dang / gnon po dang / brjed byed kyi gdon dang / lha'i gdon dang / klu'i gdon dang / gnod sbyin gyi gdon dang / dri za'i gdon dang / mi 'am ci'i gdon dang / log 'dren gyi gdon dang / ma mo'i gdon bung bar byed pa/ zas kyi rigs mi mthun pa za ba phung bar byed pa/ rims nad thams cad dang / rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa dang / 'gro ba drag shul du spyod pa phung bar byed pa/ 'thab pa dang / rtsod pa dang / 'tshang 'bru ba thams cad rab tu zhi bar byed pa lcags kyi mchu'i gzungs/ nam mkha' lding drag po'i gzungs 'di zungs shig/ bstan pa la gnod pa skrag par byed pa/ char drag po dang / ser ba drag po 'bebs par byed pa'i gzungs brjod par bya'o// tad+ya thA/ e ta me te/ pra me ti tra/ go le bo le bos se/ mod te/ bad te/ khA ra ne gA na gA ne/ nA ga pu ga na/ me ne pra ti mo ne/ kA li pra ka li tsan te/ ma hA tsan te na pra ti tsan te/ be ge son/ gon mo hA/ pra mo ha/ mahA moT/ pra mo TA/ na shA ni/ pU na sha na d+he pa ni/ ba la ga Ni pra ba la gA Ni nir d+ha ni be ned thA ni/ kro d+ha ni thid kro d+ha ni/ ha na ha na/ bi ha na bi ha na/ sarba duSh+Ta pra duSh+TAn/ na sha ya sarba a b+ha yi pra de hU~M phaT// sngags 'di brjod pa tsam gyis phyogs kun tu/ g.yos// rab tu g.yos/ 'gul rab tu 'gul lo// gnod pa thams cad 'brub tu brgyal lo// ske tshe dang yungs nag tu bsres la/ chu bo dang / rgya mtsho dang / ri bor gtor ro// de phyin chad char 'bebs par byed do// yang chu bo dang / rgya mtsho dang / rdzing bu lu ma/ 'bab chu/ mnyan dgur bu ram/ sbrang shing dngar sha kar k+Sha sman sna tshogs 'o ma la bsngags la gtor ro// de'i phyir ser ba chen po 'bebs so// yid bzlos bgyis te sprin la lhas la phyag bya zhing bzlas na/ ji ltar 'dod ba'i ser ba chen po 'bab par 'gyur ro// shes rab can gyis 'phags pa lcags mchu'i gzungs 'di zungs shig/ chongs shig/ brjod cig/ gzhan la ma spel cig spos shig/ thun mong du min no// rgya mtsho'i chu rdo bzhin mi mngon par spos shig/ gzhan gyis mi thub pa drag po'i gzungs 'dis/ 'thab pa 'am/ rtsod pa 'am/ 'gyed pa'am/ gang du 'gro yang rung ste/ thams cad rgyal bar 'gyur ro// rgyal mtshan gyi rtse mo la byang bu gzugs so// sngags pa rigs kyi bu 'am rigs kyi bu mo gang dang gang gis yang rtse gcig tu bya'o// dge slong ba dang / dge slong ma dang / dge tshul pa dang / dge tshul ma dang / dge bsnyen pa dang / dge bsnyen ma gang yang rung bas bstan pa la gnod pa bsrung ba'i phyir yid la zungs shig/ chongs shig/ de skad ces bcom ldan 'das kyis bka' stsal pa dang / lha'i dbang po dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa lcags mchu zhes bya ba'i gzungs rdzogs so// // zhus dag/